\id PHM - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ဖိလေမုန်
\toc1 ဖိလေမုန်ဟှို ပေါလုရဲ့ ပေးစာ
\toc2 ဖိလေမုန်
\toc3 ဖိလေ
\mt1 ဖိလေမုန်
\mt2 ဟှို ပေါလုရဲ့ ပေးစာ
\imt နိဒါန်း
\im တိုးတိုဟှားဘဲ့ရှိဟှူ ဖိလေမုန်စာစောန်ဟှို တမန်တော် ပေါလုဟှ ရေးဟှားဟှယ် (\xt ၁.၁\xt*)။ ပေါလုဟှာ အယ်မူပေးစာဟှို ရေးနေဟှူ ခီမာ သူဟှာ ထောန်က္လနေဟှယ်။ အယ်ကြောန့် သူဟှာ အယ်မူပေးစာဟှို ရောမဗြို့ဟှနေ ရေးဟှားဇာဖြစ်နိုင်ဟှယ်။ သူဟှာ ရောမဗြို့မာရှိနေဟှယ် ဆိုဟှာ အယ်မူပေးစာဟှို ခရစ်တော် မွီးဖွားဘီးန ၆၁ ခုနှစ်လော့‑က်မာ ရေးဟှားဇာဖြစ်လေ့မယ်။ အယ်ဆိုဟှာ သူဟှာ အယ်ပေးစာဟှို ကောလောသဲဗြို့ဟှို ရေးဟှူစာန တခီဒဲဖြစ်လေ့မယ်။
\ip သူဟှာ အယ်မူပေးစာဟှို ဖိလေမုန် နာမယ်ရှိဟှူ လူတယော့‑က်နားဟှို ရေးဟှားဟှယ်။ ဖိလေမုန်ဟှာ သင်းသား တယော့‑က်ဖြစ်ဘီး ကျွန်ဇရှင် တယော့‑က်လည်း ဖြစ်လေဟှယ်။ ဖိလေမုန်နားဟှနေ ထွပ်ပ္လေးဟှားဟှူ သူ့ရဲ့ ကျွန် ဩနေသိမ်ဟှို ပြစ်ဒန်ပေးဘဲနေအောန် တောန်းဆိုဟှို့တွပ် ပေါလုဟှာ သူ့နားဟှို စာရေးဟှားလေဟှယ်။ ရောမဥပဒေရ ဖိလေမုန်ဟှာ ဩနေသိမ်ဟှို သတ်ပိုင်ခွမ့်ရှိဟှယ်။ ခရစ်ယာန်ညီကို တယော့‑က်ဖြစ် ဩနေသိမ်ဟှို လတ်ခံဟှို့တွပ် ဖိလေမုန်ဟှို အားပေးဟှို့ ဆိုဘီး ပေါလုဟှာ စည်းရောင်းမှု အားကောန်းဟှူ ဂြင်းခူချစ်လေဟှို သောင်းပြုဟှားဘီး ဩနေသိမ်ဟှို ပေါလုနားမာ ကူညီဟှို့တွပ် ခွမ့်ပြုပေးဟှို့ ဆိုဘီး ကြံတောင်းပေးဟှားသေးဟှယ် (\xt ၁.၁၃–၁၄\xt*)။
\iot ကြောန်းရာ ကျဉ်းချောက်
\io1 ၁။ ပေါလုဟှာ ဖိလေမုန်ဟှို နှော့‑က်ဆစ်ဟှားဟှူကြောန်း \ior (၁–၃)\ior*
\io1 ၂။ ဖိလေမုန်ဟှ ဩနေသိမ်ဟှို ခရစ်ယာန်ညီကို တယော့‑က်ဖြစ် လတ်ခံပေးဟှို့ ဆိုဘီး ပေါလုဟှာ ဩနေသိမ်ကိုယ်စား တောန်းဆိုပေးဟှားဟှူကြောန်း \ior (၄–၂၁)\ior*
\io1 ၃။ ပေါလုဟှာ အီးခ္လယ်သွားဟှို့န နှော့‑က်ဆစ်စကား ပြောရှင်းအားဖြင့် နိဂေါင်းချောက်ဟှားဟှူကြောန်း \ior (၂၂–၂၅)\ior*
\ie
\c 1
\po
\v 1 ယေရှုခရစ်တော်ရဲ့ မှုတော်အားဖြင့် ကျဉ်းက္လခံနေရဟှူသူ ငါပေါလုန ငါ့ညီတိမောသေဟှာ —
\po နို့လေရှစ်ရဟှူ လောက်ဖော်ဆောန်ဖတ် ဖိလေမုန်ဟှနေစဘီး 
\v 2 \x - \xo ၂ \xo*\xt ကော ၄.၁၇\xt*\x*နို့လေရှစ်ရဟှူညီမ အပ္ပိ၊ နို့လေရဲ့စစ်သူရဲလေဖြစ်ဟှူ အာခိပ္ပုဟှနေစဘီး နန့်ရဲ့အီမာ စုဝီးဟှူ သင်းတော်ဟှ သင်းဝမ်ဟှူသူလေ အားလောင်းနားဟှို စာရေးလိုက်ပါဟှယ်။
\po
\v 3 နို့လေရဲ့ဖ ဘုရားသခင်န ယေရှုခရစ်တော်နားဟှ ကျေးဇူးတော်န ငြီသတ်ရှင်းဟှာ နန်းနို့လေမာ ရှိဂေ့ပါစေ။
\s ဖိလေမုန်ရဲ့ မြစ်တာန ယောင်ကြည်မှုကြောန်း
\p
\v 4 ငါဟှာ ငါ့ရဲ့ ဆုတောန်းချစ်လေမာ နန့်ဟှို မြဲဒမ်းဒိရဘီး ဘုရားသခင်ရဲ့ ကျေးဇူးတော်ဟှို ချီးမွမ်းပါဟှယ်။ 
\v 5 ဖြားဖြစ်ကြောန့်နူးဆိုဟှာ သခင်ယေရှုန သန့်ရှင်းသူလေ အားလောင်းဟှို နန်ထားဟှူ ရှစ်ရှင်းမြစ်တာန ယောင်ကြည်မှုကြောန်းဟှို နို့လေကြားသိရဟှယ်။ 
\v 6 အယ်ကြောန့် ယောင်ကြည်သူလေဖြစ်ဟှူ နန်းနို့န နို့လေဟှာ ရှင်းရှင်း မိတ်သဟာယဖွဲ့ရှင်းအားဖြင့် ခရစ်တော်န တလောင်းတဝဖြစ်ဘီး နို့လေခံစားရဟှူ ကောန်းကြီးမင်္ဂလာလေဟှို ပိုဘီး နတ်နတ်ရှိုင်းရှိုင်း သိနားလည်နိုင်ဂေ့ဟှို့တွပ် ငါဆုတောန်းပါဟှယ်။ 
\v 7 ငါ့ညီ၊ နန်ဟှာ ဘုရားသခင်ရဲ့ သန့်ရှင်းသူလေရဲ့ စိနှလောင်းဟှို သတ်သာစေဟှူကြောန့် နန့်ရဲ့မြစ်တာဟှို ထော့‑က်ဘီး နို့လေဟှာ ရရာတိုင်း ဝန်းသာဂေ့ပါဟှယ်။
\s ဩနေသိမ်တွပ် မြစ်တာရပ်ခံဟှူကြောန်း
\p
\v 8 အယ်ကြောန့် ငါဟှာ နန်လောက်ရဟှို့ဇာလေဟှို ပညတ်ဟှားဟှို့တွပ် ခရစ်တော်အားဖြင့် မိန့်ပေးခွမ့်ရှိဟှူလည်းဘဲ့၊ 
\v 9 ရှစ်ရှင်းမြစ်တာအားဖြင့်ဘဲ့ နန့်ဟှို တောန်းဗန်ရှင်းမှုဟှို ပြုပါဟှယ်။ အယ်မူမျိုး သက်ကီးဟှူသူဖြစ်ဘီး ခုဆိုဟှာ ခရစ်တော်ယေရှုရဲ့ သံတမန်ဖြစ်ဟှူ၊ ကျဉ်းသားလည်းဖြစ်ဟှူ\f + \fr ၉ \fr*\fq ခရစ်တော်ယေရှုရဲ့ သံတမန်ဖြစ်ဟှူ၊ ကျဉ်းသားလည်းဖြစ်ဟှူ၊ \fq*\ft အယ်မျိုးမှုဘဲနေဟှာ \ft*\fqa သတ်ကီးသူ၊ အယ်ဘီးဟှာ ခရစ်တော်ယေရှုရဲ့ သံတမန်။\fqa*\f* ငါပေါလုဟှာ၊ 
\v 10 \x - \xo ၁၀ \xo*\xt ကော ၄.၉\xt*\x* တောက်နှောန်ခံနေရဟှူ ခီမာ ခရစ်တော်နှိုက် ငါ့သားဖြစ်ဟှူ ဩနေသိမ်တွပ် မြစ်တာရပ်ခံပါဟှယ်။ 
\v 11 သူဟှာ စဟှ နန့်တွပ် သောင်းဝမ်ဘဲဟှူလည်းဘဲ့ ခုခီမာ နန့်တွပ်ရော ငါ့တွပ်ပါ သောင်းဝမ်သူ\f + \fr ၁၁ \fr*\ft သြနေသိမ်ရဲ့ ဟေလသနာမယ်ရဲ့ ဓိပါယ်ဟှ “သောင်းဝမ်သူ”။\ft*\f* ဖြစ်လာပါဘီ။
\p
\v 12 သူ့ဟှို နန့်နားဟှို ပ္လန်လွှတ်လိုက်ဟှူကြောန့် သူ့ဟှို ငါ့ရင်သွေးမျိုး လတ်ခံပေးပါ။ 
\v 13 ငါဟှာ ဒန်းကောန်းဟှို ဟောပြောဟှူကြောန့် တောက်နှောန်ခံနေရဟှူ ခီမာ နန့်ရဲ့ကိုယ်စား ငါ့ဟှိုကူညီဟှို့တွပ် သူ့ဟှိုခေါ်ဟှားရှင်ပါဟှယ်။ 
\v 14 အယ်ဘေမဲ့ နန်ပြုဟှူကောန်းမှုဟှာ လွှဲရှောန်ရဘဲဟှိ ပြုဟှူဇာမျိုးမှုဘဲန နန့်စေတနာအားဖြင့်ဘဲ့ ပြုစေရှင်ပါဟှယ်။
\p
\v 15 ဩနေသိမ်ဟှာ နန့်နမြဲဒမ်းနေရဟှို့တွပ် ရှစ်ဟှားခွဲခွါနေရဟှယ် ဆိုဘီး ထန်မှတ်စရာရှိဟှယ်။ 
\v 16 အယ်မျိုးပြောဟှူဇာဟှာ စေခံကျွန်ဟှိုရဟှူမျိုး ဆိုလိုဇာမှုဟှ။ ထူးသဖြင့် ငါ့တွပ်ဟှ ရှစ်ရဟှူညီ နန့်တွပ်ဟှ ဇာတိအားဖြင့်ဘဲ့ဖြစ်ဖြစ်၊ သခင်ဘုရားအားဖြင့်ဘဲ့ဖြစ်ဖြစ် ပိုဘီးရှစ်ဟှူ ညီတယော့‑က်ဟှိုရဟှူမျိုး ဆိုလိုဇာဖြစ်ဟှယ်။
\p
\v 17 အယ်မျိုးဖြစ်ကြောန့် နန်ဟှာ ငါ့ဟှို လောက်ဖော်ဆောန်ဖတ်တယော့‑က်နေန မှတ်ယူဟှယ် ဆိုဟှာ ငါ့ဟှိုလတ်ခံမျိုးဘဲ့ သူ့ဟှိုလည်းလတ်ခံပါ။ 
\v 18 တကယ်ကြောန့် သူဟှာ နန့်ဟှို ပြစ်မှားမိဟှူဇာဘဲ့ဖြစ်ဖြစ်၊ ကြွေးတန်ဟှူဇာဘဲ့ဖြစ်ဖြစ် တခုခုပေးဇာရှိမယ် ဆိုဟှာ ငါတာဝန်ယူပါဟှယ်။ 
\v 19 \it ငါပေါလုဟှာ အယ်ကြွေးလေဟှို ဆပ်ပေးပါမယ်\it* ဆိုဘီး ငါ့လတ်န ရေးလိုက်ပါဟှယ်။ နန်ကိုယ်တိုင် နန့်ရဲ့ဘဝသစ်တွပ် ငါ့ဟှို ပေးဆပ်ဇာရှိဟှယ် ဆိုဘီး ပြောရှင်ဇာ မှုဟှ။ 
\v 20 အယ်ကြောန့် ငါ့ညီ၊ သခင်ဘုရားရဲ့ မျစ်နှာဟှို ထော့‑က်ဘီး ငါ့ဟှို ကျေးဇူးပြုစေရှင်ပါဟှယ်။ ခရစ်တော်နှိုက် ညီကိုတယော့‑က်နေန ငါ့စိနှလောင်းဟှို သတ်သာစေပါ။
\p
\v 21 နန်ဟှာ ငါမြစ်တာရပ်ခံဟှူတိုင်း လောက်လေ့မယ် ဆိုဇာဟှို စိခ္လယောင်ကြည်ဘီး အယ်စာဟှို ရေးလိုက်ပါဟှယ်။ တကယ်ဘဲ့ အယ်ထပ်ပိုဘီး လောက်လေ့မယ် ဆိုဇာ ငါသိပါဟှယ်။ 
\v 22 နော့‑က်ဘီး ငါတည်းခိုဟှို့နေရာ ခန်းတခန်းဟှိုလည်း ဆင်သင့်ပြင်ဟှားပါ။ ဖြားဖြစ်ကြောန့်နူးဆိုဟှာ ဘုရားသခင်ဟှာ နန်းနို့လေရဲ့ ဆုတောန်းရှင်းဟှို နားညောန်းဟှူကြောန့် ငါ့ဟှို နန်းနို့နားဟှို ပ္လန်ဘီးပို့ဆောန်ပေးတော်မူလေ့မယ် ဆိုဘီး မျှော်လင့်ဟှူကြောန့်ဖြစ်ပါဟှယ်။
\s နော့‑က်ဆောင်း နှောက်ဆစ်ဟှူကြောန်း
\p
\v 23 \x - \xo ၂၃ \xo*\xt ကော ၁.၇; ၄.၁၂\xt*\x*ခရစ်တော်ယေရှုကြောန့် ငါနတူးဒူ ကျဉ်းက္လခံရဟှူ ဧပဖြဟှနေစဘီး၊ 
\v 24 \x - \xo ၁.၂၄ က \xo*\xt တ ၁၂.၁၂,၂၅; ၁၃.၁၃; ၁၅.၃၇–၃၉; ကော ၄.၁၀; \xt*\xo ခ \xo*\xt တ ၁၉.၂၉; ၂၇.၂; ကော ၄.၁၀; \xt*\xo ဂ\xo*\xt ကော ၄.၁၄; ၂ တိ ၄.၁၀; \xt*\xo ဃ \xo*\xt ကော ၄.၁၄; ၂ တိ ၄.၁၁\xt*\x*ငါ့ရဲ့လောက်ဖော်ဆောန်ဖတ်လေဖြစ်ဟှူ မာကု၊ အာရိတ္တာခု၊ ဒေမ၊ လုကာလေဟှလည်း နန့်ဟှို နှောက်ဆစ်ဂေ့ပါဟှယ်။
\p
\v 25 နို့လေသခင်ယေရှုခရစ်တော်ရဲ့ ကျေးဇူးတော်ဟှာ နန်းနို့ဝိညာဉ်နတူးဒူ ရှိပါစေ။