\id 1PE Tutsa: Bible Translation 1st Edition
\ide UTF-8
\ide Unicode (UTF8)
\h 1 Pitar
\toc1 PITAR ih Takkhoh raang arah Le
\toc2 1 Pitar
\toc3 1Ptr
\mt1 PITAR
\mt2 Ih Takkhoh Raang Arah Le
\imt1 Ephangjatjih
\ip Pitar ih phangkhoh raangta le ah Kristaan loong raangtaan ih angta, aradi “Rangte ih danjeeta mina” ngeh ih liiha, o mina Asia Minor juukuh ko ni saapta rumta loong asuh ah. Arah le ah wette loong asuh chaankot raangtaan ih raangha, o mina neng tuumaang raangtaan ih siiwi chamnaang rumta loong asuh ah. Arah le raangte warah ih Ruurang Ese tiit adi Jisu Kristo tektiit, ngaaksaat tiit, eno heh kakham jun ih laalom thukla we dopbaat rumha. Erah ang thoidi neng chamnaang ah enaan etheng nyia ekap etheng ih hoonta, neng loong ah kamkam ih tuumaang thoilam doh banlam ih phate ah ngeh ih jat rumta eno neng loong asuh “Jisu Kristo mik ih tuptheng Dong raaha doh” hethaang ah koh ah ngeh ih jat rumta.
\ip Arah le raangte warah ih chamnaang tokdi chaankot jengkhaap luulu lah angthang ih, arah le wette loong asuh Kristo mina likhiik ih songtong theng ngeh ih baat ha.
\iot Hemong Dowa Jatjih
\io1 Ephangjatjih\ior (1:1-2)\ior*
\io1 Rangte ih khopiiroidong kot dopbaat\ior (1:3-12)\ior*
\io1 Esa hasong song suh chaankot jengkhaap\ior (1:13—2:10)\ior*
\io1 Chamnaang pootdoh Kristaan mootkaatjih \ior (2:11—4:19)\ior*
\io1 Kristaan tongtang nyia mootkaat pakna \ior (5:1-11)\ior*
\io1 Ethoon ni\ior (5:12-14)\ior*
\c 1
\p
\v 1 Jisu Kristo kaamwah, Pitar jiin nawa—
\p Arah le ah Rangte ih danjeeta mina o Pontus ni, Galatia, Kappadosia, Asia nyia Bithania hadaang ni nokmah wensang ih saapta rumta loong raangtaan. 
\v 2 Sen loong ah Rangte mootkaat raangtaan ih Jisu Kristo jeng chaatchaatte angsuh nyia heh sih ih toom saasiit han suh adoleh Chiiala nawa ih esa noksong angthuk suh danje tahan.
\p Rangte tenthet nyia semroongroong thoontang sen lakbui toom ang ah.
\s Khothing tong suh laalom
\p
\v 3 Seng Teesu Jisu Kristo Wah Rangte suh lakookmi ju li ih! Heh tenthet elong je thoidi Jisu Kristo ah etek nawa we ngaaksaat thuk ano seng suh roidong ena koh hali. Erah ih seng ething laalom ah koh hali, 
\v 4 eno Rangte ih heh mina loong suh romseetam hantek kot suh banthiin ha ah bansok hi. Sen loong raangtaan ih erah rangmong ni banthiin ha, maradi chaam uh tami chaamka adoleh thet uh tathika, adoleh emut uh tamutka. 
\v 5 Erah loong ah sen raangtaan, o mina sen tuumaang jun ih Rangte chaan nawa ih huthiin halan, eno khopiiroidong sen raangtaan ih thiinha ah rangthoon doh dongjat thuk han.
\p
\v 6 Erah raangtaan ih, amadoh sen loong ah phate chamnaang thoidoh pootsiit thungthet theng ang ah bah uh tenroon ih tong an. 
\v 7 Erah chamnaang lan abah sen tuumaang ah thaangmuh tah angka ngeh ih jatthuk suh angla. Kom, thet jaat ah botse we ni thaaksook ha; an tuumaang, kom nang ih thaangchaan ah uh ejen naan esuh thaak phate jaatjaat ih ho. Eno juuba Jisu Kristo kaat Rangwuuja phoongpha, rangka nyia choomjoot ah choh an. 
\v 8 Sen ih latup kandi heh minchan ehan, eno amadi latup kanbah uh hanpi ehan. Erah raangtaan ih tuikhoi ih lajen toobaatke tenroon elong nyia rangka theng ih roon lan, 
\v 9 tiimnge liidoh, heh suh tiim raang ih tuumaang lan, erah senchi senla raangtaan ih khopiiroidong ah choh han.
\p
\v 10 Khowah loong ih khopiiroidong tiit jamtoongte ta tiit ah arah, eno Rangte ih sen suh ranglakkot tiit banbaatta ah sen suh kohan. 
\v 11 Neng ih saapoot ah tiimtok doh ang ah nyia mamah thok ha\f + \fr 1:11\fr*\fq saapoot ah tiimtok doh nyia mamah thok ha; \fq*\ft adoleh \ft*\fq o mina ah ang ah eno heh tiimtok doh raaha \fq*\f* erah tiit ah jat suh taat thun rumta. Khowah loong sak ni Kristo Chiiala ah erah tokdi pah ano, cham anaang ah Kristo ih jen naan ah eno erah lih adoh heh men rangka tiit ah banjat rumta. 
\v 12 Rangte ih khowah loong suh neng mootkaat pakna ah neng raangtaan tah angka ngeh ih dongjat thuk rumta, enoothong erah sen raangtaan, rangmong dowa Esa chiiala chaan aphaan nawa ih Ruurang Ese tiit baattaante loong asuh erah banbaat rumta ah baat halan. Erah loong tiit ah rangsah loong botseh jat esuh nookla.
\s Esa ih songtong suh poonha
\p
\v 13 Erah raangtaan ih, erah reeraang suh senthung sentak nah banthun roh ih an. Jisu Kristo dongha doh sen suh kottheng romseetam ah raangtaan ih ban laalom an. 
\v 14 Rangte jeng chaatchaat ih an, eno tiim uh lajat ih angtan dowa likhiik sen roidong ah hansi tenthun nah nak angthuk an. 
\v 15 Erah nang ebah, sen loong poonte Rangte esa angla likhiik, tiimjih re anbah uh esa ang theng. 
\v 16 \x - \xo 1:16 \xo*\xt Lew 11:44,45; 19:2\xt*\x* Rangteele ni liiha, “Esa ang an tiimnge liidi ngah esa.”
\p
\v 17 Sen ih Rangte rangsoom andi, Ewah li han, heh ih, mina loongtang neng reeraangla jun ih phoosiitsiit ih dande ha; erah raangtaan ih, sen loong ah arah hah adoh tong pootdoh heh men ah samthun roh ih anno songtong an. 
\v 18 Tiimnge liidi sen ih jat ehan sen roidong di sente senwah loong ih lalangka lampo nyoot tahan dowa puipang suh tiimjih kota. Erah langla thetsiit jih hun nyia kom likhiik tah angka, 
\v 19 erabah thaangchaan thoon Kristo ih hepuh hesak ah kota, hema muh saapsah likhiik angdowa. 
\v 20 Mongrep maang dongsiitka di Rangte ih Jisu ah danje ano sen loong raangtaan ih liwang ni dongjat thuk ha. 
\v 21 Sen ih Rangte ah heh jun ih hanpi han, marah heh ih tek nawa ngaaksaat thuk ano heh men rangka ha; erah raangtaan ih sen loong ah Rangte suh tuumaang lan nyia laalom lan.
\p
\v 22 Erah thoidi amadi amiisak tiit jeng ah boichaat anno sen teenuh teewah saachamcham anglan eno hanpiite sen loong jaachi ni minchanmui elan, wasiit ih wasiit senten senmong nawa ih minchanmui lan\f + \fr 1:22 \fr*\ft senten senmong nawa ih \ft*\ft marah marah le ni thungsa taksa ngeh ih uh li eha\ft*\f*. 
\v 23 Tiimnge liidi ething nyia mabah uh lathoonka Rangte jengkhaap jun ih we doptup halan, sen wah etekjaat jun ih lah angthang ih latekjaat jun ih ah. 
\v 24 \x - \xo 1:24 \xo*\xt Isa 40:6-8\xt*\x* Rangteele ni amah liiha’
\q1 Mina loongtang naam likhiik,
\q2 eno neng rangka ah woma popong likhiik.
\q1 Naam ah ehook ela, adoleh popong ah emut ela,
\q2
\v 25 enoothong Teesu jengkhaap ah saarookwet raangtaan ih tong ah.”
\m Arah jengkhaap ah sen suh baat tahan Ruurang Ese tiit ah.
\c 2
\s Ething jong nyia esa noksong
\p
\v 1 Erah raangtaan ih, sen teenuh teewah ethih nawa puipang an; tiit hu nakkah baat adoleh lonoi nak ang an adoleh mih nak siikhaam nyia mih lenmak jengkhaap nakjeng theng. 
\v 2 Khobaang likhiik ang theng, adoleh chiiala nyupuuthi saachamcham ah chojok suh ram theng, tiimnge liidoh erah jok anbah ehak nyia epui ih an. 
\v 3 \x - \xo 2:3 \xo*\xt Rsb 34:8 \xt*\x*Rangteele ni amah liiha, “Senteewah raangtaan ih tiimthan minchante Teesu ah chojam han.”
\p
\v 4 Teesu jiinnah thok han, heh langla ething jong nyia mina ih thangmuh ngeh ih dut haat arah enoothong Rangte ih thaangchaan thoon ngeh ih danje arah. 
\v 5 Sen loong ah ething jong likhiik ih thok han, eno sen teeteewah ah chiiala rangsoomnok hoon suh toom maak han, maradoh sen esa romwah ang anno esa nyia ekap etheng, Jisu Kristo jun ih Rangte suh khojoop toomhoon an. 
\v 6 \x - \xo 2:6 \xo*\xt Isa 28:16\xt*\x* Tiimnge liidoh Rangteele ni liiha,
\q1 Ngah ih thaangchaan thoon jong ah danje hang,
\q2 marah ngah ih Jaion ni thonghong ih chap hang rah ah;
\q2 eno o ih ang abah uh heh hanpi ah mabah uh tapaatja ka ang ah.”
\m
\v 7 \x - \xo 2:7 \xo*\xt Rsb 118:22 \xt*\x*Sen ih erah hanpi han jong ah thaangchaan thoon; enoothong o ih lahanpiika raang eba:
\q1 “ Nok hoonte ih marah jong thaangmuh ngeh ih dut haatta
\q2 thoontang nang ih eseethoon ih donghoonla.”
\m
\v 8 \x - \xo 2:8 \xo*\xt Isa 8:14,15 \xt*\x*Eno Rangteele ehoh ni uh li eha,
\q1 Arah jong ah ih mina loong ah banbot ih thuk rum ah,
\q2 jong hah erah ih koitek ih thuk rum ah.”
\m Neng loong ah jengkhaap ah lahanpi tungkaangdi koiti rumta; Erah Rangte tenthun ang dowa.
\p
\v 9 \x - \xo 2:9 \xo*\xt Hpkt 19:5,6; Isa 43:20; Hpkt 19:5; Hodb 4:20; 7:6; 14:2; Tit 2:14; Isa 43:21; Isa 9:2 \xt*\x* Enoothong sen loong abah danje choi jaat apaat, Luuwang romwah loong, esa noksong, Rangte heteewah mina, Rangte paatjaajih reela tiit baat suh danje halan, heh ih rangnak mong nawa hedakdak ih phaakla rangwu adi dokpoon tahan. 
\v 10 Pootsiit sen loong Rangte mina tah angtan, enoothong amadi heh mina hoon lan; pootsiit sen ih Rangte minchan tiit ah tajat tan, enoothong amadi heh minchan ah chohan.
\s Rangte dah
\p
\v 11 Joon awaan loong, sen loong ah arah mongrep adi dookdate nyia nokmah wensang ngeh ih baatrum hala! Hansi tenthun nah nak ang an, erabah saarookwet senchi senla lam tangte. 
\v 12 Rangnak mih loong damdi songtong lan adoh sen reeraang pakna ah erathan ih ese ang theng, sen suh ethih mokalan nge ih nanhan adoh sen reeraang ese ah toom jatjoh rum ah, eno Jisu Kristo ngaakrak Rangwuuja neng ih Rangte rang toom phoongpha rum ah.
\p
\v 13 Teesu tungthoidoh mina changdi ngoong awang angla loong jeng boichaat ih an: Erah mina langla Luuwanglong o ngoong awang nang ih elongthoon ah, 
\v 14 erah damdi kobono, marah Luuwanglong ih ethih reeraangte siiwi thuk suh nyia ese reeraangte loong phoongpha thuk suh thiik ha warah ah. 
\v 15 Tiimnge liidi Rangte ih wakngak mina loong jeng akong ah sen loong mootse kaatse nawa ih toihaat thuktheng liiha. 
\v 16 Sen loong ah maama pongwan ih songtong an, enoothong seng pongwan ngeh ih li anno ethih ekhah loong ah nak bokpat an, eno Rangte dah likhiik ih songtong an. 
\v 17 Warep choomjoh an, hanpiite wahoh loong ah minchan ih an, Rangte choomjoh an, nyia Luuwanglong ah choomjoh an.
\s Kristo cham anaang tiitthaak
\p
\v 18 Milaksuh sen loong ah sen changte lakhui nah tong anno heh choomjoh an, erah langla mih minchante nyia mise nyaami damdoh luulu lah ang theng, mithih damdoh uh emamah ang theng. 
\v 19 Erah thoidoh Rangte ih romseetam kohan, tiimnge liidi seng lacham theng nyia sen suh laliilaangjih angta di uh Rangte tenthun tiit ah sen ih ejat ehan. 
\v 20 Tiimnge liidi sen loong ah bot athom theng thet re lalidoh buthom han bah taat naan anbah uh tiim ma dakchoh an? Enoothong sen pun reeraang ih an donep chamthuk handoh naan an doba Rangte ih romseetam kohan. 
\v 21 Rangte ih sen loong ah erah raangtaan ih poon tahan, tiimnge liidi sen loong asuh heh lih jen phan thuk suh Kristo heh teeteewah chamnaang ah tiitthaak esiit ih noisok tahan. 
\v 22 \x - \xo 2:22 \xo*\xt Isa 53:9\xt*\x*Jisu rangdah tareeta, adoleh heh tui nawa tiit hu baat arah thaak chaatmuh. 
\v 23 \x - \xo 2:23 \xo*\xt Isa 53:7 \xt*\x* Heh thaangju rumta adoh, heh ih ngaak thaangju muh; heh chamnaang thuk rumta doh heh ih choophaan muh, epun lam ih Dandeete Rangte suh ba laalomta. 
\v 24 \x - \xo 2:24 \xo*\xt Isa 53:5 \xt*\x* Kristo heh teeteewah ih seng rangdah ah heh sakpuh ni bangphak adi roop huita, tiimnge liidi seng loong ah rangdah nah matti eno kateng ih tongthuk suh ah. Hesok hema thoidi ba sen ejende etan. 
\v 25 Sen loong ah saapsah ih heh lam mat haat arah likhiik angtan, enoothong sen loong ah Saapjikte nyia chiiala loong ah Sokboite ah liphan suh ngaaksiit ih halan.
\c 3
\s Hesanuh nyia hesawah loong
\p
\v 1 \x - \xo 3:1 \xo*\xt Eph 5:22; Kol 3:18\xt*\x*Erah likhiik hesanuh loong ah hesawah loong lakhui nah ang theng, tiimnge liidoh hesawah ih Rangte jengkhaap lahanpi kaadoh, hesanuh sen loong reeraang jun ih toom hanpi rum asuh ah. Sen ih jengkhaap labaat kanbah uh ese ang ah, 
\v 2 tiimnge liidi sen reeraang pakna loong ah tiimthan esa nyia mih ih choomjoot theng reete ngeh ih neng ih tup ih ah. 
\v 3 \x - \xo 3:3 \xo*\xt 1Tim 2:9 \xt*\x* Sen loong ah rangwuuthak nah jaase toom ang ang ngeh ih lah choomchaak theng, khoroon ah jaaseehoom, adoleh hun akom ah pok, adoleh nyuse khatmi ah kap. 
\v 4 Erah nang ebah, senten senmong nawa ih jaase ang theng, Rangte miksok di bah tenthun ni nyia chiiala ni semroongroong angte loong aba saarookwet raangtaan ih toongtang angla ah elongthoon. 
\v 5 Tiimnge liidi, teewah di thooroom minuh loong ah, o Rangte suh laalomte angta, erah loong ah neng sawah lakhui ni songtong rum anno neng teeteenuh jaase thuk rumta. 
\v 6 \x - \xo 3:6 \xo*\xt Rangph 18:12 \xt*\x*Sara ah emamah angta; heh Abraham jeng chaatchaat ih ano heh sawah suh nga changte ngeh ih liita. Amadi sen loong ah tiimra uh lacho laphaan ih epun ah reelan bah minuh sen loong ah hesuh hesah ih hoon lan.
\p
\v 7 \x - \xo 3:7 \xo*\xt Eph 5:25; Kol 3:19 \xt*\x*Erah likhiikkhiik hesawah sen loong ah ih sen sanuh damdoh seklilih ih songtong an, neng loong ah sen nang ih tajatka. Neng loong ah choomjoot ih an, tiimnge liidoh, Rangte lakkot roidong ah sen damdam roong choha. Sen rangsoom rangtu ah laphaangjaang suh emamah re an.
\s Pun reeraang raangtaan chamnaang
\p
\v 8 Jengthoon ah langla: Sen loongtang thung atak nyia tenthun phoosiit ang theng; sen jaachi nah minchanmui etheng, nyia wasiit ih wasiit minchan etheng. 
\v 9 Mih ethih angha bah uh ethih nakngaak angtheng adoleh mih ih tamho bah uh langaak tam theng; erah nang ebah romse ngaaktam koh an, tiimnge liidoh Rangte ih poon tahan adoh romseetam kot suh kakhamta. 
\v 10 \x - \xo 3:10-12 \xo*\xt Rsb 34:12-16\xt*\x* Rangteele ni amah liiha,
\q1 Sen loong ah roidong doh tenroon angsuh li anbah
\q2 nyia saapootse ah japtup suh li anbah,
\q2 sen loong ah ethih ekhah lajaatjaat jeng theng
\q2 adoleh tiit hu baat ah etoihaat etheng.
\q1
\v 11 Sen loong ah ethih ekhah reelan ah toihaat anno ese ah re theng
\q2 senten senmong ih jam anno semroongroong tongtha suh laat an.
\q1
\v 12 Tiimnge liidi Teesu ih thooroom minah ah sokboi roh eha
\q2 nyia neng rangsoom ah chaat ha;
\q2 enoothong ethih reete ah tase choka.”
\p
\v 13 Marah ese ah reeraang suh ram anbah o ih jen thet haat han? 
\v 14 \x - \xo 3:14 \xo*\xt Mat 5:10 \xt*\x*Marah epun ah erah reeraang thoidoh chamnaang andoh botseh sen loong ah tiimthan tenroon ang an! Sen loong ah o ra uh nakcho an, adoleh naksootsaam an. 
\v 15 \x - \xo 3:15 \xo*\xt Isa 8:12,13\xt*\x* Enoothong sen ten nah Kristo ah choomjoh roh ih an, nyia Teesu ngeh ih choomjoroh etheng. Sen laalom tiit ah mih ih cheng handoh ngaakbaat suh saarookwet banban ih tong an, 
\v 16 enoothong choomjoot damdoh seklilih ih baattaan theng. Senthung sentak ah seklilih ang an, mamah liidi sen Kristo liphan tungthoidoh o ih an reeraang suh ethih li ah, neng loong ah neng jeng suh rakrek thuk theng. 
\v 17 Tiimnge liidi ethih reeraang nang ebah, ese reeraang thoidoh chamnaang kibah eseethoon ang ah Rangte thung angkabah ah. 
\v 18 Mamah liidi rangdah mina sen raangtaan ih Kristo ah jaasiit di roop tiita,\f + \fr 3:18 \fr*\fq tiita; \fq*\ft le ehoh ni hantek je ah\ft*\fq chamnaangta ngeh ah. \fq*\f* heh teewah mina ah ese angta erabah uh sen loong ah Rangte reenah thoksiit suh loongtang rangdah raangtaan ih roop tiita. Kristo ah hansi ni etek haat eta, enoothong chiiala ni ething tongthukla, 
\v 19 eno chiiala ni thingtong tungkaangdi chiiala tangsak ha loong suh baattaan kata. 
\v 20 \x - \xo 3:20 \xo*\xt Rangph 6:1—7:24 \xt*\x*Erah langla, Noah ih khoonkhu hoonta doh Rangte ih bansokroh lek ih koleh heh jeng laboichaatte loong ah chiiala loong angta. Khoonkhu adi mina ehan tah angta—rooproop ih asat ang rumta—ju nawa neng ba pui rumta, 
\v 21 erah langla, amadi puipang halan juutem sin angta. Erah sak nawa esot saachot tiit tah angka, thung atak ese nawa ih Rangte damdi kakham tiit. Jisu Kristo ngaaksaat jun ih erah ih puipangha, 
\v 22 o rangmong ni wang ano Rangte reeni dakmi ko tongwangla, rangmong dowa rangsah loong, ngoong awang nyia chaan aphaan loong ah heh ih panha.
\c 4
\s Roidong lek
\p
\v 1 Kristo ah hansi ni echam eta thoidoh, sen uh hansi nah cham suh emamah tenthun nah sen teenuh teewah rongkopkop ang an; mamah liidi o mina hansi ni chamla heh rangdah ni takah angka. 
\v 2 Erah raangtaan ih, amah dowa ih, arah hah adoh sen roidong mathan ang ah Rangte tenthun jun ih angtheng mina tenthun jun ih lah ang ah. 
\v 3 Jaakhoni, rangnak mih ih seechoha reerang pakna ah reekamdook ih reeraang tan. Sen loong roidong ah lalangka ni, lup aleek ni, khojok khamjok ni, sen tiimre thung angtan erah reetan, khamjok theng ni, nyia mih ih choongja theng tongmih ah soomtu tan. 
\v 4 Aanoobah rangnak mih loong damdi erah likhiik lam ni lakah roong khoom kokan no paatja ih rumla, erah thoidi sen loong ah thaangju ih halan. 
\v 5 Enoothong ething tekmang loongtang dandeete Rangte ah neng dande suh bantongla, neng ih maama teenuh teewah tiit ah Rangte suh ebaat etheng ang ah. 
\v 6 Erah raangtaan ih tekchoi loong asuh nep Ruurang Ese tiit ah baattaan dowa, tiimnge liidi hansi ni thingtongla ah mina jun in dande suh eno Rangte thingtongla ah likhiik chiiala nah toom thingtong rum ah ngeh ih baattaan dowa.
\s Phanhoomte ese ah Ranglakkot
\p
\v 7 Jirep thoon suh ethok nanah ehala. Maama teenuh teewah ah rapniine ih soksam anno rangsoom nah ban tong an. 
\v 8 \x - \xo 4:8 \xo*\xt Tittk 10:12 \xt*\x*Thoontang nang ih elong ah langla, wasiit ih wasiit rapniine ih minchan theng, tiimnge liidi minchan ih rangdah hantek hoppat ha. 
\v 9 Laliilaangmui thang ih sen nok senpung nah emah khookham kotmui an. 
\v 10 Phanhoomte loong suh jirep jaatrep ni Rangte ih heh lakkot jun ih koha likhiik, wareprep ih Rangte lakkot ah mihoh ese ang raangtaan ih maak theng. 
\v 11 O ih tiitkhaap baat ha, heh ih Rangte tiitkhaap baat theng; o suh jen sokboi theng ranglakkot koha, erah loong ah ih Rangte ih chaan koha jun ih sokboi theng, tiimnge liidi Jisu Kristo jun ih jirep adoh Rangte phoongpha thuk theng, rangka nyia chaan aphaan saarookwet heh raangtaan: Amen.
\s Kristaan thoilam di chamnaang
\p
\v 12 Joon awaan loong, mabah uh lathaak cham kan ah rapne ih cham lan, erah raangtaan ih nak paatja an. 
\v 13 Erah nang ebah Kristo chamnaang loong ah roonghui hi ngeh ih eroon ih an, tiimnge liidi heh rangka dongjatja sen loong ah eliin roon ih an. 
\v 14 Sen loong juuba tenroon Kristo liphante ang thoidi kaanju halan bah ah; erah langla, Rangte Chiiala marah rangka theng Chiiala ah sen sak ni eje. 
\v 15 Sen loong dung dowa o chamnaang an bah uh, mitek haatte thoidoh, ehuh thoidoh, milajak, adoleh mih chamchi nah mih phaanghoom thoidoh ba naktoom ang ah. 
\v 16 Enoothong, Kristaan mina hoonthoi doh cham anbah, nak rakrek theng, erah nang ebah Kristo thoilam di cham raangtaan ih Rangte suh lakookmi li an.
\p
\v 17 Phang dande saapoot ah ethok ih hala, eno Rangte mina loong ah jaakhoh dande ah. Seng phang dande heebah, liwang nah Rangte jiin nawa Ruurang Ese tiit ah lahanpiite loong ah mamah ang ah? 
\v 18 \x - \xo 4:18 \xo*\xt Tittk 11:31 \xt*\x* Rangteele ni liiha,
\q1 “ Mina ese loong ah pui suh echaan ang ah;
\q2 emah ang abah rangte lajeete rangdah mina loong ah mamah ang ah?”
\m
\v 19 Erah raangtaan ih, Rangte tenthun jun ih o chamnaangla, mootse kaatse mokaroh ih ano neng teenuh teewah roidong ah neng Dongsiitte suh kottheng; heh ih saarookwet heh kakham ah thiinroh eha.
\c 5
\s Rangte saapsah
\p
\v 1 Ngah, mihak phokhoh esiit ang angno, sen loong dung dowa chaas mihak phokhoh loong asuh baatwe rumhala. Ngah Kristo chamnaang haaki kotte esiit, eno heh rangka dongjat jaadoh ngah uh roongroop ih ang. Ngah ih baatrum hala 
\v 2 \x - \xo 5:2 \xo*\xt Tittk 11:31 \xt*\x*sen loong ah saapsah loong riimte angwe an eno Rangte ih riikoi thuk halan saapsah loong ah sen thungthung ih sokboi an, Rangte ih erah ah thunha. Erah mootkaat ah hethaang dakchoh suh lah angthang ih amiimi sen ten nawa ih re theng. 
\v 3 Sen suh sokboi riikoi thuk halan loong asuh ngampook ngaamsaang nak liilaang an, erah nang ebah saapsah loong ah ih thaakbaat ejih toom ang an. 
\v 4 Eno Saapriimtte Elong ah dongha doh, mabah uh lamoonka ephaakthoon rangka khopok ah choh an.
\p
\v 5 \x - \xo 5:5 \xo*\xt Tittk 3:34 \xt*\x* Erah likhiik ih jaaro jaala sen loong ah mihak loong banwi nah tong an. Eno sen loong ah maama teenuh teewah toongtang ang anno wasiit ih wasiit suh khookhammui theng, rangteele ni amah liiha, “Rangte ih engaamte loong ah tanghaam ih ah, enoothong toongtang loong damdoh roongroop ah.” 
\v 6 \x - \xo 5:6 \xo*\xt Mat 23:12; Luk 14:11; 18:14 \xt*\x*Erah raangtaan ih, sen loong ah chaan aphaan Rangte banwi nah toongtang ang an, heh teewah saapoot ese doh toonjoot ehan. 
\v 7 Sen tenchi moongsaam heh suh look haat an, tiimnge liidi heh ih sokboi riikoi halan.
\p
\v 8 Mongthamtham ih ban tong an! Senpi senra, Hakhoh luuwang ah, o phak ang ngeh ih sakhobung tumhu arah likhiik ih tumkhoomla. 
\v 9 Sen tuumaang nah rongtangtang ang anno hakhoh luuwang ah tanghaam an, tiimnge liidoh arah mongrep adi hanpiite wahoh loong ah uh emamah chamnaang rumla. 
\v 10 Enoothong pootsiit cham an lidoh, marah Rangte ih minchan thoontang kotte warah ih Kristo jun ih lathoon theng heh rangka adoh roongroop suh poonha, erah Rangte heteewah ih epunthoon, rongtangtang, chaan aphaan pan nyia kamkam thonghong angthuk han. 
\v 11 Chaan aphaan ah saarookwet heh damdoh toom ang ah! Amen.
\s Ethoondi jengseera
\p
\v 12 \x - \xo 5:12 \xo*\xt Esm 15:22,40\xt*\x*Arah le amasah raangmaat halang ah Silas ih roongsok hangno raanghang, marah ngah ih tuumaangte Kristaan ngeh ih laalom lang warah ah. Sen loong asuh ngah ih chankot jengkhaap jeng suh nyia nga teewah tiitkhaap baat suh liihang ah langla Rangte amiimiidi minchan ah. Erah khoh adoh rongtangtang ih chap an.
\p
\v 13 \x - \xo 5:13 \xo*\xt Esm 12:12,25; 13:13; 15:37-39; Kol 4:10; Phm 24\xt*\x* Bebiloon chasste, o Rangte ih danjeeta, ih jengseera maatbaat halan, erah likhiik nga sah Maak ih uh emamah maatbaat hala. 
\v 14 Wasiit ih wasiit Kristaan minchan nawa ih chupphakmui jengseera kotmui an.
\p Semroongrong ah Kristo mina thoontang damdoh toomje ah.