\id COL Tutsa: Bible Translation 1st Edition
\ide UTF-8
\ide Unicode (UTF8)
\h Kolosiite
\toc1 KOLOSIITE suh Pool ih raang arah Le
\toc2 Kolosiite
\toc3 Kol
\mt1 KOLOSIITE
\mt2 Suh Pool Ih Raang Arah Le
\imt Ephangjatjih
\ip \bk Pool ih Kolosiite Chaas ni le maat raangta\bk* ah langla Ephisas samthung Esia Minor saanop ko hadaang adi angta. Erah Chaas ah Pool ih dongsiit arah bah tah angta, ang abah uh erah rum dowa Chaas loong ah heh ih sokboi jih angta, erah thoi heh ih Ephisas hadaang Room hate juungkhuung Esia hah dowa mootkaatte loong daapkaatta. Tumeah, Pool ih Kolosi Chaas ni tiit huung nyootte loong eje ih jat eta, neng ih amiisak Rangte ah jat suh nyia khopiiroidong ah chosuh bah o ih ang abah uh “Chiiala lam phansiitte nyia nengchaan nengphaan ah soomtu jaatjaat etheng ih nyoot rum arah ah ban jat eta. Erah damdi uh, erah enyootte loong rah ih amah nep ih baat rumta tih, o ih ang abah uh, seng banlam jun ih khoopkhan nyia phak asat banlam loong ah ekap jaatjaat etheng eah.
\ip Pool ih erah loong tiit ah daan ano amiisak Kristaan tiit ah huk baattaan suh ih maat raangta. Heh ih ngaakbaatta tiit ah langla, Jisu Kristo ih ba khopiiroidong ah jen koh ah, jaat hoh banlam tiit loong ah ih bah Jisu jiin nawa emoong lamko ih kiisiit ah. Jisu Kristo jun ih bah Rangte ih Mongrep ah dongsiitta nyia heh thung jun ih heh jiinko we jen ngaaktoon ah. Kristo damdoh roop ano luulu ba mongrep raangtaan ih khopiiroidong ah chosuh laalom je ah. Pool ih hanpiite loong mina suh erah elongthoon tiit ah huk renbaat korumha. Pool jiin nawa Kolosiite suh arah le huikaatte wah Tiichikas damdi kaatte wah Onismas heh mendi Pool ih le maat kaatta wah ah \bk Philimoon\bk* dah angta.
\iot Hemong Dowa Jatjih
\io1 Ephangjatjih\ior (1:1-8)\ior*
\io1 Kristo mootkaat nyia heh jojang tiit\ior (1:9—2:19)\ior*
\io1 Kristo damdoh ena roidong tiit\ior (2:20—4:6)\ior*
\io1 Hethoonhemat\ior (4:7-18)\ior*
\c 1
\p
\v 1 Pool Rangte thungpun jun ih Jisu Kristo kaamwah ih danjeeta nyia seng phono Timothi jiin nawa arah le ah—
\p
\v 2 Kolosi nawa Rangte mina, marah Kristo damdi roong roopte seng mongnook joon awaan loong asuh:
\p Seng loong wah Rangte ih sen suh tenthet nyia semroongroong ah toom kohan.
\s Lakookmi rangsoom
\p
\v 3 Seng ih sen suh rangsoom koh idi Teesu Jisu Kristo Wah, seng Rangte suh saarookwih lakookmi kali ih. 
\v 4 Tumeah seng ih, sen loong Jisu Kristo suh tuungmaang anrah nyia Rangte mina loong damdi minchan ih tongtha an rah ejap chaat etti. 
\v 5 Maatokdi sen jiinni amiisak tiit nyia Ruurang Ese ah phang thok taha adi, sen ih laalom thaang ah echojih eje ih chaattan. Erah thoih sen hanpi nyia minchan ah sen marah suh laalom lan erah di jeela, eno erah rangmong ni sen suh punpiipi ih banthiin kohalan. 
\v 6 Rangte tiitkhaap adi romseetam ah banje ruh ela, Heh minchan ah ephang di sengdung ni japchaat ano amiimi boh angka ih jattan ah likhiik mongrep ni jaatjaang ruh ih kala. 
\v 7 \x - \xo 1:7 \xo*\xt Kol 4:12; Phm 23 \xt*\x*Sen ih Rangte minchan ah Kristo laksuh seng\f + \fr 1:7 \fr*\fq Seng\fq*\ft Mararah leedap adi raangha \ft*\fq Sen\fq*\f* loong dakbi ih mootkaatte, seng joonwah Epapras jiinko nawa japchaat tan. 
\v 8 Heh ih sen suh Esa Chiiala ih minchan tumjaat kotahan erah tiit ah baat et tahe.
\p
\v 9 Erah raangtaan ih seng ih sen tiit japchaatti dowa ih sen suh saarookwih rangsoom kohi. Rangte thung atak jun ih ejat esam toom ang an nyia jaatrep doh mongwah maakwah nyia thungse takmi ah Esa Chiiala ih toom kohan ih seng ih Rangte dowa suhi. 
\v 10 Eno ba, sen ah Teesu ih jamha jun doh tongsong an nyia saarookwih heh tenroonjih ih re an. Sen roidong doh jaatrep eseejih loong ah sen reeraang pakna nah dong tiikngook anrah je ah, erah dam ih sen ah Rangte thung atak jun doh hak an. 
\v 11-12 Sen loong asuh hechaan hephaan nah rongkopkop tah apah toom kohan, eno ba sen ih jaatrep ah ese lam ih ejen naan et an. Eno Rangte suh tenroon lam ih lakookmi li an, tumeah Rangte ih heh mina loong raangtaan ih weephaak hasong ban thiinha adi sen uh ejen roong chowang ejih ih hoonkoh halan. 
\v 13 Heh ih seng ah laamang chaan aphaan ih pan tahe dowa dok pang heeno, heh Sah hasong adi punpiipi ih thoksiit hali, 
\v 14 \x - \xo 1:14 \xo*\xt Eph 1:7 \xt*\x* heh sih janhaatta thoi ih ba seng ah pongwan angli, erah langla seng rangdah loong ah biin anaan hali.
\s Kristo roidong nyia mootkaat
\p
\v 15 Kristo ah miktup di mik ih latupke Rangte ah likhiik. Heh ah miwah Sah phangkhothoon ih tup arah, jaatrep dongsiitta dowa o nang ih uh elongthoon. 
\v 16 Tumeah, heh dowa ih ba Rangte ih rang nyia hah dowa jaatrep ah dongsiitta, miktup nyia mik ih latupke hukkhaak loong ah dongsiit eta, erah damdi chiilala chaan aphaan loong, teesu loong, phansiitte loong nyia ngoong awang loong ah dongsiitta. Rangte ih arah mongrep ah heh dowa ih nyia heh raangtaan ih dongsiitta. 
\v 17 Kristo ah jaatrep hukkhaak loong maang dong di dook eje angta, eno heh dowa ih ba jaatrep ah phanjangjang ih marah doh angtheng ah erah di dong hoonta. 
\v 18 \x - \xo 1:18 \xo*\xt Eph 1:22,23 \xt*\x* Kristo ah heteewah sak adi khoroopthoon angta, erah ah Chaas; heh ah sakpuh asuh roidong kotte. Heh ah phangkhothoon ih tup arah Sah phokhoh, tek nawa ngaakthingte warah ah, erah thoih ih jaatrep hukkhaak nganah heh ju ba ngakhothoon angjih. 
\v 19 Tumeah heh Sah rah Rangte dang ajang likhiik angtheng ih, Rangte heteewah kaanthot jun ih angta. 
\v 20 \x - \xo 1:20 \xo*\xt Eph 2:16\xt*\x* Erah lidi, Rangte ih mongrep thoontang ah heh teewah jiinko heh Sah jun ih ngaak siitwan suh kaanthotta. Rangte ih heh Sah ah semroongroong raangtaan ih bangphak ni heh sih \f + \fr 1:20 \fr*\fq heh Sah sih; \fq*\ft or \ft*\fq heh Sah tekthoih\fq*\f* janhaat thuk ano rangmong nyia hatoh nawa jaatrep loong ah heh jiinko ih ngaaksiit rumta.
\p
\v 21 Pootsiit bah sen loong ah Rangte piiara ang anno heh jiin nawa haloot ni angtan, tumeah sen ih ethih tenthun nyia ethih reeraang re thoidi ah. 
\v 22 Enoothong amadi, hansi ni heh Sah ah tek haat thoi ba, Rangte ih heh joonte ih hoon halan, tumeah heh ih sen ah heh jiinnah esa, saachamcham, nyia emoong muh, ih ngaaksiit suh thun halan. 
\v 23 Erah thoih sen ah, rongkopkop nyia amiisak tuungmaang nah ban tongruh jaatjaat ejih, eno sen ih ruurangese japchaat han dowa ih sen teeteewah erah laalom lan dowa lakah lengli theng ih tong an. Erah ah juuba Rangte tiitkhaap, ngah Pool, heh laksuh ih hoonlang—arah Rangte tiit ah mongrep noongrepwih ni jaatjaang tumbaat kaatte wah ah.
\s Pool ah chaas ni laksuh ih mota
\p
\v 24 Amadi, ngah sen raangtaan ih chamnaang lang asuh eroon elang, tumeah, ngah hansi ni chamnaang lang ah langla, Jisu Kristo ih heh Sakpuh, Chaas, ah raangtaan ih mathan we boot chamjih angta rah ngah ih roongthoon hui hang. 
\v 25 Ngah ah Rangte ih Chaas laksuh ih hoon halang, arah mootkaat ah sen loong ese raangtaan ih moh thuk halang. Arah mootkaat ah langla heh tiitkhaap ah laanlang ruh ih tumbaat jih, 
\v 26 husah tiitkhaap teewah dowa ih dook mina roirep suh labaat thang ih huthiinta rah, heh mina loong suh amadi dongjat thuk ha. 
\v 27 Rangte kaankoong ah langla heh mina loong suh husah tiitkhaap ah jatthuk suh angta, erah husah tiit ah rapne changteng tiit nyia chaan aphaan tiit heh mina loongtang raang ih angta. Eno Kristo sen damdi ang hala ajuuba husah tiit, erah langla sen ah Rangte chaan aphaan adoh roong chophaak an. 
\v 28 Erah thoih seng ih Kristo tiit ah mirep suh tumbaat hi. Seng ih hethung hetak jun ih heh tiit ah choophaan baat hi nyia nyootsoot hi, warep ah Rangte pandoh thungsek taklek Kristo damdoh roop lam ih thoksiit suh ah. 
\v 29 Erah jen re suh ngaatah ngaapah Kristo ih mathan kohalang erathan ih sapreelang nyia chamnaang lang, eno erah chaan aphaan nawa ih juuba nga roidong ni moh ra hala.
\c 2
\p
\v 1 Sen loong raang ih nyia Lodisia mina loong raang ih, erah dam ih ngah lathaak chomui kang mina wahoh loong raang ih mamah kah ih laatchaat motang erah baat korumha. 
\v 2 Ngah reetang ah langla neng loong ah tarong toom ang ah nyia eroom ih minchan nah toom ang rum ah, eno amiisak ejat esam tiit asuh, neng ah changteng toom eh hoon rum ah ih reetang. Emamah ih neng ih Rangte husah tiit ah jat rum ah, marah Kristo heh teeteewah rah ah. 
\v 3 Heh ah saabi Rangte ih ejat esam nyia thungse takmi nyamka loong hotthiin ha pungka jen daaptheng rah ah. 
\v 4 Erah thoih, ngah ih baat rumhala, sen loong ah mih, emoong tiitbaatte ih nak toom jap mokwaan han, neng ih echaat suh ese mamah taat et baat rum abah uh sen ih lakap theng. 
\v 5 Ngah hansi nah sen damdoh laje rang bah uh, chiiala ni bah ngah sen damdam, eno ngah rapne ih roonlang sen loong ah rongkopkop ih Kristo suh tuungmaang anno eroomroom ih tongtha lan ah sok rumha no ah.
\s Kristo jiinni roidong eloot
\p
\v 6 Sen ih Jisu Kristo asuh sen Teesu ih thiik han bah, heh damdam ih roong tongsong an. 
\v 7 Sen hing ah hanteng ih heh sak nah sot an, sen hasong ah heh damdoh song an, eno sen hanpi ah sen suh mamet nyoot tahan erah jun ih ehan han ih boot rong an. Eno lakookmi jengkhaap nawa ih sen tenthun ah me theng.
\p
\v 8 Erah thoih sen ih naririh ih ban sok an, o uh mina mongwah maakwah tiit marah thaangmuh rah ih heh dah nak toom ih hoon han, marah Kristo jiin nawa lah angthang ih, mina jih ajaat nyia rang ahah pante loong moong achaang rah ih nak toom panhan. 
\v 9 Kristo ah mina angta adi jaatrep di Rangte dang ajang ah heh sak ni angta, 
\v 10 eno sen suh roitang roidong ah heh damdi roop thoih kohalan. Heh ah jaatrep chiiala phansiitte nyia chaan aphaan loong tokkhodi ih elongthoon.
\p
\v 11 Kristo damdi roop thoih ba sen khoopkhan banlam ah hoon tahan, mina ih hansi khoopkhan rumta likhiik lah angthang ih, Kristo ih khoopkhan tahe adi bah, arah puh asak ah rangdah nawa dooksiit tahe anep wak jeela. 
\v 12 \x - \xo 2:12 \xo*\xt Rom 6:4\xt*\x*Tumeah, sen ih maatok di juungtem tan, erah sa dowa ih sen ah Kristo damdi beng ni wak beng tahan, erah dam ih erah juungtem dowa ih sen ah tek nawa wak ngaakthing lan, sen tuungmaang ah Rangte chaan aphaan ih heh tek nawa ngaakthing thukta asuh je thoih ah. 
\v 13 \x - \xo 2:13 \xo*\xt Eph 2:1-5 \xt*\x*Maangdi sen rangdah thoih sen loong ah chiiala ni tekcho ang tan nyia sen loong ah Hootthe muh ih Ranglajatte angtan. Amadi bah Rangte ih sen ah Kristo damdi roidong lampo ni doksiit halan. Rangte ih seng loongtang rangdah loong ah biin anaan hali; 
\v 14 \x - \xo 2:14 \xo*\xt Eph 2:15\xt*\x* seng mendi banlam ih jamha jun ih thaangsoot loong themjih lom raangthiinta nyia banlam loong ah heh ih matsiitta, heh ih bangphak ni rabbot ano thoontang thoonsiitta. 
\v 15 Eno erah bangphak adi Kristo ih heteewah ah chiiala lam phansiitte nyia ngoong awang loong chaan aphaan nawa nep doksiitta; eno heh ih jenta ah noisok suh noksong miksok di neng loong ah khak rum ano tumsiit rumta.
\p
\v 16 \x - \xo 2:16 \xo*\xt Rom 14:1-6 \xt*\x* Erah thoih, o mina eh uh sen ih tumjaat jok aphak jih ah, adoleh esa rangwuung, adoleh Laana\f + \fr 2:16 \fr*\fq Laana Kuwaang\fq*\ft Laaphiing phangdong adi kuh arah, New Moon Festival et liiha.\ft*\f* Kuwaang adoleh Jehudi naangtongsa loong banlam ah lahoon theng. 
\v 17 Erah loong abah lakngah nawa saathoi tiit loong ah laaphaang; amiisak abah Kristo ah. 
\v 18 Senteewah ah, o ih ang abah uh neng ah elongthoon ih chaang rumha loong asuh nakmok dut haat thuk an, tumeah neng ih hoondak mot amang tiit tiitmoong ah baat rumha nyia toongtang likhiik ih noisok ha nyia rangsah soomte likhiik ih noisok rumha. Erah likhiik hansi tenthunte loong abah tumtha uh laliithang doh weekhot likhiik ih neng tenthun ah saapta thuk rum ah 
\v 19 \x - \xo 2:19 \xo*\xt Eph 4:16 \xt*\x*eno sakpuh ni hekhoh angla, Kristo ah damdoh takah roongroop rumka. Kristo ih ba sakpuh putang asuh chokokaang ha, eno hetoom loongtang ah jen choh toom rumla, erah dowa ih Rangte ih chung ha jun ih hak rumla.
\s Etek nyia ething Kristo damdoh
\p
\v 20 Sen loong ah Kristo damdi roongtek lan eno rang ahah pante moong achaang loong dowa dooksiit halan. Erah ang abah, sen ah mongrep mina likhiik mame tongsong lan? Sen ih arah loong likhiik banlam ah mamet chaat han 
\v 21 “Arah nak joh uh,” “Therah nak taat uh,” “Mihoh hukkhaak nak taajoh uh?” 
\v 22 Erah loong ah jaasiit maakta dowa ih thaangmuh ih hoonla hukkhaak loong ah; erah loong bah mina ih nyootsoot theng nyia banlam loong luulu. 
\v 23 Elang eah, erah likhiik loong banlam ah emoong mina nyia rangsah loong ih laatchaatchaat ih nyootsoot suh dong hoon arah ang ah, eno sakpuh sattiiti ih chamnaang thuk ah; enoothong erah hansi sak thisusuh thaangmuh di chamnaang thuk ha.
\c 3
\p
\v 1 \x - \xo 3:1 \xo*\xt Rsb 110:1\xt*\x*Sen ah Kristo damdi jen ngaakthing etan, erah thoih sen tenthun ah rangmong nawa hukkhaak loong asuh koh an, marah di Kristo heh tongtheng Rangte jaawako adi tongla radoh ah. 
\v 2 Senthung sentak ah arah hatoh adoh lathun thang ih, rangmong nawa hukkhaak loong asuh dangthun an. 
\v 3 Tumeah sen etek eandi, sen roidong ah Kristo mendi Rangte jiinni hutongla. 
\v 4 Sen roidong amiisak ah Kristo, eno heh dong raaha sa doh sen uh heh damdoh roong dong anno, heh rangka theng adoh roongroop an!
\s Ehak nyia ena roidong
\p
\v 5 Erah thoih sen ih hatoh nawa tenthun ah etek haat jaatjaat etjih ang ah, jengthaak ih mih minuh miwah damdoh roomjup, lalang lajang tenthun, eramka tenthun, ethih suh lungwaang, nyia nyamnyook (nyamnyook ah tongmih soomtu arah thanthan). 
\v 6 Erah loong likhiik ah thoidoh Rangte tenkhat ah o ih heh jeng tachaatka loong asuh \f + \fr 3:6 \fr*\ft Mararah leedap adi \ft*\fq o ih heh jeng tachaatka loong suh \fq*\ft taraangka \ft*\f* raaha. 
\v 7 Pootsiit sen teeteewah uh erah tenthun adi songtong tan, sen roidong neng ih pan tahan tok adi ah.
\p
\v 8 Enoothong amadoh bah sen ah erah loong dowa epui jaatjaat ejih: tenkhat dowa, thisusuh ih mongmat nawa, nyia miksuk tenthun dowa ah. Mih kaanju adoleh mih rakri tiit ah sen tui nawa babah uh lajaatjaat dongjeng theng. 
\v 9 \x - \xo 3:9 \xo*\xt Eph 4:22\xt*\x* Sen chamchi nah esiit esiit suh eleek tiit nak baatmui an, tumeah sen ih roidong hak reeraang ah toohaat anno 
\v 10 \x - \xo 3:10: \xo*\xt Eph 4:24; Rangph 1:26 \xt*\x* roidong na ah kap han. Arah ah langla heh Dong siitte wah, Rangte ih heh likhiik ih saarookwih ban naasiit ruh et arah roidong, heh teewah thung atak ah sen suh huk thoijat thuk suh ah. 
\v 11 Mamah liidi, Ranglajatte nyi Jehudi loong chamchi ni edandsok theng takah jeeka angla, khoopkhan cho adoleh khoopkhan muh ang koja oh, ajaanti mina angkojao, roihak mina angkoja oh, dah angkoja oh dah lah angkojao, thoontang raangtaan ih Kristo rah, nyia Kristo ah thoontang damdi eje.
\p
\v 12 \x - \xo 3:12,13: \xo*\xt Eph 4:2\xt*\x* Sen loong ah Rangte mina; heh mih ang raang ih mongnook hanrah nyia danje hanrah. Erah thoih ih, senteewah ah minchan mui tenthun ih, thungthet tenthun ih, mina tenthun jun ih, toongtang tenthun ih, nyia enaan mui tenthun ih jaatjaat sen sak ah loop an. 
\v 13 \x - \xo 3:13 \xo*\xt Eph 4:2\xt*\x* Maatok doh sen chamchi nah jengmui daanmui je abah, esiit esiit suh naan mui nyia biin anaan mui an. Sen ih esiit esiit suh biin anaan muijih jaatjaat, tumeah sen Teesu ih uh sen ah biin anaan et tahan. 
\v 14 Eno erah loong ese dang ajang damdoh minchan ah wakroop thuk theng, erah minchan dowa ih ba jaatrep ah esiit ih jen roopthuk ah. 
\v 15 Kristo ih sen suh semroongroong tenthun kohalan rah ih sen kaankoong ah jen thot an, tumeah erah semroongroong ah raangtaan ih Rangte ih sakpuh esiit ni lompoon halan. Eno lakookmi ju li jih. 
\v 16 \x - \xo 3:16,17: \xo*\xt Eph 5:19,20\xt*\x* Sen tenthun nah Kristo changteng tiitkhaap jaatrep ah toomtong ah. Sen chamchi nah jatwah tiitkhaap nawa ih baatmui nyootmui an. Tenroon boongkaat, rangsoom boongkaat, nyia esa boongkaat loong ah boongse ean; sen ten nawa ih Rangte suh lakookmi boongkaat ah boong an. 
\v 17 Erah thoih sen jengkong nyia sen reeraang jirep ah sen Teesu Jisu Kristo mendoh re an, tumeah sen ih sen Wah Rangte asuh lakookmi ah heh men nawa ih ju liihan.
\s Roidong ena adoh sen lamruh sano
\p
\v 18 \x - \xo 3:18: \xo*\xt Eph 5:22; 1Ptr 3:1\xt*\x* Miinuh loong, sen teeteenuh ah sen miwah khuinah tong an, tumeah Kristaan hasong nah emah jaatjaat ih reejih.
\p
\v 19 \x - \xo 3:19: \xo*\xt Eph 5:25; 1Ptr 3:7\xt*\x*Miiwah loong, sen minuh suh minchan mongnook ih an, eno neng damdoh nak thikhah an.
\p
\v 20 \x - \xo 3:20: \xo*\xt Eph 6:1\xt*\x*Noodek loong, Kristaan mina jun ih saarookwih sennuh senwah jeng chaatchaat ean, tumeah erah suh Rangte roonla.
\p
\v 21 \x - \xo 3:21: \xo*\xt Eph 6:4 \xt*\x* Nuh awah loong, sen sah loong ah nak phaangphak an, neng thung phojoong ah.
\p
\v 22 \x - \xo 3:22-25: \xo*\xt Eph 6:5-8 \xt*\x* Dah loong, jaatrep nah sen hansi changte wah jeng chaatchaat ean, enoothong ese angkah ih toom liihang ih thun anno, heh ih bansok halan adoh laklak lah angthang ih; sen toongtang tenthun nawa ih sen changte wah moot ah moh an tumeah sen ah Teesu mina. 
\v 23 Mootkaat tumjaat moh an bah uh, sen ten nawa ih jam anno moh an, mina mootkaat moh li ih lasamthun thang, Teesu mootkaat moh arah likhiik ih moh an. 
\v 24 Samthun et an, Teesu ih sen suh heh mina loong raang ih thaangchoh theng ban thiinha ah koh ehan. Tumeah Kristo ajuuba amiisak Changte sen ih soomtu han rah ah. 
\v 25 \x - \xo 3:25 \xo*\xt Hodb 10:17; Eph 6:9\xt*\x*Eno, o ethih reete loong asuh bah ethih ah ngaak koh ah, tumeah Rangte ih mirep ah phoosiit ih dande ah.
\c 4
\p
\v 1 \x - \xo 4:1 \xo*\xt Eph 6:9 \xt*\x*Changte wah loong, sen dah loong ah ladande thang ih ese lam nah naririh ih siit an. Samthun et an sendi uh rangmong ni sen Changte wah ah eje.
\s Enyootsoot lampo
\p
\v 2 Saarookwih rangsoom an, nyia rangsoom an doh banban ih tong an, Rangte suh lakookmi li damdoh ah. 
\v 3 Erah damdoh seng suh uh rangsoom kohe, eno ba Rangte ih heh tiitkhaap baat raangtaan ih saapoot ese, Kristo husah tiit ah baattaan suh chokohe. Amadi ngah ah phaatak ni erah thoih ju tonglang. 
\v 4 Erah raangtaan ih ngah ih mamet baatjih ah erah toom mi dan baat angsuh rangsoom an.
\p
\v 5 \x - \xo 4:5 \xo*\xt Eph 5:16 \xt*\x*Sen loong ah lahanpiite loong miksok doh sen reeraang pakna saapoot ese cholan pootdoh ejat mongtham lam ih noisok theng. 
\v 6 Sen jengkhaap ah tenroonjih nyia mih ih nookchaat jih ih jeng theng, eno sen ih jat etheng mih suh mamah lamdoh epun ah mi ngaakbaat theng rah ah.
\s Hethoon jengkhaapse
\p
\v 7 \x - \xo 4:7 \xo*\xt Esm 20:4; 2Tim 4:12 \xt*\x* \x - \xo 4:7,8 \xo*\xt Eph 6:21,22 \xt*\x*Seng joonwah Tiichikas, Teesu mootkaat ni tuungmaang lam ih mote wah nyia heh laksuh warah ih nga ruurang tiit ah baat kohan. 
\v 8 Erah thoih ih ngah ih heh ah sen jiinni daapkaat halang, seng mamah kah ih reeraang ih loong ah baat kohanno toomroon thuk han suh ah. 
\v 9 \x - \xo 4:9 \xo*\xt Phm 10-12\xt*\x*Heh damdoh seng joonte, sengdung dowa Onismas seng mongnook nyia seng tuungmaang theng ah roong raaha. Nengnyi ih aani tumjih angla tiit loong ah baat kokaat han.
\p
\v 10 \x - \xo 4:10 \xo*\xt Esm 19:29; 27:2; Phm 24; Esm 12:12,25; 13:13; 15:37-39 \xt*\x*Nga damdi phaatak ni roong tongte wah Eristarkas nyia Barnasbas nuruung Maak ih uh jengkhaapse maatkaat halan. (Sen hah lam nah Maak mok raaha bah heh ah mamet noppoon theng ah erah ejen chaat baata etan nih.) 
\v 11 Josua men ah Jastas eh uh poon et ha, erah warah ih uh jengkhaapse maat halan. Jehudi dung nawa hanpiite arah wajom ah luulu ba nga damdi Rangte Hasong raang ih roong mootkaatte ah, neng ih ngah rapne ju kah ih chosok rum kohang.
\p
\v 12 \x - \xo 4:12 \xo*\xt Kol 1:7; Phm 23\xt*\x*Sengdung nawa wasiit Epapras jiin nawa uh jengkhaapse maat halan, heh uh esiit Jisu Kristo laksuh ih mootte. Heh ih larit haat thang ih saarookwih Rangte suh rang ban soom ruh eha, sen loong ah Kristo mina jun ih rongkopkop nyia Rangte jeng chaatchaat ang raangtaan suh ah. 
\v 13 Nga jiinko nawa ih ejen baat ih rumha sen loong raang ih, eno Lidosia nyia Hiirapolis mina loong raang ih Epapras ah rapne ju ih chekbek moh kota. 
\v 14 \x - \xo 4:14 \xo*\xt 2Tim 4:11; Phm 24; 2Tim 4:10; Phm 24 \xt*\x*Seng mongnook, Phonwah Luk, nyia Demas ih uh sen suh jengkhaapse maat halan.
\p
\v 15 Lidosia nawa hanpiite loong nyia Nyampha nyia chaas mina heh nok nawa loong suh seng ih jengkhaapse raajengli ah baat koh an. 
\v 16 Arah le ah sen ih jen weh an lidoh, Lidosia chaas nah uh rootroot ih we koh theng. Erah damdam ih marah Lidosia hanpiite loong ih maatwanha le ah uh sen ih ewetkot etheng. 
\v 17 \x - \xo 4:17 \xo*\xt Phm 2 \xt*\x*Erah dam ih Arkipas suh baat an, “Sen ih marah Teesu mootkaat moh thuktan erah rootroot toom ih thoon moh ah.”
\p
\v 18 Nga laklak ih raanghang arah ah: \sig Pool jiin nawa jengkhaapse\sig* Ngah jaanruh ih khak halang ah nak beehaat an! Rangte tenthet ah sen damdoh toom ang ha.