\id TIT Tutsa: Bible Translation 1st Edition
\ide UTF-8
\ide Unicode (UTF8)
\h Taitas
\toc1 TAITAS suh Pool ih raang arah Le
\toc2 Taitas
\toc3 Tit
\mt1 TAITAS
\mt2 Suh Pool Ih Raang Arah Le
\imt Ephangjatjih
\ip Taitas ah Ranglajatte dung nawa lek ano Kristaan ih hoonta eno Pool damdi Rangte mootkaat ni roong mota.\bk Taitas suh Pool leeraang\bk* ah heh damdi roong mote Kritiite suh baat ha, erah ni chaas mootkaat soksam suh tongthuk arah suh ah. Le adi jaatjom tiitwaan raangha.
\ip Jaakhoh ah, Taitas suh chaas phansiitte mihak dang ajang ah mamah angtheng ah ih baat ha, ehanthoon ah Kriti mina loong ethih reeraangte loong asuh baat ha. Erah lidi, Taitas suh chaas mina loong hephan hejaat di mote asuh mamet nyootsoot theng ah baat ha, wikuh teekaang, jaaro jaalah, nyia dah loong raang ih ah. Hethoondi, arah raangte warah ih Taitas suh Kristo mina loong dang ajang tiit ah hukse baat koha, ehanthoon ah joonte sano ih tong tiit nyia semroongroong ih tong tiit ah baat ha, nyia emiksuk mui ah eto etheng ih baat ha, erah dam ih edaan mui jengmui, nyia chaas ah lapheephaak tiit ah baat ha.
\iot Hemong Dowa Jatjih
\io1 Ephangjatjih \ior (1:1-4)\ior*
\io1 Chaas ni mote loong \ior (1:5-16)\ior*
\io1 Chaas ni hephan hejaat dung ni mote\ior (2:1-15)\ior*
\io1 Chaankot tiitkhaap nyia echoojih tiit banbaat \ior (3:1-11)\ior*
\io1 Hethoon tiit \ior (3:12-15) \ior*
\c 1
\p
\v 1 Arah le ah langla, Rangte laksuh nyia Jisu Kristo Kaamwah Pool jiin nawa.
\p Ngah ah langla Rangte mina danje choi loong ah chosok suh nyia seng thooroom ih baat ha jun ih amiisak lam nah mamet hanpi theng ah nyia siit theng tiit ah nyootsoot suh daapkaat tahang, 
\v 2 erah tiit ah seng babah uh lathoon theng roidong asuh laalomli adi roopla. Babah uh eleek tiit labaatte, Rangte ih, seng suh saapoot maang rookliika ngakhodi erah roidong jeng kakham ah hoonta, 
\v 3 eno saapoot chang adi heh tiitkhaap ni dongjat thukta. Erah loong mootkaat ah ngah suh kotahang, eno seng Pangte Rangte ih baat halang jun ih tumbaat hang.
\p
\v 4 \x - \xo 1:4 \xo*\xt 2Kr 8:23; Gal 2:3; 2Tim 4:10\xt*\x* Nga sah Taitas suh raanghang, seng ah esiit tuungmaang di roopli.
\p Seng Rangte nyia pangte Kristo Jisu ih an suh minchan nyia semroongroong ah toom koho.
\s Kriti ni Taitas mootkaat
\p
\v 5 Ngah ih an Kriti ni thiinhaat taha langla, maangthoon mootkaat loong ah phanjangjang angthuk suh nyia samthung rep nah chaas phansiitte loong ah dongsiit suh thiinhaat taha. Ngah ih huk baattaan hala samthun et uh: 
\v 6 \x - \xo 1:6-9: \xo*\xt 1Tim 3:2-7\xt*\x* mihak phokhoh ah moongtaang muh jaatjaat angtheng; heh minuh ah esiit luulu jaatjaat angtheng; \f + \fr 1:6 \fr*\fq heh minuh ah esiit luulu jaat angtheng; \fq*\ft adoleh \ft*\fq heh kuhoon ah jaasiit luulu hoonte angtheng \fq*\f* nyia heh sah ah hanpiite angtheng nyia heh reeraang pakna ese, adoleh mih jeng chaatchaat ang arah angtheng. 
\v 7 Chaas mihak phokhoh ah Rangte mootkaatte ang abah heh reeraang adoh moong ataang laje theng. Heh ah laatchaatte mina adoleh ten seek ih khatte mina lajaatjaat angtheng, adoleh kham mokte adoleh changrookte adoleh ngun doh nyamnyookte lajaatjaat angtheng. 
\v 8 Heh wenwah soksamte nyia mootkaatse suh nookte angtheng. Heh teeteewah jen soksamte, epun mina, esa mina, nyia phanjangjang angtheng. 
\v 9 Heh ih Rangte tiitkhaap ah dangdang ih kapjih marah laalomjih nyia rang banlam tiit di roongroopla rah ah. Emah lam ih ba heh ih mihoh suh jen nyootsoot ah erah dam ih Rangte tiit daante loong asuh neng moongtaang ah mi renbaat korum ah.
\p
\v 10 Tumeah, amiisak tiit daante nyia lalangka jengkhaap nawa ih mokwaante mina hantek je ah, ehanko ah Jehudi thooroom nawa lekte miloong ah reeraangla. 
\v 11 Erah loong jeng ah tanghaam etjih jaatjaat, tumeah neng eh lanyootjih loong ah nyoot rum ano warep changka ni thungjoong thuk rumha, eno erakri etheng lampo nawa eh ngun akom ah niik et rumha. 
\v 12-13 Erah tiitbaatte ah Kritiite wasiit neng hah hah nawa khowah angta, heh ih amiisak tiit amet baatta, “Kriti mina loong ah saarookwih eleek tiitbaatte, ethih siiawi likhiik, edem mina nyia pookwok sawok mina loong.” Erah raangtaan ih an ih neng ah dangdang ih kanja rum uh, eno ba neng hanpi ah rongtangtang ang ah 
\v 14 nyia Jehudi loong te awah khiikkhi nyia amiisak tiit thaajuute mina loong jiin nawa ra hala jengdang ah takah kap rumka ang ah. 
\v 15 O mina tenthun mongtham esa ang ah, heh di jaatrep ah esa ang ah; enoothong o mina miittah hoomte adoleh lahanpiite loong raangtaan ih tumjih uh esa tah angka, tumeah nengthung nengtak ni miittah ah ejen dong thuk et rumta. 
\v 16 Rangte ah ejat et hi ih neng tu nawa ih chaang rumha, enoothong neng reeraang nawa ih bah edaan et rumha. Neng ah mih misukte nyia jeng lachaatte mina, tumjih uh ese di tapun rumka.
\c 2
\s Rangbanlam tiit
\p
\v 1 Enoothong an ih bah marah rang banlam di punla erah tiit ah nyootsoot theng. 
\v 2 Teekaang loong ah toongtang angtheng, thungsek angtheng, nyia neng teewah naririh ih bansokte toom ang rum ah ih baat rum uh; neng hanpi, minchan nyia enaanjih ah naririh toom ih thun rum ah. 
\v 3 Emamah wikuh loong ah uh minuh likhiik ih neng roidong ah esa ih tongsong suh nyootsoot rum uh. Neng mih thetbaatte adoleh kham kaanya lajaatjaat angjih. Neng ih ese ah enyoot jaatjaat toom et rum ah, 
\v 4 eno ju ba sakliinuh loong asuh neng sah loong nyia neng miwah loong minchan, 
\v 5 adoleh neng teeteenuh ah jen ban sok suh nyia kamkam esa jen ang rum suh, neng miwah jengchaatchaat ete nuh toongtang angsuh nyootsoot rum ah, eno Rangte jiin nawa ra hala tiitkhaap asuh o ih uh ethih lam nah tajen thetbaat rumka.
\p
\v 6 Emamah jaaro loong ah uh neng teewah ah naririh toom ang rum ah ih baat rum uh. 
\v 7 Jaatrep nah an teewah dang ajang ah nyootbaat etheng angtheng. Enyoot ih rum uh doh naririh nyia dangdang et nyootsoot rum uh. 
\v 8 An jeng ah mih ih lami joobaat theng phanjangjang angtheng, eno ba anpi anra loong ah seng thetbaatjih laje koka no neng rakriiri erum ah.
\p
\v 9 Dah loong ah neng changte jengchaatchaat ejih nyia neng changte ah jaatrep lampo na roon thukjih. Neng ah neng changte damdoh langaak jeng theng 
\v 10 adoleh neng ih mihot ah lahotjih. Erah nang ih, neng hanpi nyia neng ese ih saarookwih noisokjih, eno ba neng reeraang pakna nawa ih seng Pangte Rangte tiit nyootsoot hi men ah rak ah.
\p
\v 11 Tumeah Rangte ih heh minchan thoontang mina’ khopiipang suh dongjat thukta. 
\v 12 Erah minchan ah ih rangmen lajat thang ih tongsongti nyia mongrep suh mongmali ah toohaat baat hali, erah dam ih seng teeteewah ah naririh ih soksam theng ih baat hali, eno epun nyia rangte hasong ih songtong tiit ah baat hali, 
\v 13 tumeah seng ih romseetam Rangwuung laalomti ah bantho hi, erah sa doh seng elong Rangte nyia seng Pangte Jisu Kristo ah chaan apaan pan ih dong ha. 
\v 14 \x - \xo 2:14:\xo*\xt Rsb 130:8; Hpkt 19:5; Hodb 4:20; 7:6; 14:2; 1Ptr 2:9\xt*\x* Seng loong roidong ah jaatrep ethih reeraang nawa piipang suh nyia heh luulu mina esa ang thuk heeno ese mootkaat reeraang thung ang thuk suh heh roidong ah kokaat taha.
\p
\v 15 An jeng boichaatte loong asuh chaankot jengkhaap renbaat rum uh doh nyia kanja uh doh an chaan ah maak uno arah tiit loong ah nyootsoot rum uh. An jeng boichaatte loong ah ih o ih uh naaktoom thaaju rumho.
\c 3
\s Kristaan reeraang
\p
\v 1 An mina loong asuh samthun thuk rum uh, ngoong awang nyia deek akaan phansiitte loong, jeng ah naktoom daan rum ah, nyia jaatrep lam nah ese mootkaat ah reesuh banban toom ih tong rum ah. 
\v 2 Neng suh baat rum uh mihoh tiit naktoom thetbaat rum ah, erah nang ih bah jiiwah joonwah totoh et thiin rum ano semroongroong lam ih toomtong rum ah, eno warep damdoh neng toongtang ah toom noisok rum ah. 
\v 3 Tumeah seng loong uh jaasiit ba thungko angti, mih jeng laboichaatte, nyia lapun lajun mina angti. Seng loong ah jaatrep ethih ekhah suh lungwaang nyia mongmah ih no songtongti. Seng roidong ah ethih, mih siikhaam tenthun, nyia miksuk mui lam ih tongsong ra tahe. 
\v 4 Enoothong seng Pangte Rangte minchan nyia tenthet ah dongjat thuk tahe adi, 
\v 5 heh ih seng ah puipang tahe. Erah seng mootkaat ese ih moh thoidi tapang tahe, erah nang ih heh teewah tenthet nawa ih seng ah piipang hali, Esa Chiiala jun ih saachot heeno seng ah ena et dong tupthuk hali nyia roidong ena ah kohali. 
\v 6 Rangte ih Esa Chiiala ah seng sak ni seng Pangte Jisu Kristo jun ih rapne ih daapkaat taha, 
\v 7 eno ba heh tenthet dowa ih seng ah Rangte damdoh epun ih tongsong ih nyia seng ih laalom hi lathoon theng roidong adoh jen chonop wang ih. 
\v 8 Arah amiisak tiitthaak.
\p Eno ngah ih erah tiit ah hoondak et baat kot suh ramlang, eno ba Rangte suh hanpiite mina loong ih ese mootkaat ah re suh neng saapoot jen koh ah, eno erah ah warep mina raang ih ese nyia maak doh chapjih ang ah. 
\v 9 Enoothong lalangka tiitkhaap thoidoh ladaan muitheng, te awah tiit doh, changrook nyia Hootthe tung doh eboot thet hoom mui lah etheng. Erah tiit loong ah thaangmuh nyia lalangka tiit. 
\v 10 Mih pheehoomte suh jaanyi taan ba choophaan baattaan theng, erah tokkhoh doh bah tumjih uh lakah ih thiinhaat theng. 
\v 11 An ih jat et hu erah likhiik mina ah ethih, nyia neng rangdadah ih neng moongtaang ah dongjat ah.
\s Hethoon tiitkhaap
\p
\v 12 \x - \xo 3:12 \xo*\xt Esm 20:4; Eph 6:21,22; Kol 4:7,8; 2Tim 4:12\xt*\x*Ngah ih an jiinnah Artimas adoleh Tiichikas daapjah hang adoh an nga jiinnah Nikopolis nah rootroot ih wang ho, tumeah hahook ko doh ngah erah nah tong suh thunhang. 
\v 13 \x - \xo 3:13 \xo*\xt Esm 18:24; 1Kr 16:12 \xt*\x* Mat hoonte Jinas nyia Apolo ra nyuuha doh nengnyi lengkhoom raangtaan ih mathan jen chosok uh erah than et soksam we nyu uh, nengnyi tumjih doh uh lathangrang thuk ih chosok weetheng. 
\v 14 Seng mina loong ih ese mootkaat mosuh saapoot ah mamet kotjih ah erah enyoot jaatjaat etheng, eno ba neng ah saarookwih laboot laabe thang ih jen chosokmui rum ah; neng roidong ah thaangmu nah naktoom tong rum ah.
\p
\v 15 Nga dam dowa loongtang ih sen suh jengkhaapse ah maat hali. Seng jengkhaapse ah hanpiite loong joonte suh nep toombaat koh an.
\p Rangte minchan ah sen damdam toom ang ha.