\id JHN - Dawei Bible Translation
\ide UTF-8
\ide 65001 - Unicode (UTF8)
\h ယောဟန်
\toc1 ယောဟန် ရေးဟှားဟှူ ခရစ်တော်ရဲ့ ဒန်း​ကောန်း
\toc2 ယောဟန်
\toc3 ယော
\mt1 ယောဟန်
\mt2 ယောဟန် ရေးဟှားဟှူ ခရစ်တော်ရဲ့ ဒန်းကောန်း
\imt နိဒါန်း
\im \bk ယောဟန် ရေးဟှားဟှူ ခရစ်တော်ရဲ့ ဒန်းကောန်း\bk*ဟှာ ယေရှုခရစ်တော်ရဲ့ သတ်တော်စဉ်ဟှို ဖော်ပြဟှားဟှူ ဓမ္မသစ်ကျမ်းထဲမာ ကျမ်းလေးစောန်ထဲဟှ တစောန်ဖြစ်ဟှယ်။ အယ်ကျမ်းတစောန်စီဟှို “ဧဝံဂေလိ” ဆိုဘီး ခေါ်ဟှယ်။ “ဒန်းကောန်း” ဆိုဘီး ဓိပါယ်ရဟှယ်။ ယေရှုသေဆောင်းဘီးန အယ်ကျမ်းလေဟှို မဿဲ၊ မာကု၊ လုကာန ယောဟန်ဟှ ရေးဟှားဟှယ်။ ယောဟန်ရေးဟှူ ဒန်းကောန်းဟှာ ခရစ်တော် မွီးဘီးန ၉၀ ခုနှစ်လော့‑က်မာ တမန်တော် ယောဟန်ဟှ ရေးဟှားဇာ ဖြစ်နိုင်ဟှယ်။ အယ်ကျမ်းမာ ယောဟန်ဟှာ ကျမ်းရေးသူ ဖြစ်ဟှယ် ဆိုဘီး ပြောဟှားဘေမဲ့လည်း စာရေးသားပေါင်စံဟှာ ယောဟန်ရဲ့ ပထမပေးစာ၊ ယောဟန်ရဲ့ ဒုတိယပေးစာ၊ ယောဟန်ရဲ့ တတိယပေးစာန ရရာတိုင်း တူညီလေဟှယ်။ ယောဟန်ဟှာ အယ်ခီဒူးဟှ ဧဖက်ဗြို့မာ နေဟှူကြောန့် အယ်ကျမ်းဟှို ဧဖက်ဗြို့မာ ရေးဟှားဇာဖြစ်မယ် ဆိုဘီး ရှေးခတ် စာရေးဆရာလေဟှ သတ်မှတ်ဂေ့ဟှယ်။
\ip ယေရှုဟှာ သတ်ရှင်ဟှူ ဘုရားသခင်ရဲ့ သားတော် (\xt ၂၀.၃၁\xt*)၊ ခရစ်တော် ဖြစ်ဟှယ် ဆိုဇာဟှို လူလေယောင်ကြည်အောန် ကူညီဟှို့တွပ် ဖြစ်ဟှယ် ဆိုဘီး ယောဟန်ဟှာ အယ်ကျမ်းရဲ့ ရည်ရွယ်ချစ်ဟှို ရှင်းရှင်းလန်းလန်း ဖော်ပြဟှားဟှယ်။ အယ်မျိုး ယောင်ကြည်ဇာအားဖြင့် နို့လေဟှာ ကိုယ်တော်နာမနှိုက် သတ်ဟှို ရဂေ့မယ်။ အယ်ကျမ်းဟှာ ယုဒလူမျိုးလေန ယုဒလူမျိုးမှုဘဲဟှူ စာဖတ်မားလေ နှေ့မျိုးလောင်းတွပ် ရေးဟှားလေဟှယ်။ ယောဟန်ရဲ့ ဒန်းကောန်းကျမ်းဟှာ တချို့နေရာလေမာ တခြားဒန်းကောန်း သောင်းစောန်န ရရာတိုင်း ကွာခြားလေဟှယ်။ သူဟှာ ယေရှုလောက်ဆောန်ဟှားဟှူ နိမိတ်လတ်ခဏာဟှို ရေးဟှားဘီး ကိုယ်တော်ရဲ့ ပေါန်ဥပမာလေကြောန်းဟှို ဘောင်ဂီးရေးဟှမ်း။ ယေရှုရဲ့ ဗတ္တိဇံခံဇာန တောကန္တာရထဲမာ စောင်ဇမ်းခံရဇာလေမျိုးနတူဟှူ တခြားဓိကဖြစ်ပျစ်လေဟှိုလည်း အယ်ဒန်းကောန်းထဲမာ ရေးဟှမ်း။
\iot ကြောန်းရာ ကျဉ်းချောက်
\io1 ၁။ ယောဟန်ဟှာ အယ်ဒန်းကောန်းကျမ်းဟှို စပြုဟှားဟှူကြောန်း \ior (၁.၁–၁၈)\ior*
\io1 ၂။ သူဟှာ ယေရှုလောက်ဆောန်ဟှားဟှူ နိမိတ်လတ်ခဏာလေ ဘောန်းဇောင်ဟှို ရေးဟှားဟှူကြောန်း \ior (၁.၁၉—၁၂.၅၀)\ior*
\io1 ၃။ နော့‑က်ဘီးဟှာ သူဟှာ ယေရှုရဲ့ သတ်တော်စဉ်ထဲမာ ဖြစ်ပျစ်လေ ဘောန်းဇောင်ဟှို ဖော်ပြဘီး ကိုယ်တော်ရဲ့ သေခံဇာန ထမြော့‑က်ဇာထိ ဆွဲခေါ်ဟှားဟှူကြောန်း \ior (၁၃.၁—၂၀.၃၁)\ior*
\io1 ၄။ ယောဟန်ဟှာ ယေရှုရဲ့ သေရာဟှနေ ထမြော့‑က်ဘီးန လူလေဟှို ထန်ရှားပြဇာလေ ဘောင်ဂီးထဲဟှ တခုဟှို ပြောပြဘီးဟှာ အယ်ကျမ်းရေးဟှားဟှူ သူ့ရဲ့ ရည်ရွယ်ချစ်ဟှို ဖော်ပြလိုက်ဘီး အယ်ဒန်းကောန်းဟှို ဆောန်းသတ်လိုက်ဟှူကြောန်း \ior (၂၁.၁–၂၅)\ior*
\ie
\c 1
\s သတ်ရှင်ဟှူ စကားတော်
\p
\v 1 စစဒူးဟှ စကားတော်\f + \fr ၁.၁ \fr*\fq စကားတော်၊ \fq*\ft ဟှာ ခရစ်တော်ဟှို ရည်ညွန်းဟှားဟှယ်။\ft*\f*ဟှာ ရှိဘီးသားဖြစ်ဟှယ်။ အယ်စကားတော်ဟှာ ဘုရားသခင်နတူးဒူ ရှိနေဟှယ်။ အယ်စကားတော်ဟှာလည်း ဘုရားသခင်ဖြစ်ဟှယ်။ 
\v 2 အယ်စကားတော်ဟှာ စစဒူးဟှ ဘုရားသခင်နတူးဒူ ရှိနေဟှယ်။ 
\v 3 ဘုရားသခင်ဟှာ စကားတော်နဘဲ့ ရာအားလောင်းဂူဟှို ဖန်ဆင်းဟှားဟှယ်။ ဖန်ဆင်းဘဲ့န ဖြစ်နေဇာလေ တခုလည်းမှေ့ဟှ။ 
\v 4 စကားတော်ဟှာ သတ်ရဲ့ ရင်းမြစ်ဖြစ်ဟှယ်။\f + \fr ၁.၄ \fr*\fq စကားတော်ဟှာ သတ်ရဲ့ ရင်းမြစ်ဖြစ်ဟှယ်၊ \fq*\ft အယ်မျိုးမှုဘဲနေဟှာ \ft*\fqa သတ်ဟှာ စကားတော် နတူးဒူ ပေါင်းစည်းလိုက်ဟှယ်။\fqa*\f* အယ်ဘီးဟှာ အယ်သတ်ဟှာ လူလေနားဟှို လန်းရောန်ဟှို သယ်ဆောန်လာဟှယ်။ 
\v 5 အယ်လန်းရောန်ဟှာ မှောန်ထဲမာ လန်းထီနေဟှယ်။ အယ်ဘီးဟှာ အယ်မှောန်ဟှာ အယ်လန်းရောန်ဟှို ဖောင်းနိုင်ဟှ။
\p
\v 6 \x - \xo ၁.၆ \xo*\xt မ ၃.၁; မာ ၁.၄; လု ၃.၁,၂\xt*\x*ဘုရားသခင်ဟှာ ယောဟန် နာမယ်ရှိဟှူ လူတယော့‑က်ဟှို မိမိရဲ့ စေတမန်ဖြစ်န စေလွှတ်လိုက်ဘီး၊ 
\v 7 လူအားလောင်းဟှာ တရားစကားဟှို ကြားဘီးန ယောင်ကြည်ဟှို့တွပ် အယ်လူဟှာ လန်းရောန်ကြောန်းဟှို သတ်သေခံဟှို့ လာဟှယ်။ 
\v 8 သူကိုယ်တိုင်ဟှာ လန်းရောန် မှုဟှ။ လန်းရောန်ကြောန်းဟှို သတ်သေခံဟှို့တွပ် လာဟှယ်။ 
\v 9 အယ်စစ်မှန်ဟှူ လန်းရောန်ဟှာ လောကဟှို ကြွလာဘီးန လူလေ အားလောင်းဂူထတ်မာ လန်းထီဟှယ်။
\p
\v 10 စကားတော်ဟှာ လောကထဲမာ ရှိဟှယ်။ ဘုရားသခင်ဟှာ ကိုယ်တော်အားဖြင့် လောကဟှို ဖန်ဆင်းဟှားဟှယ်။ အယ်ဘေမဲ့ အယ်လောကဟှ ကိုယ်တော့်ဟှို သိဂေ့ဟှ။ 
\v 11 ကိုယ်တော်ဟှာ သူ့ဒေသဟှို ပ္လန်လာဟှယ်။ အယ်ဘေမဲ့ ကိုယ်တော်ရဲ့ လူမျိုးလေဟှ ကိုယ်တော့်ဟှို လတ်ခံဂေ့ဟှ။ 
\v 12 အယ်ဘေမဲ့ တချို့ဟှ ကိုယ်တော့်ဟှို လတ်ခံဘီး ကိုယ်တော်ရဲ့ နာမဟှို ယောင်ကြည်ဟှယ်။ အယ်ကြောန့် ကိုယ်တော်ဟှ သူးနို့ဟှို ဘုရားသခင်ရဲ့ သားမီးလေဖြစ်ခွမ့်ပေးဟှယ်။ 
\v 13 သူးနို့ဟှာ သွီးသားရှင်းပေါန်းဘီး ပေါ့‑က်လာဟှူ သားမီးလေ မှုဟှ။ လူသားဖဟှနေ ပေါ့‑က်လာဟှူ သားမီးလေ မှုဟှ။ ဘုရားသခင်ဟှနေ ပေါ့‑က်လာဟှူ သားမီးလေဖြစ်ဟှယ်။
\p
\v 14 စကားတော်ဟှာ လူသားဖြစ်လာဘီး ကျေးဇူးတော်န သမ္မာတရားန ပ္လဲ့ဇောင်ဘီးဟှာ နို့လေထဲမာ စံမြန်းနေဟှယ်။ နို့လေဟှာ ကိုယ်တော်ရဲ့ ဖောင်းသရေတော်ဟှို ဗြင်ရဘီ။ အယ်ဖောင်းသရေတော်ဟှာ ဖရဲ့ တယော့‑က်ဒဲရှိဟှူ သားဖြစ် လတ်ခံရရှိဟှယ်။
\p
\v 15 ယောဟန်ဟှာ ကိုယ်တော်ရဲ့ ကြောန်းဟှို “ ‘ငါ့နော့‑က်ဟှနေ ကြွလာဟှူသူဟှာ ငါမွီးခန်ဂဒဲဟှ ရှိနေကြောန့် ငါ့ထတ်ကီးမြတ်ဟှယ်’ ဆိုဇာဟှို ငါပြောဟှားဟှူသူဟှာ အယ်လူဘဲ့ ဖြစ်ဟှယ်” ဆိုဘီး အော်ပြောဘီး သတ်သေခံလေဟှယ်။
\p
\v 16 ကိုယ်တော်ရဲ့ ကျေးဇူးတော် ပ္လဲ့ဇောင်မှုဟှနေ နို့လေအားလောင်းဟှာ ကောန်းကြီးလေ ခုဘီးခု လတ်ခံရရှိဟှယ်။ 
\v 17 ဘုရားသခင်ဟှာ မောရှေအားဖြင့် ပညတ်တရားဟှို ပေးဟှယ်။ ကျေးဇူးတရားန သမ္မာတရားဟှို ယေရှုခရစ်တော်အားဖြင့် ဖြစ်လာဟှယ်။ 
\v 18 ဘုရားသခင်ဟှို ဖယ်လူလည်းဗြင်ဖူးဟှ။ ဖရဲ့ ရင်ခွမ်မာရှိဟှူ၊ ဘုရားသခင်ဖြစ်ဟှူ၊ တယော့‑က်ဒဲဟှူသားဟှာ ဘုရားသခင်ဟှို ထန်ရှားစေဘီ။
\s ဗတ္တိဇံယောဟန်ရဲ့ တရား
\r (မဿဲ ၃.၁–၁၂; မာကု ၁.၁–၈; လုကာ ၃.၁–၁၈)
\p
\v 19 ခု ယေရုရှလင်ဗြို့ဟှ ယုဒလူ အာဏာပိုင်လေဟှာ ယဇ်ပုရောဟိတ်လေန လေဝိတချို့ဟှို ယောဟန်နားဟှို စေလွှတ်ဘီး “နန်ဟှာ ဖယ်သူနူး” ဆိုဘီး မေးမြန်းလေဟှယ်။ ယောဟန်ရဲ့ သတ်သေခံချစ်ဟှာ အယ်မျိုးဖြစ်ဟှယ်။
\p
\v 20 ယောဟန်ဟှ လှည့်ဝှက်ဇာမှေ့ဘဲန ဝန်ခံဘီး “ငါဟှာ မေရှိယ မှုဟှ” ဆိုဘီး ပွမ့်ပွမ့်လန်းလန်းဟှားန ရှင်းရှင်းလန်းလန်းဟှားဘဲ့ ပ္လန်ဖြေလိုက်ဟှယ်။
\p
\v 21 “အယ်ဆိုဟှာ နန်ဟှ ဖယ်သူနူး။ နန်ဟှာ ဧလိယလော” ဆိုဘီး သူးနို့ဟှ မေးလိုက်ဟှယ်။
\p “ငါဟှာ ဧလိယ မှုဟှ” ဆိုဘီး ယောဟန်ဟှ ပ္လန်ဖြေဟှယ်။
\p “နန်ဟှာ ပရောဖက်လော”\f + \fr ၁.၂၁ \fr*\fk ပရောဖက်၊ \fk*\ft မေရှိယကြွလာဟှို့တွပ် ကြေညာဟှူ သူန ပေါ်ထွန်းလာဟှို့တွပ် မျှော်လင့်နေဟှူသူ။\ft*\f* ဆိုဘီး သူးနို့ဟှ ပ္လန်မေးဟှယ်။
\p “ငါဟှာ ပရောဖက်လည်း မှုဟှ” ဆိုဘီး ပ္လန်ဖြေဟှယ်။
\p
\v 22 “အယ်ဆိုဟှာ နန်ဟှာ ဖယ်သူနူး။ နို့လေဟှို စေလွှတ်လိုက်ဟှူ လူလေဟှို ပ္လန်ဘီးပြောပြရမယ်။ နန့်ကြောန်းဟှို ဖြားမျိုးပြောမယ်နူး” ဆိုဘီး သူးနို့ဟှ မေးလေဟှယ်။
\p
\v 23 ယောဟန်ဟှာ ပရောဖက်ဟေရှာယဟှို ကိုးကားဘီး
\q1 “ငါဟှာ ‘ဘုရားသခင်ရဲ့ လမ်းဟှို ပြင်ဆင်ဟှားဂေ့! ဆိုဘီး
\q2 တောကန္တာရထဲမာ အော်ဟစ်နေဟှူ သံဖြစ်ဟှယ်’ ” ဆိုဘီး ပ္လန်ဖြေလိုက်ဟှယ်။
\p
\v 24 ဖာရိရှဲလေ စေလွှတ်လိုက်ဟှူ စေတမန်လေဟှ၊ 
\v 25 ဖာရိရှဲလေ စေလွတ်လိုက်ဟှူ စေတမန်လေ\f + \fr ၁.၂၅ \fr*\fq ဖာရိရှဲလေ စေလွတ်လိုက်ဟှူ စေတမန်လေ၊ \fq*\ft အယ်မျိုးမှုဘဲနေဟှာ \ft*\fqa အယ်စေတမန်လေဟှာ ဖာရိရှဲလေဖြစ်ဟှယ်။\fqa*\f*ဟှ “နန်ဟှာ မေရှိယလည်း မှုဟှ။ ဧလိယလည်း မှုဟှ။ ပရောဖက်လည်း မှုဟှ ဆိုဟှာ ဖြားဖြစ်ကြောန့် ဗတ္တိဇံပေးနေနူး” ဆိုဘီး ယောဟန်ဟှို မေးလေဟှယ်။
\p
\v 26 ယောဟန်ဟှာ “ငါဟှာ ရေန ဗတ္တိဇံပေးဟှယ်။ အယ်ဘေမဲ့ နန်းနို့ထဲမာ နန်းနို့သိဘဲဟှူ လူတယော့‑က်ရှိဟှယ်။ 
\v 27 သူဟှာ ငါ့နော့‑က်ဟှ ကြွလာနေဘီ။ အယ်ဘေမဲ့ ငါဟှာ သူ့ရဲ့ ခေနပ်ကြိုးဟှို ဖြေဟှို့ဟှိုမှ ထိုက်ဟှ” ဆိုဘီး ပ္လန်ဖြေလိုက်ဟှယ်။
\p
\v 28 အယ်မူဇာ အားလောင်းဟှာ ယောဟန် ဗတ္တိဇံပေးဟှူ ယော်ဒန်မ္လစ်ရဲ့ ရှေ့ဖတ်ကမ်းဟှ ဗေသနိဝါမာ ဖြစ်ဟှားဟှယ်။
\s ဘုရားသခင်ရဲ့ သိုးသားဂန်းဟှား
\p
\v 29 နတ်ကီးဖတ်မာ ယောဟန်ဟှာ သူ့နားဟှို ယေရှုလာနေဇာဟှို ဗြင်လိုက်ဟှူ ခီမာ “လောကသားလေရဲ့ ပြစ်ဟှို ယူဆောန်ဟှားဟှူ ဘုရားသခင်ရဲ့ သိုးသားဂန်းဟှားဟှို ကေ့ကေ့! 
\v 30 ‘နော့‑က်ဟှနေ ကြွလာဟှူသူဟှာ ငါမွီးခန်ဂဒဲဟှ ရှိနေကြောန့် ငါ့ထတ်ကီးမြတ်ဟှယ်’ ဆိုဘီး ငါပြောနေဇာဟှာ အယ်လူကြောန်းဘဲ့ ဖြစ်ဟှယ်။ 
\v 31 ငါကိုယ်တိုင်လည်း အယ်လူဟှို သိဟှ။ အယ်ဘေမဲ့ ဣသရေလလူမျိုးလေဟှို သိစေဟှို့တွပ် ရေန ဗတ္တိဇံပေးဟှို့ ငါလာဟှယ်” ဆိုဘီး ပြောလေဟှယ်။
\p
\v 32 အယ်န ယောဟန် သတ်သေခံဇာဟှ “ဝိညာဉ်တော်ဟှာ ကောန်းဂန်ဘောင်ဟှနေ ချိုးငှတ်မျိုး ဆင်းလာဘီး အယ်လူထတ်မာ နားနေဇာဟှို ငါဗြင်ဟှယ်။ 
\v 33 အယ်လူဟှာ ဖယ်လူဖြစ်ဟှယ် ဆိုဇာဟှို ငါသိဟှ။ အယ်ဘေမဲ့ ငါ့ဟှို ရေန ဗတ္တိဇံပေးဟှို့ စေလွှတ်ဟှူ ဘုရားသခင်ဟှ ‘သန့်ရှင်းဟှူဝိညာဉ်တော်ဟှာ ဆင်းလာဘီး ယော့‑က်ယော့‑က်ထတ်မာ နားနေဇာဟှို ဗြင်ရလေ့မယ်။ အယ်လူဟှာ သန့်ရှင်းဟှူဝိညာဉ်တော်န ဗတ္တိဇံပေးမယ့်လူ ဖြစ်ဟှယ်’ ဆိုဘီး ငါ့ဟှို ပြောလေဟှယ်။ 
\v 34 အယ်ဇာဟှို ငါဗြင်ရဘီ။ အယ်ကြောန့် နန်းနို့ဟှို ငါပြောမယ် အယ်လူဟှာ ဘုရားသခင်ရဲ့သား ဖြစ်ဟှယ်” ဆိုဘီး ယောဟန် သတ်သေခံလေဟှယ်။
\s ယေရှုရဲ့ ဦးဆောင်းတဗဲ့တော်လေ
\p
\v 35 နတ်ကီးတိုင်မာ ယောဟန်ဟှာ တဗဲ့တော်နှေ့ပါးနတူးဒူ အယ်နေရာမာ ပ္လန်ဘီးရပ်နေဟှယ်။ 
\v 36 ယောဟန်ဟှာ ယေရှု ကြွလာနေဇာဟှို ဗြင်လိုက်ဟှယ်။ “ကေ့ကေ့! ဟောက်မာ ဘုရားသခင်ရဲ့ သိုးသားဂန်းဟှား ဖြစ်ဟှယ်!” ဆိုဘီး သူဟှ ပြောဟှယ်။
\p
\v 37 တဗဲ့တော်နှေ့ပါးဟှာ အယ်မျိုးပြောဇာဟှို ကြားလိုက်ဘီးန ယေရှုနတူးဒူ လိုက်ဟှားဂေ့ဟှယ်။ 
\v 38 ယေရှုဟှ လှည့်ကေ့လိုက်ဘီး သူးနို့လေ လိုက်လာဇာဟှို ဗြင်လေဟှယ်။ အယ်န “ဖြားဇာရှာနေနူး” ဆိုဘီး သူးနို့ဟှို မေးလေဟှယ်။
\p သူးနို့ဟှ “ရဗ္ဗိ၊ ကိုယ်တော်ဟှ ဖယ်မာနေဟှယ်နူး” ဆိုဘီး မေးလေဟှယ်။ (ရဗ္ဗိရဲ့ ဓိပါယ်ဟှာ “ဆရာ” ဖြစ်ဟှယ်။)
\p
\v 39 “လိုက်ဘီးကေ့ဂေ့” ဆိုဘီး ကိုယ်တော်ဟှ ဖြေဟှယ်။ (အယ်ခီဟှာ နေဒန်ဇာလေးနာရီလော့‑က်ရှိဘီ။) အယ်ကြောန့် သူးနို့လေဟှာ ကိုယ်တော်နတူးဒူ လိုက်ဟှားဘီး ကိုယ်တော်နေဟှူ နေရာဟှို တွိဟှားလေဟှယ်။ အယ်ဘီးန အယ်နေ့ဟှို ကိုယ်တော်နတူးဒူ နေလေဟှယ်။
\p
\v 40 ယောဟန်ရဲ့ စကားဟှို ကြားဘီး ယေရှုနော့‑က်လိုက် ဖြစ်လာဟှူ နှေ့ယော့‑က်ထဲဟှ တယော့‑က်ဟှာ ရှိမုန်ပေတရုရဲ့ညီ အန္ဒြေဖြစ်ဟှယ်။ 
\v 41 ရှစ်ရှင်းဘဲ့ အန္ဒြေဟှာ သူ့နောန်ရှိမုန်ဟှို တွိဟှားခီမာ “နို့လေ မေရှိယဟှို တွိဟှားဘီ” ဆိုဘီး ပြောပြဟှယ်။ မေရှိယရဲ့ ဓိပါယ်ဟှာ “ခရစ်တော်” ဖြစ်ဟှယ်။ 
\v 42 အယ်ဘီးန သူဟှ ရှိမုန်ဟှို ယေရှုနားဟှို ခေါ်ဆောန်ဟှားဟှယ်။
\p ယေရှုဟှာ အယ်လူဟှို ကေ့ဘီးန “နန်ဟှာ ယောဟန်ရဲ့သား ရှိမုန်ဖြစ်ဟှယ်။ အယ်ဘေမဲ့ နန့်ဟှို ကေဖ ဆိုဘီး ခေါ်ရမယ်” ဆိုဘီး ပြောလိုက်ဟှယ်။ ကေဖဟှာ ပေတရုနာမယ်န ထပ်တူဖြစ်ဘီး က္လော့‑က် ဆိုဘီး ဓိပါယ်ရဟှယ်။
\s ယေရှုဟှ ဖိလိပ္ပုန နာသနေလဟှို ခေါ်ဟှူကြောန်း
\p
\v 43 နတ်ကီးတိုင်မာ ယေရှုဟှာ ဂါလိလဲနယ်ဟှို သွားဟှို့ ဆောင်းဖြတ်ဟှယ်။ ကိုယ်တော်ဟှာ ဖိလိပ္ပုဟှို တွိဟှူ ခီမာ “ငါ့နတူးဒူလိုက်ပါ!” ဆိုဘီး သူ့ဟှို ပြောလေဟှယ်။ 
\v 44 ဖိလိပ္ပုဟှာ အန္ဒြေန ပေတရု နေထိုင်ဟှူ ဗက်ဇဲဒဗြို့ဟှဖြစ်ဟှယ်။ 
\v 45 ဖိလိပ္ပုဟှာ နာသနေလဟှို တွိဟှူ ခီမာ “နို့လေဟှာ မောရှေရဲ့ ပညတ်ကျမ်းန ပရောဖက်လေရဲ့ ကျမ်းမာ ရေးဟှားဟှူလူဟှို တွိဟှားဘီ။ အယ်လူဟှာ နာဇရက်ဗြို့ဟှ ယောသပ်ရဲ့သား ယေရှုဖြစ်ဟှယ်” ဆိုဘီး ပြောပြလေဟှယ်။
\p
\v 46 “နာဇရက်ဗြို့ဟှနေ ကောန်းဟှူဇာ ထွပ်နိုင်ဘဲ့လော” ဆိုဘီး နာသနေလဟှ မေးဟှယ်။
\p “လာဘီးကေ့ကေ့” ဆိုဘီး ဖိလိပ္ပုဟှ ဖြေလေဟှယ်။
\p
\v 47 ယေရှုဟှာ သူ့နားဟှို လာနေဟှူ နာသနေလဟှို ဗြင်ဟှူ ခီမာ ကိုယ်တော်ဟှ “ကေ့ကေ့! လှည့်ဇားမှု လောင်းဝ မှေ့ဘဲဟှူ၊ စစ်မှန်ဟှူ ဣသရေလလူ ဖြစ်ဟှယ်!” ဆိုဘီး သူ့ဟှို ပြောဟှယ်။
\p
\v 48 နာသနေလဟှ “ကိုယ်တော်ဟှ ကျွန်တော်ဟှို ဖယ်မျိုးလောက်ဘီး သိနေရနူး” ဆိုဘီး ကိုယ်တော့်ဟှို မေးဟှယ်။
\p ယေရှုဟှ “ဖိလိပ္ပုဟှ နန့်ဟှို ခေါ်လာခန်မာ နန်ဟှာ သဖန်းဗန်အော့‑က်မာ ရှိနေဂဒဲဟှ နန့်ဟှို ငါဗြင်ဟှယ်” ဆိုဘီး ပ္လန်ဖြေဟှယ်။
\p
\v 49 “ဆရာ၊ ကိုယ်တော်ဟှာ ဘုရားသခင်ရဲ့ သားဖြစ်ဟှယ်! ဣသရေလလူမျိုးရဲ့ မန်းဂီးလည်းဖြစ်ဟှယ်!” ဆိုဘီး နာသနေလဟှ ပ္လန်ဖြေလေဟှယ်။
\p
\v 50 ယေရှုဟှ “သဖန်းဗန်အော့‑က်မာ နန့်ဟှို ငါဗြင်ဟှယ် ဆိုဘီး ပြောလိုက်ဇာဟှို နန်ယောင်ကြည်ဘဲ့လော။ အယ်ထတ် ရရာတိုင်းကီးဟှူ ဇာလေဟှို နန်ဗြင်ရလေ့မယ်” ဆိုဘီး ပြောလိုက်ဟှယ်။ 
\v 51 ကိုယ်တော်ဟှ “နန်းနို့ဟှို ငါ မှန်တိုင်းပြောမယ်၊ ကောန်းဂန်ပွမ့်ဘီးဟှာ လူ့ရဲ့သား\f + \fr ၁.၅၁ \fr*\fq လူ့ရဲ့သား၊ \fq*\ft ဆိုဇာ ခရစ်တော် ဖြစ်ဟှယ်။\ft*\f* ထတ်မာ ဘုရားသခင်ရဲ့ ကောန်းဂန်တမန်လေဟှာ ဆင်းလိုက်တတ်လိုက် လောက်နေဇာဟှို နန်းနို့ ဗြင်ရလေ့မယ်” ဆိုဘီး သူးနို့လေဟှို ပြောလေဟှယ်။
\c 2
\s ကာနဗြို့ဟှအီတတ်ပွဲ
\p
\v 1 သောင်းရစ်မြော့‑က်နေ့မာ ဂါလိလဲနယ် ကာနဗြို့မာ အီတတ်ပွဲလောက်လေဟှယ်။ အယ်ပွဲမာ ယေရှုရဲ့ မိလည်း ရှိနေဟှယ်။ 
\v 2 အယ်ဘီးဟှာ ယေရှုန တဗဲ့တော်လေဟှိုလည်း အီတတ်ပွဲဟှို ဖိဟှားလေဟှယ်။ 
\v 3 ဝိုင်ကူဟှားခီမာ ယေရှုရဲ့မိဟှ “သူးနို့မာ ဝိုင်ကူဟှားဘီ” ဆိုဘီး ကိုယ်တော့်ဟှို ပြောလေဟှယ်။
\p
\v 4 ယေရှုဟှ “ဝှေ့မီးမ၊ နို့ဟှို ဖြားလောက်ရမယ် ဆိုဘီး ပြောန။ နို့ခီဟှာ ခုထိ ရော့‑က်သေးဟှ” ဆိုဘီး ပ္လန်ပြောဟှယ်။
\p
\v 5 အယ်ဘီးန ယေရှုရဲ့ မိဟှ “နန်းနို့ဟှို သူစေခိုင်းဟှူတိုင်း လောက်ဂေ့” ဆိုဘီး စေခံလေဟှို ပြောလိုက်ဟှယ်။
\p
\v 6 ယုဒလူလေမာ ဘာသာဓလေ့တိုင်း ဆေးကြောဇာနဆိုင်ဟှူ စည်းမျဉ်းလေရှိဟှယ်။ အယ်စည်းမျဉ်းလေကြောန့် အယ်နေရာမာ က္လော့‑က်ရေအိုး ခြော့‑က်လောင်းရှိဘီး ရေအိုးဂီးတလောင်းစီဟှာ ဂါလံနှေ့ဆယ်န သောင်းဆယ်ကြား ဝမ်ဆံ့ဟှယ်။ 
\v 7 ယေရှုဟှ “အယ်ရေအိုးလေဟှို ရေဖ္လဲ့ဂေ့” ဆိုဘီး စေခံလေဟှို ပြောလိုက်ဟှယ်။ သူးနို့ဟှာ ပ္လဲ့အောန် ဖ္လဲ့ဂေ့ဟှယ်။ 
\v 8 အယ်ဘီးန ကိုယ်တော်ဟှ “ခု အယ်အိုးထဲဟှရေဟှို ခပ်ဘီးဟှာ ပွဲအောက်နားဟှို ယူဟှားဂေ့” ဆိုဘီး သူးနို့ဟှို ပြောလိုက်ဟှယ်။ သူးနို့ဟှာ ရေဟှို ယူဟှားဟှယ်။ 
\v 9 ခု အယ်ရေဟှာ ဝိုင်ဖြစ် ပ္လောန်းလဲဟှားဘီး ပွဲအောက်ဟှ ဗြည်းလေဟှယ်။ အယ်ဝိုင်ဟှာ ဖယ်နေရာဟှ ရလာဟှယ် ဆိုဇာဟှို သူသိဟှ။ အယ်ဘေမဲ့ ရေခပ်လာဟှူ စေခံလေဟှာ ကောန်းကောန်းဟှားသိနေဟှယ်။ အယ်ကြောန့် သူဟှာ ဒို့သားဟှို ခေါ်လိုက်ဘီး 
\v 10 “လူတိုင်းဟှာ ကောန်းဆောင်း ဝိုင်နဘဲ့ ဦးဆောင်းဧည့်ခံဟှယ်။ ဧည့်သည်လေ ဘောင်ဂီးသော့‑က်ဘီးမှ ညံ့ဟှူဝိုင်န ဧည့်ခံဟှယ်။ အယ်ဘေမဲ့ နန်ဟှ ကောန်းဆောင်း ဝိုင်ဟှို ခုထိသီးဟှားလေဟှယ်!” ဆိုဘီး ပြောလေဟှယ်။
\p
\v 11 ယေရှုဟှာ ဦးဆောင်း နိမိတ်လတ်ခဏာဟှို ဂါလိလဲနယ် ကာနဗြို့မာ လောက်ဘီးဟှာ မိမိရဲ့ ဖောင်းသရေတော်ဟှို ဖွမ့်ပြလေဟှယ်။ အယ်ဘီးန တဗဲ့တော်လေဟှာ ကိုယ်တော့်ဟှို ယောင်ကြည်ဂေ့ဟှယ်။
\p
\v 12 \x - \xo ၂.၁၂ \xo*\xt မ ၄.၁၃\xt*\x*အယ်မျိုး နိမိတ်လတ်ခဏာ ပြဘီးန ယေရှုဟှာ သူ့ရဲ့မိ၊ ညီငယ်လေ၊ တဗဲ့တော်လေနတူးဒူ ကပေရနောင်ဗြို့ဟှို သွားဘီး အယ်ဗြို့မာ ရစ်နဲနဲဟှား နေလေဟှယ်။
\s ယေရှုဟှာ ဗိမာန်တော်ဟှို သွားဟှူကြောန်း
\r (မဿဲ ၂၁.၁၂,၁၃; မာကု ၁၁.၁၅–၂၇; လုကာ ၁၉.၄၅,၄၆)
\p
\v 13 ယုဒလူလေရဲ့ ပသခါပွဲ နီးလာဟှူကြောန့် ယေရှုဟှာ ယေရုရှလင်ဗြို့ဟှို သွားလေဟှယ်။ 
\v 14 ကိုယ်တော်ဟှာ ဗိမာန်တော်ထဲမာ သိုးလေ၊ နွားသားဂန်းလေ၊ ချိုးငှတ်လေဟှို ရောန်းဝယ်နေဟှူ လူလေန ကပ်လဲပေးမားလေဟှာ သူးနို့ရဲ့ စားဗွဲလေမာ ထိုင်နေဇာဟှို တွိဟှယ်။ 
\v 15 အယ်ကြောန့် ကိုယ်တော်ဟှာ ကြိုးလေန ကြာပွတ်ဟှို လောက်ဘီးန သိုးလေ၊ နွားလေ အားလောင်းဟှို ဗိမာန်တော်ထဲဟှ နန်ထုဘီးဟှား ကပ်လဲမားလေရဲ့ ဗွဲလေဟှိုလည်း မှော့‑က်လှဲဘီးန သူးနို့ရဲ့ ဒန်းဂါးလေဟှို ဖ္လဲဖ္လဲစင်အောန် လောက်လေဟှယ်။ 
\v 16 အယ်ဘီးန ကိုယ်တော်ဟှာ ချိုးငှတ်ရောန်းဟှူ လူလေဟှို “အယ်ပစ္စည်းလေဟှို ယူဟှားဂေ့! ငါ့ဖရဲ့ အီတော်ဟှို ဆေးဖြစ်ဟှားအောန် လောက်ဂေ့န!” ဆိုဘီး မိန့်ပေးလိုက်ဟှယ်။ 
\v 17 ကိုယ်တော်ရဲ့ တဗဲ့တော်လေဟှာ “အိုဘုရားသခင်၊ ကိုယ်တော်ရဲ့ အီတော်ဟှို ရှစ်ခင်တွယ်တာမှုဟှာ ကျွန်တော်ထဲမာ မီးမျိုး လောန်ကျွမ်းနေဟှယ်” ဆိုဘီး ကျမ်းစာဟှ ပြောဟှားဇာလေဟှို အော့‑က်မေ့လာဂေ့ဟှယ်။
\p
\v 18 ယုဒအာဏာပိုင်လေဟှာ ကိုယ်တော်နားဟှို ပ္လန်လာဘီး “နန်ဟှာ အယ်မူဇာဟှို လောက်ပိုင်ခွမ့် ရှိဟှယ် ဆိုဇာဟှို နို့လေဟှို ဖြားမျိုး နိမိတ်လတ်ခဏာ လောက်ပြနိုင်မယ်နူး” ဆိုဘီး မေးခွန်းတခုဟှို မေးလေဟှယ်။
\p
\v 19 \x - \xo ၂.၁၉ \xo*\xt မ ၂၆.၆၁; ၂၇.၄၀; မာ ၁၄.၅၈; ၁၅.၂၉\xt*\x*ယေရှုဟှ “အယ်ဗိမာန်တော်ဟှို ဖြိုဖျစ်ဂေ့။ သောင်းရစ်ထဲန ငါပ္လန်ဆော့‑က်ပြမယ်” ဆိုဘီး ဖြေလိုက်ဟှယ်။
\p
\v 20 ယုဒလူလေဟှ “အယ်ဗိမာန်တော်ဟှို ဆော့‑က်ဟှို့တွပ် လေးဆယ့်ခြော့‑က်နှစ် ကြာဟှယ်! နန်ဟှ သောင်းရစ်ထဲန ပ္လန်ဆော့‑က်ဟှို့လော” ဆိုဘီး မေးဂေ့ဟှယ်။
\p
\v 21 အယ်ဘေမဲ့ ယေရှုပြောနေဟှူ ဗိမာန်တော်ဟှာ သူ့ရဲ့ ကိုယ်ခန္ဓာဖြစ်ဟှယ်။ 
\v 22 အယ်ကြောန့် ယေရှုဟှာ သေရာဟှနေ ပ္လန်ရှင်လာဟှူ ခီမာ ကိုယ်တော်ရဲ့ တဗဲ့တော်လေဟှာ ကိုယ်တော်ပြောခဲ့ဟှူ စကားလေဟှို အော့‑က်မေ့လာလေဟှယ်။ အယ်ဘီးန သူးနို့လေဟှာ ကျမ်းစာတော်န ကိုယ်တော်ပြောခဲ့ဟှူ စကားလေဟှို ယောင်ကြည်ဂေ့ဟှယ်။
\s ယေရှုဟှာ လူလေရဲ့ သဘောဟှို သိဟှူကြောန်း
\p
\v 23 ယေရှုဟှာ ယေရုရှလင်ဗြို့ဟှ ပသခါပွဲမာရှိနေဒူးမာ ကိုယ်တော်လောက်ဟှူ နိမိတ်လတ်ခဏာလေဟှို တွိရဟှူကြောန့် လူလေဘောင်ဂီးဟှာ ကိုယ်တော့်နာမဟှို ယောင်ကြည်ဂေ့ဟှယ်။ 
\v 24 အယ်ဘေမဲ့ ယေရှုဟှာ လူလေ အားလောင်းဂူရဲ့ ကြောန်းဟှို သိနေဟှူကြောန့် သူးနို့လေဟှို ယောင်ကြည်ဟှ။ 
\v 25 ကိုယ်တော်ဟှာ လူလေရဲ့ စိနှလောင်းဟှို သိနေဟှယ်။ အယ်ကြောန့် ကိုယ်တော့်ဟှို ယော့‑က်ယော့‑က်ဟှ သူးနို့ကြောန်းဟှို သတ်သေခံဟှို့ လိုအပ်ဟှ။
\c 3
\s ယေရှုန နိကောဒင်
\p
\v 1 ဖာရိရှဲဖွဲ့ဝမ် နိကောဒင်နာမယ်ရှိဟှူ ယုဒလူခေါန်းဆောန် တယော့‑က်ရှိဟှယ်။ 
\v 2 တညဉ့်မာ သူဟှာ ယေရှုနားဟှို လာဘီးဟှာ ကိုယ်တော့်ဟှို “ရဗ္ဗိ၊ ကိုယ်တော်ဟှာ ဘုရားသခင်စေလွှတ်လိုက်ဟှူ ဆရာတယော့‑က် ဖြစ်ဟှယ် ဆိုဇာဟှို ကျွန်တော့်ဟှားလေ သိဟှယ်။ ဘုရားသခင်ဟှာ ဆရာနတူးဒူရှိဟှ ဆိုဟှာ ဖယ်လူလည်း အယ်နိမိတ်လတ်ခဏာလေဟှို လောက်နိုင်ဟှို့ မှုဟှ” ဆိုဘီး လျှော့‑က်လေဟှယ်။
\p
\v 3 ယေရှုဟှ “နန့်ဟှို ငါ မှန်တိုင်းပြောမယ်၊ ဒုတိယခါ ပ္လန်\f + \fr ၃.၃ \fr*\fq ပ္လန်၊ \fq*\ft အယ်မျိုးမှုဘဲနေဟှာ \ft*\fqa ထတ်ဟှ။\fqa*\f*မွီးဟှ ဆိုဟှာ ဖယ်လူလည်း ဘုရားသခင်ရဲ့ နိုင်ငံတော်ဟှို ဗြင်နိုင်ဟှို့ မှုဟှ” ဆိုဘီး ဖြေလိုက်ဟှယ်။
\p
\v 4 “သတ်ကီးဟှူလူဟှ ဖယ်မျိုးဒုတိယခါ ပ္လန်မွီးနိုင်ဟှို့နူး။ အယ်လူဟှာ ဒုတိယခါ မွီးဟှို့တွပ် သူ့မိရဲ့ ဗိုက်ထဲဟှို လောင်းဝ ဝမ်နိုင်ဟှ!” ဆိုဘီး နိကောဒင်ဟှ မေးဟှယ်။
\p
\v 5 ယေရှုဟှ “နန့်ဟှို ငါ မှန်တိုင်းပြောမယ်၊ ရေန ဝိညာဉ်တော်အားဖြင့် မွီးဟှ ဆိုဟှာ ဖယ်လူလည်း ဘုရားသခင်ရဲ့ နိုင်ငံတော်ဟှို ဝမ်နိုင်ဟှို့ မှုဟှ။ 
\v 6 ဇာတိသွီးသားဟှာ ဇာတိသွီးသားဟှို မွီးပေးဟှယ်။ အယ်ဘေမဲ့ ဝိညာဉ်တော်ဟှာ ဝိညာဉ်ဟှို မွီးပေးဟှယ်။ 
\v 7 ဒုတိယခါ ပ္လန်\f + \fr ၃.၇ \fr*\fq ပ္လန်၊ \fq*\ft အယ်မျိုးမှုဘဲနေဟှာ \ft*\fqa ထတ်ဟှ။\fqa*\f*မွီးရမယ် ဆိုဘီး ငါပြောဟှူကြောန့် အံ့ဩဟှားန။ 
\v 8 လေဟှာ သူလိုရှိဟှူ နေရာဟှို တိုက်လေဟှယ်။ နန်ဟှာ လေတိုက်သံဟှို ကြားရဟှယ်။ အယ်ဘေမဲ့ အယ်လေဟှာ ဖယ်နေရာဟှ လာဘီး ဖယ်နေရာဟှို သွားနေဟှယ် ဆိုဇာဟှို နန်သိဟှို့ မှုဟှ။ ဝိညာဉ်တော်အားဖြင့် မွီးဟှူလူတိုင်းဟှာလည်း အယ်မျိုးဘဲ့ဖြစ်ဟှယ်” ဆိုဘီး ပ္လန်ဖြေလေဟှယ်။
\p
\v 9 “အယ်ဇာဟှာ ဖယ်မျိုးဖြစ်နိုင်ဟှို့နူး” ဆိုဘီး နိကောဒင်ဟှ မေးဟှယ်။
\p
\v 10 ယေရှုဟှ “နန်ဟှာ ဣသရေလလူမျိုးထဲမာ ဆရာဂီးတယော့‑က်ဖြစ်ဘီး အယ်မူဇာဟှို နန်သိဟှလော။ 
\v 11 နန့်ဟှို ငါ မှန်တိုင်းပြောမယ်၊ နို့လေဟှာ သိဟှူဇာဟှို ပြောဘီး နို့လေဟှာ ဗြင်ဟှူဇာဟှို သတ်သေခံဟှယ်။ အယ်ဘေမဲ့လည်း နန်းနို့ဟှာ နို့လေရဲ့ သတ်သေခံဇာဟှို လတ်ခံရှင်ဟှူ စိမှေ့ဂေ့ဟှ။ 
\v 12 အယ်လောကနဆိုင်ဟှူ ဇာလေဟှို ငါပြောဟှူ ခီမာ နန်းနို့လေ ယောင်ကြည်ဂေ့ဟှ။ အယ်ဆိုဟှာ ကောန်းဂန်ဘောင်နဆိုင်ဟှူ ဇာလေဟှို ငါပြောဟှူ ခီမာ နန်းနို့လေ ဖယ်မျိုး ယောင်ကြည်မယ်နူး။ 
\v 13 ကောန်းဂန်ဘောင်ဟှနေ ဆင်းလာဟှူ လူ့ရဲ့သားမှတပါး ဖယ်လူလည်း ကောန်းဂန်ဘောင်ဟှို တတ်ဟှားဟှူ လူမှေ့ဟှ”\f + \fr ၃.၁၃ \fr*\ft ကိုးကားချစ်ဟှာ ခန်းငယ် ၂၁ ထိ ဖြစ်ဟှယ်။\ft*\f* ဆိုဘီး ဖြေလိုက်ဟှယ်။
\p
\v 14 မောရှေဟှာ ကန္တာရထဲမာ ကြေးဝါဗွီဟှို တိုင်ထတ်မာ ခိဟှားမျိုးဘဲ့ လူ့ရဲ့သားဟှိုလည်း ခိဟှားလေ့မယ်။ 
\v 15 အယ်ကြောန့် ကိုယ်တော့်ဟှို ယောင်ကြည်ဟှူ လူတိုင်းဟှာ ထာဝရသတ်ဟှို ရမယ်။ 
\v 16 ဘုရားသခင်ဟှာ လောကသားလေဟှို ရရာတိုင်း ရှစ်ဟှူကြောန့် သူ့ရဲ့ တပါးဒဲရှိဟှူ သားတော်ဟှို ပေးလေဟှယ်။ အယ်ကြောန့် သားတော်ဟှို ယောင်ကြည်ဟှူ လူတိုင်းဟှာ ပျစ်စီးဘဲ့န ထာဝရသတ်ဟှို ရမယ်။ 
\v 17 ဘုရားသခင်ဟှ သူ့ရဲ့သားတော်ဟှို အယ်လောကသားလေဟှို တရားစီရင်ဟှို့တွပ် စေလွှတ်လိုက်ဇာ မှုဟှ။ အယ်လောကဟှို ကယ်တန်ဟှို့တွပ် စေလွှတ်လိုက်ဟှယ်။
\p
\v 18 သားတော်ဟှို ယောင်ကြည်ဟှူ လူလေဟှာ စီရင်ခံရဟှ။ အယ်ဘေမဲ့ ယောင်ကြည်ဘဲဟှူ လူလေဟှာ ဘုရားသခင်ရဲ့ တပါးဒဲရှိဟှူ သားတော်ရဲ့ နာမဟှို ယောင်ကြည်ဘဲကြောန့် စီရင်ခံရဟှယ်။ 
\v 19 စီရင်ရှင်းရဲ့ ဘောတရားဟှ အယ်မျိုးဖြစ်ဟှယ်။ လန်းရောန်ဟှာ လောကထဲဟှို ရော့‑က်လာဟှယ်။ အယ်ဘေမဲ့ လူလေဟှာ သူးနို့ရဲ့ ကျင့်လေ ဆိုးညစ်ဟှူကြောန့် လန်းရောန်ထတ် မှောန်မိုက်ဟှို ရှစ်ဂေ့ဟှယ်။ 
\v 20 ဆိုးညစ်ဟှူ လူတိုင်းဟှာ လန်းရောန်ဟှို မူးဘီး လန်းရောန်နားဟှို လာဂေ့ဟှ။ သူးနို့ရဲ့ ဆိုးညစ်ဟှူ ကျင့်လေဟှို ထန်ရှားရှင်ဂေ့ဘဲဟှူကြောန့် ဖြစ်ဟှယ်။ 
\v 21 အယ်ဘေမဲ့ သမ္မာတရားအားဖြင့် သတ်ရှင်ဟှူ လူလေဟှာ လန်းရောန်နားဟှို လာဂေ့ဟှယ်။ အယ်ကြောန့် သူးနို့ လောက်ဆောန်ဟှူ ဇာလေဟှာ ဘုရားသခင်ရဲ့ ရှေ့တော်မာ ထန်းထန်ရှားရှားဟှား ဗြင်ရလေဟှယ်။
\s ယေရှုန ယောဟန်
\p
\v 22 အယ်ဘီးန ယေရှုဟှာ တဗဲ့တော်လေနတူးဒူ ယုဒနယ်ဟှို သွားဂေ့ဘီး အယ်နေရာမာ သူးနို့လေနတူးဒူနေဘီး ဗတ္တိဇံပေးဟှယ်။ 
\v 23 ယောဟန်ဟှာလည်း ရှာလိမ်ဗြို့နားဟှ အဲနုန်ရပ်မာ ဗတ္တိဇံပေးနေဟှယ်။ ဖြားဖြစ်ကြောန့်နူးဆိုဟှာ အယ်နေရာမာ ရေလေဘောင်ဂီးရှိဟှယ်။ လူလေဟှာ သူ့နားဟှို လာဂေ့ဘီး ဗတ္တိဇံခံဂေ့ဟှယ်။ 
\v 24 \x - \xo ၃.၂၄ \xo*\xt မ ၁၄.၃; မာ ၆.၁၇; လု ၃.၁၉,၂၀\xt*\x*အယ်မူဇာဟှာ ယောဟန် ထောန်က္လခန်မာ ဖြစ်ဟှယ်။
\p
\v 25 ယောဟန်ရဲ့ တဗဲ့တော်တချို့ဟှာ ဘာသာဓလေ့နဆိုင်ဟှူ ဆေးကြောဇာန ပတ်သက်ဘီး ယုဒလူတယော့‑က်\f + \fr ၃.၂၅ \fr*\fq ယုဒလူတယော့‑က်၊ \fq*\ft တချို့ မူရင်းလတ်ရေးမူလေမာ \ft*\fqa ယုဒလူမျိုးတချို့၊ \fqa*\ft ဆိုဘီး ရှိဟှယ်။\ft*\f*န စဘီးဟှာ ဂြင်းဂေ့ဟှယ်။ 
\v 26 အယ်ကြောန့် သူးနို့ဟှာ ယောဟန်နားဟှို သွားဘီး “ဆရာ၊ ယော်ဒန်မ္လစ် ရှေ့ဖတ်ကမ်းမာ ဆရာနတူးဒူ နေဖူးဟှူ၊ သူ့ကြောန်းဟှို သတ်သေခံဖူးဟှူလူဟှို မှတ်မိသေးဘဲ့လော။ ခု သူဟှာ ဗတ္တိဇံပေးနေဟှယ်။ လူတိုင်းဟှလည်း သူ့နားဟှို သွားနေဂေ့ဟှယ်!” ဆိုဘီး ပြောပြလေဟှယ်။
\p
\v 27 ယောဟန်ဟှ “ကောန်းဂန်ဟှနေ ပေးဟှ ဆိုဟှာ ဖယ်လူလည်းရနိုင်ဟှ။ 
\v 28 \x - \xo ၃.၂၈ \xo*\xt ယော ၁.၂၀\xt*\x*‘ငါဟှာ မေရှိယ မှုဟှ။ အယ်ဘေမဲ့ ငါ့ဟှို သူ့ရှေ့ဟှနေ စေလွှတ်လိုက်ဟှယ်’ ဆိုဘီး ငါပြောဟှားဇာလေဟှာ နန်းနို့ကိုယ်တိုင် ငါ့ရဲ့ သတ်သေခံလေ ဖြစ်ဟှယ်။ 
\v 29 ဒို့သမီးဟှို ပိုင်ဆိုင်ဟှူလူဟှာ ဒို့သားဖြစ်ဟှယ်။ အယ်ဘေမဲ့ ဒို့သားရဲ့သံဟှို ရပ်ဘီး နားထောန်နေဟှူ ဒို့သားရဲ့ မိဆွေဟှာ ဒို့သားရဲ့သံဟှို ကြားရဟှူ ခီမာ ဝန်းသာလေဟှယ်။ အယ်မျိုးဘဲ့ ငါဟှာလည်း အယ်ဝန်းသာဇာလေန ပ္လဲ့ဝနေဟှယ်။ 
\v 30 အယ်သခင်ဟှာ တိုးပွားရမယ်။ ငါဟှာ ဆုတ်ယုတ်ရမယ်” ဆိုဘီး ဖြေလေဟှယ်။
\s ကောန်းဂန်ဘောင်ဟှနေ ကြွလာဟှူသခင်
\p
\v 31 ထတ်ဟှနေ ကြွလာဟှူ သူဟှာ အားလောင်းထတ် ကီးမြတ်ဟှယ်။ မ္လေဂီးဟှနေ ဖြစ်ဟှူလူဟှာ မ္လေဂီးန ဆိုင်ဘီး မ္လေဂီးရာဟှို ပြောဟှယ်။ အယ်ဘေမဲ့ ကောန်းဂန်ဘောင်ဟှနေ ကြွလာဟှူ သခင်ဟှာ အားလောင်းထတ် ကီးမြတ်ဟှယ်။ 
\v 32 ကိုယ်တော်ဟှာ ဗြင်ဟှား၊ ကြားဟှားဇာလေဟှို ပြောဟှယ်။ အယ်ဘေမဲ့လည်း ကိုယ်တော်ရဲ့ စကားတော်ဟှို ဖယ်သူလည်း ထော့‑က်ခံဂေ့ဟှ။ 
\v 33 အယ်ဘေမဲ့ ကိုယ်တော်ရဲ့ စကားတော်လေဟှို လတ်ခံဟှူလူတိုင်းဟှ ဘုရားသခင်ဟှာ သမ္မာတရားဖြစ်ဟှယ် ဆိုဇာဟှို သိမှတ်ပြုလေဟှယ်။ 
\v 34 ဘုရားသခင် စေလွှတ်လိုက်ဟှူလူဟှာ ဘုရားသခင်ရဲ့ စကားတော်လေဟှို ပြောဟှယ်။ ဖြားဖြစ်ကြောန့်နူးဆိုဟှာ ဘုရားသခင်ဟှာ သူ့ရဲ့ ဝိညာဉ်တော်ဟှို ပ္လဲ့ဝပေးလေဟှယ်။ 
\v 35 \x - \xo ၃.၃၅ \xo*\xt မ ၁၁.၂၇; လု ၁၀.၂၂\xt*\x*ဖဟှာ သားတော်ဟှို ရှစ်တော်မူဘီး တဂိုးအာဏာ အားလောင်းဂူဟှို သားတော်ရဲ့ လတ်ထဲမာ အပ်ပေးဟှားဟှယ်။ 
\v 36 သားတော်ဟှို ယောင်ကြည်ဟှူ လူဟှာ ထာဝရသတ်ဟှို ရဘီး သားတော်ဟှို နားထောန်ဘဲဟှူ လူဟှာ သတ်ဟှို ရဘဲန ဘုရားသခင်ရဲ့ မျစ်ဒေါသအော့‑က်မာ နေရလေ့မယ်။
\c 4
\s ယေရှုန ရှမာရိမီးမ
\p
\v 1 ယေရှုဟှာ ယောဟန်ထတ် တဗဲ့တော်လေဘောင်ဂီး ဖြစ်စေဘီး ဗတ္တိဇံပေးနေဟှယ် ဆိုဇာဟှို ဖာရိရှဲလေဟှ ကြားဂေ့ဟှယ်။ 
\v 2 တဂယ်ဒန်းဆိုဟှာ ယေရှုကိုယ်တိုင်ဟှ ဖယ်လူဟှိုလည်း ဗတ္တိဇံပေးဟှ။ တဗဲ့တော်လေဟှဘဲ့ ဗတ္တိဇံပေးဂေ့ဟှယ်။ 
\v 3 အယ်ကြောန့် ယေရှုဟှာ ယုဒနယ်ဟှနေ ထွပ်ဟှားဘီး ဂါလိလဲနယ်ဟှို ပ္လန်ဟှားဘီး၊ 
\v 4 ကိုယ်တော်ဟှ ရှမာရိနယ်ဟှို ဖြတ်ဘီးဟှာ သွားရဟှယ်။
\p
\v 5 ယာကုပ်ဟှ သူ့သားယောသပ်ဟှို ပေးဟှားဟှူ မ္လေပ္လန်နား ရှမာရိနယ်ထဲဟှ ရှုခါနာမယ်ရှိဟှူဗြို့ဟှို ရော့‑က်လာဟှယ်။ 
\v 6 ယာကုပ်ရဲ့ ရေဒွမ်းဟှာ အယ်နေရာမာရှိဟှယ်။ ယေရှုဟှာ ခရီးပန်းကြောန့် ရေဒွမ်းနားမာ ထိုင်နေဟှယ်။ အယ်ခီဟှာ မွန်းဒဲ့ခီလည်းဖြစ်ဟှယ်။
\p
\v 7 ရှမာရိမီးမတယော့‑က်ဟှာ ရေခပ်ဟှို့တွပ် ရော့‑က်လာဟှူ ခီမာ ယေရှုဟှ “ငါသော့‑က်ဟှို့ ရေပေးပါ” ဆိုဘီး အယ်မီးမဟှို ပြောဟှယ်။ 
\v 8 (ကိုယ်တော်ရဲ့ တဗဲ့တော်လေဟှာ စားဇာဝယ်စားဟှို့ ဗြို့ထဲဟှို သွားဂေ့ဟှားဟှယ်။)
\p
\v 9 အယ်မီးမဟှာ “သင်ဟှ ယုဒမျိုးသားတယော့‑က် ဖြစ်ဟှယ်။ ကျွန်မဟှ ရှမာရိမျိုးသမီးတယော‑က် ဖြစ်ဟှယ်။ ဖယ်မျိုးဖြစ်ကြောန့် ရေတောန်းသော့‑က်ရနူး” ဆိုဘီး မေးလေဟှယ်။ (ယုဒလူလေဟှာ ရှမာရိလူလေ သောင်းပြုဟှူ စန်ဟန်းဇားလေဟှို သောင်းပြုလေ့မှေ့ဟှ။)\f + \fr ၄.၉ \fr*\fq ယုဒလူလေဟှာ ရှမာရိလူလေ သောင်းပြုဟှူ စန်ဟန်းဇားလေဟှို သောင်းပြုလေ့မှေ့ဟှ၊ \fq*\ft အယ်မျိုးမှုဘဲနေဟှာ \ft*\fqa ယုဒလူလေဟှာ ရှမာရိလူလေနတူးဒူ လောင်းဝ စားသော့‑က်လေ့မှေ့ဟှ။\fqa*\f*
\p
\v 10 ယေရှုဟှ “ဘုရားသခင်ရဲ့ လတ်ဆောန်န ငါသော့‑က်ဟှို့တွပ် ရေပေးပါ ဆိုဘီး တောန်းဆိုနေဟှူလူဟှာ ဖယ်သူဖြစ်ဟှယ် ဆိုဇာဟှို သိမယ် ဆိုဟှာ နန်ဟှာ အယ်လူနားမာ တောန်းလေ့မယ်။ အယ်လူဟှလည်း နန့်ဟှို သတ်ရေဟှို ပေးလေ့မယ်” ဆိုဘီး ပြောလေဟှယ်။
\p
\v 11 အယ်မီးမဟှ “ဆရာ၊ ဆရာမာ ရေခပ်ဟှို့ အန်းဗေါင်းလည်းမှေ့ဟှ။ ရေဒွမ်းဟှလည်း ရရတိုင်း နတ်ဟှယ်။ ဖယ်နေရာဟှနေ သတ်ရေဟှို ရဟှို့နူး။ 
\v 12 အယ်ရေဒွမ်းဟှာ ကျွန်မဟှားလေရဲ့ ဘိုးဘေးယာကုပ်ဟှ ကျွန်မဟှားလေဟှို ပေးဟှားဘီး သူကိုယ်တိုင်န သူ့ရဲ့သားမီးလေ၊ သိုးလေ၊ နွားလေ အားလောင်းဟှာ အယ်ရေဒွမ်းဟှ ရေဟှို သော့‑က်ဟှယ်။ ကိုယ်တော်ဟှ ကျွန်မဟှားလေရဲ့ ဘိုးဘေး ယာကုပ်ထတ် ကီးမြတ်ကြောန့်လော” ဆိုဘီး ပြောလေဟှယ်။
\p
\v 13 ယေရှုဟှ “အယ်ရေဟှို သော့‑က်ဟှူလူလေဟှာ ပ္လန်ဘီး ရေငတ်လေ့အူးမယ်။ 
\v 14 အယ်ဘေမဲ့ ငါပေးမယ့်ရေဟှို သော့‑က်ဟှူလူလေဟှာ ပ္လန်ဘီး ရေငတ်လေ့မယ် မှုဟှ။ ငါပေးမယ့်ရေဟှာ သူးနို့ထဲမာ သတ်စမ်းရေဗော့‑က် ဖြစ်ဟှားဘီး သူးနို့ဟှို ထာဝရသတ်ဟှို ပေးလေ့မယ်” ဆိုဘီး ပ္လန်ဖြေဟှယ်။
\p
\v 15 အယ်မီးမဟှ “ဆရာ၊ အယ်ရေဟှို ကျွန်မဟှို ပေးပါ! အယ်ဆိုဟှာ ကျွန်မဟှာ ပ္လန်ဘီး ရေငတ်ဟှို့မှုဘီ အယ်နေရာဟှို လာဘီး ရေခပ်ဇာလည်း လိုဟှမ်း” ဆိုဘီး ပြောဟှယ်။
\p
\v 16 ယေရှုဟှ “သွားဘီး နန့်လန်ဟှို ခေါ်ဘီးဟှာ ပ္လန်လာခဲ့ပါ” ဆိုဘီး အယ်မီးမဟှို ပ္လန်ပြောဟှယ်။
\p
\v 17 “ကျွန်မမာ လန်မှေ့ဟှ” ဆိုဘီး အယ်မီးမဟှ ဖြေဟှယ်။
\p ယေရှုဟှ “နန့်မာ လန်မှေ့ဟှ ဆိုဘီး ပြောဇာဟှာ မှန်ဟှယ်။ 
\v 18 နန့်မာ လန်ငါးယော့‑က်ရှိဖူးဟှယ်။ ခု နန့်နတူးဒူနေဟှူ လန်ဟှာလည်း နန့်လန်စစ်စစ် မှုဟှ။ နန်ဟှာ ငါ့ဟှို မှန်ဟှူ စကားဟှို ပြောဟှယ်” ဆိုဘီး ပ္လန်ပြောလေဟှယ်။
\p
\v 19 “ဆရာ၊ ဆရာဟှာ ပရောဖက်ဖြစ်ဟှယ် ဆိုဇာဟှို ကျွန်မသိဟှားဘီ။ 
\v 20 ကျွန်မဟှားလေရဲ့ ဘိုးဘေလေဟှာ အယ်တောန်ထတ်မာ ဘုရားသခင်ဟှို ကိုးကွယ်ဂေ့ဟှယ်။ အယ်ဘေမဲ့ ဆရာရဲ့ ယုဒလူလေဟှာ ယေရုရှလင်ဗြို့မာဘဲ့ ဘုရားသခင်ဟှို ကိုးကွယ်ရမယ် ဆိုဘီး ပြောဂေ့ဟှယ်” ဆိုဘီး အယ်မီးမဟှ ပြောဟှယ်။
\p
\v 21 ယေရှုဟှ “ဝှေ့မီးမ၊ ငါ့ဟှို ယောင်ကြည်ပါ။ အယ်တောန်ထတ်ဟှိုရော၊ ယေရုရှလင်ဗြို့ဟှိုရော လာဘဲန ဖဟှို ကိုးကွယ်ရဟှို့ခီ ရော့‑က်လာလေ့မယ်။ 
\v 22 ကယ်တန်ခြင်းဟှာ ယုဒလူလေဟှနေတဆင့် ရော့‑က်လာဟှူကြောန့် နို့ယုဒလူလေဟှာ နို့လေကိုးကွယ်ဟှူဇာဟှို သိဟှယ်။ အယ်ဘေမဲ့ နန်းနို့ရှမာရိလူလေဟှာ နန်းနို့ကိုးကွယ်ဇာဟှို မှန်သိဂေ့ဟှ။ 
\v 23 စစ်မှန်ဟှူ ကိုးကွယ်သူလေဟှာ ဝိညာဉ်နရော၊ သစ်စာနရော ဖဟှို ကိုးကွယ်ရမယ့်ခီဟှာ ရော့‑က်လာလေ့မယ်။ အယ်ဘေမဲ့ ခုဘဲ့ရော့‑က်နေဘီ။ အယ်မျိုး ကိုးကွယ်သူလေဟှို ဖဟှ လိုရှင်ဟှယ်။ 
\v 24 ဘုရားသခင်ဟှာ ဝိညာဉ်ဖြစ်ဟှူကြောန့် ကိုယ်တော့်ဟှို ကိုးကွယ်သူလေဟှာ ဝိညာဉ်နရော၊ သမ္မာတရားနရော ကိုးကွယ်ရမယ်” ဆိုဘီး အယ်မီးမဟှို ပြောလေဟှယ်။
\p
\v 25 အယ်မီးမဟှ “ခရစ်တော် ဆိုဘီး ခေါ်ဟှူ မေရှိယကြွလာမယ် ဆိုဇာဟှို ကျွန်မသိဟှယ်။ ကြွလာဟှူ ခီမာ ကျွန်မဟှားလေဟှို အားလောင်းဂူ ပြောပြလေ့မယ်” ဆိုဘီး ကိုယ်တော့်ဟှို လျှော့‑က်ဟှယ်။
\p
\v 26 ယေရှုဟှ “နန့်နတူးဒူ စကားပြောနေဟှူ ငါဟှာ မေရှိယဖြစ်ဟှယ်” ဆိုဘီး မိန့်တော်မူလေဟှယ်။
\p
\v 27 အယ်ခီမာဘဲ့ ယေရှုရဲ့ တဗဲ့တော်လေဟှာ ပ္လန်ရော့‑က်လာဟှယ်။ ကိုယ်တော်ဟှာ မီးမတယော့‑က်န စကားပြောနေဇာဟှို သူးနို့လေဟှာ တွိလိုက်ကြောန့် ရရာတိုင်း အံ့ဩဟှားဂေ့ဟှယ်။ အယ်ဘေမဲ့ “ဖြားဇာလိုရှင်ဟှိနူး” ဆိုဘီး အယ်မီးမဟှို ဖယ်လူလည်းမေးဂေ့ဟှ။ “ဖြားဖြစ်ကြောန့် အယ်မီးမန စကားပြောနေရနူး” ဆိုဘီးလည်း ကိုယ်တော့်ဟှို ဖယ်လူလည်းမေးဂေ့ဟှ။
\p
\v 28 အယ်ဘီးန မီးမဟှာ ရေအိုးဟှို ထားရစ်ဘီး ဗြို့ထဲဟှို ပ္လန်ဟှားဘီးဟှာ 
\v 29 “ကျွန်မလောက်ဟှားဟှူဇာလေ အားလောင်းဂူဟှို ပြောပြသူဟှို လာဘီးကေ့ကေ့။ အယ်သူဟှာ မေရှိယဘဲ့လော” ဆိုဘီး လူလေဟှို ပြောလေဟှယ်။ 
\v 30 အယ်ကြောန့် သူးနို့လေဟှာ ဗြို့ထဲဟှထွပ်ဟှားဘီး ယေရှုနားဟှို သွားဂေ့ဟှယ်။
\p
\v 31 အယ်ခီမာဘဲ့ တဗဲ့တော်လေဟှာ ယေရှုဟှို “ဆရာ၊ တခုခုစားပါအူး!” ဆိုဘီး တောန်းလျှော့‑က်နေဂေ့ဟှယ်။
\p
\v 32 အယ်ဘေမဲ့ ယေရှုဟှ “နန်းနို့သိဘဲဟှူ စားဇာဟှာ ငါ့မာရှိဟှယ်” ဆိုဘီး ဖြေလေဟှယ်။
\p
\v 33 အယ်ကြောန့် တဗဲ့တော်လေဟှ “ကိုယ်တော့်ဟှို ယော့‑က်ယော့‑က်ဟှ စားဇာလေဟှို လာပို့ဟှားလော” ဆိုဘီး သူးနို့ရှင်းရှင်း စဘီးမေးနေဂေ့ဟှယ်။
\p
\v 34 ယေရှုဟှ “ငါ့ဟှို စေလွှတ်ဟှူသူရဲ့ လိုတော်ဟှို လိုက်နာဘီး သူလောက်ခိုင်းဟှားဟှူ လောက်ဟှို ပီးအောန်လောက်ဇာဟှာ ငါ့စားဇာဖြစ်ဟှယ်။ 
\v 35 နန်းနို့ဟှ ‘လေးလကြာဘီးန ရိသီးခီရော့‑က်လေ့မယ်’ ဆိုဘီး ပြောဂေ့ဟှယ်။ အယ်ဘေမဲ့ နန်းနို့ဟှို ငါ မှန်တိုင်းပြောမယ်၊ လဲဗ္လန်လေဟှို ကေ့လိုက်။ ခု ရိသီးဟှို့ သီးနှံလေဟှာ မှည့်နေဘီ! 
\v 36 ရိသီးမားဟှာ ခဟှို ယူဘီး ထာဝရသတ်တွပ် သီးနှံလေဟှို စုသီးဟှယ်။ အယ်ကြောန့် စိုက်မားန ရိသီးမားလေဟှာ တူးဒူဝန်းသာဂေ့လေ့မယ်။ 
\v 37 အယ်ကြောန့် ‘တယော့‑က်ဟှ စိုက်ဟှယ်။ တယော့‑က်ဟှ ရိသီးဟှယ်’ ဆိုဘီး ပြောဟှားဇာဟှာ မှန်ဖြစ်ဟှားဘီ။ 
\v 38 နန်းနို့စိုက်ဘဲဟှူ လဲဗ္လန်မာ သီးနှံလေဟှို ရိသီးဟှို့ နန်းနို့ဟှို ငါစေလွှတ်လိုက်ဟှယ်။ တခြားလူလေဟှ လောက်ရဘီး နန်းနို့ဟှ ကျိုးခံစားရဟှယ်” ဆိုဘီး သူးနို့ဟှို ပြောလေဟှယ်။
\p
\v 39 အယ်မီးမဟှ “အယ်လူဟှာ ကျွန်မလောက်ဟှားဇာလေ အားလောင်းဂူဟှို ပြောပြဟှယ်” ဆိုဘီး သတ်သေခံဟှူကြောန့် အယ်ဗြို့မာရှိဟှူ ရှမာရိလူလေ ဘောင်ဂီးဟှာ ယေရှုဟှို ယောင်ကြည်ဟှားဂေ့ဟှယ်။ 
\v 40 အယ်ကြောန့် ရှမာရိလူလေဟှာ ကိုယ်တော်နားဟှို လာဟှူ ခီမာ သူးနို့ဟှာ ကိုယ်တော့်ဟှို သူးနို့နတူးဒူနေဟှို့ တောန်းလျှော့‑က်ဂေ့ဟှယ်။ အယ်န ကိုယ်တော်ဟှာ အယ်နေရာမာ နှေ့ရစ်နေလေဟှယ်။
\p
\v 41 လူလေဘောင်ဂီးဟှာ ကိုယ်တော်ရဲ့ တရားစကားကြောန့် ယောင်ကြည်လာဂေ့ဘီး 
\v 42 သူးနို့ဟှ “ခု နို့လေ ယောင်ကြည်ဟှားဇာဟှာ နန်ပြောကြောန့် မှုဟှ။ အယ်ဘေမဲ့ နို့လေကိုယ်တိုင် ကိုယ်တော်ရဲ့ တရားစကားဟှို ကြားဟှိကြောန့် အယ်သူဟှာ လောကရဲ့ စစ်မှန်ဟှူ ကယ်တန်ရှင် ဖြစ်ဟှယ် ဆိုဇာဟှို နို့လေသိဟှားဘီ” ဆိုဘီး အယ်မီးမဟှို ပြောပြဂေ့ဟှယ်။
\s ယေရှုဟှ ရာရှိရဲ့ သားတယော့‑က်ဟှို နာပျော့‑က်စေကြောန်း
\p
\v 43 နှေ့ရစ်နေဘီးန ယေရှုဟှာ အယ်နေရာဟှနေ ထွပ်ဟှားဘီး ဂါလိလဲနယ်ဟှို ကြွတော်မူလေဟှယ်။ 
\v 44 \x - \xo ၄.၄၄ \xo*\xt မ ၁၃.၅၇; မာ ၆.၄; လု ၄.၂၄\xt*\x*ယေရှုကိုယ်တိုင်ဟှ “ပရောဖက်လေဟှာ သူးနို့ရဲ့ ဗြို့မာ လေးစားခံရဂေ့ဟှ” ဆိုဘီး မိန့်တော်မူလေဟှယ်။ 
\v 45 \x - \xo ၄.၄၅ \xo*\xt ယော ၂.၂၃\xt*\x*ကိုယ်တော်ဟှာ ဂါလိလဲနယ်ဟှို ရော့‑က်လာခီမာ လူလေဟှာ ကိုယ်တော့်ဟှို ကြိုဆိုဂေ့ဟှယ်။ ဖြားဖြစ်ကြောန့်နူးဆိုဟှာ ယေရုရှလင်ဗြို့ဟှ ပသခါပွဲဟှို သူးနို့ရော့‑က်ဟှားဂေ့ဘီး အယ်ပွဲတော်မာ ကိုယ်တော် လောက်ဟှူဇာလေ အားလောင်းဟှို ဗြင်ဟှားဂေ့ဟှယ်။
\p
\v 46 \x - \xo ၄.၄၆ \xo*\xt ယော ၂.၁–၁၁\xt*\x*အယ်ဘီးန ယေရှုဟှာ ရေဟှနေ ဝိုင်ဖြစ် ပ္လောန်းလဲဟှားဟှူ ဂါလိလဲနယ် ကာနဗြို့ဟှို ပ္လန်ဟှားဟှယ်။ ကပေရနောင်ဗြို့ဟှ ရာရှိတယော့‑က်ရဲ့ သားဟှာ နေကောန်းဘဲဖြစ်နေဟှယ်။ 
\v 47 ယုဒနယ်ဟှနေ ဂါလိလဲနယ်ဟှို ယေရှုရော့‑က်လာဟှယ် ဆိုဇာဟှို အယ်ရာရှိဟှာ ကြားဟှားခီမာ ကိုယ်တော်နားဟှို သွားဘီး သေခါနီးဖြစ်နေဟှူ သူ့သားရဲ့ နာဟှို ပျော့‑က်စေဟှို့တွပ် တောန်းလျှော့‑က်လေဟှယ်။ 
\v 48 ယေရှုဟှ “နန်းနို့ဟှာ အံ့ဩဘွယ်ရာလေန နိမိတ်လတ်ခဏာလေဟှို ဗြင်ရဘဲ ဆိုဟှာ ယောင်ကြည်ဂေ့ဟှို့ မှုဟှ” ဆိုဘီး သူ့ဟှို ပြောလေဟှယ်။
\p
\v 49 ရာရှိဟှ “ဆရာ၊ ကျွန်တော့်သား သေခန် ကျွန်တော်နတူးဒူ လိုက်ပါ” ဆိုဘီး ပ္လန်လျှော့‑က်လေဟှယ်။
\p
\v 50 ယေရှုဟှ “သွားလိုက်ပါ။ နန့်ရဲ့သား သတ်ရှင်ဟှားလေ့မယ်” ဆိုဘီး သူ့ဟှို ပြောလေဟှယ်။
\p အယ်လူဟှာ ယေရှုရဲ့ စကားတော်ဟှို ယောင်ကြည်ဘီး သွားလိုက်ဟှယ်။ 
\v 51 အီပ္လန်လမ်းမာ သူ့ရဲ့ စေခံလေဟှ သူ့ဟှိုတွိဟှူ ခီမာ “သခင်ရဲ့သားဟှာ သတ်ရှင်ဟှားဘီ!” ဆိုဘီး ပြောဂေ့ဟှယ်။
\p
\v 52 သူဟှာ သူ့ရဲ့သား နာပျော့‑က်ဟှားခီဟှို စေခံလေဟှို မေးခီမာ သူးနို့လေဟှ “နတ်ကီးမွန်းဒဲ့တနာရီမာ နာပျော့‑က်ဟှားဟှယ်” ဆိုဘီး ဖြေဂေ့လေဟှယ်။ 
\v 53 အယ်ခီဟှာ “နန့်ရဲ့သား သတ်ရှင်ဟှားဘီ” ဆိုဘီး ယေရှုပြောလိုက်ဟှူ ခီဖြစ်ဟှယ် ဆိုဇာဟှို ဖဟှာ ဒိရဟှားလေဟှယ်။ အယ်ကြောန့် သူ့န သူ့ရဲ့အီသား အားလောင်းဟှာ ယောင်ကြည်ဂေ့ဟှယ်။
\p
\v 54 အယ်မူဇာဟှာ ယုဒနယ်ဟှနေ ဂါလိလဲနယ်ဟှို ရော့‑က်လာဘီးန ယေရှုလောက်ဟှူ ဒုတိယနိမိတ်လတ်ခဏာဖြစ်ဟှယ်။
\c 5
\s ရေကန်နားမာ ကျန်းမာစေဟှူကြောန်း
\p
\v 1 အယ်ဘီးန ယုဒလူလေရဲ့ ဘာသာရေးပွဲတော် ရှိဟှူကြောန့် ယေရှုဟှာ ယေရုရှလင်ဗြို့ဟှို သွားလေဟှယ်။ 
\v 2 ယေရုရှလင်ဗြို့ သိုးခွဗော့‑က်နားမာ မုခ်ဦးဆောန် ငါးဆောန်ရှိဟှူ ရေကန်တကန်ရှိဟှယ်။\f + \fr ၅.၂ \fr*\fq ယေရုရှလင်ဗြို့ သိုးခွဗော့‑က်နားမာ မုခ်ဦးဆောန် ငါးဆောန်ရှိဟှူ ရေကန်တကန်ရှိဟှယ်၊ \fq*\ft အယ်မျိုးမှုဘဲနေဟှာ \ft*\fqa သိုးရေကန်နားမာ သိုးခွဗော့‑က်ရှိဟှယ်။\fqa*\f* ဟေဗြဲစကားန ဗေသေဇာသ\f + \fr ၅.၂ \fr*\fq ဗေသေဇာသ၊ \fq*\ft တချို့ မူရင်းလတ်ရေးမူမာ \ft*\fqa ဗေသေသဒ၊ \fqa*\ft ဆိုဘီး ရှိဟှယ်။\ft*\f* ဆိုဘီး ခေါ်ဟှယ်။ 
\v 3 အယ်မုခ်ဦးဆောန်လေထဲမာ မျစ်စိကန်းဟှူလူ၊ ခေသန်ဘဲဟှူလူန လေဖြတ်ဟှူလူလေ ဘောင်ဂီးဟှာ လှဲလျောင်းနေဂေ့ဟှယ်။ 
\v 4 \f + \fr ၅.၄ \fr*\ft တချို့ မူရင်းလတ်ရေးမူမာ ခန်းငယ် ၃ခ–၄ ဟှို၊ \ft*\fqa သူးနို့ဟှာ ရေလောက်ရှားဇာဟှို စောန့်နေဟှယ်၊ \+fv ၄\+fv* ဖြားဖြစ်ကြောန့်နူးဆိုဟှာ ဘုရားသခင်ရဲ့ ကောန်းဂန်တမန်ဟှာ တခါတလေမာ ရေကန်ထဲဟှို ဆင်းလာဘီး ရေဟှို မွှီလေဟှယ်။ ရေဟှို မွှီးဟှားဘီးန ရေကန်ထဲဟှို ဦးဆောင်းဆင်းနိုင်ဟှူလူဟှာ ရောဂါပျော့‑က်ဟှားဟှယ်၊ \fqa*\ft ဆိုဘီး ထပ်ပေါန်းထဲ့ဟှားဟှယ်။\ft*\f* 
\v 5 အယ်နေရာမာ သောင်းဆယ်ရှစ်နှစ် လောင်းလောင်း နာဇားနေဟှူ လူတယော့‑က် ရှိဟှယ်။ 
\v 6 လှဲလျောင်းနေဟှူ အယ်လူဟှို ယေရှုဟှ ဗြင်လိုက်ဘီး ခီကြာဂီး နာဇားနေရဟှယ် ဆိုဇာဟှို သိဟှူကြောန့် ကိုယ်တော်ဟှ “နန့်အနာပျော့‑က်ရှင်လော” ဆိုဘီး သူ့ဟှို မေးလေဟှယ်။
\p
\v 7 နာဇားနေဟှူလူဟှ “ဆရာ၊ ရေဟှို လာမွှီဟှူ ခီမာ ကျွန်တော့်ဟှို ရေကန်ထဲဟှို ခ္လပေးဟှို့လူမှေ့ဟှ။ ကျွန်တော်ဟှာ ရေကန်ထဲဟှို ဆင်းဟှို့လောက်နေဒူးမာ တခြားတယော့‑က်ဟှ ဦးဆောင်းဆင်းဟှားလေဟှယ်” ဆိုဘီး ဖြေလေဟှယ်။
\p
\v 8 ယေရှုဟှ “ထဒန်၊ နန့်ထမ်းစင်ဟှို ကော့‑က်ဘီးဟှာ လမ်းရှော့‑က်ဟှားလိုက်” ဆိုဘီး သူ့ဟှို ပြောလေဟှယ်။ 
\v 9 အယ်လူဟှာ ရှင်းရှင်းဘဲ့ နာပျော့‑က်ဟှားဘီး သူ့အိယာဟှို ကော့‑က်ဘီး လမ်းရှော့‑က်ဟှားဟှယ်။
\p အယ်မျိုးဖြစ်ဟှားဟှူ နေ့ဟှာ ဒန်းနေ့ဖြစ်ဟှယ်။ 
\v 10 အယ်ကြောန့် ယုဒအာဏာပိုင်လေဟှာ “အယ်နေ့ဟှာ ဒန်းနေ့ဖြစ်ဟှယ်။ နန်ဟှာ နန့်ရဲ့အိယာဟှို ကော့‑က်နေဇာဟှာ နို့လေရဲ့ ပညတ်တော်ဟှို ဆန့်ကျင်နေဇာဘဲ့” ဆိုဘီး နာပျော့‑က်ဟှားဟှူ လူဟှို ပြောဂေ့ဟှယ်။
\p
\v 11 သူဟှ “ကျွန်တော့်ဟှို ကျန်းမာစေဟှူလူဟှ အိယာကော့‑က်ဘီးဟှာ လမ်းရှော့‑က်ဟှားလိုက် ဆိုဘီး ကျွန်တော့်ဟှို ပြောဟှယ်” ဆိုဘီး ပ္လန်ဖြေလေဟှယ်။
\p
\v 12 သူးနို့ဟှ “နန့်ဟှို အယ်မျိုးလောက်ဟှို့ ပြောဟှူလူဟှ ဖယ်သူနူး” ဆိုဘီး သူ့ဟှို မေးဂေ့ဟှယ်။
\p
\v 13 အယ်ဘေမဲ့ နာပျော့‑က်ဟှားဟှူလူဟှ အယ်မျိုး လောက်ခိုင်းဟှူလူဟှာ ယေရှုဖြစ်ဟှယ် ဆိုဇာဟှို သိဂေ့ဟှ။ အယ်နေရာမာ လူအောက်ဂီးရှိနေဟှူကြောန့် ယေရှုဟှလည်း တိတိဟှား ထွပ်ဟှားလေဟှယ်။
\p
\v 14 အယ်ဘီးန ယေရှုဟှာ သူ့ဟှို ဗိမာန်တော်ထဲမာ တွိဟှူ ခီမာ “နားထောန်၊ နန်ဟှာ ခု နာပျော့‑က်ဟှားဘီ အယ်ကြောန့် ပြစ်လောက်ဇာလေဟှို ရပ်လိုက် အယ်မျိုးမှုဘဲနေဟှာ အယ်ထတ်ဆိုးဇာလေဟှာ နန့်မာ ဖြစ်လေ့မယ်” ဆိုဘီး ပြောလေဟှယ်။
\p
\v 15 အယ်ဘီးန အယ်လူဟှာ ထွပ်ဟှားဘီး သူ့ဟှို နာပျော့‑က်စေဟှူလူဟှာ ယေရှုဖြစ်ဟှယ် ဆိုဘီး ယုဒအာဏာပိုင်လေဟှို ပြောပြလိုက်ဟှယ်။ 
\v 16 အယ်ကြောန့် ဒန်းနေ့မာ အယ်မျိုး နာပျော့‑က်အောန် လောက်ပေးကြောန့် ယုဒခေါန်းဆောန်လေဟှာ ယေရှုဟှို စဘီးဟှာ ညှင်းဆဲဂေ့ဟှယ်။ 
\v 17 ယေရှုဟှာ “ငါ့ဖဟှာ မြဲဒမ်း လောက်လောက်ဟှူကြောန့် ငါလည်း လောက်လောက်ဟှယ်” ဆိုဘီး သူးနို့ဟှို ပ္လန်ဖြေလေဟှယ်။
\p
\v 18 အယ်မျိုးပြောလိုက်ကြောန့် ယုဒအာဏာပိုင်လေ အားလောင်းဟှာ ကိုယ်တော့်ဟှို သတ်ဟှို့ ပိုဘီး ကြိုးစားဂေ့ဟှယ်။ ဖြားဖြစ်ကြောန့်နူးဆိုဟှာ ယေရှုဟှာ ဒန်းနေ့ဟှို ခ္လိုးဖော့‑က်ဟှယ်။ ဘုရားသခင်ဟှို မိမိရဲ့ဖ ဆိုဘီး ခေါ်ဟှယ်။ သူ့ကိုယ်သူ ဘုရားသခင်န တတန်းဒဲထားဟှယ်။
\s သားတော်ရဲ့ ခွမ့်အာဏာ
\p
\v 19 အယ်ကြောန့် ယေရှုဟှ “နန်းနို့ဟှို ငါ မှန်တိုင်းပြောမယ်၊ သားတော်ဟှာ သူ့လိုလို ဖြားလည်းလောက်နိုင်ဟှ။ ဖလောက်ဟှူ ဇာလေဟှို ဗြင်ဟှူအတိုင်းဘဲ့ လောက်ဇာဖြစ်ဟှယ်။ ဖလောက်ဟှူမျိုး သားတော်ဟှလည်း လောက်ဂေ့ဟှယ်။ 
\v 20 ဖဟှ သားတော်ဟှို ရှစ်ဟှူကြောန့် ဖကိုယ်တိုင် လောက်နေဇာလေ အားလောင်းဟှို သားတော်ဟှို ပြဟှယ်။ အယ်မူဇာထတ် ရရာတိုင်း ကီးဟှူဇာလေဟှို လောက်ဟှို့ ဖဟှ သားတော်ဟှို ပြအူးမယ်။ အယ်ဆိုဟှာ နန်းနို့အားလောင်းဟှာ အံ့ဩဟှားလေ့မယ်။ 
\v 21 ဖဟှာ လူသေလေဟှို ထမြော့‑က်စေဘီး ပ္လန်ရှင်စေမျိုးဘဲ့ သားတော်ဟှာလည်း မိမိလိုရှင်ဟှူ လူလေဟှို ပ္လန်ရှင်စေမယ်။ 
\v 22 ဖဟှာ ဖယ်လူဟှိုလည်း တရားစီရင်ဟှ။ ဖဟှာ သားတော်ဟှို တရားစီရင်ခွမ့် အားလောင်းဟှို ပေးအပ်ဟှားဟှယ်။ 
\v 23 အယ်ကြောန့် လူလေ အားလောင်းဂူဟှာ ဖဟှို ရိုသေမျိုးဘဲ့ သားတော်ဟှိုလည်း ရိုသေရမယ်။ သားတော်ဟှို ရိုသေဟှ ဆိုဟှာ သားတော်ဟှို စေလွှတ်ဟှူ ဖဟှိုလည်း ရိုသေဟှ။”
\p
\v 24 “နန်းနို့ဟှို ငါ မှန်တိုင်းပြောမယ်၊ ငါ့စကားတော်လေဟှို ကြားဘီး ငါ့ဟှို စေလွှတ်ဟှူ ဖဟှို ယောင်ကြည်ဟှူလူဟှာ ထာဝရသတ်ရမယ်။ သူးနို့ဟှာ တရားစီရင်ခံရဘဲန သေရာဟှနေ သတ်ရှင်ရာဟှို ကူးဟှားဘီဖြစ်ဟှယ်။ 
\v 25 နန်းနို့ဟှို ငါ မှန်တိုင်းပြောမယ်၊ လူသေလေဟှာ ဘုရားသခင်သားတော်ရဲ့ သံဟှို ကြားရဟှို့ခီဟှာ ရော့‑က်နေဘီ။ အယ်ခီဟှာ ရော့‑က်နေဘီ သားတော်ရဲ့ သံဟှို ကြားရဟှူ လူလေဟှာ သတ်ရှင်ရလေ့မယ်။ 
\v 26 ဖကိုယ်တိုင်ဟှာ သတ်ရဲ့ ရင်းမြစ်ဖြစ်ဟှူမျိုးဘဲ့ သားတော်ဟှိုလည်း သတ်ရဲ့ ရင်းမြစ်ဖြစ်စေဟှယ်။ 
\v 27 သားတော်ဟှာ လူ့ရဲ့သားဖြစ်ဟှူကြောန့် တရားစီရင်ခွမ့်ဟှို အပ်ပေးလေဟှယ်။ 
\v 28 အယ်မူဇာဟှို အံ့ဩဂေ့န။ သန်းခ္လိုင်းထဲဟှ လူသေလေ အားလောင်းဟှာ သားတော်ရဲ့ သံဟှို ကြားရဟှို့ ခီရော့‑က်လာနေဘီ 
\v 29 အယ်ဘီးဟှာ သူးနို့ရဲ့ သန်းခ္လိုင်းထဲဟှ ထွပ်ရမယ်။ ကောန်းဇာလောက်ဟှူ လူလေဟှာ ထမြော့‑က်ဘီး သတ်ရှင်လေ့မယ်။ ကောန်းဘဲဇာလောက်ဟှူ လူလေဟှာ ထမြော့‑က်ဘီး ပြစ်စီရင်ခံရမယ်။
\s ယေရှုကြောန်း သတ်သေခံသူလေ
\p
\v 30 “ငါဟှာ ငါ့ရဲ့ ခွမ့်အာဏာန ဖြားလည်းလောက်နိုင်ဟှ။ ငါဟှာ ဘုရားသခင် ပြောဟှားတိုင်းဘဲ့ တရားစီရင်ဟှယ်။ အယ်ကြောန့် ငါ့ရဲ့ တရားစီရင်ဇာဟှာ မှန်ဟှယ်။ ဖြားဖြစ်ကြောန့်နူးဆိုဟှာ ငါရဲ့ လိုတိုင်းလောက်ဟှ။ ငါ့ဟှို စေလွှတ်ဟှူ ဖရဲ့ လိုတိုင်းဘဲ့ လောက်ဟှယ်။
\p
\v 31 “ငါဟှာ ငါ့ရဲ့ကြောန်းဟှို သတ်သေခံမယ် ဆိုဟှာ ငါ့ရဲ့ သတ်သေခံချစ်ဟှာ မှန်ဖြစ်ဟှို့ မှုဟှ။ 
\v 32 အယ်ဘေမဲ့ ငါ့ကြောန်းဟှို သတ်သေခံပေးမယ့် လူတယော့‑က် ရှိဟှယ်။ အယ်လူပြောဟှူ ငါ့ကြောန်းဟှာ မှန်ဖြစ်ဟှယ် ဆိုဇာဟှို ငါသိဟှယ်။ 
\v 33 \x - \xo ၅.၃၃ \xo*\xt ယော ၁.၁၉–၂၇; ၃.၂၇–၃၀\xt*\x* နန်းနို့ဟှာ ယောဟန်နားဟှို တမန်လေဟှို စေလွှတ်ဟှယ်။ သူဟှာ သမ္မာတရားဟှို သတ်သေခံဟှယ်။ 
\v 34 လူရဲ့သတ်သေခံချစ်ဟှို ငါခံယူဇာ မှုဟှ။ နန်းနို့ကယ်တန်ခံရဟှို့တွပ် အယ်မျိုး ငါပြောဟှယ်။ 
\v 35 ယောဟန်ဟှာ တော့‑က်လောန်ဘီး လန်းနေဟှူ မီးအီနတူဟှယ်။ နန်းနို့ဟှာ သူ့ရဲ့ လန်းရောန်ထဲမာ ရှစ်ဟှားဘဲ့ ပျော်ဟှို့ ဆန္ဒရှိဂေ့ဟှယ်။ 
\v 36 အယ်ဘေမဲ့ ယောဟန်ရဲ့ သတ်သေထတ် ကီးမြတ်ဟှူ သတ်သေဟှာ ငါ့မာရှိဟှယ်။ ငါ့ဖဟှ ငါ့ဟှို ပေးအပ်ဟှူ ဇာလေဟှို ခု ငါပြီးမြော့‑က်အောန် လောက်ဆောန်နေဇာဟှာ ငါ့ဟှို ငါ့ဖဟှ စေလွှတ်ဟှယ် ဆိုဇာဟှို သတ်သေခံနေဟှယ်။ 
\v 37 \x - \xo ၅.၃၇ \xo*\xt မ ၃.၁၇; မာ ၁.၁၁; လု ၃.၂၂\xt*\x*ငါ့ဟှို စေလွှတ်ဟှူ ဖဟှလည်းဘဲ့ ငါ့ကြောန်းဟှို သတ်သေခံဟှယ်။ နန်းနို့ဟှာ ဖရဲ့ သံတော်ဟှို ကြားဖူးဂေ့ဟှ။ မျစ်နှာတော်ဟှိုလည်း ဗြင်ဖူးဂေ့ဟှ၊ 
\v 38 အယ်ဘီးဟှာ ဖစေလွှတ်ဟှူလူဟှို ယောင်ကြည်ဘဲကြောန့် စကားတော်ဟှာ နန်းနို့ရဲ့ စိနှလောင်းထဲမာ မှေ့ဟှ။ 
\v 39 နန်းနို့ဟှာ ထာဝရသတ်ဟှို တွိလေ့မယ် ထန်ဘီး ကျမ်းစာလေဟှို လေ့လာဂေ့ဟှယ်။ အယ်ကျမ်းစာလေဟှ ငါ့ကြောန်းဟှို သတ်သေခံဟှားဟှယ်! 
\v 40 အယ်ဘေမဲ့ နန်းနို့ဟှာ သတ်ရဟှို့တွပ် ငါ့နားဟှို လာရှင်ဟှူ ဆန္ဒမှေ့ဟှ။
\p
\v 41 “ငါဟှာ လူလေရဲ့ ချီးမွမ်းဇာဟှို ရှာဟှ။ 
\v 42 အယ်ဘေမဲ့ နန်းနို့ဟှာ ဖြားမျိုးလူဇားလေဖြစ်ဟှယ် ဆိုဇာဟှို ငါသိဟှယ်။ နန်းနို့မာ ဘုရားသခင်ဟှို ရှစ်ဟှူ နှလောင်းသားမှေ့ဟှ ဆိုဇာဟှိုလည်း ငါသိဟှယ်။ 
\v 43 ငါဟှာ ငါ့ဖရဲ့ ခွမ့်အာဏာန ရော့‑က်လာဟှယ်။ အယ်ဘေမဲ့ နန်းနို့ဟှ ငါ့ဟှို လတ်ခံဂေ့ဟှ။ အယ်ဘေမဲ့လည်း တခြားလူတယော့‑က်ဟှာ သူ့ကိုယ်ပိုင်ခွမ့်အာဏာန ရော့‑က်လာမယ် ဆိုဟှာ နန်းနို့လတ်ခံလေ့မယ်။ 
\v 44 နန်းနို့ဟှာ ယော့‑က်နယော့‑က် ချီးမွမ်းခံရဇာဟှို့ဘဲ့ ကြိုက်ဂေ့ဟှယ်။ အယ်ဘေမဲ့ တပါးဒဲရှိဟှူ ဘုရားသခင်ထံဟှ ချီးမွမ်းခံရဟှို့ ကြိုးစားဂေ့ဘဲဟှူ နန်းနို့လေဟှာ ငါ့ဟှို ဖယ်မျိုး ယောင်ကြည်နိုင်ဂေ့မယ်နူး။ 
\v 45 အယ်ဘီးဟှာ ငါဟှ နန်းနို့ဟှို ငါ့ဖရှေ့မာ စွပ်စွဲလေ့မယ် ဆိုဇာဟှို ထန်ဂေ့န။ နန်းနို့ဟှို စွပ်စွဲမယ့်လူဟှ နန်းနို့ မျှော်လင့်အားကိုးဟှူ မောရှေဘဲ့ဖြစ်ဟှယ်။ 
\v 46 မောရှေဟှာ ငါ့ကြောန်းဟှို ရေးဟှားဟှူကြောန့် နန်းနို့ဟှာ မောရှေဟှို ယောင်ကြည်ဟှယ် ဆိုဟှာ ငါ့ဟှိုလည်း ယောင်ကြည်ဂေ့လေ့မယ်။ 
\v 47 အယ်ဘေမဲ့ မောရှေရေးဟှားဟှူ ကျမ်းစာလေဟှိုမှ ယောင်ကြည်ဟှ ဆိုဟှာ ငါ့စကားတော်လေဟှိုလည်း ဖယ်မျိုး ယောင်ကြည်နိုင်ဟှို့နူး။”
\c 6
\s ယေရှုဟှ လူငါးထောန်ဟှို ကျွေးမွေးတော်မူဟှူကြောန်း
\r (မဿဲ ၁၄.၁၃–၂၁; မာကု ၆.၃၀–၄၄; လုကာ ၉.၁၀–၁၇)
\p
\v 1 အယ်ဘီးန ယေရှုဟှာ ဂါလိလဲအိုင်ဟှို ကူးတော်မူဟှယ်။ တိဗေရိအိုင် ဆိုဘီးလည်း ခေါ်ဂေ့ဟှယ်။ 
\v 2 လူနာလေဟှို နာပျော့‑က်စေတော်မူဟှူ နိမိတ်လတ်ခဏာလေဟှို ဗြင်ဟှားဘီးကြောန့် လူအောက်ဂီးဟှာ နော့‑က်ဟှို လိုက်ဂေ့ဟှယ်။ 
\v 3 ယေရှုဟှာ တောန်ထတ်ဟှို တတ်ဟှားဘီး တဗဲ့တော်လေနတူးဒူ ထိုင်ဂေ့ဟှယ်။ 
\v 4 ခုခီဟှာ ယုဒလူလေရဲ့ ပသခါပွဲတော် နီးကပ်လာဟှယ်။ 
\v 5 ယေရှုဟှာ ပတ်စစ်မွှိကေ့လိုက်ဟှူ ခီမာ သူ့နားဟှို လူအောက်ဂီးလာနေဇာဟှို ဗြင်ဟှားဟှယ်။ အယ်ကြောန့် ဖိလိပ္ပုဟှို “အယ်လူလေဟှို ကျွေးဟှို့စားဇာ ဖယ်နေရာမာ ဝယ်ရမယ်နူး” ဆိုဘီး မေးတော်မူလေဟှယ်။ 
\v 6 ကိုယ်တော်ဟှာ ဖိလိပ္ပုဟှို စမ်းသပ်ဟှို့တွပ် မေးလိုက်ဟှယ်။ ဖြားဖြစ်ကြောန့်နူးဆိုဟှာ ကိုယ်တော်ဟှ ဖြားဇာလောက်ရမယ် ဆိုဇာဟှို သိတော်မူဟှားပီးဘီ။
\p
\v 7 ဖိလိပ္ပုဟှ “သူးနို့ဟှာ စားဇာဒစ်သားစီ စားရဟှို့တွပ် ငွေဒန်းဂါး\f + \fr ၆.၇ \fr*\fk ငွေဒန်းဂါး၊ \fk*\ft ငွေဒန်းဂါးတပ္လားဟှာ ကျေးဝါမာနေဟှူ လောက်သမား တယော့‑က်ရဲ့ တနေ့လောက်အားခ ဖြစ်ဟှယ် (ရှု \ft*\xt မ ၂၀.၂\xt*)။\f*လေ ၂၀၀ ထတ် ပိုမှဘဲ့ လော့‑က်အောန်ဝယ်နိုင်မယ်” ဆိုဘီး ပ္လန်လျှော့‑က်လေဟှယ်။
\p
\v 8 တဗဲ့တော်လေထဲဟှ တယော့‑က်ဖြစ်ဟှူ ရှိမုန်ပေတရုရဲ့ညီ အန္ဒြေဟှ၊ 
\v 9 “အယ်နေရာမာ မုယောမုငါးလောင်းန ငါးနှေ့ကောန်ရှိဟှူ ကောန်သားတယော့‑က်ရှိဟှယ်။ အယ်ဘေမဲ့ အယ်မုန ငါးလေဟှာ အယ်လူလေဘောင်ဂီးတွပ် လောင်းဝလော့‑က်ဟှို့ မှုဟှ” ဆိုဘီး လျှော့‑က်လေဟှယ်။
\p
\v 10 ယေရှုဟှ “လူလေဟှို ထိုင်ခိုင်းလိုက်” ဆိုဘီး မိန့်တော်မူဟှယ်။ အယ်နေရာမာ ဗြစ်ပ္လန်လေ ရှိဟှယ်။ အယ်ကြောန့် ၅,၀၀၀ လော့‑က်ရှိဟှူ ယော့‑က်ကျားလေဟှာ ထိုင်ဂေ့ဟှယ်။ 
\v 11 ယေရှုဟှာ မုဟှိုယူဘီးဟှာ ဘုရားသခင်ဟှို ကျေးဇူးတော် ချီးမွမ်းဘီးန ထိုင်နေဟှူ လူလေဟှို ဝီပေးလိုက်ဟှယ်။ အယ်မျိုးဘဲ့ ငါးဟှိုလည်း သူးနို့စားရှင်မျိုးစား\f + \fr ၆.၁၁ \fr*\ft သူးနို့လေဟှာ ဗိုက်ပ္လဲ့အောန် စားဂေ့ဟှယ်။\ft*\f*ဂေ့ဟှို့တွပ် ဝီပေးလေဟှယ်။ 
\v 12 သူးနို့လေ အားလောင်းဂူဟှာ ဗိုက်ပ္လဲ့ဟှားဟှူ ခီမာ ကိုယ်တော်ဟှ တဗဲ့တော်လေဟှို “တခုလည်း ပစ်စလတ်ခတ် ဖြစ်ဘဲနေအောန် ကျန်နေဟှူ ပိုင်းစလေဟှို စုသီးဂေ့” ဆိုဘီး ပြောဟှယ်။ 
\v 13 အယ်ကြောန့် တဗဲ့တော်လေဟှာ စုသီးလိုက်ဟှူ ခီမာ လူလေစားဟှားဟှူ မုယောမုငါးလောင်းန ငါးနှေ့ကောန်ဟှနေ ကျန်နေဟှူ ပိုင်းစလေဟှာ ဆယ့်နှေ့တောန်းပ္လဲ့ ရဂေ့ဟှယ်။
\p
\v 14 အယ်နေရာမာရှိဟှူ လူလေဟှာ ယေရှုလောက်ဟှူ အယ်နိမိတ်လတ်ခဏာဟှို ဗြင်ဘီး “အယ်လူဟှာ လောကဟှို ရော့‑က်လာမယ့် ပရောဖက်\f + \fr ၆.၁၄ \fr*\fk ပရောဖက်၊ \fk*\ft ရှု \ft*\xt ၁.၂၁\xt*။\f* စစ်မှန်ဖြစ်ဟှယ်” ဆိုဘီး ပြောဂေ့ဟှယ်။ 
\v 15 သူးနို့ဟှာ မိမိဟှို တင်းကြပ်ခေါ်ဆောန်ဟှားဘီးဟှာ မန်းဂီးလောက်ခိုင်းဟှို့ ကြံနေဂေ့ဟှယ် ဆိုဇာဟှို ယေရှုသိတော်မူကြောန့် နော့‑က်တခါ တောန်ထတ်ဟှို တယော့‑က်ဒဲ ထွပ်ဟှားဟှယ်။
\s ယေရှု ရေထတ်မာ လမ်းရှော့‑က်ကြောန်း
\r (မဿဲ ၁၄.၂၂–၃၃; မာကု ၆.၄၅–၅၂)
\p
\v 16 နေဒန်ဇာရော့‑က်လာခီမာ ယေရှုရဲ့ တဗဲ့တော်လေဟှာ ဂါလိလဲအိုင်ထဲဟှို ဆင်းဟှားဘီး၊ 
\v 17 လှေထတ်ဟှို တတ်ဘီး၊ အိုင်ဟှို ဖြတ်ဘီး ကပေရနောင်ဗြို့ဟှို ပ္လန်ဟှားဂေ့ဟှယ်။ ညဉ့်ခန်းဇာရော့‑က်လာလည်း ယေရှုဟှာ သူးနို့နားဟှို ရော့‑က်လာသေးဟှ။ 
\v 18 အယ်ခီမာ လေပြင်းတိုက်လာဘီး လှိုင်းကီးလာဟှယ်။ 
\v 19 အယ်ဘီးန တဗဲ့တော်လေဟှာ သောင်းလေးမိုင်လော့‑က် လှော်ခတ်ဘီးခီမာ ယေရှုဟှာ ရေထတ်မာ လမ်းရှော့‑က်ဘီးဟှာ လှေနားဟှို လာနေဇာဟှို ဗြင်ဟှားဘီး ကြော့‑က်လန့်ဟှားဂေ့ဟှယ်။ 
\v 20 ယေရှုဟှ “ကြော့‑က်ဂေ့န။ ငါဘဲ့ဖြစ်ဟှယ်” ဆိုဘီး သူးနို့ဟှို မိန့်တော်မူလေဟှယ်။ 
\v 21 အယ်ဘီးန သူးနို့ဟှာ ဝန်းသာအားရန ကိုယ်တော့်ဟှို လှေထတ်ဟှို ဆွဲဒန်ဘီးန လှေဟှာ သူးနို့သွားမယ့် ကမ်းခြေဟှို ရှင်းရှင်းဘဲ့ ရော့‑က်ဟှားဟှယ်။
\s ယေရှုဟှို လူလေ လိုက်ရှာဟှူကြောန်း
\p
\v 22 နတ်ကီးတိုင်ရော့‑က်မှ အိုင်တဖတ်မာနေခဲ့ဟှူ လူအောက်ဂီးဟှာ အယ်နေရာမာ လှေတစင်းဘဲ့ရှိနေဇာဟှို ဒိထားမိဂေ့ဟှယ်။ အယ်လှေထဲမာ ယေရှုဟှာ တဗဲ့တော်လေနတူးဒူ လိုက်ဟှားဘဲ့န တဗဲ့တော်လေဘဲ့ ထွပ်ဟှားဇာဟှို သူးနို့ဟှာ သိဟှားဂေ့ဟှယ်။ 
\v 23 တိဗေရိဗြို့ဟှ တခြားလှေလေဟှာ သခင်ဘုရား ကျေးဇူးတော် ချီးမွမ်းဘီးန လူအောက်ဂီးမုစားခဲ့ဟှူ ကမ်းခြေအနီးဟှို ရော့‑က်လာဂေ့ဟှယ်။ 
\v 24 လူအောက်ဂီးဟှာ အယ်နေရာမာ ယေရှုန တဗဲ့တော်လေရှိဟှ ဆိုဇာဟှို သိဟှားဟှူ ခီမာ အယ်လှေလေထဲဟှို ဝမ်ဘီးန ကိုယ်တော့်ဟှို ရှာဟှို့တွပ် ကပေရနောင်ဗြို့ဟှို သွားဂေ့ဟှယ်။
\s သတ်မုဖြစ်ဟှူ ယေရှု
\p
\v 25 အိုင်တဖတ်ကမ်းမာ ကိုယ်တော့်ဟှို လူလေတွိဟှူ ခီမာ သူးနို့ဟှ “ဆရာ၊ အယ်နေရာဟှို ဖယ်ခီဒူးဟှ ရော့‑က်လာနူး” ဆိုဘီး ကိုယ်တော့်ဟှို မေးလျှော့‑က်လေဟှယ်။
\p
\v 26 ယေရှုဟှ “နန်းနို့ဟှို ငါ မှန်တိုင်းပြောမယ်၊ နန်းနို့ ငါ့ဟှို လိုက်ရှာနေဇာဟှာ ငါ့ရဲ့ နိမိတ်လတ်ခဏာလေဟှို နားလည်ဟှူကြောန့် မှုဟှ။ နန်းနို့ဟှာ မုဟှို စားရှင်မျိုးစားရကြောန့် ဖြစ်ဟှယ်။ 
\v 27 ပုပ်ပျစ်တတ်ဟှူ စာတွပ် လောက်ဘဲန ထာဝရသတ်တွပ် တည်မြဲဟှူ စာဟှို လောက်ဂေ့။ အယ်မူဇာဟှာ လူ့ရဲ့သားဟှ နန်းနို့ဟှို ပေးမယ့် စာဖြစ်ဟှယ်။ ဖြားဖြစ်ကြောန့်နူးဆိုဟှာ ဖဘုရားသခင်ဟှာ အယ်လူ့ရဲ့သားဟှို ဇိခတ်ဟှားတော် မူဟှယ်” ဆိုဘီး ဖြေတော်မူလေဟှယ်။
\p
\v 28 အယ်ကြောန့် သူးနို့ဟှ “ကျွန်တော့်ဟှားလေဟှာ ဘုရားသခင် လိုရှင်ဟှူ လောက်ဟှို လောက်ဟှို့တွပ် ကျွန်တော့်ဟှားလေဟှ ဖြားဇာ လောက်ရဟှို့နူး” ဆိုဘီး ကိုယ်တော့်ဟှို မေးလျှော့‑က်ဂေ့ဟှယ်။
\p
\v 29 ယေရှုဟှ “ဘုရားသခင် လောက်စေရှင်ဟှူဇာဟှ ဘုရားသခင် စေလွတ်လိုက်ဟှူ သူဟှို ယောင်ကြည်ဟှို့ဘဲ့ ဖြစ်ဟှယ်” ဆိုဘီး ဖြေတော်မူဟှယ်။
\p
\v 30 သူးနို့ဟှ “အယ်ဆိုဟှာ ကျွန်တော့်ဟှားလေ ဗြင်ဘီး ကိုယ်တော့်ဟှို ယောင်ကြည်ဟှို့တွပ် ဖယ်မျိုး နိမိတ်လတ်ခဏာဟှို ကိုယ်တော်ဟှ လောက်ပြမယ်နူး။ ကိုယ်တော်ဟှ ဖယ်မျိုး လောက်ပေးမယ်နူး။ 
\v 31 ‘ကိုယ်တော်ဟှာ ကောန်းဂန်ဟှ မုဟှို သူးနို့စားဟှို့ ပေးတော်မူဟှယ်’ ဆိုဘီး ကျမ်းစာမာ ရေးဟှားမျိုးဘဲ့ ကျွန်တော့်ဟှားလေရဲ့ ဘိုးဘေးလေဟှ ကန္တာရမာ မန္နမုဟှို စားဂေ့ဟှယ်” ဆိုဘီး ပ္လန်ဖြေဂေ့ဟှယ်။
\p
\v 32 ယေရှုဟှ “နန်းနို့ဟှို ငါ မှန်တိုင်းပြောမယ်၊ ကောန်းဂန်ဟှ မုဟှို နန်းနို့ဟှို ပေးဟှူ သူဟှာ မောရှေ မုဟှ။\f + \fr ၆.၃၂ \fr*\fq နန်းနို့ဟှို ပေးဟှူ သူဟှာ မောရှေ မုဟှ၊ \fq*\ft အယ်မျိုးမှုဘဲနေဟှာ \ft*\fqa နန်းနို့ဟှို မောရှေပေးဇာ မှုဟှ။\fqa*\f* ငါ့ဖဟှ ကောန်းဂန်ဟှနေ စစ်မှန်ဟှူ မုဟှို နန်းနို့ဟှို ပေးတော်မူဟှယ်။ 
\v 33 ဘုရားသခင်ပေးဟှူ မုဟှာ ကောန်းဂန်ဟှနေ ဆင်းလာဘီး လောကသားလေဟှို သတ်ပေးဟှူ သူဖြစ်ဟှယ်” ဆိုဘီး မိန့်တော်မူဟှယ်။
\p
\v 34 သူးနို့ဟှ “သခင်၊ အယ်မုဟှို ကျွန်တော့်ဟှားလေဟှို မြဲဒမ်း ပေးပါ” ဆိုဘီး တောန်းလျှော့‑က်ဂေ့ဟှယ်။
\p
\v 35 ယေရှုဟှ “ငါဟှာ သတ်မု ဖြစ်ဟှယ်။ ငါ့နားဟှို လာဟှူလူလေဟှာ လောင်းဝ ငတ်မွတ်လေ့မယ် မှုဟှ။ ငါ့ဟှို ယောင်ကြည်ဟှူ လူလေဟှာလည်း လောင်းဝ ရေငတ်လေ့မယ် မှုဟှ။ 
\v 36 ခု နန်းနို့ဟှာ ငါ့ဟှို ဗြင်နေဘေမဲ့ ယောင်ကြည်လေ့ဟှို့ မှုဟှ ဆိုဇာဟှို နန်းနို့ဟှို ငါပြောဟှားဟှယ်။ 
\v 37 ငါ့ဖဟှ ငါ့ဟှို ပေးဟှားဟှူ လူတိုင်းဟှာ ငါ့နားဟှို လာလေ့မယ်။ ငါ့နားလာဟှူလူဟှို ငါဟှာ လောင်းဝ ပစ်ပယ်ဟှို့ မှုဟှ၊ 
\v 38 ဖြားဖြစ်ကြောန့်နူးဆိုဟှာ ငါဟှာ ငါလိုရှင်ဟှူတိုင်း လောက်ဟှို့မှုဘဲ ငါ့ဟှို စေလွတ်ဟှူ သူရဲ့ လိုရှင်ဟှူတိုင်း လောက်ဟှို့တွပ် ကောန်းဂန်ဟှနေ ဆင်းလာဟှယ်။ 
\v 39 ငါ့ဟှို စေလွတ်ဟှူ သူရဲ့ လိုတော်ဟှာ ငါ့ဟှို ပေးအပ်ဟှားဟှူ လူလေ အားလောင်းဂူ ဆောင်းရှောင်းစေဘဲန နော့‑က်ဆောင်းနေ့မာ သူးနို့လေ အားလောင်းဂူဟှာ ရှင်ပ္လန်ထမြော့‑က်စေဟှို့တွပ် ဖြစ်ဟှယ်။ 
\v 40 ငါ့ဖလိုရှင်ဇာဟှ သားတော်ဟှို ဗြင်ဘီး ယောင်ကြည်လာဟှူ လူအားလောင်းဟှာ ထာဝရသတ်ရဟှို့ဖြစ်ဟှယ်။ ငါဟှလည်း နော့‑က်ဆောင်းနေ့မာ သူးနို့ဟှို ရှင်ပ္လန်ထမြော့‑က်စေမယ်” ဆိုဘီး မိန့်တော်မူလေဟှယ်။
\p
\v 41 ကိုယ်တော်ဟှ “ငါဟှာ ကောန်းဂန်ဟှနေ ဆင်းလာဟှူ မုဖြစ်ဟှယ်” ဆိုဘီး မိန့်တော်မူလိုက်ဟှူကြောန့် ယုဒလူလေဟှာ ကိုယ်တော်ကြောန်းဟှို စဘီးဟှာ ဝေဖန်ဂေ့ဟှယ်။ 
\v 42 အယ်ကြောန့် သူးနို့ဟှ “အယ်လူဟှာ ယောသပ်ရဲ့သား ယေရှု မှုဟှလော။ နို့လေဟှာ သူ့ရဲ့ မိဖဟှို သိဟှယ်။ အယ်ဆိုဟှာ သူဟှာ ကောန်းဂန်ဟှနေ ဆင်းလာဟှယ် ဆိုဘီး ဖယ်မျိုးဖြစ် ပြောနေရနူး” ဆိုဘီး ပြောနေဂေ့ဟှယ်။
\p
\v 43 ယေရှုဟှ “နန်းနို့ရှင်းရှင်းထဲမာ ဝေဖန်နေဇာဟှို ရပ်ဂေ့။ 
\v 44 ငါ့ဟှို စေလွတ်ဟှူ ဖဟှ သူးနို့ဟှို ဆွဲခေါ်ဟှ ဆိုဟှာ လူလေဟှာ ငါ့နားဟှို လာနိုင်ဂေ့ဟှ။ ငါ့နားဟှို လာဟှူလူလေဟှို နော့‑က်ဆောင်းနေ့မာ ငါဟှာ ရှင်ပ္လန်ထမြော့‑က်စေမယ်။ 
\v 45 ပရောဖက်ကျမ်းလေမာ ‘လူတိုင်းဟှာ ဘုရားသခင်အားဖြင့် သွန်သန်ပေးဇာဟှို ခံရလေ့မယ်’ ဆိုဘီး ရေးဟှားဟှယ်။ ဖနားဟှ ကြားရဘီး သန်ယူဟှူ ဖယ်သူမဆို ငါ့နားဟှို လာဂေ့ဟှယ်။ 
\v 46 အယ်မျိုးဆိုဟှာ ယော့‑က်ယော့‑က်ဟှ ဖဟှို ဗြင်ဖူးဟှယ် ဆိုဘီး ပြောရှင်ဇာ မှုဟှ။ ဘုရားသခင်နားဟှနေ ရော့‑က်လာဟှူသူ တယော့‑က်ဘဲ့ ဖဟှို ဗြင်ဖူးဟှယ်။ 
\v 47 နန်းနို့ဟှို ငါ မှန်တိုင်းပြောမယ်၊ ငါ့ဟှို ယောင်ကြည်ဟှူ လူဟှာ ထာဝရသတ်ဟှို ရဟှယ်။ 
\v 48 ငါဟှာ သတ်မု ဖြစ်ဟှယ်။ 
\v 49 နန်းနို့ရဲ့ ဘိုးဘေလေဟှာ ကန္တာရထဲမာ မန္နမုဟှို စားရဘေမဲ့လည်း သေဟှားဂေ့ဟှယ်။ 
\v 50 အယ်ဘေမဲ့ အယ်မုဟှာ ကောန်းဂန်ဟှနေ ဆင်းလာဟှူကြောန့် စားဟှူလူတိုင်းဟှာ သေရလေ့ဟှို့ မှုဟှ။ 
\v 51 ငါဟှာ ကောန်းဂန်ဟှနေ ဆင်းလာဟှူ သတ်မု ဖြစ်ဟှယ်။ နန်းနို့ဟှာ အယ်မုဟှို စားမယ် ဆိုဟှာ ထာဝရသတ်ရှင် လေ့မယ်။ လောကသားလေ သတ်ရှင်နိုင်ဟှို့တွပ် ငါပေးဟှူ မုဟှာ ငါ့ရဲ့သား ဖြစ်ဟှယ်” ဆိုဘီး မိန့်တော်မူလေဟှယ်။
\p
\v 52 အယ်န ယုဒလူလေဟှ “အယ်လူဟှ သူ့ရဲ့သားဟှို နို့လေစားဟှို့ ဖယ်မျိုးပေးနိုင်မယ်နူး” ဆိုဘီး သူးနို့ရှင်းရှင်းဟှာ စဘီး ဂြင်းဂေ့လေဟှယ်။
\p
\v 53 ယေရှုဟှ “နန်းနို့ဟှို ငါ မှန်တိုင်းပြောမယ်၊ နန်းနို့ဟှာ လူ့သားရဲ့ သားဟှို စားဟှ။ သူ့ရဲ့သွီးဟှို သော့‑က်ဟှ ဆိုဟှာ နန်းနို့ရဲ့ထဲမာ သတ်မှေ့ဟှို့ မှုဟှ။ 
\v 54 ငါ့သားဟှို စားဘီး ငါ့သွီးဟှို သော့‑က်ဟှူသူလေဟှာ ထာဝရသတ်ဟှို ရဟှယ်။ ငါဟှာ သူးနို့ဟှို နော့‑က်ဆောင်းနေ့မာ ရှင်ပ္လန်ထမြော့‑က်စေမယ်။ 
\v 55 ဖြားဖြစ်ကြောန့်နူးဆိုဟှာ ငါ့သားဟှာ စစ်မှန်ဟှူ စားဇာဖြစ်ဘီး ငါ့ရဲ့ သွီးဟှာ စစ်မှန်ဟှူ သော့‑က်ဇာဖြစ်ဟှယ်။ 
\v 56 ငါ့ရဲ့ သားဟှို စားဘီး ငါ့သွီးဟှို သော့‑က်ဟှူ လူလေဟှာ ငါ့ရဲ့ ထဲမာ သတ်ရှင်နေဟှယ်။ ငါဟှာလည်း သူးနို့ရဲ့ ထဲမာ သတ်ရှင်နေဟှယ်။ 
\v 57 သတ်ရှင်ဟှူ ဖဟှ ငါ့ဟှို စေလွှတ်တော်မူဘီး ငါဟှာလည်း ဖအားဖြင့် သတ်ရှင်ဟှယ်။ အယ်မျိုးဘဲ့ ငါ့ဟှို စားဟှူ လူတိုင်းဟှာလည်း ငါ့အားဖြင့် သတ်ရှင်ရလေ့မယ်။ 
\v 58 အယ်မျိုးဆိုဟှာ အယ်မုဟှ ကောန်းဂန်ဟှနေ ဆင်းလာဟှူ မုဖြစ်ဟှယ်။ နန်းနို့ ဘိုးဘေးလေဟှာ မန္နမုဟှို စားဘီး သေဟှားဂေ့ဟှယ်။ အယ်ဘေမဲ့ အယ်မုဟှို စားဟှူ လူတိုင်းဟှာ ထာဝရ သတ်ရှင်လေ့မယ်” ဆိုဘီး သူးနို့ဟှို မိန့်တော်မူလေဟှယ်။
\p
\v 59 ယေရှုဟှာ ကပေရနောင်ဗြို့ဟှ ဝါလယ်ဇရပ်မာ သွန်သန်ပေးဒူးဟှ အယ်မူဇာလေဟှို မိန့်တော်မူလေဟှယ်။
\s ထာဝရသတ်နဆိုင်ဟှူ စကားတော်လေ
\p
\v 60 ကိုယ်တော်ရဲ့ တဗဲ့တော်လေ ဘောင်ဂီးဟှာ အယ်မူဇာဟှို ကြားဘီးန “အယ်မျိုး သွန်သန်ဇာဟှာ ရရာတိုင်း ခတ်ဟှယ်။ အယ်မူဇာဟှို ဖယ်လူဟှ နားထောန်နိုင်ဟှို့နူး” ဆိုဘီး ပြောဂေ့ဟှယ်။
\p
\v 61 တဗဲ့တော်လေဟှာ အယ်ကြောန်းရာဟှို ဝေဖန်နေဂေ့ဟှယ် ဆိုဇာဟှို ယေရှုဟှ လိုလိုသိနေဟှယ်။ အယ်ကြောန့် ကိုယ်တော်ဟှ “အယ်စကားကြောန့် နန်းနို့ စိပျစ်ဟှားဘီလော။ 
\v 62 အယ်ဆိုဟှာ လူ့ရဲ့သားဟှ ရင်ဒူးဟှ နေရာဟှို ပ္လန်တတ်ကြွဇာဟှို နန်းနို့လေ ဗြင်ရမယ် ဆိုဟှာ ဖယ်မျိုးထန်ဂေ့မယ်နူး။ 
\v 63 ဘုရားသခင်ရဲ့ ဝိညာဉ်ဟှ သတ်ဟှို ပေးဟှယ်။ လူ့ရဲ့ တဂိုးဟှာ လောင်းဝ သောင်းဇားဟှို့ ရဟှ။ နန်းနို့ဟှို ငါပြောဟှူ စကားလေဟှာ သတ်ပေးဟှူ ဘုရားသခင်ရဲ့ ဝိညာဉ်တော်န ဆိုင်ဟှယ်။ 
\v 64 နန်းနို့ထဲဟှ တချို့ဟှာ ခုထိ ယောင်ကြည်ဂေ့ဟှ” ဆိုဘီး သူးနို့ဟှို မိန့်တော်မူဟှယ်။ ဖယ်လူလေဟှ ယောင်ကြည်ဂေ့ဟှ။ ဖယ်လူဟှ မိမိဟှို သစ်စာဖော့‑က်မယ် ဆိုဇာဟှို ယေရှုဟှာ စစဒူးဟှ သိနေဟှယ်။ 
\v 65 အယ်ဘီးန ကိုယ်တော်ဟှ “အယ်ကြောန်းကြောန့် ဖဟှ ခွမ့်ပေးဟှ ဆိုဟှာ ဖယ်လူလည်း ငါ့နားဟှို လာဂေ့ဟှို့ မှုဟှ ဆိုဘီး နန်းနို့ဟှို ငါပြောဟှားဟှယ်” ဆိုဘီး မိန့်တော်မူလေဟှယ်။
\p
\v 66 အယ်ခီဟှစဘီး ယေရှုရဲ့ တဗဲ့တော်လေဘောင်ဂီးဟှာ လှည့်ပ္လန်ဟှားဘီး နော့‑က်ထပ် ကိုယ်တော်နတူးဒူ လိုက်ဂေ့ဟှမ်း။ 
\v 67 အယ်ကြောန့် ယေရှုဟှ တဗဲ့တော်ဆယ့်နှေ့ပါးဟှို “နန်းနို့လည်း ထွပ်ဟှားရှင်ဂေ့လော” ဆိုဘီး မေးတော်မူလေဟှယ်။
\p
\v 68 \x - \xo ၆.၆၈ \xo*\xt မ ၁၆.၁၆; မာ ၈.၂၉; လု ၉.၂၀\xt*\x*ရှိမုန်ပေတရုဟှာ ကိုယ်တော့်ဟှို “သခင်၊ ကျွန်တော့်ဟှားလေဟှ ဖယ်လူနားဟှို သွားရဂေ့ဟှို့နူး။ ထာဝရသတ်နဆိုင်ဟှူ စကားတော်လေဟှ ကိုယ်တော်မာဘဲ့ရှိဟှယ်။ 
\v 69 အယ်ဘီးဟှာ ကိုယ်တော်ဟှာ ဘုရားသခင်နားဟှနေ ကြွလာဟှူ သန့်ရှင်းသူဖြစ်ဟှယ် ဆိုဇာဟှို ခု ကျွန်တော့်ဟှားလေ ယောင်ကြည်ဘီး သိဂေ့ဟှယ်” ဆိုဘီး ဖြေတော်မူလေဟှယ်။
\p
\v 70 ယေရှုဟှ “နန်းနို့ဆယ့်နှေ့ပါးဟှို ငါဝီးကော့‑က်ဟှားဟှယ် မှုဟှလော။ အယ်ဘေမဲ့ နန်းနို့ထဲဟှ တယော့‑က်ဟှာ နတ်ဆိုးဖြစ်ဟှယ်!” ဆိုဘီး ပ္လန်မိန့်တော်မူလိုက်ဟှယ်။ 
\v 71 ကိုယ်တော်ဟှ ရှိမုန်ရှကာရုတ်ရဲ့သား ယုဒကြောန်းဟှို ပြောနေဇာဖြစ်ဟှယ်။ ဖြားဖြစ်ကြောန့်နူးဆိုဟှာ ယုဒဟှာ တဗဲ့တော်ဆယ့်နှေ့ပါးထဲဟှ တပါးဖြစ်ဘေမဲ့လည်း ကိုယ်တော့်ဟှို သစ်စာဖော့‑က်မယ့်လူဖြစ်ဟှယ်။
\c 7
\s ယေရှုန သူ့ညီလေကြောန်း
\p
\v 1 အယ်ဘီးန ယေရှုဟှာ ဂါလိလဲနယ်ဟှို လှည့်လည်တော်မူလေဟှယ်။ အယ်နေရာမာရှိဟှူ ယုဒအာဏာပိုင်လေဟှာ ကိုယ်တော့်ဟှို သတ်ဟှို့ရှာနေဂေ့ဟှူကြောန့် ယုဒနယ်ဟှို သွားရှင်ဟှမ်း။ 
\v 2 ယုဒလူလေရဲ့ သစ်ခတ်တဲပွဲ နီးလာဟှူ ခီမာ 
\v 3 ယေရှုရဲ့ ညီလေဟှာ ကိုယ်တော့်ဟှို “နို့နောန် လောက်နေဇာလေဟှို နို့နောန်ရဲ့ တဗဲ့တော်လေ ဗြင်ရဟှို့တွပ် အယ်နေရာဟှ ထွပ်ဟှားဘီးဟှာ ယုဒနယ်ဟှို သွားပါ။ 
\v 4 ပေါ်ရှင်ဟှူလူလေဟှာ သူးနို့ဖြားဇာဘဲ့လောက်လောက် လှည့်ဝှက်ဘီးလောက်ဂေ့ဟှ။ နို့နောန်ဟှာ အယ်မူဇာလေဟှို လောက်မယ် ဆိုဟှာ နို့နောန်ကြောန်းဟှို တလောကလောင်း သိစေပါ!” ဆိုဘီး ပြောဂေ့ဟှယ်။ 
\v 5 ကိုယ်တော်ရဲ့ ညီလေဟှိုမှ ကိုယ်တော့်ဟှို ယောင်ကြည်ဂေ့ဟှ။
\p
\v 6 ယေရှုဟှာ သူးနို့ဟှို “ငါ့ခီရော့‑က်သေးဟှ။ နန်းနို့တွပ် ခီတိုင်းဟှာ ဆင်သင့်ဖြစ်ဟှယ်။ 
\v 7 လောကသားလေဟှာ နန်းနို့ဟှို မူးဂေ့ဟှ။ အယ်ဘေမဲ့ ငါ့ဟှို မူးဂေ့ဟှယ်။ ဖြားဖြစ်ကြောန့်နူးဆိုဟှာ သူးနို့ရဲ့ ကျင့်လေဟှ ဆိုးညစ်ဟှယ် ဆိုဘီး ငါဟှ သတ်သေခံဟှယ်။ 
\v 8 နန်းနို့ အယ်ပွဲတော်ဟှို သွားဂေ့။ ငါ့ခီပ္လဲ့ဇောင်သေးဘဲဟှူကြောန့် အယ်ပွဲတော်ဟှို ငါသွားဟှ”\f + \fr ၇.၈ \fr*\fq ငါသွားဟှ၊ \fq*\ft တချို့ မူရင်းလတ်ရေးမူလေမာ \ft*\fqa ငါသွားဟှို့မှုသေးဟှ၊ \fqa*\ft ဆိုဘီး ရှိဟှယ်။\ft*\f* ဆိုဘီး မိန့်တော်မူလေဟှယ်။ 
\v 9 အယ်မျိုးပြောဘီးန ကိုယ်တော်ဟှာ ဂါလိလဲနယ်မာဘဲ့ ဆစ်ဘီးနေလေဟှယ်။
\s ယေရှုဟှာ တဲတော်ပွဲဟှို ကြွတော်မူဟှူကြောန်း
\p
\v 10 ကိုယ်တော်ရဲ့ ညီလေဟှာ ပွဲတော်ဟှို သွားလိုက်ဘီးန ယေရှုဟှလည်း တိတိဟှား လိုက်ဟှားဟှယ်။ 
\v 11 ယုဒအာဏာပိုင်လေဟှာ အယ်ပွဲတော်မာ ကိုယ်တော့်ဟှို ရှာဂေ့ဟှယ်။ သူးနို့ဟှ “အယ်လူဟှာ ဖယ်မာနူး” ဆိုဘီး မေးဟှယ်။
\p
\v 12 လူအောက်ဂီးထဲမာ ကိုယ်တော်ကြောန်းဟှို တီးတိုးပြောနေဂေ့ဟှယ်။ လူတချို့ဟှ “အယ်လူဟှာ လူကောန်း ဖြစ်ဟှယ်” ဆိုဘီး ပြောဂေ့ဟှယ်။ လူတချို့ဟှ “မှုဟှ။ အယ်လူဟှာ လူလေဟှို လှည့်ဇားနေဟှယ်” ဆိုဘီး ပြောဂေ့ဟှယ်။ 
\v 13 အယ်ဘေမဲ့ သူးနို့ဟှာ ယုဒ အာဏာပိုင်လေဟှို ကြော့‑က်ဂေ့ဟှူကြောန့် ဖယ်လူလည်း ကိုယ်တော်ကြောန်းဟှို ပွမ့်ပွမ့်လန်းလန်းဟှား ပြောဂေ့ဟှ။
\p
\v 14 ပွဲတော်ကာလခီဟှာ တဝပ်ကျော်လာဟှူ ခီမာ ယေရှုဟှာ ဗိမာန်တော်ဟှို သွားဘီးဟှာ စဘီးသွန်သန်လေဟှယ်။ 
\v 15 ယုဒအာဏာပိုင်လေဟှာ ရရာတိုင်း အံ့ဩဟှားဘီး “အယ်လူဟှာ ပညာသန်ဖူးဘဲ့န အယ်ပညာလေ ဘောင်ဂီးဟှို ဖယ်မျိုးသိနေရနူး” ဆိုဘီး မေးဂေ့ဟှယ်။
\p
\v 16 ယေရှုဟှ “ငါ့သွန်သန်ချစ်ဟှာ ငါ့ရဲ့ကိုယ်ပိုင် သွန်သန်ချစ် မှုဟှ။ အယ်ဘေမဲ့ ငါ့ဟှိုစေလွတ်ဟှူ ဘုရားသခင်ရဲ့ သွန်သန်ချစ်ဖြစ်ဟှယ်။ 
\v 17 ဖယ်လူဘဲ့ဖြစ်ဖြစ် ဘုရားသခင်ရဲ့ လိုတော်ဟှို လောက်ရှင်ဟှူ ဆန္ဒရှိမယ် ဆိုဟှာ ငါ့သွန်သန်ချစ်ဟှ ဘုရားသခင်နားဟှလာဇာလော အယ်မျိုးမှုဘဲနေဟှာ ငါ့ရဲ့ကိုယ်ပိုင်ခွမ့်အာဏာန ပြောနေဇာလော ဆိုဇာဟှို သိလေ့မယ်။ 
\v 18 သူးနို့ရဲ့ ကိုယ်ပိုင် ခွမ့်အာဏာန ပြောဟှူလူလေဟှာ သူးနို့တွပ် ဖောင်းသရေတော်ဟှို့ဘဲ့ ရှာဂေ့ဟှယ်။ အယ်ဘေမဲ့ သူ့ဟှို စေလွှတ်ဟှူသူရဲ့ ဖောင်းသရေတော်ဟှို ရှာဟှူလူဟှာ ဖြောန့်မှန်ဟှူလူဖြစ်ဘီး သူ့မာ လီညာဇာမှေ့ဟှ။ 
\v 19 မောရှေဟှ နန်းနို့ဟှို ပညတ်တရားဟှို ပေးဟှားဟှယ် မှုဟှလော။ အယ်ဘေမဲ့ နန်းနို့ထဲမာ အယ်ပညတ်တရားဟှို နားထောန်ဟှူလူ ယော့‑က်လည်းမှေ့ဟှ။ ဖြားဖြစ်ကြောန့် ငါ့ဟှို သတ်ဟှို့ကြိုးစားနေဂေ့နူး” ဆိုဘီး မိန့်တော်မူလေဟှယ်။
\p
\v 20 လူအောက်ဂီးဟှ “နန့်ထဲမာ နတ်ဆိုးတကောန် ရှိဟှယ်! ဖယ်လူဟှ နန့်ဟှို သတ်ဟှို့ ကြိုးစားနေဂေ့နူး” ဆိုဘီး ပ္လန်ပြောလေဟှယ်။
\p
\v 21 ယေရှုဟှ “နိမိတ်လတ်ခဏာတခုဟှို ငါလောက်ဟှူ ခီမာ နန်းနို့အားလောင်းဟှာ အံ့ဩဟှားဟှယ်။ 
\v 22 မောရှေဟှ နန်းနို့ရဲ့ သားလေဟှို ရေဖျားလှီးဟှို့ နန်းနို့ဟှို ခိုင်းဟှားဟှူကြောန့် အယ်မူဇာဟှို မောရှေဟှ စဟှားဇာ မှုဟှ။ နန်းနို့ရဲ့ ဘိုးဘေးလေဟှ စဟှားဟှယ် နန်းနို့ဟှာ ဒန်းနေ့မာလည်း သားဂန်းဟှားဟှို ရေဖျားလှီးပေးဟှယ်။ 
\v 23 \x - \xo ၇.၂၃ \xo*\xt ယော ၅.၉\xt*\x*မောရှေရဲ့ ပညတ်တရားဟှို ခ္လိုးဖော့‑က်ရာရော့‑က်ဘဲအောန် သားဂန်းတယော့‑က်ဟှို ဒန်းနေ့မာ ရေဖျားလှီးပေးဟှယ် ဆိုဟှာ ငါဟှာ ဒန်းနေ့မာ လူတယော့‑က်ဟှို ကျန်းမာစေဟှူကြောန့် နန်းနို့ဟှာ ငါ့ဟှို ဖြားဖြစ်ဟှိ မျစ်ဖြစ်ရနူး။ 
\v 24 ပြင်ပလတ်ခဏာအားဖြင့် စီရင်ဂေ့ဘဲန မှန်းမှန်ကန်းကန်ဟှား စီရင်ဂေ့” ဆိုဘီး မိန့်တော်မူလေဟှယ်။
\s အယ်လူဟှာ မေရှိယဘဲ့လော
\p
\v 25 ယေရုရှလင်ဗြို့သားတချို့ဟှ “အယ်လူဟှို အာဏာပိုင်လေဟှ သတ်ဟှို့ ရှာနေဂေ့ဟှယ် မှုဟှလော။ 
\v 26 ကေ့ကေ့! အယ်လူဟှာ လူဘောင်လယ်မာ ဟောပြောနေဇာဟှို အာဏာပိုင်လေဟှာ တားဂေ့ဟှမား! အယ်လူဟှာ မေရှိယဖြစ်ဟှယ် ဆိုဇာဟှို သူးနို့ဟှာ မှန်တိုင်း သိဟှားဘီလော။ 
\v 27 အယ်ဘေမဲ့ မေရှိယကြွလာဟှူ ခီမာ ဖယ်နေရာဟှနေ လာဟှယ် ဆိုဇာဟှို ဖယ်သူလည်း သိဂေ့ဟှ။ အယ်လူဟှာ ဖယ်ဟှလာဟှယ် ဆိုဇာဟှို နို့လေအားလောင်း သိဂေ့ဟှယ်” ဆိုဘီး ပြောဂေ့ဟှယ်။
\p
\v 28 ယေရှုဟှ ဗိမာန်တော်ထဲမာ သွန်သန်ဟှူ ခီမာ သံက္လယ်ဂီးန “နန်းနို့ဟှ ငါ့ဟှို တကယ်သိဘဲ့လော။ ငါဟှာ ဖယ်ဟှလာဟှယ် ဆိုဇာဟှို သိဘဲ့လော။ ငါဟှာ ငါ့ရဲ့ ဆန္ဒန လာဇာ မှုဟှ။ အယ်ဘေမဲ့ ငါ့ဟှို စေလွှတ်ဟှူ လူဟှာ သစ်စာန ပ္လဲ့ဇောင်လေဟှယ်။ နန်းနို့ဟှာ သူ့ဟှို သိဂေ့ဟှ၊ 
\v 29 အယ်ဘေမဲ့ ငါဟှာ သူ့ဟှို သိဟှယ်။ ဖြားဖြစ်ကြောန့်နူးဆိုဟှာ ငါဟှာ သူ့နားဟှနေလာဘီး သူဟှ ငါ့ဟှို စေလွှတ်လိုက်ဟှယ်” ဆိုဘီး မိန့်တော်မူလေဟှယ်။
\p
\v 30 အယ်ကြောန့် သူးနို့ဟှ ကိုယ်တော့်ဟှို ဖမ်းဟှို့ ကြိုးစားဘေမဲ့ ကိုယ်တော်ရဲ့ခီ ရော့‑က်သေးဘဲဟှူကြောန့် ဖယ်သူလည်း ကိုယ်တော့်ဟှို ဖမ်းဂေ့ဟှ။ 
\v 31 အယ်ဘေမဲ့ လူအောက်ထဲဟှ များစုဟှာ ကိုယ်တော့်ဟှို ယောင်ကြည်ဂေ့ဘီး “မေရှိယ ရော့‑က်လာဟှူ ခီမာ အယ်လူလောက်ဇာလေထတ် ပိုများဟှူ နိမိတ်လတ်ခဏာလေဟှို ပြုတော်မူဟှို့လော” ဆိုဘီး မေးဂေ့ဟှယ်။
\s ယေရှုဟှို ဖမ်းဟှို့တွပ် စောန့်လေဟှို စေလွှတ်ကြောန်း
\p
\v 32 ယေရှုကြောန်းဟှို လူအောက်ဂီးဟှ တီးတိုးပြောနေဇာလေဟှို ဖာရိရှဲလေ ကြားဟှူကြောန့် ယဇ်ပုရောဟိတ်ဂီးလေန ဖာရိရှဲလေဟှာ ကိုယ်တော့်ဟှို ဖမ်းဟှို့တွပ် စောန့်တချို့ဟှို စေလွှတ်ဂေ့ဟှယ်။ 
\v 33 ယေရှုဟှ “ငါဟှာ နန်းနို့နတူးဒူ ရှစ်ဟှားနေဘီးဟှာ ငါ့ဟှို စေလွှတ်တော်မူဟှူ သူနားဟှို သွားရမယ်။ 
\v 34 နန်းနို့ဟှာ ငါ့ဟှို ရှာဘေမဲ့ တွိဟှို့ မှုဟှ။ ဖြားဖြစ်ကြောန့်နူးဆိုဟှာ ငါရှိဟှူ နေရာဟှို နန်းနို့လာနိုင်ဂေ့ဟှ” ဆိုဘီး မိန့်တော်မူလေဟှယ်။
\p
\v 35 ယုဒအာဏာပိုင်လေဟှ “နို့လေရှာတွိဘဲအောန် သူဟှ ဖယ်နေရာဟှို သွားဟှို့နူး။ နို့လူမျိုးလေနေဟှူ လူမျိုးခြားလေနေဟှူ ဗြို့ဟှို သွားဘီး လူမျိုးခြားလေဟှို သွန်သန်ဟှို့လော။ 
\v 36 နို့လေဟှာ သူ့ဟှို လိုက်ရှာဘေမဲ့ ရှာတွိဟှို့ မှုဟှ။ သူရှိဟှူ နေရာဟှို နို့လေ လာနိုင်ဟှို့ မှုဟှ ဆိုဘီး ပြောဇာဟှ ဖြားဓိပါယ်နူး” ဆိုဘီး ရှင်းရှင်း ပြောနေဂေ့ဟှယ်။
\s သတ်ပေးဟှူ ရေခ္လောန်း
\p
\v 37 ပွဲတော်ရဲ့ ရေးကီးဆောင်းနေ့ဖြစ်ဟှူ နော့‑က်ဆောင်းနေ့မာ ယေရှုဟှာ ထရပ်ဘီးဟှာ “ရေငတ်ဟှူ လူဟှာ ငါ့နားဟှို လာဘီး သော့က်ဂေ့ပါ။ 
\v 38 ငါ့ဟှို ယောင်ကြည်ဟှူ လူတိုင်းဟှာ သော့‑က်ရမယ်။ ကျမ်းစာမာ ပြောဟှားမျိုးဘဲ့ ‘သတ်ဟှိုပေးဟှူ ရေခ္လောန်းဟှာ သူ့ရဲ့ နှလောင်းထဲဟှနေ စီးထွပ်လာလေ့မယ်’ ”\f + \fr ၇.၃၈ \fr*\ft ခန်းငယ် ၃၇–၃၈ ထဲဟှ ယေရှုရဲ့ စကားလေဟှို \ft*\fqa “သတ်ရေထွပ်ဟှူ စမ်းရေဒွမ်း ဖြစ်လေ့မယ်။ \+fv ၃၈\+fv* ကျမ်းစာမာ ပြောဟှားမျိုးဘဲ့ ‘သတ်ဟှိုပေးဟှူ ရေခ္လောန်းဟှာ သူ့ရဲ့ နှလောင်းထဲဟှနေ စီးထွပ်လာလေ့မယ်၊’ ” \fqa*\ft ဆိုဘီး ဘာသာပ္လန်ဟှားဟှယ်။\ft*\f* ဆိုဘီး သံက္လယ်ဂီး မိန့်တော်မူလေဟှယ်။ 
\v 39 ကိုယ်တော့်ဟှို ယောင်ကြည်ဟှူ လူလေဟှာ လတ်ခံရရှိမယ့် ဝိညာဉ်တော်ကြောန်းဟှို မိန့်တော်မူလေဟှယ်။ ယေရှုဟှာ ဖောင်းသရေတော် ထန်ရှားဟှို့တွပ် ထမြော့‑က်ရသေးဘဲကြောန့် ဝိညာဉ်တော်ဟှို ပေးတော်မူသေးဟှ။
\s လူလေထဲမာ စိဝန်းကွဲဟှားကြောန်း
\p
\v 40 လူအောက်ထဲမာ တချို့ဟှာ ကိုယ်တော်ရဲ့ စကားလေဟှို ကြားရဘီးန “အယ်လူဟှာ ပရောဖက်\f + \fr ၇.၄၀ \fr*\fk ပရောဖက်၊ \fk*\ft ရှု \ft*\xt ၁.၂၁\xt*။\f* စစ်မှန် ဖြစ်ဟှယ်!” ဆိုဘီး ပြောဂေ့ဟှယ်။
\p
\v 41 တချို့ဟှလည်း “အယ်လူဟှာ မေရှိယ ဖြစ်ဟှယ်!” ဆိုဘီး ပြောဂေ့ဟှယ်။
\p အယ်ဘေမဲ့ တချို့ဟှ “မေရှိယဟှာ ဂါလိလဲနယ်ဟှနေ ပေါ်ထွပ်လာဟှို့ မှုဟှ! 
\v 42 မေရှိယဟှာ ဒါဝိဒ်မန်းဂီးရဲ့ မ္လေးမ္လစ်ဖြစ်ဘီး ဒါဝိဒ်နေဖူးဟှူ ဗက်လင်ဗြို့မာ မွီးမယ် ဆိုဘီး ကျမ်းစာဟှ ပြောဟှားဟှယ်” ဆိုဘီး ပြောဂေ့ဟှယ်။ 
\v 43 အယ်ကြောန့် ယေရှုကြောန့် လူအောက်ထဲမာ စိဝမ်းကွဲဟှားဂေ့ဟှယ်။ 
\v 44 တချို့ဟှ ကိုယ်တော့်ဟှို ဖမ်းရှင်ဘေမဲ့ ဖယ်လူလည်း ကိုယ်တော့်ဟှို ဖမ်းဆီးဂေ့ဟှ။
\s ယောင်ကြည်ဘဲဟှူ ယုဒအာဏာပိုင်လေကြောန်း
\p
\v 45 စောန့်လေ ပ္လန်ရော့‑က်လာဟှူ ခီမာ ယဇ်ပုရောဟိတ်ဂီးလေန ဖာရိရှဲလေဟှ “ဖြားဖြစ်ကြောန့် သူ့ဟှို ခေါ်လာဟှနူး” ဆိုဘီး သူးနို့ဟှို မေးဂေ့ဟှယ်။
\p
\v 46 စောန့်လေဟှ “အယ်လူမျိုး ဖယ်လူလည်းပြောဖူးဟှ!” ဆိုဘီး ပ္လန်ဖြေဂေ့ဟှယ်။
\p
\v 47 ဖာရိရှဲလေဟှ “နန်းနို့လည်း လှည့်ဇားခံရဂေ့ ဟှားဘီလော” ဆိုဘီး သူးနို့ဟှို မေးဂေ့ဟှယ်။ 
\v 48 “အာဏာပိုင်လေန ဖာရိရှဲလေထဲမာလည်း သူ့ဟှို ယောင်ကြည်ဟှူလူ ယော့‑က်ယော့‑က်ရှိနေဘီလော။ 
\v 49 အယ်လူအော့‑က်ဟှာ မောရှေရဲ့ ပညတ်တရားဟှို သိဘဲကြောန့် သူးနို့ဟှာ ကီဇာမိနေဟှူ လူလေ ဖြစ်ဟှယ်!”
\p
\v 50 \x - \xo ၇.၅၀ \xo*\xt ယော ၃.၁,၂\xt*\x*ဖာရိရှဲလေထဲဟှ တယော့‑က်ဖြစ်ဘီး ရင်ဒူးဟှ ယေရှုနားဟှို လာဖူးဟှူ နိကောဒင်ဟှ 
\v 51 “နို့လေရဲ့ ပညတ်တရားဟှာ လူလေနားဟှ ကြားနာရသေးဘဲ့န လူလေ လောက်ဟှားဇာလေဟှိုလည်း သိရသေးဘဲ့န စီရင်မယ်ဘဲ့လော” ဆိုဘီး တခြားလူလေဟှို မေးဟှယ်။
\p
\v 52 သူးနို့ဟှ “အယ်မျိုးဆိုဟှာ နန်ဟှာလည်း ဂါလိလဲနယ်သားဘဲ့လော။ ကျမ်းစာဟှို လေ့လာဂေ့။ အယ်ဆိုဟှာ ဂါလိလဲနယ်ဟှနေ ဖယ်ပရောဖက်လည်း ပေါ်ထွန်းဂေ့ဟှ\f + \fr ၇.၅၂ \fr*\fq ဖယ်ပရောဖက်လည်း ပေါ်ထွန်းဂေ့ဟှ၊ \fq*\ft မူရင်းလတ်ရေးမူ တခုမာ \ft*\fqa ပရောဖက်ဟှာ ပေါ်ထွန်းလာဟှို့ မှုဟှ၊ \fqa*\ft ဆိုဘီး ရှိဟှယ်။\ft*\f* ဆိုဇာဟှို နန်းနို့သိလာဂေ့မယ်” ဆိုဘီး ဖြေဂေ့ဟှယ်။
\s အီထောန်ရေးဖော့‑က်ပ္လန်နေဟှူ မီးမဟှို ဖမ်းမိကြောန်း
\p [ 
\v 53 အယ်ဘီးန သူးနို့လေဟှာ ကိုယ့်အီဟှိုကိုယ် ပ္လန်ဟှားဂေ့ဘီး၊
\c 8
\nb
\v 1 ယေရှုဟှာ သံလွင်တောန်ဟှို ကြွတော်မူဟှားဟှယ်။
\p
\v 2 မိုးလန်းစောစောဂီးမာ ဗိမာန်တော်ဟှို ပ္လန်ကြွဟှားဟှယ်။ လူလေ အားလောင်းဂူဟှာ ကိုယ်တော်နားမာ စုနေဂေ့ဟှယ်။ ကိုယ်တော်ဟှာ ထိုင်ဘီး သူးနို့ဟှို သွန်သန်တော်မူလေဟှယ်။ 
\v 3 ဖာရိရှဲလေန ကျမ်းတတ်ဆရာလေဟှာ အီထောန်ရေးဖော့‑က်ပ္လန်နေဟှူ ခီမာ ဖမ်းဟှားဟှူ မီးမဟှို ခေါ်လာဘီး သူးနို့လေ အားလောင်းဂူရှေ့မာ အယ်မီးမဟှို မတ်တတ်ရပ်ခိုင်းဟှားဟှယ်။ 
\v 4 သူးနို့လေဟှ ယေရှုဟှို “ဆရာ၊ အယ်မီးမဟှို အီထောန်ရေးဖော့‑က်ပ္လန်နေဒူးမာ ဖမ်းမိဟှယ်။ 
\v 5 ကျွန်တော့်ဟှားလေရဲ့ ပညတ်တရားမာ မောရှေဟှ အယ်မူမျိုးမီးမဟှို က္လော့‑က်ခဲန သေအောန်ပစ်ရမယ် ဆိုဘီး ပညတ်ဟှားဟှယ်။ အယ်ဆိုဟှာ ဆရာဟှ ဖယ်မျိုးပြောမယ်နူး” ဆိုဘီး မေးဂေ့ဟှယ်။ 
\v 6 သူးနို့ဟှာ ယေရှုဟှို စွပ်စွဲရှင်ဟှူကြောန့် ထောန်ချော့‑က်ဆင်ဟှို့ အယ်မျိုးပြောဂေ့ဟှယ်။
\p အယ်ဘေမဲ့ ကိုယ်တော်ဟှာ ခေါန်းငေါက်ဘီး မ္လေဂီးထတ်မာ လတ်ညိုးန ရေးနေတော်မူလေဟှယ်။ 
\v 7 သူးနို့ဟှာ အယ်နေရာမာဘဲ့ မတ်တတ်ရပ်နေဘီး မေးခွန်းလေ မေးနေဟှူကြောန့် ကိုယ်တော်ဟှာ မော့ကေ့ဘီး “နန်းနို့ထဲဟှ ပြစ်မှေ့ဘဲလူဟှာ ဦးဆောင်း အယ်မီးမဟှို က္လော့‑က်ခဲနပစ်ဂေ့ပါ” ဆိုဘီး မိန့်တော်မူလေဟှယ်။ 
\v 8 အယ်ဘီးန ကိုယ်တော်ဟှာ ခေါန်းငေါက်ဘီး မ္လေဂီးထတ်မာ ပ္လန်ဘီးရေးတော်မူလေဟှယ်။
\p
\v 9 သူးနို့ဟှာ အယ်မူစကားကြားရဟှူ ခီမာ သတ်ကီးဟှူ လူလေဟှစဘီး ယော့‑က်ဘီးယော့‑က် ထွပ်ဟှားဂေ့လေဟှယ်။ ယေရှုတပါးဒဲဘဲ့ အယ်နေရာမာ ရပ်နေဟှူမီးမနတူးဒူ ကျန်ရစ်ဟှယ်။ 
\v 10 ယေရှုဟှာ မော့ကေ့ဘီး အယ်မီးမဟှို “သူးနို့ ဖယ်ရော့‑က်ဟှားဂေ့နူး။ နန့်ဟှို ပြစ်စီရင်ဟှို့ ယော့‑က်လည်းမှေ့ဟှမ်းလော။” ဆိုဘီး မေးတော်မူလေဟှယ်။
\p
\v 11 “ယော့‑က်လည်းမှေ့ဟှမ်း။ ဆရာ” ဆိုဘီး အယ်မီးမဟှ ပ္လန်ဖြေလေဟှယ်။
\p ယေရှုဟှ “ငါလည်း နန့်ဟှို ပြစ်စီရင်ဟှ။ သွားလိုက်။ အယ်ဘေမဲ့ ပ္လန်ဘီးပြစ်လောက်န” ဆိုဘီး မိန့်တော်မူဟှယ်။]\f + \fr ၈.၁၁ \fr*\ft မူရင်းလတ်ရေးမူလေ ဘောင်ဂီးန ရှေးဘာသာပ္လန်လေမာ အယ်စာပိုဒ် (\ft*\xt ၇.၅၃—၈.၁–၁၁\xt*) ဟှာ မှေ့ဟှ၊ တချို့ မူရင်းလတ်ရေးမူမာ အယ်စာပိုဒ်ဟှို \xt ယော ၂၁.၂၄\xt* နော့‑က်မာရှိဘီး၊ တချို့ မူရင်းလတ်ရေးမူမာ အယ်စာပိုဒ်ဟှို \xt လု ၂၁.၃၈\xt* နော့‑က်မာရှိဘီး မူရင်းလတ်ရေးမူ တခုမာဆို အယ်စာပိုဒ်ဟှာ \xt ယော ၇.၃၆\xt* နော့‑က်မာရှိဟှယ်။\f*
\s ယေရှုဟှာ အယ်လောကရဲ့ လန်းရောန်
\p
\v 12 \x - \xo ၈.၁၂ \xo*\xt မ ၅.၁၄; ယော ၉.၅\xt*\x*ယေရှုဟှ ဖာရိရှဲလေဟှို “ငါဟှာ လောကရဲ့ လန်းရောန် ဖြစ်ဟှယ်။ ငါ့ရဲ့ နော့‑က်လိုက်လေဟှာ မှောန်ထဲမာ လောင်းဝရှော့‑က်ရဘဲ သတ်ရဲ့ လန်းရောန်ဟှို ရရှိမယ်” ဆိုဘီး ပ္လန်မိန့်တော်မူဟှယ်။
\p
\v 13 \x - \xo ၈.၁၃ \xo*\xt ယော ၅.၃၁\xt*\x*ဖာရိရှဲလေဟှ “ခု နန်ဟှာ နန့်ရဲ့ ကြောန်းဟှိုဘဲ့ သတ်သေခံနေဟှယ်။ နန့်ရဲ့ သတ်သေခံချစ်ဟှာ မှန်ဟှ” ဆိုဘီး ပြောဂေ့ဟှယ်။
\p
\v 14 ယေရှုဟှ “ငါ့ကြောန်းဟှို ငါ သတ်သေခံနေဘေမဲ့လည်း ငါပြောနေဇာလေဟှာ တကယ်ဘဲ့ဖြစ်ဟှယ်။ ဖြားဖြစ်ကြောန့်နူးဆိုဟှာ ငါဟှာ ဖယ်နေရာဟှနေလာဘီး ဖယ်နေရာဟှို သွားမယ် ဆိုဇာဟှို ငါသိဟှယ်။ နန်းနို့ဟှ ငါဟှာ ဖယ်နေရာဟှနေလာဘီး ဖယ်နေရာဟှို သွားမယ် ဆိုဇာဟှို သိဂေ့ဟှ။ 
\v 15 နန်းနို့ဟှာ လူရဲ့ စံနှုန်းတိုင်း စီရင်ဂေ့ဟှယ်။ ငါဟှာ ဖယ်လူဟှိုလည်း စီရင်ဟှ။ 
\v 16 အယ်ဘေမဲ့ ငါစီရင်မယ် ဆိုဟှာလည်း ငါ့စီရင်ချစ်ဟှာ မှန်ဟှယ်။ ဖြားဖြစ်ကြောန့်နူးဆိုဟှာ ငါ့ယော့‑က်ဒဲစီရင်ဇာ မှုဟှ။ ငါ့ဟှို စေလွတ်ဟှူ ဖဟှာ ငါ့နတူးဒူရှိနေဟှယ်။ 
\v 17 နန်းနို့ပညတ်တရားထဲမာ သတ်သေနှေ့ယော့‑က် ဘောတူဟှူ ခီမာ သူးနို့ဖြားဇာဘဲ့ပြောပြော မှန်ဟှယ်။ 
\v 18 ငါဟှာ ငါ့ကြောန်းဟှို သတ်သေခံဟှယ်။ ငါ့ဟှို စေလွတ်ဟှူ ဖဟှလည်း ငါ့ကိုယ်စား သတ်သေခံဟှယ်” ဆိုဘီး ပ္လန်ဖြေတော်မူလေဟှယ်။
\p
\v 19 သူးနို့ဟှ “နန့်ဖဟှ ဖယ်မာနူး” ဆိုဘီး ကိုယ်တော့်ဟှို မေးဂေ့ဟှယ်။
\p ယေရှုဟှ “နန်းနို့ဟှာ ငါ့ဟှို သိဂေ့ဟှမျိုးဘဲ့ ငါ့ဖဟှိုလည်း သိဂေ့ဟှ။ နန်းနို့ဟှာ ငါ့ဟှို သိမယ် ဆိုဟှာ ငါ့ဖဟှိုလည်း သိဂေ့မယ်” ဆိုဘီး ပ္လန်ဖြေဟှယ်။
\p
\v 20 ယေရှုဟှာ ဗိမာန်တော်ထဲမာ သွန်သန်တော်မူဒူးဟှ အယ်စကားလေ အားလောင်းဟှို လှူခံသစ်တာနီးမာ မိန့်တော်မူဟှယ်။ ကိုယ်တော်ရဲ့ ခီရော့‑က်သေးဘဲဟှူကြောန့် ကိုယ်တော့်ဟှို ဖယ်လူလည်း ဖမ်းဂေ့ဟှ။
\s ငါသွားမယ့် နေရာဟှို နန်းနို့လာနိုင်ဂေ့ဟှ
\p
\v 21 ယေရှုဟှာ “ငါဝီးဟှို သွားရလေ့မယ်။ နန်းနို့ဟှာ ငါ့ဟှို လိုက်ရှာဂေ့ဘေမဲ့ နန်းနို့ရဲ့ ပြစ်ထဲမာ သေလေ့မယ်။ ငါသွားဟှို့နေရာဟှို နန်းနို့လာနိုင်ဂေ့ဟှ” ဆိုဘီး မိန့်တော်မူလေဟှယ်။
\p
\v 22 အယ်ကြောန့် ယုဒအာဏာပိုင်လေဟှ “သူလာမယ့် နေရာဟှို နန်းနို့လာနိုင်ဂေ့ဟှ ဆိုဘီး သူဟှ ပြောဟှယ်။ အယ်ဓိပါယ်ဟှ သူ့ကိုယ်သူ သတ်သေဟှို့လော” ဆိုဘီး ပြောဂေ့ဟှယ်။
\p
\v 23 ယေရှုဟှ “နန်းနို့ဟှာ အော့‑က်ဘောင်သားလေ ဖြစ်ဂေ့ဟှယ်။ ငါဟှ ထတ်ဘောင်ဟှနေ လာဟှယ်။ နန်းနို့ဟှာ အယ်လောကသားလေ ဖြစ်ဂေ့ဟှယ်။ ငါဟှာ အယ်လောကသား မှုဟှ။ 
\v 24 အယ်ကြောန့် နန်းနို့ဟှာ နန်းနို့ရဲ့ ပြစ်ထဲမာ သေရလေ့မယ် ဆိုဘီး ငါပြောဟှားဟှယ်။ ‘ငါဖြစ်ဟှူတိုင်း ငါဖြစ်ဟှယ်’ ဆိုဇာဟှို နန်းနို့ ယောင်ကြည်ဟှ ဆိုဟှာ နန်းနို့ဟှာ နန်းနို့ရဲ့ ပြစ်ထဲမာ သေရလေ့မယ်” ဆိုဘီး ဖြေတော်မူဟှယ်။
\p
\v 25 သူးနို့ဟှ “နန်ဟှ ဖယ်သူနူး” ဆိုဘီး ကိုယ်တော့်ဟှို မေးဂေ့ဟှယ်။
\p ယေရှုဟှ “ငါဖယ်သူဖြစ်ဟှယ် ဆိုဇာ နန်းနို့ဟှို စစဒူးဟှ ငါပြောပီးဘီ။\f + \fr ၈.၂၅ \fr*\fq ငါဖယ်သူဖြစ်ဟှယ် ဆိုဇာ နန်းနို့ဟှို စစဒူးဟှ ငါပြောပီးဘီ၊ \fq*\ft အယ်မျိုးမှုဘဲနေဟှာ \ft*\fqa ဖြားဖြစ်ကြောန့် ငါဟှ နန်းနို့ဟှို အားလောင်း ပြောပြရဟှို့နူး။\fqa*\f* 
\v 26 ငါ့မာ နန်းနို့န ပတ်သတ်ဘီး ပြောဟှို့ရော၊ စီရင်ဟှို့ရော ဘောင်ဂီးရှိဟှယ်။ အယ်ဘေမဲ့ ငါ့ဟှို စေလွှတ်ဟှူသူဟှာ သစ်စာန ပ္လဲ့ဇောင်ဘီး ငါဟှာ သူ့နားဟှနေ ကြားရဇာလေဟှိုဘဲ့ အယ်လောကဟှို ပြောဟှယ်” ဆိုဘီး ဖြေတော်မူလေဟှယ်။
\p
\v 27 ယေရှုဟှ ဖဟှို ရည်ညွန်းဘီး ပြောနေဇာဟှို သူးနို့ဟှ နားလည်ဂေ့ဟှ။ 
\v 28 အယ်ကြောန့် ယေရှုဟှ သူးနို့ဟှို “နန်းနို့ဟှ လူ့ရဲ့သားဟှို မ္လော့‑က်ဟှားဟှူ ခီမာ ‘ငါဖြစ်ဒဲ့တိုင်း ငါဖြစ်ဟှယ်’ ဆိုဇာဟှိုရော၊ ငါဟှာ ငါ့ကိုယ်ပိုင် ခွမ့်အာဏာန ဖြားလည်းလောက်ဟှ ဆိုဇာဟှိုရော၊ ငါ့ဟှို ဖဟှ ညွန်ကြားဟှားဇာလေဟှိုဘဲ့ ငါပြောဟှယ် ဆိုဇာဟှိုရော နန်းနို့လေ သိလေ့မယ်။ 
\v 29 ငါ့ဟှို စေလွှတ်သူဟှာ ငါ့နတူးဒူ ရှိဘီး ငါဟှာ သူကြိုက်ဟှူ ဇာလေဟှို မြဲဒမ်း လောက်နေကြောန့် သူဟှာ ငါ့ဟှို တယော့‑က်ဒဲ ပစ်ထားတော်မူဟှ” ဆိုဘီး မိန့်တော်မူလေဟှယ်။
\p
\v 30 အယ်မူဇာလေဟှို ကြားရဟှူ လူလေဟှာ ယေရှုဟှို ယောင်ကြည်ဂေ့ဟှယ်။
\s သမ္မာတရားဟှ နန်းနို့ဟှို လွတ်မြော့‑က်စေဟှယ်
\p
\v 31 အယ်ကြောန့် ယေရှုဟှ သူ့ဟှို ယောင်ကြည်ဟှူ ယုဒလူလေဟှို “နန်းနို့ဟှာ ငါ့ရဲ့ တရားစကားဟှို နားထောန်မယ် ဆိုဟှာ နန်းနို့ဟှာ ငါ့ရဲ့ တဗဲ့တော်လေ မှန်ဘဲ့ဖြစ်ဘီး 
\v 32 နန်းနို့ဟှာ သမ္မာတရားဟှို သိရဘီးဟှာ အယ်သမ္မာတရားဟှ နန်းနို့ဟှို လွတ်မြော့‑က်စေလေ့မယ်” ဆိုဘီး မိန့်တော်မူလေဟှယ်။
\p
\v 33 \x - \xo ၈.၃၃ \xo*\xt မ ၃.၉; လု ၃.၈\xt*\x* သူးနို့ဟှ “နို့လေဟှာ အာဗြဟံရဲ့ မ္လေးမ္လစ်လေဖြစ်ဘီး နို့လေဟှာ ဖယ်လူနားမာလည်း ကျွန်ခံဖူးဟှ။ အယ်ဆိုဟှာ ‘နန်းနို့လေ လွတ်မြော့‑က်လေ့မယ်’ ဆိုဘီး နန်ပြောနေဇာဟှ ဖြားဓိပါယ်နူး” ဆိုဘီး မေးဂေ့ဟှယ်။
\p
\v 34 ယေရှုဟှ “နန်းနို့ဟှို ငါ မှန်တိုင်းပြောမယ်၊ ပြစ်လောက်ဟှူ လူတိုင်းဟှာ ပြစ်ရဲ့ကျွန် ဖြစ်ဟှယ်။ 
\v 35 ကျွန်ဟှာ အီမာ မြဲဒမ်းနေဇာ မှုဟှ။ အယ်ဘေမဲ့ သားဟှာ မြဲဒမ်း နေဟှယ်။ 
\v 36 သားတော်ဟှ နန်းနို့ဟှို လွတ်ပေးမယ် ဆိုဟှာ နန်းနို့ဟှာ မှန်ဘဲ့လွတ်ဂေ့လေ့မယ်။ 
\v 37 နန်းနို့ဟှာ အာဗြဟံရဲ့ မ္လေးမ္လစ်ဖြစ်ဟှယ် ဆိုဇာဟှို ငါသိဟှယ်။ နန်းနို့ဟှာ ငါ့ရဲ့ သွန်သန်ချစ်ဟှို လတ်ခံရှင်ဘဲဟှူကြောန့် ငါ့ဟှို သတ်ဟှို့ ကြိုးစားနေဂေ့ဟှယ်။ 
\v 38 ငါဟှာ ဖနားဟှ ဗြင်ဟှားဇာလေဟှိုဘဲ့ ပြောဟှယ်။ နန်းနို့ဟှာ နန်းနို့ဖ ပြောဟှားဇာလေဟှို လောက်ဂေ့ဟှယ်” ဆိုဘီး သူးနို့ဟှို မိန့်တော်မူလေဟှယ်။
\p
\v 39 သူးနို့ဟှာ “နို့လေရဲ့ ဖဟှာ အာဗြဟံဖြစ်ဟှယ်” ဆိုဘီး ပ္လန်ဖြေဂေ့ဟှယ်။
\p ယေရှုဟှ “နန်းနို့ဟှာ အာဗြဟံရဲ့ သားမီးလေ မှန်ဘဲ့ဖြစ်မယ် ဆိုဟှာ အာဗြဟံလောက်မျိုးဘဲ့ လောက်ဂေ့လေ့မယ်။\f + \fr ၈.၃၉ \fr*\fq နန်းနို့ဟှာ အာဗြဟံရဲ့ သားမီးလေ မှန်ဘဲ့ဖြစ်မယ် ဆိုဟှာ အာဗြဟံလောက်မျိုးဘဲ့ လောက်ဂေ့လေ့မယ်၊ \fq*\ft တချို့ မူရင်းလတ်ရေးမူလေမာ \ft*\fqa နန်းနို့ဟှာ အာဗြဟံရဲ့ သားမီးလေဖြစ်မယ် ဆိုဟှာ အာဗြဟံလောက်မျိုးဘဲ့ လောက်ဂေ့လေ့မယ်၊ \fqa*\ft ဆိုဘီး ပါရှိဟှယ်။\ft*\f* 
\v 40 ဘုရားသခင်နားဟှနေ ငါကြားဟှားဟှူ သမ္မာတရားဟှို နန်းနို့ဟှို ပြောဘေမဲ့လည်း နန်းနို့ဟှ ငါ့ဟှို သတ်ဟှို့ ကြိုးစားဂေ့ဟှယ်။ အာဗြဟံဟှာ အယ်မျိုးလောက်ဟှ! 
\v 41 နန်းနို့ဟှာ နန်းနို့ဖ လောက်ဟှားမျိုး လောက်နေဂေ့ဟှယ်” ဆိုဘီး ပ္လန်မိန့်တော်မူလေဟှယ်။
\p သူးနို့ဟှ “ဘုရားသခင် ကိုယ်တိုင်ဟှာ နို့လေရဲ့ တပါးဒဲဟှူ ဖဖြစ်ဘီး နို့လေဟှာ မှားယွင်းမှုမှေ့ဘဲဟှူ သားမီးလေဖြစ်ဟှယ်” ဆိုဘီး ဖြေဂေ့ဟှယ်။
\p
\v 42 ယေရှုဟှာ သူးနို့ဟှို “ဘုရားသခင်ဟှ နန်းနို့ဖ မှန်ဘဲ့ဖြစ်ဟှယ် ဆိုဟှာ နန်းနို့ဟှာ ငါ့ဟှို ရှစ်ဂေ့လေ့မယ်။ ဖြားဖြစ်ကြောန့်နူးဆိုဟှာ ငါဟှာ ဘုရားသခင်နားဟှ လာဘီး ခု ငါအယ်မာရှိဟှယ်။ ငါ့ကိုယ်ပိုင် ခွမ့်အာဏာန လာဇာ မှုဟှ။ ကိုယ်တော်ဟှ ငါ့ဟှို စေလွှတ်တော်မူဟှယ်။ 
\v 43 နန်းနို့ဟှာ ငါပြောဇာဟှို ဖြားဖြစ်ကြောန့် နားလည်ဂေ့ဟှနူး။ နန်းနို့ဟှာ ငါ့ရဲ့ တရားဟှို နားထောန်နိုင်ဘဲကြောန့် ဖြစ်ဟှယ်။ 
\v 44 နန်းနို့ဟှာ နန်းနို့ဖ မာရ်နတ်ရဲ့ သားလေဖြစ်ဘီး နန်းနို့ဖရဲ့ လိုနော့‑က်ဟှို လိုက်ရှင်ဂေ့ဟှယ်။ စစဒူးဟှ သူဟှာ လူသတ်မားဖြစ်ဘီး သမ္မာတရား ဖတ်မာမှေ့ဟှ။ ဖြားဖြစ်ကြောန့်နူးဆိုဟှာ သူ့ထဲမာ သမ္မာတရားလည်း မှေ့ဟှ။ သူဟှာ လီညာသူဖြစ်ဘီး လီညာဇာ အားလောင်းရဲ့ ဖလည်းဖြစ်ဟှူကြောန့် သူ့ပင်ကိုစရိုက်တိုင်းဘဲ့ ပြောဆိုဟှယ်။ 
\v 45 အယ်ဘေမဲ့ ငါဟှာ သမ္မာတရားဟှို ပြောဟှူကြောန့် နန်းနို့ဟှာ ငါ့ဟှို ယောင်ကြည်ဂေ့ဟှ။ 
\v 46 ငါ့မာ ပြစ်ရှိဟှယ် ဆိုဇာဟှို နန်းနို့ထဲဟှ ဖယ်လူတယော့‑က် သတ်သေပြနိုင်မယ်နူး။ ငါဟှာ သမ္မာတရားဟှို ပြောဟှယ် ဆိုဟှာ ဖြားဖြစ်ကြောန့် နန်းနို့ဟှာ ငါ့ဟှို ယောင်ကြည်ဂေ့ဟှနူး။ 
\v 47 ဘုရားသခင်နားဟှ လာဟှူလူဟှာ ဘုရားသခင်ရဲ့ စကားလေဟှို နားထောန်ဟှယ်။ အယ်ဘေမဲ့လည်း နန်းနို့ဟှ ဘုရားသခင်နားဟှ လာဇာမှုဘဲဟှူကြောန့် နန်းနို့ဟှာ နားထောန်ဂေ့ဟှ” ဆိုဘီး မိန့်တော်မူလေဟှယ်။
\s ယေရှုန အာဗြဟံ
\p
\v 48 ယုဒလူလေဟှာ ယေရှုဟှို “နန်ဟှာ ရှမာရိလူ ဖြစ်ဘီးဟှာ နန့်ထဲမာ နတ်ဆိုးရှိဟှယ် ဆိုဘီး နို့လေပြောဇာဟှာ မှန်ဘဲကြောန့်လော” ဆိုဘီး မေးဂေ့ဟှယ်။
\p
\v 49 ယေရှုဟှ “ငါ့မာ နတ်ဆိုးမှေ့ဟှ။ ငါဟှာ ငါ့ဖဟှို ချီးမြှော့‑က်ဘေမဲ့ နန်းနို့ဟှာ ငါ့ဟှို ချီးမြော့‑က်ဂေ့ဟှ။ 
\v 50 ငါဟှာ ငါ့တွပ် ဖောင်းသရေတော်ဟှို ရှာဇာ မှုဟှ။ အယ်ဘေမဲ့ ငါ့ရဲ့ ဖောင်းသရေတော်ဟှို ရှာဘီး ငါ့ဖတ်မာ စီရင်တော်မူဟှူသူ ရှိဟှယ်။ 
\v 51 နန်းနို့ဟှို ငါ မှန်တိုင်းပြောမယ်၊ ငါ့စကားဟှို နာခံဟှူ ဖယ်သူဘဲ့ဖြစ်ဖြစ် ကာလစဉ်ဆစ် သေဘေးန ကြောင်ရဟှို့ မှုဟှ” ဆိုဘီး မိန့်တော်မူလေဟှယ်။
\p
\v 52 ယုဒလူလေဟှ ကိုယ်တော့်ဟှို “နန့်မာ နတ်ဆိုးရှိဟှယ် ဆိုဇာဟှို ခု နို့လေ တိက္လသိဟှားဘီ! အာဗြဟံလည်း သေဟှားဘီ။ ပရောဖက်လေလည်း သေဟှားဘီ။ ခုထိ နန်ဟှာ နန့်ရဲ့ စကားဟှို နာခံဟှူ ဖယ်လူဘဲ့ဖြစ်ဖြစ် ကာလစဉ်ဆစ် သေရလေ့မယ် မှုဟှ ဆိုဘီး ပြောဟှယ်။ 
\v 53 နန်ဟှာ သေဟှားဟှူ နို့လေရဲ့ဖ အာဗြဟံထတ် ကီးမြတ်လော။ သူဟှာ သေဟှားဘီ။ ပရောဖက်လေလည်း သေဟှားဂေ့ဘီ။ နန့်ကောန်နန် ဖယ်လူဖြစ်ဟှယ် ဆိုဘီး ထန်နေနူး” ဆိုဘီး ပြောဂေ့ဟှယ်။
\p
\v 54 ယေရှုဟှ “ငါဟှာ ငါ့ကိုယ်ငါ ချီးမြှော့‑က်မယ် ဆိုဟှာ အယ်မျိုး ချီးမြှော့‑က်ဇာဟှာ သောင်းဇာရဟှို့ မှုဟှ။ ငါ့ဟှို ချီးမြှော့‑က်ဟှူသူဟှာ ငါ့ဖဖြစ်ဘီး နန်းနို့ပြောနေဟှူ နန်းနို့ရဲ့ ဘုရားသခင် ဖြစ်ဟှယ်။ 
\v 55 နန်းနို့ဟှာ သူ့ဟှို လောက်ဝသိဂေ့ဘေမဲ့ ငါဟှာ သူ့ဟှို သိဟှယ်။ သူ့ဟှို ငါသိဟှ ဆိုဘီး ပြောမယ် ဆိုဟှာ ငါဟှာလည်း နန်းနို့မျိုးဘဲ့ လီညာသူ ဖြစ်ဟှားလေ့မယ်။ အယ်ဘေမဲ့ ငါဟှာ သူ့ဟှို သိဘီး သူ့စကားဟှို နာခံဟှယ်။ 
\v 56 နန်းနို့ဖ အာဗြဟံဟှာ ငါလာမယ့် ခီကာလဟှို ဗြင်ရမယ် ဖြစ်ဟှူကြောန့် ပျော်ရွှင်နေဘီး အယ်နေ့ရစ်ဟှို ဗြင်ဟှားဟှူ ခီမာ ဝန်းသာလေဟှယ်” ဆိုဘီး ပ္လန်ဖြေတော်မူလေဟှယ်။
\p
\v 57 ယုဒလူလေဟှာ ကိုယ်တော့်ဟှို “နန်ဟှာ သတ်ငါးဆယ်မျှ ပ္လဲ့သေးဘဲ့န ဖယ်မျိုးလောက်ဘီး အာဗြဟံဟှို ဗြင်ဖူးဟှားဟှယ်နူး”\f + \fr ၈.၅၇ \fr*\fq အာဗြဟံဟှို ဗြင်ဖူးဟှားဟှယ်နူး၊ \fq*\ft တချို့ မူရင်းလတ်ရေးမူလေမာ \ft*\fqa အာဗြဟံဟှ နန့်ဟှို ဗြင်ဖူးဘီးဘဲ့လော၊ \fqa*\ft ဆိုဘီး ပါရှိဟှယ်။\ft*\f* ဆိုဘီး မေးဂေ့ဟှယ်။
\p
\v 58 ယေရှုဟှ “နန်းနို့ဟှို ငါ မှန်တိုင်းပြောမယ်၊ အာဗြဟံ မွီးခန်ဂဒဲဟှ ငါရှိဟှယ်!” ဆိုဘီး ပ္လန်ဖြေဟှယ်။
\p
\v 59 အယ်န သူးနို့ဟှာ ကိုယ်တော့်ဟှို ပစ်ဟှို့ က္လော့‑က်ခဲလေဟှို ကော့‑က်ဂေ့ဟှယ်။ အယ်ဘေမဲ့ ယေရှုဟှာ ဗိမာန်တော်ဟှနေ ရှောန်ထွပ်ဟှားတော်မူလေဟှယ်။
\c 9
\s ယေရှုဟှာ မွီးဂဒဲဟှ မျစ်စိကန်းနေဟှူ လူတယော့‑က်ဟှို ဗြင်စေဟှူကြောန်း
\p
\v 1 ယေရှုဟှာ လမ်းရှော့‑က်သွားနေဒူးမာ မွီးဂဒဲဟှ မျစ်စိကန်းနေဟှူ လူတယော့‑က်ဟှို တွိတော်မူဟှယ်။ 
\v 2 ကိုယ်တော်ရဲ့တဗဲ့တော်လေဟှ ကိုယ်တော့်ဟှို “ဆရာ၊ အယ်လူဟှာ မွီးဂဒဲဟှ မျစ်စိကန်းနေဇာဟှ ဖယ်လူရဲ့ ပြစ်ကြောန့်နူး။ သူ့ရဲ့ ပြစ်ကြောန့်လော။ သူ့မိဖရဲ့ ပြစ်ကြောန့်လော” ဆိုဘီး မေးဂေ့ဟှယ်။
\p
\v 3 ယေရှုဟှ “သူ့ရဲ့ ပြစ်ကြောန့်လည်း မှုဟှ။ သူ့မိဖရဲ့ ပြစ်ကြောန့်လည်း မှုဟှ။ သူ့မာ ဘုရားသခင်ရဲ့ တဂိုးတော်ဟှာ ထန်ရှားစေဟှို့တွပ်ဖြစ်ဟှယ်။ 
\v 4 နို့လေဟှာ ငါ့ဟှို စေလွှတ်ဟှူသူရဲ့ မှုတော်ဟှို နေ့ခီမာ လောက်ဆောန်ရမယ်။ ဖယ်လူလည်း လောက်နိုင်ဘဲဟှူ ညဉ့်ခီ ရော့‑က်လာလေ့မယ်။ 
\v 5 \x - \xo ၉.၅ \xo*\xt မ ၅.၁၄; ယော ၈.၁၂\xt*\x*ငါဟှာ လောကမာ ရှိနေဟှူ ခီမာ ငါဟှာ လောကတွပ် လန်းရောန်ဖြစ်ဟှယ်” ဆိုဘီး ဖြေတော်မူလေဟှယ်။
\p
\v 6 ယေရှုဟှာ အယ်မျိုး မိန့်တော်မူဘီးန မ္လေဂီးထတ်ဟှို ထွီးရယ်န ထွီးဘီးဟှာ အယ်ထွီးရယ်န ဗယ်ဟှို နယ်လိုက်ဟှယ်။ ကိုယ်တော်ဟှာ အယ်လူရဲ့ မျစ်စိလေဟှို ဗယ်နလူးပေးလိုက်ဘီး 
\v 7 သူ့ဟှို “ရှိလောင်ရေကန်မာ သွားဘီးဆေးလိုက်” ဆိုဘီး မိန့်တော်မူလေဟှယ်။ ရှိလောင် နာမယ်ဟှာ “စေလွှတ်ဟှယ်” ဆိုဘီး ဓိပါယ်ရဟှယ်။ အယ်ကြောန့် အယ်လူဟှာ သွားဘီး သူ့မျစ်နှာဟှို ဆေးလိုက်ဟှူ ခီမာ မျစ်စိဗြင်ဟှားဘီး ပ္လန်လာလေဟှယ်။
\p
\v 8 အီဇနီးရှင်းလေန ရင်ဒူးဟှ တောန်းဇားနေဟှူ သူ့ဟှို ဗြင်ဖူးဟှူလူလေဟှ “အယ်လူဟှာ ထိုင်ဘီးတောန်းဇားနေဟှူလူ မှုဟှလော” ဆိုဘီး မေးဂေ့ဟှယ်။
\p
\v 9 တချို့ဟှ “အယ်လူဘဲ့ ဖြစ်ဟှယ်” ဆိုဘီး ပြောဂေ့ဟှယ်။ အယ်ဘေမဲ့ တချို့ဟှ “အယ်လူ မှုဟှ။ အယ်လူန တူဇာဖြစ်ဟှယ်” ဆိုဘီး ပြောဂေ့ဟှယ်။
\p အယ်ကြောန့် အယ်လူကိုယ်တိုင်ဟှ “အယ်လူဟှာ ငါဘဲ့ဖြစ်ဟှယ်” ဆိုဘီး ပြောဟှယ်။
\p
\v 10 သူးနို့ဟှ “နန်ဟှ ဖယ်မျိုးဖြစ်ကြောန့် မျစ်စိဗြင်ဟှားနူး” ဆိုဘီး မေးဂေ့ဟှယ်။
\p
\v 11 သူဟှ “ယေရှု ဆိုဘီး ခေါ်ဟှူလူဟှ ဗယ်ဟှို လောက်ဘီး ကျွန်တော်ရဲ့မျစ်စိဟှို ဗယ်နလူးပေးဘီးဟှာ ရှိလောင်ရေကန်ဟှို သွားဘီးဆေးဟှို့ပြောဟှယ်။ အယ်ကြောန့် ကျွန်တော်ဟှာ သွားဘီးငါ့မျစ်နှာဟှို ဆေးလိုက်ဟှူန မျစ်စိဗြင်ဟှားလေဟှယ်” ဆိုဘီး ဖြေလေဟှယ်။
\p
\v 12 သူးနို့ဟှ “အယ်လူဟှာ ဖယ်နားမာနူး” ဆိုဘီး မေးဂေ့ဟှယ်။
\p သူဟှ “ကျွန်တော်သိဟှ” ဆိုဘီး ဖြေလေဟှယ်။
\s ဖာရိရှဲလေဟှ မျစ်စိဗြင်ဟှားဇာဟှို စစ်ဆေးဟှူကြောန်း
\p
\v 13 အယ်ဘီးန သူးနို့ဟှာ မျစ်စိကန်းဖြစ်ဖူးဟှူလူဟှို ဖာရိရှဲလေနားဟှို ခေါ်ဟှားဂေ့ဟှယ်။ 
\v 14 ယေရှုဟှာ ဗယ်ဟှိုနယ်ဘီး အယ်လူရဲ့ မျစ်စိဟှို ဗြင်စေတော်မူဟှူနေ့ဟှာ ဒန်းနေ့ဖြစ်ဟှယ်။ 
\v 15 အယ်ကြောန့် ဖာရိရှဲလေဟှာ အယ်လူဟှို ဖယ်မျိုး မျစ်စိဗြင်ဟှားဟှယ် ဆိုဘီး ပ္လန်မေးဂေ့ဟှယ်။ အယ်လူဟှ “သူဟှာ ကျွန်တော့်မျစ်စိဟှို ဗယ်နလူးပေးဟှယ်။ ကျွန်တော်ဟှာ မျစ်နှာဟှို ဆေးလိုက်ဟှူ ခီမာ မျစ်စိဗြင်ဟှားလေဟှယ်” ဆိုဘီး သူးနို့ဟှို ပြောပြဟှယ်။
\p
\v 16 ဖာရိရှဲတချို့ဟှ “အယ်လူဟှာ ဒန်းနေ့ဟှို ဖော့‑က်ဖျစ်ဟှူကြောန့် ဘုရားသခင်နားဟှ လာဟှူလူ မှုဟှ” ဆိုဘီး ပြောဂေ့ဟှယ်။
\p တချို့ဟှလည်း “ပြစ်သားဖြစ်ဟှူလူဟှာ ဖယ်မျိုးလောက်ဘီးဟှာ အယ်မျိုး နိမိတ် လတ်ခဏာလေဟှို ပြနိုင်ဟှို့နူး” ဆိုဘီး ပြောဂေ့ဟှယ်။ အယ်ဘီးန သူးနို့ထဲမာလည်း စိဝန်းကွဲဟှားဂေ့ဟှယ်။
\p
\v 17 အယ်ကြောန့် ဖာရိရှဲလေဟှာ အယ်လူဟှို “နန့်ဟှို မျစ်စိဗြင်စေဟှူ လူရဲ့ကြောန်းဟှို နန်ဖယ်မျိုးပြောမယ်နူး” ဆိုဘီး နော့‑က်တခါ ပ္လန်မေးဂေ့ဟှယ်။
\p အယ်လူဟှ “သူဟှာ ပရောဖက်ဖြစ်ဟှယ်” ဆိုဘီး ပ္လန်ဖြေလေဟှယ်။
\p
\v 18 အယ်ဘေမဲ့လည်း ယုဒအာဏာပိုင်လေဟှ သူဟှာ ရင်ဒူးဟှ မျစ်စိကန်းဖြစ်ဘီး ခု ဗြင်နေဟှယ် ဆိုဇာဟှို ယောင်ကြည်ဘဲကြောန့် သူးနို့ဟှာ သူ့မိဖလေဟှို ခေါ်ဘီးန 
\v 19 သူးနို့ဟှို “အယ်လူဟှာ နန်းနို့ရဲ့ သားဘဲ့လော။ သူဟှာ မွီးဂဒဲဟှ ကန်းနေဟှယ် ဆိုဘီး နန်းနို့ပြောဂေ့ဟှယ်။ အယ်ဆိုဟှာ ခု ဖယ်မျိုးဖြစ်ဟှူကြောန့် ဗြင်နေရနူး” ဆိုဘီး မေးဂေ့ဟှယ်။
\p
\v 20 သူ့မိဖလေဟှ “သူဟှာ နို့လေရဲ့ သားဖြစ်ဟှယ် ဆိုဇာဟှို နို့လေ သိဂေ့ဟှယ်။ သူဟှာ မွီးဂဒဲဟှ ကန်းနေဟှယ် ဆိုဇာဟှိုလည်း နို့လေသိဂေ့ဟှယ်။ 
\v 21 အယ်ဘေမဲ့ ခု ဖယ်မျိုးလောက်ဘီး ဗြင်ဟှားဟှယ် ဆိုဇာဟှို နို့လေသိဂေ့ဟှ။ သူ့ဟှို ဗြင်အောန်ကုသပေးဟှူ သူဟှိုလည်း နို့လေသိဂေ့ဟှ။ သူ့ဟှိုဘဲ့ မေးကေ့။ သူဟှာ ရွယ်ရော့‑က်နေဘီ။ သူ့ကြောန်းဟှို သူကိုယ်တိုင်ဘဲ့ ဖြေနိုင်မယ်!” ဆိုဘီး ဖြေဂေ့ဟှယ်။ 
\v 22 သူ့မိဖလေဟှာ ယုဒအာဏာပိုင်လေဟှို ကြော့‑က်ဟှူကြောန့် အယ်မျိုး ပြောလိုက်ဂေ့ဟှယ်။ ယုဒအာဏာပိုင်လေဟှာ ဖယ်လူဘဲ့ဖြစ်ဖြစ် ယေရှုဟှာ မေရှိယဖြစ်ဟှယ် ဆိုဘီး ဝန်ခံမယ် ဆိုဟှာ ဝါလယ်ဇရပ်ဟှနေ နှန်ထုဟှို့တွပ် ဘောတူဟှားဟှယ်။ 
\v 23 အယ်ကြောန့်ဘဲ့ သူ့မိဖလေဟှ “သူဟှာ ရွယ်ရော့‑က်နေဘီ။ သူ့ဟှိုဘဲ့ မေးကေ့!” ဆိုဘီး ပြောလိုက်ဂေ့ဟှယ်။
\p
\v 24 သူးနို့ဟှာ မွီးဂဒဲဟှ ကန်းနေဟှူလူဟှို ဒုတိယခါ ပ္လန်ခေါ်ဘီး “မှန်တိုင်းပြောဇာအားဖြင့် ဘုရားသခင်ဟှို ချီးမွမ်းပါ! နန့်ဟှို ကုသပေးဟှူလူဟှာ ပြစ်သားတယော့‑က် ဖြစ်ဟှယ် ဆိုဇာဟှို နို့လေသိဂေ့ဟှယ်” ဆိုဘီး သူ့ဟှို ပြောဂေ့ဟှယ်။
\p
\v 25 အယ်လူဟှ “သူဟှာ ပြစ်သားဖြစ်ဟှယ်၊ ဖြစ်ဟှ ဆိုဇာဟှို ကျွန်တော်သိဟှ။ ကျွန်တော်သိဇာတခုဟှ ရင်ဒူးဟှ ကျွန်တော်ဟှာ မျစ်ကန်းဖြစ်ဘီး ခု ဗြင်ဟှားဘီ” ဆိုဘီး ပ္လန်ဖြေလေဟှယ်။
\p
\v 26 အယ်လူလေဟှ “သူဟှ နန့်ဟှို ဖြားလေ လောက်ပေးဟှယ်နူး။ နန့်ရဲ့ မျစ်စိဟှို ဖယ်မျိုး ဗြင်စေဟှယ်နူး” ဆိုဘီး မေးဂေ့ဟှယ်။
\p
\v 27 သူဟှ “ခန်ဗျားလေဟှို ကျွန်တော်ပြောပီးဘီ။ ခန်ဗျားလေ နားထောန်ဂေ့ဟှ။ ဖြားဖြစ်ကြောန့် ခန်ဗျားလေဟှ ပ္လန်ဘီးကြားရှင်နေရနူး။ ခန်ဗျားလေလည်း သူ့တဗဲ့ ဖြစ်ရှင်ကြောန့်လော” ဆိုဘီး ပ္လန်ပြောလေဟှယ်။
\p
\v 28 သူးနို့ဟှ “နန်ဘဲ့အယ်လူရဲ့ တဗဲ့ဖြစ်ဟှယ်။ နို့လေဟှ မောရှေရဲ့ တဗဲ့လေ ဖြစ်ဟှယ်။ 
\v 29 ဘုရားသခင်ဟှာ မောရှေဟှို ပြောဟှားဇာလေဟှို နို့လေသိဂေ့ဟှယ်။ အယ်ဘေမဲ့ အယ်လူဟှာ ဖယ်ဟှနေလာဟှယ် ဆိုဇာဟှို နို့လေသိဂေ့ဟှ!” ဆိုဘီး သူ့ဟှို ပြစ်တန်ဘီး ပြောဂေ့ဟှယ်။
\p
\v 30 အယ်လူဟှ “သူဟှာ ကျွန်တော့်မျစ်စိဟှို ဗြင်စေဟှယ်။ အယ်ဘေမဲ့ ခန်ဗျားလေဟှ အယ်လူဖယ်ဟှနေ လာဟှယ် ဆိုဇာဟှို သိဂေ့ဟှ ဆိုဇာ ရရာတိုင်း အံ့ဇာကောန်းဟှယ်! 
\v 31 ဘုရားသခင်ဟှာ ပြစ်သားလေရဲ့ စကားဟှို နားထောန်ဟှ။ ဘုရားသခင်ဟှိုကြော့‑က်ဘီး ကိုယ်တော် လိုရှင်ဇာဟှို လောက်ဟှူလူလေရဲ့ စကားဟှိုဘဲ့ နားထောန်ဟှယ် ဆိုဇာဟှို ကျွန်တော့်ဟှားလေသိဟှယ်။ 
\v 32 မွီးဂဒဲဟှ ကန်းနေဟှူ လူတယော့‑က်ဟှာ မျစ်စိဗြင်ဟှားဟှယ် ဆိုဇာဟှို ရှေးခေတ်ကာလဟှ ယော့‑က်လည်း ကြားဖူးဂေ့ဟှ။ 
\v 33 အယ်လူဟှာ ဘုရားသခင်နားဟှနေ လာဟှ ဆိုဟှာ ဖြားတခုလည်း လောက်နိုင်ဟှို့ မှုဟှ” ဆိုဘီး ပ္လန်ဖြေလေဟှယ်။
\p
\v 34 သူးနို့ဟှ “နန်ဟှာ မွီးဂဒဲဟှ ပြစ်န ကီးလာဟှူ လူဖြစ်ဘီးဟှာ နို့လေဟှို သွန်သန်ပေးဟှို့လော” ဆိုဘီး မေးဂေ့ဟှယ်။ အယ်ဘီးန သူ့ဟှို ဝါလယ်ဇရပ်ဟှနေ နှန်ထုလိုက်ဂေ့ဟှယ်။
\s ဝိညာဉ်မျစ်စိကန်းနေဟှူကြောန်း
\p
\v 35 အယ်မျိုး နန်ထုလိုက်ဟှယ် ဆိုဇာဟှို ယေရှုဟှာ ကြားဟှားဟှူ ခီမာ အယ်လူဟှို တွိလိုက်ဟှူန “နန်ဟှာ လူ့ရဲ့သားဟှို ယောင်ကြည်ဘဲ့လော” ဆိုဘီး မေးတော်မူလေဟှယ်။
\p
\v 36 အယ်လူဟှ “ဆရာ၊ လူ့ရဲ့သားဟှ ဖယ်သူနူး။ ကျွန်တော်ဟှာ သူ့ဟှို ယောင်ကြည်နိုင်ဟှို့တွပ် ပြောပြပါလား” ဆိုဘီး မေးတော်မူလေဟှယ်။
\p
\v 37 ယေရှုဟှ “နန်ဟှာ သူ့ဟှို ဗြင်ဖူးပီးဘီ။ ခု နန့်န စကားပြောနေဟှူ လူဘဲ့ ဖြစ်ဟှယ်” ဆိုဘီး သူ့ဟှို မိန့်တော်မူဟှယ်။
\p
\v 38 အယ်လူဟှ “သခင်၊ ကျွန်တော် ယောင်ကြည်ပါဟှယ်!” ဆိုဘီး လျှော့‑က်လိုက်ဘီးဟှာ ယေရှုဟှို ရှိခိုးလေဟှယ်။
\p
\v 39 ယေရှုဟှ “ငါဟှာ ကန်းနေဟှူလူလေဟှို ဗြင်စေဘီး ဗြင်နေဟှူလူလေဟှို ကန်းစေဟှို့တွပ်န တရားစီရင်ဟှို့တွပ် အယ်လောကဟှို ကြွလာဟှယ်” ဆိုဘီး မိန့်တော်မူဟှယ်။
\p
\v 40 ကိုယ်တော်နတူးဒူ ရှိနေဟှူ ဖာရိရှဲတချို့ဟှာ အယ်မျိုးပြောဇာဟှို ကြားရဟှူကြောန့် ကိုယ်တော့်ဟှို “ဖြားနူး။ နို့လေလည်း မျစ်ကန်းဖြစ်ဟှယ်လော။” ဆိုဘီး မေးဂေ့ဟှယ်။
\p
\v 41 ယေရှုဟှ “နန်းနို့ဟှာ မျစ်ကန်းဖြစ်မယ် ဆိုဟှာ နန်းနို့မာ ပြစ်မှေ့ဟှ။ အယ်ဘေမဲ့ နန်းနို့ဟှ ဗြင်ဟှယ် ဆိုဘီး ပြောနေဟှူကြောန့် နန်းနို့မာ ပြစ်ရှိဟှယ်” ဆိုဘီး ဖြေတော်မူဟှယ်။
\c 10
\s သိုးထီးမားရဲ့ ပေါင်ဥပမာ
\p
\v 1 ယေရှုဟှ “နန်းနို့ဟှို ငါ မှန်တိုင်ပြောမယ်။ သိုးခြံထဲဟှို ခွဗော့‑က်ဟှနေ ဝမ်ဘဲန တခြားနည်းလမ်းန ကျော်ဝမ်ဟှူလူဟှာ ခိုးမ္လ ဖြစ်ဟှယ်။ 
\v 2 ခွဗော့‑က်ဟှနေ ဝမ်ဟှူလူဟှာ သိုးထီးမားဖြစ်ဟှယ်။ 
\v 3 သိုးထီးမားဟှို ခွဗော့‑က်စောန့်ဟှာ ခွဗော့‑က်ဖွမ့်ပေးဟှယ်။ သိုးလေဟှလည်း သူ့ရဲ့သံဟှို နားထောန်ဂေ့ဟှယ်။ သူဟှာ သူ့ရဲ့သိုးလေဟှို နာမယ်န ထုဆောန်တတ်ဟှယ်။ 
\v 4 သူ့သိုးလေဟှို ထုဆောန်ဟှားခီမာ သိုးလေရှေ့ဟှနေ သွားဟှယ်။ သိုးလေဟှလည်း သူ့ရဲ့သံဟှို သိဟှူကြောန့် သူ့နော့‑က်လိုက်ဂေ့ဟှယ်။ 
\v 5 သိုးလေဟှာ လူဇီးနော့‑က်လိုက်မယ့်စား အယ်လူရဲ့ သံဟှို သိဘဲဟှူကြောန့် အယ်လူနားဟှနေ ထွပ်ပ္လေးဂေ့လေ့မယ်” ဆိုဘီး မိန့်တော်မူဟှယ်။
\p
\v 6 ယေရှုဟှ ဖာရိရှဲလေဟှို အယ်ပေါင်ဥပမာဟှို ပြောပြဘေမဲ့လည်း အယ်ပေါင်ဥပမာရဲ့ ဓိပါယ်ယ်ဟှို နားလည်ဂေ့ဟှ။
\s ကောန်းမြတ်ဟှူ သိုးထီးမား ယေရှု
\p
\v 7 အယ်ကြောန့် ယေရှုဟှ “နန်းနို့ဟှို ငါ မှန်တိုင်ပြောမယ်။ ငါဟှာ သိုးလေဝမ်ဟှူ ခွဗော့‑က်ဖြစ်ဟှယ်။ 
\v 8 ငါ့ရှေ့ဟှ ရော့‑က်လာဟှူ လူလေ အားလောင်းဂူဟှာ ခိုးမ္လလေ ဖြစ်ဂေ့ဟှယ်။ အယ်ကြောန့် သိုးလေဟှာ သူးနို့ရဲ့ သံဟှို နားထောန်ဂေ့ဟှ။ 
\v 9 ငါဟှာ ခွဗော့‑က်ဖြစ်ဟှယ်။ ငါ့အားဖြင့်ဝမ်ဟှူလူလေဟှာ ကယ်တန်ခံရလေ့မယ်။ သူးနို့ဟှာ ထွပ်ဝမ်ဘီး စားကျက်ဟှို တွိလေ့မယ်။ 
\v 10 ခိုးဟှာ ခိုးဟှို့၊ သတ်ဟှို့၊ ဖျစ်ဆီးဟှို့လာဟှယ်။ ငါဟှာ နန်းနို့ဟှို သတ်ရရောင်မျှ မှုဟှ သတ်န ပ္လဲ့ဇောင်စေဟှို့တွပ် လာဟှယ်။”
\p
\v 11 “ငါဟှာ ကောန်းဟှူ သိုးထီးမား ဖြစ်ဟှယ်။ ကောန်းဟှူ သိုးထီးမားဟှာ သိုးလေတွပ် သူ့သတ်ဟှို စွန့်တတ်ဟှယ်။ 
\v 12 သိုးထီးမားလည်း မှုဘဲဟှူ၊ သိုးလေရဲ့ ဇရှင်လည်း မှုဘဲဟှူ လူငှားဟှာ ဝံပုလွေလာနေဇာဟှို ဗြင်ဟှူ ခီမာ သိုးလေဟှို ထားရစ်ဘီး ထွပ်ပ္လေးဟှားတတ်ဟှယ်။ အယ်ကြောန့် ဝံပုလွေဟှာ သိုးလေဟှို ကိုက်ဖမ်းဘီး ဖ္လဲဖ္လဲစင် ဖြစ်ဟှားစေဟှယ်။ 
\v 13 လူငှားဟှာ လူငှားဘဲ့ဖြစ်ဟှူကြောန့် သိုးလေဟှို ဂရုစိုက်ဘဲန ထွပ်ပ္လေးဟှားလေဟှယ်။ 
\v 14 \x - \xo ၁၀.၁၄–၁၅ \xo*\xt မ ၁၁.၂၇; လု ၁၀.၂၂\xt*\x*ငါဟှာ ကောန်းမြတ်ဟှူ သိုးထီးမားဖြစ်ဟှယ်။ ဖဟှ ငါ့ဟှို သိတော်မူဘီး ငါဟှာလည်း ဖဟှို သိမျိုးဘဲ့ ငါ့သိုးလေဟှိုလည်း ငါသိဘီး ငါ့သိုးလေဟှလည်း ငါ့ဟှိုသိဟှယ်။ 
\v 15 ငါဟှာ သိုးလေတွပ် ငါ့သတ်ဟှို စွန့်ဟှယ်။ 
\v 16 အယ်သိုးခြံထဲဟှို ဝမ်ဘဲဟှူ တခြားသိုးလေဟှိုလည်း ငါပိုင်သေးဟှယ်။ အယ်သိုးလေဟှိုလည်း ငါခေါ်သွမ်းရအူးမယ်။ သူးနို့ဟှာ ငါ့သံဟှို နားထောန်ဟှူကြောန့် သိုးစုတစုဒဲ၊ သိုးထီးမား တယော့‑က်ဒဲ ဖြစ်လာလေ့မယ်။\f + \fr ၁၀.၁၆ \fr*\fq သူးနို့ဟှာ ငါ့သံဟှို နားထောန်ဟှူကြောန့် သိုးစုတစုဒဲ၊ သိုးထီးမား တယော့‑က်ဒဲ ဖြစ်လာလေ့မယ်၊ \fq*\ft တချို့ မူရင်းလတ်ရေးမူလေမာ \ft*\fqa သူးနို့ဟှာ သိုးထီးမားတယော‑က်ဒဲ၊ သိုးစုတစုဒဲ ဖြစ်ဟှားလေ့မယ်၊ \fqa*\ft ဆိုဘီး ပါရှိဟှယ်။\ft*\f*
\p
\v 17 “ငါဟှာ သတ်ဟှို ပ္လန်ရရှိစေဟှို့ ငါ့သတ်ဟှို စွန့်ရှင်ဟှူကြောန့် ဖဟှ ငါ့ဟှို ရှစ်တော်မူဟှယ်။ 
\v 18 ဖယ်လူလည်း ငါ့သတ်ဟှို ငါ့ထံဟှနေ နုယူဟှို့ ရဂေ့ဟှ။ ငါ့ရဲ့ ဆန္ဒတိုင်းဘဲ့ ငါ့သတ်ဟှို ငါစွန့်ဟှယ်။ ငါ့မာ ငါ့သတ်ဟှို စွန့်ဟှို့တွပ် ခွမ့်ရှိဘီး ငါ့သတ်ဟှို ပ္လန်ယူဟှို့တွပ်လည်း ခွမ့်ရှိဟှယ်။ အယ်စေခိုင်းချစ်ဟှို ငါဟှာ ငါ့ဖနားဟှ ရရှိဟှယ်” ဆိုဘီး ထပ်ဘီး မိန့်တော်မူလေဟှယ်။
\p
\v 19 အယ်စကားလေကြောန့် ယုဒလူလေထဲမာ ထပ်ဘီး စိဝန်းကွဲဟှားဟှယ်။ 
\v 20 သူးနို့လေဟှ “သူ့မာ နတ်ဆိုးရှိဟှယ်! သူဟှာ ရူးဖြစ်ဟှယ်! ဖြားဖြစ်ကြောန့် နန်းနို့ဟှ သူ့စကားဟှို နားထောန်နေနူး” ဆိုဘီး ပြောနေဂေ့ဟှယ်။
\p
\v 21 အယ်ဘေမဲ့ တချို့ဟှ “နတ်ဆိုးရှိဟှူ လူဟှာ အယ်မျိုးပြောနိုင် မှုဟှ! နတ်ဆိုးဟှ မျစ်စိကန်းနေဟှူ လူလေဟှို ဖယ်မျိုးဗြင်အောန် လောက်ပေးနိုင်မယ်နူး” ဆိုဘီး ပြောနေဂေ့ဟှယ်။
\s ယေရှုဟှို ငြင်းပယ်ဟှူကြောန်း
\p
\v 22 ယေရုရှလင်ဗြို့မာ ဗိမာန်တော် ဆစ်ကပ် ပွဲတော် ကျင်းပနေဟှယ်။ အယ်ခီဟှ ဆောန်းကာလ ဖြစ်ဟှယ်။ 
\v 23 ယေရှုဟှာ ဗိမာန်တော်ထဲဟှ ရှောလမုန်ရဲ့ မုခ်ဦးဆောန်ထဲမာ လမ်းရှော့‑က်နေဘီး၊ 
\v 24 ယုဒလူလေဟှာ ကိုယ်တော်နားဟှို ဝိုင်းအောင်လာဘီးန “နန်ဟှာ ဖယ်ခီထိ နို့လေရဲ့ စိဟှို ဒွိဟဖြစ်စေဟှို့နူး။ နို့လေဟှို မှန်တိုင်း ရှင်းရှင်းလန်းလန်းဟှား ပြောပြပါ။ နန်ဟှာ မေရှိယဘဲ့လော” ဆိုဘီး မေးဂေ့ဟှယ်။
\p
\v 25 ယေရှုဟှ “နန်းနို့ဟှို ငါပြောပြဟှားဘေမဲ့လည်း နန်းနို့ဟှာ ယောင်ကြည်ဂေ့ဟှ။ နို့ဖရဲ့ ခွမ့်န ငါလောက်ဟှူ မှုလေဟှာ ငါ့ကြောန်းဟှို သတ်သေခံနေဟှယ်။ 
\v 26 အယ်ဘေမဲ့ နန်းနို့ယောင်ကြည်ဂေ့ဟှ။ နန်းနို့ဟှာ ငါ့သိုးလေမှုဘဲကြောန့် ဖြစ်ဟှယ်။ 
\v 27 ငါ့သိုးလေဟှာ ငါ့သံဟှို နားထောန်ဂေ့ဟှယ်။ ငါဟှလည်း သူးနို့ဟှို သိဘီး သူးနို့ဟှာ ငါ့နော့‑က်လိုက်ဂေ့ဟှယ်။ 
\v 28 ထာဝရသတ်ဟှိုလည်း ငါပေးဟှယ်။ အယ်သိုးလေဟှာ လောင်းဝ သေရလေ့ဟှို့ မှုဟှ။ ဖယ်လူလည်း သူးနို့ဟှို ငါ့နားဟှနေ လုယူနိုင်ဂေ့ဟှ။ 
\v 29 သူးနို့ဟှို ငါ့နားမာ အပ်ပေးဟှားဟှူ နို့ဖဟှာ ရာအားလောင်းထတ် ကီးမြတ်တော်မူဟှယ်။\f + \fr ၁၀.၂၉ \fr*\fq သူးနို့ဟှို ငါ့နားမာ အပ်ပေးဟှားဟှူ နို့ဖဟှာ ရာအားလောင်းထတ် ကီးမြတ်တော်မူဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa ငါ့ဟှို ပေးဟှားဟှူ သူးနို့လေရဲ့ ဖဟှာ ရာအားလောင်းထတ် ကီးဟှယ်၊ \fqa*\ft ဆိုဘီး ရှိဟှယ်။\ft*\f* ဖယ်လူလည်း သူးနို့ဟှို ဖလတ်ဟှနေ လုယူနိုင်ဂေ့ဟှ။ 
\v 30 ငါ့ဖန ငါဟှာ တလောင်းတဝဒဲ ဖြစ်ဟှယ်” ဆိုဘီး ဖြေတော်မူလေဟှယ်။
\p
\v 31 ယုဒလူလေဟှာ ကိုယ်တော့်ဟှို ပစ်ဟှို့တွပ် က္လော့‑က်ခဲလေဟှို ပ္လန်ဘီး ကော့‑က်ယူဂေ့ဟှယ်။ 
\v 32 ယေရှုဟှာ “ငါဟှာ ဖနားဟှ ကောန်းမြတ်ဇာလေ ဘောင်ဂီးဟှို နန်းနို့ရှေ့မာ လောက်ပြပီးဘီ။ အယ်မူလေထဲဟှ ဖြားမှုတွပ်ကြောန့် ငါ့ဟှို က္လော့‑က်ခဲန ပစ်ရှင်ဂေ့နူး” ဆိုဘီး သူးနို့ဟှို မိန့်တော်မူလေဟှယ်။
\p
\v 33 ယုဒလူလေဟှ “ကောန်းဟှူ ကျင့်တခုခုကြောန့် နို့လေဟှာ နန့်ဟှို က္လော့‑က်ခဲန ပစ်ရှင်ဇာ မှုဟှ။ နန်ဟှာ လူဖြစ်ဘေမဲ့လည်း နန့်ကောန်နန် ဘုရားဖြစ်ဟှယ် ဆိုဘီး ဘုရားသခင်ဟှို စော်ကားဟှယ်!” ဆိုဘီး ဖြေဂေ့ဟှယ်။
\p
\v 34 ယေရှုဟှ “နန်းနို့ရဲ့ ပညတ်တရားမာ ‘နန်းနို့ဟှာ ဘုရားလေ ဖြစ်ဟှယ်’ ဆိုဘီး ရေးဟှားဟှယ်။ 
\v 35 ကျမ်းစာမာ ဖော်ပြဟှားဟှူ ဇာဟှာ မြဲဒမ်း မှန်ဟှယ် ဆိုဇာဟှို နို့လေသိဂေ့ဟှယ်။ ဘုရားသခင်ဟှ သူ့ရဲ့ စကားတော်ဟှို ကြားရဟှူလူလေဟှို ‘ဘုရားလေ’ ဆိုဘီး ခေါ်လေဟှယ်။ 
\v 36 ဖဟှာ ငါ့ဟှို ဝီးချယ်ဘီး အယ်လောကထဲဟှို စေလွှတ်တော်မူဟှယ်။ ငါဟှာ ဘုရားသခင်ရဲ့ သားတော် ဖြစ်ဟှယ် ဆိုဘီး ပြောဟှူကြောန့် ငါဟှာ ဘုရားသခင်ဟှို စော်ကားဟှယ် ဆိုဘီး ဖယ်မျိုးကြောန့် နန်းနို့ပြောနိုင်ဂေ့ဟှယ်နူး။ 
\v 37 ငါဟှာ ငါ့ဖရဲ့ မှုတော်လေဟှို ဆောန်ရွက်ဟှ ဆိုဟှာ ငါ့ဟှို ယောင်ကြည်ဂေ့န။ 
\v 38 အယ်ဘေမဲ့ ငါဟှာ အယ်မှုလေဟှို လောက်ဆောန်ဟှယ် ဆိုဟှာ ငါ့ဟှို ယောင်ကြည်ဘဲဟှိုမှ ငါ့ရဲ့ လောက်ဆောန်ချစ်လေဟှို ယောင်ကြည်ဂေ့။ အယ်မျိုးယောင်ကြည်မယ် ဆိုဟှာ ဖဟှာ ငါ့ထဲမာ ရှိတော်မူဘီး ငါဟှာလည်း ဖထဲမာ ရှိတော်မူဟှယ် ဆိုဇာဟှို နန်းနို့သိဂေ့လေ့မယ်” ဆိုဘီး ဖြေတော်မူဟှယ်။
\p
\v 39 နော့‑က်တခါ သူးနို့ဟှာ ယေရှုဟှို ဖမ်းဟှို့ ကြိုးစားဂေ့ဟှယ်။ အယ်ဘေမဲ့ ကိုယ်တော်ဟှာ သူးနို့လတ်ဟှနေ လွတ်မြောက်ဟှားလေဟှယ်။
\p
\v 40 \x - \xo ၁၀.၄၀ \xo*\xt ယော ၁.၂၈\xt*\x*အယ်ဘီးန ယေရှုဟှာ ယော်ဒန်မ္လစ်ဟှို ဖြတ်ဘီး ပထမဦးဆောင်း ယောဟန်ဗတ္တိဇံပေးဟှူ နေရာဟှို တခါပ္လန်ကြွဟှားဘီး အယ်နေရာမာ နေတော်မူလေဟှယ်။ 
\v 41 လူလေဘောင်ဂီးဟှာ ကိုယ်တော်နားဟှို လာဂေ့ဟှယ်။ သူးနို့ဟှ “ယောဟန်ဟှာ ဖြားနိမိတ်လတ်ခဏာလေလည်း လောက်ဟှ။ အယ်ဘေမဲ့လည်း အယ်လူကြောန်းဟှို သူပြောဇာလေ အားလောင်းဟှာ မှန်ဟှယ်” ဆိုဘီး ပြောဂေ့ဟှယ်။ 
\v 42 အယ်နေရာမာရှိဟှူ လူလေဘောင်ဂီးဟှာ ယေရှုဟှို ယောင်ကြည်ဂေ့လေဟှယ်။
\c 11
\s လာဇရုသေဟှူကြောန်း
\p
\v 1 \x - \xo ၁၁.၁ \xo*\xt လု ၁၀.၃၈,၃၉\xt*\x*ဗေသနိဝါမာနေဟှူ လာဇရုဟှာ နေကောန်းဘဲဖြစ်နေဟှယ်။ ဗေသနိဝါမာ ညီအေးမလေဖြစ်ဂေ့ဟှူ မာရိန မာသဟှာ နေထိုင်ဂေ့ဟှယ်။ 
\v 2 \x - \xo ၁၁.၂ \xo*\xt ယော ၁၂.၃\xt*\x*အယ်မာရိဟှာ သခင်ဘုရားရဲ့ ခေတော်ထတ်ဟှို ဆီမွှီးလောန်းခ္လဘီး ခေတော်ဟှို ဆားဗန်န သုပေးဟှူသူဖြစ်ဟှယ်။ နေကောန်းဘဲဖြစ်နေဟှူ လာဇရုဟှာ သူ့ရဲ့မောင်ဖြစ်ဟှယ်။ 
\v 3 ညီအေးမနှေ့ယော့‑က်ဟှာ ယေရှုနားဟှို “သခင်၊ ကိုယ်တော်ရှစ်ဟှူလူဟှာ နေကောန်းဘဲ ဖြစ်နေဟှယ်” ဆိုဘီး ဒန်းစကားပို့လိုက်ဂေ့ဟှယ်။
\p
\v 4 အယ်ဒန်းဟှို ယေရှု ကြားလိုက်ခီမာ “အယ်နာဟှာ လာဇရုဟှို သေဟှို့မှုဘဲ ဘုရားသခင်ရဲ့ ဖောင်းသရေတော်ဟှို ထန်ရှားစေဘီး ဘုရားသခင်ရဲ့ သားတော်ဟှာလည်း ဖောင်းသရေတော် ထန်ရှားလေ့မယ်” ဆိုဘီး မိန့်တော်မူလေဟှယ်။
\p
\v 5 ယေရှုဟှာ မာသဟှိုရော၊ သူ့မရဲ့ ညီမဟှိုရော၊ လာဇရုဟှိုရော ရှစ်တော်မူဟှယ်။ 
\v 6 ကိုယ်တော်ဟှာ လာဇရုရဲ့ဒန်းဟှို ကြားဘေမဲ့လည်း အယ်နေရာမာ နှေ့ရစ်နေနေသေးဟှယ်။ 
\v 7 အယ်ဘီးန ကိုယ်တော်ဟှာ တဗဲ့တော်လေဟှို “ယုဒနယ်ဟှို ပ္လန်ဂေ့ဇို့” ဆိုဘီး မိန့်တော်မူလေဟှယ်။
\p
\v 8 တဗဲ့တော်လေဟှ “ဆရာ၊ ယုဒလူလေဟှာ ဆရာ့ဟှို စဒူးဟှဘဲ့သေး က္လော့‑က်ခဲနပစ်ဟှို့ လောက်နေဂေ့ဟှယ်။ အယ်နေရာဟှိုဘဲ့ ပ္လန်ဘီးကြွတော်မူအူးလော” ဆိုဘီး မေးလျှော့‑က်ဂေ့ဟှယ်။
\p
\v 9 ယေရှုဟှ “တနေ့မာ ဆယ့်နှေ့နာရီ ရှိဟှယ် မှုဟှလော။ အယ်ကြောန့် နေ့ခီမာ သွားလာဟှူ လူလေဟှာ ခလောက်တိုက်မိဂေ့ဟှ။ ဖြားဖြစ်ကြောန့်နူးဆိုဟှာ သူးနို့ဟှ လောကရဲ့ လန်းရောန်ဟှို ဗြင်ရဟှယ်။ 
\v 10 အယ်ဘေမဲ့ ညဉ့်မိုက်ဇာမာ သွားလာဟှူ လူလေဟှာ ခလောက်တိုက်မိဂေ့ဟှယ်။ ဖြားဖြစ်ကြောန့်နူးဆိုဟှာ သူးနို့မာ လန်းရောန်မှေ့ဟှ” ဆိုဘီး ဖြေတော်မူလေဟှယ်။ 
\v 11 ယေရှုဟှာ အယ်မျိုး မိန့်တော်မူဘီးန “နို့လေရဲ့ မိဆွေ လာဇရုဟှာ အိမွိဟှားဘီ။ သူ့ဟှို နှိုးဟှို့ ငါသွားမယ်” ဆိုဘီး မိန့်တော်မူလေဟှယ်။
\p
\v 12 တဗဲ့တော်လေဟှ “သခင်၊ သူဟှာ အိမွိနေဟှယ် ဆိုဟှာ ကျန်းမာလာလေ့မယ်” ဆိုဘီး ဖြေဂေ့ဟှယ်။
\p
\v 13 ယေရှုဟှာ လာဇရုသေဟှားကြောန်းဟှို မိန့်တော်မူနေ ဘေမဲ့လည်း အိမွိနေဇာဟှိုဘဲ့ မိန့်တော်မူနေဟှယ် ဆိုဘီး သူးနို့ထန်နေဂေ့ဟှယ်။ 
\v 14 အယ်ကြောန့် ယေရှုဟှာ သူးနို့ဟှို “လာဇရု သေဟှားဘီ။ 
\v 15 အယ်ဘေမဲ့ နန်းနို့လေ ယောင်ကြည်လာဟှို့တွပ်ကြောန့် အယ်နေရာမာ ငါမှေ့ဘဲဇာဟှာ နန်းနို့တွပ် ငါဝန်းသာဟှယ်။ သူ့နားဟှို သွားဂေ့ဇို့” ဆိုဘီး ပွမ့်ပွမ့်လန်းလန်းဟှား မိန့်တော်မူလေဟှယ်။
\p
\v 16 မြွှာဘ္လူး ဆိုဘီး ခေါ်ဟှူ သောမဟှာ သူ့ရဲ့ဖော်လေဟှို “နို့လေအားလောင်း ဆရာနတူးဒူ သေခံဟှို့ လိုက်ဟှားဂေ့ဇို့!” ဆိုဘီး ပြောလေဟှယ်။
\s သတ်ရှင်ဟှူန ရှင်ပ္လန်ထမြော့‑က်ဟှူ ယေရှုကြောန်း
\p
\v 17 ယေရှု ရော့‑က်လာတော်မူခီမာ လာဇရုဟှို သန်းခ္လိုင်းဂူမာ သင်္ဂြိုဟ်ဟှားဇာ လေးရစ်ရှိနေဘီ ဆိုဇာဟှို တွိဟှားတော်မူဟှယ်။ 
\v 18 ဗေသနိဝါဟှာ ယေရုရှလင်ဗြို့ဟှနေ နှေ့မိုင်လော့‑က်ဘဲ့ ဝီးဟှယ်။ 
\v 19 ယုဒလူဘောင်ဂီးဟှာ မာသန မာရိရဲ့မောင် သေဟှားဟှူကြောန့် သူးနို့ဟှို နှစ်သိမ့်ဟှို့ လာဂေ့ဟှယ်။
\p
\v 20 မာသဟှာ ယေရှုကြွလာဟှယ် ဆိုဇာဟှို ကြားဟှူ ခီမာ ကိုယ်တော့်ဟှို ကြိုဆိုဟှို့ ထွပ်ဟှားလေဟှယ်။ မာရိဟှာ အီမာဘဲ့ နေရစ်ဟှယ်။ 
\v 21 မာသဟှာ ယေရှုဟှို “သခင်၊ ကိုယ်တော်ဟှာ အယ်နေရာမာရှိနေမယ် ဆိုဟှာ ကျွန်မမောင် သေဟှို့ မှုဟှ! 
\v 22 အယ်ဘေမဲ့ ခု ကိုယ်တော်ဟှာ ဘုရားသခင်နားမာ တောန်းတော်မူသမျှဟှို ဘုရားသခင် ပေးတော်မူမယ် ဆိုဇာဟှို ကျွန်မသိဟှယ်” ဆိုဘီး လျှော့‑က်လေဟှယ်။
\p
\v 23 ယေရှုဟှ “နန့်မောင်ဟှာ သတ်ပ္လန်ရှင်လေ့မယ်” ဆိုဘီး သူ့ဟှို မိန့်တော်မူလိုက်ဟှယ်။
\p
\v 24 မာသဟှ “သူဟှာ နော့‑က်ဆောင်းဟှူ နေ့မာ ရှင်ပ္လန်ထမြော့‑က်လေ့မယ် ဆိုဇာဟှို ကျွန်မသိပါဟှယ်” ဆိုဘီး ပ္လန်လျှော့‑က်ဟှယ်။
\p
\v 25 ယေရှုဟှာ သူ့ဟှို “ငါဟှာ ရှင်ပ္လန်ထမြော့‑က်ရှင်း ဖြစ်ဟှယ်။ သတ်လည်း ဖြစ်ဟှယ်။ ငါ့ဟှို ယောင်ကြည်ဟှူ လူလေဟှာ သေဟှားဘေမဲ့လည်း ပ္လန်ရှင်လေ့မယ်။ 
\v 26 ငါ့ဟှို ယောင်ကြည်ဘီး သတ်ရှင်နေဟှူ လူလေဟှာ ကာလစဉ်ဆစ် သေရလေ့ဟှို့ မှုဟှ။ အယ်မူဇာဟှို နန်ယောင်ကြည်ဘဲ့လော” ဆိုဘီး မေးတော်မူလေဟှယ်။
\p
\v 27 သူဟှ “ယောင်ကြည်ပါဟှယ်။ သခင်! ကိုယ်တော်ဟှာ လောကဟှို ကြွလာတော်မူဟှူ ဘုရားသခင်ရဲ့ သားတော်၊ မေရှိယ ဖြစ်ဟှယ် ဆိုဇာဟှို ကျွန်မ ယောင်ကြည်ပါဟှယ်” ဆိုဘီး ပ္လန်လျှော့‑က်လေဟှယ်။
\s ယေရှု ငိုတော်မူကြောန်း
\p
\v 28 မာသဟှာ အယ်မျိုး လျှော့‑က်လိုက်ဘီးန အီဟှို ပ္လန်ဟှားဘီး ညီမမာရိဟှို တိတိဟှားခေါ်လိုက်ဟှယ်။ “ဆရာကြွလာတော်မူဘီ နန့်ဟှို မေးနေဟှယ်” ဆိုဘီး ပြောလိုက်ဟှယ်။ 
\v 29 မာရိဟှာ အယ်မျိုးကြားလိုက်ခီမာ ဗြန်းဗြန်ဟှား ထွပ်ဟှားဘီးဟှာ ကိုယ်တော်နားဟှို သွားလေဟှယ်။ 
\v 30 အယ်ခီမာ ယေရှုဟှာ ဝါထဲဟှို ရော့‑က်သေးဘဲ မာသ လာတွိဟှူနေရာမာဘဲ့ ရှိနေသေးဟှယ်။ 
\v 31 မာရိဟှို နှစ်သိမ့်ပေးဟှို့ အီမာရှိနေဟှူ ယုဒလူလေဟှာ ဗြန်းဗြန်ဟှားထွပ်ဟှားဟှူ မာရိဟှို ဗြင်လိုက်ဟှယ်။ သူးနို့ဟှ ငိုဟှို့တွပ် သန်းခ္လိုင်းဂူဟှို ထွပ်ဟှားဟှယ် ဆိုဘီး ထန်နေဂေ့ဟှယ်။
\p
\v 32 မာရိဟှာ ယေရှုရှိနေဟှူ နေရာဟှို ရော့‑က်ဟှားဘီး ကိုယ်တော့်ဟှို တွိဟှူန ခေတော်ရင်းမာ ဒူးထော့‑က်လေဟှယ်။ “သခင်၊ ကိုယ်တော်ဟှာ အယ်နေရာမာ ရှိနေမယ် ဆိုဟှာ ကျွန်မမောင် သေဟှို့ မှုဟှ!” ဆိုဘီး လျှော့‑က်လေဟှယ်။
\p
\v 33 ယေရှုဟှာ မာရိငိုနေဇာဟှိုရော၊ သူ့နတူးဒူလိုက်လာဟှူ ယုဒလူလေ ငိုနေဇာဟှိုရော ဗြင်ဟှူ ခီမာ ကိုယ်တော်ဟှာ ရရာတိုင်း စိကောန်းဘဲ ဖြစ်ဟှားဟှယ်။ 
\v 34 ကိုယ်တော်ဟှ “သူ့ဟှို ဖယ်မာ သင်္ဂြိုဟ်ဟှားဂေ့နူး” ဆိုဘီး သူးနို့ဟှို မေးတော်မူလေဟှယ်။
\p သူးနို့ဟှ “သခင်၊ ကြွဘီးကေ့တော်မူပါ” ဆိုဘီး ပ္လန်ဖြေတော်မူဂေ့ဟှယ်။
\p
\v 35 ယေရှုဟှာ ငိုတော်မူလေဟှယ်။ 
\v 36 အယ်ကြောန့် ယုဒလူလေဟှ “ကေ့ပါအူး၊ လာဇရုဟှို ရရာတိုင်း ရှစ်ဇမား!” ဆိုဘီး ပြောနေဂေ့ဟှယ်။
\p
\v 37 အယ်ဘေမဲ့ သူးနို့ထဲဟှ တချို့ဟှ “မျစ်စိကန်းနေဟှူ လူဟှို မျစ်စိပ္လန်ဗြင်အောန် လောက်ပေးဟှယ် မှုဟှလော။ လာဇရုဟှိုလည်း သေဘဲအောန် လောက်ပေးနိုင်ဟှလော” ဆိုဘီး ပြောဂေ့ဟှယ်။
\s လာဇရုဟှို သတ်ပ္လန်ရှင် စေတော်မူကြောန်း
\p
\v 38 နော့‑က်ထပ်တခါ ဝန်းနဲလာဘီး ယေရှုဟှာ သန်းခ္လိုင်းဂူဟှို ကြွဟှားလေဟှယ်။ အယ်သန်းခ္လိုင်းဂူဝဟှို က္လော့‑က်န ပိဟှားဟှယ်။ 
\v 39 ယေရှုဟှ “က္လော့‑က်ဟှို ဖယ်ထုလိုက်!” ဆိုဘီး မိန့်တော်မူလေဟှယ်။
\p သေဟှားလူရဲ့မယ်ဖြစ်ဟှူ မာသဟှ “သခင်၊ ခုဆိုဟှာ နံနေလေ့မယ်။ သူ့ဟှို သင်္ဂြိုဟ်ဟှားဇာ လေးရစ်ရှိဟှားဘီ!” ဆိုဘီး ပ္လန်ဖြေလေဟှယ်။
\p
\v 40 ယေရှုဟှာ “နန်ယောင်ကြည်မယ် ဆိုဟှာ ဘုရားသခင်ရဲ့ ဖောင်းသရေတော်ဟှို ဗြင်ရလေ့မယ် ဆိုဇာ နန့်ဟှို ငါပြောဟှားပီးဘီ မှုဟှလော” ဆိုဘီး သူ့ဟှို မိန့်တော်မူလေဟှယ်။ 
\v 41 သူးနို့ဟှာ က္လော့‑က်ဟှို ဖယ်ထုလိုက်ဟှယ်။ ယေရှုဟှာ မော့ကေ့ဘီး “ဖ၊ ကျွန်တော့်ရဲ့ စကားဟှို နားထောန်ဟှူကြောန့် ကျေးဇူးတန်ဟှယ်။ 
\v 42 ဖဟှာ ကျွန်တော့်ရဲ့ စကားဟှို မြဲဒမ်း နားထောန်ဟှယ် ဆိုဇာ နို့သိဟှယ်။ အယ်ဘေမဲ့ ကျွန်တော် အယ်မျိုးပြောဇာဟှ ဖဟှာ ကျွန်တော့်ဟှို စေလွတ်တော်မူဟှယ် ဆိုဇာဟှို အယ်နေရာမာ ရှိနေဟှူ လူလေဟှို သူးနို့ရဲ့ ကျိုးဟှို ကေ့ဘီး ယောင်ကြည်လာစေဟှို့ဘဲ့ ဖြစ်ဟှယ်” ဆိုဘီး ပြောလေဟှယ်။ 
\v 43 ကိုယ်တော်ဟှာ အယ်မျိုးပြောဘီးန သံကြမ်းကြမ်းန “လာဇရု၊ ထွပ်လာခဲ့!” ဆိုဘီး ခေါ်ထုလိုက်ဟှယ်။ 
\v 44 သေဟှားဟှူလူဟှာ လတ်ခေလေမာ ဝတ်ကြိုးန ခယ်ဟှားဘီး မျစ်နှာမာလည်း ဝတ်န ပတ်ဟှားဘီး ထွပ်လာဟှယ်။ ယေရှုဟှ “သူ့ဟှို ကြိုးဖြေပေးဂေ့” ဆိုဘီး သူးနို့ဟှို မိန့်တော်မူလေဟှယ်။
\s ယေရှုဟှို သတ်ဟှို့တွပ် ကြံစည်ဟှူကြောန်း
\r (မဿဲ ၂၆.၁–၅; မာကု ၁၄.၁,၂; လုကာ ၂၂.၁,၂)
\p
\v 45 မာရိနားဟှို လာဟှူယုဒလူလေ ဘောင်ဂီးဟှာ ယေရှု ပြုတော်မူဇာလေဟှို ဗြင်ဘီး ကိုယ်တော့်ဟှို ယောင်ကြည်ဂေ့ဟှယ်။ 
\v 46 အယ်ဘေမဲ့ သူးနို့လေထဲဟှ တချို့ဟှာ ဖာရိရှဲလေနားဟှို ပ္လန်လာဘီးဟှာ ယေရှုပြုတော်မူဇာလေဟှို ပြောပြဂေ့ဟှယ်။ 
\v 47 အယ်ကြောန့် ဖာရိရှဲလေန ယဇ်ပုရောဟိတ်ဂီးလေဟှာ ယုဒတရားလွှတ်တော်မာ တွိဆောင်ဘီး “နို့လေဖြားမျိုးလောက်ရမယ်နူး။ အယ်လူဟှာ နိမိတ်လတ်ခဏာလေ ဘောင်ဂီး ပြုလောက်နေဟှယ်! 
\v 48 အယ်လူဟှို အယ်မျိုးခွမ့်ပေးဟှားမယ် ဆိုဟှာ လူတိုင်းဟှာ သူ့ဟှို ယောင်ကြည်ဟှားလေ့မယ်။ အယ်ဆိုဟှာ ရောမအာဏာပိုင်လေဟှ နို့လေရဲ့ ဗိမာန်တော်န နို့လေရဲ့ လူမျိုးဟှို ဖျစ်ဆီးပစ်လေ့မယ်!” ဆိုဘီး ပြောဂေ့ဟှယ်။
\p
\v 49 သူးနို့လေထဲဟှ အယ်နှစ်မာ ယဇ်ပုရောဟိတ်မန်း ဖြစ်လာဟှူ ကယာဖဟှ “နန်းနို့လေဟှာ ရူးလေဘဲ့! 
\v 50 လူမျိုးတမျိုးလောင်း သေကျေပျစ်စီးရဟှို့ထတ် လူတယော့‑က်ဟှ လူလေတွပ် သေရဇာဟှ ရရာတိုင်း ကောန်းဟှယ် ဆိုဇာဟှို နန်းနို့လေ နားလည်ဂေ့ဟှလော” ဆိုဘီး ပြောလေဟှယ်။ 
\v 51 အယ်မျိုးပြောနေဇာဟှာ သူ့ရဲ့ ကိုယ်ပိုင်ဉာဏ်န ပြောနေဇာ မှုဟှ။ သူဟှာ အယ်နှစ်မာ ယဇ်ပုရောဟိတ်မန်း ဖြစ်လာဟှူကြောန့် ယုဒလူလေတွပ် ယေရှု သေခံပေးတော်မူမယ် ဆိုဇာဟှို ပရောဖက်ပြုနေဇာဖြစ်ဟှယ်။ 
\v 52 အယ်လူမျိုးတွပ်ဘဲ့မှုဘဲန ဖ္လဲဖ္လဲစင်နေဟှူ ဘုရားသခင်ရဲ့ လူလေလည်းဘဲ့ ခန္ဓာတခုထဲမာ စုဝီးလာဟှို့တွပ် ဖြစ်ဟှယ်။
\p
\v 53 အယ်နေ့ဟှစဘီး ယုဒအာဏာပိုင်လေဟှာ ယေရှုဟှို သတ်ဟှို့တွပ် ကြံစည်ဂေ့ဟှယ်။ 
\v 54 အယ်ကြောန့် ယေရှုဟှာ ယုဒနယ်မာ ထန်းထန်းရှားရှားဟှား သွားလာဟှမ်း။ အယ်ဘေမဲ့ တောကန္တာရနားဟှ ဧဖရိမ်နာမယ်ရှိဟှူ ဗြို့ဟှို ကြွဟှားဘီး တဗဲ့တော်လေနတူးဒူ နေတော်မူလေဟှယ်။
\p
\v 55 ယုဒလူလေရဲ့ ပသခါပွဲတော်ခီ နီးလာဟှူ ခီမာ တောဝါဟှ လူလေဘောင်ဂီးဟှာ ဘာသာရေးစဉ်လာတိုင်း စင်ကြယ်ဇာလောက်ဟှို့ ပွဲတော်လောက်ခန်မာ ယေရုရှလင်ဗြို့ဟှို တတ်လာဂေ့ဟှယ်။ 
\v 56 သူးနို့လေဟှာ ယေရှုဟှို လိုက်ရှာနေဂေ့ဟှယ်။ သူးနို့ဟှာ ဗိမာန်တော်ထဲမာ စုရောင်းမိဟှူ ခီမာ “နန်းနို့လေ ဖယ်မျိုးထန်ဂေ့နူး။ သူဟှာ အယ်ပွဲတော်ဟှို လာဟှို့တွပ် သေချာဘဲ့လော” ဆိုဘီး သူးနို့ရှင်းရှင်း မေးနေဂေ့ဟှယ်။ 
\v 57 ယဇ်ပုရောဟိတ်ဂီးလေန ဖာရိရှဲလေဟှ ဖယ်သူဘဲ့ဖြစ်ဖြစ် ယေရှုရှိဟှူနေရာဟှို သိမယ် ဆိုဟှာ သူ့ဟှို ဖမ်းဆီးဟှို့တွပ် ကြောန်းကြားရမယ် ဆိုဘီး ညွှန်ကြားဟှားဂေ့ဟှယ်။
\c 12
\s ယေရှုဟှာ ဗေသနိဝါမာ ဘိသိက်ခံဟှူကြောန်း
\r (မဿဲ ၂၆.၆–၁၃; မာကု ၁၄.၃–၉)
\p
\v 1 ပသခါပွဲတော်တိုင်ခန် ခြော့‑က်ရစ်ဘဲ့လိုဟှူ ခီမာ သေဘီးန ပ္လန်ရှင်လာဟှူ လာဇရုနေထိုင်ဟှူ ဗေသနိဝါဟှို ယေရှုဟှာ ကြွတော်မူလေဟှယ်။ 
\v 2 သူးနို့ဟှာ ကိုယ်တော်တွပ် ညဉ့်ခန်းဇာဟှို ပြင်ဆင်ဘီးန မာသဟှ လောက်ကျွေးပြုလေဟှယ်။ ယေရှုနတူးဒူ ဗွဲမာထိုင်နေဟှူ လူလေထဲမာ လာဇရုလည်း ရှိနေလေဟှယ်။ 
\v 3 \x - \xo ၁၂.၃ \xo*\xt လု ၇.၃၇,၃၈\xt*\x*အယ်ခီမာ မာရိဟှာ ရာရတိုင်း ဖိုးကီးဟှူ နာဒုဆီမွှီးစစ်စစ် ဖူးဝပ်ဟှို ယူဘီး ယေရှုရဲ့ ခေတော်ထတ်ဟှို လောန်းခ္လဘီးန သူ့ရဲ့ ဆားဗန်န သုပေးလေဟှယ်။ အယ်ဆီမွှီးရဲ့ နံ့ဟှာ တအီလောင်းဟှို မွှီးကြိုင်ဟှားလေဟှယ်။ 
\v 4 ယေရှုရဲ့ တဗဲ့တော်တပါးဖြစ်ဟှူ ကိုယ်တော့်ဟှို သစ်စာဖော့‑က်မယ့်လူဖြစ်ဟှူ ယုဒရှကာရုတ်ဟှ 
\v 5 “ဖြားဖြစ်ကြောန့် အယ်ဆီမွှီးဟှို ငွေဒန်းဂါး\f + \fr ၁၂.၅ \fr*\fk ငွေဒန်းဂါး၊ \fk*\ft ရှု \ft*\xt ၆.၇\xt*။\f* ၃၀၀ န ရောန်းလိုက်ဘီးဟှား ဆင်းရဲသားလေဟှို ပေးဘဲ့နေရနူး” ဆိုဘီး မေးလေဟှယ်။ 
\v 6 သူဟှာ အယ်မျိုးပြောနေဇာဟှ ဆင်းရဲသားလေဟှို သနားကြောန့်မှုဘဲန သူခိုးတယော့‑က် ဖြစ်ကြောန့်ဖြစ်ဟှယ်။ သူဟှာ ကပ်အိဟှို လွယ်ရသူဖြစ်ဘီး ကပ်လေဟှို နှိုက်ယူတတ်ဟှယ်။
\p
\v 7 အယ်ဘေမဲ့ ယေရှုဟှ “အယ်မီးမဟှို နှော့‑က်ယှက်ဂေ့န! သူဟှာ ငါ့ဟှို သင်္ဂြိုဟ်မယ့်နေ့တွပ် အယ်ဆီမွှီးဟှို သီးဟှားဇာဖြစ်ဟှယ်။ 
\v 8 ဆင်းရဲသားလေဟှာ နန်းနို့နတူးဒူ မြဲဒမ်း ရှိဂေ့ဟှယ်။ ငါဟှ နန်းနို့နတူးဒူ မြဲဒမ်း ရှိနေဟှို့ မှုဟှ” ဆိုဘီး မိန့်တော်မူလေဟှယ်။
\s လာဇရုဟှို သတ်ဟှို့တွပ် ကြံစည်ဟှူကြောန်း
\p
\v 9 ဗေသနိဝါမာ ယေရှုရှိတော်မူဟှယ် ဆိုဇာဟှို ကြားလိုက်ဟှူ ယုဒလူလေဘောင်ဂီးဟှာ အယ်ဝါဟှို လိုက်ဟှားဂေ့ဟှယ်။ သူးနို့ဟှာ ယေရှုဟှို တွိရှင်ရောင်မျှမက သေရာဟှနေ ပ္လန်ရှင်လာဟှူ လာဇရုဟှိုလည်း တွိရှင်ဂေ့ဟှယ်။ 
\v 10 အယ်ကြောန့် ယဇ်ပုရောဟိတ်ဂီးလေဟှာ လာဇရုဟှိုလည်း သတ်ဟှို့တွပ် ကြံစည်ဂေ့ဟှယ်။ 
\v 11 ဖြားဖြစ်ကြောန့်နူးဆိုဟှာ ယုဒလူဘောင်ဂီးဟှာ လာဇရုကြောန့် သူးနို့ဟှို ငြင်းပယ်ဘီး ယေရှုဟှို ယောင်ကြည်လာဂေ့ဟှယ်။
\s အောန်ပွဲခံဘီး ယေရုရှလင်ဗြို့ဟှို ဝမ်တော်မူဟှူကြောန်း
\r (မဿဲ ၂၁.၁–၁၁; မာကု ၁၁.၁–၁၁; လုကာ ၁၉.၂၈–၄၀)
\p
\v 12 နော့‑က်နေ့မာ ပသခါပွဲတော်ဟှို လာဟှူ လူအောက်ဂီးဟှာ ယေရုရှလင်ဗြို့ဟှို ယေရှုကြွလာတော်မူကြောန်းဟှို ကြားလိုက်ဟှယ်။ 
\v 13 အယ်ကြောန့် သူးနို့ဟှာ စွန်ပလွံခတ်လေဟှို ယူဘီး ကိုယ်တော့်ဟှို ကြိုဆိုဟှို့သွားဂေ့ဘီး “ဟောရှဏ္ဏ! ဘုရားသခင်ရဲ့ နာမန ကြွလာဟှူ သခင်ဟှာ မင်္ဂလာရှိတော်မူဟှယ်! ဣသရေလမန်းဂီးဟှာ မင်္ဂလာရှိတော်မူဟှယ်!” ဆိုဘီး ကြွေးကြော်ဂေ့လေဟှယ်။
\p
\v 14 ယေရှုဟှာ မြည်းသားဂန်းဟှို တွိဟှားဘီး စီးတော်မူလေဟှယ်။
\q1
\v 15 အယ်မူဇာဟှ “ဇိအုန်ဗြို့ စိုးရိမ်န!
\q1 နန်းနို့ရဲ့ မန်းဂီးဟှာ
\q2 မြည်းသားဂန်းဟှားဟှို စီးဘီးဟှာ ကြွလာတော်မူဘီ” ဆိုဘီး ကျမ်းစာမာ အယ်မျိုး ပြောဟှားလေဟှယ်။
\p
\v 16 တဗဲ့တော်လေဟှာ အယ်ခီဒူးဟှ အယ်ကျမ်းစာဟှို နားလည်ဂေ့ဟှ။ အယ်ဘေမဲ့ ယေရှုဟှာ ဖောင်းသရေတော်တွပ် ပ္လန်ရှင်လာဟှူ ခီမာ အယ်ကျမ်းစာဟှ ကိုယ်တော်ကြောန်းဟှို ရေးဟှားဇာဖြစ်ဟှယ် ဆိုဇာန ကိုယ်တော့်ဟှို အယ်မျိုး လောက်ဇာဖြစ်ဟှယ် ဆိုဇာလေဟှို ပ္လန်အော့‑က်မေ့လာဂေ့ဟှယ်။
\p
\v 17 ယေရှုနတူးဒူရှိနေဟှူ လူလေဟှာ လာဇရုဟှို သန်းခ္လိုင်းဂူဟှနေ ခေါ်ထုလိုက်ဘီး သေရာဟှနေ ပ္လန်ရှင်စေဟှူကြောန်းဟှို သတ်သေခံဂေ့ဟှယ်။ 
\v 18 ဖြားကြောန့်ဟှိ လူအောက်ဟှာ ကိုယ်တော့်ဟှို ကြိုဆိုဂေ့ဇာဟှာ သူးနို့ဟှာ အယ်မျိုး နိမိတ်လတ်ခဏာလေဟှို ပြတော်မူကြောန်းဟှို ကြားဟှားဂေ့ဟှယ်။ 
\v 19 အယ်ကြောန့် ဖာရိရှဲလေဟှာ “နို့လေဟှာ လောက်ဝ အောန်မြင်နိုင်ဟှ! ကေ့ကေ့။ တလောကလောင်းဟှာ အယ်လူနော့‑က်ဟှို လိုက်ဟှားဂေ့ဘီ!” ဆိုဘီး သူးနို့ရှင်းရှင်း ပြောနေဂေ့ဟှယ်။
\s လူမျိုးခြားတချို့ ယေရှုဟှို လိုက်ရှာဟှူကြောန်း
\p
\v 20 ပွဲတော်မာ ကိုးကွယ်ဟှို့တွပ် ယေရုရှလင်ဗြို့ဟှို ရော့‑က်လာဟှူ လူလေထဲမာ လူမျိုးခြားတချို့လည်းပါဟှယ်။ 
\v 21 သူးနို့ဟှာ ဂါလိလဲနယ် ဗက်ဇဲဒဗြို့သားဖြစ်ဟှူ ဖိလိပ္ပုနားဟှို သွားဘီး “ဆရာ၊ ကျွန်တော့်ဟှားလေ ယေရှုဟှို ဗြင်ရှင်ဟှယ်” ဆိုဘီး တောန်းလျှော့‑က်ဂေ့ဟှယ်။
\p
\v 22 ဖိလိပ္ပုဟှာ အန္ဒြေနားဟှို သွားပြောပြဘီးဟှာ သူးနို့နှေ့ယော့‑က်ဟှာ ယေရှုနားဟှို သွားဘီး လျှော့‑က်ဂေ့ဟှယ်။ 
\v 23 ယေရှုဟှာ သူးနို့ဟှို “လူ့ရဲ့သားဟှာ ရရာတိုင်း ကီးမားဟှူ ဖောင်းသရေတော်ဟှို လတ်ခံဟှို့ ခီဟှာ ခုဘဲ့ရော့‑က်နေဘီ။ 
\v 24 နန်းနို့ဟှို ငါ မှန်တိုင်းပြောမယ်၊ ဂျောင်စေ့တစေ့ဟှာ မ္လေဂီးထဲဟှို က္လဘီး ပျစ်စီးဟှ ဆိုဟှာ တစေ့ဒဲဘဲ ရှိနေလေ့မယ်။ အယ်စေ့ဟှာ ပျစ်စီးဟှားမယ် ဆိုဟှာ သီးလေ ဘောင်ဂီး ဖြစ်ဟှားဟှယ်။ 
\v 25 \x - \xo ၁၂.၂၅ \xo*\xt မ ၁၀.၃၉; ၁၆.၂၅; မာ ၈.၃၅; လု ၉.၂၄; ၁၇.၃၃\xt*\x*ကိုယ့်သတ်ဟှို ရှစ်ဟှူ လူလေဟှာ သတ်ဆောင်းရှောင်း လေ့မယ်။ အယ်လောကမာ ကိုယ့်သတ်ဟှို မူးဟှူ လူလေဟှာ ကိုယ့်သတ်ဟှို ထာဝရ စောန့်ရှော့‑က်ရ လေ့မယ်။ 
\v 26 ငါ့မှုတော်ဟှို လောက်ဆောန်ဟှူ လူတိုင်းဟှာ ငါ့နော့‑က်ဟှို လိုက်ရမယ်။ အယ်ဆိုဟှာ ငါရှိဟှူ နေရာမာ ငါ့မှုဆောန်ဟှာ ငါ့နတူးဒူရှိ လေ့မယ်။ ငါ့ဖဟှလည်း ငါ့ရဲ့ မှုဆောန်ဟှို ချီးမြှော့‑က်လေ့မယ်။
\s ယေရှုဟှ သေခံဟှို့တွပ် ပြောဟှူကြောန်း
\p
\v 27 “ခု ငါ့ရဲ့ စိနှလောင်း ပူလောန်နေဟှယ်။ ငါ ဖယ်မျိုး ပြောရဟှို့နူး။ ငါဟှ ‘ဖ၊ ကျွန်တော်ထတ်ဟှို က္လရော့‑က်လာမယ့် အယ်ခီနာရီဟှနေ ကယ်မပါ’ ဆိုဘီး ပြောရဟှို့လော။ အယ်ဘေမဲ့ ငါဟှာ အယ်ဒေါက်ခဝေဒနာခံဟှို့တွပ်ဘဲ့ ရော့‑က်လာဟှယ်။ 
\v 28 ဖ၊ ဖရဲ့နာမတော်ဟှာ ဖောင်းသရေတော် ထန်ရှားစေတော်မူပါ!” ဆိုဘီး မိန့်တော်မူလေဟှယ်။
\p အယ်ဘီးန ကောန်းဂန်ထတ်ဟှနေ သံတော်ဟှ “ငါဟှာ ဖောင်းသရေတော် ထန်ရှားစေပီးဘီ။ နော့‑က်တခါလည်း ထန်ရှားစေအူးမယ်” ဆိုဘီး မိန့်တော်မူလေဟှယ်။
\p
\v 29 အယ်နေရာမာ ရပ်နေဂေ့ဟှူ လူအောက်ဟှာ သံတော်ဟှို ကြားလိုက်ရဘီး သူးနို့ထဲဟှ တချို့ဟှ မိုးကြိုးသံဖြစ်ဟှယ် ဆိုဘီး ပြောဂေ့ဟှယ်။ တချို့ဟှ “ကောန်းဂန်တမန်ဟှာ ကိုယ်တော့်ဟှို စကားပြောဟှယ်!” ဆိုဘီး ပြောဂေ့ဟှယ်။
\p
\v 30 အယ်ဘေမဲ့ ယေရှုဟှာ သူးနို့ဟှို “အယ်သံတော်ဟှာ ငါ့တွပ် မှုဟှ။ နန်းနို့တွပ် ဖြစ်ဟှယ်။ 
\v 31 အယ်လောကဟှာ ခုဘဲ့ တရားစီရင်ခံရမယ်။ အယ်လောကဟှို အောက်ချောက်မားဟှာ ခုဘဲ့ နှန်ထုဇာခံရလေ့မယ်။ 
\v 32 ငါဟှာ မ္လေဂီးဟှနေ မ္လော့‑က်ဟှားဇာဟှို ခံရဟှူ ခီမာ လူတိုင်းဟှို ငါနားဟှို ဆွဲခေါ်မယ်” ဆိုဘီး မိန့်တော်မူလေဟှယ်။ 
\v 33 အယ်မျိုးမိန့်တော်မူဇာဟှ ကိုယ်တော်ဟှာ ဖယ်မျိုးသေနည်းန သေခံတော်မူရမယ် ဆိုဇာဟှို ဖော်ပြဇာဖြစ်ဟှယ်။
\p
\v 34 လူအောက်ဂီးဟှ “မေရှိယဟှာ ထာဝရသတ်ရှင်လေ့မယ် ဆိုဘီး ကျွန်တော့်ဟှားလေရဲ့ ပညတ်တော်မာ ပြောဟှားဟှယ်။ အယ်ဆိုဟှာ လူ့ရဲ့သားဟှာ မ္လေဂီးဟှနေ မ္လော့‑က်ဟှားခံရမယ် ဆိုဘီး ဖြားဖြစ်ကြောန့် ပြောနိုင်နူး။ အယ်လူ့ရဲ့သားဟှ ဖယ်လူနူး” ဆိုဘီး မေးဂေ့ဟှယ်။
\p
\v 35 ယေရှုဟှ “လန်းရောန်ဟှာ နန်းနို့ထဲမာ ရှစ်ဟှားဘဲ့ ရှိနေလေ့မယ်။ အယ်ကြောန့် နန်းနို့ဟှို မှောန်ဖောင်းခန် လန်းရောန်ရှိနေဒူးမာ သွားလာဂေ့။ ဖြားဖြစ်ကြောန့်နူးဆိုဟှာ မှောန်ထဲမာ သွားလာလူဟှာ ဖယ်နေရာဟှို သွားနေဟှယ် ဆိုဇာဟှို သိဟှ။ 
\v 36 အယ်မူကြောန့်ဟှိ လန်းရောန်ဟှာ နန်းနို့နရှိနေဒူးမာ လန်းရောန်ဟှို ယောင်ကြည်ဂေ့။ အယ်ဆိုဟှာ နန်းနို့ဟှာ လန်းရောန်ရဲ့ သားမီးလေ ဖြစ်လေ့မယ်” ဆိုဘီး ပ္လန်ဖြေတော်မူဟှယ်။
\s ယောင်ကြည်ဘဲဟှူ လူလေကြောန်း
\p ယေရှုဟှာ အယ်မျိုးမိန့်တော်မူဘီးန ထွပ်ကြွဟှားဘီး သူးနို့ဟှို တီးရှောန်ဟှားလေဟှယ်။ 
\v 37 ကိုယ်တော်ဟှာ သူးနို့မျစ်စိရှေ့မာ အယ်နိမိတ်လတ်ခဏာလေ အားလောင်းဟှို ပြဘေမဲ့ သူးနို့ဟှာ ကိုယ်တော့်ဟှို ယောင်ကြည်ဂေ့ဟှ။ 
\v 38 အယ်ကြောန့်
\q1 “အို၊ ဘုရားသခင် ကျွန်တော့်ဟှားလေဟောပြောဟှူ အယ်ဒန်းကောန်းဟှို ဖယ်သူလေ ယောင်ကြည်ကြောန့်နူး။
\q2 သခင်ဘုရားရဲ့ တဂိုးတော်ဟှာ ဖယ်လူဟှို ထန်ရှားဟှို့နူး။” ဆိုဘီး ပရောဖက်ဟေရှာယ ဟောဟှားဇာဟှာ မှန်ဘဲ့ဖြစ်လာဟှယ်။
\p
\v 39 အယ်ဘီးဟှာ သူးနို့လေ ယောင်ကြည်နိုင်ဘဲကြောန့် ဟေရှာယဟှ
\q1
\v 40 “ဘုရားသခင်ဟှာ သူးနို့ရဲ့ မျစ်စိဟှို ကန်းစေဟှားဘီး
\q2 သူးနို့ရဲ့ စိနှလောင်းဟှို ပိစေဟှားဟှယ်။
\q1 အယ်ကြောန့် သူးနို့ရဲ့ မျစ်စိဟှာ ဗြင်ဂေ့ဟှ။
\q2 အယ်ဘီးဟှာ သူးနို့ရဲ့ စိနှလောင်းဟှို မာကျောစေဟှယ်။
\q2 အယ်ဘီးဟှာ သူးနို့ဟှာ ငါ့နားဟှို ပ္လန်လာဂေ့ဟှ။
\q2 ဖြားဖြစ်ကြောန့်နူးဆိုဟှာ သူးနို့ဟှာ ငါ့နားဟှို ပ္လန်လာမယ် ဆိုဟှာ နာပျော့‑က်လေ့မယ်” ဆိုဘီး ဘုရားသခင်ဟှ ပြောဟှားဟှယ်။
\p
\v 41 ဟေရှာယဟှာ ယေရှုရဲ့ ဖောင်းသရေတော်ဟှို ဗြင်ဟှားဟှူကြောန့် အယ်မျိုးပြောဆိုဘီး ကိုယ်တော်ကြောန်းဟှို ပြောနေလေဟှယ်။
\p
\v 42 ဖယ်မျိုးဘဲ့ဖြစ်ဖြစ် ယုဒအာဏာပိုင်လေ ဘောင်ဂီးဟှာ ယေရှုဟှို ယောင်ကြည်လာဂေ့ဟှယ်။ အယ်ဘေမဲ့ သူးနို့ဟှာ ဖာရိရှဲလေကြောန့် ဝါလယ်ဇရပ်ဟှနေ နှန်ထုခံရမာဟှို စိုးရိမ်ဘီး ပွမ့်ပွမ့်လန်းလန်းဟှား ပြောဂေ့ဟှ။ 
\v 43 သူးနို့ဟှာ ဘုရားသခင်ရဲ့ ချီးမွမ်းဇာထတ် လူလေရဲ့ ချီးမွမ်းဇာဟှို နှစ်သက်ဂေ့ဟှယ်။
\s ယေရှုရဲ့ စကားတော်ကြောန့် တရားစီရင်ဟှူကြောန်း
\p
\v 44 ယေရှုဟှာ “ငါ့ဟှို ယောင်ကြည်ဟှူလူဟှာ ငါ့ဟှိုဘဲ့ ယောင်ကြည်ဇာ မှုဟှ။ ငါ့ဟှို စေလွှတ်တော်မူဟှူ သခင်ဟှိုလည်း ယောင်ကြည်ဟှယ်။ 
\v 45 ငါ့ဟှို ဗြင်ဟှူလူဟှာ ငါ့ဟှို စေလွှတ်တော်မူဟှူ သခင်ဟှိုလည်း ဗြင်ဟှယ်။ 
\v 46 ငါဟှာ လန်းရောန်ဖြစ်န လောကထဲဟှို ကြွလာဟှယ်။ အယ်ကြောန့် ငါ့ဟှို ယောင်ကြည်ဟှူ လူတိုင်းဟှာ မှောန်ထဲမာ နေရ မှုဟှ။ 
\v 47 လူလေဟှာ ငါ့ရဲ့စကားဟှို ကြားဘီး နာခံဟှ ဆိုဟှာ သူးနို့ဟှို ငါစီရင်လေ့မယ် မှုဟှ။ ဖြားဖြစ်ကြောန့်နူးဆိုဟှာ ငါလာဇာဟှ အယ်လောကဟှို စီရင်ဟှို့လာဇာ မှုဟှ။ အယ်လောကဟှို ကယ်တန်ဟှို့လာဟှယ်။ 
\v 48 ငါ့စကားဟှို လတ်ခံဘဲန ငြင်းပယ်ဟှူ လူလေဟှို စီရင်မယ့်သူရှိဟှယ်။ ငါပြောဟှူ စကားလေဟှဘဲ့ နော့‑က်ဆောင်းဟှူ နေ့မာ အယ်လူလေဟှို စီရင်လေ့မယ်! 
\v 49 အယ်စကားဟှာ သမ္မာတရား ဖြစ်ဟှယ်။ ဖြားဖြစ်ကြောန့်နူးဆိုဟှာ ငါဟှာ ကိုယ်ပိုင် ခွမ့်အာဏာန ပြောနေဇာ မှုဟှ။ အယ်ဘေမဲ့ ငါ့ဟှို စေလွှတ်တော်မူဟှူ ဖဟှာ ဖယ်မျိုးပြောရမယ် ဆိုဇာဟှို ငါ့ဟှို ညွှန်ကြားတော်မူဘီ။ 
\v 50 အယ်ဘီးဟှာ ဖရဲ့မိန့်တော်ဟှာ ထာဝရသတ် ဖြစ်ဟှယ် ဆိုဇာဟှို ငါသိဟှယ်။ ငါပြောနေဇာလေဟှာ ဖဟှ ငါ့ဟှို စေခိုင်းတော်မူဟှားတိုင်း ငါဟောပြောဟှယ်” ဆိုဘီး သံက္လယ်ဂီးန မိန့်တော်မူလေဟှယ်။
\c 13
\s ယေရှုဟှာ တဗဲ့တော်လေရဲ့ခေဟှို ဆေးတော်မူဟှူကြောန်း
\p
\v 1 ပသခါပွဲတော် လောက်ခန် တနေ့မာ ဖြစ်ဟှယ်။ ယေရှုဟှာ အယ်လောကဟှ ထွပ်ခွါဘီး ဖနားဟှို ကြွတော်မူဟှို့ခီ ရော့‑က်လာဘီ ဆိုဇာဟှို သိတော်မူဟှယ်။ ကိုယ်တော်ဟှာ အယ်လောကမာရှိနေဟှူ မိမိလူလေဟှို ရှစ်တော်မူဘီး ဆောင်းထိ ရှစ်တော်မူလေဟှယ်။
\p
\v 2 ယေရှုန တဗဲ့တော်လေဟှာ ညဉ့်ဇာစားနေဂေ့ဟှယ်။ မာရ်နတ်ဟှာ ရှိမုန်ရှကာရုတ်သား ယုဒရဲ့ စိနှလောင်းထဲမာ ကိုယ်တော့်ဟှို သစ်စာဖော့‑က်ဟှို့ ကြံစည်ဟှို ထဲ့ပေးဟှားပီးဘီ။\f + \fr ၁၃.၂ \fr*\fq မာရ်နတ်ဟှာ ရှိမုန်ရှကာရုတ်သား ယုဒရဲ့ စိနှလောင်းထဲမာ ကိုယ်တော့်ဟှို သစ်စာဖော့‑က်ဟှို့ ကြံစည်ဟှို ထဲ့ပေးဟှားပီးဘီ၊ \fq*\ft အယ်မျိုးမှုဘဲနေဟှာ\ft*\fqa မာရ်နတ်ဟှာ ရှိမုန်ရှကာရုတ်သား ယုဒဟှို ယေရှုရဲ့ သစ်စာဖော့‑က်ဟှို့ ဆောင်းဖြတ်ဟှားပီးဘီ။\fqa*\f* 
\v 3 ဖဟှ သူ့ဟှို အာဏာလေ အားလောင်း ပေးဟှားဟှယ် ဆိုဇာဟှိုရော၊ ဘုရားသခင်နားဟှနေ ကြွလာတော်မူဟှယ် ဆိုဇာရော၊ ဘုရားသခင်နားဟှို ပ္လန်ကြွတော်မူရမယ် ဆိုဇာဟှိုရော ယေရှုဟှာ သိတော်မူဟှယ်။ 
\v 4 အယ်ကြောန့် ကိုယ်တော်ဟှာ စားဗွဲဟှနေ ထတော်မူဘီး ပ္လန်ဝတ်ဟှို ခလွတ်တော်မူဘီး မျစ်နှာသုပိုင်းဟှို ကိုယ်တော်ရဲ့ခါးမာ ပတ်တော်မူလေဟှယ်။ 
\v 5 အယ်ဘီးန ကိုယ်တော်ဟှာ ရေအန်ဒုန်ထဲဟှို ရေလောန်းထဲ့ဘီး စဘီးဟှာ တဗဲ့တော်လေရဲ့ ခေဟှို ဆေးပေးဘီးဟှာ ခါးမာပတ်ဟှားဟှူ မျစ်နှာသုပိုင်းန သုတော်မူလေဟှယ်။ 
\v 6 ကိုယ်တော်ဟှာ ရှိမုန်ပေတရုနားဟှို ရော့‑က်ဟှူ ခီမာ ပေတရုဟှ “သခင်၊ ကိုယ်တော်ဟှ ကျွန်တော့်ခေဟှို ဆေးပေးဟှို့လော” ဆိုဘီး ကိုယ်တော့်ဟှို လျှော့‑က်လေဟှယ်။
\p
\v 7 ယေရှုဟှာ သူ့ဟှို “ငါလောက်ဇာလေဟှို ခု နန်နားလည်ဟှို့ မှုဟှ။ အယ်ဘေမဲ့ နော့‑က်ဆိုဟှာ နားလည်လာလေ့မယ်” ဆိုဘီး ဖြေတော်မူဟှယ်။
\p
\v 8 ပေတရုဟှ “ကိုယ်တော်ဟှာ ကျွန်တော့်ရဲ့ ခေဟှို လောင်းဝ ဆေးပေးတော်မူန!” ဆိုဘီး လျှော့‑က်လေဟှယ်။
\p ယေရှုဟှ “နန့်ရဲ့ခေဟှို ငါဆေးပေးရဘဲဟှ ဆိုဟှာ နန်ဟှာ ငါ့တဗဲ့တော် ဖြစ်ဟှို့ မှုဟှ” ဆိုဘီး ဖြေတော်မူလေဟှယ်။
\p
\v 9 ရှိမုန်ပေတရုဟှ “သခင်၊ အယ်မျိုးဆိုဟှာ ကျွန်တော့်ရဲ့ ခေဟှိုဘဲ့ဆေးန! ကျွန်တော့်ရဲ့လတ်လေန ခေါန်းဟှိုလည်း ဆေးပေးပါ!” ဆိုဘီး လျှော့‑က်လေဟှယ်။
\p
\v 10 ယေရှုဟှ “ရေချိုးဘီးသားလူလေဟှာ တကိုယ်လောင်း စင်ကြယ်ဟှားဘီဖြစ်ဟှူကြောန့် သူးနို့ရဲ့ ခေဟှိုဘဲ့ ဆေးဟှို့လိုဟှယ်။\f + \fr ၁၃.၁၀ \fr*\ft တချို့ မူရင်းလတ်ရေးမူလေမာ \ft*\fq သူးနို့ရဲ့ ခေဟှိုဘဲ့ ဆေးဟှို့လိုဟှယ် \fq*\ft ဆိုဇာဟှာ မှေ့ဟှ။\ft*\f* နန်းနို့အားလောင်းဟှာ စင်ကြယ်ဟှားဘီ။ အယ်ဘေမဲ့ တယော့‑က်ဘဲ့ စင်ကြယ်ဟှ” ဆိုဘီး မိန့်တော်မူလေဟှယ်။ 
\v 11 ယေရှုဟှာ သူ့ဟှို သစ်စာဖော့‑က်မယ့်လူဟှို သိဟှားဘီးဟှူကြောန့် “နန်းနို့အားလောင်းထဲမာ စင်ကြယ်ဘဲဟှူ လူတယော့‑က်ရှိနေဟှယ်” ဆိုဘီး မိန့်တော်မူလေဟှယ်။
\p
\v 12 \x - \xo ၁၃.၁၂–၁၅ \xo*\xt လု ၂၂.၂၇\xt*\x*ယေရှုဟှာ သူးနို့ရဲ့ ခေလေဟှို ဆေးပေးဘီးန ပ္လန်ဝတ်ဟှို ပ္လန်ဝတ်လိုက်ဘီး စားဗွဲမာ ပ္လန်ထိုင်တော်မူလေဟှယ်။ ကိုယ်တော်ဟှ “နန်းနို့ဟှို ငါပြုလောက်ဇာလေဟှို နားလည်ဂေ့ဘဲ့လော” ဆိုဘီး မေးတော်မူလေဟှယ်။ 
\v 13 “နန်းနို့ဟှ ငါ့ဟှို သခင်ဆိုဘီးရော၊ ဆရာဆိုဘီးရော ခေါ်ဂေ့ဟှယ်။ ငါလည်း အယ်တိုင်းဘဲ့ဖြစ်ဟှူကြောန့် နန်းနို့ခေါ်ဇာဟှာ မှန်ဟှယ်။ 
\v 14 နန်းနို့ရဲ့ဆရာ၊ နန်းနို့ရဲ့သခင်ဖြစ်ဟှူ ငါဟှာ နန်းနို့ရဲ့ခေလေဟှို ဆေးပေးဟှယ်။ အယ်ဆိုဟှာ နန်းနို့လည်း ရှင်းရှင်းလေရဲ့ ခေဟှို ဆေးပေးရမယ်။ 
\v 15 နန်းနို့ဟှို ငါပြုတော်မူမျိုးဘဲ့ နန်းနို့လည်းဘဲ့ အယ်မျိုးပြုလောက်ဟှို့ စံနမူနာဟှို ငါပြဟှားပီးဘီ။ 
\v 16 \x - \xo ၁၃.၁၆ \xo*\xt မ ၁၀.၂၄; လု ၆.၄၀; ယော ၁၅.၂၀\xt*\x*နန်းနို့ဟှို ငါ မှန်တိုင်းပြောမယ်၊ ကျွန်ဟှာ သူးနို့သခင်ထတ် ကီးမြတ်ဟှ။ စေတမန်ဟှာ သူ့ဟှို စေလွှတ်သူထတ် ကီးမြတ်ဟှ။ 
\v 17 အယ်သမ္မာတရားဟှို နန်းနို့ ခု သိဟှားဘီ။ အယ်မူတိုင်းလောက်မယ် ဆိုဟှာ နန်းနို့ဟှာ ရရာတိုင်း ပျော်ရွှင်ရလေ့မယ်!
\p
\v 18 “ငါဟှာ နန်းနို့အားလောင်းဟှို ပြောဇာ မှုဟှ။ ငါဝီးချယ်ဟှားဟှူ လူလေဟှို ငါသိဟှယ်။ အယ်ဘေမဲ့ ကျမ်းစာဟှ ‘ငါ့ရဲ့မုဟှို စားဟှူလူဟှာ ငါ့ဟှို ပ္လန်ဘီးဆန့်ကျင်လေဘီ’ ဆိုဘီး ပြောဟှားဇာဟှာ မှန်ဘဲ့ဖြစ်လာဟှယ်။ 
\v 19 အယ်ကြောန့် အယ်မူဇာလေ ဖြစ်လာခန်မာ ‘ငါဖြစ်မျိုးဘဲ့ ငါဖြစ်ဟှယ်’ ဆိုဇာဟှို နန်းနို့ဟှာ ယောင်ကြည်လာစေဟှို့ ခုဘဲ့ နန်းနို့ဟှို ငါပြောဟှယ်။ 
\v 20 \x - \xo ၁၃.၂၀ \xo*\xt မ ၁၀.၄၀; မာ ၉.၃၇; လု ၉.၄၈; ၁၀.၁၆\xt*\x*နန်းနို့ဟှို ငါ မှန်တိုင်းပြောမယ်၊ ငါစေလွှတ်ဟှူ သူဟှို လတ်ခံဟှူ သူဟှာ ငါ့ဟှို လတ်ခံဟှယ်။ ငါ့ဟှို လတ်ခံဟှူ သူဟှာ ငါ့ဟှို စေလွှတ်လိုက်ဟှူ သူဟှိုလည်း လတ်ခံဟှယ်” ဆိုဘီး မိန့်တော်မူလေဟှယ်။
\s ယေရှုဟှာ သစ်စာဖော့‑က်ခံရမယ် ဆိုဇာဟှို ကြိုတန်ပြောဟှူကြောန်း
\r (မဿဲ ၂၆.၂၀–၂၅; မာကု ၁၄.၁၇–၂၁; လုကာ ၂၂.၂၁–၂၃)
\p
\v 21 ယေရှုဟှာ အယ်မျိုးမိန့်တော်မူဘီးန ရရာတိုင်း စိပူဘန်ဟှားဘီး “နန်းနို့ဟှို ငါ မှန်တိုင်းပြောမယ်၊ နန်းနို့ထဲဟှ တယော့‑က်ဟှာ ငါ့ဟှို သစ်စာဖော့‑က်လေ့မယ်” ဆိုဘီး ပွမ့်ပွမ့်လန်းလန်းဟှား သတ်သေခံဘီး မိန့်တော်မူလေဟှယ်။
\p
\v 22 ကိုယ်တော်ဟှာ ဖယ်လူကြောန်းဟှို ပြောနေဟှယ် ဆိုဇာဟှို တဗဲ့တော်လေဟှာ လောင်းဝ နားလည်ဂေ့ဘဲဟှူကြောန့် ယော့‑က်နယော့‑က် ကေ့နေဂေ့ဟှယ်။ 
\v 23 ယေရှုရှစ်တော်မူဟှူ တဗဲ့တော်လေထဲဟှ တယော့‑က်ဟှာ ယေရှုဘေးမာ ထိုင်နေဟှယ်။ 
\v 24 ရှိမုန်ပေတရုဟှာ သူ့ဟှို “ကိုယ်တော်ဟှာ ဖယ်သူ့ကြောန်းဟှို ပြောနေဟှယ် ဆိုဇာဟှို မေးကေ့” ဆိုဘီး မျစ်ရိပြဘီး ပြောဟှယ်။
\p
\v 25 အယ်ကြောန့် အယ်တဗဲ့တော်ဟှာ ယေရှုနားဟှို တိုးကပ်ဟှားဘီး “သခင်၊ အယ်လူဟှာ ဖယ်သူနူး” ဆိုဘီး မေးလျှော့‑က်လေဟှယ်။
\p
\v 26 ယေရှုဟှ “အယ်မုဟှို ဟန်းဇားထဲမာ နှစ်လိုက်ဘီး ငါပေးလိုက်ဟှူ လူဘဲ့ဖြစ်ဟှယ်” ဆိုဘီး ဖြေတော်မူလေဟှယ်။ အယ်ကြောန့် ကိုယ်တော်ဟှာ မုတဖဲ့ဟှို ဟန်းဇားထဲမာ နှစ်လိုက်ဘီး ရှိမုန်ရှကာရုတ်ရဲ့သား ယုဒဟှို ပေးလေဟှယ်။ 
\v 27 ယုဒဟှာ အယ်မုဟှို ယူဘီးန ရှင်းရှင်းဘဲ့ စာတန်ဟှာ သူ့ထဲဟှို ဝမ်လေဟှယ်။ ယေရှုဟှာ သူ့ဟှို “နန်လောက်ဇာရှိဇာဟှို ဗြန်းဗြန်ဟှားလောက်ပါ!” ဆိုဘီး မိန့်တော်မူလေဟှယ်။ 
\v 28 ဖြားဖြစ်ကြောန့် ယေရှုဟှာ ယုဒဟှို အယ်မျိုးမိန့်တော်မူဟှယ် ဆိုဇာဟှို စားဗွဲမာ ထိုင်နေဟှူ လူယော့‑က်လည်း နားလည်ဂေ့ဟှ။ 
\v 29 ယုဒဟှာ ကပ်အိကိုင်ရဟှူ သူဖြစ်ဟှူကြောန့် ယေရှုဟှ ပွဲတော်တွပ် လိုအပ်ဇာလေဟှို ဝယ်ခိုင်းလိုက်ဟှယ်။ အယ်မျိုးမှုဘဲနေဟှာ ဆင်းရဲသားလေဟှို တခုခုသွားပေးခိုင်းလိုက်ဟှယ် ဆိုဘီး တဗဲ့တော်တချို့ဟှာ ထန်နေဂေ့ဟှယ်။
\p
\v 30 ယုဒဟှာ မုဟှို ခံယူဘီးန ရှစ်ရှင်းထွပ်ဟှားလေဟှယ်။ အယ်ခီဟှာ ညဉ့်ခန်းဖတ်ဖြစ်ဟှယ်။
\s ပညတ်တော်သစ်
\p
\v 31 ယုဒထွပ်ဟှားဘီးန ယေရှုဟှ “ခု လူ့ရဲ့သားဟှာ ဖောင်းသရေတော် ထန်ရှားတော်မူဘီ။ ခု ဘုရားသခင်ဟှာ လူ့ရဲ့သားအားဖြင့် ဖောင်းသရေတော် ထန်ရှားတော်မူဘီ။ 
\v 32 ဘုရားသခင်ဟှာ လူ့ရဲ့သားအားဖြင့် ဖောင်းသရေတော် ထန်ရှားတော်မူဟှယ် ဆိုဟှာ ဘုရားသခင် ကိုယ်တိုင်အားဖြင့် လူ့ရဲ့သားဟှို ဖောင်းသရေတော် ထန်ရှားတော်မူဘီး အယ်ဖောင်းသရေတော်ဟှို ရှစ်ရှင်း ထန်ရှားတော်မူလေ့မယ်။ 
\v 33 \x - \xo ၁၃.၃၃ \xo*\xt ယော ၇.၃၄\xt*\x*ရှစ်ရဟှူ သားမီးလေ၊ ငါဟှာ နန်းနို့နတူးဒူ ရှစ်ဟှားဘဲ့ နေရလေ့မယ်။ နန်းနို့ဟှာ ငါ့ဟှို လိုက်ရှာလေ့မယ်။ အယ်ဘေမဲ့ ယုဒအာဏာပိုင်လေဟှို ပြောဟှားမျိုးဘဲ့ ‘ငါသွားမယ့်နေရာဟှို နန်းနို့လာနိုင်ဂေ့ဟှ’ ဆိုဘီး နန်းနို့ဟှို ခု ငါပြောဟှယ်။ 
\v 34 \x - \xo ၁၃.၃၄ \xo*\xt ယော ၁၅.၁၂,၁၇; ၁ ယော ၃.၂၃; ၂ ယော ၅\xt*\x*ခု နန်းနို့ဟှို ငါပေးဟှူ ပညတ်တော်သစ်ဟှ ရှင်းရှင်းရှစ်ဂေ့။ နန်းနို့ဟှို ငါရှစ်မျိုးဘဲ့ ရှင်းရှင်းရှစ်ရမယ်။ 
\v 35 နန်းနို့ရှင်းရှင်း ရှစ်ဂေ့မယ် ဆိုဟှာ နန်းနို့ဟှာ ငါ့တဗဲ့တော် ဖြစ်ဂေ့ဟှယ် ဆိုဇာဟှို လူတိုင်း သိဂေ့လေ့မယ်” ဆိုဘီး မိန့်တော်မူလေဟှယ်။
\s ယေရှုဟှာ ပေတရုရဲ့ ငြင်းပယ်ဇာဟှို ကြိုတန်ဖော်ပြဟှူကြောန်း
\r (မဿဲ ၂၆.၃၁–၃၅; မာကု ၁၄.၂၇–၃၁; လုကာ ၂၂.၃၁–၃၄)
\p
\v 36 ရှိမုန်ပေတရုဟှ “သခင်၊ ကိုယ်တော်ဟှ ဖယ်နေရာဟှို သွားဟှို့နူး” ဆိုဘီး ကိုယ်တော့်ဟှို မေးလျှော့‑က်လေဟှယ်။
\p ယေရှုဟှ “ငါသွားဟှို့နေရာဟှို ခု နန်လိုက်နိုင်ဟှို့ မှုဟှ။ အယ်ဘေမဲ့ နော့‑က်ဆိုဟှာ လိုက်ရလေ့မယ်” ဆိုဘီး ဖြေတော်မူလေဟှယ်။
\p
\v 37 ပေတရုဟှ “သခင်၊ ဖြားဖြစ်ကြောန့် ခုဟှ ကိုယ်တော်နော့‑က်ဟှို လိုက်နိုင်ရဟှနူး။ ကိုယ်တော်တွပ်ဆို ကျွန်တော့်သတ်ဟှို စွန့်ဟှို့ ဆင်သင့်ဘဲ့!” ဆိုဘီး မေးလျှော့‑က်လေဟှယ်။
\p
\v 38 ယေရှုဟှ “နန်ဟှ ငါ့တွပ် နန့်ရဲ့ သတ်ဟှို စွန့်ဟှို့ ဆင်သင့်ဘဲ့လော။ နန့်ဟှို ငါ မှန်တိုင်းပြောမယ်၊ ကြစ်တွန်ခန်မာ နန်ဟှာ ငါ့ဟှို သိဟှ ဆိုဘီး သောင်းခါ ငြင်းပယ်လေ့မယ်” ဆိုဘီး ဖြေတော်မူလေဟှယ်။
\c 14
\s ယေရှုဟှာ ဖနားဟှို သွားဟှူလမ်းဖြစ်ဟှူကြောန်း
\p
\v 1 ယေရှုဟှာ သူးနို့ဟှို “နန်းနို့လေ စိပူဂေ့န။ ဘုရားသခင်ဟှို ယောင်ကြည်ဂေ့။\f + \fr ၁၄.၁ \fr*\fq ယောင်ကြည်ဂေ့၊ \fq*\ft အယ်မျိုးမှုဘဲနေဟှာ \ft*\fqa နန်းနို့ ယောင်ကြည်ဂေ့။\fqa*\f* ငါ့ဟှိုလည်း ယောင်ကြည်ပါ။ 
\v 2 ငါ့ဖရဲ့ အီတော်မာ ခန်းလေ ဘောင်ဂီးရှိဟှယ်။ နန်းနို့တွပ် နေရာဟှို ပြင်ဆင်ဟှို့တွပ် ငါသွားရမယ်။ ခန်းလေမှေ့ဟှ ဆိုဟှာ နန်းနို့ဟှို အယ်မျိုး ပြောဟှို့ မှုဟှ။\f + \fr ၁၄.၂ \fr*\fq ငါ့ဖရဲ့ အီတော်မာ ခန်းလေ ဘောင်ဂီးရှိဟှယ်။ နန်းနို့တွပ် နေရာဟှို ပြင်ဆင်ဟှို့တွပ် ငါသွားရမယ်။ ခန်းလေမှေ့ဟှ ဆိုဟှာ နန်းနို့ဟှို အယ်မျိုး ပြောဟှို့ မှုဟှ၊ \fq*\ft အယ်မျိုးမှုဘဲ့နေဟှာ \ft*\fqa ငါ့ဖရဲ့ အီတော်မာ ခန်းလေဘောင်ဂီးရှိဟှယ်၊ အယ်နေရာမာ ခန်းလေမှေ့ဟှ ဆိုဟှာ နန်းနို့တွပ် နေရာဟှို ပြင်ဆင်ဟှို့ ငါသွားရမယ် ဆိုဘီး ပြောနေရအူးလော။\fqa*\f* 
\v 3 နန်းနို့တွပ် နေရာဟှို သွားပြင်ဆင်ဘီးန ငါပ္လန်လာဘီး ငါရှိဟှူနေရာမာ နန်းနို့ရှိနေဟှို့တွပ် နန်းနို့ဟှို ငါနားဟှို ခေါ်ဆောန်မယ်။ 
\v 4 ငါသွားမယ့်နေရာဟှို ရော့‑က်နိုင်ဟှူလမ်းဟှို နန်းနို့သိဂေ့ဟှယ်” ဆိုဘီး မိန့်တော်မူလေဟှယ်။
\p
\v 5 သောမဟှာ ကိုယ်တော့်ဟှို “သခင်၊ ကိုယ်တော်ဟှာ ဖယ်နေရာဟှို သွားမယ် ဆိုဇာ ကျွန်တော့်ဟှားလေ သိဂေ့ဟှ။ အယ်ဆိုဟှာ ကျွန်တော့်ဟှားလေဟှ အယ်နေရာဟှို ရော့‑က်နိုင်မယ့်လမ်းဟှို ဖယ်မျိုး သိနိုင်ဟှို့နူး” ဆိုဘီး မေးလျှော့‑က်လေဟှယ်။
\p
\v 6 ယေရှုဟှာ သူ့ဟှို “ငါဟှာ လမ်း၊ သမ္မာတရားန သတ်ဖြစ်ဟှယ်။ ငါ့အားဖြင့် မှုဟှ ဆိုဟှာ ဖယ်လူလည်း ဖနားဟှို သွားနိုင်ဂေ့ဟှ။ 
\v 7 ခု နန်းနို့ဟှာ ငါ့ဟှို သိဟှားဘီ။ အယ်ဆိုဟှာ နန်းနို့လေဟှာ\f + \fr ၁၄.၇ \fr*\fq ခု နန်းနို့ဟှာ ငါ့ဟှို သိဟှားဘီ၊ \fq*\ft တချို့ မူရင်းလတ်ရေးမူလေမာ \ft*\fqa နန်းနို့ဟှာ ငါ့ဟှို သိဟှားဘီး ဆိုဟှာ ငါ့ဖဟှိုလည်း နန်းနို့သိရလေ့မယ်၊ \fqa*\ft ဆိုဘီး ပါရှိဟှယ်။\ft*\f* ငါ့ဖဟှိုလည်း သိဂေ့လေ့မယ်။ ခုဟှစဘီး နန်းနို့ဟှာ ဖဟှို သိဗြင်ဂေ့ဘီ” ဆိုဘီး မိန့်တော်မူလေဟှယ်။
\p
\v 8 ဖိလိပ္ပုဟှ ကိုယ်တော့်ဟှို “သခင်၊ ဖဟှို ကျွန်တော့်ဟှားလေဟှို ပြတော်မူပါ။ အယ်မူဇာဟှို ကျွန်တော့်ဟှားလေ အားလောင်း လိုရှင်ဂေ့ဟှယ်” ဆိုဘီး လျှော့‑က်လေဟှယ်။
\p
\v 9 ယေရှုဟှ “ဖိလိပ္ပု၊ ငါဟှာ နန်းနို့အားလောင်းနတူးဒူ ခီကြာဂီး ရှိနေဟှိုဟှိုမှ ငါ့ဟှို သိဂေ့သေးဟှလော။ ငါ့ဟှို ဗြင်ဟှူလူဟှာ ငါ့ဖဟှို ဗြင်ရဟှယ်။ အယ်ဆိုဟှာ ‘ဖဟှို ကျွန်တော့်ဟှားလေဟှို ပြပါ’ ဆိုဘီး ဖြားဖြစ်ကြောန့် နန်းနို့ ပြောနေရနူး။ 
\v 10 ဖိလိပ္ပု၊ ငါဟှာ ဖထဲမာရှိဘီး ဖဟှလည်း ငါထဲမာရှိဟှယ် ဆိုဇာဟှို နန်ယောင်ကြည်ဟှလော။ နန်းနို့ဟှို ငါပြောနေဟှူ စကားလေဟှာ ငါထဲဟှနေ ထွပ်လာဇာ မှုဟှ။ ငါ့ထဲမာရှိနေဟှူ ဖကိုယ်တိုင်ဟှ သူ့ရဲ့ မှုဟှို ပြုတော်မူဟှယ်။ 
\v 11 ငါဟှာ ဖထဲမာ ရှိနေဘီး ဖဟှလည်း ငါ့ထဲမာ ရှိနေဟှယ် ဆိုဘီး ပြောနေဟှူ ခီမာ ငါ့ဟှို ယောင်ကြည်ဂေ့။ ယောင်ကြည်ဘဲဟှ ဆိုဟှာ ငါလောက်နေဇာလေဟှို ယောင်ကြည်ဂေ့။ 
\v 12 နန်းနို့ဟှို ငါ မှန်တိုင်းပြောမယ်၊ ငါ့ဟှို ယောင်ကြည်ဟှူ လူဟှာ ငါလောက်ဇာလေဟှို လောက်လေ့မယ်။ အယ်ထတ်ကီးဟှူ ဇာလေဟှိုလည်း လောက်လေ့မယ်။ ဖြားဖြစ်ကြောန့်နူးဆိုဟှာ ငါဟှာ ဖနားဟှို သွားရဟှို့တွပ် ဖြစ်ဟှယ်။ 
\v 13 ဖရဲ့ ဖောင်းသရေတော်ဟှာ သားတော်အားဖြင့် ထန်ရှားဟှို့တွပ် ငါ့နာမန နန်းနို့တောန်းဇာမှန်မျှ ငါလောက်မယ်။ 
\v 14 နန်းနို့ဟှာ ငါ့နာမန တခုခုဟှို ငါ့နားမာ\f + \fr ၁၄.၁၄ \fr*\ft တချို့ မူရင်းလတ်ရေးမူလေမာ \ft*\fq ငါ့နားမာ၊ \fq*\ft ဆိုဇာဟှာ မှေ့ဟှ။\ft*\f* တောန်းမယ် ဆိုဟှာ အယ်တိုင်း ငါပြုမယ်။
\s သန့်ရှင်းဟှူဝိညာဉ်တော်ဟှို ပေးဟှို့တွပ် ဂဒိတော်ကြောန်း
\p
\v 15 “နန်းနို့ဟှာ ငါ့ဟှို ရှစ်ဟှယ် ဆိုဟှာ ငါ့ပညတ်တော်လေဟှို လိုက်နာဂေ့လေ့မယ်။ 
\v 16 ငါဟှာ ဖဟှို တောန်းလျှော့‑က် လိုက်ဟှူကြောန့် နန်းနို့နတူးဒူ ထာဝရနေထိုင်ဟှူ ကူညီမဇသူ တပါးဟှို ပေးတော်မူလေ့မယ်။ 
\v 17 သူဟှာ ဘုရားသခင်နဆိုင်ဟှူ သမ္မာတရားဟှို ဖွမ့်ပြပေးဟှူ ဝိညာဉ်တော်ဖြစ်ဟှယ်။ အယ်လောကဟှာ အယ်ဝိညာဉ်တော်ဟှို ဗြင်ဂေ့ဟှ။ သိဂေ့ဘဲဟှူကြောန့် အယ်ဝိညာဉ်တော်ဟှို လတ်ခံဂေ့ဟှ။ အယ်ဘေမဲ့ နန်းနို့ဟှာ အယ်ဝိညာဉ်တော်ဟှို သိဂေ့ဟှယ်။ ဖြားဖြစ်ကြောန့်နူးဆိုဟှာ သူဟှာ နန်းနို့နတူးဒူး နေတော်မူနေဘီး နန်းနို့ထဲမာ ရှိနေတော်မူဟှယ်။\f + \fr ၁၄.၁၇ \fr*\fq ရှိနေတော်မူဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa ရှိလေ့မယ်၊ \fqa*\ft ဆိုဘီး ပါရှိဟှယ်။\ft*\f*
\p
\v 18 “ငါဟှာ နန်းနို့အားလောင်းဟှို ခိုကိုးရာမဲ့ ထားရစ်ဇာ မှုဟှ။ ငါဟှာ နန်းနို့နားဟှို ပ္လန်လာရအူးမယ်။ 
\v 19 ရှစ်ဟှားကြာဘီးဟှာ အယ်လောကဟှာ ငါ့ဟှို နော့‑က်တခါ ဗြင်ရလေ့ဟှို့မှုဘီ။ အယ်ဘေမဲ့ နန်းနို့ဟှာ ငါ့ဟှို ဗြင်ရလေ့မယ်။ ငါသတ်ရှင်ဟှူကြောန့် နန်းနို့လည်း သတ်ရှင်ရလေ့မယ်။ 
\v 20 အယ်နေ့ရစ် ရော့‑က်လာဟှူ ခီမာ ငါဟှာ ဖထဲမာ ရှိနေဟှယ် ဆိုဇာဟှိုရော၊ နန်းနို့ဟှာ ငါ့ထဲမာ ရှိနေဟှယ် ဆိုဇာဟှိုရော၊ ငါဟှာ နန်းနို့ထဲမာ ရှိနေဟှယ် ဆိုဇာဟှိုရော နန်းနို့သိရလေ့မယ်။
\p
\v 21 “ငါ့ပညတ်တော်လေဟှို လတ်ခံဘီး လိုက်နာဟှူလူလေဟှာ ငါ့ဟှို ရှစ်ဟှူလူလေ ဖြစ်ဟှယ်။ ငါ့ဟှို ရှစ်ဟှူလူလေဟှို ငါ့ဖဟှလည်း ရှစ်တော်မူဟှယ်။ ငါဟှလည်း သူးနို့ဟှို ရှစ်ဟှူကြောန့် ငါကိုယ်တိုင် သူးနို့ဟှို ဖွမ့်ပြမယ်” ဆိုဘီး ဖြေတော်မူဟှယ်။
\p
\v 22 ယုဒရှကာရုတ်မှုဘဲဟှူ ယုဒဟှ “သခင်၊ ကျွန်တော့်ဟှားလေဟှို ကိုယ်တော်ကိုယ်တိုင် ထန်ရှားတော်မူဘီးဟှာ လောကသားလေဟှို ထန်ရှားပြဘဲဇာဟှ ဖယ်မျိုးနူး” ဆိုဘီး မေးလျှော့‑က်လေဟှယ်။
\p
\v 23 ယေရှုဟှာ “ငါ့ဟှို ရှစ်ဟှူလူလေဟှာ ငါ့သွန်သန်ဇာလေဟှို လိုက်နာလေ့မယ်။ ငါ့ဖဟှလည်း သူးနို့ဟှို ရှစ်လေ့မယ်။ ငါ့ဖန ငါဟှာ သူးနို့နားဟှို ကြွလာဘီး သူးနို့နတူးဒူ နေတော်မူမယ်။ 
\v 24 ငါ့ဟှို ရှစ်ဘဲဟှူ လူလေဟှာ ငါ့သွန်သန်ဇာလေဟှို လိုက်နာဂေ့ မှုဟှ။ နန်းနို့ကြားရဟှူ သွန်သန်ဇာလေဟှာ ငါ့သွန်သန်ဇာလေ မှုဟှ။ အယ်ဘေမဲ့ ငါ့ဟှို စေလွှတ်တော်မူဟှူ ဖရဲ့ သွန်သန်ဇာလေဘဲ့ ဖြစ်ဟှယ်။”
\p
\v 25 “နန်းနို့နတူးဒူ ရှိနေဒူးမာ အယ်မူဇာဟှို ငါပြောဟှားဟှယ်။ 
\v 26 ဖဟှာ ငါ့နာမကြောန့် စေလွှတ်ပေးမယ့် ကူညီမဇသူဖြစ်ဟှူ သန့်ရှင်းဟှူဝိညာဉ်တော်ဟှာ နန်းနို့ဟှို အားလောင်းဂူဟှို သွန်သန်ပေးဘီးဟှာ ငါပြောဟှားဇာလေ အားလောင်းဟှို မှတ်မိလာအောန် လောက်ပေးလေ့မယ်။”
\p
\v 27 “ငြီသတ်မှုဟှို နန်းနို့နတူးဒူ ငါထားခဲ့ဘီ။ ငါ့ငြီသတ်မှုဟှိုလည်း နန်းနို့ဟှို ငါပေးဟှားဟှယ်။ လောကသားလေဟှို ပေးဟှားမျိုး ငါပေးဟှားဇာ မှုဟှ။ နန်းနို့လေ စိုးရိမ်ပူဘန်ဂေ့န။ ကြော့‑က်ဂေ့န။ 
\v 28 ‘ငါ သွားလိုက်ဘေမဲ့ နန်းနို့နားဟှို ပ္လန်လာအူးမယ်’ ဆိုဘီး ငါပြောဟှားဇာဟှို နန်းနို့ကြားဟှားပီးဘီ။ နန်းနို့ဟှာ ငါ့ဟှို ရှစ်ဟှယ် ဆိုဟှာ ဖနားဟှို ငါသွားဟှူကြောန့် နန်းနို့ဝန်းသာရလေ့မယ်။ ဖြားဖြစ်ကြောန်ဆိုဟှာ ဖဟှာ ငါ့ထတ် ကီးမြတ်တော်မူဟှယ်။ 
\v 29 အယ်မူဇာလေဖြစ်လာဟှူ ခီမာ နန်းနို့ ယောင်ကြည်ဂေ့ဟှို့တွပ် အယ်မူဇာလေအားလောင်း ဖြစ်ခန်ဂဒဲဟှ နန်းနို့ဟှို ခု ငါပြောဟှားဟှယ်။ 
\v 30 ငါဟှာ နန်းနို့ဟှို ဘောင်ဂီးပြောနိုင်ဟှို့မှုဘီ။ ဖြားဖြစ်ကြောန့်နူးဆိုဟှာ အယ်လောကဟှို အောက်ချောက်မားဟှာ လာနေဘီ။ သူဟှာ ငါထတ်မာ ဖြားခွမ့်အာဏာလည်းမှေ့ဟှ။ 
\v 31 အယ်ဘေမဲ့ ငါဟှာ ဖဟှို ရှစ်ဟှယ် ဆိုဇာဟှို အယ်လောကဟှို သိစေဟှို့တွပ် ဖပညတ်ဟှားတိုင်း ငါလောက်ဟှယ်။”
\p “လာဂေ့။ အယ်နေရာဟှနေ နို့လေသွားဂေ့ဇို့” ဆိုဘီး သူ့ဟှို မိန့်တော်မူလေဟှယ်။
\c 15
\s စဗျစ်နွယ်ဗန်စစ်စစ်ဖြစ်ဟှူ ယေရှုကြောန်း
\p
\v 1 “ငါဟှာ စစ်မှန်ဟှူ စဗျစ်နွယ်ဗန် ဖြစ်ဟှယ်။ ငါ့ဖဟှာ ဥယျာဉ်မှူးဖြစ်ဟှယ်။ 
\v 2 ငါ့ထဲမာ သီးသီးဘဲဟှူ ခတ်လေဟှို ဖဟှာ ခွတ်ပစ်မယ်။ သီးသီးဟှူ ခတ်လေဟှိုလည်း ပိုဘီးသီးစေဟှို့တွပ် ရှင်းလန်းလေ့မယ်။ 
\v 3 ငါဟောပြောဟှူ တရားစကားအားဖြင့် ခု နန်းနို့ဟှာ သန့်ရှင်းဟှားဘီ။ 
\v 4 ငါ့နှိုက် ရှိနေဂေ့။ အယ်ဆိုဟှာ ငါဟှလည်း နန်းနို့ထဲမာ ရှိနေလေ့မယ်။ ခတ်ဟှာ သူ့ကိုယ်သူ သီးသီးနိုင်ဟှ။ စဗျစ်နွယ်ဗန်မာရှိနေမယ် ဆိုဟှာ အယ်ခတ်ဟှာ သီးသီးနိုင်ဟှယ်။ အယ်မျိုးဘဲ့ နန်းနို့ဟှာ ငါနှိုက်မှေ့ဟှ ဆိုဟှာ သီးသီးနိုင်ဂေ့ဟှ။”
\p
\v 5 “ငါဟှာ စဗျစ်နွယ်ဗန်ဖြစ်ဟှယ်။ နန်းနို့ဟှာ ခတ်လေဖြစ်ဟှယ်။ ငါ့နှိုက် နန်းနို့ရှိနေဘီး နန်းနို့နှိုက် ငါရှိနေမယ် ဆိုဟှာ နန်းနို့လေဟှာ သီးလေဘောင်ဂီး သီးဂေ့လေ့မယ်။ နန်းနို့ဟှာ ငါနှိုက်မှေ့ဟှ ဆိုဟှာ နန်းနို့ ဖြားဇာလည်း လောက်နိုင်ဂေ့ မှုဟှ။ 
\v 6 ငါ့နှိုက် မှေ့ဘဲ့ဟှူ လူလေဟှာ ပ္လန်ဟှို ပစ်လိုက်ဟှူ သစ်ခတ်ခြော့‑က်မျိုးဘဲ့ ဖြစ်ဟှယ်။ အယ်ခတ်ခြော့‑က်လေဟှို စုသီးဘီးဟှာ မီးထဲဟှို ပစ်ခ္လလိုက်ဟှူကြောန့် လောန်ကျွမ်းဟှားဂေ့ဟှယ်။ 
\v 7 နန်းနို့ဟှာ ငါ့နှိုက်ရှိနေဘီး ငါ့စကားတော်လေဟှာလည်း နန်းနို့နှိုက်ရှိနေမယ် ဆိုဟှာ နန်းနို့ တောန်းဇာအားလောင်းဟှို ရလေ့မယ်။ 
\v 8 နန်းနို့ဟှာ သီးလေဘောင်ဂီးဟှို သီးဟှူအားဖြင့် ငါ့ဖရဲ့ ဖောင်းသရေတော်ဟှို ထန်ရှားစေဘီး အယ်နည်းလမ်းအားဖြင့် ငါ့တဗဲ့တော်လေ ဖြစ်လာဂေ့ဟှယ်။ 
\v 9 ဖဟှာ ငါ့ဟှို ရှစ်မျိုးဘဲ နန်းနို့ဟှိုလည်း ငါရှစ်ဟှယ်။ အယ်ကြောန့် ငါ့ရဲ့မြစ်တာထဲမာရှိဂေ့ပါ။ 
\v 10 ငါဟှာ ဖရဲ့ ပညတ်တော်လေဟှို လိုက်နာဘီး ဖရဲ့ မြစ်တာထဲမာရှိနေမျိုးဘဲ့ နန်းနို့ဟှာလည်း ငါ့ရဲ့ ပညတ်တော်လေဟှို လိုက်နာမယ် ဆိုဟှာ ငါ့ရဲ့ မြစ်တာထဲမာ ရှိလေ့မယ်။”
\p
\v 11 “နန်းနို့ထဲမာ ငါ့ရဲ့ ဝန်းသာမှုလေ ရှိနေဘီး နန်းနို့ရဲ့ ဝန်းသာမှုလေ ပ္လဲ့ဇောင်လာဟှို့တွပ် အယ်မူဇာဟှို နန်းနို့ဟှို ငါပြောဟှယ်။ 
\v 12 \x - \xo ၁၅.၁၂ \xo*\xt ယော ၁၃.၃၄; ၁၅.၁၇; ၁ ယော ၃.၂၃; ၂ ယော ၅\xt*\x*ငါ့ပညတ်ဟှ နန်းနို့ဟှို ငါရှစ်မျိုးဘဲ နန်းနို့ရှင်းရှင်း ရှစ်ဂေ့။ 
\v 13 မိမိရဲ့ မိဆွေလေတွပ် နန်းနို့ရဲ့ သတ်ဟှို ပေးလိုက်ဇာဟှာ ကီးမားဆောင်းဟှူ မြစ်တာဖြစ်ဟှယ်။ 
\v 14 နန်းနို့ဟှာ ငါ့ပညတ်ဟှားဇာလေဟှို လောက်မယ် ဆိုဟှာ နန်းနို့ဟှာ ငါ့ရဲ့မိဆွေလေဖြစ်ဟှယ်။ 
\v 15 ငါဟှာ နန်းနို့ဟှို စေခံ ဆိုဘီး ခေါ်ဟှို့မှုဘီ။ ဖြားဖြစ်ကြောန့်နူးဆိုဟှာ စေခံဟှာ သူးနို့သခင် လောက်ဇာလေဟှို သိရဂေ့ဟှ။ ငါ့ဖနားဟှနေ ကြားဟှားဇာလေ အားလောင်းဂူဟှို နန်းနို့ဟှို ငါ့ပြောပြနေဟှူကြောန့် နန်းနို့ဟှို မိဆွေလေ ဆိုဘီး ငါခေါ်ဟှယ်။ 
\v 16 နန်းနို့ဟှာ ငါ့ဟှို ဝီးချယ်ဟှားဇာ မှုဟှ။ သွားဘီးဟှာ တည်မြဲဟှူသီးလေ ဘောင်ဂီးသီးဟှို့တွပ် နန်းနို့ဟှို ဝီးချယ်ဘီး ခန့်အပ်ဟှားဟှယ်။ အယ်ကြောန့် ငါ့နာမအားဖြင့် နန်းနို့တောန်းဇာလေ အားလောင်းဂူဟှို ဖဟှ ပေးတော်မူလေ့မယ်။ 
\v 17 အယ်ကြောန့်ဘဲ့ နန်းနို့ရှင်းရှင်း ရှစ်ဂေ့ ဆိုဘီး ငါပညတ်ဟှားဟှယ်။”
\s လောကသားလေရဲ့ မူးတီးမှုကြောန်း
\p
\v 18 “လောကသားလေဟှာ နန်းနို့ဟှို မူးတီးဂေ့မယ် ဆိုဟှာ နန်းနို့ဟှို မူးတီးခန်မာ ငါ့ဟှို ရင်ဦးဆောင်း မူးတီးဂေ့ဟှယ် ဆိုဇာဟှို သိမှတ်ဂေ့။ 
\v 19 နန်းနို့ဟှာ အယ်လောကနဆိုင်မယ် ဆိုဟှာ လောကသားလေဟှာ သူးနို့နဆိုင်ဟှူ နန်းနို့ဟှို ရှစ်လေ့မယ်။ အယ်ဘေမဲ့ ငါဟှာ နန်းနို့ဟှို အယ်လောကထဲဟှနေ ဝီးချယ်ဟှားဟှူကြောန့် နန်းနို့ဟှာ အယ်လောကနဆိုင်ဟှ။ အယ်ကြောန့် လောကသားလေဟှာ နန်းနို့ဟှို မူးတီးဂေ့ဟှယ်။ 
\v 20 \x - \xo ၁၅.၂၀ \xo*\xt မ ၁၀.၂၄; လု ၆.၄၀; ယော ၁၃.၁၆\xt*\x*‘ကျွန်လေဟှာ သူးနို့သခင်ထတ် ကီးမြတ်ဟှ’ ဆိုဘီး နန်းနို့ဟှို ငါပြောဟှားဇာလေဟှို မှတ်ဟှားဂေ့။ လူလေဟှာ ငါ့ဟှို ညှဉ်းဆဲဂေ့မယ် ဆိုဟှာ နန်းနို့ဟှိုလည်း ညှဉ်းဆဲဂေ့လေ့မယ်။ သူးနို့ဟှာ ငါ့ရဲ့သွန်သန်ချစ်ဟှို လိုက်နာမယ် ဆိုဟှာ နန်းနို့သွန်သန်ချစ်ဟှိုလည်း လိုက်နာဂေ့လေ့မယ်။ 
\v 21 အယ်ဘေမဲ့ သူးနို့ဟှာ ငါ့ဟှို စေလွှတ်ဟှူသူဟှို သိဘဲဟှူတွပ် ငါ့နာမကြောန့် နန်းနို့ဟှို ညှဉ်းဆဲဂေ့လေ့မယ်။ 
\v 22 ငါဟှာ လာဘီး သူးနို့ဟှို ပြောဟှဆိုဟှာ သူးနို့မာ ပြစ်မှေ့ဟှ။ အယ်ဘေမဲ့ ခု သူးနို့ဟှာ သူးနို့ရဲ့ ပြစ်တွပ် ကြောန်းပြဇာမှေ့ဘီ။ 
\v 23 ဖယ်လူဘဲ့ဖြစ်ဖြစ် ငါ့ဟှို မူးတီးမယ် ဆိုဟှာ ငါ့ဖဟှိုလည်း မူးတီးလေဟှယ်။ 
\v 24 ငါဟှာ တခြားလူလေ လောက်ဖူးဘဲဟှူဇာလေဟှို သူးနို့ရှေ့မာ ပြုလောက်ဟှ ဆိုဟှာ သူးနို့မာ ပြစ်ရှိလေ့မယ် မှုဟှ။ ခုဆိုဟှာ ငါပြုလောက်ဇာလေဟှို သူးနို့ဗြင်ဟှားဘီးဟှူကြောန့် ငါ့န ငါ့ဖဟှို မူးတီးဂေ့ဘီ။ 
\v 25 အယ်မျိုး ဖြစ်လာရဇာဟှ သူးနို့ရဲ့ ပညတ်တော်မာ ‘သူးနို့ဟှာ ကြောန်းပြချစ်မှေ့ဘဲန ငါ့ဟှို မူးတီးဂေ့ဟှယ်’ ” ဆိုဘီး ရေးဟှားဇာဟှာ ပ္လဲ့ဇောင်စေဟှို့ဖြစ်ဟှယ်။
\p
\v 26 “ဖနားဟှနေ ကြွလာတော်မူဘီး ဘုရားသခင်န ဆိုင်ဟှူ သမ္မာတရားဟှို ဖွမ့်ပြပေးဟှို့တွပ် ကူညီမဇသူဖြစ်ဟှူ သန့်ရှင်းဟှူဝိညာဉ်တော် ကြွလာလေ့မယ်။ ငါ့ဖနားဟှနေ နန်းနို့နားဟှို သူ့ဟှို ငါစေလွှတ်ပေးလိုက်ဘီး သူဟှာ ငါ့ကြောန်းဟှို သတ်သေခံလေ့မယ်။ 
\v 27 နန်းနို့လည်းဘဲ့ ရင်ဂဒဲဟှ ငါ့နတူးဒူရှိနေဟှူကြောန့် ငါ့ကြောန်းဟှို သတ်သေခံလေ့မယ်။”
\c 16
\p
\v 1 “နန်းနို့ရဲ့ ယောင်ကြည်ရှင်း ပျစ်ပြားဘဲဟှို့တွပ် အယ်မူကြောန်းဟှို ငါပြောဟှားဟှယ်။ 
\v 2 နန်းနို့ဟှို ဝါလယ်ဇရပ်ဟှနေ နှန်ထုဂေ့လေ့မယ်။ နန်းနို့ဟှို သတ်ဟှူလူလေဟှ ဘုရားသခင်ဟှို ဝတ်ပြုဟှယ် ဆိုဘီး ထန်မှတ်ဟှူ ခီက္လရော့‑က်လာလေ့မယ်။ 
\v 3 လူလေဟှာ ငါ့ဟှိုလည်း သိဂေ့ဟှ။ ဖဟှိုလည်း သိဂေ့ဘဲဟှူကြောန့် နန်းနို့ဟှို အယ်မူဇာလေဟှို လောက်လေ့မယ်။ 
\v 4 အယ်ခီ ရော့‑က်လာဟှူ ခီမာ နန်းနို့ဟှို ငါပြောဟှားဘီးဇာဟှို နန်းနို့ပ္လန်ဘီး အော့‑က်မေ့စေဟှို့တွပ် ခု ငါပြောနေဟှယ်။”
\s သန့်ရှင်းဟှူဝိညာဉ်တော်ရဲ့ လောက်ဆောန်မှုကြောန်း
\p “ငါဟှာ နန်းနို့နတူးဒူ ရှိနေဟှူကြောန့် နန်းနို့ဟှို အယ်မူဇာလေဟှို ရင်ဒူးဟှ ငါပြောဟှ။ 
\v 5 ခု ငါ့ဟှို စေလွှတ်သူနားဟှို ငါသွားဝေါ့မယ်။ အယ်ဘေမဲ့ ဖယ်နေရာဟှို သွားဟှို့နူး ဆိုဘီး နန်းနို့ထဲဟှ ယော့‑က်လည်း ငါ့ဟှို မေးဂေ့ဟှမ်းမား။ 
\v 6 ခု နန်းနို့ဟှို အယ်မျိုး ပြောလိုက်ဟှူကြောန့် နန်းနို့ရဲ့ စိနှလောင်းထဲမာ ရရာတိုင်း ဝန်းနဲနေဂေ့ဟှယ်။ 
\v 7 နန်းနို့ဟှို ငါ မှန်တိုင်းပြောမယ်၊ ငါသွားလိုက်ဇာဟှာ နန်းနို့တွပ် ပိုဘီးကောန်းဟှယ်။ ဖြားဖြစ်ကြောန့်နူးဆိုဟှာ ငါသွားဟှ ဆိုဟှာ ကူညီမဇသူဟှာ နန်းနို့နားဟှို ရော့‑က်လာဟှို့ မှုဟှ။ အယ်ဘေမဲ့ ငါသွားလိုက်မယ် ဆိုဟှာ အယ်သူဟှို နန်းနို့နားဟှို ငါစေလွှတ်မယ်။ 
\v 8 ကူညီမဇသူ ရော့‑က်လာဟှူ ခီမာ လောကသားလေဟှို ပြစ်ကြောန်းဟှိုရော၊ ဖြောန့်မတ်ကြောန်းဟှိုရော၊ တရားစီရင်ကြောန်းလေဟှိုရော ဖော်ပြပေးလေ့မယ်။ 
\v 9 သူးနို့ဟှာ ငါ့ဟှို ယောင်ကြည်ဂေ့ဘဲဟှူကြောန့် သူးနို့ရဲ့ ပြစ်ဟှို ဖော်ပြမယ်။ 
\v 10 ငါဟှာ ဖနားဟှို သွားရမယ်ဖြစ်ကြောန့် နန်းနို့ဟှာ ငါ့ဟှို ဗြင်ရဟှို့မှုဘီ။ အယ်ကြောန့် နန်းနို့ဟှို ဖြောန့်မတ်ကြောန်းဟှို ဖော်ပြမယ်။ 
\v 11 အယ်လောကဟှို အောက်ချောက်မားဟှာ တရားစီရင်ဇာဟှို ခံရဘီဖြစ်ဟှူုကြောန့် သူးနို့ဟှို တရားစီရင်တော်မူကြောန်းဟှို ဖော်ပြမယ်။”
\p
\v 12 “နန်းနို့ဟှို ပြောပြဟှို့ဇာလေ ဘောင်ဂီးရှိဘေမဲ့ ခု နန်းနို့ခံယူနိုင်ဂေ့ မှုဟှ။ 
\v 13 အယ်ကြောန့် ဘုရားသခင်ကြောန်းနဆိုင်ဟှူ သမ္မာတရားဟှို လမ်းပြပေးမယ့် ဝိညာဉ်တော် ကြွလာဟှူ ခီမာ နန်းနို့ဟှို သမ္မာတရား အားလောင်းဟှို ဖွမ့်ပြတော်မူလေ့မယ်။ အယ်ဝိညာဉ်တော်ဟှာ သူ့ဆန္ဒတိုင်း ပြောနေဇာမှုဘဲ သူကြားရဇာလေဟှို ပြောပြဘီးဟှာ ဖြစ်လာဟှို့ ဇာလေဟှိုလည်း ပြောပြလေ့မယ်။ 
\v 14 သူဟှာ ငါပြောနေဇာလေဟှိုဘဲ့ နန်းနို့ဟှို ပြောပြပေးနေဟှူကြောန့် ငါ့ဖောင်းသရေတော်ဟှို ထန်ရှားစေလေ့မယ်။ 
\v 15 ငါ့ဖမာ ရှိဇာလေ အားလောင်းဟှာ ငါ့ဇာလေဖြစ်ဟှယ်။ အယ်ကြောန့် ဝိညာဉ်တော်ဟှာ ငါပြောဟှားဟှူ စကားလေဟှို နန်းနို့ဟှို ပြောပြလေ့မယ်။”
\s ဝန်းနဲဇာန ဝန်းသာဇာ
\p
\v 16 “ခီနဲနဲကြာဘီးဟှာ နန်းနို့ဟှာ နော့‑က်ထပ် ငါ့ဟှို တွိရလေ့ဟှို့မှုဘီ။ အယ်ဘီးန ခီနဲနဲကြာဘီးဟှာ နန်းနို့ဟှာ ငါ့ဟှို ပ္လန်တွိရလေ့မယ်။”
\p
\v 17 တဗဲ့တော်တချို့ဟှာ “ခီနဲနဲကြာဘီးဟှာ နို့လေဟှာ ကိုယ်တော့်ဟှို တွိရဟှို့မှုဘီ။ အယ်ဘီးန ခီနဲနဲကြာဘီးဟှာ နို့လေဟှာ ကိုယ်တော့်ဟှို ပ္လန်တွိရလေ့မယ်။ ‘ဖြားဖြစ်ကြောန့်နူးဆိုဟှာ ငါဟှာ ဖနားဟှို သွားရအူးမယ်’ ဆိုဘီး နို့လေဟှို မိန့်တော်မူနေဇာဟှ ဖြားဓိပါယ်နူး ဆိုဘီး သူးနို့ရှင်းရှင်း မေးနေဂေ့ဟှယ်။ 
\v 18 အယ်ဆိုဟှာ ‘ခီနဲနဲကြာဘီးဟှာ’ ဆိုဇာဟှ ဖြားဓိပါယ်နူး။ ကိုယ်တော် မိန့်တော်မူနေဇာလေဟှို နို့လေလည်း နားလည်ဂေ့ဟှ!”
\p
\v 19 သူးနို့လေဟှာ ကိုယ်တော့်ဟှို မေးလျှော့‑က်ရှင်ဂေ့ဟှယ် ဆိုဇာဟှို ယေရှုဟှ သိနေတော်မူဟှူကြောန့် “‘ခီနဲနဲကြာဘီးဟှာ နန်းနို့ဟှာ ငါ့ဟှို တွိဟှို့ မှုဟှ။ အယ်ဘီးန ခီနဲနဲကြာဘီးဟှာ နန်းနို့ဟှာ ငါ့ဟှို ပ္လန်တွိရလေ့မယ်’ ဆိုဘီး ငါပြောဟှားဟှယ်။ အယ်မူကြောန်းဟှို နန်းနို့ရှင်းရှင်း မေးမြန်းနေဂေ့ဟှယ်လော။ 
\v 20 နန်းနို့ဟှို ငါ မှန်တိုင်းပြောမယ်၊ နန်းနို့ဟှာ ငိုကြွေးရဂေ့လေ့မယ်။ အယ်ဘေမဲ့ အယ်လောကဟှာ ဝန်းသာဂေ့လေ့မယ်။ နန်းနို့ဟှာ ဝန်းနဲရဂေ့ဘေမဲ့ နန်းနို့ရဲ့ ဝန်းနဲမှုဟှာ ဝန်းသာမှုဟှို ပ္လောန်းလဲဟှားလေ့မယ်။ 
\v 21 မီးမတယော့‑က်ဟှာ သားမွီးခါနီးမာ မွီးဟှို့ခီ ရော့‑က်လာဟှူကြောန့် ဝန်းနဲမှုရှိဟှယ်။ အယ်ဘေမဲ့ သားမွီးဘီးဟှူ ခီမာ အယ်လောကမာ သားဂန်းတယော့‑က် မွီးဟှားပီးဘီတွပ် ဝန်းသာဟှားဟှူကြောန့် ဝေဒနာဟှို မေ့ဟှားလေဟှယ်။ 
\v 22 ခု နန်းနို့ဟှာ ဝန်းနဲနေဂေ့ဟှယ်။ အယ်ဘေမဲ့ ငါဟှာ နန်းနို့န ပ္လန်တွိရမယ် ဖြစ်ဟှူကြောန့် နန်းနို့ရဲ့ စိနှလောင်းဟှာ ဝန်းသာဂေ့လေ့မယ်။ အယ်ဝန်းသာမှုဟှို ဖယ်သူလည်း နန်းနို့နားဟှနေ လုယူနိုင်ဂေ့ဟှ။”
\p
\v 23 “အယ်မူနေ့ရော့‑က်လာခီမာ နန်းနို့ဟှာ ငါ့ဟှို ဖြားဇာလည်း မေးဂေ့လေ့မယ် မှုဟှ။ နန်းနို့ဟှို ငါ မှန်တိုင်းပြောမယ်၊ နန်းနို့ဟှာ ငါ့နာမအားဖြင့် တောန်းဇာအားလောင်းဟှို ဖဟှ ပေးတော်မူလေ့မယ်။\f + \fr ၁၆.၂၃ \fr*\fq နန်းနို့ဟှာ ငါ့နာမအားဖြင့် တောန်းဇာအားလောင်းဟှို ဖဟှ ပေးတော်မူလေ့မယ်၊ \fq*\ft တချို့ မူရင်းလတ်ရေးမူလေမာ \ft*\fqa နန်းနို့ဟှာ ငါ့နာမအားဖြင့် တောန်းမယ် ဆိုဟှာ ဖဟှ ပေးလေ့မယ်၊ \fqa*\ft ဆိုဘီး ပါရှိဟှယ်။\ft*\f* 
\v 24 ခုထိ ငါ့နာမအားဖြင့် နန်းနို့ဟှာ ဖြားဇာလည်း တောန်းဂေ့သေးဟှ။ နန်းနို့ရဲ့ ဝန်းသာဇာန ပ္လဲ့ဝဟှို့တွပ် တောန်းဂေ့။ တောန်းမယ် ဆိုဟှာ ရဂေ့လေ့မယ်။
\s လောကဟှို အောန်တော်မူဟှူကြောန်း
\p
\v 25 “အယ်မူဇာလေဟှို ပေါင်ဥပမာသောင်းပြုဘီး နန်းနို့ဟှို ငါပြောဟှားဟှယ်။ အယ်ဘေမဲ့ ပေါင်ဥပမာဟှို သောင်းပြုဘဲန ဖရဲ့ ကြောန်းဟှို ပွမ့်ပွမ့်လန်းလန်းဟှား ပြောရဟှို့ ခီရော့‑က်လာလေ့မယ်။ 
\v 26 အယ်မူနေ့ ရော့‑က်လာဟှူ ခီမာ နန်းနို့ဟှာ ငါ့နာမအားဖြင့် တောန်းလျှော့‑က်ရလေ့မယ်။ နန်းနို့တွပ် ဖနားဟှနေ ငါဟှ တောန်းလျှော့‑က်ပေးမယ် ဆိုဘီး ပြောနေဇာ မှုဟှ။ 
\v 27 ဖြားဖြစ်ကြောန့်နူးဆိုဟှာ ဖကိုယ်တိုင်ဟှ နန်းနို့ဟှို ရှစ်တော်မူဟှယ်။ ငါဟှာ ဖနားဟှနေ ကြွလာဟှယ် ဆိုဇာဟှို နန်းနို့ယောင်ကြည်ဟှူကြောန့် ဖဟှာ နန်းနို့ဟှို ရှစ်တော်မူဟှယ်။ 
\v 28 ငါဟှာ ဖနားဟှနေ ထွပ်လာဘီး အယ်လောကထဲဟှို ကြွလာဟှယ်။ ခု ငါဟှာ အယ်လောကဟှနေ ထွပ်ဟှားဘီးဟှာ ဖနားဟှို သွားအူးမယ်” ဆိုဘီး မိန့်တော်မူလေဟှယ်။
\p
\v 29 အယ်ဘီးန တဗဲ့တော်လေဟှာ ကိုယ်တော့်ဟှို “ခု ကိုယ်တော်ဟှာ ပေါင်ဥပမာဟှို သောင်းပြုဘဲန ပွမ့်ပွမ့်လန်းလန်းဟှား ဟောပြောတော်မူဟှယ်။ 
\v 30 ကိုယ်တော်ဟှာ အားလောင်းဂူဟှို သိတော်မူဘီး ဖယ်လူလည်း ကိုယ်တော့်ဟှို မေးလျှော့‑က်ဟှို့လိုအပ်ဟှ ဆိုဇာဟှို ခု ကျွန်တော့်ဟှားလေ သိရဂေ့ဘီ။ အယ်ကြောန့် ကိုယ်တော်ဟှာ ဘုရားသခင်နားဟှနေ ကြွလာတော်မူဟှယ် ဆိုဇာဟှို ကျွန်တော့်ဟှားလေ ယောင်ကြည်ပါဟှယ်” ဆိုဘီး လျှော့‑က်ဂေ့ဟှယ်။
\p
\v 31 ယေရှုဟှာ သူးနို့ဟှို “ခု နန်းနို့ဟှ ယောင်ကြည်ဂေ့ဘဲ့လော 
\v 32 နန်းနို့ဟှာ ဖ္လဲဖ္လဲစင်ဖြစ်ဟှားဘီး နန်းနို့အီဟှို ပ္လန်ဟှားဂေ့ဟှူ ခီမာ ငါ့ဟှို တယော့‑က်ဒဲ ထားရစ်ဟှို့ ခီဟှာလည်း ခုဘဲ့ ရော့‑က်နေဘီ။ အယ်ဘေမဲ့ ဖဟှာ ငါ့နတူးဒူရှိနေတော်မူဟှူကြောန့် ငါဟှာ တယော့‑က်ဒဲ မှုဟှ။ 
\v 33 နန်းနို့ဟှာ ငါ့အားဖြင့် ငြီသတ်မှုရှိဟှို့တွပ် အယ်စကားဟှို ငါပြောပီးဘီ။ နန်းနို့ဟှာ အယ်လောကမာ ဆင်းရဲဒေါက်ခ ခံရဂေ့လေ့မယ်။ အယ်ဘေမဲ့ ကြော့‑က်ဂေ့န! ငါဟှာ လောကဟှို အောန်ဟှားပီးဘီ!” ဆိုဘီး မိန့်တော်မူလေဟှယ်။
\c 17
\s ယေရှုဟှာ တဗဲ့တော်လေတွပ် ဆုတောန်းပေးဟှူကြောန်း
\p
\v 1 ယေရှုဟှာ အယ်မျိုး မိန့်တော်မူဘီးန ကောန်းဂန်ဟှို မော့ကေ့ဘီးဟှာ “ဖ၊ ခီရော့‑က်ဟှားဘီ။ သားတော်ဟှာ ဖရဲ့ ဖောင်းသရေတော်ဟှို ထန်ရှားစေဟှို့တွပ် သားတော်ရဲ့ ဖောင်းသရေတော်ဟှို ထန်ရှားစေတော်မူပါ။ 
\v 2 ဖဟှ သားတော်ဟှို လူလေ အားလောင်းဂူဟှို အောက်စိုးရဟှူ ခွမ့်အာဏာဟှို ပေးတော်မူဟှယ်။ အယ်ကြောန့် သားတော်ဟှာ ဖဟှနေ ပေးဟှားဟှူ လူလေ အားလောင်းဂူဟှို ထာဝရသတ် ပေးနိုင်ဟှယ်။ 
\v 3 ထာဝရသတ် ဆိုဇာဟှာ စစ်မှန်ဟှူ ဘုရားသခင် တဆူဒဲရှိဟှယ် ဆိုဇာန စေလွှတ်တော်မူဟှူ ယေရှုခရစ်တော်ဟှို သိဟှို့ဖြစ်ဟှယ်။ 
\v 4 ကိုယ်တော် အပ်ပေးတော်မူဟှူ မှုတော်ဟှို ကျွန်တော်ဟှာ ဆောန်ရွက်ပီးဟှားဘီ ဖြစ်ဟှူကြောန့် ကိုယ်တော်ရဲ့ ဖောင်းသရေတော်ဟှို မ္လေဂီးထတ်မာ ထန်ရှားစေဘီ။ 
\v 5 ဖ! အယ်လောကဟှို ဖန်ဆင်းခန်ဂဒဲဟှ ကိုယ်တော်နတူးဒူ ကျွန်တော်ခံစားရဟှူ ဖောင်းသရေတော်ဟှို ခု ကိုယ်တော့်ရှေ့တော်မာ ကျွန်တော့်ဟှို ပေးတော်မူပါ။
\p
\v 6 “အယ်လောကထဲဟှနေ ဝီးချယ်ဘီး ကျွန်တော့်ဟှို အပ်ပေးတော်မူဟှူ လူလေဟှို ကိုယ်တော်ရဲ့နာမဟှို ထန်ရှားစေပီးဘီ။ သူးနို့ဟှို ကိုယ်တော်ဟှ ပိုင်တော်မူဘီး ကျွန်တော့်ဟှို အပ်ပေးတော်မူဘီ။ သူးနို့ဟှာ ကိုယ်တော်ရဲ့ စကားတော်ဟှို လိုက်နာဂေ့ဘီ။ 
\v 7 ကျွန်တော့်ဟှို ကိုယ်တော်ပေးဟှားဇာလေ အားလောင်းဟှာ ကိုယ်တော်နားဟှ ရရှိလာဟှယ် ဆိုဇာဟှို ခု သူးနို့သိရှိဂေ့ဘီ။ 
\v 8 ကျွန်တော့်ဟှို ကိုယ်တော် ပေးအပ်တော်မူဟှူ စကားတော်ဟှို ကျွန်တော်ဟှာ သူးနို့ဟှို ပေးဟှူ ခီမာ သူးနို့လတ်ခံဂေ့ဟှယ်။ ကိုယ်တော်နားဟှနေ ကျွန်တော်ကြွလာဟှယ် ဆိုဇာဟှို သူးနို့ဟှာ မှန်ဘဲ့သိဂေ့ဟှယ်။ ကျွန်တော့်ဟှို ကိုယ်တော်စေလွှတ်ဟှယ် ဆိုဇာဟှိုလည်း သူးနို့ဟှာ ယောင်ကြည်ဂေ့ဟှယ်။
\p
\v 9 “သူးနို့တွပ် ကျွန်တော်ဆုတောန်းဟှယ်။ ကျွန်တော်ဟှို ကိုယ်တော်ပေးအပ်တော်မူဟှူ လူလေဟှာ ကိုယ်တော်ပိုင်တော်မူဟှူ လူလေဖြစ်ဟှူကြောန့် အယ်လောကတွပ် မှုဘဲ သူးနို့တွပ်ဘဲ့ တောန်းလျှော့‑က်ပေးဟှယ်။ 
\v 10 ကျွန်တော့်မာရှိဟှူဇာလေ အားလောင်းဟှာ ကိုယ်တော်ဇာလေဖြစ်ဘီး ကိုယ်တော်မာ ရှိဟှူဇာလေ အားလောင်းဟှာလည်း ကျွန်တော့်ဇာလေဖြစ်ဟှူကြောန့် သူးနို့လေအားဖြင့် ကျွန်တော့်ဖောင်းသရေတော်ဟှို ထန်ရှားစေဘီ။ 
\v 11 ကျွန်တော်ဟှာ အယ်လောကမာ ခီကြာဂီးရှိဟှို့ မှုဟှ။ အယ်ဘေမဲ့ သူးနို့ဟှာ အယ်လောကမာ ရှိဂေ့ဟှယ်။ ခု ကျွန်တော်ဟှာ ကိုယ်တော်နားဟှို လာပါဟှယ်။ သန့်ရှင်းတော်မူဟှူဖ! ကိုယ်တော်န ကျွန်တော်ဟှာ တလောင်းတဝဒဲ ဖြစ်မျိုးဘဲ့ ကျွန်တော့်ဟှို ပေးအပ်တော်မူဟှူ လူလေလည်း တလောင်းတဝဒဲ ဖြစ်ဟှို့တွပ် သူးနို့ဟှို ကိုယ်တော်ရဲ့ နာမတော်န တဂိုးတော်အားဖြင့် ကာကွယ်ပေးတော်မူပါ\f + \fr ၁၇.၁၁ \fr*\fq သူးနို့ဟှို ကိုယ်တော်ရဲ့ နာမတော်န တဂိုးတော်အားဖြင့် ကာကွယ်ပေးတော်မူပါ၊ \fq*\ft တချို့ မူရင်းလတ်ရေးမူလေမာ \ft*\fqa ကျွန်တော့်ဟှို အပ်ပေးတော်မူဟှူ လူလေဟှို ကိုယ်တော့်နာမတော်ရဲ့ တဂိုးတော်အားဖြင့် စောန့်ထီးပေးတော်မူပါ၊ \fqa*\ft ဆိုဘီး ပါရှိဟှယ်။\ft*\f*။ 
\v 12 \x - \xo ၁၇.၁၂ \xo*\xt ယော ၁၃.၁၈\xt*\x*ကျွန်တော်ဟှာ သူးနို့နတူးဒူရှိနေဒူးမာ ကိုယ်တော်ပေးတော်မူဟှူ နာမတော်ထဲမာ သူးနို့ဟှို ပျစ်စီးမှုဟှနေ စောန့်ထီးတော်မူဘီ။\f + \fr ၁၇.၁၂ \fr*\fq ကိုယ်တော်ပေးတော်မူဟှူ နာမတော်ထဲမာ သူးနို့ဟှို ပျစ်စီးမှုဟှနေ စောန့်ထီးတော်မူဘီ၊ \fq*\ft တချို့ မူရင်းလတ်ရေးမူလေမာ \ft*\fqa ကျွန်တော့်ဟှို ကိုယ်တော်ပေးတော်မူဟှူ လူလေဟှို ကိုယ်တော့်နာမတော်ရဲ့ တဂိုးတော်အားဖြင့် ကျွန်တော်ဟှာ စောန့်ထီးပေးတော်မူဘီ၊ \fqa*\ft ဆိုဘီး ပါရှိဟှယ်။\ft*\f* ကျွန်တော်ဟှာ သူးနို့ဟှို ကာကွယ်ပေးတော်မူဟှားဘီ။ ပျစ်စီးရဟှို့ လူတယော့‑က်ဟှလွဲဘီး သူးနို့ထဲဟှ ဖယ်လူလည်း ပျစ်စီးဂေ့ဟှ။ အယ်လူပျစ်စီးဟှားရဇာဟှာ ကျမ်းစာ ပ္လဲ့ဇောင်ဟှို့ ဖြစ်ဟှယ်။ 
\v 13 ခု ကိုယ်တော်နားဟှို ကျွန်တော်ဟှာ လာပါဟှယ်။ သူးနို့ဟှာ ကျွန်တော့်ရဲ့ ဝန်းသာမှုအားလောင်းဟှို သူးနို့စိနှလောင်းထဲမာ ပ္လဲ့ဝခံစားရဟှို့တွပ် အယ်လောကထဲ ရှိနေဒူးခီမာ အယ်မူဇာလေဟှို ကျွန်တော် ပြောပါဟှယ်။ 
\v 14 ကျွန်တော်ဟှာ ကိုယ်တော်ရဲ့ တရားစကားဟှို သူးနို့ဟှို ပေးဟှားပီးဘီ။ ကျွန်တော်ဟှာ အယ်လောကနဆိုင်ဘဲမျိုး သူးနို့လည်း အယ်လောကနဆိုင်ဘဲဟှူကြောန့် လောကဟှာ သူးနို့ဟှို မူးတီးဂေ့ဟှယ်။ 
\v 15 သူးနို့ဟှို အယ်လောကဟှနေ နုယူတော်မူဟှို့မှုဘဲန နတ်ဆိုးရဲ့လှည့်စားမှုဟှနေ ကွယ်ကာပေးဟှို့ ကျွန်တော်တောန်းလျှော့‑က်ဟှယ်။ 
\v 16 ကျွန်တော်ဟှာ အယ်လောကနဆိုင်ဘဲမျိုး သူးနို့ဟှာလည်း အယ်လောကနဆိုင်ဂေ့ဟှ။ 
\v 17 သမ္မာတရားအားဖြင့် သူးနို့ဟှို သန့်ရှင်းတော်မူပါ။ ကိုယ်တော်ရဲ့ စကားတော်ဟှာ သမ္မာတရားဖြစ်ဟှယ်။ 
\v 18 ကိုယ်တော်ဟှာ ကျွန်တော်ဟှို အယ်လောကထဲဟှို စေလွှတ်မျိုးဘဲ့ ကျွန်တော်ဟှာလည်း သူးနို့ဟှို အယ်လောကထဲဟှို စေလွှတ်လိုက်ဟှယ်။ 
\v 19 သူးနို့ဟှာလည်း သမ္မာတရားအားဖြင့် သန့်ရှင်းခံရဟှို့တွပ် ကျွန်တော်ဟှာ သူးနို့တွပ် ကိုယ့်ဇာကိုယ် သန့်ရှင်းစေပါဟှယ်။
\p
\v 20 “ကျွန်တော်ဟှာ သူးနို့တွပ်ဘဲ့မှုဘဲန သူးနို့ဟောပြောဟှူ တရားစကားအားဖြင့် ကျွန်တော့်ဟှို ယောင်ကြည်ဟှူ လူလေတွပ်လည်း တောန်းလျှော့‑က်ဟှယ်။ 
\v 21 သူးနို့လေ အားလောင်းဂူဟှာ တလောင်းတဝဒဲ ဖြစ်စေဟှို့ ကျွန်တော်ဆုတောန်းဟှယ်။ ဖ! ကိုယ်တော်ဟှာ ကျွန်တော့်ထဲမာရှိဘီး ကျွန်တော်ဟှာလည်း ကိုယ်တော်ထဲမာ ရှိနေမျိုးဘဲ့ သူးနို့ဟှိုလည်း ကျွန်တော့်ဟှားလေထဲမာ ရှိတော်မူစေပါ။ ကျွန်တော့်ဟှို ကိုယ်တော်စေလွှတ်တော်မူဟှယ် ဆိုဇာဟှို လောကသားလေ ယောင်ကြည်လာစေဟှို့တွပ် သူးနို့ဟှို တလောင်းတဝဒဲ ဖြစ်စေတော်မူပါ။ 
\v 22 ကိုယ်တော်န ကျွန်တော်ဟှာ တလောင်းတဝဒဲ ဖြစ်မျိုးဘဲ့ သူးနို့ဟှိုလည်း တလောင်းတဝဒဲ ဖြစ်စေဟှို့တွပ် ကျွန်တော်ဟှို ကိုယ်တော်ပေးတော်မူဟှူ ဖောင်းသရေတော်ဟှို သူးနို့ဟှိုလည်း ပေးတော်မူဘီ။ 
\v 23 ကျွန်တော်ဟှာ သူးနို့ထဲမာရှိဘီး ကိုယ်တော်ဟှာ ကျွန်တော်ထဲမာ ရှိပါဟှယ်။ သူးနို့ဟှို တလောင်းတဝဒဲ ပ္လဲ့ဇောင်စေဟှို့တွပ် ကိုယ်တော်ဟှာ ကျွန်တော့်ဟှို စေလွှတ်တော်မူကြောန်းန ကျွန်တော့်ဟှို ရှစ်မျိုးဘဲ့ သူးနို့ဟှိုလည်း ရှစ်တော်မူကြောန်းဟှို လောကသားလေဟှာ သိရှိစေဟှို့ဖြစ်ဟှယ်။
\p
\v 24 “ဖ! အယ်လောကဟှို ဖန်ဆင်းခန်ဂဒဲဟှ ကိုယ်တော်ဟှာ ကျွန်တော်ဟှို ရှစ်တော်မူဘီး ပေးတော်မူဟှူ ဖောင်းသရေတော်ဟှို ကျွန်တော့်ဟှို ကိုယ်တော် ပေးအပ်တော်မူဟှူ လူလေဟှို ဗြင်တွိစေဟှို့တွပ် သူးနို့ဟှို ကျွန်တော်ရှိဟှူ နေရာမာ ကျွန်တော့်နတူးဒူ ရှိစေရှင်ဟှယ်။ 
\v 25 ဖြောန့်မတ်တော်မူဟှူဖ! အယ်လောကဟှာ ကိုယ်တော့်ဟှို သိဂေ့ဟှ။ အယ်ဘေမဲ့ ကျွန်တော်ဟှာ ကိုယ်တော့်ဟှို သိဟှယ်။ ကိုယ်တော်ဟှာ ကျွန်တော့်ဟှို စေလွှတ်တော်မူဟှယ် ဆိုဇာဟှို အယ်လူလေဟှာ သိဂေ့ဟှယ်။ 
\v 26 ကျွန်တော့်ဟှို ကိုယ်တော် ရှစ်ဟှူမြစ်တာဟှာ သူးနို့နှိုက်ရှိစေဘီး ကျွန်တော်ဟှာလည်း သူးနို့နှိုက်ရှိနေဟှူကြောန့် ကိုယ်တော့်နာမဟှို သူးနို့ဟှို ကျွန်တော်သိစေပါဘီ။ ထပ်ဘီးလည်း သိစေအူးမယ်” ဆိုဘီး ပြောလေဟှယ်။
\c 18
\s ယေရှုဟှို ဖမ်းဆီးဂေ့ဟှူကြောန်း
\r (မဿဲ ၂၆.၄၇–၅၆; မာကု ၁၄.၄၃–၅၀; လုကာ ၂၂.၄၇–၅၃)
\p
\v 1 ယေရှုဟှာ အယ်မျိုးဆုတောန်းဘီးန တဗဲ့တော်လေနတူးဒူ ကြွဟှားတော်မူဘီး ကေဒြုန်ခ္လောန်းဟှို ကူးတော်မူဟှယ်။ အယ်နေရာမာ ဥယျာဉ်တခုရှိဘီး ယေရှုန တဗဲ့တော်လေဟှာ အယ်ဥယျာဉ်ထဲဟှို ဝမ်တော်မူဟှယ်။ 
\v 2 ယေရှုဟှာ အယ်နေရာမာ တဗဲ့တော်လေန ခဏခဏ တွိဆောင်လေ့ရှိဟှူကြောန့် ကိုယ်တော့်ဟှို သစ်စာဖော့‑က်ဟှူ ယုဒရှကာရုတ်ဟှာ အယ်နေရာဟှို သိနေဟှယ်။ 
\v 3 အယ်ကြောန့် ယုဒဟှာ ရောမစစ်သားတစု၊ ယဇ်ပုရောဟိတ်ဂီးလေန ဖာရိရှဲလေ စေလွှတ်လိုက်ဟှူ ဗိမာန်တော်စောန့်လေဟှို ခေါ်ဟှားဘီး ဥယျာဉ်ဟှို သွားဂေ့ဟှယ်။ သူးနို့ဟှာ မီးအီလေ၊ မီးဒေါက်လေန လတ်နတ်လေဟှို ကိုင်ဆောန်လာဂေ့ဟှယ်။ 
\v 4 ယေရှုဟှာ သူနှိုက်ဖြစ်ပျစ်လာဟှို့ ဇာလေအားလောင်းဟှို သိတော်မူဟှူကြောန့် သူးနို့နားဟှို ကြွတော်မူဘီး “နန်းနို့ ဖယ်လူဟှို ရှာဂေ့နေနူး” ဆိုဘီး မေးတော်မူလေဟှယ်။
\p
\v 5 သူးနို့ဟှ “နာဇရက်ဗြို့သား ယေရှုဟှို ရှာနေဟှယ်” ဆိုဘီး ဖြေလိုက်ဟှယ်။
\p ကိုယ်တော်ဟှ “ငါဘဲ့ဖြစ်ဟှယ်” ဆိုဘီး မိန့်တော်မူလိုက်ဟှယ်။
\p ကိုယ်တော့်ဟှို သစ်စာဖော့‑က်ဟှူ ယုဒဟှာ သူးနို့နတူးဒူ ရပ်နေဟှယ်။ 
\v 6 ယေရှုဟှာ သူးနို့ဟှို “ငါဘဲ့ဖြစ်ဟှယ်” ဆိုဘီး မိန့်တော်မူလိုက်ဟှူ ခီမာ သူးနို့ဟှာ နော့‑က်ဆုဟှားဘီး မ္လေဂီးထတ်ဟှို လဲက္လဟှားဂေ့ဟှယ်။ 
\v 7 ယေရှုဟှာ သူးနို့ဟှို “နန်းနို့ ဖယ်လူဟှို ရှာနေနူး” ဆိုဘီး နော့‑က်တခါ မေးတော်မူလေဟှယ်။
\p သူးနို့ဟှ “နာဇရက်ဗြို့သား ယေရှုဟှို ရှာဟှယ်” ဆိုဘီး ဖြေဂေ့ဟှယ်။
\p
\v 8 ယေရှုဟှ “ငါဘဲ့ဖြစ်ဟှယ် ဆိုဘီး နန်းနို့ဟှို ငါပြောဟှားပီးဘီ။ နန်းနို့ဟှာ ငါ့ဟှို ရှာနေဟှယ် ဆိုဟှာ အယ်လူလေဟှို သွားခိုင်းလိုက်ပါ” ဆိုဘီး မိန့်တော်မူလိုက်ဟှယ်။ 
\v 9 အယ်မျိုး မိန့်တော်မူဇာဟှ “ဖ၊ ကိုယ်တော်ပေးအပ်ဟှားဟှူ လူလေဟှာ တယော့‑က်လည်း ပျစ်စီးဟှို့မှေ့ဟှ” ဆိုဘီး ကိုယ်တော် မိန့်တော်မူဟှားဇာလေဟှာ မှန်ဘဲ့ဖြစ်လာလေဟှယ်။
\p
\v 10 အယ်ခီမာ ရှိမုန်ပေတရုဟှာ ပါလာဟှူ ထားဟှို ဆွဲထုလိုက်ဘီး ယဇ်ပုရောဟိတ်မန်းရဲ့ ကျွန်ဟှို ခွတ်လိုက်ဟှူ ခီမာ ညာဖတ်နားဝှပ် ပြတ်ဟှားလေဟှယ်။ အယ်ကျွန်ရဲ့ နာမယ်ဟှာ မာလခု ဖြစ်ဟှယ်။ 
\v 11 \x - \xo ၁၈.၁၁ \xo*\xt မ ၂၆.၃၉; မာ ၁၄.၃၆; လု ၂၂.၄၂\xt*\x*ယေရှုဟှာ ပေတရုဟှို “နန့်ထားဟှို ထားအီထဲမာ ပ္လန်သီးလိုက်ပါ! ငါ့ဖပေးတော်မူဟှူ ဒေါက်ခဝေဒနာခွပ်ဟှို ငါသော့‑က်ဘဲနေရဟှို့လော” ဆိုဘီး မိန့်တော်မူလေဟှယ်။
\s ယေရှုဟှို အန္နတ်ရှေ့ဟှို ခေါ်ဆောန်ဟှားဟှူကြောန်း
\p
\v 12 အယ်ဘီးန ရောမစစ်သားလေ၊ သူးနို့ရဲ့ တပ်မှူးဂီးန ယုဒလူ စောန့်တပ်သားလေဟှာ ယေရှုဟှို ဖမ်းဆီးဘီး၊ တောက်နှောန်ဂေ့ဘီး 
\v 13 အန္နတ်နားဟှို ရင်ဦးဆောင်း ခေါ်ဆောန်ဟှားဟှယ်။ အန္နတ်ဟှာ အယ်နှစ်မာ ယဇ်ပုရောဟိတ်မန်းဖြစ်ဟှူ ကယာဖရဲ့ ယော့‑က်ခမဖြစ်ဟှယ်။ 
\v 14 \x - \xo ၁၈.၁၄ \xo*\xt ယော ၁၁.၄၉,၅၀\xt*\x*အယ်ကယာဖဟှာ လူလေ အားလောင်းဂူတွပ် လူတယော့‑က် သေရဇာဟှ ပိုကောန်းဟှယ် ဆိုဘီး ယုဒအာဏာပိုင်လေဟှို ကြံပေးဟှူ သူဖြစ်ဟှယ်။
\s ယေရှုဟှို ပေတရုဟှ ငြင်းဆိုဟှူကြောန်း
\r (မဿဲ ၂၆.၆၉,၇၀; မာကု ၁၄.၆၆–၆၈; လုကာ ၂၂.၅၅–၅၇)
\p
\v 15 ရှိမုန်ပေတရုန တခြားတဗဲ့တော်ဟှာ ယေရှုနော့‑က်တော်လိုက်ဟှားဟှယ်။ အယ်တဗဲ့တော်ဟှာ ယဇ်ပုရောဟိတ်မန်းရဲ့ သိဖြစ်ဟှူကြောန့် ယေရှုနတူးဒူ ယဇ်ပုရောဟိတ်မန်းရဲ့ ခြံဝမ်းထဲဟှို ဝမ်ဟှားလေဟှယ်။ 
\v 16 ပေတရုဟှာ ခြံခွဗော့‑က်ပ္လန်မာ နေရစ်ဟှယ်။ ယဇ်ပုရောဟိတ်မန်းရဲ့ သိဖြစ်ဟှူ တဗဲ့တော်ဟှာ ပ္လန်ထွပ်လာဘီး ခွဗော့‑က်စောန့် စေခံဝယ်သားဟှို ပြောဘီးဟှာ ပေတရုဟှို ထဲဟှို ခေါ်ဟှားဟှယ်။ 
\v 17 ခွဗော့‑က်စောန့် စေခံဝယ်သားဟှာ ပေတရုဟှို “နန်ဟှ အယ်မူလူရဲ့ တဗဲ့တော် မှုဟှလော” ဆိုဘီး မေးလိုက်ဟှယ်။
\p ပေတရုဟှ “မှုဟှ” ဆိုဘီး ပ္လန်ဖြေလိုက်ဟှယ်။
\p
\v 18 အယ်ခီဟှာ ရှမ်းဟှူကြောန့် စေခံလေန စောန့်လေဟှာ မီးဘောင် ပတ်ပတ်လည်မာ ရပ်ဘီးဟှာ မီးကန်နေဂေ့ဟှယ်။ အယ်ကြောန့် ပေတရုဟှာ သူးနို့နတူးဒူ ရပ်ဘီးဟှာ မီးကန်နေလေဟှယ်။
\s ယဇ်ပုရောဟိတ်မန်းဟှ ယေရှုဟှို မေးမြန်းဟှူကြောန်း
\r (မဿဲ ၂၆.၅၉–၆၆; မာကု ၁၄.၅၅–၆၄; လုကာ ၂၂.၆၆–၇၁)
\p
\v 19 အယ်ခီမာ ယဇ်ပုရောဟိတ်မန်းဟှာ ယေရှုဟှို တဗဲ့တော်လေကြောန်းန ယေရှုရဲ့ သွန်သန်ဇာကြောန်းဟှို မေးနေလေဟှယ်။ 
\v 20 ယေရှုဟှ “ငါဟှာ လောကမာ ပွမ့်ပွမ့်လန်းလန်းဟှားဘဲ့ သွန်သန်ဟှယ်။ ယုဒလူလေ စုဝီးဟှူ ဝါလယ်ဇရပ်လေန ဗိမာန်တော်မာဘဲ့ ငါဟှာ သွန်သန်ဟှယ်။ ငါဟှာ တိတိဟှား ဟောပြောဟှ။ 
\v 21 အယ်ဆိုဟှာ ဖြားဖြစ်ကြောန့် ငါ့ဟှို မေးမြန်းနေနူး။ ငါဟောပြောဟှားဇာလေဟှို ကြားဟှားဘီးဟှူ လူလေဟှို မေးမြန်းဂေ့။ ငါဖြားဇာလေ ဟောပြောဟှားဟှယ် ဆိုဇာဟှို အယ်လူလေဟှို မေးမြန်းဂေ့။ ငါပြောဟှားဇာလေဟှို သူးနို့သိဂေ့ဟှယ်” ဆိုဘီး ဖြေတော်မူလေဟှယ်။
\p
\v 22 ယေရှုဟှာ အယ်မျိုးမိန့်တော်မူလိုက်ခီမာ စောန့်တယော့‑က်ဟှာ “ယဇ်ပုရောဟိတ်မန်းဟှို အယ်မျိုးပ္လန်ဖြေရလော!” ဆိုဘီး ကိုယ်တော့်ဟှို ပါးရိုက်လေဟှယ်။
\p
\v 23 ယေရှုဟှာ သူ့ဟှို “ငါပြောဟှားဇာလေ မှားဟှယ် ဆိုဟှာ မှားကြောန်းဟှို သတ်သေပြဂေ့။ ဖြေတော်မူလေဟှယ်။ အယ်ဘေမဲ့ ငါပြောဟှားဇာလေ မှန်ဟှယ် ဆိုဟှာ ဖြားဖြစ်ကြောန့် ငါ့ဟှို ရိုက်နေရနူး” ဆိုဘီး မိန့်တော်မူလေဟှယ်။
\p
\v 24 အယ်ဘီးန အန္နတ်ဟှာ ကိုယ်တော့်ဟှို တောက်နှောန်ဘီး ယဇ်ပုရောဟိတ်မန်း ကယာဖနားဟှို ပို့စေလိုက်ဟှယ်။
\s ယေရှုဟှို ပေတရုနော့‑က်တခါ ငြင်းဆိုဟှူကြောန်း
\r (မဿဲ ၂၆.၇၁–၇၅; မာကု ၁၄.၆၉–၇၂; လုကာ ၂၂.၅၈–၆၂)
\p
\v 25 ရှိမုန်ပေတရုဟှာ မတ်တတ်ရပ်ဘီးဟှာ မီးကန်နေဒူးဘဲ့ဖြစ်ဟှယ်။ အယ်ကြောန့် လူတချို့ဟှာ “နန်ဟှာလည်း အယ်လူရဲ့ တဗဲ့တော်လေထဲဟှ တယော့‑က် မှုဟှလော” ဆိုဘီး သူ့ဟှို မေးဂေ့ဟှယ်။
\p အယ်ဘေမဲ့ ပေတရုဟှာ “ငါမှုဟှ” ဆိုဘီး ငြင်းလေဟှယ်။
\p
\v 26 ယဇ်ပုရောဟိတ်မန်းရဲ့ ကျွန်တယော့‑က်ဖြစ်ဘီး ပေတရု ခွတ်လိုက်ဟှူကြောန့် နားဝှပ်ပြတ်ဟှားဟှူလူန ရွှေမျိုးတော်သူဟှ “နန်ဟှာ အယ်လူနတူးဒူ ဥယျာဉ်ထဲမာ ငါဗြင်လိုက်ဟှယ် မှုဟှလော” ဆိုဘီး မေးလေဟှယ်။
\p
\v 27 ပေတရုဟှာ “မှုဟှ” ဆိုဘီး နော့‑က်တခါ ငြင်းလိုက်ဟှူ ခီမာ ရှင်းရှင်းဘဲ့ ကြစ်တွန်လေဟှယ်။
\s ယေရှုဟှာ ပိလတ်ရှေ့ဟှို ခေါ်ဆောန်ဟှားကြောန်း
\r (မဿဲ ၂၇.၁,၂,၁၁–၁၄; မာကု ၁၅.၁–၅; လုကာ ၂၃.၁–၅)
\p
\v 28 မိုးလန်းစောစောန ယေရှုဟှို ကယာဖရဲ့ အီဟှနေ ဗြို့ဝန်မန်းရဲ့ နန်းတော်ဟှို ခေါ်ဆောန်ဟှားဟှယ်။ ယုဒအာဏာပိုင်လေဟှာ ပသခါပွဲတော်ဟှို စားနိုင်ဟှို့တွပ် သူးနို့ကိုယ်တိုင် ဘာသာရေးစဉ်လာတိုင်း ညစ်ညူးစေရှင်ဘဲဟှူကြောန့် နန်းတော်ထဲဟှို ဝင်လိုက်ဟှားဂေ့ဟှ။ 
\v 29 အယ်ကြောန့် ပိလတ်ဟှာ သူးနို့ရှိဟှူ ပ္လန်ဟှို ထွပ်လာဘီး “အယ်လူဟှို ဖြားမှုန စွပ်စွဲဟှားဂေ့နူး” ဆိုဘီး မေးလေဟှယ်။
\p
\v 30 သူးနို့ဟှ “အယ်လူဟှာ ရာဇဝတ်မှုဟှို ကျူးလွန်ဘဲဟှ ဆိုဟှာ အယ်လူဟှို ကျွန်တော့်ဟှားလေ ခေါ်လာဟှို့ မှုဟှ” ဆိုဘီး ဖြေဂေ့ဟှယ်။
\p
\v 31 ပိလတ်ဟှာ “အယ်ဆိုဟှာ နန်းနို့ကိုယ်တိုင် အယ်လူဟှို ခေါ်ဟှားလိုက်ဘီး နန်းနို့ရဲ့ ပညတ်တရားတိုင်း စီရင်ဂေ့” ဆိုဘီး ယုဒလူလေဟှို ပြောလေဟှယ်။
\p သူးနို့ဟှ “ကျွန်တော့်ဟှားလေဟှာ ဖယ်လူဟှိုလည်း သတ်ပိုင်ခွမ့်မှေ့ဟှ” ဆိုဘီး ပ္လန်ဖြေဂေ့ဟှယ်။ 
\v 32 \x - \xo ၁၈.၃၂ \xo*\xt ယော ၃.၁၄; ၁၂.၃၂\xt*\x*အယ်မျိုးပြောနေဇာဟှ မိမိဟှာ ဖယ်မျိုးသေခံရမယ် ဆိုဇာဟှို ယေရှုမိန့်တော်မူဟှားတိုင်း ပ္လဲ့ဇောင်လာစေဟှို့ဖြစ်ဟှယ်။
\p
\v 33 ပိလတ်ဟှာ နန်းတော်ထဲဟှို ပ္လန်ဝမ်ဟှားဘီး ယေရှုဟှို ခေါ်လိုက်ဘီး “နန်ဟှာ ယုဒမန်းဂီးလော” ဆိုဘီး မေးလေဟှယ်။
\p
\v 34 ယေရှုဟှ “နန်ဟှာ နန့်ဆန္ဒတိုင်း အယ်မေးခွန်းဟှို မေးဇာလော။ အယ်မျိုးမှုဘဲနေဟှာ တခြားလူလေဟှ ငါ့ကြောန်းဟှို ပြောပြဟှားကြောန့်လော” ဆိုဘီး မေးတော်မူလေဟှယ်။
\p
\v 35 ပိလတ်ဟှ “နန်ဟှာ ငါ့ဟှို ယုဒလူဖြစ်ဟှယ် ဆိုဘီး ထန်နေဟှယ်လော။ နန့်ဟှို ငါ့နားဟှို လာအပ်ပေးဟှူလူလေဟှာ နန့်လူမျိုးလေန ယဇ်ပုရောဟိတ်ဂီးလေဖြစ်ဟှယ်။ နန်ဟှာ ဖြားဇာလေလောက်ဟှားနူး” ဆိုဘီး မေးလေဟှယ်။
\p
\v 36 ယေရှုဟှ “ငါ့နိုင်ငံတော်ဟှာ အယ်လောကနဆိုင်ဟှ။ ငါ့နိုင်ငံတော်ဟှာ အယ်လောကနဆိုင်မယ် ဆိုဟှာ ငါ့ဟှို ယုဒအာဏာပိုင်လေ လတ်ထဲရော့‑က်ဘဲအောန် ငါ့စေခံလေဟှာ တိုက်ခိုက်ဂေ့လေ့မယ်။ ငါ့နိုင်ငံတော်ဟှာ အယ်လောကနဆိုင်ဟှ!” ဆိုဘီး မိန့်တော်မူလေဟှယ်။
\p
\v 37 အယ်ကြောန့် ပိလတ်ဟှာ “အယ်ဆိုဟှာ နန်ဟှာ မန်းဂီးလော” ဆိုဘီး ကိုယ်တော့်ဟှို မေးလေဟှယ်။
\p ယေရှုဟှ “သင်ပြောမျိုးဘဲ့ ငါဟှာ မန်းဂီးဖြစ်ဟှယ်။ ငါဟှာ သမ္မာတရားဟှို သတ်သေခံဟှို့တွပ် မွီးလာဘီး အယ်လောကဟှို ကြွလာဟှယ်။ သမ္မာတရားနဆိုင်ဟှူ လူလေဟှာ ငါ့စကားဟှို နားထောန်ဂေ့ဟှယ်” ဆိုဘီး ဖြေတော်မူလေဟှယ်။
\p
\v 38 ပိလတ်ဟှ “အယ်ဆိုဟှာ သမ္မာတရားဟှ ဖြားဇာနူး” ဆိုဘီး မေးလေဟှယ်။
\s ယေရှုဟှို သေဒန်ပေးဟှူကြောန်း
\r (မဿဲ ၂၇.၁၅–၃၁; မာကု ၁၅.၆–၂၀; လုကာ ၂၃.၁၃–၂၅)
\p အယ်ဘီးန ပိလတ်ဟှာ ပ္လန်မာရှိနေဟှူ ယုဒလူလေနားဟှို ပ္လန်ဟှားဘီးဟှာ “အယ်လူမာ ပြစ်စီရင်ဟှို့ဇာ ဖြားလည်းမှေ့ဟှ။ 
\v 39 နန်းနို့ရဲ့ ထောင်းဇံရ ပသခါပွဲမာ ထောန်သားတယော့‑က်ဟှို လွှတ်လေ့ရှိဟှယ်။ နန်းနို့တွပ် ယုဒမန်းဂီးဟှို လွှတ်ပေးစေရှင်ဟှယ်လော” ဆိုဘီး သူးနို့ဟှို မေးလေဟှယ်။
\p
\v 40 သူးနို့ဟှာ “သူ့ဟှို လွှတ်ပေးန! ဗာရဗ္ဗဟှိုဘဲ့ လွှတ်ပေးပါ!” ဆိုဘီး အော်ဘီး ပ္လန်ဖြေဂေ့ဟှယ်။ ဗာရဗ္ဗဟှာ ဓမ္လတယော့‑က် ဖြစ်ဟှယ်။
\c 19
\p
\v 1 အယ်ကြောန့် ပိလတ်ဟှာ ယေရှုဟှို ခေါ်ဆောန်ဟှားစေဘီး ကီဒန်ပေးစေဟှယ်။ 
\v 2 စစ်သားလေဟှာ ဆူးခတ်လေန လောက်ဟှားဟှူ သရဖူဟှို ကိုယ်တော့်ခေါန်းထတ်မာ ဆောန်းပေးဘီးဟှာ ခရမ်းရောန်ဝတ်ရောင်ဟှို ဝတ်ပေးဘီး 
\v 3 ကိုယ်တော်နားဟှို လာဂေ့ဘီး “ယုဒမန်းဂီး သတ်တော် ရာကျော်ရှယ်ပါစေ!” ဆိုဘီး ပြောဂေ့ဟှယ်။ အယ်ဘီးန ကိုယ်တော့်ဟှို ပါးရိုက်ဂေ့ဟှယ်။
\p
\v 4 ပိလတ်ဟှာ နော့‑က်ထပ်တခါ ပ္လန်ဟှို ထွပ်လာဘီးဟှာ “အယ်လူဟှို ပြစ်စီရင်ဟှို့ဇာ ဖြားလည်းတွိဟှ။ အယ်ကြောန့် နန်းနို့ဗြင်စေဟှို့ သူ့ဟှို နန်းနို့နားဟှို ငါခေါ်လာမယ်” ဆိုဘီး လူအောက်ဂီးဟှို ပြောလေဟှယ်။ 
\v 5 အယ်ဘီးန ယေရှုဟှာ ဆူးသရဖူန ခရမ်းရောန်ဝတ်ရောင်ဟှို ဝတ်ဟှားဘီး ပ္လန်ဟှို ထွပ်ကြွတော်မူလေဟှယ်။ ပိလတ်ဟှာ “ကေ့ကေ့! အယ်လူဘဲ့ဖြစ်ဟှယ်!” ဆိုဘီး သူနို့ဟှို ပြောလေဟှယ်။
\p
\v 6 ယဇ်ပုရောဟိတ်ဂီးလေန စောန့်လေဟှာ ကိုယ်တော့်ဟှို ဗြင်လိုက်ဟှူ ခီမာ “အယ်လူဟှို ကားစင်တန်ပါ! အယ်လူဟှို ကားစင်တန်ပါ!” ဆိုဘီး သူးနို့ဟှာ အော်ဟစ်ဂေ့ဟှယ်။
\p ပိလတ်ဟှာ “အယ်ဆိုဟှာ နန်းနို့ဟှာ အယ်လူဟှို ခေါ်ဆောန်ဟှားဘီး ကားစင်တန်ဂေ့။ ငါဟှာ သူ့ဟှို ပြစ်စီရင်ဟှို့ဇာ ဖြားလည်းတွိဟှ” ဆိုဘီး သူးနို့ဟှို ပြောလေဟှယ်။
\p
\v 7 ယုဒလူခေါန်းဆောန်လေဟှာ “အယ်လူဟှာ သူ့ကိုယ်သူ ဘုရားသခင်ရဲ့ သားတော် ဆိုဘီး ကြေညာဟှူကြောန့် သေထိုက်ကြောန်း ကျွန်တော့်ဟှားလေရဲ့ ပညတ်တရားမာ ပြောဟှားဟှယ်” ဆိုဘီး ဖြေဂေ့ဟှယ်။
\p
\v 8 ပိလတ်ဟှာ အယ်စကားဟှို ကြားရဟှူ ခီမာ ပိုဘီးကြော့‑က်လန့်ဟှားဟှယ်။ 
\v 9 သူဟှာ နန်းတော်ထဲဟှို ပ္လန်ဝမ်ဟှားဘီးဟှာ ယေရှုဟှို “သင်ဟှာ ဖယ်နေရာဟှနေ လာဟှယ်နူး” ဆိုဘီး မေးလေဟှယ်။
\p အယ်ဘေမဲ့ ယေရှုဟှာ ခွန်းလည်း ပ္လန်ဖြေဟှ။ 
\v 10 ပိလတ်ဟှာ ကိုယ်တော့်ဟှို “သင်ဟှာ ငါ့ဟှို စကားပြောနိုဘီလော။ ငါဟှာ သင့်ဟှို လွှတ်ဟှို့တွပ် ခွမ့်အာဏာလည်းရှိဘီး ကားစင်တန်ဟှို့တွပ် ခွမ့်အာဏာလည်းရှိဟှယ် ဆိုဇာဟှို သိဟှလော” ဆိုဘီး မေးလေဟှယ်။
\p
\v 11 ယေရှုဟှ “သင့်ဟှို ဘုရားသခင်ဟှ ပေးအပ်ဟှားဟှူကြောန့် အယ်မျိုးခွမ့်အာဏာဟှို ရဟှားဟှယ်။ အယ်ကြောန့် ငါ့ဟှို သင့်လတ်ထဲအပ်ဟှူ လူဟှာ ပြစ်ပိုကီးဟှယ်” ဆိုဘီး ဖြေလေဟှယ်။
\p
\v 12 ပိလတ်ဟှာ အယ်မျိုးကြားရဟှူ ခီမာ ယေရှုဟှို လွှတ်ပေးဟှို့တွပ် နည်းလမ်းရှာဟှို့ ကြိုးစားလေဟှယ်။ အယ်ဘေမဲ့ ယုဒလူခေါန်းဆောန်လေဟှာ “အယ်လူဟှို လွှတ်ပေးမယ် ဆိုဟှာ သင်ဟှာ ကဲသာမန်းဂီးရဲ့ မိဆွေ မှုဟှ! ဖယ်လူဘဲ့ဖြစ်ဖြစ် ကိုယ့်ဇာကိုယ် မန်းဂီးဆိုဘီး ကြေညာဟှူလူဟှာ ကဲသာမန်းဂီးဟှို ပူကန်ဇာဖြစ်ဟှယ်!” ဆိုဘီး အော်ဂေ့ဟှယ်။
\p
\v 13 ပိလတ်ဟှာ အယ်စကားလေဟှို ကြားဟှူ ခီမာ ယေရှုဟှို ပ္လန်ဟှို ခေါ်ထုဟှားဘီး က္လော့‑က်ပ္လားစင်္ကြံ ဆိုဘီး ခေါ်ဟှူ တရားပလ္လင်ထတ်မာ ထိုင်လေဟှယ်။ အယ်စင်္ကြံဟှို ဟေဗြဲစကားန ဂဗ္ဗသ ဆိုဘီး ခေါ်ဟှယ်။ 
\v 14 အယ်နေ့ဟှာ ပသခါပွဲတိုင်ခန် နေဒန်ဇာဖြစ်ဟှယ်။ ပိလတ်ဟှာ “နန်းနို့မန်းဂီးဘဲ့ ဖြစ်ဟှယ်!” ဆိုဘီး ယုဒလူလေဟှို ပြောလေဟှယ်။
\p
\v 15 သူးနို့ဟှာ “အယ်လူဟှို သတ်ပါ! အယ်လူဟှို သတ်ပါ! အယ်လူဟှို ကားစင်တန်ပါ!” ဆိုဘီး ပ္လန်အော်ဂေ့ဟှယ်။
\p ပိလတ်ဟှာ “နန်းနို့မန်းဂီးဟှို ကားစင်တန်ရဟှို့လော” ဆိုဘီး သူးနို့ဟှို မေးလေဟှယ်။
\p ယဇ်ပုရောဟိတ်ဂီးလေဟှ “ကဲသာတပါးဒဲဘဲ့ ကျွန်တော်ဟှားလေရဲ့ မန်းဂီးဖြစ်ဟှယ်!” ဆိုဘီး ပ္လန်ဖြေဂေ့ဟှယ်။
\p
\v 16 အယ်ဘီးန ပိလတ်ဟှာ ယေရှုဟှို ကားစင်တန်ဟှို့တွပ် သူးနို့လတ်ထဲဟှို အပ်ပေးလေဟှယ်။
\s ယေရှုဟှို ကားစင်တန်ဟှူကြောန်း
\r (မဿဲ ၂၇.၃၂–၄၄; မာကု ၁၅.၂၁–၃၂; လုကာ ၂၃.၂၆–၄၃)
\p အယ်ကြောန့် သူးနို့ဟှာ ယေရှုဟှို ခေါ်ဆောန်ဟှားဂေ့ဟှယ်။ 
\v 17 ကိုယ်တော်ဟှာ “ဦးခေါန်းခွံနေရာ” ဟှို မိမိလတ်ဝါးကပ်တိုင်ဟှို ထမ်းဘီး ကြွတော်မူလေဟှယ်။ အယ်နေရာဟှို ဟေဗြဲစကားန “ဂေါလဂေါသ” ဆိုဘီး ခေါ်ဟှယ်။ 
\v 18 သူးနို့ဟှာ အယ်နေရာမာ ကိုယ်တော့်ဟှို တခြားလူနှေ့ယော့‑က်နတူးဒူ ကားစင်တန်ဂေ့ဟှယ်။ ယေရှုဟှို လယ်မာထားဘီး အယ်လူနှေ့ယော့‑က်ဟှို ညာဖတ်မာ တယော့‑က် ဘယ်ဖတ်မာ တယော့‑က် ထားဂေ့ဟှယ်။ 
\v 19 ပိလတ်ဟှာ “ယုဒမန်းဂီး၊ နာဇရက်ဗြို့သား ယေရှု” ဆိုဘီး ကမ္ပည်းရေးထိုးဘီး လတ်ဝါးကပ်တိုင်ထတ်မာ ကပ်ဟှားဟှယ်။ 
\v 20 ယေရှုဟှို ကားစင်တန်ဟှူ နေရာဟှ ဗြို့န နီးဟှူကြောန့် ယုဒလူလေဟှာ အယ်ကမ္ပည်းစာဟှို ဖတ်ဂေ့ဟှယ်။ အယ်ကမ္ပည်းစာဟှို ဟေဗြဲစကား၊ လက်တင်စကား၊ ဟေလသစကားန ရေးဟှားဟှယ်။ 
\v 21 ယဇ်ပုရောဟိတ်ဂီးလေဟှာ ပိလတ်ဟှို “ ‘ယုဒမန်းဂီး’ ဆိုဘီး ရေးပါန။ ‘အယ်လူဟှ ငါဟှာ ယုဒလူလေရဲ့ မန်းဂီးဖြစ်ဟှယ် ဆိုဘီး ပြောကြောန်းဟှိုဘဲ့ ရေးတော်မူပါ’” ဆိုဘီး ပြောဂေ့ဟှယ်။
\p
\v 22 ပိလတ်ဟှ “ငါရေးဟှားဘီးဇာဘဲ့ တည်ဖြစ်ရမယ်” ဆိုဘီး ပ္လန်ပြောလေဟှယ်။
\p
\v 23 စစ်သားလေဟှာ ယေရှုဟှို ကားစင်တန်ဂေ့ဘီးန ကိုယ်တော်ရဲ့ ဝတ်တော်ဟှို လေးပိုင်းပိုင်းဘီး တယော့‑က်တပိုင်းစီ ယူဂေ့ဟှယ်။ သူးနို့ဟှာ ထဲခံအန်းဂီဟှိုလည်း ယူဂေ့ဟှယ်။ အယ်အန်းဂီဟှာ ချောက်ကြောန်းမှေ့ဘဲ့ ရစ်လောက်ဟှားဟှူ အန်းဂီးဖြစ်ဟှယ်။ 
\v 24 စစ်သားလေဟှာ “အယ်အန်းဂီးဟှို ဆုဖ္လဲဘဲန ဖယ်လူရမယ် ဆိုဇာဟှို မဲနှိုက်ဂေ့ဇို့” ဆိုဘီး သူးနို့ ရှင်းရှင်း ပြောဂေ့ဟှယ်။ အယ်မျိုးဖြစ်လာဇာဟှ
\q1 “သူးနို့ဟှာ ငါ့အန်းဂီးဟှို ခွဲဝီယူဂေ့မယ်
\q2 အယ်ဘီးဟှာ ငါ့အန်းဂီဟှို မဲနှိုက်ဘီးဟှာ ယူဂေ့ဟှယ်” ဆိုဘီး ကျမ်းစာမာ ရေးဟှားဇာလေ ပ္လဲ့ဇောင်ဟှို့တွပ် ဖြစ်လေဟှယ်။
\m အယ်ကြောန့် စစ်သားလေဟှာ အယ်မျိုး လောက်ဂေ့ဟှယ်။
\p
\v 25 ယေရှုရဲ့ လတ်ဝါးကပ်တိုင်နားမာ ကိုယ်တော်ရဲ့မိ၊ ကိုယ်တော့်မိရဲ့ညီမ၊ ကလောဖရဲ့မီးမ မာရိန မာဂဒလဝါသူ မာရိ မတ်တတ်ရပ်နေဂေ့ဟှယ်။ 
\v 26 ယေရှုဟှာ နီးမာရပ်နေဟှူ၊ ကိုယ်တော်ရှစ်ဟှူ တဗဲ့တော်န မိဟှို ဗြင်လိုက်ဟှူကြောန့် ကိုယ်တော်ဟှ “နို့မိ၊ နို့မိသားဟှို ကေ့ပါအူး” ဆိုဘီး မိဟှို မိန့်တော်မူဟှယ်။
\p
\v 27 အယ်ဘီးန ကိုယ်တော်ဟှာ “သူဟှာ နန့်ရဲ့ မိဖြစ်ဟှယ်” ဆိုဘီး အယ်တဗဲ့တော်ဟှို မိန့်တော်မူလေဟှယ်။ အယ်ခီဟှနေစဘီး အယ်တဗဲ့တော်ဟှာ မိဟှို သူ့ရဲ့ အီမာ ခေါ်ဟှားလေဟှယ်။
\s ယေရှုဟှာ သတ်စွန့်တော်မူကြောန်း
\r (မဿဲ ၂၇.၄၅–၅၆; မာကု ၁၅.၃၃–၄၁; လုကာ ၂၃.၄၄–၄၉)
\p
\v 28 အယ်ဘီးန ယေရှုဟှာ မှုအားလောင်း ပီးဟှားဘီဆိုဇာဟှို သိတော်မူဘီး ကျမ်းစာပ္လဲ့ဇောင်ဟှို့တွပ် “ငါရေငတ်ဟှယ်” ဆိုဘီး မိန့်တော်မူလေဟှယ်။
\p
\v 29 အယ်နေရာမာ ဝိုင်ရှင်ပ္လဲ့ထဲ့ဟှားဟှူ အိုးတလောင်းရှိဟှယ်။ အယ်ကြောန့် သူးနို့ဟှာ ရေမ္လုတခုဟှို အယ်ဝိုင်ရှင်ထဲမာ နှစ်လိုက်ဘီးဟှာ ဟုဿုပ်ဗန် ခတ်ဖျားမာတပ်ဘီး ကိုယ်တော်ရဲ့ နှော့‑က်ခမ်းနားဟှို ကပ်ပေးလေဟှယ်။ 
\v 30 ယေရှုဟှာ ဝိုင်ရှင်ဟှို သော့‑က်တော်မူဘီးန “မှုပီးဟှားဘီး!” ဆိုဘီး မိန့်တော်မူလေဟှယ်။
\p အယ်ဘီးန ကိုယ်တော်ဟှာ ဦးခေါန်းတော်ဟှို အော့‑က်ဟှိုစိုက်ခ္လဘီး သတ်တော်ဟှို စွန့်တော်မူလေဟှယ်။
\s ယေရှုရဲ့ နံဘေးတော်ဟှို လှံနထိုးဖော့‑က်ဟှူကြောန်း
\p
\v 31 ယုဒအာဏာပိုင်လေဟှာ ကားစင်တန်ဟှားဟှူ လူလေရဲ့ ခေလေဟှို ရိုက်ခ္လိုးဘီးဟှာ လောန်းလေဟှို ကားတိုင်ထတ်ဟှနေ အော့‑က်ခ္လခွမ့်ပြုဟှို့ ပိလတ်ဟှို တောန်းလျှော့‑က်ဂေ့ဟှယ်။ သူးနို့ အယ်မျိုးတောန်းလျှော့‑က်ဇာဟှ အယ်နေ့ဟှာ ဖိနေ့ဖြစ်ဘီး ဒန်းနေ့မာ လောန်းလေဟှို လတ်ဝါးကပ်တိုင်ထတ်မာ မှေ့စေရှင်ဟှ။ နတ်ကီးတိုင်ဟှာလည်း ကီးမြတ်ဟှူ ဒန်းနေ့ဖြစ်နေဟှယ်။ 
\v 32 အယ်ကြောန့် စစ်သားလေဟှာ လာဘီးန ယေရှုနတူးဒူ ကားစင်တန်ခံရဟှူ ပထမလူရဲ့ ခေလေန ဒုတိယလူရဲ့ ခေလေဟှိုလည်း ရိုက်ခ္လိုးလိုက်ဟှယ်။ 
\v 33 အယ်ဘေမဲ့ သူးနို့ဟှာ ယေရှုနားဟှို ရော့‑က်လာဟှူ ခီမာ သေနေဘီ ဆိုဇာဟှို တွိဟှားဟှူကြောန့် ကိုယ်တော်ရဲ့ခေလေဟှို ရိုက်ခ္လိုးဟှမ်း။ 
\v 34 အယ်ဘေမဲ့လည်း စစ်သားတယော့‑က်ဟှာ ယေရှုရဲ့ နံဘေးတော်ဟှို လှံန ထိုးဖော့‑က်လိုက်ဟှူ ခီမာ သွီးနရေဟှာ ရှစ်ရှင်းထွပ်လာဟှယ်။ 
\v 35 အယ်မျိုးဖြစ်ဇာလေဟှို နန်းနို့လည်း ယောင်ကြည်ဟှို့တွပ်\f + \fr ၁၉.၃၅ \fr*\fq ယောင်ကြည်ဟှို့တွပ်၊ \fq*\ft တချို့ မူရင်းလတ်ရေးမူလေမာ \ft*\fqa ဆစ်ဘီး ယောင်ကြည်ဂေ့၊ \fqa*\ft ဆိုဘီး ပါရှိဟှယ်။\ft*\f* ဗြင်ဟှူလူတယော့‑က်ဟှ သတ်သေခံဟှားဟှယ်။ အယ်လူပြောဇာလေဟှာ မှန်ဖြစ်ဘီး အယ်လူဟှာ မှန်းမှန်ကန်းကန်ဟှား ပြောဟှယ် ဆိုဇာဟှို သူကိုယ်တိုင်သိဟှယ်။ 
\v 36 အယ်မျိုးဖြစ်ဟှားဇာဟှ “သူ့ရဲ့ ရိုးလေဟှာ တရှောန်းလည်း ကျိုးဂေ့ဟှ” ဆိုဘီး ကျမ်းစာပ္လဲ့ဇောင်ဟှို့တွပ် ဖြစ်ဟှယ်။ 
\v 37 \x - \xo ၁၉.၃၇ \xo*\xt ဗျာ ၁.၇\xt*\x*အယ်ဘီးဟှာ တခြားကျမ်းစာမာ “လူလေဟှာ သူးနို့ ထိုးဖော့‑က်လိုက်ဟှူ လူဟှို ဗြင်ရဂေ့လေ့မယ်” ဆိုဘီး ရေးဟှားဟှယ်။
\s ယေရှုဟှို သင်္ဂြိုဟ်ဟှူကြောန်း
\r (မဿဲ ၂၇.၅၇–၆၁; မာကု ၁၅.၄၂–၄၇; လုကာ ၂၃.၅၀–၅၆)
\p
\v 38 အယ်ဘီးန အရိမဿဲဗြို့သား ယောသပ်ဟှာ ယေရှုရဲ့ လောန်းတော်ဟှို ယူဟှားခွမ့်ပြုဟှို့တွပ် ပိလတ်နားဟှို သွားဘီး တောန်းလျှော့‑က်လေဟှယ်။ ယောသပ်ဟှာ ယုဒအာဏာပိုင်လေဟှို ကြော့‑က်ဟှူကြောန့် ထန်းထန်ရှားရှားနေဘဲဟှူ ယေရှုရဲ့ တဗဲ့တော် တယော့‑က် ဖြစ်ဟှယ်။ ပိလတ်ရဲ့ခွမ့်ပြုချစ်န ယောသပ်ဟှာ လောန်းတော်ဟှို ယူဟှားလေဟှယ်။ 
\v 39 \x - \xo ၁၉.၃၉ \xo*\xt ယော ၃.၁,၂\xt*\x*ရင်ဒူးဟှ ယေရှုဟှို ညဉ့်ခန်းဖတ်မာ လာတွိဟှူ နိကောဒင်ဟှာ မုရန်န အကျော် ရောနှောဟှားဟှူ နံ့သာ ပိဿာနှေ့ဆယ်ကျော်ဟှို ယူဟှားဘီး ယောသပ်နတူးဒူ လိုက်ဟှားဟှယ်။ 
\v 40 အယ်လူနှေ့ယော့‑က်ဟှာ ယေရှုရဲ့ လောန်းဟှို ယူဘီး ယုဒလူလေရဲ့ သင်္ဂြိုဟ်ဇာနဆိုင်ဟှူ ထောင်းဒန်းစဉ်လာတိုင်း နံ့သာလေနတူးဒူ လောန်းတော်ဟှို ပိဖ္လူနပတ်လေဟှယ်။ 
\v 41 ယေရှုူဟှို လတ်ဝါးကပ်တိုင်မာ တန်ဘီးသတ်ဟှူ နေရာနားမာ ဥယျာဉ်တခုရှိဟှယ်။ အယ်ဥယျာဉ်ထဲမာ ဖယ်လူဟှိုလည်း သင်္ဂြုဟ်ဖူးသေးဘဲဟှူ သန်းခ္လိုင်းဂူသစ်တခု ရှိလေဟှယ်။ 
\v 42 အယ်နေ့ဟှာ ယုဒလူလေရဲ့ ဖိနေ့ ဖြစ်ဟှူကြောန့် နီးမာရှိဟှူ သန်းခ္လိုင်းဂူမာ ယေရှုရဲ့ လောန်းတော်ဟှို သင်္ဂြိုဟ်ဟှားလေဟှယ်။
\c 20
\s လောန်းမှေ့ဘဲဟှူဂူကြောန်း
\r (မဿဲ ၂၈.၁–၈; မာကု ၁၆.၁–၈; လုကာ ၂၄.၁–၁၂)
\p
\v 1 နန်းနွေနေ့ မိုးလန်းခန် မှောန်နေဒူးခီမာ မာဂဒလဝါသူ မာရိဟှာ သန်းခ္လိုင်းဟှို ရော့‑က်လာဘီး က္လော့‑က်တောင်းဟှို ဂူဝဟှနေ ဖယ်ဟှားဇာဟှို တွိရလေဟှယ်။ 
\v 2 သူဟှာ ရှိမုန်ပေတရုန ယေရှုရှစ်တော်မူဟှူ တခြားတဗဲ့တော်နားဟှို ပ္လေးဟှားဘီး “သခင်ဘုရားဟှို သန်းခ္လိုင်းဟှနေ သူးနို့ ယူဟှားဘီး ဖယ်နေရာမာ ထားဟှားဂေ့ဟှယ် ဆိုဇာဟှို နို့လေသိဂေ့ဟှ!” ဆိုဘီး သူးနို့ဟှို ပြောပြလေဟှယ်။
\p
\v 3 အယ်န ပေတရုန တခြားတဗဲ့တော်ဟှာ သန်းခ္လိုင်းဟှို သွားဂေ့လေဟှယ်။ 
\v 4 သူးနို့နှေ့ယော့‑က်ဟှာ တူးဒူပ္လေးဟှားဂေ့ဘေမဲ့ တခြားတဗဲ့တော်ဟှာ ပေတရုထတ် ဗြန်းဗြန်းပ္လေးဟှားဘီး သန်းခ္လိုင်းဟှို ရင်ဦးဆောင်း ရော့‑က်ဟှားဟှယ်။ 
\v 5 သူဟှာ ငေါက်ကေ့လိုက်ဟှူဇာ ပိဖ္လူလေဘဲ့ တွိလေဟှယ်။ အယ်ဘေမဲ့ သူဟှာ ထဲဟှို ဝမ်ဘဲနေလေဟှယ်။ 
\v 6 နော့‑က်ဟှလိုက်လာဟှူ ရှိမုန်ပေတရုဟှာ ရော့‑က်လာဘီး သန်းခ္လိုင်းဂူထဲဟှို ဝမ်ဟှားဟှယ်။ သူဟှာ ပိဖ္လူန 
\v 7 ယေရှုရဲ့ ဦးခေါန်းတော်ဟှို ပတ်ဟှားဟှူ ပိဖ္လူဟှိုဘဲ့ တွိရဟှယ်။ ဦးခေါန်းတော်ဟှ ပိဖ္လူဟှာ တခြားပိဖ္လူလေနတူးဒူ မှေ့ဘဲ့ တခြားစီရှိနေလေဟှယ်။ 
\v 8 အယ်ဘီးန သန်းခ္လိုင်းဂူဟှို ရင်ဦးဆောင်း ရော့‑က်နေဟှူ တခြားတဗဲ့တော်လည်း ထဲဟှို ဝမ်ဟှားလေဟှယ်။ အယ်လူဟှာ ဗြင်ဟှားဘီး ယောင်ကြည်လေဟှယ်။ 
\v 9 ကိုယ်တော်ဟှာ သေဘီးန ပ္လန်ရှင်ရမယ် ဆိုဘီး ပြောဟှားဟှူ ကျမ်းစာဟှို သူးနို့လေ နားလည်ဂေ့သေးဟှ။ 
\v 10 အယ်ဘီးန တဗဲ့တော်နှေ့ပါးဟှာ အီဟှို ပ္လန်ဟှားလေဟှယ်။
\s ယေရှုဟှာ မာဂဒလဝါသူ မာရိ ကိုယ်ထန်ပြဟှူကြောန်း
\r (မဿဲ ၂၈.၉,၁၀; မာကု ၁၆.၉–၁၁)
\p
\v 11 မာရိဟှာ သန်းခ္လိုင်းဂူပ္လန်မာ ငိုဘီး ရပ်နေဟှယ်။ သူဟှာ ငိုနေဒူးမာဘဲ့ သန်းခ္လိုင်းဂူထဲဟှို ငုံ့ကေ့လိုက်ဇာ 
\v 12 ကောန်းဂန်တမန်နှေ့ပါးဟှာ ဝတ်ရောင်ဖ္လူဟှို ဝတ်ဟှားဘီး ယေရှုလောန်းတော်ရဲ့ ခေါန်းရင်းမာတပါး၊ ခေရင်းမာတပါး ထိုင်နေဇာဟှို ဗြင်လေဟှယ်။ 
\v 13 သူးနို့ဟှ “မီးမဂီး၊ ဖြားဖြစ်ကြောန့် ငိုနေရနူး” ဆိုဘီး သူ့ဟှို မေးဂေ့ဟှယ်။
\p သူဟှ “ကျွန်မရဲ့ သခင်ဟှို သူးနို့ယူဆောန်ဟှားဘီး ဖယ်မာထားဟှားဟှယ် ဆိုဇာဟှို သိဟှ!” ဆိုဘီး ပ္လန်ဖြေလေဟှယ်။
\p
\v 14 အယ်ဘီးန နော့‑က်ဟှို လှည့်ကေ့လိုက်ဇာ ယေရှုဟှာ ရပ်တော်မူနေဇာဟှို ဗြင်ဘေမဲ့ ယေရှုဖြစ်ဟှယ် ဆိုဇာဟှို သိဟှ။ 
\v 15 ယေရှုဟှ “မီးမဂီး၊ ဖြားဖြစ်ကြောန့် ငိုနေရနူး။ နန်ဟှာ ဖယ်လူဟှို ရှာနေဟှယ်နူး။” ဆိုဘီး သူ့ဟှို မေးတော်မူလေဟှယ်။
\p မာရိဟှာ ကိုယ်တော့်ဟှို ဥယျဉ်မှူး ဆိုဘီး ထန်နေဟှယ်။ အယ်ကြောန့် သူဟှာ ကိုယ်တော့်ဟှို ပြောလိုက်ဇာဟှ “ဆရာ၊ သူ့ဟှို ယူဆောန်ဟှားဟှယ် ဆိုဟှာ ဖယ်နားမာထားဟှားဟှယ် ဆိုဇာဟှို ကျွန်မဟှို ပြောပြပါ။ ကျွန်မသွားဘီး ယူပါမယ်။”
\p
\v 16 ယေရှုဟှ “မာရိ!” ဆိုဘီး သူ့ဟှို ခေါ်လေဟှယ်။
\p မာရိဟှာ လှည့်ဘီး ဟေဗြဲစကားန “ရဗ္ဗုနိ!” ဆိုဘီး ပ္လန်ထူးလေဟှယ်။ ရဗ္ဗုနိရဲ့ ဓိပါယ်မာ “ဆရာ” ဖြစ်ဟှယ်။
\p
\v 17 ယေရှုဟှာ “ငါဟှာ ဖနားဟှို တတ်ရသေးဘဲဟှူကြောန့် ငါ့ဟှို ထိနအူး။ ငါ့ညီကိုလေနားဟှို သွားဘီးဟှာ ငါ့ရဲ့ဖဖြစ်ဟှူ နန်းနို့ရဲ့ဖ၊ ငါ့ရဲ့ဘုရားသခင်ဖြစ်ဟှူ နန်းနို့ရဲ့ ဘုရားသခင်နားဟှို ငါတတ်ရအူးမယ် ဆိုဇာဟှို ပြောပါ” ဆိုဘီး သူ့ဟှို မိန့်တော်မူလေဟှယ်။
\p
\v 18 အယ်ကြောန့် မာဂဒလဝါသူ မာရိဟှာ တဗဲ့တော်လေနားဟှို သွားဘီး သခင်ဘုရားဟှို တွိခဲ့ကြောန်းန ကိုယ်တော် မိန့်တော်မူဟှားဟှူ ဇာလေဟှို ပြောပြလေဟှယ်။
\s ယေရှုဟှ တဗဲ့တော်လေဟှို ကိုယ်ထန်ပြဟှူကြောန်း
\r (မဿဲ ၂၈.၁၆–၂၀; မာကု ၁၆.၁၄–၁၈; လုကာ ၂၄.၃၆–၄၉)
\p
\v 19 နန်းနွေနေ့ ညဉ့်ခန်းဖတ်မာ တဗဲ့တော်လေဟှာ ယုဒအာဏာပိုင်လေဟှို ကြော့‑က်ဟှူကြောန့် ခွဗော့‑က်လေပိဟှားဘီး စုဝီးနေဂေ့ဟှယ်။ အယ်ခီမာ ယေရှုဟှာ ကြွလာတော်မူဘီး သူးနို့လယ်မာ ရပ်တော်မူဘီး “နန်းနို့နတူးဒူ ငြီသတ်ရှင်း ရှိပါစေ” ဆိုဘီး မိန့်တော်မူလေဟှယ်။ 
\v 20 အယ်မူမျိုး မိန့်တော်မူဘီးန ကိုယ်တော်ရဲ့ လတ်တော်န နံဘေးတော်ဟှို တဗဲ့တော်လေဟှို ပြတော်မူလေဟှယ်။ တဗဲ့တော်လေဟှာ သခင်ဘုရားဟှို တွိဗြင်ရဟှူ ခီမာ ဝန်းသာဂေ့လေဟှယ်။ 
\v 21 ယေရှုဟှာ “နန်းနို့မာ ငြီသတ်မှုရှိစေ။ ဖဟှ ငါ့ဟှို စေလွှတ်မျိုးဘဲ့ ငါလည်း နန်းနို့ဟှို စေလွှတ်မယ်” ဆိုဘီး သူးနို့ဟှို ထပ်ဘီး မိန့်တော်မူလေဟှယ်။ 
\v 22 အယ်ဘီးန ကိုယ်တော်ဟှာ တဗဲ့တော်လေထတ်ဟှို မှုတော်မူဘီး “သန့်ရှင်းဟှူဝိညာဉ်တော်ဟှို လတ်ခံဂေ့။ 
\v 23 \x - \xo ၂၀.၂၃ \xo*\xt မ ၁၆.၁၉; ၁၈.၁၈\xt*\x*နန်းနို့ဟှာ လူလေရဲ့ ပြစ်လေဟှို ခွမ့်လွှတ်မယ် ဆိုဟှာ သူးနို့ဟှာ ပြစ်လေလွှတ်ဇာခံရမယ်။ နန်းနို့ဟှာ သူးနို့ရဲ့ ပြစ်လေဟှို ခွမ့်လွှတ်ဘဲဟှ ဆိုဟှာ သူးနို့ဟှာ ပြစ်လေ လွှတ်ဇာခံရမယ်မူဟှ” ဆိုဘီး မိန့်တော်မူလေဟှယ်။
\s ယေရှုန သောမ
\p
\v 24 ယေရှုကြွလာတော်မူဟှူ ခီမာ တဗဲ့တော် ဆယ့်နှေ့ပါးထဲဟှ တယော့‑က်ဖြစ်ဟှူ မြွှာဘ္လူး ဆိုဘီး ခေါ်ဟှူ သောမဟှာ သူးနို့နတူးဒူမှေ့ဟှ။ 
\v 25 အယ်ကြောန့် တခြားတဗဲ့တော်လေဟှာ “နို့လေဟှာ သခင်ဘုရားဟှို ဗြင်ရပီးဘီ!” ဆိုဘီး သူ့ဟှို ပြောဂေ့ဟှယ်။
\p သောမဟှာ “လတ်တော်မာ သံရိုက်ရာဟှို ဗြင်ရဘဲန၊ သံရိုက်ရာဟှို တို့စမ်းရဘဲန၊ နံဘေးတော်ဟှို လတ်ညှိုးန စမ်းသပ်ရဘဲန ငါယောင်ကြည်ဟှို့ မှုဟှ” ဆိုဘီး သူးနို့ဟှို ပြောလေဟှယ်။
\p
\v 26 တဘတ်ကြာဘီးန တဗဲ့တော်လေဟှာ အီထဲမာ ပ္လန်စုဝီနေဟှူ ခီမာ သောမလည်း သူးနို့နတူးဒူ ရှိနေလေဟှယ်။ ခွဗော့‑က်လေဟှို ပိဟှားဘေမဲ့ ယေရှုဟှာ ကြွလာတော်မူဘီး သူးနို့လယ်မာ ရပ်တော်မူဘီးဟှာ “နန်းနို့မာ ငြီသတ်မှုရှိစေ” ဆိုဘီး မိန့်တော်မူလေဟှယ်။ 
\v 27 အယ်ဘီးန ကိုယ်တော်ဟှာ “နန့်ရဲ့လတ်ညှိုးန အယ်နေရာဟှို တို့ဘီးဟှာ ငါ့လတ်လေဟှိုကေ့။ အယ်ဘီးဟှာ နန့်လတ်ဟှို ဆန့်ဘီး ငါ့နံဘေးဟှို စမ်းသပ်ကေ့။ သံသယမှေ့ဘဲ့န ယောင်ကြည်ပါ!” ဆိုဘီး သောမဟှို မိန့်တော်မူလေဟှယ်။
\p
\v 28 သောမဟှာ “ကျွန်တော့်သခင်၊ ကျွန်တော့်ဘုရားသခင်!” ဆိုဘီး ကိုယ်တော့်ဟှို လျှော့‑က်လေဟှယ်။
\p
\v 29 ယေရှုဟှာ “နန်ဟှာ ငါ့ဟှို ဗြင်ရဟှူကြောန့် ယောင်ကြည်ဇာလော။ ငါ့ဟှို ဗြင်ဘဲ့န ယောင်ကြည်ဟှူ လူလေဟှာ မင်္ဂလာရှိဟှယ်!” ဆိုဘီးသူ့ဟှို မိန့်တော်မူလေဟှယ်။
\s အယ်ကျမ်းရဲ့ ရည်ရွယ်ချစ်
\p
\v 30 အယ်ကျမ်းထဲမာ ရေးဟှားဘဲဟှူ တခြားနိမိတ်လတ်ခဏာလေ ဘောင်ဂီးဟှိုလည်း တဗဲ့တော်လေရှေ့မာ ယေရှုဟှာ ပြတော်မူလေဟှယ်။ 
\v 31 အယ်ဘေမဲ့ ယေရှုဟှာ ဘုရားသခင်ရဲ့ သားတော် မေရှိယ ဖြစ်တော်မူဟှယ် ဆိုဇာဟှို နန်းနို့ ယောင်ကြည်ဂေ့ဟှို့န အယ်မူမျိုး ယောင်ကြည်ဇာအားဖြင့်\f + \fr ၂၀.၃၁ \fr*\fq ယောင်ကြည်ဇာအားဖြင့်၊ \fq*\ft တချို့ မူရင်းလတ်ရေးမူလေမာ \ft*\fqa ဆစ်ဘီးဟှာ ယောင်ကြည်ဂေ့၊ \fqa*\ft ဆိုဘီး ပါရှိဟှယ်။\ft*\f* ကိုယ်တော့်နာမနှိုက် သတ်ဟှို ရရှိဟှို့တွပ် အယ်မူဇာလေဟှို ရေးဟှားဇာဖြစ်ဟှယ်။
\c 21
\s ယေရှုဟှ တဗဲ့တော်ခွန်နှေ့ပါးဟှို ကိုယ်ထန်ပြတော်မူကြောန်း
\p
\v 1 အယ်ဘီးန ယေရှုဟှာ တိဗေရိအိုင်နားမာ တဗဲ့တော်လေဟှို နော့‑က်တခါ ကိုယ်ထန်ပြတော်မူဟှယ်။ ကိုယ်ထန်ပြဇာဟှ အယ်မျိုးဖြစ်ဟှယ်။ 
\v 2 ရှိမုန်ပေတရု၊ မြွှာဘ္လူး ဆိုဘီး ခေါ်ဟှူ သောမ၊ ဂါလိလဲနယ်၊ ကာနဗြို့သား နာသနေလ၊ ဇေဗေဒဲရဲ့သားလေန တခြားတဗဲ့တော် နှေ့ယော့‑က်ဟှာ တူးဒူရှိနေဂေ့ဟှယ်။ 
\v 3 \x - \xo ၂၁.၃ \xo*\xt လု ၅.၅\xt*\x*ရှိမုန်ပေတရုဟှာ “ငါ ငါးသွားဖမ်းမယ်” ဆိုဘီး တခြားလူလေဟှို ပြောလေဟှယ်။
\p သူးနို့ဟှ “နို့လေလည်းလိုက်မယ်” ဆိုဘီး ပ္လန်ပြောဂေ့ဟှယ်။ အယ်ကြောန့် သူးနို့ဟှာ လှေန ငါးဖမ်းထွပ်ဟှားဂေ့ဟှယ်။ အယ်ဘေမဲ့ အယ်ညဉ့်မာ တကောန်လည်း ဖမ်းမိဂေ့ဟှ။ 
\v 4 မိုးလန်းဇာမာ ယေရှုဟှာ ကမ်းနားမာ ရပ်နေဘေမဲ့လည်း တဗဲ့တော်လေဟှာ ယေရှုဖြစ်ဟှယ် ဆိုဇာဟှို သိဂေ့ဟှ။ 
\v 5 အယ်န ယေရှုဟှာ “မိဆွေလေ၊ ငါးကောန်လည်းဖမ်းမိဟှလော” ဆိုဘီး သူးနို့ဟှို မေးတော်မူလေဟှယ်။
\p သူးနို့ဟှာ “ကောန်လည်းမိဟှ” ဆိုဘီး ပ္လန်ဖြေလေဟှယ်။
\p
\v 6 \x - \xo ၂၁.၆ \xo*\xt လု ၅.၆\xt*\x*ကိုယ်တော်ဟှာ “နန်းနို့လှေရဲ့ ညာဖတ်ဟှို ပိုက်ဟှို ပစ်ခ္လဂေ့။ အယ်ဆိုဟှာ နန်းနို့ဟှာ ငါးလေဟှို ဖမ်းမိလေ့မယ်” ဆိုဘီး သူးနို့ဟှို မိန့်တော်မူလေဟှယ်။ အယ်ကြောန့် သူးနို့ဟှာ ပိုက်ဟှို ပစ်ခ္လလိုက်ဇာ ငါးလေဘောင်ဂီးမိနေကြောန့် ပိုက်ဟှို ဆွဲဒန်ဟှို့ ခွန်အားမှေ့ဟှမ်း။
\p
\v 7 ယေရှုရှစ်တော်မူဟှူ တဗဲ့တော်ဟှာ “သခင်ဘုရားဘဲ့!” ဆိုဘီး ရှိမုန်ပေတရုဟှို ပြောလေဟှယ်။ သူဟှာ သခင်ဘုရားဖြစ်ဟှယ် ဆိုဇာဟှို ပေတရုကြားလိုက်ခီမာ ခလွတ်ဟှားဟှူ ပ္လန်အန်းဂီဟှို ခါးမာပတ်ဘီးဟှာ ရေထဲဟှို ခူခ္လဟှားလေဟှယ်။ 
\v 8 တခြားတဗဲ့တော်လေဟှာ ငါးနပ္လဲ့နေဟှူပိုက်ဟှို ဆွဲဒန်ဘီးဟှာ လှေစီးဘီး ကမ်းနားဟှို လာဂေ့ဟှယ်။ သူးနို့ဟှာ ကမ်းဟှနေ ကိုက်တရာလောက်ဘဲ့ ဝီးဂေ့ဟှယ်။ 
\v 9 သူးနို့ဟှာ ကမ်းထတ်ဟှို ရော့‑က်ဟှူ ခီမာ မီးဘောင်ထတ်မာ ကန်ဟှားဟှူ ငါးန မုနဲနဲဟှားဟှို တွိဟှားဂေ့ဟှယ်။ 
\v 10 ယေရှုဟှာ “နန်းနို့ ခုဖမ်းလာဟှူ ငါးနဲနဲဟှား ယူလာဂေ့” ဆိုဘီး သူးနို့ဟှို မိန့်တော်မူလေဟှယ်။
\p
\v 11 ရှိမုန်ပေတရုဟှာ လှေထတ်ဟှို တတ်ဟှားဘီး ငါးဂီးလေနပ္လဲ့နေဟှူ ပိုက်ကွန်ဟှို ကမ်းထတ်ဟှို ဆွဲဒန်လိုက်ဟှူ ခီမာ အားလောင်းပေါန်း ၁၅၃ ကောန် ရှိဟှယ်။ အယ်မျှလောက် ငါးလေဘောင်ဂီး ဖမ်းမိဘေမဲ့လည်း ပိုက်ဟှာ စုပ္လဲဟှ။ 
\v 12 ယေရှုဟှာ “လာစားဂေ့” ဆိုဘီး သူးနို့ဟှို မိန့်တော်မူလေဟှယ်။ တဗဲ့တော်လေဟှ သခင်ဘုရားဖြစ်တော်မူဟှယ် ဆိုဇာဟှို သိနေဟှူကြောန့် “ကိုယ်တော်ဟှာ ဖယ်သူနူး” ဆိုဘီးလည်း မေးရဲဂေ့ဟှ။ 
\v 13 အယ်ကြောန့် ယေရှုဟှာ သူးနို့နားဟှို ကြွလာတော်မူဘီး မုဟှိုယူဘီးဟှာ ပေးလေဟှယ်။ အယ်မျိုးဘဲ့ ငါးဟှိုလည်း ယူဘီးဟှာ ပေးလေဟှယ်။
\p
\v 14 ယေရှုဟှာ သေရာဟှနေ ထမြော့‑က်တော်မူဘီးန တဗဲ့တော်လေဟှို ကိုယ်ထန်ပြဇာဟှာ တတိယခါ ဖြစ်လေဟှယ်။
\s ယေရှုန ပေတရု
\p
\v 15 တဗဲ့တော်လေ စားဂေ့ဘီးန ယေရှုဟှ “ယောဟန်ရဲ့သား ရှိမုန်၊ သူးနို့ ငါ့ဟှို ရှစ်ဇာထတ် နန်ဟှာ ငါ့ဟှို ပိုဘီးရှစ်ဘဲ့လော” ဆိုဘီး ရှိမုန်ပေတရုဟှို မေးတော်မူလေဟှယ်။
\p ပေတရုဟှ “မှန်ပါဟှယ် သခင်၊ ကိုယ်တော့်ဟှို ကျွန်တော်ရှစ်ဟှယ် ဆိုဇာဟှို ကိုယ်တော်သိပါဟှယ်” ဆိုဘီး ပ္လန်ဖြေလေဟှယ်။
\p ယေရှုဟှ “ငါ့ရဲ့သိုးသားဂန်းလေဟှို ကျွေးမွေးပါ” ဆိုဘီး သူ့ဟှို မိန့်တော်မူလေဟှယ်။ 
\v 16 ယေရှုဟှာ “ယောဟန်ရဲ့သား ရှိမုန်၊ ငါ့ဟှို ရှစ်ဘဲ့လော” ဆိုဘီး သူ့ဟှို ဒုတိယခါ မေးတော်မူလေဟှယ်။
\p ပေတရုဟှ “ရှစ်ပါဟှယ် သခင်၊ ကျွန်တော် ရှစ်ဟှယ် ဆိုဇာဟှို ကိုယ်တော်သိပါဟှယ်” ဆိုဘီး ပ္လန်ဖြေလေဟှယ်။
\p ယေရှုဟှာ “ငါ့သိုးလေဟှို ကေ့ရှုပါ” ဆိုဘီး သူ့ဟှို မိန့်တော်မူလေဟှယ်။ 
\v 17 ယေရှုဟှာ “ယောဟန်ရဲ့သား ရှိမုန်၊ ငါ့ဟှို ရှစ်ဘဲ့လော” ဆိုဘီး သူ့ဟှို တတိယခါ မေးတော်မူလေဟှယ်။
\p ယေရှုဟှာ သောင်းခါ မေးတော်မူဟှူကြောန့် ပေတရုဟှာ ဝန်းနဲဟှားဘီး “သခင်၊ ကိုယ်တော်ဟှာ အားလောင်းဂူဟှို သိတော်မူဟှူကြောန့် ကိုယ်တော့်ဟှို ကျွန်တော်ရှစ်ဟှယ် ဆိုဇာဟှို ကိုယ်တော်သိပါဟှယ်!” ဆိုဘီး ကိုယ်တော့်ဟှို ပ္လန်လျှော့‑က်လေဟှယ်။
\p ယေရှုဟှာ “ငါ့သိုးလေဟှို ကေ့ရှုပါ။ 
\v 18 နန်းနို့ဟှို ငါ မှန်တိုင်းပြောမယ်၊ နန်ဟှာ ငယ်ရွယ်ဒူးခီမာ နန်ဝတ်ရှင်ဇာဟှို ဝတ်ဘီး နန်သွားရှင်ဟှူနေရာဟှို သွားနိုင်ဟှယ်။ အယ်ဘေမဲ့ နန်ဟှာ အိုဟှားဟှူ ခီမာ နန့်လတ်နှေ့ဖတ်ဟှို ဆန့်ဟှားဘီး ယော့‑က်ယော့‑က်ဟှ နန့်ဟှို ဝတ်ဆင်ဘီးဟှာ နန်သွားရှင်ဘဲဟှူ နေရာဟှို ယူဆောန်ဟှားလေ့မယ်” ဆိုဘီး သူ့ဟှို မိန့်တော်မူလေဟှယ်။ 
\v 19 အယ်မျိုးပြောနေဇာဟှ ပေတရုဟှာ အယ်မျိုးနည်းလမ်းန သေရဇာအားဖြင့် ဘုရားသခင်ရဲ့ ဖောင်းသရေတော်ဟှို ထန်ရှားစေမယ် ဆိုဇာဟှို ယေရှုဟှာ ဖော်ပြနေဇာဖြစ်ဟှယ်။ အယ်ဘီးန ယေရှုဟှာ “ငါ့နော့‑က်လိုက်ခဲ့!” ဆိုဘီး သူ့ဟှို မိန့်တော်မူလေဟှယ်။
\s ယေရှုန တခြားတဗဲ့တော်
\p
\v 20 \x - \xo ၂၁.၂၀ \xo*\xt ယော ၁၃.၂၅\xt*\x*ပေတရုဟှာ လှည့်ကေ့လိုက်ဘီး သူ့နော့‑က်မာ ယေရှုရှစ်တော်မူဟှူ တဗဲ့တော်ဟှို ဗြင်လေဟှယ်။ အယ်လူဟှာ ညဉ့်ဇာစားဟှူ ခီမာ ယေရှုဟှို မှီဘီး “သခင်၊ ကိုယ်တော့်ဟှို သစ်စာဖော့‑က်မယ့်လူဟှာ ဖယ်သူနူး” ဆိုဘီး မေးဟှူလူဖြစ်ဟှယ်။ 
\v 21 ပေတရုဟှာ အယ်တဗဲ့တော်ဟှို ဗြင်ဟှူ ခီမာ “သခင်၊ အယ်လူဟှာ ဖယ်မျိုးဖြစ်လေ့မယ်နူး” ဆိုဘီး ယေရှုဟှို မေးလေဟှယ်။
\p
\v 22 ယေရှုဟှ “ငါပ္လန်ကြွလာမယ့်ခီထိ သူ့ဟှို သတ်ရှင်စေဟှို့ ငါလိုရှိဟှယ် ဆိုဟှာ နန့်နဖြားဆိုင်နူး။ ငါ့နော့‑က်ဟှို လိုက်ခဲ့!” ဆိုဘီး ပ္လန်ဖြေတော်မူလေဟှယ်။
\p
\v 23 အယ်ကြောန့် အယ်တဗဲ့တော်ဟှာ သေဟှို့ မှုဟှ ဆိုဘီး အယ်ဒန်းဟှာ ယေရှုရဲ့ နော့‑က်တော်လိုက်လေထဲမာ ပ္လံ့ဟှားလေဟှယ်။ အယ်ဘေမဲ့ ယေရှုဟှာ အယ်တဗဲ့တော် သေဟှို့ မှုဟှ ဆိုဘီး မိန့်တော်မူဇာ မှုဟှ။ ကိုယ်တော်ဟှ “ငါပ္လန်ကြွလာမယ့်ခီထိ သူ့ဟှို သတ်ရှင်စေဟှို့ ငါလိုရှိဟှယ် ဆိုဟှာ နန့်နဖြားဆိုင်နူး” ဆိုဘီး မိန့်တော်မူလေဟှယ်။
\p
\v 24 အယ်ကြောန်းရာလေဟှို သတ်သေခံဘီး ရေးဟှားလူဟှာ အယ်တဗဲ့တော်ဘဲ့ ဖြစ်ဟှယ်။ သူ့သတ်သေခံချစ်လေဟှာ မှန်ဘဲ့ဖြစ်ဟှယ် ဆိုဇာဟှို နို့လေသိဂေ့ဟှယ်။
\s နိဂေါင်း
\p
\v 25 ယေရှုပြုတော်မူဟှူ တခြားဇာလေဟှာ ဘောင်ဂီးရှိသေးဟှယ်။ အယ်မူဇာလေ အားလောင်းဟှို မှတ်တမ်းတန်ဟှားမယ် ဆိုဟှာ ကျမ်းလေဟှို အယ်လောကမာ ထားဇာနေရာမှေ့ဟှို့ မှုဟှ ဆိုဘီး ထန်မိဟှယ်။