\id HEB - Dawei Bible Translation
\ide UTF-8
\ide 65001 - Unicode (UTF8)
\h ဟေဗြဲ
\toc1 ဟေဗြဲ ခရစ်ယာန်လေဟှို ပေးစာ
\toc2 ဟေဗြဲ
\toc3 ဟေ
\mt1 ဟေဗြဲ
\mt2 ခရစ်ယာန်လေဟှို ပေးစာ
\imt နိဒါန်း
\im \bk ဟေဗြဲ ခရစ်ယာန်လေဟှို ပေးစာ\bk*ဟှာ ခွန်အားပေးဟှားဟှူ ပေးစာတစောန်ဖြစ်ဘီး အယ်ပေးစာဟှာ ဓမ္မဟောန်းကျမ်းရဲ့ ပရောဖက်ပြုချစ်လေ ဘောင်ဂီးဟှာ ယေရှုအားဖြင့် ပ္လဲ့ဇောင်ဟှားဘီး ဆိုဇာဟှို ဖော်ပြဟှားဟှယ်။ ဟေဗြဲခရစ်ယာန်လေရဲ့ စာစောန်ထဲမာ ဓမ္မဟောန်းကျမ်းဟှို ညွှန်းဟှားဟှူ ကျမ်းပိုဒ်ပေါန်း ၆၀ ကျော်ရှိဘီး အယ်ကျမ်းပိုဒ်လေဟှ ပရောဖက်ပြုချစ်န ယုဒလူမျိုး ယဇ်ပုရောဟိတ်မန်းရဲ့ တာဝန်လေဟှာ ယေရှုအားဖြင့် ပ္လဲ့ဇောင်ဟှားဘီး ဆိုဇာဟှို ရှင်းရှင်းလန်းလန်းဟှား ဖော်ပြဟှားလေဟှယ်။ အယ်မူကြောန်းရာလေကြောန့် အယ်စာစောန်ဟှာ ယုဒလူမျိုး ခရစ်ယာန်လေဟှို ခွန်အားပေးဟှားဇာ ဖြစ်ဟှယ် ဆိုဇာဟှာ ဓိပါယ်ထန်ရှားနေလေဟှယ်။ ဟေဗြဲစာစောန်ဟှ ပညတ်တရားဟှာ ယေရှုအားဖြင့် ပ္လဲ့ဇောင်ဟှားဘီ။ အယ်ကြောန့် ယဇ်ပုရောဟိတ်လေဟှာ နော့‑က်တခါ ယဇ်ပူဇော်ဇာ လိုဟှမ်း ဆိုဘီး ဖော်ပြဟှယ်။ ယေရှုဟှာ ပြစ်အားလောင်းဂူတွပ် တခါဒဲန ကာလပတ်လောင်းတွပ် ပူဇော်ပေးဟှူ ယဇ်ကောန်ဖြစ်ဟှယ်။ ဘုရားသခင်ဟှို အားကိုးနိုင်အောန် ကျွန်တော့်ဟှားလေတွပ် လောက်ဆောန်ပေးဟှူ ယေရှုခရစ်တော် နော့‑က်ဟှိုလိုက်ဟှို့န ကိုယ်တော့်ဟှို အားကိုးဟှို့တွပ် ကျွန်တော့်ဟှားလေ ခေတ်မာရှိဟှူ ခရစ်ယာန်လေဟှို ခွန်အားပေးဟှားဇာလေဟှိုလည်း ဟေဗြဲခရစ်ယာန်လေဟှို ပေးစာထဲမာ တွိနိုင်ဟှယ် (\xt ၁၂.၂\xt*)။
\ip ဟေဗြဲပေးစာဟှို ဖယ်လူရေးဟှယ် ဆိုဇာဟှို ဖယ်လူလည်း သိဂေ့ဟှ။ အယ်ဘေမဲ့ ကျမ်းစာပညာရှင်လေဟှ တမန်တော် ပေါလု၊ လုကာ အယ်မျိုးမှုဘဲနေဟှာ ဗာနဗ ဆိုဘီး ကြံပြုဂေ့ဟှယ်။ ရေးသားဟှားဟှူ နေ့ရစ်ဟှိုလည်း သိဂေ့ဟှ။ အယ်ဘေမဲ့ အယ်ပေးစာဟှို ခရစ်တော် မွီးဖွားဘီးန ၇၀ ခုနှစ်တိုင်ခန်ဟှ ရေးဟှားဟှယ် ဆိုဘီး များစုဟှ ယောင်ကြည်ဂေ့ဟှယ်။ အေဒီ ၇၀ မာ ယေရုရှလင်ဗြို့ဟှာ ဖျစ်ဆီးခံရဟှယ်။ အယ်ဘေမဲ့ အယ်ပေးစာဟှို ရေးဟှူစာရေးသူဟှ ယေရုရှလင်ဗြို့ဟှာ ဖျစ်ဆီးခံရသေးဟှမျိုး ပြောဟှားလေဟှယ်။ ဟေဗြဲပေးစာဟှာ ရောမဗြို့မာ ရေးဟှားဘီး (\xt ၁၃.၂၄\xt*) သင်းတော်လေ ဘောင်ဂီးကြားထဲမာ ပ္လံ့နှံ့ဟှားဟှယ်။
\iot ကြောန်းရာ ကျဉ်းချောက်
\io1 ၁။ စာရေးသူဟှ ယေရှုဟှာ ဘုရားသခင်ရဲ့ ပရောဖက်လေန ကောန်းဂန်တမန်လေထဲမာ ဗြင့်ဆောင်းဖြစ်ဟှယ် ဆိုဘီး ဖော်ပြဟှားဟှူကြောန်း \ior (၁.၁—၄.၁၃)\ior*
\io1 ၂။ အယ်ဘီးန သူဟှ ယေရှုဟှာ ယေရုရှလင်ဗြို့မာရှိဟှူ ဘုရားသခင်ရဲ့ ဗိမာန်တော်ထဲဟှ မှုဆောန်ဖြစ်ဟှူ ယဇ်ပုရောဟိတ်လေထဲမာ ဗြင့်ဆောင်းဖြစ်ဟှယ် ဆိုဘီး ထပ်ဆစ်ဖော်ပြဟှားဟှူကြောန်း \ior (၄.၁၄—၇.၂၈)\ior*
\io1 ၃။ ယေရှုရဲ့ မှုတော်မြတ်ဟှာလည်း မောရှေဟှို ပေးဟှားဟှူ ပညတ်တရားအားဖြင့် ကိုယ်တော့်ရဲ့ လူမျိုးတော်နတူးဒူ ဘုရားသခင်လောက်ဟှားဟှူ ဘောတူညီမှုဟောန်းထဲမာ ဗြင့်ဆောင်းဖြစ်ဟှူကြောန်း \ior (၈.၁—၁၀.၃၁)\ior*
\io1 ၄။ ယေရှုဟှာ အားလောင်းထဲမာ ဗြင့်ဆောင်းဖြစ်ဟှယ် ဆိုဘီး ရှင်းပြဘီးန စာရေးသူဟှ လတ်တွိက္လဟှူ ညွှန်ကြားချစ်လေ ဘောင်ဂီးဟှို ပေးဟှားဟှူကြောန်း \ior (၁၀.၃၂—၁၃.၁၇)\ior*
\io1 ၅။ နော့‑က်ဆောင်းမာ စာရေးသူဟှာ ခွန်အားပေးဇာလေချို့န နှော့‑က်ဆစ်ဘီးဟှာ အယ်ပေးစာဟှို နိဂေါင်းချောက်ဟှားဟှူကြောန်း \ior (၁၃.၁၈–၂၅)\ior*
\ie
\c 1
\s သားတော်ဟှနေတဆစ် ပေးတော်မူဟှူ ဗျာဒိတ်တော်ကြောန်း
\p
\v 1 ရှေးကာလမာ ဘုရားသခင်ဟှာ ပရောဖက်လေအားဖြင့် နို့ဘိုးဘေးလေဟှို နည်းမျိုးဇောင်န ခါပီးခါ ဗျာဒိတ်ပေးတော်မူဟှယ်။ 
\v 2 အယ်ဘေမဲ့ အယ်မူ နော့‑က်ဆောင်းသောကာလမာ သားတော်အားဖြင့် နို့လေဟှို ဗျာဒိတ်ပေးတော်မူဟှယ်။ ဘုရားသခင်ဟှာ အယ်မူသားတော်ဟှို ရာအားလောင်းရဲ့ မွီခံဖြစ်န ခန့်ဟှားဘီးဟှာ လောကဓာတ်လေဟှို သားတော်အားဖြင့် ဖန်ဆင်းတော်မူဟှယ်။ 
\v 3 အယ်သားတော်ဟှာ ဘုရားသခင်ရဲ့ ဖောင်းရောန်ခြည်တော်န ဇာတိဖြစ်တော်ရဲ့ ပေါင်သဏ္ဌာန်ဖြစ်ဟှူကြောန့် တဂိုးတော်န ပ္လဲ့ဇောင်ဟှူ သူ့ရဲ့စကားတော်အားဖြင့် ရာအားလောင်းဟှို တည်စေတော်မူဘီး ပြစ်လေတွပ် စင်ကြယ်ရှင်းဝတ်ဟှို ပြုဘီးဟှာ ဗြင့်ဟှူရပ် ထတ်ကောန်းဂန်မာ အနန္တတဂိုးရှင် ဘုရားသခင်ရဲ့ ညာဖတ်မာ ထိုင်နေတော်မူလေဟှယ်။
\s သားတော်ဟှာ ကီးမြတ်တော်မူဟှူကြောန်း
\p
\v 4 သားတော်ဟှာ ကောန်းဂန်တမန်လေထတ် ကီးမြတ်ဟှူ ဘွဲ့နာမတော်ဟှိုခံရဟှူမျိူး ကောန်းဂန်တမန်လေထတ် ကီးမြတ်ဟှူသူလည်း ဖြစ်တော်မူဟှယ်။ 
\v 5 ဖြားဖြစ်ကြောန့်နူးဆိုဟှာ ဘုရားသခင်ဟှ ဖယ်ကောန်းဂန်တမန်လေဟှိုမှ၊
\q1 “နန်ဟှာ ငါ့သားဖြစ်ဟှယ်။
\q2 အယ်နေ့ဘဲ့ နန့်ဟှို ငါဖွားမြင်စေဘီ” ဆိုဟှူဇာန၊
\b
\m “ငါဟှာ သူ့ဖဖြစ်မယ်။
\q1 သူလည်း ငါ့သားဖြစ်လေ့မယ်” ဆိုဘီး
\q2 ဖယ်ခါဒူးဟှ မိန့်တော်မူဖူးနူး။
\b
\m
\v 6 နော့‑က်ဘီး ဘုရားသခင်ဟှာ သူ့ရဲ့သားဦးဟှို အယ်လောကဟှို စေလွှတ်တော်မူဟှူ ခီမာ
\q1 “ဘုရားသခင်ရဲ့ ကောန်းဂန်တမန်လေအားလောင်းဂူဟှာ ပျပ်ဝပ်ကိုးကွယ်ရမယ်” ဆိုဘီး မိန့်တော်မူလေဟှယ်။
\p
\v 7 နော့‑က်ဘီး ကောန်းဂန်တမန်လေန ပတ်သတ်ဘီး ဖော်ပြရာမာ
\q1 “ဘုရားသခင်ဟှာ သူ့ရဲ့ကောန်းဂန်တမန်လေဟှို ဝိညာဉ်မျိုးရော၊
\q2 သူ့ရဲ့စေခံလေဟှို မီးလျှံမျိုးရော ဖြစ်စေတော်မူဟှယ်” ဆိုဘီး မိန့်တော်မူဟှယ်။
\b
\m
\v 8 အယ်ဘေမဲ့ သားတော်ဟှို မိန့်တော်မူဟှူ ခီမာ ကိုယ်တော်ဟှ
\q1 “အို၊ ဘုရားသခင်၊ ကိုယ်တော်ရဲ့ ရာဇပလ္လင်ဟှာ ကမ္ဘာဆစ်ဆစ် တည်လေ့မယ်။\f + \fr ၁.၈ \fr*\fq အို၊ ဘုရားသခင်၊ ကိုယ်တော်ရဲ့ ရာဇပလ္လင်ဟှာ ကမ္ဘာဆစ်ဆစ် တည်လေ့မယ်၊ \fq*\ft အယ်မျိုးမှုဘဲနေဟှာ \ft*\fqa ဘုရားသခင်ဟှာ ကိုယ်တော်ရဲ့ နိုင်ငံဖြစ်ဟှယ်။\fqa*\f*
\q2 ကိုယ်တော်ရဲ့\f + \fr ၁.၈ \fr*\fq ကိုယ်တော်ရဲ့၊ \fq*\ft တချို့ မူရင်းလတ်ရေးမူလေမာ \ft*\fqa သူ့ရဲ့၊ \fqa*\ft ဆိုဘီး ပါရှိဟှယ်။\ft*\f*နိုင်ငံဟှာ တရားသဖြင့်စီရင်ဟှူ နိုင်ငံဖြစ်ပါဟှယ်။
\q1
\v 9 ကိုယ်တော်ဟှာ ဖြောန့်မတ်ဟှူတရားဟှို ရှစ်မြတ်နိုးဘီး တရားဘဲဟှူဇာလေဟှို မူးတော်မူဟှယ်။
\q1 အယ်ကြောန့် အို၊ ဘုရားသခင်၊ ကိုယ်တော်ရဲ့ ဘုရားသခင်ဟှာ
\q2 ကိုယ်တော်ရဲ့ ပေါန်းဖော်လေထတ် ကိုယ်တော့်ဟှို ချီးမြော့‑က်ဘီး
\q2 ရွှင်လန်းဝန်းမြော့‑က်ဟှူ ဆီန ဘိသိပေးတော်မူဘီ” ဆိုဘီး မိန့်တော်မူလေဟှယ်။
\b
\m
\v 10 နော့‑က်ဘီး
\q1 “အို၊ ဘုရားသခင်၊ ကိုယ်တော်ဟှာ ဦးဆောင်း မ္လေဂီးဟှို တည်တော်မူပါဟှယ်။
\q2 မိုးကောန်းဂန်ဟှိုလည်း လတ်တော်န ဖန်ဆင်းတော်မူဟှူဇာဖြစ်ပါဟှယ်။
\q1
\v 11 အယ်မူဇာလေဟှာ ပျစ်စီးသွားရဟှူလည်းဘဲ့ ကိုယ်တော်ဟှာ မြဲဒမ်း တည်တော်မူဟှယ်။
\q2 အယ်မူဇာလေရှိဟှူမျှဟှာ ဝတ်လေမျိုး ဟောန်းနွမ်းဟှားလေ့မယ်။
\q1
\v 12 ကိုယ်တော်ဟှာ အယ်ဇာလေဟှို ဝတ်လောင်လိဟှူမျိုး လိတော်မူလေ့မယ်။
\q2 အယ်ဇာလေဟှာ ဝတ်လောင်ဟှူမျိုး ပ္လောန်းလဲဟှားလေ့မယ်။
\q1 အယ်ဘေမဲ့ ကိုယ်တော်ဟှာ ပ္လောန်းလဲတော်မူဟှ။
\q2 သတ်တော်လည်း ကူဆောင်းဟှ” ဆိုဘီး မိန့်တော်မူလေဟှယ်။
\b
\m
\v 13 နော့‑က်ဘီး ဘုရားသခင်ဟှ
\q1 “နန့်ရဲ့ရန်သူလေဟှို နန့်ရဲ့ခေဖွားအော့‑က်ဟှို ငါခ္လထားခန်ခီထိ၊
\q2 ငါ့ရဲ့ ညာဖတ်မာ ထိုင်နေပါ” ဆိုဘီး
\q2 ဖယ်ကောန်းဂန်တမန်လေဟှို မိန့်ဖူးဟှူကြောန့်နူး။
\p
\v 14 ကောန်းဂန်တမန်လေဟှာ ကယ်တန်ရှင်းမွီဟှို ခံရဟှို့သူလေဟှို ပြုစုစောန့်ရှော့‑က်ဟှို့တွပ် ဘုရားသခင် စေလွှတ်တော်မူဟှူ စေခံဝိညာဉ်လေ ဖြစ်ဂေ့ဟှယ် မှုဟှလော။
\c 2
\s ထူးမြတ်ဟှူ ကယ်တန်ရှင်းကြောန်း
\p
\v 1 အယ်ကြောန့် နို့လေဟှာ လွဲချော်သွားဘဲနေအောန် ကြားရဟှူ ဒေသနာတော်လေဟှို စိနှလောင်းထဲမာ မှတ်မိစွဲလန်းမှုရှိဂေ့ရမယ်။ 
\v 2 ကောန်းဂန်တမန်လေအားဖြင့် ထားတော်မူဟှူ ဗျာဒိတ်တော်ဟှာ မှန်ကန်ဘီး ပြစ်မှားကျူးလွန်ဟှူမှု မျိုးမျိုးလေဟှာ ခံထိုက်ဟှူပြစ်ဒန်လေဟှို ခံရဟှို့မှန်မယ် ဆိုဟှာ၊ 
\v 3 စဦးဟှနေဘီး သခင်ဘုရားဟောတော်မူဟှူ တရားစကားတော်ဟှို ကြားရဟှူသူလေဟှ ယောင်လော့‑က်ဟှူသတ်သေအားဖြင့် နို့လေဟှို ဟောပြောဟှူ အယ်မျှလော့‑က်ကီးမားဟှူ ကယ်တန်ရှင်းတရားဟှို နို့လေနားထောန်ဘဲနေဟှာ ပြစ်ဒန်န ဖယ်မျိုးလွတ်ဂေ့လေ့မယ်နူး။ 
\v 4 အယ်မူသတ်သေခံဟှူ သူလေနတူးဒူ ဘုရားသခင်ဟှာ နိမိတ်လတ်ခဏာနဖြစ်ဖြစ်၊ အံ့ဩဘွယ်ဟှူမှုလေနဖြစ်ဖြစ်၊ ထူးဆန်းဟှူတဂိုး မျိုးမျိုးလေနဘဲ့ဖြစ်ဖြစ်၊ သန့်ရှင်းဟှူဝိညာဉ်တော်ဟှာ သူ့ရဲ့လိုတော်ရှိဟှူတိုင်း ဝီမျှပေးဟှူဆုကျေးဇူးလေနဖြစ်ဖြစ် သတ်သေခံတော်မူဟှယ်။
\s ကယ်တန်ရှင်းဟှို ပို့ဆောန်ဟှူသူကြောန်း
\p
\v 5 နို့လေပြောဆိုဟှူ နော့‑က်ကပ်ကမ္ဘာဟှို အောက်စိုးရဟှူခွမ့်ဟှို ကောန်းဂန်တမန်လေရဲ့ လတ်မာ အပ်ပေးဟှားဇာ မှုဟှ။ 
\v 6 ကျမ်းစာတချစ်မာ၊
\q1 “လူဟှာ ဖယ်မျိုးသူဖြစ်ဟှူကြောန့် ကိုယ်တော်ဟှာ အော့‑က်မေ့လေးထားရပါနူး။ လူသားဟှာ ဖယ်မျိုးသူဖြစ်ဟှူကြောန့် ကေ့ရှုရပါနူး။
\q1
\v 7 ကိုယ်တော်ဟှာ သူ့ဟှို ကောန်းဂန်တမန်လေထတ် နဲနဲဟှား နိက္လစေတော်မူဘီးဟှာ
\q2 သူ့ရဲ့ ခေါန်းဟှို ဖောင်းသရေတော်န ပတ်ရစ်တော်မူဘီး၊\f + \fr ၂.၇ \fr*\ft မူရင်းလတ်ရေးမူလေ ဘောင်ဂီးမာ \ft*\fqa ကိုယ်တော်ဖန်ဆင်းဟှားဟှူ ရာအားလောင်းထတ်မာ သူးနို့ဟှို အောက်ချောက်သူလေဖြစ်န ဖန်ဆင်းဟှားဟှယ်၊ \fqa*\ft ဆိုဘီး ပေါန်းထဲ့ဟှားဟှယ် (ရှု \ft*\xt ဆာ ၈.၆\xt*)။\f*
\q2
\v 8 ရာအားလောင်းဂူဟှို ကိုယ်တော်ရဲ့ ခေဖွားအော့‑က်မာ ခ္လဟှားတော်မူဟှယ်” ဆိုဘီး ဖော်ပြဟှားလေဟှယ်။
\m “အားလောင်းဂူဟှို ခ္လဟှားတော်မူဟှယ်” ဆိုဘီး သတ်သေခံဟှားဇာဟှာ ခ္လဟှားဘဲန ကျန်ရစ်ဟှူ ဇာလေ ဖြားဇာလည်းမှေ့ဟှ။ ခုဆိုဟှာ အားလောင်းဂူဟှို ခ္လဟှားဇာလေဟှို နို့လေဗြင်ရသေးဟှ။ 
\v 9 အယ်ဘေမဲ့ ယေရှုဟှာ ဘုရားသခင်ရဲ့ ကျေးဇူးတော်အားဖြင့် လူလေ အားလောင်းဂူတွပ် သေခံရဟှူခွမ့် ရှိစေဟှို့ ကောန်းဂန်တမန်လေထတ် နဲနဲဟှား နိက္လခံရဘီးမှ သေခံရဟှူကြောန့် ခေါန်းတော်မာ ဖောင်းသရေတော်န ပတ်ရစ်ဘီး ရှိနေဇာဟှို နို့လေဗြင်ရဂေ့ဟှယ်။ 
\v 10 ဖြားဖြစ်ကြောန့်နူးဆိုဟှာ သားမီးလေ ဘောင်ဂီးဟှို ကယ်တန်ဘီး ဖောင်းစည်းဇိမ် စံစားရာဟှို ပို့ဆောန်ဟှူ သခင်ဟှာ ဒေါက်ခဝေဒနာလေအားဖြင့် စောင်လင်ရှင်းဟှို ရော့‑က်ရဟှို့တွပ် ရာအားလောင်းဂူဟှို ဖန်ဆင်းဘီး အောက်စိုးတော်မူဟှူ ဘုရားသခင်ဟှာ စီရင်တော်မူလေဟှယ်။
\p
\v 11 သန့်ရှင်းပေးဟှူသူန သန့်ရှင်းခံရဟှူ သူဟှာ ဖတယော့‑က်ဒဲဘဲ့ ရှိဟှယ်။ အယ်ကြောန့် သန့်ရှင်းပေးဟှူ ယေရှုဟှာ သန့်ရှင်းခံရဟှူ သူလေဟှို ညီကို မောန်နှမလေ ဆိုဘီး ခေါ်ဟှူဇာဟှို ယှစ်ကြော့‑က်တော်မူဟှ။ 
\v 12 ယေရှုဟှ၊
\q1 “ကျွန်တော်ဟှာ ကိုယ်တော့်ရဲ့ နာမတော်ဟှို ကျွန်တော့်ရဲ့ ညီကို မောန်နှမလေဟှို ကြားပြောပါမယ်။
\q2 ပရိသတ်စည်းဝေးလယ်မာ ကိုယ်တော့်ဟှို ချီးမွမ်းဘီး ချင်းဆိုပါမယ်” ဆိုဘီး မိန့်တော်မူလေဟှယ်။
\m
\v 13 နော့‑က်တချစ်ဟှ “ငါဟှာ ဘုရားသခင်ဟှို အားကိုးမယ်” ဆိုဘီး လာဟှယ်။ နော့‑က်ဘီး “ငါဟှနေစဘီး ငါ့ဟှို ဘုရားသခင်ပေးဟှားဟှူ သားမီးလေရှိဟှယ်” ဆိုဘီး လာလေဟှယ်။
\p
\v 14 အယ်သားမီးလေဟှာ သွီးသားဇာတိန ဆစ်ဆံဟှူ သူလေဖြစ်ဟှူကြောန့် ကိုယ်တော်ဟှာ သွီးသားဟှို ခံယူဘီး သေခံတော်မူဟှူ ဇာအားဖြင့် သေရှင်းတရားဟှို စိုးရဟှူသူဖြစ်ဟှူ မာရ်နတ်ရဲ့ တဂိုးဟှို ခ္လိုးဖဲ့ဖျစ်ဆီးဟှို့တွပ်န၊ 
\v 15 တသတ်လောင်း သေဘေးဟှို ကြော့‑က်ဘီး ကျွန်ခံနေရဟှူသူလေဟှို လွှတ်ရှင်းပေးဟှို့တွပ် ဖြစ်ဟှယ်။ 
\v 16 တကယ်ဘဲ့ ကိုယ်တော်ဟှာ ကောန်းဂန်တမန်လေဟှို မစဟှူဇာမှုဘဲ အာဗြဟံမျိုးနွယ်ဟှို မစတော်မူဟှူဇာ ဖြစ်ဟှယ်။ 
\v 17 အယ်ကြောန့် ကိုယ်တော်ဟှာ လူလေရဲ့ ပြစ်လေဟှို ဖြေလွှတ်ဟှို့တွပ် သစ်စာ၊ ကရုဏာနပ္လဲ့ဝဟှူ ယဇ်ပုရောဟိတ်မန်းဖြစ်န ဘုရားသခင်ရဲ့မှုတော်ဟှို လောက်ဆောန်နိုင်ဟှို့တွပ် ရာရာမာ သူ့ရဲ့ညီကိုလေန တူရဟှို့ကြောန်း ရှိလေဟှယ်။ 
\v 18 အယ်ကြောန့် ကိုယ်တော်ဟှာ အယ်မူမျိုး စောင်ဇမ်းနှော့‑က်ယှစ်ရှင်းလေဟှို ကိုယ်တိုင်ခံဘီး ဆင်းရဲဒေါက်ခလေန ကျင်လည်ဖူးဟှူကြောန့် စောင်ဇမ်းနှော့‑က်ယှစ်ရှင်းမှုရာလေန တွိကြောင်ရဟှူသူလေဟှို ကူညီမစဟှို့တွပ် တတ်နိုင်တော်မူလေဟှယ်။
\c 3
\s မောရှေထတ် သခင်ယေရှု ကီးမြတ်ဟှူကြောန်း
\p
\v 1 အယ်ကြောန့် ကောန်းဂန်ဘောင်န စပ်ဆိုင်ဟှူ ခေါ်ယူရှင်းကျေးဇူးဟှို ခံရဟှူသူ သန့်ရှင်းဟှူ ညီကို မောန်နှမလေ၊ နို့လေဝန်ခံဟှူ တမန်တော်န ယဇ်ပုရောဟိတ်မန်းဖြစ်ဟှူ ယေရှုရဲ့ကြောန်းဟှို စေ့စေ့ဆင်ခြင်ဂေ့ပါ။ 
\v 2 မောရှေဟှာ ဘုရားသခင်ရဲ့ အီတော်တအီလောင်းဟှို သစ်စာစောန့်ဟှူမျိုး ယေရှုဟှာ သူ့ဟှို ခန့်အပ်ဟှားဟှူသူရဲ့ မှုတော်ဟှို သစ်စာစောန့်တော်မူဟှယ်။ 
\v 3 အီဟှိုဆော့‑က်ဟှူသူဟှာ အီထတ် ပိုဘီး ဂေါင်သရေရှိဟှူမျိုး ယေရှုဟှာ မောရှေထတ် ပိုဘီး မြင့်မြတ်ဟှူ ဖောင်းသရေတော်ဟှို ခံထိုက်ဟှူသူ ဖြစ်ဟှယ်။ 
\v 4 ဖြားဖြစ်ကြောန့်နူးဆိုဟှာ အီဟှို ယော့‑က်ယော့‑က်ဟှ ဆော့‑က်ရဟှူဇာဖြစ်ဟှယ်။ ရာအားလောင်းဂူဟှို တည်ဆော့‑က်ဟှူသူဟှာ ဘုရားသခင်ဘဲ့ဖြစ်ဟှယ်။ 
\v 5 မောရှေဟှာ နာဂတ်ကာလတွပ် ဟောပြောမယ့် ရာလေဟှို သတ်သေခံဟှို့တွပ် စေခံကျွန်တယာ့‑က်ဟှူမျိုး အီတော်တအီလောင်းဟှို သစ်စာစောန့်လေဟှယ်။ 
\v 6 ခရစ်တော်ဟှာ ဘုရားသခင်ရဲ့ အီတော်ဟှို စိုးရဟှူ သားတော်နေန အောက်စိုးဘီး သစ်စာစောန့်တော်မူဟှယ်။ နို့လေဟှာ ရဲရင့်ရှင်း၊ မျှော်လင့်ရှင်းလေန ဝါကြွားဝန်းမြော့‑က်ဘီး ဆောင်းထိ ယောင်ကြည်စိခ္လရှင်းရှိမယ် ဆိုဟှာ နို့လေဟှာ ကိုယ်တော်ရဲ့ အီတော်ဖြစ်လေဟှယ်။
\s ဘုရားသခင်ရဲ့လူစုတော်တွပ် ငြီဝပ်ရှင်းကြောန်း
\p
\v 7 အယ်ကြောန့် သန့်ရှင်းဟှူဝိညာဉ်တော် မိန့်တော်မူဟှူဇာဟှာ၊
\q1 “အယ်နေ့မာ နန်းနို့လေဟာ ဘုရားသခင်ရဲ့ ဗျာဒိတ်တော်သံဟှို ကြားရဂေ့ဟှူကြောန့်
\q2
\v 8 စိနှလောင်း ခိုင်မာဂေ့န။
\q2 နန်းနို့ဘိုးဘေးလေဟှာ ကိုယ်တော့်ဟှို ပေါင်ကန်ဘီး တောကန္တာရမာ မျိုးမျိုး စောင်ဇမ်းဂေ့ဟှယ်။ သူးနို့လေ ခေါန်းမာဟှူမျိုး နန်းနို့ခေါန်းမာဂေ့န။
\q1
\v 9 နန်းနို့ဘိုးဘေးလေဟှာ နှစ်လေးဆယ်လောင်းလောင်း
\q2 ငါပြုဟှူ မှုရာလေဟှို ဗြင်ရဟှူလည်းဘဲ့ ငါ့ဟှိုဆန့်ကျင်ဘီး စောင်ဇမ်းဂေ့ဟှယ်။
\q1
\v 10 အယ်မျိုးဖြစ်ဟှိ အယ်မူမျိုးဆစ်ဟှို ငါမျစ်ထွပ်ဘီး ‘သူးနို့လေဟှာ မြဲဒမ်းဘဲ့ စိသဘော မှားယွင်းတတ်ဂေ့ဟှယ်။
\q2 ငါ့ရဲ့ အလေ့လာ ငါ့ရဲ့ တရားလမ်းဟှို သိဂေ့ဟှ’ ဆိုဘီး ငါဆိုရဟှယ်။
\q1
\v 11 အယ်ကြောန့် သူးနို့လေဟှာ ‘ငါ့ရဲ့ ငြီဝပ်ရှင်းထဲဟှို ဝမ်ရဂေ့ဟှို့ မှုဟှ’ ဆိုဘီး
\q2 မျစ်ထွပ်ဟှူကြောန့် ငါကီဆိုဟှယ် ” ဆိုဘီး မိန့်တော်မူဟှူတိုင်း၊
\p
\v 12 ညီကို မောန်နှမလေ၊ သတ်ရှင်တော်မူဟှူ ဘုရားသခင်ဟှို ကျောခိုင်းဟှူဇာအားဖြင့် မယောင်ကြည်ဘဲ ဆိုးညစ်ဟှူစိနှလောင်း မှေ့ဘဲနေဟှို့တွပ် ဒိထားဂေ့ပါ။ 
\v 13 ပြစ်ဒုစရိုက် လှည့်ဖြားဟှူဇာအားဖြင့် နန်းနို့စိနှလောင်း ခိုင်မာဘဲနေဟှို့တွပ် အယ်နေ့ ဆိုဘီး ခေါ်ဟှူခီ ရှိဟှူမျှ ကာလပတ်လောင်း ရှင်းရှင်း တယော့‑က်ဟှိုတယော့‑က် အားပေးဘီး တိုက်တွန်းနှိုးဆော်ဂေ့ပါ။ 
\v 14 ဖြားဖြစ်ကြောန့်နူးဆိုဟှာ နို့လေဟှာ စိစွဲလန်းရှင်းန စပြုဟှူမျိုး ဆောင်းထိ စိခ္လယောင်ကြည်မယ် ဆိုဟှာ ခရစ်တော်န စပ်ဆိုင်ဟှူသူလေ ဖြစ်ဟှယ်။
\p
\v 15 ကျမ်းစာတော်ဟှ
\q1 “အယ်နေ့မာ နန်းနို့လေဟှာ ဘုရားသခင်ရဲ့ ဗျာဒိတ်တော်သံဟှို ကြားရဂေ့ဟှူကြောန့်
\q2 ဆန့်ကျင်ဖတ်ပြုဟှူ ကာလမာရှိဟှူမျိုး
\q2 စိနှလောင်းခိုင်မာဂေ့န” ဆိုဘီး ဖော်ပြလေဟှယ်။
\p
\v 16 အယ်မူမျိုး ကြားဘီးမှ ဆန့်ကျင် ပေါင်ကန်ဟှူသူလေဟှ ဖယ်သူလေနူး။ မောရှေနော့‑က်ဟှိုလိုက်ဘီး အဲဂုတ္တုပြည်ဟှ ထွပ်လာဟှူသူ အားလောင်းဂူဟှာ အယ်မျိုးပြုဂေ့ဟှယ် မှုဟှလော။ 
\v 17 နှစ်လေးဆယ်လောင်းလောင်း ဘုရားသခင်ရဲ့ မျစ်တော်ဟှို ခံရဟှူသူဟှာ ဖယ်သူလေနူး။ ဒုစရိုက်ပြစ်ဟှို ပြုဟှူကြောန့် တောကန္တာရထဲမာ လဲဘီး သေဂေ့ဟှူသူလေဘဲ့ မှုဟှလော။ 
\v 18 “နန်းနို့လေဟှာ ငါ့ရဲ့ ငြီဝပ်ရှင်းထဲဟှို ဝမ်ရဂေ့ဟှ” ဆိုဘီး ကီဆိုခံရဟှူသူလေဟှာ ယောင်ကြည်ဘဲဟှူ သူဟှလွဲဘီး ဖယ်သူရှိနူး။ 
\v 19 အယ်ကြောန့် သူးနို့လေဟှာ ယောင်ကြည်ဘဲဟှူကြောန့် ဝမ်နိုင်ဘဲဇာဟှို နို့လေသိရဂေ့ဟှယ်။
\c 4
\p
\v 1 အယ်ကြောန့် ဘုရားသခင်ရဲ့ ငြီဝပ်ရှင်းထဲဟှို ဝမ်ရဟှူခွမ့်ဟှို ပေးဟှူ ဂဒိတော်ဟှာ နို့လေမာရှိနေရဲ့န နန်းနို့ထဲဟှ ဝမ်စားရဘဲဟှူသူ တယော့‑က်လည်း မှေ့ဘဲနေအောန် ဒိပြုဂေ့ဇို့။ 
\v 2 ဖြားဖြစ်ကြောန့်နူးဆိုဟှာ နို့လေလည်း အယ်သူလေမျိုး ဝန်းမြော့‑က်စရာ ဒန်းကောန်းဟှို ကြားရဂေ့ဘီ။ အယ်ဘေမဲ့ သူးနို့ကြားရဟှူ ဒန်းကောန်းဟှာ ယောင်ကြည်ရှင်းပါဘဲကြောန့် သူးနို့တွပ် ကျိုးမြဟှ။ 
\v 3 ယောင်ကြည်ဟှူ နို့လေဟှာ ဘုရားသခင် ဂဒိထားတော်မူဟှူ ငြီဝပ်ရှင်းထဲဟှို ဝမ်ရဂေ့ဟှယ်။ အယ်မူတိုင်းဘဲ့ ဗျာဒိတ်တော်ဟှ၊
\q1 “သူးနို့လေဟှာ ငါ့ရဲ့ ငြီဝပ်ရှင်းထဲဟှို ဝမ်ရဂေ့ဟှ ဆိုဘီး
\q2 မျစ်ထွပ်ဟှူကြောန့် ငါကီဆိုဟှယ်” ဆိုဘီး လာဟှယ်။
\m ငြီဝပ်ရှင်း ဆိုဇာဟှာ ကမ္ဘာဦးစဟှ ဖန်ဆင်းဟှူမှုရာလေ ပီးဆောင်းဘီး ငြီဝပ်နားယူဟှူ ငြီဝပ်ရှင်းဟှို ဆိုလိုဟှူဇာဖြစ်ဟှယ်။ 
\v 4 ကျမ်းစာဟှ ခွန်နစ်ရစ်မြော့‑က်ဟှူ နေ့နပတ်သတ်ဘီး “ဘုရားသခင်ဟှာ ခွန်နစ်ရစ်မြော့‑က်ဟှူနေ့မာ သူ့ရဲ့မှုရာလေ ရှိဟှူမျှအားလောင်း ပီးစီးဟှူကြောန့် ငြီဝပ်ဘီး နေတော်မူဟှယ်” ဆိုဘီး လာလေဟှယ်။ 
\v 5 နော့‑က်ဘီး “သူးနို့လေဟှာ ငါ့ရဲ့ ငြီဝပ်ရှင်းထဲဟှို ဝမ်ရဂေ့မယ် မှုဟှ” ဆိုဘီး အယ်နေရာမာ ဆိုဟှားဟှယ်။ 
\v 6 အယ်ကြောန့် အယ်မူ ငြိမ်ဝပ်ရှင်းထဲဟှို ဝမ်ရဟှူခွမ့်ဟှာ တချို့လူလေတွပ် ရှိသေးဟှယ်။ ဝန်းမြော့‑က်စရာ ဒန်းကောန်းဟှို ပထမဦးဆောင်း ကြားရဟှူသူလေဟှာ ယောင်ကြည်ဂေ့ဘဲကြောန့် ဝမ်ရဂေ့ဟှ။ 
\v 7 အယ်ကြောန့် ဘုရားသခင်ဟှာ နေ့တနေ့ဟှို “အယ်နေ့” ဆိုဘီး ဆစ်ဘီး ခ္လမှတ်တော်မူဘီးဟှာ နော့‑က်နှစ်ပေါန်း ကြာလာဟှူ ခီမာ စဟှ ဖော်ပြဟှားဟှူတိုင်း၊
\q1 “အယ်နေ့မာ နန်းနို့လေဟှာ ဘုရားသခင်ရဲ့ ဗျာဒိတ်တော်သံဟှို ကြားရဂေ့ဟှူကြောန့် ခိုင်မာဟှူ စိနှလောင်း ရှိဂေ့န”
\q2 ဆိုဘီး ဒါဝိဒ်အားဖြင့် မိန့်တော်မူလေဟှယ်။
\p
\v 8 တကယ်ဟှိ ယောရှုပေးဟှူ ငြီဝပ်ရှင်းဟှာ ဘုရားသခင် ဂဒိထားတော်မူဟှူ ငြီဝပ်ရှင်း ဖြစ်ဟှယ် ဆိုဟှာ တခြား နေ့ရစ်တရစ်ကြောန်းဟှို မိန့်တော်မူဟှို့ မှုဟှ။ 
\v 9 အယ်မျိုးဖြစ်ကြောန့် ဘုရားသခင်ရဲ့ လူမျိုးတော်တွပ် ငြီဝပ်ရှင်း တမျိုးကျန်ရှိသေးဟှယ်။ 
\v 10 ဖြားဖြစ်ကြောန့်နူးဆိုဟှာ ဘုရားသခင်ဟှာ သူ့ရဲ့ ဖန်ဆင်းဟှူမှုရာလေ ပီးစီးဟှူကြောန့် ငြီဝပ်ဘီး နေဟှူမျိုး အယ်ငြီဝပ်ရှင်းထဲဟှို ဝမ်ရဟှူသူဟှလည်း ကိုယ့်ရဲ့မှုရာလေဟှို ပီးစီးဟှူကြောန့် ငြီဝပ်ဘီး နေရလေဟှယ်။ 
\v 11 အယ်ကြောန့် သူးနို့ရဲ့ နာခံဘဲဟှူ ပေါင်ဇံဟှိုလိုက်ဘီး ဖယ်သူတယော့‑က်လည်း ပြိုလဲဘဲ အယ်ငြီဝပ်ရှင်းထဲဟှို ဝမ်ရဟှို့တွပ် ကြိုးစားအားထုဂေ့ဇို့။
\p
\v 12 ဘုရားသခင်ရဲ့ စကားတော်ဟှာ သတ်ရှင်ရှင်း၊ တဂိုးနပြုပြင်ရှင်း၊ သန်လျက်လေထတ် ထတ်ရှင်းမှုန ပ္လဲ့ဇောင်ဟှူကြောန့် သတ်န စိဝိညာဉ်ဟှိုဖြစ်ဖြစ်၊ ရိုးဆစ်န ခြင်ဆီဟှိုဖြစ်ဖြစ် ပိုင်းခြားဘီး ထောက်ချင်းခွမ်းတတ်ဟှယ်။ စိနှလောင်း ကြံစည်လေဟှိုလည်း ထိုးထွမ်းဘီး သိဗြင်နိုင်ဟှယ်။ 
\v 13 ဘုရားသခင်ရဲ့ မျစ်မှော့‑က်တော်မာ ထန်ရှားဘဲဟှူဇာ ဖြားဇာလည်း မှေ့ဟှ။ ဖန်ဆင်းဟှားဟှူ ရာအားလောင်းဟှို မျစ်မှော့‑က်တော်မာ ကွယ်ကာမှေ့ဘဲန လှန်ဟှားလေဟှယ်။ နို့လေအားလောင်းဟှာ ကိုယ်ပြုဟှူ မှုရာလေရှိဟှူမျှ ကိုယ်တော်ရဲ့ စစ်ကြောစီရင်ဇာဟှို ခံရဂေ့လေ့မယ်။
\s ကီးမြတ်ဟှူ ယဇ်ပုရောဟိတ်မန်းဂီး ယေရှုကြောန်း
\p
\v 14 အယ်ကြောန့် ကောန်းဂန်ဘောင်ထဲဟှို ကြွဝမ်တော်မူဟှူ ယဇ်ပုရောဟိတ် မန်းဂီးဖြစ်ဟှူ ဘုရားသခင်ရဲ့ သားတော်ယေရှုဟှာ နို့လေရဲ့ ယဇ်ပုရောဟိတ်မန်းဂီး ဖြစ်ဟှူကြောန့် နို့လေဟှာ ယောင်ကြည်ဝန်ခံဟှူ ရာလေဟှို စွဲစွဲမြမြဲ ကိုင်ဆွဲဟှားဂေ့ဇို့။ 
\v 15 နို့လေရဲ့ ယဇ်ပုရောဟိတ် မန်းဂီးဟှာ နို့လေခံရဟှူ ဆင်းရဲ ဒေါက်ခလေကြောန့် ကြင်နာနိုင်ဘဲဟှူသူ မှုဟှ။ နို့လေခံရဟှူမျိုး စောင်ဇမ်း နှော့‑က်ယှစ်ရှင်း မျိုးမျိုးဟှို ခံစားဖူးဟှူသူ ဖြစ်ဟှယ်။ အယ်ဘေမဲ့ ကိုယ်တော်ဟှာ ဒုစရိုက်ပြစ်န လွတ်ကင်းတော်မူဟှယ်။ 
\v 16 အယ်ကြောန့် နို့လေဟှာ သနားကရုဏာတော်န မစရှင်းကျေးဇူးဟှို ခံရဟှို့တွပ် ရဲရင့်ဟှူစိန ကျေးဇူးပလ္လင်တော် ခေရင်းဟှို တိုးဝမ်ဂေ့ဇို့။
\c 5
\p
\v 1 လူလေထဲဟှ ဝီးကော့‑က်ခံရဟှူ ယဇ်ပုရောဟိတ်မန်းလေဟှာ ပြစ်ဖြေဟှူယဇ်န ပူဇော်သက္ကာလေဟှို လူလေကိုယ်စား ဘုရားသခင်ဟှို ဆစ်ကပ်ပူဇော်ဟှို့တွပ် ခန့်အပ်ခံရဟှူ သူဖြစ်ဟှယ်။ 
\v 2 သူဟှာ ကိုယ်တိုင်အားနဲချစ် ရှိဟှူကြောန့် မိုက်မဲဟှူသူ၊ မှားယွင်းဟှူသူလေဟှို သီးခံဟှို့တွပ် တတ်နိုင်လေဟှယ်။ 
\v 3 အယ်ကြောန့်လည်းဘဲ့ သူများလေရဲ့ ပြစ်တွပ်ဘဲ့မှုဘဲန သူ့ပြစ်တွပ်လည်း ပြစ်ဖြေရာယဇ်ဟှို ပူဇော်ရဟှယ်။ 
\v 4 အယ်မျိုး ဂေါင်သရေရှိဟှူ ရပ်ရာဟှို ဖယ်သူလည်း ကိုယ့်ဇာကို ခံယူရဟှူဇာ မှုဟှ။ အာရုန်ဟှူမျိုး ဘုရားသခင် ခေါ်ယူတော်မူဟှူဇာအားဖြင့်ဘဲ့ ခံယူရရှိနိုင်ဟှယ်။
\p
\v 5 အယ်မျိုးဘဲ့ ခရစ်တော်ဟှာ ယဇ်ပုရောဟိတ်မန်းရဲ့ ရပ်ရာဟှို ကိုယ့်ကိုယ်ကိုယ် ချီးမြှော့‑က်ဟှူ ဇာမှုဘဲ့န
\q1 “နန်ဟှာ ငါ့သားဖြစ်ဟှယ်။
\q2 အယ်နေ့ဘဲ့ ငါဟှာ နန့်ရဲ့ဖ ဖြစ်လာဟှယ်” ဆိုဘီး မိန့်တော်မူဟှူ သခင်ဟှာ ခရစ်တော်ဟှို ချီးမြော့‑က်တော်မူဟှူဇာ ဖြစ်ဟှယ်။
\m
\v 6 တခြားကျမ်းလေမာလည်း
\q1 “နန်ဟှာ မေလခိဇေဒက်ဟှူမျိုး\f + \fr ၅.၆ \fr*\fq မေလခိဇေဒက်ဟှူမျိုး၊ \fq*\ft အယ်မျိုးမှုဘဲနေဟှာ \ft*\fqa မေလခိဇေဒက်နတူဟှယ်၊ \fqa*\ft အယ်မျိုးမှုဘဲနေဟှာ \ft*\fqa မေလခိဇေဒက်ထိ ဆင်းသတ်လာဟှူမျိုးရိုး။\fqa*\f*
\q2 ထာဝရ ယဇ်ပုရောဟိတ် ဖြစ်ဟှယ်” ဆိုဘီး ပြောဟှားဟှယ်။
\p
\v 7 \x - \xo ၅.၇ \xo*\xt မ ၂၆.၃၆–၄၆; မာ ၁၄.၃၂–၄၂; လု ၂၂.၃၉–၄၆\xt*\x*ခရစ်တော်ဟှာ လူ့ဇာတိန သတ်တော်ထန်ရှား ရှိနေဟှူခီဟှ သူ့ဟှို သေရှင်းဟှနေ ကယ်တန်နိုင်ဟှူ ဘုရားသခင်ဆီဟှို ကြွေးကြော်မျစ်ရယ်က္လဘီး ဆုတောန်းသနားခံဟှူကြောန့် အယ်မူ ကြည်ညိုမှုအားဖြင့် ဘုရားသခင်ဟှာ နားထောန်တော်မူဟှယ်။ 
\v 8 ကိုယ်တော်ဟှာ ဘုရားသခင်ရဲ့သားတော် ဖြစ်ဟှူလည်းဘဲ့ ဆင်းရဲဒေါက်ခဟှို ခံဟှူဇာအားဖြင့် နားထောန်ရှင်း ကျိုးကြောန်းဟှို သန်ယူတော်မူဘီး၊ 
\v 9 စောင်လင်ရှင်းဟှိုရော့‑က်ဘီးမှ ယောင်ကြည်နားထောင်ဟှူ သူလေဟှို ထာဝရကယ်တန်ရှင်း ကျေးဇူးဟှို ပြုဟှူသူ ဖြစ်တော်မူဘီး၊ 
\v 10 မေလခိဇေဒက်ဟှူမျိုး\f + \fr ၅.၁၀ \fr*\fq မေလခိဇေဒက်ဟှူမျိုး၊ \fq*\ft အယ်မျိုးမှုဘဲနေဟှာ \ft*\fqa မေလခိဇေဒက်န တူဟှယ်၊ \fqa*\ft အယ်မျိုးမှုဘဲနေဟှာ \ft*\fqa မေလခိဇေဒက်ထိ ဆင်းသတ်လာဟှူ မျိုးရိုး။\fqa*\f* ယဇ်ပုရောဟိတ်မန်း ဆိုဘီး ဘုရားသခင်သမုတ်ဇာဟှို ခံရလေဟှယ်။
\s ယောင်ကြည်ရှင်းဟှို စွန့်ဘဲနေဟှို့တွပ် ဒိပေးဟှူကြောန်း
\p
\v 11 အယ်မူ မေလခိဇေဒက်ရဲ့ ကြောန်းဟှို နို့လေ ပြောစရာဘောင်ဂီး ရှိဟှူလည်းဘဲ့ နန်းနို့လေဟှာ ဉာဏ်နဲဟှူကြောန့် ပြောပြရခတ်ဟှယ်။ 
\v 12 \x - \xo ၅.၁၂,၁၃ \xo*\xt ၁ ကော ၃.၂\xt*\x*တကယ်ဘဲ့ နန်းနို့လေဟှာ ခီကာလလေ ကြာလာဘီ ဖြစ်ဟှူကြောန့် ဆရာဖြစ်ဟှို ရော့‑က်သင့်ဟှူလည်းဘဲ့ ဘုရားသခင်ရဲ့ တရားတော်ဟှို ခြေခံဟှနေစဘီး သူများလေဆီမာ သန်ယူရဟှို့ကြောန်း ရှိဟှူကြောန့် ကြေခဲဟှူစာဟှို စားနိုင်ဘဲန နို့ဟှိုဘဲ့ သော့‑က်ရဟှူသူ ဖြစ်ဂေ့ဟှယ်။ 
\v 13 နို့ဟှို့ဘဲ့ သော့‑က်ဘီး သတ်ရှင်ဟှူသူဟှာ နို့စို့သားဂန်းဟှား ဖြစ်ဟှူကြောန့် ဖြောန့်မတ်ဟှူတရားန ရင်းနှီးကျွမ်းဝင်မှုမှေ့ဟှ။ 
\v 14 ကောန်းမကောန်းဟှို ပိုင်းခြားဘီး သိဟှူဉာဏ်န လေ့ကျင့်မှုရှိဟှူ စောင်လင်ဟှူရွယ်ဟှာ ကြေခဲဟှူစားဇာဟှိုဘဲ့ သောင်းဆောန်ဂေ့ဟှယ်။
\c 6
\p
\v 1 အယ်ကြောန့် နို့လေဟှာ ခရစ်တော်န ဆိုင်ဟှူ ခြေခံသွန်သန်ချစ်လေဟှို ထားရစ်ဘီး စောင်လင်ရင့်ကျတ်ရှင်းဟှို တတ်လှမ်းဂေ့ဇို့။ သေရှင်းန ဆိုင်ဟှူကျင့်လေဟှ နောန်ဒရရှင်းလေ၊ ဘုရားသခင်ဟှို ယောင်ကြည်ရှင်းလေ 
\v 2 ဗတ္တိဇံ\f + \fr ၆.၂ \fr*\fq ဗတ္တိဇံ၊ \fq*\ft အယ်မျိုးမှုဘဲနေဟှာ \ft*\fqa စင်ကြယ်ရှင်း ခမ်းနားလေ။\fqa*\f*န ဆိုင်ဟှူသွန်သန်ရှင်းလေ၊ လတ်တန်မင်္ဂလာလေ၊ သေဟှားဘီးသူလေ ရှင်ပ္လန်ထမြော့‑က်ဟှူကြောန်းလေ၊ ထာဝရပြစ်ဒန်စီရင်ဟှူ ကြောန်းရာလေဟှို ထပ်ဘီး ခြေပြုဘဲနေဂေ့ဇို့။ 
\v 3 ဘုရားသခင် ခွမ့်ပေးမယ် ဆိုဟှာ နို့လေ အယ်မျိုးလောက်ဂေ့မယ်။
\p
\v 4 လန်းရောန်ထဲဟှို တခါရော့‑က်ဘီး၊ ကောန်းဂန် ဆုကျေးဇူးလေဟှို ဗြဲစမ်းရဘီး၊ သန့်ရှင်းဟှူဝိညာဉ်တော်ဟှို ခံယူဘီး၊ 
\v 5 ဘုရားသခင်ရဲ့ ကောန်းမြတ်ဟှူ စကားတော်န နော့‑က်ကပ်ကာလ တဂိုးလေဟှို ဗြဲစမ်းရဘီးမှ၊ 
\v 6 ရွေ့လျော့ဘီး ဖော့‑က်ပ္လန်ဟှူ သူလေဟှာ ဘုရားသခင်ရဲ့ သားတော်ဟှို သူးနို့ကိုယ်တိုင် လတ်ဝါးကပ်တိုင်မာ ကွပ်မျစ်ဘီး လူလေရှေ့မာ ကဲ့ရဲ့ရှုတ်ခ္လဟှူ သူလေဖြစ်ဟှူကြောန့် နော့‑က်ထပ် နောန်ဒရရှင်းဟှို ရော့‑က်စေနိုင်ဟှ။
\p
\v 7 ဥပမာ မ္လေဂီးဟှာ သူ့ထတ်ဟှို ခဏခဏ က္လဟှူ မိုးရေဟှို သော့‑က်ဘီး စိုက်ပျိုးဟှူသူလေတွပ် သီးနှံလေဟှို ဖြစ်ထွန်းစေတတ်ဟှယ် ဆိုဟှာ ဘုရားသခင်နားဟှ ကောန်းကြီးမင်္ဂလာဟှို ခံစားရဟှယ်။ 
\v 8 အယ်ဘေမဲ့ အယ်မ္လေဂီးဟှာ ဆူးဗန်မျိုးမျိုးဟှို ပေါက်စေဟှယ် ဆိုဟှာ အယ်မ္လေဟှာ သောင်းဇာရဘဲ့ကြောန့် ကြာခန်မာ ကီရှင်းဟှိုခံရဘီး နော့‑က်ဆောင်းမာ မီးရှို့ရှင်းခံရလေဟှယ်။
\p
\v 9 ရှစ်ရဟှူ ညီကို မောန်နှမလေ နို့လေအယ်မျိုးပြောဟှူလည်းဘဲ့ နန်းနို့တွပ်ဟှ ကယ်တန်ရှင်းန ဆိုင်ဟှူဇာလေ၊ ပိုဘီးကောန်းဟှူဇာလေန ဆိုင်ဟှယ် ဆိုဇာဟှို နို့လေ ယောင်ကြည်စိခ္လဂေ့ဟှယ်။ 
\v 10 ဖြားဖြစ်ကြောန့်နူးဆိုဟှာ နန်းနို့လေဟှာ သန့်ရှင်းဟှူသူလေဟှို ရင်ဒူးဟှ လောက်ကျွေးပြုစုဟှူမျိုးဘဲ ခုလည်း လောက်ကျွေးပြုစုဘီး ကိုယ်တော်ရဲ့ နာမတော်ဟှို ထော့‑က်ဘီး နန်းနို့ပြဟှူ ရှစ်ရှင်းမြစ်တာလေဟှို မေ့ဟှားရလော့‑က်အောန် ဘုရားသခင်ဟှာ တရားဘဲဟှူသခင် မှုဟှ။ 
\v 11 နန်းနို့ ယော့‑က်စီတိုင်းဟှာ မျှော်လင့်ရှင်းနဆိုင်ဟှူ စိခ္လမှု ပ္လဲ့ပ္လဲ့ဝဝရှိဂေ့ဟှို့တွပ်န အယ်မျိုး စိအားထတ်သန်ရှင်းဟှို ဆောင်းထိ ပြနိုင်ဟှို့တွပ် နို့လေလိုရှင်ပါဟှယ်။ 
\v 12 အယ်မျိုး နန်းနို့လေဟှာ ပျင်းဂေ့ဘဲန ကြိုးစားအားထုဘီး ယောင်ကြည်ရှင်း၊ စိရှယ်ရှင်းအားဖြင့် ဂဒိတော်ဟှို မွီဆစ်ခံဟှူသူလေ ဖြစ်ဂေ့ဟှို့တွပ် ဖြစ်ဟှယ်။
\s စိခ္လရဟှူ ဂဒိတော်ကြောန်း
\p
\v 13 ဘုရားသခင်ဟှာ အာဗြဟံဟှို ဂဒိပေးဟှူ ခီမာ တိုင်တည်ကီဆိုဟှို့တွပ် သူ့ထတ်ကီးမြတ်ဟှူသူ မှေ့ဘဲဟှူကြောန့် ကိုယ့်ကိုယ်ကိုယ် တိုင်တည်ကီဆိုတော်မူဘီး၊ 
\v 14 “ငါဟှာ နန့်ဟှို မြဲဒမ်းကောန်းကြီးပေးဘီး နန့်ရဲ့ မျိုးနွယ်ဟှို ပွားများစေမယ်” ဆိုဘီး မိန့်တော်မူဟှယ်။ 
\v 15 အယ်မျိုး အာဗြဟံဟှာ စိရှယ်ရှယ်န စောန့်နေဟှူကြောန့် ဂဒိတော်ဟှို ခံစားရလေဟှယ်။ 
\v 16 လူလေဟှာ ကိုယ့်ထတ်ကီးမြတ်ဟှူ သူလေဟှို တိုင်တည်ကီဆိုလေ့ရှိဘီး အယ်မျိုး တည်ပြုပြောဆိုဟှူ ဂဒိသစ်စာဟှာ ရှင်းရှင်း ဂြင်းခူမှုဟှို ငြီးအေးစေတတ်ဟှယ်။ 
\v 17 အယ်ကြောန့် ဂဒိတော်ဟှို မွီခံရဟှူသူလေဟှာ ဘုရားသခင်ရဲ့ ကြံစည်တော် ဖော့‑က်ပ္လန်ဘဲဟှူ ကြောန်းဟှို သိရဟှို့တွပ် ဘုရားသခင်ဟှာ ကီဆိုရှင်းအားဖြင့် အာမခံတော်မူလေဟှယ်။ 
\v 18 ဖြားဖြစ်ကြောန့်နူးဆိုဟှာ ဘုရားသခင်ဟှာ မုသားသောင်းနိုင်ဘဲဟှူ ရာဖြစ်ဟှူ ဖော့‑က်ပ္လန်ဘီး ပ္လောန်းလဲနိုင်ဘဲဟှူ ရာနှေ့ပါးဟှို မှီပြုဘီး ကိုယ့်ရှေ့မာ ထားဟှားဟှူ မျှော်လင့်ရာဟှို ခိုလှုံဟှို့တွပ် ပ္လေးဟှူနို့လေဟှာ သတ်သာမှု ကီးကီးမားမား ရဟှို့တွပ် ဖြစ်ဟှယ်။ 
\v 19 အယ်မျှော်လင့်ချစ်ဟှာ နို့လေရဲ့စိဝိညာဉ်တွပ် မြဲမြံ့ခိုင်ခန့်ဟှူ စိနှလောင်းရဲ့ က္လော့‑က်ဆူးဟှူမျိုး နို့လေမာရှိဘီး ဗိမာန်တော်လိုက်ကာထဲဖတ်ဟှို ဝမ်ရော့‑က်လေဟှယ်။ 
\v 20 မေလခိဇေဒက်ဟှူမျိုး\f + \fr ၆.၂၀ \fr*\fq မေလခိဇေဒက်ဟှူမျိုး \fq*\ft (ရှု \ft*\xt ၅.၆\xt*)။\f* ထာဝရ ယဇ်ပုရောဟိတ်မန်းဖြစ်ဟှူ ယေရှုဟှာ နို့လေတွပ် အယ်ဌာနတော်ထဲဟှို ရှေ့ဆောန်ဘီး ဝမ်ဟှူသူဖြစ်လေဟှယ်။
\c 7
\s ယဇ်ပုရောဟိတ် မေလခိဇေဒက်ကြောန်း
\p
\v 1 အယ်မူ မေလခိဇေဒက်ဟှာ ရှာလင်မန်းဂီးဖြစ်ဘီး ဗြင့်ဆောင်းဖြစ်ဟှူ ဘုရားသခင်ရဲ့ ယဇ်ပုရောဟိတ်ဖြစ်ဟှယ်။ သူဟှာ မန်းဂီးလေးပါးဟှို စစ်နိုင်ဘီး ပ္လန်လာဟှူ အာဗြဟံဟှို ခရီးဦးကြိုပြုဘီးဟှာ ကောန်းကြီးပေးဟှူသူဖြစ်ဟှယ်။ 
\v 2 အာဗြဟံဟှာ သူတိုက်ယူလာဟှူ အောက်စာပစ်စီးလေရဲ့ ဆယ်ဖို့တဖို့ဟှို သူ့ဟှို ပေးလှူလေဟှယ်။ (မေလခိဇေဒက် ဆိုဘီး ခေါ်ဟှူ နာမယ်ရဲ့ ဓိပါယ်ဟှာ “ဖြောန့်မတ်ရှင်းရဲ့ မန်းဂီး” ဖြစ်ဟှယ်။ သူဟှာ ရှာလင်ဗြို့ရဲ့ မန်းဂီးလည်း ဖြစ်ဟှူကြောန့် သူ့နာမယ်ဟှာ “ငြီသတ်ရှင်းရဲ့ မန်းဂီး” ဆိုဘီးလည်း ဓိပါယ်ရလေဟှယ်။) 
\v 3 သူ့မာ ဖလည်း မှေ့ဟှ။ မိလည်း မှေ့ဟှ။ ရှေးမျိုးရိုးစဉ်ဆစ်လည်း မှေ့ဟှ။ သတ်တာရဲ့ စလည်း မှေ့ဟှ။ ဆောင်းလည်း မှေ့ဘဲဟှ။ ဘုရားသခင်ရဲ့ သားတော်နတူဘီး ယဇ်ပုရောဟိတ်ရာမာ မြဲဒမ်း တည်လေဟှယ်။
\p
\v 4 နို့မျိုးနွယ်လေရဲ့ ထန်ရှားဟှူဖ အာဗြဟံဟှာ စစ်ပွဲဟှနေ သီးယူရလာဟှူ အောက်စာပစ်စီးလေဟှို ဆယ်ဖို့တဖို့လှူဟှူကြောန့် သူလှူဇာဟှို ခံယူဟှူ အယ်မန်းဂီးဟှာ ဖယ်လော့‑က် ကီးမြတ်မယ် ဆိုဇာဟှို ဆင်ခြင်ကေ့ဂေ့ပါ။ 
\v 5 ယဇ်ပုရောဟိတ်ရပ်ရာဟှို ခံရဟှူ လေဝိသားလေဟှာ အာဗြဟံအမျိုးဖြစ်ဟှူ သူးနို့ရဲ့ ညီကို မောန်နှမလေလတ်ဟှ ပညတ်တရားတိုင်း ဆယ်ဖို့တဖို့ဟှို ခံယူရဟှူခွမ့် ရှိဂေ့ဟှယ်။ 
\v 6 မေလခိဇေဒက်ဟှာ လေဝိမျိုးနွယ် မှုဘဲဟှူလည်းဘဲ့ အာဗြဟံဆီဟှ ဆယ်ဖို့တဖို့လှူဟှို ခံယူဘီး ဘုရားသခင်ရဲ့ ဂဒိတော်ခံရဟှူ အာဗြဟံဟှိုလည်း ကောန်းကြီးပေးလေဟှယ်။ 
\v 7 ကီးဟှူသူဟှာ ငယ်ဟှူသူဟှို ကောန်းကြီးပေးတတ်ဟှူဇာဟှို ဂြင်းခူစရာကြောန်းမှေ့ဟှ။ 
\v 8 အယ်နေရာမာ သေတတ်ဟှူသူလေဟှာ ဆယ်ဖို့တဖို့ဟှို ခံယူလေ့ရှိဟှယ်။ အယ်မူခီမာဟှ သတ်ရှင်ဟှယ် ဆိုဘီး သတ်သေခံဟှူဇာဟှို ရဟှူသူဟှာ ဆယ်ဖို့တဖို့ဟှို ခံရဟှယ်။ 
\v 9 အယ်ကြောန့် ဆယ်ဖို့တဖို့ခံယူဟှူ လေဝိဟှာ အာဗြဟံအားဖြင့် ဆယ်ဖို့တဖို့ဟှို ပေးလှူဟှယ် ဆိုဘီး ပြောဟှိရဟှယ်။ 
\v 10 ဖြားဖြစ်ကြောန့်နူးဆိုဟှာ အာဗြဟံဟှာ မေလခိဇေဒက်နတွိဟှူ ခီမာ မွီးဖွားလာမယ့်လေဝိဟှာ သူ့ဖအာဗြဟံရဲ့ ကိုယ်ထဲမာ ရှိနေဟှူကြောန့်ဖြစ်ဟှယ်။
\p
\v 11 လူလေဟှာ လေဝိနွယ်နဆိုင်ဟှူ ယဇ်ပုရောဟိတ် ရပ်ရာပေါ်မာ ခြေခံဘီး ပညတ်တရားဟှို ခံရဂေ့ဟှူဖြစ်ကြောန့် အယ်မူမျိုးနွယ်အားဖြင့် စောင်လင်ရှင်းဟှိုရော့‑က်မယ် ဆိုဟှာ အာရုန်နတူဟှူ ယဇ်ပုယောဟိတ်မျိုးမှုဘဲန မေလခိဇေဒက်ဟှူမျိုး\f + \fr ၇.၁၁ \fr*\fq မေလခိဇေဒက်ဟှူမျိုး \fq*\ft (ရှု \ft*\xt ၅.၆\xt*)။\f* ယဇ်ပုရောဟိတ်ဟှာ နော့‑က်ထပ် ပေါ်ထွန်းလာဟှို့ ဖယ်မျိုးလိုအူးမယ်နူး။ 
\v 12 ယဇ်ပုရောဟိတ်အမျိုး ပ္လောန်းလဲတတ်ဟှယ် ဆိုဟှာ ပညတ်တရားဟှာ ပ္လောန်းလဲဘဲန နေဟှ။ 
\v 13 နို့လေရဲ့ သခင်ဘုရားဟှာ လေဝိနွယ်ဝမ် မှုဟှ၊ တခြားမျိုးနွယ်ဟှ ဆင်းသတ်ဟှူသူဖြစ်ဟှယ်။ အယ်ကြောန့် တခြားမျိုးနွယ်လေဟှာ ယဇ်ပလ္လင်ဝတ်ဟှို တယော့‑က်မှလည်း လောက်ဆောန်ဖူးဇာ မှုဟှ။ 
\v 14 ဖြားဖြစ်ကြောန့်နူးဆိုဟှာ နို့လေရဲ့သခင်ဟှာ ယုဒမျိုးနွယ်ထဲဟှနေ ပေါ်ထွန်းလာဟှယ် ဆိုဇာ ထန်ရှားပါဟှယ်။ ယဇ်ပုရောဟိတ်ရာဟှာ ယုဒမျိုးနွယ်န စပ်ဆိုင်ဟှယ် ဆိုဇာဟှို မောရှေဟှာ တခွန်းလည်းဘဲ့ ပြောဟှ။
\s မေလခိဇေဒက်နတူဟှူ ယဇ်ပုရောဟိတ်ကြောန်း
\p
\v 15 နော့‑က်ဘီး မေလခိဇေဒက်နတူဟှူ တခြားယဇ်ပုရောဟိတ်တပါး ပေါ်ထွန်းလာဟှယ် ဆိုဟှာ ယဇ်ပုရောဟိတ်အမျိုး ပ္လောန်းလဲဟှားဘီ ဆိုဇာ ပိုဘီးထန်ရှားဟှယ်။ 
\v 16 အယ်သခင်ဟှာ ကိုယ်ခန္ဓာနစပ်ဆိုင်ဟှူ ပညတ်တရားတိုင်း ခန့်ဟှားဇာမှုဘဲ ပျစ်စီးနိုင်ဘဲဟှူ ထာဝရသတ်ရဲ့ တဂိုးအာနုဘော်တော်အားဖြင့် ယဇ်ပုရောဟိတ်ရာမာ ခန့်ဟှားဇာဖြစ်ဟှယ်။ 
\v 17 ဖြားဖြစ်ကြောန့်နူးဆိုဟှာ ကျမ်းစာတော်ဟှ “နန်ဟှာ မေလခိဇေဒက်ဟှူမျိုး\f + \fr ၇.၁၇ \fr*\fq မေလခိဇေဒက်ဟှူမျိုး \fq*\ft (ရှု \ft*\xt ၅.၆\xt*)။\f* ထာဝရ ယဇ်ပုရောဟိတ် ဖြစ်ဟှယ်” ဆိုဘီး သတ်သေခံဟှားလေဟှယ်။ 
\v 18 ရင်ဒူးဟှ ပညတ်ဟောင်းဟှာ အားနဲဘီး ဖယ်သူ့ဟှိုမှလည်း စောင်လင်ရှင်းဟှို ရော့‑က်စေနိုင်ဘဲကြောန့် ပယ်ဖျစ်ဟှူ ဇာဟှို ခံရဟှယ်။ 
\v 19 မောရှေရဲ့ ပညတ်တရားဟှာ အားမှေ့ဘဲ ကျိုးဟှိုပေးနိုင်ဘဲကြောန့် ဖယ်ရှားဟှူဇာဟှို ခံရဟှယ်။ အယ်ဘေမဲ့ ခုခီမာ နို့လေဟှာ အယ်ပညတ်တရားထတ် ပိုဘီးကောန်းဟှူ မျှော်လင့်ရှင်းခွမ့် ရဘီဖြစ်ဟှူကြောန့် အယ်မူ မျှော်လင့်ရှင်းအားဖြင့် ဘုရားသခင် နားဟှို တိုးဝမ်ချဉ်းကပ်ဂေ့ဟှယ်။
\p
\v 20 အယ်လော့‑က်နမကဟှ အယ်မူမှုရာဟှာ ဂဒိသစ်စာ ပြုဟှူဇာပါဘဲန ဖြစ်လာဟှူဇာ မှုဟှ။ ဖြားဖြစ်ကြောန့်နူးဆိုဟှာ တခြားယဇ်ပုရောဟိတ်လေဟှာ ဂဒိသစ်စာပြုဟှူဇာပါဘဲ ယဇ်ပုရောဟိတ်လေ ဖြစ်လာဂေ့ဟှယ်။ 
\v 21 ကိုယ်တော့်ဟှိုမိန့်တော်မူဟှူဇာဟှ
\q1 “ ‘နန်ဟှာ ထာဝရ ယဇ်ပုရောဟိတ် ဖြစ်ရမယ်’ ဆိုဘီး
\q2 ဘုရားသခင် ဂဒိပေးတော်မူဟှူကြောန့်
\q1 ကိုယ်တော်ဟှာ သူ့ရဲ့ ဂဒိဟှို ပ္လောန်းလဲလေ့မယ်မူဟှ” ဆိုဘီး ဂဒိသစ်စာပြုဘီး ကိုယ်တော့်ဟှို မိန့်တော်မူဟှူဇာအားဖြင့် ယဇ်ပုရောဟိတ်ဖြစ်လာဟှယ်။
\m
\v 22 အယ်မူမျိုး ကွာခြားမှုရှိဟှူကြောန့် ယေရှုဟှာ ပိုဘီးမြတ်ဟှူ ပဋိညာဉ်တရားသစ်ရဲ့ အာမခံ ဖြစ်တော်မူဟှယ်။
\p
\v 23 တခြားယဇ်ပုရောဟိတ်လေဟှာ သေရှင်းတရားအားဖြင့် တာဝန်ဟှို ဆစ်ဘီးထမ်းဆောန်နိုင်ဘဲဟှူကြောန့် ယဇ်ပုရောဟိတ်လေ တဘောင်ဂီးဖြစ်လာဂေ့ဟှယ်။ 
\v 24 အယ်ဘေမဲ့ ယေရှုဟှာ နိစ္စထာဝရသတ်ရှင်ဟှူကြောန့် ပ္လောန်းလဲဘဲဟှူ ယဇ်ပုရောဟိတ်ရာဟှို ရရှိလေဟှယ်။ 
\v 25 အယ်ကြောန့် ကိုယ်တော်ဟှာ သူ့အားဖြင့် ဘုရားသခင်ထံတော်ဟှို ချဉ်းကပ်ဟှူသူလေဟှို ပ္လဲ့ပ္လဲ့ဝဝ ကယ်တန်နိုင်လေဟှယ်။ ဖြားဖြစ်ကြောန့်နူးဆိုဟှာ ကိုယ်တော်ဟှာ အယ်သူလေတွပ် ဘုရားသခင်ထံတော်မာ သနားခံဟှို့တွပ် ထာဝရ သတ်ရှင်တော်မူဟှူကြောန့်ဖြစ်ဟှယ်။
\p
\v 26 အယ်မူမျိုးဟှူ ယဇ်ပုရောဟိတ်မန်းဟှာ သန့်ရှင်းစင်ကြယ်ဘီး ညစ်ကျေးမှေ့ဘဲ၊ ပြစ်ရှိဟှူသူလေန ဆစ်ဆံဘဲဟှိ ကောန်းဂန်သားလေထတ် မြင့်မြတ်ဟှူသူဖြစ်ဟှူကြောန့် နို့လေန သင့်တော်လေဟှယ်။ 
\v 27 တခြားယဇ်ပုရောဟိတ်မန်းလေဟှာ ကိုယ့်ပြစ်တွပ်န သူများပြစ်လေတွပ် နေ့တိုင်း ယဇ်ပူဇော်ရဟှူမျိုး အယ်သခင်ဟှာ ယဇ်ပူဇော်စရာကြောန်း မှေ့ဟှ။ ဖြားဖြစ်ကြောန့်နူးဆိုဟှာ သူ့ကိုယ်ဟှိုသူ တခါဒဲန အပီး ယဇ်ပူဇော်ဟှူဇာအားဖြင့် အယ်မူ မှုဟှို ပီးစီးစေတော်မူဟှယ်။ 
\v 28 မောရှေရဲ့ ပညတ်တရားဟှာ အားနဲဘီး စောင်လင်ဘဲသူလေဟှို ယဇ်ပုရောဟိတ်ရာမာ ခန့်ဟှားဟှယ်။ အယ်ဘေမဲ့ ပညတ်တရားနော့‑က်မာ ထာဝရကာလပတ်လောင်း စောင်လင်တော်မူဟှူ သားတော်ဟှို ယဇ်ပုရောဟိတ်မန်းဖြစ် ကီဆိုတော်မူဟှူ ဗျာဒိတ်တော်အားဖြင့် ခန့်ဟှားတော်မူဟှယ်။
\c 8
\s ပဋိညာဉ်တရားသစ်ရဲ့ ယဇ်ပုရောဟိတ်မန်းကြောန်း
\p
\v 1 ခုပြောဟှူကြောန်းရာလေရဲ့ အဓိကပြောရှင်ဇာဟှ အယ်မူမျိုး ယဇ်ပုရောဟိတ်မန်းဟှာ နို့လေမာရှိဟှယ်။ ကောန်းဂန်ဘောင်မာ အနန္တတဂိုးရှင်ရဲ့ ပလ္လင်တော် ညာဖတ်မာ ထိုင်နေတော်မူဘီးဟှာ၊ 
\v 2 လူလေဆော့‑က်ဟှူဇာမှုဘဲ ဘုရားသခင် ဆော့‑က်တော်မူဟှူ၊ တဲတော်စစ်မှန်ဖြစ်ဟှူ သန့်ရှင်းရာဌာနထဲမာ ကိုယ်တော်ဟှာ မှုဆောန်တော်မူလေဟှယ်။
\p
\v 3 ယဇ်ပုရောဟိတ်မန်းဆိုဇာဟှာ ပူဇော်သက္ကာန ယဇ်ဟှိုပူဇော်ဟှို့တွပ် ခန့်ဟှားသူဖြစ်ဟှူကြောန့် နို့လေရဲ့ ယဇ်ပုရောဟိတ်မန်းမာလည်း ပူဇော်ဆစ်သဟှို့တွပ် ယဇ်တခုခုရှိရဟှယ်။ 
\v 4 ကိုယ်တော်ဟှာ အယ်လောက မ္လေဂီးထတ်မာရှိမယ် ဆိုဟှာ ယဇ်ပုရောဟိတ် လောက်စရာကြောန်းမှေ့ဟှ။ ဖြားဖြစ်ကြောန့်နူးဆိုဟှာ ပညတ်တရားတိုင်း ပူဇော်သက္ကာဟှို ဆစ်ကပ်ဟှူ ယဇ်ပုရောဟိတ်လေဟှာ လောကမာ တဘောင်ဂီး ရှိဂေ့ဟှူကြောန့်ဖြစ်ဟှယ်။ 
\v 5 မောရှေဟှာ တဲတော်ဟှို ဆော့‑က်ဟှို့လောက်ဟှူခီဟှ “တောန်ထတ်မာ နန့်ဟှို ငါပြဟှူပေါင်စံတိုင်း အားလောင်းဂူဟှို လောက်ဟှို့တွပ် ဒိပြုပါ” ဆိုဘီး ဗျာဒိတ်တော်ဟှို ခံရဟှူဇာဖြစ်ဟှူကြောန့် အယ်မူ ယဇ်ပုရောဟိတ်လေဟှာ ကောန်းဂန်ထတ်မာရှိဟှူ ရာလေရဲ့ နမူနာ ပေါင်ရိနဆိုင်ဟှူ ဝတ်ဟှို စေခံလောက်ဆောန်နေဂေ့ဇာ ဖြစ်ဟှယ်။ 
\v 6 အယ်ဘေမဲ့ ခုခီမာ ယေရှုဟှာ ပိုဘီးမြတ်ဟှူ ဂဒိတော်လေနတည်ဘီး ပိုဘီးမြတ်ဟှူ ပဋိညာဉ်တရားရဲ့ အာမခံဖြစ်ဟှူကြောန့် ပိုဘီးမြတ်ဟှူ ယဇ်ပုရောဟိတ်ခွမ့်ရာဟှို ရတော်မူဟှယ်။
\p
\v 7 တကယ်ကြောန့် ပထမပဋိညာဉ်တရားဟှ ပြစ်တန်ခွမ့်န လွတ်ကင်းမယ် ဆိုဟှာ ဒုတိယပဋိညာဉ်တရားဟှာ တည်ဟှို့လိုအပ်ဟှ။ 
\v 8 အယ်ဘေမဲ့ ဘုရားသခင်ဟှာ သူ့လူမျိုးလေဟှို ပြစ်တန်ဘီး မိန့်တော်မူဟှူဇာဟှ
\q1 “ဣသရေလမျိုးသားန ယုဒမျိုးသားလေတွပ်
\q2 ပဋိညာဉ်တရားသစ်ဟှို ငါပြုဟှူခီကာလ ရော့‑က်လေ့မယ်။
\q1
\v 9 အယ်ပဋိညာဉ်ဟှာ သူးနို့ဘိုးဘေးလေဟှို
\q2 အဲဂုတ္တုပြည်ဟှနေ လတ်ဆွဲဘီး ငါခေါ်ဆောန်လာဟှူခီဟှ
\q1 သူးနို့လေဟှို ပေးဖူးဟှူ ပဋိညာဉ်နတူဟှို့ မှုဟှ။
\q2 သူးနို့လေဟှာ ငါပေးဟှူပဋိညာဉ်န တည်ဂေ့ဘဲကြောန့် ငါ ဘုရားသခင်လည်း သူးနို့လေဟှို ကေ့ရှုဘဲနေဟှယ်။
\q1
\v 10 နော့‑က်တခီမာ
\q2 ဣသရေလမျိုးသားလေဟှို ငါပေးမယ့် ပဋိညာဉ်တရားဟှ
\q1 ငါဘုရားသခင်ဟှာ ငါ့ပညတ်လေဟှို သူးနို့လေရဲ့စိဝိညာဉ်ထဲဟှို သွမ်းမယ်။
\q2 သူးနို့လေရဲ့ နှလောင်းမာ ရေးဟှားမယ်။
\q1 ငါဟှာ သူးနို့လေရဲ့ ဘုရားဖြစ်ဘီး
\q2 သူးနို့လေဟှာ ငါ့ရဲ့လူမျိုးတော် ဖြစ်ဂေ့လေ့မယ်။
\q1
\v 11 ဖယ်သူလေဟှမှ ကိုယ့်မျိုးသားရှင်းဘဲ့ဖြစ်ဖြစ်၊
\q2 ညီကိုရှင်းရှင်းဟှဘဲ့ဖြစ်ဖြစ်၊
\q2 ‘ဘုရားသခင်ဟှို သိဘဲ့လော’ ဆိုဘီး သွန်သန်ပေးဟှို့လိုဟှ။
\q1 ဖြားဖြစ်ကြောန့်နူးဆိုဟှာ ငယ်ဆောင်းဟှနေဘီး ကီးဆောင်းထိ
\q2 အယ်သူလေအားလောင်းဂူဟှာ ငါ့ဟှို သိကျွမ်းဂေ့လေ့မယ်။
\q1
\v 12 ဖြားဖြစ်ကြောန့်နူးဆိုဟှာ ငါဟှာ သူးနို့ရဲ့ ပြစ်လေဟှို သီးခံမယ်။
\q2 သူးနို့လေရဲ့ တရားဘဲဟှူဇာလေဟှို အော့‑က်မေ့ဘဲန နေမယ်” ဆိုဘီး မိန့်တော်မူဟှယ်။
\m
\v 13 ဘုရားသခင်ဟှာ ပဋိညာဉ်သစ် ဆိုဘီး မိန့်တော်မူဟှူဇာဟှ ပထမပဋိညာဉ်တရားဟှို ဟောန်းစေတော်မူကြောန့် ဖြစ်ဟှယ်။ ရွေ့လျော့ဘီး ဟောန်းနွမ်းဟှားဟှူဇာဟှာ မကြာခန်မာ ပျော့‑က်ကွယ်ဟှားလေ့မယ်။
\c 9
\s လောကသားလေ ဝတ်ပြုကိုးကွယ်ဟှူကြောန်းန ကောန်းဂန်သားလေ ဝတ်ပြုကိုးကွယ်ဟှူကြောန်း
\p
\v 1 တနည်းဟှ ပထမပဋိညာဉ်တရားဟှာ ဝတ်ပြုရှင်းနဆိုင်ဟှူ စီရင်ပြဌာန်းချစ်ဘဲ့ဖြစ်ဖြစ်၊ လောကီ သန့်ရှင်းရာဌာနတော်နဖြစ်ဖြစ် စပ်ဆိုင်လေဟှယ်။ 
\v 2 ဖြားဖြစ်ကြောန့်နူးဆိုဟှာ တဲတော်ဟှို ပြင်ဆင်ရာမာ သန့်ရှင်းဆောင်းဌာန ဆိုဘီး ခေါ်ဟှူ ပထမခန်းထဲမာ ဆီမီးခေါင်၊ ဗွဲ၊ ရှေ့တော်မုန ပြင်ဆင်ဟှားလေဟှယ်။ 
\v 3 ဒုတိယ လိုက်ကာနော့‑က်မာ ရရာတိုင်း သန့်ရှင်းဆောင်းတဲတော် ဆိုဘီး ခေါ်ဟှူ ခန်းရှိဟှယ်။ 
\v 4 အယ်ထဲမာ နံ့သာလေဟှို မီးရှို့ဟှူ ရွှေယဇ်ပလ္လင်န ရွှေနမွန်းမံဟှားဟှူ ပဋိညာဉ်သစ်တာရှိဟှယ်။ အယ်သစ်တာထဲမာ မန္နမုထဲ့ဟှားဟှူ ရွှေအိုး၊ ဖူးထွပ်ဟှူ အာရုန်ရဲ့လှံတံန ပဋိညာဉ် က္လော့‑က်ပ္လားလေရှိဟှယ်။ 
\v 5 အယ်မူ သစ်တာထတ်မာ ဖောင်းကီးဟှူ ခေရုဗိမ်လေဟှာ ပြစ်ဖြေရာပလ္လင်ဟှို အောက်မိုးဟှားဂေ့ဟှယ်။ အယ်ရာလေဟှို ခု သေးသေချားချာ ပြောပြဟှို့ မရဟှ။
\p
\v 6 အယ်မူမျိုး ရာအားလောင်းဂူလေဟှို ပြင်ဆင်ဘီးခီမာ ယဇ်ပုရောဟိတ်လေဟှာ တဲတော် ပထမခန်းထဲဟှိုဝမ်ဘီး ဝတ်ပြုဟှူမှုရာဟှို နေ့တိုင်း လောက်ဆောန်ရဂေ့ဟှယ်။ 
\v 7 အယ်ဘေမဲ့ ဒုတိယခန်းထဲဟှို ယဇ်ပုရောဟိတ်မန်း တပါးဒဲဘဲ့ သူ့တွပ်န သူများလေရဲ့ပြစ်တွပ် ပူဇော်ဟှူ သွီးဟှိုယူဘီး တနှစ်မာ တခါဒဲဘဲ့ ဝမ်ရလေဟှယ်။ 
\v 8 တဲတော်ရဲ့ ပထမခန်း ရှိနေဟှူ ကာလပတ်လောင်း သန့်ရှင်းဆောင်းဌာနတော်ဟှို သွားဟှူလမ်း ပွမ့်သေးဘဲကြောန်းဟှို သန့်ရှင်းဟှူဝိညာဉ်တော်ဟှာ အယ်ဇာအားဖြင့် ရိဟှို ပေးလေဟှယ်။ 
\v 9 အယ်တဲတော်ဟှာ မျစ်မှော့‑က်ကာလပတ်လောင်းတွပ် ပေါင်ဥပမာဖြစ်ဘီး ပူဇော်ဟှူ ပူဇော်သက္ကာန ယဇ်လေဟှာ ကိုယ့်ကိုယ်ကိုယ် သိဟှူစိဟှို ထော့‑က်မယ် ဆိုဟှာ ဝတ်ပြုဟှူသူဟှို စောင်လင်ဟှူကျိုးဟှို ပေးနိုင်ဘဲကြောန်းဟှို ဖော်ပြဟှူဇာဖြစ်ဟှယ်။ 
\v 10 အယ်မူဇာလေဟှာ စားဇာ၊ သော့‑က်ဇာန ဆေးကြောရှင်းမျိုးမျိုးဖြစ်ဟှူ၊ ကိုယ်ခန္ဓာနဆိုင်ဟှူ စီရင်ထောင်းဖွဲ့လေနတူးဒူ သစ်ပြုပြင်ဟှူ ကာလထိဘဲ့ တည်ရှိနေဇာဖြစ်ဟှယ်။
\p
\v 11 ခုဆိုဟှာ လူ့လတ်န လောက်ဘဲ၊ အယ်လောကနဆိုင်ဘဲ ပိုဘီးကောန်းမြတ် စောင်လင်ဟှူ တဲတော်မာ ရော့‑က်လာပီးဘီဖြစ်ဟှူ\f + \fr ၉.၁၁ \fr*\fq ရော့‑က်လာပီးဘီဖြစ်ဟှူ၊ \fq*\ft တချို့ မူရင်းလတ်ရေးမူလေမာ \ft*\fqa လာနေဟှယ်၊ \fqa*\ft ဆိုဘီး ပါရှိဟှယ်။\ft*\f* နော့‑က်မင်္ဂလာကျိုးလေရဲ့ ယဇ်ပုရောဟိတ်မန်းဂီးဖြစ်ဟှူ ခရစ်တော်ဟှာ၊ 
\v 12 နို့လေတွပ် ဘဲ့သွီး၊ နွားသားဂန်းရဲ့ သွီးနမှုဘဲ သူ့ရဲ့ သွီးတော်န သန့်ရှင်းဆောင်းဌာနထဲဟှို တခါဒဲ ဝမ်တော်မူဘီး ထာဝရ ဝီးနှုကယ်တန်ရှင်း ကျေးဇူးဟှို သတ်ရော့‑က်စေလေဟှယ်။ 
\v 13 ဖြားဖြစ်ကြောန့်နူးဆိုဟှာ ညစ်ကျေးရှိဟှူ သူလေဟှိုဖျန်းဟှူ နွားသွီး၊ ဘဲ့သွီး၊ နွားမဒန်းဟှားပ္လာဟှာ သူးနို့ကိုယ်ကာယဟှို စင်ကြယ်သန့်ရှင်းမှု ပေးနိုင်မယ် ဆိုဟှာ၊ 
\v 14 အယ်လော့‑က်နမကဟှ ပြစ်တန်ဇာမှေ့ဘဲဟှူ ကိုယ်တော့်ဟှို ထာဝရဝိညာဉ်တော်အားဖြင့် ဘုရားသခင် ရှေ့တော်နှိုက် တန်လှူပူဇော်ဟှူ ခရစ်တော်ရဲ့ သွီးတော်ဟှာ သေရှင်းန စပ်ဆိုင်ဟှူကျင့်ဟှို ပယ်ရှင်းဘီး နန်းနို့လေဟှာ သတ်ရှင်တော်မူဟှူ ဘုရားသခင်ဟှို ဝတ်ပြုဟှို့ကြောန်းကြောန့် ကိုယ့်ကိုယ်ကိုယ် သိဟှူစိ ကြည်လင်သန့်ရှင်းစေဟှို့တွပ် ပိုဘီးတတ်နိုင်တော်မူဟှယ် မှုဟှလော။
\p
\v 15 အယ်ကြောန့် ပထမ ပဋိညာဉ်တရား လတ်ထတ်မာ ပြစ်မှားဟှူ ပြစ်ဟှိုလည်း လွတ်ဟှို့တွပ် ခရစ်တော်ဟှာ ကြားဝမ်စေ့စပ်ဘီး သေခံတော်မူဟှူကြောန့် ခေါ်တော်မူဟှူ သူလေဟှာ ဂဒိတော်နယှဉ်ဟှူ ထာဝရမွီဟှို ခံရဟှို့တွပ် အယ်သခင်ဟှာ ပဋိညာဉ်တရားသစ်ရဲ့ အာမခံ ဖြစ်တော်မူဟှယ်။
\p
\v 16 မွီခံရဟှို့ခွမ့်ဟှို ပေးဘီး စာချောက်ချောက်ဟှူ မူရာမာလည်း စာချောက်တည်ဟှယ် ဆိုဟှာ စာချောက်ချောက်ဟှူသူဟှာ တကယ်သေဟှားဘီ ဖြင့်ဟှူကြောန်း ထော့‑က်ထားပြဟှို့ လိုအပ်ဟှယ်။ 
\v 17 တကယ်ကြောန့် သတ်ရှင်နေသေးဟှာ အယ်စာချောက်ဟှာ တည်ဟှ သေမှဘဲ့ တည်ဟှူဇာဖြစ်ဟှယ်။ 
\v 18 အယ်ကြောန့် ပထမ ပဋိညာဉ်တရား\f + \fr ၉.၁၈ \fr*\fk ပဋိညာဉ်တရား၊ \fk*\ft တူညီဟှူ ဂရိစကားလောင်းရဲ့ ဓိပါယ်ဟှ “သေဒမ်းစာ” န “ပဋိညာဉ်”။\ft*\f*ဟှိုမှ စီရင်ဟှူ ခီမာ သွီးန လွတ်ကင်းဘီး စီရင်ဟှူဇာ မှုဟှ။ 
\v 19 တရားတော်မာပါဟှူ ပညတ်လေဟှို မောရှေဟှာ လူလေရှိဟှူမျှဟှို ဟောပြောဘီးမှ ရေနရောဟှားဟှူ နွားသားဂန်းသွီးန ဘဲ့သွီးဟှိုယူဘီး နီရောန်ဆိုးဟှားဟှူ သိုးမွီးန ဟုဿုပ်ဗန်ခတ်အားဖြင့် ကျမ်းစာလိန လူလေဟှို ဖျန်းဘီး၊ 
\v 20 “အယ်သွီးဟှာ နန်းနို့ဟှို ဘုရားသခင် ဝန်ခံတော်မူဟှူ ပဋိညာဉ်ရဲ့ သွီးဖြစ်ဟှယ်” ဆိုဘီး ပြောဆိုဟှယ်။ 
\v 21 အယ်ဘီး တဲတော်န ဝတ်ပြုဟှူ တန်ဆာလေ ရှိဟှူမျှဟှိုလည်း အယ်မူမျိုးဘဲ့ သွီးန ဖျန်းလေဟှယ်။ 
\v 22 ပညတ်တရားတိုင်းဘဲ့ ရာအားလောင်းဂူလေဟှို ကူအောန် သွီးအားဖြင့် စင်ကြယ်စေရဟှယ်။ သွီးသွန်းလောင်းရှင်း မှေ့ဘဲနေဟှာ ပြစ်လွှတ်ရှင်းမှေ့ဟှ။
\s ခရစ်တော်ရဲ့ ပူဇော်ရှင်းအားဖြင့် ပြစ်လွတ်ဟှူကြောန်း
\p
\v 23 အယ်ကြောန့် ကောန်းဂန်ဘောင်မာ ရှိဟှူရာလေရဲ့ ပေါင်လေဟှို အယ်မူမျိုး ယဇ်ပူဇော်ဟှူဇာအားဖြင့် စင်ကြယ်စေရဟှူဖြစ်ကြောန့် ကောန်းဂန်မာရှိဟှူ ရာလေဟှို ပိုဘီးမြတ်ဟှူ ယဇ်ပူဇော်ဟှူဇာအားဖြင့် စင်ကြယ်စေရဟှူဇာဖြစ်ဟှယ်။ 
\v 24 အယ်မူမျိုးတိုင်းဘဲ့ စစ်မှန်ဟှူ သန့်ရှင်းဟှူဌာနလေရဲ့ ပေါင်ဖြစ်ဟှူ၊ လူ့လတ်နလောက်ဟှူ သန့်ရှင်းဆောင်းဌာနထဲဟှို ခရစ်တော်ဝမ်ဘဲန နို့လေတွပ်ကြောန့် ခု ဘုရားသခင်ရဲ့ ရှေ့တော်မာ ကိုယ်ဟှိုပြဟှို့တွပ် ကောန်းဂန်ကိုယ်ထဲဟှို ဝမ်တော်မူဘီ။ 
\v 25 ယဇ်ပုရောဟိတ်မန်းဟှာ သန့်ရှင်းဆောင်းဌာနထဲဟှို လိဆန်လေရဲ့ သွီးန နှစ်စဉ်နှစ်တိုင်းဝမ်ရဟှူမျိုး ခရစ်တော်ဟှာ သူ့ရဲ့ကိုယ်ဟှို ခါပီးခါ ပူဇော်ရဟှူဇာ မှုဟှ။ 
\v 26 အယ်မူမျိုးဘဲ့ ပူဇော်ရမယ် ဆိုဟှာ ကမ္ဘာဦးဟှနေစဘီး ခါပေါန်းမြော့‑က်များစွာ သေခံရလေ့မယ်။ ခုဆိုဟှာ အယ်ကပ်ကာလဆောင်းမာ တခါဒဲ ကိုယ်ဟှို ပူဇော်ရှင်းအားဖြင့် ပြစ်ရှိဟှူမျှဟှို ဖယ်ရှားဟှို့တွပ် ပေါ်ထွန်းတော်မူလေဟှယ်။ 
\v 27 လူဟှာ တခါဒဲသေဘီး နော့‑က်မှ တရားစီရင်ဇာဟှို ခံရဟှူမျိုး၊ 
\v 28 ခရစ်တော်ဟှာ လူလေပြစ်ဟှို ဖြေလွှတ်ဟှို့တွပ် ကိုယ်ဟှို တခါဒဲပူဇော်ဘီးမှ နော့‑က်တခါ အယ်သခင်ဟှို မျှော်လင့်ဘီး နေဟှူသူလေဟှို ကယ်တန်ဟှို့တွပ် ပြစ်နဆိုင်ဘဲန ပေါ်ထွန်းတော်မူလေ့မယ်။
\c 10
\p
\v 1 ပညတ်တရားဟှာ နော့‑က်ဖြစ်လာမယ့် ကောန်းကျိုးလေရဲ့ အရိလော့‑က်ဘဲ့ဖြစ်ဘီး အယ်မူဇာလေဟှာ ပေါင်သဏ္ဌာန် စစ်မှန်မှုဘဲဟှူကြောန့် နှစ်စဉ်မပြတ် ပူဇော်ဟှူယဇ်အားဖြင့် ထံတော်ဟှို ချဉ်းကပ်ဟှူသူလေဟှို စောင်လင်စေနိုင်ဟှ။ 
\v 2 တကယ်ဟှိ စောင်လင်စေနိုင်ဟှယ် ဆိုဟှာ ဝတ်ပြုဟှူသူလေဟှာ တခါဒဲန စင်ကြယ်ရှင်းဟှို ရော့‑က်ဘီးမှ နော့‑က်ထပ် ပြစ်ရှိနေသေးဟှယ် ဆိုဘီး သံဝေဂတရား ရစရာကြောန်း လောင်းဝမှေ့ဘဲကြောန့် အယ်ယဇ်လေဟှို တခါဒဲ ပူဇော်ဘီးဟှာ နော့‑က်ထပ် ပူဇော်ဘဲန နေမယ်မှုဟှလော။ 
\v 3 ခုဆို ယဇ်ပူဇော်ရှင်းအားဖြင့် ပြစ်လေဟှိုဘဲ့ နှစ်စဉ်နှစ်တိုင်း ပ္လန်အော့‑က်မေ့ဒိရစေဟှယ်။ 
\v 4 ဖြားဖြစ်ကြောန့်နူးဆိုဟှာ နွားသွီး၊ ဘဲ့သွီးဟှာ ပြစ်လေဟှို ဖယ်ရှားပေးနိုင်ဘဲကြောန့် ဖြစ်ဟှယ်။
\p
\v 5 အယ်ကြောန့် ခရစ်တော်ဟှာ အယ်လောကဟှို ဆင်းကြွလာဟှူ ခီမာ
\q1 “ကိုယ်တော်ဟှာ ယဇ်န ပူဇော်သက္ကာဟှို လိုတော်မှေ့ဘဲကြောန့်
\q2 ကျွန်တော့်တွပ် ကိုယ်ခန္ဓာဟှို ပြင်ဆင်တော်မူဘီ။
\q1
\v 6 ကိုယ်တော်ဟှာ မီးရှို့ရာယဇ်န ပြစ်ဖြေရာယဇ် ရှိဟှူမျှဟှို နှစ်သက်တော်မူဟှ။
\q1
\v 7 အယ်ခီမာ ကျွန်တော်ဟှ ကျမ်းစာလိမာ ကျွန်တော်ဟှို ရည်ရွယ်ဘီး ရေးဟှားတိုင်း ‘အို၊ ဘုရားသခင် ကျွန်တော်ဟှာ
\q2 ကိုယ်တော်ရဲ့ လိုတော်ဟှို ဆောန်ဟှို့တွပ်
\q2 ကျွန်တော်လာပါဟှယ်’ ကျွန်တော်ဝန်ခံပါဟှယ်” ဆိုဘီး လျှော့‑က်ဆိုလေဟှယ်။
\m
\v 8 ပထမနေန “ကိုယ်တော်ဟှာ ပညတ်တရားအရ ပူဇော်ဟှူရာလေဖြစ်ဟှူ ယဇ်ကောန်န ပူဇော်သက္ကာလေ၊ မီးရှို့ရာယဇ်န ပြစ်ဖြေရာယဇ်လေရှိဟှူမျှဟှို လိုတော်မှေ့ဟှ နှစ်သက်တော်မူရှင်းလည်းမှေ့ဟှ” ဆိုဘီး ဆိုဟှယ်။ 
\v 9 အယ်ဘီးန “အို၊ ဘုရားသခင် ကျွန်တော်ဟှာ ကိုယ်တော်ရဲ့ လိုတော်ဆောန်ဟှို့တွပ် လာပါဟှယ်” ဆိုဘီး ပြောရာမာ ဒုတိယယဇ်ပူဇော်ရှင်းဟှို တည်စေဟှို့တွပ် ပထမယဇ်ပူဇော်ရှင်းဟှို ပယ်လေဟှယ်။ 
\v 10 အယ်လိုတော်တိုင်းဘဲ့ ယေရှုခရစ်ရဲ့ ကိုယ်ခန္ဓာဟှို တခါဒဲပူဇော်ဟှူ ဇာအားဖြင့် နို့လေဟှာ စင်ကြယ်ရှင်းဟှို ရော့‑က်ဂေ့လေဟှယ်။
\p
\v 11 ယဇ်ပုရောဟိတ် ဆိုဇာဟှ နေ့တိုင်းဝတ်ပြုဘီး ပြစ်လေဟှို ဖြေနိုင်ဘဲဟှူယဇ်ဟှို ခဏခဏ ပူဇော်နေရဟှယ်။ 
\v 12 အယ်ဘေမဲ့ ခရစ်တော်ဟှာ ပြစ်ဟှိုဖြေဟှို့တွပ် ယဇ်တခုဒဲဟှို ပူဇော်ဘီးဟှာ ဘုရားသခင်ရဲ့ ညာဖတ်မာ မြဲဒမ်းထိုင်ဘီး 
\v 13 သူ့ရဲ့ရန်သူလေဟှို သူ့ခေအော့‑က်ဟှို ခ္လဟှားခန်ခီထိ မျှော်လင့်ဘီးနေတော်မူဟှယ်။ 
\v 14 ဖြားဖြစ်ကြောန့်နူးဆိုဟှာ ကိုယ်တော်ဟှာ ကိုယ့်ကိုယ်ကိုယ် တခါဒဲပူဇော်ဟှူ ဇာအားဖြင့် သန့်ရှင်းရှင်းခံရဟှူသူလေဟှို ထာဝရစောင်လင် စေတော်မူဟှယ်။
\p
\v 15 သန့်ရှင်းဟှူဝိညာဉ်တော်ဟှာ နို့လေဟှို သတ်သေခံဟှူဇာဟှ
\q1
\v 16 “နော့‑က်ကာလမာ သူးနို့လေဟှို ငါပေးဟှူ ပဋိညာဉ်တရားဟှ
\q2 ငါဘုရားသခင်ဟှာ ငါ့ပညတ်လေဟှို
\q1 သူးနို့လေရဲ့ စိဝိညာဉ်ထဲဟှို သွမ်းမယ်။
\q2 သူးနို့စိဝိညာဉ်ထတ်မာ ရေးဟှားမယ်” ဆိုဘီး မိန့်တော်မူဘီးန
\m
\v 17 နော့‑က်ထပ် “သူးနို့လေရဲ့ ပြစ်မှားရှင်းန လွန်ကျူးရှင်း ပေါန်းဇောင်ဟှို အော့‑က်မေ့ဘဲန နေမယ်” ဆိုဘီး မိန့်တော်မူလေဟှယ်။ 
\v 18 အယ်ပြစ်လေဟှို လွှတ်ဘီးဟှာ နော့‑က်တခါ ပြစ်ဖြေဟှူပူဇော်သက္ကာလေဟှို ဆစ်သဟှို့လိုဟှမ်း။
\s ဘုရားသခင်နားဟှို ချဉ်းကပ်ဂေ့ဟှို့ကြောန်း
\p
\v 19 အယ်ကြောန့် ညီကို မောန်နှမလေ ယေရှုရဲ့သေခံတော်မူရှင်းအားဖြင့် နို့လေဟှာ သန့်ရှင်းဆောင်းဌာနတော်ထဲဟှို သွီးတော်ဟှိုမှီပြုဘီး ဆီးတားမှေ့ဘဲ ဝမ်ခွမ့်ရဂေ့ဟှယ်။ 
\v 20 အယ်သွီးတော်အားဖြင့် ကိုယ်တော်ဟှာ သူ့ရဲ့ကိုယ်ခန္ဓာဖြစ်ဟှူ လိုက်ကာဟှနေဘီး ဘုရားသခင်ရှေ့တော်ဟှိုရော့‑က်ဟှူ သတ်လမ်းသစ်ဟှို ဖွမ့်ပေးတော်မူဘီ။ 
\v 21 အယ်လော့‑က်နမကဟှ နို့လေမာ ဘုရားသခင်ရဲ့အီတော်ဟှို အောက်စိုးဟှူ ယဇ်ပုရောဟိတ်မန်း ရှိဟှူဖြစ်ကြောန့် 
\v 22 နို့လေရဲ့ စိနှလောင်းဟှို ဆိုးညစ်ဟှူစိသဘောန ကင်းစေဟှို့တွပ် ပတ်ဖျမ်းရှင်းဟှို ခံယူဘီး ကိုယ်ခန္ဓာဟှိုလည်း စင်ကြယ်ဟှူ ရေအားဖြင့် ဆေးကြောဘီး ယောင်ကြည်ရှင်းနဆိုင်ဟှူ စိခ္လမှု ပ္လဲ့ပ္လဲ့ဝဝန မှန်ကန်ဟှူ စိနှလောင်းအားဖြင့် ဘုရားသခင်နားဟှို တိုးဝမ်ဂေ့ဇို့။ 
\v 23 ဖြားဖြစ်ကြောန့်နူးဆိုဟှာ ဂဒိထားတော်မူဟှူသူဟှာ သစ်စာန ပ္လဲ့ဇောင်တော်မူဟှူကြောန့် ဖော့‑က်ပ္လန်ဘီး ယီးယိုင်သွားဘဲ နို့လေဝန်ခံဟှူ မျှော်လင့်ရှင်းဟှို စွဲစွဲမြဲမြဲဆုပ်ကိုင်ဟှားဂေ့ဇို့။ 
\v 24 နို့လေဟှာ မြစ်တာထားဟှို့န ကောန်းဟှူကျင့်ဟှို ကျင့်စေဟှို့တွပ် ယော့‑က်ဟှိုယော့‑က် ဖြားမျိုး တိုက်တွန်းနှိုးဆော်ရမယ် ဆိုဇာဟှို ဆင်ခြင်ဂေ့ဇို့။ 
\v 25 လူတချို့ ထောင်းဇံရှိဟှူတိုင်း ရှင်းရှင်းစည်းဝေးဟှူမှုဟှို ရှောန်လွှဲဘဲနေဟှို့တွပ် ရှင်းရှင်း အားပေးဘီး တိုက်တွန်းနှိုးဆော်ဂေ့ဇို့။ ခီကာလ နီးလာဇာဟှိုထော့‑က်ဘီး ပိုဘီးကြိုးစားဂေ့ဇို့။
\p
\v 26 ဖြားဖြစ်ကြောန့်နူးဆိုဟှာ သမ္မာတရားဟှို သိဘီးမှ ကိုယ့်လိုဟှိုလိုက်ဘီး ပ္လန်ပြစ်မှားမယ် ဆိုဟှာ နော့‑က်ထပ် ပြစ်ဖြေဟှို့ယဇ်ဟှို ပူဇော်ခွမ့်မှေ့ဘဲ၊ 
\v 27 ရရာတိုင်းပြင်းထန်ဟှူ ဒန်စီရင်ရှင်းဟှို ခံရမယ် ဆိုဘီး ကြော့‑က်ဇာကောန်းဟှူဇာဟှို မျှော်လင့်ရဟှူကြောန်းရှိဟှူကြောန့် ငြင်းဆန်ဟှူသူလေဟှို ဖျစ်ဆီးဟှို့တွပ် ဘုရားသခင်ရဲ့ မျစ်တော်မီးလောန်ဇာဟှို ခံရဟှို့ကြောန်းရှိဟှယ်။ 
\v 28 မောရှေရဲ့ ပညတ်တရားဟှို ပယ်ဟှူသူဟှာ သတ်သေခံ နှေ့ယော့‑က်၊ သောင်းယော့‑က် ရှိဟှယ် ဆိုဟှာ သနားညှာတာရှင်းဟှို ခံရဘဲန သေခံရဟှယ်။ 
\v 29 အယ်လော့‑က်နမကဟှ ဘုရားသခင်ရဲ့ သားတော်ဟှို ခေနနန်းဘီး ကိုယ့်ဟှို စင်ကြယ်စေဟှူ ပဋိညာဉ်တရားရဲ့ သွီးတော်ဟှို စင်ကြယ်ဘဲဟှူရာဆိုဘီး ထန်မှတ်ဘီးဟှာ ဆုကျေးဇူးဟှိုပေးဟှူ ဝိညာဉ်တော်ဟှို ထီမဲ့မြင်ပြုဟှူသူဟှာ ဖယ်မျှလော့‑က်ကီးဟှူဒန်ဟှို ခံရမယ်ဆိုဇာ နန်းနို့ဖယ်မျိုးထန်ဂေ့နူး။ 
\v 30 ဖြားဖြစ်ကြောန့်နူးဆိုဟှာ “ငါဟှာ ပြစ်တရားဟှို စီရင်ပိုင်ဟှယ်။ ပြစ်ရှိဟှူတိုင်း ငါဆပ်ပေးမယ်” ဆိုဟှူဇာန “ဘုရားသခင်ဟှာ သူ့ရဲ့လူစုတော်လေတွပ် တရားစီရင်မယ်” ဆိုဘီး မိန့်တော်မူဟှူသခင်ဟှို နို့လေသိဂေ့ဟှယ်။ 
\v 31 သတ်ရှင်တော်မူဟှူ ဘုရားသခင်ရဲ့လတ်တော်ဟှို က္လရော့‑က်ဟှူမှုဟှာ ကြော့‑က်ဇာကောန်းဟှူ မှုဖြစ်ဟှယ်။
\p
\v 32 နန်းနို့လေဟှာ ဘုရားသခင်ရဲ့ လန်းရောန်ဟှို ခံယူဘီးန ဆင်းရဲဒေါက်ခဟှို ခံစားရဘီး ပြင်းထန်ဟှူ တိုက်ခိုက်ရှင်းဟှို သီးခံဘီးဟှူ ရင်ဒူးဟှ နေ့ရစ်လေဟှို ဒိရဂေ့ပါ။ 
\v 33 နန်းနို့လေဟှာ တခါတလေ လူလေရှေ့မာ ကဲ့ရဲ့ညှင်းဆဲဇာဟှို ခံရဂေ့ဟှယ်။ တခါတလေလည်း တခြားသူလေ ကဲ့ရဲ့ညှင်းဆဲဇာဟှို ခံရဟှူ ခီမာ နန်းနို့လည်း ထပ်တူထပ်မျှခံဟှို့တွပ် ဆင်သင့်ရှိဂေ့ဟှယ်။ 
\v 34 နန်းနို့လေဟှာ ထောန်က္လနေဟှူ သူလေတွပ်ကြောန့် စာနာစိရှိဟှူမျှမှုဘဲ ကိုယ့်ပစ်စီးအောက်စာလေဟှို သူများဖျစ်ဆီးဟှူလည်းဘဲ့ ကိုယ်သောင်းစွဲဟှို့တွပ် ကောန်းဂန်ဘောင်မာ ပိုဘီးမြတ်ဘီး စဉ်မြဲတည်ဟှူ ဘဏ္ဍာရှိဟှယ် ဆိုဇာဟှို သိဟှူကြောန့် လုယူဖျစ်ဆီးခံရဇာဟှို ဝန်းသာဟှူစိန သီးခံဂေ့ဟှယ်။ 
\v 35 အယ်ကြောန့် ရရာတိုင်းကီးမားဟှူကျိုးနယှဉ်ဟှူ နန်းနို့ရဲ့ ရဲရင့်မှုစိဟှို စွန့်လွှတ်ဂေ့န။ 
\v 36 ဘုရားသခင်ရဲ့ လိုတော်ဟှိုဆောန်ဘီးမှ ဂဒိတော်တိုင်း ကျိုးဟှိုရဟှို့တွပ် သီးခံရှင်းစိရှိရမယ်။ 
\v 37 ဖြားဖြစ်ကြောန့်နူးဆိုဟှာ
\q1 “ကြွလာမယ့်သူဟှာ
\q2 ခီဆိုင်းဘဲ
\q2 ကြာခန် ရော့‑က်လာလေ့မယ်။
\q1
\v 38 ဖြောန့်မတ်ဟှူသူဟှာ ယောင်ကြည်ရှင်းအားဖြင့် သတ်ရှင်လေ့မယ်။
\q2 အယ်ဘေမဲ့ ရွေ့လျော့ဖော့‑က်ပ္လန်ဟှာ ငါ့စိဝိညာဉ်ဟှာ
\q2 အယ်သူဟှို အားရနှစ်သက်မှုမှေ့ဟှ” ဆိုဘီး ဘုရားသခင် မိန့်တော်ရှိဟှယ်။
\m
\v 39 နို့လေဟှာ ပျစ်စီးရှင်းဟှိုရော့‑က်ဟှို့တွပ် ရွေ့လျှော့ ဖော့‑က်ပ္လန်ဟှူသူလေ မှုဟှ။ စိဝိညာဉ်ဟှာ ကယ်တန်ရှင်းဟှိုရော့‑က်ဟှို့တွပ် ယောင်ကြည်ဟှူသူလေဖြစ်ဂေ့ဟှယ်။
\c 11
\s ယောင်ကြည်ရှင်းကြောန်း
\p
\v 1 ယောင်ကြည်ရှင်း ဆိုဇာဟှာ ကိုယ်မျှော်လင့်ဟှူဇာလေဟှို မျစ်မှော့‑က်ပြုဟှူဇာ ဖြစ်ဟှယ်။ ဗြင်ရသေးဘဲဇာလေဟှို သိမှတ်စွဲလန်းရှင်းကြောန်း ဖြစ်ဟှယ်။ 
\v 2 အယ်မူ ယောင်ကြည်ရှင်းပါရမီကြောန့် ရှေးလူဂီးလေဟှာ ဘုရားသခင်ရဲ့ ထော့‑က်ခံချီးကျူးဟှူဇာဟှို ခံရဂေ့ဟှယ်။
\p
\v 3 \x - \xo ၁၁.၃ \xo*\xt ယော ၁.၃\xt*\x*ခုဗြင်ရဟှူဇာလေဟှာ ရင်ဟှထန်ရှားဟှူဇာလေထဲဟှ ဖြစ်ဟှူဇာမှုဘဲ စကြဝဠာဟှာ ဘုရားသခင်ရဲ့ စကားတော်အားဖြင့် ဖြစ်လာဟှူဇာဟှို နို့လေဟှာ ယောင်ကြည်မှုအားဖြင့် သိဂေ့ဟှယ်။
\p
\v 4 အာဗေလဟှာ ကာဣနပူဇော်ဟှူယဇ်ထတ် ပိုဘီးမြတ်ဟှူယဇ်ဟှို ယောင်ကြည်ရှင်းအားဖြင့် ဘုရားသခင်ဟှို ပူဇော်ဟှယ်။ အယ်မူမျိုးယဇ်ဟှို ပူဇော်ဟှူကြောန့် သူဟှာ ဖြောန့်မတ်ဟှယ် ဆိုဘီး သတ်သေခံဟှူဇာဟှို ရလေဟှယ်။ ဖြားဖြစ်ကြောန့်နူးဆိုဟှာ ဘုရားသခင်ဟှာ သူ့ရဲ့ပူဇော်သက္ကာဟှို သိမှတ်ပြုတော်မူဟှယ်။ အယ်ကြောန့် အာဗေလဟှာ သေဟှားဘီဖြစ်ဟှူလည်းဘဲ့ အယ်မူ ယောင်ကြည်ရှင်းအားဖြင့် ခု တရားဟောနေသေးဟှယ်။
\p
\v 5 ဧနောက်ဟှာ ယောင်ကြည်ရှင်းအားဖြင့် သေရှင်းနလွတ်ဘီး ဘဝကူးပ္လောန်းခွမ့်ရဟှယ်။ ဘုရားသခင်ဟှာ သူ့ဟှို ဘဝပ္လောန်းစေဟှူကြောန့် နော့‑က်ထပ်ခါ သူ့ဟှိုတွိရဟှမ်း။ သူဟှာ ဘဝပ္လောန်းခန် ဘုရားသခင်ရဲ့စိတော်န တွိဟှူသူ ဖြစ်ဟှယ် ဆိုဘီး သတ်သေခံဟှူဇာဟှို ရလေဟှယ်။ 
\v 6 ယောင်ကြည်ရှင်းမှေ့ဘဲနေဟှာ ဘုရားသခင်ရဲ့စိတော်န တွိနိုင်ဟှ။ ဖြားဖြစ်ကြောန့်နူးဆိုဟှာ ဘုရားသခင်ထံတော်ဟှို ချဉ်းကပ်ဟှူသူဟှာ ဘုရားသခင်ရှိဟှယ် ဆိုဟှူဇာန ကိုယ်တော့်ဟှိုရှာဟှူသူဟှို ကျိူးပေးတော်မူဟှယ် ဆိုဇာဟှို ယောင်ကြည်ရမယ်။
\p
\v 7 နောဧဟှာ ဗြင်ရသေးဘဲဟှူ မှုရာလေဟှို ဖော်ပြဟှူ ဗျာဒိတ်တော်ဟှို ခံရဘီးမှ ယောင်ကြည်ရှင်းအားဖြင့် ကြော့‑က်ရွံ့ဟှူစိရှိဟှူကြောန့် သူ့ရဲ့အီသူအီသားလေဟှို ကယ်တန်ဟှို့တွပ် သန်းဖောဟှို ဆော့‑က်လေဟှယ်။ အယ်မူ ယောင်ကြည်ရှင်းအားဖြင့် လောကသားလေရဲ့ပြစ်ဟှို စီရင်ဘီးဟှာ ယောင်ကြည်ရှင်းနယှဉ်ဟှူ ဖြောန့်မတ်ရှင်းဟှို မွီခံရလေဟှယ်။
\p
\v 8 အာဗြဟံဟှာ သူမွီခံရမယ့်ပြည်ဟှို ထွပ်ဟှားဟှို့တွပ် ဘုရားသခင် ခေါ်တော်မူဟှူ ခီမာ သူသွားဟှူရပ်ဒေသဟှို သူကိုယ်တိုင်သိဘဲန ယောင်ကြည်ရှင်းအားဖြင့် နာခံဘီး ထွပ်ဟှားလေဟှယ်။ 
\v 9 ဂဒိထားတော်မူဟှူပြည်မာ ယောင်ကြည်ရှင်းအားဖြင့် ဧည့်သယ်ဖြစ်န နေလေဟှယ်။ သူ့ဟှူမျိုး ဂဒိတော်ဟှို မွီခံရဟှူသူလေဖြစ်ဟှူ ဣဇာက်၊ ယာကုပ်ဟှူမျိုး တဲလေနနေလေဟှယ်။ 
\v 10 ဖြားဖြစ်ကြောန့်နူးဆိုဟှာ သူဟှာ ဘုရားသခင်တည်ထောန်ပြုစုတော်မူဟှူ ခိုင်ခံ့တည်မြဲဟှူဗြို့ဟှို မျှော်လင့်ဟှူကြောန့် ဖြစ်ဟှယ်။
\p
\v 11 သူ့ရဲ့မယား စာရာဟှလည်း ရွယ်လွန်ဘီး သားရနိုင်ဘဲဟှူ ခီမာ ဗိုက်ရနိုင်ဟှူ ခွမ့်တဂိုးဟှို ယောင်ကြည်ရှင်းအားဖြင့် ခံရလေဟှယ်။ သူ\f + \fr ၁၁.၁၁ \fr*\fq သူ့ရဲ့မယား စာရာဟှလည်း ရွယ်လွန်ဘီး သားရနိုင်ဘဲဟှူ ခီမာ ဗိုက်ရနိုင်ဟှူ ခွမ့်တဂိုးဟှို ယောင်ကြည်ရှင်းအားဖြင့် ခံရလေဟှယ်။ သူ၊ \fq*\ft တချို့ မူရင်းလတ်ရေးမူလေမာ \ft*\fqa စာရာဟှ သားရဟှို့တွပ် ရရာတိုင်း သတ်ကီးနေဟှူ လည်းဘဲ့ သူကိုယ်တိုင်ဟှ ဗိုက်ပိုက်နိုင်ဟှယ် ဆိုဘီး ယောင်ကြည်လေဟှယ်။ သူ၊ \fqa*\ft ဆိုဘီး ပါရှိဟှယ်။\ft*\f*ဟှာ ဂဒိပေးဟှူသူဟှို သစ်စာရှိဟှယ် ဆိုဘီး မှတ်ယူဟှူကြောန့် ဖြစ်ဟှယ်။ 
\v 12 အယ်မူ မှုရာအားဖြင့် လူသေနတူဟှူ သူတယော့‑က်ဟှာ ရေတွပ်အားဖြင့် ကောန်းဂန်ဟှကြယ်ဟှူမျိုး၊ ပန်လယ်ကမ်းနားဟှ ရေတွပ်နိုင်ဘဲဟှူ သဲလောင်းလေမျိုး လူအားလောင်းဂူလေရဲ့ ဖတယော့‑က်ဖြစ်လေဟှယ်။
\p
\v 13 ခုပြောဟှူ လူလေဟှာ ဂဒိတော်န စပ်ဆိုင်ဟှူ ကျိုးကျေးဇူးလေဟှို ခံစားရဘဲ ဝီးဟှနေဘဲ့ဗြင်ဘီး စိနှလောင်းန ဖတ်ယမ်းဘီးဟှာ သူးနို့လေဟှာ မ္လေဂီးမာ ဧည့်သယ်ဖြစ်ဟှယ် ဆိုဇာဟှို ထန်းထန်ရှားရှား ဝန်ခံဘီး ယောင်ကြည်ရှင်းစိန သေလွန်ဟှားဂေ့လေဟှယ်။ 
\v 14 အယ်မူမျိုး ဝန်ခံဟှူ သူလေဟှာ သူးနို့နေရင်းပြည်ဟှို ကြိုးစားရှာဂေ့ဟှယ် ဆိုဘီး ပြတ်ပြတ်သားသား ပြောဆိုဂေ့ဟှယ်။ 
\v 15 အယ်သူလေဟှာ သူးနို့ထွပ်လာဟှူ ပြည်ဟှို တကယ် အော့‑က်မေ့မယ် ဆိုဟှာ ပ္လန်နိုင်ဟှူ ခွမ့်လမ်း ရှိဂေ့ဟှယ်။ 
\v 16 အယ်ဘေမဲ့ အယ်ပြည်ဟှို အော့‑က်မေ့ဘဲ အယ်ပြည်ထတ် သာလွန်ဟှူ ကောန်းဂန်ရွှေပြည်ဟှို တောန်းတဂေ့လေဟှယ်။ အယ်ကြောန့် ဘုရားသခင်ဟှာ သူးနို့ရဲ့ ဘုရား ဆိုဘီး ခေါ်ဟှူဇာဟှို ယှစ်တော်မူဟှ။ သူးနို့နေဟှို့ ဗြို့ဟှိုလည်း တည်ထောန်တော်မူဘီ။
\p
\v 17 အာဗြဟံဟှာ စောင်ဇမ်းရှင်းဟှို ခံရဟှူ ခီမာ ယောင်ကြည်ရှင်းအားဖြင့် သားဣဇာက်ဟှို ပူဇော်လေဟှယ်။ ဂဒိတော်လေဟှို ရဟှူသူဟှာ တယော့‑က်ဒဲရှိဟှူ သားဟှို ပူဇော်ဟှို့တွပ် ပြင်ဆင်လေဟှယ်။ 
\v 18 အယ်သားန ပတ်သတ်ဘီး “ဣဇာက်အားဖြင့်ဘဲ့ နန့်မျိုးနွယ် တည်ရမယ်” ဆိုဟှူ ဂဒိတော်လေဟှို ခံရဟှူသူဟှာ သူ့မာ တယော့‑က်ဒဲရှိဟှူ သားဟှို ပူဇော်လေဟှယ်။ 
\v 19 အယ်မျိုး ပူဇော်ဟှူ ခီမာ သေရှင်းဟှနေ ပ္လန်ရှင်ဘီး ထမြော့‑က်ဟှို့တွပ် ဘုရားသခင် တတ်နိုယ်ဟှယ် ဆိုဇာဟှို သူအော့‑က်မေ့လေဟှယ်။ အယ်သားဟှို ဆိုရိုးစကားအားဖြင့် သေဒွမ်းထဲဟှ ပ္လန်ရလေဟှယ်။
\p
\v 20 ဣဇာက်ဟှာလည်း ယောင်ကြည်ရှင်းအားဖြင့် နော့‑က်ဖြစ်လာမယ့် ရာလေဟှို ရည်ဇူးဘီး ယာကုပ်န ဧသောဟှို ကောန်းကြီးပေးလေဟှယ်။
\p
\v 21 ယာကုပ်လည်း သေခါနီးလာဟှူ ခီမာ ယောင်ကြည်ရှင်းအားဖြင့် ယောသပ်သား နှေ့ယော့‑က်ဟှို ကောန်းကြီးပေးဘီး သူ့တောန်အူးထိဟှို မှီဘီးဟှာ ဘုရားသခင်ဟှို ကိုးကွယ်လေဟှယ်။
\p
\v 22 ယောသပ်ဟှာ သေခါနီးဟှူ ခီမာ ယောင်ကြည်ရှင်းအားဖြင့် ဣသရေလလူမျိုးလေ အဲဂုတ္တုပြည်ဟှ ထွပ်မြော့‑က်ဟှို့ ကြောန်းရာဟှို ပြောဘီး သူသေခါနီးမာ သူ့ရိုးန ပတ်သတ်ဘီး မှာဟှားလေဟှယ်။
\p
\v 23 မောရှေဟှို မွီးဖွားဘီးန ရှစ်ဇာကောန်းဟှူ သားဂန်းဟှားဖြစ်ဇာဟှို သူ့မိဖဗြင်ဟှူ ခီမာ ယောင်ကြည်ရှင်းအားဖြင့် မန်းဂီးရဲ့ မိန့်ဟှို ကြော့‑က်ဘဲ သောင်းလ လောင်းလောင်း သူ့ဟှို ဝှပ်ဟှားလေဟှယ်။
\p
\v 24 မောရှေဟှာ သတ်ရွယ်ကီးလာဟှူ ခီမာ ယောင်ကြည်ရှင်းအားဖြင့် ကိုယ့်ကိုယ်ကိုယ် ဖာရောမန်းဂီး သမီးတော်ရဲ့ သားဆိုဘီး ခေါ်ဟှူခွမ့်ဟှို ငြင်းပယ်ဘီးဟှာ၊ 
\v 25 ပြစ်ရှိဟှူ ကာမဂေါင်ဟှို ရှစ်ဟှားခံစားရဟှူ ဇာထတ် ဘုရားသခင်ရဲ့ လူမျိုးတော်လေနတူးဒူ ဆင်းရဲဒေါက်ခခံရဟှူ ဇာဟှို ယောင်ကြည်ရှင်းအားဖြင့် ဝီးချယ်လေဟှယ်။ 
\v 26 သူဟှာ နော့‑က်ရလာမယ့် ကျိုးဟှို မျှော်လင့်ဟှူကြောန့် ခရစ်တော်တွပ် ခံရဟှူ ကဲ့ရဲ့ပြစ်တန်ရှင်းဟှို အဲဂုတ္တုပြည်ရဲ့ စည်းဇိမ်ထတ် ပိုဘီး မြတ်ဟှူ စည်းဇိမ်ဖြစ်ဟှယ် ဆိုဘီး ယောင်ကြည်ရှင်းအားဖြင့် မှတ်ယူလေဟှယ်။
\p
\v 27 ယောင်ကြည်ရှင်းအားဖြင့် မန်းဂီးရဲ့ မျစ်တော်ဟှို ကြော့‑က်ဘဲန အဲဂုတ္တုပြည်ဟှို စွန့်ဘီးသွားလေဟှယ်။ ဖြားဖြစ်ကြောန့်နူးဆိုဟှာ သူဟှာ မျစ်စိန ဗြင်ရဘဲဟှူ ဘုရားသခင်ဟှို ဗြင်ရဟှူမျိုး တည်ကြည်မှု ရှိလေဟှယ်။ 
\v 28 သားဦးလေဟှို ဖျစ်ဆီးဟှူသူဟှာ ဣသရေလ လူမျိုးလေရဲ့ သားဦးလေဟှို ဒန်ခတ်ဘဲနေဟှို့တွပ် ယောင်ကြည်ရှင်းအားဖြင့် ပသခါပွဲဟှို စီမံဘီးဟှာ ခွဗော့‑က်တိုင်လေဟှို သွီးန ဖျန်းလေဟှယ်။
\p
\v 29 ဣသရေလ လူမျိုးလေဟှာ ကူးကြောန်းသွားရဟှူမျိုး ယောင်ကြည်ရှင်းအားဖြင့် ဧဒုံပန်လယ်ရဲ့ လယ်မာ ခေဂျင်ရှော့‑က်သွားရလေဟှယ်။ သူးနို့လေမျိုး အဲဂုတ္တုလူမျိုးလေ နော့‑က်ဟှ လိုက်ဟှူ ခီမာ ရေမ္လုပ်ဘီး သေဂေ့လေဟှယ်။
\p
\v 30 ယေရိခေါဗြို့ဟှို ခွန်နစ်ရစ် လောင်းလောင်း လှည့်ပတ်ဘီးမှ ယောင်ကြည်ရှင်းအားဖြင့် ဗြို့ရိုးပြိုလဲလေဟှယ်။ 
\v 31 ကောန်းဘဲဟှူ မီးမ ရာခပ်ဟှာ ယောင်ကြည်ရှင်းအားဖြင့် ဣသရေလ သူလျှိုလေဟှို မိဆွေဖွဲ့ဘီး ငြီးချမ်းမှုအားဖြင့် လတ်ခံဟှူကြောန့် ယောင်ကြည်ဘဲဟှူ သူလေနတူးဒူ ပျစ်စီးရှင်းခံရဟှ။
\p
\v 32 နော့‑က်ထပ် ဖယ်မူမျိုး ကြောန်းရာလေဟှို ပြောပြရအူးမယ်နူး။ ဂိဒေါင်၊ ဗာရက်၊ ရှံဆုံ၊ ယေဖေသ၊ ဒါဝိဒ်၊ ရှမွေလဟှနေစဘီး ပရောဖက်လေကြောန်းဟှို ပြောပြဟှို့ ကူဟှ။ 
\v 33 အယ်သူလေဟှာ ယောင်ကြည်ရှင်းအားဖြင့် တခြား တိုင်းနိုင်ငံလေဟှို အောန်ဟှယ်။ ဖြောန့်မတ်ရှင်းအားဖြင့် အောက်ချောက်ဟှယ်။ ဘုရားသခင်ရဲ့ ဂဒိတော်ဟှို ဝမ်စားဟှယ်။ ခြင်္သေ့နှောက်ဟှို ပိဟှယ်။ 
\v 34 တော့‑က်လောန်နေဟှူ မီးရှီဟှို ငြီးစေဟှယ်။ ထားလတ်နပ်ဘေးဟှ လွတ်ဟှယ်။ နာဟှနေ လွတ်မြော့‑က်ဘီး ကျမ်းမာရဟှယ်။ စစ်တိုက်ဟှူ ခီမာ စွမ်းရည်ခွန်အားန ပ္လဲ့ဝရဟှယ်။ တခြားလူမျိုးလေရဲ့ တပ်လေဟှို တိုက်ယူဖျစ်ဆီးရှင်း မှုရာလေဟှို ပြုဂေ့လေဟှယ်။ 
\v 35 မီးမလေလည်း ယောင်ကြည်ရှင်းအားဖြင့် သေဟှားဘီးဟှူ သူးနို့သားလေ သတ်ပ္လန်ရှင်လာဇာဟှို ပ္လန်ရဂေ့ဟှယ်။
\p တချို့လူလေဟှာ ပိုဘီးမြတ်ဟှူ ထမြော့‑က်ရှင်းဟှို ရော့‑က်ရှင်ကြောန့် လွတ်မြော့‑က်ဟှူ ဇာဟှို ခံယူဘဲ ရစ်ရစ်ဆစ်ဆစ် ညှင်းဆဲဇာဟှို ခံဂေ့လေဟှယ်။ 
\v 36 တချို့လူလေဟှာ ကဲ့ရဲ့ခံရဘီး၊ ရိုက်ခံရဘီး တချို့လူလေဟှာ ထောန်ထဲမာ သံကြိုးန ခယ်ဟှားဇာဟှို ခံရလေဟှယ်။ 
\v 37 သူးနို့ လေဟှာ က္လော့‑က်ခဲန ပစ်ခံရရှင်းလေ၊ လွှန ပိုင်းပိုင်း တိုက်ဖြတ်ခံရရှင်းလေ၊ စောင်ဇမ်း နှော့‑က်ယှစ်ခံရရှင်းလေ၊ ထားန သတ်ခံရရှင်းလေ၊ ဆင်းရဲရှင်းလေ၊ ညှင်းဆဲနှိစစ်ခံရဘီး သိုးသရေလေ၊ ဘဲ့သရေလေဟှို ဝတ်ဘီး လှည့်လည် သွားလာရဂေ့ဟှယ်။ 
\v 38 အယ်လောကဟှာ အယ်သူလေန ထိုက်တန်ဟှ။ သူးနို့လေဟှာ တောကြိုတောန်ကြားလေ၊ လှိုင်ဂူမ္လေတွမ်းလေထဲမာ လှည်လည်ဘီး နေရလေဟှယ်။
\p
\v 39 အယ်လူလေ အားလောင်းဂူဟှာ ယောင်ကြည်ရှင်းအားဖြင့် ထော့‑က်ခံ ချီးကျူးဟှူဇာဟှို ခံရဟှူလည်းဘဲ့ ဂဒိတော်တိုင်း ကျိုးကျေးဇူးလေဟှို ခံရဂေ့ဟှ။ 
\v 40 ဖြားဖြစ်ကြောန့်နူးဆိုဟှာ အယ်လူလေဟှာ နို့လေပါဘဲ စောင်လင်ရှင်းဟှို ရော့‑က်ဘဲနေဟှို့တွပ် ဘုရားသခင်ဟှာ နို့လေတွပ်ကြောန့် ပိုဘီး မြတ်ဟှူ ကျေးဇူးဟှို ကြံစည်တော်မူလေဟှယ်။
\c 12
\s နို့လေရဲ့ ဖဘုရားသခင်
\p
\v 1 အယ်ကြောန့် အယ်မျှလော့‑က်များဟှူ သတ်သေလေဟှာ နို့လေဟှို ဝိုင်းရံဟှားဟှူ ဖြစ်ကြောန့် နို့လေဟှာ ဝန်လေ အားလောင်းဂူန နှော့‑က်ယှစ်တတ်ဟှူ ပြစ်လေဟှို ဖယ်ရှားဘီး နို့မျစ်မှော့‑က်ရှေ့မာ ထားဟှားဟှူ ပန်းတိုင်ဟှို ရော့‑က်ဟှို့တွပ် အားလျှော့ဘဲ့န ပ္လေးဂေ့ဇို့။ 
\v 2 ယောင်ကြည်ရှင်းဟှို စပြုတည်စေဘီး စောင်လင်စေတော်မူဟှူ သခင်ယေရှုဟှို စေ့စေ့ထော့‑က်ရှုဂေ့ဇို့။ အယ်သခင်ဟှာ သူ့ရှေ့မာထားဟှူ ဝန်းမြော့‑က်ရှင်း ကြောန်းကြောန့် ယှစ်ကြော့‑က်ဟှူ ဇာလေဟှို မှတ်ဘဲန လတ်ဝါးကပ်တိုင်မာ ခံဘီးမှ ဘုရားသခင်ရဲ့ ပလ္လင်တော် ညာဖတ်မာ ထိုင်နေတော်မူဟှယ်။
\p
\v 3 ပြစ်ရှိဟှူ သူလေ လတ်ထဲမာ အယ်မျှလော့‑က်ကီးဟှူ ဆီးတား နှော့‑က်ယှစ်ရှင်းဟှို ခံတော်မူဟှူ သခင်ဟှို ထော့‑က်ရှု ဆင်ခြင်ရှင်းအားဖြင့် အားလျှော့ စိပျစ်မှုလေန လွတ်ကင်းဟှို့တွပ် ကြိုးစားဂေ့ပါ။ 
\v 4 နန်းနို့လေဟှာ ဒုစရိုက်ပြစ်ဟှို တွန်းလှန်ဟှူကြောန့် သွီးထွပ်အောန်ထိ ခံရဖူးသေးဟှ။ 
\v 5 ကျမ်းစာတော်မာ ဘုရားသခင်ဟှ
\q1 “ငါ့သား၊ ဘုရားသခင် ဆောင်းမ ပဲ့ပြင်တော်မူဟှူ ဇာဟှို လေးထားဘဲနေန။
\q2 ဆောင်းမခံရဟှူ ခီမာ စိပျစ်န။
\q1
\v 6 ဖြားဖြစ်ကြောန့်နူးဆိုဟှာ ဘုရားသခင်ဟှာ ရှစ်တော်မူဟှူ သားဟှို ဆောင်းမတတ်ဟှယ်။
\q2 သားဖြစ် လတ်ခံဟှူ သူရှိဟှူမျှဟှို ရိုက်ဘီး ဒန်ခတ်တော်မူတတ်ဟှယ်” ဆိုဘီး သားဂန်းဟှားလေဟှို ပြောဟှူမျိုး နန်းနို့လေဟှို ပြောဟှူ တိုက်တောန်း အားပေးစကားဟှို နန်းနို့မေ့ဟှားဂေ့ ဘီလော။
\m
\v 7 ဘုရားသခင်ဟှာ နန်းနို့ဟှို သားဟှူမျိုး ပြုမူတော်မူဟှူကြောန့် နန်းနို့လေဟှာ ဆောင်းမတော်မူဟှူ ဇာဟှို သီးခံဂေ့ရမယ်။ ဖြားဖြစ်ကြောန့်နူးဆိုဟှာ ဖဆောင်းမဘဲဟှူသား တဇောင်တယာ့‑က် ရှိဟှူကြောန့်လော။ 
\v 8 လူတိုင်းခံရတတ်ဟှူ ဆောင်းမရှင်းဟှို နန်းနို့ခံရဘဲနေဟှာ သားရင်းမှုဘဲ တရားဝမ်ဘဲဟှူ သားလေဘဲ့ ဖြစ်ဂေ့ဟှယ်။ 
\v 9 နော့‑က်ဘီး နို့လေဟှာ ကိုယ်ကာယနဆိုင်ဟှူ ဖခင်လေလတ်န ဆောင်းမဟှူဇာဟှို ခံရဟှူ ခီမာ သူးနို့လေဟှို ရိုသေလေးစားဂေ့ဟှယ်။ အယ်လော့‑က်နမကဟှ ဝိညာဉ်ရေးရာန ဆိုင်ဟှူ ဖခင်လေဟှို ပိုဘီး နာခံမယ် ဆိုဟှာ နို့လေဟှာ သတ်ချမ်းသာရာ ရဂေ့မယ် မှုဟှလော။ 
\v 10 ဖြားဖြစ်ကြောန့်နူးဆိုဟှာ ဇာတိဖခင်လေဟှာ သူးနို့ကောန်းမယ်ဆိုဘီး ထန်ဟှူတိုင်း ရှစ်ဟှားဘဲ့ ဆောင်းမပေးတတ်ဟှယ်။ အယ်ဘေမဲ့ ဘုရားသခင်ဟှာ သူ့ရဲ့ သန့်ရှင်းရှင်း ပါရမီတော်ဟှို နို့လေခံစားရဟှို့တွပ် နို့လေရဲ့ ကျိုးဟှို ထော့‑က်ဘီး ဆောင်းမပေးတော်မူဟှယ်။ 
\v 11 ဆောင်းမခံရဟှူ ဇာလေဟှာ ခံရဟှူ ခီမာ ဝန်းသာရမယ့် ကြောန်းရာ ဖြစ်ဟှယ် ဆိုဘီး ထန်ဘဲန ဝန်းနဲဇာ ဖြစ်ဟှယ် ဆိုဘီး ထန်တတ်လေဟှယ်။ အယ်ဘေမဲ့လည်း ဆောင်းမခံရဟှူ သူလေဟှာ နော့‑က်မှ ငြီသတ်ရှင်းန စပ်ဆိုင်ဟှူ ဖြောန့်မတ်ရှင်း ကျိုးဟှို ခံစားရဂေ့လေဟှယ်။
\s ညွှန်ကြားဟှူဇာန ဒိပေးချစ်လေကြောန်း
\p
\v 12 အယ်ကြောန့် အားကူနေဟှူ လတ်လေန အားမှေ့ဘဲဟှူ ဒူးလေဟှို ခိုင်ခံ့စေပါ။ 
\v 13 ခေသန်ဘဲဟှူ သူလေဟှာ ဆစ်လေပ္လုထွပ်ဘဲန ကောန်းတိုင်း ပ္လန်ဖြစ်လာစေဟှို့တွပ် နန်းနို့ရဲ့ ခေတွပ် ဖ္လောန့်ဟှူလမ်းဟှို ပြင်ဆင်ဂေ့ပါ။
\p
\v 14 လူလေန သင့်သင့်တင့်တင့်နေဘီး ငြီသတ်ရှင်းန သန့်ရှင်းရှင်း ပါရမီဟှို မှီအောန်လိုက်ဂေ့ပါ။ သန့်ရှင်းရှင်း ပါရမီ မှေ့ဘဲနေဟှာ ဖယ်သူလည်း ဘုရားသခင်ဟှို ဖူးဗြင်ရဟှို့ မှုဟှ။ 
\v 15 နန်းနို့လေဟှာ တစောင်တယော့‑က်လည်း ဘုရားသခင်ရဲ့ ကျေးဇူးတော်ဟှနေ ကွာဟှားဘဲနေဟှို့တွပ်န၊ ခါးဟှူ ပန်ပြစ်ပေါ့‑က်ထွပ်ဘီး နန်းနို့လေဟှို နှော့‑က်ယှစ်ဟှူကြောန့် လူလေဟှာ အယ်ရာလေအားဖြင့် ပြစ်န ညစ်ညူးဘဲနေဟှို့တွပ် ဒိပြုဂေ့ပါ။ 
\v 16 တရားဘဲဟှူ မေထုန်ပြုဟှူသူ မှေ့ဘဲနေဟှို့တွပ်န ဧသောဟှာ မှန်းတနပ်စာတွပ် သားဦးရပ်ရာဟှို ရောန်းဟှူမျိုး ဘုရားတရားဟှို ရိုသေဘဲဟှူ သူလေ ယော့‑က်လည်း မှေ့ဘဲနေဟှို့တွပ် ဒိပြုဂေ့ပါ။ 
\v 17 နန်းနို့ သိဂေ့ဟှူတိုင်းဘဲ့ သူဟှာ နော့‑က်မှ ကောန်းကြီးမင်္ဂလာဟှို မွီဆစ်ခံရှင်ဟှူလည်းဘဲ့ ငြင်းပယ်ဇာဟှို ခံရဘီး ကောန်းကြီးမင်္ဂလာဟှို ရရာတိုင်း လိုရှင်ကြောန့်\f + \fr ၁၂.၁၇ \fr*\fq ကောန်းကြီးမင်္ဂလာဟှို ရရာတိုင်း လိုရှင်ကြောန့်၊ \fq*\ft အယ်မျိုးမှုဘဲနေဟှာ \ft*\fqa သူဟှာ ကောန်းကြီးရဟှို့တွပ် ကြိုးစားဟှယ်။\fqa*\f* မျစ်ရယ်က္လဘီး တောန်းခံဟှူလည်းဘဲ့ သူ့ဖ စိပ္လောန်းလဲလာဇာဟှို ဗြင်ရဟှ။
\p
\v 18 နန်းနို့လေဟှာ လတ်န တို့ထိနိုင်ဟှူ တောန်ဟှိုဖြစ်ဖြစ်၊ လောန်ဟှူ မီးဟှိုဖြစ်ဖြစ်၊ မှောန်မဲဟှူ မိုးတီတိုက်ဟှိုဖြစ်ဖြစ်၊ မှောန်မိုက်ဟှိုဖြစ်ဖြစ်၊ မိုးသတ်မှောန်တိုင်းဟှိုဖြစ်ဖြစ်၊ 
\v 19 တံပိုးမှုဟှူ သံဟှိုဘဲ့ဖြစ်ဖြစ်၊ စကားတော်ဟှိုဘဲ့ဖြစ်ဖြစ် ချည်းကပ်ဂေ့ဟှူဇာမှုဟှ။ အယ်မူသံဟှို ကြားဟှူလူလေဟှာ နော့‑က်ထပ် မိန့်တော်မူဘဲနေဟှို့တွပ် တောန်းဗန်ဂေ့ဟှယ်။ 
\v 20 ဖြားဖြစ်ကြောန့်နူးဆိုဟှာ “လိဆန်ဖြစ်ဟှူလည်းဘဲ့ အယ်တောန်ဟှို ထိမိဟှယ် ဆိုဟှာ က္လော့‑က်ခဲနပစ်သတ်စေ” ဆိုဘီး မိန့်တော်မူဟှူ သံတော်ဟှို လူလေဟှာ နားခံနိုင်ဘဲကြောန့် ဖြစ်ဟှယ်။ 
\v 21 အယ်မူမျိုး ထန်းထန်ရှားရှား ဗြင်ရဟှူဇာဟှာ ရရာတိုင်း ကြော့‑က်ဇာကောန်းဟှူကြောန့် မောရှေဟှ “ငါဟှာ ကြော့‑က်ရွံ့ တူလှောက်ဘီး နေရဟှယ်” ဆိုဘီး ပြောလေဟှယ်။
\p
\v 22 နန်းနို့လေဟှာ ဇိအုန်တောန်န သတ်ရှင်တော်မူဟှူ ဘုရားသခင်ရဲ့ ဗြို့တော်ဖြစ်ဟှူ ကောန်းဂန် ယေရုရှလင်ဗြို့ဟှိုဘဲ့ဖြစ်ဖြစ်၊ တိုင်းမသိ ရရာတိုင်း များဟှူ ကောန်းဂန်တမန်လေရဲ့ စည်းဝေးရာဟှိုဘဲ့ဖြစ်ဖြစ်၊ 
\v 23 ကောန်းဂန်စာရင်းဝမ်ဟှူ သားဦးလေရဲ့ သင်းတော်ဟှိုဘဲ့ဖြစ်ဖြစ်၊ လူလေ အားလောင်းဂူဟှို တရားစီရင်တော်မူဟှူ ဘုရားသခင်နားဟှိုဘဲ့ဖြစ်ဖြစ်၊ စောင်လင်ရှင်းဟှိုရော့‑က်ဟှူ ဖြောန့်မတ်ဟှူ သူလေရဲ့ စိဝိညာဉ်လေဟှိုဘဲ့ဖြစ်ဖြစ်၊ 
\v 24 ပဋိညာဉ်တရားသစ်ရဲ့ အာမခံဖြစ်ဟှူ ယေရှုနားဟှိုဘဲ့ဖြစ်ဖြစ်၊ အာဗေလရဲ့သွီး ပြောဆိုဟှူဇာထတ် ပိုဘီးမြတ်ဟှူရာဟှို ပြောဆိုဟှူ ပတ်ဖျန်းဟှူ သွီးထံဟှိုဘဲ့ဖြစ်ဖြစ် ရော့‑က်ဂေ့ဟှယ်။
\p
\v 25 အယ်ကြောန့် နန်းနို့လေဟှာ မိန့်တော်မူဟှူ သူရဲ့ စကားတော်ဟှို ငြင်းဆန်မိဘဲနေဟှို့တွပ် ဒိပြုဂေ့ပါ။ မ္လေဂီးထတ်မာ ဗျာဒိတ်တော် ဆင့်ဆိုသူရဲ့ စကားဟှို ငြင်းဆန်ဟှူ သူလေဟှာ ပြစ်လွတ်ခွမ့်မှေ့ဘဲနေဟှာ အယ်လော့‑က်နမကဟှ ကောန်းဂန်ဘောင်ဟှ မိန့်တော်မူဟှူ သူရဲ့ စကားဟှို နို့လေ နားထောန်ဘဲနေဟှာ ပိုဘီး ကီးလေးဟှူ ပြစ်န ဖယ်မူမျိုး လွတ်ကင်းနိုင်မယ်နူး။ 
\v 26 ရင်ဒူးဟှ ဗျာဒိတ်တော်သံဟှာ မ္လေဂီးဟှို လှောက်ဟှူ ဇာဖြစ်ကြောန့် ကိုယ်တော်ဟှ “နော့‑က်ထပ်ခါ ငါဟှာ မ္လေဂီးန ကောန်းဂန်ဟှို လှောက်အူးမယ်” ဆိုဘီး ဂဒိတော်ရှိဟှယ်။ 
\v 27 “နော့‑က်ထပ်ခါ” ဆိုဘီး ပြောဟှူ စကားရဲ့ ဓိပါယ်ဟှာ လှောက်ဘဲဟှူ ဇာလေဟှို တည်စေဟှို့တွပ် လှောက်ဟှူရာလေဟှို လောကရာလေမျိုး ပယ်ဖျစ်လေ့မယ် ဆိုဘီး ဆိုလိုဇာဖြစ်ဟှယ်။
\p
\v 28 အယ်ကြောန့် နို့လေဟှာ လှောက်နိုင်ဘဲဟှူ နိုင်ငံဟှို ရဟှူသူလေဖြစ်ကြောန့် ခန့်ညား ကြော့‑က်ရွံ့ဟှူ သဘောန ဘုရားသခင် နှစ်သက်ဟှူ နည်းတိုင်း ဝတ်ပြုကိုးကွယ်ဟှို့တွပ် ကျေးဇူးတော်လေဟှို စွဲလန်းဂေ့ဇို့။ 
\v 29 ဖြားဖြစ်ကြောန့်နူးဆိုဟှာ နို့လေရဲ့ ဘုရားသခင်ဟှာ လောင်ဟှူမီး ဖြစ်တော်မူဟှယ်။
\c 13
\s ဘုရားသခင်နှစ်သက်တော်မူဟှို့ လောက်ဆောန်ဟှူနည်းကြောန်း
\p
\v 1 ညီကို မောန်နှမရှင်းရှင်း ရှစ်ရှင်းမြစ်တာန တည်နေဂေ့ပါ။ 
\v 2 ဧည့်ဝတ်ပြုဟှူဇာဟှို မေ့ဂေ့န။ ဖြားဖြစ်ကြောန့်နူးဆိုဟှာ တချို့လူလေဟှာ ဧည့်ဝတ်ပြုဟှူ ခီမာ ကောန်းဂန်တမန်လေဟှို မှတ်တမဲ့ ဧည့်ခံဂေ့ဟှယ်။ 
\v 3 နန်းနို့လေဟှာ ကျဉ်းက္လခံနေရဟှူ သူလေနတူးဒူ ကိုယ်လည်းခံနေရဟှူမျိုး မှတ်ယူဘီး သူးနို့လေဟှို ဒိရဂေ့ပါ။ နန်းနို့လေဟှာ ကိုယ်ခန္ဓာန လွတ်ကင်းဘဲဟှူ သူလေဖြစ်ဟှူကြောန့် ညှင်းဆဲခံရဟှူသူလေဟှို အော့‑က်မေ့ဂေ့ပါ။
\p
\v 4 လူလေ အားလောင်းဂူဟှာ သူးနို့ရဲ့မင်္ဂလာဆောန်ရှင်းန သစ်စာသံဝါသပြုဟှူ မှုရာဟှို ညစ်ညူးမှုမှေ့ဘဲန အသရေရှိစေပါ။ တရားဘဲဟှူမေထုန်ဟှို ပြုဟှူသူလေန သူ့မယားဟှိုပြစ်မှားဟှူသူလေဟှို ဘုရားသခင် စစ်ကြောစီရင်တော်မူလေ့မယ်။
\p
\v 5 နန်းနို့လေရဲ့ ကျင့်ကြံပြုမူရှင်းဟှာ ကပ်ဟှိုတတ်မတ်မှုမှေ့ဘဲန ကိုယ့်မာရှိဟှူ အောက်စာန ရောင့်ရဲမှုရှိဂေ့ပါ။ ဖြားဖြစ်ကြောန့်နူးဆိုဟှာ “ငါဟှာ နန့်ဟှိုမစွန့်။ နန့်ဟှို လောင်းဝပစ်ဟှားဟှ” ဆိုဘီး ဂဒိတော်ရှိဟှယ်။ 
\v 6 အယ်ကြောန့်
\q1 “ဘုရားသခင်ဟှာ ငါ့ဟှိုမစတော်မူဟှူ သခင် ဖြစ်ဟှူကြောန့်
\q2 လူဟှာ ငါ့ဟှို ပြုနိုင်သမျှဟှို ငါကြော့‑က်ဟှ” ဆိုဘီး
\q1 နို့လေဟှာ ရဲရင့်ဟှူစိန ပြောဆိုရဟှူခွမ့် ရှိဂေ့ဟှယ်။
\p
\v 7 ဘုရားသခင်ရဲ့ စကားတော်ဟှို ဟောပြောဟှူ နန်းနို့လေရဲ့ခေါန်းဆောန်လေဟှို အော့‑က်မေ့ဂေ့ပါ။ သူးနို့လေဟှာ ဖယ်မူမျိုး ကျင့်ကြံပြုမူဘီး သေဟှားဂေ့ဟှူဆိုဇာဟှို စေ့စေ့ဆင်ခြင်ဘီး သူးနို့လေရဲ့ ယောင်ကြည်ရှင်းဟှို မှီအောန်လိုက်ဂေ့ပါ။ 
\v 8 ယေရှုခရစ်ဟှာ နန့်ကီး၊ အယ်နေ့၊ နော့‑က်ကာလစဉ်ဆစ် ပ္လောန်းလဲဘဲန နေတော်မူဟှယ်။ 
\v 9 ထူးထူးပြားပြား ယူဝါဒသစ်လေနော့‑က်ဟှိုလိုက်ဘီး စိဖော့‑က်ပ္လန်ဂေ့န။ ဖြားဖြစ်ကြောန့်နူးဆိုဟှာ စာအားဖြင့်မှုဘဲ ကျေးဇူးတော်အားဖြင့် စိနှလောင်းဟှို တည်ကြည်စေဟှူဇာဟှ ပိုဘီးကောန်းမြတ်ဟှယ်။ စာအားဖြင့် သတ်ရှင်ရှော့‑က်လှမ်းဟှူသူဟှာ ကျိုးဟှိုရဂေ့ဟှ။
\p
\v 10 တဲတော်မာ ဝတ်ပြုဟှူသူလေ စားပိုင်ခွမ့်မှေ့ဘဲဟှူ ယဇ်ပလ္လင်ဟှာ နို့လေမာရှိဟှယ်။ 
\v 11 ဖြားဖြစ်ကြောန့်နူးဆိုဟှာ ယဇ်ပုရောဟိတ်မန်းဟှာ ပြစ်ဖြေဟှူ ယဇ်ကောန်ရဲ့သွီးဟှို သန့်ရှင်းဆောင်းဌာနထဲဟှို ယူသွမ်းဆောန်ဘီးမှ ယဇ်ကောန်လေရဲ့ကိုယ်ဟှို တပ်ပ္လန်မာ မီးရှို့ရဟှယ်။ 
\v 12 အယ်မူမျိုးတိုင်းဘဲ့ ယေရှုဟှာ သူ့ရဲ့သွီးန လူလေဟှို စင်ကြယ်စေဟှို့တွပ် ဗြို့ခွဗော့‑က်ပ္လန်မာ သေခံတော်မူလေဟှယ်။ 
\v 13 အယ်ကြောန့် နို့လေဟှာ အယ်သခင်နတူးဒူ ကဲ့ရဲ့ခံဘီး တပ်ပ္လန် ကိုယ်တော်ထံတော်ဟှို ထွပ်ဟှားဂေ့ဇို့။ 
\v 14 ဖြားဖြစ်ဟှူကြောန့်နူးဆိုဟှာ အယ်လောကဟှာ နို့လေတွပ် မြဲတည်ဟှူဗြို့မှေ့ဟှ။ နော့‑က်ဖြစ်လာမယ့်ဗြို့ဟှိုဘဲ့ မျှော်လင့်နေဂေ့ဇာ ဖြစ်ဟှယ်။ 
\v 15 အယ်ကြောန့် နို့လေဟှာ နာမတော်ဟှို ဝန်ခံဘီး နှောက်ခမ်းသီးဖြစ်ဟှူ ချီးမွမ်းရှင်းယဇ်ဟှို သခင်ယေရှုခရစ်အားဖြင့် ဘုရားသခင်ရှေ့တော်မာ မြဲဒမ်း ပူဇော်ဂေ့ဇို့။ 
\v 16 ကျေးဇူးပြုဟှူမှု အောက်စာဝီမျှဟှူမှုလေဟှို မေ့ဂေ့န။ အယ်မူမျိုးပြုဟှူယဇ်ဟှို ဘုရားသခင်ဟှာ အားရနှစ်သက်တော်မူဟှယ်။
\p
\v 17 နန်းနို့လေရဲ့ ခေါန်းဆောန်လေစကားဟှို နှိခ္လဘီး နားထောန်ဂေ့ပါ။ သူးနို့လေဟှာ ကိုယ်တိုင် စစ်ကြောခံရဟှူသူလေမျိုး နန်းနို့စိဝိညာဉ်ရဲ့ကျိုးတွပ် စောန့်ရှော့‑က်နေဂေ့ဟှယ်။ နန်းနို့လေဟှာ သူးနို့စကားဟှို နားထောန်ဟှယ် ဆိုဟှာ သူးနို့လေ ဝန်းမြော့‑က်ရှင်းန လောက်ဆောန်ဂေ့လေ့မယ်။ အယ်မျိုးမှုဘဲနေဟှာ သူးနို့ဝန်းနဲရဟှူကြောန့် နန်းနို့လေ ဖယ်မျိုးလည်းကျိုးရှိဟှို့ မှုဟှ။
\p
\v 18 နို့လေတွပ်လည်း ဆုတောန်းပေးဂေ့ပါ။ နို့လေဟှာ ကိုယ့်ကိုယ်ကိုယ် သိဟှူစိ ကြည်လင်ဟှယ် ဆိုဇာဟှို ယောင်ကြည်ဘီး ရာရာလေမာ ကောန်းကောန်းမွန်မွန် ကျင့်ကြံနေဂေ့ဟှို့တွပ် လိုရှင်သူဖြစ်ဟှယ် ဆိုဇာ စိစွဲလမ်းမှုရှိဂေ့ဟှယ်။ 
\v 19 ငါဟှာ နန်းနို့လေနားဟှို ဗြန်းဗြန်လာနိုင်ဟှို့တွပ် နို့လေဟှို ဆုတောန်းပေးဟှို့ ပိုဘီး နှိုးဆော်တောန်းဗန်ပါဟှယ်။
\s နိဂေါင်းချောက် ဆုတောန်းရှင်းကြောန်း
\p
\v 20 ထာဝရပဋိညာဉ်နဆိုင်ဟှူ သူ့သွီးတော်\f + \fr ၁၃.၂၀ \fr*\fq သူ့သွီးတော်၊ \fq*\ft အယ်မျိုးမှုဘဲနေဟှာ \ft*\fqa သူ့ရဲ့ သေခံပူဇော်မှု။\fqa*\f*အားဖြင့် သိုးလေဟှိုထီးဟှူ သိုးထီးဂီးဖြစ်ဟှူ နို့လေရဲ့သခင်ယေရှုဟှို သေရှင်းဟှ နှုဆောန်တော်မူဟှူ ငြီသတ်ရှင်းရဲ့ရှင် ဘုရားသခင်ဟှာ၊ 
\v 21 ရှေ့တော်မာ နှစ်သက်တော်မူဟှူ မှုရာလေဟှို ယေရှုခရစ်အားဖြင့် နန်းနို့လေဟှို ပြုတော်မူဘီး နန်းနို့လေဟှာ လိုတော်ဟှို လိုက်ရှော့‑က်ဂေ့ဟှို့တွပ် ကောန်းဟှူကျင့်မျိုးမျိုးလေန ပြုပြင်တော်မူပါစေ။ အယ်သခင်ယေရှုခရစ်ဟှာ ကမ္ဘာဆစ်ဆစ် ဖောင်းကီးတော်မူပါစေ! အာမင်။
\s နိဂေါင်းချောက် မှာဟှူစကားကြောန်း
\p
\v 22 ညီကို မောန်နှမလေ၊ ငါဟှာ နန်းနို့နားဟှို လိုရင်းတိုရှင်းအားဖြင့် ရေးပို့လိုက်ဟှူ အယ်မူ တိုက်တွန်းအားပေးစကားဟှို သီးခံဘီး ခံယူဟှို့တွပ် ငါတောန်းဗန်ပါဟှယ်။ 
\v 23 နို့လေရဲ့ညီ တိမောသေဟှာ လွတ်လာဘီဖြစ်ဟှူကြောန်းဟှို နန်းနို့လေဟှို သိစေရှင်ပါဟှယ်။ သူဗြန်းဗြန်ရော့‑က်လာဟှယ် ဆိုဟှာ ငါဟှာ သူ့နတူးဒူ နန်းနို့လေဟှို လာတွိမယ်။
\p
\v 24 နန်းနို့ ခေါန်းဆာန်လေန သန့်ရှင်းသူလေအားလောင်းဟှို နှောက်ဆစ်ပါဟှယ်။ ဣတလိပြည်သူပြည်သားလေဟှာ နန်းနို့လေဟှို နှောက်ဆစ်ဂေ့ပါဟှယ်။
\p
\v 25 နန်းနို့အားလောင်းမာ ကျေးဇူးတော် ရှိပါစေ။