\id JAS - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ယာကုပ်
\toc1 ယာကုပ်ဟှနေ ပေးစာ
\toc2 ယာကုပ်
\toc3 ယာ
\mt1 ယာကုပ်
\mt2 ယာကုပ်ဟှနေ ပေးစာ
\imt နိဒါန်း
\im \bk ယာကုပ်ဟှနေ ပေးစာ\bk*ဟှို ယာကုပ်ဟှ ရေးဟှားဟှူ စာဖြစ်ဟှယ်။ သူဟှာ ယေရှုရဲ့ ညီလည်းဖြစ်ဟှယ်။ သူဟှာ ယေရုရှလင် ကောန်စီဝမ်ဖြစ်ဘီး ကနဦးသင်းတော်ရဲ့ ခေါန်းဆောန်လည်း ဖြစ်ဟှယ် (\xt တ ၁၅.၁၃\xt*)။ တမန်တော် ပေါလုဟှ ဂလာတိ ၂.၉ ထဲမာ သူ့ဟှို သင်းတော်ရဲ့ “ဒေါ့‑က်တိုင်” ဆိုဘီးလည်း ခေါ်ဟှားဟှယ်။ ယာကုပ်ရဲ့ ကျမ်းဟှို ခရစ်တော် မွီးဘီးန ၅၀ ခုနှစ်လော့‑က်မာ ရေးဟှားဟှယ် ဆိုဘီး ကျမ်းစာပညာရှင်လေဟှ ယောင်ကြည်ဂေ့ဟှယ်။ ယာကုပ်ဟှာ ယေရုရှလင် ကောန်စီဝမ်တယော့‑က် ဖြစ်ဟှူကြောန့် အယ်ဗြို့မာနေဒူး အယ်ကျမ်းဟှို ရေးဟှားရှင်း ဖြစ်နိုင်ဟှယ်။
\ip ယာကုပ်ဟှာ သူ့ပေးစာဟှို “နေရာတိုင်းဟှို ဖ္လဲဖ္လဲစင်ဖြစ်ဟှားဟှူ လူမျိုး ဆယ့်နှေ့မျိုးဟှို” လိစာတပ်ဟှားဟှယ် (\xt ၁.၁\xt*)။ ယာကုပ်ရဲ့ ကျမ်းထဲဟှ သင်ဂန်းဇာလေဟှာ ခရစ်ယာန်လေ အားလောင်းန သတ်ဆိုင်ဟှယ်။ အယ်ဘေမဲ့ “လူမျိုး ဆယ့်နှေ့မျိုး” ဆိုဘီး သောင်းပြုဟှားဟှူကြောန့် ယာကုပ်ဟှာ ယုဒလူမျိုး ခရစ်ယာန်လေဟှို တိုက်ရိုက် ရေးနေဇာ ဖြစ်နိုင်ဟှယ်။ အယ်ကျမ်းဟှာ တိုင်းတပါးမာ ရော့‑က်နေဟှူ စာဖတ်မားလေဟှို ရည်ညွန်းဟှားဟှူ ကြောန်းရာ ဘောင်ဂီးဟှို ပြောဟှားလေဟှယ်။ ယာကုပ်ဟှာ လောက်ဆောန်ရှင်းန ယောင်ကြည်ရှင်းဟှို လေးထားဟှားဟှယ်။ စစ်မှန်ဟှူ ယောင်ကြည်ရှင်းဟှို လောက်ဆောန်ရှင်းန ပြရဟှယ် (\xt ၂.၁၇\xt*)။ သူဟှာ ကပ်ပေါဟှူ လူလေဟှို မျစ်နှာလိုက်ဘဲဟှို့တွပ် ဒိပေးဟှားဘီး (\xt ၂.၁–၄\xt*) ကျွန်တော့်ဟှားလေ ဖြားဇာဘဲ့ပြောပြော ဂရုစိုက်ဟှို့တွပ် ပြောဟှားဟှယ် (\xt ၃.၁–၁၂\xt*)။
\iot ကြောန်းရာ ကျဉ်းချောက်
\io1 ၁။ ယာကုပ်ဟှာ သူ့ပေးစာမာ စာဖတ်မားလေဟှို နှောက်ဆစ်ဟှားဟှူကြောန်း \ior (၁.၁)\ior*
\io1 ၂။ ခရစ်ယာန်လေဟှာ ဒေါက်ခရော့‑က်ဟှူ ခီမာ သီးခံဟှို့ အားပေးဟှားဟှူကြောန်း \ior (၁.၂–၂၇)\ior*
\io1 ၃။ လောက်ဆောန်ရှင်းအားဖြင့် ယောင်ကြည်ရှင်းဟှို ပြဟှို့တွပ် ရရာတိုင်း လိုအပ်ဟှယ် ဆိုဘီး ပြောဟှားဟှူကြောန်း \ior (၂.၁–၂၆)\ior*
\io1 ၄။ ရရာတိုင်း တဂိုးပါဟှူ စကားလေဟှာ ဖြစ်နိုင်ဟှယ် ဆိုဘီး ပြောဟှားဟှူကြောန်း \ior (၃.၁–၁၂)\ior*
\io1 ၅။ ယာကုပ်ဟှာ ဘုရားသခင်ပညာန လောကီပညာဟှာ ရရာတိုင်း ကွာခြားဟှယ် ဆိုဘီး ရှင်းပြဟှားဟှူကြောန်း \ior (၃.၁၃—၄.၁၀)\ior*
\io1 ၆။ ဝါကြွားဇာဟှို ရှောန်ရမယ် ဆိုဘီး ဒိပေးဟှားဟှူကြောန်း \ior (၃.၁၁—၅.၆)\ior*
\io1 ၇။ ယာကုပ်ဟှာ ညွန်ကြားချစ် တချို့ဟှို ပေးဘီး နိဂေါင်းချောက်ဟှားဟှူကြောန်း \ior (၅.၇–၂၀)\ior*
\ie
\c 1
\po
\v 1 \x - \xo ၁.၁ \xo*\xt မ ၁၃.၅၅; မာ ၆.၃; တ ၁၅.၁၃; ဂလာ ၁.၁၉\xt*\x*ဘုရားသခင်န သခင်ယေရှုခရစ်ရဲ့ စေခံ ယာကုပ်ဟှာ၊
\po ကမ္ဘာတဝန်းလောင်းမာ ပ္လံ့နှံ့ဟှားဟှူ ဘုရားသခင်ရဲ့ လူလေ အားလောင်းဂူဟှို နှောက်ဆစ်လိုက်ဟှယ်။
\s ယောင်ကြည်ရှင်းန ဉာဏ်ပညာကြောန်း
\p
\v 2 ငါ့ညီကို မောန်နှမလေ၊ နန်းနို့လေဟှာ စောင်ဇမ်းနှောက်ရှစ်ဇာ မျိုးမျိုးဟှို တွိရဟှူ ခီမာ ဝန်းသာဇာဘဲ့ဖြစ်ဟှယ် ဆိုဇာ ခံယူဂေ့ပါ။ 
\v 3 ဖြားဖြစ်ကြောန့်နူးဆိုဟှာ နန်းနို့ရဲ့ ယောင်ကြည်ရှင်းဟှို စောင်ဇမ်းဇာဟှာ ခံနိုင်ရည်ဟှို တိုပွားစေဟှယ် ဆိုဇာ နန်းနို့ သိဂေ့ဟှယ်။ 
\v 4 နန်းနိုဟှာ ဖယ်ဇာလည်း ချို့တတ်ဇာမှေ့ဘဲ့ ပ္လဲ့ဝစောင်လင်ဂေ့ဟှို့တွပ် ဆောင်းထိ ခံနိုင်ရည်ရှိရမယ်။ 
\v 5 နန်းနို့ထဲမာ ယော့‑က်ယော့‑က်ဟှ ပညာဟှိုလိုရှင်ဟှယ် ဆိုဟှာ ကဲ့ရဲ့ပြစ်တန်ဘဲ့န၊ လူလေ အားလောင်းဂူဟှို စေတနာစိန ပေးသနားဟှူ ဘုရားသခင်နားမာ တောန်းစေ။ တောန်းမယ် ဆိုဟှာ ရလေ့မယ်။ 
\v 6 အယ်ဘေမဲ့ သံသယမှေ့ဘဲ့န ယောင်ကြည်ဟှူစိန တောန်းရမယ်။ ယောင်မှားဘီး သံသယစိရှိဟှူလူဟှာ လေတိုက်ဟှူ ခီမာ လှောက်ရှာနေဟှူ ပန်လယ်ဟှ ရေလှိုင်းနတူဟှယ်။ 
\v 7 အယ်လူဟှာ ဘုရားသခင်နားဟှနေ ဖြားဇာခုလည်းရမယ် ဆိုဇာ ထန်မှတ်စေန။ 
\v 8 အယ်မျိုးလူဟှာ စိနှေ့ခွရှိဟှူကြောန့် သူလောက်နေဟှူဇာလေမာ တည်ကြည်ရှင်းမှေ့ဘဲဟှူ သူဖြစ်ဟှယ်။
\s ဆင်းရဲ့ရှင်းန ကြွယ်ဝရှင်းကြောန်း
\p
\v 9 ညီကို ယော့‑က်ယော့‑က်ဟှာ နှိက္လနေဟှူ ခြေနေဟှနေဘီး ဘုရားသခင်ဟှ ချီးမြော့‑က်လိုက်ဟှူ ခီမာ ဝန်းသာပါစေ။ 
\v 10 ကြွယ်ဝဟှူ ညီကိုဟှို ဘုရားသခင်ဟှ နှီခ္လဟှူ ခီမာ ဝန်းသာရမယ်။ ဖြားဖြစ်ကြောန့်နူးဆိုဟှာ ကြွယ်ဝဟှူ လူလေဟှာ တောထဲဟှ ဗြစ်ပန်မျိုးဘဲ့ ညှိုးဘီးဟှာ ပျော့‑က်ကွယ်ဟှားကြောန့် ဖြစ်ဟှယ်။ 
\v 11 နေပူရှီဟှာ ဗြစ်ပန်ဟှို ခြော့‑က်ဟှားစေဘီးဟှာ ပွမ့်လည်း ကွီက္လဟှားစေဟှယ်။ အယ်ကြောန့် တင့်တယ်လှပရှင်းလေဟှာ ပျစ်စီဟှားဟှူမျိုးဘဲ ကြွယ်ဝဟှူ လူဟှာလည်း သူ့ရဲ့ စီပွားဟှို လောက်နေဒူးဟှူခိမာ ပျော့‑က်ကွယ်ဟှားလေ့မယ်။
\s စောင်ဇမ်းရှင်းန သွီးဆောန်ရှင်းကြောန်း
\p
\v 12 စောင်ဇမ်းရှင်းဟှို သည်းခံနိုင်ဟှူလူဟှာ မင်္ဂလာရှိဟှယ်။ ဖြားဖြစ်ကြောန့်နူးဆိုဟှာ အယ်လူဟှာ အယ်မျိုးခံဘီးမှ ဘုရားသခင်ဟှို ရှစ်ဟှူလူဟှို ကိုယ်တော်ဟှ ဒိထားဟှာတိုင်း သတ်သရဖူဟှို ရလေ့မယ်။ 
\v 13 သွီးဆောန်ခံရဟှူလူဟှာ “ဘုရားသခင်ဟှာ ငါ့ဟှို သွီးဆောန်နေဟှယ်” ဆိုဇာ ဖယ်သူလဲ ပြောစေန။ ကောန်းဘဲ့ဟှူဇာလေဟှာ ဘုရားသခင်ဟှို သွီးဆောန်နိုင်ဟှ။ ကိုယ်တော်ဟှလည်း ဖယ်သူဟှိုလည်း သွီးဆောန်ဟှ။ 
\v 14 လူဟှာ သွီးဆောန်ခံရဟှယ် ဆိုဇာဟှာ ကိုယ်စိဟှ ကောန်းဘဲဇာဖြစ်ဟှူ လိုရှင်ဟှူဆန္ဒဟှ ဆွဲဆောန်ဘီး လိုက်ပါဟှားဟှူကြောန့် ဖြစ်ဟှယ်။ 
\v 15 အယ်မျိုးလိုရှင်ဟှူ ဆန္ဒလေဟှာ ကိုယ်ဝန်ဆောန်ဘီးဟှာ ဒုစရိုက်ဟှို မွီးဖွားစေဟှယ်။ ဒုစရိုက်ဟှာ ကီးလာဟှူ ခီမာ သေရှင်းဟှို မွီးဖွားစေဟှယ်။
\p
\v 16 ငါရှစ်ရဟှူ ညီကို မောန်နှမလေ၊ လွဲယူဂေ့န။ 
\v 17 ကောန်းမြတ်စောင်လင်ဟှူ ဆုကျေးဇူးမှန်မျှဟှာ ကောန်းဂန်မာရှိဟှူ ဇာလေဟှို ဖန်ဆင်းဟှူ ဘုရားသခင်နားဟှနေ ရော့‑က်လာဟှယ်။ ကိုယ်တော်ဟှာ ပ္လောန်းလဲတတ်ဟှူ ရိနလည်းကင်းဟှယ်။ 
\v 18 ကိုယ်တော်ဟှာ ဖန်ဆင်းဟှားဟှူ သတ္တဝါလေထဲမာ ဦးဆောင်းနေရာဟှို ရစေဟှို့တွပ် သမ္မာတရားအားဖြင့် သူ့ရဲ့ လိုတော်နတူးဒူ နို့လေဟှို မွီးဖွားစေဟှယ်။
\s ကြားရှင်းန ကျင့်သောင်းရှင်းကြောန်း
\p
\v 19 ငါရှစ်ရဟှူ ညီကို မောန်နှမလေ၊ အယ်ချစ်ဟှို မှတ်ဟှားဂေ့ပါ။ နန်းနို့ အားလောင်းဂူဟှာ ကြားရှင်းမာ ရရာတိုင်းဗြန်စေပါ။ စကားပြောရှင်းန ဒေါသထွပ်ရှင်းမာ နှေးဂေ့ပါ။ 
\v 20 လူလေရဲ့ မျစ်ဒေါသဟှာ ဘုရားသခင်ရဲ့ ဖြောန့်မတ်ဟှူ ကြံစည်လေဟှို ရနိုင်ဟှ။ 
\v 21 အယ်ကြောန့် နန်းနို့ဟှာ ညစ်ညူးရှင်းန ကောန်းဘဲဟှူကျင့်လေဟှို ဖယ်ပစ်ဂေ့ပါ။ နန်းနို့ရဲ့ စိထဲမာ ဘုရားသခင်ထဲပေးဟှားဟှူ တရားတော်ဟှာ နန်းနို့ဟှို ကယ်တန်နိုင်ဟှယ်။ တရားတော်ဟှို နူးညံ့သိမ့်မွေ့ဟှူစိန ခံယူဂေ့ပါ။
\p
\v 22 တရားတော်ဟှို ကြားနာရောင်ဘဲ့ ကြားနားရှင်းအားဖြင့် နန်းနို့ကိုယ် နန်းနို့ လှည့်စားဂေ့န။ တရားတော်ဟှို လတ်တွေ့ ကျင့်သောင်းဂေ့ပါ။ 
\v 23 တရားတော်ဟှို လတ်တွေ့ ကျင့်သောင်းဘဲန ကြားနာရောင်ဘဲ ကြားနားရဟှူလူဟှာ ကိုယ်ရဲ့ ပကတိမျစ်နှာဟှို မှန်မာကေ့ဟှူ လူနတူဟှယ်။ 
\v 24 သူဟှာ အယ်မျိုး ကေ့ဘီးဟှာ ထွပ်ဟှားဟှူ ခီမာ သူ့ရဲ့ ပေါင်ဇံဟှို မေ့ဟှားတတ်ဟှယ်။ 
\v 25 အယ်ကြောန့် လူလေဟှို ပြစ်ချည်နှောင်ရှင်းထဲဟှနေ လွတ်မြော့‑က်စေဘီး စောင်လင်ဟှူ ပညတ်တရားဟှို သေးသေချားချာဟှား လေ့လာကေ့ရှုဟှူလူဟှာ တရားဟှိုနာဘီးဟှာ မေ့ဟှားဇာမျိုးမှုဘဲန ဆစ်ဘီး အာရောင်ပြုဘီးဟှာ လတ်တွေကျင့်သောင်းလူ ဖြစ်ဟှူကြောန့် ဖြားမှုဘဲလောက်လောက် ဘုရားသခင်ရဲ့ ကောန်းကြီးမင်္ဂလာဟှို ခံစားရလေ့မယ်။
\p
\v 26 လူတယော့‑က်ဟှာ သူ့ကိုယ်သူ ဘုရားတရားဟှို ကြည်ညိုဟှယ် ဆိုဘီး ယူဆဘေမဲ့ သူ့ရဲ့ လျှာဟှို ထီးနိုင်ဟှ ဆိုဟှာ သူ့ရဲ့ စိနှလောင်းဟှို လှည့်ဇာဟှူလူ ဖြစ်ဟှယ်။ သူ့ရဲ့ ဘုရားတရား ကိုင်းရှိုင်းရှင်းဟှာ ချည်းနှီးဘဲဖြစ်ဟှယ်။ 
\v 27 ခမည်းတော်ဘုရားသခင်ရှေ့မာ စင်ကြယ်ဟှူတရားဟှို ကြည်ညိုဟှယ် ဆိုဇာ ဒေါက်ခရော့‑က်နေဟှူ၊ မိဖမှေ့ဘဲဟှူ သားဂန်းလေန မောက်ဆိုးမလေဟှို ကေ့ရှုစောန့်ရှောန်ရှင်း၊ လောကရဲ့ ညစ်ညူးရှင်းလေန ကင်းအောန် ကိုယ့်ကိုယ်ကိုယ် စောန့်ထီးရှင်းဘဲ ဖြစ်ဟှယ်။
\c 2
\s မျစ်နှာလိုက်ဘဲဟှို့တွပ် ဒိပေးကြောန်း
\p
\v 1 ညီကို မောန်နှမလေ၊ နန်းနို့ဟှာ ဖောင်းတဂိုးကီးဟှူ သခင်ယေရှုခရစ်တော်ဟှို ယောင်ကြည်ဟှူ လူလေဖြစ်ဟှူကြောန့် လူလေဟှို မျစ်နှာလိုက်ဘီး ဆစ်ဆံဂေ့န။ 
\v 2 နန်းနို့လေရဲ့ ဝါလယ်ဇရပ်ဟှို ဝမ်လာဟှူ လူနှေ့ယော့‑က်မာ ရွှေလတ်စွပ်ဝတ်ဟှားဘီး ရရာတိုင်းကောန်းဟှူ အန်းဂီလေဟှို ဝတ်ဟှားလေဟှယ်။ တခြားတယော့‑က်ဟှ ဆင်းရဲဟှူကြောန့် စုနေဟှူအန်းဂီဟှို ဝတ်ဟှားမယ် ဆိုဟှာ၊ 
\v 3 နန်းနို့ဟှာ ကောန်းဟှူအန်းဂီဟှို ဝတ်ဟှားဟှူလူဟှို ဦးစားပေးဘီးဟှာ “အယ်နေရာကောန်းမာ ထိုင်ပါ” ဆင်းရဲသားဟှို “ငါရဲ့ ခေရင်းမာထိုင်ပါ” ဆိုဘီး ပြောမယ် ဆိုဟှာ၊ 
\v 4 ရှင်းရှင်းဘဲ့ လူဒန်းဇားခွဲခြားဘီး ကောန်းဘဲဟှူကြံစည်ဟှို စီရင်ဂေ့ဇာ မှုဟှလော။
\p
\v 5 ငါရှစ်ရဟှူ ညီကို မောန်နှမလေ၊ နားထောန်ဂေ့ပါ။ ယောင်ကြည်ရှင်းမာ ကြွယ်ဝဟှူ လူလေဖြစ်ဂေ့ဟှို့တွပ်၊ ဒိထားဟှားဟှူ နိုင်ငံတော်ဟှို မွီခံရဟှူလူလေ ဖြစ်ဂေ့ဟှို့တွပ် ဘုရားသခင်ဟှာ လောကမာ ဆင်းရဲဟှူလူလေဟှို ဝီးချယ်ဟှားဇာ မှုဟှလော။ 
\v 6 အယ်ဘေမဲ့ နန်းနိုဟှာ ဆင်းရဲသားလေဟှို စော်ဂါးဂေ့ဟှယ် ကြွယ်ဝဟှူ လူလေဟှာ နန်းနို့လေဟှို နှိစစ်ဘီးဟှာ တရားသူဂီးလေရှေ့မာ ဆွဲခေါ်ဟှားဂေ့ဟှယ် မှုဟှလော။ 
\v 7 နန်းနို့ဟှို ခေါ်ဟှားဘီး နာမတော်ဟှို ကဲ့ရဲ့ဂေ့ဇာ မှုဟှလော။
\p
\v 8 နန်းနို့ဟှာ “ကိုယ့်နဆိုင်ဟှူလူဟှို ကိုယ်နမျှရှစ်ပါ” ဆိုဘီး ကျမ်းစာမာပါဟှူ ရွှေပညတ်တော်ဟှို ကျင့်မယ် ဆိုဟှာ ကောန်းဟှူဇာဟှို ကျင့်ဟှူဇာ ဖြစ်ဟှယ်။ 
\v 9 အယ်မျိုးမူဘဲနေဟှာ လူမျစ်နှာဟှို ထော့‑က်မယ် ဆိုဟှာ ပြစ်လောက်ဟှူလူ ဖြစ်ဟှယ် ဆိုဇာ အယ်ပညတ်အားဖြင့် ထန်ရှားဟှယ်။ 
\v 10 ပညတ်တော်တခုဟှို ခ္လိုးဖော့‑က်ဟှူလူဟှာ ပညတ်တော် အားလောင်းဂူဟှို ခ္လိုးဖော့‑က်ဇာန တူးဒူဘဲ့။ 
\v 11 ဖြားဖြစ်ကြောန့်နူးဆိုဟှာ “အီထောန်ရေးဖော့‑က်ပ္လန်န” ဆိုဘီး ပြောဟှားဟှူသခင်ဟှာ “လူသတ်ဟှိုလည်း သတ်န” ဆိုဇာလည်း ပြောဟှားကြောန့် ဖြစ်ဟှယ်။ နန်ဟှာ အီထောန်ရေး ဖော့‑က်ပ္လန်ဘေမဲ့ လူသတ်ဟှူသတ်ဟှယ် ဆိုဟှာ ပညတ်တော်ဟှို ခ္လိုးဖော့‑က်ဇာန တူးဒူဘဲ့ ဖြစ်ဟှယ်။ 
\v 12 အယ်ကြောန့် နန်းနို့ဟှာ လွတ်မြော့‑က်ရှင်းနဆိုင်ဟှူ တရားတော်အားဖြင့် စီရင်ရှင်းဟှို ခံရမယ်သူလေမျိုးဘဲ ပြောဆိုကျင့်ကြံဂေ့ပါ။ 
\v 13 ကရုဏာမှေ့ဘဲ့ဟှူ လူဟှာ ကရုဏာမှေ့နဟှူ တရားစီရင်ရှင်းဟှို ခံရလေ့မယ်။ အယ်ဘေမဲ့ ကရုဏာဟှာ တရားစီရင်ရှင်းထတ်မာ အောန်ပွဲခံတတ်ဟှယ်။
\s ယောင်ကြည်ရှင်းနကျင့်
\p
\v 14 ငါ့ညီကို မောန်နှမလေ၊ လူတယော့‑က်ဟှ ငါမာ ယောင်ကြည်ရှင်းရှိဟှယ် ဆိုဘီး ပြောဘေမဲ့လည်း ကျင့်အားဖြင့် သတ်သေပြနိုင်ဟှ ဆိုဟှာ ဖယ်ကျိုးရှိနူး။ အယ်လူရဲ့ ယောင်ကြည်ရှင်းဟှာ သူ့ဟှို ကယ်တန်နိုင်ဘဲ့လော။ 
\v 15 ညီကို မောန်နှမလေဟှာ စားဝတ်နေရေး ဆင်းရဲနေဟှူ ခီမာ 
\v 16 နန်းနို့ဟှ “နန်းနို့လေဟှို ဘုရားသခင် ကောန်းကြီးပေးပါစေ။ ငြီးငြီးချမ်းချမ်းဟှား နေဂေ့ပါ။ ဝဝဟှားစားဂေ့” ဆိုဘီး ပြောဘီးဟှာ သူးနို့ရဲ့ ကိုယ်ခန္ဓာတွပ် လိုအပ်နေဟှူ ဇာလေဟှို ပေးဘဲ့န နေမယ် ဆိုဟှာ ဖြာကျိုးရှိမယ်နူး။ 
\v 17 ယောင်ကြည်ရှင်းဟှလည်း အယ်မျိုးဘဲ့ဖြစ်ဟှယ်။ ကျင့်မှေ့ဘဲ့ဟှူ ယောင်ကြည်ရှင်းဟှာ ခုဒဲဘဲဖြစ်ဟှူကြောန့် သေဖြစ်ဟှယ်။
\p
\v 18 အယ်ကြောန့် ယော့‑က်ယော့‑က်ဟှ “ငါ့မာ ယောင်ကြည်ရှင်းရှိဟှယ်” ဆိုဘီး ပြောမယ် ဆိုဟှာ “ကျင့်မှေ့ဘဲ့န နန့်ရဲ့ယောင်ကြည်ရှင်းဟှို ငါ့ဟှို ပြပါ။ ငါဟှကျင့်န ငါရဲ့ ယောင်ကြည်ရှင်းဟှို ပြမယ်” ဆိုဘီး ပြောဇာရှိဟှယ်။ 
\v 19 ဘုရားသခင်တပါးဘဲ့ ရှိဟှယ် ဆိုဘီး ယောင်ကြည်ဇာဟှာ ကောန်းဟှယ်။ နတ်ဆိုးလေဟှလည်း အယ်မျိုးဘဲ့ ယောင်ကြည်ဘီးဟှာ ကြော့‑က်ဘီး တူနေဂေ့ဟှယ်။ 
\v 20 အို၊ လူမိုက်၊ ကျင့်မှေ့ဘဲ့ဟှူ ယောင်ကြည်ရှင်းဟှာ ချည်းနှီး\f + \fr ၂.၂၀ \fr*\fq ချည်းနှီး၊ \fq*\ft တချို့လတ်ရေးမှုလေမာ \ft*\fqa သေရှင်း၊ \fqa*\ft ဆိုဘီး ပါရှိဟှယ်။\ft*\f*ဖြစ်ဟှယ် ဆိုဇာဟှို သိရှင်လော။ 
\v 21 နို့လေရဲ့ဖိုး အာဗြဟံဟှာ ဘုရားသခင်န မှန်းမှန်ကန်းကန် ပေါန်းသင်းဆစ်ဆံဇာဟှို ဖယ်မျိုးရဟှယ်နူး။ သူဟှာ သူ့သားဣဇာက်ဟှို ယဇ်ပလ္လင်ထတ်မာ တန်ဘီးဟှာ ပူဇော်ဟှူ ခီမာ ကျင့်ကြောန့် ဖြောန့်မတ်ရှင်းဟှို ရဟှယ်။ 
\v 22 သူ့ရဲ့ယောင်ကြည်ရှင်းဟှာ ကျင့်နတွဲနေဇာဟှို နန်းနို့လေဟှာ ဗြင်ဂေ့ဟှလော။ ကျင့်ကြောန့်သူ့ရဲ့ ယောင်ကြည်ရှင်းဟှာ ပ္လဲ့ဝစောင်လင်လာဟှယ်။ 
\v 23 အယ်ကြောန့် “အာဗြဟံဟှာ ဘုရားသခင်ဟှို ယောင်ကြည်ဟှယ်။ သူ့ရဲ့ ယောင်ကြည်ရှင်းကြောန့် ဘုရားသခင်ဟှာ သူဟှို ဖြောန့်မတ်ဟှူသူနေန လတ်ခံလိုက်ဟှယ်” ဆိုဇာ ကျမ်းစကားဟှာ ပ္လဲ့ဇောင်လာဟှယ်။ အယ်ကြောန့် အာဗြဟံဟှာ ဘုရားသခင်ရဲ့ မိဆွေ ဆိုဘီး ခေါ်ခံရဟှယ်။ 
\v 24 အယ်ကြောန့် လူဟှာ ယောင်ကြည်ရှင်း အားဖြင့်ဘဲ့ ဖြောန့်မတ်ရှင်းဟှို ရော့‑က်ဇာမှုဟှ။ ကျင့်အားဖြင့်ရော့‑က်ဟှယ် ဆိုဇာဟှို နန်းနို့ သိရဂေ့ဟှယ်။
\p
\v 25 ကောန်းဘဲ့ဟှူမီးမ ရာခပ်ရဲ့ကြောန်းဟှလည်း အယ်မျိုးဘဲ့ ဖြစ်ဟှယ်။ သူဟှာ ဣသရေလ တလျှိုလေဟှို လတ်ခံဘီးန တခြားလမ်းဟှနေ ထွပ်ဟှားဟှို့တွပ် ကူညီပေးဟှယ်။ အယ်မှုကြောန့်သူဟှာ ကျင့်ကြောန့် ဖြောန့်မတ်ရှင်းဟှို ရော့‑က်ဟှားဇာ မှုဟှလော။ 
\v 26 အယ်ကြောန့် ဝိညာဉ်မှေ့ဘဲဟှူ ကိုယ်ခန္ဓာဟှာ သေဖြစ်ဟှူမျိုးဘဲ့ ကျင်မှေ့ဘဲ့ဟှူ ယောင်ကြည်ရှင်းဟှလည်း သေဖြစ်ဟှယ်။
\c 3
\s လျှာကြောန်း
\p
\v 1 ငါ့ညီကို မောန်နှမလေ၊ ဆရာဖြစ်ဂေ့ဟှူ နို့လေဟှာ တခြားလူလေထတ် ပိုဘီးဟှာ စစ်ကြောစီရင်ရှင်းဟှို ခံရမယ် ဆိုဇာ နန်းနို့ဟှာ သိဟှူကြောန့် ဆရာလေ ဖြစ်ရှင်ဂေ့န။ 
\v 2 နို့လေရှိမျှဟှာ မကြာမကြာ မှားဂေ့ဟှယ်။ ဖယ်ခါလည်း စကားမှားဘဲ့ဟှူလူဟှာ ပ္လဲ့ဝစောင်လင်ဟှူလူ ဖြစ်ဟှယ်။ အယ်မျိုးလူဟှာ ကိုယ့်ကိုယ်ကိုယ် ထီးချောက်နိုင်ဟှူလူ ဖြစ်ဟှယ်။ 
\v 3 နို့လေဟှာ ဗြင်းဇတ်ပေါ့‑က်ဟှို ခယ်ဟှားဘီးဟှာ ဗြင်းတကိုယ်လောင်းဟှို လှည့်စေဟှို့တွပ် နို့လေရဲ့ စကားဟှို နားထောန်ခိုင်းဘီးဟှာ သွားရှင်ဟှူနေရာဟှို သွားခိုင်းနိုင်ဟှယ်။ 
\v 4 ရရာတိုင်းကီးဟှူ သန်းဖော်လေဟှို လေတိုက်နေဟှူ ခီမာ ပဲ့ဟှိုကိုင်ဘီးဟှာ ထီးချောက်ဘီး ပဲ့ထီးဟှူလူဟှ သွားရှင်ဟှူနေရာဟှို လှည့်တတ်ဟှယ်။ 
\v 5 လျှာဟှလည်း အယ်မျိုးတိုင်းဘဲ့ ဖြစ်ဟှယ်။ ကိုယ်ခန္ဓာမာ ငယ်ဆောင်းအင်္ဂါဖြစ်ဘေမဲ့ ရရာတိုင်းကီးဟှူဇာလေဟှို ဝါကြွားတတ်ဟှယ်။
\p ရရာတိုင်းကီးဟှူသစ်တောဟှို ရရာတိုင်းငယ်ဟှူမီးပွားဟှ လောန်နိုင်ဟှယ် ဆိုဇာ ကေ့ကေ့ပါ။ 
\v 6 လျှာဟှာ မီးနတူဟှယ်။ ပြစ်ဒုစရိုက်လေန ပ္လဲ့ဝဟှူ လောကဖြစ်ဟှယ်။ အယ်မျိုးဘဲ့ ကိုယ်ခန္ဓာမာ အင်္ဂါတခုနေန ရှိနေဘီး နို့လေရဲ့ ကိုယ်ခန္ဓာအားလောင်းဂူဟှို ပြစ်ဒုစရိုက်လေန ကူးစစ်ဘီး ပ္လံ့နှံ့စေဟှယ်။ လျှာဟှာ ငရဲမီးန နို့လေရဲ့ ဘဝအားလောင်းဂူဟှို လောန်စေဟှယ်။ 
\v 7 လူဟှာ တခြားသတ္တဝါလေဖြစ်ဟှူ လိဆန်၊ ငှတ်၊ တွားတတ်ဟှူ သတ္တဝါန ပန်လယ်မှာနေဟှူ သတ္တဝါလေဟှို လူလေဟှာ ယဉ်အောန်လောက်နိုင်ဟှယ်။ လောက်လဲလောက်လာဟှယ်။ 
\v 8 အယ်ဘေမဲ့ လျှာဟှို ဖယ်သူလည်း နိုင်အောန်လောက်နိုင်ဟှ။ လျှာဟှာ သေစေတတ်ဟှူ ဆိနပ္လဲ့ဝဘီး ထီးချောက်ဟှို့ မျှဘဲ့နေအောန် ဆိုးဟှယ်။ 
\v 9 နို့လေဟှာ ခမည်းတော်ဘုရားသခင်ရဲ့ ဂေါင်တော်ဟှို ချီးမွမ်းဟှူ ခီမာ လျှာလေဟှို သောင်းဂေ့ဟှယ်။ ဘုရားသခင်ရဲ့ ပေါင်ဇံနတူးအောန် ဖန်ဆင်းဟှားဟှူ လူလေဟှို ကီဆဲဟှူ ခီမာလည်း သောင်းပြုဂေ့ဟှယ်။ 
\v 10 နှောက်တခုထဲဟှ ကျေးဇူးတော်ဟှို ချီးမွမ်းရှင်းန ကီဆဲရှင်းလေ ထွပ်တတ်ဘဲ့လော။ ညီကို မောန်နှမလေ အယ်မျိုးဖြစ်သင့်ဟှ။ 
\v 11 စမ်းရေ တပေါ့‑က်ထဲဟှ ရှိုဟှူရေန ခါးဟှူရေလေ ထွပ်တတ်ဘဲ့လော။ 
\v 12 ညီကို မောန်နှမလေ၊ သဖန်းပန်မာ သံလွင်သီးဟှို သီးနိုင်ဘဲ့လော။ စဗျစ်နွယ်ဗန်မာ သဖန်းသီးဟှို သီးနိုင်ဘဲ့လော။ အယ်မျိုးဘဲ့ ငန်ဟှူရေဟှ ရှိုဟှူရေ ဖြစ်နိုင်ဟှ။
\s ထတ်ဟှလာဟှူ ဉာဏ်ပညာကြောန်း
\p
\v 13 နန်းနို့ထဲမာ လိမာဟှူဉာဏ်နပ္လဲ့ဇောင်ဟှူ ပညာရှိတယော့‑က်ရှိမယ် ဆိုဟှာ သူဟှာ သူ့ရဲ့ ပညာရှိဟှူ ဉာဏ်ပညာန နှီခ္လဟှူစိန သတ်ရှင်ဘီး ကောန်းဟှူကျင့်လေဟှို သတ်သေပြပါစေ။ 
\v 14 အယ်မျိုးမှုဘဲနေဟှာ နန်းနို့လေရဲ့ စိနှလောင်းထဲမာ မာနကီးဟှူစိ၊ နာလိုဘဲ့ဟှူစိ၊ တကိုယ်ကောန်ဆန်ဟှူစိလေ ရှိမယ် ဆိုဟှာ ဉာဏ်ပညာတွပ် ဝါးကြွားဘီ ပြောဟှူဇာန သမ္မာတရားဟှို ဆန့်ကျင်ဂေ့န။ 
\v 15 အယ်မျိုးပညာဟှာ ထတ်ဟှရော့‑က်လာဟှူ ပညာမှုဟှ၊ လောကဆန်ဘီး ဇာတိသွီးသားနဆိုင်ဟှူ၊ နတ်ဆိုးလေန ပတ်သတ်ဟှူ ပညာဘဲ့ဖြစ်ဟှယ်။ 
\v 16 ဖြားဖြစ်ကြောန့်နူးဆိုဟှာ နာလိုဘဲ့ဟှူစိ၊ တကိုယ်ကောန်ဆန်ဟှူ စိလေဟှာ အေးချမ်းဘဲန ရှောက်ရှစ်ခတ်ရှင်း၊ ကောန်းဘဲ့န ယောက်မာရှင်းလေ ဖြစ်စေတွပ်ကြောန့် ဖြစ်ဟှယ်။ 
\v 17 အယ်ဘေမဲ့ ထတ်ဟှလာဟှူ ပညာဟှာ ဦးဆောင်းဟှ သန့်ရှင်းစင်ကြယ်ဟှယ်။ အယ်ဘီးန ငြီးချမ်းဘီးဟှာ သာယာရှင်း၊ နူးညံ့သိမ်မွေ့ရှင်း၊ ရှစ်ရှစ်ခင်ခင် ဖြစ်စေဟှယ်။ ကရုဏာန ကြွယ်ဝပ္လဲ့ဇောင်ဘီး ကောန်းမြတ်ဟှူ ကျင့်လေဖြစ်ဟှူ သီးပွမ့်လေဟှိုလည်း ဖြစ်စေဟှယ်။ မျစ်နှာလည်းလိုက်ဟှ။ ဟန်ဆောန်မှုလေလည်း မှေ့ဟှ။ 
\v 18 ငြီးချမ်းမှုလေဟှို လောက်ဆောန်လူလေဟှာ ဖြောန့်မတ်ဟှူသီးရဲ့ မျိုးစေ့ဟှို ငြီးချမ်းစွာ ကြဲတတ်ဟှယ်။
\c 4
\s လောကန မိတ်သဟာယဖွဲ့ရှင်း
\p
\v 1 နန်းနို့လေဟှာ ဖြားဖြစ်ကြောန့် ရန်ဖြစ်ရှင်းလေန ငြင်းပွားရှင်းလေဟှို ဖြစ်စေနူး။ နန်းနို့လေရဲ့ ကိုယ်ကာယရဲ့ လိုအပ်ဟှူ ဆန္ဒလေကြောန့် ဖြစ်ဇာ မှုဟှလော။ 
\v 2 နန်းနို့လေဟှာ ကိုယ်လိုရှင်ဇာလေ ရဘဲ့ကြောန့် လူလေဟှို သတ်ဟှို့တွပ် ဆင်သင့်ရှိနေဂေ့ဟှယ်။ ရရာတိုင်း လိုရှင်ဇာလေဟှို ရနိုင်ဘဲ့ဟှူကြောန့် ဂြင်းနေဂေ့ဟှယ်။ ရန်လည်းဖြစ်ဂေ့ဟှယ်။ နန်းနို့လိုရှင်ဇာလေ ရဂေ့ဘဲ့ဇာဟှာ ဘုရားသခင်မာ တောန်းဂေ့ဘဲကြောန့် ဖြစ်ဟှယ်။ 
\v 3 နန်းနို့ တောန်းရှော့‑က်ဇာဟှာ ရည်ရွယ်ချစ် လွှဲမှားဘီး ကိုယ်ရဲ့ စည်းဇိမ်အောက်စာ ခံစားဟှို့တွပ်ဘဲ့ တောန်းရှော့‑က်ဂေ့ဟှူကြောန့် ဖြစ်ဟှယ်။ 
\v 4 နန်းနို့ဟှာ သစ်စာမှေ့ဘဲန ဆိုးညစ်ဟှူလူလေ ဖြစ်ဂေ့ဟှယ်။ လောကန ခင်ရှင်ဟှူ လူလေဟှာ ဘုရားသခင်ဟှို ရန်ရှာဟှူလူ ဖြစ်ဟှယ် ဆိုဇာ နန်းနို့ သိဘီး နားလည်ဂေ့ဟှလော။ လောကန မိဆွေဖြစ်ရှင်ဟှူလူဟှာ ဘုရားသခင်ရဲ့ ရန်သူဖြစ်ဟှယ်။ 
\v 5 ကျမ်းစာဟှ “နို့လေထဲဟှို ဘုရားသခင်ပေးဟှူ ဝိညာဉ်တော်ဟှာ သဝန်တိုဟှူဘောန တောန်းတတော်မူဟှယ်”\f + \fr ၄.၅ \fr*\fq ဝိညာဉ်တော်ဟှာ သဝန်တိုဟှူဘောန တောန်းတတော်မူဟှယ်၊ \fq*\ft အယ်မျိုးမှုဘဲ့နေဟှာ \ft*\fqa ဘုရားသခင်ဟှာ ကျွန်တော့်လေထဲမာ ရှိနေဟှူ ဝိညာဉ်တော်ဟှို သဝန်တိုဟှူဘောန တောန်းတဟှယ်။\fqa*\f* ဆိုဘီး ကြောန်းမှေ့ဘဲန ဖော်ပြဟှားဟှယ် ဆိုဘီး နန်းနို့ ထန်နေဂေ့လော။ 
\v 6 အယ်ဘေမဲ့ နို့လေဟှို ဘုရားသခင်ပေးဟှာဟှူ ကျေးဇူးတော်ဟှာ ပိုဘီးဟှာ စွမ်းအားကီးဟှယ်။ “ဘုရားသခင်ဟှာ မာနကီးဟှူလူလေဟှို နှီခ္လဟှူ လူလေဟှို ကျေးဇူးတော်ဟှို ခ္လပေးဟှယ်” ဆိုဘီး ကျမ်းစာလာဟှူ ဇာန ညီဟှယ်။
\p
\v 7 အယ်ကြောန့် ဘုရားသခင်ရဲ့ လိုတော်ဟှို လိုက်ဂေ့ပါ။ မာရ်နတ်ဟှို ဆီးတာဂေ့ပါ။ အယ်မျိုးလောက်မယ် ဆိုဟှာ သူဟှာ နန်းနို့နားဟှနေဘီးဟှာ ထွပ်ပ္လေးဟှားလေ့မယ်။ 
\v 8 ဘုရားသခင်နားဟှိုသွားဂေ့။ အယ်မျိုးဆိုဟှာ ကိုယ်တော်ဟှာ နန်းနို့နားဟှို ကြွလာလေ့မယ်။ ပြစ်ကျူးလွန်ဟှူလူလေ၊ နန်းနို့လတ်လေဟှို ဆေးဂေ့ပါ။ မာနကီးဟှူလူလေ၊ နန်းနို့လေရဲ့ စိနှလောင်းဟှို သန့်ရှင်းစင်ကြယ်အောန်လောက်ဂေ့ပါ။ 
\v 9 ဝန်းနည်းကြေကွဲဂေ့ပါ။ ငိုဘီးဟှာ ညီးတွားဂေ့ပါ။ နန်းနို့ ရယ်ဇာလေဟှို ငိုဇာဖြစ်စေဂေ့ပါ။ နန်းနို့ ဝန်းသာဇာဟှို ဝန်းနည်းဇာ ဖြစ်စေဂေ့ပါ။ 
\v 10 နန်းနို့ဟှာ ကိုယ့်ကိုယ်ကိုယ် ဘုရားသခင်ရှေ့မာ နှိခ္လဂေ့ပါ။ အယ်မျိုးဆိုဟှာ ကိုယ်တော်ဟှာ နန်းနို့ဟှို ချီးမြှော့‑က်လေ့မယ်။
\s စစ်ကြောစီရင်ဂေ့ဘဲဟှို့တွပ် ဒိပေးကြောန်း
\p
\v 11 ညီကို မောန်နှမလေ၊ နန်းနို့ဟှာ ရှင်းရှင်း ယော့‑က်နယော့‑က် ပေါက်ခတ်ဘီး ဝေဖန်ရှင်းန စစ်ကြောစီရင်ရှင်းလေဟှာ ပညတ်တရားဟှို ပေါက်ခတ်ဘီး ပြောနေဇာနတူဟှယ်။ ပညတ်တရားဟှို စီရင်ဂေ့မယ် ဆိုဟှာ နန်းနို့ဟှာ အယ်မူတရားဟှို ကျင့်ဟှူလူမှုဘဲန စစ်ကြောစီရင်ဟှူ လူလေဘဲ့ ဖြစ်ဂေ့ဟှယ်။ 
\v 12 ဘုရားသခင်တပါးဘဲ့ ပညတ်တရားဟှို ပေးဘီး စီရင်ပိုင်ဟှူ သခင်ဖြစ်ဟှယ်။ ကိုယ်တော် တပါးဒဲဘဲ့ ကယ်တန်နိုင်တွပ်ရော၊ ဖျစ်ဆီနိုင်ဟှို့တွပ် တတ်နိုင်ဟှယ်။ နန်ဟှ ဖယ်သူဖြစ်ကြောန့် အီဇနီးရှင်းဟှို စီရင်ရနူး။
\s ဝါကြွားဘဲဟှို့တွပ် ဒိပေးကြောန်း
\p
\v 13 “အယ်နေ့မှုဘဲနေဟှာ နတ်ကီးတိုင်ဟှာ အယ်ဗြို့ဟှို နို့လေသွားဘီး တနှစ်လော့‑က်နေဂေ့ဇို့။ အယ်ဗြို့မာ ကူသယ်လောက်ဘီး ကပ်လေဘောင်ဂီးရှာဂေ့ဇို့” ဆိုဘီး နန်းနို့ထဲဟှ တချို့ပြောဂေ့ဟှယ်။ အယ်ဘေမဲ့ ငါပြောဇာဟှို နားထောန်ဂေ့။ 
\v 14 နန်းနို့ဟှာ နတ်ကီးတိုင်ဟှာ ဖယ်မျိုးဖြစ်မယ် ဆိုဇာ သိနိုင်ဂေ့ဟှ။ နန့်နို့သတ်ဟှာ ရှစ်ဟှားပေါ်လာဘီးန ပျော့‑က်ဟှားတတ်ဟှူ မီးခိုးနတူဟှယ်။ 
\v 15 “ဘုရားသခင် လိုတော်ရှိမယ် ဆိုဟှာ နို့လေဟှာ သတ်ရှင်ဘီး အယ်မှုလေဟှို အယ်မျိုးလောက်မယ်။ အယ်မျိုးလောက်ဂေ့ဇို့” ဆိုဘီး နန်းနို့ပြောဂေ့ဟှယ်။ 
\v 16 ခုနန်းနို့ဟှာ မာန်မာနကီးဘီး ဝါကြွားတတ်ဂေ့ဟှယ်။ အယ်မျိုးဝါကြွားဇာဟှာ ပြစ်ဖြစ်ဟှယ်။
\p
\v 17 အယ်ကြောန့် ကောန်းဟှူကျင့်ဟှို သိဘီးဟှာ လောက်ဘဲနေဟှူလူဟှာ ပြစ်ရှိဟှယ်။
\c 5
\s ကြွယ်ဝဟှူ လူလေဟှို ဒိပေးကြောန်း
\p
\v 1 ကြွယ်ဝဟှူ လူလေ၊ ငါစကားဟှို နားထောန်ဂေ့ပါ။ နန်းနို့ဟှာ ကိုယ်တွိကြောင်ရဟှူ ဆင်းရဲဒေါက်ခလေတွပ် ငိုဘီးဟှာအော်ဟစ်ဂေ့။ 
\v 2 \x - \xo ၅.၂,၃ \xo*\xt မ ၆.၁၉\xt*\x*နန်းနို့ရဲ့ စည်းဇိမ်အောက်စာဟှာ ဆွီးဟှားဘီ။ နန်းနို့ရဲ့ ဝတ်လေဟှာ ပိုးကိုက်စားလိုက်ဘီ။ 
\v 3 နန်းနို့ရဲ့ ရွှေလေ၊ ငွေလေဟှလည်း သံခ္လေးတတ်နေဟှယ်။ အယ်သံခ္လေးဟှာ နန်းနို့ဖတ်မာ သတ်သေထော့‑က်ထားဖြစ်ဘီး မီးလေမျိုးဘဲ့ နန်းနို့သားလေဟှို လောန်ဘီးဟှာ ပျစ်စီးစေလေ့မယ်။ နော့‑က်ဆောင်းနေ့ရစ် ကာလမာ နန်းနို့ဟှာ အောက်စာဘဏ္ဍာလေဟှို စုဆောန်းနေဂေ့ဟှယ်။ 
\v 4 နန်းနို့သီးနှံလေဟှို ရိပေးဟှူလူလေရဲ့ လောက်အားခဟှိုလည်း ပေးဂေ့ဟှ။ သူးနို့ တိုင်ပြောဟှူဇာလေဟှို နားထောန်ဂေ့ပါ။ သူးနို့ဟှာ သံက္လယ်က္လယ်န တောန်းဟှူဇာဟှို ကောန်းဂန်ဗိုလ်ခြေ အနန္တတဂိုးရှင် ဘုရားသခင်ဟှ ကြားနေရဟှယ်။ 
\v 5 နန်းနို့ဟှာ လောကမာ စည်းဇိမ်ခံစားဘီးဟှာ ပျော်နေဂေ့ဟှယ်။ သတ်ခံရဟှူနေ့တွပ် ကိုယ့်ကိုယ်ကိုယ် ဝလာအောန် ကျွေးဂေ့ဟှယ်။ 
\v 6 ပြစ်မှေ့ဘဲန ဖြောန့်မတ်ဟှူ လူလေဟှို သေဒန်စီရင်ဘီး သတ်ဂေ့ဟှယ်။ အယ်ဘေမဲ့ သူးနို့လေဟှာ နန်းနို့ဟှို တားဂေ့ဟှ။\f + \fr ၅.၆ \fr*\fq သူးနို့လေဟှာ နန်းနို့ဟှို တားဂေ့ဟှ၊ \fq*\ft အယ်မျိုးမှုဘဲ့နေဟှာ \ft*\fqa ဘုရားသခင်ဟှာ နန်းနို့ဟှို ဆီးတားမယ် မှုဟှလော။\fqa*\f*
\s သည်းခံရှင်းန ဆုတောန်းကြောန်း
\p
\v 7 အယ်ကြောန့် ညီကို မောန်နှမလေ၊ နန်းနို့ဟှာ သခင်ဘုရား ကြွလာဟှူခီထိ သည်းခံဘီးဟှာ စောန့်နေဂေ့ပါ။ လယ်သမားဟှာ သူ့ရဲ့ လယ်မာ ဖိုးကီးဟှူ သီးနှံလေ ထွပ်လာဟှို့တွပ် ရင်မိုးန နော့‑က်မှဝါဟှူ မိုးဟှို စောန့်မျှော်နေဟှယ်။ 
\v 8 နန်းနို့ဟှာ သည်းခံဟှူစိန စောန့်နေဂေ့ပါ။ သခင်ဘုရား ကြွလာဟှူ နေ့ရစ်ကာလဟှာ နီးလာဘီ ဖြစ်ဟှူကြောန့် နန်းနို့လေ မျှော်လင့်ဇာလေဟှို ခိုင်းခိုင်မားမာ ထားဂေ့ပါ။
\p
\v 9 ညီကို မောန်နှမလေ၊ နန်းနို့ကိုယ်တိုင် ဘုရားသခင်ရဲ့ စစ်ကြောစီရင်ရှင်းန လွတ်ဟှို့တွပ် ရှင်းရှင်း တယော့‑က်ဟှိုယော့‑က် ပြစ်တန်ဂေ့န။ တရားစီရင်ပိုင်ဟှူ သခင်ဟှာ ရော့‑က်လာဘီး ခွဗော့‑က်ဝမာ ရပ်နေဟှယ်။ 
\v 10 ညီကို မောန်နှမလေ၊ ဘုရားသခင်ရဲ့ နာမတော်ဟှို မှီပြုဘီး ဟောပြောရစ်ဟှူ ပရောဖက်လေရဲ့ ကြောန်းဟှို ဒိရဂေ့ပါ။ ဆင်းရဲ့ဒေါက်ခ ရော့‑က်ဟှူ ခီမာ သူးနို့လေရဲ့ သည်းခံရှင်းလေဟှို စံနမှုနာ ယူဂေ့ပါ။ 
\v 11 သူးနို့လေဟှာ ခံနိုင်ရည်ရှိဟှူ လူလေဖြစ်ဟှူကြောန့် သူးနို့ဟှို မင်္ဂလာရှိဟှူလူလေ ဆိုဘီး နို့လေဟှ ခေါ်ဂေ့ဟှယ်။ ယောဘဟှာ ဖယ်မျိုးသည်းခံဟှယ် ဆိုဇာ နန်းနို့လေ ကြားရဂေ့ဟှယ်။ နော့‑က်ဆောင်းမာ သူ့ဟှို ဘုရားသခင်ဟှ ဖယ်မျိုးကေ့ရှုကြောန်းဟှို နန်းနို့လေ သိဂေ့ဟှယ်။ ဖြားဖြစ်ကြောန့်နူးဆိုဟှာ ထာဝရဘုရားဟှာ သနားကြင်နာဘီး ကရုဏာတော်န ပ္လဲ့ဇောင်ဟှူ သခင်ဖြစ်ဟှူကြောန့် ဖြစ်ဟှယ်။
\p
\v 12 \x - \xo ၅.၁၂ \xo*\xt မ ၅.၃၄–၃၇\xt*\x*ငါ့ညီကို မောန်နှမလေ၊ ကီဆိုရှင်းဟှို လောက်ဂေ့န။ ကောန်းဂန်ဘောင်န မ္လေဂီးဟှို တိုင်တယ်ဘီး ကီဆိုဂေ့န။ ဖယ်ဇာဟှိုလည်း တိုင်တယ်ဘီးဟှာ ကီဆိုဂေ့န။ နန်းနို့စကားဟှာ “မှန်ဇာဟှို” မှန်ဖြစ်စေဘီး “မှုဘဲဇာဟှို” မှုဟှ ဆိုဘီး ဖြစ်စေဂေ့ပါ။ အယ်မျိုးဆိုဟှာ နန်းနို့ဟှာ ဘုရားသခင်ရဲ့ တရားစီရင်ရှင်းဟှနေ လွတ်ဂေ့လေ့မယ်။
\p
\v 13 နန်းနို့ထဲမာ ဒေါက်ခရော့‑က်နေဘီး အားငယ်နေဟှူလူဟှာ ဆုတောန်းစေ။ ဝန်းသာဟှူလူဟှာ ချင်းဆိုစေ။ 
\v 14 \x - \xo ၅.၁၄ \xo*\xt မာ ၆.၁၃\xt*\x*ဖျားနေဟှူလူဟှာ သင်းတော်ဟှို အောက်ထီးဟှူ သင်းအောက် လူဂီးလေဟှို ခေါ်ဂေ့။ သူးနို့ဟှာ သခင်ဘုရားရဲ့ နာမတော်ဟှို မှီပြုဘီးဟှာ လူနာဟှို ဆီနလူးဘီးဟှာ ဆုတောန်းဂေ့ပါ။ 
\v 15 ယောင်ကြည်ရှင်းန ဆုတောန်းရှင်းဟှာ လူနာဟှို ကျန်းမာစေလေ့မယ်။ သခင်ဘုရားဟှာ သူ့ဟှို ကျန်းမာစေဘီး သူလောက်ဟှားဟှူ ပြစ်လေဟှိုလည်း လွှတ်ပေးလေ့မယ်။ 
\v 16 အယ်ကြောန့် နန်းနို့ရှင်းရှင်း ကိုယ်ပြစ်လေဟှို ဖော်ပြဝန်ခံဘီး ရှင်းရှင်းလေတွပ် ဆုတောန်းမယ် ဆိုဟှာ ရောဂါလေ ပျော့‑က်လေ့မယ်။ သူတော်ကောန်း ဆုတောန်းရှင်းဟှာ ရရာတိုင်း တဂိုးပါဟှယ်။ 
\v 17 ဧလိယဟှာ နို့လေမျိုးဘဲ့ သာမန်လူဖြစ်ဟှယ်။ သူဟှာ မိုးဝါဘဲဟှို့တွပ် စိအားထတ်သန်ဘီး ဆုတောန်းဟှူ ခီမာ ကမ္ဘာမ္လေဂီးထတ်မာ သောင်းနှစ်န ခြော့‑က်လတိတိ မိုးဝါဘဲနေလေဟှယ်။ 
\v 18 နော့‑က်တခါ ဧလိယ ဆုတောန်းဟှူ ခီမာ ကောန်းဂန်ဟှ မိုးဝါခ္လဘီး မ္လေဆီလွှာဟှာ သီးနှံလေဟှို ပိုဘီးသီးစေဟှယ်။
\p
\v 19 ညီကို မောန်နှမလေ၊ နန်းနို့ထဲမာ ယော့‑က်ယော့‑က်ဟှ သမ္မာတရားလမ်းဟှ လွဲဟှားဟှူ ခီမာ တခြားလူတယော့‑က်ဟှ လမ်းမှန်ဟှို ပ္လန်ခေါ်လာဟှယ် ဆိုဟှာ၊ 
\v 20 \x - \xo ၅.၂၀ \xo*\xt ၁ ပေ ၄.၈\xt*\x*ပြစ်ရှိဟှူ လူတယော့‑က်ဟှို မှားနေဟှူ လမ်းဟှနေ ပ္လန်ဘီး ခေါ်ဆောန်လာဟှူလူဟှာ အယ်ပြစ်သားရဲ့ ဝိညာဉ်\f + \fr ၅.၂၀ \fr*\fq အယ်ပြစ်သားရဲ့ ဝိညာဉ်၊ \fq*\ft အယ်မျိုးမှုဘဲ့နေဟှာ \ft*\fqa သူ့ရဲ့ ဝိညာဉ်။\fqa*\f*ဟှို သေရဟှူမှုဟှနေ ကယ်တန်ဘီး ပြစ်ဘောင်ဂီးဟှနေ လွှတ်ခွမ့်ရဟှို့တွပ် လောက်ဆောန်ပေးဟှူလူ ဖြစ်လေ့မယ်။ ယာကုပ်ကျမ်း ပြီးလေဟှယ်။