\id TIT - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h တိတု
\toc1 တိတုဟှို ပေါလုရဲ့ ပေးစာ
\toc2 တိတု
\toc3 တိ
\mt1 တိတု
\mt2 တိတုဟှို ပေါလုရဲ့ ပေးစာ
\imt နိဒါန်း
\im \bk တိတုဟှို ပေါလုရဲ့ ပေးစာ\bk*ဟှာ သင်းတော်ဟှို လိစာတပ်ဘဲန လူပေါက်ကိုဟှို လိစာတပ်ဟှားဘီး ပေါလုဟှနေ ပေးဟှားဟှူ ပေးစာလေးစောန်ထဲဟှ တစောန်ဖြစ်ဟှယ်။ တခြားပေးစာ သောင်းစောန်ဟှ ၁ တိမောသေ၊ ၂ တိမောသေ၊ တိတုန ဖိလေမုန်ဖြစ်ဟှယ်။ ပေါလုဟှာ တိတုနားဟှို ရေးနေဘေမဲ့လည်း လူလေဘောင်ဂီးဟှို သံက္လယ်ဂီးန စာဖတ်ပြနေမျိုး ရေးဟှားလေဟှယ်။ သူဟှ တမန်တော် တယော့‑က်ရဲ့ ရည်ချင်းလေဟှို ရှင်းပြဟှားဟှူကြောန့် အယ်မူဇာဟှို ကျွန်တော့်ဟှားလေ သိရဘီး တချို့ဇာလေဟှို တိတုဟှ သိဟှားဘီးဇာလေ ဖြစ်ဟှယ်။ ပေါလုဟှာ အယ်ပေးစာဟှို ခရစ်တော် မွီးဘီးန ၆၃–၆၅ ခုနှစ်လော့‑က်မာ ရေးဟှားဇာ ဖြစ်နိုင်လေဟှယ်။
\ip ပေါလုဟှာ တိတုဟှို ကရာတေကျွန်းမာရှိဟှူ သင်းတော်လေဟှို ဦးဆောန်ဟှို့တွပ် ညွှန်ကြားဟှားဟှယ်။ ပေါလုဟှ သင်းတော်ခေါန်းဆောင်းလေဟှို ဝီးချယ်ဘီး လေ့ကျင့်ပေးဟှို့တွပ်န တိတုဟှို ညွှန်ကြားဟှို့တွပ် အယ်ပေးစာဟှို ရေးဟှားဟှယ်။ သူဟှာ တိမောသေရဲ့ ပေးစာထဲဟှ တူညီဟှူ ညွှန်ကြားချစ်လေဟှို ပေးဟှားဟှယ်။ သင်းတော် ခေါန်းဆောန်လေဟှာ ဖယ်မျိုးဗြင့်မားဟှူ စံခီရှိရမယ် ဆိုဇာဟှို သူ့ပေးစာဟှ ဖော်ပြဟှားဟှယ်။ အယ်နေ့ခေတ် သင်းတော်လေန သင်းတော် ခေါန်းဆောန်လေဟှာ ခေါန်းဆောန်မှု စံနှုန်းလေဟှို လေးလေးနတ်နတ်ဟှား ဂရုစိုက်ဟှို့ လိုအပ်ဟှယ်။
\iot ကြောန်းရာ ကျဉ်းချောက်
\io1 ၁။ ပေါလုဟှာ တိတုဟှို ခေါန်းဆောန်လေ ခန့်အပ်ဟှို့တွပ် ညွှန်ကြားဟှားဟှူကြောန်း \ior (၁.၁–၁၆)\ior*
\io1 ၂။ သူဟှ ဘုရားနှစ်သက်ဟှူ သတ်ရှင်မှု ပေါင်စံန သတ်ရှင်ဟှို့တွပ် လူလေဟှို လေ့ကျင်ပေးဟှို့လည်း ညွှန်ကြားဟှားဟှူကြောန်း \ior (၂.၁—၃.၁၁)\ior*
\io1 ၃။ နော့‑က်ဆောင်းမာ ပေါလုဟှာ သူ့ရဲ့ စီစဉ်တချို့ဟှို ဝီမျှဘီးဟှာ နှော့‑က်ဆစ်စကား ပြောဇာအားဖြင့် နိဂေါင်းချောက်ဟှားဟှူကြောန်း \ior (၃.၁၂–၁၅)\ior*
\ie
\c 1
\po
\v 1 ဘုရားသခင်ရဲ့ စေခံဖြစ်ဟှူ၊ ယေရှုခရစ်တော်ရဲ့ တမန်တော်ဖြစ်ဟှူ ငါပေါလုဟှာ စာရေးလိုက်ဟှယ်။
\po ဘုရားသခင် ဝီးကော့‑က်ဟှားဟှူ လူမျိုးလေရဲ့ ယောင်ကြည်ရှင်းဟှို ကူညီဟှို့တွပ် နို့လေရဲ့ ဘာသာတရားမာ သွန်သန်ဟှူ သမ္မာတရားကြောန်းဟှို အယ်လူလေဟှာ ဘောပေါ့‑က်ဘီး နားလည်းနိုင်ဟှို့တွပ် ငါ့ဟှို ဝီးကော့‑က်ဘီးဟှာ လွှတ်လိုက်ဟှယ်။
\po
\v 2 အယ်ဘာသာဟှာ ထာဝရသတ်ဟှို မျှော်လင့်ရှင်းမာ ဓိကခြေခံ ဖြစ်ဟှယ်။ လီညာရှင်းမှေ့ဘဲဟှူ ဘုရားသခင်ဟှာ ရှေးရှေးဒူးဟှ နေ့ရစ်ကာလလေ ဖြစ်ခန်မာ ထာဝရသတ်ဟှို နို့လေဟှိုပေးဟှို့တွပ် ဒိပေးဟှားဟှယ်။ 
\v 3 အယ်ဘီးန ခီက္လလာဟှူ ခီမာ အယ်ထာဝရသတ်ဟှို တရားတော်အားဖြင့် ထန်ရှားစေဟှယ်။ နို့လေရဲ့ ကယ်တန်ရှင် ဘုရားသခင်ဟှာ နို့လေဟှို ယောင်ကြည်ဟှူကြောန့် အယ်မူတရားဟှို အပ်ပေးဘီးဟှာ ငါဟှာ ကိုယ်တော်ရဲ့ မိန့်တော်တိုင်း အယ်မူတရားဟှို ကြေညာဟှယ်။
\po
\v 4 \x - \xo ၁.၄ \xo*\xt ၂ ကော ၈.၂၃; ဂလာ ၂.၃; ၂ တိ ၄.၁၀\xt*\x*နို့လေမျိုးဘဲ ယောင်ကြည်ရှင်းအားဖြင့် ငါသား စစ်စစ်ဖြစ်ဟှူ တိတုနားဟှို အယ်စာဟှိုငါရေးဘီး ပေးလိုက်ဟှယ်။
\po နို့လေရဲ့ဖဖြစ်ဟှူ ဘုရားသခင်န နို့လေဟှို ကယ်တန်ဟှူသခင် ယေရှုခရစ်တော်ဟှာ နန်းနို့လေဟှို ကျေးဇူးတော်န ငြီသတ်ရှင်းလေ ပေးသနားပါစေ။
\s ကရေတေကျွန်းမာ တိတုမှုတော်ဆောန်ကြောန်း
\p
\v 5 ကရေတေကျွန်းမာ လောက်ဇာရှိဟှူ မှုကိစလေဟှို လောက်ဆောန်ဟှို့တွပ်န ဗြို့လေမာ သင်းအောက်လေဟှို ခန့်ဟှားဟှို့တွပ် နန့်ဟှို ငါ ထားရစ်ဟှယ်။ ငါခုပေးဟှူ ညွန်ကြားချစ်လေဟှို မေ့န။ 
\v 6 \x - \xo ၁.၆–၉ \xo*\xt ၁ တိ ၃.၂–၇\xt*\x*သင်းတော်လူဂီးဟှာ ပြစ်တန်ခွမ့်မှေ့ဘဲဟှူလူ ဖြစ်ရမယ်။ အယ်လူဟှာ မယားယော့‑က်ဘဲ့ ရှိရမယ်။\f + \fr ၁.၆ \fr*\fq မယားယော့‑က်ဘဲ့ ရှိရမယ်၊ \fq*\ft အယ်မျိုးမှုဘဲ့နေဟှာ \ft*\fqa တခါဘဲ့ လတ်ထပ်ဟှားဟှယ်။\fqa*\f* သူ့ရဲ့ သားလေမီးလေဟှာ ယောင်ကြည်သူဖြစ်ရမယ်။ ပျော်ပါးလေလွန်ကျူးဘီး စကားနားထောန်ဘဲ့ဟှူလူ ဖြစ်ဟှို့ရဟှ။ 
\v 7 သင်းတော်ဟှို ဦးဆောန်ဟှူ သင်းတော်လူဂီးဟှာ ဘုရားသခင်ရဲ့ မှုတော်ဟှို တာဝန်ယူဘီးလောက်ဟှူလူ ဖြစ်ဟှူကြောန့် ဘဏ္ဍာထီးမျိုးဘဲ့ ပြစ်တန်ခွမ့်မှေ့ဘဲဟှူလူ ဖြစ်ရမယ်။ မာနကီးဟှူသူ၊ စိတိုဟှူသူ၊ ယစ်သော့‑က်ဟှူသူ၊ စိကြမ်းဟှူသူ၊ ကပ်ဟှိုရရာတိုင်း လိုရှင်ဟှူသူလည်း ဖြစ်ဟှို့ရဟှ။ 
\v 8 ဧည့်ဝတ်ကျေဟှူသူ၊ ကောန်းဟှူဇာလေဟှို ကြိုက်ဟှူလူ ဖြစ်ရမယ်။ သူဟှာ ကိုယ့်ကိုယ်ကိုယ် ထီးချောက်နိုင်ရမယ်၊ ဖြောန့်မတ်ရမယ်၊ သန့်ရှင်းဟှူသူ၊ ဘုရားတရားဟှို ရိုသေဟှူလူ ဖြစ်ရမယ်။ စည်းကမ်းရှိရမယ်။ 
\v 9 သူဟှာ မှန်ကန်ဟှူယူဝါဒဟှို စွဲစွဲမြဲမြဲဟှား ယောင်ကြည်ရမယ်၊ အယ်မျိုးနည်းနဘဲ့ သူဟှာ စစ်မှန်ဟှူ တရားဟှို အားပေးတိုက်တွန်းနိုင်လေ့မယ်။ စစ်မှန်ဟှူ တရားဟှို တိုက်ခိုက်ဟှူလူလေရဲ့မှားဟှို ထော့‑က်ပြနိုင်လေ့မယ်။
\p
\v 10 အယ်မူတရားဟှို ဆန့်ကျင်ဘီး ကျိုးမှေ့ဘဲဟှူ စကားလေန လှည့်စားဟှူလူလေ ဘောင်ဂီးရှိဟှယ်။ ထူးသဖြင့် ရေဖျားလှီးဟှားဟှူ လူလေထဲဟှနေ ခရစ်ယာန်ဘာသာထဲဟှို ပ္လောန်းလဲလာဟှူ လူလေထဲမာရှိဟှယ်။ 
\v 11 အယ်လူလေရဲ့ ဇပ်ပေါ့‑က်လေဟှို ပိရမယ်။ ဖြားဖြစ်ကြောန့်နူးဆိုဟှာ သူးနို့ဟှာ စင်ကြယ်ဘဲဟှူ စီးပွားလေဟှို တတ်မတ်ဟှူ ရည်ရွယ်ချစ်ကြောန့် ဟောပြောသင့်ဘဲဟှူဇာလေဟှို သွန်သန်ဘီးဟှာ အီထောန်ရေးလေဟှို ပြိုကွဲအောန် လောက်ဟှူကြောန့် ဖြစ်ဟှယ်။ 
\v 12 သူးနို့ရဲ့ ပရောဖက်ဖြစ်ဟှူ ကရေတေ ကျွန်းသား တယော့‑က်ဟှ “ကရေတေ ကျွန်းသားလေဟှာ မြဲဒမ်းလီညာဟှူသူလေ၊ သားရဲဆိုးလေ၊ ရရာတိုင်း ပျင်းဘီးဟှာ စားကီးဟှယ်” ဆိုဘီး ပြောရစ်ဟှယ်။ 
\v 13 အယ်လူပြောဇာဟှာ ရရာတိုင်း မှန်ဟှယ်။ အယ်ကြောန့် သူးနို့ဟှာ တကယ် ယောင်ကြည်လာဟှို့တွပ်ရော၊ 
\v 14 ယုဒဘာသာရဲ့ ဒဏ္ဍာရီစကားလေန သမ္မာတရားဟှို ပယ်ဘီး သူးနို့ရဲ့ ပညတ်ဟှို စွန်ပစ်ဂေ့ဟှို့တွပ်ရော၊ သူးနို့လေဟှို သေးသေးချားချာဟှာ ဆောင်းမရမယ်။ 
\v 15 ကိုယ့်ကိုယ်ကိုယ် စိနှလောင်း သန့်ရှင်းစင်ကြယ်ဟှူ လူလေတွပ်ဟှ အားလောင်းဂူဟှာ သန့်ရှင်းဟှယ်။ အယ်ဘေမဲ့ ကိုယ့်ကိုယ်ကိုယ် စင်ကြယ်ဟှ ဆိုဟှာ ယောင်ကြည်မှုမှေ့ဘဲဟှူ သူလေတွပ်ဟှ ဖြားဇာလည်း စင်ကြယ်သန့်ရှင်းဟှယ် ဆိုဇာ မှေ့ဟှ။ ဖြားဖြစ်ကြောန့်နူးဆိုဟှာ အယ်လူလေရဲ့ စိနှလောင်းန သိစိဟှာ ညစ်ညူးနေဟှူကြောန့် ဖြစ်ဟှယ်။ 
\v 16 သူးနို့ဟှာ ဘုရားသခင်ဟှို သိဟှယ် ဆိုဘီး ဝန်ခံဘေမဲ့လည်း သူးနို့ရဲကျင့်လေဟှ ထော့‑က်ခံဟှ။ သူးနို့လေဟှာ မူးဇာကောန်းဟှူလူ၊ နားထောန်းဘဲ့ဟှူလူ၊ ကောန်းဟှူဇာလေဟှို ခုလည်းလောက်ဟှို့ ထိုက်ဘဲ့ဟှူလူလေ ဖြစ်ဂေ့ဟှယ်။
\c 2
\s စင်ကြယ်ဟှူ ယူဝါဒကြောန်း
\p
\v 1 နန်းနို့ဟှာ စင်ကြယ်ဟှူယူဝါဒန ကိုက်ညီရှင်းလေဟှို ဟောပြောရမယ်။ 
\v 2 သတ်ကီးဟှူ ယော့‑က်ကျားလေဟှာ သမ္မာဒိရှိဟှူလူ၊ တည်ကြည်ဘီးဟှာ သိခါစောန့်ဟှူလူ၊ စစ်မှန်ဟှူ ယောင်ကြည်ရှင်းလေ၊ ရှစ်ရှင်းလေ၊ ခံနိုင်ရည်ရှိဟှူလူလေ ဖြစ်ဟှို့တွပ် သွန်သန်ရမယ်။ 
\v 3 အယ်မျိုးဘဲ့ သတ်ကီးဟှူ မီးမဂီးလေဟှာ ဘုရားတရားဟှို ကြည်ညိုဟှူ လူလေဖြစ်ဟှို့တွပ် သွန်သန်ပါ။ သူးနို့ဟှာ တခြားလူလေရဲ့ အသရေဖျစ်ဟှူ လူလေန ယစ်ရဲ့ကျေးကျွန်ဖြစ်စေန။ ကောန်းဟှူ ဇာလေဟှို သန်ပေးဟှူ လူလေ ဖြစ်ရမယ်။ 
\v 4 အယ်မျိုးဖြစ်မှ သူးနို့ဟှာ ကိုယ့်ထတ် သတ်ငယ်ဟှူ မီးမလေဟှာ ကိုယ့်ယော့‑က်ကျားန သားမီးလေဟှို ရှစ်ဘီးဟှာ 
\v 5 ဂေါင်သိခါ စောန့်ဟှူသူ၊ စင်ကြယ်ဟှူသူ၊ ကိုယ့်အီဟှို ပြုစုဟှူသူ၊ ကောန်းဟှူသူ၊ ကိုယ်ယော့‑က်ကျားရဲ့ စကားဟှို နားထောန်ဟှူသူ ဖြစ်ဟှို့တွပ် သတ်ကီးဟှူ မီးမဂီးလေဟှ သန်ပေးရမယ်။ အယ်မျိုးဆိုဟှာ ဘုရားသခင်ရဲ့ တရားတော်ဟှို ကဲ့ရဲ့ဘီး ပြောနေဟှူလူလေ မှေ့ဟှို့မှုဘီ။
\p
\v 6 အယ်မျိုးဘဲ့ ကောန်သား ယော့‑က်ကျားလေဟှလည်း ဂေါင်သိခါလေဟှို ထီးနိုင်ဟှို့တွပ် တိုက်တွန်းဂေ့ပါ။ 
\v 7 နေရာတိုင်းမာ နန်းနို့ကိုယ်တိုင် ပေါင်သတ်သေဟှို ပြဂေ့ပါ။ ဆောင်းမသွန်သန်ဟှူ ခီမာ သေးသေချားချာဟှား သန်ပေးပါ။ 
\v 8 နန်းနို့ ရန်သူလေဟှ နန်းနို့လေဟှို ဖယ်မှုမာလည်း ပြစ်ရှာနိုင်ဘဲန ရှစ်ကွဲဘဲနေအောန် တခြားလူလေရဲ့ရှေ့မာ ပြစ်တန် ဝေဖန်နိုင်ဘဲနေအောန် ကောန်းဟှူ စကားလေဟှို ပြောဂေ့ပါ။
\p
\v 9 ကျွန်လေဟှာ သူ့သခင်လေရဲ့ စကားဟှို နားထောန်ရမယ်။ နေရာတိုင်းမာ သခင်ကြိုက်အောန် လောက်ရမယ်။ 
\v 10 သူများပစ်စီးဟှို ခိုးဘဲန သူးနို့ဟှာ မြဲဒမ်းကောန်းဘီး သစ်စာရှိဟှူလူ ဖြစ်ရမယ်။ အယ်နည်းနဘဲ့ သူးနို့ဟှာ ကိုယ်လောက်ဟှူ မှုလေထဲမာ နို့လေရဲ့ ကယ်တန်ရှင် ဘုရားသခင်ရဲ့ တရားတော်ဟှို ပိုဘီးဟှာ ထန်ရှားစေလေ့မယ်။
\p
\v 11 ဘုရားသခင်ဟှာ လူအားလောင်းဂူဟှို ကယ်တန်ဟှူ သူ့ရဲ့ ကျေးဇူးတော်ဟှို ထန်ရှားစေဟှယ်။ 
\v 12 နို့လေဟှာ ဘုရားတရားမှေ့ဘဲန လောက တတ်မတ်ရှင်းလေဟှို ဖယ်ရှားဘီး အယ်လောကမာ ဘုရားဝတ်နှိုက် ပျော်မွေ့ရှင်း၊ တင့်တယ်လျောက်ပတ်ရှင်း၊ ဖြောန့်ဖြောန့်မတ်မတ် သတ်ရှင်ရှင်းန 
\v 13 ကီးမြတ်ဟှူ ဘုရားသခင်ဖြစ်ဟှူ နို့လေရဲ့ ကယ်တန်ရှင် ယေရှုခရစ်တော်ရဲ့ ဖောင်းသရေတော် ပေါ်လာရှင်းအားဖြင့် မင်္ဂလာရှိဟှူ မျှော်လင့်ရှင်းဟှို စောန့်နေဘီးဟှာ ဆောင်းမသွန်သန်ဘီး ရှိနေဟှယ်။ 
\v 14 \x - \xo ၂.၁၄ \xo*\xt ၁ ပေ ၂.၉\xt*\x*နို့လေဟှို ဆိုးညစ်ရှင်းလေ အားလောင်းဂူထဲဟှနေဘီး လွတ်မြော့‑က်ဟှို့တွပ်န နို့လေဟှာ စိနှလောင်းဖြူစင် သန့်ရှင်းဘီး ကိုယ်တော်ဘဲ့ ပိုင်ဆိုင်ဟှူ လူဖြစ်ဘီး ကောန်းဟှူ ကျင့်လေမာ စိအားထတ်သန်ဂေ့ဟှို့တွပ် ခရစ်တော်ဟှာ နို့လေတွပ် သူ့ကိုယ်သူ စွန့်လိုက်ဟှယ်။
\p
\v 15 နန်ဟှာ အယ်ကြောန်းရာလေဟှို ဟောပြောသွန်သန်ပါ။ တိုက်တွန်းအားပေးဘီး သွန်သန်ဟှူ ခီမာ နန့်မာရှိဟှူ ခွမ့်အာဏာလေဟှို သောင်းပြုပါ။ နန့်ဟှို ဖယ်သူလည်း ထန်သေးစေန။
\c 3
\s ခရစ်ယာန်လေ ဖယ်မျိုးသတ်ရှင်ရဟှူကြောန်း
\p
\v 1 တိုင်းပြည်ဟှို အောက်ချောက်ဟှူ လူလေန အာဏာပိုင်လေရဲ့ အောက်စိုးရှင်းလေဟှို ဝန်ခံဘီး သူးနို့စကားဟှို နားထောန်ဂေ့ဟှိုတွပ်ရော၊ ကောန်းမြတ်ရှင်းကိစ မှန်မျှဟှို လောက်ဟှို့တွပ် ဆင်သင့်ဖြစ်နေဟှို့တွပ်ရော၊ ယောင်ကြည်သူလေဟှို ဒိပေးပါ။ 
\v 2 ဖယ်သူကြောန်းဟှိုလည်း ကောန်းဘဲဟှူဇာဟှို ပြောဘဲန အေးအေးချမ်းချမ်းဟှား နေထိုင်ဂေ့ဟှို့တွပ်န ခီတိုင်းမာ လူလေဟှို နူးညံ့သိမ်မွေ့ဘီး ဆစ်ဆံဂေ့ဟှို့တွပ် သူးနို့လေဟှို ပြောပါ။ 
\v 3 တခါဒူးဟှ နို့လေဟှာ နာခံဘဲန မိုက်မဲဘီးဟှာ လမ်းမှားဘီးနေဟှယ်။ ကာမဂေါင်မျိုးမျိုးန ပျော်ပါးလိုက်စားရှင်းလေထဲမာ ကျွန်ဖြစ်လာဟှယ်။ နို့လေမာ မြဲဒမ်းဘဲ့ နာလိုဘဲဟှူစိ၊ မူးနေဟှူ သဘောလေလည်း ရှိဂေ့ဟှယ်။ တခြားသူလေဟှာ နို့လေဟှို မူးဂေ့ဟှယ်။ နို့လေဟှလည်း သူးနို့ဟှို မူးဂေ့ဟှယ်။ 
\v 4 အယ်ဘေမဲ့ နို့လေရဲ့ ကယ်တန်ရှင် ဘုရားသခင်ရဲ့ ကရုဏာတော်န ရှစ်ရှင်းမြစ်တာတော်ဟှာ ထန်ရှားလာဟှူ ခီမာ 
\v 5 နို့လေဟှာ ကယ်တန်ရှင်းဟှို ခံရဂေ့ဟှယ်။ အယ်မျိုးကယ်တန်ရှင်း ခံရဟှူဇာဟှ နို့လေရဲ့ ဖြောန့်မတ်ဟှူ ကျင့်အားဖြင့်မှုဘဲ ကိုယ်တော်ဟှာ သူ့ရဲ့ ကရုဏာတော်နညီ သန့်ရှင်းဟှူဝိညာဉ်တော်ကြောန့် နို့လေဟှို နော့‑က်တခါ ပ္လန်မွီးဘီးဟှာ သစ်ဖြစ်ဟှူသက်တာန ဘဝသစ်ဟှို ပေးကြောန့်ဖြစ်ဟှယ်။ 
\v 6 ဘုရားသခင်ဟှာ နို့လေဟှို ကယ်တန်ဟှူရှင် ယေရှုခရစ်တော်ကြောန့် သန့်ရှင်းဟှူဝိညာဉ်တော်ဟှို နို့လေထတ်ဟှို ကြွယ်ဝစွာ လောန်းခ္လပေးဟှယ်။ 
\v 7 အယ်မျိုးလောက်ဇာဟှာ နို့လေဟှာ ကိုယ်တော်ရဲ့ ကျေးဇူးတော်ကြောန့် ဖြောန့်မတ်ဟှယ် ဆိုဇာဟှို သိမှတ်ပြုခံရဘီးဟှာ ထာဝရသတ်ဟှို မျှော်လင့်ဘီး မွီခံလဲ ဖြစ်လာဂေ့ရဟှယ်။
\p
\v 8 အယ်စကားဟှာ သစ်စာစကားဖြစ်ဟှယ်။ ဘုရားသခင်ဟှို ယောင်ကြည်လူလေဟှာ ကောန်းဟှူကျင့်၊ လူလေဟှို ကျိုးပြုဟှူကျင့်လေ ရှိနေဂေ့ဟှို့တွပ် စစဒူးဟှ ပြောဟှားဟှူဇာလေဟှို ဂရုစိုက်ဘီးဟှာ နှိုးဆော်တိုက်တွန်းဂေ့ပါ။ 
\v 9 အယ်ဘီးဟှာ ကျိုးမှေ့ဘဲနပြောရှင်း၊ ရရာတိုင်းရှည်ဟှူ ဆွေမျိုးစာရင်းလေလောက်ရှင်း၊ ရန်ဖြစ်ရှင်း၊ ပညတ်တရားန ပတ်သတ်ဘီးဟှာ စကားများရှင်းလေဟှို ရှောန်ဂေ့ပါ။ အယ်မျိုးလောက်ဇာလေဟှာ သောင်းဝမ်ဟှ။ ကျိုးလည်း မှေ့ဟှ။ 
\v 10 စိဝန်းကွဲရှင်းလေဖြစ်အောန် လောက်ဟှူလူဟှို နဲဆောင်း နှေ့ခါလော့‑က် ဒိပေးဘီးန သူ့ဟှို ထပ်ဘီးဟှာ ပေါန်းဂေ့န။ 
\v 11 အယ်မျိုးလူဟှာ ဖော့‑က်ပ္လန်ဟှူလူ ဖြစ်ကြောန်းဟှို နန်းနို့ဟှသိဟှယ်။ သူပြစ်ရှိကြောန်းဟှို သူ့ကိုယ်သူ သတ်သေပြဟှယ်။
\s နော့‑က်ဆောင်းပြောဟှူကြောန်း
\p
\v 12 \x - \xo ၃.၁၂ \xo*\xt တ ၂၀.၄; ဧ ၆.၂၁,၂၂; ကော ၄.၇,၈; ၂ တိ ၄.၁၂\xt*\x*အာတေမဟှိုဘဲ့ ဖြစ်ဖြစ်၊ တုခိတ်ဟှိုဘဲ့ ဖြစ်ဖြစ် နန်းနို့နားဟှို လွှတ်လိုက်ဟှူ ခီမာ ငါရှိနေဟှူ နိကောပလိဗြို့ဟှို ကြိုးစားဘီးဟှာလာဂေ့။ အယ်ဗြို့မာ ဆောင်းကာလမှာဘဲ့နေဟှို့ ငါဆောင်းဖြတ်ဟှားဟှယ်။ 
\v 13 \x - \xo ၃.၁၃ \xo*\xt တ ၁၈.၂၄; ၁ ကော ၁၆.၁၂\xt*\x*ရှေ့နေဖြစ်ဟှူဇေနန အာပေါလုလေဟှာ ခရီးသွားနိုင်ဟှို့တွပ် ကြိုးစားဘီးဟှာ ကူညီပေးပါ။ သူးနို့လေ လိုရှင်ဇာမှန်မျှဟှို ကူညီလိုက်ပါ။ 
\v 14 စားဝတ်နေရေတွပ် တကယ် လိုအပ်ဇာလေဟှို ရဟှို့တွပ် နို့လေရဲ့လူလေဟှာ ကောန်းဇာနသတ်မွီးဟှို့တွပ် သွန်သန်ဂေ့ပါ။ ကိုယ့်ရဲ့လောက်အားဟှို ချည်းနှီးဖြစ်စေဂေ့န။
\p
\v 15 ငါနတူးဒူ နေဟှူလူလေဟှ နန့်ဟှို နှောက်ဆစ်လိုက်ဟှယ်။ ယောင်ကြည်ရှင်းတရားန နို့လေရှစ်ရဟှူ မိဆွေလေဟှို နှောက်ဆစ်လိုက်ဟှယ်။
\p ဘုရားသခင်ရဲ့ ကျေးဇူးတော်ဟှို နန်းနို့အားလောင်းဂူဟှာ ခံစားရဂေ့ပါစေ။