\id JAS Tutsa: Bible Translation 1st Edition
\ide UTF-8
\ide Unicode (UTF8)
\h Jeems
\toc1 JEEMS ih raang arah Le
\toc2 Jeems
\toc3 Jms
\mt1 JEEMS
\mt2 Ih Raang Arah Le
\imt Ephangjatjih
\ip \bk Jeems ih raangha le ah langla\bk* “mongrep thoontang ni saapta la Rangte mina loong suh” amiimiidi reeraang pakna renbaat arah lomraang ha. Arah raangte warah ih amiimiidi renbaat adi Kristaan dang ajang nyia reeraang doh mongtham ese nyia lamsui tiit baat adi hejaat hejaat jenglam ih baat arah raangha. Kristaan mina ih changthih changteng, phate joonnaam, ese reeraang, lalang lajang tiit dande, tuumaang nyia mootkaat, paatjaajih jengkhaap, mongtham ese, rookmui jengmui, khuupook nyia toongtang tiit, mih dande tiit, engaam tiit, enaan tiit, nyia rangsoom tiit raangha.
\ip Arah le adi reeraang pakna ah tuumaang damdoh angtheng nyia Kristaan thooroom doh emah jangse reeraang theng ngeh ih raangha.
\iot Hemong Dowa Jatjih
\io1 Ephangjatjih \ior (1:1)\ior*
\io1 Tuumaang nyia mongtham ese \ior (1:2-8)\ior*
\io1 Changthih changteng \ior (1:9-11)\ior*
\io1 Phate joonnaam \ior (1:12-18)\ior*
\io1 Echaat nyia reeraang \ior (1:19-27)\ior*
\io1 Dandeemui thoidi choophaan \ior (2:1-13)\ior*
\io1 Tuumaang mootkaat \ior (2:14-26)\ior*
\io1 Kristaan nyia tuihih \ior (3:1-18)\ior*
\io1 Kristaan nyia Mongrep \ior (4:1—5:6)\ior*
\io1 Hejaat hejaat renbaat \ior (5:7-20)\ior*
\c 1
\p
\v 1 \x - \xo 1:1 \xo*\xt Mat 13:55; Mk 6:3; Esm 15:13; Gal 1:19 \xt*\x* Rangte nyia Teesu Jisu Kristo laksuh, Jeems taangnawa:
\p Mongrep noongrep ni Rangte mina loong tiisoontla loong suh jengseera.
\s Tuumaang nyia mongtham
\p
\v 2 Joon awaan loong, sen taangnah jaatrep phate joonnaam thok haadoh khangraangse ngeh ih li an, 
\v 3 tiimnge liidi erah likhiik phate joonnaam ah sen tuumaang nawa ih jen tanno juuba, jirep adoh jen naan eh an. 
\v 4 Sen ih jat etheng, jen naan ih tanno roidong doh jirep ah jen an, eno juuba tiim lampo nah uh sen epun nyia lasoot lasaam ang an. 
\v 5 Enoothong sengdung dowa o ang an bah uh mongtham ese laje kanbah, sen ih Rangte rangsoom an heh ih kot ehan; tiimnge liidi Rangte ih loongtang suh larat lapat thang ih minchan ih chokoha. 
\v 6 Enoothong mabah rangsoom an, tenchi lah angthang ih hanpi an. O tenchi angla erabah juusih ni pong ih juutak saapmot ah likhiik . 
\v 7 Sen loong emah mok ang anbah, nyia tiim re an bah uh sen thung nah lajen phanthun kanbah, 
\v 8 Teesu taangnawa echoh eh ih ngeh ih nakmok thun an.
\s Changthih nyia changteng
\p
\v 9 Changthih Kristaan loong ah Rangte ih toonjoh adoh tenroon ang theng, 
\v 10 \x - \xo 1:10 \xo*\xt Isa 40:6,7 \xt*\x* adoleh changteng Kristaan loong ah Rangte ih datthiin ih adoh tenroon ang theng. Tiimnge liidi changteng ah woma ni popong kah mutdat ah likhiik ih mah ah. 
\v 11 Rangsa ah khaamloolo ih dong tahaano nyia mi taano bangphook ah tekraat eha; hepoong uh takah poongka, adoleh hejaase ah uh emat e ah. Erah likhiikkhiik changteng loong ah neng pheehoon mootkaat damdoh thet haat ah.
\s Thaak taari nyia phate joonnaam
\p
\v 12 Phate joonnaam di o ih tuumaang roh eha erah juuba tenroon, tiimnge liidi erah thaak taari ha jen ano, heh mongnook loong asuh Rangte ih kakhamta jun ih hethaang ah roidong koh ah. 
\v 13 Erah likhiik thaak taari heedoh, seng ih mabah uh lajaatjaat jeng theng, “Arah thaak taari hali ah Rangte taangnawa.” Tiimnge liidi Rangte ah ethih ekhah ih tami thaak taari ka, he teewah ih o uh tathaak taari ka. 
\v 14 Enoothong seng tenthun ethih nyia nyamnyook ih dat hoom hali. 
\v 15 Eno seng tenthun ethih ekhah rah ih rangdah dongsam thukla nyia dongtup ha; erah lih adi rangdah ah hantek phong taano etek ih thukla.
\p
\v 16 Joonte loong erah raangtaan ih naktoom mokwaan han! 
\v 17 Ranglakkot ese nyia epun lakkot ah rangmong nawa ra hala; rangmong dowa weephaak Dongsiitte Rangte reenawa ra hala, heh lekte tah angka nyia rangnak takah ngaak ang thukka. 
\v 18 Hethung hetak nawa ih nyia heh jengkhaap amiisak nawa ih dongtup tahe, tiimnge liidi mathan dongsiitta erah loong tung dowa seng loong ah phangkhoh tiik arah potiik loong ang theng.
\s Echaat nyia reeraang pakna
\p
\v 19 Joonte loong, sen ih arah samthun roh etheng! Warep ih boichaat ah jaalo ih boichaat theng, enoothong ejeng nyia ekhat ah siak lakhat theng. 
\v 20 Mina tenkhat ih Rangte kateng tenthun nyia mootkaat ah mabah uh tachoka. 
\v 21 Erah raangtaan ih lalangka lampo ni jangse li dowa nyia ethih mootkaat loong dowa haloh ang theng. Jirep ah Rangte suh look anno sen tenthun ni tiimjaat jengkhaap dong thukla erah ah kaptheng, erah ih juuba jen puipang han.
\p
\v 22 Heh jengkhaap ah boichaat luulu ih anno sen teenuh teewah nak mokwaan an; erah nang ebah erah chaat han jengkhaap kap suh jangse an. 
\v 23 Sen ih jengkhaap ah boichaat luulu ih anno erah jun ih jangse lareeraang kanbah, theeri ni adoleh samsok ni o mina ih heh teenuh teewah likhiikkhiik ih japtup arah likhiik ih ang an. 
\v 24 Erah loong ah ebah neng teenuh teewah ah samkhikhih ih sok ano dokkhoom kala eno hethe hekhoh tiim likhiik angko taaja erah jaasiit di lak haat ha. 
\v 25 Enoothong marah hootthe mina puipang suh epunthoon ah, labeehaat thang ih erah hootthe ah kap anbah nyia boichaat luulu lah ethang ih jangse ih reeraang pakna anbah—sen tiim re an erah doh Rangte ih romseetam kohan.
\p
\v 26 O ih bah uh sen jaachi ni ngah thooroom mina ngeh ih tam thun han? Heh tuihih ah laplap ih moot abah heh thooroom ah thaangmuh, erabah heh teeteewah ba mokwaan ha. 
\v 27 Sen loong Wah Rangte ih kilingling\f + \fr 1:27 \fr*\ft kilingling; mararah hah tajengka: arah suh eng ih pure liiha\ft*\f* nyia amiimi thooroom liiha abah amah suh liiha: numuh wamuh nyia numuh jooti loong ah neng chamchoh doh chosok theng adoleh arah mongrep dowa mih thet hoomjih loong dowa haloh ang theng.
\c 2
\s Lah dandeemui raangtaan ih choophaan
\p
\v 1 Joonte loong, chaan aphaan Teesu, Teesu Jisu Kristo suh hanpiite loong, rangkhonah sok an jun ih o mina ang abah uh nak liilaangmui an. 
\v 2 Jengthaak asuh changteng warah ah kom laktiip nyia nyuse khatmi ah kap ano ngoongthum theng ni wang hala, erah damdi changthih warah uh nyutu khattu ah kap ano wang hala. 
\v 3 An ih nyuse khatmi kapte asuh choomjoh uno “Tongtheng eseethoon adoh tong uh mokbaat ubah,” enoothong changthih warah suh “Erah doh chap uh, adoleh nga lathong nah erah hah adoh tong uh mokbaat ubah,” 
\v 4 erabah sen jaachi ni ethih tenthun nawa ih mok dandeemui elan.
\p
\v 5 Nga mongnook joonte loong, boichaat thaak an! Rangte ih arah mongrep dowa changthih loong ah tuumaang nah changteng angthuk suh danjeeta, eno heh ih minchanha loong asuh kakhamta jun ih ranghasong adoh chotong thuk ah. 
\v 6 Enoothong sen loong ah ih changthih ah tachoom jokan! Mat hoonte jiinni hoomkaat hanno sen suh liilaangte ah o ah? Changteng loong ah laanglek! 
\v 7 Sen suh kohalan men ese thetbaatte ah neng loong laanglek ah.
\p
\v 8 \x - \xo 2:8 \xo*\xt Lew 19:18 \xt*\x* Hasong hootthe ah kap anbah sen loong ah epunjih ah re an, erah rangteele ni uh emah ju liiha, “Senkhung sentok ah senteewah minchan han ah likhiik ih minchan theng.” 
\v 9 Enoothong sen ih o mina ang abah uh rangkhoh nah sok anno mok liilaang anbah, sen loong ah rangdajih re lan, eno Hootthe jundi hootthe thetsiitte ngeh ih dut haat han. 
\v 10 O ih jengdang esiit thetsiit ah erabah jengdang thoontang thetsiitte eh hoonla. 
\v 11 \x - \xo 2:11 \xo*\xt Hpkt 20:14; Hodb 5:18; Hpkt 20:13; Hodb 5:17\xt*\x*Tiimnge liidi, “Misah minuh damdoh laroomjup theng,” emah liite warah ih liiha, “Mih latek haat theng” ngeh ih uh li eha. An misah minuh damdoh laroomjup ko bah uh, an ih mitek haat ubah hootthe thetsiitte ih hoonlu. 
\v 12 Senjeng senkong nyia senmoot senkaat ah seng puipangte hootthe ih dande ha mina likhiik ih ang theng. 
\v 13 Tiimnge liidi o tenthet lajeeka mina ah Rangte ih dande adoh heh suh tenthet tajeeka ang ah; enoothong tenthet jeete ah dande sa echo ejih tajeeka ang ah.
\s Tuumaang nyia reeraang pakna
\p
\v 14 Joon awaan loong, sen loong dung dowa o ih bah uh sen reeraang pakna lajeeka bah tuumaang ah ese nih ang ah? Erah tuumaang ah ih puipang tam ehan? 
\v 15 Jengthaak asuh soophoh soonah nyumuh khatmuh nyia phakmuh satmuh tongla. 
\v 16 Tiimma se ah neng suh jengkhaap huuta nawa ih emah li ubah ah, “Rangte ih romseetam toom kohan! Lomjaaja nyia wokphoot wokbi toom tong an!”—neng suh neng roidong di tiim laakiila erah lakoh koobah ah? 
\v 17 Erah raangtaan ih tuumaang damdoh lakkot eje angjih: reeraang pakna laje thang ih tuumaang luulu je abah, erabah tekmang.
\p
\v 18 Enoothong mararah ih liiha, “Mina wasiit asuh tuumaang jeela, wasiit asu reeraang pakna jeela.” Ngah ih liihang, “Ngah suh noisok thaak he reeraang pakna lajeeka bah tuumaang mamah mi je ah. Nga tuumaang ah nga reeraang pakna nawa ih noisok ha.” 
\v 19 Sen ih Rangte ah esiit ngeh ih hanpi tam ehan? Ese laang angja! Erabah hakhoh luuwang ih uh hanpi eha—nyia mootcho ela. 
\v 20 Sen loong ah engak elan! Sen reeraang pakna lajeeka bah tuumaang ah thaangmuh\f + \fr 2:20\fr*\fq thaangmuh; \fq*\ft mararah le ni \ft*\fq etek liiha. \fq*\f* ang ah ngeh ih noisok ah tamjam han? 
\v 21 \x - \xo 2:21 \xo*\xt Rangph 22:1-14 \xt*\x* Sengte senwah Abraham ah Rangte ngathong ni mamah kateng angta? Heh sah Isak romthong ni khojoop taat kowanta, erah di heh reeraang nawa ih noisokta. 
\v 22 Sen ih tatam tupkan? Erah di heh tuumaang nyia heh reeraang ah eroom ih mokala; heh tuumaang ah heh reeraang jun ih epunthoon ngeh ih noisok ha. 
\v 23 \x - \xo 2:23 \xo*\xt Rangph 15:6; 2Tet 20:7; Isa 41:8 \xt*\x* Eno Rangteele ni liiha ah amiisak ih angla, “Abraham ih Rangte hanpiita, eno heh tuumaang jun ih Rangte ih Abraham ah kateng ngeh ih kapta.” Erah thoidi Abraham suh Rangte joonte ngeh ih poonta. 
\v 24 Erah raangtaan ih, sen ih tup ehan, heh reeraang pakna jun ih ba Rangte ngathong ni erah mina ah kateng eh hoonta, heh tuumaang laklak ih tami angka.
\p
\v 25 \x - \xo 2:25 \xo*\xt Jms 2:1-21 \xt*\x*Hansangte Rahap ah uh emamah ju angta. Heh reeraang pakna jun ih Rangte damdi kateng eh hoonta, mamah ih hoonta liidi bah, Rahab ih Ijirel mijokjengte ah noppoon ano lamhoh ko nawa ih hotsoon thuk rumta.
\p
\v 26 Erah raangtaan ih, sakphu adoh chiiala lajeeka di tekmang angla likhiikhiik, reeraang pakna laje thang ih tuumaang luulu je abah erabah tekmang.
\c 3
\s Tuihih
\p
\v 1 Nga joonte loong, sen loong ah thoontang nyootsootte totoh angtheng ngeh ih tah angka. Sen ih jat ehan, wahoh nang ih nyootsootte seng loong ah sattitih ih dande he. 
\v 2 Tiim saasa di seng loong ah mokre eli. Enoothong o mina heh jengkhaap ni lamok jengka, erabah epunthoon ang ah eno heh sakpuh thoontang jen riikoi sokboi ah. 
\v 3 Mok ah seng jeng chaat thuk suh heh tui ni moot hoom theng ben hi, eno seng manah kaat theng ah erah di kaat thukli. 
\v 4 Adoleh juukaari ah taat samthun thaak ih: mathan rak taat ang abah uh pong ih jen lengmot eha, enoothong heh ngoomrop theng banglo rah ih jen lenghoomha, eno juukaari jopte ah mani kaat thung ah erah di jen kala. 
\v 5 Erah likhiikkhiik tuihih ah: ehinsah taat ang abah uh, jirep adi elonglongwah ih jengkongla.
\p Taat samthun thaak an woma erathan rak ah weepoong amasah ih jen khaam la! 
\v 6 Eno tuihih ah we likhiikkhiik. Mongrep ni ethih thoon ah tuihih ah, eno seng sakphu ni tong ano seng sak ni ethih ekhah loong ah jaatjaang thukla. Seng roidong roitang erah we ah ih roitang khaam thukla eno tuihih heheh erah we adi khaamla marah soolam nawa ra hala rah ih ah. 
\v 7 Mina ih jirep ah jen jijaang hi eno jihoh si anyah loong uh jen jik eha—woma si siiawi nyia woh angkoja, adoleh pu ajuk nyia nyah tiimjih angkoja. 
\v 8 Enoothong o ih uh tuihih maang taat mi jika. Tuihih ah ethih nyia lajen riikoi sokboi theng, hetaang ni me asu ethithoon ah ba je ah. 
\v 9 \x - \xo 3:9 \xo*\xt Rangph 1:26 \xt*\x*Erah tuihih ah seng Teesu nyia seng Wah suh lakookmi li suh maak ehi eno mina Rangte likhiikkhiik ih dongsiit ha ah uh etam ehi. 
\v 10 Jengseera nyi etam jengkhaap ah tui phoosiitsiit nawa dokjengla. Joon awaan loong emah bah lah ang theng! 
\v 11 Juumik esiit nawa ju esum nyia ekhah tami dong janka. 
\v 12 Joon awaan loong, phuksak bang nawa mabah uh olip tiik tami tiikka; adoleh anggut tiik nawa mabah uh phuksak tiik tami tiikka, adoleh sum juumik nawa juusum tami dong janka.
\s Mongtham ese ah rang nawa
\p
\v 13 Sen loong dung dowa o bah esekthoon nyia ejat esam eje tam ah? Emah ang abah heh roidong ese nawa ih, hemoot hekaat mongtham ese nyia seklilih jun ih noisokjih. 
\v 14 Enoothong senten senmong nah miksuk kiitnoot, ethih ekhah, nyia nyamnyook je abah, an mongtham ese asuh khuupook uno amiitiit ngathong nah nak dah uh. 
\v 15 Erah likhiik mongtham abah rangmong nawa tah angka; erabah mongrep raangtaan ih ba ang ah, erah chiiala ah ese tah angka nyia hakhoh luuwang jiin nawa. 
\v 16 Maradi miksuk khaada nyia nyamnyook jeela, erah di hoongrok haphaang nyia ethih ekhah jaatrep ah jeeroh ela. 
\v 17 Enoothong mongtham rang nawa ang abah jaakhothoon ah kilingling ang ah; semroongroong nyia seklilih ang ah, sano joonte totoh je ah, mih minchan totoh ang ah; eno hemoot hekaat nah ese totoh ang ah; lonoite uh tah angka nyia mih dandeete uh tah angka ang ah. 
\v 18 Esejih mathan ah erah semroongroong mokaatte loong ih dongthukla.
\c 4
\s Mongrep damdi joonte
\p
\v 1 Sen jaachi ni rookmui jengmui loong ah manawa thok hala? Erah loong ah hansi tenroon raangtaan ih sen ten ni tongthuk thoidi, sen jaachi ni rookmui jengmui pak anglan. 
\v 2 Sen loong ah ih jirep ah jam han, enoothong erah loong ah tachoh kan, erah thoidi tek haat esuh bansok han; sen loong ah ih chichangchang taat jam han, enoothong erah loong ah tachoh kan, erah tungkaangdi changrook anglan. Sen loong ah ih marah jam han tachoh kan tiimnge liidi sen ih Rangte jiin nawa erah tasuh kan. 
\v 3 Adoleh mabah suh an erah di tachoh kan, tiimnge liidi sen tenthun ah ethih; jirep jaatrep sen ih jam han ah sen teenuh teewah hansi tenroon nah maak suh jam han. 
\v 4 Tuumaang lajeete mina loong! Sen loong ah ih tatam jatkan mongrep damdi joon awaan angla rah Rangte piiara ngeh ah? Sen loong ah ih mongrep damdi joon awaan angsuh liihan abah, sen teenuh teewah ah Rangte piiara ba eh hoon an. 
\v 5 Rangteele ni amah liiha ah amiisak tah angka ngeh ih nakmok thun an, “Rangte ih seng sak ni Chiiala tong thukla rah ih ramram ih thun ha.”\f + \fr 4:5 \fr*\fq Chiiala…kamkam ih thun ha; \fq*\ft adoleh \ft*\fq Seng sak ni Rangte ih chiiala pathuk hala ah ramram ih sok ha.\fq*\f* 
\v 6 \x - \xo 4:6 \xo*\xt Tittk 3:34\xt*\x* Enoothong Rangte ih tenthet kohali ah erah nang eh ju echaan thoon. Rangteele ni amah liiha, “Rangte ih khuupookte ah tanookka enoothong toongtang loong ah suh minchan koha.”
\p
\v 7 Erah raangtaan ih sen teenuh teewah ah Rangte suh look an. Hakhoh luuwang ah naknop thuk an, eno sen reenawa heh esoon e ah. 
\v 8 Rangte reenah thok han, eno heh sen reenah thok ha. Rangdah mina sen loong ah ih, sen lak ah saatiihaat ih an! Lonoite sen loong ah ih, senten senmong ah esa angthuk an! 
\v 9 Thungthet e an, ehu e an, mikphi janhaat an; ten ni engit e lan ah ehu e thuk an, sen tenroon ah nak roon thuk an! 
\v 10 Sen teenuh teewah Teesu ngathong nah ehin ih hoon an, sen loong ah tonjoot ehan.
\s Kristaan phoh ano dandeemui thoidi choophaan
\p
\v 11 Phoh ano loong, wasiit ih wasiit nak lenmakmui theng. An ih Kristaan wahoh mok lenmak ubah adoleh dande ubah, an ih Hootthe ba lenmak hu adoleh dande hu. An ih Hootthe dande ubah, Hootthe kapte takah angko, enoothong Hootthe dandeete ih hoonlu. 
\v 12 Hootthe dongthukte nyia dandeete Rangte heh luulu. Heh ih luulu jen puipang ah nyia thet haat ah. Mih dande suh an o ngeh ih thun hu?
\s Khuupook thoidi choophaan
\p
\v 13 \x - \xo 4:13 \xo*\xt Tittk 27:1\xt*\x* Emah liite loong ah ih, nga jeng ah boichaat an, “Chiinnyah lah angka bah uh rangkhah seng loong ah samnuthung nah tumkhoom kah ih, erah doh seng pangsiit than tong kah eno pheehoon mootkaat ah kah, eno ngun hantek bi kah ih.” 
\v 14 Rangkhah an roidong ah mamah ang ah erah uh tajatko! An weekhot kah nyaamkhoom ah likhiik, erah pootsiit ba khot ah esaapmat eh ah. 
\v 15 Sen loong ah amah jeng theng tan: “Teesu thung ang abah, seng loong ah songtong eno jirep jaatrep moot ah mokah ih.” 
\v 16 Enoothong sen loong ah amadi khuupook elan; engaam elan; emah ngaam lan abah tapunka.
\p
\v 17 Erah raangtaan ih, mootse kaatse ah ese ngeh ih jat eno lare keebah, rangdah ni moongli.
\c 5
\s Changteng tungthoidi choophaan
\p
\v 1 Eno amadoh, changteng sen loong ah ih nga jeng ah boichaat an! Sen loong taangnah chamthih naangkhah thok e hala asuh mikphi janhaat an! 
\v 2 \x - \xo 5:2 \xo*\xt Mat 6:19\xt*\x* Sen loong changteng ah ram ih sot ha, nyia sennyuh senkhat ah khunchoong ih saha. 
\v 3 Senhun senkom loong ah ram ih sot ha, eno erah ram ah sen haaki ang ah eno we ih matkhaam ah likhiik ih sen si ah matphak han. Amadi rangwu thoonkaat damdam eh nyam acham ah lomthiin ehan. 
\v 4 \x - \xo 5:4 \xo*\xt Hodb 24:14,15\xt*\x* Sen phek ni mootkaatte loong asuh lakbi thaang uh takoh kan. Nenghu nengri ah boichaat ih an! Sen chamkhante hu ari ah Teesu Elong Rangte na ni thokla. 
\v 5 \x - \xo 5:5 \xo*\xt Hodb 24:14,15\xt*\x*Arah hah adi sen roidong ah hansi tenroon ni laboot labe ih tonglan. Tek haat rangwu raangtaan eba sen teenuh teewah ah totjook han. 
\v 6 Sen ih nokbaang toongtang loong ah dut haat ehan nyia tek haat ehan, eno neng tangaak jengra. \f + \fr 5:6 \fr*\fq nokbaang tongtang loong ah dut haat han nyia tek haat han, eno neng tangaak jengra; \fq*\ft adoleh \ft*\fq mina loong ah tangaak jengka. Rangte ah tatam ngaakjeng ka? \fq*\f*
\s Enaan nyia rangsoom tiit
\p
\v 7 Joon awaan loong, erah raangtaan ih, Teesu maang raara banban ih bantong theng. Phek mootkaatte ah taatsok thaak an, heji hecham se thuk suh heh phek ah banban ih bansok ha. Heh ih moihu nyia sonop rangphaat ah bansokroh eha. 
\v 8 Sen uh emamah ih bansok theng. Sen loong laalom ah rongtangtang ang theng, timnge liidi Teesu kaat rangwu ah ethok e hala.
\p
\v 9 Joon awaan loong, Rangte ih naktoom dande han suh, sen jaachi nah wasiit ih wasiit nak thetbaat liilaangmui an. Dande te warah dongkhoom nanah e hala nyia thok esuh bantongla. 
\v 10 Joon awaan loong, Teesu mendi jengkongta khowah loong ah dokthun an. Neng loong ah chamnaang damdi tiimthan naan rumta loong ah tiitthaak ih kap an. 
\v 11 \x - \xo 5:11 \xo*\xt Jb 1:21-22; 2:10; Rsb 103:8\xt*\x* Neng loong ah ih jen naan thoidi neng suh tenroon ngeh ih poon hi. Sen ih Job ih mathan naanta erah echaat ehan, eno lithoon ni Job suh Teesu ih mamah ih kota erah uh jat ehan. Tiimnge liidi Teesu ah mih minchante nyia tenthette.
\p
\v 12 \x - \xo 5:12 \xo*\xt Mat 5:34-37\xt*\x*Joon awaan loong, thoontang nang ih jat ejih angla kakham andoh thoom lahoon theng. Rang mendoh angkoja, hah mendoh angkoja adoleh tiimjaat mendoh ankoja lathoom theng. Sen ih thang ih andoh “Em” luulu li theng, adoleh edaan ih andoh “tah angka” luulu li theng, eno juuba Rangte ih tadande ru.
\p
\v 13 Sen jaachi ni cham anaangte eje tam ah? Neng loong ah ih rangsoom theng. Sen loong chamchi ni o bah uh tenroonte eje tam ah? Neng loong ah ih rangphoong rangsoom bongkaat bong theng. 
\v 14 \x - \xo 5:14 \xo*\xt Mk 6:13\xt*\x* Sengdung ni khoisatte o ang abah uh eje tam ah? Neng ih chaas mihak phokhoh loong ah poontheng, neng loong ah ih rangsoom koh ano khoisatte sak nah olip thi ih Teesu mendoh hut theng. 
\v 15 Tuumaang ano soom adi khoisatte ah ede ela; eno Teesu ih hesak hesi ah de thuk ano heh ih rangdah reeta ah biin anaan hoon ah. 
\v 16 Erah raangtaan ih, wasiit ih wasiit mokre ah ebaatmui etheng eno rangsoom kotmui theng, eno juuba sen loong ah ede ih an. Mina eseete rangsoom adi chaan aphaan jeela. 
\v 17 \x - \xo 5:17 \xo*\xt 1Lu 17:1; 18:1\xt*\x* Elija ah seng likhiikkhiik mina angta. Heh ih rang naktoom phaat ah ngeh ih hethung hetak ah koh ano rangsoomta, eno hah ni paangjom paangthom rang taphaatta. 
\v 18 \x - \xo 5:18 \xo*\xt 1Lu 18:42-45\xt*\x* Eno rangphaat raangtaan ih rang we soom kano, rangphaat ah we phaat, ji acham loong ah seemi eta.
\p
\v 19 Joon awaan loong, sengdung dowa o bah uh amiisak lampo dowa doksoon ano wahoh ih ngaaksiit haabah, 
\v 20 \x - \xo 5:20 \xo*\xt Tittk 10:12\xt*\x* arah samthun an: o mina ih rangdah mina lalangka lam nawa ngaaksiit ha bah rangdah mina la\f + \fr 5:20 \fr*\fq rangdah mina la; \fq*\ft adoleh \ft*\fq heh teewah la. \fq*\f* ah etek nawa puipangha eno rangdah hantek saasiit ha.