\id COL - Introductions and Outlines
\usfm 3.0
\ide UTF-8
\ide 65001 - Unicode (UTF8)
\h ကောလောသဲ
\toc1 ကောလောသဲ သင်းတော်ဟှို ပေါလုရဲ့ ပေးစာ
\toc2 ကောလောသဲ
\toc3 ကော
\mt1 ကောလောသဲ
\mt2 ကောလောသဲ သင်းတော်ဟှို ပေါလုရဲ့ ပေးစာ
\imt နိဒါန်း
\im \bk ကောလောသဲ သင်းတော်ဟှို ပေါလုရဲ့ ပေးစာ\bk*ဟှို တမန်တော် ပေါလုဟှ ရေးဟှားလေဟှယ် (\xt ၁.၁\xt*)။ သူဟှာ အယ်စာဟှို ခရစ်တော် မွီးဘီးန ၆၀ ခုနှစ်လော့‑က်ဟှ ရောမဗြို့မာ ထောန်က္လနေဒူးခီမာ ရေးဟှားလေဟှယ်။ ပေါလုဟှာ ကောလောသဲ သင်းတော်ဟှို ပေးဟှူစာ၊ ဧဖက် သင်းတော်ဟှို ပေးဟှူစာန ဖိလေမုန်ဟှို ပေးဟှူစာလေဟှို ထောန်က္လနေဒူးမာ ရေးဟှားဟှူကြောန့် အယ်မူစာလေဟှို ထောန်ထဲဟှ ပေးဟှူစာ ဆိုဘီး ခေါ်လေဟှယ်။ အယ်မူစာဟှာ ကောလောသဲဗြို့မာရှိဟှူ သင်းတော်ဟှို ရေးဟှူစာဖြစ်လေဟှယ်။ \xt ၂.၁\xt* မာ ဖော်ပြဟှားတိုင်း ဆိုဟှာ ပေါလုဟှ ကောလောသဲဗြို့မာ သင်းတော်ဟှို စပြုသေးဟှ ဘေမဲ့လည်း အယ်သင်းတော်တွပ် တာဝန်လေရှိဟှယ် ဆိုဘီး မှတ်ယူလေဟှယ်။ ဧပဖြာဟှာ ကောလောသဲဗြို့မာ ရှိနေဂဒဲဟှ အယ်သင်းတော်ဟှို တည်ထောန်ဟှားဇာဖြစ်နိုင်ဟှယ်။
\ip ပေါလုဟှာ ကောလောသဲ သင်းတော်ထဲမာ မှားယွင်းဟှူ သွန်သန်ရှင်းလေ ရှိနေဟှူကြောန့် ရရာတိုင်း စိုးရိမ်လေဟှယ်။ သူဟှာ အယ်မူဇာန ပတ်သက်ဘီး စာလေဘောင်ဂီး ရေးဟှားလေဟှယ်။ အယ်နေရာမာ ယုဒခရစ်ယာန် အောက်စုတစုရှိဘီး သူးနို့လေဟှာ တခြား ခရစ်ယာန်လေဟှို ဓမ္မဟောန်ကျမ်းထဲဟှ ရေဖျားလှီးရှင်းန ဆိုင်ဟှူ ယုဒပညတ်လေဟှို လိုက်နာဟှို့တွပ် ကြိုးစားနေဟှူ လူလေဖြစ်ဟှယ်။ ပေါလုဟှ ဘုရားသခင်အားဖြင့် ခရစ်တော်ဟှို လတ်ခံရှင်းဟှလွဲဘီး ဖြားဇာလည်း လိုအပ်ဟှ ဆိုဘီး ပေါလုဟှ လေးလေးနတ်နတ်ဟှား ရေးဟှားဘီး (\xt ၁.၁၅–၂၀\xt*) အယ်မျိုးသွန်သန်ချစ်ဟှာ လူသားရဲ့ ဆင်ခြင်တုံတရားဟှာ သောင်းဇားဟှို့ရဟှ ဆိုဇာဟှို ခြေခံဟှားဟှယ် (\xt ၂.၈\xt*)။
\iot ကြောန်းရာ ကျဉ်းချောက်
\io1 ၁။ ပေါလုဟှာ ကောလောသဲဗြို့မာရှိဟှူ သင်းတော်ဟှို နှောက်ဆစ်ရှင်းအားဖြင့် အယ်စာဟှို စပြုဟှားဟှူကြောန်း \ior (၁.၁–၂)\ior*
\io1 ၂။ သူဟှာ ကောလောသဲ သင်းတော်ထဲမာ မှားယွင်းဟှူ သွန်သန်ရှင်းလေဟှို ပ္လန်ဖြေရှင်းဟှားဟှူ ဇာလေထဲမာ ခရစ်တော်ရဲ့ ကီးမြတ်ရှင်းကြောန်းဟှို ရေးဟှားဟှူကြောန်း \ior (၁.၃—၃.၄)\ior*
\io1 ၃။ ပေါလုရဲ့ စာလေဘောင်ဂီးထဲမာ တဝပ်လော့‑က်ဟှာ ကောန်းဟှူခရစ်ယာန် သတ်ရှင်မှုတွပ် ညွှန်ကြားချစ်လေ ပေးဟှားဟှူ စာလေဖြစ်ဟှူကြောန်း \ior (၃.၅—၄.၆)\ior*
\io1 ၄။ ပေါလုဟှာ နှောက်ဆစ်ဘီးန တခြား သင်းတော်လေမာလည်း အယ်စာဟှို ဖတ်ဟှို့တွပ် ညွှန်ကြားဘီး နိဂေါင်းချောက်ဟှားဟှူကြောန်း \ior (၄.၇–၁၈)\ior*
\ie
\c 1
\po
\v 1 ဘုရားသခင်ရဲ့ လိုတော်အားဖြင့် ယေရှုခရစ်တော်ရဲ့ တမန်တော်ဖြစ်ဟှူ ငါပေါလုန နို့လေရဲ့ညီ တိမောသေဟှာ —
\po
\v 2 ကောလောသဲဗြို့မာရှိဟှူ ခရစ်တော်ဟှို ယောင်ကြည်ဘီး သစ်စာရှိဟှူ သန့်ရှင်းသူ ညီကို မောန်နှမလေနားဟှို စာရေးလိုက်ပါဟှယ်။
\po နို့လေရဲ့ဖဖြစ်ဟှူ ဘုရားသခင်နားဟှ ကျေးဇူးတော်န ငြီသတ်ရှင်းဟှာ နန်းနို့လေမာ ရှိပါစေ။
\s ကျေးဇူးတော် ချီးမွမ်းဘီး ဆုတောန်းဟှူကြောန်း
\p
\v 3 နို့လေဟှာ နန်းနို့လေတွပ် ဆုတောန်းဟှူခီတိုင်းမာ သခင်ယေရှုခရစ်တော်ရဲ့ ခမည်းတော်ဖြစ်ဟှူ ဘုရားသခင်ရဲ့ ကျေးဇူးတော်ဟှို ချီးမွမ်းဂေ့ပါဟှယ်။ 
\v 4 ဖြားဖြစ်ကြောန့်နူးဆိုဟှာ နန်းနို့လေဟှာ ယေရှုခရစ်တော်ဟှို ယောင်ကြည်ဘီး သန့်ရှင်းသူလေဟှို ရှစ်ဂေ့ဟှူကြောန်းဟှို ကြားရဟှူကြောန့် ဖြစ်ဟှယ်။ 
\v 5 အယ်မူယောင်ကြည်ရှင်းန ရှစ်ရှင်းမြစ်တာလေဟှာ နန်းနို့လေတွပ် ကောန်းဂန်ဘောင်မာ သိုဟှားဟှူ မျှော်လင့်ရှင်းအားဖြင့် ဖြစ်ပေါ်လာဘီး အယ်မျှော်လင့်ရှင်းကြောန်းဟှာ နန်းနို့လေနားဟှို ရော့‑က်လာဟှူ ကောန်းမြတ်ဟှူ ဒန်းကောန်းနဆိုင်ဟှူ သမ္မာတရားရဲ့ နှောက်တော်ထွပ်စကားဟှို နန်းနို့လေ ကြားရဂေ့ဘီ။ 
\v 6 အယ်မူဒန်းကောန်းဟှာ တကမ္ဘာလောင်းဟှို ပ္လံ့နှံ့ဘီး တိုးပွားဟှူမျိုး အယ်ဒန်းကောန်းဟှို ကြားနာရဟှူ နန်းနို့လေလည်း ဘုရားသခင်ရဲ့ကျေးဇူးတော်ဟှို မှန်းမှန်ကန်းကန် သိဟှူနေ့ဟှနေစဘီး နန်းနို့ထဲမာလည်း သီးသီးဘီးဟှာ တိုးပွားနေဟှယ်။ 
\v 7 \x - \xo ၁.၇ \xo*\xt ကော ၄.၁၂; ဖိလေ၂၃\xt*\x*ဘုရားသခင်ရဲ့ ကျေးဇူးတော်ဟှို နန်းနို့လေဟှို သန်ပေးဟှူသူဟှာ နို့လေရဲ့\f + \fr ၁.၇ \fr*\fq နို့လေရဲ့၊ \fq*\ft တချို့ မူရင်းလတ်ရေးမူလေမာ \ft*\fqa နန်းနို့လေ၊ \fqa*\ft ဆိုဘီး ပါရှိဟှယ်။ \ft*\f* ကိုယ်စား ခရစ်တော်ရဲ့ မှုဆောန်ဟှူ နို့လေရှစ်ရဟှူ ဧပဖြဘဲ့ ဖြစ်ပါဟှယ်။ သူဟှာ နို့လေရဲ့ကိုယ်စား သစ်စာရှိရှိန ခရစ်တော်ရဲ့ မှုတော်ဟှို ထမ်းဆောန်ဟှူသူ ဖြစ်ဘီး၊ 
\v 8 ဝိညာဉ်တော်အားဖြင့်ရရှိဟှူ နန်းနို့လေရဲ့မြစ်တာကြောန်းဟှို နို့လေဟှို သူပြောပြဟှယ်။
\p
\v 9 အယ်ကြောန့် နို့လေလည်း နန်းနို့လေဒန်းဟှို ကြားရဟှူနေ့ဟှစဘီး မြဲဒမ်းဘဲ့ ဆုတောန်းဘီးဟှာ နန်းနို့လေဟှာ ဝိညာဉ်တော်ပေးတော်မူဟှူ ဉာဏ်ပညာန တတ်သိနားလည်မှု စောင်လင်ရှင်းအားဖြင့် ဘုရားသခင်ရဲ့လိုတော်ဟှို သိဟှူဉာဏ်နပ္လဲ့ဝဘီး၊ 
\v 10 ကောန်းဟှူမှု မျိုးမျိုးဖြစ်ဟှူ အသီးဟှိုသီးဘီးဟှာ ဘုရားသခင်ဟှိုသိဟှူဉာဏ်န ကီးထွားလာဟှူရှင်းအားဖြင့် ရာရာတိုင်းမာ သခင်ဘုရားနှစ်သက်စေဘီး ကိုယ်တော်န ထိုက်ထိုက်တန်တန် သတ်ရှင်ရှော့‑က်လှမ်းနိုင်ဟှို့တွပ် တောန်းလျှော့‑က်ဂေ့ဟှယ်။ 
\v 11 နော့‑က်ဘီး နန်းနို့လေဟှာ ကိုယ်တော်ရဲ့ ဖောင်းတဂိုးအာနုဘော်တော်ဟှနေ ဆင်းသတ်လာဟှူ စွမ်းသတ်တိရှိဟှူမျှန အားဖ္လဲ့ဇာခံရဘီး သီးခံရှင်း၊ စိရှယ်ရှင်းန ပ္လဲ့ဝဘီးဟှာ၊ 
\v 12 နန်းနို့ဟှို လန်းရောန်နှိုက်ရှိဟှူ သန့်ရှင်းသူလေရဲ့ မွီတော်မာ ပါဝမ်ထိုက်ဟှူသူ ဖြစ်စေတော်မူဟှူ ဖဘုရားသခင်ဟှို ဝန်းမြော့‑က်ဟှူ စိန ကျေးဇူးတော်ဟှို ချီးမွမ်းဂေ့ပါ။\f + \fr ၁.၁၂ \fr*\fq ဝန်းမြော့‑က်ဟှူ စိန ကျေးဇူးတော်ဟှို ချီးမွမ်းဂေ့ပါ၊ \fq*\ft အယ်မျိုးမှုဘဲနေဟှာ \ft*\fqa စိရှယ်သီးခံဘီး ဝန်းမြော့‑က်ဟှူ စိန ချီးမွမ်းဂေ့ပါ။\fqa*\f* 
\v 13 ဖဘုရားသခင်ဟှာ နို့လေဟှို မှောန်မိုက်ရဲ့တဂိုးဟှ ကယ်နှုတော်မူဘီးဟှာ သူရှစ်မြတ်နိုးတော်မူဟှူ သားတော်ရဲ့ နိုင်ငံတော်ထဲဟှို ခေါ်သွမ်းတော်မူဟှယ်။ 
\v 14 \x - \xo ၁.၁၄ \xo*\xt ဧ ၁.၇\xt*\x*နို့လေဟှာ အယ်သားတော်အားဖြင့် ဝီးနှုရှင်းဖြစ်ဟှူ ပြစ်လေ ခွမ့်လွှတ်ရှင်း ကျေးဇူးဟှို ရရှိဂေ့ဟှယ်။
\s ခရစ်တော်ရဲ့ ဇာတိတော်န လောက်ဆောန်မှုကြောန်း
\p
\v 15 သားတော်ဟှာ မျစ်စိနဗြင်နိုင်ဘဲဟှူ ဘုရားသခင်ရဲ့ ပေါင်သဏ္ဌာန်တော်ဖြစ်ဘီး ဖန်ဆင်းတော်မူဟှူ ဝေနေယျသတ္တဝါလေ အားလောင်းထဲမာ သားဦးဖြစ်ဟှယ်။ 
\v 16 ဖြားဖြစ်ကြောန့်နူးဆိုဟှာ ကောန်းဂန်ထတ်န မ္လေဂီးထတ်မာရှိဟှူ ရာအားလောင်းနတူးဒူ လူ့မျစ်စိနဗြင်နိုင်ဟှူရာ၊ ဗြင်နိုင်ဘဲဟှူရာ၊ ရာဇပလ္လင်လေဖြစ်ဖြစ်၊ စိုးရဟှူတဂိုးလေဖြစ်ဖြစ်၊ ထွဋ်မြတ်ခွမ့်အာဏာလေဖြစ်ဖြစ် ရှိဟှူမျှအားလောင်းဟှို ဘုရားသခင်ဟှာ အယ်မူသားတော်အားဖြင့် ဖန်ဆင်းတော်မူဟှူကြောန့် ဖြစ်ဟှယ်။ ရာအားလောင်းဂူဟှာ အယ်သခင်အားဖြင့်န အယ်သခင်တွပ် ဖန်ဆင်းတော်မူလေဟှယ်။ 
\v 17 သားတော်ဟှာ ရာအားလောင်းဂူ ဖြစ်ခန်ဒဲဟှ ရှိတော်မူဘီး ရာအားလောင်းဂူးဟှိုလည်း တဂိုးတော်အားဖြင့် တည်နေဂေ့ဟှယ်။ 
\v 18 \x - \xo ၁.၁၈ \xo*\xt ဧ ၁.၂၂,၂၃\xt*\x*ကိုယ်တော်ဟှာ သင်းတော်ဖြစ်ဟှူ ကိုယ်ခန္ဓာရဲ့ ဦးခေါန်းဖြစ်တော်မူဟှယ်။ ရာအားလောင်းဂူမာ ထူးမြတ်ဟှူ နဂိုမူလရင်းမြစ်ဖြစ်ဘီး သေဟှားဟှူ သူလေထဲမာ သားဦးဖြစ်တော်မူလေဟှယ်။ 
\v 19 ဖြားဖြစ်ကြောန့်နူးဆိုဟှာ ဘုရားသခင်ဟှာ ရာအားလောင်းဂူ ပ္လဲ့ဇောင်ရှင်းလေဟှို သားတော်ထဲမာ ကိန်းဝပ်စေဟှို့တွပ်န၊ 
\v 20 \x - \xo ၁.၂၀ \xo*\xt ဧ ၂.၁၆\xt*\x*လတ်ဝါးကပ်တိုင်ထတ်မာ သွန်းဟှူ သားတော်ရဲ့ သွီးတော်အားဖြင့်\f + \fr ၁.၂၀ \fr*\fq သားတော်ရဲ့ သွီးတော်အားဖြင့်၊ \fq*\ft အယ်မျိုးမှုဘဲနေဟှာ \ft*\fqa သားတော်ရဲ့ ယဇ်ပူဇော်ရှင်းန သေခံရှင်း အားဖြင့်။\fqa*\f* ရန်ဟှို ငြီးစေဘီး ကောန်းဂန်ဘောင်မာ ရှိဟှူ ဇာလေရော၊ မ္လေဂီးထတ်မာ ရှိဟှူ ဇာလေရော အားလောင်းဂူဟှို သားတော်အားဖြင့် သူ့န ပ္လန်သင့်မြတ်လာစေဟှို့တွပ် လိုတော်ရှိတော်မူဟှယ်။
\p
\v 21 တခီဒူးဟှ နန်းနို့လေဟှာ ဆိုးညစ်ဟှူကျင့်န ကြံစည်လေကြောန့် ဘုရားသခင်န ဝီးကွာဟှားဘီး စိနှလောင်းနှိုက် ရန်သူဖြစ်ဂေ့ဟှယ်။ 
\v 22 အယ်ဘေမဲ့ ခုခီမာ သွီးသားနဆိုင်ဟှူ ကိုယ်ခန္ဓာနှိုက် သားတော်ဟှို သေခံစေရှင်းအားဖြင့် ဘုရားသခင်ဟှာ နန်းနို့လေဟှို သူ့န ပ္လန်သင့်မြတ်စေတော်မူဟှယ်။ အယ်မျိုးလောက်ရှင်းအားဖြင့် သန့်ရှင်းဘီး ပြစ်မှေ့ဘဲဟှူ နန်းနို့လေဟှို သူ့ရဲ့ ရှေ့တော်မာ ဆစ်သနိုင်ဟှို့တွပ် ဖြစ်ဟှယ်။ 
\v 23 အယ်ဘေမဲ့ နန်းနို့လေဟှာ ကြားနာရဟှူ ကောန်းမြတ်ဟှူ ဒန်းကောန်းရဲ့ မျှော်လင့်ရှင်းဟှနေ ယီးယိုင်သွားဘဲန ခိုင်းခိုင်မားမာ အုပြစ်ခ္လဟှားဟှူ ယောင်ကြည်ရှင်းမာ ဆစ်ဘီးတည်နေရမယ်။ ကောန်းဂန်အော့‑က်ဟှ ဖန်ဆင်းခံလောက တခုလောင်းဟှို ပ္လံ့နှံ့နေဟှူ အယ်မူဒန်းကောန်းဟှို ဟောပြောစေခံနေဟှူ သူဟှာ ငါပေါလုဘဲ့ ဖြစ်ဟှယ်။
\s ပေါလုရဲ့ မှုတော်ဆောန်ဟှူကြောန်း
\p
\v 24 ငါဟှာ နန်းနို့လေတွပ် ခံရဟှူ ဆင်းရဲဒေါက်ခလေဟှို ခု ဝန်းမြော့‑က်ဝန်းသာခံယူဘီး ခရစ်တော်ရဲ့ ဆင်းရဲဒေါက်ခမာ လိုအပ်သေးဟှူ ပိုင်းလေဟှို ကိုယ်တော်ရဲ့ ကိုယ်ခန္ဓာဖြစ်ဟှူ သင်းတော်တွပ် ကျန်ရှိနေဟှူ ဆင်းရဲဒေါက်ခ ကြွင်းကျန်လေဟှို ငါ့ရဲ့ ကိုယ်ခန္ဓာမာ ပ္လဲ့ဇောင်စေဟှယ်။ 
\v 25 နန်းနို့ကျိုးတွပ် ဘုရားသခင်ဟှာ ငါ့ဟှို သင်းတော်ရဲ့ မှုဆောန်ဖြစ် ခန့်ဟှားဟှယ်။ ငါ့ဟှို ပေးအပ်တော်မူဟှူ တာဝန်ဟှာ စကားတော်ရှိဟှူမျှ ပ္လဲ့ပ္လဲ့ဝဝဟှို ဟောပြောဟှို့တွပ်ဖြစ်ဟှယ်။ 
\v 26 ကိုယ်တော်ဟှာ အယ်မူ နတ်နဲဟှူဇာလေဟှို လောကမာရှိဟှူ လူလေ အားလောင်းဂူဟှို လွန်လာဘီးဟှူ ရှေးကာလလေမာ သိခွမ့်ပေးဘဲဟှူလည်းဘဲ့ ခုခီမာ သူ့ရဲ့သန့်ရှင်းသူလေဟှို ဖော်ပြပေးတော်မူဘီ။ 
\v 27 လူမျိုးခြားလေမာ အယ်မူနတ်နဲရာနဆိုင်ဟှူ မဟာစည်းဇိမ်ဟှာ ဖယ်မျှလော့‑က်ကီးဟှယ် ဆိုဇာဟှို သန့်ရှင်းဟှူသူလေ သိစေဟှို့တွပ် ဘုရားသခင် လိုရှိတော်မူဟှယ်။ အယ်မူစည်းဇိမ်ဟှ ဖောင်းသရေတော်ဟှို မျှော်လင့်ဟှို့ကြောန်းဖြစ်ဟှူ နန်းနို့ထဲမာ တည်တော်မူဟှူ ခရစ်တော်ဘဲ့ဖြစ်ဟှယ်။ 
\v 28 နို့လေဟှာ လူတိုင်းဟှို ခရစ်တော်နှုက် စောင်လင်ရင့်ကျတ်ဟှူ သူဖြစ် ဆစ်သနိုင်ဟှို့တွပ် လူတိုင်းဟှို ဒိပေး ဆောင်းမဘီးဟှာ ဉာဏ်ပညာရှိဟှူမျှန သွန်သန်ဘီး ခရစ်တော်ရဲ့ ကြောန်းဟှို ဟောပြောဂေ့ပါဟှယ်။ 
\v 29 အယ်မူတာဝန်ဟှို ငါကြိုးစား လောက်ဆောန်ဟှူ ခီမာ ခရစ်တော်ဟှာ ငါ့ဟှို ကီးမားဟှူ တဂိုးဟှို ပေးတော်မူဟှယ်။ အယ်မူတဂိုးဟှာ ငါ့ထဲမာ လောက်ဆောန်နေဟှယ်။
\c 2
\p
\v 1 ငါဟှာ နန်းနို့လေန လောဒိကိဗြို့သူဗြို့သားလေဟှနေစဘီး ငါ့ဟှို ဗြင်ဖူးသေးဘဲဟှူ တခြားလူလေတွပ် ဖယ်လော့‑က်ထိ ကြိုးစားဘီး လောက်ဆောန်ဟှူဇာလေဟှို နန်းနို့လေဟှို သိစေရှင်ပါဟှယ်။ 
\v 2 အယ်မူမျိုး ကြိုးစားဘီးလောက်ဆောန်ရဟှူကြောန်းဟှ နန်းနို့လေအားလောင်းဟှာ စိအားထတ်သန်ဘီး ရှင်းရှင်း တယော့‑က်ဟှိုတယော့‑က် ရှစ်ရှင်းမြစ်တာန စည်းလောင်းစေဟှို့တွပ် စစ်မှန်ဟှူ သိနားလည်မှုအားဖြင့် စိခ္လမှုအာမခံချစ်ဟှို ပ္လဲ့ပ္လဲ့ဝဝ ရရှိဂေ့ဟှို့တွပ်န၊ ဘုရားသခင်ရဲ့ လျှို့ဝှပ်နတ်နဲဟှူရာဖြစ်ဟှူ ခရစ်တော်ဟှို သိရဂေ့ဟှို့တွပ် ဖြစ်ဟှယ်။\f + \fr ၂.၂ \fr*\fq ဘုရားသခင်ရဲ့ လျှို့ဝှပ်နတ်နဲဟှူရာဖြစ်ဟှူ ခရစ်တော်ဟှို သိရဂေ့ဟှို့တွပ် ဖြစ်ဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa ဘုရားသခင်ရဲ့နတ်နဲဟှူရာ၊ \fqa*\ft တချို့လေမာ \ft*\fqa ခရစ်တော်ရဲ့ ခမည်းတော် ဘုရားသခင်ရဲ့ နတ်နဲဟှူရာ၊ \fqa*\ft တချို့လေမာ \ft*\fqa ခရစ်တော်န ခမည်းတော် ဘုရားသခင်ရဲ့ နတ်နဲဟှူရာ၊ \fqa*\ft ဆိုဘီး ပါရှိဟှယ်။\ft*\f* 
\v 3 အယ်မူခရစ်တော်ထဲမာ ဘုရားသခင်ရဲ့ ဉာဏ်ပညာဘဏ္ဍာ၊ သိပညာဘဏ္ဍာရှိဟှူမျှဟှို ဝှက်ဟှားတော်မူဟှယ်။
\p
\v 4 အယ်ကြောန့် ဖယ်သူလည်း နန်းနို့လေဟှို ဖြားရောန်းဟှူစကားလေန လှည့်ဇားစေန။ 
\v 5 ငါဟှာ ကိုယ်ခန္ဓာအားဖြင့် နန်းနို့လေန ကွာဘီးနေရဟှူလည်းဘဲ့ စိဝိညာဉ်အားဖြင့် နန်းနို့လေနတူးဒူရှိပါဟှယ်။ နန်းနို့လေဟှာ တစည်းတလောင်းဒဲရှိဂေ့ဘီး ခရစ်တော်ဟှို ခိုင်းခိုင်မြဲမြဲန ယောင်ကြည်ဂေ့ဟှူဇာဟှို ငါဗြင်ရဟှူကြောန့် ရရာတိုင်းဘဲ့ ဝန်းသာပါဟှယ်။
\s ခရစ်တော်နှိုက် ကြွယ်ဝဟှူဘဝကြောန်း
\p
\v 6 အယ်ကြောန့် နန်းနို့လေဟှာ ခရစ်တော် ယေရှုဟှို သခင်ဖြစ်န လတ်ခံဂေ့ဟှူကြောန့် ကိုယ်တော်န တလောင်းတဝဒဲ ဖြစ်ရှင်းအားဖြင့် သတ်ရှင်ဂေ့ပါ။ 
\v 7 သွန်သန်ဇာလေဟှို ခံရဟှူတိုင်း ကိုယ်တော်နှိုက် နတ်နတ်နဲနဲ ပြစ်စွဲဘီးဟှာ ကိုယ်တော်ထတ်မာ ကိုယ့်ရဲ့ ဘဝသတ်တာဟှို တည်ဆော့‑က်ဘီး နန်းနို့လေရဲ့ ယောင်ကြည်မှု ခိုင်မြဲစေရှင်းအားဖြင့် ကျေးဇူးတော် ချီးမွမ်းရှင်းန ပ္လဲ့ဇောင်ဂေ့ပါ။
\p
\v 8 ခရစ်တော်ရဲ့ တရားဟှို ခြေပြုဘဲန လောကရဲ့ ခြေခံတရားလေ လူလေရဲ့ ဓလေ့ထောင်းဒမ်းလေဟှို ခြေပြုဟှားဟှူ တွေးခေါ်ပညာလေန နှစ်သာရမှေ့ဘဲဟှူ လှည့်ဖြားမှုလေအားဖြင့် ဖယ်သူလည်း နန်းနို့လေဟှို လုယူဖျစ်ဆီးဘဲနေဟှို့တွပ် ဒိပြုဂေ့ပါ။ 
\v 9 ဖြားဖြစ်ကြောန့်နူးဆိုဟှာ ဘုရားရဲ့ ဇာတိတော်ရဲ့ ရှိဟှူမျှ ပ္လဲ့ဇောင်ရှင်းလေဟှို ခရစ်တော်ထဲမာ ကိုယ်ထန်ရှားဘီး ကိန်းဝပ်တော်မူလေဟှယ်။ 
\v 10 နန်းနို့လေဟှာ အောက်ချောက်ရှင်း ခွမ့်အာဏာအားလောင်းရဲ့ ဦးခေါင်းဖြစ်တော်မူဟှူ အယ်သခင်အားဖြင့် ပ္လဲ့ဇောင်ဂေ့ဟှယ်။
\p
\v 11 ခရစ်တော်နဆိုင်ဟှူ ရေဖျားလှီးရှင်းအားဖြင့် သွီးသားဇာတိနဆိုင်ဟှူ ကိုယ်ခန္ဓာဟှို ခလွတ်ပယ်ဘီးဟှာ လူ့အားဖြင့်မှုဘဲဟှူ ရေဖျားလှီးရှင်းဟှို အယ်သခင်နှိုက် ခံယူဂေ့ဟှယ်။ 
\v 12 \x - \xo ၂.၁၂ \xo*\xt ရော ၆.၄\xt*\x*နန်းနို့လေ ဗတ္တိဇံခံဟှူဇာအားဖြင့် ကိုယ်တော်နတူးဒူ သင်္ဂြိုဟ်ဇာဟှို ခံဂေ့ဘီး ခရစ်တော်ဟှို သေရှင်းဟှနေ ရှင်ပ္လန်ထမြော့‑က်စေတော်မူဟှူ ဘုရားသခင်ရဲ့တဂိုးတော်ဟှို ယောင်ကြည်ဂေ့ဟှူကြောန့် ကိုယ်တော်နတူးဒူ ရှင်ပ္လန်ထမြော့‑က်ဂေ့လေဟှယ်။ 
\v 13 \x - \xo ၂.၁၃ \xo*\xt ဧ ၂.၁–၅\xt*\x*နန်းနို့လေဟှာ စဟှ ပြစ်ကျူးလွန်ဟှူ သူလေဖြစ်ဂေ့ဘီး ကိုယ်ကာယရဲ့ ရေဖျားလှီးဘဲဟှူ ဖြစ်န သေနေဟှူ နန်းနို့ဟှို ဘုရားသခင်ဟှာ ခရစ်တော်နတူးဒူ သတ်ရှင်စေတော်မူဘီးဟှာ နို့လေကျူးလွန်ဟှူ ပြစ်ရှိဟှူမျှဟှို ခွမ့်လွှတ်ဘီး၊ 
\v 14 \x - \xo ၂.၁၄ \xo*\xt ဧ ၂.၁၅\xt*\x*နို့လေရဲ့ ပြစ်ကြွေးစာရင်းန၊ အယ်ပြစ်စာရင်းနဆိုင်ဟှူ ဥပဒေစည်းမျဉ်းလေ အားလောင်းဂူဟှို လတ်ဝါးကပ်တိုင်မာ ရိုက်ရှင်းအားဖြင့် ပယ်ဖျစ်တော်မူလေဟှယ်။ 
\v 15 အယ်လတ်ဝါးကပ်တိုင်ထတ်မာ ခရစ်တော်ဟှာ ဝိညာဉ်ရေးရာနဆိုင်ဟှူ တဂိုးရှင်လေန ခွမ့်အာဏာရှိဟှူမျှဟှို ဖယ်ရှားတော်မူဘီးဟှာ\f + \fr ၂.၁၅ \fr*\fq ခရစ်တော်ဟှာ ဝိညာဉ်ရေးရာနဆိုင်ဟှူ တဂိုးရှင်လေန ခွမ့်အာဏာရှိဟှူမျှဟှို ဖယ်ရှားတော်မူဘီးဟှာ၊ \fq*\ft အယ်မျိုးမှုဘဲနေဟှာ \ft*\fqa ခရစ်တော်ဟှာ ဝိညာဉ်ရေးရာ အောက်ချောက်မားလေန အာဏာပိုင်လေဟှို ဖယ်ရှားတော်မူလေဟှယ်။\fqa*\f* သူးနို့လေဟှို စစ်သုံးပန်းဖြစ် ဖမ်းဆီးခေါ်ဘီး အောင်ပွဲခံ လှည့်လည်ရာမာ လူလေ အားလောင်းဂူဟှို ပြဟှို့တွပ် နော့‑က်ဟှနေ လိုက်ပါစေတော်မူလေဟှယ်။
\p
\v 16 \x - \xo ၂.၁၆ \xo*\xt ရော ၁၄.၁–၆\xt*\x*အယ်ကြောန့် စားသော့‑က်န ပတ်သတ်ဟှူ ဇာဘဲ့ဖြစ်ဖြစ်၊ ဘာသာရေးပွဲနေ့၊ လဆန်းနေ့၊ ဒန်းနေ့န ပတ်သတ်ဇာဘဲ့ဖြစ်ဖြစ် နန်းနို့လေဟှို ဖယ်သူလေဟှလည်းဘဲ့ စီရင်စေန။ 
\v 17 အယ်မူဇာလေဟှာ နော့‑က်တခီမာ ဖြစ်ပေါ်လာမယ့် ဇာလေရဲ့ ရိရောန်မျှဘဲ့ဖြစ်ဘီး ကိုယ်စစ်ဟှ ခရစ်တော်ဘဲ့ဖြစ်ဟှယ်။ 
\v 18 မှန်ဘဲဟှူ နှိခ္လမှုလေ၊ ကောန်းဂန်တမန်လေဟှို ဝတ်ပြုကိုးကွယ်မှုလေဟှို လေးနတ်ပြောဆိုဘီး သူးနို့တွိဗြင်ရဟှူ ဗျာဒိတ်ရူပါရောင်လေဟှို ကြောန်းပြုဘီးဟှာ သူးနို့ဟှ တခြားသူလေထတ် သာဟှယ်ဆိုဘီး ပြောဆိုတတ်ဟှူ သူလေဟှာ နန်းနို့လေဟှို ရှုံ့ခ္လဟှူခွမ့်ဟှို ပေးဂေ့န။ သူးနို့လေဟှာ လူ့သဘောအားဖြင့် စဉ်းစားဆင်ခြင်ဘီး ချည်းနှီးသတ်သတ် စိဘဝင်မြင့်နေဂေ့ဟှယ်။ 
\v 19 \x - \xo ၂.၁၉ \xo*\xt ဧ ၄.၁၆ \xt*\x*သူးနို့လေဟှာ ကိုယ်ခန္ဓာရဲ့ ဦးခေါင်းဖြစ်ဟှူ ခရစ်တော်ဟှို မှီခိုအားကိုးမှု မှေ့ဂေ့ဟှ။ ခရစ်တော်ရဲ့ ထီးသီးမှုအော့‑က်မာ ဆစ်လေန ရိုးရှင်းဆစ်ပေးဟှူ ရွတ်လေအားဖြင့် ကိုယ်ခန္ဓာ တခုလောင်းဟှာ အဟာရဟှိုခံယူဘီး ဘုရားသခင် လိုတော်ရှိဟှူတိုင်း ကီးထွာတတ်လေဟှယ်။
\s ခရစ်တော်နတူးဒူ သေရှင်းန သတ်ရှင်ရှင်းကြောန်း
\p
\v 20 နန်းနို့လေဟှာ ခရစ်တော်နတူးဒူ သေပီးဟှာ အယ်လောကရဲ့ ခြေခံတရားဟှနေဘီး ကင်းကွာဟှယ် ဆိုဟှာ ဖြားဖြစ်ကြောန့် လောကမာ သတ်ရှင်ဟှူမျိုး၊ 
\v 21 “ထိန” “ကိုင်န” “ဗြဲန” ဆိုဟှူ စည်းမျဉ်းလေဟှို လိုက်နာနေဂေ့နူး။ 
\v 22 အယ်မူရာ အားလောင်းဟှာ လူလေရဲ့ ပညတ်န သွန်သန်ချစ်လေ ဖြစ်ဟှူကြောန့် သောန်းပြုရင်းန ပျော့‑က်ကွယ် ပျစ်စီးဟှားမယ့် ရာလေဘဲ့ဖြစ်ဟှယ်။ 
\v 23 အယ်မူမျိုး ဘာသာတရား စည်းမျဉ်းလေဟှာ ကိုယ်ခန္ဓာကျိုးန ဆိုင်ဘဲ ကိုယ်လိုလျောက် ကိုးကွယ်ဟှူဇာလေ၊ မှန်ဘဲဟှူ စိနှိခ္လဟှူဇာလေ၊ ကိုယ်ကာယဟှို နှိစစ်ဟှူဇာလေန ပတ်သတ်ဘီး ပညာရှိဟန်ပေါ်ဟှူလည်းဘဲ့ သွီးသားဇာတိရဲ့ တတ်မတ်မှုဟှို ချောက်တီးရာမာ ဖယ်မျိုးလည်းကျိုးပြုဟှ။
\c 3
\p
\v 1 အယ်မျိုးဖြစ်ကြောန့် နန်းနို့လေဟှာ ခရစ်တော်နတူးဒူ ထမြော့‑က်ဂေ့ဟှယ် ဆိုဟှာ ဘုရားသခင်ရဲ့ ညာဖတ်မာ ထိုင်တော်မူဟှူ ခရစ်တော်ရှိဟှူနေရာ ထတ်ရပ်မာရှိဟှူဇာလေဟှို ရှာဂေ့ပါ။ 
\v 2 လောကမာ ရှိဟှူရာလေဟှို စိစွဲလန်းဘဲန ထတ်ရပ်မာ ရှိဟှူရာလေဟှိုဘဲ့ စိစွဲလမ်းဂေ့ပါ။ 
\v 3 ဖြားဖြစ်ကြောန့်နူးဆိုဟှာ နန်းနို့လေဟှာ သေဘီးဟှူသူလေ ဖြစ်ဟှူကြောန့် နန်းနို့သတ်ဟှာ ခရစ်တော်နတူးဒူ ဘုရားသခင်နှိုက် ဝှပ်ဟှားဟှူကြောန့် ဖြစ်ဟှယ်။ 
\v 4 နန်းနို့ရဲ့ သတ်ဖြစ်ဟှူ ခရစ်တော်ဟှာ ထန်ရှားတော်မူဟှူ ခီမာ နန်းနို့လေလည်း အယ်သခင်နတူးဒူ ဖောင်းကီးဘီး ထန်ရှားလာလေ့မယ်။
\s ဘဝဟောန်းန ဘဝသစ်ကြောန်း
\p
\v 5 အယ်ကြောန့် ကာမဂေါင်လိုက်စားရှင်းလေ၊ ကိလေသာ ပူပန်ရှင်းလေ၊ ညစ်ညူးရှင်းလေ၊ ရောက်ထုဟှို ကိုးကွယ်ရှင်းဖြစ်ဟှူ လောဘလွန်ကျူးရှင်းလေဟှို မ္လေဂီးထတ်မာရှိဟှူ နန်းနို့ရဲ့ ကိုယ်အင်္ဂါလေဟှို သေစေဂေ့ပါ။ 
\v 6 အယ်မာမျိုးလေကြောန့် ဘုရားသခင်ရဲ့ မျစ်တော်ဟှာ ငြင်းဆန်ဟှူ သူလေထတ်ဟှို\f + \fr ၃.၆ \fr*\ft တချို့ မူရင်းလတ်ရေးမူလေမာ \ft*\fq ငြင်းဆန်ဟှူ သူလေထတ်ဟှို၊ \fq*\ft ဆိုဘီး မှေ့ဟှ။\ft*\f* သတ်ရော့‑က်လေဟှယ်။ 
\v 7 စဟှ နန်းနို့လေလည်း အယ်သူလေန ပေါန်းဖော်ဒူးဟှ အယ်မူမှုရာလေအားဖြင့် ကျင်လည်သတ်ရှင်ဂေ့ဟှယ်။
\p
\v 8 အယ်ဘေမဲ့လည်း ခုခီမာ နန်းနို့လေဟှာ မျစ်ထွပ်ရှင်းလေ၊ စိဆိုးရှင်းလေ၊ မူးတီးရှင်းလေ၊ သူများရဲ့ အသရေဖျစ်ရှင်လေ၊ ညစ်ညူးဟှူစကား ပြောဆိုရှင်းလေဟှို နန်းနို့လေရဲ့ နှောက်ဟှနေဘီး ဖယ်ရှားဂေ့ပါ။ 
\v 9 \x - \xo ၃.၉ \xo*\xt ဧ ၄.၂၂\xt*\x*ယော့‑က်ဟှိုယော့‑က် မုသာသောင်းဂေ့န။ ဖြားဖြစ်ကြောန့်နူးဆိုဟှာ နန်းနို့လေဟှာ လူဟောန်းရဲ့ကျင့်လေန လူဟောန်းရဲ့ကိုယ်ဟှို ခလွတ်ပယ်ဘီးဟှာ၊ 
\v 10 \x - \xo ၃.၁၀ \xo*\xt ဧ ၄.၂၄\xt*\x*ဖန်ဆင်းတော်မူဟှူသူရဲ့ ပေါင်သဏ္ဌာန်တော်နညီ မှန်ဟှူသိပညာအားဖြင့် သစ်ပြုပြင်ဟှူ လူသစ်ဟှို ယူတန်ဝတ်ဆောန်ဟှူသူလေ ဖြစ်ဂေ့လေဟှယ်။ 
\v 11 အယ်မူ ဖန်ဆင်းတော်မူဟှူထဲမာ လူမျိုးခြားမှေ့ဟှ၊ ယုဒလူမှေ့ဟှ၊ ရေဖျားလှီးဟှားသူန လှီးဟှားဘဲဟှူသူမှေ့ဟှ၊ ယဉ်ကျေးဘဲဟှူသူမှေ့ဟှ၊ လူရိုင်းမှေ့ဟှ၊ ကျွန်မှေ့ဟှ၊ ကျွန်မှုဘဲဟှူလူမှေ့ဟှ၊ ခရစ်တော်ဟှာ အလောင်းဇောင်ထဲဟှ အလောင်းဇောင်ဖြစ်တော်မူလေဟှယ်။
\p
\v 12 \x - \xo ၃.၁၂,၁၃ \xo*\xt ဧ ၄.၂\xt*\x*အယ်ကြောန့် နန်းနို့လေဟှာ ဘုရားသခင်ဝီးကော့‑က်ဟှူသူ၊ သန့်ရှင်းဟှူသူ၊ ရှစ်အပ်ဟှူသူမျိုးဘဲ့ သနားစောင်မတ်ရှင်း၊ ကျေးဇူးပြုရှင်း၊ စိနှိခ္လရှင်း၊ နူးညံ့သီမွိရှင်း၊ စိရှယ်ရှင်းလေဟှို ဝတ်ဆင်ဂေ့ပါ။ 
\v 13 \x - \xo ၃.၁၃ \xo*\xt ဧ ၄.၃၂\xt*\x*ရှင်းရှင်းလေရဲ့ပြစ်ဟှို သီးခံဘီး ယော့‑က်နယော့‑က် ပြစ်တန်စရာရှိဟှယ် ဆိုဟှာ သခင်ဘုရားဟှာ နန်းနို့လေရဲ့ပြစ်ဟှို ခွမ့်လွှတ်ဟှူမျိုး နန်းနို့လေလည်း ရှင်းရှင်း ခွမ့်လွှတ်ဂေ့ပါ။ 
\v 14 အယ်မူဇာအားလောင်းထတ်မာ စောင်လင်ဟှူ ဖွဲ့စည်းဖြစ်ဟှူ ရှစ်ရှင်းမြစ်တာဟှို ထပ်ဘီးဟှာ ယူတန်ဝတ်ဆောန်ဂေ့ပါ။ 
\v 15 နန်းနို့လေရဲ့ စိနှလောင်းထဲမာ ခရစ်တော်ရဲ့ ငြီသတ်ရှင်း အောက်စိုးစေ။ ဖြားဖြစ်ကြောန့်နူးဆိုဟှာ နန်းနို့လေဟှာ အယ်မူငြီသတ်ရှင်းခံစားရဟှို့တွပ် ကိုယ်ခန္ဓာတခုဒဲထဲဟှို ခေါ်ဟှားတော်မူရှင်းဟှို ခံရဟှူကြောန့် ကျေးဇူးတော်သိတတ်ဟှူ စိရှိဂေ့ပါ။ 
\v 16 \x - \xo ၃.၁၆,၁၇ \xo*\xt ဧ ၅.၁၉,၂၀\xt*\x*ခရစ်တော်ရဲ့ စကားတော်ဟှာ ပညာမျိုးမျိုးန နန်းနို့ထဲမာ ကြွယ်ဝဘီး တည်နေဟှူကြောန့် နန်းနို့လေဟှာ ဆာလံချင်းဟှနေစဘီး ဓမ္မချင်း၊ ဝိညာဉ်ရေးရာ ချင်းမျိုးမျိုးအားဖြင့် ရှင်းရှင်းလေဟှို ဒိပေးဆောင်းမသွန်သန်ဘီး နူးညွတ်ဟှူစိနှလောင်းန ဘုရားသခင်ရှေ့တော်မာ တင့်တယ်လျောက်ပတ်အောန် ချီးမွမ်းဂေ့ပါ။ 
\v 17 စကားပြောရှင်းဖြစ်စေ၊ မှုဆောန်ရွက်ရှင်းဖြစ်စေ သခင်ယေရှုရဲ့ နာမတော်ဟှို ထော့‑က်ဘီး ရာအားလောင်းဂူဟှို လောက်ဘီးဟှာ ကျေးဇူးတော်ကီးလှပါဟှယ် ဆိုဘီး အယ်သခင်ဟှို မှီပြုဘီးဟှာ ဖဘုရားသခင်ရှေ့မာ ကျေးဇူးတော်ဟှို ချီးမွမ်းဂေ့ပါ။
\s ခရစ်ယာန်မိသားစုရဲ့ တာဝန်ကြောန်း
\p
\v 18 \x - \xo ၃.၁၈ \xo*\xt ဧ ၅.၂၂; ၁ ပေ ၃.၁\xt*\x*မယားဖြစ်ဟှူသူလေ၊ သခင်ဘုရားနှိုက် လျောက်ပတ်ဟှူတိုင်း ကိုယ့်လန်ရဲ့ အောက်စိုးမှုဟှို ဝန်ခံဂေ့ပါ။
\p
\v 19 \x - \xo ၃.၁၉ \xo*\xt ဧ ၅.၂၅; ၁ ပေ ၃.၇\xt*\x*လန်ယော့‑က်ကျားလေ၊ ကိုယ့်ရဲ့မယားဟှို ရှစ်ဂေ့ပါ။ ကြမ်းကြမ်းထန်းထန်း လောက်ဂေ့န။
\p
\v 20 \x - \xo ၃.၂၀ \xo*\xt ဧ ၆.၁\xt*\x*သားမီးလေ၊ မိဖစကားဟှို ရာရာမာ နားထောန်ဂေ့ပါ။ မိဖစကားဟှို နားထောန်ဟှူဇာဟှာ သခင်ဘုရား နှစ်သက်တော်မူဟှူဇာ ဖြစ်ဟှယ်။
\p
\v 21 \x - \xo ၃.၂၁ \xo*\xt ဧ ၆.၄\xt*\x*မိဖလေ၊ ကိုယ့်သားမီးလေဟှို စိဆိုးအောန် ပြုဂေ့န။ အယ်မျိုးပြုဟှယ် ဆိုဟှာ သူးနို့လေဟှာ အားလျော့စိပျစ်ဂေ့လေ့မယ်။
\p
\v 22 \x - \xo ၃.၂၂–၂၅ \xo*\xt ဧ ၆.၅–၈\xt*\x*စေခံဟှူကျွန်လေ၊ နန်းနို့လေရဲ့ လောကီသခင်လေဟှို ရာရာမာ နာခံဂေ့ပါ။ မျစ်နှာလိုမျစ်နှာရ လောက်ဟှူသူလေမျိုး မျစ်မှော့‑က်မာဘဲ့ လောက်ဆောန်ရှင်းမျိုးမှုဘဲန သခင်ဘုရားဟှို ကြော့‑က်ရွံ့ဘီး ရိုးသားဟှူ စိနှလောင်းအားဖြင့် နာခံဂေ့ပါ။ 
\v 23 လူလေရဲ့မှုဟှိုဘဲ့ လောက်ဆောန်ဟှူမျိုးမှုဘဲန သခင်ဘုရားရဲ့မှုတော်ဟှို လောက်ဆောန်ဟှူမျိုး ရာရာဟှို စေတနာစိန လောက်ဂေ့ပါ။ 
\v 24 နန်းနို့လေဟှာ သခင်ခရစ်တော်ရဲ့ စေခံဟှူသူလေဖြစ်ဟှူကြောန့် မွီတော်ဖြစ်ဟှူ ကျိုးဟှို အယ်သခင်ဘုရားရဲ့ လတ်တော်ဟှ ခံရဂေ့လေ့မယ် ဆိုဘီး သိမှတ်ဂေ့ပါ။ 
\v 25 \x - \xo ၃.၂၅ \xo*\xt ဧ ၆.၉ \xt*\x*တရားဘဲဟှူမှုဟှို ပြုဟှူသူဟှာ ကိုယ်ပြုဟှူမှုရဲ့ ကျိုးပြစ်ဟှို ခံရလေ့မယ်။ ဖယ်သူ့ဟှိုလည်း မျစ်နှာလိုက်တော်မူဟှ။
\c 4
\p
\v 1 \x - \xo ၄.၁ \xo*\xt ဧ ၆.၉\xt*\x*သခင်ဖြစ်ဟှူသူလေ၊ နန်းနို့လေရဲ့သခင်ဟှာ ကောန်းဂန်ဘောင်မာ ရှိတော်မူဟှယ် ဆိုဇာဟှို သိမှတ်ဘီး ဖြောန့်မတ်ဟှူတရားတိုင်း မှန်ကန်မျှတမှုအားဖြင့် ကိုယ့်ကျွန်လေဟှို ပြုဂေ့ပါ။
\s ညွှန်ကြားရှစ်လေကြောန်း
\p
\v 2 ဆုတောန်းရှင်းဟှို မြဲဒမ်းပြုဘီး ကျေးဇူးချီးမွမ်းရှင်းအားဖြင့် ဒိဝိရိယရှိဂေ့ပါ။ 
\v 3 ဘုရားသခင်ဟှာ စကားတော်တွပ် ခွဗော့‑က်ဟှို ဖွမ့်ပေးဟှားဘီး ခရစ်တော်ရဲ့ နတ်နဲဟှူရာလေဟှို ဟောပြောနိုင်ဟှို့ နို့လေတွပ်လည်း ဆုတောန်းပေးဂေ့ပါ။ ငါဟှာ အယ်မူနတ်နဲဟှူရာလေကြောန့် ထောန်က္လနေပါဟှယ်။ 
\v 4 အယ်မူနတ်နဲဟှူရာဟှို ဟောပြောသင့်ဟှူတိုင်း ရှင်းရှင်းလန်းလန်း ပြတ်ပြတ်သားသားန ငါဟောပြောနိုင်ဟှို့တွပ် ဆုတောန်းဂေ့ပါ။
\p
\v 5 \x - \xo ၄.၅ \xo*\xt ဧ ၅.၁၆\xt*\x*ယောင်ကြည်ဘဲဟှူသူလေရှေ့မာ ဉာဏ်ပညာရှိရှိန ကျင့်ဆောန်ဘီးဟှာ ခီခါဟှို ကောန်းကောန်းသောင်းခ္လဂေ့ပါ။ 
\v 6 လူသီးသီးဟှို ဖယ်မူမျိုး ပ္လန်ပြောရမယ်ဆိုဇာဟှို သိနိုင်ဟှို့တွပ် နန်းနို့လေပြောဟှူစကားဟှာ ဆားဟှူမျိုး ရသာရှိဟှို့တွပ် မြဲဒမ်းမျစ်နှာသာရဘီး တင့်တယ်မှုရှိပါစေ။
\s နော့‑က်ဆောင်း နှောက်ဆစ်ဟှူကြောန်း
\p
\v 7 \x - \xo ၄.၇ \xo*\xt တ ၂၀.၄; ၂ တိ ၄.၁၂\xt*\x*\x - \xo ၄.၇,၈ \xo*\xt ဧ ၆.၂၁,၂၂\xt*\x*သခင်ဘုရားနှိုက် သစ်စာရှိဟှူ မှုဆောန်၊ နို့လေရဲ့လောက်ဖော်ဆောန်ဖတ်ဖြစ်ဟှူ ငါရှစ်ရဟှူညီ တုခိတ်ဟှာ ငါ့နဆိုင်ဟှူ ကြောန်းရာရှိဟှူမျှဟှို နန်းနို့လေဟှို ပြောပြလေ့မယ်။ 
\v 8 သူ့ဟှို နန်းနို့နားဟှို လွှတ်လိုက်ဟှူကြောန်းရာဟှ နို့လေရဲ့ကြောန်းဟှို နန်းနို့သိရဟှို့တွပ်န သူဟှာ နန်းနို့လေရဲ့စိနှလောင်းဟှို နှစ်သိမ့်အားပေးဟှို့တွပ် ဖြစ်ဟှယ်။ 
\v 9 \x - \xo ၄.၉ \xo*\xt ဖိလေ ၁၀–၁၂\xt*\x*နန်းနို့ထဲဟှ တယော့‑က်ဖြစ်ဟှူ၊ သစ်စာရှိဟှူသူ နို့လေရှစ်ရဟှူညီ ဩနေသိမ်လည်း သူ့နတူးဒူပါလာဟှယ်။ သူးနို့လေဟှာ အယ်ရပ်မာဖြစ်ပျစ်နေဟှူ ကြောန်းရာလေအားလောင်းဟှို နန်းနို့လေဟှို ပြောပြလေ့မယ်။
\p
\v 10 \x - \xo ၄.၁၀ က \xo*\xt တ ၁၉.၂၉; ၂၇.၂; ဖိလေ ၂၄; \xt*\xo ခ \xo*\xt တ ၁၂.၁၂,၂၅; ၁၃.၁၃; ၁၅.၃၇–၃၉\xt*\x*ငါ့နတူးဒူ ချောက်က္လခံနေရဟှူ အာရိတ္တာခု၊ ဗာနဗရဲ့တူ မာကုဟှားလေဟှာ နန်းနို့လေဟှို နှောက်ဆစ်လိုက်ပါဟှယ်။ သူဟှာ နန်းနို့နားဟှိုရော့‑က်လာဟှူ ခီမာ ကြိုဆိုဂေ့ဟှို့တွပ် ညွှန်ကြားဟှူဇာလေဟှို နန်းနို့ရဂေ့ပီးဘီ ဖြစ်ဟှယ်။ 
\v 11 ယုတ္တုဆိုဘီးခေါ်ဟှူ ယေရှုဟှလည်း နန်းနို့လေဟှို နှောက်ဆစ်လိုက်ပါဟှယ်။ ရေဖျားလှီးဟှားဟှူသူလေထဲမာ အယ်လူသောင်းယော့‑က်ဟှာ ဘုရားသခင်ရဲ့နိုင်ငံတော်တွပ် ငါ့ရဲ့ လောက်ဖော်ဆောန်ဖတ်ဖြစ်ဟှူ ယုဒလူမျိုး ယောင်ကြည်သူလေဖြစ်ဘီး၊ ငါ့ဟှို နှစ်သိမ့်အားပေးဟှူသူလေ ဖြစ်ဟှယ်။
\p
\v 12 \x - \xo ၄.၁၂ \xo*\xt ကော ၁.၇; ဖိလေ 23\xt*\x*နန်းနို့လေထဲဟှဖြစ်ဟှူ ယေရှုခရစ်တော်ရဲ့ကျွန် ဧပဖြဟှာ နန်းနို့ဟှို နှောက်ဆစ်လိုက်ပါဟှယ်။ နန်းနို့လေဟှာ စောင်လင်ရင့်ကျတ်ဘီး၊ ဘုရားသခင်ရဲ့လိုတော်ဟှို ကူစင်အောန် လောက်ဆောန်နိုင်ဟှို့တွပ် သူဟှာ နန်းနို့တွပ် ခီတိုင်းမာ ကြိုးစားဘီးဟှာ ဆုတောန်းတတ်ပါဟှယ်။ 
\v 13 မှန်တကယ်ဘဲ့ သူဟှာ နန်းနို့လေဟှနေစဘီး လောဒိကိဗြို့န ဟေရပေါလိဗြို့မာရှိဟှူသူလေတွပ် ရရာတိုင်း ကြိုးစားလောက်ဆောန်ဟှယ်ဆိုဇာဟှို ငါသတ်သေခံပါဟှယ်။ 
\v 14 \x - \xo ၄.၁၄ က \xo*\xt ၂ တိ ၄.၁၁; ဖိလေ ၂၄; \xt*\xo ခ \xo*\xt ၂ တိ ၄.၁၀; ဖိလေ ၂၄\xt*\x*နို့လေရှစ်ရဟှူ ဆေးဆရာလုကာန ဒေမဟှာ နန်းနို့လေဟှို နှောက်ဆစ်ဂေ့ဟှယ်။
\p
\v 15 လောဒိကိဗြို့ဟှ ညီကိုလေဖြစ်ဟှူ၊ နို့ဖန သူ့အီမာရှိဟှူ သင်းတော်\f + \fr ၄.၁၅ \fr*\fq နို့ဖန သူ့အီမာရှိဟှူ သင်းတော်၊ \fq*\ft တချို့ မူရင်းလတ်ရေးမူလေမာ \ft*\fqa နို့ဖန သူ့အီမာရှိဟှူ သင်းတော်၊ \fqa*\ft ဆိုဘီး ပါရှိဟှယ်။\ft*\f*ဟှိုလည်း နှောက်ဆစ်ဂေ့ပါ။ 
\v 16 အယ်စာဟှို နန်းနို့လေဖတ်ဘီးမှ လောဒိကိဗြို့မာရှိဟှူ သင်းတော်ဟှိုလည်း ဖတ်စေဂေ့ပါ။ အယ်ဗြို့ဟှရဟှူစာဟှိုလည်း နန်းနို့လေ ဖတ်ဂေ့ပါ။ 
\v 17 \x - \xo ၄.၁၇ \xo*\xt ဖိလေ ၂\xt*\x*အာခိပ္ပုဟှို “သခင်ဘုရားပေးအပ်ခံရဟှူ ဓမ္မဆရာရဲ့ မှုတော်ဟှို ဆောင်းထိ ပ္လဲ့ဇောင်အောန် လောက်ဆောန်ပါ” ဆိုဘီး ပြောဂေ့ပါ။
\p
\v 18 ငါပေါလုဟှာ နန်းနို့တွပ် အယ်နှောက်ဆစ်စကားဟှို ငါ့လတ်န ရေးလိုက်ပါဟှယ်။ ငါခံရဟှူ တောက်နှောန်ရှင်းဟှို အော့‑က်မေ့ဂေ့ပါ!
\cls နန်းနို့လေမာ ဘုရားသခင်ရဲ့ ကျေးဇူးတော်ရှိပါစေ။