\id EPH Tutsa: Bible Translation 1st Edition
\ide UTF-8
\h Ephisiate
\toc1 EPHISIATE suh Pool ih raang arah Le
\toc2 Ephisiate
\toc3 Eph
\mt1 EPHISIATE
\mt2 Suh Pool Ih Raang Arah Le
\imt Ephangjatjih
\ip \bk Pool ih Ephisiate suh le maatta \bk* adi jaakhothoon ah Rangte kaankoong tiit ah raangha, jirep dongsiitta dowa loong ah eroom ih angsuh ah, nyia jirep ah rang nyia hah dowa loong Kristo ah lamsuite ang ano eroom ih angsuh ah.” (1.10). Eno Jisu Kristo damdoh esiit ih hoon eno mina jaat loongtang jutsiit jangsiit angtheng ngeh ih Rangte mina loong lasih uh joot eha.
\ip \bk Ephisiate\bk* leedap ni jaakhothoon raangte wah rah ih jutsiit jangsiit tiit ah baat ha, erah langla seng loong Wah Rangte ih heh mina loong danjeeha jun ih baat ha nyia neng loong rangdah ah biin anaan mamah hoonha adoleh heh Sah Jisu Kristo jun ih rangdah nawa mamah puipangta, adoleh Esa Chiiala nawa ih Rangte kakham elong ah choh jaatjaat ih ah ngeh ih baat ha. Erah lih adi arah le wette loong asuh Kristo mendoh esiit ih hoonli ngeh ih baat ha ah neng roidong doh amiimi angtheng ngeh ih baat ha.
\ip Jengkhaap ehanko ah Rangte mina loong ah Kristo damdoh roop eno esiit angtheng ngeh ih baat ha: Chaas ah mina sakpuh likhiik, adoleh Kristo ah lamsuite; adoleh nok ni thonghong likhiik; adoleh hesawah damdi hesanuh likhiik. Arah le raangte ah Kristo damdi Rangte minchan jeela jun ih baattaan ha. Jirep aju Kristo minchan ni, mina raangtaan ih tiita, biin anaan hoonha, minchan jeela nyia heh esa thoon angla adi japtup hi.
\iot Hemong Dowa Jatjih
\io1 Ephangjatjih\ior (1:1-2)\ior*
\io1 Kristo nyia chaas\ior (1:3—3:21)\ior*
\io1 Kristo ni roidong na\ior (4:1—6:20)\ior*
\io1 Ethoon ni\ior (6:21-24)\ior*
\c 1
\p
\v 1 \x - \xo 1:1 \xo*\xt Esm 18:19-21; 19:1 \xt*\x*Arah le ah Pool taangnawa, Rangte tenthun jun ih Jisu Kristo kaamwah ih hoonte wah rah ah—
\p Ephisia ni tongte Rangte mina,\f + \fr 1:1 \fr*\ft Mararah le ni amuh \ft*\fq Iphisa ni ngeh ah.\fq*\f* Kristo Jisu damdi roongroop rum ano neng laalom di rongtangtang ih songtongla loong asuh:
\p
\v 2 Seng loong Wah Rangte nyia Teesu Jisu Kristo ih sen suh minchan toom kohan nyia semroongroong ih toom songtong thuk han.
\s Kristo jiinni Chiiala romseetam jeela
\p
\v 3 Seng Teesu Jisu Kristo Wah Rangte suh lakookmi li ih! Tiimnge liidi Kristo damdi roongroop eno arah mongrep adi rangmong dowa chiiala romseetam ah kohali. 
\v 4 Arah mongrep ah maang dongsiitka diidook, seng loong ah esa nyia heh ngathong nah lamoongtaang suh, Kristo damdoh roongroop eno heh mina angthuk suh Rangte ih jen danje ih tahe.
\p Heh minchan je thoidi, 
\v 5 Rangte\f + \fr 1:5 \fr*\fq heh ngathong ni. Heh minchan je thoidi; \fq*\ft adoleh\ft*\fq heh gnathong ni, nyia minchan nah tong theng. Rangte. \fq*\f* ih seng loong ah Jisu Kristo jun ih hesuh hesah ih hoon suh jen thuntak eta—erah langla heh tenroon theng nyia heh raangtaan ih angta. 
\v 6 Rangte ih heh minchan elong nyia heh mongnook Sah thaangmuh lakkot ih kohali, erah raangtaan ih heh rangphoong ih! 
\v 7 \x - \xo 1:7 \xo*\xt Kol 1:14\xt*\x* Tiimnge liidi Kristo sih\f + \fr 1:7\fr*\fq Kristo sih ih ba; \fq*\ft adoleh \ft*\fq Kristo tek tungkaangdi ba. \fq*\f* ih ba, seng loong ah maama pongwan jen angthuk hali, erah langla seng rangdah ah biin anaan hali. Rangte minchan ah tiimthan elongthoon ah, 
\v 8 erah minchan ah lajen thaakbaat theng kohali!
\p Heh tenthun nyia mongtham thoontang nawa ih 
\v 9 Rangte kaankoong tiimjih angta heh erah reeta, eno Kristo jun ih husah ni tiimjih thoon mookaat thunta erah kaankoong ah dongjat thuk hali. 
\v 10 Eno erah chungha ah saapoot thok ha doh re ah, heh kaankoong ah langla, rangmong nyia arah hah adi mathan dongsiitta erah loong ah eroom ih khoonsiit thung, eno eradoh Kristo ah heh khoh ang ah.
\p
\v 11 Jaatrep ah Rangte kaankoong nyia mongtham jun ih angla; erah raangtaan ih jaakhoh diidook thunta jun ih Kristo damdi roopthuk heeno heh mina angsuh danje tahe. 
\v 12 Erah raangtaan ih, Kristo suh jaakhoh phang laalomte loong ah ih Rangte chaan ah phoongpha ih!
\p
\v 13 Eno amiisak tiitkhaap chaattan dowa ih Rangte mina ih hoontan, erah langla sen khopi thukte Ruurang Ese tiit angdowa. Sen loong ah ih Kristo ah hanpi kanno, Rangte ih heh thoomhoon kakham jun ih, Esa Chiiala nawa ih sen sak ni changte sin ah thong tahan. 
\v 14 Heh mina loong suh Rangte ih kakhamta jun ih Chiiala ah seng ih choh jaatjaat etheng, erah laalomli thoidoh Rangte ih heh mina loong ah maama pongwan angthuk ah. Heh rangka ah phoongpha ih!
\s Pool rangsoom
\p
\v 15 Emah ang thoidi,Teesu Jisu Kristo suh tuumaang nyia Rangte mina loong minchan tan phangchaat tang dowa ih, 
\v 16 sen loong raangtaan ih Rangte suh lakookmi li tatoi kang. Sen loong ah nga rangsoom ni samthun roh ih rumhala 
\v 17 eno seng Teesu Jisu Kristo, chaan aphaan Wah Rangte asuh, Chiiala kotthuk suh sen raangtaan ih suh roh ehang, sen suh mongtham ese ah jatthuk suh nyia Rangte tupthuk suh ah. 
\v 18 Nga rangsoom ah langla heh weephaak ah sen thung nah jeeroh toom ih ah, tiimnge liidoh sen tiim raangtaan ih poon tahan erah laalom tiit ah toomjat an suh ah, heh mina suh romseetam kot suh kakhamta tiit ah tiimthan elong ah, 
\v 19 eno heh hanpiite loong damdi chaan aphaan wakroop hala ah tiimthan rak ah. Seng damdi wakmokah hala chaan aphaan ah thoonrakla, 
\v 20 \x - \xo 1:20 \xo*\xt Rsb 110:1\xt*\x* erah chaan aphaan nawa ih Kristo ah etek nawa ngaaksaat thuk ano rangmong nawa mongrep ni heh Wah reeni jaawah ko tongthukla. 
\v 21 Rangmong dowa phansiitte loong, ngoong awang, ehang echaan nyia teesu loong ah Kristo ih pan rumha; thoontang khodi elong men chaan aphaan ah arah mongrep ni luulu lah angthang ih liwang doh uh emamah ang ah. 
\v 22 \x - \xo 1:22 \xo*\xt Rsb 8:6\xt*\x* \x - \xo 1:22 \xo*\xt Kol 1:18 \xt*\x*Rangte ih jirep ah Kristo lakhui ni angthukla eno chaas ni heh jirep adi Teesu angla. 
\v 23 Chaas ah Kristo sakpuh, jirep ah nyia noongrep ni hesaksak ni roopla.\f + \fr 1:23 \fr*\fq jirep ah nyia noongrep ni; \fq*\ft adoleh \ft*\fq o heteteewah Rangte thanthan angta \fq*\f*
\c 2
\s Etek nawa roidong tiit
\p
\v 1 \x - \xo 2:1 \xo*\xt Kol 2:13\xt*\x* Teewadi sen rangdah nyia laboichaat thoidi sen loong ah chiiala ni tekmang angtan. 
\v 2 Erah tokdi arah mongrep dowa ethih ekhah lam ah phantan; sen loong ah ih rangwaatdam dowa ethih chiiala pante loong jeng kaptan, amadi uh Rangte jeng laboichaatte loong ah erah chiiala rah ih pan rumha. 
\v 3 Amiimiidi seng loong ah seng hansi ih jen thoidi neng likhiik ih songtongti, seng hansi raangtaan ih tiim jamti nyia tiim thunti erah jun ih songtongti. Hansi nah jaatjaat mok tongthaati bah Rangte tenkhat ah seng sak nah angtheng taha, wahoh loong sak ni angla likhiik ah:
\p
\v 4 Enoothong Rangte minchan ah erathan ehan adoleh heh mongnook ah erathan ih rakla, 
\v 5 heh jeng laboichaat thoidi chiiala ni tekmang laang angti bah uh Kristo damdi ngaakthing ih thuk hali. Rangte minchan je tungkaangdi ba seng loong ah puipang hali. 
\v 6 Rangmong nawa mongrep nah roongtong suh Kristo Jisu damdi roongroop thuk heeno seng uh ngaaksaat ih thuk hali. 
\v 7 Erah langla, Jisu Kristo jun ih seng minchan hali ah liwang nah uh heh minchan ah hedakdak rakla ngeh ih saarookwet raang ih noisok suh minchan hali. 
\v 8-9 Tiimnge liidi Rangte minchan ih ba sen tuumaang jun ih pui lan. Erah senchaan senphaan nawa ih tah angka, erabah Rangte lakkot, erah suh o uh tajen khuupookka. 
\v 10 Rangte ih seng mamah ah erah likhiik ih dongsiit tahe, eno Jisu Kristo damdi roongroop eno seng roidong doh mootse kaatse pakna suh dongsiit tahe, marah pakna heh ih seng suh reethuk suh jenban khookham thiin eta rah ah.
\s Kristo mendi esiit
\p
\v 11 Sen dongtup tahan dowa ih sen loong ah Ranglajatte—Jehudi loong ih “khoopkhan muh” ngeh ih men halan, neng teewah suh baleh khoopkhan choi ih liiha (neng sakpuh nah miwah ih tiim etheng ah erah toobaat ha)—ehakdi mamah angtan erah samthun ih an. 
\v 12 Erah tokdi sen Kristo reenawa haloh angtan. Sen loong ah mideek mikaante angtan nyia Rangte ih danje han rah mina tah angtan. Heh mina loong suh kakhamta jun ih, sen loong ah kakham jengdang adi taroop tan, eno arah mongrep adi sen loong ah laalom muh nyia Rangte muh ih tongtan. 
\v 13 Enoothong, amadi, sen loong ah haloh angtan loong ah Kristo Jisu damdi roongroop anno Kristo sih jun ih\f + \fr 2:13 \fr*\fq Kristo sih jun ih; \fq*\ft adoleh \ft*\fq Kristo ih heh tek haatthuk thoidi.\fq*\f* heh reeni thoksiit halan. 
\v 14 Tiimnge liidi Kristo heh teeteewah ih Jehudi nyia Ranglajatte loong ah phoosiit hoonthuk heeno semroongroong ih tongthuk hali. Seng loong ah seng jaachi ni koiraangthuk tangchook ah likhiik piiara ih tongti eno erah heh sakpuh ih thet haatta. 
\v 15 \x - \xo 2:15 \xo*\xt Kol 2:14\xt*\x* Jehudi Hootthe ni jengdang nyia banlam hantek angta loong ah heh ih matsiitta, erah langla heh teewah damdoh roongroop ano Jehudi nyia Ranglajatte loong ah jaatsiit paatsiit esiit eh hoonthuk suh ah, neng jaachi ni semroongroong emah dong angthuk rumta. 
\v 16 \x - \xo 2:16 \xo*\xt Kol 1:20\xt*\x* Kristo ih heh roidong ah bangphak khoni tekthuk thoidi neng jaachi ni piiara ih tong rumta ah matsiitta; bangphak jun ih neng changnyi ah sakpuh esiit ni roopthuk ano Rangte reeni ngaaksiit rum taha. 
\v 17 \x - \xo 2:17 \xo*\xt Isa 57:19\xt*\x* Semroongroong Ruurang tiit ah Kristo ih loongtang suh baattaan tahan—erah langla Ranglajatte o Rangte reenawa haloh ni angtan loong suh baat tahan, adoleh Jehudi mina o heh reeni angtan loong suh baat tahan. 
\v 18 Eno seng loong ah Jehudi angkojio adoleh Ranglajatte angkojio, Kristo jun ih ba heh Wah reeni Chiiala esiit ni jen thok hali.
\p
\v 19 Erah raangtaan ih, Ranglajatte sen loong ah mideekte nyia dookdate takah angkan; aanoobah Rangte mina nyia Rangte changka ih hoonlan. 
\v 20 Sen loong ah uh nok hoon ah likhiik, kaamwah nyia khowah loong ih thong phangchapta\f + \fr 2:20 \fr*\fq Kaamwah nyia khowah loong ih thong phangchapta\fq*\ft adoleh \ft*\fq thong ah langla, kamwah nyia khowah neng loongloong ah\fq*\f* di roong rooplan, erah di thonghong ah langla Kristo Jisu heh teeteewah. 
\v 21 Erah ah ju heh teewah nok thoontang ah roopjoh ano Teesu rangsoomnok esa ih dongtoon chap thukte rah ah. 
\v 22 Heh damdi roongroop thuk hanno sen loong ah nep erah nok adi wahoh loong damdi wakroop thuk halan, maradi Chiiala ni Rangte tongla adi ah.
\c 3
\s Ranglajatte loong raang ih Pool mootkaat
\p
\v 1 Emah ang thoidi, ngah, Pool, Ranglajatte sen loong thoilam di Kristo Jisu mendi phaatak ni tong angno, rangsoom hang. 
\v 2 Amiimiidi, sen ih echaat etan heh minchan di Rangte ih sen loong raang ih ese angsuh arah reethuk halang. 
\v 3 Rangte ih husah ni kaankoongta ah ngasuh jat ih thuk halang. (Arah tiit ah amasah raangkoh rumhala, 
\v 4 \x - \xo 3:4 \xo*\xt Kol 1:26,27\xt*\x* eno erah raanghang ah weh anno, Kristo husah tiit ngah ih jat hang ah sen ih jen jat ih an.) 
\v 5 Jaakhoni mina suh arah husah tiit ah tabaatta, enoothong amadi esa khowah nyia kaamwah loong asuh Chiiala jun ih Rangte ih dongjat et thuk rumha. 
\v 6 Husah tiit ah langla ruurang ese jun ih Ranglajatte loong ah uh Jehudi damdi romseetam ah roongchoh ih rumha; neng loong ah wasiit sakpuh ni changkaasiit ih hoonrum ano Kristo Jisu jun ih kakhamta adi roongroop ih rumla.
\p
\v 7 Rangte lakkot ah hoondak ih kohangno, ruurang ese raang ih ngah heh laksuh ih hoonthuk tahang, erah langla ruurang ese tiit baat angdi hechaan hephaan lam ih mokalang. 
\v 8 Rangte mina loong changdi ngah ehinthoon, ang abah uh arah mootkaat saapoot ese ah Rangte ih Ranglajatte loong suh Ruurang Ese tiit nyia Kristo lajen rookwetjih tiit ah baattaan suh kohalang, 
\v 9 nyia Rangte husah kaankoong ah mamah moottheng ah erah thoontang mina suh noisok thuk halang. Jaatrep dongsiitte wah, Rangte ih, heh husah kaankoong ah teewah di, roirep di huthiinta, 
\v 10 tiim esuh hutoota li abah, rangsah loong pante nyia rangmong nawa mongrep ngoong awang loong ih heh mongtham ah jaatrep lamni jeela ngeh ih toom jatrum ah ngeh ih, ahaang dowa chaas jun ih noisok ha. 
\v 11 Rangte erah reeta ah mabah uh lathoonjih heh kaankoong ah jun ih reeta, eno erah seng Teesu Kristo Jisu jun ih reeta. 
\v 12 Seng tuumaang jun ih Kristo damdi roop eno, Rangte ngathong ni tuumaangmaang ih naanwang hali. 
\v 13 Erah thoidi, sen raangtaan ih chamnaang lang asuh nak thungjoong an ngeh ih liirum hala, erah chamnaang lang ah langla sen loong ih hedak toom dakchoh an.
\s Kristo mongnook
\p
\v 14 Erah thoidi, seng Wah ngathong ni nga lakuh ni tong angno kotbon lang, 
\v 15 marah rangmomg nyia hah adi changka rep ih heh amiisak men ah jat rumha wah asuh ah. 
\v 16 Ngah ih Rangte seng Wah suh rangsoom hang, sen thung nah heh Chiiala jun ih chaan aphaan toom kohan, heh eseethoon et rangka dowa ah. 
\v 17 Sen tuumaang jun ih Kristo ah senten senmong nah tongruh toom ih ah eno sen loong ah heh minchan nah sen hing toom rongchap an ngeh ih rangsoom koh rumhala, 
\v 18 tiimnge liidoh, Rangte mina ang damdam sen ih Kristo minchan ah tiimthan rak ah, tiimthan choong ah, tiimthan nuuk ah erah loong ah jat suh chaan aphaan toom kohan. 
\v 19 Erah minchan ah ejatju toom ih an— mabah uh thoontang lajen jattheng ang abah uh—sen thung nah Rangte dang ajang likhiik ah toomje ah.
\p
\v 20 Rangte chaan aphaan ah seng damdi waktong thoidi, seng ih ehan lajamke ah adoleh lasuke ah, Rangte erah nang ih ehan jen moka ah. 
\v 21 Saapoot rookwet Kristo Jisu nyia chaas nah heh men rangka theng toom ang ah, roitang roijang raang ah! Amen.
\c 4
\s Sakpuh esiit ni roop tiit
\p
\v 1 Erah raangtaan ih—Ngah, Teesu mootkaat kaatkang ih phaatak ni tongte warah ih baat rumhala: Rangte ih poon tahan eno heh ih poon theethe ih tongtha an. 
\v 2 \x - \xo 4:2 \xo*\xt Kol 3:12-13\xt*\x* Sen loong ah saarookwet toongtang ang theng, mise angtheng nyia jirep jen naan ete ang theng. Wasiit ih wasiit jeng naan anno sen minchan ah noisok theng. 
\v 3 Chiiala ni sen loong ah semroongroong ang anno esiit ih jutje lan, eno erah jutje lan ah naririh ih thiin an. 
\v 4 Sakpuh nyia chiiala ah esiit angla, erah likhiik Rangte ih uh laalom esiit raang ih poon halan. 
\v 5 Teesu esiit, tuumaang esiit, juutem esiit angla; 
\v 6 thoontang mina raangtaan ih Rangte nyia Hewah esiit, eno heh loongtang raang ih Teesu, loongtang mina jun ih roong mokala nyia loongtang mina damdi tongla.
\p
\v 7 Seng loong esiit esiit suh hoondak lakkot ah Kristo ih thiikmiikta jun ih chothuk hali. 
\v 8 \x - \xo 4:8 \xo*\xt Rsb 68:18\xt*\x* Rangteele ni amah liiha,
\q1 “Heh echoong thoon ni du wangta adi,
\q2 phaatak nawa loong ah hantek siitwanta;
\q2 heh ih mina loong suh hoondak lakkot ah korumta.”
\m
\v 9 Eno, amadi “heh du wangta” ah tiimjih suh liiha? Erah langla jaakhoh ah arah hamongtang adi ra taha.\f + \fr 4:9 \fr*\fq hamongtang adi; \fq*\ft adoleh\ft*\fq hah heheh hamongtang.\fq*\f* 
\v 10 Erah thoidi wasiit wah marah datra taha erah wah wah ah we ngaak duuwangta, rang khothung echoong ni duuwangta, rang nyi hah noongrep nah heh eje totoh angsuh ah. 
\v 11 Heh ih “mina loong asuh hoondak lakkot” ah korumta; heh ih mararah ah kaamwah angthuk suh kheeta, mararah ah khowah angthuk suh kheeta, mararah ah ewangelis angthuk suh, maramarah ah pastor nyia nyootte angthuk suh khe rumta. 
\v 12 Erah langla, Rangte mina loong ah Kristaan mootkaat kaat thuk suh khe rumta, Kristo sakpuh chaas ah hakthuk suh ah. 
\v 13 Eno seng loongtang seng tuumaang nyia Rangte Sah men jat hi jun ih esiit ih hoontheng; seng loong ah Kristo angla likhiik maang mi langlang mihak thungsek ih hoontheng. 
\v 14 Erah thoidoh seng noodek likhiik lakah ang theng, mih mokwaante loong ih nyootsoot ha tiit ah chaat eno juutak ih haangko lengmotmot kah eh ah likhiik ah, erah loong ah ih bah neng tenthun ni tiim thunha erah di moong mokwaan kaatla. 
\v 15 Erah nang ebah, moongnook tiitwaan nyia chiiala amiisak tiit ah roongwaan ih no, Kristo ih siit hali lam adoh haktheng, seng lamsiitte ah heh juuba. 
\v 16 \x - \xo 4:16 \xo*\xt Kol 2:19\xt*\x* Sak asi ni hephaan dowa lak alah adoleh tui akhoh jirep ah heh ih panha jun eroom ih roong roopla, eno sakpuh putang adi hethah hethah ah rooptoom ano esiit ih hoonla. Erah thoidi, sakpuh ni hethah hethah mathan ah erah loong ah o mamah reetheng ah, erah likhiik mokah rum ano minchanmui jun ih sakpuh ah ehak ela.
\s Kristo ni roidong ena
\p
\v 17 Erah raang ih, Teesu mendi ngah ih sen suh dangdang ih baat rumhala: Rangmen lajatte loong likhiik lakah songtong theng, neng loong abah neng tenthun ah thaangmuh 
\v 18 nyia neng thung ah laamang ni. Erah loong abah Rangte ih koha roidong adi amuh, tiimnge liidi neng loong ah lajatte nyia neng tenthun ah jong ajaan tenthun. 
\v 19 Neng loong ah rakrek tenthun takah jeeka; eno neng roidong ah tiimthan ethih ekhah jeela erah di maakkaat rumla.
\p
\v 20 Kristo jiin nawa nyootsoot tan ah emah tah angka! 
\v 21 Sen ih Jisu tiit japchaat etan, eno heliphante ang anno Jisu jiin dowa amiisak ah nyootsoot etan. 
\v 22 \x - \xo 4:22 \xo*\xt Kol 3:9\xt*\x* Erah raangtaan ih, sen roidong ehak ah ehaat ih an—sen roidong ehak ah ebah hansi ramka ni songtong thuk tahan. 
\v 23 Sen tenthun mongtham ah ena jaatjaat ang theng, 
\v 24 \x - \xo 4:24 \xo*\xt Rangph 1:26; Kol 3:10\xt*\x* eno roidong ena ah kaptheng, erah roidong Rangte likhiik ih dongta, eno heheh ih ami tiit nyia esa ah dongjat thuk ha.
\p
\v 25 \x - \xo 4:25 \xo*\xt Jek 8:16\xt*\x* Erah raangtaan ih tiit hu nakkah baat theng! Hanpiite wahoh damdoh amiisak tiit baat theng, tiimnge liidoh seng loong ah Jisu sakpuh ni esiit ih hoonli. 
\v 26 \x - \xo 4:26 \xo*\xt Rsb 4:4\xt*\x* Sen ten khah anbah uh, rangdah nah naktoom dat hoom han, eno henih nitang uh ten lakhat theng. 
\v 27 Hakhoh Luuwang ah naknop thuk an. 
\v 28 Miputte angtan bah, mih put ah toihaat anno mootkaat thong mokah an, phanjangjang toom songtong an nyia changthih noodek toom jen chosok an. 
\v 29 Jengkhaap thih nakjeng an, erah nang ebah mih ih nookchaat theng jengkong an, mina tiimdi thoomramla eradoh senjeng senkong ah chaat hanno heh tarong theng toom ang ah. 
\v 30 Rangte Esa Chiiala ah nak thungthet thuk an; tiimnge liidi Rangte ah sen changte ngeh ih Chiiala ah changte wah sin, adoleh Rangte ih maama pongwan angthuk suh rangwu saakaan ah ethok jaatjaat ih thuk ha ngeh ih kamkam angtheng sin hoonha. 
\v 31 Ethih ekhah loong nawa, hansi ramka nawa, nyia tenkhat nawa haloh ang an. Sen jaachi nah lakah liilaangmui theng adoleh kaanjuumui theng adoleh lakah chiik haatmui theng. 
\v 32 \x - \xo 4:32 \xo*\xt Kol 3:13\xt*\x* Erah nang ebah, wasiit ih wasiit minchan muite nyia Kristo jun ih Rangte ih biin anaan hoon hali ah likhiik ih wasiit ih wasiit biin anaan jen hoonte ang theng.
\c 5
\s Rangwu ni songtong tiit
\p
\v 1 Sen loong ah Rangte suh asah angphiino, sen uh heh likhiik angsuh sumthun ejih. 
\v 2 \x - \xo 5:2 \xo*\xt Hpkt 29:18; Rsb 40:6\xt*\x* Sen loong roidong doh minchan eje ang theng, Kristo ih seng loong minchan heeno heh roidong kota ah likhiik ah, heh roidong ah phontum tingtak ah likhiik seng khojoop roop kota eno erah suh Rangte ah eroon ela.
\p
\v 3 Sen loong ah Rangte mina angphiino, sen jaachi nah roomjup roomtong, ethih ekhah adoleh nyamnyook loong jeela ah tapunka ang ah. 
\v 4 Adoleh mih thetkhat jengkhaap, mih tam jengkhaap adoleh ethookchaat ettheng jengkhaap loong ah lajeng theng. Erah nang ebah Rangte suh lakookmi li an. 
\v 5 Sen ih jat ehan roomjup roomtongte, ethih ekhah mina, adoleh nyamnyook ramkaate (nyamnyook ah tongmih soomtuute thanthan) ah Rangte nyia Kristo Hasong nah tachoh wangka.
\p
\v 6 O ih uh lalangka jengkhaap nawa ih naktoom mokwaan han; heh jeng laboichaatte mina sak nah Rangte tenkhat raaha. 
\v 7 Erah likhiik mina damdoh lajamwaan theng. 
\v 8 Sen teenuh teewah rangnak ni angtan, enoothong Teesu noksong ih hoon anno, sen loong ah rangwu ni. Erah raangtaan ih sen loong ah rangwu mih likhiik ih songtong an, 
\v 9 tiimnge liidi rangwu\f + \fr 5:9 \fr*\ft rangwu\ft*\ft mararah adi \ft*\fq Chiiala raangha\fq*\f* ah ih mathan ese, kateng, nyia amiisak tiit ah thoksiit hala. 
\v 10 Seng Teesu ah tiimjih suh roonla erah jat suh thun an. 
\v 11 Mina loong ah lalang lajang reeraang rumla adoh sen roong reeraangjih tah angka, erah nang ebah neng loong ah rangwu nah doksiit an. (
\v 12 Amiimiidi husah ni erah reeraang rumla ah rakmu riike jih.) 
\v 13 Eno neng husah ni reela loong ah rangwu nah angta no, neng dangjang ah wuusa nah dongjat thuk ah; 
\v 14 tiimnge liidi rangwu nah angta no jirep ah rangwu\f + \fr 5:14\fr*\fq tiim ang abah uh rangwu nah angtaano rangwu singlanglang eh hoonla; \fq*\ft adoleh \ft*\fq jirep ah rangwu ih phaak thukla. \fq*\f* eh hoon ah. Erah raangtaan ih tiitthaak jeela,
\q1 “Saat an, mokjupte loong,
\q2 etek nawa esaat ih an,
\q1 eno sen khothung nah Kristo ah phaak ah.”
\p
\v 15 Erah raangtaan ih rapniine ih songtong an. Tiim uh lajatte mina songtongla ah likhiik ih nak songtong an, erah nang ebah mongtham ese jatte likhiik eh songtong an. 
\v 16 \x - \xo 5:16 \xo*\xt Kol 4:5\xt*\x* Sen saapoot ah mootse kaatse nah maak an, tiimnge liidi aanapja rangwu saakaan ah ethih. 
\v 17 Erah raangtaan ih, nak baang thaang an, seng Teesu ih tiim reethuk thung ah erah mokah an.
\p
\v 18 Kham ah jok anno nakmok an, erah ih bah anba thet haat ho, erah nang ebah, Chiiala damdoh tong an. 
\v 19 \x - \xo 5:19 \xo*\xt Kol 3:16-17\xt*\x* Sen loong ah rangsoom boongkaat, seehoon damdoh roongwaan an; eno sen ten ih jam anno seng Teesu suh rangphoong rangsoom seehoon boongkaat ah se koh an. 
\v 20 Seng Teesu Jisu Kristo mendoh, seng Wah Rangte suh saarookwet lakookmi li an.
\s Hesanuh nyia hesawah
\p
\v 21 Wasiit ih wasiit jeng chaatchaat eh an tiimnge liidoh sen ih Kristo soomtu han.
\p
\v 22 \x - \xo 5:22 \xo*\xt Kol 3:18; 1Ptr 3:1\xt*\x* Hesanuh loong, Teesu jeng chaatchaat elan ah likhiik sen sawah loong jeng chaatchaat e an. 
\v 23 Tiimnge liidi, chaas tokkhodi Kristo chaan aphaan jeela ah likhiik hesanuh tokkhodi hesawah chaan aphaan ah jeela; eno heh sakpuh, chaas adi Kristo heh teeteewah ah chaas pangte. 
\v 24 Erah raangtaan ih, chaas heheh ih Kristo suh look haat koha ah likhiik hesanuh loong ah ih neng teenuh hesawah suh look haat kottheng.
\p
\v 25 \x - \xo 5:25 \xo*\xt Kol 3:19; 1Ptr 3:7\xt*\x* Hesawah loong, Kristo ih chaas ah minchan ano heh roidong kota ah likhiik sen sanuh ah minchan ih an. 
\v 26 Kristo ih heh jengkhaap chaan nawa ih chaas ah esa ang thukla, eno ju nawa ih saachot ano saachamcham eh angla. 
\v 27 Kristo ih erah reeta ah langla, chaas ah jaaseemoong—saachamcham tiimdi uh lamoong, amasah taan uh lamak adoleh jihoh tiim nah uh ethih angjih nak toom ang ah ngeh ih reeta. 
\v 28 Miwah ih neng sanuh ah neng sakpuh minchanha ah likhiik minchan theng. O miwah ih heh sanuh minchanha erah ih heh teeteewah minchanha. (
\v 29 Seng teeteewah o ih uh tamiksukke. Erah nang ebah, Kristo ih chaas riikoi sokboiha ah likhiik sengteewah raangtaan ih jam phaksah hi adoleh riikoi sokboi hi; 
\v 30 tiimnge liidi seng loong ah sakpuh esiit ni roopli.) 
\v 31 \x - \xo 5:31 \xo*\xt Rangph 2:24\xt*\x* Rangteele ni amah liiha, “Erah raangtaan ih miwah ih henuh hewah ah thiinhaat ano hesanuh damdoh roongroop ah, eno enyi ah esiit ih hoon ah.” 
\v 32 Rangteele adi husah tiit dongjat thuk ha—ngah ih Kristo nyia chaas tiit ah baat hang. 
\v 33 Enoothong aradi sen suh eli ih halan; hesawah warep ih hesanuh ah minchan jaatjaat etheng, eno hesanuh nurep ih hesawah ah choomjoot etheng.
\c 6
\s Hesusah nyia henuwah loong
\p
\v 1 \x - \xo 6:1 \xo*\xt Kol 3:20\xt*\x* Hesusah loong, arah sen Kristaan loong mootkaatjih\f + \fr 6:1\fr*\ft Mararah le ni raangmuh\ft*\fq arah sen Kristaan loong mootkaatjih \fq*\ft mararah le ni tajeeka\ft*\ft arah Kristaan loong mootkaatjih\ft*\f*, sen ih sen nuwah loong jeng chaatchaat etheng, tiimnge liidoh punre eli aju arah. 
\v 2 \x - \xo 6:2 \xo*\xt Hpkt 20:12; Hodb 5:16\xt*\x* “Sennuh senwah ah soomtu etheng” ah jaakhothoon jengdang erah ah kakham ni wakjeela: 
\v 3 “Tiimnge liidoh jirep ah sen damdam ese toom angha, eno arah hah adoh sen loong ah roidong eloh toom ih tong an.”
\p
\v 4 \x - \xo 6:4 \xo*\xt Kol 3:21\xt*\x* Henuh hewah loong, sensuh sensah loong ah ekhat etheng nak liilaang an. Erah nang ebah, Kristaan dang ajang nyia reeraang lam ih renbaat anno hakpan theng.
\s Dah nyia changteewah
\p
\v 5 \x - \xo 6:5 \xo*\xt Kol 3:22-25\xt*\x* Dah sen loong ah, sen changte wah ra mootcho damdoh hejeng chaatchaat ih re an; senten senmong ah koh anno Kristo mootkaat moh an rah likhiik ih moh an. 
\v 6 Neng ih toomse chohe ngeh ih, neng miktup doh luulu nakre theng; erah nang ebah Kristo dah mamah angtheng ah erah sen ten ni Rangte ih tiimre theng liiha jun ih reetheng. 
\v 7 Sen mootkaat pakna ah tenroon woksoon ih mokah an, mina raangtaan lah angthang ih Teesu mootkaat ngeh ih thun an. 
\v 8 Sen loong ah ih erah samthun an, dah angkojio adoleh mama pongwan ih tongte angkojio, mootse kaatse kali ah thaang Teesu ih jaasiit hethaang kot ehe.
\p
\v 9 \x - \xo 6:9 \xo*\xt Kol 4:1; Hodb 10:17; Kol 3:25\xt*\x* Changteewah loong, sen dah loong damdoh sen uh emamah ang theng, neng loong ah nak choophaan an. Sen ih erah samthun an, dah nyia heh changte loong changteewah ah rangmong ni tongla, heh ih wareprep ah phoosiitsiit ih dande ah.
\s Rangte lang apah loong
\p
\v 10 Hethoon doh, Teesu damdoh roop an nyia hechaan hephaan nah rongtangtang ang an. 
\v 11 Sen loong ah Hakhoh Luuwang ethih phoong abe dowa jen pui suh, Rangte ih kotahan lang apah ah kap an. 
\v 12 Tiimnge liidi seng loong ah mina damdi tamuike, seng muili abah rangwaatdam nawa chiiala ih panha ah damdi, ngoong awang damdi, nyia laamang roidong ni panha moong achaang damdi muili. 
\v 13 Erah raangtaan ih Rangte ih koh halan lang apah ah amah dowa ih kap an. Eno juuba, ethih rangwu thok ha doh piiara ih thoklong han bah uh jen mui e an; raamui thoon lidoh nep sen rongtangtang jen chap an.
\p
\v 14 \x - \xo 6:14 \xo*\xt Isa 11:5; Isa 59:17\xt*\x* Erah raangtaan ih amiisak tiit ah, sen room ni roomkhe kheeha ah likhiik nyia kateng tiit ah laakkhoi likhiik ih toom ang ah, 
\v 15 \x - \xo 6:15 \xo*\xt Isa 52:7\xt*\x* eno Ruurang Ese baattaan han ah sen lah ni lasong songhan arah likhiik ih toom ang ah. 
\v 16 Sen laalom ah laakkhoi likhiik; tiimnge liidoh Ethih warah ih we ih khaam ah likhiik wot ih haap handoh toom jen metmot an. 
\v 17 \x - \xo 6:17 \xo*\xt Isa 59:17\xt*\x* Eno khopi roidong ah khopok likhiik ih kap an, nyia Rangte jengkhaap ah Chiiala ih koh halan lang ah likhiik toom ang ah. 
\v 18 Arah loong ah sen rangsoom nah Rangte jiin nawa suh an. Chiiala ih sen lam mamah siit han jirep raangtaan ih suh an. Arah tiit ah sen thung nah thunroh ih anno Rangte mina loong ah raangtaan rangsoom nah tong an. 
\v 19 Eno, husah ni jatthuk halang tiitkhaap ah baat chung adoh lacho laphaan ih baattaan suh Rangte ih kot toom ehang suh rangsoom kohe. 
\v 20 Phaatak ni laang asak hang bah uh Ruurang ese raangtaan ih ngah roop chaplang. Ruurang ese ah mamah baat theng ah, erah lacho laphaan ih baat suh rangsoom kohe.
\s Lithoon Jengseera
\p
\v 21 \x - \xo 6:21 \xo*\xt Esm 20:4; 2Tim 4:12\xt*\x* \x - \xo 6:21 \xo*\xt Kol 4:7-8\xt*\x*Seng phono Taikikas, marah Teesu laksuh mootkaat ni laalomlom ih mootkaatte, warah ih nga tiit ah heh ih toombaat han, eno ngah mamah anglang erah jat an. 
\v 22 Erah thoidi, heh sen reeni kaat thuk halang—seng mamah tongli erah heh ih chobaat han adoleh sen suh chaankot jengkhaap ah jeng kohan.
\p
\v 23 Seng loong Wah Rangte nyia seng Teesu Jisu Kristo ih semroongroong nyia laalomlom ih tong suh Kristaan minchan toom kohan. 
\v 24 O mina ih seng Teesu Jisu Kristo ah minchan ruh eha loong damdoh Rangte minchan toomje ah.