\id REV  
\h Dae-bafo Beuk 
\toc1 Yohanis susuran laꞌe-neu hata fo neu ko ana mori-dadi nai dae-bafok fai mateꞌen losa hambu Dae-bafo Beuk 
\toc2 Dae-bafo Beuk 
\toc3 Why 
\mt2 Yohanis susuran laꞌe-neu hata fo neu ko ana mori-dadi  
\mt2 nai dae-bafok fai mateꞌen losa hambu  
\mt1 Dae-bafo Beuk  
\c 1  
\p
\v 1-2 Hara masodak numa au mai, Yohanis, fo Yesus Karistus hatahori neondan.  
\p Nai susurak ia dale, au surak laꞌe-neu hata fo neu ko ana mori-dadi. Au bubuluk dedeꞌak kara iar, talo ia: Manetualain mesa kana ndia buka nafada memak neu Yesus Karistus. Boe ma Manetualain nadenu Yesus fo nafada neu Manetualain hatahori neondan nara. Basa de Yesus nadenu atan esa numa nusa tetuk do inggu temak mai, fo neu buka natudu basa dedeꞌak kara iar, mita fo au surak memak kasa. Ta dook ka te basa dedeꞌak kara iar neu ko ara dadi. De ei muste nenene matalolole Manetualain Dedeꞌa-kokolan fo Yesus nafadak kara iar ena.   
\p
\v 3 Basa hatahorir fo mana lees susurak ia losa hatahorir bisa ramanenen, na, ara raua ralan seli. Ma hatahori fo mana ramanene susurak isin, ma tao tungga hara hehelun nara, ara oo raua boe. Te fain deka-deka nae mai ena na!   
\s1 Yohanis haitua hara masodak neu sarani bubuak kahituk kara marai profensi Asia  
\p
\v 4 Hara masodak numa au mai soa-neu Lamatuak sarani bubuak kahitun nara marai profensi Asia.  
\p Au oke-hule fo Manetualain natudu dale susuen fo ei bisa leo-laꞌo no mole-damek ma lino-lendek. Huu Manetualain naa hambu memak kana numa lele uluk mai. Ana nasoda hatematak ia, ma neu ko Ana nasoda losa doon naa neu. Au oo oke-hule fo Ndia Dula-dalen natudu dale susuen boe, fo ei bisa leo-laꞌo no mole-damek ma lino-lendek. Au mete-ita Ndia Dula-dalen naa, sama leo hambu dula-dalek hitu fo rasare Manetualain kadera man-parendan.\f + \fr 1:4 \ft Susura dedeꞌa Yunani nai ia surak nae, “Dula-dalek kahituk kara fo mana rasare mbali Manetualain kadera man-parendan”. Tungga hatahorir mana malela Susura Malalaok, nomor kahitun sosoa-ndandaan, ndia hata fo mana daik, mana tesa-tamak, ma mana matetu-mandaik. Huu naa de hatahori malelak ketuk rae, nai ia dula-dale kahituk kara raa sosoa-ndandaan rae, Manetualain Dula-dale Malalaon. No dalak naa, nai lalanek kahaan losa kaliman ia, Yohanis kokolak babaꞌe-babatik numa 1) Manetualain mai, numa 2) Ndia Dula-dalen mai, ma numa 3) Yesus Karistus mai.\f* \x + \xo 1:4 \xt Kalua numa Masir mai 3:14; Dae-bafo Beuk 4:5\x*  
\v 5 Au oo oke-hule boe fo Yesus Karistus natudu Ndia dale susuen, mita fo ei bisa leo-laꞌo no mole-damek ma lino-lendek. Ana soa kokolak no ledo-ledo laꞌe-neu hata fo Manetualain nafada neun. Fai bakahulun Ana mate tebe-tebe, tehuu Manetualain tao nasoda falik kana, mita fo Ana dadi neu hatahori makasososak mana nasoda fali numa mamates mai. Ana oo dadi Malanggan fo mana koladu basa manek kara marai dae-bafok boe.  
\p No Yesus sue-lai ita, huu naa de Ana fee daan titi henin soa-neu ita, losa Ana mate. No mamaten naa, Ana soi dalak fo nakamboꞌik ita numa ita sala-singgon koasan mai.\x + \xo 1:5 \xt Yesaya 55:4; Sosoda Kokoa-kikiok kara 89:27\x*  
\v 6 De Ana soꞌuk nala ita dadi teu Ndia rau-inggun, mita fo ita taue-osa soa-neu Ndia Aman, Manetualain. Yesus Karistus memak ta neni babanggak, ma Ndia koasan ta mana basak. Tebe naa!\x + \xo 1:6 \xt Kalua numa Masir mai 19:6; Dae-bafo Beuk 5:10\x*   
\p
\v 7 Dadi buka matam mara fo mete matalolole! Hatematak ia Yesus ma Ndia Aman nai nusa tetuk do inggu temak. Tehuu ta dook ka bali Ana konda fali nai sosoꞌak dale. Basa hatahorir marai dae-bafok neu ko mete-ritan. Leo naak oo no hatahorir raa fo fai bakahulun ara mbaun boe. Neu ko basa hatahori nusa-nusak marai dae-bafok ia fale dalen nara ma buꞌi rakarereu, nahuu ara ralelan. Basa iar memak neni henggeneek, ara mori-dadi. Tebe talo naa.\x + \xo 1:7 \xt Daniel 7:13; Mateos 24:30; Markus 13:26; Lukas 21:27; 1 Tesalonika 4:17; Sakaria 12:10; Yohanis 19:34, 37\x*   
\p
\v 8 Manetualain nae,  
\q1 “Au ia,  
\q2 numa Alfa mai losa Omega.  
\q1 Au ia,  
\q2 numa A mai losa Z.  
\q1 Basa-basan mori-dadi numa Au mai,  
\q2 numa makasososan mai losa babasan.  
\q1 Au ia, asoda memak numa lele uluk mai ena.  
\q2 Au asoda hatematak ia.  
\q1 Ma Au neu ko asoda losa doon naa neu.  
\q2 Huu kada Au mesa ngga ndia mana koasa mateꞌen!”\x + \xo 1:8 \xt Dae-bafo Beuk 22:13; Kalua numa Masir mai 3:14\x*   
\s1 Yohanis mete-nita Hatahori Dae-bafo Isi-isik  
\p
\v 9 Ita basa ngga sama-sama tamahere tae, Yesus naa, ita Manen, huu naa de au dadi uu ei toranoom. Hambu hatahori laen nara ramanasa, nahuu ita tungga Yesus. Boe ma ara tao doidoso ita basa ngga. Tehuu Yesus natetea nala ita dalen nara ena, mita fo ita bisa takatataka seku neu. No Au afada hatahorir laꞌe-neu Manetualain Dedeꞌa-kokolan ma fee nenorik laꞌe-neu Yesus ena, huu naa de hambu hatahori ketuk fo ta rakaheik. De hatematak ia ara humu rala au, ma nggari au uni pulu ia mai ena fo naden, Patmos.  
\v 10 Laꞌe esa, ndaa no fai huhule-haradoik, Manetualain Dula-dalen maso nai au dale. Medak neuk ka, boe ma au amanene harak esa kii-bolu nahere numa au deang. Liin, sama leo toꞌis.  
\v 11 Harak naa nadenu au nae, “Yohanis! Au ae atudu dedeꞌak esa neu o. Basa hata fo o mete-mitak kara ia, muste surak kasa. Basa naa, o muste haitua sara reni saranik bubua kahituk kara reu, sira: saranik kara marai kota Epesus, kota Smirna, kota Pergamus, kota Tiatira, kota Sardis, kota Filadelfia, ma kota Laodikea.”   
\p
\v 12 Au amanene ala naa, boe ma au leuk dea fo nau mete see ndia kokolak naa. Tehuu au mete-ita kada lambu tiꞌoek hitu neni netetendek kara rai mamana netutuu lambu fo neni taok numa lilo mbilas mai.  
\v 13 Ma hambu Hatahori esa nambariik nai lambur raa taladan. Rupan sama leo Hatahori Dae-bafo Isi-isik. Ana pake badu esa, naruk losa ein, ma Ana ndae lafa lilo mbilas esa nai karan.\x + \xo 1:13 \xt Daniel 7:13; 10:5\x*  
\v 14 Langga bulun, muti ndoos sama leo abas.\f + \fr 1:14 \ft Susura dedeꞌa Yunani surak nae, “Ndia langgan ma langga bulun mutik sama leo bibi lombo bulu mutin, ma mutik leo salju.” Dua sara sosoa-ndandaan rae, buas esa muti ndoos.\f* Matan deꞌen, mbila leo aꞌi.\x + \xo 1:14 \xt Daniel 7:9\x*  
\v 15 Ein, mbila kara-karak, sama leo riti neni hotuk nai aꞌi dale. Haran moꞌok, sama leo tasi nakaruu.\x + \xo 1:15 \xt Daniel 10:6; Yeskiel 1:24; 43:2\x*  
\v 16 Ana toꞌu nduuk hitu nai lima konan. Tafa mata duak matande esa, kalua numa bafan mai. Matan nasaꞌa, sama leo ledo nasaꞌa nai fai leledon.   
\p
\v 17 Neu au mete-ita Hatahori naa, boe ma bara heni au tutik ka leo bali hatahori mana mate ndiꞌak uu ein nara. Tehuu Ana koi au nenik lima konan, de Ana kokolak nae, “Ana nggee! Boso mamataꞌu! Basa-basan mori-dadi numa Au mai, numa makasososan mai losa babasan.\x + \xo 1:17 \xt Yesaya 44:6; 48:12; Dae-bafo Beuk 2:8; 22:13\x*  
\v 18 Fai bakahulun Au mate. Tehuu hatematak ia o mete dei! Au asoda fali ena, ma neu ko Au asoda akandoo losa doon naa neu. Ma Au ndia toꞌu nggoek fo bisa buka mamana hatahori mates, fo tao asoda falik kasa.  
\v 19 O muste surak basa hata fo o mete-mitak hatematak ia, ma surak basa hata fo neu ko ara mori-dadi.  
\v 20 Au afada akahuluk sosoa-ndandaan talo ia: lambu lilo kahituk kara raa sosoa-ndandaan, ndia sarani bubua kahituk kara. Ma nduu kahituk kara fo o mete-mita sara rai Au lima konang ia, ndia ata hitu ruma nusa tetuk do inggu temak mai mana reni hara liik numa Manetualain mai soa-neu sarani bubua kahituk kara raa.”   
\c 2  
\s1 Lamatuak Yesus haitua hara heheluk fee saranik kara marai Epesus  
\p
\v 1 Basa naa, Hatahori Dae-bafo Isi-isik parenda au nae, “Yohanis. O muste surak susurak esa. Liin talo ia:  
\q1 ‘Soa-neu saranik kara marai kota Epesus:  
\q1 Susurak ia, numa Au mai, ndia Yesus. Au ndia toꞌu nduu kahituk kara nai Au lima konang. Au oo laꞌo ndule lambu lilo mbilas kahituk kara raa boe fo mete esa-esak. Nenene Au kokolang ia.   
\q1
\v 2 Au mete-ita ei leleo-lalaꞌom nai kota Epesus ena nae, ei soa maue-osa fafandek lima-eim mara soa-neu Lamatuak. Mete ma hambu hatahori manggarauk nai ei taladam mara, ei ta mboꞌi lelak soa-neun. Mete ma hambu hatahori mai kedi-ira nae, ndia naa, Lamatuak nedenun, ei soa parisa matalolole ndia leleo-lalaꞌon, fo bubuluk mae, hatahori matak leo naak naa, hatahori dae-bafok mana pepeko-lelekok, do taa. Basa boe ma ei ndundu henin, fo boso mamanene neun.  
\v 3 Leo mae hatahorir rakasususak ei, nahuu ei mamahere Au, tehuu ei makatataka makandoo, ta makadedeak.   
\q1
\v 4 Tehuu Au mete-ita, ei tuda nai dedeꞌak esa. Fai bakahulun neu ei bei fo mamahere neu Au, ei esa sue esa. Tehuu hatematak ia ei ta tao leo naak ena bali.  
\v 5 Dadi ei muste masaneda falik fai bakahulun naa dei! Hatematak ia ei doon seli numa tatao-nonoꞌik bakahulun naa mai ena. Huu naa de ei muste hahae leo numa ei salam ia mai, fo masue-laik fali sama leo fai bakahulun. Mete ma taa, na, neu ko Au mai fo haꞌi ala falik lambu lilo mbilas naa numa ei mai.  
\v 6 Tehuu Au daleng namahoko baꞌu anak, nahuu ei timba heni Nikolai nenorin ena fo ndia ana nunin nara tao tunggan.\f + \fr 2:6 \ft Hatahorir fo mana ralela Susura Malalaok rae, ta bubuluk Nikolai nenorin naa, isin leo beek.\f* Au oo timba heni sira edo-poden nara boe.   
\q1
\v 7 Nenene matalolole hata fo Manetualain Dula-dalen nafada neu Ndia saranin nara. Hatahori fo mana nakatataka tungga Au losa ana mate, neu ko Au feen luas, fo ana bole naꞌa ai boak numa ai huuk mana nai Manetualain osin mai. Hatahori fo mana naꞌa ai huuk naa boan, ana hambu masodak tetebes ta mana ketuk.’ ”\x + \xo 2:7 \xt Tutui Makasososak 2:9; Dae-bafo Beuk 22:2; Yeskiel 28:13; 31:8\x*   
\s1 Lamatuak Yesus haitua hara heheluk fee saranik kara marai kota Smirna  
\p
\v 8 Basa boe ma Hatahori Dae-bafo Isi-isik naa tuti Ndia kokolan nae, “Yohanis, hatematak ia o muste surak susurak laen. Liin talo ia:  
\q1 ‘Soa-neu saranik kara marai kota Smirna:  
\q1 Susurak ia, numa Au mai, ndia Yesus. Basa-basan mori-dadi numa Au mai, numa makasososan mai losa babasan. Fai bakahulun Au mate, tehuu hatematak ia Au asoda fali ena. Dadi nenene Au kokolang ia.\x + \xo 2:8 \xt Yesaya 44:6; 48:12; Dae-bafo Beuk 1:17; 22:13\x*   
\q1
\v 9 Au mete-ita ei leleo-lalaꞌo doidosom nai kota Smirna ena. Tungga hatahori memeten, na, eir ia, hatahori mana manggananarok. Naa te tungga Manetualain memeten, na, ei kamasuꞌik kara. Hambu hatahori ketuk manaku aon rae, sira Manetualain hatahorin nara, fo kokolak rakabobook ei nade malolem. Naa te sira raa ta Manetualain hatahorin. Ara sama leo saranik bubuak esa mana kada tungga doꞌo-doꞌo nitur malanggan.  
\v 10 Dadi nenene matalolole. Neu ko ei bei hambu susa-sonak, tehuu hae mamataꞌu. Sadi ei bubuluk, nitur malanggan sangga humu ei ketuk fo sese ei meni bui dale miu, losa faik salahunu. Ndia dale hihiin fo ei masadea laꞌo ela Au. Leo mae ara rae rakanisa ei, tehuu ei boso lilii Au. Huu hatahori fo mana nakatataka tungga Au losa ana mate, neu ko Au bala ndia seseba-babaen, fo ana nasoda nakandoo sama-sama no Au.   
\q1
\v 11 Nenene matalolole hata fo Manetualain Dula-dalen nafada neu Ndia saranin nara. Hatahori fo mana nakatataka tungga Au losa ana mate, neu ko ana ta doidoso nai tasi aꞌi fo mbilan ta kala matek. No dalak naa, ana ta mate laꞌe kaduan.’ ”\x + \xo 2:11 \xt Dae-bafo Beuk 20:14; 21:8\x*   
\s1 Lamatuak Yesus haitua hara heheluk fee saranik kara marai Pergamus  
\p
\v 12 Boe ma Hatahori Dae-bafo Isi-isik tuti seluk Ndia kokolan bali nae, “Yohanis, hatematak ia o muste surak susurak laen bali. Liin talo ia:  
\q1 ‘Soa-neu saranik kara marai kota Pergamus:  
\q1 Susurak ia, numa Au mai, ndia Yesus. Au ndia toꞌu tafa matandek kamata duak. Nenene Au kokolang ia.   
\q1
\v 13 Au alela ei kotan Pergamus naa ena. Mana toꞌu parenda nai naa, ndia nitur malanggan. Leo mae talo naa oo, ei toꞌu mahere Au nadeng, ma mamahere makandoo neu Au boe. Fai bakahulun Au hatahoring esa numa naa, nade Antipas. Ana soa fee nenorik no tetebes laꞌe-neu Au eno-dala masodang, tehuu ara tao risan. Leo mae talo naa oo, tehuu ei ta laka mae, ta malela Au boe.   
\q1
\v 14 Tehuu Au mete-ita, ei tuda huu matak esa do dua. Hambu hatahori hida numa ei mai, soa tungga Balaam nenorin. Fai bakahulun Balaam nakabubusak Balak fo fufudi-hohodo hatahori Israel asa, losa ara lena-langga Manetualain hihii-nanaun. Ana fufudi-hohodo sara fo tungga reu songgo-tanggu, ma raꞌa nanaꞌa sosonggok, ma tao sala ro hatahori fo ta sira sao toun do sira sao inan.\x + \xo 2:14 \xt Susura Rerekek 22:5; 7; 25:1-3; 31:16; Tui Seluk laꞌe-neu Dala Masodak 23:4\x*  
\v 15 Hambu hatahori hida numa ei mai oo, tungga Nikolai nenorin boe.  
\v 16 Dadi ei muste hahae numa ei salam mara mai. Mete ma taa, na, ta dook ka te Au mai nggafu fee ei pake dedeꞌa-kokola matandek, fo nok bali tati pake tafa.   
\q1
\v 17 Nenene matalolole hata fo Manetualain Dula-dalen nafada neu Ndia saranin nara. Hatahori fo mana nakatataka tungga Au losa ana mate, neu ko Au feen naꞌa roti \it manna\it* fo neni nembedak no malole nai nusa tetuk do inggu temak. Neu ko Au oo feen batu mutik esa fo neni surak ndia nade beun nai lain boe. Kada ndia mesa kana bubuluk nadek naa, tehuu hatahori laen ta bubuluk.’ ”\x + \xo 2:17 \xt Kalua numa Masir mai 16:14-15; 16:33-34; Yohanis 6:48-50; Yesaya 62:2; 65:15\x*   
\s1 Lamatuak Yesus haitua hara heheluk fee saranik kara marai Tiatira  
\p
\v 18 Basa de Hatahori Dae-bafo Isi-isik tuti seluk Ndia kokolan bali nae, “Yohanis, hatematak ia o muste surak susurak laen bali. Liin talo ia:  
\q1 ‘Soa-neu saranik kara marai kota Tiatira:  
\q1 Susurak ia, numa Au mai, Yesus, fo Manetualain Anan! Au mata deꞌeng mbila leo aꞌi, ma Au eing oo mbila kara-karak sama leo riti neni hotuk nai aꞌi dale boe. Nenene Au kokolang ia.   
\q1
\v 19 Au mete-ita ei leleo-lalaꞌom mara ena. Ei sue-lai tebe-tebe neu Au ma nemeherem mara maherek neu Au. Ei tungga makandoo Au parendang fo maono-lalau hatahori. Leo mae hatahori tao doidoso ei oo, ei makatataka makandoo boe. Au oo bubuluk boe ae, hatematak ia ei maue-osa mahere lenak bali soa-neu Au.   
\q1
\v 20 Tehuu ei tuda huu matak esa: ei simbo no malole inak Isabeel naa, fo mana nakadedemak aon nae, ndia naa, Manetualain mana toꞌu dedeꞌan. De ei soi lelak feen fo ana fee nenorik sala Au hatahoring nggara. Huu ndia nenorin mana puta-patak naa, losa Au hatahoring nggara tungga laꞌok sala ro hatahori fo ta sira sao toun do sira sao inan, ma raꞌa nanaꞌa sosonggok ena.  
\v 21 Au kaꞌi-ore inak naa laꞌi-laꞌik ka ena, mita fo ana laꞌo ela salak naa. Tehuu ana ta nau.   
\q1
\v 22 Dadi mete matalolole. Hatematak ia, Au aketu-aladi ena fo hukun ana no hedis esa, losa ana ta bisa laꞌo ela mamana susunggun. Leo naak oo no basa hatahorir mana hohongge roon. Mete ma ara ta laꞌo ela ina manggarauk naa, ta dook ka te Au oo hukun asa boe.  
\v 23 Neu ko Au hala isa ina manggarauk naa anan nara. No dalak naa, basa ei mana kamaherek kara malela mae, Au bubuluk hatahori dae-bafok dale ikon nara. Ma neu ko Au bala ei tungga ei tatao-nonoꞌim mara.\x + \xo 2:23 \xt Sosoda Kokoa-kikiok kara 7:10; Yermia 17:10\x*   
\q1
\v 24 Tehuu ei laen nara marai Tiatira naa, ta tungga inak naa nenori manggaraun naa. Ei timba heni nenori nemeninok fo ara rae, ‘nitu malela makiun’. Huu naa de Au ta parluu kaꞌi-ore ei bali,  
\v 25 sadi ei toꞌu mahere ei nemeheherem losa Au fali mai.  
\v 26-28 Hatahari fo mana nakatataka tungga Au losa ana mate, neu ko Au feen koasa. Koasa naa, koasa moꞌok sama leo Au hambuk numa Au Amang mai fo parenda basa hatahori nusa-nusak kara marai dae-bafok ia no lima besik. Mete ma hambu ketuk laban ndia, neu ko ana nakalulutu sara, sama leo hatahori nafanggi ure dae.\x + \xo 2:26-28 \xt Sosoda Kokoa-kikiok kara 2:8-9\x* Neu ko Au oo fee ei nduu mansai boe.   
\q1
\v 29 Nenene matalolole hata fo Manetualain Dula-dalen nafada neu saranin nara.’ ”   
\c 3  
\s1 Lamatuak Yesus haitua hara heheluk fee saranik kara marai Sardis  
\p
\v 1 Boe ma Hatahori Dae-bafo Isi-isik tuti seluk Ndia kokolan bali no au nae, “Yohanis, hatematak ia o muste surak susurak laen bali. Liin talo ia:  
\q1 ‘Soa-neu saranik kara marai kota Sardis:  
\q1 Susurak ia, numa Au mai, ndia Yesus. Manetualain Dula-dalen nai Au dale. Ma Dula-dalek naa naena boboak hitu. Au oo ndia toꞌu nduuk hitu nai Au limang boe. Nenene Au kokolang ia.  
\q1 Au mete-ita ei ue-osam mara nai Sardis ena. Hambu hatahorir rae, ei leo-laꞌo tungga Au hihii-nanaung tebe-tebe. Naa te ei sama leo, ta maena masodak.  
\v 2 De mambadeik leo! Tao tamba matea ei nemeheherem fo mana sangga mopok naa ena. Au parisa basa hata fo ei tao malak naa ena, tehuu ta hambu esa ndaa boe na nai Manetualain matan.  
\v 3 Boso lilii-ndondou basa nenori ndoos fo ei mamanenen ena, ma simbok malan numa fai bakahulun mai. Tungga tebe-tebe Manetualain hihii-nanaun, ma laꞌo ela ei salam mara fo tungga falik kana. Mete ma ei ta mambadeik lai-lai fo tao talo naa, medak neu te Au mai sama leo naꞌo manu-meo, fo ei ta meda mala sana.\x + \xo 3:3 \xt Mateos 24:43-44; Lukas 12:39-40; Dae-bafo Beuk 16:15\x*   
\q1
\v 4 Tehuu bei hambu ketuk numa ei marai Sardis mai, leo-laꞌo no ndoos, sama leo hatahori ta tao nanggenggeo bua-loꞌan. Huu sira leleo-lalaꞌon nara ndoos, de neu ko ara randaa laꞌok sama-sama ro Au pake bua-loꞌa mutik.  
\v 5 Hatahori fo mana nakatataka tungga Au losa ana mate, neu ko ana oo pake bua-loꞌa mutik boe. Au ta koka heni ndia naden numa susurak fo mana surak basa hatahori naden nara, fo neu ko hambu masodak seku neu ro Manetualain. Neu ko Au oo manaku ndia nai Au Amang matan ma atan nara marai nusa tetuk do inggu temak boe ae, ndia naa, Au hatahoring.\x + \xo 3:5 \xt Kalua numa Masir mai 32:32-33; Sosoda Kokoa-kikiok kara 69:29; Dae-bafo Beuk 2:7; 20:12; Mateos 10:32; Lukas 12:8\x*   
\q1
\v 6 Nenene matalolole hata fo Manetualain Dula-dalen nafada neu saranin nara.’ ”   
\s1 Lamatuak Yesus haitua hara heheluk fee saranik kara marai Filadelfia  
\p
\v 7 Basa boe ma Hatahori Dae-bafo Isi-isik kokolak nakandoo bali nae, “Yohanis, hatematak ia o muste surak susurak laen bali. Liin talo ia:  
\q1 ‘Soa-neu saranik kara marai kota Filadelfia:  
\q1 Susurak ia, numa Au mai, ndia Yesus. Au ia, Malalaok ma Ndoos. Au ndia toꞌu mane Dauk nggoen. Mete ma Au soi lelesu, na, ta hambu esa boe na bisa kenan. Mete ma Au kenan, na, ta hambu esa boe na bisa soin.\x + \xo 3:7 \xt Yesaya 22:22; Ayub 12:14\x*   
\q1
\v 8 Au bubuluk basa hata fo ei tao malak kara raa ena. Au oo bubuluk, ei leleꞌa-nonorem mara kada baꞌu anak. Leo mae talo naa oo, tehuu ei ta laka mae ta malela Au, ma ei tungga makandoo Au nenoring boe. Masaneda matalolole, te Au soi lelesu fee ei ena, de ta hambu esa boe na bisa kenan.   
\q1
\v 9 Nenene matalolole! Huu hambu hatahori ketuk kokolak bafa rouk rae sira iar, tetebes Manetualain hatahorin. Naa te sira raa, mana pepeko-lelekok fo tungga doꞌo-doꞌo nitur malanggan. Tehuu neu ko ei mete a leo! Au tao sara losa mai sendek luu-langgan nara rai ei matam, ma manaku rae, memak Au sue-lai ei.\x + \xo 3:9 \xt Yesaya 49:23; 60:14; 43:4\x*  
\v 10 Huu ei tungga Au parendang ena fo makatataka tungga makandoo neu Au, de neu ko Au anea atalolole ei numa doidosok fo Manetualain nae haituan mai fo fora basa hatahorir marai dae-bafok ia.   
\q1
\v 11 Ta dook ka te Au mai ena. De toꞌu maherek Au nenoring fo ei simbo malan numa fai bakahulun mai ena. Boso losak hambu ketuk fonda rala ei seseba-babaen fo Manetualain nae feen neu ei.  
\v 12 Hatahori fo mana nakatataka tungga Au losa ana mate, neu ko ana leo taa-taa no Manetualain, sama leo dii inak neni sele nisak nai Manetualain Uman. Neu ko Au surak Au Lamatuang naden, ma Lamatuak kotan naden neu hatahori naa aon. Kota naa raseseik kana rae, ‘Yerusalem Beuk’, fo neu ko Manetualain nakondan numa nusa tetuk do inggu temak mai. Ma Au oo surak Au nade beung neu hatahori naa aon boe.\x + \xo 3:12 \xt Dae-bafo Beuk 21:2; Yesaya 62:2; 65:15\x*   
\q1
\v 13 Nenene matalolole hata fo Manetualain Dula-dalen nafada neu Ndia saranin nara.’ ”   
\s1 Lamatuak Yesus haitua hara heheluk fee saranik kara marai Laodikea  
\p
\v 14 Boe ma Hatahori Dae-bafo Isi-isik tuti Ndia kokolan bali nae, “Yohanis, hatematak ia o muste surak susurak mateꞌen. Liin talo ia:  
\q1 ‘Soa-neu saranik kara marai kota Laodikea:  
\q1 Susurak ia, numa Au mai, Yesus, fo hatahori roken rae, ‘Mana Tetebes’. Au ia, soa kokolak tebe-tebe Manetualain Dedeꞌa-kokolan. Ma basa-basan fo Manetualain aduk kara ena, mori-dadi numa Au mai.\x + \xo 3:14 \xt Dedeꞌa Lasik 8:22\x*   
\q1
\v 15 Au mete-ita ei tao hata nai Laodikea naa ena. Tehuu eir ia, talo bee? Katobik, taa; makasufuk oo taa boe. Mete ma katobik, na, katobi ndoos! Mete ma makasufuk, na, makasufu ndoos!  
\v 16 Huu ei dalem mara batik kara, Au ae asapura heni ei numa Au bafang mai ena, sama leo hatahori rasapura heni amben.   
\q1
\v 17 Ei kokolak koa ao mae, ‘Air ia, hatahori kamasuꞌik. Ai leo-laꞌo malole, ta parluu hata-hata bali!’ Naa te ei dalem makatemak ena, losa ei ta bubuluk bee ndia malole. Huu naa de ei dadi sama leo hatahori manggananarok ma makaholak kara ena.  
\v 18 De malole lenak, ei mai hasa mala lilo mbila isi-isik numa Au mai, mita fo ei dadi miu hatahori kamasuꞌik tetebes. Ma hasa mala bua-loꞌa mutik fo mbambalu neu ei makaholam. Ma hasa mala modo matak fo rose neu ei matam, mita fo ei mete-mita masafali no manggaledok.   
\q1
\v 19 Mete ma hatahori fo Au suen tao salak, na, Au kaꞌi-ore ma hukun asa, mita fo ara dadi neulauk. De ei muste tao matetu ei dalem mara, fo ei tungga Au no dale mbenak tebe-tebe.\x + \xo 3:19 \xt Dedeꞌa Lasik 3:12; Ibrani 12:6\x*   
\q1
\v 20 Nenene matalolole, huu Au ambariik nai lelesu bafan ena, ma Au anggou laꞌi-laꞌik ka ena fo ae maso dale uu. Mete ma hambu hatahori namanene Au harang, boe ma ana mai soi lelesu, na, neu ko Au maso dale uu, fo ai manggatuuk miꞌa sama-sama.  
\v 21 Hatahori fo mana nakatataka tungga Au losa ana mate, neu ko Au feen haak fo nanggatuuk parenda sama-sama no Au. Au oo akatataka tungga Au Amang, huu naa de hatematak ia Au anggatuuk parenda sama-sama uan boe.   
\q1
\v 22 Nenene matalolole hata fo Manetualain Dula-dalen nafada neu Ndia saranin nara.’ ”   
\c 4  
\s1 Ara rakaluku-rakatele neu Manetualain nai nusa tetuk do inggu temak  
\p
\v 1 Hatahori Dae-bafo Isi-isik kokolak nateꞌe Ndia hara hehelun fee sarani bubua kahituk kara, boe ma Manetualain natudu fee au matak laen bali. Medak neu ma, au mete-ita lelesu esa neni soik nai nusa tetuk do inggu temak. Boe ma au amanene seluk hatahori fo hara maheren nok bali toꞌis nae, “Mai! Hene ia lain mai leo, fo Au ae atudu o basa hata fo neu ko mori-dadi.”   
\p
\v 2 Faik naa oo, Manetualain Dula-dalen soꞌuk neni au uni nusa tetuk do inggu temak uu boe. Medak neu ma, au mete-ita kadera man-parenda esa, ma hambu esa nanggatuuk nai lain.  
\v 3 Saꞌan momodok ma mbilas sama leo batu manggadilak mabelir fo ara seseik kana rae, \it yaspis\it* ma \it sardius\it*. Hambu elus esa oo eko-feo kadera man-parenda naa boe. Saꞌan momodok sama leo batu manggadilak \it samrud\it*.\x + \xo 4:3 \xt Yeskiel 1:26-28; 10:1\x*  
\v 4 Nai mamanak naa oo, hambu kadera man-parenda anak dua hulu haa boe. Ara eko-feo kadera man-parenda manai talada heon naa. Hambu mane leo dua hulu haa ranggatuuk rai kaderar raa. Basa sara pake bua-loꞌa mutik, ma pake solangga man-parenda numa lilo mbilas mai.  
\v 5 Hambu ndelas sara ranggahadok ratuti-ranatok ruma kadera man-parenda mana nai talada heon naa mai, ma lalai nasapaparak ruun nara moꞌon seli ratuti-ranatok. Hambu aꞌi mbele hitu oo, mbila nai kadera man-parenda naa matan boe. Sira raa, sama leo Manetualain Dula-dalen fo mana naena boboak hitu.\x + \xo 4:5 \xt Kalua numa Masir mai 19:16; Dae-bafo Beuk 1:4; 8:5; 11:19; 16:18; Yeskiel 1:13; Sakaria 4:2\x*  
\v 6 Nai kadera man-parenda naa matan, au mete-ita nok bali hambu tasi fo oen neu ndoos sama leo titiro.  
\p Boe ma au mete-ita horis ta hohoꞌak haa eko-feo kadera naa. Ao-inan nara dea no mata sofek no mata deꞌek. Horis sara raa, sira raono-lalau Manetualain.\x + \xo 4:6 \xt Yeskiel 1:22\x*   
\p
\v 7 Horis kaesan naa, matan sama leo singa. Nomer kaduan, matan sama leo sapi mane. Nomer katelun, matan sama leo hatahori dae-bafok. Ma nomer kahaan, matan sama leo mbui marambua moꞌok lambu.\f + \fr 4:7 \ft Tungga hatahori mana malela laꞌe-neu Susura Malalaok, ara rae, horis kahaak kara raa sosoa-ndandaan, sira: Singa naa, mana maena koasa mateꞌen. Sapi mane naa, barakaik mateꞌen. Hatahori dae-bafok naa, mana malelak mateꞌen. Ma mbui marambua moꞌok naa, mana nggafak mateꞌen.\f* \x + \xo 4:7 \xt Yeskiel 1:5-10; 10:14\x*  
\v 8 Horis kahaak kara raa, esa-esak naena lidak nee. Nai lidak kara raa dean ma dalen oo sofek no mata deꞌek boe. Hatu-leledon ara soda-helo ta ramaketu rae,  
\q1 “Ai koa-kio Manetualain!  
\q1 Ai makadedemak ai Lamatuan naden!  
\q1 Manetualain naa, malalao ndoos!  
\q1 Manetualain naa, mana naena koasa ta neni babanggak.  
\q1 Manetualain mana nasoda numa lele uluk mai.  
\q1 Manetualain mana nasoda hatematak ia.  
\q1 Ma Manetualain mana nasoda losa doon naa neu!”\x + \xo 4:8 \xt Yeskiel 1:18; 10:12; Yesaya 6:2-3\x*   
\p
\v 9 No soda-helo talo naa, ara koa-kio ma fee hada-horomatak neu Manetualain, ma roke makasi neun, nahuu Ana ndia mana nanggatuuk nai kadera man-parenda naa lain, ma Ndia mana masodak losa doon naa neu. Neu ara soda-helo,  
\v 10 mane leo kadua hulu haak kara raa oo, sendek luu-langgan nara reu Manetualain matan fo mana manggatuuk nai kadera man-parenda naa lain boe. Ara buka heni sira solangga man-parendan, de tao sara reu kadera man-parenda matan fo rakaluku-rakatele neu Ndia mana masodak losa doon naa neu. Boe ma ara koa-kio neun rae,   
\q1
\v 11 “Oo, Manetualain!  
\q1 Ai koa-kio Manetualain!  
\q1 Ai makadedemak Manetualain naden.  
\q2 Manetualain ia, ndia naena haak parenda ai.  
\q2 Lamatuak ia, ai Manetualain!  
\q1 Manetualain ndia nandaa simbok ai kokoa-kikion.  
\q1 Manetualain ndia memak muste simbok ai hada-horomatan.  
\q2 Huu Manetualain mana maena koasa mateꞌen.  
\q2 Ma Manetualain ta neni babanggak mateꞌen.  
\q1 Manetualain ndia adu basa-basan.  
\q1 Manetualain ndia fee masodak neu basa-basan.  
\q2 Basa mana dadik kara,  
\q3 ara dadi, nahuu Manetualain ndia adu sara ena.  
\q2 Basa horis sara lalaꞌen,  
\q3 hambu ani hahaek, nahuu Manetualain ndia baꞌe fee sara ena.”   
\c 5  
\s1 Susura neni luluk fo neni segel nisak  
\p
\v 1 Boe ma au mete-ita seluk Ndia, mana nanggatuuk nai kadera man-parenda naa. Ana toꞌu lululuk esa nai lima konan. Lululuk naa, dea ma mata sofek no susura deꞌek. Ma ara segel risan ena nai mamanak hitu.\x + \xo 5:1 \xt Yeskiel 2:9-10; Yesaya 29:11\x*   
\p
\v 2 De au mete-ita ata ta hohoꞌak ndoos esa numa nusa tetuk do inggu temak mai. Ana natane no haran nahere nae, “See ndia naena haak fo bisa buka segel ma lees susurak naa?”   
\p
\v 3 Ana natane talo naa, tehuu ara ta hambu hatahori esa boe na ndia naena haak fo bisa buka susura neni luluk naa ma lees isin. Nai nusa tetuk do inggu temak, ma nai dae-inak, ta hambu esa boe na ndia naena haak. Nai hatahori mates mamanan oo, ta hambu boe.  
\v 4 Mete-ita talo naa, boe ma au buꞌi akarereu, nahuu ta hambu hatahori esa boe na naena haak fo bisa buka susura neni luluk naa ma lees isin.  
\v 5 Basa boe ma esa numa mane leo kadua hulu haak kara raa mai, kokolak no au nae, “Weeh, kaꞌa! Boso buꞌi. Huu hambu mane Dauk tititi-nonosin esa ta neni babanggak, fo ara roken rae, ‘Singa numa leo Yahuda mai’. Ana rua-mbembesi nakalulutu basa manggarauk lalaꞌen ena. De Ana ndia naena haak fo bisa buka segel ma lees susurak naa isin.”\x + \xo 5:5 \xt Tutui Makasososak 49:9; Yesaya 11:1; 10\x*   
\p
\v 6 Amanene talo naa, boe ma au mete-ita Bibi Lombo Ana esa nambariik numa horis ta hohoꞌak kahaak kara raa talada heon, ma mane leo kadua hulu haak kara raa fo ranggatuuk eko-feo kadera man-parenda naa. Bibi Lombo Ana naa, nok bali neni hala nitak ena. Ndia susuran hitu, ma matan oo hitu boe. Ndia mata deꞌe hitun nara raa, sama leo Ndia Dula-dalen mana naena boboak hitu, Ana fee sara ndule basa dae-bafok ia ena.\x + \xo 5:6 \xt Yesaya 53:7; Sakaria 4:10\x*  
\v 7 Basa de au mete-ita Bibi Lombo Ana naa, laꞌok neni Ndia mana manggatuuk nai kadera man-parenda naa neu, de ana haꞌi nala susura neni luluk naa numa lima konan mai.   
\p
\v 8 Neu Bibi Lombo Ana naa haꞌi nalan, boe ma horis ta hohoꞌak kahaak kara raa, ma mane leo kadua hulu haak kara raa, sendek luu-langgan nara fo rakaluku-rakatele reu matan. Sira esa-esak toꞌu bua kaliik, nok bali sasando, ma manggo lilo mbilas esa. Manggo naa neni isik no rani neni hotuk fo tao masuk kaboo menik. Ai daa kaboo menik naa, ndia Manetualain hatahorin nara huhule-haradoin.\x + \xo 5:8 \xt Sosoda Kokoa-kikiok kara 141:2\x*  
\v 9 Boe ma basa sara soda-helo sosoda beuk esa rae:  
\q1 “Bibi Lombo Ana ia, ndia nandaa simbo susurak ia.  
\q1 Bibi Lombo Ana ia, ndia naena haak fo bisa buka ndia segel.  
\q1 Te ara hala risan ena.  
\q2 Basa de Manetualain pake Bibi Lombo Ana daan,  
\q3 fo tefa-soi nala hatahori dae-bafok numa basa leor ma hatahori nusak kara mai,  
\q2 mita fo sira ketuk bisa dadi Manetualain hatahorin.  
\q1 No dalak naa, hatahori dae-bafok numa basa dedeꞌak ma nusak mai,  
\q2 bisa dadi reu Manetualain nufanelun.\x + \xo 5:9 \xt Sosoda Kokoa-kikiok kara 33:3; 98:1; Yesaya 42:10\x*   
\q1
\v 10 Bibi Lombo Ana ia, nakabubua nala basa sara ena,  
\q2 dadi reu mamana parenda-koasa esa.  
\q1 Bibi Lombo Ana ia, here nala sara ena,  
\q2 dadi reu Manetualain hatahori mana maue-osan nara.  
\q1 Neu ko ara toꞌu parenda nai dae-bafok.  
\q1 Neu ko ara raue-osa fee Manetualain nai dae-inak.”\x + \xo 5:10 \xt Kalua numa Masir mai 19:6; 1 Petrus 2:5, 9; Dae-bafo Beuk 1:6\x*   
\p
\v 11 Basa naa, au botik matang, de au amanene hara moꞌok esa. Ma au mete-ita horis ta hohoꞌak kahaak kara raa ma mane leo kadua hulu haak kara raa, tamba ro Manetualain atan nara ruma nusa tetuk do inggu temak mai. Atar raa noꞌun nara, losa kefi-kefik kara.\x + \xo 5:11 \xt Daniel 7:10\x*  
\v 12 Basa sara soda-helo ro haran rahere rae,  
\q1 “Ai makadedemak Bibi Lombo Ana fo neni hala nisak naa,  
\q1 nahuu Ana ndia nandaa simbok ita kokoa-kikion!  
\q2 Ndia koasan naa, moꞌon seli.  
\q2 Ndia hata-heton nara raa, noꞌun seli.  
\q2 Ndia duduꞌa-aꞌafin naa, tetar laꞌe esak kana.  
\q2 Ndia barakain naa, ta neni babanggak ndoos.  
\q1 Ai makadedemak naden.  
\q1 Ai fee hada-horomatak neun.  
\q1 Ai koa-kio neun.”   
\p
\v 13 Basa naa, au amanene sosodak laen esa bali. Numa basa horis lalaꞌen, nai nusa tetuk do inggu temak, nai lalai, nai dae-inak, ma nai tasi dale, basa sara soꞌuk haran nara fo soda-helo. Numa hatahori mates mamanan mai oo, ara soda-helo tungga boe. Basa sara soda-helo rame-rame rae,  
\q1 “Ai koa-kio neu Manetualain fo mana nanggatuuk nai kadera man-parenda ia.  
\q1 Ai oo makadedemak Bibi Lombo Ana ia boe.  
\q1 Ai fee hada-horomatak neu Sara.  
\q1 Ai makaluku-makatele neu Sara.  
\q2 Huu Ara toꞌu parenda taa-taa seku neu!  
\q2 Ma Sira koasan ta mana basak!”   
\p
\v 14 Basa boe ma horis ta hohoꞌak kahaak kara raa, raselu taa-taa rae, “Tebe naa! Tebe naa ena!” Boe ma mane leo kadua hulu haak kara raa sendek luu-langgan nara bali fo rakaluku-rakatele neu Manetualain ma Bibi Lombo Ana naa.   
\c 6  
\s2 Bibi Lombo Ana naa buka segel raa esa-esak Segel nomer kaesan — parani musu kalua mai  
\p
\v 1 Basa boe ma au mete-ita Bibi Lombo Ana buka segel kaesan numa susura neni luluk naa mai. De au amanene esa numa horis ta hohoꞌak kahaak kara raa mai kii-bolu no haran nahere sama leo lalai nasaparak. Ana parenda nae, “Muu leo!”  
\v 2 Medak neu ma, au mete-ita ndara mutik esa. Hambu hatahori esa nanggatuuk nai lain. Hatahori naa pake solangga parani musu, nahuu ana nasenggi nakandoo nai netatik dale. Hatematak ia Ana toꞌu kokouk ena, ma kalua fo neu tao nasenggi seluk ndia musun nara bali nai dae-inak.\x + \xo 6:2 \xt Sakaria 1:8; 6:3; 6\x*   
\s2 Segel nomer kaduan — netofak nai dae-inak  
\p
\v 3 Basa boe ma Bibi Lombo Ana naa buka segel nomer kaduan. De au amanene horis ta hohoꞌak nomer kaduan parenda nae, “Muu leo!”  
\v 4 Basa boe ma ndara mbila kara-karak esa kalua mai. Hatahori fo mana nanggatuuk nai lain, simbo tafa moꞌok esa. Ara fee koasa neun fo neu tao netofak nai dae-inak, mita fo hatahori dae-bafok esa nakanisa esa.\x + \xo 6:4 \xt Sakaria 1:8; 6:2\x*   
\s2 Segel nomer katelun — fai ndoe-laꞌas ta hohoꞌak nai dae-bafok  
\p
\v 5 Basa boe ma Bibi Lombo Ana naa buka segel nomer katelun. De au amanene horis ta hohoꞌak katelun parenda nae, “Muu leo!” Medak neu ma, au mete ita ndara nggeok esa. Hatahori fo mana nanggatuuk nai ndara naa lain, toꞌu tatais esa nai liman fo nae tai nanaꞌak mana sangga basak ena.\x + \xo 6:5 \xt Sakaria 6:2; 6\x*  
\v 6 Basa boe ma au amanene nok bali harak esa numa horis ta hohoꞌak kahaak kara raa talada heon mai. Harak naa nafada nae, “Neu ko hambu fai ndoe-laꞌas ta hohoꞌak nai dae-inak. Hatahori nggadin faik esa, dai kada hasa isik mok telu; isi neulauk, na, hambu kada mok esak ka. Tehuu neu fai ndoe-laꞌas naa losa ena, ta bole tao risa ai setun ma ai anggor rai osir dale.”\f + \fr 6:6 \ft Nai nusak naa hatahorin nara rasoda numa ai huuk kaduak kara raa mai. De leo mae fai ndoe-laꞌas ta hohoak oo, sadi bei hambu ai huuk kaduak kara raa, hatahori bei bisa rasoda rakandoo boe.\f*   
\s2 Segel nomer kahaan — hatahori noꞌuk ka mate  
\p
\v 7 Basa boe ma Bibi Lombo Ana naa buka segel nomer kahaan. De au amanene horis ta hohoꞌak kahaan parenda nae, “Muu leo!”  
\v 8 Medak neu ma, au mete-ita ndara bulu unik mana bandu afuk esa. Hatahori fo mana nanggatuuk nai ndara naa lain, nade ‘Mamates’. Hambu esa oo tungga ndia dean boe, naden, ‘Mamana Hatahori Mates Sara’. De dua sara hambu koasa fo reu rakanisa hatahorir marai dae-inak pake tafa, fai ndoe-laꞌas, hedi-raus, ma banda kakiki-kakaak. Mete ma reke basa hatahori mana matek kara raa, dedesin nara sama leo basa babaꞌek esa numa babaꞌek haa mai numa basa hatahorir marai dae-inak mai.\x + \xo 6:8 \xt Yeskiel 14:21\x*   
\s2 Segel nomer kaliman — Manetualain hatahorin nara rahani fo Ana naketu-naladi sira dedeꞌan  
\p
\v 9 Basa boe ma Bibi Lombo Ana naa buka segel nomer kaliman. De au mete-ita hatahorir fo fai bakahulun neni nekenisak kara ena. Samanen nara rai mei tunu-hotuk ndandaan dae. Hatahorir rakanisa sara, nahuu ramahere neu Manetualain, ma tui-bengga Ndia Dedeꞌa-kokolan sudi bee neu.  
\v 10 Ara kii-bolu rae, “Oo, Manetualain! Ai Lamatuan ta neni babanggak mateꞌen! Ai Lamatuan fo malalaok! Hata fo Manetualain kokolak, na, ai mamahere. Tehuu ai muste mahani losa faik bee bali, dei fo Manetualain naketu-naladi dedeꞌak fo huku-doki hatahorir mana makanisa ai nai dae-inak?”   
\p
\v 11 Ara ratane basa talo naa, boe ma esa-esak simbo badu muti naruk. Hambu esa nafada sara nae, “Mahani baꞌu anak bali, losa ei dedesim mara dai ena. Huu bei hambu ei toranoom mara fo neu ko hatahorir oo rae rakanisa sara sama leo ei boe.”   
\s2 Segel nomer kaneen — sosoek nai lalai ma dae-inak  
\p
\v 12 Basa boe ma Bibi Lombo Ana naa buka segel nomer kaneen. Medak neu ma, au mete-ita dae-bafok nanggenggo moꞌon seli. De ledo dadi makiuk sama leo tema nggeok, ma bulan dadi mbila sama leo daak.\x + \xo 6:12 \xt Dae-bafo Beuk 11:13; 16:18; Yesaya 13:10; Yoel 2:10, 31; 3:15; Mateos 24:29; Markus 13:24-25; Lukas 21:25\x*  
\v 13 Nduuk kara marai lalai tuda reni dae-inak reu, sama leo ai boa nurak moꞌu henin numa huun mai, huu ani berak.  
\v 14 Boe ma au mete-ita lalai ndara baꞌen neu dua, fo neni luluk sama leo neneꞌik, losa mopon. Ma basa letek kara ro basa pulur ranggenggo losa mopo heni sara ruma mamanan nara mai.\x + \xo 6:14 \xt Yesaya 34:4; Dae-bafo Beuk 16:20\x*  
\v 15 Au mete-ita talo naa, boe ma basa hatahorir marai dae-inak, mulai numa mane-manek kara, malangga man-parenda, komedan soldadu, hatahori kamasuꞌik, losa ata-dator mai, basa sara ramataꞌu. Basa de ara ralai reu keke rai luak kara dale, ma batu mbiak kara marai letek kabin.\x + \xo 6:15 \xt Yesaya 2:19; 21\x*  
\v 16 Ara radenu letek kara ma batu moꞌo kahuuk kara rae, “Ndefa mai fo tatana mala ai leo! Mafuni mala ai fo Ndia mana manggatuuk nai kadera man-parenda moꞌok naa lain, ta bisa mete-nita ai bali. Ma Bibi Lombo Ana naa ta bisa huku-doki ai bali.\x + \xo 6:16 \xt Hosea 10:8; Lukas 23:30\x*  
\v 17 Awii! Etoboꞌa nala ai ia ena, huu fai sosoek mai ena! Manetualain ma Bibi Lombo Ana naa nau mboꞌa nasan nara neu ai ia ena. Tehuu ta hambu esa boe na bisa sili nalan!”\x + \xo 6:17 \xt Yoel 2:11; Maleaki 3:2\x*   
\c 7  
\s1 Manetualain dedede nala hatahori 144.000  
\p
\v 1 Basa naa, au mete-ita Manetualain atan haa ruma nusa tetuk do inggu temak mai. Ara rambariik reu dae-inak buꞌun kahaan nara fo babata anin. De anin ta bisa fuu nai tasi dale, ta bisa fuu nai mada lai, ma ta bisa fuu ai huuk kara.\x + \xo 7:1 \xt Yermia 49:36; Daniel 7:2; Sakaria 6:5\x*  
\v 2 Manetualain fee sara koasa ena fo rakalulutu mada lai ma tasi. Basa de au mete-ita ata laen esa bali numa nusa tetuk do inggu temak mai. Ata naa numa mamana ledo totodan mai. Ana neni dededek numa Manetualain mana masodak seku neu mai. Boe ma ana nanggou nahere nafada ata kahaak kara raa nae,  
\v 3 “Mahani dei! Boso makalulutu mada lai do, tasi do, ai huuk kara. Mahani losa ai dedede basa Manetualain hatahori neondan nara odamatan dei.”\x + \xo 7:3 \xt Yeskiel 9:4; 6\x*   
\p
\v 4 De ara rafada au rae, ata naa dedede nala Manetualain hatahorin nara ena. Sira dedesin nara, hambu hatahori 144.000 fo maruma basa leo Israꞌel mai. Sira:   
\q2
\v 5 Numa leo Yahuda mai, hambu hatahori 12.000;  
\q2 leo Ruben, hatahori 12.000;  
\q2 leo Gad, hatahori 12.000;   
\q2
\v 6 leo Aser, hatahori 12.000;  
\q2 leo Naftali, hatahori 12.000;  
\q2 leo Manase, hatahori 12.000;   
\q2
\v 7 leo Simeon, hatahori 12.000;  
\q2 leo Lewi, hatahori 12.000;  
\q2 leo Isaskar, hatahori 12.000;   
\q2
\v 8 leo Sebulon, hatahori 12.000;  
\q2 leo Yusuf, hatahori 12.000;  
\q2 ma numa leo Benyamin mai, hatahori 12.000.   
\s1 Hatahori lolo-laok kara koa-kio Manetualain ma Bibi Lombo Ana  
\p
\v 9 Basa boe ma au mete-ita hatahori dae-bafok noꞌun seli, losa ta bisa reke ala basa sara. Ara ruma basa leor, basa hatahori nusak kara, basa dedeꞌak kara ma basa nusak kara marai dae-inak ia mai. Basa sara rakabubua rasare mbali kadera man-parenda naa, ma Bibi Lombo Ana naa. Ara pake badu mutik ma toꞌu mbua sina doon rai liman nara.  
\v 10 Boe ma ara soꞌuk kokoa-kikiok rame-rame rae,  
\q1 “Ai koa-kio neu ai Manetualain,  
\q2 fo mana nanggatuuk nai kadera man-parenda ia.  
\q1 Ai oo makadedemak Bibi Lombo Ana ia boe.  
\q1 Sira iar, ndia tao rasoi-rasoda ai.  
\q1 Sira iar, ndia soi eno-dala masodak soa-neu ai.”   
\p
\v 11 Ara kokolak basa talo naa, boe ma Manetualain atan nara ruma nusa tetuk do inggu temak mai, fo mana rambariik eko-feo kadera man-parendar raa, sendek luu-langgan nara losa idu-matan nara laꞌe daer rasare mbali kadera man-parenda moꞌok naa. Mane leor ma horis kahaak kara raa oo tao talo naa boe. Basa sara rakaluku-rakatele neu Manetualain,  
\v 12 ma soda-helo rae,  
\q1 “Tebe! Tebe naa!  
\q1 Ai oo koa-kio neu Manetualain boe!  
\q1 Ai oo makadedemak Manetualain naden boe!  
\q2 Manetualain duduꞌa-aꞌafin naa, tetar laꞌe esak kana.  
\q2 Manetualain koasan naa, moꞌon seli.  
\q2 Manetualain barakain naa, ta neni babanggak sudi selik kana.  
\q1 Ai moke makasi neu Manetualain taa-taa.  
\q1 Ai fee hada-horomatak neu Manetualain ta mana ketuk.  
\q2 Tebe! Ndian ena!”   
\p
\v 13 Ara koa-kio basa talo naa, boe ma esa numa mane leo kadua hulu haak kara raa mai natane au nae, “Hatahori noꞌuk kara fo mana pake badu mutik kara iar, o malela sara, do? Ara ruma bee mai?”   
\p
\v 14 Tehuu au aselu ae, “Taa, Papa. Au ta alela sara, seer. Papa ndia bubuluk dai lena.”  
\p Boe ma ana nafada au nae, “Sira iar, hatahorir fo mana kalua ruma doidoso moꞌok mai ena.  
\q1 Sira iar, ndia pake Bibi Lombo Ana naa daan ena,  
\q2 fo safe ralao sira bua-loꞌan nara,  
\q2 ma tao ramuti ralao sira badun nara.\x + \xo 7:14 \xt Daniel 12:1; Mateos 24:21; Markus 13:19\x*   
\q1
\v 15 Huu naa de ara rambariik reu Manetualain kadera man-parendan matan.  
\q1 Ara raono-lalau Manetualain hatu-leledon nai Uma Huhule-haradoin.  
\q2 Manetualain sama-sama no sara seku neu.  
\q2 Manetualain nanea sara seku neu.   
\q1
\v 16 Neu ko ara ta rameda ndoe-laꞌa bali.  
\q1 Neu ko ara ta rameda dale mada bali.  
\q2 Neu ko ara ta rameda ledo hotu sara bali.  
\q2 Neu ko roun nara ta lofa laꞌe katobik bali.\x + \xo 7:16 \xt Yesaya 49:10\x*   
\q1
\v 17 Bibi Lombo Ana mana matia-aok no kadera man-parenda naa,  
\q1 neu ko Ana dadi neu sira mana lolon.  
\q1 Neu ko Ana foo neni sara,  
\q2 reu rinu nai oe matak fo mana neni masodak.  
\q1 Neu ko Manetualain oo koka heni sira susa-sonan nara boe,  
\q2 fo ara ta buꞌi ramatani bali.”\x + \xo 7:17 \xt Sosoda Kokoa-kikiok kara 23:1-2; Yeskiel 34:23; Yesaya 49:10; Yesaya 25:8\x*   
\c 8  
\s1 Segel nomer kahitun — Manetualain atan nara simbo rala toꞌik hitu  
\p
\v 1 Basa boe ma Bibi Lombo Ana naa buka segel nomer kahitun. Medak neu ma, basa nusa tetuk do inggu temak isin nara, benggenee. Ta hambu esa boe na nahara do nanggariti, fama te losa liꞌu seserik esa.  
\v 2 Boe ma au mete-ita ata hitu ruma nusa tetuk do inggu temak mai. Ara rambariik rakandoo nai Manetualain matan, rahani a fo raono-lalaun. Sira esa-esak simbo rala toꞌin.   
\p
\v 3 Basa boe ma au mete-ita ata laen esa bali numa nusa tetuk do inggu temak mai. Ata naa nambariik neu mei naa matan fo ara pake hotu ai daa kaboo menik. Ana toꞌu manggo lilo mbilas esa, ndia ara rasiꞌe paken fo tao ai daa kaboo menik neun. De ara feen ai daa kaboo menik noꞌun seli, fo ana babalik kana no Manetualain hatahorin nara huhule-haradoin. Basa boe ma ana neni manggo lilo mbilas naa sama leo tunu-hotu kaboo menik, fo taon neu mei lilo mbilas naa lain manai kadera man-parenda naa matan.\x + \xo 8:3 \xt Amos 9:1; Kalua numa Masir mai 30:1; 3\x*  
\v 4 Boe ma ana hotu ai daa kaboo menik naa. De boo menin lume losa Manetualain matan sama-sama no basa huhule-haradoik ruma Manetualain hatahorin nara mai.  
\v 5 Basa naa, ata naa haꞌi nala aꞌi numa mei naa mai, fo tao nasofe manggo lilo mbilas naa. Basa boe ma ana mbia heni manggo naa neni dae-inak mai. Medak neu ma, au mete-ita ndelas nanggahadok ratuti-ranatok kii-konak kana nai dae-inak. Ma lalai nasapaparak ratuti-ranatok, ma dae nanggenggo moꞌon seli.\x + \xo 8:5 \xt Malangga Anggamar Hohoro-lalanen 16:12; Yeskiel 10:2; Kalua numa Masir mai 19:16; Dae-bafo Beuk 11:19; 16:18\x*   
\p
\v 6 De ata kahituk kara raa ruma nusa tetuk do inggu temak mai rahani a fo nau fuu sira toꞌin.   
\s2 Fuu toꞌik nomer kaesan — aꞌi naꞌa heni sele-tandek kara  
\p
\v 7 Neu ata nomer kaesan fuu ndia toꞌin, boe ma uda eis ma aꞌi mana babalik no daak, mboꞌa neni dae-inak mai. Basa naꞌu momodok rai bee a mesan aꞌi naꞌa heni sara. Mete ma ita baꞌe dae-inak neu babaꞌek telu, na, kada babaꞌek esa ndia aꞌi naꞌa henin. Mete ma ita baꞌe basa ai huuk kara marai dae-inak ia neu babaꞌek telu, na, kada babaꞌek esa ndia aꞌi naꞌa henin.\x + \xo 8:7 \xt Kalua numa Masir mai 9:23-25; Yeskiel 38:22\x*   
\s2 Fuu toꞌik nomer kaduan — tasi oe-isin mate sara  
\p
\v 8 Neu ata nomer kaduan fuu ndia toꞌin, boe ma hambu buas esa nok bali lete moꞌok mana mbilak, mbesi neni tasi dale neu, losa tasi babaꞌek esa numa babaꞌen telu mai dadi neu daak.  
\v 9 Boe ma babaꞌek esa numa babaꞌek telu mai numa basa bandar marai tasi dale mai, mate basa sara. Ma babaꞌek esa numa babaꞌek telu mai numa basa ofak kara marai tasi dale oo rakalutu boe.   
\s2 Fuu toꞌik nomer katelun — oe dadi malik  
\p
\v 10-11 Neu ata nomer katelun fuu ndia toꞌin, hambu nduu moꞌok esa tuda numa lalai mai, sama leo aꞌi mbele moꞌo mana mbilak esa. Nduuk naa naden, ‘Malik’. Neu ana tuda, boe ma oe mana nai leer ma oe matak kara, dadi malik. De hatahori mana rinu oe naa, noꞌuk ka mate. Mete ma ita baꞌe basa leer ma oe matak kara rai dae-inak ia neu babaꞌek telu, na, kada babaꞌek esa ndia malik.\x + \xo 8:10-11 \xt Yesaya 14:12; Yermia 9:15\x*   
\s2 Fuu toꞌik nomer kahaan — ledo, bulan, ma nduuk kara dadi makiuk  
\p
\v 12 Basa boe ma ata nomer kahaan naa fuu ndia toꞌin. Medak neu ma ledo, bulan, ma nduuk kara dadi neu makiuk, huu hambu fefembak. Dadi ndaa fai leledon, babaꞌek esa numa babaꞌek telu neu fai leledok mai, dadi neu makiuk, nahuu ledo ta nasaꞌa neulauk ena bali. Ma ndaa fai leꞌodaen, babaꞌek esa numa babaꞌek telu neu fai leꞌodaek mai, dadi neu makiu-makahatuk, nahuu bulan ma nduuk kara ta rasaꞌa neulauk ena bali.\x + \xo 8:12 \xt Yesaya 13:10; Yeskiel 32:7; Yoel 2:10, 31; 3:15\x*   
\p
\v 13 Boe ma au botik matang, de mete-ita mbui marambua moꞌok esa lambu seku nai lalai. Ana kii nae, “Besa-besa, ee! Neu ko sosoe moꞌok daka nala basa hatahorir fo mana leo-laꞌo nai dae-inak. Huu bei ela ata laen telu ruma nusa tetuk do inggu temak mai, bei ta fuu sira toꞌin.”   
\c 9  
\s2 Fuu toꞌik nomer kaliman — lamak tao doidoso hatahori dae-bafok  
\p
\v 1 Basa boe ma ata nomer kaliman naa fuu ndia toꞌin. De au mete-ita nduuk esa tuda neni dae-inak mai ena. Ara fee nggoek esa neu nduuk naa fo ana soi lelesu bolo doidosok fo ikon taak.  
\v 2 Ana soi bolok naa lelesun, boe ma aꞌi masu nggeo katek kalua sama leo aꞌi masuk numa aꞌi naꞌa lasi mai. Aꞌi masuk naa kalua mboka-mboka lain neu, losa lalai ma ledo dadi makiuk.\x + \xo 9:2 \xt Tutui Makasososak 19:28\x*  
\v 3 Boe ma hambu lamak noꞌun seli lambu kalua numa aꞌi masuk naa mai, fo konda reni dae-inak mai. Manetualain fee sara koasa ena sama leo kurak.\x + \xo 9:3 \xt Kalua numa Masir mai 10:12-15\x*  
\v 4 Tehuu Ana fee parenda neu sara fo ta bole rakalulutu dae-inak naꞌun, ai huuk, ma sele-tandek laen nara. Tehuu ara muste tao doidoso basa hatahorir fo ta mana raena Manetualain dededen nai odamatan nara.\x + \xo 9:4 \xt Yeskiel 9:4\x*  
\v 5 Manetualain fee lelak neu lamak kara raa fo tao doidoso hatahorir raa losa bulak lima, tehuu ta bole rakanisa sara. Kada tao nehedi sara, sama leo kurak kikin.  
\v 6 Nai bulak lima naa dalen, neu ko hatahorir doidoso ralan seli, losa ara roke mate a leo. Leo mae talo naa oo, tehuu ara ta mate boe.\x + \xo 9:6 \xt Ayub 3:21; Yermia 8:3\x*   
\p
\v 7 Au mete-ita lamak kara raa mata-aon nara sama leo ndara musu. Ara pake solangga parani musu neni taok numa lilo mbilas mai. Mata-aon nara sama leo hatahori dae-bafok.\x + \xo 9:7 \xt Yoel 2:4\x*  
\v 8 Langga bulun nara naruk sama leo inak langga bulun. Ma nisin nara tandek sama leo singa nisin.\x + \xo 9:8 \xt Yoel 1:6\x*  
\v 9 Nok bali ara pake babata tendek numa besi mai, leo bali iꞌak unen. Lidan nara rakamuu moꞌon seli, sama leo soldadu batalion esa ndaran nara ralaik leꞌa kareta musu.\x + \xo 9:9 \xt Yoel 2:5\x*  
\v 10 Ikon nara ta hohoꞌak ma karasok, sama leo kurak rason. Ara hambu koasa fo tao doidoso hatahori pake sira rason, losa bulak lima.  
\v 11 Lamak kara raa manen, ndia malanggan numa basa ata neni husik nai bolo doidosok fo ikon taan naa mai. Naden nai dedeꞌa Ibrani, \it Abadon\it*, ma nai dedeꞌa Yunani, \it Apolion\it*. Sosoa-ndandaan nae, “Mana Makalulutuk”.   
\p
\v 12 No dalak naa, sosoek makasososak naa, laꞌo seli ena. Tehuu besa-besa, ee! Huu bei hambu sosoek dua bali neu ko ara mai.   
\s2 Fuu toꞌik nomer kaneen — doidosok matak telu nai dae-inak  
\p
\v 13 Basa boe ma ata nomer kaneen fuu ndia toꞌin. De au mete-ita mei lilo mbilas mana nasare mbali Manetualain fo ara paken hotu ai daa kaboo menik. Hambu harak esa kalua numa mei naa susuran haa sara mai.\x + \xo 9:13 \xt Kalua numa Masir mai 30:1-3\x*  
\v 14 Harak naa nafada ata naa fo ana bei fo fuu basak ka toꞌin naa nae, “Hambu ata haa neni futuk kara dook ka rai lee moꞌok esa ena, nade lee Efrat. Muu makamboꞌik kasa leo!”  
\v 15 Boe ma ana neu nakamboꞌik kasa fo ara reu rakanisa hatahori dae-bafok, ndaa no ndia teun, ndia bulan, ndia fain ma ndia liꞌun fo Manetualain naketu memak kana ena. Mete ma ita baꞌe basa hatahori dae-bafok nai dae-inak ia neu babaꞌek telu, na, kada babaꞌek esa ndia mana matek kara.  
\v 16 Ara rafada au rae, atar raa soldadun fo mana saꞌe ndara musur raa, dedesin nara kefin natun dua.  
\v 17 De au mete-ita soldadur raa ro sira ndaran nara. Soldadur raa pake babata tendek dulak telu, ndia mbila kara-karak, momodo manggadilak, ma uni balerang. Ndarar raa langgan sama leo singa langgan. Hambu aꞌi, aꞌi masuk ma balerang oo rasapura ruma ndarar raa bafan nara mai,  
\v 18 fo fee doidosok matak telu nai dae-inak. Doidosok mana kalua numa ndarar raa bafan nara mai rakamate babaꞌek esa numa babaꞌek telu mai numa basa hatahorir marai dae-inak mai.  
\v 19 Boe ma ndarar raa reu tao doidoso hatahori dae-bafok pake sira bafan ma ikon nara. Nai ndara ikon nara raa, hambu langgak sama leo mengge langgan.   
\p
\v 20 Tehuu bei hambu hatahori dae-bafok laen nara rai dae-inak, fo ta hambu nekenisak ruma sosoek kara raa mai. Leo mae talo naa oo, tehuu ara ta nau laꞌo ela sira manggaraun nara boe. Ara songgo-tanggu neu nitu nakandoo, ma songgo-tanggu buas sosonggok fo ara taon numa lilo mbilas, lilo fulak, riti, batu ma ai mai. Leo mae buas sara raa, ta mete-rita, ta bisa ramanene ma ta bisa laꞌok, tehuu ara songgo-tanggu sara ta pake hahaek!\x + \xo 9:20 \xt Sosoda Kokoa-kikiok kara 115:4-7; 135:15-17; Daniel 5:23\x*  
\v 21 Ara oo ta nau hahae numa sira sala laen nara mai boe, sama leo rakanisa hatahori, pake malela makiuk, laꞌok sala ro hatahori fo ta ndia sao toun do ndia sao inan, ma ramanaꞌo.   
\c 10  
\s1 Ata numa nusa tetuk do inggu temak mai no susura kadiꞌi ana neni luluk  
\p
\v 1 Basa boe ma au mete-ita Manetualain atan ta hohoꞌak esa konda numa nusa tetuk do inggu temak mai. Ndia ao-inan sosoꞌak mboti nalan. Hambu elus oo eko-feo langgan boe. Matan nasaꞌa sama leo ledo, ma ein mbila sama leo aꞌi.  
\v 2 Ana toꞌu susura kadiꞌi ana neni luluk esa, neni nakambelak ena. Ana nambariik no ei konan nai tasi dale ma ei kiin nai mada lai.  
\v 3 De ana kii-bolu no haran nahere, sama leo singa aro. Ana kii-bolu basa, boe ma lalai nakaruu bala haran natuti-nanatok laꞌe hitu.  
\v 4 Neu lalai nakaruu bala basa, boe ma au nau surak sira kokolan ena. Tehuu au amanene harak esa numa nusa tetuk do inggu temak mai nae, “Weeh! O boso mafada hatahorir laꞌe-neu nekeruu kahituk kara raa kokolan, ee! Ta bole surak hata-hata.”   
\p
\v 5 Boe ma ata mana mambariik no ein esa nai tasi ma ein esa nai mada lai naa, soꞌu botik lima konan neni lalai neu,  
\v 6 de sumba-soo nae, “Au kokolang ia, memak tetebes! Au sumba-soo pake Manetualain naden, nahuu Ndia mana masodak losa doon naa neu! Ana ndia nakadadadik lalai no dae-inak, ma basa oe-isin lalaꞌen ena. Dadi nenene matalolole! Faik fo ita tahanik naa, sangga losa ena.  
\v 7 Mete ma Manetualain ata nomer kahitun nau fuu toꞌin ena, na, neu ko Manetualain tao tungga Ndia nanaen, fo lele uluk hatahori bei ta bubuluk kana. Tehuu nanaek naa, Ana nafada neu Ndia mana toꞌu dedeꞌan nara ena fo raono-lalau Ndia. Dadi nenene matalolole, huu au dedeꞌa-kokolang ia, tetebes.”\x + \xo 10:7 \xt Kalua numa Masir mai 20:11; Tui Seluk laꞌe-neu Dala Masodak 32:40; Daniel 12:7; Amos 3:7\x*   
\p
\v 8 Boe ma harak fo au amanenek numa lalai mai naa, kokolak seluk bali no au nae, “Yohanis, o muu leo muni ata mana nambariik eik esa nai tasi dale ma eik esa nai mada lai naa muu. Haꞌi mala susura kadiꞌi ana neni luluk naa, fo neni nekembelak nai ndia liman naa.”   
\p
\v 9 Basa boe ma au uni ata naa uu, fo oke susura kadiꞌi ana neni luluk naa. De ana nafada au nae, “Haꞌi malan fo muꞌa leo! Nai o bafam mameda makeek sama leo fani oe, tehuu neu ko ana tao nala o taꞌim mameda malik.”   
\p
\v 10 Ana kokolak basa talo naa, boe ma au simbo ala susura kadiꞌi ana neni luluk naa numa liman mai. De au uꞌan. Nai au bafang dale ameda makeek sama leo fani oe. Tehuu neu au kodo henin, au ameda malik nai au taꞌing dale.\x + \xo 10:10 \xt Yeskiel 2:8—3:3\x*   
\p
\v 11 Boe ma hambu esa nadenu au nae, “O muste muu seluk bali fo mafada memak hata fo Manetualain nae taon nai dae-inak. Mafada laꞌe-neu hata fo neu ko ana dadi neu basa manek kara marai dae-inak ma neu hatahorir ruma basa leor, basa hatahori nusak kara, ma basa dedeꞌak kara mai.”   
\c 11  
\s1 Manetualain mana toꞌu dedeꞌan dua ta hohoꞌak  
\p
\v 1 Basa boe ma ara soro fee au ai uꞌukuk esa, narun sama leo teteꞌe ai. Boe ma Manetualain parenda au nae, “Yohanis, mambadeik leo fo muu uku Au Uma Huhule-haradoi Ina-huung no mei tunu-hotung nai kota Yerusalem. Ma reke basa hatahorir mana hule-haradoik marai naa.\x + \xo 11:1 \xt Yeskiel 40:3; Sakaria 2:1-2\x*  
\v 2 Tehuu hae uku Uma Huhule-haradoik naa bebelan, huu mamanak naa neni loo limak soa-neu hatahori nusa-nusak laen nara ena fo ta mana ralela Au. Neu ko ara mai momolo-tatabu tao ranggenggeo Au kotang naa, losa bulak 42 (ndia faik 1.260).\x + \xo 11:2 \xt Lukas 21:24\x*  
\v 3 Neu ko Au adenu Au hatahoring dua rai naa, fo ara dadi reu au mana toꞌu dedeꞌang. Neu ko ara pake bua-loꞌa sususak ma rafada Au hara hehelung, losa faik 1.260 naa basa sara ena.”   
\p
\v 4 Manetualain mana toꞌu dedeꞌan Sakaria surak memak kana numa lele uluk mai ena, laꞌe-neu mana toꞌu dedeꞌa kaduak kara iar. Ana lole sara pake nggambar ai setun huuk dua ma mamana netetende lambu dua fo mana rambariik rasare Manetualain, fo naena haak parenda basa hatahorir marai dae-bafok.\x + \xo 11:4 \xt Sakaria 4:3, 11-14\x*  
\v 5 Mete ma hambu hatahorir nau rakasosoek Manetualain mana toꞌu dedeꞌa kaduan nara ia, na, neu ko aꞌi kalua numa sira bafan nara mai fo tao nakade basa sira musun nara. No dalak naa, basa hatahorir fo mana nau rakasususak kasa, neu ko mate sara.  
\v 6 Neu faik fo dua sara dadi reu Manetualain mana toꞌu dedeꞌan nai dae-inak, Ana fee sara koasa fo kena udan. Ana oo fee koasa fo tao oe matak dadi neu daak, ma koasa fo neni sosoek mata-matak nai dae-inak ia, tungga kada sira hihiin nara boe.\x + \xo 11:6 \xt 1 Mane-manek kara 17:1; Kalua numa Masir mai 7:17-19; 1 Semuel 4:8\x*   
\p
\v 7 Mete ma sira fain fo rafada Manetualain hara hehelun nara basa ena, na, neu ko banda kakiki-kakaak esa kalua numa bolo doidosok fo ikon taak naa mai. Ana natati laban dua sara, losa nasenggi ma nakanisa sara.\x + \xo 11:7 \xt Daniel 7:7; Dae-bafo Beuk 13:5-7; 17:8; Daniel 7:21\x*  
\v 8-9 No dalak naa, dua sara mate numa kota moꞌok fo fai bakahulun hatahorir rakanisa sira Lamatuan numa ai ngganggek. Kota naa, dadi kota manggarauk ena sama leo Sodom ma Masir tembo uluk. Neu ko hatahori nggari heni mana toꞌu dedeꞌak kara raa ao-mbaa mamaten nara reu dalak, losa faik telu seserik. Boe ma hatahorir ruma basa leor, basa hatahori nusak kara, basa dedeꞌak kara, ma basa nusak kara mai ranilu ao-mbaa mamates kaduak kara raa. Ara oo ta fee luas fo ratoi sara boe,\x + \xo 11:8-9 \xt Yesaya 1:9-10\x*  
\v 10 nahuu ara ramahoko mete-rita hatahori kaduak kara raa mate sara ena. Huu dua sara ndia soa tao babalik basa hatahorir marai dae-inak duduꞌa manggaraun. De ara tao feta rame-rame, ma esa haitua fee esa hadia.   
\p
\v 11 Tehuu basa faik telu seserik, neu ko Manetualain fee sara ani hahaek, fo ara rasoda fali. Boe ma basa hatahorir fo mana mete-rita sara, dere faku-faku.\x + \xo 11:11 \xt Yeskiel 37:10\x*  
\v 12 De mana toꞌu dedeꞌa kaduak kara raa neu ko ramanene hara maherek esa numa lalai mai, fo nadenu sara nae, “Wee! Ei dua ngga hene lain ia mai leo!” Boe ma dua sara neni soꞌuk lalai reu no sosoꞌak mboti nala sara. Ara mete-rita talo naa, boe ma musun nara bafa bese mboo.\x + \xo 11:12 \xt 2 Mane-manek kara 2:11\x*  
\v 13 Medak neu ma, dae nanggenggo nalan seli. Mete ma ita reke basa umar marai kota, numa uma salahunu mai hambu esa ndia ndefa henin. Ma hambu hatahori rifun hitu mates sara. Hatahori laen ta mana matek kara ramataꞌu ralan seli. Tehuu neu ko ara oo fee hada-horomatak neu Manetualain boe, nahuu Ana ndia toꞌu parenda nai nusa tetuk do inggu temak.\x + \xo 11:13 \xt Dae-bafo Beuk 6:12; 16:18\x*   
\p
\v 14 No dalak naa, sosoek nomer kaduan laꞌo seli ena. Tehuu besa-besa, ee! Sosoek nomer katelun sangga mai ena.   
\s2 Fuu toꞌik nomer kahitun — Manetualain no Yesus Karistus toꞌu parenda nai dae-inak  
\p
\v 15 Basa naa, Manetualain ata nomer kahitun numa nusa tetuk do inggu temak mai fuu ndia toꞌin. Medak neu ma, au amanene harak noꞌun seli ruma nusa tetuk do inggu temak mai rae,  
\q1 “Hatematak ia mana toꞌu parenda nai dae-inak,  
\q2 kada Manetualain no Karistus,  
\q3 ndia Manetualain Hatahorin fo Ana here nalan numa lele uluk mai ena.  
\q2 Neu ko Manetualain toꞌu parenda-koasa nakandoo sama leo Manek, losa doon naa neu.”\x + \xo 11:15 \xt Kalua numa Masir mai 15:18; Daniel 2:44; 7:14, 27\x*   
\p
\v 16 Mane leo kadua hulu haak kara raa fo mana ranggatuuk rai kadera man-parendar marai Manetualain matan naa, ara oo ramanene harak kara raa boe. Boe ma ara sendek luu-langgan nara losa idu-matan nara laꞌe daer, fo koa-kio neu Manetualain,  
\v 17 ma soda-helo rae,  
\q1 “Oo, Manetualain!  
\q1 Ai Lamatuan!  
\q2 Manetualain ndia parenda basa-basan.  
\q2 Manetualain ndia toꞌu koasa basa-basan.  
\q1 Manetualain ndia nasoda numa lele uluk mai.  
\q1 Manetualain ndia nasoda hatematak ia.  
\q1 Ai moke makasi neu Manetualain,  
\q2 nahuu Manetualain pake koasa moꞌon ena,  
\q3 fo toꞌu parenda nai dae-inak.   
\q1
\v 18 Tehuu hatahori nusa-nusak kara ramanasa,  
\q2 huu ara ta nau tungga Manetualain.  
\q1 Tehuu hatematak ia Manetualain oo namanasa boe,  
\q2 nahuu ara ta nau ralela sana.  
\q1 Hatematak ia fain losa ena,  
\q2 fo Manetualain huku-doki hatahorir fo ta mana tao matak neu Ndia.  
\q1 Hatematak ia fain losa ena,  
\q2 fo Manetualain nakalulutu hatahori fo mana nakalulutu hatahori laen.  
\q1 Hatematak ia fain losa ena,  
\q2 fo Manetualain parisa hatahori mates sara dedeꞌan.  
\q1 Hatematak ia fain losa ena,  
\q2 fo Manetualain bala hatahori neondan nara mbuse titin.  
\q2 Ndia, Manetualain mana toꞌu dedeꞌan nara,  
\q2 ma Manetualain hatahorin nara,  
\q3 moꞌo-kadiꞌik, lasi-murik.  
\q1 Manetualain bala basa hatahorir,  
\q2 fo mana fee hada-horomatak neu naden.”\x + \xo 11:18 \xt Sosoda Kokoa-kikiok kara 2:5; 110:5; 115:13\x*   
\p
\v 19 Basa naa, au mete-ita nai nusa tetuk do inggu temak, Manetualain Uma Huhule-haradoin lelesun neni soik. Boe ma au mete-ita peti fo fai bakahulun ara paken mbeda Manetualain parendan neni surak nai batu lain. Boe ma ndelas sara tee reu-mai, lalai nasapaparak natuti-nanatok, dae-inak nanggenggo, ma uda eis batu mambera tuda numa lalai mai.\x + \xo 11:19 \xt Dae-bafo Beuk 8:5; 16:18; 16:21\x*   
\c 12  
\s1 Mengge buta natati laban inak esa no anan  
\p
\v 1 Basa naa, medak neu ma au mete-ita tanda ta hohoꞌak esa toda numa lalai mai, fo hatahori dae-bafok bei ta mete-nitan: hambu inak esa, ao-inan neni mbotik no ledo. Ana tabu ein neu bulan lain. Ana pake solangga manek neni heti nduuk salahunu dua.  
\v 2 Inak naa kairuk, ma ana kada buꞌi, huu taꞌin nambeta nae bonggi.   
\p
\v 3 Medak neu ma, au mete-ita seluk tanda ta hohoꞌak laen esa toda numa lalai mai. Hambu mengge buta mbilas moꞌok esa. Langgan hitu, ma susuran salahunu. Ana pake solangga manek hitu nai langga kahitun nara.\x + \xo 12:3 \xt Daniel 7:7\x*  
\v 4 Ana pake ikon fo sasaa namopo heni babaꞌek esa numa basa nduuk kara marai lalai mai. Elak kara kada babaꞌek dua. Basa de ana toko heni nduuk kara raa reni dae-bafok mai. Boe ma ana neu nambariik nasare inak naa, fo nahani losa ana bonggi. Huu ana nae kodo heni memak kakanak naa.\x + \xo 12:4 \xt Daniel 8:10\x*  
\v 5 De inak bonggi nala Ana touk esa. Tehuu Manetualain atan esa numa nusa tetuk do inggu temak mai fonda nala Kakanak naa. Boe ma noo Kakanak naa neni Manetualain neu fo Ana parenda sama-sama no Manetualain nai nusa tetuk do inggu temak. Huu Kakanak naa, neu ko parenda basa hatahori nusa-nusak kara marai dae-inak no koasa ta neni babanggak meteꞌen.\x + \xo 12:5 \xt Yesaya 66:7; Sosoda Kokoa-kikiok kara 2:9\x*  
\v 6 Tehuu inak naa nalai neni mamana nees esa neu fo Manetualain sadia memak feen ena. Neu ko ara fadulin nai naa losa teuk telu seserik (ndia faik 1.260).   
\s2 Mikael natati laban mengge buta nai nusa tetuk do inggu temak  
\p
\v 7 Basa boe ma netati moꞌok dadi numa nusa tetuk do inggu temak. Manetualain atan nara ro sira malanggan manade Mikael, ratati laban mengge buta naa no ana nunin nara.\x + \xo 12:7 \xt Daniel 10:13, 21; 12:1; Yudas 9\x*  
\v 8 Boe ma Mikael asa rasenggi mengge buta naa no ana nunin nara. Basa de ara kaꞌi mengge buta naa no ana nunin nara, fo ta bole leo nai nusa tetuk do inggu temak bali.  
\v 9 Huu naa de ara husi heni sara ruma nusa tetuk do inggu temak mai, de piru heni sara reni dae-inak mai. Mengge buta naa, ndia nitur malanggan fo raseseik kana rae, ‘Nitu-mula’. Numa makasososan mai ana kada pepeko-leleko hatahori dae-bafok fo ara tao salak.\x + \xo 12:9 \xt Tutui Makasososak 3:1; Lukas 10:18\x*  
\v 10 Basa boe ma au amanene seluk hara maherek esa numa lalai mai nae,  
\q1 “Fai bakahulun mengge buta naa nambariik nakandoo numa Manetualain matan.  
\q2 Ndia naa, mana bafa lafok fo soa ndae salak neu ita toranoo kamaheren nara.  
\q3 Ana soa nakasasaꞌek salak neu sara hatu-leledon.  
\q1 Tehuu hatematak ia ana neni piru henik numa nusa tetuk do inggu temak mai ena.  
\q1 Dadi hatematak ia basan matetu-mandaik.  
\q2 Hatematak ia fain losa ena, fo Manetualain tao nasoi-nasoda hatahori dae-bafok.  
\q1 Hatematak ia Manetualain toꞌu parenda no Ndia koasan ta neni babanggak.  
\q2 Ma Ana soꞌuk nala Karistus ena,  
\q3 ndia Hatahori fo Ana here nalak ena fo dadi Manek soa-neu basa hatahori nusa-nusak kara.\x + \xo 12:10 \xt Ayub 1:9-11; Sakaria 3:1\x*   
\q1
\v 11 Ita toranoo kamaheren nara rasenggi mengge buta naa fo fai bakahulun ndae salak neu sara,  
\q2 nahuu Bibi Lombo Ana daan titi henin ena fo koka heni sira sala-singgon nara.  
\q1 Ara oo rasenggi mengge buta naa boe,  
\q2 nahuu ara rambarani tui-bengga neu hatahorir laꞌe-neu Bibi Lombo Ana dale susuen neu sara.  
\q1 Leo mae hatahorir ramanasa losa rae rakanisa sara oo,  
\q2 tehuu ara ta rakaheok boe.   
\q1
\v 12 Dadi basa mana masodak lalaꞌen marai nusa tetuk do inggu temak, muste ramahoko!  
\q2 Tehuu basa mana masodak lalaꞌen marai dae-inak muste ranea,  
\q3 nahuu sosoek nae daka nala ei ena.  
\q2 Nitur malanggan konda nai ei ena.  
\q1 Ana namanasa nalan seli ena,  
\q2 nahuu ana bubuluk nae, ndia fain fo tao manggarauk naa, nae basan ena!”   
\s2 Mengge buta sangga nakandoo inak naa nai dae-inak  
\p
\v 13 Neu faik fo mengge buta naa bubuluk nae, ndia neni nggari henik nai dae-inak ena, boe ma ana neu sangga fo nau nakasususak inak naa fo mana bonggi nala Kakanak naa.  
\v 14 Tehuu ara fee inak naa lidak dua sama leo mbui marambua moꞌok lidan, mita fo ana lambu neu keke nai mamana nees fo dook ka numa mengge buta naa mai. Numa naa ara fadulin losa teuk telu seserik.\f + \fr 12:14 \ft Susura Malalaok dedeꞌa Yunani huuk surak nae, “tembo esa, tembo dua, ma tembo seserik esa”. Dedeꞌa deꞌek kara raa, sama ro marai \ft \+it Daniel\+it* 7: 25, 12:7. Ndia fain, sama no bulak 42, do, faik 1.260 nai babaꞌek 11: 2-3 manai lain.\f*  
\v 15 Mengge buta naa mete-nita talo naa, boe ma ana nasapura kalua heni oe sama leo faa, fo nae mbamba neni inak naa.  
\v 16 Tehuu dae-inak fali nala inak naa, no dalak dae natangga fo musi nabasa oe mana faa kalua numa mengge buta naa bafan mai, mita fo oe naa boso losa inak naa.  
\v 17 Basa boe ma mengge buta naa namanasa nalan seli neu inak naa. De ana kalua fo neu natati laban inak naa anan laen nara, sira hatahorir fo mana leo-laꞌo tungga Manetualain parendan, ma manaku rae, sira raa Yesus hatahorin.  
\v 18 Basa boe ma mengge buta naa neu nambariik neu tasi tatain. Ana henggu nisin.   
\c 13  
\s1 Banda kakiki-kakaak mana kalua numa tasi dale mai  
\p
\v 1 Basa boe ma au mete-ita banda kakiki-kakaak esa kalua numa tasi dale mai. Langgan hitu ma susuran salahunu. Ana pake solangga manek esa-esak nai ndia susuran nara. Nai langgan nara raa neni surak dedeꞌa deꞌek nekedadaek neu Manetualain.\x + \xo 13:1 \xt Daniel 7:3; Dae-bafo Beuk 17:3, 7-12\x*  
\v 2 Ndia ao-inan, sama leo meo-asu. Ndia ein, sama leo baruang ein. Ma bafan, sama leo singa bafan. Mengge buta naa fee haak neu banda kakiki-kakaak naa fo nanggatuuk neu kadera man-parenda, ma pake basa ndia koasan lalaꞌen.\x + \xo 13:2 \xt Daniel 7:4-6\x*  
\v 3 Nai banda kakiki-kakaak naa langgan esa, hambu foa moꞌok, nok bali ana neni tati nitak losa ela baꞌuk ka ana mate, tehuu ta dadi mate. Basa hatahorir marai dae-inak heran mete-rita banda kakiki-kakaak naa ta hohoꞌan, de ara tunggan.  
\v 4 Basa boe ma ara oo fee hada-horomatak neu mengge buta naa, ma rakadedemak kana sama leo Manetualain boe, nahuu mengge naa fee koasa neu banda kakiki-kakaak naa ena. Hatahorir raa oo koa-kio banda kakiki-kakaak naa boe rae, “Banda naa, ta hohoꞌak sudi selik kana! Ta hambu esa boe na bisa nasenggin!”   
\p
\v 5 Manetualain fee lelak neu banda kakiki-kakaak naa fo ana kokolak koa ao, ma kokolak nakadadaek Manetualain. Banda naa hambu luas fo toꞌu parenda, losa teuk telu seserik (ndia bulak 42).  
\v 6 Huu naa de ana kokolak nakatutudak Manetualain naden. Ma ana oo kokolak nakadadaek basa Manetualain hatahorin nara fo mana leo rai nusa tetuk do inggu temak boe.\x + \xo 13:6 \xt Daniel 7:8, 25; 11:36\x*  
\v 7 Manetualain oo fee luas neun fo natati laban Manetualain hatahorin nara, losa nasenggi sara boe. Ana oo hambu koasa fo parenda hatahorir numa basa leor, basa hatahori nusak kara, basa dedeꞌak kara, ma basa nusak kara marai dae-inak mai boe.\x + \xo 13:7 \xt Daniel 7:21\x*  
\v 8 Huu naa de basa hatahorir marai dae-inak songgo-tanggu banda kakiki-kakaak naa. Sira raa, ndia basa hatahorir fo naden nara ta neni surak nai Bibi Lombo Ana Susuran dale. Fai bakahulun hatahorir rakanisa Bibi Lombo Ana naa ena, tehuu Manetualain tao nasoda falik kana numa mamaten mai. Neu Manetualain bei ta adu dae-bafok ia, Ana surak memak basa hatahori kamaherek kara naden nai susurak naa dale nae, sira raa, ndia neu ko hambu masodak tetebes ta mana ketuk.\x + \xo 13:8 \xt Sosoda Kokoa-kikiok kara 69:29\x*   
\q1
\v 9 “Nenene matalolole!   
\q1
\v 10 Mete ma Manetualain naketu-naladi ena nae, hatahori esa, muste humu ralan,  
\q2 na, neu ko humu ralan.  
\q1 Mete ma Manetualain naketu-naladi ena nae, hatahori esa muste hambu nekenisak renik tafa,  
\q2 na, neu ko rakanisan renik tafa.”  
\p De Manetualain hatahorin nara boso rakadedeak, te naa dadi neu omba-lelak fo ara rakatataka tungga ma ramahere rakandoo neun na!\x + \xo 13:10 \xt Yermia 15:2; 43:11\x*   
\s1 Banda kakiki-kakaak mana kalua numa dae-inak mai  
\p
\v 11 Basa naa, au mete-ita banda kakiki-kakaak laen, kalua numa dae-inak mai. Susuran dua, sama leo bibi lombo susuran. Ma haran, sama leo mengge buta haran.  
\v 12 Ana dadi neu mana toꞌu dedeꞌak soa-neu ndia malanggan, ndia banda kakiki-kakaak kaesan naa, fo fai bakahulun neni tati nitak, de ela baꞌuk ka maten. Ana hambu koasa numa ndia malanggan mai, fo nakasetik basa hatahorir marai dae-inak songgo-tanggu neu ndia malanggan.  
\v 13 Ana oo tao tanda heran nara ta hohoꞌak boe, losa-losak ana bisa nakonda aꞌi numa lalai mai, neu hatahori noꞌuk kara matan.  
\v 14 No dalak naa, banda kakiki-kakaak nomer kaduan naa, pake ndia malanggan koasan fo pepeko-leleko hatahorir marai dae-inak. Ana oo parenda hatahorir fo doki rala patong esa, sama leo ndia malanggan mata-aon boe, fo ara fee hada-horomatak neu ndia malanggan, fo fai bakahulun neni tatik losa ela baꞌuk ka maten.  
\v 15 Manetualain oo fee lelak neu banda mana pepeko-lelekok naa boe, fo fee ani hahaek tao nahori patong naa. No dalak naa, patong naa bisa kokolak, ma fee parenda fo rakanisa hatahori ta mana nau songgo-tanggu neun.  
\v 16 Banda mana pepeko-lelekok naa oo nakasetik basa hatahorir fo simbok rala dededek nai sira lima konan, do nai sira odamatan boe. Basa hatahorir, moꞌo-kadiꞌik, kamasuꞌik ma hata taak, mana nekemboꞌik do, ata-dato, basa sara muste simbok dededek naa.  
\v 17 Mete ma taa, na, ara ta bisa raseꞌo do rahasak hata esa boe na. Nai dededek naa, neni surak banda kakiki-kakaak nomer kaesan naa naden, ma ndia nomer.   
\p
\v 18 Nai ia muste pake utek, ou! Hatahori malelak bisa nalela nomer naa, ndia sosoa-ndandaan. Nomer naa ndia natudu nala hatahori dae-bafok esa, ndia “666”.\f + \fr 13:18 \ft Tungga hatahori mana malela laꞌe-neu Susura Malalaok tembo uluk nai naa, nomer “6” sosoa-ndandaan, ndia dedeꞌak ta malole esa, fo ta mana tesa-tamak, do, manggarauk. Dadi nomer “666” ia sosoa-ndandaan nae, “manggarauk mateꞌen”.\f*   
\c 14  
\s1 Bibi Lombo Ana no Ndia hatahorin nara 144.000  
\p
\v 1 Basa boe ma au botik matang, medak neu te au mete-ita Bibi Lombo Ana naa nambariik nai lete anak esa lain, nade letek Sion. Ana nambariik sama-sama no hatahori 144.000. Nai basa sara odamatan, neni surak Bibi Lombo Ana naa no Aman naden.\x + \xo 14:1 \xt Yeskiel 9:4; Dae-bafo Beuk 7:3\x*  
\v 2 De au amanene harak esa numa lalai mai. Harak naa, lii moꞌon sama leo oe totolik ma nandoro sama leo lalai nasaparak. Tehuu harak naa lolen seli, leo bali hatahori noꞌuk ka rakaminak sasandu.  
\v 3 Boe ma au mete-ita hatahori ka-144.000 kara raa rambariik rasare mbali Manetualain, ma horis ta hohoꞌak kahaak kara fo mana eko-feo Manetualain kadera man-parendan naa, ma mane leo kadua hulu haak kara raa. Hatahori noꞌuk kara raa soda-helo sosoda beuk esa. Kada sira mesa kasa ndia bubuluk sosodak naa, tehuu hatahori laen taa. Sira iar ndia mana malole ro Manetualain, nahuu Manetualain pake Anan daan, de tefa-soi nala sara ena.  
\v 4 Sira masodan malalaok, sama leo taꞌe anak fo bei ta sunggu-soro nakabua nita no inak. Ara tungga raherek Bibi Lombo Ana naa reni bee reu a mesan, nahuu Manetualain tefa-soi nala sara pake Anan daan ena, mita fo ara dadi reu Ndia enan. Huu naa de sira iar sama leo mbule uluk fo hatahorir reni sara ruma osin nara mai, fo loo lima sara reu Manetualain no Bibi Lombo Ana naa.  
\v 5 Ara oo ta mana pepeko-lelekok, nahuu dalen nara lolo-laok boe.\x + \xo 14:5 \xt Sefanya 3:13\x*   
\s1 Ata telu ruma nusa tetuk do inggu temak mai reni hara liik  
\p
\v 6 Basa boe ma au mete-ita Manetualain atan esa bali numa nusa tetuk do inggu temak mai. Ana lambu seku nai lalai, fo tao natanggela Manetualain Hara Lii Malolen ta mana ketuk. Ana lambu ndule fo nafada basa hatahorir marai dae-inak, ruma basa leor, basa hatahori nusak kara, basa dedeꞌak kara, ma basa nusak kara mai.  
\v 7 Ana kokolak nahere haran tingga-tingga nae,  
\q1 “Ei muste fee hada-horomatak neu Manetualain!  
\q1 Ei muste makadedemak Ndia naden fo ta neni babanggak!  
\q2 Huu fain losa ena,  
\q3 fo Manetualain parisa basa hatahorir tatao-nonoꞌin.  
\q1 Koa-kio neu Ndia!  
\q1 Makadedemak Ndia naden!  
\q2 Huu Ana ndia nakadadadik nala lalai no dae-inak.  
\q1 Ma Ana ndia parenda fo tasi ma oe matak kara basa sara dadi.”   
\p
\v 8 Au kokolak basa talo naa, boe ma au mete-ita ata laen esa bali numa nusa tetuk do inggu temak mai, fo mai tungga ndia. Ana nafada nae, “Makalulutuk ena! Makalulutuk ena! Kota Babel ta hohoꞌak naa, nakalulutu ena! Kota manggarauk naa, ndefa henin natetu no daer ena. Fai bakahulun kota naa sama leo ina petak fo mana soa nakasetik basa hatahori nusak kara marai dae-inak rinu mafuk tungga kada ndia sunda-pandain. Tehuu hatematak ia kota naa nameda nala Manetualain nasa-odadedein ena!”\x + \xo 14:8 \xt Yesaya 21:9; Yermia 51:8; Dae-bafo Beuk 18:2\x*   
\p
\v 9 Basa naa au mete-ita ata laen bali numa nusa tetuk do inggu temak mai, fo mai tungga ata nomer kaduan naa. Ana kokolak nahere haran tingga-tingga nae, “Besa-besa, ee! Basa hatahorir fo mana songgo-tanggu banda kakiki-kakaak naa no ndia patong, do, simbo ndia dededen nai odamatan, do, nai liman, neu ko ara oo rameda Manetualain nasa-odadedein boe!  
\v 10 Neu ko Manetualain mesa kana mboꞌa nasan neu sara, sama leo Ana fee sara rinu anggor oe ulu malik. Neu ko Ana nggari heni sara reni aꞌi mbila balerang ta mana matek reu. Ndia atan nara maruma nusa tetuk do inggu temak mai, ma Bibi Lombo Ana naa oo, mete-rita matak naa boe.\x + \xo 14:10 \xt Yesaya 51:17; Tutui Makasososak 19:24; Yeskiel 38:22\x*  
\v 11 Kekeꞌun, basa hatahorir fo mana songgo-tanggu banda naa no ndia patong, do, simbo rala ndia dededen, neu ko ara hambu rala tuni-ndenik talo naa no ta mana basak. Aꞌi masuk numa sira doidoson mai, lume kalua lain neu ta mana ketuk hatu-leledon.”\x + \xo 14:11 \xt Yesaya 34:10\x*   
\p
\v 12-13 Dadi basa naar sosoan nae, Manetualain hatahorin nara muste nenene ratalolole Ndia parendan, ramahere rakandoo neu Yesus, ma boso rakadedeak.  
\p Basa boe ma au amanene harak esa numa lalai mai, nafada au nae, “Yohanis! O muste surak talo ia: Mulai hatematak ia, mete ma hatahorir fo mana ramahere neu Lamatuak Yesus losa ara mate, na, ara raua ralan seli.”  
\p De Manetualain Dula-dale Malalaon naselu nae, “Tebe! Neu ko ara raua ralan seli! Ara hambu doidosok nai dae-bafok ena, tehuu ara rakatataka fo tungga Manetualain rakandoo. De neu ko Manetualain bala sira sosota-mamanggun, ma ara ta doidoso nai nusa tetuk do inggu temak ena bali.”   
\s1 Manetualain huku-dokin nai dae-inak sama leo ketu-koru pake dombe kakaik  
\p
\v 14 Basa naa, au botik matang. Medak neu ma, au mete-ita sosoꞌa mutik manggahadok esa, ma hambu hatahori esa nanggatuuk numa sosoꞌak naa lain. Hatahori naa, nok bali Hatahori Dae-bafo Isi-isik. Ana pake solangga joara numa lilo mbilas mai, ma ana toꞌu dombe kakaik matande esa.\x + \xo 14:14 \xt Daniel 7:13\x*   
\p
\v 15 De au mete-ita ata laen esa numa nusa tetuk do inggu temak mai bali. Ana kalua numa Manetualain Uma Huhule-haradoin mai. Ana nanggou nafada Hatahori manai sosoꞌak naa nae, “Pake o dombe kakain naa, fo ketu-koru leo! Huu faik fo nekebubua nala dae-inak buna-boan nara, losa ena.”\x + \xo 14:15 \xt Yoel 3:13\x*  
\v 16 Boe ma Hatahori fo mana nanggatuuk numa sosoꞌak naa, lombe Ndia dombe kakain, de ketu-koru ma naduduru nala dae-inak buna-boan nara.   
\p
\v 17 Boe ma ata laen esa bali, kalua numa Uma Huhule-haradoik manai nusa tetuk do inggu temak dale mai. Ana oo toꞌu dombe kakaik matande esa boe fo nae kedi ai boak.   
\p
\v 18 Basa de ata laen esa bali, kalua numa mamana hotu ai daa kaboo menik numa Uma Huhule-haradoik manai nusa tetuk do inggu temak naa mai. Ata ia uen, ndia nanea aꞌi manai mamana hotu ai daa kaboo menik naa. Ana bolu nadenu ata mana toꞌu dombe kakaik naa nae, “Pake o dombe kakain naa, fo muu kedi ai boak nai dae-inak leo! Huu nai naa, ai anggor boan nara latuk kara ena.”  
\v 19 De ata naa lombe ndia dombe kakain neni dae-inak neu, fo kedi nala anggor nggiin nara. Boe ma ana mboꞌa anggor boak kara raa reni bak rumu-keꞌek dale reu. Basa de ara heheta sara fo sangga haꞌi anggor oen. Heheta anggor boan nai bak rumu-keꞌek naa, sosoan ndia Manetualain nasan.  
\v 20 Bak rumu-keꞌek naa, hambun nai kota deak. Neu ara heheta anggor boan nara raa, boe ma daak faa kalua noꞌun seli. Daak naa fafaan sama leo lee esa, narun kilo meter 300, ma deman meter esa seserik.\f + \fr 14:20 \ft Susura Malalaok dedeꞌa Yunani surak lee naa narun nae, “\ft \+it stadia\+it* 1.600”, ndia kilo meter 296 losa 300. Ma lee naa deman, ara surak rae, “sama leo ndara rapan”, ndia meter esa seserik. Sira ndaran nara baꞌu lena ndara Rote.\f* \x + \xo 14:20 \xt Yesaya 63:3; Buꞌi Reu-reu 1:15; Dae-bafo Beuk 19:15\x*   
\c 15  
\s1 Ata hitu ruma nusa tetuk do inggu temak mai reni sosoe moꞌok hitu neni dae-inak mai  
\p
\v 1 Basa naa, au mete-ita matak ta hohoꞌak esa numa lalai, losa au heran alan seli. Hambu ata hitu ruma nusa tetuk do inggu temak mai, esa-esak toꞌu koasa fo haitua sosoe moꞌok neni dae-inak mai. Sosoe kahituk kara iar, sosoe mateꞌen nara siran ena. Mete ma basa sara dadi ena, na, sosoa-ndandaan nae, Manetualain dalen makasufu ena, de Ana ta namanasa seluk hatahori dae-bafok bali.   
\p
\v 2 Basa boe ma au mete-ita tasi mana mbilak sama leo titiro babalik no aꞌi. Au oo mete-ita hatahori noꞌuk ka rambariik rai tasi naa tatain boe. Sira raa, hatahori fo ta mana tungga banda kakiki-kakaak naa, ta songgo ndia patong, ma ta simbok ndia dededen. Basa sara toꞌu bua kaliik sama leo sasandu, fo ara simbon numa Manetualain mai.  
\v 3 De ara soda-helo sosodak esa numa baꞌi Musa mai, fo ndia Manetualain hatahori neondan lele uluk. Hatahori raa oo soda-helo fo koa-kio neu Yesus boe. Fai bakahulun hatahorir rakanisan, sama leo hatahorir hala bibi lombo ana nai Manetualain Uma Huhule-haradoin, fo tao rakasufu Ndia dalen. Ara soda-helo rae,\f + \fr 15:3 \ft Musa surak nala sosodak naa neu faik fo Manetualain nuni no hatahori Israꞌel asa kalua numa Masir mai, fo sira mamana doidoson naa.\f*  
\q1 “Ai koa-kio Manetualain!  
\q1 Ai makadedemak Manetualain naden!  
\q2 Huu Manetualain koasan sudi selik kana.  
\q2 Ma Manetualain ta neni babanggan heran sudi selik kana.  
\q1 Manetualain toꞌu parenda-koasa neu basa hatahori nusak kara marai dae-inak ena.  
\q1 Manetualain dadi Manek soa-neu basa leor marai dae-bafok ena.  
\q2 Basa hata fo Manetualain aduk, sudi selik kana!  
\q2 Manetualain ue-osan, lolen seli!  
\q2 Manetualain eno-dalan, ndoos sudi selik kana.  
\q2 Manetualain masodan, tetebes mateꞌen!\x + \xo 15:3 \xt Kalua numa Masir mai 15:1-18\x*   
\q1
\v 4 Basa hatahorir rakadedemak Manetualain naden,  
\q1 basa hatahorir koa-kio Manetualain malolen.  
\q2 Huu kada Manetualain mesa kana malalaok.  
\q2 Ma kada Manetualain mesa kana ta naena salak.  
\q1 Neu ko basa hatahori nusak kara mai rakaluku-rakatele neu Manetualain.  
\q1 Neu ko basa leor mai roke makasi neu Manetualain.  
\q2 Huu basa hatahorir mete-rita Manetualain ue-osa neulaun ena.  
\q2 Ma basa hatahorir bubuluk Manetualain dale ndoon ena.”\x + \xo 15:4 \xt Yermia 10:7; Sosoda Kokoa-kikiok kara 86:9\x*   
\p
\v 5 Neu hatahorir raa soda-helo basa, boe ma au mete-ita Kama Malalaok Mateꞌen naa nai Manetualain Uma Huhule-haradoin manai nusa tetuk do inggu temak, ma ndia tema ririndin neni soi loak.\x + \xo 15:5 \xt Kalua numa Masir mai 38:21\x*  
\v 6 Boe ma au mete-ita ata kahituk kara raa ruma nusa tetuk do inggu temak mai fo mana reni sosoe kahituk kara raa. Ara kalua ruma Uma Huhule-haradoik mai. Ara pake bua-loꞌa muti manggadilak lao ndoos, ma ara pake ndae aruk fo taon numa lilo mbila isik mai.  
\v 7 Basa de au mete-ita esa numa horis ta hohoꞌak kahaak kara raa mai, fo marai Manetualain kadera man-parenda boboan, baꞌe bokor lilo mbilas hitu fee ata kahituk kara raa. Bokor kahituk kara raa, esa-esak neni isik no huku-dokik numa Manetualain mai. Ndia mana masodak seku neu. Ana nahani a fo fee nasa-ododedein neni dae-inak mai.  
\v 8 Ta dook ka boe ma Uma Huhule-haradoik naa sofek no aꞌi masuk fo kalua numa Manetualain ta neni babanggan ma koasan mai. Ta hambu hatahori esa boe na bisa maso neni naa neu. Ata kahituk kara raa muste mboꞌa rakababasak sosoe kahituk kara raa reni dae-inak mai, dei fo hatahori bisa maso reni naa reu.\x + \xo 15:8 \xt Kalua numa Masir mai 40:34; 1 Mane-manek kara 8:10-11; 2 Israꞌel no Yahuda Tutui Bakahulun 5:13-14; Yesaya 6:4\x*   
\c 16  
\s1 Manetualain nasa-odadedein lua neni dae-inak mai  
\p
\v 1 Basa boe ma au amanene hara maherek esa kalua numa Uma Huhule-haradoik dale mai, fo parenda ata kahituk kara raa nae, “Miu leo! Haꞌi meni bokor raa fo mboꞌa heni Manetualain nasa-odadedein neni dae-inak neu leo.”   
\p
\v 2 Ara ramanene rala naa, boe ma ata kaesan mboꞌa heni ndia bokor isin neni dae-inak mai. Medak neu ma, sosoek daka nala basa hatahorir fo mana simbo rita banda kakiki-kakaak naa dededen, ma hatahori fo mana songgo-tanggu neu ndia patong. Ara hambu bisu mburuk, mbetan sudi selik kana.\x + \xo 16:2 \xt Kalua numa Masir mai 9:10\x*   
\p
\v 3 Basa boe ma ata kaduan mboꞌa heni ndia bokor isin neni tasi dale neu. Medak neu ma, oe mana nai tasi dadi neu daa kaboo mburuk, sama leo hatahori mates daan. Boe ma basa horis marai tasi dale, mate basa sara.   
\p
\v 4 Basa de ata nomer katelun mboꞌa heni ndia bokor isin neni leer ma oe matak kara dale reu. Boe ma basa oer raa dadi daak.\x + \xo 16:4 \xt Kalua numa Masir mai 7:17-21; Sosoda Kokoa-kikiok kara 78:44\x*  
\v 5 De au amanene ata esa numa nusa tetuk do inggu temak mai, ndia koladu basa oer marai dae-inak. Ana koa-kio Manetualain nae,  
\q1 “Oo, Manetualain!  
\q1 Manetualain ndia malalaok!  
\q1 Manetualain ndia ta tao nita salak!  
\q2 Manetualain ndia nasoda numa makasososan mai ena,  
\q2 Ma neu ko Manetualain nasoda losa doon naa neu.  
\q1 Manetualain naketu-naladi dedeꞌak no matetuk ena.  
\q1 Manetualain fee huku-dokik no mandaak.   
\q1
\v 6 Hatahorir tao ramboꞌa heni  
\q2 Manetualain hatahorin daan ena.  
\q1 Hatahorir rakanisa  
\q2 Manetualain mana toꞌu dedeꞌan nara ena.  
\q1 Huu naa de Manetualain nakasetik kasa ena fo ara rinu daak boe.  
\q1 Huu naa de Manetualain bala sara ma fee huku-dokik no mandaak ena.”   
\p
\v 7 Basa boe ma au amanene harak esa, kalua numa mei tunu-hotuk mai, naselu nae,  
\q1 “Tebe! Manetualain mana koasa mateꞌen.  
\q1 Tebe! Manetualain ndia ta neni babanggak mateꞌen.  
\q2 Manetualain ndia naketu-naladi dedeꞌak no matetuk.  
\q2 Manetualain ndia fee huku-dokik no mandaak.”   
\p
\v 8 Boe ma ata nomer kahaan mboꞌa heni ndia bokor isin neni ledo neu. Medak neu ma, ledo dadi neu katobi roo-rook, losa hatahori dae-bafok kade roun nara.  
\v 9 Basa hatahori dae-bafok fo rou kadek kara raa, lalanggu Manetualain naden, nahuu Ana ndia haitua sosoek naa neu sara. Leo mae talo naa, tehuu ta hambu hatahori esa boe na sale dalen do tuke tein fo fali neni Manetualain neu, ma koa-kio neun.   
\p
\v 10 Basa de ata nomer kaliman naa, mboꞌa heni ndia bokor isin neni banda kakiki-kakaak naa kadera man-parendan neu. Medak neu ma, makiu-makahatuk tatana nala basa hatahorir fo mana songgo-tanggu ndia, losa ara henggu nisin nara, mita fo ara bisa rakatataka rala manggataꞌak.\x + \xo 16:10 \xt Kalua numa Masir mai 10:21\x*  
\v 11 Ara oo lalanggu Manetualain nai nusa tetuk do inggu temak boe, nahuu sira hinan nara rambeta ralan seli. Leo mae talo naa, tehuu ta esa boe na hahae tao manggarauk, fo tungga falik Manetualain.   
\p
\v 12 Basa boe ma ata nomer kaneen mboꞌa heni ndia bokor isin neni lee moꞌok manade Efrat naa neu. Boe ma lee naa oen mada tutik ka. De ara tao dalak numa naa fee mane-manek kara ma soldadur fo neu ko maruma dulu mai.\x + \xo 16:12 \xt Yesaya 11:15\x*  
\v 13 Boe ma au mete-ita nitu manggarauk telu. Mata-aon nara leo nggenggede. Esa kalua numa mengge buta naa bafan mai. Esa kalua numa banda kakiki-kakaak naa bafan mai. Ma esa bali kalua numa mengge buta mana toꞌu dedeꞌan fo mana pepeko-lelekok naa bafan mai.  
\v 14 Nitu kateluk kara raa raena koasa fo tao tanda heran mata-matak. Ara kalua fo reu ratonggo ro basa manek kara rai dae-bafok. Boe ma raheluk fo faik esa reu ratati laban Manetualain mana koasa mateꞌen. Tehuu faik fo ara raheluk ralan naa ena, laꞌe faik fo Manetualain henggenee elan fo tao nasenggi basa Ndia musun nara.   
\p
\v 15-16 Mamanak fo neu ko ara rakabua fo rae ratati naa, dedeꞌa Ibrani nae, \it Armagedon\it*.  
\p Yesus Karistus oo kokolak boe nae, “Masaneda matalolole! Medak neuk ka, Au mai no kaiboik nok bali naꞌo manu-meo fo hatahori ta meda rala sana. Hatahori fo mana mauak, ndia hatahori mana mahanik no nabua bua-loꞌa mana daik kara. No dalak naa, neu faik fo Au mai, neu ko ana ta hambu mamaek, nahuu hatahorir ta mete-rita ndia makaholan.”\x + \xo 16:15-16 \xt Mateos 24:43-44; Lukas 12:39-40; Dae-bafo Beuk 3:3; 2 Mane-manek kara 23:29; Sakaria 12:11\x*   
\p
\v 17 Basa de ata nomer kahitun mboꞌa heni ndia bokor isin neni anin neu. Boe ma Manetualain kokolak nahere haran numa Ndia kadera man-parendan manai Uma Huhule-haradoik mai nae, “Basa ena! Au nasa-odadedeing lua heni basan ena!”   
\p
\v 18 Boe ma hambu ndelas tee neu-mai, ma lalai nasapaparak matuti-manatok moꞌon seli. Ma dae nanggenggo moꞌon seli fo bei ta dadi nita nai dae-inak oo mai boe.\x + \xo 16:18 \xt Dae-bafo Beuk 8:5; 11:13; 19\x*  
\v 19 Faik naa, Manetualain ta lilii kota Babel manggaraun. Ana pake dae nenggenggon sudi selik kana naa, mita fo kota ta hohoꞌak naa ndara baꞌen neu telu. Ana tao talo naa, mita fo hatahori Babel asa rameda rita Ndia nasa-odadedein. Kota-kota laen nara marai dae-bafok oo ndefa heni basa sara boe.\x + \xo 16:19 \xt Yesaya 51:17\x*  
\v 20 Faik naa, basa pulur tendak heni sara talo kada naa leo, ma letek kara oo mopo heni basa sara boe.\x + \xo 16:20 \xt Dae-bafo Beuk 6:14\x*  
\v 21 Hambu uda eis batu mana moꞌor oo mbesi ruma lalai mai, de tuni nala hatahori dae-bafok boe. Eis batur raa, ketuk beran nara losa kilo nggeram haa hulu.\f + \fr 16:21 \ft Susura Malalaok dedeꞌa Yunani surak nae, “beran sama le\ft \+it o talenta\+it* esa”. \+it Talenta\+it* esa, beran kilo nggeram 34 losa 40.\f* Uda eis naa tao nala hatahori dae-bafok kara doidoso, huu naa de ara lalanggu Manetualain.\x + \xo 16:21 \xt Kalua numa Masir mai 9:23; Dae-bafo Beuk 11:19\x*   
\c 17  
\s1 Manetualain atan nakasasamak kota Babel sama leo ina petak  
\p
\v 1 Basa boe ma esa numa ata kahituk kara raa ruma nusa tetuk do inggu temak mai fo mana toꞌu bokor rouk kara raa, mai kokolak no au nae, “Mai ia dei! Au nau atudu o, talo bee fo Manetualain huku-doki ina petak manggarauk mateꞌen naa. Ina petak naa, ndia kota moꞌok fo ara rambaririik kana deka oe noꞌuk.\x + \xo 17:1 \xt Yermia 51:13\x*  
\v 2 Fai bakahulun mane-manek kara sudi ruma bee mai, ara hohongge-lelena ro kota naa hatahorin nara. Hatahori laen nara oo mai rinu mafuk, ma tungga-tungga ro kota naa hohongge-lelenan boe.”\x + \xo 17:2 \xt Yesaya 23:17; Yermia 51:7\x*   
\p
\v 3 Basa naa, Manetualain Dula-dalen maso nai au dale, de ata manuma nusa tetuk do inggu temak mai naa nuni no au uni mamana nees esa uu. Numa naa, au mete-ita inak esa nanggatuuk numa banda kakiki-kakaak mbila kara-karak esa lain. Banda naa langgan hitu, susuran salahunu. Nai basa ao-ina kateman neni surak dedeꞌa deꞌek fo mana nakadadaek Manetualain.\x + \xo 17:3 \xt Dae-bafo Beuk 13:1\x*  
\v 4 Inak naa pake bua-loꞌa bangganaꞌuk mbilas ma mbila maranggeok. Ana heti aon no lilo mbilas, batu manggadilak mabeli, ma poemata. Nai lima konan ana toꞌu manggo tee lilo mbilas esa, sofek no anggor. Anggor naa, fo ndia hohongge-lelenan, no basa hata manggarauk ma manggenggeok laen fo ana taok.\x + \xo 17:4 \xt Yermia 51:7\x*  
\v 5 Nai odamatan neni surak nadek esa, fo sosoa-ndandaan bei nemeninok. Dedeꞌa neni surak naa, liin talo ia:   
\qc Au ia, Babel!  
\qc Ndia, kota ta hohoꞌak mateꞌen!  
\qc Basa manggarauk lalaꞌen manai dae-bafok,  
\qc mori-dadi numa au mai.  
\qc Basa mana tao hohongge-lelenak manai dae-inak,  
\qc okan nai au.  
\p
\v 6 Boe ma au mete neu, te inak naa mafu nalan seli, nahuu ana ninu Manetualain hatahorin nara daan ena. Sosoa-ndandaan nae, ana nakanisa basa Manetualain hatahorin nara ena, nahuu ara ta hahae rafada hatahorir laꞌe-neu Yesus.  
\p Au mete-ita talo naa, boe ma au amanggonggoak ka, ma au heran alan seli.   
\p
\v 7 Tehuu ata naa natane au nae, “Tao hata de o mamanggonggoak ka talo naa? Mai fo au afada inak manggarauk naa sosoa-ndandaan. Leo naak oo no banda kakiki-kakaak fo kalangga hituk ma susurak salahunu fo ana saꞌek naa boe.  
\v 8 Fai bakahulun banda kakiki-kakaak naa leo-laꞌo numa dae-inak, tehuu hatematak ia ta sana ena. Ta dook ka bali te ana fali numa bolo doidoso ikon taak naa mai. Faik naa, hambu hatahorir fo leo-laꞌo numa dae-bafok, naden nara ta neni surak rai Bibi Lombo Ana Susuran dale, fo Manetualain surak memak kana neu faik fo Ana bei ta adu dae-bafok ia. Neu ko hatahorir raa ramanggonggoak kana mete-rita banda kakiki-kakaak naa, nahuu ana fali ena. Tehuu mete ma ana fali mai ena, na, neu ko Manetualain piru henin neni tasi aꞌi balerang fo mbilan ta kala matek neu.\x + \xo 17:8 \xt Daniel 7:7; Dae-bafo Beuk 11:7; Sosoda Kokoa-kikiok kara 69:29\x*   
\p
\v 9 Hatahori mana malelak tetebes bisa nalela dedeꞌak ia sosoa-ndandaan. Banda kakiki-kakaak kalangga hituk naa sosoa-ndandaan nae, letek hitu. Ina petak naa nanggatuuk nai letek kara raa poin. Ma langga kahituk kara raa oo sosoa-ndandaan nae, manek hitu boe.  
\v 10 Numa manek kahituk kara raa mai, lima mate sara ena. Esa nanggatuuk toꞌu parenda hatematak ia. Esa bali bei ta mai. Tehuu mete ma ana mai ena, na, ana toꞌu parenda kada ta doo anak ka.  
\v 11 Hatematak ia au afada laꞌe-neu banda kakiki-kakaak naa fo fai bakahulun leo-laꞌo, tehuu hatematak ia maten ena. Fai bakahulun ana oo maso nai mane kahituk kara raa dale boe, tehuu neu ana fali mai fo toꞌu parenda dadi neu manek kafalun. Neu ko ana oo nakalulutu boe.   
\p
\v 12 Susura kasalahunuk kara raa sosoa-ndandaan, ndia manek salahunu. Ara bei ta toꞌu parenda. Dei fo ara simbo koasa fo toꞌu parenda sama-sama ro banda kakiki-kakaak naa, tehuu kada ta doo anak ka.\f + \fr 17:12 \ft Susura Malalaok dedeꞌa Yunani nai ia bisa naena sosoa-ndandaak dua, ndia: 1) kada ta doo anak ka; do, 2) kada liꞌu esak ka.\f* \x + \xo 17:12 \xt Daniel 7:24\x*  
\v 13 Basa sara rala harak fo loo lima sira koasan neni banda kakiki-kakaak naa neu.  
\v 14 Manek kara raa neu ko reu ramusuk laban Bibi Lombo Ana naa. Tehuu Bibi Lombo Ana naa no hatahorin nara, neu ko rasenggi basa sara. Hatahorir fo mana tungga Bibi Lombo Ana naa, ndia hatahori fo Ana here nalak kara, ma noke nala sara fo tungga raherek Ndia. Neu ko ara senggi, nahuu Bibi Lombo Ana naa ta neni babanggak sudi selik kana. Kada Ndia mesa kana dadi Manek soa-neu basa manek kara, ma Malanggan soa-neu basa malanggan nara.   
\p
\v 15 Ma oe noꞌuk mana deka ina petak naa, ndia hatahorir ruma basa leor, basa hatahori nusak kara, basa dedeꞌak kara, ma basa nusak kara marai dae-inak mai.  
\v 16 Mane kasalahunuk kara raa ma banda kakiki-kakaak naa, neu ko ara mburuk ro inak fo ta mana mae nalelak naa. Neu ko ara leꞌa rala basa bua-loꞌan ma basa bua-baꞌun, de ara laꞌo elan hola-hola neu naa. Boe ma ara oo raꞌa ao-mbaan boe. Basa boe ma ara piru nenetun neni aꞌi dale neu.  
\v 17 Manetualain mesa kana ndia tao losa basa mane kasalahunuk kara raa rala harak, fo loo lima sira koasan neni banda kakiki-kakaak naa neu, losa ana nakalulutu inak naa. No dalak naa, Manetualain nanaen lalaꞌen, neu ko mori-dadi.   
\p
\v 18 Ina petak fo o mitak naa, ndia kota ta hohoꞌak fo ana parenda basa manek kara rai dae-inak.”   
\c 18  
\s1 Manetualain atan tui kota Babel ndendefan  
\p
\v 1 Basa naa, au mete-ita Manetualain atan laen esa konda numa nusa tetuk do inggu temak mai. Ana naena koasa ma saꞌak ta hohoꞌak, losa tao manggaledo basa dae-inak.  
\v 2 Ana pake hara moꞌok fo nafada nae,  
\q1 “Ndefa henin ena! Ndefa henin ena! Kota Babel ndefa henin ena!  
\q1 Rua henin ena! Rua henin ena! Kota ta hohoꞌak naa, rua henin ena!  
\q2 Ana dadi neu nitur mamana leleon ena.  
\q2 Ana dadi neu basa dula-dale manggarauk kara dae huun ena.  
\q2 Ana dadi neu basa mbui kaar mana raꞌa nenetuk mamana nekebuan ena.  
\q2 Ana dadi neu basa banda manggarauk kara lalaen ena.\x + \xo 18:2 \xt Yesaya 21:9; Yermia 51:8; Dae-bafo Beuk 14:8; Yesaya 13:21; Yermia 50:39\x*   
\q1
\v 3 Ndefa henin ena, nahuu basa hatahori nusa-nusak kara marai dae-inak,  
\q2 soa mai rinu mafuk numa ndia anggor mai.  
\q1 Rua henin ena, nahuu basa leor marai dae-bafok,  
\q2 soa mai sunda-pandai ro kota naa hatahorin.  
\q1 Mane-manek kara ruma basa nusak kara mai,  
\q2 mai hohongge-helena ruma naa.  
\q1 Hatahori mana danggan ruma basa kotar mai,  
\q2 mai raseseꞌo losa ara ramasuꞌi ena.  
\q3 Huu kota naa sama leo inak fo mana soa hasa basa hata fo neulaun lenak.  
\q3 Huu kota naa sama leo ina petak fo mana soa sangga basa hata fo malada-malada.”\x + \xo 18:3 \xt Yesaya 23:17; Yermia 51:7\x*   
\p
\v 4 Basa de au amanene harak laen esa bali nanggou numa lalai mai nae,  
\q1 “Wei! Basa Au hatahoring nggara ein!  
\q1 Kalua malai laꞌo ela naa leo!  
\q1 Laꞌo ela kota naa leo!  
\q2 Boso tao tungga kota naa hatahorin manggaraun,  
\q2 fo boso hambu mala sira huku-dokin boe.\x + \xo 18:4 \xt Yesaya 48:20; Yermia 50:8; 51:6; 45\x*   
\q1
\v 5 Huu manggaraun nara  
\q2 noꞌun seli ena.  
\q1 Ma salan nara  
\q2 ratuni-ratana suu losa lalai ena.  
\q1 Hatematak ia Manetualain ta lilii  
\q2 sira leleo-lalaꞌo manggaraun ena bali.  
\q1 Hatematak ia Manetualain nahani a ena  
\q2 fo nau huku-doki sara.\x + \xo 18:5 \xt Tutui Makasososak 18:20-21; Yermia 51:9\x*   
\q1
\v 6 De ei muste bala manggaraun nara,  
\q2 sama leo ana tao manggarauk neu hatahori laen ena.  
\q1 Tehuu ei muste bala sara,  
\q2 losa lipa laꞌe dua.  
\q1 Fai bakahulun ara kedi-ira hatahori,  
\q2 losa rinu numa sira manggo tee lilo mbilan mana sofek no anggor doidosok mai.  
\q1 Tehuu hatematak ia sira mesa kasa ndia muste rinu  
\q2 anggor doidosok naa, losa lipa laꞌe dua.\x + \xo 18:6 \xt Sosoda Kokoa-kikiok kara 137:8; Yermia 50:29\x*   
\q1
\v 7 Ara tao rala aon nara sama leo hatahori ta hohoꞌak.  
\q1 Ma ara rakadedemak aon nara ena.  
\q2 Ara nau kada soda-lada neulauk.  
\q2 Ara hii kada malada-malada a mesan.  
\q1 Huu naa de ara muste hambu susa-sona berak.  
\q1 De ara muste leo-laꞌo no doidosok  
\q1 Huu fai bakahulun ara kokolak koa ao sama leo ina petak nae,  
\q2 ‘Au ia, ina manek!  
\q2 Neu ko au ta dadi uu ina falu!  
\q2 Neu ko au ta buꞌi akarereu.  
\q2 Neu ko au ta pake bua-loꞌa nggeok.’   
\q1
\v 8 Ara kokolak talo naa losa Manetualain namanasa sara ena.  
\q1 Losa Manetualain nau hukun asa ena.  
\q2 Neu ko nai kada faik esa dalen,  
\q3 ara rameda ndoe ralan seli,  
\q3 ara buꞌi rakarereu,  
\q3 ma ara oo mate nduahadak boe.  
\q2 Losa hatahori piru heni sara reni aꞌi dale reu.  
\q2 Losa aꞌi naꞌa nabasa ao-mbaa mamaten nara.  
\q1 Huu Manetualain mana koasa mateꞌen, ndia fee huku-dokik ia.  
\q1 Ma Manetualain ta neni babanggak mateꞌen, ndia naketu-naladi dedeꞌak ia.\x + \xo 18:8 \xt Yesaya 47:7-9\x*   
\q1
\v 9 Fai bakahulun mane-manek kara mai  
\q2 hohongge-lelena ro kota naa hatahorin nara,  
\q2 ma soda-ladan nara neulauk nai naa.  
\q1 Neu ko ara mete-rita masuk hene numa aꞌi naa mai,  
\q1 neu ko ara bubuluk rae aꞌi naꞌa heni basa kota naa ena.  
\q1 Basa de ara buꞌi rakarereun.   
\q1
\v 10 Boe ma aon nara mumuru mete-rita hatahorir raa doidoson.  
\q2 Tehuu ara rambarani rambariik ruma kada dook ka mai.  
\q2 Ma ara rambarani mete ruma kada naa mai.  
\q1 Boe ma ara kokolak rae,  
\q2 ‘Awii! Kasian Babel, ee!  
\q2 Awii! Kasian kota ta hohoꞌak!  
\q2 Nai kada liꞌu esak ka dalen, o hambu hukun ena.  
\q2 Nai kada ta doo anak ka te lulutuk nala o ena.’\x + \xo 18:10 \xt Yeskiel 26:16-17\x*   
\q1
\v 11 Ramanene talo naa, boe ma hatahorir fo fai bakahulun ruma basa mamanak kara mai fo danggan numa naa,  
\q2 ara oo tungga buꞌi rakarereu boe.  
\q2 Huu ta hambu hatahori esa boe na,  
\q3 nau neu hasa sira bua neseseꞌon nara bali.\x + \xo 18:11 \xt Yeskiel 27:31; 36\x*   
\q2
\v 12 Ta hambu hatahori esa boe na, nau neu hasa  
\q3 sira bua heti aon numa lilo mbilas, lilo fulak,  
\q3 batu manggadilak, do, poemata mai bali.  
\q2 Ta hambu hatahori esa boe na, nau neu hasa  
\q3 sira tema lenan, tema sutra,  
\q3 do, tema bangganaꞌuk laen nara fo mbilas, do, mbila maranggeok.  
\q2 Ta hambu hatahori esa boe na, nau neu hasa  
\q3 sira buan numa ai kaboo menik, nggadi noli neni dokik,  
\q3 do, ai neni dokik laen nara mai.  
\q2 Ta hambu hatahori esa boe na, nau neu hasa  
\q3 sira buan numa riti, besi, do, batu marmar mai.   
\q2
\v 13 Ta hambu hatahori esa boe na, nau neu hasa  
\q3 sira ai makeen, do, ai rou makeek mata-matak.  
\q2 Ta hambu hatahori esa boe na, nau neu hasa  
\q3 sira ai daa kaboo menin, do, mina kaboo menik mata-matak.  
\q2 Ta hambu hatahori esa boe na, nau neu hasa  
\q3 sira oe anggor, mina setun,  
\q3 tarigu, do, hade-nggandum.  
\q2 Ta hambu hatahori esa boe na, nau neu hasa  
\q3 sira sapin, bibi lombon, do, ndaran.  
\q2 Ta hambu hatahori esa boe na, nau neu hasa  
\q3 sira karetan,  
\q3 do, sira ata-daton nara.\x + \xo 18:13 \xt Yeskiel 27:12; 13; 22\x*   
\q1
\v 14 Neu ko hatahori mana danggan nara raa fale dalen nara rae,  
\q2 ‘Awii, Babel, ee!  
\q2 Awii, kota ta hohoꞌak!  
\q3 O bua-baꞌu neulaum mara fo o hatahorim mara hii rala sara seli naa,  
\q3 ta sara ena.  
\q2 Basa-basan mopo sara ena, losa sira dadi reu hata taak kara ena,  
\q3 losa ranggananaro.’   
\q1
\v 15 Fai bakahulun hatahori danggan nara raa ramasuꞌi nahuu kota naa fo sama leo ina petak.  
\q2 Tehuu hatematak ia ara fale dalen nara ta ramaketu ena.  
\q3 Ara ramataꞌu ralan seli,  
\q3 mete-rita kota naa hatahorin doidoson.  
\q2 Sira aon nara mumuru ralan seli,  
\q3 mete-rita sira huku-dokin.  
\q2 Tehuu ara rambarani mete ruma kada dook ka mai.  
\q2 Ara rambarani rambariik ruma kada naa mai.   
\q1
\v 16 Boe ma ara kokolak rae,  
\q2 ‘Awii! Kasian Babel, ee!  
\q3 Awii! Kasian kota ta hohoꞌak!\x + \xo 18:16 \xt Yeskiel 27:31; 36\x*  
\q2 Fai bakahulun o hatahorim pake bua-loꞌa bangganaꞌuk mbilas, do, mbila maranggeok  
\q3 numa tema mabeli mateꞌen mai.  
\q2 Fai bakahulun o hatahorim heti aon nara ro lilo mbilas, poemata,  
\q3 ma batu manggadilak mabeli mateꞌen.   
\q2
\v 17 Tehuu nai kada liꞌu esak ka dalen,  
\q3 o bua-baꞌum mara ta sara ena.  
\q2 Nai kada ta doo anak ka,  
\q3 o suꞌim mara mopo basa sara ena!’  
\q1 Fai bakahulun oo ofak kapatein nara ma ofak isin nara  
\q2 saꞌe ofak reu-mai ruma kota naa mai.  
\q2 Tehuu hatematak ia ara rambarani see ruma kada dook ka mai.  
\q2 Ma hatematak ia ara rambarani mete ruma kada naa mai.\x + \xo 18:17 \xt Yesaya 23:14; Yeskiel 27:26-30\x*   
\q1
\v 18 Ara ranilu masuk mana kalua numa aꞌi dale mai.  
\q2 Boe ma ara bubuluk rae, aꞌi naꞌa nabasan ena.  
\q1 Boe ma ara fale dalen, de kokolak rae,  
\q2 ‘Awii kasian! Neu ko ta hambu kota laen  
\q3 fo ta hohoꞌak sama leo Babel bali.  
\q2 Awii kasian! Neu ko ta hambu kota laen,  
\q3 fo neulaun sama leo ndia bali.’\x + \xo 18:18 \xt Yeskiel 27:32\x*   
\q1
\v 19 Ara raꞌu afu fo sombun neu langgan nara,  
\q2 nahuu dalen nara sona.  
\q2 Ara buꞌi rakarereu,  
\q3 nahuu dalen nara rakalulutu.  
\q1 Boe ma ara kokolak rae,  
\q2 ‘Awii! Kasian Babel, ee!  
\q3 Awii! Kasian kota ta hohoꞌak!  
\q2 Ai saꞌe ofak miu-mai meni bua-baꞌu fee o ena,  
\q3 losa ai oo mamasuꞌi boe.  
\q2 Ai lemba-baꞌu meni o fufuam mara ena,  
\q3 losa ai oo tungga soda-lada neulaun boe.  
\q2 Tehuu nai kada liꞌu esak ka dalen,  
\q3 basa naar, mopo heni sara ena.  
\q2 Nai kada ta doo anak ka,  
\q3 basa naar, rakalulutu heni sara ena.’\x + \xo 18:19 \xt Yeskiel 27:30-34\x*   
\p
\v 20 Boe ma harak naa kokolak seluk bali nae,  
\q1 ‘Wee, ei mana leo-laꞌo nai nusa tetuk do inggu temak!  
\q2 Ei dalem mara ta parluu ranoso bali.  
\q1 Wee, Manetualain hatahorin nara!  
\q2 Ei dalem mara ta parluu rameda susa bali.  
\q1 Wee, Lamatuak nedenun nara ein!  
\q2 Naa fo ei dalem mara mbena sau-sau.  
\q1 Wee, Manetualain mana toꞌu dedeꞌan nara ein!  
\q2 Naa fo ei dalem mara ramahoko.  
\q1 Fai bakahulun Babel nakasususak ei.  
\q1 Fai bakahulun kota naa tuni-ndeni ei.  
\q2 Tehuu hatematak ia Manetualain bala ei doidosom ena.  
\q2 Hatematak ia Ana bala kota naa manggaraun ena.’ ”\x + \xo 18:20 \xt Tui Seluk laꞌe-neu Dala Masodak 32:43; Yermia 51:48\x*   
\p
\v 21 Basa boe ma au mete-ita ata esa numa nusa tetuk do inggu temak mai, barakain seli. Ana mai koꞌo nala batu esa, baꞌu sama leo hatahori esa. Boe ma ana mbesi batu naa neni tasi dale neu. Ana oo nafada boe nae,  
\q1 “Neu ko ara oo rakalulutu Babel talo naa boe.  
\q2 Neu ko ara oo tao ramopo kota ta hohoꞌak naa talo naa boe.\x + \xo 18:21 \xt Yermia 51:63-64; Yeskiel 26:21\x*   
\q1
\v 22 Ta hambu hatahori esa boe na,  
\q2 fo rakaminak bua kaliik nai kota naa.  
\q1 Ta hambu hatahori esa boe na,  
\q2 fo namanene sasandu, nggitar, sulik,  
\q3 ma toꞌik liin nai kota naa bali.  
\q1 Ta hambu tukan esa boe na,  
\q2 fo naue-osa tungga ndia ue-tataon bali.  
\q1 Ta hambu hatahori esa boe na,  
\q2 fo mbau hader nai kota naa bali.\x + \xo 18:22 \xt Yeskiel 26:13; Yesaya 24:8\x*   
\q1
\v 23 Ta hambu hatahori esa boe na,  
\q2 fo ana dede lambu nai kota naa bali.  
\q1 Ta hambu hatahori esa boe na,  
\q2 fo tao feta kabin nai naa bali.  
\q1 Fai bakahulun kota naa mana maseꞌo-hahasa bua-baꞌur,  
\q2 ramasuꞌi ralan seli ena.  
\q1 Fai bakahulun Babel hatahori mana danggan nara,  
\q2 soda-ladan nara neulauk ralan seli ena.  
\q1 Tehuu ara pake malela makiuk,  
\q2 fo kedi-ira hatahori rai dae-inak.  
\q1 Ara pake modo balu mata,  
\q2 fo pepeko-leleko hatahori nai dae-bafok.\x + \xo 18:23 \xt Yermia 7:34; 25:10\x*   
\q1
\v 24 Babel hambu hukun berak ia ena,  
\q2 nahuu ana soa nakanisa Manetualain mana toꞌu dedeꞌan nara.  
\q1 Kota ta hohoꞌak naa nakalulutu ena,  
\q2 nahuu ana soa tuni-ndeni Manetualain hatahorin nara losa mate.  
\q1 Hambu Manetualain hatahorin ketuk oo hambu nekenisak nai mamana laen nara boe.  
\q2 Tehuu Babel ndia muste lemba-nasaa basa salak kara raa.  
\q2 Kota ta hohoꞌak naa ndia muste lemba-nasaa neselu-netaan.”\x + \xo 18:24 \xt Yermia 51:49\x*   
\c 19  
\s1 Mana soda bubua moꞌok esa soda-helo numa nusa tetuk do inggu temak  
\p
\v 1 Manetualain atan naa kokolak basa talo naa, boe ma au amanene hara moꞌok nok bali mana soda bubua moꞌok esa soda-helo numa nusa tetuk do inggu temak dale. Ara soda-helo rae,  
\q1 “Haleluya! Haleluya!  
\q2 Ita koa-kio ita Manetualain,  
\q3 nahuu Ndia ta neni babanggak meteꞌen.  
\q1 Haleluya! Haleluya!  
\q2 Ita koa-kio ita Manetualain,  
\q3 nahuu Ndia mana koasa mateꞌen.  
\q1 Manetualain ndia tao nasoi-nasoda ita,  
\q2 numa ita sala-singgon nara mai.  
\q1 Manetualain ndia tao natetu-nandoo ita,  
\q2 numa ita peko-pakin mai.   
\q1
\v 2 Ita koa-kio Manetualain,  
\q2 nahuu Ana naketu-naladi dedeꞌak no matetuk.  
\q1 Ita koa-kio Manetualain,  
\q2 nahuu Ana ndia natuda huku-dokik fo ta mbeu seserik.  
\q1 Manetualain natuda huku-dokik neu ina petak naa ena,  
\q2 nahuu ana soa fufudi-hohodo hatahorir rai dae-bafok,  
\q3 fo tungga hohongge-lelena sama-sama roon,  
\q3 ma tungga ndia tatao-nonoꞌi manggaraun.  
\q1 Manetualain bala ina manggarauk naa ena,  
\q2 nahuu ana soa nakanisa  
\q3 Manetualain hatahori neondan nara.”\x + \xo 19:2 \xt Tui Seluk laꞌe-neu Dala Masodak 32:43; 2 Mane-manek kara 9:7\x*   
\p
\v 3 Basa naa, ara soda-helo sosodak laen bali nai nusa tetuk do inggu temak rae,  
\q1 “Haleluya! Koa-kio Manetualain!  
\q1 Haleluya! Makadedemak Ndia naden!  
\q2 Huu aꞌi masuk numa aꞌi fo mana naꞌa inak naa ao-mbaa mamaten naa,  
\q3 masun hene nakandoo ta nateꞌe-nateꞌe.  
\q1 Ma aꞌi masuk numa aꞌi fo mana naꞌa kota ta hohoꞌak naa,  
\q2 masun hene nakandoo ta basa-basa.”\x + \xo 19:3 \xt Yesaya 34:10\x*   
\p
\v 4 Basa boe ma mane leo kadua hulu haak kara raa ro horis ta hohoꞌak kahaak kara raa, sendek luu-langgan nara fo rakaluku-rakatele rasare Manetualain kadera man-parendan. Ara fee hada-horomatak neun rae,  
\q1 “Tebe! Mai fo ita koa-kio Manetualain!  
\q1 Haleluya! Mai fo ita takadedemak Ndia naden!”   
\s1 Bibi Lombo Ana feta kabin  
\p
\v 5 Boe ma au amanene harak esa bali numa kadera man-parenda naa mai nae,  
\q1 “Wee, Manetualain hatahori neondan nara ein!  
\q2 Wee, Manetualain anan nara ein!  
\q1 Mai fo ita takadedemak Manetualain naden.  
\q2 Mai fo basa moꞌo-kadiꞌik koa-kio neu Ndia.”\x + \xo 19:5 \xt Sosoda Kokoa-kikiok kara 115:13\x*   
\p
\v 6 Basa de au amanene nok bali hambu hatahori noꞌuk ka kola-kola. Haran nara lii moꞌon seli nok bali oe totolik, ma nahere sama leo lalai nasapaparak natuti-nanatok. Ara kokolak rae,  
\q1 “Haleluya! Ai koa-kio Manetualain.  
\q2 Haleluya! Ai makadedemak Ndia naden.  
\q1 Huu Ndia mana koasa mateꞌen.  
\q2 Ma Ana ndia parenda basa-basan.\x + \xo 19:6 \xt Yeskiel 1:24; Sosoda Kokoa-kikiok kara 93:1; 97:1; 99:1\x*   
\q1
\v 7 Hatematak ia ita dalen nara ramahoko ena.  
\q2 Hatematak ia ita dalen nara mbena sau-sau ena.  
\q1 Ita koa-kio neu Ndia,  
\q2 nahuu Bibi Lombo Ana fai kabin losa ena.  
\q1 Ita takadedemak Ndia naden,  
\q2 nahuu baroit inak fo nae dadi neu Bibi Lombo Ana saon naole nala ena.   
\q1
\v 8 Manetualain feen bua-loꞌa baroit numa tema bangganaꞌuk mai ena.  
\q2 Manetualain feen bua-loꞌa muti manggadilak ena.”  
\p (Bua-loꞌa muti manggadilak naa, ndia Manetualain hatahorin nara tatao-nonoꞌi neulaun nara.)   
\p
\v 9 Boe ma ata numa nusa tetuk do inggu temak mai naa nafada au nae, “Yohanis! O muste surak talo ia:  
\q1 ‘Basa hatahorir lalaꞌen fo mana hambu nonokek reni Bibi Lombo Ana feta kabin reu naa, neu ko raua ralan seli!’ ”  
\p Basa de ata naa tuti kokolan bali nae, “Manetualain Dedeꞌa-kokolan ia, memak tebe!”\x + \xo 19:9 \xt Mateos 22:2-3\x*   
\p
\v 10 De au sendek luu-langgang fo akaluku-akatele neu Manetualain atan naa. Tehuu ana kaꞌi au nae, “O boso makaluku-makatele au talo naa! Huu au oo Manetualain hatahori neondan, sama leo o, ma o toranoom mara fo mana tui-bengga laꞌe-neu Yesus boe. Mana toꞌu dedeꞌak fo nafada Manetualain hara hehelun nara, basa sara oo ratudu neu Yesus boe, mita fo hatahorir rakaluku-rakatele neun. Huu Manetualain Dula-dalen hihii-nanaun talo naa. Dadi boso makaluku-makatele au, tehuu makaluku-makatele neu kada Manetualain!”   
\s1 Lamatuak Yesus mai saꞌe ndara mutik  
\p
\v 11 Boe ma au botik matang, de mete-ita nusa tetuk do inggu temak natahuka. Medak neu ma, au mete-ita ndara mutik esa kalua mai. Hatahori fo mana nanggatuuk nai ndara naa lain, naden, “Hatahori mana Toꞌu Hehelu-bartaak” ma “Hatahori Ndoos”. Neu Ana naketu-naladi dedeꞌak, Ana naketu no matetuk. Neu Ana neni musu dale neu, Ana neu no dale ndoos.\x + \xo 19:11 \xt Yeskiel 1:1; Sosoda Kokoa-kikiok kara 96:13; Yesaya 11:4\x*  
\v 12 Ndia mata deꞌen mbila sama leo aꞌi. Ana pake solangga manek noꞌuk ka nai Ndia langgan. Naden neni surak nai Ndia ao-inan, tehuu kada Ndia mesa kana ndia bubuluk nadek naa sosoa-ndandaan.\x + \xo 19:12 \xt Daniel 10:6\x*  
\v 13 Bua-loꞌan neni borok neu daak ena. Hatahori roken rae, “Manetualain Dedeꞌa-kokolan”.  
\v 14 Au oo mete-ita soldadur ruma nusa tetuk do inggu temak mai boe. Ara saꞌe ndara mutik kara tungga Ndia. Basa sara oo pake bua-loꞌa bangganaꞌuk fo muti ndoos.  
\v 15 Hambu tafa tandek esa kalua numa Ndia bafan mai. Ana pake tafa naa, fo neni musu dale neu laban basa hatahori nusa-nusak kara marai dae-inak. De Ana nasenggi sara. Boe ma Ana dadi neu sira Manen. Ana parenda sara no lima besik, losa ara oo rameda rala Manetualain mana koasa mateꞌen nasa-odadedein boe. Naa, sama leo hatahori heheta-tatabu rakalulutu anggor boan fo rumu-keꞌe heni oen.\x + \xo 19:15 \xt Sosoda Kokoa-kikiok kara 2:9; Yesaya 63:3; Yoel 3:13; Dae-bafo Beuk 14:20\x*   
\p
\v 16 Nai Hatahori naa bua-loꞌan, ma manai mbuun, neni surak talo ia:   
\qc Manek neu basa manek kara  
\qc Malanggan neu basa malanggan nara.  
\s2 Lamatuak Yesus nasenggi banda kakiki-kakaak no ndia soldadun nara  
\p
\v 17 Basa naa, au mete-ita ata esa numa nusa tetuk do inggu temak mai, nambariik numa ledo lain. Boe ma ana nanggou neu basa mbui kaar mana raꞌa nenetuk fo lambu seku rai lalai nae, “Mai fo ei basa ngga makabubua nai ia leo, fo tungga mai miꞌa Manetualain feta moꞌon!  
\v 18 Ei bole miꞌa basa hatahori mates sara nenetun: ndia mane-manek kara, malangga musur ma soldadur. Ei bole miꞌa ndarar ma soldadur mana saꞌe ndarar raa nenetun. Ei bole miꞌa ata-dator do hatahori nekemboꞌik do hatahori kadiꞌi anak do hatahori moꞌo-inahuuk nenetun. Kekeꞌun, ei bole miꞌa basa-basan nenetun.”\x + \xo 19:18 \xt Yeskiel 39:17-20\x*   
\p
\v 19 Basa boe ma au mete-ita banda kakiki-kakaak naa fo fai bakahulun kalua numa tasi dale mai. Ana neu nala harak no basa manek kara marai dae-inak ro sira soldadun nara. Boe ma ara reu ratati laban Hatahori fo mana nanggatuuk nai ndara mutik naa lain, sama-sama no Ndia soldadun nara maruma nusa tetuk do inggu temak mai.  
\v 20 Tehuu Hatahori fo mana nanggatuuk nai ndara mutik naa lain, humu nala banda kakiki-kakaak naa, no ndia mana toꞌu dedeꞌan, fo mana pepeko-lelekok. Mana toꞌu dedeꞌak naa, ndia fai bakahulun tao tanda heran mata-matak, fo pepeko-leleko hatahorir fo mana simbo rala banda kakiki-kakaak naa dededen ena, ma songgo-tanggu ndia patong ena. Tehuu hatematak ia, Hatahori fo mana nanggatuuk nai ndara mutik naa lain, neu piru heni banda kakiki-kakaak naa no ndia mana toꞌu dedeꞌan reni tasi aꞌi balerang mana mbila ta kala matek neu.\x + \xo 19:20 \xt Dae-bafo Beuk 13:1-18\x*  
\v 21 Basa de Hatahori fo mana nanggatuuk nai ndara mutik naa lain, neu nakanisa soldadu laen nara raa, pake Ndia tafan mana kalua numa bafan mai. Basa boe ma mbui kaar mana raꞌa nenetuk kara mai raꞌa heni basa ao-mbaa mamates sara raa.   
\c 20  
\s1 Ara futu-paꞌa mengge buta pake rante losa teuk rifun esa  
\p
\v 1 Basa boe ma au mete-ita ata esa numa nusa tetuk do inggu temak mai konda numa lalai mai. Ana toꞌu rante moꞌok esa, ma toꞌu nggoek lelesu bolo doidoso ikon taak naa.  
\v 2 De ana neu humu mengge buta naa, ndia nitur malanggan, fo ara seseik kana rae, “Nitu-mula”. Ana ndia kedi-ira hatahori dae-bafok numa lele uluk mai. Boe ma ata naa futu-paꞌa mengge buta naa pake rante, fo okan neu bolok naa dale, doon losa teuk rifun esa.\x + \xo 20:2 \xt Tutui Makasososak 3:1\x*  
\v 3 Boe ma ata naa timba mengge buta naa neni bolo doidosok naa dale neu. De ana kena ketu bolok lelesun, ma segel nisan, mita fo oka mengge buta neu naa, losa teuk rifun esa. No dalak naa, mengge buta naa ta bisa pepeko-leleko hatahori nusa-nusak kara marai dae-inak, losa teuk rifun esa. Basa naa, dei fo nakamboꞌik kana, tehuu kada ta doo anak ka.   
\p
\v 4 Boe ma au mete-ita kadera man-parenda noꞌun seli, ma hambu hatahorir ranggatuuk rai lain. Manetualain soꞌuk kasa ena fo ara raketu-raladi dedeꞌak. Sira raa, hatahori fo fai bakahulun reu tui-bengga laꞌe-neu Yesus Hara Lii Malolen, ma Manetualain Dedeꞌa-kokolan, losa hatahorir rakanisa sara. Sira raa, ndia ta songgo-tanggu banda kakiki-kakaak naa, ma ndia patong. Ara oo ndia ta nau simbok banda kakiki-kakaak naa dededen fo taon neu sira odamatan do liman nara boe. Ara hambu nekenisak, tehuu Manetualain tao nasoda falik kasa ruma mamates mai ena, mita fo ara toꞌu parenda sama-sama ro Karistus losa teuk rifun esa.\x + \xo 20:4 \xt Daniel 7:9, 22\x*  
\v 5-6 No dalak naa, ara dadi reu hatahori makasososak fo Manetualain tao nasoda falik kasa ruma mamates mai. De sira iar raua ralan seli, huu ara dadi reu Manetualain hatahorin nara ena. Ara ta neni piruk kara reni mamana doidosok naa reu, de ta rameda rita mamates laꞌe kaduan. Huu sira ndia dadi sama leo malangga anggama fo raono-lalau Manetualain ma Karistus. Ma ara oo toꞌu parenda sama-sama ro Karistus losa teuk rifun esa boe.  
\p Tehuu hatahori mana matek laen nara, muste rahani losa teuk rifun esa, dei fo Manetualain tao nasoda falik kasa ruma mamates mai.   
\s1 Ara piru nitur malanggan neni tasi aꞌi dale neu  
\p
\v 7 Neu teuk rifun kaesan naa basan ena, neu ko Manetualain nadenu rakamboꞌik mengge buta naa numa bolo doidosok naa mai.  
\v 8 Boe ma ana neu pepeko-leleko hatahori nusa-nusak kara fo ara seseik rae, Gog ma Magog, fo mana ruma bee a mai nai dae-bafok. Neu ko ana nakabubua sira hatahorin nara fo reu ratati. Sira dedesin nara, sama leo sarakaek nai tasi tataik.\x + \xo 20:8 \xt Yeskiel 7:2; 38:2; 9; 15\x*  
\v 9 Basa boe ma Gog ma Magog soldadun nara nonggo nuni-nuni laꞌo matak losa dook ka, losa dae-inak buꞌun nara. Boe ma ara eko-feo ndule Lamatuak kotan fo Ana suen, ma Ndia hatahorin nara. Tehuu Lamatuak nakonda aꞌi numa lalai mai fo naꞌa heni basa soldadur raa.  
\v 10 Boe ma Manetualain hatahorin nara humu rala nitur malanggan, fo mana kedi-ira hatahori noꞌuk ka ena naa, ndia Nitu-mula. De ara pirun neni tasi aꞌi balerang fo mbilan ta kala matek dale neu. Neu ko ana neni okak nai naa sama-sama no banda kakiki-kakaak naa, ma ndia mana toꞌu dedeꞌan fo mana pepeko-lelekok. Nai naa, ara hambu tuni-ndenik ma doidosok taa-taa hatu-leledon, losa doon naa neu.   
\s1 Manetualain naketu-naladi basa hatahorir dedeꞌan  
\p
\v 11 Basa boe ma au mete-ita kadera man-parenda muti moꞌok esa. Ma Manetualain nanggatuuk nai kadera man-parenda naa lain. Medak neu ma, dae-inak no lalai kosu reu, losa mopo sara ma ta mete-ita sara bali.   
\p
\v 12 Basa naa, au mete-ita hatahori mana matek kara ena. Sira basa sara moꞌo-kadiꞌik rambariik rasare reni kadera man-parenda naa reu. Boe ma atar maruma nusa tetuk do inggu temak mai, mai buka bukur fo mana surak basa hatahori dae-bafok tatao-nonoꞌin nara lalaꞌen. Basa de ara buka susurak laen esa bali, ndia susurak fo neni surak hatahori naden nara fo mateꞌen te ara rasoda ro Manetualain losa doon naa neu. Boe ma Ana naketu-naladi hatahori mates sara raa dedeꞌan, tungga hata fo sira esa-esak taok ena, sama leo neni surak nai susurak kara raa dale.\x + \xo 20:12 \xt Daniel 7:9-10\x*  
\v 13 Boe ma basa hatahori mates sara mai fo rambariik rasare reni kadera man-parenda naa reu. Sira raa, basa hatahorir mana mate nitak, nai mada lai, do, nai tasi dale. De Manetualain naketu-naladi dedeꞌan nara esa-esak, tungga sira tatao-nonoꞌin.  
\v 14 Basa boe ma Manetualain piru heni Mamates neni tasi aꞌi mbila ta kala matek naa dale neu. Ana oo piru heni Mamana Hatahori Mates neni tasi aꞌi naa dale neu boe. Huu tasi aꞌi naa, ndia mamana mamates laꞌe kaduan.  
\v 15 Hatahori bee fo naden nara ta neni surak nai susurak naa dale oo, neni piruk neni tasi aꞌi naa dale neu boe. Huu susurak naa, ndia surak hatahori naden fo nasoda nakandoo no Manetualain.   
\c 21  
\s1 Yohanis mete-nita lalai no dae-ina beuk  
\p
\v 1 Basa boe ma au mete-ita lalai beuk ma dae-ina beuk, te lalai raak ma dae-ina raak, mopo sara ena. Tasi oo ta sana ena boe.\x + \xo 21:1 \xt Yesaya 65:17; 66:22; 2 Petrus 3:13\x*  
\v 2 Boe ma au mete-ita Manetualain kota malalaon, ndia Yerusalem Beuk, konda numa nusa tetuk do inggu temak mai. Kota naa naole nala ena, nok bali baroit inak, nau neu soru ndia saon.\x + \xo 21:2 \xt Yesaya 52:1; Dae-bafo Beuk 3:12; Yesaya 61:10\x*  
\v 3 Basa de au amanene hara moꞌok esa numa kadera man-parenda naa mai nae,  
\q1 “Mete matalolole!  
\q1 Mulai numa hatematak ia mai, Manetualain Uman nai hatahori dae-bafok talada heon.  
\q1 Mulai numa faik ia mai, Manetualain leo-laꞌo sama-sama no Ndia hatahorin nara.  
\q2 Ana dadi neu sira Manetualain ena.  
\q2 Ma ara dadi reu Ndia anan nara ena.  
\q1 Neu ko Ana no sara taa-taa.  
\q2 Ma Ana sama-sama no sara losa doon naa neu.\x + \xo 21:3 \xt Yeskiel 37:27; Malangga Anggamar Hohoro-lalanen 26:11; 12\x*   
\q1
\v 4 Neu ko Ana hari namada basa luu-oen nara,  
\q2 fo ara ta buꞌi rakarereu bali.  
\q3 Huu nai naa ta hambu kamahedik bali.  
\q3 Ma nai naa ta hambu mana matek bali.  
\q1 Basa mana tao susa-sonak numa lele uluk mai, ta hambu sara ena bali.  
\q1 Basa mana tao doidosok numa lele uluk mai, mopo sara ena.”\x + \xo 21:4 \xt Yesaya 25:8; 35:10; 65:19\x*   
\p
\v 5 Boe ma Ndia fo mana nanggatuuk nai kadera man-parenda naa kokolak nae, “Mete matalolole, te Au tao ala basan dadi beuk ena.” Basa de Ana kokolak seluk no au bali nae, “Surak leo! Basa hatahorir bisa ramahere Au Dedeꞌa-kokolang ia, huu basa iar, memak tebe ena!”   
\p
\v 6 Boe ma Ana nafada au bali nae,  
\q1 “Basa-basan fo Au helu-bartaak numa lele uluk mai naa, dadi ena.  
\q1 Huu Au ia,  
\q2 numa Alfa mai losa Omega.  
\q1 Ma Au ia,  
\q2 numa A mai losa Z.  
\q1 Basa-basan numa Au mai,  
\q2 mulai numa makasososan mai losa babasan.  
\q1 Basa hatahorir fo mana dale madak kara,  
\q2 neu ko Au fee sara rinu no mudak  
\q3 numa oe matak mana neni masodak naa mai, mita fo hatahori nasoda no ndoos.\x + \xo 21:6 \xt Yesaya 55:1\x*   
\q1
\v 7 Basa hatahorir fo mana rakatataka tungga Manetualain eno-dala ndoon,  
\q2 neu ko ara simbo rala basa babaꞌe-babatik kara iar.  
\q1 Huu neu ko Au dadi uu sira Manetualain,  
\q1 ma sira dadi reu Au anang nggara.\x + \xo 21:7 \xt 2 Semuel 7:14; Sosoda Kokoa-kikiok kara 89:26-27\x*   
\q1
\v 8 Tehuu hambu hatahori ketuk oo, neu ko neni piru henik,  
\q2 reni tasi aꞌi balerang fo mana mbila ta kala matek naa dale reu boe.  
\q3 Ndia leo hatahori kamataꞌuk,  
\q3 hatahori mana masadea Yesus,  
\q3 hatahori manggenggeok,  
\q3 hatahori fo mana laꞌok sala no hatahori ta sira soa toun do sira sao inan,  
\q3 mana makanisa hatahori  
\q3 mana songgo-tangguk,  
\q3 mana teka-dokik,  
\q3 ma mana pepeko-lelekok.  
\q1 Neu ko basa sara neni piru henik kara reni tasi aꞌi dale reu,  
\q2 fo hatahorir rae, ‘mamana mamates kaduan.’ ”   
\s1 Yohanis mete-nita kota Yerusalem beuk  
\p
\v 9 Basa boe ma au mete-ita esa numa ata kahituk kara raa maruma nusa tetuk do inggu temak mai, fo fai bakahulun ana toꞌu bokor neni isik no Manetualain nasa-odadedein. Ana mai natonggo no au, de kokolak nae, “Mai ia dei! Au ae atudu o baroit inak, fo mana nae sao nala Bibi Lombo Ana.”   
\p
\v 10 Boe ma Manetualain Dula-dalen maso nai au dale, de ata esa numa nusa tetuk do inggu temak mai, nuni neni au uni lete mandema esa uu. Numa naa, ana natudu au kota Yerusalem, ndia Manetualain kota malalaon. Kota naa konda numa nusa tetuk do inggu temak mai.\x + \xo 21:10 \xt Yeskiel 40:2\x*  
\v 11 Kota naa, lolen seli! Hambu saꞌa manggahadok kalua neu-mai numa Manetualain manula-manapun mai, sama leo batu intan manggahadok. Losa basa kota naa dadi manggaledok.  
\v 12 Hambu tembo moꞌo demak eko-feo kota naa, no lelesu moꞌok salahunu dua. Hambu ata salahunu dua ruma nusa tetuk do inggu temak mai oo, ranea lelesur raa boe. Nai lelesu kasalahunu duak kara raa neni surak leo Israꞌel kasalahunu duan nara naden.\f + \fr 21:12 \ft Tungga hatahori mana malela laꞌe-neu Susura Malalaok, nomer salahunu dua naa, nomer mana matudu nomer mandaik laꞌe-neu hatahori dae-bafok.\f*  
\v 13 Lelesu moꞌok telu rasare dulu. Telu rasare muri. Telu rasare kii. Ma telu bali rasare kona.\x + \xo 21:13 \xt Yeskiel 48:30-35\x*  
\v 14 Tembok naa nambariik nai batu netehuu moꞌok salahunu dua. Nai batu esa-esak neni surak Bibi Lombo Ana nedenu kasalahunu duan nara naden. Sira ndia raono-lalau neu Ndia nai dae-bafok.   
\p
\v 15 Boe ma ata fo mana kokolak no au naa, ana toꞌu nala ai uꞌukuk esa numa lilo mbilas mai, fo nau uku kota naa no lelesu moꞌon ma tembon.\x + \xo 21:15 \xt Yeskiel 40:3\x*  
\v 16 Ana uku nakahuluk kota naa tembon boboan haa sara. Narun, loan, ma deman, basa sara sama, ndia kilo meter 2.220.\f + \fr 21:16 \ft Susura Malalaok dedeꞌa Yunani surak nae, \ft \+it stadia\+it* 12.000.\f*  
\v 17 Basa de ana uku tembok naa katen, hambu meter 65, tungga hatahori dae-bafok uꞌukun.\f + \fr 21:17 \ft Susura Malalaok Dedeꞌa Yunani surak nai ia nae, \ft \+it “peihon 144”. Peihon\+it* esa naa, sama leo hasta esa. Dadi 12 x 12, ndia 144. De mete ma 12 sosoa-ndandaan nae, matetu-mandaik, na, 144 sosoa-ndandaan nae, matetu-mandaik mateꞌen.\f*  
\v 18 Tembok naa, neni taok numa batu manggadilak mabelir mai, naden \it yaspis\it*. Ma basa hata nai kota naa dale, neni taok numa lilo isik mai, fo saꞌan naꞌanda sama leo titiro.   
\p
\v 19 Batu netehuuk kasalahunu duak kara raa, neni hetik no batu manggadilak mabelir mata-matak. Batu kaesan pake batu \it yaspis\it*, saꞌan momodok. Nomer kaduan, pake batu \it nilam\it*, saꞌan modo-afuk. Nomer katelun, pake batu \it mirah\it*, saꞌan mbilas. Nomer kahaan, pake batu \it samrud\it*, saꞌan momodok.  
\v 20 Nomer kaliman, pake batu \it unam\it*, neni tadak no soklat mutik. Nomer kaneen, pake batu \it sardius\it*, saꞌan mbilas. Nomer kahitun, pake batu \it ratna cempaka\it*, saꞌan uni lilok. Nomer kafalun, pake batu \it beril\it*, saꞌan momodo afu-afuk. Nomer kasion, pake batu \it krisolit\it*, saꞌan sangga unik ka. Nomer kasalahunun, pake batu \it krisopras\it*, saꞌan sangga momodok. Nomer kasalahunu esan, pake batu \it lasuardi\it*, saꞌan momodo tasi oek. Nomer kasalahunu duan, pake batu \it kecubung\it*, saꞌan mbila maranggeok.  
\v 21 Ma lelesu moꞌo kasalahunu duak kara raa, tao sara ruma poemata deꞌek salahunu dua mai. Lelesu esa taon numa poemata deꞌek esa mai. Ma kota naa okofoon, taon numa lilo mbilas isik manggadilak mai, sama leo titiro.\x + \xo 21:21 \xt Yesaya 54:11-12\x*   
\p
\v 22 Ma au leleuk, tehuu ta hambu Uma Huhule-haradoik nai kota naa. Huu Manetualain mana koasa mateꞌen ma Bibi Lombo Ana naa rai naa taa-taa. Huu naa de hatahorir reu rakaluku-rakatele memak neu Sara.  
\v 23 Kota naa oo ta parluu ledo no bulan fo tao manggaledon boe, nahuu Manetualain mandela-masaꞌan ndia tao manggaledok nai naa. Ma Bibi Lombo Ana naa, dadi sama leo lambu mana mbilak ena.\x + \xo 21:23 \xt Yesaya 60:19-20\x*  
\v 24 Hatahorir ruma basa hatahori nusa-nusak kara marai dae-bafok, neu ko mai laꞌo-laꞌo nai manggaledok naa dale. Mane-manek kara marai dae-inak oo reni hata-heto ta hohoꞌan nara reni naa reu boe.\x + \xo 21:24 \xt Yesaya 60:3\x*  
\v 25 Nai naa, ta hambu leꞌodaek ena. Huu naa de ara ta parluu kena lelesu mana maso kota neu.  
\v 26 Neu ko ara oo maso kota naa dale, reni basa hata fo neulauk ma basa hada-horomatak numa basa nusak kara marai dae-inak mai reu boe.\x + \xo 21:26 \xt Yesaya 60:11\x*  
\v 27 Tehuu mana ta bole maso neni naa neu, ndia basa hata fo manggarauk, nok bali: basa mana songgo-tanggur, mana hohongge-lelena, ma mana pepeko-lelekok kara. Mana bole masok kara, ndia kada hatahorir fo naden nara neni surak kara rai Bibi Lombo Ana susuran fo neni surak nadek numa hatahori mana nasoda taa-taa no Manetualain.\x + \xo 21:27 \xt Yesaya 52:1; Yeskiel 44:9\x*   
\c 22  
\s2 Lee fo oen mana neni masodak ma ai huuk mana neni masodak  
\p
\v 1 Basa boe ma ata numa nusa tetuk do inggu temak mai naa natudu au lee esa, oen neni masodak. Oe naa, neu ndoos sama leo titiro. Oe naa bubu numa Manetualain ma Bibi Lombo Ana kadera man-parendan mai.\x + \xo 22:1 \xt Yeskiel 47:1; Sakaria 14:8\x*  
\v 2 Boe ma ana faa neni okofoo moꞌok taladan manai kota naa neu. Nai lee naa tatain beke serik, hambu ai huuk esa neni masodak. Ai huuk naa, teuk esa naboa laꞌe salahunu dua; bulak esa, laꞌe esa. Doon bisa dadi neu modo-aidoo, fo tao nahai hatahori nusa-nusak kara marai dae-inak.\x + \xo 22:2 \xt Tutui Makasososak 2:9\x*  
\v 3 Tehuu basa hata fo Manetualain timba nitan ma nakatoos sara, ta hambu sara rai kota naa. Manai naar, ndia Manetualain ma Bibi Lombo Ana fo mana ranggatuuk toꞌu parenda rai Sira kadera man-parendan, ro Sira hatahori neondan fo mana nakaluku-nakatele neu Sara.\x + \xo 22:3 \xt Sakaria 14:11\x*   
\p
\v 4 Basa sara bisa mete-rita Manetualain matan. Ma Manetualain naden neni surak nai sira odamatan nara.  
\v 5 Nai naa, ta hambu leꞌodaek. De Manetualain hatahorin nara ta parluu ledo do lambu, nahuu Manetualain ndia tao manggaledo kota naa. Neu ko ara oo toꞌu parenda sama-sama nai naa boe, losa doon naa neu.\x + \xo 22:5 \xt Yesaya 60:19; Daniel 7:18\x*   
\s1 Lamatuak Yesus nateꞌe Ndia hara hehelun  
\p
\v 6 Basa de Manetualain atan naa nafada au nae, “Basa hata fo au afada o ia ena, memak tebe. Basa hatahorir bisa ramahere au kokolang ia. Fai bakahulun Manetualain pake Ndia Dula-dalen fo nafada Ndia Dedeꞌa-kokolan neu Ndia mana toꞌu dedeꞌan nara. Tehuu hatematak ia Ana pake Ndia atan numa nusa tetuk do inggu temak mai, fo nafada anan nara laꞌe-neu basa dedeꞌak kara iar fo ta dook ka te muste mori-dadi.”   
\p
\v 7 Basa naa, Yesus kokolak nae, “Masanedak, ee! Ta dook ka te Au mai ena. Nai susurak ia, basan neni surak ena laꞌe-neu hata fo neu ko mori-dadi. Basa hatahorir fo mana tungga susurak ia isi-liin nara, neu ko ara ndia raua ralan seli.”   
\p
\v 8 Mana surak susurak ia, ndia au Yohanis. Au ia, ndia amanene ma ita basa dedeꞌak kara iar. Au amanene basa, boe ma au sendek luu-langgang fo akaluku-akatele neu ata manuma nusa tetuk do inggu temak mai naa ein. Huu Ana ndia natudu basa dedeꞌak kara iar neu au.  
\v 9 Tehuu ana kaꞌi au nae, “Wee! Boso tao talo naa! O muste makaluku-makatele neu kada Manetualain. Boso makaluku-makatele neu au. Huu au oo Manetualain hatahori neondan sama leo o, ma o toranoom mara, fo mana dadi reu Ndia mana toꞌu dedeꞌan, ma basa hatahorir laen nara, fo mana tao tungga hata fo neni surak nai susurak ia dale boe.   
\p
\v 10 O boso mafuni susurak ia isi-liin neu hatahori laen nara. Ta dook ka te basa hata fo neni surak nai susurak ia dale, neu ko mori-dadi.   
\q1
\v 11 Basa hatahorir fo mana tao manggenggeok, na,  
\q2 ela sara ruma naa fo ara tao kada manggenggeok rakandoo.  
\q1 Tehuu basa mana leo-laꞌo no lolo-laok,  
\q2 ara muste leo-laꞌo no lolo-laok rakandoo.  
\q1 Basa hatahorir fo mana tao manggarauk,  
\q2 ela sara ruma naa fo ara tao kada manggarauk rakandoo.  
\q1 Tehuu basa mana tao neulauk,  
\q2 ara muste tao neulauk rakandoo.”\x + \xo 22:11 \xt Daniel 12:10\x*   
\p
\v 12 Basa boe ma Yesus kokolak seluk bali nae, “Masaneda matalolole! Ta dook ka te Au mai ena. Neu ko Au bala neu basa hatahorir, tungga hata fo ara taok ena.\x + \xo 22:12 \xt Yesaya 40:10; 62:11; Sosoda Kokoa-kikiok kara 28:4; Yermia 17:10\x*   
\q1
\v 13 Au ia,  
\q2 Numa Alfa mai losa Omega.  
\q1 Au ia,  
\q2 Numa A mai losa Z.  
\q1 Basa-basan mori-dadi numa Au mai,  
\q2 mulai numa makasososan mai losa babasan.\x + \xo 22:13 \xt Dae-bafo Beuk 1:8; Yesaya 44:6; 48:12; Dae-bafo Beuk 1:17; 2:8\x*   
\q1
\v 14 Hatahorir fo mana safe ralao bua-loꞌan nara ena, ara ndia raua.  
\q2 Huu neu ko ara hambu haak fo maso tungga lelesu ina reni kota naa dale reu.  
\q1 Hatahorir fo mana leo-laꞌo ro lolo-laok ena, ara ndia raua.  
\q2 Huu neu ko ara hambu luas, fo raꞌa ai boak mana tao hatahorir rasoda rakandoo.\x + \xo 22:14 \xt Tutui Makasososak 2:9; 3:22\x*   
\q1
\v 15 Tehuu hatahori laen, ta bole maso naa neu.  
\q1 See fo ta mana dadi neu Manetualain hatahorin, ta bole leo nai naa.  
\q2 Ndia, hatahori ta mana mamahere neu Manetulain,\f + \fr 22:15 \ft Susura Malalaok dedeꞌa Yunani surak nae, “busa”. Hatahori Yahudi soa pake dedeꞌa deꞌek “busa” fo dadi dedeꞌa lololek fo mana natudu hatahori ta Yahudi, ndia hatahori laen nara “fo ta mana namahere neu Lamatuak”. Nai lalanek ia, Yohanis kokolak laꞌe-neu bua-aok mata-matak fo ta mana dadi maso neni nusa tetuk do inggu temak neu. Kaesan ndia, “hatahori fo ta mana namahere neu Lamatuak”. Ia ta dedeꞌak laꞌe-neu busa maso neni nusa tetuk do inggu temak neu, do taa.\f*  
\q2 hatahori mana hohongge-lelenak, mana songgo-tangguk,  
\q2 mana makanisak, mana teka-dokik,  
\q2 ma mana pepeko-lelekok.  
\q1 Basa naar, ta bole maso.  
\q1 Basa naar, ela sara reu kada dea.   
\p
\v 16 Au ia, Yesus. Au ndia adenu Au atang numa nusa tetuk do inggu temak mai, fo atudu basa dedeꞌak kara iar, fo neu ko ei miu mafada Au hara hehelung neu saranik bubua kahituk kara raa.  
\q1 Au ia, mane Dauk tititi-nonosin.  
\q1 Au ia, Manek mana toꞌu parenda.  
\q1 Au saꞌang manggaledo ndoos,  
\q2 sama leo nduu mansai.  
\q1 Au saꞌang tanden seli,  
\q2 sama leo nduu dulu siluk.”\x + \xo 22:16 \xt Yesaya 11:1; 10\x*   
\p
\v 17 Manetualain Dula-dalen noke nae, “Ia mai leo!”  
\p Baroit inak naa oo nanggou boe nae, “Mai leo!”  
\p Naa fo basa mana mamanenek kara oo, tungga ranggou boe rae, “Mai leo!”  
\q1 Naa fo basa mana dale madak kara, mai fo rinu leo!  
\q1 Naa fo basa mana nau ninu oe fo mana neni masodak naa,  
\q2 na, mai haꞌi leo!  
\q1 Hatahori bole haꞌi oe naa,  
\q2 no mudak.  
\q1 Hatahori bole ninu oe naa,  
\q2 no ta pake babaek.\x + \xo 22:17 \xt Yesaya 55:1\x*   
\s1 Yohanis hara hehelu mateꞌen  
\p
\v 18 Au ia, Yohanis, fee nesenedak neu basa hatahorir fo neu ko ramanene hata fo Manetualain natudu memak kana fee au nai susurak ia, talo ia: mete ma hambu hatahori tamba seluk hata-hata nai susurak ia, na, neu ko Manetualain fee tamba huku-dokik neun, nenik sosoek kahituk kara fo Ana mboꞌan neni dae-inak mai naa.  
\v 19 Mete ma hambu hatahorir tao rakuran hata-hata bali numa susurak ia mai, na, neu ko Manetualain haꞌi heni ndia haak fo ana ta maso neni kota malalaok neu, ma ana boso naꞌa ai boak fo tao hatahori nasoda nakandoo.\x + \xo 22:19 \xt Tui Seluk laꞌe-neu Dala Masodak 4:2; 12:32\x*   
\p
\v 20 Yesus mesa kana ndia natudu basa dedeꞌak kara iar. Ana helu-bartaa ena nae, “Tebe naa! Ta dook ka te Au mai ena.”  
\p Lamatuak Yesus, mai leo!   
\p
\v 21 Au oke-hule fo Lamatuak Yesus natudu Ndia dale susuen neu basa Ndia hatahorin nara lalaꞌen. Amin.  
\q2 Numa au mai,  
\q2 Yohanis