\id LUK - Dawei Bible Translation
\ide UTF-8
\ide 65001 - Unicode (UTF8)
\h လုကာ
\toc1 လုကာ ရေးဟှားဟှူ ခရစ်တော်ရဲ့ ဒန်းကောန်း
\toc2 လုကာ
\toc3 လု
\mt1 လုကာ
\mt2 လုကာ ရေးဟှားဟှူ ခရစ်တော်ရဲ့ ဒန်းကောန်း
\is နိဒါန်း
\im \bk လုကာ ရေးဟှားဟှူ ခရစ်တော်ရဲ့ ဒန်းကောန်း\bk*ဟှာ ယေရှုခရစ်တော်ရဲ့ သတ်တော်စဉ်ဟှို ဖော်ပြဟှားဟှူ ဓမ္မသစ်ကျမ်းထဲမာ ကျမ်းလေးစောန်ထဲဟှ တစောန်ဖြစ်ဟှယ်။ အယ်ကျမ်းတစောန်စီဟှို “ဧဝံဂေလိ” ဆိုဘီး ခေါ်ဟှယ်။ “ဒန်းကောန်း” ဆိုဘီး ဓိပါယ်ရဟှယ်။ ယေရှုသေဆောင်းဘီးန အယ်ကျမ်းလေဟှို မဿဲ၊ မာကု၊ လုကာန ယောဟန်ဟှ ရေးဟှားဟှယ်။ လုကာဟှာ ယေရှုရဲ့ သတ်တော်စဉ်ကြောန်းဟှို ရေးဟှားရုံမျှမှုဘဲ သူဟှာ ကိုယ်တော်ရဲ့ သေဆောင်းဇာန ထမြော့‑က်ဘီးန ယေရှုရဲ့ တဗဲ့တော်လေ လောက်ဆောန်ဟှားဟှူ ကြောန်းရာလေဟှိုလည်း ရေးဟှားသေးဟှယ်။ အယ်ကျမ်းဟှို တမန်တော်လေရဲ့ လောက်ဆောန်မှုကျမ်း ဆိုဘီး ခေါ်ဟှယ်။ လုကာရေးဟှားဟှူ ဒန်းကောန်းဟှာ ရေးဟှားဟှူ ခီနာရီတိက္လန နေရာဟှို ဖယ်လူလည်း သိဂေ့ဟှ။ အယ်ဘေမဲ့ အယ်ကျမ်းဟှာ ခရစ်တော် မွီးဘီးန ၇၀ ခုနှစ်လော့‑က်ဟှ ရေးဟှားဇာ ဖြစ်မယ် ဆိုဘီး ကျမ်းစာပညာရှင် များစုဟှ ဘောတူဂေ့ဟှယ်။
\ip ကျမ်းရေးသူဖြစ်ဟှူ လုကာဟှာ ဆရာဝန် တယော့‑က်လည်း ဖြစ်ဟှယ်။ သူဟှာ ပညာတတ် တယော့‑က် ဖြစ်ဟှယ် ဆိုဇာဟှို သူ့ရဲ့ စာရေးသားဟန်န သောင်းပြုဟှားဟှူ ဘာသာစကားဟှ ပြသနေဟှယ်။ လုကာဟှာ ယေရှုသတ်တော်စဉ်ရဲ့ ဖော်ပြချစ်မှန်ဟှို ရေးဟှို့တွပ် လိုရှင်ဟှယ်။ အယ်ကြောန့် သူးနို့တွိကြောင်ဟှားဟှူ ဖြစ်ပျစ်လေဟှို ပြောပြနေဇာဖြစ်ဟှယ်။ အယ်မျိုးမှဘဲ့ အယ်ကျမ်းဟှို ဖတ်ဟှူ တခြားလူလေဟှာ ကျိုးကျေးဇူးရနိုင်မယ် (\xt ၁.၁–၃\xt*)။ သူဟှာ ယုဒလူမျိုး တယော့‑က် မှုဟှ။ (\xt ကော ၄.၁၀–၁၄\xt*) အယ်ဘီးဟှာ သူဟှာ ယုဒလူမျိုးမှုဘဲဟှူ လူလေ နားလည်နိုင်အောန် ဆိုဘီး အယ်နည်းလမ်းန ရေးဟှားလေဟှယ်။ သူဟှာ ယုဒလူမျိုးရဲ့ ထောင်းဇံလေဟှို ရှင်းပြဟှားဟှူထဲမာ အယ်မူကြောန်းဟှို ရှင်းရှင်းလန်းလန်းဟှား တွိရဟှယ် (\xt ၁.၈\xt*)။
\ip လုကာရေးဟှူ ဒန်းကောန်းဟှာ မဿဲန မာကုရဲ့ ကျမ်းလေန ရရာတိုင်း တူညီလေဟှယ်။ ဖြားဖြစ်ကြောန့်နူးဆိုဟှာ သူးနို့ဟှာ တူညီဟှူ ကြောန်းရာလေန တူညီဟှူ နည်းလမ်းဟှို ဖော်ပြဟှားဟှူကြောန့် ဖြစ်ဟှယ်။ အယ်သောင်းယော့‑က်ထဲမာ လုကာဟှာ ဗတ္တိဇံယောဟန်ရဲ့ မွီးဖွားဇာန ဆိုင်ဟှူကြောန်းဟှို သေးစိတ် ဖော်ပြဟှားဟှယ်။ လုကာဟှာ ပြစ်လွှတ်ဇာန (ခန်းဂီး \xt ၃.၃; ၁၁.၄; ၁၇.၃–၄; ၂၃.၃၄; ၂၄.၄၇\xt*) ဆုတောန်းဇာ (\xt ၃.၂၁; ၅.၁၆; ၆.၁၂; ၁၁.၁–၁၂; ၂၂.၃၂\xt*) ဟှိုလည်း လေးထားဘီး ဖော်ပြဟှားဟှယ်။
\iot ကြောန်းရာ ကျဉ်းချောက်
\io1 ၁။ လုကာဟှာ သူ့ရဲ့ ဒန်းကောန်းဟှို မိတ်ဆစ်ဟှားဘီး သူဟှာ အယ်ကျမ်းဟှို ဖြားဖြစ်ကြောန့် ရေးဟှယ် ဆိုဘီး ရှင်းပြဟှားဟှူကြောန်း \ior (၁.၁–၄)\ior*
\io1 ၂။ အယ်ဘီးန သူဟှာ ယေရှုရဲ့ မွီးဖွားဇာဟှို ဖော်ပြဟှားဘီး ကိုယ်တော်ဟှာ သာသနာတွပ် ဖယ်မျိုး ပြင်ဆင်ဟှားဟှူကြောန်း \ior (၁.၅—၄.၁၃)\ior*
\io1 ၃။ ဒန်းကောန်းရဲ့ ကျန်သေးဟှူ စိပိုင်းများစုမာ လုကာဟှာ ထူးသဖြင့် ယေရှုလောက်ဆောန်ဟှားဟှူ နိမိတ်လတ်ခဏာကြောန်းန ကိုယ်တော် သွန်သန်ဟှားဟှူ ဇာလေဟှို ပြောပြဟှားဟှူကြောန်း \ior (၄.၁၄—၂၁.၃၈)\ior*
\io1 ၄။ နိဂေါင်းမာ သူဟှ ယေရှုဟှာ ဖယ်မျိုး သေဆောင်းဟှားဟှယ်၊ ဖယ်မျိုး သင်္ဂြိုဟ်ဟှားဟှယ်၊ အယ်ဘီးဟှာ ဖယ်မျိုး သေရာဟှနေ ထမြော့‑က်ဟှားဟှယ် ဆိုဇာဟှို နော့‑က်ဆောင်းခန်းဂီး နှေ့ခန်းမာ ဖော်ပြဟှားဟှူကြောန်း \ior (၂၂.၁—၂၄.၅၃)\ior*
\ie
\c 1
\p
\v 1 ရှစ်ရဟှူ သော်ဖိလု၊
\p ကျွန်တော့်ဟှားလေထဲမာ ဖြစ်ပျစ်နေဟှူ ကြောန်းရာလေဟှို ကောန်းဆောင်း ရေးသားဟှားဟှူ လူလေဘောင်ဂီး ရှိဟှယ်။ 
\v 2 သူးနို့လေဟှာ အယ်ဖြစ်ပျစ်ဇာလေဟှို စစဒူးဟှ ဗြင်ဟှူလူလေန ဒန်းကောန်းဟှို ဟောပြောဟှူ မှုဆောန်လေ ပ္လန်ပြောပြဇာလေဟှို ကျမ်းပြု ပေါက်ကိုလေဟှ ရေးသားဟှားဟှယ်။ 
\v 3 သော်ဖိလု၊ ကျွန်တော်ဟှာ အယ်ကြောန်းရာလေဟှို ဖြစ်ပျစ်ခီဟှနေ စဘီး သေးသေချားချာ လေ့လာဟှားဟှူ လူဖြစ်ကြောန့် သင်ဖတ်ရှုနိုင်ဟှို့တွပ် စီစဉ်က္လက္လန ကျမ်းစာဟှို ရေးသားမယ် ဆိုဟှာ ကောန်းဆောင်း ဖြစ်မယ် ဆိုဘီး ယူဆဟှယ်။ 
\v 4 အယ်ကြောန့် သင်ကြားသိဟှားဟှူ ကြောန်းရာလေဟှို သေးသေချားချာန သင့်ဟှို သိစေရှင်ကြောန့် အယ်ကျမ်းစာဟှို ရေးသားဟှားဇာ ဖြစ်ဟှယ်။
\s ဗတ္တိဇံယောဟန်ဟှို မွီးဟှို့ကြောန်း
\p
\v 5 ယုဒပြည်\f + \fr ၁.၅ \fr*\fk ယုဒပြည်၊ \fk*\ft အယ်ဝေါဟာရဟှာ ပါလတိနပြည် (ပါလက်စတိုင်း) တခုလောင်းဟှို ရည်ညွန်းဟှယ်။\ft*\f*ဟှို အောက်ချောက်ရဟှူ ဟေရုဒ်မန်းဂီး လတ်ထတ် အဘိယသင်းဝမ် ဖြစ်ဘီး ဇာခရိ နာမယ်ရှိဟှူ ယဇ်ပုရောဟိတ် တယော့‑က်ရှိဟှယ်။ သူ့မီးမ နာမယ်ဟှာ ဧလိရှဗက် ဖြစ်ဘီး သူဟှာ အာရုန်ရဲ့ မျိုးနွယ်လည်း ဖြစ်ဟှယ်။ 
\v 6 သူးနို့ နှေ့ယော့‑က်ဟှာ ဘုရားသခင်ရဲ့ ရှေ့တော်မာ ဖြောန့်မတ်သူလေဖြစ်ဘီး ကိုယ်တော်ရဲ့ ပညတ်တော်လေန မိန့်တော်လေ အားလောင်းဟှို ကျင့်ဆောန်ဟှူကြောန့် ပြစ်တန်ဇာမှေ့ဟှ။ 
\v 7 ဧလိရှဗက်ဟှာ မ္လုံနေဟှူကြောန့် သူးနို့မာ သားမီးမှေ့ဟှ။ ဇာခရိန သူ့မီးမ နှေ့ယော့‑က်လောင်းဟှာ ရရာတိုင်း အိုနေဘီ။
\p
\v 8 တရစ်မာ ဇာခရိဟှာ သူ့မှုဆောန်ရဟှို့ လှည့်ရော့‑က်ကြောန့် ဘုရားသခင်ရှေ့မာ ယဇ်ပုရောဟိတ်လောက်ဟှို လောက်နေဟှယ်။ 
\v 9 ယဇ်ပုရောဟိတ်လေရဲ့ ထောင်းဇံတိုင်း သူဟှာ ယဇ်ပလ္လင်ထတ်မာ နံ့သာပေါန်းဟှို မီးရှို့ဟှို့ ဝီးချယ်ခံရဟှယ်။ အယ်ကြောန့် သူဟှာ သခင်ဘုရားရဲ့ ဗိမာန်တော်ထဲဟှို ဝမ်ဟှားဘီး၊ 
\v 10 နံ့သာပေါန်းဟှို မီးရှို့နေခီမာ ပ္လန်မာနေဟှူ လူလေ အားလောင်းဂူဟှာ ဆုတောန်းဘီး နေဂေ့ဟှယ်။ 
\v 11 အယ်ခီမာ သခင်ဘုရားရဲ့ ကောန်းဂန်တမန်ဟှာ သူ့ရှေ့မာ ပေါ်လာဘီး နံ့သာပေါန်းဟှို မီးရှို့ဟှူ ယဇ်ပလ္လင်ရဲ့ ညာဖတ်မာ ရပ်နေဟှယ်။ 
\v 12 ဇာခရိဟှာ ဗြင်လိုက်ခီမာ ကြော့‑က်ရွံ့ ထိလန့်ဟှားဟှယ်။ 
\v 13 အယ်ဘေမဲ့ ကောန်းဂန်တမန်ဟှ “ဇာခရိ၊ ကြော့‑က်န! ဘုရားသခင်ဟှာ နန့်ရဲ့ ဆုတောန်းသံဟှို ကြားဘီး နန့်ရဲ့ မီးမ ဧလိရှဗက်ဟှာ သားမွီးရလေ့မယ်။ အယ်သားဟှို ယောဟန်နာမယ်န မှတ်ရမယ်။ 
\v 14 အယ်သားဟှို မွီးခီမာ နန်ဟှာ ရရာတိုင်း ဝန်းသာဘီး လူလေဟှာလည်း ဝန်းသာလေ့မယ်! 
\v 15 ယောဟန်ဟှာ ဘုရားသခင်ရှေ့တော်မာ ရရာတိုင်း ကီးမြတ်ဟှူ လူဖြစ်လေ့မယ်။ သူဟှာ ဝိုင်န ရစ်သေဇာဟှို လောင်းဝသော့‑က်ဟှ။ မွီးဂဒဲဟှ သူဟှာ သန့်ရှင်းဟှူဝိညာဉ်တော်န ပ္လဲ့ဝနေဘီး 
\v 16 သူဟှာ ဣသရေလလူမျိုး များစုဟှို သူးနို့ရဲ့ သခင်ဖြစ်ဟှူ ဘုရားသခင်နားဟှို ပ္လန်ခေါ်ဆောန်လာလေ့မယ်။ 
\v 17 သူဟှာ ပရောဖက်ဧလိယမျိုး ခွန်အားန တဂိုးကီးဘီး သခင်ဘုရားရှေ့တော်ဟှို သွားလေ့မယ်။ သူဟှာ ဖခင်လေရဲ့ စိနှလောင်းဟှို သားမီးလေဖတ်ဟှို ပ္လန်လှည့်စေဘီး သူဟှာ နားထောန်ဘဲဟှူ လူလေဟှာ ဖြောန့်မတ်ဟှူလမ်းဟှို ပ္လောန်းလဲစေဘီး သခင်ဘုရားတွပ် ဆင်သင့်ဖြစ်နေဟှို့ ကိုယ်တော့် လူမျိုးဟှို ပြင်ဆင်ဟှားဟှယ်” ဆိုဘီး ဇာခရိဟှို ပြောလေဟှယ်။
\p
\v 18 ဇာခရိဟှ “အယ်မျိုးဖြစ်မယ် ဆိုဇာဟှို ကျွန်တော် ဖြားမျိုးသိရနူး။ ကျွန်တော်ဟှာ ဖိုးသန်ဂီးဖြစ်နေဘီ။ ကျွန်တော့် မီးမဟှလည်း ဖွားသန်မဖြစ်နေဘီ” ဆိုဘီး ကောန်းဂန်တမန်ဟှို ပြောလေဟှယ်။
\p
\v 19 ကောန်းဂန်တမန်ဟှ “ငါဟှာ ဂါဗြေလဖြစ်ဟှယ်။ ငါဟှာ ဘုရားသခင်ရဲ့ ရှေ့တော်မာ ရပ်နေသူဖြစ်ဘီး နန့်ဟှို အယ်ဒန်းကောန်း ပြောဟှို့တွပ် ငါ့ဟှို စေလွှတ်လိုက်ဟှယ်။ 
\v 20 နန်ဟှာ ငါ့ပြောဟှူ အယ်ဒန်းကောန်းဟှို မယောင်ကြည်ဘေမဲ့ သတ်မှတ်ဟှားဟှူ ခီရော့‑က်ဟှာ ပ္လဲ့ဇောင်လာလေ့မယ်။ နန်ဟှာ ငါပြောဟှူ ဒန်းကောန်းဟှို ယောင်ကြည်ဘဲဟှူကြောန့် ငါ့ဂဒိတော်လေဟှာ နန့်မာ ပ္လဲ့ဇောင်ခန်နေ့ထိ စကားပြောနိုင်ဘဲ အ ဘီးနေရလေ့မယ်” ဆိုဘီး ပြောလေဟှယ်။
\p
\v 21 လူလေဟှာ ဇာခရိဟှို စောန့်မျှော်နေဘီး ဗိမာန်တော်ထဲမာ ကြာဂီးနေဇာဟှို အံ့ဩနေဟှယ်။ 
\v 22 ဇာခရိဟှာ ထွပ်လာခီမာ စကားပြောနိုင်ဘဲဟှူကြောန့် ဗိမာန်တော်ထဲမာ ရူပါရောင် ဗြင်ရကြောန်းဟှို သူးနို့ သိဂေ့ဟှယ်။ စကားတလောင်းလည်း ပြောနိုင်ဘဲကြောန့် သူဟှာ သူးနို့လေဟှို လတ်ရိလတ်ခေနဘဲ့ ချစ်ပြလိုက်ဟှယ်။
\p
\v 23 ဗိမာန်တော်ထဲမာ ယဇ်ပုရောဟိတ်မှုဟှို ဆောန်ရွက်ရဟှို့ ခီပီးဆောင်းဟှားကြောန့် ဇာခရိဟှာ အီဟှို ပ္လန်ဟှားဟှယ်။ 
\v 24 အယ်ဘီးန သူ့မီးမ ဧလိရှဗက်ဟှာ ဗိုက်ပိုက်နေဟှူကြောန့် ငါးလလောင်းလောင်း အီပ္လန်ဟှို ထွပ်ဘဲနေဟှယ်။ 
\v 25 အယ်မီးမဟှ “ခု သခင်ဘုရားဟှာ ငါ့ဟှို မဇတော်မူလိုက်ဘီ။ ကိုယ်တော်ဟှာ ငါ့ဟှို လူလေကဲ့ရဲ့ ဝေဖန်နေဇာလေဟှို ပယ်ရှင်းပေးတော်မူလိုက်ဘီ!” ဆိုဘီး ပြောလေဟှယ်။
\s ယေရှုဟှို မွီးဟှို့ကြောန်း
\p
\v 26 ဧလိရှဗက်ရဲ့ ဗိုက်ဟှာ ခြော့‑က်လဟှို ရော့‑က်လာဟှူ ခီမာ ဘုရားသခင်ဟှ ကောန်းဂန်တမန် ဂါဗြေလဟှို ဂါလိလဲပြည် နာဇရက်နာမယ်ရှိဟှူ ဗြို့ဟှို လွတ်လိုက်ဟှယ်။ 
\v 27 \x - \xo ၁.၂၇ \xo*\xt မ ၁.၁၈\xt*\x*ဒါဝိဒ်မန်းဂီးရဲ့ သားမ္လေးဖြစ်ဘီး ယောသပ် နာမယ်ရှိဟှူ လူတယော့‑က်န လတ်ထပ်ဟှို့ စေ့စပ်ဟှားဟှူ မီးမပျိုတွပ် သူ့မာ ဒန်းစကားရှိဟှယ်။ အယ်မီးမပျိုရဲ့ နာမယ်ဟှာ မာရိဖြစ်ဟှယ်။ 
\v 28 ကောန်းဂန်တမန်ဟှာ ရော့‑က်လာဘီး “နန့်နတူးဒူ ငြီသတ်မှုရှိပါစေ! နန့်နတူးဒူ သခင်ဘုရားရှိဘီး နန်ဟှာ ရရာတိုင်း မင်္ဂလာရှိဟှယ်!” ဆိုဘီး ပြောလေဟှယ်။
\p
\v 29 ကောန်းဂန်တမန်ရဲ့ စကားကြောန့် မာရိဟှာ စိနှလောင်းငြီသတ်ဘဲ ဖြစ်ဟှားဘီး သူ့စကားလေဟှာလည်း အံ့ဩဘွယ် ဖြစ်ဟှယ်။ 
\v 30 ကောန်းဂန်တမန်ဟှ “မာရိ၊ ကြော့‑က်န။ နန်ဟှာ ဘုရားသခင်ရှေ့မာ မျစ်နှာသာရဟှားဘီ။ 
\v 31 \x - \xo ၁.၃၁ \xo*\xt မ ၁.၂၁\xt*\x*နန်ဟှာ ဝန်ရှင်မဖြစ်လာဘီး သားဟှို မွီးရလေ့မယ်။ အယ်သားဟှို ယေရှု ဆိုဘီး နာမယ်ပေးရလေ့မယ်။ 
\v 32 သူဟှာ ကီးမြတ်ဟှူ သူဖြစ်ဘီး ဗြစ်ဆောင်းဟှူ ဘုရားသခင်ရဲ့ သား ဆိုဘီး ခေါ်ဇာဟှို ခံရလေ့မယ်။ သူ့ဘိုးဘေ ဒါဝိဒ်ရဲ့ ရာဇပလ္လင်ဟှို ထာဝရသခင် ဘုရားသခင်ဟှာ သူ့ဟှို ပေးအပ်လေ့မယ်။ 
\v 33 သူဟှာလည်း ယာကုပ်ရဲ့ မျိုးနွယ်ဟှို မြဲဒမ်း အောက်ချောက်လေ့မယ်။ သူ့နိုင်ငံတော်ဟှာ လောင်းဝ ဆောင်းမှေ့ဟှ!” ဆိုဘီး အယ်မီးမဟှို ပြောလေဟှယ်။
\p
\v 34 မာရိဟှ ကောန်းဂန်တမန်ဟှို “ကျွန်မဟှာ မီးမပျို ဖြစ်ဟှယ်။ အယ်မျိုးဆိုဟှာ ဖယ်မျိုးလောက်ဘီး သားမွီးနိုင်ဟှို့နူး။” ဆိုဘီး မေးလေဟှယ်။
\p
\v 35 ကောန်းဂန်တမန်ဟှာ “သန့်ရှင်းဟှူဝိညာဉ်တော်ဟှာ နန့်ထတ်မာ သတ်ရော့‑က်ဘီး ဗြစ်ဆောင်းဖြစ်ဟှူ ဘုရားသခင်ရဲ့ တဂိုးတော်ဟှာလည်း နန့်ထတ်မာ လွှမ်းမိုးနေလေ့မယ်။ အယ်ကြောန်းကြောန့် သန့်ရှင်းဟှူ သားတော်ဟှာ ဘုရားသခင်ရဲ့ သားဆိုဘီး ခေါ်ဇာဟှို ခံရလေ့မယ်။ 
\v 36 နန့်ရဲ့ ဆွေမျိုး ဧလိရှဗက်ဟှို ဒိရဂေ့။ မြုံမ ဆိုဘီး ခေါ်ခံနေရဟှူ သူဟှာ ဖွားသန်မ ဖြစ်နေဘေမဲ့ ခု ဝန်းရှင်မ ဖြစ်နေဇာ ခြော့‑က်လရှိနေဘီ။ 
\v 37 အယ်ကြောန့် ဘုရားသခင်မာ လောက်နိုင်ဘဲဇာ ဖြားလည်းမှေ့ဟှ” ဆိုဘီး မိန့်တော်မူလိုက်ဟှယ်။
\p
\v 38 မာရိဟှ “ကျွန်မဟှာ သခင်ဘုရားရဲ့ စေခံဖြစ်ဟှယ်။ ကိုယ်တော်ပြောဟှားတိုင်း ကျွန်မမာ ပ္လဲ့ဇောင်ပါစေ” ဆိုဘီး ပြောဟှယ်။ အယ်ဘီးန ကောန်းဂန်တမန်ဟှာ မာရိနားဟှ ထွပ်ဟှားဟှယ်။
\s ဧလိရှဗက်နားဟှို မာရိအီးခ္လယ်သွားဟှူကြောန်း
\p
\v 39 အယ်မျိုးဖြစ်ဘီး ကြာခန်မာဘဲ့ မာရိဟှာ သင့်ပြင်ဘီးန တောန်ပေါ်ဒေသမာရှိဟှူ ယုဒပြည် ဗြို့တဗြို့ဟှို ဗြန်းဗြန်သွားလိုက်ဟှယ်။ 
\v 40 ဇာခရိရဲ့ အီဟှို ဝမ်ဘီး ဧလိရှဗက်ဟှို နှောက်ဆစ်လေဟှယ်။ 
\v 41 မာရိရဲ့ နှောက်ဆစ်စကားဟှို ဧလိရှဗက်ကြားဟှူ ခီမာ ဗိုက်ထဲဟှ သားဂန်ဟှားဟှာ ထခူလေဟှယ်။ ဧလိရှဗက်ဟှာ သန့်ရှင်းဟှူဝိညာဉ်တော်န ပ္လဲ့နေဘီး 
\v 42 သံက္လယ်ဂီးန “နန်ဟှာ မီးမအားလောင်းထတ် မင်္ဂလာရှိဆောင်း ဖြစ်ဘီး နန်မွီးမယ့် သားဟှာလည်း မင်္ဂလာရှိဆောင်း ဖြစ်ဟှယ်! 
\v 43 ငါ့သခင်ရဲ့ မိခင်ဟှာ ငါ့နားဟှို အီးခ္လယ်လာကြောန့် အယ်မျိုးကီးမားဟှူဇာလေ ဖြစ်နေဇာလော။ 
\v 44 နန့်ရဲ့ နှောက်ဆစ်စကားဟှို ကြားလိုက်ဟှူန ရှင်းရှင်းဘဲ့ ငါ့ဗိုက်ထဲဟှ သားဂန်းဟှားဟှာ ဝန်းသာအားရ ထခူလေဟှယ်။ 
\v 45 သခင်ဘုရားရဲ့ ဒန်းစကားဟှာ နန့်မာ ပ္လဲ့ဇောင်လေ့မယ် ဆိုဇာဟှို ယောင်ကြည်ဟှူ မီးမဟှာ မင်္ဂလာရှိဟှယ်!” ဆိုဘီး ပြောလေဟှယ်။
\s မာရိရဲ့ ချီးမွမ်းချင်းကြောန်း
\p
\v 46 မာရိဟှ
\q1 “ငါ့ရဲ့ စိနှလောင်းဟှာ သခင်ဘုရားဟှို ချီးမွမ်းဘီး၊
\q2
\v 47 ငါ့ရဲ့ ကယ်တန်ရှင် ဘုရားသခင်ကြောန့် ငါ့ရဲ့ ဝိညာဉ်ဟှာ ဝန်းသာအားရဘီး၊
\q2
\v 48 ကိုယ်တော်ဟှာ သူ့စေခံရဲ့ နှိခ္လနေဇာဟှို အောက်မေ့တော်မူဘီ!
\q1 ခုဟှစဘီး လူလေ အားလောင်းဂူဟှာ ငါ့ဟှို မင်္ဂလာရှိသူ ဆိုဘီး ခေါ်ဂေ့လေ့မယ်၊
\q2
\v 49 ဖြားဖြစ်ကြောန့်နူးဆိုဟှာ တဂိုးန ပ္လဲ့ဇောင်တော်မူဟှူ ဘုရားသခင်ဟှ ရရာတိုင်း ကီးမားဇာလေဟှို ငါ့တွပ် ပြုတော်မူကြောန့် ဖြစ်ဟှယ်။
\q1 ဘုရားသခင်ရဲ့ နာမတော်ဟှာ သန့်ရှင်းတော်မူဘီး၊
\q2
\v 50 မျိုးဆစ် ဆစ်ဘီးဆစ်
\q2 ကိုယ်တော့်ဟှို ကိုးကွယ်သူလေဟှို ကိုယ်တော်ဟှာ ကရုဏာဟှို ပြတော်မူဟှယ်။
\q1
\v 51 ကိုယ်တော့် လတ်ရောင်းတော်ဟှို ဆန့်တန်းဘီး
\q2 သူးနို့စိနှလောင်းထဲဟှ ကြံစည်လေန မာနထောန်လွှားနေဟှူ လူလေဟှို ဖ္လဲဖ္လဲစင်စေမယ်။
\q1
\v 52 မန်းဂီးလေဟှို သူးနို့ရာဇပလ္လင်ထတ်ဟှ ခ္လဘီးန
\q2 နှိခ္လဟှူ လူလေဟှို မ္လော့‑က်စားတော်မူဟှယ်။
\q1
\v 53 ငတ်နေဟှူ လူလေဟှို ကောန်းဟှူ ရာလေန ကျွေးဘီးန
\q2 ကြွယ်ဝဟှူ လူလေဟှို လတ်ခဲခဲ လွှတ်လိုက်တော်မူဟှယ်။
\q1
\v 54 ကိုယ်တော်ဟှာ နို့လေရဲ့ ဘိုးဘေးလေဟှို ပေးဟှားဟှူ ဂဒိတော်တိုင်း
\q2 ကိုယ်တော်ရဲ့ စေခံဖြစ်ဟှူ ဣသရေလလူမျိုးဟှို ကရုဏာပြဟှို့ ကြွလာတော်မူဟှယ်။
\q1
\v 55 ကိုယ်တော်ဟှာ အာဗြဟံန သူ့မျိုးနွယ် အားလောင်းဟှို ကရုဏာ ကျေးဇူးတော်ဟှို
\q2 မြဲဒမ်းပြဟှို့ အော့‑က်မေ့တော်မူဘီး!” ဆိုဘီး ပြောလေဟှယ်။
\p
\v 56 မာရိဟှာ ဧလိရှဗက်နတူးဒူ သောင်းလနီးပါး နေဘီးမှ မိမိအီဟှို ပ္လန်ဟှားလေဟှယ်။
\s ဗတ္တိဇံယောဟန် မွီးဟှို့ကြောန်း
\p
\v 57 ဧလိရှဗက်ဟှာ ဖွားခီရော့‑က်လာဘီး သားဂန်းဟှို မွီးလေဟှယ်။ 
\v 58 အီဇနီးရှင်းလေန ဆွေမျိုးလေဟှ သခင်ဘုရားဟှာ အံ့ဩဘွယ် ကောန်းအောန် ကရုဏာ ပြတော်မူကြောန်းဟှို ကြားဘီးန သူးနို့ အားလောင်းဟှာ သူ့နတူးဒူ ဝန်းသာဂေ့ဟှယ်။
\p
\v 59 ရှစ်ရစ်ပ္လဲ့ဟှူ ခီမာ သူးနို့ဟှာ သားဂန်းရဲ့ ရေဖျားလှီးဟှို့ လာဂေ့ဘီးန သူးနို့ဟှာ သူ့ဖရဲ့ နာမယ်တိုင်း ဇာခရိ ဆိုဘီး နာမယ်ပေးလေဟှယ်။ 
\v 60 အယ်ဘေမဲ့ သူ့မိဟှ “အယ်နာမယ် ပေးန! သူ့နာမယ်ဟှို ယောဟန် ဆိုဘီး ပေးရမယ်” ဆိုဘီး ပြောလေဟှယ်။
\p
\v 61 သူးနို့ဟှ “ယောဟန်နာမယ်န နန်းနို့ဆွေမျိုးထဲမာ မှေ့ဟှ!” ဆိုဘီး သူ့ဟှို ပြောလေဟှယ်။ 
\v 62 အယ်ဘီးန သူးနို့ဟှာ သူ့ဖဟှို လတ်ရိလတ်ခေပြဘီး သားဂန်းနာမယ်ဟှို ဖယ်မျိုးပေးရဟှို့ ဆိုဘီး မေးဟှယ်။
\p
\v 63 ဇာခရိဟှာ သန်းဖူးကီးဟှို တောန်းဘီးန “သားဂန်းဟှား နာမယ်ဟှာ ယောဟန်ဖြစ်ဟှယ်” ဆိုဘီး ရေးပေးလိုက်ဟှယ်။ သူးနို့ အားလောင်းဟှာ အံ့ဩဟှားဂေ့ဟှယ်! 
\v 64 အယ်ခီမာဘဲ့ ဇာခရိဟှာ ပ္လန်ဘီး စကားပြောနိုင်ဟှားဘီးန သူဟှာ ဘုရားသခင်ရဲ့ ကျေးဇူးတော်ဟှို စဘီးချီးမွမ်းလေဟှယ်။ 
\v 65 အီဇနီးရှင်းလေ အားလောင်းဟှာ ကြော့‑က်ရွံ့မှုလေန ပ္လဲ့နေဘီး အယ်ဖြစ်ပျစ်ဇာန ဆိုင်ဟှူဒန်းလေဟှို ယုဒပြည် တောန်ကြားနေရာ နှံ့ပ္လားမာ လူလေဟှာ ပြောနေလေဟှယ်။ 
\v 66 အယ်ဒန်းဟှို ကြားရဟှူ လူအားလောင်းဟှာ စိထဲမာ စဉ်းစားဘီးဟှာ မေးနေဇာဟှ “အယ်သားဂန်းဟှ ဖယ်မျိုးသားဂန်းနူး။” သခင်ဘုရားရဲ့ တဂိုးတော်ဟှာ အယ်သားဂန်ထတ်မာ ရှိနေကြောန့် ဖြစ်ဟှယ်။
\s ဇာခရိရဲ့ ပရောဖက်ပြုချစ်ကြောန်း
\p
\v 67 ယောဟန်ရဲ့ဖ ဇာခရိဟှာ သန့်ရှင်းဟှူဝိညာဉ်တော်န ပ္လဲ့ဝဘီး ပရောဖက်ပြုဟှူဇာဟှ၊
\q1
\v 68 “ဣသရေလလူမျိုးရဲ့ ဘုရားသခင်၊ သခင်ဘုရားဟှို နို့လေချီးမွမ်းဂေ့ဇို့!
\q2 ကိုယ်တော်ဟှာ ကိုယ်တော်ရဲ့ လူမျိုးထံဟှို ကြွလာဘီး သူးနို့ဟှို လွတ်မြော့‑က်စေတော်မူဘီ။
\q1
\v 69 ကိုယ်တော်ရဲ့ စေခံဒါဝိဒ်ရဲ့ မ္လေးမ္လစ် တယော့‑က်ဟှို၊
\q2 ကိုယ်တော်ဟှာ တဂိုးကီးမားဟှူ ကယ်တန်ရှင်ဟှို နို့လေတွပ် ပေါ်ပေါ့‑က်စေဟှယ်။
\q1
\v 70 ကိုယ်တော်ဟှာ ကိုယ်တော်ရဲ့ ရှေးခေတ်ကာလ သန့်ရှင်းဟှူ ပရောဖက်လေဟှနေတဆင့် ဂဒိပေးဟှားဇာဟှ
\q1
\v 71 ကိုယ်တော်ဟှာ နို့လေရဲ့ ရန်သူလတ်ဟှရော၊
\q2 နို့လေဟှိုမူးဟှူ သူအားလောင်းရဲ့ တဂိုးဟှရော နို့လေဟှို ကယ်တန်တော်မူလေ့မယ်။
\q1
\v 72 ကိုယ်တော်ဟှာ နို့လေရဲ့ ဘိုးဘေးလေဟှို ကရုဏာတော် ပြဘီးဟှာ
\q2 ကိုယ်တော်ရဲ့ သန့်ရှင်းဟှူ ပဋိညာဉ်တော်ဟှို အော့‑က်မေ့ပါ ဆိုဘီး ပြောဟှားဟှယ်။
\q1
\v 73 နို့လေရဲ့ ဘိုးဘေး အာဗြဟံဟှို လေးနတ်ဟှူ ဂဒိသစ်စာ ပြုဟှားဇာဟှ၊
\q1
\v 74 ကိုယ်တော်ဟှာ နို့လေရဲ့ ရန်သူလေ လတ်ထဲဟှနေ နို့လေဟှို ကယ်တန်ဟှို့န
\q2 ကြော့‑က်လန့်မှုမှေ့ဘဲ့ ကိုယ်တော့်ဟှို စေခံဟှို့ နို့လေဟှို ခွမ့်ပြုမယ် ဆိုဘီး ဖြစ်ဟှယ်။
\q1
\v 75 အယ်ကြောန့် နို့လေဟှာ ကိုယ်တော့်ရှေ့တော်မာ သန့်ရှင်းရှင်းန ဖြောန့်မတ်ရှင်းဟှို
\q2 တသတ်လောင်းရဟှယ်။
\b
\q1
\v 76 “သားဂန်းဟှား၊ နန့်ဟှိုလည်း ဗြစ်ဆောင်းဖြစ်ဟှူ ပရောဖက်ဆိုဘီး ခေါ်ဇာဟှို ခံရလေ့မယ်။
\q1 နန်ဟှာ သခင်ဘုရားရဲ့ လမ်းဟှို ပြင်ဆင်ဟှို့
\q2 ရှေ့တော်ပ္လေး သွားရလေ့ဘီး၊
\q1
\v 77 ကိုယ်တော်ရဲ့ လူလေဟှို သူးနို့ရဲ့ ပြစ်လေ ဖြေလွှတ်ပေးဇာခံရကြောန့်
\q2 ကယ်တန်ခံရလေ့မယ် ဆိုဘီး ပြောလေ့မယ်။
\q1
\v 78 နို့လေရဲ့ ဘုရားသခင်ဟှာ သနားကြင်နာမှုန ကရုဏာတော် ဖြစ်ဟှူကြောန့်
\q1 ကိုယ်တော်ဟှာ ကယ်တန်မှုရဲ့ မိုးလန်းဇခီဟှို နို့လေထတ်မာ သတ်ရော့‑က်စေဘီး
\q2
\v 79 မှောန်မိုက်န သေမန်းရဲ့ ရိထဲမာ ရှိနေဟှူ လူလေ အားလောင်းဂူထတ်မာ ကောန်းဂန်ဟှနေ လန်းရောန်ပေါ်ထွန်းဟှို့န၊
\q2 ငြီသတ်ရှင်းလမ်းထဲမာ နို့လေရဲ့ ခေလှမ်းလေဟှို ပြဟှို့ဖြစ်ဟှယ်” ဆိုဘီး ဘုရားသခင်ရဲ့ စကားတော်ဟှို ပြောလေဟှယ်။
\p
\v 80 အယ်သားဂန်းဟှာ ကီးဒတ်လာဘီး ခန္ဓာန ဝိညာဉ်လည်း အားကီးလာဟှယ်။ သူဟှာ ဣသရေလ လူမျိုးလေရဲ့ ရှေ့မာ ထန်းထန်ရှားရှား ပေါ်လာခန်ဟှ ဆိုဟှာ တောကန္တရထဲမာ နေလေဟှယ်။
\c 2
\s ယေရှုမွီးဖွားဟှူကြောန်း
\r (မဿဲ ၁.၁၈–၂၅)
\p
\v 1 အယ်ခီမာ ကဲသာမန်းဂီး ဩဂုတ္တုဟှာ ရောမအင်ပါယာ တခုလောင်းဟှို သန်းဂေါန်စာရင်း ကော့‑က်စေဟှို့ မိန့်ပေးလိုက်ဟှယ်။ 
\v 2 ကုရေနိဟှာ ရှုရိပြည်မာ ဗြို့ဝန်ဖြစ်ခီမာ အယ်သန်းဂေါန်စာရင်း ကော့‑က်ဇာဟှာ ဦးဆောင်း ဖြစ်ဟှယ်။ 
\v 3 အယ်ဘီးန လူတိုင်းဟှာ ကိုယ်တိုင် သန်းဂေါန်စာရင်းဝမ်ဟှို့ သူးနို့ရဲ့ ဇာတိဗြို့ဟှို သွားဂေ့ဟှယ်။
\p
\v 4 ယောသပ်ဟှာ ဂါလိလဲပြည် နာဇရက်ဗြို့ဟှနေ ဒါဝိဒ်မန်းရဲ့ ရှစ်မ္လောက်နေရာဖြစ်ဟှူ ယုဒပြည် ဗက်လင်ဗြို့ဟှို သွားဟှယ်။ ယောသပ်ဟှာ ဒါဝိဒ်ရဲ့ မ္လေးမ္လစ်ဖြစ်ကြောန့် အယ်နေရာဟှို သွားရဟှယ်။ 
\v 5 သူဟှာ လတ်ထပ်ဟှို့ စေ့စပ်ဟှားဟှူ မာရိနတူးဒူ သန်းဂေါန်စာရင်းဝမ်ဟှို့ သွားဟှူ ခီမာ မာရိဟှာ ဝန်ရှင်မ ဖြစ်နေဘီး၊ 
\v 6 သူးနို့ဟှာ ဗက်လင်ဗြို့မာ ရှိနေဒူးမာ သားမွီးခီ ရော့‑က်လာဟှယ်။ 
\v 7 သူဟှာ သားဦးဟှို မွီးဘီး ဝတ်န ပတ်ဘီးဟှာ တည်းခိုဟှူနေရာမာ သူးနို့တွပ် ခန်းမှေ့ဘဲကြောန့် သားဂန်းဟှားဟှို နွားစားခွပ်ထဲမာ အိခိုင်းဟှားဟှယ်။
\s သိုးထီးမားလေန ကောန်းဂန်တမန်လေကြောန်း
\p
\v 8 အယ်အရပ်ဟှ သိုးထီးမားတချို့ဟှာ တညဉ့်လောင်း ကွမ်းပ္လန်မာနေဘီး၊ သူးနို့ရဲ့ သိုးလေဟှို ကေ့ရှုဟှယ်။ 
\v 9 သခင်ဘုရားရဲ့ ကောန်းဂန်တမန်ဟှာ သူးနို့နားမာ ပေါ်လာဘီး ဘုရားသခင်ရဲ့ ဖောင်းသရေတော်ဟှာ သူးနို့ထတ်မာ လန်းထီလာဟှယ်။ သူးနို့ဟှာ ရရာတိုင်း ကြော့‑က်လန့်ဟှားဟှယ်။ 
\v 10 အယ်ဘေမဲ့ ကောန်းဂန်တမန်ဟှာ သူးနို့ဟှို ပြောလိုက်ဇာဟှ၊ “ကြော့‑က်ဂေ့န! ငါဟှာ လူမျိုးအားလောင်းတွပ် ရရာတိုင်း ဝန်းသာဇာ ဒန်းကောန်းဟှို သယ်ဆောန်လာဟှယ်။ 
\v 11 အယ်နေ့မာ ဒါဝိဒ်ဗြို့နှိုက် သခင်ခရစ်တော် ဆိုဘီး နန်းနို့ရဲ့ ကယ်တန်ရှင်ဟှို မွီးလေဘီ! 
\v 12 နန်းနို့ဟှာ ဖယ်မျိုးသတ်သေန သိရဟှို့ ဆိုဟှာ သားဂန်းဟှားဟှို ဝတ်စန ပတ်ဘီး နွားစားခွပ်ထဲမာ အိခိုင်းဟှားဇာဟှို တွိလေ့မယ်။”
\p
\v 13 ရောက်တရစ် ကောန်းဂန်ဘောင်ရဲ့ ကောန်းဂန်တမန်နတူးဒူ ကောန်းဂန်ဗိုလ်ခေ ဘောင်ဂီးဟှာ ရှစ်ရှင်းထန်ရှားဘီး ဘုရားသခင်ဟှို
\q1
\v 14 “ဗြင့်ဆောင်းကောန်းဂန်မာ ဘုရားသခင်ဟှာ ဖောင်းသရေတော်ရှိဘီး၊
\q2 မ္လေဂီးမာ ကိုယ်တော်မြတ်နိုးဟှူ လူလေဟှာ ငြီသတ်မှုရှိပါစေ!” ဆိုဘီး ချီးမွမ်းချင်းဟှို ဆိုဂေ့ဟှယ်။
\p
\v 15 ကောန်းဂန်တမန်လေဟှာ သူးနို့နားဟှနေ ကောန်းဂန်ဘောင်ဟှို ပ္လန်ဟှားခီမာ သိုးထီးမားလေဟှာ ယော့‑က်နယော့‑က် “ဗက်လင်ဗြို့ဟှို သွားဘီး ဘုရားသခင်ဟှာ နို့လေဟှို ပြောပြဟှူ ကြောန်းရာလေဟှို ကေ့ကေ့ရအောန်” ဆိုဘီး ပြောလေဟှယ်။
\p
\v 16 အယ်ကြောန့် သူးနို့ဟှာ ဗြန်းဗြန်ဟှားသွားဘီးန မာရိန ယောသပ်ဟှိုရော၊ နွားစားခွပ်ထဲမာ အိနေဟှူ သားဂန်းဟှားဟှိုရော တွိရဟှယ်။ 
\v 17 သိုးထီးမားလေဟှာ သားဂန်းဟှားဟှို တွိခီမာ သူးနို့ဟှို ကောန်းဂန်တမန်ဟှ သားဂန်းဟှားကြောန်းဟှို ဖယ်မျိုးပြောခဲ့ဟှယ် ဆိုဇာဟှို သူးနို့ဟှို ပြောပြဟှယ်။ 
\v 18 သိုးထီးမားလေပြောဟှူ စကားဟှို ကြားဟှူလူလေ အားလောင်းဟှာ အံ့ဩဟှားဂေ့ဟှယ်။ 
\v 19 မာရိဟှာ ကြောန်းရာလေ အားလောင်းဂူဟှို အော့‑က်မေ့လာဘီး အယ်စကားလေဟှို လေးလေးနတ်နတ် စိထဲမာ ဆင်ခြင်နေလေဟှယ်။ 
\v 20 သိုးထီးမားလေဟှာ သူးနို့ဟှို ကောန်းဂန်တမန် ပြောဟှားတိုင်း သူးနို့ဗြင်ရ ကြားရဇာလေ အားလောင်းဂူတွပ် ဘုရားသခင်ဟှို ချီးမွမ်းချင်းဆိုဘီး ပ္လန်ဟှားဂေ့ဟှယ်။
\s ယေရှုဆိုဘီး နာမယ်ပေးကြောန်း
\p
\v 21 \x - \xo ၂.၂၁ \xo*\xt လု ၁.၃၁\xt*\x*တဘတ်ကြားဘီးန သားဂန်းဟှားတွပ် ရေဖျားလှီးပေးရဟှို့ ခီရော့‑က်လာဘီး ဗိုက်မှေ့ခန်ဟှ ကောန်းဂန်တမန်ပေးဟှားဟှူတိုင်း သူ့ဟှို ယေရှုနာမယ်ဖြစ် မှည့်ခေါ်ဂေ့ဟှယ်။
\s ယေရှုဟှို ဗိမာန်တော်မာ ဆစ်ကပ်ကြောန်း
\p
\v 22 မောရှေရဲ့ ပညတ်တရားတိုင်း ယောသပ်န မာရိတွပ် စင်ကြယ်မှု ခမ်းနားလောက်ဟှို့ ခီရော့‑က်လာဟှယ်။ အယ်ကြောန့် သူးနို့ဟှာ သားဂန်းဟှားဟှို ဘုရားသခင်ထံမာ ဆစ်ကပ်ဟှို့ ယေရုရှလင်ဗြို့ဟှို ခေါ်ဟှားဘီး၊ 
\v 23 ဘုရားသခင်ရဲ့ ပညတ်တရားထဲမာ “သားဦးတိုင်းဟှာ ဘုရားသခင်ဟှို့ သန့်ရှင်းရမယ်” ဆိုဘီး ရေးဟှားလေဟှယ်။ 
\v 24 ခိုငှတ်ဟှားနှေ့ကောန် အယ်မျိုးမှုဘဲနေဟှာ ချိုးငှတ်ဟှားနှေ့ကောန်ဟှို ပူဇော်ရမယ် ဆိုဘီး ဘုရားသခင်ရဲ့ ပညတ်တရားတိုင်း ပူဇော်ဟှို့ သူးနို့လည်း သွားလေဟှယ်။
\p
\v 25 အယ်ခီမာ ယေရုရှလင်ဗြို့မာနေဟှူ ရှုမောင်နာမယ်ရှိဟှူ လူတယော့‑က်ရှိဟှယ်။ သူဟှာ ဖြောန့်မတ်ဟှူလူ၊ ဘုရားသခင်ဟှို ကြော့‑က်ဟှူလူန ဣသရေလလူမျိုးဟှို ကူညီဟှို့တွပ် စောန့်နေဟှူ လူဖြစ်ဟှယ်။ သန့်ရှင်းဟှူဝိညာဉ်တော်ဟှာ သူ့နတူးဒူရှိဘီး 
\v 26 သူဟှာ ဘုရားသခင်ရဲ့ ဂဒိပေးဟှားဟှူ မေရှိယဟှို သူဗြင်လိုက်ရဘဲန သေရလေ့ဟှို့ မှုဟှ ဆိုဘီး သန့်ရှင်းဟှူဝိညာဉ်တော်ဟှာ သူ့ဟှို ဖွမ့်ပြဟှားဟှယ်။ 
\v 27 ဘုရားသခင်ရဲ့ ဝိညာဉ်တော်အားဖြင့် ရှုမောင်ဟှာ ဗိမာန်တော်ထဲဟှို ဝမ်ဟှားဟှယ်။ မိဖလေဟှာ ပညတ်တရားတိုင်း သူ့တွပ်လောက်ဟှို့ သားဂန်းဟှား ယေရှုဟှို ဗိမာန်တော်ထဲဟှို ခေါ်ဟှားခီမာ 
\v 28 ရှုမောင်ဟှာ သားဂန်းဟှားဟှို သူ့ရဲ့ လတ်ထဲမာယူဘီး၊ ဘုရားသခင်ဟှို ချီးမွမ်းဘီး
\q1
\v 29 “ဘုရားသခင်၊ ကိုယ်တော်ရဲ့ စကားတော်ဟှာ ပ္လဲ့ဇောင်ဟှားဘီ။
\q2 ခု ကိုယ်တော်ဟှာ ကိုယ်တော်ရဲ့ ကျွန်ဟှို ငြီသတ်မှုထဲ သွားခွမ့်ပေးလေဘီ။
\q1
\v 30 ကိုယ်တော်ရဲ့ ကယ်တန်ရှင်းဟှို ကျွန်တော်ရဲ့ မျစ်စိန ဗြင်ရပီးဘီ။
\q2
\v 31 ကိုယ်တော်ဟှာ အယ်ကယ်တန်ရှင်းဟှို လူမျိုးအားလောင်းရဲ့ ရှေ့မာ ပြင်ဆင်ဟှားပီးဘီ။
\q1
\v 32 ကိုယ်တော်ရဲ့ လိုတော်ဟှာ လူမျိုးခြားလေဟှို လန်းဖွမ့်ပြဘီး
\q2 ကိုယ်တော်ရဲ့ လူမျိုးဖြစ်ဟှူ ဣသရေလလေနားဟှို ဖောင်းသရေတော်ဟှို ယူလာဟှယ်” ဆိုဘီး ပြောလေဟှယ်။
\p
\v 33 သားဂန်းဟှားရဲ့ မိန ဖဟှာ သားဂန်းကြောန်းလေဟှို ရှုမောင် ပြောလိုက်ဟှူ ခီမာ အံ့ဩဟှားဂေ့ဟှယ်။ 
\v 34 ရှုမောင်ဟှာ သူးနို့ဟှို ကောန်းကြီးပေးဘီးန သူ့ရဲ့မိ မာရိဟှို “အယ်သားဂန်းဟှားဟှာ ဣသရေလလူမျိုး ဘောင်ဂီးဟှို လဲက္လဟှို့န ထမြော့‑က်ဟှို့တွပ် ဘုရားသခင် ဝီးချယ်ဟှားဇာ ဖြစ်ဟှယ်။ သူဟှာ ဘုရားသခင်ထံဟှ နိမိတ်လတ်ခဏာ တခုဖြစ်ဘီး လူဘောင်ဂီးဟှာ ဆန့်ကျင်ပြောလေ့မယ် 
\v 35 အယ်ကြောန့် သူးနို့ရဲ့ လျှို့ဝှပ်ဟှားဟှူ ကြံစည်လေဟှို ဖွမ့်ပြလေ့မယ်။ ဝန်းနဲမှုဟှာ ထတ်ဟှူသန်လျက်မျိုးဘဲ့ နန့်ရဲ့စိနှလောင်းဟှို ထိုးဖော့‑က်လေ့မယ်” ဆိုဘီး ပြောလေဟှယ်။
\p
\v 36 အယ်နေရာမာ အာရှာမျိုးဖြစ်ဟှူ ဖနွေလရဲ့မီး၊ အန္နနာမယ်ရှိဟှူ သတ်ကီးဟှူ ပရောဖက်မ တယော့‑က် ရှိဟှယ်။ သူဟှာ ပျိုရွယ်ဟှူ ခီဟှစဘီး လန်နတူးဒူ ခွန်နစ်နှစ်ဘဲ့ ပေါန်းသန်းရဘီး 
\v 37 ခု သတ် ၈၄ နှစ်အရွယ် မောက်ဆိုးမ ဖြစ်ဟှားဘီ။\f + \fr ၂.၃၇ \fr*\fq ခု သတ် ၈၄ နှစ်အရွယ် မောက်ဆိုးမ ဖြစ်ဟှားဘီ၊ \fq*\ft အယ်မျိုးမှုဘဲ့နေဟှာ \ft*\fqa မောက်ဆိုးမဖြစ်ဟှားဇာ ၈၄ နှစ် ရှိဟှားဘီ။\fqa*\f* သူဟှာ ဗိမာန်တော်ဟှနေ လောင်းဝ ခွာဘဲန နေ့ညဉ့်မပြတ် သူဟှာ ဆုတောန်းရှင်းန စာရှောန်ရှင်းလောက်ဘီးဟှာ ဘုရားသခင်ဟှို ကိုးကွယ်လေဟှယ်။ 
\v 38 အယ်ခီနာရီမာဘဲ့ သူဟှာ ရော့‑က်လာဘီးန ဘုရားသခင်ဟှို ချီးမွမ်းဘီးဟှာ ယေရုရှလင်ဗြို့လွတ်မြော့‑က်ဟှို့တွပ် ဘုရားသခင်ဟှို စောန့်နေဟှူ လူအားလောင်းဟှို သားဂန်းဟှားကြောန်း ပြောလိုက်ဟှယ်။
\s နာဇရက်ဗြို့ဟှို ပ္လန်ဟှူကြောန်း
\p
\v 39 \x - \xo ၂.၃၉ \xo*\xt မ ၂.၂၃\xt*\x* ယောသပ်န မာရိဟှာ ဘုရားသခင်ရဲ့ ပညတ်တရားတိုင်း အားလောင်းဂူ လောက်ပီးဟှားဟှူ ခီမာ သူးနို့ဟှာ သူးနို့ရဲ့ မွီးရပ်မ္လေဖြစ်ဟှူ ဂါလိလဲပြည် နာဇရက်ဗြို့ဟှို ပ္လန်ဟှားဟှယ်။ 
\v 40 အယ်သားဂန်းဟှားဟှာ ကီးဒတ်လာဘီး သန်မာလာဟှယ်။ သူဟှာ ဉာဏ်ပညာပ္လဲ့လာဘီးန ဘုရားသခင်ရဲ့ ကျေးဇူးတော်ဟှာ သူ့ထတ်မာ ရှိနေဟှယ်။
\s ဗိမာန်တော်ထဲဟှ ကောန်သားဟှား ယေရှုကြောန်း
\p
\v 41 ယေရှုရဲ့ မိဖလေဟှာ နှစ်စဉ်နှစ်တိုင်း ပသခါပွဲတော်တွပ် ယေရုရှလင်ဗြို့ဟှို သွားဂေ့ဟှယ်။ 
\v 42 ယေရှုဟှာ သတ်ဆယ့်နှေ့နှစ် ရော့‑က်လာခီမာ သူးနို့ဟှာ ရင်သွားနေမျိုးဘဲ့ ပွဲတော်ဟှို သွားဂေ့ဟှယ်။ 
\v 43 ပွဲတော်ပီးဟှားခီမာ သူးနို့ဟှာ အီဟှို ပ္လန်ဂေ့ဟှယ်။ အယ်ဘေမဲ့ ကောန်သားယေရှုဟှာ ယေရုရှလင်ဗြို့မာ နေရစ်ဟှယ်။ အယ်မျိုးနေရစ်ဇာဟှို သူ့မိဖလေ သိဂေ့ဟှ။ 
\v 44 သူဟှာ အောက်စုနတူးဒူ ရှိဟှယ် ဆိုဘီး သူးနို့ထန်ကြောန့် သူးနို့ဟှာ တနေ့လောင်း ခရီးသွားဘီးန သူးနို့ရဲ့ ဆွေမျိုးလေန ငယ်ဂျင်းလေကြားထဲမာ သူ့ဟှို လိုက်ရှာဂေ့ဟှယ်။ 
\v 45 သူးနို့ဟှာ သူ့ဟှို ရှာတွိဂေ့ဟှ။ အယ်ကြောန့် သူးနို့ဟှာ သူ့ဟှို ရှာဟှို့တွပ် ယေရုရှလင်ဗြို့ဟှို ပ္လန်သွားလိုက်ရဟှယ်။ 
\v 46 တတိယနေ့မာ သူးနို့ဟှာ သူ့ဟှို ဗိမာန်တော်ထဲမာ တွိဟှားဘီး၊ ယုဒဆရာလေနတူးဒူ ထိုင်ဘီး၊ သူးနို့ပြောဇာဟှို နားထောန်ဘီး မေးခွန်းလေ မေးနေဟှယ်။ 
\v 47 သူ့စကားဟှိုကြားဟှူ လူအားလောင်းဟှာ သူ့ရဲ့ထတ်မြတ်ဟှူ ဖြေဟှို အံ့ဩဂေ့ဟှယ်။ 
\v 48 သူ့ရဲ့ မိဖလေဟှာ သူ့ဟှို တွိလိုက်ဟှူ ခီမာ အံ့ဩဟှားဘီး သူ့မိဟှာ “ဖစု၊ နန်ဟှ ဖြားဖြစ်ကြောန့် နို့လေဟှို အယ်မျိုးလောက်ရနူး။ နန့်ဖန ငါဟှာ ရရာတိုင်း စိပူဘီး နန့်ဟှို လိုက်ရှာနေဟှယ်” ဆိုဘီး သူ့ဟှို ပြောလေဟှယ်။
\p
\v 49 ကောန်သားဟှားဟှ “ဖြားဖြစ်ကြောန့် နို့မိဟှ နို့ဟှို လိုက်ရှာနေရနူး။ နို့ဟှ နို့ဖရဲ့ အီမာရှိနေဇာဟှို နို့မိ သိဟှလော။” ဆိုဘီး သူးနို့ဟှို ပ္လန်ပြောလေဟှယ်။ 
\v 50 အယ်ဘေမဲ့ သူးနို့ဟှာ ကောန်သားဟှားရဲ့ စကားဟှို နားလည်ဂေ့ဟှ။
\p
\v 51 အယ်ကြောန့် ယေရှုဟှာ သူးနို့နတူးဒူ နာဇရက်ဗြို့ဟှို ပ္လန်လိုက်ဟှားဘီး အယ်နေရာမာ သူဟှာ သူးနို့စကားဟှို နားထောန်ဘီးနေဟှယ်။ ကောန်သားဟှားရဲ့ မိခင်ဟှာ အယ်ဖြစ်ပျစ်ဇာလေ အားလောင်းဟှို စိနှလောင်းထဲမာ သီးဟှားဟှယ်။ 
\v 52 ယေရှုဟှာ ကာယညာဏ ကီးဒတ်လာဘီး ဘုရားသခင်ရှေ့န လူလေရှေ့မာ မျစ်နှာသာရလေဟှယ်။
\c 3
\s ဗတ္တိဇံယောဟန် တရားဟောဟှူကြောန်း
\r (မဿဲ ၃.၁–၁၂; မာကု ၁.၁–၈; ယောဟန် ၁.၁၉–၂၈)
\p
\v 1 ဧကရာဇ်တိဗေရိ အောက်စိုးဇာဟှာ ဆယ့်ငါးနှစ်မြော့‑က်ဟှူ ခီမာ ယုဒပြည်ဟှို အောက်ချောက်ဟှူလူဟှာ ပုန္တိပိလတ်၊ ဂါလိလဲပြည်ဟှို အောက်ချောက်ဟှူလူဟှာ ဟေရုဒ်၊ ဣတုရဲပြည်န တရာခေါနိပြည်လေဟှို အောက်ချောက်ဟှူလူဟှာ ဟေရုဒ်ရဲ့နောန် ဖိလိပ္ပု၊ အဘိလင်ပြည်ဟှို အောင်ချောက်ဟှူလူဟှာ လုသာနိန၊ 
\v 2 အန္န၊ ကယာဖ လေဟှာ ယဇ်ပုရောဟိတ်ဂီးလေ ဖြစ်ဟှယ်။ အယ်ခီမာ တောကန္တာရထဲမာရှိဟှူ ဇာခရိရဲ့သား ယောဟန်ထံဟှို ဘုရားသခင်ရဲ့ စကားတော် ရော့‑က်လာဟှယ်။ 
\v 3 အယ်ကြောန့် ယောဟန်ဟှာ ယော်ဒန်မ္လစ်ရဲ့ ပတ်ဝန်းကျင် တခုလောင်းသွားဘီး “နောန်ဒရဘီး ဗတ္တိဇံခံဂေ့။ ဘုရားသခင်ဟှာ နန်းနို့ရဲ့ ပြစ်လေဟှို ခွမ့်လွှတ်လေ့မယ်” ဆိုဘီး ကြေညာဟှယ်။ 
\v 4 ပရောဖက်ဟေရှာယရဲ့ ကျမ်းထဲမာ
\q1 “လူတယော့‑က်ဟှာ တောကန္တရထဲမာ အော်ဘီးပြောနေဇာဟှ
\q2 ‘ဘုရားသခင်ရဲ့ လမ်းဟှို ပြင်ဆင်ဟှားဂေ့!
\q2 ကိုယ်တော်ကြွဟှို့တွပ် လမ်းဟှို ဖ္လောန့်အောန်လောက်ဂေ့!
\q1
\v 5 ချိုင့်ဝှမ်းလေ အားလောင်းဂူဟှို ဖ္လဲ့ဘီး၊
\q2 တောန်ဂီးတောန်ငယ် အားလောင်းဂူဟှို ဖြိုခ္လရမယ်။
\q1 လမ်းကော့‑က်လေဟှို ဖ္လောန့်အောန်လောက်ဘီးန၊
\q2 လမ်းကြမ်းလေဟှို ချောအောန်လောက်ရမယ်။
\q1
\v 6 လူ့သားမျိုးနွယ်စု တခုလောင်းဟှာ ဘုရားသခင်ရဲ့ ကယ်တန်တော်မူရှင်းဟှို ဗြင်ရလေ့မယ်!’ ” ဆိုဘီး ရေးဟှားဟှယ်။
\p
\v 7 \x - \xo ၃.၇ \xo*\xt မ ၁၂.၃၄; ၂၃.၃၃\xt*\x* ယောဟန်ဟှာ သူ့နားဟှို ဗတ္တိဇံခံဟှို့ ရော့‑က်လာဟှူ လူအောက်ဂီးဟှို “ဝှေ့ မွီဗွေးမျိုးလေ! က္လရော့‑က်လာမယ့် ဘေးဒန်ဟှ လွတ်ဟှို့တွပ် နန်းနို့လေဟှို ဖယ်သူဟှ ဒိပေးလိုက်နူး။ 
\v 8 \x - \xo ၃.၈ \xo*\xt ယော ၈.၃၃\xt*\x* နောန်ဒန ထိုက်တန်ဟှူ ကျင့်ဟှို ကျင့်ဂေ့။ အာဗြဟံဟှ နို့လေရဲ့ ဖဖြစ်ဟှယ် ဆိုဘီး ပြောရောင်န နန်းနို့လေ ပြစ်ဒန်ဟှလွှတ်လေ့မယ် ဆိုဘီး ထန်ဂေ့န။ နန်းနို့ဟှို ငါပြောမယ် ဘုရားသခင်ဟှာ အယ်က္လော့‑က်ခဲလေဟှနေဘီး အာဗြဟံရဲ့ မ္လေးမ္လစ်လေဟှို ဖန်ဆင်းနိုင်ဟှယ်! 
\v 9 \x - \xo ၃.၉ \xo*\xt မ ၇.၁၉\xt*\x* သစ်ပန်လေရဲ့ ပြစ်လေနားမာ ကတ်ပထားဟှားကြောန့် သီးကောန်းဟှို သီးဘဲဟှူ သစ်ပန်တိုင်းဟှို ခွတ်ပစ်ဘီးဟှာ မီးထဲဟှို ပစ်ခ္လလေ့မယ်” ဆိုဘီး ပြောလေဟှယ်။
\p
\v 10 လူလေဟှာ “အယ်ဆိုဟှာ နို့လေဟှ ဖြားဇာလေ လောက်ရနူး။” ဆိုဘီး သူ့ဟှို မေးဂေ့ဟှယ်။
\p
\v 11 သူဟှ “ဖယ်လူဘဲ့ဖြစ်ဖြစ် အန်းဂီနှေ့ထည်ရှိဟှယ် ဆိုဟှာ အန်းဂီမှေ့ဘဲဟှူ လူဟှို တထည်ပေးရမယ်။ ဖယ်လူဘဲ့ဖြစ်ဖြစ် စားဇာရှိဟှယ် ဆိုဟှာ အယ်စားဇာဟှို ဝွီပေးရမယ်” ဆိုဘီး ဖြေလေဟှယ်။
\p
\v 12 \x - \xo ၃.၁၂ \xo*\xt လု ၇.၂၉\xt*\x*ခွန်ကော့‑က်မားလေ တချို့ဟှာ ဗတ္တိဇံခံဟှို့ လာဘီးန သူးနို့ဟှာ “ဆရာ၊ ကျွန်တော့်ဟှားလေဟှ ဖြားဇာလောက်ရမယ်နူး။” ဆိုဘီး သူ့ဟှို မေးဂေ့ဟှယ်။
\p
\v 13 သူဟှ “ဥပဒေဟှ သတ်မှတ်ဟှားဇာထတ် ပိုဘီး ခွန်ဟှို ကော့‑က်ဂေ့န” ဆိုဘီး သူးနို့ဟှို ပြောလေဟှယ်။
\p
\v 14 စစ်သားတချို့ဟှလည်း “ကျွန်တော့်ဟှားလေတွပ် ဟှမား။ ကျွန်တော်ဟှားလေဟှ ဖြားဇာလောက်ရနူး။” ဆိုဘီး သူ့ဟှို မေးဂေ့ဟှယ်။
\p “ဖယ်လူဟှိုလည်း မှုဘဲန စွပ်စွဲဂေ့န၊ ဖယ်လူနားဟှဘဲ့ဖြစ်ဖြစ် နိုင်ကျင့်ဘီး ကပ်ဟှို ယူဂေ့န။ နန်းနို့ရဲ့ လစာနဘဲ့ ရောန့်ရဲဂေ့” ဆိုဘီး သူးနို့ဟှို ဖြေလေဟှယ်။
\p
\v 15 လူလေရဲ့ မျှော်လင့်ချစ်လေ ဗြင့်လာဘီး ယောဟန်ဟှာ မေရှိယ ဖြစ်နိုင်ဟှယ် ဆိုဘီး သူးနို့ နှလောင်းထဲမာ အံ့ဩလာဂေ့ဟှယ်။ 
\v 16 အယ်ကြောန့် ယောဟန်ဟှာ “ငါဟှာ နန်းနို့ဟှို ရေန ဗတ္တိဇံပေးဟှယ်။ အယ်ဘေမဲ့ ငါ့ထတ် ရရာတိုင်း ကီးမြတ်ဟှူလူဟှာ လာနေဘီ။ ငါဟှာ အယ်လူရဲ့ ခေနပ်ကြိုးဟှို ဖြေဟှို့ဟှိုမှ ထိုက်ဟှ။ အယ်သူဟှာ သန့်ရှင်းဟှူဝိညာဉ်တော်န၊ မီးန နန်းနို့ဟှို ဗတ္တိဇံပေးလေ့မယ်။ 
\v 17 လတ်ထဲမာ ဂေါဟှို ကိုင်ဟှားဘီး သူ့ဗားလန်းပ္လန်ဟှို ရှင်းလင်းစေဘီး ဗားလေဟှို ဗားဂတ်ထဲဟှို ထဲ့ဘီးဟှာ ဗားဖျင်းလေဟှို သေနိုင်ဘဲဟှူမီးန ရှို့လေ့မယ်” ဆိုဘီး သူးနို့ဟှို ပြောလေဟှယ်။
\p
\v 18 ယောဟန်ဟှာ နည်းလမ်းပေါန်းဇောင်န လူလေဟှို ဒန်းကောန်းဟောဘီး သူးနို့ရဲ့ နည်းလမ်းလေ ပြောန်းဟှားဟှို့ သူးနို့ဟှို တိုက်တောန်းလေဟှယ်။ 
\v 19 ဟေရုဒ်ဟှာ သူ့နောန်ရဲ့ မီးမ ဟေရောဒိဟှို မတရားသီးပိုက်ရှင်းန ဒုစရိုက်လေဘောင်ဂီး လောက်ဟှားရှင်းလေကြောန့် ယောဟန်ဟှ သူ့ဟှို ဆောင်းမဟှားဟှယ်။ 
\v 20 အယ်မျိုးဆောင်းမလိုက်ကြောန့် ဟေရုဒ်ဟှာ ယောဟန်ဟှို ထောန်ထဲမာ လှောန်ဟှားလိုက်ဟှယ်။ အယ်မျိုးလောက်ရှင်းအားဖြင့် ပိုဘီးဆိုးဝါးဟှူ ပြစ်ဟှို ထပ်လောက်လိုက်ဟှယ်။
\s ယေရှု ဗတ္တိဇံ ခံဟှူကြောန်း
\r (မဿဲ ၃.၁၃–၁၇; မာကု ၁.၉–၁၁)
\p
\v 21 လူလေ အားလောင်းဂူဟှာ ဗတ္တိဇံခံဂေ့ဘီးန ယေရှုလည်း ဗတ္တိဇံခံတော်မူဟှယ်။ ကိုယ်တော်ဟှာ ဆုတောန်းနေတော်မူခီမာ ကောန်းဂန်ဘောင် ပွမ့်ဟှားဘီး 
\v 22 \x - \xo ၃.၂၂ \xo*\xt မ ၃.၁၇; မာ ၁.၁၁; လု ၉.၃၅\xt*\x*သန့်ရှင်းဟှူဝိညာဉ်တော်ဟှာ ချိုးငှတ်မျိုး ခန္ဓာန ကိုယ်တော်ထတ်ဟှို ဆင်းလာဟှယ်။ အယ်ဘီးန ကောန်းဂန်ဘောင်ဟှနေ “အယ်သူဟှာ ငါနှစ်သက်မြတ်နိုးဟှူ ငါ့ရဲ့ ရှစ်သား ဖြစ်ဟှယ်” ဆိုဘီး သံတော်ထွပ်လာဟှယ်။
\s ယေရှုရဲ့ ဘိုးဘေးလေကြောန်း
\r (မဿဲ ၁.၁–၁၇)
\p
\v 23 ယေရှုဟှာ မှုတော်မြတ်ဟှို စဘီး လောက်ဟှူ ခီမာ ကိုယ်တော်ဟှာ သတ်တော်သောင်းဆယ်လော့‑က်ဘဲ့ ရှိဟှယ်။ အယ်ကြောန့် လူလေထန်ဇာဟှ ကိုယ်တော်ဟှာ ယောသပ်ရဲ့သား၊ ယောသပ်ဟှာ ဧလိရဲ့သား၊ 
\v 24 ဧလိဟှာ မဿတ်ရဲ့သား၊ မဿတ်ဟှာ လေဝိရဲ့သား၊ လေဝိဟှာ မေလခိရဲ့သား၊ မေလခိဟှာ ယန္နရဲ့သား၊ ယန္နဟှာ ယောသပ်ရဲ့သား၊ 
\v 25 ယောသပ်ဟှာ မတ္တသိရဲ့သား၊ မတ္တသိဟှာ အာမုတ်ရဲ့သား၊ အာမုတ်ဟှာ နာဟုံရဲ့သား၊ နာဟုံဟှာ ဧသလိရဲ့သား၊ ဧသလိဟှာ နဂ္ဂဲရဲ့သား၊ နဂ္ဂဲဟှာ မာအတ်ရဲ့သား၊ 
\v 26 မာအတ်ဟှာ မတ္တသိရဲ့သား၊ မတ္တသိဟှာ ရှေမိရဲ့သား၊ ရှေမိဟှာ ယောသပ်ရဲ့သား၊ ယောသပ်ဟှာ ယုဒရဲ့သား၊ ယုဒဟှာ ယောဟန္နရဲ့သား၊ 
\v 27 ယောဟန္နဟှာ ရေသရဲ့သား၊ ရေသဟှာ ဇေရုဗဗေလရဲ့သား၊ ဇေရုဗဗေလဟှာ ရှာလသေလရဲ့သား၊ ရှာလသေလဟှာ နေရိရဲ့သား၊ 
\v 28 နေရိဟှာ မေလခိရဲ့သား၊ မေလခိဟှာ အဒ္ဒိရဲ့သား၊ အဒ္ဒိဟှာ ကောသံရဲ့သား၊ ကောသံဟှာ ဧလမောဒံရဲ့သား၊ ဧလမောဒံဟှာ ဧရရဲ့သား၊ 
\v 29 ဧရဟှာ ယောရှုရဲ့သား၊ ယောရှုဟှာ ဧလျေဇာရဲ့သား၊ ဧလျေဇာဟှာ ယောရိမ်ရဲ့သား၊ ယောရိမ်ဟှာ မဿတ်ရဲ့သား၊ မဿတ်ဟှာ လေဝိရဲ့သား၊ 
\v 30 လေဝိဟှာ ရှိမောင်ရဲ့သား၊ ရှိမောင်ဟှာ ယုဒရဲ့သား၊ ယုဒဟှာ ယောသပ်ရဲ့သား၊ ယောသပ်ဟှာ ယောနန်ရဲ့သား၊ ယောနန်ဟှာ ဧလျာကိမ်ရဲ့သား၊ 
\v 31 ဧလျာကိမ်ဟှာ မေလေရဲ့သား၊ မေလေဟှာ မဲနန်ရဲ့သား၊ မဲနန်ဟှာ မတ္တသရဲ့သား၊ မတ္တသဟှာ နာသန်ရဲ့သား၊ နာသန်ဟှာ ဒါဝိဒ်ရဲ့သား၊ 
\v 32 ဒါဝိဒ်ဟှာ ယေရှဲရဲ့သား၊ ယေရှဲဟှာ ဩဗက်ရဲ့သား၊ ဩဗက်ဟှာ ဗောဇရဲ့သား၊ ဗောဇဟှာ စာလမုန်ရဲ့သား၊ စာလမုန်ဟှာ နာရှုန်ရဲ့သား၊ 
\v 33 နာရှုန်ဟှာ အမိနဒပ်ရဲ့သား၊ အမိနဒပ်ဟှာ အဒ်မိန်ရဲ့သား၊ အဒ်မိန်ဟှာ အာရံနိရဲ့သား၊ အာရံနိဟှာ ဟေဇရုံရဲ့သား၊ ဟေဇရုံဟှာ ဖာရက်ရဲ့သား၊ ဖာရက်ဟှာ ယုဒရဲ့သား၊ 
\v 34 ယုဒဟှာ ယာကုပ်ရဲ့သား၊ ယာကုပ်ဟှာ ဣဇာက်ရဲ့သား၊ ဣဇာက်ဟှာ အာဗြဟံရဲ့သား၊ အာဗြဟံဟှာ တေရရဲ့သား၊ တေရဟှာ နာခေါ်ရဲ့သား၊ 
\v 35 နာခေါ်ဟှာ စေရောက်ရဲ့သား၊ စေရောက်ဟှာ ရာဂေါရဲ့သား၊ ရာဂေါဟှာ ဖာလက်ရဲ့သား၊ ဖာလက်ဟှာ ဟေဗာရဲ့သား၊ ဟေဗာဟှာ ရှာလရဲ့သား၊ 
\v 36 ရှာလဟှာ ကာဣနန်ရဲ့သား၊ ကာဣနန်ဟှာ အာဖာဇဒ်ရဲ့သား၊ အာဖာဇဒ်ဟှာ ရှေမရဲ့သား၊ ရှေမဟှာ နောဧရဲ့သား၊ နောဧဟှာ လာမက်ရဲ့သား၊ 
\v 37 လာမက်ဟှာ မသုရှလရဲ့သား၊ မသုရှလဟှာ ဧနောက်ရဲ့သား၊ ဧနောက်ဟှာ ယာရက်ရဲ့သား၊ ယာရက်ဟှာ မဟာလေလရဲ့သား၊ မဟာလေလဟှာ ကာဣနန်ရဲ့သား၊ 
\v 38 ကာဣနန်ဟှာ ဧနုတ်ရဲ့သား၊ ဧနုတ်ဟှာ ရှေသရဲ့သား၊ ရှေသဟှာ အာဒံရဲ့သား၊ အာဒံဟှာ ဘုရားသခင်ရဲ့ သားဖြစ်ဟှယ်။
\c 4
\s ယေရှုဟှို သွီးဆောန်ဟှူကြောန်း
\r (မဿဲ ၄.၁–၁၁; မာကု ၁.၁၂–၁၃)
\p
\v 1 ယေရှုဟှာ သန့်ရှင်းဟှူဝိညာဉ်တော်န ပ္လဲ့ဝဘီး ယော်ဒန်မ္လစ်နားဟှနေ ပ္လန်လာဘီးန ကိုယ်တော်ဟှာ ဝိညာဉ်တော်အားဖြင့် တောကန္တရထဲဟှို ပို့ဆောန်ရှင်းဟှို ခံတော်မူဘီး၊ 
\v 2 အယ်နေရာမာ ကိုယ်တော်ဟှာ ရစ်လေးဆယ် လောင်းလောင်း နေဘီး မာရ်နတ်ရဲ့ သွီးဆောန်ရှင်းဟှို ခံရဟှယ်။ အယ်နေ့ရစ်လေမာ ကိုယ်တော်ဟှာ ဖြားလည်းစားဘဲကြောန့် အယ်နေ့ရစ်လေ ပီးဆောင်းဟှားဟှူ ခီမာ ကိုယ်တော်ဟှာ ရရာတိုင်း ဗိုက်ဆာတော်မူဟှယ်။
\p
\v 3 မာရ်နတ်ဟှ “သင်ဟှာ ဘုရားသခင်ရဲ့ သားဖြစ်ဟှယ် ဆိုဟှာ အယ်က္လော့‑က်ခဲဟှို မုဖြစ်လာအောန် မိန့်ပေးကေ့” ဆိုဘီး ကိုယ်တော့်ဟှို ပြောဟှယ်။
\p
\v 4 အယ်ဘေမဲ့ ယေရှုဟှ “‘လူဟှာ စားဇာတခုဒဲန သတ်ရှင်ရဟှို့ မှုဟှ’ ဆိုဇာ ကျမ်းစာဟှ ပြောဟှားဟှယ်” ဆိုဘီး မိန့်တော်မူဟှယ်။
\p
\v 5 အယ်ဘီးန မာရ်နတ်ဟှာ ကိုယ်တော့်ဟှို ရရာတိုင်း ဗြစ်ဟှူ တောန်ထတ်ဟှို ခေါ်ဆောန်ဟှားဘီး အယ်လောကရဲ့ နိုင်ငံလေဟှို တခဏရှင်းမာ ကိုယ်တော့်ဟှို ပြလိုက်ဟှယ်။ 
\v 6 မာရ်နတ်ဟှ “ငါဟှာ ကိုယ်တော့်ဟှို အယ်ခွမ့်အာဏာ အားလောင်းန အယ်ဖောင်းစည်းဇိမ် အားလောင်းပေးမယ်။ အယ်ဇာလေ အားလောင်းဟှာ ငါ့ဟှို အပ်ဟှားပီးဘီ။ ငါဟှာ အယ်ဇာလေဟှို ငါဝီးချယ်ဟှားဟှူ ဖယ်လူဘဲ့ဖြစ်ဖြစ် ငါပေးနိုင်ဟှယ်။ 
\v 7 ကိုယ်တော်ဟှာ ငါ့ဟှို ကိုးကွယ်မယ် ဆိုဟှာ အယ်မူဇာလေ အားလောင်းဂူဟှာ ကိုယ်တော်ရဲ့ အောက်စာလေ ဖြစ်ဟှားလေ့မယ်” ဆိုဘီး ကိုယ်တော့်ဟှို ပြောဟှယ်။
\p
\v 8 ယေရှုဟှ “ကျမ်းစာမာ ‘နန့်ရဲ့ ဘုရားသခင် တပါးဒဲဟှိုဘဲ့ ကိုးကွယ်ရမယ်။ အယ်သခင် တပါးဒဲဟှိုဘဲ့ စေခံရမယ်!’ ဆိုဇာ ပြောဟှားဟှယ်” ဆိုဘီး မိန့်တော်မူလေဟှယ်။
\p
\v 9 အယ်ဘီးန မာရ်နတ်ဟှာ ကိုယ်တော့်ဟှို ယေရုရှလင်ဗြို့ဟှို ခေါ်ဟှားဘီး ဗိမာန်တော်ရဲ့ ထိဖျားမာ တန်ဟှားဘီးဟှာ “ကိုယ်တော်ဟှာ ဘုရားသခင်ရဲ့ သားဖြစ်ဟှယ် ဆိုဟှာ အယ်နေရာဟှနေ အော့‑က်ဟှို ခူခ္လလိုက်။ 
\v 10 ဖြားဖြစ်ကြောန့်နူးဆိုဟှာ ‘ဘုရားသခင်ဟှာ ကိုယ်တော့်ဟှို စောန့်ရှော့‑က်ဟှို့တွပ် ကောန်းဂန်တမန်လေဟှို မိန့်ပေးဟှားလေ့မယ်။ 
\v 11 ကိုယ်တော်ရဲ့ ခေဟှို က္လော့‑က်န ထိခိုက်ဘဲနေအောန် သူးနို့ဟှာ ကိုယ်တော့်ဟှို လတ်န ခီမဟှားလေ့မယ်’ ဆိုဇာ ကျမ်းစာမာ ပြောဟှားဟှယ်” ဆိုဘီး ပြောလေဟှယ်။
\p
\v 12 အယ်ဘေမဲ့ ယေရှုဟှ “‘နန့်ရဲ့သခင်၊ ဘုရားသခင်ဟှို စောင်ဇမ်းန’ ဆိုဇာ ကျမ်းစာဟှ ပြောဟှားဟှယ်” ဆိုဘီး မိန့်တော်မူဟှယ်။
\p
\v 13 မာရ်နတ်ဟှာ သွီးဆောန်ရှင်း ဘောန်းဇောင် လောက်ဘီးန ယေရှုနားဟှ ထွပ်ဟှားဘီး ခွမ့်ကောန်းဟှို စောန့်နေလေဟှယ်။
\s မှုတော်မြတ် စပြုဟှူကြောန်း
\r (မဿဲ ၄.၁၂–၁၇; မာကု ၁.၁၄–၁၅)
\p
\v 14 အယ်ဘီးန ယေရှုဟှာ ဂါလိလဲပြည်ဟှို ပ္လန်ဟှားဘီး ဘုရားသခင်ရဲ့ ဝိညာဉ်တော်တဂိုးဟှာ ကိုယ်တော်နတူးဒူ ရှိတော်မူဟှယ်။ ကိုယ်တော့်ဒန်းဟှာ အယ်ဒေသ တခုလောင်း ပ္လန့်နှံ့ဟှားဟှယ်။ 
\v 15 ကိုယ်တော်ဟှာ ဝါလယ်ဇရပ်လေမာ သွန်သန်ဘီး ကိုယ်တော့်ဟှို လူတိုင်းချီးမွမ်းဂေ့ဟှယ်။
\s ယေရှုဟှို နာဇရက်ဗြို့ဟှ ငြင်းပယ်ဟှူကြောန်း
\r (မဿဲ ၁၃.၅၃–၅၈; မာကု ၆.၁–၆)
\p
\v 16 အယ်ဘီးန ယေရှုဟှာ နာဇရက်ဗြို့ဟှို ကြွဟှားတော်မူဟှယ်။ အယ်ဗြို့ဟှာ ကိုယ်တော် ကီးဒတ်လာဟှူ ဗြို့ဖြစ်ဘီး ဒန်းနေ့မာ ကိုယ်တော်ဟှာ ခါတိုင်းသွားနေမျိုးဘဲ့ ဝါလယ်ဇရပ်ဟှို ကြွဟှားတော်မူဟှယ်။ ကိုယ်တော်ဟှာ ကျမ်းစာဖတ်ဟှို့ မတ်တတ်ရပ်တော်မူလိုက်ဘီးန 
\v 17 ကိုယ်တော်ဟှာ ပရောဖက်ဟေရှာယရဲ့ ကျမ်းဟှို လှမ်းယူလိုက်ဘီး ကျမ်းစာဟှို ဖွမ့်လိုက်န အယ်ကျမ်းမာ
\q1
\v 18 “သခင်ဘုရားရဲ့ ဝိညာဉ်တော်ဟှာ ငါ့ထတ်မာ ရှိတော်မူဟှယ်။
\q2 ဖြားဖြစ်ကြောန့်နူးဆိုဟှာ ကိုယ်တော်ဟှာ ဆင်းရဲသားလေနားဟှို ဒန်းကောန်းသယ်ဆောန်ဟှို့ ငါ့ဟှို ဝီးချယ်တော်မူဟှယ်။
\q1 ကိုယ်တော်ဟှာ ခယ်ဟှားဇာခံရဟှူ လူလေနားဟှို လွှတ်မြော့‑က်စေဟှို့န
\q2 မျစ်စိကန်းဟှူ လူလေဟှို လန်းပ္လန်ရစေဟှို့၊
\q1 ညှဉ်းဆဲခံရဟှူ လူလေ လွှတ်မြော့‑က်စေဟှို့ကြောန်း ကြေညာဘီးန
\q2
\v 19 သခင်ဘုရားဟှာ ကိုယ်တော်ရဲ့ လူလေဟှို ကယ်တန်ဟှို့
\q2 ခီဟှာ ရော့‑က်လာဘီ ဖြစ်ကြောန်းဟှို ကြေညာဟှို့ ငါ့ဟှို စေလွတ်ဟှယ်” ဆိုဘီး ရေးဟှားလေဟှယ်။
\p
\v 20 ယေရှုဟှာ ကျမ်းစာဟှို လိဘီး ဇရပ်စောန့်ဟှို ပ္လန်ပေးဘီးန ထိုင်လိုက်ဟှယ်။ ဝါလယ်ဇရပ်ထဲဟှ လူလေ အားလောင်းဂူရဲ့ မျစ်လောင်းလေဟှာ ကိုယ်တော့်ဟှိုဘဲ့ စေ့စေ့ကေ့နေဟှယ်။ 
\v 21 အယ်ကြောန့် ယေရှုဟှာ သူးနို့ဟှို့ “နန်းနို့ ကြားဟှားမျိုးဘဲ့ အယ်ကျမ်းပိုဒ်ဟှာ အယ်နေ့ဘဲ့ မှန်ဖြစ်လာဘီ” ဆိုဘီး မိန့်တော်မူလေဟှယ်။
\p
\v 22 လူလေ အားလောင်းဂူဟှာ ကိုယ်တော့်ဟှို ရရာတိုင်း ထော့‑က်ခံဂေ့ဘီး ကိုယ်တော်ရဲ့ ဆွဲဆောန်အားကောန်းဟှူ စကားလေကြောန့် အံဩဂေ့ဟှယ်။ သူးနို့ဟှ “သူဟှာ ယောသပ်ရဲ့ သား မှုဟှလော” ဆိုဘီး ပြောနေဂေ့ဟှယ်။
\p
\v 23 ကိုယ်တော်ဟှာ “နန်းနို့ဟှာ ငါ့ဟှို အယ်မျိုးဆိုရိုးစကားန ကိုးကားလေ့မယ် ‘ဆရာဝန်၊ ကိုယ့်ကိုကိုယ် နာပျော့‑က်အောန်ကု’ ဆိုဘီး ပြောမယ် ဆိုဇာဟှို ငါတိက္လ သိဟှယ်။ ကပေရနောင်ဗြို့မာ လောက်ဟှားဇာဟှို နန်းနို့ ကြားဟှားပီးဘီ အယ်မျိုးဇာလေဟှို ငါ့ရဲ့ မွီးရပ်ဗြို့မာလည်း နန်းနို့ဟှာ ငါ့ဟှို လောက်ပြဟှို့ ပြောလေ့အူးမယ်။ 
\v 24 \x - \xo ၄.၂၄ \xo*\xt ယော ၄.၄၄\xt*\x*နန်းနို့ဟှို ငါ မှန်တိုင်းပြောမယ်၊ ပရောဖက်လေဟှာ သူးနို့ရဲ့ ဗြို့မာ ကြိုဆိုရှင်းဟှို လောင်းဝ ခံရဟှ။ 
\v 25 ငါ မှန်တိုင်းပြောမယ်၊ နားထောန်ဂေ့။ ဧလိယ လတ်ထတ်ဟှ ဣသရေလနိုင်ငံမာ သောင်းနှစ်ခွဲ ကောန်းဂန်ပိဟှားဘီး တနိုင်ငံလောင်း စာရေဇာ ခေါန်းပါးနေခီမာ ဣသေရလနိုင်ငံမာ မောက်ဆိုးမလေ ဘောင်ဂီးရှိဟှယ်။ 
\v 26 ဧလိယဟှာ ဣသရေလနိုင်ငံထဲဟှ ဖယ်မောက်ဆိုးမ တယော့‑က်နားဟှိုလည်း စေလွတ်ရှင်းခံရဘဲ ဇိဒုန်ပြည် ဇရတ္တဗြို့မာနေဟှူ မောက်ဆိုးမ တယော့‑က်နားဟှိုဘဲ့ စေလွတ်ဟှယ်။ 
\v 27 ပရောဖက် ဧလိရှဲ လတ်ထတ်ဟှ ဣသရေလနိုင်ငံမာနေဟှူ နူနာရောဂါသယ်လေ ဘောင်ဂီးရှိဘေမဲ့ သူးနို့လေထဲဟှ တယော့‑က်လည်း သန့်ရှင်းခွမ့် ရဂေ့ဟှ။ အယ်ဘေမဲ့ ရှုရိလူမျိုး နေမန်တယော့‑က်ဘဲ့ သန့်ရှင်းခွမ့် ရဟှားဟှယ်” ဆိုဘီး မိန့်တော်မူလေဟှယ်။
\p
\v 28 ဝါလယ်ဇရပ်မာရှိဟှူ လူလေဟှာ အယ်စကားဟှို ကြားရဟှူ ခီမာ သူးနို့ဟှာ ဒေါသထွတ်ဟှားဂေ့ဟှယ်။ 
\v 29 သူးနို့ဟှာ မတ်တတ်ထလိုက်ဘီး ယေရှုဟှို ဗြို့ပ္လန်ထိ ဒရွတ်တိုက်ဆွဲဟှားဘီးန သူးနို့ ဗြို့တည်ဟှားဟှူ တောန်ထိဟှို ခေါ်ဆောန်ဟှားဟှယ်။ သူးနို့ဟှာ ကိုယ်တော့်ဟှို က္လော့‑က်ဆောန်ထတ်ဟှနေ တွန်းခ္လဟှို့ ခေါ်ဆောန်ဟှားဘေမဲ့၊ 
\v 30 ကိုယ်တော်ဟှာ လူအောင်ဂီးလယ်ဟှနေ ရှော့‑က်ဟှားဘီး ကြွဟှားလေဟှယ်။
\s ညစ်ညူးဟှူနတ် ဝမ်ပူးနေဟှူလူကြောန်း
\r (မာကု ၁.၂၁–၂၈)
\p
\v 31 အယ်ဘီးန ယေရှုဟှာ ဂါလိလဲပြည်ဟှ ဗြို့တဗြို့ဖြစ်ဟှူ ကပေရနောင်ဗြို့ဟှို ဆင်းဟှားဘီး ဒန်းနေ့မာ ကိုယ်တော်ဟှာ လူလေဟှို သွန်သန်တော်မူဟှယ်။ 
\v 32 \x - \xo ၄.၃၂ \xo*\xt မ ၇.၂၈,၂၉\xt*\x*သူးနို့ အားလောင်းဟှာ ကိုယ်တော်ရဲ့ သွန်သန်ဟှူ နည်းလမ်းဟှို အံ့ဩဟှားဟှယ်။ ဖြားဖြစ်ကြောန့်နူးဆိုဟှာ ကိုယ်တော်ဟှာ ခွမ့်အာဏာန ပြောတော်မူကြောန့် ဖြစ်ဟှယ်။ 
\v 33 ဝါလယ်ဇရပ်မာ ညစ်ညူးဟှူနတ် ဝမ်ပူးနေဟှူလူ တယော့‑က်ရှိဘီး သူဟှာ သံက္လယ်ဟှီးန 
\v 34 “မိ–ဝေး! နာဇရက်ဗြို့သားယေရှု၊ ကိုယ်တော်ဟှာ ကျွန်တော့်လေန ဖယ်မျိုးဆိုင်နူး။ ကိုယ်တော်ဟှာ ကျွန်တော့်လေဟှို ဖျစ်ဆီးဟှို့တွပ် အယ်နေရာဟှို ရော့‑က်လာဇာလော။ ကိုယ်တော်ဟှာ ဖယ်သူဖြစ်ဟှယ် ဆိုဇာဟှို ကျွန်တော်သိဟှယ်။ ကိုယ်တော်ဟှာ ဘုရားသခင်ရဲ့ သန့်ရှင်းဟှူ စေတမန်ဖြစ်ဟှယ်!” ဆိုဘီး အော်လေဟှယ်။
\p
\v 35 ယေရှုဟှာ အယ်နတ်ဟှို “တိတိနေဘီး အယ်လူထဲဟှထွပ်!” ဆိုဘီး မိန့်ပေးလေဟှယ်။ နတ်ဆိုးဟှာ အယ်လူဟှို သူးနို့ရှေ့မာ ပစ်လှဲခ္လဘီးန သူ့ဟှို ထိခိုက်ရှင်းမှေ့ဘဲန သူ့ထဲဟှ ထွပ်ဟှားဟှယ်။
\p
\v 36 လူလေ အားလောင်းဂူဟှ အံ့ဩဟှားဂေ့ဘီး ယော့‑က်နယော့‑က် “အယ်စကားလေဟှ ဖြားမျိုးစကားလေနူး။ အယ်လူဟှာ ညစ်ညူးဟှူနတ်လေဟှို ခွမ့်အာဏာတဂိုးန မိန့်ပေးလိုက်ဟှူန သူးနို့ဟှာ ထွပ်ဟှားဟှယ်!” ဆိုဘီး ပြောနေဂေ့ဟှယ်။ 
\v 37 ယေရှုရဲ့ ဒန်းဟှာ အယ်ဒေသ တခုလောင်းဟှို ပ္လန့်နှံ့ဟှားလေဟှယ်။
\s လူလေဘောင်ဂီးဟှို နာပျော့‑က်စေဟှူကြောန်း
\r (မဿဲ ၆.၁၄–၁၇; မာကု ၁.၂၉–၃၄)
\p
\v 38 ယေရှုဟှာ ဝါလယ်ဇရပ်ဟှနေ ထွပ်ဟှားဘီးန ရှိမုန်ရဲ့ အီဟှို ကြွဟှားလိုက်ဟှယ်။ ရှိမုန်ရဲ့ ယောက္ခမဟှာ ဖျားနာဘီး ရရာတိုင်း နေကောန်းဘဲ ဖြစ်နေကြောန်း သူးနို့ဟှာ ယေရှုဟှို တောန်းလျှော့‑က်လေဟှယ်။ 
\v 39 ကိုယ်တော်ဟှာ အယ်မီးမရဲ့ ဘေးနားမာ သွားရပ်ဘီး ဖျားပျော့‑က်စေ ဆိုဘီး မိန့်ပေးလိုက်ဟှယ်။ အယ်မီးမဟှာ ဖျားနာပျော့‑က်ဟှားကြောန့် ရှစ်ရှင်းထဘီး ကိုယ်တော်န တဗဲ့တော်လေဟှို ဧည့်ဝတ်ပြုလေဟှယ်။
\p
\v 40 နေဝမ်ဟှားဘီးန နာရောဂါဘောန်းဇောင်န နေကောန်းဘဲဖြစ်နေဟှူ လူလေရဲ့ ငယ်ဂျင်းလေဟှာ သူးနို့ဟှို ယေရှုနားဟှို ခေါ်လာဂေ့ဟှယ်။ ကိုယ်တော်ဟှာ သူးနို့ အားလောင်းထတ်မာ လတ်ဟှို တန်ဘီးန သူးနို့ အားလောင်းဟှို နာပျော့‑က်စေဟှယ်။ 
\v 41 နတ်ဆိုးလေဟှာလည်း လူလေထဲဟှနေ “ကိုယ်တော်ဟှာ ဘုရားသခင်ရဲ့ သားတော် ဖြစ်ဟှယ်!” ဆိုဘီး အော်ဟစ်ဘီး ထွပ်ဟှားဂေ့ဟှယ်။
\p ယေရှုဟှာ မေရှိယဖြစ်ဟှယ် ဆိုဇာဟှို နတ်ဆိုးလေဟှ သိဟှယ်။ အယ်ကြောန့် သူးနို့ဟှို စကားခွန်းလည်းပြောန ဆိုဘီး မိန့်ပေးတော်မူဟှယ်။
\s ဝါလယ်ဇရပ်လေမာ ဟောပြောဟှူကြောန်း
\r (မာကု ၁.၃၅–၃၉)
\p
\v 42 မိုးလန်းဟှူ ခီမာ ယေရှုဟှာ ဗြို့ဟှနေ ထွပ်ဟှားဘီးန တိဆိဟှူ နေရာဟှို ကြွဟှားလေဟှယ်။ လူလေဟှာ ကိုယ်တော့်ဟှို လိုက်ရှာဂေ့ဘီး သူးနို့ဟှာ ကိုယ်တော့်ဟှို တွိဟှူ ခီမာ ကိုယ်တော့်ဟှို ထွပ်ဟှားဘဲနေအောန် ဆီးတားဂေ့ဟှယ်။ 
\v 43 အယ်ဘေမဲ့ ကိုယ်တော်ဟှာ “ငါဟှာ ဘုရားသခင်ရဲ့ နိုင်ငံတော်ကြောန်း ဒန်းကောန်းဟှို တခြား ဗြို့ဝါလေမာလည်း ကြေညာရအူးမယ်။ ဖြားဖြစ်ကြောန့်နူးဆိုဟှာ အယ်မျိုးကြေညာဟှို့ ဘုရားသခင်ဟှ ငါ့ဟှို စေလွတ်ရှင်း ဖြစ်ဟှယ်” ဆိုဘီး သူးနို့ဟှို မိန့်တော်မူလေဟှယ်။
\p
\v 44 အယ်ကြောန့် ကိုယ်တော်ဟှာ ယုဒပြည် တပြည်လောင်းမာရှိဟှူ ဝါလယ်ဇရပ်လေမာ ကြေညာတော်မူလေဟှယ်။
\c 5
\s တဗဲ့တော်လေဟှို ခေါ်ဟှူကြောန်း
\r (မဿဲ ၄.၁၈–၂၂; မာကု ၁.၁၆–၂၀)
\p
\v 1 \x - \xo ၅.၁\xo*\xt မ ၁၃.၁,၂; မာ ၃.၉,၁၀; ၄.၁\xt*\x*တနေ့မာ ယေရှုဟှာ ဂင်္နေသရက်အိုင်ရဲ့ ကမ်းနားမာ ရပ်နေဟှူ ခီမာ လူလေဟှာ ဘုရားသခင်ရဲ့ စကားတော်ဟှို နားထောန်ဟှို့ ကိုယ်တော်နားဟှို တိုးဝမ်ဂေ့ဟှယ်။ 
\v 2 ကိုယ်တော်ဟှာ ကမ်းနားမာ ကပ်ဟှားဟှူ လှေနှေ့စင်းဟှို ဗြင်တော်မူဟှယ်။ ငါးဖမ်းမားလေဟှာ လှေလေထတ်ဟှနေ ဆင်းဘီးန ငါးဖမ်းပိုက်လေဟှို ဆေးနေဂေ့ဟှယ်။ 
\v 3 ယေရှုဟှာ အယ်လှေနှေ့စီးထဲဟှ ရှိမုန်ရဲ့ လှေထတ်ဟှို တတ်တော်မူဘီးန လှေဟှို ကမ်းဟှနေ နဲနဲခွာဟှို့ သူ့ဟှို ခွမ့်တောန်းလေဟှယ်။ ယေရှုဟှာ လှေထတ်မာ ထိုင်ဘီးန လူအောက်ဂီးဟှို သွန်သန်ဟှယ်။
\p
\v 4 ကိုယ်တော်ဟှာ သွန်သန်ရှင်းလေ ပီးဟှားဟှူ ခီမာ ရှိမုန်ဟှို “ရေနတ်ထဲဟှို ထွပ်ဟှားဘီး ငါးလေဟှို ဖမ်းဟှို့တွပ် နန့်န နန့်ပေါန်းဖော်လေရဲ့ ငါးဖမ်းပိုက်လေဟှို ခ္လဂေ့” မိန့်တော်မူလေဟှယ်။
\p
\v 5 \x - \xo ၅.၅ \xo*\xt ယော ၂၁.၃\xt*\x*ရှိမုန်ဟှ “ကျွန်တော့်ဟှားလေဟှာ တညဉ့်လောင်း ကြိုးစားဘီး ဖမ်းလည်း ဂေါန်လည်းရဂေ့ဟှ။ အယ်ဘေမဲ့ ကိုယ်တော်ရဲ့ မိန့်တော်တိုင်း ငါးဖမ်းပိုက်လေဟှို ခ္လလိုက်မယ်” ဆိုဘီး ပ္လန်ပြောတော်မူဟှယ်။ 
\v 6 \x - \xo ၅.၆ \xo*\xt ယော ၂၁.၆\xt*\x*သူးနို့ဟှာ ငါးဖမ်းပိုက်လေဟှို ခ္လလိုက်ဘီးန ငါးလေဘောင်ဂီး ဖမ်းမိကြောန့် ငါးဖမ်းပိုက်လေ စုပ္လဲခါနီး ဖြစ်ဟှားဟှယ်။ 
\v 7 အယ်ကြောန့် သူးနို့ဟှာ လာဘီး ကူညီပေးဟှို့ တခြားလှေထဲမာရှိနေဟှူ သူးနို့ရဲ့ ပေါန်းဖော်လေဟှို လတ်ပြဘီး ခေါ်လိုက်ဟှယ်။ သူးနို့ဟှာ လာဘီးန လှေနှေ့စင်းလောင်းဟှို ငါးလေပ္လဲ့ ဖ္လဲ့လိုက်ကြောန့် လှေလေဟှာ မ္လုပ်ခါနီး ဖြစ်ဟှားဟှယ်။ 
\v 8 အယ်မျိုးဖြစ်ဇာလေဟှို ရှိမုန်ပေတရု ဗြင်လိုက်ဟှူ ခီမာ ယေရှုရှေ့မာ ဒူးထော့‑က်ဘီး “သခင်၊ ကျွန်တော့်နားဟှနေ ကြွဟှားတော်မူပါ! ကျွန်တော်ဟှာ ပြစ်သား ဖြစ်ဟှယ်!” ဆိုဘီး လျှော့‑က်လေဟှယ်။
\p
\v 9 သူ့နတူးဒူရှိဟှူ လူလေ အားလောင်းဂူဟှာ ဖမ်းမိဟှူ ငါးလေဟှာ ဘောင်ဂီး ဖြစ်နေကြောန့် အံ့ဩဟှားဂေ့ဟှယ်။ 
\v 10 ရှိမုန်ရဲ့ လောက်ဖော်ဆောန်ဖတ်လေဖြစ်ဟှူ၊ ဇေဗေဒဲရဲ့ သားလေဖြစ်ဟှူ ယာကုပ်န ယောဟန်လေဟှာလည်း အယ်မျိုးဘဲ့ အံ့ဩဟှားဂေ့ဟှယ်။ ယေရှုဟှာ ရှိမုန်ဟှို “ကြော့‑က်ဂေ့န။ ခုဟှစဘီး နန်ဟှာ လူလေဟှို ဖမ်းရလေ့မယ်” ဆိုဘီး မိန့်တော်မူလေဟှယ်။
\p
\v 11 သူးနို့ဟှာ လှေလေဟှို ကမ်းနားမာ ကပ်လိုက်ဘီး ငါးလေအားလောင်း ထားရစ်ဘီးန နော့‑က်တော်ဟှို လိုက်ဂေ့ဟှယ်။
\s နူနာရောဂါဟှို ပျော့‑က်စေဟှူကြောန်း
\r (မဿဲ ၈.၁–၄; မာကု ၁.၄၀–၄၅)
\p
\v 12 တနေ့မာ ယေရှုဟှာ ဗြို့တဗြို့မာ ရှိနေဒူးမာ နူနာသယ် တယော့‑က်ဟှာ ယေရှုဟှို ဗြင်ဟှားဟှူ ခီမာ ပျပ်ဝပ်ဘီး ကိုယ်တော့်ဟှို “သခင်၊ လိုတော်ရှိဟှယ် ဆိုဟှာ ကျွန်တော့်ဟှို သန့်ရှင်းအောန် လောက်နိုင်ဟှယ်!” ဆိုဘီး တောန်းဗန်လေဟှယ်။ \f + \fr ၅.၁၂ \fr*\fk ကျွန်တော့်ဟှို သန့်ရှင်းအောန် လောက်နိုင်ဟှယ်၊ \fk*\ft အယ်ရောဂါဟှာ လူတယော့‑က်ဟှို မြဲဒမ်း သန့်ရှင်းဘဲအောန် လောက်ဟှယ် ဆိုဘီး ယူဆဟှယ်။\ft*\f*
\p
\v 13 ယေရှုဟှာ လတ်တော်ဟှို ဆန့်ဘီးဟှာ သူ့ဟှို တို့ထိတော်မူဟှယ်။ “ငါလိုရှိဟှယ်။ သန့်ရှင်းစေ!” ဆိုဘီး ကိုယ်တော်ဟှ မိန့်တော်မူဟှယ်။ ရှစ်ရှင်းဘဲ့ နူနာရောဂါဟှာ ပျော့‑က်ဟှားလေဟှယ် 
\v 14 ယေရှုဟှာ သူ့ဟှို “ဖယ်သူဟှိုလည်း ပြောန။ အယ်ဘေမဲ့ ယဇ်ပုရောဟိတ်နားဟှို သွားဘီး ကိုယ်ဟှို ပြလိုက်ပါ။ စင်ကြယ်ဟှားဘီး ဆိုဇာဟှို လူလေရှေ့မာ သတ်သေဖြစ်ဟှို့တွပ် မောရှေပညတ်ဟှားဟှူတိုင်း ပူဇော်သကာဟှို ဆစ်သပါ” ဆိုဘီး မိန့်တော်မူလေဟှယ်။
\p
\v 15 အယ်ဘေမဲ့ ယေရှုရဲ့ ဒန်းဟှာ ရရာတိုင်း ပ္လံ့နှံ့ဟှားဘီး လူအောက်ဂီးဟှာ ကိုယ်တော်ရဲ့ တရားတော်လေ ကြားရဟှို့န သူးနို့ရဲ့ နာရောဂါလေ ပျော့‑က်ဟှို့တွပ် လာဂေ့ဟှယ်။ 
\v 16 အယ်ဘေမဲ့ ကိုယ်တော်ဟှာ တိဆိဟှူနေရာမာ ဆုတောန်းဟှို့ ထွပ်ကြွဟှားတော်မူဟှယ်။
\s လေဖြတ်နေဟှူလူဟှို နာပျော့‑က်စေဟှူကြောန်း
\r (မဿဲ ၉.၁–၈; မာကု ၂.၁–၁၂)
\p
\v 17 တနေ့မာ ယေရှုဟှာ သွန်သန်တော်မူနေဒူးမာ ယေရုရှလင်ဗြို့၊ ယုဒပြည်န ဂါလိလဲပြည် ဗြို့ဝါလေဟှနေ လာဟှူဖာရိရှဲ တချို့န ကျမ်းတတ်ဆရာလေဟှာ ထိုင်နေဂေ့ဟှယ်။ နာရောဂါ ပျော‑က်စေဟှို့ ဘုရားသခင်ရဲ့ တဂိုးတော်ဟှာ ယေရှုမာ ရှိတော်မူဟှယ်။ 
\v 18 လူတချို့ဟှာ လေဖြတ်နေဟှူ လူတယော့‑က်ဟှို ထမ်းစင်န သယ်လာဘီး အီထဲဟှို သယ်ဆောင်ဟှားဘီး ယေရှုရဲ့ ရှေ့တော်မာ ခ္လဟှားဟှို့ ကြိုးစားဂေ့ဟှယ်။ 
\v 19 ကြိုးစားဘေမဲ့လည်း လူလေဘောင်ဂီး ရှိနေကြောန့် သူးနို့ဟှာ လူနာဟှို သယ်သွမ်းဟှားဟှို့ လမ်းရှာတွိဘဲ ဖြစ်နေဟှယ်။ အယ်ကြောန့် သူးနို့ဟှာ အီးခေါန်မိုးထတ်ဟှို တတ်ဘီးဟှာ အီးခေါန်မိုးဟှို ဖော့‑က်ဘီးမှ လူနာဟှို ထမ်းစင်န လူအောက်ဂီးရဲ့လယ် ယေရှုရဲ့ ရှေ့တော်ဟှို လျှောခ္လဂေ့ဟှယ်။ 
\v 20 ယေရှုဟှာ သူးနို့မာ ရရာတိုင်း ယောင်ကြည်ရှင်း ရှိဟှယ် ဆိုဇာဟှို ဗြင်တော်မူဟှားဘီး လူနာဟှို “မိဆွေ၊ နန်ဟှာ ပြစ်လေလွတ်ရှင်းခံရဘီ” ဆိုဘီး မိန့်တော်မူလေဟှယ်။
\p
\v 21 ကျမ်းတတ်ဆရာလေန ဖာရိရှဲလေဟှာ “ဘုရားဟှိုစော်ကားဘီး ပြောနေဟှူလူဟှ ဖယ်သူနူး! ဘုရားသခင် တပါးဒဲဘဲ့ ပြစ်လေဟှို ဖြေလွတ်ပေးနိုင်ဟှယ်!” ဆိုဘီး သူးနို့ရှင်းရှင်း ပြောနေဂေ့ဟှယ်။
\p
\v 22 ယေရှုဟှာ သူးနို့ရဲ့စိဟှို သိကြောန့် သူးနို့ဟှို “နန်းနို့ဟှာ ဖြားဖြစ်ကြောန့် အယ်ဇာလေဟှို နန်းနို့ရဲ့ နှလောင်းထဲမာ စဉ်းစားနေဂေ့နူး။ 
\v 23 ‘နန်ဟှာ ပြစ်လွတ်ရှင်းခံရဘီ’ ဆိုဘီး ပြောဇာဟှ လွယ်လော။ ‘နန် ထဘီး လမ်းရှော့‑က်’ ဆိုဘီး ပြောဇာဟှ လွယ်လော။ 
\v 24 လူ့ရဲ့သားဟှာ လောကမာ ပြစ်လွှတ်ပိုင်ဟှူ ခွမ့်အာဏာ ရှိဟှယ် ဆိုဇာ နန်းနို့ဟှို သတ်သေပြမယ်” ဆိုဘီး မိန့်တော်မူလေဟှယ်။ အယ်ကြောန့် ကိုယ်တော်ဟှာ လေဖြတ်နေဟှူ လူဟှို “ထဒန်၊ ထမ်းစင်ဟှို သီးဘီးဟှာ အီပ္လန်ဝေါ့!” ဆိုဘီး မိန့်တော်မူလေဟှယ်။
\p
\v 25 ရှစ်ရှင်းဘဲ့ အယ်လူဟှာ သူးနို့ အားလောင်းရှေ့မာ ထရပ်ဘီး။ သူအိခဲ့ဟှူ အိရာဟှို သီးဘီး၊ ဘုရားသခင်ဟှို ချီးမွမ်းဘီး အီဟှို ပ္လန်ဟှားဟှယ်။ 
\v 26 သူးနို့ အားလောင်းဟှာ ရရာတိုင်း အံ့ဩဟှားဂေ့ဟှယ်! သူးနို့ဟှာ ကြော့‑က်လန့်လာဘီး ဘုရားသခင်ဟှို “အယ်နေ့မာ ရရာတိုင်း အံ့ဩဇာလေဟှို နို့လေဗြင်ရဂေ့ဘီ” ဆိုဘီး ချီးမွမ်းဂေ့လေဟှယ်။
\s လေဝိဟှို ခေါ်ဟှူကြောန်း
\r (မဿဲ ၉.၉–၁၃; မာကု ၂.၁၃–၁၇)
\p
\v 27 အယ်ဇာလေ ပီးဟှားဘီးန ယေရှုဟှာ ထွပ်ကြွဟှားတော်မူဘီး လေဝိနာမယ်ရှိဟှူ ခွန်ကော့‑က်မားဟှာ သူ့ခွန်ရောင်းမာ ထိုင်နေဇာဟှို ဗြင်တော်မူလေဟှယ်။ ယေရှုဟှာ သူ့ဟှို “ငါ့နော့‑က်ဟှို လိုက်ပါ” ဆိုဘီး မိန့်တော်မူလေဟှယ်။ 
\v 28 လေဝိဟှာ အားလောင်းဟှို ထားရစ်ဘီး နော့‑က်တော်ဟှို လိုက်ဟှားဟှယ်။
\p
\v 29 အယ်ဘီးန လေဝိဟှာ သူ့ရဲ့ အီမာ ယေရှုတွပ် ဧည့်ခံဗွဲဂီး ကျင်းပလေဟှယ်။ အယ်ပွဲဟှိုလာဟှူ ဧည့်သည်လေထဲမာ ခွန်ကော့‑က်မားလေန တခြားလူလေပါဟှယ်။ 
\v 30 \x - \xo ၅.၃၀ \xo*\xt လု ၁၅.၁,၂\xt*\x*ကျမ်းတတ်ဆရာလေ တချို့န သူးနို့ရဲ့ အောက်စုဝမ်ဖြစ်ဟှူ ဖာရိရှဲလေ တချို့ဟှာ ယေရှုရဲ့ တဗဲ့တော်လေဟှို ပြစ်တန်ဂေ့ဟှယ်။ “ဖြားဖြစ်ကြောန့် နန်းနို့ဟှာ ခွန်ကော့‑က်မားလေ၊ ပြစ်သားလေနတူးဒူ စားသော့‑က်ရဂေ့နူး” ဆိုဘီး သူးနို့ဟှို မေးလိုက်ဟှယ်။
\p
\v 31 ယေရှုဟှာ သူးနို့ဟှို “နေကောန်းနေဟှူ လူလေဟှ ဆရာဝန်ဟှို လိုအပ်ဟှ။ အယ်ဘေမဲ့ နေကောန်းဘဲလူဟှ ဆရာဝန်ဟှို လိုအပ်ဟှယ်။ 
\v 32 ငါဟှာ ဖြောန့်မတ်ဟှူ လူလေ နောန်ဒရဟှို့တွပ် ခေါ်ဟှို့လာဇာ မှုဟှ။ ပြစ်ရှိဟှူ လူလေဟှို နောန်ဒရစေဟှို့တွပ် ခေါ်ဟှို့လာဇာ ဖြစ်ဟှယ်” ဆိုဘီး မိန့်တော်မူလေဟှယ်။
\s စာရှောန်ရှင်းန ဆိုင်ဟှူမေးခွန်းကြောန်း
\r (မဿဲ ၉.၁၄–၁၇; မာကု ၂.၁၈–၂၂)
\p
\v 33 လူတချို့ဟှ ယေရှုဟှို “ယောဟန်ရဲ့ တဗဲ့လေန ဖာရိရှဲလေရဲ့ တဗဲ့လေဟှာ စာရှောန်ရှင်းန ဆုတောန်းရှင်းလေဟှို ခဏခဏ လောက်ဘေမဲ့ ကိုယ်တော်ရဲ့ တဗဲ့လေဟှာ စားသော့‑က်ဘီး နေဂေ့ဟှယ်” ဆိုဘီး မေးလျှော့‑က်ဂေ့ဟှယ်။
\p
\v 34 ယေရှုဟှ “အီတတ်ပွဲမာ ဒို့သားနတူးဒူ ရှိနေဟှူ ပေါန်းသင်းလေဟှာ ဒို့သားနတူးဒူ ရှိနေခီမာ စာရှောန်ခိုင်းနိုင်လော။ 
\v 35 အယ်ဘေမဲ့ ဒို့သားဟှို သူးနို့နားဟှနေ ဆောန်ယူဟှားဟှို့နေ့ ရော့‑က်လာခီမာ သူးနို့ဟှာ စာရှောန်လေ့မယ်” ဆိုဘီး ဖြေတော်မူလေဟှယ်။
\p
\v 36 ယေရှုဟှာ သူးနို့ဟှို ပေါင်ဥပမာန “ဖယ်သူလည်း အန်းဂီးစသစ်ဟှို ဆုဖ္လဲဘီး အန်းဂီဟောန်းမာ ဖာလေ့မှေ့ဟှ။ အယ်မျိုးဖာမယ် ဆိုဟှာ အန်းဂီသစ်ဟှာ ပျစ်စီးဟှားဘီး အန်းဂီဇသစ်န အန်းဂီဟောန်းဟှာ လိုက်ဖက် မှုဟှ။ 
\v 37 အယ်မျိုးဘဲ့ ဝိုင်သစ်ဟှို သားရေဖူးဟောန်းထဲမာ ထဲ့လေ့ မှေ့ဟှ။ ထဲ့မယ် ဆိုဟှာ ဝိုင်သစ်ဟှ သားရေဖူးဟောန်းဟှို ပေါ့‑က်ပ္လဲစေဘီး ဝိုင်န သားရေဖူး နှေ့ခုလောင်းဟှာ ပျစ်စီးဟှားလေ့မယ်။ 
\v 38 ဝိုင်သစ်ဟှို သားရေဖူးသစ်မာဘဲ့ ထဲ့ရဟှယ်! 
\v 39 ဝိုင်ဟောန်းဟှို သော့‑က်ဟှားဘီးဟှူ လူဟှာ ဝိုင်သစ်ဟှို သော့‑က်ရှင်ဂေ့ဟန်း! ‘ဝိုင်ဟောန်းဟှ ပိုကောန်းဟှယ်’ ဆိုဘီး နန်နို့ ပြောလေ့မယ်” ဆိုဘီး မိန့်တော်မူလေဟှယ်။
\c 6
\s ဒန်းနေ့နဆိုင်ဟှူ မေးခွန်းလေကြောန်း
\r (မဿဲ ၁၂.၁–၈; မာကု ၂.၂၃–၂၈)
\p
\v 1 ဒန်းနေ့မာ ယေရှုဟှာ ဂျောင်စဗားလယ်ဂွမ့်လေဟှို ဖြတ်ကြွဟှားတော်မူဟှယ်။ ကိုယ်တော်ရဲ့ တဗဲ့တော်လေဟှာ ဂျောင်စဗားနှံလေဟှို ဆွတ်ဘီး၊ လတ်နပွတ်ဘီး စားဂေ့ဟှယ်။ 
\v 2 ဖာရိရှဲတချို့ဟှ “ဒန်းနေ့မာ နန်းနို့ဟှို လောက်န ဆိုဘီး နို့လေရဲ့ ပညတ်တရားမာ ပြောဟှားဇာဟှို ဖြားဖြစ်ကြောန့် နန်းနို့ လောက်ဂေ့ရနူး” ဆိုဘီး မေးဂေ့ဟှယ်။
\p
\v 3 ယေရှုဟှာ သူးနို့ဟှို “ဒါဝိဒ်ဟှာ သူ့ရဲ့ ပေါန်းဖော်လေ ဗိုက်ဆာလာခီမာ ဖယ်မျိုးလောက်ခဲ့ဟှယ် ဆိုဇာဟှို နန်းနို့ ဖတ်ဖူးဂေ့ဟှလော။ 
\v 4 သူဟှာ ဘုရားသခင်ရဲ့ အီတော်ဟှို ဝမ်ဘီး ဘုရားသခင်ဟှို ပူဇော်ထားဟှူ မုဟှို ယူဘီးစားဟှယ်။ အယ်ဘီးဟှာ သူ့ရဲ့ ပေါန်းဖော်လေဟှို ကျွေးဟှယ်။ ယဇ်ပုရောဟိတ်လေမှတပါး ဖယ်သူလည်း စားခွမ့်မှေ့ဟှူ အယ်မုဟှို ယူစားဟှယ် ဆိုဇာဟှာ နို့လေရဲ့ ပညတ်တရားဟှို ဆန့်ကျင့်ဇာဘဲ့” ဆိုဘီး မိန့်တော်မူလေဟှယ်။
\p
\v 5 ယေရှုဟှ “လူ့ရဲ့သားဟှာ ဒန်းနေ့ရဲ့ သခင် ဖြစ်ဟှယ်” ဆိုဘီး မိန့်တော်မူလေဟှယ်။
\s လတ်တဖတ် လေဖြတ်နေဟှူလူကြောန်း
\r (မဿဲ ၁၂.၉–၁၄; မာကု ၃.၁–၆)
\p
\v 6 တခြားဒန်းနေ့မာ ယေရှုဟှာ ဝါလယ်ဇရပ်ဟှို ဝမ်ဘီး သွန်သန်တော်မူဟှယ်။ အယ်နေရာမာ ညာလတ်တဖတ် သေနေဟှူ လူတယော့‑က် ရှိဟှယ်။ 
\v 7 ကျမ်းတတ်ဆရာ တချို့န ဖာရိရှဲ တချို့ဟှာ ယေရှုဟှို ပြစ်တန်ရှင်ကြောန့် ဒန်းနေ့မာ ကိုယ်တော်ဟှာ အယ်လူဟှို နာပျော့‑က်စေဟှို့လော၊ ပျော့‑က်စေဟှလော ဆိုဇာဟှို သူးနို့ဟှာ သေးသေချားချာ စောန့်ကေ့နေဟှယ်။ 
\v 8 အယ်ဘေမဲ့ ယေရှုဟှာ သူးနို့ရဲ့ ကြံစည်ဟှို သိကြောန့် အယ်လူဟှို “ထဒန်ဘီး ရှေ့ဟှို ထွပ်လာခဲ့” ဆိုဘီး မိန့်တော်မူလေဟှယ်။ အယ်လူဟှာ ထဒန်ဘီး မတ်တတ်ရပ်နေဟှယ်။ 
\v 9 အယ်ဘီးန ယေရှုဟှာ သူးနို့ဟှို “နန်းနို့ဟှို ငါမေးမယ်၊ နို့လေရဲ့ ပညတ်တရားဟှာ ဒန်းနေ့မာ ဖြားဇာလေ လောက်ဟှို့ ခွမ့်ပြုဟှားနူး။ ကောန်းဇာလောက်ရလော။ ဆိုးဇာလောက်ရလော။ လူတယော့‑က်ရဲ့ သတ်ဟှို ကယ်အပ်လော။ သတ်အပ်လော” ဆိုဘီး မေးတော်မူလေဟှယ်။ 
\v 10 ကိုယ်တော်ဟှာ သူးနို့လေ အားလောင်းဂူ ပတ်လည်ဟှို ကေ့ရှုဘီးန ကိုယ်တော်ဟှာ အယ်လူဟှို “နန့်ရဲ့ လတ်ဟှို ဆန့်လိုက်” ဆိုဘီး မိန့်တော်မူ\f + \fr ၆.၁၀ \fr*\fq မိန့်တော်မူ၊ \fq*\ft တချို့ မူရင်းလတ်ရေးမူလေမာ \ft*\fqa စိဆိုးဘီး မိန့်တော်မူ၊ \fqa*\ft ဆိုဘီး ရှိဟှယ်။\ft*\f*လေဟှယ်။ အယ်လူဟှာ လတ်ဟှို ဆန့်လိုက်ဟှူ ခီမာ သူ့လတ်ဟှာ ကောန်းတိုင်း ပ္လန်ဖြစ်ဟှားဟှယ်။
\p
\v 11 ဖာရိရှဲလေဟှာ ဒေါသထွပ်ဟှားဘီး ယေရှုဟှို ဖယ်မျိုးလောက်ရဟှို့ ဆိုဘီးဟှာ သူးနို့ရှင်းရှင်း တိုင်ဗန်ဂေ့ဟှယ်။
\s တမန်တော်ဆယ့်နှေ့ပါးဟှို ဝီးချယ်ဟှူကြောန်း
\r (မဿဲ ၁၀.၁–၄; မာကု ၃.၁၃–၁၉)
\p
\v 12 အယ်နေ့ရစ်မာ ယေရှုဟှာ ဆုတောန်းဟှို့ တောန်ထတ်ဟှို တတ်ကြွဟှားဘီး တညဉ့်လောင်း ဘုရားသခင်ဟှို ဆုတောန်းဘီး နေတော်မူဟှယ်။ 
\v 13 မိုးလန်းလာဟှူုခီမာ တဗဲ့တော်လေဟှို ကိုယ်တော်နားဟှို ခေါ်ဘီး သူးနို့ထဲဟှ ဆယ့်နှေ့ပါးဟှို ဝီးချယ်ဘီး တမန်တော် ဆိုဘီး နာမယ် ပေးတော်မူဟှယ်။ 
\v 14 ကိုယ်တော်ဟှ ပေတရု ဆိုဘီး နာမယ် ပေးဟှားဟှူရှိမုန်န သူ့ညီအန္ဒြေ၊ ယာကုပ်န ယောဟန်၊ ဖိလိပ္ပုန ဗာသောလမဲ၊ 
\v 15 မဿဲန သောမ၊ အာလဖဲရဲ့သား ယာကုပ်န မျိုးရှစ်ပေါက်ကို ရှိမုန်၊ 
\v 16 ယာကုပ်ရဲ့သား ယုဒန ကိုယ်တော့်ဟှို သစ်စာဖော့‑က်ဟှူ ယုဒရှကာရုတ် ဖြစ်ဟှယ်။
\s သွန်သန်ရှင်းန ရောဂါပျော့‑က်စေဟှူကြောန်း
\r (မဿဲ ၄.၂၃–၂၅)
\p
\v 17 ယေရှုဟှာ တမန်တော်လေနတူးဒူ တောန်ထတ်ဟှနေ ဆင်းလာဘီး တဗဲ့တော်လေဘောင်ဂီးန မ္လေညီးညီနေရာမာ ရပ်လိုက်ဟှယ်။ အယ်နေရာမာရှိနေဟှူ လူအောက်ဂီးဟှာ ယုဒပြည်န ယေရုရှလင်ဗြို့ဟှနေ လာဟှူလူလေန ပန်လယ်ကမ်းနား တုရုဗြို့န ဇိဒုန်ဗြို့ဟှနေ လာဟှူလူလေဖြစ်ဘီး 
\v 18 သူးနို့ဟှာ ကိုယ်တော်ရဲ့ တရားဟှို ကြားနာရဟှို့န သူးနို့ရဲ့ နာပျော့‑က်ဟှို့ လာဂေ့ဟှယ်။ ညစ်ညူးဟှူနတ်ဟှ ဒေါက်ခပေးရှင်းဟှို ခံနေရဟှူ လူလေလည်း နာပျော့‑က်ဟှားဂေ့ဟှယ်။ 
\v 19 ကိုယ်တော်နားဟှနေ တဂိုးတော်ထွပ်ဘီးဟှာ သူးနို့လေ အားလောင်းဂူဟှို နာပျော့‑က်စေကြောန့် လူလေ အားလောင်းဂူဟှာ ကိုယ်တော့်ဟှို ထိဟှို့ ကြိုးစားဂေ့ဟှယ်။
\s မင်္ဂလာန အမင်္ဂလာကြောန်း
\r (မဿဲ ၅.၁–၁၂)
\p
\v 20 ယေရှုဟှာ တဗဲ့တော်လေဟှို ကေ့ဘီး
\q1 “ဆင်းရဲသားလေ၊ နန်းနို့ဟှာ မင်္ဂလာရှိဟှယ်။
\q2 ဘုရားသခင်ရဲ့ နိုင်ငံတော်ဟှာ နန်းနို့ရဲ့ နိုင်ငံဖြစ်ဟှယ်!”
\q1
\v 21 “ခု ငတ်ပြတ်နေဟှူ နန်းနို့ဟှာ မင်္ဂလာရှိဟှယ်။
\q2 ဖြားဖြစ်ကြောန်းနူးဆိုဟှာ နန်းနို့ဟှာ ဗိုက်ပ္လဲ့ရဂေ့လေ့မယ်!”
\q1 “ခု ငိုနေဟှူ နန်းနို့ဟှာ မင်္ဂလာရှိဘီး၊
\q2 နန်းနို့ဟှာ ရယ်ရလေ့မယ်!”
\p
\v 22 \x - \xo ၆.၂၂ \xo*\xt ၁ ပေ ၄.၁၄\xt*\x*“လူ့ရဲ့သားကြောန့် နန်းနို့ဟှို လူလေမူးဟှူဇာဘဲ့ဖြစ်ဖြစ်၊ ငြင်းပယ်ဟှူဇာဘဲ့ဖြစ်ဖြစ်၊ နန်းနို့နာမယ် ပျစ်အောန်လောက်ဟှူဇာဘဲ့ဖြစ်ဖြစ် နန်းနို့ဟှာ မင်္ဂလာရှိဟှယ်! 
\v 23 \x - \xo ၆.၂၃ \xo*\xt တ ၇.၅၂\xt*\x*အယ်မျိုးဖြစ်ခီမာ ဝန်းသာဘီးဟှာ ကခူဂေ့။ ဖြားဖြစ်ကြောန့်နူးဆိုဟှာ ကောန်းဂန်ဘောင်မာ နန်းနို့တွပ် ရရာတိုင်း ကီးဟှူဆုလာဒ်ရှိဟှယ်။ သူးနို့ရဲ့ ဘိုးဘေးလေဟှာ ပရောဖက်လေဟှို အယ်မျိုးဘဲ့ ညှင်းဆဲခဲ့ဂေ့ဟှယ်။”
\q1
\v 24 “အယ်ဘေမဲ့ ကပ်ရှိဟှူ နန်းနို့ဟှာ အမင်္ဂလာရှိဘီး၊
\q2 နန်းနို့ဟှာ ခုခီမာ သတ်သာဟှူ ဘဝဟှို ရဂေ့ဟှယ်!”
\q1
\v 25 “ခု ဗိုက်ပ္လဲ့အောန်စားရဟှူ နန်းနို့ဟှာ အမင်္ဂလာရှိဘီး၊
\q2 နန်းနို့ဟှာ ဗိုက်ဆာရလေ့မယ်!”
\q1 “ခု ရယ်နေဟှူ နန်းနို့ဟှာ အမင်္ဂလာရှိဘီး၊
\q2 နန်းနို့ဟှာ ရရာတိုင်း ငြီးတွားဘီး ငိုရလေ့မယ်!”
\p
\v 26 “လူလေ အားလောင်းဂူဟှာ နန်းနို့ဟှို ချီးမွမ်းစကားပြောမယ် ဆိုဟှာ နန်းနို့ဟှာ အမင်္ဂလာရှိဘီး သူးနို့ရဲ့ ဘိုးဘေးလေဟှာလည်း ပရောဖက်တုယောန်လေဟှို အယ်မျိုးဘဲ့ ချီးမွမ်းဟှားဟှယ်။
\s ရန်သူဟှို ရှစ်ဂေ့ဟှို့ကြောန်း
\r (မဿဲ ၅.၃၈–၄၈; ၇.၁၂)
\p
\v 27 “အယ်ဘေမဲ့ ငါ့စကားဟှို ကြားရဟှူ နန်းနို့ဟှို ငါပြောမယ်။ နန်းနို့ရဲ့ ရန်သူလေဟှို ရှစ်ဂေ့။ နန်းနို့ဟှို မူးဟှူလူလေဟှို ကျေးဇူးပြုဂေ့။ 
\v 28 နန်းနို့ဟှို ကီဆဲဟှူ လူလေဟှို ကောန်းကြီးပေးဂေ့။ နန်းနို့ဟှို နှော့‑က်ရှစ်ဟှူ လူလေတွပ် ဆုတောန်းဂေ့။ 
\v 29 ယော့‑က်ယော့‑က်ဟှ နန့်ပါးတဖတ်ဟှို ရိုက်ဟှယ် ဆိုဟှာ ကျန်ဟှူ ပါးတဖတ်ဟှိုလည်း ရိုက်ဟှို့ လှည့်ပေးလိုက်ပါ။ နန့်ဝတ်လောင်ဟှို လိုရှင်ဟှူသူလေဟှို နန့်အန်းဂီဟှိုလည်း ပေးလိုက်ပါ။ 
\v 30 နန့်နားမာ တောန်းဟှူလူဟှို ပေးလိုက်ပါ။ နန့်အောက်စာဟှို သီးယူဟှူလူနားမာ ပ္လန်ဘီး တောန်းန။ 
\v 31 \x - \xo ၆.၃၁ \xo*\xt မ ၇.၁၂\xt*\x*နန်းနို့လေဟှို သူများလေဟှ ပြုမူဆစ်ဆံစေရှင်မျိုး သူများလေဟှိုလည်း ပြုမူဆစ်ဆံဂေ့ပါ။
\p
\v 32 “နန်းနို့ဟှို ရှစ်ဟှူသူလေဟှိုဘဲ့ ပ္လန်ရှစ်မယ် ဆိုဟှာ ဖယ်မျိုးလောက်ဘီး ကောန်းကြီးမင်္ဂလာဟှို နန်းနို့ ခံစားရဟှို့နူး။ ပြစ်သားလေလည်းဘဲ့ သူးနို့ဟှို ရှစ်ဟှူ သူလေဟှိုဘဲ့ ပ္လန်ရှစ်ဟှယ်! 
\v 33 နန်းနို့ဟှို ကောန်းဇာလောက်ဟှူ လူလေဟှိုဘဲ့ ကျေးဇူးပြုမယ် ဆိုဟှာ ဖယ်မျိုးလောက်ဘီး ကောန်းကြီးမင်္ဂလာဟှို နန်းနို့ ခံစားရဟှို့နူး။ ပြစ်သားလေလည်း အယ်မျိုးဘဲ့ လောက်ဟှယ်! 
\v 34 နန်းနို့ဟှို ပ္လန်ဘီး ဆပ်ပေးလေ့မယ် ဆိုဘီး မျှော်လင့်နေဟှူ လူလေဟှိုဘဲ့ နန်းနို့ ချေးငှါးမယ် ဆိုဟှာ ဖယ်မျိုးလောက်ဘီး ကောန်းကြီးမင်္ဂလာဟှို နန်းနို့ ခံစားရဟှို့နူး။ ပြစ်သားလေလည်းဘဲ့ ပ္လန်ဘီး ဆပ်ပေးလေ့မယ် ဆိုဇာဟှို ယောင်ကြည်ဘီး ရှင်းရှင်း ချေးငှားဂေ့ဟှယ်! 
\v 35 နန်းနို့ရဲ့ ရန်သူဟှို ရှစ်ဘီး သူးနို့ဟှို ကောန်းဇာလောက်ဂေ့။ တခုခု ပ္လန်ရမယ် ဆိုဘီး မြော်လင့်ဘဲန ချေးငှါးဂေ့။ အယ်မျိုးလောက်မှ နန်းနို့ရဲ့ ကျိုးဟှာ ကီးမားဘီး နန်းနို့ဟှာ ဗြစ်ဆောင်းဖြစ်ဟှူ ဘုရားသခင်ရဲ့ သားမီးလေ ဖြစ်လေ့မယ်။ ဖြားဖြစ်ကြောန့်နူးဆိုဟှာ ကိုယ်တော်ဟှာ ကျေးဇူးကန်းဟှူ သူလေန ဆိုးဟှူသူလေဟှိုလည်း ကျေးဇူးပြုကြောန့် ဖြစ်ဟှယ်။ 
\v 36 နန်းနို့ ဖဟှာ ကရုဏာရှိမျိုးဘဲ့ နန်းနို့လည်း ကရုဏာရှိဂေ့ပါ။
\s သူတပါးဟှို စီရင်ဟှူကြောန်း
\r (မဿဲ ၇.၁–၅)
\p
\v 37 “သူတပါးဟှို စစ်ကြောစီရင်ဂေ့န။ အယ်မျိုးဆိုဟှာ ဘုရားသခင်ဟှလည်း နန်းနို့ဟှို စစ်ကြောစီရင်လေ့ မှုဟှ။ သူတပါးဟှို ရှုတ်ခ္လဂေ့န။ အယ်မျိုးဆိုဟှာ ဘုရားသခင်ဟှလည်း နန်းနို့ဟှို ရှုတ်ခ္လဟှို့ မှုဟှ။ သူတပါးဟှို ပြစ်လွှတ်ဂေ့။ အယ်မျိုးဆိုဟှာ ဘုရားသခင်ဟှလည်း နန်းနို့ဟှို ပြစ်လွှတ်လေ့မယ်။ 
\v 38 သူတပါးဟှို ပေးဂေ့။ အယ်မျိုးဆိုဟှာ ဘုရားသခင်ဟှလည်း နန်းနို့ဟှို ပေးလေ့မယ်။ နန်းနို့ဟှာ ပ္လဲ့လျှံလတ်ခံရလေ့မယ်။ နန်းနို့ဟှာ သူတပါးဟှို ပေးဟှူ ပမာဏတိုင်း ဘုရားသခင်ဟှ နန်းနို့ဟှို ပေးလေ့မယ်” ဆိုဘီး မိန့်တော်မူလေဟှယ်။
\p
\v 39 \x - \xo ၆.၃၉ \xo*\xt မ ၁၅.၁၄\xt*\x*အယ်ဘီးန ယေရှုဟှာ သူးနို့ဟှို ပေါင်ဥပမာန “မျစ်ကန်းတယော့‑က်ဟှ တခြားမျစ်ကန်းတယော့‑က်ဟှို လမ်းပြနိုင်ဟှ။ လမ်းပြမယ် ဆိုဟှာ နှေ့ယော့‑က်လောင်း တွမ်းထဲဟှို က္လလေ့မယ်။ 
\v 40 \x - \xo ၆.၄၀ \xo*\xt မ ၁၀.၂၄,၂၅; ယော ၁၃.၁၆; ၁၅.၂၀\xt*\x*တဗဲ့လည်း ဆရာထတ် သာဟှ။ အယ်ဘေမဲ့ သူးနို့ရဲ့ ပညာသန်ယူဇာ ပီးဆောင်းဟှားခီမာ တဗဲ့အားလောင်းဟှာ သူးနို့ရဲ့ ဆရာမျိုးဘဲ့ ဖြစ်လေ့မယ်။
\p
\v 41 “နန်ဟှာ ကိုယ့်မျစ်စိထဲဟှ သစ်တောင်းဟှို ဗြင်ဘဲန နန့်ညီကိုရဲ့ မျစ်စိထဲဟှ သစ်မုဟှို ဖြားဖြစ်ကြောန့် ဗြင်ရနူး။ 
\v 42 နန့်မျစ်စိထဲဟှ သစ်တောင်းဟှို ဗြင်ဘဲန နန့်ညီကိုဟှို ‘ညီကို၊ နန့်မျစ်စိထဲဟှ သစ်မုဟှားဟှို ထုပစ်ပေးပါရစေ’ ဆိုဘီး ဖြားဖြစ်ကြောန့် ပြောရနူး။ သူတော်ကောန်းယောန်ဆောန်ဟှူသူ! နန့်မျစ်စိထဲဟှ သစ်တုံးဟှို ရင်ဦးဆောင်း ထုပစ်လိုက်ပါ။ အယ်ဆိုဟှာ ညီကိုမျစ်စိထဲဟှ သစ်မုဟှို ထုပစ်ပေးဟှို့တွပ် ရှင်းရှင်းလန်းလန်းဟှား ဗြင်ရလေ့မယ်။
\s သီးန ပန်ကြောန်း
\r (မဿဲ ၇.၁၆–၂၀; ၁၂.၃၃–၃၅)
\p
\v 43 “သစ်ပန်ကောန်းဟှာ သီးညံ့ဟှို သီးဂေ့ဟှ။ အယ်မျိုးဘဲ့ သစ်ပန်ညံ့ဟှာလည်း သီးကောန်းဟှို သီးဂေ့ဟှ။ 
\v 44 \x - \xo ၆.၄၄ \xo*\xt မ ၁၂.၃၃\xt*\x*သစ်ပန်တိုင်းဟှာ သီးဟှို ကေ့လိုက်ဟှူန သစ်ပန်ရဲ့ သဘောဟှို သိရလေဟှယ်။ နန်းနို့ဟှာ ဆူးဗန်ဟှနေ သန်းဖောသဖန်းသီးဟှို ဆွတ်ဟှို့ ရဂေ့ဟှမျိုးဘဲ့ ဆူးချောင်ဟှနေ စဗျစ်သီးဟှို ဆွတ်ဟှို့ ရဂေ့ဟှ။ 
\v 45 \x - \xo ၆.၄၅ \xo*\xt မ ၁၂.၃၄ \xt*\x*လူကောန်းဟှာ သူ့ရဲ့ စိနှလောင်း ဘဏ္ဍာတိုက်ထဲဟှ ကောန်းဟှူဇာလေဟှို ထောက်ဖော်တတ်ဘီး လူဆိုးဟှာ ဆိုးဟှူဇာလေဟှို ထောက်ဖော်တတ်ဟှယ်။ ဖြားဖြစ်ကြောန့်နူးဆိုဟှာ နှောက်ဟှာ စိနှလောင်းပ္လဲ့ ရှိဒဲ့တိုင်း ပြောတတ်ဟှယ်။
\s အီဆော့‑က်မားနှေ့မျိုးကြောန်း
\r (မဿဲ ၇.၂၄–၂၇)
\p
\v 46 “ငါဖြားဘဲ့ပြောပြော လောက်ဂေ့ဘဲ့န နန်းနို့ဟှ ငါ့ဟှို ‘သခင်၊ သခင်’ ဆိုဘီး ဖြားဖြစ်ကြောန့် ခေါ်နေရနူး။ 
\v 47 ငါ့နားဟှိုလာဘီး ငါ့စကားဟှို ကြားဒဲ့တိုင်း နားထောန်ဟှူ သူဟှာ ဖယ်သူန တူဟှယ် ဆိုဇာ နန်းနို့ဟှို ငါပြမယ်။ 
\v 48 အယ်လူဟှာ မ္လေဂီးဟှို နတ်နတ်တူးဘီး က္လော့‑က်ထတ်မာ အုပြစ်ခ္လဘီးမှ အီဆော့‑က်မားန တူဟှယ်။ ရေကီးတတ်လာဘီးန အယ်အီဟှို တိုက်ခတ်ဟှူ ခီမာ က္လော့‑က်ထတ်မာ ဆော့‑က်ဟှားဟှူကြောန့် တူခါနိုင်ဟှ။ 
\v 49 အယ်ဘေမဲ့ ငါ့စကားဟှို ကြားဘီးဟှာ နားထောန်ဘဲဟှူသူဟှာ အုပြစ်ခ္လဘဲန မ္လေဂီးထတ်မာ အီဆော့‑က်မားနတူဘီး ရေကီးတတ်လာန အယ်အီဟှို တိုက်ခတ်လိုက်ခီမာ အီဟှာ ရှစ်ရှင်းပြိုက္လဟှားဘီး အားလောင်းဟှာ ပျစ်စီးဟှားဟှယ်!” ဆိုဘီး မိန့်တော်မူလေဟှယ်။
\c 7
\s တပ်မှူးရဲ့ ကျွန်ဟှို နာပျော့‑က်စေဟှူကြောန်း
\r (မဿဲ ၈.၅–၁၃)
\p
\v 1 ယေရှုဟှာ လူလေဟှို အားလောင်းဂူ မိန့်တော်မူဘီးန ကိုယ်တော်ဟှာ ကပေရနောင်ဗြို့ဟှို ကြွဟှားလိုက်ဟှယ်။ 
\v 2 အယ်ဗြို့မာ တပ်မှူးတယော့‑က်ရဲ့ ရရာတိုင်း ရှစ်ဟှူ ကျွန်တယော့‑က်ဟှာ ဖျားဘီး သေခါနီး ဖြစ်နေဟှယ်။ 
\v 3 တပ်မှူးဟှာ ယေရှုရဲ့ ဒန်းဟှို ကြားလိုက်ဟှူ ခီမာ သူဟှာ ယုဒလူမျိုး ကြီးကဲတချို့ဟှို ကိုယ်တော်နားဟှို စေလွှတ်ဘီး သူ့ရဲ့ ကျွန်ဟှို ကယ်တန်ပေးဟှို့ တောန်းလျှော့‑က်လေဟှယ်။ 
\v 4 သူးနို့လေဟှာ ယေရှုနားဟှို ရော့‑က်ဟှူ ခီမာ မြစ်တာရပ်ခံဘီး “အယ်တပ်မှူးဟှာ ကိုယ်တော်ရဲ့ ကျေးဇူးပြုရှင်းဟှို ခံထိုက်ဟှယ်။ 
\v 5 သူဟှာ ကျွန်တော့်ဟှားလေရဲ့ လူမျိုးလေဟှို ရှစ်ကြောန့် ကျွန်တော့်ဟှားလေတွပ် ဝါလယ်ဇရပ်တဆောန်ဟှို သူကိုယ်တိုင် ဆော့‑က်ပေးဟှားဟှယ်” ဆိုဘီး ကိုယ်တော့်ဟှို လျှော့‑က်လေဟှယ်။
\p
\v 6 အယ်ကြောန့် ယေရှုဟှာ သူးနို့လေနတူးဒူ လိုက်ဟှားဟှယ်။ ကိုယ်တော်ဟှာ တပ်မှူးရဲ့ အီနားဟှို ရော့က်ခါနီးမာ တပ်မှူးစေလွတ်လိုက်ဟှူ မိဆွေလေဟှာ ကိုယ်တော့်ဟှို “သခင်၊ ကိုယ့်ကိုကိုယ် ပန်ဗန်းခံတော်မူပါန။ ကျွန်တော်ရဲ့ အီးခေါန်မိုးအော့‑က်ဟှို ကိုယ်တော်ဟှာ ဝမ်တော်မူရှင်း ကျေးဇူးဟှို ကျွန်တော်ခံထိုက်ဟှ။ 
\v 7 အယ်မျိုးဘဲ့ ကျွန်တော် ကိုယ်တိုင်လည်း ကိုယ်တော်နားဟှို ရော့‑က်ထိုက်ဟှူလူ မှုဟှ။ မိန့်ပေးလိုက်န ကျွန်တော်ရဲ့ စေခံဟှာ ကျန်းမာရပါလေ့မယ်။ 
\v 8 ဥပမာ ကျွန်တော် ကိုယ်တိုင်လည်း အာဏာပိုင်လတ်အော့‑က်မာ ရာရှိတယော့‑က် ဖြစ်ဘီး ကျွန်တော်ရဲ့ လတ်အော့‑က်မာရှိဟှူ စစ်သားလေဟှို အောက်ချောက်ရပါဟှယ်။ တယော့‑က်ဟှို ‘သွား!’ ဆိုဟှာ သွားပါဟှယ်။ တယော့‑က်ဟှို ‘လာ!’ ဆိုဟှာ လာပါဟှယ်။ အယ်ဘီးဟှာ ကျွန်တော်ဟှာ ကျွန်တော့်ရဲ့ ကျွန်ဟှို မိန့်ပေးလိုက်ဟှယ် ‘အယ်မူဇာဟှို လောက်လိုက်!’ ဆိုဟှာ လောက်လေဟှယ်” ဆိုဘီး လျှော့‑က်စေဟှယ်။
\p
\v 9 အယ်စကားဟှို ယေရှုကြားဟှူ ခီမာ အံ့ဩဟှားဘီး ကိုယ်တော်ဟှာ ပတ်လည်ဟှို ကေ့ဘီးန နော့‑က်တော်ဟှို လိုက်နေဟှူ လူအောက်ဂီးဟှို “နန်းနို့ဟှို ငါပြောမယ်။ အယ်မျှလော့‑က်ကီးဟှူ ယောင်ကြည်ရှင်းမျိုး ဣသရေလလူမျိုးထဲမာဟှို ငါလောင်းဝ တွိဖူးဟှ!” ဆိုဘီး မိန့်တော်မူလေဟှယ်။
\p
\v 10 တပ်မှူးစေလွှတ်လိုက်ဟှူ လူလေဟှာ အီဟှို ပ္လန်ရော့‑က်န တပ်မှူးရဲ့ ကျွန်ဟှာ ကျန်းမာဟှားဘီ ဆိုဇာဟှို တွိလိုက်ရဟှယ်။
\s မောက်ဆိုးမရဲ့ သားဟှို သတ်ရှင်စေဟှူကြောန်း
\p
\v 11 နော့‑က်တနေ့မာ\f + \fr ၇.၁၁ \fr*\fq နော့‑က်တနေ့မာ၊ \fq*\ft တချို့ မူရင်းလတ်ရေးမူလေမာ \ft*\fqa ကြာခန်မာ၊ \fqa*\ft ဆိုဘီး ရှိဟှယ်။\ft*\f*ယေရှုဟှာ နာဣန နာမယ်ရှိဟှူဗြို့ဟှို တဗဲ့တော်လေန လူအောက်ဂီးနတူးဒူ ကြွဟှားတော်မူဟှယ်။ 
\v 12 ကိုယ်တော်ဟှာ ဗြို့ခွဗေါ့‑က်နား ရော့‑က်ဟှူ ခီမာ မောက်ဆိုးမရဲ့ တယော့‑က်ဒဲရှိဟှူ သားရဲ့ လောန်းဟှို သင်္ဂြိုဟ်ဟှို့ ဗြို့ပ္လန်ဟှို ထွပ်လာဂေ့ဟှယ်။ အယ်မောက်ဆိုးမနတူးဒူ ဗြို့သူဗြို့သားလေ ဘောင်ဂီးဟှာ မသာပို့ လိုက်ဂေ့ဟှယ်။ 
\v 13 သခင်ဘုရားဟှာ အယ်မောက်ဆိုးမဟှို ဗြင်တော်မူဟှူ ခီမာ ကိုယ်တော်ရဲ့ စိနှလောင်းမာ အယ်မီးမဟှို သနားစိ ဖြစ်လာတော်မူဘီးန အယ်မီးမဟှို “ငိုန” ဆိုဘီး မိန့်တော်မူလေဟှယ်။ 
\v 14 အယ်ဘီးန ကိုယ်တော်ဟှာ တလားဟှို လတ်န သွားဘီး ထိလိုက်ဟှူကြောန့် တလားထမ်းလာဟှူ လူလေဟှာ ရပ်ဟှားဂေ့ဟှယ်။ ယေရှုဟှ “ကောန်သားဟှား! နန့်ဟှို ငါပြောမယ်၊ ထပါ!” ဆိုဘီး မိန့်တော်မူလေဟှယ်။ 
\v 15 သေကောန်ဟှာ ထထိုင်ဘီးန စကားပြောနေဟှယ်။ ယေရှုဟှ ကောန်သားဟှားဟှို သူ့မိဟှို ပ္လန်ပေးတော်မူလိုက်ဟှယ်။
\p
\v 16 လူလေ အားလောင်းဂူဟှာ ကြော့‑က်ရွံ့ရှင်းပ္လဲ့န ဘုရားသခင်ဟှို ချီးမွမ်းဂေ့ဟှယ်။ “နို့လေထဲမာ ပရောဖက်ဂီး ပေါ်လာဘီ! ဘုရားသခင်ဟှာ သူ့ရဲ့ လူမျိုးဟှို ကယ်တန်ဟှို့ ရော့‑က်လာဘီ!” ဆိုဘီး သူးနို့ဟှ ချီးမွမ်းဂေ့ဟှယ်။
\p
\v 17 ယေရှုရဲ့ ဒန်းဟှာ ယုဒပြည်ဟှ စဘီး ပတ်ဝန်းကျင် တခုလောင်းဟှို ပ္လံ့နှံ့ဟှားဟှယ်။
\s ဗတ္တိဇံယောဟန်ထံဟှ စေတမန်လေကြောန်း
\r (မဿဲ ၁၁.၂–၁၉)
\p
\v 18 ယောဟန်ရဲ့ တဗဲ့လေဟှာ အယ်ကြောန်းရာ အားလောင်းဟှို သူးနို့ဆရာဟှို ပြောပြဟှူ ခီမာ သူဟှာ တဗဲ့လေထဲဟှ နှေ့ယော့‑က်ဟှို ခေါ်လိုက်ဘီးန 
\v 19 သခင်ဘုရားနားဟှို စေလွတ်ဘီး “ကိုယ်တော်ဟှာ ကြွလာတော်မူမယ် ဆိုဘီး ပြောနေသူလော။ နော့‑က်ထပ် တယော့‑က်ဟှို မျှော်နေရအူးလော” ဆိုဘီး မေးလျှော့‑က်ခိုင်းလေဟှယ်။
\p
\v 20 သူးနို့ဟှာ ယေရှုနားဟှို ရော့‑က်လာဟှူ ခီမာ “ဗတ္တိဇံယောဟန်ဟှ ကျွန်တော့်ဟှားလေဟှို မေးလျှော့‑က်ခိုင်းလိုက်ဟှယ်။ ကိုယ်တော်ဟှာ ရော့‑က်လာမယ် ဆိုဘီး ပြောနေဟှူ သခင်လော။ နော့‑က်ထပ် တယော့‑က်ဟှို မျှော်နေရအူးလော” ဆိုဘီး မေးလျှော့‑က်လေဟှယ်။
\p
\v 21 အယ်ခီမာ ယေရှုဟှာ လူလေဘောင်ဂီးဟှို သူးနို့ရဲ့ ဖျားနာရှင်းလေ၊ နာရောဂါလေ၊ နတ်ဆိုးဘေးဟှနေ လွှတ်မြော့‑က်စေဟှယ်။ မျစ်စိကန်းဟှူ လူလေဟှို မျစ်စိပ္လန်ဗြင်စေဟှယ်။ 
\v 22 ကိုယ်တော်ဟှာ ယောဟန် စေလွတ်လိုက်ဟှူ လူလေဟှို “နန်းနို့လေကြားရ၊ ဗြင်ရဇာလေဟှို ပ္လန်ဟှားဘီး ယောဟန်ဟှို ပြောပြဂေ့။ မျစ်စိကန်းနေဟှူလူလေ ဗြင်ဟှားဘီ။ လမ်းရှော့‑က်နိုင်ဘဲဟှူလူလေ လမ်းပ္လန်ရှော့‑က်ဟှားဘီ။ နူနာသည်လေဟှာ သန့်ရှင်းဟှားဘီ။\f + \fr ၇.၂၂ \fr*\fk သန့်ရှင်းဟှားဘီ၊ \fk*\ft ရှု \ft*\xt ၅.၁၂\xt*။\f* နားပန်းနေဟှူလူလေဟှာ နားကြားဟှားဘီ။ သေနေဟှူလူလေဟှာ ပ္လန်ရှင်ဟှားဘီ။ ဆင်းရဲသားလေဟှာ အယ်ဒန်းကောန်းဟှို ကြားရဟှားဘီ။ 
\v 23 ငါ့ဟှို ငြင်းပယ်ဘဲဟှူ လူလေဟှာ မင်္ဂလာရှိဟှယ်!” ဆိုဘီး ပ္လန်ဖြေတော်မူလေဟှယ်။
\p
\v 24 ယောဟန် စေလွှတ်လိုက်ဟှူလူလေ ပ္လန်ဟှားဘီးန ယေရှုဟှာ ယောဟန်ကြောန်းဟှို “ယောဟန်ဟှို တွိဟှို့ ဆိုဘီး တောကန္တာရထဲဟှို သွားဟှူ ခီမာ ဖြားဇာလေ တွိမယ် ဆိုဘီး မျှော်လင့်နူး။ လေတိုက်ဟှိ လှောက်နေဟှူ ကျူဗန်လေဟှို ကေ့ဟှို့ သွားဟှူဇာလော။ 
\v 25 ဖြားဇာလေဟှို တွိရှင်ဟှိ သွားနူး။ ဝတ်ကောန်းကောန်းဝတ်ဟှူ လူဟှို ကေ့ဟှို့ သွားဟှူဇာလော။ အယ်မျိုး အံ့ဩဘွယ်ဝတ်ဟှားဘီး စည်းဇိမ်ခံနေဟှူ လူလေဟှာ နန်းတော်မာဘဲ့ ရှိဟှယ်! 
\v 26 ဖြားဇာလေ ကေ့ရှင်ကြောန့်သွားနူး။ ငါဟှို ပြောကေ့။ ပရောဖက်ဟှို ကေ့ရှင်ကြောန့် သွားဇာလော။ မှန်ပါဟှယ်။ အယ်ဘေမဲ့ နန်းနို့ဟှာ ပရောဖက်ထတ် ရရာတိုင်း ကီးဟှူလူဟှို ဗြင်ခဲ့ဟှယ်။ 
\v 27 ယောဟန်ဟှို ကျမ်းစာမာ ‘ဘုရားသခင်ဟှ ပြောဟှယ်။ ငါဟှာ သင်သွားမယ့်လမ်းဟှို ဆင်သင့်ဖြစ်စေဟှို့ ငါ့ရဲ့ တမန်ဟှို နန့်ရှေ့မာ စေလွှတ်မယ်’ ဆိုဘီး ပြောဟှားဟှယ်။ 
\v 28 နန်းနို့ဟှို ငါပြောမယ်။ လောကမာ သတ်ရှင်ခဲ့ဟှူ လူလေထဲမာ ယောဟန်ထတ် ကီးမြတ်ဟှူ လူမှေ့ဟှ။ အယ်ဘေမဲ့ ဘုရားသခင်ရဲ့ နိုင်ငံတော်မာ ငယ်ဆောင်းဟှူလူဟှာ ယောဟန်ထတ် ပိုဘီး ကီးမြတ်ဟှယ်” ဆိုဘီး ယေရှုဟှ ထပ်ဘီး မိန့်တော်မူလေဟှယ်။
\p
\v 29 \x - \xo ၇.၂၉,၃၀ \xo*\xt မ ၂၁.၃၂; လု ၃.၁၂\xt*\x*လူလေ အားလောင်းဟှာ ကိုယ်တော်ရဲ့စကားဟှို ကြားဟှူ ခီမာ သူးနို့န ထူးသဖြင့် ခွန်ကော့‑က်မားလေဟှာ ဘုရားသခင်ရဲ့ ဖြောန့်မတ်ရှင်းဟှို ဝန်ခံဂေ့ဘီး ယောဟန်ပေးဟှူ ဗတ္တိဇံခံဂေ့ဟှယ်။ 
\v 30 အယ်ဘေမဲ့ ဖာရိရှဲလေန ကျမ်းတတ်ဆရာလေဟှာ သူးနို့ကိုယ်တိုင်တွပ် ဘုရားသခင်ရဲ့ ကြံစည်တော်ဟှို ငြင်းပယ်ဂေ့ဘီး ယောဟန်ရဲ့ ဗတ္တိဇံဟှို ခံဂေ့ဟှ။
\p
\v 31 ယေရှုဟှ ဆစ်ဘီး “ခုခေတ်မာ ရှိနေဟှူ လူလေဟှို ဖြားဇာန နှိုင်းပြရမယ်နူး။ သူးနို့ဟှာ ဖြားဇာလေနတူဟှယ်နူး။ 
\v 32 သူးနို့ဟှာ ဆေးထဲမာ ထိုင်နေဟှူ သားဂန်းလေန တူဟှယ်။ သားဂန်းတအောက်ဟှာ တခြား သားဂန်းတအောက်ဟှို ‘နို့လေဟှာ အီတတ်ဗွဲတီးလောင်းဟှို နန်းနို့တွပ် တီးမှုပေးဘေမဲ့ နန်းနို့ဟှာ ကဂေ့ဟှ! နို့လေဟှာ မသာအီမာဆိုဟှူ ငိုချင်းဟှို ဆိုဘေမဲ့ နန်းနို့ဟှာ ငိုဂေ့ဟှ!’ ဆိုဘီး အော်ပြောဂေ့ဟှယ်။ 
\v 33 ဗတ္တိဇံယောဟန်ဟှာ စာရှောန်ဘီး ဝိုင်ဟှို သော့‑က်ဘဲန ရော့‑က်လာဟှူကြောန့် နန်းနို့ဟှ ‘သူ့ထဲမာ နတ်ဆိုးပူးနေဟှယ်!’ ဆိုဘီး ပြောဂေ့ဟှယ်။ 
\v 34 လူ့ရဲ့သားဟှာ စားသော့‑က်ဘီး ရော့‑က်လာဟှူ ခီမာ နန်းနို့ဟှ ‘အယ်လူဟှို ကေ့ပါ! အယ်လူဟှာ စားမတ်ဘီး ဝိုင်သော့‑က်သူ၊ ခွန်ကော့‑က်မားလေန ပြစ်သားလေရဲ့ မိဆွေဖြစ်ဟှယ်!’ ဆိုဘီး ပြောဂေ့ဟှယ်။ 
\v 35 အယ်ဘေမဲ့လည်း ဘုရားသခင်ရဲ့ ပညာတရားဟှို လတ်ခံဟှူ လူလေဟှ အယ်ပညာတရားဟှာ မှန်ဟှယ် ဆိုဇာဟှို သတ်သေပြဂေ့ဟှယ်” ဆိုဘီး မိန့်တော်မူလေဟှယ်။
\s ဖာရိရှဲရှိမုန်ရဲ့ အီမာ ယေရှုရှိနေဟှူကြောန်း
\p
\v 36 ဖာရိရှဲတယော့‑က်ဟှာ သူ့နတူးဒူ ညစာသောင်းဆောင်ဟှို့ ယေရှုဟှို တောန်းလျှော့‑က်တော်မူကြောန့် ယေရှုဟှာ ဖာရိရှဲရဲ့ အီဟှို ဝမ်ဘီးန စားဗွဲမာ ထိုင်လိုက်ဟှယ်။ 
\v 37 \x - \xo ၇.၃၇,၃၈ \xo*\xt မ ၂၆.၇; မာ ၁၄.၃; ယော ၁၂.၃\xt*\x*အယ်ဗြို့မာ ရရာတိုင်း ပြစ်ကီးဟှူ မီးမတယော့‑က် ရှိဟှယ်။ ဖာရိရှဲရဲ့ အီမာ ယေရှုဟှာ ညစာသောင်းဆောင်နေဟှယ် ဆိုဇာဟှို အယ်မီးမဟှာ ကြားလိုက်ဟှူကြောန့် ဆီမွှီးက္လော့‑က်ဖ္လူဖူးဟှို ယူဟှားဘီးန 
\v 38 ယေရှုရဲ့ ခေတော်ရင်းမာ ရပ်ဘီး ငိုနေဟှူကြောန့် အယ်မီးမရဲ့ မျစ်ရယ်ဟှာ ကိုယ်တော်ရဲ့ ခေတော်ထတ်ဟှို က္လနေဟှယ်။ အယ်ဘီးန အယ်မီးမဟှာ သူ့ရဲ့ဆားဗန်န ကိုယ်တော်ရဲ့ ခေတော်ဟှို ခြော့‑က်အောန်သုဘီး ကိုယ်တော်ရဲ့ ခေတော်ဟှို နမ်းဘီး ဆီမွှီးန လူးလေဟှယ်။ 
\v 39 အယ်မူဇာဟှို ဗြင်နေဟှူ ဖာရိရှဲဟှာ “အယ်လူဟှာ ပရောဖက် မှန်ဟှယ် ဆိုဟှာ သူ့ရဲ့ခေဟှို ကိုင်နေဟှူ အယ်မီးမဟှာ ဖယ်မျိုး မီးမဖြစ်ဟှယ် ဆိုဇာဟှို သိလေ့မယ်။ အယ်မီးမဟှာ ဖယ်မျိုး ပြစ်သား ဖြစ်ဟှယ် ဆိုဇာဟှို သိလေ့မယ်!” ဆိုဘီး သူ့ကိုယ်သူ ပြောနေလေဟှယ်။
\p
\v 40 ယေရှုဟှ “ရှိမုန်၊ နန့်ဟှို ငါပြောဇာရှိဟှယ်” ဆိုဘီး သူ့ဟှို မိန့်တော်မူလေဟှယ်။
\p ရှိမုန်ဟှ “ပြောပါ၊ ဆရာ” ဆိုဘီး လျှော့‑က်လေဟှယ်။
\p
\v 41 ယေရှုဟှ “ကပ်ကွီးချေးမား တယော့‑က်မာ ကပ်ကွီးတန်နေဟှူ လူနှေ့ယော့‑က် ရှိဟှယ်။ တယော့‑က်မာ ငွေဒန်းဂါးပ္လားငါးရာ ကပ်ကွီးတန်နေဘီး တခြားတယော့‑က်မာ ငွေဒန်းဂါးပ္လားငါးဆယ် ကပ်ကွီးတန်နေဟှယ်။ 
\v 42 သူးနို့ နှေ့ယော့‑က်လောင်းဟှာ ကပ်ကွီးဟှို ပ္လန်ဆပ်နိုင်ဘဲကြောန့် ကပ်ကွီးချေးမားဟှာ သူးနို့ရဲ့ ကပ်ကွီးအားလောင်းဟှို ကင်းလွှတ်ခွမ့် ပေးလိုက်ဟှယ်။ အယ်ဆိုဟှာ သူးနို့နှေ့ယော့‑က်ထဲဟှ ဖယ်သူဟှာ ကပ်ကွီံးချေးမားဟှို ပိုဘီး ရှစ်လေ့မယ်နူး။”
\p
\v 43 ရှိမုန်ဟှ “ကပ်ကွီးဘောင်ဂီး ကင်းလွှတ်ခွမ့် ပေးခံရဟှူလူဟှာ ပိုဘီးရှစ်လေ့မယ် ထန်ဟှယ်” ဆိုဘီး လျှော့‑က်လေဟှယ်။
\p ယေရှုဟှ “နန်ထန်ဇာ မှန်ဟှယ်” ဆိုဘီး မိန့်တော်မူလေဟှယ်။ 
\v 44 အယ်ဘီးန ကိုယ်တော်ဟှာ အယ်မီးမဖတ်ဟှို လှည့်ဘီး ရှိမုန်ဟှို “အယ်မီးမဟှို နန်ဗြင်ဘဲ့လော။ နန့်အီဟှို ငါလာဟှူ ခီမာ နန်ဟှာ ငါ့တွပ် ခေဆေးရေဟှို ပေးဟှ။ အယ်ဘေမဲ့ အယ်မီးမဟှာ ငါ့ခေဟှို သူ့မျစ်ရယ်န ဆေးပေးဘီး ငါ့ခေဟှို ခြော့‑က်အောန် သူ့ဆားဗန်န သုပေးဟှယ်။ 
\v 45 နန်ဟှာ ငါ့ဟှို နမ်းန မကြိုဆိုဘေမဲ့ အယ်မီးမဟှာ ငါ့ခေဟှို နားဘဲန နမ်းနေဟှယ်။ 
\v 46 နန်ဟှာ ငါ့ခေါန်းဟှို ဆီန မလူးပေးဘေမဲ့ အယ်မီးမဟှာ ငါ့ခေဟှို ဆီမွှီးန လူးပေးဟှယ်။ 
\v 47 နန့်ဟှို ငါပြောမယ်၊ သူဟှာ ပြစ်ဘောင်ဂီး ခွမ့်လွှတ်ရှင်းခံရကြောန်းဟှို သူ့ရဲ့ ကီးမားဟှူ မြစ်တာန သတ်သေပြနေဟှယ်။ အယ်ဘေမဲ့ ပြစ်နဲနဲဘဲ့ လွှတ်ရှင်းခံရဟှူလူဟှာ နဲနဲဘဲ့ ရှစ်ဟှယ်” ဆိုဘီး မိန့်တော်မူလေဟှယ်။
\p
\v 48 အယ်ဘီးန ယေရှုဟှာ အယ်မီးမဟှို “နန့်ရဲ့ ပြစ်လေ ခွမ့်လွှတ်ရှင်းခံရဘီ” ဆိုဘီး မိန့်တော်မူလေဟှယ်။
\p
\v 49 စားဗွဲမာ ထိုင်နေဟှူ တခြားလူလေဟှ “ပြစ်လေဟှို ခွမ့်လွှတ်ပေးနေဟှူ အယ်လူဟှ ဖယ်သူနူး။” ဆိုဘီး သူးနို့ ရှင်းရှင်းပြောနေဂေ့ဟှယ်။
\p
\v 50 အယ်ဘေမဲ့ ယေရှုဟှာ အယ်မီးမဟှို “နန့်ရဲ့ ယောင်ကြည်ရှင်းဟှာ နန့်ဟှို ကယ်တန်လိုက်ဘီ။ ငြီသတ်ရှင်းန သွားပါ” ဆိုဘီး မိန့်တော်မူလေဟှယ်။
\c 8
\s ယေရှုနော့‑က်ဟှိုလိုက်ဟှူ မီးမလေကြောန်း
\p
\v 1 ခီနဲနဲ ကြာဘီးန ယေရှုဟှာ ဗြို့ဝါလေဟှို ဖြတ်ကြွဟှားဘီး ဘုရားသခင်ရဲ့ နိုင်ငံတော်ကြောန်း ဒန်းကောန်းဟှို ဟောတော်မူဟှယ်။ တဗဲ့တော် ဆယ့်နှေ့ယော့‑က်ဟှာ ကိုယ်တော်နတူးဒူ လိုက်ဟှားဘီး၊ 
\v 2 \x - \xo ၈.၂,၃ \xo*\xt မ ၂၇.၅၅,၅၆; မာ ၁၅.၄၀,၄၁; လု ၂၃.၄၉\xt*\x*နာရောဂါဘေး၊ နတ်ဆိုးဘေးလေဟှ လွှတ်ဟှားဟှူ မီးမတချို့န နတ်ဆိုးခွန်နစ်ကောန်ရဲ့ နှိစစ်ရှင်းဟှနေ လွှတ်ဟှားဟှူ မာရိန (မာဂဒလဝါသူ ဆိုဘီး လည်းခေါ်ဟှယ်)၊ 
\v 3 ဟေရုဒ်မန်းဂီးရဲ့ မျစ်နှာလွှဲဖြစ်ဟှူ ခုဇရဲ့ မယား ယောဟန္န၊ ရှုရှန္န၊ ယေရှုန တဗဲ့တော်လေဟှို လောက်ကျွေးနေဟှူ မီးမတချို့လည်း လိုက်ဟှားဟှယ်။
\s မျိုးစေ့ကြဲမားရဲ့ ပေါင်ဥပမာ
\r (မဿဲ ၁၃.၁–၉; မာကု ၄.၁–၉)
\p
\v 4 ဗြို့ဗြို့နယ်နယ်ဟှ လာဂေ့ဟှူ လူလေဟှာ ယေရှုနားမာ စုရောင်းဘီးနေဟှူ ခီမာ ကိုယ်တော်ဟှာ အယ်ပေါင်ဥပမာအားဖြင့်
\p
\v 5 “မျိုးစေ့ကြဲဟှို့ ထွပ်ဟှားဟှူ မျိုးစေ့ကြဲမား တယော့‑က်ရှိဟှယ်။ သူဟှာ မျိုးစေ့ဟှို ကြဲလိုက်ဟှူ ခီမာ တချို့စေ့လေဟှာ လမ်းမာက္လဟှူကြောန့် အယ်မျိုးစေ့ဟှာ နန်းချေရှင်းခံရဘီးန ကောန်းဂန်ငှတ်လေဟှ ကော့‑က်စားဟှားဟှယ်။ 
\v 6 တချို့စေ့လေဟှာ က္လော့‑က်ပေါဟှူ မ္လေမာက္လဘီးန ပန်ပေါ့‑က်လာဟှူ ခီမာ စိုဓါတ်မှေ့ဘဲဟှူ မ္လေဖြစ်ဟှူကြောန့် ခြော့‑က်ဟှားလေဟှယ်။ 
\v 7 တချို့စေ့လေဟှာ ဆူးချောင်ကြားမာ က္လဟှူကြောန့် ဆူးဗန်လေနတူးဒူး ကီးလာဘီးဟှာ ပန်လေဟှို အောက်မိုးလိုက်ဟှယ်။ 
\v 8 တချို့စေ့လေဟှာ ကောန်းဟှူမ္လေမာ က္လဟှူကြောန့် ပန်လေဟှာ ကီးလာဘီး ဆတရာ သီးသီးဟှားဂေ့ဟှယ်” ဆိုဘီး မိန့်တော်မူလေဟှယ်။
\p အယ်ဘီးန ယေရှုဟှာ နိဂေါင်းချောက်ဘီး “နန်းနို့မာ နားရှိဟှယ် ဆိုဟှာ ကြားဂေ့!” ဆိုဘီး မိန့်တော်မူလေဟှယ်။
\s ပေါင်ဥပမာလေရဲ့ ရည်ရွယ်ချစ်
\r (မဿဲ ၁၃.၁၀–၁၇; မာကု ၄.၁၀–၁၂)
\p
\v 9 တဗဲ့တော်လေဟှာ အယ်ပေါင်ဥပမာရဲ့ ဓိပါယ်ဟှို ယေရှုဟှို မေးလျှော့‑က်ဂေ့ဟှူကြောန့် 
\v 10 ကိုယ်တော်ဟှ ပေါင်ဥပမာန “ဘုရားသခင်နိုင်ငံတော်ရဲ့ နတ်နဲဟှူ ကြောန်းရာလေဟှို နန်းနို့ဟှာ သိရပီးဘီ။ တခြားလူလေဟှာ ကေ့နေဘေမဲ့ ဗြင်ဂေ့ မှုဟှ။ ကြားနေဘေမဲ့ နားလည်ဂေ့ မှုဟှ။ အယ်ကြောန့် ပြောရရှင်းဖြစ်ဟှယ်။”
\s မျိုးစေ့ကြဲမားရဲ့ ပေါင်ဥပမာဟှို ရှင်းပြဟှူကြောန်း
\r (မဿဲ ၁၃.၁၈–၂၃; မာကု ၄.၁၃–၂၀)
\p
\v 11 “အယ်ပေါင်ဥပမာရဲ့ ဓိပါယ်ဟှ မျိုးစေ့ဟှာ ဘုရားသခင်ရဲ့ တရားစကား ဖြစ်ဟှယ်။ 
\v 12 လမ်းမာက္လဟှူ မျိုးစေ့ဟှာ တရားစကားဟှို ကြားရဟှူ လူလေဖြစ်ဟှယ်။ အယ်ဘေမဲ့ သူးနို့ဟှာ ယောင်ကြည်ဘီး ကယ်တန်ရှင်းဟှို ရော့‑က်စေဘဲ့ဟှို့တွပ် မာရ်နတ်ဟှာလာဘီး တရားစကားဟှို သူးနို့ရဲ့ နှလောင်းထဲဟှနေ နှုယူဟှားဟှယ်။ 
\v 13 က္လော့‑က်ပေါဟှူ မ္လေမာ က္လဟှူမျိုးစေ့ဟှာ တရားစကားဟှို ကြားရဟှူ ခီမာ ဝန်းသားအားရန လတ်ခံဂေ့ဟှူ လူလေဖြစ်ဟှယ်။ အယ်ဘေမဲ့ သူးနို့ထဲမာ တရားစကားဟှာ ပြစ်စွဲဘဲကြောန့် ရှစ်ဟှားဘဲ့ ယောင်ကြည်ဘီး စောင်ဇမ်းရှင်းလေန တွိကြောင်ဟှူ ခီမာ ဖော့‑က်ပ္လန်ဟှားဟှယ်။ 
\v 14 ဆူးချောင်မာက္လဟှူ မျိုးစေ့ဟှာ တရားစကားဟှို ကြားရဘီးန ဘဝရဲ့ စိုးရိမ်မှုလေ၊ စည်းဇိမ်ကြွယ်ဝရှင်းလေ၊ လောက သာယာမှုလေရဲ့ လွှမ်းမိုးရှင်းဟှို ခံရဟှူကြောန့် သီးသီးနိုင်ဂေ့ဘဲဟှူသူလေ ဖြစ်ဟှယ်။ 
\v 15 ကောန်းဟှူမ္လေမာ က္လဟှူမျိုးစေ့ဟှာ တရားစကားဟှို ကြားရဘီးန ဖြောန့်မတ်စင်ကြယ်ဟှူ စိနှလောင်းန ခံယူကြောန့် ခိုင်မြဲဟှူ သီးဟှို သီးဂေ့ဟှူ လူလေဖြစ်ဟှယ်။
\s တောန်းအော့‑က်မာထားဟှားဟှူ ဆီမီးအီကြောန်း
\r (မာကု ၄.၂၁–၂၅)
\p
\v 16 \x - \xo ၈.၁၆ \xo*\xt မ ၅.၁၅; လု ၁၁.၃၃\xt*\x*“ဖယ်သူလည်း ဆီမီးအီဟှို ထွန်းဘီးဟှာ တောန်းအော့‑က်မာ ထားဂေ့ဟှ။ ကဒန်အော့‑က်မာလည်း ထားဟှားဂေ့ဟှ။ အယ်မျိုးထားမယ့်စား ဆီမီးအီဟှို ဆီမီးခေါင်ထတ်မာဘဲ့ တန်ဟှားဟှယ်။ အယ်မျိုးထားမှဘဲ့ လူလေဟှာ အီထဲဟှို ဝမ်လာခီမာ လန်းရောန်ဟှို ဗြင်ရမယ်။
\p
\v 17 \x - \xo ၈.၁၇ \xo*\xt မ ၁၀.၂၆; လု ၁၂.၂\xt*\x*“ဝှပ်ဟှားဇာလေ အားလောင်းဂူ ပေါ်လာလေ့မယ်။ ဖောင်းဟှားဇာလေ အားလောင်းဂူဟှာလည်း ပွမ့်ဟှားလေ့ဘီးန လန်းရောန်နားဟှို ယူလာလေ့မယ်။
\p
\v 18 \x - \xo ၈.၁၈ \xo*\xt မ ၂၅.၂၉; လု ၁၉.၂၆\xt*\x*“အယ်ကြောန့် နန်နို့ဟှာ ဖယ်မျိုးနားထောန်ရမယ် ဆိုဇာဟှို ဒိပြုဂေ့။ ဖြားဖြစ်ကြောန့်နူးဆိုဟှာ ရှိဟှူဟှို ထပ်ပေးလေ့မယ်။ အယ်ဘေမဲ့ လောင်းဝမှေ့ဘဲဟှူ လူလေထံဟှ သူးနို့မာ နဲနဲရှိဟှယ် ဆိုဘီး ထန်နေဇာလေဟှို သီးယူလေ့မယ်” ဆိုဘီး မိန့်တော်မူလေဟှယ်။
\s ယေရှုရဲ့ မိန ညီလေကြောန်း
\r (မဿဲ ၁၂.၄၆–၅၀; မာကု ၃.၃၁–၃၅)
\p
\v 19 ယေရှုရဲ့ မိန ညီလေဟှာ ကိုယ်တော်နားဟှို လာဘေမဲ့ လူအောက်ဂီးကြောန့် ကိုယ်တော်နားဟှို ရော့‑က်နိုင်ဘဲ့ ဖြစ်နေဟှယ်။ 
\v 20 တယော့‑က်ဟှ ယေရှုဟှို “ကိုယ်တော်ရဲ့ မိန ညီလေဟှာ ကိုယ်တော့်ဟှို တွိရှင်ကြောန့် ပ္လန်မာ ရပ်စောန့်နေဟှယ်” ဆိုဘီး လာလျှော့‑က်လေဟှယ်။
\p
\v 21 ယေရှုဟှာ “ဘုရားသခင်ရဲ့ စကားတော်ဟှို ကြားဘီးဟှာ နားထောန်ဟှူ လူလေဟှာ ငါ့မိ၊ ငါ့ညီလေဖြစ်ဟှယ်” ဆိုဘီး သူးနို့လေ အားလောင်းဂူဟှို မိန့်တော်မူလေဟှယ်။
\s လေမူဒိုင်းဟှို ငြီးစေဟှူကြောန်း
\r (မဿဲ ၈.၂၃–၂၇; မာကု ၄.၃၅–၄၁)
\p
\v 22 တနေ့မာ ယေရှုဟှာ တဗဲ့တော်လေနတူးဒူ လှေထဲဟှို ဝမ်ဟှားဘီးန သူးနို့ဟှို “အိုင်တဖတ်ဟှို ကူးဂေ့ဇို့” ဆိုဘီး မိန့်တော်မူလေဟှယ်။ အယ်ကြောန့် သူးနို့ဟှာ စဘီးကူးဂေ့ဟှယ်။ 
\v 23 သူးနို့ဟှာ ဝပ်လွှမ့်နေခီမာ ယေရှုဟှာ အိမွိနေတော်မူဟှယ်။ ရောက်တရစ် အိုင်ထဲမာ လေမူဒိုင်းက္လဘီး လှေဟှာ ရေနပ္လဲ့ခါနီးနီး ဖြစ်ဟှားဟှူကြောန့် သူးနို့လေ အားလောင်းဂူဟှာ ရရာတိုင်း ကြော့‑က်လန့်နေဂေ့ဟှယ်။ 
\v 24 တဗဲ့တော်လေဟှာ ယေရှုနားဟှို သွားဘီးန ကိုယ်တော့်ဟှို နှိုးဘီး “သခင်၊ သခင်! ကျွန်တော့်ဟှားလေ သေဟှို့ဖြစ်နေဂေ့ဘီ!” ဆိုဘီး လျှော့‑က်ဂေ့လေဟှယ်။
\p ယေရှုဟှာ အိရာဟှ ထလာဘီးန လေနလှိုင်းဟှို မိန့်ပေးလိုက်ဟှူန လေနလှိုင်းလည်း လောက်ဝ ငြီသတ်ဟှားလေဟှယ်။ 
\v 25 အယ်ဘီးမှ ကိုယ်တော်ဟှာ တဗဲ့တော်လေဟှို “နန်းနို့ရဲ့ ယောင်ကြည်ရှင်း ဖယ်မာနူး” ဆိုဘီး မိန့်တော်မူလေဟှယ်။
\p သူးနို့ဟှာ ကြော့‑က်ရွံ့အံ့ဩဘီး “အယ်လူဟှ ဖယ်သူနူး။ သူဟှာ လေနလှိုင်းလေဟှို မိန့်ပေးလိုက်န သူးနို့လေဟှာ နားထောန်ဂေ့ဟှယ်!” ဆိုဘီး သူးနို့ရှင်းရှင်း ပြောနေဂေ့ဟှယ်။
\s နတ်ဆိုးဟှို နှန်ထုဟှူကြောန်း
\r (မဿဲ ၈.၂၈–၃၄; မာကု ၅.၁–၂၀)
\p
\v 26 ယေရှုန တဗဲ့တော်လေဟှာ ဂါရစပြည်\f + \fr ၈.၂၆ \fr*\fq ဂါရစပြည်၊ \fq*\ft တချို့ မူရင်းလတ်ရေးမူလေမာ \ft*\fqa ဂါဒရပြည်၊ \fqa*\ft ဆိုဘီး ရှိဟှယ် \ft*\ft (ရှု \ft*\xt မ ၈.၂၈\xt*)၊ တခြားကျမ်းလေမာ \fqa ဂါရဂီသ၊ \fqa*\ft ဆိုဘီး ရှိဟှယ်။\ft*\f*ဟှို ဝပ်လွှမ့်ဟှားဘီး ဂီရသဒေသဟှာ ဂါလိလဲပြည် အိုင်တဖတ်မာရှိဟှယ်။ 
\v 27 ယေရှုဟှာ ကမ်းထတ်ဟှို ခေခ္လလိုက်ဟှူန နတ်ဆိုးလေပူးနေဟှူ ဂါရစဗြို့သား တယော့‑က်ဟှာ ကိုယ်တော့်ဟှို လာတွိလေဟှယ်။ အယ်လူဟှာ ခီကြာဂီး ဝတ်လည်းဝတ်ဘဲန၊ အီမာလည်းနေဘဲန သန်းခ္လိုင်းထဲမာဘဲ့ နေလေဟှယ်။ 
\v 28 သူဟှာ ယေရှုဟှို ဗြင်ခီမာ ကိုယ်တော်ရဲ့ ခေတော်ရင်းမာ ပ္လားပ္လားဝပ်ဘီး “ဗြင့်ဆောင်းဟှူ ဘုရားသခင်ရဲ့ သားတော် ယေရှု! ကိုယ်တော်ဟှာ ကျွန်တော်န ဖြားဆိုင်ဟှိနူး။ ကျွန်တော် တောန်းဗန်ပါဟှယ်။ ကျွန်တော့်ဟှို နှိစစ်ပါန!” ဆိုဘီး သံက္လယ်ဂီးန လျှော့‑က်လေဟှယ်။ 
\v 29 အယ်မျိုး တောန်းဗန်နေဇာဟှ ယေရှုဟှာ ညစ်ညူးဟှူ နတ်လေဟှို အယ်လူထဲဟှ ထွပ်ဟှားဟှို့ မိန့်ပေးတော်မူလိုက်ကြောန့် ဖြစ်ဟှယ်။ အယ်လူဟှာ နတ်ဆိုးရဲ့ ခဏခဏ နှိစစ်ဇာဟှို ခံရဘီး သူ့ရဲ့ ခေလတ်လေဟှို သံကြိုးလေန ခယ်ဟှားဘီး လှောန်ဟှားဘေမဲ့လည်း သူဟှာ သံကြိုးလေဟှို ဆွဲဖြတ်ဘီးဟှာ တောကန္တာရထဲဟှို ထွပ်ပ္လေးဟှယ်။
\p
\v 30 ယေရှုဟှာ “နန့်နာမယ် ဖြားမျိုးခေါ်နူး” ဆိုဘီး သူဟှို မေးတော်မူဟှယ်။
\p သူ့ထဲမာ နတ်ဆိုးလေ ဘောင်ဂီးရှိနေဟှူကြောန့် သူဟှ “ကျွန်တော့်နာမယ်ဟှာ ‘လေဂေါင် ဖြစ်ဟှယ်’ ” ဆိုဘီး ပ္လန်လျှော့‑က်လေဟှယ်။ 
\v 31 နတ်ဆိုးလေဟှာ သူးနို့ဟှို နတ်ဆောင်းတွမ်း\f + \fr ၈.၃၁ \fr*\fk နတ်ဆောင်းတွမ်း၊ \fk*\ft နော့‑က်ဆောင်းဟှူ တရားစီရင်ဟှို့ခီထိ နတ်ဆိုးလေဟှို တောက်နှောင်ထားဟှို့တွပ် မ္လေဂီးရဲ့ အော့‑က်မာရှိဟှူ တွမ်းဖြစ်ဟှယ်။\ft*\f*ထဲဟှို နှန်ခ္လဘဲဟှို့တွပ် ယေရှုဟှို တောန်းဗန်ဂေ့ဟှယ်။
\p
\v 32 နီးနားဟှ တောန်ဂူးထတ်မာ ဝပ်အောက်ဂီးဟှာ စာစားနေဂေ့ဟှယ်။ နတ်ဆိုးလေဟှာ သူးနို့ဟှို အယ်ဝပ်လေထဲဟှို ဝမ်ခွမ့်ပေးတော်မူဟှို့ တောန်းဗန်ဂေ့ဟှူကြောန့် ယေရှုဟှာ ခွမ့်ပေးလေဟှယ်။ 
\v 33 နတ်ဆိုးလေဟှာ အယ်လူထဲဟှ ထွပ်ဟှားဘီးန ဝပ်လေထဲဟှို ဝမ်ဟှားဟှယ်။ ဝပ်အောက်ဂီးဟှာ အိုင်ကမ်းနားဟှို ပ္လေးဆင်းဟှားဘီး ရေမ္လောက်သေဟှားလေဟှယ်။
\p
\v 34 ဝပ်ထီးမားလေဟှာ အယ်မျိုး ဖြစ်ဟှားဇာလေဟှို ဗြင်ဟှားကြောန့် သူးနို့ဟှာ ထွပ်ပ္လေးဂေ့ဘီးန ဗြို့န တောဝါလေမာ အယ်ဒန်းဟှို လိုက်ပြောဂေ့ဟှယ်။ 
\v 35 လူလေဟှာ အယ်မျိုးဖြစ်ဟှားဇာလေဟှို ကေ့စားဟှို့ ထွပ်လာဂေ့ဟှူ ခီမာ နတ်ဆိုးလေ ထွပ်ဟှားဘီးဟှူလူဟှာ ဝတ်ဟှို ဝတ်ဟှားဘီး ပေါင်မှန်စိန ယေရှုရဲ့ ခေတော်ရင်းမာ ထိုင်နေဇာဟှို တွိလိုက်ကြောန့် သူးနို့လေ အားလောင်းဂူဟှာ ကြော့‑က်လန့်ဟှားဂေ့ဟှယ်။ 
\v 36 အယ်လူဟှာ ဖယ်မျိုးလောက်ဘီး နတ်ဆိုးလေရဲ့ နှိစစ်ရှင်းဟှနေ လွှတ်မြော့‑က်ဟှားဟှယ် ဆိုဇာဟှို ကိုယ်တိုင်ဗြင်ဘီးဟှူ လူလေဟှ ခုမှရော့‑က်လာဟှူ လူလေဟှို ပြောပြလေဟှယ်။ 
\v 37 အယ်ဘီးန ဂါရစဒေသဟှ လူလေ အားလောင်းဂူဟှာ ရရာတိုင်း ကြော့‑က်လန့်နေဟှူကြောန့် အယ်ဒေသဟှ ထွပ်ဟှားတော်မူဟှို့ ယေရှုဟှို တောန်းလျှော့‑က်ဂေ့ဟှယ်။ အယ်ကြောန့် ယေရှုဟှာ လှေထဲဟှို ဝမ်ဟှားတော်မူဘီးန ပ္လန်ဟှားလိုက်ဟှယ်။ 
\v 38 နတ်ဆိုးလေ ထွပ်ဟှားဟှူလူဟှာ ယေရှုဟှို “ကိုယ်တော်နတူးဒူ လိုက်ခွမ့်ပေးတော်မူပါ” ဆိုဘီး တောန်းဗန်လေဟှယ်။
\p အယ်ဘေမဲ့ ယေရှုဟှာ သူ့ဟှို 
\v 39 “အီဟှို ပ္လန်ဟှားဘီး ဘုရားသခင်ဟှာ နန့်ဟှို ဖယ်မျိုး ကျေးဇူးပြုတော်မူဟှယ် ဆိုဇာဟှို သွားဘီး ကြေညာပါ” ဆိုဘီး မိန့်တော်မူလေဟှယ်။
\p အယ်လူဟှာ တဗြို့လောက်ဟှို သွားဘီး ယေရှုဟှာ သူ့ဟှို ဖယ်မျိုး ကျေးဇူးပြုတော်မူလိုက်ဟှယ် ဆိုဇာဟှို ပြောလေဟှယ်။
\s ယာဣရုရဲ့ သမီးန ယေရှုရဲ့ ဝတ်လောင်ဟှို တို့ထိဟှူမီးမ
\r (မဿဲ ၉.၁၈–၂၆; မာကု ၅.၂၁–၄၃)
\p
\v 40 ယေရှုဟှာ အိုင်တဖတ်ကမ်းဟှို ပ္လန်ဟှားခီမာ လူလေဟှာ ကိုယ်တော့်ဟှို ကြိုဆိုဂေ့ဟှယ်။ ဖြားဖြစ်ကြောန့်နူးဆိုဟှာ သူးနို့ဟှာ ကိုယ်တော့်ဟှို စောန့်နေဂေ့ကြောန့်ဖြစ်ဟှယ်။ 
\v 41 အယ်ခီမာ ယာဣရု နာမယ်ရှိဟှူ လူတယော့‑က် ရော့‑က်လာဟှယ်။ သူဟှာ ဝါလယ်ဇရပ်မှူး ဖြစ်ဟှယ်။ သူဟှာ ယေရှုရဲ့ ခေတော်ရင်းမာ ပ္လားပ္လားဝပ်ဘီး သူ့အီဟှို ကြွပေးတော်မူဟှို့တွပ် ကိုယ်တော့်ဟှို တောန်းဗန်နေဟှယ်။ 
\v 42 ဖြားဖြစ်ကြောန့်နူးဆိုဟှာ သူ့ရဲ့ တယော့‑က်ဒဲရှိဟှူ ဆယ့်နှေ့နှစ်ရွယ် သမီးဟှာ သေခါနီးဖြစ်နေကြောန့် ဖြစ်ဟှယ်။
\p ယေရှုဟှာ သူနတူးဒူ လိုက်ဟှားဟှူ ခီမာ လူလေဟှာ ကိုယ်တော့်ဟှို့ တိုးဝှေ့နေဂေ့ဟှယ်။ 
\v 43 သူးနို့လေထဲမာလည်း ဆယ့်နှေ့နှစ် လောင်းလောင်း သွီးသွန်နာဖြစ်နေဟှူကြောန့် သူ့ကပ်လေ အားလောင်းဂူ ကူဒဲ့ထိ ဆရာဝန်လေန ကုဟှယ်။\f + \fr ၈.၄၃ \fr*\ft တချို့ မူရင်းလတ်ရေးမူလေမာ \ft*\fq သူ့ကပ်လေ အားလောင်းဂူ ကူဒဲ့ထိ ဆရာဝန်လေန ကုဟှယ်၊ \fq*\ft ဆိုဘီး မှေ့ဟှ။\ft*\f* အယ်ဘေမဲ့လည်း သူ့ရောဂါဟှို ပျော့‑က်အောန် ကုနိုင်ဂေ့ဘဲဟှူ မီးမတယော့‑က်ရှိလေဟှယ်။ 
\v 44 အယ်မီးမဟှာ ယေရှုနော့‑က်ဟှ ကပ်လိုက်ဟှားဘီးန ကိုယ်တော်ရဲ့ ဝတ်လောင်တော်ဟှ ပန်းဗွားဟှို တို့ထိလိုက်ဟှူန အယ်မီးမရဲ့ သွီးသွန်ဇာဟှ ရှင်းရှင်း တိဟှားဟှယ်။ 
\v 45 ယေရှုဟှ “ငါ့ဟှို ဖယ်သူ တို့ထိလိုက်နူး” ဆိုဘီး မေးလိုက်ဟှယ်။
\p လူတိုင်းဟှ ဂြင်းဂေ့ဘီး ပေတရုဟှ “သခင်၊ လူလေဟှာ ကျွန်တော့်ဟှားလေရဲ့ ပတ်လည်မာရှိနေဘီး ကိုယ်တော့်ဟှို တိုးဝှေ့နေဂေ့ဟှယ်” ဆိုဘီး ပ္လန်ဖြေလေဟှယ်။
\p
\v 46 အယ်ဘေမဲ့ ယေရှုဟှ “ငါ့ဟှို ယော့‑က်ယော့‑က်ဟှ တို့ထိလိုက်ဟှယ်။ ငါ့ထဲဟှ တဂိုးထွပ်ဟှားဇာဟှို ငါသိဟှယ်” ဆိုဘီး ပ္လန်မိန့်တော်မူလေဟှယ်။ 
\v 47 အယ်မီးမဟှာ သူတို့ထိလိုက်ဇာဟှို သိဟှားဘီ ဆိုဘီ ကြော့‑က်ရွံ့တောင်လှောက်နေကြောန့် ရှေ့ဟှို ထွပ်လာဘီး ယေရှုရဲ့ ခေတော်ရင်းမာ ပျပ်ဝပ်လိုက်ဟှယ်။ လူလေ အားလောင်းရဲ့ရှေ့မာ ကိုယ်တော့်ဟှို ဖြားကြောန့် တို့ထိရကြောန်းန ဖယ်မျိုး ရှင်းရှင်း နာပျော့‑က်ဟှားကြောန်းဟှို ပြောပြလိုက်ဟှယ်။ 
\v 48 ယေရှုဟှာ အယ်မီးမဟှို “ငါ့သမီး၊ နန့်ရဲ့ ယောင်ကြည်ရှင်းဟှာ နန့်ဟှို ကျန်းမာစေဘီ။ ငြီသတ်ရှင်းန သွားပါ” ဆိုဘီး မိန့်တော်မူလေဟှယ်။
\p
\v 49 ယေရှုဟှာ အယ်မျိုး ပြောနေခီမာဘဲ့ ဝါလယ်ဇရပ်မှူးရဲ့ အီဟှနေ လူတယော့‑က် ရော့‑က်လာဟှယ်။ ယာဣရုဟှို “ကိုယ်တော်ရဲ့ သမီးဟှာ သေဟှားဘီ။ ဆရာဟှို နှောက်ယှစ်ပေးန” ဆိုဘီး သူဟှ ပြောလေဟှယ်။
\p
\v 50 အယ်ဘေမဲ့ ယေရှုဟှာ အယ်မျိုးပြောနေဇာဟှို ကြားဘီးန ယာဣရုဟှို “စိုးရိမ်န။ ယောင်ကြည်ရှင်းဘဲ့ရှိပါ။ ဝယ်ဟှားဂန်းဟှာ ကျန်းမာဟှားလေ့မယ်” ဆိုဘီး မိန့်တော်မူလေဟှယ်။
\p
\v 51 ယာဣရုရဲ့ အီဟှို ရော့‑က်ဟှားဟှူ ခီမာ ကိုယ်တော်ဟှာ ပေတရု၊ ယောဟန်၊ ယာကုပ်န ဝယ်ဟှားဂန်းရဲ့ မိဖလေမှလွဲဘီး တခြားဖယ်သူ့ဟှိုမှ ကိုယ်တော်နတူးဒူ အီထဲဟှို ဝမ်ခွမ့်ပေးဟှ။ 
\v 52 လူတိုင်းဟှာ ဝယ်ဟှားဂန်းတွပ် ငိုကြွေးဘီးဝန်းနဲ နေဂေ့ဟှယ်။ ယေရှုဟှ “ငိုန၊ ဝယ်ဟှားဂန်းဟှာ သေနေဇာ မှုဟှ။ အိမွိနေဟှယ်!” ဆိုဘီး မိန့်တော်မူလေဟှယ်။
\p
\v 53 သူးနို့ အားလောင်းဟှာ ကိုယ်တော့်ဟှို ရယ်ဇားဂေ့ဟှယ်။ ဖြားဖြစ်ကြောန့်နူးဆိုဟှာ ဝယ်ဟှားဂန်းဟှာ သေနေဘီ ဆိုဇာဟှို သူးနို့ သိနေကြောန့်ဖြစ်ဟှယ်။ 
\v 54 အယ်ဘေမဲ့ ယေရှုဟှာ ဝယ်ဟှားဂန်းရဲ့ လတ်ဟှို ကိုင်လိုက်ဘီး “ဝယ်ဟှားဂန်း၊ ထဝေါ့!” ဆိုဘီး မိန့်တော်မူလေဟှယ်။ 
\v 55 ဝယ်ဟှားဂန်းဟှာ သတ်ဝိညာဉ် ပ္လန်ဝမ်လာဘီး ရှစ်ရှင်းထလေဟှယ်။ ယေရှုဟှာ ဝယ်ဟှားဂန်းဟှို စားဇာကျွေးဟှို့ သူးနို့ဟှို မိန့်တော်မူလိုက်ဟှယ်။ 
\v 56 ဝယ်ဟှားဂန်းရဲ့ မိဖလေဟှာ ရရာတိုင်း အံ့ဩဟှားဟှယ်။ အယ်ဘေမဲ့ ယေရှုဟှ အယ်မျိုးဖြစ်ဇာလေဟှို ဖယ်သူ့ဟှိုလည်း ပြောဘဲဟှို့တွပ် သူးနို့ဟှို ပညတ်တော်မူလေဟှယ်။
\c 9
\s တဗဲ့တော်ဆယ့်နှေ့ပါးဟှို စေလွှတ်ဟှူုကြောန်း
\r (မဿဲ ၁၀.၅–၁၅; မာကု ၆.၇–၁၃)
\p
\v 1 ယေရှုဟှာ တဗဲ့တော် ဆယ့်နှေ့ပါးဟှို ခေါ်ဘီး နတ်ဆိုးလေဟှို နှန်ထုဟှို့န နာရောဂါလေ ပျော့‑က်စေဟှို့ သူးနို့ဟှို တဂိုးန ခွမ့်အာဏာဟှို ပေးတော်မူဟှယ်။ 
\v 2 အယ်ဘီန ကိုယ်တော်ဟှာ ဘုရားသခင်ရဲ့ နိုင်ငံတော်ကြောန်း ဟောပြောဟှို့န လူနာလေ ကျန်းမာစေဟှို့ သူးနို့ဟှို စေလွတ်တော်မူဘီးန၊ 
\v 3 \x - \xo ၉.၃–၅ \xo*\xt လု ၁၀.၄–၁၁\xt*\x*သူးနို့ဟှို “ခရီးသွားဟှို့တွပ် နန်းနို့နတူးဒူ ဖြားဇာလည်း ယူဟှားဂေ့န။ တောန်အူး၊ လွယ်အိ၊ စားဇာ၊ ကပ်လေန အန်းဂီပိုလည်း ယူဂေ့န။ 
\v 4 ဖယ်အီဘဲ့ဖြစ်ဖြစ် နန်းနို့ဟှို ဝမ်ခွမ့်ပြုဟှယ် ဆိုဟှာ အယ်ဗြို့ဟှ ထွပ်ခန်ထိ အယ်အီမာနေဘီး 
\v 5 \x - \xo ၉.၅ \xo*\xt တ ၁၃.၅၁\xt*\x*လူလေဟှ နန်းနို့ဟှို လတ်ခံဟှ ဆိုဟှာ အယ်ဗြို့ဟှ ထွပ်ဟှားဘီး သူးနို့ဟှာ လတ်ခံဂေ့ဟှ ဆိုဇာဟှို သတ်သေဖြစ်န နန်းနို့ခေဖွားဟှ မ္လေမုဟှို ခါခ္လလိုက်ဂေ့” ဆိုဘီး မိန့်တော်မူလေဟှယ်။
\p
\v 6 တဗဲ့တော်လေဟှာ ထွပ်ဟှားဘီး ဝါလေအားလောင်းဟှို သွားဘီးန ရော့‑က်ဟှူ နေရာတိုင်းမာ ဒန်းကောန်းဟောပြောဂေ့ဘီး နာရောဂါလေဟှို ပျော့‑က်စေဂေ့ဟှယ်။
\s ဟေရုဒ်စိရှောက်နေဟှူကြောန်း
\r (မဿဲ ၁၄.၁–၁၂; မာကု ၆.၁၄–၂၉)
\p
\v 7 \x - \xo ၉.၇,၈ \xo*\xt မ ၁၆.၁၄; မာ ၈.၂၈; လု ၉.၁၉\xt*\x*ဂါလိလဲပြည်ဟှို အောက်ချောက်ဟှူ ဟေရုဒ်ဟှာ ကိုယ်တော် ပြုတော်မူဟှူ ဇာလေ အားလောင်းဟှို ကြားဟှူ ခီမာ ရရာတိုင်း စိရှောက်ဟှားဟှယ်။ ဖြားဖြစ်ကြောန့်နူးဆိုဟှာ လူတချို့ဟှ ဗတ္တိဇံဆရာယောဟန်ဟှာ သေဘီးမှ ပ္လန်ရှင်လာဟှယ် ဆိုဘီး ပြောနေကြောန့် ဖြစ်ဟှယ်။ 
\v 8 တခြားလူလေဟှ ဧလိယ ပ္လန်ပေါ်လာဟှယ် ဆိုဇာဟှို ပြောဂေ့ဘီး တခြားလူလေဟှလည်း ရှေးပရောဖက်လေထဲဟှ တယော့‑က် သေဘီးမှ ပ္လန်ရှင်လာဟှယ် ဆိုဘီး ပြောနေဂေ့ဟှယ်။ 
\v 9 ဟေရုဒ်ဟှ “ငါဟှာ ယောဟန်ရဲ့ ခေါန်းဟှို ဖြတ်လိုက်ပီးဘီ။ အယ်ဆိုဟှာ ငါဒန်းကြားနေရဟှူ အယ်လူဟှာ ဖယ်သူနူး” ဆိုဘီး ပြောလေဟှယ်။ အယ်ဘီးန သူဟှာ ယေရှုဟှို တွိရဟှို့ ရှာကြံလေဟှယ်။
\s လူငါးထောန်ဟှို ကျွေးမွေးဟှူကြောန်း
\r (မဿဲ ၁၄.၁၃–၂၁; မာကု ၆.၃၀–၄၄; ယောဟန် ၆.၁–၁၄)
\p
\v 10 တမန်တော်လေဟှာ ပ္လန်ရော့‑က်လာဘီးန ယေရှုဟှို သူးနို့ရဲ့ လောက်ဆောန်ချစ်လေ အားလောင်းဂူဟှို လျှော့‑က်ဂေ့ဟှယ်။ ကိုယ်တော်ဟှာ သူးနို့နတူးဒူ ဗက်ဇဲဒ ဆိုဘီး နာမယ်ရှိဟှူ ဗြို့ဟှို ကြွဟှားလေဟှယ်။ 
\v 11 လူအောက်ဂီးဟှာ အယ်မျိုးကြွဟှားဟှယ် ဆိုဇာဟှို ကြားရဟှူ ခီမာ ကိုယ်တော်နော့‑က်ဟှို လိုက်ဂေ့ဟှယ်။ ကိုယ်တော်ဟှာ သူးနို့ဟှို ကြိုဆိုဘီး ဘုရားသခင်ရဲ့ နိုင်ငံတော်ကြောန်းဟှို ဟောပြောဘီးဟှာ နာရောဂါရှိဟှူ သူလေဟှို နာပျော့‑က်စေဟှယ်။
\p
\v 12 ညဉ့်မိုက်ခါနီးခီမာ တဗဲ့တော် ဆယ့်နှေ့ပါးဟှာ ကိုယ်တော့်နားဟှို လာဘီးန “လူလေဟှို နီးနားမာရှိနေဟှူ ဝါလေဟှို သွားစေဘီး အိဟှို့နေရာလေန စားဇာလေရှာဟှို ရှာစေတော်မူပါ။ ဖြားဖြစ်ကြောန့်နူးဆိုဟှာ အယ်နေရာဟှာ တောအရပ်ဖြစ်ဟှူကြောန့် ဖြစ်ဟှယ်” ဆိုဘီး လျှော့‑က်ဂေ့ဟှယ်။
\p
\v 13 အယ်ဘေမဲ့ ကိုယ်တော်ဟှာ သူးနို့ဟှို “နန်းနို့ကိုယ်တိုင် သူးနို့စားဟှို့ စားဇာတခုခုပေးဂေ့” ဆိုဘီး မိန့်တော်မူလေဟှယ်။
\p သူးနို့ဟှ “ကျွန်တော့်ဟှားလေ အားလောင်းမာ မုငါးလောင်းန ငါးနှေ့ကောန်ဘဲ့ ရှိဟှယ်။ ကိုယ်တော်ဟှ အယ်လူအောက်ဂီးတွပ် စားဇာဝယ်ဟှို့ ကျွန်တော့်ဟှားလေဟှို သွားစေရှင်လော” ဆိုဘီး ပ္လန်လျှော့က်ဂေ့ဟှယ်။ 
\v 14 (အယ်လူအောက်ဂီးထဲမာ ယော့‑က်ကျား ၅,၀၀၀ လော့‑က် ရှိဟှယ်။)
\p ယေရှုဟှာ တဗဲ့တော်လေဟှို “လူလေဟှို ငါးဆယ်စီစုဘီး ထိုင်ခိုင်းလိုက်” ဆိုဘီး မိန့်တော်မူလေဟှယ်။
\p
\v 15 တဗဲ့တော်လေဟှာ မိန့်တော်မူလိုက်ဟှူတိုင်း လောက်ဘီးန၊ 
\v 16 ယေရှုဟှာ မုငါးလောင်းန ငါးနှေ့ကောန်ဟှို ယူလေဟှယ်။ အယ်ဘီးန ကောန်းဂန်ဟှို မော့ကေ့ဘီး၊ မုန ငါးတွပ် ဘုရားသခင်ဟှို ချီးမွမ်းဘီး၊ မုဟှို ဖဲ့ဘီးန လူလေဟှို ဝီပေးဟှို့ တဗဲ့တော်လေဟှို ပေးလေဟှယ်။ 
\v 17 သူးနို့ အားလောင်းဟှာ ဗိုက်ပ္လဲ့အောန် စားဂေ့ဘီးန တဗဲ့တော်လေဟှာ ကြွင်းကျန်လေဟှို လိုက်ကော့‑က်ဂေ့ဇာ ခြင်းဒေါန်းန ဆယ့်နှေ့တောန်းပ္လဲ့ ရဂေ့ဟှယ်။
\s ပေတရုရဲ့ ဝန်ခံချစ်ကြောန်း
\r (မဿဲ ၁၆.၁၃–၁၉; မာကု ၈.၂၇–၂၉)
\p
\v 18 တနေ့မာ ယေရှုတပါးဒဲ ဆုတောန်းနေဟှူ ခီမာ တဗဲ့တော်လေဟှာ ကိုယ်တော်နားဟှို လာဂေ့ဟှယ်။ ကိုယ်တော်ဟှ “လူအောက်ဂီးဟှ ငါဟှို ဖယ်သူ ဆိုဘီး ပြောနေဂေ့နူး” ဆိုဘီး သူးနို့ဟှို မေးတော်မူဟှယ်။
\p
\v 19 \x - \xo ၉.၁၉ \xo*\xt မ ၁၄.၁,၂; မာ ၆.၁၄,၁၅; လု ၉.၇,၈\xt*\x* သူးနို့ဟှ “တချို့ဟှ ကိုယ်တော်ဟှာ ဗတ္တိဇံယောဟန် ဖြစ်ဟှယ်။ တခြားလူလေဟှ ကိုယ်တော်ဟှာ ဧလိယဖြစ်ဟှယ်။ တခြားလူလေဟှ သေဘီးမှ ပ္လန်ရှင်လာဟှူ ရှေးပရောဖက် တပါးပါး ဖြစ်ဟှယ် ဆိုဘီး ပြောဂေ့ဟှယ်” ဆိုဘီး လျှော့‑က်လေဟှယ်။
\p
\v 20 \x - \xo ၉.၂၀ \xo*\xt ယော ၆.၆၈,၆၉\xt*\x*ကိုယ်တော်ဟှ “နန်းနို့လေဟှမား ငါ့ဟှို ဖယ်သူဖြစ်ဟှယ် ဆိုဘီး ပြောဂေ့နူး” ဆိုဘီး သူးနို့ဟှို မေးတော်မူလေဟှယ်။
\p ပေတရုဟှ “ကိုယ်တော်ဟှာ ဘုရားသခင်ရဲ့ မေရှိယ ဖြစ်ဟှယ်” ဆိုဘီး လျှော့‑က်လေဟှယ်။
\s သေခံရဟှို့တွပ် ပြောဟှူကြောန်း
\r (မဿဲ ၁၆.၂၀–၂၈; မာကု ၈.၃၀—၉.၁)
\p
\v 21 အယ်ဘီးန ယေရှုဟှာ အယ်ကြောန်းဟှို ဖယ်သူ့လည်း ပြောဘဲဟှို့တွပ် သူးနို့ဟှို မိန့်ပေးလေဟှယ်။ 
\v 22 ကိုယ်တော်ဟှလည်း “လူ့ရဲ့သားဟှာ ရရာတိုင်း နာကျင်ရှင်း ဝေဒနာဟှို ခံရဘီး ကြီးကဲလေ၊ ယဇ်ပုရောဟိတ်ဂီးလေန ကျမ်းတတ်ဆရာလေရဲ့ ငြင်းပယ်ရှင်းဟှို ခံရလေ့မယ်။ လူ့ရဲ့သားဟှာ သေသတ်ရှင်းဟှို ခံရမယ်။ အယ်ဘေမဲ့ သောင်းရစ် ပ္လဲ့ဟှူ နေ့မာ လူ့ရဲ့သားဟှာ ပ္လန်ရှင်လေ့မယ်” ဆိုဘီး သူးနို့ဟှို မိန့်တော်မူလေဟှယ်။
\p
\v 23 \x - \xo ၉.၂၃ \xo*\xt မ ၁၀.၃၈; လု ၁၄.၂၇\xt*\x* အယ်ဘီဟှာ ကိုယ်တော်ဟှာ သူးနို့ အားလောင်းဟှို “နန်းနို့ဟှ ငါ့တဗဲ့ ဖြစ်ရှင်ဟှယ် ဆိုဟှာ ကိုယ့်ကိုကိုယ် ငြင်းပယ်ဘီး နေ့တိုင်း နန်းနို့ရဲ့ လတ်ဝါးကပ်တိုင်ဟှို ထမ်းဘီးဟှာ ငါ့နော့‑က်ဟှို လိုက်ရမယ်။ 
\v 24 \x - \xo ၉.၂၄ \xo*\xt မ ၁၀.၃၉; လု ၁၇.၃၃; ယော ၁၂.၂၅\xt*\x* ဖြားဖြစ်ကြောန့်နူဆိုဟှာ နန်းနို့ရဲ့ သတ်ဟှို ကယ်တန်ရှင်ဟှယ် ဆိုဟှာ နန်းနို့ဟှာ သတ်ရှောင်းလေ့မယ်။ အယ်ဘေမဲ့ ငါ့ကြောန့် နန်းနို့ရဲ့ သတ်ရှောင်းမယ် ဆိုဟှာ နန်းနို့ဟှာ နန်းနို့သတ်ဟှို ကယ်တန်လေ့မယ်။ 
\v 25 နန်းနို့ဟှာ လောက တခုလောင်းဟှို ပိုင်ဆိုင်ခွမ့် ရဘေမဲ့လည်း နန်းနို့ရဲ့ သတ်ရှောင်းမယ် ဆိုဟှာ ဖြားကျိုးရှိမယ်နူး။ ဖြားကျိုးလည်းမှေ့ဟှ! 
\v 26 နန်းနို့ဟှာ ငါ့န ငါ့ရဲ့ စကားလေတွပ် ယှစ်နေမယ် ဆိုဟှာ လူ့ရဲ့သားဟှာ သူ့ရဲ့ ဖောင်းသရေတော်၊ ဖရဲ့ ဖောင်းသရေတော်၊ သန့်ရှင်းဟှူ ကောန်းဂန်တမန်လေရဲ့ ဖောင်တော်န ကြွလာဟှူ ခီမာ အယ်လူတွပ် ယှစ်လေ့မယ်။ 
\v 27 နန်းနို့ဟှို ငါ မှန်တိုင်းပြောမယ်၊ အယ်နေရာမာ ရှိနေဟှူ လူတချို့ဟှာ ဘုရားသခင်ရဲ့ နိုင်ငံတော်ဟှို ဗြင်ရဘဲ့န သေရလေ့ဟှို့ မှုဟှ” ဆိုဘီး မိန့်တော်မူလေဟှယ်။
\s ဆင်းသဏ္ဌန် ပ္လောန်းလဲဟှူကြောန်း
\r (မဿဲ ၁၇.၁–၈; မာကု ၉.၂–၈)
\p
\v 28 \x - \xo ၉.၂၈–၃၅ \xo*\xt ၂ ပေ ၁.၁၇,၁၈\xt*\x*ယေရှုဟှာ အယ်မျိုးမိန့်တော်မူဘီး တဘတ်လော့‑က် ကြာဟှူ ခီမာ ပေတရု၊ ယာကုပ်န ယောဟန်လေဟှို ခေါ်ဘီးန ဆုတောန်းဟှို့ တောန်ထတ်ဟှို တတ်ဟှားဂေ့ဟှယ်။ 
\v 29 ကိုယ်တော်ဟှာ ဆုတောန်းနေဟှူ ခီမာ ကိုယ်တော်ရဲ့ မျစ်နှာဟှာ ဆင်းသဏ္ဌာန် ပ္လောန်းလဲဟှားဘီး ဝတ်တော်ဟှာလည်း ဖ္လူဆွတ်ဆွတ် ဖြစ်လာဟှယ်။ 
\v 30 လူနှေ့ယော့‑က်ဟှာ ရောက်တရစ် ပေါ်လာဘီး ကိုယ်တော်န စကားပြောနေဂေ့ဟှယ်။ သူးနို့ဟှာ မောရှေန ဧလိယဖြစ်ဘီး 
\v 31 သူးနို့ဟှာ ကောန်းဂန်ဖောင်းသရေတော်န ပေါ်လာဘီး ဘုရားသခင်ရဲ့ ရည်ရွယ်ချစ် ပ္လဲ့ဇောင်ဟှို့တွပ် ကြာခန်မာ ယေရုရှလင်ဗြို့မာ ကိုယ်တော် သေခံရဟှို့ကြောန်းဟှို ယေရှုန ပြောနေဂေ့ဟှယ်။ 
\v 32 ပေတရုန သူ့ရဲ့ လောက်ဖော်ဆောန်ဖတ်လေဟှာ အိမွိနေဂေ့ဟှယ်။ အယ်ဘေမဲ့ သူးနို့ဟှာ နိုးလာဘီးဟှာ ယေရှုရဲ့ ဖောင်းသရေတော်န ကိုယ်တော်နတူးဒူ ရပ်နေဟှူ လူနှေ့ယော့‑က်ဟှို ဗြင်ရဟှယ်။ 
\v 33 အယ်လူနှေ့ယော့‑က်ဟှာ ယေရှုနားဟှ ထွပ်ဟှားဟှူ ခီမာ ပေတရုဟှာ ကိုယ်တော့်ဟှို “သခင်၊ အယ်နေရာဟှာ နေရှင်ဘွယ်ကောန်းဟှယ်! ကျွန်တော့်ဟှားလေဟှာ ကိုယ်တော်တွပ် တဲတဆောန်၊ မောရှေတွပ် တဲတဆောန်န ဧလိယတွပ် တဲတဆောန်၊ တဲသောင်းဆောန်ဟှို ကျွန်တော်ဟှားလေ ဆော့‑က်ပေးမယ်” ဆိုဘီး လျှော့‑က်လေဟှယ်။ (သူပြောနေဇာဟှို သူတကယ် သိဂေ့ဟှ။)
\p
\v 34 သူဟှာ အယ်မျိုး လျှော့‑က်နေဟှူ ခီမာဘဲ့ မိုးတီတခု ပေါ်လာဘီးဟှာ သူးနို့ဟှို ဖောင်းဟှားလိုက်ဟှူကြောန့် ကြော့‑က်လန့်ဟှားဂေ့ဟှယ်။ 
\v 35 \x - \xo ၉.၃၅ \xo*\xt မ ၃.၁၇; ၁၂.၁၈; မာ ၁.၁၁; လု ၃.၂၂\xt*\x* မိုးတီထဲဟှနေ “အယ်သူဟှာ ငါဝီးကော့‑က်ဟှားဟှူ ငါ့ရဲ့ ရှစ်ဟှူသား ဖြစ်ဟှယ်။ သူ့စကားဟှို နားထောန်ဂေ့!” ဆိုဘီး သံတော် ထွပ်ပေါ်လာဟှယ်။
\p
\v 36 သံတော် ထွပ်ပေါ်လာဘီးန ယေရှုတပါးဒဲဟှိုဘဲ့ ဗြင်ရလေဟှယ်။ အယ်ခီမာ တဗဲ့တော်လေဟှာ ဗြင်ရဟှူဇာလေ အားလောင်းဟှို ဖယ်သူ့ဟှိုလည်း ပြောဘဲန တိတိဟှားနေဂေ့ဟှယ်။
\s ညစ်ညူးဟှူနတ်ဟှို နှန်ထုကြောန်း
\r (မဿဲ ၁၇.၁၄–၁၈; မာကု ၉.၁၄–၂၇)
\p
\v 37 နတ်ကီးဖတ်မာ ယေရှုန တဗဲ့တော်သောင်းပါးဟှာ တောန်ထတ်ဟှနေ ဆင်းလာဂေ့ဟှူ ခီမာ လူအောက်ဂီးဟှာ ယေရှုဟှို ကြိုဆိုဂေ့ဟှယ်။ 
\v 38 လူအောက်ဂီးထဲဟှနေ လူတယော့‑က်ဟှ “ဆရာ! ကျွန်တော့်ရဲ့ သားဟှို ကေ့ရှုပေးဟှို့ ကျွန်တော်တောန်းဗန်ပါဟှယ်။ သူဟှာ ကျွန်တော့်ရဲ့ တယော့‑က်ဒဲဟှူ သားဖြစ်ဟှယ်! 
\v 39 နတ်ဖမ်စားဟှားဟှူကြောန့် သူဟှာ ရောက်တရစ် ထအော်ဘီးဟှာ ဇတ်ပေါ့‑က်ဟှ ဖြုတ်လေထွပ်ဘီး တော့‑က်မာလာလေဟှယ်။ နတ်ဟှာ သူ့ဟှို နာကျင်အောန်လောက်ဘီးမှ ခတ်ခတ်ခဲခဲ ထွပ်ဟှားဟှယ်! 
\v 40 ကျွန်တော်ဟှာ ဆရာရဲ့ တဗဲ့လေဟှို အယ်နတ်ဟှို နှန်ထုခိုင်းဘေမဲ့ သူးနို့ဟှာ တတ်နိုင်ဂေ့ဟှ” ဆိုဘီး အော်ဟစ်ဘီး လျှော့‑က်လေဟှယ်။
\p
\v 41 ယေရှုဟှ “ယောင်ကြည်ရှင်းလည်းမှေ့။ ဖော့‑က်ပ္လန်ဟှူ လူလေ! ငါဟှာ နန်းနို့နတူးဒူ ဖယ်လော့‑က်ကြာအောန် နေနေရနူး။ ငါဟှာ နန်းနို့ဟှို ဖယ်လော့‑က်ကြာကြာ သီးခံရဟှို့နူး။” ဆိုဘီး မိန့်တော်မူလေဟှယ်။ အယ်ဘီးန ကိုယ်တော်ဟှာ အယ်လူဟှို “နန့်ရဲ့ သားဟှို ခေါ်လာပါ” ဆိုဘီး မိန့်တော်မူလေဟှယ်။
\p
\v 42 ကောန်သားဟှားဟှာ လာနေဒူးမာဘဲ့ နတ်ဆိုးဟှာ သူ့ဟှို မ္လေထတ်မာလှဲခ္လဘီး တော့‑က်မာအောန် လောက်ဟှယ်။ ယေရှုဟှာ ညစ်ညူးဟှူနတ်ဟှို မိန့်ပေးလိုက်ဘီး ကောန်းသားဟှားဟှို ကျန်းမာစေဘီးန သူ့ရဲ့ဖဟှို ပ္လန်ပေးလေဟှယ်။ 
\v 43 လူလေ အားလောင်းဂူဟှာ ဘုရားသခင်ရဲ့ မဟာတဂိုးတော်ဟှို အံ့ဩဟှားဂေ့ဟှယ်။
\s သေခံရဟှို့တွပ် ထပ်ဘီး မိန့်တော်မူဟှူကြောန်း
\r (မဿဲ ၁၇.၂၂,၂၃; မာကု ၉.၃၀–၃၂)
\p လူလေဟှာ ယေရှု ပြုလောက်ဇာလေ အားလောင်းဟှို အံ့ဩနေခီမာဘဲ့ ကိုယ်တော်ဟှာ တဗဲ့တော်လေဟှို 
\v 44 “နန်းနို့ဟှို ငါမိန့်မှာဟှားဇာလေဟှို မေ့ဂေ့န! လူ့ရဲ့သားဟှာ လူလေရဲ့ လတ်ထဲဟှို အပ်နှံရှင်းဟှို ခံရလေ့မယ်” ဆိုဘီး မိန့်တော်မူလေဟှယ်။ 
\v 45 အယ်ဘေမဲ့ အယ်စကားဟှို တဗဲ့တော်လေ နားလည်နိုင်ဘဲအောန် ဓိပါယ်ဟှို ဖောင်းဟှားကြောန့် သူးနို့ဟှာ နားလည်ဂေ့ဟှ။ အယ်ဓိပါယ်န ပတ်သတ်ဘီး ကိုယ်တော့်ဟှို တောန်းလျှော့‑က်ဟှို့လည်း သူးနို့ ကြော့‑က်ဂေ့ဟှယ်။
\s ကီးဆောင်းဟှ ဖယ်သူနူး။
\r (မဿဲ ၁၈.၁–၅; မာကု ၉.၃၃–၃၇)
\p
\v 46 \x - \xo ၉.၄၆ \xo*\xt လု ၂၂.၂၄\xt*\x*တဗဲ့တော်လေ ကြားထဲမာ ဖယ်သူဟှာ ကီးမြတ်ဆောင်း ဖြစ်ဟှယ် ဆိုဘီး ဂြင်းခူရှင်းလေ ဖြစ်လာဟှယ်။ 
\v 47 ယေရှုဟှာ သူးနို့ ဖြားဇာလေ ဂြင်းခူနေဟှယ် ဆိုဇာဟှို စိထဲမာ သိဟှူကြောန့် သားဂန်းဟှား တယော့‑က်ဟှို ခေါ်ဘီးဟှာ ကိုယ်တော်ရဲ့ ဘေးနားမာ ရပ်စေဘီးန၊ 
\v 48 \x - \xo ၉.၄၈ \xo*\xt မ ၁၀.၄၀; လု ၁၀.၁၆; ယော ၁၃.၂၀\xt*\x* သူးနို့လေဟှို “အယ်မူသားဂန်းဟှားဟှို ငါ့နာမနှိုက် လတ်ခံဟှူသူဟှာ ငါ့ဟှို လတ်ခံဟှယ်။ ငါ့ဟှို လတ်ခံဟှူသူဟှာ ငါ့ဟှို စေလွှတ်လိုက်ဟှူ သူဟှိုလည်း လတ်ခံရှင်းဖြစ်ဟှယ်။ အယ်ကြောန့် နန်းနို့ထဲမာ ငယ်ဆောင်းဟှူလူဟှာ ကီးမြတ်ဆောင်း ဖြစ်ဟှယ်” ဆိုဘီး မိန့်တော်မူလေဟှယ်။
\s နန့်နို့ဟှို ဆန့်ကျင်ဘဲဟှူလူဟှာ နန်းနို့ဖတ်မာရှိဟှူကြောန်း
\r (မာကု ၉.၃၈–၄၀)
\p
\v 49 ယောဟန်ဟှ “သခင်၊ ကိုယ်တော်ရဲ့ နာမန နတ်ဆိုးလေဟှို နှန်ထုနေဟှူ လူတယော့‑က်ဟှို ကျွန်တော့်ဟှားလေ တွိဟှားဟှယ်။ အယ်လူဟှာ ကျွန်တော့်ဟှားလေ အောက်စုထဲဟှမှုဘဲကြောန့် ကိုယ်တော်ရဲ့ နာမဟှို သောင်းန ဆိုဘီး တားမြစ်ခဲ့ဟှယ်” ဆိုဘီး လျှော့‑က်လေဟှယ်။
\p
\v 50 ယေရှုဟှာ “အယ်လူဟှို တားမြစ်ဂေ့န။ ဖြားဖြစ်ကြောန်ဆိုဟှာ နန်းနို့ဟှို ဆန့်ကျင်ဘဲဟှူ လူဟှာ နန်းနို့ဖတ်မာရှိဟှယ်” ဆိုဘီး ယောဟန်န တခြားတဗဲ့တော်လေဟှို မိန့်တော်မူလေဟှယ်။
\s ယေရှုဟှို ငြင်းပယ်ဟှူ ရှမာရိဝါကြောန်း
\p
\v 51 ယေရှုဟှာ ကောန်းဂန်ဘောင်ဟှို တတ်ကြွဟှို့ နီးလာဟှူ ခီမာ ယေရုရှလင်ဗြို့ဟှို ကြွဟှားတော်မူဟှို့ စိဆောင်းဖြတ်လေဟှယ်။ 
\v 52 ကိုယ်တော်ဟှာ စေတမန်လေဟှို ရှေ့ဟှနေ စေလွှတ်ဘီး သူးနို့ဟှာ ကိုယ်တော်တွပ် ပြင်ဆင်ဟှို့ ရှမာရိဝါထဲဟှို ဝမ်ဂေ့ဟှယ်။ 
\v 53 အယ်ဘေမဲ့ ကိုယ်တော်ဟှာ ယေရုရှလင်ဗြို့ဟှို ခရီးပြုနေဟှယ် ဖြစ်ဟှူကြောန့် အယ်နေရာမာရှိနေဟှူ လူလေဟှာ ကိုယ်တော့်ဟှို လတ်ခံဂေ့ဟှ။ 
\v 54 အယ်မူဇာဟှို တဗဲ့တော်လေဖြစ်ဟှူ ယာကုပ်န ယောဟန်လေ ဗြင်ဟှားဟှူ ခီမာ သူးနို့ဟှ “သခင်ဘုရား၊ ကျွန်တော့်ဟှားလေဟှာ ဧလိယလောက်ဟှူမျိုး ကောန်းဂန်ဟှနေ မီးက္လစေလိုက်ဘီး သူးနို့ဟှို လောန်ဟှားဟှို့ ကိုယ်တော် လိုရှင်လော။”\f + \fr ၉.၅၄ \fr*\ft တချို့ မူရင်းလတ်ရေးမူလေမာ \ft*\fq ဧလိယလောက်ဟှူမျိုး၊ \fq*\ft ဆိုဘီး ထပ်ပေါန်းထဲ့ဟှားဟှယ်။\ft*\f* ဆိုဘီး မေးလျှော့‑က်လေဟှယ်။
\p
\v 55 အယ်ဘေမဲ့ ယေရှုဟှာ လှည့်ကေ့ဘီးန သူးနို့ဟှို ဆောင်းမလေဟှယ်။\f + \fr ၉.၅၅ \fr*\ft တချို့ မူရင်းလတ်ရေးမူလေမာ \ft*\fqa “နန်းနို့ရဟှားဟှူ ဝိညာဉ်တော်ဟှို နန်းနို့ သိဂေ့ဟှ၊ လူ့ရဲ့သားဟှာ လူ့လေရဲ့ သတ်ဟှို ဖျစ်ဆီးဟှို့တွပ် လာဇာ မှုဟှ၊ သူးနို့ဟှို ကယ်တန်ဟှို့တွပ် လာဟှယ်၊” \fqa*\ft ဆိုဇာဟှို ထပ်ပေါန်းထဲ့ဟှားဟှယ်။\ft*\f* 
\v 56 အယ်ဘီးန ယေရှုဟှာ တဗဲ့တော်လေန တခြားဝါဟှို ဆစ်ဘီး ကြွဟှားတော်မူဟှယ်။
\s ယေရှုရဲ့ နော့‑က်လိုက်ဖြစ်ရှင်ဟှူ သူလေကြောန်း
\r (မဿဲ ၈.၁၉–၂၂)
\p
\v 57 သူးနို့ဟှာ ခရီးဆစ်သွားနေကြောန့် လူတယော့‑က်ဟှာ ယေရှုဟှို “ကိုယ်တော် ဖယ်နေရာသွားသွား ကျွန်တော် လိုက်ပါမယ်” ဆိုဘီး လျှော့‑က်လေဟှယ်။
\p
\v 58 ယေရှုဟှလည်း “မ္လေခွီးမာ တွမ်းရှိဟှယ်။ မိုးကောန်းဂန်ဟှ ငှတ်မာလည်း သိုက်ရှိဟှယ်။ အယ်ဘေမဲ့ လူ့ရဲ့သားမာဟှ ခေါန်းခ္လဟှို့တွပ် နေရာမှေ့ဟှ” ဆိုဘီး မိန့်တော်မူလေဟှယ်။
\p
\v 59 ကိုယ်တော်ဟှာ “ငါ့နော့‑က်ဟှို လိုက်ပါ” ဆိုဘီး တခြား တယော့‑က်ဟှို မိန့်တော်မူလေဟှယ်။
\p အယ်ဘေမဲ့ အယ်လူဟှ “သခင်၊ ကျွန်တော့်ဖဟှို ရင်ဦးဆောင်း သွားဘီး သင်္ဂြိုဟ်ဟှို့တွပ် ခွမ့်ပေးပါ” ဆိုဘီး လျှော့‑က်လေဟှယ်။
\p
\v 60 ယေရှုဟှ “လူသေလေဟှို လူသေလေဘဲ့ သင်္ဂြိုဟ်ပါစေ။ နန်ဟှာ သွားဘီး ဘုရားသခင်ရဲ့ နိုင်ငံတော်ဟှို ဟောပြောပါ” ဆိုဘီး မိန့်တော်မူလေဟှယ်။
\p
\v 61 နော့‑က်တယော့‑က်ဟှလည်း “သခင်၊ ကျွန်တော်ဟှာ ကိုယ်တော့် နော့‑က်တော်ဟှိုလိုက်ရှင်ဟှယ်။ အယ်ဘေမဲ့ ကျွန်တော့်မိသားစုဟှို ရင်ဦးဆောင်း နှောက်ဆစ်ခွမ့်ပြုပါ” ဆိုဘီး လျှော့‑က်လေဟှယ်။
\p
\v 62 ယေရှုဟှာ သူ့ဟှို “ထွန်ဂိုင်းဟှို ကိုင်ဘီး နော့‑က်ဟှို ပ္လန်လှည့်ကေ့ဟှူလူဟှာ ဘုရားသခင်ရဲ့ နိုင်ငံတော်တွပ် သောင်းဇာဟှိရဟှ” ဆိုဘီး မိန့်တော်မူလေဟှယ်။
\c 10
\s တဗဲ့တော်ခွန်နစ်ဆယ်နှေ့ယော့‑က်ဟှို စေလွှတ်ကြောန်း
\p
\v 1 အယ်မျိုးမိန့်တော်မူဘီးန သခင်ဘုရားဟှာ နော့‑က်ထပ် လူ ၇၂ ပါး\f + \fr ၁၀.၁ \fr*\fq ၇၂ ပါး၊ \fq*\ft တချို့ မူရင်းလတ်ရေးမူလေမာ \ft*\fqa ခွန်နစ်ဆယ်၊ \fqa*\ft ဆိုဘီး ဖော်ပြဟှားဟှယ်။\ft*\f*ဟှို ဝီးချယ်တော်မူဘီး၊ နှေ့ယော့‑က်စီတွဲဘီး ကိုယ်တော်ကိုယ်တိုင် သွားဟှို့ ဗြို့ဝါလေဟှို ရင်ဦးဆောင်း စေလွှတ်လေဟှယ်။ 
\v 2 \x - \xo ၁၀.၂ \xo*\xt မ ၉.၃၇,၃၈\xt*\x* ကိုယ်တော်ဟှာ သူးနို့ဟှို “ရိသီးဇာလေ ဘောင်ဂီးရှိဘေမဲ့ ရိသီးမားလေဟှာ နဲနဲဘဲ့ရှိဟှယ်။ ရိသီးမားလေ စေလွှတ်ပေးဟှို့တွပ် ဗားဇရှင်ဟှို ဆုတောန်းဂေ့။ 
\v 3 \x - \xo ၁၀.၃ \xo*\xt မ ၁၀.၁၆\xt*\x* သွားဂေ့! ဝံပုလွေအောက်ထဲဟှို သိုးသားဂန်းလေဟှို စေလွှတ်ဟှူမျိုး နန်းနို့ဟှို ငါစေလွှတ်ဟှယ်။ 
\v 4 \x - \xo ၁၀.၄–၁၁ \xo*\xt မ ၁၀.၇–၁၄; မာ ၆.၈–၁၁; လု ၉.၃–၅\xt*\x* ကပ်အိ၊ လွယ်အိ၊ ခေနပ်လေဟှို ယူဂေ့န။ လမ်းမာရပ်ဘီး ဖယ်သူဟှိုလည်း နှောက်ဆစ်ဂေ့န။ 
\v 5 နန်းနို့ဟှာ အီတအီဟှို ဝမ်ဟှားဟှူခီတိုင်း ရင်ဦးဆောင်း ‘အယ်အီမာ ငြီသတ်ရှင်းရှိပါစေ’ ဆိုဘီး နှောက်ဆစ်ဂေ့။ 
\v 6 အယ်အီမာ ငြီသတ်ရှင်းဟှို ရှစ်မြတ်နိုးသူရှိမယ် ဆိုဟှာ နန်းနို့ နှောက်ဆစ်ဟှူ ငြီသတ်ရှင်းဟှာ အယ်လူထတ်မာ ကျန်ရစ်လေ့မယ်။ ငြီသတ်ရှင်းဟှို ရှစ်မြတ်နိုးသူ မှေ့ဟှ ဆိုဟှာ နန်းနို့ နှောက်ဆစ်ဟှူ ငြီသတ်ရှင်းဟှာ နန်းနို့နားဟှို ပ္လန်လာလေ့မယ်။ 
\v 7 \x - \xo ၁၀.၇ \xo*\xt ၁ ကော ၉.၁၄; ၁ တိ ၅.၁၈\xt*\x* နန်းနို့ဟှာ အယ်အီမာနေဘီး သူးနို့ ကျွေးဇာလေဟှို စားသောက်ဂေ့။ ဖြားဖြစ်ကြောန့်နူးဆိုဟှာ လောက်လောက်ဟှူသူဟှာ လောက်ခဟှို ရထိုက်ဟှယ်။ တအီဟှနေ တအီဟှို ပ္လောန်းဂေ့န။ 
\v 8 နန်းနို့ဟှို လတ်ခံဟှူ ဗြို့ဟှိုဝမ်ဘီး ကျွေးဇာလေဟှို စားဂေ့။ 
\v 9 အယ်ဗြို့မာရှိဟှူ လူနာလေဟှို နာပျော့‑က်စေဘီး ‘ဘုရားသခင်ရဲ့ နိုင်ငံတော်ဟှာ တည်ခါနီးနေဘီ’ ဆိုဘီး အယ်လူလေဟှို ပြောဂေ့။ 
\v 10 \x - \xo ၁၀.၁၀,၁၁ \xo*\xt တ ၁၃.၅၁\xt*\x* အယ်ဘေမဲ့ နန်းနို့ဟှို လတ်ခံဘဲဟှူ ဗြို့ဖြစ်မယ် ဆိုဟှာ လမ်းထတ်ဟှနေ 
\v 11 ‘နန်းနို့ဟှို ဒိပေးဟှူနေန နို့လေရဲ့ ခေဖွားမာ ကပ်နေဟှူ နန်းနို့ဗြို့ဟှ မ္လေမုလေဟှို နို့လေ ခါခ္လလိုက်ဟှယ်။ အယ်ဘေမဲ့ ဘုရားသခင်ရဲ့ နိုင်ငံတော်ဟှာ တည်ခါနီးနေဘီ ဆိုဇာဟှို အော့‑က်မေ့ဂေ့!’ ဆိုဘီး ပြောဂေ့။ 
\v 12 \x - \xo ၁၀.၁၂ က \xo*\xt မ ၁၁.၂၄; \xt*\xo ခ \xo*\xt မ ၁၀.၁၅\xt*\x*တရားစီရင်ဟှူနေ့မာ ဘုရားသခင်ဟှာ အယ်ဗြို့ထတ် သောဒုံဗြို့ဟှိုဘဲ့ ပိုဘီး ကရုဏာတော် ပြလေ့မယ် ဆိုဇာဟှို ငါ ပြောဟှယ်!
\s ယောင်ကြည်ဘဲဟှူ ဗြို့လေကြောန်း
\r (မဿဲ ၁၁.၂၀–၂၄)
\p
\v 13 “ခေါရဇိန်ဗြို့၊ နန်ဟှာ အမင်္ဂလာရှိဟှယ်! ဗက်ဇဲဒဗြို့၊ နန်ဟှာ အမင်္ဂလာရှိဟှယ်! နန်းနို့ဟှို ပြခဲ့ဟှူ နိမိတ်လတ်ခဏာလေဟှို တုရုဗြို့န ဇိဒုန်ဗြို့မာ ပြခဲ့မယ် ဆိုဟှာ အယ်ဗြို့လေဟှ လူလေဟှာ လျှော်တေဟှို ဝတ်ဘီး ပ္လာထဲမာ ထိုင်ဘီး နောန်ဒရဂေ့လေ့မယ်! 
\v 14 တရားစီရင်ဟှူနေ့မာ ဘုရားသခင်ဟှာ နန်းနို့ထတ် တုရုဗြို့န ဇိဒုန်ဗြို့လေဟှိုဘဲ့ ပိုဘီး ကရုဏာပြလေ့မယ်။ 
\v 15 ကပေရနောင်ဗြို့၊ နန်ဟှာ အမင်္ဂလာရှိဟှယ်! နန့်ဟှာ ကောန်းဂန်ထိ ချီးမြှော‑က်ရှင်းဟှို ခံရဘေမဲ့လည်း မရဏာနိုင်ငံဟှိုဘဲ့ ခ္လရှင်းဟှို ခံရလေ့မယ်!” ဆိုဘီး မိန့်တော်မူလေဟှယ်။
\p
\v 16 \x - \xo ၁၀.၁၆ \xo*\xt မ ၁၀.၄၀; မာ ၉.၃၇; မာ ၉.၄၈; ယော ၁၃.၂၀\xt*\x*ယေရှုဟှာ တဗဲ့တော်လေဟှို “ဖယ်သူဘဲ့ဖြစ်ဖြစ် နန်းနို့စကားဟှို နားထောန်ဟှူသူဟှာ ငါ့စကားဟှို နားထောန်ဟှူသူ ဖြစ်ဟှယ်။ ဖယ်သူဘဲ့ဖြစ်ဖြစ် နန်းနို့ဟှို ငြင်းပယ်ဟှူ သူဟှာ ငါ့ဟှို ငြင်းပယ်ဟှူသူ ဖြစ်ဟှယ်။ ဖယ်သူဘဲ့ဖြစ်ဖြစ် ငါ့ဟှို ငြင်းပယ်ဟှူလူဟှာ ငါ့ဟှို စေလွှတ်လိုက်ဟှူလူဟှိုလည်း ငြင်းပယ်ဟှူလူ ဖြစ်ဟှယ်” ဆိုဘီး မိန့်တော်မူလေဟှယ်။
\s တဗဲ့တော်ခွန်နစ်ဆယ်နှေ့ပါး ပ္လန်ရော့‑က်လာဟှူကြောန်း
\p
\v 17 တဗဲ့တော် ၇၂ ပါး\f + \fr ၁၀.၁၇ \fr*\fq ၇၂ ပါး၊ \fq*\ft တချို့ မူရင်းလတ်ရေးမူလေမာ \ft*\fqa ခွန်နစ်ဆယ်၊ \fqa*\ft ဆိုဘီး ဖော်ပြဟှားဟှယ် \ft*\ft (ရှု ခန်းငယ် ၁)။\ft*\f*ဟှာ ရရာတိုင်း ဝန်းသာဘီး ပ္လန်ရော့‑က်လာဂေ့ဘီး “သခင်၊ ကျွန်တော့်ဟှားလေဟှာ ကိုယ်တော်ရဲ့ နာမန နတ်ဆိုးလေဟှို နှန်ထုလိုက်ဟှူ ခီမာ သူးနို့လေဟှာ နားထောန်ဘီးဟှာ ထွပ်ဟှားဂေ့ဟှယ်!” ဆိုဘီး လျှော့‑က်ဂေ့ဟှယ်။
\p
\v 18 ယေရှုဟှာ “စာတန်ဟှာ ကောန်းဂန်ဟှနေ လျှပ်စစ်ဖြန့်မျိုး က္လလာဇာဟှို ငါဗြင်ရဟှယ်။ 
\v 19 နားထောန်ဂေ့! နန်းနို့ဟှာ ဗွီလေန ကန်းမီးဂေါ့‑က်လေ ထတ်မာ လမ်းရှော့‑က်နိုင်ဘီး ရန်သူရဲ့တဂိုး အာဏာလေ အားလောင်းဟှို နိုင်ရဟှူ ခွမ့်အာဏာလေဟှို ငါပေးဟှားပီးဘီ ဖြစ်ဟှူကြောန့် ဖယ်ဘေးလည်း နန်းနို့ဟှို ညှဉ်းဆဲလေ့ မှုဟှ။ 
\v 20 အယ်ဘေမဲ့ နန်းနို့ဟှာ နတ်ဆိုးလေဟှို နှန်ထုနိုင်ဟှူကြောန့် ဝန်းသားဂေ့န။ နန်းနို့ရဲ့ နာမယ်ဟှာ ကောန်းဂန်စာရင်းမာ ရေးဟှားပီးဘီ ဖြစ်ဟှူကြောန့် ဝန်းသာဂေ့” ဆိုဘီး သူးနို့ဟှို မိန့်တော်မူလေဟှယ်။
\s ယေရှု ဝန်းသာတော်မူဟှူကြောန်း
\r (မာကု ၁၁.၂၅–၂၇; ၁၃.၁၆–၁၇)
\p
\v 21 အယ်ခီမာ ယေရှုဟှာ သန့်ရှင်းဟှူဝိညာဉ်တော်\f + \fr ၁၀.၂၁ \fr*\fq သန့်ရှင်းဟှူဝိညာဉ်တော်အားဖြင့်၊ \fq*\ft တချို့ မူရင်းလတ်ရေးမူလေမာ \ft*\fqa ဝိညာဉ်တော်အားဖြင့် \fqa*\ft ဆိုဘီး ဖော်ပြဟှားဟှယ်။ \ft*\ft တချို့ မူရင်းလတ်ရေးမူလေမာ \ft*\fqa ကိုယ်တော်ရဲ့ ဝိညာဉ်ထဲမာ၊ \fqa*\ft ဆိုဘီး ဖော်ပြဟှားဟှယ်။\ft*\f*အားဖြင့် ရရာတိုင်း ဝန်းသာနေဘီး “ကောန်းဂန်ဘောင်န မ္လေဂီးရဲ့သခင် ဖြစ်တော်မူဟှူဖ! ကိုယ်တော်ဟှာ ပညာရှိလေန ဉာဏ်ကောန်းဟှူသူလေတွပ် ဝှပ်ဟှားဟှူဇာလေဟှို ပညာမဲ့လေဟှိုဘဲ့ ဖွမ့်ပြပေးဟှူကြောန့် ကိုယ်တော့်ဟှို ကျေးဇူးတန်ဟှယ်။ မှန်ပါဟှယ် ဖ၊ အယ်မူဇာဟှာ ရှေ့တော်မာ နှစ်သက်ဖွယ် ဖြစ်ပါဟှယ်။
\p
\v 22 \x - \xo ၁၀.၂၂ က \xo*\xt ယော ၃.၃၅; \xt*\xo ခ \xo*\xt ယော ၁၀.၁၅\xt*\x* “နို့ဖဟှာ ရာအားလောင်း ငါ့ဟှို ပေးဟှားပီးဘီ။ အယ်သားဟှာ ဖယ်သူဖြစ်ဟှယ် ဆိုဇာဟှို ဖမှတပါး ဖယ်သူလည်းသိဂေ့ဟှ။ ဖဟှာ ဖယ်သူဖြစ်ဟှယ် ဆိုဇာဟှိုလည်း အယ်သားန အယ်သားတော်ဟှ ဖွမ့်ပြဟှို့တွပ် ဝီးချယ်ဟှားဟှူ သူလေမှတပါး ဖယ်သူလည်း သိဂေ့ဟှ” ဆိုဘီး မိန့်တော်မူလေဟှယ်။
\p
\v 23 အယ်ဘီးန ယေရှုဟှာ တဗဲ့တော်လေဖတ်ဟှို လှည့်ဘီးန သူးနို့ဟှို “နန်းနို့ ခုဗြင်နေရဟှူ ဇာလေဟှို ဗြင်ရဟှူကြောန့် နန်းနို့မျစ်စိဟှာ မင်္ဂလာရှိဂေ့ဟှယ်! 
\v 24 နန်းနို့ဟှို ငါပြောမယ်။ နန်းနို့ ဗြင်ရဟှူ ဇာလေဟှို ပရောဖက်လေန မန်းဂီးလေဟှာ ဗြင်ရှင်ဘေမဲ့လည်း သူးနို့ဟှာ ဗြင်ရဂေ့ဟှ။ နန်းနို့ ကြားရဟှူ ဇာလေဟှိုလည်း သူးနို့ ကြားရဂေ့ဟှ” ဆိုဘီး မိန့်တော်မူလေဟှယ်။
\s ကောန်းဟှူ ရှမာရိရဲ့ ပေါင်ဥပမာ
\p
\v 25 \x - \xo ၁၀.၂၅–၂၈ \xo*\xt မ ၂၂.၃၅–၄၀; မာ ၁၂.၂၈–၃၄\xt*\x* ကျမ်းတတ်ဆရာ တယော့‑က်ဟှာ ထလာဘီးဟှာ ယေရှုဟှို “ဆရာ၊ ထာဝရသတ် ရရှိဟှို့တွပ် ဖြားလောက်ရမယ်နူး။” ဆိုဘီး ပညာစမ်းရှင်ဟှူကြောန့် မေးလျှော့‑က်လေဟှယ်။
\p
\v 26 ယေရှုဟှာ “ပညတ်တော်မာ ဖြားဇာလေ ပြောဟှားနူး။ နန်းနို့ ဖယ်မျိုးဖတ်ဟှားနူး။” ဆိုဘီး သူ့ဟှို မေးတော်မူလေဟှယ်။
\p
\v 27 အယ်လူဟှ “‘နန့်ရဲ့သခင်၊ ဘုရားသခင်ဟှို စိနှလောင်းအကြွင်းမဲ့၊ ဉာဏ်စွမ်းအကြွင်းမဲ့၊ ကိုယ်စွမ်းအားလောင်းန ရှစ်ပါ။ အယ်ဘီးဟှာ နန့်ရဲ့ အီဇနီးရှင်းဟှို နန့်ကိုယ်နန် ရှစ်မျိုးဘဲ့ရှစ်ပါ’ ” ဆိုဘီး ပ္လန်လျှော့‑က်လေဟှယ်။
\p
\v 28 ယေရှုဟှ “နန်ဖြေဇာဟှာ မှန်ဟှယ်။ အယ်မျိုးလောက်မယ် ဆိုဟှာ နန်ဟှာ သတ်ရှင်ရလေ့မယ်” ဆိုဘီး မိန့်တော်မူလေဟှယ်။
\p
\v 29 အယ်ဘေမဲ့ အယ်ကျမ်းတတ်ဆရာဟှာ ဖြောန့်မတ်ကြောန်းပြရှင်ဟှူကြောန့် ယေရှုဟှို “ကျွန်တော့်ရဲ့ အီဇနီးရှင်းဟှ ဖယ်သူနူး။” ဆိုဘီး သူဟှ မေးတော်မူလေဟှယ်။
\p
\v 30 ယေရှုဟှ “လူတယော့‑က်ဟှာ ယေရုရှလင်ဗြို့ဟှနေ ယေရိခေါဗြို့ဟှို ဆင်းလာဟှူ ခီမာ မ္လတိုက်ခံရလေဟှယ်။ မ္လလေဟှာ သူ့ရဲ့ အန်းဂီးလေဟှို ခလွတ်ဘီး၊ ရိုက်သတ်ဘီးဟှာ သေခါနီးနီးမှ ပစ်ဟှားခဲ့ဟှယ်။ 
\v 31 အယ်မျိုးဖြစ်ဘီးန ယဇ်ပုရောဟိတ် တစ်ပါးဟှာ အယ်လမ်းတိုင်း ရော့‑က်လာဟှူ ခီမာ အယ်လူဟှို ဗြင်ဘေမဲ့လည်း ရှောန်ဘီးဟှာ သွားလေဟှယ်။ 
\v 32 အယ်မျိုးဘဲ့ လေဝိတယော့‑က်လည်း ရော့‑က်လာဘီး အယ်လူဟှို ကေ့ဘီးန ရှောန်ဘီးဟှာ သွားလေဟှယ်။ 
\v 33 အယ်ဘေမဲ့ ရှမာရိလူမျိုး တယော့‑က်ဟှာ ခရီးသွားရင်းန အယ်လူရှိဟှူ နေရာဟှို ရော့‑က်လာဟှယ်။ သူဟှာ အယ်လူဟှို ဗြင်လိုက်ဟှူ ခီမာ သနားစိလေ ဖြစ်လာဟှယ်။ 
\v 34 သူဟှာ အယ်လူနားဟှို သွားဘီး အယ်လူရဲ့ ဒန်ရာလေထတ်ဟှို ဆီနဝိုင်ဟှို လောန်းထဲဘီးဟှာ ဝတ်န စဲပေးလေဟှယ်။ အယ်ဘီးန သူ့ရဲ့ မြည်းထတ်ဟှို တန်ဘီးန လူနာဟှို ပြုစုပေးဟှို့တွပ် တည်းခိုခန်းဟှို ခေါ်ဟှားဟှယ်။ 
\v 35 နတ်ကီးတိုင်မာ သူဟှာ ဇရှင်ဟှို ငွေဒန်းဂါးနှေ့ပ္လား ပေးဘီး ‘အယ်လူဟှို ကေ့ရှုပြုစုပေးပါ။ နော့‑က်ထပ် ကူက္လဇာလေဟှို ငါပ္လန်လာဟှူ ခီမာ ပေးမယ်’ ” ဆိုဘီး ပြောလေဟှယ်။
\p
\v 36 ယေရှုဟှာ “အယ်လူလေ သောင်းယော့‑က်ထဲမာ ဖယ်သူဟှာ မ္လတိုက်ခံရသူန အီဇနီးရှင်းဖြစ်ဟှယ် ဆိုဘီး နန်ထန်နူး။” ဆိုဘီး မေးတော်မူလေဟှယ်။
\p
\v 37 ကျမ်းတတ်ဆရာဟှ “လူနာဟှို သနားဟှူ လူဖြစ်ဟှယ်” ဆိုဘီး လျှော့‑က်လေဟှယ်။
\p ယေရှုဟှ “အယ်ဆိုဟှာ နန်သွားဘီး အယ်မျိုးလောက်ပါ” ဆိုဘီး မိန့်တော်မူလေဟှယ်။
\s မာသန မာရိအီဟှို အီးခ္လယ်သွားဟှူကြောန်း
\p
\v 38 \x - \xo ၁၀.၃၈,၃၉ \xo*\xt ယော ၁၁.၁\xt*\x*ယေရှုန တဗဲ့တော်လေဟှာ ခရီးသွားနေဒူးမာ ဝါတဝါဟှို ဝမ်ဂေ့လေဟှယ်။ အယ်ဝါမာ မာသနာမယ်ရှိဟှူ မီးမဟှာ သူ့အီမာ ကိုယ်တော့်ဟှို ဧည့်ခံလေဟှယ်။ 
\v 39 မာသမာလည်း မာရိနာမယ်ရှိဟှူ ညီမတယော့‑က်ရှိဟှယ်။ အယ်ညီမဟှာ သခင်ဘုရားရဲ့ ခေတော်ရင်းမာ ထိုင်ဘီးန ကိုယ်တော်ရဲ့ စကားတော်ဟှို နားထောန်နေလေဟှယ်။ 
\v 40 မာသဟှာ ဧည့်ဝတ်ပြုရှင်းမှုလေကြောန့် စိပူပန်ဘီး ကိုယ်တော့်ဟှို “သခင်၊ ကျွန်မဟှာ ဧည့်ဝတ်ပြုရှင်းလောက်ဟှို လောက်နေရဟှူ ခီမာ ကျွန်မညီမဟှ ကိုယ်တော်ရဲ့ ခေတော်ရင်းမာ လာထိုင်နေဇာဟှာ မျှတမှုရှိဘဲ့လော။ ကျွန်မဟှို ကူညီပေးဟှို့ သူဟှို ပြောပေးအူး!” ဆိုဘီး လျှော့‑က်လေဟှယ်။
\p
\v 41 သခင်ဘုရားဟှ “မာသ၊ မာသ! နန်ဟှာ အယ်မူကိစလေတွပ်ဘဲ့ စိုးရိမ်ပူပန်နေဟှယ်။ 
\v 42 အယ်ဘေမဲ့ နန့်မာ လိုအပ်နေဟှူဇာ တခုဘဲ့ရှိဟှယ်။ မာရိဟှာ ပိုကောန်းဟှူဇာဟှို ဝီးချယ်ဟှားပီးဘီ။ အယ်မူဇာဟှို သူ့နားဟှနေ ဖယ်သူလည်း ယူရဟှို့ မှုဟှ” ဆိုဘီး သူ့ဟှို မိန့်တော်မူလေဟှယ်။
\c 11
\s ဆုတောန်းနည်း သန်ပေးဟှူကြောန်း
\r (မဿဲ ၆.၉–၁၃; ၇.၇–၁၁)
\p
\v 1 တနေ့ ယေရှုဟှာ တနေရာမာ ဆုတောန်းနေဟှယ်။ ကိုယ်တော်ဟှာ ဆုတောန်းပီးဟှားဟှူ ခီမာ တဗဲ့တော်လေထဲဟှ တယော့‑က်ဟှ “သခင်၊ ယောဟန်ဟှာ သူ့တဗဲ့လေဟှို ဆုတောန်းနည်းသန်ပေးမျိုး ကျွန်တော့်ဟှားလေဟှိုလည်း သန်ပေးတော်မူပါ” ဆိုဘီး လျှော့‑က်လေဟှယ်။
\p
\v 2 ယေရှုဟှ “နန်းနို့လေ ဆုတောန်းဟှူ ခီမာ
\q1 “ ‘ကောန်းဂန်ဘောင်မာ ရှိတော်မူဟှူဖ၊
\q2 ကိုယ်တော်ရဲ့ နာမတော်ဟှို ရိုသေလေးမြတ်ရှင်း ရှိပါစေ။
\q2 နိုင်ငံတော် တည်ထောန်ပါစေ။
\q1
\v 3 ကျွန်တော့်ဟှားလေတွပ် လိုအပ်ဟှူ စားဇာဟှို\f + \fr ၁၁.၃ \fr*\fq ကျွန်တော့်ဟှားလေတွပ် လိုအပ်ဟှူ စားဇာဟှို၊ \fq*\ft အယ်မျိုးမှုဘဲ့နေဟှာ \ft*\fqa နတ်ကီးတိုင်တွပ်စာ။\fqa*\f* နေ့စဉ်နေ့တိုင်း ပေးသနားတော်မူပါ။
\q1
\v 4 ကျွန်တော့်ဟှားလေဟှို ပြစ်မှားဟှူ သူလေရဲ့ ပြစ်လေဟှို ကျွန်တော်ဟှားလေ ခွမ့်လွှတ်ပေးဟှူမျိုးဘဲ့
\q2 ကျွန်တော့်ဟှားလေရဲ့ ပြစ်လေဟှိုလည်း ခွမ့်လွှတ်ပေးပါ။
\q1 ပြစ်သွီးဆောန်ဟှူနော့‑က်ဟှို လိုက်ပါသွားစေဘဲန၊
\q2 ကောန်းဘဲဟှူဇာလေဟှလည်း ကယ်နှုပေးပါ’ ” ဆိုဘီး သူးနို့ဟှို မိန့်တော်မူလေဟှယ်။
\p
\v 5 အယ်ဘီးန ယေရှုဟှာ “နန်းနို့ထဲဟှ ယော့‑က်ယော့‑က်ဟှာ ညဉ့်နတ်ဟှူ ခီမာ အယ်မိဆွေရဲ့ အီဟှိုသွားဘီး ‘မိဆွေ၊ ကျွန်တော့်ဟှို မုသောင်းလောင်းချေးပါ။ 
\v 6 ကျွန်တော့်မိဆွေ တယော့‑က်ဟှာ ခရီးဟှနေပ္လန်လာဘီး ကျွန်တော့်အီဟှို ရော့‑က်လာဟှယ်။ သူ့ဟှို ကျွေးဟှို့ ဖြားလည်းမှေ့ဘဲဖြစ်နေဟှယ်!’ ဆိုဘီး ပြောလေဟှယ်။ 
\v 7 နန့်မိဆွေဟှာ အီထဲဟှနေ ‘ငါ့ဟှို နှောန့်ရှစ်န! ခွဗော့‑က်လည်းပိဟှားပီးဘီ။ ငါ့သားမီးလေန ငါလည်း အိရာဝမ်နေဘီ။ ငါထဘီး နန့်ဟှို ဖြားဇာလည်း ပေးနိုင်ဟှ’ ဆိုဘီး ပ္လန်ပြောလေ့မယ်။ 
\v 8 နန်းနို့ဟှို ငါပြောမယ်၊ အယ်လူဟှာ သူ့မိဆွေဖြစ်ဟှယ် ဆိုဇာဟှို ထော့‑က်ဘီး ဖြားဇာဟှိုမျှ ထဘီး ပေးဘဲနေဘေမဲ့လည်း အားလျော့ဘဲန တောန်းနေဟှူကြောန့် ထဘီး လိုရှင်ဇာလေ အားလောင်းဂူဟှို ပေးလေ့မယ်။ 
\v 9 အယ်ကြောန့် နန်းနို့ဟှို ငါပြောမယ်။ တောန်းဂေ့။ တောန်းမယ် ဆိုဟှာ ရဂေ့လေ့မယ်။ ရှာဂေ့။ ရှာမယ် ဆိုဟှာ တွိဂေ့လေ့မယ်။ ခွဗော့‑က်ဟှို ခေါ့‑က်ဂေ့။ ခေါ့‑က်မယ် ဆိုဟှာ ဖွမ့်ပေးလေ့မယ်။ 
\v 10 တောန်းဟှူသူဟှာ ရလေဟှယ်။ ရှာဟှူသူဟှာ တွိလေဟှယ်။ ခွဗော့‑က်ဟှို ခေါ့‑က်ဟှူသူဟှာ ခွဗော့‑က်ဟှို ဖွမ့်ပေးလေ့မယ်။ 
\v 11 နန်းနို့မာ ဖယ်မျိုးဖဟှာ သားမီးလေဟှ ငါးဟှို တောန်းဟှူ ခီမာ ငါးဟှို ပေးဘဲန ဗွီဟှို ပေးဟှို့လော။ 
\v 12 ကြစ်ဥဟှို တောန်းဟှူ ခီမာ ကန်းမီးဂေါ့‑က်ဟှို ပေးဟှို့လော။ 
\v 13 နန်းနို့ဟှာ ကောန်းဘဲဟှူသူလေ ဖြစ်ဘေမဲ့လည်း နန်းနို့ရဲ့ သားမီးလေဟှို ကောန်းဟှူဇာလေဟှိုဘဲ့ ပေးဟှယ် ဆိုဟှာ ကောန်းဂန်ဘောင်မာ ရှိတော်မူဟှူ နန်းနို့ဖဟှာ တောင်းဟှူလူလေဟှို သန့်ရှင်းဟှူဝိညာဉ်တော်ဟှို ပိုဘီး ပေးတော်မူလေ့မယ်!” ဆိုဘီး တဗဲ့တော်လေဟှို မိန့်တော်မူလေဟှယ်။
\s ယေရှုန ဗေလဇေဗုလကြောန်း
\r (မဿဲ ၁၂.၂၂–၃၀; မာကု ၃.၂၀–၂၇)
\p
\v 14 ယေရှုဟှာ အနေဟှူ နတ်ဆိုးဟှို နှန်ထုလေဟှယ်။ နတ်ဆိုးထွပ်ဟှားဘီးန အနေဟှူသူဟှာ စကားပြောလာဟှူကြောန့် လူအောက်ဂီးဟှာ ရရာတိုင်း အံ့သြဟှားဟှယ်။ 
\v 15 \x - \xo ၁၁.၁၅ \xo*\xt မ ၉.၃၄; ၁၀.၂၅\xt*\x*အယ်ဘေမဲ့ လူတချို့ဟှ “ကိုယ်တော်ဟှာ နတ်ဆိုးမန်း ဗေလဇေဗုလဟှ ပေးဟှားဟှူတဂိုးန နတ်ဆိုးလေဟှို နန်ထုဂေ့ဟှယ်” ဆိုဘီး ပြောဂေ့ဟှယ်။
\p
\v 16 \x - \xo ၁၁.၁၆ \xo*\xt မ ၁၂.၃၈; ၁၆.၁; မာ ၈.၁၁\xt*\x*တချို့ဟှ ယေရှုဟှို စမ်းသပ်ရှင်ဂေ့ဟှူကြောန့် ကောန်းဂန်ဘောင်ဟှ နိမိတ်လတ်ခဏတခုဟှို ပြကေ့ ဆိုဘီး တောန်းဆိုဂေ့ဟှယ်။ 
\v 17 အယ်ဘေမဲ့ ယေရှုဟှာ သူးနို့လေရဲ့ ကြံစည်ဟှို သိနေဟှူကြောန့် “နိုင်ငံတနိုင်ငံမာ လူလေကွဲပြားဘီး ရှင်းရှင်းတိုက်ခိုက်နေမယ် ဆိုဟှာ အယ်နိုင်ငံဟှာ ကြာခန်မာ ပျစ်စီးဟှားလေ့မယ်။ အီထောန်တခုမာ အီသူအီသားလေ ကွဲပြားဘီး ရှင်းရှင်းတိုက်ခိုက်နေမယ် ဆိုဟှာ အယ်အီထောန်ဟှာ ပျစ်စီးဟှားလေ့မယ်။ 
\v 18 အယ်ကြောန့် စာတန်ရဲ့ နိုင်ငံဟှာ ကွဲပြားမယ် ဆိုဟှာ ဖယ်မျိုး ရပ်တည်နိုင်မယ်နူး။ ငါဟှာ ဗေလဇေဗုလ ပေးဟှားဟှူတဂိုးန နတ်ဆိုးလေဟှို နှန်ထုဟှယ် ဆိုဘီး နန်းနို့ပြောဂေ့ဟှယ်။ 
\v 19 ငါဟှာ ဗေလဇေဗုလ ပေးဟှားဟှူတဂိုးန နတ်ဆိုးလေဟှို နှန်ထုဟှယ် ဆိုဟှာ နန်းနို့ရဲ့ တဗဲ့လေဟှာ ဖယ်သူပေးဟှားဟှူတဂိုးန နှန်ထုဂေ့နူး။ နန်းနို့ရဲ့ တဗဲ့လေဟှာ နန်းနို့ရဲ့ တရားသူဂီးလေ ဖြစ်ဟှယ်! 
\v 20 ငါဟှာ ဘုရားသခင်ရဲ့ တဂိုးတော်အားဖြင့် နတ်ဆိုးလေဟှို နှန်ထုဟှယ်။ အယ်ကြောန့် ဘုရားသခင်ရဲ့ နိုင်ငံတော်ဟှာ နန်းနို့ထဲမာ တည်ထောန်နေဘီ။
\p
\v 21 “ခွန်အားကီးဟှူလူဟှ လတ်နတ်စောင်န သူ့အီဝမ်းဟှို စောန့်နေဟှူ ခီမာ သူ့အောက်စာလေဟှာ လောင်ခြောင်နေဟှယ်။ 
\v 22 အယ်ဘေမဲ့ အယ်သူထတ် ခွန်အားကီးဟှူလူဟှ ရော့‑က်လာဘီး သူ့ဟှို တိုက်ခိုက်အောန်မြင်ဟှားဟှူ ခီမာ သူအားကိုးဟှူ လတ်နတ်စောင်လေဟှို သီးယူဘီး ရရှိဟှားဟှူ ပစ်စီးလေဟှို ခွဲတမ်းခ္လလေ့မယ်။”
\p
\v 23 \x - \xo ၁၁.၂၃ \xo*\xt မာ ၉.၄၀\xt*\x*“ငါ့ဖတ်မာ နေဘဲဟှူသူဟှာ ငါ့ရန်ဖတ်ဖြစ်ဟှယ်။ ငါ့နတူးဒူ စုသီးဘဲဟှူသူဟှာ ကြဲဖြန့်နေဟှူသူ ဖြစ်လေဟှယ်။
\s ညစ်ညူးနတ် ပ္လန်ဝမ်ပူးကြောန်း
\r (မဿဲ ၁၂.၄၃–၄၅)
\p
\v 24 “ညစ်ညူးဟှူနတ်ဟှာ လူထဲဟှ ထွပ်ဟှားဘီး ခြော့‑က်ကပ်ဟှူ နေရာမာ ခိုနားရာဟှို ရှာလေဟှယ်။ တွိဟှ ဆိုဟှာ ‘ငါဟှာ နေရာဟောန်းဟှိုဘဲ့ ပ္လန်မယ်’ ဆိုဘီး ပြောလေဟှယ်။ 
\v 25 နေရာဟောန်းဟှို ပ္လန်ရော့‑က်ဟှူ ခီမာ သန့်ရှင်းအောန် ခါဟှားဇာဟှို တွိလေဟှယ်။ 
\v 26 သူ့ထတ်ပိုဆိုးဟှူညစ်ညူးနတ် ခွန်နစ်ကောန်ဟှို ခေါ်လာဘီးဟှာ အယ်နေရာဟောန်းမာဘဲ့ နေလေဟှယ်။ အယ်ကြောန့် အယ်လူရဲ့ နော့‑က်ဖြစ်ဟှူဇာဟှာ ရှေ့ဖြစ်ဟှူဇာထတ် ပိုဘီးဆိုးဝါးလေဟှယ်” ဆိုဘီး မိန့်တော်မူလေဟှယ်။
\s စစ်မှန်ဟှူ မင်္ဂလာကြောန်း
\p
\v 27 ယေရှုဟှာ အယ်မျိုးပြောလိုက်ဟှူ ခီမာ လူအောက်ဂီးထဲဟှ မီးမတယော့‑က်ဟှာ ကိုယ်တော့်ဟှို “ကိုယ်တော့်ဟှို မွီးဘီး နို့တိုက်ဟှူ မီးမဟှာ မင်္ဂလာရှိဟှယ်!” ဆိုဘီး လျှော့‑က်လေဟှယ်။
\p
\v 28 အယ်ပေမဲ့ ယေရှုဟှ “ဘုရားသခင်ရဲ့ စကားတော်ဟှို ကြားဘီး နားထောန်ဟှူလူဟှာ မင်္ဂလာရှိဟှယ်!” ဆိုဘီး ပ္လန်မိန့်တော်မူလိုက်ဇာဟှ၊
\s နိမိတ်လတ်ခဏာတောန်းဟှူကြာန်း
\r (မဿဲ ၁၂.၃၈–၄၂)
\p
\v 29 \x - \xo ၁၁.၂၉ \xo*\xt မ ၁၆.၄; မာ ၈.၁၂\xt*\x*လူအောက်ဂီးဟှာ ယေရှုနားမာ ဝိုင်းအောင်နေဟှူကြောန့် ကိုယ်တော် မိန့်တော်မူလိုက်ဇာဟှ “ခုခေတ် လူလေဟှာ ရရာတိုင်း ဆိုးညစ်ဂေ့ဟှယ်! သူးနို့ဟှာ နိမိတ်လတ်ခဏာဟှို တောန်းဘေမဲ့ ယောနရဲ့ နိမိတ်လတ်ခဏာမှတပါး ဖယ်နိမိတ်လတ်ခဏာလည်း သူးနို့ဟှို ပြလေ့မယ် မှုဟှ။ 
\v 30 နိနဝေဗြို့သားလေတွပ် ယောနဟှာ နိမိတ်လတ်ခဏာဖြစ်ဟှူ မျိုးဘဲ့ အယ်ခေတ် လူလေတွပ် လူ့ရဲ့သားဟှာလည်း နိမိတ်လတ်ခဏာ ဖြစ်လေ့မယ်။ 
\v 31 ရှေဘပြည်ဟှ မိဖုရားဟှာ ရှောလမုန် မန်းဂီးရဲ့ စကားဟှို နားထောန်ဟှို့ ဆိုဘီး ဟှိုးဝေးဂီးမာရှိဟှူ တိုင်းပြည်ဟှနေ လာဟှယ်။ အယ်နေရာမာ ရှောလမုန်ထတ် ကီးမြတ်ဟှူလူ ရော့‑က်ရှိနေဘီ။ တရားစီရင်တော်မူဟှူ နေ့မာ ရှေဘပြည်ဟှ မိဖုရားဟှာ ထရပ်ဘီး အယ်မူလူလေဟှို ပြစ်တန်စွပ်စွဲလေ့မယ်။ 
\v 32 တရားစီရင်ဟှူ နေ့မာ နိနဝေဗြို့သားလေဟှာ ထရပ်ဘီး နန်းနို့ဟှို စွပ်စွဲလေ့မယ်။ ဖြားဖြစ်ကြောန့်နူးဆိုဟှာ ယောနဟောပြောဟှူ တရားဟှို ကြားရဟှူ ခီမာ သူးနို့ဟှာ နောန်ဒရဟှားကြောန့်ဖြစ်ဟှယ်။ အယ်နေရာမာ ယောနထတ် ရရာတိုင်း ကီးမြတ်ဟှူသူ ရှိဟှယ် ဆိုဇာ နန်းနို့ဟှို ငါပြောဟှယ်!”
\s ကိုယ်ခန္ဓာရဲ့ ဆီမီးအီ
\r (မဿဲ ၅.၁၅; ၆.၂၂,၂၃)
\p
\v 33 \x - \xo ၁၁.၃၃ \xo*\xt မ ၅.၁၅; မာ ၄.၂၁; လု ၈.၁၆\xt*\x*“ဖယ်လူလည်း ဆီမီးအီဟှို ဖောင်းကွယ်ဘီး ထွန်းဂေ့ဟှ။ ဆီမီးအီဟှို တောန်းအော့‑က်မာ ထားဘီး\f + \fr ၁၁.၃၃ \fr*\ft တချို့ မူရင်းလတ်ရေးမူလေမာ \ft*\fq ဆီမီးအီဟှို တောန်းအော့‑က်မာ ထားဘီး၊ \fq*\ft ဆိုဇာဟှာ မှေ့ဟှ။\ft*\f*လည်း ထွန်းဂေ့ဟှ။ အီထဲဟှို ဝမ်လာဟှူလူလေ လန်းရောန်ရဟှို့တွပ် ဆီမီးခေါင်ထတ်မာ တန်ဘီး ထွန်းဂေ့ဟှယ်။ 
\v 34 မျစ်စိဟှာ ကိုယ်ခန္ဓာတွပ် ဆီမီးအီန တူဟှယ်။ မျစ်စိကောန်းဟှယ် ဆိုဟှာ နန်းနို့ရဲ့ ကိုယ်ခန္ဓာ တခုလောင်း လန်းဟှားဘီး မျစ်စိကောန်းဂေ့ဟှ ဆိုဟှာ နန်းနို့ရဲ့ ကိုယ်ခန္ဓာ တခုလောင်း မိုက်လေ့မယ်။ 
\v 35 အယ်ကြောန့် နန်းနို့ရဲ့ လန်းရောန်ဟှို မိုက်ဖြစ်ဘဲအောန် ဒိပြုဂေ့။ 
\v 36 နန့်ရဲ့ ကိုယ်ခန္ဓာ တခုလောင်းဟှာ လောင်းဝ မှောန်ဘဲန လန်းနေမယ် ဆိုဟှာ ဆီမီးအီရဲ့ တော့‑က်ပဟှူ လန်းဟှာ နန့်ထတ်မာ ထွန်းလန်းမျိုး နန့်ရဲ့ ကိုယ်ခန္ဓာ တခုလောင်းလည်း လန်းရောန်န တော့‑က်ပနေလေ့မယ်” ဆိုဘီး မိန့်တော်မူလေဟှယ်။
\s ဖာရိရှဲန ကျမ်းတတ်ဆရာလေဟှို ပြစ်တန်ဟှူကြောန်း
\r (မဿဲ ၂၃.၁–၃၆; မာကု ၁၂.၃၈–၄၀)
\p
\v 37 ယေရှုဟှာ အယ်မျိုးမိန့်တော်မူဘီးန ဖာရိရှဲတယော့‑က်ဟှာ ကိုယ်တော့်ဟှို သူ့နတူးဒူ စားသော့‑က်ဟှို့ တောန်းလျှော့‑က်ဟှူကြောန့် သူ့ရဲ့ အီထဲဟှို ဝမ်ဘီးန ဗွဲမာထိုင်တော်မူလေဟှယ်။ 
\v 38 ယေရှုဟှာ လတ်ဆေးဘဲ့န စာစားနေဇာဟှို ဖာရိရှဲ ဗြင်ဟှားဟှူ ခီမာ အံ့ဩဟှားလေဟှယ်။ 
\v 39 သခင်ဘုရားဟှ သူ့ဟှို “နန်းနို့ ဖာရိရှဲလေဟှာ စံဟန်းဇားလေရဲ့ ပ္လန်ဖတ်ဟှို စင်ကြယ်အောန် ဆေးဂေ့ဟှယ်။ အယ်ဘေမဲ့ နန်းနို့ရဲ့ တွမ်းဖတ်မာ ကြမ်းဖတ်ရှင်း၊ ဆိုးညစ်ရှင်းလေန ပ္လဲ့နေဟှယ်။ 
\v 40 လူမိုက်လေ! ပ္လန်ဖတ်ဟှို ဖန်ဆင်းဟှူဘုရားဟှာ တွမ်းဖတ်ဟှိုလည်း ဖန်ဆင်းဟှယ် ဆိုဇာဟှို သိဂေ့ဟှလော။ 
\v 41 အယ်ဘေမဲ့ နန်းနို့ရဲ့ ခွပ်လေ၊ စံလေထဲမာ ရှိဟှူဇာလေဟှို ဆင်းရဲသားလေဟှို ပေးကမ်းဂေ့ပါ။ အယ်မျိုးလောက်မယ် ဆိုဟှာ အားလောင်းဂူဟှာ နန်းနို့တွပ် စင်ကြယ်ဟှားလေ့မယ်။”
\p
\v 42 “ဖာရိရှဲလေ၊ နန်းနို့ဟှာ အမင်္ဂလာရှိဟှယ်! နန်းနို့ဟှာ ပန်ဇီး၊ စမူစဗားန တခြားဆေးဖပ်ဝမ်ဟှူ ဝပ်မျိုးဇောင်ဟှို ဆယ်ဖို့တဖို့ ပေးလှူဂေ့ဟှယ်။ အယ်ဘေမဲ့ တရားမျှတမှုန ဘုရားသခင်ရဲ့ ရှစ်မြစ်တာလေဟှို လျစ်လူရှုဟှားဂေ့ဟှယ်။ နန်းနို့ဟှာ ဆယ်ဖို့တဖို့ဟှို ပေးလှူဟှူ ခီမာ တရားမျှတမှုန ဘုရားသခင်ရဲ့ ရှစ်မြစ်တာဟှို ချန်ဟှားဂေ့ဟှယ်။”
\p
\v 43 “ဖာရိရှဲလေ၊ နန်းနို့ဟှာ အမင်္ဂလာ ရှိဂေ့ဟှယ်! နန်းနို့ဟှာ ဝါလယ်ဇရပ်မာ ဆိုလည်း မြင့်မြတ်ဟှူ နေရာလေဟှိုရော၊ ဆေးမာ ဆိုလည်း လူလေရဲ့ ရိုးရိုသေးသေ နှော့‑က်ဆစ်ရှင်းလေဟှိုရော နှစ်သက်ဂေ့ဟှယ်။ 
\v 44 နန်းနို့လေဟှာ အမင်္ဂလာရှိဂေ့ဟှယ်! နန်းနို့ဟှာ မှတ်သားမှေ့ဘဲဟှူ သန်းခ္လိုင်းဒွမ်းန တူဂေ့ဟှယ်။ အယ်တွမ်းလေထတ်မာ သွားနေဟှူလူလေဟှ သန်းခ္လိုင်းဒွမ်းဖြစ်မှန်း သိဂေ့ဟှ” ဆိုဘီး မိန်းတော်မူလေဟှယ်။
\p
\v 45 ကျမ်းတတ်ဆရာ တယော့‑က်ဟှာ ကိုယ်တော့်ဟှို “ဆရာ၊ အယ်မျိုးပြောဇာဟှာ ကျွန်တော့်ဟှားလေဟှိုလည်း စော်ဂါးရာရော့‑က်ပါဟှယ်!” ဆိုဘီး လျှော့‑က်လေဟှယ်။
\p
\v 46 ယေရှုဟှ “ကျမ်းတတ်ဆရာလေ၊ နန်းနို့ လည်းဘဲ့ အမင်္ဂလာရှိဂေ့ဟှယ်! နန်းနို့ဟှာ ထမ်းဟှို့ခတ်ဟှူ ဝန်ထောက်လေဟှို လူလေဟှို ထမ်းခိုင်းဂေ့ဟှယ်။ နန်းနို့ကိုယ်တိုင်ဟှ အယ်မာဝန်ထောက်လေဟှို လတ်ဖျားန ထိဂေ့ဟှ။ 
\v 47 နန်းနို့ဟှာ အမင်္ဂလာရှိဟှယ်! နန်းနို့ရဲ့ ဘိုးဘေးလေ သတ်ခဲ့ဟှူ ပရောဖက်လေတွပ် နန်းနို့ဟှ သန်းခ္လိုင်းလေဟှို ဆော့‑က်ပေးဂေ့ဟှယ်။ 
\v 48 အယ်ကြောန့် နန်းနို့ရဲ့ ဘိုးဘေးလေ ကျူးလွန်ဟှားဟှူ မှုလေတွပ် နန်းနို့ဟှာ သတ်သေလေ ဖြစ်ဂေ့ဟှယ်။ သူးနို့လေဟှာ ပရောဖက်လေဟှို သတ်ဘီး နန်းနို့ဟှ သန်းခ္လိုင်းလေဟှို ဆော့‑က်ပေးဂေ့ဟှယ်။ 
\v 49 အယ်ကြောန့် ဘုရားသခင်ရဲ့ ရွှေဉာဏ်တော်န ‘အယ်လူလေထဲဟှို ပရောဖက်လေ၊ စေတမန်လေဟှို ငါစေလွှတ်မယ်။ သူးနို့လေဟှာ အယ်ပရောဖက်လေ၊ စေတမန်လေထဲဟှ တချို့ဟှို ညှဉ်းဆဲဘီး တချို့ဟှို သတ်ဂေ့လေ့မယ်’ ဆိုဘီး မိန့်တော်မူဟှားဟှယ်။ 
\v 50 အယ်ကြောန့် ကမ္ဘာတည်ခီဟှနေစဘီး သတ်ခံရဟှူ ပရောဖက်လေရဲ့ သွီးကြောန့် အယ်ခေတ်လူလေဟှာ ပြစ်ဒန်စီရင်ရှင်းဟှို ခံရဂေ့လေ့မယ်။ 
\v 51 အာဗေလရဲ့ သွီးဟှနေ ယဇ်ပလ္လင်န ဗိမာန်တော်ကြားမာ သတ်ခံရဂေ့ဟှူ ဇာခရိရဲ့ သွီးထိ ဖြစ်ဟှယ်။ အယ်မူဇာအားလောင်းတွပ် အယ်ခေတ်လူလေဟှာ ပြစ်ဒန်စီရင်ရှင်းဟှို ခံရလေ့မယ် ဆိုဇာဟှို ငါမှန်တိုင်း ပြောဟှယ်!
\p
\v 52 “ကျမ်းတတ်ဆရာလေ၊ နန်းနို့ဟှာ အမင်္ဂလာရှိဂေ့ဟှယ်! နန်းနို့ဟှာ သိပညာဗိမာန် ခွဗေါ့‑က်သော့ဟှို သီးဟှားဘီး နန်းနို့ကိုယ်တိုင်လည်း ဝမ်ဂေ့ဟှ။ ဝမ်ဟှို့သူလေဟှိုလည်း တားဆီးဂေ့ဟှယ်!” ဆိုဘီး မိန့်တော်မူလေဟှယ်။
\p
\v 53 အယ်နေရာဟှနေ ယေရှုထွပ်ဟှားဟှူ ခီမာ ကျမ်းတတ်ဆရာန ဖာရိရှဲလေဟှာ ကိုယ်တော့်ဟှို စဘီးဟှာ ပြင်းပြင်းထန်ထန် ဝေဖန်ဂေ့ဘီး၊ 
\v 54 စကားတော်ထဲမာ မှားရှာဟှို့တွပ် မေးခွန်းလေ ဘောင်ဂီးမေးဂေ့လေဟှယ်။
\c 12
\s သူတော်ကောန်းယောန်ဆောန်ရှင်းန ပတ်သတ်ဘီး ဒိပေးဟှူကြောန်း
\r (မဿဲ ၁၀.၂၆,၂၇)
\p
\v 1 \x - \xo ၁၂.၁ \xo*\xt မ ၁၆.၆; မာ ၈.၁၅\xt*\x*ထောန်ဗောန်းဘောင်ဂီးရှိဟှူ လူလေဟှာ စုဝီးလာဟှူ ခီမာ သူးနို့ရှင်းရှင်း နန်းမိဂေ့ဟှူကြောန့် ယေရှုဟှာ တဗဲ့တော်လေဟှို “ဖာရိရှဲလေရဲ့ ဟန်ဆောန်မှုနတူဟှူ တဆေးဟှို ဒိပြုဂေ့။ 
\v 2 \x - \xo ၁၂.၂ \xo*\xt မာ ၄.၂၂; လု ၈.၁၇\xt*\x*ဖောင်းဟှားဟှူ ဇာလေ အားလောင်းဂူဟှာ ပွမ့်လာရလေ့မယ်။ ဝှပ်ဟှားဟှူ ဇာလေ အားလောင်းဂူဟှာလည်း ပေါ်လာရလေ့မယ်။ 
\v 3 အယ်ကြောန့် မှောန်ထဲမာ နန်းနို့ပြောဟှူ စကားလေဟှို လန်းရောန်ထဲမာ ကြားသိလေ့မယ်။ အီခန်းထဲမာ နန်းနို့ တိုးတိုးပြောနေဟှူ စကားလေဟှို အီးခေါန်မိုးထတ်ဟှနေဘီး ကြေညာဂေ့လေ့မယ်။”
\s ကြော့‑က်ရဟှို့လူကြောန်း
\r (မဿဲ ၁၀.၂၈–၃၁)
\p
\v 4 “ငါ့မိဆွေလေ၊ နန်းနို့ဟှို ငါပြောမယ်။ ကိုယ်ခန္ဓာဟှိုဘဲ့ သတ်နိုင်ဘီးဟှာ နော့‑က်ထပ် ဖြားလည်းလောက်နိုင်ဘဲဟှူ သူလေဟှို ကြော့‑က်ဂေ့န။ 
\v 5 နန်းနို့ကြော့‑က်ရဟှို့ သူဟှို ငါပြမယ်။ ကိုယ်ခန္ဓာဟှို သတ်ဘီးန နန်းနို့ဟှို ငရဲထဲခ္လနိုင်ဟှူ ခွမ့်အာဏာရှိဟှူ ဘုရားသခင်ဟှို ကြော့‑က်ဂေ့။ နန်းနို့ဟှို ငါထပ်ပြောမယ်။ ဘုရားသခင်ဟှို ကြော့‑က်ဂေ့!
\p
\v 6 “အီးဇာဟှား ငါးကောန်ဟှို ကပ်နှေ့ပ္လားန ရောန်းဂေ့ဟှယ် မှုဟှလော။ အယ်ဘေမဲ့ ဘုရားသခင်ဟှာ အယ်မူအီးဇာဟှားလေ တကောန်ဟှိုမျှ မေ့တော်မူဟှ။ 
\v 7 နန်းနို့ ခေါန်းဟှ ဆားဗန်လေ အားလောင်းဂူဟှို ရေတွပ်ဟှားဟှယ်။ အယ်ကြောန့် ကြော့‑က်ဂေ့န။ နန်းနို့ဟှာ အီးဇာဟှားလေထတ် ရရာတိုင်း ဖိုးကီးဟှယ်!
\s ခရစ်တော်ဟှို ဝန်ခံရှင်းန ငြင်းပယ်ရှင်းကြောန်း
\r (မဿဲ ၁၀.၃၂,၃၃; ၁၂.၃၂; ၁၀.၁၉,၂၀)
\p
\v 8 “နန်းနို့ဟှို ငါပြောမယ်။ ဖယ်သူဘဲ့ဖြစ်ဖြစ် လူလေရှေ့မာ ငါ့ဟှို ဝန်ခံမယ် ဆိုဟှာ လူ့ရဲ့သားဟှလည်း ဘုရားသခင်ရဲ့ ကောန်းဂန်တမန်လေရှေ့မာ အယ်သူဟှို ဝန်ခံလေ့မယ်။ 
\v 9 အယ်ဘေမဲ့ လူလေရှေ့မာ ငါ့ဟှို ငြင်းပယ်မယ် ဆိုဟှာ လူ့ရဲ့သားဟှလည်း ဘုရားသခင်ရဲ့ ကောန်းဂန်တမန်လေရှေ့မာ ငြင်းပယ်လေ့မယ်။
\p
\v 10 \x - \xo ၁၂.၁၀ \xo*\xt မ ၁၂.၃၂; မာ ၃.၂၉\xt*\x*“လူ့ရဲ့သားဟှို နှောက်န စော်ကားဟှူ သူဟှာ ပြစ်လွှတ်ရှင်းခွမ့် ရနိုင်ဘေမဲ့လည်း သန့်ရှင်းဟှူဝိညာဉ်တော်ဟှို ပြစ်မှားဘီး ပြောဆိုဟှူ သူဟှာ ပြစ်လွှတ်ရှင်းခွမ့် ရလေ့မယ် မှုဟှ။
\p
\v 11 \x - \xo ၁၂.၁၁,၁၂ \xo*\xt မ ၁၀.၁၉,၂၀; မာ ၁၃.၁၁; လု ၂၁.၁၄,၁၅\xt*\x*“လူလေဟှ နန်းနို့ဟှို ဝါလယ်ဇရပ်လေ၊ လူဂီးမန်းလေ၊ အာဏာပိုင်လေရဲ့ ရှေ့ဟှို ခေါ်ဆောန်လာဟှူ ခီမာ ဖယ်မျိုး ပ္လန်ပြောရမယ် ဆိုဇာဟှို စိုးရိမ်ဂေ့န။ 
\v 12 ဖြားဖြစ်ကြောန့်နူးဆိုဟှာ နန်းနို့ ဖယ်မျိုး ပြောရမယ်ဆို ဇာဟှို သန့်ရှင်းဟှူဝိညာဉ်တော်ဟှ အယ်ခီမာ သန်ပေးလေ့မယ်” ဆိုဘီး ရင်ဦးဆောင်း မိန့်တော်မူလေဟှယ်။
\s ဌေးမိုက် ပေါင်ဥပမာကြောန်း
\p
\v 13 လူအောက်ဂီးထဲဟှ လူတယော‑က်ဟှာ ယေရှုဟှို “ဆရာ၊ ကျွန်တော့်ဟှို မွီခွဲပေးဟှို့ ကျွန်တော့်နောန်ဟှို ပြောပေးပါ” ဆိုဘီး လျှော့‑က်လေဟှယ်။
\p
\v 14 ယေရှုဟှ “မိဆွေ၊ ဖယ်သူဟှ ငါ့ဟှို နန်းနို့ရဲ့ တရားသူဂီးဖြစ်နရော၊ မွီခွဲဝီသူဖြစ်နရော ခန့်ဟှားဂေ့ဟှယ်နူး။” ဆိုဘီး သူ့ဟှို မိန့်တော်မူလေဟှယ်။ 
\v 15 အယ်ဘီးန ကိုယ်တော်ဟှာ သူးနို့လေ အားလောင်းဂူဟှို “လောဘလွန်ကျူးရှင်း ပေါန်းဇောင်ဟှို ဒိထားဂေ့။ ဖြားဖြစ်ကြောန့်နူးဆိုဟှာ လူ့ရဲ့ သတ်ဟှာ အောက်စာပစ်စီပေါရှင်းနှိုက် တည်ဂေ့ဟှ” ဆိုဘီး မိန့်တော်မူလေဟှယ်။
\p
\v 16 အယ်ဘီးန ယေရှုဟှာ ပေါင်ဥပမာန “တခါဒူးဟှ ဌေးတယော့‑က်ဟှာ သူ့လယ်ယာဟှနေ သီးနှံလေ ဘောင်ဂီးထွပ်ဟှယ်။ 
\v 17 ‘ငါ့ရဲ့ သီးနှံလေ အားလောင်းဟှို သိုလှောန်ဟှားဟှို့တွပ် နေရာမှေ့ဟှ။ ငါဖယ်မျိုးလောက်ရမယ်နူး။’ ဆိုဘီး တယော့‑က်ဒဲ စဉ်းစားနေလေဟှယ်။ 
\v 18 အယ်ဘီးန သူဟှ ‘ငါ အယ်မျိုးလောက်မယ်။ အယ်ဂိုဒေါန်ဟောန်းဟှို ဖျစ်ဘီး အယ်ထတ် ပိုကီးဟှူ ဂိုဒေါန်ဟှို ဆော့‑က်ဘီးဟှာ ဂျောင်ဆန်လေန တခြားအောက်စာပစ်စီး အားလောင်းဟှို သိုလှောင်ဟှားမယ်။ 
\v 19 အယ်ဘီးဟှာ ငါ့ဝိညာဉ်ဟှိုလည်း ဝှေ့ဝိညာဉ်၊ နှစ်လေဘောင်ဂီးတွပ် လိုအပ်ဟှူ အောက်စာလေ အားလောင်းဟှို သိုလှောန်ဟှားပီးဘီ။ စားလိုက်၊ သော့‑က်လိုက်န ပျော်ပါးဘီးနေပါ! ဆိုဘီး ငါ့ကိုယ့်ငါ ပြောမယ်။’ 
\v 20 အယ်ဘေမဲ့ ဘုရားသခင်ဟှာ ‘လူမိုက်! အယ်ညဉ့်မာ နန့်ဝိညာဉ် ချောက်ငြီးရလေ့မယ်။ အယ်ဆိုဟှာ နန်သိုလှောင်ဟှားဇာလေဟှို ဖယ်သူလေ ရလေ့မယ်နူး။’ ” ဆိုဘီး မိန့်တော်မူလေဟှယ်။
\p
\v 21 အယ်ဘီးန ယေရှုဟှာ “ကိုယ့်တွပ်အောက်စာလေ ဘောင်ဂီးဟှို စုဆောန်းဟှားဘေမဲ့လည်း အယ်ဌေးဟှာ ဘုရားသခင်ရဲ့ ရှေ့မာ ဆင်းရဲနေဟှူသူ ဖြစ်ဟှယ်” ဆိုဘီး နိဂေါန်းချောက် မိန့်တော်မူလေဟှယ်။
\s ဘုရားသခင်ဟှို ယောင်ကြည်ဟှူကြောန်း
\r (မဿဲ ၆.၂၅–၃၄)
\p
\v 22 အယ်ဘီးန ယေရှုဟှာ တဗဲ့တော်လေဟှို “အယ်ကြောန့် နန်းနို့ဟှို ငါပြောမယ်၊ ဖယ်မျိုးစားရဟှို့၊ ဖယ်မျိုးသော့‑က်ရဟှို့ ဆိုဘီး သတ်တွပ် စိုးရိမ်ဂေ့န။ ဖယ်မျိုးဝတ်ရဟှို့ ဆိုဘီးလည်း ကိုယ်ခန္ဓာတွပ် စိုးရိမ်ဂေ့န။ 
\v 23 စာထတ် သတ်ဟှ ပိုဘီးရေးကီးဟှယ်။ ဝတ်ထတ်လည်း ကိုယ်ခန္ဓာဟှာ ပိုဘီးရေးကီးဟှယ်။ 
\v 24 က္လီးကန်းလေဟှို ကေ့ကေ့။ သူးနို့လေဟှာ မျိုးစေ့လည်းကြဲဟှ။ သီးနှံလည်းရိဟှ။ သူးနို့မာ ကူလှောန်ခန်းလေ၊ ဗားဂတ်လေလည်းမှေ့ဟှ။ အယ်ဘေမဲ့ ဘုရားသခင်ဟှ သူးနို့ဟှို ကျွေးမွေးတော်မူဟှယ်! နန်းနို့ဟှာ အယ်ငှတ်လေထတ် ရရာတိုင်း ဖိုးကီးဟှယ်! 
\v 25 နန်းနို့လေထဲမာ ဖယ်သူဟှ စိုးရိမ်ရှင်းအားဖြင့် သတ်ပိုဘီးရှယ်လာ\f + \fr ၁၂.၂၅ \fr*\fq သတ်ပိုဘီးရှယ်လာ၊ \fq*\ft အယ်မျိုးမှုဘဲ့နေဟှာ \ft*\fqa သတ်ပိုဘီး ကီးလာဟှယ်။\fqa*\f* နိုင်ဘဲ့လော။ 
\v 26 အယ်မျှလော့‑က် သေးငယ်ဟှူ မှုဟှို လောက်နိုင်ဟှ ဆိုဟှာ ဖြားဖြစ်ကြောန့် တခြားမှုလေတွပ် စိုးရိမ်နေဂေ့နူး။ 
\v 27 တောပန်းလေဟှို ကေ့ကေ့။ အယ်ပန်းလေဟှာ ဗိုင်းငင်ဟှ။ ယက်ကန်းလည်းရစ်ဟှ။ အယ်ဘေမဲ့ ရှောလမုန်မန်းဂီးရဲ့ ဖောင်းစည်းဇိမ်လေ အားလောင်းဟှို ဆင်ဟှယ်ဟှိုမှ အယ်တောပန်းလေထဲဟှ တဗန်မျိုး လှပတင့်တယ်ဟှ ဆိုဘီး နန်းနို့လေဟှို ငါပြောဟှယ်။ 
\v 28 ယောင်ကြည်ရှင်း အားနဲဟှူလူလေ! အယ်နေ့ ကွမ်းပ္လန်ထဲမာရှိဘီး နတ်ကီးတိုင်ဟှာ မီးဖိုထဲဟှို ရော့‑က်ရဟှူ တောဗြစ်ပန်ဟှို ဘုရားသခင်ဟှ အယ်မျိုး ဝတ်ဆင်ပေးဟှယ် ဆိုဟှာ နန်းနိုဟှို အယ်ထတ်မက ဝတ်ဆင်ပေးမယ် မှုဟှလော။”
\p
\v 29 “အယ်ကြောန့် ဖယ်မျိုး စားရဟှို့နူး။ ဖယ်မျိုး သော့‑က်ရဟှို့နူး ဆိုဘီး စိုးရိမ်မှုရှိဂေ့န။ 
\v 30 (အယ်လောကရှိ ဘုရားသိဘဲဟှူလူလေဟှဘဲ့ အယ်မူဇာလေဟှို ရှာဖွေဂေ့ဟှယ်။) အယ်မူဇာလေဟှို နန်းနို့လေ လိုအပ်ဟှယ် ဆိုဇာဟှို နန်းနို့ဖ သိတော်မူဟှယ်။ 
\v 31 နန်းနို့ဟှာ ဘုရားသခင်ရဲ့ နိုင်ငံတော်ဟှို ရှာဂေ့။ အယ်ဆိုဟှာ ကိုယ်တော်ဟှာ အယ်မူဇာလေဟှို ပေးတော်မူလေ့မယ်။”
\s ကောန်းဂန်ဘဏ္ဍာကြောန်း
\r (မဿဲ ၆.၁၉–၂၁)
\p
\v 32 “သိုးစုငယ်၊ ကြော့‑က်ဂေ့န။ နန်းနို့ရဲ့ ဖဟှာ နန်းနို့တွပ် နိုင်ငံတော်ဟှို ပေးဟှို့ လိုရှိတော်မူဟှယ်။ 
\v 33 နန်းနို့ရဲ့ အောက်စာလေဟှို ရောန်းဘီး ဆင်းရဲသားလေဟှို ပေးကမ်းစွန့်ကြဲဂေ့။ ဆွီးဟောန်းနိုင်ဘဲဟှူ ကပ်အိလေဟှို လောက်ဂေ့ဘီး သူခိုးဖော့‑က်နိုင်ဘဲဟှူ၊ ပိုးလေကိုက်စားနိုင်ဘဲဟှူ၊ ကောန်းဂန်ဘောင်မာ ကူခန်းနိုင်ဘဲဟှူ ဘဏ္ဍာဟှို စုဂေ့ပါ။ 
\v 34 ဖြားဖြစ်ကြောန့်နူးဆိုဟှာ နန်းနို့လေဟှာ ဘဏ္ဍာရှိဟှူ နေရာဟှိုဘဲ့ နန်းနို့စိနှလောင်းလေ ရော့‑က်တတ်ဟှယ်။”
\s ဒိန စောန့်နေဟှူ စေခံလေကြောန်း
\p
\v 35 \x - \xo ၁၂.၃၅ \xo*\xt မ ၂၅.၁–၁၃\xt*\x*“နန်းနို့ဟှာ ဆင်သင့်ဖြစ်နေဂေ့ဟှို့တွပ် ခါးဟှို စဲဘီး မီးအီလေဟှို ထွန်းညှိဂေ့။ 
\v 36 \x - \xo ၁၂.၃၆ \xo*\xt မာ ၁၃.၃၄–၃၆\xt*\x*အီတတ်ဗွဲဟှ ပ္လန်လာဟှူ သူးနို့ရဲ့ သခင်ဟှို စောန့်နေဟှူ စေခံလေမျိုး ဖြစ်ဂေ့။ သူဟှာ ခွဗော့‑က်ဟှို ခေါ့‑က်ဟှူ ခီမာ သူးနို့ဟှာ ရှစ်ရှင်း ဖွမ့်ပေးလေ့မယ်။ 
\v 37 သခင်ပ္လန်ရော့‑က်လာဟှူ ခီမာ ဆင်သင့်စောန့်နေဟှယ် ဆိုဇာဟှို သခင်တွိရဟှူ စေခံလေဟှာ မင်္ဂလာရှိဟှယ်! နန်းနို့ဟှို ငါမှန်တိုင်း ပြောမယ်။ သခင်ဟှာ စေခံလေဟှို ဧည့်သည်လေမျိုး ဗွဲမာ ထိုင်ခိုင်းဘီး သူကိုယ်တိုင် ခါးဟှို စဲဘီးဟှာ လောက်ကျွေးလေ့မယ်။ 
\v 38 သခင်ဟှ ညဉ့်နတ်ခီမာဘဲ့ဖြစ်ဖြစ်၊ မိုးလန်းခီမာဘဲ့ဖြစ်ဖြစ် လာမယ် ဆိုဘီး စောန့်နေဟှူ စေခံလေဟှာ မင်္ဂလာရှိဂေ့ဟှယ်! 
\v 39 \x - \xo ၁၂.၃၉,၄၀ \xo*\xt မ ၂၄.၄၃,၄၄\xt*\x*အီဇရှင်ဟှာ သူခိုးလာနိုင်ဟှူခီဟှို သိနေမယ် ဆိုဟှာ သူ့အီဟှို သူခိုးဖော့‑က်ခံရလေ့မယ် မှုဟှ ဆိုဇာဟှို နားလည်ဟှားဂေ့။ 
\v 40 လူ့ရဲ့သားဟှာ နန်းနို့ မျှော်လင့်ဘဲဟှူ ခီမာ ရော့‑က်လာမယ် ဖြစ်ဘီး နန်းနို့လည်း ဆင်သင့် ရှိနေဂေ့” ဆိုဘီး မိန့်တော်မူလေဟှယ်။
\s သစ်စာရှိဟှူစေခံန သစ်စာမှေ့ဘဲဟှူစေခံကြောန်း
\r (မဿဲ ၂၄.၄၅–၅၁)
\p
\v 41 ပေတရုဟှ “သခင်၊ အယ်ပေါင်ဥပမာဟှာ ကျွန်တော့်ဟှားလေတွပ် ပြောနေဇာလော။ လူလေ အားလောင်းဂူတွပ် ပြောနေဇာလော။” ဆိုဘီး မေးလျှော့‑က်လေဟှယ်။
\p
\v 42 သခင်ဘုရားဟှ “သစ်စာရှိဘီး ပညာရှိဟှူ စေခံဟှ ဖယ်သူနူး။ အီဇရှင်ဟှာ စေခံလေဟှို အောက်ချောက်ဟှို့န သတ်မှတ်ဟှားဟှူ ခီမာ စားဇာလေဟှို ထုပေးဟှို့ စေခံအောက် တယော့‑က်ဟှို ခန့်ဟှားဟှယ်။ 
\v 43 အီဇရှင် ပ္လန်လာဟှူ ခီမာ သစ်စာရှိရှိ လောက်ဆောန်နေဇာဟှို တွိရမယ် ဆိုဟှာ အယ်စေခံဟှာ မင်္ဂလာရှိဟှယ်! 
\v 44 နန်းနို့ဟှို ငါ မှန်တိုင်းပြောမယ်၊ အီဇရှင်ဟှာ သူ့အောက်စာပစ်စီး အောင်းလောင်းဟှို စီမံအောက်ချောက်ဟှို့ အယ်စေခံဟှို အပ်လေ့မယ်။ 
\v 45 အယ်ဘေမဲ့ အယ်စေခံဟှာ ငါ့သခင် ပ္လန်လာဟှို့ ကြာအူးမယ် ဆိုဘီး စိထဲမာအော့‑က်မေ့ဘီး စေခံယော့‑က်ကျားလေ၊ စေခံမီးမလေဟှို ရိုက်ဘီး သော့‑က်စား ယစ်မောနေလေဟှယ်။ 
\v 46 အယ်စေခံရဲ့ သခင်ဟှာ သူမျှော်လင့်ဘဲဟှူနေ့၊ သိနိုင်ဘဲဟှူ ခီမာ ပ္လန်ရော့‑က်လာမယ် ဆိုဟှာ အယ်စေခံဟှို ပြင်းပြင်းထန်ထန် ပြစ်ဒန်ပေးဘီး\f + \fr ၁၂.၄၆ \fr*\fq ပြင်းပြင်းထန်ထန် ပြစ်ဒန်ပေးဘီး၊ \fq*\ft အယ်မျိုးမှုဘဲ့နေဟှာ \ft*\fqa ပ္လန်ဟှိုပစ်လိုက်ဟှယ်။\fqa*\f* ယောင်ကြည်ဘဲဟှူသူလေနတူးဒူ နေရာခ္လဟှားရှင်းဟှို ခံရလေ့မယ်။
\p
\v 47 “သခင်ရဲ့ လိုဆန္ဒဟှို သိသိဂီးန ပြင်ဆင်ထားရှင်းလည်းမှေ့ဘဲဟှူ၊ သခင့်ရဲ့ လိုဆန္ဒဟှို လိုက်လျောရှင်းလည်းမှေ့ဘဲဟှူ စေခံဟှာ ကီဒန်ဘောင်ဂီး ရိုက်ခံရလေ့မယ်။ 
\v 48 အယ်ဘေမဲ့ သခင့်ရဲ့ လိုဆန္ဒဟှို သိဘဲန ကီဒန်နဘဲ့ ထိုက်တန်ဟှူ မှုဟှို လောက်မိဟှူ သူဟှာ ကီဒန်နဲနဲဘဲ့ ရိုက်ခံရမယ်။ ဘောင်ဂီးရဟှားဟှူ သူလေနားဟှနေ ဘောင်ဂီးတောန်းလေ့မယ်။ ဘောင်ဂီးအပ်နှံဟှားဟှူ သူလေနားဟှနေ ဘောင်းဂီး တောန်းဂေ့လေ့မယ်။
\s ယေရှုဟှာ စိဝမ်းကွဲရှင်းဟှို ဖြစ်စေဟှူကြောန်း
\r (မဿဲ ၁၀.၃၄–၃၆)
\p
\v 49 “ငါဟှ အယ်လောကဟှို မီးလောန်စေဟှို့တွပ် လာဟှယ်။ ခုဘဲ့ မီးလောန်စေရှင်ဘီ! 
\v 50 \x - \xo ၁၂.၅၀ \xo*\xt မာ ၁၀.၃၈\xt*\x*ငါခံယူရဟှို့ ဗတ္တိဇံတခု ရှိသေးဟှယ်။ အယ်မူဇာဟှို လောက်ဆောန်ဟှို့ မပီးမရှင်း ငါ့ဟှာ စိဒေါက်ခရော့‑က်နေဟှယ်! 
\v 51 အယ်လောကဟှို ငြီးချမ်းရေးပေးဟှို့ ငါလာဟှယ် ဆိုဘီး ထန်ဂေ့ဟှယ်လော။ ငြီးချမ်းရေးပေးဟှို့ လာဟှူဇာ မှုဟှ။ ရှင်းရှင်း စိဝမ်းကွဲစေဟှို့ဘဲ့ ငါလာဟှယ်။ 
\v 52 ခုဟှနေဘီးဟှာ လူငါးယော့‑က်ရှိဟှူ အီထောန်မာ နှေ့ယော့‑က်ဟှ တဖတ်၊ သောင်းယော့‑က်ဟှ တဖတ် ဆန့်ကျင်ဘီး ကွဲပြားဂေ့လေ့မယ်။ 
\v 53 ဖနသား၊ မိနမီး၊ ယောက္ခမန ချွေးမလေ ရှင်းရှင်း စိဝန်းကွဲလေ့မယ်” ဆိုဘီး မိန့်တော်မူလေဟှယ်။
\s ခေတ်ကာလဟှို သိရှိဟှူကြောန်း
\r (မဿဲ ၁၆.၂,၃)
\p
\v 54 ယေရှုဟှာ လူလေဟှို “နော့‑က်ဖတ်မာ မိုးတီလေ တတ်လာဇာဟှို ဗြင်ဟှူ ခီမာ မိုးဝါလေ့မယ် ဆိုဘီး နန်းနို့ ရှစ်ရှင်းပြောဂေ့ဟှယ်။ နန်းနို့ပြောမျိုးဘဲ့ ဖြစ်တတ်ဟှယ်။ 
\v 55 အယ်ဘီန တောင်လေတိုက်လာနေဇာဟှို မြင်ဟှူ ခီမာ နေပူလေ့မယ် ဆိုဘီး ပြောဂေ့ဟှယ်။ နန်းနို့ပြောမျိုးဘဲ့ ဖြစ်တတ်ဟှယ်။ 
\v 56 သူတော်ကောန်းယောန်ဆောန်ဟှူသူလေ! နန်းနို့ဟှာ မ္လေဂီးန ကောန်းဂန်ရဲ့ ခြေနေဟှို ကေ့ဘီးဟှာ ရာသီဥတုရဲ့ ခြေနေဟှို ပိုင်းခြားဘီး သိနိုင်ဂေ့ဟှယ်။ ခုကာလ ခြေနေဟှို ဖြားဖြစ်ကြောန့် ခန့်မှန်းဘီး သိနိုင်ဂေ့ဟှနူး။
\s ကြေအေးရှင်းကြောန်း
\r (မဿဲ ၅.၂၅,၂၆)
\p
\v 57 “မှန်ကန်ဟှူလောက်ဟှို လောက်ဟှို့တွပ် ဖြားဖြစ်ကြောန့် နန်းနို့ကိုယ်တိုင် ဆောင်းဖြတ်ဂေ့ဟှနူး။ 
\v 58 နန့်ဟှို တရားစွဲဟှူ လူနတူးဒူ တရားသူဂီးနားဟှို သွားရမယ် ဆိုဟှာ လမ်းမာ ကြေအေးအောန်လောက်ဂေ့။ အယ်မျိုးလောက်ဘဲဟှ ဆိုဟှာ သူဟှာ နန့်ဟှို တရားသူဂီးရှေ့ဟှို ဆွဲခေါ်ဟှားလေမယ်။ တရားသူဂီးဟှ နန့်ဟှို ရဲလတ်ထဲမာ အပ်လိုက်လေ့မယ်။ ရဲလေဟှလည်း နန်ဟှို ထောန်ထဲမာ ထဲဟှားလေ့မယ်။ 
\v 59 နန်းနို့ဟှို ငါ မှန်တိုင်းပြောမယ်၊ ကပ်ကွီးကျေအောန် မဆပ်မရှင်း နန်ဟှာ ထောန်ထဲမာ နေရလေ့မယ်” ဆိုဘီး မိန့်တော်မူလေဟှယ်။
\c 13
\s နောန်ဒရရှင်းလော၊ ပျစ်စီးရှင်းလော
\p
\v 1 အယ်ခီမာ လူတချို့ဟှာ ယေရှုနားဟှို လာဘီး ပိလတ်ဟှ သတ်ဖြတ်လိုက်ဟှူ ဂါလိလဲလူလေကြောန်းဟှို လျှော့‑က်ဂေ့ဟှယ်။ အယ်လူလေဟှာ ယဇ်ပူဇော်နေဒူးမာ သတ်ခံရဟှူသူလေ ဖြစ်ဂေ့ဟှယ်။ 
\v 2 ယေရှုဟှာ သူးနို့ဟှို “အယ်ဂါလိလဲလူလေဟှာ အယ်မျိုးသတ်ခံရဟှူကြောန့်၊ တခြားဂါလိလဲလူလေထတ် ပိုဆိုးဟှူပြစ်သားလေ ဖြစ်ဟှယ် ဆိုဘီး နန်းနို့ ထန်နေဂေ့ဟှယ် မှုဟှလော။ 
\v 3 နန်းနို့ဟှို ငါပြောမယ်။ သူးနို့လေဟှာ ပိုဆိုးဟှူ ပြစ်သားလေ မှုဟှ! အယ်ဘေမဲ့ နန်းနို့ဟှာ နောန်ဒရဂေ့ဟှ ဆိုဟှာ အယ်လူလေမျိုးဘဲ့ သေကျေပျစ်စီးဂေ့ လေ့မယ်။ 
\v 4 ရှိလောင်မျှော်စင် ပြိုက္လဟှူ ခီမာ ပိဘီးသေဟှားဟှူ လူဆယ့်ရှစ်ယော့‑က်ဟှို ဖြားမျိုးပြောမယ်နူး။ သူးနို့ဟှာ ယေရုရှလင်ဗြို့မာ နေထိုင်ဟှူ တခြားသူလေ အားလောင်းထတ် ပိုဆိုးဟှူ ပြစ်သားလေ ဖြစ်ဟှယ် ဆိုဘီး နန်းနို့ ထန်နေဂေ့လော။ 
\v 5 နန်းနို့ဟှို ငါပြောမယ်။ သူးနို့လေဟှာ ပိုဆိုးဟှူ ပြစ်သားလေ မှုဟှ။ အယ်ဘေမဲ့ နန်းနို့ဟှာ နောန်ဒရဂေ့ဟှ ဆိုဟှာ အယ်လူလေမျိုးဘဲ သေကျေပျစ်စီးဂေ့ လေ့မယ်” ဆိုဘီး မိန့်တော်မူလေဟှယ်။
\s သီးသီးဘဲဟှူ သဖန်းဗန်ရဲ့ ပေါင်ဥပမာကြောန်း
\p
\v 6 အယ်ဘီးန ယေရှုဟှာ အယ်ပေါင်ဥပမာန “လူတယော့‑က်ရဲ့ စဗျစ်ခြံထဲမာ စိုက်ပျိုးဟှားဟှူ သဖန်းဗန်တဗန် ရှိဟှယ်။ ဇရှင်ဟှာ အယ်ပန်မာ သီးဟှို လာရှာဟှူ ခီမာ တွိရဟှ။ 
\v 7 အယ်ကြောန့် သူဟှာ ခြံစောန့်မားဟှို ‘ငါဟှာ အယ်သဖန်းဗန်မာ သဖန်းသီးလာရှာနေဇာ သောင်းနှစ်ရှိဟှားဘီ။ အယ်ဘေမဲ့ လောင်းလည်း တွိရဟှ။ အယ်မာပန်ဟှို ခွတ်ပစ်လိုက်! ဖြားဖြစ်ကြောန့် မ္လေဂီးဟှို ကျိုးမှေ့ဘဲအောန် လောက်နေဂေ့ဟှို့နူး။’ ဆိုဘီး ပြောလေဟှယ်။ 
\v 8 အယ်ဘေမဲ့ ခြံစောန့်မားဟှ ‘ဆရာ၊ အယ်ပန်ဟှို တနှစ်လော့‑က် ထားပေးပါအူး။ ပန်ရင်းပတ်ပတ်လည်ဟှို တူးဆွဘီးဟှာ မ္လေဩဇာ ထဲ့ကေ့ကေ့မယ်။ 
\v 9 အယ်ဆိုဟှာ နော့‑က်နှစ်မာ ပိုကောန်းဟှူသီးဟှို သီးရှင်သီးလေ့မယ်၊ အယ်ဘေမဲ့ သီးသီးဟှ ဆိုဟှာ ခွတ်ပစ်ပါ ဆိုဘီး ပြောလေဟှယ်’” ဆိုဘီး မိန့်တော်မူလေဟှယ်။
\s ဒန်းနေ့မာ သန်စွမ်းဘဲဟှူမီးမဟှို ရောဂါပျော့‑က်စေဟှူကြောန်း
\p
\v 10 ဒန်းနေ့ တနေ့မာ ယေရှုဟှာ ဝါလယ်ဇရပ်တခုမာ သွန်သန်နေတော်မူဟှယ်။ 
\v 11 အယ်နေရာမာ ဆယ့်ရှစ်နှစ်လောင်းလောင်း နတ်ဆိုးဝမ်ပူးရှင်းဟှို ခံနေရဟှူကြောန့် ခါးကူးဟှားဘီး လောင်းဝ ခါးဆန့်နိုင်ဘဲဟှူ မီးမတယော့‑က်ရှိနေဟှယ်။ 
\v 12 ယေရှုဟှာ သူ့ဟှို ဗြင်ဟှူ ခီမာ ရှေ့တော်ဟှို ခေါ်ဘီး “အမျိုးသမီး၊ နန့်ရောဂါ ပျော့‑က်ဟှားဘီ!” ဆိုဘီး မိန့်တော်မူလေဟှယ်။ 
\v 13 အယ်ဘီးန ကိုယ်တော်ဟှာ သူ့ထတ်မာ လတ်ဟှို တန်လိုက်ဟှူ ခီမာ ရှစ်ရှင်းဘဲ့ သူ့ရဲ့ခါးဟှာ ဆန့်ဟှားဘီး ဘုရားသခင်ဟှို ချီးမွမ်းလေဟှယ်။
\p
\v 14 ဒန်းနေ့မာ ယေရှုဟှာ ရောဂါပျော့‑က် စေတော်မူဟှူကြောန့် ဝါလယ်ဇရပ်မှူးဟှာ စိဆိုးဘီး လူလေဟှို “လောက်လောက်နိုင်ဟှူရစ် ခြော့‑က်ရစ်ရှိဟှယ်။ အယ်ရစ်လေမာ ရောဂါလာကုဂေ့။ ဒန်းနေ့မာ ရောဂါလာကုဂေ့န!” ဆိုဘီး ပြောလေဟှယ်။
\p
\v 15 သခင်ဘုရားဟှာ သူ့ဟှို “သူတော်ကောန်းယောန်ဆောန်ဟှူသူလေ! နန်းနို့ အားလောင်းဟှာ ဒန်းနေ့မာ နန်းနို့ရဲ့ မြည်းလေ၊ နွားလေဟှို တင်းကုပ်ဟှနေ ကြိုးဖြေပေးဘီး ရေတိုက်ဟှို့ ခေါ်ဆောန်ဂေ့ဟှယ် မှုဟှလော။ 
\v 16 အယ်မျိုးဆိုဟှာ ဆယ့်ရှစ်နှစ် လောင်းလောင်း စာတန်ရဲ့ တောက်နှောန်ရှင်းဟှို ခံနေရဟှူ အာဗြဟံရဲ့ သမီးဟှို ဒန်းနေ့မာ ဖြေလွှတ်သင့်ဟှယ် မှုဟှလော။” ဆိုဘီး မိန့်တော်မူလေဟှယ်။ 
\v 17 အယ်မျိုး မိန်တော်မူလိုက်ဟှူ ခီမာ ကိုယ်တော့်ဟှို ဆန့်ကျင်ဖတ်လောက်နေဟှူ သူလေဟှာ ယှစ်ရဟှားဂေ့ဘီး လူလေ အားလောင်းဂူဟှာ ကိုယ်တော် လောက်ဟှူ အံ့ဩဘွယ်လေကြောန့် ဝန်းသာဂေ့ဟှယ်။
\s မုညင်းစေ့ ပေါင်ဥပမာကြောန်း
\r (မဿဲ ၁၃.၃၁,၃၂; မာကု ၄.၃၀–၃၂)
\p
\v 18 ယေရှုဟှ “ဘုရားသခင်ရဲ့ နိုင်ငံတော်ဟှာ ဖြားဇာန တူဟှယ်နူး။ ဖြားဇာန နှိုင်းယှဉ်ရနူး။ 
\v 19 နိုင်ငံတော်ဟှာ အယ်ပေါင်ဥပမာန တူဟှယ်။ လူတယော့‑က်ဟှာ မုညင်းတစေ့ဟှို သူ့ခြံထဲမာ စိုက်လိုက်ဟှယ်။ အယ်စေ့ဟှ ကီးလာဘီး သစ်ပန်ကီးဖြစ်လာဟှူ ခီမာ အယ်ပန်ရဲ့ ကိုင်းခတ်လေမာ ကောန်းဂန်ငှတ်လေဟှာ သူးနို့ရဲ့ သိုက်ဟှို ဆော့‑က်လောက်ဘီး နေဂေ့ဟှယ်” ဆိုဘီး မိန့်တော်မူလေဟှယ်။
\s တဆေး ပေါင်ဥပမာကြောန်း
\r (မဿဲ ၁၃.၃၃)
\p
\v 20 ယေရှုဟှာ “ဘုရားသခင်ရဲ့ နိုင်ငံတော်ဟှို ဖြားဇာန နှိုင်းယှဉ်ရဟှို့နူး။ 
\v 21 နိုင်ငံတော်ဟှာ အယ်ပေါင်ဥပမာန တူဟှယ်။ မီးမတယော့‑က်ဟှာ တဆေးဟှို ယူဘီး မုညစ်သောင်းတောန်းန ရောနှောလိုက်ဟှူ ခီမာ မုညစ် အား‌လောင်းဂူဟှို ဖောန်းကြွစေနိုင်ဟှူ တဆေးန တူဟှယ်” ဆိုဘီး ထပ်ဘီး မိန့်တော်မူလေဟှယ်။
\s ခွဗော့‑က်ကျဉ်းကြောန်း
\r (မဿဲ ၇.၁၃,၁၄,၂၁–၂၃)
\p
\v 22 အယ်ဘီးန ယေရှုဟှာ ဗြို့လေ၊ ဝါလေမာ သွန်သန်ဘီး ယေရုရှလင်ဗြို့ဟှို သွားလေဟှယ်။ 
\v 23 လူတယော့‑က်ဟှာ ကိုယ်တော့်ဟှို “သခင်၊ ကယ်တန်ရှင်းခံရဟှူ သူလေ နဲနဲဘဲ့ ရှိဟှယ်လော။” ဆိုဘီး မေးလျှော့‑က်လေဟှယ်။
\p
\v 24 ယေရှုဟှ “ခွဗော့‑က်ကျဉ်းထဲဟှို ဝမ်ဟှို့ ကြိုးစားအားထုဂေ့။ ဖြားဖြစ်ကြောန့်နူးဆိုဟှာ လူလေဘောင်ဂီးဟှာ အယ်ခွဗော့‑က်ထဲဟှို ဝမ်ဟှို့ ကြိုးစားဘေမဲ့ ဝမ်နိုင်ဂေ့ဟှ။ 
\v 25 အီဇရှင်ဟှာ ထဘီး ခွဗော့‑က်ဟှို ပိလိုက်ဟှူကြောန့် နန်းနို့လေဟှာ ပ္လန်မာရပ်ဘီး ခွဗော့‑က်ဟှို ခေါ့‑က်ဘီး ‘ဆရာ၊ ကျွန်တော့်ဟှားလေဟှို ခွဗော့‑က်ဖွမ့်ပေးပါ!’ ဆိုဘီး တောန်းဗန်ဂေ့လေ့မယ်။ ဇရှင်ဟှ ‘နန်းနို့လေ ဖယ်ဟှလာဟှယ် ဆိုဇာဟှို ငါသိဟှ!’ ဆိုဘီး ပ္လန်ပြောလေဟှယ်။ 
\v 26 အယ်ဆိုဟှာ နန်းနို့လေဟှ ‘ကျွန်တော့်ဟှားလေဟှာ ကိုယ်တော်နတူးဒူ စားဂေ့ဟှယ်။ သော့‑က်ဂေ့ဟှယ်။ ကျွန်တော့်ဟှားလေရဲ့ ဗြို့ဝါမာလည်း ကိုယ်တော်ဟှာ သွန်သန်ပေးဟှယ်!’ ဆိုဘီး ဖြေလေ့မယ်။ 
\v 27 အယ်ဘေမဲ့ ကိုယ်တော်ဟှ ‘နန်းနို့ ဖယ်ဟှလာဟှယ် ဆိုဇာဟှို ငါသိဟှ။ တရားဘဲဟှူ မှုဟှို လောက်ဟှူသူလေ၊ ငါ့နားဟှ ဖယ်ဂေ့!’ ဆိုဘီး ပြောလေ့မယ်။ 
\v 28 \x - \xo ၁၃.၂၈ \xo*\xt မ ၂၂.၁၃; ၂၅.၃၀\xt*\x*\x - \xo ၁၃.၂၈,၂၉ \xo*\xt မ ၈.၁၁,၁၂\xt*\x*နန်းနို့ဟှာ ဘုရားသခင် နိုင်ငံတော်ထဲမာ အာဗြဟံ၊ ဣဇာက်၊ ယာကုပ်န ပရောဖက်လေ အားလောင်းဟှို ဗြင်ရဘေမဲ့ နန်းနို့လေဟှာ နိုင်ငံတော်ပ္လန်ဟှို နှန်ထုခံရဟှူ ခီမာ ရရာတိုင်း ငိုကြွေးဘီး အံသွားခဲက္လိရဂေ့ လေ့မယ်! 
\v 29 ရှေ့ဖတ်၊ နော့‑က်ဖတ်၊ တောန်ဖတ်၊ မြော့‑က်ဖတ်ဟှ လာဂေ့ဟှူ လူလေဟှာ ဘုရားသခင် နိုင်ငံတော်ရဲ့ စားသော့‑က်ဗွဲမာ လာဘီး ထိုင်ဂေ့လေ့မယ်။ 
\v 30 \x - \xo ၁၃.၃၀ \xo*\xt မ ၁၉.၃၀; ၂၀.၁၆; မာ ၁၀.၃၁\xt*\x* ခု နော့‑က်ဆောင်းဟှို ရော့‑က်နေဟှူသူလေဟှာ ရှေ့ဆောင်းဟှို ရော့‑က်ဂေ့လေ့မယ်။ ခု ရှေ့ဆောင်းဟှို ရော့‑က်နေဟှူ သူလေဟှာ နော့‑က်ဆောင်းဟှို ရော့‑က်ဂေ့လေ့မယ်” ဆိုဘီး သူးနို့ဟှို မိန့်တော်မူလေဟှယ်။
\s ယေရုရှလင်ဗြို့တွပ် ယေရှုရဲ့ မြစ်တာတော်ကြောန်း
\r (မဿဲ ၂၃.၃၇–၃၉)
\p
\v 31 အယ်ခီမာ ဖာရိရှဲတချို့ဟှာ ယေရှုနားဟှို လာဘီး “ဟေရုဒ်ဟှ ကိုယ်တော့်ဟှို သတ်ရှင်နေဟှူကြောန့် အယ်နေရာဟှ ထွပ်ဟှားဘီး တခြားနေရာဟှို သွားပါ” ဆိုဘီး လျှော့‑က်လေဟှယ်။
\p
\v 32 ယေရှုဟှာ “အယ်မ္လေခွီးဟှို သွားပြောဂေ့ပါ။ ‘ငါဟှာ အယ်နေ့န နတ်ကီးတိုင်မာလည်း နတ်ဆိုးလေဟှို နှန်ထုဘီးဟှာ ရောဂါလေဟှိုလည်း ပျော့‑က်စေအူးမယ်။ သောင်းရစ်မြော့‑က်ဟှူနေ့မာ ငါ့ရဲ့ လောက်ဟှို ပီးဆောင်းစေမယ်။’ 
\v 33 အယ်ဘေမဲ့ ငါဟှာ အယ်နေ့၊ နတ်ကီးတိုင်၊ နတ်ကီးဖတ်လည်း ခရီးသွားရအူးမယ်။ ပရောဖက်ဟှာ ယေရုရှလင်ဗြို့ဟှလွဲဘီး တခြားနေရာမာ သတ်ခံရဟှို့ မှေ့ဟှ။”
\p
\v 34 “ယေရုရှလင်ဗြို့၊ ယေရုရှလင်ဗြို့၊ ပရောဖက်လေဟှို သတ်ဟှူဗြို့၊ ဘုရားသခင် စေလွှတ်လိုက်ဟှူ တမန်လေဟှို က္လော့‑က်ခဲန ပစ်ဟှူဗြို့! ကြစ်မဟှာ ကြစ်သားဟှားလေဟှို သူ့ရဲ့ တောန်အော့‑က်မာ စုသီးဟှားမျိုး ငါဟှာ နန့်ရဲ့လူမျိုး အားလောင်းဟှိုလည်း စုသီးဟှို့ ခဏခဏ လိုရှင်လေဟှယ်။ အယ်ဘေမဲ့လည်း နန်ဟှာ ငါ့ဟှို ခွမ့်ပြုဟှ! 
\v 35 အယ်ကြောန့် နန့်ရဲ့ အီဟှို ဘုရားသခင် စွန့်ပစ်လေ့မယ်။ ငါပြောမယ်။ ‘ဘုရားသခင် နာမန ကြွလာဟှူ သခင်ဟှာ မင်္ဂလာရှိဟှယ်’ ဆိုဘီး နန်ပြောဟှူခီ ရော့‑က်ခန်မာ ငါ့ဟှို နန်ဗြင်ရလေ့မယ် မှုဟှ” ဆိုဘီး သူးနို့ဟှို မိန့်တော်မူဟှယ်။
\c 14
\s လူနာတယော့‑က်ဟှို ရောဂါပျော့‑က်စေဟှူကြောန်း
\p
\v 1 ဒန်းနေ့မာ ယေရှုဟှာ စားဇာစားဟှို့ ဖာရိရှဲခေါန်းဆောန်တယော့‑က်ရဲ့ အီထဲဟှို ဝမ်ဟှားခီမာ သူးနို့လေဟှာ ကိုယ်တော့်ဟှို စောန့်ကေ့နေဂေ့ဟှယ်။ 
\v 2 ရေဖျဉ်းစွဲနေဟှူသူ တယော့‑က်ဟှာ ယေရှုနားဟှို ရော့‑က်လာဟှယ်။ 
\v 3 ယေရှုဟှ “ဒန်းနေ့မာ နာရောဂါငြိမ်းစေဟှို့တွပ် ပညတ်တော်ဟှ ခွမ့်ပြုဟှားဘဲ့လော။” ဆိုဘီး ဖာရိရှဲလေန ကျမ်းတတ်ဆရာလေဟှို မေးတော်မူလိုက်ဟှယ်။
\p
\v 4 အယ်ဘေမဲ့ သူးနို့လေဟှာ တိဆိနေဂေ့ဟှယ်။ ယေရှုဟှာ အယ်လူနာဟှို ခေါ်ဘီး၊ ရောဂါပျော့‑က်စေဘီး သူ့ဟှို လွှတ်လိုက်ဟှယ်။ 
\v 5 \x - \xo ၁၄.၅ \xo*\xt မ ၁၂.၁၁\xt*\x*ကိုယ်တော်ဟှ “နန်းနို့ရဲ့ သားဂန်းဟှားဘဲ့ဖြစ်ဖြစ်၊ နွားတကောန်ဘဲ့ဖြစ်ဖြစ် ဒန်းနေ့မာ ရေဒွမ်းထဲဟှို က္လဟှားမယ် ဆိုဟှာ နန်းနို့ဟှာ ရှစ်ရှင်း ဆွဲဒန်လေ့မယ် မှုဟှလော။” ဆိုဘီး သူးနို့ဟှို မေးတော်မူလေဟှယ်။
\p
\v 6 အယ်ဘေမဲ့ သူးနို့လေဟှာ ဖြားလည်း ဖြေနိုင်ဂေ့ဟှ။
\s ဧည့်ဝတ်ပြုရှင်းန နှိခ္လရှင်းကြောန်း
\p
\v 7 ဧည့်သည်လေဟှာ ကောန်းဆောင်းနေရာဟှို ဝီးချယ်နေဇာဟှို ယေရှုဗြင်ဟှူ ခီမာ သူးနို့လေဟှို အယ်ပေါင်ဥပမာန 
\v 8 “နန်းနို့ဟှို ယော့‑က်ယော့‑က်ဟှ အီတတ်ဗွဲဟှို ဖိဟှားဟှူ ခီမာ ကောန်းဆောင်းနေရာမာ ထိုင်ဂေ့န။ နန်းနို့ထတ် ရေးကီးဟှူ ယော့‑က်ယော့‑က်ဟှိုလည်း ဖိခေါ်ဟှားမယ် ဆိုဟှာ၊ 
\v 9 ခေါ်ဖိသူဟှာ နန့်ဟှို ‘အယ်လူတွပ် နေရာဖယ်ပေးဂေ့’ ဆိုဘီး ပြောလေ့မယ်။ အယ်ဆိုဟှာ နန်ဟှာ ယှစ်ရဘီး နိဆောင်းနေရာမာ ထိုင်ရလေ့မယ်။ 
\v 10 အယ်ကြောန့် နန့်ဟှို ဖိခေါ်ဟှူ ခီမာ နိဆောင်းနေရာမာ သွားဘီးထိုင်ဂေ့။ အယ်မျိုးဆိုဟှာ ဖိခေါ်သူဟှ နန့်နားဟှို လာဘီးဟှာ ‘မိဆွေ ပိုကောန်းဟှူ နေရာမာ ထိုင်ပါ’ ဆိုဘီး နန့်ဟှို ပြောလေ့မယ်။ အယ်ဆိုဟှာ နန်ဟှာ ဧည့်သည်လေရဲ့ ရှေ့မာ ဂေါင်သရေ ရှိလေ့မယ်။”
\p
\v 11 \x - \xo ၁၄.၁၁ \xo*\xt မ ၂၃.၁၂; လု ၁၈.၁၄\xt*\x*“အယ်ကြောန့် ကိုယ့်ကိုကိုယ် ချီးမြှော့‑က်ဟှူသူဟှာ နှိခ္လခံရဘီး ကိုယ့်ကိုကိုယ် နှိခ္လဟှူသူဟှာ ချီးမြှော့‑က်ခံရလေ့မယ်” ဆိုဘီး မိန့်တော်မူဟှယ်။
\p
\v 12 အယ်ဘီးန ယေရှုဟှာ ဖိခေါ်သူဟှို “နန်ဟှာ မွန်းဒဲ့ဇာ၊ ညနေဇာဟှို ကျွေးမွေးဟှူ ခီမာ မိဆွေလေ၊ ညီအစ်ကိုလေ၊ ဆွေမျိုးလေ၊ အီဇနီးရှင်း ဌေးလေဟှို ဖိခေါ်န။ ဖြားဖြစ်ကြောန့်နူးဆိုဟှာ သူးနို့လေဟှာ နန့်ဟှို ပ္လန်ဖိဘီးဟှာ ကျေးဇူးဆပ်လေ့မယ်။ 
\v 13 အယ်ကြောန့် စားသော့‑က်ဗွဲ ကျင်းပဟှူ ခီမာ ဆင်းရဲသား၊ အင်္ဂါချို့တဲ့သူ၊ ခေသန်ဘဲဟှူသူ၊ မျစ်စိကန်းသူလေဟှိုဘဲ့ ဖိခေါ်ပါ။ 
\v 14 အယ်မျိုးဆိုဟှာ နန်ဟှာ မင်္ဂလာရှိလေ့မယ်။ ဖြားဖြစ်ကြောန့်နူးဆိုဟှာ သူးနို့လေဟှ နန့်ဟှို ပ္လန်ဘီး ကျေးဇူးဆပ်နိုင်ဂေ့ဟှို့ မှုဟှ။ အယ်ဘေမဲ့လည်း ဖြောန့်မတ်သူလေ ရှင်ပ္လန်ထမြော့‑က်ဟှူ ခီမာ ဘုရားသခင်ဟှ နန့်ဟှို ပ္လန်ဆပ်ပေးလေ့မယ်” ဆိုဘီး မိန့်တော်မူလေဟှယ်။
\s စားသော့‑က်ဗွဲဂီး ပေါင်ဥပမာ
\r (မဿဲ ၂၂.၁–၁၀)
\p
\v 15 စားဗွဲမာ ထိုင်နေဟှူ ဧည့်သည်လေထဲဟှ တယော့‑က်ဟှာ အယ်စကားဟှို ကြားဟှူ ခီမာ ယေရှုဟှို “ဘုရားသခင်နိုင်ငံတော်ရဲ့ စားသော့‑က်ဗွဲမာ ထိုင်ရဟှူသူလေဟှာ ရရာတိုင်း ပျော်လေ့မယ်!” ဆိုဘီး လျှော့‑က်လေဟှယ်။
\p
\v 16 ယေရှုဟှာ “လူတယော့‑က်ဟှာ စားသော့‑က်ဗွဲဂီးဟှို ပြင်ဆင်ဟှားဘီး လူဘောင်ဂီးဟှို ဖိဟှားဂေ့ဟှယ်။ 
\v 17 စားသော့‑က်ဗွဲခီ ရော့‑က်ဟှူ ခီမာ ဖိဟှားဟှူ လူလေနားဟှို သူ့ရဲ့ကျွန်ဟှို စေလွှတ်ဘီးဟှာ ‘အားလောင်း ဆင်သင့်ဖြစ်နေဘီ။ ကြွဂေ့ပါ!’ ဆိုဘီး ပြောစေဟှယ်။ 
\v 18 အယ်ဘေမဲ့ သူးနို့လေ အားလောင်းဂူဟှာ ယော့‑က်ဘီးယော့‑က် ဆင်ခေလတ်ခေလေ ပေးဂေ့ဟှယ်။ ပထမတယော့‑က်ဟှ ‘ငါ့ဟှာ လဲဗ္လန်တဂွပ်ဝယ်ဟှားဇာဟှို သွားဘီး ကေ့ကေ့ရအူးမယ်။ ငါ့ဟှို ခွမ့်လွှတ်ဟှို့ တောန်းလျှော့‑က်ပါဟှယ်’ ဆိုဘီး ပြောလေဟှယ်။ 
\v 19 နော့‑က်ထပ် တယော့‑က်ဟှ ‘ငါ့ဝယ်ဟှားဟှူ နွားငါးရှဉ်းဟှို မောန်းစမ်းဟှို့ သွားရအူးမယ်။ ငါ့ဟှို ခွမ့်လွှတ်ဟှို့ တောန်းလျှော့‑က်ပါဟှယ်’ ဆိုဘီး ပြောလေဟှယ်။ 
\v 20 နော့‑က်ထပ် တယော့‑က်ဟှ ‘ငါလည်း ခုဘဲ့သေး အီထောန်က္လကြောန့် လာနိုင်ဟှို့ မှုဟှ’ ဆိုဘီး ပြောလေဟှယ်။ 
\v 21 စေခံဟှာ သူ့သခင်နားဟှို ပ္လန်ဟှားဘီးဟှာ အယ်ကြောန်းရာ အားလောင်းဟှို ပ္လန်ပြောပြဟှယ်။ သခင်ဟှာ ရရာတိုင်း ဒေါသထွပ်ဟှားဘီး ‘ဗြို့ထဲမာရှိဟှူ လမ်းမလမ်းကြားလေဟှို ဗြန်းဗြန်သွား။ အယ်ဘီးဟှာ ဆင်းရဲသား၊ အင်္ဂါချို့တဲ့သူ၊ ခေသန်ဘဲဟှူသူ၊ မျစ်စိကန်းသူလေဟှို ခေါ်ပါ’ ဆိုဘီး သူ့ရဲ့စေခံဟှို ပြောလေဟှယ်။ 
\v 22 စေခံဟှာ ပ္လန်ရော့‑က်လာဘီး ‘သခင်၊ သခင်ခိုင်းဒဲ့တိုင်း လောက်ပီးဘီ။ အယ်ဘေမဲ့ နေရာလပ်လေ ရှိနေသေးဟှယ်’ ဆိုဘီး ပြောလေဟှယ်။ 
\v 23 အယ်ကြောန့် သခင်ဟှ ‘ဗြို့ပ္လန်၊ လမ်းမ၊ ခြံစည်းရိုးနားဟှို သွားပါ။ အယ်ဘီးဟှာ ငါ့အီဟှို ပ္လဲ့အောန် လူလေဟှို ခေါ်လာပါ’ ဆိုဘီး စေခံဟှို ပြောလေဟှယ်။ 
\v 24 နန်းနို့ဟှို ငါပြောမယ်။ ရင်းရင်ဒူးဟှ ဖိခေါ်ဟှားဟှူ လူလေ တယော့‑က်လည်း ငါ့ရဲ့ စားသော့‑က်ဗွဲဟှို မြည်းစမ်းရလေ့ဟှို့ မှုဟှ!” ဆိုဘီး ပြောလေဟှယ်။
\s တဗဲ့တော်ဖြစ်ဟှို့တွပ် ပေးရဟှူ ဖိုးခ
\r (မဿဲ ၁၀.၃၇,၃၈)
\p
\v 25 လူအောက်ဂီးဟှာ ယေရှုနတူးဒူ သွားနေဟှူ ခီမာ ကိုယ်တော်ဟှာ လှည့်ကေ့ဘီး 
\v 26 \x - \xo ၁၄.၂၆ \xo*\xt မ ၁၀.၃၇\xt*\x*“ယော့‑က်ယော့‑က်ဟှာ ငါ့နားဟှို လာဘေမဲ့လည်း ငါ့ဟှို ရှစ်ဇာထတ် မိဖ၊ သားမယား၊ နောန်၊ ညီမန သူးနို့ရဲ့ သတ်ဟှို ပိုဘီးရှစ်မယ် ဆိုဟှာ ငါ့တဗဲ့ ဖြစ်နိုင်ဟှို့ မှုဟှ။ 
\v 27 \x - \xo ၁၄.၂၇ \xo*\xt မ ၁၀.၃၈; ၁၆.၂၄; မာ ၈.၃၄; လု ၉.၂၃\xt*\x*သူးနို့ရဲ့ လတ်ဝါးကပ်တိုင်ဟှို ထမ်းဘီး ငါ့နော့‑က်ဟှို လိုက်ဂေ့ဟှ ဆိုဟှာ ငါ့တဗဲ့လေ ဖြစ်နိုင်ဟှို့ မှုဟှ။ 
\v 28 နန်းနို့ထဲဟှ တယော့‑က်ဟှာ မျှော်စင်တခုဟှို ဆော့‑က်မယ် ဆိုဘီး ကြံရှိဟှူသူဟှ ကပ်လော့‑က်ငှအောန် ရှိလော၊ မှေ့ဟှလော ဆိုဘီး ရင်ဦးဆောင်း ထိုင်ဘီး ကူက္လဇာလေဟှို တွပ်ကေ့လေ့မယ်။ 
\v 29 အယ်မျိုးတွပ်ဘဲန ဆိုဟှာ မျှော်စင်ဟှို အုပြစ်ခ္လဘီး ပီးအောန် ဆော့‑က်နိုင်ဘဲကြောန့် ဗြင်ဟှူသူလေ အားလောင်းဟှာ ရယ်ဇားလေ့မယ်။ 
\v 30 ‘အယ်လူဟှာ တည်ဆော့‑က်ဟှို့ စပြုနိုင်ဘေမဲ့ ဆောင်းသတ်နိုင်ဘဲဟှူသူ!’ ဆိုဘီး သူးနို့ဟှာ ပြောဂေ့လေ့မယ်။ 
\v 31 စစ်သား ၁၀,၀၀၀ ရှိဟှူ မန်းဂီးတပါးဟှာ စစ်သား ၂၀,၀၀၀ န ချီတတ်လာဟှူ တခြားမန်းဂီးဟှို ထွပ်ဘီး ရင်ဆိုင်မယ် ဆိုဟှာ အယ်စစ်သားအင်အားန ခုခံနိုင်မယ် ခုခံနိုင်ဟှ ဆိုဘီး ရင်းဦးဆောင်း ထိုင်ဘီးဟှာ တွပ်ကေ့ဘီး ဆောင်းဖြတ်လေ့မယ်။ 
\v 32 ခုခံဟှို့ အင်အားမှေ့ဟှ ဆိုဟှာ တခြားမန်းဂီးဟှာ ဝေးဂီးမာ ရှိနေဂဒဲ့ဟှ တမန်လေဟှို လွှတ်ဘီးဟှာ ငြီးချမ်းရေးစကားဟှို တောန်းလျှော့‑က်ရလေ့မယ်။ 
\v 33 အယ်မျိုးဘဲ့ နန့်နို့မာ ရှိမျှဟှို စွန့်ဘဲဟှ ဆိုဟှာ ငါ့တဗဲ့ ဖြစ်နိုင်ဟှို့ မှုဟှ။”
\s ငန်ဓါတ်မှေ့ဘဲဟှူ ဆားကြောန်း
\r (မဿဲ ၅.၁၃; မာကု ၉.၅၀)
\p
\v 34 “ဆားဟှာ ကောန်းဟှယ်။ အယ်ဘေမဲ့ ငန်ဓါတ်မှေ့ဟှ ဆိုဟှာ ငန်ဟှူ ရသာဟှို ပ္လန်ရဟှို့ နည်းလမ်းမှေ့ဘီ။ 
\v 35 မ္လေဆီလွှာတွပ်လည်း ကောန်းဟှ။ မ္လေဩဇာတွပ်လည်း ကောန်းဘဲဟှူကြောန့် ဝီးဝီးဟှို ပစ်လွှပ်လိုက်ဂေ့ဟှယ်။
\p “အယ်ကြောန့် နန်ဟှာ နားရှိဟှယ် ဆိုဟှာ ကြားဂေ့!” ဆိုဘီး မိန့်တော်မူလေဟှယ်။
\c 15
\s ပျော့‑က်နေဟှူသိုးကြောန်း
\r (မဿဲ ၁၈.၁၂–၁၄)
\p
\v 1 \x - \xo ၁၅.၁ \xo*\xt လု ၅.၂၉,၃၀\xt*\x*တနေ့မာ ခွန်ကော့‑က်မားလေန ပြစ်သားလေဟှာ တရားစကားဟှို နားထောန်ဟှို့တွပ် ယေရှုနားဟှို ရော့‑က်လာဟှူ ခီမာ 
\v 2 ဖာရိရှဲလေန ကျမ်းတတ်ဆရာလေဟှ “အယ်လူဟှာ ပြစ်သားလေဟှို လတ်ခံဘီးဟှာ သူးနို့နတူးဒူလည်း စားသော့‑က်ဂေ့ဟှယ်!” ဆိုဘီး ပြစ်တန်ဂေ့ဟှယ်။ 
\v 3 အယ်ကြောန့် ယေရှုဟှ အယ်ပေါင်ဥပမာန
\p
\v 4 “နန်းနို့ထဲဟှ တယော့‑က်မာ သိုးကောန်တရာရှိဘီး တကောန်ပျော့‑က်ဟှားမယ် ဆိုဟှာ ဖယ်မျိုးလောက်ဂေ့မယ်နူး။ သိုးကိုးဆယ်ကိုးကောန်ဟှို စားကျစ်မာ ထားရစ်ဘီးဟှာ ပျော့‑က်နေဟှူ သိုးတကောန်ဟှို တွိအောန်လိုက်ရှာဂေ့လေ့မယ်။ 
\v 5 အယ်သိုးဟှို ပ္လန်တွိဟှူ ခီမာ ရရာတိုင်း ဝန်းသာဘီးဟှာ ခေါင်းထတ်မာ 
\v 6 ထမ်းဘီး အီဟှို ပ္လန်ဟှားဟှယ်။ အယ်ဘီးန အီဇနီးရှင်းလေန မိဆွေလေဟှို ခေါ်ဘီးဟှာ ‘ပျော့‑က်နေဟှူသိုးဟှို ငါပ္လန်တွိဟှားဘီ။ နို့လေ ပွဲလောက်ဂေ့ဇို့!’ ဆိုဘီး ပြောလေ့မယ်။ 
\v 7 အယ်မျိုးဘဲ့ နောန်ဒရဘဲဟှူ ဖြောန့်မတ်သူ ကိုးဆယ်ကိုးယော့‑က်ထတ် နောန်ဒရဟှူ ပြစ်သားတယော့‑က်တွပ် ကောန်းဂန်ဘောင်မာ ပိုဘီးဝန်းသာလေ့မယ် ဆိုဘီး နန်းနို့ဟှို ငါပြောဟှယ်။”
\s ပျော့‑က်နေဟှူဒန်းဂါးကြောန်း
\p
\v 8 “အယ်မျိုးဘဲ့ မီးမတယော့‑က်မာ ငွေဒန်းဂါး ဆယ်ပ္လားရှိဘီး ငွေဒန်းဂါး တပ္လားပျော့‑က်ဟှားမယ် ဆိုဟှာ အယ်မီးမ ဖြားဇာလောက်မယ်နူး။ သူဟှာ မီးအီထွန်းဘီး၊ ရှင်းလန်းဘီးဟှာ တွိအောန် သေးသေချားချာ ရှာလေ့မယ်။ 
\v 9 အယ်ငွေဒန်းဂါးဟှို တွိဟှူ ခီမာ သူဟှာ အီဇနီးရှင်းလေန မိဆွေလေဟှို ခေါ်ဘီး ‘ပျော့‑က်ဟှားဟှူဒန်းဂါးဟှို ငါပ္လန်တွိဘီ။ နို့လေ ပွဲလောက်ဂေ့ဇို့!’ ဆိုဘီး ပြောလေ့မယ်။ 
\v 10 အယ်မျိုးဘဲ့ ဘုရားသခင်ရဲ့ ကောန်းဂန်တမန်လေဟှာလည်း နောန်ဒရဟှူ ပြစ်သားတယော့‑က်တွပ် ရရာတိုင်း ဝန်းသာလေ့မယ် ဆိုဇာဟှို နန်းနို့ဟှို ငါပြောဟှယ်” ဆိုဘီး မိန့်တော်မူလေဟှယ်။
\s ပျော့‑က်နေဟှူသားကြောန်း
\p
\v 11 ယေရှုဟှာ ဆစ်ဘီး “လူတယော့‑က်မာ သားနှေ့ယော့‑က်ရှိဟှယ်။ 
\v 12 သားငယ်ဟှ ဖဟှို ‘ဖ၊ နို့ရဲ့ မွီလေဟှို ပေးပါ’ ဆိုဘီး တောန်းလေဟှယ်။ အယ်ကြောန့် ဖဟှ သူ့ရဲ့ မွီအောက်စာလေဟှို သားနှေ့ယော့‑က်ဟှို ခွဲဝီပေးလိုက်ဟှယ်။ 
\v 13 ရစ်နဲနဲကြာဘီးန သားငယ်ဟှာ သူ့ရဲ့ မွီအောက်စာလေဟှို ရောန်းခ္လဘီး ကပ်ထုန အီထတ်ဟှနေ ဆင်းဟှားဟှယ်။ သူဟှာ ဟှိုးဝေးဂီးမာရှိနေဟှူ တိုင်းပြည်ဟှို သွားဘီး အယ်နေရာမာ ဗရမ်းဗဒါသတ်ရှင်ဘီးဟှာ သူ့ကပ်လေဟှို ဖြုန်းစားပစ်လေဟှယ်။ 
\v 14 သူ့ရဲ့ ကပ်လေ အားလောင်းဂူဟှို သောင်းဖြုန်းပစ်ဘီးဟှူ ခီမာ အယ်တိုင်းပြည်နှံ့ပ္လားမာ ဆိုးဝါးဟှူငတ်မွတ်မှုဘေး က္လရော့‑က်လာဟှူကြောန့် သူဟှာ ငတ်ပြတ်လေဟှယ်။ 
\v 15 အယ်ကြောန့် အယ်တိုင်းပြည်ရဲ့ ပြည်သားလေထဲဟှ တယော့‑က်နားဟှို လောက်လောက်ဟှို့ သွားလေဟှယ်။ အယ်ပြည်သားဟှ သူ့ရဲ့လဲဗ္လန်ထဲဟှို စေလွှတ်လိုက်ဘီး ဝပ်လေဟှို ထီးခိုင်းလေဟှယ်။ 
\v 16 သူဟှာ ဝပ်လေစားနေဟှူ ပဲတောန့်လေဟှို စားရှင်ဟှူစိ ဖြစ်လာလေဟှယ်။ အယ်ဘေမဲ့ သူ့ဟှို စားဇာတခုခုကျွေးဟှို့သူ ယော့‑က်လည်းမှေ့ဟှ။ 
\v 17 နော့‑က်ဆောင်းမာ သူဟှာ သိတရားဝမ်လာဘီး ‘ငါ့ဖရဲ့ လောက်သမားလေ အားလောင်းဟှာ ဗိုက်ဝအောန် စားနေရဂေ့ဟှယ်။ ငါဟှ အယ်မာ ငတ်ပြတ်နေဟှယ်! 
\v 18 ငါ့ဖနားဟှို သွားဘီး “ဖ၊ နို့ဟှာ ကောန်းဂန်ဟှိုရော၊ နို့ဖဟှိုရော ပြစ်မှားမိဘီ။ 
\v 19 နို့ဟှို သား ဆိုဘီး ခေါ်ဟှို့ထိုက်ဟှ။ နို့ဖရဲ့ လောက်သမား တယော့‑က်မျိုးဘဲ့ ပြုမှုပါ” ဆိုဘီး ပြောမယ်’ ဆိုဘီး ကြံစည်ရှိလေဟှယ်။ 
\v 20 အယ်ကြောန့် သူဟှာ ထဘီး ဖနားဟှို ပ္လန်ဟှားဟှယ်။
\p “သူဟှာ ဟှိုးဝေးမာရှိနေဒူးမာ သူ့ရဲ့ဖဟှ သားဟှို ဗြင်လိုက်ဟှူ ခီမာ သနားစိဖြစ်လာဟှူကြောန့် ပ္လေးလာဘီး၊ သူ့ဟှို ပိုက်ဘီး နမ်းလေဟှယ်။ 
\v 21 သားဟှာ ‘ဖ၊ နို့ဟှာ ကောန်းဂန်ဟှိုရော၊ နို့ဖဟှိုရော ပြစ်မှားမိဘီ။ နို့ဟှို သား ဆိုဘီး ခေါ်ဟှို့ထိုက်ဟှ’ ဆိုဘီး ပြောလေဟှယ်။ 
\v 22 အယ်ဘေမဲ့ ဖဟှ စေခံလေဟှို ခေါ်လိုက်ဘီး ‘ဗြန်းဗြန်လောက်! ကောန်းဆောင်း ဝတ်လောင်ရှယ်ဟှို ယူလာဘီးဟှာ သူ့ဟှို ဝတ်ပေးဂေ့။ သူ့လတ်မာ လတ်စွပ်ဟှို စွပ်ပေးဘီး သူ့ရဲ့ခေမာ ခေနပ်ဟှို စီးပေးဂေ့။ 
\v 23 အယ်ဘီးဟှာ ကောန်းဆောင်း နွားသားဂန်းဟှို သွားဘီးဟှာသတ်ဂေ့။ နို့လေ စားသော့‑က်ဗွဲဂီးဟှို လောက်ဂေ့ဇို့! 
\v 24 ဖြားဖြစ်ကြောန့်နူးဆိုဟှာ ငါ့သားဟှာ ရင်ဒူးဟှသေဟှားဘေမဲ့ ခုပ္လန်ရှင်ဟှားဘီ။ ရင်ဒူးဟှပျော့‑က်ဟှားဘေမဲ့ ခုပ္လန်တွိဟှားဘီ’ ဆိုဘီး ပြောလေဟှယ်။ အယ်ဘီးန စားသော့‑က်ဗွဲဂီးဟှို စပြုဂေ့လေဟှယ်။”
\p
\v 25 “အယ်ခီမာဘဲ့ သားဂီးဟှာ လဲဗ္လန်ဟှနေ အီဟှို ပ္လန်လာလေဟှယ်။ အီနားဟှို ရော့‑က်လာဟှူ ခီမာ တီးမှုသံလေ၊ ကခူသံလေဟှို ကြားရဟှယ်။ 
\v 26 အယ်ကြောန့် စေခံတယော့‑က်ဟှို ခေါ်ဘီး ‘ဖြားဇာလေဖြစ်နေဂေ့နူး။’ ဆိုဘီး မေးလေဟှယ်။ 
\v 27 စေခံဟှ ‘သင့်ရဲ့ညီဟှာ ဘေးတွိဘဲ့န ပ္လန်ရော့‑က်လာဟှူကြောန့် သင့်ရဲ့ဖဟှ ကောန်းဆောင်း နွားသားဂန်းဟှို သတ်ဘီးဟှာ စားသော့‑က်ဗွဲဂီး လောက်ပေးနေဟှယ်’ ဆိုဘီး ပ္လန်ပြောလေဟှယ်။ 
\v 28 သားဂီးဟှာ ရရာတိုင်း မျစ်ဘီးဟှာ အီထဲဟှို ဝမ်ဘဲန နေလေဟှယ်။ အယ်ကြောန့် သူ့ဖဟှာ ပ္လန်ဟှို ထွပ်လာဘီးဟှာ သူ့ဟှို ဖျောန်းဖျလေဟှယ်။ 
\v 29 အယ်ဘေမဲ့ သူဟှာ ဖဟှို ‘နို့ဟှာ နှစ်လေဘောင်ဂီး ကျွန်တယော့‑က်မျိုး နို့ဖတွပ် လောက်လောက်ပေးဟှယ်။ နို့ဖရဲ့ မိန့်ဟှိုလည်း မြဲဒမ်း နားထောန်ဟှယ်။ အယ်ဘေမဲ့ နို့ဖဟှာ နို့ဟှို ဖြားဇာပေးဖူးနူး။ နို့ငယ်ဂျင်းလေနတူးဒူ စားသော့‑က်ဗွဲလောက်ဟှို့တွပ် ဘဲ့တကောန်ဟှိုမျှ ပေးဖူးဟှ! 
\v 30 အယ်ဘေမဲ့ နို့ဖရဲ့ အောက်စာပစ်စီးလေဟှို မီးမပျစ်လေန ပျော်ပါးဖ္လူးစားပစ်ဘီး ပ္လန်လာဟှူ အယ်သားတွပ် ဆိုဘီး ကောန်းဆောင်း နွားသားဂန်းဟှို သတ်ဘီးကျွေးဟှယ်!’ ဆိုဘီး ပ္လန်ပြောလေဟှယ်။ 
\v 31 ဖဟှ ‘ငါ့သား၊ သားဟှ ဖနတူးဒူ မြဲဒမ်းနေဟှယ်။ ဖရဲ့ အောက်စာပစ်စီး အားလောင်းဂူးဟှာလည်း သားရဲ့ အောက်စာပစ်စီးလေ ဖြစ်ဟှယ်။ 
\v 32 အယ်ဘေမဲ့ သားရဲ့ ညီဟှာ ရင်ဒူးဟှ သေဟှားဘေမဲ့ ခုပ္လန်သတ်ရှင်ဟှားဘီ။ ရင်ဒူးဟှ ပျော့‑က်ဟှားဘေမဲ့ ခုပ္လန်တွိဟှားဘီ။ အယ်ကြောန့် နို့လေဟှာ ဝန်းသာဘီး ပွဲလောက်နေဟှယ်’ ဆိုဘီး ပ္လန်ပြောလေဟှယ်” ဆိုဘီး မိန့်တော်မူလေဟှယ်။
\c 16
\s ပါးနပ်ဟှူ ဘဏ္ဍာစိုးကြောန်း
\p
\v 1 ယေရှုဟှာ တဗဲ့တော်လေဟှို “ဌေးတယော့‑က်မာ ဘဏ္ဍာစိုး တယော‑က် ရှိဟှယ်။ အယ်ဘဏ္ဍာစိုးဟှာ ဌေးရဲ့ အောက်စာ ပစ်စီးလေဟှို ဖ္လူးစားပစ်နေဟှယ် ဆိုဘီး ဌေးဟှို လာပြောဂေ့ဟှယ်။ 
\v 2 အယ်ကြောန့် ဌေးဟှ ဘဏ္ဍာစိုးဟှို ခေါ်ဘီး ‘နန့်ကြောန်းလေ ငါကြားရဇာလေဟှ ဖြားလေနူး။ နန့်ဟှို ငါ့ရဲ့ ဘဏ္ဍာစိုးဖြစ်န ဆစ်ဘီး ထားနိုင်ဟှို့မှုဘီ။ အယ်ကြောန့် နန့်ရဲ့ လောက်ငန်းနဆိုင်ဟှူု ငွေစာရင်းလေဟှို တန်ပြပါ’ ဆိုဘီး ပြောလေဟှယ်။ 
\v 3 ဘဏ္ဍာစိုးဟှ ‘ငါ့သခင်ဟှ ငါ့ဟှို လောက်ဖ္လုလိုက်ဘီ။ ငါ ဖယ်မျိုးလောက်ရမယ်နူး။ ငါ့မာ မ္လေတူးဟှို့ ခွန်အားလည်းမှေ့ဟှ။ တောန်းစားဟှို့လည်း ငါယှစ်ဟှယ်။ 
\v 4 ဘဏ္ဍာစိုး ရာထူးဟှနေ ငါပ္လုဟှားဟှူ ခီမာ လူလေဟှာ သူးနို့ရဲ့ အီလေမာ ငါ့ဟှို လတ်ခံအောန် ဖြားမျိုးလောက်ရမယ် ဆိုဇာဟှို ငါသိဘီ!’ ဆိုဘီး ကိုယ့်ကိုကိုယ် ပြောလေဟှယ်။ 
\v 5 အယ်ကြောန့် သူ့သခင်ဟှို ကပ်ကွီးပေးဇာရှိဟှူ လူလေ အားလောင်းဂူဟှို ခေါ်လိုက်ဟှယ်။ ပထမလူဟှို ‘ငါ့သခင်ဟှို ဆပ်ရဟှို့ ကပ်ကွီး ဖယ်မျှရှိနူး’ ဆိုဘီး မေးလေဟှယ်။ 
\v 6 အယ်လူဟှ ‘ဆီဂါလံ ၈၀၀ ပေးဇာ ရှိပါဟှယ်’ ဆိုဘီး ပ္လန်ဖြေဟှယ်။ ဘဏ္ဍာစိုးဟှ သူ့ဟှို ‘နန့်ရဲ့ ကပ်ကွီးစာရင်းဟှို ယူဘီး ဂါလံ ၄၀၀ ဆိုဘီး ဗြန်းဗြန်ဟှားရေးပါ’ ဆိုဘီး ပြောလေဟှယ်။ 
\v 7 အယ်ဘီးန နော့‑က်ထပ် တယော့‑က်ဟှို ‘နန့်မာလည်း ကပ်ကွီး ဖယ်မျှရှိဟှယ်နူး’ ဆိုဘီး မေးလေဟှယ်။ သူဟှ ‘ဂျောင်အိ ၁,၀၀၀ ပေးဇာရှိပါဟှယ်’ ဆိုဘီး ပ္လန်ဖြေဟှယ်။ ဘဏ္ဍာစိုးဟှ ‘နန့်ရဲ့ ကပ်ကွီး စားရင်းဟှို ယူဘီး အိ ၈၀၀ ဆိုဘီး ရေးပါ’ ဆိုဘီး သူ့ဟှို ပြောလေဟှယ်။ 
\v 8 သခင်ဟှ အယ်မျိုးရိုးသားဘဲဟှူ ဘဏ္ဍာစိုးရဲ့ ပါးနပ်ဟှူ လောက်ဆောန်မှုတွပ် သူ့ဟှို ချီးကျူးလေဟှယ်။ ဖြားဖြစ်ကြောန့်နူးဆိုဟှာ လောကသားလေဟှာ သူးနို့ရဲ့ လောကီကိစလေ လောက်ဟှူ ခီမာ လန်းသားလေထတ် ပိုဘီး ပါးနပ်ဂေ့ဟှယ်” ဆိုဘီး မိန့်တော်မူလေဟှယ်။
\p
\v 9 ယေရှုဟှ “နန်းနို့ဟှို ငါပြောမယ်။ လောက စည်းဇိမ်အားဖြင့် မိဆွေလေ ရအောန်လောက်ဂေ့။ အယ်မျိုးဆိုဟှာ အယ်စည်းဇိမ်လေ ကူဟှားဟှူ ခီမာ သူးနို့ဟှာ နန်းနို့ဟှို ထာဝရအီတော်မာ ကြိုဆိုလတ်ခံလေ့မယ်။ 
\v 10 သေးငယ်ဟှူ မှုမာ သစ်စာရှိဟှူသူဟှာ ကီးမားဟှူ မှုမာလည်း သစ်စာရှိလေ့မယ်။ သေးငယ်ဟှူ မှုမာ သစ်စာမှေ့ဘဲဟှူသူဟှာ ကီးမားဟှူ မှုမာလည်း သစ်စာရှိလေ့မယ် မှုဟှ။ 
\v 11 အယ်ကြောန့် နန်းနို့ဟှာ လောကစည်းဇိမ်ဟှို သောင်းပြုဟှူ ခီမာ သစ်စာမှေ့ဘဲဟှူသူ ဖြစ်မယ် ဆိုဟှာ စစ်မှန်ဟှူ စည်းဇိမ်ဟှို ဖယ်သူဟှ နန်းနို့ဟှို အပ်နှံမယ်နူး။ 
\v 12 အယ်ဘီးဟှာ တခြားလူရဲ့ အောက်စာပစ်စီးဟှို သောင်းပြုဟှူ ခီမာ သစ်စာမှေ့ဟှ ဆိုဟှာ နန်းနို့ပိုင်ဆိုင်ဟှို့ အောက်စာပစ်စီးဟှို ဖယ်သူဟှာ ပေးဂေ့မယ်နူး။
\p
\v 13 \x - \xo ၁၆.၁၃ \xo*\xt မ ၆.၂၄\xt*\x*“ဖယ်ကျွန်ဘဲ့ဖြစ်ဖြစ် သခင်နှေ့ယော့‑က်ရဲ့ စေဟှို ခံနိုင်ဟှ။ သခင်တယော့‑က်ဟှို မူးဘီး သခင်တယော့‑က်ဟှို ရှစ်လေ့မယ်။ တယော့‑က်ဟှို သစ်စာစောန့်ဘီး တယော့‑က်ဟှို ထီမဲ့မြင်လောက်လေ့မယ်။ နန်းနို့လေဟှာ ဘုရားသခင်န လောကစည်းဇိမ်လေဟှို တပြိုင်ဒဲ စေခံနိုင်ဂေ့ဟှ” ဆိုဘီး မိန့်တော်မူလေဟှယ်။
\s ယေရှုရဲ့ စကားတော်တချို့
\r (မဿဲ ၁၁.၁၂,၁၃; ၅.၃၁,၃၂; မာကု ၁၀.၁၁,၁၂)
\p
\v 14 အယ်စကားလေဟှို ဖာရိရှဲလေ ကြားရဟှူ ခီမာ ယေရှုဟှို လှောန်ပြောန်ဂေ့ဟှယ်။ ဖြားဖြစ်ကြောန့်နူးဆိုဟှာ သူးနို့လေဟှာ ကပ်မတ်မားလေ ဖြစ်ဟှယ်။ 
\v 15 ယေရှုဟှာ သူးနို့ဟှို “နန်းနို့ဟှာ လူလေရဲ့ ရှေ့မာ ဖြောန့်မတ်ဟန်ဆောန်ဟှယ်။ အယ်ဘေမဲ့ ဘုရားသခင်ဟှာ နန်းနို့ရဲ့ စိနှလောင်းဟှို သိနေဟှယ်။ လူလေ ရရာတိုင်း တန်ဖိုးထားဟှူဇာဟှာ ဘုရားသခင်ရဲ့ ရှေ့မာ ရွံဇာကောန်းဟှယ်” ဆိုဘီး မိန့်တော်မူလေဟှယ်။
\p
\v 16 \x - \xo ၁၆.၁၆ \xo*\xt မ ၁၁.၁၂,၁၃\xt*\x*“မောရှေရဲ့ ပညတ်ကျမ်းန ပရောဖက်ကျမ်းလေဟှာ ဗတ္တိဇံယောဟန် လတ်ထတ်ထိ သတ်ရော့‑က်မှု ရှိဟှယ်။ အယ်ခီဂဒဲဟှနေ ဘုရားသခင်ရဲ့ နိုင်ငံတော်ကြောန်း ဒန်းကောန်းဟှို ဟောပြောဂေ့ဟှယ်။ လူတိုင်းဟှာ အယ်နိုင်ငံတော်ထဲဟှို လုယက် တိုးဝမ်ဂေ့ဟှယ်။ 
\v 17 \x - \xo ၁၆.၁၇ \xo*\xt မ ၅.၁၈\xt*\x*အယ်ဘေမဲ့ ပညတ်တရားထဲမာ ငယ်ဆောင်းဖြစ်ဟှူ စာလောင်း တလောင်းပျစ်စီးဟှို့ထတ် ကောန်းဂန်ဘောင်န မ္လေဂီး ပျစ်စီးဟှို့ လွယ်ဟှယ်။”
\p
\v 18 \x - \xo ၁၆.၁၈ \xo*\xt မ ၅.၃၂; ၁ ကော ၇.၁၀,၁၁\xt*\x*“ကိုယ့်မယားဟှို ကွာရှင်းဘီးဟှာ တခြားမီးမန အီထောန်ပြုဟှူသူဟှာ အီထောန်ရေးဖော့‑က်ပ္လန်ရှင်းဟှို ကျူးလွန်သူ ဖြစ်ဟှယ်။ ကွာရှင်းဟှားဟှူ မီးမတယော့‑က်န အီထောန်ပြုဟှူ ယော့‑က်ကျားဟှာလည်း အီထောန်ရေးဖော့‑က်ပ္လန်ရှင်းဟှို ကျူးလွန်ဟှယ်။”
\s ဌေးန လာဇရု
\p
\v 19 “တခါဟှ ဌေးတယော့‑က်ဟှာ ရရာတိုင်း ဖိုးကီးဟှူ ခရမ်းရောန်ဝတ်ရောင်န ပိချောဟှို ဝတ်ဆင်ဘီး ရစ်တိုင်း စည်းဇိမ်ခံစားဘီး နေလေဟှယ်။ 
\v 20 ဌေးရဲ့ အီခွဗော့‑က်နားမာ လာဇရု နာမယ်ရှိဟှူ ဆင်းရဲသား တယော့‑က်ရှိဘီး သူ့တကောန်လောင်းမာ အိုင်းနာလေ ပေါ့‑က်နေဘီး၊”
\p
\v 21 “သူဟှာ ဌေးရဲ့ စားဗွဲဟှ က္လဟှူ စားကြွင်းစားကျန်လေဟှို စားရဟှို့တွပ် မျှော်နေဟှယ်။ ခွီးလေဟှလည်း သူ့ရဲ့ အိုင်းနာလေဟှို လာဘီး ရစ်နေလေဟှယ်။ 
\v 22 ဆင်းရဲသားဟှာ သေဟှားဟှူ ခီမာ ကောန်းဂန်တမန်လေဟှ သူ့ဟှို အာဗြဟံရဲ့ ဘေးမာ ထိုင်စေဟှို့ သယ်ဆောန်ဟှားလေဟှယ်။ ဌေးလည်း သေဟှားဘီးဟှာ သင်္ဂြိုဟ်ရှင်းဟှို ခံရလေဟှယ်။ 
\v 23 သူဟှာ မရဏာနိုင်ငံ\f + \fr ၁၆.၂၃ \fr*\fk မရဏာနိုင်ငံ၊ \fk*\ft လူသေလေရဲ့ လောက။\ft*\f*မာ ဝေဒနာဟှို ဆိုးဆိုးဝါးဝါး ခံနေရဘီး မော့ကေ့လိုက်ဇာ အာဗြဟံန အာဗြဟံရဲ့ ဘေးမာ လာဇရုဟှိုလည်း ဗြင်လိုက်ရဟှယ်။ 
\v 24 အယ်ကြောန့် သူဟှ ‘ဖအာဗြဟံ! ကျွန်တော့်ဟှို သနားပါ။ ကျွန်တော်ဟှာ အယ်မီးဘောင်ထဲမာ ဝေဒနာဟှို ဆိုးဆိုးဝါးဝါး ခံနေရကြောန့် လာဇရုရဲ့ လတ်ဖျားဟှို ရေဆွတ်ဘီး ကျွန်တော့်လျှာဟှို အေးစေဟှို့ သူ့ဟှို စေလွှတ်ပေးပါ!’ ဆိုဘီး အော်ပြောလေဟှယ်။ 
\v 25 အယ်ဘေမဲ့ အာဗြဟံဟှ ‘ငါ့သား၊ နန်ဟှာ သတ်ရှင်ခီဒူးဟှ ကောန်းဟှူဇာလေဟှို လတ်ခံရရှိဘီး လာဇရုဟှာ ကောန်းဘဲဟှူဇာလေဟှို လတ်ခံရရှိခဲ့ဟှယ် ဆိုဇာဟှို အော့‑က်မေ့ပါ။ အယ်ဘေမဲ့ ခု သူဟှာ အယ်နေရာမာ သတ်သာရှင်းရှိဘီး နန်ဟှ ဝေဒနာဟှို ဆိုးဆိုးဝါးဝါး ခံစားနေရဟှယ်။ 
\v 26 အယ်ဘီးဟှာ နန့်နို့န နို့လေကြားမာ ရရာတိုင်း နတ်ဟှူချော့‑က်ဂီး တခုရှိဟှယ်။ အယ်ကြောန့် နန်းနို့ဟှလည်း နို့လေနားဟှို ကူးနိုင်ဂေ့ဟှ။ နို့လေဟှလည်း နန်းနို့နားဟှို ကူးနိုင်ဂေ့ဟှ’ ဆိုဘီး ပ္လန်ပြောလေဟှယ်။ 
\v 27 ဌေးဟှ ‘ဖ၊ အယ်ဆိုဟှာ လာဇရုဟှို ကျွန်တော့်ဖရဲ့ အီဟှို စေလွှတ်ပေးဟှို့တွပ် ကျွန်တော် တောန်းလျှော့‑က်ပါဟှယ်။ 
\v 28 ကျွန်တော့်မာ ညီငါးယော့‑က်ရှိပါဟှယ်။ သူးနို့လေဟှို ဝေဒနာခံစားရဟှူ အယ်နေရာဟှို ရော့‑က်ဘဲအောန် သူးနို့ဟှို ဒိပေးဟှို့ လာဇရုဟှို သွားစေပါ’ ဆိုဘီး ပြောလေဟှယ်။ 
\v 29 အာဗြဟံဟှ ‘နန့်ရဲ့ ညီလေဟှို ဒိပေးဟှို့ မောရှေန ပရောဖက်လေရှိဟှယ်။ သူးနို့စကားလေဟှို နားထောန်ရမယ်’ ဆိုဘီး ပြောလေဟှယ်။ 
\v 30 ဌေးဟှ ‘ဖအာဗြဟံ၊ အယ်မျိုး မှုဟှ! သေရာဟှ ပ္လန်ရှင်လာဟှူ ယော့‑က်ယော့‑က်ဟှို သူးနို့နားဟှို သွားစေမယ် ဆိုဟှာ သူးနို့ဟှာ နောန်ဒရလေ့မယ်’ ဆိုဘီး ပ္လန်ပြောလေဟှယ်။ 
\v 31 အယ်ဘေမဲ့ အာဗြဟံဟှ ‘သူးနို့လေဟှာ မောရှေန ပရောဖက်လေရဲ့ စကားဟှို နားထောန်ဂေ့ဟှ ဆိုဟှာ သေရာဟှနေ ပ္လန်ရှင်လာဟှူ ယော့‑က်ယော့‑က်ဟှိုလည်း လတ်ခံယောင်ကြည်ဂေ့ဟှို့ မှုဟှ’ ဆိုဘီး ပြောလေဟှယ်” ဆိုဘီး မိန့်တော်မူလေဟှယ်။
\c 17
\s ပြစ်ကြောန်း
\r (မဿဲ ၁၈.၆,၇,၂၁,၂၂; မာကု ၉.၄၂)
\p
\v 1 ယေရှုဟှာ တဗဲ့တော်လေဟှို “လူလေဟှို ပြစ်ထဲက္လအောန် လောက်ဟှို့ မှားယွင်းဇာလေ ရှိရမယ်။ အယ်ဘေမဲ့ ပြစ်ထဲက္လအောန် မှားယွင်းဇာလေ လောက်ဟှူသူဟှာ အမင်္ဂလာရှိဟှယ်။ 
\v 2 အယ်လူဟှာ အယ်မျိုး သားဂန်းတယော့‑က်ဟှို မှားယွင်းစေရှင်းထတ် ကိုယ့်လည်ဗန်းမာ ကီးမားဟှူ က္လိဆောင်ဟှို ဆွဲဘီးဟှာ ပန်လယ်ထဲမာ ပစ်ခ္လခံရရှင်းဟှာ ပိုဘီးကောန်းအူးမယ်။ 
\v 3 \x - \xo ၁၇.၃ \xo*\xt မ ၁၈.၁၅\xt*\x*အယ်ကြောန့် ဖြားဘဲ့လောက်လောက် ဒိထားဂေ့!
\p “နန့်ရဲ့ ညီအစ်ကိုဟှ နန့်ဟှို ပြစ်မှားမယ် ဆိုဟှာ သူ့ဟှို ဆောင်းမပါ။ သူဟှာ နောန်ဒရမယ် ဆိုဟှာ ခွမ့်လွှတ်လိုက်ပါ။ 
\v 4 သူ့ဟှ နန့်ဟှို တရစ်မာ ခွန်နစ်ခါ ပြစ်မှားဘီးဟှာ ခွန်နစ်ခါလောင်းလောင်း နန့်နားဟှို လာဘီးဟှာ ‘ငါနောန်ဒရဘီ’ ဆိုဘီး လာပြောမယ် ဆိုဟှာ သူ့ဟှို ခွမ့်လွှတ်ရမယ်” ဆိုဘီး မိန့်တော်မူလေဟှယ်။
\s ယောင်ကြည်ရှင်းကြောန်း
\p
\v 5 တမန်တော်လေဟှ သခင်ဘုရားဟှို “ကျွန်တော့်ဟှားလေရဲ့ ယောင်ကြည်ရှင်းဟှို တိုးလာအောန် လောက်ပေးတော်မူပါ!” ဆိုဘီး လျှော့‑က်ဂေ့ဟှယ်။
\p
\v 6 သခင်ဘုရားဟှ “နန်းနို့မာ မုညင်းစေ့လော့‑က် ယောင်ကြည်ရှင်း ရှိမယ် ဆိုဟှာ အယ်ပိုးစားဗန်ဟှို ‘ပြစ်ဟှနေ က္လော့ဘီးဟှာ ပန်လယ်ထဲမာ စိုက်နေစေ!’ ဆိုဘီး နန်းနို့ဟှ ပြောမယ် ဆိုဟှာ နန်းနို့ပြောဟှူတိုင်း အယ်ပန်ဟှ နားထောန်လေ့မယ်။
\s စေခံတယော့‑က်ရဲ့ တာဝန်
\p
\v 7 “နန်းနို့ထဲဟှ တယော့‑က်မာ လယ်ထွန်ဟှို့၊ သိုးထီးဟှို့ ခိုင်းဟှားဟှူ စေခံတယော့‑က်ရှိဟှယ်။ သူဟှာ လဲဗ္လန်ဟှ ပ္လန်လာဟှူ ခီမာ ဗြန်းဗြန်လာဘီး စားသော့‑က်ဂေ့ ဆိုဘီးဟှာ နန်းနို့ထဲမာ ဖယ်သူပြောမယ်နူး။ 
\v 8 လောင်းဝပြောဟှို့ မှုဟှ! အယ်မျိုးပြောဟှို့စား ‘ငါ့တွပ်စားဇာပြင်ပါ။ ငါစားသော့‑က်နေဒူးမာ ခါးစဲဘီး ငါ့ဟှို စေခံပါ။ ငါစားဘီးမှ နန်စားရမယ်’ ဆိုဘီး ပြောလေ့မယ် မှုဟှလော။ 
\v 9 စေခံဟှာ ခိုင်းဟှားဟှူတိုင်း လောက်ပေးဟှူကြောန့် သူ့ဟှို ကျေးဇူးတန်ရဟှို့လော။ 
\v 10 အယ်မျိုးဘဲ့ နန်းနို့ဟှို ခိုင်းဟှားဟှူ လောက်လေ အားလောင်းဂူ လောက်ဘီးဟှားဟှူု ခီမာ ‘နို့လေဟှာ သာမန်စေခံလေ ဖြစ်ဘီး နို့လေရဲ့ တာဝန်ဟှို လောက်ဆောန်ဇာဘဲ့ ဖြစ်ဟှယ်’ ဆိုဘီး ပြောဂေ့ပါ” ဆိုဘီး မိန့်တော်မူလေဟှယ်။
\s ယေရှုဟှာ လူဆယ်ယော့‑က်ဟှို နာပျော့‑က်စေဟှူကြောန်း
\p
\v 11 ယေရှုဟှာ ယေရုရှလင်ဗြို့ဟှို ကြွဟှားဟှူ ခီမာ ရှမာရိပြည်န ဂါလိလဲပြည် နယ်စပ်ဟှနေဘီး ကြွတော်မူလေဟှယ်။ 
\v 12 ကိုယ်တော်ဟှာ ဝါတဝါထဲဟှို ဝမ်တော်မူဟှူ ခီမာ နူနာ ဆယ်ယော့‑က်ဟှာ ကိုယ်တော့်ဟှို လာတွိဂေ့ဟှယ်။ သူးနို့လေဟှာ ဝီးဝီးမာ ရပ်နေဘီး 
\v 13 “သခင်ယေရှု! ကျွန်တော့်ဟှားလေဟှို သနားတော်မူပါ!” ဆိုဘီး အော်ပြောလေဟှယ်။
\p
\v 14 ယေရှုဟှာ သူးနို့ဟှို ဗြင်တော်မူဟှူ ခီမာ “နန်းနို့ဟှာ ယဇ်ပုရောဟိတ်လေနားဟှို သွားဘီး မိမိကိုယ်ဟှို ပြဂေ့” ဆိုဘီး မိန့်တော်မူလေဟှယ်။
\p သူးနို့ဟှာ သွားနေဒူးမာဘဲ့ သန့်ရှင်းဟှားလေဟှယ်။\f + \fr ၁၇.၁၄\fr*\fk သန့်ရှင်းဟှားလေဟှယ်၊ \fk*\ft ရှု \ft*\xt ၅.၁၂\xt*။\f* 
\v 15 သူးနို့ထဲဟှ တယော့‑က်ဟှာ ရောဂါပျော့‑က်ဟှားဘီ ဆိုဇာဟှို ဗြင်ဟှူ ခီမာ ဘုရားသခင်ဟှို သံက္လယ်ဂီးန ချီးမွမ်းဘီး ပ္လန်လာလေဟှယ်။ 
\v 16 ယေရှုရဲ့ ခေတော်ရင်းမာ ပျပ်ဝပ်ဘီးဟှာ ကိုယ်တော့်ဟှို ကျေးဇူးတန်လေဟှယ်။ အယ်လူဟှာ ရှမာရိလူ တယော့‑က်ဖြစ်ဟှယ်။ 
\v 17 ယေရှုဟှ “လူဆယ်ယော့‑က်လောင်း သန့်ရှင်းဟှားဟှယ် မှုဟှလော။ ကျန်ဟှူ ကိုးယော့‑က်ဟှ ဖယ်မာနူး။ 
\v 18 ဖြားဖြစ်ကြောန့် အယ်လူမျိုးခြား တယော့‑က်ဘဲ့ ပ္လန်လာဘီး ဘုရားသခင်ဟှို ချီးမွမ်းရနူး။” ဆိုဘီး မေးတော်မူလေဟှယ်။ 
\v 19 အယ်ဘီးန ယေရှုဟှ သူ့ဟှို “ထဘီးသွားဝေါ့၊ နန့်ရဲ့ ယောင်ကြည်ရှင်းဟှ နန့်ဟှို ကျန်းမာစေဘီ” ဆိုဘီး မိန့်တော်မူလေဟှယ်။
\s နိုင်ငံတော် တည်ထောန်ဟှူကြောန်း
\r (မဿဲ ၂၄.၂၃–၂၈,၃၇–၄၁)
\p
\v 20 ဖာရိရှဲတချို့ဟှ ယေရှုဟှို ဘုရားသခင်ရဲ့ နိုင်ငံတော်ဟှာ ဖယ်ခီမာ တည်ထောန်မယ်နူး။ ဆိုဘီး မေးဂေ့ဟှယ်။ ကိုယ်တော်ဟှ “ဘုရားသခင်ရဲ့ နိုင်ငံတော်ဟှာ ဗြင်ရဟှူ နိုင်ငံမျိုး တည်ထောန်ဟှို့ မှုဟှ။ 
\v 21 ‘ကေ့ကေ့။ နိုင်ငံတော်ဟှ အယ်မာရှိဟှယ်! ဟောက်မာရှိဟှယ်!’ ဆိုဘီး ဖယ်သူလည်း ပြောနိုင်လေ့မယ် မှုဟှ။ ဖြားဖြစ်ကြောန့်နူးဆိုဟှာ နိုင်ငံတော်ဟှ နန်းနို့ထဲမာ\f + \fr ၁၇.၂၁ \fr*\fq နန်းနို့ထဲမာ၊ \fq*\ft အယ်မျိုးမှုဘဲ့ဟှာ \ft*\fqa နန်းနို့ကြားထဲမာ \fqa*\ft အယ်မျိုးမှုဘဲ့ဟှာ \ft*\fqa နန်းနို့ကြားထဲမာ ရောက်တရစ် ပေါ်လာလေ့မယ်။\fqa*\f* ရှိနေကြောန့် ဖြစ်ဟှယ်” ဆိုဘီး မိန့်တော်မူလေဟှယ်။
\p
\v 22 အယ်ဘီန ကိုယ်တော်ဟှာ တဗဲ့တော်လေဟှို “နန်းနို့ ဗြင်ရှင်နေဟှူ လူ့သားရဲ့ နေ့ရစ်တရစ် ရော့‑က်လာလေ့မယ်။ အယ်ဘေမဲ့ နန်းနို့ ဗြင်ရလေ့မယ် မှုဟှ။ 
\v 23 လူလေဟှ ‘ကေ့ကေ့၊ လူ့ရဲ့သားဟှာ ဟောက်မာရှိဟှယ်! အယ်မာရှိဟှယ်!’ ဆိုဘီး နန်းနို့ဟှို ပြောလေ့မယ်။ အယ်ဘေမဲ့ လိုက်ရှာဂေ့န။ 
\v 24 ဖြားဖြစ်ကြောန့်နူးဆိုဟှာ လျှပ်စစ်ဟှာ ဖျတ်ဟှူ ခီမာ ကောန်းဂန်တဖတ်ဟှနေ တခြားတဖတ်ထိ လန်းဟှားမျိုးဘဲ့ လူ့ရဲ့သားဟှာ ပ္လန်လာဟှူ နေ့ရစ်မာလည်း အယ်မျိုးဘဲ့ ဖြစ်လေ့မယ်။ 
\v 25 အယ်ဘေမဲ့ သူဟှာ ရင်ဦးဆောင်း နာကျင်ရှင်းလေ ဘောင်ဂီး ခံရဘီး ခုခေတ် လူလေရဲ့ ငြင်းပယ်ရှင်းလေဟှို ခံရလေ့မယ်။ 
\v 26 နောဧရဲ့ နေ့ရစ်လေမာ ဖြစ်ဟှားမျိုးဘဲ့ လူ့ရဲ့သား ပ္လန်လာဟှူ နေ့ရစ်လေမာလည်း ဖြစ်လေ့မယ်။ 
\v 27 နောဧဟှာ သန်းဖောထဲဟှို ဝမ်ဟှူ နေ့ရစ်တိုင်အောန် လူလေဟှာ စားလိုက်၊ သော့‑က်လိုက်၊ လတ်ထပ်လိုက် လောက်နေဂေ့ဟှယ်။ အယ်ဘီးန ရေကီးလာဘီး သူးနို့လေ အားလောင်းဂူဟှို ဖျစ်ဆီးလေဟှယ်။ 
\v 28 အယ်မျိုးဘဲ့ လောတရဲ့ နေ့ရစ်လေမာလည်း လူတိုင်းဟှာ စားလိုက်၊ သော့‑က်လိုက်၊ ရောန်းလိုက်၊ ဝယ်လိုက်၊ စိုက်ပျိုးလိုက်၊ တည်ဆောန်လိုက်န လောက်နေဂေ့ဟှယ်။ 
\v 29 သောဒုံဗြို့ဟှနေ လောတ ထွပ်ဟှူနေ့မာ ကောန်းဂန်ဟှနေ ကန့်န မီးဝါခ္လလိုက်ဘီး သူးနို့လေ အားလောင်းဂူဟှို ဖျစ်စီးလေဟှယ်။ 
\v 30 လူ့ရဲ့သား ပေါ်ထွန်းဟှူ နေ့ရစ်မာလည်း အယ်မျိုးဘဲ့ ဖြစ်လေ့မယ်။”
\p
\v 31 \x - \xo ၁၇.၃၁ \xo*\xt မ ၂၄.၁၇,၁၈; မာ ၁၃.၁၅,၁၆\xt*\x*“အယ်မျိုးနေ့မာ အီးခေါန်မိုးထတ်မာရှိဟှူ လူဟှို အီထဲမာရှိဟှူ ပစ်စီးလေဟှို ယူဟှို့တွပ် အော့‑က်ဟှို ဆင်းစေန။ အယ်မျိုးဘဲ လဲဗ္လန်ထဲမာရှိနေဟှူ လူလည်း အီဟှို ပ္လန်စေန။ 
\v 32 လောတရဲ့ မယားဟှို အော့‑က်မေ့ဂေ့။ 
\v 33 \x - \xo ၁၇.၃၃ \xo*\xt မ ၁၀.၃၉; ၁၆.၂၅; မာ ၈.၃၅; လု ၉.၂၄; ယော ၁၂.၂၅\xt*\x*ကိုယ့်သတ်ဟှို ကယ်ရှင်ဟှူ လူဟှာ သတ်ရှောင်းလေ့မယ်။ ကိုယ့်သတ်ဟှို ရှောင်းစေဟှူသူဟှာ သတ်ဟှို ကယ်တန်လေ့မယ်။ 
\v 34 နန်းနို့ဟှို ငါပြောမယ်၊ အယ်ညဉ့်မာဘဲ့ အိရာတခုဒဲမာ တူးဒူအိနေဟှူ လူနှေ့ယော့‑က်ထဲဟှ တယော့‑က်ဟှို သီးယူဟှားဘီးဟှာ တယော့‑က်ဟှ ကျန်ရစ်လေ့မယ်။ 
\v 35 တူးဒူက္လိဆောင်က္လိနေဟှူ မီးမနှေ့ယော့‑က်ထဲဟှ တယော့‑က်ဟှို သီးယူဟှားဘီးဟှာ တယော့‑က်ဟှ ကျန်ရစ်လေ့မယ်” ဆိုဘီး မိန့်တော်မူလေဟှယ်။ 
\v 36 \f + \fr ၁၇.၃၆ \fr*\ft တချို့ မူရင်းလတ်ရေးမှုလေမာ \ft*\fqa လဲဗ္လန်မာ လောက်လောက်နေဟှူ ယော‑က်ကျားနှေ့ယော့‑က်ထဲဟှ တယော့‑က်ဟှို သီးဟှားဘီးဟှာ တယော့‑က်ဟှ ကျန်ရစ်လေ့မယ်၊ \fqa*\ft ဆိုဘီး ခန်းငယ် ၃၆ ဟှို ထပ်ပေါန်းထဲ့ဟှားဟှယ် \ft*\ft (ရှု \ft*\xt မ ၂၄.၄၀\xt*)။\f*
\p
\v 37 တဗဲ့တော်လေဟှာ ကိုယ်တော့်ဟှို “သခင်၊ အယ်မူဇာလေဟှ ဖယ်နားမာ ဖြစ်ဟှို့နူး” ဆိုဘီး မေးဂေ့ဟှယ်။
\p ယေရှုဟှ “သေကောန်ရှိဟှူ နေရာမာ လင်းတငှတ်လေ စုနေဂေ့လေ့မယ်” ဆိုဘီး မိန့်တော်မူလေဟှယ်။
\c 18
\s မောက်ဆိုးမန တရားသူဂီးရဲ့ ပေါင်ဥပမာ
\p
\v 1 အယ်ဘီးန ယေရှုဟှာ တဗဲ့တော်လေဟှို လောင်းဝ လတ်လျှော့ဘဲန မြဲဒမ်း ဆုတောန်းရမယ် ဆိုဘီး သူးနို့ဟှို သွန်သန်ဟှို့တွပ် ပေါင်ဥပမာန မိန့်တော်မူလေဟှယ်။ 
\v 2 “ဗြို့တဗြို့မာ ဘုရားသခင်ဟှိုလည်း ကြော့‑က်ဘဲဟှူ၊ လူလေဟှိုလည်း ရိုသေဘဲဟှူ တရားသူဂီး တယော့‑က်ရှိဟှယ်။ 
\v 3 အယ်ဗြို့မာရှိဟှူ မောက်ဆိုးမ တယော့‑က်ဟှာ သူ့နားဟှို တခီလောင်းလာဘီး ‘ကျွန်မဟှို တရားစွဲဟှူသူဟှို မျှမျှတတ စီရင်ပေးပါ’ ဆိုဘီး တောန်းဗန်ဟှယ်။ 
\v 4 ခီကြာဂီး တရားသူဂီးဟှာ အယ်မောက်ဆိုးမရဲ့ လျှော့‑က်ထားချစ်ဟှို ငြင်းဆန်လေဟှယ်။ အယ်ဘေမဲ့ နော့‑က်ဆောင်းမာ သူဟှာ ‘ငါဟှာ ဘုရားသခင်ဟှိုလည်း ကြော့‑က်ဟှ။ လူလေဟှိုလည်း ရိုသေဟှ။ 
\v 5 အယ်ဘေမဲ့လည်း အယ်မောက်ဆိုးမဟှာ ငါဟှို နှော့‑က်ယှက်ပေးနေဟှူကြောန့် သူ့မှုဟှို တရားနည်းလမ်းတိုင်း စီရင်မယ်။ အယ်မျိုးလောက်ဟှ ဆိုဟှာ သူဟှာ တခီလောင်းလာဘီး နော့က်ဆောင်းမာ ငါဟှို ပန်ဗန်းစေလေ့မယ်!’ ဆိုဘီး ကိုယ့်ကိုကိုယ် ပြောလေဟှယ်” ဆိုဘီး မိန့်တော်မူလေဟှယ်။
\p
\v 6 သခင်ဘုရားဟှာ ဆစ်ဘီး “တရားဘဲဟှူ တရားသူဂီး ပြောလိုက်ဇာဟှို နားထောန်ကေ့။ 
\v 7 ဘုရားသခင်လည်း သူ့နားဟှို နေ့ရောညဉ့်ပါ ကူညီဟှို့တွပ် အော်ဟစ်နေဟှူ၊ သူဝီးကော့‑က်ဟှားဟှူ လူလေတွပ် စီရင်ဘဲန နေဟှို့လော။ ကိုယ်တော်ဟှာ အယ်လူလေဟှို ကူညီဟှို့တွပ် ခီဆွဲနေဟှို့လော။ 
\v 8 နန်းနို့ဟှို ငါပြောမယ်။ ကိုယ်တော်ဟှာ သူးနို့လေတွပ် ဗြန်းဗြန်ဟှား တရားစီရင်လေ့မယ်။ အယ်ဘေမဲ့ လူ့ရဲ့သား ရော့‑က်လာဟှူ ခီမာ ယောင်ကြည်ရှင်းဟှို မ္လေဂီးထတ်မာ တွိရအူးမယ် ဘဲ့လော။” ဆိုဘီး မိန့်တော်မူလေဟှယ်။
\s ဖာရိရှဲန ခွန်ကော့‑က်မား ပေါင်ဥပမာ
\p
\v 9 ကိုယ့်ဖြောန့်မတ်ရှင်းဟှို အားကိုးဘီး တပါးသူဟှို ထန်သေးတတ်ဟှူ သူလေတွပ် ယေရှုဟှာ အယ်ပေါင်ဥပမာန မိန့်တော်မူလေဟှယ်။ 
\v 10 “တခါဒူးဟှ လူနှေ့ယော့‑က်ဟှာ ဆုတောန်းဟှို့ ဆိုဘီး ဗိမာန်တော်ဟှို သွားဂေ့ဟှယ်။ တယောက်ဟှ ဖာရိရှဲ ဖြစ်ဘီး နော့‑က်တယော့‑က်ဟှ ခွန်ကော့‑က်မား ဖြစ်ဟှယ်။ 
\v 11 ဖာရိရှဲဟှာ မတ်တတ်ရပ်ဘီး ‘ဘုရားသခင်၊ ကျွန်တော်ဟှာ တခြားသူလေမျိုး လောဘကီးဟှူသူ၊ ဖြောန့်မတ်ဘဲဟှူသူ၊ အီထောန်ရေးဖော့‑က်ပ္လန်ဟှူသူ မုဘဲဟှူကြောန့် ကျေးဇူးတန်ဟှယ်။ ကျွန်တော်ဟှာ အယ်ခွန်ကော့‑က်မားမျိုးလည်း မုဘဲဟှူကြောန့် ကိုယ်တော့်ဟှို ကျေးဇူးတန်ဟှယ်’ ဆိုဘီး ဆုတောန်းလေဟှယ်။ 
\v 12 ‘ကျွန်တော်ဟှာ တဘတ်မာ နှေ့ရစ်စာရှောန်ဘီး ကျွန်တော့်ဝမ်ငွေ အားလောင်းရဲ့ ဆယ်ဖို့တဖို့ဟှိုလည်း ပေးဟှယ်’ ဆိုဘီး ဆုတောန်းလေဟှယ်။ 
\v 13 အယ်ဘေမဲ့ ခွန်ကော့‑က်မားဟှာ ဝီးမာဘဲ့ရပ်နေဘီး ကောန်းဂန်ဟှိုလည်း မော်ကေ့ရဲဘဲန ‘ဘုရားသခင်၊ ပြစ်သား ကျွန်တော့်ဟှို သနားတော်မူပါ!’ ဆိုဘီး ရင်ဖတ်ဟှို ထုဘီးဟှာ ဆုတောန်းလေဟှယ်။ 
\v 14 \x - \xo ၁၈.၁၄ \xo*\xt မ ၂၃.၁၂; လု ၁၄.၁၁\xt*\x*နန်းနို့ဟှို ငါပြောမယ်၊ အယ်ခွန်ကော့‑က်မားဟှာ ဘုရားသခင်ရှေ့မာ သူတော်ကောန်းဖြစ်န အီဟှို ပ္လန်ဟှားရဟှယ်။ ဖာရိရှဲဟှ အယ်မျိုးမုဟှ။ ဖြားဖြစ်ကြောန့်နူးဆိုဟှာ သူ့ကိုယ်သူ ချီးမြှော့‑က်ဟှူသူဟှာ နှိခ္လခံရဘီး သူ့ကိုယ်သူ နှိခ္လဟှူသူဟှာ ချီးမြှော့‑က်ရှင်းခံရလေ့မယ်” ဆိုဘီး မိန့်တော်မူလေဟှယ်။
\s ယေရှုဟှ သားဂန်းလေဟှို ကောန်းကြီးပေးဟှူကြောန်း
\r (မဿဲ ၁၉.၁၃–၁၅; မာကု ၁၀.၁၃–၁၆)
\p
\v 15 လူတချို့ဟှာ သူးနို့သားဂန်းလေထတ်မာ လတ်တန်ပေးဟှို့တွပ် ယေရှုနားဟှို ခေါ်ဆောန်လာဟှယ်။ တဗဲ့တော်လေဟှ အယ်မူဇာဟှို ဗြင်ဟှူ ခီမာ သူးနို့ဟှို ပြစ်တန်လေဟှယ်။ 
\v 16 အယ်ဘေမဲ့ ယေရှုဟှာ သားဂန်းလေဟှို သူ့နားဟှို ခေါ်လိုက်ဘီး “သားဂန်းလေဟှာ ငါနားဟှို လာပါလေစေ။ သူးနို့ဟှို တားဂေ့န။ ဖြားဖြစ်ကြောန့်နူးဆိုဟှာ ဘုရားသခင်ရဲ့ နိုင်ငံတော်ဟှာ အယ်သူလေရဲ့ နိုင်ငံဖြစ်ဟှူုကြောန့် ဖြစ်ဟှယ်။ 
\v 17 နန်းနို့ဟှို ငါ မှန်တိုင်းပြောမယ်၊ ဘုရားသခင်ရဲ့ နိုင်ငံတော်ဟှို သားဂန်းတယော့‑က်မျိုး လတ်ခံဘဲဟှူ သူဟှာ နိုင်ငံတော်ဟှို ဝမ်ရလေ့ဟှို့ မုဟှ” ဆိုဘီး မိန့်တော်မူလေဟှယ်။
\s ဌေးသားကြောန်း
\r (မဿဲ ၁၉.၁၆–၃၀; မာကု ၁၀.၁၇–၃၁)
\p
\v 18 ယုဒခေါန်းဆောန်တယော့‑က်ဟှ ယေရှုဟှို “ကောန်းမြတ်ဟှူဆရာ၊ ထာဝရသတ်ဟှို လတ်ခံရရှိဟှို့တွပ် ဖြားမျိုးလောက်ရဟှို့နူး။” ဆိုဘီး မေးလျှော့‑က်လေဟှယ်။
\p
\v 19 ယေရှုဟှ “ငါ့ဟှို ကောန်းမြတ်ဟှူသူ ဆိုဘီး ဖြားဖြစ်ကြောန့် ခေါ်ရနူး။ ဘုရားသခင်မှတပါး ကောန်းမြတ်ဟှူသူ ဖယ်သူလည်း မှေ့ဟှ။ 
\v 20 ‘အီထောန်ရေးဖော့‑က်ပ္လန်န၊ လူသတ်န၊ ခိုးန၊ လီညာဘီးသတ်သေခံန၊ မိဖဟှို ရိုသေရမယ်’ ဆိုဘီး ပညတ်တော်လေဟှို နန်သိဟှယ် မှုဟှလော။” ဆိုဘီး သူ့ဟှို မိန့်တော်မူလေဟှယ်။
\p
\v 21 အယ်သူဟှ “ကျွန်တော်ဟှာ ငဲငယ်ဂဒဲဟှ အယ်ပညတ်လေ အားလောင်းဟှို လိုက်ရှော့‑က်ပီးဘီ” ဆိုဘီး လျှော့‑က်လေဟှယ်။
\p
\v 22 အယ်စကားဟှို ကြားရခီမာ ယေရှုဟှ “နန်လောက်ရဟှို့ တခုကျန်သေးဟှယ်။ နန့်မာရှိဇာလေ အားလောင်းဟှို ရောန်းဘီး ရလာဟှူကပ်ဟှို ဆင်းရဲသားလေဟှို ပေးပါ။ အယ်ဆိုဟှာ နန်ဟှာ ကောန်းဂန်ဘောင်မာ ဘဏ္ဍာဟှို ရလေ့မယ်။ အယ်ဘီးမှ ပ္လန်လာဘီးဟှာ ငါ့နော့‑က်ဟှို လိုက်ရမယ်” ဆိုဘီး သူ့ဟှို မိန့်တော်မူလေဟှယ်။ 
\v 23 အယ်သူဟှာ ကိုယ်တော်ရဲ့ စကားတော်ဟှို ကြားရဟှူ ခီမာ ရရာတိုင်း ဝန်းနဲဟှားဟှယ်။ ဖြားဖြစ်ကြောန့်နူးဆိုဟှာ သူ့မာအောက်စာလေ ဘောင်ဂီးရှိဟှူကြောန့် ဖြစ်လေဟှယ်။
\p
\v 24 ယေရှုဟှာ အယ်သူ ရရာတိုင်း ဝန်းနဲဟှားဟှူဇာဟှို ဗြင်တော်မူဟှူ ခီမာ “ဌေးသားလေဟှာ ဘုရားသခင်ရဲ့ နိုင်ငံတော်ဟှို ဝမ်ဟှို့ ရရာတိုင်း ခတ်ဟှယ်။ 
\v 25 ဌေးသားဟှာ ဘုရားသခင်ရဲ့ နိုင်ငံတော်ထဲဟှို ဝမ်ဟှို့ထတ် ကုလားအုတ်ဟှာ အပ်ပေါ့‑က်ထဲဟှို ဝမ်ဟှို့ ပိုဘီး လွယ်ဟှယ်” ဆိုဘီး မိန့်တော်မူလေဟှယ်။
\p
\v 26 အယ်စကားဟှို ကြားရဟှူ သူလေဟှာ ကိုယ်တော့်ဟှို “အယ်မျိုးဆိုဟှာ ဖယ်သူလေ ကယ်တန်ရှင်း ခံရနိုင်ဟှို့နူး။” ဆိုဘီး မေးလျှော့‑က်ဂေ့ဟှယ်။
\p
\v 27 ယေရှုဟှ “လူလေတွပ် ဖြစ်နိုင်ဘဲဟှူဇာလေဟှာ ဘုရားသခင်တွပ် ဖြစ်နိုင်ဟှယ်” ဆိုဘီး မိန့်တော်မူလေဟှယ်။
\p
\v 28 အယ်န ပေတရုဟှ “ကျွန်တော့်ဟှားလေဟှာ ရှိမျှအားလောင်းဟှို ထားဟှားရစ်ဘီး ကိုယ်တော် နော့‑က်ဟှိုလိုက်ဂေ့ဟှယ်” ဆိုဘီး လျှော့‑က်လေဟှယ်။
\p
\v 29 ယေရှုဟှာ သူးနို့ဟှို “နန်းနို့ဟှို ငါမှန်တိုင်း ပြောမယ်၊ ဘုရားသခင်ရဲ့ နိုင်ငံတော်တွပ် အီ၊ မယား၊ ညီကိုလေ၊ မိဖလေ၊ သားမီးလေဟှို စွန့်ဟှူသူဟှာ 
\v 30 ခုဘဝမာ ကျိုးဘောင်ဂီး ရရှိဘီးဟှာ နောန်ဘဝမာလည်း ထာဝရသတ်ဟှို ရလေ့မယ်” ဆိုဘီး မိန့်တော်မူလေဟှယ်။
\s သေခံရဟှို့ကြောန်းဟှို သောင်းခါမြော့‑က်ပြောဟှူကြောန်း
\r (မဿဲ ၂၀.၁၇–၁၉; မာကု ၁၀.၃၂–၃၄)
\p
\v 31 ယေရှုဟှ တဗဲ့တော် ဆယ့်နှေ့ပါးဟှို နီးနားဟှို ခေါ်ဘီးဟှာ “နားထောန်ဂေ့! နို့လေဟှာ ယေရုရှလင်ဗြို့ဟှို သွားနေဂေ့ဟှယ်။ အယ်နေရာမာ လူ့ရဲ့သားန သက်ဆိုင်ဟှူ ပရောဖက်လေ ရေးဟှားဇာလေ အားလောင်းဟှာ ပ္လဲ့ဇောင်ရလေ့မယ်။ 
\v 32 လူ့ရဲ့သားဟှို လှောန်ပြောန်၊ သရော်ဘီး ထွီးရယ်န ထွီးမယ့် လူမျိုးခြားလေ လတ်ထဲဟှို အပ်နှံဂေ့လေ့မယ်။ 
\v 33 သူးနို့လေဟှာ ကီဒန်ပေးဘီး သတ်ဂေ့လေ့မယ်။ အယ်ဘေမဲ့လည်း လူ့ရဲ့သားဟှာ သောင်းရစ်မြော့‑က်ဟှူ နေ့မာ ထမြော့‑က်လေ့မယ်” ဆိုဘီး မိန့်တော်မူလေဟှယ်။
\p
\v 34 အယ်ဘေမဲ့လည်း တဗဲ့တော်လေဟှာ အယ်မူဇာလေဟှို တခုလည်း ဘောပေါ့‑က်ဂေ့ဟှ။ အယ်မူဇာရဲ့ ဓိပါယ်ဟှို ဖောင်းကွယ်ဟှားဟှူကြောန့် ယေရှု မိန့်တော်မူနေဟှူ ဇာလေဟှို နားလည်ဂေ့ဟှ။
\s မျစ်ကန်းဒေါန်းစားဟှို ဗြင်စေဟှူကြောန်း
\r (မဿဲ ၂၀.၂၉–၃၄; မာကု ၁၀.၄၆–၅၂)
\p
\v 35 ယေရှုဟှာ ယေရိခေါဗြို့နားဟှို ရော့‑က်လာတော်မူဟှူ ခီမာ မျစ်ကန်းတယော့‑က်ဟှာ လမ်းဘေးမာ ထိုင်ဘီး တောန်းစားနေဟှယ်။ 
\v 36 သူဟှာ လူအောက်ဂီး ဖြတ်ဟှားဇာဟှို ကြားလိုက်ဟှူ ခီမာ “ဖြားဇာလေဖြစ်နေနူး” ဆိုဘီး မေးလိုက်ဟှယ်။
\p
\v 37 သူးနို့ဟှ “နာဇရက်ဗြို့သားယေရှု ဖြတ်ဟှားတော်မူဟှယ်” ဆိုဘီး သူ့ဟှို ပြောဂေ့ဟှယ်။
\p
\v 38 အယ်သူဟှ “ဒါဝိဒ်ရဲ့သားတော်! ယေရှု! ကျွန်တော့်ဟှို သနားတော်မူပါ!” ဆိုဘီး အော်ဟစ်လေဟှယ်။
\p
\v 39 ရှေ့မာရှိနေဟှူ လူလေဟှ သူ့ဟှို ပြစ်တန်ဂေ့ဘီး တိတိဟှားနေဟှို့ ပြောဂေ့ဟှယ်။ အယ်ဘေမဲ့လည်း သူဟှ “ဒါဝိဒ်ရဲ့သား! ကျွန်တော့်ဟှို သနားတော်မူပါ!” ဆိုဘီး ပိုဘီး အော်ဟစ်လေဟှယ်။
\p
\v 40 အယ်ကြောန့် ယေရှုဟှာ ရပ်နားဘီး မျစ်ကန်းဟှို သူ့နားဟှို ခေါ်လာဟှို့ မိန့်ပေးတော်မူလေဟှယ်။ အယ်သူဟှာ နီးနားဟှို ရော့‑က်လာဟှူ ခီမာ ယေရှုဟှ 
\v 41 “နန့်တွပ် ငါ့ဟှို ဖြားဇာလောက်စေရှင်ဟှယ်နူး။” ဆိုဘီး သူ့ဟှို မေးတော်မူလေဟှယ်။
\p သူဟှ “သခင်၊ ကျွန်တော်ဟှို မျစ်စိဗြင်စေတော်မူပါ” ဆိုဘီး လျှော့‑က်လေဟှယ်။
\p
\v 42 ယေရှုဟှ “မျစ်စိဗြင်စေ! နန့်ရဲ့ယောင်ကြည်ရှင်းဟှ နန့်ဟှို ကယ်တန်ဘီ” ဆိုဘီး သူ့ဟှို မိန့်တော်မူလေဟှယ်။
\p
\v 43 ရှစ်ရှင်းဘဲ့ သူဟှာ ဗြင်ဟှားလေဟှယ်။ အယ်ဘီးန ဘုရားသခင်ရဲ့ ကျေးဇူးတော်ဟှို ချီးမွမ်းဘီးဟှာ ယေရှု နော့‑က်ဟှိုလိုက်လေဟှယ်။ အယ်မူဇာဟှို ဗြင်လိုက်ဟှူ လူအောက်ဂီးဟှာ ဘုရားသခင်ဟှို ချီးမွမ်းဂေ့ဟှယ်။
\c 19
\s ယေရှုန ဇက္ခဲကြောန်း
\p
\v 1 ယေရှုဟှာ ယေရိခေါဗြို့ထဲဟှို ဝမ်ဟှားဘီးဟှာ အယ်ဗြို့ဟှို ဖြတ်ဟှားတော်မူဟှယ်။ 
\v 2 အယ်နေရာမာ ဇက္ခဲနာမယ်ရှိဟှူ လူတယော့‑က်ရှိဟှယ်။ သူဟှာ ခွန်ခေါန်းဖြစ်ဘီး ဌေးသားလည်း ဖြစ်ဟှယ်။ 
\v 3 သူဟှာ ယေရှုဟှို ဖယ်သူဖြစ်ဟှယ် ဆိုဇာဟှို ဗြင်ရှင်ဘေမဲ့လည်း ရပ်ပုဟှူသူ တယော့‑က်ဖြစ်ဟှူကြောန့် လူအောက်ဂီးဟှို ကျော်ဘီး ယေရှုဟှို ဗြင်နိုင်ဘဲဖြစ်နေဟှယ်။ 
\v 4 အယ်ကြောန့် သူဟှာ လူအောက်ဂီးရှေ့ဟှနေ ပ္လေးဟှားဘီး ယေရှုဟှို ဗြင်ဟှို့တွပ် သဖန်းဗန်ထတ်ဟှို တတ်လေဟှယ်။ ဖြားဖြစ်ကြောန့်နူးဆိုဟှာ ကိုယ်တော်ဟှ အယ်လမ်းတိုင်း လာနေဟှူကြောန့် ဖြစ်လေဟှယ်။ 
\v 5 ယေရှုဟှာ အယ်နေရာဟှို ရော့‑က်လာဟှူ ခီမာ မော်ကေ့လိုက်ဘီးန “ဇက္ခဲ၊ ဗြန်းဗြန်ဆင်းလာ။ အယ်နေ့ နန့်အီမာ ငါတည်းမယ်” ဆိုဘီး မိန့်တော်မူလေဟှယ်။
\p
\v 6 ဇက္ခဲဟှာ ဗြန်းဗြန်ဆင်းလာဘီး ကိုယ်တော့်ဟှို ရရာတိုင်း ဝန်းသာဟှူစိန ကြိုဆိုလေဟှယ်။ 
\v 7 အယ်မူဇာဟှို ဗြင်လိုက်ဟှူ လူလေ အားလောင်းဂူဟှ “အယ်လူဟှာ ပြစ်သားတယော့‑က်ရဲ့ အီမာတည်းဟှို့ လိုက်ဟှားဘီ!” ဆိုဘီး ကဲ့ရဲ့ပြစ်တန်ဂေ့ဟှယ်။
\p
\v 8 ဇက္ခဲဟှာ ထရပ်ဘီးဟှာ “သခင်! ကျွန်တော်ရဲ့ အောက်စာပစ်စီး တဝပ်ဟှို ဆင်းရဲသားလေဟှို ပေးပါမယ်။ အယ်ဘီးဟှာ ကျွန်တော်ဟှာ တယော့‑က်ယော‑က်နားဟှ တရားဘဲန ယူဟှားဇာလေ ရှိမယ် ဆိုဟှာ ကျွန်တော်ဟှာ လေးဆ ပ္လန်ပေးပါမယ်” ဆိုဘီး သခင်ဘုရားဟှို လျှော့‑က်လေဟှယ်။
\p
\v 9 ယေရှုဟှ “အယ်နေ့ဘဲ့ ကယ်တန်ရှင်းဟှာ အယ်အီထတ်ဟှို ရော့‑က်လေဘီ။ ဖြားဖြစ်ကြောန့်နူးဆိုဟှာ အယ်သူဟှာလည်း အာဗြဟံရဲ့ မ္လေးမ္လစ် တယော့‑က် ဖြစ်ဟှူကြောန့် ဖြစ်လေဟှယ်။ 
\v 10 \x - \xo ၁၉.၁၀ \xo*\xt မ ၁၈.၁၁\xt*\x*လူသားဟှာ ပျော့‑က်နေဟှူ သူလေဟှို ရှာဟှို့န ကယ်တန်ဟှို့တွပ် ကြွလာဟှယ်” ဆိုဘီး သူ့ဟှို မိန့်တော်မူလေဟှယ်။
\s ရွှေဒန်းဂါး ပေါင်ဥပမာကြောန်း
\r (မဿဲ ၂၅.၁၄–၃၀)
\p
\v 11 \x - \xo ၁၉.၁၁–၂၇ \xo*\xt မ ၂၅.၁၄–၃၀\xt*\x*ယေရှုဟှ အယ်ကြောန်းရာလေဟှို နားထောန်နေဟှူ သူလေဟှို ပေါင်ဥပမာ တခုန ထပ်ဘီး မိန့်တော်မူလေဟှယ်။ ကိုယ်တော်ဟှာ ယေရုရှလင်ဗြို့နားမာ ရှိနေဟှူကြောန့် ဘုရားသခင်ရဲ့ နိုင်ငံတော်ဟှာ ရှစ်ရှင်းပေါ်လာမယ် ဆိုဘီး သူးနို့လေဟှ ထန်နေဂေ့ဟှူကြောန့် ဖြစ်ဟှယ်။ 
\v 12 အယ်ကြောန့် ကိုယ်တော်ဟှ “မြင့်မြတ်ဟှူသူ တယော့က်ဟှာ မန်းဂီးဖြစ် ခံယူဘီးမှ ပ္လန်လာမယ် ဆိုဘီး ဝီးဂီးမာရှိဟှူ နိုင်ငံဟှို သွားလေဟှယ်။ 
\v 13 ခရီးသွားခန်မာ သူဟှာ စေခံဆယ်ယော့‑က်ဟှို ခေါ်ဘီးန ရွှေဒန်းဂါး တပ္လားစီ ပေးဘီးဟှာ ‘ငါခရီး ထွပ်နေဒူးမာ အယ်ဒန်းဂါးလေန စီးပွားရှာဂေ့’ ဆိုဘီး သူးနို့ဟှို မှာဟှားရစ်လေဟှယ်။ 
\v 14 အယ်ဘေမဲ့ သူ့ရဲ့ တိုင်းသူပြည်သားလေဟှာ သူ့ဟှို မူးဂေ့ဟှယ်။ အယ်ကြောန့် သူ့နော့‑က်ဟှနေ တမန်လေဟှို စေလွှတ်ဘီး ‘နို့လေဟှာ အယ်သူဟှို နို့လေရဲ့ မန်းဂီးဖြစ် လိုရှင်ဂေ့ဟှ’ ” ဆိုဘီး လျှော့‑က်ခိုင်းလေဟှယ်။
\p
\v 15 “အယ်လူဟှာ နိုင်ငံအောက်ချောက်ခွမ့်ဟှို ခံယူဘီး ပ္လန်လာဟှယ်။ ရှစ်ရှင်းဘဲ့ သူဟှာ ရွှေဒန်းဂါးလေပေးဟှားဟှူ စေခံလေဟှို ဖယ်မျှလော့‑က် မ္လတ်ရဟှားဟှယ် ဆိုဇာဟှို သိရှင်ဟှူကြောန့် သူးနို့ဟှို ခေါ်ခိုင်းလိုက်ဟှယ်။ 
\v 16 ပထမ စေခံဟှာ ရော့‑က်လာဘီး ‘သခင်၊ သခင်ပေးဟှားဟှူ ရွှေဒန်းဂါးတပ္လားအားဖြင့် မ္လတ်ဆယ်ပ္လားရဟှယ်’ ဆိုဘီး လျှော့က်လေဟှယ်။ 
\v 17 သခင်ဟှ ‘ကောန်းလေဟှယ်။ နန်ဟှာ စေခံကောန်း တယော့‑က် ဖြစ်လေဟှယ်! နန်ဟှာ ငယ်ဟှူမှုမာ သစ်စာရှိဟှူကြောန့် ဗြို့ဂီးဆယ်ဗြို့ဟှို အောက်စိုးပါ’ ဆိုဘီး မိန့်တော်မူလေဟှယ်။ 
\v 18 ဒုတိယ စေခံဟှာ ရော့‑က်လာဘီး ‘သခင်၊ သခင်ပေးဟှားဟှူ ရွှေဒန်းဂါးတပ္လားအားဖြင့် မ္လတ်ငါးပ္လားရဟှယ်’ ဆိုဘီး လျှော့‑က်လေဟှယ်။ 
\v 19 အယ်လူဟှို ‘နန်ဟှာ ဗြို့ဂီးငါးဗြို့ဟှို အောက်ချောက်ပါ’ ဆိုဘီး မိန့်တော်မူလေဟှယ်။ 
\v 20 နော့‑က်ထပ်စေခံ ရော့‑က်လာဘီး ‘သခင်၊ အယ်မာ သခင်ရဲ့ ရွှေဒန်းဂါးတပ္လားရှိဟှယ်။ ကျွန်တော်ဟှာ အယ်ဒန်းဂါးဟှို လတ်ကိုင်ပဝါန ထောက်ဘီးဟှာ သီးဟှားဟှယ်။ 
\v 21 သခင်ဟှာ စိဆတ်ဟှူသူ ဖြစ်ဟှူကြောန့် သခင်ဟှို ကျွန်တော်ကြော့‑က်ဟှယ်။ သခင်ဟှာ ဖြားလည်းသွမ်းဟှားဘဲဇာဟှို ထောက်ယူဘီး ဖြားလည်းစိုက်ဘဲဇာဟှို ရိသီးဟှယ်’ ဆိုဘီး လျှော့‑က်လေဟှယ်။ 
\v 22 သခင်ဟှ ‘ဆိုးညစ်ဟှူစေခံ! နန့်စကားတိုင်း နန့်ဟှို ငါစီရင်မယ်! ငါဟှာ စိဆတ်ဟှူသူ၊ ငါဟှာ ဖြားလည်းသွမ်းဘဲဇာဟှို ထောက်ယူဘီးဟှာ ဖြားလည်းစိုက်ဘဲဇာဟှို ရိသီးဟှယ် ဆိုဇာဟှိုလည်း နန်သိဟှယ်။ 
\v 23 အယ်မျိုးဆိုဟှာ ဖြားဖြစ်ကြောန့် ငါ့ကပ်လေဟှို ဘဏ်မာအပ်ဘဲနနေနူး။ အပ်ဟှားမယ် ဆိုဟှာ ငါပ္လန်ရော့‑က်ဟှူ ခီမာ တိုးလေနတူးဒူ ငါ့ကပ်လေဟှို ပ္လန်ရမယ်’ ဆိုဘီး သူ့ဟှို ပြောလေဟှယ်။ 
\v 24 အယ်ဘီးန နီးနားမာ ရပ်နေဟှူသူလေဟှို ‘သူ့ရဲ့ ရွှေဒန်းဂါးတပ္လားယူဘီး ရွှေဒန်းဂါး ဆယ်ပ္လားရှိဟှူ စေခံဟှို ပေးလိုက်’ ဆိုဘီး ပြောလေဟှယ်။ 
\v 25 အယ်ဘေမဲ့ သူးနို့လေဟှ ‘သခင်၊ အယ်သူမာ ရွှေဒန်းဂါး ဆယ်ပ္လား ရှိနေဘီးသား ဖြစ်ဟှယ်!’ ဆိုဘီး လျှော့‑က်ဂေ့ဟှယ်။ 
\v 26 \x - \xo ၁၉.၂၆ \xo*\xt မ ၁၃.၁၂; မာ ၄.၂၅; လု ၈.၁၈\xt*\x*‘နန်းနို့ဟှို ငါပြောမယ်။ ရှိဟှူလူဟှို ထပ်ပေးဘီး သူ့ဟှို ကြွယ်ဝစေလေ့မယ်။ မှေ့ဘဲဟှူ လူလေနားဟှ ရှိဟှူမျှဟှို နှုလေ့မယ်။ 
\v 27 ငါ့ဟှို သူးနို့လေရဲ့ မန်းဂီးဖြစ်န လိုရှင်ဘဲဟှူ ငါ့ရဲ့ ရန်သူလေဟှို အယ်နေရာဟှို ခေါ်လာဂေ့။ ငါ့ရှေ့တော်မာ သတ်ဂေ့!’ ဆိုဘီး စီရင်တော်မူလေဟှယ်” ဆိုဘီး မိန့်တော်မူလေဟှယ်။
\s အောန်ဗွဲခံဘီး ယေရုရှလင်ဗြို့ထဲ ဝမ်တော်မူဟှူကြောန်း
\r (မဿဲ ၂၁.၁–၁၁; မာကု ၁၁.၁–၁၁; ယောဟန် ၁၂.၁၂–၁၉)
\p
\v 28 ယေရှုဟှာ အယ်မျိုးမိန့်တော်မူဘီးန သူးနို့လေရဲ့ ရှေ့ဟှနေဘီး ယေရုရှလင်ဗြို့ဟှို ကြွဟှားတော်မူဟှယ်။ 
\v 29 သံလွင်တောန်နားမာရှိဟှူ ဗက်ဖာဂေဝါန ဗေသနိဝါနားဟှို ရော့‑က်လာဟှူ ခီမာ တဗဲ့တော် နှေ့ပါးဟှို ရှေ့ဟှနေစေလွှတ်ဘီး 
\v 30 “နန်းနို့ရှေ့မာရှိဟှူ ဝါဟှို သွားဂေ့။ ဝါထဲဟှို ရော့‑က်ဟှူ ခီမာ ဖယ်သူလည်း စီးဖူးသေးဘဲဟှူ မြည်းသားဂန်းဟှားဟှို ခယ်ဟှားဇာဟှို နန်းနို့ဟှာ တွိလေ့မယ်။ အယ်မြည်းသားဂန်းဟှားဟှို ကြိုးဖြေဘီး ငါ့နားဟှို ခေါ်လာဂေ့။ 
\v 31 ယော့‑က်ယော့‑က်ဟှ ဖြားဖြစ်ကြောန့် မြည်းကြိုးဟှို ဖြေဂေ့နေနူး။ ဆိုဘီး နန်းနို့ဟှို မေးမယ် ဆိုဟှာ အယ်မြည်းဟှို သခင်\f + \fr ၁၉.၃၁ \fr*\fq သခင်၊ \fq*\ft အယ်မျိုးမှုဘဲ့နေဟှာ \ft*\fqa မြည်းဇရှင်။\fqa*\f*လိုရှိဟှယ် ဆိုဘီး သူးနို့ဟှို ပြောဂေ့” ဆိုဘီး မိန့်တော်မူလေဟှယ်။
\p
\v 32 စေလွှတ်လိုက်ဟှူသူလေဟှာ ထွပ်ဟှားဘီးန ယေရှုမိန့်တော်မူမျိုးဘဲ့ အားလောင်းဂူဟှို တွိရဟှယ်။ 
\v 33 သူးနို့လေဟှာ မြည်းဟှို ကြိုးဖြေပေးနေဟှူ ခီမာ မြည်းဇရှင်ဟှ “ဖြားဖြစ်ကြောန့် မြည်းဟှို ကြိုးဖြေပေးနေရနူး။” ဆိုဘီး သူးနို့ဟှို မေးလေဟှယ်။
\p
\v 34 သူးနို့ဟှ “အယ်မြည်ဟှို သခင် လိုရှိဟှယ်” ဆိုဘီး ဖြေဂေ့ဟှယ်။ 
\v 35 အယ်ဘီးန သူးနို့ဟှ မြည်းသားဂန်းဟှားဟှို ယေရှုနားဟှို ယူဆောန်ဟှားလေဟှယ်။ အယ်မြည်းထတ်မာ သူးနို့ရဲ့ ဝတ်ရောင်လေဟှို ခန်းဘီးန ယေရှုဟှို စီးစေဂေ့ဟှယ်။ 
\v 36 ကိုယ်တော်ဟှာ စီးဘီးလာဟှူ ခီမာ လူလေဟှ သူးနို့ရဲ့ ဝတ်ရောင်လေဟှို လမ်းထတ်မာ ခန်းပေးဂေ့ဟှယ်။
\p
\v 37 ကိုယ်တော်ဟှာ ယေရုရှလင်ဗြို့နီး သံလွင်တောန် ဆင်းလမ်းဟှို ရော့‑က်လာဟှူ ခီမာ တဗဲ့တော်အောက်ဂီးဟှာ သူးနို့ဗြင်ရဟှူ နိမိတ်လတ်ခဏာ အားလောင်းတွပ် ဝန်းသာဟှူစိန ဘုရားသခင်ရဲ့ ဂေါင်တော်ဟှို 
\v 38 “ဘုရားသခင်ရဲ့ နာမန ကြွလာဟှူ မန်းဂီးဟှာ မင်္ဂလာရှိပါစေ! ကောန်းဂန်ဘောင်မာ ငြီသတ်ရှင်းရှိပါစေ။ ဗြင့်ဆောင်းဟှူနေရာမာ ဖောင်းကီးတော်မူပါစေ!” ဆိုဘီး သံက္လယ်ဂီးန ချီးမွမ်းဂေ့ဟှယ်။
\p
\v 39 အယ်ခီမာ လူအောက်ဂီးထဲဟှ ဖာရိရှဲတချို့ဟှ “ဆရာ၊ ကိုယ်တော်ရဲ့ တဗဲ့တော်လေဟှို တိတိဟှားနေဟှို့ ဆောင်းမပေးတော်မူပါ!” ဆိုဘီး ယေရှုဟှို လျှော့‑က်လေဟှယ်။
\p
\v 40 ယေရှုဟှ “နန်းနို့ဟှို ငါပြောမယ်၊ သူးနို့ဟှို တိတိဟှားနေစေမယ် ဆိုဟှာ က္လော့ခဲလေဟှ အော်ဟစ်ဂေ့လေ့မယ်” ဆိုဘီး မိန့်တော်မူလေဟှယ်။
\s ယေရုရှလင်ဗြို့တွပ် ငိုတော်မူဟှူကြောန်း
\p
\v 41 ကိုယ်တော်ဟှာ ယေရုရှလင်ဗြို့နားဟှို ရော့‑က်လာဘီး အယ်ဗြို့ဟှို ဗြင်တော်မူဟှူ ခီမာ ငိုတော်မူဘီး၊ 
\v 42 “နန်ဟှာ ငြီသတ်ရှင်းတွပ် လိုအပ်ဟှူဇာလေဟှို အယ်နေ့မာဘဲ့ သိရမယ် ဆိုဟှာ မင်္ဂလာရှိဟှယ်! အယ်ဘေမဲ့ အယ်မူဇာလေဟှာ ခုနန့်ရဲ့ မျစ်စိရှေ့မာ ဖောင်းကွယ်ဟှားရှင်းခံရဟှယ်! 
\v 43 နန့်ရဲ့ ရန်သူလေဟှာ ဖတ်ဖတ်ဟှနေဘီး တားဆီးလေန ဝန်းရံဘီး ပိဟှားမယ့်နေ့ ရော့‑က်လာလေ့မယ်။ 
\v 44 သူးနို့လေဟှ နန့်ဟှိုရော၊ နန့်ရဲ့ ဗြို့ရိုးထဲဟှ သူလေဟှိုရော တယော့‑က်လည်းကျန်ဘဲအောန် ဖျစ်ဆီးဂေ့လေ့မယ်။ အယ်နေရာမာ က္လော့တောင်းတလောင်းလည်း ကျန်ရစ်ဟှို့မုဟှ။ ဖြားဖြစ်ကြောန့်နူးဆိုဟှာ နန့်ဟှို ကယ်တန်ဟှို့ ဘုရားသခင် ရော့‑က်လာမယ့် ခီဟှို သိဘဲကြောန့် ဖြစ်ဟှယ်!” ဆိုဘီး မိန့်တော်မူလေဟှယ်။
\s ဗိမာန်တော်ဟှို ကြွဟှားဟှူကြောန်း
\r (မဿဲ ၂၁.၁၂–၁၇; မာကု ၁၁.၁၅–၁၉; ယောဟန် ၂.၁၃–၂၂)
\p
\v 45 ယေရှုဟှာ ဗိမာန်တော်ထဲဟှို ဝမ်တော်မူဘီးန ရောန်းဝယ်နေဟှူ လူလေဟှို နှန်ထုတော်မူဘီး 
\v 46 သူးနို့လေဟှို “ကျမ်းစာထဲမာ ဘုရားသခင်ဟှ ‘ငါ့ဗိမာန်တော်ဟှာ ဆုတောန်းဟှူ အီတော် ဖြစ်ရလေ့မယ်’ ဆိုဘီး မိန့်တော်မူဟှားဟှယ်။ အယ်ဘေမဲ့ နန်းနို့ဟှ အယ်အီတော်ဟှို သူခိုးလေတွပ် ပူးအောန်းဟှူနေရာ ဖြစ်စေဂေ့ဘီ!” ဆိုဘီး မိန့်တော်မူလေဟှယ်။
\p
\v 47 \x - \xo ၁၉.၄၇ \xo*\xt လု ၂၁.၃၇\xt*\x*ယေရှုဟှာ နေ့တိုင်း ဗိမာန်တော်မာ သွန်သန်ပေးတော်မူဟှယ်။ ယဇ်ပုရောဟိတ်ဂီးလေ၊ ကျမ်းတတ်ဆရာလေန လူထုခေါန်းဆောန်လေဟှာ ကိုယ်တော့်ဟှို သတ်ဟှို့တွပ် ရှာကြံဂေ့ဟှယ်။ 
\v 48 အယ်ဘေမဲ့ လူလေ အားလောင်းဂူဟှာ ကိုယ်တော်ရဲ့ စကားတော်ဟှို အာရုံစိုက်ဘီး နားထောန်နေဂေ့ဟှူကြောန့် ကိုယ်တော့်ဟှို သတ်ဟှို့တွပ် နည်းလမ်းရှာဟှို့ တွိဘဲဖြစ်နေဟှယ်။
\c 20
\s ယေရှုရဲ့ ခွမ့်အာဏာနဆိုင်ဟှူ မေးခွန်းကြောန်း
\r (မဿဲ ၂၁.၂၃–၂၇; မာကု ၁၁.၂၇–၃၃)
\p
\v 1 တနေ့မာ ယေရှုဟှာ ဗိမာန်တော်ထဲမာ လူလေဟှို သွန်သန်တော်မူဘီးဟှာ ဒန်းကောန်းဟှို ဟောတော်မူနေဟှူ ခီမာ ယဇ်ပုရောဟိတ်ဂီးလေန ကျမ်းတတ်ဆရာလေဟှာ သတ်ကီးဝါဂီးလေနတူးဒူ ရော့‑က်လာဘီး 
\v 2 ကိုယ်တော့်ဟှို “အယ်မူဇာလေဟှို ဖြားခွမ့်အာဏာန လောက်နေနူး။ အယ်ခွမ့်အာဏာဟှို ဖယ်သူဟှ ပေးဟှားနူး။” ဆိုဘီး မေးလျှော့‑က်လေဟှယ်။
\p
\v 3 ယေရှုဟှာ “အယ်ဆိုဟှာ ငါလည်း နန်းနို့ဟှို မေးခွန်းတခု မေးအူးမယ်။ ငါ့ဟှို ဖြေပေးဂေ့။ 
\v 4 ယောဟန်ရဲ့ ဗတ္တိဇံဟှာ ကောန်းဂန်ဟှနေ လာဇာလော။ လူလေဟှနေ လာဇာလော။” ဆိုဘီး သူးနို့ဟှို မေးတော်မူလေဟှယ်။
\p
\v 5 သူးနို့ဟှာ “နို့လေဖြားမျိုး ဖြေရမယ်နူး။ ‘ကောန်းဂန်ဟှနေ လာဟှယ် ဆိုဘီး ဖြေလိုက်မယ် ဆိုဟှာ ယောဟန်ဟှို နန်းနို့လေ ဖြားဖြစ်ကြောန့် ယောင်ကြည်ဂေ့ဟှနူး။ ဆိုဘီး ပ္လန်မေးလေ့အူးမယ်။ 
\v 6 လူလေဟှနေ လာဟှယ် ဆိုဘီး နို့လေဟှ ဖြေလိုက်မယ် ဆိုဟှာလည်း ယောဟန်ဟှို ပရောဖက်တပါး ဖြစ်ဟှယ် ဆိုဇာဟှို လူလေဟှ ယောင်ကြည်ဂေ့ဟှူကြောန့် နို့လေဟှို က္လော့ခဲန ပစ်လေ့မယ်’ ” ဆိုဘီး ရှင်းရှင်းဆွေးနွေးဂေ့ဟှယ်။ 
\v 7 အယ်ကြောန့် သူးနို့လေဟှာ “အယ်ခွမ့်အာဏာဟှာ ဖယ်ဟှနေလာဟှယ် ဆိုဇာဟှို ကျွန်တော့်ဟှားလေ သိဂေ့ဟှ” ဆိုဘီး ပ္လန်ဖြေလေဟှယ်။
\p
\v 8 ယေရှုဟှာ “အယ်မူဇာလေဟှို ဖြားခွမ့်အာဏာန ငါလောက်ဟှယ် ဆိုဇာဟှိုလည်း နန်းနို့ဟှို ငါပြောဟှ” ဆိုဘီး သူးနို့ဟှို မိန့်တော်မူလေဟှယ်။
\s စဗျစ်ခြံလောက်မားလေရဲ့ ပေါင်ဥပမာကြောန်း
\r (မဿဲ ၂၁.၃၃–၄၆; မာကု ၁၂.၁–၁၂)
\p
\v 9 အယ်ဘီးန ယေရှုဟှာ အယ်ပေါင်ဥပမာန လူလေဟှို “လူတယော့‑က်ဟှာ စဗျစ်ခြံဟှို စိုက်ဘီး ခြံစောန့်မားလေဟှို ငှားရစ်ဘီးန ခီကြာဂီး ခရီးထွပ်ဟှားလေဟှယ်။ 
\v 10 စဗျစ်သီး ဆွတ်ခီရော့‑က်ဟှူ ခီမာ စဗျစ်ခြံထွပ် သီးတချို့ဟှို ယူဟှို့တွပ် ခြံစောန့်မားလေနားဟှို ကျွန်တယော့‑က်ဟှို စေလွှတ်လေဟှယ်။ အယ်ဘေမဲ့ ခြံစောန့်မားလေဟှ အယ်ကျွန်ဟှို ရိုက်နှက်ဘီး လတ်ခဲခဲန ပ္လန်လွှတ်လေဟှယ်။ 
\v 11 အယ်ကြောန့် ဇရှင်ဟှ ကျွန်တယော့‑က်ဟှို ထပ်လွှတ်လေဟှယ်။ အယ်ဘေမဲ့ ခြံစောန့်မားလေဟှ အယ်ကျွန်ဟှိုလည်း ရိုက်နှက်ဘီး၊ ရှက်ခွဲဘီး လတ်ခဲခဲန ပ္လန်လွှတ်လေဟှယ်။ 
\v 12 အယ်န ဇရှင်ဟှ တတိယကျွန်ဟှို ထပ်ဘီး စေလွှတ်လေဟှယ်။ ခြံစောန့်မားလေဟှ အယ်ကျွန်ဟှိုလည်း ဒဏ်ရာရစေဘီးဟှာ ပ္လန်ဟှို နှန်ထုဂေ့ဟှယ်။ 
\v 13 စဗျစ်ခြံ ဇရှင်ဟှ ‘ငါဖယ်မျိုးလောက်ရမယ်နူး။ ငါ့ရဲ့ ရှစ်ဟှူသားဟှို စေလွှတ်မယ် ဆိုဟှာ ခြံစောန့်မားလေဟှာ သူ့ဟှို ရိုသေကောန်း ရိုသေဂေ့လေ့မယ်!’ ဆိုဘီး ပြောလေဟှယ်။ 
\v 14 အယ်ဘေမဲ့ ခြံစောန့်မားလေဟှ သူ့ရဲ့သားဟှို ဗြင်ဟှူ ခီမာ ‘အယ်သူဟှာ ဇရှင်ရဲ့ သားဖြစ်ဟှယ်။ သူ့ဟှို သတ်ဂေ့ဇို့။ အယ်ဆိုဟှာ သူ့ဘရဲ့ အောက်စာဟှာ နို့လေရဲ့အောက်စာ ဖြစ်ဟှားလေ့မယ်!’ ဆိုဘီး သူးနို့လေ ယော့‑က်နယော့‑က် ပြောဂေ့ဟှယ်။ 
\v 15 အယ်ကြောန့် သူးနို့လေဟှာ ဇရှင်ရဲ့ သားဟှို စဗျစ်ခြံပ္လန်ဟှို ထုဘီးဟှာ သတ်ဂေ့လေဟှယ်။”
\p “အယ်မျိုးဆိုဟှာ စဗျစ်ခြံဇရှင်ဟှ ခြံစောန့်မားလေဟှို ဖြားဇာလောက်မယ်နူး။” ဆိုဘီး ယေရှုဟှ မေးတော်မူလေဟှယ်။ 
\v 16 “ဇရှင်ဟှာ လာဘီး အယ်လူလေဟှို သတ်ဘီးဟှာ စဗျစ်ခြံဟှို တခြားခြံစောန့်မားလေဟှို အပ်ပေးလေ့မယ်” ဆိုဘီး မိန့်တော်မူလေဟှယ်။
\p လူလေဟှ အယ်မျိုး ကြားရဟှူ ခီမာ “အယ်မျိုး ဖြစ်ပါစေန!” ဆိုဘီး ပြောဂေ့ဟှယ်။
\p
\v 17 ယေရှုဟှာ သူးနို့ဟှို ကေ့ဘီး
\q1 “ ‘အီဆော့‑က်မားလေဟှ သောင်းဇားရဘဲဟှူကြောန့် ဖယ်ဟှားဟှူ က္လော့‑က်ဟှာ
\q2 အားလောင်းထဲမာ ရေးကီးဆောန်း ဖြစ်လာရဂေ့ဟှယ်’ ဆိုဘီး ရေးဟှားဇာဟှာ ဖြားဓိပါယ်နူး။”
\m
\v 18 “အယ်က္လော့‑က်ထတ်ဟှို က္လဟှူလူတိုင်းဟှာ ပိုင်းပိုင်းက္လိုးလေ့မယ်။ အယ်ဘီးဟှာ အယ်က္လော့‑က်ဟှာ ယော့‑က်ယော့‑က်ထတ်ဟှို က္လမယ် ဆိုဟှ၊ အယ်သူဟှာ ညစ်ညစ်ကြေဟှားလေ့မယ်” ဆိုဘီး မိန့်တော်မူလေဟှယ်။
\s ခွန်ဆောန်ရှင်းန ဆိုင်ဟှူမေးခွန်းကြောန်း
\r (မဿဲ ၂၂.၁၅–၂၂; မာကု ၁၂.၁၃–၁၇)
\p
\v 19 ကျမ်းတတ်ဆရာလေန ယဇ်ပုရောဟိတ်ဂီးလေဟှာ အယ်ပေါင်ဥပမာဟှ သူးနို့ဟှို စောန်းခိဘီး ပြောနေဟှယ် ဆိုဇာဟှို သိဂေ့ဟှူကြောန့် ရှစ်ရှင်းဘဲ့ ယေရှုဟှို ဖမ်းဟှို့တွပ် ရှာကြံဂေ့ဟှယ်။ အယ်ဘေမဲ့ လူလေဟှို ကြော့‑က်ဂေ့ဟှယ်။ 
\v 20 အယ်ကြောန့် သူးနို့လေဟှ ခွမ့်ကောန်းဟှို ရှာနေဂေ့ဟှယ်။ သူးနို့လေဟှာ လူတချို့ဟှို ရိုးသားဟန်ဆောန်ဟှို့တွပ် လဘ်ထိုးဟှားဟှယ်။ အယ်ဘီးဟှာ သူးနို့လေဟှ ကိုယ်တော်ရဲ့ စကားထဲမာ မှားရှာဟှို့တွပ် အယ်လူလေဟှို စေလွှတ်လေဟှယ်။ အယ်ဆိုဟှာ သူးနို့လေဟှာ ကိုယ်တော့်ဟှို ခွမ့်အာဏာန တဂိုးရှိဟှူ ရောမ ဗြို့ဝန်းမန်း နားဟှို အပ်နိုင်လေ့မယ်။ 
\v 21 အယ်သူလျှိုလေဟှ “ဆရာ၊ ဆရာဟောနေဇာလေရော၊ သန်ကြားနေဇာလေရော မှန်ဟှယ် ဆိုဇာဟှို ကျွန်တော့်ဟှားလေ သိဟှယ်။ ဆရာဟှာ မျစ်နှာလိုက်ဘဲန လူလေတွပ် ဘုရားသခင်ရဲ့ လိုတော်န ဆိုင်ဟှူ သမ္မာတရားဟှို သန်ကြားပေးဟှယ်။ 
\v 22 ကဲသာ မန်းဂီးဟှို ခွန်ဆောန်ရှင်းဟှာ ပညတ်တော်န ညီဟှယ်လော။ ညီဟှလော။” ဆိုဘီး ယေရှုဟှို မေးလျှော့‑က်လေဟှယ်။
\p
\v 23 အယ်ဘေမဲ့ ယေရှုဟှာ သူးနို့ရဲ့ ပရိယာယ်ဟှို သိတော်မူဟှူကြောန့် 
\v 24 “ငါ့ဟှို ငွေဒန်းဂါးတပ္လား ပြဂေ့။ အယ်ဒန်းဂါးမာ ဖယ်သူ့ရောက်ပေါင်န နာမယ်ရှိဟှယ်နူး။” ဆိုဘီး မေးတော်မူလေဟှယ်။
\p သူးနို့လေဟှ “ကဲသာမန်းဂီး ပေါင်န ကဲသာမန်းဂီး နာမယ်ရှိဟှယ်” ဆိုဘီး ဖြေဂေ့ဟှယ်။
\p
\v 25 အယ်ကြောန့် ယေရှုဟှ “အယ်မျိုးဆိုဟှာ ကဲသာမန်းဂီး ပိုင်ဟှူဇာဟှို ကဲသာမန်းဂီးဟှို ပေးဂေ့။ ဘုရားသခင် ပိုင်ဟှူဇာဟှို ဘုရားသခင်ဟှို ပေးဂေ့” ဆိုဘီး မိန့်တော်မူလေဟှယ်။
\p
\v 26 သူးနို့လေဟှာ လူလေရှေ့မာ ကိုယ်တော်ရဲ့ စကားလေထဲမာ မှားရှာတွိနိုင်ဘဲ ဖြစ်နေဂေ့ဟှယ်။ အယ်ဘီးဟှာ ကိုယ်တော်ရဲ့ ပ္လန်မိန့်တော်မူဟှူ စကားဟှို အံ့ဩဟှားဂေ့ဘီး တိဆိဟှားဂေ့လေဟှယ်။
\s ရှင်ပ္လန်ထမြော့‑က်ရှင်းန ဆိုင်ဟှူမေးခွန်းကြောန်း
\r (မဿဲ ၂၂.၂၃–၃၃; မာကု ၁၂.၁၈–၂၇)
\p
\v 27 \x - \xo ၂၀.၂၇ \xo*\xt တ ၂၃.၈\xt*\x*အယ်ဘီးန ရှင်ပ္လန်ထမြော့‑က်ရှင်းမှေ့ဟှ ဆိုဘီး ပြောဂေ့ဟှူ ဇဒ္ဒုကဲတချို့ဟှာ ယေရှုနားဟှို လာဘီးဟှာ၊ 
\v 28 “ဆရာ၊ မောရှေဟှ ‘လူတယော့‑က်ဟှာ သားမီးလေမှေ့ဘဲ့န သေဟှားမယ် ဆိုဟှာ ကျန်ရစ်ဟှူ မယားဟှို သူ့ရဲ့ညီဟှ ပ္လန်ဘီး လတ်ထပ်ရဟှယ်။ အယ်ဘီးဟှာ သူးနို့မာရလာဟှူ သားမီးလေဟှို သေဟှားဟှူသူရဲ့ သားမီးလေဖြစ် သတ်မှတ်ရမယ်’ ဆိုဘီး ကျွန်တော့်ဟှားလေတွပ် အယ်ပညတ်တရားဟှို ရေးဟှားဟှယ်။ 
\v 29 တခါဒူးဟှ ညီအစ်ကို ခွန်နစ်ယော့‑က် ရှိဟှယ်။ နောန်ဂီးဆောင်းဟှာ အီထောန်ပြုဘီး သားမီးလေ မှေ့ဘဲန သေဟှားဟှယ်။ 
\v 30 အယ်ဘီးန အယ်မီးမဟှို ဒုတိယညီဟှ ယူလေဟှယ်။ 
\v 31 အယ်ဘီးန တတိယညီဟှ ယူလေဟှယ်။ အယ်မျိုးနဘဲ့ ညီအစ်ကို ခွန်နစ်ယော့‑က်လောင်းဟှာ သားမီးလေ မှေ့ဘဲန သေဟှားဂေ့ဟှယ်။ 
\v 32 နော့‑က်ဆောင်းမာ အယ်မီးမလည်း သေဟှားဟှယ်။ 
\v 33 အယ်မျိုးဆိုဟှာ ရှင်ပ္လန်ထမြော့‑က်ဟှူ နေ့မာ အယ်မီးမဟှာ ဖယ်သူ့ရဲ့ မယား ဖြစ်လေ့မယ်နူး။ ညီအစ်ကို ခွန်နစ်ယော့‑က်လောင်းဟှ အယ်မီးမဟှို ယူဟှားပီးဘီ ဆိုဘီး သူးနို့ဟှ လျှော့‑က်လေဟှယ်။”
\p
\v 34 ယေရှုဟှာ “အယ်ဘဝမာ ယော့‑က်ကျားလေန မီးမလေဟှာ အီထောန်ပြုဂေ့ဟှယ်။ 
\v 35 အယ်ဘေမဲ့ သေရာဟှနေ ပ္လန်ရှင်ဟှို့ ထိုက်တန်ဟှူ ယော့‑က်ကျားလေန မီးမလေဟှာ နောန်ဘဝမာ အီထောန်ပြုရှင်းလေမှေ့ဟှ။ 
\v 36 သူးနို့လေဟှာ ကောန်းဂန်တမန်လေမျိုး ဖြစ်ဟှားဘီး သေဂေ့ဟှမ်း။ သူးနို့လေဟှာ သေရာဟှနေ ပ္လန်ရှင်လာဟှူကြောန့် ဘုရားသခင်ရဲ့ သားမီးလေ ဖြစ်ဂေ့ဟှယ်။ 
\v 37 အယ်ဘီးဟှာ သေရာဟှနေ ပ္လန်ရှင်ဟှယ် ဆိုဇာဟှို မောရှေဟှ ရှင်းရှင်းလန်းလန်း သတ်သေပြဟှားဟှယ်။ မောရှေဟှာ မီးလောန်နေဟှူချောင်ကြောန်းန ပတ်သတ်ဘီး ဘုရားသခင်ဟှို ‘အာဗြဟံရဲ့ ဘုရားသခင်၊ ဣဇာက်ရဲ့ ဘုရားသခင်၊ ယာကုပ်ရဲ့ ဘုရားသခင်’ ဆိုဘီး ဖော်ပြဟှားလေဟှယ်။ 
\v 38 ဘုရားသခင်ဟှာ သေဟှားဟှူ သူလေရဲ့ ဘုရား မှုဟှ။ သတ်ရှင်ဟှူ သူလေရဲ့ ဘုရား ဖြစ်ဟှယ်။ ဖြားဖြစ်ကြောန့်နူးဆိုဟှာ လူလေ အားလောင်းဂူဟှာ ကိုယ်တော့်အားဖြင့် သတ်ရှင်ဂေ့ဟှယ်” ဆိုဘီး သူးနို့လေဟှို မိန့်တော်မူလေဟှယ်။
\p
\v 39 ကျမ်းတတ်ဆရာ တချို့ဟှ “ဆရာ၊ ကောန်းဟှူ ဖြေဖြစ်ဟှယ်!” ဆိုဘီး လျှော့‑က်ဂေ့လေဟှယ်။ 
\v 40 အယ်ကြောန့် သူးနို့လေဟှာ ကိုယ်တော့်ဟှို နော့‑က်ထပ် မေးခွန်းလေ မေးရဲဂေ့ဟှမ်း။
\s မေရှိယန ဆိုင်ဟှူမေးခွန်းကြောန်း
\r (မဿဲ ၂၂.၄၁–၄၆; မာကု ၁၂.၃၅–၃၇)
\p
\v 41 ယေရှုဟှာ “မေရှိယဟှာ ဒါဝိဒ်ရဲ့ မ္လေးမ္လစ်ဖြစ်ဟှယ် ဆိုဇာဟှို ဖယ်မျိုးပြောနိုင်ဂေ့နူး။ ဆိုဘီး သူးနို့လေဟှို မေးတော်မူလေဟှယ်။ 
\v 42 ဒါဝိဒ်ကိုယ်တိုင်ဟှ ဆာလံကျမ်းမာ”
\q1 “‘သခင်ဘုရားဟှ ငါ့သခင်ဟှို၊
\q2
\v 43 နန့်ရဲ့ ရန်သူလေဟှို နန့်ရဲ့ ခေတန်ခေါင်ဖြစ် ငါခ္လဟှားခီထိ ငါ့ရဲ့ ညာဖတ်မာ ထိုင်နေပါ ဆိုဘီး ပြောဟှယ်’ ဆိုဘီး ရေးဟှားဟှယ်။”
\m
\v 44 “ဒါဝိဒ်ဟှ ကိုယ်တော့်ဟှို ‘သခင်’ ဆိုဘီး ခေါ်လေဟှယ်။ အယ်ဆိုဟှာ ဖယ်မျိုးဖြစ်ဘီးဟှာ မေရှိယဟှာ ဒါဝိဒ်ရဲ့ မ္လေးမ္လစ် ဖြစ်ဟှားရနူး။” ဆိုဘီး မေးတော်မူလေဟှယ်။
\s ကျမ်းတတ်ဆရာလေဟှို ရှောန်ဟှို့ ဒိပေးဟှူကြောန်း
\r (မဿဲ ၂၃.၁–၃၆; မာကု ၁၂.၃၈–၄၀)
\p
\v 45 လူလေ အားလောင်းဂူဟှာ နားထောန်နေဟှူ ခီမာ ယေရှုဟှ တဗဲ့တော်လေဟှို 
\v 46 “ကျမ်းတတ်ဆရာလေဟှို ဒိထားဂေ့။ သူးနို့လေဟှာ ဝတ်လောင်ရှယ်လေန ရှော့‑က်သွားဘီး ဆေးလေထဲမာ နှောက်ဆစ်ခံရဇာဟှို နှစ်သက်ဂေ့ဟှယ်။ သူးနို့လေဟှာ ဝါလယ်ဇရပ်လေမာ သီးသန့်ခေါင်လေန စားသော့‑က်ဗွဲလေမာ ကောန်းဆောင်းနေရာဟှို ဝီးချယ်ဂေ့လေဟှယ်။ 
\v 47 သူးနို့လေဟှာ မောက်ဆိုးမလေရဲ့ အီလေဟှို အဓမ္မသီးယူဟှယ်။ အယ်ဘီးဟှာ လူလေထန်ကီးအောန် ခီကြာဂီး ဆုတောန်းဂေ့ဟှယ်! သူးနို့လေဟှာ ရရာတိုင်း ဆိုးဟှူ ပြစ်ဒန်ဟှို ခံရလေ့မယ်!” ဆိုဘီး မိန့်တော်မူလေဟှယ်။
\c 21
\s မောက်ဆိုးမရဲ့ လှူငွေကြောန်း
\r (မာကု ၁၂.၄၁–၄၄)
\p
\v 1 ယေရှုဟှာ ပတ်ပတ်လည်ဟှို ကေ့လိုက်ဟှူ ခီမာ ဌေးသားလေဟှာ ဗိမာန်တော်ထဲဟှ လှူခံဗောင်းထဲဟှို သူးနို့ရဲ့ လှူငွေလေ ထဲ့နေဂေ့ဇာဟှို ဗြင်တော်မူဟှယ်။ 
\v 2 အယ်ဘီးဟှာ ကိုယ်တော်ဟှာ ရရာတိုင်း ဆင်းရဲဟှူ မောက်ဆိုးမဟှ ကြေးဒန်းဂါး နှေ့ပ္လား ထဲ့နေဇာဟှိုလည်း ဗြင်တော်မူလေဟှယ်။ 
\v 3 ကိုယ်တော်ဟှ “အယ်ဆင်းရဲဟှူ မောက်ဆိုးမဟှာ တခြားလူလေ အားလောင်းထတ် ဘောင်ဂီးလှူဟှယ် ဆိုဇာဟှို နန်းနို့ဟှို ငါမှန်တိုင်း ပြောဟှယ်။ 
\v 4 ဖြားဖြစ်ကြောန့်နူးဆိုဟှာ တခြားလူလေ အားလောင်းဟှာ သူးနို့အောက်စာရဲ့ ပိုနေဟှူဇာလေဟှို လှူဂေ့လေဟှယ်။ အယ်ဘေမဲ့ အယ်မောက်ဆိုးမဟှာ သူ့မာရှိမျှ အားလောင်းဂူဟှို ပေးလေဟှယ်” ဆိုဘီး မိန့်တော်မူလေဟှယ်။
\s ဗိမာန်တော်ဖျစ်ဆီးခံရဟှို့ကြောန်း
\r (မဿဲ ၂၄.၁,၂; မာကု ၁၃.၁,၂)
\p
\v 5 ဗိမာန်တော်ဟှို လှပဟှူ က္လော့‑က်တောင်းလေနရော၊ ဘုရားသခင်ဟှို ဆစ်ကပ်ဟှားဟှူ ဝထ္ထုပစ်စီးလေနရော လှဆင်ဟှားဟှယ် ဆိုဘီး တဗဲ့တော်တချို့ဟှာ ပြောနေဂေ့ဟှယ်။ 
\v 6 ယေရှုဟှ “နန်းနို့ ဗြင်ဟှားဇာလေ အားလောင်းဟှာ က္လော့‑က်တတောင်းလည်း ကျန်ရစ်ဘဲအောန် ဖျစ်ဆီးရှင်းခံရဟှို့ ခီရော့‑က်လာလေ့မယ်” ဆိုဘီး မိန့်တော်မူလေဟှယ်။
\s ဆင်းရဲဒေါက်ခန ညှဉ်းဆဲရှင်းကြောန်း
\r (မဿဲ ၂၄.၃–၁၄; မာကု ၁၃.၃–၁၃)
\p
\v 7 သူးနို့လေဟှ “ဆရာ၊ အယ်မူဇာလေဟှ ဖယ်ခီမာ ဖြစ်လာမယ်နူး။ အယ်မူဇာလေ ဖြစ်ခါနီးဟှူ ခီမာ ဖယ်မျိုးနိမိတ်လေ ပေါ်လာဟှို့နူး။” ဆိုဘီး မေးလျှော့‑က်ဂေ့ဟှယ်။
\p
\v 8 ယေရှုဟှ “နန်းနို့လေ လှည့်စားခံရဘဲအောန် ဒိထားဂေ့။ လူလေဘောင်ဂီးဟှာ ငါ့နာမန ရော့‑က်လာဘီးဟှာ ‘ငါဟှာ အယ်လူဘဲ့ ဖြစ်ဟှယ်! ခီရော့‑က်လာဘီ!’ ဆိုဘီး ပြောလေ့မယ်။ အယ်ဘေမဲ့ သူးနို့ နော့‑က်ဟှိုလိုက်ဂေ့န။ 
\v 9 နန်းနို့လေဟှာ စစ်ပွဲလေန ပူကန်ရှင်းကြောန်းလေဟှို ကြားရဟှူ ခီမာ ကြော့‑က်ဂေ့န။ အယ်မူဇာလေဟှ ရင်ဦးဆောင်းဖြစ်ရမယ်။ အယ်ဘေမဲ့လည်း ဆောင်းသတ်ခီဟှာ ရော့‑က်လာသေးဟှ” ဆိုဘီး မိန့်တော်မူလေဟှယ်။
\p
\v 10 ကိုယ်တော်ဟှ “လူမျိုးလေဟှာ တမျိုးန တမျိုး၊ နိုင်ငံလေဟှာ တနိုင်ငံန တနိုင်ငံ တိုက်ဂေ့လေ့မယ်။ 
\v 11 နေရာတိုင်းမာ ကြော့‑က်ဘွယ်လန့်ဘွယ် မ္လေဂီးလှောက်ရှင်းလေ၊ စာရေဇာ ရှားပါးရှင်းလေ၊ ကပ်ရောဂါလေ ဖြစ်ဂေ့လေ့မယ်။ ကောန်းဂန်ထတ်ဟှနေ ထူးဆန်းဘီး ကြော့‑က်ဇာကောန်းဟှူ နိမိတ်လေ ပေါ်လာဂေ့လေ့မယ်။ 
\v 12 အယ်ဘေမဲ့လည်း အယ်မူဇာလေ ဖြစ်လာခန်မာ နန်းနို့လေဟှို ဖမ်းဆီးဘီး ညှည်းဆဲဂေ့လေ့မယ်။ နန်းနို့လေဟှို ဝါလယ်ဇရပ်လေမာရော၊ ထောန်ထဲမာရော လှောန်ဟှားဂေ့လေ့မယ်။ ငါ့နာမကြောန့် နန်းနို့လေဟှို ဗြို့ဝန်မန်းလေန မန်းဂီးလေ ရှေ့မှော့‑က်ဟှို ခေါ်ဆောန်ဟှားဂေ့လေ့မယ်။ 
\v 13 အယ်နည်းလမ်းအားဖြင့် နန်းနို့ဟှာ ဒန်းကောန်းဟှို သတ်သေခံဟှို့တွပ် ခွမ့်ရေး ဖြစ်လေဂေ့လေ့မယ်။ 
\v 14 \x - \xo ၂၁.၁၄,၁၅ \xo*\xt လု ၁၂.၁၁,၁၂\xt*\x*အယ်ကြောန့် ဖယ်မျိုးချေပရမယ် ဆိုဇာဟှို ကြိုတန်ဘီး စိုးရိမ်ဘဲဟှို့တွပ် နန်းနို့ရဲ့ စိနှလောင်းဟှို ဆောင်းဖြတ်ဟှားဂေ့။ 
\v 15 ဖြားဖြစ်ကြောန့်နူးဆိုဟှာ နန်းနို့ရန်သူလေဟှာ ပ္လန်ဘီး ခုခံဟန့်တားနိုင်ဘဲနေအောန် နန်းနို့ဟှို နှောက်စွမ်းန ဉာဏ်ပညာဟှို ငါပေးမယ်။ 
\v 16 နန်းနို့ရဲ့ မိဖလေရော၊ ညီကိုလေရော၊ ဆွေမျိုးလေရော၊ ငယ်ဂျင်းလေဟှာ နန်းနို့ဟှို အပ်နှံဂေ့လေ့မယ်။ နန်းနို့ထဲဟှ တချို့ဟှာ သေသတ်ရှင်းဟှို ခံရဂေ့လေ့မယ်။ 
\v 17 လူတိုင်းဟှာ ငါ့နာမကြောန့် နန်းနို့ဟှို မူးတီးဂေ့လေ့မယ်။ 
\v 18 အယ်ဘေမဲ့ နန်းနို့ခေါန်းဟှ ဆားဗန်တဗန်မျှ ဆောင်းရှောင်းစေဟှ။ 
\v 19 နန်းနို့ဟှာ တည်ကြည်ရှင်းအားဖြင့် ကယ်တန်ရှင်းဟှို ခံရဂေ့လေ့မယ်။”
\s ယေရုရှလင်ဗြို့ ဖျစ်ဆီးခံရဟှို့ကြောန်း
\r (မဿဲ ၂၄.၁၅–၂၁; မာကု ၁၃.၁၄–၁၉)
\p
\v 20 “ယေရုရှလင်ဗြို့ဟှို စစ်တပ်လေ ဝိုင်းဟှားဇာဟှို နန်းနို့ ဗြင်ရဟှူ ခီမာ အယ်ဗြို့ဟှာ ကြာခန်မာ ဖျစ်ဆီးရှင်းခံရမယ် ဆိုဇာဟှို နန်းနို့လေ သိဂေ့လေ့မယ်။ 
\v 21 အယ်ဆိုဟှာ ယုဒနယ်မာရှိဟှူ သူလေဟှာ တောန်ထတ်ဟှို တတ်ပ္လေးဂေ့စေ။ ဗြို့ထဲမာရှိဟှူ လူလေဟှာ ဗြို့ပ္လန်ဟှို ထွပ်ဂေ့စေ။ အယ်ဘီးဟှာ ကျေးဝါမာရှိဟှူ သူလေဟှိုလည်း ဗြို့ထဲဟှို ဝမ်ဂေ့စေန။ 
\v 22 ဖြားဖြစ်ကြောန့်နူးဆိုဟှာ အယ်နေ့ရစ်လေဟှာ ကျမ်းစာဟှ ပြောဟှားတိုင်း ပ္လဲ့ဇောင်ဟှို့တွပ် ‘ပြစ်ဒန်ပေးဟှို့နေ့ရစ်လေ’ ဖြစ်ဟှယ်။ 
\v 23 အယ်နေ့ရစ်လေမာ ဝန်းရှင်မလေန သားရှင်မိလေတွပ် ရရာတိုင်း ဆိုးဝါးဂေ့လေ့မယ်! ဒေါက်ခဆင်းရဲဟှာ အယ်ပြည်ထတ်ဟှို ရော့‑က်လာလေ့မယ်။ အယ်ဘီးဟှာ ဘုရားသခင်ရဲ့ မျစ်တော်ဟှာ အယ်သူလေ ထတ်မာလည်း က္လရော့‑က်လေ့မယ်။ 
\v 24 တချို့လေဟှာ ထားန သတ်ခံရဂေ့လေမယ်။ ကျန်ဟှူ သူလေဟှာ ထောန်သားလေဖြစ်န နိုင်ငံသီးသီးဟှို ဖမ်းဆီးဟှားရှင်း ခံရဂေ့လေ့မယ်။ လူမျိုးခြားလေဟှာ သူးနို့ရဲ့ ခီကူခန်ထိ ယေရုရှလင်ဗြို့ဟှို နန်းချေဂေ့လေ့မယ်။”
\s လူ့ရဲ့သား ကြွလာတော်မူဟှူကြောန်း
\r (မဿဲ ၂၄.၂၉–၃၁; မာကု ၁၃.၂၄–၂၇)
\p
\v 25 \x - \xo ၂၁.၂၅ \xo*\xt ဗျာ ၆.၁၂,၁၃\xt*\x*“နေ၊ လ၊ ကြယ်လေမာ ထူးဆန်းဟှူ နိမိတ်လေ ဖြစ်လေ့မယ်။ မ္လေဂီးထတ်ဟှ လူမျိုးလေ အားလောင်းဂူဟှာ ပန်လယ်လှိုင်းတံပိုးသံကြောန့် စိပျစ်ဟှားဘီး ကြော့‑က်လန့်ဂေ့လေ့မယ်။ 
\v 26 ကောန်းဂန်ဟှ တဂိုးလေဟှာ လှောက်ခါဂေ့ဘီး လူလေဟှာ ကမ္ဘာထတ်ဟှို သတ်ရော့‑က်လာဟှို့ ဇာလေတွပ် ကြိုတွီးဘီး ကြော့‑က်လန့်လာဟှူကြောန့် မူးလှဲဂေ့လေ့မယ်။ 
\v 27 အယ်ခီမာ လူ့ရဲ့သားဟှာ ကီးမားဟှူ ဖောင်းတဂိုးန မိုးတီဟှို စီးဘီး ကြွလာနေဇာဟှို သူးနို့လေ ဗြင်ရဂေ့လေ့မယ်။ 
\v 28 အယ်မူဇာလေ စဘီး ဖြစ်လာဟှူ ခီမာ နန်းနို့ဟှို ဝီးကော့‑က်ဟှို့ ခီဟှာ နီးလာဘီဖြစ်ဟှူကြောန့် မတ်တပ်ထဘီး နန်းနို့ရဲ့ ခေါန်းလေဟှို မော့ဟှားဂေ့” ဆိုဘီး မိန့်တော်မူလေဟှယ်။
\s သဖန်းဗန် ပေါင်ဉပမာကြောန်း
\r (မဿဲ ၂၄.၃၂–၃၅; မာကု ၁၃.၂၈–၃၁)
\p
\v 29 အယ်ဘီးန ယေရှုဟှာ သူးနို့ဟှို အယ်ပေါင်ဥပမာန “သဖန်းဗန်န တခြားသစ်ပန်လေဟှို ကေ့ကေ့။ 
\v 30 နန်းနို့လေဟှာ အယ်ပန်လေမာ ဝပ်နုလေ ထွပ်လာဇာဟှို ဗြင်ဟှူ ခီမာ နွေရာသီ ရော့‑က်ခါနီးဘီ ဆိုဇာဟှို နန်းနို့လေ သိဂေ့ဟှယ်။ 
\v 31 အယ်မျိုးဘဲ့ အယ်မူဇာလေ ဖြစ်လာဇာဟှို နန်းနို့လေ ဗြင်ဟှူ ခီမာ ဘုရားသခင်ရဲ့ နိုင်ငံတော် တည်ခါနီးဘီ ဆိုဇာဟှို နန်းနို့လေ သိဂေ့ပါ။
\p
\v 32 “ငါ မှန်တိုင်းပြောမယ်၊ အယ်မူဇာလေ အားလောင်းဂူ ဖြစ်လာခန်မာ အယ်မျိုးဆစ်ဟှာ လောင်းဝ ပျော့‑က်ကွယ်ဟှားဟှို့ မှုဟှ။ 
\v 33 ကောန်းဂန်န မ္လေဂီးဟှာ ပျော့‑က်ကွယ်ဟှားလေ့မယ်။ အယ်ဘေမဲ့ ငါ့စကားလေဟှာ လောင်းဝ ပျော့‑က်ကွယ်လေ့မယ် မှုဟှ။
\s ဒိရှိဟှို့ လိုအပ်ဟှူကြောန်း
\p
\v 34 “ဒိနနေဂေ့။ ပျော်လွန်ကြူးရှင်းလေ၊ သော့‑က်စားမူးယစ်ရှင်းလေ၊ လောကီမှုရေး စိုးရိမ်ရှင်းလေကြောန့် နန်းနို့ရဲ့ စိနှလောင်းလေဟှာ လေးလံထိုင်းမှိုင်းနေဒူးမာ အယ်နေ့ရစ်ဟှာ ထောန်ချော့‑က်မျိုးဘဲ နန်းနို့ထတ်ဟှို ရောက်တရစ် ရော့‑က်လာလေ့မယ်။ 
\v 35 ဖြားဖြစ်ကြောန့်နူးဆိုဟှာ အယ်နေ့ရစ်ဟှာ မ္လေဂီး တဗ္လန်လောင်းမာရှိဟှူ လူလေ အားလောင်းဂူထတ်ဟှို က္လရော့‑က်လာလေ့မယ်။ 
\v 36 အယ်ကြောန့် နန်းနို့ဟှာ ဖြစ်လာမယ့်ဇာလေ အားလောင်းဟှနေ လွတ်မြော့‑က်ဘီး လူ့သားရဲ့ ရှေ့တော်မာ မတ်တတ်ရပ်နိုင်ဟှို့တွပ် ခီတိုင်း ဒိနနေဘီး ဆုတောန်းဂေ့” ဆိုဘီး မိန့်တော်မူလေဟှယ်။
\p
\v 37 \x - \xo ၂၁.၃၇ \xo*\xt လု ၁၉.၄၇\xt*\x*ယေရှုဟှာ နေ့ခီလေမာ ဗိမာန်တော်မာ သွန်သန်တော်မူဘီး ညဉ့်ခီလေမာ ပ္လန်ဟှို ထွပ်ဟှားဘီး သံလွင်တောန်ထတ်မာ ညဉ့်ဟှို ကူစေတော်မူဟှယ်။ 
\v 38 လူလေ အားလောင်းဂူဟှာ ဗိမာန်တော်မာ တရားနားထောန်ဟှို့ မိုးလန်းစောစောဂီး ကိုယ်တော်နားဟှို လာဂေ့ဟှယ်။
\c 22
\s ယေရှုဟှို သတ်ဟှို့ ကြံစည်ဟှူကြောန်း
\r (မဿဲ ၂၆.၁–၅; မာကု ၁၄.၁,၂; ယောဟန် ၁၁.၄၅–၅၃)
\p
\v 1 ပသခါပွဲ ဆိုဘီး ခေါ်ဟှူ တဆေးမှေ့ဘဲဟှူ မုပွဲတော် ခီနီးလာလေဟှယ်။ 
\v 2 ယဇ်ပုရောဟိတ်ဂီးလေန ကျမ်းတတ်ဆရာလေဟှာ လူလေဟှို ကြော့‑က်လန့်ဂေ့ဟှူကြောန့် ယေရှုဟှို တိတိဟှားသတ်ဟှို့တွပ် နည်းလမ်းရှာကြံဂေ့လေဟှယ်။
\s ယေရှုဟှို အပ်နှံဟှို့ ယုဒဘောတူဟှူကြောန်း
\r (မဿဲ ၂၆.၁၄–၁၆; မာကု ၁၄.၁၀,၁၁)
\p
\v 3 အယ်ဘီးန စာတန်ဟှာ တဗဲ့တော်ဆယ့်နှေ့ပါးထဲဟှ တပါးဖြစ်ဟှူ ဣရှကာရုတ် ဆိုဘီး ခေါ်ဟှူ ယုဒထဲဟှို ဝမ်လေဟှယ်။ 
\v 4 အယ်ကြောန့် ယုဒဟှာ ယဇ်ပုရောဟိတ်ဂီးလေန ဗိမာန်တော်စောန့် ကြီးကဲလေနားဟှို သွားဘီး ယေရှုဟှို သူးနို့လတ်ထဲဟှို ဖယ်မျိုး အပ်နှံရမယ် ဆိုဇာဟှို သူးနို့လေန တိုင်ဗန်ဂေ့လေဟှယ်။ 
\v 5 သူးနို့လေဟှာ ဝန်းသာဘီးဟှာ သူ့ဟှို ကပ်ပေးဟှို့ ဘောတူဂေ့ဟှယ်။ 
\v 6 ယုဒဟှာလည်း ဘောတူဘီး လူလေဟှို သိစေဘဲန ယေရှုဟှို သူးနို့လတ်ဟှို အပ်နှံဟှို့တွပ် ခွမ့်ကောန်းဟှို ရှာကြံလေဟှယ်။
\s ပသခါပွဲ ပြင်ဆင်ဟှူကြောန်း
\r (မဿဲ ၂၆.၁၇–၂၅; မာကု ၁၄.၁၂–၂၁; ယောဟန် ၁၃.၂၁–၃၀)
\p
\v 7 တဆေးမှေ့ဘဲဟှူ မုပွဲတော် ခီမာ ပသခါသိုးသားဂန်းလေဟှို သတ်ရဟှူနေ့ ရော့‑က်လာဟှယ်။ 
\v 8 ယေရှုဟှာ ပေတရုန ယောဟန်ဟှို “ပသခါပွဲတော်ဟှို နို့လေစားဟှို့ သွားဘီး ပြင်ဆင်ဂေ့ပါ” ဆိုဘီး မိန့်တော်မူဘီး သူးနို့ဟှို စေလွှတ်လေဟှယ်။
\p
\v 9 သူးနို့ဟှလည်း “ကိုယ်တော်ဟှ ကျွန်တော့်ဟှားလေဟှို ဖယ်နေရာမာ ပြင်ဆင်စေရှင်ဟှယ်နူး။” ဆိုဘီး မေးလျှော့‑က်ဂေ့ဟှယ်။
\p
\v 10 ကိုယ်တော်ဟှ “နန်းနို့ဟှာ ဗြို့ထဲဟှို ဝမ်ဟှားဟှူ ခီမာ ရေအိုးထမ်းလာဟှူ လူတယော့‑က်ဟှာ နန်းနို့ဟှို လာတွိလေ့မယ်။ အယ်လူ ဝမ်ဟှားဟှူ အီထဲဟှို ဝမ်လိုက်ဟှားဘီးဟှာ၊ 
\v 11 အီဇရှင်ဟှို ‘ဆရာဟှ ငါ့တဗဲ့လေနတူးဒူ ပသခါညဉ့်ဇာစားဟှို့ ခန်းဟှ ဖယ်မာနူး။ ဆိုဘီး မေးခိုင်းလိုက်ဟှယ်’ ဆိုဘီး ပြောဂေ့ပါ။ 
\v 12 အယ်လူဟှ ပြင်ဆင်ဟှားဟှူ ထပ်ခန်းမဟှို နန်းနို့ဟှို ပြလေ့မယ်။ အယ်ခန်းမာ နန်းနို့ ပြင်ဆင်ဂေ့ပါ” ဆိုဘီး မိန့်တော်မူလေဟှယ်။
\p
\v 13 သူးနို့ဟှာ ထွပ်ဟှားဘီးန ယေရှုဟှ သူးနို့ဟှို မိန့်တော်မူဟှားတိုင်းဘဲ့ အားလောင်းဟှို တွိရဟှူကြောန့် ပသခါညဉ့်ဇာဟှို ပြင်ဆင်ဂေ့ဟှယ်။
\s သခင်ဘုရားရဲ့ ညဉ့်ဇာကြောန်း
\r (မဿဲ ၂၆.၂၆–၃၀; မာကု ၁၄.၂၂–၂၆; ၁ ကောရိန္သု ၁၁.၂၃–၂၅)
\p
\v 14 ခီရော့‑က်လာဟှူ ခီမာ ယေရှုဟှာ တမန်တော်လေနတူးဒူ စားဗွဲမာ ထိုင်တော်မူဟှယ်။ 
\v 15 ကိုယ်တော်ဟှာ “ငါဟှာ ဒေါက်ခဝေဒနာခံရခန်မာ အယ်ပသခါညဉ့်ဇာဟှို နန်းနို့နတူးဒူ ရရာတိုင်း စားရှင်ဟှယ်။ 
\v 16 နန်းနို့ဟှို ငါပြောမယ်၊ ပသခါပွဲတော်ဟှာ ဘုရားသခင်ရဲ့ နိုင်ငံတော်မာ ပ္လဲ့ဇောင်သေးခန်ထိ အယ်ပွဲတော်ဟှို နော့‑က်ထပ်ခါ ငါစားဟှို့မုဟှ” ဆိုဘီး သူးနို့ဟှို မိန့်တော်မူလေဟှယ်။
\p
\v 17 အယ်ဘီးန ယေရှုဟှာ ခွပ်ဟှို ယူဘီး ဘုရားသခင်ရဲ့ ကျေးဇူးတော်ဟှို ချီးမွမ်းဘီးန “အယ်ခွပ်ဟှို ယူဘီး၊ ရှင်းရှင်းဝီမျှဘီး သော့‑က်ဂေ့ပါ။ 
\v 18 နန်းနို့ဟှို ငါပြောမယ်။ ခုဟှစဘီး ဘုရားသခင်ရဲ့ နိုင်ငံတော် တည်ထောန်ခန်ထိ အယ်စဗျစ်ရယ်ဟှို ငါလောင်းဝ သော့‑က်လေ့မယ်မုဟှ” ဆိုဘီး မိန့်တော်မူလေဟှယ်။
\p
\v 19 အယ်ဘီးန ကိုယ်တော်ဟှာ မုဟှိုယူဘီး ဘုရားသခင်ရဲ့ ကျေးဇူးတော်ဟှို ချီးမွမ်းဘီးန မုဟှို ဖဲ့ဘီးဟှာ သူးနို့လေဟှို ပေးဘီး “အယ်မုဟှာ နန်းနို့တွပ် စွန့်ဟှူငါ့ရဲ့ ကိုယ်ခန္ဓာ ဖြစ်ဟှယ်။ ငါ့ဟှို အော့‑က်မေ့ဟှို့ အယ်မျိုးလောက်ဂေ့” ဆိုဘီး မိန့်တော်မူလေဟှယ်။ 
\v 20 အယ်မျိုးဘဲ့ ညဉ့်ဇာစားဘီးန ကိုယ်တော်ဟှာ ခွပ်ဟှိုလည်း ယူဘီးဟှာ “အယ်ခွပ်ဟှာ နန်းနို့တွပ် သွန်းလောန်းဟှူ ငါ့ရဲ့ သွီးန ဇိခတ်ဟှားဟှူ ဘုရားသခင်ရဲ့ ပဋိညာဉ်တရားသစ် ဖြစ်ဟှယ်”\f + \fr ၂၂.၂၀ \fr*\ft တချို့ မူရင်းကျမ်းစာလေမာ ယေရှုရဲ့ စကားနော့‑က်မာပါဟှူ \ft*\fqa အယ်မုဟှာ ငါ့ရဲ့ ကိုယ်ခန္ဓာ ဖြစ်ဟှယ်၊ \fqa*\ft ဆိုဇာဟှာ ခန်းငယ် ၁၉ န ခန်းငယ်၂၀ မာ မှေ့ဟှ။ \ft*\f*
\p
\v 21 “အယ်ဘေမဲ့ ငါ့ဟှို အပ်နှံမယ့်လူရဲ့ လတ်ဟှာ ငါ့နတူးဒူ စားဗွဲထတ်မာ ရှိနေဟှယ်! 
\v 22 လူ့ရဲ့သားဟှာ ဘုရားသခင် ခ္လမှတ်ဟှားတိုင်းဘဲ့ သေခံဟှို့ မှန်ဘဲ့သွားရမယ်။ အယ်ဘေမဲ့ လူ့ရဲ့သားဟှို အပ်နှံဟှူလူဟှာ အမင်္ဂလာရှိဟှယ်!” ဆိုဘီး မိန့်တော်မူလေဟှယ်။
\p
\v 23 အယ်ဘီးန တဗဲ့တော်လေဟှာ နို့လေထဲဟှ ဖယ်သူဟှာ အယ်မျိုးလောက်ဟှို့နူး။ ဆိုဘီး သူးနို့ရှင်းရှင်း မေးဂေ့လေဟှယ်။
\s ကီးမြတ်ရှင်းန ပတ်သတ်ဘီး ဂြင်းခူဟှူကြောန်း
\p
\v 24 \x - \xo ၂၂.၂၄ \xo*\xt မ ၁၈.၁; မာ ၉.၃၄; လု ၉.၄၆\xt*\x*သူးနို့လေထဲဟှ ဖယ်သူ့ဟှို ကီးမြတ်ဆောင်း ဖြစ်ဟှယ် ဆိုဘီး မှတ်ယူရမယ် ဆိုဇာဟှို သူးနို့ရှင်းရှင်း ဂြင်းခူဂေ့လေဟှယ်။ 
\v 25 \x - \xo ၂၂.၂၅,၂၆ \xo*\xt မ ၂၀.၂၅–၂၇; မာ ၁၀.၄၂–၄၄\xt*\x*ယေရှုဟှ သူးနို့လေဟှို “လူမျိုးခြားလေရဲ့ မန်းဂီးလေဟှာ ပြည်သူလေထတ်မာ စိုးတရ လောက်တတ်ဂေ့ဟှယ်။ လူလေထတ်မာ အာဏာရှိဟှူ သူလေဟှိုလည်း သူများကျိုးဆောန်ဝှပ်သူ ဆိုဘီး ခေါ်ခံရဂေ့ဟှယ်။ 
\v 26 \x - \xo ၂၂.၂၆ \xo*\xt မ ၂၃.၁၁; မာ ၉.၃၅\xt*\x*အယ်ဘေမဲ့ နန်းနို့လေဟှ အယ်မျိုးလောက်ဂေ့န။ နန်းနို့ထဲမာ ကီးမြတ်ဆောင်းဖြစ်ဟှူ သူဟှာ ငယ်ဆောင်းဟှူ သူမျိုး ဖြစ်ရမယ်။ ဦးဆောန်ဟှူ သူဟှာ စေခံမျိုး ဖြစ်ရမယ်။ 
\v 27 \x - \xo ၂၂.၂၇ \xo*\xt ယော ၁၃.၁၂–၁၅\xt*\x*စားဗွဲမာ ထိုင်နေဟှူသူန စေခံဟှူ သူလေထဲမာ ဖယ်သူဟှ ပိုဘီးကီးမြတ်နူး။ စားဗွဲမာ ထိုင်နေဟှူသူ မှုဟှလော။ အယ်ဘေမဲ့ ငါဟှာ နန်းနို့ထဲမာ စေခံဟှူသူမျိုး ဖြစ်ဟှယ်။”
\p
\v 28 “စောင်ဇမ်း နှောန့်ယှစ်ရှင်းလေဟှို ငါခံနေရဒူးမာ နန်းနို့ဟှာ ငါ့နတူးဒူ ရပ်တည်ပေးဟှူ လူလေ ဖြစ်ဂေ့ဟှယ်။ 
\v 29 အယ်ဘီးဟှာ ငါ့ဖဟှ ငါ့ဟှို နိုင်ငံတော်ဟှို ပေးအပ်ဟှူမျိုးဘဲ့ ငါဟှလည်း နိုင်ငံတော်ဟှို နန်းနို့ဟှို ပေးအပ်မယ်။ 
\v 30 \x - \xo ၂၂.၃၀ \xo*\xt မ ၁၉.၂၈\xt*\x*နန်းနို့ဟှာ ငါ့ရဲ့ နိုင်ငံတော်မာ ငါ့ရဲ့ စားဗွဲမာ ထိုင်ဘီး စားသော့‑က် ရဂေ့လေ့မယ်။ အယ်ဘီးဟှာ ပလ္လင်ထတ်မာ ထိုင်ဘီး ဣသရေလမျိုးနွယ် ဆယ့်နှေ့နွယ်ဟှို တရားစီရင် ရဂေ့လေ့မယ်။
\s ပေတရုဟှာ ငြင်းဆိုလေ့မယ် ဆိုဇာဟှို ဖော်ပြဟှူကြောန်း
\r (မဿဲ ၂၆.၃၁–၃၅; မာကု ၁၄.၂၇–၃၁; ယောဟန် ၁၃.၃၆–၃၈)
\p
\v 31 “ရှိမုန်၊ ရှိမုန်! နားထောန်ပါ! ဂျောင်ဆန်ဟှို ဇဂါခ္လဟှူမျိုးဘဲ့ စာတန်ဟှ နန်းနို့အားလောင်းဟှို ဇဂါခ္လဟှို့တွပ် ခွမ့်တောန်းလေဘီ။ 
\v 32 အယ်ဘေမဲ့ နန့်ရဲ့ ယောင်ကြည်ရှင်း ဆောင်းရှောင်းဘဲဟှို့တွပ် ငါဆုတောန်းနေဟှယ်။ နန်ဟှာ ငါဖတ်ဟှို ပ္လန်လှည့်လာဟှူ ခီမာ နန့်ရဲ့ ညီကိုလေဟှို ခိုင်ခံ့စေပါ” ဆိုဘီး မိန့်တော်မူလေဟှယ်။
\p
\v 33 ပေတရုဟှ “သခင်၊ ကျွန်တော်ဟှာ ကိုယ်တော်နတူးဒူ ထောန်ဘဲ့က္လက္လ၊ သေဘဲ့သေသေ ဆင်သင့်ရှိဟှယ်!” ဆိုဘီး လျှော့‑က်လေဟှယ်။
\p
\v 34 ယေရှုဟှ “ပေတရု၊ နန့်ဟှို ငါပြောမယ်။ အယ်ညဉ့် ကြစ်တွန်ခန်မာ နန်ဟှာ ငါဟှို သိဟှ ဆိုဘီး သောင်းခါ ငြင်းလေ့မယ်” ဆိုဘီး မိန့်တော်မူလေဟှယ်။
\s ကပ်အိ၊ ထားန လွယ်အိကြောန်း
\p
\v 35 \x - \xo ၂၂.၃၅ \xo*\xt မ ၁၀.၉,၁၀; မာ ၆.၈,၉; လု ၉.၃; ၁၀.၄\xt*\x*အယ်ဘီန ယေရှုဟှာ “နန်းနို့ဟှို ကပ်အိ၊ လွယ်အိန ခေနပ်မှေ့ဘဲ စေလွှတ်ဟှူ ခီမာ နန်းနို့လေမာ လိုအပ်ဇာလေ ရှိသေးလော။” ဆိုဘီး တဗဲ့တော်လေဟှို မေးလေဟှယ်။
\p သူးနို့ဟှာ “မှေ့ဟှ” ဆိုဘီး လျှော့‑က်လေဟှယ်။
\p
\v 36 ယေရှုဟှ “အယ်ဘေမဲ့ ခု ကပ်အိရှိဟှူ သူဟှာ ယူဟှားစေ။ လွယ်အိရှိဟှူသူဟှာလည်း ယူဟှားစေ။ ထားမှေ့ဘဲဟှူသူဟှာ မိမိဝတ်လောင်ဟှို ရောန်းဘီးဟှာ ထားဟှို ဝယ်စေ။ 
\v 37 နန်းနို့ဟှို ငါပြောမယ်၊ ‘သူဟှာ တရားမှေ့ဘဲဟှူသူလေရဲ့ စာရင်းထဲမာ ထဲ့သွမ်းရှင်းခံရမယ်’ ဆိုဘီး ကျမ်းစာမာ ရေးဟှားဟှူဇာဟှာ ငါ့မာ ပ္လဲ့ဇောင်ရမယ်။ ဖြားဖြစ်ကြောန့်နူးဆိုဟှာ ငါ့ကြောန်းဟှို ရေးဟှားဇာဟှာ ပ္လဲ့ဇောင်ရှင်းဟှို ရော့‑က်နေဘီ” ဆိုဘီး မိန့်တော်မူလေဟှယ်။
\p
\v 38 တဗဲ့တော်လေဟှ “သခင်! ကေ့တော်မူပါ! အယ်မာ ထားနှေ့ရှောန်း ရှိဟှယ်” ဆိုဘီး လျှော့‑က်လေဟှယ်။
\p ကိုယ်တော်ဟှ “အယ်ဆိုဟှာ ရလော့‑က်ဘီ!”\f + \fr ၂၂.၃၈\fr*\fq အယ်ဆိုဟှာ ရလော့‑က်ဘီ၊ \fq*\ft အယ်မျိုးမုဟှာ \ft*\fqa အယ်ထားနှေ့ရှောင်းနဆို တော်ဘီ။\fqa*\f* ဆိုဘီး မိန့်တော်မူလေဟှယ်။
\s သံလွင်တောန်ထတ်မာ ဆုတောန်းဟှူကြောန်း
\r (မဿဲ ၂၆.၃၆–၄၆; မာကု ၁၄.၃၂–၄၂)
\p
\v 39 ယေရှုဟှာ ဗြို့ထဲဟှနေ ထွပ်ဟှားဘီး ခါတိုင်းမျိုးဘဲ့ သံလွင်တောန်ထတ်ဟှို ကြွတော်မူဟှယ်။ တဗဲ့တော်လေလည်း ကိုယ်တော်နတူးဒူ လိုက်ဟှားဂေ့ဟှယ်။ 
\v 40 အယ်နေရာဟှို ရော့‑က်ဟှူ ခီမာ ကိုယ်တော်ဟှ “နန်းနို့လေဟှာ သွီးဆောန်ရှင်းထဲဟှို က္လဘဲဟှို့တွပ် ဆုတောန်းဂေ့” ဆိုဘီး သူးနို့ဟှို မိန့်တော်မူလေဟှယ်။
\p
\v 41 အယ်ဘီးန ကိုယ်တော်ဟှာ သူးနို့လေန က္လော့‑က်ခဲတပစ်ဇာလောက် ဝီးဟှို သွားဘီးဟှာ ဒူးထော့‑က်ဘီးန ဆုတောန်းဟှူဇာဟှ 
\v 42 ကိုယ်တော်ဟှ “ဖ၊ ဖြစ်နိုင်မယ် ဆိုဟှာ အယ်မူဝေဒနာခွပ်ဟှို ကျွန်တော့်ဟှနေဘီး ယူဟှားပေးပါ။ အယ်ဘေမဲ့ ကျွန်တော့် လိုရှင်တိုင်းဖြစ်စေဘဲန ဖလိုရှင်းတိုင်းဘဲ့ ဖြစ်စေပါ” ဆိုဘီး ဆုတောန်းလေဟှယ်။ 
\v 43 အယ်ခီမာ ကောန်းဂန်ဘောင်ဟှ ကောန်းဂန်တမန်တပါးဟှာ ကိုယ်တော်နားမာ ပေါ်လာဘီး ကိုယ်တော့်ဟှို အားပေးတော်မူဟှယ်။ 
\v 44 ကိုယ်တော်ဟှာ ပြင်းထန်ဟှူ ဝေဒနာဟှို ခံစားဘီး ပိုဘီး ပြင်းပြင်းထန်ထန် ဆုတောန်းဟှူကြောန့် ကိုယ်တော်ရဲ့ ချွေးဟှာ သွေးစက်လေမျိုး မ္လေဂီးထတ်ဟှို က္လလေဟှယ်။\f + \fr ၂၂.၄၄ \fr*\ft တချို့ မူရင်းလတ်ရေးမူလေမာ ခန်းငယ် ၄၃–၄၄ ဟှာ မှေ့ဟှ။ \ft*\f*
\p
\v 45 ကိုယ်တော်ဟှာ ဆုတောန်းရာဟှနေ ထတော်မူဘီး တဗဲ့တော်လေနားဟှို ပ္လန်လာဟှူ ခီမာ သူးနို့လေဟှာ ဝန်းနဲဘီး အိမွိနေဇာဟှို တွိဟှားလေဟှယ်။ 
\v 46 ကိုယ်တော်ဟှာ “နန်းနို့လေ ဖြားဖြစ်ကြောန့် အိမွိနေဂေ့နူး။ သွီးဆောန်ရှင်းထဲဟှို က္လဘဲဟှို့တွပ် ထဒန်ဘီး ဆုတောန်းဂေ့” ဆိုဘီး သူးနို့ဟှို မိန့်တော်မူလေဟှယ်။
\s ယေရှုဟှို ဖမ်းဆီးဟှူကြောန်း
\r (မဿဲ ၂၆.၄၇–၅၆; မာကု ၁၄.၄၃–၅၀; ယောဟန် ၁၈.၃–၁၁)
\p
\v 47 အယ်မျိုးမိန့်တော်မူနေဒူးမာဘဲ့ တဗဲ့တော် ဆယ့်နှေ့ပါးထဲဟှ တပါးဖြစ်ဟှူ ယုဒဟှာ လူအောက်ဂီးဟှို ဦးဆောန်ဘီး ရော့‑က်လာဟှယ်။ သူဟှာ ယေရှုဟှို နမ်းဟှို့တွပ် တိုးဝမ်လာလေဟှယ်။ 
\v 48 အယ်ဘေမဲ့ ယေရှုဟှ “ယုဒ၊ လူ့ရဲ့သားဟှို နမ်းရှင်းအားဖြင့် အပ်နှံဟှို့လော။” ဆိုဘီး မေးတော်မူလေဟှယ်။
\p
\v 49 ယေရှုနတူးဒူ ရှိနေဂေ့ဟှူ တဗဲ့တော်လေဟှာ ဖြစ်လာမယ့်ဇာဟှို သိလိုက်ဟှူ ခီမာ သူးနို့ဟှ “သခင်၊ ကျွန်တော့်ဟှားလေ ထားန ခွတ်ရဟှို့လော။” ဆိုဘီး မေးလျှော့‑က်လေဟှယ်။ 
\v 50 သူးနို့ထဲဟှ တယော့‑က်ဟှာ ယဇ်ပုရောဟိတ်မန်းရဲ့ ကျွန်တယော့‑က်ဟှို ခွတ်လိုက်ဇာ အယ်လူရဲ့ ညာဖတ်နားဝှပ်ဟှာ ပြတ်ဟှားလေဟှယ်။
\p
\v 51 အယ်ဘေမဲ့ ယေရှုဟှာ “တော်ဘီ!” ဆိုဘီး မိန့်တော်မူလေဟှယ်။ ကိုယ်တော်ဟှာ အယ်လူရဲ့ နားဝှပ်ဟှို လတ်တော်န ထိလိုက်ဘီး ပ္လန်ကောန်းစေလေဟှယ်။
\p
\v 52 အယ်ဘီးန ယေရှုဟှာ မိမိဟှို ဖမ်းဟှို့ရော့‑က်လာဟှူ ယဇ်ပုရောဟိတ်ဂီးလေ၊ ဗိမာန်တော်စောန့် တပ်မှူးလေန သတ်ကီးဝါဂီးလေဟှို “နန်းနို့ဟှာ မ္လဟှို ဖမ်းမျိုး ထားလေ၊ ဒေါက်လေဟှို ကိုင်ဆောန်ဘီး လာဂေ့ရလော။ 
\v 53 \x - \xo ၂၂.၅၃ \xo*\xt လု ၁၉.၄၇; ၂၁.၃၇\xt*\x*ငါဟှာ နေ့တိုင်း နန်းနို့နတူးဒူ ဗိမာန်တော်မာ ရှိနေဒူးမာ နန်းနို့ဟှာ ငါ့ဟှို ဖမ်းဂေ့ဟှ။ အယ်ဘေမဲ့ အယ်မျိုး လောက်ဆောန်ဟှို့တွပ် နန်းနို့ရဲ့ခီဖြစ်ဟှယ်။ မှောန်မိုက်တဂိုးလည်း ဖြစ်ဟှယ်” ဆိုဘီး မိန့်တော်မူလေဟှယ်။
\s ယေရှုဟှို ပေတရု ဂြင်းဟှူကြောန်း
\r (မဿဲ ၂၆.၅၇,၅၈,၆၉–၇၅; မာကု ၁၄.၅၃,၅၄,၆၆–၇၂; ယောဟန် ၁၈.၁၂–၁၈,၂၅–၂၇)
\p
\v 54 သူးနိုးလေဟှ ယေရှုဟှို ဖမ်းဘီးဟှာ ယဇ်ပုရောဟိတ်မန်းရဲ့ အီဟှို ခေါ်ဟှားဂေ့ဟှယ်။ ပေတရုဟှာလည်း ခပ်ဝီးဝီးဟှနေ လိုက်ဟှားလေဟှယ်။ 
\v 55 အီဝမ်းရဲ့ လယ်မာ မီးဗောင်ဟှို ဝိုင်းဘီးထိုင်နေဟှူ လူလေကြားထဲမာ ပေတရုဟှာ ဝမ်ထိုင်လေဟှယ်။ 
\v 56 အယ်မျိုး ပေတရုဟှာ မီးဗောင်းနားမာ ထိုင်နေဇာဟှို စေခံမီးမ တယော့‑က်ဟှ ဗြင်ဟှားဟှူုကြောန့် သူ့ဟှို စေ့စေ့ကေ့ဘီး “အယ်လူဟှာလည်း ယေရှုရဲ့ ပေါန်းဖော်ဖြစ်ဟှယ်!” ဆိုဘီး ပြောလေဟှယ်။
\p
\v 57 အယ်ဘေမဲ့ ပေတရုဟှ “ဝှေ့မီးမ၊ အယ်သူဟှို ငါ သိဟှ!” ဆိုဘီး ဂြင်းလေဟှယ်။
\p
\v 58 ရှစ်ဟှားကြာဘီးန လူတယော့‑က်ဟှာ ပေတရုဟှို ဗြင်ဟှားဟှူ ခီမာ “နန်လည်း သူးနို့လေထဲဟှ တယော့‑က်ဘဲ့ ဖြစ်ဟှယ်!” ဆိုဘီး ပြောလေဟှယ်။
\p အယ်ဘေမဲ့ ပေတရုဟှာ “ဝှေ့လူ၊ ငါဟှာ သူးနို့ထဲဟှ မှုဟှ!” ဆိုဘီး ပြောလေဟှယ်။
\p
\v 59 တနာရီလော့‑က် ကြာဘီးန တခြားတယော့‑က်ဟှ “မှန်တိုင်း ပြောရမယ် ဆိုဟှာ အယ်သူဟှာ ဂါလိလဲလူ ဖြစ်ဟှူကြောန့် ယေရှုန ပေါန်းဖော်ဟှူသူ ဖြစ်ဟှယ်!” ဆိုဘီး ခိုင်ခိုင်မာမာ ပြောလေဟှယ်။
\p
\v 60 အယ်ဘေမဲ့ ပေတရုဟှ “ဝှေ့လူ၊ နန်ပြောနေဇာလေဟှို ငါ သိဟှ!” ဆိုဘီး ပ္လန်ပြောလေဟှယ်။
\p သူအယ်မျိုး ပြောနေဒူးမာဘဲ့ ကြစ်တွန်လေဟှယ်။ 
\v 61 အယ်ခီမာ သခင်ဘုရားဟှာ လှည့်ဘီး ပေတရုဟှို စူးစိုက်ဘီး ကေ့တော်မူဟှယ်။ ပေတရုဟှလည်း “အယ်ညဉ့် ကြစ်တွန်ခန်မာ နန်ဟှာ သောင်းခါတိတိ ငြင်းပယ်လေ့မယ်” ဆိုဘီး မိန့်တော်မူဟှားဟှူ သခင်ဘုရားရဲ့ စကားတော်ဟှို ပ္လန်အော့‑က်မေ့လာဟှယ်။ 
\v 62 အယ်ကြောန့် ပေတရုဟှာ ပ္လန်ဟှို ထွပ်ဟှားဘီး ရရာတိုင်း ငိုလေဟှယ်။
\s ယေရှုဟှို လှောန်ပြောန်ဘီး ရိုက်နှက်ဟှူကြောန်း
\r (မဿဲ ၂၆.၆၇,၆၈; မာကု ၁၄.၆၅)
\p
\v 63 ယေရှုဟှို စောန့်ကြပ်နေဟှူ လူလေဟှ ကိုယ်တော့်ဟှို လှောန်ပြောန်ဘီး ရိုက်နှက်ဂေ့ဟှယ်။ 
\v 64 သူးနို့လေဟှ ကိုယ်တော်ရဲ့ မျစ်နှာဟှို ဖောင်းဘီးဟှာ “ကိုယ်တော့်ဟှို ဖယ်သူလေ ရိုက်ဂေ့နူး။ ပရောဖက်ပြုဂေ့!” ဆိုဘီး ကိုယ်တော့်ဟှို မေးဂေ့ဟှယ်။ 
\v 65 အယ်ဘီးဟှာ သူးနို့လေဟှ တခြားကဲ့ရဲ့ဇာလေ ဘောင်ဂီးန ကိုယ်တော့်ဟှို ပြောဂေ့ဟှယ်။
\s ယေရှုဟှို တရားလွှတ်တော်ရှေ့မာ စစ်ဆေးဟှူကြောန်း
\r (မဿဲ ၂၆.၅၉–၆၆; မာကု ၁၄.၅၅–၆၄; ယောဟန် ၁၈.၁၉–၂၄)
\p
\v 66 မိုးလန်းဟှားဟှူ ခီမာ သတ်ကီးဝါဂီးလေ၊ ယဇ်ပုရောဟိတ်ဂီးလေန ကျမ်းတတ်ဆရာလေဟှာ စုဝီးဂေ့ဘီး ယေရှုဟှို တရားလွှတ်တော်ရှေ့ဟှို ခေါ်ဆောန်ဟှားဂေ့ဟှယ်။ 
\v 67 သူးနို့လေဟှ “နန်ဟှာ မေရှိယဘဲ့လော။ နို့လေဟှို ပြောပါ” ဆိုဘီး မေးဂေ့ဟှယ်။
\p ကိုယ်တော်ဟှ “နန်းနို့ဟှို ငါပြောမယ် ဆိုဟှာလည်း နန်းနို့ ယောင်ကြည်ဂေ့ဟှို့ မှုဟှ။ 
\v 68 နန်းနို့ဟှို ငါ မေးမေးမယ် ဆိုဟှာလည်း နန်းနို့ ဖြေဂေ့ဟှို့ မှုဟှ။ 
\v 69 အယ်ဘေမဲ့ ခုဟှနေဘီး လူ့ရဲ့သားဟှာ အနန္တတဂိုးရှင် ဘုရားသခင်ရဲ့ ညာဖတ်မာ ထိုင်တော်မူလေ့မယ်” ဆိုဘီး မိန့်တော်မူလေဟှယ်။
\p
\v 70 သူးနို့လေ အားလောင်းဂူဟှာ “အယ်မျိုးဆိုဟှာ နန်ဟှ ဘုရားသခင်ရဲ့သား ဖြစ်ဟှယ်လော။” ဆိုဘီး မေးလျှော့‑က်လေဟှယ်။
\p ကိုယ်တော်ဟှာ “နန်းနို့ မေးဟှူတိုင်းဘဲ့ ငါဖြစ်ဟှယ်” ဆိုဘီး သူးနို့ဟှို မိန့်တော်မူလေဟှယ်။
\p
\v 71 အယ်ဘီးန သူးနို့လေဟှာ “နို့လေကိုယ်တိုင် သူ့ရဲ့နှော့‑က်ဟှနေ အယ်စကားလေဟှို ကြားရဘီ ဖြစ်ဟှူကြောန့် နော့‑က်ထပ် ဖြားသတ်သေလေ လိုသေးဟှယ်နူး!” ဆိုဘီး ပြောဂေ့ဟှယ်။
\c 23
\s ပိလတ်ရှေ့ဟှို ခေါ်ဆောန်တော်ဟှူမူကြောန်း
\r (မဿဲ ၂၇.၁,၂,၁၁–၁၄; မာကု ၁၅.၁–၅; ယောဟန် ၁၈.၂၈–၃၈)
\p
\v 1 တရားလွှတ်တော် တဖွဲ့လောင်းဟှာ ထဘီးန ယေရှုဟှို ပိလတ်မန်းရှေ့ဟှို ခေါ်ဆောန်ဟှားဘီး၊ 
\v 2 အယ်နေရာမာ သူးနို့လေဟှာ ကိုယ်တော့်ဟှို “ကဲသာမန်းဂီးဟှို ခွန်ဆောန်ဇာလိုဟှ ဆိုဘီး သူးနို့ဟှို ပြောဘီး သူ့ကိုယ်သူလည်း မေရှိယဖြစ်ဟှူ မန်းဂီး ဖြစ်ဟှယ် ဆိုဘီး လူလေဟှို လမ်းမှားအောန် လောက်နေကြောန့် ကျွန်တော့်ဟှားလေဟှာ အယ်လူဟှို ဖမ်းလာဟှယ်” ဆိုဘီး စွပ်စွဲဂေ့ဟှယ်။
\p
\v 3 ပိလတ်ဟှာ “နန်ဟှာ ယုဒမန်းဂီးလော။” ဆိုဘီး ကိုယ်တော့်ဟှို မေးလေဟှယ်။
\p ယေရှုဟှ “မန်းဂီးမေးဟှူတိုင်းဘဲ့ ဖြစ်ဟှယ်” ဆိုဘီး မိန့်တော်မူဟှယ်။
\p
\v 4 အယ်ဘီးန ပိလတ်မန်းဟှာ ယဇ်ပုရောဟိတ်ဂီးလေန လူအောက်ဂီးဟှို “ငါဟှာ အယ်လူမာ ပြစ်တခုလည်း ငါတွိဟှ” ဆိုဘီး ပြောလေဟှယ်။
\p
\v 5 အယ်ဘေမဲ့ သူးနို့လေဟှာ “သူဟှာ ဂါလိလဲနယ်ဟှနေ အယ်နေရာထိတိုင်အောန် ယုဒနယ် တနယ်လောင်းမာ သွန်သန်ဘီး လူလေဟှို နှိုးဆော်နေဟှူသူ ဖြစ်ဟှယ်” ဆိုဘီး ပြင်းပြင်းထန်ထန်ဟှား ပြောဂေ့ဟှယ်။
\s ဟေရုဒ်မန်းရှေ့ဟှို ခေါ်ဆောန်ဟှားဟှူကြောန်း
\p
\v 6 ပိလတ်ဟှာ အယ်စကားလေဟှို ကြားဟှူ ခီမာ “အယ်လူဟှာ ဂါလိလဲနယ်သားလော။” ဆိုဘီး မေးလေဟှယ်။ 
\v 7 ဟေရုဒ်မန်း အောက်စိုးဟှူ နယ်ဟှ ဖြစ်ဟှယ် ဆိုဇာဟှို သိဟှားဟှူ ခီမာ ကိုယ်တော့်ဟှို ဟေရုဒ်မန်းနားဟှို ပို့စေလိုက်ဟှယ်။ အယ်ခီမာ ဟေရုဒ်မန်းဟှာလည်း ယေရုရှလင်ဗြို့မာ ရှိနေလေဟှယ်။ 
\v 8 ဟေရုဒ်မန်းဟှာ ယေရှုဟှို ဗြင်ဟှူ ခီမာ ရရာတိုင်း ဝန်းသာဟှားဟှယ်။ ဖြားဖြစ်ကြောန့်နူးဆိုဟှာ ကိုယ်တော့်ကြောန်းဟှို ကြားဟှားဘီး ကိုယ်တော့်ဟှို တွိရှင်နေဇာဟှာ ကြာဘီ။ ယေရှုလောက်ပြမယ့် နိမိတ်လတ်ခဏာ တချို့ဟှို တွိရဟှို့ မျှော်လင့်နေလေဟှယ်။ 
\v 9 အယ်ကြောန့် ဟေရုဒ်မန်းဟှ ယေရှုဟှို မေးခွန်းလေ ဘောင်ဂီးမေးလေဟှယ်။ အယ်ဘေမဲ့ ကိုယ်တော်ဟှာ ဖြေဘဲ့န နေတော်မူဟှယ်။ 
\v 10 ယဇ်ပုရောဟိတ်ဂီးလေန ကျမ်းတတ်ဆရာလေဟှာ ရှေ့ဟှို တိုးလာဘီး ယေရှုဟှို ပြင်းပြင်းထန်ထန်ဟှား စွပ်စွဲဂေ့ဟှယ်။ 
\v 11 ဟေရုဒ်မန်းန သူ့ရဲ့စစ်သားလေဟှာ ယေရှုဟှို ထီလေးဇာလောက်ဘီး လှောန်ပြောန်ဂေ့ဟှယ်။ အယ်ဘီးန သူးနို့လေဟှာ ကောန်းဇားဝတ်လောင်ဟှို ဝတ်ပေးဘီးဟှာ ကိုယ်တော့်ဟှို ပိလတ်မန်းနားဟှို ပ္လန်ပို့လေဟှယ်။ 
\v 12 ရင်ဒူးဟှ ရန်သူဖြစ်ဂေ့ဟှူ ဟေရုဒ်မန်းန ပိလတ်မန်းဟှာ အယ်နေ့မာ မိဆွေလေ ဖြစ်လာဂေ့ဟှယ်။
\s ယေရှုဟှို သေဒန်ခ္လဟှူကြောန်း
\r (မဿဲ ၂၇.၁၅–၂၆; မာကု ၁၅.၆–၁၅; ယောဟန် ၁၈.၃၉—၁၉.၁၆)
\p
\v 13 ပိလတ်မန်းဟှာ ယဇ်ပုရောဟိတ်ဂီးလေ၊ ခေါန်းဆောန်လေန လူလေဟှို ခေါ်လိုက်ဘီး 
\v 14 “နန်းနို့လေဟှာ လူလေဟှို လမ်းမှားအောန် နှိုးဆော်ဟှူသူ ဖြစ်ဟှယ် ဆိုဘီး အယ်လူဟှို ငါနားဟှို ခေါ်လာဂေ့ဟှယ်။ ခု နန်းနို့လေရဲ့ ရှေ့မာ ငါစစ်ဆေးဘေမဲ့ အယ်လူမာ နန်းနို့လေ စွပ်စွဲဟှားဟှူ ပြစ်တခုလည်း တွိဟှ။ 
\v 15 ဟေရုဒ်မန်းလည်းဘဲ့ ပြစ်ရှာတွိဘဲဟှူကြောန့် သူ့ဟှို နို့လေနားဟှို ပ္လန်ပို့လိုက်ဟှယ်။ အယ်လူဟှာ သေဒန်န ထိုက်တန်ဟှူ ပြစ်တခုလည်း ကျူးလွန်ဟှ။ 
\v 16 အယ်ကြောန့် အယ်လူဟှို ကီဒန်ပေးဘီးဟှာ လွှတ်လိုက်မယ်” ဆိုဘီး သူးနို့လေဟှို ပြောလေဟှယ်။ 
\v 17 \f + \fr ၂၃.၁၇ \fr*\ft တချို့ မူရင်းလတ်ရေးမူလေမာ ခန်းငယ် ၁၇ ဟှို၊ \ft*\fqa ပသခါပွဲတိုင်းမာ ပိလတ်မန်းဟှာ လူလေတွပ် ထောန်သားတယော့‑က်ဟှို လွှတ်ငြီးခွမ့်ပေးလေ့ရှိဟှယ်၊ \fqa*\ft ဆိုဘီး ထပ်ပေါန်းထဲ့ဟှားဟှယ် \ft*\ft (ရှု \ft*\xt မာ ၁၅.၆\xt*)။ \f*
\p
\v 18 အယ်ဘေမဲ့ လူအောက်ဂီး တခုလောင်းဟှ “အယ်သူဟှို သတ်ပါ! ကျွန်တော့်ဟှားလေတွပ် ဗာရဗ္ဗဟှို လွှတ်ပေးပါ!” ဆိုဘီး အော်ဟစ်ဂေ့ဟှယ်။ 
\v 19 (ဗာရဗ္ဗဟှာ ဗြို့ထဲမာ ဆူပူမှုန လူသတ်မှုလေတွပ် ထောန်က္လနေလေဟှယ်။)
\p
\v 20 ပိလတ်မန်းဟှာ ယေရှုဟှို လွှတ်ပေးရှင်ဟှူကြောန့် လူအောက်ဂီးဟှို နော့‑က်တခါ ပြောလေဟှယ်။ 
\v 21 အယ်ဘေမဲ့ လူလေဟှ “သူ့ဟှို ကားစင်တန်ပါ! ကားစင်တန်ပါ!” ဆိုဘီး အော်ဟစ်ဂေ့ဟှယ်။
\p
\v 22 ပိလတ်မန်းဟှ “အယ်သူဟှာ ဖြားပြစ်ဟှို လောက်ဟှားနူး။ အယ်သူဟှာ သေဒန်န ထိုက်တန်ဟှူ ပြစ်လောက်ဟှားဟှယ် ဆိုဇာဟှို ငါ တွိဟှ! အယ်ကြောန့် အယ်သူဟှို ကီဒန်ပေးဘီးဟှာ လွှတ်လိုက်မယ်” ဆိုဘီး သူးနို့ဟှို တတိယခါ ပြောလေဟှယ်။
\p
\v 23 အယ်ဘေမဲ့ လူလေဟှာ ယေရှုဟှို ကားစင်တန်ရမယ် ဆိုဘီး သံက္လယ်ဂီးအော်ဘီး တောန်းဆိုဂေ့ဟှယ်။ နော့‑က်ဆောင်းမာ သူးနို့လေရဲ့ တောန်းဆိုရှင်းဟှာ အောန်မြင်ဟှားဟှယ်။ 
\v 24 အယ်ကြောန့် သူးနို့လေ တောန်းဆိုဟှားဟှူတိုင်း ပိလတ်ဟှာ ယေရှုဟှို သေဒန်ပေးဟှို့ ဆောင်းဖြတ်ပေးလိုက်ဟှယ်။ 
\v 25 ဆူပူမှုန လူသတ်မှုလေတွပ် ထောန်က္လနေဟှူသူဟှို သူးနို့လေ တောန်းဆိုဟှားဟှူတိုင်း လွှတ်ပေးလိုက်ဘီး ယေရှုဟှို သူးနို့ ဆန္ဒတိုင်း လောက်စေဟှို့တွပ် အပ်ပေးလိုက်ဟှယ်။
\s ယေရှုဟှို ကားစင်တန်ဟှူကြောန်း
\r (မဿဲ ၂၇.၃၂–၄၄; မာကု ၁၅.၂၁–၃၂; ယောဟန် ၁၉.၁၇–၂၇)
\p
\v 26 စစ်သားလေဟှာ ယေရှုဟှို ခေါ်ဆောန်ဟှားဟှူ ခီမာ တောဝါဟှနေ လာနေဟှူ ကုရေနေဗြို့သား ရှိမုန်ဟှို ဖမ်းဘီး သူ့ထတ်မာ လတ်ဝါးကပ်တိုင်ဟှို တန်ပေးလေဟှယ်။ အယ်ဘီးဟှာ လတ်ဝါးကပ်တိုင်ဟှို ထမ်းခိုင်းဘီး ယေရှုနော့‑က်ဟှနေ လိုက်စေလေဟှယ်။
\p
\v 27 ကိုယ်တော်နော့‑က်ဟှနေ လိုက်နေဟှူ လူအောက်ဂီးထဲဟှ မီးမတချို့ဟှာ ငိုကြွေးဘီး မြည်တမ်းနေဂေ့ဟှယ်။ 
\v 28 ယေရှုဟှာ အယ်မီးမလေဟှို လှည့်ကေ့ဘီးဟှာ “ယေရုရှလင်ဗြို့သူလေ! ငါ့တွပ်ငိုဂေ့န။ နန်းနို့န နန်းနို့ရဲ့ သားမီးလေတွပ်ဘဲ့ ငိုဂေ့။ 
\v 29 ဖြားဖြစ်ကြောန့်နူးဆိုဟှာ ‘မြုံနေဟှူ မီးမလေ၊ သားမွီးဖူးဘဲဟှူ မီးမလေ၊ နို့တိုက်ဖူးဘဲဟှူ မီးမလေဟှာ မင်္ဂလာရှိလေဟှယ်!’ ဆိုဘီး လူလေဟှ ပြောဟှို့ နေ့ရစ်လေဟှာ ရော့‑က်လာလေ့မယ်။ 
\v 30 \x - \xo ၂၃.၃၀ \xo*\xt ဗျာ ၆.၁၆\xt*\x*အယ်ခီမာ လူလေဟှာ တောန်လေဟှို ‘နို့လေထတ်ဟှို က္လဂေ့ပါ!’ တောန်ဂူးလေဟှို ‘နို့လေဟှို ဖောင်းအောက်ဂေ့ပါ!’ ဆိုဘီး ပြောဂေ့လေ့မယ်။ 
\v 31 ဖြားဖြစ်ကြောန့်နူးဆိုဟှာ စီးစိုနေဟှူပန်ဟှို အယ်မျိုးလောက်ဟှယ် ဆိုဟှာ ခြော့‑က်နေဟှူပန် ဆိုဟှာ ဖြားမျိုးဖြစ်လေ့မယ်နူး။” ဆိုဘီး မိန့်တော်မူလေဟှယ်။
\p
\v 32 ရာဇဝတ်သား နှေ့ယော့‑က်ဟှိုလည်း ယေရှုနတူးဒူ သတ်ဟှို့တွပ် ခေါ်ဆောန်ဟှားဂေ့ဟှယ်။ 
\v 33 “ဦးခေါန်းခွံနေရာ” ဟှို ရော့‑က်ဟှူ ခီမာ သူးနို့ဟှာ ယေရှုဟှို ကားစင်တန်လေဟှယ်။ အယ်ဘီးဟှာ ရာဇဝတ်သား နှေ့ယော့‑က်ဟှိုလည်း ကိုယ်တော်ရဲ့ ညာဖတ်မာ တယော့‑က်၊ ဘယ်ဖတ်မာ တယော့‑က် ထားဘီးဟှာ ကားစင်တန်ဂေ့ဟှယ်။ 
\v 34 ယေရှုဟှ “ဖ! သူးနို့လေဟှာ သူးနို့ ဖြားလောက်ဟှယ် ဆိုဇာဟှို သိဂေ့ဘဲဟှူကြောန့် သူးနို့လေဟှို ခွမ့်လွှတ်တော်မူပါ”\f + \fr ၂၃.၃၄ \fr*\ft တချို့ မူရင်းလတ်ရေးမူလေမာ \ft*\fq ယေရှုဟှ “ဖ! သူးနို့လေဟှာ သူးနို့ ဖြားလောက်ဟှယ် ဆိုဇာဟှို သိဂေ့ဘဲဟှူကြောန့် သူးနို့လေဟှို ခွမ့်လွှတ်တော်မူပါ” ဆိုဘီး ပြောလေဟှယ်၊ \fq*\ft ဆိုဇာဟှာ မှေ့ဟှ။\ft*\f* ဆိုဘီး ပြောလေဟှယ်။
\p သူးနို့လေဟှာ ကိုယ်တော်ရဲ့ ဝတ်စားလေဟှို မဲနှိုက်ဘီး ခွဲဝီယူဂေ့ဟှယ်။ 
\v 35 လူလေဟှာ ရပ်ဘီး ကေ့နေဂေ့ဟှယ်။ ယုဒခေါန်းဆောန်လေဟှ ကိုယ်တော့်ဟှို “အယ်လူဟှာ ဘုရားသခင် ဝီးချယ်ဟှားဟှူ မေရှိယဖြစ်ဟှယ် ဆိုဟှာ တခြားလူလေဟှို ကယ်တန်မျိုး သူ့ကိုယ်သူ ကယ်တန်ပါစေ!” ဆိုဘီး လှောန်ပြောန်ဂေ့ဟှယ်။
\p
\v 36 စစ်သားလေဟှလည်း ကိုယ်တော်နားဟှို တိုးဝမ်လာဘီး ဝိုင်ရှင်ဟှို တိုက်ဘီး 
\v 37 “နန်ဟှာ ယုဒမန်းဂီးဖြစ်ဟှယ် ဆိုဟှာ နန့်ကိုယ်နန် ကယ်တန်ပါ!” ဆိုဘီး လှောန်ပြောန်ဂေ့ဟှယ်။
\p
\v 38 ကိုယ်တော့်ရဲ့ ထတ်ဖတ်မာလည်း “အယ်သူဟှာ ယုဒမန်းဂီး ဖြစ်ဟှယ်” ဆိုဘီး ရေးဟှားဟှယ်။
\p
\v 39 လတ်ဝါးကပ်တိုင်မာ ခိဆွဲဟှားဟှူ ရာဇဝတ်သား နှေ့ယော့‑က်ထဲဟှ တယော့‑က်ဟှာ “နန်ဟှာ မေရှိယ မှုဟှလော။ နန့်ကိုယ်နန် ကယ်တန်ဘီး နို့လေဟှိုလည်း ကယ်တန်ပါ!” ဆိုဘီး ကိုယ်တော့်ဟှို ကဲ့ရဲ့ဟှယ်။
\p
\v 40 အယ်ဘေမဲ့ တခြား ရာဇဝတ်သားဟှ အယ်သူဟှို ပြစ်တန်ဘီး “နန်ဟှာ အယ်သူမျိုးဘဲ့ ဒန်စီရင်ရှင်းဟှို ခံနေရတောန်မှ ဘုရားသခင်ဟှို ကြော့‑က်ဟှလော။ 
\v 41 နို့လေဟှ နို့လေလောက်ဟှားဟှူ ပြစ်လေန ထိုက်တန်ဟှူ ဒန်ဟှို ခံရဇာဟှာ တရားပါဟှယ်။ အယ်ဘေမဲ့ အယ်သူဟှာ ဖြားပြစ်ဟှိုမျှ လောက်ဟှားဇာ မှုဟှ” ဆိုဘီး ပြောလေဟှယ်။ 
\v 42 အယ်ဘီးန သူဟှ “ယေရှု၊ ကိုယ်တော်ရဲ့ နိုင်ငံတော်ဟှို ကြွလာဟှူ ခီမာ ကျွန်တော့်ဟှို အော့‑က်မေ့တော်မူပါ!” ဆိုဘီး ယေရှုဟှို လျှော့‑က်လေဟှယ်။
\p
\v 43 ယေရှုဟှာ “နန့်ဟှို ငါ မှန်တိုင်းပြောမယ်၊ အယ်နေ့ဘဲ့ နန်ဟှာ ငါ့နတူးဒူ ပရဒိသုဘောင်မာ ရှိမယ်” ဆိုဘီး မိန့်တော်မူလေဟှယ်။
\s ယေရှု သေဆုံးဟှားဟှူကြောန်း
\r (မဿဲ ၂၇.၄၅–၅၆; မာကု ၁၅.၃၃–၄၁; ယောဟန် ၁၉.၂၈–၃၀)
\p
\v 44 အယ်ခီဟှာ မွန်းဒဲ့ခီလော့‑က်ဖြစ်ဟှယ်။ နေဒန်ဇာသောင်းနာရီထိ ဒေသတခုလောင်း မှောန်မိုက် ဖြစ်ဟှားဘီး၊ 
\v 45 နေရောန်ဟှာ ကွယ်ပျော့‑က်ဟှားလေဟှယ်။ အယ်ဘီးဟှာ ဗိမာန်တော်ထဲမာ ခိဆွဲဟှားဟှူ လိုက်ကာဟှာ နှေ့ခြမ်းကွဲဟှားလေဟှယ်။ 
\v 46 ယေရှုဟှာ “ဖ! ကျွန်တော့်ရဲ့ ဝိညာဉ်ဟှို ဖရဲ့လတ်ထဲမာ အပ်ပါဟှယ်!” ဆိုဘီး သံက္လယ်ဂီးန အော်တော်မူဘီးန သတ်ချောက်တော်မူလေဟှယ်။
\p
\v 47 အယ်မျိုးဖြစ်ဇာဟှို ဗြင်လိုက်ဟှူတပ်မှူးဟှ ဘုရားသခင်ဟှို ချီးမွမ်းလိုက်ဘီး “အယ်သူဟှာ မှန်ဘဲ့ ဖြောန့်မတ်ဟှူသူ ဖြစ်လေဟှယ်!” ဆိုဘီး ပြောနေဟှယ်။
\p
\v 48 အယ်မူဇာဟှို ကေ့ဇားဟှို့ စုလာဂေ့ဟှူ လူလေဟှာ အယ်မျိုးဖြစ်ဇာဟှို ဗြင်လိုက်ဟှူ ခီမာ ရင်ဖတ်ထုအိုက်ဘီး ပ္လန်ဟှားဂေ့ဟှယ်။ 
\v 49 \x - \xo ၂၃.၄၉ \xo*\xt လု ၈.၂,၃\xt*\x*ဂါလိလဲနယ်ဟှနေ ကိုယ်တော်နော့‑က်ဟှို လိုက်လာဟှူ မီးမလေရော၊ ယေရှုန ရရာတိုင်း ရင်းနှီးဟှူ လူလေရော ဝီးဟှနေ ရပ်ကေ့ဇားနေဂေ့ဟှယ်။
\s ယေရှုဟှို သင်္ဂြိုဟ်ဟှူကြောန်း
\r (မဿဲ ၂၇.၅၇–၆၁; မာကု ၁၅.၄၂–၄၇; ယောဟန် ၁၉.၃၈–၄၂)
\p
\v 50 အယ်ခီမာ ဖြောန့်မတ်ဘီ သူတော်ကောန်း ဖြစ်ဟှူ ယောသပ် နာမယ်ရှိဟှူ လွှတ်တော်ဖွဲ့ဝမ် တယော့‑က် ရှိဟှယ်။ 
\v 51 သူဟှာ တရားလွှတ်တော်ရဲ့ ဆောင်းဖြတ်ချစ်န လောက်ဆောင်ချစ်ဟှို ဘောတူဟှ။ ယောသပ်ဟှာ ယုဒပြည်၊ အရိမသဲဗြို့သား ဖြစ်ဘီး ဘုရားသခင်ရဲ့ နိုင်ငံတော်ဟှို စောန့်မျှော်နေဟှူ သူလည်း ဖြစ်ဟှယ်။ 
\v 52 သူဟှာ ပိလတ်ရှေ့ဟှို သွားဘီးန ယေရှုရဲ့ လောန်းတော်ဟှို တောန်းလေဟှယ်။ 
\v 53 အယ်ဘီးန လောန်းတော်ဟှို လတ်ဝါးကပ်တိုင်ဟှနေ ခ္လဘီး ပိဖ္လူန ပတ်လေဟှယ်။ က္လော့‑က်ဆောန်ဟှို ထွမ်းဟှားဘီး တခါလည်း သောင်းသေးဘဲဟှူ သန်းခ္လိုင်းဂူထဲမာ ထားလေဟှယ်။ 
\v 54 အယ်နေ့ဟှာ ဖိနေ့ ဖြစ်ဘီး ဒန်းနေ့လည်း ရော့‑က်ခါနီးလေဘီ။
\p
\v 55 ဂါလိလဲနယ်ဟှနေ ယေရှုနော့‑က်ဟှို လိုက်လာဟှူ မီးမလေဟှာ ယောသပ်နတူးဒူ သွားဘီး သန်းခ္လန်းဂူဟှိုရော၊ ယေရှုရဲ့ လောန်းတော်ဟှိုရော ဖယ်မျိုးထားဟှားဟှယ် ဆိုဇာဟှို ဗြင်ဂေ့ဟှယ်။ 
\v 56 အယ်ဘီန သူးနို့လေဟှာ အီဟှို ပ္လန်ဟှားဘီး လောန်းတော်တွပ် ဆီမွှီးန နံ့သာပေါန်းလေဟှို ပြင်ဆင်ဂေ့ဟှယ်။
\p ဒန်းနေ့မာ သူးနို့လေဟှာ ပညတ်တော်တိုင်း နားယူဂေ့ဟှယ်။
\c 24
\s ရှင်ပ္လန်ထမြော့‑က်ဟှူကြောန်း
\r (မဿဲ ၂၈.၁–၁၀; မာကု ၁၆.၁–၈; ယောဟန် ၂၀.၁–၁၀)
\p
\v 1 နန်းနွေနေ့ မိုးလန်းစောဂီးမာ အယ်မီးမလေဟှာ သူးနို့ကိုယ်တိုင် ပြင်ဆင်ဟှားဟှူ နံ့သာပေါန်းလေဟှို ယူဆောင်ဘီး သန်းခ္လိုင်းဂူဟှို သွားဂေ့ဟှယ်။ 
\v 2 သူးနို့လေဟှာ သန်းခ္လိုင်းဂူဝဟှ က္လော့‑က်တောင်းဟှို လှိမ့်ဖယ်ဟှားဇာဟှို တွိဟှားဂေ့ဟှယ်။ 
\v 3 အယ်ကြောန့် သူးနို့လေဟှာ သန်းခ္လိုင်းထဲဟှို ဝမ်ဟှားဂေ့ဟှယ်။ အယ်ဘေမဲ့ သခင်ယေရှုရဲ့ လောန်းတော်ဟှို တွိဂေ့ဟှ။ 
\v 4 အယ်ကြောန့် သူးနို့လေဟှာ အယ်ကြောန်းရာဟှို စဉ်းစားနိုင်ဘဲဖြစ်နေဒူးမာ တော့‑က်ပြောန်းဟှူ ဝတ်ဟှို ဝတ်စားဟှားဟှူ လူနှေ့ယော့‑က်ဟှာ ရောက်တရစ် သူးနို့နားမာ ပေါ်လာလေဟှယ်။ 
\v 5 အယ်မီးမလေဟှ ကြော့‑က်လန့်ဘီး မ္လေဂီးမာ ပျပ်ဝပ်နေဂေ့ဟှယ်။ အယ်သူနှေ့ယော့‑က်ဟှာ “နန်းနို့လေဟှ သေဟှူသူလေထဲမာ သတ်ရှင်ဟှူသူဟှို ဖြားဖြစ်ကြောန့် လာရှာနေဂေ့နူး။ 
\v 6 \x - \xo ၂၄.၆,၇ \xo*\xt မ ၁၆.၂၁; ၁၇.၂၂,၂၃; ၂၀.၁၈,၁၉; မာ ၈.၃၁; ၉.၃၁; ၁၀.၃၃,၃၄; လု ၉.၂၂; ၁၈.၃၁–၃၃\xt*\x*ကိုယ်တော်ဟှာ အယ်နေရာမာ မှေ့ဟှ။ ရှင်ပ္လန်ထမြော့‑က်ဟှားဘီ။ ကိုယ်တော်ဟှာ ဂါလိလဲနယ်မာ ရှိနေဒူးဟှ နန်းနို့ဟှို ဖယ်မျိုးမိန့်တော်မူဟှားဟှယ် ဆိုဇာဟှို အော့‑က်မေ့ဂေ့။ 
\v 7 သူးနို့ဟှို ‘လူ့ရဲ့သားဟှာ ပြစ်သားလေ လတ်ထဲဟှို အပ်နှံရှင်းဟှို ခံရလေ့မယ်။ ကားစင်တန် ခံရလေ့မယ်။ အယ်ဘီးန သောင်းရစ်မြော့‑က်ဟှူ နေ့မာ ထမြော့‑က်လေ့မယ်’ ဆိုဘီး မိန့်တော်မူဟှားဟှယ် မှုဟှလော။” ဆိုဘီး ပြောဂေ့ဟှယ်။
\p
\v 8 အယ်ခီမာ မီးမလေဟှာ ကိုယ်တော်ရဲ့ စကားလေဟှို ပ္လန်အော့‑က်မေ့လာဘီး 
\v 9 သန်းခ္လိုင်းဂူဟှနေ ပ္လန်ဟှားဘီး တဗဲ့တော် ဆယ့်တပါးန ကျန်လူလေ အားလောင်းဂူဟှို အယ်မူကြောန်းရာလေ အားလောင်းဟှို ပြောပြဂေ့ဟှယ်။ 
\v 10 တမန်တော်လေဟှို အယ်မူကြောန်းရာလေဟှို ပြောပြသူလေဟှာ မာဂဒလဝါသူ မာရိ၊ ယောဟန္န၊ ယာကုပ်ရဲ့ မိခင်ဖြစ်ဟှူ မာရိန သူးနို့လေနတူးဒူ ရှိနေဟှူ တခြားမီးမလေ ဖြစ်ဂေ့ဟှယ်။ 
\v 11 အယ်ဘေမဲ့ အယ်မီးမလေ ပြောဟှူ စကားလေဟှာ ဓိပါယ်မှေ့ဘဲဟှူကြောန့် တမန်တော်လေဟှ ယောင်ကြည်ဂေ့ဟှ။ 
\v 12 အယ်ဘေမဲ့ ပေတရုဟှာ ထဘီး သန်းခ္လိုင်းဂူဟှို ပ္လေးဟှားလေဟှယ်။ ရော့‑က်ဟှားဟှူ ခီမာ ငေါက်ကေ့လိုက်ဟှူဇာ ပိဖ္လူစဟှိုဘဲ့ တွိရဟှူကြောန့် အယ်ဖြစ်ပျစ်ဟှို အံ့ဩဟှားဘီး အီဟှို ပ္လန်ဟှားဟှယ်။\f + \fr ၂၄.၁၂ \fr*\ft တချို့ မူရင်းလတ်ရေးမူလေမာ ခန်းငယ် ၁၂ မှေ့ဟှ။\ft*\f*
\s ဧမောက်ဝါဟှို လမ်းရှော့‑က်ဟှားဟှူကြောန်း
\r (မာကု ၁၆.၁၂,၁၃)
\p
\v 13 အယ်နေ့မာဘဲ့ ယေရှုရဲ့ နော့‑က်တော်လိုက် နှေ့ယော့‑က်ဟှာ ယေရုရှလင်ဗြို့န ခွန်နစ်မိုင်လောက်ဝီးဟှူ ဧမောက် ဆိုဘီး နာမယ်ရှိဟှူ ဝါဟှို သွားနေဂေ့ဟှယ်။ 
\v 14 သူးနို့ဟှာ ဖြစ်ပျစ်ဟှားဘီးဟှူ ကြောန်းရာလေ အားလောင်းဟှို ယော့‑က်နယော့‑က် ပြောနေဂေ့ဟှယ်။ 
\v 15 အယ်မျိုးပြောဆို ဆွေးနွေးနေဒူးမာ ယေရှုကိုယ်တိုင် ရော့‑က်လာဘီး သူးနို့နတူးဒူ ကြွတော်မူလေဟှယ်။ 
\v 16 သူးနို့ဟှာ ကိုယ်တော့်ဟှို ဗြင်ဘေမဲ့လည်း ကိုယ်တော့်ဟှို မှတ်မိဘဲ ဖြစ်နေဂေ့ဟှယ်။ 
\v 17 ယေရှုဟှ “နန်းနို့လေ လမ်းရှော့‑က်ရင်းန ယော့‑က်နယော့‑က် ဖြားဇာလေပြောနေဂေ့နူး။” ဆိုဘီး သူးနို့ဟှို မေးတော်မူလေဟှယ်။
\p သူးနို့ဟှာ ဝမ်းနဲဟှူမျစ်နှာန ရပ်နေဂေ့ဟှယ်။ 
\v 18 သူးနို့ထဲဟှ ကလောဖ နာမယ်ရှိဟှူသူဟှ “နန်ဟှာ ယေရုရှလင်ဗြို့မာ ဧည့်သည်ဖြစ်န နေထိုင်နေဘေမဲ့ အယ်နေ့ရစ်လေမာ အယ်ဗြို့နှိုက် ဖြစ်ပျစ်ဟှားဟှူ ကြောန်းရာလေဟှို နန့်ယော့‑က်ဒဲဘဲ့ သိသေးဟှလော။” ဆိုဘီး ကိုယ်တော့်ဟှို မေးလေဟှယ်။
\p
\v 19 ကိုယ်တော်ဟှ “ဖြားကြောန်းရာလေနူး။” ဆိုဘီး မေးတော်မူလေဟှယ်။
\p အယ်လူနှေ့ယော့‑က်ဟှ “နာဇရက်ဗြို့သားယေရှု ကြောန်းဘဲ့ဖြစ်ဟှယ်။ အယ်သူဟှာ ဘုရားသခင်န လူလေရဲ့ရှေ့မာ လတ်သတ်တိ၊ နှော့‑က်သတ်တိန ပ္လဲ့ဇောင်ဟှူ ပရောဖက် ဖြစ်ဟှယ်။ 
\v 20 နို့လေရဲ့ ယဇ်ပုရောဟိတ်ဂီးလေန ဘာသာရေးခေါန်းဆောန်လေဟှ သူ့ဟှို သေဒန်စီရင်ရှင်း ခံဟှို့ ဆိုဘီး အပ်ပေးဂေ့ဟှယ်။ အယ်ကြောန့် သူ့ဟှို ကားစင်တန်ဂေ့ဟှယ်။ 
\v 21 သူဟှာ ဣသရေလလူမျိုးဟှို လွတ်မြော့‑က်စေဟှို့တွပ် လာမယ် ဆိုဘီး နို့လေ မျှော်လင့်ဟှားဂေ့ဟှယ်! အယ်မူဇာလေ ဖြစ်ပျစ်ဟှားဇာဟှ သောင်းရစ်ရှိဟှားဘီး။ 
\v 22 နို့လေရဲ့ အောက်စုထဲဟှ မီးမတချို့ဟှာ နို့လေဟှို အံ့ဩဟှားစေဂေ့ဟှယ်။ သူးနို့လေဟှာ မိုးလန်းစောစောဂီးမာ သန်းခ္လိုင်းဂူဟှို သွားဂေ့ဟှယ်။ 
\v 23 အယ်ဘေမဲ့ ကိုယ်တော်ရဲ့ လောန်းဟှို တွိဂေ့ဟှ။ သူးနို့လေဟှ ကိုယ်တော်ဟှာ သတ်ရှင်နေဟှယ် ဆိုဘီး ပြောပြဟှူ ကောန်းဂန်တမန်လေဟှို ရူပါရောင်မာ ဗြင်ရဟှယ် ဆိုဇာဟှို ပ္လန်လာဘီး ပြောဂေ့လေဟှယ်။ 
\v 24 နို့လေရဲ့ အောက်စုထဲဟှ လူတချို့ဟှာ သန်းခ္လိုင်းဂူဟှို သွားဟှူ ခီမာလည်း မီးမလေ ပ္လန်ပြောပြမျိုးဘဲ့ တိတိက္လက္လ တွိရဂေ့ဘေမဲ့ ကိုယ်တော့်ဟှို တွိဂေ့ဟှ” ဆိုဘီး ပ္လန်ဖြေဂေ့ဟှယ်။
\p
\v 25 အယ်ဘီးန ယေရှုဟှ “ပရောဖက်လေ ဟောဟှားဇာ အားလောင်းဟှို နှလောင်းထဲမာ ယောင်ကြည်ဟှို့ ရရာတိုင်း နှေးကွေးဟှူ လူမိုက်လေ! 
\v 26 မေရှိယဟှာ အယ်မျိုးဒေါက်ခခံဘီးန သူ့ရဲ့ဖောင်းသရေတော်ထဲဟှို့ ဝမ်စားရမယ် မှုဟှလော။” ဆိုဘီး သူးနို့ဟှို မိန့်တော်မူလေဟှယ်။ 
\v 27 အယ်ဘီးဟှာ ယေရှုဟှ မောရှေရဲ့ ကျမ်းလေန ပရောဖက်လေရဲ့ ကျမ်းအားလောင်းမာ ကိုယ်တော်န ပတ်သတ်ဘီး ရေးဟှားဇာလေဟှို သူးနို့လေဟှို ရှင်းပြတော်မူဟှယ်။
\p
\v 28 သူးနို့ သွားနေဟှူဝါနားဟှို ရော့‑က်ခါနီးမာ ယေရှုဟှာ ရှေ့ဟှို ဆစ်ဘီးသွားဟှူမျိုး လောက်တော်မူဟှူကြောန့် 
\v 29 သူးနို့လေဟှ ကိုယ်တော့်ဟှို ပ္လန်ဆွဲဟှားဘီး “နေဒန်ဟှားဟှူကြောန့် ညဉ့်မိုက်ဇာရော့‑က်နေဘီ။ အယ်ကြောန့် နို့လေနတူးဒူ တည်းခိုပါ” ဆိုဘီး ပြောဂေ့ဟှယ်။ အယ်ကြောန့် ကိုယ်တော်ဟှာ သူးနို့နတူးဒူ တည်းခိုဟှို့ လိုက်ဟှားတော်မူဟှယ်။ 
\v 30 ကိုယ်တော်ဟှာ သူးနို့နတူးဒူ ထိုင်တော်မူဟှူ ခီမာ မုဟှို ယူဘီး၊ ကျေးဇူးတော်ဟှို ချီးမွမ်းတော်မူဟှယ်။ အယ်ဘီးန မုဟှို ဖဲ့ဘီး သူးနို့လေဟှို ပေးတော်မူဟှယ်။ 
\v 31 အယ်ခီမာ သူးနို့လေရဲ့ မျစ်စိဟှာ ပွမ့်ဟှားဘီး ကိုယ်တော့်ဟှို ပ္လန်မှတ်မိဟှားဂေ့ဟှယ်။ အယ်ဘေမဲ့ ကိုယ်တော်ဟှာ သူးနို့လေရဲ့ မျစ်စိရှေ့မာဘဲ့ ပျော့‑က်ကွယ်ဟှားလေဟှယ်။ 
\v 32 သူးနို့ဟှာ “လမ်းတရှော့‑က်လောင်းမာ ကိုယ်တော်ဟှာ နို့လေဟှို စကားပြောနေခီမာရော၊ ကျမ်းစာလေဟှို ရှင်းပြနေခီမာရော နို့လေရဲ့ စိနှလောင်းထဲမာ မီးလောန်နေမျိုးဘဲ့ ဖြစ်နေဂေ့ဟှယ် မှုဟှလော။” ဆိုဘီး ယော့‑က်နယော့‑က် မေးနေဂေ့ဟှယ်။
\p
\v 33 သူးနို့ဟှာ ရှစ်ရှင်းထဘီး ယေရုရှလင်ဗြို့ဟှို ပ္လန်ဟှားဂေ့ဟှယ်။ အယ်နေရာမာ တဗဲ့တော်ဆယ့်တပါးဟှာ သူးနို့ပေါန်းဖော်လေနတူးဒူ စုဝီးနေဇာဟှို တွိရဂေ့ဟှယ်။ 
\v 34 အယ်သူလေဟှ “သခင်ဘုရားဟှာ တကယ်ဘဲ့ ထမြော့‑က်ဟှားဘီ! ကိုယ်တော်ဟှာ ရှိမုန်ဟှို ကိုယ်ထန်ပြတော်မူဟှယ်!” ဆိုဘီး ပြောလေဟှယ်။
\p
\v 35 အယ်ဘီးန အယ်လူနှေ့ယော့‑က်ဟှ လမ်းမာ ဖြစ်ပျစ်ဟှားဇာလေဟှိုရော၊ မုဟှိုဖဲ့လိုက်ဟှူ ခီမာ သခင်ဘုရားဖြစ်ဟှယ် ဆိုဘီး သိလိုက်ရဟှယ် ဆိုဇာဟှိုရော ပြောပြဂေ့ဟှယ်။
\s တဗဲ့တော်လေဟှို ကိုယ်ထန်ပြဟှူကြောန်း
\r (မဿဲ ၂၈.၁၆–၂၀; မာကု ၁၆.၁၄–၁၈; ယောဟန် ၂၀.၁၉–၂၃; တမန်တော် ၁.၆–၈)
\p
\v 36 သူးနို့နှေ့ယော့‑က်ဟှာ အယ်မျိုးပြောနေဒူးမာ သခင်ဘုရားကိုယ်တိုင် သူးနို့လေထဲမာ ရောက်တရစ် ပေါ်လာဘီး “နန်းနို့နတူးဒူ ငြီသတ်ရှင်း ရှိပါစေ” ဆိုဘီး သူးနို့လေဟှို မိန့်တော်မူလေဟှယ်။\f + \fr ၂၄.၃၆ \fr*\ft တချို့ မူရင်းလတ်ရေးမူလေမာ \ft*\fq “နန်းနို့နတူးဒူ ငြီသတ်ရှင်း ရှိပါစေ” ဆိုဘီး သူးနို့လေဟှို မိန့်တော်မူလေဟှယ်၊ \fq*\ft ဆိုဇာဟှာ မှေ့ဟှ။\ft*\f*
\p
\v 37 သူးနို့လေဟှာ ကသေဟှို ဗြင်ဟှယ် ဆိုဘီး ထန်ဘီးဟှာ ကြော့‑က်နေဂေ့ဟှယ်။ 
\v 38 အယ်ဘေမဲ့ ကိုယ်တော်ဟှ “ဖြားဖြစ်ကြောန့် ကြော့‑က်နေဂေ့ဟှယ်နူး။ ဖြားဖြစ်ကြောန့် နန်းနို့စိထဲမာ သံသယဖြစ်နေဂေ့ဟှယ်နူး။ 
\v 39 ငါ့လတ်လေ၊ ငါ့ခေလေဟှို ကေ့ဂေ့ပါ။ ငါကိုယ်တိုင် ဖြစ်ဟှယ်။ ဖြားဖြစ်ကြောန့်နူးဆိုဟှာ ကသေမာ သားလေ၊ ရိုးလေမှေ့ဟှ။ နန်းနို့ ဗြင်ဟှူတိုင်းဘဲ့ ငါ့မာ သားလေ၊ ရိုးလေရှိဟှယ် ဆိုဇာဟှို ငါ့ဟှို စမ်းကေ့လိုက် နန်းနို့သိလေ့မယ်” ဆိုဘီး သူးနို့ဟှို မိန့်တော်မူလေဟှယ်။
\p
\v 40 ကိုယ်တော်ဟှာ အယ်မျိုးပြောဘီး သူ့ရဲ့လတ်လေန ခေလေဟှို သူးနို့ဟှို ပြလေဟှယ်။\f + \fr ၂၄.၄၀ \fr*\ft တချို့ မူရင်းလတ်ရေးမူလေမာ ခန်းငယ် ၄၀ မှေ့ဟှ။\ft*\f* 
\v 41 သူးနို့ဟှာ ရရာတိုင်း အံ့ဩဟှားဘီး ဝန်းသာနေဟှူကြောန့် ယောင်ကြည်နိုင်ဘဲ့ ဖြစ်နေဟှူ ခီမာ ကိုယ်တော်ဟှ “နန်းနို့မာ စားဟှို့ တခုခုရှိလော။” ဆိုဘီး သူးနို့ဟှို မေးတော်မူလေဟှယ်။ 
\v 42 သူးနို့ဟှာ ကိုယ်တော့်ဟှို ငါးဂန်တပိုင်း ပေးဂေ့ဟှယ်။ 
\v 43 အယ်ငါးဂန်ဟှို ကိုယ်တော်ဟှာ သူးနို့ရှေ့မာဘဲ့ ယူဘီးဟှာ စားတော်မူလေဟှယ်။
\p
\v 44 အယ်ဘီးန ကိုယ်တော်ဟှ “နန်းနို့နတူးဒူ ရှိနေဒူးဟှ ငါပြောဟှားမျိုးဘဲ့ မောရှေရဲ့ ပညတ်တရားကျမ်း၊ ပရောဖက်ကျမ်းလေန ဆာလံကျမ်းမာ ငါ့ကြောန်းဟှို ရေးဟှားဇာလေဟှာ ပ္လဲ့ဇောင်ဟှားဘီ” ဆိုဘီး သူးနို့ဟှို မိန့်တော်မူလေဟှယ်။
\p
\v 45 အယ်ဘီးန ကိုယ်တော်ဟှာ ကျမ်းစာလေဟှို နားလည်ဟှို့တွပ် သူးနို့ရဲ့ သိဉာဏ်ဟှို ဖွမ့်ပေးဘီးဟှာ 
\v 46 “ကျမ်းစာလေမာ ရေးဟှားဇာဟှ မေရှိယဟှာ ဝေဒနာခံတော်မူဘီး သောင်းရစ်မြော့‑က်ဟှူနေ့မာ သေရာဟှနေ ထမြော့‑က်လေ့မယ်။ 
\v 47 အယ်ဘီးဟှာ သူ့နာမအားဖြင့် ပြစ်လွှတ်ရှင်းနဆိုင်ဟှူ နောန်ဒတရားဟှို ယေရုရှလင်ဗြို့ဟှစဘီး လူမျိုးအားလောင်းဟှို ဟောပြောရမယ်။ 
\v 48 နန်းနို့ဟှာ အယ်ကြောန်းရာလေရဲ့ မျစ်ဗြင်သတ်သေလေ ဖြစ်ဟှယ်။ 
\v 49 \x - \xo ၂၄.၄၉ \xo*\xt တ ၁.၄\xt*\x*အယ်ဘီးဟှာ ငါဟှာ ငါ့ဖရဲ့ ဂဒိဟှို နန်းနို့နားဟှို ငါကိုယ်တိုင် စေလွှတ်မယ်။ အယ်ဘေမဲ့ ထတ်ကောန်းဂန်ဟှနေ တဂိုးဟှာ နန်းနို့ထတ်ဟှို ဆင်းလာခန်ထိ ယေရုရှလင်ဗြို့မာဘဲ့ စောန့်နေရမယ်” ဆိုဘီး သူးနို့ဟှို မိန့်တော်မူလေဟှယ်။
\s ကောန်းဂန်ဘောင်ဟှို ယူဆောန်ခံရဟှူကြောန်း
\r (မာကု ၁၆.၁၉,၂၀; တမန်တော် ၁.၉–၁၁)
\p
\v 50 \x - \xo ၂၄.၅၀ \xo*\xt တ ၁.၉–၁၁\xt*\x*အယ်ဘီးန ကိုယ်တော်ဟှာ သူးနို့ဟှို ဗေသနိဝါဟှို ခေါ်ဆောန်ဟှားဘီး ကိုယ်တော်ဟှာ လတ်တော်ဟှို မြှော့‑က်ဘီး သူးနို့ဟှို ကောန်းကြီးပေးတော်မူဟှယ်။ 
\v 51 အယ်မျိုး သူးနို့ဟှို ကောန်းကြီးပေးနေဒူးမာ ကိုယ်တော်ဟှာ သူးနို့နားဟှနေ ထွပ်ခွာဟှားဘီး ကောန်းဂန်ဘောင်ဟှို ယူဆောန်ခံရလေဟှယ်။\f + \fr ၂၄.၅၁ \fr*\ft တချို့ မူရင်းလတ်ရေးမူလေမာ \ft*\fq ကောန်းဂန်ဘောင်ဟှို ယူဆောန်ခံရလေဟှယ်၊ \fq*\ft ဆိုဇာဟှာ မှေ့ဟှ။\ft*\f* 
\v 52 သူးနို့ဟှာ ကိုယ်တော့်ဟှို ကိုးကွယ်ဘီးန ရရာတိုင်း ဝန်းသာဘီးဟှာ ယေရုရှလင်ဗြို့ဟှို ပ္လန်ဟှားဂေ့ဘီးဟှာ၊ 
\v 53 ဗိမာန်တော်မာ ဘုရားသခင်ရဲ့ ကျေးဇူးတော်ဟှို မြဲဒမ်း ချီးမွမ်းနေဂေ့ဟှယ်။