\id PHP  
\h Felipi 
\toc1 Paulus susuran soa-neu hatahori kamaherek kara marai kota Felipi 
\toc2 Felipi 
\toc3 Flp 
\mt2 Paulus susuran  
\mt2 soa-neu hatahori kamaherek kara marai kota  
\mt1 Felipi  
\c 1  
\s1 Paulus buka susuran  
\r (Nedenuk kara Tutuin 16:12)  
\p
\v 1 Susurak ia numa au mai, Paulus. Au nonoong Timotius oo haitua hara masodak soa-neu ei boe. Ai dua ngga ia, Yesus Karistus neondan.  
\p Ai haitua susurak ia fee basa hatahorir fo mana ramahere neu Yesus Karistus marai kota Felipi. Ma ai nau fo basa malangga saranik kara, ma mana sou malangga saranik uen nara oo, bubuluk no malole susurak ia isin boe.   
\p
\v 2 Manetualain naa, ita Aman. Ma Yesus Karistus naa, ita Lamatuan. De ai moke-hule fo Ara ratudu dale susuen nara reu ei, mita fo ei bisa leo-laꞌo no mole-damek ma lino-lendek.   
\s1 Paulus hule-haradoi fo Manetualain nanea Ndia hatahorin nara marai kota Felipi  
\p
\v 3 Leo mae au ta mete-ita ei dook ka ena, tehuu au ta lilii ei! Tungga-tungga au asaneda ei, au oke makasi neu Manetualain, nahuu ei mamahere makandoo neun.  
\v 4 Tungga-tungga au hule-haradoi soa-neu ei, au daleng namahoko,  
\v 5 nahuu numa fai makasososan ei simbo Lamatuak Hara Lii Malolen, ei makalalaꞌok makandoo Ndia uen sama-sama mia au.  
\v 6 Naa, natudu nae, Manetualain mulai oꞌofe-fafae ei dalem mara ena. Ma au bubuluk tebe-tebe ae, Ana nakalalaꞌok nakandoo Ndia ue-osa malolen naa, losa dadi matetu-mandaik neu faik fo Yesus Karistus fali mai.   
\p
\v 7 Memak, nandaa au sue ei, nahuu au daleng nakaesa no ei numa fai bakahulun mai ena. Fai maneuk kara ei maue-osa sama-sama mia au, neu au afada hatahorir laꞌe-neu Lamatuak Hara Lii Malolen, ma neu au bala hatahorir fo mana laban Hara Lii Malole naa. Leo mae au maso bui oo, tehuu ei ta malai makaheok ela au boe.  
\v 8 Manetualain ndia bubuluk nae, au daleng hii nalan seli neu ei. Au susueng neu ei naa, sama leo Yesus Karistus susuen.   
\p
\v 9-10 Dadi au hule-haradoi fee ei talo ia: au oke-hule fo ei susuen esa no esa boe tamba nakandoo, losa ana sasi-sasi. Au oo oke-hule fo Manetualain fee ei malela tebe-tebe dedeꞌak bee ndia malole, mita fo ei masodam mara dadi lolo-laok boe. Boe ma neu ko, neu faik fo Karistus naketu-naladi dedeꞌak soa-neu basa hatahorir, na, Ana nafada nae, ei ta maena salak hata esa boe na,  
\v 11 nahuu Ana ndia tao nala ei dalem mara lolo-laok fo bisa leo-laꞌo no ndoos. Ma ei leo-laꞌo ndoos talo naa, na, hatahori laen nara rakadedemak Manetualain ma koa-kio neun.   
\s1 Leo mae ita hambu tala susa-sonak, tehuu ita tamahere takandoo neu Lamatuak Yesus  
\p
\v 12 Toranoo susue nggara ein! Au nau ei bubuluk mae, hambu hatahori rakasususak au, losa ara sese au uni bui uu. Tehuu Lamatuak Hara Lii Malolen natanggela nakandoo,  
\v 13 losa soldadu mana manea uma manek, ma basa hatahori laen nara oo bubuluk rae, au maso bui nahuu au tungga Yesus Karistus boe.\x + \xo 1:13 \xt Nedenuk kara Tutuin 28:30\x*  
\v 14 Boe ma Manetualain hatahorin nara marai ia mete-rita rae, Manetualain tao talo naa, neu au nai bui ia dale. Huu naa de ara boe rambarani, losa ara ta ramataꞌu bali ena. Basa boe ma ara kokolak no ledo-ledo Manetualain Dedeꞌa-kokolan nai bee a mesan.   
\p
\v 15-17 Nai ia, hambu hatahori matak dua, mana manggate fee nenorik laꞌe-neu Karistus. Sira, mana maue-osa no dale ndoos, ma mana maue-osa no dale peko-pakik. Mana maue-osa no dale ndoos, dalen nara malole ro au. Ara bubuluk tebe-tebe rae, au lemba-asaa au susa-sonang ia, nahuu au akalalaꞌok au ue-osang, ma ta akaheok faa boe na.  
\p Tehuu mana maue-osa no dale peko-pakik, sira dalen nara mbiri esa no esa, ma sangga nadek. Ara tao rabingga-baꞌek hatahori kamaherek kara, sadi hambu ketuk fo tungga sara. Ara sangga dalak fo rakadedemak aon nara rae, sira ta hohoꞌak lena heni au. Ara duꞌa rae, mete ma hatahori tungga sara, na, neu ko naa tao tamba nambera au susa-sonang nai bui dale.   
\p
\v 18 Tehuu ta hata-hata! Au ta tao matak, mitak mae hatahori fee nenorik no dale ndoos, do taa. Nenenin lenak, ara fee nenorik laꞌe-neu Karistus! Naa, ndia tao au daleng namahoko.  
\p Ma au amahoko tebe-tebe,  
\v 19 nahuu au bubuluk ae, ei hule-haradoi fee au, ma Yesus Karistus Dula-dalen tulu-fali au. Huu naa de au bubuluk mateꞌen te kada lino-lendek!  
\v 20 Leo mae au asoda do, mate oo ta hata-hata boe. Sadi Manetualain pake au fo akadedemak Lamatuak Yesus naden, ma fee nenorik no ledo-ledo laꞌe-neu Ndia, losa ta hambu hata esa boe na nakamamaek au. Basa iar lalaꞌen ndia au amahena akandoo numa fai uluk mai losa hatematak ia.   
\p
\v 21-23 Au duduꞌa talo ia: Mete ma au asoda, na, elan fo au asoda akaesa ua Karistus, ma akalalaꞌok akandoo Ndia ue-osan. Naa, malole. Tehuu mete ma au mate, na, au hambu nanalak lenak bali. Huu au bisa laꞌo ela dae-bafok ia, ma au asoda fali numa mamates mai fo leo sama-sama ua Karistus nai nusa tetuk do inggu temak. Huu naa de au daleng napangge, ma au ta bubuluk bee ndia neulaun lenak!  
\v 24 Dadi talo ia leo! Huu ei bei toꞌa au nai ia, de malole lenak au leo sama-sama ua ei nai dae-bafok ia leo.  
\v 25 Au amahere au teu faing bei naruk fo bisa leo sama-sama ua ei. Lamatuak nau au atetea ei dalem mara, ma ei tamba mamahere neu Ndia no dale nemehokok.  
\v 26 De neu ko ei bisa makadedemak Yesus Karistus naden, nahuu Ana soi dalak ena fo au bisa fali uu tiro-dangga ei bali.   
\s1 Leo-laꞌo no ndoos makandoo  
\p
\v 27-28 Leo mae talo bee oo, tehuu ei leleo-lalaꞌom muste ndoos, huu eir ia, Lamatuak hatahorin nara boe. Dadi ei muste leo-laꞌo ndaa no dala-hadak, ma tao tungga hata fo Karistus Hara Lii Malolen nafada neu ei. Neu ko mete ma au dadi fali uu tiro-dangga ei, do, kada amanene numa hatahorir mai rae, ei leo-laꞌo no malole, na, au bisa amahoko. Au bisa bubuluk ae, ei leo-laꞌo no dalek esa, nahuu ei makaesa mia Dula-dalek esak ka. Ma au bisa bubuluk ae, ei maote tebe-tebe fo makalalaꞌok Lamatuak Yesus Hara Lii Malolen sama-sama, mita fo hatahori laen nara oo ramahere tungga boe. Ma ei oo ta mamataꞌu, leo mae hambu hatahorir laban ei boe. Naa, dadi tanda soa-neu ei musum mara nae, Manetualain nau nggari heni sara reni aꞌi mbila ta kala matek reu. Tehuu Ana tao nasoi-nasoda ei, fo neu ko ei masoda mian seku neu.  
\v 29 No Manetualain dale mololen seli, huu naa de Ana nasosoi dalak ena, fo ei bisa mamahere neu Karistus, ma dadi miu Ndia hatahorin nara. Ta kada mamahere a leo, tehuu Ana oo fee luas fo ei hambu mala susa-sonak boe, nahuu ei tunggan.  
\v 30 Au amanene hatahori ketuk marai naa laban ei, nahuu ei makalalaꞌok Karistus Hara Lii Malolen. Masanenedak te fai maneuk kara oo, ara laban au leo naak boe. Ma hatematak ia oo, ara bei talo naa boe.\x + \xo 1:30 \xt Nedenuk kara Tutuin 16:19-40\x*   
\c 2  
\s1 Ita muste takaloloe aok sama leo Yesus Karistus  
\p
\v 1 Toranoo susue nggara ein, fo mana dadi neu Yesus Karistus hatahorin! Ana fee ei hata fo neulauk noꞌuk ka ena. De ei bisa tao matetea esa no esa dalen. Ei bisa fee nenori-nefadak fo ana naoka numa ei dale susuem mai. Ei bisa leo-laꞌo no neulauk esa no esa, nahuu Manetualain Dula-dalen naue-osa nai ei taladam. Ma ei bisa matudu dale kasian ma dale neulaum esa no esa.  
\v 2 Mete ma ei tao talo naa, na, au daleng mbena sau-sau. Lenak bali, mete ma ei leo-laꞌo no masue aok ma dalek esa, leo-laꞌo no hihiik esa, ma mala harak esa fo maue-osa sama-sama.  
\v 3 Boso tao hata-hata fo sangga nanalak soa-neu kada o ao heli-helim. Ma boso tao aom lena heni hatahori laen nara. Naa te o koa aom naa, oka-huun taa. Ita muste takaloloe aok fo duꞌa tae hatahori laen nara lena heni ita.  
\v 4 Ma boso faduli kada ei esa-esak ka ena uma dalen. Tehuu ita oo muste tao matak neu hatahori laen totoꞌan nara boe.   
\p
\v 5 Ita dalen, ita duduꞌan ma ita hihiru-heheon muste sama leo Yesus Karistus.   
\q1
\v 6 Leo mae Ndia mata-aon sama leo Manetualain,  
\q2 ma Ndia oo Lamatuak sama leo Manetualain boe,  
\q1 tehuu Ana lui heni Ndia haak,  
\q2 ma ta pake Ndia panggan.   
\q1
\v 7 De Ana konda neni dae-bafok ia mai,  
\q2 pake mata-aok sama leo hatahori dae-bafok biasa.  
\q2 Ana laꞌo ela Ndia haak basa-basan,  
\q3 fo tao Ndia aon dadi neu neondak.   
\q1
\v 8 Ta kada dadi neu hatahori kadiꞌi anak,  
\q2 tehuu Ana oo tao Ndia aon dadi neu hatahori neni nekedadaek,  
\q3 fo tao tungga Manetualain hihii-nanaun.  
\q2 Leo mae hatahorir rakanisan numa ai ngganggek lain oo, Ana simbo a mesan boe,  
\q3 ma maten, leo bali hatahori manggarauk.   
\q1
\v 9 No Ana nakaloloe aon talo naa,  
\q2 huu naa de Manetualain nakadedemak kana.  
\q1 Ma feen nadek fo ta neni babanggak.  
\q2 Ta hambu nadek esa boe na fo ta neni babanggak lena heni Ndia.   
\q1
\v 10 Manetualain nakadedemak naden talo naa,  
\q2 fo basa hatahorir fee hada-horomatak neun.  
\q3 Sira: hatahorir marai lalai,  
\q3 ma hatahorir marai dae-inak.  
\q3 Hatahori masodak ma hatahori mates.  
\q2 Neu ko basa hatahori sendek luu-langgan nara fo rakaluku-rakatele neun.   
\q1
\v 11 Ma neu ko basa hatahorir rae, “Yesus Karistus naa, tebe-tebe Lamatuak fo naena haak parenda au!”  
\q2 No dalak naa, ara oo koa-kio Amak Manetualain boe.\x + \xo 2:11 \xt Yesaya 45:23\x*   
\s1 Ita dadi sama leo nduu kasaꞌak mana tao manggaledo dae-bafok ia  
\p
\v 12 Toranoo susue nggara ein! Nenene besa-besa! Fai maneuk kara, neu au bei numa kota Felipi, ei nenene au, basa de ei tungga Manetualain eno-dala ndoon. Hatematak ia ita tabinggak nai mamanak laen, tehuu au oke fo ei maote tebe-tebe makandoo fo leo-laꞌo tungga ndoon. Masanenedak te mete ma ei ta nenene neu Ndia, na, neu ko ei mete a leo! Huu Ana ndia tao nasoi-nasoda ei numa sala-singgom mara mai. Boe ma ei muste leo-laꞌo ndaa no dala-hadak, huu ei dadi miu Ndia hatahorin ena.  
\v 13 Manetualain mesa kana ndia oꞌofe-fafae ei dalem mara. Ana ndia soi dalak fo ei nenene neun. Ma Ana ndia fee koasa fo ei bisa tao mamahoko Ndia dalen.   
\p
\v 14 De mete ma ei tao hata a mesan, na, boso unggu-remu, ma boso mareresi.  
\v 15 Tao talo naa, fo ei bisa dadi miu hatahori dale lolo-laok, ma hatahori ta mana maena salak. Ei leo-laꞌo nai hatahori manggarauk taladan ma mana puta-paik kara. Tehuu ei boso tungga sara! Ei leleo-lalaꞌom muste lolo-laok, nahuu eir ia, Manetualain anan nara. De ei leleo-lalaꞌom mara muste randela-rasaꞌa fo matudu dalak soa-neu sara, sama leo nduuk nasaꞌa nai makiuk.\x + \xo 2:15 \xt Tui Seluk laꞌe-neu Dala Masodak 32:5\x*  
\v 16 Boe ma ei leo-laꞌo tungga ndoon ma makalalaꞌok Manetualain Dedeꞌa-kokolan. No dalak naa, neu ko ei tao mala au daleng mbena sau-sau, neu faik fo Yesus Karistus fali mai. Ma au bebengge-mamanggung naa, hambu buna-boa neulauk, nahuu ta nggari heni sana no muda hiek.   
\p
\v 17-18 Tehuu leo mae au fee basa au masodan, fo dadi neu tunu-hotuk, mita fo ei bisa mamahere matea lenak ma makalalaꞌok Manetualain ue-osan, na, au simbok no nemehokok. [Naa, sama leo malangga anggama mboꞌa oe anggor neu mei tunu-hotuk lain fo nakaluku-nakatele neu Manetualain.] No dalak naa, ita bisa tamahoko sama-sama, nahuu tunu-hotuk naa, ta hie-hie.\x + \xo 2:17-18 \xt Susura Rerekek 28:7\x*   
\s1 Timotius uen  
\p
\v 19 Au amahena ta dook ka bali te Lamatuak Yesus soi dalak fo au adenu Timotius, fo ana neti natetea ei dalem mara. Basa naa, ana fali neni ia mai bali, fo nafada au laꞌe-neu ei nenggetuu-nemberiim. No dalak naa, natetea au daleng.  
\v 20 Au ta adenu hatahori laen. Au adenu kada Timotius, nahuu ana dalek esa no au. Ma ana sue tebe-tebe neu ei.  
\v 21 Ndia naa, ta sama leo toranoo laen nara. Te sira raa, duduꞌa kada ena uma dalen nara, tehuu ta tao matak neu dedeꞌak fo nenenin lenak soa-neu Yesus Karistus.  
\v 22 Ei oo bubuluk boe mae, Timotius naue-osa fafandek lima-ein nara fo nakalalaꞌok Manetualain ue-osan ena. Ana naue-osa no au, nok bali kanak esa naue-osa fee aman. Ai dua ngga laꞌok miu tui-bengga Lamatuak Yesus Hara Lii Malolen nai bee a mesan.  
\v 23 Mete ma ara raketu-raladi basa au dedeꞌang nai ia ena, na, dei fo au adenu Timotius neti.  
\v 24 Tehuu hatematak ia, Lamatuak natetea au daleng nae, ta dook ka te, au oo bisa neti tiro-dangga ei boe.   
\s1 Epafroditus uen  
\p
\v 25 Fai bakahulun au hambu susa-sonak, de ei madenu ita toranoon Epafroditus mai tiro au. Ana nakalalaꞌok Lamatuak ue-osan sama-sama no au, nok bali soldadu mana manggate tungga ndia komedan parendan. Tehuu hatematak ia, nai au duduꞌang au muste adenu falik kana neni ei neti.  
\v 26 Huu dalen hii nalan seli nau natonggo no ei ena. Ma ana oo duduꞌan ta namaneu soa-neu ei boe, nahuu ana bubuluk nae, ei mamanene ena, ndia kada hedi-hedik.  
\v 27 Memak tebe. Fai maneuk kara, ana namahedi berak losa sangga nae mate. Tehuu Manetualain suen, de tao nahain. Ma Manetualain oo sue au boe, de Ana tao nahai Epafroditus, mita fo au boso tamba susa bali.  
\v 28 Huu naa de au nau adenu falik kana neti, mita fo ei bisa matonggo mian no dale nemehokok. Mete ma talo naa, na, au daleng lende.  
\v 29-30 De ei muste simbok malan no malole, nahuu ndia naa, Lamatuak hatahorin. Ma ei muste fee hada-horomatak neun no basa hatahorir fo sama leo ndia ia. Ana nakalalaꞌok Karistus ue-osan losa ela baꞌuk ka maten. Ma ana ta nakaheok faa boe na, nahuu ana nau tulu-fali au nggati ei. Dadi ei muste simbok mala falik kana no dale neulauk.   
\c 3  
\s1 Manetualain simbok hatahorir, nahuu ara ramahere neu Yesus Karistus  
\p
\v 1 Toranoo nggara ein! Nenene matalolole! Ei dalem mara muste ramahoko, nahuu ei makaesa mia Karistus. Leo mae au surak laꞌi-laꞌik ka talo ia, te au ta mbera fee nesenedak neu ei, fo boso hambu kedi-irak!   
\p
\v 2 Besa-besa mia mana puta-paik kara fo nau rakasetik hatahorir rae, “Ei muste sunat fo dadi neu tanda rae, eir ia, Manetualain hatahorin.” Naa te Manetualain ta parenda talo naa! Ara sala naa ena! Leo mae talo naa oo, tehuu ara bei husi fo humu hatahorir nok bali busa kakikik boe.  
\v 3 Ara rae, Manetualain simbok hatahorir, nahuu ara sunat. Tehuu naa sala! Ita bubuluk ena tae, Manetualain simbok hatahorir nahuu ara ramahere neu Yesus. Manetualain hatahori teteben nara, sira ita fo mana tamahere neu Yesus! Ita ndia takaluku-takatele neun tungga Ndia Dula-dale Malalaon. Ita ndia takadedemak Yesus Karistus, nahuu Ana soi dalak ena fo ita bisa maso dadi teu Manetualain hatahorin. Ita ta bisa hambu masoi-masodak, nahuu tungga hatahori dae-bafok tatao-nonoꞌin.   
\p
\v 4 Fai bakahulun au oo duꞌa sala, sama leo sira boe. Ae, hatahorir bisa maso dadi neu Manetualain hatahorin, sadi ara sunat. Naa te naa kada hatahori dae-bafok tatao-nonoꞌin. Mete ma au ae kokolak hatahori dae-bafok tatao-nonoꞌin, na, au kokolak koa ao lena heni basa-basan, nahuu fai bakahulun au tatao-nonoꞌing tungga no tetuk basa hatahori Yahudir anggama hohoro-lalanen lalaꞌen.  
\v 5-6 Tungga anggama hohoro-lalanen, au ina-amang nggara sunat au neu bonggi heni au faik falu. Au ia oo hatahori Yahudi isi-isik boe, huu au numa leo Benyamin mai, numa baꞌi Israꞌel tititi-nonosin mai. Au manggateng seli tao tungga no tetuk basa hohoro-lalanek kara lalaꞌen numa partei anggama Farisi mai, losa ta hambu hatahori esa fo bisa fee salak faa neu au boe na. Lena-lenak bali, au manggateng seli tao doidoso hatahorir fo mana tungga Karistus, nahuu au duꞌa ae hatahori iar, ara nggari heni ita anggaman hohoro-lalanen ena.\x + \xo 3:5-6 \xt Roma 11:1; Nedenuk kara Tutuin 8:3; 22:4; 23:6; 26:5, 9-11\x*   
\p
\v 7-8 Tehuu neu au tungga Karistus, doo-doo boe ma au duduꞌang nasafali. Dadi hatematak ia, au ta koa ao neu au leleo-lalaong fai bakahulun nara raa ena, nahuu ara ta reni sosoa-ndandaak hata esa boe na soa-neu au bali. Hata fo au duꞌa ae, ta neni babanggak, ndia: Au bisa alela Yesus Karistus, au Lamatuang fo mana naena haak parenda au. Basa dedeꞌak laen nara, au taon leo kada dafuk.  
\v 9 Au nau asoda akaesa ua Yesus Karistus. Leo mae au tungga basa anggama hohoro-lalanen oo, Manetualain bei ta bisa simbok au boe. Ma leo mae au tao aong leo au ndaa ena oo, Ana bei ta bisa simbok au boe. Tehuu au muste amahere neu Karistus dei, dei fo Manetualain simbok au nae, “No Karistus koka heni o sala-singgom mara ena, huu naa de o dadi lolo-laok ena.”   
\p
\v 10 De au hihiing talo ia: au nau alela Karistus no malole. Au oo nau ameda Manetualain koasan no malole, fo Ana paken nasoda falik Yesus Karistus numa mamaten mai boe. Mete ma hambu hatahori ketuk rae rakasususak au, nahuu au tungga Karistus, na, mboꞌin numa naa leo. Karistus oo hatahorir rakasususak kana boe. Mete ma ketuk rae rakanisa au, nahuu au aono-lalau hatahorir, na, au simbo a mesan. Karistus oo mate nggati au talo naa boe.  
\v 11 Mete ma au mate, na, neu ko Ana oo nasoda falik au numa mamates mai boe.   
\s1 Ita tambariik tahere fo tungga tebe-tebe Lamatuak eno-dalan  
\p
\v 12-13 Toranoo nggara ein! Au daleng hii tungga Yesus Karistus eno-dala masodan ma hihii-nanaun lalaꞌen. Tehuu mete ma kokolak tungga ndoon, na, au bei ta tungga no tetuk talo naa. De au ambariik ahere, nahuu Yesus Karistus here nala au ena, fo tunggan talo naa. Au sama leo hatahori mana malaik tao tetebe fo ana bisa losa too. Dadi au alaik ndoo fido-fidok mata uu, ma ta koleu dea fo duduꞌa hata mandadik kara ndia fai bakahulun. Au lilii heni basa sara leo.  
\v 14 Tehuu au alaik tao tetebe losa too, fo hambu hadia. Au hadiang, ndia: Manetualain neu ko simbok au nai nusa tetuk do inggu temak, nahuu au amahere neu Yesus Karistus.   
\p
\v 15 Au oke fo ei mana morik ma maoka teak nai Karistus dale ena, bisa dalek esa mia dedeꞌak kara iar. Tehuu mete ma ketuk duduꞌan ta sama ro dedeꞌak kara iar, na, naa fo Manetualain natudu dala sasaik neulauk, laꞌe-neu Ndia hihii-nanaun.  
\v 16 Tehuu leo mae talo naa, ita muste toꞌu tahere ma tao tungga basa hata fo ndoos, fo Lamatuak nanori ita ena.   
\p
\v 17 Toranoo nggara ein! Ei muste tao tungga au leleo-lalaꞌong. Ei ketuk marai naar leleo-lalaꞌom mara oo, sama leo au ena boe. Tehuu see ndia beik, na, bisa nanori natalolole numa sira mai, fo tao tungga talo naa boe.\x + \xo 3:17 \xt 1 Korentus 4:16; 11:1\x*  
\v 18 Besa-besa mia hatahori fo mana laban neu Karistus, ma ta simbok no malole Ndia mamaten numa ai ngganggek. Sira leleo-lalaꞌon mesa kasa ratudu sira laban neu Karistus. Au afada ita ei laꞌe-neu hatahori matak leo sira ena, tehuu hatematak ia no luu-oe mana faak au afada seluk bali.  
\v 19 Neu ko Lamatuak timba heni sara, basa fo nggari heni sara reni aꞌi mbila ta kala matek dale reu, nahuu dalen nara ta rakaesa roon. Ara tao kada manggarauk, ma sangga dalak fo tao ramahoko sira ao-ina heli-helin, losa ara koa ao ro sira manggaraun. Ara ta rameda mae. Ara kada duꞌa, leo bali hatahori fo ta mana nalela Lamatuak.   
\p
\v 20 Ei boso tao tungga sara, tehuu tao tungga ai. Huu ita maso dadi teu Manetualain hatahorin ena, ma toꞌu haak dadi teu nusa tetuk do inggu temak rau-inggun. Hatematak ia ita tahani a ita Lamatuan Yesus Karistus. Neu ko Ana nae konda fali numa nusa tetuk do inggu temak mai, fo tao nasoi-nasoda ita numa Manetualain nasan mai.  
\v 21 Neu ko Karistus tao nasafali ita ao-mbaa mana noek fo mana bisa matek ia, fo dadi ao-mbaa beuk, fo ta mana matek sama leo Ndia ao-mbaan ta neni babanggak. Ana tao nasafali ita ao-mbaan nara, pake Ndia koasa moꞌon. Ma Ana oo pake koasa naa, fo tao basa hata nai sudi bee, rateꞌe langgan nara tungga Ndia parendan boe.   
\c 4  
\p
\v 1 Toranoo susue nggara ein! Huu basa naar, de au oke fo ei leo-laꞌo tungga ndoon seku neu, boso peko-paki. Au hii alan seli mete-ita ei. Ei mesa ngga ndia dadi miu au ue-osang buna-boan. Ei tao mala au daleng namahoko. Ma au bisa botik au langgang, nahuu ei.   
\s1 Lamatuak nae tao natea ita dalen, mete ma ita leo-laꞌo ndoos seku neu  
\p
\v 2 Au oke ina kaduak kara raa, sira Yodia ma Sinteke, fo boso rareresi bali. Ara muste dame, fo esa no esa leo-laꞌo no neulauk. No dua sara Lamatuan esak ka, huu naa de esa nakaesa no esa.   
\p
\v 3 Nonoo tao ue-osang, ee! Au oke fo o koladu toranoo ina kaduak kara raa, losa ara ramandoo. Fai bakahulun, ara raue-osa tebe-tebe rita fo tulu-fali au rafada hatahori laꞌe-neu Lamatuak Hara Lii Malolen. Ara oo raue-osa rita talo naa, sama-sama ro Klemens, ma nonoo laen nara boe. Basa sara naden nara neni surak nai Lamatuak bukun soa-neu hatahorir naden, fo mateꞌen rasoda sama-sama ro Ndia nai nusa tetuk do inggu temak.   
\p
\v 4 No ei dadi miu Lamatuak hatahorin ena, huu naa de ei dalem mara muste ramahoko hatu-leledon. Au afada seluk bali: tao ei dalem mara ramahoko taa-taa!   
\p
\v 5 Ei dalem mara oo muste neulauk neu basa hatahorir boe. Boso lilii-ndondou mae, Lamatuak Yesus mamain sangga deka-deka ena.  
\v 6 Mete ma ei hambu susa-sonak, na, boso mamataꞌu hata esa boe na. Tehuu hule-haradoi fo moke Manetualain tulu-fali ei nai basa dedeꞌak kara. Ma basa hata fo ei mokek kara raa, boso lilii-ndondou soꞌuk dalem mara moke makasi neun.  
\v 7 Mete ma ei tao talo naa, neu ko Manetualain tao nala dalem mara dadi lino-lendek. Memak hatahori dae-bafok ta bisa ralela no tetuk dale lino-lendek fo ita hambun numa Manetualain mai. No ei mamahere neu Yesus Karistus, huu naa de Manetualain nau nanea fo ei dalem ma duduꞌam mara boso tarabangga. No dalak naa, Ana tao nalende ei dalem mara.   
\p
\v 8 Toranoo nggara ein! Mateꞌen talo ia: boso duꞌa sadi ndaa. Tehuu manea ei duduꞌam fo duduꞌa hata fo ndaa no Lamatuak dalen, ma duduꞌa hata fo neulauk kara fo tao mamahoko hatahori dalen. Ei muste duduꞌa dala ndoos, ma lolo-laok. Duduꞌa hata fo ndaa, ma neulauk. Sangga dalak fo hatahori laen bisa hambu hada-horomatak. Sangga dalak fo soꞌu botik bee fo malole. Ma boso hahae duduꞌa neu basa hata fo malole iar.  
\v 9 Au anori ei tungga Lamatuak eno-dala masodan ena. Ei muste tungga au leleo-lalaꞌong, ma tao tungga basa hata fo au afada itan ma taon. Mete ma ei tungga talo naa, na, Manetualain natetea ei dalem mara, fo ei dalem mara lino-lendek, ma bisa leo-laꞌo no mole-damek.   
\s1 Paulus noke makasi, nahuu ara tulu-falin  
\p
\v 10 Au oke makasi ma koa-kio Manetualain, nahuu ei ta lilii au. Memak au bubuluk ae, bakahulun ei masaneda au, tehuu bei ta hambu lelak fo tulu-fali au.  
\v 11 Au ta duꞌa ae, oke hata-hata. Au ta ameda ita toꞌa taa hata esa boe na, nahuu au anori ena, tao au aong nameda dai soa-neu hata fo nai mata.  
\v 12 Au asoda ita no lima rouk. Ma au oo asoda ita ua hambu dai lena-lenak boe. Au ameda ita poꞌo ndoes ma poꞌo betes ena. Sudi nai dalak bee, au anori ala nggoen ena, fo bisa akatataka ala au masodang.  
\v 13 Au bisa lemba abeꞌi ala sudi hata a mesan, nahuu Karistus ndia tao barakai au!   
\p
\v 14 Leo mae talo bee oo au oke makasi boe, nahuu ei matudu au ei dale susuem mara ena, ma tulu-fali au nai susa-sonang dale.  
\v 15 Fai bakahulun, neu au laꞌo ela profensi Makedonia, fo uu tui-bengga Lamatuak Hara Lii Malolen numa mamanak laen nara, kada ei numa kota Felipi mai, ndia tulun bae au doi dalang. Tehuu Saranik laen nara, taa. Ei bubuluk tutuik naa ena.  
\v 16 Netuduk leo, neu au bei numa kota Tesalonika oo, ei haitua doik laꞌe esa do dua, fo tulu-fali au boe.\x + \xo 4:16 \xt 2 Korentus 11:9; Nedenuk kara Tutuin 17:1\x*  
\v 17 Hatematak ia au ta duꞌa ae oke hata-hata numa ei mai bali. Au nau Lamatuak bala fo fee babaꞌe-babatik neu ei, nahuu ei dalem mara malole neu au.  
\v 18 Basa tutulu-fafalik kara fo ei haituan fee au naa, au simbo ala sara numa Epafroditus mai ena. Naa, dadi neu babaꞌe-babatik soa-neu au, de hatematak ia, au ta toꞌa taa hata esa boe na. Naa oo dadi sama leo tunu-hotuk kaboo menik, fo hatahori hotun fo nakaluku-nakatele neu Manetualain boe. Ma Manetualain simbok no malole tunu-hotuk naa, nahuu naa tao namahoko Ndia dalen.\x + \xo 4:18 \xt Kalua numa Masir mai 29:18\x*   
\p
\v 19 Manetualain fo au akaluku-akatele neuk naa, suꞌin mateꞌen. Ana bubuluk tebe-tebe ei totoꞌam. Boe ma neu ko Ana natudu dale susuen, ma fee Ndia babaꞌe-babatin ta neni babanggak neu ei, nahuu ei makaesa mia Yesus Karistus.  
\v 20 De naa fo ita takadedemak Amak Manetualain naden taa-taa, losa doon naa neu. Naa, ndaa naa ena!   
\s1 Paulus nateꞌe susuran  
\p
\v 21 Au haitua hara masodak neu basa hatahorir fo mana tungga Yesus Karistus marai kota Felipi.  
\p Au toranoong nggara marai iar oo, haitua hara masodak fee ei boe.   
\p
\v 22 Basa hatahori kamaherek kara marai kota Roma ia oo, haitua hara masodak boe.  
\p Leo naak oo toranook kara fo mana tao ue-osa marai mane moꞌo-inahuuk uma manen boe. Ara haitua hara masodak neu ei.   
\p
\v 23 Au oke-hule fo ita Lamatuan Yesus Karistus natudu dale susuen neu ei basa ngga.  
\q2 Au susurang losa kada ia,  
\q2 Paulus