\id EPH \h EFESIOS \toc1 JAꞌ SCARTA PABLO LI LA STSꞌIBABE LI BUCHꞌUTIC YICHꞌOJIC TA MUCꞌ LI CAJVALTIC LI TE TA EFESOE \toc2 EFESIOS \toc3 Ef. \mt1 JAꞌ SCARTA PABLO LI LA STSꞌIBABE LI BUCHꞌUTIC YICHꞌOJIC TA MUCꞌ LI CAJVALTIC LI TE TA EFESOE \c 1 \p \v 1 Joꞌon Pabloun, joꞌon chcalbe li scꞌop li Jesucristoe yuꞌun jech la scꞌan li Diose. Chajcꞌoponic batel ta carta, joꞌoxuc li snichꞌnaboxuc Dios li te ta jteclum Efeso li jun avoꞌonic ta stojol li Jesucristoe. \v 2 Acꞌo yacꞌboxuc slequilal yutsilal li Jtotic Diose schiꞌuc li Cajvaltic Jesucristoe. Acꞌo spasboxuc ta jun avoꞌonic li jujunoxuque. \s1 Jaꞌ scꞌoplal ti quichꞌojbetic slequilal yutsilal li Cajvaltique \p \v 3 Acꞌo quichꞌtic ta mucꞌ li Dios yuꞌun li Cajvaltic Jesucristoe, jaꞌ li Stote, yuꞌun yacꞌojbutic xa scotol ti lequilal utsilal li te ta vinajele. Jaꞌ ta sventa Cristo ti laj yacꞌbutique. \v 4 Jaꞌ ti listꞌujutic li cꞌalal muꞌyuc toꞌox li vinajel balumile yoꞌ jech ta sventa Cristo muꞌyuc jmultic chijyilutic. \v 5-6 Yuꞌun snopoj onoꞌox ti chijꞌochutic ta snichꞌnab ta sventa li Jesucristoe yuꞌun cꞌuxutic ta yoꞌon li Diose. Jaꞌ yuꞌun ta slequil yoꞌon stuc ti snichꞌnabutic xae, yoꞌ jech acꞌo caltic ba li slequilal Dios ta sventa ti ta slequil noꞌox yoꞌon liscꞌuxubinutique, ti lec lijyilutic ta sventa li Snichꞌon ti toj cꞌux ta yoꞌone. \v 7 Acꞌo mi toj cꞌux ta yoꞌon li Snichꞌone, pero iyacꞌ ta milel ta jcojtic yuꞌun toj cꞌuxutic ta yoꞌon eꞌuc. Jaꞌ ta sventa li Snichꞌon ti colemutic xae, ti pasbilutic xa perton yuꞌun li jmultique. \v 8-9 Más ivinaj ti ta slequil noꞌox yoꞌon liscꞌuxubinutic li Diose yuꞌun iyacꞌ xa quiltic, iyacꞌ xa jnaꞌtic li cꞌusi snopoj ta voꞌone ti muc buchꞌu snaꞌe. \v 10 Jaꞌ ti snopoj ti jaꞌ chacꞌbe yichꞌ ta venta scotol li Snichꞌone, jech scotol chtuqꞌuib ta sventa li Nichꞌonile. \p \v 11-12 Joꞌoncutic li jꞌisraeluncutic ti jmalaojcutic onoꞌox chtal li Cristoe, jaꞌ ta sventa li Cristo ti snichꞌnabuncutic xa li Diose. Yuꞌun jech onoꞌox snopoj Dios ta voꞌone yoꞌ jech ta xꞌichꞌe ta mucꞌ ta jventacutic li Diose. \v 13 Jaꞌ noꞌox jech eꞌuc, joꞌoxuc li maꞌuc jꞌisraeloxuque, cꞌalal avaꞌiic ti jaꞌ chijcolutic ta sventa li Cristoe, achꞌunic ti jaꞌ Avajcoltavanejic eꞌuc li Cristoe. Jaꞌ ta sventa Cristo avichꞌic senyail ti snichꞌnaboxuc o li Diose. Li senyaile jaꞌ li Chꞌul Espíritu ti yaloj onoꞌox Dios ti chijyacꞌbutique. \v 14 Li Chꞌul Espíritu li quichꞌojtique jaꞌ svinajeb li cꞌusi yaloj onoꞌox Dios ti chcꞌot quichꞌtic ta vinajele. Jech ichꞌbil o ta mucꞌ cuꞌuntic li Diose. \s1 Jaꞌ scꞌoplal ti tscꞌan li Pablo ti acꞌo acꞌbatuc spꞌijilic li buchꞌutic yichꞌojic ta mucꞌ li Cajvaltique \p \v 15-16 Ta sventa ti icaꞌi ti lec avichꞌojic ta mucꞌ li Cajvaltic Jesuse, schiꞌuc ti cꞌux ta avoꞌonic scotol li buchꞌutic coꞌol oyutic ta scꞌob li Dios jchiꞌuctique li butic oyique, jaꞌ yuꞌun mu xlaj coꞌon yalbeel coliyal li Diose. Scotol cꞌacꞌal chajulic ta jol ta jcꞌopon Dios ta atojolic. \v 17 Ta jcꞌanbe li Dios yuꞌun li Cajvaltic Jesucristoe, jaꞌ li Stot li echꞌem slequil yoꞌone, ti acꞌo yacꞌboxuc apꞌijilic, jech más chavojtaquinic li cꞌu sba yoꞌon li Diose. Jaꞌ yuꞌun más ta xjul ta ajolic li cꞌusi ta scꞌane. \v 18 Ta jcꞌanbe nojtoc ti acꞌo yacꞌ apꞌijilic yoꞌ jech chanaꞌic o li cꞌusi chaꞌacꞌbatic ta vinajele yuꞌun laj xa yicꞌoxuc li Diose. Yuꞌun toj lec li cꞌusi chijyacꞌbutique yuꞌun coꞌol snichꞌnabutic xa. \v 19 Jech chanaꞌic o nojtoc ti echꞌem stsatsal li Dios li liꞌ ta xꞌabtej ta jtojoltic, joꞌotic li quichꞌojtic ta muqꞌue. \v 20 Yuꞌun cꞌalal la schaꞌcuxes loqꞌuel ta smuquenal li Cristoe, schiꞌuc ti iyacꞌ chotluc ta sbatsꞌicꞌob li te ta vinajele, jaꞌ ivinaj o ti oy schꞌultsatsal sjuꞌel li Diose. Jaꞌ noꞌox jech li avie echꞌem oy o sjuꞌel stsatsal. \v 21 Li avie jaꞌ más tsots yabtel li Cristoe, jaꞌ mu tsotsuc yabtel li chꞌul ángeletique. Yuꞌun li Cristoe jaꞌ iꞌacꞌbat yichꞌ ta venta yuꞌun Dios scotol li buchꞌutic tsots yabtelic liꞌ ta balumile, mi ajvaliletic, mi gobernadoretic, mi preserenteetic. Jaꞌ banquilal stuc li Cristoe. Stuc noꞌox ichꞌbil ta mucꞌ sbatel osil. \v 22 Jaꞌ iꞌacꞌbat yichꞌ ta venta scotol yuꞌun li Diose. Jaꞌ xa yichꞌojutic ta venta jcotoltic eꞌuc, joꞌotic li snichꞌnabutique. Jaꞌ jol coꞌontic li Cristoe yuꞌun jaꞌ chijyalbutic li cꞌusi tscꞌan ti ta jpastique. \v 23 Jech sbecꞌtalutic xa yaꞌel, jech quichꞌojbetic scotol li cꞌu sba slequil yutsil li Cristoe ti jaꞌ yichꞌoj ta venta scotole yuꞌun sbecꞌtalutic xa yaꞌel. \c 2 \s1 Jaꞌ scꞌoplal ti ta slequil noꞌox yoꞌon la scoltautic li Diose \p \v 1 Li Diose laj xa yacꞌ ti chacuxiique, joꞌoxuc li chamemoxuc toꞌox yilel ta scoj li cꞌustic chopol chapasique. \v 2 Yuꞌun ta voꞌonee jech la apasic jech chac cꞌu chaꞌal tspasic li buchꞌutic mu xichꞌic ta mucꞌ li Diose. Jaꞌ toꞌox la apasic li cꞌusi tscꞌan li buchꞌu ta spas mantal liꞌ ta balumile, jaꞌ li pucuje, ti jaꞌ tsocanbe yoꞌonic li buchꞌutic mu scꞌan xichꞌic ta mucꞌ li Diose. \v 3 Ta voꞌonee jaꞌ jech la jpastic jcotoltic. Jaꞌ noꞌox la jpastic li cꞌusi ijcꞌan jtuctique, schiꞌuc li cꞌusi ijnop jtuctique. Jaꞌ yuꞌun albil onoꞌox ti coꞌol chba quichꞌtic vocol yuꞌun Dios schiꞌuc scotol li buchꞌutic mu xichꞌic ta mucꞌ li Diose. \v 4-5 Pero ta sventa ti chcꞌuxubinvan li Diose yuꞌun toj cꞌuxutic ta yoꞌon, jaꞌ yuꞌun acꞌo mi chamemutic lijyil ta scoj li jmultique, pero la schaꞌcuxesutic yaꞌel li cꞌalal laj quichꞌtic ta mucꞌ li Cristoe. Jaꞌ yuꞌun ta slequil noꞌox yoꞌon Dios ti colemutic xae. \v 6 Jech chac cꞌu chaꞌal ichaꞌcuxi li Cristoe ti bat chotluc ta sbatsꞌicꞌob Dios li te ta vinajele, jaꞌ xa jechutic chaꞌi eꞌuc li Diose yuꞌun quichꞌojtic ta mucꞌ li Cristoe. \v 7 Ti jech la spase, yuꞌun tscꞌan chacꞌ quiltic sbatel osil ti toj cꞌuxutic o ta yoꞌon ta sventa li Jesucristoe. \v 8 Ta slequil noꞌox yoꞌon Dios ti colemoxuc xa yuꞌune, yuꞌun achꞌunic ti jaꞌ la scoltaoxuque. Muc bu xacolta aba atuquic. Ta amotonic noꞌox laj yacꞌboxuc li Diose. \v 9 Yuꞌun maꞌuc ta sventa cꞌusi ijpas jtuctic ti chijcolutique. Ti mi jventa jtuctique, naca me jtoy jbatic. \v 10 Jaꞌ yuꞌun stuc la sjeltabutic coꞌontic li Diose. Laj yacꞌbutic cachꞌtaleltic ta sventa li Jesucristoe ti jaꞌ acꞌo jpastic li cꞌustic leque. Yuꞌun jech onoꞌox snopoj Dios ta voꞌone ti jaꞌ ta jpastic li cꞌusi leque. \s1 Jaꞌ scꞌoplal ti jaꞌ ta sventa Cristo ti mu xa chopluc chquil jbatique yuꞌun jmoj oyutic \p \v 11 Naꞌic me li cꞌu abaic ta voꞌone, joꞌoxuc li maꞌuc jꞌisraeloxuque. Joꞌoncutic li jꞌisraeluncutique muc bu lec xaquilcutic yuꞌun muc bu avichꞌojic li circuncisione. Icalcutic ti joꞌoncutic más lecuncutic ta sventa ti quichꞌojcutic senyail ta jbecꞌtalcutique. \v 12 Naꞌic me ti muc bu avaꞌiojic mi oy Jcoltavanej yuꞌun partetic toꞌox oyutic. Schiꞌuc muc bu vinajem lec mi chacolic li joꞌoxuque. Jaꞌ noꞌox vinajem ti chijcolcutic, joꞌoncutic li jꞌisraeluncutique. Jech muc xanaꞌic mi chacolic yuꞌun mu toꞌox xavojtaquinic li Diose. \v 13 Pero li avie oyoxuc xa ta scꞌob li Jesucristoe. Avichꞌojic xa ta mucꞌ li Diose ta sventa ti achꞌunic eꞌuc ti iyacꞌ sba ta milel ta jcojtic li Jesucristoe. \v 14 Ta sventa Cristo ti coꞌol xa coꞌontique, jaꞌ yuꞌun jmojutic xa jcotoltic. Jaꞌ ta sventa Cristo ti mu xa chopluc ta xquil jbatique. \v 15 Yuꞌun cꞌalal icham ta cruz ta scoj jmultic jcotoltic li Cristoe, jaꞌ te ilaj o scꞌoplal li smantaltac Dios ti quichꞌojcutique. Lispasutic xa ta jchop, joꞌotic li chaꞌchoputic toꞌoxe. Jun xa noꞌox jlumaltic yaꞌel. Coꞌol xa tuqꞌuibem coꞌontic jech coꞌol xa coꞌontic. \v 16 Pero maꞌuc noꞌox coꞌol xa coꞌontic ta sventa ti ijchꞌuntic ti icham ta cruz ta jcojtic li Jesucristoe, coꞌol xa coꞌon jcotoltic jchiꞌuctic nojtoc li Diose yuꞌun lec xa chquil jba jchiꞌuctic. \p \v 17 Li Cristoe a yalbutic ti jaꞌ ta sventa ti lec chijyilutic li Dios jcotoltique. Lec chayilic, joꞌoxuc ti muc bu avichꞌojic onoꞌox ta mucꞌ li Diose. Lec chijyiluncutic eꞌuc, joꞌoncutic ti quichꞌojcutic ta mucꞌ ti calojcutique. \v 18 Jaꞌ ta sventa Cristo ti jcotoltic xa ta jtatic ta naꞌel li Jtotic Diose, yuꞌun jun noꞌox li Chꞌul Espíritu li quichꞌojtique. \v 19 Jech mu xa yanuticuc, jchiꞌil xa jbatic jcotoltic schiꞌuc scotol li yan snichꞌnabtac li Diose. \v 20 Jech jcotoltic snautic xa Dios yaꞌel. Li ton li más tsots scꞌoplale ti jaꞌ ta xꞌoch ta chiquin nae, jaꞌ li Jesucristoe. Li yoc na yaꞌele, joꞌoncutic ti yajtacbalaluncutic li Cajvaltique schiꞌuc li buchꞌutic ch‐acꞌbat snaꞌic yuꞌun Dios ti cꞌusi chalique. \v 21 Jaꞌ ta sventa Jesucristo ta smeltsaj li na yaꞌele yuꞌun xcholet chlic ochicuc talel li yan jchiꞌiltactique. Jech jcotoltic chijpas ta jpꞌej chꞌulna yaꞌel. \v 22 Li joꞌoxuque te xa capaloxuc eꞌuc yuꞌun oyoxuc xa ta scꞌob li Cristoe. Jech coꞌol snautic Dios yaꞌel jcotoltic ta sventa ti yacꞌojbutic ta coꞌontic li Chꞌul Espíritu ti junic noꞌox schiꞌuc li Diose. \c 3 \s1 Jaꞌ scꞌoplal ti jaꞌ yabtel Pablo chalbe scꞌop Dios li buchꞌutic maꞌuc jꞌisraeletique \p \v 1 Ta sventa ti albil xa chacolic eꞌuc, joꞌoxuc li maꞌuc jꞌisraeloxuque, jaꞌ yuꞌun liꞌ tiqꞌuilun o ta chuquel ta sventa ti laj calboxuque, joꞌon li Pabloune. Yuꞌun jech iscꞌan Jesucristo ti liꞌoch ta chuquele. \v 2 Avaꞌiojic nan ti ta slequil noꞌox yoꞌon ti laj yacꞌbun cabtel li Diose ti chacalbeic li scꞌope. \v 3 Laj xa jtsꞌibaboxuc batel jutuc liꞌ ta jcartae ti yacꞌojbun xa jnaꞌ Dios li cꞌusi snopoj ta voꞌone ti muc toꞌox buchꞌu snaꞌe. \v 4 Cꞌalal chaqꞌuelic li carta liꞌi, naꞌic me ti jaꞌ laj yacꞌbun jnaꞌ li Diose jaꞌ li cꞌusi muc onoꞌox bu vinajem ta voꞌone ti chacolic eꞌuc ta sventa li Cristoe. \v 5 Yuꞌun ta voꞌone muc buchꞌu iꞌacꞌbat snaꞌic, pero li avie laj yacꞌbun xa jnaꞌcutic li Chꞌul Espíritue, joꞌoncutic li yajtacbalaluncutic li Cajvaltique, ti chcalcutic li scꞌop li Cajvaltique. \v 6 Li cꞌusi snopoj li Dios ta voꞌone ti muc bu vinajeme, jaꞌ li scꞌoplal ti coꞌol chquichꞌtic cꞌuxubinele, joꞌoxuc li maꞌuc jꞌisraeloxuque. Jaꞌ yuꞌun coꞌolutic xa ta sventa li Cristoe. Coꞌol chijcolutic yuꞌun jchꞌunojtic ti jaꞌ Cajcoltavanejtic li Cristoe. \p \v 7 Joꞌon quichꞌoj cabtel ta xcal ti jaꞌ noꞌox chijcol ta sventa li Cajvaltique. Ta slequil noꞌox yoꞌon laj yacꞌbun cabtel li Diose, schiꞌuc ta slequil noꞌox yoꞌon laj yacꞌbun jtsatsal yoꞌ jech xuꞌ cuꞌun ta jpas li cabtele. \v 8 Li joꞌone mu cꞌu xitun o chcaꞌi, mu xicoꞌolaj jchiꞌuc li yan snichꞌnabtac li Diose, yuꞌun muc onoꞌox bu lecun. Pero li Diose ta slequil noꞌox yoꞌon laj yacꞌbun cabtel ti chitun ta atojolique, joꞌoxuc li maꞌuc jꞌisraeloxuque. Jaꞌ cabtel ti chacalbeic ti toj echꞌem slequil yoꞌon li Cristoe ti mu xa xlaj caltic o li slequil yoꞌone. \v 9 Jaꞌ cabtel ta xcalbe scotol crixchanoetic ti coꞌol xuꞌ chijcolutic jcotoltique. Jech onoꞌox snopoj ta voꞌone li Dios li la spas scotol li cꞌustic oye, pero muc buchꞌu snaꞌ. \v 10 Jech joꞌotic ta jventatic chilic li chꞌul ángeletic ti echꞌem schꞌulpꞌijil ti cꞌu sba isnop li Diose ti jmojutic xa yuꞌun jcotoltic, joꞌotic li quichꞌojtic ta mucꞌ li Cajvaltique, acꞌo mi mu jmojuc li cꞌu sba iꞌabtej ta jtojoltic li Diose. \v 11 Yuꞌun jech onoꞌox snopoj ta voꞌone li Diose ti ta xvinaj spꞌijil ta sventa ti jmojutic xa jcotoltic ta sventa li Cajvaltic Jesucristoe. \v 12 Jaꞌ ta sventa Cristo ti oy xa stsatsal coꞌontique, ti mu xa xijxiꞌ xijqꞌuexav ta stael ta naꞌel li Diose, yuꞌun jchꞌunojtic ti liscoltautic xa li Snichꞌone. \v 13 Jaꞌ yuꞌun ta jcꞌan ti mu me xchibaj avoꞌonic ti liꞌ chquichꞌ vocol ta sventa ti laj calboxuc li cꞌu sba chacolique. Yuꞌun jaꞌ sventa chacolic o sbatel osil. \s1 Jaꞌ scꞌoplal ti toj cꞌuxutic ta yoꞌon li Cristoe \p \v 14 Ta sventa ti albil xa chacolique jaꞌ yuꞌun ta jcꞌopon Dios ta atojolic. \v 15 Yuꞌun jaꞌ Jtotic jcotoltic jchiꞌuctic li buchꞌutic te xa oyic ta vinajele. \v 16 Ta sventa ti toj lec yoꞌon li Jtotique, jaꞌ yuꞌun ta jcꞌanbe ti acꞌo yacꞌboxuc más stsatsal avoꞌonic ta sventa li Chꞌul Espíritu li yacꞌojboxuque. \v 17-18 Jaꞌ yuꞌun chavacꞌbe sventain o avoꞌonic li Cristoe yuꞌun achꞌunojic ti jaꞌ cꞌuxoxuc ta yoꞌone. Yuꞌun mi sloqꞌuel coꞌontic jchꞌunojtic ti cꞌuxutic ta yoꞌone, jaꞌ chquiltic o ti toj cꞌuxutic ta yoꞌon li Cristoe. Yuꞌun toj echꞌem xa noꞌox cꞌuxutic ta yoꞌon, joꞌotic li snichꞌnabtacutic li Diose. \v 19 Mi avacꞌoj ta avoꞌonic ti toj cꞌuxoxuc ta yoꞌon li Cristoe, jaꞌ noj o ta avoꞌonic li cꞌustic leque jech chac cꞌu chaꞌal yoꞌon stuc li Diose. \p \v 20 Li Dios li ta xꞌabtej ta coꞌontique echꞌem schꞌultsatsal sjuꞌel. Jaꞌ yuꞌun más to xuꞌ tspas li cꞌusi ta jcꞌanbetique. Mu jtabetic yoꞌon Dios li cꞌu sba tsnope. Ta más to chacꞌ talel li cꞌusi ta jcꞌanbetique. \v 21 Jaꞌ yuꞌun joꞌotic li snichꞌnabutic xa li Cristoe, acꞌo quichꞌtic ta mucꞌ sbatel osil. Jech acꞌo cꞌotuc ta pasel. \c 4 \s1 Jaꞌ scꞌoplal ti jmojutic xa ta sventa ti quichꞌojtic li Chꞌul Espíritue \p \v 1 Ta sventa ti toj cꞌuxutic ta yoꞌon li Cristoe, oy cꞌusi ta jcꞌan ti acꞌo xapasique, joꞌon li liꞌ tiqꞌuilun ta chuquel ta sventa ti chitun yuꞌun li Cajvaltique. Jaꞌ me scꞌan ti naca lec li cꞌustic chapasique yuꞌun yacꞌojoxuc xa ta scꞌob li Diose. \v 2 Bicꞌtajeso me abaic, mu me xatoy abaic. Oyuc me slequil yutsil avoꞌonic yoꞌ jech chatsꞌicbe abaic mi oy cꞌusi chopol chapasbe abaique, jaꞌ ta xvinaj o ti cꞌux chavaꞌi abaique. \v 3 Yuꞌun coꞌol xa avoꞌonic ta sventa li Chꞌul Espíritue, jechuc o me avoꞌonic. \v 4 Yuꞌun jmojutic xa jcotoltic. Jun noꞌox li Chꞌul Espíritu li quichꞌojtique, jech jun noꞌox li jcuxlejaltic li chcꞌot quichꞌtic jcotoltique, yuꞌun coꞌol yacꞌojutic xa ta scꞌob li Diose. \v 5 Schiꞌuc jun noꞌox Cajvaltic jcotoltic, jun noꞌox li cꞌusi jchꞌunojtique, jun noꞌox ti cꞌu sba iquichꞌbetic svinajebe, jaꞌ li ichꞌ joꞌe. \v 6 Jun noꞌox li Dios cuꞌuntique, jaꞌ Jtotic jcotoltic. Jaꞌ yichꞌojutic ta venta jcotoltic, chispasutic ta mantal jcotoltic yoꞌ jech chijtunutic yuꞌun. Liꞌ oy ta coꞌontic jcotoltique. \p \v 7 Pero mu coꞌoluc jpꞌijiltic acꞌbilutic jcotoltic yuꞌun li Cristoe. Ta jmotontic noꞌox lijyacꞌbutic li cꞌusi xuꞌ cuꞌuntic ta jpastic jujunutique. Ta slequil noꞌox yoꞌon laj yacꞌbutic jaꞌ li cꞌu sba la scꞌan stuc li Cajvaltique. \v 8 Yuꞌun jech onoꞌox tsꞌibabil scꞌoplal li Jesucristoe ta scꞌop li Diose: \q1 Chtal schꞌaybe stsatsal yabtel li banquilal pucuje yoꞌ jech ta scolta loqꞌuel li snichꞌnabe. \q1 Tsꞌacal to ta sut batel ta vinajel. \q1 Chlic yacꞌbe smoton li snichꞌnabe, \m xi tsꞌibabil. \p \v 9 Ti jech tsꞌibabil ti tsut batel ta vinajele, yuꞌun te onoꞌox ilic talel li cꞌalal ital liꞌ ta balumile. Pero maꞌuc noꞌox liꞌ ta balumil itale, iꞌay cꞌalal ta cꞌatinbac. \v 10 Li Cristo li iyal talele, jaꞌ onoꞌox li isut batel nojtoque, ti la sventain scotole, li vinajele, li balumile, schiꞌuc li cꞌatinbaque. \v 11 Jaꞌ laj yacꞌbutic li jmotontic li cꞌusi xuꞌ cuꞌuntic ta jpastique. Oy buchꞌutic iꞌacꞌbat snaꞌic ti jaꞌ chalic li cꞌu sba iyilic li cꞌalal iꞌay liꞌ ta balumil li Cristoe. Oy buchꞌutic ch‐acꞌbat snaꞌic ta ora yuꞌun Dios li cꞌu sba chalbeic li buchꞌutic yichꞌojic ta mucꞌ li Cajvaltique. Oy buchꞌutic iꞌacꞌbat snaꞌic ti chalbeic scꞌop Cajvaltic li buchꞌutic muc bu yaꞌiojique. Oy buchꞌutic iꞌacꞌbat snaꞌic ti ta sventainic li buchꞌutic yichꞌojic ta mucꞌ li Cajvaltique, schiꞌuc ta schanubtasic ta scꞌop Dios. \v 12 Jech ispas li Cristoe yoꞌ acꞌo tsatsubuc yoꞌonic li snichꞌnabtaque jech chtuneic o. Jech jcotoltic coꞌol ta stsatsub coꞌontic, joꞌotic li sbecꞌtalutic yaꞌel li Cristoe. \v 13 Jech coꞌol jchꞌunojtic ti jaꞌ Cajcoltavanejtique. Coꞌol jnaꞌbetic yoꞌon li Snichꞌon li Diose. Jech xuꞌ cuꞌuntic spasel li cꞌustic tscꞌane yuꞌun ipas ta jmoj coꞌontic jchiꞌuctic li Cristoe. \v 14 Mi coꞌol xa coꞌontic jchiꞌuctique, mu xa jechuc coꞌontic jech chac cꞌu chaꞌal li unetique ti ta ora noꞌox ta sjel li cꞌu sba yoꞌonique. Yuꞌun mi jech to coꞌontique cꞌusiuc noꞌox ta jovilchꞌuntic. Yuꞌun li coꞌontique jech chac cꞌu chaꞌal li cꞌusi chbat ta icꞌ ta jujote. Jech mu vocluc chisloꞌloutic li buchꞌutic chal caꞌitic li cꞌusi mu meleluque. \v 15 Li joꞌotique scꞌan ti jaꞌ noꞌox chcaltic li cꞌusi melele schiꞌuc ti chijcꞌuxubinvanutique. Yuꞌun jaꞌ scꞌan ti coꞌol coꞌontic jchiꞌuctic li Cristoe yuꞌun jaꞌ jol coꞌontic. \v 16 Ta sventa ti sbecꞌtalutic xa li Cristo yaꞌele, laj xa yacꞌbutic cabteltic li jujunutique. Jmojutic xa ta sventa ti coꞌol yichꞌojutic ta venta li Cristoe. Mi ta jpastic jcotoltic li cabteltic li yacꞌojbutique, lec ta xquil jbatic, más ta jcꞌuxubinan jbatic. Maꞌuc noꞌox ta jcꞌantic ichꞌel ta mucꞌ jtuctic. \s1 Jaꞌ scꞌoplal ti naca lec li cꞌustic ta jpastic, joꞌotic li oyutic xa ta scꞌob li Cristoe \p \v 17 Ta sventa li Cajvaltic chacalbeic ti mu xa me jechuc xapasic jech chac cꞌu chaꞌal li yan achiꞌiltaquic li mu xojtaquinic li Diose. Yuꞌun mu cꞌusi xtun o li cꞌustic ta snopique schiꞌuc li cꞌustic ta spasique. \v 18 Jaꞌ loꞌlobilic o li cꞌustic mu meleluque. Muc bu yichꞌojic li achꞌ cuxlejal ti yacꞌoj li Diose, yuꞌun toj tsots yoꞌonic ta scoj ti mu scꞌan schꞌunic ti jaꞌ Jcoltavanej li Cajvaltique. \v 19 Muꞌyuc xa qꞌuexlal chaꞌiic, naca mulivajel batem ta yoꞌonic. Jech o yoꞌonic ti jaꞌ tspasic li cꞌustic chopole. \v 20 Pero li joꞌoxuque mu jechuc avichꞌic chanubtasel ta sventa li Cristoe. \v 21 Yuꞌun avaꞌiic li cꞌusi ta scꞌan li Jesuse schiꞌuc lachanubtaseic li ta scꞌop ti jaꞌ melele. \v 22 Avaꞌiojic ti scꞌan chavictaic la atalelique, yuꞌun jaꞌ chisloꞌloutic li cꞌusi chopol ta jcꞌantique, jaꞌ chꞌayel chijbat o. \v 23 Scꞌan chanopic ta achꞌ. \v 24 Scꞌan chavaqꞌuic ta ilel ti avichꞌojic xa avachꞌtalelic jech chac cꞌu chaꞌal li Dios ti tucꞌ yoꞌone, ti mu scꞌan li cꞌusi chopole. \p \v 25 Jaꞌ yuꞌun mu xa me xajutic cꞌop. Scꞌan ti naca meleluc scotol li cꞌustic chavalbe abaique yuꞌun jmojoxuc xa ta stojol Li Cristoe. \p \v 26 Mi chaꞌilinique, acꞌo lecubuc avoꞌonic ta ora. Mu me jaꞌuc ta scoj chaꞌilinic ti chba apasic li cꞌusi yan chopole. Mu me ilinemot ch‐echꞌ cꞌacꞌal. \v 27 Yuꞌun li cꞌalal ilinemoxuque, jaꞌ o xuꞌ chtal sujoxuc ta mulil li pucuje. \p \v 28 Mi jꞌelecꞌoxuc toꞌoxe, mu xa me xaꞌelcꞌajic. La acꞌobique acꞌo tunuc sventa chaꞌabtejic, jaꞌ jech xuꞌ chacoltaic li buchꞌutic mu cꞌusi oy yuꞌunique. \p \v 29 Mu xa me xavalic li cꞌustic chopole. Jaꞌ xavalic li cꞌustic leque ti jaꞌ sventa ta stsatsubic o li buchꞌutic chacꞌoponique, yoꞌ jech chacoltaic o li cꞌusi scꞌan yuꞌunique. \v 30 Mu me xavacꞌbeic yat yoꞌon li Chꞌul Espíritu ti junic schiꞌuc li Diose, yuꞌun jaꞌ svinajeb yacꞌojbutic ti ta onoꞌox xcꞌot ta pasel ti chijcolutic cꞌalal mi ista scꞌacꞌalile. \p \v 31 Mu me xavaqꞌuic ta venta ti cꞌusi chopol chapasbatique. Mu xaꞌilinic, mu me toyoluc ave xacꞌopojic, mu me xaloꞌilta achiꞌiltaquic, mu me xasaꞌbe aba amulic, mu me cꞌusi chopol xapasbe abaic. \v 32 Jaꞌ me scꞌan ti naca lec li cꞌusi chapasbe abaique. Cꞌuxubino abaic. Pasbo abaic perton jech chac cꞌu chaꞌal la spasboxuc perton li Dios ta sventa li Cristoe. \c 5 \s1 Jaꞌ scꞌoplal ti scꞌan chcacꞌtic ta ilel ti snichꞌnabutic xa li Diose \p \v 1 Snichꞌnaboxuc xa li Diose jaꞌ yuꞌun toj cꞌuxoxuc ta yoꞌon. Jaꞌ yuꞌun scꞌan ti jech avoꞌonic jech chac cꞌu chaꞌal yoꞌon li stuque. \v 2 Scꞌan ti chacꞌuxubinan abaic jech chac cꞌu chaꞌal liscꞌuxubinutic li Cristoe yuꞌun iyacꞌ sba ta milel ta jcojtic. Ta sventa ti jech la spase, lec iyil li Diose, coꞌol schiꞌuc smoton iyaꞌi. Jaꞌ noꞌox jech eꞌuc mi ta jcꞌuxubinan jbatique, jaꞌ lec chil li Diose. \p \v 3 Joꞌoxuc li snichꞌnaboxuc xa li Diose, mu xa me xamulivajic, mu xa me xapasic li cꞌustic yan chopole, mu xa me cꞌusi xapichꞌ o avoꞌonic. Scꞌan nojtoc ti mu xaloꞌiltaic la achiꞌilique yuꞌun mu jechuc smelol. \v 4 Mu xa me xavalic li cꞌustic ti qꞌuexlal sba ta alele schiꞌuc li ixtol loꞌile. Jaꞌ xa noꞌox xavalic slequilal Dios ta sventa ti chascoltaique. \v 5 Yuꞌun li buchꞌutic ti jaꞌ noꞌox batem ta yoꞌonic ta xmulivajique, schiꞌuc ti tspasic li cꞌustic yan chopole, schiꞌuc li buchꞌutic jaꞌ noꞌox batem ta yoꞌonic li staqꞌuinique (yuꞌun jaꞌ yajrioxic yaꞌel li staqꞌuinique ta scoj ti jaꞌ batem o yoꞌonique), naꞌic me ti mu xuꞌ chba schiꞌinic li Cristoe, jaꞌ li Dios cuꞌuntique. \v 6 Mu me xasloꞌlooxuc li buchꞌutic chalic ti xuꞌ ta jpastic li cꞌustic chopole. Yuꞌun li buchꞌutic mu schꞌunic li cꞌustic yaloj li Diose, albil xa scꞌoplalic ti tsots ch‐acꞌbat yichꞌic vocol yuꞌun li Diose. \v 7 Jaꞌ yuꞌun scꞌan ti mu me xapasic jech eꞌuc jech chac cꞌu chaꞌal li buchꞌutic chopol li cꞌustic tspasique. \p \v 8 Ta voꞌone oyoxuc toꞌox ta icꞌal acꞌubal yaꞌel ta scoj ti naca chopol li cꞌustic la apasique. Pero li avie oyoxuc xa ta saquil chꞌul osil yaꞌel yuꞌun lec xa li cꞌustic chapasic ta sventa li Cajvaltique. Jaꞌ yuꞌun aqꞌuic ta ilel ti oyoxuc xa ta saquil chꞌul osile. \v 9 Yuꞌun mi oyutic xa ta saquil chꞌul osile, naca lec, naca tucꞌ, naca melel li cꞌusi chcaltique. \v 10 Jaꞌ chavaqꞌuic o ta ilel li cꞌustic lec chil li Cajvaltique. \v 11 Mu me xachiꞌinic ta spasel cꞌusi chopol li buchꞌutic ta icꞌal acꞌubal oyic yaꞌele, yuꞌun mu cꞌusi xtun o li cꞌustic tspasique. Jaꞌ lec albeic scꞌop Dios yoꞌ acꞌo snaꞌ ti muc bu lec li cꞌusi tspasique. \v 12 Yuꞌun toj chopol li cꞌustic tspasic ta mucule, toj qꞌuexlal sba ta alel. \v 13 Pero mi chcalbetic li scꞌop Diose, chcacꞌbetic snaꞌ ti oy smulique, jaꞌ yuꞌun chictaic mi ta schꞌunic ti ta melel oy smulique. Jaꞌ chlic spasic li cꞌustic leque. \v 14 Jaꞌ yuꞌun ti jech tsꞌibabil ta scꞌop li Diose: \q1 Ta xchaꞌcuxiic yaꞌel li buchꞌutic chamem ta xꞌileic yuꞌun li Dios ta scoj ti chopol li cꞌustic ta spasique. \q1 Ch‐acꞌbat yachꞌtalelic yuꞌun li Cristoe, \m xi tsꞌibabil. \p \v 15 Jaꞌ yuꞌun qꞌuelo me abaic ta sventa li cꞌusi chapasique. Mu me jechuc xapasic jech chac cꞌu chaꞌal li buchꞌutic mu snaꞌique yuꞌun pꞌijubemoxuc xa. \v 16 Acꞌbeic yipal spasel li cꞌustic leque yuꞌun yantic ta soc li crixchanoetic liꞌ ta balumile. \v 17 Scꞌan pꞌijoxuc noꞌox. Cꞌanbeic li Cajvaltic li cꞌusi tscꞌan ti chapasique. \v 18 Mu me xayacubic yuꞌun jaꞌ chasoquic o. Jaꞌ acꞌ abaic ta ventainel yuꞌun li Chꞌul Espíritue. \v 19 Jaꞌ acꞌo loꞌlunuc o avoꞌonic li scꞌop Diose schiꞌuc li sqꞌueoj li Diose. Ta sloqꞌueluc avoꞌonic qꞌueojinanic ta avoꞌonic sventa li Cajvaltique. \v 20 Scotol li cꞌustic chacꞌ taluc ta atojolic li Jtotic Diose, mu cꞌu tspas mi lec, mi ichꞌ vocol, albeic coliyal yuꞌun achꞌunojic ti jaꞌ chascoltaic li Cajvaltic Jesucristoe. \s1 Jaꞌ scꞌoplal ti scꞌan chquichꞌ jbatic ta venta ta jnatic ta jujuntale \p \v 21 Ichꞌ abaic ta venta yuꞌun avichꞌojic ta mucꞌ li Jesucristoe. \p \v 22 Antsetic, aqꞌuic ta venta la amalalique, jaꞌ jech chavichꞌic ta mucꞌ li Cajvaltique. \v 23 Yuꞌun li vinique jaꞌ yabtel ta sventain li yajnile jech chac cꞌu chaꞌal jaꞌ chisventainutic li Cristoe, joꞌotic li snichꞌnabutic xae. Li Cristoe liscoltautic, joꞌotic li sbecꞌtalutic yaꞌele. \v 24 Jech chac cꞌu chaꞌal chquichꞌtic ta mucꞌ li Cristoe, joꞌotic li snichꞌnabutique, jaꞌ noꞌox jech scꞌan ti acꞌo yaqꞌuic ta venta li smalalic li antsetique. \p \v 25 Joꞌoxuc, viniquetic, cꞌuxuc me ta avoꞌonic la avajnilique jech chac cꞌu chaꞌal cꞌuxutic ta yoꞌon li Cristoe, joꞌotic li snichꞌnabutic xae, jaꞌ yuꞌun iyacꞌ sba ta milel ta jcojtic. \v 26 Jaꞌ yuꞌun lijtuqꞌuibutic li cꞌalal laj quichꞌtic ta mucꞌ li Cristoe. Li ichꞌ joꞌe jaꞌ svinajeb ti tuqꞌuibemutique, ti mu xa jpastic li cꞌustic chopole. Tuqꞌuibemutic xa ta sventa li scꞌope. \v 27 Jaꞌ yuꞌun cꞌalal chijyicꞌutic ba ta stojol jcotoltic, joꞌotic li snichꞌnabutique, mu jsetꞌuc bu chopol chijyilutic, muꞌyuc jmultic chijyilutic. Tuqꞌuibemutic xa o li cꞌalal chijcꞌot ta stojole. \v 28 Jaꞌ noꞌox jechoxuc eꞌuc, viniquetic, cꞌuxuc me ta avoꞌonic la avajnilique jech chac cꞌu chaꞌal cꞌux chavaꞌi aba atuque. Li buchꞌu cꞌux ta yoꞌon li yajnile, jaꞌ cꞌux ta yoꞌon sbecꞌtal stuc yaꞌel yuꞌun junic noꞌox schiꞌuc li yajnile. \v 29 Yuꞌun mu junuc buchꞌu chopol chil li sbecꞌtal stuque. Ta smacꞌlan, ta scꞌuxubin jech chac cꞌu chaꞌal chiscꞌuxubinutic li Cristoe, joꞌotic li snichꞌnabutique. \v 30 Yuꞌun sbecꞌtalutic schiꞌuc sbaquilutic yaꞌel li Cristoe. \v 31 Yuꞌun jech tsꞌibabil ta scꞌop li Diose: “Li queremutique ta svocꞌ sbaic schiꞌuc stot smeꞌic li cꞌalal tsaꞌ yajnilique. Li chaꞌvoꞌique jun xa chcꞌotic”, xi tsꞌibabil. \v 32 Leꞌe vocol ta aꞌibeel smelol, pero joꞌon chcal ti jaꞌ smelol ti jmojutic xa jchiꞌuctic li Cristoe, joꞌotic li snichꞌnabutic xae. \v 33 Jaꞌ yuꞌun, joꞌoxuc, viniquetic, cꞌuxubino me la avajnilique li jujunoxuque jech chac cꞌu chaꞌal cꞌux chavaꞌi aba atuque. Jech eꞌuc li antsetique, acꞌo yaqꞌuic ta venta li smalalique. \c 6 \p \v 1 Queremutic, tsebetic, chꞌunbeic me smantal la atot ameꞌique yuꞌun jech tscꞌan li Cajvaltique. \v 2 Li jun mantal li yaloj Dios ti ta xichꞌ slequilal yutsilal li buchꞌu ta schꞌune, jaꞌ liꞌi: “Ichꞌo ta mucꞌ atot ameꞌ”, xi. \v 3 Li slequilal yutsilal Dios ti chavichꞌique, jaꞌ ti xamuybajic noꞌoxe schiꞌuc ti jal chacuxiic liꞌ ta balumile. \p \v 4 Joꞌoxuc li totil meꞌiloxuque, mu me xasaꞌbeic scꞌacꞌal yoꞌon la avalab anichꞌnabique. Lec noꞌox me xapasic ta mantal jech chac cꞌu chaꞌal lec chispasutic ta mantal li Diose. Chanubtasic ta schꞌunel amantalic jech chlic schꞌunbeic smantal Dios nojtoc. Mi mu schꞌune, tsitsic jech chac cꞌu chaꞌal chistsitsutic yaꞌel li Diose. \p \v 5 Joꞌoxuc li manbiloxuc ta sventa jtunele, chꞌunbeic me smantal la avajvalic li liꞌ ta balumile, aqꞌuic me ta venta. Jaꞌuc me ta sventa Cristo chapasic, jech jun avoꞌon chatunic yuꞌun la avajvalique. \v 6 Scotol ora pasic li cꞌusi chayalbeique. Mu me jaꞌuc noꞌox lec chapasic yilel li cꞌalal te sqꞌuelojoxuc la avajvalique ti yoꞌ jaꞌ lec chayilic oe. Ta sloqꞌueluc me avoꞌonic pasic li cꞌusi ta scꞌan li Diose, yuꞌun jaꞌ xa yajtuneloxuc li Cristoe. \v 7 Mu me ta sujeluc xaꞌabtejic yuꞌun jaꞌ chatunic yuꞌun li Cajvaltique, maꞌuc noꞌox chatunic yuꞌun li crixchanoetique. \v 8 Yuꞌun xanaꞌic ti chijyacꞌbutic jtojoltic li Cajvaltic mi lec li cꞌusi la jpastique, acꞌo mi ochemutic ta jtunel. \p \v 9 Joꞌoxuc li oy avajtunelique, lecuc noj me xapasic ta mantal la avajtunelique, mu me ta uteluc xavalbeic mantal. Naꞌic me ti te oy ti Ajvalil cuꞌuntic ta vinajele. Li Cajvaltique coꞌol chichꞌ jcꞌoptic jcotoltic. \s1 Jaꞌ scꞌoplal li jmactic yaꞌel ti yacꞌojbutic li Diose yoꞌ jech mu xispasutic o ta canal li pucuje \p \v 10 Quermanotac, jaꞌ slajeb xa chacalbeic liꞌi. Ta sventa ti avichꞌojic ta mucꞌ li Cajvaltique, oyuc me stsatsal avoꞌonic. Yuꞌun li Cajvaltique echꞌem stsatsal. \v 11-17 Aqꞌuic me lec la amaquic yaꞌel li yacꞌoj li Diose yoꞌ jech chapasic o ta canal li jloꞌlovaneje, jaꞌ li pucuje. Jech chac cꞌu chaꞌal li soltaroetic ti yichꞌojic smac schꞌutic, schiꞌuc smac stiꞌ yoꞌonic, schiꞌuc xonobic, schiꞌuc smac sjolic, schiꞌuc smac scotol sbecꞌtalic, schiꞌuc smachitaic, yoꞌ jech mu spaseic ta canal. Yuꞌun maꞌuc ta jpastic cꞌop schiꞌuc li buchꞌutic coꞌol oy jbecꞌtaltic jchiꞌuctic schiꞌuc li coꞌol oy jchꞌichꞌeltic jchiꞌuctique. Jaꞌ ta jpastic cꞌop schiꞌuc li buchꞌu mu xquiltique, jaꞌ li banquilal pucuje schiꞌuc li itsꞌinal pucujetique li jaꞌ sventainojic li cꞌustic chopol liꞌ ta balumile. Jaꞌ li oy sjuꞌelique, jaꞌ ti liꞌ ta spasic mantale, ti ep ta xchꞌunbat li smantalique. Jaꞌ yuꞌun tunuc me avuꞌunic scotol la amaquic li yacꞌojbutic li Diose yoꞌ jech mu xaspasic ta canal li cꞌalal chtal sujoxuc ta mulil li pucuje. Yuꞌun mi avichꞌojic scotol la amaquique, jaꞌ stsatsal o avoꞌonic. Li cꞌu sba xuꞌ avuꞌun chapasulanic o ta canale, jaꞌ scꞌan jaꞌ noꞌox chachꞌunic li cꞌusi melele, jaꞌ noꞌox chavalic li cꞌusi melele, jaꞌ noꞌox chapasic li cꞌusi leque. Scꞌan ta yutsil avoꞌon chatunic yuꞌun li Diose yuꞌun muꞌyuc xa amul chayilic. Scꞌan chachꞌunic ti chacolic o sbatel osil ta sventae. Scotol leꞌe jaꞌ amaquic yaꞌel, jaꞌ yuꞌun mu xaspasic ta canal li cꞌustic chopol chacꞌ talel ta atojolic li pucuje. Schiꞌuc scꞌan chtun avuꞌunic li scꞌop Dios ti ta sjules ta ajol ta avoꞌonic li Chꞌul Espíritue yoꞌ jech chapasic o ta canal li pucuje. \v 18 Scꞌan nojtoc ti chataic ta naꞌel Dios scotol cꞌacꞌal. Cꞌanbeic li Chꞌul Espíritu ti acꞌo yacꞌ ta ajol ta avoꞌonic li staobil ta naꞌel li Diose. Mu me xchꞌay ta avoꞌonic stael ta naꞌel li Diose. Cꞌoponbeic Dios ta stojol scotol cꞌacꞌal eꞌuc li buchꞌutic coꞌol oyoxuc ta scꞌob li Dios achiꞌuquique. \v 19 Cꞌoponic Dios ta jtojol eꞌuc yoꞌ jech acꞌo yacꞌbun jnaꞌ li cꞌusi chcale jech mu xixiꞌ, yoꞌ jech jamal acꞌo cal ti laj yacꞌ xa jnaꞌtic Dios ti jcotoltic chijcolutic ta sventa li Cristoe. \v 20 Yuꞌun jaꞌ cabtel yacꞌojbun li Diose chcal ti xuꞌ xa chacolique acꞌo mi liꞌ chuculun ta carenae. Jaꞌ yuꞌun cꞌoponic Dios ta jtojol ti jamal acꞌo cal yuꞌun jaꞌ jech scꞌan ta jpas. \s1 Jaꞌ stsutseb scarta li Pabloe \p \v 21-22 Chajtacbeic batel li quermanotic Tíquicoe yoꞌ chayalbeic li cꞌustic icꞌot ta pasel ta jtojole, schiꞌuc li cꞌusi ta jpase, yoꞌ jech ta stsatsub o avoꞌonic yuꞌun chavaꞌiic ti lec oyune. Li Tíquicoe cꞌux ta coꞌontic. Jun yoꞌon ta xtune yuꞌun li Cajvaltique. \p \v 23 Ta jcꞌanbe li Jtotic Diose schiꞌuc li Cajvaltic Jesucristoe ti acꞌo spasboxuc ta jun avoꞌonic li jujunoxuque, schiꞌuc ti acꞌo xachꞌunic más ti jaꞌ chascoltaic li Cajvaltique yoꞌ jech más chacꞌuxubinan abaic. \v 24 Acꞌo acꞌbaticuc slequilal yutsilal Dios li buchꞌutic oy o ta yoꞌonic li Cajvaltic Jesucristoe.