\id ROM  
\h Roma 
\toc1 Paulus susuran soa-neu hatahori kamaherek kara marai kota Roma 
\toc2 Roma 
\toc3 Rm 
\mt2 Paulus susuran  
\mt2 soa-neu hatahori kamaherek kara marai kota  
\mt1 Roma  
\c 1  
\s1 Soda-molek  
\p
\v 1 Susurak ia numa au mai, Paulus. Manetualain here nala au ena, fo dadi uu Yesus Karistus nedenun. Boe ma Ana soꞌuk nala au dadi uu Karistus neondan, fo uu afada hatahorir rai bee a mesan laꞌe-neu Ndia Hara Lii Malolen.   
\p
\v 2-3 Lele uluk Manetualain koladu memak ena fo Ndia mana toꞌu dedeꞌan nara surak laꞌe-neu Hara Lii Malole naa nai Ndia Susura Malalaon. Nai Susurak naa, Manetualain helu-bartaa nae nadenu Ndia Anan Yesus mai fo dadi neu hatahori dae-bafok. Hatematak ia Ndia hehelu-bartaan dadi ena, nahuu Yesus mai ena, dadi neu hatahori dae-bafok numa mane Dauk tititi-nonosin mai.  
\v 4 Tehuu nesik dedeꞌak laen, Manetualain natudu bukti nae, Yesus Karistus oo dadi neu Ndia Ana heli-helin boe. Yesus Dula-dalen naa, tebe-tebe malalao ndoos, sama leo Manetualain. Ma Manetualain oo pake Ndia koasan fo tao nasoda falik Yesus numa mamaten mai. Huu naa de ita bubuluk tae, Manetualain Anan naa, ndia Yesus, ita Lamatuan fo naena haak parenda ita.   
\p
\v 5 Yesus natudu dale susuen neu au, losa Ana here nala au dadi uu Ndia nedenun fo afada Ndia hara hehelun nai bee a mesan. Huu Ana nau fo hatahori ta Yahudir oo ramahere neu Yesus, ma leo-laꞌo tungga Ndia hihii-nanaun boe. Au oo nau fo basa hatahori nusa-nusak kara ramahere neu Karistus, ma leo-laꞌo tungga Ndia hihii-nanaun boe.   
\p
\v 6 Leo naak oo no ei marai kota Roma boe. Ei numa hatahori nusa-nusak noꞌuk ka rai mamanak noꞌuk ka mai. Yesus Karistus here nala ei ena nae, “Mai leo! Mai maso dadi miu Au hatahoring!”  
\v 7 Huu naa de au haitua susurak ia soa-neu ei marai Roma, ma fee nesenedak ae, Manetualain sue-lai ei. Ana oo noke fo ei dadi miu Ndia hatahorin fo mana leo-laꞌo no lolo-laok boe.  
\p Au hule-haradoi fo Manetualain, ita Aman, ma Yesus Karistus, ita Lamatuan, ratudu Sira dale susuen nara, ma fee ei leo-laꞌo no lino-lendek ma mole-damek.   
\s1 Paulus hule-haradoi soa-neu ndia toranoon nara  
\p
\v 8 Au buka au susurang ia, ma oke makasi noꞌuk ka neu Manetualain, nahuu Yesus Karistus naue-osa nai ei dalem mara. Au oo oke makasi boe, nahuu hatahorir fo mana leo rai man-parenda Roma nusan lalaꞌen, ara kola-kola laꞌe-neu ei nemeheheren neu Yesus.   
\p
\v 9 Au hule-haradoi ta amaketu soa-neu ei. Tebe! Lamatuak mesa kana bubuluk nae, hata fo au kokolak ia, tebe. Ana oo bubuluk au aue-osa no dere-dere hiek, fo afada hatahorir laꞌe-neu Ndia Anan Tutui Malolen boe.  
\v 10 Tungga-tungga au hule-haradoi, au oke-hule talo ia: “Lamatuak, au mesa ngga ta bubuluk eno-dalan talo bee. Tehuu mete ma Lamatuak nau, na, soi dalak fo au bisa uu tiro-dangga au nonoong nggara marai Roma.”   
\p
\v 11 Au hule-haradoi talo naa, huu au daleng hihiik ka mete-ita ei, fo au bisa baꞌe fee ei Manetualain Dula-dalen koasan, mita fo ei dadi miu Manetualain hatahorin fo mana nakatataka no barakaik lenak.  
\v 12 Talo ia: mete ma au dadi neti fo leo ua ei, au nau atetea ei dalem, fo ei nemeheherem bisa tamba natea. Ma au oo nau fo ei matetea au daleng boe.   
\p
\v 13 Toranoo susue nggara ein! Au hii fo ei bubuluk mae, laꞌe noꞌuk ka ena, au ae uu tiro-dangga ei nai Roma naa. Tehuu losa hatematak ia oo bei ta dadi boe. Mete ma au dadi neti, na, au amahena hambu hatahori noꞌuk ka bei ramahere ratea neu Karistus, sama leo nai mamanak laen nara. No dalak naa, au ue-osang neni buna-boak neulauk.\x + \xo 1:13 \xt Nedenuk kara Tutuin 19:21\x*   
\p
\v 14-15 Leo mae talo bee oo, ameda au muste tui-bengga Lamatuak Hara Lii Malolen neu basa hatahorir boe. Leo mae hatahori mana pake dedeꞌa Yunani do, hatahori dinitiu mana pake dedeꞌak laen do, hatahori moꞌo-inahuuk do, hatahori kadiꞌik do, hatahori mana sakolak do, hatahori ta mana sakolak. Huu naa de au ahani a ae uni Roma naa uu ena fo tiro-dangga ei.   
\s1 Lamatuak Hara Lii Malolen naena koasa fo tao nasoi-nasoda basa hatahorir  
\p
\v 16 Au ta mae faa boe na laꞌe-neu Lamatuak Yesus Hara Lii Malolen. Mete ma hatahori namahere neu Manetualain, Hara Liik naa naena koasa fo tao nasoi-nasoda hatahori naa numa sala-singgon mai. Hatahori Yahudir bubuluk dedeꞌak ia rakahuluk, basa dei de hatahori nusa-nusak laen nara.\x + \xo 1:16 \xt Markus 8:38\x*  
\v 17 Hara Liik naa oo natudu Manetualain eno-dalan fo tao hatahori kasala-singgok dadi neu ndoos boe. Basa naar bisa dadi, sadi hatahori namahere neun. Sama leo neni surak nai Manetualain Susura Malalaon dale nae,  
\q1 “Hatahorir muste ramahere neu Manetualain dei,  
\q2 dei fo ara bisa malole roon.  
\q1 Mete ma ara leo-laꞌo ramahere neun,  
\q2 dei fo ara hambu masodak tetebes.”\x + \xo 1:17 \xt Habakuk 2:4\x*   
\s1 Manetualain namanasa neu hatahori fo ta nau nalela Ndia  
\p
\v 18 Tehuu Manetualain nafada talo ia ena: hambu hatahorir ta tao matak neu Ndia. Ara tao dedeꞌa manggarauk mata-matak. De Manetualain ta simbok sira tatao-nonoꞌin nara raa. Nai hatahori iar dalen dale, ara bubuluk hata ndia ndoos ena. Leo mae talo naa oo, tehuu ara kada tao rakandoo hata fo ta ndoos boe. Ara oo fufudi-hohodo hatahorir boe, losa hatahorir raa ta bubuluk hata fo ta ndoos bali. Huu naa de Manetualain nae nakonda hukun neu sara numa lalai mai.  
\v 19-20 Hatahori iar ta hambu dalak fo rasalaꞌe aon, huu dedeꞌak kara fo mana tao hatahorir bisa bubuluk laꞌe-neu Manetualain naa, manggaledok ena. Te Ndia mesa kana ndia natudu ena na! Talo ia: mulai numa Ana nakadadadik lalai no dae-inak mai losa hatematak ia, mete ma hatahori nae bubuluk laꞌe-neu Manetualain aon, ma koasan ta mana ketuk, bisa a mesan! Leo mae Manetualain mesa kana ta neni nitak, tehuu ita hatahori dae-bafok bei bisa talelan numa hata fo Ana taok mai. Huu naa de au ae, hatahori manggarauk kara raa ta hambu dalak fo bisa rasalaꞌe aon bali rae, “Au ta alela hata-hata laꞌe-neu Manetualain.”   
\p
\v 21 Leo mae ara bubuluk laꞌe-neu Manetualain, tehuu ara ta manaku neu Ndia rae, “Lamatuak naa, ita Manetualain!” Ara oo ta nau roke makasi neun boe. Boe ma duduꞌan nara ramue-anggik, losa ara ta ralela hata fo ndoos bali. Ara panggananaa ma tui lelik mata-matak kara laꞌe-neu Manetualain aon. Ma dalen nara dadi makiuk.\x + \xo 1:21 \xt Epesus 4:17-18\x*   
\p
\v 22 Sira esa-esak soa rakadedemak aon nara rae, “Au ia, hatahori fo mana nalela dedeꞌak noꞌuk ka!” Leo mae ara duꞌa talo naa, tehuu ndondoon ndia, sira iar, nggoa bebek leo kamba.  
\v 23 Boe ma ara ta nau rakaluku-rakatele neu Manetualain fo ta neni babanggak, huu ara rae, “Ai ta parluu Manetualain matak leo naak!” De ara mulai rakaluku-rakatele neu patong mata-matak kara, fo mata-aon nara leo hatahori dae-bafok. Basa naa, ara oo rakaluku-rakatele neu patong fo mata-aon leo mbuik, banda laen, losa mata-aok leo mengge boe. No dalak naa, ara timba heni Manetualain ta mana matek, fo nggatin no hata fo mana matek!\x + \xo 1:23 \xt Tui Seluk laꞌe-neu Dala Masodak 4:16-18\x*   
\p
\v 24 Huu naa de Manetualain lokombesi sara ruma naa, mita fo ara tao tungga kada sira hihii-nanaun. Ana ela sara fo tao tungga dala manggarauk mata-matak kara fo mana raoka nai dalen nara. Losa-losak ara ta rameda mae ena. Boe ma ara tao manggenggeok mata-matak kara neu ao-ina heli-helin nara, ma ara oo tao leo naak neu hatahori laen ao-ina heli-helin nara boe.  
\v 25 Nai sira dalen dale, ara bubuluk nenorik bee fo ndoos laꞌe-neu Manetualain, tehuu ara ta nau hosek. Duduꞌan nara rakalulutu ena, de ara duꞌa rae, “Malole lenak naa fo ai tao mata-matak kara, losa rakararafu, te ta hambu babala manggarauk hata esa boe na!” Ara rakaluku-rakatele neu hata fo Manetualain aduk kara, tehuu ta nau rakaluku-rakatele neu Manetualain fo mana adu basa hatar raa! Ara tao aon nara leo hatahori mana matu-matuk, naa te rouk, isin taa!  
\p Ndondoon ndia, ita hatahori dae-bafok ia muste koa-kio ma fee hada-horomatak neu Manetualain takandoo! Naa, dei fo nandaa!   
\p
\v 26 No sira manggaraun naa, huu naa de Manetualain lokombesi sara fo ara tao manggenggeok tungga kada sira hihii-nanaun. Ara kada hohongge-lelena mata-matak kara, ma ta rameda mamaek. Sao inan nara ta hii sunggu-soro ro sao toun nara bali, tehuu ara hii kada bee fo ta randaa no hadak. Inak sunggu-soro no inak!  
\v 27 Touk kara oo leo naak boe! Ara ta hii sunggu-soro ro sao inan nara bali, tehuu sunggu-soro ro kada touk kara! Ta rameda mae faa boe na! Huu naa de ara hambu huku-dokik no mandaak! Ara sio laꞌo dook ka numa eno-dala ndoos mai ena.   
\p
\v 28 Ara duꞌa rae, “Malole lenak hae takaesa to Manetualain.” Huu naa de Manetualain lokombesi sara fo tao tungga kada sira hihii-nanaun! De ara bubuluk kada duꞌa bee fo makararafuk a mesan! Boe ma ara tao basa hata fo nanunute hatahori!   
\p
\v 29 Leleo-lalaꞌon nara sofek no manggarauk mata-matak kara. Ara ta ralela tao hata fo neulauk, tehuu tao kada manggarauk a mesan. Ara bare-naꞌo. Ara rambeda dalek. Ara soa mbiri hatahori. Ara rakanisa hatahori. Ara soa rareresi. Ara pepeko-leleko. Ara kedi-ira. Ara soa tui leli-belak.  
\v 30 Ara soa kokolak raboboo hatahori laen naden. Ara mburuk ro Manetualain. Sesesu taak kara. Ara soa rakadadaek hatahori. Ara soa rakadedemak aon nara. Ara soa sangga dala manggarauk mata-matak kara. Ara soa laban ina-amar.  
\v 31 Ara ta nau hata fo ndoos. Ara lena-langga sira hehelu-bartaa heli-helin, losa hatahori ta namahere sara bali. Ara ta ralela sue hatahori. Ara ta raena dale kasian faa boe na neu hatahori.   
\p
\v 32 Ara bubuluk Manetualain hohoro-lalanen ena nae, hatahori fo mana tao manggarauk leo naak naa, nandaa hambu hukun mates. Leo mae ara bubuluk hohoro-lalanek kara raa ena, tehuu ara bei tao manggarauk lena-lenak kara. Ta kada leo naak, tehuu ara soa kada dudunggu hatahori laen, fo ara oo tungga tao manggarauk leo naak boe. Naa sudi selik kana ena!   
\c 2  
\s1 Manetualain oo namanasa hatahori nusak Yahudi fo Ana here nalak kara ena boe  
\p
\v 1 O mamanene laꞌe-neu manggarauk mata-matak kara bebeik kara ia, hetu? Boe ma mete te o duꞌa mae, “Awii! Hatahorir raa manggaraun sudi selik kana ena!” Mete ma o duꞌa talo naa ena, na, besa-besa, ee! O mesa ngga oo manggarauk leo naak boe. Huu naa de o ta hambu dalak fo masalaꞌe aom mae, o ia, see. Mete ma o kokolak mae, hatahori laen nara manggarauk, de randaa hambu hukun, boso lilii-ndondou mae, o ndae salak neu o ao heli-helim boe. Huu o tao manggarauk talo naa boe!\x + \xo 2:1 \xt Mateos 7:1; Lukas 6:37\x*  
\v 2 Ita bubuluk mete ma Manetualain fee hukun hatahori fo mana tao manggarauk kara, na, Ana naketu dedeꞌan nara no ta mbeu seserik.  
\v 3 Do, talo bee? Fama te o duꞌa mae, “Hatahori fo mana tao manggarauk kara, randaa hambu Manetualain huku-dokin.” Naa te o tao manggarauk sama leo sara. Tehuu nai o duduꞌam, o ta hambu Manetualain huku-dokin. Naa, ndia huun hata?   
\p
\v 4 Manetualain natudu dale susuen neu o ena. Ma Ndia dalen loan seli laꞌe-neu o tatao-nonoꞌim. Tehuu tao hata de o ta hosek neu sana? Fama te o ta bubuluk mae, Ana natudu dale susuen neu o, mita fo o laꞌo ela o sala-singgom mara fo fali muni Ndia muu.   
\p
\v 5 Tehuu o ia, langga batuk ma ta nau nenene! Ma o ta nau laꞌo ela o sala-singgom faa boe na! Dadi o tao mala o huku-dokim tamba nambera bali. Neu ko mete ma dae-bafok fai mateꞌen ena, na, Manetualain nae timba-tai basa hatahorir leleo-lalaꞌon nara. Neu ko basa hatahorir bubuluk rae, Manetualain naketu hatahorir dedeꞌan no ndoos. Faik naa, Ana hukun berak neu o, nahuu Ana ta simbok o tatao-nonoꞌin nara.  
\v 6 O leleo-lalaꞌom talo bee, na, neu ko Manetualain bala tungga hata fo o taok.\x + \xo 2:6 \xt Sosoda Kokoa-kikiok kara 62:12; Dedeꞌa Lasik 24:12\x*   
\p
\v 7 Hatahorir fo mana tao hata fo neulauk nakandoo, neu ko Ana fee sara masodak tetebes ta mana ketuk. Ara hambu hada-horomatak, nade malole, ma rasoda rakandoo ro Ndia.  
\v 8 Tehuu Manetualain ta simbok hatahori fo mana tao manggarauk. Ana namanasa sara tebe-tebe, huu ara ralela kada laban a mesan. Ara ta tao tungga hata fo ndoos, huu ara kada tao tungga hata fo manggarauk a mesan.   
\p
\v 9 Basa hatahorir fo mana tao manggarauk kara, neu ko hambu susa-sonak ma sosoek. Leo mae hatahori Yahudi do, hatahori ta Yahudi, laꞌe basa sara.\f + \fr 2:9 \ft Susura Malalaok dedeꞌa Yunani surak nae, “fee hatahori Yahudi dei, ma fee hatahori ta Yahudi boe.” Nai lanek ka-9 nae, “Neu ko basan hambu susa-sonak, lena-lenak hatahori Yahudi, tehuu hatahori ta Yahudi boe.” Nai lanek ka-10 nae, “Neu ko Lamatuak nakadedemak basa mana tao dedeꞌa neulauk, lena-lenak hatahori Yahudi, tehuu hatahori ta Yahudi boe.”\f*  
\v 10 Tehuu basa hatahorir fo mana tao hata fo neulauk, neu ko Manetualain nakadedemak kasa, ma fee sara hada-horomatak fo ara leo-laꞌo no lino-lendek ma mole-damek. Leo mae hatahori Yahudi do, hatahori ta Yahudi, basa sara hambu.  
\v 11 Te Manetualain ta memete matak na!\x + \xo 2:11 \xt Tui Seluk laꞌe-neu Dala Masodak 10:17\x*   
\p
\v 12 Manetualain Hohoro-lalanen naa, tuda laꞌe basa hatahorir. Mete ma hambu hatahori ta mana bubuluk Hohoro-lalanek naa, fo tao salak, neu ko ana lenggo feꞌe numa Manetualain mai. Mete ma hambu hatahorir bubuluk Hohoro-lalanek naa ena, tehuu ana tao salak, neu ko Manetualain pake Hohoro-lalanek naa bali, fo naketu-naladi ndia huku-dokin. Neu ko ara oo lenggo feꞌe numa Manetualain mai boe, nahuu ara lena-langga Ndia Hororo-lalanen ena.  
\v 13 Mete ma nau malole mia Manetualain, ta dai no kada nenene Ndia Hohoro-lalanen mesa kana. Hatahorir oo muste tao tungga Ndia Hohoro-lalanen boe, dei fo Ana nau simbok kasa. Boso kada mamanene a!   
\p
\v 14 Leo mae hatahori ta Yahudir, ta bubuluk Manetualain Hohoro-lalanen isin, tehuu hambu ketuk numa sira mai tao tungga Hohoro-lalanek naa. Huu dalen nara ndia rafada sara, bee ndia ndaa, ma bee ndia sala.  
\v 15 No dalak naa, ara ratudu rae, Manetualain Hohoro-lalanen neni surak nai sira dalen dale, nok bali abas fo Manetualain tenu-lolon nai sira dalen. Sira dale heli-helin dale ndia timba-tai hata fo sira taok kara. Boe ma sira duduꞌan nara mesa kasa ndia rakasasaꞌek salak, mete ma sira tao salak, ma rafada mete ma sira tao ndoos.  
\v 16 De neu ko mete ma Manetualain soꞌuk nala Yesus Karistus dadi neu Mana Maketu-maladi Dedeꞌak ena, Ana nau parisa no lutu-lelon basa dedeꞌa nemeninok kara fo bei nefunik nai hatahorir dalen dale. Au fee nenorik talo naa, nandaa no manai Lamatuak Hara Lii Malolen.   
\s2 Leo mae hatahori Yahudir tao tungga Manetualain Hohoro-lalanen, tehuu naa ta tao nasoi-nasoda sara  
\p
\v 17 Dadi ei hatahori Yahudir, talo bee? Ei hii soꞌuk aom mara mae, ei mesa ngga ndia toꞌu Manetualain Hohoro-lalanen fo Ana nakondan tungga baꞌi Musa, hetu? Ei oo soa mabafa loa laꞌe-neu ei nekeesam mia Manetualain boe.  
\v 18 Tebe! Ei bubuluk Manetualain hihii-nanaun ena. Ei bubuluk bee ndia neulaun lenak ena. Ei bubuluk basa dedeꞌak kara iar ena, nahuu meser asa ranori ei numa Manetualain Hohoro-lalanen mai ena.  
\v 19 Ei mamahere aom mara mae, ei bisa matudu dalak soa-neu hatahorir ta mana bubuluk rae bee reu. Ei tao aom mara nok bali manggaledok fo nasaꞌa soa-neu basa hatahorir fo mana leo-laꞌo nai makiuk dale.  
\v 20 Huu ei toꞌu Manetualain Hohoro-lalanen, ei duꞌa mae ei bubuluk basa-basan, ma toꞌu mala basa hata fo ndoos, hetu? Huu naa de ei duꞌa mae, ei bisa manori hatahori nggoa bebek ma kakana kadiꞌi anak kara fo ta mana ralela hata-hata.   
\p
\v 21 Dadi au ae atane talo ia: ei hii manori hatahori laen nara, tehuu tao hata de ei mesa ngga ta nau manori hata-hata?! Ei hii hene mimbar fo parenda mae, “Boso mamanaꞌo.” Tehuu tao hata de ei mesa ngga mamanaꞌo?!  
\v 22 Ei fee nenorik mae, “Boso hohongge-lelena mia hatahori fo ta sao toum do ta sao inam.” Tehuu tao hata de ei mesa ngga hohongge-lelena?! Ei mburuk malan seli mia bua sosonggok kara, tehuu tao hata de ei mesa ngga panake mala buas ruma uma sosonggok mai?!  
\v 23 Ei kokolak maloloa bafam laꞌe-neu Manetualain Hohoro-lalanen, tehuu tao hata de ei mesa ngga lena-langga Hohoro-lalanek naa, ma makamamaek Manetualain talo naa?!  
\v 24 Boso tao sama leo fai bakahulun fo neni surak nai Manetualain Susura Malalaon nae, “No ei hatahori Yahudir manggaraum, huu naa de hatahori laen nara hii rakadadaek Manetualain nade malolen.”\x + \xo 2:24 \xt Yesaya 52:5\x*   
\s2 Leo mae hatahori Yahudir sunat, naa oo ta tao nasoi-nasoda sara boe  
\p
\v 25 Ei fo hatahori Yahudir muste sunat tungga Manetualain Hohoro-lalanen, hetu? Naa dadi tanda nae, ei maena haak simbo Manetualain hehelu-bartaan. Tehuu mete ma ei lena-langga Manetualain Hohoro-lalanen, na, Manetualain ta simbok ei. Ei dadi sama leo hatahori ta Yahudi fo ta mana sunat nitak.  
\v 26 Duꞌa matalolole! Mete ma hatahori fo ta mana sunat tao tungga Manetualain Hohoro-lalanen, na, neu ko Manetualain simbok nalan, leo bali ndia hatahori Yahudi fo mana sunat ena, hetu?  
\v 27 Tehuu besa-besa, ee! Mete ma hatahori ta Yahudir fo ta mana sunat, tao tungga Manetualain Hohoro-lalanen, na, neu ko ratudu hata? Ara ratudu ei salam mara rae, ei hatahori Yahudir fo mana sunat ena, lena-langga Manetualain Hohoro-lalanen, leo mae ei toꞌu Hohoro-lalanek naa numa lele uluk mai ena.   
\p
\v 28 Boso duꞌa mae, hatahori fo mana dadi neu baꞌi Abraham tititi-nonosin, ma mana sunat nai rou deak ena, naa ndia tao ana dadi neu Manetualain hatahorin tebe-tebe. Taa!  
\v 29 Mana dadi neu Manetualain hatahorin tebe-tebe, ndia hatahori fo mana malole no Manetualain. Sunat tetebes fo tao nala hatahori dadi neu Manetualain anan naa, tandan ta nai rou deak, tehuu tandan nai dalen fo Manetualain Dula-dalen ndia taon. Manetualain ndia koa hatahori matak leo naak naa, ta hatahori dae-bafok ndia koan.\x + \xo 2:29 \xt Tui Seluk laꞌe-neu Dala Masodak 30:6\x*   
\c 3  
\s2 Leo mae hatahori Yahudir raena haak fo simbo pusaka numa Manetualain hehelu-bartaan mai, naa oo ta tao nasoi-nasoda sara boe  
\p
\v 1 Mete ma talo naa, dadi miu hatahori Yahudi mana sunat naa, nanalan hata? Fama te ei duꞌa mae, hatahori Yahudi hambu noꞌun lenak ma neulaun lenak numa hatahori ta Yahudi mai, hetu?  
\v 2 Tebe! Dadi teu hatahori Yahudir, hambu nanalak nai matak noꞌuk ka. Kaesan, nahuu Manetualain fee hatahori Yahudir ues fo surak ma ranea ratalolole Ndia Dedeꞌa-kokolan.  
\v 3 De talo bee? Fama te ei duꞌa mae, Manetualain ta bisa tao tungga hata fo Ana kokolak, nahuu hatahori Yahudi ketuk ta ramahere neu Ndia, do?  
\v 4 Ta bisa dadi! Leo mae basa hatahorir marai dae-bafok ia mana pepeko-lelekok, tehuu Manetualain mesa kana ndia kokolak ndoos nakandoo! Masanedak, neni surak nai Susura Malalaok laꞌe-neu Manetualain aon nae,  
\q1 “Hambu hatahori fo ndae salak rae,  
\q2 Ana ta naketu dedeꞌak no ta mbeu seserik.  
\q1 Tehuu neu ko ara bubuluk rae,  
\q2 hata fo Ana kokolak naa, memak tetebes.  
\q1 Ana senggi,  
\q2 nahuu ta bisa dadi Ana kokolak sala.”\x + \xo 3:4 \xt Sosoda Kokoa-kikiok kara 51:4\x*   
\p
\v 5 Mete ma ita tao salak, naa ndia natudu no manggaledon lenak neu basa hatahorir nae, hata fo Manetualain taok naa, memak tetebes. Mete ma talo naa, na, ita tae kokolak hata? Sangga tae, Manetualain mbeu seserik mete ma Ana hukun ita, do? (Te hambu hatahori ketuk kokolak talo naa na.)  
\v 6 Ta bisa dadi! Manetualain ta sala, mete ma Ana huku-doki ita. Huu Ana naena haak fo fee hukun neu hatahori fo mana tao salak nai dae-bafok ia.   
\p
\v 7 Mete ma au ombo koson, naa natudu nae, Manetualain huku-dokin naa, tetebes. Mete ma au atudu Ndia ta neni babanggan talo naa ena, tao hata de Ana parisa au leleo-lalaꞌong, boe ma Ana naketu au dedeꞌang nae, hata fo au taok naa, sala?  
\v 8 Boso talo naa! Mete ma tungga duduꞌak talo naa, ei tungga hatahori fo mana nae, “Naa fo ita tao manggarauk noꞌun lenak, mita fo hata fo neulauk oo tamba namanoꞌu boe!” Hatahori fo mana kokolak talo naa, nandaa hambu huku-dokik. Hambu hatahori ketuk kokolak rakalulutu au nadeng rae, au anori hatahori talo naa.   
\s1 Ta hambu hatahori esa boe na, dalen ndoos tetebes, huu basa sara tao salak  
\p
\v 9 Dadi talo bee? Ei duꞌa mae, ita hatahori Yahudir neulaun lenak numa hatahori ta Yahudir mai, do? Ta bisa dadi! Au atudu neu ei ena ae, basa hatahorir tuda salak, leo mae ndia hatahori Yahudi do, hatahori ta Yahudi.  
\v 10 Sama leo neni surak nai Manetualain Susura Malalaon nae,  
\q1 “Ta hambu hatahori fo leo-laꞌo ndoos seku neu.  
\q2 Ta hambu esa boe na!   
\q1
\v 11 Ta hambu hatahori mana bubuluk tebe-tebe laꞌe-neu Manetualain.  
\q2 Ta hambu esa boe na, fo sangga nalela Manetualain.   
\q1
\v 12 Basa sara sio laꞌo ela eno-dala masoda ndoos ena.  
\q2 Boe ma basa sara ta neni pakek kara ena.  
\q1 Ta hambu hatahori fo natudu dale susuek.  
\q2 Ta hambu esa boe na!\x + \xo 3:12 \xt Sosoda Kokoa-kikiok kara 14:1-3; 53:1-3\x*   
\q1
\v 13 Kokolan nara raboo mburu,  
\q2 nok bali rates fo hatahori suu falik kana ena.  
\q1 Bafan nara ralela kada kokolak pepeko-lelekok.  
\q1 Dedeꞌa-kokolan fo mana kalua numa bafan nara mai,  
\q2 nok bali mengge rason.\x + \xo 3:13 \xt Sosoda Kokoa-kikiok kara 5:10; 140:4\x*   
\q1
\v 14 Bafan nara ralela kada oꞌole-aꞌali hatahori,  
\q2 ma kokolak manggarauk fo kada rakahehedik hatahorir dalen nara,  
\q3 te naa ndia kalua numa dale kaboo mburun nara mai na.\x + \xo 3:14 \xt Sosoda Kokoa-kikiok kara 10:7\x*   
\q1
\v 15 Ara ta ramataꞌu rakanisa hatahori.   
\q1
\v 16 Ara bee reu, na,  
\q2 ara soa tao nemue-anggik nai naa,  
\q2 ma tao susa-sonak mata-matak kara neu hatahori.   
\q1
\v 17 Ara leo-laꞌo ta no mole-damek,  
\q2 ma ta nau leo-laꞌo no dale lino-lendek.\x + \xo 3:17 \xt Yesaya 59:7-8\x*   
\q1
\v 18 Ara ta rakatataka rala aon nara,  
\q2 nahuu ta rameda bibii-nemetaꞌuk faa boe na neu Manetualain.”\x + \xo 3:18 \xt Sosoda Kokoa-kikiok kara 36:2\x*   
\p
\v 19 Ita bubuluk tae, Manetualain fee Ndia Hohoro-lalanen neu hatahori fo muste tao tungga Hohoro-lalanek kara raa. No dalak naa, ara ta bisa rasalaꞌe aon nara fo rae sira ta tao salak bali. Neu ko basa hatahorir marai dae-bafok ia muste rataa mbali Manetualain, fo Ana naketu-naladi sira dedeꞌan nae, sira sala, do taa.  
\v 20 Huu naa de ta hambu hatahori esa boe na bisa kokolak nae, “Manetualain henggenee nala au nae, hatahori dale ndoos, nahuu au tao tungga basa Ndia Hohoro-lalanen lalaꞌen.” Ta bisa! Huu Manetualain Hohoro-lalanen ndia natudu nae, ita basa ngga tao salak.\x + \xo 3:20 \xt Sosoda Kokoa-kikiok kara 143:2; Galatia 2:16\x*   
\s1 Ita muste tamahere neu Lamatuak Yesus takahuluk, dei fo Manetualain henggenee nala ita dadi teu hatahori dale ndoos  
\p
\v 21 Boso panggananaa laꞌe-neu Manetualain nanaen fo natudu dalak soa-neu ita bisa malole fali to Ndia. Ndondoon ndia, ita bisa malole fali to Ndia, ta huu ita tungga Ndia Hohoro-lalanen. Ndia Hohoro-lalanen mesa kana ndia surak talo naa, ma Ndia mana toꞌu dedeꞌan lele uluk kara oo rafada talo naa nai Manetualain Susura Malalaon dale boe.  
\v 22 Manetualain henggenee nala ita dadi teu hatahori dale ndoos fo mana malole to Ndia, neu ita tamahere neu Yesus Karistus. Ana ta memete matak, te Ana tao talo naa soa-neu basa hatahorir fo mana ramahere neu Yesus.\x + \xo 3:22 \xt Galatia 2:16\x*   
\p
\v 23 Manetualain naa, malalaok. Ma Manetualain dudu-furan, ndia ita oo muste malalaok boe, dei fo Ana bisa simbo nala ita. Tehuu basa hatahorir tao salak. Huu naa de leo mae basa hatahorir soba-soba tao aon nara malole ro Manetualain, tehuu ita ta bisa nduku losa nai Manetualain dudu-furan fo demak mateꞌen naa.  
\v 24 Leo mae talo naa, tehuu Manetualain mesa kana ndia natudu Ndia dale susuen ma naketu-naladi nae, ita ta sala ena. Ana simbok nala ita talo naa, nahuu Yesus Karistus tefa-soi nala ita numa ita sala-singgon nara mai ena.   
\p
\v 25-26 Manetualain henggenee nala Yesus ena fo dadi neu tunu-hotuk tatana mamaek, fo koka heni ita sala-singgon nara. Tehuu ita muste tamahere neun tae, Ana simbo nala ita huku-dokin. Dadi Ana fee daan titi, ma mate nggati ita. No dalak naa, Manetualain natudu nae, hata fo Ana naketu-naladi nalak naa, tetebes. Fai bakahulun, Ndia dalen loan seli, de Ana naketu fo lilii heni basa sala-singgok kara fo hatahorir taok ndia fai uluk. Tehuu mete ma Ana ta hukun hatahori kasalak, na, Ndia mbeu seserik. Dadi Ana soi dalak, mita fo Yesus Karistus bisa lemba-nasaa ita hatahori kasalak kara huku-dokin. Hatematak ia Ana natudu neu basa hatahorir nae, Ndia tao malole nakandoo. De basa hatahori kasalak kara, fo mana ramahere neu Yesus, Ana naketu fo henggenee nala sara sama leo hatahori dale ndoos.   
\p
\v 27 Dadi talo bee? Fama te ei duꞌa mae, ei bisa kokolak maloloa bafam, nahuu Manetualain simbok nala ei ena, do? Ta bisa! Sangga matudu Hohoro-lalanek esa fo tao nala ei malole mia Manetualain, do? Ei duꞌa mae Manetualain simbok ei, nahuu ei tao hata fo neulauk, do? Ta bisa! Manetualain simbok ita, nahuu ita tamahere neu Yesus! Talo kada naa!   
\p
\v 28 Huu naa de hatematak ia ita bubuluk ena talo ia: hatahorir bisa malole ro Manetualain, nahuu ramahere neun, ta huu ara tao tungga kada Ndia Hohoro-lalanen.   
\p
\v 29 Dadi au ae atane talo ia: Manetualain simbok kada hatahori Yahudi do, Ana oo simbok hatahori laen boe? Tebe! Ana simbok basa sara!   
\p
\v 30 Manetualain naa, kada esak ka. Ma hambu kada dalak esa ndia Ana simbon fo ita hatahori dae-bafok bisa malole toon. Ndia ita tamahere neu Karistus. Dalak naa soa-neu hatahori Yahudi ma hatahori ta Yahudi boe.\x + \xo 3:30 \xt Tui Seluk laꞌe-neu Dala Masodak 6:4; Galatia 3:20\x*   
\p
\v 31 Dadi au ae atane talo ia: mete ma ita tamahere neu Manetualain, na, naa koka heni Ndia Hohoro-lalanen, do? Taa! Ndondoon ndia, naa tao natetu Ndia Hohoro-lalanen.   
\c 4  
\s2 Haꞌi netuduk numa baꞌi Abraham mai. Ana malole no Manetualain nahuu namahere neun  
\p
\v 1 Dadi haꞌi netuduk numa ita hatahori Yahudir baꞌin, baꞌi Abraham mai. Ita bisa tanori hata numa ndia mai laꞌe-neu hatahorir dadi malole ro Manetualain, nahuu ramahere neu Karistus?   
\p
\v 2 Ita bisa tanori talo ia: mete ma Abraham tao hata fo neulauk, de ana bisa malole no Manetualain, na, ana naena netehuuk fo kokolak naloloa bafan nai hatahori dae-bafok matan. Tehuu nai Manetualain matan, ana ta bisa kokolak hata-hata.  
\v 3 Sama leo neni surak nai Manetualain Susura Malalaon dale nae,  
\q1 “No Abraham namahere neu Manetualain,  
\q2 huu naa de Manetualain henggenee nalan dadi neu hatahori dale ndoos fo mana malole no Ndia.”\x + \xo 4:3 \xt Tutui Makasososak 15:6; Galatia 3:6\x*   
\p
\v 4 Hatahori mana maue-osa, simbo ndia nggadin. Nggadi naa ta doi fefee muda hiek, tehuu doik fo malanggan bae nggati hatahori naa sosota-mamanggun. Huu hatahori mana maue-osak haak naa.  
\v 5 Manetualain naena haak fo nae, hatahori fo mana namahere neu Yesus Karistus, bisa malole fali no Ndia, leo mae fai bakahulun hatahori naa, tao salak ma ta hosek neu Manetualain ena. Ta hambu dedeꞌak esa boe na fo hatahori bisa taon fo ana malole no Manetualain. Hatahori muste namahere neu Yesus Karistus, dei fo Manetualain henggenee nalan dadi neu hatahori dale ndoos ma simbok kana.   
\p
\v 6 Mane Dauk oo nafada boe nae, hatahorir dalen mbena sau-sau neu Manetualain henggenee nala sara nae, sira iar, hatahori dale ndoos, leo mae ara ta tao hata-hata esa boe na. Dauk surak nae:   
\q1
\v 7 “Leo mae hatahori iar lena-langga Manetualain Hohoro-lalanen ena,  
\q2 tehuu Ana koka heni sala-singgon nara.  
\q3 Huu naa de ara raua ralan seli!  
\q1 Hatahori fo mana tao manggarauk kara,  
\q2 Manetualain lilii heni sala-singgon nara ena.   
\q1
\v 8 Mete ma Manetualain ta reke hatahori sala-singgon,  
\q2 na, hatahori naa naua tebe-tebe!”\x + \xo 4:8 \xt Sosoda Kokoa-kikiok kara 32:1-2\x*   
\p
\v 9 Dadi fama te ei duꞌa mae, kada hatahori Yahudi fo mana sunat, ndia bisa naua fo ana malole no Manetualain, hetu? Ma hatahori nusa-nusak laen fo ta mana sunat, ta bisa, hetu? Taa! Duduꞌak leo naak naa, sala! Huu naa de ai fee nesenedak neu ei mae, nahuu Abraham namahere neu Manetualain, de Manetualain henggenee nalan dadi neu hatahori dale ndoos fo mana malole no Ndia.  
\v 10 Manetualain henggenee nala Abraham leo naak naa, ndia faik bee? Neu ana sunat basa ena, do neu ana bei ta sunat? Ndondoon ndia, ta neu ana sunat basa ena, tehuu neu ana bei ta sunat.   
\p
\v 11 Tebe! Neu Abraham bei ta sunat, Manetualain henggenee nalan ena, dadi neu hatahori dale ndoos fo mana malole no Manetualain. Doo-doo dei de ana sunat fo dadi tanda nae, ndia dadi neu hatahori fo mana namahere neu Manetualain. No dalak naa, Abraham nasosoi dalak soa-neu basa hatahorir fo mana ramahere reu Manetualain. Manetualain simbok basa hatahorir fo mana ramahere reu Ndia fo ara malole roon, leo mae ara sunat, do taa.\x + \xo 4:11 \xt Tutui Makasososak 17:10\x*  
\v 12 Abraham oo nasosoi dalak fee ai hatahori Yahudir fo mana neni sunat boe. Ta \it huu\it*ai sunat, tehuu no ai mamahere Karistus, sama leo Abraham namahere Manetualain, neu ana bei ta sunat.   
\s1 Mete ma ita tamahere neu Manetualain, na, ita simbo hata fo Ana helu-bartaak  
\p
\v 13 Manetualain ndara fangga hehelu-bartaak no Abraham ma tititi-nonosin nae, doo-doo te dae-bafok ia katematuan dadi neu sira pusakan. Manetualain helu-bartaa talo naa, nahuu Abraham namahere neun. De Manetualain henggenee nalan nae, hatahori dale ndoos fo mana malole no Ndia. Tehuu Manetualain ta helu-bartaa talo naa, nahuu Abraham tao tungga Ndia Hohoro-lalanen nara.\x + \xo 4:13 \xt Tutui Makasososak 17:4-6; 22:17-18; Galatia 3:29\x*   
\p
\v 14 Mete ma hatahori fo mana tao tungga kada Manetualain Hohoro-lalanen bisa simbo nala pusaka fo Manetualain helu-bartaak naa, sosoa-ndandaan nae, nemeheherek neu Manetualain naa, hie-hie a mesan. Ma Manetualain hehelu-bartaan naa oo sosoan ta boe.\x + \xo 4:14 \xt Galatia 3:18\x*  
\v 15 Nai bee fo hambu Manetualain Hohoro-lalanen, na, nai naa oo hatahorir lena-langga Hohoro-lalanek naa boe. Mete ma hatahori ralena-langga Ndia Hohoro-lalanen, na, Manetualain namanasa, de Ana huku-doki sara. Mete ma ta hambu Manetualain Hohoro-lalanen, na, ta hambu hatahori fo mana lena-langga Hohoro-lalanek naa.   
\p
\v 16 Huu naa de ita muste tamahere neu Ndia. Naa, nenenin lena heni basa-basan. Manetualain hii natudu Ndia dale susuen no babalan taa soa-neu hatahori fo mana namahere neu Ndia. Mete ma ita tamahere neun sama leo Abraham, na, ita simbo tala hata fo Ana helu-bartaak, leo mae ita hatahori Yahudir fo mana ramahere ma bubuluk Ndia Hohoro-lalanen, do ta Yahudir. Dadi ita basa ngga mana mamaherek naa, sama leo Abraham tititi-nonosin.\x + \xo 4:16 \xt Galatia 3:7\x*  
\v 17 Nai Manetualain Susura Malalaon dale, Ana helu-bartaa neu Abraham ena nae, “Au tao o dadi muu hatahori nusak noꞌuk ka bei-baꞌin.” Abraham namahere Manetualain. Doo-doo boe ma Manetualain tao natetu Ndia hehelu-bartaan naa. Ana ndia tao nasoda falik hatahori mates. No kada Ana kokolak, de hata fo ta hambu sana, ana dadi memak leo.\x + \xo 4:17 \xt Tutui Makasososak 17:5\x*   
\p
\v 18 Abraham namahere neu Manetualain, ma ana nahanin taa-taa, leo mae ndia mesa kana bei ta naena anak. Huu naa de Manetualain taon dadi neu “hatahori nusak noꞌuk ka bei-baꞌin.” Naa, sama leo neni surak nai Susura Malalaok nae, “Tititi-nonosik noꞌuk ka neu ko dadi numa o mai.”\x + \xo 4:18 \xt Tutui Makasososak 15:5\x*  
\v 19 Abraham nemeheheren tean seli neu Manetualain, leo mae ana bubuluk ndia aon lasi nggoꞌo bauk ena, teun nara natun esa ena. Ma Sara ana manan nakatema ena, ma ndia oo lasi nggoꞌo-nggoꞌok ena boe.\x + \xo 4:19 \xt Tutui Makasososak 17:17\x*  
\v 20 Tehuu Abraham nemeheheren ta natanggenggo do, duꞌa nae, Manetualain ta bisa tao natetu Ndia hehelu-bartaan. Nemeheheren neu Manetualain boe natea neu ana nakadedemak Manetualain naden.  
\v 21 Abraham namahere tebe-tebe nae, hata fo Manetualain helu-bartaa nalan ena, Ana bisa tao natetun.  
\v 22 Huu naa de Manetualain henggenee nala Abraham dadi neu hatahori dale ndoos fo mana malole no Ndia.   
\p
\v 23 Tehuu Manetualain Susura Malalaon nae, Manetualain ta reke leo naak soa-neu Abraham mesa kana,  
\v 24 tehuu soa-neu ita boe! Mete ma ita tamahere neun, na, Ana oo henggenee nala ita dadi teu hatahori dale ndoos fo mana malole to Ndia boe. Manetualain naa, ndia tao nasoda falik ita Lamatuan Yesus numa mamaten mai.  
\v 25 Yesus mate, nahuu ita ue-tao salak. Basa boe ma Ana nasoda fali numa mamaten mai fo nasosoi dalak, mita fo ita bisa malole fali to Manetualain.\x + \xo 4:25 \xt Yesaya 53:4-5\x*   
\c 5  
\s1 Hatahorir bisa malole ro Manetualain, sadi ara ramahere neu Yesus Karistus  
\p
\v 1 Dadi no ita tamahere neu Manetualain, huu naa de Ana henggenee nala ita dadi teu hatahori dale ndoos. Boe ma ita dalen nara dadi lolo-laok ena soa-neu Manetualain, nahuu ita Lamatuan Yesus Karistus, ndia Manetualain nadenun mai ena, nasosoi dalak fo ita bisa mole-dame talo naa.  
\v 2 Karistus natudu Ndia dale susuen soa-neu ita talo naa, nahuu ita tamahere takahuluk neun. Huu naa de ita dalen nara bisa ratea. Ma ita dalen nara oo mbena sau-sau boe, nahuu ita bubuluk tae, neu ko Manetualain soꞌuk nala ita fo tameda tala Ndia ta neni babanggan.   
\p
\v 3 Leo mae ita hambu tala susa-sonak mata-matak kara, tehuu ita dalen nara mbena sau-sau rakandoo. Ita bubuluk tae, ita tanori numa susa-sonak mai, fo ita bisa takatataka tala no bebeꞌi-barakaik lenak bali.  
\v 4 Mete ma ita takatataka tala nai susa-sonak dale, naa tao nala ita ta tuda, ma ita leleo-lalaꞌon tao namahoko Manetualain dalen. Mete ma ita leo-laꞌo no bebeꞌi-barakaik lenak talo naa, naa tao nala ita nemeheheren boe natea nae, neu ko Manetualain nau natudu Ndia dale susuen neu ita.  
\v 5 Mete ma ita nemeheheren boe natea talo naa, na, ita ta mae. Manetualain fee ita Ndia Dula-dale Malalaon ena, fo ita bisa bubuluk nai ita dalen dale tae, Ana sue nalan seli neu ita.   
\p
\v 6 Ana natudu Ndia susuen talo ia: neu ita bei ta bisa tao ita aon malole to Manetualain, naa te Manetualain tengga nala fai fo mandaak esa, de Ana nadenu Karistus mai, fo mate soa-neu ita ta mana tao matak neu Manetualain.  
\v 7 Duꞌa matalolole dei! Hambu kada hatahori kikisek ndia mana sadia mate, nggati ndia nonoon fo madale ndoos. Fama te hambu hatahori ketuk sadia mate fo tulun hatahori fo madale susuek.  
\v 8 Tehuu Manetualain natudu Ndia susue-lalain sudi selik kana neu ita ena. Huu neu ita bei tao salak, Karistus mate soa-neu ita.   
\p
\v 9 Manetualain henggenee nala ita dadi teu hatahori dale ndoos fo mana malole to Ndia, nahuu Karistus fee daan titi henin fo mate soa-neu ita. Naa te mete ma hatahori tao salak, na, Manetualain namanasa. Tehuu no kada Karistus tataon naa, ita fo mana tao salak ta hambu huku-dokik bali.   
\p
\v 10 Fai bakahulun ita mana musuk kara to Manetualain. Tehuu Manetualain Ana heli-helin ndia mate fo tao nakasufu Manetualain dalen, mita fo ita bisa mole-dame to Manetualain. Dadi hatematak ia ita ta mana musuk kara ena, tehuu malole fali ena. Lena-lenak bali, nahuu Karistus nasoda fali numa mamaten mai ena, neu ko nai dae-bafok fai mateꞌen Ana oo tao nasoi-nasoda ita boe fo boso hambu Manetualain huku-dokin bali.  
\v 11 Ta leo kada naa! Ita dalen nara bisa mbena sau-sau tae, “Manetualain naa, ta neni babanggak sudi selik kana!” nahuu ita takaesa toon. Ita bisa dadi teu Ndia hatahorin, nahuu ita Lamatuan Yesus Karistus mate soa-neu ita ena, fo tao nala ita mole-dame to Manetualain.   
\s1 Mete ma ita takasasamak Adam no Karistus, na, hambu sama, ma hambu ta sama boe  
\p
\v 12 Dadi numa lele uluk mai, hatahori dae-bafok makasososak, ndia baꞌi Adam, ndia mulai tao salak. Huu naa de Manetualain ta fee sana nasoda nakandoo. Basa de mulai numa faik naa mai, basa hatahorir marai dae-bafok ia oo tungga tao salak sama leo ndia boe. Huu ara tao salak sama leo ndia, de sira basa sara oo muste mate sama leo ndia boe.\x + \xo 5:12 \xt Tutui Makasososak 3:6\x*  
\v 13 Lele uluk neu Manetualain bei ta nakonda Ndia Hohoro-lalanen nara, hatahori tao salak nai ndule dae-bafok ia. Tehuu no bei ta hambu Hohoro-lalanek, ta hambu mana reke hatahori sala-singgon nara.  
\v 14 Numa baꞌi Adam mai, losa baꞌi Musa simbo Manetualain Hohoro-lalanen, basa hatahorir mate. Leo mae ara ta lena-langga Manetualain parendan, fo Ana feen neu Adam, tehuu ara bei tao salak mata-matak laen bali. Huu naa de ara muste mate sama leo Adam.  
\p Mete ma ita takasasamak baꞌi Adam no Lamatuak Yesus, hambu sama, ma hambu ta sama boe. Adam oo nok bali nggambar esa natudu Yesus mata-aon boe, fo neu ko ana sou mai.  
\v 15 Tehuu Adam ue-tatao salan, ta sama no Yesus ue-tatao neulaun soa-neu ita. Hatahori esa, ndia Adam, nalena-langga Manetualain parendan. Huu naa de basa hatahorir muste mate. Tehuu Hatahori esa bali, ndia Yesus Karistus, ue-tao neulauk mata-matak kara soa-neu ita, ma ta nahani hatahori bala Ndia neulaun. Hata fo Hatahori esa ue-tataon naa, dai ena soa-neu basa hatahorir, huu Manetualain hii tao kada neulauk soa-neu ita.  
\v 16 Hata fo Manetualain fee ita naa, ta sama leo salak fo hatahori esak naa, ndia Adam ue-tataon. Neu ana tao salak, Manetualain naketu nae, “O sala. Dadi o muste hambu huku-dokik!” Tehuu leo mae hatahorir tao rala salak noꞌun seli, Manetualain ndia parisa basa hatahorir leleo-lalaꞌon nara, bei nau natudu Ndia dale susuen, ma naketu nae, “Au henggenee o salam taa. Dadi hatematak ia o nekemboꞌik ena, ma huku-dokik ta laꞌe o ena bali. Mai fo malole fali mua Au!”  
\v 17 De hatahori esa, ndia Adam, tao salak, ma lena-langga Manetualain parendan. Huu naa de hatematak ia, basan muste mate. Tehuu Hatahori esa bali, ndia Yesus Karistus, ue-tao kada neulauk nakandoo. No Ndia ue-tatao neulaun naa, huu naa de ita bisa malole to Manetualain. Naa, nok bali buas esa, Ana feen no muda hiek kana neu ita. Ana nau fee ita masodak tetebes ta mana basak, sama leo ita dadi teu Manek nonoon nara.   
\p
\v 18 Dadi no kada hatahori esa ue-tatao salan, nasosoi dalak fo basa hatahorir hambu husi-mbuuk numa Manetualain matan mai. Ma no kada Hatahori esa ue-tatao ndoon, na, nasosoi dalak fo basa hatahorir bisa malole fali ro Manetualain, fo rasoda tebe-tebe ro Ndia.  
\v 19 Talo ia: Adam naa, hatahori esa fo ta nau nenene Manetualain, boe ma nalena-langga Ndia parendan. Ma hatahori noꞌuk ka oo tungga tao salak sama leo ndia boe. Naa te Yesus naa, Hatahori esa fo nau nenene neu Manetualain, boe ma tao tungga hihii-nanaun. Yesus ndia nasosoi dalak fo hatahori noꞌuk ka bisa malole fali ro Manetualain.   
\p
\v 20 Manetualain nakonda Ndia Hohoro-lalanen neu baꞌi Musa fo basa hatahorir bubuluk no tetuk, bee ndia sala. Tehuu nai bee a mesan hatahorir salan nara tamba ramanoꞌu, nai naa oo Manetualain natudu Ndia dale susuen lenak bali boe.  
\v 21 Fai bakahulun manggarauk manai hatahori dalen naena koasa fo koladu sara, losa ara tao salak mana neni hukun mates fo lenggo feꞌe numa Manetualain mai losa doon naa neu. Tehuu hatematak ia hata fo neulauk fo ita Lamatuan Yesus Karistus taok naa, Manetualain paken fo natudu Ndia dale susuen soa-neu ita. Ma hata fo neulauk naa, naena koasa fo koladu ita, de ita bisa malole to Manetualain, boe ma tasoda tebe-tebe to Ndia losa doon naa neu.   
\c 6  
\s1 Ita muste laꞌo ela ita sala-singgon fo leo-laꞌo tungga Manetualain hihii-nanaun  
\p
\v 1 Dadi hatematak ia nau kokolak hata? Fama te ei duꞌa mae, “Manetualain lilii heni ita sala-singgon ena, nahuu Ndia dale susuen. Huu naa de malole lenak ita tao salak takandoo, mita fo Manetualain natudu Ndia dale susuen lena-lenak bali soa-neu ita.”  
\v 2 Ta bisa dadi! Ta nandaa mete ma ita tao salak takandoo, huu ita taketu tala ena tae, tasadea laꞌo ela ita sala-singgon nara ena. No ita ta neka-lili to manggarauk ena bali, naa sama leo ita mate ena! Hatahori fo mana matek ena, ta bisa tao salak bali, hetu? Mete ma ita mate talo naa ena, na, talo bee de ita bisa leo-laꞌo tao salak bali? Ta bisa, hetu?   
\p
\v 3 Fama te ei ta bubuluk mae, neu ita sarani, naa dadi tanda nae, ita laꞌo ela leleo-lalaꞌo raak fo dadi teu hatahori beuk, ndia mana takaesak to Yesus Karistus. Naa, sama leo ita mate sama-sama toon.  
\v 4 Neu Karistus mate, ara ratoin. Boe ma neu faik ita hambu saranik, na, ita laꞌo ela leleo-lalaꞌo raak, sama leo ita oo mate, basa de ratoi ita boe. Amak Manetualain pake Ndia koasan ta neni babanggak fo nasoda falik Karistus numa mamaten mai. Ma Amak Manetualain oo nau ita simbo Ndia koasan naa fo tasoda fali numa mamates mai dadi hatahori beuk boe.\x + \xo 6:4 \xt Kolose 2:12\x*   
\p
\v 5 Naa sama leo ita mate sama-sama to Yesus. De ita mana takaesak to Ndia, neu ko ita oo tasoda fali numa ita mamaten mai boe, sama leo Ndia nasoda fali numa mamaten mai ena.   
\p
\v 6 Fai bakahulun, ita dadi teu hatahori fo mana tao salak mata-matak. Tehuu ita leleo-lalaꞌo raan naa, nakalulutu basan ena, sama leo ara paku rakanisa ita nai ai ngganggek sama-sama to Karistus. Hatematak ia manggarauk manai ita dalen, ta naena koasa fo koladu ita bali. Hatematak ia ita ta neka-lili fo tao salak bali. Huu ita ta sama leo ata-dato fo ta naena haak here hata fo nae taon.  
\v 7 Mete ma hatahori mate ena, na, ana hambu nekemboꞌik ena, hetu? Ta hambu esa boe na, bisa nakasetik kana fo tao salak bali.   
\p
\v 8 Huu naa sama leo ita mate sama-sama to Karistus, na, ita tamahere tae, ita oo neu ko tasoda takandoo to Ndia boe.  
\v 9 Ita bubuluk tae, nahuu Karistus nasoda fali numa mamaten mai, de Ana ta mate seluk bali. Ta hambu hata esa fo naena koasa fo tao nisan bali.  
\v 10 Fai bakahulun Ana mate laꞌe esak ka, fo feꞌa heni basa sala-singgok koasan. Tehuu hatematak ia Ana nasoda fo natudu hada-horomatak neu Manetualain.   
\p
\v 11 Ei oo muste tao aom mara leo naak boe. Nok bali ei mate ena, huu naa de sala-singgok ta naena koasa soa-neu ei bali. De hatematak ia ei muste leo-laꞌo fo matudu hada-horomatak neu Manetualain, nahuu ei makaesa mia Yesus Karistus.   
\p
\v 12 Boso fee lelak fo manggarauk manai o dalem naena koasa fo bisa koladu o, de tungga kada o ao-mbaam fo neu ko mana matek naa hihii-nanaun fo tao manggarauk kara.  
\v 13 Boso loo lima o aom fo tao kada hata fo ta ndoos sara, huu naa oo sala boe. Tehuu loo lima o aom neu kada Manetualain, fo Ana koladu o. Nok bali o mate ena, basa de o masoda fali numa mamatem mai. Dadi pake o ao katematuam fo tao hata fo ndoos sara soa-neu Manetualain.  
\v 14 Boso fee lelak fo sala-singgok bisa koladu ei, sama leo sala-singgok dadi neu ei malanggam. Hatematak ia ei hae leo-laꞌo tungga Musa hohoro-lalanen bali fo dadi malole falik mia Manetualain. Ei leo-laꞌo ndoos, nahuu Manetualain natudu Ndia dale susuen neu ei ena. De hatematak ia Ndia dale susuen naa, ndia koladu ei.   
\s1 Ita dadi sama leo ata-dato fo mana naue-osa tungga Manetualain hihii-nanaun  
\p
\v 15 Dadi talo bee? Fama te ei duꞌa mae, “Nahuu ita hae leo-laꞌo tungga Musa hohoro-lalanen bali, fo dadi malole fali to Ndia, elan leo fo ita tao kada salak takandook kana. Te Manetualain bei nau natudu Ndia dale susuen soa-neu ita, na!” Ei duꞌa talo naa, do? Au afada, ee! Naa, sala!   
\p
\v 16 Au haꞌi netuduk numa ata-dato no lamatuan mai. Mete ma ei loo lima aom mara fo maue-osa fee hatahori esa, na, ei muste nenene neun, ma maue-osa tungga ndia hihii-nanaun. Huu ndia naa, ei lamatuam fo mana naena haak parenda ei. Ma eir ia, ndia ata-daton. Leo naak oo ei bisa here nau tungga see boe. Ei bisa here fo tao salak, boe ma ei dadi miu sala-singgok ata-daton. Tehuu mete ma ei here talo naa, ei tao mala aom mara lenggo feꞌe numa Manetualain mai. Ei bisa here fo tao hata fo ndoos, ma dadi miu ata-dato fo mana tao tungga hata fo Manetualain nadenu neu ei. Mete ma ei here talo naa, na, ei bisa dadi malole mia Ndia!   
\p
\v 17 Fai bakahulun ei fee lelak fo sala-singgok ndia koladu ei, tehuu hatematak ia ei nenene ei dale kuru-erom, de tao tungga hata fo hatahori saranik kara ranori ei. Huu naa de au oke makasi neu Manetualain.  
\v 18 Manetualain nakamboꞌik ei numa sala-singgok koasan mai, losa sala-singgok ta koladu ei bali. De hatematak ia hata fo ndoos ndia koladu ei.   
\p
\v 19 Au kokolak ia, pake netuduk tungga faik numa ata-dato no lamatuan mai, fo malela au kokolang no muda hiek. Fai bakahulun ei loo lima aom mara dadi miu ata-dato fo tao salak, mana nuni neni ei dadi manggenggeok tungga Musa Hohoro-lalanen. Tehuu hatematak ia ei muste loo lima aom mara dadi miu ata-dato, fo mana leo-laꞌo tungga kada ndoon, mana nuni ei dadi lolo-laok nai Manetualain matan.   
\p
\v 20 Fai bakahulun ei kada mamanene ma tao tungga salak hihii-nanaun, ei ta nenene ma tao tungga hata fo ndoos.  
\v 21 Au ae atane talo ia: Ei hambu buna-boa neulauk hata numa ei tatao-nonoim naa mai? Ta hambu, hetu? Naa te buna-boak fo ei hambuk naa, kada tao nakamamaek ei. No ei tatao salam talo naa, neu mateꞌen Manetualain nasadea laꞌo ela ei.   
\p
\v 22 Tehuu hatematak ia Manetualain nakamboꞌik ei numa lamatua raak mai ena, de ei hae tao salak bali. Hatematak ia ei muste dadi miu Manetualain hatahori mana maue-osan. Mateꞌen neu ko ei dadi lolo-laok soa-neu Ndia, ma hambu masodak tetebes ta mana ketuk.  
\v 23 Neu ita tao salak, babalan ndia Manetualain nasadea laꞌo ela ita losa doon naa neu. Ita mate leo! Tehuu Manetualain sadia nala dala sasaik esa fee ita ena. Ana nau baꞌe fee ita masodak tetebes ta mana ketuk no muda hiek. Ma ita hambu tala masodak naa, mete ma ita dadi teu Lamatuak Yesus Karistus hatahorin.   
\c 7  
\s1 Hukun hohoro-lalanen ta naena haak bali, mete ma hatahori mate ena  
\p
\v 1 Toranoo nggara ein! Hatematak ia au kokolak soa-neu ei fo mana malela hukun hohoro-lalanen nara. Talo ia: mete ma ei bei masodak, hukun hohoro-lalanen naena haak fo koladu ei. Tehuu mete ma ei mate ena, hukun hohoro-lalanen ta naena haak fo koladu ei bali.   
\p
\v 2 Au haꞌi netuduk numa hohoro-lalanek sao holu ndaek mai. Mete ma inak esa sao nala saon ena, tungga hukun hohoro-lalanen, dua sara dadi reu sao holu-ndaek losa ara mate. Mete ma saon mate ena, na, ina falu naa ta nakaesa no hohoro-lalanek kara raa bali. Ana bole sao seluk.  
\v 3 Tehuu mete ma ana sao seluk no hatahori laen, neu sao toun bei masodak, na, tungga hohoro-lalanek, ana hohongge-lelena ena. Mete ma sao toun maten ena, na, hohoro-lalanek sao holu-ndaek ta laꞌe sana bali. Ndia hatahori nekemboꞌik ena. De mete ma ana sao seluk no hatahori laen, na, tungga hohoro-lalanek, ana ta hohongge-lelena.   
\p
\v 4 Leo naak oo soa-neu ei kamaherek kara boe! Talo ia: Karistus maten ena. Naa, sama leo ei oo mate sama-sama mian boe, fo laꞌo ela ei leleo-lalaꞌo raam mara. De hukun hohoro-lalanen ta laꞌe ei bali. Hatematak ia ei nekemboꞌik numa hohoro-lalanek kara raa mai ena, ma ei makaesa mia Karistus ena, fo mana nasoda fali numa mamaten mai ena. Naa, sama leo ina falu mana sao beuk. Naa, dedeꞌan taa. De hatematak ia basa hata fo ei taok kara raa, soa-neu Manetualain.   
\p
\v 5 Fai bakahulun ita tao tungga kada ita hihii-nanaun mesa kana. No ita bubuluk hohoro-lalanek, naa tao ita hii lena-langga hohoro-lalanek kara raa, fo tao basa hata fo ta ndoos. Dadi ita sala-singgon nara raa, ndia tao nala Manetualain nasadea ita.  
\v 6 Fai bakahulun ita muste tao tungga hohoro-lalanek. Tehuu hatematak ia hohoro-lalanek ta laꞌe ita bali, te ita mboꞌi heni ita leleo-lalaꞌo raan ena. Tungga eno-dala raak hihii-nanaun, na, Musa hohoro-lalanen neni surak nai Susura Malalaok futu-paꞌa ita. Tehuu tungga eno-dala beuk hihii-nanaun, na, ita takamboꞌik numa hohoro-lalanek naa mai ena. Te Manetualain Dula-dalen ndia koladu ita na! Huu naa de hatematak ia ita taue-osa soa-neu kada Manetualain leo.   
\s1 Musa hohoro-lalanen buka natudu manggarauk manai ita dalen  
\p
\v 7 Dadi ita nau kokolak hata? Fama te ei duꞌa mae, “Hohoro-lalanek fo Manetualain fee neu Musa naa, sala!” Taa! Mete ma au ta alela hohoro-lalanek kara raa, na, ta bisa dadi au alela basa hata fo ta ndoos nai au daleng. Haꞌi netuduk leo, hambu hohoro-lalanek nae, “Boso dale hedi mae haꞌi mala hatahori hata-heton.” Tehuu talo bee de au bisa bubuluk dale hedik naa, sala, mete ma au ta bubuluk, ana naena hohoro-lalanek? Ta bisa!\x + \xo 7:7 \xt Kalua numa Masir mai 20:17; Tui Seluk laꞌe-neu Dala Masodak 5:21\x*  
\v 8 Tehuu no hambu hohoro-lalanek nae talo naa, naa nok bali hata fo manggarauk kara marai au daleng, tao nala au hii alan seli, fo haꞌi ala hatahori hata-heton mata-matak kara. Mete ma ta hambu hohoro-lalanek kaꞌi, na, sala-singgok oo ta naena koasa fo koladu hatahori boe.   
\p
\v 9 Numa au leleo-lalaꞌong fai bakahulun, au ta alela tebe-tebe dudu-furak numa Manetualain Hohoro-lalanen mai. Doo-doo dei de au bisa alela tebe-tebe. Huu naa de au bei fo ameda ae, au lena-langga Hohoro-lalanek naa ma tao salak ena. Ma sala-singgok babalan naa, ndia au muste mate.  
\v 10 Boe ma au daleng nakalulutu, huu au bubuluk ae, au mesa ngga ta bisa malole ua Manetualain, nahuu kada tao tungga Ndia Hohoro-lalanen. Au andaa hambu ala Manetualain nasan, ndia hukun mates, nahuu au lena-langga Ndia Hohoro-lalanen ena. Naa te hambu Hohoro-lalanek fo tao hatahori bisa leo-laꞌo no ndoos. Tehuu tunga au, Hohoro-lalanek naa ndia nakalulutu au, de tao nala Manetualain nasadea au.  
\v 11 Hohoro-lalanek naa, memak natudu eno-dala masodak tetebes. Tehuu no hambu manggarauk leo nai au daleng dale, de au kedi-ira asafali au ao heli-heling, fo duꞌa ae, au bisa malole ua Manetualain, sadi tao tungga Ndia Hohoro-lalanen. Boe ma naa nok bali Hohoro-lalanek naa ndia taon losa Manetualain nunute au, ma ta nau nakaesa no au.\x + \xo 7:11 \xt Tutui Makasososak 3:13\x*   
\p
\v 12 Dadi mete ma bebeik kara ia, hatahorir rae, “Hohoro-lalanek fo Manetualain fee neu Musa naa, sala,” na, au aselu ae, “Taa! Manetualain Hohoro-lalanen naa, malalaok!” Ma basa parendar marai Hohoro-lalanek naa oo malalaok, ndoos ma malole boe.   
\p
\v 13 Fama te ei oo duꞌa boe mae, Hohoro-lalanek naa ndia tao nala Manetualain nasadea au, hetu? Taa! Leo mae au bubuluk Hohoro-lalanek naa, tehuu au bei nenene manggarauk manai au daleng, losa au tao salak. Dadi au ue-tatao salang naa, ndia tao nala Manetualain nasadea au. Hohoro-lalanek mesa kana memak malole, huu ana natudu basa hata fo manggarauk kara, fo mana tao nala ita lenggo feꞌe numa Manetualain mai. Dadi neu Manetualain natudu eno-dala masodak tetebes, Hohoro-lalanek naa natudu no manggaledon nae, hata fo ta neulauk nai ita dalen naa, ta malole.   
\s1 Hata fo neulauk ma hata fo manggarauk ratimba-leꞌak rai ita dalen dale  
\p
\v 14 Ita bubuluk tae, Hohoro-lalanek fo Manetualain feen neu baꞌi Musa konda numa Manetualain Dula-dalen mai. Tehuu au kada hatahori dae-bafok biasa fo daleng ta matea. De au amanene hata fo manggarauk manai au daleng fo kaboo mburuk, losa au tao salak. Naa, sama leo sala-singgok dadi neu au lamatuang, ma au dadi uu sala-singgok ata-daton.  
\v 15 Au panggananaa, huu au ta alela hata fo au taok. Au ta tao tungga hata fo au nau taok. Tehuu au tao tungga hata fo au ta nau taok.\x + \xo 7:15 \xt Galatia 5:17\x*  
\v 16 Mete ma au tao tungga hata fo au ta nau taok, au manaku ae, Manetualain Hohoro-lalanen naa, tetebes.  
\v 17 De au ta ndia koladu au aong. Te manggarauk manai au daleng ndia koladu au aong na!   
\p
\v 18 Au bubuluk ena ae, ta hambu hata fo neulauk leo nai au daleng. Au ia, hatahori dae-bafok fo au daleng kaboo mburuk. Nau ta nau, au ta bisa akasetik aong fo tao hata fo ndoos. Au nau, tehuu ana ta dadi nakandoo!  
\v 19 Au daleng hii fo tao hata fo neulauk, tehuu au ta tao sana. Ma au ta nau fo tao hata fo manggarauk, tehuu au kada tao!  
\v 20 Mete ma au tao tungga hata fo au ta nau taok, na, naa ta huu au mesa ngga hihiing, tehuu no manggarauk fo mana leo nai au daleng hihiin.   
\p
\v 21 Dadi talo ia: leo mae au ae tao neulauk, tehuu hambu manggarauk manai au daleng dale ndia mana laban.  
\v 22 Naa te au daleng namahoko nalan seli, mete ma au duduꞌa laꞌe-neu Manetualain Hohoro-lalanen.  
\v 23 Tehuu maggarauk koasan manai au daleng dale, ndia nakalulutu au. Au daleng hii tao hata fo neulauk, tehuu ana ta dadi nakandoo. Naa, nok bali manggarauk manai au daleng dale naa humu nala au, fo nau nakasetik au fo tungga kada ndia.  
\v 24 Kasian laꞌe esak kana, ee! Au hatahori mana doidosok! See ndia bisa tao nasoi-nasoda au numa koasa manggarauk mana leo nai au daleng dale, fo mana tao nala Manetualain nunute au losa Ana nasadea au?   
\p
\v 25 Awii! Manetualain mesa kana ndia nasosoi dalak fo nakamboꞌik au! Makasi noꞌun seli soa-neun, nahuu ita Lamatuan Yesus Karistus bisa tao nasoi-nasoda au! De mete ma au leo-laꞌo asarada neu kada au aong, au doidoso. Leo mae au hii alan seli tao tungga basa Manetualain Hohoro-lalanen lalaꞌen, tehuu manggarauk koasan manai au daleng dale ndia kokoe au fo tao sala-singgok akandoo.   
\c 8  
\s1 Ita bisa leo-laꞌo no ndoos, mete ma ita takaesa to Manetualain Dula-dalen  
\p
\v 1 Dadi Manetualain ta fee huku-dokik neu hatahori fo mana nakaesa no Yesus Karistus!  
\v 2 Talo ia! Hambu dalak dua: kaesan, mete ma ita takaesa to Yesus Karistus, Manetualain Dula-dalen fee koasa neu ita fo bisa leo-laꞌo no ndoos. Kaduan, hambu manggarauk nai ita dalen dale fo mana kokoe ita fo tao sala-singgok. Mete ma ita tao sala-singgok, Manetualain nunute ita, boe ma nasadea ita. Mete ma ita hambu tala Manetualain Dula-dalen, Ana nakamboꞌik ita numa sala-singgok koasan mai.   
\p
\v 3 Leo mae ita tao tungga Musa Hohoro-lalanen, naa ta bisa tao nasoi-nasoda ita numa sala-singgok koasan mai, huu ita kada hatahori dae-bafok biasa a mesan fo mana tao sala-singgok nakandoo. Tehuu Manetualain ndia nasosoi dala sasaik. Ana nadenu Ana heli-helin fo dadi neu hatahori dae-bafok biasa sama leo ita. Leo mae hatahori dae-bafok biasa laen tao sala-singgok mata-matak kara, tehuu Yesus ta tao nita sala-singgok hata esa boe na. Lenak bali, Ana dadi neu tunu-hotuk fo koka heni hatahori sala-singgon.  
\v 4 Manetualain nadenu Karistus ena, fo Ana mate, mita fo ita tao tungga basa hata fo ndoos, tungga Manetualain Hohoro-lalanen nara. Dadi hatematak ia, ita tao hata fo ndoos sara, tungga Manetualain Dula-dalen hihii-nanaun, ma ta tao tungga ita mesa ngga hihii-nanaun bali.   
\p
\v 5 Hatahori fo mana leo-laꞌo tungga kada sira mesa kasa hihii-nanaun naa, ara leo-laꞌo talo naa nahuu ara duduꞌa kada hata fo manggarauk kara a mesan rakandoo. Tehuu hatahori fo mana leo-laꞌo tungga kada Manetualain Dula-dalen hihii-nanaun, ara duduꞌa kada hata fo mana tao namahoko Manetualain Dula-dalen.  
\v 6 Hatahori fo mana fee lelak neu hata fo manggarauk kara fo koladu ndia duduꞌan, sama leo hatahori fo ta mana namanene Manetualain Dula-dalen, de ndia dale kuru-eron soa-neu Manetualain maten ena. Tehuu hatahori fo mana fee lelak fo Manetualain Dula-dalen koladu ndia duduꞌan naa, ana leo-laꞌo no ndoos, ma dalen lino-lendek.   
\p
\v 7 Ita hatahori dae-bafok hihii-nanau heli-helin laban tebe-tebe Manetualain hihii-nanaun. De ita mesa ngga ta takaluku fo nenene neu Manetualain, nahuu ita mesa ngga ta bisa.  
\v 8 Hatahori fo mana fee lelak neu ndia mesa kana hihii-nanaun fo koladun, nau ta nau, ta bisa tao namahoko Manetualain dalen.   
\p
\v 9 Tehuu eir ia, hatahori fo ta mana leo-laꞌo manggarauk tungga ei mesa ngga hihii-nanaum bali. Mete ma Manetualain Dula-dalen leo nai ei dalem dale, ei tao basa hata fo tao namahoko Ndia. (Tehuu mete ma hambu hatahori fo Karistus Dula-dalen ta leo nai dalen dale, ana oo ta dadi neu Manetualain enan boe.)  
\v 10 Ei ao-mbaam neu ko mate, nahuu ei tao sala-singgok ndia fai bakahulun. Tehuu hatematak ia no Karistus leo nai ei dalem dale, ei samanem neu ko nasoda nakandoo, nahuu Manetualain henggenee nala ei dadi miu hatahori dale ndoos, boe ma ei malole fali mia Ndia ena.  
\v 11 Manetualain ndia tao nasoda falik Yesus numa mamaten mai. Dadi leo mae ita mate, mete ma Manetualain Dula-dalen leo nai ita dalen dale, neu ko Ana oo tao nasoda falik ita numa mamates mai boe. Naa sosoa-ndandaan nae, Ana tao nasoda ita, sama leo Ana tao nasoda falik Karistus numa mamaten mai ena.\x + \xo 8:11 \xt 1 Korentus 3:16\x*   
\s1 Manetualain Dula-dalen nafada nae, ita dadi teu Manetualain anan nara  
\p
\v 12 Dadi talo ia, toranoo nggara ein! Ita kahutak kara. Naa, ita ta tahuta fo leo-laꞌo tungga hatahori dae-bafok hihii-nanaun, tehuu ita tahuta fo leo-laꞌo tungga Manetualain hihii-nanaun.  
\v 13 Mete ma ita leo-laꞌo tungga kada manggarauk manai ita dalen dale, na, Manetualain nau nasadea ela ita, ma hukun nakamate ita! Tehuu mete ma ita fee lelak Manetualain Dula-dalen nakalulutu sala-singgok koasan manai ita dalen dale, na, dei fo ita bisa leo-laꞌo no ndoos ta mana ketuk.   
\p
\v 14 Hatahori fo mana namanene neu Manetualain Dula-dalen fo koladu sara, na, sira iar Manetualain anan nara.  
\v 15 Mete ma ita fee lelak neu Manetualain Dula-dalen fo koladu ita, Ana ta tao ita dadi teu ata-dato fo mana leo-laꞌo no nemetaꞌuk. Fai bakahulun, ita leo naak. Tehuu no ita simbo tala Manetualain Dula-dalen fo koladu ita ena, de ita bubuluk ita dadi teu Manetualain anan nara ena. Huu naa de neu ko Ana nau namanene, mete ma ita tanggoun tae, “Ama Bonggik, ee!”\x + \xo 8:15 \xt Markus 14:36; Galatia 4:6\x*   
\p
\v 16 Ita mesa ngga dalen ndia nafada nae, ita dadi teu Manetualain anan nara. Ma Manetualain Dula-dalen oo nafada nae leo naa boe.  
\v 17 Mete ma ita dadi teu Manetualain anan nara, naa sosoa-ndandaan nae, neu ko ita simbo tala Ndia pusakan, nahuu Ana dadi neu ita Aman. Dadi mete ma Amak fee pusaka neu Ndia Anan Karistus, neu ko ita oo simbo sama-sama Ndia pusakan boe. Tehuu hambu dedeꞌak esa bali: ita muste hambu tala doidosok, sama leo Karistus oo hambu doidosok boe, mita fo Manetualain neu ko bisa nakadedemak ita, sama leo Ana nakadedemak Karistus ena.\x + \xo 8:17 \xt Galatia 4:5-7\x*   
\s1 Neu ko Lamatuak nakadedemak ita  
\p
\v 18 Tehuu tungga au, doidosok fo ita hambuk hatematak ia sosoa-ndandaan taa, mete ma takasasamak kana no hata fo ta hohoꞌak kara fo neu ko Manetualain natudun neu ita.  
\v 19 Naa te basa hata fo Manetualain adu nalak kara marai lalai no dae-inak, ara rahani taa-taa ma hii ralan seli fo mete-rita Ana natudu Ndia anan teteben nara raa, sira seer. Ana nae natudu sara no dale mana mbena sau-sauk.  
\v 20 Manetualain nakadadadik lalai no dae-inak ma oe-isin lalaꞌen tungga Ndia nanaen. Tehuu ta dadi tungga Manetualain nanaen, huu Ndia huku-dokin. No huku-dokik naa, basa hata fo Manetualain aduk lalaꞌen rakalulutu, ta huu sira hihiin, tehuu tungga Manetualain hihii-nanaun. Leo mae talo naa oo, tehuu bei hambu nemehehenak boe.\x + \xo 8:20 \xt Tutui Makasososak 3:17-19\x*  
\v 21 Dadi hatematak ia, basa hata fo Manetualain adu nalak kara raa rakalulutu, ma ta raena dala sasaik. Tehuu neu faik Manetualain nakadedemak Ndia anan nara fo ara hambu nekemboꞌik numa mana makalulutuk kara mai, na, Ana oo nakamboꞌik basa hata fo Ana adu nalak kara ena boe, fo ta rakalulutu bali. De basa sara bisa dadi ta hohoꞌak tungga Ndia nanaen.   
\p
\v 22 Ita bubuluk ena tae, hambu susa-sonak ma doidosok noꞌuk ka nai dae-bafok ia. Numa fai bakahulun losa hatematak ia, basa hata fo Manetualain adu nalak kara raa rahohoo huu rameda hedis, neu rahani taa-taa fo Manetualain adu basa-basan dadi beuk. Naa, sama leo inak nahohoo huu nameda hedis neu ana nahani nae bonggi anan.  
\v 23 Ta kada dae-bafok mesa kana ndia nahani taa-taa, tehuu ita oo tahani taa-taa talo naa boe. Leo mae Manetualain fee nakahuluk Ndia Dula-dalen neu ita ena, tehuu ita oo tahohoo nai ita dalen boe. Ita tanea taa-taa fo tahani Manetualain soꞌuk ita dadi teu Ndia ana teteben nara, ma nakamboꞌik ita ao-inan nara ruma basa hata fo mana makalulutuk mai.\x + \xo 8:23 \xt 2 Korentus 5:2-4\x*   
\p
\v 24 Neu Manetualain tao nasoi-nasoda ita, Ana oo fee helu-bartaak noꞌuk ka fo neu ko ara dadi boe. Hatematak ia ita bei tahani taa-taa, nahuu bei ta dadi. Mete ma ita mete-tita matak esa dadi ena, ita ta parluu tahani bali, fo mete-tita seluk matak naa. Huu hatahori ta nahani taa-taa bali fo mete-nita matak esa fo mandadik ena, hetu?  
\v 25 Tehuu mete ma ita tahani taa-taa fo nau mete-tita matak esa bei ta dadi, na, ita bei bisa takatataka tala no dale naruk.   
\p
\v 26 Leo naak oo neu ita tahani taa-taa boe, Manetualain Dula-dalen oo tulu-fali ita boe, nahuu ita barakain taa, ma ta hule-haradoi talela no ndoos. Tehuu Manetualain Dula-dalen ndia hule-haradoi nggati ita, leo mae ita kada tahohoo a, ma ta bisa hule-haradoi pake dedeꞌa deꞌek esa boe na.  
\v 27 Manetualain ndia bubuluk basa hata fo ita tae kokolak nai ita dalen. Ana oo bubuluk Ndia Dula-dalen duduꞌan boe. Huu naa de Ana bubuluk basa hata lalaꞌen fo Ndia Dula-dalen nae kokolak fo tulu-fali neu ita. Manetualain simbo hule-haradoik naa, nahuu Dula-dalek duduꞌan sama leo Manetualain mesa kana duduꞌan. Ndia Dula-dalen hule-haradoi fo Manetualain tulu-fali hatahori kamaherek kara. Dula-dalek naa, hule-haradoi tungga Manetualain hihii-nanaun.   
\p
\v 28 Hatematak ia ita bubuluk ena talo ia: Manetualain tao nala basa hata dadi neulauk soa-neu hatahori fo mana sue-lai neun. Numa lele uluk mai Manetualain koladu memak ena, laꞌe-neu Ana nae tao talo bee soa-neu sara. De Ana nanggou sara ena nae, “Mai, leo! Mai dadi miu Au hatahoring!”  
\v 29 Lele uluk Ana nalela memak kasa, ma here nala sara, fo tao sara dadi neu mata-aok esa sama leo Ndia Anan, ndia Karistus. Karistus oo ndia uluk boe, ma laen nara dadi reu Ndia fadin.  
\v 30 Hatahorir fo Manetualain nalela sara numa lele uluk mai naa ena, Ana oo noke nala sara boe, fo dadi reu Ndia hatahorin. Ma hatahorir raa oo fo fai bakahulun hatahori mana kasala-singgok boe, Ana tao sara dadi reu hatahori dale ndoos fo mana malole fali ro Ndia. Ma Ana oo nakadedemak kasa boe.   
\s1 Manetualain sue-lai nalan seli neu ita  
\p
\v 31 Dadi ita tae kokolak hata bali laꞌe-neu dedeꞌak kara raa? Manetualain nasalaꞌe ita. Mete ma talo naa, na, see bisa laban ita bali? Ta hambu, hetu?  
\v 32 Manetualain ta kaꞌi-natabaa Ndia Ana heli-helin. Tehuu Ana loo lima Anan fo mate dadi neu tunu-hotuk, fo tulu-fali ita basa ngga lalaꞌen. Huu Manetualain ta kaꞌi-natabaa Ndia Anan faa boe na, ita bisa bubuluk tae, neu ko Ana oo fee no muda hiek neu ita, basa hata fo neulauk boe. Tebe, hetu?   
\p
\v 33 Fama te ei duꞌa mae, bei hambu hatahori fo bisa ndae salak neu hatahori fo Manetualain here nala sara ena? Ta hambu, hetu? Manetualain mesa kana ndia henggenee nala ita nae, hatahori dale ndoos fo ta mana maena sala-singgok bali fo ita malole to Ndia.   
\p
\v 34 Fama te ei duꞌa mae, bei hambu hatahori bisa nae, Manetualain muste fee hukun neu hatahori fo Ana here nalak kara ena. Ta bisa dadi! Yesus Karistus maten ena. Lena-lenak bali Manetualain tao nasoda falik kana numa mamaten mai ena. Basa de Manetualain soꞌuk nalan fo nanggatutuuk kana neu mamana hada-horomatak mateꞌen nai Ndia boboa konan. Nai naa Ana oo ndia hule-haradoi nakandoo soa-neu ita boe.   
\p
\v 35 Fama te ei duꞌa mae, hambu hatahori do, dedeꞌak do, fo bisa nakasetik Karistus losa Ana ta sue-lai ita bali, do? Ta bisa dadi! Leo mae ita hambu dedeꞌak do, susa-sonak do, doidosok do, ndoe-laꞌas do, bua-loꞌas taa do, hambu sosoek do, hatahori nae nakanisa do, tehuu Karistus sue-lai nakandoo neu ita. Ta hambu hata esa boe na fo bisa tao nala Ana hahae sue-lai neu ita!  
\v 36 Sama leo neni surak nai Manetualain Susura Malalaon nae,  
\q1 “Hatu-leledon hatahorir rae rakanisa ita,  
\q2 nahuu ita dadi teu Lamatuak hatahorin.  
\q1 Ara tao rala ita,  
\q2 sama leo bibi lombo fo rae halan.”\x + \xo 8:36 \xt Sosoda Kokoa-kikiok kara 44:23\x*   
\p
\v 37 Dadi leo mae ita hambu susa-sonak talo bee oo, tehuu ita senggi ena, nahuu Karistus sue-lai nalan seli neu ita boe.   
\p
\v 38 Au bubuluk no tetuk talo ia: ta hambu hata esa boe na fo bisa tao nala Manetualain hahae sue-lai neu ita. Leo mae ita tasoda do, ita mate do, hambu ata numa nusa tetuk do inggu temak mai do, mana toꞌu parenda do, hambu koasa do, dedeꞌak hatematak ia do, dedeꞌak mana maik do,  
\v 39 koasa nai lalai do, koasa nai dae-inak do, hata laen fo Manetualain adu nalak kara ena do — ta hambu esa boe na bisa nabingga-baꞌek ita numa Manetualain mai fo tao nala Ana ta sue-lai ita bali! Huu ita takaesa to ita Lamatuan Yesus Karistus, fo Manetualain nadenun mai ena.   
\c 9  
\s1 Manetualain here nala hatahori Israꞌel asa  
\p
\v 1 Ita fo mana takaesa to Karistus, kokolak hata fo ndoos. De au ta kokolak ombo koson neu ei. Au dale kuru-erong oo nafada au boe nae, Manetualain Dula-dalen koladu au daleng.  
\v 2-3 Au afada talo ia: au daleng sona. Au ameda berak leo naak, nahuu asaneda au hatahori heli-heling nggara. Huu au nau fo au hatahori Yahuding nggara oo\f + \fr 9:2-3 \ft Hatahori nusak\ft \+it Yahudi\+it* naa, sama leo hatahori nusak Israꞌel asa, ndia hatahori Yahudi mana leo nai dae Israꞌel, ma manai mamana laen nara boe. Tehuu leo \+it Yahuda\+it* ta sama no hatahori nusak Yahudi. Leo Yahuda naa, leo esa numa leo Israꞌel kasalahunu duak kara mai.\f* rakaesa ro Karistus boe, tehuu noꞌuk ka ta ramahere neun. Mete ma au bisa soi dalak fee sara, au sadia oke fo Manetualain hukun au, nggati sara. Ma au oo sadia oke fo Manetualain nabinggak au numa Karistus mai boe, mita fo au hatahoring nggara bisa rakaesa ro Karistus.  
\v 4 Naa te sira iar, hatahori Israꞌel, ndia hatahori nusak esa fo naua nalan seli. Manetualain soꞌuk nala sara dadi reu Ndia anan nara numa lele uluk mai ena. Ana natudu Ndia koasan ta neni babanggak neu sara. Ana ndara fangga hehelu-bartaak mata-matak kara no sara. Ana fee Ndia Hohoro-lalanen neu sara. Sira ndia bubuluk talo bee fo rakaluku-rakatele ma raono-lalau neu Ndia. Ana helu-bartaa nae natudu Ndia dale susuen neu sara ena.\x + \xo 9:4 \xt Kalua numa Masir mai 4:21; 14:22\x*  
\v 5 Ara dadi ruma ita bei-baꞌin nara mai, ndia: baꞌi Abraham, baꞌi Isak, ma baꞌi Yakob (hatahori roke nadek ‘Israꞌel’ numa ndia mai). Ma Karistus fo Manetualain helu-bartaa memak kana fo nae nadenun mai ndia lele uluk naa oo, dadi numa ita hatahori Yahudin bei-baꞌin nara mai boe. Karistus naa oo ndia Manetualain fo mana parenda basa-basan boe. Dadi nandaa mete ma hatahori soꞌuk kokoa-kikiok soa-neun losa doon naa neu. Tebe!\x + \xo 9:5 \xt Tutui Makasososak 32:22-32\x*   
\p
\v 6 Leo mae hatahori Israꞌel noꞌuk ka bei ta simbok Karistus, tehuu hatahorir ta bisa kokolak rae, Manetualain hehelu-bartaan naa ta dadi. Boso duꞌa mae, basa hatahorir fo mana dadi numa Israꞌel bei-baꞌin nara mai naa, dadi reu hatahori Israꞌel fo Manetualain here nala sara, dadi reu Ndia hatahorin.  
\v 7 Haꞌi netuduk leo hatahori noꞌuk ka dadi ruma ita baꞌin, baꞌi Abraham mai. Tehuu sira basa sara ta Abraham tititi-nonosin fo Manetualain here nala sara. Sama leo Manetualain nafada Abraham ena nae, “O tititi-nonosim fo Au alelak, kada mana dadi numa o anam Isak mesa kana mai.”\x + \xo 9:7 \xt Tutui Makasososak 21:12\x*   
\p
\v 8 Naa sosoa-ndandaan nae, numa lele uluk mai losa hatematak ia, ta basa tititi-nonosik kara maruma ai hatahori Yahudir baꞌin Abraham mai, dadi miu Manetualain anan nara. Kada tititi-nonosik manuma Manetualain hehelu-bartaan neu Abraham mesa kana mai, ndia Manetualain reke sara dadi reu Ndia ana teteben nara.  
\v 9 Manetualain ndara fangga hehelu-bartaak no Abraham nae, “Nai rarain, teuk esa bali, Au fali mai. Faik naa, o saom Sara bonggi nala ana tou anak esa ena.”\x + \xo 9:9 \xt Tutui Makasososak 18:10\x*   
\p
\v 10 Ta talo kada naa. Te ita baꞌin Isak no saon Ribka bonggi rala ana duak.  
\v 11-12 Neu Ribka bei ta bonggi nala sara, ara bei ta tao hata fo neulauk do manggarauk. Leo mae talo naa oo, tehuu Manetualain nafada memak Ribka ena boe, laꞌe-neu ana duak kara fo mana kalua nakahuluk nae, “Neu ko kaꞌak naue-osa fee fadin.” Manetualain nafada talo naa, fo natudu nae, mete ma Ndia here nala hatahori esa ena, na, Ana bubuluk nae pake hatahori naa talo bee ena. De Manetualain here nala fadik naa, fo dadi neu Ndia hatahorin. Ana hae nahani fo mete sudik fadik naa tao talo bee, nahuu Manetualain bubuluk memak kana ena.\x + \xo 9:11-12 \xt Tutui Makasososak 25:23\x*  
\v 13 Sama leo Manetualain kokolak nai Ndia Susura Malalaon laꞌe-neu ana duak kara raa nae,  
\q1 “Au here ala Yakob,  
\q2 tehuu Au timba heni Esau.”\x + \xo 9:13 \xt Maleaki 1:2-3\x*   
\p
\v 14 Dadi ita tae kokolak hata bali? Fama te ketuk kokolak rae, “Manetualain naketu-naladi dedeꞌak no mbeu seserik, do?” Ta bisa dadi!  
\v 15 Lele uluk Manetualain nafada baꞌi Musa nae,  
\q1 “Au atudu dale kasian neu hatahori fo Au mesa ngga here alak.  
\q2 Ma Au fee dale susueng neu hatahori fo Au mesa ngga dudu alak.”\x + \xo 9:15 \xt Kalua numa Masir mai 33:19\x*   
\p
\v 16 Dadi hatahori naa ta nameda Manetualain dale kasian, ta huu ndia mesa kana hihii-nanaun, do, ta huu ndia mesa kana tataon. Tehuu no Manetualain mesa kana hihii-nanaun fo nau natudu Ndia dale kasian neu hatahori naa.  
\v 17 Ita bubuluk ia nai Susura Malalaok, Lamatuak kokolak no manek Masir nae, “Au soꞌuk ala o dadi muu manek, nahuu Au ae pake o fo matudu Au koasang neu hatahori noꞌuk kara. No dalak naa, hatahorir marai dae-bafok ia katematuan bisa soꞌu botik Au nadeng.”\x + \xo 9:17 \xt Kalua numa Masir mai 9:16\x*   
\p
\v 18 Dadi mete ma Manetualain nae natudu Ndia dale kasian neu hatahori esa, na, kada Ana taon leo. Mete ma nae tao hatahori esa dalen natea, na, kada Ana taon leo.\x + \xo 9:18 \xt Tui Seluk laꞌe-neu Dala Masodak 7:7-9\x*   
\s1 Manetualain bisa natudu Ndia dale kasian, tehuu Ana oo ta simbok manggarauk boe  
\p
\v 19 Dadi boso losak hambu hatahorir rasabara au rae, “Mete ma Manetualain here nala hatahori esa, ta tungga hatahori naa tatao-nonoꞌin, tehuu tungga kada hata fo Manetualain naketu nalak, na, tao hata de Ana nau ndae salak neu ita, tungga ita tatao-nonoꞌin? Naa, mbeu seserik, hetu? Mete ma Manetualain memak naketu basa-basan, na, sosoa-ndandaan ita tatao-nonoꞌin sala oo Ndia naketu nalan ena boe!”   
\p
\v 20 Mete ma hambu ketuk duꞌa talo naa, au aselu ae talo ia: “O duꞌa mae, o ia see?! O mae kokolak laban Manetualain, do?” Boso talo naa! Sama leo neni surak nai Manetualain Susura Malalaon dale nae, “Mete ma hatahori tao buas esa, hambu nai bee buas naa natane falik hatahori fo mana taon naa nae, ‘Tao hata de o tao au talo ia!?’ ”\x + \xo 9:20 \xt Yesaya 29:16; 45:9\x*  
\v 21 Haꞌi netuduk leo mana tao ure dae. Numa dae manu taꞌik bubuak esa, ana naena haak fo tao nala nggusi manggadilak esa fo hatahori koan. Ana oo naena haak pake dae bubuak naa boe, fo tao nala mamana dafuk esa, tungga kada ndia hihiin.   
\p
\v 22 Leo naak oo no Manetualain boe. Ana naena haak fo tao tungga Ndia hihii-nanaun. Ana nau natudu neu basa hatahorir nae, Ana namanasa, ma ta simbok hatahori tatao-nonoꞌi manggarauk hata esa boe na. Ana oo nau hatahori bubuluk boe nae, Ndia koasan ta neni babanggak. Fo hatahori bubuluk talo naa, Ana nakatataka aon no hatahori tatao-nonoꞌi manggaraun mata-matak kara. Tehuu hatahori fo mana tao manggarauk, kada rahani fain fo ara rakalulutu heni sara.  
\v 23 Ana nadale naruk talo naa, fo nae natudu neu hatahori noꞌuk kara nae, Ana nau natudu dale kasian neu hatahori ketuk. Sira iar, ndia Ana here memak kasa ena, fo nae nakadedemak kasa. No dalak naa, Ana nau hatahori bubuluk nae, Ndia mesa kana ta neni babanggak mateꞌen.  
\v 24 Sosoa-ndandaan nae, ita iar ndia Ana here memak kara ena fo dadi teu Ndia hatahorin nara. Ita iar, ketuk ruma hatahori Yahudir mai, ma ketuk ruma hatahori nusa-nusak laen nara mai.  
\v 25 Sama leo lele uluk, Manetualain pake Ndia mana toꞌu dedeꞌan Hosea fo surak laꞌe-neu hatahori ta Yahudir nae,  
\q1 “Hambu hatahori fo lele uluk ta Au hatahoring,  
\q2 tehuu neu ko Au oke ala sara ae,  
\q3 ‘Eir ia, Au hatahoring.’  
\q1 Ma hambu hatahori nusa-nusak fo lele uluk Au ta sue sara,  
\q2 tehuu Au nau oke ala sara ae,  
\q3 ‘Eir ia, hatahori nusa-nusak fo Au suek.’ ”\x + \xo 9:25 \xt Hosea 2:23\x*   
\p
\v 26 Ana oo surak boe nae,  
\q1 “Numa naa,  
\q2 nai mamanak fo Manetualain nafada sara ena nae,  
\q3 ‘Eir ia, ta dadi neu Au hatahoring!’  
\q1 Neu ko Manetualain fo Masodak nau nafada sara nae,  
\q2 ‘Hatematak ia ei dadi miu Au anang nggara ena!’ ”\x + \xo 9:26 \xt Hosea 1:10\x*  
\p Ana kokolak talo naa, nahuu Ana kasian neu hatahori ta Yahudir.   
\p
\v 27 Manetualain mana toꞌu dedeꞌan laen, ndia Yesaya, eki nita laꞌe-neu hatahori nusak Israꞌel nae,  
\q1 “Leo mae hatahori Israꞌel dadi ramanoꞌu ralan seli,  
\q2 nok bali sarakaek manai tasi tataik,  
\q1 tehuu neu ko Manetualain tao nasoi-nasoda kada hatahori baꞌu anak,  
\q2 numa sira sala-singgon nara mai.   
\q1
\v 28 Neu ko losa fain,  
\q2 fo Manetualain naketu-naladi basa hatahorir marai dae-bafok katematuan dedeꞌan,  
\q3 sama leo Ana nafada memak kana ena.  
\q2 Ana ta nahani a,  
\q3 tehuu Ana tao natetu basan no lai-laik!”\x + \xo 9:28 \xt Yesaya 10:22-23\x*   
\p
\v 29 Lele uluk Yesaya oo nafada memak laꞌe-neu hatahori Yahudir boe nae,  
\q1 “Ita taua,  
\q2 nahuu Lamatuak mana Koasa Mateꞌen,  
\q2 fee luas fo ita tititi-nonosin ketuk hambu masodak.  
\q1 Mete ma ta talo naa, na,  
\q2 ita ketu-maꞌi ena,  
\q3 sama leo hatahori kota Sodom ma kota Gomorar.”\x + \xo 9:29 \xt Yesaya 1:9\x*   
\s1 Hara Lii Malole soa-neu hatahori nusak Israꞌel fo ta mana nau nenene neu Manetualain  
\p
\v 30 Dadi ita tae kokolak hata? Kokolak tae, hatahori ta Yahudir ruma sudi bee mai, fo lele uluk ara ta sangga-sangga fo nau malole ro Manetualain, hatematak ia ara malole roon ena, nahuu ara ramahere neu Yesus Karistus.  
\v 31 Naa te hatahori Israꞌel asa soba tao tungga Musa hohoro-lalanen ena fo ara bisa malole ro Manetualain, tehuu ta dadi nakandoo boe.   
\p
\v 32-33 Tao hata de ara ta bisa malole ro Manetualain? No kada ara nau tao tungga hohoro-lalanek mita fo Ana simbok kasa sama leo hatahori dale ndoos, tehuu ara ta ramahere neu Yesus Karistus. De nok bali ara rakatunu laꞌe “batu neketunuk” esa. Sama leo Manetualain Susura Malalaon nae,  
\q1 “Mete ia dei!  
\q2 Au tao Hatahori esa,  
\q3 neu letek Sion, nai kota Yerusalem ena.  
\q1 Hatahori naa sama leo batu esa,  
\q2 fo mana tao hatahori nakatunu.  
\q1 Tehuu see namahere neu Ndia, na,  
\q2 hae mae.”  
\p Batu naa, ndia Yesus. Tehuu hatahori Israꞌel asa timba henin. Naa, sama leo ara rakatunu, boe ma ara tuda nahuu batu naa.\x + \xo 9:32-33 \xt Yesaya 28:16\x*   
\c 10  
\p
\v 1 Toranoo nggara ein! Au nau fo hatahori Israꞌel asa dadi talo bee? Au hule-haradoi mita fo Manetualain tao nasoi-nasoda sara ruma sira sala-singgon nara mai. Mete ma dadi talo naa, dei fo au daleng namahoko!   
\p
\v 2 Au bisa afada laꞌe-neu hatahori iar hihiru-heheon nara: ara manggate fo nau tungga Manetualain. Leo mae ara manggate talo naa, tehuu ara ta ralela eno-dala tetebes.  
\v 3 Ara ta ralela eno-dala masodak tetebes fo bisa tao hatahori malole no Manetualain, huu naa de ara soi sira mesa kasa dalan fo rae soba-soba malole ro Manetualain. No dalak naa, ara ta nau nenene neun.   
\p
\v 4 Mete ma hatahorir tao tungga kada hohoro-lalanek, mita fo Manetualain simbok kasa, na, ta dai. Huu naa de Karistus tao natetu basa-basan, mita fo ita bisa malole to Manetualain. De hatematak ia basa hatahorir fo mana ramahere reu Karistus, bisa malole ro Manetualain.   
\s1 Manetualain nae tao nasoi-nasoda basa hatahorir ruma sira sala-singgon nara mai  
\p
\v 5 Neu lele uluk baꞌi Musa natudu dalak nai Susura Malalaok dale ena, fo hatahorir bisa malole ro Manetualain, sadi ara tao tungga basa Manetualain Hohoro-lalanen nara lalaꞌen. Ana surak nae, “Hatahori mana tao tungga Hohoro-lalanek kara iar lalaꞌen, neu ko ara hambu masodak tetebes.”\x + \xo 10:5 \xt Malangga Anggamar Hohoro-lalanen 18:5\x*   
\p
\v 6 Tehuu Manetualain Susura Malalaon oo natudu dalak laen boe nae, hatahorir bisa malole ro Manetualain, sadi ara ramahere neu Karistus. Hambu neni surak nae, “Hae matane mae, ‘See ndia bisa hene neni nusa tetuk do inggu temak neu?’ ” (Naa, nok bali hatahori nae hene neu nafada Karistus nae, ai hatahori dae-bafok hii malan seli fo Ana konda mai tao nasoi-nasoda ita.)  
\v 7 Susura Malalaok oo surak boe nae, “Hae matane mae, ‘See ndia nae konda neni Bolo Aꞌi Mbila Ta Kala Matek neu, nai hatahori mates sara mamanan?’ ” (Naa, nok bali hatahori nae konda fo no falik Karistus numa mamaten mai, fo Ana tao nasoi-nasoda ita.)   
\p
\v 8 Hae talo naa! Sama leo nai Manetualain Susura Malalaon oo neni surak boe nae, “Lamatuak hara hehelun nai o matam ena! Hara heheluk naa nai o bafam ma o dalem.” Hara heheluk fo ita tafada hatahori naa tae, “Mete ma o mae sangga masoi-masodak, na, o muste mamahere neu Karistus!”\x + \xo 10:8 \xt Tui Seluk laꞌe-neu Dala Masodak 30:12-14\x*  
\v 9 Mete ma o manaku pake o bafa heli-helim mae, “Yesus naa, au Lamatuang fo naena haak parenda au,” ma o mamahere nai o dalem mae, Manetualain tao nasoda falik Yesus Karistus numa mamaten mai ena, na, Manetualain tao nasoi-nasoda o numa o sala-singgom mara mai.  
\v 10 Mete ma o mamahere neu Karistus pake o dalem, na, Manetualain henggenee memak o nae, hatahori dale ndoos fo mana malole mua Ndia. Mete ma o manaku pake o bafam mae, Yesus dadi neu o Lamatuam fo naena haak parenda o, na, Manetualain nau tao nasoi-nasoda o numa o sala-singgom mara mai.  
\v 11 Sama leo nai Manetualain Susura Malalaon neni surak nae, “Hatahori fo mana namahere neu Manetualain, neu ko ta hambu nameda mamaek, huu Manetualain nau nakadadadik basa hata fo Ana kokolak nala sara ena.”\x + \xo 10:11 \xt Yesaya 28:16\x*  
\v 12 Hatahori Yahudi, ma hatahori ta Yahudi, sama a mesan. Ta hambu esa laen numa esa mai boe. Hambu kada Lamatuak esa, ma Ana dadi neu Lamatuak soa-neu basa hatahori nusa-nusak kara lalaꞌen. Ana nau natudu Ndia dale susuen sudi selik kana soa-neu basa hatahorir fo mana roke fo Ana tulu-fali sara.  
\v 13 Sama leo neni surak nai Susura Malalaok nae, “Basa hatahorir fo mana roke tutulu-fafalik numa Lamatuak mai, neu ko Ana tao nasoi-nasoda sara numa sira sala-singgon nara mai.”\x + \xo 10:13 \xt Yoel 2:32\x*   
\p
\v 14 Tehuu talo bee de hatahori bisa roke tutulu-fafalik mbali hatahori esa, mete ma ara bei ta ramahere sana? Ma talo bee de ara bisa ramahere neun, mete ma ara bei ta ramanene rita laꞌe-neun? Talo bee de ara bisa ramanene laꞌe-neun, mete ma ta hambu hatahori esa nafada sara boe?  
\v 15 Mete ma ta hambu esa nadenu sara, na, talo bee de ara bisa rafada hatahorir? Mete ma ara bisa mai rafada, naa sama leo nai Susura Malalaok neni surak nae, “Mete ma hatahorir mai reni hara lii malole, sira mamain naa, neulaun seli!”\x + \xo 10:15 \xt Yesaya 52:7\x*   
\p
\v 16 Tehuu ei bubuluk ena mae, hambu hatahori Israꞌel ketuk ta nau nenene Lamatuak Hara Lii Malolen. Manetualain mana toꞌu dedeꞌan Yesaya surak nae,  
\q1 “Lamatuak, ee!  
\q2 Hatahorir ta nau ramahere hara heheluk  
\q3 fo ara ramanenek numa ai mai ena!”\x + \xo 10:16 \xt Yesaya 53:1\x*   
\p
\v 17 Dadi mete ma nau tamahere neu Manetualain, na, muste nenene Ndia Dedeꞌa-kokolan dei. Mete ma ara nau nenene Ndia hara hehelun, na, muste nenene laꞌe-neu Karistus dei.   
\p
\v 18 Au atane sudik, talo ia: fama te ei duꞌa mae, hatahori Israꞌel asa ta ramanene rita laꞌe-neu Karistus, do? Ara ramanene ena! Sama leo neni surak nai Manetualain Susura Malalaon numa lele uluk mai nae,  
\q1 “Manetualain mana toꞌu dedeꞌan hara hehelun laꞌe-neu Lamatuak  
\q2 natanggela ndule dae-bafok katematuan ena;  
\q1 Sira dedeꞌa-kokolan  
\q2 losa dae-bafok buꞌun nara ena.”\x + \xo 10:18 \xt Sosoda Kokoa-kikiok kara 19:5\x*   
\p
\v 19 Au ae atane dedeꞌak esa bali ae, “Hatahori Israꞌel asa ta ralela Manetualain eno-dala masoda teteben, do?” Baꞌi Musa naa, hatahori makasososak fo mana surak laꞌe-neu dedeꞌak naa nae, Manetualain nafada hatahori Israꞌel asa talo ia:  
\q1 “Au nau tao dedeꞌak esa  
\q2 fee hatahori nusa-nusak laen nara.  
\q3 Dedeꞌak naa, neu ko tao nala ei dalem mara mbiri.  
\q1 Ma Au oo nau tao dedeꞌak esa boe,  
\q2 fee hatahori fo ei mae leo ute keak.  
\q1 Dedeꞌak naa, neu ko tao nala ei ale nisim.”\x + \xo 10:19 \xt Tui Seluk laꞌe-neu Dala Masodak 32:21\x*   
\p
\v 20 Mai fai bakahiton, baꞌi Yesaya surak no ledo-ledon laꞌe-neu hatahori ta Yahudi nae,  
\q1 “Hambu hatahorir fo fai uluk ta sangga Au,  
\q2 tehuu ara ratonggo ro Au ena.  
\q1 Hambu hatahorir fo fai uluk ta roke fo mete-rita Au,  
\q2 tehuu atudu Au aong neu sara ena.”\x + \xo 10:20 \xt Yesaya 65:1\x*   
\p
\v 21 Tehuu laꞌe-neu hatahori Israꞌel, Manetualain nafada talo ia ena:  
\q1 “Hatu-leledon Au akambela aloa Au limang,  
\q2 fo ahani a hatahori Israꞌel reni Au mai.  
\q1 Tehuu ara ta nau nenene Au,  
\q2 ma ara oo hii laban Au boe.”\x + \xo 10:21 \xt Yesaya 65:2\x*   
\c 11  
\s1 Manetualain kasian neu hatahori Israꞌel asa  
\p
\v 1 Dadi au ae atane talo ia: fama te ei duꞌa mae, “No hatahori Israꞌel ta nau nenene neu Manetualain, huu naa de Ana timba heni sara.” Talo naa, do? Taa! Au oo numa sira mai boe! Au ia, numa leo Benyamin mai. Benyamin aman, Yakob. Ndia baꞌin, Isak. Isak aman, Abraham, fo mana dadi neu basa hatahori Israꞌel asa baꞌin.\x + \xo 11:1 \xt Felipi 3:5\x*  
\v 2 Manetualain ta timba nita heni Ndia hatahorin nara. Sira iar, ndia Ana nalela sara numa lele uluk mai. Ei bei masaneda do taa, neu hata fo neni surak nai Manetualain Susura Malalaon laꞌe-neu baꞌi Elia? Ana unggu-remu neu Manetualain laꞌe-neu hatahori Israꞌel, ma ana noke fo Manetualain huku-doki sara  
\v 3 nae,  
\q1 “Lamatuak! Hatahori iar rakanisa mana toꞌu dedeꞌak kara,  
\q2 fo Lamatuak nadenu sara mai.  
\q1 Ara oo ofe rakalulutu mei tunu-hotuk boe,  
\q2 numa mamana hatahorir rakaluku-rakatele neu Lamatuak.  
\q1 Numa basa Lamatuak mana toꞌu dedeꞌan nara lalaꞌen mai,  
\q2 ela kada au mesa ngga bei masodak.  
\q3 Tehuu ara oo sangga dalak bali,  
\q3 fo rae rakanisa au boe!”\x + \xo 11:3 \xt 1 Mane-manek kara 19:10; 14\x*   
\p
\v 4 Tehuu Lamatuak naselu nae, “O kokolam naa, sala! Au bei bingga ela hatahori 7.000 fo mana rakaluku-rakatele neu Au. Hatahori iar rakatataka rahere, ma ta songgo Baꞌal!”\x + \xo 11:4 \xt 1 Mane-manek kara 19:18\x*   
\p
\v 5-6 Leo naak oo hatematak ia boe. Ta basa hatahori Yahudir rasadea neu Manetualain. Bei ela baꞌuk ka ruma ai mai fo Manetualain here nala sara ena fo nae tao nasoi-nasoda sara, nahuu Ana nae natudu dale susuen neu ai, ta huu ai tao hata fo neulauk! Mete ma Ana \it muste\it* here nala ai, nahuu ai tao hata fo neulauk, naa sosoa-ndandaan nae, Ana ta bisa naketu fo natudu, do, ta natudu Ndia dale susuen neu ai. Mete ma talo naa, ndia naden ta ‘natudu Ndia dale susuen’ bali.\x + \xo 11:5-6 \xt Tui Seluk laꞌe-neu Dala Masodak 7:7-8\x*  
\v 7 Dadi mateꞌen talo ia: hatahori Yahudi noꞌuk ka sangga-sangga fo Manetualain natudu Ndia dale susuen neu sara, mita fo ara oo bisa malole roon boe. Tehuu ta hambu sana, nahuu sira dalen nara ratea ma ta nau nenene neu Ndia. Tehuu hambu ketuk malole roon. Sira iar, ndia Manetualain here nala memak kasa ena.  
\v 8 Nai Manetualain Susura Malalaon neni surak laꞌe-neu hatahori langga batuk kara raa nae,  
\q1 “Manetualain fee sara,  
\q2 matak fo ta bisa mete-rita,  
\q2 ndiꞌi dook fo ta bisa namanene,  
\q2 ma ute keak fo ta bisa duduꞌa.  
\q1 De ara ta ralela hata fo ndoos,  
\q2 losa faik ia boe.”\x + \xo 11:8 \xt Tui Seluk laꞌe-neu Dala Masodak 29:4; Yesaya 29:10\x*   
\p
\v 9 Mane Dauk oo surak laꞌe-neu hatahori nusa Yahudi nai Susura Malalaok dale boe nae,  
\q1 “Ela sara feta-dote rai sira mesa kasa mein,  
\q2 naa fo ara duꞌa rae, basa naar neulauk ena.  
\q3 Tehuu sira fetan nara ndia ike rasafali sara.  
\q2 Ma sira mesa kasa suꞌin ndia tao rala sara rakatunu.   
\q1
\v 10 Elan numa naa fo matan nara dadi makiuk,  
\q2 fo ta mete-rita hata esa boe na!  
\q1 Elan numa naa fo ara lemba berak rakandoo,  
\q2 fo nggotin nara boe ruku!”\x + \xo 11:10 \xt Sosoda Kokoa-kikiok kara 69:23-24\x*   
\s1 Manetualain oo nau tao nasoi-nasoda hatahori ta Yahudir boe  
\p
\v 11 Dadi au ae atane talo ia: tao hata de hatahori Yahudir rakatunu? Ara tuda ena, do? Taa! Tehuu ara ta nau nenene neu Manetualain, ma ta ramahere neu Karistus, naa soi dalak soa-neu hatahori ta Yahudir fo bisa hambu masoi-masodak numa sala-singgon nara mai. Manetualain tao talo naa, huu Ana nau fo hatahori Yahudir mbiri, fo ara tungga falik Ndia bali.  
\v 12 Manggaledok ena nae, hatahori Yahudir lena-langga hata fo ndoos. Huu naa de hatahori laen nara maruma dae-bafok katematuan mai bisa rameda rala Manetualain dale susuen. Dadi hatahori Yahudir, hambu rurunggi moꞌok. Tehuu naa tao nala hatahori ta Yahudir hambu nanala moꞌok. Neu faik esa fo basa hatahori Yahudir malole fali ro Manetualain, naa lolen lenak bali!   
\p
\v 13 Au nau afada neu ei hatahori ta Yahudir talo ia: Manetualain nadenu au ena fo laꞌok uu afada ei laꞌe-neu Ndia Hara Lii Malolen. Huu naa de au ambariik ahere fo akalalaꞌok ue-osa fo neulaun seli ia.  
\v 14 Mete ma au akalalaꞌok ue-osa ia no neulauk, boso losak tao ala au hatahori Yahudi heli-heling nggara mbiri, losa ketuk hambu masoi-masodak ruma sira sala-singgon nara mai.  
\v 15 Neu faik Manetualain timba heni Ndia hatahori Yahudi heli-helin, na, naa soi dalak fo hatahori laen nara hambu lelak fo bisa maso dadi reu Manetualain hatahorin. Tehuu neu ko leo ara mole-dame falik ro Manetualain, naa lolen seli. Naa sama leo ara rasoda fali ruma mamaten nara mai!   
\p
\v 16 Haꞌi netuduk numa hatahori rae rumu roti mai. Mete ma ana haꞌi nala tarigu faa, fo loo liman neu Manetualain, neu ko basa rotir raa lalaꞌen oo dadi reu Ndia enan fo malalaok boe. Mete ma hatahori loo lima ai huuk okan esa dadi neu mbule uluk soa-neu Manetualain, neu ko ai huuk naa katematuan oo dadi neu Ndia enan fo malalaok boe.   
\p
\v 17 Au ae akasasamak hatahori nusa Yahudi no ai huuk setun esa fo mana mori nai osi dale. Manetualain beta heni ai huuk naa ndanan ketuk ena. Tehuu ei hatahori ta Yahudir, sama leo ai setun fuir. Boe ma Manetualain beta nala ei ndanan ketuk ena fo nakadite sara reu ai huuk manai osi dale naa. No dalak naa, ndanak numa ai huuk manai osi deak mai bisa mori nasamusa, nahuu ndanak naa simbok basa-basan numa ai huuk manai osi dale mai. Naa, sama leo ei fo hatahori ta Yahudir oo simbok mala Manetualain dale susuen boe fo Ana nae feen soa-neu hatahori Yahudin nara.  
\v 18 Tehuu besa-besa, ee! Boso koa aom, duꞌa mae, ei numa deak mai naa, neulaun lena heni ndanak kara fo Manetualain beta heni sara raa ena! Mete ma o mae soꞌuk aom, boso lilii-ndondou, te o kada ndanak esa a! O ta ndia tao matea ai huuk naa. Te okan ndia tao nala ai huuk naa natea na!   
\p
\v 19 Fama te o nau kokolak mae, “Manetualain beta heni ndanak esa numa ai huuk mana mori nai Ndia osin dale mai, fo Ana bisa nakadite falik au uu naa, fo nggati falik ndana raak naa.”  
\v 20 Naa, ndaa. Tehuu boso lilii-ndondou mae, Manetualain beta heni ndanak kara raa ena, nahuu ara ta ramahere neu Karistus. De o nggati sara, nahuu o mamahere neu Karistus. Dadi boso koa ao! Malole lenak o besa-besa, ma boso leli-belak kana!  
\v 21 Te hatahori Yahudir, sama leo ndana huun tetebes mana nasamusak nakahuluk na. Tehuu Manetualain ta ela sara rakatataka rala dook ka reu naa. Dadi mete ma o ta mamahere neu Ndia seku neu, boso mamahena mae, Ana ela o makatataka muu naa!   
\p
\v 22 Dadi ei muste duduꞌa matalolole dei. Manetualain dalen mansuek. Tehuu Ana oo bubuluk fee huku-doki berak boe. Neu ko Ana fee hukun neu hatahori mana tudak ena, fo mana ta malole noon. Tehuu soa-neu ei hatahori ta Yahudir, Manetualain natudu Ndia dale susuen, sadi ei makaesa mian seku neu, ma elan fo Ana tao hata neulauk soa-neu ei. Tehuu mete ma ei ta ela sana tao talo naa, Ana oo nau beta heni ei numa Ndia ai huun mai boe.  
\v 23 Leo naak oo, no hatahori Yahudir boe. Mete ma ara sale dalen do tuke tein nara fo mulai ramahere neu Karistus, na, neu ko Manetualain nau nakadite falik kasa reu ai huuk tetebes naa. Te Ana naena koasa fo tao talo naa na!  
\v 24 Ei fo hatahori ta Yahudir, sama leo ndanak numa setun fuir mai, fo bakahulun mana mori mbembelak nai osi deak. Tehuu Manetualain here nala ei fo nakadite ei miu ai huu setun neulauk fo Ana selen nai Ndia osin dale, elan fo ai huu fuir mesa kasa laen, ma ai huu osir mesa kasa laen. Mete ma hatahori ta Yahudir mesa kasa bisa dadi talo naa, hata-bali hatahori Yahudir. Naa, bisa dadi lena-lenak bali, mete ma Manetualain nakadite falik kasa reu sira ai huu makasososan.   
\s1 Neu ko hatahori Yahudir malole fali ro Manetualain  
\p
\v 25 Toranoo nggara ein marai Roma! Ei muste malela dedeꞌak ia fo fai bakahulun bei nemeninok. Mete ma ei malelan ena, na, neu ko ei ta bisa koa ao fo duꞌa mae, ei malelak kara. Hata fo bakahulun nemeninok naa talo ia: hatematak ia hatahori Yahudir dalen nara ratea, ma ta nau ramahere neu Karistus. Tehuu ara ta leo naak rakandoo. Mete ma basa hatahori ta Yahudir fo Manetualain here nala sara ena, ramahere neu Karistus ena, na, neu ko hatahori Yahudir oo ramahere neun boe.  
\v 26 De mete ma faik naa losa ena, neu ko Manetualain tao nasoi-nasoda basa hatahori Yahudir ruma sira sala-singgon nara mai. Naa, sama leo neni surak nai Susura Malalaok ena nae,  
\q1 “Neu ko hambu Hatahori esa mai,  
\q2 fo tao nasoi-nasoda ita numa sosoek mai.  
\q1 Ana numa letek Sion, nai kota Yerusalem mai.  
\q2 Ana ndia tao nala Yakob tititi-nonosin nara sale dalen do tuke tein nara.  
\q3 Ara leo-laꞌo ta tao matak neu Au,  
\q3 ma ara rasadea laꞌo ela Au eno-dala masoda tetebeng ena.\x + \xo 11:26 \xt Yesaya 59:20-21\x*   
\q1
\v 27 Au nau koka heni sira sala-singgon.  
\q2 Huu Au ndara fangga hehelu-bartaak ua sara talo naa ena.”\x + \xo 11:27 \xt Yermia 31:33-34\x*   
\p
\v 28 Tungga-tungga hatahori Yahudir ramanene Karistus Hara Lii Malolen, ara tao aon nara nok bali musu mana laban neun. No dalak naa, ara fee lelak soa-neu ei hatahori ta Yahudir! Leo mae talo naa oo, tehuu Manetualain bei sue-lai sara boe, nahuu Ana sue-lai sira bei-baꞌin nara, ma here nala sara dadi reu Ndia hatahorin nara ena.  
\v 29 Mete ma Manetualain fee basa buas esa ena, na, Ana ta leꞌa nala falik kana. Mete ma Ana nanggou nala hatahori ena nae, “Woi! Mai, tungga Au! Mai maso dadi muu Au hatahoring leo!” Ana ta husi heni sana bali.   
\p
\v 30 Fai uluk ei fo hatahori ta Yahudir, ta nau nenene neu Manetualain. Tehuu hatematak ia ei ndia simbo mala Manetualain dale kasian, nahuu hatahori Yahudir ta nau nenene neun.  
\v 31 De sira iar, ndia hatematak ia ta tao tungga Manetualain hihii-nanaun. Huu naa de Manetualain bei nau natudu Ndia dale kasian soa-neu ei. Ma neu ko Ana oo nau kasian neu sara bali boe.  
\v 32 Hatematak ia Manetualain mete hatahori Yahudi sama no Ana mete hatahori ta Yahudi. Huu basa sara ta tao tungga Ndia hihii-nanaun, nok bali neni ronggak kara, ma ta bubuluk dala sasaik. Ana ela sara talo naa, fo bisa natudu Ndia dale kasian soa-neu basa hatahorir.   
\s1 Manetualain naa, ta neni babanggak  
\q1
\v 33 Manetualain malelan seli!  
\q2 Ma Ana oo pake Ndia malelan fo tao hata neulauk boe.  
\q1 Ta hambu hatahori fo bisa nalelan no tebe-tebe.  
\q2 Ta hambu hatahori mana bubuluk no tebe-tebe, laꞌe-neu Ana naketu-naladi dedeꞌak.  
\q2 Ta hambu hatahori esa boe na ndia nalela,  
\q3 tao hata de Manetualain tao matak esa.\x + \xo 11:33 \xt Yesaya 55:8\x*   
\q1
\v 34 Ta hambu hatahori fo mana bubuluk no tetuk, ita Lamatuan duduꞌan.  
\q2 Ta hambu esa boe na bisa fee nenori-nefadak neu Ndia.\x + \xo 11:34 \xt Yesaya 40:13\x*   
\q1
\v 35 Ta hambu hatahori esa fo bisa fee mudak buas esa neu Manetualain,  
\q2 ta hambu hatahori fo bisa nakasetik Manetualain fo bala falik kana!\x + \xo 11:35 \xt Ayub 41:11\x*   
\q1
\v 36 Huu basa-basan raoka numa Manetualain mai!  
\q2 Basan dadi, nahuu Ndia!  
\q1 Basa hata fo ita taok,  
\q2 ita taue-osa soa-neu Ndia.  
\q1 Ita soꞌuk kokoa-kikiok soa-neu Ndia,  
\q2 losa doon naa neu!  
\q3 Tebe talo naa!\x + \xo 11:36 \xt 1 Korentus 8:6\x*   
\c 12  
\s1 Mete ma ita takaesa to Karistus, na, ita leleo-lalaꞌo beun muste dadi talo bee?  
\p
\v 1 Toranoo susue nggara ein! No Manetualain natudu Ndia dale kasian soa-neu ita ena, huu naa de au oke fo loo lima ei ao katematuan neun, nok bali tunu-hotuk fo bei malaok. Naa, ndia tao namahoko Manetualain dalen. Maote tebe-tebe fo tao tungga Ndia hihii-nanaun, ma leo-laꞌo no lolo-laok, te naa natudu ei susuem ma hada-horomatam neun. Memak ei mandaa makaluku-makatele neu Ndia talo naa.  
\v 2 Boso fee lelak fo hatahorir marai dae-bafok hatematak ia radenu ei muste tao talo bee, do, leo-laꞌo talo bee, tungga sira hihii-nanaun nara. Boso kada tungga no poke-mbakek a mesan sira duduꞌa-aꞌafin, leleo-lalaꞌon nara, do, sira dala-hadan. Tehuu malole lenak, ei fee lelak fo Manetualain adu ei duduꞌam dadi beuk, fo ei mete-mita basa-basan tungga eno-dala beuk. No dalak naa, ei bisa bubuluk Manetualain hihii-nanaun soa-neu ei. Huu Manetualain hihii-nanaun naa, malole, matetu-mandaik, ma tao namahoko Ndia dalen.   
\p
\v 3 No Manetualain natudu dale susuen neu au ena, huu naa de Ana nadenu au. De au afada ei, talo ia: timba-tai ei aom mara pake dala tetebes! Boso soꞌuk ei aom mara lena heni hata fo tetebes. Boso pake timba-taik fo huu-suꞌun taak. Hatahori esa-esak muste soba fo nalela babanggi-babaꞌek fo Manetualain baꞌe soa-neun ena, nahuu ana namahere neu Karistus.   
\p
\v 4 Haꞌi netuduk numa hatahori ao-inan mai. Ao-inak esa dadi numa babaꞌek noꞌuk ka mai. Babaꞌek esa-esak no ndia uen.  
\v 5 Leo naak oo, soa-neu ita mana makaesa to Karistus boe. Ita hatahori noꞌuk ka, tehuu ita takaesa sama leo ao-inak esa. Hatahori esa-esak no ndia uen, sama leo ita ao-inan babaꞌen nara. Esa toꞌa esa. Haꞌi netuduk leo, limak neni tete ketuk numa ao-inak mai, ta naena sosoak hata bali, hetu?\x + \xo 12:5 \xt 1 Korentus 12:12\x*   
\p
\v 6 Talo ia: Manetualain fee koasa neu ita basa ngga fo takalalaꞌok ues mata-matak kara, nahuu Ana hii natudu Ndia dale susuen neu ita. Haꞌi netuduk leo, mete ma Manetualain fee koasa neu o fo mafada Ndia hara hehelun, na, o muste mafada hara heheluk naa no matetu-mandaik. Tehuu boso mafada lenak numa hara heheluk naa mai.\x + \xo 12:6 \xt Mateos 24:11; 24; 1 Korentus 14:29; 1 Yohanis 4:1-6\x*  
\v 7 Mete ma Manetualain fee o babanggi-babaꞌek fo maono-lalau hatahori laen, o muste maono-lalau pake koasa naa. Mete ma Ana fee o babanggi-babaꞌek fo manori hatahorir laꞌe-neu Ndia, na, o muste fee nenorik pake koasa naa.  
\v 8 Mete ma Ana fee o babanggi-babaꞌek fo tao mambena hatahori dalen, na, o muste tao mambena pake koasa naa. Mete ma Ana fee o koasa fo bisa tulu-fali hatahorir munik hata-heto fo o hambuk, na, fee o hata-hetom fo tulu-fali neu sara. Mete ma Ana fee o babanggi-babaꞌek fo leꞌa-nore hatahorir fo rakalalaꞌok Ndia ue-osan dadi neulauk lenak, na, o muste manggate leꞌa-nore sara pake koasa naa. Mete ma Ana fee o dale kasian fo nau tulu-fali hatahori mana susa-sonak, na, o muste tulu-fali no dale mana mbena sau-sauk.\x + \xo 12:8 \xt 1 Korentus 12:4-11\x*   
\s1 Karistus hatahorin nara muste leo-laꞌo talo bee?  
\p
\v 9 Mete ma ei matudu susue-lalaik neu hatahorir, na, matudu susue-lalaik tetebe ndoos; boso dea-matak. Masadea laꞌo ela basa hata fo manggarauk, ma toꞌu mahere basa hata fo neulauk.  
\v 10 Ei hatahori saranik muste sue-lai no malole esa mbali esa. Maote tebe-tebe fo matudu hada-horomatak esa mbali esa.  
\v 11 Mete ma ei maue-osa, na, maue-osa no dale mana dere-dere hiek, boso babati. Elan fo ei dalem mara mana mbena sau-sauk, neu ei maue-osa. Leo naak oo maue-osa soa-neu ita Lamatuan boe.  
\v 12 Ei dalem mara muste ramahoko hatu-leledon, huu ei bubuluk mala ena, hata fo Lamatuak helu-bartaa nae fee ei. Makatataka, mete ma hambu susa-sonak. Hule-haradoi hatu-leledon; boso manggu.  
\v 13 Pake ei hata-heton fo doi-sou hatahori saranik fo mana toꞌak. Mete ma hambu hatahori numa mamanak laen mai, makambela ei limam fo fee sara raꞌa-rinu, do, leo taak nai ei umam. No dalak naa, ei matudu ei susuem neu sara.   
\p
\v 14 Mete ma hambu hatahori nakasususak ei makandoo, moke-hule Manetualain fo tao hata fo neulauk soa-neu sara. Tebe! Boso makatoo sara!\x + \xo 12:14 \xt Mateos 5:44; Lukas 6:28\x*  
\v 15 Mete ma hambu hatahori dalen namahoko, na, mamahoko sama-sama mian. Mete ma hambu hatahori buꞌi namatani nahuu dalen sona, na, buꞌi mamatani sama-sama mian.  
\v 16 Leo-laꞌo no masue-laik ma dalek esa. Boso madedema aom mara. Malole lenak, ei matia-laik mia hatahori ta naena fuli-nggamuk kara. Boso soꞌuk aom mara fo duꞌa mae, kada o mesa ngga ndia mana bubuluk.\x + \xo 12:16 \xt Dedeꞌa Lasik 3:7\x*   
\p
\v 17 Mete ma hatahori tao manggarauk neu o, na, boso balan no manggarauk. Tehuu o muste soba-soba fo sangga dalak neulaun lenak, ndia basa hatahorir bisa simbok kana.  
\v 18 Mete ma bisa, na, sangga dalak fo leo-laꞌo mole-dame mia basa hatahorir.   
\p
\v 19 Toranoo susue nggara ein! Boso bala nembeda dalek. Elan numa naa fo kada Manetualain ndia koladun. Ana namanasa, mete ma hatahori tao manggarauk, sama leo neni surak nai Susura Malalaok nae,  
\q1 “Ita Lamatuan mesa kana ndia kokolak nae,  
\q1 Au aena haak fo bala nembeda dalek.  
\q2 Huu Au ndia fee hukun neu hatahori tatao manggaraun nara.”\x + \xo 12:19 \xt Tui Seluk laꞌe-neu Dala Masodak 32:35\x*   
\p
\v 20 Malole lenak, tao tungga hata fo Susura Malalaok nafada numa lele uluk mai nae,  
\q1 “Mete ma o musum ndoe-laꞌa,  
\q2 na, feen naꞌa.  
\q1 Mete ma o musum dale mada,  
\q2 na, feen ninu.  
\q1 Mete ma tao talo naa, neu ko dalen loe,  
\q2 de ana fee hada-horomatak mbali o.”\f + \fr 12:20 \ft Susura Malalaok dedeꞌa Yunani surak nae, “nok bali tao aꞌi kaa mana mbilak neu langgan.” Hatahori malelak laꞌe-neu Susura Malalaok nae, naa sosoa-ndandaan “dalen loe ma ana fee hada-horomatak mbali o.”\f* \x + \xo 12:20 \xt Sosoda Kokoa-kikiok kara 140:10; Dedeꞌa Lasik 25:21-22\x*   
\p
\v 21 Boso fee lelak neu hata fo manggarauk kara koladu o. Malole lenak, kada hata fo neulauk ndia koladu o. No dalak naa, o bisa tao masenggi hata fo manggarauk kara.   
\c 13  
\s1 Nenene neu hatahori mana toꞌu parendar  
\p
\v 1 Hatahori esa-esak muste nenene neu hatahori mana toꞌu parendar. Huu ara raena haak ma koasa fo parenda hatahori. Sira koasan fo toꞌu parenda naa, ara hambun numa Manetualain mai. Mana toꞌu koasar hatematak ia, ara toꞌu koasa talo naa nahuu Manetualain ndia soꞌuk kasa.  
\v 2 De mete ma hatahorir laban hatahori mana toꞌu parenda talo naa, naa sama leo ara laban hata fo Manetualain soꞌuk kana ena. Mete ma ara tao talo naa, neu ko hambu huku-dokik numa Manetualain mai.   
\p
\v 3 Mete ma ei tao hata fo ndoos, na, hae mamataꞌu neu hatahori mana toꞌu parendar. Tehuu mete ma ei tao manggarauk, malole lenak ei mamataꞌu neu sara! De manea aom mara fo tao hata fo ndoos, fo hae mamataꞌu neu sara. Mete ma ei tao talo naa, na, neu ko ara koa ei.  
\v 4 Hatahori mana toꞌu parendar, sira iar ndia Manetualain here nala sara fo raono-lalau ei. Tehuu mete ma ei tao salak makandoo, malole lenak ei besa-besa leo! Huu ta hie-hie ara raena haak fo fee hukun neu ei. Sira iar, sama leo Manetualain hatahori neondan fo fee hukun neu hatahori fo mana tao manggarauk kara. Huu Manetualain ta simbok hata ndia manggarauk fo hatahorir taok; Ana namanasa sara.   
\p
\v 5 Huu naa de ei muste nenene neu hatahori mana toꞌu parendar. Ei bubuluk nai ei dalem mara ena mae, naa ndia ndaa. Ma ei oo bubuluk boe mae, Manetualain namanasa, mete ma ita ta tao tungga hata fo ndoos.   
\p
\v 6 Leo naak oo, ei muste bae bea fo neni neketu memak boe, nahuu hatahori mana toꞌu parendar rakalalaꞌok Manetualain ue-osan.  
\v 7 De ei muste bae basa hata tungga ndoon. Bae neu mana susu bear, basa bear fo ei muste bae. Fee hada-horomatak neu basa hatahorir fo mana muste simbok hada-horomatak. Mete ma hambu hatahori tao hata fo neulauk nakandoo, soꞌuk naden nara fo basa hatahorir bubuluk ara tao hata fo neulauk.\x + \xo 13:7 \xt Mateos 22:21; Markus 12:17; Lukas 20:25\x*   
\s1 Leo-laꞌo no masue-laik esa no esa  
\p
\v 8 Bae makababasak o hutam mara fo boso leo-laꞌo no kada mahuta. Huu ita kada tahuta nai dedeꞌak esak ka, ndia susue-lalaik. Mete ma ei sue hatahori, na, ei tao tungga Manetualain Hohoro-lalanen nara ena.  
\v 9 Hohoro-lalanek kara raa rae, “Boso hohongge-lelena; boso makanisa hatahori; boso mamanaꞌo; boso dale hedi hatahori laen hata-heton,” ma laen bali. Mete ma nau tao tungga basa Hohoro-lalanek kara, na, muste tao tungga Hohoro-lalanek esa ia, ndia nae, “O muste sue hatahori laen nara, sama leo sue neu o ao heli-helim.”\x + \xo 13:9 \xt Kalua numa Masir mai 20:13-15, 17; Tui Seluk laꞌe-neu Dala Masodak 5:17-19, 21; Malangga Anggamar Hohoro-lalanen 19:18; Mateos 22:39; Markus 12:29-31\x*  
\v 10 Huu mete ma ita tatudu susue-lalaik neu hatahori laen, ita ta tao manggarauk neu sana, hetu? Dadi mete ma ita tatudu susue-lalaik takandoo, ita bisa tao tungga basa Hohoro-lalanek kara maruma Manetualain mai.   
\s1 Ta dook ka bali te Karistus nae fali mai ena  
\p
\v 11 Manetualain nau nakamboꞌik ita numa hatahori manai dae-bafok ia manggaraun mai. Hatematak ia ndia fain fo tao nasoi-nasoda hatahori, ana deka nalan seli ena numa faik fo ita dei fo tamahere neu Yesus Karistus mai. De ita muste leo-laꞌo no tasue-laik, nahuu ita bubuluk fai masoi-masodak naa deka-deka ena. Fai uluk nok bali ita mana sungguk kara, tehuu hatematak ia ndia fain losa ena fo ita muste beꞌe leo!  
\v 12 Ta dook ka te leꞌodaek basa ena, boe ma manggaledok mai. De malole lenak ita hahae leo numa ita tatao manggaraun mai. Naa, sama leo hatahori fo mana leo-laꞌo nai makiuk dale ma tao hata fo manggarauk, huu ara duꞌa rae, ta hambu hatahori mete-rita sira. Tehuu hatematak ia ita muste dadi teu soldadu mana pake bua netatik, fo tambariik tahere tao hata fo neulauk kara, sama leo hatahori fo mana leo-laꞌo nai manggaledok dale.  
\v 13 Ita muste leo-laꞌo no ndoos, mita fo basa hatahorir mete-rita ita tao hata fo neulauk kara. Ta malole mete ma ita kada feta-dote rame-rame, ma tinu mafuk. Ta malole mete ma ita hohongge-lelena takandoo. Ta malole mete ma ita tareresi kii-konak. Ma ta malole mete ma ita mbiri, nahuu ta hii hatahori lena ita.  
\v 14 Tehuu malole lenak, masafali ei dalem fo dadi sama leo ita Lamatuan Yesus Karistus, fo Manetualain nadenun mai ena. Mete ma o dalem hii nalan seli tao hata fo ta ndoos, na, boso fee lelak fo o tao tungga o hihiim mana leli-belak talo naa. Makatataak aom!   
\c 14  
\s1 Boso maselu kisubalik mia ei toranoo saranim  
\p
\v 1 Hambu hatahori fo namahere neu Lamatuak ena, tehuu ndia nemeheheren bei ta nahere, ma ana bei ta nalela dedeꞌak noꞌuk ka. Makambela limam fo simbok malan no malole. Boso mareresi laꞌe-neu ndia duduꞌan. Elan numa naa fo ana natia-laik no ei leo.  
\v 2 Hambu hatahori fo mana namahere neu Lamatuak, duduꞌa nae, hatahori saranik bisa raꞌa hata a mesan, leo mbaa do, hata a mesan. Tehuu hatahori saranik laen nara, fo nemeheheren nara bei ta ratea, nau raꞌa kada uta-ai doo. Ara raluli mbaa.  
\v 3 Tehuu nenene, ee! Hatahori saranik fo nameda ndia bole naꞌa hata a mesan, ta bole nakaloloek hatahori fo ta mana naꞌa mbaa. Leo naak oo, hatahori saranik fo ta mana nau naꞌa mbaa boe, boso mafada hatahori mana naꞌa mbaa mae, “Heeh! Muꞌa mbaa naa, sala!” Huu Manetualain simbok nala dua sara fo dadi reu Ndia hatahorin ena!   
\p
\v 4 Mete ma o kada maselu kisubalik toranoom hatahori fo mana namahere talo naa, na, o duꞌa mae o ia, see? O maena haak hata fo ndae salak neu hatahori laen? Ndia ia, ta o hatahori mana maue-osam! Ma o ia, ta ndia malanggan. Huu kada ndia Lamatuan mesa kana, ndia naena haak fo nafada no ledo-ledon hata fo ana taok naa, ndaa, do sala. Tehuu boso lilii-ndondou. Ndia Lamatuan naa, ndia neu ko simbok no malole hatahori naa, nahuu Lamatuan ndia taon fo ana barakai, de bisa nakatataka.   
\p
\v 5 Hambu hatahori ketuk raketu rae, faik esa malalaon lenak numa faik laen nara mai. Hambu hatahori laen duꞌa rae, basa faik kara sama a mesan, ta hambu esa feꞌe boe na. Hatahori esa-esak ndia muste naketu aon laꞌe-neu dedeꞌak kara raa.  
\v 6 Mete ma hatahori fo mana duꞌa nae, hambu faik fo malalaon lenak numa faik laen nara mai, ana tao talo naa fo natudu hada-horomatak neu ita Lamatuan. Hatahori fo mana naꞌa mbaa ma nanaꞌak laen nara, bisa naꞌa fo natudu hada-horomatak neu ita Lamatuan, huu ana noke makasi neu Manetualain. Leo naak oo soa-neu hatahori fo ta mana naꞌa mbaa boe. Ana oo nau natudu hada-horomatak neu ita Lamatuan boe, ma ana oo noke makasi neu Manetualain boe.\x + \xo 14:6 \xt Kolose 2:16\x*   
\p
\v 7 Mete ma ita tasoda, na, ita ta tasoda soa-neu kada ita aon mesa kana. Mete ma ita mate, na, ita ta mate soa-neu kada ita aon mesa kana.  
\v 8 Mete ma ita bei tasoda, na, ita takaesa to ita Lamatuan. Leo naak oo mete ma ita mate, na, ita bei takaesa to ita Lamatuan boe. De leo mae ita tasoda, do, ita mate, ita bei dadi teu Ndia enan.  
\v 9 Huu naa de Karistus mate, basa boe ma nasoda fali numa mamaten mai. Ana tao talo naa fo Ana oo bisa dadi neu Lamatuak soa-neu hatahori fo mana matek kara ena, ma soa-neu hatahori fo bei masodak kara boe.   
\p
\v 10 Dadi tao hata fo o soꞌuk aom nok bali mana maketu-maladi dedeꞌak, fo maselu kisubalik o toranoo saranim? Tao hata de o makaloloek neun? Neu ko ita basa ngga muste tasare mbali Manetualain fo Ana parisa ita esa-esak leleo-lalaꞌon.\x + \xo 14:10 \xt 2 Korentus 5:10\x*  
\v 11 Sama leo neni surak nai Manetualain Susura Malalaon numa lele uluk mai nae,  
\q1 “Ita Lamatuan mesa kana ndia nafada nae,  
\q1 ‘Basa hatahorir neu ko sendek luu-langgan nara fo doꞌor neu Au,  
\q2 ma ratudu hada-horomatak neu Au.  
\q1 Hatahori esa-esak neu ko pake bafan nara fo manaku ma koa-kio Au  
\q2 rae, Au dadi uu sira Lamatuan fo naena haak parenda sara,  
\q3 nahuu Au ia, Manetualain.’ ”\x + \xo 14:11 \xt Yesaya 45:23\x*   
\p
\v 12 Dadi ita basa ngga muste taselu-tataa talan fo tafada Lamatuak tae, ita tao talo bee, ma tao hata de ita tao talo naa.   
\s2 Boso makatutudak o toranoo saranim  
\p
\v 13 Fai uluk ei marai Roma soa ndae salak makandoo neu ei toranoo saranim mara. Boso bei talo naa bali! Malole lenak ita taketu talo ia: ta bole tao ita toranoon nara rakatunu. Ita boso soba ike takatutudak kasa fo ara tao salak.   
\p
\v 14 Huu au akaesa ua ita Lamatuan Yesus, au bubuluk no tetuk, talo ia: ta hambu nanaꞌa-nininuk hata esa boe na, fo bisa tao nanggenggeo hatahori, losa ana ta bisa hule-haradoi neu Lamatuak. Tehuu mete ma hatahori esa duꞌa nae, nanaꞌa-nininuk esa tao nanggenggeon losa ana nameda ta naena haak fo hule-haradoi bali, elan fo nanaꞌa-nininuk naa dadi neu nelulik soa-neun.  
\v 15 Haꞌi netuduk leo, mete ma o muꞌa mbaa, ma naa tao nala o toranoom dalen sona, na, o ta matudu o susuem neun ena, hetu? Makatataak aom dei! Boso makalulutu o toranoom nemeheheren, nahuu kada o mae muꞌa-minu matak esa! Huu Karistus oo mate soa-neu hatahori naa boe.  
\v 16 Ta malole mete ma o tao hata esa fo mameda mae neulauk, tehuu hatahori laen nara kokolak raboboo o nadem, nahuu ara duꞌa rae o taok naa, manggarauk.   
\p
\v 17 Duꞌa matalolole! Manetualain naa, ita Manen. Tehuu ita ta dadi teu Manek hatahorin, nahuu kada ita taꞌa-tinu tungga hohoro-lalanek mesa kana. Taa! Mete ma ita nau dadi teu Manek hatahorin, ita muste tao hata fo ndoos, ita dalen lolo-laok, ita leo-laꞌo no ndoos ma mole-damek, ma ita dalen namahoko. Basa iar bisa dadi, mete ma ita takaesa takandoo to Manetualain Dula-dale Malalaon.  
\v 18 Hatahori fo mana naono-lalau Karistus talo naa, tao namahoko Manetualain dalen. Ma hatahori laen oo parisa natalolole hatahori naa leleo-lalaꞌon, de ana soꞌuk hatahori naa naden boe nae, “Ndia naa, malole!”   
\p
\v 19 De ita muste taote tebe-tebe fo leo-laꞌo no mole-damek, ma esa natetea esa.  
\v 20 Boso takalulutu Manetualain ue-osan nai hatahori laen leleo-lalaꞌon, nahuu kada dedeꞌa nanaꞌa-nininuk. Lamatuak nafada ena, bole miꞌa hata a mesan, huu basa-basan malalaok. Tehuu mete ma o madedeꞌa mua o toranoom, nahuu kada dedeꞌa nanaꞌa-nininuk, o ia, sala. Boso talo naa!   
\p
\v 21 Malole lenak, makatataak aom leo. Hae muꞌa mbaa, do, minu oe anggor, do, muꞌa-minu hata laen fo tao nala o toranoom nakatunu.  
\v 22 Talo ia: mete ma o mala harak mua Manetualain ena, basa de o maketu ena mae, o nau mamahere neu Ndia laꞌe-neu naꞌa-ninuk talo bee, na, o maua, huu basa-basan dadi matetuk ena. Hae duduꞌa fo sangga bubuluk o tao sala, do taa. Te o maketu mala talo naa ena na.  
\v 23 Tehuu mete ma o dalem napangge, basa fo o muꞌa-minu hata fo mameda tao nala o manggenggeo, Manetualain fee salak neu o, nahuu o ta tao tungga hata fo o mamahere nai o dalem neu o muꞌa-minu. Mete ma o mae tao hata a mesan, tehuu o mamahere mae, naa ta ndaa nai Manetualain matan, na, naa sala ena.   
\c 15  
\s1 Maote tebe-tebe fo tao tamba matetea hatahori laen nara nemeheheren  
\p
\v 1 Dadi ita fo nemeheheren matea muste no dale loak fo tulu-fali hatahorir fo nemeheheren bei ta ratea rai sira lelemba beran dale. Ta malole mete ma ita tao tamahoko kada ita aon mesa kana.  
\v 2 Talo ia: ita esa-esak muste taote tebe-tebe fo tao hata fo neulauk soa-neu ita toranoo saranin nara, mita fo nemeheheren nara boe ratea. No dalak naa, ara dadi ramahoko ro ita.  
\v 3 Yesus Karistus mesa kana ta naue-osa fo tao namahoko kada Ndia dale heli-helin, tehuu Ana oo nau tao namahoko Manetualain dalen boe. Naa, sama leo neni surak memak nai Manetualain Susura Malalaon ena laꞌe-neu hata fo Yesus kokolak mbali Manetualain nae,  
\q1 “Sira nekedadaen soa-neu O,  
\q2 tuda laꞌe-ndaa Au boe.”\x + \xo 15:3 \xt Sosoda Kokoa-kikiok kara 69:8\x*   
\p
\v 4 Basa hata fo hatahorir surak lele uluk nai Manetualain Susura Malalaon, neni surak fo ranori ita. Ana natudu eno-dalak fo tao ita dadi barakai lenak, takatataka lenak bali, ma Ndia Dedeꞌa-kokolan oo fee ita nembembena aok boe. No dalak naa, ita bisa tahani fo nau mete-tita Manetualain natudu Ndia dale susuen neu ita.   
\p
\v 5 Manetualain ndia tao barakai hatahorir fo ara bisa rakatataka. Ma Ana ndia fee neteteak neu ita dalen. Au hule-haradoi fo oke Ana natudu eno-dalak fo ei leo-laꞌo no dalek esa, tungga Yesus Karistus hihii-nanaun.  
\v 6 Mete ma ei dalek esa talo naa, ei bisa sama-sama soꞌuk kokoa-kikiok soa-neu Manetualain. Ndia naa, ita Lamatuan Yesus Karistus Aman.   
\s1 Manetualain Hara Lii Malolen soa-neu hatahori Yahudi ma hatahori ta Yahudi  
\p
\v 7 Dadi ei basa ngga muste esa simbok esa sama leo Karistus simbok ei. Mete ma ei leo-laꞌo talo naa, neu ko hatahorir rakadedemak Manetualain naden.  
\v 8 Au afada talo ia: Karistus tao aon nok bali hatahori neondak soa-neu hatahori Yahudir fo ara tao ratetu basa hata fo Manetualain helu-bartaa nae taon soa-neu sira bei-baꞌin nara ena. No dalak naa, Ana tulu-fali hatahori Yahudir fo bubuluk rae, Manetualain kokolak tetebes.  
\v 9 Huu naa de basa hatahori nusa-nusak laen fo hatahori ta Yahudir soꞌuk kokoa-kikiok soa-neu Manetualain. Huu ara bubuluk rae, Ana nameda kasian soa-neu ita basa ngga. Naa, sama leo lele uluk Dauk surak nai Susura Malalaok dale nae,  
\q1 “Huu naa de au nau akadedemak O nadem,  
\q2 nai hatahori nusa-nusak laen nara matan.  
\q1 Au nau soda sosoda kokoa-kikiok laꞌe-neu O  
\q2 nai hatahori nusa laen nara matan.”\x + \xo 15:9 \xt 2 Semuel 22:50; Sosoda Kokoa-kikiok kara 18:50\x*   
\p
\v 10 Numa mamanak laen nai Susura Malalaok neni surak nae,  
\q1 “Woi! Ei hatahori deak numa mamanak laen nara mai.  
\q2 Tao ei dalem mara mbena sau-sau,  
\q3 sama-sama mia Lamatuak hatahori heli-helin nara.”\x + \xo 15:10 \xt Tui Seluk laꞌe-neu Dala Masodak 32:43\x*   
\p
\v 11 Dauk surak numa mamanak laen nai Susura Malalaok nae,  
\q1 “Ei manuma hatahori nusa-nusak laen nara mai,  
\q2 makadedemak Lamatuak, huu Ndia ta neni babanggak,  
\q3 de basa hatahorir tungga koa-kio neu ita Lamatuan.”\x + \xo 15:11 \xt Sosoda Kokoa-kikiok kara 117:1\x*   
\p
\v 12 Baꞌi Yesaya surak numa mamanak laen nai Susura Malalaok nae,  
\q1 Numa Isai anan mane Dauk,  
\q2 neu ko ndia tititi-nonosin esa kalua mai.  
\q1 Neu ko Ana ndia toꞌu parenda soa-neu hatahori nusa-nusak laen nara.  
\q1 Ara bubuluk ena Ana nae mai.  
\q2 Boe ma ara rahani a neun,  
\q3 huu ara ramahena neun.”\x + \xo 15:12 \xt Yesaya 11:10\x*   
\p
\v 13 Manetualain dadi okak numa basa hata fo ita tamahenak mai. Mete ma ei mamahere neun, na, Ana ndia tao nala ei dalem mara ramahoko ma lino-lendek. Elan fo Manetualain Dula-dale Malalaon koasan tao nala ei tamba mamahere tebe-tebe laꞌe-neu hata fo Ana nau taok.   
\s1 Lamatuak nadenu Paulus fo laꞌok neu tui-bengga Ndia Hara Lii Malolen  
\p
\v 14 Toranoo nggara ein! Au amahere tebe-tebe ena ae, ei dalem mara sofek no hata fo neulauk kara ena, ei bubuluk noꞌun seli ena, ma ei bisa esa nanori-nafada esa.  
\v 15 Au surak no ledo-ledon talo ia nai susurak ia fo fee nesenedak laꞌe esa bali soa-neu ei, laꞌe-neu dedeꞌak mata-matak kara. Au surak talo ia, nahuu Manetualain natudu Ndia dale susuen neu au,  
\v 16 neu Ana soꞌuk nala au fo dadi uu Yesus Karistus nedenun, fo muste uu tui-bengga Manetualain Hara Lii Malolen soa-neu hatahori nusak ta Yahudir. Au akalalaꞌok au ueng naa, sama leo malangga anggama fo nau tao sadia hatahori noꞌuk kara dadi leo tunu-hotuk esa fo tao namahoko Manetualain dalen. Manetualain Dula-dale Malalaon ndia tao nala sara dadi reu lolo-laok, fo Manetualain bisa simbok kasa.   
\p
\v 17 No au akaesa ua Yesus Karistus, huu naa de au bisa soꞌuk au matang nai Manetualain matan.  
\v 18 Au kokolak afada kada Karistus tataon a mesan, ma talo bee de, Ana pake au. Au ta ambarani kokolak dedeꞌak laen. Hatematak ia hambu hatahori ta Yahudir ramanene neu Karistus, nahuu Manetualain pake au fo atudu eno-dalak pake au kokolang ma au leleo-lalaꞌong.  
\v 19 Karistus fee au koasa numa Manetualain Dula-dalen mai ena, mita fo au bisa tao tanda heran mata-matak kara. Ana fee koasa neu au fo atudu ae, Karistus naa, see. No dalak naa, au afada hatahorir rai bee a mesan ena, basa-basan laꞌe-neu Karistus Hara Lii Malolen. Huu naa de au afada numa kota Yerusalem mai, ndule basan losa dae Ilirikum deka no Italia.  
\v 20 Numa lele uluk mai, au duꞌa hambu ae, “Au daleng hii nalan seli nau afada laꞌe-neu Karistus soa-neu hatahorir, fo bei ta ramanene rita Ndia Hara Lii Malolen!” Te au ta hii fee nenorik nai mamanak fo hatahori laen nara fee nenorik ena na.  
\v 21 Nai Manetualain Susura Malalaon dale neni surak nae,  
\q1 “Hatahori nusa-nusak fo bei ta ramanene rita laꞌe-neu Lamatuak,  
\q2 sira naar, ndia neu ko mete-ritan.  
\q1 Hatahori fo bei ta ramanene hata esa boe na,  
\q2 sira naar, ndia neu ko bubuluk laꞌe-neu Ndia.”\x + \xo 15:21 \xt Yesaya 52:15\x*   
\s1 Paulus ator nanaen fo nae neni kota Roma neu  
\p
\v 22 No au ueng talo naa, huu naa de au bei ta dadi uu tiro-dangga ei.\x + \xo 15:22 \xt Roma 1:13\x*  
\v 23 Tehuu hatematak ia au ueng manai ia basan ena. Doon seli losa teu-teuk kara ena, au daleng hii nalan seli fo ae uu tiro-dangga ei.  
\v 24 Mete ma au uni nusa Sapanyol uu, dei fo au tuli uu tiro-dangga ei. Mete ma au tuli taak nai ei ena, na, ei oo bisa sou au mia doi dalak uni Sapanyol uu boe.   
\p
\v 25 Tehuu hatematak ia au ae uni Yerusalem uu dei, fo aono-lalau Lamatuak hatahori kamaheren nara marai naa.  
\v 26 Huu ita toranoon nara marai profensi Makedonia ma profensi Akaya, fee doi kolete ena, fo tulu-fali hatahori kasian nara fo mana ramahere neu Karistus nai Yerusalem.\x + \xo 15:26 \xt 1 Korentus 16:1-4\x*  
\v 27 Ara nau tao talo naa, nahuu rameda rahuta soa-neu ita toranoon nara marai Yerusalem. Huu hatahorir maruma nusa-nusak laen marai bee a mesan oo simbok hata fo neulauk ena fo Manetualain Dula-dalen feen nakahuluk kana soa-neu hatahori Yahudir boe. Dadi nandaa mete ma hatahori saranik ta Yahudir nau pake sira hata-heton fo doi-sou sira toranoon hatahori Yahudir.\x + \xo 15:27 \xt 1 Korentus 9:11\x*   
\p
\v 28 Dadi mete ma au tao akababasak ues ia ena, fo fee doi-souk ia neu ita toranoon nara marai Yerusalem, au ae tuli fo tiro-dangga ei, neu au laꞌo uni Sapanyol uu.  
\v 29 Mete ma au neti, neu ko au nau uni babaꞌe-babatik noꞌun seli numa Karistus mai.   
\p
\v 30 Toranoo nggara ein! No Yesus Karistus dadi neu ei Lamatuam, ma Manetualain Dula-dalen tao nala ei esa sue esa, huu naa de au oke fo ei hule-haradoi tebe-tebe fo Manetualain tulu-fali au.  
\v 31 Moke-hule fo Manetualain nanea au nai profensi Yudea, fo hatahori fo ta mana nau namahere neu Manetualain, boso tao manggarauk neu au. Ma moke-hule fo mete ma au uu aono-lalau hatahori saranik kara marai Yerusalem, na, ara simbok au no malole.  
\v 32 Mete ma Manetualain nau, na, au bisa mai tiro-dangga ei no dale nemehokok. Au nau hahae aong faa nai ei naa.  
\v 33 Au hule-haradoi fo oke Manetualain sama-sama no ei. Ana ndia bisa tao nala hatahori leo-laꞌo no mole-damek. Tebe!   
\c 16  
\s1 Paulus haitua hara masodak fee toranook kara marai Roma  
\p
\v 1 Nesik susurak ia, au ae akalelelak ita kaꞌa inan Febe neu ei, ma oke fo ei simbok malan dei. Ndia, ndia ara soꞌu ralan fo dadi neu mana malangga saranik nai kota Kengkrea.  
\v 2 Au oke fo ei makambela limam mara fo simbok malan no malole, sama leo hata fo nandaa soa-neu hatahori saranik kara, nahuu ana nakaesa no ita Lamatuan. Ana toꞌa hata, na, tulun doi-sou neun leo. Ana ndia tulu-fali au, ma hatahori noꞌuk ka numa fai bakahulun mai.   
\q2
\v 3 Haitua hara masodak malole numa au mai, fee kaꞌa inak Priskila\f + \fr 16:3 \ft Susura Malalaok dedeꞌa Yunani nai ia surak nae, “Priska”. Priska no Priskila naa, nadek esa.\f* no ndia saon, kaꞌa Akila. Ai sama-sama makalalaꞌok Yesus Karistus ue-osan noꞌun seli ena.\x + \xo 16:3 \xt Nedenuk kara Tutuin 18:2\x*  
\v 4 Ela kada faak ka dua sara mate fo ara tao rasoi-rasoda au. Tehuu ta kada au mesa ngga ndia oke makasi neu sara. Hatahori ta Yahudir fo mana dadi reu hatahori saranik ena, numa basa saranik kara marai bee a mesan oo roke makasi nahuu sira tutulu-fafali malolen boe.   
\q2
\v 5 Haitua au hara masodang fee basa hatahorir fo mana rakabubua fo nggarei nai Priskila no Akila uman.  
\q2 Haitua hara masodak fee au nonoong, kaꞌa Epenetus. Ndia naa, hatahori makasososak fo namahere neu Karistus nai profensi Asia.   
\q2
\v 6 Haitua hara masodak fee kaꞌa inak Mia. Ana naue-osa fafandek lima-ein numa ei taladam.   
\q2
\v 7 Haitua hara masodak fee kaꞌa Andronikus no kaꞌa inak Yunia.\f + \fr 16:7 \ft Susura Malalaok dedeꞌa Yunani neulaun lenak ma lasin lenak surak nae, \ft \+it Yunia\+it* (nade inak). Ketuk bali, na, surak rae, \+it Yulia\+it* (nade inak). Mulai numa abad ka-13 mai, hambu ketuk surak bali rae, \+it Yunias\+it* (nade touk). Lasi-lasi Karisten nara numa fai uluk mai duꞌa rae kaꞌa Andronikus no kaꞌa inak Yunia naa, sao holu-ndaek fo mana maue-osa soa-neu Lamatuak, sama leo kaꞌa Akila no kaꞌa inak Priskila.\f* Sira naar, hatahori Yahudi sama leo au. Ara ramahere Karistus ena, neu au bei ta amahere. Fai bakahulun ara ruma bui dale sama-sama ro au. Sira oo dadi reu Lamatuak nedenun boe. Sira iar hatahori nelelak kara.   
\q2
\v 8 Haitua hara masodak fee kaꞌa Ampliatus. Au suen, nahuu ana nakaesa no ita Lamatuan.   
\q2
\v 9 Haitua hara masodak fee kaꞌa Urbanus. Ana oo nakalalaꞌok Karistus ue-osan sama-sama no ai boe.  
\q2 Haitua hara masodak fee kaꞌa Stakis fo au suen.   
\q2
\v 10 Haitua hara masodak fee kaꞌa Apeles. Ana hambu soba-douk, tehuu ana senggi. De manggaledok ena, ana namahere tebe-tebe neu Karistus.  
\q2 Haitua hara masodak fee kaꞌa Aristobulus nufanelun lalaꞌen.   
\q2
\v 11 Haitua hara masodak fee kaꞌa Herodion. Ndia ia, hatahori Yahudi sama leo au.  
\q2 Haitua hara masodak fee Narkisus nufanelun lalaꞌen fo mana ramahere neu Karistus ena.   
\q2
\v 12 Haitua hara masodak fee kaꞌa inak Trifena ma kaꞌa inak Trifosa. Sira oo rakalalaꞌok ita Lamatuan ue-osan boe.  
\q2 Haitua hara masodak fee au nonoong, kaꞌa inak Persis. Ndia oo naue-osa fafandek lima-ein soa-neu ita Lamatuan boe.   
\q2
\v 13 Haitua hara masodak fee kaꞌa Rufus. Ita Lamatuan ndia here nalan.  
\q2 Haitua hara masodak fee ndia inan boe. Ndia naa, nok bali au ina bongging.\x + \xo 16:13 \xt Markus 15:21\x*   
\q2
\v 14 Haitua hara masodak fee kaꞌa Asinkritus, kaꞌa Flegon, kaꞌa Hermes, kaꞌa Patrobas, kaꞌa Hermas, ma basa toranook kara fo mana leo ro sara.   
\q2
\v 15 Haitua hara masodak fee kaꞌa Filologus, kaꞌa inak Yulia, kaꞌa Olimpas, kaꞌa Nereus ma ndia fadi inan, ro basa hatahori saranik kara fo mana sama-sama ro sara.   
\p
\v 16 Mete ma ei makabua, esa simbok esa pake iꞌidu susuek fo mana nandaak soa-neu hatahori kamaherek kara. Karistus hatahori saranin nara marai ia oo haitua hara masodak malole fee ei boe.\x + \xo 16:16 \xt 1 Korentus 16:20; 1 Tesalonika 5:26\x*   
\s1 Paulus fee nenori-nefadak neu sara  
\p
\v 17 Toranoo nggara ein! Au oke fo ei besa-besa, ee! Manea matalolole, huu hambu hatahorir tao rabinggak ei fo rae ike rakatutudak ei. Hata fo ara rafada neu ei naa, ana laban neu hata fo ai manori ei ena. De boso matia-laik mia hatahori matak leo naak kara!  
\v 18 Ara ta raue-osa soa-neu ita Lamatuan Yesus Karistus. Ara raue-osa fo hambu buna-boak soa-neu kada sira ao heli-helin. Bafan nara mana laimina ndoos, mbali hatahori bei ta nalela bee ndia neulauk ma bee ndia manggarauk. Bafan nara leo bali fani oe fo kedi-ira hatahori.   
\p
\v 19 Basa hatahorir ramanene ena rae, ei tungga makandoo Lamatuak hihii-nanaun. Huu naa de au daleng mbena sau-sau nahuu ei. Au nau fo ei dadi malela laꞌe-neu hata fo neulauk kara, ma boso babalik kasa ro hata fo manggarauk kara.  
\v 20 Manetualain naa, ndia fee ita bisa leo-laꞌo no mole-damek ma lino-lendek. Neu ko Ana ndia nakalulutu nitur malangga ina-huun koasan, ma natudu nae, ei ndia masenggin. Naa, ta dook ka ena. Au hule-haradoi fo ita Lamatuan Yesus Karistus natudu Ndia dale susuen soa-neu ei.   
\q2
\v 21 Fadi Timotius, fo mana maue-osa sama-sama no au, ana haitua hara masodak fee ei.  
\q2 Kaꞌa Lukius, kaꞌa Yason, ma kaꞌa Sosipater oo haitua hara masodak boe. Sira iar, hatahori Yahudi sama leo au.\x + \xo 16:21 \xt Nedenuk kara Tutuin 16:1\x*   
\q2
\v 22 (Au ia, Tertius, ndia mana surak susurak ia tungga hata fo kaꞌa Paulus nadenu au surak. Hara masodak malole numa au mai boe, huu au ia oo ita Lamatuan hatahorin boe.)   
\q2
\v 23 Au, Paulus, leo taak nai kaꞌa Gayus uman. Basa hatahori saranik kara marai ia rasiꞌe rakabua fo nggarei nai ndia uman. Ana oo haitua hara masodak boe.  
\q2 Kaꞌa Erastus fo mana dadi neu mana toꞌu doik nai kota, ma ita toranoon Kuartus oo haitua hara masodak boe.\x + \xo 16:23 \xt Nedenuk kara Tutuin 19:29; 1 Korentus 1:14; 2 Timotius 4:20\x*   
\p
\v 24 [Au oke-hule fo ita Lamatuan Yesus Karistus natudu Ndia dale susuen soa-neu ei basa ngga. Baꞌu kada naa!]\f + \fr 16:24 \ft Susura Malalaok dedeꞌa Yunani lasin lenak ma neulaun lenak, ta surak lanek ka-24 ia.\f*   
\s1 Manetualain naa, ta neni babanggak sudi selik kana  
\p
\v 25 Koa-kio Manetualain! Huu Ana ndia naena koasa fo tao ei dadi barakai. Ndia Hara Lii Malolen nae talo naa, ma au oo anori hatahorir talo naa boe, neu au afada sara laꞌe-neu Yesus Karistus. Manetualain ndia buka nafada ita basa hata laꞌe-neu Karistus ena fo hatahori lele uluk ta bubuluk, nahuu bei nemeninok.  
\v 26 Tehuu hatematak ia basa hata fo Manetualain mana toꞌu dedeꞌan lele uluk kara surak ralan nai Susura Malalaok dale, manggaledok ena. Manetualain ta mana matek, Ana ndia koladu fo basa hatahori nusa-nusak kara bisa bubuluk hata fo lele uluk nemeninok. No dalak naa, ara bisa ramahere neun, ma tungga Ndia hihii-nanaun.  
\v 27 Kada Ndia mesa kana, Manetualain. Kada Ndia mesa kana ndia nalela basa-basan. Au soꞌuk kokoa-kikiok neun, nahuu hata fo Yesus Karistus taok! Tebe naa!  
\p Au susurang losa kada ia,  
\q2 Soda-molek,  
\q2 Paulus