\id ROM - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ရောမ
\toc1 ရောမ သင်းတော်ဟှို ပေါလုရဲ့ ပေးစာ
\toc2 ရောမ
\toc3 ရော
\mt1 ရောမ
\mt2 ရောမ ပေါလုရဲ့ ပေးစာ
\imt နိဒါန်း
\im \bk ရောမ သင်းတော်ဟှို ပေါလုရဲ့ ပေးစာ\bk*ဟှာ ခရစ်တော် မွီးဘီးန ၅၄ န ၅၈ ခုနှစ်ကြားမာ တမန်တော် ပေါလုဟှ ရေးဟှားဟှယ်။ ပေါလုဟှာ ရောမဗြို့ဟှို သွားရသေးဘဲဟှူကြောန့် ရောမဗြို့မာရှိဟှူ ယုဒလူမျိုးန လူမျိုးခြား ခရစ်ယာန်လေဟှို သွန်သန်ဟှို့တွပ် အယ်စာဟှို ရေးလိုက်ဟှယ်။ သူဟှာ အယ်ခီဒူးဟှ ကောရိန့်ဗြို့မာ နေနေဟှူကြောန့် အယ်ဗြို့ဟှနေဘီး အယ်စာဟှို ရေးလိုက်ဟှူဇာဖြစ်ဟှယ်။ လူမျိုးလေ အားလောင်းဂူဟှာ ယေရှုခရစ်တော်ဟှို ယောင်ကြည်ဘီး နားထောန်ပါ ဆိုဘီး ပေါလုဟှ ရေးဟှားလေဟှယ် (\xt ၁၆.၂၆\xt*)။
\ip ရောမသင်းတော်ဟှို ပေါလုရဲ့ ပေးစာဟှာ နေရာတိုင်းမာရှိဟှူ ခရစ်ယာန်လေတွပ် ရေးကီးဟှူ စာဖြစ်ဟှယ်။ ဖြားဖြစ်ကြောန့်နူးဆိုဟှာ ပေါလုဟှာ ယေရှုခရစ်တော် အားဖြင့်ဘဲ့ ကယ်တန်ရှင်း ရနိုင်ဟှယ် ဆိုဘီး ရှင်းရှင်းလန်းလန်းဟှား ရှင်းပြဟှားဟှယ်။ ပေါလုဟှာ ယေရှုခရစ်တော်ရဲ့ ဒန်းကောန်းဟှို ဓမ္မဟောန်ကျမ်းနလည်း ခိဆစ်ပေးဟှားဟှယ်။ ကျမ်းစာပညာရှင်လေ ဘောင်ဂီးဟှာ “ငါဟှာ ခရစ်တော်ရဲ့ ဒန်းကောန်းတွပ် လောင်းဝ ယှစ်ကြော့‑က်ဇာမှေ့ဟှ။ ဖြားဖြစ်ကြောန့်နူးဆိုဟှာ အယ်ဒန်းကောန်းဟှာ ရင်ဦးဆောင်း ယုဒလူမျိုး၊ နော့‑က်မှ လူမျိုးခြားလေထဲမာ ယောင်ကြည်လတ်ခံလာဟှို့ သူလေအားလောင်းဟှို ကယ်တန်ပေးဟှူ ဘုရားသခင်ရဲ့ တဂိုးတော်ဖြစ်ပါဟှယ်” ဆိုဘီး အယ်ကျမ်းထဲဟှ ရရာတိုင်း ရေးကီးဇာဟှို \xt ၁.၁၆\xt* ထော့‑က်ခံဂေ့ဟှယ်။ ရောမကျမ်းရဲ့ ပထမပိုင်းဟှာ (၁—၁၂) နတ်နဲဟှူ သီအိုလော်ဂျီ ဖြစ်ဘီး ဒုတိယပိုင်းဟှာ (၁၃—၁၅) ခရစ်ယာန် သတ်ရှင်ရှင်း ပေါင်ဇံတွပ် လတ်တွိက္လဟှူ လမ်းညွန်ချစ်လေ ဘောင်ဂီးပါဝမ်လေဟှယ်။
\iot ကြောန်းရာ ကျဉ်းချောက်
\io1 ၁။ ပေါလုဟှာ ထောင်းဇံတိုင်းဘဲ့ သူ့ကိုယ်သူ မိတ်ဆစ်ရှင်းအားဖြင့် အယ်ကျမ်းဟှို စပြုဟှားဘီး ဖယ်လူလေနားဟှို ရေးဟှားဟှယ် ဆိုဘီး ပြောနေဟှူကြောန်း \ior (၁.၁–၁၅)\ior*
\io1 ၂။ သူဟှာ လူ့သားမျိုးနွယ်ရဲ့ ခြေနေန ဆိုင်ဟှူဇာန ယေရှုခရစ်တော်အားဖြင့်ဘဲ့ ကယ်တန်ခံရမယ် ဆိုဇာဟှို ရေးဟှားဟှူကြောန်း \ior (၁.၁၆—၁၁.၃၆)\ior*
\io1 ၃။ ပေါလုဟှာ ခရစ်ယာန်သတ်ရှင်ရှင်း ပေါင်ဇံတွပ် လတ်တွိက္လဟှူ လမ်းညွှန်ချစ်လေ ဘောင်းဂီးဟှို ရေးဟှားဟှူကြောန်း \ior (၁၂.၁—၁၅.၁၃)\ior*
\io1 ၄။ သူဟှာ ရောမသင်းတော်ဟှ သင်းဝမ်သူလေဟှို နှောက်ဆစ်စကား ဘောင်းဂီး ပြောရှင်းအားဖြင့် ရောမကျမ်းဟှို နိဂေါင်းချောက်ဟှားဟှူကြောန်း \ior (၁၆.၁–၂၇)\ior*
\ie
\c 1
\po
\v 1 ဒန်းကောန်းဟှို ဟောပြောဟှို့တွပ် တမန်တော်ဖြစ်န ဘုရားသခင်ဝီးချယ်ဘီး ခန့်အပ်ခံရဟှူ ခရစ်တော်ယေရှုရဲ့ စေခံ ငါပေါလုဟှာ အယ်စာဟှို ရေးလိုက်ပါဟှယ်။
\po
\v 2 ရှေးခါဒူးဟှ ဘုရားသခင်ဟှာ သူ့ရဲ့ ပရောဖက်လေအားဖြင့် အယ်မူဒန်းကောန်းတွပ် ဂဒိထားဟှားကြောန်းဟှို သန့်ရှင်းဟှူ ကျမ်းစာအားဖြင့် ဖော်ပြဟှားလေဟှယ်။ 
\v 3 အယ်မူဒန်းကောန်းဟှာ ဘုရားသခင်ရဲ့ သားတော် ယေရှုခရစ်တော်ရဲ့ ကြောန်းဘဲ့ ဖြစ်ပါဟှယ်။ သားတော်ဟှာ လူ့ဇာတိအားဖြင့် ဒါဝိဒ်မျိုးနွယ်ဟှနေ ပေါ်ထွန်းလာဘီး၊ 
\v 4 သူ့ရဲ့ မြင့်မြတ် သန့်ရှင်းရှင်းအားဖြင့် ဘုရားသခင်ရဲ့ သားတော်ဖြစ်ဟှူကြောန်းဟှို ထန်ရှားစေဟှို့တွပ် ဘုရားသခင်ဟှာ မဟာတဂိုးတော်အားဖြင့် သခင်ယေရှုခရစ်ဟှို သေရှင်းဟှနေဘီး ထမြော့‑က်စေတော်မူဟှယ်။ 
\v 5 အယ်သခင်ရဲ့ နာမတော်တွပ် လူမျိုးလေ အားလောင်းဂူထဲမာ ယောင်ကြည်ရှင်းနဆိုင်ဟှူ နာခံမှုရှိစေဟှို့တွပ် ကျေးဇူးတော်န တမန်တော်ဖြစ်ဟှူခွမ့်ဟှို ကိုယ်တော်အားဖြင့် နို့လေရရှိဂေ့ဟှယ်။ 
\v 6 နန်းနို့လေလည်း အယ်လူမျိုးထဲမာပါဘီး ယေရှုခရစ်တော်ရဲ့ တဗဲ့ဖြစ်ဟှို့တွပ် ဝီးကော့‑က်ခံရဟှူ သူလေဖြစ်ဂေ့ဟှယ်။
\po
\v 7 အယ်မျိုး ဘုရားသခင်ရဲ့ ရှစ်ရှင်းမြစ်တာတော်အားဖြင့် သူ့ရဲ့ လူမျိုးတော်ထဲဟှို ရော့‑က်စေဟှို့တွပ် ဝီးကော့‑က်ခံရဟှူ ရောမဗြို့ဟှ သန့်ရှင်းဟှူ သင်းဝမ်သူလေနားဟှို အယ်စာရေးလိုက်ပါဟှယ်။
\po သခင်ယေရှုခရစ်တော်န နို့လေရဲ့ဖဖြစ်ဟှူ ဘုရားသခင်နားဟှ ကျေးဇူးတော်န ငြီသတ်ရှင်းဟှာ နန်းနို့လေ ခံစားရဂေ့ပါစေ။
\s ကျေးဇူးတော် ချီးမွမ်းဟှူကြောန်း
\p
\v 8 နန်းနို့လေရဲ့ ယောင်ကြည်ဟှူ ကြောန်းရာလေဟှာ တကမ္ဘာလောင်းဟှို ပ္လံ့နှံ့ဘီး ကျော်ကြားဟှူကြောန့် နန်းနို့လေအားလောင်းဟှို ယေရှုခရစ်တော်အားဖြင့် ငါကိုးကွယ်ဟှူ ဘုရားသခင်ရဲ့ ကျေးဇူးတော်ဟှို ချီးမွမ်းပါဟှယ်။ 
\v 9 သားတော်ရဲ့ကြောန်း ဒန်းကောန်းဟှို ဟောပြောဟှူဇာအားဖြင့် ငါဟှာ ဘုရားသခင်ရဲ့ မှုတော်ဟှို စိဝိညာဉ်နထပ်တူ လောက်ဆောန်နေဘီး၊ 
\v 10 ငါဟှာ ဆုတောန်းဟှူခီတိုင်းမာ နန်းနို့လေဟှို မြဲဒမ်း ဒိရနေကြောန်းဟှို ငါကိုးကွယ်ဟှူ ဘုရားသခင်ဟှာ ငါ့ရဲ့သတ်သေဖြစ်ပါဟှယ်။ ဘုရားသခင်လိုတော်ရှိဟှယ် ဆိုဟှာ မကြာခန်မာ နန်းနို့လေနားဟှို လာနိုင်ဟှို့တွပ် လမ်းဖွမ့်ပေးမယ့်ကြောန်းဟှို ဆုတောင်းပါဟှယ်။ 
\v 11 နန်းနို့လေအားလောင်းဟှာ တည်ကြည်ဘီး ခိုင်ခံ့ဟှို့တွပ် ဝိညာဉ်ဆုကျေးဇူးလေဟှို ဝီမျှပေးရှင်ဟှူ ဆန္ဒရှိဟှူကြောန့် ငါဟှာ နန်းနို့လေဟှို ရရာတိုင်းဘဲ့ တွိရှင်ပါဟှယ်။ 
\v 12 တနည်းအားဖြင့် အယ်မျိုးတွိဆောင်ဟှူ ခီမာ နန်းနို့လေန ငါဟှာ အသီးသီးမာရှိဟှူ ယောင်ကြည်ရှင်းလေဟှို အပ္လန်လှန် သတ်သေခံဝီမျှဘီး ခွန်းအားယူနိုင်ဟှို့တွပ် ဖြစ်ပါဟှယ်။
\p
\v 13 \x - \xo ၁.၁၃ \xo*\xt တ ၁၉.၂၁\xt*\x*ညီကို မောန်နှမလေ ငါဟှာ လူမျိုးခြားလေမာ သီးပွမ့်လေရဟှူမျိုး နန်းနို့လေမာလည်း သီးပွမ့်လေရဟှို့တွပ် နန်းနို့လေနားဟှို လာနိုင်အောန် ခါပီးခါစီစဉ်ဟှူလည်းဘဲ့ ခုခီထိ တားဆီးမှုဟှို ခံနေရဟှူကြောန်းဟှို နန်းနို့လေ သိစေရှင်ပါဟှယ်။ 
\v 14 ငါဟှာ ဂရိလူမျိုးဘဲ့ဖြစ်ဖြစ်၊ ရိုင်းဟှူလူဘဲ့ဖြစ်ဖြစ်၊ ပညာရှိဘဲ့ဖြစ်ဖြစ်၊ ပညာမဲ့ဘဲ့ဖြစ်ဖြစ်၊ လူမျိုးမျိုးလေဟှို ဟောပြောရမယ့် ဒန်းကောန်းရဲ့အကြွေးဟှာ ငါ့မာတန်နေပါဟှယ်။ 
\v 15 အယ်ကြောန့် ရောမဗြို့မာရှိဟှူ နန်းနို့လေဟှိုလည်း အယ်ဒန်းကောန်းဟှို ဟောပြောဟှို့တွပ် ငါဟှာ ရရာတိုင်း စိအားထတ်သန်နေပါဟှယ်။
\s ဒန်းကောန်းရဲ့ တဂိုးကြောန်း
\p
\v 16 \x - \xo ၁.၁၆ \xo*\xt မာ ၈.၃၈\xt*\x*ငါဟှာ ခရစ်တော်ရဲ့ ဒန်းကောန်းတွပ် လောင်းဝ ယှစ်ကြော့‑က်မှုမှေ့ဟှ ဖြားဖြစ်ကြောန့်နူးဆိုဟှာ အယ်မူဒန်းကောန်းဟှာ ရင်ဦးဆောင်း ယုဒလူမျိုး၊ နော့‑က်မှ လူမျိုးခြားလေထဲမာ ယောင်ကြည်လတ်ခံလာမယ့် သူလေအားလောင်းဟှို ကယ်တန်ပေးဟှူ ဘုရားသခင်ရဲ့ တဂိုးတော်ဖြစ်ပါဟှယ်။ 
\v 17 ဖြားဖြစ်ကြောန့်နူးဆိုဟှာ “ဖြောန့်မတ်ဟှူသူဟှာ ယောင်ကြည်ရှင်းအားဖြင့် သတ်ရှင်လေ့မယ်”\f + \fr ၁.၁၇ \fr*\fq ဖြောန့်မတ်ဟှူသူဟှာ ယောင်ကြည်ရှင်းအားဖြင့် သတ်ရှင်လေ့မယ်၊ \fq*\ft အယ်မျိုးမှုဘဲနေဟှာ \ft*\fqa ယောင်ကြည်ရှင်းအားဖြင့်ဘဲ့ ဖြောန့်မတ်ဟှူသူဟှာ သတ်ရှင်လေ့မယ်။\fqa*\f* ဆိုဘီး ကျမ်းစာမာရေးဟှားတိုင်း ယောင်ကြည်ရှင်းနှိုက်တည်ဟှူ ဘုရားသခင်ရဲ့ ဖြောန့်မတ်ရှင်းတရားဟှာ ယောင်ကြည်ရှင်းတွပ် အယ်ဒန်းကောန်းအားဖြင့် ထန်ရှားနေပါဟှယ်။
\s လူသားရဲ့ ပြစ်ကြောန်း
\p
\v 18 ဘုရားသခင်ရဲ့ မျစ်တော်ဟှာ ကောန်းဂန်ဘောင်ဟှနေ ထန်ရှားဘီး သမ္မာတရားဟှို တရားဘဲဟှူမှုန လူလေသိဘဲနေအောန် ဆီးတားပိတ်ပင်ဟှူ သူလေရဲ့ ဘုရားတရားမှေ့ရှင်းန တရားဘဲဟှူမှု အားလောင်းထတ်ဟှို သတ်ရောက်ဟှယ်။ 
\v 19 ဖြားဖြစ်ကြောန့်နူးဆိုဟှာ ဘုရားသခင်ဟှာ သူ့န ပတ်သတ်ဘီး သိသင့်သိထိုက်ဟှူ ဇာလေဟှို ရှင်းရှင်းလန်းလန်းဟှား ဖော်ပြပေးဟှားကြောန့် ဖြစ်ဟှယ်။ အယ်မူကြောန်းလေဟှာ သူးနို့လေမှာ ထန်ရှားဘီး ရှိနေပါဟှယ်။ 
\v 20 တနည်းအားဖြင့် အယ်လောကဟှို ဖန်ဆင်းဟှူခီဟှနေစဘီး ဘုရားသခင်ရဲ့ ဗြင်ရဘဲဟှူ ဂေါင်အင်္ဂါလေဖြစ်ဟှူ ကိုယ်တော်ရဲ့ထာဝရတဂိုးတော်န ဘုရားသခင်ရဲ့ ဖြစ်တော်လေဟှာ ဖန်ဆင်းတော်မူဟှူ ရာလေအားဖြင့် ရှင်းရှင်းလန်းလန်း သိနိုင်ဟှူကြောန့် သူးနို့လေဟှာ ကိုယ့်ပြစ်လေတွပ် ဆင်ခေပေးဟှိ ရနိုင်ဂေ့ဟှ! 
\v 21 \x - \xo ၁.၂၁ \xo*\xt ဧ ၄.၁၇,၁၈\xt*\x*ဖြားဖြစ်ကြောန့်နူးဆိုဟှာ သူးနို့လေဟှာ ဘုရားသခင်ဟှို သိဂေ့ဟှူလည်းဘဲ့ ကိုယ်တော်ရဲ့ ဖောင်းသရေတော်ဟှို ချီးမွမ်းသင့်ဟှူတိုင်း ချီးမွမ်းဘဲ၊ ကျေးဇူးတော်ဟှိုလည်း သိမှတ်ဘဲန ကျိုးမဲ့ဟှူရာလေဟှိုဘဲ့ တွေးနေဂေ့ဟှူကြောန့် သူးနို့ရဲ့ သိတရားမဲ့ဟှူ စိနှလောင်းဟှို မှောန်မိုက် ဖောင်းလွှမ်းဟှားလေဟှယ်။ 
\v 22 သူးနို့လေဟှာ ကိုယ့်ကိုယ်ကိုယ် ပညာရှိဖြစ်ဟှယ်ဆိုဘီး ပြောဂေ့ဟှူလည်းဘဲ့ မိုက်မဲဟှူ သူလေဖြစ်လာဘီး၊ 
\v 23 ဖော့‑က်ပ္လန် ပျစ်စီးရှင်းန ကင်းဟှူ ဘုရားသခင်ရဲ့ ဖောင်းသရေတော်ဟှို ပယ်ဘီး ဖော့‑က်ပ္လန်တတ်ဟှူ လူ့ရောက်ထု၊ ငှတ်ရောက်ထု၊ ခေလေးရှောန်း သတ္တဝါန တွားဘီးသွားတတ်ဟှူ လိဆန်လေရဲ့ ရောက်ထုဟှို ဘုရားသခင်နေရာမာ ချီးမြှော့‑က်ဂေ့ဟှယ်။
\p
\v 24 အယ်ကြောန့် ဘုရားသခင်ဟှာ သူးနို့ရှင်းရှင်း ကိုယ်ခန္ဓာရဲ့ အသရေဟှို ပျစ်စီးစေဟှို့တွပ် သူးနို့လေရဲ့ ကိလေသာစိ ညစ်ညူးရှင်းလတ်ဟှို အပ်လိုက်လေဟှယ်။ 
\v 25 အယ်သူလေဟှာ ဘုရားသခင်ရဲ့ သမ္မာတရားဟှို မှားဟှူနေရာမာ ထားဂေ့ဘီး ဖန်ဆင်းရှင်ဟှို ကိုးကွယ်ရဟှို့စား ဖန်ဆင်းဟှားဟှူ ဇာလေဟှို ဝတ်ပြုကိုးကွယ်ဂေ့လေဟှယ်။ ဖန်ဆင်းရှင်ဟှာ ထာဝရမင်္ဂလာ ရှိတော်မူဟှယ်။ အာမင်။
\p
\v 26 အယ်မျိုးလောက်ဟှူကြောန့် ဘုရားသခင်ဟှာ သူးနို့လေဟှို ယှစ်ဇာကောန်းဟှူ ကိလေသာလတ်ထဲဟှို အပ်လိုက်တော်မူလေဟှယ်။ ဖြားဖြစ်ကြောန့်နူးဆိုဟှာ သူးနို့ထဲဟှ မီးမလေဟှာ သဘာဝဆစ်ဆံမှုဟှို ပယ်ဘီးဟှာ သဘာဝန ဆန့်ကျင်ဖတ်ဖြစ်ဟှူ ဆစ်ဆံရှင်းနော့‑က်ဟှို လိုက်ဂေ့လေဟှယ်။ 
\v 27 အယ်တိုင်းဘဲ့ ယော့‑က်ကျားလေလည်း မီးမန သဘာဝဆစ်ဆံမှုဟှို ပယ်ဘီးဟှာ ရှင်းရှင်း ရာဂမီးတော့‑က်လောန်ဂေ့ဘီး ယှစ်ဇာကောန်းဟှူဇာဟှို ယော့‑က်ကျားရှင်းရှင်း ပြုဂေ့ဟှူကြောန့် သူးနို့လေရဲ့ ဆိုးညစ်ဟှူကျင့်တွပ် ထိုက်သင့်ဟှူ ပြစ်ဒန်လေဟှို ခံရဂေ့ဟှယ်။
\p
\v 28 အယ်သူလေဟှာ ဘုရားသခင်ဟှို သိမှတ်ဘဲန လျစ်လျူရှုဂေ့ဟှူကြောန့် ဘုရားသခင်ဟှာ သူးနို့လေဟှို ယောက်ညံ့ဟှူစိလတ်ဟှို အပ်လိုက်တော်မူဟှူကြောန့် သူးနို့လေဟှာ ပြုသင့်ဘဲဟှူဇာလေဟှို ပြုကျင့်ဂေ့လေဟှယ်။ 
\v 29 အယ်သူလေဟှာ မျိုးမျိုးဖြစ်ဟှူ ဆိုးယောက်မိုက်မဲရှင်း၊ တရားဘဲဟှူမေထုန်ပြုရှင်း၊ ညစ်ညမ်းရှင်း၊ လောဘတတ်မတ်ရှင်း၊ ကျင့်ပျစ်ရှင်း၊ မနာလိုရှင်း၊ လူ့သတ်ဟှို သတ်ရှင်း၊ ရန်ဖြစ်ရှင်း၊ လှည့်စားရှင်း၊ ရန်ငြိုးထားရှင်းန သူများတင်းပြောဆိုရှင်း၊ 
\v 30 ပေါက်ခတ်ပြောဆိုရှင်း၊ ဘုရားသခင်ဟှို မူးရှင်း၊ မိုက်ရိုင်းရှင်း၊\f + \fr ၁.၃၀ \fr*\fq ဘုရားသခင်ဟှို မူးရှင်း၊ မိုက်ရိုင်းရှင်း၊ \fq*\ft အယ်မျိုးမှုဘဲနေဟှာ \ft*\fqa ဘုရားသခင်ဟှို မူးဟှူသူန မိုက်ရိုင်းဟှူ သူလေ ဖြစ်ဂေ့ဟှယ်။\fqa*\f* မာန်မာနထောန်လွှားရှင်း၊ ဝါကြွားရှင်း၊ ကောန်းဘဲဟှူမှုလေဟှို တီထွမ်ရှင်း၊ မိဖစကားဟှို နားထောန်ဘဲနေရှင်း၊ 
\v 31 သိတရားကင်းမဲ့သူ၊ ဂဒိတည်ဘဲဟှူသူ၊ ကြင်နာဟှူစိကင်းမဲ့သူ၊ သနားရှင်းစိကင်းမဲ့သူလေ ဖြစ်ဂေ့ဟှယ်။ 
\v 32 အယ်မူမျိုး ကျင့်ဂေ့ဟှူသူလေဟှာ သေဒန်ဟှို ခံထိုက်ဟှယ်ဆိုဘီး ဘုရားသခင် စီရင်ဟှားဇာဟှို သိဂေ့ဟှူလည်းဘဲ့ သူးနို့ကိုယ်တိုင်လည်းကျင့်ဘီး အယ်မူမျိုး ကျင့်ဂေ့ဟှူသူလေဟှိုလည်း အားပေးဂေါင်ယူဂေ့လေဟှယ်။
\c 2
\s ဘုရားသခင်ခ္လမှတ်ဟှားဟှူ တရားစီရင်ဟှူကြောန်း
\p
\v 1 \x - \xo ၂.၁ \xo*\xt မ ၇.၁; လု ၆.၃၇\xt*\x*အယ်ကြောန့် သူများဟှို စစ်ကြောစီရင်တတ်ဟှူသူ၊ နန်ဟှာ ကိုယ့်ပြစ်ဟှို မဖောင်းနိုင်ဟှ။ ဖြားဖြစ်ကြောန့်နူးဆိုဟှာ နန်ဟှာ စစ်ကြောစီရင်ဟှူမှုဟှို ကိုယ်တိုင်ပြုဟှူဇာအားဖြင့်၊ သူများဟှိုစစ်ကြောစီရင်ရာမာ ကိုယ့်မာပြစ်ရှိဟှူကြောန်းဟှို စီရင်ဆောင်းဖြတ်ရာရော့‑က်ဟှယ်။ 
\v 2 အယ်မျိုးဟှူ ကျင့်လေဟှို ကျင့်ဟှူသူလေဟှို ဘုရားသခင် တရားစီရင်တော်မူဟှူဇာဟှာ ဖြောန့်မတ် မှန်ကန်ကြောန်းဟှို နို့လေသိဂေ့ပါဟှယ်။ 
\v 3 အယ်ဘေမဲ့ မိဆွေ၊ နန်ဟှာ သူတပါးဟှိုစီရင်ဘီး ကိုယ်တိုင်လည်း ကျူးလွန်နေမား! နန်ဟှာ ဘုရားသခင်ရဲ့ တရားစီရင်ရှင်းဟှနေဘီး လွတ်မယ်ထန်နေလော။ 
\v 4 အယ်မျိုးမှုဘဲနေဟှာ နန်ဟှာ ဘုရားသခင်ရဲ့ ကျေးဇူးပြုဟှူဇာဟှာ နောန်ဒရဟှို့တွပ် လမ်းပြပို့ဆောန်ပေးနေဇာဟှို သိမှတ်ဘဲ့န ကီးမားဟှူ ကရုဏာတော်န စိရှယ်ရှင်းလေ၊ သီးခံတော်မှုရှင်းလေဟှို ထီမဲ့မြင်ပြုနေလော။ 
\v 5 အယ်ဘေမဲ့ နန်ဟှာ စိခိုင်မာဘီး နောန်ဒရဘဲနေဟှယ် ဆိုဟှာ ဘုရားသခင်ရဲ့ မျစ်တော်ထန်ရှားဟှူနေ့၊ ဖြောန့်မတ်ဟှူ တရားစီရင်မယ့်နေ့ရစ်မာ ပိုဘီးကီးလေးဟှူ ပြစ်ဒန်ဟှို ခံရလေ့မယ်။ 
\v 6 ဘုရားသခင်ဟှာ လူတိုင်းကျင့်ဟှူ ကျင့်နထပ်တူ ကျိုးပြစ်ဟှို ဆပ်ပေးတော်မူလေ့မယ်။ 
\v 7 ကောန်းဟှူ ကျင့်ဟှို မြဲဒမ်းကျင့်ဘီး ဖောင်းသရေတော်၊ ဂေါင်သရေတော်န ဖော့‑က်ပ္လန်ပျစ်စီးရှင်းန ကင်းဟှူဇာလေဟှို ရှာဟှူသူလေဟှို ဘုရားသခင်ဟှ ထာဝရသတ်ဟှို ပေးတော်မူလေ့မယ်။ 
\v 8 အယ်ဘေမဲ့ တကိုယ်ကောန်းဆန်ဘီး သမ္မာတရားဟှို ကိုးစားနားထောန်ဘဲန တရားဘဲဟှူ မှုလေနော့‑က်ဟှို လိုက်ဂေ့ဟှူသူလေဟှာ ဘုရားသခင်ရဲ့ မျစ်တော်ဟှို ခံရဂေ့လေ့မယ်။ 
\v 9 ရင်ဦးဆောင်း ယုဒလူ၊ အယ်ဘီးန လူမျိုးခြားလေ ဒုစရိုက်ဟှို ပြုဂေ့ဟှူ လူအားလောင်းဟှာ ပြင်းထန်ဟှူ ဒေါက်ခဝေဒနာလေဟှို ခံရဂေ့လေ့မယ်။ 
\v 10 အယ်ဘေမဲ့ ရင်ဦးဆောင်း ယုဒလူ၊ အယ်ဘီးန လူမျိုးခြားလေ ကောန်းဟှူ ကျင့်လေဟှို ကျင့်ဂေ့ဟှူ သူလေ အားလောင်းဟှာ ဖောင်းသရေတော်၊ ဂေါင်တော်န ငြီသတ်ရှင်းဟှို ခံစားရလေ့မယ်။ 
\v 11 ဘုရားသခင်ဟှာ မျစ်နှာလိုက်ဘဲန တရားစီရင်တော်မူလေဟှယ်။
\p
\v 12 ပညတ်တရားဟှို သိဘဲန၊ ပြစ်ကျူးလွန်ဟှူ သူရှိဟှူမျှဟှာ ပညတ်တရားပါဘဲန ပျစ်စီးရလေ့မယ်။ ပညတ်တရားရှိရစ်န ပြစ်ကျူးလွန်သူလေဟှာ၊ ပညတ်တရားအားဖြင့် စီရင်ရှင်းဟှို ခံရဂေ့လေ့မယ်။ 
\v 13 လူဟှာ ပညတ်တရားဟှို ကြားနာဟှူမျှန ဘုရားသခင် ရှေ့တော်မာ ဖြောန့်မတ် မှန်ကန်ဇာ မှုဟှ။ ပညတ်တရားလေဟှို လိုက်ရှော့‑က်ကျင့်သောင်းမှ ဘုရားသခင် ရှေ့တော်မာ ဖြောန့်မတ် မှန်ကန်ဟှယ် ဆိုဘီး သိမှတ်ပြုဟှူဇာဟှို ခံရဇာဖြစ်ဟှယ်။ 
\v 14 လူမျိုးခြားလေဟှာ ပညတ်တရားဟှို ကျင့်ဘဲန၊ ပညတ်တရားဟှို သိဘဲန၊ ကိုယ့်ဖာသာ တရားဟှိုကျင့်ဂေ့ဟှူ ခီမာ အယ်မူတရားလေဟှာ သူးနို့လေတွပ် ပညတ်တရား ဖြစ်လာလေဟှယ်။ 
\v 15 ပညတ်တရားရဲ့ ပြဋ္ဌာန်းဟှားဟှူ ဇာလေဟှာ အယ်သူလေရဲ့ နှလောင်းသားမာ ရေးဟှားဟှူကြောန်း သူးနို့လေရဲ့ ပြုမူလေဟှ ထော့‑က်ခံလေဟှယ်။ သူးနို့လေရဲ့ ဩတ္တပ္ပစိဟှလည်း ထော့‑က်ခံလေဟှယ်။ ဖြားဖြစ်ကြောန့်နူးဆိုဟှာ သူးနို့လေရဲ့စိနှလောင်းဟှာ တခါတလေ သူးနို့ဟှိုပြစ်တန်ဘီး တခါတလေလည်း သူးနို့ဟှို ထော့‑က်ခံဟှူကြောန့်ဖြစ်ဟှယ်။ 
\v 16 အယ်မူမှုရာလေဟှာ ငါဟောပြောဟှူ ဒန်းကောန်းတိုင်း လူလေရဲ့ လျှို့ဝှက်ဟှူ ကျင့်လေဟှို ယေရှုခရစ်တော်အားဖြင့် ဘုရားသခင် စစ်ကြောစီရင်ဟှူနေ့မာ ဖြစ်လေ့မယ်။
\s ယုဒလူမျိုးလေန ပညတ်တရားကြောန်း
\p
\v 17 နန်ဟှာ ကိုယ့်ကိုယ်ကိုယ် ယုဒလူမျိုးဖြစ်ဟှယ် ဆိုဘီး ပညတ်တရားဟှို ကိုးစားဘီး ဘုရားသခင်နှိုက် ဝါကြွားဟှူသူ၊ 
\v 18 လိုတော်ဟှိုသိဘီး၊ ပညတ်တရားရဲ့ သွန်သန်မှုဟှို ခံယူပီးဘီဖြစ်ဟှူကြောန့် မြင့်မြတ်ဟှူ ရာလေဟှို ပိုင်းခြားသိရဲ့န၊ 
\v 19 မျစ်စိကန်းဟှူသူလေဟှို လမ်းပြဟှူသူ၊ မှောန်မိုက်ထဲမာ နေဟှူသူလေတွပ် လန်းရောန်ပေးဟှူသူ၊ 
\v 20 မိုက်ဟှူသူလေဟှို ဆောန်းမဟှူသူ၊ သိနားလည်ဘဲဟှူ သူလေရဲ့ ဆရာဖြစ်ဟှူသူ၊ ပညတ်တရားအားဖြင့် ပညာန သမ္မာတရားဟှို သိနားလည်ဟှူသူ ဆိုဘီး ကိုယ့်ကိုယ်ကိုယ် ယောင်ကြည်ဟှယ် ဆိုဟှာ 
\v 21 သူများဟှို သွန်သန်ဘီး ကိုယ့်ကိုယ်ကိုယ် သွန်သန်ဟှလော။ နန်ဟှာ သူများဟှို ခိုးဝှပ်န ဆိုဘီး သွန်သန်ဘီးဟှာ ဖြားဖြစ်ကြောန့် နန်ကိုယ်တိုင် ခိုးဝှပ်နေနူး။ 
\v 22 အီထောန်ရေးဖော့‑က်ပ္လန်န ဆိုဘီး ဆောင်းမနေရဲ့န နန်ကိုယ်တိုင် ဖော့‑က်ပ္လန်နေလော။ ရောက်ထုဟှို ရွံ့ရှာရဲ့န ဗိမာန်တော်ဟှို လုယူဖျစ်ဆီးရလော။ 
\v 23 ပညတ်တရားဟှို မှီပြုဘီး ဝါကြွားရဲ့န အယ်မူတရားဟှို လွန်ကျူးဘီး ဘုရားသခင်ရဲ့ ဂေါင်တော်ဟှို ရှောက်ခ္လနေလော။ 
\v 24 ဖြားဖြစ်ကြောန့်နူးဆိုဟှာ “လူမျိုးခြားလေဟှာ နန်းနို့လေရဲ့ ကျင့်ဟှို ထော့‑က်ဘီး ဘုရားသခင်ရဲ့ နာမတော်ဟှို ကဲ့ရဲ့တတ်ဂေ့ဟှယ်” ဆိုဘီး ကျမ်းစာမာ ဖော်ပြဟှားလေဟှယ်။
\p
\v 25 နန်ဟှာ ပညတ်တရားဟှို လိုက်ရှော့‑က်ဟှူသူ ဖြစ်ဟှယ် ဆိုဟှာ နန့်ရဲ့ ရေဖျားလှီးရှင်းဟှာ ကျိုးရှိလေ့မယ်။ အယ်ဘေမဲ့ ပညတ်တရားဟှို ကျူးလွန်ဟှူသူ ဖြစ်ဟှယ် ဆိုဟှာ ရေဖျားလှီးရှင်းဟှို ခံဘဲန နေဇာဟှ ပိုဘီး ကောန်းလေ့မယ်။ 
\v 26 အယ်မျိုးမှုဘဲနေဟှာ ရေဖျားလှီးရှင်းဟှို ခံဘဲဟှူသူ လူမျိုးခြား တယော့‑က်ဟှာ ပညတ်တော်မာပါဟှူ တရားလေဟှို လိုက်ရှော့‑က် ကျင့်သောင်းဟှယ် ဆိုဟှာ အယ်သူဟှို ရေဖျားလှီးရှင်းဟှို ခံယူဟှူသူ ဆိုဘီး မှတ်ယူမယ် မှုဟှလော။ 
\v 27 ရေဖျားလှီးရှင်းဟှို ခံဘဲဟှူသူဟှာလည်း ကိုယ်လိုတိုင်း ပညတ်တရားဟှို ကျင့်မယ် ဆိုဟှာ ကျမ်းစာန ရေဖျားလှီးရှင်း ရှိရစ်န ပညတ်တရားဟှို လွန်ကျူးဟှူ နန့်ဟှို တရားစီရင်ဘီး ရှောင်းခံစေမယ် မှုဟှလော။ 
\v 28 ဇာတိအားဖြင့် ယုဒလူမျိုးဖြစ်ဟှူသူဟှာ ယုဒလူမှန် မှုဟှ၊ အယ်မူမျိုးဘဲ့ ဇာတိအားဖြင့် ကိုယ့်သားမာ ရေဖျားလှီးဇာဟှလည်း ရေဖျားလှီးရှင်းမှန် မှုဟှ။ 
\v 29 တွင်းသဘောအားဖြင့် ယုဒလူမျိုးဖြစ်ဟှူသူဟှဘဲ့ ယုဒလူမျိုးမှန်ဖြစ်ဘီး ကျမ်းဟောန်းတရားမှုဘဲန ဝိညာဉ်တော်အားဖြင့်ဘဲ့ဖြစ်ဟှူ စိနှလောင်းရဲ့ ရေဖျားလှီးရှင်းဟှဘဲ့ ရေဖျားလှီးရှင်းမှန် ဖြစ်ဟှယ်။ အယ်မျိုးသူဟှို လူလေဆီဟှမှုဘဲန ဘုရားသခင်ဆီဟှနေဘီး ချီးမွမ်းဟှူဇာဟှို ခံရလေဟှယ်။
\c 3
\p
\v 1 အယ်မျိုးဆိုဟှာ ယုဒလူမျိုးဟှ ဖယ်မျိုးသာလွန်ဘီး ထူးခြားနူး။ သူးနို့လေ ရေဖျားလှီးဟှူဇာအားဖြင့် ဖြားကျိုးရှိကြောန့်နူး။ 
\v 2 ဖက်ဖက်မာ ကျိုးဘောင်ဂီးရှိဟှယ်! ပထမနေန ယုဒလူမျိုးလေဟှာ ဘုရားသခင်ရဲ့ ဗျာဒိတ်တော်ဟှို ယောင်ကြည်ခံယူဂေ့ဟှယ်။ 
\v 3 အယ်ဘေမဲ့ သူးနို့လေထဲမာ တချို့လူလေ ယောင်ကြည်ဘဲနေဇာဟှို ဖယ်မျိုးပြောရဟှို့နူး။ ဘုရားသခင်ရဲ့ သစ်စာတော်ဟှာ သူးနို့ ယောင်ကြည်ဘဲဟှူကြောန့် ပျစ်ပြယ်ဟှားဟှို့လော။ 
\v 4 ဖယ်မျိုးလည်း ပျစ်ပြယ်နိုင်ဟှ! လူလေဟှာ ဖြောန့်မတ်ဟန်ဆောန်ဘီး လီလယ်ဂေ့ဟှူ လည်းဘဲ့ ဘုရားသခင်ရဲ့ ဖြောန့်မတ်ရှင်းဟှာ မြဲဒမ်းဘဲ့ တည်နေမယ် ဖြစ်ဟှယ်။ ကျမ်းစာလာဟှူဇာဟှ
\q1 “ကိုယ်တော် မိန့်တော်မူဟှူ စကားတော်ဟှာ မှန်ကန်လှပါဟှယ်။
\q2 တရားစီရင်တော်မူဟှူ ခီမာ အောင်မြင်ရမယ်” ဆိုဘီး ဖော်ပြဟှားဟှူတိုင်းဘဲ့ ဖြစ်ပါဟှယ်။
\p
\v 5 အယ်ဘေမဲ့ နို့လေရဲ့ တရားဘဲဟှူမှုဟှ ဘုရားသခင်ရဲ့ ဖြောန့်မတ်မှန်ကန်ရှင်းဟှို ပိုဘီးထန်ရှားစေဟှယ် ဆိုဟှာ ဖယ်မျိုးပြောရမယ်နူး။ ဘုရားသခင် ပြစ်ပေးဇာဟှို လူသားတယော့‑က်နေန တရားဟှ ဆိုဘီး ပြောဟှို့ရကြောန့်လော။ (အယ်မျိုး ငါပြောဇာဟှ လူလေ ပြောဆိုလေ့ရှိဟှူတိုင်း ငါပြောဇာဖြစ်ဟှယ်။) 
\v 6 အယ်မျိုးမှုဟှ။ အယ်မျိုးဆိုဟှာ ဘုရားသခင်ဟှာ အယ်လောကဟှို ဖယ်မျိုး တရားစီရင်နိုင်မယ်နူး။
\p
\v 7 အယ်ဘေမဲ့ ငါဟှာ သစ်စာပျစ်ဟှူဇာအားဖြင့် ဘုရားသခင်ရဲ့ သမ္မာတရားဟှာ ဖောင်းသရေတော် တိုးပွားထန်ရှားစေဟှယ် ဆိုဟှာ ဖြားဖြစ်ကြောန့် ငါ့ဟှို ပြစ်ကျူးလွန်သူနေန ပြစ်ဒန်စီရင်ရသေးနူး။ 
\v 8 “ကောန်းဟှူကျိုးလေ သတ်ရော့‑က်လာဟှို့တွပ် ကောန်းဘဲဟှူကျင့်လေဟှို ကျင့်ဂေ့ဇို့” ဆိုဘီး ပြောရဟှို့လော။ အယ်မျိုး ငါပြောဟှယ်ဆိုဘီး တချို့လူလေဟှာ ပြစ်တန်စွပ်စွဲဘီး ငါ့ဟှိုကဲ့ရဲ့ဂေ့ဟှယ်။ အယ်သူလေဟှာ ပြစ်ဒန်စီရင်ဇာဟှို ခံထိုက်ဟှူမျှလော့‑က် ခံရဂေ့လေ့မယ်။
\s ဖြောန့်မတ်ဟှူသူ ယော့‑က်လည်းမှေ့ဘဲဟှူကြောန်း
\p
\v 9 အယ်မျိုးဆိုဟှာ နို့ယုဒလူမျိုးလေဟှာ လူမျိုးခြားလေထတ် ပိုဘီး ကောန်းမြတ်ကြောန့်လော။ လောင်းဝမှုဟှ!\f + \fr ၃.၉ \fr*\fq လူမျိုးခြားလေထတ် ပိုဘီး ကောန်းမြတ်ကြောန့်လော။ လောင်းဝမှုဟှ! \fq*\ft အယ်မျိုးမှုဘဲနေဟှာ \ft*\fqa လူမျိုးခြားလေထတ် ပိုဘီး ဆိုးကြောန့်လော။ လောင်းဝမှုဟှ!\fqa*\f* ယုဒလူမျိုးဘဲ့ဖြစ်ဖြစ်၊ လူမျိုးခြားလေဘဲ့ဖြစ်ဖြစ် လူလေ အားလောင်းဟှာ ပြစ်ရဲ့တဂိုးအော့‑က်မာ ရှိဟှယ် ဆိုဇာဟှို ငါဖော်ပြပီးဘီ။ 
\v 10 ကျမ်းစာတော်ဟှ၊
\q1 “ဖြောန့်မတ်ဟှူသူ မှေ့ဟှ တယော့‑က်လည်းမှေ့ဟှ၊
\q2
\v 11 သိနားလည်သူ မှေ့ဟှ၊
\q2 ဘုရားသခင်ဟှို ရှာဟှူသူမှေ့ဟှ။
\q1
\v 12 လူလေ အားလောင်းဂူဟှာ လမ်းလွဲဟှားဂေ့ဘီ။
\q2 တပေါင်ဇံဒဲ သောင်းမရဘဲဟှူသူလေ ဖြစ်ဂေ့ဘီ။
\q2 ကောန်းဟှူကျင့်ဟှို ကျင့်ဟှူသူမှေ့ဟှ၊ တယော့‑က်လည်းမှေ့ဟှ။
\q1
\v 13 သူးနို့လေရဲ့ လည်ခေါန်းဟှာ ဖွမ့်ဟှားဟှူ သန်းခ္လိုင်းတွမ်း ဖြစ်ဟှယ်။
\q2 သူးနို့လေဟှာ လျှာန လှည့်စားတတ်ဂေ့လေဟှယ်။
\q2 သူနို့ဇပ်ပေါ့‑က်မာလည်း ဗွီဆိုးဆိလေ ရှိလေဟှယ်။
\q2
\v 14 သူးနို့လေဟှာ ကီဆဲဟှူစကားလေ၊ ခါးသီးဟှူ စကားလေန ပ္လဲ့ဝဂေ့လေဟှယ်။
\q1
\v 15 သူးနို့လေရဲ့ ခေလတ်ဟှာ လူ့သတ်ဟှို သတ်ဟှို့ ရရာတိုင်း ဗြန်ဆန်ဂေ့ဟှယ်။
\q2
\v 16 သူးနို့ သွားဟှူလမ်းနှိုက် ပျစ်စီးမှုလေန ဒေါက်ခဆင်းရဲလေရှိဟှယ်။
\q1
\v 17 ငြီသတ်ရှင်းလမ်းဟှို သူးနို့လေ သိဂေ့ဟှ။
\q2
\v 18 သူးနို့ရဲ့ မျစ်စိမာ ဘုရားသခင်ဟှို ကြော့‑က်ရွံ့မှုမှေ့ဟှ” ဆိုဘီး ကျမ်းစာလာဟှူ တိုင်းဘဲ့ ဖြစ်လေဟှယ်။
\p
\v 19 ပညတ်တရားအားဖြင့် တားမြစ်ဟှားဟှူ ကြောန်းရာလေဟှာ ပညတ်တရားအော့‑က်မာ ရှိနေဟှူ လူလေ အားလောင်းဂဓတွပ် ဖြစ်ဟှူဇာဟှို ခု နို့လေသိဂေ့ဘီ။ အယ်ကြောန့် လောကသား အားလောင်းဟှာ ဇပ်ပေါ့‑က်အားလောင်း ပိခံရဘီး ဘုရားသခင် ရှေ့တော်မာ တရားစီရင်ဇာဟှို ခံရဟှို့တွပ် ဖြစ်လေဟှယ်။ 
\v 20 \x - \xo ၃.၂၀ \xo*\xt ဂလာ ၂.၁၆\xt*\x*အယ်ကြောန့် ပညတ်တရားရဲ့ ကျင့်အားဖြင့် ဘုရားသခင်ရှေ့တော်မာ ဖယ်လူလည်း ဖြောန့်မတ်ရာဟှို ရော့‑က်နိုင်ဟှ။ ဖြားဖြစ်ကြောန့်နူးဆိုဟှာ ပညတ်တရားအားဖြင့် နို့လေမာ ပြစ်ရှိဟှူကြောန်းဟှို သိစေဟှို့တွပ်ဘဲ့ ဖြစ်လေဟှယ်။
\s ဘုရားသခင်ရှေ့တော်မာ ဖယ်မူမျိုးအားဖြင့်ဖြောန့်မတ်ဟှူကြောန်း
\p
\v 21 ခုမာ မောရှေရဲ့ ပညတ်ကျမ်းန ပရောဖက်ကျမ်းလေဟှ သတ်သေခံဟှူတိုင်း၊ ပညတ်တရားရဲ့ကျင့်န လောင်းဝစပ်ဆိုင်ဘဲဟှူ ဘုရားသခင်ရဲ့ ဖြောန့်မတ်ဟှူတရားဟှာ ထန်ရှားလေဘီ။ 
\v 22 \x - \xo ၃.၂၂ \xo*\xt ဂလာ ၂.၁၆\xt*\x* ယေရှုခရစ်တော်ဟှို ယောင်ကြည်ဟှူဇာအားဖြင့် ယောင်ကြည်ဟှူသူလေပေါ်မာ သတ်ရော့‑က်စေဟှူ ဘုရားသခင်ရဲ့ဖြောန့်မတ်ရှင်း ဖြစ်ဟှယ်။ လူလေဟှာ ခြားနားမှု လောင်းဝမှေ့ဟှ။ 
\v 23 ဖြားဖြစ်ကြောန့်နူးဆိုဟှာ လူလေ အားလောင်းဂူဟှာ ပြစ်ကျူးလွန်ဘီး ဘုရားသခင်ရဲ့ မျစ်မှော့‑က်တော်န ဝီးကွာဟှားဂေ့ဘီ။ 
\v 24 အယ်ဘေမဲ့ ယေရှုခရစ်တော်ရဲ့ ဝီးကော့‑က်ရှင်းအားဖြင့် ဖိုးခပေးဇာလိုဘဲဟှူ ဘုရားသခင်ရဲ့ကျေးဇူးတော်ကြောန့် ဖြောန့်မတ်ရာဟှို ရော့‑က်ရဂေ့ဟှယ်။ 
\v 25 ဘုရားသခင်ဟှာ သူ့ရဲ့ ဖြောန့်မတ်ရှင်းဟှို ထန်ရှားစေဟှို့တွပ် ခရစ်တော်ဟှို ခန့်ဟှားဘီး ယောင်ကြည်ရှင်းတွပ် ခရစ်တော်ရဲ့ သွီးတော်ဟှို\f + \fr ၃.၂၅ \fr*\fq ခရစ်တော်ရဲ့ သွီးတော်ဟှို၊ \fq*\ft အယ်မျိုးမှုဘဲနေဟှာ \ft*\fqa ခရစ်တော်ရဲ့ သေခံရှင်းအားဖြင့်။\fqa*\f* သနားခံဟှူပူဇော်သကာ ဖြစ်စေတော်မူဟှယ်။ တနည်းအားဖြင့် စိရှယ်သီးခံဘီးဟှာ လွန်လာဘီးဟှူ ပြစ်လေဟှို မှုထားဘဲန နေတော်မူဟှယ်။ 
\v 26 ခုကာလမာ သူ့ရဲ့ ဖြောန့်မတ်ရှင်းတရားဟှို ထန်ရှားစေဟှို့တွပ်န ဘုရားသခင်ကိုယ်တိုင် ဖြောန့်မတ်ရှင်းရဲ့ သခင် ဖြစ်ဟှူကြောန်း ယေရှုဟှို ယောင်ကြည်ဟှူသူဟှို ဖြောန့်မတ်ဟှူသူ ဖြစ်ဟှယ် ဆိုဘီး သိမှတ်ပြုဟှို့တွပ် ဖြစ်ဟှယ်။
\p
\v 27 အယ်မျိုးဆိုဟှာ ဝါကြွားရဟှို့ကြောန်းဟှ ဖယ်မာရှိသေးနူး။ နို့လေ ဝါကြွားဟှို့ကြောန်းမှေ့ဟှ။ ပယ်လိုက်ဘီ။ ဖယ်တရားန ပယ်နူး။ ပညတ်တရားအားဖြင့် ပယ်ဟှူဇာလော။ မှုဟှ။ ယောင်ကြည်ရှင်းတရားန ပယ်လိုက်ဟှူဇာ ဖြစ်ဟှယ်။ 
\v 28 အယ်ကြောန့် လူဟှာ ပညတ်တရားနဆိုင်ဟှူ ကျင့်အားဖြင့်မှုဘဲ ယောင်ကြည်ရှင်းအားဖြင့် ဖြောန့်မတ်ဟှယ်ဆိုဘီး သိမှတ်ပြုဟှူဇာဟှို နို့လေခံရဂေ့ဟှယ်။ 
\v 29 ဘုရားသခင်ဟှ ယုဒလူမျိုးလေရဲ့ ဘုရားဘဲ့ဖြစ်ဟှူဇာလော။ လူမျိုးခြားလေရဲ့ ဘုရားလည်းဖြစ်ဟှယ် မှုဟှလော။ အယ်ဘဲ့ လူမျိုးခြားလေရဲ့ ဘုရားလည်းဖြစ်လေဟှယ်။ 
\v 30 \x - \xo ၃.၃၀ \xo*\xt ဂလာ ၃.၂၀\xt*\x*ယောင်ကြည်ရှင်းအားဖြင့် ရေဖျားလှီးရှင်းခံဟှူသူဟှို ဖြောန့်မတ်ဟှယ် ဆိုဘီး သိမှတ်ပြုတော်မူဟှူ ဘုရားသခင်ဟှ ရေဖျားလှီးရှင်းခံရဘဲသူဟှိုလည်း ယောင်ကြည်ရှင်းအားဖြင့် ဖြောန့်မတ်ဟှယ်ဆိုဘီး သိမှတ်ပြုပေးဟှူ ဘုရားသခင်ဟှာ တပါးဒဲဘဲ့ ရှိတော်မူဟှယ်။ 
\v 31 အယ်မျိုးဆိုဟှာ နို့လေဟှာ ယောင်ကြည်ရှင်းအားဖြင့် ပညတ်တရားဟှို ပယ်ဂေ့ဟှူဇာလော။ လောင်းဝမပယ်ဟှ၊ ပိုဘီးတည်စေဂေ့ဟှယ်။
\c 4
\s အာဗြဟံရဲ့ ယောင်ကြည်မှုစံနမူနာကြောန်း
\p
\v 1 အယ်မျိုးဆိုဟှာ နို့လေရဲ့ဖ အာဗြဟံဟှာ ဇာတိအားဖြင့် ဖယ်မူကျိုးဟှိုရနူး။ 
\v 2 အာဗြဟံဟှာ ကျင့်အားဖြင့် ဖြောန့်မတ်ရာဟှို ရော့‑က်ဟှယ် ဆိုဟှာ ဝါကြွားဟှို့ကြောန်းရှိဟှယ်။ အယ်ဘေမဲ့ ဘုရားသခင်ရဲ့ရှေ့တော်မာ အယ်မူမျိုး မှုဟှ။ 
\v 3 \x - \xo ၄.၃ \xo*\xt ဂလာ ၃.၆\xt*\x*ကျမ်းစာမာ လာဟှူဇာဟှ “အာဗြဟံဟှာ ဘုရားသခင်ဟှို ယောင်ကြည်ဟှူကြောန့် အယ်မူယောင်ကြည်ရှင်းဟှို သူ့ရဲ့ ဖြောန့်မတ်ရှင်းဖြစ် လတ်ခံတော်မူလေဟှယ်” ဆိုဘီး ပြောဟှားလေဟှယ်။ 
\v 4 အလောက်လောက်ဟှူကြောန့် ရဟှူခဟှာ ကျေးဇူးပြုဟှူကြောန့် ရဟှူအခ မှုဘဲန ရသင့်ရထိုက်ဟှူကြောန့် ရဟှူဇာဖြစ်ဟှယ်။ 
\v 5 အယ်ဘေမဲ့ ကျင့်မှေ့ဘဲသူဟှာ မတရားဘဲဟှူသူရဲ့ပြစ်ဟှို ဖြေပေးဟှူ ဘုရားသခင်ဟှို ယောင်ကြည်ဟှယ် ဆိုဟှာ သူ့ရဲ့ယောင်ကြည်ရှင်းဟှို ဖြောန့်မတ်ရှင်း ဆိုဘီး သတ်မှတ်တော်မူဟှယ်။ 
\v 6 အယ်မူမျိုးဘဲ့ ဒါဝိဒ်ဟှလည်း ဘုရားသခင်ဟှာ ကျင့်ဟှို ထော့‑က်ဘဲန ဖြောန့်မတ်ဟှူသူဖြစ် သတ်မှတ်ရှင်းဟှို ခံရဟှူသူလေရဲ့ မင်္ဂလာဟှို ပြောဆိုဟှူ ခီမာ
\q1
\v 7 “ပြစ်ဟှလွတ်ဟှူခွမ့်န ဒုစရိုက်ပြစ်လေဟှို
\q2 ဖောင်းအောက်ခံရဟှူသူလေဟှာ မင်္ဂလာရှိလေဟှယ်!
\q1
\v 8 ဘုရားသခင် ပြစ်တန်ဇာဟှနေဘီး လွတ်ဟှူသူလေဟှာ မင်္ဂလာရှိလေဟှယ်!” ဆိုဘီး ပြောဆိုလေဟှယ်။
\p
\v 9 ဒါဝိဒ်ပြောဟှူမင်္ဂလာဟှို ရေဖျားလှီးရှင်းဟှို ခံဟှူသူလေဘဲ့ ရဂေ့ဇာလော။ ရေဖျားလှီးရှင်းဟှို ခံရဘဲသူလေလည်း ရဂေ့လေဟှယ်။ ဖြားဖြစ်ကြောန့်နူးဆိုဟှာ “အာဗြဟံရဲ့ ယောင်ကြည်ရှင်းဟှို ဖြောန့်မတ်ရှင်းဖြစ် လတ်ခံတော်မူလေဟှယ်။” 
\v 10 ဖယ်ခီမာ သတ်မှတ်ခံရနူး။ ရေဖျားလှီးရှင်းဟှို ခံဘီးမှလော။ အယ်မျိုးမှုဘဲနေဟှာ ရေဖျားလှီးရှင်းဟှို ခံခန်လော။ ခံဘီးမှ သတ်မှတ်ဟှူဇာ မှုဟှ။ ခံယူခန်မာ သတ်မှတ်ခံရရှင်း ဖြစ်ဟှယ်။ 
\v 11 အယ်မျိုး လတ်ခံတော်မူဘီးမှ အာဗြဟံဟှာ ရေဖျားလှီးရှင်းဟှို ခံရလေဟှယ်။ အယ်မူ ရေဖျားလှီးရှင်းဟှ ဘုရားသခင်ဟှာ အာဗြဟံရဲ့ ယောင်ကြည်ရှင်းဟှို ထော့‑က်ဘီးဟှာ ရေဖျားလှီးရှင်းဟှို ခံယူခန်ဟှ ဖြောန့်မတ်ဟှူသူဖြစ် လတ်ခံပေးတော်မူဟှူ ကြောန်းဟှို သတ်သေပြပေးဟှူ မှတ်လတ်ခဏာဘဲ့ ဖြစ်လေဟှယ်။ အယ်ကြောန့် အာဗြဟံဟှာ ရေဖျားလှီးရှင်းဟှို ခံဘဲဟှူလည်းဘဲ့ ယောင်ကြည်ရှင်းအားဖြင့် ဖြောန့်မတ်ဟှူ သူဖြစ်န ဘုရားသခင် လတ်ခံပေးတော်မူဟှူ သူလေအားလောင်းရဲ့ ဖဖြစ်လာလေဟှယ်။ 
\v 12 တနည်းအားဖြင့် အာဗြဟံဟှာ ရေဖျားလှီးရှင်းဟှို ခံဟှူသူလေရဲ့ဖ ဖြစ်စေဟှို့တွပ်န ရေဖျားလှီးရှင်းဟှို ခံဟှူသူလေနမကဘဲ ရေဖျားလှီးခန်ကဒဲဟှ နို့လေရဲ့ဖ အာဗြဟံနှိုက်ရှိဟှူ ယောင်ကြည်ရှင်းခေရာဟှို လိုက်လျှော့‑က်ဟှူ သူလေရဲ့ ဖလည်း ဖြစ်စေဟှို့တွပ် ဖြစ်ဟှယ်။
\s ယောင်ကြည်ရှင်းအားဖြင့် ကဒိတော်ဟှို ခံစားရဟှူကြောန်း
\p
\v 13 \x - \xo ၄.၁၃ \xo*\xt ဂလာ ၃.၂၉\xt*\x*ဘုရားသခင်ဟှာ အာဗြဟံန သူ့ရဲ့ သားမ္လေးလေဟှို အယ်လောကဟှို မွီခံစေမယ် ဆိုဘီး ဂဒိပေးဟှူ ခီမာ အာဗြဟံဟှ ပညတ်တရားဟှို နာခံရှင်းကြောန့်မှုဘဲန ဘုရားသခင်ဟှို ယောင်ကြည်ဘီး ရဟှူ ဖြောန့်မတ်ရှင်းကြောန့် ဖြစ်ဟှယ်။ 
\v 14 \x - \xo ၄.၁၄ \xo*\xt ဂလာ ၃.၁၈\xt*\x*တကယ်ဟှူကြောန့် ပညတ်တရားဟှို ကျင့်ဂေ့ဟှူသူလေဘဲ့ ဂဒိတော်ဟှို ခံစားရမယ် ဆိုဟှာ ဘုရားသခင်ဟှို ယောင်ကြည်ဟှူဇာဟှာ ဓိပါယ်မှေ့ဘဲန ဂဒိတော်ဟှလည်း ချည်းနှီးသတ်သတ်ဘဲ့ ဖြစ်ဟှားလေ့မယ်။ 
\v 15 ပညတ်တရားဟှာ မျစ်ဒေါသဟှို ဖြစ်စေဟှယ်။ အယ်ဘေမဲ့ ပညတ်တရားမှေ့ဘဲနေဟှာ ပြစ်ရဲ့ သဘောသဘာဝဟှိုလည်း သိဟှို့မှုဟှ လွန်ကျူးဟှူလည်းဘဲ့ ရေးယူဟှို့မရဟှ။
\p
\v 16 \x - \xo ၄.၁၆ \xo*\xt ဂလာ ၃.၇\xt*\x*အယ်မျိုးဖြစ်ကြောန့် ဂဒိတော်ဟှာ ယောင်ကြည်ရှင်းနဘဲ့ ဆိုင်လေဟှယ်။ အယ်မူ ဂဒိတော်ဟှို ကျေးဇူးတော်အားဖြင့်ဘဲ့ ဖြစ်စေဘီး ပညတ်တရားဟှို နာခံကျင့်သောင်းဟှူ သူလေတွပ်ဘဲ့ကဘဲန အာဗြဟံရဲ့ ယောင်ကြည်ရှင်းန ဆိုင်ဟှူ မျိုးနွယ်လေန သားစဉ်မ္လေးဆစ်လေ အားလောင်းလေတွပ် ဆုလတ်ဆောန်ဖြစ် တည်မြဲစေဘီး အာမခံဟှားလေဟှယ်။ ဖြားဖြစ်ကြောန့်နူးဆိုဟှာ အာဗြဟံဟှာ နို့လေအားလောင်းရဲ့ ယောင်ကြည်ရှင်းဖခင် ဖြစ်ဟှူကြောန်ဖြစ်ဟှယ်။ 
\v 17 “ငါဟှာ နန့်ဟှို လူမျိုးအားလောင်းလေရဲ့ ဖ ဖြစ်စေဘီ” ဆိုဘီး ကျမ်းစာမာ ဖော်ပြဟှားတိုင်း အာဗြဟံဟှာ သူယောင်ကြည်ဟှူ ဘုရားဖြစ်ဟှူ၊ သေနေလူလေဟှို သတ်ပ္လန်ရှင်စေဟှူ ဘုရား ဖြစ်လာသေးဘဲဟှူ ရာလေဟှို ဖြစ်လာအောန် မိန့်ပေးနိုင်ဟှူ ဘုရားသခင် ရှေ့တော်နှိုက် နို့အားလောင်းရဲ့ ဖ ဖြစ်တော်မူဟှယ်။ 
\v 18 အာဗြဟံဟှာ မျှော်လင့်ဇာ ကြောန်းရာလေ မှေ့ဘဲဟှူ ခြေနေမာ ဘုရားသခင်ဟှို မျှော်လင့် ယောင်ကြည်ဟှူကြောန့် “နန့်ရဲ့ မျိုးနွယ်ဟှာ ကြယ်လေမျိုးဘဲ့ ရေတွပ်နိုင်ဘဲနေအောန် များပြားလေ့မယ်” ဆိုဘီး မိန့်မှာခံရဟှူတိုင်း ရရာတိုင်း များဟှူ လူမျိုးလေရဲ့ ဖ ဖြစ်လာလေဟှယ်။ 
\v 19 အာဗြံဟံဟှ သူ့သတ်ဟှာ ၁၀၀ လော့‑က်ရှိဟှူကြောန့် သူ့ကိုယ်ခန္ဓာဟှာ သေဖြစ်နေကြောန်းဟှို သိဘီး သူ့မယား စာရာဟှာလည်း သားရနိုင်ဘဲဟှူ ဇာဟှို သိဟှူလည်းဘဲ့ ဘုရားသခင်ဟှို စိခ္လယောင်ကြည်လေဟှယ်။ 
\v 20 ဘုရားသခင်ရဲ့ ဂဒိတော်ဟှို သံသယမှေ့ဘဲန ယောင်ကြည်မှု အားကီးဘီးဟှာ ဘုရားသခင်ရဲ့ ဂေါင်တော်ဟှို ချီးမွမ်းဘီး 
\v 21 ဂဒိပေးဟှူ ဘုရားသခင်ဟှာ ဂဒိတော်တိုင်း တတ်စွမ်းနိုင်ဟှယ် ဆိုဇာဟှို အကြွင်းမဲ့ သူယောင်ကြည်လေဟှယ်။ 
\v 22 အယ်ကြောန့် အယ်ယောင်ကြည်ရှင်းဟှို သူ့ရဲ့ ဖြောန့်မတ်ရှင်းဖြစ် လတ်ခံတော်မူဟှယ်။ 
\v 23 အယ်ဘေမဲ့ “သူ့ဟှို ဖြောန့်မတ်ဟှူသူဖြစ် လတ်ခံတော်မူဟှယ်” ဆိုဘီး မိန့်တော်မူဟှူ ကျမ်းစကားတော်ဟှာ သူ့တွပ်လော့‑က်ဘဲ့ မှုဟှ။ 
\v 24 နို့လေတွပ်လည်း ရေးဟှားလေဟှယ်။ ဖြားဖြစ်ကြောန့်နူးဆိုဟှာ သခင်ယေရှုဟှို ရှင်ပ္လန်ထမြော့‑က်စေဟှူ ဘုရားသခင်ဟှို နို့လေ ယောင်ကြည်ဟှူကြောန့် နို့လေရဲ့ ယောင်ကြည်ရှင်းဟှို ဖြောန့်မတ်ဟှယ် ဆိုဘီး လတ်ခံတော်မူဟှူကြောန့် ဖြစ်လေဟှယ်။ 
\v 25 အယ်သခင်ဟှာ နို့လေ ကျူးလွန်ဟှူ ပြစ်လေကြောန့် အပ်နှံဇာဟှို ခံရဘီး နို့လေ ဖြောန့်မတ်ဟှို့တွပ် ထမြော့‑က်တော်မူလေဟှယ်။
\c 5
\s ယောင်ကြည်ရှင်းအားဖြင့် ဘုရားသခင်နှိုက်ငြီသတ်ရှင်း
\p
\v 1 အယ်ကြောန့် ယောင်ကြည်ရှင်းအားဖြင့် ဖြောန့်မတ်ဟှယ် ဆိုဘီး သိမှတ်ပြုခံရဟှူ နို့လေဟှာ သခင်ယေရှုခရစ်တော်အားဖြင့် ဘုရားသခင်ရဲ့ ငြီသတ်ရှင်းဟှို ရရှိဂေ့ဟှယ်။\f + \fr ၅.၁ \fr*\fq ရရှိဂေ့ဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa နို့လေမာရှိပါစေ၊ \fqa*\ft ဆိုဘီး ပါရှိဟှယ်။\ft*\f* 
\v 2 အယ်သခင်ဟှို နို့လေယောင်ကြည်ဂေ့ကြောန့် အယ်မျိုး ကျေးဇူးတော်ဟှို ခံစားရဟှူဇာ ဖြစ်ဟှယ်။ အယ်ကြောန့် ဘုရားသခင်ရဲ့ ဖောင်းသရေတော်ဟှို မျှော်လင့်ဘီးဟှာ နို့လေ ဝါကြွားဘီး ဝမ်းမြော့‑က်ဂေ့ဟှယ်!\f + \fr ၅.၂ \fr*\fq နို့လေ ဝါကြွားဘီး ဝမ်းမြော့‑က်ဂေ့ဟှယ်၊ \fq*\ft အယ်မျိုးမှုဘဲနေဟှာ \ft*\fqa နို့လေ ဝါကြွားဂေ့ဇို့။\fqa*\f* 
\v 3 အယ်လော့‑က်နကဟှ ဆင်းရဲဒေါက်ခလေနှိုက်လည်း ဝါကြွားဝန်းမြော့‑က်မှုရှိဂေ့ဟှယ်။ ဖြားဖြစ်ကြောန့်နူးဆိုဟှာ ဆင်းရဲဒေါက်ခလေဟှာ သီးခံရှင်းဟှို ဖြစ်စေကြောန့် ဖြစ်ဟှယ်။ 
\v 4 သီးခံမှုဟှာ ခံနိုင်ရည် ခွန်အားဟှိုရဘီး ဘုရားသခင်ရဲ့ မျစ်နှာသာဟှို ပိုဘီး ခံစားရလေဟှယ်။ ဘုရားသခင်ရဲ့ မျစ်နှာသာဟှလည်းဘဲ့ မျှော်လင့်ရှင်းဟှို တိုးပွားစေဟှယ်။ 
\v 5 အယ်မျှော်လင့်ရှင်းဟှလည်း ယှစ်ကြော့‑က်စိပျစ်မှုလေန လွတ်ကင်းစေဟှယ်။ ဖြားဖြစ်ကြောန့်နူးဆိုဟှာ နို့လေဟှိုပေးသနားတော်မူဟှူ သန့်ရှင်းဟှူဝိညာဉ်တော်ဟှာ ဘုရားသခင်ရဲ့ မြစ်တာတော်ဟှို နို့လေရဲ့နှလုံးသားထဲဟှို သွန်းလောင်းပေးတော်မူဟှူကြောန့် ဖြစ်လေဟှယ်။
\p
\v 6 နို့လေဟှာ ကျိုးနဲဖြစ်နေခီမာ ခီတန်မှ ခရစ်တော်ဟှာ မတရားဘဲဟှူ သူလေတွပ်ကြောန့် သေခံတော်မူဟှယ်။ 
\v 7 ဖြောန့်မတ်ဟှူ သူလေတွပ်ကြောန့် သေခံပေးဟှို့သူ ရှိဟှို့ခဲယဉ်းဟှယ်။ သူတော်ကောန်းတွပ်ကြောန့် သေခံရဲဟှူသူလေ ရှိရှင်ဟှာရှိလေ့မယ် မှန်စေဝေါ့။ 
\v 8 အယ်ဘေမဲ့ နို့လေပြစ်ရှိနေဟှူ ခီမာဘဲ့ ခရစ်တော်ဟှာ နို့လေတွပ် သေခံတော်မူဟှူဇာအားဖြင့်၊ ဘုရားသခင်ဟှာ နို့လေဟှို ဖယ်မျှလော့‑က် ရှစ်နူးဆိုဇာဟှို ထန်းထန်ရှားရှား ဖော်ပြတော်မူလေဟှယ်! 
\v 9 အယ်ကြောန့် ခုခီမာ ခရစ်တော်ရဲ့ သွီးတော်အားဖြင့်\f + \fr ၅.၉ \fr*\fq ခရစ်တော်ရဲ့ သွီးတော်အားဖြင့်၊ \fq*\ft အယ်မျိုးမှုဘဲနေဟှာ \ft*\fqa ခရစ်တော်ရဲ့ သေခံတော်မူရှင်းအားဖြင့်။\fqa*\f* ဖြောန့်မတ်ဟှယ် ဆိုဘီး သိမှတ်ပြုခံရဟှူ နို့လေဟှာ ကိုယ်တော်အားဖြင့် ဘုရားသခင်ရဲ့ မျစ်တော်ဟှနေ ပိုဘီးကယ်တန်ခံရလေ့မယ်! 
\v 10 ဖြားဖြစ်ကြောန့်နူးဆိုဟှာ နို့လေဟှာ ဘုရားသခင်ရဲ့ ရန်သူလေ ဖြစ်ဂေ့ဟှူလည်းဘဲ့ ကိုယ်တော်ဟှာ သားတော်ဟှို သေခံစေရှင်းအားဖြင့် နို့လေဟှို သူ့ရဲ့မိဆွေလေ ဖြစ်စေတော်မူဟှယ်။ ခု နို့လေဟှာ ဘုရားသခင်ရဲ့ မိဆွေလေဖြစ်ဂေ့ဟှူကြောန့် ခရစ်တော်ရဲ့ သတ်တော်အားဖြင့် ကယ်တန်ရှင်းကျေးဇူးဟှို ပိုဘီးဟှာ ခံရဂေ့လေ့မယ်! 
\v 11 အယ်လော့‑က်နမကဘဲ မိတ်သဟာယဖွဲ့ရှင်းခွမ့်န ကျေးဇူးတော်ဟှို ခုခံစားစေဟှူ၊ နို့လေသခင် ယေရှု ခရစ်တော်အားဖြင့် ဘုရားသခင်နှိုက် ဝါကြွားဝန်းမြော့‑က်ရှင်း ရှိဂေ့လေဟှယ်။
\s အာဒံန ခရစ်တော်ဟှို နှိုင်းယှဉ်ဟှူကြောန်း
\p
\v 12 အယ်မူကြောန်းရာဟှ ပြစ်တရားဟှာ လူတယော့‑က်အားဖြင့် အယ်လောကထဲဟှို ဝမ်ရော့‑က်လာဘီး၊ အယ်ပြစ်တရားအားဖြင့် သေရှင်းတရား ဝမ်ရော့‑က်လာဘီး လူလေ အားလောင်းဂူဟှာ ပြစ်ရှိဟှူကြောန့် သေဂေ့ရလေဟှယ်။ 
\v 13 ပညတ်တရားဟှို ပေးခန်ကဒဲဟှ အယ်လောကမာ ပြစ်ရှိဟှူဇာ ဖြစ်ဟှယ်။ ဖယ်ပညတ်တရားမှ မှေ့ဘဲနေဟှာ ပြစ်ရှိဟှယ် ဆိုဘီး မှတ်ယူဟှို့ကြောန်းမှေ့ဟှ။ 
\v 14 အယ်ဘေမဲ့ သေရှင်းတရားဟှာ အာဒံ လတ်ထတ်ဟှနေစဘီး မောရှေ လတ်ထတ်ထိ လူလေ အားလောင်းဂူဟှို စိုးရလေဟှယ်။ အာဒံ ပြစ်မှားဟှူမျိုး ပြစ်မှားဘဲဟှူ သူလေဟှိုလည်း စိုးရလေဟှယ်။
\p အယ်မူအာဒံဟှာ နော့‑က်ကြွလာမယ့်သူရဲ့ ပေါင်ပမာ ဖြစ်လေဟှယ်။ 
\v 15 အယ်ဘေမဲ့ ပြစ်မှားဟှူ သဘောန ကျေးဇူးတော် သဘောတူဟှ။ ဖြားဖြစ်ကြောန့်နူးဆိုဟှာ တယော့‑က်သောသူ အာဒံ ပြစ်ကျူးလွန်ဟှူကြောန့် လူလေ အားလောင်းဂူ သေရဟှယ် ဆိုဟှာ တယော့‑က်သောသူ ယေရှု ခရစ်တော်အားဖြင့် ဘုရားသခင်ရဲ့ ကျေးဇူးတော်ကြောန့် ကျေးဇူးတော်ရဲ့ ကျိုးဟှို လူလေ အားလောင်းဂူနှိုက် ပိုဘီး ကြွယ်ဝပ္လဲ့ဇောင်လေဟှယ်။ 
\v 16 နော့‑က်ဘီး လူတယော့‑က် ပြစ်မှားဟှူဇာန ကျေးဇူးတော်ဟှာ တူဟှ။ ဖြားဖြစ်ကြောန့်နူးဆိုဟှာ တရားစီရင်ခီမာ ပြစ်ကြောန့် “ဒန်ခံစေ” ဆိုဘီး စီရင်ဟှယ် ဆိုဟှာ ကျေးဇူးတော်ဟှ ပြစ်ဘောင်ဂီးရှိနေဘေမဲ့ “လွတ်စေ!” ဆိုဘီး စီရင်ခ္လမှတ်လေဟှယ်။ 
\v 17 နော့‑က်ဘီးဟှာ လူတယော့‑က် ပြစ်မှားကြောန့် သေရှင်းတရားဟှာ အယ်သူအားဖြင့် စပြုဘီး ဝမ်ရော့‑က်လာဟှယ် ဆိုဟှာ တယော့‑က်သောသူဖြစ်ဟှူ ယေရှုခရစ်တော်ရဲ့ လောက်ဆောန်ရှင်းအားဖြင့် ဘုရားသခင်ရဲ့ ကြွယ်ဝဟှူ ကျေးဇူးတော်န ဖြောန့်မတ်ရှင်း ကောန်းကြီးဟှို ခံစားခွမ့်ရဟှူ သူလေဟှာ ယေရှုခရစ်အားဖြင့် သတ်ရှင်ဘီး စိုးစံလေ့မယ်!
\p
\v 18 အယ်ကြောန့် လူတယော့‑က်ဟှ ပြစ်ကျူးလွန်ဟှူ ဇာအားဖြင့် လူလေ အားလောင်းဂူဟှာ ပြစ်စီရင်ဇာဟှို ခံရဂေ့ဟှူမျိုး လူတယော့‑က်ရဲ့ ဖြောန့်မတ်ရှင်းအားဖြင့် လူလေ အားလောင်းဂူဟှာလည်း ပြစ်စီရင်ဟှူဇာဟှ လွတ်ဘီးဟှာ ထာဝရသတ်န ဆိုင်ဟှူ ဖြောန့်မတ်ရှင်းဟှို ရလေဟှယ်။ 
\v 19 ဖြားဖြစ်ကြောန့်နူးဆိုဟှာ လူတယော့‑က် နားထောန်ဘဲကြောန့် လူလေ အားလောင်းဂူ ပြစ်ထဲဟှို က္လရော့‑က်ဟှူမျိုး လူတယော့‑က် နားထောန်ရှင်းအားဖြင့် လူလေ အားလောင်းဟှာ ဘုရားသခင်ရဲ့ ရှေ့တော်မာ ဖြောန့်မတ်ရှင်းဟှို ရဂေ့လေဟှယ်။
\p
\v 20 နော့‑က်ဘီး ပညတ်တရားဟှာ ကျူးလွန်ဟှူ ပြစ်လေဟှို ထန်ရှားစေဟှို့တွပ် ဝမ်ရော့‑က်လာဟှူကြောန့် ဒုစရိုက်ပြစ်လေဟှာ ပွားများလာဟှယ်။ အယ်ဘေမဲ့ ပြစ်ပွားများလေလေ ကျေးဇူးတော်ဟှာ ပိုဘီး ကြွယ်ဝလေလေ ဖြစ်ဟှယ်။ 
\v 21 အယ်မျိုးဖြစ်ကြောန့် ပြစ်တရားဟှာ သေရှင်းတရားအားဖြင့် စိုးရဟှူမျိုး ကျေးဇူးတော်ဟှာ ဖြောန့်မတ်ရှင်း အားဖြင့်စိုးရဘီး နို့လေရဲ့သခင် ယေရှု ခရစ်တော်အားဖြင့် ထာဝရသတ်ဟှို ရရှိစေဟှယ်။
\c 6
\s ခရစ်တော်န တလောင်းတဝဒဲဖြစ်ဘီး သတ်ရှင်ဟှူကြောန်း
\p
\v 1 အယ်မျိုးဆိုဟှာ ဖယ်မျိုးပြောရမယ်နူး။ ကျေးဇူးတော် များပြားလာဟှို့တွပ် ပြစ်ထဲမာဘဲ့ ကျင်လည်နေရဟှို့လော။ 
\v 2 အယ်မူမျိုး နေဟှို့မရဟှ! ပြစ်တရားထဲမာ သေဘီးဟှူ နို့လေဟှာ ပြစ်တရားထဲမာ ဖယ်မျိုး သတ်ရှင်ရအူးမယ်နူး။ 
\v 3 ခရစ်တော်ယေရှုန တလောင်းတဝဒဲ ဖြစ်ဟှို့တွပ် ဗတ္တိဇံခံဟှူ နို့လေဟှာ တခီဒဲမာဘဲ့ ကိုယ်တော်နတူးဒူ သေခံဟှို့တွပ် ဗတ္တိဇံဟှို ခံဂေ့ဟှယ်။ 
\v 4 \x - \xo ၆.၄ \xo*\xt ကော ၂.၁၂\xt*\x*အယ်မူမျိုး နို့လေရဲ့ ဗတ္တိဇံခံရှင်းဟှာ သေခံဟှူဇာအားဖြင့် ခရစ်တော်နတူးဒူ သင်္ဂြိုဟ်ရှင်းဟှို ခံလေဟှယ်။ ဖြားဖြစ်ကြောန့်နူးဆိုဟှာ ခရစ်တော်ဟှာ ခမည်းတော်ရဲ့ ဖောင်းတဂိုးတော်အားဖြင့် သေရှင်းဟှနေ ရှင်ပ္လန်ထမြော့‑က်လာဟှူတိုင်းဘဲ့ နို့လေလည်း သတ်တာသစ်န ကျင်လည်ရဂေ့ဟှို့တွပ်ဖြစ်ပါဟှယ်။
\p
\v 5 တနည်းအားဖြင့် အသေခံတော်မူရှင်းရဲ့ ပေါင်သဏ္ဌာန်ဟှို ဆောန်ဘီးဟှာ ကိုယ်တော်နတူးဒူ နို့လေစိုက်ပျိုးမ္လောက်နှံဟှယ် ဆိုဟှာ ထမြော့‑က်ဟှူ ပေါင်သဏ္ဌာန်ဟှိုလည်း ဆောန်ဟှူဇာအားဖြင့် စိုက်ပျိုးမ္လောက်နှံဟှူဇာ ဖြစ်ပါဟှယ်။ 
\v 6 နို့လေရဲ့ လူဟောန်းဟှာ ခရစ်တော်နတူးဒူ လတ်ဝါးကပ်တိုင်မာ သေခံရပီးဘီ ဆိုဟှူဇာဟှို နို့လေသိဂေ့ဟှယ်။ ဖြားဖြစ်ကြောန့်နူးဆိုဟှာ နို့လေဟှာ နော့‑က်မှ ပြစ်တရားဟှို စေခံဘဲနေဟှို့တွပ် ပြစ်တရားရဲ့ကိုယ်ဟှို ဖျစ်ဆီးပစ်ဟှို့တွပ် ဖြစ်ဟှယ်။ 
\v 7 ခရစ်တော်နတူးဒူ သေဟှူသူဟှာ ပြစ်တရားရဲ့ လတ်ဟှနေဘီး လွှတ်မြော့‑က်ဟှားဘီ ဖြစ်ဟှယ်။ 
\v 8 နို့လေဟှာ ခရစ်တော်နတူးဒူ သေပီးဘီဖြစ်ဟှူကြောန့် ကိုယ်တော်နတူးဒူ သတ်ရှင်ရမယ်ဆိုဘီး ယောင်ကြည်ဂေ့လေဟှယ်။ 
\v 9 သေရှင်းဟှနေ ရှင်ပ္လန်ထမြော့‑က်ဟှူ ခရစ်တော်ဟှာ နော့‑က်ထပ် လောင်းဝမသေဘီဆိုဇာဟှို နို့လေသိဂေ့လေဟှယ်။ သေရှင်းတရားဟှ ကိုယ်တော့်ဟှို နော့‑က်ထပ် အောက်စိုးဟှို့ မရဟန်း။ 
\v 10 ဖြားဖြစ်ကြောန့်နူးဆိုဟှာ ခရစ်တော် သေခံဟှူဇာဟှ ပြစ်တရားတွပ်ကြောန့် တခါဒဲနအပီး သေခံတော်မူဟှယ်။ ခုသတ်ရှင်ရှင်းဟှာ ဘုရားသခင်နှိုက် သတ်ရှင်တော်မူဟှယ်။ 
\v 11 အယ်မူမျိုးဘဲ့ နန်းနို့လေဟှာ ပြစ်တရားနဆိုင်ဟှယ် ဆိုဟှာ သေဟှားဘီ၊ ဘုရားသခင်န စပ်ဆိုင်ဟှယ် ဆိုဟှာ ခရစ်တော်ယေရှုအားဖြင့် သတ်ရှင်ဟှယ်ဆိုဘီး ကိုယ့်ကိုယ်ကို ထန်မှတ်ဂေ့ပါ။
\p
\v 12 အယ်ကြောန့် နန်းနို့လေဟှာ ကိုယ့်ရဲ့ ကိုယ်ခန္ဓာတပ်မတ်မှုနော့‑က်ဟှို လိုက်မိဘဲနေအောန် ပြစ်တရားဟှာ နန်းနို့လေရဲ့ သေတတ်ဟှူ ကိုယ်ခန္ဓာဟှို အောက်စိုးစေန။ 
\v 13 နန်းနို့လေရဲ့ ကိုယ်အင်္ဂါလေဟှိုလည်း ဒုစရိုက်လတ်နတ်လေဖြစ် ပြစ်တရားဟှို မဆစ်သဂေ့န။ အယ်မူမျိုးလောက်မယ့်စား သေနေဟှူလူလေထဲဟှ သတ်ရှင်နေသူမျိုး ကိုယ့်ရဲ့ကိုယ်ဟှို ဘုရားသခင်ဟှိုဆစ်သဘီး နန်းနို့လေရဲ့ ကိုယ်အင်္ဂါလေဟှို ဖြောန့်မတ်ရှင်းရဲ့ လတ်နတ်ဖြစ်န ဘုရားသခင်ဟှို ဆစ်သဂေ့ပါ။ 
\v 14 ဖြားဖြစ်ကြောန့်နူးဆိုဟှာ နန်းနို့လေဟှာ ပညတ်တရားရဲ့ လတ်အော့‑က်မာမှေ့ဟှ။ ဘုရားသခင်ရဲ့ ကျေးဇူးတရားလတ်အော့‑က်မာ ရှိဟှူကြောန့် ပြစ်တရားဟှ နန်းနို့လေဟှို အောက်စိုးဟှို့ ရဟှ။
\s ဖြောန့်မတ်ဟှူ တရားရဲ့ ကျွန်လေကြောန်း
\p
\v 15 အယ်မျိုးဆိုဟှာ ဖယ်မျိုးနူး။ နို့လေဟှာ ပညတ်တရားလတ်မာ မှေ့ဘဲန ဘုရားသခင်ရဲ့ ကျေးဇူးတရားလတ်မာ ရှိဟှူကြောန့် ပြစ်ပြုရဟှို့လော။ လောင်းဝပြုဟှို့ရဟှ! 
\v 16 နန်းနို့လေဟှာ ယော့‑က်ယော့‑က်နားမာ ကျွန်ဖြစ်န စေခံဟှယ် ဆိုဟှာ အယ်သူဟှာ သေရှင်းန ယှဉ်ဟှူ ပြစ်တရားဘဲ့ဖြစ်ဖြစ်၊ ဖြောန့်မတ်ရာဟှို ရော့‑က်ဟှူဇာန ယှဉ်ဟှူ နားထောန်ရှင်း တရားဘဲ့ဖြစ်ဖြစ် နန်းနို့ရဲ့ သခင်ဖြစ်ဟှယ် ဆိုဇာဟှို သိဂေ့ဟှလော။ 
\v 17 နန်းနို့လေဟှာ စဟှ ပြစ်တရားရဲ့ ကျွန်လေ ဖြစ်ဖူးဟှူလည်းဘဲ့ ခုခံယူဘီးဟှူ ဩဝါဒ နည်းဥပဒေသ စကားလေဟှို စိနှလောင်းကြွင်းမဲ့န နားထောန်ဂေ့ဟှူကြောန့် ဘုရားသခင်ရဲ့ ကျေးဇူးတော်ဟှို ချီးမွမ်းပါဟှယ်။ 
\v 18 နန်းနို့လေဟှာ ပြစ်တရားလတ်ဟှ လွတ်ဘီး ဖြောန့်မတ်ဟှူ တရားရဲ့ ကျွန်ဖြစ်ဂေ့ဟှယ်။ 
\v 19 (နန်းနို့လေဟှာ ဇာတိတွေးခေါ် အားနဲဟှူကြောန့် လောကီဝေါဟာရတိုင်း ငါပြောဟှူဇာဖြစ်ဟှယ်။) တခီဟှ နန်းနို့လေဟှာ ကိုယ့်ရဲ့ ဘဝသတ်တာဟှို ဒုစရိုက်သားကောန်ရဲ့ ကျွန်ဖြစ်န အပ်နှံဘီး ညစ်ညူးမှုလေဟှို ပြုဂေ့မျိုး ခုလည်း အယ်မျိုးဘဲ့ ကိုယ့်ရဲ့ ဘဝသတ်တာဟှို စောင်လင်သန့်ရှင်းဘီး ကောန်းဟှူ ကျင့်လေဟှို ကျင့်ဟှို့တွပ် ဖြောန့်မတ်ဟှူ တရားလတ်ထဲဟှို ကျွန်ဖြင့်န ကြွင်းမဲ့အပ်နှံဂေ့ပါ။
\p
\v 20 နန်းနို့လေဟှာ ပြစ်တရားရဲ့ လတ်မာ ကျွန်ဖြစ်န ရှိနေဟှူ ခီမာ ဖြောန့်မတ်ရှင်းတရားရဲ့ လတ်ဟှနေ လွတ်ဂေ့လေဟှယ်။ 
\v 21 ခု နန်းနို့ယှစ်ကြော့‑က်နေဟှူ အယ်မူကျင့်လေဟှို ကျင့်နေဟှူ ခီဒူးဟှ ဖယ်မူကျိုးဟှို ရဂေ့ကြောန့်နူး။ အယ်မူမျိုးကျင့်ရဲ့ ဆောင်းဟှာ သေရှင်းဘဲ့ဖြစ်ပါဟှယ်! 
\v 22 ခုဆို နန်းနို့လေဟှာ ပြစ်တရားရဲ့ လတ်ဟှနေ လွတ်မြော့‑က်ဘီးဟှာ ဘုရားသခင်ရဲ့ ကျွန်လေဖြစ်ဟှယ်။ အယ်မူကျိုးကြောန့် သန့်ရှင်းရှင်းဟှို ရဘီးဟှာ ဆောင်းမာ ထာဝရသတ်ဟှို ရဂေ့လေ့မယ်။ 
\v 23 ပြစ်တရားရဲ့ ခဟှာ သေရှင်းဘဲ့ဖြစ်ဟှယ်။ အယ်ဘေမဲ့ ဘုရားသခင် ခမဲ့ပေးတော်မူဟှူ ဆုကျေးဇူးတော်ဟှာ နို့လေရဲ့ သခင် ယေရှု ခရစ်တော်အားဖြင့် ထာဝရသတ် ဖြစ်လေဟှယ်။
\c 7
\s မင်္ဂလာဆောန်ဟှူဇာရဲ့ သာဓကကြောန်း
\p
\v 1 ပညတ်တရားဟှိုသိဟှူ ညီကို မောန်နှမလေ နန်းနို့ဟှို ငါပြောရှင်ဇာဟှ ပညတ်တရားဟှာ လူတယော့‑က်ဟှို သူသတ်ရှင်နေဟှူကာလပတ်လောင်း ချောက်ကိုင်ဟှားဇာဟှို နန်းနို့သိဂေ့ဟှလော။ 
\v 2 ဥပမာ လန်ရှိဟှူ မီးမတယော့‑က်ဟှာ ပညတ်တရားအရ သူ့လန် သတ်ရှင်နေဟှူ ကာလပတ်လောင်း လန်ရဲ့ချည်နှောင်မှုဟှို ခံရလေဟှယ်။ လန်သေမှဘဲ့ ပညတ်တရားအရ လန်ရဲ့ ချည်နှောင်မှုဟှနေဘီး လွတ်လေဟှယ်။ 
\v 3 အယ်ကြောန့် လန်သတ်ရှင်ရစ်န နော့‑က်အီထောန်ပြုဟှယ် ဆိုဟှာ ဖော့‑က်ပ္လန်ဟှူမီးမဆိုဘီး ပြောခံရလေ့မယ်။ တကယ်ဟှူကြောန့် လန်သေဟှားကြောန့်ဆိုဟှာ အယ်မူပညတ်တရားဟှ လွတ်ဟှားဘီဖြစ်ဟှူကြောန့် နော့‑က်အီထောန်ပြုဟှူလည်းဘဲ့ ဖော့‑က်ပ္လန်ဟှူမီးမ ဆိုဘီး ပြောခံရဟှူကြောန်းမှေ့ဟှ။ 
\v 4 အယ်မူမျိုးဘဲ့ ညီကို မောန်နှမလေ နန်းနို့လေဟှာ တခြားသူဖြစ်ဟှူ သေရှင်းဟှထမြော့‑က်ဟှူသူရဲ့ မယားဖြစ်ဟှူကြောန့် ဘုရားသခင်ရဲ့လိုတော်တိုင်း တိုးပွားလာဟှို့တွပ် ခရစ်တော်ရဲ့ကိုယ်ခန္ဓာအားဖြင့် သေဘီးဟှာ ပညတ်တရားန ကွားဟှားဂေ့ဘီ။ 
\v 5 နို့လေဟှာ ဇာတိသွီးသားထဲမာ ကျင်လည်နေဟှူခီဟှ ပညတ်တရားရဲ့ နှိုးဆော်ပေးမှုကြောန့် ဖြစ်ပေါ်လာဟှူ ပြစ်လောက်ရှင်ဟှူ စိဆန္ဒလေဟှာ နို့လေရဲ့ ကိုယ်အင်္ဂါလေမာ ထန်ရှားလာဘီး သေရှင်းတရားဟှို ဖြစ်ပေါ်လာစေဟှယ်။ 
\v 6 ခုဆို နို့လေဟှာ နို့လေဟှိုချောက်ကိုင်ဟှားဟှူ ပညတ်တရားရဲ့ လတ်ထဲမာ သေပီးဟှာ ပညတ်တရားလတ်ဟှနေ လွတ်မြော့‑က်ဂေ့ဘီဖြစ်ဟှူကြောန့် ကျမ်းစာမာပါဟှူ တရားဟောန်းဟှို မှီပြုဘဲန ဝိညာဉ်တော်ရဲ့ တရားလမ်းစဉ်သစ်တိုင်း မှုတော်ဟှို စေခံဂေ့ဟှယ်။
\s ပညတ်တရားန ပြစ်တရားကြောန်း
\p
\v 7 အယ်မျိုးဆိုဟှာ ဖယ်မျိုးနူး ပညတ်တရားဟှို ပြစ်ပြောရဟှို့လော။ ပြစ်လုံးဝ ပြောဟှို့မရဟှ! ပညတ်တရားအားဖြင့်ဘဲ့ ပြစ်ရဲ့သဘောတရားဟှို နို့လေသိရဂေ့ဟှယ်။ ဖြားဖြစ်ကြောန့်နူးဆိုဟှာ “တပ်မတ်လိုရှင်စိရှိန” ဆိုဘီး ပညတ်တရားဟှ တားမြစ်ဘဲနေဟှာ လောဘလွန်ကြူးမှုရဲ့ ဆိုးကျိုးဟှို ငါသိဟှို့ မှုဟှ။ 
\v 8 ပြစ်တရားဟှာ ပညတ်တရားအားဖြင့် ငါ့ဟှိုချောက်ကိုင်ဘီး လောဘစိ မျိုးမျိုးလေဟှို ဖြစ်ပေါ်စေဟှယ်။ ပညတ်တရားမှေ့ဘဲနေဟှာ ပြစ်တရားလည်းသေ ဖြစ်ဟှယ်။ 
\v 9 စဟှ ပညတ်တရားမှေ့ဘဲကြောန့် ငါသတ်ရှင်ဟှယ်။ ပညတ်တရားပေါ်ပေါ့‑က်လာဟှူ ခီမာ ပြစ်တရားဟှာ ပ္လန်ရှင်လာဘီး ငါလည်း သေဟှယ်။ 
\v 10 ငါ့ဟှို သတ်ရှင်ဟှို့ပေးဟှူ ပညတ်တရားဟှဘဲ့ ငါ့ဟှိုသေစေဇာဟှို တွိရဟှယ်။ 
\v 11 ပြစ်တရားဟှာ ပညတ်တရားအားဖြင့် ခွမ့်ရဟှူကြောန့် ငါ့ဟှိုလှည့်စားဘီးဟှာ အယ်ပညတ်တော်အားဖြင့် ငါ့ဟှို သတ်လေဟှယ်။
\p
\v 12 အယ်ကြောန့် ပညတ်တရားဟှာ သန့်ရှင်းလေဟှယ်။ ပညတ်တော်လည်းဘဲ့ သန့်ရှင်းရှင်း ဖြောန့်မတ်ရှင်း ကောန်းမြတ်စောင်လင်ရှင်း ရှိလေဟှယ်။ 
\v 13 အယ်မျိုးဆိုဟှာ အယ်မူကောန်းမြတ်ဟှူရာဟှာ ငါ့တွပ် သေရဟှူကြောန်းရာ ဖြစ်ဟှူကြောန့်လော။ ဖြစ်နိုင်ဟှ! ငါ့ဟှို သေစေဟှူဇာဟှာ ပြစ်တရားဘဲ့ ဖြစ်ဟှယ်။ ပြစ်တရားဟှာ သူ့ရဲ့ပင်ကိုသဘောဟှို ထန်ရှားစေဟှို့တွပ် ကောန်းမြတ်ဟှူဇာလေအားဖြင့် ငါ့ဟှိုသေစေဟှူဇာ ဖြစ်ဟှယ်။ အယ်ကြောန့် ပြစ်တရားဟှာ တအားဆိုးဝါးဟှူ ပြစ်ဖြစ်ဟှူကြောန်းဟှို ပညတ်တော်အားဖြင့် သိရလေဟှယ်။
\s လူစိထဲမာရှိဟှူ တရားနှေ့မျိုးကြောန်း
\p
\v 14 ပညတ်တရားဟှာ ဝိညာဉ်ရေးရာန ဆိုင်ဟှူကြောန်းဟှို နို့လေသိဂေ့ဟှယ်။ အယ်ဘေမဲ့ ငါဟှာ ဇာတိသွီးသားနှိုက်ရှိဟှူ လူတယော့‑က်ဖြစ်ဘီး ပြစ်တရားရဲ့ လတ်အော့‑က်မာ ရောန်းဇားခံရဟှူသူ ဖြစ်ဟှယ်။ 
\v 15 \x - \xo ၇.၁၅ \xo*\xt ဂလာ ၅.၁၇\xt*\x*ငါဟှာ ကိုယ်ဖြစ်နေဇာဟှို ကိုယ်တိုင်နားမလည်ဟှ။ ဖြားဖြစ်ကြောန့်နူးဆိုဟှာ ကိုယ်ကျင့်ရှင်ဟှူတိုင်း ကျင့်ဟှိမရဘဲ ရွံရှာဟှူ ကျင့်လေဟှို ကျင့်လေဟှယ်။ 
\v 16 အယ်မူမျိုး ငါဟှာ ကိုယ်မပြုရှင်ဘဲန ပြုကျင့်နေရဟှယ် ဆိုဟှာ ပညတ်တရားဟှာ မှန်ကန်ဟှူကြောန်းဟှို ငါဝန်ခံပါဟှယ်။ 
\v 17 အယ်မျိုးဆိုဟှာ အယ်မူ ကောန်းဘဲကျင့်ဟှို ငါကိုယ်တိုင်ကျင့်နေဟှူဇာမှုဘဲ ငါ့ထဲမာတည်နေဟှူ ပြစ်တရားဟှ ကျင့်စေဟှူဇာဖြစ်ဟှယ်။ 
\v 18 ငါ့ရဲ့ ဇာတိသွီးသားထဲမာ ကောန်းဟှူဇာလေ တခုလည်းမှေ့ဘဲဟှူကြောန်းဟှို ငါသိလေဟှယ်။ ဖြားဖြစ်ကြောန့်နူးဆိုဟှာ ငါဟှာ ကောန်းဟှူကျင့်ဟှို ကျင့်ရှင်ဟှူစိဆန္ဒရှိဟှူလည်းဘဲ့ ကျင့်နိုင်ဟှူခွန်အား ငါ့မာမှေ့ဟှ။ 
\v 19 ငါဟှာ ကောန်းဟှူကျင့်လေဟှို ကျင့်ရှင်ဟှူလည်းဘဲ့ ကျင့်ရှင်ဘဲဟှူ ကျင့်ဆိုးလေဟှိုဘဲ့ ငါ့ထဲမာနေဟှူ ပြစ်တရားဟှ ကျင့်နေဟှူဇာ ဖြစ်ဟှယ်။ 
\v 20 အယ်မူမျိုး ကျင့်ရှင်ဘဲဟှူ ကျင့်ဆိုးလေဟှို ငါကျင့်နေရဟှယ် ဆိုဟှာ ငါကိုယ်တိုင် ကျင့်နေဇာမှုဘဲန ငါ့ထဲမာရှိနေဟှူ ပြစ်တရားဟှ ငါ့အားဖြင့် ကျင့်နေဟှူဇာဖြစ်ပါဟှယ်။
\p
\v 21 အယ်မူမျိုး ကောန်းဟှူကျင့်လေဟှို ကျင့်ရှင်ဟှူငါ့မာ ကောန်းဘဲဟှူ ကျင့်ဆိုးလေဟှိုဘဲ့ ပြုကျင့်စေဟှူ ပညတ်တပါးဟှို ငါတွိရဟှယ်။ 
\v 22 ငါဟှာ တွင်းလူအားဖြင့် ဘုရားသခင်ရဲ့ ပညတ်တရားတော်ဟှို ရရာတိုင်း နှစ်သက်ဟှယ်။ 
\v 23 အယ်ဘေမဲ့ ငါ့ရဲ့ ကိုယ်အင်္ဂါလေထဲမာ လွှမ်းမိုးချောက်ကိုင်နေဟှူ ပညတ်တပါးဟှာ စိဝိညာဉ်တရားဟှို တိုက်ခိုက်တွန်းလှန်ဘီး ငါ့ကိုယ်အင်္ဂါလေမာရှိဟှူ ပြစ်တရားလတ်ထဲဟှို ငါ့ဟှို ဖမ်းဆီးအပ်နှံလိုက်ဟှူဇာဟှို ငါဗြင်ရဟှယ်။ 
\v 24 ငါဟှာ ရရာတိုင်း စိပျစ်ဇာကောန်းဟှူ လူတယော့‑က်ဖြစ်ဟှယ်! သေတတ်ဟှူ အယ်မူခန္ဓာ ပေါက်ကောန်ဟှနေဘီး ငါ့ဟှို ဖယ်သူကယ်တန်ပေးမယ်နူး။ 
\v 25 နို့လေရဲ့ သခင် ယေရှုခရစ်တော်အားဖြင့် ကယ်လွှတ်ပေးတော်မူဟှူ ဘုရားသခင်ဟှာ ရရာတိုင်းဘဲ့ ကျေးဇူးကီးမားလှပါဟှယ်!
\p အယ်မျိုး ငါဟှာ ကိုယ့်စိဝိညာဉ်အားဖြင့် ဘုရားသခင်ရဲ့ ပညတ်တော် အော့‑က်မာ စေခံဟှူလည်းဘဲ့ ဇာတိသွီးသားအားဖြင့် ပြစ်တရားဟှို စေခံနေရဇာ ဖြစ်ဟှယ်။
\c 8
\s ဝိညာဉ်တော်အားဖြင့် သတ်ရှင်ဟှူကြောန်း
\p
\v 1 အယ်ကြောန့် ခုခီမာ ခရစ်တော်ယေရှုနှိုက် ရှိဟှူသူလေဟှာ ပြစ်စီရင်ဇာဟှို ခံရဟန်း။ 
\v 2 ဖြားဖြစ်ကြောန့်နူးဆိုဟှာ ခရစ်တော်ယေရှုနှိုက် သတ်ရှင်ဟှို့တွပ် ဝိညာဉ်တော်တရားဟှာ ပြစ်တရားန သေရှင်းတရားဟှနေဘီး ငါ့ဟှို\f + \fr ၈.၂ \fr*\fq ငါ့ဟှို၊ \fq*\ft တချို့ မူရင်းလတ်ရေးမူလေမာ \ft*\fqa နန်ဟှို၊ \fqa*\ft ဆိုဘီး ပါရှိဘီး၊ \ft*\ft တချို့ မူရင်းလတ်ရေးမူလေမာ \ft*\fqa နို့လေဟှို၊ \fqa*\ft ဆိုဘီး ပါရှိဟှယ်။\ft*\f* လွတ်မြော့‑က်စေတော်မူဘီ။ 
\v 3 ဇာတိပကတိကြောန့် ပညတ်တရားဟှာ အားနဲဘီး တတ်နိုင်ဘဲဟှူမှုဟှို ဘုရားသခင်ပြုတော်မူဟှို့တွပ် ပြစ်နပ္လဲ့ဝဟှူ ဇာတိပကတိရဲ့သဏ္ဌာန်ဟှိုဆောန်ဟှူ သူ့ရဲ့ သားတော်ဟှို စေလွှတ်ဘီးဟှာ ပြစ်ဖြေဟှို့တွပ် ဇာတိပကတိနှိုက် ပြစ်ဟှို ဒန်ပေးတော်မူလေဟှယ်။ 
\v 4 ဖြားဖြစ်ကြောန့်နူးဆိုဟှာ နို့လေဟှာ ဇာတိသွီးသားတိုင်း သတ်မရှင်ဘဲ ဝိညာဉ်တော်အားဖြင့် သတ်ရှင်နေထိုင်ဟှို့တွပ် ပညတ်တော်မာပါဟှူ တရားတော်ဟှို လိုက်နာကျင့်သောင်းဟှို့တွပ် ဖြစ်လေဟှယ်။ 
\v 5 ဇာတိသွီးသားရဲ့ လိုဆန္ဒတိုင်း သတ်ရှင်ဟှူသူလေဟှာ ဇာတိသွီးသားန သတ်ဆိုင်ဟှူဇာလေဟှိုဘဲ့ စိစွဲလမ်းဂေ့ဟှယ်။ ဝိညာဉ်တော်ရဲ့ လိုတော်တိုင်း သတ်ရှင်ဟှူသူလေဟှာ ဝိညာဉ်တော်န သတ်ဆိုင်ဟှူ ဇာလေဟှိုဘဲ့ စိစွဲလမ်းလေဟှယ်။ 
\v 6 ဇာတိသွီးသားနဆိုင်ဟှူ ဇာလေဟှို စိစွဲလမ်းဟှူ သူလေဟှာ သတ်ဆောင်းရှောင်းလေ့မယ်။ ဝိညာဉ်တော်နဆိုင်ဟှူဇာဟှို စိစွဲလမ်းဟှူသူလေဟှာ သတ်ရှင်ရှင်းန ငြီသတ်ရှင်းဟှို ရလေ့မယ်။ 
\v 7 ဖြားဖြစ်ကြောန့်နူးဆိုဟှာ ဇာတိသွီးသားန ဆိုင်ဟှူဇာလေဟှို စိစွဲလမ်းဟှူသူလေဟှာ ဘုရားသခင်န ဆန့်ကျင်ဖတ်ပြုဟှူသူ ဖြစ်ဟှယ်။ အယ်မူမျိုး စိစွဲလန်းဟှူသူလေဟှာ ဘုရားသခင်ရဲ့ ပညတ်တော်ဟှို မလိုက်ရှော့‑က်တတ်ဟှ။ လိုက်လည်း လိုက်ရှော့‑က်နိုင်ဂေ့ဟှ။ 
\v 8 အယ်ကြောန့် ဇာတိသွီးသားတိုင်း သတ်ရှင်သူလေဟှာ ဘုရားသခင်ရဲ့ စိတော်န တွိနိုင်ဟှ။
\p
\v 9 အယ်ဘေမဲ့ ဘုရားသခင်ရဲ့ ဝိညာဉ်တော်ဟှာ နန်းနို့ထဲမာ ကိန်းဝပ်တော်မူဟှာ နန်းနို့လေဟှာ ဇာတိပကတိဖတ်မာ မှေ့ဟှ ဝိညာဉ်ပကတိဖတ်မာ ရှိလေဟှယ်။ ခရစ်တော်ရဲ့ဝိညာဉ်ဟှို မရဘဲသူဟှာ ခရစ်တော်န လောင်းဝသတ်ဆိုင်ဟှ။ 
\v 10 အယ်ဘေမဲ့လည်း ခရစ်တော်ဟှာ နန်းနို့ထဲမာ သတ်ရှင်နေဟှယ် ဆိုဟှာ ကိုယ်ခန္ဓာဟှာ ပြစ်ကြောန့် သေရဟှူလည်းဘဲ့ ဝိညာဉ်ဟှ ဖြောန့်မတ်ရှင်းကြောန့် သတ်ရှင်လေဟှယ်။\f + \fr ၈.၁၀ \fr*\fq ဝိညာဉ်ဟှ ဖြောန့်မတ်ရှင်းကြောန့် သတ်ရှင်လေဟှယ်၊ \fq*\ft အယ်မျိုးမှုဘဲနေဟှာ \ft*\fqa နန့်ရဲ့ ဝိညာဉ်ဟှာ သတ်ရှင်လေဟှယ်။\fqa*\f* 
\v 11 \x - \xo ၈.၁၁ \xo*\xt ၁ ကော ၃.၁၆\xt*\x*အယ်လော့‑က်နကဟှ သခင်ယေရှုဟှို သေရှင်းဟှနေဘီး ရှင်ပ္လန်ထမြော့‑က်စေဟှူ ဘုရားသခင်ရဲ့ ဝိညာဉ်တော်ဟှာ နန်းနို့ထဲမာ ကိန်းဝပ်ဟှယ် ဆိုဟှာ ခရစ်တော်ဟှို သေရှင်းဟှနေ ရှင်ပ္လန်ထမြော့‑က်စေဟှူ သခင်ဟှာ နန်းနို့ထဲမာ ကိန်းဝပ်ဟှူ သူ့ရဲ့ ဝိညာဉ်တော်အားဖြင့် သေတတ်ဟှူ နန်းနို့ ကိုယ်ခန္ဓာဟှိုလည်း ရှင်စေတော်မူလေ့မယ်။
\p
\v 12 အယ်ကြောန့် ညီကို မောန်နှမလေ နို့လေဟှာ ဇာတိလိုတိုင်း သတ်ရှင်ရအောန် ဇာတိရဲ့ ကျွန်ဖြစ်ဂေ့ဟှူဇာ မှုဟှ။ 
\v 13 ဖြားဖြစ်ကြောန့်နူးဆိုဟှာ နန်းနို့လေဟှာ လူ့ဇာတိလိုဟှိုလိုက်ဘီး သတ်ရှင်မယ် ဆိုဟှာ သေဂေ့ရလေ့မယ်။ အယ်ဘေမဲ့ ဝိညာဉ်တော်အားဖြင့် နန်းနို့ရဲ့ ဇာတိကိုယ်ခန္ဓာကျင့်လေဟှို သေစေမယ် ဆိုဟှာ သတ်ရှင်ရလေ့မယ်။ 
\v 14 ဘုရားသခင်ရဲ့ ဝိညာဉ်တော် ဆောင်းမပဲ့ပြင်တော်မူရှင်းဟှို ခံရဟှူသူလေဟှာ ဘုရားသခင်ရဲ့ သားမီးလေဖြစ်ဟှယ်။ 
\v 15 \x - \xo ၈.၁၅–၁၇ \xo*\xt ဂလာ ၄.၅–၇\xt*\x*\x - \xo ၈.၁၅ \xo*\xt မာ ၁၄.၃၆; ဂလာ ၄.၆\xt*\x*ဖြားဖြစ်ကြောန့်နူးဆိုဟှာ ဘုရားသခင်ပေးတော်မူဟှူ ဝိညာဉ်တော်ဟှာ နန်းနို့ဟှို ကြော့‑က်တတ်ဟှူ ကျွန်ရဲ့စိသဘောဟှို ပေးဟှူဇာမှုဘဲန နို့လေဟှို ဘုရားသခင်ရဲ့ သားမီးလေဖြစ်စေဘီးဟှာ ဝိညာဉ်တော်အားဖြင့် “\tl အဗ္ဗ\tl*! ဖ!” ဆိုဘီး ခေါ်ရဟှူခွမ့်ဟှို ပေးတော်မူဟှူဇာ ဖြစ်ဟှယ်။ 
\v 16 နို့လေဟှာ ဘုရားသခင်ရဲ့ သားမီးလေ ဖြစ်ဟှူကြောန်းဟှို ဝိညာဉ်တော်ကိုယ်တိုင် နို့လေရဲ့ဝိညာဉ်နတူးဒူ သတ်သေခံလေဟှယ်။ 
\v 17 နို့လေဟှာ ဘုရားသခင်ရဲ့ သားမီးလေဖြစ်ဟှူကြောန့် မွီစားမွီခံလေဖြစ်ဟှယ်။ ခရစ်တော်နတူးဒူ ချီးမြှော့‑က်ဟှူဇာဟှို ခံရဟှို့တွပ် ကိုယ်တော်နတူးဒူ ဆင်းရဲဒေါက်ခဟှို ခံရဟှယ် ဆိုဟှာ ကိုယ်တော်နတူးဒူ ဆစ်နွယ်ဟှူ မွီခံလည်း ဖြစ်လေဟှယ်။
\s နာဂတ်ဖောင်းသရေတော်ကြောန်း
\p
\v 18 ခုမျစ်မှော့‑က်ကာလမာ နို့လေခံရဟှူ ဆင်းရဲဒေါက်ခဟှာ နော့‑က်တခီမာ ထန်ရှားလာမယ့် ဖောင်းသရေတော်န နှိုင်းယှဉ်မယ် ဆိုဟှာ ပမာဏထားဇာ ကြောန်းမှေ့ဟှ ဆိုဘီး ငါမှတ်ယူဟှယ်။ 
\v 19 ဖန်ဆင်းခံလောက တခုလောင်းဟှာ ဘုရားသခင်ရဲ့ သားလေ ထန်ရှားဘီး ပေါ်ထွန်းလာဟှို့တွပ် ရရာတိုင်းဘဲ့ မျှော်လင့်တောန့်တ နေလေဟှယ်။ 
\v 20 ဖြားဖြစ်ကြောန့်နူးဆိုဟှာ ဖန်ဆင်းခံလောကဟှာ အနတ္တဖြစ်ဟှို ရော့‑က်ဟှူဇာဟှ သူ့ရဲ့ဆန္ဒအားဖြင့်မှုဘဲ ဘုရားသခင်ရဲ့ လိုတော်ကြောန့်ဘဲ့ဖြစ်ဟှယ်။ 
\v 21 အယ်ဘေမဲ့ အယ်မျှော်လင့်ချစ်ဟှာ တနေ့တခီမာ ဖန်ဆင်းခံ လောကကိုယ်တိုင် ပျစ်စီးရှင်းကျွန်ဖြစ်ဟှနေ လွှတ်မြော့‑က်ဘီး ဘုရားသခင် သားမီးလေရဲ့ ဖောင်းသရေတော်န ပ္လဲ့ဝဟှူ လွှတ်ရှင်းချမ်းသာထဲဟှို ခေါ်ဆောန်ဟှို့တွပ် မျှော်လင့်ရှင်း ရှိဟှူကြောန့်ဖြစ်ဟှယ်။ 
\v 22 ဖန်ဆင်းခံ ကမ္ဘာလောက တခုလောင်းဟှာ ခုခီထိ တူးဒူညည်းတွားဘီး သားမွီးဟှူ ဝေဒနာဟှူမျိုး ဒေါက်ခဝေဒနာလေဟှို ခံစားရဇာဟှို နို့လေသိဂေ့ဟှယ်။ 
\v 23 \x - \xo ၈.၂၃ \xo*\xt ၂ ကော ၅.၂–၄\xt*\x*အယ်လော့‑က်နမကဟှ ဝိညာဉ်တော်ရဲ့ ကျေးဇူးတော်ဟှို ရင်ဦးဆောင်း ခံရဟှူ နို့လေလည်း သားမီးရာဟှို ရဟှူဇာဖြစ်ဟှူ\f + \fr ၈.၂၃ \fr*\ft တချို့ မူရင်းလတ်ရေးမူလေမာ \ft*\fq နို့လေလည်း သားမီးရာဟှို ရဟှူဇာဖြစ်ဟှူ \fq*\ft ဆိုဇာဟှာ မှေ့ဟှ။\ft*\f* နို့လေရဲ့ ကိုယ်ခန္ဓာ ဝီးကော့‑က်ခံရဟှူ ဇာဟှို စောန့်မျှော်ဘီး စိနှလောင်းထဲဟှ ညီးတွားနေဂေ့ဟှယ်။ 
\v 24 ဖြားဖြစ်ကြောန့်နူးဆိုဟှာ နို့လေဟှာ မျှော်လင့်ရှင်းအားဖြင့် ကယ်တန်ရှင်းဟှို ခံရလေဟှယ်။ နို့လေဟှာ ကိုယ်မျှော်လင့်ဟှူဇာလေဟှို ဗြင်ရဟှယ် ဆိုဟှာ မျှော်လင့်ဟှို့ကြောန်းမှေ့ဟှ။ တွိဗြင်နေရဟှူဇာလေဟှို ဖယ်သူ မျှော်လင့်နေမယ်နူး။ 
\v 25 အယ်ဘေမဲ့ နို့လေဗြင်တွိမရဘဲဟှူ ရာလေဟှို မျှော်လင့်ဂေ့ဟှယ် ဆိုဟှာ၊ အယ်ရာလေဟှို စိရှယ်ရှယ်နသီးခံဘီး စောန့်မျှော်ဂေ့ဟှယ်။
\p
\v 26 အယ်ဘေမဲ့ နို့လေမတတ်နိုင်ဘဲဟှူ မှုရာလေဟှို ဝိညာဉ်တော်ဟှာ မစတော်မူလေဟှယ်။ နို့လေဟှာ ဆုတောန်းသင့်ဟှူတိုင်း ဖယ်မူမျိုး ဆုတောန်းရမယ် ဆိုဇာဟှို သိဂေ့ဟှ။ အယ်ဘေမဲ့ နို့လေ စကားအားဖြင့် ဖော်ပြဘီးဟှာ ဆုတောန်းမတတ်ဘဲန ညည်းတွားနေဟှူရာလေအားဖြင့် ဝိညာဉ်တော်ဟှာ နို့လေကိုယ်စား ဘုရားသခင်ထံတော်မာ တောန်းလျှော့‑က် သနားခံပေးတော်မူဟှယ်။ 
\v 27 လူလေရဲ့ စိသဘောဟှို သိတော်မူဟှူ ဘုရားသခင်ဟှာ ဝိညာဉ်တော်ရဲ့ စိသဘောဟှိုလည်း သိတော်မူလေဟှယ်။ ဖြားဖြစ်ကြောန့်နူးဆိုဟှာ ဝိညာဉ်တော်ဟှာ သန့်ရှင်းသူလေရဲ့ ဆုတောန်းဟှူမှုရာဟှို ဘုရားသခင်ရဲ့ လိုတော်နညီ သနားခံပေးတော်မူလေဟှယ်။
\p
\v 28 ဘုရားသခင်ဟှို ရှစ်ဟှူသူ၊ ကြံစည်တော်တိုင်း ခေါ်တော်မူရှင်းခံရဟှူ သူလေရဲ့ ကောန်းဟှူ ကျိုးလေတွပ် ရာအားလောင်းဂူဟှာ တညီတညွတ်ဒဲ ပြုစုဂေ့ဟှယ် ဆိုဇာဟှို နို့လေ သိဂေ့ဟှယ်။\f + \fr ၈.၂၈ \fr*\fq ဘုရားသခင်ဟှို ရှစ်ဟှူသူ၊ ကြံစည်တော်တိုင်း ခေါ်တော်မူရှင်းခံရဟှူ သူလေရဲ့ ကောန်းဟှူ ကျိုးလေတွပ် ရာအားလောင်းဂူဟှာ တညီတညွတ်ဒဲ ပြုစုဂေ့ဟှယ် ဆိုဇာဟှို နို့လေ သိဂေ့ဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa ကိုယ်တော့်ဟှို ရှစ်မြတ်နိုးဟှူ သူလေရဲ့ကျိုးတွပ် ဘုရားသခင်ဟှ ရာအားလောင်းဟှို လောက်ဆောန်ပေးနေဟှယ်၊ \fqa*\ft ဆိုဘီး ပါရှိဟှယ်။\ft*\f* 
\v 29 ဘုရားသခင် ဝီးချယ်တော်မူဟှူ သူလေဟှာ သူ့ရဲ့သားတော်ရဲ့ ပေါင်သဏ္ဌာန်တော်န တူဟှို့တွပ် ရှေးမဆွဟှနေဘီး ခွဲခန့်မှတ်သားဟှားလေဟှယ်။ အယ်မျိုး ဝီးချယ်မှတ်သားဟှူကြောန်းဟှ သားတော်ဟှာ ညီလေဘောင်ဂီးထဲမာ နောန်ဂီးဖြစ်ဟှို့တွပ် ဖြစ်ဟှယ်။ 
\v 30 အယ်မူမျိုး ခွဲခန့်မှတ်သားဟှားဟှူသူလေဟှို ခေါ်တော်မူဘီးဟှာ သန့်ရှင်းဖြောန့်မတ်ဟှူရာမာ တည်စေတော်မူဟှယ်။ အယ်မျိုး တည်စေဟှူသူလေဟှိုလည်း ချီးမြှော့‑က်တော်မူဟှယ်။
\s ခရစ်တော်ယေရှုထဲမာထန်ရှားဟှူ ဘုရားသခင်ရဲ့မြစ်တာတော်ကြောန်း
\p
\v 31 အယ်မျိုးဆိုဟှာ အယ်မူကြောန်းရာလေဟှို ဖယ်မျိုးပြောဇာရှိနူး။ နို့လေဖတ်မာ ဘုရားသခင်ရှိဟှယ် ဆိုဟှာ ဖယ်သူဟှ နို့လေဟှို ဆန့်ကျင်နိုင်မယ်နူး။ 
\v 32 နို့လေအားလောင်းတွပ် သူ့ရဲ့သားတော်ရင်းဟှိုမှ ဗြောဘဲန စွန့်တော်မူဟှူရှင်ဟှာ သားတော်နတူးဒူ ခပ်သီးဟှူရာလေဟှို ပေးဘဲန ဖယ်မျိုးနေမယ်နူး။ 
\v 33 ဖယ်သူဟှ ဘုရားသခင် ဝီးကော့‑က်ဟှူသူလေဟှို ပြစ်စီရင်မယ်နူး။ နို့လေဟှို ဖြောန့်မတ်ဟှူရာမာ တည်စေဟှူရှင်ဟှာ ဘုရားသခင်ဘဲ့ဖြစ်ဟှယ်။ 
\v 34 ပြစ်စီရင်သူဟှာ ဖယ်သူနူး။ နို့လေတွပ် သေခံဟှူမျှနမကဘဲ သေရှင်းဟှနေ ရှင်ပ္လန်ထမြော့‑က်ဘီး ဘုရားသခင်ရဲ့ ညာဖတ်ဟှနေ သနားခံ ဆုတောန်းပေးဟှူသူဟှာ ခရစ်တော်ယေရှုဘဲ့ ဖြစ်ဟှယ်! 
\v 35 အယ်ကြောန့် ဖယ်သူဟှာ နို့လေဟှို ခရစ်တော်ရဲ့ မြစ်တာတော်န ခွဲခွာစေနိုင်မယ်နူး။ ဆင်းရဲဒေါက်ခခံရဟှူဇာလေ၊ နာကြင်မှုဝေဒနာခံရဟှူဇာလေ၊ နှိစစ်ညှဉ်းပန်းမှုလေ၊ ငတ်မွတ်ခေါန်းပါးမှုလေ၊ ဝတ်မှေ့ဘဲနေရဟှူဇာလေ၊ သတ်ခံရဟှူဇာလေန မျိုးမျိုးရင်ဆိုင်တွိကြောင်ရဟှူ စောင်ဇမ်းနှော့‑က်ယှစ်ရှင်းလေဟှာ နို့လေဟှို ခရစ်တော်ရဲ့ မြစ်တာတော်န ခွဲခွာစေနိုင်မယ်လော။ 
\v 36 ကျမ်းစာဟှ
\q1 “ကျွန်တော်ဟှားလေဟှာ ကိုယ်တော်တွပ် တနေ့လောင်း သေဘေးန ရင်ဆိုင်ဘီး နေရဂေ့ပါဟှယ်။
\q2 သတ်ဟှို့ ထားဟှားဟှူ သိုးလေမျိုး သူးနို့လေ ထန်မှတ်ဂေ့ပါဟှယ်” ဆိုဘီး ပြောဟှားလေဟှယ်။
\m
\v 37 အယ်ဘေမဲ့ နို့လေဟှို ရှစ်တော်မူဟှူ သခင်ရဲ့ ကျေးဇူးတော်အားဖြင့် အယ်ရာအားလောင်းဟှို ခံနေရဟှူ ခီမာ ထူးသဖြင့် အောန်မြင်ဂေ့လေဟှယ်! 
\v 38 ဖြားဖြစ်ကြောန့်နူးဆိုဟှာ နို့လေယောင်ကြည်ရှင်းဟှာ သေရှင်းတရားဘဲ့ဖြစ်ဖြစ်၊ သတ်ရှင်ရှင်းဘဲ့ဖြစ်ဖြစ်၊ ကောန်းဂန်တမန်ဘဲ့ဖြစ်ဖြစ်၊ ထွဋ်မြတ်ဘဲ့ဖြစ်ဖြစ်၊ အာဏာတဂိုးဘဲ့ဖြစ်ဖြစ်၊ ပစ္စုပ္ပန်ဘဲ့ဖြစ်ဖြစ်၊ နာဂတ်ဘဲ့ဖြစ်ဖြစ်၊ 
\v 39 ကောန်းဂန်ထတ်ရာဘဲ့ဖြစ်ဖြစ်၊ မ္လေဂီးအော့‑က်ရာဘဲ့ဖြစ်နေပါစေ၊ ဖန်ဆင်းခံဟှားဇာ ဖယ်ဇာမဆို သခင် ယေရှုခရစ်တော်အားဖြင့် ခံစားရဟှူ ဘုရားသခင်ရဲ့ မြစ်တာတော်န နို့လေဟှို ကွာစေနိုင်ဟှူဇာ ခုလည်း မှေ့ဟှ ဆိုဘီး ငါ ယောင်ကြည်စိခ္လဟှယ်။
\c 9
\s ဘုရားသခင်န လူစုတော်ကြောန်း
\p
\v 1 ငါဟှာ ခရစ်တော်အားဖြင့် မုသားပါဘဲန မှန်တိုင်းပြောဟှယ်။ ငါ့ရဲ့သိစိထဲမာ သန့်ရှင်းဟှူ ဝိညာဉ်တော်ဟှာ ငါနတူးဒူ သတ်သေခံဟှူဇာဟှ၊ 
\v 2 ငါဟှာ စိနှလုံးထဲမာ ပူပန်ရှင်းဝေဒနာဟှို ခီတိုင်းခံစားရဘီး ရရာတိုင်း ဝန်းနဲပူဆွေးနေရပါဟှယ်။ 
\v 3 ဖြားဖြစ်ကြောန့်နူးဆိုဟှာ သွီးသားဇာတိအားဖြင့် ကိုယ့်လူမျိုးလေဖြစ်ဟှူ ငါ့ရဲ့ ညီကို မောန်နှမလေတွပ် ငါကိုယ်တိုင် ခရစ်တော်နကွာဘီးဟှာ ကီရှင်းအမင်္ဂလာဟှိုဘဲ့ ခံလိုဟှူ ဆန္ဒရှိဟှယ်။ 
\v 4 သူးနို့လေဟှာ ဣသရေလလူမျိုးလေ ဖြစ်ဟှူကြောန့် သားမီးရာနဖြစ်ဖြစ် ဖောင်းအာနုဘော်တော်နဖြစ်ဖြစ်၊ ပဋိညာဉ်တရားလေ\f + \fr ၉.၄ \fr*\fq ပဋိညာဉ်တရားလေ၊ \fq*\ft တချို့ မူရင်းလတ်ရေးမူလေမာ \ft*\fqa ပဋိညာဉ်၊ \fqa*\ft ဆိုဘီး ပါရှိဟှယ်။\ft*\f*နဘဲ့ဖြစ်ဖြစ်၊ ပညတ်တော်လေပေးရှင်းဘဲ့ဖြစ်ဖြစ်၊ ဝတ်ပြုကိုးကွယ်ရှင်းနဘဲ့ဖြစ်ဖြစ်၊ ဂဒိတော်လေနဘဲ့ဖြစ်ဖြစ် စပ်ဆိုင်သူလေဖြစ်ဂေ့ဟှယ်။ 
\v 5 သူးနို့လေဟှာ ရှေးဘိုးဘေးလေဟှ ဆင်းသတ်လာဟှူ သူလေဖြစ်ဂေ့ဟှယ်။ ခရစ်တော်ဟှလည်းဘဲ့ လူ့ဇာတိအားဖြင့် သူးနို့လေရဲ့ မျိုးနွယ်ဖြစ်လေဟှယ်။ ကိုယ်တော်ဟှာ ရာအားလောင်းဂူဟှို စိုးရဘီး ထာဝရမင်္ဂလာရှိဟှူ ဘုရားသခင် ဖြစ်တော်မူဟှယ်!\f + \fr ၉.၅ \fr*\fq ကိုယ်တော်ဟှာ ရာအားလောင်းဂူဟှို စိုးရဘီး ထာဝရမင်္ဂလာရှိဟှူ ဘုရားသခင် ဖြစ်တော်မူဟှယ်! \fq*\ft အယ်မျိုးမှုဘဲနေဟှာ \ft*\fqa ရာအားလောင်းဂူဟှို စိုးရဟှူ ဘုရားသခင်ဟှာ ထာဝရမင်္ဂလာရှိပါစေ!\fqa*\f* အာမင်။
\p
\v 6 အယ်မျိုးပြောဇာဟှ ဘုရားသခင်ရဲ့ ဂဒိတော် မတည်ဟှဆိုဘီး ငါဆိုလိုဇာ မှုဟှ။ ဖြားဖြစ်ကြောန့်နူးဆိုဟှာ ဣသရေလနွယ်ဟှနေဘီး ဆင်းသတ်လာဟှူ လူအားလောင်းဟှာ ဣသရေလလူမျိုးမှန် မှုဟှ။ 
\v 7 အယ်မျိုးဘဲ့ အာဗြဟံဟှနေ ဆင်းသတ်လာဟှူ လူလေလည်း အာဗြဟံရဲ့သားမှန် မှုဟှ။ “ဣဇာက်အားဖြင့်ဘဲ့ နန့်မျိုးနွယ် တည်ရမယ်” ဆိုဘီး ဂတိတော်ရှိလေဟှယ်။ 
\v 8 အယ်ကြောန့် ဇာတိအားဖြင့် မွီးဖွားလာဟှူ သားလေဟှာ\f + \fr ၉.၈ \fr*\fk ဇာတိအားဖြင့် မွီးဖွားလာဟှူ သားလေဟှာ၊ \fk*\ft အာဗြဟံဟှနေဘီး ဆင်းသတ်လာဟှူ ဣရှေမေလဟှာ ဟာဂရရဲ့ သားဖြစ်ဟှယ် ဆိုဇာဟှို ရည်ညွှန်းဟှယ် (ရှု \ft*\xt ဂလာ ၄.၂၂–၂၃\xt*)။\f* ဘုရားသခင်ရဲ့ သားမီးမှန် မှုဟှ။ ဘုရားသခင်ရဲ့ ဂဒိတော်အားဖြင့် မွီးဖွားလာဟှူ သားမီးလေဟှိုဘဲ့ စစ်မှန်ဟှူ မျိုးနွယ်ဖြစ် သတ်မှတ်တော်မူလေဟှယ်။ 
\v 9 ဖြားဖြစ်ကြောန့်နူး ဆိုဟှာ ဂဒိတော်ဟှ “ခီတန်ဟှာ\f + \fr ၉.၉ \fr*\fq ခီတန်ဟှာ၊ \fq*\ft အယ်မျိုးမှုဘဲနေဟှာ \ft*\fqa နော့‑က်နှစ် အယ်ခီမာ။\fqa*\f* ငါပ္လန်လာမယ်။ စာရာဟှ သားဟှို ရလေ့မယ်” ဆိုဘီး ဖြစ်ဟှယ်။
\p
\v 10 အယ်လော့‑က်ဘဲ့ မှုဟှ နို့လေရဲ့ ဘိုးဘေး ဣဇာက်ဟှာ ရေဗက္ကာ န အီထောန်ပြုဘီး ဗိုက်ရလာဟှူ ခီမာ 
\v 11 သားလေမွီးဖွားခန်မာ အယ်သားလေဟှာ ကောန်းဇာရော၊ ဆိုးဇာရော လောက်ခန်ဂဒဲဟှ ဘုရားသခင်ရဲ့ ဝီးကော့‑က်တော်မူရှင်းန စပ်ဆိုင်ဟှူ ကြံစည်တော်ဟှာ ကျင့်အားဖြင့်မှုဘဲန ခေါ်တော်မူဟှူသူအားဖြင့်ဘဲ့ တည်စေဘီး၊ 
\v 12 “သားဂီးဟှာ သားငယ်မာ ကျွန်ခံရလေ့မယ်” ဆိုဘီး ရေဗက္ကာဟှို မိန့်တော်မူလေဟှယ်။ 
\v 13 ကျမ်းစာလာဇာဟှ “ယာကုပ်ဟှို ငါရှစ်ဟှယ်။ ဧသောဟှို မူးဟှယ်” ဆိုဘီး လာလေဟှယ်။
\p
\v 14 အယ်မျိုးဆိုဟှာ ဖယ်မျိုးပြောရမယ်နူး။ ဘုရားသခင်ဟှ တရားဘဲဟှူမှုဟှို လောက်နေဇာလော။ လောင်းဝမှုဟှ။ 
\v 15 ဖြားဖြစ်ကြောန့်နူးဆိုဟှာ ဘုရားသခင်ဟှ မောရှေဟှို “ငါ ကျေးဇူးပြုရှင်သူဟှို ကျေးဇူးပြုမယ်။ သနားရှင်သူဟှို သနားမယ်” ဆိုဘီး မိန့်တော်မူလေဟှယ်။ 
\v 16 အယ်ကြောန့် ရာအားလောင်းဟှာ လူလေရဲ့ လိုအင်ဆန္ဒန ကြိုးစားလောက်ဆောန်ပေါ်မာ မမူတည်ဘဲန ကျေးဇူးပြုတော်မူဟှူ ဘုရားသခင်ရဲ့ ကရုဏာပေါ်မာဘဲ့ မူတည်ဇာဖြစ်လေဟှယ်။ 
\v 17 ကျမ်းစာမာ ဖာရောမန်းဂီးဟှို မိန့်တော်မူဇာဟှ “နန့်ဟှို မန်းဂီးရာမာ ငါချီးမြှော့‑က်ဟှူ ဇာဟှာ နန့်အားဖြင့် ငါ့တဂိုးဟှို ထန်ရှားပြဘီး ငါ့နာမဟှို တလောကလောင်းမာ ကျော်ဇောသွားစေဟှို့တွပ် ဖြစ်ဟှယ်” ဆိုဘီး မိန့်တော်မူလေဟှယ်။ 
\v 18 အယ်ကြောန့် ဘုရားသခင်ဟှာ သနားရှင်သူဟှို သနားတော်မူဘီးဟှာ မော့‑က်မာစေရှင်သူဟှို မော့‑က်မာစေတော်မူလေဟှယ်။
\s ဘုရားသခင်ရဲ့မျစ်တော်န ကရုဏာတော်ကြောန်း
\p
\v 19 “အယ်မျိုးဆိုဟှာ ဘုရားသခင်ဟှ လူလေဟှို ဖယ်မျိုးဖြင့်ကြောန့် ပြစ်တန်သေးနူး။ ဖယ်သူဟှ ကိုယ်တော်ရဲ့လိုတော်ဟှို ဆန့်ကျင်နိုင်မယ်နူး” ဆိုဘီး ငါ့ဟှို မေးလေ့မယ်။ 
\v 20 မိဆွေ နန်ဟှာ ဖယ်မျိုးသူဖြစ်ဟှူကြောန့် ဘုရားသခင်ဟှိုပ္လန်ခံပြောဆိုနူး။ ဖန်းဆင်းခံဟှ ဖန်ဆင်းရှင်ဟှို “ဖြားဖြစ်ကြောန့် ကိုယ်တော်ဟှာ ကျွန်တော်ဟှို အယ်မျိုးလောက်ရနူး” ဆိုဘီး ပြောခွမ့်ရှိဟှူကြောန့်လော။ 
\v 21 အိုးလောက်မားဟှ အိုးမ္လေဟှို သူကြိုက်ဟှူပေါင်စံဟှို လောက်ပိုင်ခွမ့်ရှိဟှယ် မှုဟှလော။ အိုးမ္လေတခုဒဲန အသရေရှိဟှူအိုးန အသရေမှေ့ဘဲဟှူအိုးဟှို လောက်ပိုင်ဟှယ် မှုဟှလော။
\p
\v 22 အယ်ဘေမဲ့ ဘုရားသခင်ဟှာ မျစ်တော်ဟှို ပြဟှို့တွပ်န သူ့ရဲ့တဂိုးတော်ဟှို သိစေဟှို့တွပ် လိုတော်ရှိရစ်န ဖျစ်ဆီးဟှို့ပြင်ဟှားဟှူ မျစ်တော်နဆိုင်ဟှူ အိုးခွပ်လေဟှို ရရာတိုင်းစိရှယ်ဘီး သီးခံတော်မူဟှယ် ဆိုဟှာ ဖယ်မူမျိုး ပြောဖွယ်ရှိအူးမယ်နူး။ 
\v 23 နော့‑က်ဘီး ဖောင်းသရေတော်တွပ် ကြိုတန်ပြင်ဆင်ဟှားဟှူ ကရုဏာတော်နဆိုင်ဟှူ အိုးခွပ်လေမာ သူ့ရဲ့ဖောင်းသရေတော်ရဲ့ ကြွယ်ဝမှုဟှို သိဟှို့တွပ် ပြုတော်မူဟှယ် ဆိုဟှာ ဖယ်မျိုးနူး။ 
\v 24 ဘုရားသခင်ဟှာ နို့လေဟှို အယ်ကရုဏာတော်န ဆိုင်ဟှူ အိုးလေဖြစ် ယုဒလူမျိုးလေ သတ်သတ်ဘဲ့မှုဘဲန လူမျိုးခြားလေထဲမာလည်း ခေါ်တော်မူလေဟှယ်။ 
\v 25 ဟောရှေရဲ့ ကျမ်းစာနှိုက် သူက
\q1 “ငါ့ရဲ့လူမှုဘဲဟှူ သူလေဟှို
\q2 ‘ငါ့ရဲ့လူလေ’ ဆိုဘီး ငါခေါ်မယ်။
\q1 ငါရှစ်ဘဲဟှူ လူမျိုးလေဟှို
\q2 ‘ငါရှစ်ဟှူ လူမျိုး’ ဆိုဘီး ငါခေါ်မယ်။
\q1
\v 26 ‘နန်းနို့ဟှာ ငါ့ရဲ့လူ မှုဟှ’ ဆိုဘီး ပြောဟှူအရပ်မာ
\q2 သူးနို့လေဟှာ ‘သတ်ရှင်တော်မူဟှူ ဘုရားသခင်ရဲ့ သားလေ’ ဆိုဘီး ခေါ်ခံရလေ့မယ်” ဆိုဘီး မိန့်တော်မူလေဟှယ်။
\m
\v 27 ပရောဖက် ဟေရှာယဟှလည်း ဣသရေလလူမျိုးလေဟှို ရည်ရွယ်ဘီး ပြောဟှူဇာဟှ “ဣသရေလလူမျိုးလေဟှာ ပန်လယ်သဲလောင်းနမျှ များဟှူလည်းဘဲ့ နဲစုလော့‑က်ဘဲ့ ကယ်တန်ခံရလေ့မယ်။ 
\v 28 ဖြားဖြစ်ကြောန့်နူးဆိုဟှာ ဘုရားသခင်ဟှာ မိန့်တော်ရှိဟှူတိုင်း မ္လေဂီးထတ်မာ ပ္လဲ့ဇောင်စေဘီး ခီဆွဲဘဲန ပြုလောက်တော်မူလေ့မယ်” ဆိုဘီး ကြွေးကြော်လေဟှယ်။ 
\v 29 နော့‑က်ဘီး ဟေရှာယဟှ “ကောန်းဂန်ဗိုလ်ခြေရှင် ဘုရားသခင်ဟှာ နို့လေတွပ် မျိုးနွယ်ဟှို ချန်ဟှားဘဲနနေဟှာ နို့လေလည်း သောဒုံဗြို့နတူဘီး ဂေါမောရဗြို့မျိုး ဖြစ်ရလေ့မယ်” ဆိုဘီး ကြိုတန်ပြောဟှူတိုင်းဘဲ့ ဖြစ်လေဟှယ်။
\s ဣသရေလလူမျိုးန ဒန်းကောန်းကြောန်း
\p
\v 30 အယ်မျိုးဆိုဟှာ နို့လေ ဖယ်မျိုးပြောရဟှို့နူး။ ဖြောန့်မတ်ရှင်းဟှို ရဟှို့တွပ် ကြိုးစားဘဲဟှူ လူမျိုးခြားလေဟှာ ဖြောန့်မတ်ရှင်းဟှို ခံရဂေ့လေဟှယ်။ အယ်မျိုးခံရဇာဟှ ယောင်ကြည်ရှင်းအားဖြင့် ခံရဟှူ ဖြောန့်မတ်ရှင်းဟှို ဆိုလိုဇာဖြစ်ဟှယ်။ 
\v 31 အယ်ဘေမဲ့ ပညတ်တရားဟှို မှီအောန်လိုက်ဟှူ ဣသရေလလူမျိုးလေဟှာ ဖြောန့်မတ်ရှင်းတရားဟှို မှီဂေ့ဟှ။ 
\v 32 ဖြားဖြစ်ကြောန့် မှီဟှနူး။ ယောင်ကြည်ရှင်းအားဖြင့် လိုက်ဘဲန၊ ပညတ်တရားရဲ့ ကျင့်အားဖြင့် လိုက်ဘီး ကျမ်းစာမာဖော်ပြဟှားဟှူ “ထိမိဘီးလဲတတ်ဟှူက္လော့‑က်” ဟှို တိုက်မိဘီးလဲဟှူကြောန့် ဖြစ်လေဟှယ်။ 
\v 33 ကျမ်းစာဟှ
\q1 “ကေ့ရှုဂေ့၊
\q2 လူလေ ထိမိလဲတတ်ဟှူ က္လော့‑က်'ဟှို ဇိအုန်တောန်ထတ်မာ ငါခ္လဟှားမယ်။
\q1 အယ်က္လော့‑က်ဟှို လူလေ ထိမိလဲဂေ့လေ့မယ်။
\q2 အယ်ဘေမဲ့ အယ်က္လော့‑က်ဟှို မှီပြုဟှူသူလေဟှာ ယှစ်ကြော့‑က်စိပျစ်မှု မှေ့ဟှ” ဆိုဘီး ဖော်ပြဟှားလေဟှယ်။
\c 10
\p
\v 1 ညီကို မောန်နှမလေ ငါဟှာ ဣသရေလူမျိုးလေ ကယ်တန်ရှင်းရဟှို့တွပ် စေတနာစိပ္လဲ့ဝန ဘုရားသခင်ဆီမာ ဆုတောန်းလေ့ရှိပါဟှယ်။ 
\v 2 အယ်သူလေဟှာ မှန်ဟှူပညာ မှေ့ဘဲဟှူလည်းဘဲ့ ဘုရားသခင်ဖတ်မာ ရရာတိုင်း စိအားကီးကြောန်းဟှို သူးနို့လေတွပ် ငါသတ်သေခံပါဟှယ်။ 
\v 3 သူးနို့လေဟှာ ဘုရားသခင်ပြင်ဆင်ပေးဟှူ ဖြောန့်မတ်ရှင်းတရားဟှို သိဘဲန ကိုယ့်ဖြောန့်မတ်ရှင်းဟှို တည်စေဟှို့တွပ် ရှာကြံဟှူကြောန့် ဘုရားသခင်ပြင်ဆင်ပေးဟှူ ဖြောန့်မတ်ရှင်းတရားဟှို ဝန်ခံဂေ့ဟှ။ 
\v 4 ယောင်ကြည်ဟှူ လူလေ အားလောင်းဂူဟှာ ဖြောန့်မတ်ရာဟှို ရော့‑က်ဟှို့တွပ်ကြောန့် ပညတ်တရားဟှာ ခရစ်တော်အားဖြင့် ပ္လဲ့ဇောင်စေဟှယ်။
\s လူလေ အားလောင်းဂူတွပ် ကယ်တန်ရှင်းကြောန်း
\p
\v 5 မောရှေဟှလည်း “အယ်ကျင့်ဟှို ကျင့်ဟှူသူဟှာ အယ်ကျင့်အားဖြင့်ဘဲ့ သတ်ရှင်လေ့မယ်” ဆိုဘီး ပညတ်တရားနဆိုင်ဟှူ ဖြောန့်မတ်ရှင်းဟှို ရည်ရွယ်ဘီးဟှာ ရေးဟှားလေဟှယ်။ 
\v 6 ယောင်ကြည်ရှင်းအားဖြင့်ရဟှူ ဖြောန့်မတ်ရှင်းနပတ်သတ်ဘီး ကျမ်းစာတော်ဟှ “ဖယ်သူဟှ ကောန်းဂန်ဟှို တတ်မယ်နူး ဆိုဘီး စိနှလောင်းထဲဟှမေးန။ (ဆိုလိုဇာဟှ ခရစ်တော်ဟှို အော့‑က်ဟှိုခေါ်ပန့်ဟှို့တွပ်) 
\v 7 ဖယ်သူဟှ အော့‑က်အရပ် နတ်နဲရာထဲဟှို ဆင်းမယ်နူး ဆိုဘီး မေးဂေ့န” (ဆိုလိုဇာဟှ ခရစ်တော်ဟှို သေဟှူသူလေထဲဟှ ခေါ်ပန့်ဟှို့တွပ်ဖြစ်ဟှယ်)။ 
\v 8 နော့‑က်ဘီး ကျမ်းစာတော်ဟှ “တရားတော်ဟှာ နန့်ရဲ့နီးနားမာရှိဟှယ်။ နန့်ရဲ့နှောက်မာဖြစ်ဖြစ် နန့်ရဲ့ နှလောင်းမာဖြစ်ဖြစ် ရှိဟှယ်” ဆိုဘီး ပြောဟှားဟှယ်။ အယ်မျိုးပြောဟှူဇာဟှ နို့လေ ဟောပြောကြေညာဟှူ ယောင်ကြည်ရှင်းတရားဘဲ့ ဖြစ်လေဟှယ်။ 
\v 9 ဖယ်မျိုးနူးဆိုဟှာ နန်ဟှာ သခင်ယေရှုဟှို နှောက်နဝန်ခံဘီး ဘုရားသခင်ဟှ သူ့ဟှို သေရှင်းဟှနေ ထမြော့‑က်စေဘီ ဆိုဘီး စိနှလောင်းထဲဟှနေ ယောင်ကြည်ဟှယ် ဆိုဟှာ ကယ်တန်ရှင်းဟှို ရော့‑က်လေ့မယ်။ 
\v 10 ဖြားဖြစ်ကြောန့်နူးဆိုဟှာ ဖြောန့်မတ်ရာဟှို ရော့‑က်ဟှို့တွပ် စိနှလောင်းန ယောင်ကြည်ဘီးဟှာ ကယ်တန်ရှင်းဟှိုရော့‑က်ဟှို့တွပ် နှောက်နဝန်ခံရဟှယ်။ 
\v 11 ကျမ်းစာလာဟှူဇာဟှ “အယ်က္လော့‑က်ဟှို မှီပြုဟှူသူလေဟှာ ယှစ်ကြော့‑က်ရှင်းမှေ့ဟှ” ဆိုဘီး လာလေဟှယ်။ 
\v 12 ယုဒလူမျိုး လူမျိုးခြားဆိုဘီး ခွဲခြားဟှ လူမျိုးအားလောင်းရဲ့ သခင်တပါးဒဲဖြစ်ဟှယ်။ ကိုယ်တော့်ဟှို ဆုတောန်းဟှူသူလေဟှို ကြွယ်ဝအောန် ကောန်းကြီးပေးတော်မူဟှယ်။ 
\v 13 ကျမ်းစာတော်ဟှ “ဘုရားသခင်ရဲ့ နာမတော်ဟှို အော်ခေါ်ဂေ့ဟှူ လူလေ အားလောင်းဂူဟှာ ကယ်တန်ရှင်းခံရဂေ့လေ့မယ်” ဆိုဘီး လာလေဟှယ်။
\p
\v 14 အယ်ဘေမဲ့ ယောင်ဘဲနနေဟှာ ဖယ်မူမျိုး ဆုတောန်းနိုင်မယ်နူး။ ဒန်းကောန်းဟှို ကြားဘဲနနေဟှာလည်း ဖယ်မူမျိုး ယောင်ကြည်နိုင်မယ်နူး။ ဟောပြောဟှူသူလေ မှေ့ဘဲနနေဟှာ ဖယ်မူမျိုး ကြားနိုင်ဂေ့မယ်နူး။ 
\v 15 လူလေဟှို စေလွှတ်ဘဲနနေဟှာ ဖယ်မူမျိုး ဟောပြောနိုင်မယ်နူး။ ကျမ်းစာတော်ဟှ “ဒန်းကောန်းဟှို သယ်ဆောန်လာဟှူသူလေရဲ့ခေဟှာ ရရာတိုင်းဘဲ့ အသရေရှိဘီး တင့်တယ်လေဟှယ်!” ဆိုဘီး လာလေဟှယ်။ 
\v 16 အယ်ဘေမဲ့လည်း ဝန်းသာဇာကောန်းဟှူ အယ်ဒန်းကောန်းဟှို လူတိုင်းနားထောန်ဂေ့ဇာ မှုဟှ ပရောဖက်ဟေရှာယဟှ “အို၊ ဘုရားသခင် ကျွန်တော့်ဟှားလေဟောပြောဟှူ အယ်ဒန်းကောန်းဟှို ဖယ်သူလေ ယောင်ကြည်ကြောန့်နူး” ဆိုဘီး ပြောလေဟှယ်။ 
\v 17 အယ်မျိုးဖြစ်ကြောန့် ယောင်ကြည်ရှင်းဟှာ ဒန်းကောန်းဟှို ကြားနာရှင်းအားဖြင့်ဖြစ်ဘီး ကြားနာရှင်းဟှာလည်း ခရစ်တော်ရဲ့ စကားတော် ဟောပြောရှင်းအားဖြင့် ဖြစ်လေဟှယ်။
\p
\v 18 အယ်ဘေမဲ့ အယ်ဒန်းကောန်းဟှို လူလေ ကြားရဂေ့ဟှလော။ တကယ်ဘဲ့ ကြားရဂေ့ဘီ။ ကျမ်းစာတော်ဟှ
\q1 “သူးနို့ရဲ့ သံဟှာ လောကလောင်းဟှို ပ္လံ့နှံ့ဟှားလေဟှယ်။
\q2 သူးနို့လေ ဟောပြောဟှူ စကားဟှာလည်း မ္လေဂီးစွန်းထိအောန် ရော့‑က်လေဘီ” ဆိုဘီး လာလေဟှယ်။
\m
\v 19 နော့‑က်ဘီး ငါမေးအူးမယ်။ ဣသရေလ လူမျိုးလေဟှာ အယ်မူဇာလေဟှို သိဂေ့ဟှလော။ မောရှေဟှ
\q1 “ငါဟှာ ရေရာဘဲဟှူ လူမျိုးလေဟှို သောင်းပြုရှင်းအားဖြင့်
\q2 နန်းနို့လေဟှို နာလိုဘဲစိဟှို ဖြစ်စေမယ်
\q1 မိုက်မဲဟှူ လူမျိုးလေအားဖြင့်
\q2 စိဆိုးအောန် ငါပြုမယ်” ဆိုဘီး ရှေ့ဦးဆောင်း ပြောလေဟှယ်။
\m
\v 20 ပရောဖက် ဟေရှာယဟှ
\q1 “ငါ့ဟှို ရှာဂေ့ဘဲဟှူ သူလေဟှာ ငါ့ဟှို တွိရလေ့မယ်။
\q2 ငါ့ရဲ့ ကြောန်းဟှို စောင်ဇမ်း မေးမြန်းဘဲဟှူ သူလေနားမာ ငါထန်ရှားမယ်” ဆိုဘီး ရဲရဲရင့်ရင့် ပြောလေဟှယ်။
\m
\v 21 ဣသရေလ လူမျိုးလေန ပတ်သတ်ဘီး နော့‑က်ထပ် ပြောဟှူဇာဟှ “ငါ့ဟှို ဆန့်ကျင်ပေါင်ကန်ဘီး ငါ့စကားဟှို နားထောန်ဘဲဟှူ အယ်လူမျိုးလေနားဟှို တနေ့လောင်း ငါ့လတ်ဟှို ကမ်းဟှားရဟှယ်” ဆိုဘီး ပြောလေဟှယ်။
\c 11
\s ဘုရားသခင်ရဲ့ ကရုဏာတော်ကြောန်း
\p
\v 1 \x - \xo ၁၁.၁ \xo*\xt ဖိ ၃.၅\xt*\x*အယ်မျိုးဆိုဟှာ ဘုရားသခင်ဟှ သူ့ရဲ့လူမျိုးနွယ်ဟှို ပယ်လိုက်ဘီလော ဆိုဘီး မေးမယ် ဆိုဟှာ လောင်းဝမပယ်ဟှ! ငါကိုယ်တိုင်ဘဲ့ ဣသရေလလူမျိုးဖြစ်ဘီး အာဗြဟံဟှနေ ဆင်းသတ်လာဟှူ ဗင်္ယာမိန်နွယ်ဖြစ်ဟှယ်။ 
\v 2 ဘုရားသခင်ဟှာ စစဒူးဟှ သူဝီးကော့‑က်ဟှူ သူ့လူမျိုးလေဟှို စွန့်ပယ်တော်မူဟှ။ ပရောဖက်ဧလိယဟှ ဣသရေလ လူမျိုးလေရဲ့ မိုက်မဲမှုဟှို ဘုရားသခင်ဆီ ကြားလျှော့‑က်ဟှူ ကြောန်းရာဟှို ကျမ်းစာမာ ဖယ်မျိုးဖော်ပြဟှားနူးဆိုဇာ နန်းနို့သိဂေ့လေဟှယ်။ 
\v 3 သူဟှ “အိုး၊ ဘုရားသခင်၊ သူးနို့လေဟှာ ကိုယ်တော်ရဲ့ ပရောဖက်လေဟှို သတ်ဘီးဟှာ ယဇ်ပလ္လင်လေဟှို ဖြိုဖျစ်ဂေ့ပါဘီ။ ကျွန်တော်တယော့‑က်ဒဲဘဲ့ ကျန်ရစ်ဘီး ကျွန်တော်ဟှိုလည်း သတ်ဟှို့ရှာနေဂေ့ပါဟှယ်” ဆိုဘီး လျှော့‑က်လေဟှယ်။ 
\v 4 အယ်မျိုးလျှော့‑က်ဟှူ ခီမာ ဘုရားသခင်ဟှ ဧလိယဟှို ဖယ်မျိုး ဗျာဒိတ်ပေးဟှယ်နူး။ ဘုရားသခင်ဟှ “ဗာလရှေ့မာ ဒူးထော့‑က်ဝတ်ပြုဘဲသူ ၇,၀၀၀ ဟှို ငါ့တွပ် ချန်ဟှားဟှယ်” ဆိုဘီး မိန့်တော်မူလေဟှယ်။ 
\v 5 ခုကာလမာလည်း အယ်မျိုးဘဲ့၊ ကျေးဇူးတော်ကြောန့် ဝီးကော့‑က်ရှင်းခံရဟှူသူလေ အနဲစုကျန်ရှိနေသေးဟှယ်။ 
\v 6 ကျေးဇူးတော်အားဖြင့် ဝီးကော့‑က်ရှင်းခံရဟှယ် ဆိုဟှာ ကိုယ့်ရဲ့ကျင့်အားဖြင့် မှုဟှ။ ကိုယ်ရဲ့ကျင့်ကြောန့် ဆိုဟှာလည်း ကျေးဇူးတော်စစ်မှန် မှုဟှ။
\p
\v 7 အယ်ဆိုဟှာ ဖယ်မျိုးပြောရမယ်နူး။ ဣသရေလလူမျိုးလေဟှာ သူးနို့ကြိုးစားဘီး ရှာဖွေဇာဟှို မတွိဂေ့ဟှ။ အယ်ရာဟှို ဝီးကော့‑က်ရှင်းခံရသူလေဘဲ့ တွိရဘီး ကျန်ဟှူသူလေဟှာ မှောန်မိုက်ဖောင်းလွှမ်းကြောန့်နေဂေ့ဟှယ်။ 
\v 8 ကျမ်းစာဟှ “ဘုရားသခင်ဟှာ သူးနို့လေရဲ့ စိနှလောင်းဟှို မိုက်စေတော်မူဘီး ဗြင်ဘဲဟှူမျစ်စိန၊ ကြားဘဲနားဟှို ပေးတော်မူဘီ” ဆိုဘီး လာလေဟှယ်။ အယ်ကြောန့် အယ်နေ့ထိ သူးနို့လေဟှာ မဗြင်နိုင် မကြားနိုင်ဂေ့ဟှ။ 
\v 9 နော့‑က်ဘီး ဒါဝိဒ်ဟှလည်း၊
\q1 “သူးနို့ရဲ့ စားဗွဲဟှာ သူးနို့တွပ် ကျော့ကွမ်းဟှူမျိုး၊
\q2 ထောန်ချော့‑က်ဟှူမျိုး၊ မှားယွင်းစေတတ်ဟှူရာဟှူမျိုး၊ လတ်တုံ့ပ္လန်စရာမျိုး ဖြစ်ပါစေ။
\q1
\v 10 သူးနို့ရဲ့ မျစ်စိ ကေ့ဟှို့ ဗြင်ဘဲနေအောင် ကွယ်ပါစေ။
\q2 သူးနို့ရဲ့ ခါးလည်းဘဲ့ မြဲဒမ်း ကူးပါစေ” ဆိုဘီး ဆိုဟှားလေဟှယ်။
\p
\v 11 အယ်မျိုးဆိုဟှာ ဣသရေလလူမျိုးလေ ထိမိဘီး လဲဂေ့ဘီလော။ လဲဂေ့ဟှ! သူးနို့လေ ပြစ်မှားဟှူဇာအားဖြင့် လူမျိုးခြားလေဆီဟှို ကယ်တန်ရှင်း သတ်ရော့‑က်စေဘီး အယ်မှုရာအားဖြင့် ယုဒလူမျိုးလေရဲ့ နာလိုဘဲဟှူ စိဟှို ဖြစ်ပေါ်လာစေဟှယ်။ 
\v 12 သူးနို့လေရဲ့ ပြစ်ကျူးလွန်မှုဟှာ လောကီသားလေရဲ့ ကြွယ်ဝမှုဟှို ဖြစ်စေဘီး သူးနို့လေရဲ့ ဆောင်းရှောင်းမှုဟှာ လူမျိုးခြားလေဟှို ကောန်းကြီးဖြစ် စေဟှယ် ဆိုဟှာ သူးနို့ရဲ့ ပ္လဲ့ဇောင်မှုဟှာ ဖယ်မျှလော့‑က်များဟှူ ကျိုးဟှို ဖြစ်စေလေ့မယ်နူး။ လူမျိုးခြားလေ ကယ်တန်ရှင်း ခံရဟှူကြောန်း
\p
\v 13 အယ်ကြောန့် လူမျိုးခြားဖြစ်ဟှူ နန်းနို့ဟှို ငါပြောရှင်ဇာဟှ၊ ငါဟှာ လူမျိုးခြားလေနဆိုင်ဟှူ တမန်တော်ဖြစ်ဘီး ငါ့ရဲ့ မှုဆောန်လောက်ငန်းဟှို ဂေါင်ယူဝါကြွားဘီး 
\v 14 တနည်းအားဖြင့် ငါ့လူမျိုးလေရဲ့ မနာလိုစိဟှို ဖြစ်ပေါ်စေရှင်းအားဖြင့် သူးနို့လေထဲဟှ လူတချို့ဟှို ကယ်တန်နိုင်ဟှို့တွပ် မျှော်လင့်နေပါဟှယ်။ 
\v 15 ဖြားဖြစ်ကြောန်နူးဆိုဟှာ သူးနို့လေပစ်ပယ်ခံရဟှူဇာဟှ လောကသားလေတွပ် မိတ်သဟာရဖွဲ့ရှင်းခွမ့် ဖြစ်ဟှယ် ဆိုဟှာ၊ သူးနို့ဟှို ပ္လန်ဘီးလတ်ခံဟှူဇာဟှာ သေဟှားဘီးသူလေ သတ်ပ္လန်ရှင်လာဟှူဇာမျိုး ဖြစ်လေ့မယ် မှုဟှလော။
\p
\v 16 ရင်ဦးဆောင်းနယ်ဟှူ မုညစ်ဟှာ သန့်ရှင်းဟှယ်ဆို တအိုးလောင်း သန့်ရှင်းလေ့မယ်။ သစ်ပြစ် သန့်ရှင်းဟှယ် ဆိုဟှာ ကိုင်းခတ်လေ အားလောင်းဂူ သန့်ရှင်းလေ့မယ်။ 
\v 17 အယ်ဘေမဲ့ တချို့ သံလွင်ခတ်ဟှို ခွတ်ဖြတ်ဘီး၊ ရိုင်းဟှူ သံလွင်ဗန်ဖြစ်ဟှူ နန်းနို့လေဟှို အယ်မူသံလွင်ဗန်ငုထတ်မာ ကိုင်းဆစ်စိုက်ပျိုးဟှူကြောန့် သံလွင်ဗန်ရဲ့ သစ်ပြစ်ဟှနေဘီး ဆီနှစ်န ဩဇာဟှို မျှဝီခံစားဟှူ သူဖြစ်လာဟှယ် ဆိုဟှာ 
\v 18 အယ်မူကိုင်းခတ်လေထတ်မာ ဝါကြွားဟှူစိ ရှိဂေ့န။ ဝါကြွားဟှယ် ဆိုဟှာလည်း နန်ဟှာ သစ်ပြစ်ဟှို ထော့‑က်မဟှူ ဇာမှုဟှ။ သစ်ပြစ်ဟှ နန့်ဟှိုထော့‑က်မဟှူ ဇာဖြစ်ဟှယ်။
\p
\v 19 အယ်ဘေမဲ့ နန်ဟှ “ကျွန်တော့်ဟှို ကိုင်းဆစ်ကူးဟှို့တွပ် အယ်မူကိုင်းခတ်လေဟှို ခွတ်ပစ်ခံရဟှယ်” ဆိုဘီး ပြောလေ့မယ်။ 
\v 20 နန်းနို့ပြောဟှူတိုင်း မှန်ဟှယ်။ သူးနို့လေဟှာ ယောင်ကြည်ဘဲကြောန့် ခွတ်ပစ်ခံရဘီး နန်းနို့လေဟှာ ယောင်ကြည်ဂေ့ဟှူကြောန့် တည်နေလေဟှယ်။ အယ်ဘေမဲ့ မော့‑က်မာထောန်လွှားဟှူစိ မှေ့ဘဲန ကြော့‑က်ရွံ့ဟှူ စိရှိဂေ့ပါ။ 
\v 21 ဖြားဖြစ်ကြောန့်နူးဆိုဟှာ ဘုရားသခင်ဟှ နဂိုသံလွင်ဗန်ရဲ့ ကိုင်းခတ်ဟှို ဗြောဘဲန ခွတ်ပစ်ဟှယ် ဆိုဟှာ နန်းနို့လေဟှိုလည်း ဗြောဟှို့ မှုဟှ။ 
\v 22 အယ်ကြောန့် ဘုရားသခင်ရဲ့ ပြင်းထန်ဟှူစီရင်ရှင်းန ကျေးဇူးပြုရှင်းလေဟှို ကေ့ဂေ့ပါ။ ပြင်းထန်ဟှူစီရင်ရှင်းဟှာ လဲဟှူသူလေထတ်မာရှိဘီး ဘုရားသခင်ရဲ့ ကျေးဇူးပြုတော်မူရှင်းကြောန်းရာဟှ၊ နန်ဟှာ အယ်မူကျေးဇူးတော်န တည်နေမယ် ဆိုဟှာ ဘုရားသခင်ရဲ့ ကရုဏာတော်ဟှာ နန့်ပေါ်မာရှိဟှယ်။ တည်ဘဲနနေဟှာ နန်လည်း ခွတ်ပစ်ရှင်းခံရလေ့မယ်။ 
\v 23 ယုဒလူမျိုးလေဟှာ မယောင်ကြည်ဘဲစိဟှို စွန့်ပစ်ဘီး ယောင်ကြည်မယ် ဆိုဟှာ ပန်ငုထတ်မာ နော့‑က်ထပ်စိုက်ပျိုးဟှို့တွပ် ဘုရားသခင်တတ်နိုင်တော်မူဟှယ်။ 
\v 24 ဖြားဖြစ်ကြောန့်နူးဆိုဟှာ လူမျိုးခြားလေဖြစ်ဟှူ နန်းနို့လေဟှို နဂိုရိုင်းဟှူသံလွင်ဗန်ဟှနေ ခွတ်ယူဘီးဟှာ ယဉ်ဟှူသံလွင်ဗန်မာ ကိုင်းဆစ်ဘီး စိုက်ပျိုးရဟှယ် ဆိုဟှာ၊ ယဉ်ဟှူသံလွင်ဗန်ရဲ့ နဂိုကိုင်းလေဖြစ်ဟှူ ယုဒလူမျိုးလေဟှို ပ္လန်ဘီးလာစိုက်ပျိုးမယ် ဆိုဟှာ ပိုဘီးဟှာ လွယ်ကူလေ့မယ် မှုဟှလော။
\s လူလေ အားလောင်းဂူပေါ်ဟှို ဘုရားသခင်ထားဟှူကရုဏာတော်ကြောန်း
\p
\v 25 ညီကို မောန်နှမလေ၊ နန်းနို့လေဟှာ ကိုယ့်ကိုယ်ကိုယ် ပညာသတိရှိဟှူသူ ဆိုဘီး ထန်မှတ်ဘဲနေဟှို့တွပ် အယ်မူလျှို့ဝှပ်နတ်နဲဟှူရာဟှို သိဘဲနနေစေရှင်ဟှ။ အယ်မူလျှို့ဝှပ်နတ်နဲဟှူရာဟှ ဣသရေလလူမျိုးလေမာ မာကျောခတ်ထန်ဟှူသူတချို့ ရှိဟှူဇာကြောန်းဟှ လူမျိုးခြားလေ စောင်းစောင်လင်းလင် ဝမ်ရော့‑က်လာဟှူခီထိဖြစ်ဘီး၊ 
\v 26 အယ်ဘီးမှ ဣသရေလလူမျိုးလေဟှာ ကယ်တန်ရှင်းခံရလေ့မယ် ဖြစ်ဟှယ်။ ကျမ်းစာဟှ၊
\q1 “ကယ်တန်ဟှူသခင်ဟှာ ဇိအုန်တောန်ဟှနေကြွလာဘီး၊
\q2 ယာကုပ်မျိုးနွယ်ထဲဟှနေ တရားဘဲဟှူမှုလေ အားလောင်းဂူဟှို ဖယ်ရှားတော်မူလေ့မယ်။
\q1
\v 27 သူးနို့လေရဲ့ ပြစ်လေဟှို ငါဖယ်ရှားပေးဟှူ ခီမာ
\q2 သူးနို့လေဟှို ငါပေးဟှူ ပဋိညာဉ်တရားဟှ အယ်မူမျိုး တရားဘဲ့ ဖြစ်ဟှယ်” ဆိုဘီး လာလေဟှယ်။
\m
\v 28 ကောန်းမြတ်ဟှူ ဒန်းကောန်းအားဖြင့် သူးနို့လေဟှာ နန်းနို့တွပ်ကြောန့် ရန်သူလေ ဖြစ်လာဂေ့ဘီး ဝီးကော့‑က်တော်မူဟှူ ဇာအားဖြင့် ရှေးဘိုးဘေးလေကြောန်းကြောန့် ရှစ်ရဟှူသူ ဖြစ်လာဂေ့ဟှယ်။ 
\v 29 ဖြားဖြစ်ကြောန့်နူးဆိုဟှာ ဘုရားသခင်ပေးတော်မူဟှူ ဝီးကော့‑က်ရှင်း ကောန်းကြီးမင်္ဂလာဟှာ ပ္လောန်းလဲမှုမှေ့တတ်ဟှ။ 
\v 30 နန်းနို့လေဟှာ စဒူးဟှ ဘုရားသခင်ရဲ့ စကားတော်ဟှို နားထောန်ဘဲနေဟှူလည်းဘဲ့ ခု သူးနို့လေ နားထောန်ဘဲနေကြောန့် နန်းနို့လေဟှာ ကရုဏာတော်ဟှို ခံစားရဂေ့ဟှယ်။ 
\v 31 အယ်မူမျိုးဘဲ့ ဘုရားသခင်ရဲ့ ကရုဏာတော်ဟှို နန်းနို့ခံစားရဟှူမျိုး ယုဒလူမျိုးလေလည်း ကရုဏာဟှို ခံစားရဟှို့တွပ် ဘုရားသခင်ရဲ့ စကားတော်ဟှို ခု\f + \fr ၁၁.၃၁ \fr*\ft တချို့ မူရင်းလတ်ရေးမူလေမာ \ft*\fq ခု၊ \fq*\ft ဆိုဇာဟှာ မှေ့ဟှ။\ft*\f* နားထောန်ဘဲ နေရဂေ့ဟှယ်။ 
\v 32 ဘုရားသခင်ဟှာ သူ့ရဲ့ ကရုဏာတော်ဟှို လူလေ အားလောင်းဂူ ခံစားရရှိဟှို့တွပ် လူလေဟှို နားမထောန်ရှင်းအားဖြင့် ချောက်ဟှားလေဟှယ်။
\s ဘုရားသခင်ရဲ့ ဂေါင်တော်ဟှို ချီးမွမ်းဟှူကြောန်း
\p
\v 33 ဘုရားသခင်ရဲ့ ပညာန ဉာဏ်တော်ဟှာ ရရာတိုင်းဘဲ့ နတ်နဲလွန်းပါဟှယ်! စီရင်တော်မူချစ်လေဟှို ဖယ်သူလည်း လေ့လာဟှိကူနိုင်ဟှ။ ဖယ်သူရှင်းပြနိုင်ဟှူကြောန့်နူး။ ကြွတော်မူဟှူလမ်းလေဟှို လိုက်ရှာဟှူလည်းဘဲ့ တွိလည်းမတွိ မှီလည်းမမှီနိုင်ဟှ။ 
\v 34 ကျမ်းစာဟှ
\q1 “ဖယ်သူဟှ ဘုရားသခင်ရဲ့ စိတော်ဟှို သိနူး။
\q2 ဖယ်သူဟှ ကိုယ်တော်ရဲ့ တိုင်ပင်ခံဖြစ်ဖူးနူး။
\q1
\v 35 ကိုယ့်ဟှို ကျေးဇူးဆပ်ရအောန်၊
\q2 ဖယ်သူဟှ ကိုယ်တော့်ဟှို ကျေးဇူးပြုဖူးနူး” ဆိုဘီး ဖော်ပြဟှားဟှယ်။
\m
\v 36 \x - \xo ၁၁.၃၆ \xo*\xt ၁ ကော ၈.၆\xt*\x* ရာအားလောင်းဂူဟှာ ကိုယ်တော်ရဲ့ ထဲဟှ ကိုယ်တော်အားဖြင့် ကိုယ်တော်ရဲ့ တွပ်ဘဲ့ ဖြစ်လေဟှယ်။ ကိုယ်တော်ဟှာ ကမ္ဘာဆစ်ဆစ် ဖောင်းကီးတော်မူပါစေ! အာမင်။
\c 12
\s ဘုရားသခင်ရဲ့ မှုတော်ဟှို ဆောန်ဟှို့တွပ် ဖယ်မျိုးသတ်ရှင်ရဟှို့ကြောန်း
\p
\v 1 အယ်မျိုးဖြစ်ကြောန့် ညီကို မောန်နှမလေ၊ ဘုရားသခင်ရဲ့ ကရုဏာတော်အားဖြင့် နန်းနို့လေဟှို ငါတိုက်တွန်းနှိုးဆော်ရှင်ဇာဟှ နန်းနို့လေရဲ့ ကိုယ်ခန္ဓာဟှို ဘုရားသခင် နှစ်သက်ဟှူ သန့်ရှင်းရှင်း လတ်ခဏာမျိုးမျိုးန ပ္လဲ့ဇောင်ဟှူ သတ်ရှင်ရှင်း ယဇ်ဖြစ် ဆစ်ကပ်ပူဇော်ဂေ့ပါ။ အယ်မျိုးပြုဟှူဇာဟှ နန်းနို့လေဟှာ မှန်ကန်ဟှူ ဝတ်ပြုကိုးကွယ်ရှင်း ဖြစ်လေဟှယ်။ 
\v 2 နန်းနို့လေဟှာ လောကီ ပေါင်သဏ္ဌာန်ဟှို ဆောန်ဂေ့န။ ကောန်းမြတ်ဟှူဇာ၊ စောင်လင်ဟှူဇာဖြစ်ဟှူ ဘုရားသခင် လိုတော်ရှိဟှူဇာဟှာ ဖယ်မူမျိုးဇာဖြစ်ဟှယ် ဆိုဇာဟှို ပိုင်းခြားနိုင်ဟှို့တွပ် စိနှလောင်းဟှို သစ်ပြုပြင်ရှင်းအားဖြင့် ပေါင်သဏ္ဌာန် ပ္လောန်းလဲရှင်း ရှိဂေ့ပါ။ 
\v 3 နန်းနို့လေဟှာ ကိုယ့်ကိုယ်ကိုယ် တိုင်းထက်လွန် ထန်ဘဲနေဟှို့တွပ် ငါခံရဟှူ ဘုရားသခင်ရဲ့ ကျေးဇူးတော်ဟှို အားကိုးဘီးဟှာ မှာကြားရှင်ပါဟှယ်။ နန်းနို့လေဟှို ဘုရားသခင်ခွဲဝီပေးဟှူ ယောင်ကြည်ရှင်း တိုင်းတာန ကိုယ့်ကိုယ်ကိုယ် ထန်သင့်ဟှူတိုင်း ထန်မှတ်ဂေ့ပါ။ 
\v 4 \x - \xo ၁၂.၄,၅ \xo*\xt ၁ ကော ၁၂.၁၂\xt*\x*ဥပမာ ကိုယ်ခန္ဓာ တခုမာရှိဟှူ အင်္ဂါစိပိုင်းလေဟှာ မတူညီဘဲဟှူလောက်ဆောန်မှု ကိုယ်စီရှိဟှူမျိုး၊ 
\v 5 ဘောင်ဂီးဖြစ်ဟှူ နို့လေဟှာလည်း ခရစ်တော်န တလောင်းတဝဒဲဖြစ်ဘီး အားလောင်းဟှာ ကိုယ်ခန္ဓာရဲ့ကွဲပြားခြားနားဟှူ အင်္ဂါစိပိုင်းလေဖြစ်န ရှင်းရှင်း ပေါန်းစည်းဟှားဇာဖြစ်ဘီး၊ 
\v 6 \x - \xo ၁၂.၆–၈ \xo*\xt ၁ ကော ၁၂.၄–၁၁\xt*\x* နို့လေမာ ပေးအပ်တော်မူဟှူ ကျေးဇူးတော်တိုင်း ထူးထူးပြားပြားရှိဟှူ ဆုကျေးဇူးတော်လေဟှို ရရှိဂေ့ဟှယ်။ အယ်ကြောန့် အယ်ဆုကျေးဇူးဟှာ ပရောဖက်ပြု ဟောပြောရှင်းဖြစ်ဟှယ် ဆိုဟှာ ယောင်ကြည်မှု ပမာဏဟှို ရဟှူတိုင်း ပရောဖက်ပြု ဟောပြောစေ။ 
\v 7 ဓမ္မမှုဆောန် ရာဟှို ရဟှယ် ဆိုဟှာ ဓမ္မမှုဟှို ဆောန်ရွပ်စေ။ ဆောင်းမဩဝါဒ ပေးဟှူသူ ဖြစ်ဟှယ် ဆိုဟှာ အယ်မှုဟှို လောက်ဆောန်စေ။ 
\v 8 တိုက်တွန်းအားပေးဟှူသူ ဖြစ်ဟှယ် ဆိုဟှာ တိုက်တွန်းအားပေးရှင်းမှုဟှို ပြုစေ။ ဝီမျှပေးကမ်းသူဟှာ ရစ်ရစ်ရောရော ပေးကမ်းစေ။ စီမံအောက်ချောက်ဟှူ သူဟှာ လောင်းလဝီရိယန စီမံအောက်ချောက်စေ။ သူတပါးဟှို မစသနားရှင်းမှုဟှို ပြုသူဟှာ စေတနာစိန ကူညီမစစေ။
\p
\v 9 မြစ်တာဟှာ ဟန်ဆောန်မှုကင်းစေပါ။ ကောန်းဘဲဇာလေဟှို ရွံမူးဂေ့ပါ။ ကောန်းမြတ်ဟှူဇာလေဟှို ဆည်းပူးဂေ့ပါ။ 
\v 10 ညီကို မောန်နှမရှင်းရှင်း၊ ရှစ်ဟှူမြစ်တာအားဖြင့်၊ ရှင်းရှင်းရှစ်ခင်ကြင်နာဘီး ချီးမွမ်းဟှူနေရာမာ သူများဟှို ကိုယ့်ထတ် ချီးမြှော့‑က်ဂေ့ပါ။ 
\v 11 အားထုရဟှို့နေရာမာ ပျင်းကိုးဘဲန၊ စိအားထတ်သန်ဘီး ဘုရားသခင်ရဲ့ မှုတော်ဟှို ဆောန်ရွပ်ဂေ့ပါ။ 
\v 12 မျှော်လင့်ရှင်းနှိုက် ဝန်းမြော့‑က်ဘီး၊ ဆင်းရဲဒေါက်ခခံရဟှူ ခီမာ သီးခံဂေ့ပါ။ ဆုတောန်းရှင်းမှုဟှို မြဲဒမ်းပြုဂေ့ပါ။ 
\v 13 ဆင်းရဲဟှူ သန့်ရှင်းသူလေဟှို ဝီမျှပေးကမ်းဂေ့ပါ။ ဧည့်သည်လေဟှို ကြိုးစားဘီး ဧည့်ဝတ်ပြုဂေ့ပါ။
\p
\v 14 \x - \xo ၁၂.၁၄ \xo*\xt မ ၅.၄၄; လု ၆.၂၈\xt*\x*နန်းနို့လေဟှို ညှင်းဆဲဟှူသူလေတွပ် ကောန်းကြီးပေးဘီး၊ ကီဆဲဘဲန မြစ်တာပို့ဂေ့ပါ။ 
\v 15 ဝန်းသာသူလေနတူးဒူ ဝန်းသာဘီး၊ ငိုဟှူသူလေနတူးဒူ ငိုဂေ့ပါ။ 
\v 16 ရှင်းရှင်း စိဝန်းမကွဲဘဲ ညီးညီညွတ်ညွတ် ရှိဂေ့ပါ။ ထောန်လွှားဟှူစိမှေ့ဘဲန နှိခ္လဟှူ သူလေဟှို လတ်ခံဂေ့ပါ။\f + \fr ၁၂.၁၆ \fr*\fq နှိခ္လဟှူ သူလေဟှို လတ်ခံဂေ့ပါ၊ \fq*\ft အယ်မျိုးမှုဘဲနေဟှာ \ft*\fqa နှိခ္လဟှူ သူလေဟှို မိဆွေဖွဲ့ပါ။\fqa*\f* ကိုယ့်ကိုယ်ကိုယ် ပညာရှိဆိုဘီး ထန်မှတ်ဂေ့န။
\p
\v 17 ဖယ်သူ့ဟှိုမှလည်း ပ္လန်ဘီးရန်တုံ့ပ္လန်န။ လူလေရှေ့မာ အသရေရှိတင့်တယ်အောင် ပြုကျင့်ဂေ့ပါ။ 
\v 18 လူတိုင်းန တတ်နိုင်ဟှူမျှ သင့်မြတ်အောန်နေဂေ့ပါ။ 
\v 19 ရှစ်ရဟှူသူလေ၊ သူများလေ နန်းနို့ဟှို ပြစ်မှားဟှာ ကိုယ်တိုင် ပ္လန်ဘီးရန်တုံ့ပ္လန်ဂေ့န၊ ဘုရားသခင်ဟှဘဲ့ စီရင်တော်မူပါစေ။ ဘုရားသခင် မိန့်တော်မူဇာဟှ “ငါဟှာ ပြစ်တရားဟှို စီရင်ပိုင်ဟှယ်။ ပြစ်ရှိဟှူတိုင်း ငါဆပ်ပေးမယ်” ဆိုဘီး ကျမ်းစာလာလေဟှယ်။ 
\v 20 အယ်ကြောန့် ကျမ်းစာလာဇာဟှ “နန့်ရန်သူဟှာ စားရမဲ့သော့‑က်ရမဲ့ ဖြစ်ဟှူ ခီမာ စားဇာကျွေးပါ။ ရေငတ်နေဟှယ် ဆိုဟှာ သော့‑က်ဟှို့ရေပေးပါ။ အယ်မျိုးပြုရှင်းအားဖြင့် နန်ဟှာ သူ့ရဲ့ ခေါန်းထတ်မာ မီးခဲဟှို ပေါင်ဟှားလေ့မယ်” ဆိုဘီး ဖော်ပြဟှားဟှယ်။ 
\v 21 ဆိုးအားဖြင့် ရှောင်းခံန၊ ကောန်းအားဖြင့်ဘဲ့ ဆိုးဟှိုနိုင်ယူပါ။
\c 13
\s စိုးရမန်းဟှို ပြုအပ်ဟှူဝတ်ကြောန်း
\p
\v 1 လူတိုင်း စိုးရမန်းရဲ့ မိန့်အာဏာဟှို လိုက်နာဂေ့ရမယ်။ ဖြားဖြစ်ကြောန့်နူးဆိုဟှာ၊ ဘုရားသခင်ရဲ့ အခွမ့်မှေ့ဘဲနေဟှာ၊ မန်းအာဏာဆိုဇာလည်း မှေ့ဟှ။ အာဏာပိုင်လေ အားလောင်းဂူဟှို ဘုရားသခင် ခန့်အပ်ဟှားကြောန့် ဖြစ်ဟှယ်။ 
\v 2 အယ်ကြောန့်၊ မန်းရဲ့ ခွမ့်အာဏာဟှို လွန်ဆန်သူဟှာ ဘုရားသခင်ဟှို လွန်ဆန်သူ ဖြစ်ဟှယ်။ အယ်မူမျိုးပြုဟှူ သူလေဟှာ ပြစ်စီရင်ရှင်းဟှို ခံရမယ်။ 
\v 3 မန်းဆိုဇာဟှ ကောန်းဟှူ ကျင့်ဟှို ကျင့်ဟှူသူလေ ကြော့‑က်ရဟှို့ မှုဘဲန ကောန်းဘဲကျင့်လေဟှို ပြုကျင့်သူလေ ကြော့‑က်ရဟှို့ ဖြစ်ဟှယ်။ မန်းရဲ့ ခွမ့်အာဏာဟှို ကြော့‑က်ဘဲန နေရှင်လော။ အယ်ဆိုဟှာ ကောန်းဟှူ ကျင့်ဟှို ကျင့်ပါ။ အယ်မျိုးကျင့်ဟှယ် ဆိုဟှာ သူရဲ့ ချီးမွမ်းရှင်းဟှို ခံရလေ့မယ်။ 
\v 4 ဖြားဖြစ်ကြောန့်နူးဆိုဟှာ မန်းဟှာ နန်းနို့လေရဲ့ ကျိုးတွပ် ဘုရားသခင်ရဲ့ စေခံကျွန်လေဖြစ်ဟှယ်။ ကောန်းဘဲကျင့်ဟှို ကျင့်ဟှယ် ဆိုဟှာ ကြော့‑က်ဂေ့ပါ။ သူဟှာ ထားဟှို သတ်သတ်မဲ့ ကိုင်ဟှားဇာ မှုဟှ။ သူးနို့လေဟှာ ဘုရားသခင်ရဲ့ စေခံကျွန်လေဖြစ်ကြောန့် ကောန်းဘဲဟှူ ကျင့်လေဟှို ကျင့်ဟှူသူလေဟှို ဘုရားသခင်ကိုယ်စား ပြစ်ဒန်စီရင်သူလေဖြစ်ဟှယ်။ 
\v 5 အယ်ကြောန့် ပြစ်ဒန်ဟှို ကြော့‑က်ဟှိကြောန့် မန်းအာဏာရဲ့ အောက်စိုးမှုဟှို ဝန်ခံဇာ မှုဘဲန၊ ဘုရားသခင်ရဲ့ စီရင်ရှင်းဟှို ကြော့‑က်ဟှိကြောန့်လည်း မှုဘဲန ကိုယ့်ကိုယ်ကိုယ် သိဟှူစိဟှို ထော့‑က်ဘီးဟှာ ဝန်ခံရမယ်။
\p
\v 6 \x - \xo ၁၃.၆,၇ \xo*\xt မ ၂၂.၂၁; မာ ၁၂.၁၇; လု ၂၀.၂၅\xt*\x*အယ်ကြောန့် နန်းနို့လေ အခွန်ဟှို ပေးဆောန်ဂေ့ပါ။ စိုးရအာဏာပိုင်လေဟှာ သူးနို့တာဝန်ဟှို ကျေပွန်အောန် ထမ်းဆောန်နေဟှူ ဘုရားသခင်ရဲ့ မှုဆောန်လေဖြစ်ဟှယ်။ 
\v 7 အယ်ကြောန့် နန်းနို့လေ ပေးဆောန်ဇာရှိဟှူတိုင်း ပေးဆောန်ဂေ့ပါ။ ခွန်ခံထိုက်ဟှူသူဟှို ခွန်ပေးဂေ့ပါ။ ကြော့‑က်ထိုက်ဟှူသူဟှို ကြော‑က်ဂေ့ပါ။ ရိုသေထိုက်ဟှူသူဟှို ရိုသေဂေ့ပါ။
\s ရှင်းရှင်းပြုအပ်ဟှူဝတ်ကြောန်း
\p
\v 8 ရှင်းရှင်း ရှစ်ရှင်းမြစ်တာကြွေးဟှနေဘီး ဖယ်ကြွေးဟှိုမှလည်း မတန်စေန။ သူများဟှို ရှစ်ဟှူသူဟှာ ပညတ်တရားဟှို စောန့်ထီးဟှူသူဖြစ်ဟှယ်။ 
\v 9 ဖြားဖြစ်ကြောန့်နူးဆိုဟှာ “အီထောန်ရေးဖော့‑က်ပ္လန်န၊ လူလေရဲ့သတ်ဟှို သတ်န၊ သူများအောက်စာဟှို ခိုးန၊ သူများအောက်စာဟှို တပ်မတ်လိုရှင်စိရှိန” ဆိုဟှူ ပညတ်ဟှစဘီး တခြားပညတ်လေ အားလောင်းဟှာ “ကိုယ်နစပ်ဆိုင်သူဟှို ကိုယ်နထပ်တူရှစ်ပါ” ဆိုဟှူ ပညတ်တခုဒဲမာ ပါဝမ်နေဇာဖြစ်ဟှယ်။ 
\v 10 ရှစ်ရှင်းမြစ်တာရှိဟှူသူဟှာ ကိုယ်နစပ်ဆိုင်သူရဲ့ကျိုးဟှို ဖျစ်ဆီးတတ်ဟှ။ အယ်ကြောန့် ရှစ်ရှင်းမြစ်တာဟှာ ပညတ်တရားအားလောင်းရဲ့ ပ္လဲ့ဇောင်ရာဖြစ်လေဟှယ်။
\p
\v 11 နန်းနို့လေဟှာ အိမွိရာဟှနေဘီး နိုးထရဟှို့ခီ ရော့‑က်လာဘီဖြစ်ဟှူကြောန်းဟှို သိဂေ့ဟှယ်။ ဖြားဖြစ်ကြောန့်နူးဆိုဟှာ နို့လေ ကယ်တန်ရှင်းခံရဟှို့ နေ့ရစ်ကာလဟှာ ယောင်ကြည်ခါစဒူးဟှထတ် ပိုဘီးနီးကပ်လာကြောန့် ဖြစ်ဟှယ်။ 
\v 12 ညဉ့်ခီကူဘီး နေ့ခီဟှို ရောက်ဟှမယ် ဖြစ်ဟှူကြောန့် မှောန်မိုက်ရဲ့ ကျင့်လေဟှို ဖယ်ရှားဘီးဟှာ လန်းရောန်ရဲ့ လတ်နတ်စောင်ဟှို ဝတ်ဆင်ဂေ့ဇို့။ 
\v 13 ပွဲလောက်ဟှူဇာလေ၊ ယစ်မျိုးမျိုး သော့‑က်ဟှူဇာလေ၊ မတရားဘဲဟှူမေထုန်ဟှို မှီဝဲဇာလေ၊ ကိလေသာညစ်ညူးဇာလေ၊ ရန်ဖြစ်ဇာလေန ဂေါင်ပြိုင်ဝါကြွားဇာလေဟှို ရှောန်ဘီးဟှာ လန်းမာကျင်လည်ဟှူသူမျိုး အသရေရှိတင့်တယ်အောန် ကျင့်သောင်းဂေ့ဇို့။ 
\v 14 သခင်ယေရှုခရစ်တော်ဟှို ဝတ်ဆင်ဂေ့ပါ။ ဇာတိသွီးသားတတ်မတ်ရှင်းနော့‑က်ဟှို လိုက်ဂေ့န။
\c 14
\s ညီကို မောန်နှမလေဟှို ပြစ်တန်ဝေဖန်မှုမလောက်ဟှို့ကြောန်း
\p
\v 1 \x - \xo ၁၄.၁ \xo*\xt ကော ၂.၁၆\xt*\x*ယောင်ကြည်ရှင်းအားနဲသူလေဟှို လတ်ခံဂေ့ပါ။ အယ်ဘေမဲ့ သူခံယူဇာန ပတ်သတ်ဘီး ဂြင်းခူမလောက်ဂေ့န။ 
\v 2 တချို့သူလေဟှာ စာမျိုးမျိုးဟှို စားအပ်ဟှယ်ဆိုဘီး ယောင်ကြည်ဂေ့ဟှယ်။ အားနဲဟှူသူဟှာ ဟန်းသီးဟန်းဝပ်လေဟှိုဘဲ့ စားတတ်ဟှယ်။ 
\v 3 စာမျိုးမျိုးဟှို စားဟှူသူဟှ စားဘဲနေသူဟှို ထီမဲ့မြင်လောက်န။ စားဘဲနနေဟှူသူဟှလည်း စားဟှူသူဟှို စစ်ကြောစီရင်န။ ဖြားဖြစ်ကြောန့်နူးဆိုဟှာ ဘုရားသခင်ဟှာ သူ့ဟှို လတ်ခံတော်မူဘီ။ 
\v 4 နန်ဟှ ဖယ်မျိုးဟှူသူဖြင့်ကြောန့် သူများပိုင်ဟှူ စေခံဟှို စစ်ကြောစီရင်ဟှယ်နူး။ သူဟှာ သူ့သခင်စီရင်ဇာအားဖြင့် ပြစ်လွတ်ရှင်းန ပြစ်စီရင်ရှင်းဟှို ရော့‑က်လေ့မယ်။ သူဟှာ ပြစ်လွတ်လေ့မယ်။ ဖြားဖြစ်ကြောန့်နူးဆိုဟှာ ဘုရားသခင်ဟှ သူ့ရဲ့ပြစ်ဟှို လွတ်ပေးဟှို့တွပ် တတ်နိုင်တော်မူဟှယ်။
\p
\v 5 တချို့လူလေဟှာ နေ့ရစ်တရစ်ထတ် တရစ်ဟှာ ပိုဘီးရေးကီးဟှယ် ဆိုဘီး စီရင်ဂေ့ဟှယ်။ တချို့လူလေဟှလည်း နေ့ရစ်အားလောင်းဟှာ တူးဒူဘဲ့ဖြစ်ဟှယ် ဆိုဘီး ယူဆဂေ့ဟှယ်။ လူတိုင်း ကိုယ့်ရဲ့ယောင်ကြည်ချစ်တိုင်း ခိုင်မြဲပါစေ။ 
\v 6 နေ့ရစ်ဟှို စောန့်ထီးဟှူသူဟှာ ဘုရားသခင်တွပ် စောန့်ဟှယ်။ စားဟှူသူဟှလည်း ဘုရားသခင်ဟှို ထော့‑က်ဘီး စားဟှယ်။ စားဘဲနေဟှူ သူဟှလည်း ဘုရားသခင်ဟှိုထော့‑က်ဟှူကြောန့် စားဘဲနနေဘီး ကျေးဇူးတော်ဟှို ချီးမွမ်းဝန်ခံလေဟှယ်။ 
\v 7 နို့လေထဲမာ ဖယ်သူဟှလည်းဘဲ့ ကိုယ့်တွပ် သတ်ရှင်ဟှ။ ဖယ်သူဟှလည်း ကိုယ့်တွပ်ဘဲ့ မသေဟှ။ 
\v 8 နို့လေ သတ်ရှင်ဟှာ သခင်ဘုရားတွပ်ဘဲ့ဖြစ်ဘီး သေဟှာလည်း သခင်ဘုရားတွပ် ဖြစ်ဟှယ်။ အယ်ကြောန့် နို့လေသတ်ရှင်နေဟှူဘဲ့ဖြစ်ဖြစ်၊ သေဟှူဘဲ့ဖြစ်ဖြစ် သခင်ဘုရား ပိုင်ဆိုင်လေဟှယ်။ 
\v 9 ဖြားဖြစ်ကြောန့်နူးဆိုဟှာ ခရစ်တော်ဟှာ သေဟှူသူလေ သတ်ရှင်ဟှူသူလေရဲ့ စိုးရဟှူ သခင်ဖြစ်ဟှို့တွပ် သေခံဘီး ရှင်ပ္လန်ထမြော့‑က်တော်မူလေဟှယ်။ 
\v 10 \x - \xo ၁၄.၁၀ \xo*\xt ၂ ကော ၅.၁၀\xt*\x*အယ်ကြောန့် နန်းနို့လေဟှာ ဖြားဖြစ်ဟှိ ကိုယ့်ညီကို မောန်နှမလေဟှို လိုက်စစ်ကြောစီရင်နေနူး။ ဖြားဖြစ်ကြောန့် ထီမဲ့မြင်ပြုရနူး။ နို့လေအားလောင်းဟှာ ဘုရားသခင်ရဲ့ တရားပလ္လင်ရှေ့ဟှို ရော့‑က်ရဂေ့မယ်။ 
\v 11 ကျမ်းစာလာဟှူဇာဟှ
\q1 “ငါသတ်ရှင်ဟှူတိုင်း၊
\q2 ငါ့ရှေ့မာ လူတိုင်း ဒူးထော့‑က်ရမယ်,
\q2 ငါဟှာ ဘုရားသခင်ဖြစ်ကြောန်းဟှို လူတိုင်း နှောက်နဝန်ခံရမယ်” ဆိုဘီး ဘုရားသခင် မိန့်တော်မူလေဟှယ်။
\m
\v 12 အယ်ကြောန့် နို့လေအားလောင်းဟှာ ဘုရားသခင်ရဲ့ စစ်ကြောတော်မူရှင်းဟှို ခံရဂေ့မယ်။
\s သူတပါးဟှို မှားယွင်းအောင်လောက်န
\p
\v 13 အယ်ကြောန့် နို့လေဟှာ နော့‑က်ထပ် ရှင်းရှင်းဟှို စစ်ကြောစီရင်ဘဲန နေဂေ့ဇို့။ ညီကို မောန်နှမဟှို ထိမိလဲတတ်ဟှူ မှုရာလေဟှို ကြံစည်ဂေ့န။ 
\v 14 ဖယ်စားဇာလည်း နဂိုတိုင်း ညစ်ညူးဟှ ဆိုဇာဟှို သခင်ယေရှုအားဖြင့် ငါမှန်းမှန်သိဟှယ်။ အယ်ဘေမဲ့လည်း ညစ်ညူးဟှယ် ဆိုဘီး နန်းနို့ယောင်ကြည်ဟှာ ယောင်ကြည်ဟှူသူတွပ် အယ်စားဇာဟှာ ညစ်ညူးဟှယ်။ 
\v 15 တကယ်ဟှိ နန်ဟှာ ကိုယ်စားဟှူစားဇာအားဖြင့် ညီကို မောန်နှမဟှို ထိမိဘီး လဲစေဟှယ် ဆိုဟှာ နန်ဟှာ မြစ်တာတရားဟှို ကျင့်ဘဲနေဇာ ဖြစ်ဟှယ်။ ခရစ်တော်ရဲ့အသေခံတော်မူဟှူ ကျေးဇူးတော်ဟှို ခံရဟှူသူဟှို နန့်ရဲ့စားဇာအားဖြင့် ကျိုးနဲစေန! 
\v 16 နန်းနို့ ကောန်းဟှယ် ဆိုဘီး ယောင်ကြည်ခံယူဇာဟှို သူများကဲ့ရဲ့စေန။ 
\v 17 ဘုရားသခင်ရဲ့ နိုင်ငံတော်ဟှာ စားသော့‑က်န တည်ဟှူဇာ မှုဟှ သန့်ရှင်းဟှူဝိညာဉ်တော်အားဖြင့် ခံရဟှူ ဖြောန့်မတ်ရှင်း၊ ငြီသတ်ရှင်း၊ ဝန်းမြော့‑က်ရှင်းလေနဘဲ့ တည်ဟှယ်။ 
\v 18 အယ်မျိုးကျင့်ဘီး ခရစ်တော်ရဲ့မှုတော်ဟှို ဆောန်ရွပ်ဟှူသူလေဟှာ ဘုရားသခင်ရှေ့တော်မာ နှစ်သက်ဖွယ်ဖြစ်ဘီး လူလေလည်း ချီးမွမ်းဂေ့ဟှယ်။
\p
\v 19 အယ်ကြောန့် ငြီးငြီးချမ်းချမ်းနေထိုင်ဇာန ပတ်သတ်ဟှူကြောန်းရာလေဟှို ပြုစုပေးဘီးဟှာ ရှင်းရှင်း တယော့‑က်ဟှိုတယော့‑က် နို့လေ မြဲဒမ်း တည်ဆော့‑က်ပေးဟှို ပေးရမယ်။\f + \fr ၁၄.၁၉ \fr*\fq နို့လေ မြဲဒမ်း တည်ဆော့‑က်ပေးဟှို ပေးရမယ်၊ \fq*\ft တချို့ မူရင်းလတ်ရေးမူလေမာ \ft*\fqa နို့လေ မြဲဒမ်း တည်ဆော့‑က်ပေးဟှယ်၊ \fqa*\ft ဆိုဘီး ပါရှိဟှယ်။\ft*\f* 
\v 20 ဘုရားသခင်ရဲ့မှုတော်ဟှို နန့်ရဲ့စားဇာအားဖြင့် ဖျစ်ဆီးန။ စားဇာမျိုးမျိုးဟှာ စင်ကြယ်ဟှယ်။ အယ်ဘေမဲ့ သူများထိမိဘီး လဲတတ်ဟှူစားဇာဟှို စားဟှူသူဟှာ ပြစ်ဖြစ်ဟှယ်။ 
\v 21 မဲသားဟှိုစားဟှူဇာန စဗျစ်ရယ်ဟှို သော့‑က်ဟှူဇာအားဖြင့် ညီကို မောန်နှမဟှို ထိမိဘီးလဲဇာဖြစ်ဘဲနေအောန် ရှောန်သင့်ဟှယ်။ 
\v 22 နန်ယောင်ကြည်ရှင်းရှိမယ် ဆိုဟှာ ကိုယ့်ဖာသာ ဘုရားသခင်ရှေ့မာ ရှိပါစေ။ ကိုယ်လတ်ခံဟှူဇာအားဖြင့် ကိုယ့်ကိုယ်ကိုယ် စစ်ကြောစီရင်ဘဲသူဟှာ မင်္ဂလာရှိဟှယ်! 
\v 23 အယ်ဘေမဲ့ သံသယစိန တခုခုဟှိုစားဟှူသူဟှာ ဘုရားသခင်ရဲ့ စီရင်ရှင်းဟှို ခံရလေ့မယ်။ ဖြားဖြစ်ကြောန့်နူးဆိုဟှာ ယောင်ကြည်ရှင်းမှေ့ဘဲကြောန့် ဖြစ်ဟှယ်။ ယောင်ကြည်ရှင်းမှေ့ဘဲန ကျင့်ဟှူဇာမှန်ဟှူမျှလည်း ပြစ်ဖြစ်ဟှယ်။
\c 15
\s ကိုယ့်လိုဟှိုမလိုက်ဘဲ သူတပါးရဲ့လိုဟှိုလိုက်ရှင်းကြောန်း
\p
\v 1 အယ်ကြောန့် ယောင်ကြည်ရှင်းခိုင်ခံ့ဟှူ နို့လေဟှာ အားနဲဟှူသူလေရဲ့ အားနဲရှင်းလေဟှို ထော့‑က်ရှုပေးရမယ်။ ကိုယ့်လိုဟှိုလိုက်ဘီး မလောက်ဆောန်သင့်ဟှ။ 
\v 2 နို့လေအားလောင်းဟှာ ယောင်ကြည်မှုအားနဲဟှူ ညီကို မောန်နှမလေဟှို ယောင်ကြည်ရှင်းခိုင်မာလာစေဟှို့တွပ် သူးနို့လေရဲ့ ကောန်းကျိုးဟှိုထော့‑က်ဘီးဟှာ သူးနို့လိုဟှိုလိုက်ဘီး တည်ဆော့‑က်ပေးသင့်ဟှယ်။ 
\v 3 ဖြားဖြစ်ကြောန့်နူးဆိုဟှာ ခရစ်တော်ဟှာ ကိုယ့်လိုဟှို မလိုက် ကျမ်းစာလာဟှူဇာဟှ “ကိုယ်တော့်ဟှို ကဲ့ရဲ့ဟှူသူလေရဲ့စကားဟှာ ကျွန်တော့်ပေါ်ဟှို ရော့‑က်ပါဟှယ်” ဆိုဘီး လာလေဟှယ်။ 
\v 4 ကျမ်းစာမာဖော်ပြဘီး ရေးဟှားဟှူ ရာအားလောင်းဟှာ နို့လေဟှို သွန်သန်ဆောင်းမဟှို့တွပ် ရေးဟှားဇာဖြစ်ဟှယ်။ အယ်မျိုး ဖော်ပြရဇာဟှ နို့လေဟှာ ကျမ်းစာတော်မာရရှိဟှူ သီးခံရှင်းန နှစ်သိမ့်မှုလေအားဖြင့် မျှော်လင့်ရှင်းရှိဟှို့တွပ် ဖြစ်ဟှယ်။ 
\v 5 နန်းနို့အားလောင်းဟှာ ခရစ်တော်ယေရှုရဲ့ ပေါင်သတ်သေဟှို လိုက်ရှော့‑က်ဘီး တစိတဝန်းဒဲရှိဟှို့တွပ် သီးခံရှင်းန နှစ်သိမ့်မှုရဲ့ သခင် ဘုရားသခင်ဟှာ နန်းနို့လေဟှို ကူမတော်မူပါစေ။ 
\v 6 အယ်မျိုးမှ နန်းနို့လေအားလောင်းဟှာ တလောင်းတဝဒဲန နို့လေရဲ့သခင် ယေရှုခရစ်တော်ရဲ့ ခမည်းတော်ဘုရားသခင်ရဲ့ ဂေါင်တော်ဟှို ချီးမွမ်းနိုင်ဂေ့လေ့မယ်။
\s လူမျိုးခြားလေတွပ်ဒန်းကောန်း
\p
\v 7 အယ်ကြောန့် ခရစ်တော်ဟှာ နန်းနို့ဟှို လတ်ခံဟှူမျိုး ဘုရားသခင်ရဲ့ ဖောင်းသရေတော် ထန်ရှားစေဟှို့တွပ် ရှင်းရှင်း တယော့‑က်ဟှိုတယော့‑က် လတ်ခံဂေ့ပါ။ 
\v 8 နော့‑က်ထပ် ငါပြောရှင်ဇာဟှ ခရစ်တော်ဟှာ ဘုရားသခင်ရဲ့ သမ္မာတရားဟှို ထန်ရှားစေဟှို့တွပ် ရေဖျားလှီးဟှားဟှူ သူလေရဲ့ စေခံဖြစ်တော်မူဟှယ်။ အယ်မျိုး ဖြစ်ဟှူဇာဟှ ရှေးဘိုးဘေးလေဟှို ပေးဟှားဟှူ ဂဒိတော်လေဟှို တည်မြဲစေဟှို့တွပ်န၊ 
\v 9 လူမျိုးခြားလေလည်း ကရုဏာတော်ကြောန့် ဘုရားသခင်ရဲ့ ကျေးဇူးတော်ဟှို ချီးမွမ်းဂေ့ဟှို့တွပ် ဖြစ်ဟှယ်။ ကျမ်းစာတော်ဟှ၊
\q1 “အယ်ကြောန့် ကျွန်တော်ဟှာ လူမျိုးခြားလေထဲဟှနေ ကိုယ်တော့်ဟှို ချီးမွမ်းပါမယ်။
\q2 ကိုယ်တော့်ဟှို ထောမနာသီချင်း ဆိုပါမယ်” ဆိုဘီး ဖော်ပြဟှူတိုင်းဘဲ့ ဖြစ်လေဟှယ်။
\m
\v 10 နော့က်ဘီး ကျမ်းစာဟှ၊
\q1 “လူမျိုးခြားလေ ဘုရားသခင်ရဲ့ လူမျိုးတော်လေနတူးဒူ ဝန်းသာဂေ့ပါ!” ဆိုဘီး လာလေဟှယ်။
\m
\v 11 နော့‑က်ဘီး လာဇာဟှ
\q1 “လူမျိုးခြားပေါန်းလေ ဘုရားသခင်ဟှို ချီးမွမ်းဂေ့ပါ!
\q2 လူနွယ်ပေါန်းလေ ကိုယ်တော့်ဟှိုချီးမွမ်းဂေ့ပါ” ဆိုဘီး လာလေဟှယ်။
\m
\v 12 နော့‑က်ဘီး ဟေရှာယပြောဇာဟှ
\q1 “ယေရှဲရဲ့သစ်ပြစ် ပေါ့‑က်လေ့မယ်။
\q2 အယ်သူဟှာ လူမျိုးခြားလေဟှို အောက်စိုးဟှို့သူ ဖြစ်ဟှူကြောန့်
\q2 အယ်သူဟှို လူမျိုးခြားလေ မျှော်လင့်ကိုးစားလေ့မယ်” ဆိုဘီး ပြောဟှားလေဟှယ်။
\p
\v 13 နန်းနို့လေဟှာ သန့်ရှင်းဟှူဝိညာဉ်တော်ရဲ့ တဂိုးတော်အားဖြင့် မျှော်လင့်ရှင်းန ကြွယ်ဝဟှို့တွပ် မျှော်လင့်ရှင်းရဲ့ရှင် ဘုရားသခင်ဟှာ ယောင်ကြည်ရှင်းဟှလာဟှူ ဝန်းမြော့‑က်ရှင်းမျိုးမျိုးန ငြီသတ်ရှင်းဟှို ပေးသနားတော်မူပါစေ။
\s ပေါလုရဲ့ ရဲရဲရင့်ရင့်ရေးသားရဟှူကြောန်း
\p
\v 14 ညီကို မောန်နှမလေ နန်းနို့လေဟှာ ကောန်းမြတ်ဟှူပါရမီ သိပညာမျိုးမျိုးန ပ္လဲ့ဝဘီး ရှင်းရှင်း သွန်သန်နိုင်ဂေ့မယ်ဆိုဇာဟှို ငါစိခ္လယောင်ကြည်ပါဟှယ်။ 
\v 15 အယ်ဘေမဲ့ အယ်စာမာ တချို့ကြောန်းရာလေနပတ်သတ်ဘီး နန်းနို့လေဟှို ဒိပေးရာမာ ငါ့ဟှို ဘုရားသခင်ပေးသနားဟှူ ကျေးဇူးတော်ဟှို မှီပြုဘီး ရဲရဲရင့်ရင့် ရေးဟှားဇာဖြစ်ဟှယ်။ 
\v 16 အယ်မူခွမ့်ရေးဟှာ လူမျိုးခြားလေတွပ် မှုတော်ဆောန်ဟှို့ ခရစ်တော်ယေရှုရဲ့ စေခံဖြစ်ရဟှူ ခွမ့်ထူးဘဲ့ဖြစ်ဟှယ်။ လူမျိုးခြားလေဟှာ ဘုရားသခင်နှစ်သက်ဖွယ်ရာ ပူဇော်သကာဖြစ်န ဘုရားသခင်ဟှို သန့်ရှင်းဟှူဝိညာဉ်တော်ဟှ ဆစ်ကပ်ဟှူသူလေ ဖြစ်လာဟှို့တွပ် ငါဟှာ ယဇ်ပုရောဟိတ် တာဝန်ဟှို ထမ်းဆောန်ဘီး ဘုရားသခင်ရဲ့ ဒန်းကောန်းဟှို ဟောပြောကြေညာပါဟှယ်။ 
\v 17 အယ်ကြောန့် ငါဟှာ ဘုရားသခင်န စပ်ဆိုင်ဟှူ ရာလေနှိုက် ခရစ်တော် ယေရှုအားဖြင့် ဝါကြွားစရာကြောန်းရှိဟှယ်။ 
\v 18 ဖြားဖြစ်ကြောန့်နူးဆိုဟှာ လူမျိုးခြားလေဟှာ နာခံမှုရှိစေဟှို့တွပ် ခရစ်တော်ဟှာ ငါ့ဟှို သုံးပြုဘီး တရားစကားန လောက်ဆောန်ရှင်းအားဖြင့်ရော၊ 
\v 19 နိမိတ်လတ်ခဏာလေန အံ့ဩဘွယ်ရာလေရဲ့ တဂိုးအားဖြင့်ရော ဘုရားသခင်ရဲ့ ဝိညာဉ်တော် တဂိုးအားဖြင့်ရော၊ ပြုတော်မူဟှူ ဇာလေဟှနေတခြား ငါဟှာ ဖယ်ဇာဟှိုမှ ရဲရဲဝံ့ဝံ့ ပြောရှင်ဟှ။ အယ်မျိုးဖြစ်ကြောန့် ငါဟှာ ယေရုရှလင်ဗြို့ဟှနေ ဣလုရိတ်ပြည်ထိ ရော့‑က်ဟှူနေရာတိုင်းမာ ခရစ်တော်ရဲ့ ဒန်းကောန်းဟှို ကူစင်အောန် ဟောပြောဟှယ်။ 
\v 20 အယ်မျိုး တခြားလူလေ ခ္လဟှားဟှူ အုပြစ်ထတ်မာ ငါဆစ်ဘီး တည်ဆော့‑က်ဟှ။ ခရစ်တော်ရဲ့ နာမဟှို ကြားဖူးသေးဘဲဟှူ နေရာလေမာ ဒန်းကောန်းဟှို ဟောပြောဟှို့တွပ် စေတနာစိန ငါကြိုးစားအားထုလေ့ရှိဟှယ်။ 
\v 21 အယ်မျိုးဘဲ့ ကျမ်းစာလာဇာဟှ
\q1 “အယ်သူရဲ့ ကြောန်းဟှို ဖယ်သူလည်း ပြဖူးဘဲနေဟှူလည်းဘဲ့ ဗြင်ဂေ့လေ့မယ်။
\q2 ကြားဖူးဘဲဟှူသူလေဟှာ နားလည်ဂေ့လေ့မယ်” ဆိုဘီး လာလေဟှယ်။
\s ရောမဗြို့ဟှိုသွားဟှို့တွပ် ပေါလုကြံစည်ဟှူကြောန်း
\p
\v 22 \x - \xo ၁၅.၂၂ \xo*\xt ရော ၁.၁၃\xt*\x*အယ်မူကြောန်းကြောန့်၊ ငါဟှာ နန်းနို့လေနားဟှို လာဟှို့တွပ် ခဏခဏကြိုးစားဟှူလည်းဘဲ့ တားဆီးခံရဟှယ်။ 
\v 23 အယ်ဘေမဲ့လည်း ခုခီမာ ငါဟှာ အယ်ဒေသလေမာ လောက်ဆောန်သင့်ဟှူ မှုကိစ္စလေဟှို လောက်ဆောန်ဘီးဟှာ နန်းနို့လေနားဟှို လာဟှို့တွပ် နှစ်ပေါန်းများစွာဟှနေဘီး ဆန္ဒရှိဟှူတိုင်း၊ 
\v 24 စပါနိပြည်ဟှို ငါသွားဟှူ ခီမာ နန်းနို့လေဟှို ဗြင်တွိရှင်ကြောန့် လည်လာရင်းန ဝမ်လာဟှို့ စိကူးဟှားဘီး၊ နန်းနို့လေနားမာ ရှစ်ဟှားတဲခိုဘီးဟှာ စပါနိပြည်ဟှို ခရီးသွားဟှို့တွပ် ငါ့ဟှိုကူညီပေးလေ့မယ် ဆိုဘီး မျှော်လင့်ဟှားပါဟှယ်။ 
\v 25 \x - \xo ၁၅.၂၅,၂၆ \xo*\xt ၁ ကော ၁၆.၁–၄\xt*\x*ခု ငါဟှာ သန့်ရှင်းသူလေရဲ့မှုဟှို လောက်ကျွေးပြုဟှို့တွပ် ယေရုရှလင်ဗြို့ဟှိုသွားရမယ်။ 
\v 26 ဖြားဖြစ်ကြောန့်နူးဆိုဟှာ၊ မာကေဒေါနိပြည်သားလေန အခါယပြည်သားလေဟှာ၊ ယေရုရှလင်ဗြို့မာရှိဟှူ ဆင်းရဲဟှူသန့်ရှင်းသူလေဟှို ကူညီထော့‑က်ပံ့ပေးဟှို့တွပ် စေတနာစိ ရှိဂေ့ကြောန့်ဖြစ်ဟှယ်။ 
\v 27 \x - \xo ၁၅.၂၇ \xo*\xt ၁ ကော ၉.၁၁\xt*\x*သူးနို့လေ စေတနာစိရှိဟှူဇာ မှန်ဟှူလည်းဘဲ့ ယုဒလူမျိုးလေဟှို ကူညီထော့‑က်ပံ့ပေးဟှို့တွပ် တာဝန်ရှိပါဟှယ်။ ဖြားဖြစ်ကြောန့်နူးဆိုဟှာ ယုဒလူမျိုးလေဟှာ သူးနို့ခံစားရဟှူ ဝိညာဉ်ဆုကျေးဇူးလေဟှို လူမျိုးခြားလေဟှို ဝီမျှခံစားစေဟှူကြောန့်၊ လူမျိုးခြားလေဟှလည်း ယုဒလူမျိုးလေရဲ့ ရောက်ပိုင်းဆိုင်ရာ အောက်စာလေဟှို ဝီငှပေးကမ်းသင့်ပါဟှယ်။ 
\v 28 အယ်ကြောန့် အယ်မှုဟှို လောက်ဆောန်ဘီး လှူငွေလတ်ဆောန်ဟှို သူးနို့လတ်ထဲဟှို အပ်ပေးဘီးဟှာ နန်းနို့ဟှို ဝမ်တွိဘီးဟှာ စပါနိပြည်ဟှို သွားမယ်။ 
\v 29 နန်းနို့နားဟှို ငါလာဟှူ ခီမာ ခရစ်တော်ရဲ့ ကောန်းကြီးန ပ္လဲ့ဝဘီး ရော့‑က်လာမယ် ဆိုဇာဟှို ငါသိဟှယ်။
\p
\v 30 ညီကို မောန်နှမလေ နို့လေရဲ့သခင် ယေရှုခရစ်တော်န ဝိညာဉ်တော်ဟှ ပေးသနားဟှူ ရှစ်ရှင်းမြစ်တာဟှို မှီပြုဘီးဟှာ ငါ့တွပ် ငါ့နတူးဒူ ဘုရားသခင်ထံတော်မာ စိအားထတ်သန်ဘီးဟှာ ဆုတောန်းပေးဟှို့တွပ် နန်းနို့လေဟှို ငါတိုက်တွန်းနှိုးဆော်ရှင်ဟှယ်။ 
\v 31 ယုဒပြည်မာရှိဟှူ ယောင်ကြည်ဘဲဟှူသူ ယုဒလူမျိုးလေရဲ့ ဘေးရန်ဟှနေ လွတ်ကင်းဟှို့တွပ်န ယေရုရှလင်ဗြို့မာ ငါကူညီမစရှင်းမှုရာဟှို သန့်ရှင်းသူလေ နှစ်သက်ဘီး ဝန်းသာအားရန လတ်ခံနိုင်အောန် ဆုတောန်းဂေ့ပါ။ 
\v 32 ဘုရားသခင် လိုတော်ရှိဟှယ် ဆိုဟှာ ငါဟှာ ဝန်းသာရှင်းန နန်းနို့နားဟှို လာဘီး နန်းနို့လေနတူးဒူ ပျော်ပျော်ရွှင်ရွှင်န နားရဟှူခွမ့်ဟှို ရပါလေ့မယ်။ 
\v 33 ငြီသတ်ရှင်းရဲ့ရှင် ဘုရားသခင်ဟှာ နန်းနို့လေနတူးဒူ ရှိတော်မူပါစေ။ အာမင်။
\c 16
\s ပေါလုရဲ့ နှောက်ဆစ်ဟှူစကား
\p
\v 1 ကင်ခြေဗြို့ သင်းတော်ဟှ သင်းထော့‑က်ဖြစ်ဟှူ နို့လေရဲ့ညီမ ဖိဗေဟှို နန်းနို့လေဆီဟှို မိဆစ်ပေးဘီး အပ်လိုပါဟှယ်။ 
\v 2 သန့်ရှင်းဟှူသူလေ ပြုသင့်ဟှူတိုင်း သခင်ဘုရားဟှိုထော့‑က်ဘီးဟှာ သူ့ဟှိုလတ်ခံဂေ့ပါ။ ကူညီလိုအပ်ဟှူရာလေဟှို သူ့ဟှိုကူညီမစဂေ့ပါ။ သူဟှာ ငါ့ဟှစဘီး လူဘောင်ဂီးဟှို ကူညီမစဟှူသူဖြစ်ပါဟှယ်။
\p
\v 3 ခရစ်တော်ယေရှုနှိုက် ငါ့ရဲ့ လောက်ဖော်ဆောန်ဖတ်ဖြစ်ဟှူ ပြစ်ကိလန အာကုလဟှိုလည်း နှောက်ဆစ်ဂေ့ပါ။ 
\v 4 သူးနို့လေဟှာ ငါ့တွပ် သတ်ပေးဟှို့ ဝန်လေးဘဲသူလေဖြစ်ဟှယ်။ သူးနို့ရဲ့ကျေးဇူးဟှို ငါတယော့‑က်ထဲ ဝန်ခံရှင်းမှုဘဲန လူမျိုးခြားလေရဲ့ သင်းတော်လေဟှလည်း ဝန်ခံဂေ့ဟှယ်။ 
\v 5 သူးနို့အီမာ စုဘီးဝတ်ပြုဟှူ သင်းတော်ဟှိုလည်း နှောက်ဆစ်ဂေ့ပါ။
\p အာရှပြည်မာ ရင်ဦးဆောင်း ခရစ်တော်ဟှို ယောင်ကြည်ဟှူ ငါရှစ်ရဟှူ ငါ့မိတ်ဆွေ ဧပဲနက်ဟှို နှောက်ဆစ်ဂေ့ပါ။ 
\v 6 နန်းနို့လေတွပ် ရရာတိုင်း ကြိုးစားဘီး လောက်ကျွေးပြုဟှူ မာရိဟှိုလည်း နှောက်ဆစ်ဂေ့ပါ။ 
\v 7 ငါ့ရဲ့လူမျိုးဖြစ်ဟှူ ငါနတူးဒူ ကျဉ်းထောန်ခ္လခံရဟှူ အန္ဒြောနိတ်န ယုနိ\f + \fr ၁၆.၇ \fr*\fq ယုနိ၊ \fq*\ft အယ်မျိုးမှုဘဲနေဟှာ \ft*\fqa ယုနိယ၊ \fqa*\ft တချို့ မူရင်းလတ်ရေးမူလေမာ \ft*\fqa ယုလိ၊ \fqa*\ft ဆိုဘီး ပါရှိဟှယ်။\ft*\f*ဟှို နှောက်ဆစ်ဂေ့ပါ။ သူးနို့လေဟှာ တမန်တော်လေ ကြားမာ ထန်ပေါ်ဟှူ သူလေဖြစ်ဘီး ငါ့ထတ်ရင်ဦးဆောင်း ခရစ်တော်ဟှို ယောင်ကြည်ဟှူ သူလေဖြစ်ဟှယ်။
\p
\v 8 သခင်ဘုရားအားဖြင့် ငါရှစ်ရဟှူမိဆွေ အမ္ပလိဟှို နှောက်ဆစ်ဂေ့ပါ။ 
\v 9 ငါ့နတူးဒူ ခရစ်တော်ရဲ့မှုတော်တွပ် စေခံဟှူ လောက်ဖော်ဆောန်ဖတ် ဥရဗန်န ငါရှစ်ရဟှူသား သတာခုဟှို နှောက်ဆစ်ဂေ့ပါ။ 
\v 10 အပေလေဟှို နှောက်ဆစ်ဂေ့ပါ။ သူဟှာ ခရစ်တော်ဟှို သစ်စာရှိဘီး နှစ်သက်ဖွယ်ကောန်းဟှူသူ ဖြစ်ဟှယ်။ အာရိတ္တောဗုလုရဲ့ အီသူအီသားလေဟှိုလည်း နှောက်ဆစ်ဂေ့ပါ။ 
\v 11 ယုဒလူမျိုးရှင်းဖြစ်ဟှူ ဟေရောဒျုန်ဟှို နှောက်ဆစ်ဂေ့ပါ။ သခင်ဘုရားနှိုက် တဗဲ့တော်လေဖြစ်ဟှူ နာကိသုရဲ့ အီသူအီသားလေဟှို နှောက်ဆစ်ဂေ့ပါ။
\p
\v 12 သခင်ဘုရားရဲ့မှုတော်ဟှို ကြိုးစားဘီး လောက်ဆောန်ဟှူမီးမ တရုဖဲနန တရုဖောသဟှို နှောက်ဆစ်ဂေ့ပါ။ ငါရရာတိုင်းရှစ်ရဟှူမိဆွေ ပေရသိဟှို နှောက်ဆစ်ဂေ့ပါ။ သူဟှာ သခင်ဘုရားရဲ့မှုတော်ဟှို ရရာတိုင်းကြိုးစားဘီး လောက်ဆောန်သူဖြစ်ဟှယ်။ 
\v 13 \x - \xo ၁၆.၁၃ \xo*\xt မာ ၁၅.၂၁\xt*\x*သခင်ဘုရားဝီးကော့‑က်ခံရဟှူသူ ရုဖု န ငါ့ရဲ့မိခင်မျိုးဖြစ်ဟှူ သူ့မိဟှိုလည်း နှောက်ဆစ်ဂေ့ပါ။ 
\v 14 အသုံကြိတ်၊ ဖလေကုန်၊ ဟေရမ၊ ပတ်ရောဘ၊ ဟေရမေဟှစဘီး သူးနို့နတူးဒူနေဟှူ ညီကို မောန်နှမလေဟှို နှောက်ဆစ်ဂေ့ပါ။ 
\v 15 ဖိလောလုပ်၊ ယုလိ၊ နေရု၊ နေရုညီမန ဩလုမ္ပဟှနေစဘီး သူးနို့နတူးဒူနေဟှူ သန့်ရှင်းသူလေဟှို နှောက်ဆစ်ဂေ့ပါ။
\p
\v 16 ယော့‑က်နယော့‑က် သန့်ရှင်းဟှူနမ်းန နှောက်ဆစ်ဂေ့ပါ။ ခရစ်တော်ရဲ့ သင်းတော်အားလောင်းဟှ နန်းနို့လေဟှို နှောက်ဆစ်လိုက်ပါဟှယ်။
\s ပေါလုရဲ့ နော့‑က်ဆောင်းညွှန်ကြားချစ်လေကြောန်း
\p
\v 17 ညီကို မောန်နှမလေ နန်းနို့ခံယူဘီးဟှူ ဆောန်းမဩဝါဒန ဆန့်ကျင်ဖတ်ဖြစ်ဟှူ သင်းခွဲဘီး ရှင်းရှင်းစိဝန်းကွဲအောန် ယောင်ကြည်မှုမှားယွင်းအောန် လောက်ဟှူသူလေဟှို ဒိနရှောန်ရှားဟှို့တွပ် နန်းနို့ဟှို ငါတိုက်တွန်းပါဟှယ်! 
\v 18 ဖြားဖြစ်ကြောန့်နူးဆိုဟှာ သူးနို့လေဟှာ နို့လေရဲ့သခင် ခရစ်တော်ရဲ့မှုဟှို ဆောန်ရွပ်ဘဲန သူးနို့ရဲ့ ဝန်းဇာတွပ်ဘဲ့ လောက်ဆောန်သူလေဖြစ်ဟှယ်။ သူးနို့လေဟှာ နူးညံ့ချိုသာဟှူစကားန မ္လော့‑က်ပြောဘီးဟှာ စိကောန်းရှိဟှူသူလေန ရိုးသားသူလေဟှို လှည့်ဖြားတတ်ဂေ့ဟှယ်။ 
\v 19 နန်းနို့လေရဲ့ နာခံမှုရှိဟှူကြောန်းဟှို လူမြော့‑က်များစွာရှေ့မာ ထန်ရှားဟှူကြောန့် နန်းနို့လေပေါ်မာ ငါဝန်းသာပါဟှယ်။ အယ်ဘေမဲ့ နန်းနို့လေ ကောန်းဟှူ မှုမာ ပညာရှိဖြစ်ဘီး ကောန်းဘဲမှုလေမာ ပြစ်ကင်းသူလေ ဖြစ်ဟှို့တွပ် ငါလိုရှင်ဟှယ်။ 
\v 20 ငြီသတ်ရှင်းရဲ့ သခင် ဘုရားသခင်ဟှာ စာတန်ဟှို နန်းနို့ခေအော့‑က်မာ ကြာခန် နှိစစ်တော်မူလေ့မယ်။
\p နို့လေသခင်ယေရှုခရစ်တော်ရဲ့ ကျေးဇူးတော်ဟှာ နန်းနို့နတူးဒူ ရှိပါစေ။\f + \fr ၁၆.၂၀ \fr*\ft တချို့ မူရင်းလတ်ရေးမူလေမာ အယ်စာကြောန်းဟှို ဖ္လုဟှားဟှယ်။\ft*\f*
\p
\v 21 \x - \xo ၁၆.၂၁ \xo*\xt တ ၁၆.၁\xt*\x*ငါ့ရဲ့ လောက်ဖော်ဆောန်ဖတ် တိမောသေန၊ ငါ့လူမျိုးရှင်းဖြစ်ဟှူ လုကိ၊ ယာသုန်၊ သောသိပတရုလေဟှ နန်းနို့ဟှို နှောက်ဆစ်ဂေ့ဟှယ်။
\p
\v 22 အယ်စာဟှို ရေးပေးဟှူ ကျွန်တော်တေရတိဟှာ ခရစ်တော်အားဖြင့် ညီကို မောန်နှမလေဟှို နှောက်ဆစ်ပါဟှယ်။
\p
\v 23 \x - \xo ၁၆.၂၃ က \xo*\xt တ ၁၉.၂၉; ၁ ကော ၁.၁၄; \xt*\xo ခ \xo*\xt ၂ တိ ၄.၂၀\xt*\x*ငါ့န သင်းတော်တခုလောင်းဟှို လတ်ခံဧည့်ဝတ်ပြုဘီး သူ့အီဟှို ဘုရားဝတ်ပြုဟှို့တွပ် ဆစ်ကပ်ဟှို့နေရာပေးဟှူ ဂါယုဟှလည်း နန်းနို့လေဟှို နှောက်ဆစ်လိုက်ပါဟှယ်။ ဗြို့ဘဏ္ဍာထီးဧရတ္တုန နို့လေရဲ့ညီ ကွာတုလေဟှလည်း နန်းနို့လေဟှို နှောက်ဆစ်ဂေ့ဟှယ်။ 
\v 24 \f + \fr ၁၆.၂၄ \fr*\ft တချို့ မူရင်းလတ်ရေးမူလေမာ ခန်းငယ် ၂၄ ဟှို၊ \ft*\fqa နို့လေရဲ့ သခင် ယေရှုခရစ်တော်ရဲ့ ကျေးဇူးတော်ဟှာ နန်းနို့အားလောင်းနတူးဒူ ရှိပါစေ။ အာမင်၊ \fqa*\ft ဆိုဘီး ဖ္လဲ့ထဲ့ဟှားဟှယ်၊ တခြား ကျမ်းလေမာ အယ်စာကြောန်းဟှို ခန်းငယ် ၂၇ နော့‑က်မာ ပေါန်းထဲ့ဟှားဟှယ်။\ft*\f*
\s ဂေါင်တော်ချီးမွမ်းရှင်းန ဆုတောန်းရှင်းအားဖြင့် ဆောင်းသတ်ဟှားဟှူကြောန်း
\p
\v 25 ဘုရားသခင်ရဲ့ ဖောင်းသရေတော်ဟှို ထောမနာပြုဂေ့ဇို့! ယေရှုခရစ်ကြောန်းဟှို ငါဟောပြောဟှူ ဒန်းကောန်းတိုင်း ရှေးကာလဟှနေဘီး ဖောင်းကွယ်ဘီးဝှပ်ဟှားဟှူ မှန်တရားပေါ်ထွန်းထန်ရှားလာနထပ်တူ ခရစ်တော်ယေရှုဟှာ နန်းနို့လေရဲ့ ယောင်ကြည်ရှင်းဟှို ခိုင်ခံ့စေနိုင်တော် မူဟှယ်။ 
\v 26 အယ်ဘေမဲ့ ခုခီမာ အယ်မူဖောင်းကွယ်ဟှားဟှူ သမ္မာတရားဟှာ ပရောဖက်လေရဲ့ ကျမ်းလေအားဖြင့် ထန်ရှားလာဘီ။ လူမျိုးမျိုးလေဟှာ ဘုရားသခင်ဟှို ယောင်ကြည်ဘီး ကိုယ်တော်ရဲ့မိန့်တော်ဟှို နာခံလာဂေ့ဟှို့တွပ် နိစ္စထာဝရသတ်ရှင်တော်မူဟှူ ဘုရားသခင်ရဲ့ မိန့်တော်အားဖြင့် အယ်ဒန်းကောန်းဟှို ကြေညာတော်မူဘီ။
\p
\v 27 ဉာဏ်တော်အနန္တန ပ္လဲ့ဇောင်တော်မူဘီး တပါးဒဲရှိဟှူ ဘုရားသခင်ဟှာ ယေရှုခရစ်တော်အားဖြင့် ကမ္ဘာဆစ်ဆစ် ဖောင်းသရေတော် ကီးပါစေ! အာမင်။\f + \fr ၁၆.၂၇ \fr*\ft တချို့ မူရင်းလတ်ရေးမူလေမာ ခန်းငယ် ၂၅–၂၇ ဟှ အယ်နေရာမာ ရှိဘီး ၁၄.၂၃ ဟှာ နော့‑က်မာ ရှိဟှယ်။ တချို့ မူရင်းလတ်ရေးမူလေမာ အယ်ခန်းငယ်ဟှာ ၁၄.၂၃ ရဲ့ နော့‑က်မာ ရှိဟှယ်။ တခြား မူရင်းလတ်ရေးမူ တခုမာ အယ်ခန်းငယ်ဟှာ ၁၅.၃၃ ရဲ့ နော့‑က်မာ ရှိဟှယ်။\ft*\f*