\id EPH - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ဧဖက်
\toc1 ဧဖက် သင်းတော်ဟှို ပေါလုရဲ့ ပေးစာ
\toc2 ဧဖက်
\toc3 ဧ
\mt1 ဧဖက်
\mt2 ဧဖက် သင်းတော်ဟှို ပေါလုရဲ့ ပေးစာ
\is နိဒါန်း
\im \bk ဧဖက် သင်းတော်ဟှို ပေါလုရဲ့ ပေးစာ\bk*ဟှာ ခရစ်တော် မွီးဘီးန ၆၀ ခုနှစ်လော့‑က်ဟှ ကောလောသဲ သင်းတော်ဟှို ပေါလုရဲ့ ပေးစာန တခီဒဲ ရေးဟှားဟှယ်။ စာရေးသူဟှာ သူကိုယ်သူ တမန်တော် ပေါလုဖြစ် ဖော်ပြဟှားဟှယ် (\xt ၁.၁\xt*)။ ကောလောသဲကျမ်းထဲမာ လူပေါက်ကိုလေဟှို နှောက်ဆစ်ဟှားဇာ တွိရဘေမဲ့ ဧဖက်ကျမ်းထဲမာ နဲနဲဟှားဘဲ တွိရဟှယ်။ ပေါလုဟှာ အယ်ပေးစာဟှို ရေးဟှားဟှယ် ဆိုဘီး ကျမ်းစာပညာရှင်လေဟှ ဘောတူဟှားဟှယ်။ အယ်ကြောန်းကြောန့် အယ်ပြည်ဟှ သင်းတော်လေထဲမာ ပ္လံ့နှံ့ဟှို့ ရည်ရွယ်ဟှားဟှယ်။ ပေါလုဟှာ အယ်ပေးစာဟှို ထောန်ထဲဟှနေ ရေးဟှားဟှယ် ဆိုဘီးလည်း ဖော်ပြဟှားဟှယ် (\xt ၃.၁; ၄.၁;\xt* န \xt ၆.၂၀\xt*)။ ပေါလုဟှာ ဧဖက် သင်းတော်ဟှို ခရီးပြုနေဟှူ တုခိတ်နတူးဒူ အယ်ပေးစာဟှို ဆောန်းဗါးပါးလိုက်ဟှယ် (\xt ၆.၂၁–၂၂\xt*)။
\ip ဧဖက်ဗြို့ဟှာ အာရှမိုင်းနားပြည်ရဲ့ ရရာတိုင်း ကီးမားဟှူ ရောမဗြို့တော်ဖြစ်ဟှယ်။ အယ်ဗြို့ဟှာ ဂရိနတ်ဖုရားမ အာတေမိဟှို ပူဇော်ဟှူ ဗိမာန်ရှိဟှူကြောန့် ထန်ရှားလေဟှယ် (\xt တ ၁၉.၂၃–၃၁\xt*)။ ဧဖက် သင်းတော်ဟှာ စမာ အားကောန်းဘေမဲ့ နော့‑က်ပိုင်းမာ အားပျော့လာဟှယ် (\xt ဗျာ ၂.၁–၇\xt*)။
\ip ပေါလုဟှာ အယ်ပေးစာရဲ့ တဝပ်လော့‑က်မာ ဘုရားသခင်ဟှာ သူ့ရဲ့ လူမျိုးတော်လေဟှို ဖယ်မျိုး ဝီးကော့‑က်ခံရဘီး ယေရှုခရစ်တော်အားဖြင့် သူးနို့ရဲ့ ပြစ်ဟှနေ ဖယ်မျိုး ကယ်တန်ခံရဟှယ် ဆိုဇာဟှို ရှင်းပြဟှားဟှယ်။ သူဟှာ ခရစ်တော်ရဲ့ ကိုယ်ခန္ဓာဖြစ်ဟှူ သင်းတော်ဟှို ဦးခေါန်းဖြစ်န ခရစ်တော်ရဲ့ ဆောက်ဦးဟှို တိုက်ဒေါ့‑က်ချောက်ဖြစ် နှိုင်းယှဉ်ဟှားဟှယ်။ သင်းတော်ဟှာ ဒို့သမီးဖြစ်ဘီး ခရစ်တော်ဟှာ ဒို့သားဖြစ်ဟှယ် ဆိုဘီး နှိုင်းယှဉ်ဟှားဟှယ်။ ပေါလုဟှာ အယ်ပေးစာရဲ့ ဒုတိယတဝပ်မာ ခရစ်ယာန်သတ်တာန ဆိုင်ဟှူ ညွန်းကြားချစ်လေဟှို ပေးဟှားဟှယ်။
\iot ကြောန်းရာ ကျဉ်းချောက်
\io1 ၁။ ခန်းဂီး ၁ ထဲမာ ပေါလုဟှာ သူ့ကိုယ်သူ မိတ်ဆစ်ဟှားဘီး ဧဖက် သင်းတော်ဟှို နှောက်ဆစ်ဇာအားဖြင့် နိဒါန်းပျိုးဟှားဟှူကြောန်း \ior (၁.၁–၂)\ior*
\io1 ၂။ သူဟှာ ခရစ်တော်န သင်းတော်ရဲ့ ဆစ်နွယ်ရှင်းဟှို ရှင်းပြဟှားဟှူကြောန်း \ior (၁.၃—၃.၂၁)\ior*
\io1 ၃။ ပေါလုဟှာ ခရစ်ယာန်လေ သတ်ရှင်ရမယ့် နည်းလမ်းဟှို ရေးဟှားဟှူကြောန်း \ior (၄.၁—၆.၂၀)\ior*
\io1 ၄။ ပေါလုဟှာ ညွန်ကြားချစ်တချို့ဟှို ပေးပြီး နိဂေါင်းချောက်ဟှားဟှူကြောန်း \ior (၆.၂၁–၂၄)\ior*
\ie
\c 1
\po
\v 1 \x - \xo ၁.၁ \xo*\xt တ ၁၈.၁၉–၂၁; ၁၉.၁\xt*\x*ဘုရားသခင်ရဲ့ လိုတော်အားဖြင့် ခရစ်တော်ယေရှုရဲ့ တမန်တော်ဖြစ်ဟှူ ငါပေါလုဟှာ —
\po ခရစ်တော်နှိုက် သစ်စာရှိဘီး ဧဖက်ဗြို့\f + \fr ၁.၁ \fr*\ft တချို့ မူရင်းလတ်ရေးမူလေမာ \ft*\fq ဧဖက်ဗြို့၊ \fq*\ft ဆိုဇာ မှေ့ဟှ။\ft*\f* မာနေဂေ့ဟှူ သန့်ရှင်းသူလေနားဟှို စာရေးလိုက်ဟှယ်။
\po
\v 2 နို့လေရဲ့ဖဖြစ်ဟှူ ဘုရားသခင်န ယေရှုခရစ်တော်နားဟှနေ ကျေးဇူးတော်န ငြီသတ်ရှင်းဟှာ နန်းနို့လေဟှာ ခံစားရပါစေ။
\s ခရစ်တော်အားဖြင့်ရဟှူ ဝိညာဉ်ဆုကျေးဇူးကြောန်း
\p
\v 3 နို့လေဟှာ သခင်ယေရှုခရစ်တော်ရဲ့ဖ ဘုရားသခင်ရဲ့ ကျေးဇူးတော်ဟှို ချီးမွမ်းဂေ့ဇို့။ ဖြားဖြစ်ကြောန့်နူးဆိုဟှာ ကိုယ်တော်ဟှာ ကောန်းဂန်လောကနဆိုင်ဟှူ ဝိညာဉ်ကောန်းကြီးမင်္ဂလာလေဟှို ယေရှုခရစ်တော်အားဖြင့် တလောင်းတဝဒဲ ဖြစ်ဟှူ နို့လေဟှို ပေးသနားဟှားကြောန့် ဖြစ်ဟှယ်။ 
\v 4 နို့လေဟှာ ခရစ်တော်န တလောင်းတဝဒဲ ဖြစ်ဟှူကြောန့် ရှေ့တော်မာ သန့်ရှင်းဘီး ပြစ်တန်ဇာမှေ့ဘဲန လွတ်ကင်းဟှူ လူလေ ဖြစ်ဂေ့ဟှို့တွပ် အယ်ကမ္ဘာလောက မှေ့ခန်ဒူးဟှ နို့လေဟှို ဘုရားသခင်ဟှာ ဝီးကော့‑က်ဟှားဇာ ဖြစ်ဟှယ်။
\p ကိုယ်တော့် မြစ်တာကြောန့် 
\v 5 ဘုရားသခင်\f + \fr ၁.၄–၅ \fr*\fq ကိုယ်တော့် မြစ်တာကြောန့်\fq* \fv ၅\fv* \fq ဘုရားသခင်၊ \fq*\ft အယ်မျိုးမူဘဲနေဟှာ \ft*\fqa ကိုယ်တော်ရဲ့ ရှေ့တော်န မြစ်တာထဲမာ နေဟှယ်၊ ဘုရားသခင်။\fqa*\f*ဟှ သူ့ရဲ့ သားမီးလေ ဖြစ်စေဟှို့တွပ် ယေရှုခရစ်တော်အားဖြင့် ကြိုတန်ဘီး သတ်မှတ်ဟှားရှင်း ဖြစ်ဟှယ် — အယ်မူဇာဟှာ ကိုယ်တော်ရဲ့ လိုတော်န ကြံစည်တော်လေဘဲ့ ဖြစ်ဟှယ်။ 
\v 6 ကိုယ်တော်ဟှာ ရရာတိုင်း ရှစ်ဟှူ သားတော်အားဖြင့် နို့လေဟှို လတ်ဆောန်ပေးဟှူ ဖောင်းသရေတော်န ပ္လဲ့ဇောင်ဟှူ ကျေးဇူးတော်တွပ် နို့လေဟှာ ဘုရားသခင်ဟှို ချီးမွမ်ဂေ့ဇို့။ 
\v 7 \x - \xo ၁.၇ \xo*\xt ကော ၁.၁၄\xt*\x*ဘုရားသခင်ရဲ့ ကျေးဇူးတော်ဟှာ ကြွယ်ဝဟှူကြောန့် နို့လေဟှာ ခရစ်တော်ရဲ့ သွီးတော်အားဖြင့်\f + \fr ၁.၇ \fr*\fq ခရစ်တော်ရဲ့ သွီးတော်အားဖြင့်၊ \fq*\ft အယ်မျိုးမှုဘဲနေဟှာ \ft*\fqa ခရစ်တော်ရဲ့ သေခံရှင်းအားဖြင့်။\fqa*\f* ဝီးကော့‑က်ရှင်းဖြစ်ဟှူ လွန်ကျူးဟှူပြစ်လေ ခွမ့်လွှတ်ရှင်းကျေးဇူးဟှို အယ်သားတော်အားဖြင့် ရရှိဂေ့ဟှယ်။ 
\v 8 ဘုရားသခင်ဟှာ အယ်ကျေးဇူးတော်ဟှို နို့လေမာ ကြွယ်ဝပ္လဲ့ဇောင်စေဘီး ရာအားလောင်းဟှိုသိဟှူ ဉာဏ်ပညာနရော၊ သိပညာလေနရော၊
\p
\v 9 သူ့ရဲ့ရည်ရွယ်ချစ်တိုင်း လောက်လိုက်ဟှယ်။ ခရစ်တော်ကြောန့် နတ်နဲဟှူကြံစည်လေဟှို နို့လေဟှို သိစေဟှယ်။ 
\v 10 အယ်မျိုးကြံစည်လေဟှာ ခီက္လလာဟှူ ခီမာ ကောန်းဂန်ဘောင်မာရှိဟှူ ဇာလေရော၊ မ္လေဂီးထတ်မာရှိဟှူ ဇာလေရော အားလောင်းဂူဟှို ခရစ်တော်အော့‑က်မာ ပေါန်းစည်းဟှို့တွပ် စီမံဘီးဟှာ ခွဲခန့်ဟှားဇာ ဖြစ်ဟှယ်။
\p
\v 11 ရာအားလောင်းဂူဟှို ဘုရားသခင်ရဲ့ ကြံစည်န ဆောင်းဖြတ်ဟှားတိုင်း ဖြစ်လာရဟှယ်။ ဘုရားသခင်ဟှာ သူ့ရဲ့လိုတော်ကြောန့် ရှေးရှေးဒူးဟှနေ စီရင်ဘီး ဆောင်းဖြတ်ဟှားဟှူတိုင်း နို့လေဟှို ခရစ်တော်န တလောင်းတဝဒဲ ဖြစ်စေဘီးဟှာ သူ့ရဲ့ လူမျိုးတော်ဖြစ်န ဝီးချယ်ဟှားဇာ ဖြစ်ဟှယ်။ 
\v 12 အယ်ကြောန့် ခရစ်တော်ဟှို ဦးဆောင်းပထမ မျှော်လင့်ဟှူနို့လေဟှာ ဘုရားသခင်ရဲ့ ဖောင်းသရေတော်ဟှို ချီးမွမ်းဂေ့ဇို့။
\p
\v 13 နန့်နို့လေဟှာ ကယ်တန်ရှင်းနဆိုင်ဟှူ ဒန်းကောန်းဖြစ်ဟှူ သမ္မာတရားဟှို ကြားရဟှူ ခီမာ ဘုရားသခင်ရဲ့ လူမျိုးလေ ဖြစ်လာဂေ့ဟှယ်။ နန်းနို့ဟှာ ခရစ်တော်ဟှို ယောင်ကြည်ဘီး ဘုရားသခင်ဟှာ သူ့ရဲ့ ဂဒိထားဟှားတိုင်း သန့်ရှင်းဟှူဝိညာဉ်တော်ဟှို ပေးဇာအားဖြင့် နန်းနို့ဟှို သူပိုင်ဟှူကြောန့် ဇိခတ်ဇာဟှို ခံရဂေ့ဟှယ်။ 
\v 14 ဝိညာဉ်တော်ဟှာ ဘုရားသခင်ရဲ့ လူမျိုးတော်ဟှို ဂဒိထားဟှားတိုင်း နို့လေဟှား ခံစားရမယ်ဖြစ်ကြောန်း အာမခံချစ်ဖြစ်ဟှယ်။ အယ်ကြောန့် ဘုရားသခင်ဟှာ သူပိုင်ဟှူလူလေဟှို လွတ်မြော့‑က်စေမယ် ဖြစ်ဟှူကြောန့် နို့လေဟှာ ယောင်ကြည်စိခ္လနိုင်ဟှယ်။ နို့လေဟှာ ကိုယ်တော်ရဲ့ ဖောင်းသရေတော်တော်ဟှို ချီးမွမ်းဂေ့ဇို့။
\s ပေါလု ဆုတောန်းကြောန်း
\p
\v 15 အယ်ကြောန့် နန့်နို့ဟှာ သခင်ယေရှုဟှို ယောင်ကြည်ဘီး သန့်ရှင်းသူလေဟှို ရှစ်ဟှူကြောန်းဟှို ကြားရဟှူခီဟှစဘီး၊ 
\v 16 ငါဟှာ နန်းနို့ကြောန့်မြဲဒမ်း ကျေးဇူးတော်ဟှို ချီးမွမ်ဟှယ်။ နန်းနို့တွပ်လည်း ဆုတောန်းပေးနေဟှယ်။ 
\v 17 နို့လေရဲ့ သခင်ယေရှုခရစ်တော်ရဲ့ ဘုရားသခင်ဖြစ်ဟှူ ဖောင်းသရေတော်န ပ္လဲ့ဇောင်ဟှူဖဟှာ သူ့ဟှိုသိဟှို့တွပ် ဉာဏ်ပညာဟှို ပေးဘီး ဗျာဒိတ်တော်နဆိုင်ဟှူ ဝိညာဉ်ဟှို နန်းနို့ဟှို ပေးဟှို့ကြောန်းန၊ 
\v 18 ဘုရားသခင်ဟှာ နန့်နို့ရဲ့ စိနှလောင်းမျစ်စိဟှို ဖွမ့်ဟှို့တွပ်န ခေါ်ဟှားဟှူဇာနဆိုင်ဟှူ မျှော်လင့်ဇာဟှာ ဖယ်မျိုးဇာဖြစ်ဟှယ် ဆိုဇာရော၊ သန့်ရှင်းဟှူသူလေဟှ ခံရဟှူမွီဟှာ ဖောင်းသရေတော်န ဖယ်မျှလော့‑က် ကြွယ်ဝဟှူဇာရော၊ 
\v 19 ကိုယ်တော်ရဲ့ စွမ်းသတ္တိန ပ္လဲ့ဇောင်ဟှူ တဂိုးရှီဝါရဲ့ လောက်ဆောန်ဇာအားဖြင့် ယောင်ကြည်ဟှူ နို့လေထတ်ဟှို ရော့‑က်လာဟှူတဂိုးဟှာ ဖယ်မျှလော့‑က်ထူးခြားဘီး ရရာတိုင်း ကီးဟှယ် ဆိုဇာဟှိုရော နန့်နို့လေဟှာ သိဟှို့တွပ် ငါဆုတောန်းဟှယ်။ 
\v 20 ခရစ်တော်ဟှို သေရာဟှနေ ပ္လန်ရှင်စေဘီး ကောန်းဂန်ဘောင်မာ သူ့ရဲ့ ညာဖတ်မာ ထိုင်နေဟှူခီဒူးဟှ ဘုရားသခင်ဟှ သောင်းပြုလိုက်ဟှူ တဂိုးတော်ဘဲ့ ဖြစ်ဟှယ်။ 
\v 21 အယ်ကောန်းဂန်ဘောင်မာ ခရစ်တော်ဟှာ ကောန်းဂန်လောကဟှို အောက်စိုးဟှူသူလေ၊ အာဏာပိုင်လေ၊ တဂိုးလေန သခင်အားလောင်းဂူရဲ့ ဘွဲ့နာမလေထတ်မာ အောက်စိုးဘီး ကိုယ်တော်ရဲ့ နာမတော်ဟှာ ဗြင်နေရဟှူလောကန နာဂတ်လောကမာ ခေါ်နေဟှူဘွဲ့နာမ အားလောင်းဂူထတ် ကီးမြတ်ဟှယ်။ 
\v 22 \x - \xo ၁.၂၂,၂၃ \xo*\xt ကော ၁.၁၈\xt*\x*ဘုရားသခင်ဟှာ ရာအားလောင်းဂူဟှိုလည်း ခရစ်တော်ရဲ့ ခေဖွားအော့‑က်မာ ခ္လဟှားဘီးဟှာ ကိုယ်တော့်ဟှို ရာအားလောင်းဂူရဲ့ထတ်မာ ဦးခေါန်းဖြစ်စေဘီး သင်းတော်ဟှို ပေးဟှယ်။ 
\v 23 အယ်သင်းတော်ဟှာ ရှိမျှအားလောင်းဂူဟှို ပ္လဲ့ဝစောင်လင်စေဟှူ ခရစ်တော်ရဲ့ ကိုယ်ခန္ဓာ ဖြစ်ဟှယ်။\f + \fr ၁.၂၃ \fr*\fq ရှိမျှအားလောင်းဂူဟှို ပ္လဲ့ဝစောင်လင်စေဟှူ ခရစ်တော်ရဲ့ ကိုယ်ခန္ဓာ ဖြစ်ဟှယ်၊ \fq*\ft အယ်မျိုးမှုဘဲနေဟှာ \ft*\fqa ရှိမျှအားလောင်းဂူဟှို ပ္လဲ့ဇောင်စေဟှူ ဘုရားသခင်ရဲ့ ပ္လဲ့ဇောင်ရှင်း ဖြစ်ဟှယ်။\fqa*\f*
\c 2
\s သေရာဟှနေ သတ်ရှင်ဟှားဟှူကြောန်း
\p
\v 1 \x - \xo ၂.၁–၅ \xo*\xt ကော ၂.၁၃\xt*\x*တခီဒူးဟှ နန်းနို့ဟှာ နာခံဘဲဇာလေန ပြစ်လေကြောန့် ဝိညာဉ်ရေးမာ သေနေဂေ့ဟှယ်။
\p
\v 2 လောကရဲ့ ပြစ်လမ်းစဉ်တိုင်း သတ်ရှင်ဂေ့ဟှယ်။ အာကာသမာရှိဟှူ ဝိညာဉ်တဂိုးလေဟှို အောက်စိုးဟှူမန်းဟှို နာခံဟှူလူလေ ဖြစ်ဂေ့ဟှယ်။ ဘုရားသခင်ရဲ့မိန့်ဟှို နာခံဘဲဟှူလူလေဟှာ ခုခီမာ အယ်သူရဲ့ အောက်ချောက်ဇာဟှို ခံနေရဂေ့ဟှယ်။
\p
\v 3 နို့လေအားလောင်းဟှလည်း တခီဒူးဟှ အယ်လူလေထဲမာ ပါဘီးဟှာ ကိုယ့်ရဲ့ ဇာတိသွီးသား တတ်မတ်မှုထဲမာ သတ်ရှင်လာဘီး၊ ကိုယ်ကာယန စိနှလောင်းရဲ့လိုတိုင်း လောက်ဂေ့ဘီး တခြားလူလေမျိုးဘဲ့ ဘုရားသခင်ရဲ့ ဆောင်းမဇာဟှို ခံရဟှူလူလေ ဖြစ်ဂေ့ဟှယ်။ 
\v 4 အယ်ဘေမဲ့ ကရုဏာတော်န ရရာတိုင်း ကြွယ်ဝဟှူ ဘုရားသခင်ဟှာ နို့လေဟှိုရှစ်ဘီး ရရာတိုင်းကီးမာဟှူ မြစ်တာတော်ကြောန့်၊
\p
\v 5 လွန်ကျူးဟှူပြစ်လေမာ သေနေဟှူနို့လေဟှို ခရစ်တော်နတူးဒူ သတ်ရှင်စေဟှယ်။ နန်းနို့ဟှာ ဘုရားသခင်ရဲ့ ကျေးဇူးတော်ကြောန့် ကယ်တန်ဇာဟှို ခံရဂေ့ဟှယ်။ 
\v 6 အယ်ကြောန့် ခရစ်ယေရှုတော်အားဖြင့် နို့လေဟှို ကိုယ်တော်နတူးဒူ ထမြော့‑က်ခိုင်းဘီးဟှာ ထတ်ဟှ ကောန်းဂန်ဘောင်မာ ကိုယ်တော်နတူးဒူ ထိုင်ခိုင်းဟှယ်။ 
\v 7 အယ်ဇာဟှာ ခရစ်တော်ယေရှုနှိုက် နို့လေဟှို ကရုဏာတော်န ကျေးဇူးပြုဟှူကြောန့် သူ့ရဲ့ ထူးခြားဟှူကျေးဇူးတော်ရဲ့ ကြွယ်ဝဟှူဇာလေဟှို နော့‑က်လာဟှို့ ကပ်ကာလလောကမာ မြဲဒမ်းပြဟှို့တွပ် ဖြစ်ဟှယ်။ 
\v 8 ဖြားဖြစ်ကြေန့်နူးဆိုဟှာ နန်းနို့ဟှာ ကျေးဇူးတော်ကြောန့် ယောင်ကြည်ရှင်းအားဖြင့် ကယ်တန်ဇာဟှို ခံရဂေ့ဟှယ်။ အယ်မူဇာဟှာ နန်းနို့ကိုယ်တိုင်ကြောန့် မှုဟှ။ ဘုရားသခင် ပေးတော်မူဟှူ လတ်ဆောန်ဖြစ်ဟှယ်။ 
\v 9 ကိုယ်လောက်ဟှူ မှုကြောန့် မှုဟှ။ အယ်ကြောန့် ဖယ်သူလည်း ဝါကြွားဇာကြောန်း မှေ့ဟှ။ 
\v 10 ဖြားဖြစ်ကြောန့်နူးဆိုဟှာ နို့လေဟှာ ကောန်းဟှူဇာလေဟှို လောက်ဟှို့တွပ် ခရစ်တော်ယေရှုနှိုက် ဖန်ဆင်းခံဟှားရဟှူ ဘုရားသခင်ရဲ့ လတ်ရာတော်လေ ဖြစ်ဂေ့ဟှယ်။ ကောန်းဟှူမှုလေမာ နို့လေဟှာ သတ်ရှင်ဂေ့ဟှို့တွပ် ဘုရားသခင်ဟှာ အယ်မှုလေဟှို ကြိုဘီးဟှာ ပြင်ဆင်ဟှားဟှယ်။
\s ခရစ်တော်န တလောင်းတဝဒဲဖြစ်ကြောန်း
\p
\v 11 ဇာတိအားဖြင့် လူမျိုးခြားဖြစ်ဂေ့ဟှူ နန်းနို့ဟှို ရေဖျားလှီးဇာဟှို ခံဘဲဟှူသူလေ ဆိုဘီး ယုဒလူမျိုးလေဟှ ခေါ်ဂေ့ဟှယ်။ ယုဒလူမျိုးလေဟှ သူးနို့ကိုယ် သူးနို့ ရေးဖျားလှီးဇာဟှို ခံဟှူသူလေ ဆိုဘီး ခေါ်ဂေ့ဟှယ်။ ရေဖျားလှီးဇာ ဆိုဘီး ပြောဟှူဇာဟှာ ကိုယ်ကာယနဆိုင်ဟှူ မှုဖြစ်ဟှယ်။ ရင်းရင်ဒူးဟှ နန်းနို့ ခြေနေလေဟှို ဒိရဂေ့ပါ။ 
\v 12 အယ်ခီဒူးဟှ နန်းနို့ဟှာ ခရစ်တော်န ဝီးနေဘီးဟှာ ဘုရားသခင် ဝီးချယ်ဟှားဟှူ ဣသရေလလူမျိုး စာရင်းထဲမာလည်း ဝမ်ဟှ။ သူ့ရဲ့လူမျိုးဟှို ဘုရားသခင်ထားဟှားဟှူ ဂဒိတော်နဆိုင်ဟှူ ပဋိညာဉ်လေနလည်း ဆိုင်ဟှ၊ အယ်လောကမာ မျှော်လင့်ဇာမှေ့ဘဲ၊ ဘုရားတရားမှေ့ဘဲ ဖြစ်နေဂေ့ဟှယ်။ 
\v 13 အယ်ခီမာ တခီဒူးဟှ ဝီးနေဟှူ နန်းနို့ဟှာ ခုခီမာ ခရစ်တော်ရဲ့ သွီးတော်အားဖြင့်\f + \fr ၂.၁၃ \fr*\fq ခရစ်တော်ရဲ့ သွီးတော်အားဖြင့်၊ \fq*\ft အယ်မျိုးမှုဘဲနေဟှာ \ft*\fqa ခရစ်တော်ရဲ့ သေခံဇာအားဖြင့်။\fqa*\f* ခရစ်တော်ယေရှုနှိုက် တလောင်းတဝဒဲဖြစ်ဘီး အနီးဟှို ရော့‑က်ဟှားဂေ့ဟှယ်။ 
\v 14 ခရစ်တော်ဟှာ ယုဒလူမျိုးလေန လူမျိုးခြားလေဟှို လူမျိုးတမျိုးဒဲ ဖြစ်စေဘီးဟှာ နို့လေဟှို ရန်ငြီးပေးဟှယ်။ ကိုယ်တော်ဟှာ သူ့ရဲ့ ကိုယ်ခန္ဓာအားဖြင့် နို့လေဟှို ရန်သူလေမျိုးခွဲဟှားဟှူ တံတိုင်းဟှို ဖြိုခ္လလိုက်ဟှယ်။ 
\v 15 \x - \xo ၂.၁၅ \xo*\xt ကော ၂.၁၄\xt*\x*ကိုယ်တော်ဟှာ ဥပဒေစည်းမျဉ်းလေန ယုဒပညတ်တရားဟှို ပယ်လိုက်ဘီးဟှာ ယုဒလူမျိုးလေန လူမျိုးခြားလေဟှို သူ့ရဲ့ ကိုယ်ခန္ဓာအားဖြင့် တလောင်းတဝဒဲ ဖြစ်စေဘီး လူမျိုးသစ်ဖြစ်စေဘီး အယ် နည်းအားဖြင့် ရန်ငြီးမှုဟှို ဖြစ်စေဟှယ်။ 
\v 16 \x - \xo ၂.၁၆ \xo*\xt ကော ၁.၂၀\xt*\x*ခရစ်တော်ဟှာ လတ်ဝါးကပ်တိုင်မာ သေခံဇာအားဖြင့် သူးနို့ရှင်းရှင်း ပ္လန်သင့်မြတ်စေဘီးဟှာ လတ်ဝါးကပ်တိုင်အားဖြင့် လူမျိုးနှေ့မျိုးဟှို ကိုယ်ခန္ဓာတခုဒဲ ဖြစ်စေဘီးဟှာ ဘုရားသခင်နားဟှို ပ္လန်ဘီးဟှာ ပို့ဆောန်ပေးလေဟှယ်။ 
\v 17 အယ်ကြောန့် ဘုရားသခင်နဝီးနေဟှူ လူမျိုးခြားလေန ဘုရားသခင်နနီးနေဟှူ ယုဒလူမျိုးလေနားဟှို ခရစ်တော်ဟှာ ကြွလာဘီးဟှာ ရန်ငြီးဇာနဆိုင်ဟှူ ဒန်းကောန်းဟှို ဟောပြောဟှယ်။ 
\v 18 လူမျိုးခြားလေန ယုဒလူမျိုးဖြစ်ဂေ့ဟှူ နို့လေဟှာ ခရစ်တော်ကြောန့် တပါးဒဲဖြစ်ဟှူ ဝိညာဉ်တော်ဟှို အားကိုးဘီးဟှာ ဖဘုရားသခင်ရဲ့ ရှေ့ဟှို ဝမ်ခွမ့်ရဂေ့ဟှယ်။
\p
\v 19 အယ်ကြောန့် နန်းနို့ဟှာ လူမျိုးခြား မှုဟှ။ ဧည့်သည်လည်း မှုဟှ။ သန့်ရှင်းဟှူ လူလေရဲ့ မျိုးသားရှင်း ဖြစ်ဂေ့ဟှယ်။ ဘုရားသခင်ရဲ့ မိသားစုဝမ်လေလည်း ဖြစ်ဂေ့ဟှယ်။ 
\v 20 ဖြားဖြစ်ကြောန့်နူးဆိုဟှာ တမန်တော်လေန ပရောဖက်လေအားဖြင့် တိုက်ထော့‑က် အုပြစ်ထတ်မာ နို့လေဟှာ တည်ဆော့‑က်ဟှားဟှယ်။\f + \fr ၂.၂၀ \fr*\fq တမန်တော်လေန ပရောဖက်လေအားဖြင့် တိုက်ထော့‑က် အုပြစ်ထတ်မာ နို့လေဟှာ တည်ဆော့‑က်ဟှားဟှယ်၊ \fq*\ft အယ်မျိုးမှုဘဲနေဟှာ \ft*\fqa အုပြစ်ဟှာ တမန်တော်လေန ပရောဖက်လေ ဖြစ်ဟှယ်။\fqa*\f* အယ်တိုက်ထော့‑က်အုပြစ်ဟှာ ခရစ်တော်ယေရှုကိုယ်တိုင်ဘဲ့ ဖြစ်ဟှယ်။ 
\v 21 ကိုယ်တော်ဟှာ အယ်ဆော့‑က်ဦး တတိုက်လောင်းဟှို သေးသေးချားချာဟှား ခိုင်ခံ့စေဘီး၊ ကီးထွားလာဘီးဟှာ သခင်ဘုရားတွပ် သန့်ရှင်းဟှူ ဗိမာန်တော်ဖြစ်ဟှယ်။ 
\v 22 နန်းနို့ဟှလည်း ခရစ်တော်န တလောင်းတဝဒဲဖြစ်ဘီး တခြားလူလေနတူးဒူ တည်ဆော့‑က်ဇာဟှို ခံရဘီး ဝိညာဉ်တော်အားဖြင့် ဘုရားသခင် ကိန်းဝပ်ဟှူနေရာ ဖြစ်လာဂေ့ဟှယ်။
\c 3
\s လူမျိုးခြားလေတွပ် ပေါလုမှုတော်ဆောန်ကြောန်း
\p
\v 1 အယ်ကြောန်းကြောန့် ခရစ်တော်ယေရှုရဲ့ ကျဉ်းသားဖြစ်ဟှူ ငါပေါလုဟှာ လူမျိုးခြားဖြစ်ဟှူ နန်းနို့တွပ် ဘုရားသခင်ဟှို ဆုတောန်းဟှယ်။ 
\v 2 ဘုရားသခင်ဟှာ သူ့ရဲ့ ကျေးဇူးတော်ကြောန့် နန်းနို့ကျိုးတွပ် အယ်မှုဟှို လောက်ဟှို့တွပ် ငါ့ဟှို အပ်ပေးဟှူကြောန်းဟှို နန်းနို့ဟှာ တကယ်ဘဲ့ ကြားသိရဂေ့ဟှယ်။ 
\v 3 ဘုရားသခင်ဟှာ သူ့ရဲ့နတ်နဲဟှူ ကြံစည်လေဟှို ငါ့ဟှို ဖော်ပြဟှယ်။ အယ်ကြောန်းရာလေန ပတ်သတ်ဘီးဟှာ နန်းနို့ဟှို ငါဟှာ ကျဉ်းချောင်း ဖော်ပြပေးပီးဘီ။ 
\v 4 \x - \xo ၃.၄–၆ \xo*\xt ကော ၁.၂၆,၂၇\xt*\x*နန်းနို့ဟှာ အယ် ဖော်ပြချစ်လေဟှို ဖတ်ဘီးဟှာ ခရစ်တော်ရဲ့ နတ်နဲဟှူဇာလေဟှို နားလည်းကြောန်းဟှို သိနိုင်ဂေ့ဟှယ်။ 
\v 5 ဘုရားသခင်ဟှာ အယ် နတ်နဲဟှူဇာဟှို ရင်းရင်ဒူးဟှ လူလေဟှို ဖွမ့်ပြဟှားဘေမဲ့ ခုခါမာ ကိုယ်တော်ရဲ့ သန့်ရှင်းဟှူ သူလေဖြစ်ဂေ့ဟှူ တမန်တော်န ပရောဖက်လေဟှို ဝိညာဉ်တော်အားဖြင့် ဖွမ့်ပြလိုက်ဘီ။ 
\v 6 အယ်မျိုး နတ်နဲဟှူဇာဟှာ ဒန်းကောန်းအားဖြင့် လူမျိုးခြားလေဟှာ ယုဒလူမျိုးနတူးဒူ ဘုရားသခင်ရဲ့ ကောန်းကြီးမင်္ဂလာဟှို ခံစားခွမ့်ရဂေ့ဟှယ်။ သူးနို့ဟှာ ကိုယ်ခန္ဓာတော်ရဲ့ အင်္ဂါလေဖြစ်ဘီးဟှာ ခရစ်တော်ယေရှုအားဖြင့် ဘုရားသခင်ပေးဟှားဟှူ ဂဒိတော်မာ ပါဝမ်ခံစားခွမ့် ရဂေ့ဟှယ်။
\p
\v 7 တဂိုးအားဖြင့် လောက်ဆောန်ဟှူကြောန့် နို့လေဟှို အပ်ပေးဟှားဟှူ ဘုရားသခင်ရဲ့ ကျေးဇူးတော်နဆိုင်ဟှူ ကောန်းကြီးမင်္ဂလာ လတ်ဆောန်နတူးဒူ ငါဟှာ အယ်မျိုး ကောန်းမြတ်ဟှူ ဒန်းနဆိုင်ဟှူ မှုဆောန်ဖြစ်လာဟှယ်။ 
\v 8 ငါဟှာ ဘုရားသခင်ရဲ့ သန့်ရှင်းဟှူလူလေရဲ့ အားလောင်းထဲမာ ငယ်ဆောင်းထတ် ပိုဘီးဟှာငယ်ဟှူ ငါ့ဟှို အယ်ကျေးဇူးတော်ဟှို အပ်ပေးလိုက်ဟှူဇာဟှာ ခန့်မှန်းဟှို့ရနိုင်ဘဲဟှူ ခရစ်တော်ရဲ့ ကြွယ်ဝဟှူဇာဟှို လူမျိုးခြားလေဟှို ဒန်းကောန်းဟောဟှို့တွပ်န၊ 
\v 9 ရာအားလောင်းဂူဟှို ဖန်ဆင်းဟှားဟှူ ဘုရားသခင်မာ ရှေးရှေးကာလဒူးဟှစဘီး ဝှပ်ဟှားခံရဟှူ လျှို့ဝှပ်နတ်နဲဟှူ ဇာနဆိုင်ဟှူ စီမံခွဲခန့်ဟှားဟှူဇာဟှာ ဖယ်မျိုးဇာဖြစ်နူးဆိုဟှာ လူလေဟှို သိသိသာသာဟှား ထန်ရှားဟှို့တွပ် ဖြစ်ဟှယ်။ 
\v 10 အယ်မျိုးလောက်ဟှူဇာဟှာ ကောန်းဂန်ဘောင်ဟှို အောက်စိုးဟှူသူလေန အာဏာပိုင်လေဟှာ ဘုရားသခင်ရဲ့ ထူးခြားဟှူ ဉာဏ်ပညာလေဟှို ခုခီမာ သင်းတော်အားဖြင့် သိလာဂေ့ဟှို့တွပ် ဖြစ်ဟှယ်။ 
\v 11 ဘုရားသခင်ဟှာ သူ့ရဲ့ ထာဝရကြံစည်တိုင်းဘဲ့ နို့လေရဲ့ သခင်ခရစ်တော်ယေရှုအားဖြင့် အယ်မျိုးဘဲ့ ပ္လဲ့ဇောင်စေဟှယ်။ 
\v 12 နို့လေဟှာ ခရစ်တော်န တလောင်းတဝဒဲဖြစ်ဇာန အယ်သခင်ဟှို ယောင်ကြည်ကြောန့် ဘုရားသခင်နားဟှို ရဲရဲရင့်ရင့်ဟှား ယောင်ကြည်စီခ္လဘီးဟှာ တိုးဝမ်ဟှူခွမ့် ရဂေ့ဟှယ်။ 
\v 13 အယ်ကြောန့် နန်းနို့တွပ် ငါခံရဟှူ ဆင်းရဲဒေါက်ခကြောန့် နန်းနို့ဟှာ စိပျစ်ဂေ့န။ နန်းနို့ဟှို ချီးမြှော့‑က်တွပ်ဘဲ့ ငါခံရဟှူဇာဘဲ့ ဖြစ်ဟှယ်။
\s ခရစ်တော်ရဲ့ မြစ်တာကြောန်း
\p
\v 14-15 အယ်ကြောန်းကြောန့် ငါဟှာ ကောန်းဂန်ဘောင်န ကမ္ဘာမ္လေဂီးထတ်ဟှ အီထောန်စုအားလောင်းရဲ့ နာမယ်ရင်းမြစ်ဖြစ်ဟှူ ဖဘုရားသခင်ရှေ့မာ ဒူထော့‑က်ဘီး ဆုတောန်းဟှယ်။ 
\v 16 ဘုရားသခင်ဟှာ ဖောင်းသရေတော်န ကြွယ်ဝဟှူဇာမျိုး သူ့ရဲ့ ဝိညာဉ်တော်အားဖြင့် နန်းနို့ထဲဟှ ဝိညာဉ်လူဟှို တဂိုးနတူးဒူ ကြံ့ခိုင်သန်မာစေဘီး၊ 
\v 17 ယောင်ကြည်ရှင်းအားဖြင့် နန်းနို့လေရဲ့ စိနှလောင်းထဲမာ ခရစ်တော်ဟှာ ကိန်းဝပ်ဟှူကြောန်းန နန်းနို့ဟှာ မြစ်တာတော်မာ အုပြစ်ခ္လဟှားဘီး၊ 
\v 18 အယ်မြစ်တာတော်ရဲ့ အလျား၊ အနံ၊ အဗြစ်၊ အနတ်လေဟှာ ဖယ်မျှလော့‑က် ရှိဟှယ် ဆိုဇာဟှို သန့်ရှင်းဟှူသူလေ အားလောင်းနတူးဒူ သဘောပေါ့‑က်နိုင်ဟှူစွမ်း ရှိဟှူကြောန့်၊ 
\v 19 သိပညာထတ်ထူးခြားဟှူ ခရစ်တော်ရဲ့ ရှစ်ရှင်းမြစ်တာတော်ဟှို သိဘီး၊ နားလည်လာဂေ့ဘီး ဘုရားသခင်ဟှာ ပ္လဲ့ဇောင်မျိုးဘဲ့ ပ္လဲ့ဇောင်ဟှို့တွပ် ဆုတောန်းဟှယ်။
\p
\v 20 နို့လေထဲမာ လောက်ဆောန်နေဟှူ တဂိုးအားဖြင့် နို့လေ တောန်းလျှော့‑က်ကြံစည်ဟှူ ဇာလေထတ် ပိုဘီးဟှာပေးနိုင်ဟှူ ဘုရားသခင်ဟှာ 
\v 21 သင်းတော်အားဖြင့်ရော၊ ခရစ်တော်ယေရှုအားဖြင့်ရော ကမ္ဘာဆစ်ဆစ် ဖောင်းကီးတော်မူပါစေ! အာမင်။
\c 4
\s ခရစ်တော်ရဲ့ ကိုယ်ခန္ဓာန တလောင်းတဝဒဲဖြစ်ကြောန်း
\p
\v 1 အယ်ကြောန့် သခင်ဘုရားရဲ့မှုတော်ဟှို လောက်ဆောန်ကြောန့် ထောန်ခ္လခံရဟှူငါဟှာ နန်းနို့လေဟှို တိုက်တွန်းဟှယ်။ နန်းနို့ဟှာ ဘုရားသခင် ခေါ်ဟှားဇာန ထိုက်တန်မျိုး ကျင့်ကြံဂေ့ပါ။ 
\v 2 \x - \xo ၄.၂ \xo*\xt ကော ၃.၁၂,၁၃\xt*\x*မြဲဒမ်း စိနှလောင်းဟှို နှိခ္လဂေ့ပါ၊ သိမ်မွေ့နူးညံ့ဂေ့ပါ၊ စိရှယ်ဂေ့ပါ၊ ယော့‑က်နယော့‑က်သီးခံဘီး မြစ်တာပြဂေ့ပါ။ 
\v 3 နန်းနို့ဟှို စည်းလောင်းစေဘီး ငြီသတ်ရှင်းအားဖြင့် ဝိညာဉ်တော်ဟှပေးဟှူ စည်းလောင်း ညီညွတ်ဇာဟှို ထီးသီးဂေ့ပါ။ 
\v 4 နန်းနို့ဟှို ဘုရားသခင်ဟှ ဝီးချယ်ဘီး ခေါ်ဟှားဟှူကြောန့် မျှော်လင့်ဇာ တပါးဘဲ့ရှိမျိုး ကိုယ်ခန္ဓာတပါးဒဲ၊ ဝိညာဉ်တော်တပါးဒဲ ရှိဟှယ်။ 
\v 5 သခင်တပါးဒဲ၊ ယောင်ကြည်ရှင်းတပါးဒဲ၊ ဗတ္တိဇံတပါးဒဲ၊ 
\v 6 လူလေ အားလောင်းဂူရဲ့ ဖဘုရားသခင် တပါးဒဲရှိဟှယ်။ အယ်ကိုယ်တော်ဟှာ လူလေ အားလောင်းဂူဟှို အောက်စိုးဘီး လူလေအားဖြင့် လောက်ဆောန်ဘီး လူလေထဲမာလည်း ရှိနေဟှယ်။
\p
\v 7 ခရစ်တော်ပေးဟှားတိုင်း နို့လေ တယော့‑က်ချင်းစီဟှာ ထူးခြားဟှူဆုကျေးဇူးဟှို ခံစားရဂေ့ဟှယ်။ 
\v 8 ကျမ်းစာလာဟှားတိုင်း
\q1 “ကိုယ်တော်ဟှာ ထတ်ဟှို တတ်ကြွဟှားဟှူ ခီမာ
\q2 လူလေဘောင်ဂီးဟှို ဖမ်းဆီးခေါ်ဆောန်ဟှားဘီးဟှာ
\q2 လူလေဟှို ဆုကျေးဇူးလေဟှို ပေးဟှယ်။”
\m
\v 9 တတ်ဟှားဟှယ် ဆိုဘီး ပြောဇာဟှာ မ္လေဂီးရဲ့ အော့‑က်ဆောင်းဟှို\f + \fr ၄.၉ \fr*\fq မ္လေဂီးရဲ့ အော့‑က်ဆောင်းဟှို၊ \fq*\ft အယ်မျိုးမှုဘဲနေဟှာ၊ \ft*\fqa မ္လေဂီးရဲ့ အော့‑က်ဟှို။\fqa*\f* ဆင်းဟှားဟှယ် ဆိုဘီး ပြောဇာမှုဘဲနေဟှာ ဖြားဇာ ဖြစ်အူးမယ်နူး။ 
\v 10 အယ်ကြောန့် ဆင်းဟှားဟှူ ကိုယ်တော်ဟှာ ရာအားလောင်းဂူဟှို ပ္လဲ့ဇောင်စေဟှို့တွပ် ကောန်းဂန်းဘောင်ဟှို တတ်ဟှားဟှူ ကိုယ်တော်လည်း ဖြစ်ဟှယ်။ 
\v 11 အယ်ဘီးန ကိုယ်တော်ဟှာ တချို့လေဟှို တမန်တော်ရာ၊ တချို့လေဟှို ပရောဖက်ရာ၊ တချို့လေဟှို ဧဝံဂေလိတရားဟော ဆရာရာ၊ တချို့လေဟှို သင်းအောက်ဆရာရာန ဓမ္မဆရာရာလေဟှို ခန့်ဟှားလေဟှယ်။ 
\v 12 အယ်မျိုးလောက်ဇာဟှာ ခရစ်တော်ရဲ့ ကိုယ်ခန္ဓာဟှို တည်ဆော့‑က်ဟှို့တွပ် ဘုရားသခင်ရဲ့ သန့်ရှင်းဟှူလူလေဟှို ကူညီဟှို့တွပ် ပြင်ဆင်ဟှားဟှူဇာ ဖြစ်ဟှယ်။ 
\v 13 အယ်ကြောန့် နို့လေရဲ့ ယောင်ကြည်ရှင်းအားဖြင့်ရော၊ ဘုရားသခင်ရဲ့ သားတော်ဟှို သိကျွမ်းရှင်းအားဖြင့်ရော၊ နို့လေ ရဂေ့ဟှူဇာဟှာ တလောင်းတဝဒဲဖြစ်ဂေ့ဘီး ခရစ်တော်ရဲ့ ပ္လဲ့ဇောင်မှုတိုင်း ရင့်ကျက်ဟှူ လူလေဖြစ်ဟှို ရော့‑က်ဟှားဂေ့ဟှယ်။ 
\v 14 အယ်ခီမာ နို့လေဟှာ လီညာဘီးဟှား လူလေဟှို လမ်းလွဲအောန်ပြောတတ်ဟှူ လူလေရဲ့ ဩဝါဒ လှိုင်းလောင်းလေထဲမာ ပါဟှားဟှူ သားဂန်ဟှားမျိုး ဖြစ်ဂေ့ဇာ မှုဟှ။ 
\v 15 အယ်ဘေမဲ့ နို့လေဟှာ မြစ်တာန သမ္မာတရားဟှို ပြောဟှူကြောန့် သင်းတော်ရဲ့ ဦးခေါန်းဖြစ်ဟှူ ခရစ်တော်မာ စစရာရာမာ ကီးထွားရှင်းဟှို ရဂေ့ဟှယ် 
\v 16 \x - \xo ၄.၁၆ \xo*\xt ကော ၂.၁၉\xt*\x*ကိုယ်တော်ရဲ့ စီမံအောက်ချောက်ရှင်း အော့‑က်မာ ကိုယ်အင်္ဂါရှိမျှဟှာ တခုနခု ဆစ်ပိုင်းဟှားလေန ဆစ်စပ်ဘီးနေဂေ့ဟှယ်။ အယ်ကြောန့် ကိုယ်အင်္ဂါတိုင်းဟှာ သူးနို့နဆိုင်ဟှူ လောက်တာဝန်ဟှို လောက်ဆောန်ဂေ့ဟှူ ခီမာ ကိုယ်ခန္ဓာတခုလောင်းဟှို မြစ်တာန တည်ဆော့‑က်ဟှားဘီးဟှာ ကီးထွားစေဟှယ်။
\s ခရစ်တော်ကြောန့်ရဟှူ ဘဝသစ်ကြောန်း
\p
\v 17 အယ်ကြောန့် နန်းနို့ဟှာ ဘုရားတရားမှေ့ဘဲဟှူ လူမျိုးခြားလေမျိုး ကျင့်ဂေ့ဘဲဟှို့တွပ် သခင်ဘုရားရဲ့ နာမတော်ဟှို မှီပြုဘီးဟှာ ငါဟှာ ဒိပေးရှင်ဟှယ်။ သူးနို့ကြံစည်လေဟှာ ချည်းနှီးဘဲ့ ဖြစ်ဟှယ်။ 
\v 18 သူးနို့ဟှာ စိနှလောင်းမာဘီး ဉာဏ်ပညာမှေ့ဘဲ သိတရားလောင်းဝမှေ့ဘဲန ခေါန်းမာဟှူကြောန့် ဘုရားသခင် ပေးဟှားဟှူသတ်န ကွားဘီးဟှာ ရှိနေဂေ့ဟှယ်။ 
\v 19 သူးနို့ဟှာ ရှစ်ကြော့‑က်ဟှူစိ မှေ့ဘဲ ညစ်ညူးဟှူဇာ မျိုးမျိုးဟှို ရရာတိုင်း တတ်မတ်ဟှူစိန လောက်ဟှူကြောန့် သူးနို့ဟှို ကာမဂေါင်လိုက်စားရှင်းရဲ့ လတ်ထဲဟှို အပ်လိုက်ဂေ့ဟှယ်။
\p
\v 20 ခရစ်တော်ရဲ့ လမ်းစဉ်ဟှာ အယ်မျိုးလမ်းစဉ် မှုဘဲကြောန်းဟှို နန်းနို့ဟှာ သွန်သန်ခံရပီးဘီ။ 
\v 21 ကိုယ်တော်ရဲ့ကြောန်းဟှို မှန်ဘဲ့ နန်းနို့ဟှာ ကြားရဂေ့ပီးဘီ။ ကိုယ်တော်ရဲ့ တဗဲ့တော်လေနေန သခင်ယေရှုရဲ့ သမ္မာတရားကြောန်းဟှို နန်းနို့ ကြားရပီးဘီ။ 
\v 22 \x - \xo ၄.၂၂ \xo*\xt ကော ၃.၉\xt*\x*အယ်ကြောန့် ရင်ဟှ သတ်ရှင်လာဟှူ လူဟောန်းဘဝဟှို လွှတ်ပစ်ဂေ့။ လှည့်စားတတ်ဟှူ စိဆန္ဒလေကြောန့် သောင်းဟှို့မျှဘဲဟှူ လူဟောန်းဟှို လွှတ်ပစ်ဂေ့ပါ။ 
\v 23 နန်းနို့ဟှာ စိနှလောင်းသဘောဟှို သစ်ပြုပြင်ခံရဘီး၊ 
\v 24 \x - \xo ၄.၂၄ \xo*\xt ကော ၃.၁၀\xt*\x*ဘုရားသခင်ရဲ့ ပေါင်သဏ္ဌန်တော်နညီ ဖန်ဆင်းဇာဟှိုခံရဘီး သမ္မာတရားနဆိုင်ဟှူ ဖြောန့်မတ်သန့်ရှင်းဟှူ လူသစ် ဖြစ်ရဂေ့ဟှယ်။
\p
\v 25 အယ်ကြောန့် မုသားစကားဟှို ပြောဂေ့န။ နို့လေ အားလောင်းဂူဟှာ ခရစ်တော်ရဲ့ ကိုယ်ခန္ဓာစိတ်ပိုင်းလေ ဖြစ်ဂေ့ဟှူကြောန့် ယောင်ကြည်သူ ရှင်းရှင်းဟှာ မှန်ဟှူစကားဟှိုဘဲ့ ပြောဂေ့ပါ။ 
\v 26 ဒေါသထွပ်ဘေမဲ့ ပြစ်လောက်ဂေ့န။ ဒေါသပြေဘဲန နေဝမ်စေန။ 
\v 27 မာရ်နတ်ဟှိုလည်း ခွမ့်ပေးဂေ့န။ 
\v 28 ခိုးတတ်ဟှူလူဟှာ နော့‑က်ထပ်ခိုးဘဲန လိုရှင်နေဟှူလူလေဟှို ပေးစရာရှိဟှို့တွပ် သူ့ရဲ့လတ်န ကောန်းဟှူလောက်လေဟှို အားထုဘီး လောက်စေ။ 
\v 29 နန်းနို့နှောက်ထဲဟှ ကောန်းဘဲဟှူစကားလေ တခွန်းလည်း ထွပ်စေန။ ကြားရဟှူလူလေဟှာ ကျိုးရှိဟှူစကား၊ တည်ဆော့‑က်ဟှူစကားဟှိုဘဲ့ ပြောဂေ့ပါ။ အယ်မျိုးမှ နန်းနို့စကားဟှို ကြားရဟှူလူလေဟှာ ကျိုးကျေးဇူးဟှို ခံရလေ့မယ်။ 
\v 30 ဘုရားသခင်ရဲ့ သန့်ရှင်းဟှူဝိညာဉ်တော်ဟှို စိနာစေန၊ ဖြားဖြစ်ကြောန့်နူးဆိုဟှာ ဝိညာဉ်တော်ဟှာ နန်းနို့ဟှို ဘုရားသခင်ပိုင်ဟှူကြောန်းဟှို သတ်သေခံဟှူတဇိ မှတ်သားဖြစ်ဘီး နော့‑က်ဆောင်း နေ့ရစ်ကာလမာ နန်းနို့ဟှာ ကိုယ်တော်ရဲ့ ကယ်တန်ဇာဟှို ခံရလေ့မယ်ဖြစ်ကြောန်းဟှို အာမခံချစ် ဖြစ်ဟှူကြောန့် ဖြစ်ဟှယ်။ 
\v 31 အယ်ကြောန့် နာကြည်းရှင်း၊ စိဆိုရှင်း၊ ဒေါသထွပ်ရှင်း၊ အော်ဘီးပြောရှင်း၊ တခြားသူဟှိုကဲ့ရဲ့ရှင်း၊ လူလေဟှိုမူးရှင်းလေဟှို ဖယ်ရှာဂေ့ပါ။ 
\v 32 \x - \xo ၄.၃၂ \xo*\xt ကော ၃.၁၃\xt*\x*နန်းနို့ဟှာ ယော့‑က်နယော့‑က် ကရုဏာထားဘီး ရှစ်ဂေ့ပါ။ ဘုရားသခင်ဟှာ ခရစ်တော်အားဖြင့် နန်းနို့ဟှာ ပြစ်ခွမ့်လွှတ်ခံရမျိုး နန်းနို့ဟှာ ယော့‑က်နယော့‑က် ပြစ်ဟှို လွှတ်ဂေ့ပါ။
\c 5
\s လန်းရောန်မာ သတ်ရှင်ကြောန်း
\p
\v 1 နန်းနို့ဟှာ ဘုရားသခင်ရဲ့ ရှစ်ရဟှူ သားမီးလေဖြစ်ဟှူကြောန့် ကိုယ်တော်န တူအောန် ကျင့်ဂေ့ပါ။ 
\v 2 ခရစ်တော်ဟှာ နို့လေဟှို ရှစ်ဟှူကြောန့် နို့လေတွပ် သူ့ကိုယ်သူ ဘုရားသခင် ကြိုက်ဟှူ၊ ရရာတိုင်း မွှီးဟှူ နံ့ဖြစ်န ဘုရားသခင်ဟှို ဆစ်ကပ်အပ်နှံမျိုးဘဲ့ နန်းနို့ဟှာ ရှစ်ရှင်းမြစ်တာနှိုက် သတ်ရှင်ဘီး ရှော့‑က်လှမ်းဂေ့ပါ။
\p
\v 3 နန်းနို့ဟှာ သန့်ရှင်းဟှူ လူလေဖြစ်ဟှူကြောန့် ကာမဂေါင်လိုက်စားရှင်း၊ ညစ်ညူးဘီး လောဘကီးဟှူကြောန်းလေ အားလောင်းဟှို နန်းနို့လေဟှာ ပြောဂေ့န။ 
\v 4 ညစ်ညူးဟှူစကား၊ ယောက်မာဟှူစကား၊ ရိုင်းစိုင်းဟှူစကားလေဟှို ပြောဂေ့ဘဲ၊ ချီးမွမ်းဟှူ စကားလေဟှိုဘဲ့ ဘုရားသခင်ဟှို ပြောဂေ့ပါ။ 
\v 5 ကာမဂေါင်လိုက်စားဇာ၊ ညစ်ညူးဟှူဇာ၊ လောဘကီးဟှူဇာလေဟှာ ရောက်ထုဟှို ကိုးကွယ်ဟှူမျိုးဘဲ့ ဖြစ်ဟှူကြောန့် ခရစ်တော်န ဘုရားသခင်ရဲ့ နိုင်ငံတော်ထဲဟှို ဝမ်ရဟှို့မှုဟှ ဆိုဇာဟှို နန်းနို့ဟှ သိဂေ့ဟှယ်။
\p
\v 6 ကျိုးမှေ့ဘဲဟှူစကားလေန ဖယ်သူလည်း နန်းနို့ဟှို လှည့်စားစေန။ အယ်မှုလေကြောန့် ဘုရားသခင်ရဲ့ မိန့်တော်ဟှို နာခံဘဲဟှူလူလေဟှာ မျစ်တော်ဟှို ခံရလေ့မယ်။ 
\v 7 အယ်ကြောန့် နန်းနို့ဟှာ အယ်မျိုးလူလေန လောင်းဝ ဆစ်ဆံဂေ့န။ 
\v 8 တခီဒူးဟှ နန်းနို့ဟှာ မှောန်ထဲမာ နေလာဂေ့ဟှယ်။ ခုခီမာ ဘုရားသခင်ရဲ့ လူမျိုးတော်လေ ဖြစ်လာဂေ့ဘီး လန်းရောန်ထဲဟှို ရော့‑က်လာဂေ့ဟှယ်။ အယ်ကြောန့် လန်းရောန်ထဲမာ ကျင့်လည်ဟှူ လူလေမျိုးဘဲ့ ကျင့်ဂေ့ပါ။ 
\v 9 ဖြားဖြစ်ကြောန့်နူးဆိုဟှာ လန်းရောန်\f + \fr ၅.၉ \fr*\fq လန်းရောန်၊ \fq*\ft တချို့ မူရင်းလတ်ရေးမူလေမာ \ft*\fqa ဝိညာဉ်တော်၊ \fqa*\ft ဆိုဘီး ရှိဟှယ်။\ft*\f*ရဲ့ သီးလေဟှာ ကောန်းမြတ်ဇာလေ ဘောင်ဂီး၊ ဖြောန့်မတ်ဇာန မှန်တရားဟှို ဖြစ်စေဟှူကြောန့် ဖြစ်ဟှယ်။ 
\v 10 သခင်ဘုရား ကြိုက်ဟှူဇာဟှာ ဖြားဇာလေဖြစ်ဟှယ် ဆိုဇာ ကြိုးစားဘီးဟှာ သန်ယူဂေ့ပါ။ 
\v 11 ကျိုးမှေ့ဘဲဟှူ မှောန်ထဲဟှမှုလေန ဆစ်ဆံဘဲန အယ်မှုလေရဲ့ ပြစ်လေဟှို ပြဂေ့ပါ။ 
\v 12 ဖြားဖြစ်ကြောန့်နူးဆိုဟှာ သူးနို့ဟှာ လူနော့‑က်ကွယ်မာ လောက်ဟှူ မှုလေဟှို စကားပြောဟှူနဘဲ့ ညစ်ညူးဇာလေ ပါသေးဟှယ်။ 
\v 13 ပြစ်ထန်ရှားဇာ ရှိမျှဟှာ လန်းရောန်အားဖြင့်ဘဲ့ ထန်ရှားဂေ့ဟှယ်။ 
\v 14 ဖြားဖြစ်ကြောန့်နူးဆိုဟှာ လန်းရောန်ဟှာ ရာအားလောင်းဂူဟှို ထန်ရှားစေကြောန့် ဖြစ်ဟှယ်။\f + \fr ၅.၁၄ \fr*\fq လန်းရောန်ဟှာ ရာအားလောင်းဂူဟှို ထန်ရှားစေကြောန့် ဖြစ်ဟှယ်၊ \fq*\ft အယ်မျိုးမှုဘဲနေဟှာ \ft*\fqa ရာအားလောင်းဂူဟှို ထန်ရှားစေဟှူ လန်းရောန်ဖြစ်ဟှယ်။\fqa*\f* အယ်ကြောန်းကြောန့် ကျမ်းစာထဲမာ
\q1 “အိမွိနေဟှူသူ နိုးလိုက်။ သေရာဟှနေ ပ္လန်ရှင်လိုက်။
\q2 ခရစ်တော်ဟှာ နန်းနို့ဟှို လန်းရောန်ပေးလေ့မယ်” ဆိုဘီး ပြောဟှယ်။
\p
\v 15 အယ်ကြောန့် နန်းနို့ကျင့်ဟှူ ဇာလေဟှို ဒိပြုဂေ့ပါ။ ပညာမှေ့ဘဲဟှူ လူလေမျိုး မှုဘဲန ပညာရှိဟှူ လူလေမျိုး ကျင့်ဂေ့ပါ။ 
\v 16 \x - \xo ၅.၁၆ \xo*\xt ကော ၄.၅\xt*\x*အယ်ခု နေ့ရစ်ကာလဟှာ ဆိုးလာဟှူ ကာလဖြစ်ကြောန့် နန်းနို့ရဟှူ ခွမ့်ရေးရှိမျှဟှို ကျိုးရှိအောန် သောင်းခ္လဂေ့ပါ။ 
\v 17 အယ်ကြောန့် နန်းနို့ဟှာ မိုက်မဲဘီး နေဂေ့ဘဲန သခင်ဘုရားရဲ့ လိုတော်ဟှို နားလည်ဂေ့ပါ။
\p
\v 18 နန်းနို့လေဟှို ဖျစ်စီးတတ်ဟှူ စဗျစ်ရယ်န မောယစ်ဇာဟှို ရှောန်ဘီး ဝိညာဉ်တော်န ပ္လဲ့ဝဂေ့ပါ။ 
\v 19 \x - \xo ၅.၁၉,၂၀ \xo*\xt ကော ၃.၁၆,၁၇\xt*\x*ယော့‑က်နယော့‑က် စကားပြောဟှူ ခီမာ ဆာလံချင်း၊ ဓမ္မချင်းန ဝိညာဉ်ရေးနဆိုင်ဟှူ ချင်းလေဟှို ရှင်းရှင်းဆိုဂေ့ဘီး သခင်ဘုရားရှေ့မာ နန်းနို့ရဲ့ စိနှလောင်းထဲဟှနေ ချင်းဆိုဂေ့ပါ။ 
\v 20 နို့လေ သခင် ယေရှုခရစ်တော်ရဲ့ နာမတော်ဟှို မှီပြုဘီး ရာအားလောင်းဂူတွပ် ဖဘုရားသခင်ဟှို မြဲဒမ်း ကျေးဇူးတော်ဟှို ချီးမွမ်းဂေ့ပါ။
\s မယားန လန်ကြောန်း
\p
\v 21 ခရစ်တော်ဟှို ရိုသေလေစားဘီး ကြော့‑က်မျိုးဘဲ့ နန်းနို့ဟှာ တယော့‑က်လိုဟှို တယော့‑က် လိုက်ဂေ့ပါ။
\p
\v 22 \x - \xo ၅.၂၂ \xo*\xt ကော ၃.၁၈; ၁ ပေ ၃.၁\xt*\x*မယားဖြစ်ဟှူသူလေ၊ နန်းနို့ဟှာ သခင်ဘုရားရဲ့ အောက်စိုးဇာဟှို ခံဂေ့မျိုး ကိုယ့်လန်ရဲ့ အောက်စိုးဇာဟှို ခံဂေ့ပါ။ 
\v 23 ခရစ်တော်ဟှာ သင်းတော်ရဲ့ ဦးခေါန်းဖြစ်မျိုးဘဲ လန်လေဟှာ မယားလေရဲ့ ဦးခေါန်းဖြစ်ဟှယ်။ ခရစ်တော်ဟှာ သူ့ရဲ့ ကိုယ်ခန္ဓာဖြစ်ဟှူ သင်းတော်ရဲ့ ကယ်တန်ရှင်ဖြစ်ဟှယ်။ 
\v 24 အယ်ကြောန့် သင်းတော်ဟှာ ခရစ်တော်ရဲ့ အောက်စိုးဇာဟှို ခံယူမျိုးဘဲ့ မယားလေဟှာ နန်းနို့ လန်လေရဲ့ အောက်စိုးဇာကို ကြွင်းမဲ့ခံယူရမယ်။
\p
\v 25 \x - \xo ၅.၂၅ \xo*\xt ကော ၃.၁၉; ၁ ပေ ၃.၇\xt*\x*လန်ဖြစ်ဟှူလူလေ၊ ခရစ်တော်ဟှာ သင်းတော်ဟှို ရှစ်ဟှူကြောန့် သင်းတော်တွပ် သူ့ရဲ့သတ်ဟှို စွန့်လွှတ်မျိုးဘဲ့ နန်းနို့ရဲ့ မယားလေဟှို ရှစ်ဂေ့ပါ။ 
\v 26 ကိုယ်တော်ဟှာ သူ့ရဲ့သတ်ဟှို စွန့်ဇာဟှာ သင်းတော်ဟှို ရေနသန့်ရှင်းစေဘီး စကားတော်န ဘုရားသခင်ဟှို ဆစ်ကပ်ဟှူကြောန့်၊ 
\v 27 သင်းတော်ဟှို သူဆစ်ကပ်ဇာဟှာ ညစ်ကြေးလေမှေ့ဘဲ သန့်ရှင်းဘီး ပြစ်တန်ဇာမှေ့ဘဲန လွတ်ကင်းဟှူ သူဖြစ်န ရရာတိုင်း လှဘီး သန့်ရှင်းဟှူအသရေန ပ္လဲ့ဇောင်စေဟှို့တွပ်ဘဲ့ ဖြစ်ဟှယ်။ 
\v 28 လန်ဖြစ်ဟှူသူလေဟှာ ကိုယ့်ရဲ့ကိုယ်ခန္ဓာဟှို ရှစ်မျိုး မယားလေဟှို ရှစ်ဂေ့ပါ။ မယားလေဟှို ရှစ်ဟှူလူဟှာ ကိုယ်ဇာကိုယ် ရှစ်ဟှူသူဖြစ်ဟှယ်။ 
\v 29 ဖယ်သူလည်း ကိုယ့်ရဲ့ ကိုယ်ခန္ဓာဟှို မူးဟှယ်ဆိုဇာ မှေ့ဟှ။ မူးဟှို့နေနေသာသာ သူ့ကိုယ်သူ စားကျွေးဘီး ပြုစုဟှယ်။ သင်းတော်ဟှို ခရစ်တော်ဟှာ စားကျွေးဘီး ပြုစုမျိုးဘဲ့၊ 
\v 30 နို့လေဟှာ သူ့ကိုယ်ခန္ဓာရဲ့ အင်္ဂါလေဖြစ်ဂေ့ဟှယ်။ 
\v 31 ကျမ်းစာထဲမာ
\q1 “အယ်ကြောန်းကြောန့် ယော့‑က်ကျားဟှာ မိဖနားဟှ ထွပ်ဘီးဟှာ မယားနနေဟှူကြောန့်
\q2 သူးနို့လေဟှာ နှေ့ယော့‑က်မှုဟှ တသားတကိုယ်ဒဲ ဖြစ်ရဂေ့လေ့မယ်”
\m ဆိုဘီး ဖော်ပြဟှားဟှယ်။ 
\v 32 အယ်ဇာဟှာ ရရာတိုင်းနတ်နဲဟှူ သစ်စာစကားဖြစ်ဘီး ခရစ်တော်န သင်းတော်ဟှို ရည်ညွန်းဘီး ပြောဟှူစကားဖြစ်ဟှယ် ဆိုဘီး ငါပြောဟှယ်။ 
\v 33 အယ်ကြောန့် နန်းနို့ တယော့‑က်စီနလည်း ဆိုင်ဟှယ်။ လန်ဖြစ်သူဟှာ မယားဟှို ကိုယ့်ကိုယ်ကိုယ် ရှစ်မျိုးဘဲ့ ရှစ်ရမယ်။ မယားဖြစ်ဟှူ သူဟှလည်း လန်ဟှို ရိုသေလေးစားရမယ်။
\c 6
\s သားမီးလေန မိဖလေကြောန်း
\p
\v 1 \x - \xo ၆.၁ \xo*\xt ကော ၃.၂၀\xt*\x*သားမီးလေ၊ သခင်ဘုရားရဲ့ လိုတော်တိုင်း မိဖစကားဟှို နားထောန်ဂေ့ပါ။ မိဖစကားဟှို နားထောန်ဇာဟှာ မှန်ဟှူမှု ဖြစ်ဟှယ်။\f + \fr ၆.၁ \fr*\ft တချို့ မူရင်းလတ်ရေးမူလေမာ \ft*\fq မှန်ဟှူမှု ဖြစ်ဟှယ်၊ \fq*\ft ဆိုဇာဟှာ မှေ့ဟှ။\ft*\f* 
\v 2 ဂဒိတော်မာပါဟှူ ပထမပညတ်ဟှ “နန့်ရဲ့ မိဖဟှို ရိုသေပါ 
\v 3 အယ်ဆိုဟှာ နန်ဟှာ ကောန်းဇားဘီး မ္လေဂီးထတ်မာ သတ်ရှယ်လေ့မယ်” ဆိုဘီး ဖြစ်ဟှယ်။
\p
\v 4 \x - \xo ၆.၄ \xo*\xt ကော ၃.၂၁\xt*\x*မိဖလေ၊ သားမီးလေဟှို စိဆိုးအောန် လောက်ဂေ့န။ သူးနို့လေဟှို သခင်ဘုရား လိုတော်တိုင်း ပြုစုပျိုးထောန်ဂေ့ပါ။
\s ကျွန်လေန သခင်လေကြောန်း
\p
\v 5 \x - \xo ၆.၅–၈ \xo*\xt ကော ၃.၂၂–၂၅\xt*\x*ကျွန်ဖြစ်ဟှူလူလေ၊ နန်းနို့ဟှာ ခရစ်တော်ရဲ့စေဟှို ခံဂေ့မျိုး ရရာတိုင်း ကြော့‑က်လန့်ဘီး ရိုးသားဟှူ စိနှလောင်းန နန်းနို့ရဲ့ လောကသခင်လေဟှို နာခံဂေ့ပါ။ 
\v 6 သခင်လေနှစ်သက်ဟှို့တွပ် သူးနို့ရှေ့မာဘဲ့ နားထောန်ဇာမှုဘဲ့န ခရစ်တော်ရဲ့ ကျွန်နေန ဘုရားသခင်ရဲ့ လိုတော်တိုင်း စိပါလတ်ပါ စေခံဂေ့ပါ။ 
\v 7 လူလေရဲ့စေဟှို ခံမျိုးမှုဘဲ့န ဘုရားသခင်ရဲ့ စေဟှိုခံမျိုး စေတနာစိန စေခံဂေ့ပါ။ 
\v 8 ကျွန်ဖြစ်စေ၊ လူလွတ်ဖြစ်စေ၊ ကောန်းဇာတခုခု လောက်ဟှူလူဟှာ သခင်ဘုရားနားဟှ ကျိုးခံစားခွမ့်ရမယ် ဆိုဇာ သိမှတ်ဟှားဂေ့ပါ။
\p
\v 9 \x - \xo ၆.၉ က \xo*\xt ကော ၄.၁; \xt*\xo ခ \xo*\xt ကော ၃.၂၅\xt*\x*သခင်လေ၊ နန်းနို့ဟှလည်း ကျွန်လေဟှို အယ်မျိုးဘဲ့လောက်ဂေ့။ သူးနို့ဟှို ချီးခြော့‑က်ဂေ့န။ နန်းနို့န သူးနို့လေရဲ့ သခင်ဟှာ ကောန်းဂန်ဘောင်မာရှိနေဘီး အယ်သခင်ဟှာ မျစ်နှာလိုက်ဟှ ဆိုဇာဟှို သိဟှားဂေ့ပါ။
\s ဘုရားသခင်ရဲ့ လတ်နတ်စောင်ကြောန်း
\p
\v 10 နန်းနို့ဟှာ သခင်ဘုရားန တလောင်းတဝဒဲဖြစ်ဘီး ကိုယ်တော်ရဲ့ တဂိုးအားဖြင့် ခိုင်ခံ့ဟှို့တွပ် ငါဟှာ နော့‑က်ဆောင်းနေန မှာရှင်ပါဟှယ်။ 
\v 11 မာရ်နတ်ရဲ့ လှည့်ဇာဟှူ ဇာလေဟှို ကာကွယ်နိုင်ဟှို့တွပ် ဘုရားသခင်ဟှ ပြင်ဆင်ဟှားဟှူ လတ်နတ်စောင်လေဟှို ဝတ်ဂေ့ပါ။ 
\v 12 နို့လေဟှာ သွီးသားရှိဟှူလူလေန တိုက်ခိုက်ဂေ့ဇာ မှုဟှ။ ကောန်းဂန်မှာနေဟှူ ရရာတိုင်းဆိုးဟှူ ဝိညာဉ်တဂိုးရှင်လေန၊ အယ်မှောန်လောကဟှို စိုးရဟှူ တဂိုးရှင်လေ၊ အာဏာပိုင်လေန တိုက်ခိုက်ဂေ့ရဟှယ်။ 
\v 13 အယ်ကြောန့် ဘုရားသခင်ရဲ့ လတ်နတ်စောင်လေဟှို ကိုင်ဟှားဂေ့ပါ။ အယ်မျိုးလောက်မှ ခဲယဉ်းဆိုးယောက်ဟှူကာလ ရော့‑က်လာဟှူ ခီမာ နန်းနို့ဟှာ ရန်သူတိုက်လာဟှူဇာဟှို ကာကွယ်နိုင်လေ့မယ်။ ဆောင်းထိ တိုက်ခိုက်ဟှူ ခီမာ နန်းနို့ဟှာ ရပ်နိုင်လေ့မယ်။
\p
\v 14 အယ်ကြောန့် ဆင်သင့်ရှိဂေ့ပါ။ သမ္မာတရားဖြစ်ဟှူ ခါးဗတ်န၊ ဖြောန့်မတ်ရှင်းဖြစ်ဟှူ ရင်ဖတ်ကာဟှူဇာဟှိုရော၊ 
\v 15 ငြီသတ်ရှင်းနဆိုင်ဟှူ ဒန်းကောန်းဟှို ဟောပြောဟှို့တွပ် ပြင်ဆင်ဟှားဇာဖြစ်ဟှူ ခေနပ်စီးဘီး ခံရပ်ဟှားဂေ့ပါ။ 
\v 16 ယောင်ကြည်ရှင်း ဒိုင်းလွှားဟှိုလည်း မြဲဒမ်းကိုင်ဟှားဂေ့ပါ။ နန်းနို့ဟှာ အယ်ဒိုင်းလွှားအားဖြင့် မာရ်နတ်ပစ်ဟှူ မီးမြှားလတ်နတ်ဟှို ကာကွယ်နိုင်လေ့မယ်။ 
\v 17 ကယ်တန်ရှင်းဖြစ်ဟှူ သံခမှော့‑က်န ဝိညာဉ်တော်ဟှပေးဟှူ ဘုရားသခင်ရဲ့ စကားတော်ဖြစ်ဟှူ ဓားဟှိုရော ယူဆောန်ဂေ့ပါ။ 
\v 18 နန်းနို့ဟှို ကူညီစော့‑က်ရှော့‑က်ဟှို့တွပ် ဘုရားသခင်ဟှို မြဲဒမ်းဆုတောန်းဂေ့ပါ။ ဝိညာဉ်တော်ပြောဟှားတိုင်း မြဲဒမ်းဆုတောန်းဂေ့ပါ။ အယ်ကြောန့် နိုးနိုးကြားကြားဟှား နေဂေ့ပါ။ ဇွဲသတ်တိလည်း ရှိဂေ့ပါ။ ခီတိုင်းမာ ဘုရားသခင်ရဲ့ သန့်ရှင်းဟှူလူမျိုးတော်တွပ် ဆုတောန်းဂေ့ပါ။ 
\v 19 ငါဟောပြောဟှူ ခီမာ ဘုရားသခင်ဟှာ ငါ့ဟှို နှောက်သတ်တိဟှို ပေးဟှို့တွပ်ရော၊ ဒန်းကောန်းရဲ့ နတ်နဲဟှူဇာလေဟှို ရဲရဲရင့်ရင့်ဟှား ဖွမ့်ပြနိုင်အောန် ငါ့တွပ်လည်း ဆုတောန်းပေးဂေ့ပါ။ 
\v 20 ငါဟှာ ကျဉ်းထောန်ထဲမာ နေရဘေမဲ့ အယ်ဒန်းကောန်းတွပ် သံတမန်ဖြစ်ဟှယ်။ အယ်ဒန်းကောန်းဟှို ဟောပြောသင့်တိုင်းဘဲ့ ငါဟှာ ရဲရဲရင့်ရင့်ဟှား ဟောပြောနိုင်ဟှို့တွပ် ဆုတောန်းဂေ့ပါ။
\s နော့‑က်ဆောင်း နှောက်ဆစ်ကြောန်း
\p
\v 21 \x - \xo ၆.၂၁ \xo*\xt တ ၂၀.၄; ၂ တိ ၄.၁၂\xt*\x*\x - \xo ၆.၂၁,၂၂ \xo*\xt ကော ၄.၇,၈\xt*\x*ငါ့နပတ်သတ်ဟှူ ကြောန်းလေဟှို နန်းနို့သိဟှို့တွပ် ဒန်းအားလောင်းဂူဟှို နန်းနို့လေဟှို တုခိတ်ဟှ ပြောပြလေ့မယ်။ သခင်ဘုရားရဲ့ မှုတော်ဆောန်ဟှူ ခီမာ သူဟှာ နို့လေဟှို သစ်စာရှိရှိန စေခံဟှူသူ၊ နို့လေရှစ်ရဟှူညီ ဖြစ်ဟှယ်။ 
\v 22 အယ်ကြောန့် နို့လေနဆိုင်ဟှူ ဒန်းအားလောင်းဂူဟှို ပြောပြဟှို့တွပ်န သူဟှာ နန်းနို့ဟှို အားပေးကူညီဘီး နန်းနို့စိနှလောင်း သတ်သာစေဟှို့တွပ် ငါဟှာ လွှတ်လိုက်ဟှယ်။
\p
\v 23 ဖဘုရားသခင်န သခင်ယေရှုခရစ်တော်ဟှာ ယောင်ကြည်သူလေဟှို ငြီသတ်ရှင်း၊ ရှစ်ရှင်း၊ ယောင်ကြည်ရှင်းလေဟှို ခ္လပေးပါစေ။ 
\v 24 ဖယ်ခါလည်း ပျစ်စီးဘဲဟှူ မြစ်တာန နို့လေရဲ့ သခင်ယေရှုခရစ်တော်ဟှို ရှစ်ဂေ့ဟှူ လူလေ အားလောင်းဂူထတ်ဟှို ဘုရားသခင်ရဲ့ ကျေးဇူးတော်ဟှာ ရော့‑က်လာပါစေ။