\id REV - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ဗျာဒိတ်တော်
\toc1 ယောဟန်ဟှို ဖွမ့်ပြဟှူ ဗျာဒိတ်တော်
\toc2 ဗျာဒိတ်တော်
\toc3 ဗျာ
\mt1 ဗျာဒိတ်တော်
\mt2 ယောဟန်ဟှို ဖွမ့်ပြဟှူ ဗျာဒိတ်တော်
\imt နိဒါန်း
\im \bk ယောဟန်ဟှို ဖွမ့်ပြဟှူ ဗျာဒိတ်တော်\bk*ဟှာ ဓမ္မသစ်ကျမ်းရဲ့ နော့‑က်ဆောင်းကျမ်း ဖြစ်ဟှယ်။ အယ်ကျမ်းဟှို တမန်တော် ယောဟန်ဟှ ခရစ်တော် မွီးဘီးန ၉၅ ခုနှစ်လော့‑က်ဟှ ရေးဟှားလေဟှယ် (\xt ၁.၁\xt*)။ သူဟှာ ယောဟန်ရေးဟှားဟှူ ဒန်းကောန်းန ပေးစာသောင်းစောင်ဖြစ်ဟှူ ယောဟန်ရဲ့ ပထမပေးစာ၊ ယောဟန်ရဲ့ ဒုတိယပေးစာန ယောဟန်ရဲ့ တတိယပေးစာလေဟှိုလည်း ရေးဟှားလေဟှယ်။ ယောဟန်ဟှာ “ယေရှုရဲ့ ရှစ်ဆောင်း” တဗဲ့တော်တပါးဖြစ်နလည်း သိဂေ့ဟှယ် (\xt ယော ၁၃.၂၃\xt*)။ သူဟှာ ယေရှုခရစ်တော်ရဲ့ ဒန်းကောန်းဟှို ဟောဟှူကြောန့် ပတ်မုကျွန်းဟှို နယ်နှင်ဒန်ခံရလေဟှယ်။ သူဟှာ အယ်ကျွန်းမာရှိနေဒူးမာ ဗျာဒိတ်တော်ဟှို ရေးလေဟှယ် (\xt ၁.၉\xt*)။
\ip \bk ဗျာဒိတ်တော်\bk* ထဲမာရေးဟှားဟှူ ယောဟန်ရဲ့ ရည်ရွယ်ချစ်ဟှာ ယေရှုပ္လန်လာဟှို့ခီဟှာ နီးနေဘီ ဖြစ်ဟှူကြောန့် ယေရှုခရစ်တော်ဟှို သစ်စာရှိဟှို့န မျှော်လင့်ချစ်ပေးဟှို့တွပ် စာဖတ်မားလေဟှို တိုက်တွန်းအားပေးဟှားဟှယ် (\xt ၁.၃; ၂၂.၇\xt*)။ သူဟှာ ယေဘုယျအားဖြင့် ခရစ်ယာန်လေ အားလောင်းန ခန်းဂီး ၂—၃ ထဲမာ သင်းတော်ခွန်နစ်ပါးနားဟှို သီးသန့် ရေးဟှားဟှယ်။ ယောဟန်ဟှာ ပရောဖက်ပြုချစ်ဖြစ် (\xt ၁.၃\xt*) ရေးဟှားဘီး သူဗြင်ဟှားဇာလေဟှို ဖော်ပြဟှို့တွပ် စာစောန်တခုလောင်းမာ ပေါင်ဆောန်ချစ်လေ ဘောင်ဂီးဟှို သောင်းဟှားဟှယ်။ အယ်ကျမ်းဟှာ ဓမ္မဟောန်းကျမ်းထဲဟှ ထူးသဖြင့် ဇာခရိကျမ်း ၆.၁–၈ ရဲ့ စိပိုင်းတချို့န တူဂေ့ဟှယ်။ တံပိုးခွန်နစ်လောင်းန ဖလားခွန်နစ်လောင်းဟှာလည်း ဘုရားသခင်ဟှာ အဲဂုတ္တုပြည်ဟှို ဒန်ပေးဟှို့တွပ် စေလွှတ်လိုက်ဟှူ ကပ်ရောဂါန ရရာတိုင်း တူလေဟှယ် (ထွက်မြောက်ရာကျမ်း ၇—၉)။ \bk ဗျာဒိတ်တော်\bk* ဟှာ နော့‑က်ဆောင်းကာလကြောန်း၊ ယေရှုဟှာ အောန်မြင်သူဖြစ်ဟှူကြောန်း၊ ယေရှုဟှို ယောင်ကြည်ကိုးစားဟှူ လူအားလောင်းဟှာ ကိုယ်တော်နတူးဒူ ထာဝရသတ်ရှင်သူ ဖြစ်ဟှူကြောန်းဟှို ရေးဟှားဟှယ်။ အယ်ကျမ်းမာ ယေရှုဟှာ ကြာခန်မာ ပ္လန်ကြွလာမယ် ဆိုဘီး ဒိပေးဟှားဟှူ ကျမ်းန မျှော်လင့်ချစ် ပေးဟှားဟှူ ကျမ်းလည်းဖြစ်လေဟှယ်။
\iot ကြောန်းရာ ကျဉ်းချောက်
\io1 ၁။ ယောဟန်ဟှ သူဟှာ ဖယ်သူဖြစ်ဟှယ် ဆိုဇာန အယ်ပရောဖက်ပြုရှင်းနဆိုင်ဟှူ ရူပါရောင်ဟှို ဖယ်မျိုး လတ်ခံရရှိဟှယ် ဆိုဇာဟှို ပြောရှင်းအားဖြင့် စပြုဟှားဟှူကြောန်း \ior (၁.၁—၁.၂၀)\ior*
\io1 ၂။ သူဟှာ ယေရှုနားဟှနေ ဒိုက်ရိုက်ရဟှားဟှူ ဒန်းစကားဟှို သင်းတော်ခွန်နစ်ပါးဟှို ပေးဟှားဟှူကြောန်း \ior (၁.၁—၃.၂၂)\ior*
\io1 ၃။ သူဟှ ဇိခွန်နစ်ခုန \ior (၄.၁—၈.၅)\ior* တံပိုးခွန်နစ်လောင်းဟှို ဖော်ပြဟှားဟှူကြောန်း \ior (၈.၆—၁၁.၁၉)\ior*
\io1 ၄။ ယောဟန်ဟှာ ခေါန်းခွန်နစ်လောင်းရှိဟှူ နဂါးဟှို တိုက်ခိုက်ဟှူ ယော့‑က်ကျားသားရဲ့ တိုက်ပွဲဟှို ဖော်ပြဟှားဟှူကြောန်း \ior (၁၂.၁—၁၄.၂၀)\ior*
\io1 ၅။ သူဟှ မျစ်တော်ဖလား ခွန်နစ်လောင်းဟှို ရေးဟှားဟှူကြောန်း \ior (၁၅.၁—၁၆.၁၈)\ior*
\io1 ၆။ ယောဟန်ဟှာ ကောန်းဂန်ဘောင်မာ ဘုရားသခင်ဟှ ရန်သူလေဟှို ဖယ်မျိုးနိုင်ယူလိုက်ဟှယ် ဆိုဇာဟှို ဖော်ပြဟှားဟှူကြောန်း \ior (၁၇.၁—၂၀.၁၅)\ior*
\io1 ၇။ နော့‑က်ဆောင်းမာ သူဟှာ ကောန်းဂန်သစ်န မ္လေဂီးသစ် ပေါ်လာမယ် ဆိုဇာဟှို ဖော်ပြဟှားကြောန်း \ior (၂၁.၁—၂၂.၂၁)\ior*
\ie
\c 1
\po
\v 1 အယ်ကျမ်းစာမာ ယေရှုခရစ်တော် ဖွမ့်ပြဟှားဟှူ ဗျာဒိတ်တော်ကြောန်းဟှို မှတ်တမ်းတန်ဟှားဟှယ်။ ဘုရားသခင်ဟှာ ခရစ်တော်ဟှို အယ်ဗျာဒိတ်တော်ဟှို ပေးရရှင်းဟှာ ကြာခန်မာဖြစ်ရဟှူ ဇာလေဟှို သူရဲ့ စေခံလေဟှို သိစေရှင်ဟှူကြောန့် ဖြစ်ဟှယ်။ အယ်ကြောန့် ခရစ်တော်ဟှာ သူ့ရဲ့စေခံ ယောဟန်နားဟှို ကောန်းဂန်တမန်ဟှို လွှတ်လိုက်ဘီးဟှာ အယ်ဗျာဒိတ်တော်ဟှို ပ္လန်ဘီးဖော်ပြစေဟှယ်။ 
\v 2 ယောဟန်ဟှလည်း သူဗြင်ရ ကြားရဟှူဇာ မှန်မျှန ဘုရားသခင်ရဲ့ စကားတော်န ယေရှုခရစ်တော်နဆိုင်ဟှူ သတ်သေခံချစ်လေဟှို အယ်စာစောန်မှာ ရေးဟှားပေးဟှယ်။ 
\v 3 ခီဟှ ရရာတိုင်း နီးလာဘီ ဖြစ်ဟှူကြောန့် ပရောဖက်ပြုဘီး ဟောပြောဟှားဟှူစကားဟှို ဖတ်ဟှူသူန အယ်စကားဟှို ကြားရဘီး ရေဟှားဟှူဇာ မှန်မျှဟှို လိုက်နာဘီး စောန့်ထီးဟှူသူလေဟှာ မင်္ဂလာရှိဟှယ်။
\s သင်းတော်ခွန်နစ်ပါးဟှို နှောက်ဆစ်ဟှူကြောန်း
\po
\v 4 \x - \xo ၁.၄ \xo*\xt ဗျာ ၄.၅\xt*\x*ငါယောဟန်ဟှာ
\po အာရှိပြည်မာရှိဟှူ သင်းတော်ခွန်နစ်ပါးဟှို စာရေးလိုက်ဟှယ်။
\po ခုလည်းရှိဘီး၊ ရင်းရင်ဟှလည်း ရှိဟှားဘီး နော့‑က်တခီမာကြွလာဟှူ သခင်နားဟှရော၊ ပလ္လင်တော်ရှေ့မာရှိဟှူ ဝိညာဉ်ခွန်နစ်ပါးနားဟှရော ကျေးဇူးတော်န ငြီသတ်ရှင်းဟှာ နန်းနို့လေမာရှိပါစေ။ 
\v 5 သစ်စာရှိဟှူသတ်သေ၊ သေဟှူလူလေထဲမာ ဦးဆောင်းမွီးလာဟှူသူ၊ မ္လေဂီးရဲ့ မန်းဂီးလေဟှို အောက်ချောက်သူဖြစ်ဟှူ ယေရှုခရစ်တော်နားဟှ ကျေးဇူးတော်န ငြီသတ်ရှင်းဟှာ နန်းနို့လေမာ ရှိပါစေ။
\b
\p နို့လေဟှို ရှစ်ဘီး၊ သူ့ရဲ့သွီးတော်အားဖြင့် နို့လေရဲ့ ပြစ်လေဟှနေ ဖြေလွှတ်ပေးဘီး 
\v 6 \x - \xo ၁.၆ \xo*\xt ဗျာ ၅.၁၀\xt*\x*နို့လေဟှို နိုင်ငံတော်သားဖြစ်စေဘီး သူ့ရဲ့ဖ ဘုရားသခင်ရဲ့ မှုတော်ဟှို လောက်ဆောန်နိုင်ဟှို့တွပ် နို့လေဟှို မန်းဂီးရာနရော၊ ယဇ်ပုရောဟိတ်ရာနရော ပေးတော်မှုဟှူ ယေရှုခရစ်တော်ဟှာ ကမ္ဘာဆစ်ဆစ် ဖောင်းကီးတော်မူပါစေ။ အာမင်။
\q1
\v 7 \x - \xo ၁.၇ က \xo*\xt မ ၂၄.၃၀; မာ ၁၃.၂၆; လု ၂၁.၂၇; ၁ သက် ၄.၁၇; \xt*\xo ခ \xo*\xt ယော ၁၉.၃၄,၃၇; \xt*\xo ဂ \xo*\xt မ ၂၄.၃၀\xt*\x*“ကေ့ကေ့။ ကိုယ်တော်ဟှာ မိုးတီဟှို စီးဘီးဟှာ ကြွလာလေ့မယ်”
\q2 “ကိုယ်တော့်ဟှို ထိုးဖော့‑က်လိုက်ဟှူ လူလေန
\q1 လူလေ အားလောင်းဂူဟှာ ဗြင်ရဂေ့လေ့မယ်။”
\q2 ကမ္ဘာမာ လူမျိုးလေရှိမျှဟှာ “ဝန်းနဲ ကြေကွဲဂေ့လေ့မယ်။”
\qc အယ်တိုင်းမှန်ပါစေ! အာမင်။
\p
\v 8 \x - \xo ၁.၈ \xo*\xt ဗျာ ၂၂.၁၃\xt*\x*ခုလည်းရှိဘီး၊ ရင်းရင်ဟှလည်း ရှိဘီး နော့‑က်တခါမာ ကြွလာဟှို့ အနန္တတဂိုးန ပ္လဲ့ဇောင်ဟှူ ထာဝရဘုရားသခင်ဟှ “ငါဟှာ စနဆောင်းဖြစ်ဟှယ်” ဆိုဘီး မိန့်တော်မှုဟှယ်။
\s ရူပါရောင်န ခရစ်တော်ဟှို ဗြင်ဟှူကြောန်း
\p
\v 9 ငါဟှာ နိုင်ငံတော်သားလေခံရဟှူ ဆင်းရဲဒေါက်ခဟှို နန်းနို့နတူးဒူ ခံနေရဘီး လောက်ဖော်ကိုင်ဖတ်ဖြစ်ဟှူ နန့်နို့လေရဲ့ ညီကို ယောဟန်ဖြစ်ဟှယ်။ ငါဟှာ ဘုရားသခင်ရဲ့ စကားတော်န ယေရှုနဆိုင်ဟှူ သမ္မာတရားလေဟှို ဟောပြောကြေညာဟှို့တွပ် ပတ်မုကျွန်းဟှို ပိုခံရဟှယ်။ 
\v 10 သခင်ဘုရားရဲ့ နေ့မာ ဝိညာဉ်တော်ဟှာ ငါ့ထတ်ဟှို ရော့‑က်လာဘီး ငါဟှာ တံပိုးခရာသံနတူဟှူ သံတခုဟှာ ငါ့နော့‑က်မာ ကြားရဟှယ်။ 
\v 11 အယ်သံဟှ “နန်ဗြင်ရဟှူ ဇာလေဟှို စာစောန်မာရေးဘီးဟှာ ဧဖက်ဗြို့၊ စမုနရဗြို့၊ ပေရဂံဗြို့၊ သွာတိရဗြို့၊ သာဒိဗြို့၊ ဖိလဒေလဖိဗြို့၊ လောဒိကိဗြို့လေမာရှိဟှူ သင်းတော် ခွန်နစ်ပါးနားဟှို ပေးလိုက်ပါ” ဆိုဘီး ပြောဟှယ်။
\p
\v 12 အယ်ခီမာ ငါဟှို ပြောဟှူသံဟှာ ဖယ်သူရဲ့သံဖြစ်နူး။ ဆိုဇာဟှို လှည့်ဘီးဟှာ ကေ့လိုက်ဟှူ ခီမာ ရွှေမီးခွပ် ခွန်နစ်လောင်းန၊ 
\v 13 အယ်မီးခွပ်လေရဲ့ လယ်မာ လူသားနတူဟှူ သူတယော့‑က်ဟှိုလည်း တွီဟှယ်။ အယ်လူဟှာ ခေဖျားထိ ရော့‑က်အောန် ဝတ်လောင်ဟှို ဝတ်ဘီးဟှာ ရင်ဖတ်မာ ရွှေခါးဗတ်ဟှိုလည်း ဝတ်ဟှားလေဟှယ်။ 
\v 14 အယ်လူရဲ့ ခေါန်းဟှ ဆံဗန်ဟှာ ဖ္လူဟှူသိုးမွီးမျိုး၊ နှမ်းပွမ့်မျိုး ဖ္လူဘီးဟှာ သူ့ရဲ့ မျစ်စိလေဟှာ မီးလျှံမျိုး ဖြစ်နေဟှယ်။ 
\v 15 သူ့ရဲ့ ခေလေဟှာ ရရာတိုင်း ပြင်းဟှူ မီးဖိုမာ သန့်စင်ဟှားဘီး ရရာတိုင်း လန်းဟှူ ကြေးဝါစစ်စစ်န တူဟှယ်။ သူ့သံဟှလည်း ရရာတိုင်း ကီးဟှူ ရေလှိုင်းသံန တူဟှယ်။ 
\v 16 သူဟှာ ညာလတ်မာ ကြယ်ခွန်နစ်လောင်းဟှို ကိုင်ဟှားဟှယ်။ သူ့ရဲ့ ဇပ်ပေါ့‑က်ထဲဟှ သွားနှေ့ဖတ်ပါဟှူ သန်လျက် ထွပ်လာဟှယ်။ သူ့ရဲ့ မျစ်နှာဟှာ ရှီတဂိုးန တော့‑က်နေဟှူ၊ ရရာတိုင်း လန်းဟှူ နေမျိုးဖြစ်နေဟှယ်။ 
\v 17 \x - \xo ၁.၁၇ \xo*\xt ဗျာ ၂.၈; ၂၂.၁၃\xt*\x*ငါဟှာ အယ်လူဟှို ဗြင်ဟှူ ခီမာ သူ့ရဲ့ ခေရင်းမာ လဲက္လဘီး လူသေမျိုး ဖြစ်ဟှားဟှယ်။ အယ်ခီမာ သူဟှာ ငါ့ထတ်ဟှို သူ့ရဲ့ညာလတ်ဟှို တန်ဘီးဟှာ “ကြော့‑က်န။ ငါဟှာ ဦးဆောင်းန နော့‑က်ဆောင်းဖြစ်ဟှယ်။ 
\v 18 ငါဟှာ သတ်ရှင်ဟှူသူလည်း ဖြစ်ဟှယ်။ ငါဟှာ ရင်သေခဲ့ဟှယ်။ အယ်ဘေမဲ့ ကေ့ကေ့ ငါဟှာ ကမ္ဘာဆစ်ဆစ် သတ်ရှင်နေဟှယ်။ ငါဟှာ သေရှင်းတရားန မရဏာနိုင်ငံရဲ့ သော့‑က်လေဟှိုလည်း ကိုင်ဟှားဘီး စိုးရဟှယ်။
\p
\v 19 “အယ်ကြောန့် နန်ဗြင်ရဟှူဇာလေ၊ ခုဖြစ်နေဟှူဇာလေန နော့‑က်မာဖြစ်လာရဟှို့ ဇာလေဟှို ရေးဟှားလိုက်။ 
\v 20 ငါ့ရဲ့ ညာဖတ်လတ်မာ နန်ဗြင်ရဟှူ ကြယ်ခွန်နစ်လောင်းန ရွှေမီးခွပ် ခွန်နစ်လောင်းလေရဲ့ နတ်နဲဟှူဓိပါယ်ဟှ ကြယ်ခွန်နစ်လောင်းဟှာ သင်းတော်ခွန်နစ်ပါးရဲ့ စေတမန်လေ ဖြစ်ဂေ့ဘီး ဆီမီးခွပ် ခွန်နစ်လောင်းဟှာ သင်းတော်ခွန်နစ်ပါး ဖြစ်ဂေ့ဟှယ်။
\c 2
\s ဧဖက်သင်းတော်တွပ် ဒန်းစကား
\p
\v 1 “ဧဖက်ဗြို့မာရှိဟှူ သင်းတော်ရဲ့ စေတမန်ဟှို အယ်မျိုးရေးလိုက်ဟှယ်။
\p “ညာလတ်မာ ကြယ်ခွန်နစ်လောင်းဟှို ကိုင်ဟှားဟှူသူ၊ ရွှေမီးခွပ် ခွန်နစ်လောင်းရဲ့ လယ်မာ သွားလာနေဟှူသူဟှ အယ်မျိုးမိန့်တော်မူဟှယ်။ 
\v 2 နန့်ရဲ့ လောက်ဆောန်ရှင်းလေ၊ နန်ရဲ့ ကြိုးစာအားထုမှုန သီးခံရှင်းလေဟှို ငါသိဟှယ်။ နန်ဟှာ ရရာတိုင်း ဆိုးဟှူ လူလေဟှို လတ်ခံဘဲဟှူကြောန်းန ကိုယ့်ကိုယ်ကိုယ် တမန်တော် ဆိုဘီး ခေါ်ဂေ့ဘေမဲ့ တမန်တော်မှုဘဲဟှူ လူလေဟှို စမ်းသပ်စစ်ဆေးဘီး သူးနို့လေဟှာ လီညာဟှူသူလေ ဖြစ်ဂေ့ဟှယ် ဆိုဇာဟှို နန်ဟှာ တွိရဟှူ ကြောန်းဟှိုလည်း ငါသိဟှယ်။ 
\v 3 နန်ဟှာ သီးခံဘီး ငါ့ရဲ့ နာမတွပ် ပန်ဗန်းဘေမဲ့ အားလျော့ဟှ။ 
\v 4 အယ်ဘေမဲ့ နန့်ဟှို ငါ့ဟှာ ပြစ်ပြောဇာရှိဟှယ်။ ဖြားဖြစ်ကြောန့်နူးဆိုဟှာ နန်ဟှာ စစဒူးဟှဖြစ်ဟှူ ချစ်ရှင်းမြစ်တာဟှို စွန့်ဟှားဘီ။ 
\v 5 အယ်ကြောန့် နန်ဟှာ ဖယ်မျှလော့‑က် က္လဆင်းလာဟှယ် ဆိုဇာဟှို ဒိရဂေ့ဘီး၊ နောန်ဒရဂေ့ဘီးဟှာ စစဒူးဟှ ကျင့်ဟှူတိုင်းဘဲ့ ပ္လန်ကျင့်ပါ။ အယ်မျိုးမှုဘဲနေဟှာ နန်ရှိဟှူနေရာဟှို ငါလာမယ်။ နန်ဟှာ နောန်ဒရဘဲနေမယ် ဆိုဟှာ နန်ရဲ့ မီးခွပ်ဟှို နေရာဟှနေ ငါဟှာ ဖယ်ပစ်မယ်။ 
\v 6 အယ်ဘေမဲ့ နိကောလတဗဲ့လေရဲ့ ကျင့်ကြံရှင်းလေဟှို ငါဟှာမူးမျိုး နန်လည်း မူးဟှူကြောန့် နန့်ဟှို ချီးမွမ်းဇာရှိဟှယ်။
\p
\v 7 \x - \xo ၂.၇ \xo*\xt ဗျာ ၂၂.၂\xt*\x*“ဝိညာဉ်တော်ဟှ သင်းတော်ဟှို မိန့်တော်မူဟှူ ဇာလေဟှို နားရှိဟှူသူလေ ကြားပါစေ!
\p “အောန်မြင်ဟှူသူဟှို ဘုရားသခင်ရဲ့ ပရဒိသုဘောင်မာ သတ်ပန်ရဲ့သီးဟှို စားရဟှူခွမ့်ဟှို ငါပေးမယ်။
\s စမုရနသင်းတော်တွပ် ဒန်းစကား
\p
\v 8 “စမုနရဗြို့မာရှိဟှူ သင်းတော်ရဲ့ စေတမန်ဟှို အယ်မျိုးရေးလိုက်ဟှယ်။
\p “ဦးဆောင်းန နော့‑က်ဆောင်းဖြစ်ဟှူသူ၊ သေဘီးမှ သတ်ပ္လန်ရှင်လာဟှူသူဟှ အယ်မျိုးမိန့်တော်မူဟှယ်။ 
\v 9 နန့်ရဲ့ ဒေါက်ခဝေဒနာန ဆင်းရဲရှင်းလေဟှို ငါသိဟှယ်။ မှန်ဆိုဟှာ နန်ဟှာ ကြွယ်ဝဟှယ်။ ကိုယ့်ကိုယ်ကိုယ် ယုဒလူမျိုးဖြစ်ဟှယ် ဆိုဘီး ပြောဂေ့ဟှူ၊ ယုဒလူမျိုးမှုဘဲဟှူ၊ စာတန်ရဲ့ သင်းဝမ်လေဖြစ်ဂေ့ဟှူ သူလေနားဟှနေ ကဲ့ရဲ့ဘီး ပြောခံရရှင်းလေဟှိုလည်း ငါသိဟှယ်။ 
\v 10 နန်ခံစားရဟှို့ ဒေါက်ခဝေဒနာလေဟှို ကြော့‑က်န။ နန်ဟှာ စောင်ဇမ်းနှော့‑က်ရှစ်ရှင်းဟှို ခံရဟှို့ကြောန်း မာရ်နတ်ဟှာ နန့်နို့ထဲမာ တချို့လေဟှို ထောန်ထဲမာ ထဲ့ဟှားဟှယ်။ နန်နို့ဟှာ ဆယ်ရစ်လောင်းလောင်း ဆင်းရဲဒေါက်ခဟှို ခံရဂေ့လေ့မယ်။ သေဒဲ့ထိ သစ်စာစောန့်ပါ။ အယ်မျိုးဆိုဟှာ သတ်သရဖူဟှို နန့်ဟှို ငါပေးမယ်။
\p
\v 11 \x - \xo ၂.၁၁ \xo*\xt ဗျာ ၂၀.၁၄; ၂၁.၈\xt*\x*“ဝိညာဉ်တော်ဟှ သင်းတော်ဟှို မိန့်တော်မူဇာလေဟှို နားရှိဟှူသူလေ ကြားပါစေ!
\p “အောန်မြင်ဟှူသူဟှို ဒုတိယသေရှင်းဟှာ ညှင်းဆဲဟှို့ရဟှ။
\s ပေရဂံသင်းတော်တွပ် ဒန်းစကား
\p
\v 12 “ပေရဂံဗြို့မာရှိဟှူ သင်းတော်ရဲ့ စေတမန်ဟှို အယ်မျိုးရေးလိုက်ဟှယ်။
\p “သွားနေဖတ်ပါဟှူ၊ ရရာတိုင်းထတ်ဟှူ၊ သန်လျက်ရှိဟှူသူဟှ အယ်မျိုး မိန့်တော်မူဟှယ်။ 
\v 13 နန်ဟှာ ဖယ်နေရာမာ ထိုင်နေဟှယ် ဆိုဇာဟှို ငါသိဟှယ်။ အယ်နေရာမှာ စာတန်ရဲ့ ပလ္လင်ရှိဟှယ်။ ငါ့ဟှို သစ်စာရှိဟှူ ငါ့ရဲ့သတ်သေ အန္တိပဟှာ စာတန်ရဲ့နေရာဖြစ်ဟှူ နန်နို့နားမာ သတ်ခံရဟှူ ခီမာ နန်ဟှာ ငါ့ရဲ့နာမဟှို စွဲကိုင်ဘီး ငါ့မှာဟှားဟှူ ယောင်ကြည်ရှင်းဟှို စွန့်ပစ်ဟှ။ 
\v 14 အယ်ဘေမဲ့ နန်းနို့ဟှို ငါဟှာ ပြစ်ပြောဇာ နဲနဲရှိဟှယ်။ ဖြားဖြစ်ကြောန်းနူးဆိုဟှာ နန်းနို့မာ ဗာလရဲ့ ယူဝါဒဟှို ခံယူဘီးဟှာ ကျင့်နေဂေ့ဟှူ သူလေရှိနေဟှယ်။ ဣသရေလလူမျိုးလေဟှာ ရောက်ထုဟှို ပူဇော်ဟှားဟှူဇာလေဟှို စားဂေ့ဟှို့တွပ်ရော၊ တရားဘဲဟှူမေထုန်ဟှို လောက်ဂေ့ဟှို့တွပ်ရော သူးနို့ရှေ့မာ မှားယွင်းဂေ့ဟှူဇာလေဟှို ခ္လဟှားဟှို့ကြောန်း ဗာလမ်ဟှာ ဗာလက်မန်းဟှို သန်ပေးဟှယ်။ 
\v 15 အယ်မျိုးဘဲ့ နန်းနို့မာ နိကောလတဗဲ့လေရဲ့ ယူဝါဒဟှို ခံယူဘီး ကျင့်နေဂေ့ဟှူ သူလေလည်း ရှိနေဟှယ်။ 
\v 16 အယ်ကြောန့် နောန်ဒရပါ။ အယ်မျိုးမှုဘဲနေဟှာ ငါဟှာ နန်းနို့နားဟှို ဗြန်းဗြန်ဟှားလာဘီး ငါ့ဇပ်ပေါ့‑က်ထဲဟှ သန်လျက်န နန်းနို့ဟှို တိုက်ခိုက်မယ်။
\p
\v 17 \x - \xo ၂.၁၇ \xo*\xt ယော ၆.၄၈–၅၀\xt*\x*“ဝိညာဉ်တော်ဟှ သင်းတော်ဟှို မိန့်တော်မူဇာလေဟှို နားရှိဟှူသူလေ ကြားပါစေ!
\p “အောန်မြင်ဟှူသူဟှာ ဖွပ်ဟှားဟှူမန္နဟှို ငါပေးမယ်။ က္လော့‑က်ဖ္လူဟှိုလည်း ငါပေးမယ်။ အယ်က္လော့‑က်ဟှို ရဟှူသူဟှလွဲဘီး ဖယ်သူလည်း အယ်နာမယ်သစ်ဟှို သိဂေ့ဟှ။
\s သွာတိရသင်းတော်တွပ် ဒန်းစကား
\p
\v 18 “သွာတိရဗြို့မာရှိဟှူ သင်းတော်ရဲ့ စေတမန်ဟှို အယ်မျိုးရေးလိုက်ဟှယ်။
\p “မီးလျှံမျိုး မျစ်စိန ရရာတိုင်း တော့‑က်ဟှူ၊ ကြေးဝါနတူဟှူ၊ ခေရှိဟှူ ဘုရားသခင်ရဲ့ သားတော်ဟှ အယ်မျိုးမိန့်တော်မူဟှယ်။ 
\v 19 နန့်ရဲ့ လောက်ဆောန်ရှင်းလေန နန့်ရဲ့ရှစ်ရှင်း၊ ယောင်ကြည်ရှင်း၊ မှုတော်ဆောန်ရှင်း၊ သီးခံရှင်းလေဟှို ငါသိဟှယ်။ နန်ဟှာ နော့‑က်ဆောင်းလောက်ဆောန်ရှင်းလေဟှာ ရင်ဟှလောက်ဆောန်ရှင်းထတ် သာနေဟှူကြောန်းဟှိုလည်း ငါသိဟှယ်။ 
\v 20 အယ်ဘေမဲ့ နန့်ဟှို ငါဟှာ ပြစ်ပြောဇာရှိဟှယ်။ ဖြားဖြစ်ကြောန်းဆိုဟှာ နန်ဟှာ ကိုယ့်ကိုယ်ကိုယ် ပရောဖက်မ ဆိုဘီး ခေါ်ဟှူမီးမ ယေဇဗေလဟှို လောက်ရှင်ဟှူမျိုး လောက်ဟှို့ ခွမ့်ပေးဟှားဟှယ်။ အယ်ကြောန့် သူဟှာ ငါ့ရဲ့ စေခံလေဟှို တရားဘဲဟှူမေထုန်ပြုဟှို့တွပ် ရောက်ထုဟှို ပူဇော်ဟှားဟှူဇာလေဟှို စားဂေ့ဟှို့တွပ် သွန်သန်ဘီးဟှာ သူးနို့လေဟှို လှည့်ဇားနေဟှယ်။ 
\v 21 ငါဟှာ သူ့ဟှို နောန်ဒရဟှို့တွပ် ခီပေးဘေမဲ့ သူဟှာ တရားဘဲဟှူမေထုန်ဟှို နောန်ဒရရှင်ဟှူစိ မှေ့ဟှ။ 
\v 22 အယ်ကြောန့် ငါဟှာ သူ့ဟှို အိရာထတ်မာလဲစေဟှယ်။ သူ့န အီထောန်ရေးဖော့‑က်ပ္လန်ဘီး ပြစ်မှားဟှူ လူလေဟှိုလည်း သူးနို့လောက်ဟှူ မှုလေတွပ် နောန်ဒရဘဲနေဟှာ ရရာတိုင်း ကီးဟှူ ဆင်းရဲဒေါက်ခဟှို ရော့‑က်စေမယ်။ 
\v 23 သူ့ရဲ့ သားမီးလေဟှိုလည်း သေဘေးန ငါစီရင်မယ်။ အယ်ခီမာ ငါဟှာ စိနှလောင်းဟှို သိဟှူသူဖြစ်ဟှယ် ဆိုဇာ သင်းတော်အားလောင်းဟှာ သိရဂေ့လေ့မယ်။ နန်းနို့ အားလောင်းဟှိုလည်း ကိုယ်လောက်ဟှားဟှူတိုင်းဘဲ့ ကျိုးပြစ်ဟှို ငါဟှာပေးမယ်။
\p
\v 24 “အယ်ဘေမဲ့ အယ်မီးမရဲ့ ယူဝါဒန စာတန်ရဲ့ နတ်နဲရှင်းဖြစ်ဟှူ၊ သူးနို့ ခေါ်ဂေ့ဟှူဇာလေ သိဘဲန သွာတိရဗြို့မာ ကျန်နေဟှူလူလေဟှို ငါပြောရှင်ဟှူဇာဟှ နန်းနို့ထတ်မာ တခြားဝန်ထောက်လေဟှို ငါတန်ဟှ။ 
\v 25 နန်နို့လေမာ ရှိဟှူဇာလေဟှိုဘဲ့ ငါကြွလာဟှူခီထိ စွဲကိုင်ဟှားဂေ့။ 
\v 26 အောန်မြင်ဟှူ သူလေန ငါ့ရဲ့မှုဟှို ဆောင်းထိစောန့်ထီးဟှူ သူလေဟှာ လူမျိုးအားလောင်းဂူဟှို အောက်စိုးရဟှူ ခွမ့်ဟှို ငါပေးမယ်။ 
\v 27 အယ်လူလေဟှာ ငါကိုယ်တိုင် ငါ့ရဲ့ ဖနားဟှရဟှူ အောက်စိုးခွမ့်နတူဟှူ မ္လေအိုးလေဟှို ရိုက်ခွဲမျိုးဘဲ့ သံလှံတံန သူးနို့ဟှို အောက်စိုးရလေ့မယ်။ 
\v 28 ငါဟှာ မိုးသော့‑က်ကြယ်ဟှိုလည်း အယ်လူလေဟှို ပေးမယ်။
\p
\v 29 “ဝိညာဉ်တော်ဟှ သင်းတော်ဟှို မိန့်တော်မူဇာလေဟှို နားရှိဟှူသူလေ ကြားပါစေ။
\c 3
\s သာဒိသင်းတော်တွပ် ဒန်းစကား
\p
\v 1 “သာဒိဗြို့မာရှိဟှူ သင်းတော်ရဲ့ စေတမန်ဟှို အယ်မျိုးရေးလိုက်ဟှယ်။
\p “ဘုရားသခင်ရဲ့ဝိညာဉ် ခွန်နစ်ပါးန ကြယ်ခွန်နစ်လောင်းရှိဟှူသူဟှ အယ်မျိုးမိန့်တော်မူဟှယ်။ နန့်ရဲ့ လောက်ဆောန်ရှင်းလေဟှို ငါသိဟှယ်။ နန်ဟှာ သတ်ရှင်နေဟှယ် ဆိုဘီး နာမယ်ခံဘေမဲ့ သေနေဟှူလူ ဖြစ်ဟှယ်။ 
\v 2 ဒိနစောန့်နေပါ။ သေခါနီးဖြစ်နေဘီး ကျန်နေဟှူသူလေဟှို ခိုင်ခံ့စေပါ။ ဖြားဖြစ်ကြောန်းနူးဆိုဟှာ နန့်ရဲ့ လောက်ဆောန်ရှင်းလေဟှာ ငါ့ရဲ့ ဘုရားသခင်ရှေ့မာ ပြစ်ပြောဇာရှိသေးဟှယ် ဆိုဇာ ငါဗြင်ရဟှယ်။ 
\v 3 \x - \xo ၃.၃ \xo*\xt မ ၂၄.၄၃,၄၄; လု ၁၂.၃၉,၄၀; ဗျာ ၁၆.၁၅\xt*\x*အယ်ကြောန့် နန်ဟှာ ဖယ်မျိုးခံယူဘီး ကြားနာရဟှူဇာလေဟှို ဒိရဘီး အယ်ဇာလေဟှို စောန့်ထီးပါ။ နောန်ဒရပါ။ နန်ဟှာ ဒိနစောန့်ဘဲနေဟှာ ခိုးလာဟှူမျိုး နန့်နားဟှို ငါလာဇာဟှို နန်ဟှာ လောင်းဝသိဟှို့ မှုဟှ။ 
\v 4 အယ်ဘေမဲ့ သာဒိဗြို့မာ ကိုယ့်ရဲ့ဝတ်ဟှို ညစ်ညူးစေဘဲဟှူသူ နဲနဲဟှား ရှိသေးဟှယ်။ အယ်လူလေဟှာ ထိုက်တန်ဟှူသူလေ ဖြစ်ဂေ့ဟှူကြောန့် ဝတ်ဖ္လူဟှိုဝတ်ဘီး ငါ့နာမနတူးဒူး သွားလာရလေ့မယ်။ 
\v 5 \x - \xo ၃.၅ က \xo*\xt ဗျာ ၂၀.၁၂; \xt*\xo ခ \xo*\xt မ ၁၀.၃၂; လု ၁၂.၈\xt*\x*အောန်မြင်ဟှူသူဟှာ အယ်မျိုးဘဲ့ ဝတ်ဖ္လူဟှို ဝတ်ရလေ့မယ်။ ငါဟှလည်း သူ့ရဲ့နာမယ်ဟှို သတ်စာစောန်မာ လောင်းဝဖျစ်ပစ်ဟှ။ ငါဟှာ သူ့ရဲ့နာမယ်ဟှို ငါ့ဖရှေ့မာရော၊ ကောန်းဂန်တမန် ရှေ့မာရော ဝန်ခံမယ်။
\p
\v 6 “ဝိညာဉ်တော်ဟှ သင်းတော်ဟှို မိန့်တော်မူဟှူ ဇာလေဟှို နားရှိဟှူသူလေ ကြားပါစေ။
\s ဖိလဒေလဖိသင်းတော်တွပ် ဒန်းစကား
\p
\v 7 “ဖိလဒေလဖိဗြို့မာရှိဟှူ သင်းတော်ရဲ့ စေတမန်ဟှို အယ်မျိုးရေးလိုက်ဟှယ်။
\p “သန့်ရှင်းဟှူသူ၊ ရရာတိုင်း မှန်ဟှူသူ၊ ဒါဝိဒ်ရဲ့သော့‑က်ဟှို ကိုင်ဟှားဟှူသူ၊ ဖယ်သူလည်း ပိနိုင်ဘဲနေအောန် ဖွမ့်ဟှားဟှူသူ၊ ဖယ်သူလည်း ဖွမ့်နိုင်ဘဲနေအောန် ပိဟှားဟှူသူဟှ အယ်မျိုးမိန့်တော်မူဟှယ်။ 
\v 8 နန့်ရဲ့ လောက်ဆောန်းရှင်းလေဟှို ငါသိဟှယ်။ ကေ့ကေ့။ ဖယ်သူလည်း ပိနိုင်ဘဲဟှူ ခွဗော့‑က်ဟှို နန့်ရှေ့မာ ငါဖွမ့်ဟှားဟှယ်။ ဖြားဖြစ်ကြောန့်နူးဆိုဟှာ နန်ဟှာ စွမ်းရည်နဲနဲဟှားဘဲ ရှိဘေမဲ့ ငါ့ရဲ့ စကားတော်ဟှို လိုက်နာစောန့်ထီးဘီး ငါ့ရဲ့နာမဟှိုလည်း ပယ်ဟှ။ 
\v 9 ကေ့ကေ့။ ကိုယ့်ကိုယ်ကိုယ် ယုဒလူမျိုးဖြစ်ဟှယ် ဆိုဘီး ယုဒလူမျိုးမှုဘဲန စာတန်ရဲ့ ပေါန်းသင်းဝမ်လေဖြစ်ဂေ့ဟှူ၊ လီညာဘီးပြောဂေ့ဟှူ လူလေဟှို နန့်ရဲ့ခေရင်မာ လာဘီး ရှိခိုးစေဘီးဟှာ ငါဟှာ နန်းနို့ဟှို ရှစ်ဟှယ် ဆိုဇာဟှို သူးနို့ဟှို သိစေမယ်။ 
\v 10 နန်ဟှာ သီးခံရှင်းနဆိုင်ဟှူ ငါ့ရဲ့ စကားတော်ဟှို လိုက်နာဘီး စောန့်ထီးဟှူကြောန့် မ္လေဂီးထတ်မာ နေထိုင်ဂေ့ဟှူ သူလေဟှို စမ်းသပ်စစ်ဆေးဟှို့ ရော့‑က်လာဟှူ ခီမာ ငါဟှာ နန့်ဟှို စောန့်ရှော့‑က်မယ်။ 
\v 11 ငါဟှာ ဗြန်းဗြန်ဟှားလာမယ်။ နန့်ရဲ့ သရဖူဟှို ဖယ်သူလည်း လုယူဘဲဟှို့တွပ် နန့်မာရှိဟှူဇာလေဟှို စွဲကိုင်းဟှားပါ။ 
\v 12 \x - \xo ၃.၁၂ \xo*\xt ဗျာ ၂၁.၂\xt*\x*ငါဟှာ အောန်မြင်ဟှူသူဟှို ငါ့ရဲ့ ဘုရားသခင် ဗိမာန်တော်မာ တိုင်ဖြစ်စေမယ်။ သူဟှာ ဖယ်ခါလည်း ပ္လန်ဟှိုထွပ်ဟှားရဟှို့ မှုဘီ။ ငါဟှာ ငါ့ဘုရားသခင်ရဲ့ နာမတော်ဟှိုရော၊ ငါ့ဘုရားသခင်ရဲ့ ဗြို့တော်ဖြစ်ဟှူ ကောန်းဂန်ဘောင်ဟှနေ ဆင်းလာဘီး ယေရုရှလင်ဗြို့သစ်ရဲ့ နာမဟှိုရော၊ ငါ့ရဲ့ နာမသစ်ဟှိုရော သူ့ထတ်မာ ရေးဟှားမယ်။
\p
\v 13 “ဝိညာဉ်တော်ဟှ သင်းတော်ဟှို မိန့်တော်မူဟှူ ဇာလေဟှို နားရှိဟှူသူလေ ကြားပါစေ။
\s လောဒိကိသင်းတော်တွပ် ဒန်းစကား
\p
\v 14 “လောဒိကိဗြို့မာရှိဟှူ သင်းတော်ရဲ့ စေတမန်ဟှို အယ်မျိုးရေးလိုက်ဟှယ်။
\p “အာမင်ဖြစ်ဟှူသူ၊ သစ်စာရှိဘီး ဖြောန့်မတ်ဟှူသတ်သေ၊ ဘုရားသခင်ရဲ့ ဖန်ဆင်းဟှားဟှူထဲမာ ဦးဆောင်းဖြစ်ဟှူသူဟှ အယ်မျိုးမိန့်တော်မူဟှယ်။ 
\v 15 နန့်ရဲ့လောက်ဆောန်ရှင်းလေဟှို ငါသိဟှယ်။ နန်ဟှာ အေးလည်း မှုဟှ။ ပူလည်း မှုဟှ။ ငါဟှာ နန့်ဟှို အေးဆိုဟှာအေး၊ ပူဆိုဟှာပူ တခုခုဟှိုဘဲ ဖြစ်စေရှင်ဟှယ်။ 
\v 16 နန်ဟှာ ပူလည်းမှုဘဲန၊ အေးလည်းမှုဘဲန၊ မပူမအေး ဖြစ်နေဟှူကြောန့် နန့်ဟှို ငါ့ဇပ်ပေါ့‑က်ထဲဟှ ထွီးထုမယ်။ 
\v 17 နန်ဟှ ‘ငါဟှာ ရရာတိုင်း ကြွယ်ဝဟှူကြောန့် ဖြားဇာလည်း လိုဟှ ဆိုဘီး’ ပြောနေဟှယ်။ အယ်ဘေမဲ့ နန်ဟှာ ရရာတိုင်း စိပြစ်ဇာကောန်းဟှူသူ၊ နားဇာကောန်းဟှူသူ၊ ဆင်းရဲဟှူသူ၊ မျစ်စိကန်းနေဟှူသူန ခ္လေးပ္လန်းဗ္လန်း ဖြစ်နေဟှယ် ဆိုဇာဟှို နန်သိဟှ။ 
\v 18 နန်ဟှာ ကြွယ်ဝဟှို့တွပ် မီးနသန့်စင်ဟှားဟှူ ရွှေဟှိုရော၊ နန်ဟှာ ခ္လေးပ္လန်းဗ္လန်း ဖြစ်နေဘီး ယှစ်လေပေါ်ဘဲနေအောန် နန့်ဝတ်ဟှို့ ဖ္လူဟှူ ဝတ်ရောင်ဟှိုရော၊ နန့်ရဲ့ မျစ်စိ ပ္လန်ဘီးဗြင်လာဟှို့တွပ် မျစ်စဉ်ခတ်ဟှို့ ဆေးဟှိုရော၊ ငါ့နားမာ ဝယ်ဟှို့တွပ် နန့်ဟှို ငါဟှာ ကြံပေးရှင်ဟှယ်။ 
\v 19 \x - \xo ၃.၁၉ \xo*\xt ဟေ ၁၂.၆\xt*\x*ငါဟှာ ငါရှစ်ဟှူသူ မှန်မျှရဲ့ ပြစ်လေဟှို ဖော်ပြဘီးဟှာ ဆောင်းမတတ်ဟှယ်။ အယ်ကြောန့် ကိုယ့်စိကိုယ် နှိုးဆောန်ဘီး နောန်ဒရပါ။ 
\v 20 နားထောန်ဂေ့။ ငါဟှာ ခွဗော့‑က်ရှေ့မာ ရပ်ဘီး ခေါ့‑က်ဘီးနေဟှယ်။ ဖယ်သူမဆို ငါ့ရဲ့သံဟှို ကြားဘီး ခွဗော့‑က်ခွမ့်မယ် ဆိုဟှာ အယ်လူရှိဟှူ နေရာဟှို ဝမ်ဘီး သူ့နတူးဒူ စာစားမယ်။ သူဟှလည်း ငါ့နတူးဒူ စားသော့‑က်ရလေ့မယ်။ 
\v 21 ငါဟှာ အောန်မြင်ဘီး ငါ့ဖနတူးဒူ ပလ္လင်ထတ်မာ ထိုင်ရမျိုးဘဲ အောန်မြင်ဟှူ သူဟှာ ငါ့ရဲ့ ပလ္လင်ထတ်မာ ငါ့နတူးဒူ ထိုင်ရဟှို့ ခွမ့်ဟှို ငါပေးမယ်။
\p
\v 22 “ဝိညာဉ်တော်ဟှ သင်းတော်ဟှို မိန့်တော်မူဟှူ ဇာလေဟှို နားရှိဟှူသူလေ ကြားပါစေ” ဆိုဘီး မိန့်တော်မူလေဟှယ်။
\c 4
\s ကောန်းဂန်ဘောင်းဟှ ပလ္လင်တော်
\p
\v 1 အယ်ဘီးန ငါကေ့လိုက်ဟှူ ခီမာ ကောန်းဂန်မာဖွမ့်ဟှားဟှူ ခွဗော့‑က်တခုရှိဟှယ်။
\p အယ်ခီမာ ပထမဆောင်း ငါ့ဟှို မိန့်တော်မူဇာဟှို ကြားရဟှူ၊ တံပိုးခရာသံမျိုးဖြစ်ဟှူ သံဟှ “အယ်နေရာဟှို တတ်လာလိုက်။ အယ်ဖြစ်ပျစ်လေရဲ့ နော့‑က်မာ ဖြစ်ရဟှို့ဇာလေဟှို နန့်ဟှို ငါပြမယ်။” ဆိုဘီး ပြောဟှယ်။ 
\v 2 အယ်ခီမာ ရှစ်ရှင်းဘဲ ဝိညာဉ်တော်ဟှာ ငါ့ထတ်ဟှို ရော့‑က်လာလေဟှယ်။ ကောန်းဂန်ဘောင်မာ ပလ္လင်တခုရှိဟှယ်။ ပလ္လင်ထတ်မာထိုင်နေဟှူသူ တပါးရှိဟှယ်။ 
\v 3 ထိုင်နေဟှူသူဟှာ နဂါးသွဲ့န ပတ္တမြားက္လော့‑က်နီမျိုး ရောန်ရှိဘီး ပလ္လင်ပတ်ပတ်လည်မာ မြမျိုးဆင်းရောန်ရှိဟှူ သက်တံ့ရှိဟှယ်။ 
\v 4 ပလ္လင်ရဲ့ ပတ်ပတ်လည်မာ တခြားပလ္လင် နှေ့ဆယ်လေးခုရှိဘီး အယ်ပလ္လင်လေထတ်မာ ဖ္လူဟှူဝတ်ရောင်ဟှို ဝတ်ဟှားဘီး ခေါန်းထတ်မာ ရွှေသရဖူဟှို ဆောန်းဟှားဟှူ သတ်ကီးဝါဂီး နှေ့ဆယ့်လေးပါးဟှာ ထိုင်နေဂေ့ဟှယ်။ 
\v 5 \x - \xo ၄.၅ က \xo*\xt ဗျာ ၈.၅; \xt*\xo ခ \xo*\xt ဗျာ ၁.၄\xt*\x*ပလ္လင်ထဲဟှ လန့်စစ်ဖ္လတ်ရှင်း၊ မိုးချောင်းသံလေ၊ မိုးကြိုးသံလေ ထွပ်လာဟှယ်။ ဘုရားသခင်ရဲ့ ဝိညာဉ်ခွန်နစ်ပါးဖြစ်ဟှူ မီးခွပ်ခွန်နစ်လောင်းဟှာ ပလ္လင်ရှေ့မာ တော့‑က်လောန်ဘီး ရှိနေဟှယ်။ 
\v 6 အယ်ဘီးဟှာ ပလ္လင်ရှေ့မာ က္လော့‑က်သလင်းနတူဟှူ ဖန်ရေကန်မျိုးရှိဟှယ်။ ပလ္လင်ရဲ့လယ်နရော၊ ပတ်ပတ်လည်မာရော၊ ရှေ့ဖတ်န နော့‑က်ဖတ်လေမာရော မျစ်စိလေနပ္လဲ့နေဟှူ သတ္တဝါလေးပါးရှိဟှယ်။
\p
\v 7 ပထမ သတ္တဝါဟှာ ခြင်္သေ့နတူဘီး ဒုတိယ သတ္တဝါဟှာ နွားသားဂန်းနတူဟှယ်။ တတိယ သတ္တဝါဟှာ လူနတူဟှူ မျစ်နှာရှိဘီး စတုတ္ထ သတ္တဝါဟှာ ပ္လန်နေဟှူ လင်းယောင်နတူဟှယ်။ 
\v 8 အယ်သတ္တဝါ လေးပါးလောင်းဟှာ တောန်ပံခြော့‑က်ခုစိရှိဘီး ပတ်ပတ်လည်န ထဲဖတ်မာ မျစ်စိလေန ပ္လဲ့ဘီးရှိနေဟှယ်။ သူးနို့ဟှာ နေ့ရောညဉ့်ရော နားဘဲန
\q1 “ထာဝရ ဘုရားသခင်ဟှာ
\q2 သန့်ရှင်းတော်မူဟှယ်။ သန့်ရှင်းတော်မူဟှယ်။ သန့်ရှင်းတော်မူဟှယ်။
\q1 ကိုယ်တော်ဟှာ ခုရှိဘီး ရင်ဟှလဲရှိဟှူ နော့‑က်တခီမာ ကြွလာဟှို့ အနန္တတဂိုးနပ္လဲ့ဇောင်ဟှူ သခင်ဖြစ်ဟှယ်” ဆိုဘီး
\m ပြောဆိုဂေ့ဟှယ်။
\p
\v 9 အယ်မျိုး ပလ္လင်ထတ်မာထိုင်ဘီး ကမ္ဘာဆစ်ဆစ်သတ်ရှင်ဟှူ သခင်ရဲ့ ဖောင်းသရေတော်၊ ဂေါင်တော်န ကျေးဇူးတော်လေဟှို သတ္တဝါလေးပါးဟှာ ချီးမွမ်းဂေ့ဟှူ ခီမာ 
\v 10 သတ်ကီးဟှူသူ နှေ့ဆယ့်လေးပါးဟှာ ပလ္လင်ထတ်မာထိုင်ဟှူ သခင်ရဲ့ရှေ့မာ ပျပ်ဝပ်ဘီးဟှာ ကမ္ဘာဆစ်ဆစ်သတ်ရှင်ဟှူ သခင်ဟှို ကိုးကွယ်ဘီးဟှာ သူးနို့လေရဲ့ သရဖူလေဟှို ပလ္လင်ရှေ့မာ ခ္လဟှားဘီးဟှာ၊
\q1
\v 11 “ကျွန်တော့်ဟှားလေရဲ့သခင် ဘုရားသခင်ဟှာ
\q2 ကိုယ်တော်ဟှာ ရာအားလောင်းဂူဟှို ဖန်ဆင်းဟှူကြောန့်
\q1 ကိုယ်တော်ရဲ့ လိုတော်ကြောန့်ဘဲ့ ရာအားလောင်းဂူဟှာ သတ်ရှင်ရဂေ့ဟှယ်။
\q2 အယ်ကြောန့် ကိုယ်တော်ဟှာ ဖောင်းသရေတော်၊ ဂေါင်တော်၊ တဂိုးတော်လေဟှို ခံထိုက်ဟှယ်” ဆိုဘီး
\m ပြောဆိုဂေ့ဟှယ်။
\c 5
\s စာစောန်န သိုးသားဂန်းဟှားကြောန်း
\p
\v 1 အယ်ဘီးန ပလ္လင်ထတ်မာ ထိုင်ဟှူသခင်ရဲ့ ညာဖတ်လတ်မာ ထဲရောပ္လန်ရော နှေ့ဖတ်လောင်း စာလောင်းလေ ရေးဟှားဘီး၊ မှတ်လတ်ခဏာတန်ဘီး တဇိခွန်နစ်ခုန ပိဟှားဟှူ စာစောန်တစ်စောန် ရှိနေဇာဟှို ငါဟှာ ဗြင်ရဟှယ်။ 
\v 2 အယ်ခီမာ ရရာတိုင်း ခွန်အားကီးဟှူ ကောန်းဂန်တမန်တပါးဟှာ “ဖယ်သူဟှာ အယ်စာစောန်ဟှို ဖွမ့်ဘီး အယ်တဇိလေဟှို ခွာထိုက်နူး” ဆိုဘီး သံက္လယ်ဂီးန ကြောငြာနေဇာဟှို ငါဟှာ ဗြင်ရဟှယ်။ 
\v 3 အယ်ဘေမဲ့ ကောန်းဂန်မာဖြစ်စေ၊ မ္လေဂီးထတ်မာဖြစ်စေ၊ မ္လေဂီးအော့‑က်မာ\f + \fr ၅.၃ \fr*\fk မ္လေဂီးအော့‑က်မာ၊ \fk*\ft မရဏာနိုင်ငံ အယ်မျိုးမှုဘဲနေဟှာ လူသေလေရဲ့ ကမ္ဘာ (ရှု \ft*\xt ၁.၁၈\xt*)။\f*ဘဲ့ဖြစ်စေ စာစောန်ဟှိုဖွမ့်ဘီး ကေ့နိုင်ဟှူသူ ဖယ်သူလည်း မှေ့ဟှ။ 
\v 4 အယ်စာစောန်ဟှို ဖွမ့်ဘီးဟှာကေ့ဟှို့တွပ် ထိုက်တန်ဟှူသူ ယော့‑က်လည်း တွိဘဲဟှူကြောန့် ငါဟှာ ရရာတိုင်း ငိုဟှယ်။ 
\v 5 အယ်ခီမာ သတ်ကီးဟှူသူ တပါးဟှာ “ငိုန၊ ကေ့ကေ့။ ယုဒမျိုးနွယ်ဟှနေ ပေါ်လာဟှူခြင်္သေ့၊ ဒါဝိဒ်ရဲ့ မူလရင်းမြစ်ဖြစ်ဟှူ သခင်ဟှာ အောန်မြင်ဟှူကြောန့် အယ်စာစောန်န တဇိခွန်နစ်ချစ်ဟှို ဖွမ့်နိုင်ဟှယ်။” ဆိုဘီး ငါ့ဟှိုပြောဟှယ်။
\p
\v 6 အယ်ဘီးန သေသတ်ခံဟှားရဟှူ ပေါင်ဖြစ်နေဟှူ သိုးသားဂန်းဟှားဟှာ ပလ္လင်န သတ္တဝါလေးပါးရဲ့ ကြားထဲဟှ သတ်ကီးဟှူ သူလေရဲ့လယ်မာ ရပ်နေဇာဟှို ငါဗြင်ရဟှယ်။ အယ်သိုးသားဂန်းဟှားမာ ချိုခွန်နစ်ရှောန်းန မျစ်စိခွန်နစ်လောင်းရှိဟှယ်။ အယ်မျစ်စိလေဟှာ မ္လေဂီးတဗ္လန်လောင်းဟှို လွှတ်လိုက်ခံရဟှူ ဘုရားသခင်ရဲ့ ဝိညာဉ်ခွန်နစ်ပါး ဖြစ်ဟှယ်။ 
\v 7 သိုးသားဂန်းဟှားဟှာ လာဘီး ပလ္လင်ထတ်မာ ထိုင်နေဟှူသခင်ရဲ့ ညာဖတ်လတ်မာရှိဟှူ စာစောန်ဟှို ယူလိုက်ဟှယ်။ 
\v 8 အယ်စာစောန်ဟှို ယူလိုက်ဟှူ ခီမာ သတ္တဝါလေးပါးန သတ်ကီးဟှူသူ နှေ့ဆယ့်လေးပါးဟှာ သန့်ရှင်းသူလေရဲ့ ဆုတောန်းချစ်လေဖြစ်ဟှူ မီးရှို့ဟှူ နံ့သာပေါန်းန ပ္လဲ့နေဟှူ ရွှေဖလားလေဟှိုရော၊ စောန်းလေဟှိုလည်း ကိုင်ဟှားဂေ့ဘီး သိုးသားဂန်းဟှားရှေ့မာ ပျပ်ဝပ်ဘီး၊ 
\v 9 ကိုယ်တော်ရှင်ဟှာ သေသတ်ရှင်းဟှို ခံရဟှူကြောန့်
\q1 “တိုင်းနိုင်ငံ အားလောင်းမာရှိဟှူ သာသာစကားလေ မျိုးမျိုးပြောဂေ့ဟှူ
\q2 လူမျိုးလေထဲဟှနေဘီး ကျွန်တော့်ဟှားလေဟှို ယူဘီး၊ သွီးတော်န ဘုရားသခင်တွပ် ဖိုးခပေးဘီး ဝီးကော့‑က်လိုက်ဟှယ်။
\q1 အယ်ကြောန့် ကိုယ်တော်ဟှာ အယ်စာစောန်ဟှို ယူဘီး တဇိလေဟှို ဖွမ့်ထိုက်ဟှူသူ ဖြစ်ပါဟှယ်။
\q1
\v 10 \x - \xo ၅.၁၀ \xo*\xt ဗျာ ၁.၆\xt*\x*ကျွန်တော့်ဟှားလေရဲ့ ဘုရားသခင်ရှေ့မာ မန်းဂီးနေနရော၊ ယဇ်ပုရောဟိတ်နေနရော ခန့်ဟှားဘီး၊
\q2 မ္လေဂီးထတ်မာ အောက်ချောက်ရဟှူခွမ့်ဟှို ပေးဟှယ်” ဆိုဘီး
\m ချင်းသစ်ဟှို ဆိုဂေ့ဟှယ်။
\p
\v 11 အယ်ခီမာ ငါဟှာ ကေ့လိုက်ဟှူ ခီမာ ပလ္လင်ပတ်ပတ်လည်မာရော၊ သတ္တဝါလေးပါးန သတ်ကီးဟှူလူလေရဲ့ ပတ်ပတ်လည်မာရော၊ ရပ်ဘီးနေဟှူ ကောန်းဂန်တမန်လေရဲ့ သံဟှို ကြားရဟှယ်။ အယ်ကောန်းဂန်တမန်လေဟှာ သီးသန်းကုဋေ ကဘဲန ရရာတိုင်းများဟှယ်။ 
\v 12 သူးနို့ဟှာ
\q1 “သေသတ်ခံရဟှူ သိုးသားဂန်းဟှားဟှာ
\q2 တဂိုး၊ စည်းဇိမ်၊ ဉာဏ်ပညာ၊ ခွန်အားစွမ်းရည်၊ ဖောင်းသရေတော်၊ ဖောင်းအားနုဘော်၊
\q2 ချီးမွမ်းရှင်းဟှို ခံထိုက်ဟှယ်” ဆိုဘီး
\m သံက္လယ်ဂီးန ပြောဆိုဂေ့ဟှယ်။ 
\v 13 နော့‑က်ထပ် ကောန်းဂန်၊ မ္လေဂီး၊ မ္လေဂီးအော့‑က်ဟှ ပန်လယ်ရဲ့ နေရာတိုင်းမာ သတ္တဝါအားလောင်းဂူဟှ
\q1 “ပလ္လင်ထတ်မာ ထိုင်နေဟှူသခင်န သိုးသားဂန်းဟှားဟှာ
\q2 ကမ္ဘာဆစ်ဆစ် ချီးမွမ်းရှင်းဟှို ခံရပါစေ။
\q1 ဖောင်းကီးတော်မူပါစေ”
\m ဆိုဘီး သံက္လယ်ဂီးန ပြောဂေ့ဇာဟှို ငါဟှာ ကြားဟှယ်။ 
\v 14 သတ္တဝါလေးပါးဟှ “အာမင်” ဆိုဘီး ပ္လန်ပြောဂေ့ဟှယ်။ သတ်ကီးဝါဂီးလေဟှလည်း ပျပ်ဝပ်ဘီး ကိုးကွယ်ဂေ့ဟှယ်။
\c 6
\s စာစောန်ထဲဟှ တဇိလေကြောန်း
\p
\v 1 သိုးသားဂန်းဟှားဟှာ တဇိခွန်နစ်ချစ်မာ ပထမတချစ်ဟှို ဖွမ့်ဟှူ ခီမာ ငါကေ့လိုက်ဟှူ ခီမာ မိုးကြိုးသံနတူဟှူ သံမျိုးန သတ္တဝါလေးပါးထဲမာ တပါးဟှ “လာဂေ့” ဆိုဘီး ပြောဇာဟှို ငါကြားရဟှယ်။ 
\v 2 အယ်ခီမာ ငါကေ့လိုက်ဟှူ ခီမာ ဗြင်းဖ္လူတကောန်ဟှို တွိရဟှယ်။ ဗြင်းစီဟှူသူဟှာ လေးဟှို ကိုင်ဟှားဟှယ်။ သူ့ဟှို သရဖူဟှို ပေးဟှယ်။ သူဟှာ အောန်ဗွဲခံဘီးဟှူသူ နေန အောန်ဗွဲခံဟှို့တွပ် ထွပ်ဟှားဟှယ်။
\p
\v 3 သိုးသားဂန်းဟှားဟှာ ဒုတိယတဇိဟှို ဖွမ့်လိုက်ဟှူ ခီမာ ဒုတိယသတ္တဝါဟှ “လာဂေ့” ဆိုဘီး ပြောဇာဟှို ငါကြားဟှယ်။ 
\v 4 အယ်ခီမာ ဗြင်းနီတကောန်ဟှာ ထွပ်လာဘီး စီးဟှူသူဟှာ လူလေဟှို ရှင်းရှင်းသတ်ဂေ့ဟှို့တွပ် မ္လေဂီးထတ်မာ ငြီဝပ်ရှင်းဟှို ရောက်သီးဟှူ ခွမ့်ဟှိုရဟှယ်။ ရရာတိုင်း ကီးဟှူ ထားတလတ်ဟှိုလည်း သူ့ဟှို ပေးလေဟှယ်။
\p
\v 5 သိုးသားဂန်းဟှားဟှာ တတိယတဇိဟှို ဖွမ့်လိုက်ဟှူ ခီမာ တတိယသတ္တဝါဟှ “လာဂေ့” ဆိုဘီး ပြောဇာဟှို ငါကြားရဟှယ်။ ငါဟှာ ကေ့လိုက်ဟှူ ခီမာ ဗြင်းမဲတကောန်ဟှို တွိရဟှယ်။ အယ်ဗြင်းထတ်မာ စီးနေဟှူသူဟှာ သူ့ရဲ့လတ်မာ ခီခွမ်ဟှို ကိုင်ဟှားဟှယ်။ 
\v 6 အယ်ဘီးန သတ္တဝါလေးပါးလယ်ဟှ ထွပ်လာဟှူ စကားသံနတူဟှူ သံဟှ “ဂျောင်ဆန်တခွပ် ဆိုဟှာ ဒေနာရိတပြား၊ မုယောဆန်သောင်းခွပ် ဆိုဟှာ ဒေနာရိတပြားဖြစ်ဟှယ်။ ဆီန စဗျစ်ရယ်ဟှို ပျစ်စီးစေန” ဆိုဇာဟှို ငါကြားရဟှယ်။
\p
\v 7 သိုးသားဂန်းဟှားဟှာ စတုတ္တတဇိဟှို ဖွမ့်လိုက်ဟှူ ခီမာ စတုတ္တသတ္တဝါဟှ “လာဂေ့” ဆိုဘီး ပြောဇာဟှို ငါကြားရဟှယ်။ 
\v 8 ငါကေ့လိုက်ဟှူ ခီမာ ဗြင်းမွဲတကောန်ဟှို တွိရဟှယ်။ အယ်ဗြင်းထတ်မာ စီးနေဟှူသူဟှာ သေမန်း ဆိုဘီး နာမယ်ဖြစ်ဟှယ်။ သူ့ရဲ့နော့‑က်မာ မရဏာနိုင်ငံ\f + \fr ၆.၈ \fr*\fk မရဏာနိုင်ငံ၊ \fk*\ft လူသေလေရဲ့ ကမ္ဘာ (ရှု \ft*\xt ၁.၁၈\xt*)။\f*ဟှာ လိုက်လာဟှယ်။ သူးနို့ဟှာ ထားဘေးနရော၊ ငတ်မွတ်ခေါန်ပါးဟှူ ဘေးနရော၊ သေဘေးနရော၊ မ္လေဂီးထတ်မာရှိဟှူ သားရဲလိဆန်ဘေးနရော လူလေဟှို သတ်ဟှို့တွပ် မ္လေဂီးရဲ့ လေးပေါင်တပေါင် ခွမ့်အာဏာဟှို ရဂေ့ဟှယ်။
\p
\v 9 သိုးသားဂန်းဟှားဟှာ ပဉ္စမတဇိဟှို ဖွမ့်လိုက်ဟှူ ခီမာ ဘုရားသခင်ရဲ့ စကားတော်နရော၊ သစ်စာရှိဟှူ သတ်သေခံချစ်နရော၊ သေသတ်ခံရဟှူ သူလေရဲ့ ဝိညာဉ်လေဟှို ယဇ်ပလ္လင်အော့‑က်မာ ငါဗြင်ရဟှယ်။ 
\v 10 အယ်လူလေဟှာ “သန့်ရှင်း ဖြောန့်မတ်မှန်ကန်ဘီး စိုးပိုင်တော်မူဟှူ သခင်၊ ကျွန်တော့်လေရဲ့ သွီးတွပ် မ္လေဂီးထတ်မာ နေဂေ့ဟှူလူလေဟှို တရားစီရင်ဘဲန၊ ကလဲ့စားချေဘဲန ဖယ်မျှထိကြာအောန် နေဟှို့နူး” ဆိုဘီး သံက္လယ်ဂီးန အော်ပြောဂေ့ဟှယ်။ 
\v 11 အယ်ခီမာ သူးနို့လေဟှို ဝတ်လောင်ဖ္လူဟှို ပေးဘီးဟှာ သူးနို့မျိုးဘဲ့ သေသတ်ခံရဟှို့ မှုဆောန်ဟှူ ညီကို မောန်နှမလေ ရေတွပ်တိုင်း ပ္လဲ့ဇောင်ဟှို့ခီထိ ရှစ်ဟှားနားယူဂေ့ဟှို့တွပ် သူးနို့လေဟှို မိန့်တော်မူဟှယ်။
\p
\v 12 \x - \xo ၆.၁၂ က \xo*\xt ဗျာ ၁၁.၁၃; ၁၆.၁၈; \xt*\xo ခ \xo*\xt မ ၂၄.၂၉; မာ ၁၃.၂၄,၂၅; လု ၂၁.၂၅\xt*\x*သိုးသားဂန်းဟှားဟှာ ဆဋ္ဌမ တဇိဟှို ဖွမ့်လိုက်ဟှူ ခီမာ ငလျင်ဟှာ ပြင်းပြင်ထန်းထန်ဟှား လှောက်ဟှူကြောန့် နေဟှာ ဘဲ့မွီးန လောက်ဟှားဟှူ ဝတ်ကြမ်းမျိုး မဲဟှားဘီး လဟှလည်း သွီးမျိုး ဖြစ်ဟှားဟှယ်။ 
\v 13 ကောန်းဂန်ဟှ ကြယ်လေဟှာ ရရာတိုင်း ပြင်းဟှူလေ လှောက်ဟှူ ခီမာ သဖန်းဗန်ဟှ သီးစီးလေဟှ ကွီက္လမျိုးဘဲ့ မ္လေဂီးထတ်ဟှို က္လဂေ့ဟှယ်။ 
\v 14 \x - \xo ၆.၁၄ \xo*\xt ဗျာ ၁၆.၂၀\xt*\x*ကောန်းဂန်ဟှလည်း စာစောန်ဟှို လိလိုက်ဟှူမျိုး ပျော့‑က်ဟှားဘီး တောန်န ကျွန်းရှိမျှဟှာ သူးနို့နေရာဟှနေဘီး ဝိဟှားဂေ့ဟှယ်။ 
\v 15 အယ်ခီမာ မ္လေဂီးမာရှိဟှူ မန်းဂီးလေ၊ အာဏာပိုင်လေ၊ စစ်ဗိုလ်ချူပ်လေ၊ ဌေးလေ၊ ခွန်အားကီးဟှူ သူလေန ကျွန်န လွတ်လတ်ဟှူ သူလေ ရှိမျှဟှာ လှိုင်ဂူလေမာရော၊ တောန်လေထတ်မာ က္လော့‑က်ဆောန် ကြားလေမာရော ပူးနေဘီးဟှာ 
\v 16 \x - \xo ၆.၁၆ \xo*\xt လု ၂၃.၃၀\xt*\x*တောန်လေန က္လော့‑က်ဆောန်လေဟှို “နို့လေထတ်ဟှို ပြိုက္လဘီးဟှာ ပလ္လင်ထတ်မာ ထိုင်ဟှူ သခင်ရဲ့ မျစ်နှာတော်န သိုးသားဂန်းဟှားရဲ့ မျစ်ဒေါသဟှနေဘီး နို့လေဟှို ဖောင်းဘီးကွယ်ဂေ့ပါ။ 
\v 17 ဖြားဖြစ်ကြောန့်နူးဆိုဟှာ အယ်သခင်လေရဲ့ မျစ်ဒေါသ ထန်ရှားဟှူ နေ့ရစ်ဂီးဟှာ က္လလာဘီး ဖြစ်ဟှူကြောန့် ဖယ်သူဟှ ခံနိုင်ဟှို့နူး” ဆိုဘီး ပြောဂေ့ဟှယ်။
\c 7
\s ဣသရေလူမျိုး ၁၄၄,၀၀၀
\p
\v 1 အယ်ဘီးန ကောန်းဂန်တမန် လေးပါးဟှာ မ္လေဂီးရဲ့ ဒေါ့‑က်လေးဒေါ့‑က်မာ ရပ်ဘီးဟှာ မ္လေဂီးထတ်ဟှိုရော၊ ပန်လယ်ထတ်ဟှိုရော၊ သစ်ပန်ရှိမျှ ထတ်ဟှိုရော၊ လေတိုက်ဘဲဟှို့တွပ် မ္လေဂီးလေးဖတ်ဟှ လေဟှို ထီးချောက်ဟှားဟှူ ဇာဟှို ငါဗြင်ရဟှယ်။ 
\v 2 နော့‑က်တခါ တခြား ကောန်းဂန်တမန် တပါးဟှာ သတ်ရှင်ဟှူ ဘုရားသခင်ရဲ့ တဇိဟှို ကိုင်ဘီးဟှာ နေထွပ်လာဟှူ နေရာဟှနေဘီး တတ်လာဇာဟှို ငါဗြင်ရဟှယ်။ အယ်ဘီးန ကောန်းဂန်တမန် တပါးဟှ မ္လေဂီးန ပန်လယ်လေဟှို ဘေးရော့‑က်စေဟှို့တွပ် ခွမ့်ရဟှားဟှူ ကောန်းဂန်တမန် လေပါးဟှို၊ 
\v 3 “နို့လေရဲ့ ဘုရားသခင်ဟှို စေခံဟှူ သူလေရဲ့ ဖူးမာ တဇိခတ်ဇာ မပီးမချင်း မ္လေဂီး၊ ပန်လယ်န သစ်ပန်လေဟှို ဘေးဒေါက်ခ ဖြစ်စေန” ဆိုဘီး သံက္လယ်ဂီးန အော်ပြောဟှယ်။ 
\v 4 အယ်ဘီးန တဇိခတ်ခံရဟှူ သူလေရဲ့ ရေတွပ်ဟှို ငါကြားဟှယ်။ ဣသရေလ လူမျိုးလေရဲ့ မျိုးနွယ်ထဲမာ ၁၄၄,၀၀၀ လေဟှာ တဇိခတ်ရှင်းဟှို ခံရဂေ့ဟှယ်။
\b
\li1
\v 5 ယုဒမျိုးနွယ်ထဲမာ ၁၂,၀၀၀၊ တဇိခတ်ခံရဘီး၊
\li1 ရုဗင်မျိုးနွယ်ထဲမာ ၁၂,၀၀၀၊
\li1 ဂဒ်မျိုးနွယ်ထဲမာ ၁၂,၀၀၀၊
\li1
\v 6 အာရှာမျိုးနွယ်ထဲမာ ၁၂,၀၀၀၊
\li1 နဿလိမျိုးနွယ်ထဲမာ ၁၂,၀၀၀၊
\li1 မနာရှေမျိုးနွယ်ထဲမာ ၁၂,၀၀၀၊
\li1
\v 7 ရှိမောင်မျိုးနွယ်ထဲမာ ၁၂,၀၀၀၊
\li1 လေဝိမျိုးနွယ်ထဲမာ ၁၂,၀၀၀၊
\li1 ဣသခါမျိုးနွယ်ထဲမာ ၁၂,၀၀၀၊
\li1
\v 8 ဇာဗုလုန်မျိုးနွယ်ထဲမာ ၁၂,၀၀၀၊
\li1 ယောသပ်မျိုးနွယ်ထဲမာ ၁၂,၀၀၀၊
\li1 ဗင်္ယာမိန်မျိုးနွယ်ထဲမာ ၁၂,၀၀၀ လေဟှာ တဇိခတ်ဇာဟှို ခံရဂေ့ဟှယ်။
\s လူအောက်ဂီး
\p
\v 9 အယ်ဘီးန ငါကေ့လိုက်ဟှူ ခီမာ တိုင်းနိုင်ငံ၊ လူမျိုးနွယ်စု၊ လူမျိုးလေန ဘာသာစကား ဘောန်းဇောင်ပြောဟှူ သူလေထဲဟှနေဘီး ဖယ်သူလည်း ရေဟှို့နိုင်ဘဲဟှူ လူအောက်ဂီးဟှာ ဝတ်လောင်ဖ္လူဟှို ဝတ်ဟှားဘီး သူးနို့လတ်မာ စွန်ပလွံခတ်လေဟှိုလည်း ကိုင်ဟှားဂေ့ဘီးဟှာ ပလ္လင်န သိုးသားဂန်းဟှားရှေ့မာ ရပ်နေဂေ့ဟှယ်။ 
\v 10 သူးနို့ဟှ
\q1 “ကယ်တန်ရှင်း ကျေးဇူးဟှာ
\q1 ပလ္လင်ထတ်မာ ထိုင်ဟှူ နို့လေရဲ့ ဘုရားသခင်န
\q1 သိုးသားဂန်းမာ ရှိဟှယ်” ဆိုဘီး ရရာတိုင်း က္လယ်ဟှူ သံန အော်ပြောဂေ့ဟှယ်။
\m
\v 11 ကောန်းဂန်တမန် အားလောင်းဂူဟှ ပလ္လင်မာရော၊ သတ်ကီးဝါဂီးလေန သတ္တဝါ လေးပါးလေရဲ့ ပတ်ပတ်လည်မာရော ရပ်နေဂေ့ဟှယ်။ သူးနို့လေဟှာ ပလ္လင်ရှေ့မာ ဘုရားသခင်ဟှို ပျပ်ဝပ်ကိုးကွယ်ဘီး၊ 
\v 12 သူးနို့ဟှာ၊
\li1 “အာမင်
\q1 ကောန်းကြီးမင်္ဂလာ၊ ဖောင်းသရေတော်၊
\q1 ဉာဏ်ပညာ၊ ကျေးဇူးတော် ချီမွမ်းရှင်း၊ ဂေါင်တော်၊
\q1 တဂိုးန စွမ်းသတ်တိလေဟှာ
\q1 နို့လေ ဘုရားသခင်မာ ကမ္ဘာဆစ်ဆစ် ရှိပါစေ။
\q1 အာမင်!” ဆိုဘီး ပြောဆိုဂေ့ဟှယ်။
\p
\v 13 အယ်ဘီးန သတ်ကီးဝါဂီးလေထဲဟှ တပါးဟှာ “ဝတ်လောင်ဖ္လူဟှို ဝတ်ဟှားဟှူ သူလေဟှာ ဖယ်သူလေနူး။ ဖယ်နေရာဟှ လာဂေ့နူး” ဆိုဘီး ငါ့ဟှို မေးဟှယ်။
\p
\v 14 \x - \xo ၇.၁၄ \xo*\xt မ ၂၄.၂၁; မာ ၁၃.၁၉\xt*\x*ငါဟှလည်း “သခင်၊ ကိုယ်တော်ဟှဘဲ့ သိဟှယ်” ဆိုဘီး ပ္လန်လျှော့‑က်ဟှူ ခီမာ အယ်သူဟှ
\p “အယ်လူလေဟှာ ရရာတိုင်း ကီးဟှူ ဆင်းရဲဒေါက်ခထဲဟှ ထွတ်လာဟှူ သူလေ ဖြစ်ဂေ့ဟှယ်။ သူးနို့လေဟှာ ကိုယ်ရဲ့ ဝတ်လောင်လေဟှို သိုးသားဂန်းဟှားရဲ့ သွီးအားဖြင့် လျှော်ဘီးဟှာ ဖ္လူစေဟှားဂေ့ဟှယ်။ 
\v 15 အယ်ကြောန့်
\q1 “သူးနို့လေဟှာ ဘုရားသခင်ရဲ့ ပလ္လင်ရှေ့မာ နေရာရဘီး
\q2 ဗိမာန်တော်မာ ဘုရားသခင်ရဲ့ ဝတ်ဟှို နေ့ညမပြတ်ဘဲ စေခံဂေ့ဟှယ်။
\q1 ပလ္လင်ထတ်မာ ထိုင်နေဟှူ သူဟှာ
\q2 သူးနို့လေနတူးဒူး ရှိဘီး ကာကွယ် စောန့်ရှော့‑က်လေ့မယ်။
\q1
\v 16 သူးနို့ဟှာ နော့‑က်တခါ ရေလေ၊
\q2 စားဇာလေ ငတ်ရဟှို့ မှုဟှ။
\q1 နေရောန်လည်း ထိရဟှို့ မှုဟှ၊
\q2 ဖြားပူဒဏ်ဟှိုလည်း ခံရဂေ့ဟှ။
\q1
\v 17 ဖြားဖြစ်ကြောန့်နူးဆိုဟှာ ပလ္လင်လယ်မာ ရှိဟှူ သိုးသားဂန်းဟှားဟှာ
\q2 သူးနို့လေဟှို လောက်ကျွေးဘီး
\q1 သတ်စမ်းရေဒွမ်းဟှို လမ်းပြလေ့မယ်။
\q2 ဘုရားသခင်ဟှလည်း သူးနို့လေရဲ့ မျစ်စိမာရှိဟှူ မျစ်ရယ်ရှိမျှဟှို သုပေးမယ်” ဆိုဘီး ပြောလေဟှယ်။
\c 8
\s သတ္တမဇိ
\p
\v 1 သိုးသားဂန်းဟှား သတ္တမဇိဟှို ဖွမ့်လိုက်ဟှူ ခီမာ ကောန်းဂန်ဘောင်မာ နာရီဝပ်လော့‑က် တိတိဆိဆိဟှား ဖြစ်ဟှားဟှယ်။ 
\v 2 အယ်ဘီးန ဘုရားသခင်ရဲ့ ရှေ့မာ ရပ်နေဟှူ ကောန်းဂန်တမန် ခွန်နစ်ပါးဟှို ငါဗြင်ဟှယ်။ သူးနို့လေဟှို တံပိုးခရာ ခွန်နစ်လောင်းဟှို ပေးဟှယ်။
\p
\v 3 တခြား ကောန်းဂန်တမန် တပါးဟှာ လာဘီးဟှာ ရွှေလန်းဗန်းဟှို ကိုင်ဘီး ယဇ်ပလ္လင်နားမာ ရပ်နေဟှယ်။ ပလ္လင်ရှေ့မာ ရှိဟှူ ရွှေယဇ်ပလ္လင်ထတ်မာ သန့်ရှင်းဟှူ သူလေဟှာ ဆုတောန်းရှင်းနတူးဒူ ဆစ်ကပ်ဘီး မီးရှို့ဟှူ နံ့သာပေါန်းလေဟှို ပေးလိုက်ဟှယ်။ 
\v 4 နံ့သာပေါန်းရဲ့ မီးခီုးလေဟှာ သန့်ရှင်းသူလေရဲ့ ဆုတောန်းရှင်းနတူးဒူ ကောန်းဂန်တမန်ရဲ့ လတ်ထဲဟှနေဘီး ဘုရားသခင်ရဲ့ ရှေ့ဟှို တတ်ဟှားလေဟှယ်။ 
\v 5 \x - \xo ၈.၅ \xo*\xt ဗျာ ၁၁.၁၉; ၁၆.၁၈\xt*\x*အယ်ဘီးန ကောန်းဂန်တမန်ဟှာ လန်းဗန်းဟှို ယူဘီး ယဇ်ပလ္လင်ရဲ့ မီးန ပ္လဲ့စေဘီး မ္လေဂီးထတ်ဟှို ခ္လလိုက်ဟှူ ခီမာ သံဗြယ်ရှင်း၊ မိုးချောင်းရှင်း၊ လန့်စစ်ဖ္လတ်ရှင်း၊ မ္လေဂီးလှောက်ရှင်းလေ ဖြစ်ဂေ့ဟှယ်။
\s တံပိုးလေ
\p
\v 6 အယ်ဘီးန တံပိုးခွန်နစ်လောင်းရှိဟှူ ကောန်းဂန်တမန် ခွန်နစ်ပါးဟှာ တံပိုးမှုဟှို့တွပ် ပြင်ဆင်ဂေ့ဟှယ်။
\p
\v 7 ပထမ ကောန်းဂန်တမန်ဟှာ တံပိုးမှုဟှူ ခီမာ မိုးသီးလေ ဖြစ်ဟှားဟှယ်။ သွီးန ရောနေဟှူ မီးမျိုးဖြစ်ဟှယ်။ မ္လေဂီးထတ်ဟှို ခ္လလိုက်ဟှူ ခီမာ မ္လေသောင်းစုတစု၊ သစ်ပန် သောင်းစုတစု၊ စီးဟှူ ဗြစ်ပန် ရှိမျှလေဟှာ လောန်ဟှားလေဟှယ်။
\p
\v 8 ဒုတိယ ကောန်းဂန်တမန်ဟှာ တံပိုးမှုဟှူ ခီမာ မီးလောန်နေဟှူ၊ ရရာတိုင်း ကီးဟှူ တောန်ဟှို ပန်လယ်ထဲဟှို ခ္လလိုက်ဟှူ ခီမာ ပန်လယ် သောင်းစု တစုဟှာ သွီးဖြစ်ဟှားဟှယ်။ 
\v 9 ပန်လယ်မာ သတ်ရှင်ဟှူ သတ္တဝါ သောင်းစု တစုဟှာ သေဟှားဟှယ်။ သန်းဖော သောင်းစု တစုလည်း ပျစ်စီးဟှားဟှယ်။
\p
\v 10 တတိယ ကောန်းဂန်တမန်ဟှာ တံပိုးမှုဟှူ ခီမာ မီးတိုင်မျိုး ရရာတိုင်း လန်းဟှူ ကြယ်ဂီး တလောင်းဟှာ ကောန်းဂန်ဟှ က္လဘီး မြစ်သောင်းစု တစုဟှိုရော၊ စမ်းရေဒွမ်းလေနားဟှိုရော ရော့‑က်ဟှားဟှယ်။ 
\v 11 အယ်ကြယ်ဟှာ ဒေါန ဆိုဘီး နာမယ်ရှိဟှယ်။ ရေသောင်းစု တစုဟှာ ဒေါနဖြစ်ဘီး အယ်ခါးဟှူ ရေဟှို သော့‑က်ဟှူကြောန့် လူလေဟှာ သေဂေ့ဟှယ်။
\p
\v 12 စတုတ္ထ ကောန်းဂန်တမန်ဟှာ တံပိုးမှုဟှူ ခီမာ နေသောင်းစု တစု၊ လသောင်းစု တစု၊ ကြယ်သောင်းစု တစုဟှာ ကြတ်ဟှားဘီး မိုက်ဟှားဟှယ်။ နေ့သောင်းစု တစုန ညဉ့်သောင်းစု တစုဟှလည်း လန်းရောန်ဟှို ရဂေ့ဟှမ်း။
\p
\v 13 အယ်ဘီးန ငါကေ့ဟှူ ခီမာ လင်းယောင် တကောန်ဟှာ ကျန်နေဟှူ ကောန်းဂန်တမန် သောင်းပါးရဲ့ တံပိုးမှုဟှူ သံကြောန့် မ္လေဂီးသားလေဟှာ အမင်္ဂလာ၊ အမင်္ဂလာ၊ အမင်္ဂလာ ရှိဂေ့ဟှယ် ဆိုဘီး ကောန်းဂန်လယ်မာ ပ္လန်နေဘီး သံက္လယ်ဂီးန ပြောနေဇာဟှို ငါကြားရဟှယ်။
\c 9
\p
\v 1 ပဉ္စမ ကောန်းဂန်တမန်ဟှာ တံပိုးမှုဟှူ ခီမာ ကြယ်တလောင်းဟှာ ကောန်းဂန်ဟှနေ မ္လေဂီးထတ်ဟှို က္လလာဇာဟှို ငါဗြင်ဟှယ်။ သူ့ဟှို နတ်ဆောင်းတွမ်း\f + \fr ၉.၁ \fr*\fk နတ်ဆောင်းတွမ်း၊ \fk*\ft မ္လေဂီးရဲ့ နတ်ဆောင်းမာရှိဘီး နတ်ဆိုးလေဟှို နော့‑က်ဆောင်း ပြစ်ပေးရှင်း ခံရခန်ထိ ချောက်နှောန်ဟှားဟှူ နေရာဖြစ်ဟှယ်။\ft*\f*ရဲ့ သော့‑က်ဟှို ပေးလိုက်ဟှယ်။ 
\v 2 သူဟှာ နတ်ဆောင်းတွမ်းရဲ့ သော့‑က်ဟှို ဖွမ့်လိုက်ဟှူ ခီမာ မီးဖိုဂီးတခုရဲ့ မီးခိုးလေမျိုး အယ်တွမ်းထဲဟှ တတ်လာဘီး အယ်နတ်ဆောင်းတွမ်းဟှ မီးခိုးလေကြောန့် နေန အာကာသလေဟှာ မှောန်ဟှားလိုက်ဟှယ်။ 
\v 3 အယ်ဘီးန အယ်မီးခိုးလေထဲမာ ကျိုင်းကောန်းလေဟှာ မ္လေဂီးထတ်ဟှို ထွပ်လာဂေ့ဟှယ်။ သူးနို့ဟှာ မ္လေဂီးမာရှိဟှူ ကန်းမီးဂေါ့‑က်လေရဲ့ တဂိုးလေမျိုး ရဂေ့ဟှယ်။ 
\v 4 မ္လေဂီးထတ်မာရှိဟှူ ဗြက်ပန်လေန စီးဟှူသစ်ပန်ဂီ၊ သစ်ပန်ငယ် ရှိမျှလေဟှို ဘေးလေဖြစ်စေဘဲ ဖူးမာ ဘုရားသခင်ရဲ့ ဇိမှေ့ဘဲ့ဟှူ သူလေဟှိုဘဲ့ ဘေးဖြစ်စေဟှို့တွပ် သူးနို့ဟှို မှာဟှားဟှယ်။ 
\v 5 အယ်လူလေဟှို သေသတ်ဘဲန ငါးလလောင်းလောင်း ညှဉ်းဆဲဟှို့ခွမ့်ဟှို ပေးဟှားဟှယ်။ အယ်ကျိုင်းကောန်ရဲ့ ညှဉ်းဆဲရှင်းကြောန့် ခံရဟှူ ဝေဒနာဟှာ လူဟှို ကန်းမီးဂေါ့‑က် ထိုးခံရဟှူ ခီမာ နာဟှူဝေဒနာန တူဟှယ်။ 
\v 6 အယ်နေ့ရစ်လေမာ လူလေဟှာ သေမန်းဟှို ရှာဂေ့လေ့မယ်။ အယ်ဘေမဲ့ တွိရဂေ့ဟှ။ ရရာတိုင်း သေရှင်ဘေမဲ့ သေရှင်းဟှာ သူးနို့နားဟှနေ ထွပ်ပ္လေးဟှားလေ့မယ်။
\p
\v 7 အယ်ကျိုင်းကောန်လေရဲ့ သဏ္ဌာန်ဟှာ စစ်ပွဲတွပ် ပြင်ဟှားဟှူ စစ်ဗြင်းနတူဟှယ်။ သူးနို့ရဲ့ ခေါန်းထတ်မာ ရွှေသရဖူလေ ဆောန်းဟှားဟှူဇာနတူဘီး သူးနို့ရဲ့ မျစ်နှာလေဟှာ လူမျစ်နှာနတူဟှယ်။ 
\v 8 သူးနို့မာ မီးမဆန်းဗန်နတူဟှူ ဆန်းဗန်ရှိဘီး သူးနို့သွားဟှာ ခြင်္သေ့သွားမျိုး ဖြစ်ဟှယ်။ 
\v 9 သူးနို့မာ သံရင်အောက်တဇာနတူဟှူ ရင်အောက်တဇာရှိဘီး သူးနို့ရဲ့ တောန်ပံခတ်လိုက်ဟှူသံဟှာ စစ်ပွဲဟှိုပ္လေးဟှားဟှူ ရရာတိုင်းများဟှူ ဗြင်းရထားရဲ့ သံနတူဟှယ်။ 
\v 10 သူးနို့လေမာ ကန်းမီးဂေါ့‑က်မျိုး ဆူးပါဟှူဗွီးရှိဘီး အယ်ဗွီးန လူလေဟှို ငါးလလောင်းလောင်း ဘေးဖြစ်စေနိုင်ဟှူ တဂိုးရှိဟှယ်။ 
\v 11 သူးနို့ရဲ့ မန်းဂီးဟှာ နတ်ဆောင်းတွမ်းရဲ့ စေတမန်ဖြစ်ဟှယ်။ အယ်သူရဲ့ နာမယ်ဟှာ ဟေဗြဲစကားအားဖြင့် အဗဒ္ဒုန် (ဓိပါယ်ဟှ “ဖျစ်ဆီးရှင်း”) ဖြစ်ဘီး ဂရိစကားအားဖြင့် အပေါလျူန် (ဓိပါယ်ဟှ “ဖျစ်ဆီးမား”) ဆိုဘီး ဖြစ်ဟှယ်။
\p
\v 12 ပထမ အမင်္ဂလာဟှာ လွန်ဟှားဘီ။ နော့‑က်ထပ် အမင်္ဂလာ နှေ့ပါးလာအူးမယ်။
\p
\v 13 ဆဋ္ဌမ ကောန်းဂန်တမန်ဟှာ တံပိုးမှုလိုက်ဟှူ ခီမာ ဘုရားသခင်ရဲ့ ရှေ့မာရှိဟှူ ရွှေယဇ်ပလ္လင်ရဲ့ ချိုလေးရှောန်းနားဟှ ထွပ်လာဟှူ သံဟှ 
\v 14 အယ်တံပိုးရှိဟှူ ဆဋ္ဌမ ကောန်းဂန်တမန်ဟှို “ရရာတိုင်း ကီးဟှူ ဥဖရတ်မြစ်နားဟှ ခယ်ဟှားဟှူ ကောန်းဂန်တမန်လေပါးဟှို လွှတ်လိုက်ပါ” ဆိုဘီး ပြောဇာဟှို ငါကြားရဟှယ်။ 
\v 15 အယ်ခီမာ အယ်နှစ်၊ အယ်လ၊ အယ်ရစ်၊ အယ်နာရီတွပ် ပြင်ဆင်ဟှားဟှူ ကောန်းဂန်တမန်လေးပါးဟှာ လူသောင်းစုတစုဟှို သတ်ဟှို့တွပ် လွှတ်ပေးရှင်းဟှို ခံရဟှယ်။ 
\v 16 ဗြင်းစီးသူ ဦးရေဟှ ကုဋေပေါန်းနှေ့ဆယ် ဖြစ်ဟှယ် ဆိုဘီး သူးနို့လေဟှ ရေနေဇာဟှို ငါကြားရဟှယ်။ 
\v 17 ဗျာဒိတ်ရူပါရောင်မာ ငါဗြင်ရဟှူ ဗြင်းစီးဟှူ သူရဲလေဟှာ မီးတော့‑က်နေဟှူရောန်၊ နတ်ပြာရောန်၊ ကန့်မျိုးဖြစ်ဟှူ ဝါရောန် ရင်အောက်တဇာလေ ရှိဂေ့ဟှယ်။ ဗြင်းလေရဲ့ခေါန်းဟှ ခြင်္သေ့ခေါန်းနတူဘီး သူးနို့လေရဲ့ ဇပ်ပေါ့‑က်ထဲဟှ မီးတော့‑က်နေဟှူ မီးခိုးန ကန့်လေထွပ်နေဟှယ်။ 
\v 18 သူးနို့ရဲ့ ဇပ်ပေါ့‑က်ထဲဟှထွပ်ဟှူ မီး၊ မီးခိုးန ကန့်လေဟှနေဖြစ်လာဟှူ ဘေးဒန်သောင်းခုကြောန့် လူလေ သောင်းစုတစု သေဂေ့ဟှယ်။ 
\v 19 ဗြင်းလေရဲ့ တဂိုးဟှာ သူးနို့လေရဲ့ ဇပ်ပေါ့‑က်န ဗွီးမာရှိဟှယ်။ သူးနို့ရဲ့ ဗွီးဟှာ ဗွီနတူဟှူ ခေါန်းရှိဘီးဟှာ အယ်ခေါန်းနဘဲ့ လူလေဟှို ဘေးဒန်ရော့‑က်စေဟှယ်။
\p
\v 20 အယ်ဘေးဒန်လေကြောန့် သေဘဲန ကျန်နေဟှူ သူလေဟှာ နတ်ဆိုးလေဟှိုရော၊ ရွှေ၊ ငွေ၊ ကြေးနီ၊ က္လော့‑က်၊ သစ်သားလေန လောက်ဟှားဟှူ ဗြင်နိုင်ဘဲ၊ ကြားနိုင်ဘဲ၊ လမ်းရှော့‑က်နိုင်ဘဲဟှူ ရောက်ထုလေဟှိုရော၊ ကိုယ့်လတ်န လောက်ဟှားဟှူဇာလေဟှို ကိုးကွယ်ဘဲန နေဟှို့တွပ် နောန်ဒရဂေ့ဟှ။ 
\v 21 လူသတ်ရှင်း၊ ပြုစားရှင်း၊ တရားဘဲဟှူမေထုန်လောက်ရှင်းန ခိုးရှင်းလေတွပ်လည်း နောန်ဒရဘဲန နေဂေ့ဟှယ်။
\c 10
\s ကောန်းဂန်တမန်န စာစောန်ငယ်
\p
\v 1 အယ်ဘီးန ခွန်အားကီးဟှူ ကောန်းဂန်တမန်တပါးဟှာ မိုးတီဟှို ခြောင်ဘီး ကောန်းဂန်ဟှ ဆင်းလာဇာဟှို ငါဗြင်ရဟှယ်။ သူ့ရဲ့ ခေါန်းထတ်မာ သက်တံ့ရှိဘီး သူ့ရဲ့ မျစ်နှာဟှာ နေမျိုးဖြစ်ဘီး သူ့ရဲ့ ခေဟှာလည်း မီးခဲတိုင်မျိုး ဖြစ်ဟှယ်။ 
\v 2 သူ့ရဲ့လတ်မာ ဖွမ့်ဟှားဟှူ စာစောန်ငယ်ဟှား တခုရှိဟှယ်။ သူ့ရဲ့ ဘယ်ခေဒေါ့‑က်ဟှို ပန်လယ်ထတ်မာန ညာခေဒေါ့‑က်ဟှို ကူးထတ်မာ ခ္လဟှားဟှယ်။ 
\v 3 ခြင်္သေ့ဟောန်မျိုး ရရာတိုင်း က္လယ်ဟှူသံန ကြွေးကြော်ဟှယ်။ အယ်မျိုး ကြွေးကြော်ဟှူ ခီမာ မိုးချောက်ဟှူသံ ခွန်နစ်ချစ်ဟှာ ဗြယ်လေဟှယ်။ 
\v 4 မိုးချောက်ဟှူသံ ခွန်နစ်ချစ် ဗြယ်ဟှူ ခီမာ၊ ငါဟှာ ရေးဘီးမှတ်ဟှို့ လောက်နေဟှူ ခီမာ ကောန်းဂန်ဟှ သံဟှ “မိုးချောက်ဟှူသံ ခွန်နစ်ချစ် ဗြယ်ဟှူဇာဟှို ဇိခတ်ဟှား။ အယ်ဇာလေဟှို ရေးဟှားန” ဆိုဘီး ပြောဇာဟှို ငါကြားရဟှယ်။
\p
\v 5 အယ်ခီမာ ပန်လယ်န ကူးထတ်မာ ရပ်နေဟှူဇာဟှို ငါဗြင်ရဟှူ ကောန်းဂန်တမန်ဟှ သူ့ရဲ့ ညာလတ်ဟှို ကောန်းဂန်ဟှို မ္လောက်ဘီး၊ 
\v 6 ကမ္ဘာဆစ်ဆစ် သတ်ရှင်ဘီး ကောန်းဂန်န ကောန်းဂန်မာ ရှိဟှူဇာလေဟှိုရော၊ မ္လေဂီးန မ္လေဂီးမာရှိဟှူ ဇာလေဟှိုရော ဖန်ဆင်းဟှူ သခင်ဟှို တိုင်တယ်ဘီး “ခီကာလဟှာ ကြာဟှို့ မှုဘီ။ 
\v 7 သတ္တမ ကောန်းဂန်တမန် မှုရဟှို့ တံပိုးမှုသံဗြယ်ဟှူ နေ့ရစ်ကာလမာ ဘုရားသခင်ရဲ့ နတ်နဲဟှူဇာဟှာ သူ့ရဲ့ စေခံ ပရောဖက်လေဟှို ပြောဟှားဟှူ ဒန်းကောန်းတိုင်းဘဲ့ ပီးဟှားလေ့မယ်” ဆိုဘီး ပြောဟှယ်။
\p
\v 8 အယ်ဘီးန ငါကြားရဟှူ ကောန်းဂန်ဟှ သံဟှ “ပန်လယ်န ကူးထတ်မာ ရပ်နေဟှူ ကောန်းဂန်တမန်ရဲ့ လတ်မာရှိဘီး ဖွမ့်ဟှားဟှူ စာစောန်ဟှို သွားယူလိုက်” ဆိုဘီး ငါ့ဟှို ပ္လန်ဘီးပြောဟှယ်။
\p
\v 9 အယ်ကြောန့် ငါဟှာ ကောန်းဂန်တမန်နားဟှို သွားဘီး စာစောန်ငယ်ဟှို ငါ့ဟှို ပေးဟှို့တွပ့် တောန်းလိုက်ဟှူ ခီမာ သူဟှ “စာစောန်ဟှို ယူဘီး စားလိုက်ပါ။ အယ်ဇာဟှာ နန့်ရဲ့ ဝန်းထဲမာ ခါးဘေမဲ့ နန့်ရဲ့ ဇပ်ပေါ့‑က်ထဲမာ ပျားရယ်မျိုး ရှိုလေ့မယ်” ဆိုဘီး ငါ့ဟှို ပြောဟှယ်။
\p
\v 10 ငါဟှလည်း ကောန်းဂန်တမန်ရဲ့ လတ်ဟှ စာစောန်ငယ်ဟှို ယူဘီး စားလိုက်ဟှူ ခီမာ ငါ့ရဲ့ ဇပ်ပေါ့‑က်ထဲမာ ပျားရယ်မျိုးရှိုဘေမဲ့ စားဘီးန ငါ့ရဲ့ဝန်းထဲမာ ခါးလေဟှယ်။
\p
\v 11 အယ်ခီမာ နန်ဟှာ ရရာတိုင်းများ ဟှူလူမျိုး၊ တိုင်းနိုင်ငံလေ၊ ဘာသာစကား ဘောန်းဇောင်ပြောဟှူ လူမျိုးလေ၊ မန်းဂီးလေန ပတ်သတ်ဘီး နော့‑က်ထပ် ပရောဖက်ပြုဘီး ဟောပြောရမယ် ဆိုဘီး ငါဟှို ပြောလေဟှယ်။
\c 11
\s သတ်သေခံ နှေ့ယော့‑က်
\p
\v 1 အယ်ဘီးန တောန်အူးန တူဟှူတိုင်းဇာ ကျူးရိုးတရှောန်းဟှို ငါ့ဟှို ပေးဘီးဟှာ “ထဘီး ဘုရားသခင်ရဲ့ ဗိမာန်တော်န ယဇ်ပလ္လင်ဟှို တိုင်းဘီးဟှာ အယ်နေရာမာ ဝတ်ပြုကိုးကွယ်နေဟှူ သူလေဟှို ရေလိုက်ပါ။ 
\v 2 \x - \xo ၁၁.၂ \xo*\xt လု ၂၁.၂၄\xt*\x*အယ်ဘေမဲ့ ဗိမာန်တော်ရဲ့ ခြံဝမ်း ပ္လန်ဖတ်မာရှိဟှူ တံဒိုင်းဟှာ လူမျိုးခြားလေဟှို ပေးဟှားဟှူကြောန့် တိုင်းဘဲန ချန်ဟှားလိုက်။ အယ်သူလေဟှာ သန့်ရှင်းဟှူ ဗြို့ဟှို လေးဆယ်နှေ့လ လောင်းလောင်း ခေန နန်းဂေ့လေ့မယ်။ 
\v 3 အယ်ခီမာ ငါဟှာ ငါ့ရဲ့ သတ်သေခံနှေ့ပါးဟှို လွှတ်မယ်။ သူးနို့ဟှာ ဝတ်ကြမ်းဟှို ဝတ်ဘီးဟှာ ရစ်ပေါန်း ၁,၂၆၀ လောင်းလောင်း ပရောဖက်ပြုဘီးဟှာ ဟောပြောဂေ့လေ့မယ်” ဆိုဘီး ပြောဟှယ်။
\p
\v 4 အယ်လူလေဟှာ မ္လေဂီးရဲ့ သခင်ရှေ့မာ ရှိဟှူ သံလွင်ပန်နှေ့ပန်န ဆီမီးခွပ် နှေ့လောင်းဖြစ်ဂေ့ဟှယ်။ 
\v 5 ယော့‑က်ယော့‑က်ဟှာ သူးနို့ဟှို ညှင်းဆဲပေးဟှို့ လောက်ဟှယ် ဆိုဟှာ သူးနို့ရဲ့ဇပ်ပေါ့‑က်ထဲဟှ မီးထွတ်လာဘီးဟှာ သူးနို့ရဲ့ ရန်သူလေဟှို လောန်စေဟှယ်။ ယော့‑က်ယော့‑က်ဟှ သူးနို့ဟှို ညှင်းဆဲဟှယ် ဆိုဟှာ သေသတ်ဇာဟှို ခံရမယ်။ 
\v 6 သူးနို့ ပရောဖက်ပြုဘီး ဟောပြောဟှူ နေ့ရစ်လေမာ မိုးဝါဘဲဟှို့တွပ် ကောန်းဂန်ဟှို ပိဟှားနိုင်ဟှူ ခွမ့်ရှိဘီး ရေဟှို သွီးမျိုး ဖြစ်ဟှို့တွပ့် ပ္လောန်းလဲနိုင်ဟှို့ ခွမ့်ရဘီး သူးနို့လိုရှင်ဟှူ ခီတိုင်း မ္လေဂီးဟှို ဘေးဒန်ဘောန်းဇောင်န ဒန်ခတ်နိုင်ဟှူ ခွမ့်လေရှိဂေ့ဟှယ်။
\p
\v 7 \x - \xo ၁၁.၇ \xo*\xt ဗျာ ၁၃.၅–၇; ၁၇.၈\xt*\x*သူးနို့လေဟှာ သတ်သေခံဘီးန နတ်ဆောင်းတွမ်းထဲဟှ တတ်လာဟှူ သားရဲလိဆန်ဟှာ သူးနို့န စစ်တိုက်ဟှူကြောန့် အောန်မြင်ဘီး သူးနို့ဟှို သတ်လေ့မယ်။ 
\v 8 သူးနို့ရဲ့ လောန်းလေဟှာ ဗြို့ဂီးလေရဲ့ လမ်းမထတ်မာ ကျန်ရစ်ဂေ့လေ့မယ်။ အယ်ဗြို့ဟာ သူးနို့ရဲ့ သခင်ဟှို လက်ဝါးကားတိုင်ထတ်မာ တန်ဘီးသတ်ခံရဟှူ ဗြို့ဖြစ်ဟှယ်။ အယ်ဗြို့ဟှာ သောဒုံန အဲဂုတ္တုပြည်ဟှို ပေါန်ဆောန်ဟှားဟှူ ဗြို့ဖြစ်ဟှယ်။ 
\v 9 အယ်ခီမာ လူမျိုးနွယ်စုလေ၊ ဘာသာစကား ဘောန်းဇောင်ပြောဟှူ လူမျိုးလေန၊ တိုင်းနိုင်ငံ အားလောင်းဟှ လူလေဟှာ သူးနို့ရဲ့ လောန်းဟှို သောင်းရစ်ခွဲ လောင်းလောင်း ကေ့ဂေ့ဘီးဟှာ အယ်လောန်းလေဟှို သန်းခ္လိုင်းမာ သင်္ဂြိုဟ်ခွမ့် ပေးဘဲန နေဂေ့လေ့မယ်။ 
\v 10 မ္လေဂီးထတ်မာ နေဂေ့ဟှူ သူလေဟှာ အယ်လူလေရဲ့ ဖျစ်ပျစ်ကြောန့် ဝန်းသာဂေ့ဘီး၊ ပျော်ဂေ့ဘီးဟှား ယော့‑က်နယော့‑က် လတ်ဆောန်လေဟှို ပို့ပေးဂေ့လေ့မယ်။ ဖြားဖြစ်ကြောန့်နူးဆိုဟှာ အယ်ပရောဖက် နှေ့ယော့‑က်ဟှာ မ္လေဂီးထတ်မာ နေဂေ့ဒူးဟှ သူးနို့လေဟှို ညှင်းဆဲဟှားကြောန့် ဖြစ်ဟှယ်။ 
\v 11 အယ်ဘီးန သောင်းရစ်ခွဲ ကြာဟှားဟှူ ခီမာ ဘုရားသခင်နားဟှ သတ်ဝိညာဉ်ဟှာ အယ်သူလေထဲဟှို ဝမ်ဟှားဘီး သူးနို့ဟှာ ထဘီးဟှာ မတ်တတ်ရပ်ဂေ့ဟှယ်။ အယ်လူလေဟှို ဗြင်ရဟှူ သူလေဟှာ ရရာတိုင်း ကြော့‑က်ဂေ့ဟှယ်။ 
\v 12 အယ်ခီမာ ကောန်းဂန်ဟှ ရရာတိုင်း ကီးဟှူ သံဟှာ “အယ်နေရာဟှို တတ်လာဂေ့ပါ” ဆိုဘီး အယ်လူ နှေ့ယော့‑က်ဟှို ပြောဇာဟှူ ကြားဟှူ ခီမာ သူးနို့ဟှာ မိုးတီန ကောန်းဂန်ဘောင်ဟှို တတ်ဟှားဂေ့ဟှယ်။ သူးနို့ရဲ့ ရန်သူလေဟှာ သူးနို့ဟှို ကေ့နေဂေ့ဟှယ်။ 
\v 13 \x - \xo ၁၁.၁၃ \xo*\xt ဗျာ ၆.၁၂; ၁၆.၁၈\xt*\x*အယ်ခီနာရီမာဘဲ ရရာတိုင်း ကြမ်းဟှူ မ္လေဂီးလှောက်ဟှူ ခီမာ ဗြို့ဆယ်ပေါင် တပေါင်ဟှာ ပြိုက္လဟှားဟှယ်။ အယ်မူမျိုး မ္လေဂီလှောက်ရှင်းကြောန့် လူ ၇,၀၀၀ သေဂေ့ဟှယ်။ ကျန်ရစ်ဟှူ သူလေဟှာ ရရာတိုင်း ကြော့‑က်ဘီး ကောန်းဂန်ဘောင်ဟှ ဘုရားသခင်ရဲ့ နာမတော်န ဂေါင်တော်ဟှို ချီးမွမ်းဂေ့ဟှယ်။
\p
\v 14 ဒုတိယ အမင်္ဂလာ လွန်ဟှားဘီ။ တတိယ အမင်္ဂလာ ဗြန်းဗြန်ဟှား ရော့‑က်လာလေ့မယ်။
\s သတ္တမ တံပိုးမှုဟှူကြောန်း
\p
\v 15 သတ္တမ ကောန်းဂန်တမန်ဟှာ တံပိုးမှုလိုက်ဟှူ ခီမာ ကောန်းဂန်ဘောင်မာ ရရာတိုင်း က္လယ်ဟှူ သံဟှာ ပေါ်လာဘီး၊
\q1 “ကမ္ဘာလောကဟှာ နို့လေရဲ့
\q2 ဘုရားသခင်န ခရစ်တော် ပိုင်ဟှူဇာ ဖြစ်ဟှားဘီ။
\q2 ကိုယ်တော်ဟှလည်း ကမ္ဘာဆစ်ဆစ် အောက်ချောက်လေ့မယ်” ဆိုဘီး ပြောဟှယ်။
\m
\v 16 အယ်ခီမာ ဘုရားသခင်ရှေ့မာ ပလ္လင်ထတ်မာ ထိုင်နေဂေ့ဟှူ သတ်ကီးဟှူသူ ၂၄ ပါးဟှာ ဘုရားသခင်ဟှို ပျပ်ဝပ်ကိုးကွယ်ဘီး၊
\q1
\v 17 “ခုရှိဘီး ရင်ဒူးဟှလည်းရှိဟှူ အနန္တတဂိုးရှင် ဘုရားသခင်!
\q1 ကိုယ်တော်ဟှာ မဟာတဂိုးတော်ဟှို သောင်းပြုဘီးဟှာ
\q2 လောကဟှို အောက်စိုးဟှူကြောန့် ကျေးဇူးတော်ဟှို ချီးမွမ်းပါဟှယ်။
\q1
\v 18 ကိုယ်တော်ရဲ့ မျစ်ဒေါသ ရော့‑က်လာဟှူ ကာလရော၊
\q2 သေဟှားဟှူ သူလေဟှို တရားစီရင်ဟှူ ကာလရော၊
\q1 ခုခီမာ က္လရော့‑က်လာဘီ ဖြစ်ဟှူကြောန့် လူမျိုးခြား အားလောင်းဟှာ မျစ်ဒေါသထွပ် ဂေ့ဟှယ်။
\q2 ကိုယ်တော်ရဲ့ စေခံ ပရောဖက်လေ၊ ကိုယ်တော်ရဲ့ သန့်ရှင်းဟှူ သူလေ၊
\q1 ကိုယ်တော်ရဲ့ နာမတော်ဟှို ကြော့‑က်ဘီး ရိုသေဟှူသူ ကီးလေ ငယ်လေဟှာ ဆုလာဘ်ဟှို ယူဟှို့တွပ်
\q2 ခီကာလရော၊ မ္လေဂီးဟှို ဖျစ်ဆီးဟှူ သူလေဟှို
\q1 ဖျစ်ဆီးဟှို့ ခီကာလရော ရော့‑က်လာဘီ”
\m ဆိုဘီး ဘုရားသခင်ဟှို လျှော့‑က်ဟှားဂေ့ဟှယ်။
\p
\v 19 \x - \xo ၁၁.၁၉ က \xo*\xt ဗျာ ၈.၅; ၁၆.၁၈; \xt*\xo ခ \xo*\xt ဗျာ ၁၆.၂၁\xt*\x*အယ်ဘီးန ကောန်းဂန်ဘောင်မာ ရှိဟှူ ဘုရားသခင်ရဲ့ ဗိမာန်တော်ဟှာ ပွမ့်ဟှားဘီး ဗိမာန်တော်ထဲမာ ကိုယ်တော်ရဲ့ ပဋိညာဉ် သစ်တာဟှို ဗြင်ရဟှယ်။ လန့်စစ်ဖ္လတ်ဇာ၊ သံဗြယ်ဇာ၊ မိုးချောင်းဇာ၊ မ္လေဂီးလှောက်ဇာန ရရာတိုင်း ကီးဟှူ မီုးသီးက္လဇာလေ ဖြစ်လေဟှယ်။
\c 12
\s မီးမန နဂါးဂီး
\p
\v 1 အယ်ဘီးန ကောန်းဂန်မာ ရရာတိုင်း ကီးဟှူ နိမိတ်လတ်ခဏာ တွိရဟှယ်။ မီးမတယော့‑က်ဟှာ နေဟှို ဝတ်ဘီး လဟှို ခေအော့‑က်မာ နန်းဟှားဘီး ခေါန်းထတ်မာ ကြယ်ဆယ့်နှေ့လောင်းပါဟှူ သရဖူဟှို ဆောန်းဟှားဟှယ်။ 
\v 2 အယ်မီးမဟှာ ဗိုက်ပိုက်နေဘီး သားမွီးဟှူ ဝေဒနာကြောန့် အော်ဘီး သားမွီးဟှို့တွပ့် ရရာတိုင်း ခံစားနေရဟှယ်။
\p
\v 3 ကောန်းဂန်မာ တခြား နိမိတ်လတ်ခဏာဟှို ဗြင်ရဟှယ်။ ခေါန်းခွန်နစ်လောင်းန ချိုဆယ်ရှောန်းရှိဘီး သူ့ရဲ့ ခေါန်းထတ်မာ သရဖူ ခွန်နစ်ခုဟှို ဆောန်းဟှားဘီး နီရဲနေဟှူ နဂါးဂီး တကောန်ရှိဟှယ်။ 
\v 4 သူ့ရဲ့ ဗွီးဟှာ ကောန်းဂန်မာ ရှိဟှူကြယ် သောင်စုတစုဟှို ဆွဲဘီး မ္လေဂီးထတ်ဟှို ပစ်ခ္လလိုက်ဟှယ်။ နဂါးဟှာ သားမွီးခါနီး ဖြစ်နေဟှူ မီးမရှေ့မာရပ်ဘီး သားမွီးဟှူ ခီမာ သူ့ရဲ့သားဟှို မျိုဟှို့တွပ် စောန့်နေဟှယ်။ 
\v 5 အယ်မီးမဟှာ လူမျိုးတကာဟှို သံလှံတံန အောက်စိုးရဟှူ ယော့‑က်ကျားသားဟှို မွီးဟှယ်။ အယ်သားဟှာ ဘုရားသခင်နားဟှိုရော၊ ပလ္လင်နားဟှိုရော၊ ခီဆောန်းရှင်းဟှို ခံရဟှယ်။ 
\v 6 အယ်မီးမဟှလည်း တောကန္တရထဲဟှို ထွပ်ပ္လေးရဟှယ်။ အယ်တောထဲမာ ရစ်ပေါန်း ၁,၂၆၀ လောင်းလောင်း သူ့ဟှို ကေ့ဘီးစောန်ရှောန်ဟှို့တွပ် ဘုရားသခင် ပြင်ဆင်ဟှားဟှူ နေရာ တနေရာ ရှိဟှယ်။
\p
\v 7 \x - \xo ၁၂.၇ \xo*\xt ယု ၉\xt*\x*အယ်ဘီးန ကောန်းဂန်မာ စစ်ဖြစ်ဟှယ်။ မိက္ခေလန သူ့ရဲ့ ကောန်းဂန်တမန်လေဟှာ နဂါးဟှို တိုက်ဂေ့ဟှယ်။ နဂါးနသူရဲ့ စေတမန်လေဟှာ ပ္လန်ဘီးတိုက်ဂေ့ဟှူ ခီမာ 
\v 8 နိုင်ဂေ့ဟှ။ ကောန်းဂန်မာလည်း သူးနို့တွပ်နေရာ မှေ့ဟှမ်း။ 
\v 9 \x - \xo ၁၂.၉ \xo*\xt လု ၁၀.၁၈\xt*\x*အယ်ခီမာ တကမ္ဘာလောင်းဟှို လှည့်ဖြားဘီး စာတန်မာရ်နတ် နာမယ်ရှိဟှူ ရှေးဗွီဟောန်းဖြစ်ဟှူ နဂါးဂီးဟှို မ္လေဂီးထတ်ဟှို ပစ်ခ္လရှင်းဟှို ခံရဟှယ်။ သူ့နတူးဒူ သူ့ရဲ့ စေတမန်လေဟှလည်း ပစ်ခ္လရှင်းဟှို ခံရဂေ့ဟှယ်။
\p
\v 10 အယ်ဘီးန ကောန်းဂန်ဘောင်မာ ရရာတိုင်း က္လယ်ဟှူသံဟှ “နို့လေဘုရားသခင်ရဲ့ ကယ်တန်ရှင်း၊ တဂိုး၊ နိုင်ငံတော်န ခရစ်တော်မာရှိဟှူ အာဏာစစ်လေဟှာ ခုပေါ်လေဘီ။ ဖြားဖြစ်ကြောန့်နူးဆိုဟှာ နို့လေရဲ့ ညီကိုလေဟှို စွပ်စွဲဟှူသူဖြစ်ဟှူ နို့လေရဲ့ ဘုရားသခင်ရှေ့မာ နေရောညဉ့်ရော သူးနို့ဟှို စွပ်စွဲဟှူ သူဟှာ ပစ်ခ္လရှင်းဟှို ခံရလေဟှယ်။ 
\v 11 ညီကို မောန်နှမလေဟှာ သိုးသားဂန်းဟှာရဲ့ သွီးတော်အားဖြင့်ရော၊ ကိုယ့်ကိုယ်ကိုယ် သတ်သေခံဟှူ စကားတော်အားဖြင့်ရော သူ့ဟှို အောန်နိုင်ဂေ့ဟှယ်။ သူးနို့ဟှာ သေခံရအောန်ထိ သူးနို့ရဲ့ သတ်ဟှို ဗြောဂေ့ဟှ။ 
\v 12 အယ်ကြောန့် ကောန်းဂန်ဘောင်န ကောန်းဂန်ဘောင်မာ စံမြန်းဟှူ သူလေ ရရာတိုင်း ဝန်းသာဂေ့ပါ။ မ္လေဂီးန ပန်လယ်လေဟှာ အမင်္ဂလာရှိဂေ့ဟှယ်။ ဖြားဖြစ်ကြောန့်နူးဆိုဟှာ မာရ်နတ်ရဲ့ခီဟှာ ရှစ်ဟှားဘဲရှိဟှူ ကြောန်းဟှို သိဟှူကြောန့် ရရာတိုင်း ဒေါသန နန်းနို့နားဟှို ဆင်းလာဘီ” ဆိုဘီး ပြောဇာဟှို ငါကြားရဟှယ်။
\p
\v 13 နဂါးဟှာ မ္လေဂီးထတ်ဟှို ပစ်ခ္လခံရရှင်းဟှို သိဟှူ ခီမာ ယော့‑က်ကျားသားဟှို မွီးဟှူ မီးမဟှို ရှာဘီးဟှာ ညှင်းဆဲလေဟှယ်။ 
\v 14 အယ်ဘေမဲ့ အယ်မီးမဟှာ တောကန္တာရထဲမာ ရှိဟှူ သူ့ရဲ့ နေရာဟှို ပ္လန်ဘီး သွားနိုင်ဟှို့တွပ် ရရာတိုင်း ကီးဟှူ လင်းယောင်ရဲ့ တောန်နှေ့ခုဟှို ရဟှားဟှယ်။ သူဟှာ အယ်နေရာမာ ဗွီလတ်ဟှနေ လွတ်ဟှို့တွပ် သောင်းနှစ်ခွဲ လောင်းလောင်း ပြုစုစောန့်ရှော့‑က်ရှင်းဟှို ခံရဟှယ်။ 
\v 15 ဗွီဟှာ အယ်မီးမဟှို ရေန မျောပါဟှို့တွပ် သူ့ရဲ့ ဇပ်ပေါ့‑က်ထဲဟှနေ ရေဟှို မ္လစ်ရေစီးမျိုး သူ့ရဲ့ ဇပ်ပေါ့‑က်ထဲဟှ မှုထုလိုက်ဟှယ်။ 
\v 16 အယ်ဘေမဲ့ မ္လေဂီးဟှာ အယ်မီးမဟှို ကူညီပေးဟှယ်။ မ္လေဂီးဟှာ သူ့ရဲ့ ဇပ်ပေါ့‑က်ဟှို ဖွမ့်ဘီး နဂါးရဲ့ ဇပ်ပေါ့‑က်ထဲဟှ မှုထုလိုက်ဟှူ မ္လစ်ရေဟှို မျိုခ္လလိုက်ဟှယ်။ 
\v 17 အယ်ခီမာ နဂါးဟှာ အယ်မီးမဟှို ဒေါသထွပ်ဘီး ဘုရားသခင်ရဲ့ ပညတ်တော်လေဟှို စောန့်ထီးဟှူ သူလေန ယေရှုန ဆိုင်ဟှူ၊ သတ်သေခံချစ်လေဟှို ရဟှားဟှူ သူလေ ဖြစ်ဂေ့ဟှူ၊ အယ်မီးမရဲ့ မျိုးနွယ်ထဲဟှ ကျန်နေဟှူ သူလေဟှို စစ်တိုက်ဟှို့တွပ် ထွပ်ဟှားဘီး၊ 
\v 18 နဂါးဟှာ ပန်လယ်ရဲ့ သဲပ္လန်မာ ရပ်နေဟှယ်။\f + \fr ၁၂.၁၈ \fr*\fq နဂါးဟှာ ပန်လယ်ရဲ့ သဲပ္လန်မာ ရပ်နေဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa ငါရပ်နေဟှယ်၊ \fqa*\ft ဆိုဘီး နော့‑က်ဟှလိုက်လာဟှူ အယ်ကျမ်းပိုဒ်န ဆစ်ပေးဟှားဟှယ်။\ft*\f*
\c 13
\s ပန်လယ်ထဲဟှ တတ်လာဟှူသားရဲ
\p
\v 1 \x - \xo ၁၃.၁ \xo*\xt ဗျာ ၁၇.၃,၇–၁၂\xt*\x*အယ်ဘီးန ချိုဆယ်ရှောန်းန ခေါန်းခွန်နစ်လောင်းရှိဟှူ သားရဲတကောန်ဟှာ ပန်လယ်ထဲဟှ တတ်လာဇာဟှို ငါဗြင်ရဟှယ်။ အယ်ချိုလေထတ်မာ သရဖူဆယ်ခုရှိဘီး သူ့ရဲ့ ခေါန်းတလောင်းစီမာ ဘုရားသခင်ဟှို စော်ကားတတ်ဟှူ နာမယ်လေရှိဟှယ်။ 
\v 2 ငါဗြင်ရဟှူ အယ်သားရဲဟှာ က္လားသစ်တကောန်နတူဟှယ်။ သူ့ရဲ့ ခေဟှာ ဝပ်ဝံခေမျိုးဖြစ်ဘီး သူ့ရဲ့ ဇပ်ပေါ့‑က်ဟှာ ခြင်္သေ့ဇပ်ပေါ့‑က်မျို ဖြစ်ဟှယ်။ နဂါးဟှာ သူ့ရဲ့ တဂိုးလေ၊ ပလ္လင်လေ ရရာတိုင်းကီးဟှူ ခွမ့်အာဏာလေဟှို သူ့ဟှို ပေးလေဟှယ်။ 
\v 3 အယ်သားရဲရဲ့ ခေါန်းတလောင်းဟှာ သေအောန်သတ်ခံရဟှူမျိုး ဖြစ်ဘေမဲ့ သေစေတတ်ဟှူ နာပျော့‑က်ဟှားလေဟှယ်။ အယ်ခီမာ တကမ္ဘာလောင်းဟှာ အံ့ဩဘီး အယ်သားရဲနော့‑က်ဟှို လိုက်ဂေ့ဟှယ်။ 
\v 4 နဂါးတကောန်ဟှာ သားရဲဟှို ခွမ့်အာဏာပေးဟှူကြောန့် သူးနို့ဟှာ နဂါးဟှို ကိုးကွယ်ဂေ့ဟှယ်။ သူးနို့ဟှ “ဖယ်သူဟှာ သားရဲနတူနူး။ ဖယ်သူဟှ သူဟှို တိုက်နိုင်ဟှို့နူး” ဆိုဘီး သားရဲဟှိုလည် ကိုးကွယ်ဂေ့ဟှယ်။
\p
\v 5 အယ်သားရဲဟှာ ရရာတိုင်းကြွားဘီး ဘုရားသခင်ဟှို စော်ကားတတ်ဟှူ ဇာတ်ပေါ့‑က်ရှိဘီး လေးဆယ့်နှေ့လလောင်းလောင်း အောက်စိုးဟှူခွမ့်ဟှို ရဟှားဟှယ်။ 
\v 6 အယ်ခီမာ သူရဲ့ ဇာတ်ပေါ့‑က်ဟှို ဖွမ့်ဘီး ဘုရားသခင်ဟှို စော်ကားဟှူ စကားဟှိုပြောဘီး ကိုယ်တော်ရဲ့ နာမတော်ဟှိုရော၊ ကိုယ်တော်ရဲ့ တဲတော်ဟှိုရော၊ ကောန်းဂန်းဘောင်မာ စံမြန်းဟှူသူလေဟှိုရော၊ ပြစ်မှားဘီးပြောဟှယ်။ 
\v 7 သူဟှာ သန့်ရှင်းဟှူသူလေဟှို စစ်တိုက်ဘီး အောန်နိုင်ဟှားဟှူကြောန့် မျိုးနွယ်စုလေ၊ လူမျိုးလေ၊ ဘာသာစကားန တိုင်းနိုင်ငံတိုင်းမာရှိဟှူ လူလေဟှို အောက်စိုးဟှူ ခွမ့်ဟှိုလည်း ရဂေ့ဟှယ်။ 
\v 8 သေသတ်ရှင်းဟှို ခံရဟှူ သိုးသားဂန်းဟှားရဲ့ သတ်စာစောန်မာ ကမ္ဘာဦးဟှနေစဘီး နာမယ်ရေးဟှားဘဲဟှူ၊ မ္လေဂီးထတ်မာ နေဂေ့ဟှူသူလေ အားလောင်းဟှာ အယ်သားရဲဟှို ကိုးကွယ်ဂေ့လေဟှယ်။
\p
\v 9 “နားရှိဟှူသူလေ ကြားပါစေ။ 
\v 10 ဖမ်းခံရဟှူသူဟှာ ဖမ်းခံရဟှို့ဘဲ ဖြစ်ဟှယ်။ ထားနသတ်ခံရဟှူသူဟှာ ထားနသတ်ခံရဟှို့ဘဲ ဖြစ်ဟှယ်။ အယ်နေရာမာ သန့်ရှင်းသူလေရဲ့ သီးခံရှင်းန သစ်စာစောန့်ရှင်းလေ ရှိဂေ့ဟှယ်။”
\p
\v 11 အယ်ဘီးန မ္လေဂီးထဲဟှ ထွပ်လာဟှူ တခြားသားရဲတကောန်ဟှို ငါဗြင်ရဟှယ်။ သူဟှာ သိုးသားဂန်းဟှားရဲ့ ချိုနတူဟှူ ချိုနှေ့ရှောန်းရှိဘီး နဂါးမျိုးဘဲ့ စကားပြောဟှယ်။ 
\v 12 အယ်သားရဲဟှာ ပထမသားရဲရဲ့ တဂိုးရှိမျှဟှို သူ့ရဲ့ရှေ့မာသောင်းဘီး သေတတ်ဟှူ၊ နာပျော့‑က်ဟှားဟှူ ပထမသားရဲတကောန်ဟှို မ္လေဂီးထတ်မာ နေဂေ့ဟှူ သူလေဟှာ ကိုးကွယ်ဟှို့တွပ် လောက်ဟှယ်။ 
\v 13 ရရာတိုင်းကီးဟှူ နိမိတ်လက္ခာဏာလေဟှို လောက်ဘီး လူလေရှေ့မာ ကောန်းဂန်ဟှနေ မ္လေဂီးထတ်ဟှို မီးဟှိုက္လစေဟှယ်။ 
\v 14 သူဟှာ ပထမသားရဲတကောန်ရှေ့မာ လောက်ခွမ့်ရဟှားဟှူ နိမိတ်လတ်ခဏာလေန မ္လေဂီးထတ်မာနေဂေ့ဟှူ သူလေအားလောင်းဟှို လှည်းဖြားဘီး ထားဒန်ရာရဘေမဲ့ သေဘဲနသတ်ရှင်နေဟှူ သားရဲရဲ့ရောက်ထုဟှို လောက်ဟှို့တွပ် မ္လေဂီးထတ်မာ နေဂေ့ဟှူသူလေဟှို လောက်ခိုင်းဟှယ်။ 
\v 15 သားရဲရဲ့ ရောက်ထုဟှာ စကားပြောနိုင်ဟှို့တွပ်န သားရဲရဲ့ရောက်ထုဟှို ကိုးကွယ်ဘဲဟှူသူ ရှိမျှဟှို သတ်နိုင်ဟှို့တွပ်ရော၊ သားရဲရဲ့ရောက်ထုဟှို သတ်သွမ်းပေးနိုင်ဟှူခွမ့်ဟှို ရလေဟှယ်။ 
\v 16 လူဂီးရော၊ လူငယ်ရော၊ ကြွယ်ဝဟှူသူရော၊ ဆင်းရဲဟှူသူရော၊ လွတ်လတ်ဟှူသူရော၊ ကျွန်ဖြစ်ဟှူသူရော၊ လူလေ အားလောင်းဂူဟှို သူးနို့ရဲ့ ညာလတ်မာရော၊ ဖူးထတ်မာရော ဇိခတ်ခိုင်းဘီး 
\v 17 သားရဲရဲ့နာမယ် အယ်မျိုးမှုဘဲနေဟှာ ကိုယ်စားပြုဟှူ ဂဏန်းဟှို ဇိခတ်ရှင်း မှေ့ဘဲဟှူသူဟှို ရောန်းဝယ်လောက်ဘဲဟှို့တွပ် စီရင်ဟှားဟှယ်။
\p
\v 18 အယ်နေရာမာ ဉာဏ်ပညာရှိဟှို့တွပ် လိုအပ်ဟှယ်။ ထိုးထွင်းဟှူ ဉာဏ်ရှိဟှူသူဟှာ သားရဲရဲ့ ကိန်းဂဏန်းဟှို တွပ်ချစ်ပါစေ။ ဖြားဖြစ်ကြောန့်နူးဆိုဟှာ အယ်ဇာဟှာ လူတယော့‑က်ရဲ့ ကိန်းဂဏန်းဖြစ်ဘီး အယ်ကိန်းဂဏန်းဟှာ ၆၆၆ ဖြစ်ဟှယ်။
\c 14
\s သိုးသားဂန်းဟှာန လူ ၁၄၄,၀၀၀
\p
\v 1 \x - \xo ၁၄.၁ \xo*\xt ဗျာ ၇.၃\xt*\x*အယ်ဘီးန ငါကေ့လိုက်ဟှူ ခီမာ သိုးသားဂန်းဟှားဟှာ ဇိအုန်တောန်ထတ်မာ ရပ်နေဟှယ်။ သိုးသားဂန်ဟှားရဲ့ နာမန ဖဘုရားသခင်ရဲ့ နာမလေဟှို သူးနို့ရဲ့ ဖူးမာရေးဟှားဟှူသူ ၁၄၄,၀၀၀ လေဟှာ သိုးသားဂန်းဟှားန တူးဒူရှိနေဂေ့ဟှယ်။ 
\v 2 အယ်ဘီးန ရေကဒန်ဟှက္လဟှူ ရေသံနရော၊ ရရာတိုင်းက္လယ်ဟှူ မိုးကြိုးသံနတူဟှူ ကောန်းဂန်ဟှသံဟှို ငါကြားရဟှယ်။ ငါကြားရဟှူ အယ်သံဟှာ စောန်းသမားလေဟှာ သူးနို့လေရဲ့ စောန်းလေဟှို တီးနေဟှူ သံနလည်းတူဟှယ်။ 
\v 3 သူးနို့ဟှာ ပလ္လင်ရှေ့မာရော၊ သတ္တဝါလေးပါးန သတ်ကီးဝါဂီးလေရဲ့ ဇာတ်ပေါ့‑က်လေ ရှေ့မာရော ချင်းသစ်ဟှို ဆိုဂေ့ဟှယ်။ မ္လေဂီးထတ်မာ ဝီးကော့‑က်ဘီး ကယ်တန်ခံရဟှူသူ ၁၄၄,၀၀၀ ဟှ လွှဲဘီးဟှာ ဖယ်သူလည်း အယ်ချင်းဟှို သန်ယူနိုင်ဟှ။ 
\v 4 အယ်သူလေဟှာ မီးမလေန ညစ်ညူးစေဘဲဟှူ သူလေဖြစ်ဂေ့ဟှယ်။ ဖြားဖြစ်ကြောန့်နူးဆိုဟှာ သူးနို့ဟှာ လူပျိုစစ်စစ်ဖြစ်ဂေ့ဟှယ်။ သူးနို့ဟှာ သိုးသားဂန်းဟှား သွားဟှူနေရာဟှို လိုက်ဂေ့ဟှူသူလေ ဖြစ်ဂေ့ဘီး ဘုရားသခင်န သိုးသားဂန်းဟှားတွပ် ဦးသီးဖြစ်ဘီး လူလေထဲမာ ဝီးကော့‑က်ခံရဟှူ သူလေဖြစ်ဂေ့ဟှယ်။ 
\v 5 သူးနို့ရဲ့ ဇပ်ပေါ့‑က်မာ မုသားမှေ့ဟှ။ သူးနို့ဟှာ ပြစ်တန်ဇာမှေ့ဘဲသူလေ ဖြစ်ဂေ့ဟှယ်။
\s ကောန်းဂန်တမန် သောင်းပါးကြောန်း
\p
\v 6 အယ်ဘီးန တခြားကောန်းဂန်တမန် တပါးဟှာ ကောန်းဂန်လယ်မာ ပ္လန်နေဇာဟှို ငါဗြင်ရဟှယ်။ သူဟှာ မ္လေဂီးထတ်မာနေဂေ့ဟှူ သူလေဖြစ်ဟှူ တိုင်းနိုင်ငံ၊ မျိုးနွယ်စု၊ ဘာသာစကား မျိုးမျိုးပြောဂေ့ဟှူ လူမျိုးလေဟှို ဟောပြောဟှို့တွပ် ထာဝရတည်ဟှူ၊ ကောန်းမြတ်ဟှူ ဒန်းကောန်းဟှို ယူဆောန်လာဟှယ်။ 
\v 7 အယ်ကောန်းဂန်တမန်ဟှ “ဘုရားသခင်တရားစီရင်ဟှူ ခီဟှာ က္လလာဘီးဖြစ်ဟှူကြောန့် ကိုယ်တော့်ဟှို ကြော့‑က်ဂေ့ဘီး ဂေါင်သရေဟှို ချီးမွမ်းဂေ့ပါ။ ကောန်းဂန်၊ မ္လေဂီး၊ ပန်လယ်န စမ်းရေလေဟှာ ဖန်ဆင်းရှင်ဟှို ကိုးကွယ်ဂေ့ပါ” ဆိုဘီး ရရာတိုင်းက္လယ်ဟှူသံန ကြွေးကြော်လေဟှယ်။
\p
\v 8 \x - \xo ၁၄.၈ \xo*\xt ဗျာ ၁၈.၂\xt*\x*အယ်ဘီးန ဒုတိယကောန်းဂန်တမန်ဟှာ လိုက်လာဘီး “တရားဘဲဟှူမေထုန် မှားယွင်းဟှူကြောန့် ရရာတိုင်းပြင်းထန်ဟှူ ဒေါသစဗျစ်ရယ်ဟှို လူမျိုးအားလောင်းဟှို တိုက်ဟှူ ဗာဗုလုန်ဗြို့ဂီးဟှာ ပြိုက္လဟှားဘီ၊ ပြိုက္လဟှားဘီ!” ဆိုဘီး ကြွေးကြော်လေဟှယ်။
\p
\v 9 နော့‑က်ထပ် တတိယကောန်းဂန်တမန်ဟှာ သူးနို့နော့‑က်ဟှ လိုက်လာဘီး၊ “သားရဲန သူးနို့ရဲ့ ရောက်ထုဟှို ကိုးကွယ်ဘီး သူးနို့ရဲ့ ဖူးမာဖြစ်စေ၊ လတ်မာဘဲ့ဖြစ်စေ သူ့ရဲ့ဇိဟှို ခံဟှူသူလေဟှာ 
\v 10 ဘုရားသခင်ရဲ့ မျစ်တော်ဖလားဟှ ရရာတိုင်းပြင်းထန်ဟှူ မျစ်တော်ဖြစ်ဟှူ စဗျစ်ရယ်ဟှို သော့‑က်ရလေ့မယ်။ အယ်သူလေဟှာ သန့်ရှင်းဟှူ ကောန်းဂန်တမန်လေန သိုးသားဂန်းဟှားရဲ့ ရှေ့မာ ကန့်နရောဟှားဟှူ မီးထဲမာ ညှဉ်းဆဲရှင်းဟှို ခံရလေ့မယ်။ 
\v 11 သူးနို့ ညှဉ်းဆဲခံရရှင်းရဲ့ မီးခိုးဟှာ ကမ္ဘာဆစ်ဆစ် တတ်ဘီးနေဟှယ်။ သားရဲန သူ့ရဲ့ ရောက်ထုဟှို ကိုးကွယ်ဘီး သူ့နာမယ်ရဲ့ ဇိဟှို ခံယူဟှူသူလေဟှာ နေရောညရော သတ်သာရဟှို့ မှုဟှ” ဆိုဘီး ရရာတိုင်းက္လယ်ဟှူသံန ကြွေးကြော်လေဟှယ်။
\p
\v 12 အယ်နေရာမာ ဘုရားသခင်ရဲ့ ပညတ်တော်လေဟှိုရော၊ ယေရှုဟှို ယောင်ကြည်ရှင်းဟှိုရော၊ စောန့်ထီးဟှူ သန့်ရှင်းသူလေရဲ့ သီးခံရှင်းရှိဟှယ်။
\p
\v 13 အယ်ဘီးန ကောန်းဂန်ဘောင်ဟှသံဟှာ “ရေးဟှားလိုက်။ ခုဟှစဘီး သခင်ဘုရားရဲ့ မှုဟှိုဆောန်ဘီး သေဟှားဟှူ သူလေဟှာ မင်္ဂလာရှိဟှယ်!” ဆိုဘီး ပြောဇာဟှို ငါကြားရဟှယ်။ ဝိညာဉ်တော်ဟှလည်း “မှန်ဟှယ်! သူးနို့ဟှာ ဆင်းရဲပန်ဗန်းဘီး လောက်ဆောန်ရှင်းဟှနေဘီး နားယူရဟှူခွမ့်ဟှို ရဂေ့လေ့မယ်။ ဖြားဖြစ်ကြောန့်နူးဆိုဟှာ သူးနို့လောက်ဆောန်ဟှူ ကျိုးလေဟှာ သူးနို့နတူးဒူ ပါလိုက်ဟှားကြောန့် ဖြစ်ဟှယ်” ဆိုဘီး မိန့်တော်မူလေဟှယ်။
\s မ္လေးဂီးမာ သီးနှံရိသီးရှင်း
\p
\v 14 နော့‑က်တခါ ငါကေ့လိုက်ဟှူခါမာ ဖ္လူဟှူမိုးတီရှိဘီး အယ်မိုးတီထတ်မာ ခေါန်းထတ်မာ ရွှေသရဖူဟှိုဆောန်းဘီး လတ်မာ ရရာတိုင်း ထတ်ဟှူဇင်ဟှို ကိုင်ဟှားဟှူ လူသားနတူဟှူ တယော့‑က်ဟှာ ထိုင်နေဟှယ်။ 
\v 15 အယ်ဘီးန တခြားကောန်းဂန်တမန် တပါးဟှာ ဗိမာန်တော်ထဲဟှ ထွပ်လာဘီး မိုးတီထတ်မာ ထိုင်နေဟှူသူဟှို “မ္လေဂီးထတ်မာ ရိရဟှို့ဇာလေဟှာ မှည့်ဟှားဘီဖြစ်ဟှူကြောန့် ရိသီးဟှို့တွပ် ခီက္လဟှားဘီး ဖြစ်ဟှူကြောန့် ကိုယ်တော်ရဲ့ ဇင်ဟှိုလွှတ်ဘီး ရိသီးပါ” ဆိုဘီး ရရာတိုင်း က္လယ်ဟှူသံန ကြွေးကြော်လေဟှယ်။ 
\v 16 အယ်ခီမာ မိုးတီထတ်မာ ထိုင်နေဟှူသူဟှာ သူ့ရဲ့ ဇင်ဟှို မ္လေဂီးဟှို သွမ်းလိုက်ဘီးဟှာ မ္လေဂီးဟှာ ရိသီးရှင်းဟှို ခံရလေဟှယ်။
\p
\v 17 အယ်ဘီးန တခြားကောန်းဂန်တမန် တပါးဟှာ ကောန်းဂန်မာရှိဟှူ ဗိမာန်တော်ထဲဟှ ထွပ်လာဟှယ်။ သူ့မာလည်း ရရာတိုင်း ထတ်ဟှူဇင် ပါဟှယ်။
\p
\v 18 အယ်ဘီးန မီးဟှိုအောက်စိုးဟှူ တခြားကောန်းဂန်တမန်တပါးဟှာ ယဇ်ပလ္လင်ထဲဟှ ထွပ်လာဘီး ရရာတိုင်း ထတ်ဟှူဇင်ပါဟှူသူဟှို “စဗျစ်သီးလေ မှည့်ဟှားဘီ ဖြစ်ဟှူကြောန့် နန့်ရဲ့ ရရာတိုင်း ထတ်ဟှူဇင်ဟှို လွှတ်ဘီး မ္လေဂီးထတ်မာရှိဟှူ စဗျစ်ခိုင်လေဟှို ရိသီးလိုက်” ဆိုဘီး ရရာတိုင်း က္လယ်ဟှူသံန ပြောလေဟှယ်။ 
\v 19 အယ်ကောန်းဂန်တမန်ဟှလည်း သူ့ရဲ့ဇင်ဟှို မ္လေဂီးထတ်မာ သွမ်းလိုက်ဘီး မ္လေဂီးထတ်ဟှ စဗျစ်ပန်လေဟှို ရိသီးဘီး ဘုရားသခင်ရဲ့ ရရာတိုင်းပြင်းဟှူ ဒေါသနဆိုင်ဟှူ၊ ရရာတိုင်းကီးဟှူ စဗျစ်သီးနယ်ဟှူ တွမ်းထဲဟှို လွန်းခ္လလိုက်ဟှယ်။ 
\v 20 \x - \xo ၁၄.၂၀ \xo*\xt ဗျာ ၁၉.၁၅\xt*\x*ဗြို့ပ္လန်မာရှိဟှူ စဗျစ်သီးနယ်ဟှူ တွမ်းမာ နန်းလိုက်ဟှူ ခီမာ သွီးဟှာ အယ်စဗျစ်သီးနယ်ဟှူ တွမ်းထဲဟှ စီးထွပ်လာဘီး ဗြင်းရဲ့ ဇစ်ကြိုးထိမီဘီး ၁၈၄ မိုင်လော့‑က်ထိ ပျံ့နှံ့ဟှားလေဟှယ်။
\c 15
\s နော့‑က်ဆောင်းဘေးဒန်လေ သယ်လာဟှူ ကောန်ဂန်းတမန်လေ
\p
\v 1 အယ်ဘီးန ကောန်းဂန်မာ ရရာတိုင်း ကီးဘီး အံ့ဩဇာကောန်းဟှူ တခြားနိမိတ်လတ်ခဏာဖြစ်ဟှူ နော့‑က်ဆောင်းဘေးဒန် ခွန်နစ်မျိုးရှိဟှူ ကောန်းဂန်တမန် ခွန်နစ်ပါးဟှို ငါဗြင်ရဟှယ်။ အယ်ဘေးဒန်လေအားဖြင့် ဘုရားသခင်ရဲ့ ရရာတိုင်း ပြင်းဟှူ ဒေါသဟှာ ပ္လဲ့ဇောင်လေ့မယ်။
\p
\v 2 နော့‑က်ထပ် မီးနရောဟှားဟှူ ဖန်ပန်လယ်မျိုးဇာဟှိုရော၊ သားရဲတကောန်ဟှာ သူ့ရဲ့ ရောက်ထုန သူ့နာမယ်ရဲ့ ကိန်းဂဏန်းဟှို နိုင်ရဟှားဟှူ သူလေဟှာ ဘုရားသခင်ရဲ့ စောန်းလေဟှို ကိုင်ဆောန်ဘီးဟှာ အယ်ဖန်ပန်လယ်ထတ်မာ ရပ်နေဂေ့ဟှူဇာဟှိုရော ငါဗြင်ရဟှယ်။ 
\v 3 သူးနို့ဟှာ ဘုရားသခင်ရဲ့စေခံ မောရှေရဲ့ချင်းန သိုးသားဂန်းဟှားရဲ့ ချင်းဟှို ဆိုဘီး
\q1 “အနန္တတဂိုးရှင်ဘုရားသခင်၊ ကိုယ်တော်လောက်ဟှူ မှုလေဟှာ
\q2 ရရာတိုင်း ကီးမြတ်ဘီး အံ့ဩဖွယ်ကောန်းပါဟှယ်။
\q1 လူမျိုးတကာလေ\f + \fr ၁၅.၃ \fr*\fq လူမျိုးတကာလေ၊ \fq*\ft တချို့ မူရင်းလတ်ရေးမူလေမာ \ft*\fqa ခေတ်လေ၊ \fqa*\ft ဆိုဘီး ပါရှိဟှယ်။\ft*\f*ရဲ့ မန်းဂီး၊ ကိုယ်တော်ရဲ့ နည်းလမ်းလေဟှာ
\q2 ရရာတိုင်း မှန်ပါဟှယ်။
\q1
\v 4 အို၊ ဘုရားသခင်၊ ကိုယ်တော့်ဟှို ကြော့‑က်ဘီး ရိုသေဘဲန နာမတော်ဟှို ချီးမွမ်းဘဲ ဖယ်သူဟှ နေနိုင်ဟှို့နူး။
\q2 ကိုယ်တော်တပါးဘဲ့ သန့်ရှင်းစင်ကြယ်ပါဟှယ်။
\q1 ကိုယ်တော်စီရင်ဟှူ မှုလေဟှာ တရားမျှတကြောန်းဟှို ထန်ရှားနေဟှူကြောန့်
\q2 လူမျိုးအားလောင်းဂူဟှာ ရှေ့တော်ဟှို လာဘီးဟှာ ပျပ်ဝပ်ကိုးကွယ် ဂေ့လေ့မယ်”
\m ဆိုဘီး ပြောနေဂေ့ဟှယ်။
\p
\v 5 အယ်ဘီးန ငါကေ့လိုက်ဟှူ ခီမာ ကောန်းဂန်ဘောင်မာရှိဟှူ သတ်သေခံချစ် တဲတော်ရှိဟှူ ဗိမာန်တော်ဟှာ ဖွမ့်ဘီးရှိနေဟှယ်။ 
\v 6 ဘေးဒန်ခွန်နစ်မျိုးဟှို ယူဆောန်လာဟှူ ကောန်းဂန်တမန်ခွန်နစ်ပါးဟှာ အယ်ဗိမာန်တော်ထဲဟှ ထွပ်လာဂေ့ဟှယ်။ သူးနို့ဟှာ စင်ကြယ်တော့‑က်ပဟှူ ပိချောဟှို ဝတ်ဟှားဘီး ရင်ဖတ်မာ ရွှေရင်စည်းဟှို စည်းဟှားဟှယ်။ 
\v 7 အယ်ဘီးန သတ္တဝါလေးပါးထဲဟှ တပါးဟှာ ကမ္ဘာဆစ်ဆစ် သတ်ရှင်ဟှူ ဘုရားသခင်ရဲ့ ရရာတိုင်း ပြင်းဟှူဒေါသန ပ္လဲ့နေဟှူ ရွှေဖလား ခွန်နစ်လောင်းဟှို အယ်ကောန်းဂန်တမန်လေဟှို ပေးလေဟှယ်။ 
\v 8 ဗိမာန်တော်ဟှာ ဘုရားသခင်ရဲ့ ဖောင်းသရေတော်န တဂိုးတော်လေဟှနေ ထွပ်လာဟှူ မီးခိုးလေနပ္လဲ့နေဟှူကြောန့် ကောန်းဂန်တမန် ခွန်နစ်ပါးဟှာ ဘေးဒန်ခွန်နစ်မျိုးမပီးမချင်း ဖယ်သူလည်း ဗိမာန်တော်ထဲဟှို ဝမ်နိုင်ဂေ့ဟှ။
\c 16
\s ပထမမျစ်တော်ဖလား
\p
\v 1 အယ်ဘီးန ဗိမာန်တော်ထဲဟှ ရရာတိုင်း က္လယ်ဟှူသံဟှ “သွားဂေ့ပါ။ ဘုရားသခင်ရဲ့ ရရာတိုင်း ပြင်းဟှူ မျစ်တော်ဖလား ခွန်နစ်လောင်းဟှို မ္လေဂီးထတ်ဟှို လွန်းခ္လလိုက်ပါ” ဆိုဘီး ကောန်းဂန်တမန် ခွန်နစ်ပါးဟှို ပြောဇာဟှို ငါကြားရဟှယ်။
\p
\v 2 ပထမကောန်းဂန်တမန်ဟှာ သွားဘီး သူ့ရဲ့ ဖလားဟှို မ္လေဂီးထတ်ဟှို လွန်းခ္လလိုက်ဟှူ ခီမာ သားရဲတကောန်ရဲ့ ဇိရှိဟှူသူန သူ့ရဲ့ ရောက်ထုဟှို ကိုးကွယ်ဟှူသူလေမာ ရရာတိုင်း ဆိုးဟှူ အိုင်းနာလေ ပေါ့‑က်လေဟှယ်။
\p
\v 3 ဒုတိယကောန်းဂန်တမန်ဟှာ သူ့ရဲ့ ဖလားဟှို ပန်လယ်ထတ်ဟှို လွန်းခ္လလိုက်ဟှူ ခီမာ ရေဟှာ သေဟှားဟှူလူလေရဲ့ သွီးမျိုးဖြစ်ဘီး ပန်လယ်ထဲမာရှိဟှူ သတ်ရှိဟှူ လိဆန်အားလောင်း သေဂေ့ဟှယ်။
\p
\v 4 တတိယကောန်းဂန်တမန်ဟှာ သူ့ရဲ့ ဖလားဟှို မ္လစ်လေန စမ်းရေလေထတ်ဟှို လွန်းခ္လလိုက်ဟှူ ခီမာ ရေဟှာ သွီးဖြစ်ဟှားလေဟှယ်။ 
\v 5 အယ်ခီမာ ရေနဆိုင်ဟှူ ကောန်းဂန်တမန်ဟှ “ခုရှိဘီး ရင်ဟှလည်ရှိဟှူ သန့်ရှင်းဟှူ သခင်၊ အယ်ဇာလေဟှို ကိုယ်တော်စီရင်ဟှူကြောန့် ကိုယ်တော်ဟှာ ဖြောန့်မတ်ပါဟှယ်။ 
\v 6 ဖြားဖြစ်ကြောန့်နူးဆိုဟှာ အယ်သူလေဟှာ သန့်ရှင်းသူလေန ပရောဖက်လေရဲ့ သွီးဟှို လွန်းဟှားဂေ့ဟှူကြောန့် ကိုယ်တော်ဟှာ အယ်သွီးလေဟှို သူးနို့ဟှို သော့‑က်ဟှို့တွပ် ပေးတော်မူဟှယ်။ သူးနို့ဟှာ အယ်မျိုးခံဟှို့တွပ့် ထိုက်တန်ဟှယ်” ဆိုဘီး ပြောဇာဟှို ငါကြားရဟှယ်။ 
\v 7 အယ်ဘီးန ယဇ်ပလ္လင်ဟှလည်း “မှန်ပါဟှယ်။ အနန္တတဂိုးန ပ္လဲ့ဇောင်ဟှူ ဘုရားသခင်၊ ကိုယ်တော်ရဲ့ စီရင်ရှင်းလေဟှာ မှန်ကန်ဘီး တရားမျှတပါဟှယ်” ဆိုဘီး ပြောဟှူဇာဟှို ငါကြားရဟှယ်။
\p
\v 8 စတုတ္ထကောန်းဂန်တမန်ဟှာ သူ့ရဲ့ ဖလားဟှို နေထတ်ဟှို လွန်းခ္လလိုက်ဟှူ ခီမာ နေဟှာ လူလေဟှို မီးနလောန်းရဟှူ ခွမ့်ဟှိုရဟှယ်။ 
\v 9 လူလေဟှာ ရရာတိုင်းပြင်းဟှူ ပူရှီကြောန့် နေလောန်ဒန်ဟှို ခံရဘီး အယ်ဘေးဒန်လေမာ ခွမ့်အာဏာရှိဟှူ ဘုရားသခင်ရဲ့ နာမတော်ဟှို ကီဆဲဘီး နောန်ဒလည်းရဂေ့ဟှ။ ဘုရားသခင်ရဲ့ ဖောင်းသရေတော်ဟှိုလည်း ချီးမွမ်းဂေ့ဟှ။
\p
\v 10 ပဉ္စမကောန်းဂန်တမန်ဟှာ သူ့ရဲ့ ဖလားဟှို သားရဲရဲ့ ပလ္လင်ထတ်ဟှို လွန်းခ္လလိုက်ဟှူ ခီမာ သားရဲရဲ့ နိုင်ငံဟှာ မှောန်မိုက်ဟှားဘီး လူလေဟှာ နာကျင်ဟှူဝေဒနာကြောန့် သူးနို့ရဲ့ လျှာလေဟှို ကိုက်ဂေ့ဟှယ်။ 
\v 11 လူလေဟှာ သူးနို့ခံရဟှူ နာကျင်ဟှူဝေဒနာန သူးနို့ရဲ့ အိုင်းနာလေကြောန့် ကောန်းဂန်ဘောင်ရဲ့ ဘုရားသခင်ဟှို ကီဆဲဂေ့ဘီး သူးနို့ လောက်ဟှူမှုလေတွပ့် နောန်ဒရဂေ့ဟှ။
\p
\v 12 ဆဋ္ဌမကောန်းဂန်တမန်ဟှာ သူ့ရဲ့ ဖလားဟှို ရရာတိုင်း ကီးဟှူ ဥဖရတ်မ္လစ်ထတ်ဟှို လွန်းခ္လလိုက်ဟှူ ခီမာ ရှေ့ပြည်ဟှ မန်းဂီးလေတွပ် လမ်းဟှို ပြင်ဆင်ပေးဟှို့တွပ် မ္လစ်ရေဟှာ ခန်းဟှားလေဟှယ်။ 
\v 13 အယ်ဘီးန နဂါးဇပ်ပေါ့‑က်ထဲဟှရော၊ သားရဲတကောန်ရဲ့ ဇပ်ပေါ့‑က်ထဲဟှရော၊ ပရောဖက်တုယောန် ဇပ်ပေါ့‑က်ထဲဟှရော၊ ဖားနတူဘီး ညစ်ညူးဟှူ ဝိညာဉ်သောင်းပါး ထွပ်လာဇာဟှို ငါဗြင်ရဟှယ်။ 
\v 14 အယ်ဝိညာဉ်လေဟှာ နိမိတ်လတ်ခဏာလေ လောက်ဟှူ နတ်ဆိုးလေရဲ့ ဝိညာဉ်လေ ဖြစ်ဂေ့ဟှယ်။ အယ်ဝိညာဉ်လေဟှာ ကမ္ဘာမာရှိဟှူ မန်းဂီးလေဟှို အနန္တတဂိုးန ပ္လဲ့ဇောင်ဟှူ ဘုရားသခင်ရဲ့ နေ့ရစ်ဂီးမာ စစ်ပွဲတွပ် စုဂေ့ဟှို့ အယ်မန်းဂီးလေနားဟှို ထွပ်ဟှားဂေ့ဟှယ်။
\p
\v 15 \x - \xo ၁၆.၁၅ \xo*\xt မ ၂၄.၄၃,၄၄; လု ၁၂.၃၉,၄၀; ဗျာ ၃.၃\xt*\x*“ကေ့ကေ့။ ငါဟှာ ခိုးလာဟှူမျိုး လာမယ်။ ခ္လေးဗ္လန်းဗ္လန်း သွားနေဘီး ကိုယ်ရဲ့ယှစ်ဟှို လူလေဗြင်ရဘဲနေအောန် ကိုယ်ရဲ့ဝတ်ဟှို ထီးသီးဘီး ဒိနစောန့်နေဟှူသူဟှာ မင်္ဂလာရှိဟှယ်!”
\p
\v 16 အယ်ဘီးန ဝိညာဉ်လေဟှာ မန်းဂီးလေဟှို ဟေဗြဲစကားန အာမဂေဒုန်ခေါ်ဟှူ နေရာမာ စုဝေးဂေ့လေ့မယ်။
\p
\v 17 သတ္တမကောန်းဂန်တမန်ဟှာ သူ့ရဲ့ ဖလားဟှို အာကာသထဲဟှို လွန်းခ္လလိုက်ဟှူ ခီမာ ဗိမာန်တော်ထဲမာရှိဟှူ ပလ္လင်ထဲဟှ ရရာတိုင်း က္လယ်ဟှူသံဟှ ပေါ်လာဘီး “မှုပီးဟှားဘီ” ဆိုဘီး ပြောဟှယ်။ 
\v 18 \x - \xo ၁၆.၁၈ \xo*\xt ဗျာ ၈.၅; ၁၁.၁၃,၁၉\xt*\x*အယ်ခီမာ လန့်စီးလတ်ရှင်း၊ သံဗြယ်ရှင်းန မိုးချောက်ရှင်းလေ ဖြစ်လာဘီး ငလျင်လေလည်း ရရာတိုင်း ပြင်းထန်ဘီး လှောက်လေဟှယ်။ မ္လေဂီးထတ်မာ လူဖြစ်လာဟှူ ခီဟှစဘီး အယ်မျှလော့‑က်ကီးဘီး ရာရာတိုင်း ပြင်းထန်ဟှူ ငလျင်မျိုးဖြစ်ဖူးဟှ။ 
\v 19 ဗြို့ဂီးလေဟှာ သောင်းပိုင်းကွဲဟှားဘီး လူမျိုးမျိုးနေဟှူ တိုင်းနိုင်ငံလေရဲ့ ဗြို့လေဟှာလည်း ပြိုဟှားဂေ့ဟှယ်။ ဘုရားသခင်ဟှာ သူ့ရဲ့ မျစ်တော်နဆိုင်ဟှူ ပြင်းထန်ဟှူဒေါသ စဗျစ်ရယ်ခွပ်ဟှိုပေးဘီး ဗာဗုလုန်ဗြို့ဂီးဟှို ဒိရစေဟှယ်။ 
\v 20 \x - \xo ၁၆.၂၀ \xo*\xt ဗျာ ၆.၁၄\xt*\x*ကျွန်းရှိမျှဟှာ ပျော့‑က်ဟှားဘီး တောန်လေလည်း တွိရဂေ့ဟှမ်း။ 
\v 21 \x - \xo ၁၆.၂၁ \xo*\xt ဗျာ ၁၁.၁၉\xt*\x*ကောန်းဂန်ဟှလည်း ပေါန်တရာလော့‑က်လေးဟှူ မိုးသီးလေဟှာ လူလေထတ်ဟှို က္လလေဟှယ်။ အယ်ဘေးဒန်ဟှာ ရရာတိုင်း ပြင်းထန်ဟှူကြောန့် လူလေဟှာ အယ်မိုးသီးဘေးဒန်ကြောန့် ဘုရားသခင်ဟှို ကီဆဲဂေ့ဟှယ်။
\c 17
\s ပြည့်တန်ဆာမဂီးန သားရဲကြောန်း
\p
\v 1 အယ်ဘီးန ဖလားခွန်နစ်လောင်းရှိဟှူ ကောန်းဂန်တမန် ခွန်နစ်ပါးထဲဟှ တပါးဟှာလာဘီး၊ ငါနစကားပြောဘီး “လာပါ၊ ရရာတိုင်းများဟှူ ရေထတ်မာထိုင်ဟှူ ပြည့်တန်ဆာမဂီး ခံရမယ့် တရားစီရင်ရှင်းဟှို နန့်ဟှို ငါပြမယ်။ 
\v 2 မ္လေဂီးရဲ့ မန်းဂီးလေဟှာ သူ့နတူးဒူ တရားဘဲဟှူမေထုန်ဟှို လောက်ဂေ့ဘီး မ္လေဂီးထတ်မာ နေဂေ့ဟှူသူလေလည်း သူ့န တရားဘဲဟှူမေထုန်ဟှို လောက်ဟှူ စဗျစ်ရယ်န မောဂေ့ဟှယ်” ဆိုဘီး ပြောဟှယ်။
\p
\v 3 \x - \xo ၁၇.၃ \xo*\xt ဗျာ ၁၃.၁\xt*\x*ငါ့ဟှို ဝိညာဉ်တော်အားဖြင့် တောကန္တာရထဲဟှို ခေါ်ဆောန်ဟှားလေဟှယ်။ အယ်ခီမာ ခေါန်းခွန်နစ်လောင်းန ချိုဆယ်ရှောန်းရှိဘီး ဘုရားသခင်ဟှို စော်ကားဟှူ နာမယ်န ပ္လဲ့နေဘီး နီနေဟှူ သားရဲ တကောန်ထတ်မာ ထိုင်နေဟှူ မီးမ တယော့‑က်ဟှို ငါဗြင်ရဟှယ်။ 
\v 4 အယ်မီးမဟှာ နီရောန်န ခရမ်းရောန်ဟှို ဝတ်ဟှားဘီး ရွှေတန်ဆာ၊ က္လော့‑က်မြတ်ရတနာန ပုလဲတန်ဆာလေဟှို ဆင်ဟှားဘီး သူ့ရဲ့လတ်မာ ရွံဇာကောန်းဟှူ ဇာလေန တရားဘဲဟှူမေထုန်လောက်ဘီး ညစ်ညူးရှင်းလေန ပ္လဲ့နေဟှူ ရွှေခွပ်ဟှို ကိုင်ဟှားဟှယ်။ 
\v 5 သူ့ရဲ့ ဖူးထတ်မာ ရေဟှားဟှူ လျှို့ဝှက်နတ်နဲ့ဟှူ နာမဟှာ၊
\pc “ဗာဗုလုန်ဗြို့ဂီး
\pc ပြည့်တန်ဆာလေန
\pc မ္လေဂီးထတ်မာ ရွံဇာကောန်းဟှူ ဇာလေရဲ့ မိ”
\pc ဆိုဘီး ဖြစ်ဟှယ်။
\m
\v 6 အယ်မီးမဟှာ သန့်ရှင်းဟှူ သူလေရဲ့ သွီးန၊ ယေရှုရဲ့ သတ်သေခံလေရဲ့ သွီးန ယစ်မောနေဇာဟှို ငါဗြင်ရဟှယ်။ ငါဟှာ သူ့ဟှို ဗြင်ရဟှူ ခီမာ ရရာတိုင်း အံ့ဩဟှားဟှယ်။
\p
\v 7 အယ်ခီမာ ကောန်းဂန်တမန်ဟှ “နန်ဟှာ ဖြားဖြစ်ကြောန့် အံ့ဩနူး” အယ်မီးမန သူ့ဟှို သယ်ဆောန်ဟှူ ခေါန်းခွန်နစ်လောင်းန ချိုဆယ်ရှောန်းရှိဟှူ သားရဲတကောန်ရဲ့ လျှို့ဝှက်နတ်နဲချစ်ဟှို နန့်ဟှို ငါပြောပြမယ်။ 
\v 8 \x - \xo ၁၇.၈ \xo*\xt ဗျာ ၁၁.၇\xt*\x*နန်ဗြင်ရဟှူ သားရဲ တကောန်ဟှာ ရင်ဟှရှိဘီး ခုမှေ့ဘဲဟှူ ကြာခန်မာ နတ်ဆောင်းတွမ်းထဲဟှ တတ်လာဘီး ဖျစ်ဆီးရှင်းဟှို ခံရလေ့မယ်။ မ္လေဂီးထတ်မာ နေဂေ့ဟှူ သူလေထဲမာ ကမ္ဘာတည်ဟှူ ခီဟှစဘီး သတ်စာစောန်မာ နာမယ် စရင်းဝမ်ဘဲဟှူ သူလေဟှာ ရင်ဟှရှိဘီး ခုမှေ့ဘဲဟှူ ကြာခန်မာ ရော့‑က်လာဟှို့ အယ်သားရဲဟှို ဗြင်ဘီးဟှာ အံ့ဩဂေ့လေ့မယ်။
\p
\v 9 အယ်နေရာမာ ဉာဏ်ပညာန သိတရားရှိဟှို့တွပ် လိုအပ်ဟှယ်။ ခေါန်းခွန်နစ်လောင်းဟှာ အယ်မီးမထိုင်နေဟှူ တောန်ခွန်နစ်လောင်းဖြစ်ဘီး မန်းဂီးခွန်နစ်ပါးလည်း ဖြစ်ဟှယ်။ 
\v 10 ငါးပါးဟှာ က္လဆောင်းဟှားဘီ။ တပါးဟှာ ခုရှိဟှယ်။ ကျန်ဟှူတပါးဟှာ ပေါ်သေးဟှ။ ပေါ်လာဟှူ ခီမာလည်း ရှစ်ဟှားဘဲ ခံလေ့မယ်။ 
\v 11 ရင်ဟှရှိဘီး ခုမှေ့ဘဲဟှူ သားရဲတကောန်ဟှာ အဋ္ဌမ မန်းဂီးဖြစ်ဟှယ်။ သူဟှာ အယ်ခွန်နစ်ပါးထဲမာ တပါးလည်းဖြစ်ဘီး ဖျစ်ဆီးရှင်းဟှို ခံရလေ့မယ်။
\p
\v 12 “နန်ဗြင်ရဟှူ ချိုဆယ်ရှောန်းဟှာ တိုင်းနိုင်ငံဟှို ရသေးဘဲဟှူ မန်းဂီးဆယ်ပါး ဖြစ်ဂေ့ဟှယ်။ အယ်ဘေမဲ့ သူးနို့ဟှာ သားရဲ တကောန်နတူဒူး မန်းဂီးလေမျိုး ခွမ့်အာဏာဟှို ရရာတိုင်း တိုဟှူ ခီကာလတခုမာ အောက်စိုးရဂေ့လေ့မယ်။ 
\v 13 အယ်မန်းဂီးလေဟှာ တလောင်းတဝဒဲ ရှိဂေ့ဘီး သူးနို့လေရဲ့ တဂိုးလေဟှို သားရဲဟှို အပ်ဂေ့လေ့မယ်။ 
\v 14 သူးနို့ဟှာ သိုးသားဂန်းဟှားန စစ်တိုက်ဂေ့လေ့မယ်။ အယ်ဘေမဲ့ သိုးသားဂန်းဟှားဟှာ သူးနို့ဟှို နိုင်ရလေ့မယ်။ ဖြားဖြစ်ကြောန့်နူးဆိုဟှာ ကိုယ်တော်ဟှာ သခင်တကာလေရဲ့ သခင်၊ မန်းဂီးတကာလေရဲ့ မန်းဂီး ဖြစ်တော်မူဟှယ်။ ကိုယ်တော်န တူဒူးရှိနေဟှူ သူလေဟှလည်း ကိုယ်တော်ခေါ်ယူဘီး ဝီးကော့‑က်ခံရဟှူ သူလေန သစ်စာရှိဟှူ သူလေဖြစ်ဂေ့ဟှယ်” ဆိုဘီး ပြောဟှယ်။
\p
\v 15 အယ်ဘီးန အယ်ကောန်းဂန်တမန်ဟှာ နန်ဗြင်ရဟှူ ပြည့်တန်ဆာ ထိုင်နေဟှူရေဟှာ တိုင်းနိုင်ငံလေ၊ ဘာသာစကားမျိုးမျိုး ပြောဂေ့ဟှူ လူမျိုးလေန ပြည်သူပြည်သားလေ ဖြစ်ဂေ့ဟှယ်။ 
\v 16 နန်ဗြင်ရဟှူ ချိုဆယ်ရှောန်းန သားရဲလေဟှာ အယ်ပြည့်တန်ဆာဟှို မူးဘီး၊ သူ့ဟှို ပျစ်စီးစေဘီး သူ့ရဲ့ ဝတ်ဟှို ခလွတ်ပစ်ဂေ့ဘီး သူ့ရဲ့ သားဟှို ကိုက်စားဘီး သူ့ဟှို မီးရှို့ဂေ့လေ့မယ်။ 
\v 17 ဖြားဖြစ်ကြောန့်နူးဆိုဟှာ ဘုရားသခင်ဟှာ သူ့ရဲ့ စကားတော်ဟှာ ပ္လဲ့ဇောင်ရှင်းဟှို ရော့‑က်ဟှို့ထိ သူးနို့ဟှာ တလောင်းတဝဒဲ ဖြစ်ဘီး သူးနို့ရဲ့ နိုင်ငံလေဟှို သားရဲတကောန်ရဲ့ လတ်ထဲဟှို အပ်လိုက်ရှင်းအားဖြင့် ဘုရားသခင်ရဲ့ ကြံစည်တိုင်း သူးနို့ရဲ့ စိနှလောင်းထဲဟှို ထဲ့သွမ်းလိုက်ဟှယ်။
\p
\v 18 “နန်ဗြင်ရဟှူ မီးမဟှာ ကမ္ဘာလောကရဲ့ မန်းဂီးလေဟှို အောက်စိုးဟှူ ဗြို့ဂီးဖြစ်ဟှယ်” ဆိုဘီး ငါဟှို ပြောဟှယ်။
\c 18
\s ဗာဗုလုန်ဗြို့ ပြိုက္လဟှူကြောန်း
\p
\v 1 အယ်ဘီးန ရရာတိုင်း ကီးဟှူ ခွမ့်အာဏာန ကောန်းဂန်ဟှ ဆင်းလာဟှူ တခြား ကောန်းဂန်တမန်တပါးဟှို ငါဗြင်ရဟှယ်။ မ္လေဂီးဟှာ သူ့ရဲ့ ဖောင်းသရေတော်ကြောန့် လန်းဘီးတော့‑က်ပလေဟှယ်။ 
\v 2 \x - \xo ၁၈.၂ \xo*\xt ဗျာ ၁၄.၈\xt*\x*သူဟှာ ရရာတိုင်း က္လယ်ဟှူသံန ကြွေးကြော်ဘီး “ဗာဗုလုန်ဗြို့ဂီးဟှာ ပြိုက္လလဟှားဘီ! ပြိုက္လလဟှားဘီး! အယ်ဗြို့ဟှာ နတ်ဆိုး နေဟှူနေရာ၊ ညစ်ညူးဟှူနတ်လေ နေဟှူနေရာ၊ ညစ်ညူးဟှူ ငှတ်မျိုးမျိုး မှီခိုဟှူနေရာန ညစ်ညူးဘီး ရွံဇာကောန်းဟှူ လိဆန်လေအားလောင်း မှီခိုဟှူနေရာ ဖြစ်ဟှားဘီ။ 
\v 3 ဖြားဖြစ်ကြောန့်နူးဆိုဟှာ လူမျိုးအားလောင်းဟှာ သူ့ရဲ့ တရားဘဲဟှူမေထုန်နဆိုင်ဟှူ ဒေါသစဗျစ်ရယ်ဟှို သော့‑က်ဂေ့ဘီး မ္လေးဂီးရဲ့ မန်းဂီးလေဟှာ သူ့နတူးဒူ တရားဘဲဟှူမေထုန်လောက်ဂေ့ဘီး ကမ္ဘာကူသယ်လေဟှာ သူ့ရဲ့ လွန်ကျူးဟှူ ဇိမ်ခံရှင်း ရှီဝါကြောန့် ကြွယ်ဝလာဂေ့ဟှယ်” ဆိုဘီး ပြောဟှယ်။
\p
\v 4 အယ်ဘီးန ကောန်းဂန်ဘောင်ဟှ တခြားသံတခုဟှို ငါကြားရဟှယ်။ အယ်သံဟှ
\q1 “ထွပ်လာဂေ့။ ငါ့ရဲ့ လူစုလေ၊ သူ့နားဟှနေ ထွပ်လာဂေ့ပါ။
\q2 သူ့ရဲ့ ပြစ်လေထဲဟှို ဆစ်ဆံဘီး ပါဝမ်ဂေ့န။
\q2 သူ့နတူးဒူ ပြစ်ဒန်ဟှို ခံဂေ့န။
\q1
\v 5 ဖြားဖြစ်ကြောန့်နူးဆိုဟှာ သူ့ရဲ့ ပြစ်လေဟှာ ကောန်းဂန်ဘောင်ထိ ရော့‑က်ဘီး
\q2 သူ့ရဲ့ တရားဘဲဟှူမှုလေဟှာ ဘုရားသခင်ဟှို ဒိရစေဟှူကြောန့် ဖြစ်ဟှယ်။
\q1
\v 6 သူပေးဟှားတိုင်း သူ့ဟှို ပ္လန်ပေးဂေ့ပါ။
\q2 သူလောက်ဟှားဇာလေဟှို နှေ့ဆတိုးဘီး ပ္လန်ပေးဂေ့ပါ။
\q1 သူရောစပ်ဟှားဟှူ ခွပ်မာ
\q2 သူ့တွပ်နှေ့ဆ ရောစပ်ပေးဂေ့ပါ။
\q1
\v 7 သူဟှာ ကိုယ့်ကိုယ်ကိုယ် ချီးမြှော့‑က်ဘီး စည်းဇိမ်ခံစားခဲ့မျှ
\q2 သူ့ဟှို ညှဉ်းဆဲရှင်းန ဝန်းနဲကြေကွဲရှင်းလေဟှို ပေးဂေ့ပါ။
\q1 ဖြားဖြစ်ကြောန့်နူးဆိုဟှာ ငါဟှာ မိဖုရားဖြစ်ဟှယ်။ မောက်ဆိုးမ မှုဟှ။
\q2 ငါဟှာ ဝန်းနဲကြေကွဲရှင်းလေဟှို ဖယ်ခါလည်း တွိကြောင်ရဟှို့ မှုဟှ ဆိုဘီး
\q1 သူ့စိထဲမာ ပြောဟှူကြောန့်ဖြစ်ဟှယ်။
\q1
\v 8 အယ်ကြောန်းကြောန့် ရောဂါဘေး၊ ဝန်းနဲကြေကွဲဟှူဘေး၊
\q2 စားရေဇာ ရရာတိုင်း ခေါန်းပါးဟှူဘေးလေဟှာ
\q1 သူ့ရဲ့ထတ်မာ တရစ်ဒဲ ရော့‑က်လာလေ့မယ်။
\q2 သူဟှာ မီးရှို့ရှင်းဟှိုလည်း ခံရလေ့မယ်။
\q1 ဖြားဖြစ်ကြောန့်နူးဆိုဟှာ သူ့ဟှို
\q2 တရားစီရင်ဟှူ ဘုရားသခင်ဟှာ
\q1 တဂိုးကီးဟှူကြောန့် ဖြစ်ဟှယ်” ဆိုဘီး ပြောဟှယ်။
\p
\v 9 သူ့နတူးဒူ တရားဘဲဟှူမေထုန် လောက်ဂေ့ဘီး စည်းဇိမ်ခံစားဂေ့ဟှူ မ္လေဂီးရဲ့ မန်းဂီးလေဟှာ သူ့ဟှို လောန်နေဟှူမီးခိုးဟှို ဗြင်ဂေ့ဟှူ ခီမာ သူ့တွပ် ရရာတိုင်း ငိုဂေ့ဟှယ်။ 
\v 10 အယ်လူလေဟှာ သူခံရဟှူညှဉ်းဆဲရှင်းဟှို ကြော့‑က်ဂေ့ဟှူကြောန့် ဝီးဟှရပ်ဘီး “ရရာတိုင်း ကီးဟှူဗြို့၊ အားကီးဟှူ ဗာဗုလုန်ဗြို့! နန်ဟှာ ဖြစ်မှဖြစ်ရလေ! ဖြစ်မှဖြစ်ရလေ! ဖြားဖြစ်ကြောန့်နူးဆိုဟှာ နန်ခံရဟှူ တရားစီရင်ရှင်းဟှာ ရရာတိုင်း တိုဟှူ ခီတခုမာ ပြစ်ဒန်စီရင်ရှင်းဟှို ခံရလေဘီ!” ဆိုဘီး ပြောဂေ့ဟှယ်။
\p
\v 11 မ္လေဂီးထတ်မာရှိဟှူ ကူသယ်လေဟှလည်း သူ့ရဲ့ ကူပစ်စီးလေဟှို ဝယ်ဟှို့သူ ယော့‑က်လည်း မှေ့ဘဲဟှူကြောန့် သူ့တွပ် ဝန်းနဲကြေကွဲဘီး ငိုဂေ့ဟှယ်။ 
\v 12 သူးနို့လေရဲ့ ကူပစ်စီးလေဟှာ ရွှေ၊ ငွေ၊ က္လော့‑က်မျတ်ရတနာ၊ ပုလဲ၊ ပိချော၊ ခရမ်းရောန်ဝတ်ထည်၊ ပိုးထည်၊ နီဟှူထည်၊ သစ်မွှီးမျိုးမျိုး၊ ဆင်စွယ်ပစ်စီးမျိုးမျိုး၊ ဖိုးကီးဟှူသစ်သား၊ ကြေးသံ၊ က္လော့‑က်ဖ္လူလေန လောက်ဟှားဟှူ ပစ်စီးမျိုးမျိုး၊ 
\v 13 သစ်ကြံပိုး၊ ဟမ်းရှစ်ဟှူမွှီးကြိုင်၊ နံ့သာပေါန်း၊ ဆီမွှီး၊ လောဗန်၊ စဗျစ်ရယ်၊ ဆီ၊ ဂျောင်မှု၊ ဂျောင်ဆန်၊ ကွဲနွားလိဆန်၊ သိုး၊ ဗြင်း၊ ဗြင်းရထား၊ လူ့ကိုယ်ခန္ဓာန လူလေရဲ့ သတ်လေဘဲ ဖြစ်ဂေ့ဟှယ်။ 
\v 14 ကူသယ်လေဟှ “နန်းနို့ရဲ့ စိနှလောင်းတတ်မတ်ဟှူ ရရာတိုင်း ကောန်းဟှူသစ်သီးလေလည်း ပျော့‑က်ဟှားဘီ။ စည်းဇိမ် ဂေါင်သရေလေလည်း ပျော့‑က်ဟှားဘီ။ အယ်ဇာလေဟှာ ဖယ်ခါလည်းရဟှို့ မှုဘီ” ဆိုဘီး ပြောဟှယ်။ 
\v 15 သူ့အားဖြင့် ကြွယ်ဝလာဂေ့ဘီး အယ်ကူပစ်စီးလေဟှို ပိုင်ဂေ့ဟှူသူလေဟှာ သူခံရဟှူ ညှဉ်းဆဲရှင်းဟှို ကြော့‑က်ဂေ့ဟှူကြောန့် ဝီးဟှရပ်ဘီးဟှာ ငိုဘီး၊ ရရာတိုင်း ဝန်းနဲဘီး 
\v 16 “ပိချော၊ ခရမ်းရောန်ထည်န နီရောန်ထည်ဟှို ဝတ်ဟှားဘီး ရွှေတန်ဆာ၊ က္လော့‑က်မြတ်ရတနာန ပုလဲလေဟှို ဆင်ဟှားဟှူဗြို့ဂီး! နန်ဟှာ ဖြစ်မှဖြစ်ရလေ! ဖြစ်မှဖြစ်ရလေ! 
\v 17 ဖြားဖြစ်ကြောန့်နူးဆိုဟှာ အယ်မျှလော့‑က် များဟှူစည်းဇိမ်ဟှာ တနာရီထဲမာ လောင်းဝ ဖျစ်ဆီးရှင်းဟှို ခံရဟှယ်” ဆိုဘီး ပြောလေ့မယ်။ ရေယာဉ်မှူးန ခရီးသယ်လေအားလောင်း၊ သန်းဖောသားလေန ရေလမ်းမာ ကူသယ်လောက်နေဂေ့ဟှူ လူလေ အားလောင်းဂူဟှာ ဝီးဟှရပ်ဘီး
\p
\v 18 သူ့ဟှို လောန်နေဟှူမီးဟှ မီးခီုးလေဟှို ဗြင်ဘီး “ဖယ်ခါဒူးဟှလည်း အယ်ဗြို့ထတ် ခမ်းနားဟှူဗြို့ ရှိဖူးဟှ!” ဆိုဘီး အော်ပြောဂေ့ဟှယ်။ 
\v 19 သူးနို့ဟှာ မ္လေမုဟှို သူးနို့ခေါန်းထတ်ဟှို ပစ်တန်ဘီး၊ ဝန်းနဲကြွေကွဲဘီး၊ ငိုဂေ့ဘီးဟှာ “သူးနို့ရဲ့ ဖိုးတန်ဟှူ ပစ်စီးလေကြောန့် ပန်လယ်ထဲမာရှိဟှူ သန်းဖောလေဟှို ပိုင်ဂေ့ဟှူသူ ရှိမျှဟှို ကြွယ်ဝစေဟှူ ရရာတိုင်း ကီးဟှူဗြို့! နန်ဟှာ တနာရီထဲမာဘဲ လောင်းဝ ဖျစ်ဆီရှင်းဟှို ခံရဟှူကြောန့် ဖြစ်မှဖြစ်ရလေ! ဖြစ်မှဖြစ်ရလေ!” ဆိုဘီး အော်ဘီးပြောဂေ့ဟှယ်။
\p
\v 20 ကောန်းဂန်ဘောင်ဟှစဘီး သန့်ရှင်းဟှူသူလေ၊ တမန်တော်လေန ပရောဖက်လေ၊ အယ်ဗြို့ရဲ့ ဖြစ်ပျစ်ကြောန့် ဝန်းသာဂေ့ပါ။ ဖြားဖြစ်ကြောန့်နူးဆိုဟှာ ဘုရားသခင်ဟှာ နန်းနို့ ဖတ်မာနေဘီး အယ်ဗြို့ထတ်ဟှို ပြစ်ဒန်စီရင်ရှင်းဟှို ရော့‑က်စေဟှယ် ဆိုဘီး ပြောဇာဟှို ငါကြားရဟှယ်။
\p
\v 21 အယ်ဘီးန ခွန်အားကီးဟှူ ကောန်းဂန်တမန်တပါးဟှာ ရရာတိုင်း ကီးဟှူ က္လီဆောင်မျိုး က္လော့‑က်တောင်းတတောင်းဟှို ခီဘီးဟှာ ပန်လယ်ထဲဟှို ခ္လဘီး “ဗာဗုလုန်ဗြို့ဂီးဟှာ အယ်မျိုးဘဲ ပစ်ခ္လရှင်းဟှို ခံရဘီး လောင်းဝ တွိရဟှို့ မှုဘီ။ 
\v 22 စောန်းသမား၊ ဂီတသမား၊ ပလွေသမား၊ တံပိုးခရာမှုမားလေရဲ့ တီးမှုသံဟှို နန်းနို့ထဲမာ လောင်းဝ တွိရဟှို့ မှုဘီ။ က္လိဆောင်သံဟှိုလည်း လောင်းဝ ကြားရဟှို့ မှုဘီ။ 
\v 23 ဆီမီးရဲ့ လန်းရောန်ဟှိုလည်း နန်းနို့ထဲမာ လောင်းဝ လန်းဟှို့ မှုဘီ။ မင်္ဂလာဆောန်ဟှူ ဒို့သားန ဒို့သမီးလေရဲ့ သံဟှိုလည်း နန်းနို့ထဲမာ လောင်းဝ ကြားရဟှို့ မှုဘီ။ ဖြားဖြစ်ကြောန့်နူးဆိုဟှာ နန့်ရဲ့ ကူသယ်လေဟှာ မ္လေဂီးရဲ့ အာဏာကီးမာဟှူသူလေ ဖြစ်ဂေ့ဟှယ်။ လူမျိုးအားလောင်းဟှာ နန်းနို့ရဲ့ ပြုစားရှင်းန လှည့်ဖြားဇာဟှို ခံရဂေ့ဟှယ်” ဆိုဘီး ပြောလေဟှယ်။
\p
\v 24 ပရောဖက်လေ၊ သန့်ရှင်းဟှူသူလေန မ္လေဂီးထတ်မာ သေသတ်ခံရဟှူ လူလေ အားလောင်းဂူရဲ့ သွီးလေဟှိုလည်း အယ်ဗြို့မာတွိရဟှယ်။
\c 19
\p
\v 1 အယ်ဘီးန ကောန်းဂန်မာရှိဟှူ လူလေဘောင်ဂီးရဲ့ ရရာတိုင်း က္လယ်ဟှူ သံမျိုး ငါကြားရဟှယ်။ သူးနို့ဟှ “ဟာလေလုယာ! ကယ်တန်ရှင်း၊ ဖောင်းသရေတော်န တဂိုးတော်လေဟှာ နို့လေရဲ့ ဘုရားသခင်န ဆိုင်ဟှယ်။ 
\v 2 ဖြားဖြစ်ကြောန့်နူးဆိုဟှာ ကိုယ်တော်ရဲ့ တရားစီရင်ရှင်းလေဟှာ ဖြောန့်မတ်မှန်ကန်ဟှယ်။ တရားဘဲဟှူမေထုန် လောက်ရှင်းလေန မ္လေးဂီးဟှို ပျစ်စီးစေဟှူ ပြည့်တန်ဆာမဟှို ကိုယ်တော်ဟှာ စီရင်ဘီး သူ့ရဲ့ လတ်မာမွဲနေဟှူ ကိုယ်တော်စေခံလေရဲ့ သွီးတွပ် ဒန်ခတ်လိုက်ဟှယ်” ဆိုဘီး ပြောဂေ့ဟှယ်။ 
\v 3 အယ်ဘီးန သူးနို့လေဟှာ “ဟာလေလုယာ! မီးခိုးဟှာ ကမ္ဘာဆစ်ဆစ် တတ်ဘီးရှိနေဟှယ်” ဆိုဘီး ပြောဂေ့ဟှယ်။ 
\v 4 သတ်ကီးဝါဂီးလေ ၂၄ ပါးန သတ္တဝါလေးပါးဟှလည်း ပျပ်ဝပ်ဘီးဟှာ ပလ္လင်ထတ်မာထိုင်နေဟှူ ဘုရားသခင်ဟှို ကိုးကွယ်ဘီးဟှာ “အာမင်! ဟာလေလုယာ!” ဆိုဘီး ပြောဂေ့ဟှယ်။
\s သိုးသားဂန်းဟှားရဲ့ အီတတ်ပွဲ
\p
\v 5 ပလ္လင်ထဲဟှ ထွပ်လာဟှူ သံဟှလည်း “ဘုရားသခင်ရဲ့ စေခံလေန ဘုရားသခင်ဟှို ကြော့‑က်ဂေ့ဟှူ လူဂီးလူငယ်လေ အားလောင်းဂူဟှ နို့လေရဲ့ ဘုရားသခင်ဟှို ချီးမွမ်းဂေ့ပါ” ဆိုဘီး ပြောဟှယ်။
\p
\v 6 အယ်ဘီးန လူဘောင်ဂီးရဲ့ သံလေနရော၊ ရေကဒန်ဟှနေ က္လဟှူရေသံနရော၊ ပြင်းထန်ဟှူမိုးကြိုးသံနရော တူဟှူသံဟှ “ဟာလေလုယာ! အနန္တတဂိုးန ပ္လဲ့ဇောင်ဟှူ နို့လေရဲ့ ဘုရားသခင်ဟှာ စိုးစံတော်မူဟှယ်။ 
\v 7 နို့လေဟှာ ဝန်းသာရွှင်လန်းဘီး ကိုယ်တော်ရဲ့ ဖောင်းသရေတော်ဟှို ချီးမွမ်းဂေ့ဇို့။ ဖြားဖြစ်ကြောန့်နူးဆိုဟှာ သိုးသားဂန်းဟှားရဲ့ အီတတ်ပွဲဟှာ ခီက္လလာဟှူကြောန့် သူ့ရဲ့ ဒို့သမီးဟှာ သူ့ကိုယ်သူ သင့်ပြင်ဆင်လေဘီ။ 
\v 8 အယ်ဒို့သမီးဟှာ စင်ကြယ်တော့‑က်ပဟှူ ပိချောထည်ဟှို ဝတ်ဆင်ခွမ့်ရဟှယ်။ အယ်ပိချောဟှာ သန့်ရှင်းသူလေရဲ့ ဖြောန့်မတ်ဟှူကျင့် ဖြစ်ဟှယ်” ဆိုဘီး ပြောဇာဟှို ငါကြားရဟှယ်။
\p
\v 9 \x - \xo ၁၉.၉ \xo*\xt မ ၂၂.၂,၃\xt*\x*အယ်ဘီးန ကောန်းဂန်တမန်ဟှ “သိုးသားဂန်းဟှားရဲ့ အီတတ်ပွဲဟှို ဖိခေါ်ခံရဟှူ သူလေဟှာ မင်္ဂလာရှိဂေ့ဟှယ် ဆိုဘီး ရေးဟှားပါ” ဆိုဘီး ငါ့ဟှို ပြောဘီးဟှာ “အယ်ဇာဟှာ ဘုရားသခင်ရဲ့ ဖြောန့်မတ်မှန်ကန်ဟှူ စကားတော်ဖြစ်ဟှယ်” ဆိုဘီး ပြောလေဟှယ်။
\p
\v 10 အယ်ခီမာ ငါဟှာ အယ်ကောန်းဂန်တမန်ဟှို ကိုးကွယ်ဟှို့တွပ့် ပျပ်ဝပ်ဟှူ ခီမာ သူဟှ “အယ်မျိုးလောက်န။ ငါဟှာ နန်ဟှနေစဘီး ယေရှုနဆိုင်ဟှူ သတ်သေခံချစ်ဟှို ရဟှားဟှူ နန်းနို့လေရဲ့ ညီကို၊ လောက်ဖော်ဆောန်ဖတ် စေခံဘဲ့ ဖြစ်ဟှယ်။ ဘုရားသခင်ဟှိုဘဲ့ ကိုးကွယ်ပါ” ဆိုဘီး ပြောဟှယ်။
\p ဖြားဖြစ်ကြောန့်နူးဆိုဟှာ ယေရှုနဆိုင်ဟှူ သတ်သေခံချစ်ဟှာ ပရောဖက်ပြုဘီး ဟောပြောဟှူဝိညာဉ်ဖြစ်ဟှယ်။
\s ဗြင်းဖ္လူစီးဟှူသူကြောန်း
\p
\v 11 အယ်ဘီးန ငါကေ့လိုက်ဟှူ ခီမာ ကောန်းဂန်ဟှာ ပွပ်နေဘီး ဗြင်းဖ္လူတကောန်ရှိဟှယ်။ ဗြင်းထတ်မာထိုင်နေဟှူသူဟှာ သစ်စာရှိဟှူသူ၊ မှန်ကန်ဟှူသူ ဆိုဘီး ခေါ်ရှင်းဟှို ခံရဟှယ်။ သူဟှာ ဖြောန့်ဖြောန့်မတ်မတ်ဟှား တရားစီရင်ဘီး စစ်တိုက်လေဟှယ်။ 
\v 12 သူ့ရဲ့ မျစ်စိလေဟှာ မီးလျှံမျိုးဖြစ်ဘီး သူ့ရဲ့ ခေါန်းထတ်မာ သရဖူလေဆောန်းဟှားဟှယ်။ သူ့မာရေးဟှားဟှူ နာမတခုရှိဘီး အယ်ဇာဟှို သူကိုယ်တိုင်ဘဲ့သိဘီး ဖယ်သူလည်းသိဟှ။ 
\v 13 သူဟှာ သွီးနနှစ်ဟှားဟှူဝတ်ဟှို ဝတ်ဟှားဘီး သူ့ရဲ့နာမယ်ဟှာ ဘုရားသခင်ရဲ့ စကားတော် ဆိုဘီး ခေါ်ဟှယ်။ 
\v 14 ကောန်းဂန်ဗိုလ်ခေလေဟှာ စင်ကြယ်ဟှူပိချောထည်ဟှို ဝတ်ဟှားဂေ့ဘီး ဗြင်းဖ္လူဟှို စီးဘီးဟှာ သူ့နော့‑က်ဟှို လိုက်ဂေ့ဟှယ်။ 
\v 15 \x - \xo ၁၉.၁၅ \xo*\xt ဗျာ ၁၄.၂၀\xt*\x*လူမျိုးတကာဟှို နှိမ်နင်းဟှို့တွပ် ထတ်ဟှူသန်လျက်ဟှာ သူ့ရဲ့ ဇပ်ပေါ့‑က်ထဲဟှ ထွပ်နေဟှယ်။ သူဟှာ အယ်သူလေဟှို သံလှံတံန အောက်စိုးလေ့မယ်။ သူဟှာ အနန္တတဂိုးနပ္လဲ့ဇောင်ဟှူ ဘုရားသခင်ရဲ့ မျစ်တော်နဆိုင်ဘီး ပြင်းထန်ဟှူ စဗျစ်ရယ်န စဗျစ်သီးနယ်ဟှူတွမ်းဟှို တတ်နန်းလေ့မယ်။ 
\v 16 သူ့ရဲ့ဝတ်နပေါန်မာ မန်းဂီးတကာလေရဲ့ မန်းဂီး၊ သခင်တကာလေရဲ့ သခင် ဆိုဘီး ရေဟှားဟှူ ဘွဲ့နာမရှိဟှယ်။
\p
\v 17 အယ်ဘီးန နေထဲမာရပ်နေဟှူ ကောန်းဂန်တမန်တပါးဟှို ငါဗြင်ရဟှယ်။ သူဟှာ ကောန်းဂန်လယ်မာ ပ္လံနေဟှူငှတ်အားလောင်းဟှို “ဘုရားသခင်ရဲ့ ညစာစားဗွဲဟှို လာဘီးစုဂေ့ပါ။ 
\v 18 မန်းဂီးလေရဲ့ သား၊ တပ်မှူးလေရဲ့ သား၊ စစ်သားလေရဲ့ သား၊ ဗြင်းနဗြင်းစီးဟှူသူလေရဲ့ သား၊ လူလွတ်န ကျွန်လေဟှစဘီး လူဂီးလူငယ်ရှိမျှလေရဲ့ သားဟှို လာဘီးစားဂေ့ပါ” ဆိုဘီး ရရာတိုင်းက္လယ်ဟှူသံန ကြွေးကြော်ဂေ့ဟှယ်။
\p
\v 19 အယ်ခီမာ သားရဲတကောန်ဟှစဘီး မ္လေဂီးရဲ့ မန်းဂီးလေန သူးနို့ရဲ့ ဗိုလ်ခေလေဟှာ ဗြင်းစီးဟှူသူန သူ့ရဲ့ ဗိုလ်ခေလေဟှို စစ်တိုက်ဟှို့တွပ် စုနေဇာဟှို ငါဗြင်ရဟှယ်။ 
\v 20 \x - \xo ၁၉.၂၀ \xo*\xt ဗျာ ၁၃.၁–၁၈\xt*\x*သားရဲန ပရောဖက်တုယောန်လေဟှာ ဖမ်းခံရဟှယ်။ အယ်ပရောဖက်တုယောန်ဟှာ သားရဲရဲ့ရှေ့မာ နိမိတ်လတ်ခဏာလေဟှို လောက်ဘီး၊ အယ်နိမိတ်လတ်ခဏာအားဖြင့် သားရဲရဲ့ဇိဟှို ယူဘီး သူ့ရဲ့ရောက်ထုဟှို ကိုးကွယ်ဟှူသူလေဟှို လှည့်ဖြားဟှူသူဖြစ်ဟှယ်။ သတ်ရှင်ဘီးရှိနေဟှူ အယ်သူနှေ့ယော့‑က်လောင်းဟှာ ကန့်နရောဘီး လောန်နေဟှူ မီးအိုင်ထဲဟှို ရှင်လတ်လတ် ပစ်ခ္လရှင်းဟှိူ ခံရဂေ့ဟှယ်။ 
\v 21 ကျန်ရစ်ဟှူသူလေဟှ ဗြင်းစီးဟှူသူရဲ့ ဇပ်ပေါ့‑က်ထဲဟှထွပ်ဟှူ သန်လျက်န သတ်ပစ်ရှင်းဟှို ခံရဘီး ငှတ်အားလောင်းဟှာ သူးနို့လေရဲ့ သားဟှို ဗိုက်ဝအောန် စားရဂေ့ဟှယ်။
\c 20
\s နှစ်တထောန်
\p
\v 1 အယ်ဘီးန ကောန်းဂန်တမန်တပါးဟှာ နတ်ဆောင်းတွမ်းရဲ့ သော့‑က်န ရရာတိုင်း ကီးဟှူ သံကြိုးလေဟှို သူ့ရဲ့လတ်မာ ကိုင်ဟှားဘီး ကောန်းဂန်ဘောင်ဟှ ဆင်းလာဇာဟှို ငါဗြင်ရဟှယ်။ 
\v 2 သူဟှာ စာတန်မာရ်နတ်ဖြစ်ဟှူ၊ ရှေးဗွီဟောန်းဖြစ်ဟှူ နဂါးဟှို ဖမ်းဘီး နှစ်တထောန်ခယ်ဟှားဟှယ်။ 
\v 3 နှစ်တထောန်ကူဟှူခီထိ လူလေဟှို နော့‑က်ထပ် လှည့်ဖြားနိုင်ဘဲနေအောန် သူ့ဟှို နတ်ဆောင်းတွမ်းထဲဟှို ပစ်ခ္လဘီး၊ ပိဟှားလိုက်ဘီး ဇိနခတ်ဟှားလေဟှယ်။ အယ်ခီကာလကူဘီးမှ သူ့ဟှို ရှစ်ဟှားလွတ်ပေးရဟှယ်။
\p
\v 4 အယ်ဘီးန ပလ္လင်လေန အယ်ပလ္လင်ထတ်မာ ထိုင်နေဟှူ သူလေဟှို ငါဗြင်ရဟှယ်။ အယ်သူလေဟှာ တရားစီရင်ဟှို့ ခွမ့်အာဏာဟှို ရဂေ့ဟှယ်။ အယ်ဘီးဟှာ ယေရှုနဆိုင်ဟှူ သတ်သေခံချစ်တွပ်ရော၊ ဘုရားသခင်ရဲ့ စကားတော်တွပ်ရော၊ ခေါန်းဖြတ်ခံရဟှူ သူလေရဲ့ ဝိညာဉ်လေန သားရဲန သားရဲရဲ့ရောက်ထုဟှို ကိုးကွယ်ဘဲ သူ့ရဲ့ဇိဟှိုရော၊ သူးနို့လေရဲ့ ဖူးမာ အယ်မျိုမှုဘဲဟှာ လတ်မာ ခံဘဲဟှူ သူလေဟှိုရော ငါဗြင်ရဟှယ်။ သူးနို့ဟှာ သတ်ပ္လန်ရှင်ဘီး နှစ်တထောန်လောင်းလောင်း ခရစ်တော်နတူးဒူ အောက်စိုးရဂေ့ဟှယ်။ 
\v 5 ရင်ဟှသေဟှားဟှူ သူလေဟှာ နှစ်တထောန်ကူခန်ထိ သတ်ရှင်ရဂေ့ဟှ။ အယ်ဇာဟှာ ပထမ ထမြော့‑က်ရှင်း ဖြစ်ဟှယ်။ 
\v 6 ပထမ ထမြော့‑က်ရှင်းမာ ပါဟှူသူဟှာ မင်္ဂလာရှိဟှူသူ၊ သန့်ရှင်းဟှူသူ ဖြစ်ဟှယ်။ ဒုတိယ သေရှင်းဟှာ သူးနို့လေထတ်မာ တဂိုးမှေ့ဟှမ်း။ သူးနို့ဟှာ ဘုရားသခင်န ခရစ်တော်ရဲ့ ယဇ်ပုရောဟိတ်လေ ဖြစ်ဂေ့ဘီး ခရစ်တော်နတူးဒူ နှစ်တထောန် အောက်စိုးဂေ့လေ့မယ်။
\s စာတန် ရှောင်းဟှားဟှူကြောန်း
\p
\v 7 အယ်နှစ်တထောန် ကူဟှားဟှူ ခီမာ စာတန်ဟှာ သူခယ်ဟှားခံရဟှူ တွမ်းထဲဟှနေ လွတ်ပေးရှင်းဟှိုခံရဘီး 
\v 8 မ္လေဂီးလေးမျစ်နှာမာရှိဟှူ လူမျိုးလေဖြစ်ဂေ့ဟှူ ဂေါဂ၊ မာဂေါဂဟှို လှည်းဖြားဟှို့တွပ်န စစ်ပွဲတွပ်၊ သူးနို့ဟှို စုဝေးဂေ့ဟှို့တွပ် ထွပ်ဟှားလေ့မယ်။ သူးနို့လေဟှာ ပန်လယ်သဲလောင်းလော့‑က် များဂေ့ဟှယ်။ 
\v 9 သူးနို့လေဟှာ မ္လေဂီးရဲ့ ရရာတိုင်းက္လယ်ဟှူနေရာဟှို တတ်လာဂေ့ဘီး သန့်ရှင်းသူလေရဲ့ တပ်စခန်းန ရှစ်ဇာကောန်းဟှူဗြို့ဟှို ဝိုင်းဟှားဂေ့ဟှယ်။ အယ်ခီမာ ကောန်းဂန်ဘောင်းဟှ မီးဟှာ က္လလာဘီး သူးနို့လေဟှာ လောန်ဘီးဟှာ ဖျစ်ဆီးခံရဂေ့ဟှယ်။ 
\v 10 သူးနို့ဟှို လှည့်ဖြားဟှူ မာရ်နတ်ဟှိုလည်း သားရဲ့န ပရောဖက်တုယောန်ရှိဟှူ၊ ကန့်နရောဟှားဟှူ မီးအိုင်ထဲဟှို ပစ်ခ္လရှင်းဟှို ခံရဟှယ်။ သူးနို့လေဟှာ နေ့ရောညဉ့်ရော ကမ္ဘာဆစ်ဆစ် ညှဉ်းဆဲရှင်းဟှို ခံရဂေ့လေ့မယ်။
\s နော့‑က်ဆောင်း တရားစီရင်ဟှူကြောန်း
\p
\v 11 အယ်ဘီးန ဖ္လူဟှူပလ္လင်ဂီးန အယ်ပလ္လင်ထတ်မာ ထိုင်နေဟှူ သခင်ဟှို ငါဟှာ ဗြင်ရဟှယ်။ ကောန်းဂန်န မ္လေဂီးဟှာ အယ်သခင်ရဲ့ရှေ့မာ ပျော့‑က်ဟှားဘီးဟှာ နေဟှို့နေရာ မှေ့ဟှမ်း။ 
\v 12 ရင်ဟှသေဟှားဂေ့ဟှူ ကီးငယ်လေဟှာ ပလ္လင်ရှေ့မာ ရပ်နေရှင်းဟှို ငါဗြင်ရဟှယ်။ စာစောန်လေဟှို ဖွမ့်ဟှားဘီး သတ်စာစောန်န တခြားစာစောန်ဟှိုလည်း ဖွမ့်ဟှားဟှယ်။ ရင်ဟှသေဟှားဟှူ သူလေဟှာ အယ်စာစောန်လေမာ ရေးဟှားတိုင်း သူးနို့လေရဲ့ လောက်ဟှူမှုလေတိုင်းဘဲ တရားစီရင်ရှင်းဟှို ခံရဂေ့ဟှယ်။ 
\v 13 ပန်လယ်ဟှာ သူမာရှိဟှူ လူသေလေဟှို ပေးလေဟှယ်။ သေရှင်းန မရဏာနိုင်ငံလေဟှလည်း သူ့မာရှိဟှူ လူသေလေဟှို ပေးလေဟှယ်။ အယ်ခီမာ လူလေ အားလောင်းဂူဟှာ သူးနို့ လောက်ဟှားဟှူတိုင်း တရားစီရင်ရှင်းဟှို ခံရဂေ့ဟှယ်။ 
\v 14 အယ်ဘီးန သေရှင်းန မရဏာနိုင်ငံဟှလည်း မီးအိုင်ထဲဟှို ပစ်ခ္လရှင်းဟှို ခံရဂေ့လေ့မယ်။ (အယ်မီးအိုင်ဟှာ ဒုတိယ သေရှင်း ဖြစ်ဟှယ်။) 
\v 15 သတ်စာစောန်မာ စရင်းဝမ်ဘဲဟှူသူ ရှိမျှဟှိုလည်း မီးအိုင်ထဲဟှို ပစ်ခ္လရှင်းဟှို ခံရဂေ့ဟှယ်။
\c 21
\s ကောန်းဂန်သစ်န မ္လေဂီးသစ်
\p
\v 1 \x - \xo ၂၁.၁ \xo*\xt ၂ ပေ ၃.၁၃\xt*\x*အယ်ဘီးန ကောန်းဂန်သစ်န မ္လေဂီးသစ်ဟှို ငါဗြင်ရဟှယ်။ ဖြားဖြစ်ကြောန့်နူးဆိုဟှာ ရင်ဟှ ကောန်းဂန်န မ္လေဂီးဟှာ ပျော့‑က်ဟှားဘီး ပန်လယ်လေလည်း မှေ့ဟှမ်း။ 
\v 2 \x - \xo ၂၁.၂ \xo*\xt ဗျာ ၃.၁၂\xt*\x*အယ်ဘီးဟှာ သန့်ရှင်းဟှူ ယေရုရှလင်ဗြို့သစ်ဟှာ ဒို့သားတွပ် တန်ဆာဆင်ဟှားဟှူ ဒို့သမီးမျိုး ပြင်ဆင်ဘီး ဘုရားသခင်နားဟှ ကောန်းဂန်ဘောင်ဟှ ဆင်းလာဇာဟှို ငါဗြင်ရဟှယ်။ 
\v 3 အယ်ဘီးန ပလ္လင်ထဲဟှ ရရာတိုင်း က္လယ်ဟှူသံဟှ “ကေ့ကေ့ပါ။ ဘုရားသခင်နေဟှူ တဲတော်ဟှာ လူလေထဲမာရှိဘီး ကိုယ်တော်ဟှာ သူးနို့နတူးဒူ စံမြန်းမယ်။ သူးနို့ဟှလည်း ကိုယ်တော်ရဲ့ လူမျိုးတော်ဖြစ်ဂေ့ဘီး၊ ဘုရားသခင်ကိုယ်တိုင် သူးနို့လေနရှိဘီး သူးနို့လေရဲ့ ဘုရားသခင် ဖြစ်တော်မူမယ်။ 
\v 4 ကိုယ်တော်ဟှာ သူးနို့လေရဲ့ မျစ်စိဟှ မျစ်ရယ်ရှိမျှဟှို သုပေးလေ့မယ်။ သေရှင်းလည်း ရှိဟှို့မှုဘီ။ ဝန်းနဲကြွေကွဲဇာ၊ ငိုဇာန နာကျင်ဟှူဝေဒနာလေလည်း ရှိဟှို့မှုဘီ။ ဖြားဖြစ်ကြောန့်နူးဆိုဟှာ ရင်ဟှဖြစ်ခဲ့ဟှူ ဇာလေဟှာ ပျော့‑က်ဟှားဘီ” ဆိုဘီး ပြောဇာဟှို ငါကြားရဟှယ်။
\p
\v 5 ပလ္လင်ထတ်မာထိုင်နေဟှူ သခင်ဟှလည်း “ကေ့ကေ့ပါ။ ငါဟှာ အားလောင်းဂူဟှို သစ်ဖြစ်စေဟှယ်” ဆိုဘီး မိန့်တော်မူဘီးန အယ်စကားဟှာ သစ်စာစကား၊ မှန်ဟှူစကား ဖြစ်ဟှူကြောန့် ရေးဟှားပါ ဆိုဘီး မိန့်တော်မူလေဟှယ်။ 
\v 6 မှုပီးဘီ။ “ငါဟှာ \tl အာလဖ\tl*န \tl ဩမေဃ\tl*ဖြစ်ဟှယ်။ စနဆောင်းလည်းဖြစ်ဟှယ်။ ရေငတ်ဟှူသူဟှို သတ်စမ်းရေဟှို ဖိုးယူဘဲနပေးဟှယ်။ 
\v 7 အောန်မြင်ဟှူသူဟှာ အယ်ဇာလေဟှို မွိဆစ်ခံရလေ့မယ်။ ငါဟှာ သူ့ရဲ့ ဘုရားသခင်ဖြစ်မယ်။ သူဟှလည်း ငါရဲ့ သားမီးလေ ဖြစ်လေ့မယ်။ 
\v 8 အယ်ဘေမဲ့ ကြော့‑က်တတ်ဟှူသူလေ၊ ယောင်ကြည်ဘဲဟှူသူလေ၊ ရွံဇာကောန်းဟှူသူလေ၊ လူသတ်ဟှူသူလေ၊ တရားဘဲမေထုန် လောက်ဟှူသူလေ၊ ပြုစားဟှူသူလေ၊ ရောက်ထုဟှို ကိုးကွယ်ဟှူသူလေန လိညာဟှူသူ အားလောင်းဂူဟှာ ကန့်နလောန်နေဟှူ မီးအိုင်ထဲဟှို ရော့‑က်ရဂေ့လေ့မယ်။ အယ်ဇာဟှာ ဒုတိယ သေရှင်းဖြစ်ဟှယ်” ဆိုဘီး မိန့်တော်မူလေဟှယ်။
\s ယေရုရှလင်ဗြို့သစ်
\p
\v 9 အယ်ဘီးန နော့‑က်ဆောင်းဘေးဒန် ခွန်နစ်ခုနပ္လဲ့နေဟှူ ဖလားခွန်နစ်လောင်းဟှို ကိုင်ဟှားဟှူ ကောန်းဂန်တမန် ခွန်နစ်ပါးထဲဟှ တပါးဟှာလာဘီး ငါ့နစကားပြောဘီး “လာပါ။ သိုးသားဂန်းဟှားရဲ့ မီးမဖြစ်ဟှူ ဒို့သမီးဟှို ငါပြမယ် ဆိုဘီး” ငါ့ဟှို ပြောဟှယ်။ 
\v 10 အယ်ကောန်းဂန်တမန်ဟှ ရရာတိုင်း ကီးဘီး ဗြစ်ဟှူတောန်ထတ်ဟှို ဝိညာဉ်တော်အားဖြင့် ငါ့ဟှို ခေါ်ဆောန်ဟှားဘီး ဘုရားသခင်နားဟှ ကောန်းဂန်ထတ်ဟှ ဆင်းလာဟှူ သန့်ရှင်းဟှူ ယေရုရှလင်ဗြို့ဟှို ငါ့ဟှို ပြလေဟှယ်။ 
\v 11 အယ်ဗြို့ဟှာ ဘုရားသခင်ရဲ့ ဖောင်းသရေတော်န ပ္လဲ့ဇောင်ဘီး လန်းရောန်ဟှာ က္လော့‑က်မြတ်ရတနာနတူဘီး က္လော့‑က်သလင်းမျိုး ရရာတိုင်း လန်းနေဟှူ နဂါးသွဲ့က္လော့‑က်မျိုး ဖြစ်ဟှယ်။ 
\v 12 အယ်ဗြို့မာ ရရာတိုင်း ကီးဘီး ဗြစ်ဟှူဗြို့ရိုးရှိဘီး ခွဗော့‑က်ဆယ်နှေ့ပေါ့‑က်ရှိဟှယ်။ ခွဗော့‑က်လေမာ ကောန်းဂန်တမန် ဆယ့်နှေ့ပါးရှိဘီး အယ်ခွဗော့‑က်ထတ်မာ ဣသရေလလူမျိုးလေရဲ့ မျိုးနွယ်စု ဆယ့်နှေ့နွယ်လေရဲ့ နာမယ်လေဟှို ရေးဟှားဟှယ်။ 
\v 13 ရှေ့ဖတ်မာ ခွဗော့‑က်သောင်းပေါ့‑က်၊ မြော့‑က်ဖတ်မာ ခွဗော့‑က်သောင်းပေါ့‑က်၊ တောန်ဖတ်မာ ခွဗော့‑က်သောင်းပေါ့‑က်၊ နော့‑က်ဖတ်မာ ခွဗော့‑က်သောင်းပေါ့‑က် ရှိဟှယ်။ 
\v 14 ဗြို့ရိုးဟှာ အုပြစ်ဆယ့်နှေ့ခုရှိဘီး အယ်ထတ်မာ သိုးသားဂန်းဟှားရဲ့ တမန်တော် ဆယ့်နှေ့ပါးလေရဲ့ နာမယ်ဆယ့်နှေ့ခုဟှို ရေးဟှားဟှယ်။ 
\v 15 ငါန စကားပြောဟှူ ကောန်းဂန်တမန်မာ အယ်ဗြို့ဟှိုရော၊ ဗြို့ရဲ့ခွဗော့‑က်န ဗြို့ရိုးဟှိုရော တိုင်းဟှို့တွပ် တိုင်းဇာ ရွှေကျူးလောင်းရှိဟှယ်။ 
\v 16 အယ်ဗြို့ဟှာ လေးထော့‑က်ပေါင်ရှိဘီး လျားနနံဟှာ တူဟှယ်။ ကောန်းဂန်တမန်ဟှာ ရွှေကျူလောင်းန ဗြို့ဟှိုတိုင်းဟှူ ခီမာ မိုင်ပေါန်း ၁,၃၈၀ လော့‑က် ရှိဘီး လျား၊ နံ၊ ဗြစ်လေဟှာ တူဂေ့ဟှယ်။ 
\v 17 ဗြို့ရိုးဒုဟှိုလည်း တိုင်းဟှူ ခီမာ ကောန်းဂန်တမန် တိုင်းဟှူဇာရော၊ လူလေတိုင်းဟှူဇာအားဖြင့် ဗြစ်\f + \fr ၂၁.၁၇ \fr*\fq ဗြစ်၊ \fq*\ft အယ်မျိုးမှုဟှဆိုဟှာ \ft*\fqa ထူ။\fqa*\f* ၂၁၆ ပေ ရှိဟှယ်။\f + \fr ၂၁.၁၇ \fr*\ft ဂရိကျမ်းရဲ့ ခန်းငယ် ၁၆ န ၁၇ ထဲမာ “၁၂,၀၀၀ ဖာလုံ” န “၁၄၄ ကုဗပေ” ဆိုဘီး ဖော်ပြဟှားဟှယ်။ အယ်တိုင်းတာဟှာ ပုံဆောင်ချစ် ဖြစ်နိုင်ဟှယ်။\ft*\f* 
\v 18 အယ်ဗြို့ရိုးဟှို နဂါးသွဲ့က္လော့‑က်န ဆော့‑က်ဟှားဘီး ဗြို့ဟှာ ရရာတိုင်း လန်းဟှူ ဖန်သားမျိုး ကြည်လင်ဘီး ရွှေစင်ဖြစ်ဟှယ်။ 
\v 19 ဗြို့ရိုးရဲ့ အုပြစ်ဟှို က္လော့‑က်မြတ်ရတနာ မျိုးမျိုးန တန်ဆာဆင်ဟှားဟှယ်။ ပထမ အုပြစ်ဟှာ နဂါးသွဲ့၊ ဒုတိယ အုပြစ်ဟှာ နီလာ၊ တတိယ အုပြစ်ဟှာ မဟူရာ၊ စတုတ္ထဟှာ မြ၊ 
\v 20 ပဉ္စမ ပြစ်ဟှာ ကြောင်၊ ဆဋ္ဌမ ပြစ်ဟှာ ပတ္တမြား၊ သတ္တမ ပြစ်ဟှာ သလင်းဝါ၊ အဋ္ဌမ ပြစ်ဟှာ မျက်ရွဲ၊ နဝမ ပြစ်ဟှာ ဥဿဖရား၊ ဒသမ ပြစ်ဟှာ မဟူရာစိမ်း၊ ဧကဒသမ ပြစ်ဟှာ နီလာသွီး၊ ဒွါဒသမ ပြစ်ဟှာ နီလာခရမ်းလေ ဖြစ်ဂေ့ဟှယ်။ 
\v 21 ဗြို့ခွဗော့‑က် ဆယ့်နှေ့ပေါ့‑က်လေဟှာ ပုလဲဆယ့်နှေ့လောင်းဖြစ်ဂေ့ဘီး ခွဗော့‑က်တပေါ့‑က်မာ ပုလဲတလောင်းစီန လောက်ဟှားဟှယ်။ ဗြို့ရဲ့ လမ်းမဟှာ ရရာတိုင်း စင်ကြယ်ဟှူ ဖန်သားနတူဟှူ ရွှေစင်ဖြစ်ဟှယ်။
\p
\v 22 အယ်ဗြို့မာ ဗိမာန်တော်ဟှို ငါတွိရဟှ။ ဖြားဖြစ်ကြောန့်နူးဆိုဟှာ အနန္တတဂိုးန ပ္လဲ့ဇောင်ဟှူ ဘုရားသခင်န သိုးသားဂန်းဟှားဟှာ အယ်ဗြို့ရဲ့ ဗိမာန်တော်ဖြစ်ဟှယ်။ 
\v 23 ဘုရားသခင်ရဲ့ ဖောင်းသရေတော်ဟှာ အယ်ဗြို့ဟှို လန်းစေဘီး သိုးသားဂန်းဟှားဟှာ အယ်ဗြို့ရဲ့ ဆီမီးဖြစ်ဟှူကြောန့် အယ်ဗြို့ဟှို လန်းစေဟှူကြောန့် နေန လလေဟှို လိုအပ်ဟှ။ 
\v 24 လူမျိုးတကာလေဟှာ အယ်ဗြို့ရဲ့ လန်းရောန်ဟှို မှီပြုဘီး သွားလာဂေ့လေ့မယ်။ မ္လေဂီးမာရှိဟှူ မန်းဂီးလေဟှာ သူးနို့လေရဲ့ ဖောင်းသရေတော်ဟှို အယ်ဗြို့ထဲဟှို ယူဆောန်လာဂေ့လေ့မယ်။ 
\v 25 အယ်နေရာမာ ညဉ့်မှေ့ဘဲဟှူကြောန့် ဗြို့ခွဗော့‑က်လေဟှို ဖယ်ခါလည်း ပိဟှားဟှ။ 
\v 26 လူမျိုးတကာလေဟှာ ဖောင်းသရေတော်န ဂေါင်သရေလေဟှို အယ်ဗြို့ထဲဟှို ယူလာဂေ့လေ့မယ်။ 
\v 27 စင်ကြယ်ဘဲဟှူဇာ ခုလည်း အယ်ဗြို့ထဲဟှို ဝမ်ရဟှို့ မှုဟှ။ ရွံဇာကောန်းသူန လိညာသူလေလည်း ဝမ်ရဟှို့ မှုဟှ။ သိုးသားဂန်းဟှားရဲ့ သတ်စာစောန်မာ စရင်းဝမ်ဟှူ သူလေဟှဘဲ့ ဝမ်ရဂေ့လေ့မယ်။
\c 22
\p
\v 1 အယ်ဘီးန ကောန်းဂန်တမန်ဟှာ က္လော့‑က်သလင်းမျိုး ရရာတိုင်း လန်းဘီး တော့‑က်ပနေဟှူ သတ်ရေစီးဟှူမ္လစ်ဟှို ငါ့ဟှို ပြလေဟှယ်။ အယ်မ္လစ်ဟှာ ဘုရားသခင်န သိုးသားဂန်းဟှားရဲ့ ပလ္လင်ဟှထွပ်ဘီး 
\v 2 ဗြို့ရဲ့ လမ်းမလယ် တရှော့‑က်လောင်းဟှို စီးဆင်းနေဟှယ်။ မ္လစ်ရဲ့ တဖတ်မာ တဆယ့်နှေ့မျိုးသီးဟှူ၊ တလဟှို တခါသီးဟှူ၊ ဆယ်နှေ့ခါသီးဟှူ သတ်ပန်ရှိဟှယ်။ အယ်ပန်ရဲ့ ဝပ်ဟှ လူမျိုးတကာလေဟှို ကျန်းမာစေဟှယ်။ 
\v 3 ကီဆဲခံရဇာ ခုလည်း ရှိဟှို့မှုဘီ။
\p ဘုရားသခင်န သိုးသားဂန်းဟှားရဲ့ ပလ္လင်ဟှာ အယ်ဗြို့မာရှိဘီး ကိုယ်တော်ရဲ့ စေခံလေဟှာ ကိုယ်တော့်ဟှို ကိုးကွယ်ဂေ့လေ့မယ်။ 
\v 4 သူးနို့ဟှာ ကိုယ်တော်ရဲ့ မျစ်နှာဟှို ဗြင်ရဂေ့လေ့မယ်။ ကိုယ်တော်ရဲ့ နာမတော်ဟှလည်း သူးနို့ဖူးမာ ရှိဂေ့လေ့မယ်။ 
\v 5 ညဉ့်လည်းရှိဟှို့ မှုဘီ။ ဘုရားသခင်ဟှာ သူးနို့ဟှို လန်းရောန်ပေးဟှားဟှူကြောန့် ဆီမီးရဲ့ လန်းရောန်န နေရဲ့ လန်းရောန်လေဟှိုလည်း လိုအပ်ဟှို့ မှုဘီ။ သူးနို့ဟှာ ကမ္ဘာဆစ်ဆစ် အောက်စိုးဂေ့လေ့မယ်။
\s ယေရှုကြွလာဟှူကြောန်း
\p
\v 6 အယ်ဘီးန ကောန်းဂန်တမန်ဟှ “အယ်စကားဟှာ သစ်စာစကား၊ မှန်ကန်ဟှူ စကားဖြစ်ဟှယ်။ ပရောဖက်လေရဲ့ ဝိညာဉ်လေဟှို ပိုင်ဟှူ ဘုရားသခင်ဟှာ ကြာခန်မာ ဖြစ်ရဟှို့ ဇာလေဟှို သူ့ရဲ့ စေခံလေဟှို ပြဟှို့တွပ် သူ့ရဲ့ ကောန်းဂန်တမန်ဟှို လွှတ်လိုက်ဟှယ်” ဆိုဘီး မိန့်တော်မူလေဟှယ်။
\p
\v 7 ယေရှုဟှ “နားထောန်ပါ။ ငါဟှာ ဗြန်းဗြန်ဟှားလာမယ်။ အယ်စာစောန်ထဲမာ ပရောဖက်ပြုဘီး ဟောပြောဟှူ စကားလေဟှို လိုက်နာဘီး စောန့်ထီးဟှူသူဟှာ မင်္ဂလာရှိဟှယ်” ဆိုဘီး မိန့်တော်မူဟှယ်။
\p
\v 8 ငါယောဟန်ဟှာ အယ်ကြောန်းရာလေဟှို ဗြင်ရကြားရဟှူသူ ဖြစ်ဟှယ်။ ငါဟှာ ဗြင်ရကြားရဟှူ ခီမာ အယ်ဇာလေဟှိုပြဟှူ ကောန်းဂန်တမန်ဟှို ကိုးကွယ်ဟှို့တွပ် သူ့ရဲ့ခေရင်းမာ ပျပ်ဝပ်ဟှူ ခီမာ 
\v 9 သူဟှ “အယ်မျိုးလောက်န။ ငါဟှာ နန်ဟှနေစဘီး နန့်ရဲ့ညီကိုလေ ဖြစ်ဂေ့ဟှူ ပရောဖက်လေန အယ်စာစောန်မာပါဟှူ စကားလေဟှို လိုက်နာစောန့်ထီးဟှူ သူလေရဲ့ စေခံဖြစ်ဟှယ်။ ဘုရားသခင်ဟှို ကိုးကွယ်ပါ” ဆိုဘီး ပြောဟှယ်။ 
\v 10 အယ်ဘီးန ကောန်းဂန်တမန်ဟှ “အယ်စာစောန်ထဲမာ ပရောဖက်ပြုဟှူ စကားလေဟှို ဇိခပ်န။ ဖြားဖြစ်ကြောန့်နူးဆိုဟှာ ခီဟှာ နီးကပ်လာဘီ။ 
\v 11 တရားဘဲဟှူသူဟှာ ဆစ်ဘီးဟှာ တရားဘဲဟှူဇာဟှို လောက်ပါစေ။ ညစ်ညူးဟှူသူဟှာ ညစ်ညူးဘီး နေပါစေ။ ဖြောန့်မတ်ဟှူသူဟှာ ဆစ်ဘီးဟှာ ဖြောန့်မတ်ဟှူမှုဟှို လောက်ပါစေ။ သန့်ရှင်းဟှူသူဟှာ ဆစ်ဘီးဟှာ သန့်ရှင်းပါစေ” ဆိုဘီး ငါ့ဟှိုပြောဟှယ်။
\p
\v 12 ယေရှုဟှ “နားထောန်ပါ။ ငါဟှာ ဗြန်းဗြန်ဟှားလာမယ်။ ငါပေးဟှို့ ကျိုးပြစ်လေဟှို ယူလာဘီး လူလေ အားလောင်းဂူဟှို သူးနို့လောက်ဟှူ ဇာလေတိုင်း ငါပေးမယ်။ 
\v 13 \x - \xo ၂၂.၁၃ က \xo*\xt ဗျာ ၁.၈; \xt*\xo ခ \xo*\xt ဗျာ ၁.၁၇; ၂.၈\xt*\x*ငါဟှာ အာလဖန ဩမေဃလည်း ဖြစ်ဟှယ်။ ဦးဆောင်းန နော့‑က်ဆောင်းဖြစ်ဘီး စနဆောင်းလည်း ဖြစ်ဟှယ်။
\p
\v 14 “ကိုယ်ရဲ့ ဝတ်လောင်ဟှို လျှော်ဘီး ဖ္လူအောန်လောက်ဟှူ သူဟှာ သတ်ပန်ရဲ့သီးဟှို စားရဟှူခွမ့်န ခွဗော့‑က်ဟှနေဘီး ဗြို့ထဲဟှို ဝမ်ရဟှူခွမ့်ဟှို ရဂေ့ဟှူ သူလေဟှာ မင်္ဂလာရှိဂေ့ဟှယ်။ 
\v 15 ပ္လန်မာဟှ ခွီးဖြစ်ဟှူသူ၊ ပြုဇားတတ်ဟှူသူ၊ တရားဘဲဟှူမေထုန်လောက်ဟှူသူ၊ လူဟှိုသတ်ဟှူသူ၊ ရောက်ထုဟှို ကိုးကွယ်ဟှူသူန မုသားဟှို နှစ်သက်ဘီး ကျင့်ဂေ့ဟှူသူလေ ရှိဂေ့ဟှယ်။”
\p
\v 16 “ငါယေရှုဟှာ သင်းတော်လေတွပ် အယ်ကြောန်းရာလေဟှို နန်းနို့ဟှို သတ်သေခံဟှို့တွပ် ငါ့ရဲ့ ကောန်းဂန်တမန်ဟှို လွှတ်လိုက်ဟှယ်။ ငါဟှာ ဒါဝိဒ်ရဲ့မ္လစ်န မျိုးနွယ်ဖြစ်ဘီး ရရာတိုင်း လန်းဟှူ မိုးသောက်ကြယ်ဖြစ်ဟှယ်” ဆိုဘီး မိန့်တော်မူဟှယ်။
\p
\v 17 ဝိညာဉ်တော်န ဒို့သမီးလေဟှာ “လာဂေ့ပါ” ဆိုဘီးပြောဟှယ်။
\p ကြားရဟှူသူဟှလည်း “လာဂေ့ပါ” ဆိုဘီး ပြောဂေ့စေ။
\p ရေငတ်ဟှူသူဟှာ လာပါစေ။ သတ်ရေဟှို လိုရှင်ဟှူသူဟှာ အလဂါး ယူပါစေ။
\s နိဂေါင်း
\p
\v 18 အယ်စာစောန်မာပါဟှူ ပရောဖက်ပြုဘီး ဟောပြောဟှူစကားလေဟှို ကြားရဟှူသူတိုင်းဟှို ငါ့သတ်သေခံရှင်းလေဟှို ဖယ်သူဘဲ့ဖြစ်ဖြစ် သစ်ပ္လန်ထဲ့မယ် ဆိုဟှာ ဘုရားသခင်ဟှာ အယ်စာစောန်မာ ရေးဟှားဟှူ ဘေးဒန်လေဟှို အယ်သူထတ်မာ ရော့‑က်စေလေ့မယ်။ 
\v 19 ဖယ်သူဘဲ့ဖြစ်ဖြစ် အယ်ပရောဖက်ပြုဘီး ဟောပြောဟှားဟှူ စာစောန်ထဲမာ စကားလေဟှို ဖယ်ပစ်မယ် ဆိုဟှာ အယ်စာစောန်မာရေးဟှားဟှူ သတ်ပန်နရော၊ သန့်ရှင်းဟှူဗြို့ဟှိုရော၊ အယ်သူနဆိုင်ဟှူဇာလေဟှိုရော ဘုရားသခင်ဟှာ နုပစ်လေ့မယ်။
\p
\v 20 အယ်ကြောန်းရာလေဟှို သတ်သေခံဟှူ သခင်ဟှာ “မှန်ပါဟှယ်! ငါဟှာ ဗြန်းဗြန်ဟှားလာမယ်!” ဆိုဘီး မိန့်တော်မူလေဟှယ်။
\p အာမင်! သခင်ယေရှု ကြွလာတော်မူပါ!
\p
\v 21 သခင်ယေရှုရဲ့ ကျေးဇူးတော်ဟှာ သန့်ရှင်းဟှူသူ အားလောင်း\f + \fr ၂၂.၂၁ \fr*\fq အားလောင်း၊ \fq*\ft တချို့ မူရင်းလတ်ရေးမူလေမာ \ft*\fqa ဘုရားသခင်ရဲ့ လူမျိုးတော်၊ \fqa*\ft ဆိုဘီး ပါရှိဟှယ်။ \ft*\ft တခြား မူရင်းလတ်ရေးမူလေမာ \ft*\fqa ဘုရားသခင်ရဲ့ လူမျိုးတော်လေ အားလောင်း၊ \fqa*\ft ဆိုဘီး ပါရှိဟှယ်။\ft*\f*နတူးဒူ ရှိပါစေ။ အာမင်။