\id 1TI  
\h 1 Timotius 
\toc1 Paulus susura kaesan fee nonoon Timotius 
\toc2 1 Timotius 
\toc3 1Tim 
\mt1 1 Timotius  
\mt2 Paulus susura kaesan  
\mt2 fee nonoon Timotius  
\c 1  
\s1 Soda-molek  
\p
\v 1-2 Timotius fo malole!  
\p Hara masodak numa au mai, Paulus. Manetualain soꞌuk nala au dadi uu Yesus Karistus nedenun ena. Ma ita tamahena a neu Lamatuak Yesus fo mana fee ita leo-laꞌo takandoo toon, nahuu Manetualain tao nasoi-nasoda ita numa ita sala-singgon mai ena.  
\p Timotius! O sama leo au ana heli-heling, nahuu au oo ndia atudu dalak fo o mamahere neu Karistus boe. Au hule-haradoi oke fo Manetualain, ita Aman, ma Yesus Karistus, ita Lamatuan ratudu Sira dale susuen, dale kasian ma fee o leo-laꞌo no mole-damek ma lino-lendek.\x + \xo 1:1-2 \xt Nedenuk kara Tutuin 16:1\x*   
\s1 Besa-besa mua hatahorir fo mana fee nenorik ta ndoos  
\p
\v 3 Fai maneuk kara, ita dua ngga sama-sama numa kota Epesus. Neu au ae laꞌo uni profensi Makedonia uu, au fufuꞌa o fo mahani nai Epesus. Faik naa, hambu hatahorir tao pangganaa saranik kara ma fee nenori ta ndoos sara. De au oke o muu kaꞌi sara, fo ara boso fee nenorik rakandoo talo naa.  
\v 4 Ma hatahorir oo ngganggari heni ledo-fain nara boe, ma reu rasimbo bafak ro tutui lasik fo ta tetebes. Ara oo adu bafa-maan laꞌe-neu tititi-nonosik tututi-nanaton ta mana ketuk boe. Dedeꞌa matak leo naak kara kada tao hatahorir rahuur, ma tao sara ta leo-laꞌo no nemeherek neu Manetualain.   
\p
\v 5 Au fee nenori-nefadak neu o ia, no dale hihiik mita fo manori hatahori kamaherek kara fo leo-laꞌo ro rasue-laik numa dale lolo-laok mai, numa duduꞌa ndoos mai, ma numa nemeherek no dale katematuan mai.   
\p
\v 6 Tehuu hambu meser ketuk fo sio laꞌo dook ma laꞌo ela nenori-nefadak naa ena. Boe ma ara reu ngganggari heni ledo-fair ro rasimbo bafak ma kokolak sadi ndaa.  
\v 7 Ara ratudu aon nara rae, sira raa, meser mana fee nenorik laꞌe-neu baꞌi Musa Hohoro-lalanen nara. Ara tao aon nara dadi meser ina-huuk, tehuu ara ta bubuluk hata fo ara fee nenorik naa.   
\p
\v 8 Ita basa ngga bubuluk tae, basa baꞌi Musa Hohoro-lalanen nara, malole. Sadi ita takalalaꞌok kasa tungga Manetualain hihii-nanaun.  
\v 9 Hohoro-lalanek kara raa, ta surak fee hatahorir fo leleo-lalaꞌon nara ndoos ena. Tehuu surak fee hatahori mana laban, hatahori ta mana nau nenene parenda, hatahori mana leo-laꞌo dook ka numa Manetualain mai, hatahori mana hii tao manggarauk, hatahori ta mana tao matak neu Manetualain, hatahori mana makadadaek hata fo lolo-laok, hatahori mana makanisa hatahori, hatahori mana makanisa inan no aman heli-helin.  
\v 10 Hohoro-lalanek kara raa oo surak hatahori mana sao leli-belak, touk mana sao no touk, hatahori mana leꞌa reni hatahori fo roke doik, hatahori mana pepeko-lelekok, hatahori mana sakasii pepekok, ma hatahori mana makasisikik hatahorir fo laban nenori ndoos boe.  
\v 11 Nenorik fo ndoos sara numa Manetualain Hara Lii Malolen mai, fo Ana loo liman neu au. Ma Lamatuak naa, Manetualain fo ta neni babanggak sudi selik kana. Hatahorir randaa rakadedemak kana.   
\s1 Toke makasi neu Manetualain, nahuu Ndia dalen susuen  
\p
\v 12 Au oke makasi noꞌuk ka neu ita Lamatuan Yesus Karistus, nahuu Ana tengga nala au dadi uu hatahori nemeheheren, ma fee au bebeꞌi-barakaik, losa au bisa akalalaꞌok Ndia ue-osan.  
\v 13-14 Naa te fai bakahulun, au soa kokolak aboboo fo akatutudak Yesus naden, ma tao doidoso hatahorir fo mana tungga Ndia dala masodan. Au soa tuni-ndeni fo akalulutu sara. Au manggarauk talo naa, nahuu faik naa au ta alela hata fo au taok, ma bei ta amahere neu ita Lamatuan Yesus Karistus. Tehuu Ana ta lilii au ma natudu Ndia susuen neu au.\x + \xo 1:13-14 \xt Nedenuk kara Tutuin 8:3; 9:4-5\x* Lenak bali, Ana natudu dale susuen neu au ta mana basak! Ana fee babaꞌe-babatik sasi kao-kao neu au, fo amahere ahere neun, ma bisa sue-lai hatahori sama leo Ana sue-lai au.   
\p
\v 15 Ita tasiꞌe tamanene ena tae, “Yesus Karistus mai nai dae-bafok ia ena, fo tao nasoi-nasoda hatahorir fo mana tao sala-singgok kara.” Memak tetebes talo naa! Numa basa hatahorir mana tao salak mai, na, au ia ndia manggaraun lenak.  
\v 16 Leo mae au manggarauk talo naa, tehuu Manetualain naketu fo ta natuda huku-dokik neu au. Ana nau pake au dadi uu netuduk fo atudu Yesus Karistus dale loan neu hatahori manggarauk mateꞌen sama leo au ia. No dalak naa, hatahori laen fo mana tao sala-singgok kara oo bisa ramahere neun, mita fo ara hambu masodak rakandoo roon boe.   
\q1
\v 17 Koa-kio Manetualain!  
\q2 Kada Ndia mesa kana, Manetualain.  
\q3 Ta hambu laen ena bali!  
\q1 Manek mana toꞌu parenda ta mana basak.  
\q2 Ana ndia nasoda seku neu.  
\q2 Ana ndia ta mana matek.  
\q2 Ana ndia hatahori ta bisa mete-nitan no mata deꞌe heli-helin.  
\q1 Hatahorir fee basa hada-horomatak ma kokoa-kikiok neun  
\q2 losa doon naa neu!  
\q3 Amin.   
\p
\v 18 Au anang Timotius fo dale malole! Au ae afada o, hata fo o muste makalalaꞌok kana nai uem mara. Basa iar tungga hata fo Manetualain mana toꞌu dedeꞌan nara kokolak memak laꞌe-neu o aom ena. Mete ma o tungga basa dedeꞌak kara raa no malole, o dadi sama leo soldadu esa, mana malela netatik, laban basa manggarauk kara.  
\v 19 Toꞌu mahere o nemeheherem neu Karistus. Ma manea o dalem fo lolo-laok seku neu. Huu hambu hatahori laen ta nau nenene sira dale kuru-eron nara ena bali, fo tao sira nemeheheren nakalulutu, sama leo ofak saꞌe nala harik.  
\v 20 Himenius no Aleksander asa, sama tetar talo naa ena! Huu naa de au loo lima sara reni nitu malanggan reu ena. Au tao talo naa, mita fo naa dadi neu nenorik esa, fo ara boso rakalulutu Manetualain naden bali.   
\c 2  
\s1 Mete ma hatahori kamaherek kara rakabua, ita muste tao talo bee?  
\p
\v 1 Makasososan, au oke ei hule-haradoi fee basa hatahorir. Mete ma ei miu masare mbali Manetualain, na, moke fo Ana tulun basa hatahorir marai susa-sonak kara dale. Ma moke makasi, nahuu Ana tao malole neu sira basa sara.  
\v 2 Hule-haradoi talo naa, fee basa mane-manek kara ma basa hatahori mana toꞌu parenda boe. No dalak naa, ita basa ngga leo-laꞌo no lino-lendek ma mole-damek, tungga Manetualain hihii-nanaun. Leleo-lalaꞌok naa, nandaa no hatahori mana makaluku-makatele neun.  
\v 3 Huhule-haradoi matak leo naak naa, malole. Naa, tao namahoko Manetualain mana tao nasoi-nasoda ita.  
\v 4 Ana nau fo basa hatahorir hambu masoi-masodak, ma ralela hata fo ndoos. Ndia:   
\q1
\v 5 Manetualain naa, kada kisek.  
\q2 Ma hambu kada lelete kisek fo nakadadamek Manetualain no ita hatahori dae-bafok, ndia Yesus Karistus.  
\q2 Yesus naa, hatahori dae-bafo isi-isik.   
\q1
\v 6 Ana loo lima aon fo tefa-soi nala ita basa ngga numa ita sala-singgon nara mai.  
\p Ndaa no fain, boe ma Manetualain buka no ledo-ledo hara lii malole naa ena, fo nafada neu basa hatahorir.  
\v 7 Ma Ana here nala au dadi uu Ndia nedenun ena, fo laꞌok uu afada hatahori ta Yahudir nai bee a mesan ma anori sara, mita fo ara oo ramahere neu Lamatuak Yesus ma leo-laꞌo tungga eno-dala ndoos boe. Hata fo au afadak ia, tetebes. Au ta kokolak bafa rouk.\x + \xo 2:7 \xt 2 Timotius 1:11\x*   
\p
\v 8 Au hihiing talo ia: Nai bee a mesan, mete ma ei makabua fo hule-haradoi, na, ei dalem mara muste neulauk esa no esa. Esa boso namanasa esa. Boso mareresi lelena. Mete ma ei soꞌuk limam mara fo hule-haradoi, na, dalem mara muste lolo-laok.   
\p
\v 9-10 Leo naak oo, inak kara boe. Au nau fo ara rafafaꞌu ao-inan nara no mandaak, ma pake bua-loꞌa randaa no dala-hadak. Ara hae heti aon nara fo hatahorir pui-pui sara, ma feo langga bulun nara mata-matak kara, do ara pake bua-loꞌa mabeli ta randaa no dala-hadak, do ara ramasosoa lena-lenak, pake lilo mbilas, lilo fulak ma poematar. Hata fo tao nala inak kara dadi manaꞌa hiek kara, na, ndia dalen nara lolo-laok ma soa tao kada neulauk. Naa, ndaa no inak mana makaluku-makatele neu Manetualain.\x + \xo 2:9-10 \xt 1 Petrus 3:3\x*  
\v 11 Mete ma saranik kara rakabua fo nenene nenorik, na, inak kara oo tungga hohoro-lalanek fo pasa ndiꞌi doon nara no malole boe, fo nenene tebe-tebe nenorik naa. Boso kutu-nuꞌu ma mamue.  
\v 12 Tungga au naa, inak kara ta randaa soꞌuk aon nara fo parenda touk kara ma ranori sara. Malole lenak inak kara matu-matu a leo.  
\v 13 Huu Manetualain adu nakahuluk Adam. Basa naa, dei de Hawa.\x + \xo 2:13 \xt Tutui Makasososak 2:7; 2:21-22\x*  
\v 14 Ma nitu malanggan ta kedi nala Adam nakahuluk, tehuu inak. Numa faik naa mai, hatahori dae-bafok lena-langga Manetualain hohoro-lalanen.\x + \xo 2:14 \xt Tutui Makasososak 3:1-6\x*  
\v 15 Tehuu leo mae talo naa oo, inak kara bisa hambu masoi-masodak boe, nahuu ara bonggi rala anak. Sadi ara ramahere tebe-tebe neu Karistus, leo-laꞌo rasue-laik esa no esa, leo-laꞌo no dale lolo-laok ma nandaa no dala-hadak.\f + \fr 2:15 \ft Hatahori mana malela Susura Malalaok kara rae, hambu hahambuk hida laꞌe-neu, “inak kara bisa hambu masoi-masodak, nahuu ara bonggi anak.” Sira: 1) Ketuk rae, hambu anak esa, fo ndia Yesus. Ana soi dalak fo basa hatahorir bisa hambu masoi-masodak. 2) Ketuk bali rae, Hawa, ndia hambu kedi-irak ma tao salak, tehuu ana oo dadi neu basa hatahorir bein boe. 3) Ketuk bali oo rae, inak mana leo-laꞌo ndaa, ana ta mate neu ana bonggi anak (tehuu hatahori malelak noꞌuk kara rae hahambuk ia ta matea).\f*   
\c 3  
\s1 Dudu-furak soa-neu mana dadi malangga saranik  
\p
\v 1 Memak tebe, hata fo hatahori kokolak nae, “hatahori mana nau dadi malangga saranik, naa sosoa-ndandaan, ana here nala ue-osa esa neulaun seli ena.”  
\v 2 Malangga saranik kara leleo-lalaꞌon muste leo ia: Naden lolo-laok. Dalen mahanik neu kada saok esak ka. Nanea nala aon. Mana matu-matuk. Hatahorir fee hada-horomatak neun. Uma lelesun neni soik soa-neu fuik kara. Ma ana bisa didi-bui hatahori laen.  
\v 3 Boso hatahori mana ninu mafuk, ma liman boso dai-daik neu hatahori. Hatahori mana mandaak lenak ndia: hatahori dale lilok, mana toꞌu ndolu-dalek ma ta mana dale hedi doik.  
\v 4 Ana muste nafafaꞌu nala uma-loon no malole. Anan nara oo muste fee hada-horomatak ma ramanene neun boe.  
\v 5 Mete ma hatahori naa ta bisa nafafaꞌu nala uma-loo heli-helin, na, talo bee fo ana bisa nafafaꞌu nala Manetualain saranin nara?   
\p
\v 6 Mete ma here malangga saranik, na, malole lenak here mala hatahori fo mana nai Karistus dale dook ka ena. Boso soꞌu malangga saranik numa hatahori bei fo namahere neu Lamatuak Yesus mai. Te hatahori leo naak, neu ko ana koa ao no muda hiek. Boso losak Manetualain delun, sama leo Ana delu nitur malanggan.  
\v 7 Mete ma soꞌuk hatahori dadi malangga saranik, na, sangga hatahori fo mana naena nade malole ena. Hatahori deak kara oo muste fee hada-horomatak neu malangga saranik naa boe. No dalak naa, ana ta mae hata esa boe na. Ma nitur malanggan ta bisa ike nalolin.\x + \xo 3:7 \xt Titus 1:6-9\x*   
\s1 Hatahori mana sou malangga saranik uen  
\p
\v 8 Leo naak oo no hatahori mana sou malangga saranik uen boe. Sira raa, muste hatahori mana naena nade malole, ta mana puputak bafa-maan, ta mana ninu mafuk, ma boso hatahori mana hii hambu nanalak lena-lenak.  
\v 9 Dalen nara muste lolo-laok ma ara muste toꞌu rahere nenorik fo Manetualain buka natudun neu ita hatahori kamaherek kara ena.  
\v 10 Parisa matalolole sira leleo-lalaꞌon ma ue-osan nara. Mete ma hatahorir ta hambu sira salan, na, dei fo soꞌuk kasa fo sou malangga saranik uen nara.   
\p
\v 11 Leo naak oo, sira sao inan boe.\f + \fr 3:11 \ft Dedeꞌa deꞌek Yunani nai ia γυναῖκας \ft \+it (gunaikas\+it* numa dedeꞌa deꞌek huun γυνή (gunē) mai), ndia sosoa-ndandaan bisa, 1) “sira sao inan”, do bisa boe 2) “inak”. Hambu hatahori ketuk rae, dedeꞌa deꞌek naa sosoan nai ia oo, bisa 3) ina mana sou fo nakalalaꞌok saranik uen nara. Tehuu mete ma katelun, dedeꞌa Yunani nasiꞌe pake dedeꞌa deꞌek laen (mete \+it Roma\+it* 16:1).\f* Sira raa, muste inak fo mana leo-laꞌo ndaa no dala-hadak ma naena nade malole. Boso mana tao naboboo hatahori laen naden. Ara muste rakatataak rala aon nara, ma hatahori oo bisa namahere neu sara boe.   
\p
\v 12 Mana sou malangga saranik uen nara oo muste touk fo dalen mahanik neu kada sao inak esak ka boe. Ana oo muste nafafaꞌu nala uma-loon no malole ma muste nafafaꞌu nala anan nara boe.  
\v 13 Sira mana raono-lalau saranik kara no malole, neu ko hatahorir boe fee hada-horomatak neu sara. Ma ara boe rambarani, ta ramataꞌu kokolak laꞌe-neu sira nemeheheren neu Yesus Karistus.   
\s1 Ita nemeheheren oka-huun  
\p
\v 14-15 Timotius, ee! Au amahena ta dook ka bali, au bisa mai tiro-dangga o ena. Mete ma hambu kai-baak fo akai, na, susurak ia losa nakahuluk o limam ena. Au surak susurak ia fo nau afada o ae, Manetualain nufanelun nara muste leo-laꞌo talo bee. Boso lilii-ndondou mae, Lamatuak naa, Manetualain mana masodak. Ndia hatahorin nara sama leo uma esa fo naena batu kakalan ma dii inan matea. No dalak naa, ara muste toba rahere Manetualain nenorin fo ndoos.   
\p
\v 16 Manetualain buka dedeꞌa nemeninok ta neni babanggak numa ita nemeheheren mai ena. Oka-huun talo ia:  
\q1 Karistus mai nai dae-bafok ena,  
\q2 pake hatahori dae-bafok mata-aon leo ita.  
\q1 Manetualain Dula-dalen oo natudu boe nae,  
\q2 Yesus naa, Hatahori dale ndoos.  
\q2 Ma Manetualain atan nara marai nusa tetuk do inggu temak oo mete-ritan boe.  
\q1 Manetualain soꞌuk kana neni nusa tetuk do inggu temak neu ena,  
\q2 basa de nakadedemak kana.  
\q1 Ndia tutuin natanggenggela ena, losa hatahori-nusa-nusak marai dae-bafok katematuan.  
\q2 Nai bee a mesan nai dae-bafok ia, hatahorir ramahere neun ena.  
\p Ita nemeheheren talo naa!   
\c 4  
\s1 Besa-besa mia hatahori mana fee nenorik sadi ndaa neu saranik kara  
\p
\v 1 Tehuu Manetualain Dula-dalen nafada no ledo-ledon ena nae, neu ko saranik ketuk timba heni hata fo ita tamaherek. Boe ma ara tungga dula-dalek kara mana kedi-ira hatahori dae-bafok fo tungga nitur nenorin.  
\v 2 Hatahori mana mai fee nenorik sala leo naak, kokolak laen, tao laen. Sira iar, memak hatahori mana pepeko-lelekok! Hatahorir raa dale kuru-eron memak katemak kara ena.  
\v 3 Ara ranori hatahorir fo boso sao. Ara raluli nanaꞌa mata-matak. Naa te Manetualain, ndia adu nanaꞌak kara raa. Ana adu nanaꞌak kara raa fo neu hatahori kamaherek kara raꞌa, na, ara roke makasi neun. Te ara bubuluk hata fo ndoos na!  
\v 4 Basa hata fo Manetualain aduk kara raa, memak malole. De boso maluli hata-hata! Hatahori muste simbok basa naar no noke makasi neu Manetualain.  
\v 5 Huu Manetualain Dedeꞌa-kokolan, ma ita huhule-haradoin, tao basa nanaꞌak kara raa dadi malalaok.   
\s1 Lamatuak Yesus hatahori mana maue-osa neulaun  
\p
\v 6 Timotius, ee! Fee nesenedak basa dedeꞌak kara iar neu toranoo kamaherek kara. Mete ma o tao talo naa, o dadi muu Yesus Karistus hatahori mana maue-osa neulaun. Manetualain Dedeꞌa-kokolan tao o losa mamahere neun, ma fee o bubuluk mala nenorik bee, ndia ndaa. O toꞌu mahere Manetualain Dedeꞌa-kokolan nara ena. Naa, sama leo nanaꞌak mana tao barakai o ao-inam.  
\v 7 Boso ngganggari ledo-fai no tutui kokola bafa rouk fo ta natoꞌu no Manetualain. Boso tao matak neu bei lasik kara tutuin neluli mata-matak kara. Malole lenak mateme aom, mita fo o leo-laꞌo tungga basa Manetualain hihii-nanaun.   
\q1
\v 8 Lati aok fo ao-inak barakai naa, malole.  
\q2 Tehuu sosoan baꞌu anak ka.  
\q1 Tehuu lati aok fo leo-laꞌo tungga basa Lamatuak hihii-nanaun,  
\q2 sosoan noꞌuk ka.  
\q1 Ana naena sosoak,  
\q2 ta kada neu masodak nai dae-bafok hatematak ia,  
\q3 tehuu nai masodak mana maik boe.   
\p
\v 9 Dedeꞌa-kokolak kara iar tetebes! De tahinda sara neu dalek dale fo boso lilii-ndondou.  
\v 10 Ita tamahena neu Manetualain mana masodak. Ana tao nasoi-nasoda basa hatahorir, lenak bali neu ita mana tamahere neun. Huu naa de ita taue-osa tahere ma taote tebe-tebe.   
\p
\v 11 Fee basa nenorik kara iar. Ma madenu hatahorir fo tungga nenorik kara raa.  
\v 12 Boso mboꞌi hatahorir rakadadaek o, nahuu o bei muri-soruk. O muste dadi netuduk neu hatahori kamaherek kara, numa o kokolam, hihiru-heheom, dale susuem neu hatahori, nemeherem neu Yesus Karistus, ma o leleo-lalaꞌo lolo-laom mai.  
\v 13 Neu ei bei mahani au mamaing, na, boso lilii-ndondou lees Manetualain Dedeꞌa-kokolan neu hatahori kamaherek kara. Matetea dalen nara ma manori matalolole sara.   
\p
\v 14 Makalalaꞌok matalolole babanggi-babaꞌek fo Manetualain feen neu o ena, fo o simbo malan neu faik fo malangga saranik kara hule-haradoi, ma ndae liman nara neu o. Faik naa, ara oo rafada Manetualain hara hehelun laꞌe-neu o masodam ma ue-osam boe. De boso makamboꞌik babanggi-babaꞌek fo o hambu malak naa ena.  
\v 15 Makalalaꞌok basa matak kara raa no manggatek! Mita fo basa hatahorir mete-rita rae, o masodam ma ue-osam nggani matak.  
\v 16 Ndia: manea fo o soa leo-laꞌo tungga ndoon. Ma manea fo o soa fee nenorik laꞌe-neu hata fo tetebes. Mete ma o toꞌu maherek basa naar, na, neu ko Manetualain nasosoi dalak fee o ma hatahorir mana ramanene neu o, mita fo ei makamboꞌik numa basa hata fo manggarauk kara mai.   
\c 5  
\s1 Timotius hihiru-heheon neu saranik kara  
\p
\v 1 Boso hara berak hatahori see fo lasin lenak. Tehuu pake dedeꞌa-kokola bangganaꞌuk, sama leo kokolak mua o ama bonggim. Ma hatahori bei muri-soruk, na, fofoꞌa dalen nara, tao sara leo o toranoo heli-helim.  
\v 2 Leo naak oo no inak see fo lasin lenak boe. Kokolak mua sara, sama leo o kokolak mua ina bonggim. Mete ma kokolak mua inak see fo murin lenak, na, tao sara leo o fadi ina heli-helim. O dalem muste lolo-laok mbali sara.   
\s1 Laꞌe-neu ina falur  
\p
\v 3-5 Saranik kara muste tulu-fali ina falur fo ta hambu nufaneluk rakaboi sara bali. Tehuu ina falu bee fo bei naena umbu-anak, ara ndia muste rakaboi. Manori umbu-anan nara fo ralelak bala ndia mbuse-titin neu sara. No dalak naa, ara raono-lalau Manetualain, ma tao ramahoko dalen. Tehuu ina falu bee fo tebe-tebe kada mesa kana, ana ta naena hatahori esa boe na, fo nakaboi sana. Ana namahena neu kada Manetualain mesa kana. Hatu-leledon ana hule-haradoi noke tutulu-fafalik neu Manetualain. De saranik kara muste rakaboi ina falu matak leo naak kara.   
\p
\v 6 Tehuu ina falu bee fo hii leo-laꞌo no kada setelelek, leo mae ana bei nasoda, tehuu masodan ta naena sosoa-ndandaak, sama leo hatahori mana matek ena.   
\p
\v 7 Fee nesenedak basa dedeꞌak kara raa neu saranik kara, mita fo hatahori deak kara ta bisa kokolak rakalulutu sira nade malolen.   
\p
\v 8 Tehuu mete ma hambu hatahori ta nau rakaboi nufanelu heli-helin nara, lenak bali uma isi heli-helin nara, na, sama leo ana nggari heni nemeheheren neu Manetualain ena. Ndia manggaraun lena heni hatahori ta mana malela Manetualain.   
\p
\v 9 Mete ma nau soꞌu ina falu fo sou malanggan nai saranik uen nara dale, ndia dudu-furan talo ia: teun nara tabole kuran numa nee hulu mai; fai bakahulun ana leo-laꞌo dalen mahanik neu kada sao touk esa;  
\v 10 hatahori ralelan, huu ana soa tao neulauk neu hatahori laen nara; ana nakaboi natalolole anan nara; liman makambelak fo naono-lalau hatahori laen nara; ana tulu-fali hatahori kamaherek kara no tao ue-osa dakuk kara; ana soa tulu-fali hatahori manai susa-sonak dale; ma ana soa nahani a fo tulu-fali nai hata fo neulauk dale.   
\p
\v 11 Boso soꞌu ina falu bei muri-soruk kara fo tulu-fali nai saranik dale. Boso losak ao-mbaa hihiin nara raleꞌa, boe ma ara hii sao seluk bali. No dalak naa, ara ta raena fai ombak fo raono-lalau saranik no malole.  
\v 12 Mete ma sira fai omban fo raono-lalau saranik kuran, na, naa sama leo ara rakalulutu sira hehelu-bartaan nai Lamatuak matan. Neu ko hatahori fee salak neu sara.  
\v 13 Boso losak ara mulai mbera-maꞌa, boe ma reu ramue-osak maso-kalua hatahorir uman, ratuik kokola bafa rouk, rakalulutu hatahorir naden. Ma takalolen lenak bali, ara soa reu sorodododo hatahori laen dedeꞌan, ma kokolak hata fo ta ndaa no dala-hadak.  
\v 14 Malole lenak ina falu bei muri-soruk kara sao seluk bali, mita fo ara bonggi, ma rafafaꞌu uma-loo heli-helin nara. No dalak naa, hatahori mana musu ro ita, ta hambu dalak fo rakabobook ita naden.  
\v 15 Hambu ina falu muri-soruk ketuk laꞌok sala dalan ena, losa ara tungga nitu malanggan eno-dalan ena.   
\p
\v 16 Mete ma ina kamaherek naena nufaneluk esa dadi ina falu ena, na, ina kamaherek naa muste tulu-fali ina falu naa. Boso ela saranik kara lemba-rasaa ralan, mita fo ara bisa tulu-fali ina falu laen nara, fo memak ta raena hatahori esa boe na bali.   
\s1 Laꞌe-neu malangga saranik kara  
\p
\v 17 Hatahori mana makalalaꞌok saranik no malole, ei muste fee hada-horomatak lenak neun ma bae nggadin no mandaak. Lenak bali neu sira mana raue-osa fafandek lima-ein nara, fo tao manggaledo Manetualain Dedeꞌa-kokolan, ma ranori ei eno-dala masodak tetebes.  
\v 18 Sama leo neni surak nai Manetualain Susura Malalaon nae, “Mete ma pake sapi fo tatabu hade deꞌen numa mbulen mai, na, boso pole nekehapi nggonggoron, mita fo ana bisa naꞌa boe.” Ma neni surak seluk bali nae, “See naue-osa, na, ndia nandaa hambu nggadi.”\x + \xo 5:18 \xt Tui Seluk laꞌe-neu Dala Masodak 25:4; Mateos 10:10; Lukas 10:7\x*   
\p
\v 19 Mete ma hambu ketuk fo rakasasaꞌek salak neu hatahori mana nakalalaꞌok saranik, na, boso simbon neuk ka! Muste hambu sakasii dua do telu tutuin sama, dei fo simbo malan fo parisan.\x + \xo 5:19 \xt Tui Seluk laꞌe-neu Dala Masodak 17:6; 19:15\x*  
\v 20 Mete ma kaꞌi-ore malan ena, tehuu ana bei leo-laꞌo nakandoo tungga salak naa, na, kaꞌi-oren nai saranik kara matan. No dalak naa, hatahori laen nara ta rambarani tao tungga salak talo naa.   
\p
\v 21 Makalalaꞌok basa dudu-furak kara iar rai saranik dale. Boso mete matak, ma boso mbeu seserik. Au atotoꞌu ues ia neu o limam nai Manetualain ma Yesus Karistus matan. Atar marai nusa tetuk do inggu temak fo Manetualain tengga nalak kara raa oo, dadi sakasii boe!   
\p
\v 22 Boso hailai soꞌu hatahori fo dadi malanggan. Parisa matalolole makahuluk kana dei. Mete ma ei soꞌu sadi ndaa hatahori, basa boe ma hatahori naa tao salak, ei oo tungga lemba-masaa mala neselu-netaak naa, nahuu ndia tatao-nonoꞌin boe. De manea matalolole o aom fo lolo-laok nakandoo.   
\p
\v 23 Au amanene o hambu hedi taꞌi kambetak nakandoo. Malole lenak mulai hatematak ia, o babali oe no oe anggor faa, mita fo dadi neu modo-aidoo. Boso minu kada oe hiek.   
\p
\v 24 Mete matalolole! Hambu hatahori ketuk salan nara neni nitak memak. Ara bei ta losa mana maketu-maladi dedeꞌak matan, tehuu basa hatahorir bubuluk sira salan ena. Hambu hatahori laen oo, doo-doo dei de salan nara neni nitak boe.  
\v 25 Leo naak oo, neu hatahorir mana tao neulauk kara boe. Ketuk neni nitak memak. Tehuu hambu laen nara tao hata fo neulauk no nefufunik. Leo mae talo naa oo, hata fo ara taok naa, ta dook ka te neni nitak boe. Ta bisa nefuni hata fo neulauk.   
\c 6  
\s1 Laꞌe-neu ata-dato no lamatuan  
\p
\v 1 Hambu ata-dato fo namahere neu Lamatuak Yesus, na, ara muste fee hada-horomatak neu sira lamatuan nai dae-bafok ia, mita fo hatahori deak kara ta hambu dalak kokolak rakatutudak Manetualain naden, ma rakadadaek ita nenorin.  
\v 2a Hambu ata-dato lamatuan namahere neu Lamatuak Yesus. Ata-dator ta bole rakadadaek sira lamatuan, nahuu sira lamatuan naa namahere neu Lamatuak Yesus. Tao talo bee oo, ara muste ralalau lolen lenak bali neu sira lamatuan boe, nahuu dua sara sama-sama hatahori kamaherek, de esa muste sue esa.   
\s1 Nenori mana salak, ma seseba-babae malole  
\p
\v 2b Timotius, ee! Manori saranik kara laꞌe-neu basa iar, ma fufuꞌa sara fo ara tao tungga basa naar.  
\v 3 Ita nenorin ndoos naa, natudu dalak fo leo-laꞌo tungga Manetualain hihii-nanaun. Hatahori mana fee nenorik laen numa ia mai, ara timba heni Lamatuak Yesus Karistus nenori ndoon ena.  
\v 4 Hatahori matak leo naak, koa ao, tehuu uten rouk! Sira hedin nara, ndia kada soa sangga-sangga dedeꞌak ma rareresi laꞌe-neu kada dedeꞌa deꞌek. Basa iar tao hatahori dalen nara mbiri, rahuur, rakalulutu hatahori laen nade malolen, ma ranggaroti hoꞌa-hoꞌa reu hatahori laen.  
\v 5 Hatahori matak leo naak, soa tao mue-anggik ta basa-basa. Sira duduꞌan manggarauk. Ara ta bubuluk ena, bee ndia tetebes bali. Ara duꞌa rae, mete ma ara manggate rakalalaꞌok anggama, na, ara bisa ramasuꞌi.   
\p
\v 6 Memak anggama bisa tao nala hatahori dae-bafok nameda hambu nanala moꞌok. Huu mete ma ita leo-laꞌo tungga Manetualain hihii-nanaun, ma tameda dai ena hata fo ita taenak, naa ndia tao namahoko Manetualain dalen. Naa dei fo anggama tetebes.   
\p
\v 7 Masaneda matalolole! Neu faik fo bonggi ita, ita ta teni hata esa boe na neni dae-bafok ia mai. Ma neu ita mate oo, ta teni hata esa boe na kalua laꞌo ela dae-bafok ia boe.  
\v 8 De sadi hambu nanaꞌak ma bualoꞌa-papakek, na, nemeda dai leo!   
\p
\v 9 Tehuu hatahori fo mana hihiik ka dadi namasuꞌi, ana hambu soba-dou mata-matak kara no muda hiek ma hambu ikek numa kii-konak mai, nahuu ara duduꞌa kada hata-heto a mesan. Basa naar neni sosoek ma nekelulutu masodan nara.  
\v 10 Dalek nai kada doik naa, dadi neu huuk numa hatahori tao manggarauk mata-matak mai. Hambu hatahori ketuk rasuu ralan seli sangga doik leo naak, losa ara laꞌok sala dook ka numa sira nemeheheren fo ndoos mai ena. No dalak naa, sira mesa kasa rakalulutu sira masodan.   
\s1 Toꞌu mahere nenorik fo o simbo malak ena  
\p
\v 11 Timotius, ee! O ia, Manetualain enan. De makadodook numa basa nanggarauk mai. Leo-laꞌo no lolo-laok. Leo-laꞌo fo tao mamahoko Manetualain dalen nai basa dedeꞌak kara. Mamahere makandoo neu Yesus Karistus. Sue-lai basa hatahorir. Makatataka nai susa-sonak dale. Leo-laꞌo no neulauk mua basa hatahorir.  
\v 12 Makatataka tebe-tebe fo makalalaꞌok basa nenorik fo ita tamaherek kara. Manetualain baꞌe fee o masodak ta mana basak ena. O mafada o nemeheherem neu Lamatuak Yesus talo naa nai hatahori noꞌuk kara matan ena. Dadi toꞌu mahere masodak naa, fo boso makamboꞌik kana.  
\v 13-14 Ma hatematak ia, au oke o ndara fangga hehelu-bartaak talo ia: Tao tungga basa Lamatuak Yesus parendan. Boso malena-langga parenda esa boe na, mita fo hatahori ta hambu o salam. Tao tungga basa naar no tebe-tebe, losa neu faik fo ita Lamatuan Yesus Karistus fali mai. Au oke fo o helu-bartaa talo naa nai Manetualain matan. Ana ndia baꞌe samanek neu basa kaani hahaek lalaꞌen. Au oo oke o helu-bartaa talo naa nai Yesus Karistus matan boe. Ana ndia nataa no ledo-ledo laꞌe-neu Ndia aon nai nggubenor Pontius Pilatus matan ena.\x + \xo 6:13-14 \xt Yohanis 18:37\x*   
\q1
\v 15 Lamatuak Yesus ta neni babanggak, Ana ndia toꞌu koasa.  
\q2 Ndia naa, Mane Ina-huuk numa basa manek kara mai.  
\q2 Ma Ndia naa, Malangga Ina-huuk numa basa malanggan nara mai.  
\q1 Ndaa no fain,  
\q2 Manetualain nau tao manggaledo dedeꞌak kara iar.   
\q1
\v 16 Kada Manetualain mesa kana ta mana matek.  
\q2 Ana leo nai manggaledok dale, fo hatahori dae-bafok ta bisa nakatataka mete-nita sana.  
\q3 Ta hambu hatahori esa boe na fo bisa mete-nita sana.  
\q1 Basa-basan fee hada-horomatak neun!  
\q2 Basa koasa lalaꞌen nai Ndia liman losa doon naa neu!  
\q3 Leo kada naa! Amin!   
\s1 Laꞌe-neu hatahori kamasuꞌik kara  
\p
\v 17 Mafada hatahori kamasuꞌik kara marai dae-bafok ia, fo ara boso koa ao, ma boso tai-ramahena neu sira hata-heton. Huu basa hata-hetor raa neu ko sambu do lalo. Malole lenak ara tai-ramahena neu Manetualain mana masodak. Huu Ana ndia mboꞌa basa hata fo ita toꞌak, mita fo ita bisa tameda tala masodak ia lole-ladan.  
\v 18 Mafada sara fo pake sira hata-heton fo tao hata fo neulauk. Ara muste manggate tao hata fo neulauk. Ara muste rakambela liman fo tulu-fali hatahori laen nara, ma hii nduu-pala babaꞌe-babatik, fo Lamatuak baꞌe fee sara.  
\v 19 No dalak naa, ara raduduru rala hata-heton nara fo dadi neu nemberii matea soa-neu sira masodan mana maik. De ara rambadedeik masodak fo kasosoa-ndandaak.   
\s1 Paulus nateꞌe susuran  
\p
\v 20 Timotius, ee! Manea matalolole basa hata fo Manetualain natotoꞌun neu o limam ena. Boso tungga sorodododo mua kokolak bafa rouk kara. Boso tamba suru tiꞌun ma dedeꞌa ta mana neni hada-horomatak neu Manetualain. Masaneda, ee! Hambu hatahori tao aon nara rae, sira malelak kara. Naa te sira ‘malelan’ naa, ta naena matea faa boe na. Hae muu adu o bafa-maam mua sara.  
\v 21 Hambu hatahori ketuk ramahere neu nenori mana puta-paik kara raa, losa ara sio laꞌo ela sira nemeheren fo ndoos neu Manetualain.  
\p Au oke fo Manetualain natudu dale susuen neu ei basa ngga.  
\p Soda-molek,  
\q2 Paulus