\id MRK - Dawei Bible Translation
\ide UTF-8
\ide 65001 - Unicode (UTF8)
\h မာကု
\toc1 မာကု ရေးဟှားဟှူ ခရစ်တော်ရဲ့ ဒန်း​ကောန်း
\toc2 မာကု
\toc3 မာ
\mt1 မာကု
\mt2 မာကု ရေးဟှားဟှူ ခရစ်တော်ရဲ့ ဒန်းကောန်း
\imt နိဒါန်း
\im \bk မာကု ရေးဟှားဟှူ ခရစ်တော်ရဲ့ ဒန်းကောန်း\bk*ဟှာ ဓမ္မသစ်ကျမ်းထဲမာ ယေရှုခရစ်တော်ရဲ့ သတ်တော်စဉ်ဟှို ဖော်ပြဟှားဟှူကျမ်း လေးစောန်ထဲဟှ တစောန်ဖြစ်ဟှယ်။ အယ်ကျမ်းတစောန်စီဟှို “ဧဝံဂေလိ” ဆိုဘီး ခေါ်ဟှယ် “ဒန်းကောန်း” ဆိုဘီး ဓိပါယ်ရဟှယ်။ ယေရှု သေဟှားဘီးန အယ်ကျမ်းလေဟှို မဿဲ၊ မာကု၊ လုကာန ယောဟန်ဟှ ရေးဟှားဟှယ်။ မာကုရေးဟှားဟှူ ဧဝံဂေလိကျမ်းဟှာ ဧဝံဂေလိ လေးစောန်ထဲမာ တိုဆောင်းဖြစ်ဟှယ်။ ဧဝံဂေလိကျမ်း အားလောင်းရဲ့ ဦးဆောင်းဖြစ်ဟှူ အယ်ကျမ်းဟှာ ခရစ်တော် မွီးဘီးန ၆၅–၇၀ ခုနှစ်ကြားမာ ရေးဟှားဟှယ် ဆိုဘီး ယောင်ကြည်ဟှားဂေ့ဟှယ်။ အယ်ကျမ်းဟှာ ရောမ ခရစ်ယာန်လေဟှို အားပေးဟှို့ ရည်ရွယ်ချစ်န ရောမဗြို့မာ ရေးဟှားဟှယ် ဆိုဘီး ကျမ်းစာပညာရှင်လေဟှ ယောင်ကြည်ဂေ့ဟှယ်။
\ip ယောဟန်မာကု ဆိုဘီးလည်း ထန်ပေါ်ဟှူ \bk မာကု\bk*ဟှာ တမန်တော် ပေါလုန ဗာနဗရဲ့ ပေါန်းဖော် တယော့‑က်ဖြစ်ဘေမဲ့ သူဟှာ သူးနို့ရဲ့ သာသနာခရီးစဉ်ဟှို စွန့်ပစ်လိုက်ဟှူ ခီမာ သူ့ရဲ့ ဂေါင်သိက္ခာဟှို ထိခိုက်လေဟှယ် (\xt တ ၁၃.၁၃\xt*)။ နော့‑က်တခါ မာကုဟှာ ဗာနဗန ပ္လန်ဘီး ခရီးသွားလေဟှယ် (\xt တ ၁၅.၃၇–၃၉\xt*)။ မာကုဟှာ ပေတရုရဲ့ ရရာတိုင်းခင်ဟှူ ငယ်ဂျင်းဖြစ်လည်း သိမှတ်ဂေ့ဟှယ် (\xt ၁ ပေ ၅.၁၃\xt*)။ မာကုဟှာ ယေရှုရဲ့ သတ်တော်စဉ်ဟှို မျစ်မြင်တယော့‑က် မှုဘေမဲ့လည်း ပေတရုရဲ့ သတ်သေလေ ဘောင်ဂီးဟှို မှတ်တမ်းတန်ဟှားဟှယ် ဆိုဘီး ကျမ်းစာပညာရှင်လေဟှာ ယောင်ကြည်ဂေ့ဘီး အယ်ဇာဟှာ မာကုရေးဟှားဟှူ ဧဝံဂေလိတွပ် ခြေခံဖြစ်ဟှယ်။ အယ်ကျမ်းထဲမာ မာကုဟှာ တဗဲ့တော်ဖြစ်ဇာန နော့‑က်ဆောင်းခီမာ ယေရှုရဲ့ သွန်သန်ဇာဟှို လေးပေးဘီး ဖော်ပြဟှယ်။
\iot ကြောန်းရာ ကျဉ်းချောက်
\io1 ၁။ မာကုဟှာ အယ်ကျမ်းဟှို နိဒါန်းပျိုးဟှယ် \ior (၁.၁–၁၃)\ior*
\io1 ၂။ မာကုဟှ ဂါလိလဲပြည်မာ ယေရှုရှိနေဒူး သူ့ရဲ့ သာသနာလောက်ငန်းဟှို ဖော်ပြဟှယ် \ior (၁.၁၄—၈.၂၁)\ior*
\io1 ၃။ နော့‑က်ဘီးဟှာ သူဟှ ယေရုရှလင်ဗြို့ဟှို ယေရှုရဲ့ ခရီးစဉ်န ပတ်သတ်ဘီး ပြောဟှယ် \ior (၈.၂၂—၁၀.၅၂)\ior*
\io1 ၄။ မာကုဟှ ယေရုရှလင်ဗြို့မာ ယေရှုရဲ့ သေရှင်းန ရှင်ပ္လန်ထမြော့‑က်ရှင်း ပါဝမ်ဟှူ သူ့ရဲ့ ခီကြောန်းဟှို ရေးသားချစ်န ဆောန်းသတ်ဟှားဟှယ် \ior (၁၁.၁—၁၆.၈)\ior*
\ie
\c 1
\s ဗတ္တိဇံယောဟန်ရဲ့ ဟောပြောရှင်း
\r (မဿဲ ၃.၁–၁၂; လုကာ ၃.၁–၁၈; ယောဟန် ၁.၁၉–၂၈)
\p
\v 1 ဘုရားသခင်ရဲ့ သားတော်\f + \fr ၁.၁ \fr*\ft တချို့ မူရင်းလတ်ရေးမူလေမာ \ft*\fq ဘုရားသခင်ရဲ့ သားတော်၊ \fq*\ft ဆိုဇာဟှာ မှေ့ဟှ။\ft*\f* ယေရှုခရစ်တော်ကြောန်း ဒန်းကောန်းဟှာ အယ်မျိုးဖြစ်ဟှယ်။ 
\v 2 ပရောဖက်ဟေရှာယ ရေးဟှားဟှူဇာဟှ
\q1 “ဘုရားသခင်ဟှ ပြောဟှားဟှယ်
\q2 ‘ငါဟှာ နန့်ရဲ့လမ်းဟှို ပြင်ဆင်ဟှို့တွပ် ငါ့ရဲ့တမန်ဟှို နန့်ရှေ့မာ စေလွှတ်မယ်။’
\q1
\v 3 တောကန္တာရထဲမာ ယော့‑က်ယော့‑က်ဟှ အော်ပြောနေဇာဟှ
\q2 ‘ဘုရားသခင်ရဲ့ လမ်းဟှို ပြင်ဆင်ဟှားဂေ့!
\q2 အယ်သခင်တွပ် ဖြောန့်တန်းဟှူလမ်းဟှို လောက်ဟှားဂေ့!’ ”
\p
\v 4 ယောဟန်ဟှာ ပေါ်လာဘီး၊ တောကန္တာရမာ ဟောပြောဘီးန ဗတ္တိဇံပေးနေဟှယ်။\f + \fr ၁.၄ \fr*\fq ယောဟန်ဟှာ ပေါ်လာဘီး၊ တောကန္တာရမာ ဟောပြောဘီးန ဗတ္တိဇံပေးနေဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa ဗတ္တိဇံယောဟန်ဟှာ ပေါ်လာဘီး တောကန္တာရထဲမာ ဟောပြောနေဟှယ်၊ \fqa*\ft ဆိုဘီး ပါရှိဟှယ်။\ft*\f* “နောန်ဒရဘီး ဗတ္တိဇံခံဂေ့။ အယ်ဆိုဟှာ ဘုရားသခင်ဟှ နန်းနို့ရဲ့ ပြစ်လေဟှို ခွမ့်လွှတ်လေ့မယ်” ဆိုဘီး ကြေညာဟှယ်။ 
\v 5 ယုဒပြည်ဟှ လူလေန ယေရုရှလင်ဗြို့ရဲ့လူလေ အားလောင်းဂူဟှာ ယောဟန်နားဟှို ရော့‑က်လာဂေ့ဘီး သူးနို့ရဲ့ ပြစ်လေဟှို ဝန်ခံဂေ့ဟှူကြောန့် ယော်ဒန်မ္လစ်မာ ယောဟန်အားဖြင့် ဗတ္တိဇံခံဂေ့ဟှယ်။
\p
\v 6 ယောဟန်ဟှာ ကုလားအုတ်ရဲ့ မွီးန လောက်ဟှားဟှူဝတ်န သားရေခါးဗတ်ဟှို ခါးမာပတ်ဟှားဘီး ကျိုင်းကောန်န တောပျားရယ်ဟှို စားလေဟှယ်။ 
\v 7 သူဟှာ လူလေဟှို ကြေညာဇာဟှ “ငါ့ထတ်ပိုဘီး ကီးမြတ်ဟှူလူဟှာ ငါ့နော့‑က်ဟှ ကြွလာလေ့မယ်။ ငါဟှာ ငေါက်ဘီးဟှာ သူ့ရဲ့ ခေနပ်ကြိုးဟှို ဖြေဟှို့ဟှိုမှ ထိုက်ဟှ။ 
\v 8 ငါဟှ နန်းနို့လေဟှို ရေန ဗတ္တိဇံပေးဟှယ်။ အယ်ဘေမဲ့ သူဟှ နန်းနို့ဟှို သန့်ရှင်းဟှူဝိညာဉ်တော်န ဗတ္တိဇံပေးလေ့မယ်။”
\s ယေရှုရဲ့ ဗတ္တိဇံမင်္ဂလာန စောန်ဇမ်းသွီးဆောန် ခံဟှူကြောန်း
\r (မဿဲ ၃.၁၃—၄.၁၁; လုကာ ၃.၂၁–၂၂; ၄.၁–၁၃)
\p
\v 9 အယ်ခီမာ ယေရှုဟှ ဂါလိလဲပြည် နာဇရက်ဗြို့ဟှ လာဘီးဟှာ ယော်ဒန်မ္လစ်မာ ယောဟန်အားဖြင့် ဗတ္တိဇံခံလေဟှယ်။ 
\v 10 ယေရှုဟှာ ရေထဲဟှထလိုက်ဟှူန ကောန်းဂန်ဘောင် ပွမ့်ဟှားဘီး ဝိညာဉ်တော်ဟှ ချိုးငှတ်မျိုး ကိုယ်တော်ထတ်ဟှို ဆင်းလာနေဇာဟှို ဗြင်လေဟှယ်။ 
\v 11 \x - \xo ၁.၁၁ \xo*\xt မ ၃.၁၇; ၁၂.၁၈; မာ ၉.၇; လု ၃.၂၂\xt*\x*“နန်ဟှာ ငါနှစ်သက်မြတ်နိုးဟှူ ငါ့ရဲ့ ရှစ်ရဟှူသား ဖြစ်ဟှယ်” ဆိုဘီး ကောန်းဂန်ဟှနေ သံတော်ထွပ်ပေါ်လာဟှယ်။
\p
\v 12 ဝိညာဉ်တော်ဟှ ကိုယ်တော့်ဟှို တောကန္တာရထဲဟှို ရှစ်ရှင်းပို့ဆောန်ဘီး 
\v 13 ကိုယ်တော်ဟှာ တောကန္တာရထဲမာ ရစ်လေးဆယ် လောင်းလောင်း နေဘီး စာတန်ရဲ့ စောင်ဇမ်းသွီးဆောန်ရှင်းဟှို ခံတော်မူဟှယ်။ ကိုယ်တော်ဟှာ သားရဲလေနတူးဒူ ရှိတော်မူဘီး ကောန်းဂန်တမန်လေဟှာ ကိုယ်တော့်ဟှို လောက်ကျွေးဂေ့ဟှယ်။
\s ယေရှုဟှာ ငါးဖမ်းမားလေးယော့‑က်ဟှို ခေါ်ဟှူကြောန်း
\r (မဿဲ ၄.၁၂–၂၂; လုကာ ၄.၁၄,၁၅; ၅.၁–၁၁)
\p
\v 14 ယောဟန် ထောန်ခ္လခံရဘီးန ယေရှုဟှာ ဂါလိလဲပြည်ဟှို သွားဘီး ဘုရားသခင်ရဲ့ ဒန်းကောန်းဟှို ကြေညာလေဟှယ်။ 
\v 15 \x - \xo ၁.၁၅ \xo*\xt မ ၃.၂\xt*\x*“ခီပ္လဲ့ဇောင်ဟှားဘီ ဘုရားသခင်ရဲ့ နိုင်ငံတော်ဟှာ တည်ခါနီးနေဘီ! နောန်ဒရဘီးဟှာ ဒန်းကောန်းဟှို ယောင်ကြည်ဂေ့ပါ!” ဆိုဘီး မိန့်တော်မူလေဟှယ်။
\p
\v 16 ယေရှုဟှ ဂါလိလဲအိုင်ဘေးမာ ရှော့‑က်သွားနေဒူးမာ ငါးဖမ်းမားလေဖြစ်ဟှူ ရှိမုန်န သူ့ညီ အန္ဒြေလေဟှာ အိုင်ထဲမာ ပိုက်ကွန်ပစ်နေဇာဟှို ဗြင်လေဟှယ်။ 
\v 17 ယေရှုဟှ “ငါ့နော့‑က်လိုက်ဂေ့။ နန်းနို့လေဟှို လူလေဟှိုဖမ်းဟှူ ငါးဖမ်းမားဖြစ်စေမယ်” ဆိုဘီး မိန့်တော်မူလေဟှယ်။ 
\v 18 သူးနို့လေဟှ ရှစ်ရှင်းဘဲ ပိုက်လေဟှို ထားရစ်ဘီးန နော့‑က်ဟှို လိုက်ဂေ့ဟှယ်။
\p
\v 19 ကိုယ်တော်ဟှာ နဲနဲဆစ်ဘီးသွားဟှူ ခီမာ ဇေဗေဒဲရဲ့သား ယာကုပ်န သူ့ညီယောဟန်ဟှို ဗြင်ဟှားဟှယ်။ သူးနို့ဟှာ လှေထဲမာ ပိုက်ကွန်လေ ဖာနေဂေ့ဟှယ်။ 
\v 20 ယေရှုဟှ သူးနို့လေဟှို ရှစ်ရှင်းခေါ်လိုက်ဟှယ်။ သူးနို့လေဟှာ သူးနို့ဖ ဇေဗေဒဲဟှို လူငှားလေနတူးဒူ လှေထတ်မာ ထားရစ်ဘီးဟှာ ယေရှုနော့‑က်ဟှို လိုက်ဟှားဂေ့ဟှယ်။
\s ညစ်ညူးဟှူနတ် ဝမ်ပူးနေဟှူ လူတယော့‑က်ကြောန်း
\r (လုကာ ၄.၃၁–၃၇)
\p
\v 21 ယေရှုန တဗဲ့တော်လေဟှာ ကပေရနောင်ဗြို့ဟှို ဝမ်ဂေ့ဘီး ဒန်းနေ့မာ ယေရှုဟှာ ဝါလယ်ဇရပ်ထဲဟှို ဝမ်ဟှားဘီးဟှာ စဘီးသွန်သန်လေဟှယ်။ 
\v 22 \x - \xo ၁.၂၂ \xo*\xt မ ၇.၂၈,၂၉\xt*\x*လူလေဟှာ ကိုယ်တော်ရဲ့ သွန်သန်ဇာဟှို အံ့ဩဂေ့ဟှယ်။ ဖြားဖြစ်ကြောန့်နူးဆိုဟှာ ကိုယ်တော်ဟှာ သူးနို့ဟှို ကျမ်းတတ်ဆရာလေမျိုး မှုဘဲ့န ခွမ့်အာဏာရှိဟှူသူမျိုး သွန်သန်ဟှူကြောန့် ဖြစ်ဟှယ်။ 
\v 23 အယ်ခီမာဘဲ့ ညစ်ညူးဟှူနတ် ဝမ်ပူးနေဟှူ လူတယော့‑က်ဟှာ ဝါလယ်ဇရပ်ထဲဟှို ဝမ်လာဘီးဟှာ အော်နေဇာဟှ 
\v 24 “နာဇရက်ဗြို့သား ယေရှု၊ ကိုယ်တော်ဟှ ကျွန်တော့်လေန ဖြားဆိုင်ဟှယ်နူး။ ကျွန်တော့်လေဟှို ဖျစ်ဆီးဟှို့တွပ် ရော့‑က်လာဇာလော။ ကိုယ်တော်ဟှာ ဖယ်သူဖြစ်ဟှယ် ဆိုဇာ ကျွန်တော်သိဟှယ်။ ကိုယ်တော်ဟှာ ဘုရားသခင်ရဲ့ သန့်ရှင်းဟှူသူ ဖြစ်ဟှယ်!”
\p
\v 25 ယေရှုဟှာ အယ်နတ်ဟှို “တိတိဟှားနေဘီး အယ်လူထဲဟှ ထွပ်ဟှားဂေ့!” ဆိုဘီး ဆောင်းမလေဟှယ်။
\p
\v 26 ညစ်ညူးဟှူနတ်ဟှ အယ်လူဟှို ရရာတိုင်း တတ်စေဘီး သံက္လယ်ဂီးအော်ဘီးဟှာ ထွပ်ဟှားလေဟှယ်။ 
\v 27 လူလေ အားလောင်းဂူဟှ အံ့ဩဟှားဂေ့ဘီး “အယ်ဇာဟှ ဖယ်မျိုးနူး။ အယ်ဇာဟှ သွန်သန်မှု သစ်တမျိုးလော။ အယ်လူဟှာ ညစ်ညူးဟှူနတ်လေဟှို ခွမ့်အာဏာန မိန့်ပေးလိုက်ဇာ သူးနို့ဟှာ နာခံဂေ့ဟှယ်!” ဆိုဘီး ရှင်းရှင်း မေးနေဂေ့ဟှယ်။
\p
\v 28 အယ်ကြောန့် ယေရှုရဲ့ ဒန်းဟှာ ဂါလိလဲပြည် တခုလောင်းဟှို ရှစ်ရှင်း ပ္လန့်နှံ့ဟှားလေဟှယ်။
\s ယေရှုဟှာ လူလေဘောင်ဂီးဟှို ကျန်းမာစေဟှူကြောန်း
\r (မဿဲ ၈.၁၄–၁၇; လုကာ ၄.၃၈–၄၁)
\p
\v 29 ယေရှုန တဗဲ့တော်လေဟှာ ဝါလယ်ဇရပ်ဟှနေ ထွပ်ဟှားဘီး ရှစ်ရှင်းဘဲ့၊ ယာကုပ်၊ ယောဟန်နတူးဒူး ရှိမုန်န အန္ဒြေရဲ့အီဟှို သွားဂေ့ဟှယ်။ 
\v 30 ရှိမုန်ရဲ့ ယောက္ခမဟှာ ဖျားနာဘီး အိယာထတ်မာ လှဲနေကြောန်းဟှို ယေရှုဟှို ရှစ်ရှင်း တောန်းလျှော့က်လေဟှယ်။ 
\v 31 အယ်ကြောန့် ကိုယ်တော်ဟှာ အယ်မီးမနားဟှို သွားဘီးဟှာ သူ့ရဲ့လတ်ဟှို ကိုင်ဘီး ဆွဲဒန်လိုက်ဟှယ်။ သူဟှာ ဖျားနာပျော့‑က်ဟှားကြောန့် သူးနို့ဟှို ဧည့်ဝတ်ပြုလေဟှယ်။
\p
\v 32 နေဝမ်ဟှားဘီး ညဉ့်ခန်းဇာရော့‑က်ဟှားခီမာ လူလေဟှာ ဖျားနာသူလေန နတ်ဆိုးဝမ်ပူးသူလေ အားလောင်းဟှို ယေရှုနားဟှို ခေါ်လာဂေ့ဟှယ်။ 
\v 33 တဗြို့လောင်းဟှာ ခွဗော့‑က်ဝမာ စုဝီးလာဂေ့ဟှယ်။ 
\v 34 ယေရှုဟှာ ရောဂါဘောန်းဇောင်ရှိဟှူ လူလေဘောင်ဂီးဟှို ကျန်းမာစေဘီး နတ်ဆိုးဘောင်ဂီးဟှို နှန်ထုဟှယ်။ နတ်ဆိုးလေဟှ ကိုယ်တော့်ဟှို သိဂေ့ဟှူကြောန့် သူးနို့ဟှို စကားပြောခွမ့်ပေးဟှ။
\s ယေရှုဟှာ ဂါလိလဲပြည်မာ ဟောပြောဟှူကြောန်း
\r (လုကာ ၄.၄၂–၄၄)
\p
\v 35 မိုးလန်းခန် စောစောဂီးမာ ယေရှုဟှ အိယာဟှထဘီးဟှာ အီဟှထွပ်ဟှားဟှယ်။ ကိုယ်တော်ဟှာ ဗြို့ထဲဟှနေ လူမှေ့သူမှေ့ဘဲဟှူ နေရာဟှို ထွပ်ဟှားဘီးဟှာ ဆုတောန်းလေဟှယ်။ 
\v 36 ရှိမုန်န သူ့ရဲ့ ပေါန်းဖော်လေဟှာ ကိုယ်တော့်ဟှို လိုက်ရှာဂေ့ဘီး 
\v 37 ကိုယ်တော့်ဟှို တွိဂေ့ဟှူ ခီမာ “လူတိုင်းဟှာ ကိုယ်တော့်ဟှို လိုက်ရှာနေဂေ့ဟှယ်” ဆိုဘီး လျှော့‑က်ဂေ့ဟှယ်။
\p
\v 38 ယေရှုဟှ “နို့လေဟှာ နီးနားမာရှိဟှူ တခြား ဗြို့ဝါလေဟှို သွားရမယ်။ ငါဟှ သူးနို့ဟှိုလည်း ဟောပြောရအူးမယ်။ ဖြားဖြစ်ကြောန့်နူးဆိုဟှာ ငါဟှာ အယ်တွပ်ဘဲ့ကြွလာဟှယ်” ဆိုဘီး မိန့်တော်မူလေဟှယ်။
\p
\v 39 \x - \xo ၁.၃၉ \xo*\xt မ ၄.၂၃; ၉.၃၅\xt*\x* အယ်ကြောန့် ကိုယ်တော်ဟှာ ဂါလိလဲပြည် တပြည်လောင်းဟှို ကြွတော်မူဘီး ဝါလယ်ဇရပ်လေမာ ဟောပြောဘီးဟှာ နတ်ဆိုးလေဟှို နှန်ထုလေဟှယ်။
\s ယေရှုဟှာ လူတယော့‑က်ဟှို ကျန်းမာစေဟှူကြောန်း
\r (မဿဲ ၈.၁–၄; လုကာ ၅.၁၂–၁၆)
\p
\v 40 နူနာသယ် တယော့‑က်ဟှာ ယေရှုနားဟှို ရော့‑က်လာဟှူ ခီမာ ဒူးထော့‑က်ဘီးဟှာ “ကိုယ်တော်လိုရှိဟှယ် ဆိုဟှာ ကျွန်တော့်ဟှို သန့်ရှင်းပေးပါ”\f + \fr ၁.၄၀ \fr*\fk ကျွန်တော့်ဟှို သန့်ရှင်းပေးပါ၊ \fk*\ft အယ်ရောဂါဟှာ လူတယော့‑က်ဟှို သန့်ရှင်းဘဲအောန် လောက်ဟှားဟှယ်။\ft*\f* ဆိုဘီး တောန်းဗန်လေဟှယ်။
\p
\v 41 ယေရှုဟှာ သနား\f + \fr ၁.၄၁ \fr*\fq သနား၊ \fq*\ft တချို့ မူရင်းလတ်ရေးမူလေမာ \ft*\fqa မျစ်ဒေါသ၊ \fqa*\ft ဆိုဘီး ပါရှိဟှယ်။\ft*\f*တော်မူဟှားဘီး လတ်တော်ဟှို ဆန့်ဘီးဟှာ အယ်လူဟှို ထိလိုက်ဟှယ်။ “ငါလိုရှိဟှယ်။ သန့်ရှင်းစေ!” ဆိုဘီး မိန့်တော်မူလေဟှယ်။ 
\v 42 ရှစ်ရှင်းဘဲ့ နူနာရောဂါဟှာ ပျော့‑က်ဟှားဘီး သူဟှာ သန့်ရှင်းဟှားလေဟှယ်။ 
\v 43 ယေရှုဟှာ သူ့ဟှို ရှစ်ရှင်းလွှတ်လိုက်ဘီး 
\v 44 “နန်ဟှာ အယ်မူဇာဟှို ဖယ်သူ့ဟှိုလည်း ပြောန။ အယ်ဘေမဲ့ ယဇ်ပုရောဟိတ်နားဟှို သွားဘီး ကိုယ်ဟှိုပြလိုက်ပါ။ စင်ကြယ်ကြောန်းဟှု လူလေရှေ့မာ သတ်သေဖြစ်ဟှို့တွပ် မောရှေ ပညတ်ဟှားဟှူတိုင်း ပူဇော်သကာဟှို ဆစ်သပါ” ဆိုဘီး မိန့်တော်မူလေဟှယ်။
\p
\v 45 အယ်ဘေမဲ့ အယ်လူဟှ ထွပ်ဟှားဘီး အယ်ဒန်းဟှို အားရပါးရ ဟောပြောဘီး ပ္လံ့နှံ့စေလေဟှယ်။ အယ်ကြောန့် ယေရှုဟှ ဗြို့ထဲဟှို ထန်းထန်ရှားရှားဟှား ဝမ်နိုင်ဘဲန လူမှေ့သူမှေ့ဘဲဟှူ ဗြို့ပ္လန်နေရာမာဘဲ့ နေရဟှယ်။ အယ်ဘေမဲ့ နေရာတိုင်းဟှနေ လူလေဟှ ကိုယ်တော်နားဟှို ရော့‑က်လာဂေ့ဟှယ်။
\c 2
\s ယေရှုဟှာ လေဖြတ်ဟှူလူဟှို ကျန်းမာစေဟှူကြောန်း
\r (မဿဲ ၉.၁–၈; လုကာ ၅.၁၇–၂၆)
\p
\v 1 ရစ်နဲနဲကြာဘီးန ယေရှုဟှာ ကပေရနောင်ဗြို့ဟှို ပ္လန်ဝမ်ဟှားဘီး၊ ကိုယ်တော်ဟှာ အီမာရှိနေဟှယ် ဆိုဘီး ဒန်းဟှို လူလေကြားဂေ့ဟှယ်။ 
\v 2 လူလေဘောင်ဂီးဟှာ ရော့‑က်လာဂေ့ဟှူကြောန့် ခွဗော့‑က်ဝပ္လန်မာလည်း နေရာလွတ် မှေ့ဟှမ်း။ ယေရှုဟှာ သူးနို့ဟှို တရားစကားဟှို ဟောပြောနေလေဟှယ်။ 
\v 3 အယ်ခီမာ လူလေးယော့‑က်ဟှ ရော့‑က်လာဘီး လေဖြတ်နေဟှူ လူတယော့‑က်ဟှို ယေရှုနားဟှို သယ်လာဂေ့ဟှယ်။ 
\v 4 အယ်ဘေမဲ့လည်း လူအောက်ဂီးကြောန့် သူးနို့ဟှာ အယ်လူဟှို ကိုယ်တော်နားဟှို သယ်ဟှို့တတ်နိုင်ဟှမ်း။ အယ်ကြောန့် သူးနို့ဟှာ ယေရှုရှိဟှူ နေရာထတ်ဟှ ခေါန်မိုးဟှို ပေါ့‑က်ဖော့‑က်လိုက်ဟှယ်။ သူးနို့ဟှာ လေဖြတ်နေဟှူလူဟှို ထမ်းစင်န လျှောခ္လဂေ့ဟှယ်။ 
\v 5 ယေရှုဟှာ သူးနို့လေရဲ့ ယောင်ကြည်ရှင်းဟှို ဗြင်ဟှားဟှူ ခီမာ လေဖြတ်နေဟှူလူဟှို “ငါ့သား၊ နန့်ရဲ့ ပြစ်လေဟှာ ခွမ့်လွတ်ဇာခံရဘီ” ဆိုဘီး မိန့်တော်မူလေဟှယ်။
\p
\v 6 အယ်နေရာမာ ထိုင်နေဟှူ ကျမ်းတတ်ဆရာ တချို့ဟှ သူးနို့ရဲ့ စိထဲမာ စဉ်းစားနေဇာဟှ
\p
\v 7 “အယ်လူဟှာ ဖြားဖြစ်ကြောန့် အယ်မျိုးပြောနူး! သူဟှာ ပြစ်မှားနေဇာ ဖြစ်ဟှယ်! ဘုရားသခင် တပါးဒဲဘဲ့ ပြစ်လေဟှို လွတ်ပိုင်နိုင်ဟှယ်!”
\p
\v 8 သူးနို့ရဲ့ စိထဲမာ အယ်မျိုး စဉ်းစားနေဇာဟှို ယေရှုဟှာ ရှစ်ရှင်း သိဟှူကြောန့် “နန်းနို့လေဟှ ဖြားဖြစ်ကြောန့် အယ်ဇာလေဟှို စဉ်းစားနေဂေ့နူး။ 
\v 9 လေဖြတ်နေဟှူ လူဟှို ‘နန့်ရဲ့ ပြစ်ဟှို လွတ်ဟှားဘီ’ အယ်မျိုးမှုဘဲ့နေဟှာ ‘နန်ထလိုက်၊ နန့်ထမ်းစင်ဟှို ထမ်းဘီးသွားလိုက်’ ဆိုဘီး ဖယ်စကားဟှ ပိုဘီးပြောဟှို့လွယ်နူး။ 
\v 10 အယ်ကြောန့် လူ့ရဲ့သားဟှာ မ္လေဂီးထတ်မာ ပြစ်လေလွှတ်ဟှို့ ခွမ့်အာဏာရှိဟှယ် ဆိုဇာ နန်းနို့လေဟှို ငါသတ်သေထူပြမယ်။” အယ်ကြောန့် ကိုယ်တော်ဟှ လတ်ခေသေနေဟှူ လူဟှို 
\v 11 “နန့်ဟှို ငါပြောမယ်။ ထဒန်။ နန့်ရဲ့ ထမ်းစင်ဟှို ကော့‑က်ဘီးဟှာ အီဟှို ပ္လန်ဟှားလိုက်!” ဆိုဘီး ပြောလေဟှယ်။
\p
\v 12 လူလေ အားလောင်းဂူဟှာ စောန့်ကေ့နေဒူးမာ အယ်လူဟှာ ထဘီး၊ သူ့ရဲ့ ထမ်းစင်ဟှို ယူဘီးဟှာ ထွပ်ဟှားလေဟှယ်။ သူးနို့လေ အားလောင်းဂူဟှာ ရရာတိုင်း အံ့ဩဟှားဘီးဟှာ ဘုရားသခင်ဟှို ချီးမွမ်းဂေ့ဘီး “နို့လေဟှာ အယ်မျိုးဇာဟှို လောင်းဝဗြင်ဖူးဟှ!” ဆိုဘီး ပြောဂေ့ဟှယ်။
\s ယေရှုဟှာ လေဝိဟှို ခေါ်ဟှူကြောန်း
\r (မဿဲ ၉.၉–၁၃; လုကာ ၅.၂၇–၃၂)
\p
\v 13 ယေရှုဟှာ နော့‑က်တခါ ဂါလိလဲအိုင်နားဟှို ပ္လန်ဟှားလေဟှယ်။ လူအောက်ဂီးဟှ ကိုယ်တော်နားဟှို လာဂေ့ဟှူကြောန့် ကိုယ်တော်ဟှာ သူးနို့ဟှို စဘီးဟှာ သွန်သန်လေဟှယ်။ 
\v 14 ကိုယ်တော်ဟှာ ဆစ်ဘီး ရှော့‑က်သွားဟှူ ခီမာ အာလဖဲရဲ့သား၊ ခွန်ခံလေဝိဟှာ သူ့ရဲ့ ရောင်းမာ ထိုင်နေဇာဟှို ဗြင်ဟှားလေဟှယ်။ ယေရှုဟှ “ငါ့နော့‑က်ဟှို လိုက်ပါ” ဆိုဘီး မိန့်တော်မူလေဟှယ်။ လေဝိဟှာ ထဘီး ကိုယ်တော်နော့‑က်ဟှို လိုက်ဟှားဟှယ်။
\p
\v 15 အယ်ဘီးန ယေရှုဟှာ လေဝိရဲ့အီမာ\f + \fr ၂.၁၅ \fr*\fq လေဝိရဲ့အီမာ၊ \fq*\ft အယ်မျိုးမှုဘဲ့နေဟှာ \ft*\fqa သူ့အီ၊ \fqa*\ft (ယေရှုရဲ့) အီ။\ft*\f* ညဉ့်ခန်းဇာ စားနေဂေ့ဟှယ်။ ခွန်ကော့‑က်မားလေန ပြစ်သားလေ ဘောင်ဂီးဟှာ ယေရှုနော့‑က်ဟှို လိုက်လာဂေ့ဘီး သူးနို့ထဲဟှ တချို့ဟှာ ကိုယ်တော်န တဗဲ့တော်လေနတူးဒူ စားသော့‑က်ဂေ့ဟှယ်။ 
\v 16 ယေရှုဟှာ ခွန်ကော့‑က်မားလေ၊ ပြစ်သားလေနတူးဒူ စားသော့‑က်နေဇာဟှို ဖာရိရှဲလေ၊ ကျမ်းတတ်ဆရာလေဟှာ ဗြင်ဟှားဘီး “ဖြားဖြစ်ကြောန့် သူဟှ အယ်လူလေန စားသော့‑က်နေရနူး” ဆိုဘီး တဗဲ့တော်လေဟှို မေးဂေ့ဟှယ်။
\p
\v 17 ယေရှုဟှ ကြားဟှားဘီး သူးနို့ဟှို “ကျန်းမာဟှူ လူလေဟှ ဆရာဝန်ဟှို လိုဂေ့ဟှ၊ ဖျားနေဟှူ လူလေဘဲ့ လိုရှင်ဟှယ်။ ငါဟှာ ဖြောန့်မတ်ဟှူ လူလေဟှို ခေါ်ဟှို့လာဇာမှုဟှ။ ပြစ်သားလေဟှို ခေါ်ဟှို့လာဟှယ်” ဆိုဘီး မိန့်တော်မူလေဟှယ်။
\s စာရှောန်ဇာန ဆိုင်ဟှူမေးခွန်း
\r (မဿဲ ၉.၁၄–၁၇; လုကာ ၅.၃၃–၃၉)
\p
\v 18 တနေ့မာ ဗတ္တိဇံယောဟန်ရဲ့ တဗဲ့တော်လေန ဖာရိရှဲလေဟှ စာရှောန်နေဂေ့ဟှယ်။ လူတချို့ဟှ ယေရှုနားဟှို လာဘီး “ယောဟန်ရဲ့ တဗဲ့လေန ဖာရိရှဲရဲ့ တဗဲ့လေဟှာ စာရှောန်ဂေ့ဘီး ကိုယ်တော်ရဲ့ တဗဲ့လေဟှ ဖြားဖြစ်ကြောန့် စာရှောန်ဘဲန နေဂေ့နူး” ဆိုဘီး မေးလျှော့‑က်ဂေ့ဟှယ်။
\p
\v 19 ယေရှုဟှ “အီတတ်ပွဲမာ ဒို့သားနတူးဒူ ရှိနေဟှူ ဧည့်သည်လေဟှာ ဒို့သားနတူးဒူ ရှိနေဒူးမာ စာရှောန်မယ် ဆိုဘီး မျှော်လင့်နိုင်ဘဲ့လော။ သူးနို့ဟှာ ဒို့သားနတူးဒူ ရှိနေဒူးမာ စာရှောန်နိုင်ဂေ့ဟှ။ 
\v 20 အယ်ဘေမဲ့ ဒို့သားဟှို သူးနို့နားဟှနေ ယူဆောန်ဟှားဟှူ ခီရော့‑က်လာလေ့မယ်။ အယ်နေ့မာ သူးနို့ဟှ စာရှောန်ဂေ့လေ့မယ်။
\p
\v 21 “ဖယ်သူလည်း အန်းဂီဟောန်းဟှို ပိစသစ်နဖာလေ့ မှေ့ဟှ။ ဖြားဖြစ်ကြောန့်နူးဆိုဟှာ ဖာဟှားဟှူ ပိစသစ်ဟှ အန်းဂီဟောန်းဟှို စုဖ္လဲဘီးဟှာ ပိုဆိုးဟှားလေ့မယ်။ 
\v 22 အယ်မျိုးဘဲ့ ဝိုင်သစ်ဟှို သားရေဖူး ဟောန်းထဲမာထဲ့လေ့ မှေ့ဟှ။ ထဲ့မယ် ဆိုဟှာ ဝိုင်သစ်ဟှ သားရေဖူးဟောန်းဟှို ပေါ့‑က်ပ္လဲစေဘီး ဝိုင်န သားရေဖူး နှေ့ခုလောင်းဟှာ ပျစ်စီးဟှားလေ့မယ်။ အယ်မျိုးလောက်မယ့်စား ဝိုင်သစ်ဟှို သားရေဖူးသစ်ထဲမာ ထဲ့ရမယ်” ဆိုဘီး မိန့်တော်မူလေဟှယ်။
\s ဒန်းနေ့န ဆိုင်ဟှူ မေးခွန်း
\r (မဿဲ ၁၂.၁–၈; လုကာ ၆.၁–၅)
\p
\v 23 ဒန်းနေ့မာ ယေရှုဟှာ ဂျောင်စဗားလယ်ဂွမ့်လေဟှို ဖြတ်ရှော့‑က်နေလေဟှယ်။ ကိုယ်တော်ရဲ့ တဗဲ့တော်လေနတူးဒူ သွားနေဟှူ ခီမာ သူးနို့ဟှာ စဘီးဟှာ ဂျောင်စဗားနှံလေဟှို ဆွတ်ဂေ့ဟှယ်။ 
\v 24 ဖာရိရှဲလေဟှ “ဒန်းနေ့မာ လောက်အပ်ဘဲဟှူ ဇာဟှို ကိုယ်တော့်ရဲ့ တဗဲ့တော်လေဟှ ဖြားဖြစ်ကြောန့် လောက်ဂေ့နူး” ဆိုဘီး ယေရှုဟှို မေးဂေ့ဟှယ်။
\p
\v 25 ယေရှုဟှ “ဒါဝိဒ်ဟှ စားဟှို့ တခုခု လိုအပ်လာဟှူ ခီမာ သူဟှာ ဖယ်မျိုးလောက်ဟှားဇာဟှို နန်းနို့ လောင်းဝ ဖတ်ဖူးဂေ့ဟှလော။ သူ့န သူ့ရဲ့ လူလေဟှာ ဗိုက်ဆာလာဟှူကြောန့် 
\v 26 သူဟှာ ဘုရားသခင်ရဲ့ အီတော်ထဲဟှို ဝမ်ဟှားဘီး ဘုရားသခင်ဟှို ဆစ်ကပ်ဟှားဟှူ မုဟှို စားဂေ့ဟှယ်။ အယ်ဇာဟှာ ယဇ်ပုရောဟိတ်မန်း အဗျာသာလတ်ထတ်မာ ဖြစ်ပျစ်ဟှားဟှယ်။ နို့လေရဲ့ ပညတ်တရား တိုင်းဆိုဟှာ အယ်မုဟှို ယဇ်ပုရောဟိတ်လေဘဲ့ စားခွမ့်ရှိဟှယ်။ အယ်ဘေမဲ့ ဒါဝိဒ်ဟှာ အယ်မုဟှို စားဘီးဟှာ သူ့ရဲ့ လူလေဟှိုလည်း ပေးလေဟှယ်” ဆိုဘီး မိန့်တော်မူလေဟှယ်။
\p
\v 27 အယ်ဘီးန ယေရှုဟှာ “ဒန်းနေ့ဟှာ လူလေတွပ်ဘဲ့ ဖြစ်ဟှယ်။ လူဟှာ ဒန်းနေ့တွပ်ဖြစ်ဇာ မှုဟှ။ 
\v 28 အယ်ကြောန့် လူ့ရဲ့သားဟှာ ဒန်းနေ့ရဲ့ သခင်ဖြစ်ဟှယ်” ဆိုဘီး သူးနို့လေဟှို မိန့်တော်မူလေဟှယ်။
\c 3
\s လတ်တဖတ်သေနေဟှူ လူကြောန်း
\r (မဿဲ ၁၂.၉–၁၄; လုကာ ၆.၆–၁၁)
\p
\v 1 ယေရှုဟှာ ဝါလယ်ဇရပ်ထဲဟှို ပ္လန်ဝမ်ဟှားဘီးဟှာ အယ်နေရာမာ လတ်တဖတ်သေနေဟှူ လူတယော့‑က်ရှိနေဟှယ်။ 
\v 2 လူလေဟှာ ယေရှုဟှို စွတ်စွဲဟှို့တွပ် အယ်လူဟှို ဒန်းနေ့မာ နာပျော့‑က်စေမယ်ဘဲ့လော ဆိုဇာဟှို နီးကပ် စောန့်ကေ့နေဂေ့ဟှယ်။ 
\v 3 ယေရှုဟှာ အယ်လူဟှို “လူလေ အားလောင်းဂူရှေ့မာ ထဒန်လိုက်” ဆိုဘီး မိန့်တော်မူလေဟှယ်။ 
\v 4 အယ်ဘီးန ယေရှုဟှာ “နို့လေရဲ့ ပညတ်တော်ဟှ ဒန်းနေ့မာ ကောန်းဇာလောက်ဟှို့လော။ ဆိုးဇာလောက်အပ်ဘဲ့လော။ လူသတ်ဟှို ကယ်အပ်ဘဲ့လော။ သတ်အပ်ဘဲ့လော” ဆိုဘီး သူးနို့ဟှို မေးတော်မူလေဟှယ်။ အယ်ဘေမဲ့ သူးနို့ဟှာ တိတိဟှားဘဲ့ နေဂေ့ဟှယ်။
\p
\v 5 ယေရှုဟှာ ဒေါသထွပ်ဘီးဟှာ သူးနို့လေဟှို လှည့်ပတ်ကေ့ဘီး သူးနို့ရဲ့ စိနှလောင်းမာကြောဟှူကြောန့် ရရာတိုင်းဝမ်းနဲဘီး လတ်သေနေလူဟှို “နန့်လတ်ဟှို ဆန့်လိုက်” ဆိုဘီး မိန့်တော်မူလေဟှယ်။ သူဟှလည်း လတ်ဟှို ဆန့်လိုက်ဟှူ ခီမာ သူ့လတ်ဟှာ ကောန်းတိုင်း ပ္လန်ဖြစ်ဟှားလေဟှယ်။ 
\v 6 ဖာရိရှဲလေဟှာ ဝါလယ်ဇရပ်ဟှ ထွပ်ဟှားဂေ့ဘီး ယေရှုဟှိုသတ်ဟှို့ နည်းလမ်းလေဟှို ဟေရုဒ်ဖွဲ့ဝမ်လေန ရှစ်ရှင်းဘဲ့ တိုင်ဗန်ဂေ့ဟှယ်။
\s အိုင်နားမာရှိဟှူ လူအောက်ဂီးကြောန်း
\p
\v 7 ယေရှုဟှာ တဗဲ့တော်လေနတူးဒူ ဂါလိလဲအိုင် ယုဒပြည်ဟှို သွားလေဟှယ်။ အယ်ဘီးန လူအောက်ဂီးဟှာ ကိုယ်တော်နော့‑က်ဟှို လိုက်ဂေ့ဟှယ်။ သူးနို့လေဟှ ဂါလိလဲပြည်၊ ယုဒပြည်၊ 
\v 8 ယေရုရှလင်ဗြို့၊ က္ကဒုမဲပြည်၊ ယော်ဒန်မ္လစ်ရဲ့ ဟိုဖတ်ကမ်း၊ တုရုနဇိဒုန်ဗြို့ နီးနားရပ်ဝါလေဟှ လူလေဟှာ ယေရှုလောက်ဟှားဟှူ မှုရာလေဟှို ကြားဟှူ ခီမာ သူးနို့ဟှာ ကိုယ်တော်နားဟှို လာဂေ့ဟှယ်။ 
\v 9 \x - \xo ၃.၉,၁၀ \xo*\xt မာ ၄.၁; လု ၅.၁–၃\xt*\x*လူအောက်ဟှာ ရရာတိုင်းကီးဟှူကြောန့် ယေရှုဟှ သူ့ဟှိုလူလေ တိုက်မိဘဲနေအောန် လှေတစီးဟှို သူ့တွပ်ဆင်သင့်လောက်ဟှားဟှို့ တဗဲ့တော်လေဟှို မိန့်မှာဟှားဟှယ်။ 
\v 10 ကိုယ်တော်ဟှာ လူနာဘောင်ဂီးဟှို ကျန်းမာစေပီးဘီ ဖြစ်ဟှူကြောန့်၊ ရောဂါရှိနေဟှူ လူလေဟှ ကိုယ်တော့်ဟှို ထိရဟှို့တွပ် တိုးဝမ်လာဂေ့ဟှယ်။ 
\v 11 ညစ်ညူးဟှူ နတ်လေဟှ ကိုယ်တော့်ဟှို ဗြင်ဟှူ ခီမာ ကိုယ်တော့်ရှေ့မာ ပျပ်ဝပ်ဘီးဟှာ “ကိုယ်တော်ဟှာ ဘုရားသခင်ရဲ့ သားတော်ဖြစ်ဟှယ်!” ဆိုဘီး အော်ဟစ်ဂေ့ဟှယ်။
\p
\v 12 ယေရှုဟှ သူဖယ်သူ ဖြစ်ဟှယ် ဆိုဇာ ပြောဘဲနေဟှို့တွပ် ညစ်ညူးဟှူ နတ်လေဟှို မိန့်ပေးလေဟှယ်။
\s ယေရှုဟှာ တမန်တော် ဆယ့်နှေ့ပါးဟှို ဝီးကော့‑က်ဟှူကြောန်း
\r (မဿဲ ၁၀.၁–၄; လုကာ ၆.၁၂–၁၆)
\p
\v 13 အယ်ဘီးန ယေရှုဟှာ တောန်ထတ်ဟှို ကြွဟှားဘီး လိုရှင်ဟှူ လူလေဟှို ခေါ်လိုက်လေဟှယ်။ သူးနို့ဟှာ ကိုယ်တော်နားဟှို လာဂေ့ဟှယ်။ 
\v 14 ကိုယ်တော်ဟှ ဆယ့်နှေ့ပါးဟှို ဝီးလိုက်ဘီး တမန်တော်လေ ဆိုဘီး ခေါ်လေဟှယ်။ ကိုယ်တော်ဟှ “နန်းနို့လေဟှို ငါ့နတူးဒူရှိဟှို့တွပ် ဝီးကော့‑က်ဟှားဟှယ်။ နန်းနို့လေဟှို ကြေညာဟှို့တွပ်လည်း ငါလွှတ်မယ်။ 
\v 15 နတ်ဆိုးလေဟှို နှန်ထုနိုင်ဟှူ ခွမ့်အာဏာဟှိုလည်း ငါပေးမယ်” ဆိုဘီး မိန့်တော်မူလေဟှယ်။
\p
\v 16 ကိုယ်တော် ဝီးကော့‑က်ဟှားဟှူ ဆယ့်နှေ့ပါးဟှ ပေတရု ဆိုဘီး ယေရှုဟှ နာမယ်ပေးဟှားဟှူ ရှိမုန်၊ 
\v 17 ဇေဗေဒဲရဲ့ သားနှေ့ယော့က်ဖြစ်ဟှူ ယာကုပ်န သူ့ညီယောဟန် (မိုးကြိုးရဲ့ သားလေ ဆိုဘီး ဓိပါယ်ရှိဟှူ ဗောနေရဂတ် ဆိုဘီး ယေရှုဟှ နာမယ်ပေးဟှားဟှယ်)၊ 
\v 18 အန္ဒြေ၊ ဖိလိပ္ပု၊ ဗာသောလမဲ၊ မဿဲ၊ သောမ၊ အာလဖဲရဲ့သား ယာကုပ်၊ သဒ္ဒဲ၊ မျိုးရှစ်စိ အားထတ်သန်ဟှူ ရှိမုန်န၊ 
\v 19 ယေရှုဟှို သစ်စာဖော့‑က်ဟှူ ယုဒရှကာရုတ် ဖြစ်ဟှယ်။
\s ယေရှုန ဗေလဇေဗုလကြောန်း
\r (မဿဲ ၁၂.၂၂–၃၂; လုကာ ၁၁.၁၄–၂၃; ၁၂.၁၀)
\p
\v 20 အယ်ဘီးန ယေရှုဟှ အီဟှို ပ္လန်ဟှားဟှယ်။ လူအောက်ဂီးဟှာ ပ္လန်ဘီးဟှာ စုလာဂေ့ဟှူကြောန့် ယေရှုန တဗဲ့တော်လေဟှ စာစားဟှို့ခီ မှေ့ဟှမ်း။ 
\v 21 လူလေဟှ “ကိုယ်တော်ဟှာ စိဖော့‑က်ပ္လန်ဟှားဘီ” ဆိုဘီး ပြောနေဂေ့ဟှူကြောန့် ကိုယ်တော်ရဲ့ မိသားစုဟှာ အယ်ကြောန်းဟှို ကြားဟှူ ခီမာ သူးနို့ဟှာ ကိုယ်တော့်ဟှို ထီးသီးဟှို့တွပ် လိုက်လာဂေ့ဟှယ်။
\p
\v 22 \x - \xo ၃.၂၂ \xo*\xt မ ၉.၃၄; ၁၀.၂၅\xt*\x*ယေရုရှလင်ဗြို့ဟှနေ ရော့‑က်လာဟှူ ကျမ်းတတ်ဆရာလေ တချို့ဟှ “ကိုယ်တော်ဟှာ ဗေလဇေဗုလနတ် ပူးနေဟှယ်! နတ်ဆိုးမန်းဟှ ပေးဟှားဟှူ တဂိုးအားဖြင့် နတ်ဆိုးလေဟှို နှန်ထုဟှယ်” ဆိုဘီး ပြောဂေ့ဟှယ်။
\p
\v 23 အယ်ကြောန့် ယေရှုဟှာ သူးနို့လေဟှို ခေါ်ဘီးဟှာ ဥပမာဆောန်ဘီး ပြောလိုက်ဇာဟှ “စာတန်ဟှ စာတန်ဟှို ဖယ်မျိုး နှန်ထုနိုင်ဟှို့နူး။ 
\v 24 နိုင်ငံတနိုင်ငံဟှာ အောက်စု တစုနတစု တိုက်ခိုက်ဘီး ကွဲပြားနေမယ် ဆိုဟှာ အယ်နိုင်ငံဟှာ ဖယ်မျိုးလည်း ရပ်တည်နိုင်ဟှို့ မှုဟှ။ 
\v 25 အီသူအီသားလေဟှာလည်း အောက်စု တစုနတစု တိုက်ခိုက်ဘီး ကွဲပြားနေမယ် ဆိုဟှာ အယ်မိသားစုဟှာ ဖယ်မျိုးလည်း ရပ်တည်နိုင်ဟှို့ မှုဟှ။ 
\v 26 အယ်မျိုးဘဲ့ စာတန်ရဲ့ နိုင်ငံဟှာ အောက်စုလေ ကွဲပြားနေမယ် ဆိုဟှာ အယ်နိုင်ငံဟှာ ရပ်တည်နိုင်ဘဲန ပျစ်စီးဟှားလေ့မယ်။
\p
\v 27 “ခွန်အားကီးဟှူ လူဟှို ရင်ဦးဆောင်း တောက်ဘဲန ဖယ်သူလည်း ခွန်အားကီးဟှူ လူရဲ့ အီဟှို ဝမ်ဘီးဟှာ သူ့အောက်စာလေဟှို လုယူနိုင်ဟှို့ မှုဟှ။ သူ့ဟှို တောက်ဘီးမှဘဲ့ သူ့ရဲ့ အီဟှို လုယူနိုင်မယ်။
\p
\v 28 “နန်းနို့ဟှို ငါ မှန်တိုင်းပြောမယ်၊ လူလေဟှာ သူးနို့ရဲ့ ပြစ်ရှိမျှ\f + \fr ၃.၂၈ \fr*\fq သူးနို့ရဲ့ ပြစ်ရှိမျှ၊ \fq*\ft အယ်မျိုးမှုဘဲ့နေဟှာ \ft*\fqa ကောန်းဘဲ့ပြောနေဇာဟှာ ဘုရားသခင်ဟှို လွန်ကျူးဘီး ပြောဇာဖြစ်ဟှယ်။\fqa*\f*န ဘုရားသခင်ဟှို စော်ကားပြောဆိုဇာလေ အားလောင်းတွပ် ခွမ့်လွှတ်ခံရမယ်။ 
\v 29 \x - \xo ၃.၂၉ \xo*\xt လု ၁၂.၁၀\xt*\x*အယ်ဘေမဲ့ ဖယ်သူဘဲ့ဖြစ်ဖြစ် သန့်ရှင်းဟှူဝိညာဉ်တော်ဟှို ပြစ်မှားဘီး ပြောဆိုမယ် ဆိုဟှာ လောင်းဝ ပြစ်လွှတ်လေ့မယ် မှုဟှ။ ဖြားဖြစ်ကြောန့်နူးဆိုဟှာ သူဟှာ ထာဝရပြစ်ဟှို ကျူးလွန်ဟှူကြောန့် ဖြစ်ဟှယ်။” 
\v 30 ယေရှု အယ်မျိုး ပြောလိုက်ဇာဟှာ လူတချို့ဟှ “ကိုယ်တော်ထဲမာ ညစ်ညူးဟှူ နတ်ရှိနေဟှယ်” ဆိုဘီး ပြောနေဂေ့ဟှူကြောန့် ဖြစ်ဟှယ်။
\s ယေရှုရဲ့ မိန ညီလေကြောန်း
\r (မဿဲ ၁၂.၄၆–၅၀; လုကာ ၈.၁၉–၂၁)
\p
\v 31 ယေရှုရဲ့ မိန ညီလေဟှာ ရော့‑က်လာဂေ့ဟှယ်။ သူးနို့ဟှာ အီပ္လန်မာ ရပ်နေဘီးဟှာ ကိုယ်တော့်ဟှို ခေါ်ဟှို့တွပ် ယော့‑က်ယော့‑က်ဟှို စေလွှတ်လေဟှယ်။ 
\v 32 လူအောက်ဂီးဟှ ယေရှုရဲ့ ဘေးပတ်ပတ်လည်မာ ထိုင်နေဂေ့ဟှယ်။ သူးနို့ဟှ “ကိုယ်တော်ရဲ့ မိ၊ ညီလေန ညီမလေဟှ ပ္လန်မာရှိဟှယ်။ သူးနို့ဟှာ ကိုယ်တော့်ဟှို တွိရှင်နေဂေ့ဟှယ်” ဆိုဘီး ကိုယ်တော့်ဟှို လျှော့‑က်ဂေ့လေဟှယ်။
\p
\v 33 ယေရှုဟှ “ငါ့မိဟှ ဖယ်သူနူး။” ငါ့ညီကိုလေဟှ ဖယ်သူနူး ဆိုဘီး ပ္လန်ဘီး မိန့်တော်မူလေဟှယ်။ 
\v 34 ကိုယ်တော်ဟှာ သူ့ပတ်ပတ်လည်မာ ထိုင်နေဟှူ လူလေဟှို ကေ့ဘီးဟှာ “အယ်လူလေဟှာ ငါ့မိ၊ ငါ့ညီ၊ ငါ့ညီမ ဖြစ်ဟှယ်! 
\v 35 ဘုရားသခင်ရဲ့ လိုတော်ဟှို ဆောန်ဟှူ လူဟှာ ငါ့ညီ၊ ငါ့ညီမန ငါ့မိဘဲ့ဖြစ်ဟှယ်” ဆိုဘီး မိန့်တော်မူလေဟှယ်။
\c 4
\s ပျိုးစေ့ကြဲမားရဲ့ ပေါင်ဥပမာ
\r (မဿဲ ၁၃.၁–၉; လုကာ ၈.၄–၈)
\p
\v 1 \x - \xo ၄.၁ \xo*\xt လု ၅.၁–၃\xt*\x*နော့‑က်တခါ ယေရှုဟှ ဂါလိလဲအိုင်ဘေးမာ စဘီးဟှာ သွန်သန်လေဟှယ်။ ရရာတိုင်းများဟှူ လူအောက်ဂီးဟှာ ကိုယ်တော်နားမာ စုလာဂေ့ဟှူကြောန့် ကိုယ်တော်ဟှာ အိုင်ထဲမာရှိဟှူ လှေတစင်းထတ်မာ တတ်ထိုင်လိုက်ဟှယ်။ လှေဟှာ ရေပ္လန်မာ ရှိနေဟှူကြောန့် လူအောက်ဂီးဟှ ကမ်းခြေရေစပ်မာ ရှိနေဂေ့ဟှယ်။ 
\v 2 ကိုယ်တော်ဟှ ပေါင်ဥပမာဆောန်ဘီးဟှာ ကြောန်းရာလေဘောင်ဂီးဟှို သွန်သန်ဘီး ပြောနေဇာဟှ၊
\p
\v 3 “နားထောန်ဂေ့! မျိုးစေ့ကြဲမား တယော့‑က်ဟှာ မျိုးစေ့ကြဲဟှို့ ထွပ်ဟှားလေဟှယ်။ 
\v 4 မျိုးစေ့ကြဲလိုက်ဟှူ ခီမာ တချို့ စေ့လေဟှ လမ်းမာက္လဘီး ငှတ်လေဟှာ လာကော့‑က်စားလေဟှယ်။ 
\v 5 တချို့ စေ့လေဟှ မ္လေဆီလွှာနဲဘီး က္လော့‑က်ခဲများဟှူ နေရာမာက္လလေဟှယ်။ မျိုးစေ့လေဟှာ မ္လေသားနဲဟှူကြောန့် ဗြန်းဗြန်ဟှား ပန်ပေါ့‑က်လာဟှယ်။ 
\v 6 အယ်ဘေမဲ့ နေပူဟှူ ခီမာ ပြစ်စွဲဘဲကြောန့် ညှိုးဘီးဟှာ ခြော့‑က်ဟှားလေဟှယ်။ 
\v 7 တချို့ မျိုးစေ့လေဟှ ဆူးချောင်ထဲမာ က္လဟှားဘီး ဆူးဗန်လေဟှ ကီးလာဘီးဟှာ ပန်လေဟှို အောက်လိုက်ဟှူကြောန့် သီးလေဟှ သီးနိုင်ဟှမ်း။ 
\v 8 တချို့ စေ့လေဟှ ကောန်းဟှူမ္လေမာ က္လဟှူကြောန့် ပန်လေပေါ့‑က်လာဘီး ကီးလာဘီးဟှာ သီးနှံလေဟှာ တချို့ဟှ ဆသောင်းဆယ်၊ တချို့ဟှ ဆခြော့‑က်ဆယ်၊ တချို့ဟှ ဆတရာသီးလေဟှယ်” ဆိုဘီး မိန့်တော်မူလေဟှယ်။
\p
\v 9 အယ်ဘီးန ယေရှုဟှ “နန်းနို့မာ နားရှိဟှယ် ဆိုဟှာ ကြားဂေ့!” ဆိုဘီး မိန့်တော်မူလေဟှယ်။
\s ပေါင်ဥပမာလေရဲ့ ရည်ရွယ်ချစ်
\r (မဿဲ ၁၃.၁၀–၁၇; လုကာ ၈.၉–၁၀)
\p
\v 10 ယေရှုတယော့‑က်ဒဲဘဲ့ ရှိဟှူ ခီမာ တဗဲ့တော် ဆယ့်နှေ့ပါးနတူးဒူ လိုက်လာဟှူလူလေဟှ ပေါင်ဥပမာရဲ့ ဓိပါယ်ဟှို မေးဂေ့ဟှယ်။ 
\v 11 ယေရှုဟှ “နန်းနို့လေဟှ ဘုရားသခင်ရဲ့ နိုင်ငံတော်နဆိုင်ဟှူ နတ်နဲဟှူ ကြောန်းရာလေဟှို သိခွမ့်ရှိဟှယ်။ အယ်ဘေမဲ့ ပ္လန်လူလေတွပ် ကြောန်းရာလေဟှို ပေါင်ဥပမာလေနဘဲ့ ဖော်ပြဂေ့ဟှယ်” 
\v 12 ဖြားဖြစ်ကြောန့်နူးဆိုဟှာ
\q1 “‘သူးနို့လေဟှ ဗြင်းဗြင်ဟှီးန
\q2 ဗြင်ဟှ။
\q1 သူးနို့လေဟှာ နားလည်းလည်ဟှီးန
\q2 နားလည်ဂေ့ဟှ။
\q1 သူးနို့ဟှာ တကယ်ဗြင်ဘီးဟှာ နားလည်ဟှားမယ် ဆိုဟှာ သူးနို့ဟှာ ဘုရားသခင်ဖတ်ဟှို လှည့်ဟှားဟှူကြောန့်
\q2 ကိုယ်တော်ဟှ သူးနို့ဟှို ခွမ့်လွတ်လေ့မယ်’ ” ဆိုဘီး မိန့်တော်မူလေဟှယ်။
\s မျိုးစေ့ကြဲမားရဲ့ ပေါင်ဥပမာဟှို ရှင်းပြဟှူကြောန်း
\r (မဿဲ ၁၃.၁၈–၂၃; လုကာ ၈.၁၁–၁၅)
\p
\v 13 ယေရှုဟှ “နန်းနို့ဟှ အယ်ပေါင်ဥပမာဟှို နားလည်ဟှလော။ အယ်ဆိုဟှာ တခြားပေါင်ဥပမာလေဟှို ဖယ်မျိုး နားလည်နိုင်ဟှို့နူး။ 
\v 14 မျိုးစေ့ကြဲမားဟှ ဘုရားသခင်ရဲ့ စကားတော်ဟှို ကြဲလေဟှယ်။ 
\v 15 လူတချို့ဟှာ လမ်းထတ်မာက္လဟှူ မျိုးစေ့နတူဘီး သူးနို့ဟှာ တရားစကားဟှို ကြားဟှူ ခီမာ စာတန်ဟှ လာဘီးဟှာ အယ်မူတရားစကားဟှို နှုယူလေဟှယ်။ 
\v 16 တချို့ လူလေဟှ က္လော့‑က်ခဲပေါဟှူ မ္လေမာက္လဟှူ မျိုးစေ့နတူဟှယ်။ သူးနို့လေဟှ တရားစကားဟှို ကြားဟှူ ခီမာ သူးနို့ဟှာ ဝန်းသာအားရ လတ်ခံဂေ့ဟှယ်။ 
\v 17 အယ်ဘေမဲ့ တရားစကားဟှာ သူးနို့ထဲမာ ပြစ်စွဲဘဲန ရှစ်ဟှားဘဲ ခံလေဟှယ်။ အယ်မူတရားစကားကြောန့် ဒေါက်ခန နှိစစ်ညှင်းဆဲဇာလေ တွိရဟှူ ခီမာ သူးနို့လေဟှ ရှစ်ရှင်းဘဲ့ ဖော့‑က်ပ္လန်ဟှားဂေ့ဟှယ်။ 
\v 18 တခြားလူလေဟှ ဆူးချောင်မာက္လဟှူ မျိုးစေ့နတူဟှယ်။ သူးနို့လေဟှ တရားစကားဟှို ကြားရဟှယ်။ 
\v 19 အယ်ဘေမဲ့ ဘဝရဲ့ စိုးရိမ်ရှင်းလေ၊ စည်းဇိမ်အောက်စာရဲ့ လှည့်စားရှင်းလေန တခြားတပ်မတ်ရှင်းလေ ဝမ်လာဘီး အယ်မူတရားစကားဟှို လွှမ်းမိုးလိုက်ဟှူကြောန့် တရားစကားဟှာ ဖယ်မျိုးလည်း သီးဟှို သီးနိုင်ဟှမ်း။ 
\v 20 တချို့ လူလေဟှ ကောန်းဟှူမ္လေမာက္လဟှူ မျိုးစေ့နတူဟှယ်။ သူးနို့ဟှ တရားစကားဟှို ကြားဘီး လတ်ခံဟှူကြောန့် တချို့ဟှ ဆသောင်းဆယ်၊ တချို့ဟှ ဆခြော့‑က်ဆယ်၊ တချို့ဟှ ဆတရာ သီးသီးလာဟှယ်” ဆိုဘီး ပြောလေဟှယ်။
\s တောန်းအော့‑က်မာရှိဟှူ မီးအီကြောန်း
\r (လုကာ ၈.၁၆–၁၈)
\p
\v 21 \x - \xo ၄.၂၁ \xo*\xt မ ၅.၁၅; လု ၁၁.၃၃\xt*\x*ယေရှုဟှ “ဖယ်လူဟှ ဆီမီးအီဟှို ယူလာဘီးဟှာ တောန်းအော့‑က်မာ ထားဟှားမယ်နူး။ ကဒန်အော့‑က်မာ ထားဟှားမယ်နူး။ အယ်မျိုးထားမယ့်စား အယ်ဇာဟှို ဆီမီးခေါင်ထတ်မာ ထားဟှားရမယ် မှုဟှလော။ 
\v 22 \x - \xo ၄.၂၂ \xo*\xt မ ၁၀.၂၆; လု ၁၂.၂\xt*\x*ဝှပ်ဟှားဟှူဇာလေ အားလောင်းဂူ ပေါ်လာလေ့မယ်။ ဖောင်းဟှားဟှူဇာလေ အားလောင်းဂူဟှာလည်း ပွမ့်လာလေ့မယ်။ 
\v 23 နန်းနို့မာ နားရှိဟှယ် ဆိုဟှာ ကြားဂေ့!” ဆိုဘီး သူးနို့ဟှို မိန့်တော်မူလေဟှယ်။
\p
\v 24 \x - \xo ၄.၂၄ \xo*\xt မ ၇.၂; လု ၆.၃၈\xt*\x*အယ်ခီမာ ယေရှုဟှာ “နန်းနို့ ကြားရဇာလေဟှို ဂရုစိုက်ဘီးဟှာ နားထောန်ဂေ့! နန်းနို့ဟှာ သူများလေဟှို ပေးဟှူ ပမာဏတိုင်း ဘုရားသခင်ဟှ နန်းနို့ဟှို ပေးလေ့မယ်။ ပိုဘီးဟှာ ပေးလေ့မယ်။ 
\v 25 \x - \xo ၄.၂၅ \xo*\xt မ ၁၃.၁၂; ၂၅.၂၉; လု ၁၉.၂၆\xt*\x*ရှိဟှူလူဟှို ထပ်ပေးဘီး သူ့ဟှို ကြွယ်ဝစေလေ့မယ်။ မှေ့ဘဲဟှူ လူနားဟှ ရှိဟှူမျှဟှို နှုလေ့မယ်” ဆိုဘီး မိန့်တော်မူလေဟှယ်။
\s ကီးလာဟှူ မျိုးစေ့ရဲ့ ပေါင်ဥပမာကြောန်း
\p
\v 26 ယေရှုဟှ ဆစ်ဘီးဟှာပြောဇာဟှ “ဘုရားသခင်ရဲ့ နိုင်ငံတော်ဟှာ သူ့ရဲ့လယ်ထဲမာ မျိုးစေ့ကြဲဟှူ လူတယော့‑က်နတူဟှယ်။ 
\v 27 သူဟှ ညခီမာ အိလိုက်၊ နေ့ခီမာ နိုးနေဒူးမာ၊ မျိုးစေ့လေအားလောင်းဟှာ ပန်ပေါ့‑က်လာဘီး ကီးလာဟှယ်။ အယ်ဘေမဲ့ အယ်ဇာ ဖယ်မျိုးဖြစ်လာဟှယ် ဆိုဇာဟှို အယ်လူဟှာ သိဟှ။ 
\v 28 မ္လေဂီးဟှ သူ့လိုလို ပန်လေဟှို ကီးစေဘီး သီးသီးလာဇာဟှ ဦးဆောင်းမာ ညွှန့်ထွပ်လာဟှယ်။ အယ်ဘီးန ဗားနှံ နော့‑က်ဆောင်းမာ နှံထဲမာ အောန်ဟှူဆန်။ 
\v 29 ဗားနှံလေ မှည့်ဟှူ ခီမာ ဗားရိခီ ရော့‑က်လာဟှူကြောန့် အယ်လူဟှ ဗားဟှို စဘီးဟှာ ဇင်နရိဟှယ်” ဆိုဘီး မိန့်တော်မူလေဟှယ်။
\s မုညင်းစေ့ရဲ့ ပေါင်ဥပမာကြောန်း
\r (မဿဲ ၁၃.၃၁,၃၂,၃၄; လုကာ ၁၃.၁၈–၁၉)
\p
\v 30 ယေရှုဟှ “ဘုရားသခင်ရဲ့ နိုင်ငံတော်ဟှာ ဖြားဇာနတူဟှယ် ဆိုဘီး နို့လေဟှ ပြောရမယ်နူး။ ဖယ်မျိုးပေါင်ဥပမာဟှို သောင်းပြုဘီး အယ်ဇာဟှို နို့လေဟှ ရှင်းပြရဟှို့နူး။ 
\v 31 အယ်ဇာဟှ မုညင်းစေ့နတူဟှယ်။ လူတယော့‑က်ဟှာ ကမ္ဘာမာ ငယ်ဆောင်းစေ့ဟှို ယူဘီးဟှာ မ္လေဂီးမာ စိုက်လေဟှယ်။ 
\v 32 အယ်ဘေမဲ့ အယ်ပန်ဟှာ ကီးလာဟှူ ခီမာ သီးနှံပန်လေ အားလောင်းဂူထဲမာ ကီးဆောင်းဖြစ်လာဟှယ်။ ကိုင်းခတ်ကီးလေလည်း ထွပ်လာဘီး ကောန်းဂန်ဟှ ငှတ်လေဟှာ လာဘီး အယ်ပန်ရဲ့ရိမာ သူးနို့ရဲ့သိုက်ဟှို လောက်ဂေ့ဟှယ်” ဆိုဘီး မိန့်တော်မူလေဟှယ်။
\p
\v 33 ယေရှုဟှာ အယ်မျိုး တခြား ပေါင်ဥပမာ ဘောင်ဂီးဟှို သောင်းပြုဘီး သူးနို့ဟှို တရားစကားဟှို ဟောလေဟှယ်။ အယ်လူလေ နားလည်နိုင်အောန် ပြောလေဟှယ်။ 
\v 34 ကိုယ်တော်ဟှာ ပေါင်ဥပမာလေ သောင်းဘဲန သူးနို့ဟှို ဟောတော်မူဟှ။ အယ်ဘေမဲ့ ကိုယ်တော်ဟှာ တဗဲ့တော်လေနတူးဒူ သီးသန့်ရှိနေဟှူ ခီမာ ကိုယ်တော်ဟှာ အားလောင်းဂူဟှို သူးနို့ဟှို ရှင်းပြလေဟှယ်။
\s ယေရှုဟှာ လေမှောန်တိုင်းဟှို ငြီးစေဟှူကြောန်း
\r (မဿဲ ၈.၂၃–၂၇; လုကာ ၈.၂၂–၂၅)
\p
\v 35 အယ်နေ့ နေဒန်ဇာမာ ယေရှုဟှ “အိုင်ရဲ့ ဟှို့ဖတ်ကမ်းဟှို ကူးဂေ့ဇို့” ဆိုဘီး တဗဲ့တော်လေဟှို မိန့်တော်မူလေဟှယ်။ 
\v 36 အယ်ကြောန့် သူးနို့ဟှာ လူအောက်ဂီးဟှို ထားရစ်ဘီးဟှာ တဗဲ့တော်လေဟှာ လှေထတ်မာထိုင်နေဟှူ ယေရှုဟှို သူးနို့နတူးဒူ ခေါ်ဟှားဂေ့ဟှယ်။ အယ်နေရာမာ တခြားလှေလေလည်း ကိုယ်တော်နတူးဒူ လိုက်ဟှားဂေ့ဟှယ်။ 
\v 37 ရောက်တရစ် ပြင်းထန်ဟှူ လေမှောန်တိုင်းက္လလာဘီး လှိုင်းလေဟှာ လှေဟှို စဘီးဟှာ ရိုက်လေဟှယ်။ အယ်ကြောန့် လှေဟှာ ရေနပ္လဲ့ခါနီးနီး ဖြစ်ဟှားဟှယ်။ 
\v 38 ယေရှုဟှ လှေရဲ့ပဲ့မာ ခေါန်းအောင်း အောင်းဘီး အိနေဟှယ်။ တဗဲ့တော်လေဟှ ကိုယ်တော့်ဟှို နှိုးဂေ့ဘီး “ဆရာ၊ ကျွန်တော့်ဟှားလေ သေဟှို့ဖြစ်နေဂေ့ဇာဟှို ကိုယ်တော် ဂရုစိုက်ဘဲနနေဟှို့လော” ဆိုဘီး လျှော့‑က်ဂေ့လေဟှယ်။
\p
\v 39 ယေရှုဟှ ထလာဘီးန လေနလှိုင်းဟှို မိန့်မှာဟှူ ခီမာ လေနလှိုင်းလည်း ငြီဟှားဘီး သာယာဟှားလေဟှယ်။ 
\v 40 အယ်ဘီးန ယေရှုဟှ တဗဲ့တော်လေဟှို “ဖြားဖြစ်ကြောန့် နန်းနို့လေ ကြော့‑က်နေဂေ့နူး။ ခုထတ်ထိ နန်းနို့လေဟှ ယောင်ကြည်ရှင်း မှေ့သေးဟှလော” ဆိုဘီး မေးမြန်းလေဟှယ်။
\p
\v 41 အယ်ဘေမဲ့ သူးနို့လေဟှ ရရာတိုင်း ကြော့‑က်နေဂေ့ဘီး “အယ်လူဟှ ဖယ်သူနူး။ လေနလှိုင်းလေတောန်မှ သူ့ဟှို နားထောန်ဂေ့ဟှယ်!” ဆိုဘီး သူးနို့ရှင်းရှင်း စဘီးဟှာ ပြောနေဂေ့ဟှယ်။
\c 5
\s ယေရှုဟှာ ညစ်ညူးဟှူနတ်လေဟှို နှန်ထုဟှူကြောန်း
\r (မဿဲ ၈.၂၈–၃၄; လုကာ ၈.၂၆–၃၉)
\p
\v 1 ယေရှုန တဗဲ့တော်လေဟှာ ဂါလိလဲအိုင်ရဲ့ ဟှို့ဖတ်ကမ်းမာရှိဟှူ ဂါဒရဒေသဟှို ရော့‑က်လာဂေ့ဟှယ်။ 
\v 2 ယေရှုဟှ လှေထဲဟှ ထွပ်လာဟှူ ခီမာ လူတယော့‑က်ဟှာ သန်းခ္လိုင်းထဲဟှနေ ထွပ်လာဘီး ကိုယ်တော့်ဟှို တွိဆောင်လေဟှယ်။ အယ်လူဟှာ ညစ်ညူးဟှူနတ် ဝမ်ပူးနေဘီး 
\v 3 သန်းခ္လိုင်းဂူလေ ကြားမာနေဟှယ်။ ဖယ်သူလဲ သူ့ဟှို တောက်နိုင်ဂေ့ဟှ။ သံကြိုးနဟှိုမှ ခယ်ဟှားနိုင်ဂေ့ဟှ။ 
\v 4 သူ့ရဲ့ ခေလေနလတ်လေဟှို ခဏခဏ ခယ်ဖူးဂေ့ဟှယ်။ အယ်ဘေမဲ့ သူဟှာ ခီတိုင်း သံကြိုးလေဟှို ဆွဲဖြတ်ဘီး ခေရှင်းလေဟှိုလည်း ဆွဲဖ္လဲလေဟှယ်။ သူဟှာ ရရာတိုင်း ခွန်အားကီးဟှူကြောန့် ဖယ်သူလည်း ထီးချောက်နိုင်ဂေ့ဟှ။ 
\v 5 နေ့ရောညဉ့်ရော သူဟှာ သန်းခ္လိုင်းဂူကြားလေန တောန်ဂူးထပ်လေမာ ရှော့‑က်သွားနေဘီး၊ အော်ဘီးဟှာ သူ့ကိုယ်သူ ထတ်ဟှူက္လော့‑က်တောင်းလေန လှီးဖြတ်နေဟှယ်။
\p
\v 6 သူဟှာ ယေရှုဟှို ဝီးဟှနေ ဗြင်ဟှူ ခီမာ ပ္လေးလာဘီးဟှာ ကိုယ်တော်ရဲ့ ခေတော်ရင်းမာ ပ္လားပ္လားပျပ်ဝပ်ဘီး 
\v 7 “ဗြစ်ဆောင်းဖြစ်ဟှူ ဘုရားသခင်ရဲ့ သားတော်ယေရှု! ကိုယ်တော်ဟှာ ကျွန်တော့်န ဖြားဆိုင်ကြောန့်နူး။ ကျွန်တော့်ဟှို ညှဉ်းဆဲပါန ဘုရားသခင်ဟှို အားကိုးဘီးဟှာ ကိုယ်တော့်ဟှို ကျွန်တော်တောန်းဗန်ဟှယ်!” ဆိုဘီး သံက္လယ်ဂီးန လျှော့‑က်လေဟှယ်။ 
\v 8 သူအယ်မျိုးပြောဇာဟှာ ယေရှုဟှ “ညစ်ညူးဟှူနတ်၊ အယ်လူထဲဟှနေ ထွပ်ဟှား!” ဆိုဘီး ပြောဟှားဟှူကြောန့် ဖြစ်ဟှယ်။
\p
\v 9 ယေရှုဟှ “နန်းနို့နာမယ် ဖြားမျိုးခေါ်နူး” ဆိုဘီး မေးလိုက်ဟှယ်။
\p အယ်လူဟှ “ကျွန်တော့်လေဟှ ဘောင်ဂီးဖြစ်ဟှူကြောန့် ‘လေဂေါင်၊’ ‘လူအောက်ဂီး’ ဆိုဘီး ခေါ်ဂေ့ဟှယ်!” ဆိုဘီး ယေရှုဟှို ပ္လန်ပြောလိုက်ဟှယ်။ 
\v 10 ညစ်ညူးဟှူနတ် ပူးနေဟှူသူဟှာ နတ်ဆိုးလေဟှို အယ်နယ်ဟှနေဘီးဟှာ နှန်ထုဘဲနေဟှို့တွပ် ယေရှုဟှို တောန်းဗန်လေဟှယ်။
\p
\v 11 အယ်ခီမာ တောန်ဂူးထတ်မာ ဝပ်အောက်ဂီးဟှာ စာစားနေဂေ့ဟှယ်။ 
\v 12 နတ်ဆိုးလေဟှလည်း “ကျွန်တော့်လေဟှို အယ်ဝပ်လေထဲဟှို စေလွှတ်ပေးပါ။ သူးနို့ထဲဟှို ဝမ်ခွမ့်ပေးပါ” ဆိုဘီး ယေရှုဟှို တောန်းဗန်ဂေ့ဟှယ်။ 
\v 13 ယေရှုဟှ ခွမ့်ပေးလိုက်ဟှူကြောန့် ညစ်ညူးဟှူ နတ်လေဟှ ထွပ်ဟှားဘီး ဝပ်လေထဲဟှို ဝမ်ဂေ့လေဟှယ်။ ၂,၀၀၀ လောက်ရှိဟှူ ဝပ်အောက်ဂီးဟှာ အိုင်ကမ်းနားဟှို ပ္လေးဆင်းဟှားဘီး ရေမ္လောက်ဘီးဟှာ သေဟှားလေဟှယ်။
\p
\v 14 ဝပ်ထီးမားလေဟှ ထွပ်ပ္လေးဟှားဘီး ဗြို့န တောဝါလေနှံ့ အယ်ဒန်းဟှို လိုက်ပြောဂေ့ဟှယ်။ လူလေဟှာ ဖြားဇာလေ ဖြစ်ဟှားဟှယ် ဆိုဇာဟှို ကေ့ဟှို့ ထွပ်လာဂေ့ဟှယ်။ 
\v 15 သူးနို့လေဟှ ယေရှုနားဟှို ရော့‑က်လာဟှူ ခီမာ သူးနို့လေဟှာ လေဂေါင်နတ်ဆိုးလေ ပူးခံရဟှူလူဟှို တွိဟှားလေဟှယ်။ အယ်လူဟှာ ဝတ်ဟှို ဝတ်ဟှားဘီး ပေါင်မှန်စိန အယ်နေရာမာ ထိုင်နေဟှူကြောန့် သူးနို့လေ အားလောင်းဂူဟှာ ကြော့‑က်နေဂေ့ဟှယ်။ 
\v 16 အယ်ဇာဟှို ဗြင်ဟှားဘီးဟှူ လူလေဟှ နတ်ဆိုးပူးနေဟှူ လူမာ ဖြားမျိုးဖြစ်ဟှားဇာန ဝပ်လေရဲ့ ကြောန်းဟှို အယ်လူလေဟှို ပြောပြဂေ့ဟှယ်။
\p
\v 17 အယ်ကြောန့် သူးနို့ဟှာ သူးနို့ရဲ့ နယ်ဟှနေ ထွပ်ဟှားဟှို့တွပ် ယေရှုဟှို တောန်းဗန်ဂေ့ဟှယ်။
\p
\v 18 ယေရှုဟှာ လှေထတ်ဟှို တတ်နေဒူးမာ နတ်ဆိုးပူးဖူးဟှူ လူဟှ “ကျွန်တော့်ဟှို ကိုယ်တော်နတူးဒူ သွားခွမ့်ပေးပါ!” ဆိုဘီး ကိုယ်တော့်ဟှို တောန်းဗန်လေဟှယ်။
\p
\v 19 အယ်ဘေမဲ့ ယေရှုဟှ သူ့ဟှို လိုက်ခွမ့်ပေးဟှ။ အယ်မျိုးလိုက်ခွမ့်ပေးမယ့်စား ကိုယ်တော်ဟှ “နန့်ရဲ့ မိသားစုနားဟှို ပ္လန်သွားဘီး ဘုရားသခင်ဟှာ နန့်တွပ် ဖယ်မျှလော့‑က် လောက်ဆောန်ပေးဟှားဇာန နန့်ဟှို ဖယ်မျှသနားတော်မူကြောန်းဟှို သူးနို့လေဟှို ပြောပြပါ” ဆိုဘီး သူ့ဟှို မိန့်တော်မူလေဟှယ်။
\p
\v 20 အယ်ကြောန့် အယ်လူဟှ ထွပ်ဟှားဘီး ယေရှုဟှ သူ့တွပ် ဖြားဇာလေ လောက်ပေးဟှားဟှယ် ဆိုဇာဟှို ဒေကာပေါလိနယ်မာ စဘီးဟောပြောလေဟှယ်။ အယ်ကြောန်းဟှို ကြားရဟှူလူလေ အားလောင်းဟှာ အံ့ဩဂေ့ဟှယ်။
\s ယာဣရုရဲ့ သမီးန ယေရှုရဲ့ ဝတ်လောင်ဟှို တို့ဟှူမီးမကြောန်း
\r (မဿဲ ၉.၁၈–၂၆; လုကာ ၈.၄၀–၅၆)
\p
\v 21 ယေရှုဟှ အိုင်ရဲ့ ဟှို့ဖတ်ကမ်းဟှို လှေန ပ္လန်ကူးဟှားလေဟှယ်။ အိုင်ဘေးနားမာ လူအောက်ဂီးဟှာ ကိုယ်တော်ပတ်လည်မာ စုလာဂေ့ဟှယ်။ 
\v 22 ယာဣရု နာမယ်ရှိဟှူ ဝါလယ်ဇရပ်မှူး တယော့‑က်ဟှ ရော့‑က်လာဘီးဟှာ ယေရှုဟှို ဗြင်ဟှူ ခီမာ သူဟှာ ကိုယ်တော့်ခေရင်းမာ ဒူးထော့က်ဘီး 
\v 23 “ကျွန်တော့်သမီးငယ်ဟှ သေခါနီး ဖြစ်နေဟှယ်။ ကြွလာဘီးဟှာ သူ့ထတ်မာ ကိုယ်တော့်ရဲ့ လတ်ဟှို တန်တော်မှုပါ၊ အယ်ဆိုဟှာ သူဟှာ ကျန်းမာဘီး သတ်ရှင်လေ့မယ်!” ဆိုဘီး နူးညွတ် တောန်းဗန်လေဟှယ်။
\p
\v 24 အယ်ဆိုန ယေရှုဟှ သူ့နတူးဒူ လိုက်ဟှားဟှယ်။ လူလေဘောင်ဂီးဟှ ယေရှုနတူးဒူ လိုက်လာဟှူကြောန့် သူးနို့ဟှာ ဘေးပတ်ပတ်လည်ဟှနေ ကိုယ်တော့်ဟှို တိုးဝှေ့နေဂေ့ဟှယ်။
\p
\v 25 အယ်နေရာမာ ဆယ့်နှေ့နှစ် လောင်းလောင်း သွီးသွန်ရောဂါဟှို ပြင်းပြင်းထန်ထန် ခံစားနေရဟှူ မီးမတယော့‑က်ရှိဟှယ်။ 
\v 26 သူဟှာ ဆရာဝန်လေ ဘောင်ဂီးနလည်း ကုသဟှားပီးဘီ။ သူ့ရဲ့ကပ်လေ အားလောင်းဂူလည်း ကူဟှားဘေမဲ့ သတ်သာလာဟှို့ နေနေသာသာ ရောဂါဟှ ပိုဘီးဆိုးလာဟှယ်။ 
\v 27 အယ်မီးမဟှာ ယေရှုကြောန်းဟှို ကြားဟှားလေဟှယ်။ အယ်ကြောန့် ဝတ်ဟှို တို့ဟှို့တွပ် ကိုယ်တော်နော့‑က်ဟှ လူအောက်ဂီးထဲဟှို ရော့‑က်လာဘီး 
\v 28 “ငါဟှာ ကိုယ်တော့်ဝတ်ဟှို တို့လိုက်မယ် ဆိုဟှာ ငါ့ဟှာ ကျန်းမာဟှားလေ့မယ်။” ဆိုဘီး သူ့ကိုယ်သူ ပြောနေလေဟှယ်။
\p
\v 29 သူဟှာ ကိုယ်တော်ရဲ့ ဝတ်လောင်ဟှို တို့လေဟှယ်။ တို့လိုက်ဟှူန သူ့ရဲ့ သွီးသွန်နေဇာလေဟှာ ရှစ်ရှင်းဘဲ့ ရပ်ဟှားဘီး၊ သူဟှာ ရောဂါပျော့‑က်ဟှားဘီ ဆိုဇာဟှို သူ့ကိုယ်ထဲမာ ခံစားရနေဟှယ်။ 
\v 30 ရှစ်ရှင်းဘဲ့ ယေရှုဟှာ သူ့ကိုယ်ဟှ တဂိုးထွပ်ဟှားဇာဟှို သိဟှားကြောန့် လူအောက်ဂီးဖတ်ဟှို လှည့်ဘီးဟှာ “ငါ့ဝတ်ဟှို ဖယ်သူတို့နူး” ဆိုဘီး မေးလေဟှယ်။
\p
\v 31 တဗဲ့တော်လေဟှ “လူလေဟှ ကိုယ်တော့်ဟှို တိုးဝှေ့နေဇာဟှို ဗြင်းဗြင်ဟှိန၊ ‘ငါ့ဟှို ဖယ်သူတို့ဟှယ်နူး’ ဆိုဘီး ခုထိ ကိုယ်တော်ဟှာ မေးနိုင်သေးဟှယ်” ဆိုဘီး ပ္လန်လျှော့‑က်လေဟှယ်။ 
\v 32 အယ်ဘေမဲ့ ယေရှုဟှာ အယ်ဇာဟှို ဖယ်သူလောက်ဟှယ် ဆိုဇာဟှို ဗြင်ဟှို့တွပ် ပတ်ပတ်လည်ဟှို ကေ့နေလေဟှယ်။ 
\v 33 အယ်မီးမဟှ သူ့မာ ဖြားမျိုးဖြစ်ဟှားဇာဟှို သိနားလည်ဟှားဟှယ်။ အယ်ကြောန့် သူဟှာ ကြော့‑က်ကြော့‑က်လန့်လန့်န ကိုယ်တော့်ခေရင်းမာ ဒူးထော့‑က်ဘီးဟှာ မှန်တိုင်းပြောလေဟှယ်။ 
\v 34 ယေရှုဟှ “ငါ့သမီး၊ နန့်ရဲ့ ယောင်ကြည်ရှင်းဟှာ နန့်ဟှို ကျန်းမာစေဘီ။ ငြီသတ်ဘီးသွားပါ၊ နန့်ရဲ့ ဝေဒနာဟှနေ လွှတ်မြော့‑က်စေ” ဆိုဘီး သူ့ဟှို မိန့်တော်မူလေဟှယ်။
\p
\v 35 အယ်မျိုးပြောနေဒူးမာ ဝါလယ်ဇရပ်မှူးရဲ့ အီဟှ တမန်တချို့ဟှာ ရော့‑က်လာဘီး “ကိုယ်တော်ရဲ့ သမီးဟှာ သေဟှားဘီ။ ဖြားဖြစ်ကြောန့် ဆရာဟှို နှော့‑က်ယှစ်နေသေးနူး” ဆိုဘီး သူးနို့ဟှ ပြောလေဟှယ်။
\p
\v 36 ယေရှုဟှ သူးနို့ဖြားဇာဘဲ့ပြောပြော ဂရုစိုက်ဟှ။\f + \fr ၅.၃၆ \fr*\fq ဂရုစိုက်ဟှ၊ \fq*\ft အယ်မျိုးမှုဘဲ့နေဟှာ \ft*\fqa ရရာတိုင်း ကြားနေရဟှယ်။\fqa*\f* အယ်ဘေမဲ့ “ကြော့‑က်န။ ယောင်ကြည်ပါ” ဆိုဘီး ဝါလယ်ဇရပ်မှူးဟှို ပြောလိုက်ဟှယ်။ 
\v 37 အယ်ဘီးန ပေတရု၊ ယာကုပ်န သူ့ညီ ယောဟန်ဟှိုဘဲ့ ခေါ်ဘီးဟှာ တခြားဖယ်သူ့ဟှို့လည်း လိုက်ခိုင်းဟှ။ 
\v 38 သူးနို့ဟှာ ဝါလယ်ဇရပ်မှူးရဲ့ အီဟှို ရော့‑က်ဟှူ ခီမာ ယေရှုဟှာ အောက်အောက်သဲသဲ ဖြစ်နေဇာလေဟှို ဗြင်ဟှားဘီး သူးနို့လေ အားလောင်းဂူဟှာ သံက္လယ်ဟှီး အော်ဘီး ငိုနေဇာလေဟှို ကြားရလေဟှယ်။ 
\v 39 ကိုယ်တော်ဟှာ အီထဲဟှို ဝမ်ဟှားဘီး “ဖြားဖြစ်ကြောန့် နန်းနို့လေဟှ အယ်မျိုး အောက်အောက်သဲသဲ လောက်နေဂေ့နူး။ ဖြားဖြစ်ကြောန့်နန်းနို့လေဟှာ ငိုနေရဟှယ်နူး။ အယ်မီးမဂန်းဟှား သေနေဇာ မှုဟှ။ သူမဟှာ အိမွိနေဇာဖြစ်ဟှယ်!” ဆိုဘီး သူးနို့ဟှို မိန့်တော်မူလေဟှယ်။
\p
\v 40 အယ်လူလေဟှ ကိုယ်တော့်ဟှို ရယ်ဇားဂေ့ဟှယ်။ အယ်ကြောန့် ကိုယ်တော်ဟှာ သူးနို့လေ အားလောင်းဟှို ပ္လန်ဟှို ထွပ်ခိုင်းဘီးဟှာ မီးမဂန်းဟှားရဲ့ မိဖလေန ကိုယ်တော်နတူးဒူ ပါလာဟှူ တဗဲ့တော် သောင်းပါးဟှို ခေါ်ဘီး မီးမဂန်းဟှား ထားဟှားဟှူ နေရာဟှို သွားလေဟှယ်။ 
\v 41 ကိုယ်တော်ဟှာ သူ့ရဲ့လတ်ဟှို ကိုင်ဘီးဟှာ \tl “တလိသ ကုမိ”\tl* ဆိုဘီး သူ့ဟှို ပြောလေဟှယ် “မီးမငယ်၊ နန့်ဟှို ငါပြောမယ်၊ ထလိုက်!” ဆိုဘီး ဓိပါယ်ရဟှယ်။
\p
\v 42 ရှစ်ရှင်းဘဲ့ သူဟှ ထဘီးဟှာ စဘီး ပတ်ပတ်လည် လမ်းရှော့‑က်လေဟှယ်။ (သူဟှ သတ် ဆယ့်နှေ့နှစ်ရှိဟှယ်။) အယ်မျိုး ဖြစ်ပျစ်ဟှားဟှူ ခီမာ သူးနို့လေ အားလောင်းဂူဟှာ ရရာတိုင်း အံ့ဩဟှားဂေ့ဟှယ်။ 
\v 43 အယ်ဘေမဲ့ ယေရှုဟှာ ဖယ်သူ့ဟှိုလည်း ပြောဘဲဟှို့တွပ် သူးနို့ဟှို တင်းတင်းကျပ်ကျပ်ဟှား မိန့်ပေးလိုက်ဟှယ်။ အယ်ဘီးဟှာ “သူ့ဟှို စားဟှို့တွပ် တခုခုပေးလိုက်ပါ” ဆိုဘီး မိန့်တော်မူလေဟှယ်။
\c 6
\s ယေရှုဟှာ နာဇရက်ဗြို့မာ ငြင်းပယ်ခံဟှူကြောန်း
\r (မဿဲ ၁၃.၅၃–၅၈; လုကာ ၄.၁၆–၃၀)
\p
\v 1 ယေရှုဟှ အယ်နေရာဟှနေ ထွပ်ဟှားဘီးန သူ့ဗြို့ဟှို ပ္လန်ဟှားလေဟှယ်။ ကိုယ်တော်ရဲ့ တဗဲ့တော်လေလည်း လိုက်ဟှားလေဟှယ်။ 
\v 2 ဒန်းနေ့မာ ကိုယ်တော်ဟှာ ဝါလယ်ဇရပ်မာ စဘီးဟှာ သွန်သန်လေဟှယ်။ အယ်နေရာမာ လူလေဘောင်ဂီး ရှိနေဘီး ကိုယ်တော် သွန်သန်ဇာလေဟှို လူလေဟှကြားရခီမာ ရရာတိုင်း အံဩဂေ့ဟှယ်။ “အယ်ဇာလေ အားလောင်းဟှို သူဟှာ ဖယ်နေရာဟှ ရဟှားနူး” ဆိုဘီး သူးနို့ဟှာ မေးလေဟှယ်။ “သူ့ဟှို ပေးဟှားဟှူပညာဟှ ဖယ်မျိုးပညာနူး။ သူဟှာ အယ်နိမိတ်လတ်ခဏာလေဟှို ဖယ်မျိုးလောက်နူး။ 
\v 3 သူဟှာ လတ်သမား မှုဟှလော။ မာရိရဲ့သား၊ ယာကုပ်၊ ယောသေ၊ ယုဒန ရှိမုန်လေရဲ့နောန် မှုဟှလော။ သူ့ညီမလေဟှ အယ်နားမာဘဲ့ နေဂေ့ဟှယ် မှုဟှလော။” အယ်ကြောန့် သူးနို့လေဟှာ ကိုယ်တော့်ဟှို ငြင်းပယ်ဂေ့လေဟှယ်။
\p
\v 4 \x - \xo ၆.၄ \xo*\xt ယော ၄.၄၄\xt*\x*ယေရှုဟှလည်း သူးနို့ဟှို “ပရောဖက်လေဟှာ သူးနို့ရဲ့ ဗြို့၊ သူးနို့ရဲ့ ရွှေမျိုးလေန သူးနို့ရဲ့ အီသူအီသားလေဟှ လွဲဘီး နေရာတိုင်းမာ လေးစားခံရဟှယ်” ဆိုဘီး မိန့်တော်မူလေဟှယ်။
\p
\v 5 ကိုယ်တော်ဟှာ အယ်ဗြို့မာ ကျန်းမာဘဲ့ဟှူ လူတချို့ထတ်မာ ကိုယ်တော်ရဲ့ လတ်လေဟှို တန်ဘီးဟှာ သူးနို့ဟှို ကျန်းမာစေဇာဟှလွဲဘီး ဖြာနိမိတ်လတ်ခဏာလေလည်း လောက်နိုင်ဟှ။ 
\v 6 ကိုယ်တော်ဟှာ ရရာတိုင်း အံ့ဩဟှားဟှယ်။ ဖြားဖြစ်ကြောန့်နူးဆိုဟှာ အယ်လူလေဟှာ ယောင်ကြည်ဘဲကြောန့် ဖြစ်ဟှယ်။
\s ယေရှုဟှာ တဗဲ့တော်ဆယ့်နှေ့ပါးဟှို စေလွှတ်ဟှူကြောန်း
\r (မဿဲ ၁၀.၅–၁၅; လုကာ ၉.၁–၆)
\p အယ်ဘီးန ယေရှုဟှာ အယ်နေရာဟှ ဝါလေဟှို လှည့်လည်သွားဘီးဟှာ လူလေဟှို သွန်သန်လေဟှယ်။
\p
\v 7 ကိုယ်တော်ဟှာ တဗဲ့တော် ဆယ့်နှေ့ပါးဟှို တူးဒူခေါ်ဘီးဟှာ နှေ့ယော့‑က်စီ တွဲခိုင်းဘီး သူးနို့ဟှို စေလွှတ်လေဟှယ်။ ကိုယ်တော်ဟှာ သူးနို့ဟှို ညစ်ညူးဟှူနတ်လေဟှို နိုင်ရဟှူ ခွမ့်အာဏာဟှိုလည်း ပေးဘီး 
\v 8 \x - \xo ၆.၈–၁၁ \xo*\xt လု ၁၀.၄–၁၁\xt*\x* “ခရီးတွပ် နန်းနို့နတူးဒူ တောန်အူးတခုဟှလွဲဘီး တခြားဇာလေ ယူဂေ့န။ စားဇာ၊ လွယ်အိ၊ နန်းနို့ရဲ့ ခါးဗတ်လေထဲမာ ကပ်လေဟှို ထဲ့ဆောန်ဂေ့န။ 
\v 9 ခေနပ်လေဟှို စီးဂေ့ပါ၊ အယ်ဘီးဟှာ အန်းဂီပိုတထည်ဟှိုလည်း ယူဆောန်ဂေ့န။” 
\v 10 ကိုယ်တော်ဟှ “ဖယ်နေရာမဆို နန်းနို့လေဟှို လတ်ခံဟှူအီမာ နန်းနို့လေဟှာ အယ်နေရာဟှ ထွပ်ခန်ထိ အယ်အီမာဘဲ့ တည်းနေဂေ့။ 
\v 11 \x - \xo ၆.၁၁ \xo*\xt တ ၁၃.၅၁\xt*\x*နန်းနို့လေဟှာ ဗြို့တဗြို့ဟှို ရော့‑က်လာဘီး အယ်ဗြို့ဟှ လူလေဟှာ နန့်နို့လေဟှို လတ်ခံဟှ အယ်မျိုးမှုဘဲနေဟှာ နန်းနို့လေဟှို နားထောန်ဂေ့ဟှဆိုဟှာ၊ နန်းနို့ခေဖွားဟှ မ္လေမုဟှို ခါခ္လဘီးဟှာ ထွပ်ဟှားဂေ့။ အယ်ဇာဟှာ သူးနို့တွပ် သတ်သေတခု ဖြစ်ဟှယ်!” ဆိုဘီး သူးနို့ဟှို မိန့်ပေးလေဟှယ်။
\p
\v 12 အယ်ကြောန့် သူးနို့ဟှာ ထွပ်ဟှားဘီး လူလေ နောန်ဒရဟှို့ကြောန်းဟှို ဟောပြောဂေ့ဟှယ်။ 
\v 13 \x - \xo ၆.၁၃ \xo*\xt ယာ ၅.၁၄\xt*\x*သူးနို့ဟှာ နတ်ဆိုးလေဘောင်ဂီးဟှို နှန်ထုဂေ့ဟှယ်။ အယ်ဘီးဟှာ ကျန်းမာဘဲဟှူ လူလေဘောင်ဂီးဟှို ဆီန လူးဘီးဟှာ သူးနို့ဟှို ကျန်းမာစေဟှယ်။
\s ဗတ္တိဇံယောဟန် သေဟှားဟှူကြောန်း
\r (မဿဲ ၁၄.၁–၁၂; လုကာ ၉.၇–၉)
\p
\v 14 \x - \xo ၆.၁၄,၁၅ \xo*\xt မ ၁၆.၁၄; မာ ၈.၂၈; လု ၉.၁၉\xt*\x*အယ်ခီမာ အယ်ကြောန်း အားလောင်းဟှို ဟေရုဒ်မန်းဂီး\f + \fr ၆.၁၄ \fr*\fk ဟေရုဒ်မန်းဂီး၊ \fk*\ft ဂါလိလဲပြည်ရဲ့ခေါန်းဆောန် ဟေရုဒ်အန္တိပ။\ft*\f*ဟှာ ကြားဟှားဘီ။ ဖြားဖြစ်ကြောန့်နူးဆိုဟှာ ယေရှုရဲ့ နာမယ်ဟှ နေရာတိုင်းဟှို ပ္လံ့နှံ့ဟှားလေဟှယ်။ လူတချို့ ပြောနေဇာဟှ “ဗတ္တိဇံယောဟန်ဟှာ သေရာဟှနေ ထမြော့‑က်ဟှားဘီ! အယ်ကြောန့် သူဟှာ နိမိတ်လတ်ခဏာလေ ပြဟှိုတွပ် အယ်မျိုးတဂိုး ရှိနေဟှယ်။”
\p
\v 15 အယ်ဘေမဲ့လည်း တခြားလူလေ ပြောဇာဟှ “သူဟှာ ဧလိယဖြစ်ဟှယ်။”
\p တခြားလူလေ ပြောဇာဟှ “သူဟှာ ရှေးဟှ ပရောဖက်လေ တပါးပါးမျိုးဘဲ့ ပရောဖက်တပါးဖြစ်ဟှယ်။”
\p
\v 16 ဟေရုဒ်ဟှ ကြားရဟှူ ခီမာ သူဟှ “အယ်လူဟှာ ဗတ္တိဇံယောဟန် ဖြစ်ဟှယ်! ငါဟှာ အယ်လူရဲ့ ခေါန်းဟှို ဖြတ်လိုက်ပီးဘီဘဲ့။ အယ်ဘေမဲ့ အယ်လူဟှာ သေရာဟှနေ ထမြော့‑က်ဟှားဘီ!” ဆိုဘီး ပြောလေဟှယ်။ 
\v 17 \x - \xo ၆.၁၇,၁၈၊ \xo*\xt လု ၃.၁၉,၂၀\xt*\x* ဟေရုဒ် ကိုယ်တိုင်ဘဲ့ ယောဟန်ဟှို ဖမ်းဆီးဟှို့ မိန့်ထုဟှားကြောန့် သူ့ဟှို တောက်နှောင်ဘီး ထောန်ထဲမာ ထားဟှားလေဟှယ်။ ဟေရုဒ်ဟှာ အယ်မျိုးလောက်ဇာဟှ သူ့ညီ ဖိလိပ္ပုရဲ့ မယား၊ ဟေရောဒိဟှို ယူဟှားဟှူကြောန့် ဖြစ်ဟှယ်။ 
\v 18 ဖြားဖြစ်ကြောန့်နူးဆိုဟှာ ဗတ္တိဇံယောဟန်ဟှ ဟေရုဒ်ဟှို “နန်ဟှာ နန့်ညီရဲ့ မယားဟှို ယူဇာဟှာ ပညတ်တော်န ညီဟှ!” ဆိုဘီး ပြောဟှားကြောန့် ဖြစ်ဟှယ်။
\p
\v 19 အယ်ကြောန့် ဟေရောဒိဟှာ ယောဟန်ဟှို ရန်ငြိုးထားဘီးဟှာ သတ်ဟှို့တွပ် လိုရှင်ဟှယ်။ အယ်ဘေမဲ့ ဟေရုဒ်ကြောန့် သူဟှာ ခွမ့်ရဟှ။ 
\v 20 ဟေရုဒ်ဟှာ ယောဟန်ဟှို ကြော့‑က်ဟှယ်။ ဖြားဖြစ်ကြောန့်နူးဆိုဟှာ ယောဟန်ဟှာ ဖြောန့်မတ်ဘီး သန့်ရှင်းဟှူလူ ဖြစ်ဟှယ် ဆိုဇာဟှို သူသိဟှားဟှယ်။ အယ်ကြောန့် သူဟှာ သူ့ဟှို လောင်းလောင်ခြောင်းခြောင်ဟှား ထားဟှားလေဟှယ်။ သူဟောပြောဇာလေဟှို ကြားရဟှူ ခီတိုင်း ရရာတိုင်း စိနှောင့်ယှစ် ဖြစ်ဘေမဲ့လည်း သူဟှာ သူ့ရဲ့ ဟောပြောဇာဟှို နှစ်သက်ဘီး နားထောန်တတ်ဟှယ်။
\p
\v 21 နော့‑က်ဆောင်းမာ ဟေရောဒိဟှာ ခွမ့်ရေး ရဟှားဟှယ်။ အယ်ခွမ့်ရေးဟှာ ဟေရုဒ် မွေးနေ့မာ ဖြစ်ဟှယ်။ အယ်နေ့မာ ဟေရုဒ်ဟှ ထိတန်းစိုးရ ရာရှိဂီးလေ၊ တပ်မတော် ရာရှိဂီးလေ၊ ဂါလိလဲနယ်ရဲ့ ခေါန်းဆောန်ဂီးလေ အားလောင်းတွပ် စားသော့‑က်ဗွဲဂီး ကျင်းပပေးလေဟှယ်။ 
\v 22 ဟေရောဒိရဲ့ မီးဟှား\f + \fr ၆.၂၂ \fr*\fq ဟေရောဒိရဲ့ မီးဟှား၊ \fq*\ft တချို့ မူရင်းလတ်ရေးမူလေမာ \ft*\fqa သူ့သမီးဟှား ဟေရောဒိ၊ \fqa*\ft ဆိုဘီး ရှိဟှယ်။\ft*\f*ဟှ လာဘီးဟှာ ကပြလေဟှယ်။ အယ်ခီမာ ဟေရုဒ်န သူ့ရဲ့ ဧည့်သည်လေဟှာ ကျေနပ်ဟှားလေဟှယ်။ အယ်ကြောန့် မန်းဂီးဟှ မီးမငယ်ဟှို “နန်ဖြားဇာလိုရှင်နူး။ နန်လိုရှင်ဇာလေဟှို ငါပေးမယ်” ဆိုဘီး ပြောလေဟှယ်။ 
\v 23 “ငါ့နိုင်ငံတဝပ်ဟှို နန်တောန်းမယ် ဆိုဟှာ ငါတကယ်ပေးမယ်!” ဆိုဘီးဟှာ ဒိပေးဘီး ပြောလေဟှယ်။
\p
\v 24 အယ်ကြောန့် မီးမငယ်ဟှားဟှ ထွပ်ဟှားဘီးဟှာ သူ့ရဲ့ မိဟှို မေးလိုက်ဇာဟှ “ကျွန်မဟှ ဖြားဇာတောန်းရဟှို့နူး!” သူ့ရဲ့ မိဟှ “ဗတ္တိဇံယောဟန်ရဲ့ ခေါန်းဟှို တောန်းပါ” ဆိုဘီး ပြောလေဟှယ်။
\p
\v 25 မီးမငယ်ဟှ ရှစ်ရှင်းဘဲ့ ဟေရုဒ် မန်းဂီးနားဟှို ဗြန်းဗြန်ဟှား ပ္လန်ဟှားဘီးဟှာ “ဗတ္တိဇံယောဟန်ရဲ့ ခေါန်းဟှို လန်းဗန်းထတ်မာ တန်ဘီးဟှာ ခုပေးပါ” ဆိုဘီး တောန်းဆိုလေဟှယ်။
\p
\v 26 အယ်မျိုး တောန်းဆိုဟှူကြောန့် မန်းဂီးဟှာ ရရာတိုင်း ဝန်းနဲဟှားဟှယ်။ အယ်ဘေမဲ့ ဧည့်သည်လေရှေ့မာ သူ့ကိုယ်သူ ကီဆိုဟှားဟှူကြောန့် သူဟှာ ငြင်းနိုင်ဟှမ်း။ 
\v 27 အယ်ကြောန့် မန်းဂီးဟှ ယောဟန်ရဲ့ ခေါန်းဟှို ယူလာဟှို့တွပ် မိန့်ပေးဘီးဟှာ စောန့်တယော့‑က်ဟှို ရှင်းရှင်း လွှတ်လေဟှယ်။ အယ်လူဟှ ထောန်ထဲဟှို သွားဘီးဟှာ ယောဟန်ရဲ့ ခေါန်းဟှို ဖြတ်လေဟှယ်။ 
\v 28 အယ်ခေါန်းဟှို လန်းဗန်းထတ်မာ တန်ဘီးဟှာ ယူဆောန်လာဘီး မီးမငယ်ဟှားဟှို ပေးလေဟှယ်။ သူဟှလည်း သူ့ရဲ့ မိဟှို ပ္လန်ပေးလေဟှယ်။ 
\v 29 ယောဟန်ရဲ့ တဗဲ့တော်လေဟှ အယ်ဒန်းဟှို ကြားဟှူ ခီမာ လာဘီး ယောဟန်ရဲ့ လောန်းဟှို ယူဘီးဟှာ ဂူထဲမာ ထားလိုက်ဂေ့ဟှယ်။
\s ယေရှုဟှာ လူအောက်ဂီးဟှို စားဇာကျွေးဟှူကြောန်း
\r (မဿဲ ၁၄.၁၃–၂၁; လုကာ ၉.၁၀–၁၇; ယောဟန် ၆.၁–၁၄)
\p
\v 30 တမန်တော်လေဟှာ ယေရှုနားမာ စုဂေ့ဘီးဟှာ သူးနို့ လောက်ဆောန်ဘီး သွန်သန်ဟှားဟှူဇာ အားလောင်းဂူဟှို ကိုယ်တော့်ဟှို လျှော့‑က်လေဟှယ်။ 
\v 31 အယ်နေရာဟှို လူလေဘောင်ဂီးဟှ သွားလိုက်လာလိုက် လောက်နေဟှူကြောန့် ယေရှုန တဗဲ့တော်လေဟှာ စားဟှို့ ခီဟှိုမှ မှေ့ဟှမ်း။ အယ်ကြောန့် သူဟှ “ငါ့နတူးဒူ တိဆိဟှူ နေရာဟှို သွားဘီးဟှာ ရှစ်ဟှားနားယူ ဂေ့ဇို့” ဆိုဘီး သူးနို့ဟှို မိန့်တော်မူလေဟှယ်။ 
\v 32 အယ်ကြောန့် ယေရှုန တဗဲ့တော်လေဟှ တိဆိဟှူ နေရာတခုနားဟှို လှေန ထွပ်ဟှားဂေ့ဟှယ်။
\p
\v 33 သွားလိုက်ဇာဟှို လူလေဟှဗြင်ဟှူ ခီမာ ကိုယ်တော်န တဗဲ့တော်လေဘဲ့ ဆိုဘီး သိဟှားဟှူကြောန့် ဗြို့လေဝါလေဟှ လူလေဟှာ ယေရှုသွားလိုက်ဟှူ နေရာဟှို ဗြန်းဗြန်ဟှား ကူးကြောန်းရှော့‑က်ဘီးဟှာ ယေရှုန တဗဲ့တော်လေ ရော့‑က်ခန် အယ်နေရာဟှို ရင်ရော့‑က်နေဂေ့ဟှယ်။ 
\v 34 \x - \xo ၆.၃၄ \xo*\xt မ ၉.၃၆\xt*\x*ယေရှုဟှ လှေဟှနေ ထွပ်ဟှူ ခီမာ ကိုယ်တော်ဟှာ လူအောက်ဂီးဟှို ဗြင်ဟှားဘီး ကိုယ်တော်ဟှာ သူးနို့တွပ် သနားဟှူစိ ဖြစ်ဟှားလေဟှယ်။ ဖြားဖြစ်ကြောန့်နူးဆိုဟှာ သူးနို့ဟှာ သိုးထီးမားမှေ့ဘဲဟှူ သိုးလေမျိုး ဖြစ်နေဟှယ်။ အယ်ကြောန့် ကိုယ်တော်ဟှာ သူးနို့ဟှို ကြောန်းရာလေ ဘောင်ဂီးဟှို စဘီးဟှာ သွန်သန်ဟှယ်။ 
\v 35 ညဉ့်မိုက်ခါနီး ရော့‑က်လာဟှူ ခီမာ တဗဲ့တော်လေဟှ ယေရှုနားဟှို လာဘီးဟှာ “အယ်နေရာဟှာ တောဖြစ်နေဟှူကြောန့် လူလေလည်း နေဘဲဟှူ နေရာဖြစ်ဟှယ်။ နော့‑က်က္လဟှားဘီ။ 
\v 36 စားဇာသွားဝယ်ဘီး စားနိုင်ဟှို့တွပ် လူလေဟှို နီးနားမာရှိဟှူ တောဝါလေဟှို လွှတ်လိုက်ပါ” ဆိုဘီး လျှော့‑က်ဂေ့ဟှယ်။
\p
\v 37 ယေရှုဟှ “နန်းနို့လေဘဲ့ သူးနို့ဟှို စားဇာတခုခု ကျွေးလိုက်” ဆိုဘီး မိန့်တော်မူလေဟှယ်။
\p အယ်ခီမာ တဗဲ့တော်လေဟှ “ကျွန်တော့်လေဟှ ငွေဒန်းဂါး\f + \fr ၆.၃၇ \fr*\fk ငွေဒန်းဂါး၊ \fk*\ft ငွေဒန်းဂါးတပ္လားဟှ တရစ်ဇာလောက်ဟှူ လောက်အားခဖြစ်ဟှယ် (ရှု \ft*\xt မ ၂၀.၂\xt*)။\f* ၂၀၀ ဖိုးန စားဇာဝယ်ဘီး အယ်လူလေဟှို ကျွေးရဟှို့လော” ဆိုဘီး လျှော့‑က်လေဟှယ်။
\p
\v 38 ယေရှုဟှ “နန်းနို့လေမာ မုဖယ်မျှလော့‑က်ရှိနူး။ သွားဘီးဟှာ ကေ့ကေ့” ဆိုဘီး မိန့်တော်မူလေဟှယ်။
\p သူးနို့လေဟှ ကေ့ဟှူ ခီမာ “မုငါးလောင်းန ငါးနှေ့ကောန်ရှိဟှယ်” ဆိုဘီး လျှော့‑က်လေဟှယ်။
\p
\v 39 အယ်ဘီးန ယေရှုဟှလူလေ အားလောင်းဂူဟှို အောက်စုခွဲဘီးဟှာ ဗြစ်ပန်လေထတ်မာ ထိုင်ခိုင်းလိုက် ဆိုဘီး တဗဲ့တော်လေဟှို လောက်ဟှို့တွပ် ပြောလေဟှယ်။ 
\v 40 အယ်ကြောန့် လူလေဟှာ တရာတဖွဲ့န ငါးဆယ်တဖွဲ့ တန်းလိုက်ထိုင်ဂေ့ဟှယ်။ 
\v 41 အယ်ဘီးန ယေရှုဟှ မုငါးလောင်းန ငါးနှေ့ကောန်ဟှို ယူဘီးဟှာ ကောန်းဂန်ဟှို မျှော်ကေ့ဘီး ဘုရားသခင်ဟှို ကျေးဇူးတော် ချီးမွမ်းလိုက်ဟှယ်။ ကိုယ်တော်ဟှာ မုလေဟှို ဖဲ့ဘီးဟှာ လူလေဟှို ဝီပေးဟှို့တွပ် တဗဲ့တော်လေဟှို မုလေ ပေးလိုက်ဟှယ်။ ကိုယ်တော်ဟှာ ငါးနှေ့ကောန်ဟှိုလည်း သူးနို့လေ အားလောင်းဂူ ကြားထဲမာ ခွဲဝီပေးလိုက်ဟှယ်။ 
\v 42 လူတိုင်းဟှာ စားဘီး ဗိုက်ပ္လဲ့ဟှားဂေ့ဟှယ်။ 
\v 43 အယ်ဘီးန တဗဲ့တော်လေဟှ စားဘီး ကျန်နေဟှူ မုနငါးလေရဲ့ က္လိုးပဲ့လေဟှို လိုက်ကော့‑က်ဟှူ ခီမာ ဆယ့်နှေ့တောန်းပ္လဲ့ ရဂေ့ဟှယ်။ 
\v 44 မုစားဟှူ ယော့‑က်ကျား ရေတွပ်ဟှာ ၅,၀၀၀ ရှိလေဟှယ်။
\s ယေရှုဟှာ ရေထတ်မာ လမ်းရှော့‑က်ဟှူကြောန်း
\r (မဿဲ ၁၄.၂၂–၃၃; ယောဟန် ၆.၁၅–၂၁)
\p
\v 45 ယေရှုဟှာ လူအောက်ဂီးဟှို ပ္လန်လွှတ်နေဒူးမာ ရှစ်ရှင်းဘဲ့ တဗဲ့တော်လေဟှို လှေထတ်ဟှို တတ်ခိုင်းဘီး အိုင်ရဲ့ ဟှို့ဖတ်ကမ်းဟှ ဗက်ဇဲဒဗြို့ဟှို ရင်ဦးဆောင်း သွားခိုင်းလိုက်ဟှယ်။ 
\v 46 ယေရှုဟှ လူလေဟှို နှောက်ဆစ်ဘီးန ဆုတောန်းဟှို့တွပ် တောန်ထတ်ဟှို တတ်ဟှားဟှယ်။ 
\v 47 ညဉ့်မိုက်လာဟှူ ခီမာ တဗဲ့တော်လေရဲ့ လှေဟှ ရေအိုင်ရဲ့ လယ်မာရော့‑က်နေဘီး ယေရှုဟှ တယော့‑က်ဒဲ ကူးထတ်မာ ရှိလေဟှယ်။ 
\v 48 လေဆန်ဟှို လှေလှော်နေဟှူကြောန့် ရရာတိုင်း ပန်းနေဟှူ တဗဲ့တော်လေဟှို ကိုယ်တော်ဟှ ဗြင်ဟှားလေဟှယ်။ အယ်ကြောန့် မိုးလန်းသောင်းနာရီန ခြော့‑က်နာရီ ကြားမာ ကိုယ်တော်ဟှာ ရေထတ်မာ လမ်းရှော့‑က်ဘီးဟှာ\f + \fr ၆.၄၈ \fr*\fq လမ်းရှော့‑က်ဘီးဟှာ၊ \fq*\ft အယ်မျိုးမှုဘဲ့နေဟှာ \ft*\fqa သူးနို့လေန ပူးပေါန်းလေဟှယ်။\fqa*\f* သူးနို့နားဟှို ရော့‑က်လာလေဟှယ်။ ကိုယ်တော်ဟှာ သူးနို့ဟှို ကျော်ဖြတ်ဟှို့ လောက်လေဟှယ်။ 
\v 49 အယ်ဘေမဲ့ တဗဲ့တော်လေဟှ ရေထတ်မာ ကိုယ်တော်ဟှာ လမ်းရှော့‑က်နေဇာဟှို ဗြင်ဟှားဟှူ ခီမာ “ဖုကသေ ဖြစ်ဟှယ်!” ဆိုဇာဟှို ထန်ဘီးဟှာ အော်ဟစ်ဂေ့ဟှယ်။ 
\v 50 သူးနို့လေ အားလောင်းဂူဟှ ယေရှုဟှို ဗြင်ဟှူ ခီမာ ထိလန့်နေဂေ့ဟှယ်။
\p ယေရှုဟှ ရှစ်ရှင်းဘဲ့ “သတ်တိရှိဂေ့!” ဆိုဘီး ပြောလေဟှယ်။ “ငါဘဲ့ဖြစ်ဟှယ်။ ကြော့‑က်ဂေ့န!” 
\v 51 အယ်ဘီးန သူးနို့ရှိနေဟှူ လှေထတ်ဟှို တတ်ဟှားဟှူ ခီမာ လေဟှာ ငြီဟှားလေဟှယ်။ တဗဲ့တော်လေဟှ ရရာတိုင်း အံ့ဩဂေ့ဟှယ်။ 
\v 52 ဖြားဖြစ်ကြောန့်နူးဆိုဟှာ သူးနို့ဟှာ လူ ၅,၀၀၀ ဟှို မုကျွေးဟှူ ဓိပါယ်ဟှို နားလည်ဂေ့ဘဲန သူးနို့ရဲ့ စိနှလောင်းဟှာ မာကျောဂေ့ဟှယ်။
\s ယေရှုဟှာ ဂင်နေသရက်မာ လူနာလေဟှို ကျန်းမာစေဟှူကြောန်း
\r (မဿဲ ၁၄.၃၄–၃၆)
\p
\v 53 သူးနို့ဟှာ အိုင်ဟှို ကူးဟှားဂေ့ဘီး ဂင်နေသရက်ဗြို့ဟှို ရော့‑က်လာဂေ့ လေဟှယ်။ အယ်နေရာမာ လှေဟှို ခယ်လိုက် လေဟှယ်။ 
\v 54 သူးနို့လေဟှာ လှေထတ်ဟှနေ ဆင်းလိုက်ဟှူ ခီမာ ရှစ်ရှင်းဘဲ့ လူလေဟှ ယေရှုဟှို မှတ်မိဂေ့ဟှယ်။ 
\v 55 အယ်ကြောန့် သူးနို့လေဟှာ ဒေသတခုလောင်းဟှို ပ္လံ့နှံ့အောန် ပ္လေးဟှားဂေ့ဘီးဟှာ ကိုယ်တော်ရှိဟှယ် ဆိုဘီး ကြားဟှားဟှူ နေရာဟှို လူနာလေဟှို ထမ်းစင်လေန ကိုယ်တော်နားဟှို ခေါ်လာဂေ့ဟှယ်။ 
\v 56 ယေရှုသွားဟှူ ဝါလေ၊ ဗြို့လေ၊ နေရာတိုင်းဟှ လူလေဟှ လူနာလေဟှို ဆေးလေမာ ခ္လဟှားဂေ့ဘီး ကိုယ်တော်ရဲ့ ဝတ်လောင် ပန်းဗွားဟှိုဘဲ့ ထိခွမ့်ပေးဟှို့တွပ် လူလေဟှ တောန်းဗန်ဂေ့ဟှယ်။ အယ်ဘီးန ဝတ်လောင်ဟှို တို့ထိဟှူ လူအားလောင်းဟှာ ကျန်းမာဟှားဂေ့ဟှယ်။
\c 7
\s ရှေးလူဂီးလေရဲ့ သွန်သန်ကြောန်း
\r (မဿဲ ၁၅.၁–၉)
\p
\v 1 တချို့ ဖာရိရှဲလေန ယေရုရှလင်ဗြို့ဟှနေ လာဂေ့ဟှူ ကျမ်းတတ်ဆရာလေဟှာ ယေရှုပတ်ပတ်လည်မာ စုနေဂေ့ဟှယ်။ 
\v 2 ကိုယ်တော်ရဲ့ တဗဲ့တော်လေ တချို့ဟှ စင်ကြယ်ဘဲဟှူ လတ်လေန စာစားနေဇာဟှို သူးနို့လေဟှ ဒိထားမိဟှားဟှယ်။
\p
\v 3 ဖြားဖြစ်ကြောန့်နူးဆိုဟှာ ကျန်နေဟှူ ယုဒလူမျိုးလေန ဖာရိရှဲလေဟှာလည်း သူးနို့ရဲ့ ရှေးလူဂီးလေဟှနေ လတ်ခံဟှားဟှူ သွန်သန်မှု နော့‑က်ဟှို လိုက်ဘီး သူးနို့လေဟှ မှန်ဟှူ နည်းလမ်းအားဖြင့် သူးနို့ရဲ့ လတ်လေဟှို ဆေးဘဲန စာစားဂေ့ဟှ။ 
\v 4 ဆေးဟှနေ ရလာဟှူ ဖယ်ဇာဘဲ့ဖြစ်ဖြစ် ရေန ရင်ဆေးဘဲ့န စားဂေ့ဟှ။\f + \fr ၇.၄ \fr*\fq ဆေးဟှနေ ရလာဟှူ ဖယ်ဇာဘဲ့ဖြစ်ဖြစ် ရေန ရင်ဆေးဘဲ့န စားဂေ့ဟှ၊ \fq*\ft အယ်မျိုးမှုဘဲ့နေဟှာ \ft*\fqa သူးနို့ဟှာ ဆေးဟှနေ ရလာဇာလေဟှို ရင်ဦးဆောင်း ရေန ဆေးဘီးမှ စားဟှယ်။\fqa*\f* အယ်ဘီးဟှာ သူးနို့လေ လတ်ခံဟှားဟှူ တခြားထောင်းဒန်းလေ နော့‑က်ဟှို လိုက်ဟှယ်။ ဥပမာ အိုးလေ၊ ခွပ်လေ၊ ကြေးဖလားခွပ်လေန ကဒန်လေဟှို\f + \fr ၇.၄ \fr*\ft တချို့ မူရင်းလတ်ရေးမူလေမာ \ft*\fq ကဒန်လေ၊ \fq*\ft ဆိုဇာ မှေ့ဟှ။\ft*\f* မှန်ဟှူနည်းလမ်းအားဖြင့် ဆေးဂေ့ဟှယ်။
\p
\v 5 အယ်ကြောန့် ဖာရိရှဲလေန ကျမ်းတတ်ဆရာလေဟှ “ဖြားဖြစ်ကြောန့် အယ်မျိုးသတ်ရှင်နူး။ ကိုယ်တော်ရဲ့ တဗဲ့တော်လေဟှ ရှေးလူဂီးလေရဲ့ လတ်ဆစ်ကမ်းဟှားဟှူ သွန်သန်မှု နော့‑က်ဟှို လိုက်ဂေ့ဟှ။ အယ်မျိုးလိုက်ဟှို့စား စင်ကြယ်ဘဲဟှူ လတ်န စားဂေ့နူး” ဆိုဘီး ယေရှုဟှို မေးဂေ့ဟှယ်။
\p
\v 6 ယေရှုဟှ “ဟေရှာယဟှ နန်းနို့လေ ကြောန်းဟှို ပရောဖက်ပြုဟှားဇာဟှာ ရရာတိုင်း မှန်ဟှယ်! နန်းနို့လေဟှာ ကြောန်သူတော်လေ ဖြစ်ဟှူကြောန့်၊ သူဟှ အယ်မျိူးရေးဟှားဟှယ်။”
\q1 “‘ဘုရားသခင် မိန့်တော်မူဇာဟှ အယ်လူလေဟှာ ငါ့ဟှို နှောက်န ရိုသေဟှယ်။
\q2 အယ်ဘေမဲ့ သူးနို့ရဲ့ စိနှလောင်းဟှလော ငါ့န တကယ်ဘဲ့ ရရာတိုင်း ဝီးနေဂေ့ဟှယ်။
\q1
\v 7 ငါ့ဟှို အလဂါး ကိုးကွယ်နေဟှယ်။
\q2 ဖြားဖြစ်ကြောန့်နူးဆိုဟှာ သူးနို့ဟှာ ဘုရားသခင်ရဲ့ပညတ်တရားလေ ဖြစ်ဟှယ် ဆိုဘေမဲ့
\q2 လူရဲ့ စည်းမျဉ်းလေဟှို သန်ပေးလေဟှယ်!’ ”
\p
\v 8 “နန်းနို့လေဟှ ဘုရားသခင်ရဲ့ ပညတ်တော်ဟှို ဖယ်ဟှားဘီးဟှာ လူလေရဲ့ သွန်သန်မှုလေဟှို လိုက်နာဂေ့ဟှယ်” ဆိုဘီး သူးနို့ဟှို ပ္လန်ဖြေတော်မူလေဟှယ်။
\p
\v 9 အယ်ဘီးဟှာ ယေရှုဟှ ဆစ်ဘီး “နန်းနို့လေရဲ့ ကိုယ်ပိုင်သွန်သန်မှုဟှို ကျင့်သောင်းနိုင်ဟှို့တွပ် နန်းနို့လေဟှာ ဘုရားသခင်ရဲ့ ပညတ်တော်ဟှို ပယ်ဟှူဇာဟှလော ကျွမ်းကျင်ဂေ့ဟှယ်။ 
\v 10 ဖြားဖြစ်ကြောန့်နူးဆိုဟှာ မောရှေပညတ်ဟှားဇာဟှ ‘နန်းနို့မိဖဟှို ရိုသေဂေ့။ အယ်ဘီးဟှာ ဖယ်သူဘဲ့ဖြစ်ဖြစ် ကိုယ့်မိဖဟှို ကီဆဲမယ် ဆိုဟှာ သေဒန်ခံရမယ်။’ 
\v 11 အယ်ဘေမဲ့ နန်းနို့ဟှ အယ်မျိုးသွန်သန်ဘီး လူလေမာ သူးနို့ရဲ့ မိဖဟှို ကူညီဟှို့ တခုခုရှိဟှယ် ဆိုဟှာ ‘အယ်ဇာဟှာ ကော်ဘန်ဖြစ်ဟှယ်’ ဆိုဘီး ပြောဟှယ် (အယ်ဓိပါယ်ဟှ ဘုရားသခင်ဟှို လှူဘီးဟှူ အောက်စာဖြစ်ဟှယ်)၊ 
\v 12 အယ်မျိုးဆိုဟှာ နန်းနို့ဟှ အယ်အောက်စာလေဟှို သောင်းပြုဘီးဟှာ သူ့ရဲ့ မိဖဟှို ကူညီဟှို့တွပ် ခွမ့်ပေးဟှယ်။ 
\v 13 အယ်မျိုးဘဲ့ နန်းနို့လေဟှ တခြားလူလေဟှို လတ်ဆစ်ကမ်းလိုက်ဟှူ သွန်သန်မှုဟှာ ဘုရားသခင်ရဲ့ စကားတော်ဟှို ဖျစ်ပစ်ဂေ့ဟှယ်။ အယ်ဆိုဟှာ အယ်မျိုးဇာလေ ဘောင်ဂီးဟှို နန်းနို့လေ လောက်ဂေ့ဟှယ်။”
\s လူဟှို ညစ်ညူးစေဟှူ ဇာလေကြောန်း
\r (မဿဲ ၁၅.၁၀–၂၀)
\p
\v 14 အယ်ဘီးန ယေရှုဟှ လူအောက်ဂီးဟှို သူ့နားဟှို ပ္လန်ခေါ်ဘီးဟှာ “နန်းနို့အားလောင်း ငါ့စကားဟှို နားထောန်ဘီးဟှာ နားလည်ဂေ့။ 
\v 15 ပ္လန်ဟှနေ လူထဲဟှိုဝမ်ဘီး လူဟှို ညစ်ညူးစေနိုင်ဟှူဇာ ခုလည်း မှေ့ဟှ။ လူထဲဟှနေ ထွပ်လာဟှူဇာလေဟှဘဲ့ လူဟှို ညစ်ညူးနိုင်ဟှယ်။ ” 
\v 16 \f + \fr ၇.၁၆ \fr*\ft တချို့ မူရင်းလတ်ရေးမူလေမာ ခန်းငယ် ၁၆ ဟှို၊ \ft*\fqa နန်းနို့မာ နားရှိဟှယ် ဆိုဟှာ ကြားဂေ့! \fqa*\ft ဆိုဘီး ထပ်ပေါန်းထဲ့ဟှားဟှယ် (ရှု \ft*\xt ၄.၂၃\xt*)။\f* 
\v 17 ကိုယ်တော်ဟှာ လူအောက်ဂီးနားဟှ ထွပ်ဟှားဘီးဟှာ အီထဲဟှို ဝမ်ဟှားဟှူ ခီမာ တဗဲ့တော်လေဟှ အယ်ပေါင်ဥပမာကြောန်းဟှို ကိုယ်တော့်ဟှို မေးဂေ့ဟှယ်။ 
\v 18 ယေရှုဟှ “နန်းနို့လေဟှ အယ်မျှလော့‑က် သိဉာဏ်နဲရလော” ဆိုဘီး သူးနို့ဟှို ပြောလေဟှယ်။ “နန်းနို့ နားလည်ဂေ့ ဟှလော။ ပ္လန်ဟှနေ လူထဲဟှို ဝမ်လာဟှူ ဇာဟှ လူဟှို လောင်းဝ ညစ်ညူးစေနိုင်ဟှ၊ 
\v 19 ဖြားဖြစ်ကြောန့်နူးဆိုဟှာ အယ်ဇာလေဟှ စိနှလောင်းထဲဟှို ဝမ်ဇာမှုဟှ။ စာအီထဲဟှို ဝမ်ဟှားဘီးန နော့‑က်ဖေးအီထဲဟှို ဆင်းဟှားလေဟှယ်။” (အယ်မျိုး မိန့်တော်မူဇာဟှ စာအားလောင်းဟှာ သန့်ရှင်းဟှယ် ဆိုဘီး ယေရှု ကြေညာလိုက်ဟှယ်။)
\p
\v 20 ကိုယ်တော်ဟှ ဆစ်ဘီးဟှာ “လူရဲ့ထဲဟှ ထွပ်လာဇာလေဘဲ့ လူဟှို ညစ်ညူးစေဟှယ်။ 
\v 21 ဖြားဖြစ်ကြောန့်နူးဆိုဟှာ လူရဲ့ စိနှလောင်းထဲဟှနေ မှားယွင်းဟှူ ကြံစည်လေဟှ ထွပ်လာဘီး တရားဘဲဟှူမေထုန်ပြုရှင်း၊ ခိုးရှင်း၊ လူသတ်ရှင်း၊ 
\v 22 အီထောန်ရေးဖော့‑က်ပ္လန်ရှင်း၊ လောဖကီးရှင်း၊ ကောန်းဘဲဟှူဇာ ဘောင်းဇောင်လောက်ရှင်း၊ လှည့်စားရှင်း၊ ပျော်ပါးလိုက်စားရှင်း၊ နာလိုရှင်း၊ ကဲ့ရဲ့ပြစ်တန်ရှင်း၊ မာနကီးရှင်း၊ လျှပ်ပေါ်ရှင်း၊ 
\v 23 အယ်ကောန်းဘဲဟှူ ဇာလေ အားလောင်းဟှာ လူရဲ့ ထဲဟှနေ ထွပ်လာဘီးဟှာ လူဟှို ညစ်ညူးစေဟှယ်။”
\s မီးမဂီးတယော့‑က်ရဲ့ ယောင်ကြည်ရှင်းကြောန်း
\r (မဿဲ ၁၅.၂၁–၂၈)
\p
\v 24 အယ်ဘီးန ယေရှုဟှ အယ်နေရာဟှနေ ထွပ်ဟှားဘီးဟှာ တုရုဗြို့တော်န နီးဟှူ ဒေသဟှို သွားလိုက်ဟှယ်။ ကိုယ်တော်ဟှာ အီတအီထဲဟှို ဝမ်ဟှားဘီး အယ်နေရာမာ ကိုယ်တော် ရှိနေဟှယ် ဆိုဇာဟှို ဖယ်သူ့ဟှိုလဲ သိစေရှင်ဟှ။ အယ်ဘေမဲ့ ကိုယ်တော်ဟှာ ပူးဘီးနေနိုင်ဟှ။ 
\v 25 ညစ်ညူးဟှူ နတ် ဝမ်ပူးနေဟှူ သမီးငယ်ရဲ့ မိဟှ ယေရှုကြောန်းဟှို ကြားဟှူ ခီမာ ကိုယ်တော်နားဟှို ရှစ်ရှင်း ရော့‑က်လာဘီးဟှာ ခေရင်းမာ ဒူးထော့‑က်လေဟှယ်။ 
\v 26 အယ်မီးမဂီးဟှာ ရှုရိဖိနိတ်နယ်သူ လူမျိုးခြားဖြစ်ဟှယ်။ သူ့ရဲ့ သမီးထဲဟှ နတ်ဆိုးဟှို နှန်ထုဟှို့တွပ် ယေရှုဟှို တောန်းလျှော့‑က်ဟှယ်။ 
\v 27 အယ်ဘေမဲ့ ယေရှုဟှ “သားမီးလေဟှို ရင်ဦးဆောင်းကျွေးခွမ့်ပေးပါ။ သားမီးလေရဲ့ စားဇာဟှို ယူဘီးဟှာ ခွီးလေဟှို ပစ်ပေးဇာဟှာ မှန်ဟှ” ဆိုဘီး ပ္လန်ဖြေလေဟှယ်။
\p
\v 28 အယ်မီးမဂီးဟှ “သခင်၊ ဗွဲအော့‑က်ဟှ ခွီးလေဟှိုမှ သားမီးလေရဲ့ စားကြွင်းစားကျန်လေဟှို စားရဂေ့ဟှယ်!” ဆိုဘီး ပ္လန်လျှော့‑က်လေဟှယ်။
\p
\v 29 အယ်ကြောန့် ယေရှုဟှ “အယ်မျိုး ပ္လန်လျှော့‑က်ဟှူကြောန့် အီဟှို ပ္လန်ဟှားလိုက်။ နတ်ဆိုးဟှာ နန့်သမီးထဲဟှနေ ထွပ်ဟှားဘီ ဆိုဇာဟှို နန်တွိရလေ့မယ်!” ဆိုဘီး သူ့ဟှို မိန့်တော်မူလေဟှယ်။
\p
\v 30 အယ်မီးမဂီးဟှ အီဟှို ပ္လန်ရော့‑က်ဟှားဟှူ ခီမာ သူ့ရဲ့ သမီးဟှာ အိရာထဲမာ လဲလျောင်းနေဇာဟှို တွိရဇာဟှ သူ့ထံဟှ နတ်ဆိုး ထွပ်ဟှားပီးဘီ ဆိုဇာဟှို သိရလေဟှယ်။
\s ယေရှုဟှ ဆွံ့အနားပန်းနေဇာဟှို ပျော့‑က်စေကြောန်း
\p
\v 31 အယ်ဘီးန ယေရှုဟှာ တုရုဗြို့တော်ရဲ့ နီးနားဝန်းကျင်ဟှ ထွပ်ဟှားဘီး ဇိဒုန်ဗြို့တော်ဟှို ဖြတ်ဘီး ဒေကာပေါလိနယ် ဟှတဆင့် ဂါလိလဲအိုင်ဟှို ဆစ်သွားလိုက်ဟှယ်။ 
\v 32 လူတချို့ဟှ ဆွံ့အနားပန်းနေဟှူ လူတယော့‑က်ဟှို ကိုယ်တော်နားဟှို ခေါ်လာဟှယ်။ အယ်ဘီးဟှာ သူးနို့ဟှ သူ့ထတ်မာ လတ်တန်ပေးဟှို့တွပ် ယေရှုဟှို တောန်းဗန်လေဟှယ်။ 
\v 33 အယ်ကြောန့် ယေရှုဟှ သူ့တယော့‑က်ထဲဟှိုဘဲ့ လူအောက်ဂီးထဲဟှနေ ခေါ်ဟှားဘီးဟှာ အယ်လူရဲ့ နားလေထဲဟှို လတ်ညှိုးဟှို ထိုးသွမ်းလိုက်ဘီး၊ ထွီးရယ်န ထွီးဘီး အယ်လူရဲ့ လျှာဟှို တို့လိုက်ဟှယ်။ 
\v 34 အယ်ဘီးန ယေရှုဟှာ ကောန်းဂန်ဟှို မျှော်ကေ့ဘီး သတ်ပြင်းခ္လဘီးဟှာ \tl “ဧဖသ”\tl* ဆိုဘီး အယ်လူဟှို မိန့်တော်မူလေဟှယ်။ အယ်ဓိပါယ်ဟှလော “ပွပ်စေ!” ဆိုဘီး ဖြစ်ဟှယ်။
\p
\v 35 ရှစ်ရှင်းဘဲ့ အယ်လူရဲ့ နားဟှ ပွပ်လာဘီးဟှာ ခယ်ဟှားဇာခံရဟှူ သူ့လျှာလေဟှ လွတ်ဟှားဘီး ပီးပီသသဟှား စကားပြောနိုင်ဟှားဟှယ်။ 
\v 36 ယေရှုဟှ အယ်မျိုး ဖြစ်ပျစ်ကြောန်းဟှို ဖယ်သူ့ဟှိုလည်း ပြောဘဲဟှို့တွပ် လူလေဟှို တားလိုက်ဟှယ်။ အယ်ဘေမဲ့ ယေရှုဟှ တားလေလေ သူးနို့လေဟှ အယ်ကြောန်းဟှို ပိုဘီးဟှာ ဟောပြောနေဂေ့ဟှယ်။ 
\v 37 အယ်မျိုး ဖြစ်ပျစ်ကြောန်းဟှို ကြားရဟှူလူလေဟှ ရရာတိုင်း အံ့ဩဂေ့ဟှယ်။ “ကိုယ်တော်ဟှာ ရာအားလောင်းဟှို လျောက်ပတ်အောန် လောက်ဟှယ်! နားပန်းဟှူ လူလေဟှို နားကြားစေဟှယ်။ ဆွံ့အနေဟှူ လူလေဟှိုလည်း စကားပြောစေဟှယ်!” ဆိုဘီး တအံ့တဩ ပြောဂေ့ဟှယ်။
\c 8
\s ယေရှုဟှာ လူ ၄,၀၀၀ ဟှို စားဇာကျွေးဟှူကြောန်း
\r (မဿဲ ၁၅.၃၂–၃၉)
\p
\v 1 ကြာခန်မာဘဲ့ နော့‑က်ထပ် ရရာတိုင်းများဟှူ လူအောက်ဂီးဟှာ စုလာဂေ့ဟှယ်။ သူးနို့လေမာ စားဟှို့ ဖြားလည်းမှေ့ဘဲဟှူကြောန့်၊ ယေရှုဟှ တဗဲ့တော်လေဟှို သူ့နားဟှိုခေါ်ဘီး ပြောလိုက်ဇာဟှ 
\v 2 “အယ်လူလေဟှို ငါသနားဟှယ်။ ဖြားဖြစ်ကြောန့်နူးဆိုဟှာ သူးနို့ဟှာ ငါ့နတူးဒူ သောင်းရစ်လောင်းလောင်း ရှိနေဂေ့ဘီး ခုစားဟှို့ ဖြားလည်းမှေ့ဘီ။ 
\v 3 သူးနို့ထဲဟှ တချို့ဟှာ ဝီးဟှနေလာရဟှူကြောန့် သူးနို့ဟှို ငါဟှ ကျွေးဘဲ့န အီပ္လန်ခိုင်းမယ် ဆိုဟှာ သူးနို့လေဟှ လမ်းမာ အားပြတ်ဂူလေ့မယ်။”
\p
\v 4 တဗဲ့တော်လေဟှ “လူမှေ့ဘဲဟှူ နေရာမာ ဖယ်သူဟှ အယ်လူလေ အားလောင်းဟှို လော့‑က်အောန်ကျွေးဟှို့ မုဟှို ဖယ်ဟှ ရနိုင်ဟှို့နူး” ဆိုဘီး ယေရှုဟှို ပ္လန်လျှော့‑က်ဂေ့ဟှယ်။
\p
\v 5 ယေရှုဟှ “နန်းနို့မာ မုဖယ်မျှလော့‑က်ရှိနူး” ဆိုဘီး မေးလေဟှယ်။
\p တဗဲ့တော်လေဟှ “မုခွန်နစ်လောင်းရှိဟှယ်” ဆိုဘီး ပ္လန်လျှော့‑က်လေဟှယ်။
\p
\v 6 ကိုယ်တော်ဟှာ လူအောက်ဂီးဟှို မ္လေမာထိုင်ခိုင်းလိုက်ဟှယ်။ အယ်ဘီးန မုခွန်နစ်လောင်းဟှို ယူဘီးဟှာ ဘုရားသခင်ဟှို ကျေးဇူးတော် ချီးမွမ်းလိုက်ဘီး၊ မုလေဟှို ဖဲ့လေဟှယ်။ အယ်ဘီးမှ လူအောက်ဂီးဟှို ဝီပေးဟှို့တွပ် တဗဲ့တော်လေဟှို ပေးလိုက်ဘီး၊ တဗဲ့တော်လေဟှ လူအောက်ဂီးဟှို ဝီပေးလေဟှယ်။ 
\v 7 သူးနို့မာလည်း ငါးဂန်းဟှားလေ နဲနဲရှိလေဟှယ်။ ယေရှုဟှ အယ်ဇာလေတွပ် ကျေးဇူးတော် ချီးမွမ်းဘီးန ငါးလေဟှိုလည်း ဝီပေးဟှို့တွပ် တဗဲ့တော်လေဟှို ပြောလေဟှယ်။ 
\v 8-9 လူတိုင်းဟှာ ဗိုက်ပ္လဲ့အောန်စားရဂေ့ဇာဟှ — လူ ၄,၀၀၀ လော့‑က် ရှိဟှယ်။ အယ်ဘီးန တဗဲ့တော်လေဟှာ စားဘီးကျန်နေဟှူ က္လိုးပဲ့လေဟှို ပ္လန်ကော့‑က်သီးဟှူ ခီမာ ခွန်နစ်တောန်းပ္လဲ့ရဟှယ်။ ယေရှုဟှ လူလေဟှို ပ္လန်လွှတ်လိုက်ဘီး 
\v 10 ရှစ်ရှင်းဘဲ့ တဗဲ့တော်လေနတူးဒူ လှေထတ်ဟှို တတ်ဟှားဘီး ဒါလမနုဒေသဟှို ကြွဟှားလေဟှယ်။
\s ဖာရိရှဲလေဟှ နိမိတ်လတ်ခဏာ တောန်းဂေ့ဟှူကြောန်း
\r (မဿဲ ၁၆.၁–၄)
\p
\v 11 \x - \xo ၈.၁၁ \xo*\xt မ ၁၂.၃၈; လု ၁၁.၁၆\xt*\x*တချို့ ဖာရိရှဲလေဟှာ ယေရှုနားဟှို ရော့‑က်လာဘီး ကိုယ်တော်န စဘီးဟှာ ဂြင်းခူဂေ့ဟှယ်။ သူးနို့ဟှ ကိုယ်တော့်ဟှို စမ်းသပ်ရှင်ဂေ့ဟှူကြောန့် ကောန်းဂန်ဘောင်ဟှ နိမိတ်လတ်ခဏာတခုဟှို လောက်ပြဟှို့ ကိုယ်တော့်ဟှို တောန်းဆိုဂေ့ဟှယ်။ 
\v 12 \x - \xo ၈.၁၂ \xo*\xt မ ၁၂.၃၉; လု ၁၁.၂၉\xt*\x*အယ်ဘေမဲ့ ယေရှုဟှ သူ့ရဲ့စိထဲမာ သတ်ပြင်းခ္လဘီးဟှာ “အယ်ခေတ်လူလေဟှ ဖြားဖြစ်ကြောန့် နိမိတ်လတ်ခဏာဟှို တောန်းဂေ့နူး။ နန်းနို့ဟှို ငါ မှန်တိုင်းပြောမယ်! အယ်လူလေဟှို ဖြားသတ်သေလည်း ပေးလေ့မယ် မှုဟှ!” ဆိုဘီး မိန့်တော်မူလေဟှယ်။
\p
\v 13 ကိုယ်တော်ဟှာ သူးနို့ဟှို ထားရစ်ဘီး လှေထတ်ဟှို ပ္လန်တတ်ဘီးဟှာ အိုင်ရဲ့ဟှို့ဖတ်ကမ်းဟှို စဘီးဟှာ ကူးလေဟှယ်။
\s ဖာရိရှဲလေန ဟေရုဒ်ရဲ့တဆေးကြောန်း
\r (မဿဲ ၁၆.၅–၁၂)
\p
\v 14 တဗဲ့တော်လေဟှာ မုယူလာဟှို့ မေ့ဟှားဟှူကြောန့် လှေထတ်မာ သူးနို့တွပ် မုတလောင်းဘဲ့ရှိဟှယ်။ 
\v 15 \x - \xo ၈.၁၅ \xo*\xt လု ၁၂.၁\xt*\x*ယေရှုဟှ “ဖာရိရှဲလေရဲ့ တဆေးန ဟေရုဒ်ရဲ့ တဆေးဟှို ဒိထားဂေ့” ဆိုဘီး သူးနို့ဟှို ဒိပေးလေဟှယ်။
\p
\v 16 တဗဲ့တော်လေဟှ သူးနို့ရှင်းရှင်းထဲမာ စဘီးဟှာ ဆွေးနွေးနေဇာဟှ “ကိုယ်တော်ဟှာ အယ်မျိုးပြောဇာဟှ နို့လေမာ ဖြားမုလည်း ပါလာဘဲ့ကြောန့်ဖြစ်ဟှယ်။”
\p
\v 17 သူးနို့လေပြောနေဇာဟှို ယေရှုဟှာ သိနေလေဟှယ်။ အယ်ကြောန့် ကိုယ်တော်ဟှ “ဖြားမုလည်း မှေ့ဘဲဟှူကြောန်းဟှို နန်းနို့လေ ဖြားဖြစ်ကြောန့် ဆွေးနွေးနေဂေ့နူး။ နန်းနို့လေဟှာ ခုထိ နားလည်ဂေ့သေးဟှလော။ နန်းနို့ သိဂေ့သေးဟှလော။ နန်းနို့ရဲ့ စိနှလောင်းလေဟှ မာကျောနေဟှယ်လော။ 
\v 18 \x - \xo ၈.၁၈ \xo*\xt မာ ၄.၁၂\xt*\x*နန်းနို့မာမျစ်စိရှိဟှယ် နန်းနို့ ဗြင်ဂေ့ဟှလော။ နန်းနို့မာနားရှိဟှယ် ဆိုဟှာ နန်းနို့ ကြားဂေ့ဟှလော။ 
\v 19 ငါဟှ လူ ၅,၀၀၀ ဟှို ကျွေးဟှို့တွပ် မုငါးလောင်းဟှို ငါခ္လိုးဖဲ့ဟှူခီဟှို နန်းနို့ ဒိရဂေ့ဟှလော။ စားဘီးကျန်နေဟှူ က္လိုးပဲ့လေဟှို ပ္လန်ကော့‑က်ဇာဟှ ဖယ်မျှရနူး” ဆိုဘီးဟှာ မေးလေဟှယ်။
\p တဗဲ့တော်လေဟှ “ဆယ့်နှေ့တောန်းရပါဟှယ်” ဆိုဘီး ပ္လန်ဖြေလေဟှယ်။
\p
\v 20 ယေရှုဟှ “အယ်ဘီးဟှာ ငါဟှာ လူ ၄,၀၀၀ တွပ် မုခွန်နစ်လောင်းဟှို ဖဲ့ဟှူ ခီမာ စားဘီးကျန်နေဟှူ က္လိုးပဲ့လေဟှို ဖယ်မျှတောန်းပ္လဲ့ နန်းနို့လေ ပ္လန်ကော့‑က်ရဂေ့နူး” ဆိုဘီး မေးလေဟှယ်။
\p တဗဲ့တော်လေဟှ “ခွန်နစ်တောန်းရပါဟှယ်” ဆိုဘီး ပ္လန်ဖြေလေဟှယ်။
\p
\v 21 ကိုယ်တော်ဟှ “အယ်ဆိုဟှာ နန်းနို့ နားလည်ဂေ့သေးဟှလော” ဆိုဘီး သူးနို့ဟှို မေးလေဟှယ်။
\s ယေရှုဟှာ ဗက်ဇဲဒဝါမာ မျစ်ကန်းတယော့‑က်ဟှို ဗြင်စေဟှူကြောန်း
\p
\v 22 သူးနို့လေဟှာ ဗက်ဇဲဒဝါဟှို ရော့‑က်လာဂေ့ဟှယ်။ အယ်နေရာမာ လူတချို့ဟှ မျစ်ကန်းတယော့‑က်ဟှို ယေရှုနားဟှို ခေါ်လာဘီးဟှာ အယ်လူဟှို တို့ထိဟှို့တွပ် တောန်းဗန်ဂေ့ဟှယ်။ 
\v 23 ယေရှုဟှ မျစ်ကန်းဟှို လတ်ဆွဲဘီးဟှာ ဝါပ္လန်ဟှို ခေါ်ဟှားလိုက်ဟှယ်။ အယ်လူရဲ့ မျစ်စိဟှို ထွီးရယ်နထွီးဘီးန ယေရှုဟှာ သူ့ထတ်မာ လတ်လေဟှို တန်လိုက်ဘီးဟှာ “နန် တခုခုဟှို ဗြင်ရဘဲ့လော” ဆိုဘီး မေးလေဟှယ်။
\p
\v 24 အယ်လူဟှ မော့ကေ့လိုက်ဘီး “ကျွန်တော်ဟှာ လူလေဟှို ဗြင်ရဟှယ်။ အယ်ဘေမဲ့ သူးနို့လေဟှ သစ်ပန်လေမျိုး လမ်းရှော့‑က်နေဂေ့ဟှယ်” ဆိုဘီး ပြောလေဟှယ်။
\p
\v 25 ယေရှုဟှာ အယ်လူရဲ့ မျစ်စိထတ်မာ လတ်လေဟှို ပ္လန်ဘီး တန်လိုက်ဟှယ်။ အယ်ခီမာ အယ်လူဟှာ အားစိုက်ဘီး ကေ့လိုက်ဇာ သူ့ရဲ့ မျစ်စိလန်းရောန် ပ္လန်ရဟှားဘီး သူဟှာ အားလောင်းဂူဟှို ရှင်းရှင်းလန်းလန်းဟှား ဗြင်ဟှားဟှယ်။ 
\v 26 ယေရှုဟှ သူ့ဟှို “ဝါထဲဟှို ပ္လန်ဝမ်န” ဆိုဘီးဟှာ မိန့်ပေးဘီး အီဟှို ပ္လန်ခိုင်းလိုက်လေဟှယ်။
\s ယေရှုကြောန်းဟှို ပေတရုရဲ့ ကြောငြာမှု
\r (မဿဲ ၁၆.၁၃–၂၀; လုကာ ၉.၁၈–၂၁)
\p
\v 27 အယ်ဘီးန ယေရှုန တဗဲ့တော်လေဟှ ကဲသရိဖိလိပ္ပုနားဟှ ကျေးဝါလေဟှို သွားဂေ့ဟှယ်။ လမ်းခရီးမာ ကိုယ်တော်ဟှ “လူလေဟှ ငါ့ဟှို ဖယ်သူဖြစ်ဟှယ် ဆိုဘီး ပြောနေဂေ့နူး” ဆိုဘီးဟှာ သူးနို့ဟှို မေးလေဟှယ်။
\p
\v 28 \x - \xo ၈.၂၈ \xo*\xt မာ ၆.၁၄,၁၅; လု ၉.၇,၈\xt*\x*“တချို့ဟှ ဗတ္တိဇံယောဟန် ဖြစ်ဟှယ်။ တချို့ဟှ ဧလိယ ဖြစ်ဟှယ်။ တချို့ဟှ ပရောဖက်တပါး ဖြစ်ဟှယ်။ ဆိုဘီး ပြောနေဂေ့ဟှယ်” ဆိုဘီး သူးနို့ဟှ ပ္လန်လျှော့‑က်လေဟှယ်။
\p
\v 29 \x - \xo ၈.၂၉ \xo*\xt ယော ၆.၆၈,၆၉\xt*\x*“နန်းနို့လေဟှမား ငါ့ဟှို ဖယ်သူဖြစ်ဟှယ် ဆိုဘီး ထန်ဂေ့နူး” ဆိုဘီး ကိုယ်တော်ဟှ သူးနို့လေဟှို မေးလိုက်ဟှယ်။
\p ပေတရုဟှ “ကိုယ်တော်ဟှာ ခရစ်တော် ဖြစ်ဟှယ်” ဆိုဘီး ပ္လန်လျှော့‑က်လေဟှယ်။
\p
\v 30 ယေရှုဟှ “ငါ့ကြောန်းဟှို ဖယ်သူ့ဟှိုလည်း ပြောဂေ့န” ဆိုဘီး သူးနို့လေဟှို မိန့်ပေးလေဟှယ်။
\s ယေရှုဟှ မိမိရဲ့ဝေဒနာခံဇာန သေခံဇာဟှို ပြောဟှူကြောန်း
\r (မဿဲ ၁၆.၂၁–၂၈; လုကာ ၉.၂၂–၂၇)
\p
\v 31 အယ်ဘီးန ယေရှုဟှ “လူ့ရဲ့သားဟှာ ဝေဒနာဘောင်ဂီး ခံရဘီး သတ်ကီးဝါဂီးလေ၊ ယဇ်ပုရောဟိတ်ဂီးလေ၊ ကျမ်းတတ်ဆရာလေအားဖြင့် ငြင်းပယ်ခံရမယ်။ သူဟှာ သတ်ခံရမယ်၊ အယ်ဘေမဲ့ သောင်းရစ်ကြာဘီးန သူဟှာ ပ္လန်ထမြော့‑က်လေ့မယ်” ဆိုဘီး တဗဲ့တော်လေဟှို စဘီး သွန်သန်လေဟှယ်။ 
\v 32 ကိုယ်တော်ဟှာ အယ်ကြောန်းဟှို ပွမ့်ပွမ့်လန်းလန်းဟှား ပြောလိုက်ဟှယ်။ အယ်ကြောန့် ပေတရုဟှ ကိုယ်တော့်ဟှို ဘေးနားဟှို ခေါ်ဘီးဟှာ စဘီး ပြစ်တန်လေဟှယ်။ 
\v 33 အယ်ဘေမဲ့ ယေရှုဟှ ပ္လန်လှည့်ဘီး တဗဲ့တော်လေဟှို ကေ့ဘီးဟှာ ပေတရုဟှို ဆောင်းမလေဟှယ်။ “စာတန်၊ ငါ့နားဟှနေ ထွပ်ဟှား။ ဖြားဖြစ်ကြောန့်နူးဆိုဟှာ နန်ဟှာ ဘုရားသခင်န ဆိုင်ဟှူဇာလေဟှို စိစွဲလန်းဘဲန လူလေန ဆိုင်ဟှူ ဇာလေဟှိုဘဲ စွဲလန်းဟှယ်!” ဆိုဘီး ပြောလေဟှယ်။
\p
\v 34 \x - \xo ၈.၃၄ \xo*\xt မ ၁၀.၃၈; လု ၁၄.၂၇\xt*\x*အယ်ဘီးန ယေရှုဟှာ လူအောက်ဂီးန တဗဲ့တော်လေဟှို သူ့နားဟှို ခေါ်လေဟှယ်။ ကိုယ်တော်ဟှ “ဖယ်လူဘဲ့ဖြစ်ဖြစ် ငါ့နော့‑က်ဟှို လိုက်ရှင်ဟှယ် ဆိုဟှာ ကိုယ့်ကိုယ်ကိုယ် ငြင်းပယ်ရမယ် အယ်ဘီးဟှာ ကိုယ့်ရဲ့ လတ်ဝါးကပ်တိုင်ဟှို ထမ်းဘီး ငါ့နော့‑က်ဟှို လိုက်ရမယ်။ 
\v 35 \x - \xo ၈.၃၅ \xo*\xt မ ၁၀.၃၉; လု ၁၇.၃၃; ယော ၁၂.၂၅\xt*\x*ဖြားဖြစ်ကြောန့်နူးဆိုဟှာ ကိုယ့်သတ်ဟှို ကယ်ရှင်ဟှူ လူဟှာ သတ်ဆောင်းရှောင်းလေ့မယ်။ အယ်ဘေမဲ့ ငါ့တွပ်န ဒန်းကောန်းတွပ် သတ်ဆောင်းရှောင်းရဟှူ လူဟှာ ကိုယ့်သတ်ဟှို ကယ်ဆယ်လေ့မယ်။ 
\v 36 လူတယော့‑က်ဟှာ လောက တခုလောင်းဟှို ရဘေမဲ့ သူ့ရဲ့ သတ်ဝိညာဉ် ဆောင်းရှောင်းဟှားမယ် ဆိုဟှာ ဖြားကျိုးရှိမယ်နူး။ ဖြားကျိုးလည်း မှေ့ဟှ! 
\v 37 လူတယော့‑က်ဟှာ သူ့ရဲ့ သတ်ဝိညာဉ်ဟှို ပ္လန်ဝီးဟှို့တွပ် ဖြားဇာပေးနိုင်ဟှို့နူး။ 
\v 38 ဖော့‑က်ပ္လန်ဘီး ပြစ်န ပ္လဲ့နေဟှူ အယ်မျိုးဆစ်မာ ဖယ်သူမဆို ငါ့န ငါ့စကားလေဟှို ယှစ်ကြော့‑က်မယ် ဆိုဟှာ၊ လူ့ရဲ့သားဟှာ သူ့ဖရဲ့ ဖောင်းတာ်ဟှို ဆောန်ဘီး သန့်ရှင်းဟှူ ကောန်းဂန်တမန်လေနတူးဒူ လာဟှူ ခီမာ အယ်လူဟှာ ယှစ်ကြော့‑က်ခံရလေ့မယ်” ဆိုဘီး သူးနို့ဟှို မိန့်တော်မူလေဟှယ်။
\c 9
\p
\v 1 အယ်ဘီးဟှာ ကိုယ်တော်ဟှ “ငါ မှန်တိုင်းပြောမယ်၊ ဘုရားသခင်ရဲ့ နိုင်ငံတော်ဟှ တဂိုးန တည်ဟှယ် ဆိုဇာဟှို ဗြင်ရဘဲ့န အယ်နေရာမာ ရှိနေဟှူ လူတချို့ဟှာ သေရဟှို့ မှုဟှ” ဆိုဘီး သူးနို့ဟှို မိန့်တော်မူလေဟှယ်။
\s သဏ္ဌာန်ပ္လောန်းလဲဟှူကြောန်း
\r (မဿဲ ၁၇.၁–၁၃; လုကာ ၉.၂၈–၃၆)
\p
\v 2 \x - \xo ၉.၂–၇ \xo*\xt ၂ ပေ ၁.၁၇,၁၈\xt*\x*ခြော့‑က်ရစ်ကြာဘီးန ယေရှုဟှာ ပေတရု၊ ယာကုပ်၊ ယောဟန်လေဟှို သူ့နတူးဒူ ခေါ်ဟှားဘီး ဗြင့်ဟှူတောန်ထတ်ဟှို တတ်ဟှားဟှယ်။ အယ်နေရာမာ သူးနို့လေဘဲ့ ရှိလေဟှယ်။ အယ်ခီမာ သူးနို့ရှေ့မာ ယေရှုဟှာ သဏ္ဌာန်ပ္လောန်းလဲဟှားဟှယ်။ 
\v 3 အယ်ဘီးဟှာ ကိုယ်တော်ရဲ့ ဝတ်ဟှ ဖ္လူဆွတ်ဆွတ် ဖြစ်လာဟှယ် ကမ္ဘာမာ ဖယ်လူလည်း လျှော်ဟှို့ တတ်နိုင်ဘဲအောန် ရရာတိုင်း ဖ္လူဟှယ်။ 
\v 4 အယ်ဘီးဟှာ တဗဲ့တော်သောင်းပါးရှေ့မာ ဧလိယန မောရှေဟှ ပေါ်လာဘီး ယေရှုန စကားပြောနေဂေ့ဟှယ်။ 
\v 5 ပေတရုဟှ “ဆရာ၊ အယ်နေရာမာ ကျွန်တော့်ဟှားလေ ရှိနေဇာ ရရာတိုင်း ကောန်းဟှယ်! ကိုယ်တော်တွပ် တဆောန်၊ မောရှေတွပ် တဆောန်၊ ဧလိယတွပ် တဆောန်၊ တဲသောင်းဆောန်ဟှို ကျွန်တော့်ဟှားလေ ဆော့‑က်ပေးမယ်” ဆိုဘီး ယေရှုဟှို ပြောလေဟှယ်။ 
\v 6 သူးနို့ဟှာ ရရာတိုင်း ကြော့‑က်လန့်နေဂေ့ဘီး၊ သူဟှာ ဖယ်မျိုးပြောရဟှို့ ဆိုဇာ သိဟှ။
\p
\v 7 \x - \xo ၉.၇ \xo*\xt မ ၃.၁၇; မာ ၁.၁၁; လု ၃.၂၂\xt*\x*အယ်ဘီးန မိုးတီတခုဟှ ပေါ်လာဘီးဟှာ သူးနို့လေဟှို အောက်ခ္လလိုက်ဟှယ် “အယ်သူဟှ ငါ့ရဲ့ ရှစ်သား ဖြစ်ဟှယ်။ သူ့စကားဟှို နားထောန်ဂေ့!” ဆိုဘီး မိုးတီထဲဟှနေ သံတော်ဟှ ထွပ်လာဟှယ်။ 
\v 8 ရှစ်ရှင်းဘဲ့ သူးနို့လေဟှာ ပတ်စိမွီဘီး ကေ့လိုက်ဟှယ် အယ်ဘေမဲ့ ယေရှုတပါးဘဲ့ သူးနို့နတူးဒူ ရှိနေဘီး တခြားဖယ်သူလည်း တွိရဂေ့ဟှမ်း။
\p
\v 9 သူးနို့လေဟှ တောန်ထတ်ဟှနေ ဆင်းလာဂေ့ဟှူ ခီမာ ယေရှုဟှ “လူ့ရဲ့သားဟှ သေရာဟှနေ ထမြော့‑က်ခန်ထိ နန်းနို့ဗြင်ဟှားဇာဟှို ဖယ်သူ့ဟှိုလည်း ပြောဂေ့န” ဆိုဘီး သူးနို့ဟှို မိန့်မှာလေဟှယ်။
\p
\v 10 သူးနို့လေဟှ ကိုယ်တော်ရဲ့ မိန့်ဟှို နာခံဂေ့ဟှယ် အယ်ဘေမဲ့လည်း “ ‘သေရာဟှနေ ထမြော့‑က်ဟှယ်’ ဆိုဇာဟှ ဖြားဓိပါယ်မျိုးနူး” ဆိုဘီး အယ်ကြောန်းဟှို သူးနို့ရှင်းရှင်းထဲမာ စဘီး ဆွေးနွေးနေဂေ့ဟှယ်။ 
\v 11 \x - \xo ၉.၁၁ \xo*\xt မ ၁၁.၁၄\xt*\x*အယ်ဘီးဟှာ သူးနို့ဟှ ယေရှုဟှို “ဧလိယဟှာ ရင်ဦးဆောင်း လာမယ် ဆိုဘီး ကျမ်းတတ်ဆရာလေဟှ ဖြားဖြစ်ကြောန့် ပြောဂေ့နူး” ဆိုဘီး မေးဂေ့ဟှယ်။
\p
\v 12 ယေရှုဟှ “ဧလိယဟှာ ရင်ဦးဆောင်း လာဘီး အားလောင်းဂူဟှို သစ်ပ္လန်လောက်မယ် ဆိုဇာဟှာ မှန်ဟှယ်။ အယ်ဘေမဲ့ လူ့ရဲ့သားဟှ ဝေဒနာဘောင်ဂီး ခံဘီးဟှာ ငြင်းပယ်ခံရမယ် ဆိုဘီး ကျမ်းစာမာ ဖြားဖြစ်ကြောန့် ရေးဟှားနူး။ 
\v 13 အယ်ဘေမဲ့လည်း နန်းနို့ဟှို ငါပြောမယ်။ ဧလိယဟှာ ရော့‑က်လာပီးဘီ။ သူ့ကြောန်းဟှို ကျမ်းစာမာ ရေးဟှားတိုင်း လူလေဟှ သူးနို့လောက်ရှင်ဟှူတိုင်း သူ့ဟှို လောက်ဂေ့ဟှယ်” ဆိုဘီး ပ္လန်ဖြေလေဟှယ်။
\s ယေရှုဟှာ ညစ်ညူးဟှူ နတ်ရှိနေဟှူ ကောန်းသားယော့‑က်ဟှို ကျန်းမာစေဟှူကြောန်း
\r (မဿဲ ၁၇.၁၄–၂၁; လုကာ ၉.၃၇–၄၃က)
\p
\v 14 သူးနို့ဟှာ တခြားတဗဲ့တော်လေနားဟှို ရော့‑က်လာဟှူ ခီမာ ရရာတိုင်း ကီးမားဟှူ လူအောက်ဂီးဟှာ သူးနို့လေဟှို ဝိုင်းရံဟှားဘီး ကျမ်းတတ်ဆရာ တချို့ဟှာ သူးနို့န ဂြင်းခူနေဇာဟှို ဗြင်ဟှားလေဟှယ်။ 
\v 15 ရှစ်ရှင်းဘဲ့ လူလေဟှ ယေရှုဟှို ဗြင်ဟှူ ခီမာ သူးနို့ဟှာ ရရာတိုင်း အံ့ဩဂေ့ဘီးဟှာ ကိုယ်တော်နားဟှို ပ္လေးလာဘီး နှောက်ဆစ်ဂေ့ဟှယ်။ 
\v 16 ယေရှုဟှ တဗဲ့တော်လေဟှို “နန်းနို့လေဟှာ သူးနို့လေန ဖြားကြောန်းရာဟှို ဂြင်းခူနေဂေ့နူး” ဆိုဘီး မေးလေဟှယ်။
\p
\v 17 လူအောက်ဂီးထဲဟှနေ တယော့‑က်ဟှ “ဆရာ၊ ညစ်ညူးဟှူနတ် ဝမ်ပူးနေဟှူကြောန့် စကားပြောနိုင်ဘဲဟှူ ကျွန်တော့်သားဟှို ဆရာ့နားဟှို ခေါ်လာဟှယ်။ 
\v 18 နတ်ဆိုးဟှာ သူ့ဟှို ဖမ်းစားဟှူခီတိုင်း သူ့ဟှို မ္လေဂီးမာ လဲခ္လတတ်ဘီး၊ ဇပ်ပေါ့‑က်ဟှ ဖြုပ်ထွပ်ဘီး၊ အံသွားလေ က္လိတတ်ဟှယ်။ အယ်ဘီးန တော့‑က်မာ လာဟှယ်။ ကျွန်တော်ဟှာ ကိုယ်တော့်ရဲ့ တဗဲ့တော်လေဟှို အယ်နတ်ဆိုးဟှို နှန်ထုဟှို့ ပြောဟှယ် အယ်ဘေမဲ့ သူးနို့လေဟှ တတ်နိုင်ဂေ့ဟှ” ဆိုဘီး ပ္လန်ဖြေလေဟှယ်။
\p
\v 19 ယေရှုဟှ “နန်းနို့ဟှာ လောင်းဝ ယောင်ကြည်ဘဲဟှူ လူလေ ဖြစ်ဟှယ်! ငါဟှာ ဖယ်လော့‑က်ကြာအောန် နန်းနို့နတူးဒူ နေရဟှို့နူး။ ဖယ်မျှလော့‑က်ကြာအောန် နန်းနို့ဟှို သီးခံရဟှို့နူး။ ကောန်းသားဟှားဟှို ငါ့နားဟှို ခေါ်လာဂေ့!” ဆိုဘီး သူးနို့ဟှို ပြောလေဟှယ်။ 
\v 20 အယ်ကြောန့် သူးနို့လေဟှ သူ့ဟှို ယေရှုနားဟှို ခေါ်ဟှားဂေ့ဟှယ်။
\p နတ်ဆိုးဟှာ ယေရှုဟှို ဗြင်ဟှူ ခီမာ ရှစ်ရှင်းဘဲ့ ကောန်းသားဟှားဟှို လဲခ္လဘီး တူတတ်စေဟှယ်။ အယ်ကြောန့် သူဟှာ မ္လေမာ လဲခ္လဘီး လူးလိနေဘီးဟှာ ဇပ်ပေါ့‑က်ဟှ ဖြုပ်လေ ထွပ်နေလေဟှယ်။ 
\v 21 ယေရှုဟှ “အယ်မျိုးဖြစ်နေဇာ ကြာဘီလော” ဆိုဘီး ကောန်းသားရဲ့ ဖဟှို မေးလေဟှယ်။
\p သူဟှ “သားဂန်းဟှား ဂဒဲဟှ ဖြစ်နေဟှယ်။” 
\v 22 “သူ့ဟှို မီးထဲမာရော၊ ရေထဲမာရော လဲက္လစေဘီးဟှာ သတ်ဟှို့ ခဏခဏ ကြိုးစားဟှယ်။ အယ်ဘေမဲ့ ကိုယ်တော်ဟှာ တခုခု တတ်နိုင်မယ် ဆိုဟှာ ကျွန်တော့်ဟှို သနားဘီးဟှာ ကူညီပေးပါ!” ဆိုဘီး ပ္လန်ဖြေလေဟှယ်။
\p
\v 23 ယေရှုဟှ “နန်ကိုယ်တိုင်လည်း တတ်နိုင်ဟှယ် မှုဟှလော။ ယောင်ကြည်ရှင်းရှိဟှူ လူတယော့‑က်တွပ် အားလောင်းဂူ ဖြစ်နိုင်ဟှယ်” ဆိုဘီး မိန့်တော်မူလေဟှယ်။
\p
\v 24 ရှစ်ရှင်းဘဲ့ ကောန်သားဟှားရဲ့ ဖဟှ “ကျွန်တော် တကယ် ယောင်ကြည်ပါဟှယ်။ ကျွန်တော်ဟှာ ယောင်ကြည်ဘဲကြောန့် ကျွန်တော့်ဟှို မစပေးပါ!” ဆိုဘီး အော်ဘီးပြောလေဟှယ်။
\p
\v 25 လူအောက်ဂီးဟှာ သူးနို့ရှိဟှူ နေရာဟှို ပ္လေးလာဂေ့ဇာဟှို ယေရှု ဗြင်ဟှားဟှယ်။ အယ်ကြောန့် ကိုယ်တော်ဟှ ညစ်ညူးဟှူ နတ်ဟှို မိန့်ပေးလိုက်ဟှယ်။ “ဆွံ့အဘီး နားပန်းဟှူ နတ် ကောန်သားထဲဟှနေ ထွပ်ဟှားဘီး နော့‑က်ထပ် သူ့ထဲဟှို လောင်းဝ ဝမ်န ငါမိန့်ပေးဟှယ်!” ဆိုဘီး ပြောလေဟှယ်။
\p
\v 26 နတ်ဆိုးဟှ အော်ဘီးဟှာ ကောန်သားဟှို ရရာတိုင်း တူတတ်ခိုင်းဘီးန ထွပ်ဟှားလေဟှယ်။ ကောန်သားဟှ သေကောန်မျိုး ဖြစ်ဟှားကြောန့် “သူသေဟှားဘီ!” ဆိုဘီး လူတိုင်းပြောဂေ့ဟှယ်။ 
\v 27 အယ်ဘေမဲ့ ယေရှုဟှ ကောန်သားရဲ့ လတ်ဟှို ကိုင်ဘီး ထဒန်ဟှို့ ဆွဲဒန်လိုက်ဟှူ ခီမာ သူဟှာ ထလာဟှယ်။
\p
\v 28 ယေရှုဟှ အီထဲဟှို ဝမ်ဟှားဘီးန တဗဲ့တော်လေဟှ “ကျွန်တော့်ဟှားလေဟှ ဖြားဖြစ်ကြောန့် အယ်နတ်ဆိုးဟှို နှန်ထုနိုင်ဟှနူး” ဆိုဘီး ကိုယ်တော့်ဟှို တိတိဟှား မေးဂေ့ဟှယ်။
\p
\v 29 ယေရှုဟှ “အယ်နတ်မျိုးဟှို ဆုတောန်းဇာအားဖြင့်ဘဲ့ နှန်ထုနိုင်ဟှယ်” ဆိုဘီး ပ္လန်ဖြေလေဟှယ်။
\s ယေရှုဟှာ သေခံမယ့်ကြောန်းဟှို ထပ်ဘီးပြောဟှူကြောန်း
\r (မဿဲ ၁၇.၂၂,၂၃; လုကာ ၉.၄၃ခ–၄၅)
\p
\v 30 ယေရှုန တဗဲ့တော်လေဟှ အယ်နေရာဟှနေ ထွပ်ဟှားဘီး ဂါလိလဲနယ်ဟှို ဖြတ်ဘီး ဆစ်သွားလေဟှယ်။ သူးနို့လေ အယ်နေရာမာ ရှိနေဟှယ် ဆိုဇာဟှို ယေရှုဟှ ဖယ်သူ့ဟှိုလည်း သိခိုင်းရှင်ဟှ 
\v 31 ဖြားဖြစ်ကြောန့်နူးဆိုဟှာ ကိုယ်တော်ဟှာ သူ့ရဲ့ တဗဲ့တော်လေဟှို “လူ့ရဲ့သားဟှာ သူ့ဟှို သတ်မယ့်လူလေရဲ့ လတ်ထဲဟှို အပ်ခံရလေ့မယ်။ အယ်ဘေမဲ့လည်း သောင်းရစ်ကြာဘီးန သူဟှာ ထမြော့‑က်လေ့မယ်” ဆိုဘီး သွန်သန်နေကြောန့် ဖြစ်ဟှယ်။
\p
\v 32 အယ်ဘေမဲ့ ကိုယ်တော်ပြောနေဇာဟှာ ဖြားဓိပါယ်ရှိဟှယ် ဆိုဇာဟှို သူးနို့လေ နားလည်ဂေ့ဟှ။ အယ်ဘီးဟှာ ကိုယ်တော့်ဟှို မေးဟှို့လည်း သူးနို့ဟှာ ကြော့‑က်နေဂေ့ဟှယ်။
\s ဖယ်သူဟှ ကီးမြတ်ဆောင်းနူး။
\r (မဿဲ ၁၈.၁–၅; လုကာ ၉.၄၆–၄၈)
\p
\v 33 သူးနို့လေဟှာ ကပေရနောင်ဗြို့ဟှို ရော့‑က်ဟှားဂေ့ဘီး အီထဲဟှို ဝမ်ဟှားဘီးန ယေရှုဟှ “နန်းနို့ဟှ လမ်းမာ ဖြားကြောန်းဟှို ဂြင်းခူနေဂေ့နူး” ဆိုဘီး တဗဲ့တော်လေဟှို မေးလေဟှယ်။
\p
\v 34 \x - \xo ၉.၃၄ \xo*\xt လု ၂၂.၂၄\xt*\x*အယ်ဘေမဲ့ သူးနို့လေဟှာ ကိုယ်တော့်ဟှို ဖြေဂေ့ဟှ။ ဖြားဖြစ်ကြောန့်နူးဆိုဟှာ လမ်းမာ ဖယ်သူဟှ ကီးမြတ်ဆောင်းဖြစ်ဟှယ် ဆိုဘီး သူးနို့ရှင်းရှင်းထဲမာ ဂြင်းခူနေကြောန့် ဖြစ်ဟှယ်။ 
\v 35 \x - \xo ၉.၃၅ \xo*\xt မ ၂၀.၂၆,၂၇; ၂၃.၁၁; မာ ၁၀.၄၃,၄၄; လု ၂၂.၂၆\xt*\x*ယေရှုဟှာ ထိုင်ခ္လဘီးန တဗဲ့တော် ဆယ့်နှေ့ပါးဟှို ခေါ်လိုက်ဘီး “ဖယ်လူဘဲ့ဖြစ်ဖြစ် ဦးဆောင်းဖြစ်ရှင်ဟှယ် ဆိုဟှာ အယ်လူဟှာ အားလောင်းရဲ့ နော့‑က်ဆောင်းဖြစ်ရမယ်။ အားလောင်းရဲ့ စေခံလည်း ဖြစ်ရမယ်” ဆိုဘီး သူးနို့ဟှို မိန့်တော်မူလေဟှယ်။ 
\v 36 အယ်ဘီးန ကိုယ်တော်ဟှ သားဂန်းတယော့‑က်ဟှို ခေါ်ဘီးဟှာ သူးနို့ ရှေ့မာ ရပ်ခိုင်းလေဟှယ်။ ကိုယ်တော်ဟှာ သူ့ဟှို ပိုက်ဘီးဟှာ သူးနို့ဟှို ပြောလိုက်ဇာဟှ 
\v 37 \x - \xo ၉.၃၇ \xo*\xt မ ၁၀.၄၀; လု ၁၀.၁၆; ယော ၁၃.၂၀\xt*\x* “ဖယ်လူဘဲ့ဖြစ်ဖြစ် အယ်သားဂန်းလေထဲဟှ တယော့‑က်ဟှို ငါ့နာမဟှို ထော့‑က်ဘီးဟှာ လတ်ခံဟှယ် ဆိုဟှာ ငါ့ဟှို လတ်ခံဟှယ်။ ဖယ်သူဘဲ့ဖြစ်ဖြစ် ငါ့ဟှို လတ်ခံဟှယ် ဆိုဟှာ ငါ့ဟှိုဘဲ့လတ်ခံဇာ မှုဟှ ငါ့ဟှို စေလွှတ်လိုက်ဟှူ သူဟှိုလည်း လတ်ခံဟှယ်။”
\s ဖယ်သူဘဲ့ဖြစ်ဖြစ် နို့လေဟှို ဆန့်ကျင်ဟှ ဆိုဟှာ နို့လေဖတ်ဟှဘဲ့ ဖြစ်ဟှူကြောန်း
\r (လုကာ ၉.၄၉–၅၀)
\p
\v 38 ယောဟန်ဟှ “ဆရာ၊ ကိုယ်တော်ရဲ့ နာမန နတ်ဆိုးလေဟှို နှန်ထုနေဟှူ လူတယော့‑က်ဟှို ကျွန်တော်လေ တွိဗြင်လာဟှယ်။ သူဟှာ ကျွန်တော့်ဟှားလေရဲ့ အောက်စုထဲဟှ မှုဘဲဟှူကြောန့် သူ့ဟှို လောက်ဘဲဟှို့တွပ် ပြောရစ်ဟှယ်” ဆိုဘီး ကိုယ်တော့်ဟှို ပြောလေဟှယ်။
\p
\v 39 ယေရှုဟှ “သူ့ဟှို တားဂေ့န။ ဖြားဖြစ်ကြောန့်နူးဆိုဟှာ ငါ့နာမန နိမိတ်လတ်ခဏာပြဘီးဟှာ ကြာခန်မာ ငါ့ကြောန်းဟှို ကဲ့ရဲ့နိုင်ဟှူလူ ယော့‑က်လည်း မှေ့ဟှ။ 
\v 40 \x - \xo ၉.၄၀ \xo*\xt မ ၁၂.၃၀; လု ၁၁.၂၃\xt*\x*ဖြားဖြစ်ကြောန့်နူးဆိုဟှာ ဖယ်လူဘဲ့ဖြစ်ဖြစ် နို့လေဟှို ဆန်ကျင်ဟှဆိုဟှာ နို့လေဖတ်ဟှဘဲ့ ဖြစ်ဟှယ်။ 
\v 41 \x - \xo ၉.၄၁ \xo*\xt မ ၁၀.၄၂\xt*\x*ငါ မှန်တိုင်းပြောမယ်၊ နန်းနို့ဟှာ ခရစ်တော်ရဲ့ တဗဲ့တော်လေဖြစ်ဟှူကြောန့် ငါ့နာမဟှို ထော့‑က်ဘီး နန်းနို့လေဟှို ရေတခွပ် ပေးသော့‑က်ဟှူ လူတိုင်းဟှာ တကယ်ဘဲ့ ကျိုးဟှို လတ်ခံရလေ့မယ်။
\s ပြစ်သွီးဆောန်ဇာလေကြောန်း
\r (မဿဲ ၁၈.၆–၉; လုကာ ၁၇.၁–၂)
\p
\v 42 “ဖယ်လူဘဲ့ဖြစ်ဖြစ် ငါ့ဟှို ယောင်ကြည်ဟှူ အယ်သားဂန်းလေထဲဟှ တယော့‑က်ဟှို မှားယွင်းစေမယ် ဆိုဟှာ သူ့ရဲ့ လည်ဘန်းမာ ကီးမားဟှူ က္လော့‑က်က္လိဆောင်ဟှို ခယ်ဘီး ပန်လယ်ထဲဟှို ပစ်ခ္လခံရဇာဟှ အယ်လူတွပ် ပိုကောန်းဟှယ်။ 
\v 43 \x - \xo ၉.၄၃ \xo*\xt မ ၅.၃၀\xt*\x*နန့်လတ်ဟှ နန့်ဟှို မှားယွင်းစေဟှယ် ဆိုဟှာ အယ်လတ်ဟှို ဖြတ်ပစ်လိုက်! လတ်နှေ့ဖတ်န မီးသေဘဲဟှူ ငရဲထဲဟှို သွားရဇာထတ် လတ်တဖတ်မှေ့ဘဲန သတ်ရှင်ဇာဟှို ဝမ်ရဇာဟှာ ပိုကောန်းဟှယ်။ 
\v 44 \f + \fr ၉.၄၄ \fr*\ft တချို့ မူရင်းလတ်ရေးမူလေမာ \ft*\fqa အယ်နေရာမာ သူးနို့ဟှို စားဟှူ လော့‑က်ကောန်လေဟှ လောက်ဝသေဟှ အယ်ဘီးဟှာ သူးနို့ဟှို လောန်နေဟှူမီးဟှလည်း လောက်ဝသေဟှ၊ \fqa*\ft ဆိုဘီး ခန်းငယ် ၄၄ ဟှို ထပ်ပေါန်းထဲ့ဟှားဟှယ် \ft*\ft (ရှု ခန်းငယ် ၄၈)။\ft*\f* 
\v 45 နန့်ခေဟှ နန့်ဟှို မှားယွင်းစေဟှယ် ဆိုဟှာ အယ်ခေဟှို ဖြတ်ပစ်လိုက်! ငရဲထဲဟှို ခေနှေ့ဖတ်န ပစ်ခ္လခံရဇာထတ် ခေတဖတ်မှေ့ဘဲန သတ်ရှင်ဇာဟှို ဝမ်ရဇာဟှာ ပိုကောန်းလေဟှယ်။ 
\v 46 \f + \fr ၉.၄၆ \fr*\ft တချို့ မူရင်းလတ်ရေးမူလေမာ \ft*\fqa အယ်နေရာမာ သူးနို့ဟှို စားဟှူလော့‑က်ကောန်လေဟှ လောင်းဝသေဟှ။ အယ်ဘီးဟှာ သူးနို့ဟှို လောန်နေဟှူမီးဟှလည်း လောင်းဝသေဟှ၊ \fqa*\ft ဆိုဘီး ခန်းငယ် ၄၆ ဟှို ထပ်ပေါန်းထဲ့ဟှားဟှယ် \ft*\ft (ရှု ခန်းငယ် ၄၈)။\ft*\f* 
\v 47 \x - \xo ၉.၄၇ \xo*\xt မ ၅.၂၉\xt*\x*နန့်မျစ်စိဟှ နန့်ဟှို မှားယွင်းစေဟှယ် ဆိုဟှာ အယ်မျစ်စိဟှို ထုပစ်လိုက်! မျစ်စိနှေ့ဖတ်န ငရဲထဲဟှို ပစ်ခ္လခံရထတ် မျစ်စိတဖတ်န ဘုရားသခင်ရဲ့ နိုင်ငံတော်ဟှို ဝမ်ရဇာဟှ ပိုကောန်းဟှယ်။ 
\v 48 ‘အယ်နေရာမာ သူးနို့ဟှို စားဟှူပိုးကောန်လေဟှ လောင်းဝသေဟှ။ အယ်ဘီးဟှာ သူးနို့ဟှို လောန်နေဟှူမီးဟှလည်း လောင်းဝသေဟှ။’ ”
\p
\v 49 “ယဇ်ကောန်ဟှာ ဆားအားဖြင့် စင်ကြယ်ဟှားမျိုးဘဲ့ လူတိုင်းဟှာ မီးအားဖြင့် စင်ကြယ်ဟှားလေ့မယ်။”
\p
\v 50 \x - \xo ၉.၅၀ \xo*\xt မ ၅.၁၃; လု ၁၄.၃၄,၃၅\xt*\x*“ဆားဟှ သောင်းဝမ်ဟှယ်။ အယ်ဘေမဲ့ သူ့ရဲ့ ငန်ဟှူရသာ ပျော့‑က်ဟှားမယ် ဆိုဟှာ ငန်ဟှူရသာဟှို ဖယ်မျိုး ပ္လန်ရနိုင်ဟှို့နူး။
\p “နန်းနို့ ကိုယ်တိုင်မာလည်း ဆားရဲ့ ဂေါင်သတ်တိမျိုးရှိဂေ့။ အယ်ဘီးဟှာ ရှင်းရှင်း သင့်မြတ်အောန်နေဂေ့” ဆိုဘီး သူးနို့ဟှို မိန့်တော်မူလေဟှယ်။
\c 10
\s ယေရှုဟှာ လန်မယားကွာရှင်းမှုဟှို သွန်သန်ဟှူကြောန်း
\r (မဿဲ ၁၉.၁–၁၂; လုကာ ၁၆.၁၈)
\p
\v 1 အယ်ဘီးန ယေရှုဟှ အယ်နေရာဟှ ထွပ်ဟှားဘီး၊ ယုဒနယ်ဟှို သွားလေဟှယ်။ အယ်ဘီးဟှာ ယော်ဒန်မ္လစ်ဟှို ကူးဟှားလေဟှယ်။ လူအောက်ဂီးဟှ ကိုယ်တော်နားဟှို ပ္လန်ဘီး စုလာဂေ့ဟှယ်။ ကိုယ်တော်ဟှာ လောက်နေကျတိုင်း သူးနို့ဟှို သွန်သန်လေဟှယ်။
\p
\v 2 ဖာရိရှဲလေ တချို့ဟှာ ကိုယ်တော်နားဟှို လာဘီးဟှာ ထောန်ချော့‑က်ဆင်ဟှို့ ကြိုးစာဟှယ်။ သူးနို့ဟှ “ကျွန်တော့်လေဟှို ပြောပြပါ။ ကျွန်တော့်လေရဲ့ ပညတ်တရားဟှ လူတယော့‑က်ဟှို သူ့မယားန ကွာရှင်းဟှို့ ခွမ့်ပြုဘဲ့လော” ဆိုဘီး မေးဂေ့ဟှယ်။
\p
\v 3 ယေရှုဟှ “မောရှေဟှာ နန်းနို့ဟှို ဖြားမျိုး ပညတ်ပေးဟှားနူး” ဆိုဘီး မေးခွန်းန ပ္လန်မေးလေဟှယ်။
\p
\v 4 \x - \xo ၁၀.၄ \xo*\xt မ ၅.၃၁\xt*\x*သူးနို့ရဲ့ ဖြေဟှ “လူတယော့‑က်ဟှာ သူ့မယားဟှို ကွာရှင်းစာချောက်ဟှို ပေးဘီး ကွာရှင်းဟှို့တွပ် မောရှေဟှ ခွမ့်ပြုဟှားဟှယ်” ဆိုဘီး ဖြစ်ဟှယ်။
\p
\v 5 ယေရှုဟှ “မောရှေဟှာ အယ်မျိုးပညတ်ချစ်ဟှို နန်းနို့လေတွပ် ရေးဟှားဟှယ် ဖြားဖြစ်ကြောန့်နူးဆိုဟှာ နန်းနို့ရဲ့ စိနှလောင်းမာကျောဟှူကြောန့် ဖြစ်ဟှယ်။ 
\v 6 အယ်ဘေမဲ့ ကျမ်းစာမာ ပြောဟှားတိုင်းဘဲ့ ဖန်ဆင်းစဒူးဟှ ‘ဘုရားသခင်ဟှာ ယော့‑က်ကျားန မီးမဟှို ဖန်ဆင်းဟှားဟှယ်။ 
\v 7 အယ်ကြောန်းကြောန့် ယော့‑က်ကျားဟှ သူ့မိဖဟှို စွန့်ဘီး သူ့မီးမန ပေါန်းသင်းလေဟှယ်။\f + \fr ၁၀.၇ \fr*\ft တချို့ မူရင်းလတ်ရေးမူလေမာ \ft*\fqa အယ်ဘီးဟှာ သူ့မီးမနတူးဒူ ပေါန်းသင်းလေဟှယ်၊ \fqa*\ft ဆိုဇာဟှာ မှေ့ဟှ။\ft*\f* 
\v 8 အယ်ဘီးဟှာ အယ်နှေ့ယော့‑က်ဟှာ တသားတကိုယ်ဒဲ ဖြစ်လာလေ့မယ်။’ အယ်ကြောန့် သူးနို့ဟှာ နှေ့ယော့‑က်မှုဟှ။ အယ်ဘေမဲ့ တယော့‑က်ဒဲဘဲ့ ဖြစ်ဟှယ်။ 
\v 9 အယ်ကြောန့် ဘုရားသခင် ပေါန်းစပ်ပေးဟှားဇာဟှို လူခွဲခွာစေန” ဆိုဘီး သူးနို့ဟှို မိန့်တော်မူလေဟှယ်။
\p
\v 10 သူးနို့လေဟှာ အီဟှို ပ္လန်ရော့‑က်ဟှူ ခီမာ တဗဲ့တော်လေဟှာ အယ်ကြောန်းဟှို ယေရှုဟှို မေးလျှော့‑က်ဂေ့ဟှယ်။ 
\v 11 \x - \xo ၁၀.၁၁,၁၂ \xo*\xt မ ၅.၃၂; ၁ ကော ၇.၁၀,၁၁\xt*\x*ကိုယ်တော်ဟှ “ကိုယ့်မယားဟှို ကွာရှင်းဘီး တခြားမီးမဟှို ကိုယ့်မယားဟှို ပြစ်မှားဘီး အီထောန်ရေးဖော့‑က်ပ္လန်ရှင်းဟှို ကျူးလွန်သူ ဖြစ်ဟှယ်။ 
\v 12 အယ်မျိုးဘဲ့ ကိုယ့်လန်ဟှို ကွာရှင်းဘီး တခြားယော့‑က်ကျားဟှို ပေါန်းသင်းဟှူ မီးမဟှာ ကိုယ့်လန်ဟှို ပြစ်မှားဘီး အီထောန်ရေးဖော့‑က်ပ္လန်ရှင်းဟှို ကျူးလွန်သူ ဖြစ်ဟှယ်” ဆိုဘီး သူးနို့ဟှို မိန့်တော်မူလေဟှယ်။
\s ယေရှုဟှာ သားဂန်းဟှားလေဟှို ကောန်းကြီးပေးဟှူကြောန်း
\r (မဿဲ ၁၉.၁၃–၁၅; လုကာ ၁၈.၁၅–၁၇)
\p
\v 13 လူလေတချို့ဟှာ သားဂန်းလေရဲ့ထတ်မာ ကိုယ်တော်ရဲ့လတ်လေဟှို တန်ခိုင်းဟှို့တွပ် ယေရှုနားဟှို ခေါ်လာဂေ့ဟှယ်။ အယ်ဘေမဲ့ တဗဲ့တော်လေဟှ အယ်လူလေဟှို ပြစ်တန်ဂေ့ဟှယ်။ 
\v 14 ယေရှုဟှ အယ်ဇာဟှို ဗြင်ဟှားခီမာ ကိုယ်တော်ဟှာ စိဆိုးဟှားဘီး “သားဂန်းလေဟှို ငါ့နားဟှို လာဂေ့ပါစေ၊ သူးနို့ဟှို တားဂေ့န။ ဖြားဖြစ်ကြောန့်နူးဆိုဟှာ အယ်မျိုးလူလေဘဲ့ ဘုရားသခင် နိုင်ငံတော်မာ နေရလေ့မယ်။ 
\v 15 \x - \xo ၁၀.၁၅ \xo*\xt မ ၁၈.၃\xt*\x*ငါ မှန်တိုင်းပြောမယ်၊ ဘုရားသခင်ရဲ့ နိုင်ငံတော်ဟှို သားဂန်းတယော့‑က်မျိုး လတ်ခံဘဲဟှူလူဟှ နိုင်ငံတော်ဟှို လောင်းဝ ဝမ်ရလေ့ဟှို့ မှုဟှ” ဆိုဘီး တဗဲ့တော်လေဟှို မိန့်တော်မူလေဟှယ်။ 
\v 16 အယ်ဘီးန ကိုယ်တော်ဟှာ သားဂန်းလေဟှို ခီလိုက်ဘီး သူးနို့ထတ်မာ သူ့ရဲ့ လတ်လေဟှို တန်ဟှယ်။ အယ်ဘီးဟှာ သူးနို့ဟှို ကောန်းကြီးပေးလေဟှယ်။
\s ကပ်ပေါဟှူလူကြောန်း
\r (မဿဲ ၁၉.၁၆–၃၀; လုကာ ၁၈.၁၈–၃၀)
\p
\v 17 ယေရှုဟှ ခရီးစပြုနေဟှူ ခီမာ လူတယော့‑က်ဟှ ပ္လေးလာဘီး၊ ကိုယ်တော်ရှေ့မာ ဒူးထော့‑က်ဘီး “ကောန်းမြတ်ဟှူဆရာ၊ ထာဝရသတ်ဟှို လတ်ခံရဟှို့တွပ် ကျွန်တော့်ဟှ ဖြားဇာလောက်ရဟှို့နူး” ဆိုဘီး မေးလျှော့‑က်လေဟှယ်။
\p
\v 18 ယေရှုဟှ “နန်ဟှာ ဖြားဖြစ်ကြောန့် ငါ့ဟှို ကောန်းမြတ်ဟှယ် ဆိုဘီး ခေါ်နေရနူး။ ဘုရားသခင် တပါးဟှလွဲဘီး ဖယ်သူလည်း ကောန်းမြတ်ဟှ။ 
\v 19 ‘လူ့သတ်ဟှိုသတ်န၊ အီထောန်ရေးဖော့‑က်ပ္လန်န၊ ခိုးန၊ ဖယ်သူ့ဟှိုဘဲ့ဖြစ်ဖြစ် မှားမှားဟှီးန စွပ်စွဲန၊ လီညာန၊ နန့်ရဲ့မိဖဟှို ရိုသေဂေ့’ ဆိုဘီး ပညတ်ဟှားဇာလေဟှို နန်သိဟှယ်” ဆိုဘီး ပ္လန်ဖြေလေဟှယ်။
\p
\v 20 အယ်လူဟှ “ဆရာ၊ အယ်ပညတ်ချစ်လေ အားလောင်းဟှို ကျွန်တော် ငဲငယ်ဂဒဲဟှ ကျွန်တော်ဟှာ စောန့်ထီးလာဟှယ်” ဆိုဘီး ပြောလေဟှယ်။
\p
\v 21 ယေရှုဟှ အယ်လူဟှို ရှစ်ဟှူစိန စေ့စေ့ကေ့ဘီး “နန့်မာ တခုဘဲ့ လိုနေဟှယ်။ သွားဘီး နန့်မာရှိဇာလေ အားလောင်းဟှို ရောန်းလိုက်ဘီးဟှာ ဆင်းရဲသားလေဟှို ပေးလိုက်။ အယ်ဆိုဟှာ နန့်ဟှာ ကောန်းဂန်ဘောင်မာ ဘဏ္ဍာရလေ့မယ်။ အယ်ဘီးမှ လာဘီးဟှာ ငါ့နော့‑က်ဟှို လိုက်ပါ” ဆိုဘီး မိန့်တော်မူလေဟှယ်။ 
\v 22 အယ်လူဟှာ အယ်စကားဟှို ကြားရဟှူ ခီမာ။ သူ့ရဲ့ မျစ်နှာဟှာ ညှိုးငယ်ဟှားဟှယ်။ အယ်ဘီးန သူဟှာ ဝန်းနဲပန်းနဲန ထွပ်ဟှားလေဟှယ်။ ဖြားဖြစ်ကြောန့်နူးဆိုဟှာ သူဟှာ ရရာတိုင်း ကပ်ပေါဟှူကြောန့် ဖြစ်ဟှယ်။
\p
\v 23 ယေရှုဟှာ တဗဲ့တော်လေဟှို လှည့်ပတ်ကေ့ဘီးန “ကပ်ပေါဟှူ လူလေတွပ် ဘုရားသခင်ရဲ့ နိုင်ငံတော်ဟှို ဝမ်ရဟှို့ ရရာတိုင်း ခတ်လေ့မယ်!” ဆိုဘီး သူးနို့ဟှို မိန့်တော်မူလေဟှယ်။
\p
\v 24 တဗဲ့တော်လေဟှ အယ်စကားလေဟှို အံ့ဩဂေ့ဟှယ်။ အယ်ဘေမဲ့ ယေရှုဟှ ဆစ်ဘီး ပြောလိုက်ဇာဟှ “ငါ့သားမီးလေ၊ ဘုရားသခင်ရဲ့ နိုင်ငံတော်ဟှို ဝမ်ဟှို့တွပ် ရရာတိုင်း ခတ်လေဟှယ်! 
\v 25 ကပ်ပေါဟှူ လူတယော့‑က်ဟှာ ဘုရားသခင်ရဲ့ နိုင်ငံတော်ဟှို ဝမ်ဟှို့ထတ် ကုလားအုတ် တကောန်ဟှာ အပ်ပေါ့‑က်ထဲဟှို ဝမ်ဟှို့ ပိုဘီးလွယ်ဟှယ်။”
\p
\v 26 တဗဲ့တော်လေဟှာ ပိုဘီး အံ့ဩဟှားဘီး “အယ်မျိုးဆို ဖယ်သူဟှ ကယ်တန်ရှင်း ခံရနိုင်ဟှို့နူး” ဆိုဘီး ရှင်းရှင်း မေးဂေ့ဟှယ်။
\p
\v 27 ယေရှုဟှာ သူးနို့လေဟှို စေ့စေ့ကေ့ဘီးဟှာ “အယ်မှုဟှာ လူလေတွပ် ဖြစ်နိုင်ဟှ။ အယ်ဘေမဲ့ ဘုရားသခင်တွပ် အားလောင်းဂူ ဖြစ်နိုင်ဟှယ်” ဆိုဘီး ပ္လန်ဖြေလေဟှယ်။
\p
\v 28 ပေတရုဟှ “ကျွန်တော့်လေဟှာ ကိုယ်တော်နော့က်ဟှို လိုက်ဟှို့ အားလောင်းဂူဟှို ထားရစ်ဂေ့ဟှယ်” ဆိုဘီး လျှော့‑က်လေဟှယ်။
\p
\v 29 ယေရှုဟှ “ငါ မှန်းမှန်ကန်းကန် ပြောမယ်။ ငါ့တွပ်န ဧဝံဂေလိတွပ် အီ၊ ညီကိုလေ၊ မောန်နှမလေ၊ မိဖ၊ သားမီးလေ၊ လယ်မ္လေလေဟှို စွန့်ဟှူ လူဟှာ၊ 
\v 30 ခုဘဝမာ ဆတရာထတ်ပိုဟှူ အီလေ၊ ညီကိုလေ၊ ညီမလေ၊ မိဖလေ၊ သားမီးလေ၊ လယ်မ္လေလေနတူးဒူ ညှဉ်းဆဲဇာဟှို လတ်ခံရရှိလေ့မယ်။ အယ်ဘီးဟှာ နော့‑က်ဘဝမာလည်း ထာဝရသတ်ဟှို လတ်ခံရရှိလေ့မယ်။ 
\v 31 \x - \xo ၁၀.၃၁ \xo*\xt မ ၂၀.၁၆; လု ၁၃.၃၀\xt*\x*အယ်ဘေမဲ့ ရင်ဦးဆောင်း က္လဟှူ သူဘောင်ဂီးဟှ နော့‑က်ဆောင်းက္လလေ့မယ်၊ နော့‑က်ဆောင်း က္လဟှူ သူဘောင်ဂီးဟှ ရင်ဦးဆောင်း က္လလေ့မယ်” ဆိုဘီး သူးနို့ဟှို မိန့်တော်မူလေဟှယ်။
\s ယေရှုဟှာ သူ့ရဲ့ သေခံရမယ့်ကြောန်းဟှို သောင်းခါမြော့‑က် ပြောဟှူကြောန်း
\r (မဿဲ ၂၀.၁၇–၁၉; လုကာ ၁၈.၃၁–၃၄)
\p
\v 32 ယေရှုန တဗဲ့တော်လေဟှာ ယေရုရှလင်ဗြို့ဟှို သွားနေဂေ့ဟှယ်။ လမ်းမာယေရှုဟှာ သူးနို့ရှေ့ဟှနေ သွားဟှူကြောန့် တဗဲ့တော်လေဟှာ အံ့ဩနေဂေ့ဟှယ်။ နော့‑က်ဟှ လိုက်လာဟှူ လူလေဟှာလည်း ကြော့‑က်နေဂေ့ဟှယ်။ ယေရှုဟှာ တဗဲ့တော် ဆယ့်နှေ့ယော့‑က်ဟှို သူ့ဘေးနားဟှို တခါ ထပ်ခေါ်ဘီးဟှာ သူ့မာ တွိကြောင်လာရဟှို့ ဇာလေဟှို ပြောပြလေဟှယ်။ 
\v 33 ကိုယ်တော်ဟှ “နားထောန်ဂေ့။ နို့လေဟှာ ခု ယေရုရှလင်ဗြို့ဟှို သွားနေဂေ့ဘီး အယ်နေရာမာ လူ့ရဲ့သားဟှာ ယဇ်ပုရောဟိတ်ဂီးလေန ကျမ်းတတ်ဆရာလေနားဟှို အပ်ဇာဟှို ခံရလေ့မယ်။ သူးနို့ဟှာ သူ့ဟှို သေဒန်စီရင်ဘီးန လူမျိုးခြားလေနားဟှို အပ်ဂေ့လေ့မယ်၊ 
\v 34 လူမျိုးခြားလေဟှာ သူ့ဟှို ပြစ်ရယ်ပြုဘီး သူ့ဟှို ထွီးရယ်န ထွီးဘီး၊ သူ့ဟှို ကီဒန်ပေးဘီး သေသတ်ဂေ့လေ့မယ်။ သောင်းရစ်ကြာဘီးန လူ့ရဲ့သားဟှာ သေရာဟှနေ ထမြော့‑က်လေ့မယ်” ဆိုဘီး မိန့်တော်မူလေဟှယ်။
\s ယာကုပ်န ယောဟန်ရဲ့ တောန်းဆိုဇာ
\r (မဿဲ ၂၀.၂၀–၂၈)
\p
\v 35 အယ်ဘီးန ဇေဗေဒဲရဲ့ သားလေဖြစ်ဟှူ ယာကုပ်န ယောဟန်လေဟှာ ယေရှုနားဟှို လာဟှယ်။ သူးနို့ဟှ “ဆရာ၊ ကျွန်တော့်ဟှားလေတွပ် လောက်ပေးစေရှင်ဇာ တခုရှိပါဟှယ်” ဆိုဘီး လျှော့‑က်လေဟှယ်။
\p
\v 36 ယေရှုဟှ “နန်းနို့တွပ် ဖြားဇာဟှို ငါလောက်ပေးရဟှို့နူး” ဆိုဘီး မေးလေဟှယ်။
\p
\v 37 သူးနို့ဟှ “ကျွန်တော့်ဟှားလေဟှို ကိုယ်တော်ရဲ့ ဖောင်းသရေတော်ထဲမာ ညာဖတ်မာ တယော့‑က်န ဘယ်ဖတ်မာ တယော့‑က် ထိုင်ခွမ့်ပေးပါ” ဆိုဘီး ပ္လန်လျှော့‑က်လေဟှယ်။
\p
\v 38 \x - \xo ၁၀.၃၈ \xo*\xt လု ၁၂.၅၀\xt*\x*ယေရှုဟှ “နန်းနို့ဟှ ဖြားဇာလေ တောန်းနေဟှယ် ဆိုဇာဟှို နန်းနို့လေ သိဂေ့ဟှ။ ငါသော့‑က်ရမယ့် ဝေဒနာခွပ်ဟှို နန်းနို့ သော့‑က်နိုင်ဘဲ့လော။ ငါခံရမယ့် ဗတ္တိဇံဟှို နန်းနို့ ခံနိုင်ဘဲ့လော” ဆိုဘီး မိန့်တော်မူလေဟှယ်။
\p
\v 39 သူးနို့ဟှ “ကျွန်တော့်လေဟှာ တတ်စွမ်းနိုင်ဟှယ်” ဆိုဘီး ပ္လန်ဖြေဂေ့ဟှယ်။
\p ယေရှုဟှ “နန်းနို့ဟှာ ငါသော့‑က်ရမယ့် ခွပ်ဟှို သော့‑က်ရလေ့မယ်။ အယ်ဘီးဟှာ ငါခံရမယ့် ဗတ္တိဇံဟှိုလည်း ခံရဂေ့လေ့မယ်။ 
\v 40 အယ်ဘေမဲ့ ဖယ်လူဟှာ ငါ့ရဲ့ ညာဖတ်န ဘယ်ဖတ်မာ ထိုင်ရလေ့မယ် ဆိုဇာဟှို ဝီးချယ်ဟှို့ခွမ့် ငါ့မာ မှေ့ဟှ။ ဘုရားသခင် ပြင်ဆင်ဟှားဟှူ လူလေတွပ် အယ်နေရာလေဟှို ကိုယ်တော်ဟှာ ပေးလေ့မယ်” ဆိုဘီး သူးနို့ဟှို မိန့်တော်မူလေဟှယ်။
\p
\v 41 အယ်ကြောန်းဟှို တဗဲ့တော်ဆယ်ပါး ကြားဂေ့ဟှူ ခီမာ သူးနို့ဟှာ ယာကုပ်န ယောဟန်ဟှို စိဆိုးဂေ့ဟှယ်။ 
\v 42 \x - \xo ၁၀.၄၂,၄၃ \xo*\xt လု ၂၂.၂၅,၂၆\xt*\x*အယ်ကြောန့် ယေရှုဟှာ သူးနို့လေ အားလောင်းဂူဟှို တူးဒူခေါ်ဘီးဟှာ “နန်းနို့လေ သိဟှားမျိုးဘဲ့ မန်းစိုးရာဇာလေဟှာ လူမျိုးခြားလေထတ်မာ အောက်ချောက်ဂေ့ဟှယ်။ ကဲမှူးလေဟှလည်း ခွမ့်အာဏာ ထားဂေ့ဟှယ်။ 
\v 43 \x - \xo ၁၀.၄၃,၄၄ \xo*\xt မ ၂၃.၁၁; မာ ၉.၃၅; လု ၂၂.၂၆\xt*\x*နန်းနို့လေထဲမာ အယ်မျိုးဖြစ်ဂေ့န။ အယ်မျိုးဖြစ်မယ့်စား ကီးဆောင်းဖြစ်ရှင်ဟှူ ဖယ်လူဘဲ့ဖြစ်ဖြစ် နန်းနို့ထဲမာ စေခံဖြစ်ရမယ်။ 
\v 44 အယ်ဘီးဟှာ ကီးဆောင်း ဖြစ်ရှင်ဟှူ ဖယ်လူဘဲ့ဖြစ်ဖြစ် အားလောင်းရဲ့ ကျွန်ဖြစ်ရမယ်။ 
\v 45 ဖြားဖြစ်ကြောန့်နူးဆိုဟှာ လူ့ရဲ့သားဟှာလည်း ခိုင်းစားဟှို့လာဇာ မှုဟှ။ သူဟှာ စေခံဟှို့န သူ့သတ်ဟှို စွန့်ဘီး လူလေဟှို ဝီးနုတွပ် လာဟှယ်” ဆိုဘီး မိန့်တော်မူလေဟှယ်။
\s ယေရှုဟှာ မျစ်ကန်းဗာတိမဲဟှို ဗြင်စေဟှူကြောန်း
\r (မဿဲ ၂၀.၂၉–၃၄; လုကာ ၁၈.၃၅–၄၃)
\p
\v 46 သူးနို့ဟှာ ယေရိခေါဗြို့ဟှို ရော့‑က်လာဂေ့ဟှယ်။ အယ်ဘီးဟှာ ယေရှုဟှာ တဗဲ့တော်လေန ကီးမားဟှူ လူအောက်ဂီးနတူးဒူ ထွပ်ဟှားဟှူ ခီမာ တိမဲရဲ့သား ဗာတိမဲ နာမယ်ရှိဟှူ မျစ်ကန်းဒေါန်းဇား တယော့‑က်ဟှာ လမ်းဘေးမာ ထိုင်နေဟှယ်။ 
\v 47 သူဟှာ နာဇရက်ဗြို့သား ယေရှု ဖြစ်ဟှယ် ဆိုဇာဟှို ကြားရဟှူ ခီမာ သူဟှ “ဒါဝိဒ်ရဲ့ သားတော်! ယေရှု! ကျွန်တော့်ဟှို သနားပါ!” ဆိုဘီး စဘီး အော်ဟစ်လေဟှယ်။
\p
\v 48 လူလေဘောင်ဂီးဟှ သူ့ဟှို ပြစ်တန်ဂေ့ဘီး တိတိဟှားနေဟှို့ ပြောဂေ့ဟှယ်။ အယ်ဘေမဲ့ သူဟှ “ဒါဝိဒ်ရဲ့ သားတော်၊ ကျွန်တော့်ဟှို သနားပါ!” ဆိုဘီး ရင်ဟှထတ် က္လယ်ဟှီး အော်ဟစ်လေဟှယ်။
\p
\v 49 ယေရှုဟှာ ရပ်လိုက်ဘီးန “သူ့ဟှို ခေါ်ဂေ့” ဆိုဘီး ပြောလေဟှယ်။
\p အယ်ကြောန့် သူးနို့ဟှာ မျစ်ကန်းဟှို ခေါ်ဂေ့ဟှယ်။ သူးနို့ဟှ “အားငယ်န။ ထဒန်။ နန့်ဟှို ကိုယ်တော် ခေါ်နေဟှယ်” ဆိုဘီး ပြောဂေ့ဟှယ်။
\p
\v 50 အယ်လူဟှာ သူ့ရဲ့ ဝတ်လောင်ဟှို ဘေးဟှို ပစ်ခ္လလိုက်ဘီး၊ ထခူဘီးဟှာ ယေရှုနားဟှို လာဟှယ်။
\p
\v 51 ယေရှုဟှ “နန့်တွပ် ဖြားဇာ လောက်ပေးစေရှင် ဟှယ်နူး” ဆိုဘီး သူ့ဟှို မေးလေဟှယ်။
\p မျစ်စိကန်းဟှူ လူဟှ “ဆရာ၊ ကျွန်တော် ဗြင်ရှင်ဟှယ်” ဆိုဘီး ပြောလေဟှယ်။
\p
\v 52 ယေရှုဟှ “သွားလိုက်၊ နန့်ရဲ့ ယောင်ကြည်ရှင်းဟှာ နန့်ဟှို ကျန်းမာစေဘီ” ဆိုဘီး မိန့်တော်မူလေဟှယ်။
\p ရှစ်ရှင်းဘဲ အယ်လူဟှာ မျစ်စိဗြင်ဟှားဘီး လမ်းတရှော့‑က်လောင်း ယေရှု နော့‑က်ဟှို လိုက်လေဟှယ်။
\c 11
\s ယေရုရှလင်ဗြို့ဟှို အောန်ပွဲခမ်းနားန ဝမ်ဟှားဟှူကြောန်း
\r (မဿဲ ၂၁.၁–၁၁; လုကာ ၁၉.၂၈–၄၀; ယောဟန် ၁၂.၁၂–၁၉)
\p
\v 1 သူးနို့လေဟှာ ယေရုရှလင်ဗြို့န နီးကပ်လာဘီး သံလွင်တောန်မာရှိဟှူ ဗက်ဖာဂေဝါန ဗေသနိဝါဟှို ရော့‑က်လာဂေ့ဟှူ ခီမာ ယေရှုဟှာ တဗဲ့တော် နှေ့ယော့‑က်ဟှို စေလွတ်ဘီး၊ 
\v 2 သူးနို့ဟှို ပြောနေဇာဟှ “နန်းနို့ရှေ့မာရှိဟှူ ဝါဟှိုသွားဂေ့။ နန်းနို့ဟှာ အယ်နေရာဟှို ရော့‑က်ရော့‑က်ရှင်း ဖယ်သူလည်း စီးဖူးသေးဘဲဟှူ မြည်းသားဂန်း တကောန်ဟှို ခယ်ဟှားဇာဟှို နန်းနို့ တွိလေ့မယ်။ အယ်မြည်းဟှို ကြိုးဖြေဘီးဟှာ ယူလာဂေ့။ 
\v 3 နန်းနို့ဟှို ယော့‑က်ယော့‑က်ဟှ ဖြားဖြစ်ကြောန့် အယ်မျိုး လောက်ရဟှယ်နူး ဆိုဘီး မေးမယ် ဆိုဟှာ အယ်မြည်းဟှို သခင်\f + \fr ၁၁.၃ \fr*\fq သခင်၊ \fq*\ft အယ်မျိုးမှုဘဲ့နေဟှာ \ft*\fqa မြည်းဇရှင်။\fqa*\f* လိုရှိဟှယ် ဆိုဘီး ပြောလိုက် အယ်ဆိုဟှာ အယ်နေရာဟှို ရှစ်ရှင်း ပ္လန်ပို့ပေးလေ့မယ်။”
\p
\v 4 အယ်ကြောန့် သူးနို့ဟှာ ထွပ်ဟှားဘီး လမ်းဘေးဟှ အီခွဗော့‑က်မာ ခယ်ဟှားဟှူ မြည်းသားဂန်း တကောန်ဟှို တွိဂေ့ဟှယ်။ သူးနို့ဟှာ မြည်းဟှို ကြိုးဖြေနေဟှူ ခီမာ 
\v 5 လမ်းမာရပ်နေဟှူ လူတချို့ဟှ “နန်းနို့ဟှ ဖြားဖြစ်ကြောန့် အယ်မြည်းဟှို ကြိုးဖြေနေဂေ့နူး” ဆိုဘီး သူးနို့ဟှို မေးဂေ့ဟှယ်။
\p
\v 6 သူးနို့ဟှ ယေရှုပြောလိုက်တိုင်း ပ္လန်ဖြေဂေ့ဟှယ်။ အယ်ဆိုန အယ်လူလေဟှာ သူးနို့ဟှို သွားခွမ့်ပေးဂေ့ဟှယ်။ 
\v 7 သူးနို့ဟှာ မြည်းသားဂန်းဟှားဟှို ယေရှုနားဟှို ခေါ်ဆောန်လာဘီး မြည်းထတ်မာ သူးနို့ဝတ်လောင်ဟှို တန်လိုက်ဂေ့ဟှယ်။ အယ်ဘီးဟှာ ယေရှုဟှာ မြည်းဟှို စီးလေဟှယ်။ 
\v 8 လူလေ ဘောင်းဂီးဟှလည်း သူးနို့ ဝတ်လောင်လေဟှို လမ်းမာ ခမ်းဂေ့ဟှယ်။ တချို့လူလေဟှာ ကွမ်းပ္လန်ထဲဟှနေ သစ်ခတ်လေဟှို ခွတ်ဘီး လမ်းမာခမ်းဂေ့ဟှယ်။ 
\v 9 ရှေ့မာရှိဟှူ လူလေန နော့‑က်ဟှ လိုက်လာဟှူ လူလေဟှာ “ဟောရှဏ္ဏ! ဘုရားသခင်ရဲ့ နာမန ကြွလာဟှူ သခင်ဟှာ မင်္ဂလာရှိပါစေ! 
\v 10 ကြွလာနေဟှူ နို့လေဖ ဒါဝိဒ်ရဲ့ နိုင်ငံတော်ဟှာ မင်္ဂလာရှိပါစေ! ဗြင့်ဆောင်းမာ ဟောရှဏ္ ဏဖြစ်ပါစေ! ဆိုဘီး ချီးမွမ်းဂေ့ဟှယ်!”
\p
\v 11 ယေရှုဟှာ ယေရုရှလင်ဗြို့ထဲဟှို ဝမ်ဘီး ဗိမာန်တော်ထဲဟှို ကြွဟှားဟှယ်။ အယ်ဘီးဟှာ ရာရာဟှို ကေ့တော်မူဟှယ်။ အယ်ဘေမဲ့ နေဝမ်ဟှားဘီ ဖြစ်ဟှူကြောန့် တဗဲ့တော် ဆယ့်နှေ့ပါးနတူးဒူ ဗေသနိဝါဟှို သွားလိုက်ဟှယ်။
\s ယေရှုဟှာ သဖန်းဗန်ဟှို ကီဆဲဟှူကြောန်း
\r (မဿဲ ၂၁.၁၈–၁၉)
\p
\v 12 နော့‑က်တနေ့မာ သူးနို့ဟှာ ဗေသနိဝါဟှနေ ပ္လန်လာဂေ့ဟှူ ခီမ ယေရှုဟှ ဗိုက်ဆာနေဟှယ်။ 
\v 13 ကိုယ်တော်ဟှာ ဝပ်လေန ဖောင်းနေဟှူ သဖန်းဗန်ဟှို ဝီးဟှနေ ဗြင်လေဟှယ်။ အယ်ကြောန့် သီးတွိနိုင်ဟှယ် ဆိုဘီး ပန်နားဟှို သွားလိုက်ဟှယ်။ အယ်ဘေမဲ့ ပန်နားဟှို ရော့‑က်ဟှားဟှူ ခီမာ သဖန်းသီးဆွပ်ဟှို့ခီ ရော့‑က်သေးဘဲဟှူကြောန့် ဝပ်လေဘဲ့ တွိဟှယ်။ 
\v 14 အယ်ဆိုန ယေရှုဟှ “နန့်ရဲ့ သီးဟှို ကာလစဉ်ဆစ် ဖယ်သူလဲ စားရစေန!” ဆိုဘီး သဖန်းဗန်ဟှို မိန့်တော်မူလေဟှယ်။
\p တဗဲ့တော်လေလည်း ကြားဂေ့ဟှယ်။
\s ယေရှုဟှာ ဗိမာန်တော်ဟှို သွားဟှူကြောန်း
\r (မဿဲ ၂၁.၁၂–၁၇; လုကာ ၁၉.၄၅–၄၈; ယောဟန် ၂.၁၃–၂၂)
\p
\v 15 သူးနို့ဟှာ ယေရုရှလင်ဗြို့ဟှို ရော့‑က်ဟှားဟှူ ခီမာ ယေရှုဟှာ ဗိမာန်တော်ဟှို သွားဘီးဟှာ ရောန်းဝယ်နေဟှူ လူလေဟှို စဘီးဟှာ နှန်ထုလေဟှယ်။ ကိုယ်တော်ဟှာ ကပ်လဲမားလေရဲ့ ဗွဲလေန ချိုးငှတ်ရောန်းနေဟှူ ထိုင်ခေါင်လေဟှိုလည်း မှော့‑က်ပစ်လိုက်ဘီး 
\v 16 သူဟှာ ဗိမာန်တော်ဝမ်းဟှို ဖြတ်ကူးဘီး ကူပစ်စီးလေ ရောန်းဝယ်ဟှို့တွပ် ဖယ်သူ့ဟှိုလည်း ခွမ့်ပေးဟှမ်း။ 
\v 17 အယ်ဘီးန ကိုယ်တော်ဟှာ လူလေဟှို သွန်သန်ဇာဟှ “‘ငါ့ရဲ့ အီတော်ဟှို လူမျိုးအားလောင်းတွပ် ဆုတောန်းအီ ဆိုဘီး ခေါ်ခံရလေ့မယ်’ ဆိုဘီး ကျမ်းစာမာ ရေးဟှားဟှယ်မှုလော။ အယ်ဘေမဲ့ နန်းနို့ဟှာ အယ်အီတော်ဟှို မ္လလေတွပ် နေရာဖြစ်ခိုင်းဂေ့ဟှယ်!”
\p
\v 18 ယဇ်ပုရောဟိတ်ဂီးလေန ကျမ်းတတ်ဆရာလေဟှာ အယ်ဇာဟှို ကြားဟှားဂေ့ဟှယ်။ အယ်ကြောန့် ယေရှုဟှို သတ်ဟှို့တွပ် စဘီးဟှာ နည်းလမ်းရှာဂေ့ဟှယ်။ လူအောက်ဂီး တခုလောင်းဟှာ ကိုယ်တော်ရဲ့ သွန်သန်ဇာဟှို အံ့ဩဟှားဟှူကြောန့် သူးနို့ဟှာ ကိုယ်တော့်ဟှို ကြော့‑က်နေဂေ့ဟှယ်။
\p
\v 19 ညဉ့်မိုက်လာဟှူ ခီမာ ယေရှုန တဗဲ့တော်လေဟှာ ဗြို့ပ္လန်ဟှို ထွပ်ဟှားဂေ့ဟှယ်။
\s သဖန်းဗန်ဟှ သင်ဂန်းဇာ
\r (မဿဲ ၂၁.၂၀–၂၂)
\p
\v 20 သူးနို့ဟှာ နော့‑က်တနေ့ မိုးလန်းစောစောဂီး လမ်းရှော့‑က်ဟှားဂေ့ဟှူ ခီမာ ပြစ်ဟှနေဘီး ခြော့‑က်နေဟှူ သဖန်းဗန်ဟှို သူးနို့ဟှာ ဗြင်ဟှားဂေ့ဟှယ်။ 
\v 21 ပေတရုဟှ ဒိရဟှားဘီး ယေရှုဟှို “ဆရာ၊ ကေ့လိုက်ဂေ့! ကိုယ်တော် ကီဆဲလိုက်ဟှူ သဖန်းဗန်ဟှာ ခြော့‑က်ဟှားဘီ!” ဆိုဘီး လျှော့‑က်လေဟှယ်။
\p
\v 22 ယေရှုဟှ “ဘုရားသခင်ဟှို ယောင်ကြည်ပါ။ 
\v 23 \x - \xo ၁၁.၂၃ \xo*\xt မ ၁၇.၂၀; ၁ ကော ၁၃.၂\xt*\x*ငါ မှန်းမှန်ကန်းကန် ပြောမယ်။ ဖယ်လူဘဲ့ဖြစ်ဖြစ် အယ်တောန်ဟှို ‘အယ်နေရာဟှနေ ရွေ့ဘီး ပန်လယ်ထဲဟှို က္လလော’ ဆိုဘီး သူ့ရဲ့ စိနှလောင်းထဲမာ သံသယမှေ့ဘဲ့ ယောင်ကြည်ဘီး ပြောမယ် ဆိုဟှာ အယ်တိုင်းဘဲ့ ဖြစ်လေ့မယ်။ 
\v 24 အယ်ကြောန့် နန်းနို့ဟှို ငါပြောမယ်။ နန်းနို့ဟှာ တခုခုတွက် ဆုတောန်းဘီး တောန်းလျှော့‑က်ဟှူ ခီမာ အယ်ဇာဟှို ရပီးဘီး ဆိုဘီး နန်းနို့ ယောင်ကြည်ဂေ့။ အယ်ဆိုဟှာ နန်းနို့ ဖြားဇာဘဲ့ တောန်းတောန်း ရဂေ့လေ့မယ်။ 
\v 25 \x - \xo ၁၁.၂၅,၂၆ \xo*\xt မ ၆.၁၄,၁၅\xt*\x*နန်းနို့လေဟှာ ရပ်ဘီး ဆုတောန်းဟှူ ခီမာ နန်းနို့မာ ယော့‑က်ယော့‑က်ဟှို ပြစ်မှားဇာ တခုခုရှိမယ် ဆိုဟှာ အယ်လူဟှို ခွမ့်လွှတ်ဂေ့။ အယ်ဆိုဟှာ ကောန်းဂန်ဘောင်ဟှ နန်းနို့ဖလည်း နန်းနို့လေရဲ့ ပြစ်ဟှို လွှတ်ပေးလေ့မယ်။” 
\v 26 \f + \fr ၁၁.၂၆ \fr*\ft တချို့ မူရင်းလတ်ရေးမူလေမာ ခန်းငယ် ၂၆ ဟှို၊ \ft*\fqa နန်းနို့ဟှာ တခြားလူလေရဲ့ ပြစ်လေဟှို လွှတ်ဘဲ့နနေမယ် ဆိုဟှာ ကောန်းဂန်ဘောင်ဟှ နန်းနို့ဖဟှာ နန်းနို့ရဲ့ ပြစ်လေဟှို လွှတ်ပေးလေ့မယ် မှုဟှ၊ \fqa*\ft ဆိုဘီး ထပ်ပေါန်းထဲ့ဟှားဟှယ် \ft*\ft (ရှု \ft*\xt မ ၆.၁၅\xt*)။\f*
\s ယေရှုရဲ့ ခွမ့်အာဏာန ဆိုင်ဟှူမေးခွန်း
\r (မဿဲ ၂၁.၂၃–၂၇; လုကာ ၂၀.၁–၈)
\p
\v 27 သူးနို့ဟှာ ယေရုရှလင်ဗြို့ဟှို နော့‑က်တခါ ရော့‑က်ဟှားဂေ့ဟှယ်။ ယေရှုဟှာ ဗိမာန်တော်ထဲမာ လမ်းရှော့‑က်နေဟှူ ခီမာ ယဇ်ပုရောဟိတ်ဂီးလေ၊ ကျမ်းတတ်ဆရာလေန သတ်ကီးဝါးဂီးလေဟှာ ကိုယ်တော်နားဟှို လာဂေ့ဘီး
\p
\v 28 ကိုယ်တော့်ဟှို “အယ်မှုဇာလေဟှို ဖြားခွမ့်အာဏာန လောက်နေနူး။ အယ်ခွမ့်အာဏာဟှို ဖယ်သူဟှပေးနူး” ဆိုဘီး မေးဂေ့ဟှယ်။
\p
\v 29 ယေရှုဟှ “နန်နို့ဟှို ငါ မေးခွန်းတခု မေးမယ်။ နန်းနို့ဟှာ ငါ့ဟှို ဖြေပေးမယ် ဆိုဟှာ အယ်မှုဇာလေဟှို လောက်ဟှို့ ငါ့မာ ဖြားခွမ့်အာဏာ ရှိဟှယ် ဆိုဇာဟှို ငါပြောမယ်။ 
\v 30 ဗတ္တိဇံပေးဟှို့တွပ် ယောဟန်ရဲ့ ခွမ့်အာဏာဟှာ ကောန်းဂန်ဟှနေ ဖြစ်ဇာလော။ လူဟှနေဖြစ်ဇာလော။ ငါ့ဟှိုဖြေဂေ့!” ဆိုဘီး ပ္လန်မိန့်တော်မူလေဟှယ်။
\p
\v 31 သူးနို့ရှင်းရှင်း စဘီး ဆွေးနွေးဂေ့ဇာဟှ “နို့လေဟှ ဖြားမျိုးပြောရဟှို့နူး။ ‘ကောန်းဂန်ဟှနေ ဖြစ်ဟှယ်’ ဆိုဘီး နို့လေဖြေမယ် ဆိုဟှာ ‘အယ်ဆိုဟှာ ဖြားဖြစ်ကြောန့် နန်းနို့ဟှ ယောဟန်ဟှို ယောင်ကြည်ဂေ့ဟှနူး’ ဆိုဘီး သူဟှာ ပြောလေ့မယ်။ 
\v 32 ‘လူဟှနေဖြစ်ဟှယ် …’ ဆိုဘီး နို့လေ ဖြေမယ် ဆိုဟှာ” သူးနို့လေဟှာ လူလေဟှို ကြော့‑က်ဂေ့ဟှယ်။ ဖြားဖြစ်ကြောန့်နူးဆိုဟှာ ယောဟန်ဟှို ပရောဖက်မှန် ဖြစ်ဟှယ် ဆိုဘီး လူတိုင်းဟှ မှတ်ယူဟှားဂေ့ဟှယ်။ 
\v 33 အယ်ကြောန့် သူးနို့ဟှာ “ကျွန်တော့်ဟှားလေ သိဟှ” ဆိုဘီး ယေရှုဟှို ဖြေလိုက်ဂေ့ဟှယ်။
\p ယေရှုဟှ “အယ်ဆိုဟှာ အယ်မှုဇာလေဟှို ဖြားခွမ့်အာဏာန ငါလောက်ဟှယ် ဆိုဇာဟှိုလည်း ငါပြောဟှ” ဆိုဘီး သူးနို့ဟှို မိန့်တော်မူလေဟှယ်။
\c 12
\s စဗျစ်ခြံလောက်မားလေရဲ့ ပေါင်ဥပမာ
\r (မဿဲ ၂၁.၃၃–၄၆; လုကာ ၂၀.၉–၁၉)
\p
\v 1 အယ်ဘီးန ယေရှုဟှာ သူးနို့ဟှို ပေါင်ဥပမာန စဘီးပြောလိုက်ဇာဟှ “လူတယော့‑က်ဟှာ စဗျစ်ခြံဟှို တည်ဘီး၊ ခြံစည်းရိုး ပတ်ပတ်လည်ရံဘီး စဗျစ်သီးနယ်ဟှို့တွပ် တွမ်းဟှိုလည်း တူးလေဟှယ်။ အယ်ဘီးဟှာ မျှော်စင်ဟှို ဆော့‑က်ဟှယ်။ အယ်ဘီးန သူဟှာ စပျစ်ခြံလောက်မားလေ တချို့ဟှို ငှါးရစ်ဘီးဟှာ ခရီးထွပ်ဟှားလေဟှယ်။ 
\v 2 စဗျစ်သီးဆွတ်ဟှူခီ ရော့‑က်လာဟှူ ခီမာ စဗျစ်ခြံဟှ သီးတချို့ဟှို ယူဟှို့တွပ် ကျွန်တယော့‑က်ဟှို ခြံလောက်မားလေနားဟှို လွှတ်လိုက်ဟှယ်။ 
\v 3 ခြံလောက်မားလေဟှာ အယ်ကျွန်ဟှို ဖမ်းဘီး ရိုက်လေဟှယ်။ အယ်ဘီးဟှာ လတ်ခဲခဲ ပ္လန်လွှတ်လိုက်ဂေ့ဟှယ်။ 
\v 4 အယ်ဆိုန ဇရှင်ဟှာ နော့‑က်ထပ် ကျွန်တယော့‑က်ဟှို လွှတ်လေဟှယ်။ ခြံလောက်မားလေဟှာ အယ်ကျွန်ဟှို ခေါန်းရိုက်ခွဲဘီး ရှစ်ကွဲအောန် လောက်လေဟှယ်။ 
\v 5 ဇရှင်ဟှာ နော့‑က်ထပ် ကျွန်တယော့‑က်ဟှို လွှတ်လေဟှယ်။ အယ်ဆိုန အယ်တယော့‑က်ဟှိုလည်း သူးနို့ဟှ သတ်ဂေ့ဟှယ်။ အယ်ဘီးဟှာ တခြားကျွန်လေ ဘောင်းဂီးဟှိုလည်း တချို့ဟှို ရိုက်ဂေ့ဘီး တချို့ဟှို သတ်ဂေ့ဟှယ်။ 
\v 6 အယ်လူရဲ့ ရှစ်ဆောင်းသား တယော့‑က်ဒဲဘဲ့ စေလွှတ်ဟှို့ ကျန်လေဟှယ်။ သူဟှ ‘သူးနို့လေဟှာ ငါ့ရဲ့ သားဟှို လေးစားဂေ့လေ့မယ်’ ဆိုဘီး ပြောဘီးန နော့‑က်ဆောင်းမာ သူ့ရဲ့ သားဟှို ခြံလောက်မားလေနားဟှို စေလွှတ်လေဟှယ်။ 
\v 7 အယ်ဘေမဲ့ အယ်ခြံလောက်မားလေဟှ ‘အယ်လူဟှာ ဇရှင်ရဲ့ မွီစားမွီခံ ဖြစ်ဟှယ်။ လာဂေ့။ သူ့ဟှို သတ်ဂေ့ဇို့။ အယ်ဆိုဟှာ သူ့ရဲ့မွီအောက်စာဟှာ နို့လေရဲ့ အောက်စာ ဖြစ်ဟှားလေ့မယ်!’ ဆိုဘီး ရှင်းရှင်း ပြောဂေ့လေဟှယ်။ 
\v 8 အယ်ကြောန့် သူးနို့ဟှာ သူ့ဟှို ဖမ်းဘီးဟှာ သတ်လိုက်လေဟှယ်။ အယ်ဘီးန စဗျစ်ခြံပ္လန်ဟှို ပစ်ဟှားလိုက်ဂေ့ဟှယ်။”
\p
\v 9 “အယ်ဆိုဟှာ စပျစ်ခြံဇရှင်ဟှ ဖြားမျိုး လောက်လေ့မယ်နူး။ သူဟှာ လာဘီး အယ်ခြံလောက်မားလေဟှို သတ်ပစ်လိုက်ဘီးဟှာ စဗျစ်ခြံဟှို တခြားလူလေဟှို ပေးလေ့မယ်။ 
\v 10 အယ်ကျမ်းစာဟှို နန်းနို့ဟှာ သေးသေချားချာဟှား ဖတ်ဂေ့ဟှလော။”
\q1 “‘သောင်းဝမ်ဟှ ဆိုဘီးဟှာ တိုက်ဆောက်မားလေ ဖယ်ဟှားဟှူက္လော့‑က်ဟှာ
\q2 ရေးကီးဆောင်းဟှူ ဒေါန့်ချောက်က္လော့‑က် ဖြစ်လာရဟှယ်။
\q1
\v 11 အယ်ဇာဟှာ ဘုရားသခင်အားဖြင့် ဖြစ်လာဟှယ်။
\q2 နို့လေရှေ့မာ အံ့ဩဘွယ်ဖြစ်ဟှယ်!’ ”
\p
\v 12 အယ်န သူးနို့လေဟှာ ယေရှုဟှို ဖမ်းဟှို့ ကြိုးစားဂေ့ဟှယ်။ ဖြားဖြစ်ကြောန့်နူးဆိုဟှာ ကိုယ်တော်ဟှာ သူးနို့ဟှို စောန်းဘီးဟှာ အယ်ဥပမာဟှို ပြောလိုက်ဟှယ် ဆိုဇာဟှို သူးနို့ဟှာ သိဂေ့ဟှယ်။ အယ်ဘေမဲ့ သူးနို့ဟှာ လူအောက်ဂီးဟှို ကြော့‑က်ဂေ့ဟှယ်။ အယ်ကြောန့် ကိုယ်တော့်ဟှို ထားရစ်ဘီး ထွပ်ဟှားဂေ့ဟှယ်။
\s ခွန်ပေးဇာနဆိုင်ဟှူမေးခွန်း
\r (မဿဲ ၂၂.၁၅–၂၂; လုကာ ၂၀.၂၀–၂၆)
\p
\v 13 အယ်ဘီးန သူးနို့ဟှာ ကိုယ်တော့်ရဲ့စကားထဲမာ ကိုယ်တော့်ဟှို ဖမ်းဟှို့တွပ် ဖာရိရှဲတချို့န ဟေရုဒ်ရဲ့လူလေတချို့ဟှို ယေရှုနားဟှို လွှတ်လိုက်ဂေ့ဟှယ်။ 
\v 14 အယ်လူလေဟှာ ယေရှုနားဟှို လာဘီး “ဆရာ၊ ကိုယ်တော်ဟှာ လူလေဖြားမျိုးဘဲ့ထန်ထန် စိုးရိမ်မှုမှေ့ဘဲန မှန်တိုင်းဘဲ့ ပြောဟှယ် ဆိုဇာဟှို ကျွန်တော့်ဟှားလေ သိဂေ့ဟှယ်။ ကိုယ်တော်ဟှာ ဖယ်လူရဲ့မျစ်နှာဟှိုလည်း ကေ့ဘဲ့န လူလေတွပ် ဘုရားသခင်ရဲ့လိုတော်ဟှို မှန်တိုင်း သွန်သန်လေဟှယ်။ ကဲသာဧကရာဇ်ဟှို ခွန်ပေးဇာဟှာ ကျွန်တော့်ဟှားလေရဲ့ ပညတ်တရားဟှို ဆန့်ကျင်နေဇာလော။ ကျွန်တော့်ဟှားလေဟှာ ခွန်ပေးသင့်လော။ ပေးသင့်ဟှလော” ဆိုဘီး မေးလျှော့‑က်ဂေ့ဟှယ်။
\p
\v 15 အယ်ဘေမဲ့ ယေရှုဟှာ အယ်လူလေရဲ့ ဟန်ဆောန်ဇာဟှို သိဟှူကြောန့် “နန်းနို့ဟှ ငါဟှို ဖြားဖြစ်ကြောန့် ထောန်ချော့‑က်ဆင်ဟှို့ ကြိုးစားဂေ့နူး” ဆိုဘီး မေးလေဟှယ်။ “ဒေနာရိတပ္လားဟှို ယူလာဂေ့၊ ငါကေ့ကေ့မယ်။”
\p
\v 16 သူးနို့ဟှာ ဒန်းဂါးဟှို ယူလာဂေ့ဟှယ်။ အယ်ဆိုန ကိုယ်တော်ဟှ “အယ်ဇာဟှ ဖယ်လူရဲ့ရောက်ပေါင်နူး။ အယ်ဘီးဟှာ ဖယ်လူရဲ့လိစာနူး” ဆိုဘီး မေးလေဟှယ်။
\p သူးနို့ဟှ “ကဲသာရဲ့ ရောက်ပေါင်န လိစာ ဖြစ်ဟှယ်” ဆိုဘီး ပ္လန်လျှော့‑က်လေဟှယ်။
\p
\v 17 အယ်ကြောန့် ယေရှုဟှာ “ကဲသာန ဆိုင်ဇာဟှို ကဲသာဟှို ပေးဂေ့။ ဘုရားသခင်န ဆိုင်ဇာဟှို ဘုရားသခင်ဟှို ပေးဂေ့” ဆိုဘီး သူးနို့လေဟှို မိန့်တော်မူလေဟှယ်။ အယ်ဆိုန သူးနို့လေဟှာ ယေရှုဟှို အံ့ဩဟှားဂေ့ဟှယ်။
\s သေရာဟှနေ ထမြော့‑က်ဇာန ဆိုင်ဟှူမေးခွန်း
\r (မဿဲ ၂၂.၂၃–၃၃; လုကာ ၂၀.၂၇–၄၀)
\p
\v 18 \x - \xo ၁၂.၁၈ \xo*\xt တ ၂၃.၈\xt*\x*အယ်ဘီးန သေရာဟှနေ ထမြော့‑က်ဇာ မှေ့ဟှ ဆိုဘီး ပြောဟှူ ဇဒ္ဒုကဲတချို့ဟှာ ယေရှုနားဟှို လာဘီး၊ 
\v 19 “ဆရာ၊ ‘လူတယော့‑က်ဟှာ သားမီးလေမှေ့ဘဲန သေဟှားဘီး မယားဟှို ထားရစ်မယ် ဆိုဟှာ၊ အယ်လူရဲ့ညီဟှာ အယ်မောက်ဆိုးမဟှို ယူရမယ် အယ်ဘီးဟှာ သူးနို့မာ ရလာဟှူ သားမီးလေဟှို သူ့နောန်ရဲ့သားမီးလေ ဆိုဘီး မှတ်ယူရမယ်’ ဆိုဘီး အယ်ပညတ်တရားဟှို ကျွန်တော့်လေတွပ် မောရှေဟှ ရေးဟှားဟှယ်။ 
\v 20 ညီကိုခွန်နစ်ယော့‑က်ရှိဘီး၊ နောန်ဂီးဟှာ မီးမယူဘီးဟှာ သားမီးလေမှေ့ဘဲန သေဟှားဟှယ်။ 
\v 21 အယ်ဆိုန ဒုတိယညီဟှာ အယ်မီးမဟှို ယူလိုက်ဟှယ်။ သူလည်းဘဲ့ သားမီးလေမှေ့ဘဲန သေဟှားဟှယ်။ တတိယညီဟှာလည်း အယ်မျိုးဘဲ့ဖြစ်ဘီး 
\v 22 ညီကို ခွန်နစ်ယော့‑က်လောင်းဟှာ အယ်မီးမဟှို ယူဘီး သားမီးလေမှေ့ဘဲန သေဟှားဂေ့ဟှယ်။ နော့‑က်ဆောင်းမာ အယ်မီးမဟှလည်း သေဟှားဟှယ်။ 
\v 23 ရှင်ပ္လန်ထမြော့‑က်နေ့မာ အားလောင်းဟှာ ထမြော့‑က်ဟှူ ခီမာ အယ်မီးမဟှာ ဖယ်လူရဲ့ မယားဖြစ်မယ်နူး။ သူးနို့ ခွန်နစ်ယော့‑က်လောင်းဟှာ အယ်မီးမဟှို ယူဟှားဂေ့ဟှယ်” ဆိုဘီး ပြောဂေ့ဟှယ်။
\p
\v 24 ယေရှုဟှ “နန်းနို့ဟှာ ကျမ်းစာဟှိုလည်း သိဂေ့ဟှ။ ဘုရားသခင်ရဲ့ တဂိုးတော်ဟှိုလည်း သိဂေ့ဘဲဟှူကြောန့် အယ်မျိုးယူလွဲနေဂေ့ဟှယ် မှုဟှလော။ 
\v 25 ဖြားဖြစ်ကြောန့်နူးဆိုဟှာ လူလေဟှာ သေရာဟှနေ ထမြော့‑က်ဟှူ ခီမာ သူးနို့ဟှာ အီထောန်ပြုဇာမှေ့ဘဲန ကောန်းဂန်ဘောင်မာ ကောန်းဂန်တမန်လေမျိုး ဖြစ်ဟှားလေ့ဟှယ်။ 
\v 26 သေဟှားဟှူလူလေ ထမြော့‑က်ရှင်းန ပတ်သတ်ဘီး မောရှေရဲ့ကျမ်းမာ မီးလောန်နေဟှူ ချောင်နဆိုင်ဟှူ ကျမ်းပိုဒ်ဟှို ဖတ်ဖူးဂေ့ဟှလော့။ အယ်ကျမ်းမာ ရေးဟှားဇာဟှ ဘုရားသခင်ဟှာ ‘ငါဟှာ အာဗြဟံရဲ့ ဘုရားသခင်၊ ဣဇာက်ရဲ့ ဘုရားသခင်၊ ယာကုပ်ရဲ့ ဘုရားသခင် ဖြစ်ဟှယ်’ ဆိုဘီး မောရှေဟှို ပြောဟှားဟှယ်။ 
\v 27 အယ်သခင်ဟှာ သေဟှားဟှူ လူလေရဲ့ ဘုရားသခင် မှုဟှ။ သတ်ရှင်နေဟှူ လူလေရဲ့ ဘုရားသခင်ဖြစ်ဟှယ်။ နန်းနို့ဟှာ ရရာတိုင်း ယူလွဲနေဂေ့ဟှယ်!” ဆိုဘီး ပ္လန်ဖြေလေဟှယ်။
\s ကီးမြတ်ဟှူ ပညတ်တော်ကြောန်း
\r (မဿဲ ၂၂.၃၄–၄၀; လုကာ ၁၀.၂၅–၂၈)
\p
\v 28 \x - \xo ၁၂.၂၈–၃၄ \xo*\xt လု ၁၀.၂၅–၂၈\xt*\x* အယ်နေရာမာ ဆွေးနွေးဟှားဇာလေဟှို ကြားဟှားဟှူ ကျမ်းတတ်ဆရာ တယော့‑က် ရှိနေဟှယ်။ ယေရှုဟှာ ဇဒ္ဒုကဲလေဟှို ကောန်းဟှူ ဖြေဟှို ပေးလိုက်ပီးဘီ ဆိုဇာဟှို သူဗြင်ဟှာဘီး ကိုယ်တော့်ဟှို “ပညတ်လေ အားလောင်းဂူထဲမာ ဖယ်ပညတ်ဟှာ ရေးကီးဆောင်းဖြစ်နူး” ဆိုဘီး မေးလျှော့‑က်လေဟှယ်။
\p
\v 29 ယေရှုဟှ “ရေးကီးဆောင်း ပညတ်ဟှာ ‘ဣသရေလ လူမျိုးလေ၊ နားထောန်ဂေ့! နို့လေရဲ့ သခင် ဘုရားသခင်ဟှာ တဆူဒဲရှိဟှူ ဘုရားသခင် ဖြစ်ဟှယ်။\f + \fr ၁၂.၂၉ \fr*\fq နို့လေရဲ့ သခင် ဘုရားသခင်ဟှာ တဆူဒဲရှိဟှူ ဘုရားသခင် ဖြစ်ဟှယ်၊ \fq*\ft အယ်မျိုးမှုဘဲ့နေဟှာ \ft*\fqa နို့လေရဲ့ သခင် ဘုရားသခင်ဟှာ တပါးဒဲရှိဟှူ ဘုရားသခင် ဖြစ်ဟှယ်။\fqa*\f* 
\v 30 နန့်ရဲ့ သခင်၊ ဘုရားသခင်ဟှို စိနှလောင်းစွမ်းရှိမျှ၊ စိဝိညာဉ်စွမ်းရှိမျှ၊ ဉာဏ်စွမ်းရှိမျှ၊ ကိုယ်စွမ်းရှိမျှ ရှစ်ပါ။’ 
\v 31 ‘နန့်ရဲ့ အီဇနီးရှင်းဟှို နန့်ကိုယ်နန် ရှစ်မျိုး ရှစ်ပါ’ ဆိုဇာဟှာ ဒုတိယ ရေးကီးဆောင်း ပညတ်ဖြစ်ဟှယ်။ အယ်ပညတ် နှေ့ခုထတ် ပိုဘီး ရေးကီးဟှူ ပညတ် မှေ့ဟှ” ဆိုဘီး ယေရှုဟှ ပ္လန်ဖြေလေဟှယ်။
\p
\v 32 ကျမ်းတတ်ဆရာဟှ ယေရှုဟှို “မှန်ပါဟှယ် ဆရာ! ဘုရားသခင်ဟှာ တဆူဒဲဘဲ့ရှိဘီး ဘုရားသခင်မှတပါး တခြားဘုရား မှေ့ဟှ ဆိုဘီး ဆရာပြောဇာဟှာ မှန်ဟှယ်။ 
\v 33 ဘုရားသခင်ဟှို စိနှလောင်းစွမ်းရှိဟှူမျှ၊ ဉာဏ်စွမ်းရှိမျှ၊ ကိုယ်စွမ်းရှိမျှန ရှစ်ပါ။ အယ်ဘီးဟှာ နန့်ရဲ့ အီဇနီးရှင်းဟှို နန့်ကိုယ်နန် ရှစ်မျိုးဘဲ့ ရှစ်ပါ ဆိုဇာဟှာ ဘုရားသခင်ဟှို ပူဇော်ဟှူ မီးရှို့ယဇ်န တခြားယဇ် အားလောင်းဂူထတ် ပိုဘီး ရေးကီးဟှယ်” ဆိုဘီး ပ္လန်လျှော့‑က်လေဟှယ်။
\p
\v 34 အယ်လူရဲ့ဖြေဟှာ ရရာတိုင်း ပညာရှိဟှယ် ဆိုဇာဟှို ယေရှု ဗြင်ဟှားဟှူ ခီမာ ကိုယ်တော်ဟှ “နန်ဟှာ ဘုရားသခင်ရဲ့ နိုင်ငံတော်န ဝီးဟှ” ဆိုဘီး သူးဟှို မိန့်တော်မူလေဟှယ်။
\p အယ်ဘီးန ဖယ်သူဟှလည်း ယေရှုဟှို ထပ်ဘီး မေးခွန်းလေဟှို မေးရဲဂေ့ဟှမ်း။
\s မေရှိယန ဆိုင်ဟှူမေခွန်း
\r (မဿဲ ၂၂.၄၁–၄၆; လုကာ ၂၀.၄၁–၄၄)
\p
\v 35 ယေရှုဟှ ဗိမာန်တော်မာ သွန်သန်နေဟှူ ခီမာ ကိုယ်တော်ဟှ “ခရစ်တော်ဟှာ ဒါဝိဒ်ရဲ့ သားမ္လေးဖြစ်ဟှယ် ဆိုဘီး ကျမ်းတတ်ဆရာလေဟှ ဖယ်မျိုးပြောနိုင်ဂေ့နူး။ 
\v 36 ဒါဝိဒ်ကိုယ်တိုင် သန့်ရှင်းဟှူဝိညာဉ်တော်အားဖြင့် ပြောဟှားဇာဟှ၊”
\q1 “‘ဘုရားသခင်ဟှ ငါ့သခင်ဟှို ပြောဟှယ်။
\q2 နန့်ရဲ့ ရန်သူလေဟှို နန့်ရဲ့ ခေဖွားအော့‑က်မာ ခ္လဟှားခန်ထိ
\q2 ငါ့ရဲ့ ညာဖတ်မာ ထိုင်နေပါ။’ ”
\m
\v 37 “ဒါဝိဒ်ကိုယ်တိုင်ဟှ ကိုယ်တော့်ဟှို ‘သခင်’ ဆိုဘီး ခေါ်ဟှယ်။ ဖယ်မျိုး ဖြစ်ဟှူကြောန့် မေရှိယဟှာ ဒါဝိဒ်ရဲ့ သားမ္လေး ဖြစ်နိုင်ဟှို့နူး” ဆိုဘီး ကြေညာလေဟှယ်။
\s ယေရှုဟှ ကျမ်းတတ်ဆရာလေဟှို ရှောန်ဟှို့ ဒိပေးဟှူကြောန်း
\r (မဿဲ ၂၃.၁–၃၆; လုကာ ၂၀.၄၅–၄၇)
\p လူအောက်ဂီးဟှာ ယေရှုရဲ့ စကားဟှို ဝန်းသာအားရ နားထောန်နေဂေ့ဟှယ်။ 
\v 38 အယ်မျိုး သွန်သန်နေဟှူ ခီမာ ယေရှုဟှ “ကျမ်းတတ်ဆရာလေဟှို ဒိထားဂေ့။ သူးနို့ဟှာ ဝတ်လောင်ရှယ်လေဟှို ဝတ်ဘီးဟှာ ရှော့‑က်သွားရဇာ ကြိုက်ဂေ့ဘီး ဆေးလေမာ ရိုသေပေးဇာဟှို ခံရှင်ဂေ့ဟှယ်။ 
\v 39 ဝါလယ်ဇရပ်လေမာ သီးသပ်ထားဟှားဟှူ ထိုင်ခေါင်လေ၊ စားသော့‑က်ဗွဲလေမာလည်း ကောန်းဆောင်း နေရာလေဟှို ဝီးချယ်ဂေ့ဟှယ်။ 
\v 40 မောက်ဆိုးမလေရဲ့ အီလေဟှို တရားဘဲဟှူနည်းန သီးယူဟှယ်။ အယ်ဘီးဟှာ လူကြားကောန်းအောန် ရှယ်ဟှီး ဆုတောန်းဂေ့ဟှယ်။ သူးနို့ရဲ့ ပြစ်ဒန်ဟှာ ပိုဘီး ဆိုးလေ့မယ်!” ဆိုဘီး မိန့်တော်မူလေဟှယ်။
\s မောက်ဆိုးမရဲ့ လှူငွေကြောန်း
\r (လုကာ ၂၁.၁–၄)
\p
\v 41 ယေရှုဟှာ ဗိမာန်တော် လှူခံဗောင်းရှေ့မာ ထိုင်နေဟှူ ခီမာ လှူခံဗောင်းထဲဟှို လူလေဟှာ ကပ်ထဲ့နေဇာဟှို ကေ့ရှုနေဟှယ်။ ကပ်ပေါဟှူ လူလေဘောင်ဂီးဟှာ ကပ်ဘောင်ဂီး ထဲ့ဂေ့ဟှယ်။ 
\v 42 အယ်ဘေမဲ့ ဆင်းရဲဟှူ မောက်ဆိုးမတယော့‑က်ဟှာ လာဘီးဟှာ တပဲလော့‑က်ဘဲ့တန်ဘီး ရရာတိုင်း နဲဟှူ ကြေးပ္လား နှေ့ပ္လားဟှို ထဲ့လေဟှယ်။ 
\v 43 ယေရှုဟှာ တဗဲ့တော်လေဟှို ခေါ်ဘီးဟှာ “နန်းနို့ဟှို ငါ မှန်တိုင်းပြောမယ်၊ အယ်ဆင်းရဲဟှူ မောက်ဆိုးမဟှာ လှူခံဗောင်းထဲဟှို ထဲ့ဝမ်ဂေ့ဟှူလူလေ အားလောင်းဂူထတ် ပိုဘီးဟှာ ထဲ့လေဟှယ်။ 
\v 44 ဖြားဖြစ်ကြောန့်နူးဆိုဟှာ အယ်လူလေ အားလောင်းဟှာ သူးနို့ရဲ့ ကြွယ်ဝဇာလေထဲဟှ နုဘီး ထဲ့ဂေ့ဟှယ်။ အယ်မီးမဟှာ ရရာတိုင်း ဆင်းရဲဘေမဲ့လည်း သူမာရှိဇာ အားလောင်း သူဟှာ သတ်မွီးဟှို့ အောက်စာ အားလောင်းဟှို ထဲ့လေဟှယ်” ဆိုဘီး သူးနို့ဟှို မိန့်တော်မူလေဟှယ်။
\c 13
\s ယေရှုဟှာ ဗိမာန်တော်ပျစ်စီးမယ့်ဇာဟှို ပြောဟှူကြောန်း
\r (မဿဲ ၂၄.၁–၂; လုကာ ၂၁.၅–၆)
\p
\v 1 ယေရှုဟှာ ဗိမာန်တော်ဟှနေ ထွပ်ဟှားနေဒူးမာ၊ တဗဲ့တော်လေထဲဟှ တယော့‑က်ဟှ “ဆရာ၊ ကေ့ကေ့! ရရာတိုင်းအံ့ဩဘွယ်ကောန်းဟှူ က္လော့‑က်တောင်းလေန ဆော့‑က်ဦးလေ!” ဆိုဘီး ကိုယ်တော့်ဟှို ပြောလေဟှယ်။
\p
\v 2 ယေရှုဟှ “အယ်ဆော့‑က်ဦးဂီးလေဟှို နန်းနို့ ဗြင်ဘဲ့လော။ က္လော့‑က်တောင်းလေ တလောင်းလည်း အယ်ဆော့‑က်ဦးရဲ့ ရင်နေရာမာ ကျန်ဂေ့ဟှို့ မှုဟှ။ က္လော့‑က်တောင်းလေ အားလောင်း ပြိုက္လလေ့မယ်” ဆိုဘီး ပ္လန်ဖြေလေဟှယ်။
\s ဆင်းရဲဒေါက်ခန ညှဉ်းဗန်းနှိစစ်ဇာလေကြောန်း
\r (မဿဲ ၂၄.၃–၁၄; လုကာ ၂၁.၇–၁၉)
\p
\v 3 ယေရှုဟှာ သံလွင်တောန်ထတ်မာ ဗိမာန်တော်ဖတ်ဟှို မျစ်နှာမူဘီး ထိုင်နေဟှူ ခီမာ ပေတရု၊ ယာကုပ်၊ ယောဟန်န အန္ဒြေလေဟှာ ကိုယ်တော်နားဟှို တိတိဟှား လာဂေ့ဟှယ်။ 
\v 4 သူးနို့လေဟှ “အယ်ဇာလေဟှ ဖယ်ခီမာ ဖြစ်လာလေ့မယ် ဆိုဇာဟှို ကျွန်တော့်ဟှားလေဟှို ပြောပြပါ၊ အယ်ဘီးဟှာ အယ်ဇာလေ အားလောင်း ပ္လဲ့ဇောင်ဟှို့ ဖြားနိမိတ် ဖြစ်လာလေ့မယ် ဆိုဇာဟှို ကျွန်တော့်ဟှားလေဟှို ပြောပြပါ” ဆိုဘီး လျှော့‑က်ဂေ့ဟှယ်။
\p
\v 5 ယေရှုဟှ “နန်းနို့ဟှို ဖယ်သူလည်း လှည့်စားနိုင်အောန် ဒိထားဂေ့။ 
\v 6 လူလေဘောင်ဂီးဟှာ ငါ့နာမန ရော့‑က်လာဘီး ပြောဇာဟှ ‘ငါ့ဟှာ အယ်လူဘဲ့ ဖြစ်ဟှယ်!’ ဆိုဘီး လူလေဘောင်ဂီးဟှို လှည့်စားဂေ့လေ့မယ်။ 
\v 7 နန်းနို့လေဟှာ စစ်ပွဲလေန စစ်ပွဲဒန်းလေဟှို ကြားရဟှူ ခီမာ ထိလန့်ဟှားဂေ့န။ အယ်ဇာလေဟှ ဖြစ်ရမယ်။ အယ်ဘေမဲ့ ဆောင်းဟှာရော့‑က်သေးဟှ။ 
\v 8 လူမျိုးလေဟှာ သူးနို့ရှင်းရှင်း တိုက်ခိုက်လေ့မယ်။ နိုင်ငံလေဟှာ သူးနို့ရှင်းရှင်း တိုက်ခိုက်လေ့မယ်။ နေရာတိုင်းမာလည်း မ္လေငလျင်လေ လှော့‑က်လေ့မယ်။ အယ်ဘီးဟှာ စားဇာ ရှားပါးလေ့မယ်။ အယ်ဇာလေဟှာ သားမွီးဟှူ ဝေဒနာရဲ့ စဖြစ်လေဟှယ်။
\p
\v 9 \x - \xo ၁၃.၉–၁၁ \xo*\xt မ ၁၀.၁၇–၂၀; လု ၁၂.၁၁,၁၂\xt*\x*“နန်းနို့ ကိုယ်တိုင်ဟှာ ဒိရှိရမယ်။ နန်းနို့ဟှာ ဖမ်းခံရဂေ့ဘီး တရားရောင်းဟှို ခေါ်ဟှား ခံရဂေ့လေ့မယ်။ ဝါလယ်ဇရပ်လေမာလည်း နန်းနို့ဟှာ ရိုက်ခံရလေ့မယ်။ နန်းနို့ဟှာ ဗြို့ဝန်မန်းလေန မန်းဂီးလေ ရှေ့မာ မတ်တတ်ရပ်ဘီးဟှာ သူးနို့ဟှို ငါ့တွပ် သတ်သေဖြစ်စေလေ့မယ်။ 
\v 10 အယ်ဘေမဲ့ ဆောင်းရော့‑က်ခန်မာ ဒန်းကောန်းဟှို လူမျိုးအားလောင်းဂူဟှို ဟောပြောရလေ့မယ်။ 
\v 11 နန်းနို့ဟှို ဖမ်းဘီး တရားရောင်းဟှို ခေါ်ဟှားဂေ့ဟှူ ခီမာ ဖြားမျိုးပြောရမယ် ဆိုဇာဟှို ကြိုတန်ဘီး စိုးရိမ်ဂေ့န။ ခီရော့‑က်လာဟှူ ခီမာ နန်းနို့ဟှို ဖော်ပြဟှူ စကားလေဟှို ပြောဂေ့။ ဖြားဖြစ်ကြောန့်နူးဆိုဟှာ အယ်စကားဟှို နန်းနို့ပြောနေဇာ မှုဟှ သန့်ရှင်းဟှူဝိညာဉ်တော် ပြောနေဇာဖြစ်ဟှယ်။ 
\v 12 လူလေဟှာ သူးနို့ရဲ့ ညီကိုရင်းဟှို သေစေဟှို့တွပ် အပ်ဂေ့လေ့မယ်။ အယ်ဘီးဟှာ ဖလေဟှ သူးနို့ရဲ့ သားမီးလေဟှို သေစေဟှို့တွပ် လောက်လေ့မယ်။ သားမီးလေဟှလည်း သူးနို့ရဲ့ မိဖလေဟှို ရန်ပြုဘီးဟှာ သေစေဟှို့တွပ် လောက်လေ့မယ်။ 
\v 13 \x - \xo ၁၃.၁၃ \xo*\xt မ ၁၀.၂၂\xt*\x*ငါ့နာမကြောန့် လူတိုင်းဟှ နန်းနို့လေဟှို မူးတီးလေ့မယ်။ အယ်ဘေမဲ့ ဆောင်းထိ တည်ကြည်ဟှူလူဟှာ ကယ်တန်ရှင်းဟှို ခံရလေ့မယ်။
\s ရွံဇာကောန်းဟှူ ဇာလေကြောန်း
\r (မဿဲ ၂၄.၁၅–၂၈; လုကာ ၂၁.၂၀–၂၄)
\p
\v 14 “‘ရွံဇာကောန်းဟှူဇာ’ ဟှာ မှေ့အပ်ဘဲ့ဟှူ နေရာမာ ရှိနေဇာဟှို နန်းနို့လေဟှာ ဗြင်ရဂေ့လေ့မယ်။” စာဖတ်လူဟှာ အယ်ဓိပါယ်ဟှို နားလည်ပါစေ! “အယ်ဆိုဟှာ ယုဒနယ်မာရှိဟှူ လူလေဟှာ တောန်ထတ်ဟှို ပ္လေးဂေ့စေ။ 
\v 15 \x - \xo ၁၃.၁၅,၁၆ \xo*\xt လု ၁၇.၃၁\xt*\x*အီးခေါန်မိုးထတ်မာ ရှိဟှူလူဟှာ အော့‑က်ဟှို ဆင်းဘီး အီထဲဟှို ဝမ်ဘီးဟှာ ဖြားဇာလည်း ယူစေန။ 
\v 16 လယ်ထဲမာ ရှိဟှူ လူဟှာ သူ့ရဲ့ ဝတ်လောင်ဟှို ယူဟှို့တွပ် အီဟှို ပ္လန်စေန။ 
\v 17 အယ်နေ့ရစ်ဟှာ ဝန်းရှင်မလေန သားရှင်မိလေ ရရာတိုင်း ခတ်ခဲလေ့မယ်! 
\v 18 အယ်ဇာလေဟှာ ဆောန်းကာလမာ ဖြစ်ဘဲဟှို့တွပ် ဆုတောန်းဂေ့! 
\v 19 \x - \xo ၁၃.၁၉ \xo*\xt ဗျာ ၇.၁၄\xt*\x*ဖြားဖြစ်ကြောန့်နူးဆိုဟှာ ဘုရားသခင် ဖန်ဆင်းဟှူ ကမ္ဘာဦးစဟှနေ ခုခီထိ အယ်နေ့ရစ်လေရဲ့ ရရာတိုင်း ဆိုးဝါးဟှူ ဆင်းရဲဒေါက်ခမျိုး ဖြစ်ဖူးဟှ။ နော့‑က်ထပ်လည်း အယ်မျိုး ဖြစ်လေ့ဟှို့ မှုဟှ။ 
\v 20 ဘုရားသခင်ဟှာ အယ်နေ့ရစ်လေဟှို ရှယ်စေမယ် ဆိုဟှာ ဖယ်လူလည်း သတ်ရှင်ဘီး လွတ်လေ့ဟှို့ မှုဟှ။ အယ်ဘေမဲ့ ကိုယ်တော် ဝီးကော့‑က်ဟှားဟှူ လူလေတွပ် အယ်နေ့ရစ်လေဟှို တိုစေလေ့မယ်။
\p
\v 21 “အယ်ကာလမာ ယော့‑က်ယော့‑က်ဟှ ‘ကေ့ကေ့။ အယ်နားမာ ခရစ်တော် ရှိဟှယ်! ဟှိုနားမာ ခရစ်တော် ရှိဟှယ်!’ ဆိုဘီး နန်းနို့ဟှို ပြောမယ် ဆိုဟှာ အယ်လူဟှို ယောင်ကြည်ဂေ့န။ 
\v 22 ဖြားဖြစ်ကြောန့်နူးဆိုဟှာ ခရစ်တော် တုယောန်လေန ပရောဖက် တုယောန်လေဟှာ ပေါ်လာလေ့မယ်။ ဖြစ်နိုင်မယ် ဆိုဟှာ သူးနို့လေဟှာ ဘုရားသခင် ဝီးချယ်ဟှားဟှူ လူလေဟှိုလည်း လှည့်စားနိုင်ဟှို့တွပ် အံ့ဩဘွယ်လေန နိမိတ်လတ်ခဏာလေဟှို ပြဂေ့လေ့မယ်။ 
\v 23 အယ်ကြောန့် နန်းနို့ဟှာ ဒိနနေဂေ့! ငါဟှာ အယ်ဇာလေ အားလောင်းဂူဟှို နန်းနို့ဟှို ကြိုတန်ဘီး ပြောပြဟှားဟှယ်။
\s လူ့ရဲ့သား ပ္လန်ကြွလာဟှို့ကြောန်း
\r (မဿဲ ၂၄.၂၉–၃၁; လုကာ ၂၁.၂၅–၂၈)
\p
\v 24 \x - \xo ၁၃.၂၄ \xo*\xt ဗျာ ၆.၁၂\xt*\x*“ဒေါက်ခဆင်းရဲလေ က္လရော့‑က်လာဟှူ နေ့ရစ်လေမာ နေဟှာ မိုက်ဟှားလေ့မယ်။ လဟှာလည်း လန်းဟှို့မှုဘီ။ 
\v 25 \x - \xo ၁၃.၂၅ \xo*\xt ဗျာ ၆.၁၃\xt*\x*ကြယ်လေဟှာ ကောန်းဂန်ဟှနေ ကွီက္လလေ့မယ်။ အယ်ဘီးဟှာ အာကာသ တဂိုးလေဟှာ လှောက်ဂေ့လေ့မယ်။ 
\v 26 \x - \xo ၁၃.၂၆ \xo*\xt ဗျာ ၁.၇\xt*\x*အယ်ခီမာ မိုးတီထဲမာ ကီးမားဟှူ တဂိုးတော်န ဖောင်းသရေတော်လေနတူးဒူ လူ့ရဲ့သား ကြွလာဇာဟှို လူလေဟှာ ဗြင်ရဂေ့လေ့မယ်။ 
\v 27 အယ်ဘီးန လူ့ရဲ့သားဟှာ ကောန်းဂန်တမန်လေဟှို ရပ်လေးမျစ်နှာဟှို စေလွှတ်ဘီး မ္လေဂီးစွန်းဟှနေ တခြားတဖတ်စွန်းထိ ဘုရားသခင်ရဲ့ ဝီးကော့‑က်ဟှားဟှူ လူလေဟှို စုသီးလေ့မယ်။
\s သဖန်းဗန်ရဲ့ သင်ဂန်းဇာကြောန်း
\r (မဿဲ ၂၄.၃၂–၃၅; လုကာ ၂၁.၂၉–၃၃)
\p
\v 28 “သဖန်းဗန်ဟှနေ သင်ဂန်းဇာ တခုဟှို သန်ယူဂေ့။ အယ်ပန်ရဲ့ ခတ်လေဟှာ နုလာဘီး ဝပ်လေထွပ်လာဟှူ ခီမာ နွီကာလ နီးလာဘီ ဆိုဇာဟှို နန်းနို့ဟှာ သိဂေ့ဟှယ်။ 
\v 29 အယ်မျိုးဘဲ့ အယ်မူဇာလေ ဖြစ်လာဇာဟှို နန်းနို့ဟှာ ဗြင်ရဟှူ ခီမာ လူ့ရဲ့သားဟှ ခွဗော့‑က်ဝနီးဟှို ရော့‑က်နေဘီ\f + \fr ၁၃.၂၉ \fr*\fq ခွဗော့‑က်ဝနီးဟှို ရော့‑က်နေဘီ၊ \fq*\ft အယ်မျိုးမှုဘဲ့နေဟှာ \ft*\fqa ကိုယ်တော်ရော့‑က်လာခါ နီးဟှားဘီ။\fqa*\f* ဆိုဇာဟှို သိမှတ်ဂေ့ပါ။ 
\v 30 ငါ မှန်တိုင်းပြောမယ်၊ အယ်မူဇာလေ အားလောင်းဂူ ဖြစ်သေးခန် ခု သတ်ရှင်နေဟှူ လူလေဟှာ လောင်းဝ သေရလေ့ဟှို့ မှုသေးဟှ။ 
\v 31 ကောန်းဂန်န မ္လေဂီးဟှာ ပျစ်စီးဟှားလေ့မယ်။ အယ်ဘေမဲ့ ငါ့ရဲ့ စကားလေဟှာ လောင်းဝ ပျစ်စီးဟှို့ မှုဟှ။
\s အယ်နေ့ရစ်ခီနာရီဟှို ဖယ်လူလည်းသိဟှ
\r (မဿဲ ၂၄.၃၆–၄၄)
\p
\v 32 \x - \xo ၁၃.၃၂ \xo*\xt မ ၂၄.၃၆\xt*\x*“အယ်ဘေမဲ့လည်း အယ်နေ့ရစ် နာရီ ရော့‑က်လာဟှူ ခီဟှို ဖယ်လူလည်း သိဂေ့ဟှ ကောန်းဂန်ဘောင်ဟှ ကောန်းဂန်တမန်လေလည်း သိဟှ။ သားတော်လည်း သိဟှ။ ဖတပါးဒဲဘဲ့ သိလေဟှယ်။ 
\v 33 ဒိပြုဘီး နိုးနိုးကြားကြား နေဂေ့။ ဖြားဖြစ်ကြောန့်နူး ဆိုဟှာ အယ်ခီဟှာ ဖယ်ခီမှ ရော့‑က်လာမယ် ဆိုဇာဟှို နန်းနို့လေ သိဂေ့ဟှ။ 
\v 34 \x - \xo ၁၃.၃၄ \xo*\xt လု ၁၂.၃၆–၃၈\xt*\x* အယ်ဇာဟှာ ဝီးဟှို ထွပ်ဟှားဟှူ လူတယော့‑က်န တူဟှယ်။ သူဟှာ သူ့အီဟှို ထားရစ်ဘီး သူ့ရဲ့ စေခံလေဟှို ခွမ့်အာဏာန လောက်ကိုယ်စီ လောက်ဆောန်ဟှို့ မိန့်ပေးဟှားရစ်ဟှယ်။ အယ်ဘီးဟှာ ခွဗော့‑က်စောန့်မားဟှို ဒိနစောန့်ဟှို့ ပြောဟှားရစ်ဟှယ်။ 
\v 35 အယ်ဆိုဟှာ ဒိနစောန့်ဂေ့။ ဖြားဖြစ်ကြောန့်နူးဆိုဟှာ အီဇရှင်ဟှာ ဖယ်ခီပ္လန်လာမယ် ဆိုဇာဟှို နန်းနို့လေ သိဂေ့ဟှ။ နေဒန်ဇာခီ၊ ညဉ့်နတ်ခီ၊ မိုးသာထခီ၊ မိုးလန်းစောစောဂီး ခီလေမာ ဖြစ်ရှင်ဖြစ်မယ်။ 
\v 36 သူဟှာ ရောက်တရစ် ရော့‑က်လာမယ် ဆိုဟှာ နန်းနို့လေ အိမွီနေဇာဟှို တွိစေန။ 
\v 37 အယ်ဘီးဟှာ နန်းနို့ဟှို ပြောဟှားတိုင်း လူတိုင်းဟှိုလည်း ငါပြောဟှယ်။ ဒိနစောန့်နေဂေ့!” ဆိုဘီး သူးနို့ဟှို မိန့်တော်မူလေဟှယ်။
\c 14
\s ယေရှုဟှို သတ်ဟှို့ ကြံစည်ဂေ့ဟှူကြောန်း
\r (မဿဲ ၂၆.၁–၅; လုကာ ၂၂.၁–၂; ယောဟန် ၁၁.၄၅–၅၃)
\p
\v 1 ပသခါပွဲန တဆေးမှေ့ဘဲဟှူ မုပွဲတော်ဖြစ်ခန် နှေ့ရစ်လိုမာ၊ ယဇ်ပုရောဟိတ်ဂီးလေန ကျမ်းတတ်ဆရာလေဟှာ ယေရှုဟှို တိတိဟှားဖမ်းဘီး သတ်ဟှို့တွပ် နည်းလမ်းရှာကြံနေဂေ့ဟှယ်။ 
\v 2 သူးနို့ဟှာ “နို့လေဟှာ ပွဲတော်ရစ်ထဲမာ အယ်ဇာဟှို လောက်ဂေ့န၊ လူလေဟှာ ရောင်းရင်းဆန်ခတ် ဖြစ်ဟှားနိုင်ဟှယ်” ဆိုဘီး ပြောဂေ့ဟှယ်။
\s ဗေသနိဝါမာ ယေရှုဟှာ ဆီမွှီးလောန်းခံရဟှူကြောန်း
\r (မဿဲ ၂၆.၆–၁၃; ယောဟန် ၁၂.၁–၉)
\p
\v 3 \x - \xo ၁၄.၃ \xo*\xt လု ၇.၃၇,၃၈\xt*\x*ယေရှုဟှာ ဗေသနိဝါမာ နူနာရောဂါဖြစ်ဖူးဟှူ ရှိမုန်ရဲ့အီမာရှိဟှယ်။ ယေရှုဟှာ စားသော့‑က်နေဒူးမာ မီးမတယော့‑က်ဟှာ ရရာတိုင်း ဖိုးကီးဘီး နာဒုဆီမွှီးစစ်စစ်န ပ္လဲ့နေဟှူ က္လော့‑က်ဖ္လူဖူးဟှို ယူဘီး ရော့‑က်လာဟှယ်။ အယ်ဘီးဟှာ အယ်ဖူးဟှို ရိုက်ခွဲလိုက်ဘီးဟှာ ယေရှုရဲ့ ခေါန်းထတ်ဟှို လောန်းခ္လလေဟှယ်။ 
\v 4 အယ်နေရာမာရှိဟှူ လူတချို့ဟှာ စိဆိုးလာဘီးဟှာ “ဖြားဖြစ်ကြောန့် အယ်ဆီမွှီးဟှို ကျိုးမှေ့ဘဲန လောက်နေရနူး။ 
\v 5 အယ်ဆီမွှီးဟှို ငွေဒန်းဂါး\f + \fr ၁၄.၅ \fr*\fk ငွေဒန်းဂါး၊ \fk*\ft ရှု \ft*\xt ၆.၃၇\xt*။\f* ၃၀၀ ကျော်န ရောန်းဘီးဟှာ အယ်ကပ်လေဟှို ဆင်းရဲသားလေဟှို ပေးရမယ်!” ဆိုဘီး ယော့‑က်နယော့‑က်ပြောနေဂေ့ဟှယ်။ အယ်ဘီးဟှာ သူးနို့ဟှာ အယ်မီးမဟှို ရရာတိုင်း ပြစ်တန်ဂေ့ဟှယ်။
\p
\v 6 အယ်ဘေမဲ့ ယေရှုဟှ “အယ်မီးမဟှို ထားလိုက်ဝေါ့! ဖြားဖြစ်ကြောန့် သူ့ဟှို နှောက်ရှစ်နေဂေ့နူး။ သူဟှ ငါ့တွပ် ကောန်းဟှူဇာဟှို လောက်ဟှယ်။ 
\v 7 ဆင်းရဲသားလေဟှာ နန်းနို့န မြဲဒမ်း ရှိဂေ့ဟှယ်။ အယ်ဘီးဟှာ နန်းနို့ လိုရှင်ဟှူခီတိုင်း သူးနို့ဟှို ကူညီနိုင်ဟှယ်။ အယ်ဘေမဲ့ ငါဟှလော နန်းနို့န မြဲဒမ်းရှိနေဟှို့ မှုဟှ။ 
\v 8 အယ်မီးမဟှာ သူတတ်နိုင်မျှလောက်ဟှယ်။ သင်္ဂြိုဟ်ဟှို့တွပ် ကြိုတန်ဘီးဟှာ ငါ့ရဲ့ကိုယ်ထတ်ဟှို ဆီမွှီးလောန်းခ္လလေဟှယ်။ 
\v 9 နန်းနို့ဟှို ငါ မှန်တိုင်းပြောမယ်၊ ကမ္ဘာနှံ့ ဧဝံဂေလိဟောပြောဟှူ နေရာတိုင်းမာအယ်မီးမ လောက်ရစ်ဇာလေဟှိုလည်း သူရဲ့ မှတ်တရဖြစ် ပြောကြားဂေ့လေ့မယ်” ဆိုဘီး မိန့်တော်မူလေဟှယ်။
\s ယေရှုဟှို သစ်စာဖော့‑က်ဟှို့ ယုဒဘောတူဟှူကြောန်း
\r (မဿဲ ၂၆.၁၄–၁၆; လုကာ ၂၂.၃–၆)
\p
\v 10 အယ်ဘီးန တဗဲ့တော်ဆယ့်နှေ့ပါးထဲဟှ တပါးဖြစ်ဟှူ ယုဒရှကာရုတ်ဟှာ ယဇ်ပုရောဟိတ်ဂီးလေနားဟှို ယေရှုဟှိုအပ်ဟှို့တွပ် သူးနို့နားဟှို သွားလေဟှယ်။ 
\v 11 သူလာပြောဇာဟှို သူးနို့လေဟှာ ကြားရခီမာ ဝန်းသာဟှားဟှယ်။ အယ်ဘီးဟှာ သူ့ဟှို ကပ်ပေးဟှို့တွပ် ဒိပေးဂေ့ဟှယ်။ အယ်ကြောန့် ယုဒဟှာယေရှုဟှို သူးနို့ဟှိုအပ်ဟှို့တွပ် ခွမ့်ကောန်းဟှို စဘီး ရှာနေလေဟှယ်။
\s ယေရှုဟှ တဗဲ့တော်လေန ပသခါညဉ့်ဇာ စားဟှူကြောန်း
\r (မဿဲ ၂၆.၁၇–၂၅; လုကာ ၂၂.၇–၁၄,၂၁–၂၃; ယောဟန် ၁၃.၂၁–၃၀)
\p
\v 12 တဆေးမှေ့ဘဲဟှူ မုပွဲတော်ရဲ့ ပထမနေ့၊ ပသခါ သိုးသားဂန်းဟှားလေဟှို သတ်ရဟှူ နေ့မာ ယေရှုရဲ့ တဗဲ့တော်လေဟှာ “ကိုယ်တော်တွပ် ပသခါ ညဉ့်ဇာစားဟှို့ ကျွန်တော့်ဟှားလေဟှို ဖယ်နားမာသွားဘီး ပြင်ဆင်စေရှင်ဟှယ်နူး” ဆိုဘီး ကိုယ်တော့်ဟှို မေးလျှော့‑က်ဂေ့ဟှယ်။
\p
\v 13 အယ်ကြောန့် ယေရှုဟှ တဗဲ့တော်နှေ့ပါးဟှို စေလွှတ်လေဟှယ်။ သူးနို့ဟှို ပြောလိုက်ဇာဟှ “ဗြို့ထဲဟှို သွားဂေ့။ ရေအိုးထမ်းလာဟှူ လူတယော့‑က်ဟှ နန်းနို့ဟှို တွိဂေ့လေ့မယ်။ သူ့နော့‑က်ဟှို လိုက်ဟှားဂေ့။ 
\v 14 သူဝမ်ဟှားဟှူ အီရဲ့ အီဇရှင်ဟှို ပြောပါ ‘ဆရာဟှ ငါ့တဗဲ့တော်လေနတူးဒူး ပသခါ ညဉ့်ဇာစားဟှို့တွပ် ခန်းဟှာ ဖယ်မာနူး’ ဆိုဘီး ဆရာဟှ မေးခိုင်းလိုက်ဟှယ် ဆိုဘီး ပြောပါ။ 
\v 15 အယ်ဆိုဟှာ သူဟှာ သင့်ပြင်ဆင်ဟှားဘီး ကီးမားဟှူ ထပ်ခန်းမဟှို နန်းနို့ဟှို ပြလေ့မယ်။ အယ်ခန်းမာ နို့လေတွပ် ညဉ့်ဇာစားဟှို့ ပြင်ဂေ့ပါ။”
\p
\v 16 အယ်တဗဲ့တော်လေဟှာ ထွပ်ဟှားဘီး ဗြို့ထဲဟှို ဝမ်ဟှားဂေ့ဟှူ ခီမာ သူးနို့ဟှို ယေရှုပြောလိုက်တိုင်းဘဲ့ အားလောင်းဂူဟှို တွိရလေဟှယ်။ အယ်ကြောန့် သူးနို့ဟှာ ပသခါ ညဉ့်ဇာစားဟှို့ ပြင်ဆင်ဂေ့ဟှယ်။
\p
\v 17 ညဉ့်ခန်းဇာ ရော့‑က်လာဟှူ ခီမာ ယေရှုဟှာ တဗဲ့တော်ဆယ့်နှေ့ပါးနတူးဒူ ကြွလာဂေ့ဟှယ်။ 
\v 18 သူးနို့ဟှာ ဗွဲမာထိုင်ဘီး စားနေဂေ့ဒူးမာ ယေရှုဟှ “နန်းနို့ဟှို ငါ မှန်တိုင်းပြောမယ်၊ နန်းနို့ထဲဟှ တယော့‑က်ဟှာ ငါ့ဟှို သစ်စာဖော့‑က်လေ့မယ်။ အယ်လူဟှာ ငါ့နတူးဒူ စားသော့‑က်နေဟှယ်” ဆိုဘီး မိန့်တော်မူလေဟှယ်။
\p
\v 19 တဗဲ့တော်လေဟှာ စိကောန်းဘဲ ဖြစ်ဟှားဂေ့ဘီး “ကျွန်တော်လော” ဆိုဘီး ယော့‑က်ဘီးယော့‑က် ကိုယ်တော့်ဟှို စဘီးမေးလျှော့‑က်ဂေ့ဟှယ်။
\p
\v 20 ယေရှုဟှ “တဆယ့်နှေ့ပါးထဲဟှ တပါးဖြစ်ဘီး ငါ့နတူးဒူး စံထဲမာ မုနှိုက်ဟှူလူ ဖြစ်ဟှယ်။ 
\v 21 လူ့ရဲ့သားဟှာ ကျမ်းစာမာ ရေးဟှားတိုင်း သေခံရလေ့မယ်။ အယ်ဘေမဲ့ လူ့ရဲ့သားဟှို သစ်စာဖော့‑က်ဟှူ အယ်လူတွပ် အမင်္ဂလာဖြစ်ဟှယ်! အယ်လူဟှာ မွီးဖွားလာဘဲနေဇာဟှ သူ့တွပ် ပိုဘီးကောန်းသေးဟှယ်!” ဆိုဘီး ပ္လန်ဖြေတော်မူလေဟှယ်။
\s သခင်ဘုရားရဲ့ညဉ့်ဇာကြောန်း
\r (မဿဲ ၂၆.၂၆–၃၀; လုကာ ၂၂.၁၄–၂၀; ၁ ကောရိန္သု ၁၁.၂၃–၂၅)
\p
\v 22 သူးနို့လေဟှာ စားနေဒူးမာ ယေရှုဟှာ မုဟှိုယူဘီး၊ ကျေးဇူးတော်ဟှို ချီးမွမ်းဘီးမှ မုဟှိုဖဲ့ဘီးဟှာ တဗဲ့တော်လေဟှို ပေးလေဟှယ်။ ကိုယ်တော်ဟှ “ယူဂေ့။ အယ်မုဟှာ ငါ့ရဲ့ကိုယ်ခန္ဓာ ဖြစ်ဟှယ်” ဆိုဘီး မိန့်တော်မူလေဟှယ်။
\p
\v 23 ခွပ်ဟှိုလည်း ယူဘီးဟှာ ဘုရားသခင်ရဲ့ ကျေးဇူးတော်ဟှို ချီးမွမ်းလေဟှယ်။ အယ်ဘီးန သူးနို့လေဟှို ပေးလိုက်ဟှယ်။ သူးနို့လေ အားလောင်းဂူဟှာ အယ်ခွပ်ဟှို သော့‑က်ဂေ့ဟှယ်။ 
\v 24 ယေရှုဟှ “အယ်ဇာဟှာ လူလေတွပ် လောန်းပေးဟှူ ဘုရားသခင်ရဲ့ ပဋိညာဉ်နဇိခတ်ဟှားဟှူ ငါ့ရဲ့သွီးဖြစ်ဟှယ်။ 
\v 25 နန်းနို့ဟှို ငါ မှန်ပြောမယ်၊ ဘုရားသခင်ရဲ့နိုင်ငံတော်မာ စဗျစ်ရယ်သစ်ဟှို သော့‑က်ရဟှူ နေ့ရော့‑က်ခန်ထိ ငါဟှာ အယ်စဗျစ်ရယ်ဟှို နော့‑က်တခါ လောင်းဝ သော့‑က်ဟှို့မှုဘီ” ဆိုဘီး မိန့်တော်မူလေဟှယ်။
\p
\v 26 အယ်ဘီးန သူးနို့လေဟှာ ချီးမွမ်းချင်းဟှို ဆိုဘီး သံလွင်တောန်ဟှို ထွပ်ဟှားဂေ့ဟှယ်။
\s ယေရှုဟှာ ပေတရုငြင်းပယ်မယ် ဆိုဇာဟှို ကြိုတန်ပြောဟှူကြောန်း
\r (မဿဲ ၂၆.၁–၃၅; လုကာ ၂၂.၃၁–၃၄; ယောဟန် ၁၃.၃၆–၃၈)
\p
\v 27 ယေရှုဟှ “ငါ့ဟှို ထားရစ်ဘီး နန်းနို့အားလောင်းဟှာ ထွပ်ပ္လေးလေ့မယ်၊ ဖြားဖြစ်ကြောန့်နူးဆိုဟှာ ကျမ်းစာထဲမာ ပြောဟှားဇာဟှ ‘ဘုရားသခင်ဟှာ သိုးထီးမားဟှို ရိုက်သတ်လေ့မယ်၊ အယ်ဆိုဟှာ သိုးလေအားလောင်းဟှာ ဆွတ်ဆွတ်ဖ္လူဟှားဂေ့လေ့မယ်။’ 
\v 28 \x - \xo ၁၄.၂၈ \xo*\xt မ ၂၈.၁၆\xt*\x*အယ်ဘေမဲ့ ငါဟှာ ထမြော့‑က်ဟှားဘီးန၊ ငါဟှာ ဂါလိလဲနယ်ဟှို နန်းနို့ထတ်ရင်သွားလေ့မယ်” ဆိုဘီး သူးနို့လေဟှို မိန့်တော်မူလေဟှယ်။
\p
\v 29 ပေတရုဟှ “တခြားလူလေ အားလောင်းဟှာ ထားရစ်ဂေ့ဘေမဲ့၊ ကျွန်တော့်ဟှ ကိုယ်တော့်ဟှို လောင်းဝထားရစ်ဟှို့ မှုဟှ!” ဆိုဘီး ပ္လန်လျှော့‑က်လေဟှယ်။
\p
\v 30 ယေရှုဟှ “နန့်ဟှို ငါ မှန်တိုင်းပြောမယ်၊ ခုညဉ့်မာဘဲ့ ကြစ်နှေ့ခါ တွန်ခန်မာ နန်ဟှာ ငါ့ဟှို သိဟှဆိုဘီး သောင်းခါ ပြောလေ့မယ်” ဆိုဘီး ပေတရုဟှို မိန့်တော်မူလေဟှယ်။
\p
\v 31 အယ်ဘေမဲ့ ပေတရုဟှ “ကျွန်တော့်ဟှာ ကိုယ်တော်နတူးဒူ သေရမယ် ဆိုဟှာလည်း၊ အယ်မျိုးလောင်းဝ ငြင်းပယ်ဟှို့ မှုဟှ!” ဆိုဘီး လေးလေးနတ်နတ်ဟှား ပ္လန်လျှော့‑က်လေဟှယ်။
\p အယ်ဘီးဟှာ တခြားတဗဲ့တော်လေ အားလောင်းဟှလည်း အယ်မျိုးဘဲ့ လျှော့‑က်ဂေ့ဟှယ်။
\s ယေရှုဟှာ ဂေသရှေမန်မာ ဆုတောန်းဟှူကြောန်း
\r (မဿဲ ၂၆.၃၆–၄၆; လုကာ ၂၂.၃၉–၄၆)
\p
\v 32 သူးနို့လေဟှာ ဂေသရှေမန် ဆိုဘီး နာမယ်ခေါ်ဟှူ နေရာဟှို သွားဂေ့ဟှယ်။ အယ်ဘီးန ယေရှုဟှာ “ငါဆုတောန်းနေဒူးမာ အယ်နေရာမာ ထိုင်နေဂေ့ပါ” ဆိုဘီး တဗဲ့တော်လေဟှို ပြောဟှယ်။ 
\v 33 ကိုယ်တော်ဟှာ ပေတရု၊ ယာကုပ်န ယောဟန်ဟှို သူ့နတူးဒူ ခေါ်ဆောန်ဟှားလေဟှယ်။ ဆိုးဝါးဟှူ ပူပန်သောကဟှာ ကိုယ်တော့်ဟှို စိုးမိုးလာလေဟှယ်။ 
\v 34 အယ်ဘီးဟှာ ကိုယ်တော်ဟှ “ငါ့စိဟှာ သေလော့‑က်အောန် ဝန်းနဲနေလေဟှယ်။ အယ်နေရာမာ နေရစ်ဘီး ဒိနစောန့်နေဂေ့” ဆိုဘီး သူးနို့ဟှို မိန့်တော်မူဟှယ်။
\p
\v 35 ကိုယ်တော်ဟှ ရှေ့ဟှို နဲနဲတိုးဟှားဘီးဟှာ သူ့ကိုယ်သူ မ္လေဂီးမာ လှဲခ္လလိုက်ဘီး ဖြစ်နိုင်မယ် ဆိုဟှာ အယ်ခီနာရီဟှို သူ့ဟှနေ လွန်ဟှားစေပါ ဆိုဘီး ဆုတောန်းလေဟှယ်။ 
\v 36 “အဗ္ဗ၊ ဖ! ကိုယ်တော်တွပ် ရာအားလောင်းဂူဟှာ ဖြစ်နိုင်ဟှယ်။ အယ်ဝေဒနာခွပ်ဟှို ကျွန်တော့်နားဟှနေ ဖယ်ပေးပါ။ အယ်ဘေမဲ့ ကျွန်တော့်ရဲ့ လိုဖြစ်စေန။ ကိုယ်တော့်ရဲ့လိုဘဲ့ ဖြစ်စေပါ။”
\p
\v 37 အယ်ဘီးန ကိုယ်တော်ဟှာ ပ္လန်လာဟှူ ခီမာ တဗဲ့တော်သောင်းပါးဟှာ အိမွီနေဂေ့ဇာဟှို တွိဟှားဟှယ်။ ကိုယ်တော်ဟှ “ရှိမုန်၊ နန်ဟှ အိမွီနေလော။ တနာရီလော့‑က် စောန့်နေနိုင်ဟှလော” ဆိုဘီး ပေတရုဟှို မိန့်တော်မူလေဟှယ်။ 
\v 38 ကိုယ်တော်ဟှ “နန်းနို့ဟှာ စောင်ဇမ်းသွီးဆောန်မှုထဲဟှို က္လဘဲနေဟှို့တွပ် ဆုတောန်းဘီး စောန့်နေဂေ့။ ဝိညာဉ်ဟှဆန္ဒရှိဘေမဲ့ ဇာတိဟှအားနည်းဟှယ်” ဆိုဘီး သူးနို့ဟှို မိန့်တော်မူလေဟှယ်။
\p
\v 39 ကိုယ်တော်ဟှာ နော့‑က်တခါ ထွပ်ဟှားဘီး၊ ရင်တိုင်းဘဲ ဆုတောန်းလေဟှယ်။ 
\v 40 ကိုယ်တော်ဟှာ ပ္လန်လာဟှူ ခီမာ သူးနို့မျစ်စိလေဟှ လေးလံနေဟှူကြောန့် အိမွီနေဇာဟှို တခါတွိဟှားဟှယ်။ သူးနို့ဟှာ ကိုယ်တော့်ဟှို ဖြားဇာပြောရဟှို့ သိဂေ့ဟှမ်း။
\p
\v 41 ကိုယ်တော်ဟှာ သောင်းခါမြော့‑က် ပ္လန်လာဟှူ ခီမာ ကိုယ်တော်ဟှ “နန်းနို့ဟှာ ခုထိ အိမွီးဘီး နားယူနေသေးလော။ တော်ဘီ! ခီနာရီဟှာ ရော့‑က်လာဘီ! ကေ့ဂေ့! လူ့ရဲ့သားဟှာ ပြစ်သားလေရဲ့ လတ်ထဲဟှို အယ်နှံခံရမယ်။ 
\v 42 ထဂေ့။ နို့လေ သွားဂေ့ဇို့။ ငါ့ဟှို အပ်နှံဟှို့လူဟှာ ရော့‑က်လာဘီး!” ဆိုဘီး မိန့်တော်မူလေဟှယ်။
\s ယေရှုဟှို ဖမ်းဂေ့ဟှူကြောန်း
\r (မဿဲ ၂၆.၄၇–၅၆; လုကာ ၂၂.၄၇–၅၃; ယောဟန် ၁၈.၃–၁၂)
\p
\v 43 တဗဲ့တော် ဆယ့်နှေ့ပါးထဲဟှ တပါးဖြစ်ဟှူ ယုဒဟှာ ရော့‑က်လာဟှူ ခီမာ ယေရှုဟှာ စကားပြောနေဒူး ဖြစ်ဟှယ်။ သူ့နတူးဒူ ဒေါက်လေ၊ ထားလေကိုင်လာဟှူ လူအောက်ဂီး ပါလာဘီး အယ်လူလေဟှို ယဇ်ပုရောဟိတ်ဂီးလေ၊ ကျမ်းတတ်ဆရာလေန သတ်ကီးဝါဂီးလေဟှ စေလွှတ်လိုက်ဟှယ်။ 
\v 44 ကိုယ်တော့်ဟှို အပ်နှံဟှူ လူဟှ “ငါနမ်းဟှူ လူဟှာ နန်းနို့ လိုရှင်နေဟှူလူ ဖြစ်ဟှယ်။ သူ့ဟှို ဖမ်းဘီး စောန့်လေန ခေါ်ဟှားဂေ့” ဆိုဘီး လူအောက်ဂီးဟှို ချစ်ပြဘီး မှတ်သား ပေးဟှားလေဟှယ်။
\p
\v 45 ယေရှုနားဟှို ရှစ်ရှင်း သွားဘီး၊ ယုဒဟှ “ဆရာ!” ဆိုဘီး ခေါ်လိုက်ဘီး ကိုယ်တော့်ဟှို နမ်းလေဟှယ်။ 
\v 46 အယ်ကြောန့် သူးနို့ဟှ ယေရှုဟှို ဖမ်းဘီး ချောက်ဟှားဂေ့ဟှယ်။ 
\v 47 အယ်ဘေမဲ့ နားမာရပ်နေဟှူ လူလေထဲဟှ တယော့‑က်ဟှာ ထားဟှို ဆွဲထုဘီး ယဇ်ပုရောဟိတ်မန်းရဲ့ ကျွန်တယော့‑က်ဟှို ခွတ်လိုက်ဟှူ ခီမာ အယ်လူရဲ့ နားဝှပ် ပြတ်ဟှားဟှယ်။ 
\v 48 အယ်ဆိုန ယေရှုဟှာ “ငါဟှာ မ္လတယော့‑က် ဖြစ်ဟှူကြောန့် နန်းနို့ဟှာ ငါ့ဟှို့ ဖမ်းဟှို့တွပ် ဒေါက်လေ၊ ထားလေန ရော့‑က်လာဂေ့ ဇာလော။ 
\v 49 \x - \xo ၁၄.၄၉ \xo*\xt လု ၁၉.၄၇; ၂၁.၃၇\xt*\x*ငါဟှာ နေ့တိုင်း နန်းနို့နတူဒူး ဗိမာန်တော်ထဲမာ သွန်သန်နေဟှယ်။ နန်းနို့ဟှာ ငါ့ဟှို ဖမ်းဂေ့ဟှမား။ အယ်ဘေမဲ့ ကျမ်းစာတိုင်းဘဲ့ ပ္လဲ့ဇောင်လာရမယ်” ဆိုဘီး သူးနို့လေဟှို မိန့်တော်မူလေဟှယ်။
\p
\v 50 အယ်ဆိုန တဗဲ့တော်လေဟှာ ကိုယ်တော့်ဟှို ထားရစ်ဘီး ထွပ်ပ္လေးဟှားဂေ့ဟှယ်။
\p
\v 51 ပိချောဝတ် တထည်ဘဲ့ ခြောင်ဟှားဟှူ လူငယ် တယော့‑က်ဟှာ ယေရှုနော့‑က်ဟှို လိုက်လာဟှယ်။ သူးနို့ဟှာ သူ့ဟှို ဖမ်းဟှို့ ကြိုးစားဂေ့ဟှူ ခီမာ 
\v 52 သူဟှာ ပိချောဝတ်ဟှို ထားရစ်ဘီးဟှာ ခ္လေးပ္လန်းဗ္လန်းန ထွပ်ပ္လေးဟှားလေဟှယ်။
\s ယေရှုဟှာ တရားလွှတ်တော်ရှေ့မာ
\r (မဿဲ ၂၆.၅၇–၆၈; လုကာ ၂၂.၅၄–၅၅,၆၃–၇၁; ယောဟန် ၁၈.၁၃,၁၄,၁၉–၂၄)
\p
\v 53 အယ်ဘီးန ယေရှုဟှို ယဇ်ပုရောဟိတ်ဂီးလေ၊ သတ်ကီးဝါဂီးလေန ကျမ်းတတ်ဆရာလေ စုဝီးနေဟှူ ယဇ်ပုရောဟိတ်မန်းရဲ့ အီဟှို ခေါ်ဆောန်ဟှားဂေ့ဟှယ်။ 
\v 54 ပေတရုဟှ ခပ်ဝီးဝီးဟှနေ လိုက်လာဘီး ယဇ်ပုရောဟိတ်မန်းရဲ့ အီဝမ်းထဲဟှို ဝမ်ဟှားလေဟှယ်။ အယ်နေရာမာ သူဟှာ စောန့်လေနတူးဒူ ထိုင်ဘီး မီးကန်နေလေဟှယ်။ 
\v 55 ယဇ်ပုရောဟိတ်ဂီးလေန တရားလွှတ်တော် တခုလောင်းဟှာ ယေရှုဟှို သေဒန်ပေးနိုင်ဟှို့တွပ် ကိုယ်တော့်ဟှို ဆန့်ကျင်ထွပ်ဆိုမယ့် သတ်သေတချို့ဟှို ရှာဟှို့ ကြိုးစားဂေ့ဟှယ်။ အယ်ဘေမဲ့ သူးနို့ဟှာ ဖြားဇာလည်း ရှာတွိဂေ့ဟှ။ 
\v 56 သတ်သေလေ ဘောင်းဂီးဟှာ ယေရှုဟှို ဆန့်ကျင်ဟှို့ လီညာဘီး ထွပ်ဆိုဂေ့ဟှယ်။ အယ်ဘေမဲ့ သူးနို့ထွပ်ဆိုဇာလေဟှ တူညီဂေ့ဟှ။
\p
\v 57 အယ်ဆိုန လူတချို့ဟှာ ထရပ်ဘီးဟှာ ယေရှုဟှို ဆန့်ကျင်ဟှို့ အယ်မျိုးလီညာဘီး ထွပ်ဆိုလိုက်ဇာဟှ 
\v 58 \x - \xo ၁၄.၅၈ \xo*\xt ယော ၂.၁၉\xt*\x*“‘လူလောက်ဟှားဟှူ အယ်ဗိမာန်တော်ဟှို ငါဖြိုဖျစ်မယ်။ အယ်ဘီးဟှာ သောင်းရစ်ကြာဘီးန လူလောက်ဘဲဟှူ ဗိမာန်တော်ဟှို ငါပ္လန်ဆော့‑က်မယ်’ ဆိုဘီး သူပြောဇာဟှို ကျွန်တော့်လေ ကြားဟှားဟှယ်။” 
\v 59 အယ်ဘေမဲ့လည်း သူးနို့ရဲ့ သတ်သေထွပ်ဆိုချစ်ဟှာ တူညီဂေ့ဟှ။
\p
\v 60 ယဇ်ပုရောဟိတ်မန်းဟှာ သူးနို့လေ အားလောင်းဂူရဲ့ ရှေ့မာ ရပ်ဘီးဟှာ ယေရှုဟှို “အယ်လူလေဟှာ နန့်ဟှို စွပ်စွဲပြောဆိုနေဇာ နန်ဟှာ ဖြားလည်းဖြေဘဲန နေဟှို့လော” ဆိုဘီး မေးလေဟှယ်။
\p
\v 61 အယ်ဘေမဲ့ ယေရှုဟှာ ဇပ်ပေါ့‑က်ဟှို ပိဟှားဘီး စကားခွန်းလည်း ပြောဟှ။ တခါပ္လန်ဘီး ယဇ်ပုရောဟိတ်မန်းဟှ “နန်ဟှာ မင်္ဂလာရှိဟှူ ဘုရားသခင်ရဲ့ သားတော် ခရစ်တော်လော” ဆိုဘီး ကိုယ်တော့်ဟှို မေးလေဟှယ်။
\p
\v 62 ယေရှုဟှ “ငါဘဲ့ဖြစ်ဟှယ်။ လူ့ရဲ့သားဟှာ တဂိုးတော်ရဲ့ ညာဖတ်မာ ထိုင်နေဘီး ကောန်းဂန်မိုးတီဟှို စီးဘီးလာနေဇာဟှို နန်းနို့ ဗြင်ရလေ့မယ်” ဆိုဘီး မိန့်တော်မူလေဟှယ်။
\p
\v 63 ယဇ်ပုရောဟိတ်မန်းဟှာ မိမိဝတ်ယောင်ဟှို ဆုဖ္လဲဘီးဟှာ “နို့လေဟှာ နော့‑က်ထပ် ဖြားသတ်သေလေ လိုသေးဟှယ်နူး။ 
\v 64 ဘုရားသခင်ဟှို ပြစ်မှားဘီး ပြောနေဟှူ စကားဟှို နန်းနို့ ကြားရဂေ့ဘီ။ နန်းနို့ရဲ့ စီရင်ချစ်ဟှ ဖယ်မျိုးနူး” ဆိုဘီး မေးလိုက်ဟှယ်။
\p သူးနို့လေ အားလောင်းဂူဟှာ ကိုယ်တော့်ဟှို သေဒန်ခံထိုက်ဟှယ် ဆိုဘီး စီရင်ဂေ့လေဟှယ်။
\p
\v 65 သူးနို့ထဲဟှတချို့ဟှာ ယေရှုဟှို စဘီးဟှာ ထွီးရယ်န ထွီးဂေ့ဟှယ်။ အယ်ဘီးဟှာ ကိုယ်တော့်ဟှို မျစ်နှာဟှိုဖောင်းဘီး လတ်သီးန ထိုးဂေ့ဟှယ်။ “ဖယ်လူဟှ ရိုက်လိုက်ဟှယ် ဆိုဇာဟှို ပရောဖက်ပြုပါ!” ဆိုဘီး သူးနို့ဟှ ပြောဂေ့ဟှယ်။ အယ်ဘီးဟှာ စောန့်လေဟှာ ကိုယ်တော့်ဟှို ခေါ်ဆောန်းဟှားဘီး ကိုယ်တော့်ဟှို ပါးရိုက်ဂေ့ဟှယ်။
\s ပေတရုဟှ ယေရှုဟှို ငြင်းပယ်ဟှူကြောန်း
\r (မဿဲ ၂၆.၆၉–၇၅; လုကာ ၂၂.၅၆–၆၂; ယောဟန် ၁၈.၁၅–၁၈,၂၅–၂၇)
\p
\v 66 ပေတရုဟှာ အယ်အီဝမ်းထဲမာ ရှိနေဒူးမာ ယဇ်ပုရောဟိတ်မန်းရဲ့ စေခံဝယ်သားလေထဲဟှ တယော့‑က်ဟှာ ရော့‑က်လာဟှယ်။ 
\v 67 အယ်ဝယ်သားဟှာ ပေတရု မီးကန်နေဇာဟှို ဗြင်ဟှူ ခီမာ သူဟှာ သူ့ဟှို စေ့စေ့ကေ့ဘီး “နန်ဟှာလည်း နာဇရက်ဗြို့သား ယေရှုနတူးဒူး ရှိနေဟှယ်” ဆိုဘီး ပြောလေဟှယ်။
\p
\v 68 အယ်ဘေမဲ့ ပေတရုဟှာ “နန်ပြောနေဇာလေဟှို ငါသိဟှ။ ငါနားလည်ဟှ” ဆိုဘီး ငြင်ဘီးဟှာ ပ္လန်ဖြေလိုက်ဟှယ်။ အယ်ဘီးန ခြံဝဟှို ထွပ်ဟှားလေဟှယ်။ အယ်ခီမာဘဲ့ ကြစ်တွန်လေဟှယ်။\f + \fr ၁၄.၆၈ \fr*\ft တချို့ မူရင်းလတ်ရေးမူလေမာ \ft*\fq အယ်ခီမာဘဲ့ ကြစ်တွန်လေဟှယ်၊ \fq*\ft ဆိုဇာဟှာ မှေ့ဟှ။\ft*\f*
\p
\v 69 စေခံဝယ်သားဟှာ ပေတရုဟှို အယ်နေရာမာ တွိဟှူ ခီမာ နားမာရပ်နေဟှူ လူလေဟှို “အယ်လူဟှာ သူးနို့လေထဲဟှ တယော့‑က်ဖြစ်ဟှယ်!” ဆိုဘီး ထပ်ပြောပ္လန်ဟှယ်။ 
\v 70 အယ်ဘေမဲ့ ပေတရုဟှာ နော့‑က်တခါ ငြင်းပ္လန်ဟှယ်။
\p နဲနဲကြာဘီးန နားမာရပ်နေဟှူ လူလေဟှ “နန်ဟှာ မှန်ဘဲ့ သူးနို့ထဲဟှ တယော့‑က်ဖြစ်ဟှယ်။ ဖြားဖြစ်ကြောန့်နူးဆိုဟှာ နန်ဟှလည်း ဂါလိလဲပြည်သား တယော့‑က်ဖြစ်ဟှယ်” ဆိုဘီး သူးနို့ဟှ ပေတရုဟှို စွပ်စွဲဂေ့ဟှယ်။
\p
\v 71 အယ်ဆိုန ပေတရုဟှ “ငါဟှာ မှန်တိုင်း ပြောနေဟှယ် ဆိုဇာဟှို ငါကီရဲဟှယ်။”
\p
\v 72 ရှစ်ရှင်းဘဲ့ ဒုတိယခါ ကြစ်တွန်လေဟှယ်။ အယ်ဆိုန “နန်ဟှာ ငါ့ဟှို သိဟှ ဆိုဘီး သောင်းခါ ငြင်းလေ့မယ်” ဆိုဘီး ယေရှုပြောဟှားဟှူ စကားဟှို ပေတရုဟှာ ဒိရဟှားဟှယ်။ အယ်ဆိုန သူဟှာ ရရာတိုင်း ငိုလေဟှယ်။
\c 15
\s ယေရှုဟှို ပိလတ်ရှေ့ဟှို ခေါ်ဆောန်ဟှားဟှူကြောန်း
\r (မဿဲ ၂၇.၁,၂,၁၁–၁၄; လုကာ ၂၃.၁–၅; ယောဟန် ၁၈.၂၈–၃၈)
\p
\v 1 မိုးလန်းစောစောမာ ယဇ်ပုရောဟိတ်ဂီးလေဟှာ ကျမ်းတတ်ဆရာလေ၊ သတ်ကီးဝါဂီးလေန တရားလွှတ်တော်တခုလောင်းန ဗြန်းဗြန်ဟှား တွိဂေ့ဘီးဟှာ ဆောင်းဖြတ်ဂေ့ဟှယ်။ သူးနို့ဟှာ ယေရှုဟှို တောက်ဂေ့ဘီး ခေါ်ဆောန်ဟှားဟှယ်။ အယ်ဘီးဟှာ ပိလတ်မန်းဟှို အပ်လိုက်ဂေ့ဟှယ်။ 
\v 2 ပိလတ်မန်းဟှ “နန်ဟှာ ယုဒလူမျိုးလေရဲ့ မန်းဂီးလော” ဆိုဘီး ယေရှုဟှို မေးလေဟှယ်။
\p ယေရှုဟှ “မန်းဂီးပြောတိုင်းဘဲ့” ဆိုဘီး ပ္လန်ဖြေလေဟှယ်။
\p
\v 3 ယဇ်ပုရောဟိတ်ဂီးလေဟှာ ယေရှုဟှို မျိုးမျိုးဘဲ့ စွပ်စွဲဂေ့ဟှယ်။ 
\v 4 အယ်ကြောန့် ပိလတ်မန်းဟှာ ယေရှုဟှို “နန်ဟှာ ဖြားလည်းဖြေဘိလော။ သူးနို့လေ အားလောင်းဂူရဲ့ စွပ်စွဲချစ်လေဟှို နားထောန်ကေ့!” ဆိုဘီး ထပ်ဘီးမေးလေဟှယ်။
\p
\v 5 အယ်ဘေမဲ့ ယေရှုဟှာ ခွန်းလည်း ပ္လန်ပြောဘဲန အယ်တိုင်းဘဲ့ နေလေဟှယ်။ အယ်ဆိုန ပိလတ်မန်းဟှာ အံ့ဩဟှားလေဟှယ်။
\s ယေရှုဟှို သေဒန်ခ္လလိုက်ဟှူကြောန်း
\r (မဿဲ ၂၇.၁၅–၂၆; လုကာ ၂၃.၁၃–၂၅; ယောဟန် ၁၈.၃၉—၁၉.၁၆)
\p
\v 6 ပသခါပွဲတိုင်းမာ ပိလတ်မန်းဟှာ ပြည်သူလေ တောန်းဟှူ ထောန်သားတယော့‑က်ဟှို လွှတ်ပေးဟှူ ထောင်းဇံရှိဟှယ်။ 
\v 7 အယ်ခီမာ ဆူပူအုံကြွမှုမာ လူသတ်မှု ကျူးလွန်ဟှူ ပေါင်ကန်သူလေနတူးဒူ ဗာရဗ္ဗ နာမယ်ရှိဟှူ လူတယော့‑က်ဟှာ ထောန်က္လနေဟှယ်။ 
\v 8 လူအောက်ဂီးဟှာ ပိလတ်မန်းနားဟှို စုဝီးလာဘီး လောက်လေ့ရှိဟှူတိုင်း သူးနို့ဟှို လောက်ဆောန်ပေးဟှို့ ပိလတ်မန်းဟှို တောန်းဆိုဂေ့ဟှယ်။ 
\v 9 ပိလတ်မန်းဟှ “နန်းနို့ဟှာ ယုဒလူမျိုးရဲ့ မန်းဂီးဟှို လွှတ်ပေးစေရှင်ဟှယ်လော” ဆိုဘီး သူးနို့ဟှို မေးလေဟှယ်။ 
\v 10 ယဇ်ပုရောဟိတ်ဂီးလေဟှာ ယေရှုဟှို နာလိုဘဲဟှူကြောန့် အပ်ဟှယ်ဆိုဇာ ပိလတ်မန်းဟှာ သိဟှူကြောန့် ဖြစ်ဟှယ်။
\p
\v 11 အယ်ဘေမဲ့ ယဇ်ပုရောဟိတ်ဂီးလေဟှာ ဗာရဗ္ဗဟှိုဘဲ့ လွှတ်ပေးဟှို့တွပ် ပိလတ်မန်းနားမာ တောန်းဆိုဟှို့ လူအောက်ဂီးဟှို နှို့ဆော်ဂေ့ဟှယ်။ 
\v 12 ပိလတ်မန်းဟှ “ယုဒလူမျိုးရဲ့ မန်းဂီး ဆိုဘီး နန်းနို့ခေါ်ဟှူ လူဟှို ငါဖယ်မျိုးလောက်ရဟှို့နူး” ဆိုဘီး လူအောက်ဂီးဟှို ထပ်မေးလေဟှယ်။
\p
\v 13 အယ်လူလေဟှ “သူ့ဟှို ကားစင်တန်ပါ!” ဆိုဘီး အော်ဂေ့ဟှယ်။
\p
\v 14 ပိလတ်မန်းဟှာ “ဖြားဖြစ်ကြောန့်နူး။ အယ်လူဟှ ဖြားပြစ်မှုဟှို ကျူးလွန်ဟှားနူး” ဆိုဘီး မေးလေဟှယ်။
\p လူလေ အားလောင်းဂူဟှာ “သူ့ဟှို ကားစင်တန်ပါ!” ဆိုဘီး ပိုဘီးဟှာ က္လယ်ဟှီးအော်ဂေ့ဟှယ်။
\p
\v 15 ပိလတ်ဟှာ လူအောက်ဂီးဟှို ကျေနပ်စေရှင်ဟှယ်။ အယ်ကြောန့် သူးနို့တွပ် ဗာရဗ္ဗဟှို လွှတ်ပေးလိုက်ဟှယ်။ အယ်ဘီးန သူဟှာ ယေရှုဟှို ကျာပွတ်န ရိုက်စေဘီးဟှာ ကားစင်တန်ဟှို့တွပ် အပ်လေဟှယ်။
\s စစ်သားလေဟှာ ယေရှုဟှို ရယ်ဇားဟှူကြောန်း
\r (မဿဲ ၂၇.၂၇–၃၁; ယောဟန် ၁၉.၂–၃)
\p
\v 16 စစ်သားလေဟှာ ယေရှုဟှို အောက်ချောက်ရေးမှူးရဲ့ အီခြံဝမ်းထဲဟှို ခေါ်ဆောန်ဟှားဘီး တပ်ဖွဲ့တဖွဲ့လောင်းဟှို စုခိုင်းလိုက်ဟှယ်။ 
\v 17 သူးနို့ဟှာ ယေရှုဟှို ခရမ်းရောန် ဝတ်လောင်ဟှို ဝတ်ပေးလိုက်ဟှယ်။ အယ်ဘီးန ဆူးခတ်လေဟှို သရဖူဖြစ် ရစ်လောက်ဘီး ကိုယ်တော့်ဟှို ဆောန်းပေးလိုက်ဟှယ်။ 
\v 18 အယ်ဘီးန ကိုယ်တော့်ဟှို “ယုဒလူမျိုးရဲ့ မန်းဂီး သတ်တော်ရှယ်ပါစေ!” ဆိုဘီး စဘီး နှောက်ဆစ်ဂေ့ဟှယ်။ 
\v 19 သူးနို့ဟှာ ကိုယ်တော်ရဲ့ ခေါန်းဟှို ကျူဒေါက်န ရိုက်ဂေ့ဟှယ်။ ကိုယ်တော့်ဟှိုလည်း ထွီးရယ်န ထွီးဂေ့ဟှယ်။ သူးနို့ရဲ့ ဒူးဟှို ထော့‑က်ဘီးဟှာ ကိုယ်တော့်ဟှို ရှိခိုးဂေ့ဟှယ်။ 
\v 20 သူးနို့ဟှာ ကိုယ်တော့်ဟှို ရယ်ဇားဂေ့ဘီးဟှာ သူးနို့ဟှ ခရမ်းရောန် ဝတ်လောင်ဟှို ခလွတ်ဘီးဟှာ ကိုယ်တော်ရဲ့ ဝတ်ဟှို ပ္လန်ဝတ်ပေးဂေ့ဟှယ်။ အယ်ဘီးန သူးနို့ဟှာ လတ်ဝါးကပ်တိုင်ထတ်မာ သတ်ဟှို့တွပ် ကိုယ်တော့်ဟှို ခေါ်ဟှားဂေ့ဟှယ်။
\s ယေရှုဟှို ကားစင်တန်ဘီး သတ်ဟှူကြောန်း
\r (မဿဲ ၂၇.၃၂–၄၄; လုကာ ၂၃.၂၆–၄၃; ယောဟန် ၁၉.၁၇–၂၇)
\p
\v 21 \x - \xo ၁၅.၂၁ \xo*\xt ရော ၁၆.၁၃\xt*\x* သူးနို့ဟှာ တောဝါဟှနေ ဗြို့ဟှိုတတ်လာဟှူ ရှိမုန်နာမယ်ရှိဟှူ လူတယော့‑က်ဟှို လမ်းမာ တွိလေဟှယ်။ အယ်ဆိုန စစ်သားလေဟှာ ယေရှုရဲ့ လတ်ဝါးကပ်တိုင်ဟှို သူ့ဟှို တန်ဘီးထမ်းခိုင်းလေဟှယ်။ (ရှိမုန်ဟှာ ကုရေနေဗြို့သားဖြစ်ဘီး အာလေဇန္ဒြန ရုဖရဲ့ ဖလည်း ဖြစ်ဟှယ်။) 
\v 22 သူးနို့ဟှာ ယေရှုဟှို ဂေါလဂေါသ ဆိုဘီး ခေါ်ဟှူ နေရာဟှို ခေါ်ဆောန်ဟှားဂေ့ဟှယ်။ ဂေါလဂေါသရဲ့ ဓိပါယ်ဟှ “ဦးခေါန်းခွံနေရာ” ဖြစ်ဟှယ်။ 
\v 23 အယ်နေရာမာ သူးနို့ဟှ မုရန် ဆိုဘီး ခေါ်ဟှူ ဆေးန ရောဟှားဟှူ ဝိုင်ဟှို ကိုယ်တော့်ဟှို တိုက်ဟှို့ ကြိုးစားဂေ့ဟှယ်။ အယ်ဘေမဲ့ ယေရှုဟှ သော့‑က်ဟှ။ 
\v 24 အယ်ဘီးန သူးနို့ဟှာ ကိုယ်တော့်ဟှို ကားစင်တန်ဘီး သတ်ဂေ့ဘီးဟှာ ဝတ်ရဲ့ ဖြားပိုင်းဟှို ဖယ်လူဟှရဟှယ် ဆိုဇာဟှို ဗြင်ဟှို့တွပ် မဲနှိုက်ဘီး သူးနို့ရှင်းရှင်းထဲမာ ကိုယ်တော်ရဲ့ ဝတ်ဟှို ခွဲဝီဂေ့ဟှယ်။ 
\v 25 သူးနို့ဟှာ ကိုယ်တော့်ဟှို ကားစင်တန်ဘီး သတ်ဟှူ ခီဟှာ မိုးလန်း ကိုးနာရီ ဖြစ်ဟှယ်။ 
\v 26 ကိုယ်တော့်ဟှို ဆန့်ကျင်ဘီး စွတ်စွဲချစ်ဟှို ရေးဟှားဟှူစာမာ “ယုဒမန်းဂီး” ဆိုဘီး ဖြစ်ဟှယ်။ 
\v 27 သူးနို့ဟှာ ယေရှုနတူးဒူ မ္လနှေ့ယော့‑က်ဟှိုလည်း ဘယ်ဖတ်မာ တယော့‑က် ညာဖတ်မာ တယော့‑က် ထားဘီးဟှာ ကားစင်တန်ဂေ့ဟှယ်။ 
\v 28 \f + \fr ၁၅.၂၈ \fr*\ft တချို့ မူရင်းလတ်ရေးမူလေမာ ခန်းငယ် ၂၈ ဟှို၊ \ft*\fqa အယ်နည်းလမ်းဟှာ ကျမ်းစာစစ်မှန် ဖြစ်လာမယ် ဆိုဘီး ပြောဟှားဇာဟှ “ကိုယ်တော်ဟှာ ရာဇဝတ်ကောန်လေရဲ့ စာရင်းထဲမာ ပါဝမ်ဟှားလေဟှယ်၊” \fqa*\ft ဆိုဘီး ထပ်ပေါန်းထဲ့ဟှားဟှယ် (ရှု \ft*\xt လု ၂၂.၃၇\xt*)။\f*
\p
\v 29 \x - \xo ၁၅.၂၉ \xo*\xt မာ ၁၄.၅၈; ယော ၂.၁၉\xt*\x*ဖြတ်သွားဖြတ်လာလောက်နေဟှူ လူလေဟှာ ခေါန်းခါဘီးဟှာ ယေရှုဟှို ကဲ့ရဲ့လိုက်ဇာဟှ “ဟင်! ဗိမာန်တော်ဟှိုဖြိုခ္လဘီး သောင်းရစ်ထဲမာ ပ္လန်ဆော့‑က်ဟှို့လူ! 
\v 30 ခု လတ်ဝါးကပ်တိုင်ဟှနေ ဆင်းလာဘီးဟှာ နန့်ကိုယ်နန် ကယ်တန်ပါ!”
\p
\v 31 အယ်မျိုးဘဲ့ ယဇ်ပုရောဟိတ်ဂီးလေန ကျမ်းတတ်ဆရာလေဟှာ ယေရှုဟှို ရယ်ဇားဂေ့ဘီး၊ ယော့‑က်နယော့‑က်ပြောနေဇာဟှ “အယ်လူဟှာ တခြားလူလေဟှို ကယ်ဟှယ်။ အယ်ဘေမဲ့ သူ့ကိုယ်သူလော ကယ်နိုင်ဟှမား! 
\v 32 ဣသရေလမန်းဂီး၊ ကယ်တန်ရှင် ခရစ်တော်ဟှာ ခုဘဲ့ လတ်ဝါးကပ်တိုင်ဟှနေ ဆင်းလာဇာဟှို နို့လေဗြင်ရမယ် ဆိုဟှာ နို့လေဟှ ယောင်ကြည်မယ်!”
\p အယ်ဘီးဟှာ ယေရှုနတူးဒူ ကားစင်တန်ဘီး သတ်ခံရဟှူ လူနှေ့ယော့‑က်ဟှလည်း ယေရှုဟှို ရယ်ဇားဂေ့ဟှယ်။
\s ယေရှုရဲ့ သေဆောင်းမှုကြောန်း
\r (မဿဲ ၂၇.၄၅–၅၆; လုကာ ၂၃.၄၄–၄၉; ယောဟန် ၁၉.၂၈–၃၀)
\p
\v 33 မွန်းဒဲ့ခီမာ တနိုင်ငံလောင်းဟှာ မှောန်က္လဟှားဘီး၊ အယ်ဇာဟှာ သောင်းနာရီကြာလေဟှယ်။ 
\v 34 နေဒန်သောင်းနာရီမာ ယေရှုဟှာ \tl “ဧလိ၊ ဧလိ၊ လာမ ရှာဗခသနိ”\tl* ဆိုဘီး သံက္လယ်ဂီးန အော်လိုက်ဟှယ်။ အယ်ဓိပါယ်ဟှ “ကျွန်တော့် ဘုရားသခင်၊ ကျွန်တော့် ဘုရားသခင် ဖြားဖြစ်ကြောန့် ကျွန်တော့်ဟှို စွန့်ပစ်နူး” ဆိုဘီး ဖြစ်လေဟှယ်။
\p
\v 35 နားမာရပ်နေဟှူ လူတချို့ဟှာ အယ်စကားဟှို ကြားဟှူ ခီမာ သူးနို့ဟှ “နားထောန်ကေ့။ သူဟှာ ဧလိယဟှို ခေါ်နေဟှယ်!” ဆိုဘီး ပြောဂေ့ဟှယ်။ 
\v 36 သူးနို့ထဲဟှ တယော့‑က်ဟှာ ဝိုင်ရှင်ထဲမာ နှစ်ဟှားဟှူ ရေမ္လောက်န ပ္လေးလာဟှယ်။ အယ်ဘီးဟှာ အယ်ဇာဟှို ကျူဒေါက်ဖျားမာ တတ်လေဟှယ်။ အယ်ဘီးန သူဟှာ ယေရှုရဲ့ ဇတ်ပေါ့‑က်မာ ထားပေးလိုက်ဘီးဟှာ “စောန့်ပါအူး! ဧလိယဟှာ သူ့ဟှို လတ်ဝါးကပ်တိုင်ဟှနေ အော့‑က်ဟှို ယူခ္လဟှို့တွပ် လာနေဟှယ် ဆိုဇာဟှို နို့လေကေ့ကေ့ဇို့!” ဆိုဘီး ပြောဟှယ်။
\p
\v 37 သံက္လယ်ဂီး အော်ဘီးန ယေရှုဟှာ သတ်ချောက်တော်မူလေဟှယ်။
\p
\v 38 ဗိမာန်တော်ရဲ့လိုက်ကာဟှာ ထတ်ဟှနေအော့‑က်ထိ နှေ့ခြမ်းကွဲဟှားဟှယ်။ 
\v 39 လတ်ဝါးကပ်တိုင်ရှေ့မာ ရပ်နေဟှူ တပ်မှူးဟှာ ယေရှု ဖယ်မျိုးသေဟှားဟှယ်\f + \fr ၁၅.၃၉ \fr*\fq သေဟှားဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa အော်ဘီးဟှာ သေဟှားဟှယ်၊ \fqa*\ft ဆိုဘီး ပါရှိဟှယ်။\ft*\f*ဆိုဇာဟှို ဗြင်ဟှားဟှယ် “အယ်လူဟှာ မှန်ဘဲ့ ဘုရားသခင်ရဲ့ သားတော်ဖြစ်ဟှယ်!” ဆိုဘီး ပြောလေဟှယ်။
\p
\v 40 \x - \xo ၁၅.၄၀,၄၁ \xo*\xt လု ၈.၂,၃\xt*\x*အယ်နေရာမာ ရှိနေဟှူ မီးမတချို့ဟှာ ဝီးဟှနေဘီး ကေ့နေဂေ့ဟှယ်။ အယ်မီးမလေထဲမာ မာဂဒလဗြို့သူ မာရိ၊ ယာကုပ်ငယ်န ယောသေလေရဲ့မိဖြစ်ဟှူ မာရိန ရှာလုံလေ ရှိနေဟှယ်။ 
\v 41 ယေရှုဟှာ ဂါလိလဲနယ်မာ ရှိနေဒူးဟှ၊ သူးနို့ဟှာ ကိုယ်တော့်နော့‑က်ဟှိုလိုက်ဘီး လောက်ကျွေးပြုဇူဂေ့ဟှယ်။ အယ်နေရာမာ ကိုယ်တော်နတူးဒူ ယေရုရှလင်ဗြို့ဟှို လိုက်လာဟှူ တခြားမီးမလေလည်း ဘောင်ဂီးရှိနေဂေ့ဟှယ်။
\s ယေရှုဟှို သင်္ဂြိုဟ်ဟှူကြောန်း
\r (မဿဲ ၂၇.၅၇–၆၁; လုကာ ၂၃.၅၀–၅၆; ယောဟန် ၁၉.၃၈–၄၂)
\p
\v 42 အယ်နေ့ဟှာ ဖိနေ့ဖြစ်ဟှယ် (အယ်နေ့ဟှာ ဒန်းနေ့တိုင်ခန်နေ့ဖြစ်ဟှယ်)။ အယ်ကြောန့် နေဒန်ဇာရော့‑က်လာဟှူ ခီမာ၊ 
\v 43 တရားလွတ်တော်ရဲ့ လေးစားခံရဟှူ ဖွဲ့ဝမ်တယော့‑က်ဖြစ်ဘီး၊ ဘုရားသခင်ရဲ့ နိုင်ငံတော်ဟှို စောန့်မျှော်နေဟှူ အရိမဿဲဗြို့သား ယောသပ်ဟှာ ယေရှုရဲ့လောန်းဟှို တောန်းဟှို့တွပ် ပိလတ်နားဟှို ရဲရဲတန်းတန်းဟှားဘဲ့ ဝမ်းဟှားလေဟှယ်။ 
\v 44 ပိလတ်ဟှာ ယေရှုသေဟှားဘီး ဆိုဇာဟှို ကြားဟှူ ခီမာ အံ့ဩဟှားလေဟှယ်။ သူဟှာ တပ်မှူးဟှို ခေါ်လိုက်ဘီး ယေရှုသေဟှားဇာ ကြာဟှားဘီလော ဆိုဇာဟှို မေးလေဟှယ်။ 
\v 45 သေဟှားဘီ ဆိုဘီး တပ်မှူးရဲ့စီရင်ခံဇာဟှို ကြားရဟှူ ခီမာ ပိလတ်ဟှာ ယောသပ်ဟှို လောန်းဟှိုပေးလိုက်ဟှယ်။ 
\v 46 အယ်ကြောန့် ယောသပ်ဟှာ ပိဖ္လူဟှို ဝယ်ဘီး၊ လောန်းဟှို ယူခ္လဘီး ပိဖ္လူန ပတ်လေဟှယ်။ အယ်ဘီးဟှာ က္လော့‑က်ဆောန်ဟှို ထွမ်းဟှားဟှူ သန်းခ္လိုင်းဂူထဲမာ လောန်းဟှို ထားဟှားလေဟှယ်။ အယ်ဘီးန သူဟှာ သန်းခ္လိုင်းဂူဝဟှို က္လော့‑က်တောင်းဂီးန ပိဟှားလိုက်ဟှယ်။ 
\v 47 မာဂဒလဗြို့သူ မာရိန ယောသေရဲ့မိ မာရိဟှာ စောန့်ကေ့နေဂေ့ဘီး ယေရှုရဲ့လောန်းထားဟှားဟှူ နေရာဟှို တွိဗြင်ဂေ့ဟှယ်။
\c 16
\s ရှင်ပ္လန်ထမြော့‑က်ဟှူကြောန်း
\r (မဿဲ ၂၈.၁–၈; လုကာ ၂၄.၁–၁၂; ယောဟန် ၂၀.၁–၁၀)
\p
\v 1 ဒန်းနေ့လွန်ဘီးန မာဂဒလဗြို့သူ မာရိ၊ ယာကုပ်ရဲ့မိ မာရိန ရှာလုံဟှာ ယေရှုရဲ့လောန်းဟှို လူးပေးဟှို့တွပ် နံ့သာလေဟှို ဝယ်ယူဂေ့ဟှယ်။ 
\v 2 နန်းနွေနေ့ မိုးလန်းစောစော နေထွပ်ခီမာ သူးနို့ဟှာ သန်းခ္လိုင်းဟှို သွားဂေ့ဟှယ်။ 
\v 3 သူးနို့ဟှ “သန်းခ္လိုင်းရဲ့ ဂူဝဟှနေ က္လော့‑က်တောင်းဟှို ဖယ်သူဟှ တွန်းဖယ်ပေးဟှို့နူး” ဆိုဘီး ယော့‑က်နယော့‑က် မေးနေဂေ့ဟှယ်။ 
\v 4 အယ်ဘေမဲ့ သူးနို့ဟှာ ကေ့လိုက်ဟှူ ခီမာ ရရာတိုင်း ကီးဟှူ အယ်က္လော့‑က်တောင်းဟှို တွန်းဖယ်ဟှားဘီးသား ဖြစ်နေဇာဟှို သူးနို့ဟှာ တွိဟှားဂေ့ဟှယ်။ 
\v 5 အယ်ကြောန့် သူးနို့ဟှာ သန်းခ္လိုင်းဂူထဲဟှို ဝမ်ဟှားဘီး၊ အယ်နေရာမာ ဝတ်လောင်ဖ္လူ ဝတ်ဟှားဟှူ လူငယ်တယော့‑က်ဟှာ ညာဖတ်မာ ထိုင်နေဇာဟှို ဗြင်ဟှားလေဟှယ်။ အယ်န သူးနို့ဟှာ ထိလန့်ဟှားဂေ့ဟှယ်။
\p
\v 6 အယ်လူဟှ “လန့်ဂေ့န။ နန်းနို့ဟှာ ကားစင်တန်ခံရဟှူ နာဇရက်ဗြို့သားယေရှုဟှို ရှာနေဟှယ် ဆိုဇာဟှို ငါသိဟှယ်။ ကိုယ်တော်ဟှ အယ်နေရာမာ မှေ့ဟှမ်း ကိုယ်တော်ဟှ ထမြော့‑က်ဟှားဘီ! ကေ့ကေ့၊ အယ်နေရာဟှာ ကိုယ်တော့်ဟှို ထားဟှူနေရာဖြစ်ဟှယ်။ 
\v 7 \x - \xo ၁၆.၇ \xo*\xt မ ၂၆.၃၂; မာ ၁၄.၂၈\xt*\x*နန်းနို့ဟှာ ပေတရုန တခြားတဗဲ့တော်လေနားဟှို သွားဘီးဟှာ ‘ကိုယ်တော်ဟှာ ဂါလိလဲပြည်ဟှို ရင်ဦးဆောင်း သွားမယ်။ နန်းနို့ဟှို ကိုယ်တော် ပြောဟှားဟှူ တိုင်းဘဲ့ အယ်နေရာမာ နန်းနို့ဟှာ ကိုယ်တော့်ဟှို တွိရလေ့မယ် ဆိုဘီး ပြောဂေ့ပါ။’ ”
\p
\v 8 အယ်ကြောန့် မီးမဂီးလေဟှာ စိုးရိမ်ထိလန့်ဘီး သန်းခ္လိုင်းဂူဟှနေ ထွပ်လာဘီး ပ္လေးဟှားဂေ့ဟှယ်။ သူးနို့ဟှာ ကြော့‑က်နေဂေ့ကြောန့် ဖယ်သူဟှိုလည်း ဖြားလည်းပြောဂေ့ဟှ။
\ms ဒန်းကောန်း နည်းဟောန်းဆောင်းသတ်တမျိုး\f + \fr ၁၆.၈ \fr*\ft တချို့ မူရင်းလတ်ရေးမူလေန ရှေးဟောန်း ဘာသာပ္လန်လေမာ ဒန်းကောန်းဟှို အယ်မျိုး ဆောန်းသတ်ဇာ မှေ့ဟှ (ခန်းငယ် ၉–၂၀)။\ft*\f*
\s ယေရှုဟှာ မာဂဒလဗြို့သူ မာရိဟှို ကိုယ်ထန်ပြဟှူကြောန်း
\r (မဿဲ ၂၈.၉–၁၀; ယောဟန် ၂၀.၁၁–၁၈)
\p [ 
\v 9 ယေရှုဟှာ နန်းနွေနေ့ မိုးလန်းစောစောမာ သေရာဟှနေ ထမြော့‑က်ဘီးန၊ ကိုယ်တော်ဟှာ နတ်ဆိုးခွန်နစ်ကောန် ထွပ်ဟှားဟှူ မာဂဒလဗြို့သူ မာရိဟှို ရင်ဦးဆောင်း ကိုယ်ထန်ရှားပြဟှယ်။ 
\v 10 သူဟှာ ကိုယ်တော်ရဲ့ ပေါန်းဖော်လေနားဟှို သွားဘီး ပြောလေဟှယ်။ သူးနို့ဟှာ မြည်တမ်း ငိုကြွေနေဘီး 
\v 11 အယ်ဘီးဟှာ ယေရှုဟှာ သတ်ရှင်နေဟှယ် ဆိုဇာန သူဟှာ ကိုယ်တော့်ဟှို တွိလိုက်ဟှယ် ဆိုဘီး သူ့ရဲ့ ပြောဟှူစကားဟှို သူးနို့ကြားလိုက်ဟှူ ခီမာ သူးနို့ဟှာ သူ့ဟှို ယောင်ကြည်ဂေ့ဟှ။
\s ယေရှုဟှာ တဗဲ့တော်နှေ့ပါးဟှို ကိုယ်ထန်ပြဟှူကြောန်း
\r (လုကာ ၂၄.၁၃–၃၅)
\p
\v 12 အယ်ဘီးန သူးနို့ထဲဟှ နှေ့ယော့‑က်ဟှာ တောဝါဟှို လမ်းရှော့‑က်သွားနေဒူးမာ ယေရှုဟှာ ခြားနားဟှူ ပေါင်စံန သူးနို့ဟှို ကိုယ်ထန်ရှားပြဟှယ်။ 
\v 13 သူးနို့ဟှာ တခြားလူလေနားဟှို ပ္လန်ဟှားဘီးဟှာ ပြောပြလေဟှယ်။ အယ်ဘေမဲ့ အယ်ဒန်းဟှို သူးနို့ဟှာ ယောင်ကြည်ဂေ့ဟှ။
\s ယေရှုဟှာ တဗဲ့တော်ဆယ့်တပါးဟှို ကိုယ်ထန်ပြဟှူကြောန်း
\r (မဿဲ ၂၈.၁၆–၂၀; လုကာ ၂၄.၃၆–၄၉; ယောဟန် ၂၀.၁၉–၂၃; တမန်တော် ၁.၆–၈)
\p
\v 14 အယ်ဘီးန တဗဲ့တော်ဆယ့်တပါး စားသော့‑က်နေဟှူ ခီမာ ယေရှုဟှာ သူးနို့ဟှို ကိုယ်ထန်ရှားပြလေဟှယ်။ သူးနို့ဟှာ ယောင်ကြည်ဘဲန စိနှလောင်းမာကျောနေဘီး ကိုယ်တော် ထမြော့‑က်ဘီးန ကိုယ်တော့်ဟှို တွိရဟှူ လူလေရဲ့စကားဟှို ယောင်ကြည်ဘဲဟှူကြောန့် ယေရှုဟှာ သူးနို့ဟှို ဆောင်းမလေဟှယ်။ 
\v 15 \x - \xo ၁၆.၁၅ \xo*\xt တ ၁.၈\xt*\x*ကိုယ်တော်ဟှ သူးနို့ဟှို “တကမ္ဘာလောင်းဟှို ပ္လံ့နှံ့သွားဘီး လူ့သားမျိုးနွယ် တခုလောင်းဟှို ဒန်းကောန်းဟှို ဟောပြောဂေ့။ 
\v 16 ယောင်ကြည်ဘီး ဗတ္တိဇံခံဟှူလူ မှန်မျှဟှာ ကယ်တန်ခံရလေ့မယ်၊ ယောင်ကြည်ဘဲဟှူ လူမှန်မျှဟှာ ပြစ်စီရင်ခံရလေ့မယ်။ 
\v 17 ယောင်ကြည်သူလေဟှာ နိမိတ်လတ်ခဏာလေ ပြဟှို့တွပ် တဂိုးဟှို ပေးအပ်ခံရလေ့မယ်၊ သူးနို့ဟှာ ငါ့နာမဟှို အားကိုးဘီး နတ်ဆိုးလေဟှို နှန်ထုဂေ့လေ့မယ်၊ သူးနို့ဟှာ ထူးဆန်းဟှူ ဘာသာစကားလေဟှို ပြောဂေ့လေ့မယ်၊ 
\v 18 သူးနို့ဟှာ ဗွီလေဟှို ကိုင်ဂေ့လေ့မယ်။ သေစေတတ်ဟှူ ဖြားမျိုးဆိလေဘဲ့ဖြစ်ဖြစ် သော့‑က်မယ် ဆိုဟှာ ဥပါဒ်ဖြစ်ဟှ။ ကျန်းမာဘဲဟှူ လူနာလေထတ်မာ လတ်တန်ဟှူ ခီမာ လူနာလေဟှာ ကျန်းမာဟှားလေ့မယ်” ဆိုဘီး မိန့်တော်မူလေဟှယ်။
\s ယေရှုဟှာ ကောန်းဂန်ဟှို ယူဆောန်ခံရဟှူကြောန်း
\r (လုကာ ၂၄.၅၀–၅၃; တမန်တော် ၁.၉–၁၁)
\p
\v 19 \x - \xo ၁၆.၁၉ \xo*\xt တ ၁.၉–၁၁\xt*\x*သခင်ယေရှုဟှာ သူးနို့န စကားပြောဘီးန ကောန်းဂန်ဘောင်ဟှို ယူဆောင်ခံရဘီးဟှာ ဘုရားသခင်ရဲ့ ညာဖတ်မာ ထိုင်နေလေဟှယ်။ 
\v 20 တဗဲ့တော်လေဟှာ နေရာရှိမျှဟှို သွားဘီးဟှာ ဟောပြောဂေ့ဟှယ်။ အယ်ဘီးဟှာ သခင်ဘုရားဟှာ သူးနို့လေနတူးဒူ လောက်ဆောန်နေဘီး အယ်မျိုးလောက်ဆောန်ဟှူ နိမိတ်လတ်ခဏာလေအားဖြင့် သူးနို့ရဲ့ တရားဟောချစ်ဟှာ မှန်ဟှယ် ဆိုဇာဟှို သတ်သေပြလေဟှယ်။]
\ms တခြားကျမ်းဟောန်းဆောင်းသတ်\f + \fr ၁၆.၂၀ \fr*\ft တချို့ မူရင်းလတ်ရေးမူလေန ရှေးဟောန်း ဘာသာပ္လန်လေမာ အယ်မျိုးတိုးတိုဟှား ဆောင်းသတ်ဟှားဟှူ ဒန်းကောန်မာ ပိုဘီးရှယ်ဟှူ ဆောင်းသတ်ဟှို ထပ်ပေါန်းထဲ့ဟှားဇာလေ ရှိလေဟှယ် (ခန်းငယ် ၉–၂၀)။\ft*\f*
\p [