\id REV Tutsa: Bible Translation 1st Edition
\ide UTF-8
\ide Unicode (UTF8)
\h Motmangtiitwu
\toc1 MOTMANGTIITWU ni Joon suh Wuungbaat arah
\toc2 Motmangtiitwu
\toc3 Mot
\mt1 MOTMANGTIITWU
\mt2 Ni Joon Suh Wuungbaat Arah
\imt Ephangjatjih
\ip \bk Joon suh dongbaatta \bk* ah Kristaan loong ih Jisu Kristo ah seng Teesu ngeh hanpi rum kano siiwi rumta erah tok adi raangta. Arah raangta ah langla aa le ah ngo ih phat ah erate ah laalom nyia tenchaan hoon tenthun toom je ah ngeh raangta, erah damdi echam enaang nyia siiwi tokdoh uh tuungmaang ah lanaang theng ngeh chaan korumta.
\ip Arah le adi ehanko adi raangha rah langla, motmangtiitwu nyia enyoot baat jenglam ih wuung baatta, erah tok dowa kristaan loong ih samjat rumta loong ah raangha, eno liwang nah wahoh loong raangtaan ih lajen jatjih ih hoon ah. Jengroop ah rootju rootjang ang tungkaang ih, arah leedap dowa hesot hemat ah mangphe ni maama maama lam ih we wuungbaat leh we wuungbaat eh thukta. Arah leedap tiit ah maama maama dong baat rum abah uh hesot hemat ah jengroop ah jatririh angka ah: Teesu Kristo jun ih Rangte ih heh raawah loong ah thoontang jen ah, Soitaan nep, eno Rangte ih heh suh hanpiite loong asuh raamui thoonta no ena rangmong nyia hatoh ena dowa romseetam damdoh hethaang ah koh rum ah.
\iot Hemong Dowa Jatjih
\io1 Ephangjatjih\ior (1:1-8)\ior*
\io1 Mot amang phangtup nyia chaas sinet suh le maatta \ior (1:9—3:22)\ior*
\io1 Leeraangtui sinet erapchoi\ior (4:1—8:1)\ior*
\io1 Sinet luirongmot \ior (8:2—11:19)\ior*
\io1 Dragoon nyia suithih nyakhah enyi \ior (12:1—13:18)\ior*
\io1 Hejaatjaat mot amang \ior (14:1—15:8)\ior*
\io1 Rangte tenkhat ah sinet taamkhuung \ior (16:1-21)\ior*
\io1 Bebiloon thet haat, eno suithih nyakhah, emoong khowah, eno Hakhoh juungbaan jenta.\ior (17:1—20:10)\ior*
\io1 Ethoon dande \ior (20:11-15)\ior*
\io1 Ena rangmong, ena hatoh, ena Jerusalem \ior (21:1—22:5)\ior*
\io1 Hethoon\ior (22:6-21)\ior*
\c 1
\p
\v 1 Arah leedap ah Jisu Kristo ih dong wuungbaatta loong tiit ah raangthin arah. Heh suh Rangte ih erah wuungbaatta ah langla kharok ih timjih angte angla heh laksuh loong ih toomjat ah ngeh noisok ha. Kristo ih heh rangsah ah daapkaat ano heh laksuh Joon suh arah loong tiit ah jat thukta, 
\v 2 Joon ih marah tupta thoontang baatta. Rangte tiitkhaap nyia Jisu Kristo ih amiisak tiit dongbaatta loong ah langla arah. 
\v 3 Ngo ih arah leedap ah weh ah nyia khowah ih ban baat ha tiitkhaap ah chaat ah eno arah leedap adi marah raangha erah kapte loong ah tenroon angtheng! mamah liidi arah loong ah lang suh saapoot ah ethok ehala.
\s Chaas sinet suh jengseera
\p
\v 4 \x - \xo 1:4 \xo*\xt Hpkt 3:14; Mot 4:5 \xt*\x* Esia juungkhuung nawa chaas sinet loong suh Joon taangnawa le:
\p Marah amadi uh eje, jaakhoh ni eje angta, eno liwang nah uh eraak ete, erah Rangte nyia sinet moong achaang heh luuwang tongtheng re dowa, 
\v 5 \x - \xo 1:5 \xo*\xt Isa 55:4; Rsb 89:27\xt*\x* eno hanpi etheng, jaakhothoon etek nawa phang saatte, eno arah mongrep dowa luuwang loong pante Jisu Kristo taangnawa tenthet nyia semroongroong ah sen suh toom ang ah.
\p Heh ih minchan eh hali, eno heh bangphak ni tekbot ano seng loong ah seng rangdah nawa pang tahe 
\v 6 \x - \xo 1:6 \xo*\xt Hpkt 19:6; Mot 5:10 \xt*\x* eno seng loong ah heh wah hasong nah moot suh romwah ih hoon thuk hali. Jisu Kristo damdoh saarookwe phaaknyaanya nyia chaan aphaan ah toom ang ha! Amen.
\p
\v 7 \x - \xo 1:7 \xo*\xt 1:7\xt*\xt Dan 7:13; Mat 24:30; Mk 13:26; Luk 21:27; 1Thes 4:17; Jek 12:10; Jn 19:34,37; Jek 12:10; Mat 24:30 \xt*\x* Sokthaak an, heh ah jiingmuung ni ra hala! Thoontang ih heh ah japtup ah, heh saam ni sotte rah ih uh ekap tup eh ah. Mina loong hatoh adoh heh raangtaan ih raamwe rum ah. Emamah ju toom ang ah!
\p
\v 8 \x - \xo 1:8 \xo*\xt Mot 22:13; Hpkt 3:14 \xt*\x* Amadi uh eje, jaakhoh ni uh eje angta, eno linah uh eraak ete, Teesu Elongthoon Rangte ih liita, “Phangkhoh uh ngah, liwang uh ngah.”
\s Kristo tiit bantup
\p
\v 9 Ngah senphoh senno Joon, eno Jisu liphan diibah, ngah uh esiit sen damdi jiite anglang heh hasong ni chamnaang naante ah. Ngah ih Rangte jengkhaap nyia amiisak tiit Jisu ih dongbaatta ah baatkang no juungloot Patmos hah ni thin rum tahang. 
\v 10 Teesu saakaan saadi Chiiala lakmong ni ang tang, eno nga liko ni erongwah luirong huung mot arah likhiik chaattang. 
\v 11 Erah huungta rah ih liita, “Marah tup hu erah raang uh, eno erah le ah samnuthung sinet dowa chaas loong Ephisas, Ismirna, Pargamum, Thaitira, Sardis, philadelphia, nyia Laodisia nah maat uh.”
\p
\v 12 Nga reeni ngo waan hala ngeh taat ngaak soktang, eno ngah ih kom nawa hoon arah weetook thin theng sinet tuptang, 
\v 13 \x - \xo 1:13 \xo*\xt Dan 7:13; Dan 10:5 \xt*\x* erah loong dowa mina likhiik tup arah uh eje angta, nyuh ah heh lasih ni thok jangdat arah angta, eno kom ah heh teekhuh ni ngoomkhak arah angta. 
\v 14 \x - \xo 1:14 \xo*\xt Dan 7:9 \xt*\x*\x - \xo 1:14 \xo*\xt Dan 10:6\xt*\x*Heh khoroon ah ripuung nyia nge kah puung ajih puungta, eno heh mik ah we luungluung likhiik phaakta; 
\v 15 heh lah ah jaanmeen leep hut choi likhiik leepta, eno heh root ah choonraak juung kah reng datjan ah likhiik reng janta. 
\v 16 Heh lak dakchah ko adi ritsi sinet piita, eno heh tui nawa haanghop theh arah lang dong taha, eno heh the ah rangnithung rangsa kaphaak ah likhiik phaakta. 
\v 17 \x - \xo 1:17 \xo*\xt Isa 44:6; 48:12; \xt*\xdc Mot 2:8; 22:13 \xdc*\x* Erah japtup ango, ngah tekmang likhiik heh lathong ni loongdat tang. Heh lak dakchah ko rah ih taajoh hangno liita, “Nakcho uh! ephang uh ngah ethoon uh ngah. 
\v 18 Marah ething angla erah wah rah ngah, etek etang, enoothong amadi ngah roitang raangtaan ih ething anglang. Etek nyia jumlam ah jen suh ngah jinni chaan je ah. 
\v 19 Erah raangtaan ih marah tup hu erah raang uh, amadi angla nyia marah linah elang etheng ah erah ah. 
\v 20 Nga lak dakchah kooni piihang ritsi sinet nyia kom weetook thin theng sinet tup hu eradi timjih bah uh husah tiit eje: ritsi sinet ah angla chaas loong raangtaan ih rangsah loong, eno weetook thin theng sinet ah langla chaas sinet.
\c 2
\s Ephisas suh tiitkhaap
\p
\v 1 “Ephisas chaas rangsah suh raang uh:
\p “Arah tiitkhaap ah heh reeni dakchah kooni ritsi sinet joha taangnawa nyia kom weetook thin theng sinet damdi khoomla wah taangnawa. 
\v 2 Tim reelu ngah ih jat eh hala; Naan uno timthan mootchaan kaatchaan motu ah ejat ih hala. Erah ejat ih hala mih lajak loong ah an ih tah naan sokko. Erah damdi kaamwah lah angka di ngah kaamwah ngeh chaang ha mina loong ah thaak taari uno jat hu, neng loong ah ehuh eleek. 
\v 3 Nga thoithoi di an ih lah toihaat thang ih rapne naan uno chamnaang lu, 
\v 4 Enoothong an suh laseechoh abah jaakhoh ni minchan tahang likhiik amadi lah minchan rang nooba laseechoh ih hala. 
\v 5 Taatthaak thunthaak uh, timthan haloh ni moonglu! Rangdah mootkaat thinhaat uno jaakhoh ni motu erah likhiik moh uh. An rangdah nawa lamok lek koobah, ngah eraak ehang weetook thin theng ah etoon raak ehang. 
\v 6 Enoothong ngah ih an suh seechoh hala abah ngah ih Nikolai loong reeraang miksuk tang likhiik an ih uh emamah miksuk hu erah suh ba seechoh lang.
\p
\v 7 \x - \xo 2:7 \xo*\xt Rangph 2:9; Mot 22:2 \xt*\x* “Sen na je an bah, Chiiala ih chaas suh timjih baat ha erah chaat an!
\p “Ngo mina ih jen jen ah, erah mina suh Rangte Pa ni roidong potiik bang angla erah tiik ah jen thi phak thuk ang.
\s Ismirna suh tiitkhaap
\p
\v 8 \x - \xo 2:8 \xo*\xt Isa 44:6; 48:12; Mot 1:17; 22:13 \xt*\x* “Ismirna chaas dowa rangsah suh raang uh:
\p “Arah tiitkhaap ah marah wah ephang, ethoon nyia etek eta eno ewe ngaakthingta erah wah taangnawa. 
\v 9 Ngah ih an chamnaang ah ejat ehang, an changthih ngeh uh ejat ehang—enoothong an amiimi diibah changthih tah angko! Ngah ih jat ehang Jehudi lah angka di Jehudi ngeh ih chaang rumha loong rah ih an tiit ethih thetbaat rum halu, amiidi bah neng ah Soitaan mina! 
\v 10 Tim ang abah uh chamnaang ra nakcho uh. Chaat uh! Hakhoh luuwang ih phaatak nah sak hono eteeme mok eho, eno an sa asih tuk ih ba chamnaang uh. Etek theng thok ha bah uh ngah suh rapneene ih hanpi hang, enooba ngah ih an suh ejen thaang ah roidong koha.
\p
\v 11 \x - \xo 2:11 \xo*\xt Mot 20:14; 21:8 \xt*\x* “Sen na je an bah, Chiiala ih chaas suh timjih baat ha erah chaat an!
\p “Ngo mina ih jen jen ah erate ah etek we etheng rah ih tajen haamka.
\s Pargamum suh tiitkhaap
\p
\v 12 “Pargamum chaas dowa rangsah suh raang uh:
\p “Arah tiitkhaap ah haanghop langtheh ang arah piita wah taangnawa. 
\v 13 Ngah ih jat ehang maradi an tonglu erah hah rah Soitaan luuwang tongtheng angla eradi tonglu. Ngah haaki tuungmaang maang ih chapte Antipaas ah Soitaan tongtheng ni tek haatta tok adi uh an ih ngah suh tuungmaang ah tah thin haattu. 
\v 14 \x - \xo 2:14 \xo*\xt Erok 22:5,7; 31:16; Erok 23:4; Erok 25:1-3 \xt*\x* Enoothong sen suh amasah laseechoh ah langla: sen laktung ni marah marah mina Baalam jeng chaatte eje, Marah ih Baalak suh Ijirel mina loong mokwaan thuk rum ano tongmih suh koha phaksat ah phaksat thuk rumta eno minuh damdoh roomjup roongtong ah nyootsoot ano rangdah ni dat hoom rumta, erah Baalam jeng kapte sen jaachi ni eje. 
\v 15 Erah likhiikkhiik sen jaachi ni uh marah marah mina Nikolai loong jeng nyootte eje. 
\v 16 Amadoh engaak ehan sen rangdah nawa ah! lah ngaak ran bah, ngah sen jinnah kharok eraak ehang eno nga tui nawa dong taha lang ah pi angno neng damdoh rook raahang.
\p
\v 17 \x - \xo 2:17 \xo*\xt Hpkt 16:14,15; 16:33,34; Jn 6:48-50; Isa 62:2; 65:15 \xt*\x* “Sen na je an baleh chaat an, marah Chiiala ih chaas loong suh baat ha rah ah!
\p “Ngo ih jen ah erah suh ngah ih ehotthin eha manna ah koh ang. Jong epuung nah men ena raang choi korum ang, erah wahoh ih tajatka ang ah enoothong marah ih thaangha erah ih ba jat ah.
\s Thaitira suh tiitkhaap
\p
\v 18 “Thaitira chaas dowa rangsah suh raang uh:
\p “Arah tiitkhaap ah Rangte Sah, heh mik ah weelak kaphaak ajih phaakla, heh lah ah jaanmeen leep hut choi phaakphaak phaakla taangnawa. 
\v 19 Ngah ih ejat ehang an timjih reelu ah. An jinni minchan, tuungmaang, mootkaat ah eje, nyia an ten jen naan hu rah uh ejat ehang. Jaakhoh nawa thaknang ibah amadi ehan reelu rah uh ejat ehang. 
\v 20 \x - \xo 2:20 \xo*\xt 1Lu 16:31; 2Lu 9:22,30 \xt*\x* Enoothong ngah ih an miksuk hala ah langla: an ih minuh Jejebel ih liita ngah Rangte kongphaak huite eno eradi enaan etu, heh ih nga laksuh loong mokwaan rumta ah langla minuh damdoh roomjup, tongmih suh koh arah phaksat ah phaksat suh ki nyoot rumta, erah suh khalang. 
\v 21 Ngah ih heh suh rangdah nawa ngaak suh saapoot ekot taat etang, ang abah uh heh tenthun thih dowa ngaak suh tah nookta. 
\v 22 Erah raangtaan ih ngah ih heh teenuh nyia heh damdi roomjupte loong ah juptheng adoh haat ang eno rapne chamnaang thuk rum ah. Erah nuh ah damdi thet reete loong uh lah sekthun rumka bah neng uh amah doh juptheng nah haat rum ang. 
\v 23 \x - \xo 2:23 \xo*\xt Rsb 7:9; Jer 17:10; Rsb 62:12 \xt*\x* Ngah ih erah nuh liphante loong ah nep tek haat ang, eno erah lih adoh chaas nawa mina loong ih jat rum hang, mina tenthun nyia tim nook rumla erah jatte ah ngah. Sen ih mamah ih re an ngah ih sen damdoh emamah ih re ang. 
\v 24 “Enoothong Thaitira dowa rukho loong rah ih ethih nyootsootta ah tah kap rumta; rukho loong ih Soitaan husah tiit baat hah rah sen ih tanyoottan. Ngah ih liihang abah sen suh arah khotok doh huijih taka hui thuk rumra. 
\v 25 Enoothong ngah maang ngaak raara amadi ang lan ah likhiik rongtangtang jaatjaat tong an. 
\v 26-28 \x - \xo 2:26-28 \xo*\xt Rsb 2:8,9 \xt*\x* Ngo mina ih jen jen ah, nyia ethoon tuk ih ngah ih liihang jun ih reela, erah suh seng Wah jin nawa chaan chotang ah koh ang: Deek akaan jen pan suh chaan ah koh ang, jom ajaan likhiik ih pan rum ah, nyia paaktek bunbuh arah likhiik bun bot thuk rum ang. Ngah ih rangkhano ritsi ah uh ekot erum ang.
\p
\v 29 “Sen na je an baleh, chaat an marah Chiiala ih chaas loong suh baat ha rah ah!
\c 3
\s Sardis suh tiitkhaap
\p
\v 1 “Sardis chaas dowa rangsah suh raang uh:
\p “Arah tiitkhaap ah marah jinni Rangte moong achaang sinet nyia ritsi sinet angta wah taangnawa. Ngah ih ejat ehang an tiimjih reelu; mina loong ih liiha an ething anglu enoothong an etek choi! 
\v 2 Maangthoon thotti ko doh saat uh eno an tah timthan jeela erah hukchat uh. Mamah liidih sen sok rumha di sen loong ah Rangte reeni maang pun kan. 
\v 3 \x - \xo 3:3 \xo*\xt Mat 24:43,44; Luk 12:39,40; Mot 16:15 \xt*\x* Dokthun thaak an, sen suh mamah ih nyoot tahan nyia sen ih mamah ih chaattan rah ah; erah nyootsoot tahan ah kap anno sen rangdah nawa ngaak han. Sen lamok saat kanbah, ngah sen jinna ehuh likhiik raahang, eno sen ih tim saapoot doh raahang erah uh tah jatkan ang an. 
\v 4 Enoothong Sardis ni tongte marah marah sen loong ih nyuh akhat ah esa thinhan. Sen loong nga damdoh nyuh epuung ah kap anno jen nong khoom ehan, mamah liidih sen loong ah nga damdoh khoom suh epun eh an. 
\v 5 \x - \xo 3:5 \xo*\xt Hpkt 32:32,33; Rsb 69:28; Mot 20:12; Mat 10:32; Luk 12:8 \xt*\x* Ngo ih rangdah jen ah erah mina ih erah likhiik nyuh puung ejen kap eh ah, eno nga ih neng men ah ething leedap dowa tamat hut kang. Seng Wah nyia heh rangsah loong ngathong nah neng loong ah nga mina ngeh dokbaat rum ang.
\p
\v 6 “Sen na je an baleh chaat an, Chiiala ih chaas loong suh baat ha rah ah!
\s Philadelphia suh tiitkhaap
\p
\v 7 \x - \xo 3:7 \xo*\xt Isa 22:22; Jb 12:14 \xt*\x* “Philadelphia chaas nawa rangsah suh raang uh:
\p “Arah tiitkhaap ah esa wah nyia amiisak wah taangnawa. Dewid saabi ah heh taang ni, eno heh ih kaasak ah daap adoh wahoh ih tajen sakka ang ah, eno heh ih kaasak ah sak abah, ngo ih uh tajen daapka. 
\v 8 Ngah ih an tiimjih reelu ejat ehang; erah uh ejat ehang an jiinni chaan aphaan tanang jeeka; ngah ih nyoot rum taha rah ekap etan eno ngah suh rapne ih tuungmaang tahe. Ngah ih sen ngathong ni ngo ih uh lajen sakka kaasak ah daap tang. 
\v 9 \x - \xo 3:9 \xo*\xt Isa 49:23; 60:14; Isa 43:4 \xt*\x* Chaat thaak an! Jehudi lah ang rum kaadi Jehudi ngeh chaangte loong ah Soitaan roomte eno neng loong ah eleek, neng loong ah sen lathong nah khorongngot wang thuk rum hang. Sen suh minchan rumhala rah neng ih dong jat rum ah. 
\v 10 Mamah liidih sen ih enaan esuh jengdang koh rum taha rah ekap etan, arah mongrep dowa mina loong ih hatoh adoh mina loong chamnaang taari rum adoh ngah ih uh sen epang erumha. 
\v 11 Nga raak ah chang ela. An jiinni timjih jeela erah rapneene ih thin uh, thaang chotu rah mih ih nak toom jen nyeeho suh ah. 
\v 12 \x - \xo 3:12 \xo*\xt Mot 21:2; Isa 62:2; 65:15 \xt*\x* Ngo ih rangdah ah jen ah, erah mina ah ngah ih seng Rangte rangsoomnok nah thong ih hoon rum ang, eno neng ih erah tathin haat rumka. Erah doh nga Rangte men, nga Rangte samnuthung Jerusalem men raang ang, erah rangmong nawa nga Rangte taangnawa raaha. Nga men ena ah uh neng sak nah raang ang.
\p
\v 13 “Sen na je an baleh chaat an, Chiiala ih chaas loong suh baat ha rah ah!
\s Laodisia suh tiitkhaap
\p
\v 14 \x - \xo 3:14 \xo*\xt Tittk 8:22 \xt*\x* “Laodisia chaas dowa rangsah suh raang uh:
\p “Arah tiitkhaap ah Amen wah taangnawa, tuungmaang theng nyia amiisak haaki, Rangte ih mathan dongsiitta erah dowa hehiing thoon ah heh. 
\v 15 Sen timjih re lan ngah ih ejat ehang; ngah ih ejat erum hala sen ekih uh tah ang kan ekhaam uh tah ang kan. Ngah nooklang ah langla sen arah nyi tung dowa esiit siit ba lah ang tan! 
\v 16 Enoothong sen loong lombuh, ekhaam uh tah ang kan ekih uh tah ang kan, erah raangtaan ih nga tui nawa doktook haat eh rumhala! 
\v 17 An ih liihu, ‘Ngah changteng nyia lasoot lasaam ih tongte; Enoothong an menmi chanke anglu eno chamnaang elu rah tajatko! An changthih, khookla, nyia edook anglu. 
\v 18 Erah thoidi ngah ih huk renbaat hala, an changteng angsuh li ubah nga jin nawa hun miimi ah reh hang. An rakriiri khookla tonglu rah loop suh nga jin nawa nyuh epuung ah rehang. An miksing hut suh nyia tup suh phon anep uh eriik ehang. 
\v 19 \x - \xo 3:19 \xo*\xt Tittk 3:12; Heb 12:6 \xt*\x* Ngah ih minchanchan hang rah huk baat ehang nyia hoocham thuk ehang. An rangdah nawa lek suh esek eh uh. 
\v 20 Boichaat thaak uh! An kaaluung reeni rengtok angno chaplang; marah mina ih nga root ah chaat ano kaaluung ah daap koh halang, erah nok adoh nopwang angno neng damdoh phaksat nong phaksah wang ang, eno neng ih nga damdoh nong phaksah rumha. 
\v 21 Marah mina ih rangdah jen ah, erah mina ah, ngah ih rangdah jen angno amadi seng Wah luuwang tongtheng ni tonglang likhiik nga tongtheng luuwang tongtheng re nah jen tong thuk ang.
\p
\v 22 “Sen na je an baleh chaat an, Chiiala ih chaas loong suh baat ha rah ah!
\c 4
\s Rangmong nah khorongngot
\p
\v 1 Erah lih adi mot amang ehoh we tuptang adi rangmong ni kaaluung daap choi ang arah tuptang.
\p Marah jaakhoh ni nga damdi waan taha di chaattang rah luirong huung mot arah likhiik root rengta, erah ih amah baat tahang, “Anah duung wang thaak ho, ngah ih arah lih adoh marah ang jaatjaat etheng ah erah toom noisok ha.” 
\v 2 \x - \xo 4:2 \xo*\xt Ijk 1:26-28; 10:1 \xt*\x* Erah damdam Chiiala ah nga sak ni pat taha. Rangmong ni luuwang tongtheng esiit angta, eradi mih esiit tongta. 
\v 3 Heh the ah thaangchaan jasper \f + \fr 4:3 \fr*\ft Jasper nyia Karnelian liiha rah jong likhiik ang ah marah rah ah esaang, emen, eham ang ah \ft*\f* nyia karnelia jong leepleep likhiik leepta, eno luuwang tongtheng adi kooktum ih emerel jong rah ih saathoi likhiik phaak sotta. 
\v 4 Luuwang tongtheng re adi rooknyi baji tongtheng wak ngoom chookta, erah loong adi rooknyi baji mihak phokhoh loong nyuh epuung ah kap rum ano nyia kom nawa hoon arah luuwang khopok ah kap rum ano tong rumta. 
\v 5 \x - \xo 4:5 \xo*\xt Hpkt 19:16; Mot 8:5; 11:19; 16:18; Ijk 1:13; Mot 1:4; Jek 4:2 \xt*\x* Luuwang tongtheng dowa rangsum phaang phaakta rah, ehuuk eta, rang kahuung ajih huungta. Tongtheng jaakhoh adi nyaapang sinet eluungchoi angta, erah loong ah Rangte chiiala sinet angta. 
\v 6 \x - \xo 4:6 \xo*\xt Ijk 1:22 \xt*\x*Erah damdi luuwang tongtheng ngathong loong adi kristal jong liklep singdoong doong esok eh adi muijaang \f + \fr 4:6 \fr*\ft Moijaang ah inglis di glass liiha\ft*\f* juungnuh likhiikkhiik angta.
\p Baji ething jih ajaat loong ah neng lih neng ngah ni mik ih loopchoi ang rumta, Erah loong rah ih luuwang tongtheng ah kookchap rumta. 
\v 7 Phangkhoh thoon ah sakhobung likhiik angta; liwang rah maanpong likhiik angta; takjom dowa wah the rah mina the likhiik angta; eno takbajih dowa wah ah laang epuk eh arah likhiik angta. 
\v 8 \x - \xo 4:8 \xo*\xt Ijk 1:18; 10:12; Isa 6:2,3 \xt*\x* Ething jih ajaat bajiiji suh neng jang arok totoh ang rumta, eno neng loong sak ni neng jang ni nep mik ih nyum loopchoi ang rumta. Rangwuung rangphe boong lah toihaat thang ih boong rumta:
\q1 “Esa, Esa, Esa, Teesu Rangte ah Elongthoon, heh eje angta, heh eje angla, eno heh eraak ete.”
\p
\v 9 Ething jih ajaat baji loong ah luuwang tongtheng ni tongla raangtaan ih heh rangphoong, heh rangka, nyia lakookmi jeng kot raangtaan ih boongkaat boong rumta, heh ah roitang raangtaan ih tong ah. Neng erah re rum adoh, 
\v 10 rooknyi baji mihak phokhoh loong ah marah tongtheng ni tongta lathong ni bondat wang rumta, eno marah roitang ih tongte angla erah soom rum ah. Neng luuwang khopok loong ah luuwang tongtheng ngathong ni dok haat wan rumta eno jeng rumta,
\q1
\v 11 “Seng Teesu Rangte! An ephoong esuh, esoomtu esuh,
\q2 nyia chaan chosuh epun elu.
\q1 Mamah liidih an ih jirep dongsiit tu,
\q2 eno an thung jun ih erah loong ah ething tong rumla nyia roidong choh rumla.”
\c 5
\s Leeraangtui nyia Saapsah
\p
\v 1 \x - \xo 5:1 \xo*\xt Ijk 2:9,10; Isa 29:11 \xt*\x* Ngah ih luuwang tongtheng ni tongte wah dakchah lak adi ang arah leeraangtui ah tuptang; erah haanghop eraang choi loop arah angta, eno erah sin hoonchoi sinet angta. 
\v 2 Eno ngah ih elong rangsah tuptang, erah ih erongwah tha raamta, “Leeraangtui khak ha rah ngo ih sin ah jen thahaat ano jen ja ah?” 
\v 3 Enoothong hemong dowa jen ja sok suh rangmong ni nyia hatoh ni eno mongrep lamma\f + \fr 5:3 \fr*\ft Marah rah adi “Mongrep etek etheng” \ft*\ft Marah rah adi mongrep lamma raangha.\ft*\f* ni ngo uh tajeeta. 
\v 4 Ngah sattitih ih huungtang mamah liidih wasiit taan uh leeraangtui ah daap ano heh mong ah jen sokte ngo uh tajeeta. 
\v 5 \x - \xo 5:5 \xo*\xt Rangph 49:9; Isa 11:1,10 \xt*\x* Eno mihak dung dowa wasiit ih ngah suh baat tahang, “Nak hung uh. Sok thaak uh! Dewid sutoom satoom, Juda jaat apaat dowa Sakhobung ih jenta, eno heh ibah sin sinet ah jen ja ah nyia leeraangtui ah jen daap ah”
\p
\v 6 \x - \xo 5:6 \xo*\xt Isa 53:7; Jek 4:10 \xt*\x* Eno ngah ih uh luuwang tongtheng laktung adi Saapsah chap arah japtup tang, ething jih ajaat baji ih nyia mihak phokhoh loong ih kook chap rumta. Saapsah ah tek bot choi ang arah likhiik tuptang. Heh rong nyia heh mik ah sinet sinet angta, erah loong ah langla Rangte ih sinet moong achaang hatoh noongrep ni daapkaat taha. 
\v 7 Saapsah rah wang ano marah tongtheng ni tongta wah lak dakchah ko ni piita leeraangtui ah thaang pi wangta. 
\v 8 \x - \xo 5:8 \xo*\xt Rsb 141:2 \xt*\x* Heh ih erah reeta adi, ething jih ajaat baji nyia rooknyi wah baji mihak phokhoh loong ah saap Sah ngathong ni ngupbon wang rumta. Neng jinni bang \f + \fr 5:8 \fr*\ft Inglis di harp liiha\ft*\f*changding nyia komkhuung adi phontumkaang\f + \fr 5:8 \fr*\ft “Phontumkaang” ah rangsoomte loong ih kah tumtak ah chaanthah asuh liiha.\ft*\f* loong ah eme choi angta, erah loong ah langla Rangte mina loong rangsoom rum arah angta. 
\v 9 \x - \xo 5:9 \xo*\xt Rsb 33:3; 98:1; Isa 42:10 \xt*\x* Neng loong ah boong ena boong rumta:
\q1 “An ibah leeraangtui ah pi suh epun elu,
\q2 eno erah jen ja suh uh an epun elu.
\q1 An etek haat ih taho, an roidong kotu dowa ih Rangte suh
\q2 mina jaat apaat, jeng maama maama jengte, deek dowa eno wahoh loong ah rekoh rumtu.
\q1
\v 10 \x - \xo 5:10 \xo*\xt Hpkt 19:6; Mot 1:6\xt*\x* Neng ah Rangte mootkaat raangtaan ih hasong romwah ih hoon rumtu,
\q2 eno neng ih hatoh adoh pan rum ah.”
\p
\v 11 \x - \xo 5:11 \xo*\xt Dan 7:10 \xt*\x*Ngah ih we soktang adi, rangsah jeng arah we chaattang, neng loong wiik than ang rumta! Neng loong ih luuwang tongtheng nyia baji ething jih ajaat loong nyia mihak phokhoh loong ah kookchap rumta, 
\v 12 eno erongwah ih riing boong rumta
\q1 “Saapsah etek haat erumta rah ih chaan aphaan,
\q2 nyamka, mongtham, tah achaan,
\q2 soomtu esuh, phoongpha esuh, eno rangka esuh nep epun eh ah!”
\m
\v 13 Ngah ih rangmong ni jirep jih ajaat loong boong rum arah chaattang, hatoh dowa, hakhui dowa, eno juungsih mong dowa—timthan ething noongrep nawa loong boong boong rumta:
\q1 “Marah luuwang tongtheng ni tongta nyia saap Sah suh boong koh rumta,
\q2 erangka nyia soomtu eh ih, ephoongpha nyia chaan aphaan, roitang raangtaan ih toom ang ah!”
\m
\v 14 Baji ething jih ajaat loong ih ngaakbaat rumta, “Amen!” Eno mihak phokhoh loong ah ngupdat rum ano soom rumta.
\c 6
\s Sin hantek angta
\p
\v 1 Eno ngah ih tuptang saap Sah ih sinet sin hoonchoi angta dowa jaakhothoon ah jaata, eno baji ething jih ajaat dowa esiit rah ih rang huung huung ih jeng arah chaattang, “Wangho!” 
\v 2 \x - \xo 6:2 \xo*\xt Jek 1:8; 6:3,6 \xt*\x* Ngah ih soktang adi, mok epuung esiit tuptang. Mok khoh adi tongte rah ih lasaan piita, eno heh suh luuwang khopok ah kota. Heh ah ejen ete mina kakah ajih kata.
\p
\v 3 Eno liwang wah sin hoonchoi rah saap Sah ih jaata; eno ngah ih liwang wah ething jih ajaat jeng arah chaattang, “Wangho!” 
\v 4 \x - \xo 6:4 \xo*\xt Jek 1:8; 6:2 \xt*\x* Mok ehoh we dong ra taha, erah esaang angta. Erah sakkhoh ni tongte asuh hatoh nah raamui thuk raangtaan ih chaan kota, erah raangtaan ih koh rumta, mina loong toom tek haatmui rum ah suh ah. Heh suh lang rapne elong kota.
\p
\v 5 \x - \xo 6:5 \xo*\xt Jek 6:2,6 \xt*\x* Eno Saapsah ih sin hoonchoi ejom wah rah jaata; eno ngah ih ejom wah ething jih ajaat jeng arah chaat tang, “Wangho!” Ngah ih mok emak ang arah tuptang. Erah mok khoh adi tongte rah ih heh lak ni took jutsiit pi arah tuptang. 
\v 6 Ngah ih baji ething jih ajaat jeng arah likhiik chaattang, erah ih liita, “Saasiit lakbi ah ata\f + \fr 6:6 \fr*\ft Ata ah English di wheat liiha rah suh liiha.\ft*\f* baan tooksiit angta eno saasiit lakbi ah barle\f + \fr 6:6 \fr*\ft “Barle” ah jaakhoh ni changthih phaksat angta tih\ft*\f* liiha rah took jom angta. Enoothong olip bang nyia angut phek loong ah nak thet haat theng liita!”
\p
\v 7 Erah lilih Saapsah rah ih sin baji wah ah jaata; eno ngah ih baji wah dowa ething jih ajaat jeng arah chaattang, “Wangho!” 
\v 8 \x - \xo 6:8 \xo*\xt Ijk 14:21 \xt*\x* Ngah ih mok ah puungleekleek ang arah esiit tuptang. Mok sakkhoh ni tongte men ah Etek angta, eno Soolam ah heh re tiittiit ih kong khoomta. Nengnyi suh hatoh ni thiik baji dowah thiiksiit ah koh nyuita, ramui lam ih, ramtek dong thuk lam ih, khoisat maasat dong thuk lam ih nyia woma suianyah ih thet haat thuk lam ih tek haat suh chaan koh nyuita.
\p
\v 9 Erah lilih Saapsah ih banga wah sin hoonchoi rah jaata. Ngah ih marah mina Rangte jengkhaap tumbaat rum kano, nyia haaki chap suh hanpiite ang rum kano tekbuh rumta ah tuptang, erah loong chiiala ah romthong lathong ni ang arah tuptang. 
\v 10 Neng erongwah ih riing rumta, “Teesu Elongthoon, esa nyia amiisak! Arah hatoh dowa seng tek haatte mina loong asuh dande ano hoocham thuk suh saapoot timthan loot tongla?” 
\v 11 Thoontang suh samsong eloot jih epuung koh rumta. Eno laksuh wahoh loong nyia Jisu suh hanpiite loong ngo etek haat etheng angta loong ah maangthoon tiiti we boot tong thuk rumta.
\p
\v 12 \x - \xo 6:12 \xo*\xt Mot 11:13; 16:18; Isa 13:10; Mat 24:29; Mk 13:24,25; Luk 21:25 \xt*\x* Erah lilih ngah ih tuptang Saapsah ih banga lih dowa leeraangtui sin hoonchoi ah jaata. Hasah jathikhah ih tiita, eno rangsa ah suiroon nyuh nyuh mak likhiikkhiik ih hoonta, eno laaphui ah sih likhiikkhiik esaang ih hoonta. 
\v 13 \x - \xo 6:13,14 \xo*\xt Isa 34:4 \xt*\x* phoksat tiik maangsum bang nawa pongnuh ngeenuh ih kadat mot ah likhiik ritsi loong ah hatoh ni dat taha. 
\v 14 \x - \xo 6:14 \xo*\xt Mot 16:20 \xt*\x* Rang ah leeraangtui kah ngaakkhoon ah likhiikkhiik ngaakkhoon ano tik mata, eno hakong nyia juungloot loong ah neng tongtheng dowa heng soon rumta. 
\v 15 Eno hatoh dowa luuwang loong, mina pante loong, arami saahaap loong, changteng loong, chaan aphaan pan, eno mina wahoh loong, dah loong nep, changte loong nep, thoontang hakong jongdaap khui ni hottong rumta, 
\v 16 \x - \xo 6:16 \xo*\xt Hos 10:8; Luk 23:30 \xt*\x* Neng loong ih jong jaan nyia hakong loong asuh baat rumta, “Seng sakkhoh adoh dat han eno seng loong ah hoppat he, marah luuwang tongtheng ni tongla erah miksok dowa wiithuk he nyia Saapsah tenkhat dowa puipang thuk he! 
\v 17 Neng tenkhat sattitih saakaan ah amadi, eno erah tenkhat damdoh jen mui suh ngo jen chap ah?”
\c 7
\s 144,000 Ijirel mina loong
\p
\v 1 \x - \xo 7:1 \xo*\xt Jer 49:36; Dan 7:2; Jek 6:5\xt*\x* Erah lilih arah hah adi rongbaji ni rangsah wabaji chap arah tuptang. Erah loong ah ih hah nah, juusih nah, song abang nah naktoom pong ah li ano rongbaji ni pong ah tangjoh rumta. 
\v 2 Eno saadong ko nawa ething Rangte sin hoon theng ah pi ano wangha rah rangsah wahoh we japtuptang. Rangte ih hah nyia juusih thet haat suh chaan kot choi rangsah wabaji ah erongwah ih riipoon rumta. 
\v 3 \x - \xo 7:3 \xo*\xt Ijk 9:4,6\xt*\x*Rangsah ih liita, “Seng Rangte laksuh loong khang nah Rangte sin hoon ah maang langlang, hah, juusih nyia song abang loong ah lathet haat theng.” 
\v 4 Eno ngasuh baat tahang neng khang ni Rangte sin hoon choichoi ah 144,000 angta . Neng loong ah Ijirel jaat apaat asih jaatnyi dowa ang rumta, 
\v 5-8 jaatsiit dowa asih hajaatnyi ang rumta: Erah langla, Judah, Reuben, Gad, Asher, Nephtali, Manasseh, Simeon, Lewi, Issakar, Jebulun, Joseph nyia Benjamin loong angta.
\s Mih hantek
\p
\v 9 Erah lih adi toonsok angdi, o ih uh lajen rookweh theng mih ang rumta. Neng loong ah kurep wangrep dowa, deekrep dowa, jaatrep paatrep dowa jengrep kongrep jengjengla loong dowa ah angrumta eno nyupu ah kap rum ano neng lak ni paamlak phaak ah pi rum ano luuwang tongtheng nyia Saapsah ngathong ni chap rumta. 
\v 10 Neng loong ah erongwah ih ri rumta: “Khopi roidong ah luuwang tongtheng ni tongte Rangte nyia Saapsah jiin nawa chohi!” 
\v 11 Rangsah loong ah ih luuwang tongtheng, mihak phokhoh nyia ething jih ajaat baji angta loong ah kookchap rum ano jeng rumta. Eno neng loong ah rangte tongtheng ngathong ni hah ni kotbon rum ano Rangte khorongngot rumta. 
\v 12 “Amen li ano jengta! Phoongpha, herangka, mongtham ese, lakookmi li, echoomjoot, chaan aphaan nyia hang achaan loong ah saarookwet ih seng Rangte raang ih! Amen!
\p
\v 13 Mihak phokhoh wasiit ih cheng tahang, “Arah nyupu kapte miloong ah manawa ra hala?”
\p
\v 14 \x - \xo 7:14 \xo*\xt Dan 12:1; Mat 24:21; Mk 13:19 \xt*\x* Ngah ih ngaakbaat tang, “Ngah ih tajatkang chuupha, an ih ba jat uh.”
\p Heh ih baat tahang, “Arah miloong ah rapne ih siiwi chamnaang thuk rum arah, nawa puiwang rumhala. Neng loong ah ih nengnyuh nengkhat saachot rum ano Saapsah sih ni puutem rumta. 
\v 15 Erah thoidi rangsoomnok ni Rangte tongtheng ngathong ni chap rum ano rangwu rangphe heh soomtu rumha. Eno rangte tongtheng ni o tongla erah neng damdoh tong roh e ano puipang rum ah. 
\v 16 \x - \xo 7:16 \xo*\xt Isa 49:10\xt*\x* Neng loong ah mabah uh neng ram eh tatiika nyia joongle ih taleeka; adoleh rangsa angkoja oh tiim ekhaam jaat ih uh tasat raat rumka, 
\v 17 \x - \xo 7:17 \xo*\xt Rsb 23:1; Ijk 34:23; Rsb 23:2; Isa 49:10; Isa 25:8\xt*\x*tiimnge liidi rangte tongtheng ehong ni tongla Saapriimte ah neng riimte, eno roidong kottheng juumik adoh siitwan rum ah. Erah damdoh Rangte ih neng mik dowa mikse ah hut haat rum ah.”
\c 8
\s Sin sinat angta
\p
\v 1 Sin, sinat ah Saapsah ih daap kano, rangmong ni koonta kho tikpakpak angta. 
\v 2 Eno Rangte reeni rangsah wasinat chap arah japtuptang, neng loong asuh luirong sinat korumta.
\p
\v 3 \x - \xo 8:3 \xo*\xt Hpkt 30:1,3\xt*\x* Rangsah wahoh, kom nawa hoon arah phontumkaang tingtak theng ah pi ano wang taha, eno romthong adi chapta. Rangte mina loong rangsoom damdoh wakting thuk suh phontumkaang hantek heh suh kota eno luuwang tongtheng ngathong ni chapla hun romthong adi khojoop siik hoon thukta. 
\v 4 Rangte ngathong ni chapta rangsah lak nawa erah tingtakta weekhot ah Rangte mina loong rangsoom damdi wak toonkhot wangta. 
\v 5 \x - \xo 8:5 \xo*\xt Lew 16:12; Ijk 10:2; Hpkt 19:16; Mot 11:19; 16:18 \xt*\x* Eno rangsah rah ih phontumkaang takta ah toonpi ano, romthong dowa we ah wakthiinta, eno hah ni haatkaat taha. Erah tokdi rang ah mok eta, rangsummeh ah jap, eno hasah ah ti eta.
\s Luirong loong angta
\p
\v 6 Erah lih adi rangsah wasinat ah ih luirong loong ah huumot suh khookham rumta.
\p
\v 7 \x - \xo 8:7 \xo*\xt Hpkt 9:23-25; Ijk 38:22 \xt*\x* Jaakhothoon dowa rangsah rah ih heh luirong ah huumotta. Erah dowa nge nyia we, sih damdi woi arah hah ni keehaat kaat taha. Eno hah thiikjom dowa thiiksiit, song abang thiikjom dowa thiiksiit nyia khoi anaam thiikjom dowa thiiksiit loong ah matkhaamta.
\p
\v 8 Jaakhothoon lih dowa warah ih luirong ah huumotta. Eno kong akaan elongwah we khoni lu arah likhiik juusih mong ni haatkaat kano thiikjom thiik dowa thiiksiit ah sih eh hoonta, 
\v 9 juusih ni ething jih ajaat loong ah thiikjom dowa thiiksiit ah mattek eta, eno ju jaahaat loong ah thiikjom dowa thiiksiit ah thet haatta.
\p
\v 10 Eno wanyi lih dowa rangsah warah ih heh luirong ah huumot kano ritsih elongwah ah phiitwe likhiik phaak ano rang nawa ju nyia juumik thiikjom dowa thiiksiit khoni datti ra taha.\x - \xo 8:10 \xo*\xt Isa 14:12\xt*\x* 
\v 11 \x - \xo 8:11 \xo*\xt Jer 9:15\xt*\x* ( Ritsih men ah “Khadikdik” angta.) Eno thiikjom dowa thiiksiit ju ah ekhah ih hoonta, eno erah ju ah ekhah eh hoon kano ju jokte loong ah hantek mattiita.
\p
\v 12 \x - \xo 8:12 \xo*\xt Isa 13:10; Ijk 32:7 \xt*\x* Wajom lih dowa rangsah rah ih heh luirong ah huumotta. Rangsa thiikjom dowa thiiksiit, laphui thiikjom dowa thiiksiit nyia ritsih thiikjom dowa thiiksiit loong ah taabot kano, rangwu thiikjom phaakta dowa thiiksiit ah emat eta; hesa saasiit ah thiikjom ih phe ano thiiksiit adi rangwu amuh angta eno rangphe ah uh thiikjom dowa thiiksiit adi rangnak amuh angta.
\p
\v 13 Eno rangko toonsok adi, echoongwah ni laang esiit puh ano erongwah ih hu arah japchaat tang, “O choophaan phaan, choophaan phaan! Rangsah wajom rah ih luirong huumot adoh arah hah ni songtongte loong ah raangtaan ih tiimthan echo etheng ang ah.
\c 9
\p
\v 1 Eno wabaji lih dowa rangsah warah ih liirong ah huumotta doh ritsih esiit hah ni datti raaha rah japtuptang, erah suh hetangmuh benglu\f + \fr 9:1 \fr*\ft Hetangmuh Benglu\ft*\ft Hakhui ni chiithih laakhah loong dande rangwu maang changchang phaatak ni sak ha\ft*\f* saabi ah koh eta. 
\v 2 \x - \xo 9:2 \xo*\xt Rangph 19:28\xt*\x* Ritsih rah ih benglu ah laang kaano, erah dowa weekhot dongkhot ra taha, erah weekhot ah hipong hinya ih dongkhotta, eno rangsa phaak nyia pongwut ah benglu nawa weekhot dongkhotta rah ih nakdat thukta. 
\v 3 \x - \xo 9:3 \xo*\xt Hpkt 10:12-15\xt*\x* Weekhot dowa wotuute loong ah dong haano hah ni ra taha, eno neng suh uh siirangngang likhiik ih neng chaan ah kota. 
\v 4 \x - \xo 9:4 \xo*\xt Ijk 9:4\xt*\x*Wotuute loong asuh baatta, sen ih naam, song abang adoleh jihoh songphook bangphook ah lathet haat theng, o mina heh khang ni Rangte sin lajeeka loong ah baajen siiwi chamnaang thuk an. 
\v 5 Wotuute loong asuh baatta, erah mina loong ah etek bah latek haat theng, la bangnga than echam luulu ih thuktheng. Erah siiwi chamnaang thuk rum adoh hemaasat ah langla sirongngaang ih lak adi sat arah likhiik eh sat rum ah. 
\v 6 \x - \xo 9:6 \xo*\xt Jb 3:21; Jer 8:3 \xt*\x*La bangnga mong adoh neng ih etek esuh taatli rum ah, erabah uh tati rumka ang ah, erah pootdoh etek ah neng taangnawa moongsoon eah.
\p
\v 7 \x - \xo 9:7 \xo*\xt Jol 2:4\xt*\x* Wotuute loong ah raamui kaat suh mok bankhookham arah likhiik eh angta; neng khoh loong ah hun khopok likhiik nyia nengthe nengkhoh ah mina the akhoh likhiik ih ang rumta. 
\v 8 \x - \xo 9:8 \xo*\xt Jol 1:6\xt*\x*Neng khoroon ah minuh loong khoroon likhiik angta nyia neng pha loong angkoleh sakhobung loong pha likhiik angta. 
\v 9 \x - \xo 9:9 \xo*\xt Jol 2:5\xt*\x* Neng teekhuh ah jaan nawa hoon arah laakkhoi likhiik ih angta, eno neng jang dowa mokkaari loong ah raamui kaatdi rengpit ah likhiik ih huupuh rumta. 
\v 10 Neng meh loong ah siirongngaang meh likhiik helak pan angta, eno neng meh loong adi la bangnga mong doh mih chum thet haat suh chaan aphaan pan angta. 
\v 11 Hetangmuh benglu sokboite rangsah ah neng luuwang angta. Hebrew jeng ih Abaddon; Grik jenglam ih Apollion ngeh ih men rumta; (erah langla “Thet haatte”).
\p
\v 12 Jaakhoh dowa cho etheng ah eliin eta; bolam uh echo etheng enyi je ah.
\p
\v 13 \x - \xo 9:13 \xo*\xt Hpkt 30:1-3\xt*\x*Erah lih adi wabanga lih dowa rangsah warah ih luirong ah huumotta. Eno Rangte ngathong ni hun nawa hoon arah romthong dowa rongbaji ni miroot japchaat tang. 
\v 14 Erah miroot adi wabanga lih dowa rangsah suh baatta, “Euphrate Ju ni khak ha rangsah baji ah daap haat ih uh!” 
\v 15 Eno rangsah baji ah daap haat ano erah saapootpoot di, erah rangwuuwu sa, erah laajangjang di nyia erah paangpaang adi thiikjom dowa thiiksiit mih loong ah etek haat esuh ban khookham thuk rumta. 
\v 16 Ngah suh baat tahang: Erah di raamuite loong ah rooproop eh rooknyi koror angta. 
\v 17 Eno motmang ni mok nyia moksiitte loong ah japtup rum tang: Neng teekhuh loop theng laakkhoi loong ah we saangsaang ih saangta, saphira jong hamham\f + \fr 9:17 \fr*\ft eham, english ih blue liiha\ft*\f* eta nyia koonthook likhiik ih meenta. Mok khoh ah sakhobung loong khoh likhiik angta, eno mok tui nawa we, weekhot nyia koonthook dong taha. 
\v 18 Eno mok tui nawa thang achang ejom dong taha ah weekhot, we nyia koonthook angta eno erah ih dowa mina loong ah thiikjom dowa thiiksiit ah chum tek haatta. 
\v 19 Mok loong chaan ah neng tui ni nyia neng meh loong adi angta. Neng meh loong langkoleh pu hekhoh pan likhiik angta eno mina loong ah erah ih chumthet haat rumta.
\p
\v 20 \x - \xo 9:20 \xo*\xt Rsb 115:4-7; 135:15-17; Dan 5:23\xt*\x* Erah thang adi latekte loong ah neng lak ih hoonta soomtu ah tatoi rumta. Neng ih chiithih laakhah soomtu, nyia hun, jaanleep, ngunkholok, jong, bang marah ih hemik ih latup, hena ih lachaat adoleh lami khoomka loong hoon rumta soomtu ah tatoi rumta. 
\v 21 Adoleh mih tek haat, moontooro, mih damdi roomjup roongtong nyia hot hot loong ah tasekthun rumta.
\c 10
\s Rangsah nyia leeraangtui ehinsah
\p
\v 1 Erah lih adi chaan aphaan pan rangsah rangmong nawa datra haarah japtuptang. Heh khoh ah saathoi ih kook ano jiimu ih loopta; hethe hekhoh ah rangsa likhiik angta, eno heh lah loong ah weelu arah likhiik ih angta. 
\v 2 Heh lak ni leeraangtui daapchoi ah pi ano heh lah dakmi ko lah ah juusih ni nakta eno dak hekko ah hah ni nakta; 
\v 3 eno sakhobung root likhiik eh erongwah ih riipoonta. Erah riipoonta lih adi , ranghu rangmok dopsinat ngaak huuta. 
\v 4 Erah jengta damdam ih eraang esuh taat liitang. Enoothong rangmong ni jeng arah miroot japchaat tang, “Ranghu rangmok sinat rah ih baatta ah husah nah thiin uh; erah laraang thiin theng!”
\p
\v 5 \x - \xo 10:5 \xo*\xt Hpkt 20:11; Hodb 32:40; Dan 12:7\xt*\x* Erah lih adi rangsah ah juusih khoni nyia hah ni chap ano heh lak dakmiiko ah rangmong ko eh noiwanta, 
\v 6 eno ju nyia rang, hah ni jeeje arah dongsiittte nyia saarookwet tongte Rangte mendi thoomhoonta. Rangsah rah ih liita, “Takah boot sentongka! 
\v 7 Enoothong rangsah arok lih dowa warah ih heh luirong huumot taano Rangte ih heh laksuh khowah loong suh husah ni heh kaankoong tiit baat rumta loong ah erah doh thoon pakna reeraang ah.”
\p
\v 8 \x - \xo 10:8\xo*\xt Ijr 2:8—3:3 \xt*\x* Eno rangmong ni miroot chaat wantang adoh ngasuh we baat tahang, “Kah uh juusih nyia hah ni chap ano rangsah ih leetui daapchoi piiha ah thaang kah uh.”
\p
\v 9 Eno rangsah taang ni kah angno leeraangtui daapchoi ang arah sukah tang. Heh ih ngasuh li tahang, “Thaang uno phak uh; arah an mong nah esih eh hoon ah, enoothong an tui nah nabi sumsum eh sum ah.”
\p
\v 10 Heh lak dowa leeraangtui ehin ah thaang angno phaktang, eno nga tui ni nabi sumsum eh sumta. Enoothong erah lem kangno nga mong ni esih eh hoonta. 
\v 11 Eno ngasuh baat tahang, “An ih mirep miraang suh, deek akaan rookwet suh, jeng jengla asuh nyia luuwang tiimthan ah loong asuh Rangte tiitkhaap ah we baat etheng.”
\c 11
\s Haaki wanyi
\p
\v 1 \x - \xo 11:1 \xo*\xt Ijk 40:3; Jek 2:1-2; Hpkt 7:17-19\xt*\x*Ngah suh saanthaak theng jaan likhiik chaanthah esiit kohang no baat tahang, “Rangte rangsoomnok nyia romthong ah saanthaak hoonkah uh, eno rangsoomnok adi mathan ih khorongngot ha erah ah rookweh uh. 
\v 2 \x - \xo 11:2 \xo*\xt Luk 21:24 \xt*\x* Enoothong taakkhu ko ah saanthaak lahoon theng, tiimnge liidi erah ranglajatte loong asuh kota, neng ih Esa Samnuthung ah rookbaji laanyi raangtaan ih neng lakhui nah thiin ano hapnak ah. 
\v 3 Ngah ih nga haaki wanyi ah khoipoi ah kap thuk nyu angno kaat thuknyu ang, eno nengnyi ih 1,260 saakaan mongdoh Rangte tiitkhaap ah baattaan nyu ah.
\p
\v 4 \x - \xo 11:4 \xo*\xt Jek 4:3,11-14 \xt*\x*Haaki wanyi ah langla olip bang enyi nyia weetook enyi ang ah eno erah loong ah arah Hah pante Teesu ngathong nah chap ah. 
\v 5 O ih erah haaki enyi thet haat suh li adoh nengnyi tui nawa we dong haano piiara loong ah tek haat nyu ah. Erah thoidoh nengnyi tek haat suh chungte loong ah emamah eh mattek haat ah. 
\v 6 \x - \xo 11:6 \xo*\xt Luk 17:1; Hpkt 7:17-19\xt*\x* Rangte tiitkhaap baat tokdoh rangphaat laphaat thuk suh neng jiinni rang kaasak tangsak suh chaan aphaan jeela. Neng jiinni juumik ah sih eh hoonthuk suh uh chaan aphaan jeela; adoleh tiimtok doh uh neng thung ang abah arah hah adoh tiimthang tiimchang nawa ih uh jen cham ethuk suh chaan aphaan jeela.
\p
\v 7 \x - \xo 11:7 \xo*\xt Dan 7:7; Mot 13:5-7; 17:8; Dan 7:21\xt*\x*Nengnyi ih tiitkhaap thoonbaat ano, hetangmuh benglu dowa siithinyakhah ah wang haano mui ah. Heh ih jen nyu ano tek haat nyu ah eno 
\v 8 \x - \xo 11:8 \xo*\xt Isa 1:9,10\xt*\x*nengnyi mang ah samnuthung lamlong nah, maradi neng Teesu bangphak ni rapbotta adoh jupthiin wannyu ah. Erah samnuthung langla Sodom, adoleh Ijip di nyootbaat ha. 
\v 9 Nengnyi mang ah mirep miraang suh, deekrep deekraang suh, jaaprep paatrep nyia jengrep kongrep jeeng jengla loong asuh sa jom saathom sokthuk rum ah, erabah uh tabeng thuk rumka. 
\v 10 Arah hah dowa mina loong ah erah wanyi tek asuh eroon e rum ah. Neng loong ah roon rum ano neng jaachi nah tenroon lakkot loong ah kotmui eh rum ah, tiimnge liidoh khowah wanyi ah ih arah hah dowa mina loong ah rapne ih chamthuk rumta. 
\v 11 \x - \xo 11:11 \xo*\xt Ijk 37:10 \xt*\x* Enoothong sa jom saathom lidi Rangte ih nengnyi suh tak ah koh ano ngaaklun thuk nyuuta, eno wanyi ah toonchap kano erah japtupte loong ah rapne ih cho rumta. 
\v 12 \x - \xo 11:12 \xo*\xt Luk 2:11 \xt*\x*Erah lih adi khowah wanyi ah ih rangmong ni erongwah eh ri ano nengnyi suh li arah miroot japchaat nyuuta, “Ana wanghan sih!” Eno nengnyi piiara loong miksok di jiimu damdi rangmong ni wang nyuuta. 
\v 13 \x - \xo 11:13 \xo*\xt Mot 6:12; 16:18\xt*\x*Erah poot adi hah ah micho miphaan ih mota; thiik asih dowa thiiksiit samnuthung ah thet haatta, eno hajaat sinat miloong ah tek haatta. Mina mathan daktiita loong ah ih cho rum ano rangmong dowa Rangte elong ah phoongpha rumta.
\p
\v 14 Dopnyi cho theng angta ah ethoon eta, enoothong erah nyi lih dowa echo theng ah jaalo eh thok ha.
\s Luirong Sinat
\p
\v 15 \x - \xo 11:15 \xo*\xt Hpkt 15:18; Dan 2:44; 7:14,27 \xt*\x*Eno arok lih dowa rangsah ah ih luirong ah huumot kano, rangmong ni erongwah ih ri rum ano li rumta, “Arah mongrep ah pansuh chaan aphaan ah seng Teesu nyia Kristo heh lak ni, eno heh ih mabah uh lathoon ih panchan ah!” 
\v 16 Eno rooknyi wabaji mihak phokhoh rangte tongtheng ni nyia Rangte ngathong ni tong rumta loong ah neng the ah hako ngupsok rum ano Rangte phoongpha rumta, 
\v 17 eno li rumta:
\q1 “Seng Teesu Elongthoon Rangte, amadi o ah nyia o angta!
\q1 Anchaan anphaan kap hu raangtaan ih lakookmi liihi
\q2 eno an ih phang pan tu raangtaan ih uh lakookmi liihi!
\q1
\v 18 \x - \xo 11:18 \xo*\xt Rsb 2:5; 110:5; Rsb 115:13\xt*\x* Ranglajatte mina loong ah neng tenkhat totoh angta,
\q2 tiimnge liidoh an tenkhat saapoot ah ethok e hala,
\q2 tekmang dande tok ah ethok e hala.
\q1 An laksuh, khowah loong ah hethaang chosuh saapoot ah ethok e hala,
\q2 eno an choomjootte an mina loong ah,
\q2 ehin elong loongtang suh phoosiitsiit ih kot suh ah.
\q1 Arah hah thet haatte loong thet haat suh saapoot ah echang ela!”
\p
\v 19 \x - \xo 11:19 \xo*\xt Mot 8:5; 16:18; \xt*\xt Mot 16:21 \xt*\x*Rangmong ni Rangte rangsoomnok kaasak ah daapdat eta, eno Nuumiijeng thiinta Bangkhok ah erah di japtupta. Erah lih adi rangsummeh ah jap eta, ranghu rangmok angta, hah ah moh eta eno nge loong ah dat eta.
\c 12
\s Minuh nyia Dragoon
\p
\v 1 Eno rang ni micho miphaan dong angta. Erah di minuh nusiit, heh nyukap khatkap ah rangsa angta, laphui ah heh lakhui ni nyia heh khopok ah ritsih asih enyi angta. 
\v 2 Heh sah tupnanah ang ano rapne ih huusatta.
\p
\v 3 \x - \xo 12:3 \xo*\xt Dan 7:7\xt*\x* Micho miphaan rang ni jihoh we dong angta. Erah di dragoon esaang elongwah esiit angta, heh khoh sinat nyia heh rong asih angta, eno heh khoh rookwet ni luuwang khopok angta. 
\v 4 \x - \xo 12:4 \xo*\xt Dan 8:10 \xt*\x* Eno ritsih loong ah thiikjom dowa thiiksiit ah rang dowa khoon hoom ano hah ni haatkaat taha. Heh sah dongtup damdam phak suh li ano, minuh ngathong adi chaptta. 
\v 5 \x - \xo 12:5 \xo*\xt Isa 66:7; Rsb 2:9\xt*\x* Eno minuh ah ih miwasah dongtupta, erah sah rah ih jaan thah ah pi ano deek akaan thoontang pan ah. Enoothong noodek ah nge ano Rangte taang ni heh tongtheng ni piiwanta. 
\v 6 Eno Rangte ih ban khookhamta phisang hah adi, minuh ah soonkata, erah di 1,260 saakaan riikoi sokboi kaatta.
\p
\v 7 \x - \xo 12:7 \xo*\xt Dan 10:13,21; 12:1; Jud 9\xt*\x*Erah lih adi rangmong ni ra muita. Eno dragoon ah damdi Maikel nyia heh rangsah loong ah mui rum kano, dragoon nyia heh rangsah loong ah daakmui rumta; 
\v 8 enoothong dragoon ah ejen eta, erah dowa ih dragoon nyia heh rangsah loong ah rangmong ni takah boottong thuk rumta. 
\v 9 \x - \xo 12:9 \xo*\xt Rangph 3:1; Luk 10:18\xt*\x* Teewah dowa pu nyia heh rangsah loong ah hah ni piihaat kaat taha—teewah dowa pu ah langla Hakhoh luuwang, adoleh Soitaan ah angta, heh ih mongrep dowa mina loong ah mokwaan ha. Heh rangsah nyia heh teewah loong ah hah ni piihaat kaat taha.
\p
\v 10 \x - \xo 12:10 \xo*\xt Jb 1:9-11; Jek 3:1\xt*\x*Eno rangmong ni erongwah ih ri arah japchaat tang, “Amadi Rangte jiin nawa khopiiroidong ah ra hala! Amadi Rangte ih hechaan hephaan ah Luuwang chaan aphaan likhiik ih noisok ha! Amadi Kristo ih heh chaan ah noisok ha! Tiimnge liidi seng Rangte ngathong ni chap ano rangwu rangphe hanpiite loong suh liilaangte loong ah rangmong nawa piihaat kaat hala. 
\v 11 Hanpiite loong ah ih Saapsah sih nyia amiisak tiit baattaan rumta jun ih jen rumta; eno neng roidong ah thiinhaat ano etek esuh li rumta. 
\v 12 Erah raangtaan ih rangmong sen loong nyia erah di tongte loong ah eroon e an! Enoothong arah hah nyia juusih raangtaan ih tiimthan thih ah! Tiimnge liidi Hakhoh Luuwang ah sen taang ni tenkhat potom ih datra hala, heh ih jat eha nga taang ni saapoot ah amasah ba tongla ngeh ah.”
\p
\v 13 Dragoon ah ih hah ni baalek haatkaat kohalang nih li ano, heh sah miwasah tupte nuh asuh taatlaat baatta. 
\v 14 \x - \xo 12:14 \xo*\xt Dan 7:25; 12:7\xt*\x* Eno minuh asuh phisaang hah adoh pukkaat thuk suh laang jang elongwah enyi kota, erah doh heh ih heh sah ah paangjom paangthom dragoon lak nawa puipang suh ah. 
\v 15 Erah thoidi minuh ah toom phuukaat ah li ano dragoon ah ih heh tui nawa ju ah minuh lilih ih jengkaat thukta. 
\v 16 Enoothong minuh chosokte ah hah angta, heh tui ah kaahaat ano dragoon tui dowa ju ah matlemta. 
\v 17 Minuh asuh dragoon ah khah ano hesuh hesah loong damdi muila—erah loong ah langla Rangte jengdang boichaatte nyia Jisu ih jatthuk ha amiitiit baatta suh tuumaangte loong ah. 
\v 18 Eno dragoon ah juusih kaang ni chapta.\f + \fr 12:18 \fr*\fq Dragoon chapta; \fq*\ft mararah le ni \ft*\fq Eno chaptang liiha, \fq*\ft arah hewet ah helih loong ah damdi jangraang kaatla. \ft*\f*
\c 13
\s Siithinyakhah enyi
\p
\v 1 \x - \xo 13:1 \xo*\xt Dan 7:3; Mot 17:3,7-12 \xt*\x* Erah lih adi juusih nawa siithinyakhah esiit dokkhoom wangha rah japtuptang. Herong asih eno hekhoh sinat angta; eno herong rookwet ni luuwang khopok angta, erah damdi hekhoh rookwet ni Rangte kaanju men raangta. 
\v 2 \x - \xo 13:2 \xo*\xt Dan 7:4-6\xt*\x*Siithinyakhah ah sasaang likhiik angta, helah ah sap lah likhiik, hetui ah angkoleh sakhobung tui likhiik angta. Dragoon ah ih siithinyakhah asuh heteewah chaan, luuwang tongtheng nyia hechaan hephaan thoontang kota. 
\v 3 Siithinyakhah khoh esiit ah ma choi angta, enoothong ma ah deechoi angta. Hah ni mathan mina angta erah loong ah paatja rum ano heh lilih ih phanjoh rumta. 
\v 4 Dragoon ah ih heh chaan ah siithinyakhah asuh kot kano mirep miraang ih phoongpha ano khorongngot rumta. Siithinyakhah ah uh soomtu eh rumta eno li rumta, “Siithinyakhah likhiik o ah? Heh damdoh o jen mui ah?”
\p
\v 5 \x - \xo 13:5 \xo*\xt Dan 7:8; 11:36\xt*\x* Siithinyakhah ah ngaampook ngaamsaang ih Rangte kaanju jengkhaap ah jeng thukta, eno heh suh rookbaji laanyi raangtaan ih chaan kota. 
\v 6 Eno Rangte nyia heh men, adoleh heh maradi tongla hah ah, adoleh rangmong ni o songtongla erah loong ah phang tam rumta. 
\v 7 \x - \xo 13:7 \xo*\xt Dan 7:21 \xt*\x*Heh ih Rangte mina loong damdi mui thuk ano jen thukta, eno heh suh jaat apaat rep, deek akaan rep, jengrep kongrep jengla nyia kurep wangrep loong ah pan suh chaan kota. 
\v 8 \x - \xo 13:8 \xo*\xt Rsb 69:28\xt*\x* Hah ni songtongla miloong ah ih soomtu rum ah, arah mongrep maang dongsiit kaadi roidong ething leedap ni men raangthiin choi nyia etek haat eta Saapsah mina loong luulu ih ba tasoomtu rumka.
\p
\v 9 “Boichaat an, sen na je anbah ah! 
\v 10 \x - \xo 13:10 \xo*\xt Jer 15:2; 43:11\xt*\x* O mina jootsak etheng ah amiimi ih joosak ah, o lang ih tekdok theng ah amiimi ih tekdok ah. Erah langla, Rangte mina loong ah ih enaan etheng nyia laalom laabi eh ang theng.”
\p
\v 11 Erah lih adi hah mong nawa dong raaha rah siithinyakhah esiit weetup tang. Heh rong ah saapsah rong likhiik enyi angta, eno heh jeng ah angkoleh dragoon jeng likhiik ih angta. 
\v 12 Jaakhoh dowa siithinyakhah chaan aphaan ah heh pandi maakta. Hah ni tongtongla nyia mina loong asuh hema deechoi siithinyakhah ah soomtu thuk rumta. 
\v 13 Erah lih dowa siithinyakhah ah ih paatjaajih loong ah reeraang eta; mirep miraang miksok di heh ih rangmong nawa we kaat thuk taha. 
\v 14 Eno jaakhoh dowa siithinyakhah ah ngathong ni paatjaajih loong ah noisok kano hah ni songtongla mina loong ah mokwaanta. Lih dowa siithinyakhah rah ih jaakhoh ni lang ih maadook arah deeta siithinyakhah ah choomjoot thuk suh heh laaphaang ah hoonthuk eh rumta. 
\v 15 Eno lih dowa siithinyakhah ah ih jaakhoh dowa siithinyakhah laaphaang ah heh tak ih lun motta, tiimnge liidoh erah heh laaphaang ah miijeng toom e ah nyia o ih lasoomtu ka erah loong ah toom tek haat ah ngeh ah. 
\v 16 Erah siithinyakhah ah ih mirep miraang, ehin elong, changthih changteng, dah nyia dah lah angka loongtang suh neng lak dakmiiko lah angka neng khang ni thoikatkat ih heh sin hoon thuk rumta. 
\v 17 Erah sin hoonha ah lajeeka bah o ih uh tiim uh tami sangka adoleh riik uh tami reka, erah raangthuk rumha langla siithinyakhah ah men lah angka heh nomboot ang ah.
\p
\v 18 Arah jat suh mongtham eje ang theng. O jatwah jeewah ang ah, erah tiim suh liiha nyia marah siithinyakhah ah erah jat ih an, heh nomboot ah 666 ang ah.
\c 14
\s Saapsah nyia heh noksong
\p
\v 1 \x - \xo 14:1 \xo*\xt Ijr 9:4; Mot 7:3 \xt*\x*Erah lih adi toonsok angdi, Jaion Kong ni Saapsah chap arah japtuptang; heh damdi 144,000 mina angta eno heh men nyia heh Wah men ah neng khang ni raang arah angta. 
\v 2 Eno rangmong ni ju reng datjan ah likhiik, rangmok ah likhiik nyia changding rengtomte ih rengtom ah likhiik ih chaatwaan tang. 
\v 3 Luuwang tongtheng ngathong adi 144,000 mina, ething jih ajaat baji, erah damdi mihak phokhoh ang rumta; neng loong ah ih neng luulu ih jat arah seehoon ena esiit se rumta. Eno mina mathan ah erah dung dowa neng luulu juuba hethaang koh ano rangdah nawa pang arah angta. 
\v 4 Minuh damdi roomjup roomtong laje thang ih neng teewah saachamcham eh tongrum arah miwah loong ah; neng loong ah Saapsah maako kaatkah heh lilih ih karumla. Mina mathan ah erah loong dung dowa hethaang koh ano rangdah nawa pang arah, eno neng loong ah Rangte nyia Saapsah suh jaakhothoon koh ah. 
\v 5 \x - \xo 14:5 \xo*\xt Jpn 3:13\xt*\x*Neng loong ah ih tiit hu baat mabah uh thaakjat muh; neng tiimdi uh thetmuh.
\s Rangsah wajom
\p
\v 6 Erah lih adi rangsah echoongwah ni ehoh puh arah japtuptang. Eno arah hah dowa mina loong asuh, mirep miraang suh, jaaprep paatrep suh, deek akaan rookwet suh, jengrep kongrep jengla loong suh thaaraam thuk suh heh lak ni Ruurang mabah uh lathoon theng Ese tiitkhaap piita. 
\v 7 Heh erong rongwah ih jengta,” Rangte ah choomjoh anno heh rakkak tiit ah phoongpha an! Mina loong ah dande suh heh saapoot ah thok ehala. Rang nyi hah, juusih nyia juumik donghoonte ah soomtu an!”
\p
\v 8 \x - \xo 14:8 \xo*\xt Isa 21:9; Jer 51:8; Mot 18:2\xt*\x*Heh lih dowa rangsah ah jaakhoh dowa rangsah lilih ih ano jengta, “Heh edattek e hala! Babiloon Elong ah datti hala! Mina loong asuh heh kham ah jok thuk rumta—erah kham ah langla heh teenuh roomjup roomtong ramka tenthun!”
\p
\v 9 Jaakhoh dowa rangsah anyi lilih ih rakte ah erongwah ih riita, “O ih siithinyakhah nyia heh laaphaang adoleh neng khang ni nyia lak ni raang choi loong ah ih 
\v 10 \x - \xo 14:10 \xo*\xt Isa 51:17; Hpkt 19:24; Ijk 38:22 \xt*\x* Rangte kham ah uh jok ih ah, erah kham ah tenkhat thuk kham, heh tenkhat ah erah kham adi khoowaan siit woikeeha! Erah jokte loong ah esa rangsah nyia Saapsah ngathong nah we nyia koonthook khonah siiwi chamnaang thuk rum ah. 
\v 11 \x - \xo 14:11 \xo*\xt Isa 34:10 \xt*\x*Neng siiwi chamnaang thukte weekhot ah saarookwet ih khot ah. Siithinyakhah nyia heh laaphaang soomtuute loong nyia o khang ni heh men raang choi loong ah rangwu rangphe tathoon chamka ang ah.
\p
\v 12 Rangte mina o ih Rangte jengdang kap ha loong ah ih Jisu suh tuumaang ano enaan ejih ang ah.
\p
\v 13 Eno rangmong nawa jeng arah miroot chaat tang, “Arah raang uh: Amah dowa ih Teesu mootkaat suh o tiila erah loong ah juuba tenroon!”
\p “Elang eh ah!” Chiiala ah ih ngaakbaatta, “Neng loong ah mootchaan kaatchaan nawa naangtong e ah, tiimnge liidoh neng mootkaat thaang ah neng damdam ang ah.
\s Hah dowa chamkhan
\p
\v 14 \x - \xo 14:14 \xo*\xt Dan 7:13\xt*\x* Eno toonsok etang adoh, jiimu puukoopkoop ni mina likhiik tongta, eno heh khoh ni hun khopok ah pok eta erah damdi heh lak ni khothep theramram ah pi eta. 
\v 15 \x - \xo 14:15 \xo*\xt Jol 3:13 \xt*\x* Erah lih adi rangsah wahoh rangsoomnok nawa dokkhoom haano jiimu khoni tongta ah damdi erongwah ih riiwaanta, “An khothep ah ih cham menla ah khan uh, tiimnge liidoh arah hah ah ekhan esuh emen ela!” 
\v 16 Eno jiimu khoni tongte warah ih khothep ah hah ni choondok kaat taha, eno hah dowa menta loong ah khanta.
\p
\v 17 Erah lih adi rangmong ni rangsoomnok nawa dokkhoomha rah rangsah wahoh we tuptang, heh jiinni uh khothep theramram angta.
\p
\v 18 Eno rangsah wahoh we sokboite angta ah romthong nawa dokkhoom ra taha. Khothep theramram ah pi ano rangsah asuh erongwah ih riibaatta, “An khothep ah ih phek dowa anggut tiik loong ah thiikhan kah uh, anggut tiik ah esum ela!” 
\v 19 Eno rangsah ah ih heh khothep ah hah ni choondok kaat taha, hebang dowa anggut loong ah thiikhan ano Rangte tenkhat anggut jittheng adi haatkaatta. 
\v 20 \x - \xo 14:20 \xo*\xt Isa 63:3; Rmw 1:15; Mot 19:15\xt*\x*Samnuthung jiit ni anggut jittheng adi jitkaat kano sih ah bokjeng ra taha, eno meechaanyi loot eh jankata, echoong ko ah ngook bangnga angta.
\c 15
\s Hethoon thang ariin damdi rangsah
\p
\v 1 Erah lilih, ngah ih rang ni ehoh elongwah nyia epaatja theng ang arah japtuptang. Erah di thang ariin pan Rangsah sinet ang rumta, eno erah thang ariin loong ah hethoon angta, tumeah erah loong ah ih Rangte tenkhat tiit ah hethoon et jatthuk suh dong rum taha.
\p
\v 2 Erah lilih ngah ih moojaang likhiik juungsih damdi we nep ang arah japtuptang. Erah damdi uh ngah ih siithinyakhah\f + \fr 15:2 \fr*\fq siithinyakhah \fq*\ft Mih thet haatte chiithih laakhah asuh liiha(beast) \ft*\f* nyia heh laaphaang ah japtuptang, nyia heh men ah nomboot pan ang arah heh jente japtuptang. Rangte ih korumta changding ah pi rum ano, neng loong ah moojaang juungsih kaang adi chap rum ano, 
\v 3 \x - \xo 15:3 \xo*\xt Hpkt 15:1 \xt*\x* Rangte laksuh Moses nyia Saapsah boong ah boong rumta:
\q1 “Elongthoon seng Teesu Rangte,
\q2 an mootkaat ah tumthan rak nyi epaatja theng ah!
\q1 Deek akaan rep luungwang,\f + \fr 15:3 \fr*\fq Deek akaan loong; \fq*\ft mararah leedap adi \ft*\fq roorep et raangha.\fq*\f*
\q2 an lampo ah tumthan epun nyi amiisak ah!
\q1
\v 4 \x - \xo 15:4 \xo*\xt Jer 10:7; Rsb 86:9 \xt*\x* An ra lacho an ngathong nah o lachap mamah ma eah Teesu?
\q2 An elong tiit dong baat ah o ih ma daan ah Teesu?
\q2 An luulu ba esa ah.
\q1 Deek akaan rep wang rum haano
\q2 an khorongngot rumho,
\q2 tumeah an mootkaat kateng ah thoontang ih japtup eha.”
\p
\v 5 \x - \xo 15:5 \xo*\xt Hpkt 38:21\xt*\x*Erah lilih ngah ih rangmong daapcho ang arah di rangsoomnok tuptang. Eno erah Esa Nyutaap pan angta. 
\v 6 Rangsah sinet ah erah rangsoomnok dowa thang ariin sinet pan dong ra rum taha, nengnyuh nengkhat ah nyuleep saachamcham ih phaak arah kap rumta, neng teekhuh adi hun roomkhe ih khak rumta. 
\v 7 Erah lidi ething jih ajaat loong baji dowa esiit rah ih rangsah sinet asuh, roitang roijang tongte Rangte tenkhat me arah hun khoowaan sinet ah korumta. 
\v 8 \x - \xo 15:8 \xo*\xt Hpkt 40:34; 1Lu 8:10,11; 2Tet 5:13,14; Isa 6:4\xt*\x* Rangsoomnok ah Rangte weephaak nyia chaan aphaan weekhot ih meeta, eno rangsah sinet ih thang ariin sinet thok hui taha ah maangthoon maakmaak rangsoomnok ni o mina uh tajen nopwang rumta.
\c 16
\s Rangte tenkhat pan khoowaan
\p
\v 1 Erah lidi rangsoomnok ni rangsah loong sinet asuh erong rongwah ih amet riingbaat arah jap chaattang: “Khoowaan sinet dowa Rangte tenkhat ah hatoh nah keelook kaat an!”
\p
\v 2 \x - \xo 16:2 \xo*\xt Hpkt 9:10\xt*\x* Phangkhothoon rangsah rah ih khoowaan dowa hatoh adi keelok kaatta. Eno siithinyakhah men pan angte nyia heh laaphaang soomtuute loong sak adi echo theng nyia sattiiti eh satjih sok ama loong dongta.
\p
\v 3 Erah lidi phangkhothoon lih dowa rangsah rah ih khoowaan dowa juungsih adi keelokta. Juung ah tekmang mina sih likhiik ih hoonta, eno juungsih dowa ething jih ajaat loong ah chum tek rumta.
\p
\v 4 \x - \xo 16:4 \xo*\xt Hpkt 7:17-21; Rsb 78:44\xt*\x* Erah lih adi enyi lih dowa rangsah rah ih juung nyia juungmik juung loong adi heh khoowaan dowa rah ih keelokta, eno juung loong ah sih ih hoonta. 
\v 5 Juung sokte rangsah ah ame jeng arah jap chaattang, “Marah an ih dande hu erah epun, O Esa Wah, amadi uh an teewah di uh an angtu! 
\v 6 Neng ih Rangte mina nyia khowah loong sih ih lok rumta eno amadi erah sih ah an ih neng suh jok thuk rumhu. Neng tumjaat chojih angta rah cho rumla!” 
\v 7 Erah lidi romthong ni jeng arah root jap chaattang, “Teesu! Elongthoon Rangte! An ih marah dandeehu ah epun nyia amiisak ju!”
\p
\v 8 Erah lilih rangsah ejom lih dowa rah ih heh khoowaan dowa ih rangsa adi keelokta, eno rangsa tak rah ih miloong ah sattiiti ih sat khaam thuk rumta. 
\v 9 Neng ah we khaam ah ih sattiiti ih khaam rumta, eno neng ih Rangte men ah seleh tam et rumta, erah thang ariin khoh adi chaan aphaan pan warah ah. Ang abah uh neng rangdah nawa tangaak lek rumta nyia Rangte elong tiit ah taphoongpha rumta.
\p
\v 10 \x - \xo 16:10 \xo*\xt Hpkt 10:21\xt*\x* Eno rangsah baji lih dowa rah ih heh khoowaan dowa ih siithinyakhah tongtheng adi keelokta. Eno siithinyakhah hasong ah laamang ih loopjota, miloong ah ih neng khoorok thoidi neng tuuhih ah dangtat et rumta, 
\v 11 eno nengsok nengma nyia neng khoorok ih rangmong nawa Rangte ah tam rumta. Ang abah uh neng ethih lampo nawa tangaak lek rumta.
\p
\v 12 \x - \xo 16:12 \xo*\xt Isa 11:15\xt*\x* Eno rangsah banga lih dowa rah ih heh khoowaan dowa Eupharat Juung elong adi keelokta. Eno erah juung ah saadongko nawa luungwang loong raahala ah khoom thuk theng lam toom ang ah ih hookta. 
\v 13 Erah lilih esot chiiala ah juk likhiik ang arah ejom thiik japtuptang. Neng ah dragoon tu nawa nyia siithinyakhah tu nawa erah dam ih emoong khowah tu nawa dokkhoom rum arah angta. 
\v 14 Neng ah epaatjaajih noisokte hakhoh juungbaan chiiala loong ah angrumta. Erah chiiala ejom ah mongrep dowa thoontang luungwang loong jiinni karumta, Elongthoon Rangte Rangwuung elong Saadoh neng loong ah thutsiit rum ano rookmui thuk suh ah.
\p
\v 15 \x - \xo 16:15 \xo*\xt Mat 24:43,44; Luk 12:39,40; Mot 3:3\xt*\x* “Chaat an! Ngah ehuh raaha ah likhiik ih raahang! O mina motseng ih tong ano henyuh hekhat ah naririh ih banthiin ruh ete ah tenroon ang ah, eno ba neng ah noksong dung nah boongloong rakriiri ih takhoom rumka ang ah!”
\p
\v 16 \x - \xo 16:16 \xo*\xt 2Lu 23:29; Jek 12:11\xt*\x* Erah lilih chiiala loong ih luungwang loong ah hah esiit Hebru jengdi Armagedon ih liiha adi lom thutsiit rumta.
\p
\v 17 Erah lidi rangsah arok lih dowa rah ih pong ni khoowaan dowa keelokta. Eno rangsoomnok ni luungwang tongtheng adi erong ih riing arah root esiit chaattang, ame riingta, “Elang eta!” 
\v 18 \x - \xo 16:18 \xo*\xt Mot 8:5; 11:13,19\xt*\x* Erah di rangsummeh loong ah jap, rang ah huung, nyia rangphah ah dat eno echo etheng hasah ah moh eta. Erah likhiik hasatek ah mina phangdongta dowa ih babah uh tathaak mota; thoontang nang ih erah ah ethih thoon ih mota! 
\v 19 \x - \xo 16:19 \xo*\xt Isa 51:17\xt*\x*Erah lilih samnuthung elong ah danjom ih phe rumta, eno deekrep kaanrep nawa samnuthung loong ah riim thet eta. Rangte ih Bebiloon elong samnuthung ah dokthun ano heh lokkep dowa kham ah jok thuk rumta—echo ejih heh tenkhat kham rah ah. 
\v 20 \x - \xo 16:20 \xo*\xt Mot 6:14\xt*\x* Loongtang juungloot hadaang loong ah mat eta, kong akaan loong ah emat eta. 
\v 21 \x - \xo 16:21 \xo*\xt Hpkt 9:23; Mot 11:19\xt*\x* Nge elonglong ang arah, esiit ah took rook banga taan ih jih arah rang nawa mina khoni chum dat raataha, eno mina loong ah ih Rangte ah tam rumta erah nge ah thang ariin datdat ih ra kohaano ah, tumeah erah rapne echo ejih thang ariin angta.
\c 17
\s Ruurangrang hansangte minuh
\p
\v 1 \x - \xo 17:1 \xo*\xt Jer 51:13\xt*\x* Erah lidi rangsah sinet neng khoowaan pan ang rumta dung dowa esiit ah ra haano ngah suh baat tahang, “Wang ho, ngah ih an suh ruurangrang hansangte minuh ah mamet chamnaang ah erah noisok ha, erah elong samnuthung ah juung loong hantek re adi hoonha. 
\v 2 \x - \xo 17:2 \xo*\xt Isa 23:17; Jer 51:7\xt*\x* Hatoh nawa luungwang loong ah erah minuh dam adi ban roomjup ruh erumla, nyia mongrep dowa miloong ah erah nuh jootthih mootkaat kham ah jok rum ano roong mok rumla.”
\p
\v 3 \x - \xo 17:3 \xo*\xt Mot 13:1\xt*\x* Chiiala ah ngah sak ni ra taha eno, rangsah rah ih ngah phisaang hako ni siitkaat tahang. Erah ni ngah ih esaang ang arah siithinyakhah sakkhoh ni tong arah minuh japtuptang erah siithinyakhah sakputang ni Rangte kaanju men raang arah angta; erah siithinyakhah ah heh khoh sinet heh rong asih angta. 
\v 4 \x - \xo 17:4 \xo*\xt Jer 51:7\xt*\x* Minuh ah saangham nyia saangmeen nyuh akhat di choomta, eno heh choom ah hun achaak jeksah saankah, thaangchaan jong nyia jekteh loong eh meeta. Heh lak ni hun lookkep piita mong adi jootthih nyia enyaan hukkhaak loong ih meeta, heh jootthih reeraangta loong thaang dongchojih rah angta. 
\v 5 Heh khang adi heh husah men ah amet raangta: “Elong Bebiloon, hansangte minuh loong nuroop, nyia mongrep ni michiirijih mote Nuh.” 
\v 6 Erah dam ih erah minuh rah ih Rangte mina loong sih asaang ah mok jok arah nyia Jesu suh hanpiite mina loong tek haat rum arah sih asaang mok jok arah japtuptang.
\p Erah tup angno, ngah rapne jaatjaat ih paatja tang. 
\v 7 Rangsah rah ih cheng tahang, “An tume paatja lu?” Ngah ih baat ha erah minuh nyia heh huite siithinyakhah husah tiit rah ah, siithinyakhah heh khoh sinet nyia heh rong asih tiit rah ah. 
\v 8 \x - \xo 17:8 \xo*\xt Dan 7:7; Mot 11:7; Rsb 69:28\xt*\x* Ehak di erah siithinyakhah ah ething angta, ang abah uh saatang tatongta; hechi hemat muh haluung dowa edong nanah eno heh thettheng adoh wang eah. Mongrep maang dongsiit ngakhoh dowa hatoh mina loong ah, neng men ething leedap ni raang muh loong ah erah siithinyakhah ah sok rum ano rapne ih paatja rum ah. Erah ehak di ething angta, amadi bah heh tathok tongka; ang abah uh heh ewe dong eha.
\p
\v 9 “Arah tiit ah mongthamse nyia thungse takmi nawa ih ba jat ah. Maradi minuh tongla hekhoh sinet ah langla kong sinet ah. luungwang sinet loong ah uh neng: 
\v 10 neng dung dowa banga ah edat erumta, esiit ah ih amadi panha, eno esiit ah amadi maang dong ra, heh dong haano amasah raang epan jaatjaat et ah. 
\v 11 Eno ehak di siithinyakhah ething angta rah amadi tathok tongka, eno erah ah tak asat luungwang rah angta. Erah luungwang ah langla tak sinet dowa luungwang loongdung dowa wasiit ah angta, eno heh ah ethet haat theng ko ih wangla.
\p
\v 12 \x - \xo 17:12 \xo*\xt Dan 7:24 \xt*\x* “Rong asih an ih tup hu rah luungwang asih loong ah, neng ih amatuk ih maang pan rumka, enoothong siithinyakhah damdoh roong pansuh luungwang chaan aphaan ah koonta siit raang ih kota. 
\v 13 Erah luungwang asih loong adi neng kaankoong thoontang di esiit, erah thoidi nengchaan nengphaan nyia ngoong awang ah siithinyakhah asuh roop korum ah. 
\v 14 Neng loong ah Saapsah damdoh rookmui rum ah, enoothong saapsah damdoh heh ih poonta, nyia danjeeta erah dam ih heh suh tuungmaangte heliphante loong ah roop rum ano jen rum ah, tumeah heh ah teesu loong tokkhodi Teesu, luungwang loong tokkhodi Luungwang.”
\p
\v 15 Rangsah ih nep baat tahang, “Hansangte nuh tongla juung loong, an ih sok hu ah deek akaan loong, mina loong, jaat apaat loong, nyia jeng akong loong ah. 
\v 16 An ih tup hu rong asih nyia siithinyakhah rah ih hansangte nuh ah miksuk et ah; neng ih heh dowa jaatrep hukkhaak ah soonpi rum ano boongloong et thiinhaat rum ah; neng ih heh si ah phak et rum ah nyia we nah thet khaam thuk rum ah. 
\v 17 Tumeah Rangte ih neng ten ni heh kaankoong ah eroom ih toom tom ah ih thunthuk rumha, eno siithinyakhah asuh chaan aphaan ah koh ano Rangte jengkhaap ah amiisak maang langlang raak ih panthuk ah.
\p
\v 18 “An ih tup hu minuh ah hatoh dowa luungwang loong pante elong samnuthung ah.”
\c 18
\s Bebiloon thet haat
\p
\v 1 Erah lidi rangmong nawa dat raaha rah rangsah ehoh tuptang. Heh ah chaan aphaan elong pan angta, nyia heh phaakta rah ih hatoh thoontang kaangtookta. 
\v 2 \x - \xo 18:2 \xo*\xt Isa 21:9; Jer 51:8; Mot 14:8; Isa 13:21; Jer 50:39\xt*\x*Heh ah erong ih ame riingta: “Heh edat eta! Babiloon elong ah edat eta! Amadi heh ah chiithih laakhah loong nyia enyaan chiiala loong tongtheng nok ih hoonla; jaatrep enyaan nyia miksuk etjih woh loong ah heh damdi songtong rumla. 
\v 3 \x - \xo 18:3 \xo*\xt Isa 23:17; Jer 51:7\xt*\x* Tumeah deek akaan thoontang ih heh mootkaat ethih adoh ramka theng, heh kham ruuwaawa ah jok rumha. Hatoh nawa luungwang loong ah heh damdoh roomjup ah jaangse rumla, eno latoohaat thang ih ramkaala mootkaat rah ih mongrep dowa pheehoonte loong ah changteng ih hoon rumla.”
\p
\v 4 \x - \xo 18:4 \xo*\xt Isa 48:20; Jer 50:8; 51:6,45\xt*\x* Erah lidi rangmong nawa root ehoh ame jeng arah chaattang,
\q1 “Nga mina loong, dokkhoom ehan! Heh jiin nawa dokkhoom ehan!
\q2 Sen loong heh rangdah nah lajaatjaat roong phoowo theng;
\q2 sen loong heh chamnaang theng adoh lajaatjaat roong chamtheng!
\q1
\v 5 \x - \xo 18:5 \xo*\xt Rangph 18:20,21; Jer 51:9\xt*\x* Tumeah heh rangdah loong ah rang thanthan choong ih meela,
\q2 eno Rangte ih heh lajak lampo loong ah samthunha.
\q1
\v 6 \x - \xo 18:6 \xo*\xt Rsb 137:8; Jer 50:29\xt*\x* Heh sen damdi mame reeraang taha emamah sen uh heh damdoh reeraang an;
\q2 heh sen damdi mathan reeraang taha erah nang ih sen heh damdoh leknyi than ehan ih them reeraang an.
\q1 Kham ah heh lookkep adoh leknyi than ehan et boot ru sumthuk an,
\q2 sen suh jok thuk suh ban khookhamta nang ih ah.
\q1
\v 7 \x - \xo 18:7 \xo*\xt Isa 47:7-9\xt*\x* Heh suh chamnaang nyia mongjoong ah ehan ih koh an
\q2 heh teenuh chaan apaan pan nyia laboot labe ih tongsongta anang ih ehan ah.
\q1 Tumeah heh teeteenuh suh amet liiha:
\q1 ‘Wangchaanah, ngah aadi tonglang!
\q2 Ngah thaknuh tah angkang,
\q2 Ngah ih thungjoong ah babah uh takah jatkang!’
\q1
\v 8 Erah tungthoidoh, thang ariin ih heh ah saasiit doh thet haat ah—
\q2 khoisat, thungjoong nyia ram loong rah ih ah.
\q1 Eno heh ah we nah khaam ah,
\q2 tumeah, heh dandeete, Teesu Rangte ah, elong.”
\p
\v 9 \x - \xo 18:9,10: \xo*\xt Ijk 26:16,17 \xt*\x* Hatoh luungwang loong heh damdi jootthih mootkaat nyia roong ramkaate loong ah samnuthung khaam theng weelak nyia weekhot ah sok rum ano, neng mikse janhaat damdoh huung rum ah. 
\v 10 Neng loong ah haloot nah chap rum ah, tumeah heh damdoh roong chamnaang suh neng echo ih rum ah. Neng ih liirum ah, “Tumthan echoojih ah! Michoomiphaan ah! Elong nyia chaan aphaan samnuthung Bebiloon arah ah. Koonta siit mongdi an ah chamnaang thuk halu!”
\p
\v 11 Hatoh dowa Pheehoonte loong ah nep hethun huung rum ah nyia mongjoong ang rum ah, tumeah neng hukkhaak riikte o uh takah jeeka ang ah; \x - \xo 18:11 \xo*\xt Ijk 27:31,36 \xt*\x* 
\v 12 \x - \xo 18:12 \xo*\xt Ijk 27:12,13,22\xt*\x* o ih uh neng dowa hun, ngunkholok, jongmi, thaangchaan jekteh; chaakrih hukkhaak loong ah, saangham nyuh, nyuleep, nyia nyusaang nyuh loong riikte tajeeka ang ah; jaatrep bang dongmoonjih loong ah nyia pookraang nawa ih hoon arah loong ah nyia thaangchaan bang, jaansaang, jaanmi, nyia seengsah jong; 
\v 13 nyia kuuchiing, hejook hebook, etingtakjih, mir bangtiik, nyia phrenkiinsens phontum; kham nyia olip thiing, ataatiik nyia ataabaan, liiamaan nyia saap, mok nyia mokkaari, dah loong, nyia mina loong roidong ah nep uh eriikte takah jeeka ang ah. 
\v 14 Pheehoonte loong ah ih heh suh liirum ah, “An hukkhaak eseejih loong an taat jamtu ah jaatrep etikmat eta, nyia an nyamka nyia ephaakja loong ah ethoon eta, eno an ih erah loong ah babah uh takah we ngaak chojamko!” 
\v 15 \x - \xo 18:15 \xo*\xt Ijk 27:31,36\xt*\x*Erah samnuthung adi pheehoonte loong phe hoon rum ano changteng angte loong ah haloot nah tangchap rum ah, tumeah neng heh damdoh roong chamnaang ra echo ih rum ah. Neng ah mongjoong ih ehuung rum ah, 
\v 16 eno jeng rum ah, “Tumthan echoojih ah! Elong samnuthung ah tumthan echootheng angla! Heh ah chaakrih nyuh, saangham nyuh nyia nyusaang di kachoomta, nyia heh teenuh sak adi hun jeksah saankah, jongmi nyia thaangchaan jekteh nawa ih kame thukta! 
\v 17 \x - \xo 18:17 \xo*\xt Isa 23:14; Ijk 27:26-30\xt*\x* Eno erah loong nyamka ah heh ih koonta siit di mat haat ha!”
\p Khoonkhuung nawa phokhoh nyia khoonkhuung ni soonte loong, khoonkhuung jopte nyia mihoh thoontang, erah juung dowa niikphaksatte loong ah haloot nah tangchap rum ah, 
\v 18 \x - \xo 18:18 \xo*\xt Ijk 27:32\xt*\x*eno heh ah weekhot damdoh weelak nah matkhaam arah tup rum ano riinghuung rum ah: “Arah likhiik samnuthung elong ah ehoh maani uh tajeeta!” 
\v 19 \x - \xo 18:19 \xo*\xt Ijk 27:30-34\xt*\x* Neng khoh ni bungwiik ah riirum ano ehuung nyia esine damdi jeng rumta, “Tumthan echoojih ah! Tumthan echo theng ah elong samnuthung rah ah! Samnuthung elong ah heh, eno juungsih ni khoonkhuung lengli thukte loong ah erah nyamka nawa ih changteng ih hoon rumta!” Eno heh ih koonta siit di jaatrep ah mat haat ah!”
\p
\v 20 \x - \xo 18:20 \xo*\xt Hodb 32:43; Jer 51:48\xt*\x*Rangmong dowa loong, heh thetkhat asuh tenroon ang an! Tenroon ang an, Rangte mina nyia kaamwah, nyia khowah loong!” Tumeah heh sen damdi tumjaat reeta thaang ah, Rangte ih heh edut haat et ha!
\p
\v 21 \x - \xo 18:21 \xo*\xt Jer 51:63,64; Ijk 26:21\xt*\x* Erah lidi chaan aphaan pan rangsah rah ih jong elong raan jittheng than jonglo ah toon ano juungsih adi lup haatta eno liita, “Arah likhiik Bebiiloon samnuthung elong ah emamah erong ih babah uh lakah ngaak tup thang ih lup haatwan ah. 
\v 22 \x - \xo 18:22 \xo*\xt Ijk 26:13; Isa 24:8\xt*\x* \x - \xo 18:22,23: \xo*\xt Jer 7:34; 25:10\xt*\x*Bang changding root nyia mina root loong ah, phuiliilaang motte root nyia liirong motte mina root loong ah, sen jiin nawa babah uh takah we japchaatka ang ah! Pheehoon thengnah mina moh arah an jiinnah takah jeeka ang ah; nyia raan karengjitta root loong ah takah japchaatka! 
\v 23 Weetook kaphaakta loong ah an jiinnah phaak arah takah tupka; kuhoonte jaaro jaalah loong root ah takah jeeka ang ah. Mongrep ni an jiin nawa pheehoonte loong ah elongthoon ang rumta, eno emoong moontoro nawa ih an ih mongrep mina loong ah mokwaantu!”
\p
\v 24 \x - \xo 18:24: \xo*\xt Jer 51:49\xt*\x* Bebiiloon ah hoocham thuk etta tumeah erah samnuthung adi khowah loong nyia Rangte mina loong sih ah chotup rumta; elang eah, erah ah hatoh nih tek haat rumta loong sih rah angta.
\c 19
\p
\v 1 Erah lilih, rangmong ni miloong hantek tek cheekti arah likhiik jap chaattang, ame jeng arah ah, “Rangte phoong an! Khopiiroidong, erangka, nyia chaan aphaan loong ah seng Rangte di! 
\v 2 \x - \xo 19:2 \xo*\xt Hodb 32:43; 2Lu 9:7\xt*\x* Heh ih dandeeha loong aba epun ejun! Hansangte minuh ih hatoh ah heh jootthih mootkaat nawa ih thet haat ha rah Rangte ih dut haat etta. Rangte ih heh laksuh loong tek haatta tungthoidi heteenuh ah chamthukta.” 
\v 3 \x - \xo 19:3 \xo*\xt Isa 34:10\xt*\x* Neng ah we riing rumta, “Rangte Phoong ih! Elong samnuthung matkhaamta weelak dowa weekhot ah roitang raang ih khot ah!” 
\v 4 Phokhoh rooknyi wabaji nyia jaat baji ething jih ajaat loong ah datti rumha no luungwang tongtheng ni tongte, Rangte rangsoom rumta. Neng ame jeng rumta, “Amen! Rangte Phoong ih!”
\s Saapsah kuhoon sadung
\p
\v 5 \x - \xo 19:5 \xo*\xt Rsb 115:13\xt*\x* Eno erah luungwang tongtheng dowa root ame jengta, “Seng Rangte ah ephoongpha an, heh mina nyia heh laksuh ehin elong thoontang ih, nyia o heh ra choote loong rah ih ah!” 
\v 6 \x - \xo 19:6 \xo*\xt Ijk 1:24; Rsb 93:1; 97:1; 99:1\xt*\x* Erah lilih miloong cheekti arah likhiik jap chaattang, choonraak ni juung rengjan arah likhiik angta, ranghuung rangmok likhiik nep angta. Neng ame jeng arah chaattang, “Rangte Phoongpha an! Tumeah, seng Teesu luungwang, aju ba Elong Rangte! 
\v 7 Seng loong tenroon roon ang ih; heh tumthan rak erah phoongpha ih! Tumeah saapsah kuhoon saapoot ah echang ela, erah raang ih jaalah heh teeteenuh ih ban khookhamha. 
\v 8 Erah nuh asuh nyuleep saachamcham nyia phaakjaaja et kap thuk suh korumha.” (Nyuleep ah langla Rangte mina loong mootkaat ese ah.)
\p
\v 9 \x - \xo 19:9 \xo*\xt Mat 22:2,3\xt*\x* Eno rangsah ih ngah suh baat tahang, “Arah raang uh: Saapsah kuhoon sadung theng ni o poonha, erah loong ah tenroon ang ah.” Rangsah ah amah nep ih wakjengta, “Arah loong ah Rangte amiisak jengkhaap.”
\p
\v 10 Ngah heh lathong ni heh rangsoom suh kotbon tang, enoothong heh ih ngah suh baat tahang, “Erah nak re uh! Sen loong damdi nyia Jisu ih amiisak tiitwaan dong baatta ah kapte nyia hanpiite loong damdi ngah uh laksuh esiit. Rangte Soom ih!”
\p Tumeah Jisu ih amiisak tiit dong baatta abah khowah loong suh jeng thukta rah.
\s Mok epuung sak ni tongte
\p
\v 11 \x - \xo 19:11 \xo*\xt Ijk 1:1; Rsb 96:13; Isa 11:4\xt*\x* Erah lidi rangmong laangdaap arah japtuptang, eno erah di mok epuung angta. Erah mok sakkhoh adi tongte asuh Amiisak nyia Tuungmaangte et poonta; heh ih epun lam ih dandeeha nyia raamuila. 
\v 12 \x - \xo 19:12 \xo*\xt Dan 10:6\xt*\x* Heh mik ah weelak likhiik, nyia heh khoh adi luungwang khopok hantek pokta. Heh men ah heh sak sak ni raangcho angta, ang abah uh erah tumjih men angta ih o ih uh tajat rumta heheh ih ba jatta. 
\v 13 Heh ih kapta choom araang ah sih pan angta. Heh men ah “Rangte Jengkhaap.” 
\v 14 Rangmong nawa arami loong ah nyuleep saachamcham ah kap rum ano, mok epuung khoni heh lilih ih roong phankhoom rumta. 
\v 15 \x - \xo 19:15 \xo*\xt Rsb 2:9; Isa 63:3; Mot 14:20\xt*\x*Heh tui nawa lang thewaawa ang arah dong taha, eno erah lang dowa ih deek akaan loong ah jen ah. Heh ih jaantaan ah maak ano neng loong ah pan rum ah, nyia heh ih Elong Rangte tenkhat theng Khamjit nok ah kham pan ih soopnak ah. 
\v 16 Heh choom nyia heh wiing adi hemen amet raangta: “Luungwang loong tokkhodi Luungwang, teesu loong tokkhodi Teesu.”
\p
\v 17 \x - \xo 19:17,18 \xo*\xt Ijk 39:17-20\xt*\x* Erah lilih ngah ih rangsa ni rangsah chap arah japtuptang. Heh ih rangkhoh ni woh loong puta asuh riing baatta: “Raahan Rangte elong sadung adoh room raahan! 
\v 18 Raahan no, luungwang loong, sipaahi saahaap loong, nyia sipaahi loong, si ah phak raahan, mok nyia mok sak ni tongte loong si ah, mina loong si ah, dah nyia dah lah angte, ehin elong mina loong si ah phak raahan!”
\p
\v 19 Erah lilih ngah ih siithinyakhah nyia hatoh dowa luungwang loong nyia neng sipaahi loong ah mok khoni tongte, nyia heh sipaahi loong damdoh rookmui suh lomkhoon rum arah japtuptang. 
\v 20 \x - \xo 19:20 \xo*\xt Mot 13:1-18\xt*\x* Siithinyakhah ah phaatak ni sakwanta nyia emoong khowah heh ngathong epaatjaatheng reete ah, uh heh damdi phaatak ni sak rumta. (Erah epaatjaatheng reeraang rah ih, siithinyakhah laaphaang soomte nyia siithinyakhah sin pan angte loong ah heh ih mokwaanta.) Siithinyakhah nyia emoong tiitbaatte khowah enyi nyi ething ih we beng adi haatwanta, eno koonthook damdi khaam thuk rumta. 
\v 21 Neng sipaahi loong ah mok khoni tongte wah tui nawa lang dong ra taha rah ih tek haat rumta, nyia neng si ah woh loong ih mathan jen phak ah ih phak rumta.
\c 20
\s Haajaat rangpaang
\p
\v 1 Erah lidi ngah ih rangmong nawa rangsah, heh lak adi hechi hemat muh habeng saabi nyia jaanruh jitektek ah pi ano raaha ah japtuptang. 
\v 2 \x - \xo 20:2 \xo*\xt Rangph 3:1\xt*\x* Heh ih teewadi pu angta dragoon ah jota—erah langla, Hakhoh luungwang, adoleh Soitaan ah—eno haajaat siit rangpaang raang ih jaanruh ih khakta. 
\v 3 Rangsah rah ih hechi hemat muh habeng adi haat wan ano tanglaatta, eno tangmiin thiinta, haajaat rangpaang ah maangthoon thoon heh ih deek akaan mina loong ah naktoom kajen mokwaan ah eah. Erah lidoh bah heh amasah raang ih daap haat jaatjaat et ah. 
\v 4 \x - \xo 20:4 \xo*\xt Dan 7:9,22\xt*\x* Erah lidi ngah ih luungwang tongtheng loong japtuptang, eno erah di tongte loong asuh edandeejih chaan aphaan ah korumta. Eno ngah ih mina tek haat rumta la loong nep japtuptang, tumeah erah loong ah Jisu ih amiisak tiit dong baatta nyia Rangte jengkhaap ah tumbaatte ang rumta. Neng ih siithinyakhah adoleh heh laaphaang rang tasoom rumta, nyia neng khang ni adoleh neng lak ni siithinyakhah sin ah tachoh rumta. Neng ah we ngaakthing rum ano Kristo damdi luungwang likhiik ih paang haajaat siit raang ih roong pan rumta. 
\v 5 (Tekchootte rukho loong ah paang haajaat siit ah maang langlang tah ngaakthing rumta.) Etekte loong ah erah phang ngaaksaat rumta. 
\v 6 Tek nawa ephang ngaaksaat ih rumta adi roong bongte loong ah tenroon nyia elongthoon romseetam ah choh rumta. Tek lih rah ih neng ah takah jen rumka; neng loong ah Rangte nyia Kristo romwah ang rum ah, eno neng ih heh damdoh paang haajaat siit roong pan rum ah.
\s Soitaan jenta
\p
\v 7 Paang haajaat siit ah langta no bah, Soitaan ah phaatak nawa daap haat et ah, 
\v 8 \x - \xo 20:8 \xo*\xt Ijk 7:2; Ijk 38:2,9,15\xt*\x* eno mongrep nawa deek akaan loong tum saaptaala loong ah riim mokwaan suh dokkhoom ah, erah langla, Gog nyia Magog\f + \fr 20:8 \fr*\ft Gog nyia Magog: Gog ah elongthoon phokhoh asuh liiha, Magog ah heh mina loong asuh liiha. \ft*\f* et menha rah. Juungsih kaang nawa phisaang loong ah thanthan, Soitaan ih neng loongtang raamui kaat thuk suh lompoon rum ah. 
\v 9 Neng loong ah hatoh noongrep ni me karumta, eno Rangte mina loong keem nyia heh ih minchan ha samnuthung loong ah riim kooknak karumta. Enoothong rang nawa we ah datti haano neng ah thet haat rumta. 
\v 10 Eno Hakhoh luungwang, neng mokwaante ah, weelung beng elong adi nyia weetak adi haatwanta, maradi siithinyakhah nyia emoong khowah haatwanta adi ah; eno neng erah doh rangwuung rangphe roitang raang ih chamnaang rum ah.
\s Hethoon dande
\p
\v 11 \x - \xo 20:11 \xo*\xt Dan 7:9,10\xt*\x* Erah lidi ngah ih luungwang tongtheng pungkoopkoop elongwah adi tong arah japtuptang. Rang nyia hah ah heh jiin nawa emoong soon eta, eno erah babah uh takah japtupka. 
\v 12 \x - \xo 20:12 \xo*\xt Dan 7:9,10\xt*\x* Erah damdi ngah ih ehin elong, etek cho loong ah, eliili luungwang tongtheng ngah ah di chap rum arah japtuptang. Leedap loong ah daap etta, erah lilih leedap esiit we daapta, erah ah ethingte leedap angta. Tekcho loong ah neng mame reeraang rumta erah leedap adi lom raangthiinta, eno erah jun ih neng ah dande rumta. 
\v 13 Eno juungsih ih tekcho loong ah daap haat etta. Etek nyia etekte loong mongrep dowa tekcho loong ah uh daap haat et rumta. Eno loongtang neng reeraangta jun ih dande rumta. 
\v 14 Erah lidi etek nyia etekte loong mongrep ah we beng elong ni haatwanta. (Erah weeluung beng elong ah dopnyi we ih tektheng rah.) 
\v 15 Ething leedap adi o men taraangta erah loong ah weeluung beng elong adi haatwanta.
\c 21
\s Ena rangmong nyia ena hatoh
\p
\v 1 \x - \xo 21:1 \xo*\xt Isa 65:17; 66:22; 2Ptr 3:13\xt*\x*Eno ngah ih rangmong nyia hatoh ena japtuptang. Rangmong nyia hatoh phangkhoh dowa emat eta, nyia juungsih rah uh esaapmat eta. 
\v 2 \x - \xo 21:2 \xo*\xt Isa 52:1; Mot 3:12; Isa 61:10\xt*\x* Erah dam ih ngah ih Esa Samnuthung, Jerusalem ena ah khookham cho, Rangte jiin nawa rangmong nawa dat raaha rah japtuptang, jaalah choomraang ano heh miwah damdoh chomui suh kah arah likhiik ah. 
\v 3 \x - \xo 21:3 \xo*\xt Ijk 37:27; Lew 26:11,12\xt*\x* Luungwang tongtheng ni erong ih jeng arah root esiit jap chaattang: “Amadi Rangte nok ah mina damdi! Heh neng damdoh roongtong ah, eno neng ah heh mina ang rum ah. Rangte heh teeteewah neng damdoh ang ah, eno heh ah neng Rangte ang ah. 
\v 4 \x - \xo 21:4 \xo*\xt Isa 25:8; Isa 35:10; 65:19\xt*\x* Neng mik dowa mikse loong thoontang heh ih saahut rum ah. Erah nah, etek takah jeeka, adoleh ehuung adoleh, thungjoong, nyia khoirok tajeeka ang ah. Ehak hukkhaak loong ah emat eta.”
\p
\v 5 Eno luungwang tongtheng ni tongte rah ih liita, “Amadoh ngah ih jaatrep ah ena ih hoon ang!” Heh ih amah nep ih baat tahang, “Arah raang uh, tumeah arah jengkhaap ah amiisak nyia elaalom etjih.” 
\v 6 \x - \xo 21:6 \xo*\xt Isa 55:1\xt*\x*Eno heh ih liita, “Elang eta! Jaakhoh uh ngah, liwang uh ngah, ephang uh ngah ethoon uh ngah. O ang abah uh joongleete loong asuh, ngah ih roidong juung ah thaangmuh ih juungmik dowa jok thuk ang. 
\v 7 Erah loong ah o ih jen ah nga jiin nawa arah loong ah choh ah: Ngah ah heh Rangte ang ang, eno heh ah ngaasuh ngaasah ang ah. 
\v 8 Enoothong, choophoot loong ah, mih khumtante loong, mih echiirijih mootte loong, mih tek haatte loong, mih minuh miwah damdoh roomjupte loong, moontoro japjaate loong, tongmih soomtuute loong nyia eleek loong ah raang ih—neng tongtheng ah we luung beng elong adi we nyia koonthook luungla, marah taknyi tektheng rah ang ah.”
\s Ena jerusalem
\p
\v 9 Rangsah sinet ih hethoon thaang ariin khoowaan sinet adi hemeesiit pi rumta dowa esiit ah raahaano baat tahang, “Raaho, an suh kuhoonte jaalah, Saapsah minuh ah noisok koha.” 
\v 10 \x - \xo 21:10 \xo*\xt Ijk 40:2 \xt*\x*Ngah ah Chiiala ih maak tahang, eno rangsah ih kong echoong thoon khoh adi siitwan tahang. Heh ih Jerusalem, Esa Samnuthung ah Rangte jiin nawa rangmong nawa dat raaha rah noisok tahang 
\v 11 Rangte chaan ah phaakjaaja ih phaakta. Samnuthung ah jong thaangchaanjih likhiik ih phaakta, jespar jong nyia, moojaang jong likhiik singduung duung ih angta. 
\v 12 \x - \xo 21:12,13 \xo*\xt Ijk 40:2\xt*\x* Erah di pa echoong nyia elong ang arah angta, paakaawan ah asinyi, eno erah di kaawan bante rangsah asinyi angta. Erah paakaawan adi Ijirel mina asih jaatnyi men raang arah angta. 
\v 13 Rongrep ni paakaawan ah ejom ejom angta: saadongko ni ejom, saanop ko ni ejom, juungkuh ko ni ejom, nyia juungmeh ko ni ejom. 
\v 14 Samnuthung pa tangphang ah jong asinyi khoni danghoonta eno erah di Saapsah kaamwah loong asinyi men raang arah angta. 
\v 15 \x - \xo 21:15 \xo*\xt Ijk 40:3\xt*\x* Nga damdi waante rangsah rah ih samnuthung, nyia paakaawan, nyia pa koraang thaak theng, hun chaanthah saanthaak etheng pan angta. 
\v 16 Samnuthung ah rongbaji ji thootliili angta, echoko uh epaangko thanthan angta. Rangsah rah ih Samnuthung ah saanthaak theng chaanthah rah ih thaakta: eno me haajaat siit me chaabanga eloot angta, eno epaangko nyia echoongko uh erah thanthan angta. 
\v 17 Rangsah ih pa kooraang saanthaak anep thaakta, heh ih maakta saanthaak ah jun ih, ngook chaanyi asih ngook arok eweng \f + \fr 21:17 \fr*\ft Adoleh \ft*\fq echoong \fq*\f* angta.\f + \fr 21:17 \fr*\ft Wet hin 16 nyia 17 ah Grik leedap adi English di “12,000 furlongs” nyia “144 cubit” ih raangha, erah ejat soktheng heh maalah angta. \ft*\f* 
\v 18 \x - \xo 21:18 \xo*\xt Isa 54:11,12 \xt*\x* Pa koraang ah jespar jong nawa ih hoonta, samnuthung ah amiimi hun nawa ih hoonta, moojaang likhiik singduung duung angta. 
\v 19 Samnuthung pa tangphang jong loong ah thaangchaanjih jong nawa ih choomraang rumta. Phangkhothoon jong tangphang ah jespar jong angta, erah lilih ah sapire jong angta, erah lilih ah agati jong angta, erah lilih ah imeral jong angta, 
\v 20 erah lilih ah onik jong angta, erah lilih ah karnilian jong angta, erah lilih kort jong emeen angta, erah lilih berel jong angta, erah lilih topaaj jong angta, erah lilih chaalsidoni jong angta, erah lilih torkuis jong angta, asinyi jong ah amethist jong angta.\f + \fr 21:20 \fr*\ft asinyi jong loong men ah seng jengdi maang dongjamke.\ft*\f* 
\v 21 Paakaawan asinyi ah langla jekteh jong asih nyi angta; paakaawan esiit ah jekteh jong esiit esiit nawa ih hoon arah angta. Samnuthung taakkhuung jang ah amiimi hun ih hoon arah, moojaang likhiik singduung duung angta.
\p
\v 22 Samnuthung adi rangsoomnok tajaptup tang, tumeah Elong Teesu Rangte nyia Saapsah aju rangsoomnok angta. 
\v 23 \x - \xo 21:23 \xo*\xt Isa 60:19,20 \xt*\x* Samnuthung adoh rangsa adoleh laaphiing ah laphaakka ba uh ese angta, tumeah erah di Rangte chaan ah phaakta, nyia Saapsah ah saaki raangtaan ih phaakta. 
\v 24 \x - \xo 21:24 \xo*\xt Isa 60:3\xt*\x*Mongrep dowa mina loong ah erah weephaak adoh khoom rum ah, nyia hatoh nawa luungwang loong ih neng nyamka ah erah nah huiwan rum ah. 
\v 25 \x - \xo 21:25 \xo*\xt Isa 60:11\xt*\x* Samnuthung paakaawan loong ah saarookwih daapcho ang ah; babah uh takah tangsakka, tumeah erah nah rangnak babah uh takah angka. 
\v 26 Deek akaan loong elong elang nyia neng nyamka loong ah erah samnuthung adoh huiwan rum ah. 
\v 27 \x - \xo 21:27 \xo*\xt Isa 52:1; Ijk 44:9\xt*\x* Enoothong esot loong ah erah samnuthung adoh tajen nop wangka, adoleh erakri jih mote nyia o eleek tiitbaatte loong ah uh tajen nop wangka. O men Saapsah ething leedap adi raangchoote loong luulu ba erah samnuthung adoh chowang ah.
\c 22
\p
\v 1 \x - \xo 22:1 \xo*\xt Ijk 47:1; Jek 14:8\xt*\x* Erah lidi rangsah ih roidong chotheng joong, juungnuh anep noisok tahang, Rangte nyia Saapsah tongtheng nawa kristal jong likhiik liklik leepleep ih phaak raaha rah ah 
\v 2 \x - \xo 22:2 \xo*\xt Rangph 2:9\xt*\x* eno samnuthung laktung adi datjan ra taha. Juungkaang adi haanghop roidong bang angta, hetiik ah laasiit di esiit, paang siit di asih leknyi tiik arah ah, eno helak rah deek akaan loong deesiit theng angta. 
\v 3 \x - \xo 22:3 \xo*\xt Jek 14:11; Rangph 3:17\xt*\x* Samnuthung adoh Rangte ih tam cho tumjih uh takah jeeka ang ah.
\p Rangte nyia Saapsah tongtheng aba samnuthung adoh ang ah, eno heh laksuh loong ah ih heh soomtu rum ah. 
\v 4 Neng ih hethe hekhoh ah tup et rum ah, eno heh men ah neng khang adoh raang rum ah. 
\v 5 \x - \xo 22:5 \xo*\xt Isa 60:19; Dan 7:18\xt*\x* Erah doh rangnak takah angka, erah thoih neng suh weetook adoleh rangsa jamjih takah angka ang ah, tumeah Teesu Rangte ah juuba neng weephaak, eno neng loong ah roitang raang ih luungwang likhiik et pan rum ah.
\s Jisu raaha
\p
\v 6 Eno Rangsah ih ngah suh baat tahang, “Arah jengkhaap loong ah amiisak nyia tuungmaang etheng. Nyia Teesu Rangte, heh khowah loong suh Chiiala kotte rah ih, heh laksuh loong asuh seek doh tumjih angte rah tiit ah baat kot suh rangsah ah daapkaat taha.”
\p
\v 7 “Chaat an!” Jisu ih liita. “Ngah seek ih raahang! O ih arah leedap dowa Rangte jengkhaap wuung baatta loong kapte ah tenroon ang ah!”
\p
\v 8 Ngah, Joon, arah jengkhaap loong ah japchaatte nyia japtupte ah. Ngah ih erah loong ah thoon chaat angno nyia thoon tup angno, ngah suh tupthukte rangsah lathong adi kotbon angno heh rangsoom nanah angtang. 
\v 9 Enoothong heh ih li tahang, “Erah nak re uh! Ngah uh laksuh an damdi nyia anphoh anno khowah loong nyia o ih arah leedap dowa jengkhaap loong ah kapte damdi roongrungte. Rangte rangsoom an!” 
\v 10 Eno heh ih ngah suh baat tahang, “Arah leedap dowa Rangte jengkhaap wuung baatta loong ah lahotthiin theng, tumeah erah loong ah elang esuh saapoot ah haniik ih thok hala. 
\v 11 \x - \xo 22:11 \xo*\xt Dan 12:10\xt*\x* O ethih ah, erah ih ethih reeraang ah re ruh jaatjaat etheng, o lalangka reela, erah ih lalangka ah ere jaatjaat etheng; o ese ah erah ih ese reeraang ah re ruh jaatjaat etheng; nyia o esa ah, erah esa ban ang ruh jaatjaat etheng.”
\p
\v 12 \x - \xo 22:12 \xo*\xt Isa 40:10; 62:11; Rsb 28:4; Isa 40:10; Jer 17:10\xt*\x* “Chaat an!” Jisu ih liita. “Ngah seek ih raahang! Ngah ih hethaang ah pi angno o ih tumjih reeta erah jun ih kot suh raahang. 
\v 13 \x - \xo 22:13 \xo*\xt Mot 1:8; Isa 44:6; 48:12; Mot 1:17; 2:8\xt*\x* Phangkhoh uh ngah liwang uh ngah, ephang uh ngah hethoon uh ngah.”
\p
\v 14 \x - \xo 22:14 \xo*\xt Rangph 2:9; 3:22\xt*\x* O ih henyuh hekhat ah saachamcham ih saachot ah eno roidong bang dowa potiik ah jen chophak rum ah eno samnuthung paakaawan adoh chowang rumte loong ah tenroon ang ah. 
\v 15 Enoothong samnuthung ni lah angka loong abah mih echiirijih mote loong nyia moontoro noisokte, mih minuh miwah damdi roomjupte loong nyia mih tek haatte, neng loong abah tongmih soomtuute adoleh nengjeng nengkong nyia neng reeraang pakna ni eleek loong tola.
\p
\v 16 \x - \xo 22:16 \xo*\xt Isa 11:1,10\xt*\x* “Ngah, Jisu, ih arah loong tiit ah sen suh chaas rep nah toombaat kohan ih rangsah loong ah daapjah tahang. Ngah Dewid jaatang sutoom satoom; Rangkhah di phaakjaaja ih phaakte woliik ah ngah.”
\p
\v 17 \x - \xo 22:17 \xo*\xt Isa 55:1\xt*\x* Chiiala nyia kuhoonte Jaalah ih liiha, “Raahan!”
\p Arah tiit japchaatte loong eh uh eli jaatjaat etheng, Raahan!”
\p Raahan, o joongle ih le lan loong; o ih jam han, erah ih roidong juung ah thaangmuh lakkot ih thiik uh.
\s Hethoon
\p
\v 18 \x - \xo 22:18 \xo*\xt Hodb 4:2; 12:32 \xt*\x*Ngah, Joon, ih arah leedap dowa Rangte jengkhaap wuung baatta tiit boichaatte loong asuh dangdang ih baat rumhala: o ih bah uh arah tiit ah edak baat et abah, Rangte ih neng chamnaang theng tokkhodoh uh arah leedap ni jangbaat ha thang ariin ah bootkoh ah. 
\v 19 Eno o ih bah uh, Rangte jengkhaap wuung baatta dowa tumjih bah uh edok haat et abah, Rangte reh uh neng dowa neng dakbi roidong bangtiik nyia Esa Samnuthung, arah leedap adi jangraang ha ah edok haat et ah.
\p
\v 20 Arah jengkhaap loong baat ha haaki kotte warah ih liiha, “Um elang eah! Ngah seek ih raahang!”
\p Amen. Raaho, Teesu, Jisu!
\p
\v 21 Teesu Jisu tenthet ah mirep damdoh toom tongha.\f + \fr 22:21 \fr*\fq mirep; \fq*\ft mararah leedap adi\ft*\fq Rangte mina; \fq*\ft rukho adi \ft*\fq thoontang Rangte mina ih raangha. \fq*\f*