\id 1PE \h 1 PEDRO \toc2 1 PEDRO \toc1 1 PEDRO \mt1 1 San Pedro \c 1 \s1 Ti Pedroe ta stsꞌiba batel scarta ta stojol ti jchꞌunolajeletic ti buꞌyuc noꞌox tanijemique \p \v 1 Vuꞌun Pedroun, yajcholcꞌopun ti Jesucristoe, jaꞌ ti tacbilun yuꞌune. Ta jtsꞌiba batel ti jcarta liꞌe ta stojolic ti buchꞌutic mu xa teyuc nacalic ta slumalique, ti tanijemic batel ti tey ta Pontoe, ti tey ta Galaciae, ti tey ta Capadociae, ti tey ta Asiae, schiꞌuc ti tey ta Bitiniae. \v 2 Yuꞌun tꞌujbilic yuꞌun ti Jtotic Diose jech chac cꞌu chaꞌal snopoj onoꞌox stuc ta voꞌnee. Ta sventa ti Chꞌul Espíritue lecubtasbiloxuc yoꞌ jech ta xapasic ti cꞌusi ta scꞌan ti Diose, yoꞌ jech pocbil ta xacꞌotic ta sventa schꞌichꞌel ti Jesucristoe. Ichꞌic ep ti bendicione schiꞌuc ti jun avoꞌntonique. \s1 Ti cuxlejal ti jpatoj coꞌntontic yuꞌune \p \v 3 Laꞌ jlequil-cꞌopontic ti Dios ti jaꞌ stot ti Cajvaltic Jesucristoe, jaꞌ ta sventa ti mu noꞌox albajuc ti scꞌuxul yoꞌntone, laj svoqꞌuesotic ta achꞌ ta sventa ti icham ichaꞌcuxi ti Jesucristoe. Ti jech taje, jaꞌ spatobil coꞌntontic ti ta xquichꞌtic ti jcuxlejaltique. \v 4 Yuꞌun ta xacꞌ quichꞌtic ti jrextotic ti tey qꞌuejbil yuꞌun Dios ta vinajele, ti mu snaꞌ xcꞌaꞌe, ti mu snaꞌ xlaje, ti mu snaꞌ xnucultaj jech chac cꞌu chaꞌal ti nichime. \v 5 Yuꞌun ti jech achꞌunojic ti Diose, chabibiloxuc ta sventa ti smucꞌul stsatsale, yoꞌ jech ta xataic ti acoltaelic ti chapanbil xa yuꞌun ti ta xacꞌ ta ilel ta slajebal cꞌacꞌale. \p \v 6 Jech o xal un, ti voꞌoxuque xamuyubajic xa, acꞌo mi oy bu xuꞌ ta xcꞌot ta pasel jun chibuc cꞌacꞌal ti ep ta xavichꞌ avocolic ti mi jech ta scꞌan ti Diose. \v 7 Yuꞌun ti jech achꞌunojique, coꞌol sꞌelan oro ti tsots scꞌoplal ta xichꞌ pasel proval ta cꞌocꞌ yoꞌ jech ta xvinaj cꞌu sꞌelan. Mi xcuch yuꞌun cꞌocꞌ ti cꞌu sꞌelan achꞌunojique, jun yutsil. Jaꞌ mu sta ti oroe, yuꞌun snaꞌ xlaj. Cꞌalal jech ta xichꞌ pasel proval ti cꞌu sꞌelan achꞌunojique, xlocꞌ venta. Yuꞌun jun yutsil ichꞌbiloxuc ta mucꞌ ti cꞌalal ta xvul ta loqꞌuel ti Jesucristoe. \p \v 8 Ti voꞌoxuque cꞌux ta xavaꞌiic ti Jesucristoe acꞌo mi muꞌyuc to avilojic. Ti jech apatoj avoꞌntonic ta stojol ti cꞌalal muꞌyuc avilojique, jech o xal un, toj echꞌem noꞌox xamuyubajic. Mu stacꞌ aꞌyeluc cꞌusi xuꞌ ta xcaltic schiꞌuc ti jech xamuyubajique. \v 9 Yuꞌun xanaꞌic ti ta xataic ti ta xcol ti achꞌulelique. Jaꞌ smelol ti achꞌunojique. \p \v 10 Ti jꞌalcꞌopetic ta voꞌnee laj sjacꞌolanic, laj saꞌbeic cꞌusi smelol ti coltael ti ta scꞌuxul yoꞌnton laj yal ti Dios ti ta xacꞌboxuque. \v 11 Yuꞌun ti jꞌalcꞌopetique iꞌacꞌbat snaꞌic yuꞌun schꞌulel ti Cristoe ti ta onoꞌox xichꞌ svocol ti Cristoe, tsꞌacal to un ta xichꞌ ti slequilale. Jech o xal un, ti stuquique laj sjacꞌolanic, laj saꞌic ti Buchꞌu taje, ti cꞌusi ora ta xcꞌot ta pasel ti vaꞌi sꞌelan ta xꞌacꞌbat snaꞌic yuꞌun ti Chꞌul Espíritue. \v 12 Jech ti stuquique iꞌacꞌbat snaꞌic yuꞌun ti Diose, ti coltael ti ta svinajesique, maꞌuc yuꞌun ti stuquique. Jaꞌ cuꞌuntic. Avi tana une, laj xa avichꞌic albel ti lequil achꞌ cꞌop yuꞌun ti jcholcꞌopetic ti iꞌacꞌbat stsatsalic yuꞌun ti Chꞌul Espíritu ti liquem talel ta vinajele. Ti vaꞌi sꞌelan taje, ta scꞌan sqꞌuelic ox yaꞌiic ti chꞌul ángeletique. \s1 Laj yicꞌotic ta spasel lec ti Diose \p \v 13 Jech o xal un, nopic lec ti cꞌusi ta xapasique. Tunesic lec ti snopobil avuꞌunique. Pato o lec avoꞌntonic yuꞌun ti cꞌusi ta xaꞌacꞌbatic ta scꞌuxul yoꞌnton ti Dios ti cꞌalal ta xtal ti Jesucristoe. \v 14 Ti jech jchꞌunej mantal nichꞌnabiloxuque, mu me jechuc o acuxlejalic jech chac cꞌu chaꞌal ta voꞌne cꞌalal muꞌyuc to ox ta xavojtiquinic ti Diose. \v 15 Jaꞌuc me aqꞌuic ta qꞌuelel ti lec ti acuxlejalique. Yuꞌun ti Buchꞌu laj yicꞌoxuque jaꞌ Chꞌul Dios. \v 16 Yuꞌun ti chꞌul cꞌope jech ta xal: “Tucuc me avoꞌntonic, yuꞌun tucꞌ coꞌnton ti vuꞌune”, xi ti Diose. \p \v 17 Tot mi xavutic ti Dios ti mu jeltosuc ta xchapanotic ti cꞌu jꞌelantic ta jujun tale, jech o xal umbi, xiꞌtaic me ti cꞌu sjalil ti liꞌ cuxuloxuc ta sba banomile. \v 18 Yuꞌun ti Diose laj scoltaoxuc loqꞌuel talel ti mu xtun to ox ti acuxlejalic ti laj yacꞌboxuc comel ti amolmucꞌtotique. Ti stojol ti acoltaelique, xanaꞌic lec ti maꞌuc laj yichꞌ tojel ta oro ta plata ti snaꞌ xlaje. \v 19 Yuꞌun jaꞌ noꞌox laj yichꞌ tojel o ta yutsil schꞌul chꞌichꞌel ti Cristoe jech chac cꞌu chaꞌal jcot uni chij ti laj yichꞌ aqꞌuel ta matanal ti muꞌyuc yicꞌobale, ti muꞌyuc schopolale. \v 20 Yuꞌun jech onoꞌox nopbil scꞌoplal ti Cristoe ti cꞌalal muꞌyuc to ox meltsajem ti banomile. Jaꞌ noꞌox ti muꞌyuc xcꞌot ta pasel ta orae. Jaꞌ to laj yacꞌ sba ta ilel ti slajebtic xa batel ti cꞌacꞌale ti jaꞌ sventa alequilalique. \v 21 Jech o xal un, ta sventa ti Cristoe, achꞌunojic ti Dios ti laj xchaꞌcuxes ti cꞌalal ichame. Jaꞌ jech xtoc tey laj yacꞌ ta ichꞌel ta mucꞌ. Jech o xal ti voꞌoxuque jun avoꞌntonic achꞌunojic, amalaojic ti oy cꞌusi ta xaꞌacꞌbatic yuꞌun ti Diose. \p \v 22 Avi tana un, coltabiloxuc yuꞌun ti Chꞌul Espíritu ti jech achꞌunojic ti lequil achꞌ cꞌop ti jaꞌ melele. Jech o xal un, lecubtasbil avoꞌntonic yoꞌ jech cꞌux ta xavaꞌiic ta melel ti avermanotaque. Jaꞌ yuꞌun un, jaꞌ avabtelic ti cꞌux ta xavaꞌi abaiic ta sjunul avoꞌntonic, ta sjunul avipic. \v 23 Yuꞌun ti voꞌoxuque lavoqꞌuic ta achꞌ. Pero maꞌuc xa ta sventa ti atot ameꞌic ti snaꞌ xchame. Yuꞌun jaꞌ lavoqꞌuic ta achꞌ ta sventa ti scꞌop Diose, ti stalel cuxule, ti mu snaꞌ xlaj sbatel osile. \v 24 Yuꞌun jech ta xal ti chꞌul cꞌope: \q1 Scotol stsꞌunobal ti cristianoetique coꞌol sꞌelan momol. \q1 Scotol ti yutsil slequilalique coꞌol sꞌelan nich momol. \q1 Ti momole ta xtaqꞌuij. \q1 Ti sniche ta xlilij ta lum. \q1 \v 25 Yan ti scꞌop Cajvaltic Diose sbatel osil mu snaꞌ xlaj, \m xi tsꞌibabil. Ti cꞌop taje, jaꞌ ti colebal lequil achꞌ cꞌop ti laj avichꞌic albele. \c 2 \p \v 1 Jech o xal un, ictaic ti ep ta tos mulile, ti loꞌlavaneje, ti pacꞌtaejbaile, ti itꞌix oꞌntonale, schiꞌuc ti ep ta tos ti bolesej cꞌope. \v 2 Jech chac cꞌu chaꞌal ta scꞌan schuꞌ ti jvoqꞌuel olole, jechuc avoꞌntonic yuꞌun ti scꞌop Diose, yoꞌ jech ta xachꞌiic ta stael ti acoltaelique. \v 3 Yuꞌun laj xa avilic ti jun yutsil ti Cajvaltique. \s1 Coꞌol sꞌelan cuxul ton icꞌot ti Cristoe \p \v 4 Jaꞌ yuꞌun un, nopajanic ta stojol ti Cajvaltique ti coꞌol sꞌelan cuxul tone. Manchuc mi laj sjipic loqꞌuel ti cristianoetique, pero jaꞌ tꞌujbil ton yuꞌun ti Diose, ti itun yuꞌun ta jmeque. \v 5 Jaꞌ jech ti voꞌoxuc eque, ti coꞌol aꞌelanic ton ti cuxule, acꞌo abaic ta tunesel yuꞌun ti Diose, yoꞌ jech ta xacꞌotic ta schꞌul templo, ti jaꞌ tꞌujbiloxuc yoꞌ jech ta xacomic ta paleal yuꞌun ti Diose. Ta sventa ti Jesucristoe, ta xavaqꞌuic ti chꞌul matanal ti lec ta xil ti Diose. \v 6 Yuꞌun jech ta xal ti chꞌul cꞌop xtoque: \q1 Vuꞌun ta xcacꞌ jun ton ti sliqueb na ti tey ta jteclum Sione. \q1 Ti ton taje, tꞌujbil cuꞌun, ti jaꞌ tsots scꞌoplal ta xtun cuꞌune. \q1 Ti buchꞌu ta xchꞌun ti ton taje, mu sta ti xvulvun yoꞌnton ta xcome, \m xi ti Diose. \v 7 Ti voꞌoxuc ti jech achꞌunojic ti ton taje, ep ta xtun avuꞌunic. Yan ti buchꞌu mu xchꞌune, jech ta staic jech chac cꞌu chaꞌal ta xal ti chꞌul cꞌope: \q1 Ti ton ti laj stenic loqꞌuel ti jpasnaetique, jaꞌ icꞌot ta sliquebal schiquin ti nae, \m xi. \v 8 Jaꞌ jech xtoc, jech icꞌot ta pasel jech chac cꞌu chaꞌal ta xal ti chꞌul cꞌope: \q1 Jaꞌ jun jmac-acanil ton, jaꞌ jun jbalchꞌunvanej ton, \m xi. Ti buchꞌu ta sbosi ti yacanique, jaꞌ ta scoj ti mu xchꞌunic ti scꞌop Diose. Yuꞌun jech nopbil scꞌoplalic. \s1 Ti buchꞌu yuꞌuntac ti Diose \p \v 9 Ti voꞌoxuque jun tsꞌunubaloxuc ti tꞌujbiloxuque. Paleoxuc ti avacꞌoj abaic ta tunel yuꞌun ti Diose. Chꞌul jteclumoxuc xa. Yalab snichꞌnaboxuc xa ti Diose. Jaꞌ yuꞌun un, jaꞌ avabtelic ta xavalic ti cꞌusi lec ta spas ti Diose. Yuꞌun laj yicꞌoxuc xa loqꞌuel ti ta icꞌal osile, yuꞌun laꞌochic xa batel ti ta saquilal schꞌul lequilale. \v 10 Yuꞌun ti ta voꞌnee, maꞌuc to ox yalab snichꞌnaboxuc ti Diose. Avi tana un, yalab snichnaboxuc ti Diose. Ta voꞌne, muꞌyuc Buchꞌu laj xcꞌuxubinoxuc. Pero avi tana liꞌ une, cꞌuxubinbiloxuc xa yuꞌun ti Diose. \s1 Cuxianic ta spasel ti cꞌusi ta scꞌan ti Diose \p \v 11 Quermanotac, ti jech jꞌechꞌel-beoxuque, ti maꞌuc nacaloxuc ta alumalique, ta jcꞌanboxuc vocol. Mu me xavacꞌbe abaic ti cꞌusi ta scꞌan ti scꞌupijel avoꞌntonique ti jaꞌ ta scrontain sbaic schiꞌuc ti achꞌulelique. \v 12 Lecuc ajolic ta stojol ti cristianoetic ti buchꞌutic mu xojtiquinic ti Diose. Manchuc mi chopol ta xcꞌopoj ta atojolic avi tana liꞌe ti ta xalic ti chopoloxuque, pero ta xilic ti lec ti cꞌusi ta xapasique. Jech o xal un, tey ta xlequil-cꞌopojic ta stojol ti Dios ti cꞌalal ta sta scꞌacꞌal ti ta xꞌichꞌbat ti yeique. \p \v 13 Ta sventa ti Cajvaltique, chꞌunbeic smantal ti jꞌabteletic ti vaꞌanbilic yuꞌun ti cristianoetique, jaꞌ ti banquilal ajvalil ti más cajal yabtel yichꞌoje. \v 14 Jaꞌ jech xtoc, chꞌunbeic smantal ti jpasmantaletic ti jaꞌ vaꞌanbilic ta yacꞌbel castigo ti buchꞌu chopol cꞌusi ta spasique. Pero ta xichꞌ ta mucꞌ ti buchꞌu lec ti cꞌusi ta spasique. \v 15 Yuꞌun ti Diose ta scꞌan ti lecuc ti cꞌusi ta xapasique, yoꞌ jech ta stsꞌijtsajic avuꞌunic ti buchꞌutic bolinebique, ti muꞌyuc sbijilique. \p \v 16 Aqꞌuic ta ilel ti colemoxuc xae. Jaꞌ noꞌox un, mu xajoybinic ta spasel chopol ti jech colemoxuc xae. Acꞌo abaic ta tunel yuꞌun ti Diose. \v 17 Ichꞌic ta mucꞌ scotol ti cristianoetique. Cꞌuxubinic ti quermanotique. Xiꞌtaic ti Diose. Ichꞌic ta mucꞌ ti banquilal ajvalile. \s1 Cuchuc me ti vocole jech chac sꞌu chaꞌal ti Cristoe \p \v 18 Mosoviletic, chꞌunbeic smantal ti avajvalilique ta sjunuluc avoꞌntonic. Pero maꞌuc noꞌox ti buchꞌu oy slequil yoꞌntone, ti snaꞌ xcꞌuxubinvane. Jaꞌ jech xtoc, ichꞌic ta mucꞌ ti buchꞌu chopolique. \v 19 Yuꞌun lec xaꞌilatic yuꞌun ti Diose mi icuch avuꞌunic ti vocol ti jecheꞌ noꞌoxe, yuꞌun xanaꞌic ti ilbiloxuc yuꞌun ti Diose. \v 20 Yan ti mi oy cꞌusi chopol ta xapasique, jech o xal umbi, ta xavichꞌic castigo. Pero, ¿cꞌusi bal o ti jech atsꞌicoj ta smucꞌul avoꞌnton ti vocole? Pero ti mi jaꞌ ta xavichꞌ avocol ta spasel ti cꞌusi leque, mi ta smucꞌul avoꞌnton ta xcuch avuꞌun ti vocole, lec ta xil ta sba ta sat ti Diose. \v 21 Yuꞌun jaꞌ jech smelol laj staoxuc ta iqꞌuel ti Diose. Yuꞌun ti Cristoe laj yichꞌ svocol ta aventaic. Laj yacꞌ iluc ti cꞌu sꞌelan ta tsꞌacliele. \v 22 Ti stuque muꞌyuc laj sta jutebuc ti smule. Mi jaꞌuc oy buchꞌu laj sloꞌla. \v 23 Cꞌalal oy cꞌusi chopol iꞌalbate, mu ta iluc laj stacꞌ sutel. Cꞌalal ta xꞌacꞌbat yichꞌ ti svocole, muꞌyuc isibtasvan. Jaꞌ noꞌox laj scꞌuban sba ta stojol ti Diose ti stalel tucꞌ ta xchapanvane. \v 24 Ti Cristoe laj sbain ta sbecꞌtal stuc ti jmultic ti cꞌalal icham ta cruze, yoꞌ jech ta xijchamotic ta stojol ti mulile, yoꞌ jech lec ti jcuxlejaltique. Lacolic ta sventa ti iyayij ti stuque. \v 25 Ta voꞌne, coꞌol aꞌelanic jech chac cꞌu chaꞌal chꞌayemal chij laxanavic. Avi tana un, lasutic xa talel ta stojol ti Cristoe. Jaꞌ xa ta xchabioxuc jech chac cꞌu chaꞌal ti jqꞌuelchije, yuꞌun jaꞌ sbainoj ti achꞌulelique. \c 3 \s1 Cꞌu sꞌelan ta xcuxiic ti buchꞌutic nupul tsꞌacalique \p \v 1 Jaꞌ jech ti voꞌoxuque, ajnililetic, coꞌoluc me avoꞌntonic schiꞌuc ti amalalique. Yuꞌun mi oy jlom ti mu xchꞌun ti lequil achꞌ cꞌope, xuꞌ ta xlic xchꞌunic ta sventa ti oy cꞌusi lec ta xapasic ti voꞌoxuque. Mu xa ta epal cꞌopuc ta xlic xchꞌunic. \v 2 Cꞌalal ta xilic ti cꞌusi lec ta xapasique, jech ti stuquique ta xaꞌiic ti ichꞌbil ta mucꞌ avuꞌunique. \v 3 Mu jaꞌuc xanopic ti ta scꞌan ti alacꞌ sba ti apat axoconique, ti echꞌem stuset xa ti ajolique, ti cꞌupil sba ti acꞌuꞌique, ti lec yaniyoal ti acꞌobique. \v 4 Yuꞌun ti bu lec alacꞌ abaique, jaꞌ ti lecuc ti yutil avoꞌntonique ti mu snaꞌ xlaje. Jaꞌ lec ta qꞌuelel ti jun avoꞌntonique, ti muꞌyuc cꞌusi xanaꞌique. Jaꞌ tsots scꞌoplal ta sba ta sat ti Diose. \v 5 Yuꞌun ti ta voꞌnee jaꞌ jech yutsil ti lequil antsetique. Yuꞌun ti stuquique spatoj yoꞌntonic ta stojol ti Diose. Coꞌol yoꞌntonic schiꞌuc ti smalalique. \v 6 Jaꞌ jech iꞌechꞌ ti Sarae. Laj xchꞌunbe scꞌop ti Abrahame. Jech o xal un, laj yalbe: “Tot”, xut. Ti voꞌoxuque jech ta xataic taje ti mi ta xapasic ti cꞌusi leque, ti mi muꞌyuc xiꞌel ta xavaꞌiique. \p \v 7 Jaꞌ jech ti voꞌoxuc eque, malaliletic, aꞌyibeic me scꞌop ti avajnilique. Acꞌo yaꞌiic ti ichꞌbil ta mucꞌ avuꞌunique. Maꞌuc noꞌox ti jech cꞌunic ti antsetique, jaꞌ ti acꞌbil scuxlejalic ta sventa scꞌuxul yoꞌnton ti Diose jech chac cꞌu chaꞌal ti voꞌoxuque. Pasic me jech un, yoꞌ jech mu xmac ta be ti acꞌopic ta stojol ti Diose. \s1 Ti buchꞌutic ta xichꞌ svocolic ta spasel ti leque \p \v 8 Jaꞌ yuꞌun un, junuc avoꞌntonic cuxianic. Cꞌuxuc xavaꞌi abaic ta jujun tal. Lecuc xavil abaic yuꞌun avermano abaic xa. Nijano abaic. Oyuc me yutsilal avoꞌntonic. \v 9 Mu xapacbe abaic sutel ti buchꞌu chopol ta spasboxuque. Muꞌyuc cꞌusi chopol xavalbe ti buchꞌu oy cꞌusi chopol ta xalboxuque. Jaꞌ lec, cꞌanbo bendición ta stojol. Yuꞌun ti Diose laj xa yicꞌoxuc yoꞌ jech ta xavichꞌic ti bendicione. \v 10 Yuꞌun jech ta xal ti chꞌul cꞌope: \q1 Ti buchꞌu ta xcuxi yaꞌie, ti muꞌyuc cꞌusi snaꞌ ta xꞌechꞌ yuꞌun ti jujun cꞌacꞌale, \q1 acꞌo me yicta ti cꞌusi chopol ta xlocꞌ ta yee, \q1 ti mu me sjutan ti cꞌope. \q1 \v 11 Acꞌo me xchꞌac sba ta stojol ti cꞌusi chopole. \q1 Jaꞌ me acꞌo spas ti cꞌusi leque. \q1 Acꞌo suj sba ta spajesel ti cꞌope. \q1 \v 12 Yuꞌun ti Cajvaltique ta xchabi ti buchꞌutic lequique. \q1 Ta xaꞌibat ti scꞌopique. \q1 Pero ta xcrontainatic ti buchꞌu chopolique, \m xi ti tsꞌibabile. \p \v 13 Jech o xal un, ¿buchꞌu la chopol cꞌusi ta spasboxuc ti mi ta onoꞌox xapasic ti cꞌusi leque? \v 14 Acꞌo mi ta xavichꞌ avocolic ta sventa ti cꞌusi lec ta xapasique, pero xamuyubajic. Jaꞌ yuꞌun un, mu me buchꞌu xaxiꞌic yuꞌun. Mu me cꞌusi xal avoꞌntonic. \v 15 Ichꞌic me ta mucꞌ ti Cristoe. Acꞌo comuc ta yajval avoꞌntonic. Chapalucoxuc me lec yoꞌ jech xuꞌ avuꞌunic ta staqꞌuel cꞌalal ta xajacꞌbatic srazonal ti spatobil avoꞌntonique. Pero ichꞌvan nan me ta mucꞌ. Nijano me abaic. \v 16 Lecuc me ti cꞌusi ta xapasique, yoꞌ jech muꞌyuc cꞌusi xal avoꞌntonic, yoꞌ jech ta xqꞌuexav ti buchꞌutic ta xaschopol-cꞌoptaic ti jech lec ta xapasic ta sventa ti jchꞌunolajeloxuc yuꞌun ti Cristoe. \v 17 Jaꞌ lec ti mi ta xavichꞌ avocolic ta spasel ti cꞌusi leque ti mi jech ta scꞌan ti Diose. Yavil ti maꞌuc ta xavichꞌ avocolic ta spasel ti cꞌusi chopole. \p \v 18 Yuꞌun ti Cristoe jun noꞌox velta laj yichꞌ milel, laj yichꞌ svocol ta scoj ti jmultique. Ti stuque lec onoꞌox. Pero laj yichꞌ svocol ta scoj ti voꞌotic ti chopolotique, yoꞌ jech ta xijyicꞌotic batel ta stojol ti Diose. Icham sbecꞌtal cꞌalal ilocꞌ ti schꞌulele. Pero ichaꞌcuxi cꞌalal isut talel ti schꞌulele. \v 19 Ti schꞌulele bat yalbe yaꞌiic scolelic ti chꞌulelaletic ti buchꞌutic chucajtique. \v 20 Ti chꞌulelaletic taje, jaꞌ ti buchꞌutic laj stoy sbaic ta voꞌne cꞌalal cuxul to ox ti Noee, cꞌalal ti Diose sjunul yoꞌnton smalaoj ti acꞌo yicta sbaic ta spasel ti cꞌusi chopole, cꞌalal yacal ta smeltsan barco ti Noee. Yuꞌun oy noꞌox jayvoꞌuc icolic, vaxacvoꞌ ta scotol ti icolic yuꞌun ti nojel ta voꞌe. \v 21 Ti nojel ta voꞌ taje, jaꞌ ta xacꞌ ta naꞌel ti ichꞌ voꞌe, ti jaꞌ señail ta xijcole. Ti ichꞌ voꞌe maꞌuc ta sventa ta spoc ti jbecꞌtaltique. Yuꞌun jaꞌ noꞌox ta sventa ti acꞌo jcꞌanbetic ti acꞌo spoc jol coꞌntontic ti Diose. Jech ta xijcolotic ta sventa ti icham ichaꞌcuxi ti Jesucristoe. \v 22 Yuꞌun ti Cristoe muy xa batel ta vinajel. Tey xa oy ta sbatsꞌi cꞌob ti Diose. Yichꞌoj xa ta sventa ti ángeletique, ti jpasmantaletique, schiꞌuc ti buchꞌutic tsots xuꞌ yuꞌunique. \c 4 \s1 Acꞌo abaic ta tunel yuꞌun ti abijilic ti cꞌu sꞌelan laꞌacꞌbatic yuꞌun ti Diose \p \v 1 Ti Cristoe laj yichꞌ svocol ti sbecꞌtale. Jech o xal ti voꞌoxuc eque ta scꞌan ti junuc me avoꞌntonic ti cꞌalal ta xavichꞌ avocolique. Yuꞌun ti buchꞌu laj xa yichꞌ svocol ti sbecꞌtale, laj xa yicta ti mulile. \v 2 Yuꞌun ti cꞌu sjalil ta xacuxiic liꞌe, jaꞌ xa noꞌox pasic ti cꞌusi ta scꞌan ti Diose. Maꞌuc xavacꞌbe abaic ti cꞌusi ta scꞌan ti avoꞌntonique. \v 3 Yuꞌun ep laj xa apasolan talel ti cꞌusi chopole jech chac cꞌu chaꞌal ti buchꞌutic mu xojtiquinic ti Diose. Ti voꞌoxuc ta voꞌnee laj avacꞌbe abaic ti cꞌusi chopole, ti cꞌusi ta scꞌan avoꞌntonic noꞌoxe, ti yacubele, ti xavochlajetic ta spasel ti qꞌuine, ti mu bisbiluc layacubique, ti laj avichꞌic ta mucꞌ ti cꞌusi meltsanbil ta cꞌabale ti cꞌalal mu stacꞌ ichꞌel ta muqꞌue. \v 4 Jech o xal ti stuquique labal ta xaꞌiic ti mu xa bu ta xachiꞌinic ta spasel ti cꞌusi chopol ta spasique. Jech o xal un, chopol ta xcꞌopojic ta atojolic. \v 5 Pero ti stuquique ta onoꞌox xꞌichꞌbat yeic yuꞌun ti Buchꞌu xchapanoj xa sba ta xchapanel ti buchꞌu cuxajtic toe schiꞌuc ti buchꞌu chamemic xae. \v 6 Yuꞌun ti buchꞌu chamemique laj yichꞌic albel yaꞌiic ti lequil achꞌ cꞌope, yoꞌ jech ti schꞌulelique xuꞌ ta xcuxiic jech chac cꞌu chaꞌal cuxul ti Diose, manchuc mi laj xa yichꞌic chapanel liꞌ ta sba banomil jech chac cꞌu chaꞌal scotol ti cristianoetique. \p \v 7 Poꞌot xa sta yorail ta xlaj scotol ti cꞌusitic oye. Jech o xal ti voꞌoxuque bijanic me ti cꞌusi ta xapasique, yoꞌ jech xuꞌ avuꞌunic ta xataic ta cꞌoponel ti Dios ta melele. \v 8 Maꞌuc noꞌox jech yepal taje. Jaꞌ tsots scꞌoplal ti oyuc me ep scꞌuxul avoꞌntonic ta jujun tale. Yuꞌun ti buchꞌu oy scꞌuxul yoꞌntone, oy ep perdón yuꞌun. \v 9 Ti jujunoxuque ichꞌic me ta mucꞌ ti buchꞌutic ta xasvuꞌlanoxuque. Mu me vocoluc ta xavaꞌiic. \v 10 Ti jujunoxuque tunanic me yuꞌun ti yane, jaꞌ ti cꞌu sꞌelan acꞌbil ti abijilic yuꞌun ti Diose, yoꞌ jech lequil jꞌabteloxuc yuꞌun ti Diose ta sventa ti jech yalel toyol yacꞌojboxuc ti abijilique. \v 11 Mi oy buchꞌu ta xcꞌopoje, coꞌoluc me schiꞌuc ti scꞌop Diose. Jaꞌ jech xtoc mi oy buchꞌu ta xacꞌ sba ta tunele, acꞌo spas ta sjunul yip ti acꞌbil yuꞌun ti Diose. Scotol ti cꞌusi ta spasique, jaꞌuc me yichꞌel ta mucꞌ ti Dios ta sventa ti Jesucristoe. Ichꞌbiluc ta mucꞌ sbatel osil ti Diose. Acꞌo spas mantal sbatel osil. Jechuc. \s1 Ta xichꞌ svocolic ti jchꞌunolajeletique \p \v 12 Quermanotac, ti cꞌuxoxuc ta coꞌntone, mu me chꞌayaluc xcꞌot avoꞌntonic yuꞌun ti tsots lajeltsael ti ta xtal ta atojolique. \v 13 Yuꞌun ta scꞌan ti xamuyubajic noꞌox ti jech ta xavichꞌ avocolic jech chac cꞌu chaꞌal laj yichꞌ ti Cristoe, yoꞌ jech ti voꞌoxuc eque xamuyubajic xa ti cꞌalal ta xavilic ti jun yutsil ta xtale. \v 14 Mi ta sventa Cristo ta xavichꞌic chopol-cꞌoptaele, xamuyubajic noꞌox. Yuꞌun ti Chꞌul Espíritu yuꞌun ti Diose tey ta xcux yoꞌnton ta atojolic. Yan ti stuquique chopol ta xcꞌopojic ta stojol. Pero ti voꞌoxuque ta xavichꞌic ta mucꞌ. \v 15 Mi oy bu ta xavichꞌ avocolique, mu me jaꞌuc ta scoj ti milvaneje, ti elecꞌale, ti chopol cꞌusi ta xapasique, ti ta xaticꞌ abaic ti bu mu aventaicuque. \v 16 Yan mi oy buchꞌu ta xichꞌ svocol ta sventa ti jech sbiinoj jchꞌunolajele, mu me xqꞌuexav yuꞌun. Colaval, Dios, acꞌo yutic ti Diose. \p \v 17 Yuꞌun sta xa yorail ti lic svocolic ti ta xichꞌic tsitsel ti yalab snichꞌnabtac ti Diose. Ti mi jech lic xa quichꞌtic tsitsel ti voꞌotique, ¿cꞌu to van sꞌelan ta xcꞌot ta stojolic ti buchꞌutic mu xchꞌunbeic ti scꞌop Diose? \v 18 Mi ta to xichꞌ svocolic yoꞌ jech ta xcolic ti buchꞌutic lequique, ¿cꞌu to onoꞌox sꞌelan ta xcꞌot ta stojolic un chaꞌe ti buchꞌutic chopolique, ti jsaꞌmuliletique? \v 19 Jech o xal un, mi tscꞌan Dios ti ta xquichꞌtic ti vocole, cꞌuc chaꞌluc staojuc yav coꞌntontic ta spasel ti cꞌusi leque. Mu me xijchibaj. Cacꞌbetic ta scꞌob Dios ti jchꞌuleltic ti jaꞌ pasbil yuꞌune, yuꞌun jaꞌ tucꞌ yoꞌnton ti Diose. \c 5 \s1 Sbijubtasel ti jchꞌunolajeletique \p \v 1 Avi tana liꞌe, ta jcꞌan ta jbijubtas ti ancianoetic ti oy ta jujun tsobobbail avuꞌunique. Ti vuꞌune ancianoun ec jech chac cꞌu chaꞌal ti stuquique. Jaꞌ jech xtoc rextigoun ti cꞌu sꞌelan laj yichꞌ svocol ti Cristoe. Jaꞌ jech xtoc ta xquichꞌbe slequilal Dios jech chac cꞌu chaꞌal ti stuquique ti cꞌalal ta xvul ta loqꞌuel ta tsꞌacal toe. \v 2 Jechucoxuc me jech chac cꞌu chaꞌal jun lequil jqꞌuelchij ta sqꞌuelel schijtac Dios ti acꞌbiloxuc ta abaique. Pasic me ta sjunul avoꞌntonic jech chac cꞌu chaꞌal ta scꞌan ti Diose, mu me ta sujeluc, maꞌuc noꞌox ti oy ta avoꞌntonic ti taqꞌuin ta xacꞌanique. Pasic me ta sjunul avoꞌntonic ti avabtelique. \v 3 Yuꞌun ti chij ta xaqꞌuelique, mu me xanopic ti jaꞌ yajvaloxuque. Jaꞌ ta scꞌan ti ta xavaqꞌuic persa ta yaqꞌuel iluc ti cꞌusi lec ta pasel ta stojol ti chijetique. \v 4 Jaꞌ yuꞌun un, cꞌalal ta xvul ta loqꞌuel ti Banquilal jqꞌuelchije, jech ti voꞌoxuque jun yutsil amotonic ta xaꞌacꞌbatic ti mu xcoꞌolaj jech chac cꞌu chaꞌal ti xotbil nichim ti snaꞌ xtaqꞌuije. \p \v 5 Jaꞌ noꞌox jech ec, queremetic, chꞌunbeic smantal ti ancianoetic ti yichꞌoj yabtelic ta atojolique. Nijano me abaic ti jujunoxuque. Jmojuc me avoꞌntonic acotolic, yuꞌun jech ta xal ti chꞌul cꞌope: \q1 Ti Diose mu lecuc ta xil ti buchꞌu toyobbaique. \q1 Pero ta yutsil yoꞌnton ta scolta ti buchꞌu ta sbicꞌtajes sbaique, \m xi. \v 6 Nijano me abaic ta yolon yoc scꞌob ti mucꞌul Diose, yoꞌ jech ti stuque ta xayacꞌoxuc ta ichꞌel ta mucꞌ cꞌalal ta sta yoraile. \v 7 Ti jech xvulvun avoꞌntonique, acꞌbeic sventain ti Diose. Yuꞌun ti stuque oyoxuc ta yoꞌnton. \p \v 8 Bijanic me, vicꞌluc me ti asatique. Yuꞌun ti avajcrontaic pucuje coꞌol sꞌelan leon xꞌavet ta xanav ta saꞌel ti buchꞌu ta smil yaꞌie. \v 9 Ti jech jun avoꞌnton achꞌunojic ti Cajvaltique, crontainic me ti pucuje. Yuꞌun xanaꞌic ti buꞌyuc noꞌox oyic ti avermanoic ta sbejel banomile, ta xichꞌ svocolic jech chac cꞌu chaꞌal ti voꞌoxuque. \v 10 Pero tsꞌacal to un, mi echꞌ avuꞌunic ti cꞌu sjalil ti avocolique, jech ti Dios une ta slecubtasoxuc, ta xacꞌ jun avoꞌntonic, ta xacꞌboxuc alequilalic, ta xacꞌ avipic ta jbel scꞌoplal. Jaꞌ noꞌox Dios stuc ti ta xacꞌbotic scotol ti bendicione. Jaꞌ jech xtoc laj yicꞌotic yoꞌ ta jtabetic slequilal sbatel osil ta sventa ti junotic schiꞌuc ti Jesucristoe. \v 11 Ichꞌbiluc ta mucꞌ sbatel osil ti Diose. Acꞌo spas mantal sbatel osil. Jechuc. \s1 Ti slajeb chabanuque \p \v 12 Ta jcꞌoponoxuc jbel chaꞌbeluc ta carta liꞌe ta sventa ti quermano Silvanoe ti jun yoꞌnton quiloje. Yuꞌun ta jcꞌan ta jtsatsubtas avoꞌntonic, ta jcꞌan ta xcacꞌboxuc anaꞌic ti jaꞌ melel ti coltael ti laj avichꞌic ta sventa scꞌuxul yoꞌnton ti Diose. Junuc me avoꞌntonic yuꞌun taj une. \v 13 Ta stacboxuc talel chabanuc ti jchꞌunolajeletic ti oyic ta Babiloniae, jaꞌ ti buchꞌu tꞌujbilic yuꞌun ti Diose schiꞌuc ti Marcos ti coꞌol sꞌelan jnichꞌone. \v 14 Chabanuc xavalbe abaic ta jujun tal. Ta yutsiluc avoꞌntonic tsacbo aba acꞌobic yuꞌun avermano abaic. Junuc avoꞌntonic ti voꞌoxuc ti oyoxuc ta stojol ti Jesucristoe. Jechuc.