\id 2PE  
\h 2 Petrus 
\toc1 Petrus susura kaduan 
\toc2 2 Petrus 
\toc3 2Pet 
\mt1 2 Petrus  
\mt2 Petrus susura kaduan  
\c 1  
\s1 Soda-molek  
\p
\v 1 Susurak ia numa au mai, Simon Petrus.\f + \fr 1:1 \ft Susura dedeꞌa Yunani ketuk surak rae, “Simon Petrus”. Ketuk bali surak rae, “Simeon Petrus”. Dedeꞌa deꞌek \ft \+it Simeon\+it* ia, numa dedeꞌa Ibrani mai. Tungga dedeꞌa Yunani, ndia \+it Simon\+it*. Dadi basa hatahori malelak kara rae, Simon Petrus ma Simeon Petrus naa, ndia hatahorin esak ka.\f* Au dadi uu Yesus Karistus hatahori neondan. Au oo dadi uu Ndia nedenun boe, fo Ana nadenun neni bee a mesan neu fo tui-bengga hatahorir laꞌe-neu Ndia.  
\p Au surak susurak ia fee ei mana mamahere neu Yesus Karistus ena. Manetualain nasosoi dalak mita fo ei oo bisa mamahere neu Karistus sama leo ai boe, nahuu Ndia dalen ndoos. Nemeheherek naa, kabelik soa-neu ita basa ngga. Karistus oo dadi neu ita Manetualain boe, ma Ndia oo dadi Hatahori fo mana tao nasoi-nasoda ita numa ita sala-singgon nara mai boe.   
\p
\v 2 Au oke-hule fo ei bisa malela no malole neu Manetualain, ma neu ita Lamatuan Yesus, mita fo Ara ratudu Sira dale susuen neu ei, fo ei bisa leo-laꞌo no mole-damek ma lino-lendek.   
\s1 Lamatuak here nala Ndia hatahorin, boe ma noke sara fo reni Ndia reu  
\p
\v 3 Yesus naena koasa sama leo Manetualain koasan. Huu naa de Yesus baꞌe fee ita ena basa hata fo ita toꞌak, fo leo-laꞌo no ndoos tungga Manetualain hihii-nanaun. Ana tao talo naa, nahuu ita talela Ndia no malole. Ma Ana ndia noke nala ita dadi teu Ndia hatahorin, nahuu Ndia malole ma ta neni babanggak sudi selik kana.  
\v 4 Yesus fee basa hata fo nenenin lenak neu ita ena. Huu fai bakahulun Ana helu-bartaa ena fo nae fee basa dedeꞌak kara raa. Ndia hehelu-bartaan nara neulaun sudi selik kana. Ana fee basa naar reu ita, mita fo ita dalen bisa dadi sama leo Lamatuak dalen. Ma ita oo bisa takamboꞌik numa basa dedeꞌa kaboo mburuk mai boe, fo hatahori marai dae-bafok ia hii taok, nahuu ara leo-laꞌo tao tungga kada sira hihii heli-helin ma ta rakatataak rala aon nara.   
\p
\v 5 Huu naa de au nau ei maote tebe-tebe fo tao hata fo neulauk.  
\q1 Huu ei mamahere neu Yesus ena, tehuu naa bei ta dai.  
\q2 Maue-osa hata fo neulauk nakandoo.  
\q2 Malela Lamatuak lena-lenak bali.   
\q1
\v 6 Tehuu boso losa kada naa leo.  
\q2 Manori fo ei leo-laꞌo makatataak mala aom mara.  
\q1 Tehuu naa oo bei ta dai boe.  
\q2 Tungga-tungga ei hambu susa-sonak, na, ei muste makatataka mahere, boso makaheok.  
\q1 Tehuu tao lena heni naa bali.  
\q2 Tao basa-basan tungga Manetualain hihii-nanaun.   
\q1
\v 7 Tehuu boso losa kada naa leo.  
\q2 Matudu susue-lalaim neu ita toranoo kamaheren.  
\q1 Tehuu naa bei ta dai.  
\q2 Huu ei muste leo-laꞌo masue-laik makandoo.   
\p
\v 8 Mete ma ei leo-laꞌo talo naa, ma nenori-nefada neulauk kara iar boe tamba rakandoo, na, naa tao nala ei boe malela no malole neu ita Lamatuan Yesus Karistus. Nenori-nefada neulauk kara iar ta mopo sara hie-hie ma ta ngganggari ledo-fair. Nenori-nefada neulauk kara iar, tao rala ei boe malela no malole neu Ndia.  
\v 9 Mete ma hambu hatahori ta nau tao talo naa, na, ana duduꞌa kekeꞌuk a mesan. Ana ta mete-nita hata manai ndia idu-matan, nok bali ndia naa, pokek. Lamatuak koka heni hatahori naa sala-singgon ena, fo dalen bisa lolo-laok. Tehuu hatahori naa lilii henin ena!   
\p
\v 10 Toranoo susue nggara ein! Hatematak ia ei muste maote tebe-tebe lenak bali. Lamatuak here nala ei ena fo dadi miu Ndia hatahorin, boe ma ei meni Ndia miu. Hatematak ia ei muste matudu mae, ei maso dadi miu Ndia nufanelun ena. Mete ma nenori-nefadak kara iar fo au soꞌuk kasa bebeik kara raa tamba rakandoo nai ei leleo-lalaꞌom, na, ei ta bisa tuda.  
\v 11 No dalak naa, Manetualain nae fee ei dedeꞌak esa ta hohoꞌa ndoos. Ndia, Ana nasosoi dalak ma fee ei haak fo simbo mala Yesus Karistus dadi neu ei Manem fo masoda mian seku neu. Huu Ndia naa, ita Lamatuan. Ma Ndia oo Hatahori fo mana tao nasoi-nasoda ita numa ita sala-singgon mai ena boe.   
\s1 Tao hata de Petrus surak talo naa?  
\p
\v 12 Ei bubuluk nenori-nefadak kara raa ena fo au soꞌuk kasa bebeik kara raa, ma ei makatataka mahere, nahuu ei mamahere neu hata fo tetebes. Leo mae talo naa, tehuu au nau fee nesenedak laꞌi-laꞌik nenori-nefadak ia neu ei, mita fo ei boso lilii-ndondou.  
\v 13 Au ta nau fee lelak fo ei lilii. Au nau fee nesenedak neu ei fo duduꞌa makandoo nenori-nefadak kara iar. Huu neu au bei leo-laꞌo nai dae-bafok ia, memak nandaa mete ma au fee nesenedak nenori-nefadak kara iar neu ei.  
\v 14 Ta dook ka te au mate ena. Ita Lamatuan Yesus Karistus nafada memak au talo naa ena. Huu naa de au bubuluk memak kana ena.  
\v 15 Leo mae neu ko au mate ena, tehuu au aote tebe-tebe hatematak ia fo ei masaneda makandoo mia nenori-nefadak kara iar.   
\s1 Ita mete-tita Yesus ta neni babanggan ena  
\p
\v 16 Fai bakahulun au ua au nonoo nggara tui-bengga neu ei laꞌe-neu ita Lamatuan Yesus Karistus ena. Ai oo tui boe mae, mete ma Ana fali mai, neu ko Ana mai no koasa ta neni babanggak. Tebe, hetu? Tehuu naa ta tutui lasik fo ta tetebes. Ai kada tui ei laꞌe-neu hata fo ai mete-mitan no ai mata heli-helin ena. Huu naa de ai bubuluk Yesus ta neni babanggan naa, sama leo mane ina-huuk esa.  
\v 17-18 Laꞌe esa, ai sama-sama mia Yesus numa Manetualain lete malalaon. Boe ma Amak Manetualain mesa kana ndia nafada laꞌe-neu Yesus ta neni babanggan. Huu faik naa, ai mamanene harak esa lolen sudi selik kana kalua numa lalai mai nae,  
\q1 “Ndia ia, Au Ana susueng.  
\q2 Ana tao namahoko Au daleng.”\x + \xo 1:17-18 \xt Mateos 17:1-5; Markus 9:2-7; Lukas 9:28-35\x*   
\p
\v 19 Numa naa mai ita boe tamahere tebe-tebe laꞌe-neu basa hata fo ita simbo tala sara ena ruma Manetualain mana toꞌu dedeꞌan lele uluk kara mai. Dadi malole lenak ei tao tungga sira hara hehelun nara! Huu sira hara hehelun nara raa, sama leo lambu esa nasaꞌa nai mamana makiuk. Dadi ei muste mamanene sira hara hehelun nara, losa Yesus fali mai. No dalak naa ei bisa tamba malela makandoo. Naa, sama leo ei mete-mita makahuluk nduu mansai, dei fo ledo toda tao manggaledo basa-basan.   
\p
\v 20 Masaneda te Manetualain mana toꞌu dedeꞌan nara rafada memak laꞌe-neu dedeꞌak noꞌuk ka ena. Tehuu sira hara hehelun nara raa, ta tungga sira hihii-nanau heli-helin nara.\f + \fr 1:20 \ft Dedeꞌa Yunani nai ia, bisa sosoa-ndandaak telu. 1) Mana toꞌu dedeꞌak esa kokolan ta tungga ndia hihii-nanau heli-helin; 2) ta hambu hatahori esa boe na bisa bubuluk Manetualain mana toꞌu dedeꞌan hara hehelun nara lalaꞌen sosoan; 3) mete ma ita nau talela Manetualain mana toꞌu dedeꞌan esa hara hehelun, ndia sosoan ta neni tai naherek numa kada ndia hara hehelun mesa kana mai, tehuu muste nekesasaman no Manetualain Dedeꞌa-kokolan katematuan.\f*  
\v 21 Hata fo ara surak naa ena, ta naoka numa hata fo ara hii kokolak neu a leo. Tehuu naa naoka nai Manetualain, tungga hata fo Ndia Dula-dale Malalaon natudu neu sara.   
\c 2  
\s1 Hatahori mana fee nenorik pepeko-lelekok  
\p
\v 1 Fai bakahulun hambu hatahori Israꞌel ketuk soꞌuk aon nara rae, sira dadi Manetualain mana toꞌu dedeꞌan. Naa te ara pepeko-leleko. Neu ko ei oo matonggo mia hatahori leo naak boe nai ei taladam. Hambu hatahori ketuk rae, sira fee nenorik laꞌe-neu Manetualain, tehuu ara kada pepeko-leleko a mesan. Ara fee nenorik ma rafuni sira duduꞌa-aꞌafi kaboo mburun. Huu naa de ara bisa tao sira nenori mana peko-pakin nara dale reu. Mete ma ei nenene sira nenorin nara, neu ko ei makalulutu. Ara laka rae, Lamatuak Yesus naa, ta sira lamatuan. Naa te Ana ndia tefa-soi nala sira ena no babaen belin seli. Ara tao talo naa, de neu ko mesa kasa rakalulutu lai-laik.   
\p
\v 2 Leo mae talo naa, tehuu neu ko hatahori noꞌuk ka tungga sara, ma tao sadi ndaa ta rameda mamaek. Neu ko hatahori kokolak ta neulauk laꞌe-neu nenori tetebes, huu sira tatao-nonoꞌin edo-poden naa.  
\v 3 Meser masapepekok kara raa, mana bare-naꞌok kara. Ara tui leli-belak kana, fo ara bisa kedi rala ei doim. Tehuu boso lilii-ndondou, te Manetualain dadi neu Mana Maketu-maladi Dedeꞌak fo ta mana sunggu nitak. Numa fai bakahulun mai, Ana nahani memak fo huku-doki sara. Neu ko ara rakalulutu rafu-rafu.   
\p
\v 4 Haꞌi netuduk leo, lele uluk Manetualain atan ketuk marai nusa tetuk do inggu temak tao salak. Tehuu Manetualain mana dadi neu Mana Maketu-maladi Dedeꞌak ta nakamboꞌi sara. Ana piru sara reni aꞌi mbila ta kala matek reu, ma oka sara rai bolo makiuk mandema dale. Ara rahani rai mamanak naa, losa fain fo ara rasare mbali Ndia.   
\p
\v 5 Leo naak oo no hatahori tembo lele uluk kara boe. Lelek naa, ara leo-laꞌo tao manggarauk, ma ta tao matak neu Manetualain. Tehuu Manetualain koladu ena fo Ndia hatahorin dale ndoos esa, nade Noh, natudu dalak fo hatahorir bisa leo-laꞌo ro ndoos. Tehuu ara oo ta nau nenene neun boe. Huu naa de Manetualain haitua faa moꞌok fo tao nakalutu hatahori fo ta mana nau tao matak neu Ndia. Tehuu Ana tao nasoi-nasoda Noh no ndia nufanelun. Basa sara hatahori falu.\x + \xo 2:5 \xt Tutui Makasososak 6:1—7:24\x*   
\p
\v 6 Laꞌe esa bali, hatahori lele uluk rai kota Sodom ma Gomora leleo-lelaꞌon nara manggarauk sudi selik kana. Boe ma Manetualain hukun asa. Ana hotu heni basa-basan marai naa, losa dadi afu. De basa hatahorir marai naa mate heni basa sara. Naa, dadi netuduk soa-neu hatahori laen mana nau leo-laꞌo manggarauk, ma ta tao matak neu Manetualain. Ara bisa bubuluk memak sira ua-nalen nara, mete ma ara ta nau sale dalen do tuke tein.\x + \xo 2:6 \xt Tutui Makasososak 19:24\x*  
\v 7 Tehuu faik naa, hambu hatahori esa nade Lot. Ana leo-laꞌo ndoos. Ana mangguk ka ena no hatahori manggarauk kara tatao-nonoꞌin nara mana lena-lenak, ta mana nau nenene neu Manetualain. De Manetualain tao nasoi-nasoda Lot numa mamanak naa mai.\x + \xo 2:7 \xt Tutui Makasososak 19:1-6\x*  
\v 8 Lot mesa kana hii tao hata fo ndoos, tehuu ana leo nai hatahori Sodom mara taladan. Ma tungga faik ana oo mete-nita ma namanene ara lena-langga Manetualain Hohoro-lalanen nara boe. Naa, tao nala dalen sona.   
\p
\v 9 Basa netuduk kara raa ratudu rae, Manetualain bubuluk dalak tao nasoi-nasoda hatahori fo mana hii nenene Ndia numa soba-douk mata-matak kara mai. Ana oo bubuluk naketu huku-doki berak boe soa-neu hatahori mana leo-laꞌo peko-pakik kara. Ma Ana tao talo naa nakandoo losa fain fo Ana naketu basa hatahorir dedeꞌan nara.  
\v 10 Huku-doki berak naa, tuda lena-lenak soa-neu hatahori fo mana hii kada leo-laꞌo no manggenggeok tungga sira hihii-nanau heli-helin nara. Ara ta nau nenene hatahori esa boe na, ma rakatitii-rakadadauk basa mana toꞌu koasar. Neu ko Lamatuak huku-doki sara.  
\p Meser masapepekok bebeik kara raa rambarani ralan seli ma koa ao. Ara oo ta nau ratudu hada-horomatak, ma ta ramataꞌu kokolak tao raboboo Manetualain ma Ndia atan nara rai lalai boe.  
\v 11 Naa te Ndia atan nara marai nusa tetuk do inggu temak barakain nara lena heni meser masapepekok kara raa. Leo mae talo naa, tehuu atar raa ta kokolak tao raboboo meser raa rai sira Lamatuan matan. Ma ara oo ta soa ndae salak neu meser raa boe.   
\p
\v 12 Tehuu meser masapepekok kara raa hii kokolak tao raboboo laꞌe-neu dedeꞌak bee fo sira mesa kasa ta ralela. Te ara sama leo banda ta duduꞌa ralela na! Malole lenak, humu mala sara fo makalulutu heni sara leo! Naa, sira ua-nalen. Neu ko rakalulutu heni sara, nahuu sira tatao-nonoꞌi manggaraun.  
\v 13 Ara rakasususak noꞌuk ka neu hatahorir. Basa naa, neu ko Lamatuak oo nakasususak kasa boe, nahuu sira tataon ta ndoos. Ara hii kada tao feta setelelek rame-rame. Ara oo hii tao sadi ndaa nai fai leledon boe, mita fo basa hatahorir mete-rita sira manggaraun nara. Ara ta rameda mae, ma ara kokolak raboboo ei nade malolem. Mete ma ara raꞌa feta sama-sama ro ei, ara nau tao tungga kada sira hihii manggaraun nara.  
\v 14 Mata deꞌen nara rambaloa sangga inak mana hii raeok ro sara. Ara kada leo-laꞌo tao manggarauk rakandoo. Ara rasiꞌe sangga hatahori fo nemeheheren ta matea neu Lamatuak, boe ma ara ike sara fo tungga tao manggarauk. Ara sangga dalak fo raꞌa mata lenak rakandoo. Neu ko Lamatuak huku-doki sara!\x + \xo 2:14 \xt Tutui Makasososak 6:5\x*   
\p
\v 15-16 Fai bakahulun meser masapepekok kara raa oo hatahori mana tungga eno-dala ndoos boe, tehuu doo-doo boe ma ara sio laꞌo. No dalak naa, ara sama leo Balaam lele uluk, ndia Bosor\f + \fr 2:15-16 \ft Susura dedeꞌa Yunani neulaun lenak nae, \ft \+it Bosor\+it*. Hambu susurak ketuk bali surak rae, \+it Beor\+it*. Basa susura dedeꞌa Yunani surak rae, \+it Balaam\+it*. Susura Malalaok dedeꞌa Indonesia surak nae, \+it Bileam\+it*.\f* anan. Ndia naa, Manetualain mana toꞌu dedeꞌan esa. Tehuu ana hii nala doik sudi selik kana, huu naa de ana tao hata fo ta ndoos asa. Laꞌe esa, Balaam saꞌe banda keledei. Keledeir, ta bisa kokolak. Tehuu faik naa, Manetualain tao nala keledei naa, bisa kokolak sama leo hatahori dae-bafok! Boe ma keledei naa nahara berak neu Balaam, nahuu ndia tatao-nonoꞌi manggaraun. Keledei naa nau fo Balaam hahae, mita fo ana boso tao peko-pakik bali, sama leo hatahori kamuluk.\x + \xo 2:15-16 \xt Susura Rerekek 22:4-35\x*   
\p
\v 17 Meser masapepekok kara raa sama leo oe matak esa sosoan taa, nahuu mada heni oen ena. Ara oo sama leo koꞌa-masuk sosoan taa boe, nahuu anin fuu henin. Manetualain sadia memak mamana makiu-makahatuk esa fo kena sara.  
\v 18 Huu ara kokolak raloloa bafan, tehuu isin taa. Ara nau ike rala hatahorir fo tao tungga hata fo ta kambareek. Ara hii fufudi-hohodo hatahori bei fo fali reni eno-dala ndoos reu, mita fo ara tao salak seluk bali.  
\v 19 Hatahori mana masapepekok kara raa helu-bartaa rae, “Mete ma ei nenene neu ai, na, ei hambu nekemboꞌik fo tao tungga kada ei hihiim a mesan!” Tehuu hatahori mana kokolak talo naa, sama leo ata-dato ta mana bisa nakamboꞌik aon numa sira manggaraun nara mai. Huu hatahori mana fee lelak neu hata esa koladu ndia aon, na, naa sama leo ana dadi neu ata-dato numa hata naa mai.  
\v 20 Mete ma nau takamboꞌik numa manggarauk manai dae-bafok ia fo mana tao nanggenggeo ita, na, ita muste talela ita Lamatuan Yesus Karistus. Tehuu mete ma hambu ketuk rakaheok numa Ndia mai, boe ma rakaesa seluk ro hata fo manggarauk sama leo fai uluk, na, naa sama leo hata fo manggarauk naa koladu sara. Hatematak ia ara boe soe lenak bali!  
\v 21 Ta malole mete ma ara bubuluk eno-dala masodak tetebes ena, basa de rakaheok, boe ma ta tao tungga hata fo neulauk ma lolo-laok naa bali, fo Lamatuak parenda neu ita ena. Malole lenak, ara hae bubuluk rita eno-dala ndoos.  
\v 22 Hambu dedeꞌa lasik laꞌe-ndaa meser masapepekok kara raa rae, “Mete ma busa muta, ana neu naꞌa nasafali ndia muta heli-helin.” Hambu laen bali nae, “Leo mae radiu bafi esa ena, tehuu ana fali neu lololi seluk tane-mbuuk bali.”\x + \xo 2:22 \xt Dedeꞌa Lasik 26:11\x*   
\c 3  
\s1 Ita Lamatuan nae fali mai  
\p
\v 1 Toranoo susue nggara ein! Ia, ndia au susura kaduang soa-neu ei. Nai susura kaduak kara iar, au fee nesenedak neu ei, fo ei bisa duduꞌa laꞌe-neu basa hata fo ndoos.  
\v 2 Masaneda neu Manetualain mana toꞌu dedeꞌa lolo-laon kokolan lele uluk. Masaneda neu Yesus nedenun nara boe. Duduꞌa matalolole laꞌe-neu hata fo ita Lamatuan parenda sara fo rafada neu ei. Huu Ana ndia tao nasoi-nasoda ei numa sala-singgom mara mai.  
\v 3 Masaneda talo ia dei: leo mae dae-bafok bei ta losa fai mateꞌen, tehuu hambu mana makatitiik tao sadi ndaa tungga kada sira hihii-nanaun a mesan. Ara kokolak rakalulutu basa dedeꞌak fo tetebes sara.\x + \xo 3:3 \xt Yudas 1:18\x*  
\v 4 Ara kokolak rae, “Ciih! Yesus helu-bartaa nae, Ana nae fali mai, do? Mete ma talo naa, na, Ana nai bee? Mulai numa ita bei-baꞌin nara mate losa hatematak ia oo ta hambu esa nasafali boe. Basa-basan laꞌok rakandoo, mulai numa Manetualain nakadadadik lalai no dae-inak.”   
\p
\v 5-7 Tehuu hambu dedeꞌak esa fo hatahori mana masapepekok kara ta nau rasaneda ralan. Ndia, numa makasososan mai Manetualain kada kokolak a mesan, de lalai hambu memak kana. Boe ma Manetualain nakadadadik oe. Basa de Ana bingga feꞌe oe numa mada lai mai, boe ma nakadadadik mada lai sou numa oe mai. Manetualain kokolak nae leo bee ena, na, naa hambun neuk ka leo.\x + \xo 3:5-7 \xt Tutui Makasososak 1:6-9\x* Doo-doo boe ma Manetualain pake faa moꞌok fo nakalulutu heni basa hatahorir marai dae-bafok ia; mana rasoda rai Noh lelen.\x + \xo 3:5-7 \xt Tutui Makasososak 7:11\x* Tehuu hatematak ia, Manetualain nafada memak hata fo Ana nae taon neu lalai no dae-inak. Hatematak ia Ana bei nakatataak kana, tehuu neu ko ndaa no fain, Ana nae hotu heni sara. Neu ko Manetualain natuda huku-dokik fo nakalulutu heni basa hatahorir fo ta mana nau tao matak neu Ndia. Leo mae talo naa, tehuu hatahori masapepekok kara raa ta nau rasaneda rae, neu ko Manetualain tao tungga hata fo Ana kokolak ena.   
\p
\v 8 Toranoo susue nggara ein! Boso lilii-ndondou dedeꞌak ia. Ita Lamatuan ta reke ledo-fair sama leo ita rereken. Tungga Ndia, faik esa bisa dadi teuk rifun esa. Ma teuk rifun esa oo bisa dadi faik esak ka boe.\x + \xo 3:8 \xt Sosoda Kokoa-kikiok kara 90:5\x*  
\v 9 Mete ma ita Lamatuan helu-bartaa nae tao dedeꞌak esa, na, Ana tao natetun laꞌe-ndaa ndia fain, ma ta nahani. Hambu hatahori ketuk duduꞌa rae, Lamatuak naue no kada maꞌa-maꞌa. Naa te taa! Ana bei nakatataak kana fo nahani ndia fain. Ita Lamatuan nau fo basa hatahorir sale dalen ma tuke tein nara dei, fo laꞌo ela basa sira sala-singgon nara, de tungga falik Ndia. Huu Ana ta nau fo hatahorir lenggo feꞌe numa Ndia mai.   
\p
\v 10 Tehuu neu ita Lamatuan fali mai naa, ta hambu hatahori mana bubuluk memak kana. Huu Ndia mamain naa no kada kaiboik a mesan, nok bali naꞌo manu-meo esa maso neni uma dale neu. Faik naa, basa hata marai lalai neni hotu henik kara, ndia leo ledo, bulan ma nduuk kara. Basa-basan, basa sara! Leo naak oo dae-bafok no basa oe-isin nara boe. Kade heni sara!\x + \xo 3:10 \xt Mateos 24:43; Lukas 12:39; 1 Tesalonika 5:2; Dae-bafo Beuk 16:15\x*   
\p
\v 11 Dadi mete ma basa-basan neu ko neni hotu henik kara talo naa, na, ei muste dadi miu hatahori mata leo beek? Ei muste maote tebe-tebe fo leo-laꞌo tungga Lamatuak hihii-nanaun. Ei muste leo-laꞌo no malalaok!  
\v 12 Ei oo muste mahani a neu Lamatuak mamain boe. Dadi ei muste maote tebe-tebe fo tao faik naa mai lai-lai. Faik naa, lalai oo neni hotu henik boe. Ma basa hata marai lalai oo neni hotuk kara, de noe heni sara boe.   
\p
\v 13 Tehuu neu ko hambu lalai beuk ma dae-bafo beuk. Manetualain helu-bartaa talo naa ena, de naa ndia ita tahani a neun. Nai naa, hambu kada hatahori mana leo-laꞌo no ndoos a mesan.\x + \xo 3:13 \xt Yesaya 65:17; 66:22; Dae-bafo Beuk 21:1\x*   
\p
\v 14 Dadi toranoo susue nggara ein! Neu ei mahani a neu dedeꞌak kara iar, ei muste maote tebe-tebe fo dadi hatahori neulauk, tungga Lamatuak timba-tain. No dalak naa, ta hambu hatahori fo bisa ndae salak neu ei. Maote tebe-tebe fo leo-laꞌo no mole-damek boe.   
\p
\v 15a Ita Lamatuan naa nahani a mesan fo fee lelak, mita fo Ana bisa tao nasoi-nasoda ei numa ei sala-singgom mara mai.   
\s1 Petrus nateꞌe ndia susuran  
\p
\v 15b Ita toranoon Paulus surak fee ei ena laꞌe-neu dedeꞌak noꞌuk ka fo sama, hetu? Manetualain ndia feen malelak talo naa, huu naa de ana oo surak talo naa boe.  
\v 16 Tungga-tungga Paulus surak susurak, ana oo kokolak dedeꞌak kara iar boe. Nai ndia susuran nara raa memak hambu dedeꞌak fo ita ta bisa talela tala sosoan no malole. Hambu hatahorir oo tao rafeo-falik dedeꞌak kara raa sosoan boe. Ara oo tao rafeo-falik dedeꞌak laen nai Manetualain Susura Malalaon dale boe. Sira raa, ndia hatahori mbera-barek, ma hatahori fo nemeheheren nara bei ta matea. Hatahori matak leo naak kara, neu ko rakalulutu heni sara.   
\p
\v 17 Toranoo susue nggara ein! Ei bubuluk mala meser masapepekok kara raa leleo-lalaꞌon nara ena. Dadi besa-besa, ee! Ara ta nau nenene hohoro-lalanek hata esa boe na. Ara soba-soba fo pepeko-leleko ei, mita fo ei sio laꞌo ela eno-dala ndoos. Tehuu boso fee lelak neu sara fo rasenggi ei talo naa. Huu naa de ei muste makatataka mahere.  
\v 18 Malole lenak ei nemeheherem mara mori rakandoo. Ei bubuluk ita Lamatuan Yesus Karistus ena, ndia tao nasoi-nasoda ita numa ita sala-singgon nara mai. Ana nau natudu Ndia dale susuen neu ei. Ma Ana oo nau fo ei malela neu Ndia no malole bali boe.  
\p Au nau fo basa hatahorir rakadedemak Ndia numa hatematak ia losa doon naa neu!\f + \fr 3:18 \ft Susurak dedeꞌa Yunani ketuk tamba “Amin!” nai ia.\f*  
\q2 Soda-molek  
\q2 Petrus