\id JUD - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ယုဒ
\toc1 ယုဒဟှနေ ပေးစာ
\toc2 ယုဒ
\toc3 ယု
\mt1 ယုဒ
\mt2 ယုဒဟှနေ ပေးစာ
\imt နိဒါန်း
\im \bk ယုဒဟှနေ ပေးစာ\bk* ဆိုဘီး ခေါ်ဇာဟှ အယ်ပေးစာဟှို ရေးဟှူစာရေးသူရဲ့ နာမယ်ဟှို ခေါ်ရှင်းဖြစ်ဟှယ်။ ယုဒဟှာ ယေရှုရဲ့ ညီတော်၊ ယာကုပ်ရဲ့ညီ ဖြစ်ဟှယ် ဆိုဘီး သူ့ကိုယ်သူ ဖော်ပြဟှားဟှယ်။ အယ်ကြောန့် သူဟှာ ယေရှုရဲ့ ညီတော်လေထဲဟှ တယော့‑က်ဖြစ်ဟှယ် ဆိုဘီးလည်း ယောင်ကြည်ဟှားဂေ့ဟှယ် (\xt ၁\xt*)။ အယ်ပေးစာဟှာ ဓမ္မဟောန်းကျမ်းဟှို ကိုးကားဟှားဟှူကြောန့် ယုဒရဲ့ မူလစာဖတ်မားလေဖြစ်ဟှူ ယုဒလူမျိုးလေဟှို ရည်ညွန်းဟှားဇာလော၊ သင်းတော်တပါးဟှို ရည်ညွန်းဟှားဇာလော ဆိုဇာဟှို ကျွန်တော့်ဟှားလေ သိဂေ့ဟှ။ အယ်ဘေမဲ့လည်း သူ့ပေးစာဟှို “ဘုရားသခင် ဝီးကော့‑က်ဘီး ခေါ်ဟှားဟှူ၊ ဖဘုရားသခင်ရဲ့ ရှစ်ရှင်းမြစ်တာမာ ခိုလှုံနေဟှူ၊ ယေရှုခရစ်ဟှ စောန့်ထီးပေးဟှားဟှူ လူလေနားဟှို” ရေးဟှားဟှယ် (\xt ၁\xt*)။ အယ်ပေးစာဟှာ ခရစ်တော် မွီးဘီးန ၆၀ ခုနှစ်လော့‑က်ဟှ ရေးဟှားဟှယ်။
\ip ခရစ်ယာန်လေ အားလောင်းနားဟှို ရေးဟှားဟှူ အယ်ပေးစာရဲ့ ရည်ရွယ်ချစ်ဟှာ ဆရာတုယောန်လေအားဖြင့် လမ်းလွဲဘဲနေအောန် သူးနို့ဟှို ဒိပေးဟှို့တွပ် ဖြစ်ဟှယ် (\xt ၄\xt*)။ သူဟှာ ဓမ္မဟောန်ကျမ်းထဲဟှ ဖြစ်ပျစ်လေဟှို ကိုးကားဘီး တိုက်တောန်းဟှားလေဟှယ်။ အယ်ပေးစာဟှာ ဆရာတုယောန်လေအားဖြင့် လမ်းလွဲဘဲအောန် ဒိပေးဟှားဟှူ ပေတရုရဲ့ ဒုတိယပေးစာထဲဟှ ခံယူချစ်ဘောင်ဂီးဟှို ဝီမျှဟှားဟှူမျိုးဘဲ ကောန်းဂန်တမန်လေ သောဒုံဗြို့န ဂေါမောရဗြို့လေဟှိုလည်း ကိုးကားဟှားလေဟှယ် (\xt ယု ၄; ၂ ပေ ၂.၁\xt*)။
\iot ကြောန်းရာ ကျဉ်းချောက်
\io1 ၁။ ယုဒဟှာ သူ့စာဖတ်မားလေဟှို ဦးဆောင်းနှောက်ဆစ်ဟှားဟှူကြောန်း \ior (၁–၂)\ior*
\io1 ၂။ သူဟှာ ဆရာတုယောန်လေအားဖြင့် လမ်းလွဲဘဲအောန် ဒိပေးဟှို့တွပ် အယ်ပေးစာဟှို ရေးရဟှယ် ဆိုဘီး ကြောန်းပြချစ်ပေးဟှားကြောန်း \ior (၃–၄)\ior*
\io1 ၃။ သူဟှာ ဓမ္မဟောန်းကျမ်းထဲဟှ လူလေန ဖြစ်ပျစ်လေဟှို နမူနာပေးဟှားကြောန်း \ior (၅–၁၆)\ior*
\io1 ၄။ သူဟှာ ဒိပေးဟှို့ တာဝန်ရှိဟှယ် ဆိုဘီး သူ့ဟှို ပြောဟှားဟှူကြောန်း \ior (၁၇–၂၃)\ior*
\io1 ၅။ သူဟှာ ဘုရားသခင်ဟှို ချီးမွမ်းဘီး အယ်ပေးစာဟှို နိဂေါန်းချောက်ဟှားဟှူကြောန်း \ior (၂၄–၂၅)\ior*
\ie
\c 1
\po
\v 1 \x - \xo ၁ \xo*\xt မ ၁၃.၅၅; မာ ၆.၃\xt*\x*ယေရှုခရစ်တော်ရဲ့စေခံန ယာကုပ်ရဲ့ ညီဖြစ်ဟှူ ယုဒနားဟှ —
\po ဘုရားသခင် ဝီးကော့‑က်ဘီး ခေါ်ဟှားဟှူ ဖဘုရားသခင်ရဲ့ ရှစ်ရှင်းမြစ်တာဟှို ခံစားဘီး ယေရှုခရစ်တော်ဟှ စောန့်ရှော့‑က်ပေးဟှားဟှူ လူလေနားဟှို စာရေးလိုက်ဟှယ်။
\po
\v 2 ကရုဏာတော်၊ ငြီသတ်ရှင်းန မြစ်တာတော်ဟှာ နန်းနို့လေမာ တိုးပွားဂေ့ပါစေ။
\s ဆရာတုယောန်လေကြောန်း
\p
\v 3 ရှစ်ရဟှူမိဆွေလေ၊ နို့လေအားလောင်း ဝီမျှနေဂေ့ဟှူ ကယ်တန်ရှင်းကြောန်းဟှို ငါဟှာ နန်းနို့နားဟှို စာရေးဟှို့တွပ် ကြိုးစားခဲ့ဟှယ်။ အယ်ဘေမဲ့ ကိုယ်တော်ရဲ့ သန့်ရှင်းဟှူသူလေဟှို ဘုရားသခင်ဟှ ပိုင်ပေးဟှားဟှူ ယောင်ကြည်ရှင်းဟှို သေးသေချားချာဟှား ကာကွယ်ဂေ့ဟှို့တွပ် နန်းနို့နားဟှို ရှစ်ရှင်းဘဲ့ စာရေးအားပေးဘီး တိုက်တွန်းနှိုးဆော်ဟှို့တွပ် လိုအပ်လာဟှယ်။ 
\v 4 ဖြားဖြစ်ကြောန့်နူးဆိုဟှာ တရားမှေ့ဘဲ့ဟှူ လူတချို့ဟှာ နန်းနို့လေထဲဟှို ဝမ်ရော့‑က်လာကြောန့် ဖြစ်ဟှယ်။ သူးနို့ဟှာ ဘုရားတရားမှေ့ဘဲ့ဟှူ လူလေဖြစ်ဘီး နို့လေဘုရားသခင်ရဲ့ ကျေးဇူးတော်ဟှို သူးနို့လေရဲ့ ပျော်ပါးလိုက်စားဟှူမှုတွပ်ဘဲ့ လွဲသောင်းစာ လောက်ဂေ့ဘီးဟှာ နို့လေရဲ့ တပါးဒဲဖြစ်ဟှူ သခင်ယေရှုခရစ်တော်ဟှို ပယ်ဂေ့လေ့မယ်။ အယ်လူလေဟှာ ရင်းရင်ဂဒဲဟှဘဲ့ ပြစ်ဒန်စီရင်ဟှို့တွပ် သတ်မှတ်ခံဟှားရဟှူ လူလေဘဲ့ဖြစ်ဟှယ်။
\p
\v 5 ဘုရားသခင်\f + \fr ၅ \fr*\fq ဘုရားသခင်၊ \fq*\ft တချို့ မူရင်းလတ်ရေးမူလေမာ ပါဟှူ \ft*\fqa ယေရှု၊ \fqa*\ft ဟှာ ဟေလသ ဘာသာမာ \ft*\fqa ယောရှု၊ \fqa*\ft န တူဟှယ်။\ft*\f*ဟှာ ဣသရေလူမျိုးလေဟှို ကယ်တန်ဘီး အဲဂုတ္တုပြည်ဟှနေ ခေါ်ဆောန်လာဘီးန သူ့ဟှို ယောင်ကြည်ဘဲဟှူ လူလေဟှာ ပျစ်စီးဟှားဟှယ် ဆိုဇာဟှို နန်းနို့လေဟှာ သိဂေ့ဘေမဲ့ နန်းနို့ဟှို ငါဟှာ ပ္လန်ဘီးဟှာ ဒိရစေရှင်ဟှယ်။ 
\v 6 ကိုယ်ရဟှားဟှူ အာဏာန ရောက်ရဲဘဲ မူရင်းနေရာဟှို စွန့်ဟှားဂေ့ဟှူ ကောန်းဂန်တမန်လေကြောန်းဟှိုလည်း ဒိရဂေ့ပါ။ ဘုရားသခင်ဟှာ သူတရားစီရင်ဟှူနေ့မာ သူးနို့လေဟှို ပြစ်ဒန်ပေးဟှို့တွပ် မှောန်မိုက်နေဟှူ အော့‑က်ရပ်မာ ထာဝရ သံကြိုးန ခယ်ဟှားလေဟှယ်။ 
\v 7 သောဒုံဗြို့န ဂေါမောရဗြို့လေဟှိုရော၊ အယ်ဗြို့ရဲ့ ပတ်ဝန်ကျင်မာရှိဟှူ ဗြို့လေဟှိုရော ဒိရဂေ့ပါ။ အယ်ဗြို့ဟှ ဗြို့သူဗြို့သားလေဟှာ ပြောဟှားဟှူ ကောန်းဂန်တမန်လေမျိုး ကာမဂေါင်လိုက်စားဘီး သဘာဝန ဆန့်ကျင်ဖတ်ဖြစ်ဟှူ ပျော်ပါးလေဟှို လိုက်စားဂေ့ဟှယ်။ လူလေဟှို ရှင်းရှင်းလန်းလန်းဟှာ ဒိပေးဟှူနေန သူးနို့ဟှာ ထာဝရတော့‑က်လောန်နေဟှူ မီးထဲမာ ပြစ်ဒန်ဟှို ခံရဂေ့လေ့မယ်။
\p
\v 8 ဘုရားတရားမှေ့ဘဲဟှူ လူလေဟှာလည်း အယ်မျိုးဘဲ့ ဖြစ်ဂေ့မယ်။ သူးနို့ဟှာ သူးနို့ဗြင်ဂေ့ဟှူ ရူပါရောင်လေကြောန့် သူးနို့ရဲ့ ကိုယ်ခန္ဓာလေဟှို ညစ်ညူးစေဂေ့ဟှယ်။ ဘုရားသခင်ရဲ့ အာဏာဟှို ထီလေးစားလောက်ဘီး ထတ်ဟှ ဖောင်းတဂိုးကီးဟှူ သူလေဟှို ကဲ့ရဲ့ဂေ့ဟှယ်။ 
\v 9 \x - \xo ၉ \xo*\xt ဗျာ ၁၂.၇\xt*\x*ကောန်းဂန်တမန်မန်း မိက္ခေလဟှ မာရ်နတ်န ဂြင်းဂေ့ဘီးဟှာ မောရှေရဲ့ ကိုယ်ခန္ဓာန ပတ်သတ်ဘီးဟှာ ချေတင်ပြောဂေ့ဟှူ ခီမာ ပြစ်တန်ကဲ့ရဲ့ဘီးဟှာ ပြောဘဲန “ဘုရားသခင်ဟှာ နန့်ဟှို တရားစီရင်ပါစေ” ဆိုဘီး ပြောဟှယ်။ 
\v 10 သူးနို့လေဟှာ ကိုယ်နားလည်ဘဲဟှူဇာလေဟှို ပြစ်မှားကဲ့ရဲ့ဂေ့ဘီး ဆင်ခြင်ဉာဏ်မှေ့ဘဲန လိဆန်လေမျိုးဘဲ့ သဘာဝရ သိဟှားဇာလေနဘဲ့ ပျစ်စီးရှင်းဟှို ရော့‑က်တတ်ဂေ့ဟှယ်။ 
\v 11 သူးနို့ဟှာ အမင်္ဂလာရှိဂေ့ဟှယ်။ သူးနို့ဟှာ ကာဣနရဲ့လမ်းစဉ်ဟှို လိုက်ဂေ့ဟှယ်။ ကပ်ဟှို လိုရှင်ဘီး ဗာလမ်ရဲ့ မှားမျိုးဟှို လောက်ဂေ့ဟှယ်။ ကောရမျိုးဘဲ့ ပေါင်ကန်ဂေ့ဟှူကြောန့် ဆောင်းရှောင်းပျစ်စီးဂေ့ဟှယ်။ 
\v 12 သူးနို့ဟှာ ရှစ်ကြော့‑က်လေမှေ့ဘဲ ပျော်ပါးစားသော့‑က်ဂေ့ဘီး သူးနို့လေရဲ့ မိတ်သဟာရ စားဗွဲလေမာ သူးနို့လေရဲ့ ဂေါင်သိက္ခာဟှို ညစ်ညူးစေဟှယ်။ အယ်လူလေဟှာ သူးနို့ကျိုးဟှိုဘဲ့ ကေ့တတ်ဟှူလူလေ ဖြစ်ဟှယ်။ သူးနို့ဟှာ မိုးရေပါဘဲ့ဟှူမိုးတီန ဆောင်းဦးကာလမာ သီးသီးဘဲဟှူ၊ ပြစ်ဟှနေဘီး ဆွဲနုဟှားဟှူ၊ နှေ့ခါသေဟှားဟှူ သစ်ပန်နတူဟှယ်။ 
\v 13 သူးနို့ရဲ့ ယှစ်ကြော့‑က်ရှင်းလေဟှို ပွမ့်စေတတ်ဟှူ လှိုင်းလေမျိုး၊ ကြယ်ပျံလေမျိုး ဖြစ်ဂေ့ဟှယ်။ အယ်ကြယ်ပျံလေတွပ် ရောက်တရစ် ထာဝရမှောန်မိုက်ဟှို သိုဟှားလေဟှယ်။
\p
\v 14 အာဒံဟှနေဘီး ခွန်နစ်ဆစ်မြော့‑က်\f + \fr ၁၄ \fr*\fk ခွန်နစ်ဆစ်မြော့‑က်၊ \fk*\ft အာဒံဟှနေ ဧနောက်ထိ ခွန်နစ်ဆစ် ရှိဟှယ်။\ft*\f*ဖြစ်ဟှူ ဧနောက်ဟှလည်း သူးနို့လေန ပတ်သတ်ဘီးဟှာ ပရောဖက်ပြုဘီး ပြောဟှားဇာဟှ “ကေ့ကေ့၊ ဘုရားသခင်ဟှာ ရေတွပ်နိုင်ဘဲ့ဟှူ သူ့ရဲ့သန့်ရှင်းသူလေနတူးဒူ ကြွလာလေ့မယ်။ 
\v 15 အယ်ဇာဟှာ လူလေ အားလောင်းဂူဟှို တရားစီရင်ဟှို့တွပ်န၊ ဘုရားတရားမှေ့ဘဲန သတ်ရှင်ဟှူလူလေတွပ်န၊ ဘုရားတရားမှေ့ဘဲဟှူ ပြစ်သားလေတွပ်န၊ ဘုရားသခင်ဟှို ကဲ့ရဲ့ဆန့်ကျင်ဘီး ပြောဟှူ စကားအားလောင်းတွပ်န သူးနို့လေ အားလောင်းဂူရဲ့ ပြစ်လေဟှို ဖော်ပြဟှို့တွပ် ဖြစ်ဟှယ်” ဆိုဘီး ပြောဟှားဟှယ်။
\p
\v 16 အယ်လူလေဟှာ မြဲဒမ်းညစ်ညူဘီး တခြားသူလေဟှို ပြစ်တန်ဘီးဘဲ့နေဟှယ်။ သူးနို့ရဲ့ ဆိုးညစ်ဟှူ လိုအင်ဆန္ဒဟှို လိုက်ဘီး ကျင့်နေဂေ့ဟှယ်။ သူးနို့ကြောန်းဟှို ကြွားဂေ့ဟှယ်။ ကိုယ်ကျိုးလေဟှို ရဟှို့တွပ် တခြားသူဟှို မြှော့‑က်ဘီး ပြောတတ်ဟှယ်။
\s ဒိပေးဘီးပြောဟှူကြောန်း
\p
\v 17 ရှစ်ရဟှူမိဆွေလေ၊ နို့လေ သခင်ယေရှုခရစ်တော်ရဲ့ တမန်တော်လေဟှ ကြိုဘီးဟှာပြောဟှားရစ်ဟှူ စကားလေဟှို ဒိရဂေ့ပါ။ 
\v 18 \x - \xo ၁၈ \xo*\xt ၂ ပေ ၃.၃\xt*\x*သူးနို့ဟှ “နော့‑က်ဆောင်းကာလာမာ ကိုယ့်ကိုယ်ကိုယ် ဘုရားတရားမှေ့ဘဲန တတ်မတ်ရှင်းလေတိုင်း သတ်ရှင်ဘီးဟှာ ပြစ်ရယ်ပြုတတ်ဟှူ လူလေဟှာ ပေါ်လာလေ့မယ်” ဆိုဘီး နန်းနို့လေဟှို ပြောဟှားရစ်ဟှယ် 
\v 19 အယ်လူလေဟှာ သင်းတော်မာ စိဝမ်းကွဲစေဟှူလူလေ၊ ဇာတိနဆိုင်ဟှူလူလေ၊ ဝိညာဉ်တော်ဟှို ရဂေ့ဘဲဟှူလူလေ ဖြစ်ဂေ့ဟှယ်။
\p
\v 20 ရှစ်ရဟှူမိဆွေလေ၊ နန်းနို့ဟှာ ကိုယ့်ကိုယ်ကို ရရာတိုင်း သန့်ရှင်းဟှူ ယောင်ကြည်ရှင်းထတ်မာ ကိုယ့်ကိုယ်ကိုယ် တည်ဆော့‑က်ဘီး သန့်ရှင်းဟှူဝိညာဉ်တော်ဟှို မှီပြုဘီး ဆုတောန်းဂေ့ပါ။ 
\v 21 ဘုရားသခင်ရဲ့ မြစ်တာတော်န ကိုယ့်ကိုယ်ကိုယ် စောန့်ထီးဘီးဟှာ ထာဝရသတ်ဟှို ပို့ဆောန်ဟှူ နို့လေ သခင်ယေရှုခရစ်ရဲ့ ကရုဏာဟှို စောန့်မျှော်ဂေ့ပါ။
\p
\v 22 ယောင်မှားဘီး သံသယရှိနေဟှူ လူလေဟှို သနားကရုဏာထားဂေ့ပါ၊ 
\v 23 တချို့လေဟှို မီးထဲဟှနေ ဆွဲထုဘီးဟှာ ကယ်တန်ဂေ့ပါ။ တချို့လေဟှို ကြော့‑က်ဟှူစိန သနားကရုဏာပြဂေ့ပါ။ ဇာတိသွီးသားရဲ့ ကာမဂေါင်ညစ်ကြေးန စွန်းနေဟှူ အန်းဂီလေဟှို မူးဘီးဟှာ ရွံ့ရှာဂေ့ပါ။
\s ကောန်းကြီးပေးဟှူကြောန်း
\p
\v 24 နန်းနို့လေဟှို မှားယွင်းရှင်းန လွတ်စေဟှို့တွပ် နန်းနို့ဟှို စောန့်ရှော့‑က်ပေးဘီး ပြစ်တန်ဇာမှေ့ဘဲ ဝန်းသာရှင်းန ပ္လဲ့ဇောင်စေဘီး နန်းနို့ဟှို ဖောင်းသရေတော်ရှေ့မာ ဆစ်သဟှို့တွပ် တတ်နိုင်ဟှူသူဖြစ်ဟှူ — 
\v 25 နို့လေရဲ့ ကယ်တန်ရှင် တဆူဒဲဖြစ်ဟှူ ဘုရားသခင်ဟှာ နို့လေရဲ့ သခင်ယေရှုခရစ်တော်အားဖြင့် ဖောင်းသရေတော်၊ အာနုဘော်၊ တဂိုးရှိန်ဝါန ခွမ့်အာဏာစစ်လေဟှာ ရင်ကာလဟှနေဘီး ခုကာလန နော့‑က်ကမ္ဘာဆစ်ဆစ်ထိ ရှိပါစေ! အာမင်။