\id MAT - Dawei Bible Translation
\usfm 3.0
\ide UTF-8
\ide 65001 - Unicode (UTF-8)
\h မဿဲ
\toc1 မ​ဿဲ ရေးဟှားဟှူ ခရစ်တော်ရဲ့ ဒန်း​ကောန်း
\toc2 မဿဲ
\toc3 မ
\mt1 မဿဲ
\mt2 ရေးဟှားဟှူ ခရစ်တော်ရဲ့ ဒန်းကောန်း
\imt နိဒါန်း
\ip \bk မဿဲ ရေးဟှားဟှူ ခရစ်တော်ရဲ့ ဒန်းကောန်း\bk*ဟှာ ဓမ္မသစ်ကျမ်းထဲမာ ယေရှုခရစ်တော်ရဲ့ သတ်တော်စဉ်ဟှို ဖော်ပြဟှားဟှူ ကျမ်းလေးစောန်ထဲဟှ တစောန်ဖြစ်ဟှယ်။ အယ်ကျမ်းတစောန်စီဟှို “ဧဝံဂေလိ” ဆိုဘီး ခေါ်ဟှယ်။ “ဒန်းကောန်း” ဆိုဘီး ဓိပါယ်ရဟှယ်။ ယေရှု သေဆောင်းဘီးန အယ်ကျမ်းလေဟှို မဿဲ၊ မာကု၊ လုကာန ယောဟန်လေဟှ ရေးဟှားဟှယ်။ ကျမ်းစာပညာရှင်လေဟှာ မဿဲရေးဟှားဟှူ ဒန်းကောန်းရဲ့ နေ့ရစ်ဟှို တိတိက္လက္လ သိဂေ့ဟှ။ အယ်ဘေမဲ့ အယ်ကျမ်းဟှာ ခရစ်တော် မွီးဘီးန ၆၀ ခုနှစ်လောက်ဟှ ဖြစ်နိုင်ဟှယ်။ အယ်ကျမ်းဟှို ရေးသားဟှူ နေရာဟှိုလည်း သိဂေ့ဟှ။ အယ်ဘေမဲ့ အယ်ကျမ်းဟှို ပါလတိန (ပါလက်စတိုင်း) န ယေရုရှလင်ဗြို့မာ ရေးဟှားဟှယ် ဆိုဘီး မျိုးမျိုး ခန့်မှန်းဂေ့ဟှယ်။
\ip \bk မဿဲ\bk*ဟှာ ကျမ်းရေးသူဖြစ်ဘီး ယေရှုရဲ့ တဗဲ့ ဖြစ်လာဟှို့တွပ် ကိုယ်တော်ခေါ်ခန်ဒူးဟှ သူဟှာ ခွန်ကော့‑က်မား တယော့‑က်ဖြစ်ဟှယ်။ သူ့ဟှို လေဝိ နာမယ်နလည်း သိဂေ့ဟှယ်။ မဿဲဟှာ တမန်တော် ဆယ့်နှေ့ပါးထဲဟှ တပါးဖြစ်ဘီး သူဟှာ ယုဒလူမျိုး စာဖတ်မားလေတွပ် ရေးဟှားဟှယ်။ အယ်မူဇာဟှာ ဓမ္မဟောန်းကျမ်းဟှို ရည်ညွန်းဟှားဟှူ ကျမ်းပိုဒ်ပေါန်း ခြော့‑က်ဆယ်ကျော်အားဖြင့် ရှင်းရှင်းလန်းလန်းဟှား ဗြင်နိုင်ဟှယ်။ ယေရှုဟှာ ပရောဖက်ပြုခံဟှားရဟှူ၊ ဘုရားသခင်ရဲ့ ဝီးချယ်ဟှားဟှူ ကယ်တန်ရှင် မေရှိယဖြစ်ဟှယ် ဆိုဇာဟှို ပြဟှို့တွပ် မဿဲဟှ ရည်ရွယ်လေဟှယ်။ မဿဲဟှာ ဘုရားသခင်ရဲ့ နိုင်ငံတော်ကြောန်းဟှိုလည်း ဘောင်ဂီး ရေးဟှားဟှယ်။ ယုဒလေဟှာ မေရှိယဟှို နိုင်ငံရေးနဆိုင်ဟှူ နိုင်ငံရဲ့ မန်းဂီး ဖြစ်လာဟှို့တွပ် မျှော်လင့်ဟှားဟှယ်။ မဿဲဟှာ ဝိညာဉ်ရေးန ဆိုင်ဟှူ ဘုရားသခင်ရဲ့ နိုင်ငံတော်ဟှို ဖော်ပြလိုက်ဇာအားဖြင့် အယ်မျိုး ယောင်ကြည်မှုတွပ် ကီးမားဟှူ စိန်ခေါ်မှုဖြစ်ဟှယ်။
\ip အယ်ကျမ်းရဲ့ ရည်ညွန်းချစ်လေ အားလောင်းဟှာ ဓမ္မဟောန်းကျမ်းဟှို ရည်ညွန်းဟှားဟှူကြောန့် မဿဲရေးဟှားဟှူ ဒန်းကောန်းဟှာ ဓမ္မသစ်ကျမ်း စပြုဟှို့တွပ် ကျမ်းကောန်းတဆူ ဖြစ်လေဟှယ်။ အယ်ကျမ်းဟှာ ကျမ်းနှေ့စောန်လောင်းဟှို ခိဆစ်ပေးဟှားဟှယ်။ မဿဲဟှာ ဓမ္မဟောန်းကျမ်းရဲ့ ပထမဆောင်း ငါးကျမ်းဖြစ်ဟှူ မောရှေရဲ့ ကျမ်းလေရဲ့ ပေါင်စံနတူဟှို့တွပ် ကြိုးစားဟှားနိုင်ဟှယ် ဆိုဘီး ကျမ်းစာပညာရှင်လေဟှလည်း ကြံပြုဟှားလေဟှယ်။ ယေရှုရဲ့ တောန်ထတ်တရားတော်ဟှာ (\xt ၅—၇\xt*) မောရှေဟှို ဘုရားသခင်ပေးလိုက်ဟှူ ပညတ်တော်န နှိုင်းယှဉ်ကေ့နိုင်ဟှယ် (တရားဟောရာကျမ်း ၁၉.၃—၂၃.၃၃)။
\iot ကြောန်းရာ ကျဉ်းချောက်
\io1 ၁။ မဿဲဟှာ ယေရှုခရစ်တော်ရဲ့ မွီးဖွားဟှူကြောန်းဖြစ်ဟှူ ဧဝံဂေလိ ဒန်းကောန်းဟှို ပြောပြဟှားဟှူဇာန ကိုယ်တော်ရဲ့ သာသနာ စပြုဟှူဇာအားဖြင့် စတန်ဟှားဟှူကြောန်း \ior (၁.၁—၄.၂၅)\ior*
\io1 ၂။ မဿဲဟှ ယေရှုရဲ့ သာသနာန ကိုယ်တော်ရဲ့ သွန်သန်ချစ် ဘောင်းဂီးဟှို ဖော်ပြဟှားဟှူကြောန်း \ior (၅.၁—၂၅.၄၆)\ior*
\io1 ၃။ မဿဲရဲ့ ဆောင်းသတ်ပိုင်းမာ ကိုယ်တော်ရဲ့ သေဟှားဟှူဇာန ထမြော့‑က်ဇာဟှာ ယေရှုသာသနာရဲ့ ဇာတ်ရှီဗြင့်ဆောင်း ဖြစ်ဟှူကြောန်း \ior (၂၆.၁—၂၈.၂၀)\ior*
\ie
\c 1
\s ယေရှုခရစ်တော်ရဲ့ ဘိုးဘေးလေကြောန်း
\r (လုကာ ၃.၂၃–၃၈)
\lh
\v 1 အာဗြဟံန ဒါဝိဒ်လေဟှနေဘီးဟှာ မွီးဖွားဆင်းသတ်လာဟှူ­ ယေရှုခရစ်တော်ရဲ့ ဆွေဇင်မျိုးဆစ်စာရင်းမာ အယ်မူမျိုးဖြစ်လေဟှယ်။
\b
\li1
\v 2 အာဗြဟံဟှာ ဣဇာက်ရဲ့ဖ ဖြစ်ဟှယ်။
\li1 ဣဇာက်ဟှာ ယာကုပ်ရဲ့ဖ၊
\li1 ယာကုပ်ဟှာ ယုဒန သူ့ညီကိုလေရဲ့ဖ၊
\li1
\v 3 ယုဒဟှာ တာမာနရဟှူ သားလေဖြစ်ဟှူ ဖာရက်န ဇာရရဲ့ဖ၊
\li1 ဖာရက်ဟှာ ဟေဇရုံရဲ့ဖ၊
\li1 ဟေဇရုံဟှာ အာရံရဲ့ဖ၊
\li1
\v 4 အာရံဟှာ အမိနဒပ်ရဲ့ဖ၊
\li1 အမိနဒပ်ဟှာ နာရှုန်ရဲ့ဖ၊
\li1 နာရှုန်ဟှာ စာလမုန်ရဲ့ဖ၊
\li1
\v 5 စာလမုန်ဟှာ ရာခပ်နရဟှူ ဗောဇရဲ့ဖ၊
\li1 ဗောဇဟှာ ရုသနရဟှူ သြဗက်ရဲ့ဖ၊
\li1 ဩဗက်ဟှာ ယေရှဲရဲ့ဖ၊
\li1
\v 6 ယေရှဲဟှာ ဒါဝိဒ်မန်းဂီးရဲ့ဖ။
\b
\p ဒါဝိဒ်မန်းဂီးဟှာ ဥရိယရဲ့မယားဖြစ်ဖူးဟှူ မီးမနရဟှူသား ရှောလမုန်ရဲ့ဖ ဖြစ်လေဟှယ်။
\li1
\v 7 ရှောလမုန်ဟှာ ရောဗောင်ရဲ့ဖ၊
\li1 ရောဗောင်ဟှာ အဘိယရဲ့ဖ၊
\li1 အဘိယဟှာ အာသရဲ့ဖ၊
\li1
\v 8 အာသဟှာ ယောရှဖက်ရဲ့ဖ၊ ယောရှဖက်ဟှာ ယဟောရံရဲ့ဖ၊
\li1 ယဟောရံဟှာ ဩဇိရဲ့ဖ၊
\li1
\v 9 ဩဇိဟှာ ယောသံရဲ့ဖ၊
\li1 ယောသံဟှာ အာခတ်ရဲ့ဖ၊
\li1 အာခတ်ဟှာ ဟေဇကိရဲ့ဖ၊
\li1
\v 10 ဟေဇကိဟှာ မနာရှေရဲ့ဖ၊
\li1 မနာရှေဟှာ အာမုန်ရဲ့ဖ၊
\li1 အာမုန်ဟှာ ယောရှိရဲ့ဖ၊
\li1
\v 11 ဗာဗုလုန်ဗြို့ဟှို ဣသရေလလူမျိုးလေ ဖမ်းဆောန်ခံရဟှူ ခီမာ ယောရှိရဲ့သားလေဟှ ယေခေါနိန ညီကိုလေဖြစ်လေဟှယ်။
\b
\lh
\v 12 ဗာဗုလုန်ဗြို့ဟှို ဣသရေလလူမျိုးလေ ဖမ်းဆောန်ခံရဘီးန
\li1 ယေခေါနိဟှာ ရှာလသေလရဲ့ဖ ဖြစ်ဟှယ်။
\li1 ရှာလသေလဟှာ ဇေရုဗဗေလရဲ့ဖ၊
\li1
\v 13 ဇေရုဗဗေလဟှာ အာဗျုန်ရဲ့ဖ၊
\li1 အာဗျုန်ဟှာ ဧလျာကိမ်ရဲ့ဖ၊
\li1 ဧလျာကိမ်ဟှာ အာဇော်ရဲ့ဖ၊
\li1
\v 14 အာဇော်ဟှာ ဇာဒုတ်ရဲ့ဖ၊
\li1 ဇာဒုတ်ဟှာ အာခိမ်ရဲ့ဖ၊
\li1 အာခိမ်ဟှာ ဧလုဒ်ရဲ့ဖ၊
\li1
\v 15 ဧလုဒ်ဟှာ ဧလာဇာရဲ့ဖ၊
\li1 ဧလာဇာဟှာ မဿန်ရဲ့ဖ၊
\li1 မဿန်ဟှာ ယာကုပ်ရဲ့ဖ၊
\li1
\v 16 ယာကုပ်ရဲ့သားဟှာ မာရိရဲ့လန် ယောသပ် ဖြစ်လေဟှယ်။ အယ်မူမာရိဟှာ ခရစ်တော်\f + \fr ၁.၁၆ \fr*\fk ခရစ်တော်၊ \fk*\ft မန်းဂီးရာတွပ် ဘုရားသခင်ဟှ ဝီးချယ်ဟှားဟှူ ကယ်တန်ရှင် ဆိုဘီး ဓိပါယ်ရဟှယ်။\ft*\f* ဆိုဘီး နာမယ်ရှိဟှူ ယေရှုရဲ့မိ ဖြစ်လေဟှယ်။
\b
\lf
\v 17 အယ်မူမျိုး မျိုးဆစ်ပေါန်းဟှာ အာဗြဟံဟှနေဘီး ဒါဝိဒ်ထိ ဆယ့်လေးဆစ်၊ ဒါဝိဒ်ဟှနေဘီး ဗာဗုလုန်ဗြို့ဟှို နယ်နှင်ဒဏ် ခံရခန်ခီထိ ဆယ့်လေးဆစ်၊ ဗာဗုလုန်ဗြို့ဟှို နယ်နှင်ဒဏ် ခံရဘီးန ခရစ်တော် မွီးလာဟှူခီထိ ဆယ့်လေးဆစ် ဖြစ်လေဟှယ်။
\s ယေရှုခရစ် မွီးဖွားလာဟှူကြောန်း
\r (လုကာ ၂.၁–၇)
\p
\v 18 \x - \xo ၁.၁၈ \xo*\xt လု ၁.၂၇\xt*\x*ယေရှုခရစ်တော် မွီးဖွားလာဟှူ ကြောန်းရာဟှ အယ်မူမျိုးဖြစ်ဟှယ်။ မိခင်မာရိဟှာ ယောသပ်န မင်္ဂလာဆောန်ဟှို့တွပ် စေ့စပ်ဘီး တူးဒူနေခန်မာ သန့်ရှင်းဟှူဝိညာဉ်တော်အားဖြင့် ဗိုက်ပိုက်နေလေဟှယ်။ 
\v 19 သူ့လန် ယောသပ်ဟှာ ဖြောန့်မတ်ဟှူသူ ဖြစ်ဟှူကြောန့် မာရိဟှို လူဘောင်လယ်မာ ယှစ်ရဘဲနေအောန် တိတိဟှား ကွာရှင်းမယ် ဆိုဘီး ကြံစည်ဟှားလေဟှယ်။ 
\v 20 အယ်မူမျိုး ကြံစည်နေခီမာ အိမတ်ထဲမာ ယောသပ်ဟှို ဘုရားသခင်ရဲ့ ကောန်းဂန်တမန်ဟှ “ဒါဝိဒ်အမျိုး ယောသပ်၊ နန့်မယား မာရိရဲ့ ဗိုက်တွပ် စိုးရိမ်န။ အယ်ဗိုက်ဟှာ ဘုရားသခင်ရဲ့ သန့်ရှင်းဟှူဝိညာဉ်တော်ရဲ့ တဂိုးအားဖြင့် ရလာဟှူဗိုက်ဖြစ်လေဟှယ်။ 
\v 21 \x - \xo ၁.၂၁ \xo*\xt လု ၁.၃၁\xt*\x*သူဟှာ သားယော့‑က်ကျားဟှို မွီးလေ့မယ်။ အယ်မူသားဟှာ သူ့ရဲ့လူလေဟှို ပြစ်ဟှနေဘီး ကယ်တန်ပေးမယ့်သူ ဖြစ်ဟှယ်။ အယ်ကြောန့် ယေရှု ဆိုဘီး နာမယ်ပေးရမယ်” ဆိုဘီး ပြောလေဟှယ်။
\p
\v 22 အယ်ကြောန်းရာဟှ ရှေးပရောဖက်လေအားဖြင့် ပြောဟှားဟှူ ဘုရားသခင်ရဲ့ ဗျာဒိတ်တော် ပ္လဲ့ဇောင်ဟှားလေဟှယ်။ 
\v 23 ဗျာဒိတ်ပြုဟှားဇာဟှ “ကေ့ရှုဂေ့။ ပျိုမဟှာ ဗိုက်ပိုက်ဘီး သားဟှို မွီးဖွားလေ့မယ်။ အယ်သားဟှို ဧမာနွေလ ဆိုဘီး နာမယ်ပေးရမယ်” (ဧမာနွေလရဲ့ နတ်ဓိပါယ်ဟှာ “နို့လေနတူးဒူရှိဟှူ ဘုရားသခင်” ဆိုဘီး ဓိပါယ်ရလေဟှယ်)။
\p
\v 24 ယောသပ်ဟှာ အိယာဟှ နိုးလာဘီးန ဘုရားသခင်ရဲ့ ကောန်းဂန်တမန်ပြောဟှားတိုင်း မာရိဟှို သူ့မီးမဖြစ် လတ်ထတ် ပေါန်းသင်းလိုက်လေဟှယ်။ 
\v 25 \x - \xo ၁.၂၅ \xo*\xt လု ၂.၂၁\xt*\x*အယ်ကြောန့် အယ်သားဟှို မွီးဖွားခီရော့‑က်ခန်ထိ တူးဒူအိဘဲန နေလေဟှယ်။ အယ်သားဟှိုလည်း ယေရှု ဆိုဘီး နာမယ်ပေးလေဟှယ်။
\c 2
\s အရှေ့တိုင်းပြည်ဟှ ပညာရှိလေကြောန်း
\p
\v 1 ယုဒပြည်ဗက်လင်ဗြို့ ဟေရုဒ်မန်းဂီးလတ်ထတ်မာ ယေရှုဟှို မွီးဖွားတော်မူဟှယ်။ မာဂုပညာရှိလေဟှာ အရှေ့တိုင်းပြည်ဟှနေ ယေရုရှလင်ဗြို့ဟှို ရော့‑က်လာဘီးဟှာ၊ 
\v 2 “ခုမွီးဖွားလာဟှူ ယုဒမန်းဂီးဟှာ ဖယ်မာရှိနူး အရှေ့တိုင်းပြည်ဟှနေဘီး သူ့ရဲ့ ကြယ်ဟှို နို့လေ ဗြင်ရဂေ့ဟှူကြောန့် ရှိခိုးပူဇော်ဟှို့တွပ် ရော့‑က်လာဂေ့ဟှယ်” ဆိုဘီး မေးဂေ့လေဟှယ်။
\p
\v 3 အယ်မူစကားဟှို ကြားလိုက်ဟှူ ခီမာ ဟေရုဒ်မန်းဂီးန ယေရုရှလင်ဗြို့မာရှိဟှူလူလေ အားလောင်းဂူဟှာ ပူပန်သောက ရော့‑က်ဂေ့ဟှယ်။ 
\v 4 ယဇ်ပုရောဟိတ်ဂီးလေ၊ ဘာသာရေး ခေါန်းဆောန်လေန ကျမ်းပြုဆရာရှိသမျှဟှို စုဝေးခေါ်ဘီးဟှာ “ခရစ်တော်ဟှာ ဖယ်ရပ်မာ မွီးဖွားလာမယ်နူး” ဆိုဘီး မေးလေဟှယ်။
\p
\v 5 ကျမ်းပြုဆရာလေဟှလည်း “ယုဒပြည်ဗက်လင်ဗြို့မာ မွီးဖွားပါလေ့မယ်။ ပရောဖက်တယော့‑က် ရေးဟှားဇာဟှ၊
\q1
\v 6 “ ‘ယုဒပြည် ဗက်လင်ဗြို့၊
\q2 စိုးရဟှူ ယုဒဗြို့လေထဲမာ နန်ဟှာ ဗြို့ငယ်မှုဟှ။
\q1 ဖြားဖြစ်ကြောန့်နူးဆိုဟှာ ငါ့ရဲ့ဣသရေလလူမျိုးဟှို အောက်စိုးဟှို့သခင်ဟှာ
\q2 နန်းနို့ထဲမာ ပေါ်ထွန်းလေ့မယ်’ ” ဆိုဘီး ပ္လန်ဖြေဂေ့လေဟှယ်။
\p
\v 7 အယ်ဘီးန ဟေရုဒ်မန်းဂီးဟှာ မာဂုပညာရှိလေဟှို တိတိဟှားခေါ်ဘီးဟှာ ကြယ်ပေါ်ထွန်းဟှူ ခီကာလဟှို သေးသေချားချာဟှား သိဟှားလေဟှယ်။ 
\v 8 “နန်းနို့လေသွားဘီးဟှာ အယ်သားငယ်ဟှို သေးသေချားချာရှာဂေ့။ တွိဟှယ် ဆိုဟှာ ငါလည်း ရှိခိုးပူဇော်ရှင်ကြောန့် ပ္လန်လာဘီး ပြောဂေ့ပါ” ဆိုဘီး ဗက်လင်ဗြို့ဟှို လွှတ်လိုက်လေဟှယ်။
\p
\v 9 မာဂုပညာရှိလေလည်း မန်းဂီးရဲ့ စကားဟှို နားထောန်ဘီးဟှာ ထွပ်လာဂေ့ဘီးန ရှေ့ပြည်မာ ဗြင်ဟှားဟှူကြယ်ဟှာ သူးနို့ရှေ့မာသွားဘီးဟှာ သားဂန်းဟှားရှိဟှူ နေရာထတ်ဟှို ရော့‑က်ဟှားခီမာ ရွေ့ဘဲန ရပ်ဘီးနေလေဟှယ်။ 
\v 10 အယ်ကြယ်ဟှို ပ္လန်ဘီးဗြင်ရခီမာ မာဂုပညာရှိလေဟှာ ရရာတိုင်းဝန်းသာဂေ့ဟှယ်! 
\v 11 သူးနို့ဟှာ အီထဲဟှို ဝမ်ဟှားဇာ မိခင်မာရိနတူးဒူ သားဂန်းဟှားဟှို ဗြင်ဟှားခီမာ ပျပ်ဝပ်ကိုးကွယ်လေဟှယ်။ သူးနို့ဟှာ ယူဆောန်လာဟှူ ဘဏ္ဍာသစ်တာလေဟှို ဖွမ့်ဘီး လောဗန်၊ မုရန်န ရွှေလေဟှို ပူဇော်ဂေ့လေဟှယ်။
\p
\v 12 အယ်ဘီးန ဟေရုဒ်မန်းဂီးနားဟှို ပ္လန်ဂေ့န ဆိုဘီး ဘုရားသခင်ဟှာ အိမတ်အားဖြင့် ဒိပေးဟှူကြောန့် သူးနို့ပြည်ဟှို တခြားလမ်းဟှနေဘီး ပ္လန်ဟှားဂေ့လေဟှယ်။
\s အဲဂုတ္တုပြည်ဟှို တီးရှောန်ဟှားကြောန်း
\p
\v 13 မာဂုပညာရှိလေ ပ္လန်ဘီးန ဘုရားသခင်ရဲ့ ကောန်းဂန်တမန်တပါးဟှို အိမတ်ထဲမာ ဗြင်တွိရဘီး ကောန်းဂန်တမန်ဟှ ယောသပ်ဟှို “နန်ထဝေါ့။ မိခင်န သားဂန်းဟှားဟှို ခေါ်ဘီးဟှာ အဲဂုတ္တုပြည်ဟှို ထွပ်ပ္လေးဘီး နော့‑က်ထပ် ငါပြောခန်ခီထိ အဲမူပြည်မာဘဲ့ နေနေဂေ့။ ဟေရုဒ်မန်းဂီးဟှာ သားဂန်းဟှားဟှို သတ်ဟှို့ရှာလေ့မယ်” ဆိုဘီး ပြောလေဟှယ်။
\p
\v 14 အယ်ဘီးန ယောသပ်ဟှာ အိယာဟှထဘီး မိခင်န သားဂန်းဟှားဟှို ညဉ့်ရှင်းခေါ်ဘီး၊ အဲဂုတ္တုပြည်ဟှို ထွပ်ဟှားဘီး၊ 
\v 15 ဟေရုဒ်မန်းဂီး သေဟှားခီထိ အဲမူပြည်မာဘဲ့ နေနေလေဟှယ်။ အယ်ကြောန်းရာဟှာ “ငါ့သားဟှို အဲဂုတ္တုပြည်ဟှနေ ငါခေါ်ထုလာဘီ” ဆိုဘီးဟှာ ပရောဖက်လေအားဖြင့် ပြောဟှားဟှူ ဘုရားသခင်ရဲ့ ဗျာဒိတ်တော် ပ္လဲ့ဇောင်ဟှို့တွပ် ဖြစ်လာလေဟှယ်။
\s သားဂန်းဟှားလေဟှို သတ်ဟှူကြောန်း
\p
\v 16 အယ်ခီမာ ဟေရုဒ်မန်းဂီးဟှာ မာဂုပညာရှိလေဟှို သူမှာလိုက်ဟှူတိုင်း ပ္လန်လာဘီးပြောဘဲန လှည့်စားဘီး သွားလိုက်ဇာဟှို သိရဟှူ ခီမာ ရရာတိုင်း ဒေါသထွပ်လေဟှယ်။ အယ်ဘီးန သူ့လူလေဟှို ခေါ်ဘီးဟှာ မာဂုပညာရှိလေဟှို သေးသေချားချာ မေးဟှားဟှူတိုင်း ကြယ်ပေါ်ထွန်းခီဟှို ခန့်မှန်းဘီးဟှာ ဗက်လင်ဗြို့န ကျေးဝါလေမာရှိဟှူ နှေ့နှစ်အော့‑က် ယော့‑က်ကျား သားဂန်းဟှားလေဟှို သတ်ဟှို့ခိုင်းလေဟှယ်။
\p
\v 17 ပရောဖက်ယေရမိ ဟောဟှားဇာလေ ပ္လဲ့ဇောင်လာဇာဟှ၊
\q1
\v 18 “ရာမဗြို့မာ ရာရာတိုင်း ခါးသီးဟှူ ငိုသံလေဟှိုကြားဘီး
\q2 ရာခေလဟှာ
\q1 သူ့သားလေ သေဟှားကြောန့်၊
\q2 စိပြေဟှို့တွပ် အားပေးစကားပြောဟှူဇာဟှို ငြင်းဆိုလေဟှယ်” ဆိုဘီး
\q2 ပြောဟှားစကားဟှာ အယ်ခီမာ တကယ်ဘဲ့ ဖြစ်လာလေဟှယ်။
\s အဲ​ဂု​တ္တုပြည်ဟှနေ ပ္လန်လာဟှူကြောန်း
\p
\v 19 ဟေရုဒ်မန်းဂီး သေဘီးန ယောသပ်ဟှာ အဲဂုတ္တုပြည်မာ အိမတ်ဟှို ထပ်ဘီးမတ်လေဟှယ်။ ဘုရားသခင်ရဲ့ ကောန်းဂန်တမန်ဟှ၊ 
\v 20 “နန်ထဘီး မိခင်န သားဂန်းဟှားဟှို ခေါ်ဘီးဟှာ ဣသရေလပြည်ဟှို သွားဂေ့။ သားဂန်းဟှားဟှို သတ်ဟှို့ရှာနေသူလေ သေကူဘီ” ဆိုဘီးဟှာ ပြောလေဟှယ်။ 
\v 21 အယ်ခီမာ ယောသပ်ဟှာ ထဘီး မိခင်န သားဂန်းဟှားဟှို ခေါ်ဘီး ဣသရေလပြည်ဟှို ပ္လန်ဟှားလေဟှယ်။
\p
\v 22 အယ်ဘေမဲ့ ဟေရုဒ်မန်းဂီး နေရာမာ သူ့သားအာခေလဟှ ယုဒပြည်မာ မန်းဂီး ဖြစ်နေကြောန်းဟှို ကြားရဟှူ ခီမာ သူဟှာ အယ်နေရာဟှို သွားဟှို့ ကြော့‑က်နေဟှယ်။ သူဟှာ အီမတ်ထဲမာ အယ်နေရာဟှို သွားဘဲဟှို့တွပ် ကောန်းဂန်တမန်ရဲ့ ဒိပေးဇာဟှို ခံရကြောန့် သူဟှာ ဂါလိလဲပြည်ဟှို သွားဘီး၊ 
\v 23 \x - \xo ၂.၂၃ \xo*\xt မာ ၁.၂၄; လု ၂.၃၉; ယော ၁.၄၅\xt*\x*နာဇရက်ဗြို့ ဆိုဘီး နာမယ်ခေါ်ဟှူ ဗြို့မာ ကိုယ်တော်ဟှာ မြဲဒမ်း နေထိုင်လေဟှယ်။ အယ်ကြောန့် “ခရစ်တော်ဟှို နာဇရက်ဗြို့သား ဆိုဘီး ခေါ်ဂေ့လေ့မယ်” ဆိုဘီးဟှာ ပရောဖက်လေ ရေးဟှားတိုင်း ပ္လဲ့ဇောင်လာလေဟှယ်။
\c 3
\s ဗတ္တိဇံယောဟန်ရဲ့ ဟောပြောဟှူကြောန်း
\r (မာကု ၁.၁–၈; လုကာ ၃.၁–၁၈; ယောဟန် ၁.၁၉–၂၈)
\p
\v 1 အယ်ကာလမာ ဗတ္တိဇံယောဟန်ဟှာ ပေါ်လာဘီး ယုဒပြည် ကန္တာရမာ စဘီး ဟောပြောလေဟှယ်။ 
\v 2 \x - \xo ၃.၂ \xo*\xt မ ၄.၁၇; မာ ၁.၁၅\xt*\x*“နောန်ဒရဂေ့ပါ။ ကောန်းဂန်နိုင်ငံတော်ဟှာ တည်ခါနီးနေဘီ!” ဆိုဘီး ကြေညာဟှယ်။ 
\v 3 ပရောဖက်ဟေရှာယ ဟောပြောဟှားဇာဟှ
\q1 “ ‘ဘုရားသခင်ရဲ့ လမ်းဟှို ပြင်ဆင်ဟှားဂေ့!
\q2 လမ်းခရီးတော်ဟှို ဖ္လောန့်တန်းအောန် လောက်ဂေ့ပါ’
\q2 တောကန္တာရထဲမာ လူတယော့‑က် ကြွေးကြော်နေဟှယ်” ဆိုဇာဟှာ အယ်မူယောဟန်ဟှို ပြောနေဇာဖြစ်ဟှယ်။
\p
\v 4 ယောဟန်ဟှာ ကုလားအုတ်ရဲ့ မွီးန လောက်ဟှားဟှူဝတ်န သားရေခါးဗတ်ဟှို ခါးမာပတ်ဟှားဘီး ကျိုင်းကောန်န တောပျားရယ်ဟှို စားလေဟှယ်။ 
\v 5 အယ်ခီမာ ယေရုရှလင်ဗြို့၊ ယုဒပြည် တပြည်လောင်းန ယော်ဒန်မ္လစ်နားဟှ လူလေဟှာ ယောဟန်နားဟှို ရော့‑က်လာဂေ့ဘီး 
\v 6 သူးနို့ရဲ့ ပြစ်လေဟှို ဝန်ခံဂေ့ဟှိကြောန့် ယော်ဒန်မ္လစ်မာ ယောဟန်အားဖြင့် ဗတ္တိဇံခံဂေ့ဟှယ်။
\p
\v 7 \x - \xo ၃.၇ \xo*\xt မ ၁၂.၃၄; ၂၃.၃၃\xt*\x*ဖာရိရှဲန ဇဒ္ဒုကဲလေလည်း ဗတ္တိဇံခံယူဟှို့ လာဂေ့ဇာဟှို ဗြင်ရခီမာ ယောဟန်ဟှ “ဝှေ့ မွီဗွေးမျိုးလေ၊ က္လရော့‑က်လာမယ့် ဘေးဒန်ဟှ လွတ်ဟှို့တွပ် နန်းနို့လေဟှို ဖယ်သူဟှ ဒိပေးလိုက်နူး။ 
\v 8 နောန်ဒန ထိုက်တန်ဟှူ ကျင့်ဟှို ကျင့်ဂေ့။ 
\v 9 \x - \xo ၃.၉ \xo*\xt ယော ၈.၃၃\xt*\x*အာဗြဟံဟှ နို့လေရဲ့ဖ ဖြစ်ဟှယ် ဆိုဘီး ပြောရောင်န နန်းနို့လေ ပြစ်ဒန်ဟှ လွှတ်လေ့မယ် ဆိုဘီး ထန်ဂေ့န။ နန်းနို့ဟှို ငါပြောမယ်။ ဘုရားသခင်ဟှာ အယ်က္လော့‑က်ခဲလေဟှနေဘီး အာဗြဟံရဲ့ မ္လေးမ္လစ်လေဟှို ဖန်ဆင်းနိုင်ဟှယ်! 
\v 10 \x - \xo ၃.၁၀ \xo*\xt မ ၇.၁၉\xt*\x*သစ်ပန်လေရဲ့ ပြစ်လေနားမာ ကတ်ပထားဟှားကြောန့် သီးကောန်းဟှို သီးဘဲဟှူ သစ်ပန်တိုင်းဟှို ခွတ်ပစ်ဘီးဟှာ မီးထဲဟှို ပစ်ခ္လလေ့မယ်။ 
\v 11 နန်းနို့လေ နောန်ဒရဟှူကြောန့် ငါဟှာ ရေန ဗတ္တိဇံပေးဟှယ်။ ငါ့နော့‑က်ဟှ ကြွလာဟှူသူဟှာ သန့်ရှင်းဟှူဝိညာဉ်တော်န မီးန နန်းနို့လေဟှို ဗတ္တိဇံပေးလေ့မယ်။ အယ်သူဟှာ ငါ့ထတ်ပိုဘီး ကီးမြတ်လေဟှယ်။ ငါဟှာ သူ့ရဲ့ ခေနပ်ကြိုးဟှို ခလွတ်ပေးဟှို့ဟှိုမှထိုက်ဟှ။ 
\v 12 လတ်ထဲမာ ဗားပ္လာဟှို့တွပ် ဂေါဟှိုကိုင်ဘီး သူ့ဗားလန်းပ္လန်ဟှို ရှင်းလေ့မယ်။ ဂျောင်န ဗားလေဟှိုလည်း ဗားဂတ်ထဲဟှို ထဲ့ဘီးဟှာ ဗားဖျင်းလေဟှို သေနိုင်ဘဲဟှူမီးန ရှို့လေ့မယ်” ဆိုဘီး ယောဟန်ဟှ ဟောပြောလေဟှယ်။
\s ယေရှု ဗတ္တိဇံခံဟှူကြောန်း
\r (မာကု ၁.၉–၁၁; လုကာ ၃.၂၁,၂၂)
\p
\v 13 အယ်ခီမာ ယေရှုဟှ ယောဟန်နားဟှို ဗတ္တိဇံခံယူဟှို့တွပ် ဂါလိလဲပြည်ဟှနေဘီး ယော်ဒန်မ္လစ်ဟှို ကြွလာလေဟှယ်။ 
\v 14 အယ်ဘေမဲ့ ယောဟန်ဟှ “ကျွန်တော်ဟှာ ကိုယ်တော်နားမာ ဗတ္တိဇံခံယူရဟှို့ဇာဟှို ကိုယ်တော်ဟှာ ကျွန်တော်နားဟှို ကြွလာတော်မူဟှယ်လော” ဆိုဘီးဟှာ ဆီးတားလေဟှယ်။
\p
\v 15 ယေရှုဟှ “တရားလေ အားလောင်းဂူဟှို ကူအောန် ကျင့်သင့်ဟှူကြောန့် ခု ခွမ့်ပေးပါ” ဆိုဘီး ပ္လန်ပြောတော်မူဟှယ်။ အယ်ကြောန့် ယောဟန်ဟှာ ဘောတူလေဟှယ်။
\p
\v 16 ယေရှုဟှာ ဗတ္တိဇံခံယူဘီး ရေထဲဟှ ထလိုက်ဟှူန ကောန်းဂန်ဘောင် ပွမ့်ဟှားဘီး ဘုရားသခင်ရဲ့ ဝိညာဉ်တော်ဟှာ ချိုးငှတ်မျိုး ဆင်းလာဘီး ကိုယ်တော်ထတ်မာ နားလေဟှယ်။ 
\v 17 \x - \xo ၃.၁၇ \xo*\xt မ ၁၂.၁၈; ၁၇.၅; မာ ၁.၁၁; လု ၉.၃၅\xt*\x*အယ်ဘီးန “အယ်သူဟှာ ငါနှစ်သက်မြတ်နိုးဟှူ ငါ့ရဲ့ ရှစ်သား ဖြစ်ဟှယ်” ဆိုဘီး ကောန်းဂန်ဘောင်ဟှနေ သံတော်ဟှို ကြားရလေဟှယ်။
\c 4
\s စောင်ဇမ်းသွီးဆောန်ဟှူကြောန်း
\r (မာကု ၁.၁၂,၁၃; လုကာ ၄.၁–၁၃)
\p
\v 1 \x - \xo ၄.၁ \xo*\xt ဟေ ၂.၁၈; ၄.၁၅\xt*\x*အယ်ဘီးန မာရ်နတ်ရဲ့ စောင်ဇမ်းသွီးဆောန်ရှင်းဟှို ခံဟှို့တွပ် ဝိညာဉ်တော်ဟှာ ယေရှုဟှို တောကန္တာရထဲဟှို ပို့ဆောန်လေဟှယ်။ 
\v 2 ယေရှုဟှာ နေ့ရောညဉ့်ပါ ရစ်လေးဆယ် လောင်းလောင်း စာရှောန်ဘီးန ရရာတိုင်း ဗိုက်ဆာတော်မူဟှယ်။ 
\v 3 အယ်ခီမာ မာရ်နတ်ဟှ ယေရှုနားဟှို ချဉ်းကပ်လာဘီး “သင်ဟှာ ဘုရားသခင်ရဲ့ သားဖြစ်ဟှယ် ဆိုဟှာ အယ်က္လော့‑က်ခဲလေဟှို မုဖြစ်လာအောန် မိန့်ပေးကေ့” ဆိုဘီး ပြောလေဟှယ်။
\p
\v 4 အယ်ဘေမဲ့ ယေရှုဟှ “‘လူဟှာ စားဇာတခုဒဲန သတ်ရှင်ရဟှို့ မှုဟှ။ ဘုရားသခင်ရဲ့ စကားတော်အားဖြင့်ဘဲ့ သတ်ရှင်ရမယ်’ ဆိုဇာ ကျမ်းစာဟှ ပြောဟှားဟှယ်” ဆိုဘီး မိန့်တော်မူဟှယ်။
\p
\v 5 အယ်ဘီးန မာရ်နတ်ဟှာ ယေရှုဟှို သန့်ရှင်းဟှူ ယေရုရှလင်ဗြို့ဟှို ခေါ်ဆောန်ဘီးဟှာ ကိုယ်တော့်ဟှို ဗိမာန်တော်ရဲ့ ထိဖျားမာ တန်ဟှားလိုက်ဘီး 
\v 6 “ဘုရားသခင်ဟှ ကိုယ်တော့်ဟှို စောန့်ရှော့‑က်ဟှို့တွပ် ကောန်းဂန်တမန်လေဟှို
\q1 “ ‘မိန့်မှာဟှားကြောန့် သူးနို့လေဟှာ
\q2 ကိုယ်တော်ရဲ့ ခေဟှို က္လော့‑က်န ထိခိုက်ဘဲနနေအောန်
\q2 ကိုယ်တော့်ဟှို လတ်န ခီမဟှားလေ့မယ် ဆိုဘီး ကျမ်းစာဟှ ပြောဟှားဟှယ်။ အယ်ကြောန့် ကိုယ်တော်ဟှာ ဘုရားသခင်ရဲ့ သားမှန်ဟှယ် ဆိုဟှာ အော့‑က်ဟှို ခူခ္လလိုက်’ ” ဆိုဘီး ပြောလေဟှယ်။
\p
\v 7 ယေရှုဟှ “နန့်ရဲ့သခင်၊ ဘုရားသခင်ဟှို စောင်ဇမ်းန ဆိုဇာ ကျမ်းစာဟှ ပြောဟှားဟှယ်” ဆိုဘီး မိန့်တော်မူလေဟှယ်။
\p
\v 8 နော့‑က်တခါ မာရ်နတ်ဟှာ ကိုယ်တော့်ဟှို ရရာတိုင်း ဗြစ်ဟှူ တောန်ထတ်ဟှို ခေါ်ဆောန်ဟှားဘီး အယ်လောကမာရှိဟှူ တိုင်းနိုင်ငံလေရှိဟှူမျှန အယ်တိုင်းနိုင်ငံလေမာရှိဟှူ ဖောင်းစည်းဇိမ်လေဟှို ပြလေဟှယ်။ 
\v 9 မာရ်နတ်ဟှ “ကိုယ်တော်ဟှာ ငါ့ဟှို ပျတ်ဝပ်ဘီး ကိုးကွယ်မယ် ဆိုဟှာ အယ်မူဇာလေ အားလောင်းဂူဟှို ငါပေးမယ်” ဆိုဘီး ပြောလေဟှယ်။
\p
\v 10 ယေရှုဟှလည်း “ဝှေ့ စာတန် ငါ့နားဟှထွပ်ဟှား! ‘နန့်ရဲ့ဘုရားသခင် တပါးဒဲဟှိုဘဲ့ ကိုးကွယ်ရမယ်! အယ်မူ ဘုရားသခင် တပါးဒဲဟှိုဘဲ့ စေခံရမယ်’ ဆိုဇာ ကျမ်းစာဟှ ပြောဟှားဟှယ်” ဆိုဘီး မိန့်တော်မူလေဟှယ်။
\p
\v 11 အယ်ဘီးန မာရ်နတ်ဟှာ ယေရှုနားဟှနေဘီး ထွပ်ဟှားလေဟှယ်။ အယ်ခီမာ ကောန်းဂန်တမန်လေဟှာ ရော့‑က်လာဘီးဟှာ ကိုယ်တော့်ဟှို လောက်ကျွေးဂေ့ဟှယ်။
\s ဂါလိလဲပြည်မာ ယေရှု မှုတော်ဆောန်ဟှူကြောန်း
\r (မာကု ၁.၁၄,၁၅; လုကာ ၄.၁၄,၁၅)
\p
\v 12 \x - \xo ၄.၁၂ \xo*\xt မ ၁၄.၃; မာ ၆.၁၇; လု ၃.၁၉,၂၀\xt*\x* ယောဟန် ထောန်ခ္လခံနေရဟှယ် ဆိုဇာဟှို ကြားရဟှူကြောန့် ယေရှုဟှာ ဂါလိလဲပြည်ဟှို ထွပ်ဟှားလေဟှယ်။ 
\v 13 \x - \xo ၄.၁၃ \xo*\xt ယော ၂.၁၂\xt*\x*ကိုယ်တော်ဟှာ နာဇရက်ဗြို့မာ နေဘဲန ဇာဗုလုန်နယ် နဿလိနယ်စပ်ကြားဟှ ဂါလိလဲအိုင်နားမာရှိဟှူ ကပေရနောင်ဗြို့ဟှို သွားဘီးနေလေဟှယ်။ 
\v 14 အယ်ကြောန်းရာဟှာ ပရောဖက် ဟေရှာယဟှို ဘုရားသခင်ပေးဟှားဟှူ ဗျာဒိတ်တော် ပ္လဲ့ဇောင်ဟှို့တွပ် ဖြစ်လေဟှယ်။ ပရောဖက် ဟေရှာယဟှ
\q1
\v 15 “အို၊ ဇာဗုလုန်နယ်န နဿလိနယ်၊
\q2 ယော်ဒန်မ္လစ်ဟှိုဖတ်ကမ်း၊ အိုင်လမ်းတရှော့‑က်န၊
\q2 လူမျိုးခြားလေနေထိုင်ဟှူ ဂါလိလဲပြည်!
\q1
\v 16 မှောန်ထဲမာ နေထိုင်ဟှူသူလေဟှာ တော့‑က်ပဟှူ လန်းရောန်ဟှို ဗြင်ရလေ့မယ်။
\q2 သေမန်းရဲ့ ရိအော့‑က်မာ
\q1 နေဂေ့ဟှူလူလေထတ်ဟှို
\q2 တော့‑က်ပဟှူ လန်းရောန် ရော့‑က်လာလေ့မယ်” ဆိုဘီး ဟောပြောဟှားလေဟှယ်။
\p
\v 17 \x - \xo ၄.၁၇ \xo*\xt မ ၃.၂\xt*\x*အယ်ခီဟှနေစဘီး ယေရှုဟှာ “နောန်ဒရဂေ့။ ကောန်းဂန်နိုင်ငံတော်ဟှာ တည်ခါနီးနေဘီ!” ဆိုဘီးဟှာ ကြေညာဟှယ်။
\s ငါးဖမ်းမား လေးယော့‑က်ဟှို ခေါ်ဟှူကြောန်း
\r (မာကု ၁.၁၆–၂၀; လုကာ ၅.၁–၁၁)
\p
\v 18 ယေရှုဟှာ ဂါလိလဲအိုင်နား ဖြတ်ဘီး သွားဟှူ ခီမာ ညီကိုနှေ့ယော့‑က်ဖြစ်ဟှူ၊ ပေတရု ဆိုဘီး နာမယ်ခေါ်ဟှူ ရှိမုန်န သူ့ညီအန္ဒြေလေဟှာ ပိုက်ကွန်ပစ်နေဇာဟှို ဗြင်လေဟှယ်။ 
\v 19 ယေရှုဟှ အယ်သူလေဟှို “ငါ့နော့‑က်လိုက်ဂေ့။ နန်းနို့လေဟှို လူလေဟှိုဖမ်းဟှူ ငါးဖမ်းမားဖြစ်စေမယ်” ဆိုဘီး မိန့်တော်မူလေဟှယ်။ 
\v 20 သူးနို့လေလည်း တခါဒဲဘဲ့ ပိုက်ကွန်လေဟှို ထားရစ်ဘီးန နော့‑က်တော်ဟှို လိုက်ဂေ့ဟှယ်။
\p
\v 21 ကိုယ်တော်ဟှာ ဆစ်ဘီးသွားခီမာ တခြားညီကို နှေ့ယော့‑က်ဖြစ်ဟှူ ဇေဗေဒဲရဲ့သား ယာကုပ်န သူ့ညီယောဟန်ဟှို သူ့ဖနတူးဒူ လှေထတ်မာ ပိုက်ကွန်လေ ဖာနေဇာဟှို ဗြင်တော်မူလေဟှယ်။ ကိုယ်တော်ဟှ အယ်သူလေဟှို ခေါ်ဟှူ ခီမာ 
\v 22 သူးနို့လေလည်း လှေန သူးနို့ဖဟှို ထားရစ်ဘီးဟှာ ယေရှုနော့‑က်ဟှို တခါဒဲ လိုက်ဟှားဂေ့လေဟှယ်။
\s သွန်သန်ဇာ၊ ဟောပြောဇာန ရောဂါပျော့‑က်စေဟှူကြောန်း
\r (လုကာ ၆.၁၇–၁၉)
\p
\v 23 \x - \xo ၄.၂၃ \xo*\xt မ ၉.၃၅; မာ ၁.၃၉\xt*\x*ယေရှုဟှာ ဂါလိလဲပြည် တပြည်လောင်းဟှို လှည့်လည် သွားလာဘီးဟှာ နိုင်ငံတော်ကြောန်း ဒန်းကောန်းဟှို ဝါလယ်ဇရပ်လေမာ သွန်သန် ဟောပြောဘီး နေကောန်းဘဲဟှူ သူလေဟှို ကျန်းမာစေလေဟှယ်။ 
\v 24 ယေရှုရဲ့ ဒန်းဟှာ ရှုရိပြည် တပြည်လောင်းဟှို ပ္လံ့နှံ့ဟှားကြောန့် နတ်ဆိုးပူးခံရဟှူ လူလေ၊ ဝပ်ရူးစွဲဟှူ လူလေ၊ ခေလတ်သေနေဟှူ လူလေန ရောဂါဘောင်းဇောင်စွဲဟှူလူလေ အားလောင်းဂူဟှို ယေရှုနားဟှို ခေါ်လာဂေ့လေဟှယ်။ ခေါ်လာဂေ့ဟှူ လူနာလေ အားလောင်းလည်း ရောဂါပျော့‑က်ဂေ့လေဟှယ်။ 
\v 25 ဂါလိလဲပြည်၊ ဒေကာပေါလိပြည်၊\f + \fr ၄.၂၅ \fr*\fk ဒေကာပေါလိပြည်၊ \fk*\ft “ဗြို့ဆယ်ဗြို့” ဖြစ်ဟှယ် ဆိုဘီး ဓိပါယ်ရဟှယ်။\ft*\f* ယေရုရှလင်ဗြို့၊ ယုဒပြည်န ယော်ဒန်မ္လစ်ရဲ့ ဟှိုဖတ်ကမ်းဟှ လာဟှူ သူလေလည်း ကိုယ်တော်နော့‑က်ဟှို လိုက်ဂေ့ဟှယ်။
\c 5
\s တောန်ထတ်တရားတော်ကြောန်း
\p
\v 1 ယေရှုဟှာ လူအောက်ဂီးဟှို ဗြင်ဟှူ ခီမာ တောန်ထတ်ဟှို တတ်ဘီး ထိုင်နေလေဟှယ်။ တဗဲ့တော်လေလည်း ကိုယ်တော်နားဟှို လာဂေ့ကြောန့် 
\v 2 ကိုယ်တော်ဟှာ တဗဲ့တော်လေဟှို စဘီးဟှာ သွန်သန်ဇာဟှ
\s မင်္ဂလာတရားတော်ကြောန်း
\r (လုကာ ၆.၂၀–၂၃)
\q1
\v 3 “စိနှလောင်းနှိခ္လဟှူသူလေဟှာ မင်္ဂလာရှိဟှယ်။
\q2 ကောန်းဂန်နိုင်ငံတော်ဟှာ အယ်သူလေရဲ့ နိုင်ငံဖြစ်ဟှယ်!
\q1
\v 4 ဝန်းနဲပူဆွေးဘီး သောကရော့‑က်နေဟှူသူလေဟှာ မင်္ဂလာရှိလေဟှယ်။
\q2 ဘုရားသခင်ဟှာ အယ်သူလေဟှို အားပေးနှစ်သိမ့်မှုလေ ပေးလေ့မယ်!
\q1
\v 5 စိနူးညံ့သိမ်မွေ့ဟှူသူလေဟှာ မင်္ဂလာရှိဟှယ်။
\q2 အယ်သူလေဟှာ ဘုရားသခင် ဂဒိထားတော်မူဟှူ လောကရဲ့ မွီဟှို လတ်ခံရလေ့မယ်!
\q1
\v 6 ဖြောန့်မတ်ရှင်းဟှို ငတ်ပြတ်နေဟှူ သူလေဟှာ မင်္ဂလာရှိဟှယ်။
\q2 ဖြားဖြစ်ကြောန်းနူးဆိုဟှာ သူးနို့လေဟှာ ဗိုက်ပ္လဲ့ရဂေ့လေ့မယ်!
\q1
\v 7 သနားကြင်နာတတ်ဟှူ သူလေဟှာ မင်္ဂလာရှိဟှယ်။
\q2 ဘုရားသခင်ဟှာ အယ်သူလေဟှို သနားကြင်နာတော်မူလေ့မယ်!
\q1
\v 8 စိနှလောင်းဖ္လူစင်ဂေ့ဟှူ သူလေဟှာ မင်္ဂလာရှိဂေ့ဟှယ်။
\q2 အယ်သူလေဟှာ ဘုရားသခင်ဟှို ဗြင်ရဂေ့လေ့မယ်!
\q1
\v 9 ယော့‑က်နယော့‑က်ဟှို သင့်မြတ်အောန် လောက်ပေးဟှူသူလေဟှာ မင်္ဂလာရှိဟှယ်။
\q2 အယ်သူလေဟှာ ဘုရားသခင်ရဲ့ သားမီးလေ ဆိုဘီး ခေါ်ခံရလေ့မယ်!
\q1
\v 10 \x - \xo ၅.၁၀ \xo*\xt ၁ ပေ ၃.၁၄\xt*\x*ဘုရားသခင်ရဲ့ လိုတော်တိုင်း လောက်ဆောန်ဟှူကြောန့် နှိစစ်ညှင်းဆဲခံရသူလေဟှာ မင်္ဂလာရှိဟှယ်။
\q2 ကောန်းဂန်နိုင်ငံတော်ဟှာ အယ်သူလေရဲ့ နိုင်ငံဖြစ်ဟှယ်!
\p
\v 11 \x - \xo ၅.၁၁ \xo*\xt ၁ ပေ ၄.၁၄\xt*\x*“ငါ့ကြောန့် ညှင်းဆဲကဲ့ရဲ့ခံရဘီး မှန်ဘဲန စွပ်စွဲခံရခီမာ နန်းနို့ဟှာ မင်္ဂလာရှိဟှယ်။ 
\v 12 \x - \xo ၅.၁၂ \xo*\xt တ ၇.၅၂\xt*\x*ဝန်းသာအားရဖြစ်ဂေ့ပါ။ ဖြားဖြစ်ကြောန့်နူးဆိုဟှာ ကောန်းဂန်ဘောင်မာ နန်းနို့တွပ် ရရာတိုင်း ကီးဟှူဆုလာဒ်ရှိဟှယ်။ နန်းနို့ရှေ့ဟှ ပရောဖက်လေလည်း အယ်မျိုးဘဲ့ ညှင်းဆဲခံရဂေ့ဟှယ်။”
\s ဆားန လန်းရောန်ကြောန်း
\r (မာကု ၉.၅၀; လုကာ ၁၄.၃၄,၃၅)
\p
\v 13 \x - \xo ၅.၁၃ \xo*\xt မာ ၉.၅၀; လု ၁၄.၃၄,၃၅\xt*\x*“နန်းနို့လေဟှာ အယ်လောကရဲ့ ဆားဖြစ်ဟှယ်။ ဆားဟှာ ငန်ဟှူရသာ ပျော့‑က်ဟှားမယ် ဆိုဟှာ ငန်ဟှူရသာဟှို ဖယ်မျိုးလည်း ပ္လန်ရနိုင်ဟှို့ မှုဟှ။ တန်ဖိုးမှေ့ဘဲဟှူ ဆားဖြစ်ဟှားကြောန့် ပ္လန်ဟှိုပစ်ထုလိုက်ဘီး လူလေဟှာ ကျော်နန်းဟှားဟှယ်။
\p
\v 14 \x - \xo ၅.၁၄ \xo*\xt ယော ၈.၁၂; ၉.၅\xt*\x*“နန်းနို့လေဟှာ အယ်လောကရဲ့ လန်းရောန်ဖြစ်ဟှယ်။ တောန်ထိထတ်မာ တည်ဟှူဗြို့ဟှို ကွယ်နိုင်ဟှ။ 
\v 15 \x - \xo ၅.၁၅ \xo*\xt မာ ၄.၂၁; လု ၈.၁၆; ၁၁.၃၃\xt*\x*ဆီမီးအီဟှို ထွန်းဘီးဟှာ တောန်းအော့‑က်မာ ထားဟှားလေ့ မှေ့ဟှ။ အီသူအီသားလေ လန်းရောန်ရအောန် ဆိုဘီး ဆီမီးခေါင်ထတ်မာဘဲ့ တန်ဟှားတတ်ဟှယ်။ 
\v 16 \x - \xo ၅.၁၆ \xo*\xt ၁ ပေ ၂.၁၂\xt*\x*အယ်မူမျိုးဘဲ့ လူလေဟှာ နန်းနို့လေရဲ့ ကောန်းဟှူ ကျင့်ဟှို ဗြင်ဘီးဟှာ ကောန်းဂန်ဘောင်မာရှိဟှူ နန်းနို့ဖရဲ့ ဂေါင်တော်ဟှို ချီးမွမ်းစေဟှို့တွပ် နန်းနို့လေရဲ့ သတ်တာလန်းရောန်ဟှို လန်းစေဂေ့ပါ။
\s ပညတ်တရားန ပရောဖက်လေကြောန်း
\p
\v 17 “မောရှေရဲ့ ပညတ်တရားန ပရောဖက်လေရဲ့ သွန်သန်ဟှားဇာလေဟှို ဖျစ်ပယ်ဟှို့တွပ် ငါလာဟှယ် ဆိုဘီး ထန်ဂေ့န။ ဖျစ်ပယ်ဟှို့တွပ် ငါလာဇာ မှုဟှ။ ပ္လဲ့ဇောင်ဟှို့တွပ် ငါလာဇာဖြစ်ဟှယ်။ 
\v 18 \x - \xo ၅.၁၈ \xo*\xt လု ၁၆.၁၇\xt*\x*နန်းနို့ဟှို ငါ မှန်တိုင်းပြောမယ်၊ ကောန်းဂန်ဘောင်န မ္လေဂီး ပျော့‑က်ကွယ်ခန်ထိ ပညတ်တရားထဲမာ ငယ်ဆောင်းဖြစ်ဟှူ စာလောင်း တလောင်းလည်း ပ္လဲ့ဇောင်ခန်ထိ ပျစ်စီးစေဟှ။\f + \fr ၅.၁၈ \fr*\fq တလောင်းလည်း ပ္လဲ့ဇောင်ခန်ထိ ပျစ်စီးစေဟှ၊ \fq*\ft အယ်မျိုးမှုဘဲနေဟှာ \ft*\fqa အယ်ကျမ်းစာမာ သန်ကြားဇာလေ အားလောင်းဂူဟှာ ဖြစ်လာရလေ့မယ်။\fqa*\f* 
\v 19 အယ်ကြောန့် ငယ်ဆောင်းဖြစ်ဟှူ ပညတ်တခုဟှို ကိုယ်ကိုတိုင်လည်း ကျူးလွန်ဘီးဟှာ သူများလေဟှိုလည်း အယ်မျိုးသွန်သန်ပေးဟှယ်။ အယ်သူဟှာ ကောန်းဂန်နိုင်ငံတော်မာ အငယ်ဆောင်းသူ ဖြစ်ရလေ့မယ်။ ကိုယ်ကိုတိုင်လည်း လိုက်နာဘီးဟှာ သူများလေဟှိုလည်း သွန်သန်ပေးလေဟှယ်။ အယ်သူဟှာ ကောန်းဂန်နိုင်ငံမာ ကီးမြတ်ဟှူ သူဖြစ်လေ့မယ်။ 
\v 20 ဘုရားသခင်ရဲ့ လိုတော်တိုင်း သတ်ရှင်ခီမာ နန်းနို့လေရဲ့ ကျင့်ဟှာ ဖာရိရှဲန ကျမ်းပြုဆရာလေ ကျင့်ဟှူကျင့်ထတ် ပိုသာဘဲဟှ ဆိုဟှာ ကောန်းဂန်နိုင်ငံတော်ဟှို ဝမ်ရဟှို့ မှုဟှ ဆိုဘီး ငါမှန်တိုင်းပြောဟှယ်။
\s မျစ်ဒေါသကြောန်း
\p
\v 21 “ ‘လူ့ရဲ့သတ်ဟှို သတ်န။ သတ်ဟှူသူဟှာ တရားရောင်းမာ ပြစ်စီရင်ခံရမယ် ဆိုဘီး ရှေးဟှ ပြောဟှားဇာဟှို နန်းနို့ကြားသိပီးဘီ။’ 
\v 22 ငါပညတ်ဇာဟှ နန်ဟှာ ကိုယ့်ညီကိုဟှို ဒေါသထွပ်ဟှယ်\f + \fr ၅.၂၂ \fr*\fq ဒေါသထွပ်ဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa ကြောန်းမှေ့ဘဲန စိဆိုးဟှားဟှယ်၊ \fqa*\ft ဆိုဘီး ပါရှိဟှယ်။\ft*\f* ဆိုဟှာ တရားလွတ်တော်ရှေ့ဟှို ရော့‑က်ရမယ်! ညီကိုရှင်းရှင်းဟှို ကီဆဲဟှူသူဟှာ ရောင်းမာ ပြစ်ပေးခံရမယ်။ ညီကိုရှင်းရှင်းဟှို လူမိုက် ဆိုဘီး ပြောဟှူသူလည်း ငရဲမှာ မီးရှို့ဇာခံရလေ့မယ်။ 
\v 23 အယ်ကြောန့် နန်းနို့လေဟှာ ယဇ်ပလ္လင်မာ ပူဇော်ဆစ်သဟှို့ ပြင်ဆင်ဟှူ ခီမာ ညီကိုဟှို ပြစ်မှားဟှားဇာလေ ဒိရလာဟှယ် ဆိုဟှာ 
\v 24 နန့်ရဲ့ ပူဇော်သကာဟှို ယဇ်ပလ္လင်ရှေ့မာ ထားရစ်ဘီး ညီကိုဟှို သွားဘီး တောန်းဗန်လိုက်ပါ။ အယ်ဘီးမှ ပ္လန်လာဘီး ဘုရားသခင်ဟှို ပူဇော်သကာဟှို ပူဇော်ပါ။
\p
\v 25 “နန့်ဟှို တရားစွဲဟှူ လူနတူးဒူ ခရီးသွားနေခီမာ သူ့ဟှို ဗြန်းဗြန် တောန်းဗန်လိုက်ပါ။ နော့‑က်မှုဘဲနေဟှာ သူဟှ နန့်ဟှို တရားသူဂီးလတ်ထဲအပ်ဘီး တရားသူဂီးဟှ ရဲလတ်ဟှို အပ်လိုက်ဟှူကြောန့် နန်ဟှာ ထောန်ထဲမာ ထဲ့ဟှားဇာဟှို ခံရလေ့မယ်။ 
\v 26 နန်းနို့ဟှို ငါ မှန်တိုင်းပြောမယ်၊ ကပ်ကွီးကျေအောန် မဆပ်မရှင်း နန်ဟှာ ထောန်ထဲမာ နေရလေ့မယ်။
\s သူများရဲ့မယားဟှို ပြစ်မှားဟှူကြောန်း
\p
\v 27 “ ‘အီထောန်ရေးဖော့‑က်ပ္လန်ဇာဟှို ကျူးလွန်န ဆိုဘီး ပြောဟှားဇာဟှို နန်းနို့ကြားသိပီးဘီ။’ 
\v 28 ငါပညတ်ဇာဟှ ကိလေသစိန သူများရဲ့မယားဟှို ကေ့မိဟှူသူဟှာ စိနှလောင်းထဲဟှ အယ်မီးမန ပြစ်မှားလေဘီ။ 
\v 29 \x - \xo ၅.၂၉ \xo*\xt မ ၁၈.၉; မာ ၉.၄၇\xt*\x*အယ်ကြောန့် ညာမျစ်စိန မှားယွင်းမိဟှယ် ဆိုဟှာ ညာမျစ်စိဟှို ထုပစ်လိုက်! တကိုယ်လောင်း ငရဲထဲဟှို ပစ်ခ္လခံရထတ် မျစ်စိတဖတ်မှေ့ဘဲန သတ်ရှင်ရဇာဟှာ ပိုကောန်းဟှယ်။ 
\v 30 \x - \xo ၅.၃၀ \xo*\xt မ ၁၈.၈; မာ ၉.၄၃\xt*\x*အယ်မူမျိုးဘဲ့ နန့်ညာလတ်ဟှ နန့်ဟှို မှားယွင်းစေဟှယ် ဆိုဟှာ ညာလတ်ဟှို ဖြတ်ပစ်လိုက်! တကိုယ်လောင်း ငရဲထဲဟှို ပစ်ခ္လခံရထတ် လတ်တဖတ်မှေ့ဘဲန သတ်ရှင်ရဇာဟှ ပိုကောန်းဟှယ်။
\s လန်မယား ကွာရှင်းဟှူကြောန်း
\r (မဿဲ ၁၉.၉; မာကု ၁၀.၁၁,၁၂; လုကာ ၁၆.၁၈)
\p
\v 31 \x - \xo ၅.၃၁ \xo*\xt မ ၁၉.၇; မာ ၁၀.၄\xt*\x*“ ‘ကိုယ့်မယားဟှို ကွာရှင်းရှင်ဟှယ် ဆိုဟှာ ကွာရှင်းစာချောက်ဟှို ပေးရမယ် ဆိုဘီး ပညတ်ဟှားလေဟှယ်။’ 
\v 32 \x - \xo ၅.၃၂ \xo*\xt မ ၁၉.၉; မာ ၁၀.၁၁,၁၂; လု ၁၆.၁၈; ၁ ကော ၇.၁၀,၁၁\xt*\x*ငါပညတ်ဇာဟှ ဆိုးသွန်းဘီး ဖော့‑က်ပ္လန်ဇာမှေ့ဘဲန တခြားကြောန်းလေကြောန့် ကိုယ့်မယားဟှို ကွာရှင်းရှင်သူဟှာ အီထောန်ရေးဖော့‑က်ပ္လန်ရှင်းဟှို ကျူးလွန်သူ ဖြစ်ဟှယ်။ ကွာရှင်းဟှူမီးမန ပေါန်းသင်းဟှူသူဟှလည်း အီထောန်ရေးဖော့‑က်ပ္လန်ရှင်းဟှို ကျူးလွန်ဟှယ်။
\s ကီဆိုဟှူကြောန်း
\p
\v 33 “ ‘မှုဘဲန ကီဆိုဂေ့န။ ကီဆိုလိုက်ဟှူတိုင်း ဘုရားသခင်ရှေ့မာ တည်ရမယ် ဆိုဘီး ရှေးဟှပညတ်ဟှားဇာဟှို နန်းနို့ကြားသိပီးဘီ။’ 
\v 34 \x - \xo ၅.၃၄ \xo*\xt မ ၂၃.၂၂\xt*\x*ငါပညတ်ဇာဟှ လောင်းဝ ကီဆိုဂေ့န။ ကောန်းဂန်ဘောင်ဟှို တိုင်တယ်ဘီးဟှာ ကီဆိုဂေ့န။ ကောန်းဂန်ဘောင်ဟှာ ဘုရားသခင်ရဲ့ ပလ္လင်တော်ဖြစ်ဟှယ်။ 
\v 35 မ္လေဂီးဟှို တိုင်တယ်ဘီး ကီဆိုဂေ့န။ မ္လေဂီးဟှာ ဘုရားသခင်ရဲ့ ခေတော်တန်ရာခေါင် ဖြစ်ဟှယ်။ ယေရုရှလင်ဗြို့ဟှို တိုင်တယ်ဘီး ကီဆိုဂေ့န။ မဟာမန်းဂီးရဲ့ ဗြို့တော်ဖြစ်လေဟှယ်။ 
\v 36 နန်းနို့ရဲ့ ဆားဗန်တဗန်ဟှိုမှ ဖ္လူအောန်၊ မဲအောန် လောက်နိုင်ဘဲန ကိုယ့်ရဲ့ခေါန်းဟှို တိုင်တယ်ဘီးဟှာ ကီဆိုဂေ့န။ 
\v 37 နန်းနို့စကားဟှာ ‘မှန်ဇာဟှို’ မှန်ဖြစ်စေဘီး ‘မှုဘဲဇာဟှို’ မှုဟှ ဆိုဘီး ဖြစ်စေဂေ့ပါ။ အယ်ထတ်ပိုဟှူစကားဟှာ မုသာနဘဲ့ စပ်ဆိုင်ဇာဖြစ်လေဟှယ်။
\s ရန်တုံ့ပ္လန်ဟှူကြောန်း
\r (လုကာ ၆.၂၉,၃၀)
\p
\v 38 “‘မျစ်စိတလောင်းတွပ် မျစ်စိတလောင်း၊ သွားတရှောန်းတွပ် သွားတရှောန်း’ ဆိုဘီး ပညတ်ဟှားဇာဟှို နန်းနို့ကြားဟှားပီးဘီ။ 
\v 39 ငါပညတ်ဇာဟှ နှော့‑က်ရှစ်ဟှူသူလေဟှို ရန်တုံ့ပ္လန်ဂေ့န ဆိုဘီး ငါပြောဟှယ်။ နန့်ပါးတဖတ်ဟှို ရိုက်ဟှယ် ဆိုဟှာ ကျန်ဟှူ ပါးတဖတ်ဟှိုလည်း ရိုက်ဟှို့ လှည့်ပေးလိုက်ပါ။ 
\v 40 နန့်အန်းဂီဟှို လိုရှင်ဟှူကြောန့် စီရင်ဟှူသူလေဟှို နန့်ဝတ်လောင်ဟှိုလည်း ပေးလိုက်ပါ။ 
\v 41 ယော့‑က်ယော့‑က်ဟှ နန်းနို့ဟှို နိုင်ကျင့်ဘီး တမိုင် သွားခိုင်းမယ် ဆိုဟှာ အယ်သူနတူးဒူ နှေ့မိုင် သွားလိုက်ပါ။ 
\v 42 နန့်နားမာ တောန်းဟှူလူဟှို ပေးလိုက်ပါ။ ချေးငှားဟှူသူလေဟှိုလည်း ငြင်းဘဲန ချေးငှားလိုက်ပါ။
\s ရန်သူဟှို ရှစ်ရဟှို့ကြောန်း
\r (လုကာ ၆.၂၇,၂၈,၃၂–၃၆)
\p
\v 43 “ ‘နန့်ရဲ့ အီဇနီးရှင်းဟှို ရှစ်ပါ။ ရန်သူဟှိုမူးပါ ဆိုဘီး ရှေးဟှပညတ်ဟှားဇာဟှို နန်းနို့ကြားသိပီးဘီ။’ 
\v 44 ငါပညတ်ဇာဟှ ရန်သူလေဟှို ရှစ်ဂေ့။ ညှဉ်းဆဲဟှူသူလေဟှို ဆုတောန်းဂေ့။ နန်းနို့လေဟှို မူးဟှူသူလေဟှိုလည်း ကူညီဂေ့။ 
\v 45 အယ်ဆိုဟှာ နန်းနို့လေဟှာ ကောန်းဂန်ဘောင်မာ ရှိတော်မူဟှူ ဘုရားသခင်ရဲ့ သားမီးလေဖြစ်လာလေ့မယ်။ ဖြားဖြစ်ကြောန့်နူးဆိုဟှာ ကောန်းဂန်ဘောင်မာ ရှိတော်မူဟှူ နန်းနို့ဖဟှာ ဖြောန့်မတ်ဟှူသူလေ၊ ဖြောန့်မတ်ဘဲဟှူသူလေထတ်မာ သူ့ရဲ့နေရောန်ဟှို ထွန်းလန်းစေဘီး သူတော်ကောန်းလေ၊ သူယောက်မာလေထတ်မာလည်း မိုးဝါစေတော်မူဟှယ်။ 
\v 46 နန်းနို့ဟှို ရှစ်ဟှူသူလေဟှိုဘဲ့ ပ္လန်ဘီးရှစ်ဟှယ် ဆိုဟှာ ဖြားကျိုးထူးမယ်နူး။ ခွန်ကော့‑က်မားလေလည်းဘဲ့ အယ်မူမျိုး လောက်တတ်ဟှယ်! 
\v 47 နန်းနို့ရဲ့ ညီကိုလေဟှိုဘဲ့ မြစ်တာထားဘီး စကားပြောဟှယ် ဆိုဟှာ ဘုရားသိဘဲဟှူ လူလေန ဖြားဇာလေ ကွာခြားနူး။ ဘုရားသိဘဲဟှူ လူလေလည်းဘဲ့ အယ်မျိုး လောက်ဂေ့ဟှယ်! 
\v 48 အယ်ကြောန့် ကောန်းဂန်ဘောင်ဟှ နန်းနို့ ဖဟှာ စောင်လင်ဟှူ မျိုးဘဲ့ နန်းနို့လည်း စောင်လင်အောန် နေဂေ့ပါ။
\c 6
\s လှူဒါနကြောန်း
\p
\v 1 \x - \xo ၆.၁ \xo*\xt မ ၂၃.၅\xt*\x*“နန်းနို့လေဟှာ ကောန်းဇာလေလောက်ဟှူ ခီမာ လူလေဗြင်အောန် လောက်မိဘဲနေဟှို့ ဒိထားဂေ့ပါ။ နန်းနို့ဟှာ လူလေဗြင်အောန် လောက်မယ် ဆိုဟှာ ကောန်းဂန်ဘောင်မာ ရှိတော်မူဟှူ နန်းနို့ဖထံဟှ ကျိုးဟှို ခံစားရဂေ့ဟှို့ မှုဟှ။
\p
\v 2 “အယ်ကြောန့် နန်းနို့ လှူဒါနပေးဟှူ ခီမာ သူတော်ကောန်း ယောန်ဆောန်ဟှူ သူလေ လောက်ဂေ့ဟှူမျိုး လူလေထန်ကီးဇာခံရဟှို့ ဝါလယ်ဇရပ်လေန လမ်းဆောင်လမ်းခွလေမာ တံပိုးမှုဘီး ကြေညာဂေ့န။ သူးနို့လေဟှာ လူလေရဲ့ထန်ကီးဘီး ချီးမွမ်းခံရအောန်ဘဲ့ လောက်ဂေ့လေဟှယ်။ ငါမှန်တိုင်းပြောမယ် အယ်သူလေဟှာ ခုဘဝကျိုးဟှိုဘဲ့ ရဂေ့လေဟှယ်။ 
\v 3 နန်းနို့လေဟှာ လှူဒါနပေးဟှူ ခီမာ ဘယ်ဖတ်လတ်န ပေးဟှူဇာဟှို ညာဖတ်လတ်ဟှို သိစေန။ 
\v 4 ထန်ရှားဘဲဇာဟှို ဗြင်တော်မူဟှူ နန်းနို့ဖဟှာ ကျိုးဟှို ထန်ရှားအောန် ပေးတော်မူလေ့မယ်။
\s ဆုတောန်းဟှူကြောန်း
\r (လုကာ ၁၁.၂–၄)
\p
\v 5 \x - \xo ၆.၅ \xo*\xt လု ၁၈.၁၀–၁၄\xt*\x*“နန်းနို့လေဟှာ ဆုတောန်းဟှူ ခီမာ သူတော်ကောန်း ယောန်ဆောန်သူလေမျိုး လောက်ဂေ့န! အယ်သူလေဟှာ လူလေဗြင်အောန် ဆိုဘီး ဝါလယ်ဇရပ်လေ၊ လမ်းဆောင်လမ်းခွလေမာ ရပ်ဘီးဟှာ ဆုတောန်းဂေ့လေဟှယ်။ ငါမှန်တိုင်းပြောမယ် အယ်သူလေဟှာ လူလေရဲ့ ထန်ကီးဇာလေန ချီးမွမ်းဇာလေဟှို ခံရဂေ့လေဟှယ်။ 
\v 6 နန်းနို့လေ ဆုတောန်းဟှူ ခီမာ တိဆိဟှူ အီခန်းထဲဟှိုဝမ်ဘီး ခွဗော့‑က်ဟှို လောင်အောန်ပိဘီးဟှာ ထန်ရှားဘဲဟှူရပ်မာ ရှိတော်မူဟှူ နန်းနို့ဖနားမာ ဆုတောန်းဂေ့ပါ။ ထန်ရှားဘဲဇာဟှို ဗြင်တော်မူဟှူ နန်းနို့ဖဟှာ ကျိုးဟှို ထန်းထန်ရှားရှား ပေးလေ့မယ်။
\p
\v 7 “နန်းနို့လေဟှာ ဆုတောန်းဟှူ ခီမာ ဘုရားသိဘဲဟှူလူလေမျိုး ဓိပါယ်မှေ့ဘဲဟှူ စကားလေန ထပ်ခါထပ်ခါ တောန်းဂေ့န။ အယ်သူလေဟှာ ရရာတိုင်းရှယ်ဟှူ စကားန ခီကြာဂီး ဆုတောန်းဟှယ် ဆိုဟှာ သူးနို့လိုရှင်ဇာဟှို ရလေ့မယ် ဆိုဘီး ထန်မှတ်ဂေ့ဟှယ်။ 
\v 8 သူးနို့လေမျိုး လောက်ဂေ့န။ နန်းနို့လိုအပ်ဟှူ ဇာလေဟှို နန်းနို့တောန်းခန်ဂဒဲဟှ နန်းနို့ရဲ့ဖ သိတော်မူလေဟှယ်။ 
\v 9 အယ်ကြော့န် နန်းနို့လေ ဆုတောန်းဟှူ ခီမာ
\q1 “‘ကောန်းဂန်ဘောင်မာ ရှိတော်မူဟှူဖ၊
\q2 ကိုယ်တော်ရဲ့ နာမတော်ဟှို ရိုသေလေးမြတ်ရှင်း ရှိပါစေ။
\q1
\v 10 နိုင်ငံတော် တည်ထောန်ပါစေ။
\q2 လိုတော်ဟှာ ကောန်းဂန်နိုင်ငံမာ ပ္လဲ့ဇောင်ဟှူမျိုးဘဲ့ မ္လေဂီးထတ်မာလည်း ပ္လဲ့ဇောင်ပါစေ။
\q1
\v 11 ကျွန်တော့်ဟှားလေ လိုအပ်ဟှူစားဇာဟှို\f + \fr ၆.၁၁ \fr*\fq ကျွန်တော့်ဟှားလေ လိုအပ်ဟှူစားဇာဟှို၊ \fq*\ft အယ်မျိုးမှုဘဲနေဟှာ \ft*\fqa အယ်နေတွပ်၊ \fqa*\ft အယ်မျိုးမှုဘဲနေဟှာ \ft*\fqa နော့‑က်နေ့တွပ် လိုအပ်ဟှယ်။\fqa*\f* အယ်နေ့တွပ် ပေးသနားတော်မူပါ။
\q1
\v 12 ကျွန်တော့်ဟှားလေဟှို ပြစ်မှားဟှူ သူလေရဲ့ ပြစ်လေဟှို ကျွန်တော်ဟှားလေ ခွမ့်လွှတ်ပေးဟှူမျိုးဘဲ့
\q2 ကျွန်တော်ဟှားလေရဲ့ ပြစ်လေဟှို ခွမ့်လွှတ်ပေးပါ။
\q1
\v 13 ပြစ်သွီးဆောန်ဟှူနော့‑က်ဟှို လိုက်ပါသွားစေဘဲန၊
\q2 ကောန်းဘဲဟှူဇာလေဟှလည်း ကယ်နှုပေးပါ’\f + \fr ၆.၁၃ \fr*\ft တချို့ မူရင်းလတ်ရေးမူလေမာ \ft*\fqa စိုးပိုင်ဟှူခွမ့်န ဖောင်းတဂိုး အာနုဘော်တော်ဟှာ ကမ္ဘာဆစ်ဆစ် ကိုယ်တော်မာ ရှိပါစေ၊ အာမင်၊ \fqa*\ft ဆိုဘီး ပေါန်းထဲ့ဟှားလေဟှယ်။\ft*\f* ဆိုဘီး ဆုတောန်းဂေ့ပါ။
\p
\v 14 \x - \xo ၆.၁၄,၁၅ \xo*\xt မာ ၁၁.၂၅,၂၆\xt*\x*“နန်းနို့လေဟှာ သူများလေရဲ့ ပြစ်မှားဇာဟှို ခွမ့်လွှတ်ပေးဟှယ် ဆိုဟှာ ကောန်းဂန်ဘောင်မာ ရှိဟှူ နန်းနို့ဖလည်း နန်းနို့လေရဲ့ ပြစ်လေဟှို ခွမ့်လွှတ်ပေးလေ့မယ်။ 
\v 15 အယ်ဘေမဲ့ နန်းနို့လေဟှာ သူများလေ ပြစ်မှားဟှူဇာဟှို ခွမ့်လွှတ်ပေးဟှ ဆိုဟှာ နန်းနို့ဖလည်း နန်းနို့လေရဲ့ပြစ်ဟှို ခွမ့်လွှတ်ပေးလေ့ မှုဟှ။
\s စာရှောန်ဟှို့ သွန်သန်ဟှူကြောန်း
\p
\v 16 “နန်းနို့လေဟှာ စာရှောန်ခီမာ သူတော်ကောန်းယောန်ဆောန်ဟှူ သူလေမျိုး သူများလေရဲ့ရှေ့မာ မျစ်နှာညှိုးငယ်ဘီး နေဂေ့န။ အယ်သူလေဟှာ သူးနို့စာရှောန်ဇာဟှို သူများလေသိအောန် ရရာတိုင်း ဗိုက်ဆာဘီး အားနဲနေဟှူပေါင်ဇံမျိုးန သူများလေရှေ့မာ ပြသတတ်ဟှယ်။ ငါမှန်တိုင်းပြောမယ် အယ်သူလေဟှာ လူလေရဲ့ ထန်ကီးဇာလေ၊ ချီးမွမ်းဇာလေဟှို ခံရလေဟှယ်။ 
\v 17 နန်းနို့လေဟှာ စာရှောန်ဟှူ ခီမာ စာရှောန်ဟှူကြောန်းဟှို သူများလေဟှို သိစေန။ ထန်ရှားဘဲရပ်မာရှိဟှူ နန်းနို့ဖရှေ့မာ ထန်ရှားစေဟှို့တွပ် မျစ်နှာဟှိုသစ်၊ ခေါန်းဟှိုဆီနလူးဘီးဟှာ လန်းလန်းဆန်းဆန်းဟှား နေဂေ့ပါ။ 
\v 18 ထန်ရှားဘဲဇာဟှို ဗြင်တော်မူဟှူ နန်းနို့ဖဟှာ ကျိုးဟှို ထန်းထန်ရှားရှား ပေးလေ့မယ်။
\s ကောန်းဂန်ဘဏ္ဍာကြောန်း
\r (လုကာ ၁၂.၃၃,၃၄)
\p
\v 19 \x - \xo ၆.၁၉ \xo*\xt ယာ ၅.၂,၃\xt*\x*“သံခ္လေး၊ ခြလေ၊ ခိုးလေ၊ မ္လလေ ဖော့‑က်ထွမ်းဘီး ခိုးယူနိုင်ဟှူ လောကီဘဏ္ဍာဟှို စုဂေ့န။ 
\v 20 အယ်ဘေမဲ့ သံခ္လေး၊ ပိုးလေ၊ ခိုးလေ၊ မ္လလေလည်း ခိုးယူနိုင်ဘဲဟှူ ကောန်းဂန်ဘဏ္ဍာဟှို စုဂေ့ပါ။ 
\v 21 ဖြားဖြစ်ကြောန့်နူးဆိုဟှာ နန်းနို့လေဟှာ ဘဏ္ဍာရှိဟှူ နေရာဟှိုဘဲ့ နန်းနို့စိနှလောင်းဟှာ ရော့‑က်တတ်ဟှယ်။
\s ကိုယ်ခန္ဓာရဲ့ ဆီမီးကြောန်း
\r (လုကာ ၁၁.၃၄–၃၆)
\p
\v 22 “မျစ်စိဟှာ ကိုယ်ခန္ဓာတွပ် ဆီမီးအီန တူဟှယ်။ မျစ်စိကောန်းဟှယ် ဆိုဟှာ နန်းနို့ရဲ့ ကိုယ်ခန္ဓာ တခုလောင်း လန်းလေ့မယ်။ 
\v 23 အယ်ဘေမဲ့ မျစ်စိကောန်းဂေ့ဟှ ဆိုဟှာ ကိုယ်ခန္ဓာ တခုလောင်း မှောန်လေ့မယ်။ နန်းနို့လေရဲ့ လန်းရောန်ဟှာ မှောန်မိုက်ဖြစ်နေဟှယ် ဆိုဟှာ အယ်မှောန်မိုက်ဟှာ ရရာတိုင်း မိုက်လေဟှယ်!
\s ဘုရားသခင်န လောကစည်းဇိမ်ကြောန်း
\r (လုကာ ၁၆.၁၃; ၁၂.၂၂–၃၁)
\p
\v 24 “ဖယ်သူဟှလည်း သခင်နှေ့ယော့‑က်ရဲ့ စေဟှို ခံနိုင်ဟှ။ သခင်တယော့‑က်ဟှို မူးဘီး တယော့‑က်ဟှို ရှစ်လေ့မယ်။ သခင်တယော့‑က်ဟှို သစ်စာစောန့်ဘီးဟှာ တယော့‑က်ဟှို ထီမဲ့မြင်လောက်လေ့မယ်။ နန်းနို့လေဟှာ ဘုရားသခင်န လောကစည်းဇိမ်လေဟှို တပြိုင်ဒဲ စေခံနိုင်ဂေ့ဟှ။
\p
\v 25 “အယ်ကြောန့် နန်းနို့ဟှို ငါပြောမယ်။ ဖယ်မျိုးစားရဟှို့၊ ဖယ်မျိုးသော့‑က်ရဟှို့ ဆိုဘီး သတ်တွပ် စိုးရိမ်ဂေ့န။ ဖယ်မျိုးဝတ်ရဟှို့ ဆိုဘီးလည်း ကိုယ်ခန္ဓာတွပ် စိုးရိမ်ဂေ့န။ စာထတ် သတ်ဟှ ပိုမြတ်ဟှယ် မှုဟှလော။ ဝတ်ထတ်လည်း ကိုယ်ခန္ဓာဟှာ ပိုဘီးမြတ်ဟှယ် မှုဟှလော။ 
\v 26 မိုးကောန်းဂန်မာရှိဟှူ ငှတ်လေဟှို ကေ့ဘီးဟှာ ဆင်ခြင်ကေ့ဂေ့ပါ။ သူးနို့လေဟှာ မျိုးစေ့လည်း ကြဲဟှ။ သီးနှံလည်း ရိဟှ။ သိုဘီးလည်း ထားဟှ။ အယ်ဘေမဲ့ ကောန်းဂန်ဘောင်ဟှ နန်းနို့လေရဲ့ ဖဟှာ သူးနို့လေဟှို ကျွေးမွေးလေဟှယ်! အယ်ငှတ်လေထတ် နန်းနို့လေဟှာ ပိုဘီးမြတ်ဟှယ် မှုဟှလော။ 
\v 27 နန်းနို့လေထဲမာ ဖယ်သူဟှ စိုးရိမ်နေဇာအားဖြင့် သတ်နဲနဲပိုရှယ်\f + \fr ၆.၂၇ \fr*\fq သတ်နဲနဲပိုရှယ်၊ \fq*\ft အယ်မျိုးမှုဘဲနေဟှာ \ft*\fqa နဲနဲဟှားကီးထွား။\fqa*\f*လာနိုင်မယ်နူး
\p
\v 28 “နန်းနို့လေ ဖြားဖြစ်ကြောန့် ဝတ်တွပ် စိုးရိမ်နေဂေ့နူး တောပန်းလေဟှာ ဖယ်မူမျိုးရှင်ဘီး ဖယ်မူမျိုး ကီးလာဇာဟှို ကေ့ဘီးဟှာ ဆင်ခြင်ဂေ့ပါ။ အယ်တောပန်းလေဟှာ လောက်လည်းလောက်ဟှ။ ခယ်ဖြစ်အောန်လည်း တတ်နိုင်ဟှ။ 
\v 29 အယ်ဘေမဲ့ ရှောလမုန်မန်းဂီးရဲ့ ဖောင်းစည်းဇိမ်လေ အားလောင်းဟှို ဆင်ဟှယ်ဟှိုမှ အယ်တောပန်းလေထဲဟှ တဗန်မျိုး လှပတင့်တယ်ဟှ ဆိုဘီး နန်းနို့လေဟှို ငါပြောဟှယ်။ 
\v 30 ယောင်ကြည်ရှင်း အားနဲဟှူလူလေ! အယ်နေ့သတ်ရှင်ဘီး နတ်ကီးတိုင်ဟှာ မီးဖိုထဲဟှို ရော့‑က်ရဟှူ တောဗြစ်ပန်လေဟှို ဘုရားသခင်ဟှာ အယ်မျိုးဆင်ပေးဟှယ် ဆိုဟှာ နန်းနို့လေဟှို အယ်ထတ်မက ဆင်ပေးမယ် မှုဟှလော။
\p
\v 31 “အယ်ကြောန့် ဖယ်မျိုးစားရဟှို့နူး။ ဖယ်မျိုးသော့‑က်ရဟှို့နူး။ ဖယ်မျိုးဝတ်ရဟှို့နူး ဆိုဘီး စိုးရိမ်ဂေ့န။ 
\v 32 (ဘုရားသိဘဲဟှူလူလေဟှဘဲ့ အယ်မူဇာလေဟှို စိုးရိမ်တတ်ဂေ့ဟှယ်။) အယ်မူဇာလေဟှို နန်းနို့လေ လိုအပ်ဟှယ် ဆိုဇာဟှို ကောန်းဂန်ဘောင်ဟှ နန်းနို့ဖ သိတော်မူဟှယ်။ 
\v 33 ဘုရားသခင်ရဲ့ နိုင်ငံတော်န ဖြောန့်မတ်ရှင်းဟှို ဦးဆောင်း ရှာဂေ့ပါ။ နော့‑က်မှ နန်းနို့လိုအပ်ဟှူဇာလေဟှို ထပ်ဘီးပေးလေ့မယ်။ 
\v 34 အယ်ကြောန့် နတ်ကီးတိုင်တွပ် စိုးရိမ်ဂေ့န။ နတ်ကီးတိုင်ဟှဘဲ့ သူ့တွပ်စိုးရိမ်လေ့မယ်။ အယ်မူနေ့မာ တွိကြောင်ရင်ဆိုင်ရဟှူ ဇာလေဟှာ အယ်နေ့တွပ် လောင်လော့‑က်လေဟှယ်။
\c 7
\s သူများလေဟှို စစ်ကြောစီရင်ဟှူကြောန်း
\r (လုကာ ၆.၃၇,၃၈,၄၁,၄၂)
\p
\v 1 “နန်းနို့လေဟှာ ကိုယ်ကိုယ်တိုင် စစ်ကြောစီရင်ရှင်းဟှနေ လွတ်ရှင်ဟှယ် ဆိုဟှာ သူများလေဟှိုလည်း စစ်ကြောစီရင်ဂေ့န။ 
\v 2 \x - \xo ၇.၂ \xo*\xt မာ ၄.၂၄\xt*\x*ဖြားဖြစ်ကြောန့်နူးဆိုဟှာ နန်းနို့လေဟှာ သူများလေဟှို စစ်ကြောစီရင်ဟှူတိုင်းဘဲ့ နန်းနို့လည်းဘဲ့ ဘုရားသခင်ဟှ စစ်ကြောစီရင်လေ့မယ်။ နန်းနို့ဟှာ သူများလေဟှို ပေးဟှူ ပမာဏတိုင်း ဘုရားသခင်ဟှ နန်းနို့ဟှို ပေးလေ့မယ်။ 
\v 3 နန်ဟှာ ကိုယ့်မျစ်စိထဲဟှ သစ်တောင်းဟှို ဗြင်ဘဲန နန့်ညီကိုရဲ့ မျစ်စိထဲဟှ သစ်မုဟှို ဖြားဖြစ်ကြောန့် ဗြင်ရနူး။ 
\v 4 နန့်မျစ်စိထဲဟှ သစ်တောင်းဟှို ဗြင်ဘဲန နန့်ညီကိုဟှို ‘နန့်မျစ်စိထဲဟှ သစ်မုဟှားဟှို ထုပစ်ပေးပါရစေ’ ဆိုဘီး ဖြားဖြစ်ကြောန့် ပြောရနူး။ 
\v 5 သူတော်ကောန်းယောန်ဆောန်ဟှူသူ! နန့်မျစ်စိထဲဟှ သစ်တောင်းဟှို ရင်ဦးဆောင်းထုပစ်လိုက်ပါ။ အယ်ဆိုဟှာ ညီကိုမျစ်စိထဲဟှ သစ်မုဟှို ထုပစ်ပေးဟှို့တွပ် ရှင်းရှင်းလန်းလန်းဟှား ဗြင်ရလေ့မယ်။
\p
\v 6 “သန့်ရှင်းဟှူဇာလေဟှို ခွီးလေဟှို ပေးဂေ့န။ အယ်မျိုးလောက်ဆိုဟှာ နန်းနို့ဟှို ကိုက်ဂေ့လေ့မယ်။ ပုလဲလေဟှိုလည်း ဝပ်လေရှေ့မာ ထားဂေ့န။ အယ်မျိုးလောက်မယ် ဆိုဟှာ နန်းနို့လေဟှို ကျော်ဘီးနန်းဂေ့လေ့မယ်။
\s တောန်းဟှူဇာ၊ ရှာဟှူဇာန ခွဗော့‑က်ဟှို ခေါ့‑က်ဟှူကြောန်း
\r (လုကာ ၁၁.၉–၁၃)
\p
\v 7 “တောန်းဂေ့။ တောန်းမယ် ဆိုဟှာ ရဂေ့လေ့မယ်။ ရှာဂေ့။ ရှာမယ် ဆိုဟှာ တွိဂေ့လေ့မယ်။ ခွဗော့‑က်ဟှို ခေါ့‑က်ဂေ့။ ခေါ့‑က်မယ် ဆိုဟှာ ဖွမ့်ပေးလေ့မယ်။ 
\v 8 တောန်းဟှူသူဟှာ ရလေဟှယ်။ ရှာဟှူသူဟှာ တွိလေဟှယ်။ ခွဗော့‑က်ဟှို ခေါ့‑က်ဟှူသူဟှာ ခွဗော့‑က်ဟှို ဖွမ့်ပေးလေ့မယ်။ 
\v 9 နန်းနို့ရဲ့ သားမီးလေဟှ မုဟှို တောန်းဟှူ ခီမာ က္လော့‑က်ခဲဟှို ပေးမယ့်ဖလေ ရှိဂေ့ဘဲ့လော။ 
\v 10 ငါးဟှို တောန်းဟှူ ခီမာ ဗွီဟှို ပေးမယ့်ဖလေ ရှိဂေ့ဘဲ့လော။ 
\v 11 နန်းနို့လေဟှာ ဆိုးဖြစ်ရဲ့န နန်းနို့ရဲ့ သားမီးလေဟှို ကောန်းဟှူဇာလေဟှိုဘဲ့ ပေးတတ်ဟှယ် ဆိုဟှာ ကောန်းဂန်ဘောင်မာ ရှိတော်မူဟှူ နန်းနို့ရဲ့ ဖလည်း ဆုတောန်းဟှူ သူလေဟှို အယ်ထတ်မက ကောန်းဟှူဇာလေဟှိုဘဲ့ ပိုဘီးပေးလေ့မယ် မှုဟှလော။
\p
\v 12 \x - \xo ၇.၁၂ \xo*\xt လု ၆.၃၁\xt*\x*“နန်းနို့လေဟှို သူများလေဟှ ပြုမူဆစ်ဆံစေရှင်မျိုး သူများလေဟှိုလည်း ပြုမူဆစ်ဆံဂေ့ပါ။ အယ်ပညတ်ဟှ မောရှေရဲ့ ပညတ်တရားကျမ်းန ပရောဖက်ကျမ်းလေရဲ့ ချောက်ခြာ ဖြစ်လေဟှယ်။
\s ကျဉ်းဟှူခွဗော့‑က်ကြောန်း
\r (လုကာ ၁၃.၂၄)
\p
\v 13 “ခွဗော့‑က်ကျဉ်းထဲဟှို ဝမ်ဂေ့ပါ။ ပျစ်စီးရှင်းထဲဟှို ရော့‑က်ဟှူလမ်းန ခွဗော့‑က်ဟှာ ရရာတိုင်း က္လယ်ကြောန့် ဘောင်ဂီးဝမ်ဂေ့လေဟှယ်။ 
\v 14 သတ်ရှင်ရှင်းဟှို ရော့‑က်ဟှူလမ်းန ခွဗော့‑က်ဟှာ ရရာတိုင်း ကျဉ်းဘီး ကြမ်းဟှူကြောန့် တွိဟှူသူလေန ဝမ်ဟှူသူလေဟှာ နဲဂေ့လေဟှယ်။
\s ပန်န အသီးကြောန်း
\r (လုကာ ၆.၄၃,၄၄)
\p
\v 15 “ကော့‑က်ကျစ်ယောက်မာဘီး ကြမ်းထန်းဟှူ ဝံပုလွေလေမျိုး သိုးရေဟှို ခြောင်ဘီးဟှာ နန်းနို့လေနားဟှို လာမယ့် ပရောဖက်တုယောန်လေဟှို ဒိထားဂေ့ပါ။ 
\v 16 သူးနို့လေရဲ့ကျင့်ဟှို ကေ့လိုက်န သူးနို့လေရဲ့ စိသဘောဟှို သိရလေ့မယ်။ ဆူးဗန်မျိုးမျိုးလေမာ စဗျစ်သီးန သန်းဖောသဖန်းသီးဟှို ဆွတ်ယူရနိုင်ဘဲ့လော။ 
\v 17 အယ်မူမျိုးဘဲ့ ကောန်းဟှူသစ်ပန်မာ ကောန်းဟှူအသီးဟှို သီးဘီးဟှာ ကောန်းဘဲဟှူပန်မာ ကောန်းဘဲဟှူသီးလေဟှိုဘဲ့ သီးတတ်လေဟှယ်။ 
\v 18 ကောန်းဟှူ သစ်ပန်တဗန်မာ ကောန်းဘဲဟှူအသီး၊ ကောန်းဘဲဟှူ သစ်ပန်တဗန်မာ ကောန်းဟှူအသီးဟှို သီးနိုင်ဟှ။ 
\v 19 \x - \xo ၇.၁၉ \xo*\xt မ ၃.၁၀; လု ၃.၉\xt*\x*ကောန်းဟှူသီး သီးဘဲဟှူ သစ်ပန်လေဟှို ခွတ်လှဲဘီးဟှာ မီးထဲဟှို ပစ်ခ္လတတ်လေဟှယ်။ 
\v 20 \x - \xo ၇.၂၀ \xo*\xt မ ၁၂.၃၃\xt*\x*အယ်ကြောန့် အယ်ပရောဖက်တုယောန်လေရဲ့ ကျင့်ဟှို ကေ့လိုက်န သူးနို့လေရဲ့ စိသဘောဟှို သိရလေ့မယ်။
\s နန်းနို့လေဟှို ငါလောင်းဝသိဟှ
\b
\r (လုကာ ၁၃.၂၅–၂၇)
\p
\v 21 “ငါ့ဟှို ‘သခင်၊ သခင်’ ဆိုဘီး ခေါ်ဟှူသူတိုင်း ကောန်းဂန်နိုင်ငံတော်ဟှို ဝမ်ရဟှို့ မှုဟှ။ ကောန်းဂန်ဘောင်မာ ရှိဟှူ ငါ့ဖရဲ့လိုဟှို ဆောန်ဟှူသူဘဲ့ ဝမ်ရလေ့မယ်။ 
\v 22 တရားစီရင်ဟှူနေ့ ရော့‑က်ဟှူ ခီမာ ‘သခင်၊ သခင်! ကျွန်တော်ဟှားလေဟှာ ကိုယ်တော်ရဲ့ နာမန ပရောဖက်ပြု ဟောပြောဟှယ်။ ကိုယ်တော်ရဲ့ နာမတော်န နတ်ဆိုးလေဟှို နှန်ထုဟှယ်။ ကိုယ်တော်ရဲ့ ခွမ့်အာဏာန အံ့သြဘွယ်တဂိုး နိမိတ်လတ်ခဏာလေဟှို ဘောင်ဂီးပြရဟှယ် မှုဟှလော’ ဆိုဘီးဟှာ လူလေဘောင်ဂီးဟှ လျှော့‑က်ဂေ့လေ့မယ်။ 
\v 23 အယ်ခီမာ ‘နန်းနို့လေဟှို ငါလောင်းဝသိဟှ။ အဓမ္မကောန်လေ၊ ငါ့နားဟှဖယ်ဂေ့!’ ဆိုဘီး သူးနို့လေဟှို ငါပြောမယ်။
\s အီဆော့‑က်မားနှေ့ယော့‑က်ကြောန်း
\r (လုကာ ၆.၄၇–၄၉)
\p
\v 24 “အယ်ကြောန့် ငါဟောပြောဟှူ တရားစကားဟှို ကြားဘီး နားထောန်ဟှူသူဟှာ က္လော့‑က်ထတ်မာ အီဆော့‑က်ဟှူ ပညာရှိန တူဟှယ်။ 
\v 25 မိုးဝါဟှူကြောန့် ရေစီးလာဟှူန လေလာဘီးဟှာ အယ်အီဟှို ပြင်းပြင်းထန်ထန် တိုက်ဟှူ ခီမာ က္လော့‑က်ထတ်မာ အုပြစ်ခ္လဟှားဟှူကြောန့် ပြိုလဲဘဲန နေလေဟှယ်။
\p
\v 26 “အယ်ဘေမဲ့ ငါစကားဟှို ကြားဘီးဟှာ နားထောန်ဘဲဟှူသူဟှာ သဲထတ်မာ အီဆော့‑က်ဟှူ လူမိုက်န တူဟှယ်။ 
\v 27 မိုးဝါဟှူကြောန့် ရေစီးလာဟှူန လေလာဘီးဟှာ အယ်အီဟှို ပြင်းပြင်းထန်ထန် တိုက်ဟှူ ခီမာ ပြိုက္လ ပျစ်စီးဟှားလေဟှယ်!” ဆိုဘီး ဟောပြောလေဟှယ်။
\s ယေရှုရဲ့ ခွမ့်အာဏာကြောန်း
\p
\v 28 \x - \xo ၇.၂၈,၂၉ \xo*\xt မာ ၁.၂၂; လု ၄.၃၂\xt*\x*ယေရှုဟှာ အယ်မျိုးဟောပြောဘီးဟှူ ခီမာ လူလေဟှ ကိုယ်တော်ရဲ့ သွန်သန်ဟှူဇာလေဟှို ရရာတိုင်း အံ့ဩဟှားဂေ့ဟှယ်။ 
\v 29 ဖြားဖြစ်ကြောန့်နူးဆိုဟှာ ကျမ်းတတ်ဆရာလေမျိုးမှုဘဲန ခွမ့်အာဏာရှိဟှူသူမျိုး သွန်သန်ဟှူကြောန့် ဖြစ်ဟှယ်။
\c 8
\s နူနာသယ် တယော့‑က်ကြောန်း
\b
\r (မာကု ၁.၄၀–၄၅; လုကာ ၅.၁၂–၁၆)
\p
\v 1 ယေရှုဟှာ တောန်ထတ်ဟှနေဘီး ဆင်းလာဟှူ ခီမာ လူအောက်ဂီးဟှာ ကိုယ်တော်နော့‑က်ဟှို လိုက်ဂေ့ဟှယ်။ 
\v 2 အယ်ခီမာ နူနာသယ် တယော့‑က်ဟှာ လာဘီးဟှာ ကိုယ်တော်ရှေ့မာ ပျပ်ဝပ်ဘီး “သခင်၊ လိုတော်ရှိမယ် ဆိုဟှာ ကျွန်တော့်ဟှို အယ်ရောဂါဟှနေ သန့်ရှင်းပေးပါ”\f + \fr ၈.၂ \fr*\fk ကျွန်တော့်ဟှို အယ်ရောဂါဟှနေ သန့်ရှင်းပေးပါ၊ \fk*\ft အယ်ရောဂါဟှာ ထောင်းဒမ်းစဉ်လာအရ လူတယော့‑က်ဟှို ညစ်ညူးစေဟှယ် ဆိုဘီး ယူဆရှိဟှယ်။\ft*\f* ဆိုဘီး တောန်းလျှော့‑က်ဟှယ်။
\p
\v 3 ယေရှုဟှလည်း လတ်တော်ဟှို ဆန့်ဘီးဟှာ “ငါလိုရှိဟှယ်။ သန့်ရှင်းစေ!” ဆိုဘီး မိန့်တော်မူဟှယ်။ ရှစ်ရှင်းဘဲ့ နူနာရောဂါဟှာ ပျော့‑က်ဟှားဘီး သူဟှာ သန့်ရှင်းဟှားလေဟှယ် 
\v 4 ယေရှုဟှ “အယ်ကြောန်းဟှို ဖယ်သူဟှိုလည်း ပြောန။ ဒိထားပါ! ယဇ်ပုရောဟိတ်နားဟှို သွားဘီး ကိုယ်ဟှိုပြလိုက်ပါ။ လူလေရှေ့မာ သတ်သေဖြစ်ဟှို့တွပ် မောရှေပညတ်ဟှားဟှူတိုင်း ပူဇော်သကာဟှို ဆစ်သပါ” ဆိုဘီး မိန့်တော်မူလေဟှယ်။
\s တပ်မှူးရဲ့ ယောင်ကြည်ဇာကြောန်း
\r (လုကာ ၇.၁–၁၀)
\p
\v 5 ယေရှုဟှာ ကပေရနောင်ဗြို့ဟှို ဝမ်လာဟှူ ခီမာ ရောမတပ်မှူးတယော့‑က်ဟှ ကိုယ်တော်နားဟှို လာဘီး တောန်းဗန်ဇာဟှ 
\v 6 “သခင်၊ ကျွန်တော်ရဲ့ စေခံတယော့‑က်ဟှာ လတ်ခေသေဟှူရောဂါန ရရာတိုင်း နာကျင်ဘီးဟှာ အီမာ ထနိုင်ဘဲ ဖြစ်နေပါဟှယ်။ ကယ်မတော်မူပါ” ဆိုဘီး ဖြစ်ဟှယ်။
\p
\v 7 ယေရှုဟှ “ငါလာဘီးဟှာ ရောဂါဟှို ပျော့‑က်ကင်းစေမယ်” ဆိုဘီး မိန့်တော်မူလေဟှယ်။
\p
\v 8 တပ်မှူးဟှ “သခင်၊ ကျွန်တော်ရဲ့ အီးခေါန်မိုးအော့‑က်ဟှို ကိုယ်တော်ဝမ်ရှင်း ကျေးဇူးဟှို ကျွန်တော်ခံထိုက်ဟှ။ မိန့်ပေးလိုက်န ကျွန်တော်ရဲ့ စေခံဟှာ ကျန်းမာရပါလေ့မယ်။ 
\v 9 ဥပမာ ကျွန်တော် ကိုယ်တိုင်လည်း အာဏာပိုင် လတ်အော့‑က်မာ ရာရှိတယော့‑က်ဖြစ်ဘီး ကျွန်တော်ရဲ့ လတ်အော့‑က်မာရှိဟှူ စစ်သားလေဟှို အောက်ချောက်ရပါဟှယ်။ တယော့‑က်ဟှို ‘သွား!’ ဆိုဟှာ သွားပါဟှယ်။ တယော့‑က်ဟှို ‘လာ!’ ဆိုဟှာ လာပါဟှယ်။ အယ်ဘီးဟှာ ကျွန်တော်ဟှာ ကျွန်တော့်ရဲ့ ကျွန်ဟှို မိန့်ပေးလိုက်ဟှယ် ‘အယ်မူဇာဟှို လောက်လိုက်!’ ဆိုဟှာ လောက်လေဟှယ်” ဆိုဘီး လျှော့‑က်လေဟှယ်။
\p
\v 10 အယ်စကားဟှို ယေရှုကြားဟှူ ခီမာ အံ့ဩဟှားဘီး “ငါ မှန်တိုင်းပြောမယ်၊ အယ်မျှလော့‑က်ကီးဟှူ ယောင်ကြည်ရှင်းမျိုး ဣသရေလ လူမျိုးထဲမှာဟှို ငါတွိဖူးဟှ။ 
\v 11 \x - \xo ၈.၁၁ \xo*\xt လု ၁၃.၂၉\xt*\x*ငါပြောမယ်။ လူလေဘောင်ဂီးဟှာ ရှေ့ရပ်၊ နော့‑က်ရပ်ဟှလာဘီး ကောန်းဂန်နိုင်ငံတော်မာ အာဗြဟံ၊ ဣဇာက်၊ ယာကုပ်လေနတူးဒူ စားသော့‑က်ဗွဲမာ လာဘီးထိုင်လေ့မယ်။ 
\v 12 \x - \xo ၈.၁၂ \xo*\xt မ ၂၂.၁၃; ၂၅.၃၀; လု ၁၃.၂၈\xt*\x*အယ်ဘေမဲ့ နိုင်ငံတော်သားလေလည်း ငိုကြွေးဘီး အံသွားခဲက္လိဟှူ နေရာ ပ္လန်ရပ် မှောန်မိုက်ထဲမာ နေရလေ့မယ်” ဆိုဘီး တဗဲ့တော်လေဟှို မိန့်တော်မူလေဟှယ်။ 
\v 13 အယ်ဘီးမှ ယေရှုဟှ “နန်သွားဝေါ့။ နန်ယောင်ကြည်တိုင်း ဖြစ်လေ့မယ်” ဆိုဘီး ပြောလိုက်ခီမာဘဲ့ တပ်မှူးရဲ့စေခံလည်း ရောဂါပျော့‑က်ဟှားလေဟှယ်။
\s ရောဂါသယ်လေဟှို ကျန်းမာစေဟှူကြောန်း
\r (မာကု ၁.၂၉–၃၄; လုကာ ၄.၃၈–၄၁)
\p
\v 14 ယေရှုဟှာ ပေတရုရဲ့အီဟှို ရော့‑က်ဟှားဟှူ ခီမာ ပေတရုရဲ့ ယောက္ခမဟှာ ဖျားနာဘီး အိရာထဲမာလဲနေဇာဟှို ဗြင်တော်မူလေဟှယ်။ 
\v 15 ယေရှုဟှလည်း အယ်မီးမရဲ့ လတ်ဟှို တို့ထိလိုက်ဟှူ ခီမာ ဖျားနာပျော့‑က်ဟှားကြောန့် ထထိုင်ဘီးဟှာ ဧည့်ဝတ်ပြုလေဟှယ်။
\p
\v 16 နေဒန်ပိုင်းဟှို ရော့‑က်ဟှူ ခီမာ နတ်ဆိုး ဝမ်ပူးခံရဟှူ လူလေဟှို ယေရှုနားဟှို ခေါ်လာဂေ့လေဟှယ်။ ယေရှုဟှ စကားတခွန်းဒဲန မိန့်ပေးဘီးဟှာ နတ်ဆိုးလေဟှို နှန်ထုလိုက်ဟှူ ခီမာ လူနာလေလည်း ကျန်းမာသွားဂေ့လေဟှယ်။ 
\v 17 အယ်မူကြောန်းရာဟှ “အယ်သူဟှာ နို့လေရဲ့ နာရောဂါန ဝေဒနာလေဟှို ယူဆောန်ဟှားလေဟှယ်” ဆိုဘီး ပရောဖက် ဟေရှာယ ပြောဟှားတိုင်းဘဲ့ ပ္လဲ့ဇောင်လာဟှို့တွပ် ဖြစ်လေဟှယ်။
\s ယေရှုနော့‑က်ဟှို လိုက်ရှင်းရဲ့ ဖိုးခလေကြောန်း
\r (လုကာ ၉.၅၇–၆၂)
\p
\v 18 ယေရှုဟှာ သူ့နားပတ်လည်မာ လူအောက်ဂီး ဝိုင်းနေဂေ့ဇာဟှို ဗြင်ရဟှူ ခီမာ အိုင်ဟှိုဖတ်ကမ်းဟှို ကူးဟှို့တွပ် တဗဲ့တော်လေဟှို မိန့်တော်မူလေဟှယ်။ 
\v 19 အယ်ခီမာ ကျမ်းပြုဆရာတယော့‑က် လာဘီးဟှာ “ဆရာ၊ ကိုယ်တော်သွားမယ့် နေရာလေဟှို ကျွန်တော်လည်း လိုက်ရှင်ပါဟှယ်” ဆိုဘီး လျှော့‑က်လေဟှယ်။
\p
\v 20 ယေရှုဟှလည်း “မ္လေခွီးမာ တွမ်းရှိဟှယ်။ မိုးကောန်းဂန်ဟှ ငှတ်မာလည်း သိုက်ရှိဟှယ်။ လူ့ရဲ့သားမာဟှ ခေါန်းခ္လဟှို့တွပ် နေရာ မှေ့ဟှ” ဆိုဘီး မိန့်တော်မူလေဟှယ်။
\p
\v 21 တခြားတဗဲ့တော် တယော့‑က်ဟှလည်း “သခင်၊ ကျွန်တော့်ဖဟှို ရင်ဦးဆောင်း သွားဘီးသင်္ဂြိုဟ်ဟှို့တွပ် ခွမ့်ပေးပါ” ဆိုဘီး လျှော့‑က်လေဟှယ်။
\p
\v 22 ယေရှုဟှလည်း “ငါ့နော့‑က်ဟှိုလိုက်ပါ။ လူသေလေဟှို လူသေလေဘဲ့ သင်္ဂြိုဟ်ပါစေ” ဆိုဘီး မိန့်တော်မူလေဟှယ်။
\s လေမှောန်ဒိုင်းဟှို ဆောင်းမဟှူကြောန်း
\r (မာကု ၄.၃၅–၄၁; လုကာ ၈.၂၂–၂၅)
\p
\v 23 ယေရှုဟှာ လှေထဲဟှို ဝမ်တော်မူဘီး တဗဲ့တော်လေလည်း ကိုယ်တော်နတူးဒူ လိုက်ဂေ့လေဟှယ်။ 
\v 24 ရောက်တရစ် အိုင်ထဲမာ ကြမ်းတမ်းဟှူ လေမှောန်ဒိုင်းတိုက်လာဘီး လှေဟှာ နစ်မ္လောက်ခါနီး ဖြစ်ဟှားလေဟှယ်။ အယ်ခီမာ ကိုယ်တော်ဟှ လှေထဲမာ အိနေတော်မူဟှယ်။ 
\v 25 တဗဲ့တော်လေလည်း ကိုယ်တော့်ဟှို နှိုးဘီးဟှာ “သခင်၊ ကယ်တန်တော်မူပါ! ကျွန်တော့်ဟှားလေ သေဟှို့ဖြစ်နေဂေ့ဘီ!” ဆိုဘီး လျှော့‑က်ဂေ့လေဟှယ်။
\p
\v 26 ကိုယ်တော်ဟှလည်း “ယောင်ကြည်ရှင်း အားနဲဟှူလူလေ! ဖြားဖြစ်ကြောန့် ကြော့‑က်နေဂေ့နူး” ဆိုဘီး ထလာဘီးန လေနလှိုင်းဟှို ဆောင်းမဟှူ ခီမာ လေနလှိုင်းလည်း ငြီဟှားဘီး သာယာဟှားလေဟှယ်။
\p
\v 27 တဗဲ့တော်လေလည်း ရရာတိုင်း အံ့ဩဘီး “အယ်လူဟှ ဖယ်သူနူး။ လေနလှိုင်းလေတောန်မှ သူ့ဟှို နားထောန်ဂေ့ဟှယ်!” ဆိုဘီး ပြောဂေ့လေဟှယ်။
\s လူနှေ့ယော့‑က်ထဲဟှ နတ်ဆိုးလေဟှို နှန်ထုဟှူကြောန်း
\r (မာကု ၅.၁–၂၀; လုကာ ၈.၂၆–၃၉)
\p
\v 28 အိုင်ဟှိုဖတ်ကမ်း ဂါဒရပြည်ဟှို ရော့‑က်ဟှူ ခီမာ နတ်ဆိုးဝမ်ပူးနေဟှူ လူနှေ့ယော့‑က်ဟှာ သန်းခ္လိုင်းထဲဟှနေ ထွပ်လာဘီး ကိုယ်တော်န ဆောင်တွိလေဟှယ်။ အယ်သူလေဟှာ ရာရာတိုင်း ခွန်အားကီးဘီး ဆိုးသွန်းဂေ့ကြောန့် ဖယ်သူလေလည်း အယ်လမ်းဟှနေဘီး သွားဟှိရဲဂေ့ဟှ။ 
\v 29 အယ်သူလေဟှလည်း “ဘုရားသခင်ရဲ့ သားတော်၊ ကျွန်တော်ဟှားလေဟှို ဖြားလောက်ရှင်ကြောန့်နူး။ ခီရော့‑က်ခန်မာ ညှင်းဆဲဟှို့တွပ် ကြွလာဟှူဇာလော” ဆိုဘီးဟှာ သံက္လယ်ဂီးန လျှော့‑က်ဂေ့လေဟှယ်။
\p
\v 30 အယ်သူလေရဲ့ လော့က်ဂီးဝီးဘဲဟှူ နေရာမာလည်း ဝပ်အောက်ဂီးဟှာ စာစားနေဂေ့ဟှယ်။ 
\v 31 နတ်ဆိုးလေဟှလည်း “ကျွန်တော်ဟှားလေဟှို နှန်ထုမယ် ဆိုဟှာ အယ်ဝပ်လေထဲဟှို ဝမ်ခွမ့်ပေးတော်မူပါ” ဆိုဘီး ယေရှုဟှို တောန်းဗန်ဂေ့ဟှယ်။
\p
\v 32 ကိုယ်တော်ဟှလည်း “သွားဂေ့” ဆိုဘီး မိန့်တော်မူဟှယ်။ နတ်ဆိုးလေလည်း ထွပ်ဟှားဘီးဟှာ ဝပ်လေထဲဟှို ဝမ်ဟှားဟှယ်။ ဝပ်အောက်ဂီးဟှာ အိုင်ကမ်းနားဟှို ပ္လေးဆင်းဟှားဘီး ရေမ္လောက်သေဟှားလေဟှယ်။
\p
\v 33 ဝပ်ထီးမားလေလည်း ဗြို့ထဲဟှို ဝမ်ပ္လေးဘီးဟှာ နတ်ဆိုးဝမ်ပူးနေဟှူ လူနှေ့ယော့‑က်ကြောန်းန သူးနို့လေဗြင်တွိရဟှူ ကြောန်းရာလေ အားလောင်းဂူဟှို ပြောပြဂေ့လေဟှယ်။ 
\v 34 အယ်ဘီးန တဗြို့လောင်းမာရှိဟှူ လူလေလည်း ယေရှုဟှို တွိရှင်ကြောန့် ဗြို့ပ္လန်ဟှို ထွပ်လာဂေ့ဟှယ်။ ကိုယ်တော့်ဟှို တွိဟှူ ခီမာ သူးနို့လေရဲ့ ဒေသဟှနေဘီး ထွပ်ဟှားဟှို့တွပ် တောန်းဗန်ဂေ့ဟှယ်။
\c 9
\s လေဖြတ်နေဟှူသူဟှို ကျန်းမာစေဟှူကြောန်း
\r (မာကု ၂.၁–၁၂; လုကာ ၅.၁၇–၂၆)
\p
\v 1 ယေရှုဟှာ လှေနပ္လန်ကူးဘီးဟှာ သူ့ရဲ့ နေရပ်ဗြို့\f + \fr ၉.၁ \fr*\fk သူ့ရဲ့ နေရပ်ဗြို့၊ \fk*\ft ကပေရနောင်ဗြို့ (ရှု ၄.၁၃)။\ft*\f*ဟှို ကြွတော်မူလေဟှယ်၊ 
\v 2 အယ်နေရာမာ လေဖြတ်နေဟှူ လူတယော့‑က်ဟှို ထမ်းစင်ထတ်မာ တန်ဘီးဟှာ ကိုယ်တော်နားဟှို ထမ်းလာဂေ့လေဟှယ်။ ယေရှုဟှာ အယ်သူလေရဲ့ ယောင်ကြည်ရှင်းဟှို ဗြင်ရဟှူ ခီမာ လေဖြတ်နေဟှူသူဟှို “ငါ့သား၊ စိုးရိမ်န! နန့်ရဲ့ ပြစ်ဟှို ငါလွတ်စေဘီ” ဆိုဘီး မိန့်တော်မူလေဟှယ်။
\p
\v 3 ကျမ်းပြုဆရာတချို့ဟှ “အယ်သူဟှာ ဘုရားသခင်ဟှို ပြစ်မှားစော်ကားဘီး ပြောနေဟှယ်!” ဆိုဘီးဟှာ သူးနို့ရှင်းရှင်း ပြောနေဂေ့ဟှယ်။
\p
\v 4 ယေရှုဟှာ အယ်သူလေရဲ့ စိဟှို သိနေကြောန့် “နန်းနို့လေ ဖြားဖြစ်ကြောန့် ကောန်းဘဲဟှူဇာလေဟှို စဉ်းစားနေဂေ့နူး။ 
\v 5 ‘နန့်ရဲ့ ပြစ်ဟှို လွတ်စေဘီ’ အယ်မျိုးမှုဘဲနေဟှာ ‘နန်ထဘီးဟှာ လမ်းသွားဝေါ့’ ဆိုဘီး ပြောဟှို့ပိုလွယ်ကြောန့်လော။ 
\v 6 လူ့ရဲ့သားဟှာ အယ်လောကမာ ပြစ်ဖြေလွှတ်ဟှို့ ခွမ့်အာဏာရှိဟှယ် ဆိုဇာဟှို နန်းနို့လေသိရအောန်” လေဖြတ်နေသူဟှို “ထဒန်၊ ထမ်းစင်ဟှို ကော့‑က်ဘီး နန့်အီဟှို သွားဝေါ့!” ဆိုဘီး မိန့်တော်မူလေဟှယ်။
\p
\v 7 အယ်သူဟှာ ထဘီး သူ့အီဟှို သွားလေဟှယ်။ 
\v 8 အယ်မူဇာလေဟှို ကေ့နေဂေ့ဟှူ လူအောက်ဂီးဟှာ ရရာတိုင်း ကြော့‑က်ရွံ့ဘီးဟှာ လူလေဟှို အယ်မျိုးခွမ့်အာဏာဟှို ပေးတော်မူဟှူ ဘုရားသခင်ရဲ့ ဂေါင်တော်ဟှို ချီးမွမ်းဂေ့လေဟှယ်။
\s မဿဲဟှို ခေါ်ဟှူကြောန်း
\r (မာကု ၂.၁၃–၁၇; လုကာ ၅.၂၇–၃၂)
\p
\v 9 ယေရှုဟှာ အယ်နေရာဟှနေဘီး ထွပ်ကြွလာဟှူ ခီမာ မဿဲ ဆိုဘီး နာမယ်ခေါ်ဟှူ လူတယော့‑က်ဟှို ခွန်ရောင်းမာ ထိုင်နေဇာဟှို ဗြင်တော်မူလေဟှယ်။ ကိုယ်တော်ဟှ “ငါ့နော့‑က်ဟှိုလိုက်ပါ” ဆိုဘီး မိန့်တော်မူဟှယ်။ မဿဲဟှာ ထဘီး နော့‑က်ဟှိုလိုက်လေဟှယ်။
\p
\v 10 \x - \xo ၉.၁၀,၁၁ \xo*\xt လု ၁၅.၁,၂\xt*\x*ယေရှုဟှာ မဿဲရဲ့အီမာ\f + \fr ၉.၁၀ \fr*\fq မဿဲရဲ့အီမာ၊ \fq*\ft အယ်မျိုးမှုဘဲနေဟှာ \ft*\fqa သူ့ရဲ့ အီမာ။\fqa*\f* ညဉ့်ခန်းဇာစားနေခီမာ ခွန်ကော့‑က်မားလေန ပြစ်သားလေဟှာ ကိုယ်တော်နားဟှို လာဘီး တဗဲ့တော်လေနတူးဒူ မှန်းဗွဲမာ ဝမ်ထိုင်ဂေ့ဟှယ်။ 
\v 11 အယ်ဇာဟှို ဖာရိရှဲလေ တချို့ဟှ ဗြင်ဟှားဘီး တဗဲ့တော်လေဟှို “ဖြားဖြစ်ကြောန့် နန်းနို့ဆရာဟှာ ခွန်ကော့‑က်မားလေ၊ ပြစ်သားလေနတူးဒူ စားနေနူး” ဆိုဘီး မေးဂေ့ဟှယ်။
\p
\v 12 ယေရှုကြားဟှူ ခီမာ “ကျန်းမာဟှူသူလေဟှာ ဆေးဆရာဟှို လိုဂေ့ဟှ။ ဖျားနာဟှူသူလေဟှဘဲ့ လိုဂေ့ဟှယ်။ 
\v 13 \x - \xo ၉.၁၃ \xo*\xt မ ၁၂.၇\xt*\x*‘ငါဟှာ ယဇ်ပူဇော်ဇာထတ် သနားကြင်နာရှင်းဟှို ပိုဘီးနှစ်သက်ဟှယ်’ ဆိုဘီး ပြောဟှားဟှူကျမ်းစကားဟှို နားလည်ဟှို့ သွားဘီးသန်ယူဂေ့ပါ။ ဖြောန့်မတ်ဟှူသူလေဟှို ကယ်ဟှို့တွပ် ငါလာဇာ မှုဟှ။ ဆိုးဟှူလူလေဟှို ကယ်ဟှို့တွပ် ငါလာဟှယ်” ဆိုဘီး မိန့်တော်မူလေဟှယ်။
\s စာရှောန်ဇာန ဆိုင်ဟှူမေးခွန်းကြောန်း
\r (မာကု ၂.၁၈–၂၂; လုကာ ၅.၃၃–၃၉)
\p
\v 14 အယ်ခီမာ ယောဟန်ရဲ့ တဗဲ့လေဟှာ ယေရှုနားဟှို ရော့‑က်လာဘီးဟှာ “ကျွန်တော်ဟှားလေန ဖာရိရှဲလေဟှာ မကြာမကြာ စာရှောန်ဂေ့ဟှယ်။ ကိုယ်တော်ရဲ့တဗဲ့လေဟှာ ဖြားဖြစ်ကြောန့် စာရှောန်ဂေ့ဟှနူး” ဆိုဘီး မေးလျှော့‑က်ဂေ့ဟှယ်။
\p
\v 15 ယေရှုဟှ “အီတတ်ပွဲမာ ဒို့သားနတူးဒူ ရှိနေဟှူ ပေါန်းသင်းလေဟှာ ဒို့သားနတူးဒူ ရှိနေခီမာ ဝန်းနဲပူဆွေးဂေ့ဘဲ့လော မင်္ဂလာဆောန်ဒို့သားန သူ့ပေါန်းသင်းလေဟှာ ခွဲခွာရဟှို့ခီ ရော့‑က်လာလေ့မယ် အယ်ဆိုဟှာ သူးနို့လေဟှာ စာရှောန်ဂေ့လေ့မယ်။”
\p
\v 16 “ဖယ်သူလည်း အန်းဂီဟောန်းဟှို ပိစသစ်န ဖာလေ့ မှေ့ဟှ။ ဖြားဖြစ်ကြောန့်နူးဆိုဟှာ ဖာဟှားဟှူ ပိစသစ်ဟှ အန်းဂီဟောန်းဟှို စုဖ္လဲဘီးဟှာ ပိုဆိုးဟှားလေ့မယ်။ 
\v 17 အယ်မျိုးဘဲ့ ဝိုင်သစ်ဟှို သားရေဖူးဟောန်းထဲမာ ထဲ့လေ့ မှေ့ဟှ။ ထဲ့မယ် ဆိုဟှာ ဝိုင်သစ်ဟှ သားရေဖူးဟောန်းဟှို ပေါ့‑က်ပ္လဲစေဘီး ဝိုင်န သားရေဖူး နှေ့ခုလောင်းဟှာ ပျစ်စီးဟှားလေ့မယ်။ အယ်ဘီးဟှာ သရေဖူးလည်း ပျစ်စီးဟှားလေ့မယ်။ အယ်မျိုး ဖြစ်ဘဲနေအောန် ဝိုင်သစ်ဟှို သားရေဖူးသစ်ထဲဟှို ထည့်ရဟှယ်။ အယ်ဆိုဟှာ နှေ့ခုလောင်းဟှာ ကြာဂီးခံလေ့မယ်” ဆိုဘီး မိန့်တော်မူလေဟှယ်။
\s ယာဣရုရဲ့ သမီးန ဝတ်လောင်တော်ဟှိုတို့ဟှူ မီးမကြောန်း
\r (မာကု ၅.၂၁–၄၃; လုကာ ၈.၄၀–၅၆)
\p
\v 18 ယေရှုဟှာ အယ်မူမျိုး ပြောနေခီမာ ယုဒလူမျိုး ရာရှိတယော့‑က်ဟှ ရော့‑က်လာဘီးဟှာ ကိုယ်တော်ရှေ့မာ ပျပ်ဝပ်လေဟှယ်။ အယ်သူဟှလည်း “ကျွန်တော့်သမီးဟှာ သေဟှားဘီ။ အယ်ဘေမဲ့ ကိုယ်တော်ကြွဘီး သူ့ထတ်မာ လတ်တန်မယ် ဆိုဟှာ သတ်ရှင်ပါလေ့မယ်” ဆိုဘီး လျှော့‑က်လေဟှယ်။
\p
\v 19 အယ်ကြောန့် ယေရှုဟှာ ထဘီးဟှာ တဗဲ့တော်လေနတူးဒူ အယ်သူနော့‑က်ဟှို လိုက်ဟှားလေဟှယ်။
\p
\v 20 ဆယ့်နှေ့နှစ် လောင်းလောင်း သွီးသွန်နာစွဲနေဟှူ မီးမတယော့‑က်ဟှာ ယေရှုနော့‑က်ဟှို လိုက်ဘီး ဝတ်လောင်တော် ပန်းဗွားဟှို တို့ထိလေဟှယ်။ 
\v 21 အယ်မီးမဟှာ “ငါဟှာ သူ့ရဲ့ ဝတ်လောင်တော်ဟှို တို့ထိမယ် ဆိုဟှာ ငါကျန်းမာရလေ့မယ်” ဆိုဘီးဟှာ ကိုယ့်ဇာကို ပြောနေဟှယ်။
\p
\v 22 ယေရှုဟှ လှည့်ကေ့ခီမာ အယ်မီးမဟှို ဗြင်ဟှားဘီး “ငါ့သမီး၊ စိုးရိမ်န! နန့်ရဲ့ ယောင်ကြည်ရှင်းဟှာ နန့်ဟှို ကျန်းမာစေဘီ” ဆိုဘီး မိန့်တော်မူလေဟှယ်။ အယ်ခီမာဘဲ့ အယ်မီးမဟှာ ရောဂါပျော့‑က်ဟှားလေဟှယ်။
\p
\v 23 အယ်ဘီးန ယေရှုဟှာ ရာရှိရဲ့အီဟှို ရော့‑က်ဟှားလေဟှယ်။ ကိုယ်တော်ဟှာ တီးမှုမားလေန မသာအီဟှို လာဟှူသူလေ အောက်အောက်သဲသဲ ဖြစ်နေဂေ့ဇာဟှို ဗြင်တော်မူဟှူ ခီမာ 
\v 24 ကိုယ်တော်ဟှ “ဖယ်ဂေ့၊ မီးမငယ် သေနေဇာ မှုဟှ! အိမွိနေဇာဖြစ်ဟှယ်!” ဆိုဘီး မိန့်တော်မူလေဟှယ်။ လူလေ အားလောင်းဂူဟှာ ကိုယ်တော့်ဟှို သရော်ဂေ့လေဟှယ်။ 
\v 25 လူအောက်ဂီးဟှာ ပ္လန်ဟှိုထွပ်ဟှားဘီးန ယေရှုဟှာ မီးမငယ်ရဲ့ အိခန်းထဲဟှို ဝမ်ဘီး မီးမငယ်ရဲ့လတ်ဟှို ဆွဲထူလိုက်ဟှူ ခီမာ မီးမငယ်ဟှာ ထလေဟှယ်။ 
\v 26 အယ်မူဒန်းဟှာ အယ်ဒေသ တခုလောင်းဟှို ပ္လံ့နှံ့ဟှားလေဟှယ်။
\s မျစ်စိဗြင်ဘဲဟှူ လူနှေ့ယော့‑က်ဟှို ဗြင်စေဟှူကြောန်း
\p
\v 27 အယ်ရပ်ဟှနေဘီး ယေရှုကြွဟှားဟှူ ခီမာ မျစ်စိဗြင်ဘဲဟှူ လူနှေ့ယော့‑က်ဟှ ကိုယ်တော်နော့‑က်ဟှိုလိုက်ဘီးဟှာ “ဒါဝိဒ်ရဲ့သားတော်! ကျွန်တော်ဟှားလေဟှို ကယ်မသနားတော်မူပါ” ဆိုဘီး အော်ဟစ်ဂေ့လေဟှယ်။
\p
\v 28 အီတအီဟှို ဝမ်ခီမာ မျစ်စိကန်းနေသူလေဟှာ ယေရှုနားဟှို လာဂေ့လေဟှယ်။ ကိုယ်တော်ဟှလည်း “နန်းနို့မျစ်စိဟှို ငါဗြင်စေနိုင်ဟှယ် ဆိုဇာဟှို ယောင်ဘဲ့လော” ဆိုဘီး မေးလိုက်ဇာ “ယောင်ကြည်ပါဟှယ် သခင်!” ဆိုဘီး လျှော့‑က်ဂေ့လေဟှယ်။
\p
\v 29 ယေရှုဟှာ သူးနို့လေရဲ့ မျစ်စိဟှို တို့ဘီးဟှာ “နန်းနို့ယောင်ကြည်ဟှူတိုင်း နန်းနို့မာဖြစ်စေ!” ဆိုဘီး မိန့်တော်မူဘီးန၊ 
\v 30 အယ်သူလေဟှာ မျစ်စိပွမ့်လန်းလာဘီးဟှာ ဗြင်ရဂေ့လေဟှယ်။ ယေရှုဟှ “အယ်ကြောန်းရာလေဟှို ဖယ်သူဟှိုလည်း သိစေန!” ဆိုဘီး ကြပ်ကြပ်တဲတဲဟှား ဒိပေးလေဟှယ်။
\p
\v 31 အယ်ဘေမဲ့ သူးနို့လေ ထွပ်ဟှားဘီးဟှာ ယေရှုရဲ့ဒန်းဟှာ တပြည်လောင်းဟှို ပ္လံ့နှံ့ဟှားလေဟှယ်။
\s စကားအနေဟှူသူဟှို ကုသပေးဟှူကြောန်း
\p
\v 32 အယ်သူလေထွပ်ဟှားဘီးန နတ်ဆိုးဝမ်ဘီး စကားအနေဟှူ လူတယော့‑က်ဟှို ယေရှုနားဟှို ခေါ်လာဂေ့လေဟှယ်။ 
\v 33 နတ်ဆိုးဟှို နှန်ထုလိုက်ခီမာ စကားအနေဟှူသူဟှာ စကားပြောလာဘီးလူလေ အားလောင်းဂူဟှာ အံ့ဩဟှားဂေ့ဟှယ်။ “အယ်မျိုးမှုရာလေဟှို ဣသရေလလူမျိုးထဲမာ ခါလည်းဗြင်ဖူးဟှ!” ဆိုဘီး ပြောဆိုဂေ့လေဟှယ်။
\p
\v 34 \x - \xo ၉.၃၄ \xo*\xt မ ၁၀.၂၅; ၁၂.၂၄; မာ ၃.၂၂; လု ၁၁.၁၅\xt*\x*ဖာရိရှဲလေဟှလည်း “အယ်သူဟှာ နတ်ဆိုးခေါန်းဆောန် ဗေလဇေဗုလဟှို အားကိုးဘီး နတ်ဆိုးလေဟှို နှန်ထုဇာဖြစ်ဟှယ်” ဆိုဘီး ပြောဆိုဂေ့လေဟှယ်။
\s လူလေဟှို သနားကြင်နာဟှူကြောန်း
\p
\v 35 \x - \xo ၉.၃၅ \xo*\xt မ ၄.၂၃; မာ ၁.၃၉; လု ၄.၄၄\xt*\x*ယေရှုဟှာ ဝါလယ်ဇရပ်လေမာ ဆောင်းမဩဝါဒပေးဘီး နိုင်ငံတော်ကြောန်း ဒန်းကောန်းဟှို ကြေညာတော်မူလေဟှယ်။ လူလေခံစားနေရဟှူ ရောဂါလေဟှိုလည်း ကျန်းမာစေဘီးဟှာ ဗြို့ဝါလေဟှို လှည့်လည်တော်မူလေဟှယ်။ 
\v 36 \x - \xo ၉.၃၆ \xo*\xt မာ ၆.၃၄\xt*\x*ကိုယ်တော်ဟှာ လူအောက်ဂီးဟှို ဗြင်လိုက်န သနားဟှူစိ ဖြစ်လေဟှယ်။ ဖြားဖြစ်ကြောန့်နူးဆိုဟှာ သူးနို့ဟှာ သိုးထီးမားမှေ့ဘဲဟှူ သိုးလေမျိုး ပူပန်သောကရော့က်ဘီး အားကိုးရာမှေ့ဘဲ ဖြစ်နေဂေ့ကြောန့်ဖြစ်ဟှယ်။ 
\v 37 \x - \xo ၉.၃၇,၃၈ \xo*\xt လု ၁၀.၂\xt*\x*အယ်ကြောန့် ကိုယ်တော်ဟှာ “ရိသီးဇာလေ ဘောင်ဂီးရှိဘေမဲ့ ရိသီးမားလေဟှာ နဲဂေ့လေဟှယ်။ 
\v 38 အယ်ကြောန့် ရိသီးမားလေဟှို စေလွှတ်ပေးဟှို့တွပ် ဗားဇရှင်ဟှို ဆုတောန်းဂေ့” ဆိုဘီး တဗဲ့တော်လေဟှို မိန့်တော်မူလေဟှယ်။
\c 10
\s ဆယ့်နှေ့ပါးဟှို စေလွတ်ဟှူကြောန်း
\r (မာကု ၃.၁၃–၁၉; လုကာ ၆.၁၂–၁၆)
\p
\v 1 ယေရှုဟှာ တဗဲ့တော် ဆယ့်နှေ့ပါးဟှို ခေါ်ဘီးဟှာ ညစ်ညူးဟှူနတ်လေဟှို နှန်ထုဟှို့တွပ်န ရောဂါဘောင်းဇောင်ဟှို ပျော့‑က်ကင်းစေဟှို့တွပ် ခွမ့်တဂိုးအာဏာဟှို ပေးအပ်တော်မူလေဟှယ်။ 
\v 2 တမန်တော်ဆယ့်နှေ့ပါးရဲ့ နာမယ်လေဟှာ ပေတရု ဆိုဘီးခေါ်ဟှူ ရှိမုန်န သူ့ညီ အန္ဒြေ၊ ဇေဗေဒဲရဲ့သား ယာကုပ်န သူ့ညီကို ယောဟန်၊ 
\v 3 ဖိလိပ္ပုန ဗာသောလမဲ၊ သောမန အခွန်ကော့‑က်မား မဿဲ၊ အာလဖဲရဲ့သား ယာကုပ်န သဒ္ဒဲ၊ 
\v 4 မျိုးရှစ်စိအားထတ်သန်ဟှူ ရှိမုန်န ယေရှုဟှို သစ်စာဖော့‑က်ဟှူ ယုဒရှကာရုတ် ဖြစ်လေဟှယ်။
\s ဆယ့်နှေ့ပါးရဲ့ သာသနာပြုဟှူကြောန်း
\r (မာကု ၆.၇–၁၃; လုကာ ၉.၁–၆)
\p
\v 5 ဆယ့်နှေ့ပါးဟှို ယေရှုဟှာ စေလွှတ်လိုက်ဘီး မိန့်မှာလိုက်ဇာဟှ “လူမျိုးခြားဒေသန ရှမာရိဗြို့လေဟှို သွားဂေ့န။ 
\v 6 ဣသရေလလူမျိုးရဲ့ ပျော့‑က်နေဟှူ သိုးလေနားဟှိုဘဲ့ ရင်ဦးဆောင်းသွားဂေ့ပါ။” 
\v 7 \x - \xo ၁၀.၇–၁၅ \xo*\xt လု ၁၀.၄–၁၂\xt*\x*“သွားဘီးဟှာ ‘ကောန်းဂန်နိုင်ငံတော် တည်ထောန်ဟှို့နီးဘီ!’ ဆိုဘီး ဟောပြောဂေ့ပါ။ 
\v 8 လူနာလေဟှို ကျန်းမာစေပါ။ လူသေလေဟှို ပ္လန်ရှင်စေဂေ့ပါ။ နူနာသယ်လေဟှို သန့်ရှင်းစေဂေ့ပါ။ နတ်ဆိုးလေဟှိုလည်း နှန်ထုဂေ့ပါ။ နန်းနို့လေဟှာ ဖိုးခပေးရဘဲန လတ်ခံရရှိဟှူမျိုး ဖိုးခယူဘဲန ပေးကမ်းဂေ့ပါ။ 
\v 9 နန်းနို့ရဲ့ ခါးဗတ်ထဲမာ ရွှေ၊ ငွေ၊ ကြေးဒန်းဂါးလေဟှို ထည့်သွားဂေ့န။ 
\v 10 \x - \xo ၁၀.၁၀ \xo*\xt ၁ ကော ၉.၁၄; ၁ တိ ၅.၁၈\xt*\x*ခရီးတွပ် လွယ်အိ၊ အန်းဂီပို၊ ခေနပ်န တောန်အူးဟှိုလည်း ယူဆောန်ဂေ့န။ လောက်လောက်ဟှူ သူဟှာ ကျွေးမွေးဇာဟှို ရထိုက်ဟှယ်။”
\p
\v 11 “ဗြို့တဗြို့၊ ဝါတဝါဟှို ဝမ်ဟှူ ခီမာ နန်းနို့ဟှို ကြိုဆိုဟှူ သူဟှို ရှာဘီး အယ်နေရာဟှ နန်းနို့လေ ထွပ်ဟှားခန်ခီထိ သူးနို့နတူးဒူနေဂေ့ပါ။ 
\v 12 နန်းနို့လေ အီထဲဟှို ဝမ်ဟှားခီမာ ‘နန်းနို့နတူးဒူ ငြီသတ်မှုရှိပါစေ’ ဆိုဘီး နှောက်ဆစ်ဂေ့ပါ။ 
\v 13 အယ်အီမာရှိဟှူလူလေဟှာ နန်းနို့ဟှို လတ်ခံကြိုဆိုဟှယ် ဆိုဟှာ နန်းနို့လေ နှော့‑က်ဆစ်ဟှူ ငြီသတ်မှုဟှာ ကျန်ရစ်ပါစေ။ အယ်ဘေမဲ့ နန်းနို့ဟှို လတ်ခံဂေ့ဘဲနေဟှယ် ဆိုဟှာ နန်းနို့ထံဟှို ပ္လန်လာစေ။ 
\v 14 \x - \xo ၁၀.၁၄ \xo*\xt တ ၁၃.၅၁\xt*\x*ယော့‑က်ယော့‑က်ဟှ နန်းနို့လေဟှို လတ်ခံဟှ ဆိုဟှာ နန်းနို့စကားဟှို နားထောန်ဂေ့ဘဲနေဟှယ် ဆိုဟှာ အယ်အီဟှ ထွပ်ဟှားဟှူ ခီမာ နန်းနို့ခေဖွားဟှ မ္လေမုဟှို ခါခ္လလိုက်ဂေ့။ 
\v 15 \x - \xo ၁၀.၁၅ \xo*\xt မ ၁၁.၂၄\xt*\x*ငါ မှန်တိုင်းပြောမယ်၊ တရားစီရင်ဟှူ နေ့မာ ဘုရားသခင်ဟှာ အယ်ဗြို့ထတ် သောဒုံဗြို့န ဂေါမောရဗြို့ဟှို ပိုဘီး ကရုဏာတော်ဟှို ပြသလေ့မယ်!”
\s ရော့‑က်လာနေဟှူ ညှင်းဆဲမှုလေကြောန်း
\r (မာကု ၁၃.၉–၁၃; လုကာ ၂၁.၁၂–၁၇)
\p
\v 16 \x - \xo ၁၀.၁၆ \xo*\xt လု ၁၀.၃\xt*\x*“နားထောန်ဂေ့! ဝံပုလွေအောက်ထဲဟှို သိုးလေဟှို လွှတ်ဟှူမျိုး နန်းနို့လေဟှို ငါစေလွှတ်မယ်။ အယ်ကြောန့် ဗွီမျိုးလီမာဘီး ချိုးငှတ်မျိုး ဖ္လူစင်ရမယ်။ 
\v 17 \x - \xo ၁၀.၁၇–၂၀ \xo*\xt မာ ၁၃.၉–၁၁; လု ၁၂.၁၁,၁၂; ၂၁.၁၂–၁၅\xt*\x*လူလေဟှို ဒိထားဘီးနေဂေ့ပါ။ ဖြားဖြစ်ကြောန့်နူးဆိုဟှာ နန်းနို့လေဟှို ဖမ်းဆီးဘီးဟှာ တရားရောင်းဟှို အပ်လေ့မယ်။ ဝါလယ်ဇရပ်လေမာ ရိုက်ခံရဂေ့လေ့မယ်။ 
\v 18 အယ်သူလေန လူမျိုးခြားလေရှေ့မာ သတ်သေဖြစ်ဟှို့တွပ် ဗြို့ဝန်မန်းလေန မန်းဂီးလေ ရှေ့ဟှို ငါ့ကြောန့် နန်းနို့ဟှို စစ်ဆေးဟှို့ ခေါ်ဆောန်ဟှားဇာ ခံရဂေ့လေ့မယ်။ 
\v 19 နန်းနို့ဟှို စစ်ဆေးဟှို့ ခေါ်ဟှားခီမာ ဖယ်မျိုးပြောရဟှို့ ဆိုဘီး စိုးရိမ်ဂေ့န။ အယ်ခီမာ နန်းနို့ပြောရဟှို့စကားဟှို ရဂေ့လေ့မယ်။ 
\v 20 ဖြားဖြစ်ကြောန့်နူးဆိုဟှာ နန်းနို့လေဟှာ ကိုယ့်ဇာကိုယ် ပြောနေဇာ မှုဟှ။ နန်းနို့ဖ ဘုရားသခင်ရဲ့ ဝိညာဉ်တော်ဟှာ နန်းနို့အားဖြင့် ပြောတော်မူလေဟှယ်။”
\p
\v 21 \x - \xo ၁၀.၂၁ \xo*\xt မာ ၁၃.၁၂; လု ၂၁.၁၆\xt*\x*“လူလေဟှာ သူးနို့ရဲ့ ညီကိုရှင်းရှင်း သေစေဟှို့တွပ် အပ်ဂေ့လေ့မယ်။ ဖလေဟှလည်း သားလေဟှို အပ်လေ့မယ်။ သားမီးလေလည်း သူးနို့ရဲ့ မိဖလေဟှို ရန်ပြုဘီးဟှာ သတ်ဂေ့လေ့မယ်။ 
\v 22 \x - \xo ၁၀.၂၂ က \xo*\xt မ ၂၄.၉; မာ ၁၃.၁၃; လု ၂၁.၁၇; \xt*\xo ခ \xo*\xt မ ၂၄.၁၃; မာ ၁၃.၁၃\xt*\x*လူလေဟှလည်း ငါ့နာမကြောန့် နန်းနို့လေဟှို မူးတီးဂေ့လေ့မယ်။ အယ်ဘေမဲ့ ငါ့နာမဟှို ဆောင်းထိ ဆွဲကိုင်ဟှူသူဟှာ ကယ်တန်ရှင်းဟှို ခံရလေ့မယ်။ 
\v 23 ဗြို့တဗြို့မာ နန်းနို့ဟှာ ညှင်းဆဲခံရဟှူ ခီမာ တခြားဗြို့ဟှို ထွပ်ပ္လေးဂေ့ပါ။ ငါ မှန်တိုင်းပြောမယ်၊ ဣသရေလ ဗြို့လေ အားလောင်းဟှို သွားလာဟှို့ ပီးခန်မာ လူ့ရဲ့သားဟှာ ကြွလာလေ့မယ်။”
\p
\v 24 \x - \xo ၁၀.၂၄ က \xo*\xt လု ၆.၄၀; \xt*\xo ခ \xo*\xt ယော ၁၃.၁၆; ၁၅.၂၀\xt*\x*“တဗဲ့လည်း ဆရာထတ် သာဟှ။ ကျွန်လည်း သခင်ထတ်သာဟှ။ 
\v 25 \x - \xo ၁၀.၂၅ \xo*\xt မ ၉.၃၄; ၁၂.၂၄; မာ ၃.၂၂; လု ၁၁.၁၅\xt*\x*တဗဲ့လည်း ဆရာဟှူမျိုး၊ ကျွန်လည်း သခင်ဟှူမျိုး ဖြစ်ဟှယ် ဆိုဟှာ ရလော့‑က်ဘီ။ အီးထောန်ဦးစီးဟှို ဗေလဇေဗုလ ဆိုဘီး ခေါ်ခံရဟှယ် ဆိုဟှာ အီသူအီသားလေဟှို ပိုဘီး ခေါ်ဂေ့လေ့မယ်!”
\s ဖယ်သူ့ဟှို ကြော့‑က်ရဟှို့ကြောန်း
\r (လုကာ ၁၂.၂–၇)
\p
\v 26 \x - \xo ၁၀.၂၆ \xo*\xt မာ ၄.၂၂; လု ၈.၁၇\xt*\x*“အယ်ကြောန့် သူးနို့လေဟှို ကြော့‑က်ဂေ့န။ ဖောင်းဟှားဟှူ ဇာလေ အားလောင်းဂူ ပေါ်လာလေ့မယ်။ ဝှပ်ဟှားဇာလေ အားလောင်းဂူဟှာလည်း ထန်ရှားလာလေ့မယ်။ 
\v 27 မှောန်ထဲမာ နန်းနို့ဟှို ငါပြောဟှူ စကားလေဟှို လန်းရောန်ထဲမာ နန်းနို့လေ ကြေညာဂေ့ပါ။ နန်းနို့ရဲ့ နားနားမာ တိုးတိုးဟှားကြားဟှူ စကားလေဟှို အီးခေါန်မိုးထတ်မာ အော်ဘီးကြေညာဂေ့ပါ။ 
\v 28 ကိုယ်ခန္ဓာဟှိုဘဲ့ သတ်နိုင်ဘီးဟှာ သတ်ဝိညာဉ်ဟှို သတ်နိုင်ဂေ့ဘဲသူလေဟှို ကြော့‑က်ဂေ့န။ ကိုယ်ခန္ဓာန သတ်ဝိညာဉ်ဟှို ငရဲမာ ဖျစ်ဆီးနိုင်သူဟှိုဘဲ့ ကြော့‑က်ဂေ့ပါ။ 
\v 29 အီးဇာဟှား နှေ့ကောန်ဟှို ပဲနီတပ္လားန ရောန်းဟှယ်မှုဟှလော။ နန်းနို့ဖရဲ့ ခွမ့်မှေ့ဘဲနေဟှာ အယ်မူအီးဇာဟှားလေ တကောန်လည်းဘဲ့ မ္လေထတ်ဟှို က္လဂေ့ဟှ။ 
\v 30 နန်းနို့ခေါင်းထတ်ဟှ ဆားဗန်လေ အားလောင်းဂူဟှိုလည်း ရေတွပ်ဘီးသား ဖြစ်ဟှယ်။ 
\v 31 အယ်ကြောန့် ကြော့‑က်ဂေ့န! နန်းနို့လေဟှာ အီးဇာဟှားလေထတ် ရရာတိုင်း ဖိုးကီးဟှယ်။”
\s ခရစ်တော်ဟှို ဝန်ခံဟှူကြောန်း
\r (လုကာ ၁၂.၈–၉)
\p
\v 32 “ဖယ်သူဘဲ့ဖြစ်ဖြစ် လူလေရှေ့မာ ငါ့ဟှို ကယ်တန်ရှင် သခင်နေန ဝန်ခံလေဟှယ်။ ကောန်းဂန်ဘောင်မာ ရှိတော်မူဟှူ ငါ့ဖရှေ့မာ အယ်သူဟှို ငါဝန်ခံမယ်။ 
\v 33 \x - \xo ၁၀.၃၃ \xo*\xt ၂ တိ ၂.၁၂\xt*\x*အယ်ဘေမဲ့ လူလေရှေ့မာ ငါ့ဟှို ငြင်းပယ်ဟှယ် ဆိုဟှာ ကောန်းဂန်ဘောင်မှာရှိဟှူ ငါ့ဖရှေ့မာ အယ်သူဟှို ငါငြင်းပယ်မယ်။”
\s ငြီးချမ်းရေးမှုဟှ
\r (လုကာ ၁၂.၅၁–၅၃; ၁၄.၂၆,၂၇)
\p
\v 34 “အယ်လောကဟှို ငြီးချမ်းရေးပေးဟှို့တွပ် ငါလာဟှယ် ဆိုဘီး ထန်ဂေ့န။ ငြီးချမ်းရေးပေးဟှို့ လာဟှူဇာ မှုဟှ။ အယ်ဘေမဲ့ ရှင်းရှင်းကွဲပြားဟှို့တွပ် ငါလာဟှူဇာ ဖြစ်လေဟှယ်။ 
\v 35 ဖနသား၊ မိနမီး၊ ယောက္ခမန ချွေးမလေ ရှင်းရှင်း စိဝန်းကွဲစေဟှို့တွပ် ငါလာဇာဖြစ်ဟှူကြောန့် 
\v 36 နန်းနို့ရဲ့ အီသူအီသားလေလည်း နန်းနို့ရဲ့ ရန်သူလေ ဖြစ်လာလေ့မယ်။”
\p
\v 37 “ယော့‑က်ယော့‑က်ဟှာ ငါ့ထတ် သူးနို့ရဲ့ မိဖဟှို ပိုဘီးရှစ်လေဟှယ်။ အယ်သူဟှာ ငါ့နထိုက်တန်ဟှ။ ယော့‑က်ယော့‑က်ဟှာ ငါ့ဟှို ရှစ်ဟှူထတ် သားမီးလေဟှို ပိုဘီးရှစ်လေဟှယ်။ အယ်သူဟှာလည်း ငါနထိုက်တန်ဟှ။ 
\v 38 \x - \xo ၁၀.၃၈ \xo*\xt မ ၁၆.၂၄; မာ ၈.၃၄; လု ၉.၂၃\xt*\x*သူးနို့ရဲ့ လတ်ဝါးကပ်တိုင်ဟှို ထမ်းဘီး ငါ့နော့‑က်ဟှို လိုက်ဂေ့ဘဲနေသူဟှာ ငါ့တဗဲ့လေဖြစ်ဟှို့ ထိုက်တန်ဂေ့ဟှ။ 
\v 39 \x - \xo ၁၀.၃၉ \xo*\xt မ ၁၆.၂၅; မာ ၈.၃၅; လု ၉.၂၄; ၁၇.၃၃; ယော ၁၂.၂၅\xt*\x*သူးနို့ရဲ့သတ်ဟှို တွိဟှူသူဟှာ သတ်ရှောင်းလေ့မယ်။ အယ်ဘေမဲ့ ငါ့ကြောန့် သူးနို့ရဲ့ သတ်ရှောင်းဟှူသူဟှာ သတ်ဟှို တွိရလေ့မယ်။”
\s ခံစားရဟှို့ ကျိုးလေကြောန်း
\r (မာကု ၉.၄၁)
\p
\v 40 \x - \xo ၁၀.၄၀ က \xo*\xt လု ၁၀.၁၆; ယော ၁၃.၂၀; \xt*\xo ခ \xo*\xt မာ ၉.၃၇; လု ၉.၄၈\xt*\x*“နန်းနို့ဟှို လတ်ခံဟှူ သူလေဟှာ ငါ့ဟှို လတ်ခံဇာဖြစ်လေဟှယ်။ ငါ့ဟှို လတ်ခံဟှူ သူလေဟှာလည်း ငါ့ဟှို စေလွှတ်ဟှူသူဟှို လတ်ခံဇာဖြစ်လေဟှယ်။ 
\v 41 ဘုရားသခင်ရဲ့ နာမတော်ဟှို ထော့‑က်ဘီး ဘုရားသခင်ရဲ့ ပရောဖက်ဟှို လတ်ခံဟှူသူလေဟှာ အယ်ပရောဖက်ရဲ့ ကျိုးဟှို ခံစားရလေ့မယ်။ ဖြောန့်မတ်ဟှူသူဟှို ထော့‑က်ဘီး ဖြောန့်မတ်ဟှူသူဟှို လတ်ခံဟှူသူဟှလည်း ဖြောန့်မတ်ဟှူသူရဲ့ ကျိုးဟှို ခံစားရလေ့မယ်။ 
\v 42 ငါ မှန်တိုင်းပြောမယ်၊ ငါ့နာမဟှို ထော့‑က်ဘီး ငါ့တဗဲ့လေထဲဟှ အားနဲဟှူသူတယာ့‑က်ယော့‑က်ဟှို ရေတခွပ်တိုက်ဟှယ် ဆိုဟှာ အယ်သူဟှာ ကျိုးဟှို ခံစားရလေ့မယ်” ဆိုဘီး မိန့်မှာဟှားလေဟှယ်။
\c 11
\s ယေရှုန ဗတ္တိဇံယောဟန်ကြောန်း
\r (လုကာ ၇.၁၈–၃၅)
\p
\v 1 ယေရှုဟှာ တဗဲ့တော်ဆယ့်နှေ့ပါးဟှို အယ်မူဇာလေ အားလောင်းဂူ မိန့်မှာဘီးဟှာ ဂါလိလဲပြည်ရဲ့ ဗြို့လေမာ ဆောင်းမဩဝါဒပေးဘီး ဒန်းကောန်းဟှို ကြေညာဟှို့တွပ် အယ်အရပ်ဟှနေဘီး ထွပ်ကြွဟှားတော်မူလေဟှယ်။
\p
\v 2 ခရစ်တော်ပြုလောက်နေဟှူ ကြောန်းရာလေဟှို ထောန်ထဲမာ ယောဟန်ကြားရဟှူ ခီမာ သူ့တဗဲ့တချို့ဟှို ကိုယ်တော်နားဟှို လွှတ်ဘီး 
\v 3 “ကိုယ်တော်ဟှာ ကြွလာတော်မူဟှူ ခရစ်တော်ဘဲ့လော။ နော့‑က်မှုဘဲနေဟှာ တခြားတယော့‑က်ဟှို စောန့်မျှော်ရဟှို့သေးလော” ဆိုဘီး မေးလျှော့‑က်စေလေဟှယ်။
\p
\v 4 ယေရှုဟှလည်း “နန်းနို့ကြားသိဟှူရာလေ၊ ဗြင်တွိဟှူရာလေဟှို သွားဘီးဟှာ ယောဟန်ဟှို ပြောပြဂေ့ပါ။ 
\v 5 မျစ်စိကန်းနေဟှူသူလေဟှာ မျစ်စိဗြင်ရဟှယ်။ ခေလတ်သေနေဟှူ သူလေလည်း လမ်းသွားရဟှယ်။ နူနာရောဂါသယ်လေဟှာ သန့်ရှင်းမှုဟှို ရဟှယ်။\f + \fr ၁၁.၅ \fr*\fk သန့်ရှင်းမှုဟှို ရဟှယ်၊ \fk*\ft ရှု \ft*\xt ၈.၂\xt*။\f* နားကြားဘဲနေဟှူသူလေ နားကြားရဟှယ်။ သေဟှူသူလေဟှာ ပ္လန်ရှင်ဇာဟှိုခံရဟှယ်။ ဆင်းရဲသားလေလည်း ဝန်းသာဇာဒန်းကောန်းဟှို ကြားရလေဟှယ်။ 
\v 6 ငါ့ဟှို ငြင်းပယ်ဘဲဟှူ လူလေဟှာ မင်္ဂလာရှိဟှယ်!” ဆိုဘီး မိန့်တော်မူလေဟှယ်။
\p
\v 7 ယောဟန်ရဲ့ တဗဲ့လေ ပ္လန်ဟှားခီမာ ယေရှုဟှာ ယောဟန်ဟှို ကြောန်းပြုဘီးဟှာ ဒေသနာ နားထောန်ဟှို့ လာဟှူသူလေဟှို “နန်းနို့လေဟှာ ဖယ်ဇာဟှို ကေ့ဟှို့ တောထဲဟှိုသွားဂေ့နူး။ လေတိုက်ဘီး လှောက်ရှားတတ်ဟှူ ကျူဗန်ဟှို ကေ့ရှင်ကြောန့် သွားဂေ့လော။ 
\v 8 အယ်မျိုးမှုဟှ ဆိုဟှာ ဝတ်ကောန်းစားလှဝတ်ဟှားဟှူသူဟှို ကေ့ရှင်ကြောန့် သွားဂေ့လော။ အယ်မူမျိုးဝတ်ဟှားဟှူသူလေဟှာ မန်းဂီးရဲ့ နန်းတော်လေမာဘဲ့ ရှိဂေ့ဟှယ်! 
\v 9 ပရောဖက်ဟှို ကေ့ရှင်ကြောန့် သွားဇာလော။ မှန်ဟှယ်။ ပရောဖက်ထတ် ကီးမြတ်ဟှူ သူလည်းဖြစ်ဟှယ် ဆိုဘီး နန်းနို့လေဟှို ငါပြောဟှယ်။ 
\v 10 ကျမ်းစာမာ ‘နန်သွားမယ့် လမ်းဟှို ပြင်ဟှို့တွပ် ဘုရားသခင်ဟှ ငါ့ရဲ့တမန်ဟှို နန့်ရှေ့မာ စေလွှတ်မယ်’ ဆိုဘီး ယောဟန်ကြောန်းဟှို ရေးဟှားလေဟှယ်။ 
\v 11 ငါ မှန်တိုင်းပြောရမယ် ဆိုဟှာ မီးမမွီးဟှူ သူလေထဲမာ ဗတ္တိဇံယောဟန်ထတ် ကီးမြတ်ဟှူသူ တယော့‑က်လည်း ပေါ်ထွန်းသေးဟှ။ အယ်ဘေမဲ့ ကောန်းဂန်နိုင်ငံတော်မာ ငယ်ဆောင်းဖြစ်ဟှူသူဟှာ ယောဟန်ထတ် ပိုဘီး ကီးမြတ်လေဟှယ်။ 
\v 12 \x - \xo ၁၁.၁၂,၁၃ \xo*\xt လု ၁၆.၁၆\xt*\x*ဗတ္တိဇံယောဟန် လတ်ထတ်ဟှနေဘီး ခုခီထိ ကောန်းဂန်နိုင်ငံတော်ဟှာ အဓမ္မလူလေရဲ့ ကြမ်းဖတ်မှုလေဟှို ခံရလေဟှယ်။\f + \fr ၁၁.၁၂ \fr*\fq ကြမ်းဖတ်မှုလေဟှို ခံရလေဟှယ်၊ \fq*\ft အယ်မျိုးမှုဘဲနေဟှာ \ft*\fqa ကြမ်းဖတ်မှုလေ ဖြစ်နေဟှယ်။\fqa*\f* 
\v 13 ယောဟန်ပေါ်ထွန်းခန်ဂဒဲဟှ မောရှေရဲ့ ပညတ္တိကျမ်းန ပရောဖက်လေ အားလောင်းဂူဟှာ ကောန်းဂန်နိုင်ငံတော်ကြောန်းဟှို ပြောဟှားဟှယ်။ 
\v 14 \x - \xo ၁၁.၁၄ \xo*\xt မ ၁၇.၁၀–၁၃; မာ ၉.၁၁–၁၃\xt*\x*နန်းနို့လေဟှာ လတ်ခံဟှို့ ဆန္ဒာရှိမယ် ဆိုဟှာ အယ်သူဟှာ ဧလိယဘဲ့ ဖြစ်ဟှယ်။ 
\v 15 နန်းနို့မာ နားရှိဟှယ် ဆိုဟှာ ကြားဂေ့!”
\p
\v 16 “အယ်ခေတ် လူလေဟှို ငါဖယ်မျိုး နှိုင်းပြရဟှို့နူး။ ဇာတ်ပွဲကနေဟှူ လူငယ်လေဟှာ သူးနို့ငယ်ဂျင်းလေဟှို အော်ဘီးဟှာ 
\v 17 ‘နို့လေဟှာ သားသာယားယာဟှား တီးမှုဂေ့ဟှူလည်းဘဲ့ နန်းနို့လေ ကဂေ့ဟှ! ဝန်းနဲပူဆွေးဟှူချင်းဟှို ဆိုဟှူလည်းဘဲ့ ငိုဂေ့ဟှ!’ ဆိုဘီး ပြောဟှူလူငယ်လေန အယ်လူမျိုးလေဟှာ တူလေဟှယ်။ 
\v 18 ယောဟန်ဟှ စားသော့‑က်ဘဲန လာဟှယ် ဆိုဟှာ သူးနို့လေဟှာ ‘အယ်သူဟှာ နတ်ဆိုးဝမ်နေဟှူ သူဖြစ်ဟှယ်!’ ဆိုဘီး ပြောဆိုဂေ့လေဟှယ်။ 
\v 19 လူ့ရဲ့သားဟှာ စားသော့‑က်ဘီးလာဟှယ် ဆိုဟှာ ‘ကေ့ကေ့ အယ်လူဟှာ စားမတ်ဘီး ဝိုင်သော့‑က်သူ၊ ခွန်ကော့‑က်မားလေန ပြစ်သားလေရဲ့ မိဆွေဖြစ်ဟှယ်!’ ဆိုဘီး ပြောဂေ့ဗ္လန်ဟှယ်။ အယ်ဘေမဲ့ ဘုရားသခင်ရဲ့ ဉာဏ်ပညာတော်ဟှာ မှန်ကန်ကြောန်းဟှို အယ်မူကြောန်းရာအားဖြင့် သတ်သေပြဟှယ်” ဆိုဘီး မိန့်တော်မူလေဟှယ်။
\s ယောင်ကြည်ဘဲဟှူ ဗြို့လေကြောန်း
\r (လုကာ ၁၀.၁၃–၁၅)
\p
\v 20 အယ်ဘီးန ယေရှုဟှာ နိမိတ်လတ်ခဏာလေဟှို ပြဘီးလည်းဘဲ့ နောန်ဒရဂေ့ဘဲဟှူ ဗြို့လေဟှို ပြစ်တန်ဘီး ဆောင်းမတော်မူလေဟှယ်။ 
\v 21 “အို၊ ခေါရဇိန်ဗြို့၊ နန်ဟှာ အမင်္ဂလာရှိလေဟှယ်! အို၊ ဗက်ဇဲဒဗြို့၊ နန်ဟှာ အမင်္ဂလာရှိလေဟှယ်! နန်းနို့လေမှာ ငါပြဟှူတဂိုးလေဟှို တုရုဗြို့န ဇိဒုန်ဗြို့လေမှာ ပြလိုက်မယ် ဆိုဟှာ အယ်ဗြို့လေဟှာ ရှေးမဆွဂဒဲဟှ လျှော်တေဝတ်ဟှို ဝတ်ဘီး၊ ပ္လာနလူးဘီး နောန်ဒရဟှားဂေ့ဘီ! 
\v 22 ငါပြောမယ်။ တရားစီရင်ဟှူနေ့မာ ဘုရားသခင်ဟှာ နန်းနို့လေထတ် တုရုဗြို့န ဇိဒုန်ဗြို့ဟှို ပိုဘီးကရုဏာတော်ပြလေ့မယ်! 
\v 23 ကပေရနောင်ဗြို့! နန်ဟှာ ကောန်းဂန်ဘောင်ထိအောန် မ္လော့‑က်စားခံရလေ့မယ် ဆိုဘီး ထန်နေလော။ မရဏာနိုင်ငံဟှို ပစ်ခ္လခံရလေ့မယ်! နန့်နို့ဆီမာ ပြလိုက်ဟှူ တဂိုးလေဟှို သောဒုံဗြို့မာလည်း ပြဖူးမယ် ဆိုဟှာ အယ်ဗြို့ဟှာ ခုခီထိ ပျစ်စီးဘဲရှိနေလေ့မယ်။ 
\v 24 \x - \xo ၁၁.၂၄ \xo*\xt မ ၁၀.၁၅; လု ၁၀.၁၂\xt*\x*ငါပြောမယ်။ တရားစီရင်ဟှူနေ့မာ ဘုရားသခင်ဟှာ နန့်ထတ် သောဒုံဗြို့ဟှို ပိုဘီး ကရုဏာတော်ပြလေ့မယ်!” ဆိုဘီး မိန့်တော်မူလေဟှယ်။
\s ငါ့နားဟှို လာဘီး နားယူဂေ့
\r (လုကာ ၁၀.၂၁,၂၂)
\p
\v 25 အယ်ခီမာ ယေရှုဟှ “ဖ၊ ကောန်းဂန်ဘောင်န မ္လေဂီးရဲ့သခင်! ကိုယ်တော်ဟှာ ပညာရှိလေဟှို သိစေဘဲ ဖောင်းကွယ်ဟှားဘီး ပညာမှေ့ဘဲဟှူ သူလေဟှိုဘဲ့ ဖွမ့်ပြပေးဟှိကြောန့် ကျွန်တော်ဟှို ချီးမွမ်းပါဟှယ်။ 
\v 26 မှန်ပါဟှယ် ဖ၊ အယ်မူဇာဟှာ ကိုယ်တော် လိုတော်ရှိဟှူဇာဖြစ်ဟှယ်။
\p
\v 27 \x - \xo ၁၁.၂၇ က \xo*\xt ယော ၃.၃၅; \xt*\xo ခ \xo*\xt ယော ၁.၁၈; ၁၀.၁၅\xt*\x*“ငါ့ဖဟှာ ရာအားလောင်းဂူဟှို ငါ့ဟှို ပေးဟှားပီးဘီ။ ဖခမည်းတော်ဟှလွဲဘီး ဖယ်သူလည်း သားတော်ဟှို သိဂေ့ဟှ။ ခမည်းတော်ဟှိုလည်း သားတော်န သားတော်ဟှ ဖွမ့်ပြလိုဟှူ သူဟှလွဲဘီး ဖယ်သူလည်း သိဂေ့ဟှ။
\p
\v 28 “ဝန်လေးဘီး ပန်ဘန်းနေဟှူသူလေ အားလောင်း ငါ့နားဟှို လာဂေ့ပါ။ ငါနန်းနို့ဟှို နားပေးမယ်။ 
\v 29 ငါ့ထမ်းဘိုးဟှို ယူဘီးထမ်းဂေ့ပါ။ ငါ့နားမာ သန်ယူဂေ့ပါ။ ငါဟှာ နူးညံ့သိမ်မွေ့ဘီး နှိခ္လဟှူ စိသဘောရှိကြောန့် နန်းနို့ဟှာ သတ်သာမှုဟှို တွိဂေ့လေ့မယ်။ 
\v 30 ဖြားဖြစ်ကြောန့်နူးဆိုဟှာ ငါ့ထမ်းဘိုးဟှာ ထမ်းရလွယ်ဘီး ဝန်လည်းပေါ့ဟှယ်” ဆိုဘီး မိန့်တော်မူလေဟှယ်။
\c 12
\s ဒန်းနေ့ ပြဿနာကြောန်း
\r (မာကု ၂.၂၃–၂၈; လုကာ ၆.၁–၅)
\p
\v 1 ဒန်းနေ့မာ ယေရှုဟှာ ဂျောင်စဗားလယ်ဂွမ့်လေဟှို ဖြတ်ရှော့‑က်ဟှားဟှယ်။ ကိုယ်တော့်ရဲ့ တဗဲ့တော်လေဟှာ ရရာတိုင်း ဗိုက်ဆာဂေ့ဟှိကြောန့် ဂျောင်စဗားနှံလေဟှို ဆွတ်ဘီးစားဂေ့လေဟှယ်။ 
\v 2 အယ်မူဇာဟှို ဖာရိရှဲလေဗြင်ဟှူ ခီမာ “ကေ့ဂေ့၊ ကိုယ်တော်ရဲ့ တဗဲ့တော်လေဟှာ ဒန်းနေ့မာ လောက်အပ်ဘဲဟှူဇာလေဟှို လောက်နေဂေ့ဘီ!” ဆိုဘီး ယေရှုဟှို ပြောဂေ့လေဟှယ်။
\p
\v 3 ယေရှုဟှ “ဒါဝိဒ်ဟှာ သူ့ပေါန်းဖော်လေနတူးဒူ ဗိုက်ဆာလာဟှူ ခီမာ ဖယ်မူမျိုး လောက်ဟှားဟှယ် ဆိုဇာဟှို နန်းနို့ လောင်းဝ ဖတ်ဖူးဂေ့ဟှလော။ 
\v 4 သူ့န သူ့ပေါန်းဖော်လေဟှာ ဘုရားသခင်ရဲ့ ဗိမာန်တော်ဟှို ဝမ်ဘီး သူလည်းစားမအပ်၊ သူ့ပေါန်းဖော်လေလည်း စားအပ်ဘဲဟှူ၊ ဘုရားသခင်ဟှို ဆစ်ကပ်ဟှားဟှူ မုဟှို ပညတ်တရားဟှို ဆန့်ကျင်ဘီး စားဂေ့လေဟှယ်။ အယ်မုဟှာ ယဇ်ပုရောဟိတ်လေဘဲ့ စားအပ်လေဟှယ်။ 
\v 5 ယဇ်ပုရောဟိတ်လေလည်း ဒန်းနေ့မာ ဗိမာန်တော်မာ ဒန်းနေ့နဆိုင်ဟှူ ပညတ်ဟှို ခ္လိုးဖော့‑က်ဟှူလည်းဘဲ့ ပြစ်ဖြစ်ဘဲနေဇာဟှို မောရှေရဲ့ ပညတ္တိကျမ်းစာမာ ဖတ်ဖူးဟှလော။ 
\v 6 ငါပြောမယ်၊ အယ်ရပ်မာ ဗိမာန်တော်ထတ် ပိုဘီးကီးမြတ်ဟှူဇာ ရှိလေဟှယ်။ 
\v 7 \x - \xo ၁၂.၇ \xo*\xt မ ၉.၁၃\xt*\x*‘ယဇ်ပူဇော်ဇာထတ် သနားကြင်နာမှုဟှို ငါပိုနှစ်သက်ဟှယ်။’ အယ်ကျမ်းစာဟှို နန်းနို့နားလည်ဟှယ် ဆိုဟှာ ပြစ်မှေ့ဘဲဟှူ သူလေဟှို ပြစ်တန်စီရင်လေ့ဟှို့ မှုဟှ။ 
\v 8 ဖြားဖြစ်ကြောန့်နူးဆိုဟှာ လူ့ရဲ့သားဟှာ ဒန်းနေ့ရဲ့ သခင်ဖြစ်ဟှယ်” ဆိုဘီး မိန့်တော်မူလေဟှယ်။
\s လတ်တဖတ် သေနေဟှူ လူတယော့‑က်ကြောန်း
\r (မာကု ၃.၁–၆; လုကာ ၆.၆–၁၁)
\p
\v 9 ယေရှုဟှာ အယ်ရပ်ဟှ ကြွဟှားဘီးဟှာ ဝါလယ်ဇရပ်ထဲဟှို ဝမ်လေဟှယ်။ 
\v 10 အယ်နေရာမာ လတ်တဖတ်သေနေဟှူ လူတယော့‑က်ရှိနေလေဟှယ်။ တချို့လူလေဟှာ ယေရှုဟှို ပြစ်တန်စွပ်စွဲရှင်ဟှိကြောန့် “ဒန်းနေ့မာ နာရောဂါဟှို ကုသပေးဇာဟှာ ပညတ်တော်ဟှို ဆန့်ကျင်ဇာမှုဟှလော” ဆိုဘီး မေးလျှော့‑က်ဂေ့လေဟှယ်။
\p
\v 11 \x - \xo ၁၂.၁၁ \xo*\xt လု ၁၄.၅\xt*\x*ယေရှုဟှ “တကယ်ဟှိ နန်းနို့မာ သိုးတကောန်ဘဲ့ရှိဟှယ်။ အယ်သိုးဟှာ ဒန်းနေ့မာ တွမ်းထဲဟှို က္လဟှားဟှယ် ဆိုဟှာ နန်းနို့ဟှာ ဆွဲဒန်ဘဲန နေဟှို့လော။ 
\v 12 လူဟှာ သိုးထတ်ပိုဘီး မြတ်လေဟှယ်! အယ်ကြောန့် နို့လေရဲ့ ပညတ်တော်ဟှာ ဒန်းနေ့မာ ကယ်တန်ပေးဟှို့ ခွမ့်ပြုဟှားဟှယ်” ဆိုဘီး မိန့်တော်မူလေဟှယ်။ 
\v 13 အယ်ဘီးန လတ်သေနေဟှူသူဟှို “နန့်ရဲ့ လတ်ဟှို ဆန့်လိုက်” ဆိုဘီး ပြောလေဟှယ်။
\p အယ်သူဟှာ သူ့လတ်ဟှို ဆန့်လိုက်ဘီးန ကျန်ဟှူလတ်တဖတ်မျိုး ကောန်းတိုင်း ပ္လန်ဖြစ်ဟှားလေဟှယ်။
\p
\v 14 အယ်ဘီးန ဖာရိရှဲလေဟှာ ထွပ်ဟှားဘီး ယေရှုဟှို သတ်ဟှို့တွပ် ကြံစည်ဂေ့လေဟှယ်။
\s ဘုရားသခင် ဝီးချယ်ဟှူ စေခံကြောန်း
\p
\v 15 အယ်မျိုး ကြံစည်ဟှားဇာဟှို ယေရှုသိတော်မူဟှူ ခီမာ တခြားနေရာဟှို ထွပ်ကြွဟှားလေဟှယ်။ လူအောက်ဂီးလည်းဘဲ့ နော့‑က်တော်ဟှို လိုက်ဟှားဂေ့ဟှယ်။ ကိုယ်တော်ဟှာ သူးနို့လေရဲ့ နာရောဂါလေ အားလောင်းဂူဟှို ပျော့‑က်ကင်းစေလေဟှယ်။ 
\v 16 သူ့ကြောန်းရာလေဟှို ဖယ်သူ့ဟှိုလည်း ပြောဂေ့ဘဲဟှို့တွပ် မိန့်ပေးတော်မူလေဟှယ်။ 
\v 17 အယ်မူမျိုး မိန့်ပေးဟှားဇာဟှာ ပရောဖက် ဟေရှာယအားဖြင့် ဘုရားသခင် ပေးဟှားဟှူ ဗျာဒိတ်တော် ပ္လဲ့ဇောင်ဟှို့တွပ် ဖြစ်လေဟှယ်။ ဗျာဒိတ်တော်ဟှ၊
\q1
\v 18 “ငါမြတ်နိုးဘီး ရှစ်ရဟှူ၊ ငါဝီးချယ်ဟှားဟှူ
\q2 ငါ့ရဲ့ စေခံဟှို ကေ့ရှုဂေ့ပါ။
\q1 ငါ့ဝိညာဉ်တော်ဟှို အယ်သူထတ်ဟှို ငါစေလွှတ်မယ်။
\q2 အယ်သူဟှာ လူမျိုးတကာလေဟှို တရားပေးလေ့မယ်။
\q1
\v 19 ငြင်းခူဇာလေ၊ အော်ဟစ်ဇာလေဟှို လောက်ဟှ။
\q2 လမ်းမာလည်း သူ့ရဲ့အသံဟှို ဖယ်သူဟှိုလည်း ကြားစေဟှ။
\q1
\v 20 သူဟှာ ကွေ့ကော့‑က်ဟှူ ကျူဗန်ဟှိုမခ္လိုး၊
\q2 မီးခိုးများဟှူ မီးဇာဟှိုလည်း သတ်ဘဲန၊
\q1 တရားမျှတမှုဟှို အောန်မြင်ဟှို့တွပ် ပို့ဆောန်လေ့မယ်၊
\q2
\v 21 သူ့ရဲ့နာမဟှိုလည်း လူမျိုးတကာလေ မျှော်လင့်လေ့မယ်” ဆိုဘီး ဟောဟှားလေဟှယ်။
\s ယေရှုန ဗေလဇေဗုလကြောန်း
\r (မာကု ၃.၂၀–၃၀; လုကာ ၁၁.၁၄–၂၃)
\p
\v 22 အယ်ခီမာ နတ်ဆိုးဝမ်ပူးနေဟှူ မျစ်စိကန်းဘီး စကားအနေဟှူ လူတယော့‑က်ဟှို ယေရှုနားဟှို ခေါ်ဆောန်လာဂေ့လေဟှယ်။ ယေရှုဟှာ နတ်ဆိုးဟှို နှန်ထုလိုက်ဟှူကြောန့် အယ်သူဟှာ မျစ်စိဗြင်လာဘီး စကားပြောလေဟှယ်။ 
\v 23 လူအောက်ဂီးဟှာ ရရာတိုင်း အံ့ဩဟှားဘီးဟှာ “အယ်သူဟှာ ဒါဝိဒ်ရဲ့သားတော် ဖြစ်လေ့မယ်လော” ဆိုဘီး မေးဂေ့လေဟှယ်။
\p
\v 24 \x - \xo ၁၂.၂၄ \xo*\xt မ ၉.၃၄; ၁၀.၂၅\xt*\x*အယ်မူဇာလေဟှို ဖာရိရှဲလေကြားဟှူ ခီမာ “အယ်သူဟှာ နတ်ဆိုးခေါန်းဆောန် ဗေလဇေဗုလဟှို အားကိုးဘီးဟှာ နတ်ဆိုးလေဟှို နှန်ထုဟှယ်” ဆိုဘီး ပြောဆိုဂေ့လေဟှယ်။
\p
\v 25 ယေရှုဟှာ အယ်သူလေရဲ့ စိနေသဘောထားဟှို သိနေဟှိကြောန့် “နိုင်ငံတနိုင်ငံဟှာ ရှင်းရှင်း တိုက်ခိုက်ဘီး ကွဲပြားနေမယ် ဆိုဟှာ အယ်နိုင်ငံဟှာ ကြာခန် ပျစ်စီးလေ့မယ်။ အယ်မူမျိုးဘဲ့ လူလေစိဝန်းကွဲပြားဘီး ရှင်းရှင်း တိုက်ခိုက်နေမယ် ဆိုဟှာ အယ်ဗြို့၊ အယ်အီထောန်ဟှာ ပျစ်စီးလေ့မယ်။ 
\v 26 စာတန်ရဲ့ အောက်စိုးမှုဟှို ဝန်ခံဟှူသူလေဟှာ ရှင်းရှင်း တိုက်ခိုက်ဘီး ကွဲပြားနေမယ် ဆိုဟှာ သူးနို့နိုင်ငံဟှာ ဖယ်မူမျိုးလည်း တည်မြဲနိုင်ဟှို့မှုဟှ! 
\v 27 ငါဟှာ နတ်ဆိုးခေါန်းဆောန် ဗေလဇေဗုလဟှို အားကိုးဘီးဟှာ နတ်ဆိုးလေဟှို နှန်ထုဟှယ် ဆိုဟှာ နန်းနို့တဗဲ့လေဟှာ ဖယ်သူ့ဟှို အားကိုးဘီးဟှာ နှန်ထုဂေ့နူး။ နန်းနို့လေ မှားယွင်းနေဟှယ် ဆိုဇာဟှို နန်းနို့တဗဲ့လေ ပြုမူဟှ သတ်သေပြနေဟှယ်! 
\v 28 ငါဟှာ ဘုရားသခင်ရဲ့ ဝိညာဉ်တော်ဟှို အားကိုးဘီးဟှာ နတ်ဆိုးလေဟှို နှန်ထုဟှယ် ဆိုဟှာ နန်းနို့လေတွပ် ဘုရားသခင်ရဲ့ နိုင်ငံတော် တည်ဟှို့ခီ ရော့‑က်လေဘီ။”
\p
\v 29 “ဖယ်သူလည်း ခွန်အားကီးဟှူလူဟှို ရင်ဦးဆောင်း ကြိုးန တောက်ဘဲန သူ့အီထဲဟှို ဝမ်ဘီးဟှာ သူ့ပစ်စီးလေဟှို လုယူနိုင်ဟှို့မှုဟှ။ သူ့ဟှို ရင်ဦးဆောင်း တောက်ဘီးမှ သူ့အီမာရှိဟှူ ပစ်စီးလေဟှို လုယူနိုင်လေ့မယ်။”
\p
\v 30 \x - \xo ၁၂.၃၀ \xo*\xt မာ ၉.၄၀\xt*\x*“ငါ့ဖတ်မာ နေဘဲဟှူသူဟှာ ငါ့ရန်ဖတ်ဖြစ်ဟှယ်။ ငါ့နတူးဒူ စုသီးဘဲဟှူသူဟှာ ကြဲဖြန့်နေဟှူသူ ဖြစ်လေဟှယ်။ 
\v 31 အယ်ကြောန့် ငါပြောမယ်။ ပြစ်မှားပြောဆိုဟှူပြစ်န ကဲ့ရဲ့ဟှူ ပြစ်ဘောန်းဇောင်\f + \fr ၁၂.၃၁ \fr*\fq ကဲ့ရဲ့ဟှူ ပြစ်ဘောန်းဇောင်၊ \fq*\ft အယ်မျိုးမှုဘဲနေဟှာ \ft*\fqa ဘုရားဟှို ကဲ့ရဲ့ဘီး ပြောဇာလေ။\fqa*\f*တွပ် လူလေဟှာ ခွမ့်လွှတ်ခံရနိုင်ဘေမဲ့ သန့်ရှင်းဟှူဝိညာဉ်တော်ဟှို ပြစ်မှားဘီး ပြောဆိုဟှူ သူဟှာ ခွမ့်လွှတ်ခံရဟှို့ မှုဟှ။ 
\v 32 \x - \xo ၁၂.၃၂ \xo*\xt လု ၁၂.၁၀\xt*\x*လူ့ရဲ့သားဟှို နှောက်နပြစ်မှားဘီး ပြောဆိုဟှူသူရဲ့ ပြစ်ဟှိုလည်း လွတ်နိုင်ဟှယ်။ သန့်ရှင်းဟှူဝိညာဉ်တော်ဟှို ပြစ်မှားဘီး ပြောဆိုဟှူ သူဟှာ ခုဘဝ နော့‑က်ဘဝ လွတ်နိုင်ဟှ။”
\s ပန်န သီးကြောန်း
\r (လုကာ ၆.၄၃–၄၅)
\p
\v 33 \x - \xo ၁၂.၃၃ \xo*\xt မ ၇.၂၀; လု ၆.၄၄\xt*\x*“သီးကောန်းဟှို လိုရှင်ဟှယ် ဆိုဟှာ သစ်ပန်ကောန်းဟှို စိုက်ရဟှယ်။ သစ်ပန်ကောန်းဟှာ သီးကောန်းဟှိုဘဲ့ သီးလေ့မယ်။ သီးဟှို ကေ့လိုက်ဟှူန သစ်ပန်ရဲ့ သဘောဟှို သိရလေဟှယ်။ 
\v 34 \x - \xo ၁၂.၃၄ က\xo*\xt မ ၃.၇; ၂၃.၃၃; လု ၃.၇; \xt*\xo ခ \xo*\xt မ ၁၅.၁၈; လု ၆.၄၅\xt*\x*ဝှေ့ မွီဗွေးလေ နန်းနို့လေဟှာ ယောက်ညံ့ဟှူသူလေ ဖြစ်ဟှူကြောန့် ကောန်းမြတ်ဟှူ စကားလေဟှို ဖယ်မူမျိုး ပြောနိုင်ဂေ့မယ်နူး။ စိနှလောင်းထဲမာ ရှိဟှူတိုင်းဘဲ့ နှောက်ဟှ ပြောတတ်လေဟှယ်။ 
\v 35 ကောန်းမြတ်ဟှူသူလေဟှာ ကောန်းမြတ်ဟှူ စိနှလောင်းဘဏ္ဍာတိုက်ထဲဟှ ကောန်းမြတ်ဟှူဇာလေဟှို ထုဖော်တတ်ဘီး ယောက်ညံ့ဟှူသူလေဟှာ ယောက်ညံ့ဟှူ စိနှလောင်းဘဏ္ဍာတိုက်ထဲဟှနေဘီး ယောက်ညံ့ဟှူဇာလေဟှိုဘဲ့ ထုဖော်တတ်လေဟှယ်။”
\p
\v 36 “နန်းနို့လေဟှို ငါပြောမယ်၊ တရားစီရင်ဟှူနေ့မာ လူတိုင်း ကျိုးမှေ့ဘဲဟှူ စကားလေတွပ် စစ်ကြောစီရင်ခံရလေ့မယ်။ 
\v 37 နန်းနို့ရဲ့ စကားအားဖြင့် ပြစ်လွတ်ခံရဘီး နန်းနို့ရဲ့ စကားအားဖြင့်ဘဲ့ ပြစ်စီရင်ဇာဟှို ခံရလေ့မယ်” ဆိုဘီး မိန့်တော်မူလေဟှယ်။
\s နိမိတ်လတ်ခဏာဟှို တောန်းဆိုဂေ့ကြောန်း
\r (မာကု ၈.၁၁,၁၂; လုကာ ၁၁.၂၉–၃၂)
\p
\v 38 \x - \xo ၁၂.၃၈ \xo*\xt မ ၁၆.၁; မာ ၈.၁၁; လု ၁၁.၁၆\xt*\x*အယ်ခီမာ ကျမ်းပြုဆရာတချို့န ဖာရိရှဲလေဟှ “ဆရာ၊ ကျွန်တော်ဟှားလေ ကိုယ်တော်ပြဟှူ နိမိတ်လတ်ခဏာတခုခုဟှို ဗြင်ရှင်ပါဟှယ်” ဆိုဘီး လျှော့‑က်ဂေ့ဟှယ်။
\p
\v 39 \x - \xo ၁၂.၃၉ \xo*\xt မ ၁၆.၄; မာ ၈.၁၂\xt*\x*ယေရှုဟှ “ဆိုးညစ်ဘီး ဉာဏ်များဟှူ အယ်နေ့ခေတ်ရဲ့ အဓမ္မလူလေ! နန်းနို့လေ တောန်းနေဟှူ နိမိတ်လတ်ခဏာဟှာ ပရောဖက်ယောနရဲ့ နိမိတ်လတ်ခဏာဟှလွဲဘီး ဖယ်မျိုး နိမိတ်လတ်ခဏာလည်း ဗြင်တွိရဟှို့ မှုဟှ။ 
\v 40 ယောနဟှာ ငါးဂီးဗိုက်ထဲမာ သောင်းရစ် လောင်းလောင်း နေရဟှူမျိုး လူ့ရဲ့သားဟှာ မ္လေဂီးထဲမာ သောင်းရစ်နေရလေ့မယ်။ 
\v 41 တရားစီရင်ဟှူနေ့မာ နိနဝေဗြို့သားလေဟှာ အယ်လူမျိုးလေဟှို ထဘီးဟှာ ပြစ်တန်ဂေ့လေ့မယ်။ ဖြားဖြစ်ကြောန့်နူးဆိုဟှာ သူးနို့လေဟှာ ယောနဟောပြောဟှူ စကားကြောန့် နောန်ဒရဂေ့ဟှယ်။ အယ်နေရာမာ ယောနထတ် ပိုဘီးကီးမြတ်ဟှူသူ ရှိနေလေဟှယ်။ 
\v 42 တရားစီရင်ဟှူနေ့မာ ရှေဘပြည်ရဲ့ မိဖုရားဟှာ အယ်လူမျိုးလေဟှို ထဘီးဟှာ ပြစ်တန်လေ့မယ်။ ဖြားဖြစ်ကြောန့်နူးဆိုဟှာ အယ်မိဖုရားဟှ ရှောလမုန် မန်းဂီးရဲ့ ပညာစကားဟှို နားထောန်ရှင်ကြောန့် ရေခြားမ္လေခြားဟှနေဘီး လာလေဟှယ်။ အယ်နေရာမာ ရှောလမုန် မန်းဂီးထတ် ကီးမြတ်ဟှူသူရှိလေဟှယ်။
\s ညစ်ညူးဟှူနတ် ပ္လန်လာဟှူကြောန်း
\r (လုကာ ၁၁.၂၄–၂၆)
\p
\v 43 “ညစ်ညူးဟှူနတ်လေဟှာ လူရဲ့ကိုယ်ထဲဟှ ထွပ်ဟှားဘီးခီမာ ခြော့‑က်သွိဟှူနေရာလေမာ သူးနို့နေဟှို့နေရာလေဟှို လိုက်ရှာတတ်လေဟှယ်။ ရှာတွိနိုင်ဟှ ဆိုဟှာ 
\v 44 ‘ငါ့အီဟှို ပ္လန်သွားအူးမယ်။’ အယ်ကြောန့် ပ္လန်ရော့‑က်ဟှားဘီးန အယ်အီဟှာ သပ်သပ်ရပ်ရပ် ရှင်းလန်းဟှားဇာဟှို တွိရဟှယ်။ 
\v 45 အယ်ဘီးန သူ့ထတ် ပိုဘီးညစ်ညူးဟှူ နတ်ဆိုးခွန်နှေ့ကောန်ဟှို ခေါ်လာဘီးဟှာ အယ်လူထဲဟှို ဝမ်လေဟှယ်။ အယ်သူရဲ့ နော့‑က်ဖြစ်ဟှူဇာဟှာ ရှေ့ဖြစ်ဟှူဇာထတ် ပိုဘီးဆိုးဝါးလေဟှယ်။ ဆိုးညစ်ဟှူ အယ်လူမျိုးလေဟှာ အယ်မူမျိုးခံစားရလေ့မယ်” ဆိုဘီး မိန့်တော်မူလေဟှယ်။
\s ယေရှုရဲ့မိခင်န ညီလေကြောန်း
\r (မာကု ၃.၃၁–၃၅; လုကာ ၈.၁၉–၂၁)
\p
\v 46 ယေရှုဟှာ ပရိသတ်လေဟှို ပြောနေဒူး မိန ညီလေဟှာ ရော့‑က်လာဟှယ်။ ကိုယ်တော့်ဟှို တွိရှင်ဟှူကြောန့် သူးနို့ဟှာ ပ္လန်မာ စောန့်နေဂေ့လေဟှယ်။ 
\v 47 အယ်ကြောန့် လူတယော့‑က်ဟှ “ကိုယ်တော်ရဲ့ မိန ညီလေဟှာ ကိုယ်တော့်ဟှို တွိရှင်ဟှူကြောန့် ပ္လန်မာ စော့န်နေဂေ့ဟှယ်” ဆိုဘီး လျှော့‑က်လေဟှယ်။\f + \fr ၁၂.၄၇ \fr*\ft တချို့ မူရင်းလတ်ရေးမူလေမာ ခန်းငယ် ၄၇ မှေ့ဟှ။\ft*\f*
\p
\v 48 ယေရှုဟှလည်း “ငါ့မိ၊ ငါ့ညီလေဟှ ဖယ်သူနူး” ဆိုဘီး မေးလေဟှယ်။ 
\v 49 အယ်ဘီးန တဗဲ့တော်လေဟှို ညွှန်ပြဘီးဟှာ “ကေ့ဂေ့! ငါ့မိ၊ ငါ့ညီလေဟှာ အယ်သူလေဘဲ့ ဖြစ်လေဟှယ်! 
\v 50 ကောန်းဂန်ဘောင်မာ ရှိတော်မူဟှူ ငါ့ဖရဲ့ လိုတော်ဟှို ဆောန်ရွက်ဟှူ သူမှန်ဟှူမျှဟှာ ငါ့ညီ၊ ငါ့ညီမန ငါ့မိလေဘဲ့ ဖြစ်ဟှယ်” ဆိုဘီး မိန့်တော်မူလေဟှယ်။
\c 13
\s မျိုးစေ့ကြဲမားရဲ့ ပေါင်ဥပမာကြောန်း
\r (မာကု ၄.၁–၉; လုကာ ၈.၄–၈)
\p
\v 1 အယ်နေ့မာ ယေရှုဟှာ အီဟှနေ ထွပ်ကြွဟှားဘီး အိုင်ကမ်းနားမာ ထိုင်နေလေဟှယ်။ 
\v 2 \x - \xo ၁၃.၂ \xo*\xt လု ၅.၁–၃\xt*\x* ကိုယ်တော်နားမာ စုဝီးနေဟှူ လူအောက်ဂီးဟှာ ရရာတိုင်း များဂေ့ကြောန့် လှေထတ်ဟှို တတ်ဘီး ထိုင်နေလေဟှယ်။ အယ်ခီမာ လူအောက်ဂီးဟှာ ကမ်းနားမာ ရပ်နေဂေ့လေဟှယ်။ 
\v 3 ကိုယ်တော်ဟှာ အယ်သူလေဟှို ပေါင်ဥပမာလေဘောင်းဂီးန သွန်သန်လေဟှယ်။
\p “မျိုးစေ့ကြဲမားတယော့‑က်ဟှာ မျိုးစေ့ကြဲဟှို့တွပ် ထွပ်ဟှားလေဟှယ်။ 
\v 4 သူဟှာ မျိုးစေ့ဟှို ကြဲဟှူ ခီမာ တချို့စေ့လေဟှာ လမ်းထတ်မာ က္လဟှိကြောန့် ငှတ်လေလာဘီးဟှာ ကော့‑က်စားဂေ့လေဟှယ်။ 
\v 5 တချို့မျိုးစေ့လေဟှာ မ္လေနဲဘီး က္လော့‑က်များဟှူ နေရာလေမာ က္လဟှယ်။ မ္လေနဲကြောန့် စေ့လေဟှာ ဗြန်းဗြန်ပန်ပေါ့‑က်လာဟှယ်။ 
\v 6 အယ်ဘေမဲ့ နေထွပ်လာဟှူ ခီမာ ပြစ်စွဲဘဲကြောန့် ပူဒန်ဟှို ခံနိုင်ဘဲ ခြော့‑က်ဟှားလေဟှယ်။ 
\v 7 တချို့မျိုးစေ့လေဟှာ ဆူးဒေါထဲဟှို က္လဟှိကြောန့် ဆူးချောင်လေကြားမာ ကီးထွားနိုင်ဘဲ သေဂေ့လေဟှယ်။ 
\v 8 တချို့စေ့လေဟှာ ကောန်းဟှူမ္လေမာ က္လဟှူကြောန့် ပန်လေပေါ့‑က်လာဘီး တချို့ဟှ ဆသောင်းဆယ်၊ တချို့ဟှ ဆခြော့‑က်ဆယ်၊ တချို့ဟှ ဆတရာ ပွားများလာဘီးဟှာ သီးသီးဂေ့လေဟှယ်။”
\p
\v 9 ယေရှုဟှ “နန်းနို့မာ နားရှိဟှယ် ဆိုဟှာ ကြားဂေ့!” ဆိုဘီး မိန့်တော်မူလေဟှယ်။
\s ပေါင်ဥပမာလေရဲ့ ရည်ရွယ်ချစ်
\r (မာကု ၄.၁၀–၁၂; လုကာ ၈.၉,၁၀)
\p
\v 10 တဗဲ့တော်လေဟှာ ကိုယ်တော်နားဟှို လာဂေ့ဘီးဟှာ “ကိုယ်တော်ဟှာ ဖြားဖြစ်ကြောန့် အယ်သူလေဟှို ပေါင်ဥပမာလေန ဟောပြောဟှယ်နူး” ဆိုဘီး မေးလျှော့‑က်ဂေ့လေဟှယ်။
\p
\v 11 ကိုယ်တော်ဟှ “နန်းနို့လေဟှာ ကောန်းဂန်နိုင်ငံတော်ရဲ့ နတ်နဲဟှူ ကြောန်းရာလေဟှို သိခွမ့်ရှိဂေ့ဟှယ်။ အယ်ဘေမဲ့ တခြားသူလေဟှာ သိခွမ့် မှေ့ဟှ။ 
\v 12 \x - \xo ၁၃.၁၂ \xo*\xt မ ၂၅.၂၉; မာ ၄.၂၅; လု ၈.၁၈; ၁၉.၂၆\xt*\x*ရှိဟှူလူဟှို ထပ်ပေးဘီး သူ့ဟှို ကြွယ်ဝစေလေ့မယ်။ မှေ့ဘဲဟှူ လူနားဟှ ရှိဟှူမျှဟှို နှုလေ့မယ်။ 
\v 13 အယ်ကြောန့် သူးနို့လေဟှာ ကေ့နေဘေမဲ့လည်း ဗြင်ဂေ့ဟှ။ နားထောန်နေဘေမဲ့လည်း ကြားဂေ့ဟှ။ နတ်ဓိပါယ်ဟှိုလည်း နားလည်ဘဲကြောန့် ပေါင်ဥပမာဟှို သောင်းပြုဘီး ငါဟောပြောရဟှယ်။ 
\v 14 ပရောဖက် ဟေရှာယ ဟောပြောဖူးဟှူ အနာဂတ္တိကျမ်းစကားဟှာ အယ်သူလေမာ ပ္လဲ့ဇောင်ရှင်းဟှို ရော့‑က်လေဟှယ်။ ဟောပြောဟှားဇာဟှ
\q1 “‘အယ်လူလေဟှာ ကြားနေဘေမဲ့လည်း နတ်ဓိပါယ်ဟှို နားလည်ဘဲန ကြားဂေ့လေ့မယ်။
\q2 ဗြင်နေဘေမဲ့လည်း အာရောင်ရော့‑က်ဘဲန ဗြင်ဂေ့လေ့မယ်။
\q1
\v 15 ဖြားဖြစ်ကြောန့်နူးဆိုဟှာ အယ်လူလေရဲ့ စိနှလောင်းဟှာ ထူထိုင်းနေဘီး
\q2 နားဟှလည်း ကြားဂေ့ဟှ။
\q2 အယ်ဘီးဟှာ မျစ်စိလည်း ပိနေဂေ့ဟှယ်။
\q1 အယ်သူလေရဲ့ မျစ်စိဟှာ ဗြင်ဘီး
\q2 အယ်သူလေရဲ့ နားဟှလည်း ကြားဘီး
\q2 အယ်သူလေရဲ့ စိနှလောင်းဟှာ နားလည်ဘီး
\q1 အယ်သူလေဟှာ ငါ့နားဟှို ပ္လန်လာမယ် ဆိုဟှာ
\q2 ငါဟှာ အယ်သူလေဟှို ကျန်းမာစေမယ်’ ” ဆိုဘီး ပြောလေဟှယ်။
\p
\v 16 \x - \xo ၁၃.၁၆,၁၇ \xo*\xt လု ၁၀.၂၃,၂၄\xt*\x*“နန်းနို့လေရဲ့ မျစ်စိဗြင်ဘီး နန်းနို့လေရဲ့ နားကြားဟှိကြောန့် မင်္ဂလာရှိဟှယ်။ 
\v 17 ငါ မှန်တိုင်းပြောမယ်၊ နန်းနို့ဗြင်ရဟှူဇာလေဟှို ပရောဖက်လေန ဖြောန့်မတ်ဟှူသူလေဟှာ ဗြင်တွိရှင်လည်းဘဲ့ ဗြင်တွိရဂေ့ဟှ။ နန်းနို့ကြားရဟှူဇာလေလည်း ကြားရဂေ့ဟှ။
\s မျိုးစေ့ကြဲမားရဲ့ ပေါင်ဥပမာဟှို ရှင်းပြဟှူကြောန်း
\r (မာကု ၄.၁၃–၂၀; လုကာ ၈.၁၁–၁၅)
\p
\v 18 “အယ်ကြောန့် မျိုးစေ့ကြဲမားရဲ့ ပေါင်ဥပမာရဲ့ နတ်ဓိပါယ်ဟှို နားထောန်ဂေ့။ 
\v 19 လမ်းမာက္လဟှူ မျိုးစေ့ကြောန်းဟှာ ဘုရားသခင်ရဲ့ နိုင်ငံတော်တရားစကားဟှို ကြားရဘေမဲ့လည်း နားလည်ဘဲဟှူ လူလေနတူဟှယ်။ နှလောင်းထဲဟှမျိုးစေ့ဟှို နတ်ဆိုးဟှာ လာဘီး နှုယူဟှားဟှယ်။ 
\v 20 က္လော့‑က်ပေါဟှူမ္လေထတ်မာ က္လဟှူမျိုးစေ့ ဆိုဇာဟှာ တရားစကားဟှို ကြားဟှူနကြားရှင်း ဝန်းသာအားရခံယူဟှူလူဟှို ဆိုလိုဟှယ်။ 
\v 21 အယ်ဘေမဲ့ စိနှလောင်းထဲမာ ပြစ်စွဲဘဲဟှူကြောန့် တရားစကားအားဖြင့် ညှင်းဆဲမှုလေဟှို ခံလာရဟှူ ခီမာ ရှစ်ရှင်းဖော့‑က်ပ္လန်ဟှားဟှယ်။ 
\v 22 ဆူးချောင်မာ က္လဟှူမျိုးစေ့ဟှာ တရားစကားဟှို ကြားရဘေမဲ့ ဘဝရဲ့ စိုးရိမ်ပူပန်မှုလေန စည်းဇိမ်အောက်စာလေရဲ့ လှည့်စားမှုလေအားဖြင့် တရားစကားဟှို တားဆီးလိုက်ဟှူကြောန့် သီးသီးဘဲဟှူသူလေဟှို ဆိုလိုဟှယ်။ 
\v 23 ကောန်းဟှူမ္လေမာ က္လဟှူမျိုးစေ့ကြောန်းရာဟှ တရားစကားဟှို ကြားရခီမာ ဝန်းသာအားရခံယူဘီး ဆင်ခြင်နှလောင်းသွမ်းဟှိကြောန့် တချို့ဟှ ဆသောင်းဆယ်၊ တချို့ဟှ ဆခြော့‑က်ဆယ်၊ တချို့ဟှ ဆတရာ သီးသီးဟှူ သူလေဖြစ်ဟှယ်” ဆိုဘီး မိန့်တော်မူလေဟှယ်။
\s ဗြစ်ပန်ရဲ့ ပေါင်ဥပမာကြောန်း
\p
\v 24 ယေရှုဟှာ တခြားပေါင်ဥပမာန မိန့်တော်မူဟှူဇာဟှာ “ကောန်းဂန်နိုင်ငံတော်ဟှာ ကောန်းဟှူမျိုးစေ့ဟှို လယ်ထဲမာ ကြဲမားနတူလေဟှယ်။ 
\v 25 လယ်သမားလေ အိမွိနေခီမာ ရန်သူလာဘီးဟှာ ဂျောင်မျိုးစေ့လေကြားထဲမာ ဗြစ်စေ့လေဟှို ကြဲလေဟှယ်။ 
\v 26 အပန်လေပေါ့‑က်လာဘီး သီးနှံထွပ်လာခီမာ တောဗြစ်ပန်လေလည်း ထန်ရှားလာလေဟှယ်။ 
\v 27 လယ်ဇရှင်ရဲ့ စေခံလေဟှ လယ်ဇရှင်နားဟှို လာဘီး ‘သခင်၊ ကျွန်တော်ဟှားလေဟှာ ကောန်းဟှူမျိုးစေ့ဟှို လယ်ထဲမာ ကြဲပါဟှယ်။ တောဗြစ်ပန်လေဟှ ဖယ်နေရာဟှ ရော့‑က်လာပါနူး’ ဆိုဘီး မေးဂေ့လေဟှယ်။ 
\v 28 လယ်ဇရှင်ဟှ ‘အယ်မျိုးဖြစ်ဇာဟှာ ရန်သူလောက်ဇာဖြစ်ဟှယ်’ ဆိုဘီး ပ္လန်ပြောလိုက်ဟှယ်။ စေခံလေဟှ ‘ကျွန်တော်ဟှားလေ သွားနှုပစ်ရဟှို့လော’ ဆိုဘီး မေးဂေ့လေဟှယ်။ 
\v 29 လယ်ဇရှင်ဟှ ‘နှုပစ်နအူး။ တောဗြစ်ပန်လေဟှို နှုဟှယ် ဆိုဟှာ ဗားဗန်လေလည်း ရောဘီးဟှာ နှုမိလေ့မယ်။ 
\v 30 ဗားရိခီထိ တူးဒူကီးနေပါစေ။ ဗားရိကာလမာ ရင်ဦးဆောင်း တောဗြစ်ပန်လေဟှို ဝွီးနှုဘီးဟှာ မီးရှို့ဟှို့တွပ် ကြိုးနခယ်ဂေ့။ ဗားလေဟှို စုသီးဘီးဟှာ ဗားဂတ်ထဲဟှို ထဲ့ဂေ့’ ဆိုဘီး ဗားရိမားလေဟှို ငါပြောမယ် ဆိုဘီး လယ်ဇရှင်ဟှ ပြောလေဟှယ်” ဆိုဘီး မိန့်တော်မူလေဟှယ်။
\s မုညှင်းစေ့ရဲ့ ပေါင်ဥပမာကြောန်း
\r (မာကု ၄.၃၀–၃၂; လုကာ ၁၃.၁၈,၁၉)
\p
\v 31 ယေရှုဟှာ တခြားပေါင်ဥပမာအားဖြင့် “ကောန်းဂန်နိုင်ငံတော်ဟှာ လယ်ထဲမာစိုက်ဟှူ မုညင်းစေ့နတူလေဟှယ်။ 
\v 32 မုညင်းစေ့ဟှာ စေ့လေအားလောင်းထဲမာ အငယ်ဆောင်းဖြစ်ဘေမဲ့လည်း ကီးတတ်လာဟှူ ခီမာ ဗြစ်ပန်လေ အားလောင်းထဲမာ ကီးဆောင်းဖြစ်ဟှယ်။ အယ်ကြောန့် ကောန်းဂန်ငှတ်လေဟှာ သစ်ကိုင်းသစ်ခပ်လေမာ သိုက်လောက်ဘီး ခိုနားနိုင်ဟှူ သစ်ပန်တဗန်ဖြစ်လာလေဟှယ်” ဆိုဘီး မိန့်တော်မူလေဟှယ်။
\s တဆေးရဲ့ ပေါင်ဥပမာကြောန်း
\r (လုကာ ၁၃.၂၀,၂၁)
\p
\v 33 ယေရှုဟှာ တခြားပေါင်ဥပမာအားဖြင့် “ကောန်းဂန်နိုင်ငံတော်ဟှာ တဆေးန တူဟှယ်။ မီးမတယော့‑က်ဟှာ တဆေးဟှို ယူဘီး မုညစ်သောင်းတောန်းထဲဟှို ထဲ့လိုက်ဘီးဟှာ မုညစ် အားလောင်းဂူဟှို ဖောန်းကြွစေတတ်ဟှယ်” ဆိုဘီး မိန့်တော်မူလေဟှယ်။
\s ပေါင်ဥပမာလေဟှို သောင်းပြုဟှူကြောန်း
\r (မာကု ၄.၃၃,၃၄)
\p
\v 34 ယေရှုဟှာ လူအောက်ဂီးဟှို အယ်မူကြောန်းရာလေဟှို ပေါင်ဥပမာလေအားဖြင့် ဟောပြောတော်မူဘီး ပေါင်ဥပမာပါဘဲန ဖြားကြောန်းရာလေဟှိုမှ ဟောပြောတော် မှုဟှ။ 
\v 35 ကိုယ်တော်ဟှာ အယ်မူမျိုး ဟောပြောဟှားဇာဟှ
\q1 “ငါဟှာ ပေါင်ဥပမာလေဟှို သောင်းပြုဘီး သူးနို့ဟှို ငါပြောမယ်။
\q2 ကမ္ဘာဦးဟှနေဘီး ကွယ်ဝှပ်ဟှားဟှူဇာလေဟှို ဖော်ပြပေးမယ်” ဆိုဘီး ပရောဖက်ပြောဟှားဇာ ပ္လဲ့ဇောင်ဟှို့တွပ် ဖြစ်လေဟှယ်။
\s ဗြစ်ပန်ရဲ့ ပေါင်ဥပမာဟှို ရှင်းပြဟှူကြောန်း
\p
\v 36 အယ်ဘီးန ယေရှုဟှာ တရားတော်ဟှို ဆောင်းသတ်ဘီးဟှာ အီထဲဟှို ဝမ်လေဟှယ်။ တဗဲ့တော်လေလည်း ကိုယ်တော်နားဟှို လာဂေ့ဘီးဟှာ “လယ်ထဲမာကြဲဟှူ ဗြစ်စေ့ရဲ့ ပေါင်ဥပမာနတ်ဓိပါယ်ဟှို ကျွန်တော်ဟှားလေဟှို ပြောပြပေးပါ” ဆိုဘီး လျှော့‑က်ဂေ့လေဟှယ်။
\p
\v 37 ယေရှုဟှ “ကောန်းဟှူမျိုးစေ့ဟှို ကြဲမားဟှာ လူ့ရဲ့သားဖြစ်ဟှယ်။ 
\v 38 လယ်ဟှာ အယ်လောကဖြစ်ဟှယ်။ ကောန်းဟှူမျိုးစေ့ဟှ နိုင်ငံတော်သားဖြစ်ဟှယ်။ ဗြစ်စေ့ဟှာ နတ်ဆိုးရဲ့ သားလေဖြစ်ဟှယ်။ 
\v 39 ဗြစ်စေ့ဟှို ကြဲဟှူရန်သူဟှာ မာရ်နတ်ဖြစ်ဟှယ်။ ဗားရိဟှူကာလဟှာ အယ်ကမ္ဘာကူဆောင်းဟှူ ခီမာ ဖြစ်ဘီး ဗားရိမားလေဟှာ ကောန်းဂန်တမန်လေဖြစ်ဟှယ်။ 
\v 40 တောဗြစ်ပန်လေဟှို စုသီးဘီးဟှာ မီးရှို့ဟှူမျိုး ကမ္ဘာကူဆောင်းဟှူ ခီမာ ဖြစ်ရလေ့မယ်။ 
\v 41 လူ့ရဲ့သားဟှာ သူ့ရဲ့ ကောန်းဂန်တမန်လေဟှို စေလွှတ်ဘီးဟှာ လူလေဟှို လမ်းလွဲဘီး မှားယွင်းအောန်လောက်ဟှူ သူလေန တရားဘဲဟှူ သူလေ အားလောင်းဂူဟှို နိုင်ငံတော်ထဲဟှ ဝီးထုဘီးဟှာ၊ 
\v 42 တော့‑က်လောန်နေဟှူ မီးဖိုထဲဟှို ပစ်ခ္လစေတော်မူမယ်။ အယ်သူလေလည်း အံသွားခဲက္လိဘီး ငိုကြွေးရဂေ့လေ့မယ်။ 
\v 43 အယ်ဘီးန ဖြောန့်မတ်ဟှူ လူလေဟှာ သူးနို့ရဲ့ ဖနိုင်ငံတော်မာ နေတော့‑က်ပမျိုး တော့‑က်ပလေ့မယ်။ နန်းနို့မာ နားရှိဟှယ် ဆိုဟှာ ကြားဂေ့!
\s ဝှပ်ဟှားဟှူဘဏ္ဍာ ပေါင်ဥပမာကြောန်း
\p
\v 44 “ကောန်းဂန်နိုင်ငံတော်ဟှာ လယ်ထဲမာဝှပ်ဟှားဟှူ ဘဏ္ဍာနတူလေဟှယ်။ လူတယော‑က်ဟှာ ဘဏ္ဍာဟှို တွိဟှူ ခီမာ ပ္လန်ဖောင်းအောက်ဘီး ဝန်းသာအားရန ပ္လန်ဟှားဘီး သူမာရှိဟှူ ပစ်စီးလေ အားလောင်းဂူဟှို ရောန်းဘီးဟှာ အယ်လယ်ဟှို ဝယ်လေဟှယ်။
\s ပုလဲ ပေါင်ဥပမာကြောန်း
\p
\v 45 “အယ်ဘီးဟှာ ကောန်းဂန်နိုင်ငံတော်ဟှာ ကောန်းဟှူ ပုလဲဟှို ရှာနေဟှူ ကူသယ်န တူဟှယ်။ 
\v 46 အယ်မူကူသယ်ဟှာ ကောန်းဟှူ ပုလဲဟှို တွိရဟှူ ခီမာ သူ့မာရှိဇာ အားလောင်းဂူဟှို ရောန်းဘီးဟှာ အယ်ပုလဲဟှို ဝယ်လေဟှယ်။
\s ပိုက်ကွန် ပေါင်ဥပမာကြောန်း
\p
\v 47 “အယ်ဘီးဟှာ ကောန်းဂန်နိုင်ငံတော်ဟှာ ပန်လယ်ထဲဟှ ငါးလေဟှို ဖမ်းဟှူပိုက်ကွန်နတူလေဟှယ်။ 
\v 48 ပိုက်ကွန်ထဲမာ ငါးလေပ္လဲ့ဟှားခီမာ ငါးဖမ်းမားလေဟှ ကူးထပ်ဟှို ဆွဲဒန်ဘီး ကောန်းဟှူငါးလေဟှို တောန်းထဲမာ ဝီးထဲ့ဘီးဟှာ ကောန်းဘဲဟှူငါးလေဟှို ပ္လန်ဟှို ပစ်ထုလိုက်ဂေ့ဟှယ်။ 
\v 49 အယ်မူတိုင်းဘဲ့ ကပ်ကမ္ဘာကူဆောင်းဟှူ ခီမာ ကောန်းဂန်တမန်လေ ဆင်းလာဘီး ဖြောန့်မတ်ဟှူသူလေထဲဟှ ဆိုးယောက်ဟှူသူလေဟှို ခွဲထုဘီးဟှာ 
\v 50 တော့‑က်လောန်နေဟှူ မီးဖိုထဲဟှို ပစ်ခ္လလေ့မယ်။ အယ်သူလေဟှာ အံသွားခဲက္လိဘီး ငိုကြွေးရဂေ့လေ့မယ်” ဆိုဘီး မိန့်တော်မူလေဟှယ်။
\s ဘဏ္ဍာသစ်န ဘဏ္ဍာဟောန်းကြောန်း
\p
\v 51 ယေရှုဟှ “အယ်ကြောန်းရာလေ အားလောင်းဂူဟှို နန်းနို့လေ နားလည်ဂေ့ဘဲ့လော” ဆိုဘီး မေးတော်မူလိုက်ဟှယ်။
\p တဗဲ့တော်လေဟှ “နားလည်ပါဘီ သခင်” ဆိုဘီး လျှော့‑က်ဂေ့လေဟှယ်။
\p
\v 52 ကိုယ်တော်ဟှ “အယ်မူဇာဟှာ ကောန်းဂန်နိုင်ငံတော်ရဲ့ ကြောန်းရာဟှို သန်ယူဘီး တဗဲ့ဖြစ်လာဟှူ ကျမ်းပြုဆရာဟှာ ကိုယ့်ရဲ့ ဘဏ္ဍာတိုက်ထဲဟှ ပစ်စီးသစ်န ပစ်စီးဟောန်းလေဟှို ထုယူတတ်ဟှူ အီရှင်နတူလေဟှယ်” ဆိုဘီး မိန့်တော်မူလေဟှယ်။
\s နာဇရက်ဗြို့မာ ငြင်းပယ်ခံရဟှူကြောန်း
\r (မာကု ၆.၁–၆; လုကာ ၄.၁၆–၃၀)
\p
\v 53 အယ်ပေါင်ဥပမာလေဟှို ယေရှု မိန့်တော်မူဘီးန ကိုယ်တော်ဟှာ အယ်ရပ်ဟှနေ ထွပ်ဟှားဘီး 
\v 54 နေထိုင်ဟှူ ဗြို့ဟှို ပ္လန်ကြွဟှားတော်မူဟှယ်။ ကိုယ်တော်ဟှာ ဝါလယ်ဇရပ်မာ သွန်သန်လေဟှယ်။ အယ်မူဇာဟှို ကြားရဟှူ လူလေလည်း အံ့ဩဂေ့ဟှယ်။ “အယ်သူဟှာ အယ်ပညာဟှို ဖယ်ဟှရလာနူး။ အယ်နိမိတ်လတ်ခဏာလေလည်း ဖယ်ဟှရလာနူး။ 
\v 55 သူဟှာ လတ်သမားရဲ့သား မှုဟှလော။ သူ့မိဟှာ မာရိ မှုဟှလော။ သူ့ညီလေဟှာ ယာကုပ်၊ ယောသပ်၊ ရှိမုန်၊ ယုဒ မှုဟှလော။ 
\v 56 သူ့ရဲ့ညီမလေလည်း နို့လေနားမာ နေဂေ့ဟှယ် မှုဟှလော။ အယ်ဆိုဟှာ အယ်သူဟှာ အယ်နိမိတ်လတ်ခဏာလေဟှို ဖယ်ဟှရလာနူး” ဆိုဘီး သူးနို့ဟှ မေးဂေ့ဟှယ်။ 
\v 57 \x - \xo ၁၃.၅၇ \xo*\xt ယော ၄.၄၄\xt*\x*အယ်ကြောန့် သူးနို့ဟှာ ကိုယ်တော့်ဟှို ငြင်းပယ်ဂေ့လေဟှယ်။
\p ယေရှုဟှ “ပရောဖက်ဟှာ ကိုယ့်ဗြို့ ကိုယ့်အီဟှနေလွဲဘီး နေရာတိုင်းမာ လေးစားခံရဟှယ်” ဆိုဘီး မိန့်တော်မူလေဟှယ်။ 
\v 58 အယ်သူလေဟှာ ယောင်ကြည်ဘဲကြောန့် ကိုယ်တော်ဟှာ အယ်နေရာမာ အံ့ဘွယ်တဂိုးလေဟှို ဘောင်ဂီးပြတော်မူဟှ။
\c 14
\s ဗတ္တိဇံယောဟန် သေဆောင်းဟှူကြောန်း
\r (မာကု ၆.၁၄–၂၉; လုကာ ၉.၇–၉)
\p
\v 1 အယ်ခီမာ ဂါလိလဲပြည်ဟှို အောက်ချောက်ဟှူ ဟေရုဒ်ဟှာ ယေရှုရဲ့ ဒန်းဟှို ကြားရဟှူ ခီမာ 
\v 2 “အယ်သူဟှာ ဗတ္တိဇံယောဟန်ဘဲ့ ဖြစ်ဟှယ်။ သူဟှာ သေရာဟှနေ ပ္လန်ရှင်လာဘီ ဖြားဖြစ်ကြောန့်နူးဆိုဟှာ နိမိတ်လတ်ခဏာလေ ပြဟှို့တွပ် အယ်တဂိုးဟှာ သူ့မာရှိနေဟှယ်” ဆိုဘီး သူ့ရဲ့ စေခံလေဟှို ပြောဆိုလေဟှယ်။
\p
\v 3 \x - \xo ၁၄.၃,၄ \xo*\xt လု ၃.၁၉,၂၀\xt*\x*ဟေရုဒ်ဟှာ သူ့ညီ ဖိလိပ္ပုရဲ့ မယား ဟေရောဒိကြောန့် ယောဟန်ဟှို ဖမ်းဘီးဟှာ ထောန်ထဲမာ ချောက်ဟှားလေဟှယ်။ 
\v 4 ဖြားဖြစ်ကြောန့်နူးဆိုဟှာ ယောဟန်ဟှ “မန်းဂီးဟှာ ကိုယ့်ညီရဲ့ မယားဟှို သီးယူဇာဟှာ ပညတ်တော်နညီဟှ!” ဆိုဘီးဟှာ ဟေရုဒ်ဟှို ပြောဟှားဖူးဟှယ်။ 
\v 5 ဟေရုဒ်ဟှာ ယောဟန်ဟှို သတ်ရှင်ဘေမဲ့ ယုဒလူလေဟှို ကြော့‑က်ဟှယ်။ ဖြားဖြစ်ကြောန့်နူးဆိုဟှာ ယုဒလူလေဟှာ ယောဟန်ဟှို ပရောဖက်တပါး ဖြစ်ဟှယ် ဆိုဘီး မှတ်ယူဂေ့ဟှယ်။
\p
\v 6 ဟေရုဒ်ရဲ့ မွီးနေ့မာ ဟေရောဒိရဲ့ မီးဟှာ ဧည့်သယ်လေရှေ့မာ ကပြလေဟှယ်။ ဟေရုဒ်ဟှာ ရရာတိုင်း ကျေနပ်ဟှားဘီး 
\v 7 “နန်တောန်းဟှူမျှ ငါပေးမယ်!” ဆိုဘီး သစ်စာန ဂဒိပေးလေဟှယ်။
\p
\v 8 အယ်မီးမငယ်ဟှလည်း သူ့မိ တောန်းခိုင်းဟှူတိုင်း “ဗတ္တိဇံယောဟန်ရဲ့ ခေါန်းဟှို လန်းဗန်းထဲမာ ထဲ့ပေးတော်မူပါ!” ဆိုဘီး တောန်းလေဟှယ်။
\p
\v 9 မန်းဂီးဟှာ စိကောန်းဘဲ ဖြစ်ဟှားဘေမဲ့လည်း ဧည့်သယ်လေရှေ့မာ ပေးမယ် ဆိုဘီး ကီဆိုဟှူတိုင်း ပေးဟှို့တွပ် မိန့်ခ္လလိုက်လေဟှယ်။ 
\v 10 အယ်ကြောန့် စောန့်တယော့‑က်ဟှို စေလွှတ်ဘီးဟှာ ယောဟန်ရဲ့ ခေါန်းဟှို ထောန်ထဲမာ ဖြတ်စေလေဟှယ်။ 
\v 11 ခေါန်းဟှို လန်းဗန်းထတ်မာ တန်ဘီးဟှာ ယူဆောန်လာဘီး မီးမငယ်ဟှို ပေးလိုက်ဟှယ်။ အယ်မီးမငယ်လည်း သူ့မိနားဟှို ယူဆောန်ဟှားလေဟှယ်။ 
\v 12 ယောဟန်ရဲ့ တဗဲ့လေဟှာ လောန်းဟှို ယူဘီး သင်္ဂြိုဟ်လေဟှယ်။ အယ်ဘီးမှ ယေရှုနားဟှို သွားဘီး ပြောပြဂေ့လေဟှယ်။
\s လူငါးထောန်ဟှို စားဇာကျွေးဟှူကြောန်း
\r (မာကု ၆.၃၀–၄၄; လုကာ ၉.၁၀–၁၇; ယောဟန် ၆.၁–၁၄)
\p
\v 13 အယ်ဒန်းဟှို ယေရှုကြားရဟှူ ခီမာ လူသူကင်းရှင်းဟှူ နေရာဟှို လှေစီးဘီး ကြွဟှားလေဟှယ်။ ဗြို့ဝါလေဟှ လူလေလည်း အယ်ကြောန်းဟှို ကြားရဂေ့ကြောန့် နော့‑က်တော်ဟှို ကူးကြောန်းလိုက်ဂေ့လေဟှယ်။ 
\v 14 ယေရှုဟှာ လှေဟှနေ ဆင်းလိုက်ဘီး လူအောက်ဂီးဟှို ဗြင်ရခီမာ သူးနို့ဟှို သနားဟှူစိ ရှိတော်မူဘီး ဖျားနာနေဟှူလူလေ အားလောင်းဂူဟှို ကျန်းမာစေလေဟှယ်။
\p
\v 15 နေတန်ပိုင်း ရော့‑က်လာဟှူ ခီမာ တဗဲ့တော်လေဟှာ ကိုယ်တော်နားဟှို လာဘီး “အယ်နေရာဟှာ လူသူကင်းဝီးဟှူ နေရာဖြစ်ဘီး ခီလည်း နော့‑က်က္လဟှားဘီ။ လူလေဟှို စေလွှတ်ဘီးဟှာ ဝါလေမာ စားဇာဝယ်ခိုင်းဟှို့တွပ် သွားခွမ့်ပေးပါ” ဆိုဘီး လျှော့‑က်ဂေ့လေဟှယ်။
\p
\v 16 ယေရှုဟှ “သူးနို့လေ သွားဇာလိုဟှ။ အယ်သူလေစားဟှို့ စားဇာဟှို နန်းနို့လေ ကိုယ်တိုင် ပေးဂေ့ပါ!” ဆိုဘီး မိန့်တော်မူလေဟှယ်။
\p
\v 17 တဗဲ့တော်လေဟှ “မုငါးလောင်းန ငါးနှေ့ကောန်ဘဲ့ ကျွန်တော်ဟှားလေမာ ရှိပါဟှယ်” ဆိုဘီး ပ္လန်လျှော့‑က်လေဟှယ်။
\p
\v 18 ယေရှုဟှ “အယ်မုန ငါးဟှို ယူလာပါ” ဆိုဘီး မိန့်တော်မူလေဟှယ်။ 
\v 19 ကိုယ်တော်ဟှ လူလေဟှို ဗြစ်ပ္လန်ထတ်မာ ထိုင်ဟှို့ မိန့်တော်မူဘီးန မုငါးလောင်းန ငါးနှေ့ကောန်ဟှို ယူဘီး ကောန်းဂန်ထတ်ဟှို မျှော်ကေ့ဘီးဟှာ ဘုရားသခင်ဟှို ကျေးဇူးတော် ချီးမွမ်းလေဟှယ်။ အယ်ဘီးမှ မုန ငါးဟှို ဖဲ့ဘီး တဗဲ့တော်လေဟှို ပေးလေဟှယ်။ တဗဲ့တော်လေဟှလည်း လူလေဟှို ပေးလေဟှယ်။ 
\v 20 လူလေအားလောင်းဂူဟှာ စားဘီး ဗိုက်ပ္လဲ့ဟှားဟှယ်။ အယ်ဘီးန တဗဲ့တော်လေဟှာ စားဘီး ကျန်ဇာလေဟှို စုသီးလိုက်ဇာ ဆယ့်နှေ့တောန်းပ္လဲ့ ရဂေ့ဟှယ်။ 
\v 21 မီးမန သားဂန်းဟှားလေပါဘဲန စားဂေ့ဟှူ ယော့‑က်ကျား ရေတွပ်ဟှာ ၅,၀၀၀ လော့‑က် ရှိလေဟှယ်။
\s ရေထတ်မာ လမ်းရှော့‑က်ဟှူကြောန်း
\r (မာကု ၆.၄၅–၅၂; ယောဟန် ၆.၁၅–၂၁)
\p
\v 22 အယ်ဘီးန ယေရှုဟှာ လူလေဟှို ပ္လန်လွှတ်လိုက်ခီမာ တဗဲ့တော်လေဟှိုလည်း လှေထတ်ဟှို တတ်စေဘီး ဟှိုဖတ်ကမ်းဟှို ရင်ဦးဆောင်း ကူးစေလေဟှယ်။ 
\v 23 ယေရှုဟှာ လူလေ ပ္လန်ဟှားဂေ့ဘီးန ဆုတောန်းဟှို့တွပ် တောန်ထတ်ဟှို ယော့‑က်ဒဲ တတ်ဟှားတော်မူဟှယ်။ နေတန်ပိုင်း ရော့‑က်လာခီမာ အယ်နေရာမာ ယေရှုတပါးဒဲ ရှိတော်မူဘီး 
\v 24 တဗဲ့တော်လေရဲ့ လှေဟှလည်း ကမ်းန ရရာတိုင်း ကွာဟှားဘီး လေဆန်ဘီး လာနေကြောန့် လှိုင်းလေရဲ့ ရိုက်ခတ်ဇာဟှို ခံရလေဟှယ်။
\p
\v 25 မိုးသာထပိုင်းမာ ယေရှုဟှာ ရေထတ်မာ လမ်းရှော့‑က်ဘီး တဗဲ့တော်လေနားဟှို ကြွလာတော်မူလေဟှယ်။ 
\v 26 တဗဲ့တော်လေဟှာ ရေထတ်မာ လမ်းရှော့‑က်နေဟှူ ကိုယ်တော့်ဟှို ဗြင်ဟှူ ခီမာ ရရာတိုင်း ကြော့‑က်လန့်ဟှားဂေ့ဘီး “ဖုကသေ!” ဆိုဘီး အော်ဂေ့လေဟှယ်။
\p
\v 27 ယေရှုဟှ “စိုးရိမ်ဂေ့န! ငါဘဲ့ဖြစ်ဟှယ်။ ကြော့‑က်ဂေ့န!” ဆိုဘီး သူးနို့ဟှို ရှစ်ရှင်းဘဲ့ မိန့်တော်မူလေဟှယ်။
\p
\v 28 ပေတရုဟှ “သခင်၊ ကိုယ်တော်မှန်ဟှယ် ဆိုဟှာ ကျွန်တော်လည်း ရေထတ်မာ လမ်းရှော့‑က်ဘီး ကိုယ်တော်နားဟှို လာဟှို့ မိန့်တော်မူပါ” ဆိုဘီး လျှော့‑က်လေဟှယ်။
\p
\v 29 ယေရှုဟှ “လာပါ!” ဆိုဘီး မိန့်တော်မူလေဟှယ်။ အယ်ကြောန့် ပေတရုဟှာ လှေထတ်ဟှဆင်းဘီး ရေထပ်မာ လမ်းရှော့‑က်ဟှားဘီး ယေရှုနားဟှို သွားလေဟှယ်။ 
\v 30 အယ်ဘေမဲ့ ကြမ်းထန်းဟှူလေဟှို ဗြင်ဟှူ ခီမာ ကြော့‑က်လန့်ဟှားဘီး ရေထဲဟှို နစ်မ္လုစပြုဟှားဟှယ်။ “သခင်၊ ကျွန်တော်ဟှို ကယ်တော်မူပါ!” ဆိုဘီး အော်ဟစ်လေဟှယ်။
\p
\v 31 ယေရှုဟှ ရှစ်ရှင်းဘဲ လတ်တော်ဟှို ဆန့်ဘီးဟှာ ပေတရုဟှို ဆွဲကိုင်ဘီး “ယောင်ကြည်ရှင်း အားနဲဟှူလူ! ဖြားဖြစ်ကြောန့် ယောင်မှားဟှူ စိဖြစ်ရနူး” ဆိုဘီး မိန့်တော်မူလေဟှယ်။
\p
\v 32 သူးနို့နှေ့ယော့‑က်ဟှာ လှေထတ်ဟှို ရော့‑က်ဟှားဘီးန လေဟှာ ငြီဟှားလေဟှယ်။ 
\v 33 လှေထဲမာ ရှိဟှူ တဗဲ့တော်လေဟှလည်း ယေရှုဟှို ရှိခိုးလေဟှယ်။ “ကိုယ်တော်ဟှာ တကယ်ဘဲ့ ဘုရားသခင်ရဲ့ သားတော်ဖြစ်ဟှယ်!” ဆိုဘီး လျှော့‑က်ဂေ့လေဟှယ်။
\s ဖျားနာသူလေဟှို ဂင်နေသရက်ဗြို့မာ ကျန်းမာစေဟှူကြောန်း
\r (မာကု ၆.၅၃–၅၆)
\p
\v 34 သူးနို့ဟှာ အိုင်ဟှို ကူးဟှားဂေ့ဘီး ဂင်နေသရက်ဗြို့ဟှို ရော့‑က်လာဂေ့လေဟှယ်။ 
\v 35 အယ်နေရာဟှ လူလေဟှာ ယေရှုဟှို မှတ်မိဂေ့ဟှယ်။ အယ်ကြောန့် သူးနို့ဟှာ လူလေဟှို စေလွှတ်ဘီး ပတ်ဝန်းကျင် ရပ်ရပ်မာရှိဟှူ လူနာလေရှိဟှူမျှဟှို ယေရှုနားဟှို ခေါ်လာဂေ့လေဟှယ်။ 
\v 36 လူနာလေဟှလည်း ကိုယ်တော်ရဲ့ ဝတ်လောင်ရဲ့ ပန်းဗွားဟှိုဘဲ့ တို့ထိခွမ့်ပေးဟှို့တွပ် တောန်းဗန်ဂေ့လေဟှယ်။ အယ်ဘီးဟှာ တို့ထိဟှူလူလေ အားလောင်းဂူလည်း ကျန်းမာရဂေ့လေဟှယ်။
\c 15
\s ရှေးလူဂီးလေရဲ့ ထောင်းဒန်းစဉ်လာကြောန်း
\r (မာကု ၇.၁–၁၃)
\p
\v 1 အယ်ဘီးန ယေရုရှလင်ဗြို့ဟှ ဖာရိရှဲတချို့န ကျမ်းပြုဆရာတချို့ဟှာ ယေရှုနားဟှို လာဘီးဟှာ 
\v 2 “ကိုယ်တော်ရဲ့ တဗဲ့တော်လေဟှာ ရှေးလူဂီးလေရဲ့ ထောင်းဒန်းစဉ်လာလေဟှို ဖြားဖြစ်ကြောန့် ချိုးဖော့‑က်ဂေ့ပါနူး။ သူးနို့ဟှာ လက်ဆေးဘဲန စာစားလေဟှယ်!” ဆိုဘီး ကိုယ်တော့်ဟှို မေးလျှော့‑က်ဂေ့ဟှယ်။
\p
\v 3 ကိုယ်တော်ဟှ “ဖြားဖြစ်ကြောန့် ဘုရားသခင်ရဲ့ ပညတ်တော်ဟှို ခ္လိုးဖော့‑က်ဘီးဟှာ နန်းနို့လေရဲ့ ထောင်းဒန်းစဉ်လာလေဟှို လိုက်နာကျင့်သောင်းဂေ့နူး။ 
\v 4 ဖြားဖြစ်ကြောန့်နူးဆိုဟှာ ဘုရားသခင်ရဲ့ ပညတ်တော်ဟှ ‘မိဖဟှို ရိုသေပါ။ မိဖဟှို ကီဆဲဟှူ သူဟှာ သေဒဏ်ကျခံစေ’ ဆိုဘီး မိန့်တော်မူဟှားဟှယ်။ 
\v 5 အယ်ဘေမဲ့ နန်းနို့လေ သွန်သန်ဇာဟှ တဇောင်တယော့‑က်ဟှာ ကိုယ့်ဖ အယ်မျိုးမှုဘဲနေဟှာ ကိုယ့်မိဟှို ပေးကမ်းထော့‑က်ပံ့ဟှို့တွပ် ပစ်စီး အောက်စာလေရှိဟှူ လည်းဘဲ့ အယ်ပစ်စီး အောက်စာလေဟှာ ‘ဘုရားသခင်တွပ် လှူဝတ္ထုဖြစ်ဟှယ် ဆိုဘီး ပြောလေဟှယ်။’ 
\v 6 အယ်သူဟှာ ကိုယ့်ဖ\f + \fr ၁၅.၆ \fr*\fq ကိုယ့်ဖ၊ \fq*\ft တချို့ မူရင်းလတ်ရေးမူလေမာ \ft*\fqa သူးနို့လေရဲ့ဖ အယ်မျိုးမှုဘဲနေဟှာ သူးနို့လေရဲ့မိ၊ \fqa*\ft ဆိုဘီး ပါရှိဟှယ်။\ft*\f*ဟှို ဂေါင်ပြုဟှို့လိုအပ်ဟှ ဆိုဘီး သွန်သန်ပေးလေဟှယ်။ အယ်မျိုးဘဲ့ နန်းနို့လေဟှာ နန်းနို့ရဲ့ ထောင်းဒန်းစဉ်လာလေတွပ် ဘုရားသခင်ရဲ့ ပညတ်တော်ဟှို ပယ်ဂေ့လေဟှယ်။ 
\v 7 သူတော်ကောန်း ယောန်ဆောန်ဟှူသူလေ! နန်းနိုလေ ကြောန်းဟှို ဘုရားသခင်ဟှာ ဟေရှာယအားဖြင့် ပရောဖက်ပြုဟှားဇာဟှ
\q1
\v 8 “‘အယ်လူလေဟှာ သူးနို့ရဲ့ နှောက်န ငါ့ဟှို ရိုသေလေဟှယ်။
\q2 သူးနို့ရဲ့ စိနှလောင်းဟှာ ငါ့န ဝီးလှဟှယ်။
\q1
\v 9 သူးနို့ဟှာ ငါ့ဟှို အလဂါး သတ်သတ် ကိုးကွယ်ဂေ့ဟှယ်။
\q2 ဖြားဖြစ်ကြောန့်နူးဆိုဟှာ လူလေရဲ့ ပညတ်လေဟှို ဩဝါဒလေဖြစ် သွန်သန်ပေးကြောန့်ဖြစ်ဟှယ်!’” ဆိုဘီး ဖြေတော်မူလေဟှယ်။
\s လူဟှို ညစ်ညူးစေဟှူဇာလေကြောန်း
\r (မာကု ၇.၁၄–၂၃)
\p
\v 10 အယ်ဘီးမှ ယေရှုဟှာ လူအောက်ဂီးဟှို သူ့နားဟှို ခေါ်ဘီးဟှာ “နားထောန်ဘီး နားလည်ဂေ့ပါ! 
\v 11 လူဟှို ညစ်ညူးစေဟှူဇာလေဟှာ လူ့ရဲ့ဇပ်ပေါ့‑က်ထဲဟှို ဝမ်ဟှူဇာလေ မှုဟှ။ လူ့ရဲ့ဇပ်ပေါ့‑က်ထဲဟှ ထွပ်လာဟှူဇာလေဟှဘဲ့ လူဟှို ညစ်ညူးစေဟှယ်” ဆိုဘီး မိန့်တော်မူလေဟှယ်။
\p
\v 12 တဗဲ့တော်လေဟှာ ကိုယ်တော်နားဟှို လာဘီးဟှ “ဖာရိရှဲလေဟှာ မိန့်တော်မူဟှူ စကားဟှို ကြားဘီး မျစ်ဖြစ်ဟှားဂေ့ဇာဟှို ကိုယ်တော်သိဘဲ့လော” ဆိုဘီး မေးဂေ့ဟှယ်။
\p
\v 13 ကိုယ်တော်ဟှလည်း “ကောန်းဂန်ဘောင်ဟှ ငါရဲ့ဖ စိုက်ပျိုးဘဲဟှူပန်လေ အားလောင်းဂူဟှို ပြစ်ဟှနေ နှုပစ်ရလေ့မယ်။ 
\v 14 \x - \xo ၁၅.၁၄ \xo*\xt လု ၆.၃၉\xt*\x*သူးနို့လေဟှို စိုးရိမ်ဂေ့န! သူးနို့လေဟှာ လူကန်းဟှို လမ်းပြဟှူ လူကန်းလေဘဲ့ဖြစ်ဟှယ်။ လူကန်းဟှ လူကန်းဟှို လမ်းပြမယ် ဆိုဟှာ နှေ့ယော့‑က်လောင်း တွမ်းထဲဟှို က္လလေ့မယ်!” ဆိုဘီး မိန့်တော်မူလေဟှယ်။
\p
\v 15 ပေတရုဟှ “အယ်ပေါင်ဥပမာဟှို ကျွန်တော်ဟှားလေဟှို ရှင်းပြတော်မူပါ” ဆိုဘီး လျှော့‑က်လေဟှယ်။
\p
\v 16 ယေရှုဟှ “နန်းနို့လေဟှာ ခုခီထိ ဉာဏ်ပညာမဲ့နေသေးဟှယ်။ 
\v 17 လူ့ရဲ့ဇပ်ပေါ့‑က်ထဲဟှို ဝမ်ဟှူဇာလေဟှာ စာအီထဲဟှို ရော့‑က်ဟှားဘီးဟှာ နော့‑က်ဖေးအီထဲဟှို စွန့်ပစ်လိုက်ဟှယ် ဆိုဇာဟှို နန်းနို့လေ နားလည်သေးဟှလော။ 
\v 18 \x - \xo ၁၅.၁၈ \xo*\xt မ ၁၂.၃၄\xt*\x*ဇပ်ပေါ့‑က်ထဲဟှ ထွပ်လာဟှူဇာလေဟှာ နှလောင်းထဲဟှ ထွပ်လာဘီး လူဟှို ညစ်ညူးစေတတ်ဟှူဇာလေ ဖြစ်ဟှယ်။ 
\v 19 ကောန်းဘဲဟှူကြံစည်ရှင်း၊ လူ့သတ်ရှင်း၊ အီထောန်ရေးဖော့‑က်ပ္လန်ရှင်း၊ ကာမဂုဏ်လိုက်စားရှင်း၊ ခိုးယူရှင်း၊ မှန်ဘဲဟှူသတ်သေခံရှင်း၊ သူများဟှိုစော်ကားရှင်းလေဟှာ နှလောင်းထဲဟှ ထွပ်လာဟှယ်။ 
\v 20 အယ်မူဇာလေဟှာ လူဟှို ညစ်ညူးစေဇာလေ ဖြစ်ဟှယ်။ အယ်ဘေမဲ့ လတ်ဆေးဘဲန စာစားဇာဟှာ လူဟှို ညစ်ညူးစေဇာ မှုဟှ” ဆိုဘီး မိန့်တော်မူလေဟှယ်။
\s မီးမတယော့‑က်ရဲ့ ယောင်ကြည်ရှင်းကြောန်း
\r (မာကု ၇.၂၄–၃၀)
\p
\v 21 ယေရှုဟှာ အယ်မူရပ်ဟှနေ ထွပ်ခွာတော်မူဘီးဟှာ တုရုဗြို့န ဇိဒုန်ဗြို့ရဲ့ ကျေးဝါလေဟှို ကြွဟှားလေဟှယ်။ 
\v 22 အယ်ဒေသမာနေဟှူ ခါနာန်လူမျိုးဖြစ်ဟှူ မီးမတယော့‑က်ဟှာ ကိုယ်တော်နားဟှို လာဘီး “သခင်၊ ဒါဝိဒ်ရဲ့သားတော်! ကျွန်မဟှို သနားတော်မူပါ! ကျွန်မသမီးဟှာ နတ်ဆိုးဝမ်ဘီး ရရာတိုင်း နှိစစ်ခံနေရပါဟှယ်” ဆိုဘီး အော်ဟစ်လေဟှယ်။
\p
\v 23 အယ်ဘေမဲ့ ကိုယ်တော်ဟှာ စကားတခွန်းလည်း ပ္လန်ပြောဟှ။ တဗဲ့တော်လေဟှာ ကိုယ်တော်နားဟှို လာဘီးဟှာ “အယ်မီးမဟှို အဝီးဟှို သွားစေတော်မူပါ! သူဟှာ အော်ဟစ်ဆူညံဘီး နော့‑က်ဟှနေလိုက်နေပါဟှယ်!” ဆိုဘီး တောန်းလျှော့‑က်ဂေ့လေဟှယ်။
\p
\v 24 ကိုယ်တော်ဟှ “ငါဟှာ ဣသရေလလူမျိုးလေရဲ့ ပျော့‑က်နေဟှူ သိုးလေနားဟှိုဘဲ့ စေလွတ်ရှင်းခံရဟှယ်” ဆိုဘီး ပ္လန်ဖြေတော်မူလေဟှယ်။
\p
\v 25 အယ်မီးမဟှာ လာဘီး ကိုယ်တော်ရှေ့မာ ပျပ်ဝပ်ဘီး “သခင်၊ ကျွန်မဟှို ကယ်မတော်မူပါ!” ဆိုဘီး လျှော့‑က်လေဟှယ်။
\p
\v 26 ယေရှုဟှ “သားမီးလေရဲ့ စားဇာဟှို ယူဘီးဟှာ ခွီးဟှို ကျွေးအပ်ဟှ” ဆိုဘီး မိန့်တော်မူလေဟှယ်။
\p
\v 27 အယ်မီးမဟှလည်း “မှန်ပါဟှယ်သခင်၊ ခွီးလေဟှာ သူးနို့သခင်ရဲ့ စားဗွဲဟှ က္လလာဟှူ စားကြွင်းစားကျန်လေဟှို စားရဂေ့ပါဟှယ်” ဆိုဘီး လျှော့‑က်လေဟှယ်။
\p
\v 28 အယ်ကြောန့် ယေရှုဟှ “နန်ဟှာ ယောင်ကြည်မှုကီးမားဟှူ မီးမဖြစ်ဟှယ်! နန့်အလိုရှိဟှူတိုင်း နန့်မာဖြစ်စေ” ဆိုဘီး သူ့ဟှို မိန့်တော်မူလေဟှယ်။ အယ်ခီမာဘဲ့ အယ်မီးမရဲ့ သမီးဟှာ ကျန်းမာဟှားလေဟှယ်။
\s လူလေဘောင်ဂီးဟှို ကျန်းမာစေဟှူကြောန်း
\p
\v 29 ယေရှုဟှာ အယ်အရပ်ဟှနေ ထွပ်ဟှားဘီးဟှာ ဂါလိလဲအိုင်နားဟှို ကြွဟှားဘီးန တောန်ထတ်ဟှိုတတ်ဘီး ထိုင်လေဟှယ်။ 
\v 30 လူအောက်ဂီးဟှာ ကိုယ်တော်နားဟှို လာဘီး ခေသန်ဘဲသူလေ၊ မျစ်စိဗြင်ဘဲသူလေ၊ ကိုယ်အင်္ဂါချို့တဲ့သူလေ၊ စကားအဟှူသူလေန တခြားရောဂါသယ်လေရှိဟှူမျှဟှို ခေါ်ဆောန်လာဘီးဟှာ ယေရှုရဲ့ ခေတော်ရင်းမာ ခ္လဟှားဂေ့ဟှယ်။ ကိုယ်တော်ဟှာ သူးနို့ဟှို ကျန်းမာစေဟှယ်။ 
\v 31 စကားအဟှူ သူလေဟှာ စကားပြောလာဟှယ်။ ခေသန်ဘဲဟှူ သူလေဟှာ လမ်းရှော့‑က်လာဟှယ်။ မျစ်စိကန်းဟှူသူလေဟှာ ဗြင်လာဂေ့ဇာဟှို ကေ့နေဟှူ လူအောက်ဂီးဟှာ ရရာတိုင်း အံ့ဩဟှားဂေ့ဘီး ဣသရေလ လူမျိုးလေရဲ့ ဘုရားသခင်ဟှို ချီးမွမ်းဂေ့ဟှယ်။
\s လူလေးထောန်ဟှို ကျွေးဟှူကြောန်း
\r (မာကု ၈.၁–၁၀)
\p
\v 32 ယေရှုဟှာ တဗဲ့တော်လေဟှို သူ့နားဟှို ခေါ်ဘီးဟှာ “အယ်လူလေဟှို ငါသနားဟှယ်။ ဖြားဖြစ်ကြောန့်နူးဆိုဟှာ သူးနို့ဟှာ သောင်းရစ်လောင်းလောင်း ငါနတူးဒူ နေဂေ့ဘီး သူးနို့မာလည်း စားဟှို့မှေ့ဘီ။ သူးနို့ဟှို ဖြားဇာလည်းကျွေးဘဲန ပ္လန်ဟှားဇာဟှို ငါလိုရှင်ဟှ။ အယ်မျိုးပ္လန်စေမယ် ဆိုဟှာ လမ်းမာအားပြတ်ဂေ့မယ်” ဆိုဘီး မိန့်တော်မူဟှယ်။
\p
\v 33 တဗဲ့တော်လေဟှ “အယ်လူအောက်ဂီးဟှို ဝအောန်ကျွေးဟှို့တွပ် ကျွန်တော်ဟှားလေဟှာ အယ်တောထဲမာ ဖယ်မျိုးရနိုင်ဟှို့နူး” ဆိုဘီး လျှော့‑က်ဂေ့ဟှယ်။
\p
\v 34 ယေရှုဟှ “နန်းနို့လေမာ မုဖယ်လော့‑က်ရှိနူး” ဆိုဘီး မေးလိုက်ခီမာ
\p သူးနို့ဟှ “မုခွန်နှေ့လောင်းန ငါးနဲနဲဟှားရှိပါဟှယ်” ဆိုဘီး ပ္လန်လျှော့‑က်ဂေ့ဟှယ်။
\p
\v 35 အယ်ကြောန့် ယေရှုဟှ လူအောက်ဂီးဟှို မ္လေဂီးထတ်မာထိုင်နေဟှို့ မိန့်တော်မူဟှယ်။ 
\v 36 မုခွန်နှေ့လောင်းန ငါးဟှိုယူဘီးဟှာ ဘုရားသခင်ဟှို ကျေးဇူးချီးမွမ်းဘီးန မုနငါးဟှို ဖဲ့ဘီးဟှာ တဗဲ့တော်လေဟှို ပေးဟှယ်။ တဗဲ့တော်လေဟှလည်း လူလေဟှို ပေးဂေ့ဟှယ်။ 
\v 37 သူးနို့လေ အားလောင်းဟှာ စားဘီးဟှာ ဗိုက်ပ္လဲ့ဟှားဂေ့ဟှယ်။ အယ်ဘီးန တဗဲ့တော်လေဟှာ ကြွင်းကျန်လေဟှို ကော့‑က်သီးလိုက်ဟှူဇာ ခွန်နှေ့တောန်းပ္လဲ့ ရဂေ့လေဟှယ်။ 
\v 38 စားဟှူသူလေဟှာ မီးမန သားဂန်းဟှားလေပါဘဲန ယော့‑က်ကျားလေဘဲ့ ၄,၀၀၀ ရှိဟှယ်။
\p
\v 39 အယ်ဘီးန ယေရှုဟှာ လူလေဟှို ပ္လန်လွှတ်ဘီးန လှေစီးဘီး မာဂဒါလဝါဟှို ကြွဟှားတော်မူဟှယ်။
\c 16
\s နိမိတ်လတ်ခဏာဟှို တောန်းဆိုဟှူကြောန်း
\r (မာကု ၈.၁၁–၁၃; လုကာ ၁၂.၅၄–၅၆)
\p
\v 1 \x - \xo ၁၆.၁ \xo*\xt မ ၁၂.၃၈; လု ၁၁.၁၆\xt*\x*ဖာရိရှဲတချို့န ဇဒ္ဒုကဲတချို့ဟှာ ယေရှုဟှို စမ်းသပ်ရှင်ဂေ့ဟှူကြောန့် နားဟှို လာဂေ့ဘီးဟှာ “ကောန်းဂန်ဘောင်ဟှ နိမိတ်လတ်ခဏာဟှို ပြပေးတော်မူပါ” ဆိုဘီး တောန်းဆိုဂေ့လေဟှယ်။ 
\v 2 အယ်ဘေမဲ့ ယေရှုဟှ “နန်းနို့လေဟှာ နေဝမ်ဟှူ ခီမာ ‘မိုးကောန်းဂန်ဟှာ နီနေဟှယ် ဆိုဟှာ ရာသီဥတု သာယာလေ့မယ်’ ဆိုဘီး ပြောတတ်လေဟှယ်။ 
\v 3 အယ်ဘီးဟှာ မိုးလန်းစောစောဂီးမာလည်း ‘မိုးကောန်းဂန်ဟှာ နီဘီး မှောန်နေကြောန့် အယ်နေ့ မုန်တိုင်းတိုက်လေ့မယ်’ ဆိုဘီး ပြောတတ်ဂေ့လေဟှယ်။ နန်းနို့လေဟှာ မိုးကောန်းဂန် ခြေနေကေ့ဘီးဟှာ ရာသီဥတုဟှို ခန့်မှန်းနိုင်ဟှယ်။ အယ်ဘေမဲ့ နန်းနို့ဟှာ အယ်ကပ်ကာလရဲ့ နိမိတ်လတ်ခဏာလေဟှို ပိုင်းခြားနိုင်ဂေ့ဟှ!\f + \fr ၁၆.၃ \fr*\ft အချို့ မူရင်းလတ်ရေးမူလေမာ ခန်းငယ် ၂–၃ မာ ယေရှုရဲ့ စကား မှေ့ဟှ။\ft*\f* 
\v 4 \x - \xo ၁၆.၄ \xo*\xt မ ၁၂.၃၉; လု ၁၁.၂၉\xt*\x*ဆိုးညစ်ဘီး ဖောက်ပ္လန်ဟှူအမျိုးဟှာ နိမိတ်လတ်ခဏာ တောန်းဟှူလည်းဘဲ့၊ ယောနရဲ့ နိမိတ်လတ်ခဏာဟှလွဲဘီး ဖယ်မျိုးနိမိတ်လတ်ခဏာလေဟှိုမှ ပြဟှို့မှုဟှ!” ဆိုဘီး မိန့်တော်မူလေဟှယ်။
\p အယ်ဘီးန ကိုယ်တော်ဟှာ အယ်သူလေနားဟှနေ ထွပ်ဟှားလေဟှယ်။
\s ဖာရိရှဲန ဇဒ္ဒုကဲလေရဲ့ တဆေးကြောန်း
\r (မာကု ၈.၁၄–၂၁)
\p
\v 5 တဗဲ့တော်လေဟှာ အိုင်ရဲ့ဟိုဖတ်ကမ်းဟှို ကူးဟှားခီမာ စားဇာလေဟှို ယူလာဟှို့တွပ် မေ့ဟှားဂေ့လေဟှယ်။ 
\v 6 \x - \xo ၁၆.၆ \xo*\xt လု ၁၂.၁\xt*\x*ယေရှုဟှ “နန်းနို့လေဟှာ ဖာရိရှဲန ဇဒ္ဒုကဲလေရဲ့ တဆေးဟှို ဒိထားဘီး ရှောန်ဂေ့ပါ” ဆိုဘီး မိန့်တော်မူလေဟှယ်။
\p
\v 7 တဗဲ့တော်လေဟှာ “နို့လေဟှာ စားဇာသယ်လာဘဲဟှိကြောန့် အယ်မူမျိုး မိန့်တော်မူဇာဖြစ်ဟှယ်” ဆိုဘီး သူးနို့ရှင်းရှင်း ပြောဆိုဂေ့လေဟှယ်။
\p
\v 8 အယ်မူမျိုး ပြောနေဂေ့ဟှူဇာဟှို ယေရှုသိတော်မူဟှူ ခီမာ “ယောင်ကြည်ရှင်း အားနဲဟှူလူလေ! နန်းနို့လေဟှာ စားဇာပါလာဘဲဟှူ ကြောန်းဟှို ဖြားဖြစ်ကြောန့် ဆွေးနွေး ပြောဆိုနေဂေ့နူး။ 
\v 9 \x - \xo ၁၆.၉ \xo*\xt မ ၁၄.၁၇–၂၁\xt*\x*နန်းနို့လေဟှာ ခုခီထိ နားလည်သေးဟှလော။ မုငါးလောင်းဟှို လူ ၅,၀၀၀ စားဘီး၊ ဖယ်လော့‑က်တောန်း ကော့‑က်သီးရဂေ့ဟှူဇာန၊ 
\v 10 \x - \xo ၁၆.၁၀ \xo*\xt မ ၁၅.၃၄–၃၈\xt*\x*မုခွန်နစ်လောင်းဟှို လူ ၄,၀၀၀ စားဘီး၊ ဖယ်လော့‑က်တောန်း ကော့‑က်သီးရဟှူဇာဟှို မှတ်မိဂေ့ဟှမ်းလော။ 
\v 11 မုကြောန်းဟှို နန်းနို့လေဟှို ပြောနေဇာ မှုဟှ ဆိုဇာဟှို ဖြားဖြစ်ကြောန့် နန်းနို့နားလည်ဂေ့ဘဲနေနူး၊ ဖာရိရှဲန ဇဒ္ဒုကဲလေရဲ့ တဆေးဟှို ဒိနရှောန်ဂေ့!” ဆိုဘီး မိန့်တော်မူဟှယ်။
\p
\v 12 အယ်ဘီးန တဗဲ့တော်လေဟှာ မုမာသောင်းပြုဟှူ တဆေးဟှို ရှောန်ရဟှို့မှုဘဲန ဖာရိရှဲန ဇဒ္ဒုကဲလေရဲ့ ဩဝါဒဟှို ဒိထားဟှို့ မိန့်တော်မူကြောန်း နားလည်ဟှားဂေ့ဟှယ်။
\s ယေရှုဟှာ ခရစ်တော်ဖြစ်ကြောန်းဟှို ပေတရုဝန်ခံဟှူကြောန်း
\r (မာကု ၈.၂၇–၃၀; လုကာ ၉.၁၈–၂၁)
\p
\v 13 ယေရှုဟှာ ကဲသရိဖိလိပ္ပိနယ်ဟှို ကြွဟှားဘီး အယ်နေရာမာ တဗဲ့တော်လေဟှို “လူလေဟှာ လူ့ရဲ့သားဟှို ဖယ်သူဖြစ်ဟှယ် ဆိုဘီး ပြောဆိုဂေ့နူး” ဆိုဘီး မေးတော်မူလေဟှယ်။
\p
\v 14 \x - \xo ၁၆.၁၄ \xo*\xt မ ၁၄.၁,၂; မာ ၆.၁၄,၁၅; လု ၉.၇,၈\xt*\x*“တချို့လူလေဟှ ကိုယ်တော်ဟှာ ဗတ္တိဇံယောဟန်ဖြစ်ဟှယ်။ တချို့ဟှ ဧလိယဖြစ်ဟှယ်။ တချို့လေဟှ ယေရမိ မှုဘဲနေဟှာ ပရောဖက်ဖြစ်ဟှယ် ဆိုဘီး ပြောဂေ့ပါဟှယ်” ဆိုဘီး လျှော့‑က်ဂေ့လေဟှယ်။
\p
\v 15 ကိုယ်တော်ဟှ “နန်းနို့လေဟှမား ငါ့ဟှို ဖယ်သူဖြစ်ဟှယ် ဆိုဘီး ပြောဂေ့နူး” ဆိုဘီး မေးတော်မူဟှယ်။
\p
\v 16 \x - \xo ၁၆.၁၆ \xo*\xt ယော ၆.၆၈,၆၉\xt*\x*ရှိမုန်ပေတရုဟှ “ကိုယ်တော်ဟှာ သတ်ရှင်တော်မူဟှူ ဘုရားသခင်ရဲ့ သားတော်ဖြစ်ဟှူ ခရစ်တော်ဖြစ်ပါဟှယ်” ဆိုဘီး လျှော့‑က်ဟှယ်။
\p
\v 17 ယေရှုဟှ “ယောနရဲ့သားရှိမုန်! နန်ဟှာ မင်္ဂလာရှိလေဟှယ်။ ဖြားဖြစ်ကြောန့်နူးဆိုဟှာ အယ်မူဇာဟှို ဇာတိသွီးသားဟှ နန့်ဟှို ဖွမ့်ပြလိုက်ဇာ မှုဟှ။ ကောန်းဂန်ဘောင်မာ ရှိတော်မူဟှူ ငါ့ခမည်းတော်ဟှာ ဖွမ့်ပြတော်မူဟှယ်။ 
\v 18 အယ်ကြောန့် ငါပြောမယ်၊ နန်ဟှာ ပေတရုဖြစ်ဟှယ်။ အယ်က္လော့‑က်ထတ်မာ ငါ့သင်းတော်ဟှို ငါတည်ဆော့‑က်မယ်။ မရဏာနိုင်ငံရဲ့ ခွဗော့‑က်ဝဟှာ အယ်သင်းတော်ဟှို နိုင်စေရဟှ။ 
\v 19 \x - \xo ၁၆.၁၉ \xo*\xt မ ၁၈.၁၈; ယော ၂၀.၂၃\xt*\x*ငါဟှာ နန့်ဟှို ကောန်းဂန်နိုင်ငံရဲ့ သော့လေဟှို ပေးအပ်မယ်။ နန်ဟှာ မ္လေဂီးမာ ချည်နှောန်ဟှူမျှဟှို ကောန်းဂန်မာ ချည်နှောန်ခံရလေ့မယ်။ မ္လေဂီးမာ ဖြေလွှတ်ဟှူမျှဟှို ကောန်းဂန်မာ ဖြေလွှတ်ခံရလေ့မယ်” ဆိုဘီး မိန့်တော်မူလေဟှယ်။
\p
\v 20 အယ်ဘီးန ယေရှုဟှ မိမိဟှာ ခရစ်တော်ဖြစ်ဟှယ် ဆိုဇာဟှို ဖယ်သူလေဟှိုလည်း ပြောဘဲဟှို့တွပ် တဗဲ့တော်လေဟှို မိန့်ပေးလေဟှယ်။
\s ကိုယ်တော်ရဲ့ ဝေဒနာန အသေခံရဟှူကြောန်း
\r (မာကု ၈.၃၁—၉.၁; လုကာ ၉.၂၂–၂၇)
\p
\v 21 ယေရှုဟှ “ငါဟှာ ယေရုရှလင်ဗြို့ဟှို သွားရမယ်။ အယ်ဘီးဟှာ ဘာသာရေးခေါန်းဆောန်လေ၊ ယဇ်ပုရောဟိတ်ဂီးလေန ကျမ်းပြုဆရာလေရဲ့ လတ်မာ ဝေဒနာဘောင်ဂီးခံရလေ့မယ်။ ငါဟှာ သေသတ်ခံရလေ့မယ်။ အယ်ဘေမဲ့ သောင်းရစ်မြော့‑က်ဟှူနေ့မာ ထမြော့‑က်လေ့မယ်” ဆိုဘီး အယ်ခီဟှနေစဘီး တဗဲ့တော်လေဟှို ဖော်ပြလေဟှယ်။
\p
\v 22 ပေတရုဟှ ကိုယ်တော့်ဟှို ဘေးနားဟှို ခေါ်ဘီးဟှာ “သခင်၊ အယ်မျိုးမှုရာလေဟှို ကိုယ်တော်နလွဲပါစေ! ကိုယ်တော့်ဟှို အယ်မျိုးမှုရာလေ လောင်းဝဖြစ်ပါစေန!” ဆိုဘီး ပြစ်တန်ဘီး ပြောလေဟှယ်။
\p
\v 23 ယေရှုဟှ လှည့်ကေ့ဘီး ပေတရုဟှို “စာတန်၊ ငါ့နော့‑က်ဟှိုဆို့! နန်ဟှာ ငါ့တွပ် ထိမိဘီးလဲစရာ ဖြစ်ဟှယ်။ ဖြားဖြစ်ကြောန့်နူးဆိုဟှာ နန်ဟှာ ဘုရားသခင်နဆိုင်ဟှူဇာလေဟှို စိစွဲလမ်းဘဲန မ္လေဂီးနဆိုင်ဟှူဇာလေဟှိုဘဲ့ စိစွဲလမ်းဟှယ်” ဆိုဘီး မိန့်တော်မူလေဟှယ်။
\p
\v 24 \x - \xo ၁၆.၂၄ \xo*\xt မ ၁၀.၃၈; လု ၁၄.၂၇\xt*\x*အယ်ဘီးန ယေရှုဟှ တဗဲ့တော်လေဟှို “ဖယ်သူဘဲ့ဖြစ်ဖြစ် ငါ့နော့‑က်ဟှို လိုက်ရှင်ဟှယ် ဆိုဟှာ ကိုယ့်ကိုယ်ကိုယ် ငြင်းပယ်ရမယ်။ ကိုယ့်ရဲ့ လတ်ဝါးကပ်တိုင်ဟှို ထမ်းဘီးဟှာ ငါ့နော့‑က်ဟှို လိုက်ရမယ်။ 
\v 25 \x - \xo ၁၆.၂၅ \xo*\xt မ ၁၀.၃၉; လု ၁၇.၃၃; ယော ၁၂.၂၅\xt*\x*ဖယ်သူဘဲ့ဖြစ်ဖြစ် သူ့ရဲ့သတ်ဟှို ကယ်တန်ရှင်ဟှယ် ဆိုဟှာ သတ်ရှောင်းရလေ့မယ်။ အယ်ဘေမဲ့ ဖယ်သူဘဲ့ဖြစ်ဖြစ် ငါ့တွပ်န သတ်ရှောင်းဟှယ် ဆိုဟှာ သတ်ဟှို ရလေ့မယ်။ 
\v 26 လူဟှာ လောက တခုလောင်းဟှို ရရှိဟှူလည်းဘဲ့ သူးနို့ရဲ့ သတ်ဝိညာဉ် ဆောင်းရှောင်းဟှားမယ် ဆိုဟှာ ဖြားကျိုးရှိမယ်နူး။ သူးနို့ဟှာ ဖြားဇာလေဟှို ပေးဘီး သူးနို့ရဲ့ သတ်ဟှို ပ္လန်ဝီးနိုင်မယ်နူး။ 
\v 27 \x - \xo ၁၆.၂၇ က \xo*\xt မ ၂၅.၃၁; \xt*\xo ခ \xo*\xt ရော ၂.၆\xt*\x*ဖြားဖြစ်ကြောန့်နူးဆိုဟှာ လူ့ရဲ့သားဟှာ သူ့ရဲ့ ကောန်းဂန်တမန်လေနတူးဒူ သူ့ဖရဲ့ ဖောင်းသရေတော်ဟှို ဆောန်ဘီးဟှာ ကြွလာတော်မူလေ့မယ်။ အယ်ဘီးဟှာ လူယော့‑က်စီတိုင်းဟှာ သူးနို့ရဲ့ လောက်ဆောင်ဟှားတိုင်း ကျိုးပြစ်ဟှို ပေးတော်မူလေ့မယ်။ 
\v 28 နန်းနို့လေဟှို ငါ မှန်တိုင်းပြောမယ်၊ အယ်နေရာမာ ရပ်နေဟှူ လူလေထဲမာ လူရဲသားဟှာ နိုင်ငံတော်န ကြွလာတော်မူဇာဟှို ဗြင်ရဘဲန သေရဟှို့ မှုဟှ” ဆိုဘီး မိန့်တော်မူလေဟှယ်။
\c 17
\s ပေါင်သဏ္ဌာန် ပ္လောန်းလဲတော်မူဟှူကြောန်း
\r (မာကု ၉.၂–၁၃; လုကာ ၉.၂၈–၃၆)
\p
\v 1 \x - \xo ၁၇.၁–၅ \xo*\xt ၂ ပေ ၁.၁၇,၁၈\xt*\x*ခြော့‑က်ရစ်ကြာဘီးန ယေရှုဟှာ ပေတရု၊ ယာကုပ်၊ ယာကုပ်ရဲ့ညီ ယောဟန်လေဟှို ခေါ်ဘီးဟှာ တောန်ထတ်ဟှို ကြွဟှားလေဟှယ်။ 
\v 2 သူးနို့လေရှေ့မာ ကိုယ်တော်ရဲ့ ပေါင်သဏ္ဌာန်တော်ဟှာ ပ္လောန်းလဲဟှားဘီး မျစ်နှာတော်ဟှာ နေရောန်မျိုးဘဲ့ တော့‑က်ပနေလေဟှယ်။ ဝတ်တော်ဟှလည်း လန်းရောန်မျိုး ဖ္လူဆွတ်ဆွတ် ဖြစ်လာဟှယ်။ 
\v 3 အယ်ဘီးန မောရှေန ဧလိယဟှာ ပေါ်လာဘီး ယေရှုန စကားပြောနေဇာဟှို ဗြင်ရလေဟှယ်။ 
\v 4 အယ်ကြောန့် ပေတရုဟှ ယေရှုဟှို “သခင်၊ အယ်နေရာဟှာ ကျွန်တော်ဟှားလေတွပ် ရရာတိုင်းဘဲ့ ကောန်းပါဟှယ်! ကိုယ်တော် လိုတော်ရှိဟှယ် ဆိုဟှာ ကိုယ်တော်တွပ် တဲတဆောန်၊ မောရှေတွပ် တဆောန်န ဧလိယတွပ် တဆောန်၊ တဲသောင်းဆောန်ဟှို ကျွန်တော်ဆော့‑က်ပါမယ်” ဆိုဘီးဟှာ လျှော့‑က်လေဟှယ်။
\p
\v 5 \x - \xo ၁၇.၅ \xo*\xt မ ၃.၁၇; ၁၂.၁၈; မာ ၁.၁၁; လု ၃.၂၂\xt*\x* ပေတရု လျှော့‑က်နေဟှူ ခီမာဘဲ့ တော့‑က်ပဟှူ မိုးတီတခုဟှာ သူးနို့လေထတ်ဟှို လွှမ်းမိုးလာဘီး “အယ်သူဟှာ ငါနှစ်သက်မြတ်နိုးဟှူ ငါရဲ့ ရှစ်ဟှူသား ဖြစ်ဟှယ်။ သူ့ရဲ့စကားဟှို နားထောန်ဂေ့ပါ!” ဆိုဘီး မိုးတီထဲဟှ သံတော်ဟှို ကြားရလေဟှယ်။
\p
\v 6 အယ်သံတော်ဟှို တဗဲ့တော်လေ ကြားရဟှူ ခီမာ ရရာတိုင်း ကြော့‑က်လန့်ဂေ့ဘီး သူးနို့ဟှာ မ္လေဂီးမာ ဝပ်နေဂေ့ဟှယ်။ 
\v 7 ယေရှုဟှာ သူးနို့လေနားဟှို ကြွလာဘီး သူးနို့လေဟှို တို့လိုက်ဘီးဟှာ “ထဂေ့၊ ကြော့‑က်ဂေ့န!” ဆိုဘီး မိန့်တော်မူလေဟှယ်။ 
\v 8 သူးနို့လေလည်း မှော်ကေ့လိုက်ဟှူ ခီမာ ယေရှုဟှလွဲဘီး ဖယ်သူ့ဟှိုလည်းဘဲ့ တွိဂေ့ဟှမ်း။
\p
\v 9 အယ်ဘီးန တောန်ထတ်ဟှနေ ဆင်းလာဟှူ ခီမာ ယေရှုဟှ “နန်းနို့လေ ဗြင်လိုက်ဟှူ ရူပါရောင်လေဟှို လူ့ရဲ့သားဟှာ သေရာဟှနေဘီး ထမြော့‑က်ခန်ခီထိ ဖယ်သူ့ဟှိုလည်း ပြောပြဂေ့န” ဆိုဘီး မိန့်တော်မူလေဟှယ်။
\p
\v 10 တဗဲ့တော်လေဟှ “ဧလိယဟှာ ရင်ကြွလာရမယ် ဆိုဘီး ကျမ်းပြုဆရာလေဟှ ဖြားဖြစ်ကြောန့် ပြောဟှားဂေ့နူး” ဆိုဘီး ယေရှုဟှို မေးလျှော့‑က်ဂေ့ဟှယ်။
\p
\v 11 ယေရှုဟှ “ဧလိယဟှာ ရင်ဦးဆောင်း ကြွလာဘီး ရာအားလောင်းဂူဟှို ပ္လန်ဘီးတည်ဆော့‑က်ရမယ် ဆိုဇာ မှန်ဟှယ်။ 
\v 12 \x - \xo ၁၇.၁၂ \xo*\xt မ ၁၁.၁၄\xt*\x*နန်းနို့လေဟှို ငါပြောမယ်။ ဧလိယဟှာ ကြွလာပီးဘီ။ လူလေဟှာ သူ့ဟှိုသိဂေ့ဟှ။ အယ်ဘေမဲ့ လောက်ရှင်ဟှူတိုင်း လောက်ဂေ့လေဘီ။ အယ်မျိုးဘဲ့ လူ့ရဲ့သားဟှာလည်း အယ်သူလေ လတ်ထဲမာ နှိစစ်ညှင်းဆဲခံရလေ့မယ်” ဆိုဘီး မိန့်တော်မူလေဟှယ်။
\p
\v 13 အယ်ဘီးန တဗဲ့တော်လေဟှလည်း ဗတ္တိဇံယောဟန် ကြောန်းဟှို မိန့်တော်မူနေဟှယ် ဆိုဇာဟှို နားလည်ဂေ့ဟှယ်။
\s ကောန်သားထဲဟှ နတ်ဆိုးဟှို နှန်ထုဟှူကြောန်း
\r (မာကု ၉.၁၄–၂၉; လုကာ ၉.၃၇–၄၃က)
\p
\v 14 ကိုယ်တော်န တဗဲ့တော်လေဟှာ လူအောက်ဂီးနားဟှို ရော့‑က်လာခီမာ လူတယော့‑က်ဟှ ယေရှုရှေ့မာ ဒူးထော့‑က်ဘီး 
\v 15 “သခင်၊ ကျွန်တော်ရဲ့ သားဟှို သနားတော်မူပါ! သူဟှာ ဝပ်ရူးပ္လန်ရောဂါစွဲဘီး မီးထဲရေထဲဟှို ခဏခဏ လဲက္လတတ်ပါဟှယ်။ 
\v 16 ကိုယ်တော်ရဲ့ တဗဲ့တော်လေနားဟှို ခေါ်လာဘေမဲ့ သူးနို့လေဟှာ သူဟှို ကျန်းမာပေးနိုင်ဂေ့ဟှ” ဆိုဘီး လျှော့‑က်လေဟှယ်။
\p
\v 17 ယေရှုဟှ “ယောင်ကြည်ရှင်းမှေ့ဘဲန ဖော့‑က်ပ္လန်တတ်ဟှူ လူလေ! ငါဟှာ နန်းနို့လေနတူးဒူ ဖယ်မျှကြာအောန် နေရဟှို့နူး၊ နန်းနို့လေဟှို ဖယ်မျှကြာအောန် သီးခံရအူးမယ်နူး၊ ကောန်သားဟှို ငါ့နားဟှိုခေါ်လာဂေ့!” ဆိုဘီး မိန့်တော်မူလေဟှယ်။ 
\v 18 ယေရှုဟှ နတ်ဆိုးဟှို ထွပ်ဟှားဟှို့ မိန့်ပေးလိုက်ဟှူ ခီမာ နတ်ဆိုးဟှာ အယ်မူကောန်သားထဲဟှနေ ထွပ်ဟှားလေဟှယ်။ အယ်ခီမာဘဲ့ အယ်ကောန်သားလည်း ကျန်းမာဟှားလေဟှယ်။
\p
\v 19 အယ်ဘီးန တဗဲ့တော်လေဟှာ ယေရှုနားဟှို သီးသန့်လာဂေ့ဘီး “ကျွန်တော်ဟှားလေဟှာ အယ်နတ်ဟှို ဖြားဖြစ်ကြောန့် နှန်ထုနိုင်ဘဲနေပါနူး” ဆိုဘီး မေးလျှော့‑က်ဂေ့ဟှယ်။
\p
\v 20 \x - \xo ၁၇.၂၀ \xo*\xt မ ၂၁.၂၁; မာ ၁၁.၂၃; ၁ ကော ၁၃.၂\xt*\x*ကိုယ်တော်ဟှ “နန်းနို့လေဟှာ ယောင်ကြည်ရှင်း မှေ့ဘဲကြောန့်ဖြစ်ဟှယ်။ ငါ မှန်တိုင်ပြောမယ်။ နန်းနို့လေဟှာ မုညင်းစေ့မျှလော့‑က်ဘဲ့ ယောင်ကြည်ရှင်းရှိမယ် ဆိုဟှာ ‘အယ်တောန်ဟှို အယ်နေရာဟှရွေ့!’ ဆိုဘီး ပြောလိုက်ဟှူန အယ်တောင်ဟှာ ရွေ့ဟှားလေ့မယ်။ နန်းနို့တွပ် ဖြစ်နိုင်ဘဲဇာလေ မှေ့ဟှ!” 
\v 21 \f + \fr ၁၇.၂၁ \fr*\ft တချို့ မူရင်းလတ်ရေးမူလေမာ ခန်းငယ် ၂၁ ဟှို၊ \ft*\fqa အယ်ဘေမဲ့ ဆုတောန်းဇာန စာရှောန်ဇာတခုဒဲဘဲ့ အယ်နတ်ဟှို နှန်ထုနိုင်ဟှယ်၊ ဖြားဇာမျိုးလည်း တတ်နိုင်ဂေ့ဟှ၊ \fqa*\ft ဆိုဘီး ထပ်ပေါန်းထဲ့ဟှားဟှယ် (ရှု \ft*\xt မာ ၉.၂၉\xt*)။\f*
\s သေခံရဟှို့တွပ် ထပ်ဘီးပြောဟှူကြောန်း
\r (မာကု ၉.၃၀–၃၂; လုကာ ၉.၄၃ခ–၄၅)
\p
\v 22 သူးနို့ဟှာ ဂါလိလဲပြည်မာ ရှိနေခီမာ ယေရှုဟှ “လူ့ရဲ့သားဟှို လူလေရဲ့ လတ်ထဲဟှို အပ်ဂေ့လေ့မယ်။ 
\v 23 သူးနို့လေဟှာ လူ့ရဲ့သားဟှို သတ်ဂေ့လေ့မယ်။ သောင်းရစ်မြော့‑က်ဟှူ နေ့မာ သူဟှာ ထမြော့‑က်လေ့မယ်” ဆိုဘီး တဗဲ့တော်လေဟှို မိန့်တော်မူလေဟှယ်။
\p တဗဲ့တော်လေဟှလည်း ရရာတိုင်း ဝန်းနဲဂေ့လေဟှယ်။
\s ဗိမာန်တော် ခွန်ပေးဆောန်ဟှူကြောန်း
\p
\v 24 ကပေရနောင်ဗြို့ဟှို သူးနို့ရော့‑က်လာဟှူ ခီမာ ဗိမာန်တော် ခွန်ကော့‑က်မားလေဟှာ ပေတရုနားဟှို လာဘီး “နန့်ရဲ့ ဆရာဟှာ ဗိမာန်တော်ခွန်ဟှို ပေးဘဲ့လော” ဆိုဘီး မေးဂေ့ဟှယ်။
\p
\v 25 ပေတရုဟှ “ပေးပါဟှယ်” ဆိုဘီး ဖြေလေဟှယ်။
\p ပေတရုဟှ အီထဲဟှို ဝမ်လာခီမာ ယေရှုဟှ “ရှိမုန်၊ နန်ဖယ်မျိုးထန်နူး။ လောကမာရှိဟှူ မန်းဂီးလေဟှာ ဖယ်သူ့နားဟှနေ ခွန်ကော့‑က်ဂေ့နူး။ သူးနို့သားလေ နားဟှလော။ ခြားသူလေ နားဟှလော” ဆိုဘီး မေးလေဟှယ်။
\p
\v 26 ပေတရုဟှ “ခြားသူလေဘဲ့ ပေးရပါဟှယ်” ဆိုဘီး ပ္လန်လျှော့‑က်လေဟှယ်။
\p ယေရှုဟှ “အယ်ဆိုဟှာ သားလေဟှာ ကန်းလွတ်ခွမ့်ရဂေ့ဟှယ်။ 
\v 27 အယ်ဘေမဲ့ အယ်သူလေဟှို မှားယွင်းစေရှင်ဟှ။ အယ်ကြောန့် အိုင်ထဲဟှို သွားဘီးဟှာ ငါးဟှိုမျှားလော။ ရင်ဦးဆောင်းရလာဟှူ ငါးဟှို ယူဘီးဟှာ ဇပ်ပေါ့‑က်ဟှို ဖွမ့်လိုက်ပါ။ ငွေဒင်္ဂါးတပ္လားဟှို တွိရလေ့မယ်။ အယ်ဒင်္ဂါးဟှို ယူဘီးဟှာ နန့်နငါ့တွပ် ဗိမာန်တော်ခွန်ဟှို ပေးလိုက်ပါ” ဆိုဘီး မိန့်တော်မူလေဟှယ်။
\c 18
\s ဖယ်သူဟှာ ကီးမြတ်ဆောင်းနူး
\r (မာကု ၉.၃၃–၃၇; လုကာ ၉.၄၆–၄၈)
\p
\v 1 \x - \xo ၁၈.၁ \xo*\xt လု ၂၂.၂၄\xt*\x*အယ်ခီမာ တဗဲ့တော်လေဟှ ယေရှုနားဟှို လာဂေ့ဘီးဟှာ “ကောန်းဂန်နိုင်ငံတော်မာ ဖယ်မျိုးသူဟှ ကီးမြတ်ဆောင်းနူး” ဆိုဘီး မေးလျှော့‑က်ဂေ့လေဟှယ်။
\p
\v 2 ယေရှုဟှ သားဂန်းတယော့‑က်ဟှို သူ့နားဟှိုခေါ်ဘီးဟှာ တဗဲ့တော်လေရှေ့မာ ရပ်ခိုင်းလေဟှယ်။ 
\v 3 \x - \xo ၁၈.၃ \xo*\xt မာ ၁၀.၁၅; လု ၁၈.၁၇\xt*\x*အယ်ဘီးန ကိုယ်တော်ဟှ “ငါ မှန်တိုင်းပြောမယ်၊ နန်းနို့လေ ပ္လောန်းလဲဘီးဟှာ အယ်သားဂန်းဟှားမျိုး ဖြစ်ဘဲဟှ ဆိုဟှာ ကောန်းဂန်နိုင်ငံတော်ဟှို ရော့‑က်ရဟှို့ မှုဟှ။ 
\v 4 အယ်ကြောန့် အယ်သားဂန်းမျိုး စိနှိခ္လဟှူသူဟှာ ကောန်းဂန်နိုင်ငံတော်မာ ကီးမြတ်ဆောင်း ဖြစ်ဟှယ်။ 
\v 5 ငါ့နာမဟှို ထော့‑က်ဘီးဟှာ အယ်မူမျိုး သားဂန်းဟှား ယော့‑က်ယော့‑က်ဟှို လတ်ခံသူဟှာ ငါ့ဟှို လတ်ခံဇာဘဲ့ ဖြစ်လေဟှယ်။
\s ပြစ်သွီးဆောန်ဟှူကြောန်း
\r (မာကု ၉.၄၂–၄၈; လုကာ ၁၇.၁,၂)
\p
\v 6 “ငါ့ဟှို ယောင်ကြည်ဟှူ အယ်မူသားဂန်း ယော့‑က်ယော့‑က်ဟှို မှားယွင်းစေသူဟှာ လည်ဘန်းမာ က္လော့‑က်က္လိဆောင်နခယ်ဘီး ပန်လယ်ထဲဟှို ပစ်ခ္လခံရဟှူဇာဟှ ပိုဘီးကောန်းလေ့မယ်။ 
\v 7 မှားယွင်းတတ်ဟှူကြောန်းလေ ရှိဟှိကြောန့် လောကီသားလေဟှာ အမင်္ဂလာရှိဟှယ်! မှားယွင်းတတ်ဟှူကြောန်းလေ ရှိရမယ်။ အယ်ဘေမဲ့လည်း မှားယွင်းတတ်ဟှူ ကြောန်းရာလေဟှို ဖြစ်စေဟှူသူဟှာ အမင်္ဂလာရှိဟှယ်!
\p
\v 8 \x - \xo ၁၈.၈ \xo*\xt မ ၅.၃၀\xt*\x*“နန့်ရဲ့ခေ၊ နန့်ရဲ့လတ်ဟှာ နန့်ဟှို မှားယွင်းစေဟှယ် ဆိုဟှာ အယ်ခေ၊ အယ်လတ်ဟှို ခွတ်ဖြတ်ပစ်ပါ! ထာဝရငရဲမီးထဲဟှို ခေလတ်ဇောင်န ပစ်ခ္လခံရထတ် ခေလတ်မှေ့ဘဲန သတ်ရှင်ဇာဟှို ဝမ်စားရဟှူဇာဟှ ပိုကောန်းဟှယ်။ 
\v 9 \x - \xo ၁၈.၉ \xo*\xt မ ၅.၂၉\xt*\x*နန့်ရဲ့ မျစ်စိဟှလည်း နန်းနို့ဟှို မှားယွင်းစေဟှယ် ဆိုဟှာ မျစ်စိဟှို ဖော့‑က်ပစ်ပါ! မျစ်စိနှေ့ဖတ်ဇောင်န ငရဲထဲဟှို ပစ်ခ္လခံရဟှူထတ် မျစ်စိတဖတ်န သတ်ရှင်ဇာဟှို ဝမ်စားရဟှူဇာဟှ ပိုကောန်းဟှယ်။
\s ပျော့‑က်ဟှူသိုးရဲ့ ပေါင်ဥပမာကြောန်း
\r (လုကာ ၁၅.၃–၇)
\p
\v 10 “နန်းနို့လေဟှာ ဖယ်မူသားဂန်းဟှိုမှလည်း ထီမဲ့မြင်လော့‑က်မိဘဲ့နေအောန် ဒိထားဂေ့ပါ၊ နန်းနို့လေဟှို ငါပြောဟှယ်။ အယ်သားဂန်းလေရဲ့ ကောန်းဂန်တမန်လေဟှာ ကောန်းဂန်ဘောင်မာ ရှိတော်မူဟှူ ငါ့ဖခမည်းတော်ရဲ့ မျစ်နှာတော်ဟှို မြဲဒမ်း ဖူးဗြင်ရဂေ့ဟှယ်။ 
\v 11 \x - \xo ၁၈.၁၁ \xo*\xt လု ၁၉.၁၀\xt*\x* \vp [11]\vp*\f + \fr ၁၈.၁၁ \fr*\ft တချို့ မူရင်းလတ်ရေးမူလေမာ ခန်းငယ် ၁၁ ဟှို၊ \ft*\fqa လူ့ရဲ့သားဟှာ ပျော့‑က်ဆောင်းနေဟှူ သူလေဟှို ကယ်တန်ဟှို့တွပ် ကြွလာဇာဖြစ်လေဟှယ်၊ \fqa*\ft ဆိုဘီး ထပ်ပေါန်းထဲ့ဟှားဟှယ် (ရှု \ft*\xt လု ၁၉.၁၀\xt*)။\f*
\p
\v 12 “နန်းနို့လေဟှာ ဖယ်မျိုးထန်မှတ်ဂေ့နူး၊ လူတယော့‑က်မာ သိုးကောန် ၁၀၀ ရှိဘီး သိုးတကောန်ဟှာ ပျော့‑က်ဟှားမယ် ဆိုဟှာ ကျန်နေဟှူ ၉၉ ကောန်ဟှို တောန်ထတ်မာ ထားရစ်ဘီးဟှာ ပျော့‑က်နေဟှူ သိုးတကောန်ဟှို လိုက်ရှာတတ်ဟှယ် မှုဟှလော။ 
\v 13 ရှာဟှိတွိဟှူ ခီမာ လမ်းလွဲဘီး ပျော့‑က်ဘဲနေဟှူ ကိုးဆယ်ကိုးကောန်ထတ် ပ္လန်တွိဟှူ သိုးတကောန်တွပ် ပိုဘီးဟှာ ဝန်းသာဟှယ် ဆိုဘီး ငါမှန်တိုင်းပြောဟှယ်။ 
\v 14 အယ်မူမျိုးဘဲ့ ကောန်းဂန်ဘောင်မာ ရှိတော်မူဟှူ နန်းနို့\f + \fr ၁၈.၁၄ \fr*\fq နန်းနို့၊ \fq*\ft တချို့ မူရင်းလတ်ရေးမူလေမာ \ft*\fqa ငါ၊ \fqa*\ft ဆိုဘီး ရှိဟှယ်။\ft*\f* ဖလည်း အယ်မူသားဂန်း တယော့‑က်ဟှိုမှ ပျစ်စီးစေဟှို့တွပ် လိုတော်မှေ့ဟှ။
\s ပြစ်မှားဟှူ ယောင်ကြည်သူကြောန်း
\p
\v 15 \x - \xo ၁၈.၁၅ \xo*\xt လု ၁၇.၃\xt*\x*“အယ်ကြောန့် ညီကို မောန်နှမဟှာ နန့်ဟှို ပြစ်မှားဟှယ် ဆိုဟှာ\f + \fr ၁၈.၁၅ \fr*\ft တချို့ မူရင်းလတ်ရေးမူလေမာ \ft*\fq နန့်ဟှို ပြစ်မှားဟှယ် ဆိုဟှာ၊ \fq*\ft ဆိုဇာဟှာ မှေ့ဟှ။\ft*\f* သူ့ပြစ်ဟှို ဖော်ပြပေးဟှို့တွပ် သူ့နားဟှို သွားပါ။ အယ်ဘေမဲ့ နှေ့ယော့‑က်ဒဲတွိဘီး သူ့ပြစ်ဟှို ဖော်ပြပါ။ နန့်စကားဟှို သူနားထောန်ဟှယ် ဆိုဟှာ နန်းနို့ဟှာ သူ့ဟှို ပ္လန်ရလေဘီ။ 
\v 16 အယ်ဘေမဲ့ နန့်ရဲ့ စကားဟှို နားထောန်ဟှ ဆိုဟှာ သူ့စကားဟှို အတည်ဖြစ်စေဟှို့တွပ် ကျမ်းစာမာ ပြောဟှားဟှူတိုင်း သိသတ်သေ နှေ့ယော့‑က်၊ သောင်းယော့‑က်ဟှို ခေါ်ပါ။ 
\v 17 အယ်သူဟှာ နားထောန်ဟှို့ ငြင်းဆန်နေဟှယ် ဆိုဟှာ သင်းတော်ဟှို တန်ပြပါ။ သင်းတော်ရဲ့ စကားဟှိုလည်း သူနားထောန်ဟှ ဆိုဟှာ တခြားဘာသာဟှ လူတယော့‑က်မျိုးဘဲ့ဖြစ်ဖြစ် အယ်မျိုးမှုဘဲနေဟှာ ခွန်ကော့‑က်မား တယော့‑က်မျိုးဘဲ့ အယ်သူဟှို သတ်မှတ်ဂေ့ပါ။
\s တားမြစ်ဟှူဇာန ခွမ့်ပြုဟှူဇာကြောန်း
\p
\v 18 \x - \xo ၁၈.၁၈ \xo*\xt မ ၁၆.၁၉; ယော ၂၀.၂၃\xt*\x*“ငါ မှန်တိုင်းပြောမယ်၊ နန်းနို့လေဟှာ မ္လေဂီးထတ်မာ ချည်နှောင်ဟှူမျှဟှာ ကောန်းဂန်ဘောင်မာ ချည်နှောင်လေ့မယ်။ မ္လေဂီးထတ်မာ ဖြေလွှတ်ဟှူမျှဟှာ ကောန်းဂန်ဘောင်မာ ဖြေလွှတ်လေ့မယ်။
\p
\v 19 “နော့‑က်ထပ် ငါ မှန်တိုင်ပြောမယ်။ မ္လေဂီးထတ်မာ လူနှေ့ယာ့‑က် ဘောတူဘီး ဆုတောန်းဟှယ် ဆိုဟှာ နန်းနို့တောန်းဟှူမျှဟှို ကောန်းဂန်ဘောင်ဟှ ငါ့ခမည်းတော်ဟှာ ပေးတော်မူလေ့မယ်။ 
\v 20 ဖြားဖြစ်ကြောန့်နူးဆိုဟှာ လူနှေ့ယော့‑က်၊ သောင်းယော့‑က်ဟှာ ငါ့ရဲ့ နာမဟှို အားကိုးဘီး စုဝေးနေဟှူ နေရာလေမာ ငါဟှာ သူးနို့နတူးဒူး ရှိနေမယ်။”
\s ခွမ့်လွှတ်ဘဲနေဟှူ ကျွန်ရဲ့ ပေါင်ဥပမာ
\p
\v 21 \x - \xo ၁၈.၂၁,၂၂ \xo*\xt လု ၁၇.၃,၄\xt*\x*အယ်မူခီမာ ပေတရုဟှ ယေရှုနားဟှို လာဘီး “သခင်၊ ညီကို မောန်နှမဟှ ကျွန်တော်ဟှို ပြစ်မှားဟှယ် ဆိုဟှာ သူ့ဟှို ဖယ်မျှခါလော့‑က် ခွမ့်လွှတ်ရမယ်နူး ခွန်နစ်ခါလော့‑က်ထိ ခွမ့်လွှတ်ရဟှို့လော” ဆိုဘီး မေးလျှော့‑က်လေဟှယ်။
\p
\v 22 ယေရှုဟှ “ခွန်နစ်ခါတိုင်အောန် ခွမ့်လွှတ်ရမယ် ဆိုဘီး ငါပြောဟှ။ အခါခွန်နစ်ဆယ် ခွန်နစ်လီတိုင်အောန် (ခွန်နစ်ဆယ်ခွန်နစ်ခါ)\f + \fr ၁၈.၂၂ \fr*\fq ခါခွန်နစ်ဆယ် ခွန်နစ်လီတိုင်အောန်၊ \fq*\ft အယ်မျိုးမှုဘဲနေဟှာ \ft*\fqa ခွန်နစ်ဆယ်ခွန်နစ်ခါ။\fqa*\f* ခွမ့်လွှတ်ရမယ် ဆိုဘီး ငါပြောလေဟှယ်။ 
\v 23 အယ်ကြောန့် ကောန်းဂန်နိုင်ငံတော်ဟှာ သူ့ကျွန်လေရဲ့ စာရင်းဟှို စစ်ဆေးဟှူ မန်းဂီးတပါးန တူလေဟှယ်။ 
\v 24 စာရင်းယူဟှူ ခီမာ ကပ်သန်းပေါန်းများစွာ ကြွေးတန်နေဟှူ လူတယော့‑က်ဟှို ခေါ်စေလေဟှယ်။ 
\v 25 အယ်သူဟှာ ကြွေးဆပ်နိုင်ဘဲဟှူကြောန့် သူ့သခင်ဟှ အယ်သူနတူးဒူ သားမယား၊ အောက်စာ ပစ်စီးလေ ရှိဟှူမျှဟှို ရောန်းဘီးဟှာ ကြွေးဆပ်စေဟှို့တွပ် မိန့်ခ္လမှတ်တော်မူဟှယ်။ 
\v 26 အယ်ကျွန်ဟှလည်း မန်းဂီးရှေ့မာ ပျပ်ဝပ်ဘီး ‘ကျွန်တော်ဟှို သီးခံတော်မူပါ။ ကြွေးရှိဟှူမျှဟှို ဆပ်ပါမယ်!’ ဆိုဘီး တောန်းဗန်လေဟှယ်။ 
\v 27 အယ်စေခံရဲ့ သခင်ဟှလည်း သူ့ဟှို သနားဟှိကြောန့် ကြွေးရှိဟှူမျှဟှို လွှတ်ပေးဘီး သွားခွမ့်ပေးလေဟှယ်။
\p
\v 28 “အယ်ဘေမဲ့ အယ်ကျွန်ထွပ်ဟှားခီမာ မိမိဒေနာရိတရာကြွေးတန်နေဟှူ ကျွန်တယော့‑က်ဟှို တွိလေဟှယ်။ သူဟှာ အယ်ကျွန်ရဲ့ လည်ဗန်းဟှို ညှစ်ဘီး ငါ့ကြွေးဟှို ဆပ်ပေးပါ!” ဆိုဘီး တောန်းလေဟှယ်။ 
\v 29 “အယ်ကျွန်ရှင်းရှင်းဟှလည်း ဒူးထော့‑က်ဘီးဟှာ ‘ကျွန်တော်ဟှို သီးခံပေးပါ။ ကပ်ကွီးလေ အားလောင်းဂူဟှို ဆပ်ပေးပါမယ်!’ ဆိုဘီး တောန်းဗန်လေဟှယ်။ 
\v 30 အယ်ဘေမဲ့ သူဟှာ လတ်ခံဘဲန ကပ်ကွီးလေ ဆပ်ခန်ခီထိ ထောန်ထဲမာ ချောက်ဟှားလေဟှယ်။ 
\v 31 အယ်မူကြောန်းရာဟှို တခြားကျွန်လေ ဗြင်သိရဟှူ ခီမာ ရရာတိုင်း စိဆိုးဂေ့ဘီး သူးနို့သခင်နားဟှို သွားဘီးဟှာ ဖြစ်ပျစ်ဟှူ ကြောန်းရာလေဟှို လျှော့‑က်ဂေ့လေဟှယ်။ 
\v 32 အယ်ကြောန့် သခင်ဟှ အယ်ကျွန်ဟှို ခေါ်ဘီးဟှာ ‘ဆိုးညစ်ဟှူကျွန်! နန်ဟှာ ငါ့ဟှို တောန်းဗန်ဟှိကြောန့် ကပ်ကွီးလေ အားလောင်းဂူဟှို ခွမ့်လွှတ်ပေးခဲ့ဟှယ်။ 
\v 33 ငါဟှာ နန့်ဟှို သနားဟှူမျိုးဘဲ့ နန်ဟှာလည်း ကျွန်ရှင်းရှင်းဟှို သနားသင့်ဟှယ်’ 
\v 34 အယ်ဘီးန သူ့သခင်ဟှ အယ်ကျွန်ဟှို စိဆိုးဘီးဟှာ ကပ်ကွီးလေ အား‌လောင်းဂူဟှို ဆပ်ပေးခန်ခီထိ ထောန်ထဲမာ ချောက်ဟှားစေ။” ဆိုဘီး ပြောလေဟှယ်။
\p
\v 35 အယ်ဘီးန ယေရှုဟှ “နန်းနို့လေလည်း နန်းနို့ရဲ့ ညီကို မောန်နှမလေဟှို စိနှလောင်းထဲဟှနေ ခွမ့်လွှတ်ဘဲဟှ ဆိုဟှာ ကောန်းဂန်ဘောင်ဟှ ငါ့ဖလည်း နန်းနို့လေဟှို ခွမ့်လွှတ်ပေးဟှို့ မှုဟှ” ဆိုဘီး မိန့်တော်မူလေဟှယ်။
\c 19
\s လန်မယားကွာရှင်းဟှူကြောန်း
\r (မာကု ၁၀.၁–၁၂)
\p
\v 1 အယ်မူတရားစကားလေဟှို ယေရှုဟောပြောဘီးဟှူ ခီမာ ဂါလိလဲပြည်ဟှနေ ထွပ်ဟှားဘီး ယော်ဒန်မ္လစ်ရဲ့ ဟှိုဖတ်ကမ်းမာရှိဟှူ ယုဒပြည်ဟှို ကြွတော်မူလေဟှယ်။ 
\v 2 လူအောက်ဂီးဟှာ ကိုယ်တော့်နော့‑က်တော်ဟှို လိုက်ဂေ့ဟှူကြောန့် အယ်နေရာမာ ကိုယ်တော်ဟှာ သူးနို့ဟှို ကျန်းမာစေတော်မူလေဟှယ်။
\p
\v 3 ဖာရိရှဲတချို့ဟှာ ကိုယ်တော်နားဟှို လာဘီး “လူတယော့‑က်ဟှာ ဖြားမျိုးကြောန်းပြချစ်နဘဲ့ဖြစ်ဖြစ် သူ့မယားဟှို ကွာရှင်းဟှို့တွပ် ပညတ်တော်နညီဘဲ့လော” ဆိုဘီး စမ်းသပ်ရှင်ဟှူကြောန့်ဟှို့ မေးလျှော့‑က်ဂေ့လေဟှယ်။
\p
\v 4 ယေရှုဟှ “ဖန်ဆင်းရှင်ဟှာ စစဒူးဟှ ယော့‑က်ကျားန မီးမနှေ့ယော့‑က်ဒဲဟှိုဘဲ့ ဖန်ဆင်းတော်မူဟှယ် မှုဟှလော။ 
\v 5 ဘုရားသခင်ဟှ ‘အယ်မူကြောန်းရာကြောန့် ယော့‑က်ကျားဟှာ ကိုယ့်မိဖဟှို စွန့်ဘီး၊ ကိုယ့်မယားန ပေါန်းသင်းဘီး သူးနို့နှေ့ယော့‑က်ဟှာ တသားတကိုယ်ဒဲ ဖြစ်ရဂေ့လေ့မယ်။’ 
\v 6 အယ်ကြောန့် သူးနို့ဟှာ နှေ့ယော့‑က်မှုဘဲ တယော့‑က်ဒဲဘဲ့ ဖြစ်ဂေ့ဟှယ်။ ဘုရားသခင်ဟှ တူးဒူစောင်ဖတ်ပေးဟှားဇာဟှို လူခွဲခွာစေန” ဆိုဘီး မိန့်တော်မူလေဟှယ်။
\p
\v 7 \x - \xo ၁၉.၇ \xo*\xt မ ၅.၃၁\xt*\x*ဖာရိရှဲလေဟှလည်း “အယ်မျိုးဆိုဟှာ ကွာရှင်းစာချောက်ဟှို ပေးဘီး မယားဟှိုကွာဟှို့တွပ် ဖြားဖြစ်ကြောန့် မောရှေဟှ ပညတ်ဟှားနူး” ဆိုဘီး မေးလျှော့‑က်ဂေ့လေဟှယ်။
\p
\v 8 ကိုယ်တော်ဟှ “နန်းနို့လေရဲ့ စိနှလောင်းဟှာ ခိုင်မာဂေ့ဟှိကြောန့် မောရှေဟှာ နန်းနို့ရဲ့ မယားလေန ကွာရှင်းဟှို့ ခွမ့်ပြုခဲ့ဟှယ်။ အယ်ဘေမဲ့ စဒူးဟှ အယ်မျိုးခွမ့်ပြုချစ်မှေ့ဟှ။ 
\v 9 \x - \xo ၁၉.၉ \xo*\xt မ ၅.၃၂; ၁ ကော ၇.၁၀,၁၁\xt*\x*နန်းနို့ဟှို ငါပြောမယ်။ တရားဘဲဟှူ မေထုန်ပြုဇာဟှလွဲဘီး ကိုယ့်မယားဟှို ကွာရှင်းဘီးဟှာ တခြားမီးမတယော့‑က်န အီထောန်ပြုဟှူသူဟှာ အီထောန်ရေးဖော့‑က်ပ္လန်ရှင်းဟှို ကျူးလွန်သူ ဖြစ်ဟှယ်” ဆိုဘီး မိန့်တော်မူလေဟှယ်။
\p
\v 10 တဗဲ့တော်လေဟှလည်း “လန်နမယား ပေါန်းသင်းမှုဟှာ အယ်မူမျိုးဖြစ်ဟှယ် ဆိုဟှာ အီထောန်နေဘဲဇာဟှာ ပိုဘီးကောန်းမယ်” ဆိုဘီး လျှော့‑က်လေဟှယ်။
\p
\v 11 ကိုယ်တော်ဟှလည်း “အယ်စကားဟှို လူတိုင်းခံယူနိုင်ဟှ။ ဘုရားသခင် ခွမ့်ပြုဟှူသူလေဘဲ့ ခံယူနိုင်လေဟှယ်။ 
\v 12 တချို့လူလေဟှာ အီထောန်ပြုနိုင်စွမ်းမှေ့ဘဲန မွီးလာဟှူ လူလေရှိဂေ့ဟှယ်။ လူလေကြောန့် အီထောန်ပြုနိုင်စွမ်းဟှို စွန့်လွှတ်လိုက်ရဟှူ လူလေလည်း ရှိဂေ့ဟှယ်။ ကောန်းဂန်နိုင်ငံတော်တွပ် အီထောန်ပြုနိုင်စွမ်းဟှို စွန့်လွှတ်လိုက်ရဟှူ လူလေရှိဂေ့ဟှယ်။ အယ်စကားဟှို ခံယူနိုင်ဟှူသူလေဘဲ့ ခံယူပါစေ” ဆိုဘီး မိန့်တော်မူလေဟှယ်။
\s သားဂန်းလေဟှို ကောန်းကြီးပေးဟှူကြောန်း
\r (မာကု ၁၀.၁၃–၁၆; လုကာ ၁၈.၁၅–၁၇)
\p
\v 13 လူတချို့ဟှာ သားဂန်းလေဟှို လတ်တန်ဘီးဆုတောန်းခံဟှို့တွပ် ယေရှုနားဟှို ခေါ်ဆောန်လာဂေ့ကြောန့် တဗဲ့တော်လေဟှ ပြစ်တန်ဘီး ပြောဂေ့လေဟှယ်။ 
\v 14 ယေရှုဟှလည်း “သားဂန်းလေ ငါ့နားဟှို လာပါစေ။ ဆီးတားဂေ့န။ ကောန်းဂန်နိုင်ငံတော်ဟှာ အယ်မျိုးသူလေရဲ့ နိုင်ငံဖြစ်လေဟှယ်” ဆိုဘီး မိန့်တော်မူလေဟှယ်။
\p
\v 15 ကိုယ်တော်ဟှာ သားဂန်းလေထတ်ဟှို လတ်တန်ဘီးဟှာ အယ်နေရာဟှနေဘီး ကြွတော်မူလေဟှယ်။
\s ဌေးသားလူငယ်ကြောန်း
\r (မာကု ၁၀.၁၇–၃၁; လုကာ ၁၈.၁၈–၃၀)
\p
\v 16 လူတယော့‑က်ဟှ ယေရှုနားဟှို လာဘီးဟှာ “ဆရာ၊ ထာဝရသတ်ဟှို ရဟှို့တွပ် ကျွန်တော်ဟှ ကောန်းဟှူဇာလေဟှို ဖယ်မျိုးလောက်ရဟှို့နူး” ဆိုဘီး မေးလျှော့‑က်လေဟှယ်။
\p
\v 17 ယေရှုဟှလည်း “ကောန်းဟှူကျင့်န ပတ်သတ်ဘီးဟှာ ငါ့ဟှို ဖြားဖြစ်ကြောန့်မေးနူး၊ ဘုရားသခင်တပါးဒဲဘဲ့ ကောင်းမြတ်တော်မူလေဟှယ်။ ထာဝရသတ်ဟှို လိုရှင်ဟှယ် ဆိုဟှာ ပညတ်တော်လေဟှို စောန့်ထီးပါ” ဆိုဘီး မိန့်တော်မူလေဟှယ်။
\p
\v 18 အယ်သူဟှလည်း “ဖယ်ပညတ်လေဟှို စောန့်ထီးရဟှို့နူး” ဆိုဘီး မေးလျှော့‑က်လေဟှယ်။ ယေရှုဟှ “လူဟှိုသတ်န၊ အီထောန်ရေးဖော့‑က်ပ္လန်န၊ ခိုးန၊ မှန်ဘဲဟှူသတ်သေဟှိုခံန၊ 
\v 19 မိနဖဟှို ရိုသေပါ။ နန့်ရဲ့ အီဇနီးရှင်းဟှို နန့်ကိုယ်နန် ရှစ်မျိုး ရှစ်ပါ” ဆိုဘီး မိန့်တော်မူလေဟှယ်။
\p
\v 20 အယ်လူငယ်ဟှလည်း “ကျွန်တော်ဟှာ အယ်ပညတ်လေ အားလောင်းဟှို စောန့်ထီးခဲ့ဟှယ်။ ဖြားဇာလောက်ဟှို့လိုပါသေးနူး” ဆိုဘီး ပ္လန်လျှော့‑က်လေဟှယ်။
\p
\v 21 ယေရှုဟှလည်း “နန်ဟှာ စောင်လင်ရှင်ဟှယ် ဆိုဟှာ သွားဘီးဟှာ နန့်မာရှိဟှူ ပစ်စီးအောက်စာလေ အားလောင်းဟှို ရောန်းဘီးဟှာ ဆင်းရဲသားလေဟှို ပေးပါ။ အယ်မျိုးဆိုဟှာ နန်ဟှာ ကောန်းဂန်ဘောင်မာရှိဟှူ ဘဏ္ဍာဟှို ရလေ့မယ်။ အယ်ဘီးမှ ငါ့နော့‑က်ဟှို လိုက်ပါ” ဆိုဘီး မိန့်တော်မူလေဟှယ်။
\p
\v 22 အယ်လူငယ်ဟှာ ပစ်စီးအောက်စာလေ ပေါကြွယ်ဝဟှူသူဖြစ်ကြောန့် အယ်စကားဟှို ကြားဟှူ ခီမာ ဝန်းနဲဟှားဘီး ထွပ်ဟှားလေဟှယ်။
\p
\v 23 အယ်န ယေရှုဟှ တဗဲ့တော်လေဟှို “ငါ မှန်တိုင်းပြောမယ်၊ ပစ်စီးအောက်စာ ကြွယ်ဝဟှူသူလေဟှာ ဘုရားသခင်ရဲ့ ကောန်းဂန်နိုင်ငံတော်ဟှို ဝမ်နိုင်ဟှို့ ရရတိုင်း ခတ်လေဟှယ်။ 
\v 24 ငါထပ်ပြောအူးမယ်။ ပစ်စီးအောက်စာ ကြွယ်ဝဟှူသူလေဟှာ ဘုရားသခင်ရဲ့ ကောန်းဂန်နိုင်ငံတော်ဟှို ဝမ်နိုင်ဟှို့ထတ် ကုလားအုတ်ဟှာ အပ်ခေါန်းပေါ့‑က်ဟှို လျှိုဟှို့ ပိုဘီးလွယ်ကူဟှယ်” ဆိုဘီး မိန့်တော်မူလေဟှယ်။
\p
\v 25 တဗဲ့တော်လေဟှာ အယ်စကားဟှို ကြားဟှူ ခီမာ သူးနို့ဟှာ ရရာတိုင်း အံ့ဩဟှားဘီး “အယ်ဆိုဟှာ ဖယ်သူလေဟှာ ကယ်တန်ဇာဟှို ခံရနိုင်မယ်နူး” ဆိုဘီး မေးလျှော့‑က်ဂေ့လေဟှယ်။
\p
\v 26 ယေရှုဟှ သူးနို့လေဟှို ကေ့ဘီးဟှာ “အယ်မှုဟှို လူတတ်နိုင်ဟှ။ အယ်ဘေမဲ့ ဘုရားသခင်ဟှာ အားလောင်းဂူဟှို တတ်နိုင်တော်မူလေဟှယ်” ဆိုဘီး မိန့်တော်မူလေဟှယ်။
\p
\v 27 အယ်ခီမာ ပေတရုဟှ “ကျွန်တော့်ဟှားလေမာ ရှိဟှူမျှဟှို စွန့်ဘီးဟှာ ကိုယ်တော်နော့‑က်ဟှို လိုက်ဂေ့ဟှယ်။ အယ်ဆိုဟှာ ကျွန်တော့်ဟှားလေဟှာ ဖြားဇာလေဟှို ရမယ်နူး” ဆိုဘီးဟှာ မေးလျှော့‑က်လေဟှယ်။
\p
\v 28 \x - \xo ၁၉.၂၈ က \xo*\xt မ ၂၅.၃၁; \xt*\xo ခ \xo*\xt လု ၂၂.၃၀\xt*\x*ယေရှုဟှ “ငါ မှန်တိုင်းပြောမယ်၊ ကမ္ဘာသစ်မာ လူ့ရဲ့သားဟှာ ဖောင်းသရေတော်န ပ္လဲ့ဇောင်ဟှူ ပလ္လင်ထတ်မာ ထိုင်တော်မူဟှူ ခီမာ ငါ့နော့‑က်ဟှို လိုက်ဂေ့ဟှူ နန်းနို့လေဟှာ ပလ္လင်ဆယ့်နှေ့ခု ထတ်မာ ထိုင်ဘီး ဣသရေလလူမျိုး ဆယ့်နှေ့မျိုးဟှို အောက်စိုးရလေ့မယ်။ 
\v 29 ငါ့နာမကြောန့် အီ၊ လယ်၊ ညီကို၊ ညီမ၊ မိဖ၊ သားမယားဟှို စွန့်ဟှူလူတိုင်းဟှာ ဆတရာကျိုးဟှိုရဘီး ထာဝရသတ်ဟှိုလည်း ရလေ့မယ်။ 
\v 30 \x - \xo ၁၉.၃၀ \xo*\xt မ ၂၀.၁၆; လု ၁၃.၃၀\xt*\x*အယ်ဘေမဲ့ ဦးဆောင်းဖြစ်ဟှူ လူလေဘောင်ဂီးဟှာ နော့‑က်ဆောင်းဖြစ်ဂေ့ဘီး နော့‑က်ဆောင်းဖြစ်ဟှူ လူလေဘောင်ဂီးဟှာ ဦးဆောင်းဖြစ်လေ့မယ်။
\c 20
\s စဗျစ်ခြံလောက်သမားလေရဲ့ပေါင်ဥပမာ
\p
\v 1 “ကောန်းဂန်နိုင်ငံတော်ဟှာ သူ့ရဲ့စဗျစ်ခြံတွပ် လောက်သမားလေဟှို ငှားဟှို့ မိုးလန်းစောစော ထွပ်ဟှားဟှူ ခြံဇရှင်နတူလေဟှယ်။ 
\v 2 သူဟှ တနေ့ဟှို ငွေဒန်းဂါးတပ္လားန ငှားဟှို့ ဘောတူဘီးဟှာ သူးနို့ဟှို စဗျစ်ခြံထဲဟှို စေလွှတ်လေဟှယ်။ 
\v 3 သူဟှာ မိုလန်း ကိုးနာရီ လော့‑က်မာ ဆေးဟှို ပ္လန်ထွပ်လာဇာ လောက်လောက်ဘဲန အယ်နေရာမာ ရပ်နေဟှူ တခြားသူလေဟှို တွိရလေဟှယ်။ 
\v 4 အယ်ကြောန့် သူးနို့လေဟှို ‘နန်းနို့လေလည်း သွားဘီး စဗျစ်ခြံထဲမာ လောက်လောက်ဂေ့ပါ။ ထိုက်သင့်ဟှူ လောက်အားခဟှို ငါပေးမယ်’ ဆိုဘီး သူးနို့လေဟှို ပြောလေဟှယ်။ 
\v 5 အယ်ကြောန့် သူးနို့လေဟှာ သွားဂေ့ဟှယ်။ အယ်ဘီးဟှာ ဆယ်နှေ့နာရီန သောင်းနာရီမာ တခါ ပ္လန်ဟှို ထွပ်ဘီး လောက်သမားလေဟှို ငှားလေဟှယ်။ 
\v 6 နေဒန်ဇာ ငါးနာရီလော့‑က်မာ သူဟှာ ထွပ်ဟှားဟှူ ခီမာ တခြားလူလေဟှာ အယ်နေရာမာဘဲ့ ရပ်နေဂေ့ဇာဟှို တွိလေဟှယ်။ ‘နန်းနို့လေ ဖြားဖြစ်ကြောန့် တနေ့လောင်း လောက်လောက်ဘဲန ရပ်နေဂေ့နူး’ ဆိုဘီး သူးနို့လေဟှို မေးလေဟှယ်။ 
\v 7 အယ်သူလေဟှလည်း ‘ကျွန်တော်ဟှားလေဟှို ဖယ်သူလည်း ငှားဂေ့ဟှ’ ဆိုဘီး ပြောလေဟှယ်။ ခြံဇရှင်ဟှ ‘နန်းနို့လည်း သွားဘီး ငါ့စဗျစ်ခြံမာ အလောက်လောက်ဂေ့ပါ’ ဆိုဘီး ပြောလေဟှယ်။
\p
\v 8 “ညဉ့်ခန်းဖတ်ရော့‑က်ဟှူ ခီမာ စဗျစ်ခြံဇရှင်ဟှ ‘လောက်သမားလေဟှို ခေါ်ဘီး နော့‑က်ဆောင်းငှားဟှူ သူလေဟှစဘီး ဦးဆောင်းငှားဟှူ သူလေထိ လောက်အားခရှင်းပေးလိုက်’ ဆိုဘီး သူ့ရဲ့ဘဏ္ဍာစိုးဟှို ပြောလေဟှယ်။ 
\v 9 အယ်ကြောန့် ဘဏ္ဍာစိုးဟှာ နေဒန်ဇာငါးနာရီမာ ငှားဟှားဟှူ လူလေဟှို ငွေဒန်းဂါးတပ္လားစီ ရှင်းပေးလေဟှယ်။ 
\v 10 ဦးဆောင်းငှားဟှားဟှူ သူလေဟှာ တခြားလူလေထတ် ပိုဘီးရလေ့မယ် ထန်မှတ်ဘီး ရော့‑က်လာဟှယ်။ အယ်ဘေမဲ့ သူးနို့လည်း ငွေဒန်းဂါးတပ္လားစီဘဲ့ ရလေဟှယ်။ 
\v 11 သူးနို့လေဟှာ ငွေဒန်းဂါးတပ္လားစီဘဲ့ ရဂေ့ကြောန့် ခြံဇရှင်ဟှို ပြစ်တန်ဂေ့လေဟှယ်။ 
\v 12 ‘နော့‑က်ဆောင်းငှားဟှားဟှူ အယ်သူလေဟှာ တနာရီဘဲ့ လောက်လောက်ရဟှယ်။ ကျွန်တော့်ဟှားလေဟှာ နေပူဗ္လန်ထဲမာ တနေ့လောင်း ပန်ပန်ဘန်းဘန်းန လောက်ဆောန်ရဟှူလည်းဘဲ့ သင်ဟှာ ကျွန်တော်ဟှားလေဟှို အယ်သူလေနဒန်းတူဘဲ့ လောက်အားခဟှို ပေးဟှယ်!’ ဆိုဘီး ပြောဆိုဂေ့လေဟှယ်။ 
\v 13 ခြံဇရှင်ဟှ သူးနို့ထဲဟှ တယော့‑က်ဟှို ‘မိဆွေ၊ ငါဟှာ နန့်ဟှို တရားဘဲလောက်ဇာ မှုဟှ။ နန်ဟှာ ငွေဒန်းဂါးတပ္လားန လောက်လောက်ဟှို့တွပ် ဘောတူဟှားဟှယ်။ 
\v 14 နန့်ရဲ့ လောက်အားခဟှို ယူဘီးသွားဝေါ့။ နော့‑က်ဆောင်းငှားဟှူ လူလေဟှိုလည်း နန်းနို့လေဟှို ပေးဟှူမျိုးဘဲ့ ငါပေးမယ်။ 
\v 15 ငါ့ကပ်လေဟှို ငါလောက်ရှင်မျိုး လောက်ခွမ့် မှေ့ဟှလော ငါဟှာ ဘောကောန်းဟှူကြောန့် နန်ဟှ နာလိုဘဲဖြစ်ရလော ဆိုဘီး ပြောလေဟှယ်’ ” ဆိုဘီးဟှာ မိန့်တော်မူလေဟှယ်။
\p
\v 16 \x - \xo ၂၀.၁၆ \xo*\xt မ ၁၉.၃၀; မာ ၁၀.၃၁; လု ၁၃.၃၀\xt*\x*အယ်ကြောန့် ယေရှုဟှ “အယ်မူမျိုးဘဲ့ နော့‑က်ဆောင်းဖြစ်ဟှူ လူလေဟှာ ဦးဆောင်းဖြစ်ဟှားဘီး ဦးဆောင်းဖြစ်ဟှူ လူလေဟှာ နော့‑က်ဆောင်းဖြစ်လေ့မယ်” ဆိုဘီး မိန့်တော်မူလေဟှယ်။
\s ယေရှုဟှ သေခံရဟှို့ကြောန်းဟှို သောင်းခါတိတိ ပြောဟှူကြောန်း
\r (မာကု ၁၀.၃၂–၃၄; လုကာ ၁၈.၃၁–၃၄)
\p
\v 17 ယေရှုဟှာ ယေရုရှလင်ဗြို့ဟှို တတ်နေဒူးမာ တဗဲ့တော်ဆယ့်နှေ့ပါးဟှို သီးသန့်ခေါ်ဘီး၊ 
\v 18 “နားထောန်ဂေ့။ နို့လေဟှာ ယေရုရှလင်ဗြို့ဟှို တတ်ဂေ့မယ်။ အယ်ဗြို့မာ လူ့ရဲ့သားဟှာ ယဇ်ပုရောဟိတ်ဂီးလေန ကျမ်းပြုဆရာလေရဲ့ လတ်ထဲဟှို အပ်နှံခံရလေ့မယ်။ သူးနို့လေဟှာ လူရဲသားဟှို သေဒန်စီရင်ဘီး၊ 
\v 19 လူမျိုးခြားလေရဲ့ လတ်ထဲဟှို အပ်နှံဂေ့လေ့မယ်။ သူးနို့ဟှာ လူ့ရဲ့သားဟှို လှောန်ပြောန်ဘီး၊ ကီဒန်ပေးဘီး လတ်ဝါးကပ်တိုင်မာ တန်ဘီး သတ်ဂေ့လေ့မယ်။ အယ်ဘေမဲ့ သောင်းရစ်မြော့‑က်ဟှူနေ့မာ လူ့ရဲ့သားဟှာ ထမြော့‑က်လေ့မယ်” ဆိုဘီး မိန့်တော်မူလေဟှယ်။
\s မိခင်တယော့‑က်ရဲ့ တောန်းဆိုဟှူကြောန်း
\r (မာကု ၁၀.၃၅–၄၅)
\p
\v 20 အယ်ဘီးန ဇေဗေဒဲရဲ့ မီးမဟှာ သူ့သားနှေ့ယော့‑က်နတူးဒူ တခုခုဟှို တောန်းဟှို့တွပ် ယေရှုနားဟှို လာဘီး ပျပ်ဝပ်လေဟှယ်။
\p
\v 21 ယေရှုဟှ “ဖြားဇာလိုရှင်နူး” ဆိုဘီး မေးလေဟှယ်။
\p အယ်မီးမဟှ “ကိုယ်တော်ရဲ့ နိုင်ငံတော်မာ ကျွန်မရဲ့ သားနှေ့ယော့‑က်ဟှို ကိုယ်တော်ရဲ့ ညာဖတ်မာတယော့‑က် ကိုယ်တော်ရဲ့ ဘယ်ဖတ်မာတယော့‑က် ထိုင်စေတော်မူပါ” ဆိုဘီး တောန်းလျှော့‑က်လေဟှယ်။
\p
\v 22 ယေရှုဟှ “နန်းနို့လေဟှာ ဖြားဇာလေ တောန်းလျှော့‑က်နေဟှယ် ဆိုဇာဟှို နန်းနို့သိဂေ့ဟှ။ ငါသော့‑က်ရဟှို့ ဒေါက်ခဝေဒနာခွပ်ဟှို့ နန်းနို့သော့‑က်နိုင်ဘဲ့လော” ဆိုဘီး မေးတော်မူလေဟှယ်။
\p သူးနို့ဟှလည်း “ကျွန်တော်ဟှားလေ သော့‑က်နိုင်ပါဟှယ်” ဆိုဘီး လျှော့‑က်ဂေ့လေဟှယ်။
\p
\v 23 ကိုယ်တော်ဟှ “ငါ့ရဲ့ခွပ်ဟှို နန်းနို့လေဟှာ သော့‑က်ရလေ့မယ်။ အယ်ဘေမဲ့ ငါ့ရဲ့ ညာဖတ်န ဘယ်ဖတ်မှာ ထိုင်ရဟှို့ခွမ့်ဟှို ငါပေးပိုင်ဟှ။ အယ်နေရာဟှာ ငါ့ရဲ့ဖ ပြင်ဆင်ဟှားဟှူ သူလေတွပ်ဘဲ့ ဖြစ်လေဟှယ်” ဆိုဘီး မိန့်တော်မူလေဟှယ်။
\p
\v 24 အယ်ကြောန်းရာဟှို တဗဲ့တော် ဆယ်ယော့‑က်ဟှာ ကြားသိဟှူ ခီမာ အယ်ညီကို နှေ့ယော့‑က်ဟှို စိဆိုးဂေ့ဟှယ်။ 
\v 25 \x - \xo ၂၀.၂၅,၂၆ \xo*\xt လု ၂၂.၂၅,၂၆\xt*\x*ယေရှုဟှာ တဗဲ့တော်လေဟှို သူ့နားဟှို ခေါ်တော်မူဘီး “နန်းနို့လေ သိဂေ့ဟှူတိုင်းဘဲ့ လူမျိုးခြားလေမာ အောက်ချောက်ဟှူ သူလေဟှာ ပြည်သူလေထတ်မာ စိုးတရပြုဘီး ခေါန်းဆောန်လေလည်း အာဏာထားတတ်ဂေ့လေဟှယ်။ 
\v 26 \x - \xo ၂၀.၂၆,၂၇ \xo*\xt မ ၂၃.၁၁; မာ ၉.၃၅; လု ၂၂.၂၆\xt*\x*နန်းနို့လေထဲမာ အယ်မူမျိုး ဖြစ်သင့်ဟှ။ နန်းနို့ထဲဟှ တယော့‑က်ဟှာ အကြီးကဲဖြစ်ရှင်ဟှယ် ဆိုဟှာ အယ်လူဟှာ နန်းနို့လေရဲ့ စေခံဖြစ်ရမယ်။ 
\v 27 အယ်ဘီးဟှာ နန်းနို့လေထဲဟှ တယော့‑က်ဟှာ ကီးမြတ်ဆောင်းဖြစ်ရှင်ဟှယ် ဆိုဟှာ အယ်လူဟှာ နန်းနို့လေရဲ့ ကျွန်ဖြစ်ရမယ်။ 
\v 28 အယ်မျိုးဘဲ့ လူ့ရဲ့သားဟှာ သူတပါးဟှို စေစားဟှို့လာဇာ မှုဟှ။ သူတပါးရဲ့ စေခံဟှို့န သူ့သတ်ဟှို စွန့်ဘီး လူလေဘောင်ဂီးဟှို ဝီးနှုဟှို့တွပ် ကြွလာဟှယ်” ဆိုဘီး မိန့်တော်မူလေဟှယ်။
\s လူကန်းနှေ့ယော့‑က်ဟှို ကုသပေးဟှူကြောန်း
\r (မာကု ၁၀.၄၆–၅၂; လုကာ ၁၈.၃၅–၄၃)
\p
\v 29 ယေရှုန တဗဲ့တော်လေဟှာ ယေရိခေါဗြို့ဟှနေ ထွပ်လာဟှူ ခီမာ လူအောက်ဂီးဟှာ နော့‑က်တော်ဟှိုလိုက်ဂေ့လေဟှယ်။ 
\v 30 လမ်းဘေးမာထိုင်နေဟှူ လူကန်းနှေ့ယော့‑က်ဟှာ ယေရှုဖြတ်ဟှားဟှယ် ဆိုဇာဟှို ကြားသိဟှိကြောန့် “သခင်၊ ဒါဝိဒ်ရဲ့သားတော်! ကျွန်တော်ဟှားလေဟှို သနားတော်မူပါ!” ဆိုဘီး အော်ဟစ်လေဟှယ်။
\p
\v 31 လူအောက်ဂီးဟှ သူးနို့ဟှို တိတိဆိဆိနေဟှို့တွပ် ပြစ်တန်ဘီး ပြောဂေ့ဟှယ်။ အယ်ဘေမဲ့ သူးနို့ဟှ “သခင်၊ ဒါဝိဒ်ရဲ့သားတော်! ကျွန်တော်ဟှားလေဟှို သနားတော်မူပါ!” ဆိုဘီး ပိုဘီးဟှာ အော်ဟစ်ဂေ့ဟှယ်။
\p
\v 32 ယေရှုဟှာ ရပ်တော်မူလိုက်ဘီး သူးနို့ဟှို ခေါ်လိုက်ဟှယ်။ “နန်းနို့တွပ် ဖြားဇာလောက်ပေးစေရှင်ဟှယ်နူး” ဆိုဘီး ကိုယ်တော်ဟှ မေးတော်မူလေဟှယ်။
\p
\v 33 သူးနို့ဟှ “သခင်၊ ကျွန်တော်ဟှားလေရဲ့ မျစ်စိဟှို ဗြင်စေတော်မူပါ!” ဆိုဘီး လျှော့‑က်ဂေ့လေဟှယ်။
\p
\v 34 ယေရှုဟှာ သူးနို့ဟှို သနားတော်မူဟှူကြောန့် သူးနို့လေရဲ့ မျစ်စိဟှို လတ်နတို့တော်မူလေဟှယ်။ ရှစ်ရှင်းဘဲ့ သူးနို့ဟှာ မျစ်စိဗြင်ဟှားဘီး နော့‑က်တော်ဟှို လိုက်ဂေ့လေဟှယ်။
\c 21
\s ယေရုရှလင်ဗြို့ဟှို ဝမ်တော်မူဟှူကြောန်း
\r (မာကု ၁၁.၁–၁၁; လုကာ ၁၉.၂၈–၄၀; ယောဟန် ၁၂.၁၂–၁၉)
\p
\v 1 ယေရှုန တဗဲ့တော်လေဟှာ ယေရုရှလင်ဗြို့နားဟှို ရော့‑က်လာဘီးဟှာ သံလွင်တောန်ခေရင်းမာရှိဟှူ ဗက်ဖာဂေဝါဟှို ရော့‑က်ဂေ့လေဟှယ်။ ယေရှုဟှာ တဗဲ့တော်နှေ့ယော့‑က်ဟှို စေလွှတ်ဘီး 
\v 2 “နန်းနို့ရှေ့မာရှိဟှူ ဝါဟှိုသွားဂေ့။ အယ်ဘီးဟှာ ခယ်ဟှားဟှူ မြည်းမနတူးဒူး သူ့ဘေးမာရှိဟှူ မြည်းသားဂန်းဟှားဟှို နန်းနို့ရှစ်ရှင်းတွိလေ့မယ်။ ကြိုးဟှိုဖြေဘီး ငါ့နားဟှို ယူလာဂေ့ပါ။ 
\v 3 အယ်ဘီးဟှာ ယော့‑က်ယော့‑က်ဟှ နန်းနို့လေဟှို တခုခု မေးမယ် ဆိုဟှာ ‘သခင်ဘုရား\f + \fr ၂၁.၃ \fr*\fq သခင်ဘုရား၊ \fq*\ft အယ်မျိုးမှုဘဲနေဟှာ \ft*\fqa သူးနို့ရဲ့ဇရှင်။\fqa*\f* လိုရှိဟှယ်’ ဆိုဘီး ပ္လန်ပြောဂေ့ပါ။ အယ်ဆိုဟှာ မြည်းဟှို ရှစ်ရှင်းပေးလိုက်လေ့မယ်” ဆိုဘီး မှာလိုက်လေဟှယ်။
\p
\v 4 ပရောဖက် ဟောပြောဟှားဟှူ ကြောန်းရာလေဟှာ ပ္လဲ့ဇောင်လာဇာဟှ
\q1
\v 5 “ဇိအုန်ဗြို့ဟှို ပြောပါ။
\q2 ကေ့ရှုပါ။ နန့်ရဲ့ မန်းဂီးဟှာ နန့်နားဟှို ကြွလာတော်မူဘီ!
\q1 သူဟှာ နူးညံ့ဟှယ်။ အယ်ဘီးဟှာ မြည်းဟှို စီးတော်မူလေဟှယ်။
\q2 အယ်ဘီးဟှာ မြည်းသားဂန်းဟှို စီးတော်မူလေဟှယ်” ဆိုဘီး ဖြစ်လာလေဟှယ်။
\p
\v 6 အယ်ကြောန့် တဗဲ့တော်လေဟှ ထွပ်ဟှားဘီးဟှာ ယေရှုမိန့်မှာဟှူတိုင်း လောက်ဆောန်ဂေ့လေဟှယ်။ 
\v 7 သူးနို့လေဟှာ မြည်းမန မြည်းသားဂန်းဟှို ယူလာဘီးဟှာ ယေရှုထိုင်တော်မူဟှို့တွပ် သူးနို့လေရဲ့ ဝတ်လေဟှို တန်ဂေ့လေဟှယ်။ 
\v 8 ကီးမားဟှူ လူအောက်ဂီးဟှာ သူးနို့ဝတ်လေဟှို လမ်းမာ ခန်းဟှားဂေ့လေဟှယ်။ တချို့ဟှ သစ်ပန်ဟှ သစ်ခတ်လေဟှို ခွတ်ဘီးဟှာ လမ်းမာ ခန်းဂေ့လေဟှယ်။ 
\v 9 ယေရှုရဲ့ ရှေ့န နော့‑က်မာ လိုက်လာဂေ့ဟှူ လူအောက်ဂီးဟှ “ဒါဝိဒ်ရဲ့ သားတော် ဟောရှဏ္ဏဖြစ်ပါစေ! ဘုရားသခင်ရဲ့ နာမန ကြွလာဟှူ သခင်ဟှာ မင်္ဂလာရှိပါစေ! ဗြင့်ဆောင်းဟှူ နေရာမာ ဟောရှဏ္ဏဖြစ်စေပါ!” ဆိုဘီး ကြွေးကြော်ဂေ့လေဟှယ်။
\p
\v 10 ယေရှုဟှာ ယေရုရှလင်ဗြို့ထဲဟှို ဝမ်လာဟှူ ခီမာ တဗြို့လောင်းဟှာ အောက်အောက်သဲသဲ ဖြစ်ဟှားဂေ့ဟှယ်။ လူလေဟှ “အယ်သူဟှ ဖယ်သူနူး” ဆိုဘီး မေးဂေ့လေဟှယ်။
\p
\v 11 လူအောက်ဂီးဟှ “အယ်သူဟှာ ဂါလိလဲပြည် နာဇရက်ဗြို့ဟှ ပရောဖက် ယေရှုဖြစ်ဟှယ်” ဆိုဘီး ဖြေဂေ့လေဟှယ်။
\s ဗိမာန်တော်ဟှို ကြွတော်မူဟှူကြောန်း
\r (မာကု ၁၁.၁၅–၁၉; လုကာ ၁၉.၄၅–၄၈; ယောဟန် ၂.၁၃–၂၂)
\p
\v 12 ယေရှုဟှာ ဗိမာန်တော်ဟှိုဝမ်ဘီး အယ်နေရာမာ ရောန်းဝယ်နေဟှူ လူလေဟှို နှန်ထုတော်မူလေဟှယ်။ ကိုယ်တော်ဟှာ ကပ်လဲမားလေရဲ့ ဗွဲလေန ချိုးငှတ်ရောန်းမားလေရဲ့ ထိုင်ခေါင်လေဟှိုလည်း မှော့‑က်ပစ်လေဟှယ်။ 
\v 13 အယ်ဘီးဟှာ ကိုယ်တော်ဟှ “‘ငါ့အီတော်ဟှို ဆုတောန်းဟှူ အီတော် ဆိုဘီး ခေါ်ဝေါ်ဂေ့လေ့မယ်’ ဆိုဘီးဟှာ ကျမ်းစာမာ ရေးဟှားဟှယ်။ အယ်ဘေမဲ့ နန်းနို့လေဟှာ အီတော်ဟှို မ္လလေတွပ် ခိုအောန်းဟှူ နေရာ ဖြစ်စေဂေ့ဘီ!” ဆိုဘီး မိန့်တော်မူလေဟှယ်။
\p
\v 14 ဗိမာန်တော်ထဲမာ မျစ်ကန်းလေန ခေသန်ဘဲဟှူ သူလေဟှာ ကိုယ်တော်နားဟှို လာဂေ့ဟှူကြောန့် ကိုယ်တော်ဟှလည်း သူးနို့ဟှို ကျန်းမာစေတော်မူလေဟှယ်။ 
\v 15 ယဇ်ပုရောဟိတ်ဂီးလေန ကျမ်းပြုဆရာလေဟှာ ကိုယ်တော်ပြုဟှူ အံ့ဩဘွယ်မှုရာလေဟှို ဗြင်ဟှားဘီး သားဂန်းဟှားလေဟှလည်း “ဒါဝိဒ်ရဲ့သားတော် ဟောရှဏ္ဏဖြစ်ပါစေ!” ဆိုဘီး ဗိမာန်တော်ထဲမာ ကြွေးကြော်ဂေ့ဟှူ ခီမာ သူးနို့ဟှာ စိဆိုးဂေ့လေဟှယ်။ 
\v 16 အယ်ကြောန့် သူးနို့ဟှ “အယ်သားဂန်းဟှားလေ ကြွေးကြော်နေဂေ့ဇာဟှို ကြားဘဲ့လော” ဆိုဘီး ကိုယ်တော့်ဟှို မေးလျှော့‑က်ဂေ့လေဟှယ်။
\p ယေရှုဟှ “ငါကြားဟှယ်။ ‘သားဂန်းဟှားလေန နို့စို့ဟှားလေရဲ့ နှောက်ထဲဟှ ချီးမွမ်းဇာဟှို ပြင်ဆင်တော်မူဘီ’ ဆိုဘီး ရေးဟှားဟှူ ကျမ်းစာဟှို နန်းနို့ဖတ်ဖူးဂေ့ဟှလော” ဆိုဘီး မိန့်တော်မူလေဟှယ်။
\p
\v 17 အယ်ဘီးန ယေရှုဟှာ သူးနို့ဟှို ထားရစ်ဘီး ဗြို့ထဲဟှထွပ်ဟှားဟှယ်။ ဗေသနိဝါဟှို ကြွားဟှားဘီး အယ်နေရာမာ တညဉ့်တဲခိုတော်မူလေဟှယ်။
\s သဖန်းဗန်ဟှို ကီတော်မူဟှူကြောန်း
\r (မာကု ၁၁.၁၂–၁၄,၂၀–၂၄)
\p
\v 18 ယေရှုဟှာ မိုးလန်းစောစောဂီး ဗြို့ဟှို ပ္လန်ကြွလာဟှူ ခီမာ ဗိုက်ဆာတော်မူလေဟှယ်။ 
\v 19 ကိုယ်တော်ဟှာ လမ်းဘေးမာ သဖန်းဗန်တဗန်ဟှို ဗြင်ဘီး အယ်ပန်နားဟှို ကြွတော်မူလေဟှယ်။ အယ်ဘေမဲ့ ပန်ထပ်မာ ဝပ်လေဟှိုဘဲ့ တွိဟှူကြောန့် ကိုယ်တော်ဟှ “နန်ဟှာ ခုခီဟှနေစဘီး ကာလစဉ်ဆစ် လောင်းဝ သီးသီးစေန!” ဆိုဘီး အယ်ပန်ဟှို မိန့်တော်မူလေဟှယ်။ အယ်မူခီမာ သဖန်းဗန်ဟှာ တခါဒဲ သွိခြော့‑က်ဟှားလေဟှယ်။
\p
\v 20 တဗဲ့တော်လေဟှာ အယ်မူဇာဟှို ဗြင်ဘီးဟှာ အံ့ဩဂေ့လေဟှယ်။ သူးနို့ဟှ “သဖန်းဗန်ဟှာ ဖယ်မူမျိုးဖြစ်ဟှူကြောန့် တခါဒဲ သွိခြော့‑က်ဟှားရနူး” ဆိုဘီး သူးနို့ရှင်းရှင်း မေးဂေ့လေဟှယ်။
\p
\v 21 \x - \xo ၂၁.၂၁ \xo*\xt မ ၁၇.၂၀; ၁ ကော ၁၃.၂\xt*\x*ယေရှုဟှ “ငါ မှန်တိုင်းပြောမယ်၊ နန်းနို့လေဟှာ သံသယမှေ့ဘဲန ယောင်ကြည်မယ် ဆိုဟှာ သဖန်းဗန်ဟှို ငါပြုဟှူမျိုး နန်းနို့ပြုနိုင်ဘီး အယ်ထတ်မက အယ်တောန်ဟှို ‘အယ်နေရာဟှနေရွေ့ဘီး ပန်လယ်ထဲဟှို က္လစေ’ ဆိုဘီး ပြောမယ် ဆိုဟှာ ပြောဟှူတိုင်း ဖြစ်လေ့မယ်။ 
\v 22 နန်းနို့လေ ယောင်ကြည်မယ် ဆိုဟှာ တောန်းလျှော့‑က်ဟှူမျှဟှို ရဂေ့လေ့မယ်” ဆိုဘီး မိန့်တော်မူလေဟှယ်။
\s ယေရှုရဲ့ အခွမ့်အာဏာ
\r (မာကု ၁၁.၂၇–၃၃; လုကာ ၂၀.၁–၈)
\p
\v 23 ယေရှုဟှာ ဗိမာန်တော်ဟှို ပ္လန်ကြွလာဘီး သွန်သန်နေခီမာ ယဇ်ပုရောဟိတ်ဂီးလေန ဘာသာရေးခေါန်းဆောန်လေဟှ ကိုယ်တော်နားဟှို လာဂေ့ဘီး “ကိုယ်တော်ဟှာ အယ်မူဇာလေဟှို ဖယ်သူ့ရဲ့ ခွမ့်အာဏာန ပြုလောက်ပါနူး အယ်အခွမ့်အာဏာဟှို ဖယ်သူပေးအပ်နူး” ဆိုဘီး မေးလျှော့‑က်လေဟှယ်။
\p
\v 24 ယေရှုဟှ “နန်းနို့လေဟှို မေးခွန်းတခု ငါမေးအူးမယ်။ အယ်မေးခွန်းဟှို နန်းနို့ဖြေမယ် ဆိုဟှာ အယ်မူဇာလေဟှို ဖယ်သူ့ခွမ့်အာဏာန ငါလောက်ဟှယ် ဆိုဇာဟှို ငါပြောမယ်။ 
\v 25 ယောဟန်ရဲ့ ဗတ္တိဇံဟှ ဖယ်နေရာဟှနေ ဖြစ်လာဟှယ်နူး ကောန်းဂန်ဟှနေ ဖြစ်လာဇာလော အယ်မျိုးမှုဘဲနေဟှာ လူလေဟှနေ ဖြစ်လာဇာလော” ဆိုဘီး မေးတော်မူလေဟှယ်။
\p သူးနို့လေဟှာ “နို့လေဖြားမျိုးပြောရမယ်နူး ‘ဘုရားသခင်ဟှနေ ဖြစ်လာဟှယ်’ ဆိုဘီး နို့လေဖြေလိုက်မယ် ဆိုဟှာ နန်းနို့ဟှာ ဖြားဖြစ်ကြောန့် ‘ယောဟန်ဟှို ယောင်ကြည်ဂေ့ဘဲနေရနူး’ ဆိုဘီး သူဟှ နို့လေဟှို မေးလေ့မယ်။ 
\v 26 အယ်ဘေမဲ့ ‘လူလေဟှနေ ဖြစ်လာဟှယ်’ ဆိုဘီး နို့လေဖြေလိုက်မယ် ဆိုဟှာလူလေ အားလောင်းဂူဟှာ ယောဟန်ဟှို ပရောဖက်တပါးဖြစ်ဟှယ် ဆိုဘီး ယောင်ကြည်ဂေ့ဟှိကြောန့် လူလေဟှိုလည်း ကြော့‑က်ရဟှယ်” ဆိုဘီး သူးနို့ရှင်းရှင်း ဆွေးနွေးဂေ့လေဟှယ်။ 
\v 27 အယ်ကြောန့် သူးနို့ဟှ ယေရှုဟှို “ကျွန်တော်ဟှားလေ သိဂေ့ဟှ” ဆိုဘီး ပ္လန်လျှော့‑က်ဂေ့လေဟှယ်။
\p အယ်န ယေရှုဟှ “ငါပြုဟှူအယ်မူဇာလေဟှို ဖယ်သူ့ခွမ့်အာဏာန ပြုဟှယ်ဆိုဇာဟှိုလည်း ငါပြောဟှ” ဆိုဘီး မိန့်တော်မူလေဟှယ်။
\s သားနှေ့ယော့‑က်ရဲ့ ပေါင်ဥပမာကြောန်း
\p
\v 28 “နန်းနို့လေ ဖယ်မျိုးထန်မှတ်ဂေ့နူး လူတယော့‑က်မာ သားနှေ့ယော့‑က်ရှိလေဟှယ်။ သူဟှာ သားဂီးနားဟှို သွားဘီးဟှာ ‘ငါ့သား၊ အယ်နေ့ စဗျစ်ခြံဟှို သွားဘီးဟှာ အလောက်လောက်ပါ’ ဆိုဘီး ပြောလေဟှယ်။ 
\v 29 သားဂီးဟှ ‘ကျွန်တော်သွားနိုဟှ’ ဆိုဘီး ပ္လန်ဖြေလေဟှယ်။ အယ်ဘေမဲ့ သူ့ရဲ့စိဟှာ ပ္လောန်းလဲဘီးဟှာ ခြံထဲဟှို သွားလေဟှယ်။ 
\v 30 အယ်န ဖဟှ သားငယ်နားဟှို သွားဘီး အယ်မူမျိုးဘဲ့ ပြောလေဟှယ်။ အယ်သားဟှ ‘သွားပါမယ်၊ သခင်’ ဆိုဘီး ပြောဘေမဲ့လည်း သွားဘဲန နေလေဟှယ်။ 
\v 31 အယ်သား နှေ့ယော့‑က်မာ ဖယ်သူဟှ သူ့ဖရဲ့ လိုဟှို လောက်ဆောန်ဟှယ်နူး” ဆိုဘီး မေးတော်မူလေဟှယ်။
\p သူးနို့လေဟှ “သားဂီး” ဆိုဘီး ဖြေဂေ့လေဟှယ်။
\p အယ်ကြောန့် ယေရှုဟှ “ငါ မှန်တိုင်းပြောမယ်၊ အခွန်ကော့‑က်မားလေန ကောန်းဘဲဟှူ မီးမလေဟှာ နန်းနို့ထတ်ဦးဘီး ကောန်းဂန်နိုင်ငံတော်ဟှို ဝမ်ဂေ့လေဟှယ်။ 
\v 32 \x - \xo ၂၁.၃၂ \xo*\xt လု ၃.၁၂; ၇.၂၉,၃၀\xt*\x*ဖြားဖြစ်ကြောန့်နူးဆိုဟှာ ဗတ္တိဇံဆရာ ယောဟန်ဟှာ ဖြောန့်မတ်ဟှူ လမ်းအားဖြင့် နန်းနို့လေနားဟှို လာဘီး မှန်ဟှူလမ်းဟှို ပြဟှူလည်းဘဲ့ နန်းနို့လေဟှာ သူ့ဟှို ယောင်ကြည်ဂေ့ဟှ။ အယ်ဘေမဲ့ ခွန်ကော့‑က်မားလေန ကောန်းဘဲဟှူ မီးမလေဟှာ ယောင်ကြည်ဂေ့လေဟှယ်။ အယ်မူဇာလေဟှို ဗြင်ရဟှူ ခီမာလည်းဘဲ့ နန်းနို့လေဟှာ ယောင်ကြည်ဟှို့တွပ် စိပ္လောန်းလဲဂေ့ဟှ။”
\s စဗျစ်ခြံစောန့်မားလေရဲ့ ပေါင်ဥပမာကြောန်း
\r (မာကု ၁၂.၁–၁၂; လုကာ ၂၀.၉–၁၉)
\p
\v 33 ယေရှုဟှ “တခြားပေါင်ဥပမာတခုဟှို နားထောင်ဂေ့။ စဗျစ်ခြံဟှို စိုက်ပျိုးဟှူ မ္လေဇရှင်တယော့‑က် ရှိလေဟှယ်။ သူဟှာ ခြံစည်းရိုးဟှို ကာဘီး စဗျစ်သီးနယ်ဟှို့တွပ် တွမ်းဟှို တူးလေဟှယ်။ အယ်ဘီးဟှာ မျှော်စင်တခုဟှိုလည်း ဆော့‑က်လေဟှယ်။ အယ်ဘီးမှ သူဟှာ စဗျစ်ခြံဟှို ခြံလောက်မားလေဟှို ငှားဘီးဟှာ ခရီးထွပ်ဟှားလေဟှယ်။ 
\v 34 စဗျစ်သီးပေါ်ခီ ရော့‑က်ဟှူ ခီမာ စဗျစ်သီးယူဟှို့တွပ် သူ့စေခံလေဟှို ခြံလောက်မားလေနားဟှို စေလွှတ်လေဟှယ်။ 
\v 35 ခြံလောက်မားလေဟှာ အယ်သူရဲ့ စေခံလေဟှို ဖမ်းဘီးဟှာ တယော့‑က်ဟှို ရိုက်၊ တယော့‑က်ဟှို သတ်ဘီး တယော့‑က်ဟှို က္လော့‑က်ခဲန ပစ်လေဟှယ်။ 
\v 36 နော့‑က်ထပ်ခါ ခြံဇရှင်ဟှ ရင်ဟှထပ်များဟှူ စေခံလေဟှို လွှတ်လိုက်ဟှယ်။ ခြံလောက်မားလေဟှာ အယ်မူတိုင်းဘဲ့ လောက်ဂေ့လေဟှယ်။ 
\v 37 ခြံဇရှင်ဟှ ‘အယ်သူလေဟှာ ငါ့သားဟှို လေးစားဂေ့လေ့မယ်’ ဆိုဘီး နော့‑က်ဆောင်းမာ သူ့သားဟှို စေလွှတ်လေဟှယ်။ 
\v 38 အယ်ဘေမဲ့ ခြံလောက်မားလေဟှာ ဇရှင်ရဲ့သားဟှို ဗြင်ဟှူ ခီမာ ‘အယ်သူဟှာ ဇရှင်ရဲ့သားဖြစ်ဟှယ်။ လာဂေ့။ သူ့ဟှိုသတ်ဘီး သူ့ရဲ့အောက်စာဟှို ယူဂေ့ဇို့!’ ဆိုဘီး သူးနို့ရှင်းရှင်းပြောဂေ့လေဟှယ်။ 
\v 39 အယ်ကြောန့် သူးနို့ဟှာ စဗျစ်ခြံဇရှင်ရဲ့ သားဟှို ဖမ်းဘီး ခြံပ္လန်ဟှို ဆွဲထုဘီးဟှာ သတ်ဂေ့လေဟှယ်။
\p
\v 40 “အယ်မျိုးဆိုဟှာ စဗျစ်ခြံဇရှင် ရော့‑က်လာဟှူ ခီမာ ခြံလောက်မားလေဟှို ဖယ်မျိုးလောက်လေ့မယ်နူး” ဆိုဘီး မေးတော်မူလေဟှယ်။
\p
\v 41 သူးနို့ဟှ “စဗျစ်ခြံဇရှင်ဟှာ အယ်လူဆိုးလေဟှို သေသတ်ပါလေ့မယ်။ အယ်ဘီးဟှာ ခြံဟှိုလည်း စဗျစ်သီး သီးဟှူ ခီမာ ခြံဇရှင်ဟှို ပေးဟှူခြံလောက်မားလေဟှိုဘဲ့ ငှားပါလေ့မယ်” ဆိုဘီး ဖြေဂေ့လေဟှယ်။
\p
\v 42 ယေရှုဟှ “ကျမ်းစာဟှို နန်းနို့လေ ဖတ်ဖူးဟှလော၊
\q1 “‘တိုက်ဆော့‑က်မားလေ ဖယ်ဟှားဟှူ က္လော့‑က်ဟှာ
\q2 တိုက်ရဲ့ ထိဖျားဟှို ရော့‑က်လေဟှယ်။
\q1 အယ်မှုဟှာ ဘုရားသခင်အားဖြင့် ဖြစ်လာဘီး၊
\q2 နို့လေရဲ့ မျစ်စိရှေ့မာလည်း အံ့ဩဘွယ်ရာဖြစ်ဟှယ်!’ 
\p
\v 43 “အယ်ကြောန့် နန်းနို့လေဟှို ငါပြောမယ်။ ဘုရားသခင်ရဲ့ နိုင်ငံတော်ဟှို နန်းနို့လေဟှနေဘီး ရောက်သီးဘီးဟှာ နိုင်ငံတော်ရဲ့ အသီးဟှို သီးမယ့်လူမျိုးလေဟှို ပေးလေ့မယ်။” ဆိုဘီး မိန့်တော်မူလေဟှယ်။ 
\v 44 \f + \fr ၂၁.၄၄ \fr*\ft တချို့ မူရင်းလတ်ရေးမူလေမာ ခန်းငယ် ၄၄ ဟှို၊ \ft*\fqa ယော့‑က်ယော့‑က်ဟှ အယ်က္လော့‑က်ထတ်ဟှို က္လမယ် ဆိုဟှာ အယ်သူဟှာ က္လိုးပဲ့ကြေမွဟှားလေ့မယ်၊ ယော့‑က်ယော့‑က်ထတ်ဟှို အယ်က္လော့‑က်က္လမယ် ဆိုဟှာလည်း အယ်သူဟှာ ညစ်ညစ်ကြေလေ့မယ်၊ \fqa*\ft ဆိုဘီး ထပ်ပေါန်းထဲ့ဟှားဟှယ် (ရှု \ft*\xt လု ၂၀.၁၈\xt*)။\f*
\p
\v 45 ယေရှုရဲ့ ပေါင်ဥပမာစကားဟှို ယဇ်ပုရောဟိတ်ဂီးလေန ဖာရိရှဲလေ ကြားဟှူ ခီမာ သူးနို့လေကြောန်းဟှို မိန့်တော်မူဟှယ် ဆိုဇာဟှို သိဂေ့လေဟှယ်။ 
\v 46 ယေရှုဟှို ဖမ်းဟှို့ ကြိုးစားဂေ့လေဟှယ်။ အယ်ဘေမဲ့ လူအောက်ဂီးဟှ ကိုယ်တော့်ဟှို ပရောဖက်ဖြစ်ဟှယ် ဆိုဘီး ထန်မှတ်ဂေ့ကြောန့် သူးနို့ဟှာ လူလေဟှို ကြော့‑က်ဂေ့ဟှယ်။
\c 22
\s မင်္ဂလာဆောန်ပွဲရဲ့ ပေါင်ဥပမာ
\r (လုကာ ၁၄.၁၅–၂၄)
\p
\v 1 နော့‑က်ထပ် ယေရှုဟှ ပေါင်ဥပမာဟှို သောင်းပြုဘီးဟှာ လူလေဟှို မိန့်တော်မူလေဟှယ်။ 
\v 2 “ကောန်းဂန်နိုင်ငံတော်ဟှာ သူ့ရဲ့သားတွပ် မင်္ဂလာပွဲဟှို ပြင်ဆင်ဟှားဟှူ မန်းဂီးန တူလေဟှယ်။ 
\v 3 သူဟှာ ဖိခေါ်ဟှားဟှူ လူလေဟှို ခေါ်ဟှို့တွပ် သူ့ရဲ့ စေခံလေဟှို စေလွှတ်လေဟှယ်။ အယ်ဘေမဲ့ သူးနို့လေဟှာ လာဂေ့ဟှ။ 
\v 4 အယ်ကြောန့် သူဟှ ‘ငါ့ရဲ့စားဗွဲလည်း ဆင်သင့်ဖြစ်ဘီ။ နွားန ဆူဖြိုးဟှူ တိရစ္ဆာန်လေဟှိုလည်း သတ်ပီးဘီ။ အားလောင်း ဆင်သင့်ဖြစ်နေဘီ။ မင်္ဂလာဆောန်ပွဲဟှို ကြွဂေ့ပါ!’ ဆိုဘီး တခြားစေခံလေဟှို စေလွှတ်ဘီးဟှာ ပြောစေလေဟှယ်။ 
\v 5 အယ်ဘေမဲ့ ဖိခေါ်ဟှားသူလေဟှာ ဂရုစိုက်ဘဲန တယော့‑က်ဟှ လယ်ထဲဟှို သွားလိုက်ဘီး တခြားတယော့‑က်ဟှ သူ့ရဲ့ ကူသယ်လောက်ငန်းဟှို သွားလေဟှယ်။ 
\v 6 တခြားသူလေဟှလည်း စေခံလေဟှို ဖမ်းဘီး ရိုက်ဘီး သတ်ဂေ့လေဟှယ်။ 
\v 7 အယ်ကြောန့် မန်းဂီးဟှာ ရရာတိုင်း ဒေါသဖြစ်ဘီး သူ့ရဲ့ စစ်သားလေဟှို လွှတ်ဘီးဟှာ အယ်လူသတ်မားလေဟှို သတ်စေဘီး သူးနို့ဗြို့ဟှိုလည်း မီးရှို့စေလေဟှယ်။ 
\v 8 အယ်ဘီးန သူဟှာ စေခံလေဟှို ခေါ်ဘီး ‘မင်္ဂလာဆောန်ပွဲ ဆင်သင့်ဖြစ်နေဘီ။ အယ်ဘေမဲ့လည်း ဖိခေါ်ဟှားသူလေဟှာ အယ်ပွဲန ထိုက်တန်ဟှ။ 
\v 9 လမ်းမဂီးလေဟှို သွားဘီးဟှာ နန်းနို့တွိမျှဟှူ လူလေဟှို ခေါ်ဖိဂေ့’ ဆိုဘီး မိန့်တော်မူလေဟှယ်။ 
\v 10 အယ်ကြောန့် စေခံလေဟှာ လမ်းမလေဟှို သွားဘီးဟှာ တွိမျှဟှူလူဆိုး၊ လူကောန်းလေဟှို ဖိခေါ်လေဟှယ်။ မင်္ဂလာခန်းမလည်း လူလေန ပ္လဲ့ဟှားလေဟှယ်။
\p
\v 11 “မန်းဂီးဟှာ ဧည့်သယ်လေဟှို ကေ့ရှုဟှို့တွပ် ကြွလာခီမာ မင်္ဂလာဆောန်ပွဲရဲ့ ဝတ်ဟှို ဝတ်ဘဲဟှူ လူတယော့‑က်ဟှို ဗြင်ဟှားလေဟှယ်။ 
\v 12 မန်းဂီးဟှ ‘မိဆွေ၊ မင်္ဂလာဆောန်ဗွဲရဲ့ ဝတ်ဟှို ဝတ်ဘဲန ဖြားဖြစ်ကြောန့် ဝမ်လာနူး’ ဆိုဘီး မေးလေဟှယ်။ အယ်ဘေမဲ့ အယ်သူဟှာ ဖြားလည်းပ္လန်ဖြေဟှ။ 
\v 13 \x - \xo ၂၂.၁၃ \xo*\xt မ ၈.၁၂; ၂၅.၃၀; လု ၁၃.၂၈\xt*\x*အယ်ခီမာ မန်းဂီးဟှ စေခံလေဟှို ‘အယ်သူရဲ့ ခေနလတ်ဟှို တောက်ဘီးဟှာ ပ္လန်ရပ် မှောန်မိုက်ထဲဟှို ပို့လိုက်ဂေ့။ အဲမူနေရာမာ သူဟှာ ငိုကြွေးဘီး အံသွားက္လိနေရလေ့မယ်’ ဆိုဘီး ပြောလေ့မယ်” ဆိုဘီး မိန့်တော်မူလေဟှယ်။
\p
\v 14 အယ်ဘီးန ယေရှုဟှ “ဖိခေါ်ခံရဟှူ သူလေ ဘောင်းဂီးရှိဘေမဲ့လည်း ဝီးကော့‑က်ခံရဟှူ သူလေဟှာ နဲလေဟှယ်” ဆိုဘီး မိန့်တော်မူလေဟှယ်။
\s ခွန် ဆစ်သဟှူကြောန်း
\r (မာကု ၁၂.၁၃–၁၇; လုကာ ၂၀.၂၀–၂၆)
\p
\v 15 အယ်ဘီးန ဖာရိရှဲလေဟှာ ထွပ်ဟှားဘီး ကိုယ်တော်ရဲ့စကားဟှို ဖယ်မူမျိုး ထောန်ချော့‑က်ဆင်ဘီး မေးမြန်းရမယ် ဆိုဇာဟှို ကြံစည်ဂေ့လေဟှယ်။ 
\v 16 သူးနို့လေဟှာ သူးနို့ရဲ့ တဗဲ့လေဟှို ဟေရုဒ်ရဲ့ လူလေနတူးဒူး ကိုယ်တော်နားဟှို စေလွှတ်လိုက်ဟှယ်။ သူးနို့ဟှ “ဆရာ၊ ကိုယ်တော်ဟှာ သမ္မာတရားဟှို ပြောဟှယ် ဆိုဇာဟှို ကျွန်တော့်ဟှားလေ သိပါဟှယ်။ ဖယ်သူ့ဟှိုမှလည်း ကြော့‑က်ဘဲန၊ လူလေရဲ့ မျစ်နှာဟှိုလည်း ထော့‑က်ဘဲန ဘုရားသခင်ရဲ့ တရားလမ်းဟှို သွန်သန်လေဟှယ်။ 
\v 17 အယ်ကြောန့် ကိုယ်တော်ဟှ ဖယ်မူမျိုး ထန်မှတ်ပါနူး။ ကျွန်တော်ဟှားလေဟှို မိန့်တော်မူပါ။ ကဲသာမန်းဂီးဟှို ခွန်ဆစ်သဇာဟှာ ပညတ်တော်န ညီဘဲ့လော။ အယ်မျိုးမှုဘဲဟှ ညီဟှလော” ဆိုဘီး မေးလျှော့‑က်ဂေ့လေဟှယ်။
\p
\v 18 အယ်ဘေမဲ့လည်း ယေရှုဟှာ အယ်သူလေရဲ့ ဆိုးညစ်ဟှူ ကြံစည်ဟှို သိဟှိကြောန့် “သူတော်ကောန်း ယောန်ဆောန်ဟှူသူလေ! ဖြားဖြစ်ကြောန့် ငါ့ဟှို ထောန်ချော့‑က်ဆင်ဟှို့ ကြိုးစားနေဂေ့ဟှယ်နူး။ 
\v 19 ခွန်ဆစ်သဟှို့တွပ် ဒန်းဂါးတပ္လားဟှို ပြကေ့ကေ့!” ဆိုဘီး မိန့်တော်မူလေဟှယ်။
\p သူးနို့လေဟှာ ဒေနာရိတပ္လားဟှို ယူလာဘီး ကိုယ်တော့်ဟှို ပေးလေဟှယ်။ 
\v 20 ကိုယ်တော်ဟှ “အယ်မူဇာဟှ ဖယ်သူ့ရောက်ပေါင်န ဖယ်သူ့ကြောန်းရာနူး” ဆိုဘီး မေးတော်မူလေဟှယ်။
\p
\v 21 သူးနို့ဟှ “ကဲသာရဲ့ပေါင်န ကဲသာရဲ့ ကြောင်းရာဖြစ်ပါဟှယ်” ဆိုဘီး ပ္လန်လျှော့‑က်ဂေ့လေဟှယ်။
\p အယ်ကြောန့် ယေရှုဟှ “အယ်ဆိုဟှာ ကဲသာပိုင်ဟှူ ဇာဟှို ကဲသာဟှို ပေးဂေ့။ ဘုရားသခင် ပိုင်ဟှူဇာဟှို ဘုရားသခင်ဟှို ပေးဂေ့” ဆိုဘီး မိန့်တော်မူဟှယ်။
\p
\v 22 သူးနို့ဟှာ အယ်မျိုးကြားဟှူ ခီမာ သူးနို့ဟှာ ရရာတိုင်း အံ့ဩဂေ့ဘီးဟှာ ကိုယ်တော်နားဟှ ထွပ်ဟှားဂေ့လေဟှယ်။
\s ရှင်ပ္လန်ထမြော့‑က်ဟှူ ကြောန်းန ဆိုင်ဟှူ မေးခွန်း
\r (မာကု ၁၂.၁၈–၂၇; လုကာ ၂၀.၂၇–၄၀)
\p
\v 23 \x - \xo ၂၂.၂၃ \xo*\xt တ ၂၃.၈\xt*\x*အယ်နေ့မာဘဲ့ ရှင်ပ္လန်ထမြော့‑က်ဟှူဇာ မှေ့ဟှ ဆိုဘီးဟှာ လတ်ခံဟှားဟှူ ဇဒ္ဒုကဲတချို့ဟှာ ကိုယ်တော်နားဟှို လာဂေ့ဟှယ်။ 
\v 24 အယ်သူလေဟှ “ဆရာ၊ လူတယော့‑က်ဟှာ သားမီးမှေ့ဘဲန သေဟှားမယ် ဆိုဟှာ နောန်ရဲ့မယားဟှို သူ့ညီဟှ ပေါန်းသင်းရမယ်။ ရလာဟှူ သားမီးလေအားဖြင့် သူ့နောန်ရဲ့ မျိုးနွယ်ဟှို ဆစ်ခံပေးရမယ် ဆိုဘီး မောရှေဟှ မိန့်မှာဟှားပါဟှယ်။ 
\v 25 ကျွန်တော်ဟှားလေမာ ညီကို ခွန်နှေ့ယော့‑က်ရှိပါဟှယ်။ နောန်ဂီးဆောင်းဟှ အီထောန်က္လဘီးဟှာ သားမီးလေမှေ့ဘဲန သေဆောင်းဟှားဟှယ်။ အယ်ကြောန့် သူ့ရဲ့ မယားဟှို သူ့ညီဟှ ပေါန်းသင်းရပါဟှယ်။ 
\v 26 ဒုတိယညီ၊ တတိယညီဟှနေ ခွန်နှေ့ယော့‑က်ထိ အယ်မျိုးဘဲ့ဖြစ်ဂေ့ဟှယ်။ 
\v 27 နော့‑က်ဆောင်းမာ အယ်မီးမလည်း သေဆောင်းဟှားပါဟှယ်။ 
\v 28 အယ်ဆိုဟှာ ရှင်ပ္လန်ထမြော့‑က်ဟှူနေ့မာ အယ်မီးမဟှာ ညီကို ခွန်နှေ့ယော့‑က်ထဲမာ ဖယ်သူရဲ့ မယားဖြစ်မယ်နူး သူးနို့လေ အားလောင်းဟှာ အယ်မီးမန ပေါန်းသင်းခဲ့ဂေ့ဟှယ်” ဆိုဘီး မေးလျှော့‑က်ဂေ့လေဟှယ်။
\p
\v 29 ယေရှုဟှ “ဖြားဖြစ်ကြောန့်နူးဆိုဟှာ နန်းနို့လေဟှာ ကျမ်းစာဟှို နားလည်းဂေ့ဟှ။ ဘုရားသခင်ရဲ့ တဂိုးတော်ဟှိုလည်း သိဂေ့ဟှ။ အယ်ကြောန့် နန်းနို့ဟှာ ရရာတိုင်း လွဲမှားဂေ့လေဟှယ်! 
\v 30 ရှင်ပ္လန်ထမြော့‑က်ဟှူ ကာလမာ လူလေဟှာ ကောန်းဂန်တမန်လေမျိုးဘဲ့ ဖြစ်ဟှားဘီး အီထောန်ပြုဇာလေမှေ့ဘီ။ 
\v 31 သေဟှားလူလေရဲ့ ရှင်ပ္လန်ထမြော့‑က်ဟှူ ကြောန်းရာန ပတ်သတ်ဘီး ဘုရားသခင် ပြောဟှားဇာဟှို နန်းနို့ဖတ်ဖူးဟှလော ဘုရားသခင်ဟှ၊ 
\v 32 ‘ငါဟှာ အာဗြဟံရဲ့ ဘုရားသခင်၊ ဣဇာက်ရဲ့ ဘုရားသခင်၊ ယာကုပ်ရဲ့ ဘုရားသခင် ဖြစ်လေဟှယ်’ ဆိုဘီး ဘုရားသခင်ဟှ မိန့်တော်မူဟှားဟှယ်။ ကိုယ်တော်ဟှာ သေဟှူလူလေရဲ့ ဘုရား မှုဟှ။ သတ်ရှင်နေဟှူ လူလေရဲ့ ဘုရားဖြစ်ဟှယ်” ဆိုဘီး မိန့်တော်မူလေဟှယ်။
\p
\v 33 အယ်မူမျိုး သွန်သန်ရှင်းဟှို လူအောက်ဂီးဟှာ ကြားဟှူ ခီမာ အံ့ဩဂေ့လေဟှယ်။
\s ကီးမြတ်ဟှူ ပညတ်တော်ကြောန်း
\r (မာကု ၁၂.၂၈–၃၄; လုကာ ၁၀.၂၅–၂၈)
\p
\v 34 ယေရှုဟှ ဇဒ္ဒုကဲလေဟှို ဇာတ်ပေါ့‑က်ပိဟှားအောန် ဖြေလိုက်ဟှယ် ဆိုဇာဟှို ဖာရိရှဲလေကြားဟှူ ခီမာ သူးနို့ဟှာ စုဝေးလာဘီး၊ 
\v 35 \x - \xo ၂၂.၃၅–၄၀ \xo*\xt လု ၁၀.၂၅–၂၈\xt*\x*သူးနို့လေထဲဟှ ကျမ်းတတ်ဆရာ တယော့‑က်ဟှ ကိုယ်တော့်ဟှို မေးခွန်းတခုန ထောန်ချော့‑က်ဆင်ဟှို့တွပ် ကြိုးစားလေဟှယ်။ 
\v 36 “ဆရာ၊ ပညတ္တိကျမ်းမာ ဖယ်ပညတ်ဟှာ ကီးမြတ်ဆောင်းဖြစ်ပါနူး” ဆိုဘီး မေးလျှော့‑က်လေဟှယ်။
\p
\v 37 ယေရှုဟှ “‘နန့်ရဲ့သခင်၊ ဘုရားသခင်ဟှို စိနှလောင်းအကြွင်းမဲ့ ဉာဏ်ရှိဟှူမျှန ရှစ်ပါ။’ 
\v 38 အယ်ပညတ်ဟှာ ရေးကီးဆောင်းန ကီးမြတ်ဆောင်း ဖြစ်ဟှယ်။ 
\v 39 ဒုတိယရေးကီးဆောင်း ပညတ်တော်ဟှ ‘နန့်ကိုယ်နန် ရှစ်မျိုးဘဲ့ နန့်ရဲ့ အီဇနီးရှင်းဟှို ရှစ်ပါ။’ 
\v 40 အယ်မူပညတ်နှေ့ပါးဟှာ မောရှေရဲ့ ပညတ်ကျမ်းတဇောင်လောင်းန ပရောဖက်ကျမ်းလေရဲ့ ချောက်ဘဲ့ဖြစ်ဟှယ်” ဆိုဘီး မိန့်တော်မူလေဟှယ်။
\s မေရှိယနဆိုင်ဟှူ မေးခွန်းကြောန်း
\r (မာကု ၁၂.၃၅–၃၇; လုကာ ၂၀.၄၁–၄၄)
\p
\v 41 ဖာရိရှဲလေ စုဝေးဘီးနေဟှူ ခီမာ ယေရှုဟှ၊ 
\v 42 “နန်းနို့လေဟှာ မေရှိယဟှို ဖယ်မူမျိုးထန်မှတ်ဂေ့နူး ဖယ်သူရဲ့ သားဖြစ်ဟှယ်နူး” ဆိုဘီး သူးနို့ဟှို မေးတော်မူလေဟှယ်။
\p အယ်သူလေဟှ “ဒါဝိဒ်ရဲ့ သားတော်ဖြစ်ပါဟှယ်” ဆိုဘီး လျှော့‑က်လေဟှယ်။
\p
\v 43 ယေရှုဟှ “အယ်ဆိုဟှာ ဒါဝိဒ်ဟှ သူ့ဟှို ဝိညာဉ်တော်အားဖြင့် ‘သခင်’ ဆိုဘီး ဖြားဖြစ်ကြောန့်ခေါ်ပါနူး ဒါဝိဒ်ဟှ၊
\q1
\v 44 “ဘုရားသခင်ဟှ ငါ့ရဲ့ သခင်ဟှို
\q2 ‘နန့်ရဲ့ ရန်သူလေဟှို နန့်ရဲ့ ခေဖွားအော့‑က်မာ ထားခန်ခီထိ
\q2 ငါ့ရဲ့ ညာဖတ်မာ ထိုင်နေပါ’ ဆိုဘီး မိန့်တော်မူဟှယ်။ 
\m
\v 45 အယ်ဆိုဟှာ ဒါဝိဒ်ဟှာ မေရှိယဟှို ‘သခင်’ ဆိုဘီး ခေါ်ဟှယ် ဆိုဟှာ မေရှိယဟှာ ဖယ်မျိုးဖြစ်ဘီး ဒါဝိဒ်ရဲ့ မ္လေးမ္လစ်ဖြစ်နိုင်မယ်နူး” ဆိုဘီး မေးတော်မူလေဟှယ်။
\p
\v 46 ဖယ်သူလည်းဘဲ့ ကိုယ်တော့်ဟှို ဖြေပ္လန်ပေးဟှို့ တတ်နိုင်ဂေ့ဟှ။ အယ်နေ့ဟှနေစဘီး ဖယ်သူလည်းဘဲ့ ကိုယ်တော့်ဟှို မေးခွန်းမေးရဲဂေ့ဟှမ်း။
\c 23
\s ကျမ်းပြုဆရာလေန ဖာရိရှဲလေဟှို ဒိပေးဟှူကြောန်း
\r (မာကု ၁၂.၃၈,၃၉; လုကာ ၁၁.၄၃,၄၆; ၂၀.၄၅,၄၆)
\p
\v 1 အယ်ဘီးန ယေရှုဟှာ လူအောက်ဂီးန တဗဲ့တော်လေဟှို မိန့်တော်မူဇာဟှ၊ 
\v 2 “ကျမ်းပြုဆရာန ဖာရိရှဲလေဟှာ မောရှေရဲ့ ထိုင်ခေါင်မာထိုင်ဘီး ပညတ်ကျမ်းဟှို အနတ်ဖွမ့်ဟှို့ ခွမ့်အာဏာရရှိဟှူ သူလေဖြစ်ဟှယ်။ 
\v 3 အယ်ကြောန့် သူးနို့လေရဲ့ သွန်သန်ဟှူ ရာလေဟှို လိုက်နာဘီး ကျင့်သောင်းဂေ့။ အယ်ဘေမဲ့လည်း သူးနို့လေ ကျင့်ဟှူတိုင်း လိုက်ကျင့်ဂေ့န။ ဖြားဖြစ်ကြောန့်နူးဆိုဟှာ သူးနို့လေဟှာ သူများဟှို သွန်သန်ဘီး သူးနို့ကိုယ်တိုင်ကျင့်ဂေ့ဟှ။ 
\v 4 သူးနို့လေဟှာ လေးလံဘီး ထမ်းရခတ်ဟှူ ဝန်ထောက်လေဟှို လူလေရဲ့ ခေါန်းထတ်ဟှို တန်တတ်လေဟှယ်။ အယ်ဘေမဲ့ သူးနို့ကိုယ်တိုင်ဟှ အယ်ဝန်ထောက်လေဟှို လတ်ဖျားန ထိရှင်ဂေ့ဟှ။ 
\v 5 \x - \xo ၂၃.၅ \xo*\xt မ ၆.၁\xt*\x*သူးနို့လောက်ဟှူဇာလေဟှို လူလေဗြင်ဟှို့ဘဲ့ လောက်တတ်ဂေ့လေဟှယ်။ သူးနို့လေရဲ့ နဖူးလေန လတ်မောန်းလေထတ်မာ ကျမ်းစာလတ်ဖွဲ့လေဟှို ကီးကီးမားမား လောက်ဘီးဟှာ ဝတ်တတ်ဂေ့လေဟှယ်! သူးနို့လေရဲ့ ဝတ်လောင်မာ ပန်းဗွား\f + \fr ၂၃.၅ \fr*\fk သူးနို့လေရဲ့ ဝတ်လောင်မာ ပန်းဗွား၊ \fk*\ft အယ်ပန်းဗွားလေဟှာ ဘုရားသခင်ဟှို ကိုးကွယ်ဟှူ လတ်ခဏာတခုနေန ဝတ်ဂေ့ဟှယ်။\ft*\f* ဟှိုလည်း ကီးကီးမားမား ချောက်ဘီးဟှာ တတ်ဂေ့လေဟှယ်! 
\v 6 စားသော့‑က်ဗွဲလေမာလည်း ကောန်းဆောင်းနေရာလေန ဝါလယ်ဇရပ်လေမာလည်း မြင့်မြတ်ဟှူ နေရာလေဟှိုဘဲ့ နှစ်သက်လေဟှယ်။ 
\v 7 ရိုးရိုသေးသေန နှောက်ဆစ်ဇာဟှို လတ်ခံရှင်ဘီး ‘ဆရာ’ ဆိုဘီး ခေါ်ခံရဇာဟှို နှစ်သက်ဂေ့လေဟှယ်။ 
\v 8 နန်းနို့လေဟှာ ‘ဆရာ’ ဆိုဘီး ခေါ်ခံဂေ့န။ ဖြားဖြစ်ကြောန့်နူးဆိုဟှာ နန်းနို့လေ အားလောင်းဟှာ ညီကိုလေဖြစ်ဘီး နန်းနို့လေမာ ဆရာတပါးဒဲဘဲ့ ရှိလေဟှယ်။ 
\v 9 မ္လေဂီးထတ်မာ ဖယ်သူ့ဟှိုမှလည်း ‘ဖ’ ဆိုဘီး ခေါ်ဂေ့န။ ဖြားဖြစ်ကြောန့်နူးဆိုဟှာ ကောန်းဂန်ဘောင်မာ နန်းနို့လေရဲ့ ‘ဖ’ တပါးဒဲဘဲ့ ရှိလေဟှယ်။ 
\v 10 နန်းနို့လေဟှာ ခေါန်းဆောန်ဆိုဘီး ခေါ်ခံဂေ့န။ နန်းနို့လေရဲ့ ခေါန်းဆောန်ဟှာ ခရစ်တော် တပါးဒဲဘဲ့ဖြစ်ဟှယ်။ 
\v 11 \x - \xo ၂၃.၁၁ \xo*\xt မ ၂၀.၂၆,၂၇; မာ ၉.၃၅; ၁၀.၄၃,၄၄; လု ၂၂.၂၆\xt*\x*နန်းနို့လေထဲမာ ကီးဆောင်းဖြစ်ဟှူ သူဟှာ နန်းနို့ရဲ့ စေခံဖြစ်ရမယ်။ 
\v 12 \x - \xo ၂၃.၁၂ \xo*\xt လု ၁၄.၁၁; ၁၈.၁၄\xt*\x* ကိုယ့်ကိုယ်ကိုယ် ချီးမြှော့‑က်ဟှူသူဟှာ နှိခ္လခံရလေ့မယ်။ ကိုယ့်ကိုယ်ကိုယ် နှိခ္လဟှူသူဟှာ ချီးမြော့‑က်ခံရလေ့မယ်။”
\s ယေရှုဟှ သူတော်ကောန်း ယောန်ဆောန်ဟှူဟှို ပြစ်တန်ဟှူကြောန်း
\r (မာကု ၁၂.၄၀; လုကာ ၁၁.၃၉–၄၂,၄၄,၅၂; ၂၀.၄၇)
\p
\v 13 သူတော်ကောန်း ယောန်ဆောန်ဟှူ ကျမ်းပြုဆရာလေန ဖာရိရှဲလေ နန်းနို့လေဟှာ အမင်္ဂလာရှိလေဟှယ်! ကောန်းဂန်နိုင်ငံတော်ရဲ့ ခွဗော့‑က်ဟှို လူလေရှေ့မာ ပိဟှားဘီး နန်းနို့ကိုယ်တိုင်လည်း ဝမ်ဟှ။ ဝမ်ဟှို့ ကြိုးစားနေဟှူ သူလေဟှိုလည်း ဝမ်ဟှို့ ခွမ့်ပေးဟှ! 
\v 14 \f + \fr ၂၃.၁၄ \fr*\ft တချို့ မူရင်းလတ်ရေးမူလေမာ ခန်းငယ် ၁၄ ဟှို၊ \ft*\fqa သူတော်ကောန်း ယောန်ဆောန်ဟှူ ကျမ်းပြုဆရာလေန ဖာရိရှဲလေ နန်းနို့လေဟှာ အမင်္ဂလာရှိလေဟှယ်! နန်းနို့လေဟှာ မောက်ဆိုးမလေရဲ့ အီရာပစ်စီးလေဟှို မတရားသီးယူဂေ့ဘီးဟှာ လူဗြင်ကောန်းအောန် ကြာဟှီး ဆုတောန်းဂေ့လေဟှယ်! အယ်မူမျိုးလောက်ဟှိကြောန့် နန်းနို့လေဟှာ ပိုဘီးဆိုးဟှူ ပြစ်ဒန်ဟှို ခံရဂေ့လေ့မယ်! \fqa*\ft ဆိုဘီး ထပ်ပေါန်းထဲ့ဟှားဟှယ် (ရှု \ft*\xt မာ ၁၂.၄၀\xt*)။\f*
\p
\v 15 သူတော်ကောန်း ယောန်ဆောန်ဟှူ ကျမ်းပြုဆရာလေန ဖာရိရှဲလေ နန်းနို့လေဟှာ အမင်္ဂလာရှိလေဟှယ်! လူတယော့‑က်ဟှို ဘာသာသွမ်းဟှို့တွပ် ကူးကြောန်း၊ ရေကြောန်း လှည့်လည်တတ်လေဟှယ်! ဘာသာဝမ်ဘီးဟှူ သူလေဟှိုလည်း နန်းနို့လေထတ် နှေ့ဆဟှူ ငရဲသား ဖြစ်စေလေဟှယ်!
\p
\v 16 “လမ်းပြဟှူလူကန်းလေ၊ နန်းနို့လေဟှာ အမင်္ဂလာရှိလေဟှယ်! ‘ယော့‑က်ယော့‑က်ဟှ ဗိမာန်တော်ဟှို တိုင်တယ်ဘီး ကီဟှယ် ဆိုဟှာ အယ်ကီဆိုမှုဟှာ တည်ဟှ။ ဗိမာန်တော်ရဲ့ ရွှေဟှို တိုင်တယ်ဘီးကီမှဘဲ့ တည်ဟှယ်’ ဆိုဘီး နန်းနို့ပြောတတ်လေဟှယ်။ 
\v 17 လူမိုက်လူကန်းလေ! ဖယ်ရာဟှ ပိုဘီးရေးကီးဟှယ်နူး ရွှေဟှ ရေးကီးဟှယ်လော ရွှေဟှို သန့်ရှင်းစေဟှူ ဗိမာန်တော်ဟှ ရေးကီးဟှယ်လော။ 
\v 18 အယ်ဘီးဟှာ ‘ယဇ်ပလ္လင်ဟှိုတိုင်တယ်ဘီး ကီဟှယ် ဆိုဟှာ အယ်ကီဆိုမှုဟှ တည်ဟှ။ ယဇ်ပလ္လင်ထတ်မာရှိဟှူ ပူဇော်သကာဟှို တိုင်တယ်ဘီး ကီမှဘဲ့ တည်ဟှယ်’ ဆိုဘီး နန်းနို့ပြောတတ်လေဟှယ်။ 
\v 19 လူမိုက်လူကန်းလေ! ဖယ်ရာဟှ ပိုဘီးရေးကီးဟှယ်နူး အယ်ပူဇော်သကာဟှဘဲ့ ရေးကီးဟှယ်လော အယ်မျိုးမှုဘဲနေဟှာ အယ်ပူဇော်သကာဟှို သန့်ရှင်းစေဟှူ ယဇ်ပလ္လင်ဟှဘဲ့ ရေးကီးဟှယ်လော။ 
\v 20 အယ်ကြောန့် ယဇ်ပလ္လင်ဟှို တိုင်တယ်ဘီး ကီဟှယ် ဆိုဟှာ ယဇ်ပလ္လင်န ယဇ်ပလ္လင်ထတ်မာ ရှိဟှူဇာလေ အားလောင်းဂူဟှို တိုင်တယ်ဘီး ကီဆိုဇာဖြစ်ဟှယ်။ 
\v 21 ဗိမာန်တော်ဟှို တိုင်တယ်ဘီး ကီဟှယ် ဆိုဟှာ ဗိမာန်တော်န ဗိမာန်တော်မာ ကိန်းဝပ်ဟှူဘုရားသခင်ဟှို တိုင်တယ်ဘီး ကီဆိုဇာဖြစ်ဟှယ်။ 
\v 22 \x - \xo ၂၃.၂၂ \xo*\xt မ ၅.၃၄\xt*\x*အယ်ဘီးဟှာ ကောန်းဂန်ဘောင်ဟှို တိုင်တယ်ဘီး ကီဟှယ် ဆိုဟှာ ဘုရားသခင်ရဲ့ ပလ္လင်တော်န အယ်ပလ္လင်ထတ်မာ ထိုင်တော်မူဟှူသခင်ဟှို တိုင်တယ်ဘီး ကီဇာဖြစ်ဟှယ်။”
\p
\v 23 “သူတော်ကောန်းယောန်ဆောန်ဟှူ ကျမ်းပြုဆရာလေန ဖာရိရှဲလေ၊ နန်းနို့လေဟှာ အမင်္ဂလာရှိလေဟှယ်! နန်းနို့လေဟှာ ပန်ဇီး၊ စမွှတ်န ဇီယာလေဟှို ဆယ်ဖို့တဖို့ ပေးဂေ့ဟှယ်။ အယ်ဘေမဲ့ ပညတ်တရားထဲမာ ပိုးဘီးရေးကီးဟှူ တရားမျှတမှု၊ သနားကြင်နာမှုန သစ်စာရှိမှုဟှို လတ်လျူရှုဟှားဂေ့ဟှယ်။ အယ်မူဇာလေဟှို လောက်ရမယ်ဖြစ်ဘီး စဒူးဟှပြောဟှားဇာလေဟှိုလည်း ထားရစ်န။ 
\v 24 လမ်းပြဟှူလူကန်းလေ! နန်းနို့လေဟှာ ခြင်ကောန်ဟှို စစ်ထုဘီး သော့‑က်ဂေ့ဟှယ်။ အယ်ဘေမဲ့ ကုလားအုတ်ဟှို ကောန်လိုက်မျိုဂေ့လေဟှယ်!”
\p
\v 25 “သူတော်ကောန်းယောန်ဆောန်ဟှူ ကျမ်းပြုဆရာလေန ဖာရိရှဲလေ၊ နန်းနို့ဟှာ အမင်္ဂလာရှိလေဟှယ်! နန်းနို့လေဟှာ ခွပ်နစံရဲ့ပ္လန်ဟှိုဘဲ့ စင်ကြယ်စေဘီး နန်းနို့ရဲ့ စိထဲမာ လောဘလွန်ကျူးရှင်းန ကြမ်းဖတ်မှုလေ ပ္လဲ့နေလေဟှယ်။ 
\v 26 မျစ်စိဗြင်ဘဲဟှူ ဖာရိရှဲလေ! ခွပ်ရဲ့ထဲဟှိုဘဲ့ ရင်စင်ကြယ်စေပါ! အယ်မျိုးဆိုဟှာ ပ္လန်ဟှလည်း စင်ကြယ်ဟှားလေ့မယ်။”
\p
\v 27 \x - \xo ၂၃.၂၇ \xo*\xt တ ၂၃.၃\xt*\x*“သူတော်ကောန်းယောန်ဆောန်ဟှူ ကျမ်းပြုဆရာလေန ဖာရိရှဲလေ၊ နန်းနို့ဟှာ အမင်္ဂလာရှိလေဟှယ်! နန်းနို့လေဟှာ ထူးဖ္လူသုဟှားဟှူ သန်းခ္လိုင်းဂူနတူဂေ့ဟှယ်။ အယ်အုဂူလေဟှာ အပ္လန်မာ လှပတင့်တယ်ဘေမဲ့လည်း အထဲမာ ပေါက်ပွနေဟှူ လူသေလေရဲ့ အရိုးစုလေန ပ္လဲ့နေလေဟှယ်။ 
\v 28 အယ်မူမျိုးဘဲ့ နန်းနို့လေဟှာ အပ္လန်အားဖြင့် လူလေရှေ့မာ ဖြောန့်မတ်ဟှယ် ဆိုဘီး ထန်ရဟှယ်။ အယ်ဘေမဲ့ နန်းနို့ထဲမာ ဟန်ဆောန်ဟှူဇာလေ ဆိုးညစ်ဟှူရာလေန ပ္လဲ့နေလေဟှယ်။”
\s ကျမ်းပြုဆရာလေန ဖာရိရှဲလေရဲ့ ပြစ်ဒန်ဟှို ကြိုတန်ဘီး ဖော်ပြဟှူကြောန်း
\r (လုကာ ၁၁.၄၇–၅၁)
\p
\v 29 “သူတော်ကောန်းယောန်ဆောန်ဟှူ ကျမ်းပြုဆရာလေန ဖာရိရှဲလေ၊ နန်းနို့ဟှာ အမင်္ဂလာရှိလေဟှယ်! နန်းနို့လေဟှာ ပရောဖက်လေရဲ့ သန်းခ္လိုင်းအုဂူလေဟှို တည်ဆော့‑က်ဘီး ဖြောန့်မတ်ဟှူသူလေရဲ့ သန်းခ္လိုင်းအုဂူလေဟှို တန်ဆာဆင်ဘီး၊ 
\v 30 ‘နို့လေဟှာ နို့လေရဲ့ ဘိုးဘေးလေရဲ့ လတ်ထတ်မာ ရှိမယ် ဆိုဟှာ ပရောဖက်လေဟှို သတ်ဖြတ်ဟှို့တွပ် ပါဝမ်သူလေဖြစ်ဟှို့ မှုဟှ’ ဆိုဘီး ပြောဂေ့လေဟှယ်။ 
\v 31 အယ်ကြောန့် နန်းနို့လေဟှာ ပရောဖက်လေဟှို သတ်ဟှူ မ္လေးမ္လစ်လေ ဖြစ်ကြောန်းဟှို နန်းနို့ကိုယ်တိုင် သတ်သေခံဂေ့ဟှယ်! 
\v 32 အယ်ဘီးဟှာ နန်းနို့ရဲ့ ဘိုးဘေးလေ စပြုခဲ့ဇာဟှို ပီးဆောင်းအောန် ဆစ်ဘီး လောက်ဆောန်ဂေ့ပါ! 
\v 33 \x - \xo ၂၃.၃၃ \xo*\xt မ ၃.၇; ၁၂.၃၄; လု ၃.၇\xt*\x*မွီဗွေးအမျိုးလေ! နန်းနို့လေဟှာ ငရဲမာ ပြစ်စီရင်ခံရရှင်းဟှနေဘီး ဖယ်မူမျိုး လွတ်လေ့မယ်နူး။ 
\v 34 အယ်ကြောန့် နန်းနို့ဟှို ငါပြောမယ်။ နန်းနို့နားဟှို ပရောဖက်လေ၊ ပညာရှိလေ၊ ကျမ်းပြုဆရာလေဟှို ငါစေလွှတ်မယ်။ တချို့လေဟှို သတ်လေ့မယ်။ တချို့လေဟှို လတ်ဝါးကပ်တိုင်မာ တန်သတ်ဂေ့လေ့မယ်။ တချို့လေဟှိုလည်း ဝါလယ်ဇရပ်လေမာ ရိုက်ဘီး တချို့လေဟှို တဗြို့ဘီးတဗြို့ လိုက်ဖမ်းဂေ့လေ့မယ်။ 
\v 35 အယ်ကြောန့် ဖြောန့်မတ်ဟှူ အာဗေလဟှနေစဘီး ဗိမာန်တော်န ယဇ်ပလ္လင်ကြားမာ နန်းနို့သတ်ခဲ့ဟှူ ဗာရခိသား ဇာခရိထိအောန် မ္လေဂီးထတ်မာ သွန်းလောန်းဟှူ သူတော်ကောန်းလေရဲ့ သွီးဟှာ နန်းနို့လေထတ်ဟှို သတ်ရော့‑က်လေ့မယ်။ 
\v 36 ငါ မှန်တိုင်းပြောမယ်၊ အယ်မူ သတ်ဖြတ်မှုလေတွပ် ပြစ်ဒန်ဟှာ အယ်နေ့ခေတ် လူလေထတ်ဟှို က္လရော့‑က်လေ့မယ်!”
\s ယေရုရှလင်ဗြို့တွပ် ယေရှုရဲ့ မြစ်တာတော်ကြောန်း
\r (လုကာ ၁၃.၃၄,၃၅)
\p
\v 37 “အို၊ ယေရုရှလင်ဗြို့၊ ယေရုရှလင်ဗြို့! နန်ဟှာ ပရောဖက်လေဟှို သတ်ဘီး ဘုရားသခင်စေလွှတ်ဟှူ တမန်လေဟှိုလည်း က္လော့‑က်ခဲန ပစ်လေဟှယ်! ကြစ်မဂီးဟှာ ကြစ်သားဂန်းဟှားလေဟှို သူ့ရဲ့ တွန်အော့‑က်မာ စုဘီးထားဟှူမျိုး ငါဟှာ နန့်ဟှို စုဘီးထားဟှို့တွပ် ခဏခဏ လိုရှင်ခဲ့ဟှယ်! 
\v 38 အယ်ကြောန့် နန့်ရဲ့ ဗိမာန်တော်ဟှို ဘုရားသခင်ဟှာ စွန့်ပစ်လေ့မယ်။ 
\v 39 နန့်ဟှို ငါပြောမယ်။ ‘ဘုရားသခင်ရဲ့ နာမတော်န ကြွလာဟှူသခင်ဟှာ မင်္ဂလာရှိပါစေ’ ဆိုဘီး နန်ပြောခန်ထိ ခုခီဟှနေစဘီး နန်ဟှာ ငါ့ဟှို လောင်းဝဗြင်ရလေ့မယ် မှုဟှ” ဆိုဘီး မိန့်တော်မူလေဟှယ်။
\c 24
\s ဗိမာန်တော်ပျစ်စီးမယ့်ကြောန်း
\r (မာကု ၁၃.၁,၂; လုကာ ၂၁.၅,၆)
\p
\v 1 ယေရှုဟှာ ဗိမာန်တော်ဟှနေ ထွပ်လာဟှူ ခီမာ တဗဲ့တော်လေဟှ ဗိမာန်တော်ရဲ့ ဆော့‑က်ဦးလေဟှို ပြဟှို့တွပ် ကိုယ်တော်နားဟှို လာဂေ့ဟှယ်။ 
\v 2 ကိုယ်တော်ဟှ “အယ်ဆော့‑က်ဦးလေဟှို နန်းနို့လေ ဗြင်ဂေ့ဟှယ် မှုဟှလော ငါ မှန်တိုင်ပြောမယ်။ အယ်နေရာမာ ဖြိုခ္လဇာခံရဘဲန တခြားက္လော့‑က်ထတ်မာ ကျန်ရစ်ဟှူ က္လော့‑က်တလောင်းလည်းမှေ့အောန် က္လော့‑က်လေ အားလောင်းဟှို ဖြိုခ္လလေ့မယ်” ဆိုဘီး မိန့်တော်မူလေဟှယ်။
\s ဆင်းရဲဒေါက်ခလေန ညှင်းဆဲနှိစစ်မှုလေကြောန်း
\r (မာကု ၁၃.၃–၁၃; လုကာ ၂၁.၇–၁၉)
\p
\v 3 ယေရှုဟှာ သံလွင်တောန်ထတ်မာ ထိုင်နေဟှူခီ တဗဲ့တော်လေဟှာ တခြားလူလေပါဘဲန ကိုယ်တော်နားဟှို လာဂေ့ဟှယ်။ သူးနို့ဟှ “အယ်မူဇာလေဟှာ ဖယ်ခီမာ ဖြစ်မယ်နူး ကိုယ်တော်ကြွလာဟှူခီန ကမ္ဘာကူဆောင်းဟှူ ခီမာ ဖြားနိမိတ်လေ ဖြစ်ပေါ်လာမယ်နူး ကျွန်တော်ဟှားလေဟှို မိန့်တော်မူပါ” ဆိုဘီး လျှော့‑က်ဂေ့လေဟှယ်။
\p
\v 4 ယေရှုဟှ “နန်းနို့လေဟှို ဖယ်သူလည်း လှည့်ဖြားဘဲနေအောန် ဒိထားဂေ့ပါ။ 
\v 5 လူလေဘောင်ဂီးဟှ ‘ငါဟှာ ခရစ်တော်ဖြစ်ဟှယ်!’ ဆိုဘီး ငါ့နာမဟှို သောင်းဘီးဟှာ လူလေဟှို လှည့်စားဂေ့လေ့မယ်။ 
\v 6 နန်းနို့လေဟှာ စစ်ပွဲလေန စစ်တိုက်ဟှူဒန်းလေဟှို ကြားရဂေ့လေ့မယ်။ အယ်ဘေမဲ့ ကြော့‑က်လန့်ဂေ့န။ အယ်မူဇာလေဟှာ ဖြစ်လာရမယ်။ အယ်ဘေမဲ့ ဆောင်းဟှို ရော့‑က်သေးဟှ။ 
\v 7 လူမျိုးတမျိုးန တမျိုး၊ တနိုင်ငံန တနိုင်ငံ စစ်ဖြစ်ဂေ့လေ့မယ်။ နေရာအနှံ့မာ စာရေဇာခေါန်းပါးဘီးဟှာ မ္လေငလျင်လှောက်လေ့မယ်။ 
\v 8 အယ်မူဇာလေ အားလာင်းဟှာ သားမွီးမျိုး ခံစားရဟှူ နာကျင်မှုရဲ့ စဘဲ့ဖြစ်လေဟှယ်။
\p
\v 9 \x - \xo ၂၄.၉ \xo*\xt မ ၁၀.၂၂\xt*\x*“အယ်ဘီးဟှာ နန်းနို့လေဟှာ ညှင်းဆဲခံရဟှို့ အပ်နှံခံရဂေ့ဘီး သေသတ်ရှင်းဟှို ခံရဂေ့လေ့မယ်။ နန်းနို့လေဟှာ ငါ့နာမကြောန့် လူမျိုးလေ အားလောင်းဂူရဲ့ မူးတီးဂေ့ဇာဟှို ခံရလေ့မယ်။ 
\v 10 အယ်ခီမာ လူဘောင်ဂီးဟှာ သူးနို့ရဲ့ ယောင်ကြည်မှုဟှို စွန့်ပစ်လေ့မယ်။ သူးနို့ဟှာ ယော့‑က်နယော့‑က် မူးတီးဂေ့ဘီး သစ်စာဖော့‑က်ဂေ့လေ့မယ်။ 
\v 11 ပရောဖက် တုယောန်လေ ဘောင်ဂီး ပေါ်လာဂေ့လေ့မယ်။ အယ်ဘီးဟှာ လူလေဘောင်ဂီးဟှို လှည့်ဖြားလေ့မယ်။ 
\v 12 ဆိုးညစ်မှုလေ များပြားလာဟှိကြောန့် လူလေရဲ့ ရှစ်မြစ်တာဟှာ ခေါန်းဘားဟှားလေ့မယ်။ 
\v 13 \x - \xo ၂၄.၁၃ \xo*\xt မ ၁၀.၂၂\xt*\x*အယ်ဘေမဲ့ ဆောင်းထိ တည်ကြည်ဟှူသူဟှာ ကယ်တန်ရှင်းဟှို ခံရလေ့မယ်။ 
\v 14 နိုင်ငံတော်ကြောန်း အယ်ဒန်းကောန်းဟှာ လူမျိုးတိုင်းဟှို သတ်သေဖြစ်ဟှို့တွပ် ကမ္ဘာတခုလောင်းမာ ဟောပြောဂေ့လေ့မယ်။ အယ်ဘီးမှ ဆောင်းဟှာ ရော့‑က်လာလေ့မယ်။
\s ရွံဇာကောန်းဟှူဇာကြောန်း
\r (မာကု ၁၃.၁၄–၂၃; လုကာ ၂၁.၂၀–၂၄)
\p
\v 15 “အယ်ကြောန့် နန်းနို့လေဟှာ ပရောဖက်ဒံယေလ ပြောဟှားတိုင်းဘဲ့ ‘ဖျစ်ဆီးတတ်ဘီး ရွံဇာကောန်းဟှူဇာ’ ဟှို ဗြင်ရလေ့မယ်။ အယ်မူဇာဟှာ သန့်ရှင်းဟှူနေရာမာ ရပ်နေလေ့မယ်” (စာဖတ်သူဟှာ အယ်မူဓိပါယ်ဟှို နားလည်ပါစေ!) 
\v 16 အယ်ဆိုဟှာ ယုဒပြည်မာရှိဟှူ လူလေဟှာ တောန်ထတ်ဟှို ပ္လေးရမယ်။ 
\v 17 \x - \xo ၂၄.၁၇,၁၈ \xo*\xt လု ၁၇.၃၁\xt*\x*အီးခေါန်မိုးထတ်မာ ရှိနေဟှူသူဟှ အီထဲဟှ ပစ်စီးလေဟှို ယူဟှို့တွပ် အော့‑က်ဟှို ဆင်းစေန။ 
\v 18 လယ်ထဲမာရှိဟှူသူဟှာ သူ့ရဲ့ဝတ်လောင်ဟှို ယူဟှို့တွပ် အီဟှို ပ္လန်စေန။ 
\v 19 အယ်မူနေ့ရစ်လေဟှာ ဗိုက်ရှင်မလေန သားရှင်မိလေဟှာ ရရာတိုင်း ကြော့‑က်လန့်ဂေ့လေ့မယ်! 
\v 20 နန်းနို့လေ ထွပ်ပ္လေးရဟှို့ခီဟှာ ဆောန်းကာလန ဒန်းနေ့မာ ဖြစ်ဘဲဟှို့တွပ် ဆုတောန်းဂေ့ပါ! 
\v 21 \x - \xo ၂၄.၂၁ \xo*\xt ဗျာ ၇.၁၄\xt*\x*ဖြားဖြစ်ကြောန့်နူးဆိုဟှာ ကမ္ဘာဦးဟှနေဘီး ခုခီထိ ဖြစ်ဖူးဘဲဟှူ ဆင်းရဲဒေါက်ခလေဟှာ အယ်ကာလမာ က္လရော့‑က်လာလေ့မယ်။ အယ်မျိုးလည်း နော့‑က်တခါဖြစ်လေ့ဟှို့မှုဘီ။ 
\v 22 ဘုရားသခင်ဟှာ အယ်နေ့ရစ်လေဟှို တိုစေဘဲဟှ ဆိုဟှာ တယော့‑က်လည်းဘဲ့ သတ်ဘေးဟှလွတ်ဟှို့ မှုဟှ။ အယ်ဘေမဲ့ ဘုရားသခင် ဝီးချယ်ဟှားဟှူ လူလေတွပ် အယ်နေ့ရစ်လေဟှို တိုစေတော်မူလေ့မယ်။
\p
\v 23 “အယ်ဘီးဟှာ ယော့‑က်ယော့‑က်ဟှ နန်းနို့ဟှို အယ်မျိုးပြောမယ် ဆိုဟှာ ‘ကေ့ကေ့ပါ။ အယ်နေရာမာ ခရစ်တော်ရှိဟှယ်!’ အယ်မျိုးမှုဘဲနေဟှာ ‘ဟှိုနေရာမာ ခရစ်တော်ရှိဟှယ်!’ ဆိုဟှာ ယောင်ကြည်ဂေ့န။ 
\v 24 ဖြားဖြစ်နူးဆိုဟှာ မေရှိယ တုယောန်လေန ပရောဖက် တုယောန်လေဟှာ ပေါ်လာဘီး သူးနို့ဟှာ ဖြစ်နိုင်မယ် ဆိုဟှာ ဘုရားသခင် ဝီးချယ်ဟှားဟှူ လူလေဟှိုလည်း လှည့်ဖြားဟှို့တွပ် ကီးမားဟှူ နိမိတ်လတ်ခဏာလေန အံ့ဩဘွယ်လေဟှို ပြဂေ့လေ့မယ်။ 
\v 25 နားထောန်ဂေ့! အယ်မူဇာလေဖြစ်ခန် နန်းနို့လေဟှို ငါပြောဟှားဘီ။”
\p
\v 26 \x - \xo ၂၄.၂၆,၂၇ \xo*\xt လု ၁၇.၂၃,၂၄\xt*\x*“အယ်ကြောန့် လူလေဟှ ‘ကေ့ကေ့ပါ။ မေရှိယဟှာ တောထဲမာရှိဟှယ်!’ ဆိုဘီး ပြောမယ် ဆိုဟှာ အယ်နေရာဟှို သွားဂေ့န။ ‘အီခန်းထဲမာရှိဟှယ်!’ ဆိုဘီး ပြောမယ် ဆိုဟှာလည်း ယောင်ကြည်ဂေ့န။ 
\v 27 ဖြားဖြစ်ကြောန့်နူးဆိုဟှာ လျှပ်စီးဟှာ ရှေ့ဟှနေဘီး နော့‑က်ထိလာလန်းမျိုးဘဲ့ လူ့ရဲ့သားဟှာ ကြွလာလေ့မယ်။”
\p
\v 28 \x - \xo ၂၄.၂၈ \xo*\xt လု ၁၇.၃၇ \xt*\x*“သေကောန်ရှိဟှူ နေရာတိုင်းမာ လင်းတလေ စုဝေးနေဂေ့လေ့မယ်။”
\s လူ့ရဲ့သား ကြွလာတော်မူဟှူကြောန်း
\r (မာကု ၁၃.၂၃–၂၇; လုကာ ၂၁.၂၅–၂၈)
\p
\v 29 \x - \xo ၂၄.၂၉ က \xo*\xt ဗျာ ၆.၁၂; \xt*\xo ခ \xo*\xt ဗျာ ၆.၁၃\xt*\x*“အယ်နေ့ရစ်လေရဲ့ ဆင်းရဲဒေါက်ခလေ က္လရော့‑က်လာဘီးန ရှစ်ရှင်းဘဲ့ နေဟှာ မှောန်မိုက်လေ့မယ်။ လဟှလည်း လန်းရောန်ပေးဟှို့ မှုဟှ။ ကြယ်လေလည်း ကောန်းဂန်ဟှ ကွီက္လလေ့မယ်။ ကောန်းဂန်တဂိုးလေဟှာ လှောက်ခါဂေ့လေ့မယ်။ 
\v 30 \x - \xo ၂၄.၃၀ \xo*\xt ဗျာ ၁.၇\xt*\x*အယ်ဘီးန လူ့သားရဲ့ နိမိတ်လတ်ခဏာဟှာ ကောန်းဂန်မာ ပေါ်ထွပ်လာလေ့မယ်။ လူ့ရဲ့သားဟှာ မိုးတီဟှို စီးဘီး ကီးမားဟှူ ဖောင်းတဂိုးန ကြွလာဟှူဇာဟှို ကမ္ဘာမ္လေမာရှိဟှူ လူမျိုးလေ အားလောင်းဂူဟှာ ဗြင်ဂေ့ဟှူ ခီမာ ငိုကြွေးဂေ့လေ့မယ်။ 
\v 31 အယ်ဘီးဟှာ လူ့ရဲ့သားဟှာ သံက္လယ်ဟှူ တံပိုးသံနတူးဒူ သူ့ရဲ့ ကောန်းဂန်တမန်လေဟှို ရပ်လေးမျစ်နှာဟှို စေလွှတ်လေ့မယ်။ အယ်ဘီးဟှာ သူးနို့ဟှာ ကိုယ်တော် ဝီးချယ်ဟှားဟှူ သူလေဟှို မ္လေဂီး တဖတ်စွန်းဟှနေဘီး မ္လေဂီး တဖတ်စွန်းထိအောန် စုသီးတော်မူလေ့မယ်။”
\s သဖန်းဗန်ရဲ့ သန်ဂန်းဇာကြောန်း
\r (မာကု ၁၃.၂၈–၃၁; လုကာ ၂၁.၂၉–၃၃)
\p
\v 32 “သဖန်းဗန်ဟှနေ အယ်သင်ဂန်းဇာယူဂေ့။ သဖန်းဗန်လေမာ ခတ်လတ်လေဟှာ စီးစိုဘီး ဝပ်နုလေ ထွပ်လာခီဟှာ နွီကာလနီးလာဘီ ဆိုဇာဟှို နန်းနို့သိဂေ့လေဟှယ်။ 
\v 33 အယ်မူမျိုးဘဲ နန်းနို့လေဟှာ အယ်မူဇာလေ အားလောင်းဂူဟှို ဗြင်ရခီမာ လူ့ရဲ့သားဟှာ ခွဗော့‑က်ဝနားဟှို ရော့‑က်နေဘီ\f + \fr ၂၄.၃၃ \fr*\fq လူ့ရဲ့သားဟှာ ခွဗော့‑က်ဝနားဟှို ရော့‑က်နေဘီ၊ \fq*\ft အယ်မျိုးမှုဘဲနေဟှာ \ft*\fqa လူ့ရဲ့သားဟှာ ရော့‑က်လာဟှို့ ဆင်သင့်ဖြစ်နေဘီ။\fqa*\f*ဆိုဇာဟှို သိမှတ်ဂေ့ပါ။ 
\v 34 ငါ မှန်တိုင်းပြောမယ်၊ ခု သတ်ရှင်နေဟှူ လူလေ အားလောင်းဂူ သေခန်မာ အယ်မူဇာလေ အားလောင်းဂူဟှာ ဖြစ်လာလေ့မယ်။ 
\v 35 ကောန်းဂန်န မ္လေဂီးဟှာ ကွယ်ပျော့‑က်ဟှားလေ့မယ်။ အယ်ဘေမဲ့ ငါ့စကားဟှာ လောင်းဝ ကွယ်ပျော့‑က်ဟှားလေ့မယ် မှုဟှ။”
\s အယ်နေ့ အယ်ခီဟှို ဖယ်သူလည်း သိဘဲဟှူကြောန်း
\r (မာကု ၁၃.၃၂–၃၇; လုကာ ၁၇.၂၆–၃၀,၃၄–၃၆)
\p
\v 36 “အယ်ဘေမဲ့လည်း အယ်နေ့ရစ်၊ အယ်ခီနာရီန ပတ်သတ်ဘီး ဖယ်သူလည်း သိဟှ။ ကောန်းဂန်တမန်လေ သိဟှ။ သားတော်လည်း သိဟှ။\f + \fr ၂၄.၃၆ \fr*\ft တချို့ မူရင်းလတ်ရေးမူလေမာ \ft*\fq သားတော်လည်း သိဟှ၊ \fq*\ft ဆိုဇာဟှာ မှေ့ဟှ။\ft*\f* ဖတပါးဒဲဘဲ့ သိတော်မူလေဟှယ်။ 
\v 37 လူ့ရဲ့သား ကြွလာဟှူ ခီဟှာ နောဧရဲ့ နေ့ရစ်လေမျိုးဘဲ့ ဖြစ်လေ့မယ်။ 
\v 38 ရေကီးရှင်း ဖြစ်ခန် နေ့ရစ်လေမာ နောဧဟှာ သန်းဖောထဲဟှို ဝမ်ဟှူ နေ့ထိ လူလေဟှာ စားသော့‑က်ရင်း၊ မင်္ဂလာဆောန်နေဂေ့ဘီး၊ 
\v 39 ရေကီးလာဘီး သူးနို့လေ အားလောင်းဂူဟှို သေကြေ ပျစ်စီးဟှားထိတိုင် သူးနို့ဟှာ ဒိလတ်လွတ် နေဂေ့လေဟှယ်။ လူ့ရဲ့သား ကြွလာဟှူ ခီမာလည်း အယ်မျိုးဘဲ့ဖြစ်လေ့မယ်။ 
\v 40 အယ်ခီမာ လဲဗ္လန်ထဲမာ လောက်လောက်နေဟှူ လူနှေ့ယော့‑က်ထဲဟှ တယော့‑က်ဟှို သီးယူဘီးဟှာ တယော့‑က်ဟှ ကျန်ရစ်လေ့မယ်။ 
\v 41 က္လိဆောင်က္လိနေဟှူ မီးမ နှေ့ယော့‑က်ထဲဟှ တယော့‑က်ဟှို သီးယူဘီး တယော့‑က်ဟှ ကျန်ရစ်လေ့မယ်။ 
\v 42 အယ်ကြောန့် ဒိနစောန့်နေဂေ့ပါ။ ဖြားဖြစ်ကြောန့်နူးဆိုဟှာ နန်းနို့လေရဲ့ သခင်ဟှာ ဖယ်နေ့ရစ်မာ ရော့‑က်လာမယ် ဆိုဇာဟှို နန်းနို့ သိဂေ့ဟှ။ 
\v 43 \x - \xo ၂၄.၄၃,၄၄ \xo*\xt လု ၁၂.၃၉,၄၀\xt*\x* အီဇရှင်ဟှာ ခိုးလာဟှို့ခီဟှို သိနေဟှယ် ဆိုဟှာ အိဘဲန စောန့်နေဘီး သူ့ရဲ့ အီဟှို ဖော့‑က်ထွမ်းဟှို့တွပ် ခွမ့်ပြုဟှို့ မှုဟှ။ 
\v 44 အယ်ကြောန့် နန်းနို့လေလည်း ဆင်သင့်ဖြစ်နေဂေ့။ ဖြားဖြစ်ကြောန့်နူးဆိုဟှာ နန်းနို့လေ ထန်မှတ်ဘဲဟှူ ခီနာရီမာ လူ့ရဲ့သားဟှာ ကြွလာလေ့မယ်။”
\s သစ်စာရှိဟှူ စေခံန သစ်စာမှေ့ဘဲဟှူ စေခံကြောန်း
\r (လုကာ ၁၂.၄၁–၄၈)
\p
\v 45 “အယ်ဆိုဟှာ သစ်စာန ပညာရှိဟှူ စေခံဟှ ဖယ်သူနူး တခြားစေခံလေဟှို အောက်ချောက်ဟှို့တွပ်န ခီတန်ဟှာ စားဇာလေ ထုပေးဟှို့ သူ့သခင် ခန့်ဟှားဟှူ သူဖြစ်ဟှယ်။ 
\v 46 သူ့သခင်ပ္လန်လာဟှူ ခီမာ အယ်မူတိုင်းဘဲ့ လောက်ဆောန်နေဇာဟှို သခင်တွိမယ် ဆိုဟှာ အယ်စေခံဟှာ မင်္ဂလာရှိဟှယ်! 
\v 47 ငါ မှန်တိုင်းပြောမယ်၊ သခင်ဟှာ သူ့ရဲ့ ပစ်စီးအောက်စာလေ အားလောင်းဂူဟှို စီမံအောက်ချောက်ဟှို့တွပ် အယ်စေခံဟှို ခန့်ဟှားလေ့မယ်။ 
\v 48 အယ်ဘေမဲ့ ဆိုးဟှူစေခံဟှ သူ့ရဲ့စိထဲမာ ‘ငါ့သခင်ဟှာ တော်တော်န လာဟှို့ မှုဟှ’ ဆိုဘီး ပြောဘီးန၊ 
\v 49 တခြားကျွန်လေဟှို ရိုက်ဘီးဟှာ ရစ်သမားလေန သော့‑က်စားနေလေဟှယ်။ 
\v 50 အယ်ကျွန်ရဲ့ သခင်ဟှာ သူမျှော်လင့်ဘဲဟှူ နေ့ရစ်၊ ကြားသိဘဲဟှူ ခီနာရီမာ ရော့‑က်လာလေ့မယ်။ 
\v 51 အယ်စေခံဟှို ကီးမားဟှူ ပြစ်ဒန်ပေးဘီးဟှာ\f + \fr ၂၄.၅၁ \fr*\fq ကီးမားဟှူ ပြစ်ဒန်ပေးဘီးဟှာ၊ \fq*\ft အယ်မျိုးမှုဘဲနေဟှာ \ft*\fqa သူ့ဟှို နှန်ထုပါ။\fqa*\f* သူတော်ကောန်း ယောန်ဆောန်ဟှူ သူလေနတူးဒူ နေရလေ့မယ်။ အယ်နေရာမာ သူဟှာ ငိုကြွေးဘီး၊ အံသွားက္လိဘီးဟှာ နေရလေ့မယ်။”
\c 25
\s ဒို့သမီးဆယ်ယော့‑က်ကြောန်း
\p
\v 1 \x - \xo ၂၅.၁ \xo*\xt လု ၁၂.၃၅\xt*\x*“အယ်မူခီမာ ကောန်းဂန်နိုင်ငံတော်ဟှာ ဒို့သားဟှို ကြိုဟှို့တွပ် သူးနို့ရဲ့ မီးခွပ်လေယူဘီး ထွပ်ဟှားဟှူ ဒို့သမီးဆယ်ယော့‑က်န တူလေဟှယ်။ 
\v 2 သူးနို့ထဲဟှ ငါးယော့‑က်ဟှာ မိုက်မဲဟှူသူလေဖြစ်ဘီး ငါးယော့‑က်ဟှာ ပညာရှိလေဖြစ်ဂေ့ဟှယ်။ 
\v 3 မိုက်မဲဟှူသူလေဟှာ မီးခွပ်လေဟှိုဘဲ့ယူဘီး ဆီဟှို ယူဂေ့ဟှ။ 
\v 4 ပညာရှိဟှူသူလေဟှာ မီးခွပ်လေနတူးဒူ ဆီဟှိုလည်း ယူဂေ့ဟှယ်။ 
\v 5 ဒို့သားဟှာ လာသေးဘဲနနေဟှူကြောန့် သူးနို့လေအားလောင်းဟှာ အိငိုက်လာဘီး အိမွိဟှားလေ့ဟှယ်။
\p
\v 6 “ညဉ့်နတ်သန်းဂေါန်မာ ‘ဒို့သားရော့‑က်လာဘီ! ကြိုဟှို့ထွပ်လာဂေ့ပါ!’ ဆိုဘီး အော်သံထွပ်ပေါ်လာလေဟှယ်။ 
\v 7 အယ်ခီမာ ဒို့သမီးလေဟှာ ထဘီးဟှာ သူးနို့လေရဲ့ မီးခွပ်လေဟှို ပြင်ဆင်ဂေ့ဟှယ်။ 
\v 8 မိုက်မဲဟှူသူလေဟှ ‘နို့လေရဲ့မီးခွပ် မီးသေဟှမယ်။ အယ်ကြောန့် နန်းနို့ဆီဟှို နဲနဲပေးပါ’ ဆိုဘီး ပညာရှိဟှူသူလေဟှို တောန်းဂေ့ဟှယ်။ 
\v 9 ပညာရှိဟှူသူလေဟှ ‘အယ်မျိုးလောက်မယ် ဆိုဟှာ နန်းနို့န နို့လေတွပ် ဆီလော့‑က်ဟှို့ မှုဟှ။ အယ်ကြောန့် ဆီရောန်းမားနားဟှို သွားဘီး ဝယ်ဂေ့ပါ’ ဆိုဘီး ပ္လန်ပြောလေဟှယ်။ 
\v 10 မိုက်မဲဟှူသူလေဟှာ ဆီဝယ်သွားနေဒူးမာ ဒို့သားဟှာ ရော့‑က်လာဟှယ်။ ဆင်သင့်ရှိနေဟှူ ဒို့သမီးလေဟှာ ဒို့သားနတူးဒူ အီတတ်ပွဲဟှို ဝမ်ဘီးဟှာ ခွဗော့‑က်ဟှို ပိဟှားလိုက်ဟှယ်။”
\p
\v 11 \x - \xo ၂၅.၁၁,၁၂ \xo*\xt လု ၁၃.၂၅\xt*\x*“မိုက်မဲဟှူ ဒို့သမီးလေလည်း ရော့‑က်လာဘီးဟှာ ‘သခင်၊ သခင်! ကျွန်မဟှားလေဟှို ခွဗော့‑က်ဖွမ့်ပေးပါ!’ ဆိုဘီး လျှော့‑က်ဂေ့ဟှယ်။ 
\v 12 အယ်ဘေမဲ့ ဒို့သားဟှ ‘နန်းနို့လေဟှို ငါမှန်ပြောမယ်၊ နန်းနို့လေဟှို ငါသိဟှ!’ ဆိုဘီး ပ္လန်ပြောဟှယ်။”
\p
\v 13 “အယ်ကြောန့် နန်းနို့လေလည်း အယ်နေ့အယ်ခီဟှို သိဘဲဟှူကြောန့် ဒိနစောန့်နေဂေ့ပါ။”
\s စေခံသောင်းယော့‑က် ပေါင်ဥပမာကြောန်း
\r (လုကာ ၁၉.၁၁–၂၇)
\p
\v 14 \x - \xo ၂၅.၁၄–၃၀ \xo*\xt လု ၁၉.၁၁–၂၇\xt*\x*“ကောန်းဂန်နိုင်ငံတော်ဟှာ ခရီးထွပ်ဟှို့ လူတယော့‑က်ဟှ သူ့စေခံလေဟှို ခေါ်ဘီးဟှာ သူ့ရဲ့ ပစ်စီးအောက်စာလေဟှို အပ်ပေးရစ်ဟှူ သူနတူလေဟှယ်။ 
\v 15 အယ်သူဟှာ တယော့‑က်ဟှို ရွှေဒန်းဂါး ၅,၀၀၀၊ တယော့‑က်ဟှို ရွှေဒန်းဂါး ၂,၀၀၀၊ တယော့‑က်ဟှို ရွှေဒန်းဂါး ၁,၀၀၀ ဟှို အရည်ချင်းရှိဟှူတိုင်း အပ်ပေးလေဟှယ်။ 
\v 16 ရွှေဒန်းဂါး ၅,၀၀၀ ဟှို ရဟှူသူဟှ ပ္လန်ဘီးရင်းနှီးလောက်ဟှူကြောန့် နော့‑က်ထပ် ရွှေဒန်းဂါး ၅,၀၀၀ ဟှို မ္လတ်ရလေဟှယ်။ 
\v 17 အယ်မူမျိုးဘဲ့ ရွှေဒန်းဂါး ၂,၀၀၀ ဟှို ရဟှူသူဟှလည်း ပ္လန်ရင်းနှီးလောက်ဟှူကြောန့် ရွှေဒန်းဂါး ၂,၀၀၀ ဟှို မ္လတ်ပ္လန်ရလေဟှယ်။ 
\v 18 အယ်ဘေမဲ့ ရွှေဒန်းဂါး ၁,၀၀၀ ဟှို ရဟှူသူဟှ သူ့သခင်ရဲ့ ကပ်လေဟှို တွမ်းတူးဘီးဟှာ မ္လေထဲမာ မ္လောက်ဟှားလေဟှယ်။”
\p
\v 19 “နှစ်ကာလကြာဘီးန အယ်စေခံလေရဲ့ သခင်ဟှာ ပ္လန်လာဘီး သူးနို့လေန စာရင်းရှင်းလေဟှယ်။ 
\v 20 ရွှေဒန်းဂါး ၅,၀၀၀ ဟှို ရဟှူသူဟှ မ္လတ်ရဟှူ ရွှေဒန်းဂါး ၅,၀၀၀ ဟှိုလည်း ယူလာဟှယ်။ သူဟှ ‘သခင်၊ ကိုယ်တော်ဟှာ ကျွန်တော်ဟှို ရွှေဒန်းဂါး ၅,၀၀၀ ဟှို အပ်ပေးခဲ့ပါဟှယ်။ ကေ့ကေ့ပါ! နော့‑က်ထပ် ရွှေဒန်းဂါး ၅,၀၀၀ ဟှိုလည်း မ္လတ်ရပါဟှယ်’ ဆိုဘီး လျှော့‑က်လေဟှယ်။ 
\v 21 သူ့ရဲ့ သခင်ဟှ ‘ကောန်းလေဟှယ်။ နန်ဟှာ သစ်စာရှိဟှူ စေခံကောန်း! နန်ဟှာ သေးငယ်ဟှူ မှုမာ သစ်စာရှိလေဟှယ်။ အယ်ကြောန့် ကီးမားဟှူ မှုလေဟှိုလည်း နန့်ဟှို ငါအပ်ပေးအူးမယ်။ နန့်ရဲ့ သခင်နတူးဒူ စည်းဇိမ်ဟှို ဝမ်ဇားပါ!’ ဆိုဘီး ပြောလေဟှယ်။ 
\v 22 ရွှေဒန်းဂါး ၂,၀၀၀ ဟှို ရဟှူ သူဟှလည်း လာဘီးဟှာ ‘သခင်၊ ကိုယ်တော်ဟှာ ရွှေဒန်းဂါး ၂,၀၀၀ ဟှို ကျွန်တော်ဟှို အပ်ပေးခဲ့ပါဟှယ်။ ကေ့ကေ့ပါ! နော့‑က်ထပ် ရွှေဒန်းဂါး ၂,၀၀၀ ဟှိုလည်း မ္လတ်ရပါဟှယ်’ ဆိုဘီး လျှော့‑က်လေဟှယ်။ 
\v 23 သခင်ဟှ ‘ကောန်းလေဟှယ်။ သစ်စာရှိဟှူ စေခံကောန်း! နန်ဟှာ သေးငယ်ဟှူမှုမာ သစ်စာရှိလေဟှယ်။ အယ်ကြောန့် ကီးမားဟှူ မှုလေဟှိုလည်း နန့်ဟှို ငါအပ်ပေးအူးမယ်။ နန့်ရဲ့ သခင်နတူးဒူ စည်းဇိမ်ဟှို ဝမ်ဇားပါ!’ ဆိုဘီး မိန့်တော်မူလေဟှယ်။ 
\v 24 အယ်ဘီးန ရွှေဒန်းဂါး ၁,၀၀၀ ဟှို ရဟှူသူဟှလည်း လာဘီးဟှာ ‘သခင်၊ သခင်ဟှာ ခက်ထန်ဟှူ သူဖြစ်ဘီး ကိုယ်စိုက်ဘဲဟှူ နေရာမာ ရိသီးဘီး ကိုယ်ကြဲဘဲဟှူ နေရာမာ စုသီးတတ်ဟှူဇာဟှို ကျွန်တော်သိဟှယ်။ 
\v 25 ကျွန်တော်ဟှာ ကြော့‑က်ဟှူကြောန့် သွားဘီး သခင့်ရဲ့ ကပ်ဟှို မ္လေထဲမာ မ္လောက်ဟှားပါဟှယ်။ ကေ့ကေ့ပါ! ခု သခင်ရဲ့ အောက်စာရှိပါဟှယ်’ ဆိုဘီး လျှော့‑က်လေဟှယ်။ 
\v 26 သခင်ဟှ ‘ပျင်းရိဆိုးယောက်ဟှူ စေခံ! ငါဟှာ စိုက်ဘဲဟှူ နေရာမာ ရိသီးတတ်ဘီး ကြဲဘဲဟှူ နေရာမာ စုသီးတတ်ဟှယ် ဆိုဇာဟှို နန်သိဟှယ် မှုဟှလော။ 
\v 27 အယ်ဆိုဟှာ နန်ဟှာ ငါ့ကပ်ဟှို ပွဲဇားလတ်မာ အပ်ဟှားသင့်ဟှယ်။ အယ်မျိုးမှဘဲ့ ငါပ္လန်လာဟှူ ခီမာ ငါ့ကပ်ဟှို တိုးန ရလေ့မယ်။ 
\v 28 အယ်ကြောန့် သူ့ထံဟှ ရွှေဒန်းဂါး ၁,၀၀၀ ဟှို ယူဘီးဟှာ ရွှေဒန်းဂါး ၁၀,၀၀၀ ရှိဟှူလူဟှို ပေးဂေ့။ 
\v 29 \x - \xo ၂၅.၂၉ \xo*\xt မ ၁၃.၁၂; မာ ၄.၂၅; လု ၈.၁၈\xt*\x* ရှိဟှူလူဟှို ထပ်ပေးဘီး သူ့ဟှို ကြွယ်ဝစေလေ့မယ်။ မှေ့ဘဲဟှူ လူနားဟှ ရှိဟှူမျှဟှို နှုလေ့မယ်။ 
\v 30 \x - \xo ၂၅.၃၀ \xo*\xt မ ၈.၁၂; ၂၂.၁၃; လု ၁၃.၂၈\xt*\x*သောင်းက္လဘဲဟှူ အယ်စေခံဟှို ပ္လန်ရပ် မှောန်မိုက်ထဲဟှို ပစ်ခ္လဂေ့။ အယ်နေရာမာ သူဟှာ အံသွားခဲက္လိဘီး ငိုကြွေးနေရလေ့မယ်’ ဆိုဘီး ပြောလေဟှယ်။”
\s နော့‑က်ဆောင်း တရားစီရင်ဟှူကြောန်း
\p
\v 31 \x - \xo ၂၅.၃၁ က \xo*\xt မ ၁၆.၂၇; \xt*\xo ခ \xo*\xt မ ၁၉.၂၈\xt*\x*“လူ့ရဲ့သားဟှာ ကောန်းဂန်တမန်လေနတူးဒူ မန်းဂီးဖြစ်န ကြွလာခီမာ သူဟှာ ဖောင်းသရေတော်ရှိဟှူ ပလ္လင်တော်ထတ်မာ ထိုင်တော်မူဘီး 
\v 32 လူမျိုးလေ အားလောင်းဂူဟှို ရှေ့တော်မာ စုဝီးစေလေ့မယ်။ အယ်ဘီးမှ သိုးထီးမားဟှ သိုးနဘဲ့ဟှို ခွဲဟှားမျိုးဘဲ့ လူ့ရဲ့သားဟှလည်း လူလေဟှို နှေ့စုခွဲလေ့မယ်။ 
\v 33 သိုးလေဟှို ညာဖတ်မာ ထားဘီး ဘဲ့လေဟှို ဘယ်ဖတ်မာ ထားလေ့မယ်။ 
\v 34 အယ်ဘီးန မန်းဂီးဟှ ညာဖတ်ဟှ လူလေဟှို ‘ငါ့ဖအားဖြင့် ကောန်းကြီးခံရဟှူ သူလေ! ကမ္ဘာတည်ဂဒဲဟှ နန်းနို့လေတွပ် ပြင်ဆင်ဟှားဟှူ နိုင်ငံတော်ဟှို လာဘီး မွီယူဂေ့ပါ။ 
\v 35 ဖြားဖြစ်ကြောန့်နူးဆိုဟှာ ငါဟှာ ဗိုက်ဆာဟှူ ခီမာ နန်းနို့လေဟှာ ငါ့ဟှို စားဇာပေးဂေ့လေဟှယ်။ ငါရေငတ်ဟှူ ခီမာ နန်းနို့လေဟှာ သော့‑က်ဇာပေးလေဟှယ်။ ငါဟှာ ဧည့်သယ်ဖြစ်ဟှူ ခီမာ နန်းနို့လေဟှာ ငါ့ဟှို နန်းနို့ရဲ့ အီလေမာ လတ်ခံဂေ့ဘီး၊ 
\v 36 ငါဟှာ ဝတ်မှေ့ဘဲဟှူ ခီမာ နန်းနို့လေဟှာ ဝတ်ဇာဟှို ပေးလေဟှယ်။ ငါဟှာ ဖျားနေဟှူ ခီမာ နန်းနို့လေဟှာ ပြုစုဂေ့ဟှယ်။ ငါဟှာ ထောန်က္လနေဟှူ ခီမာ နန်းနို့လေဟှာ ငါ့နားဟှို လာဂေ့ဟှယ်’ ဆိုဘီး မိန့်တော်မူလေ့မယ်။ 
\v 37 ဖြောန့်မတ်ဟှူသူလေဟှ ‘သခင်၊ ကျွန်တော်ဟှားလေဟှ ဖယ်ခီဒူးဟှ ကိုယ်တော် ဗိုက်ဆာနေဇာဟှို ဗြင်ဘီး ကျွေးမွေးပါဟှယ်နူး ရေငတ်နေဇာဟှို ဗြင်ဘီး သော့‑က်ဟှူဇာဟှို ပေးခဲ့ပါဟှယ်နူး၊ 
\v 38 ကိုယ်တော်ဟှာ ဧည့်သယ်ဖြစ်တော်မူဟှယ် ဆိုဇာဟှို ကျွန်တော်ဟှားလေဗြင်ဘီး ကျွန်တော်ဟှားလေရဲ့ အီမာ ဖယ်ခီဒူးဟှ လတ်ခံခဲ့ဟှယ်နူး။ ကိုယ်တော်ဟှာ ဝတ်မှေ့ဘဲန နေတော်မူဟှယ် ဆိုဇာဟှို ကျွန်တော်ဟှားလေဗြင်ဘီး ဖယ်ခီဒူးဟှ ဝတ်ဟှူဇာလေ ပေးခဲ့ဟှယ်နူး၊ 
\v 39 ကိုယ်တော် ဖျားနာတော်မူဇာလေ၊ ထောန်က္လနေဇာလေဟှို ကျွန်တော်ဟှားလေဗြင်ဘီး ဖယ်ခီဒူးဟှ ကိုယ်တော်နားဟှို ရော့‑က်လာပါဟှယ်နူး’ ဆိုဘီး ပ္လန်လျှော့‑က်ဂေ့လေ့မယ်။ 
\v 40 မန်းဂီးဟှ ‘ငါ မှန်တိုင်းပြောမယ်၊ အယ်မူ ငါ့ညီကို မောန်နှမလေထဲဟှ ငယ်ဆောင်းသူ တယော့‑က်ဟှို နန်းနို့ပြုစုဇာလေဟှာ ငါ့ဟှို ပြုစုဟှူဇာဘဲ့!’ ဆိုဘီး ပ္လန်မိန့်တော်မူလေ့မယ်။”
\p
\v 41 “အယ်ဘီးမှ ဘယ်ဖတ်ဟှ သူလေဟှို မန်းဂီးဟှ ‘ကီဆဲခံရဟှူသူလေ၊ ငါ့နားဟှ ထွပ်ဟှားဂေ့! မာရ်နတ်န သူ့ရဲ့ တမန်လေတွပ် ပြင်ဆင်ဟှားဟှူ ထာဝရ ငရဲမီးအိုင်ထဲဟှို သွားဂေ့! 
\v 42 ဖြားဖြစ်ကြောန့်နူးဆိုဟှာ ငါဟှာ ဗိုက်ဆာဟှူ ခီမာ နန်းနို့လေ ငါ့ဟှို ကျွေးဂေ့ဟှ။ ငါဟှာ ရေငတ်ဟှူ ခီမာ နန်းနို့လေ ငါ့ဟှို သော့‑က်ဟှူ ဇာပေးဂေ့ဟှ။ 
\v 43 ငါဟှာ ဧည့်သယ်ဖြစ်နေဟှူ ခီမာ နန်းနို့လေရဲ့ အီလေမာ ငါ့ဟှို လတ်ခံဂေ့ဟှ။ ငါဟှာ အဝတ်မှေ့ဘဲဖြစ်နေဟှူ ခီမာ နန်းနို့လေဟှာ ငါ့ဟှို ဝတ်စားပေးဂေ့ဟှ။ ငါဟှာ ဖျားနာနေဘီး ထောန်က္လနေဘေမဲ့လည်း နန်းနို့လေဟှာ ငါ့နားဟှို လာဂေ့ဟှ’ ဆိုဘီး မိန့်တော်မူလေ့မယ်။ 
\v 44 အယ်သူလေဟှ ‘သခင်၊ ကျွန်တော့်ဟှားလေဟှ ဖယ်ခီဒူးဟှ ကိုယ်တော် ဗိုက်ဆာတော်မူဇာလေ၊ ရေငတ်တော်မူဇာလေ၊ ဧည့်သယ်ဖြစ်တော်မူဇာလေ၊ ဝတ်မှေ့ဘဲနေတော်မူဇာလေ၊ ဖျားနာတော်မူဇာလေ၊ ထောန်က္လနေဇာလေဟှို ဗြင်ဘီး လောက်ကျွေးပြုစုဘဲန နေပါဟှယ်နူး’ ဆိုဘီး ပ္လန်လျှော့‑က်ဂေ့လေ့မယ်။ 
\v 45 မန်းဂီးဟှ ‘ငါ မှန်တိုင်ပြောမယ်။ နန်းနို့လေဟှာ အယ်သူလေထဲမာ အငယ်ဆောင်းသူ တယော့‑က်ဟှို ပြုစုဘဲနနေဇာဟှာ ငါ့ဟှို ပြုစုဘဲနနေဇာ ဖြစ်ဟှယ်’ ဆိုဘီး မိန့်တော်မူလေ့မယ်။ 
\v 46 အယ်ကြောန့် သူးနို့လေဟှာ ထာဝရ ပြစ်ဒန်ခံရာဟှို သွားဂေ့လေ့မယ်။ အယ်ဘေမဲ့ ဖြောန့်မတ်ဟှူ သူလေဟှာ ထာဝရ သတ်ရှင်ရာဟှို သွားဂေ့လေ့မယ်” ဆိုဘီး မိန့်တော်မူလေဟှယ်။
\c 26
\s ယေရှုဟှို သတ်ဟှို့တွပ် ကြံစည်ဟှူကြောန်း
\r (မာကု ၁၄.၁,၂; လုကာ ၂၂.၁,၂; ယောဟန် ၁၁.၄၅–၅၃)
\p
\v 1 အယ်မူဇာလေအားလောင်းဟှို သွန်သန်တော်မူဘီးန ယေရှုဟှ တဗဲ့တော်လေဟှို၊ 
\v 2 “ပသခါပွဲတော်ကျင်းပဟှို့ နှေ့ရစ်ဘဲ့လိုဘီ ဆိုဇာဟှို နန်းနို့ သိဂေ့လေဟှယ်။ အယ်ခီမာ လူ့ရဲ့သားဟှို လတ်ဝါးကပ်တိုင်မာ ရိုက်သတ်ဟှို့တွပ် အပ်နှံဂေ့လေ့မယ်” ဆိုဘီး မိန့်တော်မူလေဟှယ်။
\p
\v 3 အယ်ခီမာ ယဇ်ပုရောဟိတ်ဂီးလေန ဘာသာရေးခေါန်းဆောန်လေဟှာ ကယာဖဆိုဘီး နာမယ်ရှိဟှူ ယဇ်ပုရောဟိတ်မန်းရဲ့ အီဝမ်းထဲမာ စုဝီးဂေ့ဟှယ်။ 
\v 4 အယ်ဘီးဟှာ သူးနို့လေဟှ ယေရှုဟှို တိတိဆိဆိဟှား ဖမ်းဘီး သတ်ဟှို့တွပ် တိုင်ဗန်ဂေ့ဟှယ်။ 
\v 5 သူးနို့လေဟှ “အယ်ဘေမဲ့ ပွဲတော်ရစ်မာ ဖမ်းနအူး။ လူလေထဲမာ ရုန်းရင်းဆန်ခတ် ဖြစ်ဂေ့လေ့မယ်” ဆိုဘီး ပြောဂေ့ဟှယ်။
\s ဘိသိခံဟှူကြောန်း
\r (မာကု ၁၄.၃–၉; ယောဟန် ၁၂.၁–၈)
\p
\v 6 ယေရှုဟှာ ဗေသနိဝါ နူသယ်ရှိမုန်ရဲ့ အီမာ ရှိနေဘီး၊ 
\v 7 \x - \xo ၂၆.၇ \xo*\xt လု ၇.၃၇,၃၈\xt*\x* စားဇာသောင်းဆောန်နေဒူးမာ ဖိုးကီးဟှူ ဆီမွှီးန ပ္လဲ့နေဟှူ က္လော့‑က်ဖ္လူဖူးဟှို ယူလာဟှူ မီးမတယော့‑က်ဟှာ ကိုယ်တော်နားဟှို ရော့‑က်လာဘီး သူဟှာ ကိုယ်တော်ရဲ့ ခေါန်းထတ်ဟှို လောန်းခ္လလေဟှယ်။ 
\v 8 အယ်မူဇာဟှို တဗဲ့တော်လေဗြင်ဟှားဘီး စိဆိုးဂေ့လေဟှယ်။ “ဖြားဖြစ်ကြောန့် အယ်မျိုးဖြုန်းတီးပစ်ရနူး။ 
\v 9 အယ်ဆီမွှီးဟှို ဆေးဂီးဂီးန ရောန်းဘီးဟှာ ဆင်းရဲသားလေဟှို ပေးကမ်းနိုင်ဟှယ်!” ဆိုဘီး ပြောလေဟှယ်။
\p
\v 10 ယေရှုဟှာ သူးနို့ပြောနေဇာဟှို သိဟှူ ခီမာ သူးနို့လေဟှို “ဖြားဖြစ်ကြောန့် အယ်မီးမဟှို နှော့‑က်ရှစ်ဂေ့နူး။ သူဟှာ ငါ့တွပ်ကောန်းဟှူမှုဟှို ပြုလေဟှယ်။ 
\v 11 ဆင်းရဲသားလေဟှာ နန်းနို့လေနတူးဒူ မြဲဒမ်း ရှိနေလေ့မယ်။ အယ်ဘေမဲ့ ငါဟှ နန်းနို့နတူးဒူ မြဲဒမ်း ရှိနေဟှို့ မှုဟှ။ 
\v 12 အယ်မီးမဟှာ ငါ့ကိုယ်ထတ်ဟှို ဆီမွှီးလောန်းဇာဟှာ ငါ့ဟှို သင်္ဂြိုဟ်ဟှို့တွပ် ပြင်ဆင်ဟှူဇာဖြစ်လေဟှယ်။ 
\v 13 ငါ မှန်တိုင်းပြောမယ်၊ ဒန်းကောန်းဟှို ကမ္ဘာရပ်ရပ်မာ ဟောပြောဟှူ ခီတိုင်း အယ်မီးမဟှို အော့‑က်မေ့စေဟှို့တွပ် သူပြုဟှားဟှူ အယ်မျိုးမှုရာဟှို ပြောဂေ့လေ့မယ်” ဆိုဘီး မိန့်တော်မူလေဟှယ်။
\s သစ်စာဖော့‑က်ဟှို့ ယုဒကြံစည်ဟှူကြောန်း
\r (မာကု ၁၄.၁၀,၁၁; လုကာ ၂၂.၃–၆)
\p
\v 14 အယ်ဘီးန တဗဲ့တော် ဆယ်နှေ့ပါးထဲဟှ တပါးဖြစ်ဟှူ ယုဒရှကာရုတ်ဟှာ ယဇ်ပုရောဟိတ်ဂီးလေနားဟှို သွားဘီး၊ 
\v 15 “ယေရှုဟှို နန်းနို့လေရဲ့ လတ်ထဲဟှို အပ်ပေးမယ် ဆိုဟှာ ကျွန်တော်ဟှို ကပ်ဖယ်လော့‑က် ပေးဟှို့နူး” ဆိုဘီး မေးလေဟှယ်။ အယ်ကြောန့် အယ်သူလေဟှ ငွေဒန်းဂါး သောင်းဆယ်ဟှို ရေတွပ်ဘီးဟှာ သူ့ဟှို ပေးလေဟှယ်။ 
\v 16 အယ်ခီဟှနေဘီး ယုဒဟှာ ယေရှုဟှို သစ်စာဖော့‑က်ဟှို့တွပ် ခွမ့်ရေးကောန်းဟှို ရှာကြံလေဟှယ်။
\s တဗဲ့တော်လေနတူးဒူ ပသခါ စားဗွဲစားဟှူကြောန်း
\r (မာကု ၁၄.၁၂–၂၁; လုကာ ၂၂.၇–၁၃,၂၁–၂၃; ယောဟန် ၁၃.၂၁–၃၀)
\p
\v 17 တဆေးပါဘဲဟှူ မုပွဲတော်ရဲ့ ဦးဆောင်းနေ့မာ တဗဲ့တော်လေဟှာ ယေရှုနားဟှို လာဘီး “ပသခါ စားဗွဲဟှို ကိုယ်တော် သောင်းဆောန်ဟှို့တွပ် ကျွန်တော်ဟှားလေ ဖယ်နေရာမာ ပြင်ရမယ်နူး” ဆိုဘီး မေးလျှော့‑က်ဂေ့လေဟှယ်။
\p
\v 18 ကိုယ်တော်ဟှ “ဗြို့ထဲဟှ လူတယော့‑က်နားဟှို သွားဘီးပြောဂေ့။ ဆရာမှာလိုက်ဟှယ်။ ‘ငါ့ခီနီးဘီ။ ငါ့တဗဲ့လေနတူးဒူ ပသခါပွဲဟှို နန့်အီမာ ကျင်းပမယ်’ ” ဆိုဘီး မိန့်တော်မူလေဟှယ်။
\p
\v 19 တဗဲ့တော်လေဟှ ယေရှုပြောလိုက်ဟှူတိုင်း လောက်ဘီးဟှာ ပသခါစားဗွဲဟှို ပြင်ဆင်ဂေ့လေဟှယ်။
\p
\v 20 ညဉ့်ခန်းဖတ် ရော့‑က်ဟှူ ခီမာ ယေရှုဟှာ တဗဲ့တော် ဆယ့်နှေ့ပါးလေနတူးဒူ ညဉ့်ဇာစားဟှို့ ဗွဲမာ ထိုင်လေဟှယ်။ 
\v 21 သူးနို့စားနေဒူးမာဘဲ့ ယေရှုဟှ “ငါ မှန်တိုင်းပြောမယ်၊ နန်းနို့ထဲမာ တယော့‑က်ဟှာ ငါ့ဟှို သစ်စာဖော့‑က်လေ့မယ်” ဆိုဘီး မိန့်တော်မူလေဟှယ်။
\p
\v 22 တဗဲ့တော်လေဟှာ ရရာတိုင်း စိကောန်းဘဲဖြစ်ဂေ့ဘီး “သခင်၊ အယ်သူဟှ ဖယ်သူနူး။ ကျွန်တော်လော” ဆိုဘီး ယော့‑က်ဘီးယော့‑က် မေးလျှော့‑က်ဂေ့လေဟှယ်။
\p
\v 23 ယေရှုဟှ “ငါ့နတူးဒူ စံထဲမာ နှိုက်ဟှူ သူဟှာ ငါ့ဟှို သစ်စာဖော့‑က်လေ့မယ်။ 
\v 24 ကျမ်းစာဟှ ပြောဟှားတိုင်း လူ့ရဲ့သားဟှာ သေခံရလေ့မယ်။ အယ်ဘေမဲ့ လူ့ရဲ့သားဟှို သစ်စာဖော့‑က်ဟှူ သူဟှာ အမင်္ဂလာရှိဟှယ်! အယ်သူဟှာ လောင်းဝ မွီးလာဘဲနနေဟှာ သူ့တွပ် ပိုကောန်းလေ့မယ်!” ဆိုဘီး မိန့်တော်မူလေဟှယ်။
\p
\v 25 ကိုယ်တော့်ဟှို သစ်စာဖော့‑က်မယ့် ယုဒဟှ “ဆရာ၊ ကျွန်တော်လော” ဆိုဘီး မေးလျှော့‑က်လေဟှယ်။
\p ယေရှုဟှ “နန်မေးဟှူတိုင်းဘဲ့ မှန်ဟှယ်” ဆိုဘီး မိန့်တော်မူလေဟှယ်။
\s ပွဲတော်မင်္ဂလာကြောန်း
\r (မာကု ၁၄.၂၂–၂၆; လုကာ ၂၂.၁၄–၂၀; ၁ ကောရိန္သု ၁၁.၂၃–၂၅)
\p
\v 26 သူးနို့ဟှာ စားနေဒူးမာ ယေရှုဟှ မုဟှိုယူဘီး ကျေးဇူးတော်ဟှို ချီးမွမ်းဘီးမှ မုဟှိုဖဲ့ဘီးဟှာ “အယ်မုဟှ ငါ့ရဲ့ ကိုယ်ခန္ဓာဖြစ်ဟှယ်။ ယူဘီးစားဂေ့ပါ” ဆိုဘီး မိန့်တော်မူဘီးဟှာ တဗဲ့တော်လေဟှို ပေးတော်မူလေဟှယ်။
\p
\v 27 ခွပ်ဟှိုလည်း ယူဘီးဟှာ ကျေးဇူးတော် ချီးမွမ်းဘီးမှ တဗဲ့တော်လေဟှို ပေးလေဟှယ်။ ကိုယ်တော်ဟှ “နန်းနို့အားလောင်း သော့‑က်ဂေ့ပါ။ 
\v 28 အယ်ခွပ်ဟှာ ဘုရားသခင်ရဲ့ ပဋိညာဉ်တော်ဟှို ဇိခတ်ဟှားဟှူ လူလေရဲ့ပြစ်ဟှို ဖြေလွှတ်ပေးဟှို့တွပ် သွန်းလောန်းဟှူ ငါ့ရဲ့သွီး ဖြစ်လေဟှယ်။ 
\v 29 နန်းနို့လေဟှို ငါပြောမယ်။ ခုခီဟှနေ စဘီး ငါ့ဖရဲ့ နိုင်ငံတော်မာ နန်းနို့လေနတူးဒူ စဗျစ်ဝိုင်သစ်ဟှို သော့‑က်ရဟှူ နေ့ရော့‑က်ခန်ခီထိ အယ်စဗျစ်ဝိုင်ဟှို နော့‑က်ထပ် လောင်းဝ ငါသော့‑က်ဟှို့ မှုဟှ” ဆိုဘီး မိန့်တော်မူလေဟှယ်။
\p
\v 30 အယ်ဘီးန သူးနို့လေဟှာ ဓမ္မချင်းဟှို ဆိုဘီး သံလွင်တောန်ဟှို ထွပ်ဟှားဂေ့လေဟှယ်။
\s ပေတရုရဲ့ ငြင်းပယ်မှုဟှို ဖော်ပြဟှူကြောန်း
\r (မာကု ၁၄.၂၇–၃၁; လုကာ ၂၂.၃၁–၃၄; ယောဟန် ၁၃.၃၆–၃၈)
\p
\v 31 အယ်ဘီးန ယေရှုဟှ “‘သိုးထီးမားဟှို ငါရိုက်သတ်ဟှူကြောန့် သိုးလေဟှာ ဖ္လဲဖ္လဲစင်ဖြစ်ဂေ့လေ့မယ်’ ဆိုဘီး ကျမ်းစာပြောဟှူဇာဟှ အယ်ညဉ့်မှာဘဲ့ နန်းနို့လေဟှာ ငါ့ဟှို ထားရစ်ဘီး ထွပ်ပ္လေးဂေ့လေ့မယ်။ 
\v 32 \x - \xo ၂၆.၃၂ \xo*\xt မ ၂၈.၁၆\xt*\x*အယ်ဘေမဲ့ ငါဟှာ ထမြော့‑က်ဘီးန နန်းနို့ထတ် စောဘီး ဂါလိလဲပြည်ဟှို သွားမယ်” ဆိုဘီး မိန့်တော်မူလေဟှယ်။
\p
\v 33 ပေတရုဟှ “တခြားသူလေဟှာ ကိုယ်တော့်ဟှို ထားရစ်လည်းဘဲ့ ကျွန်တော်ဟှာ လောင်းဝ ထားရစ်ဟှို့ မှုဟှ!” ဆိုဘီး ယေရှုဟှို လျှော့‑က်လေဟှယ်။
\p
\v 34 ယေရှုဟှ “နန့်ဟှို ငါ မှန်တိုင်းပြောမယ်၊ အယ်ညဉ့်မာဘဲ့ ကြစ်တွန်ခန်မာ နန်ဟှာ ငါ့ဟှို သောင်းခါ ငြင်းပယ်လေ့မယ်” ဆိုဘီး ပေတရုဟှို မိန့်တော်မူလေဟှယ်။
\p
\v 35 ပေတရုဟှ “ကိုယ်တော်နတူးဒူ သေရမယ် ဆိုဟှာလည်း ကျွန်တော်ဟှာ ကိုယ်တော့်ဟှို ငြင်းပယ်ဟှ!” ဆိုဘီး ပ္လန်လျှော့‑က်လေဟှယ်။
\p တခြား တဗဲ့တော်လေလည်း အယ်မူမျိုးဘဲ့ လျှော့‑က်ဂေ့လေဟှယ်။
\s ဂေသရှေမန် ဥယျာဉ်မာ ဆုတောန်းဟှူကြောန်း
\r (မာကု ၁၄.၃၂–၄၂; လုကာ ၂၂.၃၉–၄၆)
\p
\v 36 အယ်ဘီးန ယေရှုဟှာ တဗဲ့တော်လေနတူးဒူ ဂေသရှေမန် ဆိုဘီး ခေါ်ဟှူ နေရာဟှို ရော့‑က်တော်မူဘီး ကိုယ်တော်ဟှ “ငါ ဟှိုနားမာ ဆုတောန်းနေဒူးမာ အယ်နေရာမာ ထိုင်နေဂေ့ပါ” ဆိုဘီး တဗဲ့တော်လေဟှို မိန့်တော်မူလေဟှယ်။ 
\v 37 ကိုယ်တော်ဟှာ ပေတရုနတူးဒူ ဇေဗေဒဲရဲ့ သားနှေ့ယော့‑က်ဟှို ခေါ်ဟှားတော်မူလေဟှယ်။ ကိုယ်တော်ဟှာ ဝန်းနဲပူဆွေးဘီး စိဒေါ့‑က်ခရော့‑က်နေလေဟှယ်။ 
\v 38 အယ်ကြောန့် ယေရှုဟှ “ငါ့ရဲ့ စိနှလောင်းဟှာ သေခါနီးနီးဘဲ့ ရရာတိုင်း ဝန်းနဲဟှယ်။ အယ်နေရာမာ ငါ့နတူးဒူ စောန့်ဘီးနေဂေ့ပါ” ဆိုဘီး သူးနို့ဟှို မိန့်တော်မူလေဟှယ်။
\p
\v 39 ကိုယ်တော်ဟှာ ရှေ့ဟှို နဲနဲတိုးဟှားဘီးဟှာ မ္လေထတ်မာ ပျပ်ဝပ်ဘီး “ကျွန်တော်ရဲ့ဖ၊ ဖြစ်နိုင်မယ် ဆိုဟှာ အယ်မူဝေဒနာခွပ်ဟှို ကျွန်တော်ဟှနေဘီး ယူဟှားပေးပါ! အယ်ဘေမဲ့ ကျွန်တော်လိုရှင်တိုင်း ဖြစ်စေဘဲန ဖလိုရှင်တိုင်းဘဲ့ ဖြစ်စေပါ” ဆိုဘီး ဆုတောန်းတော်မူလေဟှယ်။
\p
\v 40 အယ်ဘီးန ကိုယ်တော်ဟှာ တဗဲ့တော် သောင်းယော့‑က်နားဟှို ပ္လန်လာဟှူ ခီမာ သူးနို့ဟှာ အိမွိနေဂေ့ဇာဟှို တွိရဟှိကြောန့် ကိုယ်တော်ဟှ ပေတရုဟှို “နန်းနို့လေဟှာ တနာရီလော့‑က်ဘဲ့ ငါ့နတူးဒူ စောန့်နိုင်ဂေ့ဟှလော၊ 
\v 41 နန်းနို့လေဟှာ စောင်ဇမ်းနှော့‑က်ရှစ်မှုထဲဟှို က္လဘဲဟှို့တွပ် ဆုတောန်းဘီး စောန့်နေဂေ့ပါ။ စိဝိညာဉ်ဟှာ အားကီးဘေမဲ့လည်း ကိုယ်ခန္ဓာဟှာ အားနဲလေဟှယ်” ဆိုဘီး ပေတရုဟှို မိန့်တော်မူလေဟှယ်။
\p
\v 42 ယေရှုဟှာ နော့‑က်တခါ သွားဘီး “ကျွန်တော်ရဲ့ဖ၊ အယ်ဝေဒနာခွပ်ဟှို ကျွန်တော်သော့‑က်ဘဲန လွန်သွားဟှို့ ရနိုင်ဟှ ဆိုဟှာ ကိုယ်တော်ရဲ့ လိုရှိဟှူတိုင်းဘဲ့ ဖြစ်ပါစေ” ဆိုဘီး ဆုတောန်းလေဟှယ်။ 
\v 43 ကိုယ်တော်ဟှာ ပ္လန်လာဟှူ ခီမာ တဗဲ့တော်လေဟှာ မျစ်စိလေးလံလာဟှူကြောန့် နော့‑က်တခါ အိမွိနေဂေ့ဇာဟှို တွိရလေဟှယ်။
\p
\v 44 အယ်ကြောန့် ယေရှုဟှာ သူးနို့လေဟှို ထားရစ်ဘီး နော့‑က်တခါ ထွပ်ဟှားဘီး ရင်ဒူးဟှမျိုးဘဲ့ သောင်းခါမြော့‑က် ဆုတောန်းတော်မူလေဟှယ်။ 
\v 45 အယ်ဘီးမှ တဗဲ့တော်လေနားဟှို ပ္လန်လာဘီး “နန်းနို့လေဟှာ အိမွိဘီးဟှာ နားယူနေဂေ့လော။ ကေ့ဂေ့! လူ့ရဲ့သားဟှို ပြစ်သားလေရဲ့ လတ်ထဲဟှို အပ်နှံခံရဟှို့ ခီဟှာ ရော့‑က်လာဘီ။ 
\v 46 ထဂေ့၊ နို့လေသွားဂေ့ဇို့။ ကေ့ကေ့၊ ငါ့ဟှို သစ်စာဖော့‑က်ဟှို့သူ ရော့‑က်လာဘီ!” ဆိုဘီး မိန့်တော်မူလေဟှယ်။
\s ကိုယ်တော့်ဟှို ဖမ်းဟှူကြောန်း
\r (မာကု ၁၄.၄၃–၅၀; လုကာ ၂၂.၄၇–၅၃; ယောဟန် ၁၈.၃–၁၂)
\p
\v 47 ယေရှုဟှာ မိန့်တော်မူနေဒူးမာဘဲ့ တဗဲ့တော် ဆယ်နှေ့ပါးထဲဟှ တပါးဖြစ်ဟှူ ယုဒရှကာရုတ်ဟှာ ရော့‑က်လာဘီးဟှာ သူ့နတူးဒူ ယဇ်ပုရောဟိတ်ဂီးလေန ဘာသာရေး ခေါန်းဆောန်လေဟှနေ စေလွှတ်လိုက်ဟှူ လူအောက်ဂီးဟှာ ဒေါက်လေ၊ ထားလေပါလာဂေ့ဟှယ်။ 
\v 48 ကိုယ်တော့်ဟှို သစ်စာဖော့‑က်ဟှူသူဟှ “ငါနမ်းဟှူသူဟှာ ယေရှုဘဲ့ဖြစ်ဟှယ်။ သူ့ဟှို ဖမ်းဂေ့ပါ!” ဆိုဘီး မှတ်ပေးဟှားလေဟှယ်။
\p
\v 49 ယုဒဟှာ ရှစ်ရှင်းဘဲ့ ယေရှုနားဟှို တိုးဝမ်လာဘီး “မင်္ဂလာပါ၊ ဆရာ” ဆိုဘီး ကိုယ်တော့်ဟှို နမ်းလေဟှယ်။
\p
\v 50 ယေရှုဟှ “မိဆွေ၊ နန်လောက်ရဟှို့ ကိစဟှို ဗြန်းဗြန်ဟှား လောက်ပါ!”\f + \fr ၂၆.၅၀ \fr*\fq မိဆွေ၊ နန်လောက်ရဟှို့ ကိစဟှို ဗြန်းဗြန်ဟှား လောက်ပါ! \fq*\ft အယ်မျိုးမှုဘဲနေဟှာ \ft*\fqa မိဆွေ၊ နန်ဖြားဖြစ်ကြောန့် အယ်မာရှိနေနူး။\fqa*\f* ဆိုဘီး မိန့်တော်မူလေဟှယ်။
\p အယ်ခီမာ အယ်သူလေဟှ လာဘီး ကိုယ်တော့်ဟှို ဖမ်းချောက်ဂေ့လေဟှယ်။
\p
\v 51 ယေရှုန ပါလာဟှူ လူတယော့‑က်ဟှာ ထားဟှို ဆွဲထုဘီး ယဇ်ပုရောဟိတ်မန်းရဲ့ ကျွန်တယော့‑က်ဟှို ခွတ်လိုက်ဟှူ ခီမာ နားဝပ်ပြတ်ဟှားလေဟှယ်။ 
\v 52 ယေရှုဟှ “နန့်ထားဟှို ထားအီထဲမာ ပ္လန်သီးလိုက်ပါ! ထားဟှို ကိုင်ဟှူ သူလေဟှာ ထားနဘဲ့ သေဂေ့လေ့မယ်။ 
\v 53 ခု ငါ့ဖဆီမာ တောန်းလျှော့‑က်မယ် ဆိုဟှာ ကောန်းဂန်တမန် ဆယ့်နှေ့တပ်မကဘဲ ငါ့နားဟှို လွှတ်ပေးမယ် ဆိုဇာ နန်းနို့လေ သိဂေ့ဟှလေ။ 
\v 54 အယ်မျိုးဆိုဟှာ အယ်မူဇာလေ ဖြစ်ရမယ် ဆိုဘီး ပြောဟှားဟှူကျမ်းစာဟှာ ဖယ်မူမျိုး ပ္လဲ့ဇောင်လာအူးမယ်နူး” ဆိုဘီး မိန့်တော်မူလေဟှယ်။
\p
\v 55 \x - \xo ၂၆.၅၅ \xo*\xt လု ၁၉.၄၇; ၂၁.၃၇\xt*\x*အယ်ခီမာဘဲ့ ယေရှုဟှ “ဖြားဖြစ်ကြောန့် နန်းနို့လေဟှာ မ္လဟှို ဖမ်းဟှို့မျိုး ငါ့ဟှို ဖမ်းဟှို့တွပ် ဒေါက်လေ၊ ထားလေန လာဂေ့နူး။ ငါဟှာ ဗိမာန်တော်မာ ထိုင်ဘီး နေ့တိုင်း သွန်သန်နေဒူးဟှ နန်းနို့လေဟှာ ငါ့ဟှို ဖမ်းဂေ့ဟှားမား။ 
\v 56 အယ်ဘေမဲ့ အယ်မှုကြောန်းရာလေဟှာ ကျမ်းစာမာ ပရောဖက်လေ ဟောပြောဟှားဟှူတိုင်း ပ္လဲ့ဇောင်ဟှို့တွပ် ဖြစ်လာလေဟှယ်” ဆိုဘီး လူအောက်ဂီးဟှို မိန့်တော်မူလေဟှယ်။
\p အယ်ခီမာ တဗဲ့တော်လေဟှာ ကိုယ်တော့်ဟှို ထားရစ်ဘီး ထွပ်ပ္လေးဂေ့ဟှယ်။
\s ယေရှုဟှို တရားလွှတ်တော်မာ စစ်ဆေးခံရဟှူကြောန်း
\r (မာကု ၁၄.၅၃–၆၅; လုကာ ၂၂.၅၄,၅၅,၆၃–၇၁; ယောဟန် ၁၈.၁၃,၁၄,၁၉–၂၄)
\p
\v 57 ယေရှုဟှို လာဖမ်းဟှူ သူလေဟှ ကျမ်းပြုဆရာလေန ဘာသာရေးကြီးကဲလေ စုဝေးဟှူနေရာ ယဇ်ပုရောဟိတ်မန်း ကယာဖအီဟှို ခေါ်ဆောန်ဟှားဂေ့ဟှယ်။ 
\v 58 ပေတရုဟှာ ခပ်ဝီးဝီးဟှနေဘီး ယဇ်ပုရောဟိတ်မန်းရဲ့ အီနားထိ ကိုယ်တော်နော့‑က်ဟှို လိုက်လေဟှယ်။ သူဟှာ အီဝမ်းထဲဟှို ဝမ်ဟှားဘီးဟှာ ဖယ်မျိုး ဖြစ်လာအူးမယ် ဆိုဇာဟှို ဗြင်ရဟှို့တွပ် စောန့်လေနတူးဒူ ထိုင်နေလေဟှယ်။ 
\v 59 ယဇ်ပုရောဟိတ်ဂီးလေန ယုဒတရားလွှတ်တော် တခုလောင်းဟှာ ယေရှုဟှို သေဒန်ပေးဟှို့တွပ် မှန်ဘဲဟှူ သတ်သေထော့‑က်ထားဟှို တွိအောန် ရှာဂေ့ဟှယ်။ 
\v 60 သူးနို့ဟှာ မှန်ဘဲဟှူ သတ်သေခံလေ ဘောင်ဂီး လာဂေ့ဘေမဲ့လည်း ဖြားထော့‑က်ထားလည်း တွိဂေ့ဟှ။ နော့‑က်ဆောင်းမာ လူနှေ့ယော့‑က်ဟှာ ရှေ့ဟှို ထွပ်လာဘီး 
\v 61 \x - \xo ၂၆.၆၁ \xo*\xt ယော ၂.၁၉\xt*\x*“အယ်သူဟှ ‘ငါဟှာ ဘုရားသခင်ရဲ့ ဗိမာန်တော်ဟှို ဖြိုဖျစ်ဘီးဟှာ သောင်းရစ်ထဲန ပ္လန်ဆော့‑က်နိုင်ဟှယ်’ ဆိုဘီး ပြောပါဟှယ်” ဆိုဘီး ထွပ်ဆိုလေဟှယ်။
\p
\v 62 ယဇ်ပုရောဟိတ်မန်းဟှာ ထရပ်လိုက်ဘီး “အယ်မျိုး စွပ်စွဲနေဇာဟှို ပြောဟှို့တွပ် နန့်မာ ဖြေမှေ့ဟှလော” ဆိုဘီး ယေရှုဟှို မေးလေဟှယ်။ 
\v 63 အယ်ဘေမဲ့ ယေရှုဟှာ တိဆိဘီး နေတော်မူဟှယ်။ ယဇ်ပုရောဟိတ်မန်းဟှလည်း “နန်ဟှာ ဘုရားသခင်ရဲ့ သားတော် မေရှိယဖြစ်ဟှယ် ဆိုဟှာ ငါ့ဟှို ပြောပါ။ သတ်ရှင်ဟှူ ဘုရားသခင်ဟှို တိုင်တယ်ဘီး နန့်ဟှို ငါမေးဟှယ်” ဆိုဘီး ပြောလေဟှယ်။
\p
\v 64 ယေရှုဟှ “မန်းဂီးပြောဟှူတိုင်း မှန်ပါဟှယ်။ အယ်ဘေမဲ့ နန်းနို့လေ အားလောင်းဟှို ငါပြောမယ်။ အယ်ခီဟှနေစဘီး လူ့ရဲ့သားဟှာ အနန္တတဂိုးရှင်ရဲ့ ညာဖတ်မာ ထိုင်ဘီး မိုးကောန်းဂန်ဟှ မိုးတီဟှို စီးဘီးဟှာ ကြွလာဇာဟှို နန်းနို့လေ ဗြင်ဂေ့ရလေ့မယ်!” ဆိုဘီး မိန့်တော်မူလေဟှယ်။
\p
\v 65 အယ်ကြောန့် ယဇ်ပုရောဟိတ်မန်းဂီးဟှာ သူ့ရဲ့ အန်းဂီဟှို ဆုဖ္လဲဘီးဟှာ “အယ်သူဟှာ ဘုရားသခင်ဟှို ပြစ်မှားစော်ကားဘီး ပြောဆိုလေဘီ! နော့‑က်ထပ် ဖြားသတ်သေလေ လိုသေးနူး။ ဘုရားသခင်ဟှို ပြစ်မှားဇာဟှို ခု နန်းနို့လေ ကြားရဂေ့ဘီ! 
\v 66 နန်းနို့လေ ဖယ်မျိုး ထန်ဂေ့နူး။”
\p အယ်သူလေဟှ “သူဟှာ သေဒန်နဘဲ့ ထိုက်တန်ပါဟှယ်” ဆိုဘီး ပြောဂေ့လေဟှယ်။
\p
\v 67 အယ်ဘီးန အယ်သူလေဟှာ ကိုယ်တော်ရဲ့ မျစ်နှာတော်ဟှို ထွီးရယ်န ထွီးဂေ့ဘီး လတ်သီးန ထိုးဂေ့ဟှယ်။ အယ်ဘီးဟှာ ကိုယ်တော့်ပါးဟှို ရိုက်ဟှူလူလေဟှ 
\v 68 “မေရှိယ! ကိုယ်တော့်ဟှို ဖယ်သူရိုက်ဟှယ် ဆိုဇာဟှို ပရောဖက်ပြုကေ့ကေ့!” ဆိုဘီး ပြောဂေ့လေဟှယ်။
\s ယေရှုဟှို ပေတရုငြင်းဟှူကြောန်း
\r (မာကု ၁၄.၆၆–၇၂; လုကာ ၂၂.၅၆–၆၂; ယောဟန် ၁၈.၁၅–၁၈,၂၅–၂၇)
\p
\v 69 ပေတရုဟှာ အီပ္လန်ခြံဝမ်းထဲမာ ထိုင်နေဟှူ ခီမာ စေခံမီးမ တယော့‑က်ဟှာ သူ့နားဟှို လာဘီး “နန်လည်း ဂါလိလဲနယ်သား ယေရှုနတူးဒူ ရှိခဲ့ဟှယ်” ဆိုဘီး ပြောလေဟှယ်။
\p
\v 70 အယ်ဘေမဲ့ ပေတရုဟှ “နန်ပြောနေဟှူဇာဟှို ငါသိဟှ” ဆိုဘီးလူလေ အားလောင်းဂူရှေ့မာ ကိုယ်တော့်ဟှို ငြင်းပယ်ဘီး 
\v 71 အီခြံဝမ်းရဲ့ ခွဗော့‑က်ဟှို ထွပ်ဟှားလေဟှယ်။ တခြားစေခံမီးမ တယောက်ဟှ သူ့ဟှို ဗြင်ဟှားဘီး အယ်နေရာမာ ရှိနေဟှူလူလေဟှို “အယ်လူဟှာ နာဇရက်ဗြို့ဟှ ယေရှုနတူးဒူ ရှိခဲ့ဟှယ်” ဆိုဘီး ပြောလေဟှယ်။
\p
\v 72 ပေတရုဟှ “အယ်လူဟှို ငါသိဟှ!” ဆိုဘီး နော့‑က်ထပ်ခါ သစ်စာဆိုဘီး ငြင်းလေဟှယ်။
\p
\v 73 နဲနဲကြာဘီးန အယ်နေရာမာ ရပ်နေဟှူ လူလေဟှာ ပေတရုနားဟှို လာဂေ့လေဟှယ်။ သူးနို့ဟှ “တကယ်ဘဲ့ နန်ဟှာ အယ်လူလေထဲဟှ တယော့‑က်ဖြစ်ဟှယ်။ ဖြားဖြစ်ကြောန့်နူးဆိုဟှာ နန့်ရဲ့ ပြောပေါင်ဆိုပေါင်ဟှာ ရရာတိုင်း သိသာဟှယ်!” ဆိုဘီး ပြောလေဟှယ်။
\p
\v 74 ပေတရုဟှ “အယ်သူဟှို ငါတကယ်ဟှို သိဟှ!” ဆိုဘီး ဘုရားသခင်ဟှို တိုင်တယ်ဘီး ကီဆိုလေဟှယ်။
\p အယ်ခီမာဘဲ့ ကြစ်တွန်လေဟှယ်။
\p
\v 75 အယ်ဘီးမှ “ကြစ်တွန်ခန် နန်ဟှာ ငါ့ဟှို သောင်းခါ ငြင်းပယ်လေ့မယ်” ဆိုဘီး ယေရှု မိန့်တော်မူဟှားဟှူ စကားဟှို ပေတရုဟှာ ဒိရလာဟှယ်။ အယ်ကြောန့် သူဟှာ ပ္လန်ဟှိုထွပ်ဟှားဘီး ရရာတိုင်း ငိုလေဟှယ်။
\c 27
\s ယေရှုဟှာ ပိလတ်နားဟှို ပို့ဆောန်ခံရဟှူကြောန်း
\r (မာကု ၁၅.၁; လုကာ ၂၃.၁,၂; ယောဟန် ၁၈.၂၈–၃၂)
\p
\v 1 မိုးလန်းစောစောဂီးမာ ယဇ်ပုရောဟိတ်ဂီးလေန သတ်ကီးဝါဂီးလေဟှာ ယေရှုဟှို သေဒန်ခ္လဟှို့တွပ် တိုင်ဗန်ဂေ့လေဟှယ်။ 
\v 2 အယ်ဘီးန ကိုယ်တော့်ဟှို တောက်နှောန်ဘီး ဗြို့ဝန်မန်း ပိလတ်နားဟှို ခေါ်ဆောန်ဟှားဘီး အပ်နှံလိုက်လေဟှယ်။
\s ယုဒရှကာရုတ် သေဆောင်းဟှူကြောန်း
\r (တမန်တော် ၁.၁၈,၁၉)
\p
\v 3 \x - \xo ၂၇.၃–၈ \xo*\xt တ ၁.၁၈,၁၉\xt*\x*သစ်စာဖော့‑က် ယုဒဟှာ ယေရှသေဒန်ပေးခံရဟှယ် ဆိုဇာဟှို သိရဟှူ ခီမာ သူဟှာ နောန်ဒရဟှားဘီး ငွေဒန်းဂါးသောင်းဆယ်ဟှို ယဇ်ပုရောဟိတ်ဂီးလေန သတ်ကီးဝါဂီးလေဟှို ပ္လန်ပေးလိုက်ဘီး၊ 
\v 4 “ကျွန်တော်ဟှာ ပြစ်မှေ့ဘဲဟှူ သူ့ရဲ့သွီးဟှို အပ်နှံဘီး ပြစ်လောက်မိဟှားဘီ!” ပြောလေဟှယ်။
\p အယ်ဘေမဲ့ သူးနို့လေဟှ “နို့လေန ဖြားဇာဆိုင်နူး။ နန့်ကိစဘဲ့ ဖြစ်ဟှယ်!” ဆိုဘီး ပ္လန်ပြောဂေ့လေဟှယ်။
\p
\v 5 ယုဒဟှာ ငွေဒန်းဂါးသောင်းဆယ်ဟှို ဗိမာန်တော်ထဲမာ ပစ်ခ္လဘီး ထွပ်ဟှားလေဟှယ်။ အယ်ဘီးန တခြားဟှို သွားဘီးဟှာ သူ့ကိုယ်သူ ကြိုးဆွဲခ္လဘီး သေလေဟှယ်။
\p
\v 6 ယဇ်ပုရောဟိတ်ဂီးလေဟှာ ဒန်းဂါးလေဟှို ကော့‑က်ယူဘီးဟှာ “ပညတ်တရားအရ အယ်ဒန်းဂါးလေဟှာ သွီးပေနေဟှူ ကပ်လေဖြစ်ဟှူကြောန့် ဘဏ္ဍာတိုက်ထဲဟှို သွမ်းအပ်ဟှ” ဆိုဘီး ပြောလေဟှယ်။ 
\v 7 အယ်ကြောန့် သူးနို့လေဟှာ ဆွေးနွေး တိုင်ဗန်ဂေ့ဘီး သူစိမ်း ဧည့်သည်လေတွပ် သန်းခ္လိုင်းဖြစ် သောင်းပြုဟှို့ အိုးလောက်မားရဲ့ မ္လေဂွပ်ဟှို အယ်ကပ်န ဝယ်ယူဂေ့လေဟှယ်။ 
\v 8 အယ်ကြောန့် အယ်လယ်ဂွပ်ဟှို အယ်နေ့ထိ “သွီးမ္လေ” ဆိုဘီး ခေါ်ဂေ့လေဟှယ်။
\p
\v 9 ပရောဖက်ယေရမိဟှ “သူးနို့လေဟှာ အယ်သူတွပ် ပေးဟှို့ ဣသရေလ လူလေ ဘောတူဟှားဟှူ ငွေဒန်းဂါး သောင်းဆယ်ဟှို ယူဘီးဟှာ 
\v 10 ဘုရားသခင်ဟှာ ငါ့ဟှို မှာဟှားဟှူတိုင်း အိုးလောက်မားရဲ့ မ္လေဂွပ်ဟှို ဝယ်ဂေ့ဟှယ်” ဆိုဘီး ဟောဟှားဇာဟှာ ခုခီမာ ပ္လဲ့ဇောင်ဟှားလေဟှယ်။
\s ယေရှုဟှို ပိလတ် စစ်ဆေးဟှူကြောန်း
\r (မာကု ၁၅.၂–၅; လုကာ ၂၃.၃–၅; ယောဟန် ၁၈.၃၃–၃၈)
\p
\v 11 ယေရှုဟှာ ဗြို့ဝန်မန်းရဲ့ ရှေ့မာ ရပ်တော်မူနေဒူးမာ ဗြို့ဝန်မန်းဟှ “နန်ဟှာ ယုဒလူမျိုးလေရဲ့ မန်းဂီးလော” ဆိုဘီး မေးလေဟှယ်။
\p ယေရှုဟှ “သင်ပြောဟှူတိုင်းဘဲ့” ဆိုဘီး ပ္လန်မိန့်တော်မူလေဟှယ်။ 
\v 12 အယ်ဘေမဲ့ ယဇ်ပုရောဟိတ်ဂီးလေန သတ်ကီးဝါဂီးလေရဲ့ စွပ်စွဲဂေ့ဟှူဇာဟှို ကိုယ်တော်ဟှာ ဖြေတော်မူဟှမ်း။
\p
\v 13 အယ်ကြောန့် ပိလတ်ဟှ “သူးနို့ရဲ့ သတ်သေခံဇာလေဟှို နန်ကြားဟှလော” ဆိုဘီး ကိုယ်တော့်ဟှို မေးလေဟှယ်။
\p
\v 14 အယ်ဘေမဲ့ ယေရှုဟှာ ခွန်းလည်း ပ္လန်ပြောဘဲကြောန့် ဗြို့ဝန်မန်းဟှာ ရရာတိုင်း အံ့ဩလေဟှယ်။
\s ယေရှုဟှို သေဒန်ပေးဟှူကြောန်း
\r (မာကု ၁၅.၆–၁၅; လုကာ ၂၃.၁၃–၂၅; ယောဟန် ၁၈.၃၉—၁၉.၁၆)
\p
\v 15 ဗြို့ဝန်မန်းဟှာ ပသခါပွဲတိုင်းမာ လူလေတောန်းဆိုဟှူ ထောန်သား တယော့‑က်ဟှို လွှတ်ပေးဟှူ ထောင်းဇံရှိဟှယ်။ 
\v 16 အယ်ခီမာ ယေရှုဗာရဗ္ဗ ဆိုဘီး နာမယ်ရှိဘီး ထန်ပေါ်ဟှူ ထောန်သား တယော့‑က်ရှိဟှယ်။ 
\v 17 အယ်ကြောန့် လူအောက်ဂီးဟှာ စုလာဟှူ ခီမာ ပိလတ်ဟှ သူးနို့ဟှို “နန်းနို့လေ ဖယ်သူ့ဟှို လွှတ်ပေးစေရှင်ဟှယ်နူး။ ယေရှုဗာရဗ္ဗလော။ ခရစ်တော် ဆိုဘီး ခေါ်ဟှူ ယေရှုလော” ဆိုဘီး မေးလေဟှယ်။ 
\v 18 သူးနို့လေဟှာ နာလိုဘဲစိရှိဟှူကြောန့် ယေရှုဟှို အပ်နှံဂေ့ဟှယ် ဆိုဇာဟှို ပိလတ်ဟှ ကောန်းကောန်းသိနေဟှူကြောန့် ဖြစ်ဟှယ်။
\p
\v 19 ပိလတ်ဟှ တရားပလ္လင်ထတ်မာ ထိုင်နေဒူးမာ သူ့ရဲ့ မယားဟှ လူတယော့‑က်ဟှို လွှတ်ဘီးဟှာ “အယ်မူဖြောန့်မတ်ဟှူ သူဟှို ဖြားလည်းလောက်ပါန။ ဖြားဖြစ်ကြောန့်နူးဆိုဟှာ နတ်ကီးညဉ့်ခန်းဒူးဟှ အိမတ်ထဲမာ အယ်သူကြောန့် ရရာတိုင်း စိဒေါက်ခဖြစ်ဟှယ်” ဆိုဘီး မှာလိုက်လေဟှယ်။
\p
\v 20 အယ်ဘေမဲ့ ဗာရဗ္ဗဟှို လွှတ်ပေးဟှို့န ယေရှုဟှို သတ်ဟှို့တွပ် တောန်းဆိုဟှို့ ယဇ်ပုရောဟိတ်ဂီးလေန သတ်ကီးဝါဂီးလေဟှာ လူအောက်ဂီးဟှို စည်းရောင်းဂေ့လေဟှယ်။ 
\v 21 ဗြို့ဝန်မန်းဟှ “အယ်လူလေ နှေ့ယော့‑က်မာ ဖယ်တယော့‑က်ဟှို လွှတ်ပေးစေရှင်ဟှယ်နူး” ဆိုဘီး လူအောက်ဂီးဟှို မေးလေဟှယ်။
\p သူးနို့လေဟှ “ဗာရဗ္ဗ!” ဆိုဘီး ဖြေဂေ့လေဟှယ်။
\p
\v 22 ပိလတ်ဟှ “အယ်ဆိုဟှာ ခရစ်တော် ဆိုဘီး ခေါ်ဟှူ ယေရှုဟှို ဖြားလောက်ရမယ်နူး” ဆိုဘီး သူးနို့ဟှို မေးလေဟှယ်။
\p သူးနို့လေအားလောင်းဟှ “သူ့ဟှို ကားစင်တန်ပါ!” ဆိုဘီး ဖြေဂေ့လေဟှယ်။
\p
\v 23 အယ်ဘေမဲ့ ပိလတ်ဟှ “အယ်သူဟှာ ဖယ်မူမျိုးပြစ်မှုဟှို လွန်ကြူးမိဟှယ်နူး” ဆိုဘီး မေးလေဟှယ်။
\p သူးနို့လေဟှ “သူ့ဟှို ကားစင်တန်ပါ!” ဆိုဘီး သံက္လယ်ဂီးန အော်ဂေ့လေဟှယ်။
\p
\v 24 ပိလတ်ဟှာ ရုန်းရင်းဆန်ခတ် ဖြစ်လာမယ် ဆိုဇာဟှို ဗြင်ဟှူ ခီမာ သူဟှာ ရေဟှို ယူဘီးဟှာ “အယ်ပြစ်မှေ့ဟှူ သူရဲ့ သွီးတွပ် ငါ့မာ တာဝန်မှေ့ဟှ! နန်းနို့ရဲ့ တာဝန်ဘဲ့ဖြစ်ဟှယ်!” ဆိုဘီး လူအောက်ဂီးရဲ့ ရှေ့မာ သူ့ရဲ့ လတ်ဟှို ဆေးလေဟှယ်။
\p
\v 25 လူအောက်ဂီး တခုလောင်းဟှ “သူ့ရဲ့သွီးဟှာ ကျွန်တော်ဟှားလေန ကျွန်တော်ဟှားလေရဲ့ သားမီးလေထတ်မာ သတ်ရော့‑က်ပါစေ!” ဆိုဘီး ပ္လန်ပြောဂေ့လေဟှယ်။
\p
\v 26 အယ်ဘီးန ပိလတ်ဟှ ဗာရဗ္ဗဟှို လွှတ်ပေးလိုက်ဘီးဟှာ ယေရှုဟှို ကီဒန်ပေးဘီးန ကားစင်တန်ဟှို့တွပ် အပ်နှံလိုက်လေဟှယ်။
\s စစ်သားလေဟှာ ယေရှုဟှို သရော်ဟှူကြောန်း
\r (မာကု ၁၅.၁၆–၂၀; ယောဟန် ၁၉.၂,၃)
\p
\v 27 အယ်ဘီးန ပိလတ်ရဲ့ စစ်သားလေဟှာ ယေရှုဟှို ဗြို့ဝန်မန်းရဲ့ အီတော်ဟှို ခေါ်ဟှားဘီး စစ်တပ်တတပ်လောင်းဟှို ကိုယ်တော်နားမာ စုဝီးစေလေဟှယ်။ 
\v 28 အယ်ဘီးမှ စစ်သားလေဟှာ ကိုယ်တော်ရဲ့ ဝတ်တော်ဟှို ခလွတ်ဘီး ကမ္ဗလာနီဝတ်လောင်ဟှို ချောင်ပေးဂေ့လေဟှယ်။ 
\v 29 အယ်ဘီးန ဆူးခတ်န လောက်ဟှားဟှူ သရဖူဟှို ခေါန်းတော်မာ ဆောန်းပေးဂေ့ဘီး၊ ကျူဒေါက်တရှောန်းဟှိုလည်း ညာဖတ်လတ်တော်မာ ကိုင်စေလေဟှယ်။ အယ်ဘီးန ကိုယ်တော်ရှေ့မာ ဒူးထော့‑က်ဘီးဟှာ “ယုဒမန်းဂီး သတ်တော်ရှယ်ပါစေ!” ဆိုဘီး သရော်ဂေ့လေဟှယ်။ 
\v 30 သူးနို့ဟှာ ကိုယ်တော့်ဟှို ထွီးရယ်န ထွီးဂေ့ဘီး ကျူဒေါက်ဟှို ယူဘီးဟှာ ခေါန်းဟှို ခဏခဏ ရိုက်ဂေ့လေဟှယ်။ 
\v 31 သူးနို့ဟှာ ကိုယ်တော့်ဟှို သရော်ဂေ့ဘီးန ကမ္ဗလာနီဝတ်လောင်ဟှို ခလွတ်ဘီးဟှာ ကိုယ်တော်ရဲ့ အန်းဂီးဟှို ပ္လန်ဝတ်စေဟှယ်။ အယ်ဘီးန လတ်ဝါးကပ်တိုင်မာ တန်ဘီးသတ်ဟှို့တွပ် ခေါ်ဆောန်ဟှားဂေ့လေဟှယ်။
\s ကားစင်တန်ခံရဟှူကြောန်း
\r (မာကု ၁၅.၂၁–၃၂; လုကာ ၂၃.၂၆–၄၃; ယောဟန် ၁၉.၁၇–၂၇)
\p
\v 32 သူးနို့လေ ထွပ်လာဟှူ ခီမာ ရှိမုန် ဆိုဘီး နာမယ်ရှိဟှူ ကုရေနေဗြို့ဟှ လူတယော့‑က်ဟှို လမ်းမာ တွိဟှားဘီး စစ်သားလေဟှာ အယ်သူဟှို ယေရှုရဲ့ လတ်ဝါးကပ်တိုင်ဟှို အဓမ္မထမ်းခိုင်းဂေ့လေဟှယ်။ 
\v 33 “ဦးခေါန်းခွံနေရာ” ဆိုဘီး ဓိပါယ်ရှိဟှူ၊ ဂေါလဂေါသနာမယ်ရှိဟှူ နေရာဟှို ရော့‑က်လာဂေ့ဟှယ်။ 
\v 34 အယ်နေရာမာ သူးနို့လေဟှာ ယေရှုဟှို ဆေးခါးန ရောစပ်ဟှားဟှူ ဝိုင်ဟှို ပေးသော့‑က်ဂေ့ဟှယ်။ အယ်ဘေမဲ့ ယေရှုဟှ ဗြဲကေ့ဘီးန သော့‑က်ဟှို့ ငြင်းတော်မူလေဟှယ်။
\p
\v 35 ကိုယ်တော့်ဟှို ကားစင်တန်ဂေ့ဘီးန ကိုယ်တော်ရဲ့ ဝတ်တော်ဟှို မဲနှိုက်ဘီး ခွဲဝီဂေ့လေဟှယ်။ 
\v 36 အယ်မျိုးလောက်ဘီးန အယ်နေရာမာ ကိုယ်တော့်ဟှို ထိုင်ဘီး စောန့်ကေ့နေဂေ့လေဟှယ်။ 
\v 37 ကိုယ်တော်ရဲ့ ခေါန်းတော်ထတ်မာ “ယုဒမန်းဂီး ယေရှုဖြစ်ဟှယ်” ဆိုဘီး ကိုယ်တော့်ဟှို စွပ်စွဲဟှားဟှူ စာပ္လားဟှိုလည်း ကပ်ဟှားလေဟှယ်။ 
\v 38 အယ်ဘီးန ယေရှုနတူးဒူ မ္လနှေ့ယော့‑က်ဟှိုလည်း ကိုယ်တော်ရဲ့ ညာဖတ်မာ တယော့‑က်၊ ဘယ်ဖတ်မာ တယော့‑က် ထားဘီးဟှာ ကားစင်တန်ဂေ့ဟှယ်။
\p
\v 39 ဖြတ်သန်းသွားလာနေဟှူ သူလေဟှာ သူးနို့ရဲ့ ခေါန်းလေဟှို ခါဘီးဟှာ ယေရှုဟှို ကဲ့ရဲ့ဂေ့ဇာဟှ 
\v 40 \x - \xo ၂၇.၄၀ \xo*\xt မ ၂၆.၆၁; ယော ၂.၁၉\xt*\x*“ဗိမာန်တော်ဟှို ဖြိုဖျစ်ဘီး သောင်းရစ်ဒဲန ပ္လန်တည်ဆော့‑က်ဟှို့သူ! နန့်ကိုယ်နန် ကယ်တန်ပါ! နန်ဟှာ ဘုရားသခင်ရဲ့ သားတော်ဖြစ်ဟှယ် ဆိုဟှာ လတ်ဝါးကပ်တိုင်ဟှနေ ဆင်းလာပါ!”
\p
\v 41 အယ်နည်းတူ ယဇ်ပုရောဟိတ်ဂီးလေ၊ ကျမ်းပြုဆရာလေန သတ်ကီးဝါဂီးလေဟှလည်း ကိုယ်တော့်ဟှို 
\v 42 “အယ်သူဟှာ တခြားလူလေဟှို ကယ်တန်ဘီးဟှာ သူ့ကိုယ်သူ ကယ်တန်နိုင်ဟှမား! သူဟှာ ဣသရေလမန်းဂီး မှုဟှလော။ သူဟှာ လတ်ဝါးကပ်တိုင်ဟှနေ ဆင်းလာမယ် ဆိုဟှာ နို့လေ ယောင်ကြည်ဂေ့မယ်! 
\v 43 သူဟှာ ဘုရားသခင်ဟှို အားကိုးဟှယ်။ ‘ငါဟှာ ဘုရားသခင်ရဲ့ သားတော်ဖြစ်ဟှယ်’ ဆိုဘီး ပြောဟှယ်။ အယ်ကြောန့် သူ့ဟှို ဘုရားသခင် လိုတော်ရှိမယ် ဆိုဟှာ ခုဘဲ့ ကယ်တန်ပါစေ!” ဆိုဘီး သရော်ဂေ့ဟှယ်။
\p
\v 44 ကိုယ်တော်နတူးဒူ ကားစင်တန်ဟှားဟှူ မ္လနှေ့ယော့‑က်ဟှလည်း အယ်နည်းတူ ကဲ့ရဲ့လေဟှယ်။
\s ယေရှုရဲ့ သတ်ချောက်တော်မူဟှူကြောန်း
\r (မာကု ၁၅.၃၃–၄၁; လုကာ ၂၃.၄၄–၄၉; ယောဟန် ၁၉.၂၈–၃၀)
\p
\v 45 မွန်းဒဲ့ခီဟှနေ နေဒန်သောင်းနာရီထိအောန် တပြည်လောင်းဟှာ မှောန်မိုက်က္လလေဟှယ်။ 
\v 46 နေဒန်သောင်းနာရီမာ ယေရှုဟှ “\tl ဧလိ၊ ဧလိ၊ လာမာရှာဗခသာနိ\tl*” ဆိုဘီး သံက္လယ်ဂီးန အော်ဟစ်တော်မူလေဟှယ်။ အယ်မူဓိပါယ်ဟှ “ကျွန်တော့်ဘုရားသခင်၊ ကျွန်တော့်ဘုရားသခင်၊ ဖြားဖြစ်ကြောန့် ကျွန်တော့်ဟှို စွန့်ပစ်တော်မူဟှယ်နူး” ဆိုဘီး ဖြစ်လေဟှယ်။
\p
\v 47 အယ်နေရာမာ ရပ်နေဟှူ လူလေတချို့ဟှာ အယ်မူဇာဟှို ကြားရခီမာ “သူဟှာ ဧလိယဟှို ခေါ်နေဟှယ်!” ဆိုဘီး ပြောဂေ့လေဟှယ်။ 
\v 48 သူးနို့လေထဲဟှ တယော့‑က်ဟှာ တခါဒဲ ပ္လေးဟှားဘီး ရေမ္လောက်ဟှို ယူဘီး ရှင်နေဟှူ ဝိုင်ရှင်ထဲဟှို နှစ်ထဲ့လေဟှယ်။ အယ်ဘီးန ကျူဒေါက်ဖျားမာ တပ်ဘီး ကိုယ်တော့်ဟှို သော့‑က်ဟှို့ ပေးလေဟှယ်။
\p
\v 49 အယ်ဘေမဲ့ တခြားလူလေဟှ “နေအူး၊ ဧလိယဟှာ သူ့ဟှို ကယ်ဟှို့တွပ် လာမယ် ဆိုဇာဟှို ကေ့ဂေ့ဇို့!” ဆိုဘီး ပြောဂေ့လေဟှယ်။
\p
\v 50 ယေရှုဟှာ နော့‑က်ထပ် သံက္လယ်ဂီးန အော်ဘီးဟှာ သတ်တော်ဟှို စွန့်တော်မူလေဟှယ်။
\p
\v 51 အယ်မူခီမာဘဲ့ ဗိမာန်တော်ရဲ့ လိုက်ကာဟှာ ထတ်ဟှနေ အော့‑က်ဟှို နှေ့ခြမ်းကွဲဟှားလေဟှယ်။ မ္လေဂီးဟှာ လှောက်ဘီး က္လော့‑က်လေဟှာ အတ်ကွဲဟှားဘီး 
\v 52 သန်းခ္လိုင်းဂူလေလည်း ပွမ့်ထွပ်ဟှားလေဟှယ်။ ဘုရားသခင်ရဲ့ သန့်ရှင်းသူလေရဲ့ ကိုယ်ခန္ဓာလေဟှာ ထမြော့‑က်ဂေ့လေဟှယ်။ 
\v 53 ယေရှု ရှင်ပ္လန်ထမြော့‑က်တော်မူဘီးန သူးနို့လေဟှာ သန်းခ္လိုင်းဂူထဲဟှ ထွပ်လာဘီးဟှာ သန့်ရှင်းဟှူ ဗြို့တော်ထဲဟှို ဝမ်ဟှားဘီး လူလေဟှို ကိုယ်ထန်ရှားပြလေဟှယ်။
\p
\v 54 တပ်မှူးနတူးဒူ ယေရှုဟှို စောန့်ကေ့နေဂေ့ဟှူ စစ်သားလေဟှာ မ္လေဂီးလှောက်ဟှူ ဇာလေန ဖြစ်ပျစ်ဟှားဟှူ ဇာလေ အားလောင်းဟှို တွိဗြင်ရဟှူ ခီမာ သူးနို့ဟှာ ရရာတိုင်း ကြော့‑က်လန့်ဟှားဂေ့ဘီး “အယ်သူဟှာ တကယ်ဘဲ့ ဘုရားသခင်ရဲ့ သားတော်ဖြစ်ဟှယ်!” ဆိုဘီး ပြောဂေ့လေဟှယ်။
\p
\v 55 \x - \xo ၂၇.၅၅,၅၆ \xo*\xt လု ၈.၂,၃\xt*\x*ဂါလိလဲပြည်ဟှနေ ယေရှုနော့‑က်လိုက်ဘီးဟှာ လောက်ကျွေးနေဟှူ မီးမလေဟှာ အယ်နေရာမာရှိနေဘီး ဝီးဟှနေ ကေ့နေဂေ့လေဟှယ်။ 
\v 56 သူးနို့လေထဲမာ မာဂဒလဗြို့သူ မာရိ၊ ယာကုပ်န ယောသပ်လေရဲ့ မိဖြစ်ဟှူမာရိန ဇေဗေဒဲရဲ့မီးမ ပါလေဟှယ်။
\s ယေရှုဟှို သင်္ဂြိုဟ်ဟှူကြောန်း
\r (မာကု ၁၅.၄၂–၄၇; လုကာ ၂၃.၅၀–၅၆; ယောဟန် ၁၉.၃၈–၄၂)
\p
\v 57 နေဒန်ပိုင်းဟှို ရော့‑က်ဟှူ ခီမာ အရိမဿဲဗြို့ဟှနေ ယောသပ် ဆိုဘီး နာမယ်ရှိဟှူ ဌေးတယော့‑က် ရော့‑က်လာဘီး သူဟှာ ယေရှုရဲ့ တဗဲ့တော်လည်း ဖြစ်လေဟှယ်။ 
\v 58 အယ်သူဟှ ပိလတ်နားဟှို ဝမ်ဟှားဘီး ယေရှုရဲ့ လောန်းတော်ဟှို တောန်းဟှူကြောန့် ပိလတ်ဟှာ ပေးလိုက်ဟှို့ မိန့်ပေးလေဟှယ်။ 
\v 59 အယ်ကြောန့် ယောသပ်ဟှာ လောန်းဟှို ယူဘီး ဖ္လူစင်ဟှူ ပိဖ္လူနလိလေဟှယ်။ 
\v 60 က္လော့‑က်တောင်းမာ ထွမ်းဟှားဟှူ သူ့ရဲ့ကိုယ်ပိုင် သန်းခ္လိုင်းဂူသစ်ထဲမာ သင်္ဂြိုဟ်လေဟှယ်။ အယ်ဘီးမှ သူဟှာ ကီးမားဟှူ က္လော့‑က်တောင်းဟှို သန်းခ္လိုင်းဂူဝမ်ဝရဲ့ ရှေ့မာ ပိဟှားဘီးန ပ္လန်ဟှားလေဟှယ်။ 
\v 61 မာဂဒလဗြို့သူ မာရိန တခြားမာရိလေဟှာ သန်းခ္လိုင်းရှေ့မာ ထိုင်နေဂေ့လေဟှယ်။
\s သန်းခ္လိုင်းဂူမာ စောန့်လေထားဟှားဟှူကြောန်း
\p
\v 62 ဒန်းနေ့တွပ် ပြင်ဆင်ရာနေ့ဘီးန ယဇ်ပုရောဟိတ်ဂီးလေန ဖာရိရှဲလေဟှာ ပိလတ်နားဟှို သွားဘီး၊ 
\v 63 \x - \xo ၂၇.၆၃ \xo*\xt မ ၁၆.၂၁; ၁၇.၂၃; ၂၀.၁၉; မာ ၈.၃၁; ၉.၃၁; ၁၀.၃၃,၃၄; လု ၉.၂၂; ၁၈.၃၁–၃၃\xt*\x*“သခင်၊ အယ်မူလူလီဟှာ သတ်ရှင်နေဒူးဟှ ‘သောင်းရစ်ကြာဘီးန ငါဟှာ ပ္လန်ထမြော့‑က်လေ့မယ်’ ဆိုဘီး ပြောဟှားဇာဟှို ကျွန်တော့်ဟှားလေ မှတ်မိပါဟှယ်။ 
\v 64 အယ်ကြောန့် သောင်းရစ်မြော့‑က်ဟှူ နေ့တိုင်အောန် သန်းခ္လိုင်းဂူဟှို ဒိနစောန့်ကေ့ဟှို့တွပ် မိန့်ပေးတော်မူပါ။ အယ်မျိုးလောက်ဘဲဟှ ဆိုဟှာ သူ့တဗဲ့လေဟှာ လောန်းဟှို လာခိုးဟှားဘီး သူဟှာ သေရာဟှနေ ထမြော့‑က်ဟှားဘီ ဆိုဘီး လူလေဟှို ပြောဂေ့ပါလေ့မယ်။ အယ်ဆိုဟှာ နော့‑က်ဆောင်း လီညာဟှူဇာဟှာ ရင်ဟှ လီညာဟှူဇာထတ် ပိုဘီးဆိုးဝါးပါလေ့မယ်” ဆိုဘီး လျှော့‑က်ဂေ့လေဟှယ်။
\p
\v 65 ပိလတ်ဟှ “စောန့်တတပ်ဟှို ခေါ်ဟှားဂေ့။ သန်းခ္လိုင်းဂူဟှို တတ်နိုင်ဟှူမျှ လောင်ခြောင်အောန် စောန့်ကေ့ခိုင်းဂေ့” ဆိုဘီး မိန့်လေဟှယ်။
\p
\v 66 အယ်ကြောန့် သူးနို့လေဟှာ သန်းခ္လိုင်းဟှို သွားဘီးဟှာ က္လော့‑က်တောင်းဟှို ဇိခပ်ဘီး စောန့်လေဟှို နေရာခ္လဟှားလိုက်ဘီး စောန့်ကေ့စေလေဟှယ်။
\c 28
\s ရှင်ပ္လန်ထမြော့‑က်တော်မူဟှူကြောန်း
\r (မာကု ၁၆.၁–၁၀; လုကာ ၂၄.၁–၁၂; ယောဟန် ၂၀.၁–၁၀)
\p
\v 1 ဒန်းနေ့လွန်ဘီးန နန်းနွေနေ့ မိုးလန်းခါနီးမာ မာဂဒလဗြို့သူ မာရိန တခြားမာရိလေဟှာ သန်းခ္လိုင်းဟှို သွားဘီး ကေ့ဂေ့လေဟှယ်။ 
\v 2 ဘုရားသခင်ရဲ့ ကောန်းဂန်တမန်တပါးဟှာ ကောန်းဂန်ဘောင်ဟှနေ ဆင်းလာဟှူကြောန့် ရောက်တရစ် ရရာတိုင်း ကြမ်းဟှူ မ္လေဂီးလှောက်လာဟှယ်။ အယ်ဘီးန က္လော့‑က်တောင်းဟှို လှိဖယ်လိုက်ဘီး အယ်က္လော့‑က်တောင်းထတ်မာ ထိုင်နေလေဟှယ်။ 
\v 3 သူ့ရဲ့ ရောန်ဆင်းဟှာ လျှပ်စစ်လတ်ဟှူမျိုးဖြစ်ဘီး သူ့ရဲ့ ဝတ်ဟှလည်း နှမ်းပွမ့်မျိုးဘဲ့ ဖ္လူလေဟှယ်။ 
\v 4 စောန့်လေဟှာ ကောန်းဂန်တမန်ဟှို ရရာတိုင်း ကြော့‑က်လန့်ဂေ့ဘီး လူသေလေမျိုးဘဲ့ ဖြစ်ဟှားဂေ့လေဟှယ်။
\p
\v 5 ကောန်းဂန်တမန်ဟှ အယ်မီးမလေဟှို “ကြော့‑က်ဂေ့န။ နန်းနို့လေဟှာ လတ်ဝါးကပ်တိုင်မာ သတ်ခံရဟှူ ယေရှုဟှို ရှာနေဂေ့ဟှယ် ဆိုဇာဟှို ငါသိဟှယ်။ 
\v 6 ကိုယ်တော်ဟှာ အယ်နေရာမာမှေ့ဘီ။ မိန့်တော်မူဟှားဟှူတိုင်းဘဲ့ ထမြော့‑က်တော်မူဟှားဘီ။ ကိုယ်တော်လျောင်းတော်မူဟှားဟှူ နေရာဟှို လာဘီးကေ့ဂေ့ပါ။ 
\v 7 တဗဲ့တော်လေနားဟှို ဗြန်းဗြန်သွားဘီး ‘ကိုယ်တော်ဟှာ သေရာဟှနေ ထမြော့‑က်တော်မူဟှားဘီ။ နန်းနို့လေထတ်စောဘီး ဂါလိလဲပြည်ဟှို ကြွတော်မူလေ့မယ်။ အယ်နေရာမာ နန်းနို့လေဟှာ ကိုယ်တော့်ဟှို တွိရဂေ့လေ့မယ်!’ ဆိုဘီး ပြောဂေ့ပါ။ ငါပြောလိုက်ဇာလေဟှို မေ့ဂေ့န။”
\p
\v 8 အယ်ကြောန့် အယ်မီးမလေဟှာ ကြော့‑က်လန့်ဘေမဲ့လည်း အားရဝန်းသာန သန်းခ္လိုင်းဟှနေ ဗြန်းဗြန်ထွပ်ဟှားဘီး တဗဲ့တော်လေဟှို ပြောပြဟှို့တွပ် ပ္လေးဂေ့လေဟှယ်။
\p
\v 9 ရောက်တရစ် ယေရှုဟှ သူးနို့နားဟှို ရော့‑က်လာဘီးဟှာ “နန်းနို့နတူးဒူ ငြီသတ်ရှင်းရှိပါစေ” ဆိုဘီး မိန့်တော်မူလေဟှယ်။ သူးနို့ဟှာ ကိုယ်တော်နားဟှို ချဉ်းကပ်ဘီးဟှာ ခေတော်ဟှို ဖတ်ဘီး ရှိခိုးဂေ့လေဟှယ်။ 
\v 10 ယေရှုဟှ “ကြော့‑က်ဂေ့န။ သွားဘီးဟှာ ငါ့ရဲ့ ညီကိုလေဟှို ဂါလိလဲပြည်ဟှို သွားဟှို့တွပ် ပြောဂေ့။ သူးနို့လေဟှာ အယ်နေရာမာ ငါ့ဟှို ဗြင်ရဂေ့လေ့မယ်” ဆိုဘီး မိန့်တော်မူလေဟှယ်။
\s စောန့်လေရဲ့ စီရင်ခံစာကြောန်း
\p
\v 11 အယ်မီးမလေဟှာ လမ်းမာ သွားနေဒူးမာ သန်းခ္လိုင်းဂူစောန့်နေဟှူ တပ်သားတချို့ဟှာ ဗြို့ထဲဟှို ဝမ်ဘီး ယဇ်ပုရောဟိတ်ဂီးလေဟှို ဖြစ်ပျစ်ဇာလေ အားလောင်းဂူဟှို ပြောပြဂေ့လေဟှယ်။ 
\v 12 ယဇ်ပုရောဟိတ်ဂီးလေဟှာ သတ်ကီးဝါဂီးလေန တွိဆောင်ဂေ့ဘီး ဆွေးနွေးဘီးန သူးနို့ဟှာ စစ်သားလေဟှို ကပ်လေဘောင်ဂီးပေးဘီး၊ 
\v 13 “နို့လေအိမွီနေဒူးမာ သူ့ရဲ့ တဗဲ့လေဟှာ ညဉ့်ခန်းဖတ်မာ လာဘီး လောန်းဟှို ခိုးဆောန်ဟှားဟှယ် ဆိုဘီး ပြောဂေ့။ 
\v 14 ဗြို့ဝန်မန်းဟှာ အယ်မူဒန်းဟှို သိဟှားမယ် ဆိုဟှာ နို့လေဟှာ သူ့ဟှို စည်းရောင်းဘီး နန်းနို့မာ စိုးရိမ်ဇာမှေ့ဟှို့တွပ် လောက်ပေးမယ်” ဆိုဘီး ပြောဂေ့ဟှယ်။
\p
\v 15 စောန့်လေဟှာ ကပ်ဟှို ယူဘီးဟှာ သူးနို့ဟှို ညွန်ကြားဟှားဟှူတိုင်း လောက်ဂေ့လေဟှယ်။ အယ်ကြောန့် အယ်ဒန်းဟှာ ယုဒလူမျိုးလေထဲမာ အယ်နေ့ထိ ပ္လံ့နှံ့နေလေဟှယ်။
\s တဗဲ့တော်လေဟှို ကိုယ်ထန်ရှားပြဟှူကြောန်း
\r (မာကု ၁၆.၁၄–၁၈; လုကာ ၂၄.၃၆–၄၉; ယောဟန် ၂၀.၁၉–၂၃; တမန်တော် ၁.၆–၈)
\p
\v 16 \x - \xo ၂၈.၁၆ \xo*\xt မ ၂၆.၃၂; မာ ၁၄.၂၈\xt*\x*တဗဲ့တော်ဆယ့်တယော့‑က်ဟှာ ဂါလိလဲပြည်ဟှို သွားဘီး ယေရှုမှာဟှားတိုင်း တောန်ထတ်ဟှို သွားဂေ့လေဟှယ်။ 
\v 17 သူးနို့လေဟှာ ကိုယ်တော့်ဟှို တွိဗြင်ရဟှူ ခီမာ ရှိခိုးဂေ့လေဟှယ်။ အယ်ဘေမဲ့ သူးနို့ထဲဟှ တချို့ဟှာ သံသယဖြစ်ဂေ့ဟှယ်။ 
\v 18 ယေရှုဟှာ တဗဲ့တော်လေနားဟှို ကြွလာဘီးဟှာ “ကောန်းဂန်န မ္လေဂီးထတ်မာ ရှိမျှဟှူ ခွမ့်အာဏာလေဟှို ငါ့ဟှို ပေးအပ်တော်မူဘီ။ 
\v 19 \x - \xo ၂၈.၁၉ \xo*\xt တ ၁.၈\xt*\x*အယ်ကြောန့် နန်းနို့လေဟှာ သွားဘီး လူမျိုးပေါန်းဟှို ငါ့တဗဲ့ဖြစ်စေဘီးဟှာ ခမည်းတော်၊ သားတော်၊ သန့်ရှင်းဟှူဝိညာဉ်တော်ရဲ့ နာမတော်ထဲမာ ဗတ္တိဇံပေးဂေ့ဘီး 
\v 20 နန်းနို့လေဟှို ငါပညတ်ဟှားဇာလေ အားလောင်းဟှို နာခံဟှို့တွပ် သွန်သန်ဂေ့ပါ။ ငါဟှာလည်း ကမ္ဘာကူဆောင်းဟှူ ခီထိ နန်းနို့လေနတူးဒူ မြဲဒမ်းရှိနေမယ်” ဆိုဘီး မိန့်တော်မူလေဟှယ်။