\id ACT - Dawei Bible Translation
\ide UTF-8
\ide 65001 - Unicode (UTF8)
\h တမန်တော်
\toc1 တမန်တော်လေရဲ့ လောက်ဆောန်ရှင်း
\toc2 တမန်တော်
\toc3 တ
\mt1 တမန်တော်
\mt2 တမန်တော်လေရဲ့ လောက်ဆောန်ရှင်း
\imt နိဒါန်း
\im \bk တမန်တော်လေရဲ့ လောက်ဆောန်ရှင်း\bk* ကျမ်းဟှာ သင်းတော်ရဲ့ စဦးကြောန်းရာဖြစ်ဘီး သင်းတော်ဟှာ ယေရုရှလင်ဗြို့ဟှနေ ယုဒပြည်၊ ရှမာရိဒေသ၊ အယ်ဘီးဟှာ မ္လေဂီးဆောင်းထိဟှို ဖယ်မျိုး ပ္လံ့နှံ့ဟှားလေ့မယ် ဆိုဘီး ယေရှုဟှ ကောန်းဂန်ဘောင်ဟှို တတ်ကြွခန်မာ သူ့ရဲ့ တဗဲ့တော်လေဟှို ပြောဟှားလေဟှယ် (\xt ၁.၈\xt*)။ လုကာရေးဟှားဟှူ ဒန်းကောန်းကျမ်းဟှို ရေးဟှားဟှူလူဟှာ အယ်ကျမ်းဟှိုလည်း ရေးဟှားဟှယ်။ သူဟှာ ဆရာဝန်တယော့‑က်ဖြစ်ဘီး မှန်ဟှူကြောန်းရာတခုဟှို မှတ်တမ်းတန်ဟှို့ ရရာတိုင်း ဂရုစိုက်ဟှားလေဟှယ်။ သူဟှာ သူ့ရဲ့ဒန်းကောန်းကျမ်းန တမန်တော်လေရဲ့ လောက်ဆောန်ရှင်းကျမ်း နှေ့စောန်လောင်းမာ ဟေလသလူမျိုး တယော့‑က်ဖြစ်ဟှူ သော်ဖိလုဟှို လိမူဟှားလေဟှယ်။ အယ်ဘေမဲ့ အယ်ကျမ်းလေဟှာ ဟေလသလူမျိုးန ယုဒလူမျိုး နှေ့မျိုးလောင်းပါဝမ်ဟှူ ခရစ်ယာန် ဖွဲ့စည်းလေတွပ်လည်း ရည်ရွယ်ဟှားရှင်း ဖြစ်နိုင်ဟှယ် (\xt ၁.၁\xt*)။
\ip တမန်တော်လေရဲ့ လောက်ဆောန်ရှင်းကျမ်းဟှာ ယေရှု မွီးဘီးန ၆၀–၆၄ ခုနှစ်ကြားမာ ရေးဟှားဇာ ဖြစ်နိုင်ဟှယ် ဖြားဖြစ်ကြောန့်နူးဆိုဟှာ ပေါလုဟှာ ထောန်ဟှနေ လွတ်ခန်မာ အယ်ကျမ်းဟှို နိဂေါင်းချောက်ဟှားဟှယ်။ လုကာဟှာလည်း တမန်တော် ပေါလုနတူးဒူ ခရီးသွားလေဟှယ်။ အယ်ကြောန့် တမန်တော်လေရဲ့ လောက်ဆောန်ရှင်းကျမ်းဟှာ အန္တိအုတ်ဗြို့မာ ရေးဟှားဇာ ဖြစ်နိုင်ဟှယ်။ တမန်တော်လေရဲ့ လောက်ဆောန်ရှင်းကျမ်းဟှာ လုကာဒန်းကောန်းကျမ်းရဲ့ ခန်းဆစ်ဖြစ်ဘီး ယေရှု ကောန်းဂန်ဘောင်ဟှို တတ်ကြွဟှားဇာန နိဒါန်းပျိုးဟှားဟှယ်။ လုကာရဲ့ ရည်ရွယ်ချစ်န ရေးသားဟှာ သူ့ရဲ့ဒန်းကောန်းကျမ်းန တူညီလေဟှယ်။ သူဟှာ တိုးပွားလာဟှူ ခရစ်ယာန်လေ ခံယူဟှားမျိုးဘဲ့ သော်ဖိလုဟှိုလည်း ခံယူဟှို့တွပ် လိုရှိဟှယ်။ အယ်ကြောန့် သူဟှာ ယေရှုသတ်တော်စဉ်ရဲ့ တိက္လဟှူ မှတ်တမ်းန ခရစ်ယာန်ဖွဲ့စည်း ပ္လံ့နှံ့ဟှားရှင်းဟှို ရေးဟှားလေဟှယ်။
\ip တမန်တော်လေရဲ့ လောက်ဆောန်ရှင်းကျမ်းဟှ ကနဦးသင်းတော်ရဲ့ ပေါင်သတ်သေန အယ်သင်းတော်မျိုးဘဲ့ ယေရှုနှိုက် ဆောင်းထိ ယောင်ကြည်ရှင်းဟှို တုယူဟှို့ နို့လေတွပ် ပြင်ဆင်ပေးဟှားဟှယ်။ တမန်တော်လေရဲ့ ပေါင်သတ်သေလေဟှာ တခြားလူလေနားဟှို ဒန်းကောန်း ပ္လံ့နှံ့ဟှားအောန် သန့်ရှင်းဟှူဝိညာဉ်တော်ရဲ့ တဂိုးဟှို ဖယ်မျိုးအားကိုးဟှယ် ဆိုဇာဟှို နို့လေဟှို ပြသနေဟှယ်။
\iot ကြောန်းရာ ကျဉ်းချောက်
\io1 ၁။ ပထမဆောင်းနေန သန့်ရှင်းဟှူဝိညာဉ်တော်ဟှာ တဗဲ့တော်လေထတ်ဟှို ဆင်းကြွလာဘီး သင်းတော် ကီးလာဟှို့ စတန်လာဟှူကြောန်း \ior (၁.၁—၈.၁)\ior*
\io1 ၂။ သင်းတော်ဟှာ နှိစစ်ခံရဘီး ယေရုရှလင်ဗြို့ဟှနေ ဝီးဟှို ပ္လံ့နှံ့ဟှို့ စတန်လာဟှူကြောန်း \ior (၈.၂—၁၂.၂၃)\ior*
\io1 ၃။ အယ်ဘီးန ပေါလုဟှာ သူ့ရဲ့ပထမ သာသနာခရီးဟှို သွားဟှူကြောန်း \ior (၁၂.၂၄—၁၄.၂၈)\ior*
\io1 ၄။ တရားလွတ်တော်ဟှာ ယောင်ကြည်သူ လူသစ်လေရဲ့ လိုအပ်ချစ်ဟှို ဆောင်းဖြတ်ဟှို့ ယေရုရှလင်မာ တွိဂေ့ဟှူကြောန်း \ior (၁၅.၁–၃၅)\ior*
\io1 ၅။ ပေါလုဟှာ သူ့ရဲ့ ဒုတိယ သာသနာခရီးဟှို သွားဟှူကြောန်း \ior (၁၅.၃၆—၁၈.၂၂)\ior*
\io1 ၆။ သူဟှာ တတိယ သာသနာခရီးဟှို သွားဟှူကြောန်း \ior (၁၈.၂၃—၂၀.၃၈)\ior*
\io1 ၇။ ပေါလုဟှာ ယေရုရှလင်ဗြို့မာ ဖမ်းခံရဟှူကြောန်း \ior (၂၁.၁—၂၆.၃၂)\ior*
\io1 ၈။ နော့‑က်ဆောင်းမာ သူဟှာ ရောမဗြို့ဟှို ပို့ခံရဟှူကြောန်း \ior (၂၇.၁—၂၈.၃၁)\ior*
\ie
\c 1
\p
\v 1 \x - \xo ၁.၁–၂ \xo*\xt လု ၁.၁–၄\xt*\x*ရှစ်ရဟှူ သော်ဖိလု၊
\p ယေရှုဟှာ မှုတော်ဆောန်ရှင်းန သွန်သန်ရှင်းလေဟှို စလောက်ဟှူခီဟှနေ၊ 
\v 2 ကောန်းဂန်ဘောင်ဟှို တတ်ကြွဟှားဟှူနေ့ထိ လောက်ဆောန်ဟှားဇာလေ အားလောင်းဟှို ပထမစာစောန်မာ ကျွန်တော်ရေးဟှားဟှယ်။ ကိုယ်တော်ဟှာ ကောန်းဂန်ဘောင်ဟှို တတ်ကြွဟှားခန်မာ ဝီးကော့‑က်ဟှားဟှူ တမန်တော်လေဟှို သန့်ရှင်းဟှူဝိညာဉ်တော်ရဲ့ တဂိုးန မိန့်တော်မူဟှားဟှယ်။ 
\v 3 ကိုယ်တော်ဟှာ သေခံဘီးန ရစ်လေးဆယ် လောင်းလောင်း ခီဘောင်ဂီး ကိုယ်ထန်ရှားပြဘီး မိမိသတ်ရှင်ကြောန်းဟှို ခိုင်လောင်ဟှူ သတ်သေပြလေဟှယ်။ တမန်တော်လေဟှာ ကိုယ်တော့်ဟှို ဗြင်ရဂေ့ဘီး ကိုယ်တော်ဟှလည်း သူးနို့ဟှို ဘုရားသခင်ရဲ့ နိုင်ငံတော်ကြောန်းဟှို ပြောပြလေဟှယ်။ 
\v 4 \x - \xo ၁.၄ \xo*\xt လု ၂၄.၄၉\xt*\x*သူးနို့လေဟှာ စုလာဂေ့ဟှူ ခီမာ\f + \fr ၁.၄ \fr*\fq သူးနို့လေဟှာ စုလာဂေ့ဟှူ ခီမာ၊ \fq*\ft အယ်မျိုးမှုဘဲနေဟှာ \ft*\fqa ကိုယ်တော်ဟှ သူးနို့နတူးဒူ ရှိနေဒူးမာ၊ \fqa*\ft အယ်မျိုးမှုဘဲနေဟှာ \ft*\fqa ကိုယ်တော်ဟှာ သူးနို့နတူးဒူ စားနေဒူးမာ။\fqa*\f* ကိုယ်တော်ဟှ “ယေရုရှလင်ဗြို့ဟှနေ ထွပ်ဟှားဂေ့ဘဲ့န ငါ့ဖရဲ့ ဂဒိဟှို စောန့်နေဂေ့။ ငါဟှာ အယ်ဂဒိကြောန်းဟှို နန်းနို့ဟှို ပြောပြဟှားပီးဘီ။ 
\v 5 \x - \xo ၁.၅ \xo*\xt မ ၃.၁၁; မာ ၁.၈; လု ၃.၁၆; ယော ၁.၃၃\xt*\x*ယောဟန်ဟှာ ရေန ဗတ္တိဇံပေးဟှယ်။ အယ်ဘေမဲ့ နန်းနို့ဟှာ ရစ်နဲနဲ ကြာဘီးဟှာ သန့်ရှင်းဟှူဝိညာဉ်တော်န ဗတ္တိဇံဟှို ခံရဂေ့လေ့မယ်” ဆိုဘီး ပြောလေဟှယ်။
\s ယေရှုဟှာ ကောန်းဂန်ဘောင်ဟှို တတ်ကြွဟှားဟှူကြောန်း
\r (မဿဲ ၁၆.၁၉–၂၀; လုကာ ၂၄.၅၀–၅၃)
\p
\v 6 တမန်တော်လေဟှာ စုလာဟှူ ခီမာ ကိုယ်တော့်ဟှို “သခင်၊ ကိုယ်တော်ဟှ အယ်ခီမာ ဣသရေလ လူမျိုးတွပ် နိုင်ငံဟှို ပ္လန်ပေးဟှို့လော” ဆိုဘီး မေးဂေ့ဟှယ်။
\p
\v 7 ယေရှုဟှ “ငါ့ဖရဲ့ ခွမ့်အာဏာန စီရင်ဟှားဟှူ နေ့ရစ်ခီလေဟှို နန်းနို့ဟှာ သိခွမ့် မှေ့ဟှ။ 
\v 8 \x - \xo ၁.၈ \xo*\xt မ ၂၈.၁၉; မာ ၁၆.၁၅; လု ၂၄.၄၇,၄၈\xt*\x*အယ်ဘေမဲ့ နန်းနို့ထတ်ဟှို သန့်ရှင်းဟှူဝိညာဉ်တော် ကြွလာဟှူ ခီမာ နန်းနို့ဟှာ တဂိုးဟှို ရဂေ့လေ့မယ်။ အယ်ဘီးမှ နန်းနို့ဟှာ ယေရုရှလင်ဗြို့၊ ယုဒနယ်န ရှမာရိနယ် တနယ်လောင်းဟှနေ မ္လေဂီးဆောင်းထိ ငါ့ရဲ့ သတ်သေလေ ဖြစ်ဂေ့လေ့မယ်” ဆိုဘီး သူးနို့ဟှို မိန့်တော်မူလေဟှယ်။ 
\v 9 \x - \xo ၁.၉ \xo*\xt မာ ၁၆.၁၉; လု ၂၄.၅၀,၅၁\xt*\x*အယ်မျိုး ပြောဘီးန သူးနို့လေဟှာ ကေ့နေဒူးမာ ကိုယ်တော်ဟှာ ကောန်းဂန်ဘောင်ဟှို ယူဆောန်ခံရလေဟှယ်။ အယ်ဘီးမှ မိုးတီဟှာ ကိုယ်တော့်ဟှို သူးနို့ရဲ့ မျစ်စိရှေ့ဟှနေ ဖောင်းဟှားလေဟှယ်။
\p
\v 10 ကိုယ်တော် တတ်ကြွဟှားဇာဟှို သူးနို့လေဟှာ မိုးကောန်းဂန်ဟှို စေ့စေ့ကေ့နေဂေ့ဟှယ်။ အယ်ခီမာ ဝတ်ဖ္လူစင်ကြယ်န လူနှေ့ယော့‑က်ဟှာ ရောက်တရစ် သူးနို့ရဲ့ နားမာ ရပ်နေဘီး 
\v 11 အယ်လူလေဟှာ “ဂါလိလဲနယ်သားလေ၊ နန်းနို့ဟှ ဖြားဖြစ်ကြောန့် ရပ်ဘီးဟှာ ကောန်းဂန်ဟှို ကေ့နေဂေ့နူး။ နန်းနို့နားဟှနေ ကောန်းဂန်ဘောင်ဟှို တတ်ကြွဟှားဟှူ အယ်ယေရှုဟှာ ကောန်းဂန်ဟှို တတ်ကြွဟှားဇာဟှို နန်းနို့ ဗြင်ရမျိုးဘဲ့ ပ္လန်ဘီး ကြွလာလေ့မယ်” ဆိုဘီး ပြောဂေ့ဟှယ်။
\s ယုဒနေရာမာ စားထိုးခံရဟှူလူကြောန်း
\r (မဿဲ ၂၇.၃–၁၀)
\p
\v 12 အယ်ဘီးန တမန်တော်လေဟှာ သံလွင် ဆိုဘီး ခေါ်ဟှူ တောန်ဟှနေဘီး ယေရုရှလင်ဗြို့ဟှို ပ္လန်ဟှားဂေ့ဟှယ်။ အယ်တောန်ဟှာ ယေရုရှလင်ဗြို့န မိုင်ဝပ်လော့‑က်ဘဲ့ ဝီးဟှယ်။ 
\v 13 \x - \xo ၁.၁၃ \xo*\xt မ ၁၀.၂–၄; မာ ၃.၁၆–၁၉; လု ၆.၁၄–၁၆\xt*\x*သူးနို့လေဟှာ ဗြို့ထဲဟှို ဝမ်ဘီးဟှာ သူးနို့လေ တဲနေဟှူ အီရဲ့ ထတ်ခန်းဟှို သွားဂေ့ဟှယ်။ အယ်လူလေဟှ ပေတရု၊ ယောဟန်၊ ယာကုပ်၊ အန္ဒြေ၊ ဖိလိပ္ပု၊ သောမ၊ ဗာသောလမဲ၊ မဿဲ၊ အာလဖဲရဲ့သားယာကုပ်၊ မျိုးရှစ်ပေါက်ကို ရှိမုန်န ယာကုပ်ရဲ့သား ယုဒလေဖြစ်ဟှယ်။ 
\v 14 သူးနို့ဟှာ မီးမဂီးလေ၊ ယေရှုရဲ့မိ မာရိန ကိုယ်တော်ရဲ့ ညီလေဟှာ ခဏခဏ စုဝီးဘီး ဆုတောန်းဂေ့ဟှယ်။
\p
\v 15 ရစ်နဲနဲ ကြာဘီးန ၁၂၀ လော့‑က်ရှိဟှူ ညီကိုလေဟှာ စည်းဝေးနေဟှူ ခီမာ ပေတရုဟှာ အယ်လူအောက် လယ်နှိုက် စကားပြောဟှို့တွပ် ထဘီးဟှာ၊ 
\v 16 “ညီကို မောန်နှမလေ၊ ယေရှုဟှို ဖမ်းဟှူ လူလေဟှို လမ်းပြပေးမား ယုဒရှကာရုတ်ကြောန်းဟှို သန့်ရှင်းဟှူဝိညာဉ်တော်ဟှ ဒါဝိဒ်အားဖြင့် ကြိုတန်ဘီး ပြောဟှားဟှူ ကျမ်းစာဟှာ ပ္လဲ့ဇောင်ရမယ်။ 
\v 17 ယုဒဟှာ မှုတော်ဆောန် တယော့‑က်နေန ဝီးချယ်ခံရဟှူ လူဖြစ်ဘီး နို့လေရဲ့ ဖွဲ့ဝမ်လည်း ဖြစ်ဟှယ်။”
\p
\v 18 သူဟှာ တရားဘဲဟှူ မှုကြောန့် ရဟှူကပ်န လယ်ဂွပ်ဟှို ဝယ်ဘီးန အယ်လယ်ဂွပ်မာ လဲက္လဘီး သေဟှားလေဟှယ်။ သူဟှာ ဗိုက်ပေါ့‑က်ဟှားဘီး သူ့အူလေလည်း ထွပ်က္လလေဟှယ်။ 
\v 19 ယေရုရှလင်ဗြို့မာ နေဟှူလူလေဟှာ အယ်ကြောန်းဟှို ကြားဟှားဂေ့ဘီး အယ်လယ်ဂွပ်ဟှို သူးနို့စကားန “အကေလဒမ” ဆိုဘီး ခေါ်ဂေ့ဟှယ်။ “သွီးမ္လေ” ဆိုဘီး ဓိပါယ်ရဟှယ်။
\p
\v 20 “ဆာလံကျမ်းမာ
\q1 “ ‘သူ့ရဲ့ အီဟှာ လူလေတိဆိဟှူ နေရာဖြစ်ပါစေ။
\q2 အယ်အီမာ ဖယ်လူလည်း နေရစေန’
\m ဆိုဘီး ရေးဟှားဟှယ်။”
\q1 “ ‘အယ်လူရဲ့ ရာထူးဟှိုလည်း တခြားတယော့‑က်ဟှ ယူပါစေ။’
\p
\v 21 \x - \xo ၁.၂၁–၂၂ က \xo*\xt မ ၃.၁၆; မာ ၁.၉; လု ၃.၂၁; \xt*\xo ခ \xo*\xt မာ ၁၆.၁၉; လု ၂၄.၅၁\xt*\x*“အယ်ကြောန့် သခင်ယေရှုဟှာ နို့လေနားမာ ဝမ်ထွပ်သွားလာဟှူ တခီလောင်း 
\v 22 ယောဟန်ရဲ့ ဗတ္တိဇံတရားဟှို ဟောဟှူ ခီဟှစဘီး\f + \fr ၁.၂၂ \fr*\fq ယောဟန်ရဲ့ ဗတ္တိဇံတရားဟှို ဟောဟှူ ခီဟှစဘီး၊ \fq*\ft အယ်မျိုးမှုဘဲနေဟှာ \ft*\fqa ယောဟန်ဟှာ ကိုယ်တော့်ဟှို ဗတ္တိဇံပေးဟှယ်။\fqa*\f* နို့လေနားဟှနေ ခွာဟှားဘီး ထတ်ဟှို ဆောန်ယူဟှားရှင်းဟှို ခံတော်မူဟှူ နေ့ရစ်ထိ နို့လေန လိုက်ပါသူလေထဲဟှ ယော့က်ယော့က်ဟှာ အယ်သခင် ထမြော့‑က်ရှင်းကြောန်းဟှို နို့လေနတူးဒူ သတ်သေခံဟှူလူ ဖြစ်ရမယ်” ဆိုဘီး ပြောလေဟှယ်။
\p
\v 23 အယ်ကြောန့် သူးနို့လေဟှာ ယုတ္တု ဆိုဘီး ခေါ်ဟှူ ဗာရှဗ (ခေါ်) ယောသပ်န မဿိလေ နှေ့ယော့‑က်ဟှို ဆိုပြုဂေ့ဟှယ်။ 
\v 24 အယ်ဘီးန တဗဲ့တော်လေဟှာ ဝီးချယ်ဇာဟှို လောက်ဟှို့တွပ် “သခင်၊ ကိုယ်တော်ဟှာ လူလေရဲ့ စိနှလောင်းဟှို သိဟှားဟှူကြောန့် ဆုတောန်းဂေ့ဇာဟှ 
\v 25 ယုဒဟှာ သူ့န ထိုက်တန်ဟှူ နေရာဟှို သွားဟှို့တွပ် ထွပ်ဟှားဟှူကြောန့် ယုဒနေရာမာ တမန်တော်ဖြစ်န မှုတော်ဆောန်ဟှို့တွပ် အယ်လူ နှေ့ယော့‑က်ထဲဟှ ကိုယ်တော် ဝီးချယ်ဟှားဟှူ လူဟှို ပြတော်မူပါ” ဆိုဘီး ဖြစ်ဟှယ်။ 
\v 26 အယ်ဘီးန အယ်လူ နှေ့ယော့‑က်တွပ် မဲလိဆွဲဘီး ဝီးချယ်ဂေ့ဟှူ ခီမာ မဿိဟှာ တမန်တော် ဆယ့်တပါးနတူးဒူ တမန်တော်ဖြစ် ဝီးကော့‑က်ခံရလေ့ဟှယ်။
\c 2
\s သန့်ရှင်းဟှူဝိညာဉ်တော် ဆင်းလာကြောန်း
\p
\v 1 ပင်တေကုတ္တေပွဲနေ့ ရော့‑က်လာဟှူ ခီမာ ယောင်ကြည်သူလေ အားလောင်းဟှာ တနေရာထဲမာ စုနေဂေ့ဟှယ်။ 
\v 2 အယ်ခီမာ လေပြင်းမှောန်ဒိုင်းသံမျိုး ကောန်းဂန်ဟှနေ ရောက်တရစ် ပေါ်လာဘီးန သူးနို့လေ ထိုင်နေဟှူ အီတအီလောင်းဟှို ပ္လဲ့ဟှားလေဟှယ်။ 
\v 3 အယ်ဘီးန သူးနို့ဟှာ ဖြာထွပ်နေဟှူ မီးလျှာလေမျိုးဟှို ဗြင်ရဂေ့ဘီး သူးနို့ထတ်မာ ရှိနေဂေ့ဟှယ်။ 
\v 4 သူးနို့ အားလောင်းဟှာ သန့်ရှင်းဟှူဝိညာဉ်တော်န ပ္လဲ့နေဘီး ဝိညာဉ်တော်ဟှ သူးနို့လေ ပြောနိုင်ဟှူတိုင်း တခြားဘာသာစကားလေန စဘီးဟှာ ပြောဂေ့ဟှယ်။
\p
\v 5 အယ်ကာလမာ ကောန်းဂန်အော့‑က် တိုင်းပြည်သီးသီးဟှ ဘုရားသခင်ဟှို ကြော့‑က်ဂေ့ဟှူ ယုဒလူမျိုးလေဟှာ ယေရုရှလင်ဗြို့မာ တဲနေဂေ့ဟှယ်။ 
\v 6 အယ်သံဟှို ကြားရဟှူ ခီမာ လူအောက်ဂီးဟှာ စုလာဂေ့ဟှယ်။ တဗဲ့တော်လေ ပြောဟှူဇာဟှို သူးနို့ အားလောင်းဟှ သူးနို့ ဘာသာစကားန ကြားရဂေ့ဟှူကြောန့် အံ့ဩဟှားဂေ့ဟှယ်။ 
\v 7 သူးနို့ဟှာ အံ့ဩနေဘီး “အယ်မျိုး ပြောနေဂေ့ဟှူ လူလေဟှာ ဂါလိလဲနယ်သားလေမား! 
\v 8 အယ်ဆိုဟှာ နို့လေ အားလောင်းဟှာ နို့လေရဲ့ ဘာသာစကားတိုင်း ကြားရဂေ့ဇာဟှ ဖယ်မျိုးနူး။ 
\v 9 နို့လေဟှာ ပါသိပြည်၊ မေဒိပြည်၊ ဧလံပြည်၊ မေသောပေါတာမိပြည်၊ ယုဒပြည်၊ ကပ္ပဒေါကိပြည်၊ ပုန္တုပြည်၊ အာရှိပြည်၊ 
\v 10 ဖြူဂိပြည်၊ ပံဖုလိပြည်၊ အဲဂုတ္တုပြည်၊ ကုရေနေဗြို့အနီး လိဗုနယ်ဟှ ဖြစ်ဟှယ်။ တချို့ဟှ ရောမဗြို့ဟှနေ ရော့‑က်လာဟှူ 
\v 11 ယုဒလူမျိုးလေန ယုဒဘာသာဟှို ပ္လောန်းလဲလာဂေ့ဟှူ လူမျိုးခြားလေ ဖြစ်ဂေ့ဟှယ်။ နို့လေ တချို့ဟှ ကရေတေကျွန်းသားန အာရပ်ပြည်သားလေ ဖြစ်ဂေ့ဟှယ်။ အယ်ဘေမဲ့ အယ်လူလေဟှာ ဘုရားသခင်ရဲ့ အံ့ဩဘွယ်မှုတော်ဟှို နို့လေရဲ့ ဘာသာစကားန ပြောဇာဟှို နို့လေ ကြားရဂေ့ဟှယ်” ဆိုဘီး ပြောဂေ့ဟှယ်။ 
\v 12 သူးနို့လေဟှ အံ့ဩတွေဝေဟှားဘီး “အယ်မူဇာဟှ ဖယ်မျိုးနူး” ဆိုဘီး ရှင်းရှင်းပြောနေဂေ့ဟှယ်။
\p
\v 13 အယ်ဘေမဲ့ တခြားလူလေဟှ “အယ်လူလေဟှာ ရစ်မောနေဂေ့ဟှယ်” ဆိုဘီး ရယ်ဇားဂေ့ဟှယ်။
\s ပေတရုရဲ့ တရားစကားကြောန်း
\p
\v 14 အယ်ဘီးန ပေတရုဟှာ တမန်တော် တဆယ့်တပါးန တူးဒူရပ်ဘီး က္လယ်ဟှူသံန “ယုဒမျိုးသားလေန ယေရုရှလင်ဗြို့မာ နေဟှူလူလေ အယ်မူဇာဟှို နန်းနို့ဟှို ပြောပြမယ်။ ငါ့စကားဟှို နားထောန်ဂေ့။ 
\v 15 အယ်လူလေဟှာ နန်းနို့ထန်နေမျိုး ရစ်မောနေဇာ မှုဟှ။ ခုမှ မိုးလန်းကိုးနာရီဘဲ့ ရှိသေးဟှယ်။ 
\v 16 အယ်မူဇာဟှာ ပရောဖက်ယောလ ဟောဟှားဇာ ဖြစ်ဟှယ်။ အယ်ပရောဖက်ဟှ”
\q1
\v 17 “ ‘ဘုရားသခင်ဟှ မိန့်တော်မူဟှယ်။ ငါဟှာ နော့‑က်ဆောင်း နေ့ရစ်လေမာ လူလေထတ်ဟှို ငါ့ရဲ့ ဝိညာဉ်တော်ဟှို လောန်းခ္လမယ်။
\q2 နန်းနို့ရဲ့ သားမီးလေဟှာ ငါ့ရဲ့ တရားတော်ဟှို ပရောဖက်ဉာဏ်န ဟောပြောဂေ့လေ့မယ်။
\q1 လူငယ်လေဟှာ ရူပါရောင်လေဟှို ဗြင်ရဂေ့လေ့မယ်။
\q2 သတ်ကီးလူအိုလေဟှာ အိမတ်လေဟှို မတ်ဂေ့လေ့မယ်။
\q1
\v 18 ငါ့ရဲ့ စေခံ ယော့‑က်ကျားလေန မီးမလေထတ်ဟှို
\q2 ငါ့ရဲ့ ဝိညာဉ်တော်ဟှို လောန်းခ္လမယ်။
\q1 အယ်ဘီးဟှာ သူးနို့ဟှ ပရောဖက်ပြုဂေ့လေ့မယ်။
\q1
\v 19 ထတ်ကောန်းဂန်မာ နိမိတ်လတ်ခဏာလေန
\q2 အော့‑က်ရပ် မ္လေဂီးထတ်မာ
\q1 သွီး၊ မီးလျှံ၊ မီးခိုးလောင်းန အံ့ဩဘွယ်လေဟှို ငါပြမယ်။
\q2
\v 20 သခင်ဘုရားရဲ့ အံ့ဩဘွယ် ထူးမြတ်ဟှူနေ့ ရော့‑က်လာခန်မာ နေဟှာ မှောန်မိုက်ဟှားဘီး
\q2 လဟှလည်း သွီးမျိုးဘဲ့ နီဟှားလေ့မယ်။’ ”
\q1
\v 21 “‘အယ်ခီမာ ဘုရားသခင်ရဲ့ နာမတော်ဟှို အော်ခေါ်ဂေ့ဟှူ လူတိုင်းဟှာ
\q2 ကယ်တန်ရှင်းဟှို ခံရဂေ့လေ့မယ်။’ ”
\p
\v 22 “ဣသရေလမျိုးသားလေ၊ အယ်စကားလေဟှို နားထောန်ဂေ့! ဘုရားသခင်ဟှာ နာဇရက်ဗြို့သား ယေရှုအားဖြင့် အံ့ဩဘွယ်လေန နိမိတ်လတ်ခဏာလေဟှို ပြတော်မူဟှယ်။ ကိုယ်တော်ဟှာ ဘုရားသခင်ရဲ့ ခွမ့်အာဏာန ပ္လဲ့ဝဟှူလူဖြစ်ဟှယ် ဆိုဇာဟှို ထန်းထန်ရှားရှားဟှာ သတ်သေပြဟှားဟှယ်။ အယ်မူဇာဟှာ နန်းနို့ရှေ့မာ ဖြစ်ဟှားဟှူကြောန့် နန်းနို့ ကိုယ်တိုင် သိရဂေ့ဟှယ်။ 
\v 23 \x - \xo ၂.၂၃ \xo*\xt မ ၂၇.၃၅; မာ ၁၅.၂၄; လု ၂၃.၃၃; ယော ၁၉.၁၈\xt*\x*ဘုရားသခင်ဟှာ သူ့ရဲ့ကြံစည်တော်တိုင်း ယေရှုဟှို နန်းနို့ လတ်ထဲဟှို အပ်လိုက်ဟှယ်။ နန်းနို့ဟှ ကိုယ်တော့်ဟှို အဓမ္မလူလေလတ်န ကားစင်တန်ဘီး သတ်ဂေ့ဟှယ်။ 
\v 24 \x - \xo ၂.၂၄ \xo*\xt မ ၂၈.၅,၆; မာ ၁၆.၆; လု ၂၄.၅ \xt*\x*အယ်ဘေမဲ့ ဘုရားသခင်ဟှ ကိုယ်တော့်ဟှို သေရှင်းတဂိုးဟှနေ လွတ်မြော့‑က်စေဘီး ထမြော့‑က်စေလေဟှယ်။ ဖြားဖြစ်ကြောန့်နူးဆိုဟှာ သေမန်းဟှာ ကိုယ်တော့်ဟှို မြဲဒမ်း ခယ်နှောန်ဟှားဟှို့ ဖြစ်နိုင်ဟှ။ 
\v 25 ဒါဝိဒ်ဟှ ကိုယ်တော်ကြောန်းဟှို”
\q1 “ ‘ငါဟှာ သခင်ဘုရားဟှို မြဲဒမ်း ဗြင်ရဟှယ်။
\q2 ကိုယ်တော်ဟှာ ငါ့ညာဖတ်မာ ရှိနေဟှူကြောန့် ငါမာ တောင်လှောက်ဇာ မှေ့ဟှ။
\q1
\v 26 အယ်ကြောန့် ငါ့စိနှလောင်းဟှာ ရွှင်လန်းနေဘီး
\q2 ငါ့ရဲ့ နှောက်ဟှာ ဝန်းသာရှင်းန ပ္လဲ့နေဟှယ်။
\q1 ငါ့ရဲ့ ကိုယ်ခန္ဓာဟှာ မျှော်လင့်ရှင်းထဲမာ ငြီသတ်နေမယ်။
\q1
\v 27 ဖြားဖြစ်ကြောန့်နူးဆိုဟှာ ကိုယ်တော်ဟှာ
\q2 ကျွန်တော်ဟှို မရဏာနိုင်ငံမာ ပစ်ဟှားဟှို့ မှုဟှ။
\q1 ကိုယ်တော်ရဲ့ သန့်ရှင်းဟှူ လူလေဟှို
\q2 သန်းခ္လိုင်းထဲမာ ပေါက်ပျစ်စေဟှို့ မှုဟှ။
\q1
\v 28 ကိုယ်တော်ဟှ ကျွန်တော်ဟှို သတ်ရှင်ဟှူလမ်းလေဟှို ပြပေးဟှယ်။
\q2 ကိုယ်တော်ဟှာ ကျွန်တော့်ဟှို ကိုယ်တော့်မျက်မှော့‑က်တော်ထဲမာ ဝန်းသာဇာန ပ္လဲ့စေလေမယ်’ ” ဆိုဘီး ပြောဟှယ်။
\p
\v 29 “ညီကိုလေ၊ နို့လေရဲ့ ဘိုးဘေး ဒါဝိဒ်မန်းဂီးကြောန်းဟှို နန်းနို့ဟှို ငါ ရှင်းရှင်းလန်းလန်းဟှား ပြောရှင်ဟှယ်။ သူဟှာ သေလွန်ဘီး သင်္ဂြိုဟ်ဇာဟှို ခံရဟှယ်။ သူ့ရဲ့ သန်းခ္လိုင်းဟှာ အယ်နေ့ထိ နို့လေနတူးဒူ ရှိသေးဟှယ်။ 
\v 30 သူဟှာ ပရောဖက်ဖြစ်ဘီး သူ့ရဲ့ သားမ္လေးတယော့‑က်ဟှို သူ့ရဲ့ ပလ္လင်ထတ်မာ ထိုင်စေမယ် ဆိုဘီး ဘုရားသခင်ဟှ သူ့ဟှို သစ်စာပြုဘီး ဂဒိပေးဟှားကြောန်းဟှို သိဟှားဟှယ်။ 
\v 31 နောင်ခါမာ ဘုရားသခင်ဟှ ဖယ်မျိုးလောက်မယ် ဆိုဇာဟှို သိဟှူကြောန့်” မေရှိယရဲ့ ထမြော့‑က်ရှင်းကြောန်းဟှို
\q1 “‘ကိုယ်တော့်ဟှို မရဏာနိုင်ငံမာ ပစ်ဟှားဟှ။
\q2 သူ့ရဲ့ ခန္ဓာဟှို သန်းခ္လိုင်းထဲမာ ပေါက်ပျစ်စေဟှို့ မှုဟှ’ ” ဆိုဘီး ကြိုတန်ပြောဟှားဟှယ်။
\m
\v 32 ဘုရားသခင်ဟှ အယ်ယေရှုဟှို သေရာဟှနေ ထမြော့‑က်စေတော်မူဟှယ်။ နို့လေ အားလောင်းဟှာ အယ်ဖြစ်ပျစ်ရဲ့ သတ်သေဖြစ်ဂေ့ဟှယ်။ 
\v 33 ကိုယ်တော်ဟှာ ဘုရားသခင်ရဲ့ ညာဖတ်မာ ချီးမြှင့်ဇာခံဘီးန ဂဒိပေးဟှားတိုင်း သန့်ရှင်းဟှူဝိညာဉ်တော်ဟှို ဖနားဟှနေ ခံယူလေဟှယ်။ ခု နန်းနို့လေ တွိဗြင်ဘီး ကြားသိဂေ့ဟှူ ဝိညာဉ်တော်ဟှို နို့လေထတ်ဟှို လောန်းခ္လလေဟှယ်။ 
\v 34 ဒါဝိဒ်ဟှာ ကောန်းဂန်ဘောင်ဟှို တတ်ဟှားဇာ မှုဟှ။ အယ်ဘေမဲ့ သူဟှ
\q1 “ ‘ထာဝရဘုရားဟှ ငါ့သခင်ဟှို
\q1
\v 35 နန့်ရဲ့ ရန်သူလေဟှို နန့်ရဲ့ ခေတန်ခေါင်ဖြစ် ငါထားဟှားခီထိ
\q2 ငါ့ရဲ့ ညာဖတ်မာ ထိုင်နေပါ ဆိုဘီး မိန့်တော်မူဟှားဟှယ်’ ဆိုဘီး ပြောလေဟှယ်။”
\p
\v 36 “အယ်ကြောန့် ဣသရေလလူမျိုး အားလောင်းဟှာ မေရှိယဖြစ်နရော၊ သခင်ဖြစ်နရော ဘုရားသခင် ခန့်ဟှားဟှူသူဟှို နန်းနို့ ကားစင်တန်လိုက်ဂေ့ဟှူ ယေရှုဘဲ့ဖြစ်ဟှယ် ဆိုဇာဟှို သေးသေချားချာဟှား သိမှတ်ဟှားဂေ့” ဆိုဘီး လူအောက်ဂီးဟှို ဟောလေဟှယ်။
\p
\v 37 လူလေဟှာ အယ်စကားဟှို ကြားဂေ့ဟှူ ခီမာ ရရာတိုင်း စိသောက ဖြစ်ဟှားဂေ့ဘီး ပေတရုန တခြားတမန်တော်လေဟှို “ညီကိုလေ၊ နို့လေဟှ ဖယ်မျိုးလောက်ရဟှို့နူး” ဆိုဘီး မေးဂေ့ဟှယ်။
\p
\v 38 ပေတရုဟှ “နန်းနို့ ပြစ်လေဟှို ခွမ့်လွှတ်ပေးဇာခံရဟှို့တွပ် နောန်ဒရဂေ့ဘီး ယေရှုခရစ်တော်ရဲ့ နာမန နန်းနို့ ယော့‑က်စီတိုင်း ဗတ္တိဇံဟှိုခံဂေ့။ အယ်ဆိုဟှာ နန်းနို့ဟှာ ဆုလတ်ဆောန်ဖြစ် သန့်ရှင်းဟှူဝိညာဉ်တော်ဟှို ရဂေ့လေ့မယ်။ 
\v 39 ဖြားဖြစ်ကြောန့်နူးဆိုဟှာ ဘုရားသခင်ရဲ့ ဂဒိတော်ဟှာ နန်းနို့ တွပ်ရော၊ နန်းနို့ သားမီးလေတွပ်ရော၊ ဝီးမာရှိနေဟှူ လူလေတွပ်ရော ဖြစ်ဟှယ်။ တနည်းအားဖြင့်ဆိုဟှာ နို့လေရဲ့ ဘုရားသခင်ခေါ်ဟှားခံရဟှူ လူလေ အားလောင်းဂူတွပ်လည်း ဖြစ်ဟှယ်” ဆိုဘီး သူးနို့ဟှို ပြောလေဟှယ်။
\p
\v 40 ပေတရုဟှာ တခြားစကားမျိုးမျိုးနလည်း တောန်းဗန်းဘီး “နန်းနို့ ကိုယ်တိုင် အယ်ဆိုးညစ်ဟှူ လူလေထတ်ဟှို ရော့‑က်လာမယ့် ပြစ်ဒန်ဟှနေ ကန်းလွတ်စေဂေ့” ဆိုဘီး သူးနို့ဟှို တိုက်တွန်းလေဟှယ်။ 
\v 41 လူလေဘောင်ဂီးဟှ သူ့ရဲ့ တရားစကားဟှို ယောင်ကြည်ဂေ့ဘီး ဗတ္တိဇံခံဂေ့ဟှယ်။ အယ်နေ့မာ လူလေဟှာ ၃,၀၀၀ လော့‑က် တိုးပွားဟှားလေဟှယ်။ 
\v 42 အယ်လူလေဟှာ တမန်တော်လေရဲ့ သွန်သန်ဇာဟှို ခံယူဂေ့ဘီး၊ မုဟှိုဖဲ့ဂေ့ဘီး၊ မိတ်သဟာယ ဖွဲ့ဂေ့ဘီးဟှာ ဆုတောန်းဇာလေနဘဲ့ ခီဟှို ကူစေဂေ့ဟှယ်။
\s ယောင်ကြည်သူလေရဲ့ သတ်ရှင်ရှင်းကြောန်း
\p
\v 43 တမန်တော်လေဟှာ အံ့ဩဘွယ်ရာလေန နိမိတ်လတ်ခဏာလေဟှို ပြဂေ့ဟှူကြောန့် လူတိုင်းဟှာ ကြော့‑က်လန့်နေဂေ့ဟှယ်။ 
\v 44 \x - \xo ၂.၄၄ \xo*\xt တ ၄.၃၂–၃၅\xt*\x* ယောင်ကြည်သူလေဟှာ တစုဒဲနေဂေ့ဘီးဟှာ သူးနို့ရဲ့ အောက်စာလေဟှို ယော့‑က်နယော့‑က် ဝီမျှဂေ့ဟှယ်။ 
\v 45 သူးနို့ရဲ့ အောက်စာလေန ပိုင်ဆိုင်ဇာလေဟှို ရောန်းဂေ့ဘီးဟှာ လိုအပ်ဟှူ လူလေဟှို ပေးဂေ့ဟှယ်။ 
\v 46 သူးနို့ဟှာ နေ့တိုင်း ဗိမာန်တော်မာ စုနေဂေ့ဟှယ်။ သူးနို့ရဲ့ အီလေမာလည်း မုဟှိုဖဲ့ဂေ့ဘီး စေဒနာစိန ဝန်းသာအားရ စားဇာလေဟှို ဝီမျှဘီး စားဂေ့ဟှယ်။ 
\v 47 သူးနို့ဟှာ ဘုရားသခင်ဟှို ချီးမွမ်းဘီး လူလေရှေ့မာလည်း မျစ်နှာသာ ရဂေ့ဟှယ်။ သခင်ဘုရားဟှလည်း ကယ်တန်ရှင်း ခံရဟှူလူလေဟှို နေ့တိုင်း တိုးပွားစေဟှယ်။
\c 3
\s ခေသန်ဘဲဟှူ ဒေါန်းဇားဟှို ကျန်းမာစေကြောန်း
\p
\v 1 တနေ့မာ ပေတရုန ယောဟန်လေဟှာ ဆုတောန်းခီဖြစ်ဟှူ နေဒန်ဇာ သောင်းနာရီမာ ဗိမာန်တော်ဟှို သွားဂေ့ဟှယ်။ 
\v 2 မွီးဂဒဲဟှ ခေသန်ဘဲဟှူ လူတယော့‑က်ဟှာ တင့်တယ် ဆိုဘီး ခေါ်ဟှူ ခွဗော့‑က်ဝမာ ရှိနေဟှယ်။ ဗိမာန်တော်ဟှို လာဂေ့ဟှူ လူလေနားဟှ ကပ်တောန်းဟှို့တွပ် အယ်လူဟှို နေ့တိုင်း ထမ်းလာဂေ့ဘီး ခွဗော့‑က်ဝမာ ခ္လဟှားဂေ့ဟှယ်။ 
\v 3 အယ်လူဟှာ ပေတရုန ယောဟန်လေ ဗိမာန်တော်ထဲဟှို ဝမ်ဟှို့လောက်နေဇာဟှို ဗြင်ဟှူ ခီမာ တခုခုပေးဟှို့တွပ် တောန်းလျှော့‑က်လေဟှယ်။ 
\v 4 သူးနို့ဟှာ အယ်လူဟှို စေ့စေ့ကေ့လေဟှယ်။ အယ်ဘီးန ပေတရုန ယောဟန်ဟှ “နို့လေဟှို ကေ့!” ဆိုဘီး ပြောလေဟှယ်။ 
\v 5 အယ်ကြောန့် အယ်လူဟှာ သူးနို့နားဟှ တခုခုရမယ်ဆို ထန်ဘီး သူးနို့ဟှို ကေ့လေဟှယ်။ 
\v 6 အယ်ဘေမဲ့ ပေတရုဟှ “ငါ့မာ ရွှေလည်း မှေ့ဟှ။ ငွေလည်း မှေ့ဟှ။ အယ်ဘေမဲ့ ငါ့မာ ရှိဟှူဇာဟှို နန့်ဟှိုပေးမယ်။ နာဇရက်ဗြို့သား ယေရှုခရစ်တော်ရဲ့ နာမန ထဘီးလမ်းရှော့‑က်!” ဆိုဘီး ပြောလေဟှယ်။ 
\v 7 အယ်ဘီးန သူ့ရဲ့ ညာဖတ်လတ်ဟှို ဆွဲဒန်လေဟှယ်။ ရှစ်ရှင်းဘဲ့ အယ်လူရဲ့ ခေဒေါ့‑က်န ခေမျစ်စိလေဟှာ သန်မာလာဘီး 
\v 8 သူဟှ ထခူဘီး၊ ထရပ်ဘီးဟှာ စဘီးဟှာ လမ်းရှော့‑က်လေဟှယ်။ အယ်ဘီးန သူဟှာ ခူပေါ့‑က်ဘီး၊ ဘုရားသခင်ဟှို ချီးမွမ်းဘီး သူးနို့နတူးဒူး ဗိမာန်တော်ထဲဟှို ဝမ်ဟှားဟှယ်။ 
\v 9 အယ်နေရာမာ ရှိနေဟှူ လူလေဟှ လမ်းရှော့‑က်ဘီး ဘုရားသခင်ဟှို ချီးမွမ်းနေဟှူ အယ်လူဟှို ဗြင်ဟှားဟှူ ခီမာ 
\v 10 အယ်လူဟှာ ဗိမာန်တော်ရဲ့ တင့်တယ်ခွဗော့‑က်မာ ထိုင်နေဟှူ ဒေါန်းဇားဖြစ်ဟှယ် ဆိုဇာဟှို မှတ်မိဟှားဟှူ ခီမာ သူးနို့ အားလောင်းဟှာ အယ်လူမာ ဖြစ်ဟှားဇာလေဟှို အံ့ဩဘီး တွေဝေဟှားဂေ့ဟှယ်။
\s ဗိမာန်တော်ထဲမာ ပေတရုရဲ့ တရားစကားကြောန်း
\p
\v 11 အယ်လူဟှာ ပေတရုန ယောဟန်လေဟှို ပိုက်နေဒူးမာ လူလေဟှ အံ့ဩဘီးဟှာ ရှောလမုန်ရဲ့ မုခ်ဦးဆောန်နားမာ ရှိနေဟှူ သူးနို့နားဟှို ပ္လေးလာဂေ့ဟှယ်။ 
\v 12 ပေတရုဟှာ လူလေဟှို ဗြင်ဟှူ ခီမာ “ဣသရေလူမျိုးလေ၊ ဖြားဖြစ်ကြောန့် နန်းနို့ အံ့ဩနေဂေ့ဟှယ်နူး။ ဖြားဖြစ်ကြောန့် နို့လေဟှို စိုက်ကေ့နေဂေ့နူး။ နို့လေရဲ့ တဂိုး၊ နို့လေရဲ့ သီလန အယ်လူဟှို လမ်းရှော့‑က်နိုင်အောန် လောက်ပေးဟှယ် ဆိုဘီး နန်းနို့ ထန်နေဂေ့ဇာလော။ 
\v 13 အာဗြဟံ၊ ဣဇာက်၊ ယာကုပ်ရဲ့ ဘုရားသခင်၊ နို့လေ ဘိုးဘေးလေရဲ့ ဘုရားသခင်ဟှာ သူ့ရဲ့ စေခံယေရှုဟှို ဖောင်းသရေတော်ထန်ရှားစေဟှယ်။ ပိလတ်ဟှာ အယ်သခင်ဟှို လွှတ်ပေးဟှို့တွပ် ဆောင်းဖြတ်ဟှယ်။ အယ်ဘေမဲ့လည်း နန်းနို့ဟှာ အယ်သခင်ဟှို အာဏာပိုင်လေဟှို အပ်ဘီး ပိလတ်ရဲ့ ရှေ့မာ ငြင်းပယ်ဂေ့ဟှယ်။ 
\v 14 \x - \xo ၃.၁၄ \xo*\xt မ ၂၇.၁၅–၂၃; မာ ၁၅.၆–၁၄; လု ၂၃.၁၃–၂၃; ယော ၁၉.၁၂–၁၅\xt*\x*နန်းနို့ဟှ သန့်ရှင်းဖြောန့်မတ်ဟှူ သခင်ဟှို ငြင်းပယ်ဂေ့ဘီး လူသတ်မားဟှို လွှတ်ပေးဟှို့တွပ် တောန်းဆိုဂေ့ဟှယ်။ 
\v 15 နန်းနို့ဟှာ သတ်ပေးပိုင်ဟှူ သူဟှို သတ်ဂေ့ဟှယ်။ အယ်ဘေမဲ့ ဘုရားသခင်ဟှာ အယ်သခင်ဟှို သေရှင်းဟှနေ ထမြော့‑က်စေဟှယ်။ နို့လေဟှာ အယ်ဖြစ်ပျစ်ရဲ့ သတ်သေလေ ဖြစ်ဂေ့ဟှယ်။ 
\v 16 အယ်သခင်ရဲ့ နာမတော်တဂိုးန အယ်ခေသန်ဘဲဟှူလူဟှာ သန်စွမ်းလာဟှယ်။ အယ်သခင်ရဲ့ နာမတော်ဟှို ယောင်ကြည်လိုက်ဟှူန ခု နန်းနို့လေ တွိဗြင်ရဂေ့ဟှူ မှုရာလေ ဖြစ်လာဟှယ်။ နန်းနို့လေဟှ ဗြင်ရတိုင်းဘဲ့ ယေရှုဟှို ယောင်ကြည်ရှင်းဟှဘဲ့ အယ်လူဟှို ကျန်းမာလာစေဟှယ်။”
\p
\v 17 “ညီကိုလေ၊ ခု နန်းနိုဟှာ နန်းနို့လေရဲ့ ခေါန်းဆောန်မျိုးဘဲ့ ကိုယ်လောက်ဇာဟှို ကိုယ်သိဘဲန လောက်ဂေ့ကြောန်းဟှို ငါသိဟှယ်။ 
\v 18 အယ်ဘေမဲ့ ခရစ်တော်ဟှာ သေခံရဟှို့ကြောန်းဟှို ပရောဖက်အားလောင်းဟှို ဘုရားသခင်ဟှ ဗျာဒိတ်ပေးဟှားဟှယ်။ အယ်မျိုး ဖြစ်လာဇာဟှ အယ်ဗျာဒိတ်တော်ဟှို ပ္လဲ့ဇောင်ဟှို့တွပ် ဖြစ်ဟှယ်။ 
\v 19 အယ်ကြောန့် ဘုရားသခင်ဟှာ နန်းနို့ ပြစ်လေဟှို လွှတ်ပေးနိုင်ဟှို့တွပ်ကြောန့် နောန်ဒရဘီး ပ္လောန်းလဲဂေ့။ အယ်မျိုးလောက်မယ် ဆိုဟှာ၊ 
\v 20 ဘုရားသခင်နားဟှနေ ဝိညာဉ်ခွန်အား ရော့‑က်လာဘီး နန်းနို့တွပ် ဝီးချယ်ဟှားဟှူ မေရှိယဖြစ်ဟှူ ယေရှုဟှို နန်းနို့နားဟှို စေလွှတ်လေ့မယ်။ 
\v 21 ရှေးရှေးဟှ သန့်ရှင်းဟှူ ပရောဖက်လေဟှတဆင့် ပေးလိုက်ဟှူ ဘုရားသခင်ရဲ့ ဗျာဒိတ်တော်နညီ အားလောင်းဂူဟှို သစ်ပ္လောန်းလဲဟှားဟှူ ကာလရော့‑က်ခန်ထိ အယ်သခင်ဟှာ ကောန်းဂန်ဘောင်မာ ရှိနေမယ်။ 
\v 22 အယ်ကြောန့် မောရှေဟှာ ‘နန်းနို့ရဲ့ ဘုရားသခင် ထာဝရဘုရားဟှာ ငါ့ဟှို စေလွှတ်မျိုးဘဲ့\f + \fr ၃.၂၂ \fr*\fq ငါ့ဟှို စေလွှတ်မျိုးဘဲ့၊ \fq*\ft အယ်မျိုးမှုဘဲနေဟှာ \ft*\fqa ငါ့မျိုးဘဲ့။\fqa*\f* ပရောဖက်တပါးဟှို နန်းနို့နားဟှို လွှတ်လေ့မယ်။ အယ်သခင်ဟှာ နန်းနို့ရဲ့ ညီကိုလေထဲဟှ ဖြစ်လေ့မယ်။ အယ်သခင် ပြောဇာလေ အားလောင်းဂူဟှို နန်းနို့ဟှာ နားထောန်ရဂေ့လေ့မယ်။ 
\v 23 အယ်ပရောဖက်ရဲ့ စကားဟှို နားထောန်ဘဲ့ဟှူ လူတိုင်းဟှာ ဘုရားသခင်ရဲ့ လူမျိုးတော်ဟှနေ ဖယ်ရှားဘီး ဖျစ်ဆီးခံရလေ့မယ်’ ဆိုဘီး ပြောဟှယ်။ 
\v 24 ရှမွေလဟှနေစဘီး ဗျာဒိတ်တော်အားဖြင့် ဟောပြောဂေ့ဟှူ တခြားပရောဖက်လေဟှ အယ်နေ့ရစ်လေမာ ဖြစ်ပျစ်မယ့် ကြောန်းရာလေဟှို ကြေညာဂေ့ဟှယ်။ 
\v 25 ပရောဖက်လေအားဖြင့် ဘုရားသခင်ပေးဟှူ ဂဒိတော်လေဟှာ နန်းနို့တွပ် ဖြစ်ဟှယ်။ နန်းနို့ ဘိုးဘေးလေန ဘုရားသခင် လောက်ဟှားဟှူ ပဋိညာဉ်ဟှလည်း နန်းနို့တွပ် ဖြစ်ဟှယ်။ ဘုရားသခင်ဟှ အာဗြဟံဟှို ‘နန့်ရဲ့ မ္လေးမ္လစ်လေအားဖြင့် လောကသားလေဟှာ ကောန်းကြီးမင်္ဂလာဟှို ခံစားရလေ့မယ်’ ဆိုဘီး ပြောလေဟှယ်။ 
\v 26 အယ်ကြောန့် နန်းနို့ဟှာ ကောန်းဘဲဟှူဇာလေဟှို စွန့်ပစ်ဘီး ကောန်းကြီးခံစားရဟှို့တွပ် ဘုရားသခင်ဟှာ သူ့ရဲ့ စေခံဟှို နန်းနို့နားဟှို စေလွှတ်လိုက်ဟှယ်” ဆိုဘီး ပြောလေဟှယ်။
\c 4
\s တရားလွှတ်တော်မာ ပေတရုန ယောဟန်လေဟှို စစ်ဆေးဂေ့ဟှူကြောန်း
\p
\v 1 ပေတရုန ယောဟန်လေဟှာ လူလေဟှို ဟောပြောနေဂေ့ခီမာ ယဇ်ပုရောဟိတ်လေ\f + \fr ၄.၁ \fr*\fq ယဇ်ပုရောဟိတ်လေ၊ \fq*\ft တချို့ မူရင်းလတ်ရေးမူလေမာ \ft*\fqa ယဇ်ပုရောဟိတ်ဂီးလေ၊ \fqa*\ft ဆိုဘီး ပါရှိဟှယ်။\ft*\f*၊ ဗိမာန်တော်ဟှို စောန့်နေဟှူတပ်မှူးန ဇဒ္ဒုကဲလေဟှာ ရော့‑က်လာဂေ့ဟှယ်။ 
\v 2 ယေရှုဟှ သေရာဟှနေ ထမြော့‑က်ဟှားဘီ ဆိုဘီး တမန်တော်လေဟှာ သတ်သေပြဘီး ဟောပြောဟှူကြောန့် ဇဒ္ဒုကဲလေဟှ စိဆိုးဂေ့ဟှယ်။ 
\v 3 အယ်ကြောန့် သူးနို့လေဟှာ တမန်တော်လေဟှို ဖမ်းဂေ့ဘီး ညဉ့်ခန်းဇာဖြစ်ဟှားကြောန့် နော့‑က်တနေ့ထိ ထောန်ထဲမာ ထားဟှားဂေ့ဟှယ်။ 
\v 4 အယ်ဘေမဲ့ တရားစကားဟှို ကြားဂေ့ဟှူ လူဘောင်ဂီးဟှ ကိုယ်တော့်ဟှို ယောင်ကြည်ဂေ့ဟှယ်။ ယောင်ကြည်လာဟှူ လူလေဟှ ၅,၀၀၀ လော့‑က် တိုးပွားလာဂေ့ဟှယ်။
\p
\v 5 နော့‑က်တနေ့ ရော့‑က်ဟှူ ခီမာ ယုဒခေါန်းဆောန်လေ၊ လူဂီးလေန ကျမ်းတတ်ဆရာလေဟှာ ယေရုရှလင်ဗြို့မာ စုဂေ့ဟှယ်။ 
\v 6 ယဇ်ပုရောဟိတ်မန်း အန္နတ်န သူ့ရဲ့ မိသားစုဖြစ်ဟှူ ကယာဖ၊ ယောဟန်၊ အာလေဇန္ဒြေုလူလေန တွိဂေ့ဟှယ်။ 
\v 7 အယ်လူလေဟှာ သူးနို့ရှေ့မာ တမန်တော်နှေ့ပါးဟှို ရပ်ခိုင်းဘီး “နန်းနို့ဟှ ဖယ်လူရဲ့ တဂိုး၊ ဖယ်လူရဲ့ နာမန အယ်မှုလေဟှို ဖယ်မျိုး လောက်ဂေ့နူး” ဆိုဘီး မေးဂေ့ဟှယ်။
\p
\v 8 သန့်ရှင်းဟှူဝိညာဉ်တော်န ပ္လဲ့ဝနေဟှူ ပေတရုဟှာ “လူလေရဲ့ ခေါန်းဆောန်လေန လူဂီးလေ၊ 
\v 9 ခေသန်ဘဲ့ဟှူ လူတယော့‑က်ဟှို ကျိုးပြုကြောန်းန သူဟှာ ကျန်းမာဟှားဇာန ပတ်သတ်ဘီး ခုနို့လေဟှ စစ်ဆေးခံရမယ် ဆိုဟှာ၊ 
\v 10 နာဇရက်ဗြို့သား ယေရှုခရစ်တော်ရဲ့ နာမတော်တဂိုးန အယ်လူဟှာ ခေသန်လာဘီး ခုနန်းနို့ရှေ့မာ ရပ်နေဇာဟှို နန်းနို့န တူးဒူ ဣသရေလလူမျိုးလေ သိမှတ်ဂေ့ပါ။ အယ်သခင်ဟှို နန်းနို့ဟှ ကားစင်တန်ဘေမဲ့ ဘုရားသခင်ဟှ သေရာဟှနေ ထမြော့‑က်စေလေဟှယ်။”
\q1
\v 11 “ယေရှုဟှ ‘တိုက်ဟှို ဆော့‑က်ဟှူ ခီမာ နန်းနို့ ပယ်ဟှားဟှူက္လော့‑က်ဟှာ
\q2 ရေးကီးဆောင်းက္လော့‑က် ဖြစ်လာဟှယ်’ ဆိုဘီး ကျမ်းစာဟှ ပြောဟှားဟှယ်။
\m
\v 12 အယ်သခင်တပါးဘဲ့ ကယ်တန်နိုင်ဟှယ်။ ကောန်းဂန်အော့‑က်ဟှ လောကမာ အယ်သခင်နာမဟှနေ လွဲဘီး နို့လေဟှို ဖယ်လူလည်း ကယ်တန်နိုင်ဟှ” ဆိုဘီး သူးနို့ဟှို ပြောလေဟှယ်။
\p
\v 13 ပေတရုန ယောဟန်လေဟှာ ပညာတတ်လေမှုဘဲန သာမန်လူလေဖြစ်ဘီး ရဲရင့်နေဇာဟှို တရားလွှတ်တော် ဖွဲ့ဝမ်လေဟှ ဗြင်ဂေ့ဟှူ ခီမာ ရရာတိုင်း အံ့ဩနေဂေ့ဟှယ်။ အယ်လူနှေ့ယော့‑က်ဟှာ ယေရှုရဲ့ လောက်ဖော်ဆောန်ဖတ်လေဖြစ်ဇာဟှို ဒိပြုမိဂေ့ဟှယ်။ 
\v 14 အယ်ဘေမဲ့ နာရောဂါပျော့‑က်ဟှားဟှူ လူဟှာ တမန်တော်လေန တူးဒူ ရပ်နေဇာဟှို ဗြင်ဟှူ ခီမာ သူးနို့ဟှာ ဖယ်မျိုးလည်း ပြောနိုင်ဂေ့ဟှ။ 
\v 15 တမန်တော်လေဟှို တရားလွှတ်တော်ထဲဟှနေ ထွပ်ခိုင်းဘီးဟှာ သူးနို့ရှင်းရှင်း စဘီးဟှာ တိုင်ဗန်ဂေ့ဟှယ်။ 
\v 16 သူးနို့လေဟှာ “နို့လေဟှ အယ်လူလေဟှို ဖယ်မျိုးလောက်ရဟှို့နူး။ သူးနို့အားဖြင့် ထူးခြားဟှူ နိမိတ်လတ်ခဏာ ဖြစ်ဟှားဇာဟှို ယေရုရှလင်ဗြို့ဟှ လူတိုင်းဟှ သိဂေ့ဟှယ်။ နို့လေဟှ ငြင်းနိုင်ဂေ့ဟှ။ 
\v 17 အယ်ဘေမဲ့ အယ်ဒန်းဟှာ လူလေထဲမာ ပ္လံ့နှံ့ဘဲနေအောန် ယေရှုရဲ့ နာမတော်ဟှို မှီပြုဘီး နော့‑က်ထပ် ဖယ်လူဟှိုလဲ ဟောပြောဘဲနေဟှို့တွပ် အယ်လူနှေ့ယော့‑က်ဟှို ဒိပေးဂေ့မယ်” ဆိုဘီး ပြောဂေ့ဟှယ်။
\p
\v 18 အယ်ဘီးန တမန်တော်လေဟှို ပ္လန်ခေါ်ဘီးဟှာ ယေရှုရဲ့ နာမတော်ဟှို မှီပြုဘီး နော့‑က်ထပ် လောင်းဝ ဟောပြောဘဲနေဟှို့တွပ် မိန့်ပေးလိုက်ဂေ့ဟှယ်။ 
\v 19 ပေတရုန ယောဟန်လေဟှ “နို့လေဟှာ ဘုရားသခင်ရဲ့ စကားဟှို နားထောန်ဇာထတ် နန်းနို့ရဲ့ စကားဟှို နားထောန်ဇာဟှ ဘုရားသခင်ရဲ့ ရှေ့မာ မှန်ဟှယ်၊ မှားဟှယ် ဆိုဇာဟှို နန်းနို့ ကိုယ်တိုင်ဘဲ့ ဆောင်းဖြတ်ပေးဂေ့ပါ။ 
\v 20 နို့လေကိုယ်တိုင် ကြားရ၊ ဗြင်ရဇာလေဟှို ဟောပြောဘဲန နေနိုင်ဟှ” ဆိုဘီး ပ္လန်ပြောလိုက်ဂေ့ဟှယ်။ 
\v 21 အယ်ကြောန့် တရားလွှတ်တော် ဖွဲ့ဝမ်လေဟှာ သူးနို့ဟှို ပ္လန်ဘီးဟှာ သေးသေချားချာဟှား ဒိပေးဘီးန ထွပ်ခိုင်းလိုက်ဂေ့ဟှယ်။ လူလေဟှာ ဖြစ်ပျစ်ဟှူ ဇာလေတွပ် ဘုရားသခင်ရဲ့ ဖောင်းသရေတော်ဟှို ချီးမွမ်းနေဂေ့ဟှူကြောန့် တမန်တော်လေဟှို ဖြားပြစ်ဒန်လည်း စီရင်နိုင်ဂေ့ဟှ။ 
\v 22 အံ့ဩဘွယ်ကောန်းအောန် ရောဂါပျော့‑က်ဟှားဟှူလူဟှာ သတ်လေးဆယ်ကျော်လော့‑က် ရှိဟှယ်။
\s ရဲရင့်လာဟှို့တွပ် ယောင်ကြည်သူလေဟှ ဆုတောန်းပေးကြောန်း
\p
\v 23 ပေတရုန ယောဟန်လေဟှာ လွတ်မြော့‑က်လာဂေ့ဟှူ ခီမာ သူးနို့ လူလေနားဟှို ပ္လန်ဟှားဘီးန ယဇ်ပုရောဟိတ်ဂီးန သတ်ကီးဝါဂီးလေ ပြောလိုက်ဇာလေဟှို ပ္လန်ဘီး ပြောဂေ့ဟှယ်။ 
\v 24 အယ်ကြောန်းဟှို ကြားရဂေ့ဟှူ ခီမာ အယ်လူလေဟှာ တူးဒူ ဆုတောန်းဂေ့ဟှယ်။ “စိုးရဟှူသခင်၊ ကိုယ်တော်ဟှ ကောန်းဂန်န မ္လေဂီး၊ ပန်လယ်န ရာအားလောင်းဂူဟှိုလည်း ဖန်ဆင်းဟှူ ဘုရားသခင် ဖြစ်ဟှယ်! 
\v 25 ကိုယ်တော်ဟှာ သန့်ရှင်းဟှူဝိညာဉ်တော်အားဖြင့် ကိုယ်တော်ရဲ့ စေခံ၊ ကျွန်တော့်လေ ဘိုးဘေး ဒါဝိဒ်ဟှနေ တဆင့်”
\q1 “ ‘လူမျိုးခြားလေဟှာ ဖြားဖြစ်ကြောန့် ရောင်းရင်းဆန်ခတ် ဖြစ်နေဂေ့နူး’ ”
\q2 လူမျိုးတကာလေဟှာ ဖြားဖြစ်ကြောန့် ကျိုးမှေ့ဘဲန ကြံစည်ဂေ့နူး။
\q1
\v 26 လောကရဲ့ မန်းဂီးလေန အောက်ချောက်မားလေဟှာ ဘုရားသခင်ဟှို ပေါင်ကန်ဟှို့တွပ် ပြင်ဆင်ဂေ့ဟှယ်။
\q2 ဘုရားသခင်န ကိုယ်တော်ရဲ့
\q2 မေရှိယဟှို ဆန့်ကျင်ဟှို့တွပ် စုဂေ့ဟှယ်
\m ဆိုဘီး မိန့်တော်မူဟှားဟှယ်။ 
\v 27 \x - \xo ၄.၂၇ က \xo*\xt လု ၂၃.၇–၁၁; \xt*\xo ခ \xo*\xt မ ၂၇.၁,၂; မာ ၁၅.၁; လု ၂၃.၁; ယော ၁၈.၂၈,၂၉\xt*\x*မှန်တိုင်းဆိုဟှာ ဟေရုဒ်န ပုန္တိပိလတ်လေဟှာ လူမျိုးခြားလေ၊ ဣသရေလလူမျိုးလေန တူးဒူ ကိုယ်တော်ရဲ့ သန့်ရှင်းဟှူစေခံ၊ ကိုယ်တော်ဘိသိပေးဟှူ ယေရှုဟှို ဆန့်ကျင်ဟှို့တွပ် အယ်ဗြို့ထဲမာ စုဂေ့ဟှယ်။ 
\v 28 အယ်မျိုး စုဂေ့ဇာဟှာ ကိုယ်တော်ရဲ့ တဂိုးတော်န လိုတော်ရ ခွဲခန့်ဟှားဇာလေဟှို ဖြစ်ပျစ်ဟှို့တွပ် ဖြစ်ဟှယ်။ 
\v 29 သခင်၊ ခု အယ်လူလေရဲ့ ချီးခြော့‑က်ဟှူဇာဟှို မှတ်ဟှားပေးပါ။ ကိုယ်တော်ရဲ့ စေခံလေဟှို ကိုယ်တော်ရဲ့ တရားတော်ဟှို ရဲရဲရင့်ရင့်ဟှား ဟောဟှို့ခွမ့် ပေးတော်မူပါ။ 
\v 30 လူလေရဲ့ နာရောဂါလေဟှို ပျော့‑က်စေဟှို့တွပ် ကိုယ်တော်ရဲ့ လတ်တော်ဟှို ဆန့်တော်မူပါ။ ကိုယ်တော်ရဲ့ သန့်ရှင်းဟှူစေခံ ယေရှုရဲ့ နာမတော်န နိမိတ်လတ်ခဏာန အံ့ဩဘွယ်ရာလေဟှို လောက်တော်မူပါ။
\p
\v 31 အယ်မျိုး ဆုတောန်းဂေ့ဘီးခီမာ သူးနို့ စည်းဝေးနေရာဟှာ လှောက်လာဟှယ်။ သူးနို့ အားလောင်းဟှာ သန့်ရှင်းဟှူဝိညာဉ်တော်န ပ္လဲ့ဝဘီး ဘုရားသခင်ရဲ့ တရားတော်ဟှို ရဲရဲရင့်ရင့်ဟှား ဟောပြောဂေ့ဟှယ်။
\s ယောင်ကြည်သူလေဟှာ သူးနို့ အောက်စာလေဟှို မျှဝီဂေ့ဟှူကြောန်း
\p
\v 32 \x - \xo ၄.၃၂ \xo*\xt တ ၂.၄၄,၄၅\xt*\x*ယောင်ကြည်သူလေဟှာ စိနှလောင်း တလောင်းတဝဒဲ ဖြစ်ဂေ့ဟှူကြောန့် ဖယ်လူလဲ ကိုယ်ရဲ့ အောက်စာဟှို ကိုယ်ပိုင်ဟှယ် ဆိုဘီး ပြောဂေ့ဟှ။ သူးနို့မာ ရှိနေဟှူ အောက်စာလေဟှို အားလောင်းပိုင်ဂေ့ဟှယ် ဆိုဘီး ကြော်ငြာဟှားဂေ့ဟှယ်။ 
\v 33 တမန်တော်လေဟှာ သခင်ယေရှုခရစ်တော်ရဲ့ ရှင်ပ္လန်ထမြော့‑က်ရှင်းကြောန်းဟှို ကီးမားဟှူတဂိုးန သတ်သေခံဂေ့ဟှယ်။ ဘုရားသခင်ရဲ့ ကျေးဇူးတော်ဟှာ ကီးမားဟှူတဂိုးန သူးနို့ အားလောင်းထဲမာ လောက်လောက်လေဟှယ်။ 
\v 34 လယ်လေ၊ အီလေ ပိုင်ဂေ့ဟှူလူလေဟှာ သူးနို့ အောက်စာလေဟှို ရောန်းခ္လဘီး၊ ရဟှူကပ်လေဟှို ယူလာဘီးဟှာ တမန်တော်လေဟှို ပေးဂေ့ဟှယ်။ 
\v 35 အယ်ဘီးန တမန်တော်လေဟှာ လိုအပ်ဟှူ လူလေဟှို လိုက်ဝီပေးဂေ့ဟှယ်။
\p
\v 36 ယောသပ် ဆိုဘီး ခေါ်ဟှူ လူတယော့‑က်ရှိဟှယ်။ သူ့ဟှို တမန်တော်လေဟှ ဗာနဗ ဆိုဘီး ခေါ်ဂေ့ဟှယ်။ ဗာနဗရဲ့ ဓိပါယ်ဟှ အားပေးကူညီဟှူလူ ဆိုဘီး ခေါ်ဟှယ်။ သူဟှာ ကုရေနေနယ်သား လေဝိမျိုးနွယ် ဖြစ်ဟှယ်။ 
\v 37 သူပိုင်ဟှူ လယ်ဂွပ်ဟှို ရောန်းဘီးဟှာ ရဟှူကပ်ဟှို ယူလာဘီးန တမန်တော်လေဟှို ပေးလေဟှယ်။
\c 5
\s အာနနိန ရှဖိရေကြောန်း
\p
\v 1 အာနနိနာမယ်ရှိဟှူ လူတယော့‑က်ဟှာ သူ့ရဲ့မယား ရှာဖိရေနတူးဒူ သူးနို့ ပိုင်ဟှူမ္လေဟှို ရောန်းဂေ့ဟှယ်။ 
\v 2 အယ်ဘီးန အာနနိဟှာ ရောန်းရဟှူ ကပ်တဝပ်ဟှို သူ့ရဲ့မယားန ဘောတူဘီးဟှာ သူးနို့တွပ် ဖယ်ဟှားဘီးဟှာ ကျန်ဟှူကပ်လေဟှိုဘဲ့ တမန်တော်လေဟှို ပေးလေဟှယ်။ 
\v 3 ပေတရုဟှ “အာနနိ၊ နန်ဟှာ လယ်ဟှိုရောန်းရဟှူ ကပ်တဝပ်ဟှို နန်းနို့တွပ် ဖယ်ဟှားဘီး ဖြားဖြစ်ကြောန့် သန့်ရှင်းဟှူဝိညာဉ်တော်ဟှို လှည့်စားနူး။ ဖြားဖြစ်ကြောန့် စာတန်ဟှို နန်းနို့ စိနှလောင်းဟှို အောက်စိုးခွမ့်ပေးနူး။ 
\v 4 နန်ဟှာ အယ်လယ်ဟှို ရောန်းခန်ဒူးဟှ နန်းနို့ပိုင်ဟှယ် မှုဟှာလော။ ရောန်းလိုက်ဘီး နော့‑က်မာလည်း အယ်ကပ်လေဟှို နန်ပိုင်ဟှယ် မှုဟှလော။ ဖြားဖြစ်ကြောန့် စိနှလောင်းထဲမာ အယ်မျိုး ကြံစည်ဂေ့နူး။ နန်ဟှာ လူလေဟှိုဘဲ့ လှည့်စားဇာ မှုဟှ။ ဘုရားသခင်ဟှိုလည်း လှည့်စားဟှယ်!” ဆိုဘီး ပြောဟှယ်။ 
\v 5 အယ်စကားဟှို ကြားန အာနနိဟှ လဲက္လဘီး သေဟှားဟှယ်။ အယ်ကြောန်းဟှို ကြားဂေ့ဟှူလူလေဟှာ ရရာတိုင်း ကြော့‑က်လန့်ဂေ့ဟှယ်။ 
\v 6 လူငယ်လေဟှာ လာဘီးဟှာ အာနနိရဲ့ လောန်းဟှို ဝတ်နပတ်ဘီး ပ္လန်ဟှို ယူဟှားဘီး သင်္ဂြိုဟ်ဂေ့ဟှယ်။
\p
\v 7 သောင်းနာရီလော့‑က် ကြာဘီးန အာနနိရဲ့ မယားဟှ ဖြစ်ပျစ်ဟှားဟှူဇာလေဟှို သိဘဲန ရော့‑က်လာဟှယ်။ 
\v 8 ပေတရုဟှ “နန်းနို့ဟှာ လယ်ဟှို အယ်မျှနဘဲ့ ရောန်းလော” ဆိုဘီး မေးလေဟှယ်။
\p အယ်မီးမဟှ “ဟုတ်ဟှယ်။ အယ်မျှနဘဲ့ ရောန်းဟှယ်” ဆိုဘီး ဖြေလေဟှယ်။
\p
\v 9 ပေတရုဟှ “သခင်ဘုရားရဲ့ ဝိညာဉ်တော်ဟှို သွီးတိုးစမ်းဟှို့တွပ် ဖြားဖြစ်ကြောန့် နန်းနို့ဟှာ ဘောတူဂေ့နူး။ ကေ့ကေ့၊ နန့်ယော့‑က်ကျားဟှို သင်္ဂြိုဟ်ဘီး ပ္လန်လာဟှူလူလေဟှာ ခွဗော့‑က်မာ ရှိနေဂေ့ဟှယ်။ သူးနို့ဟှာ နန့်ဟှိုလည်း သယ်ဟှားလေ့မယ်!” ဆိုဘီး ပြောဟှယ်။ 
\v 10 ရှစ်ရှင်းဘဲ့ အယ်မီးမဟှာ ပေတရုရဲ့ ခေရင်းမာ လဲက္လဘီးဟှာ သေဟှားဟှယ်။ လူငယ်လေဟှ ရော့‑က်လာဂေ့ဟှူ ခီမာ အယ်မီးမဟှာ သေနေဇာဟှို တွိဟှားဟှူကြောန့် အယ်မီးမရဲ့ လောန်းဟှို ယူဟှားဘီးန သူ့ယော့‑က်ကျားနားမာ သင်္ဂြိုဟ်လိုက်ဂေ့ဟှယ်။ 
\v 11 သင်းတော်တခုလောင်းန အယ်ကြောန်းဟှို ကြားဂေ့ဟှူ လူလေဟှာ ရရာတိုင်း ကြော့‑က်လန့်ဂေ့ဟှယ်။
\s နိမိတ်လတ်ခဏာလေန အံ့ဩဘွယ်ရာလေကြောန်း
\p
\v 12 တမန်တော်လေဟှာ လူလေရှေ့မာ အံ့ဩဘွယ်ရာလေန နိမိတ်လတ်ခဏာလေဟှို ပြဂေ့ဟှယ်။ ယောင်ကြည်သူလေဟှာ ရှောလမုန်ရဲ့ မုခ်ဦးဆောန်မာ စုနေဂေ့ဟှယ်။ 
\v 13 လူလေဟှာ သူးနို့ဟှို ချီးကျူးဂေ့ဘေမဲ့ ဖယ်လူလည်း သူးနို့ဟှို ပေါန်းသင်းရဲဂေ့ဟှ။ 
\v 14 အယ်ဘေမဲ့ သခင်ဘုရားဟှို ယောင်ကြည်ဟှူ ယော့‑က်ကျားလေန မီးမလေဟှာ ဘောင်ဂီးဖြစ်လာဟှယ်။ 
\v 15 လူလေဟှ နေကောန်းဘဲ့ဟှူ လူလေဟှို ခေါ်လာဂေ့ဟှယ်။ ပေတရု ဖြတ်ရှော့‑က်ဟှူ ခီမာ သူ့ရဲ့ရိဟှာ လူနာလေထတ်ဟှို က္လဟှို့တွပ် လူနာလေဟှို အိယာလေ၊ ထမ်းစင်လေန သယ်လာဂေ့ဘီး လမ်းမထတ်မာ ခ္လဟှားဂေ့ဟှယ်။ 
\v 16 ယေရုရှလင်ဗြို့ ပတ်ပတ်လယ်ဟှ ဗြို့လေဟှ လူလေဟှာ ဖျားနေဟှူလူလေ၊ နတ်ဆိုးဝမ်ပူးနေဟှူ လူလေဟှို ခေါ်လာဂေ့ဟှယ်။ အယ်လူနာလေ အားလောင်းဂူဟှာ ရောဂါပျော့‑က်ဟှားဂေ့ဟှယ်။
\s တမန်တော်လေဟှို ညှဉ်းဗန်း နှိစစ်ဂေ့ကြောန်း
\p
\v 17 အယ်ခီမာ ယဇ်ပုရောဟိတ်မန်းန သူ့ရဲ့ နော့‑က်လိုက်လေဖြစ်ဟှူ ဇဒ္ဒုကဲ ဂိုဏ်းဝမ်လေဟှာ တမန်တော်လေဟှို ရရာတိုင်း နာလိုဝန်တိုစိ ရှိလာဂေ့ဟှူကြောန့် သူးနို့လေဟှို ရေးယူဟှို့တွပ် ဆောင်းဖြတ်ဂေ့ဟှယ်။ 
\v 18 သူးနို့ဟှာ တမန်တော်လေဟှို ဖမ်းဘီးဟှာ ပြည်သူ့ ကျဉ်းထောန်ထဲမာ ထားဟှားဂေ့ဟှယ်။ 
\v 19 အယ်ဘေမဲ့ အယ်ညဉ့်မာ သခင်ဘုရားရဲ့ ကောန်းဂန်တမန်တပါးဟှာ ထောန်ခွဗော့‑က်လေဟှို ဖွမ့်ဘီး တမန်တော်လေဟှို ခေါ်ထုဘီး၊ 
\v 20 “သွားဘီး ဗိမာန်တော်ထဲမာရပ်ဘီး အယ်သတ်ရှင်ရှင်းန ဆိုင်ဟှူဇာလေ အားလောင်းဟှို လူလေဟှို ဟောပြောဂေ့ပါ” ဆိုဘီး သူးနို့ဟှို ပြောဟှယ်။ 
\v 21 တမန်တော်လေဟှာ ကောန်းဂန်တမန်ရဲ့ စကားဟှို နားထောန်ဘီး မိုးလန်းစောစောမာ ဗိမာန်တော်ထဲဟှို ဝမ်ဘီးဟှာ ဟောပြောဂေ့ဟှယ်။
\p ယဇ်ပုရောဟိတ်မန်းန သူ့ပေါန်းဖော်လေဟှာ ဣသရေလလူမျိုး သတ်ကီးဟှူလူလေ အားလောင်းဟှို တရားလွှတ်တော်စည်းဝေးမာ စုလာဟှို့ ခေါ်ဂေ့ဟှယ်။ အယ်ဘီးန တမန်တော်လေဟှို ခေါ်ဆောန်လာဟှို့တွပ် စောန့်တပ်သားလေဟှို ကျဉ်းထောန်ဟှို စေလွှတ်လိုက်ဂေ့ဟှယ်။ 
\v 22 ရာရှိလေဟှာ ရော့‑က်ဟှားဟှူ ခီမာ တမန်တော်လေဟှို တွိဂေ့ဟှမ်း။ အယ်ကြောန့် သူးနို့ဟှာ တရားလွှတ်တော်ဟှို ပ္လန်လာဘီး၊ 
\v 23 “ကျွန်တော့်ဟှားလေဟှာ ထောန်ဟှို ရော့‑က်ဟှားခီမာ သေးသေချားချာ ပိဟှားဘီး စောန့်တပ်သားလေဟှလည်း ခွဗော့‑က်လေမာ ရပ်နေဇာဟှို တွိဂေ့ဟှယ်။ အယ်ဘေမဲ့ ခွဗော့‑က်လေဟှို ဖွမ့်လိုက်ဟှူ ခီမာ ထဲမာ ဖယ်လူဟှိုလည်း တွိဂေ့ဟှ!” ဆိုဘီး စီရင်ခံဂေ့ဟှယ်။ 
\v 24 အယ်စကားဟှို ကြားဟှူ ခီမာ ဗိမာန်တော်စောန့် တပ်မှူးန ယဇ်ပုရောဟိတ်ဂီးလေဟှာ တမန်တော်လေမာ ဖြစ်ပျစ်ဟှားဇာဟှို အံ့ဩဟှားဂေ့ဟှယ်။ 
\v 25 အယ်ခီမာ လူတယော့‑က်ဟှ ရော့‑က်လာဘီး “နားထောန်ဂေ့! ကျဉ်းခ္လဟှားဟှူ လူလေဟှာ ဗိမာန်တော်ထဲမာ ရပ်ဘီး လူလေဟှို သွန်သန်နေဂေ့ဟှယ်!” ဆိုဘီး ပြောလေဟှယ်။ 
\v 26 အယ်ကြောန့် ရာရှိဟှာ သူ့လူလေနသွားဘီး တမန်တော်လေဟှို ပ္လန်ခေါ်လာဂေ့ဟှယ်။ အယ်ဘေမဲ့လည်း သူးနို့ဟှို လူလေဟှ က္လော့‑က်ခဲနပစ် ဇာဟှို စိုးရိမ်ဟှူကြောန့် တမန်တော်လေဟှို နိုင်ထတ်စီးနန်း လောက်ဂေ့ဟှ။
\p
\v 27 တမန်တော်လေဟှို ခေါ်လာဘီးန တရားလွှတ်တော်ရှေ့မာ ရပ်ခိုင်းလိုက်ဟှယ်။ ယဇ်ပုရောဟိတ်မန်းဟှာ တမန်တော်လေဟှို စစ်ဆေးဂေ့ဟှယ်။ 
\v 28 \x - \xo ၅.၂၈ \xo*\xt မ ၂၇.၂၅\xt*\x*သူးနို့ဟှ “အယ်လူရဲ့နာမဟှို ဟောပြောဘဲနေဟှို့တွပ် နန်းနို့ဟှို တင်းတင်းကျပ်ကျပ်ဟှား မိန့်ပေးဟှားဟှယ်! အယ်ဘေမဲ့ နန်းနို့ဟှာ ယေရုရှလင်တဗြို့လောင်း နန်းနို့လေရဲ့ သွန်သန်ဇာလေဟှို ပ္လံ့နှံ့စေဘီး အယ်လူရဲ့ သွီးဟှိုလည်း နို့လေထတ်ဟှို က္လစေဟှို့တွပ် ကြံစည်ဂေ့ဟှယ်!” ဆိုဘီး တမန်တော်လေဟှို ပြောဂေ့ဟှယ်။
\p
\v 29 ပေတရုန တမန်တော်လေဟှ “နို့လေဟှာ လူရဲ့ စကားထတ် ဘုရားသခင်ရဲ့ စကားဟှို နားထောန်ရမယ်။ 
\v 30 နို့လေ ဘိုးဘေလေရဲ့ ဘုရားသခင်ဟှာ လတ်ဝါးကပ်တိုင်မာ နန်းနို့ သတ်လိုက်ဟှူ ယေရှုဟှို ထမြော့‑က်စေဟှယ်။ 
\v 31 ဣသရေလလူမျိုးလေဟှာ နောန်ဒရဘီး သူးနို့ ပြစ်လေဟှို ဖြေလွှတ်ပေးဟှို့တွပ် ဘုရားသခင်ဟှာ အယ်သခင်ဟှို သူ့ရဲ့ ညာဖတ်မာ ထားဟှားဘီးဟှာ ခေါန်းဆောန်န ကယ်တန်ရှင်းဖြစ် ချီးမြှော့‑က်တော်မူလေဟှယ်။ 
\v 32 အယ်မူဇာလေတွပ် နို့လေဟှာ သတ်သေလေ ဖြစ်ဂေ့ဟှယ်။ ဘုရားသခင်ရဲ့ စကားဟှို နာခံဟှူလူလေဟှို ပေးတော်မူဟှူ သန့်ရှင်းဟှူဝိညာဉ်တော်ဟှလည်း သတ်သေ ဖြစ်ဟှယ်” ဆိုဘီး ပြောဂေ့ဟှယ်။
\p
\v 33 တရားလွှတ်တော် ဖွဲ့ဝမ်လေဟှာ အယ်စကားဟှို ကြားဂေ့ဟှူ ခီမာ ရရာတိုင်း ဒေါသထွပ်ဂေ့ဘီး တမန်တော်လေဟှို သေဒန် ပေးရှင်ဂေ့ဟှယ်။ 
\v 34 အယ်ခီမာ လူလေဟှို ရရာတိုင်း ရိုသေလေးစားရဟှူ၊ ကျမ်းတတ်ဆရာဖြစ်ဟှူ၊ ဂါမလျေလ နာမယ်ရှိဟှူ ဖာရိရှဲတယော့‑က်ဟှ တရားလွှတ်တော်မာ ထရပ်ဘီးဟှာ တမန်တော်လေဟှို ပ္လန်ဟှို ရှစ်ဟှား ခေါ်ထုဟှားဟှို့ မိန့်ပေးလိုက်ဘီးန 
\v 35 “ဣသရေလလူမျိုးလေ၊ အယ်လူလေဟှို ဖယ်မျိုးလောက်မယ် ဆိုဇာဟှို ဒိန ဆင်ခြင်ဂေ့ပါ။ 
\v 36 တခီဒူးဟှ သုဒနာမယ်ရှိဟှူ လူတယော့‑က်ဟှာ ပေါ်လာဘီး သူ့ကိုယ်သူ ရေးပါရာရော့‑က်ဟှူ လူဖြစ်ဟှယ် ဆိုဟှူကြောန့် သူ့နော့‑က်ဟှိုလိုက်ဟှူ သူလေဟှာ ၄၀၀ လော့‑က်ရှိလာဟှယ်။ အယ်ဘေမဲ့ သူသတ်ခံရဘီးန သူ့ဟှိုယောင်ကြည်ဟှူလေဟှာ ဖ္လဲဖ္လဲစင်ဖြစ်ဟှားဘီး သူ့ရဲ့လှောက်ရှားမှုလည်း ပျော့‑က်ကွယ်ဟှားဟှယ်။ 
\v 37 အယ်ဘီးန သန်းဂေါန်စာရင်းကော့‑က်ဟှူ ခီမာ ဂါလိလဲနယ်သား ယုဒဟှာ ပေါ်လာဘီး လူလေဟှာ သူ့ဟှို အားကိုးလာအောန် စည်းရောင်းလေဟှယ်။ သူလည်းဘဲ့ သတ်ခံရဘီးန သူ့ဟှို ကိုးစားဟှူ လူလေဟှာ ဖ္လဲဖ္လဲစင် ဖြစ်ဟှားဂေ့ဟှယ်။ 
\v 38 ခုကိစမာလည်း နန်းနို့ဟှို ငါပြောမယ်။ အယ်လူလေဟှို ရေးယူဂေ့န။ သူးနို့ဇာသူးနို့ နေပါစေ! သူးနို့ ကြံစည်ဘီး လောက်ဟှူဇာဟှာ လူဟှဖြစ်လာဟှယ် ဆိုဟှာ အယ်ကိစဟှာ ပျစ်ရလေ့မယ်။ 
\v 39 အယ်ဘေမဲ့ ဘုရားသခင်ဟှနေ ဖြစ်လာဟှူ ကြံစည်ဆိုဟှာ အယ်လူလေဟှို နန်းနို့ တားဆီးနိုင်ဟှ။ နော့‑က်ဘီး ဘုရားသခင်ဟှို ဆန့်ကျင်မျိုးဘဲ့ ဖြစ်ဟှားနိုင်ဟှယ်!” ဆိုဘီး ပြောဟှယ်။
\p ယုဒ တရားလွှတ်တော်ဟှာ ဂါမလျေလရဲ့ ကြံဉာဏ်ဟှို နားထောန်ဂေ့လေဟှယ်။ 
\v 40 သူးနို့ဟှ တမန်တော်လေဟှို ခေါ်ဘီး ကီဒန်ပေးဘီးန “ယေရှုနာမဟှို မှီပြုဘီး ဟောပြောဇာဟှို နော့‑က်တခါလောက်န” ဆိုဘီး မိန့်ပေးဘီး လွှတ်လိုက်ဂေ့ဟှယ်။ 
\v 41 တမန်တော်လေဟှာ ယေရှုရဲ့ နာမတော်တွပ် ရှစ်ကွဲခံရဟှူဇာဟှာ ထိုက်တန်ဟှယ် ဆိုဘီး ဘုရားသခင်သတ်မှတ်ဟှားကြောန့် ဝန်းသာအားရန တရားလွှတ်တော်ဟှနေ ထွပ်ဟှားဂေ့ဟှယ်။ 
\v 42 အယ်ဘီးန သူးနို့ဟှာ နေ့တိုင်း ဗိမာန်တော်မာရော၊ လူလေရဲ့ အီမာရော ယေရှုဟှာ မေရှိယဖြစ်ဟှူကြောန်း ဒန်းကောန်းဟှို ဆစ်ဘီးဟှာ ဟောပြောဂေ့ဟှယ်။
\c 6
\s လောက်ဖော်ဆောန်ဖတ် ခွန်နစ်ယော့‑က်ကြောန်း
\p
\v 1 အယ်နေ့ရစ်လေမာ တဗဲ့တော်လေဟှာ ဘောင်ဂီးဖြစ်လာဘီး ဟေလသစကားပြောဟှူ ယုဒလူလေန\f + \fr ၆.၁ \fr*\ft ဟေလသစကားန ဟေလသယဉ်ကျေးမှုလေရဲ့ လွှမ်းမိုးဇာခံရဟှူ ယုဒလူမျိုးလေ။\ft*\f* ဒေသခံ ယုဒလူလေဟှာ ရန်ဖြစ်ဂေ့ဟှယ်။ ဟေလသစကားပြောဟှူ ယုဒလူလေဟှ သူးနို့ရဲ့ မောက်ဆိုးမလေဟှို ကူညီဘဲထားဟှားဟှယ် ဆိုဘီး ယုဒလူလေဟှို ပြစ်တန်ဂေ့ဟှယ်။ 
\v 2 အယ်ကြောန့် တမန်တော် ဆယ့်နှေ့ပါးဟှာ တဗဲ့တော်လေဟှို ခေါ်ဘီးန “နို့လေဟှာ ဘုရားသခင်ရဲ့ စကားတော်ဟှို ဟောပြောဘဲန ဗွဲမာစေခံနေမယ် ဆိုဟှာ ကောန်းဟှ။ 
\v 3 ညီကို မောန်နှမလေ၊ နန်းနို့ထဲမာ သန့်ရှင်းဟှူဝိညာဉ်တော်နရော၊ ဉာဏ်ပညာနရော ပ္လဲ့ဝဘီးဟှာ အသရေရှိဟှူလူ ခွန်နစ်ယော့‑က်ဟှို ဝီးဂေ့ပါ။ နို့လေဟှာ အယ်လူလေဟှို အယ်တာဝန်တွပ် ခန့်ဟှားဟှို့တွပ် ထော့‑က်ခံမယ်။ 
\v 4 နို့လေဟှ ဆုတောန်းဇာ၊ တရားဟောဇာလေဟှို လောက်ဆောန်ဇာနဘဲ့ ခီဟှိုကူစေမယ်” ဆိုဘီး ပြောဟှယ်။
\p
\v 5 တမန်တော်လေရဲ့ကြံဟှို တဗဲ့တော်လေဟှ ကြိုက်ဂေ့ဟှယ်။ အယ်ကြောန့် သူးနို့ဟှာ ယောင်ကြည်ရှင်းနရော၊ သန့်ရှင်းဟှူဝိညာဉ်တော်နရော ပ္လဲ့ဝဟှူ သတေဖန်န ဖိလိပ္ပု၊ ပြောခေါ်၊ နိကနော်၊ တိမုန်၊ ပါမေနန ယုဒဘာသာဟှို ပ္လောန်းလဲလာဟှူ အန္တိအုတ်ဗြို့သား နိကောလလေဟှို ဝီးကော့‑က်ဂေ့ဟှယ်။ 
\v 6 သူးနို့ဟှာ အယ်လူလေဟှို တမန်တော်လေရှေ့ဟှို သွားခိုင်းလိုက်ဂေ့ဟှယ်။ အယ်ဘီးန တမန်တော်လေဟှာ ဆုတောန်းဘီးန သူးနို့ထတ်မာ လတ်ဟှိုတန်ဂေ့ဟှယ်။
\p
\v 7 ဘုရားသခင်ရဲ့ စကားတော်ဟှာ ဆစ်ဘီး ပ္လံ့နှံ့ဟှားဟှယ်။ ယေရုရှလင်ဗြို့မာ တဗဲ့တော်လေရဲ့ ရေတွပ်ဟှာ ရရာတိုင်းတိုးပွားလာဟှယ်။ ယဇ်ပုရောဟိတ်လေ ဘောင်ဂီးလည်း ဒန်းကောန်းဟှို ယောင်ကြည်ဘီး လတ်ခံလာဂေ့ဟှယ်။
\s သတေဖန်ဟှို ဖမ်းဂေ့ကြောန်း
\p
\v 8 သတေဖန်ဟှာ ဘုရားသခင်ရဲ့ ကျေးဇူးတော်နရော၊ တဂိုးတော်နရော ပ္လဲ့ဝဘီး ရရာတိုင်းကီးဟှူ အံ့ဩဘွယ်လေန နိမိတ်လတ်ခဏာလေဟှို လူလေရှေ့မာ ပြလေဟှယ်။ 
\v 9 အယ်ခီမာ ကုရေနေန အာလေဇန္ဒြိယဗြို့ဟှ ယုဒလူလေန လွတ်လပ်ဟှူလူလေ\f + \fr ၆.၉ \fr*\fk လွတ်လပ်ဟှူလူလေ၊ \fk*\ft အယ်လူလေဟှာ ကျွန်ဖြစ်ဖူးဟှူ ယုဒလူလေ ဖြစ်ဂေ့ဟှယ်၊ အယ်ဘေမဲ့ သူးနို့ဟှို ဝယ်ဘီးဟှာ လွတ်လပ်ခွမ့်ပေးလိုက်ဟှယ်။\ft*\f*ရဲ့ ဝါလယ်ဇရပ်ရဲ့ ဖွဲ့ဝမ်တချို့ဟှာ သူ့ဟှို ပြဿနာရှာဂေ့ဟှယ်။ အယ်လူလေနတူးဒူ ကိလိကိပြည်န အာရှိပြည်ဟှ ယုဒလူတချို့ဟှာ သတေဖန်န စဘီးဂြင်းဂေ့ဟှယ်။ 
\v 10 အယ်ဘေမဲ့ သတေဖန်ဟှာ ဝိညာဉ်တော်ပေးဟှားဟှူ ဉာဏ်ပညာန ပြောဟှူ ခီမာ အယ်လူလေဟှာ သူ့ဟှို ချေပနိုင်ဂေ့ဟှ။ 
\v 11 အယ်ကြောန့် သူးနို့ဟှာ လူလေဟှို “အယ်လူဟှာ မောရှေဟှိုရော၊ ဘုရားသခင်ဟှိုရော စော်ကားဘီး ပြောနေဇာဟှို နို့လေကြားဟှယ်” ဆိုဘီး ပြောဟှို့တွပ် လာဘ်ထိုးဂေ့ဟှယ်။ 
\v 12 အယ်မျိုးဘဲ့ သူးနို့ဟှာ သတ်ကီးဝါဂီးလေ၊ ကျမ်းတတ်ဆရာလေန လူထုဟှို နှိုးဆော်ပေးဂေ့ဟှယ်။ အယ်လူလေဟှာ သတေဖန်ဟှို ဖမ်းဘီးဟှာ တရားလွှတ်တော်ဟှို ခေါ်ဟှားဂေ့ဟှယ်။ 
\v 13 အယ်ဘီးန သူးနို့ဟှာ မှန်ဘဲ့ဟှူ သတ်သေလေဟှို ခေါ်လာဂေ့ဟှယ်။ သတ်သေခံဟှူလူလေဟှ “အယ်လူဟှာ သန့်ရှင်းဟှူဗိမာန်တော်န မောရှေရဲ့ ပညတ်တရားဟှို ဆန့်ကျင်ဘီးဟှာ မြဲဒမ်းပြောဂေ့ဟှယ်။ 
\v 14 နာဇရက်ဗြို့သား ယေရှုဟှာ ဗိမာန်တော်ဟှို ဖြိုခ္လဘီး ကျွန်တော့်ဟှားလေဟှို မောရှေပေးဟှားဟှူ ထောင်းဒန်းစဉ်လာလေဟှို ပ္လောန်းလဲစေမယ် ဆိုဘီး အယ်လူပြောနေဇာဟှို ကျွန်တော့်ဟှားလေ ကြားဂေ့ဟှယ်” ဆိုဘီး ထွပ်ဆိုဂေ့ဟှယ်။ 
\v 15 တရားလွှတ်တော်မာ ထိုင်နေဂေ့ဟှူ လူလေ အားလောင်းဂူဟှ သတေဖန်ဟှို စေ့စေ့ကေ့ဟှူ ခီမာ သူ့မျစ်နှာဟှာ ကောန်းဂန်တမန်ရဲ့ မျစ်နှာမျိုး ဖြစ်နေဟှယ် ဆိုဇာဟှို တွိဗြင်ဂေ့ဟှယ်။
\c 7
\s သတေဖန်ရဲ့ ပြောကြားချစ်
\p
\v 1 အယ်ခီမာ ယဇ်ပုရောဟိတ်မန်းဟှ “အယ်စွပ်စွဲချစ်ဟှာ မှန်ဘဲ့လော” ဆိုဘီး သတေဖန်ဟှို မေးဟှယ်။
\p
\v 2 သတေဖန်ဟှ “ညီကိုလေန ဖလေ၊ ငါ့စကားဟှို နားထောန်ဂေ့ပါ။ နို့လေရဲ့ဖ အာဗြဟံဟှာ ခါရန်ဗြို့မာ နေဟှို့တွပ် သွားခန်မာ မေသောပေါတာမိပြည်မာ ရှိနေဒူးမာ ဘုရားသခင်ရဲ့ ဖောင်းသရေတော်ဟှာ သူ့နားမာ ပေါ်လာဘီး 
\v 3 ဘုရားသခင်ဟှ ‘နန့်ရဲ့ ပြည်န နန့်ရဲ့ မိသားစုဟှို ထားရစ်ဘီးဟှာ ငါပြဟှူ ပြည်ဟှို သွားပါ’ ဆိုဘီး သူ့ဟှို မိန့်တော်မူလေဟှယ်။ 
\v 4 အယ်ကြောန့် အာဗြဟံဟှာ ခါလဒဲပြည်ဟှနေ ထွပ်လာဘီး ခါရန်ဗြို့မာ နေဟှို့တွပ် သွားလေဟှယ်။ သူ့ဖ သေဟှားဘီးန အယ်ဗြို့ဟှနေ ခု နန်းနို့ နေဟှူပြည်ဟှို ဘုရားသခင်ဟှ ပ္လောန်းခိုင်းလိုက်ဟှယ်။ 
\v 5 အယ်ဘီးန ဘုရားသခင်ဟှာ အာဗြဟံဟှို အယ်ပြည်မာ ခေခ္လဟှို့ နေရာဟှိုမျှ ပေးဟှ။ အယ်ဘေမဲ့ သူကိုယ်တိုင်န သူ့ရဲ့ သားမ္လေးလေဟှို အယ်ပြည်ဟှို ပိုင်ပေးမယ် ဆိုဘီး ဂဒိပေးလေဟှယ်။ ဘုရားသခင်ဟှာ အယ်မျိုး ဂဒိပေးဟှူ ခီဒူးဟှ အာဗြဟံမာ သားမီးလေ မှေ့သေးဟှ။ 
\v 6 ဘုရားသခင်ဟှ အာဗြဟံဟှို ‘နန့်ရဲ့ မ္လေးမ္လစ်လေဟှာ နိုင်ငံရပ်ခြားမာ နေရဂေ့လေ့မယ်။ အယ်နိုင်ငံဟှ လူလေဟှာ သူးနို့ဟှို ကျွန်ခံစေဘီးဟှာ နှစ်ပေါန်း ၄၀၀ လောင်းလောင်း ညှဉ်းဆဲဇာဟှို ခံရဂေ့လေ့မယ်။ 
\v 7 အယ်ဘေမဲ့ ဘုရားသခင်ဟှာ သူးနို့ဟှို ကျွန်ခံခိုင်းဟှူ လူလေဟှိုလည်း ငါစီရင်မယ်။ အယ်ဘီးန နန့်ရဲ့ သားမ္လေးလေဟှာ အယ်ပြည်ဟှနေ လွတ်မြော့‑က်ဂေ့ဘီးဟှာ အယ်နေရာမာ ငါ့ဟှို ကိုးကွယ်ဘီး ဝတ်ပြုဂေ့လေ့မယ်’ ဆိုဘီး ပြောလေဟှယ်။ 
\v 8 အယ်ဘီးန ဘုရားသခင်ဟှာ ရေဖျားလှီးဇာနဆိုင်ဟှူ ပဋိညာဉ်ဟှိုလည်း အာဗြဟံဟှို ပေးလေဟှယ်။ အယ်ကြောန့် အာဗြဟံဟှာ ဣဇာက်ဟှို မွီးဘီးန ရှစ်ရစ်မြော့‑က်နေ့မာ ရေဖျားလှီးပေးဟှယ်။ ဣဇာက်ဟှာ သူ့သားယာကုပ်၊ ယာကုပ်ဟှာ လူမျိုးဆယ့်နှေ့မျိုးရဲ့ ဘိုးဘေးလေဖြစ်ဟှူ သူ့သား ဆယ့်နှေ့ယော့‑က်ဟှိုလည်း ရေဖျားလှီးပေးလေဟှယ်။
\p
\v 9 “ယာကုပ်ရဲ့ သားလေဟှာ သူးနို့ညီ ယောသပ်ဟှို နာလိုဘဲကြောန့် အဲဂုတ္တုပြည်မာ ကျွန်ခံဟှို့တွပ် ရောန်းလိုက်ဂေ့ဟှယ်။ အယ်ဘေမဲ့ ဘုရားသခင်ဟှာ သူ့နတူးဒူ ရှိနေဟှူကြောန့်၊ 
\v 10 သူ့ရဲ့ ဒေါက်ခဆင်းရဲလေ ထဲဟှနေဘီး ကယ်တန်လိုက်ဟှယ်။ ဘုရားသခင်ဟှာ ယောသပ်ဟှို အဲဂုတ္တုပြည်ရဲ့ ဖာရောမန်းဂီးရှေ့မာ မျစ်နှာသာရစေဟှယ်။ သူ့ဟှိုလည်း ဉာဏ်ပညာပေးလေဟှယ်။ ဖာရောမန်းဂီးဟှာ သူ့ဟှို အဲဂုတ္တုပြည်န သူ့ရဲ့ နန်းတော်တခုလောင်းဟှို အောက်ချောက်မားဖြစ် သူ့ဟှို ခန့်ဟှားလေဟှယ်။ 
\v 11 အဲဂုတ္တုပြည်န ခါနာန်ပြည်လေမာ စာခေါန်းဗားဘေး ရော့‑က်လာဟှူ ခီမာ လူလေဟှ ရရာတိုင်း ဒေါက်ခရော့‑က်ဂေ့ဟှယ်။ နို့လေရဲ့ ဘိုးဘေးလေမာလည်း စားဇာမှေ့ဂေ့ဟှမ်း။ 
\v 12 အယ်ဘေမဲ့ အဲဂုတ္တုပြည်မာ စားဇာလေရှိနေဟှယ် ဆိုဇာဟှို ယာကုပ်ကြားရခီမာ သူ့ရဲ့ သားလေဟှို အယ်ပြည်ဟှို ပထမခါ လွှတ်လိုက်ဂေ့ဟှယ်။ 
\v 13 သူးနို့ဟှာ ဒုတိယခါ ရော့‑က်လာဂေ့ဟှူ ခီမာ ယောသပ်ဟှာ သူ့ညီကိုလေဟှို သူဟှာ ဖယ်လူဖြစ်ဟှယ် ဆိုဇာဟှို ပြောပြလိုက်ဟှယ်။ ဖာရောဟှာ ယောသပ်ရဲ့ မိသားစုကြောန်းဟှို သိဟှားဟှယ်။ 
\v 14 အယ်ကြောန့် ယောသပ်ဟှာ သူ့ဖ ယာကုပ်နတူးဒူ ခွန်နစ်ဆယ်ငါးယော့‑က်ရှိဟှူ မိသားတစုလောင်းဟှို အဲဂုတ္တုပြည်ဟှို ခေါ်လိုက်ဟှယ်။ 
\v 15 အယ်ကြောန့် ယာကုပ်ဟှာ အဲဂုတ္တုပြည်ဟှို သွားဟှယ်။ အယ်ပြည်မာဘဲ့ သူ့န သူ့သားလေဟှာ သေဟှားဂေ့ဟှယ်။ 
\v 16 သူးနို့ရဲ့ လောန်းလေဟှို ရှေခင်ဗြို့ဟှို ယူဆောန်ဟှားဘီးဟှာ အာဗြဟံဝယ်ဟှားရစ်ဟှူ သန်းခ္လိုင်းမာ သင်္ဂြိုဟ်ဂေ့ဟှယ်။ အယ်သန်းခ္လိုင်းဟှ ဟာမော်ရဲ့ သားလေနားဟှ ကပ်န ဝယ်ဟှားဟှယ်။
\p
\v 17 “ဘုရားသခင်ဟှာ အာဗြဟံဟှို ပေးဟှားဟှူ ဂဒိတော်ဟှို ပ္လဲ့ဇောင်ဟှို့တွပ် ခီနီးလာဟှူ ခီမာ အဲဂုတ္တုပြည်မာ ဣသရေလ လူလေဟှို လူဦးရေတိုးပွားစေဟှယ်။ 
\v 18 အယ်ခီမာ အဲဂုတ္တုပြည်မာ ယောသပ်ဟှို သိဘဲဟှူ မန်းဂီးတပါး ပေါ်လာဟှယ်။ 
\v 19 အယ်မန်းဂီးဟှာ နို့လေရဲ့ ဘိုးဘေးလေဟှို လှည့်စားဘီး သူးနို့ဟှို နှိစစ်ဂေ့ဟှယ်။ သူးနို့ရဲ့ သားဂန်းဟှားလေဟှိုလည်း သေစေဟှို့တွပ် အီပ္လန်မာ ပစ်ဟှားခိုင်းဟှယ်။ 
\v 20 အယ်ခီကာလမာ မောရှေဟှာ မွီးလာဟှယ်။ မောရှေဟှာ ဘုရားသခင်ရှေ့မာ ရရာတိုင်း နားလူဘွယ်ကောန်းဟှူ သားဂန်းဟှား ဖြစ်ဟှယ်။ သူ့မိသားစုရဲ့ သောင်းလ လောင်းလောင်း စောန့်ရှော့‑က်ဇာဟှို ခံရဘီး၊ 
\v 21 သူဟှာ အီပ္လန်မာ ပစ်ဟှားခံရဟှူ ခီမာ ဖာရောမန်းဂီးရဲ့ သမီးတော်ဟှ သူ့ဟှို သားနေန မွီးဇားလေဟှယ်။ 
\v 22 မောရှေဟှာ အဲဂုတ္တုလူလေရဲ့ တတ်ပညာ အားလောင်းဂူ သန်ဟှားဘီး နှလောင်းရည်၊ လတ်ရောင်းရည်လေန ပ္လဲ့ဇောင်ဟှူလူ ဖြစ်ဟှယ်။”
\p
\v 23 “သူဟှာ သတ်လေးဆယ်ပ္လဲ့ဟှူ ခီမာ သူ့ညီကိုလေဖြစ်ဟှူ ဣသရေလ လူလေနားဟှို သွားလည်ဟှို့တွပ် စိဆောင်းဖြတ်လိုက်ဟှယ်။ 
\v 24 ဣသရေလလူ တယော့‑က်ဟှို အဲဂုတ္တုလူ တယော့‑က်ဟှ ညှင်းဆဲနေဇာဟှို ဗြင်ဟှူ ခီမာ သူ့လူဖတ်ဟှနေ ဝမ်ကူညီဘီး အဲဂုတ္တုလူဟှို သတ်လိုက်ဘီးဟှာ ဂလဲ့စားချေလေဟှယ်။ 
\v 25 မောရှေဟှာ သူ့ရဲ့ ညီကို မောန်နှမလေဟှို ကယ်တန်ဟှို့တွပ် သူးနို့ဟှို ဘုရားသခင်ဟှ လွှတ်လိုက်ဟှယ် ဆိုဇာဟှို သူးနို့လေဟှ နားလည်ဂေ့လေ့မယ် ဆိုဘီး ထန်ဟှားဟှယ်။ အယ်ဘေမဲ့ အယ်လူလေဟှာ နားလည်ဂေ့ဟှ။ 
\v 26 နော့‑က်တနေ့မာ ဣသရေလလူ နှေ့ယော့‑က်ဟှာ ရန်ဖြစ်နေဂေ့ဇာဟှို ဗြင်ဟှူ ခီမာ မောရှေဟှ ‘နန်းနို့ဟှာ ညီကိုရှင်းဖြစ်ဘီးဟှာ ဖြားဖြစ်ကြောန့် ရန်ဖြစ်နေဂေ့နူး’ ဆိုဘီး သူးနို့ဟှို မေးဘီး ရန်ငြီးဟှို့တွပ် ကြိုးစားလေဟှယ်။ 
\v 27 အယ်ဘေမဲ့ နိုင်ကျင့်နေဟှူလူဟှာ မောရှေဟှို ဘေးဟှိုတွန်းလိုက်ဘီးန ‘နို့လေဟှို တရားစီရင်ဟှို့တွပ် အောက်ချောက်မားဖြစ် နန့်ဟှို ဖယ်သူဟှ ခန့်ဟှားနူး။ 
\v 28 နတ်ကီးဒူးဟှ အဲဂုတ္တုလူ တယော့‑က်ဟှို သတ်မျိုး ငါ့ဟှိုလည်း သတ်ဟှို့လော’ ဆိုဘီး မေးဟှယ်။ 
\v 29 မောရှေဟှာ အယ်စကားဟှို ကြားဟှူ ခီမာ အဲဂုတ္တုပြည်ဟှနေ ထွပ်ပ္လေးဟှားဘီး မိဒျန်ပြည်မာ နေလေဟှယ်။ အယ်ပြည်မာ သားနှေ့ယော့‑က်ဟှို ရလေဟှယ်။
\p
\v 30 “နှစ်လေးဆယ် ကြာဘီးန သိနာတောန်နားဟှ ကန္တာရထဲမာ မီးလောန်နေဟှူ ချောင်ထဲမာ ကောန်းဂန်တမန် တပါးဟှာ မောရှေဟှို ကိုယ်ထန်ရှားပြလေဟှယ်။ 
\v 31 အယ်မူဇာဟှို ဗြင်ဟှူ ခီမာ မောရှေဟှာ ရရာတိုင်း အံ့ဩဘီးန ရှင်းရှင်းလန်းလန်းဟှား ဗြင်ရဟှို့တွပ် နီးနားဟှို တိုးဟှားဟှယ်။ အယ်ဘေမဲ့ ဘုရားသခင်ဟှ 
\v 32 ‘ငါဟှာ နန်းနို့ ဘိုးဘေးလေရဲ့ ဘုရားသခင်၊ အာဗြဟံ၊ ဣဇာက်၊ ယာကုပ်ရဲ့ ဘုရားသခင် ဖြစ်ဟှယ်’ ဆိုဘီး သံတော်ဟှို ကြားရဟှူကြောန့် မောရှေဟှာ ကြော့‑က်လန့် တူလှောက်ဟှားဘီး ကေ့ဟှို့ရဲဘဲ ဖြစ်ဟှားဟှယ်။ 
\v 33 ဘုရားသခင်ဟှ ‘နန် ခေနန်းဟှားဟှူ နေရာဟှာ သန့်ရှင်းဟှူမ္လေ ဖြစ်ဟှယ်။ နန့်ခေနပ်ဟှို ခလွတ်လိုက်။ 
\v 34 အဲဂုတ္တုပြည်မာ ငါ့လူမျိုးလေဟှို နှိစစ်ခံနေရဇာဟှို ငါဗြင်ရဟှယ်။ သူးနို့ရဲ့ ညည်းတွားသံလေဟှို ငါကြားရဟှယ်။ သူးနို့ဟှို ကယ်တန်ဟှို့တွပ် ငါဆင်းလာဘီ။ အယ်ကြောန့် ခုလာခဲ့။ နန့်ဟှို အဲဂုတ္တုပြည်ဟှို ငါလွှတ်မယ်’ ဆိုဘီး မောရှေဟှို မိန့်တော်မူလေဟှယ်။”
\p
\v 35 “မောရှေဟှာ ဣသရေလလူမျိုးလေရဲ့ ပစ်ပယ်ခံရဟှူလူ ဖြစ်ဟှယ်။ အယ်ဘီးဟှာ ‘နို့လေဟှို တရားစီရင်ဟှို့တွပ် အောက်ချောက်မားဖြစ် နန့်ဟှို ဖယ်သူဟှ ခန့်ဟှားနူး’ ဆိုဘီး အယ်လူလေရဲ့ မေးဇာဟှိုလည်း ခံရဟှယ်။ အယ်ဘေမဲ့ သူဟှာ ဣသရေလ လူမျိုးလေဟှို အောက်ချောက်ဟှို့တွပ် မီးတော့‑က်နေဟှူ ချောင်ထဲမာ ထန်ရှားဟှူ ကောန်းဂန်တမန် တပါးရဲ့ ကူညီန ဣသရေလလူမျိုးလေ လွတ်မြော့‑က်ဟှို့တွပ် ဘုရားသခင် လွှတ်လိုက်ဟှူလူ ဖြစ်ဟှယ်။ 
\v 36 သူဟှာ အဲဂုတ္တုပြည်န ပန်လယ်နီမာရော၊ နှစ်လေးဆယ် လောင်းလောင်း တောကန္တာရထဲမာရော အံ့ဩဘွယ်ရာန နိမိတ်လတ်ခဏာလေဟှို ပြဘီး ဣသရေလ လူမျိုးလေဟှို အဲဂုတ္တုပြည်ဟှနေ ခေါ်ဆောန်လာဟှူ လူဖြစ်ဟှယ်။ 
\v 37 အယ်မောရှေဟှာ ဣသရေလ လူမျိုးလေဟှို ‘နန်းနို့ရဲ့ ညီကိုလေထဲမာ ငါ့နတူဟှူ ပရောဖက်တပါးဟှို ဘုရားသခင်ဟှာ နန်းနို့တွပ် ပေါ်ခိုင်းလေ့မယ်’ ဆိုဘီး ပြောဟှူလူ ဖြစ်ဟှယ်။ 
\v 38 သူဟှာ တောကန္တာရမာ စုနေဟှူ ဣသရေလ လူမျိုးလေနရော၊ နို့လေ ဘိုးဘေးလေနရော၊ သိနာတောန်ထတ်မာ သူ့ဟှို စကားပြောဟှူ ကောန်းဂန်တမန်နရော တူးဒူရှိနေဟှူလူ ဖြစ်ဟှယ်။ နို့လေဟှို ပြောဟှို့တွပ် ဘုရားသခင်နားဟှနေ သတ်ရှင်စေဟှူ တရားတော်ဟှို ရလာဟှူလူလည်း ဖြစ်ဟှယ်။”
\p
\v 39 “အယ်ဘေမဲ့ နို့လေရဲ့ ဘိုးဘေးလေဟှာ သူ့စကားဟှို နားထောန်ဂေ့ဟှ။ သူ့ဟှို ငြင်းပယ်ဘီးဟှာ သူးနို့ရဲ့ စိနှလောင်းဟှ အဲဂုတ္တုပြည်ဟှို ပ္လန်ရှင်ဂေ့ဟှယ်။ 
\v 40 သူးနို့ဟှာ ‘နို့လေရှေ့ဟှ ကြွဟှားမယ့် ဘုရားလေဟှို နို့လေတွပ် လောက်ပေးပါ။ နို့လေဟှို အဲဂုတ္တုပြည်ဟှနေ ခေါ်ဆောန်လာဟှူ အယ်မောရှေဟှ ဖယ်မျိုးဖြစ်ဟှားဟှယ်ဆိုဇာ နို့လေသိဂေ့ဟှ’ ဆိုဘီး အာရုန်ဟှို ပြောဂေ့ဟှယ်။ 
\v 41 အယ်ဘီးန သူးနို့ဟှာ နွားသားဂန်းဟှား ရောက်ထုဟှို လောက်ဘီးဟှာ သူးနို့လတ်န လောက်ဟှားဟှူရောက်ထုဟှို ယဇ်ပူဇော်ဘီးဟှာ စားဗွဲသော့‑က်ဗွဲ လောက်ဂေ့ဟှယ်။ 
\v 42 အယ်ကြောန့် ဘုရားသခင်ဟှာ သူးနို့ဟှို မျစ်နှာလွှဲဘီးဟှာ ကောန်းဂန်ကြယ်တာရာလေဟှို ကိုးကွယ်ဂေ့ဟှို့တွပ် စွန့်ပစ်ဟှားလိုက်ဟှယ်။ ပရောဖက်ကျမ်းမာ”
\q1 “‘ဣသရေလ လူမျိုးလေ၊ နန်းနို့ဟှာ တောကန္တာရမာ နှစ်လေးဆယ် လောင်းလောင်း
\q2 ယဇ်ကောန်လေဟှို ပူဇော်ဟှို့တွပ်
\q1 ငါ့နားဟှို ယူလာဖူးဘဲ့လော။
\q1
\v 43 နန်းနို့ဟှာ မောလုပ်ရဲ့ တဲန
\q2 နန်းနို့ရဲ့ ဘုရား ရှင်ဖန်ရဲ့ ကြယ်လေဟှို သယ်လာဂေ့ဟှယ်။
\q1 အယ်ဇာလေဟှာ နန်းနို့ ကိုးကွယ်ဟှို့တွပ် လောက်ဟှားဟှူ ရောက်ထုလေ ဖြစ်ဂေ့ဟှယ်။
\q2 အယ်ကြောန့် နန်းနို့ဟှို ဗာဗုလုန်ဗြို့ဟှို ကျော်ဘီးဟှာ ခေါ်ဆောန်ဟှားမယ်’ ဆိုဘီး ရေးဟှားတိုင်းဘဲ့ ဖြစ်လာဟှယ်။”
\p
\v 44 “နို့လေရဲ့ ဘိုးဘေးလေတွပ် တောကန္တာရမာ သတ်သေခံဟှူ တဲတော် ရှိဟှယ်။ မောရှေဟှို ဘုရားသခင်ပြဟှားဟှူ ပေါင်ဇံတိုင်း သတ်သေခံဟှူ တဲတော်ဟှို ဆော့‑က်ဂေ့ဟှယ်။ 
\v 45 နို့လေရဲ့ ဘိုးဘေးလေဟှာ သူးနို့ရဲ့ ဖလေနားဟှနေ အယ်တဲတော်ဟှို မွေဆစ်ခံဘီးဟှာ ဘုရားသခင် နှန်ထုဟှူ လူမျိုးလေရဲ့ ပြည်ဟှို ယောရှုနတူးဒူ ချီတတ်ဘီးဟှာ သီးပိုက်ဂေ့ဟှူ ခီမာ အယ်တဲတော်ဟှို သယ်ဟှားဂေ့ဟှယ်။ အယ်တဲတော်ဟှ ဒါဝိဒ်မန်းဂီး လတ်ထတ်ထိ ရှိနေဟှယ်။ 
\v 46 ဒါဝိဒ်ဟှာ ဘုရားသခင်ရှေ့မာ မျစ်နှာသာရဟှူလူ ဖြစ်ဟှယ်။ အယ်ဘီးဟှာ ယာကုပ်ရဲ့ ဘုရား\f + \fr ၇.၄၆ \fr*\fq ယာကုပ်ရဲ့ ဘုရား၊ \fq*\ft တချို့ မူရင်းလတ်ရေးမူလေမာ \ft*\fqa ဣသရေလလူလေ၊ \fqa*\ft ဆိုဘီး ပါရှိဟှယ်။\ft*\f* ကျိန်းဝပ်ဘီးနေဟှူ ဗိမာန်တော်ဟှို ဆော့‑က်ရဟှို့တွပ် ဘုရားသခင်ဟှို တောန်းရှော့‑က်ဟှယ်။ 
\v 47 အယ်ဘေမဲ့ ဘုရားသခင်ရဲ့ ဗိမာန်တော်ဟှို ဆော့‑က်ခွမ့်ရဟှူ လူဟှ ရှောလမုန်မန်းဂီး ဖြစ်လေဟှယ်။”
\p
\v 48 “အယ်ဘေမဲ့ ဗြစ်ဆောင်းဖြစ်ဟှူ ဘုရားသခင်ဟှာ လူလတ်န ဆော့‑က်ဟှားဟှူ အီမာ ကျိန်းဝပ်ဟှ ဆိုဘီး ပရောဖက်ဟှပြောဟှယ်။”
\q1
\v 49 ဘုရားသခင်ဟှ “ ‘ကောန်းဂန်ဘောင်ဟှာ ငါ့ရဲ့ ပလ္လင်ဖြစ်ဟှယ်။
\q2 မ္လေဂီးဟှာ ငါ့ရဲ့ ခေတန်ခေါင် ဖြစ်ဟှယ်။
\q1 နန်းနို့ဟှာ ဖြားအီမျိုး ငါ့တွပ် ဆော့‑က်ဂေ့ဟှို့နူး။
\q2 ငါကျိန်းဝပ်နေဟှူ နေရာဟှာ ဖယ်မာနူး။
\q1
\v 50 ငါကိုယ်တိုင်ဘဲ့ အယ်ဇာလေဟှို
\q2 ဖန်ဆင်းဇာ မှုဟှလော’ ”
\m ဆိုဘီး မိန့်တော်မူလေဟှယ်။
\p
\v 51 “နန်းနို့ဟှာ ရရာတိုင်း ခေါန်းမာဂေ့ဟှယ်! နန်းနို့ စိနှလောင်းဟှာ ဘုရားသခင်ရဲ့ တရားတော်ဟှို ကြားရဟှို့တွပ် နားပန်းဂေ့ဟှယ်! နန်းနို့ဟှာ နန်းနို့ ဘိုးဘေးလေမျိုးဘဲ့ သန့်ရှင်းဟှူဝိညာဉ်တော်ဟှို မြဲဒမ်းဆန့်ကျင်ဂေ့ဟှယ်။ 
\v 52 နန်းနို့ ဘိုးဘေးလေ ညှဉ်းဆဲဖူးဘဲဟှူ ပရောဖက်လေ ရှိဘဲ့လော။ သူးနို့ဟှာ ဘုရားသခင်ရဲ့ ဖြောန့်မတ်ဟှူစေခံ ကြွလာမယ့် ကြောန်းဟှို ကြိုတန်ဘီးဟောဂေ့ဟှူ ပရောဖက်လေဟှို သတ်ပစ်ဂေ့ဟှယ်။ ခုလည်း နန်းနို့ဟှာ အယ်သခင်ဟှို သတ်လိုက်ဂေ့ဟှယ်။ 
\v 53 နန်းနို့လေဟှာ ကောန်းဂန်တမန်လေဟှနေ တဆင့် ပေးလိုက်ဟှူ ပညတ်တော်ဟှို ရဘေမဲ့ အယ်ပညတ်တော်ဟှို လိုက်နာဂေ့ဟှ” ဆိုဘီး သတေဖန်ဟှ ပြောလေဟှယ်။
\s သတေဖန်ဟှို က္လော့‑က်ခဲန ပစ်ဂေ့ကြောန်း
\p
\v 54 ယုဒတရားလွှတ်တော် ဖွဲ့ဝမ်လေဟှာ အယ်စကားဟှို ကြားရဟှူ ခီမာ ရရာတိုင်း ဒေါသထွပ်ဘီးဟှာ အံက္လိနေဂေ့ဟှယ်။ 
\v 55 သတေဖန်ဟှာ သန့်ရှင်းဟှူဝိညာဉ်တော်န ပ္လဲ့ဝဘီး ကောန်းဂန်ဟှို ကေ့လိုက်ဟှူ ခီမာ ဘုရားသခင်ရဲ့ ဖောင်းသရေတော်န ဘုရားသခင်ရဲ့ ညာဖတ်မာ ယေရှုရပ်နေဇာဟှို ဗြင်နေရဟှယ်။ 
\v 56 သတေဖန်ဟှ “ငါဟှာ ကောန်းဂန်ပွမ့်နေဇာန လူ့ရဲ့သားဟှာ ဘုရားသခင်ရဲ့ ညာဖတ်မာ ရပ်နေဇာဟှို ငါဗြင်ရဟှယ်” ဆိုဘီး ပြောဟှယ်။
\p
\v 57 အယ်လူလေဟှာ သံက္လယ်ဂီး အော်ဘီးဟှာ သူးနို့ရဲ့ နားလေဟှို လတ်န ပိဟှားဘီးဟှာ သတေဖန်နားဟှို တရှီထိုး ပ္လေးလာဂေ့ဘီးဟှာ၊ 
\v 58 သူ့ဟှို ဗြို့ပ္လန်ဟှို ဆွဲထုဘီးန က္လော့‑က်ခဲန ပစ်ဂေ့ဟှယ်။ သိသတ်သေလေဟှာ သူးနို့ အန်းဂီလေဟှို ရှောလုနာမယ်ရှိဟှူ လူငယ် တယော့‑က်နားမာ ထားရစ်ဂေ့ဟှယ်။ 
\v 59 သူးနို့ဟှာ က္လော့‑က်ခဲန ပစ်နေဟှူ ခီမာ သတေဖန်ဟှာ “သခင်ယေရှု၊ ကျွန်တော့်ရဲ့ ဝိညာဉ်ဟှို လတ်ခံတော်မူပါ” ဆိုဘီး ဆုတောန်းဟှယ်။ 
\v 60 သူဟှာ ဒူးထော့‑က်ဘီးဟှာ “သခင်ဘုရား၊ သူးနို့ရဲ့ ပြစ်ဟှို ခွမ့်လွှတ်ပေးပါ ဆိုဘီး သံက္လယ်ဂီး အော်ဘီးန သေဟှားလေဟှယ်။”
\c 8
\p
\v 1 ရှောလုဟှာ သတေဖန် သတ်ခံရဟှူ မှုမာ သတ်သေ ဖြစ်ဟှယ်။
\s ရှောလုဟှာ သင်းတော်ဟှို ညှဉ်းဆဲဟှူကြောန်း
\p အယ်နေ့မာဘဲ့ ယေရုရှလင်ဗြို့ဟှ သင်းတော်မာ ပြင်းထန်ဟှူ ညှဉ်းဆဲဇာလေဟှာ စဘီး ဖြစ်လာဟှယ်။ အယ်ကြောန့် တမန်တော်လေဟှလွဲဘီး ယောင်ကြည်သူလေ အားလောင်းဟှာ ယုဒပြည်န ရှမာရိပြည်လေဟှို ထွပ်ပ္လေးဂေ့ဟှယ်။
\p
\v 2 ဘုရားတရားဟှို ရိုသေဟှူ လူတချို့ဟှာ သတေဖန်ဟှို သင်္ဂြိုဟ်ဘီး သူ့တွပ် ရရာတိုင်း ငိုဂေ့ဟှယ်။
\p
\v 3 \x - \xo ၈.၃ \xo*\xt တ ၂၂.၄,၅; ၂၆.၉–၁၁\xt*\x*အယ်ဘေမဲ့ ရှောလုဟှာ အီဘီးအီ ဝမ်ဘီးဟှာ ယောင်ကြည်သူ ယော့‑က်ကျားလေန မီးမလေဟှို ဆွဲထုဘီး ထောန်ထဲမာ ခ္လဟှားဘီး သင်းတော်ဟှို ဖျစ်ဆီးဟှို့တွပ် ကြိုးစားနေဟှယ်။
\s ရှမာရိပြည်မာ ဒန်းကောန်းဟောပြောကြောန်း
\p
\v 4 ဖ္လဲဖ္လဲစင်ဖြစ်ဟှားဟှူ ယောင်ကြည်သူလေဟှာ နေရာတိုင်းဟှို သွားဘီးဟှာ ဒန်းကောန်းဟှို ဟောပြောဂေ့ဟှယ်။ 
\v 5 ဖိလိပ္ပုဟှာ ရှမာရိပြည်ရဲ့ ဓိကဗြို့တော်\f + \fr ၈.၅ \fr*\fq ဓိကဗြို့တော်၊ \fq*\ft တချို့ မူရင်းလတ်ရေးမူလေမာ \ft*\fqa ဗြို့တဗြို့၊ \fqa*\ft ဆိုဘီး ပါရှိဟှယ်။\ft*\f*ဟှို သွားဘီး ခရစ်တော်ကြောန်းဟှို ဟောပြောဟှယ်။ 
\v 6 လူလေဟှာ ဖိလိပ္ပုပြဟှူ နိမိတ်လတ်ခဏာလေဟှို ဗြင်ဟှူ ခီမာ သူ့ရဲ့ တရားစကားဟှို အာရောင်စိုက်ဘီး နားထောန်ဂေ့ဟှယ်။ 
\v 7 နတ်ဆိုးစွဲနေဟှူ လူလေဘောင်ဂီးထဲဟှနေ နတ်ဆိုးလေဟှာ သံက္လယ်ဂီးန အော်ဘီးဟှာ ထွပ်ဟှားဂေ့ဟှယ်။ လေဖြတ်ဟှူလူ၊ ခေလတ်သန်ဘဲ့ဟှူ လူလေဟှာ ရောဂါပျော့‑က်ဟှားဂေ့ဟှယ်။ 
\v 8 အယ်ကြောန့် အယ်ဗြို့မာ ရရာတိုင်း ဝန်းသာဟှားဂေ့ဟှယ်။
\p
\v 9 အယ်ဗြို့မာ ရှိမုန် နာမယ်ရှိဟှူလူ တယော့‑က်ရှိဟှယ်။ သူဟှာ သူ့ရဲ့ နတ်ဝိဇ္ဇာပညာန ရှမာရိ လူမျိုးလေဟှို အံ့ဩစေဘီး သူ့ကိုယ်သူ ထူးမြတ်ဟှူလူ ဖြစ်ဟှယ် ဆိုဘီး ဝါကြွားလေဟှယ်။ 
\v 10 အယ်ဗြို့မာရှိဟှူ လူတန်းစား အားလောင်းဟှ သူ့ဟှို အာရောင်စိုက်ဘီး “အယ်လူဟှာ ဘုရားသခင်ရဲ့ ‘မဟာတဂိုးတော်’ ဖြစ်ဟှယ်” ဆိုဘီး ပြောဂေ့ဟှယ်။ 
\v 11 သူးနို့ဟှာ ရှိမုန်ဟှို အာရောင်စိုက်နေဇာဟှ သူဟှာ ခီကြာဂီး နတ်ဝိဇ္ဇာပညာန အံ့ဩစေဟှူကြောန့် ဖြစ်ဟှယ်။ 
\v 12 အယ်ဘေမဲ့ ဘုရားသခင်ရဲ့ နိုင်ငံတော်ကြောန်းန ယေရှုခရစ်တော်ကြောန်း ဒန်းကောန်းဟှို ဖိလိပ္ပုဟှ ဟောဟှူ ခီမာ အယ်လူလေဟှာ ယောင်ကြည်လာဂေ့ဘီးဟှာ ယော့‑က်ကျားလေရော မီးမလေပါ ဗတ္တိဇံဟှို ခံဂေ့ဟှယ်။ 
\v 13 ရှိမုန် ကိုယ်တိုင်လည်း ယောင်ကြည်ဘီး ဗတ္တိဇံဟှို ခံဘီးန ဖိလိပ္ပုနားမာ နေနေဟှယ်။ သူဟှာ ကီးမားဟှူ အံ့ဩဘွယ်လေန နိမိတ်လတ်ခဏာလေဟှို ဗြင်ရဟှူ ခီမာ အံ့ဩနေဟှယ်။
\p
\v 14 ရှမာရိပြည်သားလေဟှာ ဘုရားသခင်ရဲ့ စကားတော်ဟှို ခံယူဂေ့ဟှယ် ဆိုဇာဟှို ယေရုရှလင်ဗြို့မာရှိဟှူ တမန်တော်လေ ကြားရဟှူ ခီမာ ပေတရုန ယောဟန်လေဟှို သူးနို့နားဟှို လွှတ်လိုက်ဂေ့ဟှယ်။ 
\v 15 တမန်တော်နှေ့ပါးဟှာ ရော့‑က်လာဟှူ ခီမာ သန့်ရှင်းဟှူဝိညာဉ်တော်ဟှို ယောင်ကြည်သူ လူသစ်လေ လတ်ခံရရှိဟှို့ ဆိုဘီး သူးနို့တွပ် ဆုတောန်းဂေ့ဟှယ်။ 
\v 16 ဖြားဖြစ်ကြောန့်နူးဆိုဟှာ သူးနို့လေဟှာ သခင်ယေရှု နာမတော်နှိုက် ဗတ္တိဇံဟှို ခံယောင်မျှဘဲ့ ရှိသေးဘီး သန့်ရှင်းဟှူဝိညာဉ်တော်ဟှာ အယ်လူလေထဲဟှ ဖယ်လူထတ်မာလည်း ရော့‑က်လာသေးဟှ။ 
\v 17 အယ်ဘီးန ပေတရုန ယောဟန်လေဟှာ သူးနို့ထတ်ဟှို လတ်တန်ဂေ့ဟှူ ခီမာ သူးနို့ဟှာ သန့်ရှင်းဟှူဝိညာဉ်တော်ဟှို ခံရဂေ့ဟှယ်။
\p
\v 18 တမန်တော်လေ လတ်တန်ဟှူ ခီမာ သန့်ရှင်းဟှူဝိညာဉ်တော်ဟှို အယ်ယောင်ကြည်သူလေ ရရှိဟှားဟှယ် ဆိုဇာဟှို ရှိမုန်ဟှ ဗြင်ဟှားဟှူကြောန့် ကပ်ဟှို ယူလာဘီးဟှာ၊ 
\v 19 “ကျွန်တော် လတ်တန်လိုက်ဟှူ လူတိုင်းဟှာ သန့်ရှင်းဟှူဝိညာဉ်တော်ဟှို ရဟှို့တွပ် တဂိုးအာဏာဟှို ကျွန်တော်ဟှိုလည်း ပေးပါ” ဆိုဘီး တောန်းလိုက်ဟှယ်။
\p
\v 20 ပေတရုဟှ “နန်ဟှာ ဘုရားသခင်ရဲ့ ဆုကျေးဇူးဟှို ကပ်န ဝယ်နိုင်ဟှယ် ဆိုဘီး ထန်မှတ်ဟှူကြောန့် နန့်ရဲ့ ကပ်ဟှာ နန့်နတူးဒူ ပျစ်စီးပါစေ။ 
\v 21 ဘုရားသခင်ရှေ့မာ နန့်ရဲ့ စိနှလောင်းဟှာ ဖြောန့်ဘဲဟှူကြောန့် နို့လေရဲ့ လောက်ထဲမာ ပါဝမ်ခွမ့် မှေ့ဟှ။ နန့်ဝီစုလည်း မှေ့ဟှ။ 
\v 22 အယ်မျိုး ဆိုးညစ်ဟှူ ကြံစည်ဟှို နောန်ဒရဘီး အယ်မျိုးစိနှလောင်းထဲမာ ကြံစည်မိဟှူဇာဟှို ပြစ်လွှတ်ခံရဟှို့တွပ် သခင်ဘုရားနားမာ ဆုတောန်းပါ။ 
\v 23 ဖြားဖြစ်ကြောန့်နူးဆိုဟှာ နန်ဟှာ ရိုးသားဘဲဟှူစိန ပ္လဲ့နေဘီးဟှာ ပြစ်ရဲ့ ချောက်နှောန်ဇာထဲမာ ရှိနေဇာဟှို ငါဗြင်ဟှယ်” ဆိုဘီး ပြောဟှယ်။
\p
\v 24 ရှိမုန်ဟှ “သင်ပြောနေဇာလေ တခုလည်းဖြစ်ဘဲဟှို့တွပ် သခင်ဘုရားဟှို ကျွန်တော်တွပ် ဆုတောန်းပေးဂေ့ပါ” ဆိုဘီး တောန်းဗန်လေဟှယ်။
\p
\v 25 ပေတရုန ယောဟန်လေဟှာ သခင်ဘုရားရဲ့ စကားတော်ဟှို သတ်သေခံဘီးဟှာ ဟောပြောဘီးန ယေရုရှလင်ဗြို့ဟှို ပ္လန်ဟှားဂေ့ဟှယ်။ ပ္လန်ခရီးမာ သူးနို့ဟှာ ရှမာရိဝါလေမာ ဒန်းကောန်းဟှို ဟောပြောဂေ့ဟှယ်။
\s ဖိလိပ္ပုန အဲသယောပိ ရာရှိကြောန်း
\p
\v 26 ဘုရားသခင်ရဲ့ ကောန်းဂန်တမန်ဟှာ ဖိလိပ္ပုဟှို “နန်ဟှာ ထဘီးဟှာ ယေရုရှလင်ဗြို့ဟှနေ ဂါဇဗြို့ဟှို သွားဟှူလမ်းတိုင်း တောန်ဖတ်\f + \fr ၈.၂၆ \fr*\fq တောန်ဖတ်၊ \fq*\ft အယ်မျိုးမှုဘဲနေဟှာ \ft*\fqa မွန်းဒဲ့။\fqa*\f*ဟှို သွားလိုက်” ဆိုဘီး ပြောလိုက်ဟှယ်။ ခုခီမာ အယ်လမ်းဟှို သောင်းဂေ့ဟှမ်း။\f + \fr ၈.၂၆ \fr*\fq ခုခီမာ အယ်လမ်းဟှို သောင်းဂေ့ဟှမ်း၊ \fq*\ft အယ်မျိုးမှုဘဲနေဟှာ \ft*\fqa အယ်လမ်းဟှာ ကန္တာရလမ်းဖြစ်ဟှယ်။\fqa*\f* 
\v 27 အယ်ကြောန့် ဖိလိပ္ပုဟှာ ထဘီးဟှာ သွားလေဟှယ်။ အယ်ဘီးန အဲသယောပိပြည်ဟှ မိဖုရား ကန္ဒက်ရဲ့ မှူးမတ်ဂီးဖြစ်ဘီး မိဖုရားရဲ့ ဘဏ္ဍာအားလောင်းဟှို စီမံခန့်ခွဲရဟှူ အဲသယောပိပြည်သား တယော့‑က်ဟှာ ယေရုရှလင်ဗြို့ဟှို လာရော့‑က် ဝတ်ပြုကိုးကွယ်ဘီး 
\v 28 ပ္လန်လမ်းမာ သူ့ရဲ့ ဗြင်းရထားထတ်မာ ထိုင်ဘီး ပရောဖက် ဟေရှာယရဲ့ ကျမ်းစာဟှို ဖတ်နေဟှယ်။ 
\v 29 ဝိညာဉ်တော်ဟှာ ဖိလိပ္ပုဟှို “အယ်ဗြင်းလှည်းနားဟှို သွားလိုက်” ဆိုဘီး ပြောဟှယ်။ 
\v 30 ဖိလိပ္ပုလည်း ပ္လေးဟှားဘီးဟှာ ပရောဖက်ဟေရှာယကျမ်းဟှို အယ်လူဟှာ ဖတ်နေဇာဟှို ကြားဟှူ ခီမာ “နန်ဖတ်နေဇာဟှို နားလည်ဘဲ့လော” ဆိုဘီး မေးလိုက်ဟှယ်။
\p
\v 31 အယ်ရာရှိဟှာ “ရှင်းပြပေးမယ့်လူ မှေ့ဘဲန ဖယ်မျိုးနားလည်ဟှို့နူး” ဆိုဘီး ပ္လန်ဖြေလေဟှယ်။ သူဟှာ ဖိလိပ္ပုဟှို ဗြင်းလှည်းထတ်ဟှို တတ်ခိုင်းဘီးဟှာ သူ့နတူးဒူ ထိုင်ဟှို့တွပ် တိုက်တွန်းလိုက်ဟှယ်။ 
\v 32 အယ်လူဖတ်နေဟှူ ကျမ်းချစ်ဟှ
\q1 “သတ်ခံရဟှို့တွပ် ဆွဲခေါ်ဟှားဟှူ သိုးမျိုးဘဲ့ သူ့ဟှို ယူဆောန်ဟှားဂေ့ဟှယ်။
\q2 မွီးညှပ်မားရှေ့မာ သိုးသားဂန်းဟှားဟှာ
\q2 သူ့နှောက်ဟှို ပိဟှားမျိုး သူဟှာ သူ့နှောက်ဟှို ဖွမ့်ဘဲနေဟှယ်။
\q1
\v 33 သူဟှာ ရှောက်ခ္လဇာဟှို ခံရဘီး
\q2 တရားမျှတမှုတွပ် ငြင်းပယ်ခံရဟှယ်။
\q1 အယ်လောကဟှာ သူ့သတ်ဟှို ရောက်သီးဟှားကြောန့်
\q2 ဖယ်လူလည်း သူ့ရဲ့ သားမ္လေးလေကြောန်းဟှို ပြောပြနိုင် ဂေ့ဟှ”
\m ဆိုဘီး ပြောဟှယ်။
\p
\v 34 အယ်ရာရှိဟှ “နန့်ဟှို မေးအူးမယ်။ ပရောဖက်ဟှာ ဖယ်လူရဲ့ ကြောန်းဟှို ပြောနေနူး။ သူ့ကိုယ်သူ ပြောနေဇာလော။ တခြားလူ တယော့‑က် ကြောန်းလော” ဆိုဘီး ဖိလိပ္ပုဟှို မေးဟှယ်။ 
\v 35 ဖိလိပ္ပုဟှာ အယ်ကျမ်းပိုဒ်နဘဲ့ စပြုဘီးဟှာ ယေရှုကြောန်း ဒန်းကောန်းဟှို ပြောလေဟှယ်။ 
\v 36 သူးနို့ဟှာ ဆစ်ဘီးဟှာ ခရီးသွားနေဂေ့ဟှူ ခီမာ ရေရှိဟှူနေရာဟှို ရော့‑က်ဟှားဂေ့ဘီး အယ်ရာရှိဟှ “အယ်နေရာမာရေရှိဟှယ်။ ကျွန်တော် ဗတ္တိဇံခံဟှို့တွပ် တားဆီးမယ့် ဇာလေရှိလော” ဆိုဘီး ပြောဟှယ်။ 
\v 37 \f + \fr ၈.၃၇ \fr*\ft တချို့ မူရင်းလတ်ရေးမူလေမာ ခန်းငယ် ၃၇ ဟှို၊ \ft*\fqa ဖိလိပ္ပုဟှ သူ့ဟှို “နန်ဟှာ စိနှလောင်းန ယောင်ကြည်မယ် ဆိုဟှာ နှစ်ရှင်းခံနိုင်ဟှယ်၊” ဆိုဘီး ပြောဟှယ်။ သူဟှ “ငါလောက်မယ်၊ ဘုရားသခင်ရဲ့ သားတော် ယေရှုခရစ်ဟှို ငါယောင်ကြည်ဟှယ်၊” \fqa*\ft ဆိုဘီး ထပ်ပေါန်းထဲ့ဟှားဟှယ်။\ft*\f*
\p
\v 38 ရာရှိဟှာ ဗြင်းလှည်းဟှို ရပ်ခိုင်းလိုက်ဟှယ်။ အယ်ဘီးန သူးနို့ နှေ့ယော့‑က်ဟှာ ရေထဲဟှို ဆင်းဟှားဂေ့ဘီးဟှာ ဖိလိပ္ပုဟှာ ရာရှိဟှို ဗတ္တိဇံပေးလိုက်ဟှယ်။ 
\v 39 သူဟှာ ရေထဲဟှ ထလာဟှူ ခီမာ ဘုရားသခင်ရဲ့ ဝိညာဉ်တော်ဟှာ ဖိလိပ္ပုဟှို တခြားနေရာဟှို ယူဆောန်ဟှားလေဟှယ်။ ရာရှိဟှာ ဖိလိပ္ပုဟှို နော့‑က်ထပ် တွိရဟှမ်း။ သူဟှာ ဝန်းသာရှင်းပ္လဲ့န ခရီးဆစ်ဟှားလေဟှယ်။ 
\v 40 ဖိလိပ္ပုဟှာ အာဇုတ်ဗြို့ဟှို ရော့‑က်ရှိနေဇာဟှို သိရဟှယ်။ အယ်ဘီးန ကဲသရိဗြို့ဟှို ရော့‑က်ဒဲ့ထိ ဗြို့တိုင်းမာ ဒန်းကောန်းဟှို ဟောပြောလေဟှယ်။
\c 9
\s ရှောလု ပ္လောန်းလဲဟှူကြောန်း
\r (တမန်တော် ၂၂.၆–၁၆; ၂၆.၁၂–၁၈)
\p
\v 1 အယ်ခီမာ ရှောလုဟှာ သခင်ဘုရားရဲ့ တဗဲ့တော်လေဟှို သတ်ဟှို့တွပ် ချီးခြော့‑က်နေဟှယ်။ သူဟှာ ယဇ်ပုရောဟိတ်မန်း နားဟှို သွားဘီးဟှာ၊ 
\v 2 သခင်ဘုရားရဲ့ လမ်းစဉ်ဟှို လိုက်ရှော့‑က်ဟှူ ယော့‑က်ကျားန မီးမလေဟှိုတွိမယ် ဆိုဟှာ အယ်လူလေဟှို ဖမ်းဘီးဟှာ ယေရုရှလင်ဗြို့ဟှို ခေါ်လာနိုင်ဟှို့တွပ် ဒမာသက်ဗြို့မာရှိဟှူ ဝါလယ်ဇရပ်လေဟှို မှာစာလေဟှို ရေးပေးဟှို့တွပ် တောန်းရှော့‑က်လေဟှယ်။
\p
\v 3 ရှောလုဟှာ ဒမာသက်ဗြို့နားဟှို ရော့‑က်ခါနီးမာ ကောန်းဂန်ဟှနေ လန်းရောန်တခုဟှာ သူ့ပတ်လည်မာ ရောက်တရစ် ထွန်းတော့‑က်လာဟှယ်။ 
\v 4 သူဟှာ မ္လေဂီးထတ်ဟှို လဲက္လဘီးန “ရှောလု၊ ရှောလု နန်ဟှာ ဖြားဖြစ်ကြောန့် ငါ့ဟှို ညှဉ်းဆဲနူး” ဆိုဘီး သူ့ဟှို မေးနေဟှူ သံဟှို ကြားရဟှယ်။
\p
\v 5 ရှောလုဟှ “သခင်၊ ကိုယ်တော်ဟှ ဖယ်သူနူး” ဆိုဘီး မေးလျှော့‑က်လိုက်ဟှယ်။ သံတော်ဟှ “ငါဟှာ နန်ညှဉ်းဆဲနေဟှူ ယေရှုဘဲ့ဖြစ်ဟှယ်။”
\p
\v 6 “အယ်ဘေမဲ့ ထဘီးဟှာ ဗြို့ထဲဟှို သွားလိုက်။ အယ်နေရာမာ နန်လောက်ရဟှို့ ဇာလေဟှို ငါပြောပြမယ်” ဆိုဘီး မိန့်တော်မူလေဟှယ်။
\p
\v 7 ရှောလုနတူးဒူ ခရီးသွားနေဂေ့ဟှူ လူလေဟှာ အယ်သံဟှို ကြားရဘေမဲ့ ဖယ်လူဟှိုလည်း ဗြင်ရဘဲ့ဟှူကြောန့် တွေဝေဘီးဟှာ ရပ်နေဂေ့ဟှယ်။ 
\v 8 ရှောလုဟှာ မ္လေဂီးဟှထဘီးန မျစ်စိဟှို ဖွမ့်လိုက်ဟှူ ခီမာ ဖြားလည်း ဗြင်ရဟှမ်း။ အယ်ကြောန့် အယ်လူလေဟှာ သူ့လတ်ဟှို ဆွဲဘီးဟှာ ဒမာသက်ဗြို့ထဲဟှို ခေါ်ဆောန်ဟှားဂေ့ဟှယ်။ 
\v 9 သူဟှာ သောင်းရစ်လောင်းလောင်း မျစ်ကန်းဖြစ်ဟှားဘီး ဖြားဇာလည်း စားသော့‑က်ဘဲန နေလေဟှယ်။
\p
\v 10 ဒမာသက်ဗြို့မာ အာနနိ နာမယ်ရှိဟှူ တဗဲ့တော် တယော့‑က်ရှိဟှယ်။ ရူပါရောင်ထဲမာ သခင်ဘုရားဟှ အာနနိဟှို “အာနနိ!” ဆိုဘီး ခေါ်လိုက်ဟှယ်။
\p အာနနိဟှ “ကျွန်တော်ရှိပါဟှယ်။ သခင်ဘုရား” ဆိုဘီး ပ္လန်ဖြေလိုက်ဟှယ်။
\p
\v 11 သခင်ဘုရားဟှ “နန်ထဘီး လမ်းဖြောန့် နာမယ်ရှိဟှူ လမ်းဟှိုသွားလိုက်။ တာရှုဗြို့သား ရှောလု နာမယ်ရှိဟှူ လူဟှို ယုဒရဲ့အီမာ မေးလိုက်ပါ။ သူဟှာ ဆုတောန်းနေဟှယ်။ 
\v 12 သူဟှာ မျစ်စိ ပ္လန်ဗြင်ရဟှို့တွပ် အာနနိ နာမယ်ရှိဟှူလူ လာဘီးဟှာ သူ့ထတ်မာ လတ်လာတန်ဇာဟှို ရူပါရောင်ထဲမာ ဗြင်ဟှားပီးဘီ” ဆိုဘီး မိန့်တော်မူလေဟှယ်။
\p
\v 13 အာနနိဟှ “သခင်ဘုရား၊ အယ်လူဟှာ ယေရုရှလင်ဗြို့မာရှိဟှူ ကိုယ်တော်ရဲ့ သန့်ရှင်းဟှူ လူလေဟှို ဖယ်မျှလော့‑က် ဒေါက်ခပေးဟှယ် ဆိုဇာ လူလေဘောင်ဂီးနားဟှနေ ကျွန်တော်ကြားရဟှယ်။ 
\v 14 ကိုယ်တော်နာမဟှို ဆုတောန်းဟှူ လူလေရှိမျှဟှို ဖမ်းဟှို့တွပ် ယဇ်ပုရောဟိတ်ဂီးလေရဲ့ ခွမ့်အာဏာန ဒမာသက်ဗြို့ဟှို လာဟှူလူဖြစ်ဟှယ်” ဆိုဘီး ရှော့‑က်လိုက်ဟှယ်။
\p
\v 15 သခင်ဘုရားဟှ “သွားလိုက်။ အယ်လူဟှို လူမျိုးခြားလေ၊ မန်းဂီးလေန ဣသရေလလူမျိုးလေဟှို ငါ့နာမဟှို ကြေညာဟှို့တွပ် ငါဝီးကော့‑က်ဟှားဟှယ်။ 
\v 16 ငါ့ရဲ့ နာမတော်ကြောန့် သူခံရမယ့် ဆင်းရဲဒေါက်ခကြောန်းဟှို သူ့ဟှို ငါကိုယ်တိုင် ဖော်ပြမယ်” ဆိုဘီး ပြောလေဟှယ်။
\p
\v 17 အယ်ကြောန့် အာနနိဟှာ ရှောလုရှိဟှူအီဟှို သွားဘီး ရှောလုထတ်မာ လတ်ဟှိုတန်ဘီးန “ညီရှောလု၊ နန့်မျစ်စိ ပ္လန်ဗြင်ဟှို့တွပ်ရော၊ သန့်ရှင်းဟှူဝိညာဉ်တော်န ပ္လဲ့ဝဟှို့တွပ်ရော လမ်းမာနန့်ဟှို ထန်ရှားပြဟှူ သခင်ယေရှုဟှာ ငါ့ဟှို နန့်နားဟှို လွှတ်လိုက်ဟှယ်” ဆိုဘီး ပြောဟှယ်။ 
\v 18 ရှစ်ရှင်းဘဲ့ ရှောလုရဲ့ မျစ်စိဟှနေ ငါးကြေးလေဟှာ ကွာက္လမျိုးဖြစ်ဘီးဟှာ မျစ်စိပ္လန်ဗြင်ဟှားဟှယ်။ သူဟှာ ထဘီးန ဗတ္တိဇံခံလေဟှယ်။ 
\v 19 သူဟှာ စားဇာစားဘီးန ခွန်အား ပ္လဲ့လာလေဟှယ်။
\s ဒမာသက်ဗြို့မာ ရှောလု ဟောပြောကြောန်း
\p ရှောလုဟှာ ဒမာသက်ဗြို့မာ တဗဲ့တော်လေန ရစ်နဲနဲ ကြာအောန်နေလေဟှယ်။ 
\v 20 ရှစ်ရှင်းဘဲ့ ဝါလယ်ဇရပ်လေဟှို သွားဘီးဟှာ ယေရှုဟှာ ဘုရားသခင်ရဲ့ သားတော်ဖြစ်ဟှယ် ဆိုဇာဟှို စဘီးဟှာ ဟောပြောဟှယ်။
\p
\v 21 သူ့စကားဟှို ကြားဟှူလူလေဟှာ အံ့ဩဂေ့ဘီးဟှာ “အယ်လူဟှာ ယေရုရှလင်ဗြို့မာ ယေရှုဟှို ကိုးကွယ်ဟှူ လူလေဟှို သတ်ဟှူလူ မှုဟှလော။ သူဟှာ အယ်လူလေဟှို ဖမ်းဘီးဟှာ ယဇ်ပုရောဟိတ်ဂီးလေနားဟှို ပို့ဟှူလူ မှုဟှလော” ဆိုဘီး မေးဂေ့ဟှယ်။
\p
\v 22 အယ်ဘေမဲ့ ရှောလုရဲ့ ဟောပြောချစ်ဟှာ တဂိုးန ပိုဘီးဟှာ ပ္လဲ့ဇောင်လာဘီး သခင်ယေရှုဟှာ မေရှိယဖြစ်ဟှယ် ဆိုဇာဟှို သတ်သေပြဘီး ဟောပြောဟှူကြောန့် ဒမာသက်ဗြို့မာနေဟှူ ယုဒလူမျိုးလေဟှ ပ္လန်ဘီးချေပဟှို့ နိုင်ဂေ့ဟှ။
\p
\v 23 \x - \xo ၉.၂၃–၂၅ \xo*\xt ၂ ကော ၁၁.၃၂,၃၃\xt*\x* ရစ်လေကြာဟှားဘီးန ရှောလုဟှို သတ်ဟှို့တွပ် ယုဒလူမျိုးလေဟှာ ကြံစည်ဂေ့ဟှယ်။ 
\v 24 အယ်ဘေမဲ့ သူးနို့ရဲ့ စီစဉ်လေဟှို ရှောလုဟှ သိဟှားဟှယ်။ သူးနို့ဟှာ ရှောလုဟှို သတ်ဟှို့တွပ် နေ့ရော၊ ညဉ့်ရော ဗြို့ရဲ့ ခွဗော့‑က်နားမာ စောန့်နေဂေ့ဟှယ်။ 
\v 25 ရှောလုရဲ့ တဗဲ့လေဟှာ ညဉ့်ခန်းဇာမာ သူ့ဟှိုယူဘီးန တောန်းထဲဟှို ထဲ့ဘီးဟှာ ဗြို့ရိုးထတ်ဟှနေ ရှောခ္လဂေ့ဟှယ်။
\s ယေရုရှလင်ဗြို့ဟှို ရှောလု ပ္လန်ဘီးဟှာ ရော့‑က်လာကြောန်း
\p
\v 26 သူဟှာ ယေရုရှလင်ဗြို့ဟှို ရော့‑က်လာဟှူ ခီမာ တဗဲ့လေန ပေါန်းဟှို့တွပ် ကြိုးစားဟှယ်။ အယ်ဘေမဲ့ သူဟှာ တဗဲ့တော်တယော့‑က် ဖြစ်ဟှယ် ဆိုဇာဟှို သူးနို့လေဟှာ ယောင်ကြည်ဘဲ့ကြောန့် သူ့ဟှို ကြော့‑က်နေဂေ့ဟှယ်။ 
\v 27 အယ်ဘီးန ဗာနဗဟှာ သူ့ဟှို ကူညီဘီး တမန်တော်လေနားဟှို ခေါ်လာဟှယ်။ ရှောလုဟှာ လမ်းမာ သခင်ဘုရားဟှို ဗြင်ရဟှူဇာလေရော၊ ဒမာသက်ဗြို့မာ ယေရှုရဲ့နာမန ဖယ်မျှထိ ရဲရဲရင့်ရင့်ဟှား ဟောဇာလေဟှိုရော သူဟှ သူးနို့ဟှို ရှင်းပြလေဟှယ်။ 
\v 28 ရှောလုဟှာ တမန်တော်လေနတူးဒူ နေဘီး ယေရုရှလင်ဗြို့ဟှို နှံ့အောန်သွားဘီးဟှာ သခင်ဘုရားရဲ့ နာမတော်ဟှို ရဲရဲရင့်ရင့်ဟှား ဟောပြောဟှယ်။ 
\v 29 သူဟှာ ဟေလသစကားပြောဟှူ ယုဒလေန ဆွေးနွီး ပြောဆိုဂေ့ဟှယ်။ အယ်ဘေမဲ့ အယ်လူလေဟှာ သူ့ဟှို သတ်ဟှို့တွပ် ကြံစည်ဂေ့ဟှယ်။ 
\v 30 အယ်ဒန်းဟှို ညီကိုလေဟှ ကြားရဟှူ ခီမာ သူ့ဟှို ကဲသရိဗြို့ဟှို ခေါ်ဆောန်ဟှားဘီး တာရှုဗြို့ဟှို ပို့ဂေ့ဟှယ်။
\p
\v 31 အယ်ကြောန့် ယုဒပြည်၊ ဂါလိလဲပြည်န ရှမာရိပြည် နေရာနှံ့မာရှိဟှူ သင်းတော်ဟှာ ငြီသတ်ဟှူ ကာလဟှို ရဂေ့ဟှယ်။ သင်းတော်ဟှာ သခင်ဘုရားဟှို ကြော့‑က်ရွံ့ ရိုသေဇာန သတ်ရှင်ဘီး သန့်ရှင်းဟှူဝိညာဉ်တော်ရဲ့ ကူညီရှင်းကြောန့် ခိုင်ခန့်မြဲမြံဟှားဘီး သင်းသားလေ ဘောင်ဂီးဖြစ်လာဟှယ်။
\s ပေတရုဟှာ လုဒ္ဒဗြို့န ယုပ္ပေဗြို့ဟှို ရော့‑က်ဟှားကြောန်း
\p
\v 32 ပေတရုဟှာ နေရာတိုင်းဟှို သွားဘီး လုဒ္ဒဗြို့မာရှိဟှူ ဘုရားသခင်ရဲ့ သန့်ရှင်းသူလေနားဟှို ရော့‑က်ဟှားဟှယ်။ 
\v 33 အယ်ဗြို့မာ လေဖြတ်ဘီးဟှာ ရှစ်နှစ်လောင်းလောင်း အိယာထဲမာ လဲနေဟှူ အဲနေနာမယ်ခေါ်ဟှူ လူတယော့‑က်ဟှို တွိဟှားဟှယ်။ 
\v 34 ပေတရုဟှ “အဲနေ၊ ယေရှုခရစ်တော်ဟှာ နန့်ဟှို ကျန်းမာစေဘီ။ ထဘီးဟှာ အိယာဟှို ကော့‑က်လိုက်” ဆိုဘီး သူ့ဟှို ပြောလိုက်ဟှယ်။ အဲနေဟှာ ရှစ်ရှင်းဘဲ့ ထလိုက်ဟှယ်။ 
\v 35 လုဒ္ဒဗြို့န ရှာရုန်ဗြို့မာနေဟှူ လူလေ အားလောင်းဂူဟှာ အဲနေဟှို ဗြင်ဘီး သခင်ဘုရားဖတ်ဟှို ပ္လောန်းလဲလာဂေ့ဟှယ်။
\p
\v 36 ယုပ္ပေဗြို့မာ တဗိသနာမယ်ရှိဟှူ တဗဲ့တော်မ တယော့‑က်ရှိဟှယ်။ သူ့နာမယ်ဟှ ဟေလသစကားန ဆိုဟှာ “ဒေါ်ကာ” ဖြစ်ဘီး “သမင်” ဆိုဘီး ဓိပါယ်ရဟှယ်။ သူဟှာ မြဲဒမ်း ကောန်းဇာဟှို လောက်ဘီး ဆင်းရဲသားလေဟှို ကူညီဟှယ်။ 
\v 37 အယ်ခီမာ သူဟှာ ဖျားဘီး သေဟှားလေဟှယ်။ သူ့လောန်းဟှို ရေချိုးပေးဂေ့ဘီးဟှာ အီထတ်ခန်းမာ ထားဟှားဂေ့ဟှယ်။ 
\v 38 လုဒ္ဒဗြို့န ယုပ္ပေဗြို့ဟှာ ရရာတိုင်း ဝီးဘဲကြောန့် လုဒ္ဒဗြို့မာ ပေတရုရှိနေဇာဟှို တဗဲ့တော်လေကြားဟှူ ခီမာ “ကျွန်တော့်ဟှားလေနားဟှို ဗြန်းဗြန်ဟှားလာပါ” ဆိုဘီး လူနှေ့ယော့‑က်ဟှို ပေတရုနားဟှို လွှတ်လိုက်ဘီး တောန်းဗန်ဂေ့ဟှယ်။ 
\v 39 အယ်ကြောန့် ပေတရုဟှာ အယ်လူနှေ့ယော့‑က်န လိုက်ဟှားဟှယ်။ သူရော့‑က်ဟှူ ခီမာ လူလေဟှာ သူ့ဟှို အီထတ်ခန်းဟှို ခေါ်ဟှားဂေ့ဟှယ်။ မောက်ဆိုးမလေဟှာ ပေတရုနားမာ လာငိုဘီးဟှာ ဒေါ်ကာသေခန်ဒူးဟှ ချောက်ဟှားဟှူ အန်းဂီလေန ဝတ်ရောင်လေဟှို ပြဂေ့ဟှယ်။ 
\v 40 ပေတရုဟှာ အယ်လူလေဟှို ခန်းပ္လန်ဟှို ထွပ်ခိုင်းဘီးဟှာ ဒူးထော့‑က် ဆုတောန်းလိုက်ဟှယ်။ အယ်ဘီးန လောန်းဖတ်ဟှို လှည့်ဘီးဟှာ “တဗိသ ထလိုက်” ဆိုဘီး ပြောလိုက်ဟှယ်။ ဒေါ်ကာဟှာ မျစ်စိပွမ့်ဘီးန ပေတရုဟှို ဗြင်ဟှူ ခီမာ ထထိုင်လိုက်ဟှယ်။ 
\v 41 ပေတရုဟှာ လတ်ဟှို ကမ်းပေးဘီးန အယ်မီးမဟှို ဆွဲထူလိုက်ဟှယ်။ အယ်ဘီးန သန့်ရှင်းသူလေန မောက်ဆိုးမလေဟှို ခေါ်ဘီးဟှာ သတ်ရှင်နေဟှူ ဒေါ်ကာဟှို ပေးလိုက်ဟှယ်။ 
\v 42 အယ်ဒန်းဟှို ယုပ္ပေဗြို့ တဗြို့လောင်း ကြားရဟှူ ခီမာ လူလေဘောင်ဂီးဟှ သခင်ဘုရားဟှို ယောင်ကြည်ဂေ့ဟှယ်။ 
\v 43 ပေတရုဟှာ ယုပ္ပေဗြို့မာနေဟှူ၊ ရှိမုန် နာမယ်ရှိဟှူ သရေလောက်မားန ခီကြာဂီးနေလေဟှယ်။
\c 10
\s ပေတရုန ကော်နေလိကြောန်း
\p
\v 1 ကဲသရိဗြို့မာ ကော်နေလိ နာမယ်ရှိဟှူ လူတယော့‑က်ရှိဟှယ်။ သူဟှာ “ဣတလိတပ်” ခေါ်ဟှူတပ်ဟှ တပ်မှူးတယော့‑က်ဖြစ်ဟှယ်။ 
\v 2 သူဟှာ ဘာသာရေးသမား တယော့‑က်ဖြစ်ဘီး သူန သူ့မိသားတစုလောင်းဟှာ ဘုရားသခင်ဟှို ကိုးကွယ်ဂေ့ဟှယ်။ သူဟှာ ဆင်းရဲဟှူ ယုဒလူမျိုးလေဟှို ရစ်ရစ်ရောရောဟှား လှူတတ်ဟှယ်။ သူဟှာ ဘုရားသခင်ဟှို ခီမှန်မှန် ဆုတောန်းဟှယ်။ 
\v 3 နေဒန် သောင်းနာရီလော့‑က်မာ ဘုရားသခင်ရဲ့ ကောန်းဂန်တမန်တပါးဟှာ သူ့နားဟှို လာဘီးဟှာ “ကော်နေလိ” ဆိုဘီး ခေါ်လိုက်ဇာဟှို ရူပါရောင်ထဲမာ ထန်းထန်ရှားရှားဟှား ဗြင်ရဟှယ်။
\p
\v 4 သူဟှာ ကြော့‑က်ကြော့‑က်န အယ်ကောန်းဂန်တမန်ဟှို စိုက်ကေ့ဘီးန “သခင်၊ ဖြားကိစရှိနူး” ဆိုဘီး မေးလိုက်ဟှယ်။
\p အယ်ကောန်းဂန်တမန်ဟှ “နန့်ဆုတောန်းသံန စွန့်ကြဲပေးကမ်းဇာလေဟှို ဘုရားသခင်ဟှ နှစ်သက်လေဟှယ်။ 
\v 5 ခု ယုပ္ပေဗြို့ဟှို လူလေဟှို လွှတ်ဘီးဟှာ ပေတရု နာမယ်ရှိဟှူ ရှိမုန်ဟှို သွားခေါ်လာ။ 
\v 6 သူဟှာ သရေလောက်မား ရှိမုန်အီမာ ရှိနေဟှယ်။ အယ်အီဟှ ပန်လယ်ကမ်းနားမာရှိဟှယ်” ဆိုဘီး ပြောဟှယ်။ 
\v 7 အယ်ကောန်းဂန်တမန်ဟှာ ထွပ်ဟှားဟှူ ခီမာ ကော်နေလိဟှာ သူ့ရဲ့ စေခံနှေ့ယော့‑က်န ဘုရားတရားကိုင်းရှိုင်းဟှူ စစ်သားတယော့‑က်ဟှိုလည်း ခေါ်လေဟှယ်။ 
\v 8 သူဟှာ သူးနို့ဟှို ကြောန်းရာလေဟှို ပြောပြဘီးဟှာ ယုပ္ပေဗြို့ဟှို လွှတ်လိုက်ဟှယ်။
\p
\v 9 နော့‑က်တနေ့မာ အယ်လူလေဟှာ ခရီးသွားဂေ့ဘီးန ယုပ္ပေဗြို့နားဟှို ရော့‑က်ဟှားဂေ့ဟှယ်။ မွန်းဒဲ့ခီမာ ပေတရုဟှာ ဆုတောန်းဟှို့တွပ် အီးခေါန်မိုးထတ်ဟှို တတ်ဟှားဟှယ်။ 
\v 10 သူဟှာ ရရာတိုင်း ဗိုက်ဆာလာဘီး တခုခုစားရှင်လာဟှယ်။ စားဇာလေဟှို ပြင်ဆင်နေဒူးမာ သူဟှာ ရူပါရောင်ဟှို ဗြင်ရလေဟှယ်။ 
\v 11 သူဟှာ မိုးကောန်းဂန် ပွမ့်ဟှားဘီးဟှာ ဒေါ့‑က်လေးဒေါ့‑က်န ချောက်ဟှားဟှူ ပိစဂီးတခုန တူဟှူဇာဟှာ မ္လေဂီးထတ်ဟှို နိက္လလာဇာဟှို ဗြင်ရဟှယ်။ 
\v 12 အယ်မူဇာထဲမာ မ္လေဂီးထတ်မာရှိဟှူ ခေလေးရှောန်းလိဆန်လေ၊ တွားဘီးသွားဟှူ လိဆန်လေန ကောန်းဂန်ဟှ ငှတ်လေပါဟှယ်။ 
\v 13 အယ်ဘီးန “ပေတရု၊ ထဘီး သတ်စားလိုက်” ဆိုဘီး ငါ့ဟှို ပြောဟှူသံဟှိုလည်း ငါကြားရဟှယ်။
\p
\v 14 ပေတရုဟှ “သခင်၊ ဖယ်မျိုးလည်းဖြစ်နိုင်ဟှ! ဖြားဖြစ်ကြောန့်နူးဆိုဟှာ ကျွန်တော်ဟှာ ညစ်ညူးဇာန သန့်ရှင်းဘဲဟှူဇာဟှို ဖယ်ဒူးဟှလည်း စားဖူးဟှ” ဆိုဘီး လျှော့‑က်လိုက်ဟှယ်။
\p
\v 15 သံတော်ဟှ “ဘုရားသခင်ဟှ သန့်ရှင်းဟှယ် ဆိုဇာဟှို ညစ်ညူးဟှယ် ဆိုဘီး ပြောန” ဆိုဘီး ဒုတိယခါ မိန့်တော်မူလေဟှယ်။ 
\v 16 အယ်မျိုး သောင်းခါဖြစ်ဘီးန ရှစ်ရှင်းဘဲ အယ်ပိစဟှို ကောန်းဂန်ထဲဟှို ပ္လန်ဘီးဟှာ ဆွဲဒန်လိုက်ဟှယ်။
\p
\v 17 ပေတရုဟှာ အယ်ရူပါရောင်ရဲ့ ဓိပါယ်ဟှို စဉ်းစားနေဒူးမာ ကော်နေလိ လွှတ်လိုက်ဟှူ လူလေဟှာ ရှိမုန်ရဲ့ အီဟှို ရှာတွိဟှားဘီး အီခွဗော့‑က်ရှေ့မာ ရပ်နေဂေ့ဟှယ်။ 
\v 18 အယ်လူလေဟှ “ပေတရုနာမယ်ရှိဟှူ ရှိမုန်ဟှာ အယ်အီမာရှိလော” ဆိုဘီး အော်ဘီးဟှာ မေးဂေ့ဟှယ်။
\p
\v 19 ပေတရုဟှာ ရူပါရောင်ကြောန်းဟှို စဉ်းစားနေဒူးမာ ဝိညာဉ်တော်ဟှ “လူသောင်းယော့‑က်\f + \fr ၁၀.၁၉ \fr*\fq သောင်းယော့‑က်၊ \fq*\ft တချို့ မူရင်းလတ်ရေးမူလေမာ \ft*\fqa တချို့၊ \fqa*\ft ဆိုဘီး ပါရှိဟှယ်။ \ft*\ft မူရင်းလတ်ရေးမူတခုမာ \ft*\fqa နှေ့ယော့‑က်၊ \fqa*\ft ဆိုဘီး ပါရှိဟှယ်။\ft*\f*ဟှာ နန့်ဟှို ရှာနေဂေ့ဟှယ်။ 
\v 20 သူးနို့လေဟှို ငါဘဲ့ လွှတ်လိုက်ဟှူကြောန့် ထဘီးဆင်းဟှားလိုက်။ သံသယမှေ့ဘဲန သူးနို့န လိုက်ဟှားလိုက်” ဆိုဘီး ပြောဟှယ်။ 
\v 21 ပေတရုဟှာ အယ်လူလေနားဟှို ဆင်းဟှားဘီးဟှာ “နန်းနို့ ရှာနေဟှူလူဟှာ ငါဘဲ့ဖြစ်ဟှယ်။ ဖြားဖြစ်ကြောန့် နန်းနို့ ရော့‑က်လာဂေ့နူး” ဆိုဘီး မေးဟှယ်။
\p
\v 22 အယ်လူလေဟှ “ဖြောန့်မတ်ဘီး ဘုရားသခင်ဟှို ကြော့‑က်ဟှူ၊ ယုဒလူမျိုးလေရဲ့ ချီးကျူးဘီး လေးစားခံရဟှူ တပ်မှူးကော်နေလိဟှ လွှတ်လိုက်ဟှယ်။ သင့်ဟှို ဖိခေါ်ဘီး သင့်ရဲ့စကားဟှို နားထောန်ရမယ် ဆိုဘီး သန့်ရှင်းဟှူ ကောန်းဂန်တမန်တပါးရဲ့ စကားတော်ဟှို လတ်ခံရရှိဟှယ်” ဆိုဘီး ပ္လန်ဖြေဂေ့ဟှယ်။ 
\v 23 ပေတရုဟှာ အယ်လူလေဟှို အီထဲဟှို ခေါ်ဖိဘီးဟှာ တည်းခိုစေလေဟှယ်။
\p နတ်ကီးတိုင်န သူဟှာ အယ်လူလေန တူးဒူ ထွပ်ဟှားဘီးဟှာ ယုပ္ပေဗြို့ဟှ ယောင်ကြည်သူ ညီကိုတချို့လည်း သူ့နတူးဒူ လိုက်ဟှားဂေ့ဟှယ်။ 
\v 24 နော့‑က်နေ့မာ ပေတရုဟှာ ကဲသရိဗြို့ဟှို ရော့‑က်ဟှားဟှယ်။ အယ်ဗြို့မာ ကော်နေလိဟှာ သူခေါ်ဖိဟှားဟှူ ဆွေမျိုးလေန ရင်းနှီးဟှူ မိဆွေလေန တူးဒူ သူ့ဟှိုစောန့်နေဂေ့ဟှယ်။ 
\v 25 ပေတရု ဝမ်လာဟှူ ခီမာ ကော်နေလိဟှာ ကြိုဆိုဘီးဟှာ သူ့ရဲ့ ခေရင်းမာ ပျပ်ဝပ်လိုက်ဟှယ်။ 
\v 26 ပေတရုဟှ သူ့ဟှို ဆွဲဒန်ဘီး “ထဒန်၊ ငါကိုယ်တိုင်လည်း လူဘဲ့ဖြစ်ဟှယ်” ဆိုဘီး ကော်နေလိဟှို ပြောလိုက်ဟှယ်။ 
\v 27 ပေတရုဟှာ ကော်နေလိန စကားပြောရင်း အီထဲဟှို ဝမ်ဟှားဟှူ ခီမာ လူလေဘောင်ဂီး စုနေဇာဟှို တွိလေဟှယ်။ 
\v 28 အယ်လူလေဟှို ပေတရုဟှ “ယုဒလူလေဟှာ လူမျိုးခြားလေန ပေါန်းဖော်ဟှို့န သူးနို့နားဟှို အီးခလည်သွားဟှို့တွပ် ဘာသာတရားဟှ ခွမ့်ပြုဟှ ဆိုဇာဟှို နန်းနို့ ကိုယ်တိုင်လည်း ကောန်းကောန်း သိဂေ့ဟှယ်။ အယ်ဘေမဲ့ ဖယ်လူဟှိုမျှ ညစ်ညူးဟှူလူ၊ စင်ကြယ်ဘဲဟှူလူ ဆိုဘီး ခေါ်ဘဲနေဟှို့တွပ် ဘုရားသခင်ဟှာ ငါ့ဟှို ဖော်ပြတော်မူဟှယ်။ 
\v 29 အယ်ကြောန့် ငါ့ဟှို နန်းနို့ ခေါ်ဖိဟှူ ခီမာ ငါဟှာ ငြင်းဆိုဘဲန လိုက်လာဟှယ်။ ဖြားဖြစ်ကြောန့် ငါ့ဟှို ခေါ်ဖိရနူး” ဆိုဘီး မေးလေဟှယ်။
\p
\v 30 ကော်နေလိဟှ “ပီးဟှားဟှူ သောင်းရစ်လော့‑က်ဒူးဟှ နေဒန်သောင်းနာရီမာ ကျွန်တော်ဟှာ အီမာ ဆုတောန်းနေဟှယ်။\f + \fr ၁၀.၃၀ \fr*\fq ဆုတောန်းနေဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa စာရှောန်ဘီး ဆုတောန်းနေဟှယ်၊ \fqa*\ft ဆိုဘီး ပါရှိဟှယ်။\ft*\f* အယ်ခီမာ တော့‑က်ပြောန်နေဟှူဝတ်န လူတယော့‑က်ဟှာ ကျွန်တော့်ရှေ့မာ ရော့‑က်တရစ်ရပ်ဘီး 
\v 31 ‘ကော်နေလိ၊ နန့်ဆုတောန်းသံဟှို ဘုရားသခင်ဟှ ကြားဟှယ်။ နန့် စွန့်ကြဲပေးကမ်းဟှူ ဇာလေဟှိုလည်း သိဟှယ်။ 
\v 32 အယ်ကြောန့် ယုပ္ပေဗြို့ဟှို လူလွှတ်ဘီးဟှာ ပေတရု နာမယ်ရှိဟှူ ရှိမုန်ဟှို ခေါ်ဖိလိုက်။ သူဟှာ ပန်လယ်ကမ်းနားမာရှိဟှူ သရေလောက်မား ရှိမုန်အီမာ ရှိနေဟှယ်’ ဆိုဘီး ပြောဟှယ်။ 
\v 33 အယ်ကြောန့် ကျွန်တော်ဟှာ ရှစ်ရှင်းဘဲ သင့်နားဟှို လူလွှတ်လိုက်ဟှယ်။ သင်ကြွလာဇာတွပ် ကျေးဇူးတန်ဟှယ်။ သင့်ဟှို သခင်ဘုရား ပြောဟှားဟှူ စကားလေဟှို ကြားရဟှို့တွပ် ကျွန်တော့်လေဟှာ ဘုရားသခင်ရှေ့မာ ဆင်သင့်ဖြစ်နေဂေ့ဟှယ်” ဆိုဘီး ပြောဟှယ်။
\s ပေတရုရဲ့ ဟောပြောဇာကြောန်း
\p
\v 34 အယ်ဘီးန ပေတရုဟှ “ဘုရားသခင်ဟှာ မှန်တိုင်းဘဲ့ မျစ်နှာလိုက်ဟှ ဆိုဇာဟှို ခု ငါဟှာ နားလည်ဟှားဘီ။ 
\v 35 ဘုရားသခင်ဟှို ကြော့‑က်ဘီး ဖြောန့်မတ်ဟှူ လူမျိုးတိုင်းဟှိုဘဲ့ လတ်ခံဟှယ်။ 
\v 36 ဘုရားသခင်ဟှာ အားလောင်းရဲ့ သခင်ဖြစ်ဟှူ ယေရှုခရစ်တော်အားဖြင့် ငြီသတ်ဇာနဆိုင်ဟှူ ဒန်းကောန်းဟှို ဣသရေလလူမျိုးလေဟှို ဟောဟှို့တွပ် စေလွှတ်လိုက်ဟှယ် ဆိုဇာဟှို နန်းနို့ သိဂေ့ဟှယ်။ 
\v 37 ဗတ္တိဇံတရားဟှို ယောဟန်ဟောပြောဘီးန ဂါလိလဲပြည်ဟှနေ စဘီးဟှာ ယုဒပြည် တရှော့‑က်လောင်းမာ ကီးမားဟှူ ဖြစ်ပျစ်ဟှို နန်းနို့ သိဂေ့ဟှယ်။ 
\v 38 ဘုရားသခင်ဟှာ နာဇရက်ဗြို့သား ယေရှုဟှို သန့်ရှင်းဟှူဝိညာဉ်တော်န တဂိုးတော်လေ ကိုယ်တော်ထတ်ဟှို ဖယ်မျိုးလောန်းခ္လဟှားဟှယ် ဆိုဇာဟှို နန်းနို့ သိဂေ့ဟှယ်။ ဘုရားသခင်ဟှာ ကိုယ်တော်နတူးဒူ ရှိဟှူကြောန့် ကိုယ်တော်ဟှာ နေရာတိုင်းဟှို သွားဘီးဟှာ ကောန်းဇာလေ လောက်ဆောန်ဘီး မာရ်နတ်ရဲ့ တဂိုးအော့‑က်မာရှိဟှူ လူလေ အားလောင်းဂူဟှို ကျန်းမာစေဟှယ်။ 
\v 39 နို့လေဟှာ ယေရုရှလင်ဗြို့န ယုဒပြည်မာ ကိုယ်တော်လောက်ဟှူဇာ အားလောင်းရဲ့ သတ်သေလေဖြစ်ဂေ့ဟှယ်။ အယ်ဘီးန လူလေဟှာ ကိုယ်တော့်ဟှို လတ်ဝါးကပ်တိုင်မာ ခိဆွဲဘီး သတ်လိုက်ဂေ့ဟှယ်။ 
\v 40 အယ်ဘေမဲ့ သောင်းရစ်ကြာဘီးန ဘုရားသခင်ဟှာ ကိုယ်တော့်ဟှို သေရာဟှနေ ထမြော့‑က်စေဘီးဟှာ ကိုယ်ထန်ရှားပြဟှယ်။ 
\v 41 အယ်ဘေမဲ့ လူတိုင်းဟှာ ကိုယ်တော့်ဟှို ဗြင်ရဂေ့ဇာ မှုဟှ။ သိသတ်သေလေဖြစ်န ဘုရားသခင်ဟှ ကြိုတန်ဘီး ဝီးကော့‑က်ဟှားဟှူ၊ သေရာဟှနေ ထမြော့‑က်ဘီးန ကိုယ်တော်နတူးဒူ စားသောက်ဂေ့ဟှူ နို့လေမျှဘဲ့ ဗြင်ရဂေ့ဟှယ်။ 
\v 42 ကိုယ်တော်ဟှ လူလေဟှို ဒန်းကောန်း ဟောပြောဟှို့တွပ်န ကိုယ်တော်ဟှာ သတ်ရှင်နေဟှူလူလေန သေဟှားဟှူလူလေဟှို တရားစီရင်ဟှူ သခင်ဖြစ် ဘုရားသခင်ခန့်ဟှားဟှယ် ဆိုဇာဟှို သတ်သေခံဟှို့တွပ် နို့လေဟှို မိန့်မှာဟှားဟှယ်။ 
\v 43 ကိုယ်တော့်ဟှို ယောင်ကြည်ဟှူ လူတိုင်းဟှာ ကိုယ်တော်ရဲ့ နာမတော်အားဖြင့် ပြစ်လွှတ်ခံရလေ့မယ် ဆိုဘီး ကိုယ်တော်ကြောန်းဟှို ပရောဖက်လေဟှ သတ်သေခံဟှားဟှယ်” ဆိုဘီး ပြောလေဟှယ်။
\s လူမျိုးခြားလေဟှာ သန့်ရှင်းဟှူဝိညာဉ်တော်ဟှို လတ်ခံဟှူကြောန်း
\p
\v 44 အယ်စကားဟှို ပေတရုဟှ ပြောနေဒူးမာ သန့်ရှင်းဟှူဝိညာဉ်တော်ဟှာ တရားစကားဟှို နားထောန်နေဂေ့ဟှူ လူလေထတ်ဟှို ဆင်းလာဟှယ်။ 
\v 45 ပေတရုနတူးဒူး လိုက်လာဟှူ ရေဖျားလှီးဟှားဟှူ ယောင်ကြည်သူ ယုဒလူမျိုးလေဟှာ သန့်ရှင်းဟှူဝိညာဉ်တော်ရဲ့ လတ်ဆောန်ဟှို လူမျိုးခြားလေထတ်ဟှိုလည်း သွန်းလောန်းဟှူကြောန့် ရရာတိုင်း အံ့ဩဂေ့ဟှယ်။ 
\v 46 ဖြားဖြစ်ကြောန့်နူးဆိုဟှာ လူမျိုးခြားလေဟှာ ထူးဆန်းဟှူ ဘာသာစကားလေဟှို ပြောနေဂေ့ဇာန ဘုရားသခင်ရဲ့ ဂေါင်တော်ဟှို ချီးမွမ်းဂေ့ဇာဟှို ကြားရဂေ့ဟှယ်။ အယ်ကြောန့် ပေတရုဟှ၊ 
\v 47 “အယ်လူလေဟှာ နို့လေမျိုးဘဲ့ သန့်ရှင်းဟှူဝိညာဉ်တော်ဟှို ခံရဂေ့ဟှယ်။ အယ်ကြောန့် သူးနို့ဟှို ရေနဗတ္တိဇံဟှို ခံယူဘဲနေအောန် ဖယ်လူဟှ တားနိုင်ဟှို့နူး” ဆိုဘီး ပြောဟှယ်။ 
\v 48 အယ်ကြောန့် ပေတရုဟှာ သူးနို့ဟှို ယေရှုခရစ်တော်ရဲ့ နာမတော်မာ ဗတ္တိဇံခံဟှို့တွပ် မိန့်ပေးလိုက်ဟှယ်။ အယ်ဘီးန ပေတရုဟှို သူးနို့လေနတူးဒူ ရစ်နဲနဲနေဟှို့တွပ် တောန်းလျှော့‑က်ဂေ့ဟှယ်။
\c 11
\s ယေရုရှလင်ဗြို့ဟှ သင်းတော်ဟှို ပေတရုရဲ့ စီရင်ခံစာကြောန်း
\p
\v 1 လူမျိုးခြားလေဟှ ဘုရားသခင်ရဲ့ စကားတော်ဟှို လတ်ခံရရှိဂေ့ဟှယ် ဆိုဇာဟှို ယုဒပြည် နေရာနှံ့မာ ရှိနေဟှူ တမန်တော်လေန ယောင်ကြည်သူ ညီကိုလေဟှ ကြားရဂေ့ဟှယ်။ 
\v 2 ယေရုရှလင်ဗြို့ဟှို ပေတရု ရော့‑က်ဟှူ ခီမာ ရေဖျားလှီးဟှားဟှူ ယောင်ကြည်သူ ညီကိုလေဟှ သံသယဖြစ်ဟှူကြောန့် 
\v 3 “နန်ဟှာ ရေဖျားလှီးဘဲဟှူ လူမျိုးခြားလေရဲ့ အီဟှို ဝမ်ဘီးဟှာ သူးနို့န တူးဒူ စားသော့‑က်နေမား” ဆိုဘီး သူ့ဟှို ပြောဂေ့ဟှယ်။ 
\v 4 အယ်ကြောန့် ပေတရုဟှာ ကြောန်းရာတခုလောင်းဟှို စဟှနေဆောင်းထိ ပြောပြလိုက်ဟှယ်။
\p
\v 5 ပေတရုဟှ “ငါဟှာ ယုပ္ပေဗြို့မာ ဆုတောန်းနေဒူးမာ ရူပါရောင်ဟှို ဗြင်ရဟှယ်။ ဒေါ့‑က်လေးဒေါ့‑က်န ချောက်ဟှားဟှူ ပိစဂီးတခုန တူဟှူဇာဟှာ ကောန်းဂန်ဟှနေ နိက္လလာဘီး ငါ့နားဟှို ရော့‑က်လာဇာဟှိုလည်း ငါဗြင်ဟှယ်။ 
\v 6 ငါဟှာ အယ်မူဇာထဲဟှို သေးသေချားချာဟှား ကေ့လိုက်ဟှူ ခီမာ ခေလေးရှောန်းလိဆန်လေ၊ မ္လေဂီးမာနေဟှူ သားရဲလေ၊ တွားဘီးသွားဟှူ လိဆန်လေန ကောန်းဂန်ဟှ ငှတ်လေဟှို ဗြင်ရဟှယ်။ 
\v 7 အယ်ဘီးန ‘ပေတရု၊ ထဘီး သတ်စားလိုက်’ ဆိုဘီး ငါ့ဟှို ပြောဟှူသံဟှို ငါကြားရဟှယ်။ 
\v 8 အယ်ဘေမဲ့ ငါဟှ ‘သခင်၊ ဖယ်မျိုးလည်း ဖြစ်နိုင်ဟှ။ ကျွန်တော်ဟှာ ညစ်ညူးဇာန သန့်ရှင်းဘဲဟှူဇာဟှို ဖယ်ဒူးဟှလည်း စားဖူးဟှ’ ဆိုဘီး ပ္လန်လျှော့‑က်လိုက်ဟှယ်။ 
\v 9 ကောန်းဂန်ဟှနေ သံတော်ဟှ ‘ဘုရားသခင်ဟှ သန့်ရှင်းဟှယ် ဆိုဇာဟှို ညစ်ညူးဟှယ် ဆိုဘီး ပြောန’ ဆိုဘီး ဒုတိယခါ မိန့်တော်မူဟှယ်။ 
\v 10 အယ်မျိုး သောင်းခါဖြစ်ဘီးန အယ်ဇာတခုလောင်းဟှို ကောန်းဂန်ထဲဟှို ပ္လန်ဘီး ဆွဲဒန်လိုက်ဟှယ်။ 
\v 11 ရှစ်ဟှားကြာဘီးန ကဲသရိဗြို့ဟှနေဘီး ငါ့နားဟှို လွှတ်လိုက်ဟှူ လူသောင်းယော့‑က်ဟှ ငါတည်းနေဟှူ\f + \fr ၁၁.၁၁ \fr*\fq ငါတည်းနေဟှူ၊ \fq*\ft တချို့ မူရင်းလတ်ရေးမူလေမာ \ft*\fqa နို့လေတည်းနေဟှူ၊ \fqa*\ft ဆိုဘီး ပါရှိဟှယ်။\ft*\f* အီဟှို ရော့‑က်လာဟှယ်။ 
\v 12 ဝိညာဉ်တော်ဟှ သံသယမှေ့ဘဲန အယ်လူလေန တူးဒူ လိုက်ဟှားဟှို့တွပ် ငါ့ဟှို ပြောဟှယ်။ ယုပ္ပေဗြို့ဟှ ညီကိုခြော့‑က်ယော့‑က်လည်း ငါ့နတူးဒူ လိုက်ဂေ့ဟှယ်။ နို့လေအားလောင်းဟှာ ကော်နေလိရဲ့ အီထဲဟှို ဝမ်ဂေ့ဟှယ်။ 
\v 13 ကော်နေလိဟှ သူ့အီမာ ကောန်းဂန်တမန်တပါးဟှ ရပ်ဘီးဟှာ ‘ပေတရု နာမယ်ရှိဟှူ ရှိမုန်ဟှို ခေါ်ဟှို့တွပ် ယုပ္ပေဗြို့ဟှို ယော့‑က်ယော့‑က်ဟှို လွှတ်လိုက်။ 
\v 14 အယ်လူဟှာ နန့်န နန့်မိသားစု အားလောင်းဂူဟှို ကယ်တန်ခံရမယ့် တရားစကားဟှို ပြောလေ့မယ်’ ဆိုဘီး နို့လေဟှို ပြောဟှယ်။ 
\v 15 အယ်ဘီးန ငါဟှာ စဘီးပြောဟှူ ခီမာ သန့်ရှင်းဟှူဝိညာဉ်တော်ဟှာ ရင်ဒူးဟှ နို့လေထတ်ဟှို ဆင်းလာမျိုးဘဲ့ အယ်လူလေထတ်ဟှိုလည်း ဆင်းလာဟှယ်။ 
\v 16 \x - \xo ၁၁.၁၆ \xo*\xt တ ၁.၅\xt*\x*အယ်ခီမာ ‘ယောဟန်ဟှာ ရေန ဗတ္တိဇံပေးဟှယ်။ အယ်ဘေမဲ့ နန်းနို့ဟှာ သန့်ရှင်းဟှူဝိညာဉ်တော်န ဗတ္တိဇံခံရဂေ့လေ့မယ်’ ဆိုဘီး သခင်ဘုရား မိန့်တော်မူဟှားဇာဟှို ငါဟှာ ပ္လန်ဒိရဟှားဟှယ်။ 
\v 17 ဘုရားသခင်ဟှာ သခင်ယေရှုခရစ်တော်ဟှို ယောင်ကြည်ဟှူ နို့လေဟှို ပေးဟှူမျိုးဘဲ့ အယ်လူမျိုးခြားလေဟှိုလည်း တူညီဟှူ လတ်ဆောန်ဟှို ပေးဟှယ် ဆိုဇာ ထန်ရှားနေဟှယ်။ အယ်ဆိုဟှာ ငါဟှာ ဖယ်မျိုးလူ ဖြစ်ဟှူကြောန့် ဘုရားသခင်ဟှို တားနိုင်ဟှို့နူး!” ဆိုဘီး ပြောဟှယ်။ 
\v 18 အယ်စကားဟှို ကြားရဟှူ ခီမာ အယ်လူလေဟှာ ပြစ်တန်ဂေ့ဟှမ်း။ အယ်ဘီးန ဘုရားသခင်ဟှို ချီးမွမ်းဂေ့ဘီး “အယ်ဆိုဟှာ ဘုရားသခင်ဟှာ သတ်ရှင်ဟှို့တွပ် ပို့ဆောန်ဟှူ နောန်ဒတရားဟှို လူမျိုးခြားလေဟှိုလည်း ပေးတော်မူဘီ။”
\s အန္တိအုတ်ဗြို့ဟှ သင်းတော်ကြောန်း
\p
\v 19 \x - \xo ၁၁.၁၉ \xo*\xt တ ၈.၁–၄\xt*\x*ယောင်ကြည်သူလေဟှာ သတေဖန်သတ်ခံရဟှူ ခီမာ ဖြစ်လာဟှူ ညှဉ်းဆဲမှုကြောန့် နေရာတိုင်းဟှို ကွဲဟှားဂေ့ဟှယ်။ တချို့ လူလေဟှာ ဖိနိတ်ပြည်၊ ကုပရုကျွန်း၊ အန္တိအုတ်ဗြို့ထိ ရော့‑က်ဟှားဂေ့ဟှယ်။ သူးနို့ဟှာ ဘုရားသခင်ရဲ့ စကားတော်ဟှို ယုဒလူမျိုးလေဟှိုဘဲ့ ဟောပြောဂေ့ဟှယ်။ 
\v 20 သူးနို့ထဲမာ ကုပရုကျွန်းန ကုရေနေနယ်ဟှ ယောင်ကြည်သူလေ တချို့ပါဟှယ်။ သူးနို့ဟှာ အန္တိအုတ်ဗြို့ဟှို သွားဘီးဟှာ လူမျိုးခြားလေ\f + \fr ၁၁.၂၀ \fr*\fq လူမျိုးခြားလေ၊ \fq*\ft တချို့ မူရင်းလတ်ရေးမူလေမာ \ft*\fqa ဟေလသစကားပြောဟှူ ယုဒလူမျိုး၊ \fqa*\ft အယ်မျိုးမှုဘဲ့နေဟှာ \ft*\fqa ဟေလသစကားပြောဟှူ လူလေ၊ \fqa*\ft ဆိုဘီး ပါရှိဟှယ်။\ft*\f*ဟှို သခင်ယေရှုရဲ့ ကြောန်းဖြစ်ဟှူ ဒန်းကောန်းဟှို ဟောပြောဂေ့ဟှယ်။ 
\v 21 သူးနို့ဟှာ သခင်ဘုရားရဲ့ တဂိုးတော်ဟှို ခံရဂေ့ကြောန့် လူလေဘောင်ဂီးဟှ ယောင်ကြည်ဘီးဟှာ သခင်ဘုရားဖတ်ဟှို ပ္လောန်းလဲလာဂေ့ဟှယ်။
\p
\v 22 အယ်ဒန်းဟှို ယေရုရှလင်ဗြို့မာရှိဟှူ သင်းတော်ဟှ ကြားရဟှူ ခီမာ ဗာနဗဟှို အန္တိအုတ်ဗြို့ဟှို လွှတ်လိုက်ဟှယ်။ 
\v 23 သူဟှာ အယ်ဗြို့ဟှို ရော့‑က်ဟှူ ခီမာ လူလေဟှာ ဘုရားသခင်ရဲ့ ကျေးဇူးတော်ဟှို ဗြင်ရဟှူ ခီမာ ရရာတိုင်း ဝန်းသာဘီးဟှာ သခင်ဘုရားဟှို စိနှလောင်းကြွင်းမဲ့ ယောင်ကြည်ဘီး သစ်စာစောန့်ဂေ့ဟှို့တွပ် တိုက်တွန်းလေဟှယ်။ 
\v 24 ဗာနဗဟှာ သူတော်ကောန်းဖြစ်ဘီး သန့်ရှင်းဟှူဝိညာဉ်တော်နရော၊ ယောင်ကြည်ရှင်းနရော ပ္လဲ့ဝနေဟှယ်။ အယ်ကြောန့် လူလေဘောင်ဂီးဟှာ သခင်ဘုရားဖတ်ဟှို ပ္လောန်းလဲလာဂေ့ဟှယ်။
\p
\v 25 အယ်ဘီးန ဗာနဗဟှာ ရှောလုဟှို ရှာဟှို့တွပ် တာရှုဗြို့ဟှို သွားလိုက်ဟှယ်။ 
\v 26 သူ့ဟှို တွိဟှူ ခီမာ အန္တိအုတ်ဗြို့ဟှို ခေါ်လာဟှယ်။ သူးနို့ နှေ့ယော့‑က်ဟှာ တနှစ်လောင်းလောင်း သင်းတော်မာ စုဝေးဂေ့ဘီးဟှာ လူလေဟှို သွန်သန်ဟှယ်။ တဗဲ့တော်လေဟှာ ပထမဦးဆောင်း ခရစ်ယာန် ဆိုဘီး ခေါ်ခံရဟှူနေရာဟှာ အန္တိအုတ်ဗြို့မာ ဖြစ်ဟှယ်။
\p
\v 27 အယ်ခီမာ ပရောဖက်တချို့ဟှာ ယေရုရှလင်ဗြို့ဟှနေ အန္တိအုတ်ဗြို့ဟှို လာဂေ့ဟှယ်။ 
\v 28 \x - \xo ၁၁.၂၈ \xo*\xt တ ၂၁.၁၀\xt*\x*အယ်လူလေထဲဟှ အာဂဗု နာမယ်ရှိဟှူ လူတယော့‑က်ဟှာ ထဘီးဟှာ တကမ္ဘာလောင်းမာ ငတ်မွတ်ခေါန်းပါးဘေး ရော့‑က်လာလေ့မယ် ဆိုဘီး ဝိညာဉ်တော်အားဖြင့် ကြိုတန်ဘီး ဟောပြောလေဟှယ်။ အယ်မူဇာဟှာ ဧကရဇ်မန်း ကလောဒိ လတ်ထတ်မာ ငတ်မွတ်ခေါန်းပါးဘေး က္လရော့‑က်လာဟှယ်။ 
\v 29 တဗဲ့တော်လေဟှာ သူးနို့ တတ်နိုင်မျှတိုင်းဘဲ့ ယုဒပြည်မာရှိနေဟှူ ညီကို မောန်နှမလေဟှို ကူညီဟှို့တွပ် ဆောင်းဖြတ်ဂေ့ဟှယ်။ 
\v 30 အယ်မျိုး ဆောင်းဖြတ်ဂေ့ဘီးန ကပ်လေဟှို ဗာနဗန ရှောလုလေအားဖြင့် ယေရုရှလင်ဗြို့မာရှိဟှူ သင်းတော် လူဂီးလေနားဟှို ပို့ပေးဂေ့ဟှယ်။
\c 12
\s ညှင်းဆဲဇာလေ ထပ်တိုးလာဟှူကြောန်း
\p
\v 1 အယ်ခီကာလမာ ဟေရုဒ်မန်းဂီး\f + \fr ၁၂.၁ \fr*\fk ဟေရုဒ်မန်းဂီး၊ \fk*\ft ပါလတိန (ပါလက်စတိုင်း) ရဲ့ ခေါန်းဆောန် ပထမ ဟေရုဒ်အဂ္ဂြိပမန်းဂီး။\ft*\f*ဟှာ သင်းတော်ဝမ်တချို့ဟှို စဘီးဟှာ ညှင်းဆဲဟှို့တွပ် ကြံစည်လေဟှယ်။ 
\v 2 သူဟှာ ယောဟန်ရဲ့ နောန် ယာကုပ်ဟှို ထားန သတ်လိုက်ဟှယ်။ 
\v 3 အယ်မူဇာဟှို ယုဒလူမျိုးလေဟှ နှစ်သက်ဂေ့ဟှယ်။ အယ်ကြောန့် သူဟှာ ပေတရုဟှိုလည်း ဖမ်းဟှားလေဟှယ်။ အယ်မူဇာဟှာ တဆေးမှေ့ဘဲ့ဟှူ မုပွဲတော်ခီမာ ဖြစ်ဟှားဟှယ်။ 
\v 4 ဟေရုဒ်ဟှာ ပေတရုဟှို ဖမ်းဘီးန စစ်သားလေးယော့‑က်စီပါဟှူ တပ်စုလေးစုရဲ့ လတ်ထဲဟှို အပ်ဘီးဟှာ ကျဉ်းခ္လဟှားဟှယ်။ ပသခါပွဲပီးဟှားဘီးန သူ့ဟှို ယုဒလူမျိုးလေရဲ့ ရှေ့မာ စစ်ဆေးဘီးဟှာ စီရင်ဟှို့တွပ် ကြံစည်ဟှားဟှယ်။ 
\v 5 အယ်ကြောန့် ပေတရုဟှာ ထောန်ထဲမာ ကျဉ်းခ္လခံရဟှယ်။ အယ်ခီမာ သင်းတော်ဟှ သင်းသားလေဟှာ ပေတရုတွပ် စိပါလတ်ပါန ဘုရားသခင်ဟှို ဆုတောန်းနေဂေ့ဟှယ်။
\s ကျဉ်းထောန်ထဲဟှနေ ပေတရု လွတ်လာဟှူကြောန်း
\p
\v 6 ဟေရုဒ်မန်းဟှာ ပေတရုဟှို လူလေရှေ့ဟှို ခေါ်လာဘီး စစ်ဆေးဟှူ နေ့ရော့‑က်ခန် ညဉ့်ခန်းဇာမာ ပေတရုဟှာ စစ်သားနှေ့ယော့‑က်ကြားမာ အိမွိနေဟှယ်။ သူ့ဟှို သံကြိုးနှေ့ပန်န ခယ်ဟှားဟှယ်။ ထောန်ခွဗော့‑က်ရှေ့မာလည်း စောန့်တပ်သားလေဟှာ စောန့်နေဂေ့ဟှယ်။ 
\v 7 ဘုရားသခင်ရဲ့ ကောန်းဂန်တမန်ဟှာ ရော့‑က်တရစ် ပေါ်လာဘီးဟှာ ချောက်ခန်းထဲမာ လန်းဟှားလေဟှယ်။ ကောန်းဂန်တမန်ဟှာ သူ့ရဲ့ခေါင်းဟှို လှောက်ဘီးဟှာ “ဗြန်းဗြန်ဟှားထလိုက်!” ဆိုဘီး နိုးဟှယ်။ ရှစ်ရှင်းဘဲ ခယ်ဟှားဟှူ သံကြိုးလေဟှာ ပေတရုရဲ့ လတ်ဟှနေ ကလွတ်ဟှားလေဟှယ်။ 
\v 8 အယ်ဘီးန ကောန်းဂန်တမန်ဟှ “နန့်ရဲ့ ခါးဗတ်ဟှို ပတ်ဘီးဟှာ ခေနပ်ဟှို စီးလိုက်” ဆိုဘီး ပြောလိုက်ဟှယ်။ ပေတရုဟှာ ပြောဟှူတိုင်း လောက်လိုက်ဟှယ်။ ကောန်းဂန်တမန်ဟှ “ဝတ်လောင်ဟှို ချောင်ဘီးဟှာ ငါ့နတူးဒူလိုက်” ဆိုဘီး ပြောလိုက်ဟှယ်။ 
\v 9 ပေတရုဟှာ ချောက်ခန်းဟှနေထွပ်ဘီး သူ့နော့‑က်ဟှို လိုက်ဟှားလေဟှယ်။ သူဟှာ ကောန်းဂန်တမန် လောက်ဟှူဇာလေဟှို မှန်ဖြစ်ဟှယ် ဆိုဇာ သိဟှ။ ရူပါရောင်ဟှို ဗြင်နေဟှယ် ဆိုဘီး ထန်နေဟှယ်။ 
\v 10 သူးနို့ဟှာ စောန့်လေခ္လဟှားဟှူ နေရာနှေ့ခုဟှို ကျော်ဘီးဟှာ ထောန်ထဲဟှထွပ်ဟှူ သံခွဗော့‑က်နားဟှို ရော့‑က်ဟှားဂေ့ဟှယ်။ အယ်ခွဗော့‑က်ဟှာ သူ့လိုလို ပွမ့်နေဟှူကြောန့် သူးနို့ ထွပ်ဟှားဘီးဟှာ လမ်းတိုင်းသွားလိုက်ဂေ့ဟှယ်။ အယ်ဘီးန ကောန်းဂန်တမန်ဟှာ ပေတရုနားဟှနေ ရော့‑က်တရစ် ထွပ်ဟှားလေဟှယ်။
\p
\v 11 ပေတရုဟှာ ပ္လန်ဘီး ဒိရလာဟှူ ခီမာ “သခင်ဘုရားဟှာ သူ့ရဲ့ ကောန်းဂန်တမန်ဟှို လွှတ်ဘီးဟှာ ငါ့ဟှို ဟေရုဒ်ရဲ့ လတ်ထဲဟှရော၊ ယုဒလူမျိုးလေရဲ့ လတ်ထဲဟှို ငါ့ဟှို ရော့‑က်စေဘဲဟှို့တွပ် မျှော်နေဟှူဘေးဟှနေ ကယ်တန်ရှင်းဟှို ခု ငါစစ်မှန်သိဟှားဘီ ဆိုဘီး ပြောဟှယ်။”
\p
\v 12 အယ်မျိုးသိဟှူ ခီမာ သူဟှာ မာကု ဆိုဘီး ခေါ်ဟှူ ယောဟန်ရဲ့မိ မာရိအီဟှို သွားဟှယ်။ အယ်အီမာ လူလေဘောင်ဂီးဟှ စုဘီးဟှာ ဆုတောန်းနေဂေ့ဟှယ်။ 
\v 13 ပေတရုဟှာ အီခွဗော့‑က်ဟှို ခေါ့‑က်လိုက်ဟှူ ခီမာ ရောဒေနာမယ်ရှိဟှူ၊ စေခံ မီးမဂန်းဟှားဟှာ ခွဗော့‑က်ဖွမ့်ဟှို့ လာဟှယ်။ 
\v 14 သူဟှာ ပေတရုသံဟှို မှတ်မိဟှူကြောန့် ရရာတိုင်း ဝန်းသာဘီးဟှာ ခွဗော့‑က်ဟှို ဖွမ့်ဘဲန အီထဲဟှို ပ္လေးဟှားဘီး ပေတရု ပ္လန်မာရော့‑က်နေဟှယ် ဆိုဘီး လူလေဟှို ပြောဟှယ်။ 
\v 15 အယ်လူလေဟှ “နန်ဟှာ ရူးနေမား” ဆိုဘီး ပြောဟှယ်။ အယ်ဘေမဲ့ မီးမဂန်းဟှားဟှ သူပြောနေဇာဟှာ မှန်းမှန်ကန်းကန် ဖြစ်နေဟှူကြောန့် သေးသေချားချာဟှား ပြောဟှူ ခီမာ သူးနို့ဟှာ “ပေတရုရဲ့ ကောန်းဂန်တမန် ဖြစ်လေ့မယ်” ဆိုဘီး ပြောဂေ့ဟှယ်။
\p
\v 16 ပေတရုဟှာ ခွဗော့‑က်ဟှို ဆစ်ဘီးဟှာ ခေါ့‑က်နေဟှူ ခီမာ သူးနို့ဟှာ ခွဗော့‑က်ဟှို ဖွမ့်လိုက်ဂေ့ဟှူကြောန့် ပေတရုဟှို ဗြင်ဟှားဘီး အံ့ဩဟှားဂေ့ဟှယ်။ 
\v 17 ပေတရုဟှာ တိတိဟှား နေဂေ့ဟှို့တွပ် လတ်နချစ်ပြဘီးဟှာ သခင်ဘုရားဟှာ သူ့ဟှို ထောန်ထဲဟှ ဖယ်မျိုးခေါ်ထုလာဟှယ် ဆိုဇာဟှို ပြောပြဟှယ်။ အယ်ဘီးန “အယ်ကြောန်းဟှို ယာကုပ်န တခြားညီကို မောန်နှမ လေဟှိုလည်း ပြောပြဂေ့ပါ” ဆိုဘီး တခြားနေရာဟှို ထွပ်ဟှားလိုက်ဟှယ်။
\p
\v 18 မိုးလန်းလာဟှူ ခီမာ “ပေတရုဟှ ဖယ်မာနူး” ဆိုဘီး စောန့်တပ်သားလေဟှာ ရရာတိုင်း ကြော့‑က်နေဂေ့ဟှယ်။ 
\v 19 ဟေရုဒ်မန်းဂီးဟှာ ပေတရုဟှို ရှာခိုင်းဟှူ ခီမာ တွိဘဲ့ကြောန့် စောန့်တပ်သားလေဟှို စစ်ဆေးဘီးန သေဒန်ပေးဟှို့တွပ် မိန့်ခ္လလိုက်ဟှယ်။
\p အယ်ဘီးန ဟေရုဒ်မန်းဂီးဟှာ ယုဒပြည်ဟှနေ ထွပ်ဟှားဘီးဟှာ ကဲသရိဗြို့ထဲမာ ရှစ်ဟှားနေနေဟှယ်။
\s ဟေရုဒ်မန်းဂီး သေဟှားဟှူကြောန်း
\p
\v 20 ဟေရုဒ်မန်းဂီးဟှာ တုရုဗြို့သားလေန ဇိဒုန်ဗြို့သားလေဟှို ရရာတိုင်း ဒေါသထွပ်ဟှူကြောန့် အယ်ဗြို့သားလေဟှာ စည်းရောင်းဘီးဟှာ မန်းဂီးနားဟှို ရော့‑က်လာဂေ့ဟှယ်။ နန်းတော်အောက် ဗလတ္တုရဲ့ ကူညီဟှို ယူဂေ့ဘီး ဟေရုဒ်မန်းဂီးနားဟှို ဝမ်ဘီးဟှာ ငြီသတ်ဟှို့တွပ် စကားကမ်းလှမ်းဂေ့ဟှယ်။ ဖြားဖြစ်ကြောန့်နူးဆိုဟှာ သူးနို့ပြည်ဟှာ ဟေရုဒ်မန်းဂီးရဲ့ ပြည်ဟှို မှီခိုစားသော့‑က်နေရဟှယ်။
\p
\v 21 ဟေရုဒ်မန်းဟှာ ချီးချစ်ဟှားဟှူနေ့မာ မန်းဂီးအန်းဂီလေဟှို ဝတ်ဘီးဟှာ ရာဇပလ္လင်ထတ်မာ ထိုင်ဘီးဟှာ လူလေဟှို မိန့်ခွန်းပြောဟှယ်။ 
\v 22 အယ်လူလေဟှ “အယ်သံဟှာ လူရဲ့သံ မှုဟှ။ ဘုရားသခင်ရဲ့ သံတော်ဖြစ်ဟှယ်” ဆိုဘီး ကြွေးကြော်ဂေ့ဟှယ်။ 
\v 23 အယ်ခီမာ မန်းဂီးဟှာ ဘုရားသခင်ရဲ့ ဂေါင်တော်ဟှို ချီးမွမ်းဘဲကြောန့် ရှစ်ရှင်းဘဲ့ ဘုရားသခင်ရဲ့ ကောန်းဂန်တမန်ဟှာ သူ့ဟှို ဒန်ခတ်လိုက်ဟှူကြောန့် သူဟှာ ပိုးလေစားခံရဘီး သေဟှားလေဟှယ်။
\p
\v 24 အယ်ခီမာ ဘုရားသခင်ရဲ့ စကားတော်ဟှာ နေရာတိုင်းဟှို ပ္လံ့နှံ့ဟှားဘီးဟှာ ယောင်ကြည်သူလေဟှာ တိုးပွားလာဟှယ်။
\s ဗာနဗန ရှောလုဟှို ဝီးချယ်ဘီး လွှတ်လိုက်ဟှူကြောန်း
\p
\v 25 ဗာနဗန ရှောလုလေဟှာ သူးနို့ မှုကိစဟှို လောက်ဂေ့ဘီးန မာကု ဆိုဘီး ခေါ်ဟှူ ယောဟန်ဟှို သူးနို့နတူးဒူ ခေါ်ဘီးဟှာ ယေရုရှလင်ဗြို့ဟှနေ\f + \fr ၁၂.၂၅ \fr*\fq ဟှနေ၊ \fq*\ft တချို့ မူရင်းလတ်ရေးမူလေမာ \ft*\fqa ဟှို၊ \fqa*\ft ဆိုဘီး ပါရှိဟှယ်။\ft*\f* ပ္လန်လာဂေ့ဟှယ်။
\c 13
\nb
\v 1 အန္တိအုတ်ဗြို့ဟှ သင်းတော်မာ ပရောဖက်လေန ဆရာလေရှိဟှယ်။ အယ်လူလေဟှာ ဗာနဗ၊ နိဂါ ဆိုဘီး ခေါ်ဟှူ ရှုမောင်၊ ကုရေနေပြည်သား လုကိ၊ စော်ဘွားဟေရုဒ်\f + \fr ၁၃.၁ \fr*\fk ဟေရုဒ်၊ \fk*\ft ဂါလိလဲပြည်ရဲ့ အောက်ချောက်မား ဟေရုဒ်အန္တိပ (ရှု \ft*\xt လု ၃.၁\xt*)။\f*ရဲ့ ငယ်ဂျင်းဖြစ်ဖူးဟှူ မာနင်န ရှောလုဟှားလေ ဖြစ်ဂေ့ဟှယ်။ 
\v 2 အယ်လူလေဟှာ သခင်ဘုရားရဲ့ မှုတော်ဟှို လောက်ဆောန်ဘီး စာရှောန်နေဂေ့ဒူးမာ သန့်ရှင်းဟှူဝိညာဉ်တော်ဟှ သူးနို့ဟှို “ရှောလုန ဗာနဗလေဟှို ငါ့မှုဟှို ဆောန်ဟှို့တွပ် သီးသန့် ဝီးကော့‑က်ဟှားဂေ့” ဆိုဘီး ပြောဟှယ်။
\p
\v 3 သူးနို့ဟှာ စာရှောန်ဆုတောန်းဘီးန ဗာနဗန ရှောလုလေရဲ့ ခေါန်းထတ်မာ သူးနို့လတ်ဟှို တန်ဂေ့ဟှယ်။ အယ်ဘီးန သူးနို့ဟှို မှုတော်ဆောန်ဟှို့တွပ် လွှတ်လိုက်ဂေ့ဟှယ်။
\s ကုပရုကျွန်းမာ မှုတော်ဆောန်ဟှူကြောန်း
\p
\v 4 ဗာနဗန ရှောလုလေဟှာ သန့်ရှင်းဟှူဝိညာဉ်တော် လွှတ်လိုက်တိုင်းဘဲ့ သေလုကိဗြို့ဟှနေ ကုပရုကျွန်းဟှို သန်းဖောန သွားဂေ့ဟှယ်။ 
\v 5 သူးနို့ဟှာ ရှာလမိဗြို့ဟှို ရော့‑က်ဟှူ ခီမာ ယုဒလူမျိုးလေရဲ့ ဝါလယ်ဇရပ်လေမာ ဘုရားသခင်ရဲ့ စကားတော်ဟှို ဟောပြောဂေ့ဟှယ်။ မာကု ဆိုဘီး ခေါ်ဟှူ ယောဟန်ဟှာ သူးနို့လေရဲ့ လတ်ထော့‑က်နေန ကူညီပေးဟှို့တွပ် ခေါ်ဟှားဂေ့ဟှယ်။
\p
\v 6 သူးနို့ဟှာ အယ်ကျွန်းဟှို ဖြတ်ဟှားဘီးဟှာ ပါဖုဗြို့ထိ သွားဂေ့ဟှယ်။ အယ်ဗြို့မာ ယုဒလူမျိုး ပရောဖက်တုယောန်ဖြစ်ဟှူ နတ်ဝိဇ္ဇာတယော့‑က်ဟှို တွိဂေ့ဟှယ်။ သူ့နာမယ်ဟှ ဗာယေရှု ဖြစ်ဟှယ်။ 
\v 7 သူဟှာ အောက်ချောက်ရေးမှူး သေရဂိပေါလုရဲ့ မိဆွေဖြစ်ဟှယ်။ အယ်အောက်ချောက်ရေးမှူးဟှာ ဒိပညာရှိဟှူ လူတယော့‑က်ဖြစ်ဟှယ်။ သူဟှာ ဘုရားသခင်ရဲ့ စကားတော်ဟှို ကြားရှင်ဟှူကြောန့် ဗာနဗန ရှောလုဟှို ဖိခေါ်လိုက်ဟှယ်။ 
\v 8 အယ်ဘေမဲ့ ဟေလသဘာသာန ဧလုမနာမယ်ရှိဟှူ နတ်ဝိဇ္ဇာတယော့‑က်ဟှာ အောက်ချောက်ရေးမှူးဟှို ယောင်ကြည်ရှင်းဟှနေ လွဲစေဟှို့တွပ် ဗာနဗန ရှောလုလေဟှို တားလေဟှယ်။ 
\v 9 အယ်ခီမာ ပေါလု ဆိုဘီး ခေါ်ဟှူ ရှောလုဟှာ သန့်ရှင်းဟှူဝိညာဉ်တော်န ပ္လဲ့ဝဘီး နတ်ဝိဇ္ဇာသမားဟှို စိုက်ကေ့ဘီးန၊ 
\v 10 “နန်ဟှာ မာရ်နတ်ရဲ့သား! လှည့်စားလီညာသူ၊ မှန်တရားရဲ့ ရန်သူ၊ နန်ဟှာ ဘုရားသခင်ရဲ့ ဖြောန့်မတ်ဟှူလမ်းဟှို ဖျစ်ဆီးဘဲန နေနိုင်ဟှလော။ 
\v 11 ခုဘဲ့ ဘုရားသခင်ရဲ့ လတ်တော်ဟှာ နန့်ထတ်မာ က္လလာဘီးဟှာ မျစ်စိကန်းလေ့မယ်။ နန်ဟှာ နေဟှို ကြာဂီးဗြင်ရဟှို့ မှုဟှ” ဆိုဘီး ပြောဟှယ်။
\p ရှစ်ရှင်းဘဲ့ ဧလုမဟှာ မျစ်စိကန်းဟှားဘီးဟှာ လောင်းဝ မှောန်မိုက် ဖြစ်ဟှားကြောန့် သူ့လတ်ဟှို ဆွဲဘီး လမ်းပြပေးဟှူလူဟှို စမ်းတဝါးဝါး ရှာနေရဟှယ်။ 
\v 12 အောက်ချောက်ရေးမှူးဟှာ အယ်ဖြစ်ပျစ်ဇာဟှို ဗြင်ဟှူ ခီမာ ယောင်ကြည်လာဟှယ်။ သူဟှာ သခင်ဘုရားရဲ့ တရားတော်ဟှို ကြားရခီမာလည်း အံ့ဩနေဟှယ်။
\s ပိသိဒိပြည် အန္တိအုတ်ဗြို့မာ မှုတော်ဆောန်ဟှူကြောန်း
\p
\v 13 ပေါလုန သူ့ပေါန်းဖော်လေဟှာ ပါဖုဗြို့ဟှနေ သန်းဖောနသွားဘီးန ပံဖုလိပြည် ပေရဂေဗြို့ဟှို ရော့‑က်ဟှားဂေ့ဟှယ်။ အယ်နေရာမာ မာကု ဆိုဘီး ခေါ်ဟှူ ယောဟန်ဟှာ သူးနို့န လမ်းခွဲဘီးဟှာ ယေရုရှလင်ဗြို့ဟှို ပ္လန်ဟှားဟှယ်။ 
\v 14 သူးနို့ဟှာ ပေရဂေဗြို့ဟှ ထွပ်ဟှားဘီးဟှာ ပိသိဒိပြည် အန္တိအုတ်ဗြို့ဟှို ရော့‑က်ဟှားဘီး ဒန်းနေ့မာ ဝါလယ်ဇရပ်ဟှို ဝမ်ဘီး ထိုင်နေဂေ့ဟှယ်။ 
\v 15 ပညတ်ကျမ်းန ပရောဖက်ကျမ်းလေဟှို ဖတ်ဟှူ ခီမာ ဝါလယ်ဇရပ် တာဝန်ခံလေဟှာ သူးနို့ဟှို “ညီကိုလေ၊ အယ်လူလေဟှို တိုက်တွန်းအားပေးဟှူစကား ပြောမယ် ဆိုဟှာ ပြောဂေ့ပါ” ဆိုဘီး ကြောန်းကြားဂေ့ဟှယ်။ 
\v 16 ပေါလုဟှာ ထဘီးဟှာ လတ်နပြလိုက်ဘီးန
\p “ဣသရေလလူမျိုးလေန ဘုရားသခင်ဟှို ကိုးကွယ်ဟှူ လူမျိုးခြားလေ ငါ့စကားဟှို နားထောန်ဂေ့ပါ။ 
\v 17 ဣသရေလလူမျိုးလေရဲ့ ဘုရားသခင်ဟှာ နို့လေရဲ့ ဘိုးဘေးလေဟှာ အဲဂုတ္တုပြည်မာ ဧည့်သည်ဖြစ်န နေဟှူ ခီမာ သူးနို့ဟှို ဝီးကော့‑က်ဘီးဟှာ လူမျိုးဂီး ဖြစ်စေဟှယ်။ အားကီးဟှူ တဂိုးတော်န အယ်ပြည်ဟှနေ ထုဆောန်ဟှားဟှူ ခီမာ 
\v 18 တောကန္တာရမာ နှစ်လေးဆယ်လောင်းလောင်း သူဟှာ သီးခံဟှယ်။\f + \fr ၁၃.၁၈ \fr*\fq သူဟှာ သီးခံဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa သူဟှာ ပြုစုစောန့်ရှော့‑က်ပေးဟှယ်၊ \fqa*\ft ဆိုဘီး ပါရှိဟှယ်။\ft*\f* 
\v 19 အယ်ဘီးန ခါနာန်ပြည်မာနေဟှူ လူမျိုးခွန်နစ်မျိုးဟှို ဖျစ်ဆီးဘီးဟှာ အယ်ပြည်ဟှို သူ့လူမျိုးလေဟှို ပိုင်ပေးလိုက်ဟှယ်။ 
\v 20 အယ်မူဇာလေဟှာ နှစ်ပေါန်းလေးရာငါးဆယ် နီးပါးကြာဟှားဟှယ်။”
\p “အယ်ဘီးန\f + \fr ၁၃.၂၀ \fr*\fq အယ်ဘီးန၊ \fq*\ft အယ်မျိုးမှုဘဲနေဟှာ \ft*\fqa နော့‑က်ထပ် နှစ်ပေါန်း ၄၅၀ ကြာဟှယ်၊ \fqa*\ft ဆိုဘီး ပါရှိဟှယ်။\ft*\f* ပရောဖက်ရှမွေလခီထိ တရားသူဂီးလေဟှို ပေါ်လာစေဟှယ်။ 
\v 21 သူးနို့ဟှာ မန်းဂီးတပါးဟှို တောန်းဂေ့ဟှူကြောန့် ဘုရားသခင်ဟှာ ကိရှရဲ့သား ဗင်္ယာမိန်မျိုးနွယ်ဖြစ်ဟှူ ရှောလုဟှို နှစ်လေးဆယ်လောင်းလောင်း အောက်ချောက်ဟှို့တွပ် သူးနို့ဟှို ပေးလိုက်ဟှယ်။ 
\v 22 အယ်ဘီးန ဘုရားသခင်ဟှာ ရှောလုဟှို ဖယ်ဘီးဟှာ ဒါဝိဒ်ဟှို ဣသရေလရဲ့ မန်းဂီးဖြစ်န ချီးမြှော့‑က်လိုက်ဟှယ်။ ဘုရားသခင်ဟှ ‘ငါ လောက်ခိုင်းဟှားဇာလေဟှို လောက်ဟှို့တွပ် ငါ့ရဲ့ စိတော်နတွိဟှူ ယေရှဲရဲ့သား ဒါဝိဒ်ဟှို ငါတွိဟှားဘီ’ ဆိုဘီး ဒါဝိဒ်န ပတ်သတ်ဇာလေဟှို သတ်သေခံလိုက်ဟှယ်။ 
\v 23 ဘုရားသခင်ဟှာ သူ့ရဲ့ ဂဒိတော်တိုင်း ဣသရေလလူမျိုးလေတွပ် ကယ်တန်ရှင်ယေရှုဟှို အယ်ဒါဝိဒ်ရဲ့ သားမ္လေးလေထဲမာ ပေါ်လာစေဟှယ်။ 
\v 24 \x - \xo ၁၃.၂၄ \xo*\xt မာ ၁.၄; လု ၃.၃\xt*\x*ယေရှုဟှာ မှုတော်မြတ်ဟှို လောက်ခန်မာ ယောဟန်ဟှာ ဣသရေလလူမျိုးလေဟှို နောန်ဒရဘီး ဗတ္တိဇံခံဂေ့ပါ ဆိုဘီး ဟောဟှယ်။ 
\v 25 \x - \xo ၁၃.၂၅ က \xo*\xt ယော ၁.၂၀; \xt*\xo ခ \xo*\xt မ ၃.၁၁; မာ ၁.၇; လု ၃.၁၆; ယော ၁.၂၇ \xt*\x*သူလောက်ရဟှူ မှုတော်မြတ် ပီးဆောင်းခါနီးမာ ယောဟန်ဟှာ ‘နန်းနို့ဟှ ငါ့ဟှို ဖယ်လူ ဆိုဘီး ထန်ဂေ့နူး။ ငါဟှာ နန်းနို့ စောန့်နေဟှူသခင် မှုဟှ။ အယ်သခင်ဟှာ ငါ့နော့‑က်မာ ပေါ်လာလေ့မယ်။ ငါဟှာ အယ်သခင်ရဲ့ ခေနပ်ကြိုးဟှို ဖြေဟှို့ဟှိုမှ ထိုက်ဟှ’ ဆိုဘီး ပြောဟှယ်။”
\p
\v 26 “အာဗြဟံရဲ့ သားမ္လေးလေဖြစ်ဟှူ ငါ့ညီကိုလေန ဘုရားသခင်ဟှို ကိုးကွယ်ဟှူ လူမျိုးခြားလေ၊ ကယ်တန်ရှင်းဆိုင်ဟှူ အယ်မူတရားတော်ဟှို နို့လေနားဟှို ပေးပို့လိုက်ဟှယ်။ 
\v 27 ယေရုရှလင်ဗြို့သားလေန သူးနို့ခေါန်းဆောန်လေဟှ အယ်သခင်ဟှာ ကယ်တန်ရှင် ဖြစ်ဟှယ် ဆိုဇာဟှို နားလည်ဂေ့ဟှ။ ဒန်းနေ့တိုင်း သူးနို့ဖတ်ဂေ့ဟှူ ပရောဖက်လေရဲ့ စကားလေဟှိုလည်း နားလည်ဂေ့ဟှ။ အယ်ဘေမဲ့ သူးနို့လေဟှာ ပရောဖက်လေရဲ့ စကားတိုင်း ပ္လဲ့ဇောင်ဟှို့တွပ် အယ်သခင်ဟှို ပြစ်ဒန်စီရင်ဂေ့ဟှယ်။ 
\v 28 \x - \xo ၁၃.၂၈ \xo*\xt မ ၂၇.၂၂,၂၃; မာ ၁၅.၁၃,၁၄; လု ၂၃.၂၁–၂၃; ယော ၁၉.၁၅ \xt*\x*အယ်မျိုး သေဒန်စီရင်ဟှို့ ပြစ်တခုလည်း သူးနို့လေ တွိဘေမဲ့လည်း ကိုယ်တော့်ဟှို သေဒန်ပေးဟှို့တွပ် ပိလတ်မန်းဟှို တောန်းဆိုဂေ့ဟှယ်။ 
\v 29 \x - \xo ၁၃.၂၉ \xo*\xt မ ၂၇.၅၇–၆၁; မာ ၁၅.၄၂–၄၇; လု ၂၃.၅၀–၅၆; ယော ၁၉.၃၈–၄၂\xt*\x*သူးနို့ဟှာ အယ်သခင်န ပတ်သတ်ဘီး ကျမ်းစာထဲမာ ပြောဟှားဇာလေဟှို လောက်ဂေ့ဘီးန အယ်သခင်ရဲ့ တဗဲ့တော်လေဟှာ လတ်ဝါးကပ်တိုင်ဟှနေ ခ္လဘီး သန်းခ္လိုင်းဂူမာ သင်္ဂြိုဟ်ဂေ့ဟှယ်။ 
\v 30 အယ်ဘေမဲ့ ဘုရားသခင်ဟှာ အယ်သခင်ဟှို သေရာဟှနေ ထမြော့‑က်စေဟှယ်။ 
\v 31 \x - \xo ၁၃.၃၁ \xo*\xt တ ၁.၃ \xt*\x*အယ်ဘီးန အယ်သခင်ဟှာ ရင်ဒူးဟှ သူ့နတူးဒူ ဂါလိလဲပြည်ဟှနေ ယေရုရှလင်ဗြို့ဟှို လိုက်ပါလာဂေ့ဟှူ လူလေဟှို ရစ်ပေါန်းကြာဂီး ကိုယ်ထန်ရှားပြဟှယ်။ သူးနို့ဟှ ခုခီမာ ဣသရေလလူမျိုးလေဟှို ကိုယ်တော်ကြောန်းဟှို သတ်သေခံနေဂေ့ဟှယ်။ 
\v 32 နို့လေလည်း ဘိုးဘေးလေဟှို ပေးဟှားဟှူ၊ ဂဒိတော်နဆိုင်ဟှူ၊ ကောန်းမြတ်ဟှူ ဒန်းကောန်းဟှို နန်းနို့လေဟှို ဟောပြောဂေ့ဟှယ်။ 
\v 33 ဘုရားသခင်ဟှာ ယေရှုဟှို ထမြော့‑က်စေဘီး ဘိုးဘေးလေရဲ့ သားမီးလေဖြစ်ဂေ့ဟှူ နို့လေတွပ် အယ်ဂဒိတော်လေဟှို ပ္လဲ့ဇောင်စေတော်မူဘီ။ ဆာလံကျမ်း ဒုတိယခန်းမာ၊”
\q1 “ ‘နန်ဟှာ ငါ့သားဖြစ်ဟှယ်။
\q2 အယ်နေ့ဘဲ့ နန့်ဟှို သားရာဟှို ငါပေးဘီ’ ဆိုဘီး ရေးဟှားတိုင်းဘဲ့ ဖြစ်ဟှယ်။”
\m
\v 34 “သန်းခ္လိုင်းထဲမာ ပေါက်ပျစ်ဘဲန သေရာဟှနေ ထမြော့‑က်ဟှူကြောန်းဟှို ဘုရားသခင်ဟှ၊”
\q1 “‘ဒါဝိဒ်ဟှိုလည်း ကောန်းကြီးပေးဟှို့တွပ် ဂဒိပြုဟှားတိုင်းဘဲ့
\q2 နန့်နို့ဟှိုလည်း သန့်ရှင်းမြင့်မြတ်ဘီး သေချာဟှူကောန်းကြီးဟှို ပေးမယ်’ ဆိုဘီး ပြောဟှယ်။”
\m
\v 35 “တခြားကျမ်းပိုဒ်မာ၊
\q1 ‘ကိုယ်တော်ဟှာ သန့်ရှင်းဟှူ စေခံဟှို
\q2 သန်းခ္လိုင်းထဲမာ ပေါက်ပျစ်စေဟှို့ မှုဟှ’ ဆိုဘီး ပြောဟှားဟှယ်။”
\m
\v 36 “ဒါဝိဒ်ဟှာ သူသတ်ရှင်နေဒူးဟှ ဘုရားသခင်ရဲ့ ကြံစည်ရှိဟှူတိုင်း လိုက်ရှော့‑က်ဘီးန သေဟှားဘီးဟှာ ဘိုးဘေးလေရဲ့ သန်းခ္လိုင်းထဲမာ သင်္ဂြိုဟ်ခံရဟှယ်။ သူ့ရဲ့ခန္ဓာဟှာ သန်းခ္လိုင်းထဲမာ ပေါက်ပျစ်ဟှားဟှယ်။ 
\v 37 အယ်ဘေမဲ့ ဘုရားသခင် ထမြော့‑က်စေလိုက်ဟှူ သခင်ရဲ့ခန္ဓာဟှာ ပေါက်ပျစ်ဟှ။ 
\v 38 အယ်ကြောန့် ညီကိုလေ၊ အယ်သခင်အားဖြင့် ပြစ်လေ ခွမ့်လွှတ်ရှင်းကြောန်းဟှို နန်းနို့လေဟှို ဟောပြောနေဇာဟှိုရော၊ ယောင်ကြည်ဟှူ လူတိုင်းဟှာ ကိုယ်တော်အားဖြင့် မောရှေရဲ့ ပညတ်တရားအားဖြင့် ဖြောန့်မတ်ဟှယ် ဆိုဘီး သိမှတ်ပြုရှင်း ခံရနိုင်ဘဲဟှူ ရာအားလောင်းဟှနေ လွတ်ဘီး၊ 
\v 39 အယ်သခင်အားဖြင့် ဖြောန့်မတ်ဟှယ် ဆိုဘီး သိမှတ်ပြုရှင်း ခံရဇာဟှိုရော နန်းနို့ သိမှတ်ဂေ့။ 
\v 40 ပရောဖက်ကျမ်းလေမာ ငါ မိန့်တော်မူဟှားဇာဟှို ထီမဲ့မြင်ဟှူသူလေ\f + \fr ၁၃.၄၀ \fr*\ft တချို့ မူရင်းလတ်ရေးမူလေမာ \ft*\fq သူလေ၊ \fq*\ft ဆိုဇာ မှေ့ဟှ။\ft*\f* နားထောန်ဂေ့။”
\q1
\v 41 “ ‘ ထီလေးဇားမားလေ၊ ကေ့ရှုဂေ့! အံ့ဩဟှားဘီး သေပါလေစေ!
\q1 အယ်နေ့ ငါလောက်နေဟှူဇာလေဟှို ယော့‑က်ယော့‑က်ဟှ ရှင်းပြဘေမဲ့လည်း
\q2 နန်းနို့ဟှာ ယောင်ကြည်ဟှို့ မှုဟှ’
\q2 ဆိုဘီး ဖော်ပြဟှားဟှယ်။ အယ်မျိုး ဖော်ပြဟှားတိုင်း ဖြစ်ဟှို့တွပ် ဒိထားဂေ့ပါ”
\m ဆိုဘီး ဟောလေဟှယ်။
\p
\v 42 ဝါလယ်ဇရပ်ဟှနေ ပေါလုန ဗာနဗလေဟှာ ထွပ်လာဟှူ ခီမာ လူလေဟှ သူးနို့ဟှို နော့‑က်ပတ်ဒန်းနေ့မာ အယ်ကြောန်းလေဟှို နော့‑က်တခါ ဟောပြောဟှို့တွပ် တောန်းဗန်ဂေ့ဟှယ်။ 
\v 43 ဝါလယ်ဇရပ်မာ လူစုကွဲဟှားဟှူ ခီမာ ယုဒလူမျိုးလေန ဘုရားသခင်ဟှို ကိုးကွယ်ဘီး ယုဒဘာသာဝမ်ဖြစ်လာဟှူ လူလေဟှာ ပေါလုန ဗာနဗလေရဲ့ နော့‑က်ဟှိုလိုက်ဟှားဂေ့ဟှယ်။ တမန်တော်လေဟှ အယ်လူလေဟှို ဘုရားသခင်ရဲ့ ကျေးဇူးတော်န ဆစ်ဘီးဟှာ သတ်ရှင်ဟှို့တွပ် စည်းရောင်းဂေ့ဟှယ်။
\p
\v 44 နော့‑က်ပတ်ဒန်းနေ့မာ သခင်ဘုရားရဲ့ စကားတော်ဟှို ကြားရဟှို့တွပ် တဗြို့လောင်းနီးပါး ရော့‑က်လာဂေ့ဟှယ်။ 
\v 45 ယုဒလူမျိုးလေဟှာ လူအောက်ဂီးဟှို ဗြင်ဟှူ ခီမာ နာလိုဘဲကြောန့် ပေါလုဟောပြောဟှူ စကားလေဟှို ကဲ့ရဲ့ဘီးဟှာ ပြောဂေ့ဟှယ်။ 
\v 46 အယ်ဘေမဲ့ ပေါလုန ဗာနဗလေဟှ “နို့လေဟှ ဘုရားသခင်ရဲ့ စကားတော်ဟှို နန်းနို့ဟှို ပထမဆောင်း ဟောရဟှယ်။ အယ်ဘေမဲ့ နန်းနို့ဟှာ အယ်မူတရားတော်ဟှို ပယ်ဘီးဟှာ ကိုယ့်ဇာကိုယ် ထာဝရသတ်န ထိုက်တန်ဟှ ဆိုဘီး စီရင်ဂေ့ဟှူကြောန့် နို့လေဟှာ နန်းနို့နားဟှနေ ထွပ်ဟှားဘီးဟှာ လူမျိုးခြားလေနားဟှို သွားမယ်။ 
\v 47 ဘုရားသခင်ဟှ”
\q1 “‘ကယ်တန်ရှင်းကျေးဇူးဟှို တကမ္ဘာလောင်းဟှို ရော့‑က်စေဟှို့တွပ်န နန်းနို့လေဟှို
\q2 လူမျိုးခြားလေတွပ် လန်းရောန်ဖြစ်စေဟှို့ ငါခန့်ဟှားဟှယ်’ 
\m ဆိုဘီး နို့လေဟှို မိန့်မှာဟှားဟှယ်” ဆိုဘီး ပိုဘီး ရဲရဲရင့်ရင့်ဟှား ဟောပြောလေဟှယ်။
\p
\v 48 လူမျိုးခြားလေဟှာ အယ်မျိုး ကြားရဟှူ ခီမာ ဝန်းသာဘီးဟှာ သခင်ဘုရားရဲ့ စကားတော်ဟှို ချီးမွမ်းဂေ့ဟှယ်။ ထာဝရသတ်တွပ် ဝီးကော့‑က်ခံရဟှူ လူလေဟှာ ယောင်ကြည်သူလေ ဖြစ်လာဂေ့ဟှယ်။
\p
\v 49 သခင်ဘုရားရဲ့ တရားတော်ဟှာ တနယ်လောင်းဟှို ပ္လံ့နှံ့ဟှားလေဟှယ်။ 
\v 50 အယ်ဘေမဲ့ ယုဒလူမျိုးလေဟှာ ဘုရားသခင်ဟှို ကိုးကွယ်ဟှူ ထတ်တန်းလွှာမီးမလေန ဗြို့ရဲ့ မျစ်နှာဖောင်းလေဟှို တိုက်တွန်းဘီးဟှာ ပေါလုန ဗာနဗလေဟှို ညှင်းဆဲဟှို့တွပ် စဘီးနှိုးဆော်လေဟှယ်။ သူးနို့ဟှာ အယ်လူနှေ့ယော့‑က်ဟှို သူးနို့ နယ်ဟှနေ နှန်ထုလိုက်ဂေ့ဟှယ်။ 
\v 51 \x - \xo ၁၃.၅၁ \xo*\xt မ ၁၀.၁၄; မာ ၆.၁၁; လု ၉.၅; ၁၀.၁၁\xt*\x* အယ်ခီမာ ပေါလုန ဗာနဗလေဟှာ သူးနို့ဟှို ဒိပေးဟှို့တွပ် ခေဖွားဟှ မ္လေမုဟှို ခါခ္လဘီးဟှာ ဣကောနိဗြို့ဟှို ထွပ်ဟှားဂေ့ဟှယ်။ 
\v 52 အန္တိအုတ်ဗြို့ဟှ တဗဲ့တော်လေဟှာ ဝန်းသာဘီးဟှာ သန့်ရှင်းဟှူဝိညာဉ်တော်န ပ္လဲ့ဝနေဂေ့ဟှယ်။
\c 14
\s ဣကောနိဗြို့မာ မှုတော်မြတ်ကြောန်း
\p
\v 1 ဣကောနိဗြို့မာလည်း ပေါလုန ဗာနဗဟှာ ယုဒလူမျိုးလေရဲ့ ဝါလယ်ဇရပ်ဟှို ဝမ်ဘီးဟှာ ဟောပြောဟှူ ခီမာ ယုဒလူမျိုးလေန လူမျိုးခြားလေဟှာ ဘောင်ဂီး ယောင်ကြည်ဂေ့ဟှယ်။ 
\v 2 အယ်ဘေမဲ့ ယောင်ကြည်ဘဲ့ဟှူ ယုဒလူမျိုးလေဟှာ လူမျိုးခြား ညီကိုလေဟှို နာလိုဘဲစိ ဖြစ်လာဟှို့တွပ် ဆွပေးဂေ့ဟှယ်။ 
\v 3 ပေါလုန ဗာနဗလေဟှာ အယ်ဒေသမာ ကြားကြာဟှား နေဘီးဟှာ သခင်ဘုရားရဲ့ကြောန်းဟှို ရဲရဲရင့်ရင့်ဟှား ဟောပြောဂေ့ဟှယ်။ ကိုယ်တော်ဟှာ အယ်လူလေဟောပြောဟှူ ကျေးဇူးတော်တရားဟှာ မှန်ကန်ဟှယ် ဆိုဇာဟှို သတ်သေပြဟှို့တွပ် သူးနို့လေဟှို အံ့ဩဘွယ်ရာလေန နိမိတ်လတ်ခဏာလေဟှို ပြနိုင်ဟှို့ တဂိုးဟှို ပေးဟှယ်။ 
\v 4 ဗြို့သူဗြို့သားလေဟှာ နှေ့စုကွဲဟှားဂေ့ဟှယ်။ တစုဟှ ယုဒလူမျိုးလေဖတ်ဟှို ပါဟှားဘီး နော့‑က်တစုဟှ တမန်တော်လေဖတ်ဟှို ပါဟှားဂေ့ဟှယ်။
\p
\v 5 ရာရှိလေ၊ ယုဒလူမျိုးလေန လူမျိုးခြား တချို့လေဟှာ တမန်တော်လေဟှို ညှဉ်းဆဲဘီး က္လော့‑က်ခဲနပစ်ဟှို့တွပ် ဆောင်းဖြတ်ဂေ့ဟှယ်။ 
\v 6 အယ်ကြောန်းဟှို တမန်တော်လေဟှ ကြားရဟှူ ခီမာ လုကောနိပြည်ထဲဟှ လုတ္တရဗြို့၊ ဒေရဗေဗြို့န နီးနားဟှဒေသဟှို ထွပ်ပ္လေးဟှားဂေ့ဘီး၊ 
\v 7 အယ်နေရာမာ သူးနို့ဟှာ ဒန်းကောန်းဟှို ဟောပြောဂေ့ဟှယ်။
\s လုတ္တရဗြို့န ဒေရဗေဗြို့မာ မှုတော်ဆောန်ဟှူကြောန်း
\p
\v 8 လုတ္တရဗြို့မာ မွီးဂဒဲဟှ ခေသန်ဘဲကြောန့် လောင်းဝ လမ်းရှော့‑က်နိုင်ဘဲဟှူ လူတယော့‑က်ရှိဟှယ်။ 
\v 9 သူဟှာ အယ်နေရာမာ ထိုင်ဘီး ပေါလုရဲ့စကားဟှို နားထောန်နေဟှယ်။ ပေါလုဟှာ သူ့ဟှို စိစိကေ့လိုက်ဟှူကြောန့် ကျန်းမာနိုင်ဟှူ ယောင်ကြည်ရှင်းရှိဟှယ် ဆိုဇာဟှို ဗြင်ဟှူ ခီမာ 
\v 10 “ထဘီးဟှာ မတ်တတ်ရပ်လိုက်” ဆိုဘီး သံက္လယ်ဂီးန အော်လိုက်ဟှယ်။ အယ်လူဟှာ ထခူဘီးဟှာ စဘီးလမ်းရှော့‑က်လေဟှယ်။ 
\v 11 လူအောက်ဂီးဟှာ ပေါလုလောက်ဟှူဇာလေဟှို ဗြင်ဟှူ ခီမာ “နတ်ဘုရားလေဟှာ လူယောန်ဆောန်ဘီးဟှာ နို့လေနားဟှို လာဟှယ်!” ဆိုဘီး သူးနို့ဟှာ လုကောနိ ဘာသာစကားန စဘီးဟှာ အော်ပြောဂေ့ဟှယ်။ 
\v 12 သူးနို့ဟှာ ဗာနဗဟှို ဇုသ ဆိုဘီး ခေါ်ဂေ့ဟှယ်။ ပေါလုဟှာ ဦးဆောန်ဟောပြောသူ ဖြစ်ဟှူကြောန့် ဟေရမေ ဆိုဘီး ခေါ်ဂေ့ဟှယ်။ 
\v 13 ဇုသရဲ့ နတ်ဘုရားဗိမာန်ဟှာ ဗြို့ပ္လန်မာရှိဟှူကြောန့် အယ်နတ်ဘုရားရဲ့ ယဇ်ပုရောဟိတ်ဟှာ နွားလားလေန ပန်းဂေါင်းလေဟှို ဗြို့ခွဗော့‑က်ဝဟှို ယူလာဂေ့ဟှယ်။ သူ့နတူးဒူ လူအောက်ဂီးလည်း တမန်တော်လေဟှို ပူဇော်ရှင်ဂေ့ဟှယ်။
\p
\v 14 အယ်ဘေမဲ့ တမန်တော်ဗာနဗန ပေါလုလေဟှ အယ်ကြောန်းဟှို ကြားရဂေ့ဟှူ ခီမာ သူးနို့ရဲ့ အန်းဂီလေဟှို ဆုဖ္လဲ့ဘီးဟှာ လူလေကြားထဲဟှို ပ္လေးလာဘီးဟှာ 
\v 15 “နန်းနို့ဟှာ ဖြားဖြစ်ကြောန့် အယ်မျိုးလောက်ဂေ့နူး။ နို့လေဟှ နန်းနို့မျိုးဘဲ့ သာမန်လူလေဖြစ်ဂေ့ဟှယ်! နန်းနို့ဟှာ အယ်မျိုး ကျိုးမှေ့ဘဲ့ဟှူ ဇာလေဟှို ပစ်လွှပ်ဂေ့ဘီးဟှာ သတ်ရှင်ဟှူ ဘုရားသခင်ဖတ်ဟှို ပ္လန်လာဟှို့တွပ် နန်းနို့ဟှို ဒန်းကောန်းပြောဟှို့တွပ် ရော့‑က်လာဟှယ်။ သတ်ရှင်ဟှူ ဘုရားသခင်ဟှာ ကောန်းဂန်န မ္လေဂီး၊ ပန်လယ်န ရာအားလောင်းဂူဟှိုလည်း ဖန်ဆင်းဟှားဟှယ်။ 
\v 16 ရင်းရင်ဒူးဟှ ဆိုဟှာ ကိုယ်တော်ဟှာ လူလေ အားလောင်းဂူဟှို သူးနို့ရဲ့ လမ်းစဉ်တိုင်း ရှော့‑က်လှမ်းဟှို့ ခွမ့်ပေးဟှားဟှယ်။ 
\v 17 အယ်ဘေမဲ့ ကောန်းဇာလေ လောက်ရှင်းအားဖြင့် ကိုယ်တော် ရှိဟှယ် ဆိုဇာဟှို သတ်သေထော့‑က်ထားလေန လူလေဟှို မြဲဒမ်း ပြဟှယ်။ ကိုယ်တော်ဟှာ ကောန်းဂန်ဟှနေ မိုးဝါစေဘီးဟှာ သီးနှံလေဟှို ဖြစ်စေဟှယ်။ နန်းနို့ဟှို စားဇာလေဟှို ပေးဘီး နန်းနို့ရဲ့စိဟှို ရွှင်လန်းစေဟှယ်” ဆိုဘီး အော်ဘီးပြောဟှယ်။ 
\v 18 တမန်တော်လေဟှာ အယ်မျိုးပြောဘေမဲ့လည်း ပူဇော်ဆစ်သဟှို့တွပ် လောက်နေဟှူ လူလေဟှို ခတ်ခတ်ခဲခဲ တားနေရဟှယ်။
\p
\v 19 အန္တိအုတ်ဗြို့န ဣကောနိဗြို့ဟှနေ ရော့‑က်လာဂေ့ဟှူ ယုဒလူတချို့ဟှာ သူးနို့ဖတ်ဟှို ပါအောန် စည်းရောင်းဂေ့ဟှယ်။ အယ်ဘီးန ပေါလုဟှို က္လော့‑က်ခဲန ပစ်ဘီးဟှာ သေဟှားဘီ ဆိုဘီး ထန်ဘီးဟှာ ဗြို့ပ္လန်ဟှို ဆွဲထုဂေ့ဟှယ်။ 
\v 20 အယ်ဘေမဲ့ သူ့နားဟှို တဗဲ့တော်လေဟှာ စုလာဂေ့ဟှူ ခီမာ ပေါလုဟှာ ဗြို့ထဲဟှို ပ္လန်ဝမ်ဟှားဟှယ်။ နော့‑က်တနေ့မာ ပေါလုန ဗာနဗဟှာ ဒေရဗေဗြို့ဟှို ထွပ်ဟှားဂေ့ဟှယ်။
\s ရှုရိပြည် အန္တိအုတ်ဗြို့ဟှို ပ္လန်လာကြောန်း
\p
\v 21 ပေါလုန ဗာနဗလေဟှာ ဒေရဗေဗြို့မာ ဒန်းကောန်းဟှို ဟောပြောဂေ့ဟှူ ခီမာ လူဘောင်ဂီးဟှ တဗဲ့တော်ဖြစ်လာဂေ့ဟှယ်။ အယ်ဘီးန လုတ္တရဗြို့၊ ဣကောနိဗြို့န ပိသိဒိပြည် အန္တိအုတ်ဗြို့ဟှို ပ္လန်ဂေ့ဟှယ်။ 
\v 22 တဗဲ့တော်လေဟှို ခိုင်ခန့်စေဘီး သူးနို့လေရဲ့ ယောင်ကြည်ရှင်းစိဟှို ခိုင်မြဲဟှို့တွပ် တိုက်တွန်းဂေ့ဟှယ်။ သူးနို့ဟှာ “နို့လေဟှာ ဘုရားသခင်ရဲ့ နိုင်ငံတော်ဟှို ဝမ်ဟှို့တွပ် ဒေါက်ခဆင်းရဲ ဘောင်ဂီး ခံရလေ့မယ်” ဆိုဘီး သွန်သန်ဂေ့ဟှယ်။ 
\v 23 ပေါလုန ဗာနဗလေဟှာ သင်းတော်လေမာ လူဂီးလေဟှို ခန့်ဟှားဂေ့ဟှယ်။ စာရှောန်ဆုတောန်းဘီးန သူးနို့ယောင်ကြည်ဂေ့ဟှူ သခင်ဘုရားနားဟှို သူးနို့လေဟှို အပ်ပေးလိုက်ဟှယ်။
\p
\v 24 ပေါလုန ဗာနဗဟှာ ပိသိဒိပြည်ဟှို ဖြတ်ဘီးန ပံဖုလိပြည်ဟှို ရော့‑က်ဟှားဂေ့ဟှယ်။ 
\v 25 သူးနို့ဟှာ ပေရဂေဗြို့မာ တရားဟှို ဟောဂေ့ဟှယ်။ အယ်ဘီးန အတ္တလိဗြို့ဟှို သွားဘီးဟှာ၊ 
\v 26 အန္တိအုတ်ဗြို့ဟှို သန်းဖောန သွားဂေ့ဟှယ်။ အယ်ဗြို့ဟှာ ခုသူးနို့ရဲ့ မှုတော်လောက်ငန်း ပီးဟှားဟှူကြောန့် ဘုရားသခင်ရဲ့ ကျေးဇူးတော်ထဲဟှို အပ်နှံဘီးဟှာ လွှတ်လိုက်ဟှူဗြို့ ဖြစ်ဟှယ်။
\p
\v 27 အန္တိအုတ်ဗြို့ဟှို ရော့‑က်ဟှူ ခီမာ သူးနို့ဟှာ သင်းတော်မာ စုခိုင်းဘီးဟှာ သူးနို့ဟှို ဘုရားသခင်ဟှ သတ်သေထူဟှားဇာလေန လူမျိုးခြားလေ ယောင်ကြည်လာဟှို့တွပ် ကိုယ်တော်ဟှာ ယောင်ကြည်ရှင်း ခွဗော့‑က်ဟှို ဖွမ့်ပေးဟှူကြောန်းလေဟှို ပ္လန်ပြောပြဂေ့ဟှယ်။ 
\v 28 အယ်ဘီးန သူးနို့ဟှာ တဗဲ့တော်လေနတူးဒူ ကြာဂီးနေဟှယ်။
\c 15
\s ယေရုရှလင်ဗြို့ဟှ စည်းဝေးကြောန်း
\p
\v 1 လူတချို့ဟှာ ယုဒပြည်ဟှနေ အန္တိအုတ်ဗြို့ဟှို သွားဘီးဟှာ ညီကို မောန်နှမလေဟှို “နန်းနို့ဟှာ မောရှေရဲ့ ပညတ်တရားတိုင်း ရေဖျားလှီးဇာဟှို ခံဟှဆိုဟှာ ကယ်တန်ရှင်းရနိုင်ဟှ” ဆိုဘီး သွန်သန်ဂေ့ဟှယ်။ 
\v 2 ပေါလုန ဗာနဗလေဟှာ အယ်လူလေန ပြင်းပြင်းထန်းထန်ဟှား ဂြင်းခူဂေ့ဟှယ်။ အယ်ကြောန့် ပေါလု၊ ဗာနဗန ယောင်ကြည်သူတချို့ဟှို အယ်ပြဿနာ ဆွေးနွီးဟှို့တွပ် ယေရုရှလင်ဗြို့ဟှ တမန်တော်လေန သင်းလူဂီးလေနားဟှို စေလွှတ်ဟှို့တွပ် ဆောင်းဖြတ်လိုက်ဂေ့ဟှယ်။
\p
\v 3 သူးနို့ဟှာ သင်းတော်ရဲ့ ပို့ဆောန်ပေးရှင်းအားဖြင့် ဖိနိတ်ပြည်န ရှမာရိပြည်လေဟှို ဖြတ်သွားနေဟှူ ခီမာ လူမျိုးခြားလေဟှာ ဘုရားသခင်ဖတ်ဟှို ပ္လောန်းလဲလာဂေ့ကြောန်းဟှို ပြောပြဂေ့ဟှူကြောန့် ညီကိုလေဟှာ ရရာတိုင်း ဝန်းသာဂေ့ဟှယ်။ 
\v 4 သူးနို့လေဟှာ ယေရုရှလင်ဗြို့ဟှို ရော့‑က်ဟှားဂေ့ဟှူ ခီမာ သင်းတော်၊ တမန်တော်လေန သင်းလူဂီးလေဟှ သူးနို့ဟှို ကြိုဆိုဂေ့ဟှယ်။ သူးနို့ဟှို ဘုရားသခင်ဟှ ဖယ်မျှလော့‑က် သောင်းပြုဟှယ် ဆိုဇာဟှို အားလောင်းဂူဟှို ပ္လန်ပြောပြဂေ့ဟှယ်။ 
\v 5 အယ်ဘေမဲ့ ဖာရိရှဲဖွဲ့ဝမ်လေန ယောင်ကြည်သူ တချို့လေဟှာ ထဘီးဟှာ “လူမျိုးခြားလေဟှာ ရေဖျားလှီးဇာခံရဘီး မောရှေရဲ့ ပညတ်တရားဟှို စောန့်ထီးရမယ်” ဆိုဘီး ပြောဂေ့ဟှယ်။
\p
\v 6 တမန်တော်လေန သင်းလူဂီးလေဟှာ အယ်ကိစဟှို သောင်းသပ်ဟှို့တွပ် စုဂေ့ဟှယ်။ 
\v 7 \x - \xo ၁၅.၇ \xo*\xt တ ၁၀.၁–၄၃\xt*\x*ခီကြာဂီး ဆွေးနွီးဂေ့ဘီးန ပေတရုဟှာ ထဘီးဟှာ “ညီကိုလေ၊ လူမျိုးခြားလေဟှာ ဒန်းကောန်းကြားဘီး ယောင်ကြည်နိုင်ဟှို့တွပ် ရင်းရင်ဂဒဲဟှ ဘုရားသခင်ဟှာ ဒန်းကောန်းဟှို ဟောပြောဟှို့တွပ် ငါ့ဟှို ဦးဆောင်း နန်းနို့ ထဲဟှနေ ဝီးချယ်ဟှားဟှယ် ဆိုဇာဟှို နန်းနို့ သိဂေ့ဟှယ်။ 
\v 8 \x - \xo ၁၅.၈ \xo*\xt တ ၁၀.၄၄; တ ၂.၄\xt*\x*လူလေရဲ့ စိနှလောင်းဟှိုသိဟှူ ဘုရားသခင်ဟှာ သန့်ရှင်းဟှူဝိညာဉ်တော်ဟှို နို့လေဟှို ပေးမျိုးဘဲ့ လူမျိုးခြားလေဟှိုလည်း ပေးရှင်းအားဖြင့် သူးနို့လေဟှို လတ်ခံကြောန်း သတ်သေဟှို ပြလေဟှယ်။ 
\v 9 ကိုယ်တော်ဟှာ သူးနို့လေန နို့လေဟှို ခွဲခြားဟှ။ သူးနို့ဟှာ ကိုယ်တော့်ဟှို ယောင်ကြည်ဟှူကြောန့် သူးနို့ရဲ့ စိနှလောင်းဟှာ သန့်ရှင်းဟှားဘီး သူးနို့ရဲ့ ပြစ်လေလည်း ဖြေလွှတ်ပေးဟှယ်။ 
\v 10 အယ်ကြောန့် နန်းနို့ဟှာ ဖြားဖြစ်ကြောန့် ဘုရားသခင်ဟှို စောင်ဇမ်းဂေ့နူး။ နို့လေရဲ့ ဘိုးဘေးလေရော၊ နို့လေကိုယ်တိုင်ဟှာ ထမ်းနိုင်ဘဲဟှူ ဝန်ထောက်လေဟှို ဖြားဖြစ်ကြာန့် တဗဲ့တော်လေဟှို ထမ်းခိုင်းဂေ့နူး။ 
\v 11 မှုဟှ! နို့လေဟှလည်း အယ်လူလေမျိုးဘဲ့ သခင်ယေရှုရဲ့ ကျေးဇူးတော်အားဖြင့် ကယ်တန်ခံရဟှယ် ဆိုဇာဟှို ယောင်ကြည်ဂေ့ဟှယ်” ဆိုဘီး ပြောဟှယ်။
\p
\v 12 ဗာနဗန ပေါလုလေဟှာ လူမျိုးခြားလေထဲမာ ဘုရားသခင်လောက်ဟှူ အံ့ဩဘွယ်ရာလေန နိမိတ်လတ်ခဏာကြောန်းဟှို ပြောနေဟှူ ခီမာ စုနေဟှူ လူလေဟှ တိတိဆိဆိဟှား နားထောန်နေဂေ့ဟှယ်။ 
\v 13 သူးနို့လေ ပြောဘီးန ယာကုပ်ဟှ “ညီကိုလေ၊ ငါ့စကားဟှို နားထောန်ဂေ့! 
\v 14 ဘုရားသခင်ဟှာ သူ့နာမတော်တွပ် လူမျိုးခြားလေထဲဟှ လူတချို့ဟှို သူ့ရဲ့ လူစုဖြစ်ဟှို့တွပ် ဝီးထုဟှူ ခီမာ သူးနို့ဟှို ဂရုစိုက်ကြောန်းဟှို ရှိမုန်ဟှ ရှင်းပြဟှားပီးဘီ။ 
\v 15 ပရောဖက်လေရဲ့ စကားလေဟှာ အယ်ကြောန်းရာန ကိုက်ညီဟှယ်။ ကျမ်းစာထဲမာ”
\q1
\v 16 “ ‘အယ်မူဇာ ပီးဟှားဘီးန ငါပ္လန်လာမယ်၊
\q2 အယ်ဘီးဟှာ ပြိုက္လနေဟှူ ဒါဝိဒ်ရဲ့တဲဟှို ငါပ္လန်ဆော့‑က်မယ်။
\q1 ငါဟှာ ပျစ်စီးနေဟှူ အယ်တဲတော်ဟှို ပ္လန်ဆော့‑က်ဘီး
\q2 ဒါဝိဒ်ရဲ့တဲဟှို နော့‑က်တခါ ပ္လန်ဆော့‑က်မယ်။
\q1
\v 17 ကျန်ရစ်ဟှူ လူလေန ငါ့နာမအားဖြင့် ခေါ်ရှင်းခံရဟှူ လူမျိုးခြားလေ အားလောင်းဂူဟှာ
\q2 ဘုရားသခင်ဟှို ရှာဂေ့လေ့မယ်။
\q1
\v 18 ရင်းရင်ဂဒဲဟှ အယ်မူဇာဟှို သိစေတော်မူဟှူ ထာဝရဘုရား မိန့်တော်မူဟှားဟှယ်’ ”
\m ဆိုဘီး ရေးဟှားဟှယ်။
\p
\v 19 ယာကုပ်ဟှ ဆစ်ဘီးဟှာ “အယ်ကြောန့် ဘုရားသခင်နားဟှို ပ္လောန်းလဲလာဂေ့ဟှူ လူမျိုးခြားလေဟှို ဒေါက်ခရော့‑က်အောန် နို့လေ စီရင်သင့်ဟှ ဆိုဘီး ငါထန်ဟှယ်။ 
\v 20 အယ်ကြောန့် ရောက်ထုလေဟှို ပူဇော်ဟှားဘီး သန့်ရှင်းဘဲဟှူ စားဇာလေဟှို စားရှင်း၊ တရားဘဲဟှူမေထုန်ပြုရှင်း၊ လည်ဗန်းလှီးဘဲန သတ်ဟှားဟှူ လိဆန်န သွီးလေဟှို စားရှင်းဟှနေ ရှောန်ဂေ့ဟှို့တွပ် စာရေးသင့်ဟှယ် ဆိုဇာ ငါယူဆဟှယ်။ 
\v 21 ဖြားဖြစ်ကြောန့်နူးဆိုဟှာ ရင်းရင်ဒူးဟှ မောရှေရဲ့ ပညတ်တရားဟှို ဝါလယ်ဇရပ်မာ ဒန်းနေ့တိုင်းမာ ဖတ်ဟှယ်။ အယ်ဘီးဟှာ သူ့ရဲ့ တရားဟှို ဗြို့တိုင်းမာ ဟောပြောဂေ့ဟှယ်” ဆိုဘီး ပြောဟှယ်။
\s ယောင်ကြည်သူ လူမျိုးခြားလေဟှို ပေးဟှူစာကြောန်း
\p
\v 22 အယ်ကြောန့် တမန်တော်လေ၊ သင်းလူဂီးလေန သင်းတော်တခုလောင်းဟှာ သူးနို့လေထဲဟှ လူတချို့ဟှို ဝီးချယ်ဘီးဟှာ ပေါလုန ဗာနဗလေနတူးဒူ အန္တိအုတ်ဗြို့ဟှို လွှတ်ဟှို့တွပ် ဆောင်းဖြတ်ဂေ့ဟှယ်။ သူးနို့လေဟှာ ညီကိုလေထဲမာ ရရာတိုင်း လေးစားခံရဟှူ ဗာရှဗ ဆိုဘီး ခေါ်ဟှူ ယုဒန သိလလေဟှို ဝီးချယ်ဂေ့ဟှယ်။ 
\v 23 သူးနို့ဟှနေ တဆင့် ပေးလိုက်ဟှူ စာထဲမာ
\pi “နန်းနို့ ညီကိုလေ ဖြစ်ဂေ့ဟှူ တမန်တော်လေန သင်းလူဂီးလေဟှ အန္တိအုတ်ဗြို့၊ ရှုရိပြည်န ကိလိကိပြည်မာနေဟှူ လူမျိုးခြား ညီကိုလေဟှို နှောက်ဆစ်လိုက်ဟှယ်။ 
\v 24 နို့လေထဲဟှ လူတချို့ဟှာ နို့လေရဲ့ ခွမ့်ပြုချစ်ရဘဲန နန်းနို့နားဟှို သွားဘီးဟှာ စိနှောက်ယှစ်ဖြစ်စေဟှူ စကားလေဟှို ပြောဘီး နန်းနို့ဟှို ဒေါက်ခပေးကြောန်းဟှို နို့လေသိရဟှယ်။ 
\v 25 အယ်ဘေမဲ့ ကျွန်တော့်လေဟှာ စည်းဝေးလောက်ဘီး လူတချို့ဟှို ဝီးချယ်ဘီးဟှာ နန်းနို့နားဟှို လွှတ်ဟှို့တွပ် အားလောင်းဂူ ဘောတူဂေ့ဟှယ်။ အယ်လူလေဟှာ ကျွန်တော့်လေ ရှစ်ဟှူဗာနဗန ပေါလုလေနတူးဒူ လိုက်ဟှားဂေ့လေ့မယ်။ 
\v 26 ပေါလုန ဗာနဗလေဟှာ နို့လေရဲ့ သခင်ယေရှုခရစ်တော်ရဲ့ နာမတော်တွပ် မှုတော်ဟှို သတ်စွန့်ဘီး လောက်ဂေ့ဟှယ်။ 
\v 27 အယ်ကြောန့် ကျွန်တော့်လေဟှာ သူးနို့နတူးဒူ ယုဒန သိလလေဟှို နန်းနို့နားဟှို လွှတ်လိုက်ဟှယ်။ ကျွန်တော့်လေ ရေးလိုက်ဟှူစာမာ ပြောဟှားဟှူ ကြောန်းရာလေဟှို သူးနို့ ကိုယ်တိုင်လည်း ပြောပြဂေ့လေ့မယ်။ 
\v 28 သန့်ရှင်းဟှူဝိညာဉ်တော်န ကျွန်တော့်လေဟှာ လိုက်နာဟှို့ လိုအပ်ချစ်လေမှတပါး တခြားဝန်လေဟှို ထမ်းဘဲဟှို့တွပ် ဘောတူဂေ့ဟှယ်။ 
\v 29 ရောက်ထုဟှို ပူဇော်ဟှားဟှူစာဟှို စားန။ သွီးဟှိုလည်း စားန။ လည်ဗန်းလှီးဘဲန သတ်ဟှားဟှူ လိဆန်ဟှိုလည်း စားန။ နန်းနို့ ကိုယ်တိုင်လည်း တရားဘဲဟှူမေထုန်ဟှို ရှောန်ရမယ်။ အယ်မူဇာလေဟှို ရှောန်မယ် ဆိုဟှာ နန်းနို့တွပ် လောင်လော့‑က်ဟှားဘီ။ ကျန်းမာရွှင်လန်းဂေ့ပါစေ” ဆိုဘီး ရေးဟှားဟှယ်။
\p
\v 30 စေတမန်လေဟှို လွှတ်လိုက်ဘီး သူးနို့ဟှာ အန္တိအုတ်ဗြို့ဟှို သွားဘီး ယောင်ကြည်သူလေဟှို စုခိုင်းဘီးဟှာ အယ်ပေးစာဟှို ပေးလိုက်ဂေ့ဟှယ်။ 
\v 31 သူးနို့ဟှာ အယ်စာဟှို ဖတ်ပြဂေ့ဟှူ ခီမာ တိုက်တွန်းဟှားဟှူ စကားလေကြောန့် ရရာတိုင်း ဝန်းသာဂေ့ဟှယ်။ 
\v 32 ယုဒန သိလလေ ကိုယ်တိုင်ဟှ ပရောဖက်လေ ဖြစ်ဂေ့ဟှူကြောန့် ညီကိုလေဟှို ခီကြာဂီး တိုက်တွန်းအားပေးဘီး ခိုင်ခန့်စေဂေ့ဟှယ်။ 
\v 33 သူးနို့ဟှာ အယ်နေရာမာ ရစ်ကြာဂီး နေဘီးန ညီကိုလေဟှို ငြီးငြီးချမ်းချမ်းဟှား ပ္လန်လွှတ်လိုက်ဂေ့ဟှယ်။ 
\v 34 \f + \fr ၁၅.၃၄ \fr*\ft တချို့ မူရင်းလတ်ရေးမူလေမာ ခန်းငယ် ၁၇ ဟှို၊ \ft*\fqa အယ်ဘေမဲ့ သိလဟှာ နေရစ်ဟှို့တွပ် ဆောင်းဖြတ်လိုက်ဟှယ်၊ \fqa*\ft ဆိုဘီး ထပ်ပေါန်းထဲ့ဟှားဟှယ်။\ft*\f*
\p
\v 35 ပေါလုန ဗာနဗလေဟှာ အန္တိအုတ်ဗြို့မာနေဘီး သခင်ဘုရားရဲ့ ဒန်းကောန်းဟှို တခြားလူလေနတူးဒူ ဟောပြောသွန်သန်ဂေ့ဟှယ်။
\s ပေါလုန ဗာနဗ လမ်းခွဲဂေ့ကြောန်း
\p
\v 36 ရစ်နဲနဲကြာဘီးန ပေါလုဟှ ဗာနဗဟှို “သခင်ဘုရားရဲ့ စကားတော်ဟှို နို့လေဟောဟှားဟှူ၊ ဗြို့လေမာရှိဟှူ ညီကိုလေနားဟှို ပ္လန်ဟှားဘီးဟှာ သူးနို့လေရဲ့ ခြေနေလေဟှို လေ့လာဂေ့ဇို့” ဆိုဘီး ပြောဟှယ်။ 
\v 37 ဗာနဗဟှာ မာကုနာမယ် ဆိုဘီး ခေါ်ဟှူ ယောဟန်ဟှို ခေါ်ဆောန်ရှင်ဟှယ်။ 
\v 38 \x - \xo ၁၅.၃၈ \xo*\xt တ ၁၃.၁၃\xt*\x*အယ်ဘေမဲ့ ပေါလုဟှ ပံဖုလိပြည်မာ သူးနို့နားဟှနေ ထွပ်ဟှားဘီး သာသနာခရီးဟှို ဆောင်းထိလိုက်ဘဲဟှူ သူဟှို ခေါ်ဆောန်ဟှို့ သင့်ဟှ ဆိုဘီး ယူဆဟှယ်။ 
\v 39 သူးနို့ဟှာ ပြင်းပြင်းထန်းထန်ဟှား ဂြင်းခူဂေ့ဘီး လမ်းခွဲဂေ့ဟှယ်။ ဗာနဗဟှာ မာကုဟှို ခေါ်ဘီးဟှာ ကုပရုကျွန်းဟှို သန်းဖောန သွားလိုက်ဟှယ်။ 
\v 40 ပေါလုဟှ သိလဟှို ဝီးချယ်ဘီးဟှာ ထွပ်ဟှားဟှယ်။ ညီကိုလေဟှာ ပေါလုဟှို သခင်ဘုရားရဲ့ ကျေးဇူးတော်န အပ်လိုက်ဂေ့ဟှယ်။ 
\v 41 ပေါလုဟှာ အယ်နေရာဟှနေ ရှုရိပြည်န ကိလိကိပြည်ဟှို သွားဘီးဟှာ သင်းတော်လေဟှို ခိုင်ခန့်စေဟှယ်။
\c 16
\s ပေါလု၊ သိလလေနတူးဒူ တိမောသေ လိုက်ဟှားကြောန်း
\p
\v 1 ပေါလုဟှာ ဒေရဗေဗြို့န လုတ္တရဗြို့ဟှို ရော့‑က်လာဟှယ်။ လုတ္တရဗြို့မာ တိမောသေ နာမယ်ရှိဟှူ တဗဲ့တော်တယော့‑က်ရှိဟှယ်။ သူ့မိဟှာ ယောင်ကြည်ဟှူ ယုဒလူမျိုးဖြစ်ဟှယ် သူ့ဖဟှာ ဟေလသလူမျိုးဖြစ်ဟှယ်။ 
\v 2 လုတ္တရဗြို့န ဣကောနိဗြို့ဟှ ညီကို မောန်နှမလေထဲမာ အသရေရှိဘီး သတ်သေခံနိုင်ဟှူ လူလည်းဖြစ်ဟှယ်။ 
\v 3 ပေါလုဟှာ တိမောသေဟှို သူးနို့နတူးဒူ လိုက်ဟှို့ရအောန် ဆိုဘီး အယ်နေရာမာရှိဟှူ ယုဒလူမျိုးလေကြောန့် သူ့ဟှို ရေဖျားလှီးပေးလေဟှယ်။ အယ်မျိုး လောက်ရဟှူကြောန်းဟှ တိမောသေရဲ့ ဖဟှ ဟေလသလူမျိုးဖြစ်ဟှယ် ဆိုဇာဟှို သူးနို့လေ အားလောင်းဂူ သိဂေ့ဟှယ်။ 
\v 4 သူးနို့ဟှာ ဗြို့လေဟှို ဖြတ်ဟှားဘီး ယေရုရှလင်ဗြို့မာနေဟှူ တမန်တော်လေန သင်းလူဂီးလေ ဆောင်းဖြတ်ဟှားဟှူ စည်းမျဉ်းလေဟှို စောန့်ထီးဟှို့တွပ် ယောင်ကြည်သူလေဟှို ပေးအပ်ဂေ့ဟှယ်။ 
\v 5 အယ်ကြောန့် သင်းတော်လေဟှာ ယောင်ကြည်မှု ပိုခိုင်မြဲလာဘီး နေ့တိုင်း လူဦးရေ တိုးပွားလာလေဟှယ်။
\s တရောဗြို့မာ ပေါလုဗြင်ရဟှူ ရူပါရောင်ကြောန်း
\p
\v 6 သူးနို့ဟှာ ဖြူဂိပြည်န ဂလာတိပြည်ဟှို ဖြတ်ဟှားဂေ့ဟှယ်။ သန့်ရှင်းဟှူဝိညာဉ်တော်ဟှာ သူးနို့ဟှို အာရှိပြည်မာ တရားဟောဟှို့တွပ် ခွမ့်ပေးဟှ။ 
\v 7 သူးနို့ဟှာ မုသိပြည်နယ်စပ်ဟှို ရော့‑က်ဟှားဂေ့ဟှူ ခီမာ ဗိသုနိပြည်ဟှို သွားဟှို့တွပ် ကြိုးစားဂေ့ဟှယ်။ အယ်ဘေမဲ့ သခင်ယေရှုရဲ့ ဝိညာဉ်တော်ဟှ သူးနို့ဟှို ခွမ့်ပေးဟှမ်း။ 
\v 8 အယ်ကြောန့် သူးနို့ဟှာ မုသိပြည်ဟှို ဖြတ်ဟှားဘီး\f + \fr ၁၆.၈ \fr*\fq ဖြတ်ဟှားဘီး၊ \fq*\ft အယ်မျိုးမှုဘဲနေဟှာ \ft*\fqa ဖြတ်သန်းဟှားဟှယ်။\fqa*\f* တရောဗြို့ဟှို သွားဂေ့ဟှယ်။ 
\v 9 အယ်ညဉ့်မာ ပေါလုဟှာ “မာကေဒေါနိပြည်ဟှို လာဘီးဟှာ ကျွန်တော့်လေဟှို ကူညီမစပါ” ဆိုဘီး မာကေဒေါနိပြည်သား တယော့‑က်ဟှာ ရပ်ဘီးဟှာ တောန်းဗန်နေဇာဟှို ရူပါရောင်ထဲမာ ဗြင်ရဟှယ်။ 
\v 10 ပေါလုဟှ အယ်ရူပါရောင်ဟှို ဗြင်ဘီးန မာကေဒေါနိပြည်သားလေဟှို ဒန်းကောန်းဟောဟှို့တွပ် ဘုရားသခင်ဟှာ နို့လေဟှို ခေါ်တော်မူဟှယ် ဆိုဘီး ရှစ်ရှင်းဘဲ မာကေဒေါနိပြည်ဟှို သွားဟှို့တွပ် ဆောင်းဖြတ်ဂေ့ဟှယ်။
\s ဖိလိပ္ပိဗြို့မာ လုဒိရဲ့ ပ္လောန်းလဲရှင်းကြောန်း
\p
\v 11 ကျွန်တော့်လေဟှာ တရောဗြို့ဟှနေ သာမောသရက်ကျွန်းဟှို သန်းဖောန သွားဂေ့ဘီးန နော့‑က်တနေ့မာ နာပေါလိဗြို့ဟှို ရော့‑က်ဟှားဂေ့ဟှယ်။ 
\v 12 အယ်ဗြို့ဟှနေဘီး ဖိလိပ္ပိဗြို့ဟှို သွားဂေ့ဟှယ်။ ဖိလိပ္ပိဗြို့ဟှာ မာကေဒေါနိပြည်ရဲ့ ပထမနယ်ရဲ့ ဗြို့တဗြို့၊\f + \fr ၁၆.၁၂ \fr*\fq မာကေဒေါနိပြည်ရဲ့ ပထမနယ်ရဲ့ ဗြို့တဗြို့၊ \fq*\ft တချို့ မူရင်းလတ်ရေးမူလေမာ \ft*\fqa မာကေဒေါနိပြည်ရဲ့ ဗြို့ဟှို ဦးတယ်ဟှယ်၊ \fqa*\ft အယ်မျိုးမှုဘဲနေဟှာ \ft*\fqa မာကေဒေါနိပြည်မာရှိဟှူ ဗြို့ဟှို ဦးတယ်ဟှယ်၊ \fqa*\ft ဆိုဘီး ပါရှိဟှယ်။\ft*\f* ရောမလတ်အော့‑က်ခံဟှူ ဗြို့လည်းဖြစ်ဟှယ်။ အယ်ဗြို့မာ ကျွန်တော့်လေဟှာ ကြာဂီးနေဂေ့ဟှယ်။ 
\v 13 ဒန်းနေ့မာ နို့လေဟှာ ဗြို့ပ္လန်ဟှို ထွပ်ဂေ့ဟှယ်။ အယ်ဘီးန ဆုတောန်းဟှို့တွပ် နေရာရှိနိုင်ဟှယ် ဆိုဘီး စိထန်န မြစ်ကမ်းနားဟှို သွားဘီး အယ်နေရာမာ စုနေဟှူ မီးမလေဟှို ဟောဂေ့ဟှယ်။ 
\v 14 အယ်လူလေထဲမာ သွာတိရဗြို့ဟှ ခရမ်းရောန် ဝတ်လေဟှို ရောန်းဝယ်မား လုဒိနာမယ်ရှိဟှူ မီးမတယော့‑က်လည်း နားထောန်နေဟှယ်။ သူဟှာ ဘုရားသခင်ဟှို ကိုးကွယ်ဟှူသူ ဖြစ်ဟှယ်။ သခင်ဘုရားဟှာ ပေါလုဟောနေဟှူ တရားစကားဟှို အာရောင်စိုက်ဟှို့တွပ် အယ်မီးမရဲ့ စိနှလောင်းဟှို ဖွမ့်ပေးဟှယ်။ 
\v 15 သူ့နတူးဒူ အီသူအီသားလေဟှာ ဗတ္တိဇံခံဘီးန လုဒိဟှ “ကျွန်မဟှာ သခင်ဘုရားဟှို တကယ်ယောင်ကြည်သူ ဖြစ်ဟှယ် ဆိုဘီး ဆောင်းဖြတ်ဟှယ် ဆိုဟှာ ကျွန်မအီဟှို လာဘီးဟှာ နေဂေ့ပါ” ဆိုဘီး ကျွန်တော့်လေဟှို တောန်းဗန်လေဟှယ်။
\s ပေါလုန သိလလေဟှာ ဖိလိပ္ပိဗြို့မာ ထောန်ခ္လခံရကြောန်း
\p
\v 16 တနေ့မာ ကျွန်တော့်လေဟှာ ဆုတောန်းဟှူ နေရာဟှို သွားဂေ့ဟှူ ခီမာ ဗေဒန်ဟောနိုင်ဟှူ၊ နတ်ဝမ်ပူးနေဟှူ၊ စေခံမီးမဂန်း တယော့‑က်ဟှို တွိဂေ့ဟှယ်။ သူဟှာ အယ်မျိုး ဗေဒန်ဟောရှင်းအားဖြင့် သူ့ဇရှင်ဟှို ကပ်လေဘောင်ဂီး ရစေဟှယ်။ 
\v 17 အယ်စေခံဟှာ ပေါလုန ကျွန်တော့်လေ နော့‑က်ဟှိုလိုက်ဘီးဟှာ “အယ်လူလေဟှာ ဗြစ်ဆောင်းဟှူ ဘုရားသခင်ရဲ့ စေခံလေဖြစ်ဟှယ်! သူးနို့ဟှာ နန်းနို့ဟှို ဖယ်မျိုး ကယ်တန်ခံရနိုင်ဟှယ် ဆိုဇာဟှို ဟောဟှူလူလေဖြစ်ဟှယ်” ဆိုဘီး အော်နေဟှယ်။ 
\v 18 အယ်မီးမဂန်းဟှားဟှာ ရစ်လေကြာဂီး အယ်မျိုးလောက်နေကြောန့် ပေါလုဟှာ ရရာတိုင်း စိနှောက်ရှစ်ဖြစ်လာဘီး၊ နော့‑က်ဟှိုလှည့်ဘီးဟှာ “နန်ဟှာ အယ်မီးမဂန်းဟှားထဲဟှနေ ထွပ်ဟှားလိုက်။ ယေရှုခရစ်တော်ရဲ့ နာမတော်နှိုက် နန့်ဟှို ငါ မိန့်ပေးဟှယ်!” ဆိုဘီး အယ်နတ်ဟှို ပြောလေဟှယ်။ ရှစ်ရှင်းဘဲ အယ်နတ်ဟှာ ထွပ်ဟှားဟှယ်။ 
\v 19 မီးမဂန်းဟှားရဲ့ ဇရှင်ဟှာ သူးနို့မာ ကပ်ဝမ်ဟှို့တွပ် မျှော်လင့်ချစ်မှေ့ဘီ ဆိုဇာဟှို သိဟှူ ခီမာ ပေါလုန သိလလေဟှို ဖမ်းဘီးဟှာ လူလေစုဝီးဟှူ နေရာမာရှိနေဟှူ အာဏာပိုင်လေနားဟှို ဆွဲခေါ်ဟှားဂေ့ဟှယ်။ 
\v 20 ရောမရာရှိလေရဲ့ ရှေ့ဟှို ရော့‑က်ဟှူ ခီမာ “အယ်လူလေဟှာ ယုဒလူမျိုးလေ ဖြစ်ဂေ့ဟှယ်။ ကျွန်တော့်လေ ဗြို့ဟှို ဆူပူအောန် လောက်နေဂေ့ဟှယ်။ 
\v 21 ရောမနိုင်ငံသားလေဖြစ်ဟှူ၊ ကျွန်တော့်လေ လတ်ခံအပ်ဘဲဟှူ၊ ကျင့်သောင်းအပ်ဘဲဟှူ ထောင်းဒန်းစဉ်လာလေဟှို သူးနို့လေဟှာ သွန်သန်နေဂေ့ဟှယ်” ဆိုဘီး လျှော့‑က်ဟှားဂေ့ဟှယ်။ 
\v 22 လူအောက်ဂီးဟှလည်း ပေါလုန သိလလေဟှို ဆန့်ကျင်ဂေ့ဟှယ်။
\p ရာရှိလေဟှာ အယ်လူနှေ့ယော့‑က်ရဲ့ ဝတ်လေဟှို ဆုဖ္လဲ့ဘီး သူးနို့ဟှို ကီဒန်ပေးဟှို့တွပ် မိန့်ပေးဂေ့ဟှယ်။ 
\v 23 သူးနို့ဟှို ပြင်းပြင်းထန်းထန်ဟှား ရိုက်ဘီးန ထောန်ထဲမာ ထားဟှားဂေ့ဟှယ်။ အယ်ဘီးန သူးနို့ဟှို လောင်းလောင်ခြောင်းခြောင်ဟှား ထားဟှို့တွပ် ထောန်မှူးဟှို မိန့်ပေးဂေ့ဟှယ်။ 
\v 24 အယ်မျိုး မှာလိုက်ဟှူတိုင်း ထောန်မှူးဟှာ သူးနို့ဟှို ထောန်ရဲ့ ထဲခန်းမာ ထားဟှားဘီးဟှာ သူးနို့ ခေလေဟှိုလည်း ထိတောင်းခတ်ဟှားလိုက်ဟှယ်။
\p
\v 25 ညဉ့်သန်းဂေါန်ခီမာ ပေါလုန သိလလေဟှာ ဘုရားသခင်ဟှို ဆုတောန်းဘီး ချီးမွမ်းချင်း ဆိုနေဂေ့ဟှယ်။ သူးနို့လေ ချင်းဆိုနေဇာဟှို တခြားထောန်သားလေလည်း နားထောန်နေဂေ့ဟှယ်။ 
\v 26 အယ်ခီမာ ရော့‑က်တရစ် ပြင်းထန်ဟှူ မ္လေဂီးလှောက်လာဘီး ထောန်ရဲ့ အုပြစ်လေဟှာ လှောက်ခါလာဟှယ်။ ခွဗော့‑က်လေ အားလောင်းဂူဟှာ ရှစ်ရှင်းဘဲ ပွမ့်ထွပ်ဟှားဘီး ထောန်သားလေ အားလောင်းဂူရဲ့ ခယ်ဟှားဟှူ သံကြိုးလေလည်း ပ္လုထွပ်ဟှားဂေ့ဟှယ်။ 
\v 27 ထောန်မှူးဟှာ အိယာဟှ နိုးဟှားဘီး ပွမ့်နေဟှူ ထောန်ခွဗော့‑က်လေဟှို ဗြင်ဟှူ ခီမာ ထောန်သားလေဟှာ ထွပ်ပ္လေးဟှားဘီ ဆိုဘီး စိထန်နေဟှူကြောန့် ထားဟှို ဆွဲထုဘီးန သူ့ကိုယ်သူ သတ်ဟှို့ လောက်နေဟှယ်။ 
\v 28 အယ်ဘေမဲ့ ပေါလုဟှ “နန့်ကိုယ်နန် အန္တရာယ်ဖြစ်စေန! နို့လေအားလောင်းဂူ အယ်နေရာမာ ရှိနေဂေ့ဟှယ်” ဆိုဘီး သံက္လယ်ဂီးန အော်ပြောလေဟှယ်။
\p
\v 29 ထောန်မှူးဟှာ မီးတိုင်ဟှို တောန်းဘီးန ပ္လေးဝမ်ဟှားဘီး ပေါလုန သိလလေရဲ့ ခေရင်းမာ တောင်လှောက်ဘီး ပျပ်ဝပ်နေဟှယ်။ 
\v 30 အယ်ဘီးန သူးနို့ဟှို ပ္လန်ဟှို ခေါ်ဆောန်လာဘီးဟှာ “ဆရာလေ၊ ကျွန်တော်ဟှာ ကယ်တန်ခံရဟှို့တွပ် ဖြားမျိုးလောက်ဟှို့နူး” ဆိုဘီး မေးလိုက်ဟှယ်။
\p
\v 31 သူးနို့ဟှလည်း “သခင်ယေရှုဟှို ယောင်ကြည်ပါ။ ယောင်ကြည်မယ် ဆိုဟှာ နန့်န နန့်မိသားစုဟှာ ကယ်တန်ခံရလေ့မယ်” ဆိုဘီး ပ္လန်ဖြေလေဟှယ်။ 
\v 32 အယ်ဘီးန သူ့န သူ့အီမာရှိနေဟှူ လူလေ အားလောင်းဂူဟှို သခင်ဘုရားရဲ့ စကားတော်ဟှို ဟောပြောဂေ့ဟှယ်။ 
\v 33 အယ်ညဉ့်မာဘဲ့ ထောန်မှူးဟှာ ပေါလုန သိလလေဟှို ခေါ်ဘီးဟှာ ဒန်ရာလေဟှို ဆေးပေးဟှယ်။ အယ်ဘီးန သူ့န သူ့အီသူအီသား အားလောင်းဟှာ ရှစ်ရှင်းဘဲ ဗတ္တိဇံခံဂေ့ဟှယ်။ 
\v 34 သူဟှာ ပေါလုန သိလလေဟှို သူ့အီဟှို ခေါ်ဘီးဟှာ စားဇာလေဟှို ကျွေးဟှယ်။ သူ့န သူ့မိသားစုဟှာ ဘုရားသခင်ဟှို ယောင်ကြည်ရဂေ့ကြောန့် ရရာတိုင်း ဝန်းသာဂေ့ဟှယ်။
\p
\v 35 နော့‑က်တနေ့ မိုးလန်းဟှားဟှူ ခီမာ ရောမအာဏာပိုင်လေဟှာ သူးနို့လေဟှို ထောန်ဟှနေ လွှတ်လိုက်ဟှို့တွပ် ရဲရာရှိလေဟှို မိန့်ပေးလိုက်ဟှယ်။
\p
\v 36 အယ်ကြောန့် ထောန်မှူးဟှာ ပေါလုဟှို “ရာရှိလေဟှာ နန့်နို့ဟှို ထောန်ဟှနေ လွှတ်ဟှို့တွပ် ပြောဟှားဟှယ်။ အယ်ကြောန့် ငြီးငြီးချမ်းချမ်းဟှား သွားဂေ့ပါ” ဆိုဘီး ပြောဟှယ်။
\p
\v 37 ပေါလုဟှ “ရောမနိုင်ငံသားဖြစ်ဟှူ နို့လေဟှို စစ်ကြောစီရင်ဘဲန လူလေရှေ့မာ ရိုက်ဂေ့ဟှယ်! အယ်ဘီးန နို့လေဟှို ထောန်ခ္လဟှားဂေ့ဟှယ်။ ခုလည်းဘဲ့ နို့လေဟှို တိတိဟှား လွှတ်လိုက်ဂေ့ဟှို့လော။ အယ်မျိုးလောက်သင့်ဟှ! သူးနို့ ကိုယ်တိုင်လာဘီး နို့လေဟှို ထောန်ဟှနေ လာထုဂေ့” ဆိုဘီး ရဲရာရှိလေဟှို ပြောဟှယ်။
\p
\v 38 ရဲရာရှိလေဟှာ အယ်ကြောန်းဟှို ရာရှိလေဟှို ပ္လန်ပြောဂေ့ဟှယ်။ ပေါလုန သိလလေဟှာ ရောမနိုင်ငံသား ဖြစ်ကြောန်းဟှို ရာရှိလေဟှာ ကြားရဟှူ ခီမာ ကြော့‑က်လန့်ဂေ့ဟှယ်။ 
\v 39 အယ်ကြောန့် သူးနို့ဟှာ လာဘီးဟှာ ပေါလုန သိလလေဟှို တိုက်တွန်းဂေ့ဟှယ်။ အယ်ဘီးန သူးနို့လေဟှို ထောန်ဟှနေ ထုဆောန်ဘီးဟှာ အယ်ဗြို့ဟှနေ ထွပ်ဟှားဟှို့တွပ် တောန်းဗန်ဂေ့ဟှယ်။ 
\v 40 ပေါလုန သိလလေဟှာ ထောန်ထဲဟှ ထွပ်ဘီးဟှာ လုဒိအီဟှို သွားဂေ့ဟှယ်။ အယ်ဘီးန ညီကို မောန်နှမလေဟှို တွိဘီးဟှာ အားပေးစကားလေဟှို ပြောဘီးန အယ်ဗြို့ဟှနေ ထွပ်ဟှားဂေ့ဟှယ်။
\c 17
\s သက်သာလောနိတ်ဗြို့မာ မှုတော်မြတ်ကြောန်း
\p
\v 1 ပေါလုန သိလဟှာ ခရီးသွားဂေ့ဟှူ ခီမာ အံဖိပေါလိဗြို့န အာပေါလောနိဗြို့ဟှို ဖြတ်ဟှားဘီး သက်သာလောနိတ်ဗြို့ဟှို ရော့‑က်ဟှားဂေ့ဟှယ်။ အယ်ဗြို့မာ ယုဒဝါလယ်ဇရပ်ရှိဟှယ်။ 
\v 2 ပေါလုဟှာ သူးနို့ထောင်းဇံရှိဟှူတိုင်း ဝါလယ်ဇရပ်ဟှို သွားဘီးဟှာ ဒန်းနေ့ သောင်းရစ်လောင်းလောင်း ကျမ်းစာဟှို ကိုးကားဘီးဟှာ လူလေန သေးသေချားချာဟှား ဆွေးနွီးဂေ့ဟှယ်။ 
\v 3 မေရှိယဟှာ ဒေါက်ခဝေဒနာခံရဟှူ ကြောန်းဟှို ကျမ်းချစ် ထော့‑က်ထားလေနတူးဒူ ရှင်းရှင်းလန်းလန်းဟှား ပြောပြဟှယ်။ ပေါလုဟှ “နန်းနို့ဟှို ငါပြောပြနေဟှူ ယေရှုဟှာ မေရှိယဖြစ်ဟှယ်” ဆိုဘီး ပြောဟှယ်။ 
\v 4 ယုဒလူတချို့ဟှာ သွီးဆောန်ခံရဘီး ပေါလုန သိလလေရဲ့ ဖွဲ့ထဲဟှို ဝမ်ဟှားဂေ့ဟှယ်။ ဘုရားသခင်ဟှို ကိုးကွယ်ဟှူ ဟေလသလူမျိုး ဘောင်ဂီးန ထန်ပေါ်ကျော်ကြားဟှူ မီးမလေလည်း သူးနို့ဖွဲ့ထဲဟှို ဝမ်ဂေ့ဟှယ်။
\p
\v 5 အယ်ဘေမဲ့ ယုဒလူ တချို့ဟှာ နာလိုဘဲဟှူ စိရှိဟှူကြောန့် လမ်းလေမာ ကောန်းဘဲဟှူ လူလေဟှို ခေါ်ဘီးဟှာ လူလေဘောင်ဂီးဟှို စုခိုင်းဘီးဟှာ တဗြို့လောင်း ဆူပူအောန် လောက်ဂေ့ဟှယ်။ သူးနို့ဟှာ ယာသုန်ရဲ့အီဟှို ဝမ်ဘီးဟှာ ပေါလုန သိလလေဟှို လူလေရှေ့ဟှို ဆွဲထုဟှို့တွပ် ရှာဂေ့ဟှယ်။ 
\v 6 ရှာတွိဘဲဟှူ ခီမာ သူးနို့ဟှာ ယာသုန်န ညီကို မောန်နှမလေ တချို့ဟှို ဗြို့ရဲ့ အာဏာပိုင်လေရှေ့ဟှို ခေါ်ဆောန်ဟှားဘီးဟှာ “အယ်လူလေဟှာ လောကီနိုင်ငံရဲ့ နေရာတိုင်းမာ ဒေါက်ခပေးနေဂေ့ဟှယ်။ သူးနို့ဟှာ ခုလည်း ကျွန်တော့်လေရဲ့ဗြို့ဟှို ရော့‑က်လာဂေ့ဟှယ်။ 
\v 7 ယာသုန်ဟှာ အယ်လူလေဟှို သူ့အီမာ လတ်ခံဟှားဟှယ်။ အယ်လူလေဟှာ ယေရှုနာမယ်န မန်းဂီးတပါးရှိဟှယ် ဆိုဘီး ကဲသာမန်းဂီးရဲ့ မိန့်တော်ဟှို ဆန့်ကျင်ဖတ် လောက်နေဂေ့ဟှယ်” ဆိုဘီး အော်ဂေ့ဟှယ်။ 
\v 8 အယ်မျိုး စကားလေန သူးနို့လေဟှာ လူအောက်ဂီးန ဗြို့အာဏာပိုင်လေဟှို ရောက်ရောက်သဲသဲ လောက်ဂေ့ဟှယ်။ 
\v 9 အာဏာပိုင်လေဟှာ ယာသုန်န လောက်ဖော်ဆောန်ဖတ်လေဟှို အာမခံဖြစ်န ကပ်ပေးခိုင်းဘီးဟှာ ထွပ်ဟှားဟှို့တွပ် ခွမ့်ပြုလိုက်ဂေ့ဟှယ်။
\s ဗေရိဗြို့မာ မှုတော်မြတ်ကြောန်း
\p
\v 10 ညဉ့်ခန်းဇာ ရော့‑က်လာဟှူ ခီမာ ညီကို မောန်နှမလေဟှာ ပေါလုန သိလလေဟှို ဗေရိဗြို့ဟှို စေလွှတ်ဂေ့ဟှယ်။ အယ်ဗြို့ဟှို ရော့‑က်ဟှူ ခီမာ သူးနို့ဟှာ ယုဒဝါလယ်ဇရပ်ဟှို သွားဂေ့ဟှယ်။ 
\v 11 ဗေရိဗြို့သားလေဟှ သက်သာလောနိတ်ဗြို့ဟှ လူလေထတ် စိထားမြတ်ဂေ့ဟှယ်။ အယ်ကြောန့် ပေါလုဟောဟှူ တရားဟှို ရရာတိုင်း ကြည်ညိုဟှူစိန နာခံဂေ့ဟှယ်။ သူးနို့ဟှာ ပေါလု ပြောဇာလေဟှာ တကယ်မှန်ဘဲ့လား ဆိုဘီး သိနိုင်ဟှို့တွပ် နေ့တိုင်းကျမ်းစာဟှို လေ့လာဂေ့ဟှယ်။ 
\v 12 အယ်ကြောန့် လူလေဘောင်ဂီး ယောင်ကြည်လာဂေ့ဟှယ်။ အယ်မျိုး ယောင်ကြည်သူလေထဲမာ ဂေါန်သရေရှိဟှူ ဟေလသလူမျိုး မီးမန ယော့‑က်ကျားလေလည်း ပါဝမ်ဂေ့ဟှယ်။ 
\v 13 ဗေရိဗြို့မာ ဘုရားသခင်ရဲ့ စကားတော်ဟှို ပေါလု ဟောနေဟှယ် ဆိုဇာဟှို သက်သာလောနိတ်ဗြို့ဟှ ယုဒလူမျိုးလေဟှာ ကြားရဂေ့ဟှူ ခီမာ ဗေရိဗြို့ဟှို လာဂေ့ဘီးဟှာ လူလေဟှို ဆူပူအောန် နှိုးဆော်ဂေ့ဟှယ်။ 
\v 14 ညီကို မောန်နှမလေဟှာ ရှစ်ရှင်းဘဲ့ ပေါလုဟှို ပန်လယ်ကမ်းခြေဟှို သွားခိုင်းလိုက်ဟှယ်။ သိလန တိမောသေလေဟှ ဗေရိဗြို့မာဘဲ့ နေရစ်ဂေ့ဟှယ်။ 
\v 15 ပေါလုဟှို လိုက်ပို့ဂေ့ဟှူ လူလေဟှာ သူ့နတူးဒူ အာသင်ဗြို့ထိ လိုက်ဟှားဂေ့ဟှယ်။ အယ်ဘီးန သိလန တိမောသေလေဟှို ဗြန်းဗြန်ဟှား လိုက်လာဟှို့တွပ် ညွှန်ကြားချစ်ဟှို ယူဘီးန ဗေရိဗြို့ဟှို ပ္လန်ဟှားဂေ့ဟှယ်။
\s အာသင်ဗြို့မာ မှုတော်ဆောန်ဟှူကြောန်း
\p
\v 16 ပေါလုဟှာ အာသင်ဗြို့မာ သိလန တိမောသေလေဟှို စောန့်နေဒူးမာ အယ်ဗြို့မာ ရောက်ထုလေဘောင်ဂီး ရှိနေဟှယ် ဆိုဇာဟှို ဗြင်ဟှူ ခီမာ ရရာတိုင်း စိကောန်းဘဲ ဖြစ်ဟှားဟှယ်။ 
\v 17 အယ်ကြောန့် ဝါလယ်ဇရပ်မာ ယုဒလူမျိုးလေ၊ ဘုရားသခင်ဟှို ကိုးကွယ်ဟှူ လူမျိုးခြားလေ နေ့တိုင်းဗြို့ထဲဟှ လူလေစုဝီးဟှူ နေရာဟှို လာဂေ့ဟှူ လူလေန ဆွေးနွီးဂေ့ဟှယ်။ 
\v 18 ဧပိကုရုန သတောအိပ် တွေးခေါ်ပညာရှင်လေ တချို့လည်း ပေါလုန ဆွေးနွီးငြင်းခူဂေ့ဟှယ်။ အယ်လူလေထဲမာ တချို့ဟှ “အယ်လူဟှာ ဖြားဇာပြောနေနူး” ဆိုဘီး ပြောဂေ့ဟှယ်။
\p တခြားလူလေဟှ “သူဟှာ လူမျိုးခြားလေရဲ့ နတ်ဘုရားလေရဲ့ ကြောန်းဟှို ပြောနေဇာနတူဟှယ်” ဆိုဘီး ပြောဂေ့ဟှယ်။ ပေါလုဟှာ ယေရှုကြောန်းန ရှင်ပ္လန်ထမြော့‑က်ရှင်းကြောန်း\f + \fr ၁၇.၁၈ \fr*\fk ယေရှုကြောန်းန ရှင်ပ္လန်ထမြော့‑က်ရှင်းကြောန်း၊ \fk*\ft ဟေလသစကားမာ ဆိုဟှာ ရှင်ပ္လန်ထမြော့‑က် စကားလောင်းရဲ့ ဓိပါယ်ဟှ နတ်သမီးရဲ့ နာမယ်တခုဖြစ်ဟှယ် ဆိုဇာ နားလည်ဂေ့ဟှယ်။\ft*\f*ဖြစ်ဟှူ ဒန်းကောန်းဟှို ဟောပြောကြောန့် သူးနို့လေဟှာ အယ်မျိုး ပြောနေဂေ့ဇာဖြစ်ဟှယ်။
\p
\v 19 အယ်ကြောန့် အယ်လူလေဟှ ပေါလုဟှို အာရေပါဂု တရားရောင်းဟှို ခေါ်ဆောန်ဟှားဂေ့ဘီးဟှာ “နန်ဟောပြောနေဟှူ ယူဝါဒသစ်ကြောန်းဟှို နို့လေလည်း သိရှင်ဟှယ်။ 
\v 20 နန်ဟောပြောဟှူ ကြောန်းရာတချို့ဟှာ နို့လေတွပ် သစ်ဆန်းဖြစ်နေဟှယ်။ အယ်ကြောန်းရာရဲ့ ဓိပါယ်ဟှိုလည်း နို့လေသိရှင်ဟှယ်” ဆိုဘီး ပြောဂေ့ဟှယ်။ 
\v 21 အာသင်ဗြို့သား အားလောင်းဂူန အယ်ဗြို့မာနေဟှူ ဧည့်သည်လေဟှာ ကြောန်းရာသစ်ဆန်းလေဟှို ပြောဇာန နားထောန်ဇာ အားဖြင့်ဘဲ့ ခီဟှို ကူစေဂေ့ဟှယ်။
\p
\v 22 ပေါလုဟှာ အာရေပါဂု တရားရောင်းရှေ့မာ ရပ်ဘီး “အာသင်ဗြို့သားလေ၊ နန်းနို့ဟှာ ရရာတိုင်း ဘုရားတရားဟှို ကြည်ညိုဟှူ လူလေဖြစ်ဟှယ် ဆိုဇာဟှို ငါဗြင်ဟှယ်။ 
\v 23 ကျွန်တော့်ဟှာ ခန်ဗျားလေရဲ့ဗြို့ဟှို ရှော့‑က်လည်ဘီး ကိုးကွယ်ဟှူဇာလေဟှို ကေ့ဟှူ ခီမာ ‘နို့လေ သိဘဲဟှူ ဘုရားတွပ်’ ဆိုဘီး နာမယ်ရေးဟှားဟှူ ယဇ်ပလ္လင်တခုဟှို တွိဟှယ်။ အယ်မျိုး ခန်ဗျားလေသိဘဲန ကိုးကွယ်နေဟှူ ဘုရားကြောန်းဟှို ခု ကျွန်တော်ပြောပြမယ်။ 
\v 24 \x - \xo ၁၇.၂၄,၂၅ \xo*\xt တ ၇.၄၈\xt*\x*ကမ္ဘာလောကဂီးန ရှိဇာအားလောင်းဂူဟှို ဖန်ဆင်းဟှူ ဘုရားသခင်ဟှာ ကောန်းဂန်န မ္လေဂီးရဲ့ သခင်ဖြစ်ဟှူကြောန့် လူလတ်န ဆော့‑က်ဟှားဟှူ ဗိမာန်တော်လေမာနေဇာ မှုဟှ။ 
\v 25 အယ်သခင်ကိုယ်တိုင်ဘဲ့ လူလေ အားလောင်းဂူဟှို သတ်နတူးဒူ တခြားရာ အားလောင်းဂူဟှိုလည်း ပေးသနားတော်မူဟှယ်။ အယ်ကြောန့် သူဟှာ တခုခုဟှို လိုရှင်ဟှူကြောန့် လူလတ်န ပြုစုဇာဟှို ခံတော်မူဟှ။ 
\v 26 ကိုယ်တော်ဟှာ လူတယော့‑က်ဟှနေဘီး လူမျိုးအားလောင်းဂူဟှို ဖန်ဆင်းလိုက်ဘီး တကမ္ဘာလောင်းမာ သူးနို့ဟှို နေစေဟှယ်။ အယ်လူမျိုး အားလောင်းဂူဟှို သတ်ရှင်နေထိုင်ဟှို့တွပ် ခီကာလန နေရာလေဟှို ကြိုတန်ပိုင်ခြား သတ်မှတ်ဟှားဘီး ပေးဟှားဟှယ်။ 
\v 27-28 အယ်မျိုးလောက်ဇာဟှာ လူလေဟှာ ကိုယ်တော့်ဟှို တွိလိုတွိငြား စမ်းသပ်ဘီး ရှာဟှို့တွပ်ဘဲ့ ဖြစ်ဟှယ်။”
\q1 “ ‘ကျွန်တော့်လေဟှာ ကိုယ်တော်ကြောန့် သတ်ရှင်ဘီး လှောက်ရှား နေရဂေ့ဟှယ်။’ ”
\m အယ်ကြောန့် တကယ်ဆိုဟှာ ဘုရားသခင်ဟှ ဖယ်သူနလည်းဝီးဇာ မှုဟှ။ ခန်ဗျားဟှားလေထဲမာ ကဗျာဆရာတချို့ဟှ၊
\q1 “‘နို့လေဟှာ ကိုယ်တော်ရဲ့ သားမီးလေ ဖြစ်ဂေ့ဟှယ်’ ” ဆိုဘီး ပြောဟှားဟှယ်။
\m
\v 29 “ကျွန်တော့်လေဟှာ ဘုရားသခင်ရဲ့ သားမီးလေ ဖြစ်ဂေ့ဟှူကြောန့် ဘုရားသခင်ဟှို လူရဲ့နုပညာန ကျွမ်းကျင်ရှင်းအားဖြင့် ထုလောက်ဟှားဟှူ ရွှေရောက်ထု၊ ငွေရောက်ထု၊ က္လော့‑က်ရောက်ထုနတူဟှယ် ဆိုဘီး ထန်မှတ်သင့်ဟှ။ 
\v 30 ဘုရားသခင်ဟှာ လူလေသိနားလည်ဘဲဟှူ ခီကာလဟှို ရှုမှတ်တော် မှုဟှ။ အယ်ဘေမဲ့ ခု နေရာတိုင်းဟှ လူအားလောင်းဂူဟှို နောန်ဒရဟှို့တွပ် မိန့်တော်မူဟှယ်။ 
\v 31 ဖြားဖြစ်ကြောန့်နူးဆိုဟှာ ကိုယ်တော်ဝီးချယ်ဟှားဟှူ လူအားဖြင့် လောကသားလေဟှို ဖြောန့်မတ်ရှင်းတရားန စီရင်မယ့် နေ့ရစ်ဟှို သတ်မှတ်ဟှားကြောန့် ဖြစ်ဟှယ်။ အယ်မျိုးဖြစ်မယ် ဆိုဇာဟှို အယ်သခင်ဟှာ သေရာဟှနေ ထမြော့‑က်ရှင်းအားဖြင့် လူအားလောင်းဂူဟှို အယ်သတ်သေဟှို ပြဟှားဟှယ်” ဆိုဘီး ပြောဟှယ်။
\p
\v 32 သေရာဟှနေ ထမြော့‑က်ကြောန်းဟှို ကြားရဟှူ ခီမာ တချို့လူလေဟှ ရယ်ဇားဂေ့ဟှယ်။ အယ်ဘေမဲ့ တချို့လူလေဟှ “နန်ပြောနေဟှူကြောန်းဟှို နို့လေဟှ နော့‑က်တခါ ကြားရှင်သေးဟှယ်” ဆိုဘီး ပြောဂေ့ဟှယ်။ 
\v 33 အယ်ဘီးန ပေါလုဟှာ စည်းဝေးဟှနေ ထွပ်ဟှားလိုက်ဟှယ်။ 
\v 34 တချို့လူလေဟှာ ပေါလုန ပေါန်းဘီးဟှာ ယောင်ကြည်သူလေ ဖြစ်လာဂေ့ဟှယ်။ အယ်လူလေထဲမာ ဒယောနုသိ နာမယ်ရှိဟှူ အာရေတောင် တရားရောင်းရဲ့ ဖွဲ့ဝမ်တယော့‑က်၊ ဒမာရိ နာမယ်ရှိဟှူ မီးမတယော့‑က်န တခြားလူ တချို့လည်း ပါဂေ့ဟှယ်။
\c 18
\s ကောရိန္သုဗြို့မာ မှုတော်ဆောန်ဟှူကြောန်း
\p
\v 1 အယ်ဘီးန ပေါလုဟှာ အာသင်ဗြို့ဟှ ထွပ်ဟှားဘီး ကောရိန္သုဗြို့ဟှို ရော့‑က်ဟှားဟှယ်။ 
\v 2 အယ်ဗြို့မာ ပုန္တုပြည်သား အာကုလ နာမယ်ရှိဟှူ ယုဒလူမျိုးတယော့‑က်န သူ့မယား ပြစ်ကိလလေဟှို တွိဟှားဟှယ်။ ယုဒလူမျိုးလေဟှ ရောမဗြို့ဟှနေ ထွပ်ဟှားဟှို့တွပ် ကလောဒိမန်းဂီးဟှ မိန့်ထုဟှားဟှူကြောန့် သူးနို့ဟှာ ကြာသေးခန်ဟှ ဣတလိပြည်ဟှနေ ထွပ်လာဂေ့ဟှူ လူလေဖြစ်ဟှယ်။ 
\v 3 အယ်လူလေဟှာ ပေါလုမျိုးဘဲ တဲရှင်ချောက်ဘီး သတ်မွီးနေဟှူ တဲရှင်ချောက်မားလေ ဖြစ်ဂေ့ဟှယ်။ အယ်ကြောန့် ပေါလုဟှာ သူးနို့လေနားဟှို သွားဘီးဟှာ သူးနို့နတူးဒူ လောက်ဂေ့ဟှယ်။ 
\v 4 ယုဒလူမျိုးန ဟေလသလူမျိုးလေဟှို သွီးဆောန်ဟှို့တွပ် သူဟှာ ဒန်းနေ့တိုင်း ဝါလယ်ဇရပ်မာ ဆွေးနွီးဂေ့ဟှယ်။
\p
\v 5 သိလန တိမောသေလေဟှာ မာကေဒေါနိပြည်ဟှနေ ရော့‑က်လာဂေ့ဟှူ ခီမာ ပေါလုဟှာ ယုဒလူမျိုးလေဟှို တခီလောင်း တရားဟောပြောဘီးန ယေရှုဟှာ မေရှိယဖြစ်ဟှယ် ဆိုဘီး သတ်သေခံလေဟှယ်။ 
\v 6 ယုဒလူမျိုးလေဟှာ သူ့ဟှို စော်ကားဘီး ပြောနေဟှူ ခီမာ ပေါလုဟှာ သူ့အန်းဂီဟှနေ ဖောင်လေဟှို ခါခ္လဘီးဟှာ “နန်းနို့ရဲ့ သွီးဟှာ နန်းနို့ ခေါန်းထတ်မာ ရှိပါစေ! ငါ့တာဝန် မှုဟှ။ ခုဟှစဘီး ငါဟှာ လူမျိုးခြားလေနားဟှို သွားမယ်” ဆိုဘီး ပြောဟှယ်။ 
\v 7 အယ်ဘီးန အယ်လူလေနားဟှ ထွပ်ဟှားဘီးဟှာ ဘုရားသခင်ဟှို ကိုးကွယ်ဟှူ တိတုယုတ္တု နာမယ်ရှိဟှူ လူမျိုးခြားရဲ့ အီဟှို သွားဘီးဟှာ နေလေဟှယ်။ သူ့အီဟှာ ဝါလယ်ဇရပ်န ကပ်နေဟှယ်။ 
\v 8 ဝါလယ်ဇရပ်မှူးဖြစ်ဟှူ ကရိပ္ပုန သူ့မိသားစုအားလောင်းဂူဟှာ သခင်ဘုရားဟှို ယောင်ကြည်ဟှူသူလေ ဖြစ်လာဂေ့ဟှယ်။ တခြား ကောရိန္သုဗြို့သား ဘောင်ဂီးဟှလည်း တရားတော်ဟှို ကြားရဟှူ ခီမာ ယောင်ကြည်ဘီးဟှာ ဗတ္တိဇံခံဂေ့ဟှယ်။
\p
\v 9 တညဉ့်မာ ပေါလုဟှာ ရူပါရောင်ဟှို ဗြင်ရဟှယ်။ ရူပါရောင်ထဲမာ သခင်ဘုရားဟှ “ကြော့‑က်န။ ဆစ်ဘီးဟောပါ။ လတ်ရှော့န။ 
\v 10 ဖြားဖြစ်ကြောန့်နူးဆိုဟှာ ငါဟှာ နန့်နတူးဒူ ရှိဟှယ်။ ဖယ်သူဟှလည်း နန့်ဟှို ဘေးပြုနိုင်ဟှ။ အယ်ဗြို့မာရှိဟှူ လူဘောင်ဂီးဟှ ငါ့လူလေ ဖြစ်ဂေ့ဟှယ်” ဆိုဘီး ပြောဟှယ်။ 
\v 11 ပေါလုဟှာ အယ်ဗြို့မာ တနှစ်နခြော့‑က်လ နေဘီးဟှာ ဘုရားသခင်ရဲ့ စကားတော်ဟှို သွန်သန်လေဟှယ်။
\p
\v 12 ဂါလျုန်ဟှာ အခါယပြည်ရဲ့ အောက်ချောက်ရေးမှူး ဖြစ်နေဟှူ ခီမာ ယုဒလူမျိုးလေဟှာ စုဘီး ပေါလုဟှို ဖမ်းဘီးဟှာ တရားပလ္လင်ရှေ့ဟှို ခေါ်ဆောန်လာဂေ့ဟှယ်။ 
\v 13 သူးနို့ဟှ “အယ်လူဟှာ ပညတ်တရားဟှို ဆန့်ကျင်ဘီး ဘုရားသခင်ဟှို ကိုးကွယ်ဂေ့ဟှို့တွပ် လူလေဟှို သွီးဆောန်နေဟှယ်” ဆိုဘီး လျှော့‑က်ဂေ့ဟှယ်။
\p
\v 14 ပေါလုဟှာ စကားပြောဟှို့ လောက်နေဒူးမာ ဂါလျုန်ဟှ “ယုဒလူမျိုးလေ၊ အယ်မှုဟှာ ကောန်းဘဲဟှူမှု၊ တရားဘဲဟှူမှုဖြစ်ဟှယ် ဆိုဟှာ ငါဟှာ နန်းနို့ရဲ့ စွပ်စွဲချစ်လေဟှို စိရှယ်လတ်ရှယ်န နားထောန်နိုင်ဟှယ်။ 
\v 15 အယ်ဘေမဲ့ အယ်မူဇာဟှာ စကားလေ၊ နာမယ်လေန ပညတ်တရားနဆိုင်ဟှယ် ဆိုဟှာ နန်းနို့ ကိုယ်တိုင်ဘဲ့ ဆောင်းဖြတ်ဂေ့။ အယ်မှုဟှို ငါစီရင်ဟှ” ဆိုဘီး ပြောဟှယ်။ 
\v 16 ယုဒလူမျိုးလေဟှို တရားပလ္လင်ရှေ့ဟှနေ နှန်ထုလိုက်ဟှယ်။ 
\v 17 အယ်လူလေဟှာ ဝါလယ်ဇရပ်မှူး သုဿင်ဟှို ဖမ်းဘီးဟှာ တရားပလ္လင်ရှေ့မာ ရိုက်ဂေ့ဟှယ်။ အယ်ဘေမဲ့ ဂါလျုန်ဟှာ အယ်မှုဟှို လောင်းဝ ဂရုစိုက်ဘဲနေဟှယ်။
\s အန္တိအုတ်ဗြို့ဟှို ပေါလု ပ္လန်ရော့‑က်လာဟှူကြောန်း
\p
\v 18 ပေါလုဟှာ ကောရိန္သုဗြို့မာ ကြာဂီးနေဟှယ်။ အယ်ဘီးန ညီကို မောန်နှမလေဟှို နှောက်ဆစ်ဘီး ပြစ်ကိလ၊ အာကုလလေနတူးဒူ ရှုရိပြည်ဟှို သန်းဖောန သွားဂေ့ဟှယ်။ ကင်ခြေဗြို့ဟှနေ သန်းဖောန ထွပ်ခန်မာ သူဟှာ ဘုရားသခင်ဟှို သစ်စာဂဒိ ပြုဟှားဟှူကြောန့်\f + \fr ၁၈.၁၈ \fr*\fk သစ်စာဂဒိ ပြုဟှားဟှူကြောန့်၊ \fk*\ft ယုဒလူမျိုးရဲ့ ထောင်းဒန်းဓလေ့မာ ခေါန်းရိဇာဟှာ သစ်စာဂဒိပြုဟှူ လတ်ခဏာဖြစ်ဟှယ် ဆိုဇာဟှို ရည်ညွန်းဟှယ်။\ft*\f* သူ့ခေါန်းဟှို ရိလိုက်ဟှယ်။ 
\v 19 ဧဖက်ဗြို့ဟှို ရော့‑က်ဟှားဟှူ ခီမာ ပေါလုဟှာ ပြစ်ကိလန အာကုလလေဟှို ဗြို့မာထားရစ်ဟှယ်။ သူဟှာ ဝါလယ်ဇရပ်ဟှို ဝမ်ဘီးဟှာ ယုဒလူမျိုးလေန ဆွေးနွီးဟှယ်။ 
\v 20 လူလေဟှာ သူးနို့နတူးဒူ ကြာဂီးနေဟှို့တွပ် တိုက်တွန်းဂေ့ဘေမဲ့လည်း ပေါလုဟှာ လတ်ခံဟှ။ 
\v 21 အယ်မျိုးပြောမယ့်စား “ဘုရားသခင်ဟှ လိုတော်ရှိမယ် ဆိုဟှာ နန်းနို့နားဟှို ပ္လန်လာမယ်” ဆိုဘီး ဧဖက်ဗြို့ဟှနေ သန်းဖောန ထွပ်ဟှားလေဟှယ်။
\p
\v 22 သူဟှာ ကဲသရိဗြို့ဟှို ရော့‑က်ဟှားဟှူ ခီမာ ယေရုရှလင်ဗြို့ဟှို တတ်ဟှားဘီး သင်းတော်ဟှို နှောက်ဆစ်ဘီး အန္တိအုတ်ဗြို့ဟှို သွားလေဟှယ်။ 
\v 23 အယ်ဗြို့မာ ကြာဂီးနေဘီးန ပ္လန်ထွပ်ဟှားဘီး၊ ဂလာတိပြည်န ဖြူဂိပြည်ဟှို လှည့်လည်ဘီး တဗဲ့တော်လေဟှို ခိုင်ခန့်မြဲမြံ စေလေဟှယ်။
\s အာပေါလုဟှာ ဧဖက်ဗြို့န ကောရိန္သုဗြို့လေမာ တရားဟောဟှူကြောန်း
\p
\v 24 အယ်ခီမာ အာလေဇန္ဒြိဗြို့သား အာပေါလု နာမယ်ရှိဟှူ ယုဒလူမျိုးတယော့‑က်ဟှာ ဧဖက်ဗြို့ဟှို ရော့‑က်လာဟှယ်။ သူဟှာ ကျမ်းစာဟှို ကျွမ်းကျင်ဘီး ဟောပြောကောန်းဟှူ လူဖြစ်ဟှယ်။ 
\v 25 သူဟှာ သခင်ဘုရားရဲ့ လမ်းစဉ်ဟှို သေးသေချားချာဟှား သွန်သန်ခံဟှားရဟှူလူ ဖြစ်ဟှယ်။ သူဟှာ စိအားထတ်သန်ဘီး ယေရှုန ဆိုင်ဟှူဇာလေဟှို မှန်းမှန်ကန်းကန်ဟှား သွန်သန်နေဟှယ်။ အယ်ဘေမဲ့ သူဟှာ ယောဟန်ရဲ့ ဗတ္တိဇံဟှိုဘဲ့ သိဟှယ်။ 
\v 26 သူဟှာ ဝါလယ်ဇရပ်မာ စဘီးဟှာ ရဲရဲရင့်ရင့်ဟှား ဟောနေဟှယ်။ သူ့ဟောပြောချစ်လေဟှို ကြားရဟှူ ပြစ်ကိလန အာကုလလေဟှာ သူ့ဟှို အီဟှို ခေါ်ဘီးဟှာ ဘုရားသခင်ရဲ့ လမ်းစဉ်ဟှို သေးသေချားချာဟှား ရှင်းပြပေးဂေ့ဟှယ်။ 
\v 27 အယ်ဘီးန သူဟှာ အခါယပြည်ဟှို သွားဟှို့ ဆောင်းဖြတ်လိုက်ဟှယ်။ အယ်ကြောန့် ဧဖက်ဗြို့ဟှ ယောင်ကြည်သူလေဟှာ သူ့ဟှို လတ်ခံဟှို့တွပ် အခါယပြည်ဟှ ယောင်ကြည်သူလေနားဟှို စာရေးပေးရှင်းအားဖြင့် ကူညီပေးဂေ့ဟှယ်။ သူဟှာ အခါယပြည်ဟှို ရော့‑က်ဟှူ ခီမာ ဘုရားသခင်ရဲ့ ကျေးဇူးတော်အားဖြင့် ယောင်ကြည်လာဟှူ လူလေဟှို ဘောင်ဂီး ကူညီပေးဟှယ်။ 
\v 28 ဖြားဖြစ်ကြောန့်နူးဆိုဟှာ သူဟှာ ကျမ်းစာအားဖြင့် ယေရှုဟှာ မေရှိယ ဖြစ်ဟှူကြောန်းဟှို ထော့‑က်ပြဘီး လူလေရှေ့မာ ယုဒလူမျိုးလေဟှို ပိုင်းပိုင်ဟှား ချေပလေဟှယ်။
\c 19
\s ပေါလုဟှာ ဧဖက်ဗြို့ဟှို ရော့‑က်လာကြောန်း
\p
\v 1 ကောရိန္သုဗြို့မာ အာပေါလု ရှိနေဟှူ ခီမာ ပေါလုဟှာ ထတ်မာ ဖော်ပြဟှားဟှူ နေရာလေဟှို ရှော့‑က်သွားဘီးန ဧဖက်ဗြို့ဟှို ရော့‑က်လာဟှယ်။ အယ်ဗြို့မာ တဗဲ့တော် တချို့ဟှို တွိဘီး၊ 
\v 2 သူးနို့ဟှို “နန်းနို့လေဟှာ ယောင်ကြည်သူလေ ဖြစ်လာဂေ့ဟှူ ခီမာ သန့်ရှင်းဟှူဝိညာဉ်တော်ဟှို လတ်ခံဂေ့ဘီးလော” ဆိုဘီး မေးဟှယ်။
\p အယ်လူလေဟှ “သန့်ရှင်းဟှူဝိညာဉ်တော်ရှိဟှယ် ဆိုဇာဟှို ကျွန်တော့်လေ ကြားဖူးဟှ” ဆိုဘီး ပြောဂေ့ဟှယ်။
\p
\v 3 ပေါလုဟှ “အယ်မျိုးဆိုဟှာ နန်းနို့ဟှာ ဖြားမျိုးစား ဗတ္တိဇံဟှို ခံဟှားနူး” ဆိုဘီး မေးဟှယ်။
\p အယ်လူလေဟှ “ယောဟန်ရဲ့ ဗတ္တိဇံဟှို ခံဟှားဟှယ်” ဆိုဘီး ပ္လန်ဖြေဂေ့ဟှယ်။
\p
\v 4 \x - \xo ၁၉.၄ \xo*\xt မ ၃.၁၁; မာ ၁.၄,၇,၈; လု ၃.၄,၁၆; ယော ၁.၂၆,၂၇ \xt*\x*ပေါလုဟှ “ယောဟန်ရဲ့ ဗတ္တိဇံဟှာ နောန်ဒနဆိုင်ဟှူ ဗတ္တိဇံဖြစ်ဟှယ်။ ယောဟန်ဟှာ သူ့နော့‑က်မာ ကြွလာဟှူ သခင်ဟှို ယောင်ကြည်ရမယ် ဆိုဘီး ဣသရေလလူမျိုးလေဟှို ပြောရစ်ဟှယ်။ အယ်သခင်ဟှာ ယေရှုဘဲ့ ဖြစ်ဟှယ်” ဆိုဘီး ပြောဟှယ်။
\p
\v 5 အယ်စကားဟှို ကြားရဟှူ ခီမာ သူးနို့ဟှာ သခင်ယေရှုနာမနှိုက် ဗတ္တိဇံခံဂေ့ဟှယ်။ 
\v 6 ပေါလုဟှာ သူးနို့ခေါန်းထတ်ဟှို လတ်တန်လိုက်ဟှူ ခီမာ သန့်ရှင်းဟှူဝိညာဉ်တော်ဟှာ သူးနို့ထတ်ဟှို ရော့‑က်လာဟှယ်။ အယ်ဘီးန သူးနို့ဟှာ ထူးဆန်းဟှူ ဘာသာစကားလေဟှို ပြောဂေ့ဘီး ဘုရားသခင်ရဲ့ တရားတော်ဟှိုလည်း ပရောဖက်ပြုဘီး ဟောပြောဂေ့ဟှယ်။ 
\v 7 သူးနို့ဟှာ အားလောင်းပေါန်း လူဆယ့်နှေ့ယော့‑က်လော့‑က် ရှိဟှယ်။
\p
\v 8 ပေါလုဟှာ ဝါလယ်ဇရပ်ထဲဟှို ဝမ်ဟှားဘီး သောင်းလလောင်းလောင်း ရဲရဲရင့်ရင့်ဟှား ဟောပြောဘီး ဘုရားသခင်ရဲ့ နိုင်ငံတော်ကြောန်းဟှို ဆွေးနွီးဘီး လူလေဟှို သွီးဆောန်လေဟှယ်။ 
\v 9 အယ်ဘေမဲ့ လူတချို့ဟှာ ခေါန်းမာဘီး ယောင်ကြည်ဘဲန လူလေရှေ့မာ သခင်ဘုရားရဲ့ လမ်းစဉ်လေဟှို ကဲ့ရဲ့ဂေ့ဟှယ်။ အယ်ကြောန့် ပေါလုဟှာ တဗဲ့တော်လေဟှို ခေါ်ဘီး အယ်လူလေနားဟှနေ ထွပ်ဟှားဘီးဟှာ တုရန္နုရဲ့ စာသန်ခန်းမမာ နေ့တိုင်း\f + \fr ၁၉.၉ \fr*\ft တချို့ မူရင်းလတ်ရေးမူလေမာ \ft*\fqa မိုးလန်း ၁၁ နာရီ ဟှနေဘီး နေဒန် ၄ နာရီထိ၊ \fqa*\ft ဆိုဘီး ပေါန်းထဲ့ဟှားဟှယ်။\ft*\f* ဆွေးနွီးဗွဲလေ လောက်ဟှယ်။ 
\v 10 နှေ့နှစ်လောင်းလောင်း အယ်မျိုးလောက်ဟှူကြောန့် အာရှိပြည်မာနေဟှူ ယုဒလူမျိုးလေန ဟေလသလူမျိုးလေဟှာ သခင်ဘုရားရဲ့ စကားတော်ဟှို ကြားရဂေ့ဟှယ်။
\s သကေဝရဲ့ သားလေကြောန်း
\p
\v 11 ဘုရားသခင်ဟှာ ပေါလုအားဖြင့် ရရာတိုင်း ထူးခြားဟှူ နိမိတ်လတ်ခဏာလေဟှို ပြတော်မူဟှယ်။ 
\v 12 ပေါလုသောင်းဟှားဟှူ လတ်ကိုင်ပဝါန ခါးဗတ်လေဟှို လူနာလေနားဟှို ယူဆောန်ဟှားဟှူ ခီမာ သူးနို့ဟှာ ရောဂါပျော့‑က်ဟှားဘီး နတ်ဆိုးလေလတ်ဟှနေလည်း လွှတ်ဟှားဂေ့ဟှယ်။ 
\v 13 နယ်တကာလှည့်ဘီး နတ်ဆိုးလေဟှို နှန်ထုနေဟှူ ယုဒလူတချို့ဟှာ သခင်ယေရှုရဲ့ နာမဟှို သောင်းပြုဘီး နတ်ဆိုးဟှို နှန်ထုဟှို့ ကြိုးစာဂေ့ဟှယ်။ သူးနို့ဟှာ “ပေါလုဟောနေဟှူ ယေရှုရဲ့ နာမန နန့်ဟှို ငါနှန်ထုဟှယ်” ဆိုဘီး နတ်ဆိုးဟှို မိန့်ပေးဂေ့ဟှယ်။ 
\v 14 အယ်မျိုးလောက်နေဟှူ သူလေဟှာ သာကေဝ နာမယ်ရှိဟှူ ယုဒယဇ်ပုရောဟိတ်ဂီးရဲ့ သားခွန်နစ်ယော့‑က် ဖြစ်ဂေ့ဟှယ်။
\p
\v 15 အယ်ဘေမဲ့ နတ်ဆိုးဟှ “ယေရှုဟှို ငါသိဟှယ်။ ပေါလုဟှိုလည်း ငါသိဟှယ်။ အယ်ဘေမဲ့ နန်းနို့ဟှ ဖယ်သူလေနူး” ဆိုဘီး သူးနို့ဟှို မေးလိုက်ဟှယ်။
\p
\v 16 အယ်ဘီးန နတ်ဆိုးဝမ်နေဟှူ လူဟှာ သူးနို့ဟှို ပြင်းပြင်းထန်းထန်ဟှား တိုက်ခိုက်ဂေ့ဟှယ်။ သူးနို့ဟှာ ခ္လေးဗ္လန်းဗ္လန်းန၊ ဒန်ရာလေန အီထဲဟှနေ ထွပ်ပ္လေးဂေ့ဟှယ်။ 
\v 17 အယ်ကြောန်းဟှို ဧဖက်ဗြို့မာနေဟှူ ယုဒလူမျိုးလေန ဟေလသလူမျိုးလေဟှာ ကြားရဂေ့ဟှယ်။ သူးနို့ဟှာ ရရာတိုင်း ကြော့‑က်ဂေ့ဘီးဟှာ သခင်ယေရှုရဲ့ နာမဟှို ချီးမွမ်းဂေ့ဟှယ်။ 
\v 18 ယောင်ကြည်သူလေဟှာ ရော့‑က်လာဂေ့ဘီး သူးနို့လောက်မိဟှူ ဇာလေဟှို ပွမ့်ပွမ့်လန်းလန်းဟှား ဖော်ပြဘီးဟှာ ဝန်ခံဂေ့ဟှယ်။ 
\v 19 နတ်ဝိဇ္ဇာတတ်ဟှို သောင်းဟှူလူလေဟှာ သူးနို့ စာစောန်လေဟှို စုစည်းယူလာဘီး လူအားလောင်းရှေ့မာ မီးရှို့ဂေ့ဟှယ်။ အယ်စာစောန်လေရဲ့ တန်ဖိုးဟှို တွပ်ကေ့ဟှူ ခီမာ ငွေဒန်းဂါး\f + \fr ၁၉.၁၉ \fr*\fk ငွေဒန်းဂါး၊ \fk*\ft လောက်သမား တယော့‑က်ရဲ့ တရစ်လောက်အားခဟှာ ငွေဒန်းဂါးတပ္လား ဖြစ်ဟှယ် (ရှု \ft*\xt မ ၂၀.၂\xt*)။\f* ၅၀,၀၀၀ ဖိုးလော့‑က် ရှိဟှယ်။ 
\v 20 အယ်နည်းလမ်းအားဖြင့် သခင်ဘုရားရဲ့ စကားတော်ဟှာ တဂိုးတော်န\f + \fr ၁၉.၂၀ \fr*\fq သခင်ဘုရားရဲ့ စကားတော်ဟှာ တဂိုးတော်န၊ \fq*\ft အယ်မျိုးမှုဘဲနေဟှာ \ft*\fqa သခင်ဘုရားရဲ့ စကားတော်ဟှာ တဂိုးတော်အားဖြင့်။\fqa*\f* တိုးပွားဘီး အောန်မြင်လေဟှယ်။
\s ဧဖက်ဗြို့မာ ပဒိပခ ဖြစ်ဟှူကြောန်း
\p
\v 21 အယ်ဇာလေ ဖြစ်ဟှားဘီးန မာကေဒေါနိပြည်န အခါယပြည်ဟှနေဘီး ယေရုရှလင်ဗြို့ဟှို သွားဟှို့တွပ် ဝိညာဉ်တော်အားဖြင့် ပေါလုဟှာ စိဆောင်းဖြတ်လိုက်ဟှယ်။\f + \fr ၁၉.၂၁ \fr*\fq ပေါလုဟှာ စိဆောင်းဖြတ်လိုက်ဟှယ်၊ \fq*\ft အယ်မျိုးမှုဘဲ့နေဟှာ \ft*\fqa ဝိညာဉ်တော်ရဲ့ ဦးဆောန်မှုအားဖြင့် ပေါလုဟှာ ဆောင်းဖြတ်လိုက်ဟှယ်။\fqa*\f* သူဟှ “အယ်ဗြို့ဟှို ငါသွားဘီးန ရောမဗြို့ဟှိုလည်း သွားမယ်” ဆိုဘီး ပြောဟှယ်။ 
\v 22 ပေါလုဟှာ သူ့ဟှို စေခံနေဟှူ တိမောသေန ဧရတ္တုလေဟှို မာကေဒေါနိပြည်ဟှို လွှတ်လိုက်ဟှယ်။ သူဟှ အာရှိပြည်မာ ရှစ်ဟှားနေရစ်ဟှယ်။
\p
\v 23 အယ်ခီမာ သခင်ဘုရားရဲ့ လမ်းစဉ်ကြောန့် ဧဖက်ဗြို့မာ ဆူပူမှုဂီးတခု ဖြစ်လာဟှယ်။ 
\v 24 ဒေမေတရိ နာမယ်ရှိဟှူ ငွေပဒေခတ်မားဟှာ အာတေမိနတ်မီးရဲ့ ငွေနတ်ကွန်းငယ်လေ လောက်ရှင်းအားဖြင့် လတ်မှုပညာရှင်လေဟှို ရရာတိုင်း ကပ်ရစေလေဟှယ်။ 
\v 25 အယ်ကြောန့် သူဟှာ အယ်လောက်ငန်း လောက်နေဟှူ လောက်မားလေနတူးဒူ တခြားလောက်မား လေဟှိုလည်း စုဘီးဟှာ “ငါ့လူလေ၊ အယ်လောက်ငန်းန နို့လေဟှာ ဝမ်ငွေကောန်းနေဟှယ် ဆိုဇာဟှို နန်းနို့လေ သိဂေ့ဟှယ်။ 
\v 26 ခု နန်းနို့ကိုယ်တိုင် ဗြင်ရ၊ ကြားဟှားဟှူတိုင်း အယ်ပေါလုဟှာ ‘လူလတ်န လောက်ဟှားဟှူ ဘုရားလေဟှာ ဘုရားမှုဟှ’ ဆိုဘီး ဧဖက်ဗြို့န အာရှိပြည်တပြည်လောင်းဟှ လူလေဘောင်ဂီးဟှို သွီးဆောန်ဘီး လမ်းမှားစေဟှယ်။ 
\v 27 အယ်မှုဟှာ နို့လေရဲ့ လောက်ငန်းဟှို နာမယ်ပျစ်စေမယ် ဆိုဘီး စိုးရိမ်ဇာရှိမျှ မကဘဲန ကီးမြတ်ဟှူ အာတေမိ နတ်ဖုရားမရဲ့ ဗိမာန်ဟှာ ပမာဏပြုဇာ မှေ့ဘဲန အာရှိပြည်န ကမ္ဘာတဝန်းလောင်းမာ ကိုးကွယ်ဟှူ နတ်ဖုရားမရဲ့ ဂေါင်သရေလည်း ပျော့‑က်ကွယ်ဟှားလေ့မယ်” ဆိုဘီး ပြောလေဟှယ်။
\p
\v 28 အယ်စကားဟှို ကြားဟှူ လတ်မှုပညာရှင်လေဟှာ ဒေါသထွပ်ဘီးဟှာ “ဧဖက်ဗြို့ရဲ့ အာတေမိ နတ်ဖုရားမဟှာ ကီးမြတ်ဟှယ်” ဆိုဘီး အော်ဂေ့ဟှယ်။ 
\v 29 တဗြို့လောင်းဟှာ ရရာတိုင်း ရှောက်ရှစ်ခတ်ဟှားဟှယ်။ လူလေဟှာ ပေါလုနတူးဒူ ခရီးသွားဟှူ မာကေဒေါနိပြည်သား ဂါယုန အာရိတ္တာခုလေဟှို ဖမ်းဘီးဟှာ ပွဲခံဟှူ ခန်းမဂီးဟှို ဗြန်းဗြန်ဟှား ဆွဲခေါ်ဟှားဂေ့ဟှယ်။ 
\v 30 ပေါလုဟှာ သူကိုယ်တိုင်ဘဲ့ လူအောက်ဂီးရှေ့ဟှို သွားရှင်ဘေမဲ့လည်း တဗဲ့တော်လေဟှာ ခွမ့်ပြုဂေ့ဟှ။ 
\v 31 ပေါလုရဲ့ မိဆွေဖြစ်ဟှူ နယ်အာဏာပိုင် တချို့ဟှလည်း ပွဲခံဟှူ ခန်းမဂီးထဲဟှို ဝမ်ဘဲဟှို့တွပ် သူ့နားဟှို လူလွှတ်ဘီး တောန်းဗန်ဂေ့ဟှယ်။ 
\v 32 အယ်ခီမာ လူလေဟှာ တယော့‑က်တဘော့‑က် အော်ဘီးဟှာ ရောက်ရောက်သဲသဲ ဖြစ်နေဂေ့ဟှယ်။ လူလေဟှ သူးနို့လေ ဖြားဖြစ်ကြောန့် စုနေဂေ့ဟှယ် ဆိုဇာဟှို သိဂေ့ဟှ။ 
\v 33 ယုဒလူမျိုးလေဟှာ အာလေဇန္ဒြုဟှို ရှေ့ဟှို ထွပ်ခိုင်းစေဟှယ်။ လူလေတချို့ဟှလည်း အယ်လူဟှာ ခုဖြစ်နေဟှူ ကိစနဆိုင်ဟှယ် ဆိုဘီး ယူဆဂေ့ဟှယ်။ အာလေဇန္ဒြုဟှာ လူအောက်ဂီးဟှို တိတိဟှားနေဟှို့တွပ် လတ်န ချစ်ပြလိုက်ဟှယ်။ အယ်ဘီးဟှာ ဖြေရှင်းဟှူ စကားဟှို ပြောဟှို့တွပ် ကြိုးစားဟှယ်။ 
\v 34 သူဟှာ ယုဒလူမျိုးဖြစ်ဟှယ် ဆိုဇာဟှို သူးနို့လေ သိဂေ့ဟှူ ခီမာ “ဧဖက်ဗြို့သားလေရဲ့ အာတေမိ နတ်ဖုရားမဟှာ ကီးမြတ်ဟှယ်” ဆိုဘီး နှေ့နာရီလော့‑က်ထိ လူလေဟှာ တသံဒဲ အော်နေဂေ့ဟှယ်။
\p
\v 35 နော့‑က်ဆောင်းမာ ဗြို့စာရေးဟှာ လူအောက်ဂီးဟှို တိတိဟှားနေခိုင်းဘီး “ဧဖက်ဗြို့သားလေ၊ ဧဖက်ဗြို့တော်ဟှာ ကီးမြတ်ဟှူ အာတေမိနတ်ဖုရားမရဲ့ ဗိမာန်တော်န ကောန်းဂန်ဘောင်ဟှနေ က္လလာဟှူ ရောက်ထုလေဟှို ထီးသီးစော့‑က်ရှော့‑က်ဟှားဟှူ ဗြို့ဖြစ်ဟှယ် ဆိုဇာဟှို လူတိုင်းသိဂေ့ဟှယ်။ 
\v 36 အယ်မူဇာဟှို ဖယ်လူလည်း ဂြင်းနိုင်ဟှ။ အယ်ကြောန့် နန်းနို့ဟှာ တိတိဆိဆိနေဂေ့။ စဉ်းစားဘဲန ဖြားဇာလည်း လောက်ဂေ့န။ 
\v 37 နန်းနို့ဟှာ သူးနို့ဟှို အယ်နေရာဟှို ခေါန်းဆောန်လာဂေ့ဟှယ်။ သူးနို့ဟှာ နို့လေရဲ့ ဗိမာန်တော်ဟှို ဖျစ်ဆီးရှင်းလည်း မှုဟှ။ နို့လေရဲ့ နတ်ဖုရားမဟှိုလည်း ကဲ့ရဲ့ဟှူ စကားလေလည်း ပြောဟှ။ 
\v 38 ဒေမေတရိန သူ့ပေါန်းပါလေထဲဟှ ယော့‑က်ယော့‑က်ဟှ တရားစွဲမယ် ဆိုဟှာ တရားရောင်းဖွမ့်ဟှူ ရစ်မာဘဲ့ အာဏာပိုင်လေရှိဟှူကြောန့် တရားစွဲနိုင်ဟှယ်။ 
\v 39 အယ်ဘေမဲ့ နန်းနို့မာ တခြားကိစရှိဟှယ် ဆိုဟှာ တရားဝမ်စည်းဝေးမာ ဆောင်းဖြတ်ရမယ်။ 
\v 40 အယ်နေ့ဖြစ်ဟှားဟှူ ကိစန ပတ်သတ်ဘီး ခိုင်လောင်ဟှူ ကြောန်းပြချစ် ပေးနိုင်ဘဲဟှူကြောန့် နို့လေဟှာ အယ်ပဒိပခတွပ် တရားစွဲခံရမယ် ဆိုဇာဟှိုဘဲ့ စိုးရိမ်ရဟှယ်။ နို့လေဟှာ အယ်ပဒိပခတွပ် ဖြေရှင်းချစ်ပေးနိုင်ဟှို့ မှုဟှ” ဆိုဘီး ပြောဟှယ်။ 
\v 41 အယ်မျိုးပြောဘီးန ဗြို့စာရေးဟှာ လူအောက်ဂီးဟှို ပ္လန်ခိုင်းလိုက်ဟှယ်။
\c 20
\s မာကေဒေါနိပြည်ဟှို ပ္လန်ရော့‑က်လာဟှူ ပေါလုကြောန်း
\p
\v 1 ရှောက်ရှစ်ခတ်ဇာလေ ပီးဟှားဘီးန ပေါလုဟှာ တဗဲ့တော်လေဟှို ခေါ်ဘီး နှစ်သိမ့်ပေးဟှယ်။ အယ်ဘီးန သူးနို့ဟှို နှောက်ဆစ်ဘီးဟှာ မာကေဒေါနိပြည်ဟှို ထွပ်ဟှားလိုက်ဟှယ်။ 
\v 2 သူဟှာ နေရာတိုင်းဟှို သွားဘီးဟှာ ယောင်ကြည်သူလေဟှို နှစ်သိမ့်အားပေးဘီးန အခါယပြည်ဟှို သွားဟှယ်။ 
\v 3 သူဟှာ အယ်ပြည်မာ သောင်းလနေဟှယ်။ အယ်ဘီးန ရှုရိပြည်ဟှို သန်းဖောန သွားဟှို့ ဆင်သင့်ဖြစ်နေဟှူ ခီမာဘဲ့ ယုဒလူမျိုးလေဟှာ သူ့ဟှို သတ်ဟှို့တွပ် ကြံစည်နေဟှယ် ဆိုဇာဟှို ကြားရဟှယ်။ အယ်ကြောန့် သူဟှာ မာကေဒေါနိပြည်ဟှို ဖြတ်ဘီး ပ္လန်ဟှို့တွပ် စိဆောင်းဖြတ်လိုက်ဟှယ်။ 
\v 4 ပေါလုနတူးဒူ လိုက်ဟှားသူလေဟှ ဗေရိဗြို့သားဖြစ်ဟှူ ပုရုရဲ့သား သောပတရု၊ သက်သာလောနိတ်ဗြို့သားလေ ဖြစ်ဂေ့ဟှူ အာရိတ္တာခုန သေကန္ဒု၊ ဒေရဗေဗြို့သားဖြစ်ဟှူ ဂါယု၊ အာရှိပြည်သားလေ ဖြစ်ဂေ့ဟှူ တုခိတ်န တရောဖိမ်လေ၊ အယ်ဘီးဟှာ တိမောသေလေ ဖြစ်ဂေ့ဟှယ်။ 
\v 5 အယ်လူလေဟှာ ရင်ဦးဆောင်းသွားဂေ့ဘီးန ကျွန်တော့်လေဟှို တရောဗြို့မာ စောန့်နေဂေ့ဟှယ်။ 
\v 6 တဆေးမှေ့ဘဲဟှူ မုပွဲတော် ပီးဟှားဘီးန ကျွန်တော့်လေဟှ ဖိလိပ္ပိဗြို့ဟှနေဘီး သန်းဖောန လာဂေ့ဟှယ်။ ငါးရစ်ကြာဘီးန သူးနို့ရှိနေဟှူ တရောဗြို့ဟှို ရော့‑က်ဟှားဘီး အယ်ဗြို့မာ ခွန်နစ်ရစ်လော့‑က် နေဂေ့ဟှယ်။
\s ပေါလုဟှာ တရောဗြို့ဟှို နော့‑က်ဆောင်းခီ ရော့‑က်ဟှားဟှူကြောန်း
\p
\v 7 ကျွန်တော့်လေဟှာ စနေနေ့\f + \fr ၂၀.၇ \fr*\fq စနေနေ့၊ \fq*\ft အယ်မျိုးမှုနေဟှာ \ft*\fqa နန်းနွေနေ့။\fqa*\f* နေဒန်ဇာမာ မိတ်သဟာရစာ စားဂေ့ဟှို့တွပ် စုဂေ့ဟှယ်။ ပေါလုဟှာ နော့‑က်တနေ့မာ အယ်ဗြို့ဟှနေ ထွပ်ဟှို့တွပ် ကြံစည်ဟှားကြောန့် ညဉ့်နတ်ခီထိ လူလေဟှို ဆစ်ဘီးဟှာ ဟောပြောနေဟှယ်။ 
\v 8 ကျွန်တော့်လေ စည်းဝေးဟှူ ထတ်ခန်းမာ မီးအီလေ ဘောင်ဂီးထွန်းဟှားဟှယ်။ 
\v 9 ဥတုခု နာမယ်ရှိဟှူ ကောန်သားတယော့‑က်ဟှာ လတ်တန်ဗော့‑က်ထတ်မာ ထိုင်နေဟှယ်။ ပေါလုဟှ ဆစ်ဘီးဟောနေဟှူ ခီမာ ဥတုခုဟှာ အိငိုက်လာဘီးန နော့‑က်ဆောင်းမာ အိမွိဟှားဟှူကြောန့် အီသောင်းထပ်ဟှနေဘီး မ္လေဂီးထတ်ဟှို က္လဟှားလေဟှယ်။ လူလေဟှာ သူ့ဟှို ခီလိုက်ဟှူ ခီမာ သေဟှားဘီ ဆိုဇာဟှို တွိဂေ့ဟှယ်။ 
\v 10 အယ်ခီမာ ပေါလုဟှာ အော့‑က်ဟှို ဆင်းဘီးဟှာ အယ်လူထတ်မာ သူ့ကိုယ်ဟှို မှောက်ခ္လဘီးန ဖတ်ဟှားလိုက်ဟှယ်။ လူလေဟှို “စိုးရိမ်ဂေ့န။ သူဟှာ သတ်ရှင်နေသေးဟှယ်” ဆိုဘီး ပြောဟှယ်။ 
\v 11 ပေါလုဟှာ အီထတ်ဟှို ပ္လန်တတ်ဘီး တဗဲ့တော်လေနတူးဒူ မုဟှိုဖဲ့ဘီး စားဂေ့ဟှယ်။ မိုးလန်းဟှူခီထိ ကြာဂီးစကားပြောဘီးန ပေါလုဟှာ ထွပ်ဟှားလေဟှယ်။ 
\v 12 တဗဲ့တော်လေဟှာ သတ်ရှင်နေသေးဟှူ ကောန်သားဟှို သူ့အီဟှို ခေါ်ဟှားဘီးမှ ရရာတိုင်း သတ်သာရာ ရဂေ့ဟှယ်။
\s တရောဗြို့ဟှနေ မိလက်ဗြို့ဟှို သွားဟှူကြောန်း
\p
\v 13 ကျွန်တော့်လေဟှာ သန်းဖောနားဟှို ရင်ဦးဆောင်းသွားဘီးန အဿုဗြို့ဟှို သွားဂေ့ဟှယ်။ အဿုဗြို့ဟှိုရော့‑က်မှ ပေါလုဟှို သန်းဖောစီးခိုင်းဟှို့တွပ် ဖြစ်ဟှယ်။ ပေါလုဟှာ အယ်ဗြို့ဟှို ကူးလမ်းဟှနေ သွားမယ် ဆိုဘီး ပြောဟှားကြောန့် ဖြစ်ဟှယ်။ 
\v 14 သူ့ဟှာ ကျွန်တော့်လေဟှို အဿုဗြို့မာ တွိဟှူကြောန့် သူ့ဟှို သန်းဖောထတ်ဟှို ခေါ်ဘီးဟှာ မိတုလင်ဗြို့ဟှို သွားဂေ့ဟှယ်။ 
\v 15 ကျွန်တော်ဟှားလေဟှာ အယ်နေရာဟှနေ ဝှပ်လွပ်ဘီး နော့‑က်တနေ့မာ ခိအုကျွန်းနားဟှို ရော့‑က်ဟှားဂေ့ဟှယ်။ တရစ်ကြာဘီးန သာမုကျွန်းဟှို ရော့‑က်ဟှားဘီး နော့‑က်တရစ်မှ မိလက်ဗြို့ဟှို ရော့‑က်ဟှားဂေ့ဟှယ်။ 
\v 16 ပေါလုဟှာ အာရှိပြည်မာ ခီကူရှင်ဘဲကြောန့် ဧဖက်ဗြို့ဟှို ဖြတ်ဘီး သန်းဖောန သွားဟှို့တွပ် စိဆောင်းဖြတ်ဟှားဟှယ်။ ဖြစ်နိုင်မယ် ဆိုဟှာ ပင်တေကုတ္တေ ပွဲတော်မီအောန် ယေရုရှလင်ဗြို့ဟှို ရော့‑က်ဟှို့တွပ် သူဟှာ ဗြန်းဗြန်ဟှား သွားနေဟှယ်။
\s ပေါလုဟှာ ဧဖက်သင်းတော်ရဲ့ လူဂီးလေဟှို နှောက်ဆစ်စကားပြောဟှူကြောန်း
\p
\v 17 အယ်ခီမာ ပေါလုဟှာ ဧဖက်ဗြို့ဟှ သင်းတော်လူဂီးလေဟှို သူ့ဟှို လာတွိဟှို့တွပ် မိလက်ဗြို့ဟှနေ လူလွှတ်ဘီး ကြောန်းကြားလိုက်ဟှယ်။ 
\v 18 အယ်လူလေဟှ ရော့‑က်လာဂေ့ဟှူ ခီမာ ပေါလုဟှ “ငါဟှာ အာရှိပြည်ဟှို ရော့‑က်ဟှူနေ့ဟှစဘီး နန်းနို့နတူးဒူ ရှိနေဟှူ ခီတိုင်းဟှာ ဖယ်မျိုးသတ်ရှင်ဟှယ် ဆိုဇာဟှို နန်းနို့လေ သိဂေ့ဟှယ်။ 
\v 19 ယုဒလူမျိုးလေရဲ့ ကြံစည်လေကြောန့် ခတ်ခဲဟှူခီလေဟှို ကြောင်တွိနေရဘေမဲ့လည်း ငါဟှာ မျစ်ရယ်က္လဘီး၊ စိနှလောင်းနှိခ္လဘီး သခင်ဘုရားဟှို စေခံဟှယ်။ 
\v 20 လူအောက်ဂီးရှေ့မာရော၊ နန်းနို့ အီလေမာရော ငါဟှာ ဟောပြောဘီး သွန်သန်ဟှူ ခီမာ နန်းနို့တွပ် ကျိုးရှိဟှူ စကားလေဟှို ဖယ်ခါလည်း ဝှပ်ဘီးထားဟှ။ 
\v 21 ဘုရားသခင်ရှေ့မာ နောန်ဒရရှင်း၊ နို့လေရဲ့ သခင်ယေရှုဟှို ယောင်ကြည်ရှင်း ကြောန်းလေဟှို ယုဒလူမျိုးလေဟှိုရော၊ ဟေလသလူမျိုးလေဟှိုရော လေးလေးနတ်နတ်ဟှား ဒိပေးဟှယ်။ 
\v 22 ခု ငါဟှာ ဝိညာဉ်တော်ရဲ့ မိန့်တော်ဟှို နာခံဘီး ယေရုရှလင်ဗြို့ဟှို သွားရမယ်။ အယ်ဗြို့မာ ဖယ်မျိုးဖြစ်မယ် ဆိုဇာဟှို ငါသိဟှ။ 
\v 23 သန့်ရှင်းဟှူဝိညာဉ်တော်ဟှ ‘နန်ဟှာ တောက်နှောန်ရှင်းန ဒေါက်ခလေဟှို ခံရလေ့မယ်’ ဆိုဘီး ဗြို့တိုင်းမာ ငါ့ဟှို ဒိပေးဟှားဟှယ် ဆိုဇာဟှို ငါသိဟှယ်။ 
\v 24 \x - \xo ၂၀.၂၄ \xo*\xt ၂ တိ ၄.၇\xt*\x*အယ်ဘေမဲ့ ငါ့တွပ်သတ်မှတ်ဟှားဟှူ လောက်တာဝန်န သခင်ယေရှုပေးဟှားဟှူ မှုတော်ဟှို ပီးအောန်လောက်ဆောန်ဟှို့ ဓိကဖြစ်ဟှူကြောန့် ငါဟှာ ကိုယ့်သတ်ဟှို ကိုယ်ဗြောဟှ။ ကိုယ်တော်ပေးဟှားဟှူ မှုတော်ဟှာ ဘုရားသခင်ရဲ့ ကျေးဇူးတော်ကြောန်းဖြစ်ဟှူ ဒန်းကောန်းဟှို ကြေညာဟှို့တွပ် ဖြစ်ဟှယ်။”
\p
\v 25 “ငါဟှာ ဘုရားသခင်ရဲ့ နိုင်ငံတော်ကြောန်းဟှို နန်းနို့နားဟှို လာဘီး ဟောပြောဟှယ်။ အယ်ဘေမဲ့ နန်းနို့ဟှလွဲဘီး ဖယ်သူဟှလည်း ငါ့မျစ်နှာဟှို နော့‑က်တခါ ဗြင်ရဟှို့မှုဘီ ဆိုဇာဟှို ငါသိနေဟှယ်။ 
\v 26 အယ်ကြောန့် နန်းနို့ထဲဟှ ယော့‑က်ယော့‑က်ဟှာ သတ်ဝိညာဉ်ဆောင်းရှောင်းမယ် ဆိုဟှာ လူလေရဲ့သွီးန ငါကင်းလွတ်ဟှယ် ဆိုဇာဟှို အယ်နေ့ဘဲ့ နန်းနို့ဟှို ငါဟှာ လေးလေးနတ်နတ်ဟှား သတ်သေခံဟှယ်။ 
\v 27 ဖြားဖြစ်ကြောန့်နူးဆိုဟှာ ငါဟှာ ဘုရားသခင်ရဲ့ လိုတော်ဟှို နန်းနို့လေဟှို အားလောင်းဂူ ပြောပြဟှားပီးဘီ။ 
\v 28 အယ်ကြောန့် နန်းနို့လေဟှာ ကိုယ့်ဇာကိုယ်ရော၊ နန်းနို့လတ်ထဲဟှို သန့်ရှင်းဟှူဝိညာဉ်တော်ဟှ ပေးဟှားဟှူ သိုးစုလေဟှိုရော စောန့်ရှော့‑က်ဘီး ကေ့ရှုဂေ့ပါ။ ဘုရားသခင်\f + \fr ၂၀.၂၈ \fr*\fq ဘုရားသခင်၊ \fq*\ft တချို့ မူရင်းလတ်ရေးမူလေမာ \ft*\fqa သခင်ဘုရား၊ \fqa*\ft ဆိုဘီး ပါရှိဟှယ်။\ft*\f* ရဲ့ သင်းတော်ဟှို သိုးထီးမျိုး ကေ့ရှုဂေ့ပါ။ ဘုရားသခင်ဟှာ သူ့သားတော်ရဲ့ သွီးတော်အားဖြင့်\f + \fr ၂၀.၂၈ \fr*\fq သူ့သားတော်ရဲ့ သွီးတော်အားဖြင့်၊ \fq*\ft အယ်မျိုးမှုဘဲနေဟှာ သူ့သားတော်ရဲ့ သေခံဇာအားဖြင့်၊ \ft*\ft အယ်မျိုးမှုဘဲနေဟှာ \ft*\fqa သူ့ရဲ့ သွီးတော်အားဖြင့်။\fqa*\f* သင်းတော်ဟှို ဝယ်ဟှားဟှယ်။ 
\v 29 ငါမှေ့ဘဲဟှူ နော့‑က်မာ လူတချို့ဟှာ နန်းနို့နားဟှို လာဘီးဟှာ ရစ်ဆစ်ကြမ်းထန်းဟှူ ဝံပုလွေလေမျိုး သိုးစုဟှို ညှာတာဘဲန လောက်ဂေ့မယ် ဆိုဇာဟှို ငါသိနေဟှယ်။ 
\v 30 နန်းနို့ထဲမာ တချို့လူလေဟှာ လီညာပြောဆိုဘီး ယောင်ကြည်သူလေဟှို သူ့နော့‑က်ဟှို ခေါ်ဟှားဟှူခီ ရော့‑က်လာလေ့မယ်။ 
\v 31 အယ်ကြောန့် ဒိနနေဂေ့ပါ။ ငါဟှာ နန်းနို့ အားလောင်းဂူဟှို သောင်းနှစ်လောင်းလောင်း နေ့ရောညဉ့်ရော မျစ်ရယ်က္လဘီး ဆောင်းမသွန်သန်ဇာဟှို ဒိရဂေ့ပါ။
\p
\v 32 “ခု နန်းနို့လေဟှို ဘုရားသခင်ရဲ့ လတ်ထဲဟှိုရော၊ ကျေးဇူးတော်တရားရဲ့ လတ်ထဲဟှိုရော ငါအပ်လိုက်ဟှယ်။ အယ်ကျေးဇူးတော်တရားဟှာ နန်းနို့လေဟှို တည်ဆော့‑က်ဟှို့တွပ် ကိုယ်တော်ရဲ့ သန့်ရှင်းသူလေတွပ် ထားဟှားဟှူ ကောန်းကြီးမင်္ဂလာလေဟှို နန်းနို့ ခံစားရလေ့မယ်။ 
\v 33 ငါဟှာ တခြားသူလေရဲ့ ရွှေလေ၊ ငွေလေန ဝတ်စားလေဟှို တတ်မတ်ဇာ မှေ့ဟှ။ 
\v 34 ငါဟှာ အယ်လတ်လေန လောက်လောက်ဘီး ငါ့ပေါန်းသင်းလေရဲ့ လိုအပ်ဇာလေဟှို ဖ္လဲ့ပေးနေဟှယ် ဆိုဇာဟှို နန်းနို့လေဟှ သိဂေ့ဟှယ်။ 
\v 35 အယ်မျိုးဘဲ့ နန်းနို့လေလည်း လောက်ဟှို ကြိုးစားဘီး ဆင်းရဲဟှူ လူလေဟှို ကူညီဂေ့ဟှို့တွပ် ငါပြရစ်ဟှယ်။ သခင်ယေရှု ကိုယ်တိုင်ဟှ ‘ပေးဟှူဇာဟှ ရယူဇာထတ် ပိုဘီး မင်္ဂလာရှိဟှယ်’ ဆိုဘီး မိန့်တော်မူဟှားဟှူ စကားဟှို ဒိရဂေ့ပါ” ဆိုဘီး ပြောဟှယ်။
\p
\v 36 အယ်မျိုးပြောဘီးန ပေါလုဟှာ ဒူးထော့‑က်ဘီး အယ်လူလေနတူးဒူ ဆုတောန်းလေဟှယ်။ 
\v 37 သူးနို့လေ အားလောင်းဂူဟှာ ရရာတိုင်း ငိုဂေ့ဘီးန ပေါလုဟှို ဖတ်ဘီး နှောက်ဆစ်ဂေ့ဟှယ်။ 
\v 38 ပေါလုဟှာ သူ့မျစ်နှာဟှို နော့‑က်တခါ ဗြင်ရဟှို့မှုဘီ ဆိုဘီး ပြောဟှူကြောန့် သူးနို့လေဟှာ ပိုဘီးဟှာ ဝန်းနဲဂေ့ဟှယ်။ အယ်ဘီးန သူးနို့ဟှာ ပေါလုဟှို သန်းဖောနားဟှို လိုက်ပို့ဂေ့ဟှယ်။
\c 21
\s ယေရုရှလင်ဗြို့ဟှို ပေါလု ရော့‑က်လာဟှူကြောန်း
\p
\v 1 ကျွန်တော့်လေဟှာ အယ်လူလေနားဟှနေဘီး ထွပ်လာဘီးဟှာ သန်းဖောန ကောသကျွန်းဟှို တည့်တည့်သွားဂေ့ဟှယ်။ နော့‑က်တနေ့မာ ရောဒုကျွန်းဟှိုရော၊ အယ်ကျွန်းဟှနေဘီး ပါတရဗြို့ဟှိုရော ရော့‑က်ဟှားဂေ့ဟှယ်။ 
\v 2 ဖိနိတ်ပြည်ဟှို သွားဟှူ သန်းဖောတစင်းဟှို တွိဟှားဟှူ ခီမာ အယ်သန်းဖောထတ်ဟှို တတ်ဘီး သွားဂေ့ဟှယ်။ 
\v 3 ကျွန်တော့်လေဟှာ ကုပရုကျွန်းဟှို ဗြင်ရဟှူ ခီမာ အယ်ကျွန်းရဲ့ တောန်ဖတ်ဟှနေဖြတ်ဘီး ရှုရိပြည်ဟှို သန်းဖောန သွားဂေ့ဟှယ်။ တုရုဗြို့မာ ကူပစ်စီးလေဟှို ခ္လရဟှို့တွပ် အယ်ဗြို့မာ သန်းဖောဟှို ဝမ်ဘီးနားရဟှယ်။ 
\v 4 ကျွန်တော့်လေဟှာ အယ်နေရာမာ တဗဲ့တော်တချို့ဟှို တွိဘီး သူးနို့နတူးဒူ ခွန်နစ်ရစ် နေဂေ့ဟှယ်။ အယ်တဗဲ့တော်လေဟှာ ဝိညာဉ်တော်ရဲ့ တဂိုးန ပေါလုဟှို ယေရုရှလင်ဗြို့ဟှို သွားဘဲဟှို့တွပ် ပြောဂေ့ဟှယ်။ 
\v 5 အယ်ဘေမဲ့ ခွန်နစ်ရစ် ကြာဟှားဟှူ ခီမာ ကျွန်တော့်လေဟှာ ခရီးသွားဂေ့ဟှယ်။ တဗဲ့တော်လေ အားလောင်းဂူဟှာ သူးနို့ မီးမလေန သားဂန်းဟှားလေနတူးဒူ ဗြို့ပ္လန်ဟှ ပန်လယ်ကမ်းနားဟှို ရော့‑က်အောန် လိုက်ပို့ဂေ့ဟှယ်။ ကျွန်တော့်လေဟှာ ပန်လယ်ကမ်းနားမာ ဒူးထော့‑က်ဘီး ဆုတောန်းဂေ့ဟှယ်။ 
\v 6 အယ်ဘီးန ယော့‑က်နယော့‑က် နှောက်ဆစ်ဘီးဟှာ ကျွန်တော့်လေဟှာ သန်းဖောထတ်ဟှို တတ်ဘီး သူးနို့လေဟှ အီဟှို ပ္လန်ဟှားဂေ့ဟှယ်။
\p
\v 7 တုရုဗြို့ဟှနေဘီး ဆစ်ဘီးသွားဂေ့ဟှူ ခီမာ ကျွန်တော့်လေဟှာ ပတောလင်ဗြို့ဟှို ရော့‑က်ဟှားဂေ့ဟှယ်။ အယ်ဗြို့မာ ညီကို မောန်နှမလေဟှို နှောက်ဆစ်ဘီးန သူးနို့နတူးဒူ တရစ်လော့‑က်နေဂေ့ဟှယ်။ 
\v 8 \x - \xo ၂၁.၈ \xo*\xt တ ၆.၅; ၈.၅\xt*\x*နော့‑က်တနေ့မာ ထွပ်ဟှားဘီး ကဲသရိဗြို့ဟှို ရော့‑က်ဟှားဂေ့ဟှယ်။ ကျွန်တော့်လေဟှာ ဧဝံဂေလိဆရာ ဖိလိပ္ပု အီမာတည်းဂေ့ဟှယ်။ ဖိလိပ္ပုဟှ တဗဲ့တော်လေဟှို ကူညီဟှို့တွပ် ယေရုရှလင်သင်းတော်ဟှ ဝီးချယ်ဟှားဟှူလူ ခွန်နစ်ယော့‑က်ထဲမာပါဟှူ လူတယော့‑က်ဖြစ်ဟှယ်။ 
\v 9 သူ့မာ အီထောန်က္လသေးဘဲဟှူ သမီးလေးယော့‑က်ရှိဟှယ်။ သူ့သမီးလေဟှာ ပရောဖက်ပြုဘီး ဘုရားသခင်ရဲ့ တရားတော်ဟှို ကြေညာဂေ့ဟှယ်။ 
\v 10 \x - \xo ၂၁.၁၀ \xo*\xt တ ၁၁.၂၈\xt*\x*အယ်အီမာ ကျွန်တော့်လေဟှာ ရစ်တန်ကြာ နေဘီးဟှူ ခီမာ အာဂဗု နာမယ်ရှိဟှူ ပရောဖက်တယော့‑က်ဟှာ ယုဒပြည်ဟှနေ ရော့‑က်လာဟှယ်။ 
\v 11 သူဟှာ ကျွန်တော့်လေနားဟှို လာဘီး ပေါလုရဲ့ ခါးဗတ်ဟှို ယူဘီး သူ့ခေန လတ်ဟှို ခယ်လိုက်ဟှယ်။ အယ်ဘီးန “အယ်ခါးဗတ် ဇရှင်ဟှို ယုဒလူလေဟှ ယေရုရှလင်ဗြို့မာ အယ်မျိုးခယ်ဘီးဟှာ လူမျိုးခြားလေဟှို အပ်ဂေ့လေ့မယ် ဆိုဘီး သန့်ရှင်းဟှူဝိညာဉ်တော်ဟှ မိန့်တော်မူဟှယ်” ဆိုဘီး ပြောဟှယ်။
\p
\v 12 အယ်စကားဟှို ကြားရဟှူ ခီမာ ကျွန်တော့်လေန အယ်နေရာမာရှိနေဟှူ လူလေဟှ ယေရုရှလင်ဗြို့ဟှို သွားဘဲဟှို့တွပ် ပေါလုဟှို တောန်းဗန်ဂေ့ဟှယ်။ 
\v 13 အယ်ဘေမဲ့ ပေါလုဟှ “နန်းနို့ဟှာ ဖြားဖြစ်ကြောန့် အယ်မျိုးငိုဘီးဟှာ ငါ့ရဲ့ စိနှလောင်းဟှို ကြေကွဲစေဂေ့နူး။ ငါဟှာ သခင်ယေရှုရဲ့ နာမတော်ကြောန့် ယေရုရှလင်ဗြို့မာ ခယ်ခံရဘီး သေခံဟှို့ဟှိုမှ ဆင်သင့်ရှိဟှယ်” ဆိုဘီး ပ္လန်ပြောဟှယ်။
\p
\v 14 ပေါလုဟှို သွီးဆောန်နိုင်ဘဲကြောန့် ကျွန်တော့်လေဟှာ လတ်ရှော့လိုက်ဘီး “သခင်ဘုရားရဲ့ လိုတော်တိုင်းဘဲ ဖြစ်ပါစေ” ဆိုဘီး ပြောဂေ့ဟှယ်။
\p
\v 15 ရစ်နဲနဲကြာဘီးန ကျွန်တော့်လေဟှာ ပစ်စီးလေဟှို ထောက်ဘိုးဘီးဟှာ ယေရုရှလင်ဗြို့ဟှို တတ်ဟှားဂေ့ဟှယ်။ 
\v 16 ကဲသရိဗြို့ဟှ တဗဲ့တော်တချို့ဟှာ ကျွန်တော့်လေနတူးဒူ လိုက်ဘီး ကျွန်တော့်လေဟှို ကုပရုကျွန်းသား တဗဲ့တော်ဟောန်း တယော့‑က်ဖြစ်ဟှူ မနာသုန်ရဲ့ အီမာတည်းဟှို့တွပ် ခေါ်ဟှားဂေ့ဟှယ်။\f + \fr ၂၁.၁၆ \fr*\fq ကျွန်တော့်လေဟှို ကုပရုကျွန်းသား တဗဲ့တော်ဟောန်း တယော့‑က်ဖြစ်ဟှူ မနာသုန်ရဲ့ အီမာတည်းဟှို့တွပ် ခေါ်ဟှားဂေ့ဟှယ်၊ \fq*\ft အယ်မျိုးမှုဘဲနေဟှာ \ft*\fqa သူးနို့အီမာနေဟှို့တွပ် ကျွန်တော့်ဟှားလေဟှို ခေါ်ဆောန်ဟှားဟှယ်။\fqa*\f*
\s ပေါလုဟှာ ယာကုပ်ဟှို သွားတွိဟှူကြောန်း
\p
\v 17 ယေရုရှလင်ဗြို့ဟှို ရော့‑က်ဟှားဂေ့ဟှူ ခီမာ ညီကို မောန်နှမလေဟှ ကြိုဆိုဂေ့ဟှယ်။ 
\v 18 နော့‑က်တနေ့မာ ပေါလုဟှာ ကျွန်တော့်လေနတူးဒူ ယာကုပ်ဟှို တွိဟှို့တွပ် သွားဂေ့ဟှယ်။ သင်းတော်လူဂီးလေ အားလောင်းလည်း သူ့နားမာ ရှိနေဂေ့ဟှယ်။ 
\v 19 ပေါလုဟှာ အယ်လူလေဟှို နှောက်ဆစ်ဘီးန သူ့ရဲ့ မှုတော်လောက်ငန်းအားဖြင့် လူမျိုးခြားလေဟှို ဘုရားသခင်လောက်ဟှူ မှုရာအားလောင်းဟှို တန်ပြဟှယ်။ 
\v 20 သူးနို့လေဟှာ အယ်မူဇာဟှို ကြားရဘီးန ဘုရားသခင်ဟှို ချီးမွမ်းဂေ့ဟှယ်။ အယ်ဘီးန သူးနို့ဟှ “ညီပေါလု၊ ယုဒလူလေ ထောန်နသောန်းနချီဘီး ယောင်ကြည်သူလေ ဖြစ်လာဂေ့ဟှယ် ဆိုဇာဟှို နန်းနို့လေ သိဗြင်ဂေ့ဟှယ်။ သူးနို့လေ အားလောင်းဂူဟှာ ပညတ်တရားဖတ်မာ စိအားထတ်သန်ဟှူ သူလေ ဖြစ်ဂေ့ဟှယ်။ 
\v 21 ‘နန်ဟှာ လူမျိုးခြားလေထဲမာနေဟှူ ယုဒလူလေဟှို နန်းနို့ရဲ့ သားဂန်းဟှားလေဟှို ရေဖျားလှီးပေးဂေ့န။ နန်းနို့ဟှာ ယုဒ ထောင်းဒန်းစဉ်လာလေဟှို လိုက်ဂေ့န’ ဆိုဘီး မောရှေရဲ့ ပညတ်တရားဟှို စွန့်ပစ်ဟှို့တွပ် သွန်သန်နေဇာဟှို အယ်လူလေဟှ ကြားရဂေ့ဟှယ်။ 
\v 22 အယ်မျိုးဆိုဟှာ နို့လေဟှာ ဖယ်မျိုးလောက်ရဟှို့နူး။ နန်ရော့‑က်လာဟှူဒန်းဟှို သူးနို့လေဟှာ ကြားရမယ် ဆိုဇာ သေချာနေဟှယ်။ 
\v 23 အယ်ကြောန့် နန့်ဟှို နို့လေပြောဟှားဟှူတိုင်း လောက်လိုက်။ နို့လေမာ သစ်စာဂဒိပြုဟှားဟှူ လူလေးယော့‑က်ရှိဟှယ်။ 
\v 24 အယ်လူလေဟှို ခေါ်ဟှားဘီး သူးနို့နတူးဒူ စင်ကြယ်ရှင်းဟှို လောက်ဘီးဟှာ သူးနို့ခေါန်းဟှို ရိဟှို့တွပ်\f + \fr ၂၁.၂၄ \fr*\fk သူးနို့ခေါန်းဟှို ရိဟှို့တွပ်၊ \fk*\ft ရှု \ft*\xt ၁၈.၁၈\xt*။\f*ခဟှို ပေးလိုက်။ အယ်မျိုးလောက်မယ် ဆိုဟှာ နန့်ကြောန်းဟှို သူးနို့ကြားရဂေ့ဟှူ ဒန်းဟှာ မှန်ဟှ ဆိုဇာဟှိုရော၊ နန်ကိုယ်တိုင်ဘဲ့ မောရှေရဲ့ ပညတ်တရားဟှို တိတိက္လက္လဟှား စောန့်ထီးဟှယ် ဆိုဇာဟှိုရော လူတိုင်းသိဂေ့လေ့မယ်။ 
\v 25 \x - \xo ၂၁.၂၅ \xo*\xt တ ၁၅.၂၉ \xt*\x*အယ်ဘေမဲ့ ယောင်ကြည်သူ လူမျိုးခြားလေတွပ်ဟှ ရောက်ထုရှေ့မာ ပူဇော်ဟှားဟှူ စားဇာ၊ သွီး၊ လည်ဗန်းလှီးဘဲန သတ်ဟှားဟှူ လိဆန်လေဟှို စားဘဲဟှို့တွပ်န တရားဘဲဟှူမေထုန်ဟှိုလည်း ရှောန်ဟှို့တွပ် နို့လေဟှာ ဆောင်းဖြတ်ဘီး သူးနို့နားဟှို စာရေးဘီး ကြောန်းကြားဟှားပီးဘီ” ဆိုဘီး ပြောဂေ့ဟှယ်။
\p
\v 26 အယ်ကြောန့် ပေါလုဟှာ နော့‑က်တနေ့မာ အယ်လူလေးယော့‑က်ဟှို ခေါ်ဘီးန သူးနို့နတူးဒူ စင်ကြယ်ရှင်းဟှို လောက်ဂေ့ဟှယ်။ အယ်ဘီးန သူဟှာ ဗိမာန်တော်ဟှို သွားဘီး သူးနို့ယော့‑က်ချင်းစီတွပ် ပူဇော်သကာလောက်ရမယ့် ခီဖြစ်ဟှူ စင်ကြယ်ရှင်းဟှို လောက်ရဟှူ နေ့ရစ်လေ ပီးဆောင်းမယ့်ခီဟှို သိပေးလေဟှယ်။
\s ဗိမာန်တော်မာ ပေါလု ဖမ်းခံရဟှူကြောန်း
\p
\v 27 ခွန်နစ်ရစ်လော့‑က် ကြာဟှားဟှူ ခီမာ အာရှိပြည်ဟှနေ ယုဒလူတချို့ဟှာ ပေါလုဟှို ဗိမာန်တော်မာ ဗြင်ဟှားဂေ့ဟှယ်။ သူးနို့ဟှာ လူအောက်ဂီးဟှို နှိုးဆော်ပေးဘီး ပေါလုဟှို ဖမ်းဂေ့ဟှယ်။ 
\v 28 သူးနို့ဟှ “ဣသရေလလူလေ၊ ကူညီဂေ့ပါ။ အယ်လူဟှာ နေရာတိုင်းဟှို သွားဘီး နို့လူမျိုးန နို့လူမျိုးရဲ့ ပညတ်တရားဟှိုရော၊ အယ်ဗိမာန်တော်ဟှိုရော ဆန့်ကျင်ဘီး လူတိုင်းဟှို သွန်သန်နေဟှယ်။ အယ်မျှလော့‑က်ဘဲ့ မှုဘဲန သူဟှာ လူမျိုးခြားလေဟှိုလည်း ဗိမာန်တော်ထဲဟှို ခေါ်ဆောန်လာဘီးဟှာ အယ်သန့်ရှင်းဟှူ နေရာဟှို ညစ်ညူးစေဟှယ်” ဆိုဘီး အော်ဂေ့ဟှယ်။ 
\v 29 \x - \xo ၂၁.၂၉ \xo*\xt တ ၂၀.၄\xt*\x*ဖြားဖြစ်ကြောန့် အယ်မျိုးပြောနူး ဆိုဟှာ သူးနို့ဟှာ ပေါလုဟှို ဧဖက်ဗြို့သား တရောဖိမ်နတူးဒူ ဗြို့ထဲမာတွိဘီး အယ်လူဟှို ဗိမာန်တော်ထဲဟှို ပေါလုဟှာ ခေါ်လာဟှယ် ဆိုဘီး ထန်ဂေ့ဟှယ်။
\p
\v 30 တဗြို့လောင်းဟှာ ရှောက်ရှစ်ခတ်ဘီး လူလေဟှာ ပ္လေးလာဘီးန ပေါလုဟှို ဖမ်းဘီးဟှာ ဗိမာန်တော်ပ္လန်ဟှို ဆွဲထုဂေ့ဟှယ်။ ရှစ်ရှင်းဘဲ့ ဗိမာန်တော်ရဲ့ ခွဗော့‑က်လေဟှို ပိလိုက်ဂေ့ဟှယ်။ 
\v 31 သူးနို့ဟှာ ပေါလုဟှို သတ်ဟှို့တွပ် ကြိုးစားနေဂေ့ဒူးမာ ယေရုရှလင်ဗြို့ တဗြို့လောင်းဟှာ ရှောက်ရှစ်ခတ်နေဟှယ် ဆိုဘီး ရောမတပ်မှူးနားဟှို ဒန်းဟှာ ရော့‑က်လာဟှယ်။ 
\v 32 ရှစ်ရှင်းဘဲ့ တပ်မှူးဟှာ စစ်သားလေန ရာရှိတချို့ဟှို ခေါ်ဘီးဟှာ လူအောက်နားဟှို ဆင်းပ္လေးလာဂေ့ဟှယ်။ လူလေဟှာ တပ်မှူးန စစ်သားလေဟှို ဗြင်ဟှားဟှူ ခီမာ ပေါလုဟှို ရိုက်ဘဲန နေဂေ့ဟှယ်။ 
\v 33 အယ်ခီမာ တပ်မှူးဟှာ ပေါလုနားဟှို ရော့‑က်လာဘီး ဖမ်းဘီးဟှာ သံကြိုးနှေ့ပန်န ခယ်ဟှို့တွပ် မိန့်ပေးလိုက်ဟှယ်။ အယ်လူဟှ ဖယ်သူဖြစ်နူး။ ဖြားဇာလောက်ဟှားနူး ဆိုဘီး မေးဟှယ်။ 
\v 34 လူလေဟှ တယော့‑က်တဘော့‑က် အော်ဘီးဟှာ ရောက်ရောက်သဲသဲ ဖြစ်နေဟှူကြောန့် တပ်မှူးဟှာ ခြေနေမှန်ဟှို သိနိုင်ဘဲကြောန့် ပေါလုဟှို ရဲတိုက်ထဲဟှို ခေါ်ဆောန်ဟှားဟှို့တွပ် မိန့်ပေးလိုက်ဟှယ်။ 
\v 35 ရဲတိုက်လှေကားဟှို ရော့‑က်ဟှားဟှူ ခီမာ လူလေဟှ ပိုဘီးကြမ်းလာဘီးဟှာ စစ်သားလေဟှာ ပေါလုဟှို ခီဘီးဟှာ ထမ်းဟှားဂေ့ရဟှယ်။ 
\v 36 လူလေဟှာ “သူ့ဟှို သတ်လိုက်” ဆိုဘီး အော်ဘီး လိုက်နေဂေ့ဟှယ်။
\s ပေါလုကိုယ်တိုင် ဖြေရှင်းဟှူကြောန်း
\p
\v 37 ပေါလုဟှာ သူ့ဟှို ရဲတိုက်ထဲဟှို ခေါ်ဆောန်ဟှားဟှို့ လောက်ဟှူ ခီမာ သူဟှ တပ်မှူးဟှို “ခန်ဗျားန ကျွန်တော် စကားနဲနဲဟှား ပြောရှင်ဟှယ်” ဆိုဘီး ပြောလိုက်ဟှယ်။
\p တပ်မှူးဟှ “နန်ဟှာ ဟေလသစကားဟှို ပြောတတ်ဘဲ့လော။ 
\v 38 အယ်ဆိုဟှာ နန်ဟှာ အယ်ရစ်လေတိုင်ခန်ဟှ ပေါင်ကန်ထကြွဘီး ကြမ်းဖတ်မား ၄,၀၀၀ ဟှို တောကန္တာရဟှို ခေါ်ဆောန်ဟှားဟှူ အဲဂုတ္တုလူ မှုဟှလော” ဆိုဘီး မေးဟှယ်။
\p
\v 39 ပေါလုဟှ “ကျွန်တော်ဟှာ ယုဒလူဖြစ်ဘီး ကိလိကိနယ်ရဲ့ ထန်ရှားဟှူ၊ တာရှုဗြို့မာမွီးဟှူ ဗြို့ကီးသားဖြစ်ဟှယ်။ ကျွန်တော့်ဟှို ကျေးဇူးပြုဘီး လူလေဟှို စကားပြောခွမ့်ပေးပါ” ဆိုဘီး ပြောဟှယ်။
\p
\v 40 တပ်မှူးဟှ ခွမ့်ပေးဟှူကြောန့် ပေါလုဟှာ လှေကားထတ်မာရပ်ဘီး လူလေဟှို တိတိဆိဆိဟှား နေဟှို့တွပ် လတ်န ချစ်ပြလိုက်ဟှယ်။ အယ်လူလေဟှာ တိတိဆိဆိဟှား ဖြစ်ဟှားဂေ့ဟှူ ခီမာ သူဟှာ ယုဒစကားန၊
\c 22
\nb
\v 1 “သူ့ညီကိုလေန ဖလေ၊ ခုကျွန်တော့်ရဲ့ ဖြေရှင်းချစ်ဟှို နားထောန်ဂေ့ပါ” ဆိုဘီး ပြောဟှယ်။
\p
\v 2 သူးနို့ဟှို ယုဒစကားန ပြောနေဟှယ် ဆိုဇာဟှို ကြားရဟှူ ခီမာ သူးနို့ဟှာ ပိုဘီး တိဆိဟှားဂေ့ဟှယ်။
\p အယ်ဘီးန ပေါလုဟှ၊ 
\v 3 \x - \xo ၂၂.၃ \xo*\xt တ ၅.၃၄–၃၉\xt*\x*“ကျွန်တော်ဟှာ ကိလိကိနယ်၊ တာရှုဗြို့မာမွီးဟှူ ယုဒလူဖြစ်ဟှယ်။ ယေရုရှလင်ဗြို့မာ ကီးလာဘီး ဘိုးဘေးလေ လိုက်လျှော့‑က် ကျင့်သောင်းဟှူ ပညတ်တော်ဟှို ဂါမလျေလနားမာ တိတိက္လက္လဟှား သန်ယူဟှားဟှယ်။ ခုနန်းနို့ဟှာ ဘုရားသခင်ရဲ့ မှုတော်ဟှို လောက်ဟှို့တွပ် စိအားထတ်သန်ဟှူမျိုးဘဲ့ ကျွန်တော်ဟှလည်း စိအားထတ်သန်ခဲ့ဟှယ်။ 
\v 4 \x - \xo ၂၂.၄ \xo*\xt တ ၈.၃; ၂၆.၉–၁၁\xt*\x*ကျွန်တော်ဟှာ ယေရှုရဲ့ လမ်းစဉ်ဟှို လိုက်လျှော့‑က်ဂေ့ဟှူ လူလေဟှို သေလော့‑က်အောန်ထိ ညှင်းဆဲခဲ့ဟှယ်။ ယော့‑က်ကျားလေန မီးမလေဟှို ဖမ်းဘီးဟှာ ထောန်ခ္လခဲ့ဟှယ်။ 
\v 5 ကျွန်တော် ပြောနေဇာလေဟှာ မှန်ဟှယ် ဆိုဇာဟှို ယဇ်ပုရောဟိတ်မန်းနတူးဒူ ယုဒတရားလွှတ်တော် တခုလောင်းဟှ သတ်သေပြနိုင်ဂေ့ဟှယ်။ ကျွန်တော်ဟှာ သူးနို့နားဟှနေဘီး ဒမာသက်ဗြို့မာရှိဟှူ ယုဒညီကိုလေဟှို ရေးပေးလိုက်ဟှူ စာလေဟှို ယူဘီးန အယ်လမ်းစဉ်ဟှို လိုက်လျှော့‑က်ဟှူ လူလေဟှို ပြစ်စီရင်ဟှို့တွပ် ဖမ်းဘီးဟှာ ယေရုရှလင်ဗြို့ဟှို ခေါ်ဆောန်လာဟှို့တွပ် အယ်ဗြို့ဟှို ထွပ်ဟှားဟှယ်။
\s ပေါလုဟှာ သူ့ရဲ့ ပ္လောန်းလဲလာပေါင်ဟှို ပြောပြကြောန်း
\r (တမန်တော် ၉.၁–၁၉; ၂၆.၁၂–၁၈)
\p
\v 6 “ကျွန်တော်ဟှာ ခရီးသွားရင်းန ဒမာသက်ဗြို့နားဟှို ရော့‑က်ဟှူ ခီမာ မွန်းဒဲ့ခီန ကောန်းဂန်ဟှနေ တော့‑က်ပဟှူ လန်းရောန်တခုဟှာ ရောက်တရစ် ကျွန်တော့်ပတ်လည်မာ ထွန်းတော့‑က်လာဟှယ်။ 
\v 7 ကျွန်တော်ဟှာ မ္လေဂီးထတ်ဟှို လဲက္လဟှားဘီး ‘ရှောလု၊ ရှောလု၊ နန်ဟှာ ဖြားဖြစ်ကြောန့် ငါ့ဟှို ညှဉ်းဆဲနူး’ ဆိုဘီး ကျွန်တော့်ဟှို ပြောနေဟှူသံဟှို ကြားရဟှယ်။ 
\v 8 ကျွန်တော်ဟှ ‘သခင်၊ ကိုယ်တော်ဟှ ဖယ်သူနူး’ ဆိုဘီး မေးလျှော့‑က်လိုက်ဟှယ်။ ကိုယ်တော်ဟှ ‘ငါဟှာ နန်ညှဉ်းဆဲနေဟှူ နာဇရက်ဗြို့သား ယေရှုဘဲ့ဖြစ်ဟှယ်’ ဆိုဘီး မိန့်တော်မူလေဟှယ်။ 
\v 9 ကျွန်တော်နတူးဒူ ရှိနေဂေ့ဟှူ လူလေဟှာ အယ်လန်းရောန်ဟှို ဗြင်ရဂေ့ဘေမဲ့ ကျွန်တော့်ဟှို ပြောနေဟှူသူရဲ့ သံတော်ဟှို ကြားရဂေ့ဟှ။ 
\v 10 ကျွန်တော်ဟှ ‘သခင်၊ ကျွန်တော်ဟှာ ဖယ်မျိုးလောက်ရဟှို့နူး’ ဆိုဘီး မေးလျှော့‑က်လိုက်ဟှယ်။ ကိုယ်တော်ဟှ ‘ထဘီးဟှာ ဒမာသက်ဗြို့ဟှို သွားလိုက်။ နန်လောက်ရဟှို့တွပ် သတ်မှတ်ဟှားဟှူဇာလေ အားလောင်းဂူဟှို အယ်ဗြို့မာ နန့်ဟှို ငါပြောပြမယ်’ ဆိုဘီး မိန့်တော်မူလေဟှယ်။ 
\v 11 ကျွန်တော်ဟှာ တော့‑က်ပဟှူ လန်းရောန်ကြောန့် မျစ်စိကန်းဟှားဘီး ကျွန်တော်နတူးဒူ ရှိနေဂေ့ဟှူ လူလေဟှ ကျွန်တော့်လတ်ဟှို ဆွဲဘီးဟှာ ဒမာသက်ဗြို့ထဲဟှို ခေါ်ဆောန်ဟှားဂေ့ဟှယ်။
\p
\v 12 “အယ်ဗြို့မာ အာနနိ နာမယ်ရှိဟှူ လူဟှာ ပညတ်တရားဟှို လိုက်လျှော့‑က်ကျင့်သောင်းဘီး ဘာသာရေးလိုက်စားဟှူ လူလည်းဖြစ်ဟှယ်။ အယ်ဗြို့မာနေဟှူ ယုဒလူလေရဲ့ ချီးကျူးလေးစားခံရဟှူ လူဖြစ်ဟှယ်။ 
\v 13 သူဟှာ ကျွန်တော်နားဟှို လာဘီး နီးနားမာ ရပ်ဘီးဟှာ ‘ညီရှောလု၊ မျစ်စိပ္လန်ဗြင်စေ!’ ဆိုဘီး ပြောဟှယ်။ ရှစ်ရှင်းဘဲ့ ကျွန်တော့်ဟှာ မျစ်စိပ္လန်ဗြင်ဟှားဘီး သူ့ဟှို ကေ့လိုက်ဟှယ်။ 
\v 14 အာနနိဟှ ‘နန်ဟှာ နို့ဘိုးဘေးလေရဲ့ ဘုရားသခင် လိုတော်ဟှို သိဟှို့တွပ်ရော၊ ကိုယ်တော်ရဲ့ ဖြောန့်မတ်ဟှူ စေခံဟှို ဗြင်ရဟှို့တွပ်ရော၊ အယ်သခင်ရဲ့ နှောက်တော်ဟှနေ သံတော်ဟှို ကြားရဟှို့တွပ်ရော ကိုယ်တော်ဟှာ နန့်ဟှို ဝီးချယ်လိုက်ဟှယ်။ 
\v 15 နန်ဟှာခု ဗြင်ရကြားရဇာလေဟှို လူတိုင်းဟှို ပြောဟှို့တွပ် အယ်သခင်ရဲ့ သတ်သေ ဖြစ်ရလေ့မယ်။ 
\v 16 ခုနန်ဟှာ ဖြားဖြစ်ကြောန့် ခီဆွဲနေရနူး။ ထဘီးဟှာ ဗတ္တိဇံခံလိုက်။ အယ်ဘီးဟှာ နန့်ရဲ့ ပြစ်လေ လွှတ်ခံရဟှို့တွပ် သခင်ဘုရားရဲ့ နာမတော်န ဆုတောန်းလိုက်’ ဆိုဘီး ပြောဟှယ်။
\s လူမျိုးခြားလေဟှို ဟောဟှို့တွပ် ပေါလုဟှို စေလွှတ်ခံရကြောန်း
\p
\v 17 “ကျွန်တော်ဟှာ ယေရုရှလင်ဗြို့ဟှို ပ္လန်ရော့‑က်ဘီး ဗိမာန်တော်မာ ဆုတောန်းနေဒူးမာ ရူပါရောင်ဟှို ဗြင်ရဟှယ်။ 
\v 18 အယ်ရူပါရောင်မာ သခင်ဘုရားဟှို ဗြင်ရဘီး ကိုယ်တော်ဟှ ‘နန်ဟှာ ယေရုရှလင်ဗြို့ဟှနေ ဗြန်းဗြန်ဟှား ထွပ်ဟှားလိုက်။ အယ်ဗြို့သားလေဟှာ ငါ့ကြောန်းသတ်သေခံဇာဟှို လတ်ခံဂေ့မှုဟှ’ ဆိုဘီး မိန့်တော်မူဟှယ်။ 
\v 19 ကျွန်တော်ဟှလည်း ‘သခင်ဘုရား၊ ကျွန်တော်ဟှာ ဝါလယ်ဇရပ်လေဟှို သွားဘီးဟှာ သခင်ဟှို ယောင်ကြည်ဟှူ လူလေဟှို ရိုက်နှက်ဘီး ထောန်ခ္လဟှားဟှယ် ဆိုဇာဟှို အယ်လူလေ သိဂေ့ဟှယ်။ 
\v 20 \x - \xo ၂၂.၂၀ \xo*\xt တ ၇.၅၈\xt*\x*ကိုယ်တော်ရဲ့ သတ်သေဖြစ်ဟှူ သတေဖန်ဟှို သတ်ဂေ့ဟှူ ခီမာလည်း ကျွန်တော်ကိုယ်တိုင်ဟှာ နားမာရပ်ဘီး လိုတူလိုပါဖြစ်ဟှယ်။ သူ့ဟှို သတ်ဟှူလူလေရဲ့ အန်းဂီလေဟှို စောန့်ပေးဟှားဟှယ်’ ဆိုဘီး ပ္လန်လျှော့‑က်လိုက်ဟှယ်။ 
\v 21 သခင်ဘုရားဟှ ‘သွားလိုက်။ ရပ်ဝီးမာနေဟှူ လူမျိုးခြားလေနားဟှို နန့်ဟှို ငါလွှတ်မယ်’ ဆိုဘီး မိန့်တော်မူဟှယ်” ဆိုဘီး ပြောဟှယ်။
\p
\v 22 လူလေဟှာ ပေါလုရဲ့ စကားဟှို အယ်မျှထိ နားထောန်ဂေ့ဘီးန “အယ်လူဟှို ကမ္ဘာမ္လေဂီးဟှနေ ဖယ်ရှားလိုက်! သူ့ဟှို သတ်လိုက်! သူဟှာ သတ်ရှင်သင့်ဟှ!” ဆိုဘီး သံက္လယ်ဂီးန အော်ဂေ့ဟှယ်။ 
\v 23 သူးနို့ဟှာ အန်းဂီလေဟှိုခါရမ်းဘီး မ္လေမုလေဟှို လေထဲဟှို ပစ်တန်ဘီးဟှာ အော်ဂေ့ဟှယ်။ 
\v 24 အယ်ခီမာ ရောမတပ်မှူးဟှာ ပေါလုဟှို ရဲတိုက်ထဲဟှို ခေါ်ဆောန်ဟှားဟှို့တွပ်န လူလေဟှာ ဖြားဖြစ်ကြောန့် သူ့ဟှို ဆန့်ကျင်ဘီး အယ်မျိုး အော်နေဂေ့ဇာဟှို သိရှင်တွပ် သူ့ဟှိုရိုက်ဘီး စစ်ဆေးဟှို့တွပ် မိန့်ပေးလိုက်ဟှယ်။ 
\v 25 သူ့ဟှို ရိုက်ဟှို့တွပ် ကြိုးန တောက်ဂေ့ဟှူ ခီမာ ပေါလုဟှ နီးနားမာရပ်နေဟှူ ရာရှိဟှို “ရောမ နိုင်ငံသားတယော့‑က်ဟှို စစ်ဆေးဘဲန ကီဒန်ပေးဇာဟှာ တရားဥပဒေန ကိုက်ညီဘဲ့လော” ဆိုဘီး မေးဟှယ်။
\p
\v 26 အယ်စကားဟှို ကြားရဟှူ ရာရှိဟှာ တပ်မှူးနားဟှို သွားဘီး “သခင် ဖယ်မျိုးလောက်ဟှို့နူး။ အယ်လူဟှာ ရောမနိုင်ငံသားဖြစ်ဟှယ်!” ဆိုဘီး လျှော့‑က်လိုက်ဟှယ်။
\p
\v 27 အယ်ကြောန့် တပ်မှူးဟှာ ပေါလုနားဟှို လာဘီး “ငါ့ဟှိုပြောပါ။ နန်ဟှာ ရောမနိုင်ငံသားလော” ဆိုဘီး မေးဟှယ်။
\p ပေါလုဟှ “မှန်ဟှယ်” ဆိုဘီး ပ္လန်ဖြေလိုက်ဟှယ်။
\p
\v 28 တပ်မှူးဟှ “ငါဟှာ ကပ်လေဘောင်ဂီး ပေးဘီးမှ ရောမနိုင်ငံသား ခံယူဟှားဟှယ်” ဆိုဘီး ပြောဟှယ်။ ပေါလုဟှ “ငါဟှာ ဇာတိအားဖြင့် ရောမနိုင်ငံသားဖြစ်ဟှယ်” ဆိုဘီး ပ္လန်ပြောဟှယ်။
\p
\v 29 သူ့ဟှို စစ်ဆေးနေဟှူ လူလေဟှာ ရှစ်ရှင်းဘဲ နော့‑က်ဟှို ဆုဟှားဂေ့ဟှယ်။ ပေါလုဟှာ ရောမနိုင်ငံသားဖြစ်ဟှယ် ဆိုဇာဟှိုရော၊ သူ့ဟှို သံကြိုးန ခယ်လိုက်မိဘီ ဆိုဇာဟှိုရော သိဟှားဟှူ ခီမာ တပ်မှူးဟှာ ကြော့‑က်နေဟှယ်။
\s ပေါလုဟှို ယုဒတရားလွတ်တော်ရှေ့ဟှို ခေါ်ဆောန်ဟှားဟှူကြောန်း
\p
\v 30 တပ်မှူးဟှာ ပေါလုဟှို ယုဒလူလေဟှာ ဖြားပြစ်မှုန စွပ်စွဲဂေ့နူး ဆိုဇာဟှို သေးသေချားချာဟှား သိရှင်ဟှယ်။ အယ်ကြောန့် နော့‑က်တနေ့မာ ပေါလုဟှို ခယ်ဟှားဟှူသံကြိုးဟှို ဖယ်ဘီးဟှာ ယဇ်ပုရောဟိတ်ဂီးလေန တရားလွှတ်တော် ဖွဲ့ဝမ်လေဟှို စုဂေ့ဟှို့တွပ် မိန့်ပေးလိုက်ဟှယ်။ အယ်ဘီးန ပေါလုဟှို ခေါ်ဆောန်လာဘီး အယ်လူလေရှေ့မာ ရပ်ခိုင်းလိုက်ဟှယ်။
\c 23
\p
\v 1 ပေါလုဟှာ ယုဒတရားလွှတ်တော် ဖွဲ့ဝမ်လေဟှို စေ့စေ့ကေ့ဘီး “ညီကိုလေ၊ ကျွန်တော်ဟှာ အယ်နေ့ထိ ဘုရားသခင်ရှေ့မာ ကောန်းဟှူစိပ္လဲ့ဝန သတ်ရှင်နေထိုင်ဟှယ်” ဆိုဘီး ပြောဟှယ်။ 
\v 2 ယဇ်ပုရောဟိတ်မန်း အာနနိဟှာ ပေါလုနားမာရပ်နေဟှူ လူလေဟှို သူ့ဇာတ်ပေါ့‑က်ဟှို ရိုက်ခိုင်းလိုက်ဟှယ်။ 
\v 3 \x - \xo ၂၃.၃ \xo*\xt မ ၂၃.၂၇,၂၈\xt*\x*ပေါလုဟှ “ထူးဖ္လူသုဟှားဟှူ အုရိုး၊ နန့်ဟှို ဘုရားသခင်ဟှာ ဒန်ခတ်လေ့မယ်။ ခန်ဗျားဟှာ ကျွန်တော့်ဟှို တရားဥပဒေန စီရင်ဟှို့တွပ် တရားခွမ်မာ ထိုင်နေဘီး ကျွန်တော့်ဟှို ရိုက်ခိုင်းဇာဟှာ ဥပဒေဟှို ခ္လိုးဖော့‑က်ဟှယ်!” ဆိုဘီး သူ့ဟှို ပြောဟှယ်။
\p
\v 4 ပေါလုနားမာ ရပ်နေဟှူ လူလေဟှ “နန်ဟှာ ဘုရားသခင်ရဲ့ ယဇ်ပုရောဟိတ်မန်းဟှို အယ်မျိုးဘဲ့ ပ္လန်ပြောရလော!” ဆိုဘီး သူ့ဟှိုပြောဟှယ်။
\p
\v 5 ပေါလုဟှ “ညီကိုလေ၊ အယ်လူဟှာ ယဇ်ပုရောဟိတ်မန်း ဖြစ်ဟှယ် ဆိုဇာဟှို ကျွန်တော်သိဟှ။ ကျမ်းစာမာ ‘နန့်လူမျိုးရဲ့ လူဂီးမန်းဟှို ကောန်းဘဲကြောန်းဟှို ပြောရဟှ’ ဆိုဘီး ရေးဟှားဟှယ်” ဆိုဘီး ပ္လန်ဖြေလိုက်ဟှယ်။
\p
\v 6 \x - \xo ၂၃.၆ \xo*\xt တ ၂၆.၅; ဖိ ၃.၅\xt*\x* အယ်လူလေထဲမာ တဖွဲ့ဟှ ဖာရိရှဲဖြစ်ဘီး တဖွဲ့ဟှ ဇဒ္ဒုကဲလေဖြစ်ဟှယ် ဆိုဇာဟှို ပေါလုဟှ သိဟှားဟှူ ခီမာ “ညီကိုလေ၊ ကျွန်တော့်ဟှာ ဖာရိရှဲဖြစ်ဟှယ်။ ဖာရိရှဲရဲ့ သားလည်းဖြစ်ဟှယ်။ သေဟှားလူလေဟှာ ရှင်ပ္လန်ထမြော့‑က်လေ့မယ် ဆိုဇာဟှို မျှော်လင့်ရှင်းကြောန်းကြောန့် စစ်ဆေးခံနေရဟှယ်” ဆိုဘီး တရားလွှတ်တော်မာ အော်ဟစ်ဘီးပြောဟှယ်။
\p
\v 7 အယ်မျိုး သူပြောလိုက်ဟှူ ခီမာ ဖာရိရှဲလေန ဇဒ္ဒုကဲလေဟှ စဘီး ပြဿနာဖြစ်ဂေ့ဘီးဟှာ အောက်စု နှေ့ခြမ်းကွဲဟှားဟှယ်။ 
\v 8 \x - \xo ၂၃.၈ \xo*\xt မ ၂၂.၂၃; မာ ၁၂.၁၈; လု ၂၀.၂၇\xt*\x*ဖြားဖြစ်ကြောန့်နူးဆိုဟှာ ဇဒ္ဒုကဲလေဟှ ရှင်ပ္လန်ထမြော့‑က်ဇာ မှေ့ဟှ။ ကောန်းဂန်တမန်လည်း မှေ့ဟှ။ နာမ်ဝိညာဉ်လည်း မှေ့ဟှ ဆိုဘီး ပြောဂေ့ဟှယ်။ အယ်ဘေမဲ့ ဖာရိရှဲလေဟှ အယ်မူသောင်းခုလောင်းရှိဟှယ် ဆိုဘီး ယောင်ကြည်ဂေ့ဟှယ်။ 
\v 9 အော်ဟစ်သံဟှာ ပိုက္လယ်လာဘီး ဖာရိရှဲဂိုဏ်းဝမ်ဖြစ်ဟှူ ကျမ်းတတ်ဆရာတချို့ဟှာ ထဘီးဟှာ “အယ်လူမာ ဖြားပြစ်လည်း နို့လေတွိဟှ! ဝိညာဉ်တပါးပါး၊ ကောန်းဂန်တမန် တပါးပါးဟှ သူ့ဟှို ပြောဟှားဇာ ဖြစ်နိုင်ဟှယ်!” ဆိုဘီး ပြင်းပြင်းထန်ထန် ဂြင်းခူဂေ့ဟှယ်။
\p
\v 10 ဂြင်းခူဇာဟှာ ရရာတိုင်း ပြင်းထန်လာဟှူကြောန့် သူးနို့လေဟှာ ပေါလုဟှို ပိုင်းပိုင်းဆွဲဖြတ်လေ့မယ် ဆိုဘီး တပ်မှူးဟှာ စိုးရိမ်ဟှားဟှယ်။ အယ်ကြောန့် စစ်သားလေဟှို ဆင်းခိုင်းလိုက်ဘီး ပေါလုဟှို အယ်လူလေနားဟှနေ ခေါ်ထုလာဘီးဟှာ ရဲတိုက်ထဲဟှို ခေါ်ဆောန်ဟှားဟှို့တွပ် မိန့်ပေးလိုက်ဟှယ်။
\p
\v 11 အယ်ညဉ့်မာဘဲ့ သခင်ဘုရားဟှာ ပေါလုနားမာ ပေါ်လာဘီး “ကြော့‑က်န။ နန်ဟှာ ယေရုရှလင်ဗြို့မာ ငါ့ကြောန်းဟှို သတ်သေခံရဟှူမျိုးဘဲ့ ရောမဗြို့မာလည်း သတ်သေခံ ဟောပြောရအူးမယ်” ဆိုဘီး ပြောဟှယ်။
\s ပေါလုဟှို သတ်ဟှို့ ကြံစည်ဂေ့ကြောန်း
\p
\v 12 နော့‑က်တနေ့ မိုးလန်းဟှူ ခီမာ ယုဒလူတချို့ဟှာ တွိဂေ့ဘီး ပေါလုဟှို သတ်ရဘဲဟှ ဆိုဟှာ ဖြားလည်းစားဘဲ၊ သော့‑က်ဘဲနေမယ် ဆိုဘီး ဓိဌာန်ပြုဂေ့ဟှယ်။ 
\v 13 အယ်မျိုး ကြံစည်ဂေ့ဟှူ လူလေဟှ ယော့‑က်လေးဆယ်ကျော်ရှိဟှယ်။ 
\v 14 သူးနို့ဟှာ ယဇ်ပုရောဟိတ်ဂီးလေန သတ်ဂီးဝါဂီးလေနားဟှို သွားဘီး “ကျွန်တော့်လေဟှာ ပေါလုဟှို သတ်ရဘဲဟှ ဆိုဟှာ ဖြားလည်းစားဘဲ၊ သော့‑က်ဘဲနေမယ် ဆိုဘီး ဂဒိသစ်စာပြုဟှားဂေ့ဟှယ်။ 
\v 15 အယ်ကြောန့် သခင်လေဟှာ တရားလွှတ်တော် ဖွဲ့ဝမ်လေနတူးဒူ ပေါလုရဲ့မှုဟှို ပိုဘီးဟှာ တိတိက္လက္လဟှား စစ်ဆေးရှင်ဟှယ် ဆိုဘီး ယောန်ဆောန်ဘီးဟှာ သူ့ဟှို သခင်လေနားဟှို ခေါ်လာဟှို့တွပ် ရောမတပ်မှူးဟှို မြစ်တာရပ်ခံဂေ့ပါ။ ပေါလုဟှာ သခင်လေနားဟှို ရော့‑က်ခန်မာ သူ့ဟှို သတ်ဟှို့တွပ် ကျွန်တော့်လေဟှာ ဆင်သင့်ရှိနေမယ်” ဆိုဘီး လျှော့‑က်ဂေ့ဟှယ်။
\p
\v 16 အယ်ဘေမဲ့ အယ်မျိုး ကြံစည်နေဇာဟှို ပေါလုညီမရဲ့ သားဟှာ ကြားဟှားလေဟှယ်။ အယ်ကြောန့် သူဟှာ ရဲတိုက်ထဲဟှို ဝမ်ဘီးန ပေါလုဟှို သွားပြောဟှယ်။ 
\v 17 ပေါလုဟှာ ရာရှိတယော့‑က်ဟှို ခေါ်ဘီးဟှာ “အယ်ကောန်သားဟှို တပ်မှူးနားဟှို ခေါ်ဟှားပေးပါ။ သူ့မာ တပ်မှူးဟှို ပြောဇာတခုရှိဟှယ်” ဆိုဘီး ပြောဟှယ်။ 
\v 18 ရာရှိဟှာ အယ်ကောန်သားဟှို တပ်မှူးနားဟှို ခေါ်ဆောန်ဟှားဘီးန “ထောန်သားပေါလုဟှာ ကျွန်တော့်ဟှို ခေါ်ဘီးဟှာ အယ်ကောန်သားဟှို သခင်နားဟှို ပို့ခိုင်းလိုက်ဟှယ်။ ဖြားဖြစ်ကြောန့်နူးဆိုဟှာ သူ့မာ သခင်ဟှို ပြောဇာတခုရှိဟှယ်” ဆိုဘီး တောန်းလျှော့‑က်လိုက်ဟှယ်။
\p
\v 19 တပ်မှူးဟှာ အယ်ကောန်သားရဲ့ လတ်ဟှို ဆွဲဘီး လူလေမှေ့ဘဲဟှူ နေရာတခုဟှို ခေါ်ဟှားဟှယ်။ အယ်ဘီးန “နန်ဟှ ငါ့ဟှို ဖြားဇာပြောရှင်နူး” ဆိုဘီး မေးဟှယ်။
\p
\v 20 ကောန်သားဟှ “ယုဒအာဏာပိုင်လေဟှာ ပေါလုရဲ့ မှုဟှို ပိုဘီးဟှာ တိတိက္လက္လဟှား စစ်ဆေးရှင်ဟှယ် ဆိုဘီး ယောန်ဆောန်ဘီးဟှာ သခင်ဟှို နတ်ကီးတန်ဟှာ ပေါလုဟှို တရားလွှတ်တော်ဟှို ခေါ်ဆောန်ဟှားဟှို့တွပ် တောန်းလျှော့‑က်ဂေ့မယ် ဆိုဘီး ဘောတူဟှားဂေ့ဟှယ်။ 
\v 21 သူးနို့ရဲ့ စကားလေဟှို လတ်ခံယောင်ကြည်န။ ဖြားဖြစ်ကြောန့်နူးဆိုဟှာ လူလေးဆယ်ကျော်ဟှာ ပူးနေဘီး စောန့်နေဂေ့ဟှယ်။ အယ်လူလေဟှာ ပေါလုဟှို သတ်ရဘဲဟှ ဆိုဟှာ ဖြားလည်း စားဘဲ၊ သော့‑က်ဘဲနေမယ် ဆိုဘီး ဓိဌာန်ပြုဂေ့ဟှယ်။ ခုဘဲ့ သူးနို့ဟှာ ပေါလုဟှို သတ်ဟှို့တွပ် ဆင်သင့်ဖြစ်နေဘီး သခင်ရဲ့ ဆောင်းဖြတ်ချစ်ဟှို စောန့်နေဂေ့ဟှယ်” ဆိုဘီး လျှော့‑က်လိုက်ဟှယ်။
\p
\v 22 တပ်မှူးဟှ “နန်ဟှာ အယ်မျိုးငါ့ဟှို လာပြောဟှယ် ဆိုဇာဟှို ဖယ်သူဟှိုလည်း ပြောန” ဆိုဘီး အယ်ကောန်သားဟှို သွားခိုင်းလိုက်ဟှယ်။
\s ပေါလုဟှို အောက်ချောက်ရေးမှူးဖေလဇ်နားဟှို ပို့လိုက်ဟှူကြောန်း
\p
\v 23 အယ်ဘီးန တပ်မှူးဟှာ ရာရှိနှေ့ယော့‑က်ဟှို ခေါ်ဘီး “ကဲသရိဗြို့ဟှို သွားဟှို့တွပ် စစ်သား ၂၀၀၊ ဗြင်းတပ်သား ခွန်နစ်ဆယ်န လှံတပ်သား ၂၀၀ ဟှို အယ်ညဉ့်ခန်း ကိုးနာရီမာ ထွပ်ဟှို့တွပ် ဆင်သင့်ဖြစ်နေဂေ့ပါ။ 
\v 24 ပေါလုတွပ် ဗြင်းလေဟှိုလည်း ဆင်သင့်ပြင်ဟှားဂေ့။ သူ့ဟှို အောက်ချောက်ရေးမှူးဖေလဇ်နားဟှို လောင်းလောင်ချောင်းချောင်ဟှား ပို့ဂေ့ပါ” ဆိုဘီး ပြောလိုက်ဟှယ်။ 
\v 25 အယ်ဘီးန တပ်မှူးဟှာ စာတစောန်ဟှို ရေးဘီးဟှာ ပေးလိုက်ဟှယ်။
\pi
\v 26 အယ်စာမာ “ကလော်ဒိလုသိဟှာ မြတ်ဟှူ အောက်ချောက်ရေးမှူးဖေလဇ်ဟှို နှောက်ဆစ်လိုက်ပါဟှယ်။ 
\v 27 ယုဒလူလေဟှာ အယ်လူဟှို ဖမ်းဘီးဟှာ သတ်ဟှို့ လောက်နေဂေ့ဟှယ်။ သူဟှာ ရောမနိုင်ငံသားဖြစ်ဟှယ် ဆိုဇာဟှို ကျွန်တော့်လေဟှာ သိရဟှူကြောန့် ကျွန်တော့်ရဲ့ စစ်သားလေနတူးဒူ သွားဘီးဟှာ သူ့ဟှို ကယ်တန်လာရဟှယ်။ 
\v 28 ယုဒလူလေဟှာ ဖြားပြစ်မှုန စွပ်စွဲဂေ့ဟှယ် ဆိုဇာဟှို သိရှင်ဟှူကြောန့် သူးနို့လေရဲ့ တရားလွှတ်တော်ဟှို ခေါ်ဆောန်ဟှားဟှယ်။ 
\v 29 သူဟှာ သူးနို့ရဲ့ ပညတ်တရားနဆိုင်ဟှူ ပြဿနာလေတွပ် စွပ်စွဲခံရဟှယ်။ သူ့မာ သေဒန်ခံထိုက်ဟှူပြစ်၊ တောက်နှောန်ခံထိုက်ဟှူပြစ် တခုလည်း မှေ့ဟှ ဆိုဇာဟှို ကျွန်တော်တွိဗြင်ရဟှယ်။ 
\v 30 ယုဒလူလေဟှာ သူ့ဟှို လောက်ကြံဟှို့တွပ် ကြံစည်နေဟှယ် ဆိုဇာဟှို သိရဟှူ ခီမာ ကျွန်တော်ဟှာ သခင်နားဟှို သူ့ဟှို ရှစ်ရှင်း စေလွှတ်လိုက်ဟှယ်။ စွပ်စွဲမားလေဟှိုလည်း သူ့ဟှို စွပ်စွဲဟှားဇာလေဟှို သခင့်ရှေ့မာ လျှော့‑က်ဂေ့ဟှို့ ညွန်ကြားလိုက်ဟှယ်။ သခင် ကျန်းမာပါစေ” ဆိုဘီး ပါရှိဟှယ်။
\p
\v 31 စစ်သားလေဟှာ တပ်မှူးရဲ့ မိန့်တိုင်း လောက်ဂေ့ဟှယ်။ သူးနို့ဟှာ ပေါလုဟှို ခေါ်ဘီး အယ်ညဉ့်ခန်းမာဘဲ့ အန္တိပတရိဗြို့ထိ ပို့ဆောန်ဂေ့ဟှယ်။ 
\v 32 နော့‑က်တနေ့မာ ခေဂျင်စစ်သားလေဟှာ ရဲတိုက်ဟှို ပ္လန်လာဂေ့ဟှယ်။ ဗြင်းတပ်သားလေဟှာ ပေါလုနတူးဒူ ဆစ်ဘီးဟှာ ခရီးသွားဂေ့ဟှယ်။ 
\v 33 ဗြင်းတပ်သားလေဟှာ ကဲသရိဗြို့ဟှို ရော့‑က်ဟှူ ခီမာ တပ်မှူးရဲ့ စာဟှို အောက်ချောက်ရေးမှူးဟှို ပေးဘီး ပေါလုဟှို သူ့လတ်ထဲဟှို အပ်လိုက်ဟှယ်။ 
\v 34 အောက်ချောက်ရေးမှူးဟှာ စာဟှိုဖတ်ဘီးန “နန်ဟှာ ဖယ်ပြည်သားဖြစ်နူး” ဆိုဘီး ပေါလုဟှို မေးဟှယ်။ ပေါလုဟှာ ကိလိကိပြည်သား ဖြစ်ဟှယ် ဆိုဇာဟှို သိဟှူ ခီမာ 
\v 35 အောက်ချောက်ရေးမှူးဟှ “အယ်နေရာမာ နန့်ဟှို စွပ်စွဲမားလေ ရော့‑က်လာဂေ့ဟှူ ခီမာ နန့်မှုဟှို ငါစစ်ဆေးမယ်” ဆိုဘီး ပြောဟှယ်။ အယ်ဘီးန ပေါလုဟှို ဟေရုဒ်ရဲ့ နန်းတော်မာ စောန့်လေန ထားဟှို့တွပ် ပြောလိုက်ဟှယ်။
\c 24
\s ပေါလုဟှို ယုဒလူလေဟှ စွပ်စွဲဂေ့ကြောန်း
\p
\v 1 ငါးရစ်ကြာဘီးန ယဇ်ပုရောဟိတ်မန်း အာနနိဟှာ သတ်ဂီးဝါဂီးတချို့န တေရတုလု နာမယ်ရှိဟှူ ရှေ့နေနတူးဒူ ကဲသရိဗြို့ဟှို ရော့‑က်လာဟှယ်။ အယ်လူလေဟှာ အောက်ချောက်ရေးမှူးဖေလဇ်ရှေ့ဟှို ဝမ်ဘီးဟှာ ပေါလုဟှို တရားစွဲဂေ့ဟှယ်။ 
\v 2 အောက်ချောက်ရေးမှူးဟှာ ပေါလုဟှို ရှေ့ဟှို ခေါ်ဟှူ ခီမာ ရှေ့နေ တေရတုလုဟှ၊
\p “အောက်ချောက်ရေးမှူးဖေလဇ်! သခင်ရဲ့ ကီးမြတ်ရှင်းကြောန့် ကျွန်တော့်လေဟှာ ရရာတိုင်း ငြီးငြီးချမ်းချမ်းန နေရဂေ့ဟှယ်။ သခင်ဟှာ ကျွန်တော့်လေရဲ့ တိုင်းပြည်န လူမျိုးလေတွပ် လိုအပ်ဟှူ ပြုပြင်ပ္လောန်းလဲဇာလေဟှို ဘောင်ဂီးလောက်ပေးနေဟှယ်။”
\p
\v 3 “မြတ်ဟှူဖေလဇ်၊ ကျွန်တော့်လေဟှာ အယ်မူဇာဟှို နေရာတိုင်းမာ ရရာတိုင်း ကျေးဇူးတန်ဘီးဟှာ ကြိုဆိုဂေ့ဟှယ်။ 
\v 4 ကျွန်တော့်ဟှာ သခင်ရဲ့ ခီဟှို ဘောင်ဂီးယူရှင်ဘဲကြောန့် ကျဉ်းချောက်နဘဲ့ လျှော့‑က်ဟှားဇာဟှို ကြင်နာဟှူစိန နားထောန်ပေးဟှို့ တောန်းဗန်ဟှယ်။ 
\v 5 အယ်လူဟှာ ပြဿနာကောန်ဖြစ်ဘီး ကမ္ဘာတဝန်းလောင်းမာရှိဟှူ ယုဒလူလေဟှို ဆူပူအောင်ကြွမှု ဖြစ်အောန် နှိုးဆော်ပေးနေဟှယ်။ အယ်ဘီးဟှာ သူဟှာ နာဇရက်ဂိုဏ်းရဲ့ ခေါန်းဆောန် တယော့‑က်လည်း ဖြစ်ဟှယ် ဆိုဇာဟှို ကျွန်တော့်လေ တွိရဟှယ်။ 
\v 6 ဗိမာန်တော်ဟှိုလည်း ညစ်ညူးအောန်လောက်ဟှို့ ကြိုးစားဟှယ်။ အယ်ကြောန့် သူ့ဟှို ကျွန်တော့်လေဟှာ ဖမ်းဘီးဟှယ်။ 
\v 7 \f + \fr ၂၄.၇ \fr*\ft တချို့ လတ်ရေးမှုလေမာ ခန်းငယ် ၆ခ–၈က ဟှို၊ \ft*\fqa နို့လေရဲ့ ကိုယ်ပိုင်ဥပဒေန သူ့ဟှို စီရင်ဟှို့ ကြံစည်ဂေ့ဟှယ်။ \+fv ၇\+fv* အယ်ဘေမဲ့ တပ်မှူးလုသိဟှ ရရာတိုင်း ဒေါသထွပ်ဘီးဟှာ ပေါလုဟှို သူးနို့လတ်ထဲဟှနေဘီး ဆွဲယူလိုက်ဟှယ်။ \+fv ၈\+fv* အယ်ဘီးန လုသိဟှ စွပ်စွဲမားလေဟှို သခင်ရှေ့ဟှို လာဟှို့တွပ် မိန့်ပေးလိုက်ဟှယ်၊ \fqa*\ft ဆိုဘီး ထပ်ပေါန်းထဲ့ဟှားဟှယ်။\ft*\f* 
\v 8 သခင်ဟှာ အယ်လူဟှို စစ်ဆေးမယ် ဆိုဟှာ သူ့ဟှို ကျွန်တော့်လေဟှ စွပ်စွဲနေဟှူဇာလေ အားလောင်းဂူဟှို သခင်ကိုယ်တိုင် သိရလေ့မယ်” ဆိုဘီး လျှော့‑က်ဟှယ်။ 
\v 9 ယုဒလူလေဟှလည်း အယ်စွပ်စွဲချစ်ဟှာ မှန်ဟှယ် ဆိုဘီး ပေါလုဟှို ဝိုင်းဘီးဟှာ ပြောဂေ့ဟှယ်။
\s ဖေလဇ်မန်းရှေ့မာ ပေါလုရဲ့ ချေပကြောန်း
\p
\v 10 အောက်ချောက်ရေးမှူးဟှာ ပေါလုဟှို ပြောဟှို့တွပ် လတ်ပြလိုက်ဟှူ ခီမာ ပေါလုဟှ
\p “သခင်ဟှာ အယ်လူမျိုးဟှို နှစ်ကြာဂီး တရားစီရင်သူ ဖြစ်ဟှယ် ဆိုဇာဟှို ကျွန်တော်သိဟှယ်။ သခင့်ရှေ့မာ ကျွန်တော်ကိုယ်တိုင် ချေပခွမ့်ရဟှူကြောန့် ဝန်းသာဟှယ်။ 
\v 11 ကျွန်တော်ဟှာ ဘုရားသခင်ဟှို ဝတ်ပြုကိုးကွယ်ဟှို့တွပ် ယေရုရှလင်ဗြို့ဟှို သွားဟှူဇာ ဆယ်နှေ့ရစ်လော့‑က်ဘဲ့ ကြာသေးဟှယ် ဆိုဇာဟှို ကိုယ်တော်ကိုယ်တိုင် စောင်ဇမ်းသိနိုင်ဟှယ်။ 
\v 12 ကျွန်တော်ဟှာ ဗိမာန်တော်မာ တယော့‑က်ယော့က်န ငြင်းခူဘီး ဝါလယ်ဇရပ်မာဘဲ့ဖြစ်ဖြစ်၊ ဗြို့ထဲမာဘဲ့ဖြစ်ဖြစ် လူလေဟှို ဆူပူအောင်ကြွအောန် လောက်နေဟှယ် ဆိုဇာဟှို ယုဒလူလေဟှာ တွိရဂေ့ဟှ။ 
\v 13 ခု ကျွန်တော်ဟှို စွပ်စွဲနေဂေ့ဟှူ ဇာလေဟှိုလည်း သူးနို့ဟှာ သခင့်ရှေ့မာ သတ်သေပြနိုင်ဂေ့ဟှ။ 
\v 14 အယ်ဘေမဲ့ အယ်လူလေဟှ လွဲမှားဟှယ် ဆိုဘီး ယူဆဟှူ လမ်းစဉ်ရ ကျွန်တော်ဟှာ ဘိုးဘေးလေရဲ့ ဘုရားသခင်ဟှို ကိုးကွယ်ဟှယ် ဆိုဇာဟှို သခင့်နားမာ ဝန်ခံဟှယ်။ အယ်ဘေမဲ့ ကျွန်တော်ဟှာ မောရှေရဲ့ ပညတ်ကျမ်းန ပရောဖက်ကျမ်းလေမာ ပါဟှူဇာ အားလောင်းဂူဟှို ယောင်ကြည်ဟှယ်။ 
\v 15 သူးနို့ ကိုယ်တိုင်လည်း ဘုရားသခင်ဟှို မျှော်လင့်ဟှူမျိုးဘဲ့ လူဆိုး၊ လူကောန်းဝီးဘဲန လူလေ အားလောင်းဂူဟှာ သေရာဟှနေ ထမြော့‑က်ဂေ့လေ့မယ် ဆိုဇာဟှို ကျွန်တော်ဟှာ မျှော်လင့်ဟှူလူ ဖြစ်ဟှယ်။ 
\v 16 အယ်ကြောန့် ကျွန်တော့်ဟှာ ဘုရားသခင်ရှေ့၊ လူလေရှေ့မာ ပြစ်တန်ဇာမှေ့ဘဲဟှို့ သိစိမြဲဒမ်းရှိဟှို့တွပ် ကောန်းဆောင်း လောက်ဆောန်ဟှယ်။
\p
\v 17 \x - \xo ၂၄.၁၇,၁၈ \xo*\xt တ ၂၁.၁၇–၂၈\xt*\x* “ကျွန်တော်ဟှာ ယေရုရှလင်ဗြို့ဟှ ထွပ်ဘီး နှစ်ပေါန်းဘောင်ဂီး ကြာဘီးန ကိုယ့်လူမျိုးလေဟှို ပေးကမ်းစွန့်ကြဲဟှို့တွပ်န ဘုရားသခင်ဟှို ပူဇော်ဆစ်သဟှို့တွပ် ရော့‑က်လာဟှယ်။ 
\v 18 ဗိမာန်တော်ထဲမာ ကျွန်တော့်ဟှာ စင်ကြယ်ရှင်းဟှို လောက်ဘီးန ပူဇော်သကာ ဆစ်သနေဒူးမာ အယ်လူလေဟှာ ကျွန်တော့်ဟှို တွိဟှားဂေ့ဟှယ်။ အယ်နေရာမာ လူအောက်ဂီးလည်း ကျွန်တော်နတူးဒူ မှေ့ဟှ။ ရောင်းရင်းဆန်ခတ်လည်း ဖြစ်ဂေ့ဟှ။ 
\v 19 အယ်ဘေမဲ့ အယ်နေရာမာ အာရှိပြည်ဟှ ယုဒလူတချို့ရှိဟှယ်။ ကျွန်တော့်ဟှို စွပ်စွဲမယ် ဆိုဟှာ သခင်ရှေ့မာ သူးနို့ကိုယ်တိုင် လာဘီး စွပ်စွဲသင့်ဟှယ်။ 
\v 20 အယ်မျိုးမှုဘဲနေဟှာ အယ်မူရှိနေဟှူ လူလေဟှ သခင်ရှေ့မာ ကျွန်တော် ကျူးလွန်ဟှူပြစ်လေဟှို ဖော်ပြဘီး စွပ်စွဲသင့်ဟှယ်။ 
\v 21 \x - \xo ၂၄.၂၁ \xo*\xt တ ၂၃.၆\xt*\x*ကျွန်တော်ဟှာ တရားလွှတ်တော်ရှေ့မာ ရပ်ဘီး ‘သေဟှားလူလေဟှာ ရှင်ပ္လန်ထမြော့‑က်လေ့မယ် ဆိုဇာဟှို ယောင်ကြည်ဟှူကြောန့် အယ်နေ့ နန်းနို့ရှေ့မာ ကျွန်တော်ဟှာ စစ်ဆေးခံနေရဟှယ်’ ဆိုဘီး စကားတခွန်းဟှိုဘဲ့ ကြွေးကြော်ဟှယ်” ဆိုဘီး ပြောလေဟှယ်။
\p
\v 22 ဖေလဇ်မန်းဟှာ အယ်လမ်းစဉ်ကြောန်းဟှို ကောန်းကောန်းဟှား သိဟှူလူ ဖြစ်ဟှူကြောန့် မှုစစ်ဆေးဇာဟှို အယ်ခီမာ ရွှေ့ဆိုင်းလိုက်ဟှယ်။ သူဟှ “တပ်မှူးလုသိ ရော့‑က်လာဟှူ ခီမာ အယ်မှုဟှို ငါဟှာ စီရင်ချစ်ခ္လမယ်” ဆိုဘီး သူးနို့ဟှို ပြောဟှယ်။ 
\v 23 ပေါလုဟှို စောန့်လေန ထားဟှားဟှို့န လွတ်လပ်မှုဟှို နဲနဲပေးဘီး သူ့မိဆွေလေရဲ့ ပြုစုဇာဟှို ခွမ့်ပြုဟှို့ တပ်မှူးဟှို မိန့်ပေးဟှားဟှယ်။
\s ဖေလဇ်န ဒြုသိလေရှေ့မာ ပေါလုဟောပြောဟှူကြောန်း
\p
\v 24 ရစ်နဲနဲကြာဘီးန ဖေလဇ်မန်းဟှာ သူ့မယား ဒြုသိလေနတူးဒူ ရော့‑က်လာဟှယ်။ ဒြုသိလေဟှ ယုဒလူမျိုးဖြစ်ဟှယ်။ ဖေလဇ်မန်းဟှာ ပေါလုဟှို ခေါ်ခိုင်းဘီးဟှာ ယေရှုခရစ်တော်ဟှို ယောင်ကြည်ရှင်းန ဆိုင်ဟှူကြောန်းဟှို ပေါလုနားဟှနေ ကြားနာလေဟှယ်။ 
\v 25 ပေါလုဟှာ ဖြောန့်မတ်ရှင်း၊ ကာမဂေါင်ချောက်တီးရှင်းန ရော့‑က်လာမယ့် တရားစီရင်ရှင်း ကြောန်းလေဟှို ပြောဟှူ ခီမာ ဖေလဇ်မန်းဟှာ ကြော့‑က်လန့်ဘီး “ခု နန်သွားနိုင်ဘီ။ နော့‑က်ခွမ့်ကြောင်ဟှူ ခီမာ နန့်ဟှို ငါပ္လန်ခေါ်မယ်” ဆိုဘီး ပြောဟှယ်။ 
\v 26 အယ်ခီမာဘဲ့ ပေါလုဟှ သူ့ဟှို ကပ်ပေးမယ် ဆိုဘီး မျှော်လင့်နေဟှူကြောန့် သူဟှာ ပေါလုဟှို မကြာမကြာခေါ်ဘီးဟှာ စကားပြောဟှယ်။
\p
\v 27 နှေ့နှစ်လော့‑က်ကြာဘီးန ဖေလဇ်မန်းရဲ့ အောက်ချောက်ရေးမှူးရာထူးဟှို ပေါကိဖေတ္တုဟှ ဆစ်ခံဟှယ်။ ဖေလဇ်မန်းဟှာ ယုဒလူလေဟှို ကျေးဇူးပြုရှင်ဟှူကြောန့် ပေါလုဟှို ထောန်ခ္လဟှားရစ်ဟှယ်။
\c 25
\s ဧကရဇ်မန်းနားဟှို ပေါလုယူခံဝမ်ဟှူကြောန်း
\p
\v 1 ဖေတ္တုမန်းဟှာ အယ်နယ်ဟှို ရော့‑က်လာဘီး သောင်းရစ်ကြာဘီးန ကဲသရိဗြို့ဟှနေဘီး ယေရုရှလင်ဗြို့ဟှို တတ်ဟှားဟှယ်။ 
\v 2 အယ်ခီမာ ယဇ်ပုရောဟိတ်ဂီးလေန ယုဒခေါန်းဆောန်လေဟှာ ပေါလုဟှို ဆန့်ကျင်လွန်ကျူးကြောန်းဟှို ဖေတ္တုမန်းဟှို စွဲချစ်တန်ဘီး တိုက်တွန်းဟှယ်။ 
\v 3 သူးနို့ဟှာ ပေါလုဟှို လမ်းမာရှောန်းဘီးဟှာ သတ်ဟှို့တွပ် လျှို့ဝှပ်ကြံစည်ဟှားဘီးသား ဖြစ်ဟှယ်။ အယ်ကြောန့် သူးနို့ဟှို ကျေးဇူးပြုဟှူနေန ပေါလုဟှို ယေရုရှလင်ဗြို့ဟှို ခေါ်ဆောန်လာပေးဟှို့တွပ် ဖေတ္တုမန်းဟှို မြစ်တာရပ်ခံဂေ့ဟှယ်။ 
\v 4 ဖေတ္တုမန်းဟှ “ပေါလုဟှို ကဲသရိဗြို့မာ ထောန်ခ္လထားရစ်ဟှယ်။ ငါကိုယ်တိုင် အယ်ဗြို့ဟှို ကြာခန်သွားမယ်။ 
\v 5 နန်းနို့ရဲ့ ခေါန်းဆောန်လေဟှာ ကဲသာမန်းဂီးနားဟှို ငါ့နတူးဒူ လိုက်ဘီးဟှာ ပေါလုမာ ပြစ်တခုခုထန်ရှားမယ် ဆိုဟှာ စွပ်စွဲချစ်လေဟှို ငါ့ဟှို တန်ပြဂေ့” ဆိုဘီး ပြောဟှယ်။
\p
\v 6 အောက်ချောက်ရေးမှူးဟှာ ယေရုရှလင်ဗြို့မာ ဆယ်ရစ်လော့‑က်နေဘီးန ကဲသရိဗြို့ဟှို ထွပ်ဟှားလေဟှယ်။ နော့‑က်တနေ့မာ တရားပလ္လင်မာ ထိုင်ဘီးဟှာ ပေါလုဟှို ခေါ်လာဟှို့တွပ် မိန့်ပေးလိုက်ဟှယ်။ 
\v 7 ပေါလုဟှာ ရော့‑က်ဟှူ ခီမာ ယေရုရှလင်ဗြို့ဟှနေ ဆင်းလာဂေ့ဟှူ ယုဒလူမျိုးလေဟှာ သူ့ဟှို ဝိုင်းဘီးဟှာ ရရာတိုင်း ကီးလေးဟှူပြစ်လေန စွပ်စွဲဘီး ပြောဂေ့ဟှယ်။ အယ်ဘေမဲ့လည်း သတ်သေဟှ ပြနိုင်ဂေ့ဟှ။ 
\v 8 ပေါလုဟှ “ကျွန်တော်ဟှာ ယုဒလူမျိုးလေရဲ့ ပညတ်တရားဟှိုရော၊ ဗိမာန်တော်ဟှိုရော၊ ဧကရာဇ်မန်းဟှိုရော ပြစ်မှုခုလည်း ကျူးလွန်ဟှ” ဆိုဘီး ကာကွယ်ဘီး ပြောဟှယ်။
\p
\v 9 ဖေတ္တုမန်းဟှာ ယုဒလူမျိုးလေဟှနေ မျစ်နှာသာ ရရှင်ဟှူကြောန့် “နန်ဟှာ ယေရုရှလင်ဗြို့ဟှို တတ်ဟှားဘီးဟှာ ငါ့ရှေ့မာ အယ်မျိုး စွပ်စွဲချစ်လေန ပတ်သတ်ဘီး စီရင်ခံဟှို့လော” ဆိုဘီး ပေါလုဟှို မေးဟှယ်။
\p
\v 10 ပေါလုဟှ “ကျွန်တော်ဟှာ ခု ဧကရာဇ်မန်းရဲ့ တရားပလ္လင်ရှေ့မာ ရပ်နေဟှယ်။ အယ်နေရာမာ ကျွန်တော်ဟှို စီရင်သင့်ပါဟှယ်။ သခင်ဟှာ သိတိုင်းဘဲ့ ကျွန်တော်ဟှာ ယုဒလူမျိုးလေဟှို ဖယ်မျိုးလည်း ပြစ်မှားဟှ၊ 
\v 11 ကျွန်တော်ဟှာ တရားဥပဒေဟှို ချိုးဖော့‑က်ဘီး သေဒန်ခံရဟှူ တရားဘဲဟှူပြစ် ကျူးလွန်မယ် ဆိုဟှာ ကျွန်တော့်ဟှို သတ်ချမ်းသာပေးဟှို့တွပ် တောန်းခံဟှို့ မှုဟှ။ အယ်ဘေမဲ့ သူးနို့ရဲ့ စွပ်စွဲချစ်လေဟှာ မှန်ကန်ဘဲ့နေဟှာ ဖယ်သူလည်း ကျွန်တော့်ဟှို သူးနို့လတ်ထဲဟှို အပ်နိုင်ဟှ။ ကျွန်တော်ဟှာ ဧကရာဇ်မန်းမာ ယူခံဝမ်ပါဟှယ်” ဆိုဘီး လျှော့‑က်ဟှယ်။
\p
\v 12 အယ်ခီမာ ဖေတ္တုမန်းဟှာ သူ့ရဲ့ ရာရှိလေန တိုင်ဗန်ဘီးန “နန်ဟှာ ဧကရာဇ်မန်းဂီးနားဟှို ယူခံဝမ်ဟှို့တွပ် ဧကရာဇ်မန်းဂီးနားဟှို သွားရမယ်” ဆိုဘီး ပြောဟှယ်။
\s ဖေတ္တုမန်းဟှာ အဂြိပ္ပမန်းဂီးဟှို ပေါလုကြောန်းဟှို ပြောပြကြောန်း
\p
\v 13 ရစ်နဲနဲဟှား ကြာဟှူ ခီမာ အဂြိပ္ပမန်းဂီးန မိဖုရား ဗေရနိတ်လေဟှာ ကဲသရိဗြို့ဟှို ရော့‑က်နေဟှူ အောက်ချောက်ရေးမှူးဖေတ္တုမန်းဟှို နှောက်ဆစ်ဟှို့တွပ် ကဲသရိဗြို့ဟှို လာဂေ့ဟှယ်။ 
\v 14 အယ်ဗြို့မာ ရစ်ကြာဂီးနေဟှူ ခီမာ ဖေတ္တုမန်းဟှာ ပေါလုရဲ့မှုဟှို မန်းဂီးဟှို ပြောပြဟှယ်။ ဖေတ္တုမန်းဟှ “အယ်နေရာမာ ဖေလဇ်မန်းဟှာ ထောန်ထဲမာ ခ္လဟှားဟှူ လူတယော့‑က်ရှိဟှယ်။ 
\v 15 ကျွန်တော် ယေရုရှလင်ဗြို့ဟှို ရော့‑က်ဟှူ ခီမာ ယဇ်ပုရောဟိတ်မန်းလေန ယုဒလူမျိုး ခေါန်းဆောန်ဂီးလေဟှာ ကျွန်တော့်ဟှို အယ်လူဟှို စွပ်စွဲချစ်တန်ဂေ့ဘီးန သူ့ဟှို ပြစ်ဒန်စီရင်ဟှို့တွပ် တောန်းဆိုဂေ့ဟှယ်။ 
\v 16 ကျွန်တော်ဟှ ပြစ်တန်ခံရဟှူ လူဟှို ပြစ်တန်စွပ်စွဲဟှူ လူလေန တွိခိုင်းဘီးဟှာ သူးနို့လေရဲ့ စွပ်စွဲဇာဟှို ချေပဘီးပြောဟှို့ ခွမ့်ပေးဘဲန ပြစ်ဒန်စီရင်ဇာဟှ ရောမရဲ့ ထောင်းဇံမှုဘဲဟှူကြောန်း သူးနို့ဟှို ပြောလိုက်ဟှယ်။ 
\v 17 အယ်ကြောန့် သူးနို့ဟှာ အယ်ဗြို့ဟှို ရော့‑က်လာဟှူ ခီမာ ကျွန်တော့်ဟှာ ခီဆွဲဘဲန နော့‑က်နေ့မာ တရားပလ္လင်မာ ထိုင်ဘီးဟှာ အယ်လူလေဟှို ခေါ်ခိုင်းလိုက်ဟှယ်။ 
\v 18 သူ့ဟှို မှုလောက်ဟှူ လူလေဟှာ ထဘီးဟှာ ပြောဂေ့ဘေမဲ့ ကျွန်တော်ထန်ဟှူ ပြစ်မှုမျိုးမှုဘဲ ဖြစ်နေဟှယ်။ 
\v 19 သူးနို့လေရဲ့ ဘာသာတရားန ပတ်သတ်ဘီးရော၊ ယေရှု နာမယ်ရှိဟှူသူ ကြောန်းန ပတ်သတ်ဘီးရော ငြင်းပွားရှင်းဘဲ့ ဖြစ်ဟှယ်။ အယ်ယေရှုဟှာ သတ်ရှင်နေဟှယ် ဆိုဇာဟှို ပေါလုဟှာ ပြောနေဟှယ်။ 
\v 20 အယ်ပြဿနာလေဟှို ဖြေရှင်းဟှို့တွပ် ကျွန်တော်ဟှာ နားလည်ဘဲကြောန့် ‘နန်ဟှာ ယေရုရှလင်ဗြို့ဟှို သွားဘီးဟှာ အယ်စွပ်စွဲချစ်န ပတ်သတ်ဘီးဟှာ စီရင်ခံရှင်လော’ ဆိုဘီး မေးဟှယ်။ 
\v 21 အယ်ခီမာ ပေါလုဟှာ ဧကရာဇ်မန်းဂီးရဲ့ ဆောင်းဖြတ်ဇာဟှို ခံယူရှင်ကြောန်းဟှို ပြောပြလာဟှယ်။ သူဟှာ သူ့ဟှို ထောန်ထဲမာဘဲ့ ထားရစ်ဘီးဟှာ ဧကရဇ်မန်းဂီးရဲ့ ဆောင်းဖြတ်ဇာဟှို ခံရှင်ကြောန်းဟှို တောန်းဗန်ကြောန့် သူ့ဟှို ဧကရာဇ်မန်းဂီးနားဟှို အပ်လိုက်ဟှူခီထိ ထောန်ခ္လဟှားဟှို့တွပ် မိန့်ပေးရစ်ဟှယ်” ဆိုဘီး ပြောဟှယ်။
\p
\v 22 အဂြိပ္ပမန်းဂီးဟှာ “အယ်လူပြောဇာဟှို ကျွန်တော်ကိုယ်တိုင် ကြားရှင်ဟှယ်” ဆိုဘီး ပြောဟှယ်။
\p ဖေတ္တုမန်းဟှ “အယ်လူပြောဇာဟှို နတ်ကီးတန်ဟှာ ကြားစေရမယ်” ဆိုဘီး ပြောဟှယ်။
\p
\v 23 နော့‑က်တနေ့မာ အဂြိပ္ပမန်းန မိဖုရား ဗေရနိတ်လေဟှာ ရရာတိုင်း ကြီးကျယ်ခမ်းနားဟှူ ဂေါင်သရေလေဟှို ဆောန်ဘီးဟှာ တပ်မှူးလေန၊ ဗြို့မာနေဟှူ ဂေါင်သရေရှိဟှူ လူဂီးလေနတူးဒူ ကြွလာဘီးဟှာ ခန်းမဂီးထဲဟှို ဝမ်လာဟှယ်။ အယ်ခီမာ ဖေတ္တုမန်းရဲ့ မိန့်န ပေါလုဟှို ခေါ်လာဂေ့ဟှယ်။ 
\v 24 ဖေတ္တုမန်းဟှ “အဂြိပ္ပမန်းဂီးန ကြွလာဟှူ လူပေါန်းလေ၊ ယေရုရှလင်ဗြို့န အယ်ဗြို့မာရှိနေဟှူ ယုဒလူမျိုးလေဟှ ‘အယ်လူဟှာ သတ်ရှင်သင့်ဟှ’ ဆိုဘီး ကျွန်တော့်ဟှို လျှော့‑က်ဟှားဂေ့ဟှယ်။ အယ်မျိုး လျှော့‑က်ခံရဟှူလူဟှ အယ်လူဘဲ့ ဖြစ်ဟှယ်။ 
\v 25 သူဟှာ သေဒန်ခံထိုက်ဟှူပြစ် ခုလည်းကျူးလွန်ဟှ ဆိုဇာဟှို ကျွန်တော့်နေန သိရဟှယ်။ အယ်ကြောန့် သူကိုယ်တိုင်ဟှ ဧကရာဇ်မန်းနားမာ ယူခံဝမ်မယ် ဆိုဘီး တောန်းဗန်ဘီးဟှာ ပြောဟှူကြောန့် သူ့ဟှို မန်းဂီးနားဟှို ပို့ဆောန်ဟှို့တွပ် ကျွန်တော်ဆောင်းဖြတ် လိုက်ဟှယ်။ 
\v 26 သူ့န ပတ်သတ်ဘီး မန်းဂီးဟှို တိတိက္လက္လဟှား လျှော့‑က်တန်ဇာ ခုလည်း ကျွန်တော့်မာ မှေ့ဟှ။ အယ်ကြောန့် အယ်လူဟှို ခန်ဗျားလေရှေ့ဟှို ခေါ်ဆောန်လာဇာ ဖြစ်ဟှယ်။ ထူးသဖြင့်ဟှ အဂြိပ္ပမန်းဂီးရှေ့ဟှို ခေါ်လာဇာ ဖြစ်ဟှယ်။ အယ်မျိုးခေါ်လာဇာဟှာ သူ့ဟှို သခင်ဟှာ စစ်ဆေးဘီးဟှာ ကျွန်တော့်ဟှာ စီရင်ခံစာရေးဟှို့တွပ် ကြောန်းရာတခုခု ရနိုင်ဟှို့တွပ် ဖြစ်ဟှယ်။ 
\v 27 ဖြားဖြစ်ကြောန့်နူးဆိုဟှာ ကျဉ်းသားတယော့‑က်ဟှို စွဲချစ်တခုခု ဖော်ပြဘဲန စေလွှတ်ဟှို့တွပ် သင့်ဟှ ဆိုဘီး ကျွန်တော်ထန်ဟှယ်” ဆိုဘီး ပြောဟှယ်။
\c 26
\s အဂြိပ္ပမန်းဂီးရှေ့မာ ပေါလုပြစ်ဖြေစကားဟှို ပြောကြောန်း
\p
\v 1 အဂြိပ္ပမန်းဂီးဟှ “နန်ဟှာ ခုပြောနိုင်ဟှယ်” ဆိုဘီး ပေါလုဟှို ပြောဟှူ ခီမာ ပေါလုဟှာ လတ်ဟှို ပြဘီးဟှာ၊
\p
\v 2 “အဂြိပ္ပမန်းဂီး၊ ကျွန်တော့်ဟှို ယုဒလူမျိုးလေရဲ့ စွပ်စွဲချစ်န ပတ်သတ်ဘီး သခင်ရဲ့ရှေ့မာ လျှော့‑က်ဘီး ပြောရဟှို့ခွမ့်ဟှာ ကျွန်တော့်တွပ်ဟှ မင်္ဂလာရှိဟှူ ခွမ့်ရေးဖြစ်ဟှယ် ဆိုဘီး ယူဆဟှယ်။ 
\v 3 သခင်ဟှာ ယုဒလူမျိုးလေရဲ့ ဓလေ့ထောင်းဇံလေန ပြဿနာလေဟှို သိဟှူလူဖြစ်ဟှယ်။ အယ်ကြောန့် လျှော့‑က်တန်ဟှူဇာဟှို စိရှယ်ဘီး နားထောန်ပေးပါ။”
\p
\v 4 “ကျွန်တော်ဟှာ လူပျိုရွယ်ဟှစဘီး ကိုယ်မွီးဟှူ ဇာတိပြည်မာရော၊ ယေရုရှလင်ဗြို့မာရော၊ ဖယ်မျိုးနေနူး။ ဆိုဇာဟှို ယုဒလူမျိုးလေဟှာ သိဂေ့ဟှယ်။ 
\v 5 \x - \xo ၂၆.၅ \xo*\xt တ ၂၃.၆; ဖိ ၃.၅\xt*\x*ကျွန်တော့်ဟှို သူးနို့ဟှ သိဂေ့ဟှူဇာဟှာ ရရာကြာဟှားဘီ။ ကျွန်တော့်ဟှာ ယုဒဘာသာမာ ရရာတိုင်း ကျဉ်းကျပ်ဟှူ စည်းမျဉ်းလေဟှို လိုက်နာကျင့်သောင်းဟှူ ဖာရိရှဲဖွဲ့ဝမ် တယော့‑က်နေနလည်း သတ်ရှင်လာဟှူကြောန်းဟှို အယ်လူလေဟှ သတ်သေခံရှင်ဟှယ် ဆိုဟှာ ခံနိုင်ဂေ့ဟှယ်။ 
\v 6 ဘုရားသခင်ဟှာ ကျွန်တော့်လေ ဘိုးဘေးဟှို ထားဟှားဟှူ ဂဒိတော်ဟှို ကျွန်တော်ဟှာ မျှော်လင့်ဘီးဟှာ စောန့်နေဟှို့တွပ်ကြောန့် ခု စစ်ဆေးခံနေရဟှယ် — 
\v 7 အယ်ဂဒိတော်ဟှာ ကျွန်တော့်လေ မျိုးနွယ်ဆယ်နှေ့မျိုးဟှာ နေ့ညဉ့်မပြတ် ဘုရားသခင်ဟှို ဝတ်ပြုကိုးကွယ်ဘီး မျှော်လင့်ဘီးဟှာ စောန့်နေဂေ့ဟှူ ဂဒိတော်ဘဲ့ဖြစ်ဟှယ်။ မန်းဂီး၊ အယ်မျိုး မျှော်လင့်ဘီးဟှာ စောန့်နေဇာကြောန့် ကျွန်တော့်ဟှို ယုဒလူမျိုးလေဟှ စွပ်စွဲဘီး ပြောနေဂေ့ဇာ ဖြစ်ဟှယ်။ 
\v 8 သေဟှားလူလေဟှို ဘုရားသခင်ဟှ ရှင်ပ္လန်ထမြော့‑က်ခိုင်းဟှယ် ဆိုဇာဟှာ ယောင်နိုင်ဇာ မှေ့ဟှ ဆိုဘီး အယ်နေရာမာ ရှိနေဟှူ လူလေဟှာ ဖြားဖြစ်ကြောန့် စီရင်နေဂေ့နူး။
\p
\v 9 \x - \xo ၂၆.၉–၁၁ \xo*\xt တ ၈.၃; ၂၂.၄,၅\xt*\x* “ကျွန်တော်ကိုယ်တိုင်ဘဲ့ နာဇရက်ဗြို့သား ယေရှုရဲ့ နာမတော်န ဆန့်ကျင်ဟှူ မှုလေဟှို လောက်သင့်ဟှယ် ဆိုဇာဟှို ယူဆဟှားဟှယ်။ 
\v 10 ယေရုရှလင်ဗြို့မာ အယ်မျိုးလောက်ဟှယ်။ ယဇ်ပုရောဟိတ်မန်းရဲ့ ခွမ့်အာဏာန သန့်ရှင်းသူလေဟှို ထောန်ထဲမာ ကျဉ်းခ္လဟှားဟှယ်။ သူးနို့ဟှို သေဒန်စီရင်ဟှူ ခီမာ ကျွန်တော်ဟှ ဘောတူပေးဟှယ်။ 
\v 11 အယ်လူလေဟှာ ဘုရားသခင်ဟှို စော်ကားပြောဆိုအောန် ကျွန်တော်ဟှာ ဝါလယ်ဇရပ်လေမာ သူးနို့ဟှို ကီဒန်ပေးခိုင်းဘီးဟှာ သူးနို့ရဲ့ ယူဝါဒဟှို စွန့်ပစ်ဂေ့ဟှို့တွပ် ကြိုးစားဘီး လောက်ဆောန်ဟှယ်။ သူးနို့လေဟှို ဒေါသစိလေကြောန့် ကျွန်တော်ဟှာ နိုင်ငံရပ်ခြားမာရှိဟှူ ဗြို့လေဟှို သွားဘီးဟှာ သူးနို့လေဟှို ညှဉ်းဆဲလာဟှယ်။
\s ပေါလုဟှာ ယောင်ကြည်သူ ဖြစ်လာဇာဟှို ပြောပြဟှူကြောန်း
\r (တမန်တော် ၉.၁–၁၉; ၂၂.၆–၁၆)
\p
\v 12 “အယ်မျိုး ရည်ရွယ်ချစ်န ကျွန်တော်ဟှာ ယဇ်ပုရောဟိတ်မန်းလေမာ ခွမ့်ပြုချစ်န ခွမ့်အာဏာဟှို ယူဘီးဟှာ ဒမာသက်ဗြို့ဟှို သွားနေဟှူ ခီမာ 
\v 13 မွန်းဒဲ့ခီန ကောန်းဂန်ဟှနေ နေထတ် တော့‑က်ပဟှူ လန်းရောန်ဟှာ ထွန်းတော့‑က်လာဇာဟှို ကျွန်တော်န ကျွန်တော့် ပတ်လည်မာရှိနေဟှူ ကျွန်တော့် ပေါန်းဖော်လေပါ ဗြင်ရဟှယ်။ အဂြိပ္ပမန်းဂီး။ 
\v 14 အယ်ခီမာ ကျွန်တော့်လေ အားလောင်းဂူဟှာ မ္လေဂီးမာ လဲက္လဂေ့ဟှယ်။ အယ်ဘီးန ယုဒဘာသာ စကားန ‘ရှောလု၊ ရှောလု၊ ဖြားဖြစ်ကြောန့် ငါ့ဟှို ညှဉ်းဆဲနူး။ ဒေါက်ရှောန်ဟှို ခေနကန်မယ် ဆိုဟှာ နန်ဘဲ့နာလေ့မယ်’ ဆိုဘီး သံတော်ဟှို ကျွန်တော်ကြားရဟှယ်။ 
\v 15 အယ်ခီမာ ကျွန်တော်ဟှ ‘သခင်၊ ကိုယ်တော်ဟှ ဖယ်သူနူး’ ဆိုဘီး မေးလျှော့‑က်လိုက်ဟှယ်။ အယ်သခင်ဟှ ‘ငါဟှာ နန်ညှဉ်းဆဲနေဟှူ ယေရှုဘဲ့ ဖြစ်ဟှယ်။ 
\v 16 အယ်ဘေမဲ့ ထဘီးဟှာ မတ်တတ်ရပ်လိုက်။ နန့်ဟှို ငါ့ရဲ့\f + \fr ၂၆.၁၆ \fr*\ft တချို့ မူရင်းလတ်ရေးမူလေမာ\ft*\fq ငါ့ရဲ့၊ \fq*\ft ဆိုဇာဟှာ မှေ့ဟှ။\ft*\f* မှုတော်ဆောန်နေန ခန့်ဟှို့တွပ် နန့်နားဟှို ငါဟှ ကြွလာဇာဖြစ်ဟှယ်။ အယ်နေ့ နန့်ဗြင်ရဟှူ ဗျာဒိတ်ရူပါရောင်ကြောန်းန နော့‑က်ခါမာလည်း ငါဖော်ပြဟှူ ကြောန်းရာလေဟှို နန်ဟှာ တခြားသူလေဟှို သတ်သေခံရမယ်။ 
\v 17 ငါဟှာ နန့်ဟှို ဣသရေလလူမျိုးလေ လတ်ဟှနေရော၊ လူမျိုးခြားလေ လတ်ဟှနေရော၊ ကယ်တန်မယ်။ 
\v 18 နန်ဟှာ ခုဗြင်ရဟှူဇာလေ၊ နော့‑က်မှ ငါဟှာ နန့်ဟှို ထန်ရှားဟှားဟှူ ကြောန်းရာလေ၊ မှုတော်ဆောန်ဟှူသူ၊ သတ်သေခံဟှူသူ့နေန နန့်ဟှို ခန့်ဟှားဟှို့တွပ် ငါဟှာ နန့်ဟှို ထန်ရှားဟှယ်။ လူမျိုးခြားလေဟှာ မှောန်ထဲဟှနေ လန်းရောန်ထဲဟှို ရော့‑က်လာဘီး စာတန်ရဲ့ ခွမ့်အာဏာထဲဟှနေဘီး ဘုရားသခင်နားဟှို ပ္လောန်းလဲလာဘီးဟှာ ပြစ်လွှတ်ခံရဟှို့ကြောန်း၊ ငါ့ဟှို ယောင်ကြည်လိုက်ဟှူန သန့်ရှင်းဇာရဟှားဟှူ လူလေန မွေခံရဟှူကြောန်း သူးနို့လေရဲ့ မျစ်စိဟှို ဖွမ့်ပေးဟှို့တွပ် သူးနို့နားဟှို ငါ နန့်ဟှိုလွှတ်မယ် ဆိုဘီး မိန့်တော်မူလေဟှယ်။
\s ပေါလု သတ်သေခံဟှူကြောန်း
\p
\v 19 “အယ်ကြောန့် အဂြိပ္ပမန်းဂီး၊ ကျွန်တော်ဟှာ ကောန်းဂန်ဘောင်ဟှနေရဟှူ ဗျာဒိတ်ရူပါရောင်ဟှို လွန်ဆန်နိုင်ဟှ။ 
\v 20 \x - \xo ၂၆.၂၀ \xo*\xt တ ၉.၂၀,၂၈,၂၉\xt*\x*‘လူလေဟှာ နောန်ဒရဘီး ဘုရားသခင်နားဟှို ပ္လောန်းလဲရဂေ့မယ်။ နောန်ဒနတန်ဟှူ ကျင့်ဟှိုလည်း ကျင့်ရမယ်’ ဆိုဘီး ဦးဆောင်း ဒမာသက်ဗြို့၊ အယ်ဘီးန ယေရုရှလင်ဗြို့ဟှနေ စဘီး ယုဒပြည် တပြည်လောင်းမာရှိဟှူ လူလေဟှိုရော၊ လူမျိုးခြားလေဟှိုရော၊ ကျွန်တော် ဟောပြောဟှယ်။ 
\v 21 အယ်ကြောန့် ယုဒလူမျိုးလေဟှာ ကျွန်တော့်ဟှို ဗိမာန်တော်ထဲမာ ဖမ်းဘီးဟှာ သတ်ဟှို့တွပ် ကြိုးစာဂေ့ဟှယ်။ 
\v 22-23 \x - \xo ၂၆.၂၂–၂၃ \xo*\xt ၁ ကော ၁၅.၂၀\xt*\x*အယ်ဘေမဲ့ ဘုရားသခင်ရဲ့ ကျေးဇူးတော်ဟှို ကျွန်တော်ခံရဟှူကြောန့် ခုထတ်ထိရှိနေဟှယ်။ မေရှိယဟှာ သေခံရမယ် ဆိုဇာဟှိုရော၊ သေဘီးဟှာ ဦးဆောင်း ရှင်ပ္လန်ထမြော့‑က်ဘီးဟှာ ဣသရေလလူမျိုးလေန၊ လူမျိုးခြားလေဟှို ကယ်တန်ဇာနဆိုင်ဟှူ လန်းတရားဟှို ကြေညာလေ့မယ် ဆိုဇာဟှိုရော မောရှေဟှစဘီး ပရောဖက်လေဟှ ဟောဘီး ဒိပေးရစ်ဟှူတိုင်းဘဲ့ ကျွန်တော်ဟှာ လူဂီးလူငယ်လေဟှို သတ်သေခံဘီး နေဟှယ်” ဆိုဘီး ပ္လန်လျှော့‑က်လိုက်ဟှယ်။
\p
\v 24 အယ်မျိုး လျှော့‑က်ဟှူ ခီမာ ဖေတ္တုမန်းဟှ “ပေါလု၊ နန်ဟှာ ရူးဟှားဘီ။ တတ်လွန်ဘီးဟှာ ရူးဟှားဘီ!” ဆိုဘီး အော်ပြောလိုက်ဟှယ်။
\p
\v 25 ပေါလုဟှ “ဖေတ္တုမန်း၊ ကျွန်တော်ဟှာရူးဇာ မှုဟှ။ သခင်ဟှို လေးလေးနတ်နတ်န သမ္မာတရားဟှို ပြောနေဇာဖြစ်ဟှယ်။ 
\v 26 အဂြိပ္ပမန်းဂီး၊ အယ်မူဇာလေကြောန်းဟှို သခင်ဟှာ သိဟှူကြောန့် ကျွန်တော်ဟှာ သခင်ရဲ့ ရှေ့မာ ရဲရဲရင့်ရင့်ဟှား လျှော့‑က်ဟှားရှင်း ဖြစ်ဟှယ်။ အယ်မူဇာလေဟှာ ခ္လောန်းကြိုခ္လောန်းကြားလေမာ ဖြစ်လာဇာ မှုဟှ။ အယ်ကြောန်းရာလေ အားလောင်းဟှို သခင် သိဟှယ် ဆိုဇာဟှို ကျွန်တော် လတ်ခံယောင်ကြည်ဟှယ်။ 
\v 27 အဂြိပ္ပမန်းဂီး၊ သခင်ဟှာ ပရောဖက်လေဟှို ယောင်ကြည်ဘဲ့လော။ သခင်ဟှ ယောင်ကြည်ဟှယ် ဆိုဇာဟှို ကျွန်တော်သိဟှယ်!” ဆိုဘီး လျှော့‑က်လိုက်ဟှယ်။
\p
\v 28 အဂြိပ္ပမန်းဂီးဟှ “နန်ဟှာ ငါဟှို ရှစ်ဟှားဒဲန ခရစ်ယာန်ဖြစ်အောန် သွီးဆောန်နိုင်မယ် ဆိုဘီး ထန်နေလော” ဆိုဘီး ပေါလုဟှို ပြောဟှယ်။
\p
\v 29 ပေါလုဟှ “ခီဗြန်ဇာလေ၊ ခီကြာဇာလေဟှာ ဓိကမှုဟှ။ သခင်နတူးဒူ အယ်နေ့ ကျွန်တော်ပြောဇာဟှို နားထောန်နေဟှူ လူလေဟှာ အယ်မျိုး တောက်နှောန်ခံရဟှူ မှုဟှလွဲဘီး ကျွန်တော်မျိုး ဖြစ်လာဂေ့ဟှို့တွပ် ဘုရားသခင်ဟှို ကျွန်တော်ဟှာ ဆုတောန်းဟှယ်” ဆိုဘီး လျှော့‑က်လိုက်ဟှယ်။
\p
\v 30 အယ်ခီမာ မန်းဂီးန ဖေတ္တုမန်းလေဟှာ မိဖုရား ဗေရနိတ်န ဖွဲ့ဝမ်လေဟှာ ထိုင်နေဟှူနေရာဟှ ထဟှားဂေ့ဟှယ်။ 
\v 31 သူးနို့ဟှာ အယ်နေရာဟှ ထွပ်ဟှားဘီးန “အယ်လူဟှာ သေဒန် အယ်မျိုးမှုဘဲနေဟှာ တောက်နှောန်ခံရဟှူပြစ်လေ ခုလည်း ကျူးလွန်ဟှ” ဆိုဘီး ရှင်းရှင်း ပြောဂေ့ဟှယ်။ 
\v 32 အဂြိပ္ပမန်းဂီးဟှ “အယ်လူဟှာ ကဲသာမန်းဂီးနားဟှို ယူခံဝမ်ဟှို့တွပ် တောန်းခံဘဲနေဟှာ သူ့ဟှို လွှတ်ပေးနိုင်ဟှယ်” ဆိုဘီး ဖေတ္တုမန်းဟှို ပြောဟှယ်။
\c 27
\s ပေါလုဟှာ ရောမဗြို့ဟှို သန်းဖောန သွားဟှူကြောန်း
\p
\v 1 ဖေတ္တုမန်းဟှာ ကျွန်တော့်လေဟှို ဣတလိပြည်ဟှို သန်းဖောန ပို့ဟှို့တွပ် ဆောင်းဖြတ်လိုက်ဘီးန ပေါလုန တခြားကျဉ်းသား တချို့လေဟှို ဧကရဇ်မန်းတပ်ခေါ်ဟှူ တထောန်တပ်ဟှနေ ယုလိနာမယ်ရှိဟှူ တပ်မှူးလတ်ထဲဟှို အပ်လိုက်ဟှယ်။ 
\v 2 ကျွန်တော့်လေဟှာ အာရှိပြည် ကမ်းခြေ တရှော့‑က်လောင်းမာရှိဟှူ သန်းဖောဆိဗြို့လေဟှို သွားဟှို့လောက်နေဟှူ သန်းဖောတစင်းထတ်ဟှို တတ်ဘီးဟှာ သွားဂေ့ဟှယ်။ အယ်သန်းဖောဟှာ အာဒြမုတ္တိဗြို့ဟှနေလာဟှူ သန်းဖောဖြစ်ဟှယ်။ မာကေဒေါနိပြည် သက်သာလောနိတ်ဗြို့သား အာရိတ္တာခုဟှလည်း ကျွန်တော့်လေနတူးဒူ ပါလာဟှယ်။ 
\v 3 နော့‑က်တနေ့မာ ကျွန်တော့်လေဟှာ ဇိဒုန်ဗြို့ဟှို ရော့‑က်ဟှားဂေ့ဟှယ်။ ယုလိဟှာ ပေါလုဟှို သနားဟှူစိ ရှိဟှူကြောန့် မိဆွေလေနားဟှို သွားဘီး လောက်ကျွေး ပြုစုခံဟှို့တွပ် ခွမ့်ပြုလိုက်ဟှယ်။ 
\v 4 အယ်လူလေဟှာ ပေါလုဟှို ပြုစုဘီး လောက်ကျွေးဂေ့ဟှယ်။ အယ်ဗြို့ဟှနေ ထွပ်ဟှားဂေ့ဟှူ ခီမာ လေဆန်န တွိရဟှူကြောန့် ကုပရုကျွန်းရိဟှို ခိုဘီး သွားဂေ့ဟှယ်။ 
\v 5 အယ်ဘီးန ကိလိကိပြည်န ပံဖုလိပြည်ဟှ ပန်လယ်ဟှို ဖြတ်ကူးဂေ့ဘီးန လုကိပြည် မုရဗြို့ဟှို ရော့‑က်ဟှားဂေ့ဟှယ်။ 
\v 6 အယ်ဗြို့မာ ဣတလိပြည်ဟှို သွားဟှို့ အာလေဇန္ဒြိဗြို့ဟှ ရော့‑က်လာဟှူ သန်းဖောတစင်းဟှို တွိဟှူကြောန့် တပ်မှူးဟှာ ကျွန်တော့်လေဟှို အယ်သန်းဖောထတ်ဟှို တတ်ခိုင်းလိုက်ဟှယ်။
\p
\v 7 ကျွန်တော့်လေဟှာ တဖြေးဖြေးဟှားန ရစ်လေကြာဂီး သွားဘီးန နော့‑က်ဆောင်းမာ ကနိဒ်ဗြို့နားဟှို ခတ်ခတ်ခဲခဲန ရော့‑က်ဟှားဂေ့ဟှယ်။ လေလာနိုင်ဘဲဟှူကြောန့် ရှေ့ဟှို သွားနိုင်ဘဲဟှိ ကျွန်တော့်လေဟှာ သာလမုန်ငူ နားဟှနေ ဖြတ်ဘီး ကရေတေကျွန်း တောန်ဖတ်ဟှနေ သွားဂေ့ဟှယ်။ 
\v 8 ပန်လယ်ကမ်းန နီးနီးဟှားသွားဘီးဟှာ ခတ်ခတ်ခဲခဲန လာသဲဗြို့နားဟှ ဆိကမ်းသာ နာမယ်ရှိဟှူ နေရာဟှို ရော့‑က်ဟှားဂေ့ဟှယ်။
\p
\v 9 ကျွန်တော့်လေဟှာ အယ်နေရာမာ ကြာဂီးနားဂေ့ခီမာ ပြစ်ဖြေဟှူပွဲနေ့\f + \fr ၂၇.၉ \fr*\fk ပြစ်ဖြေဟှူပွဲနေ့၊ \fk*\ft စက်တင်ဘာလ ကူခါနီးမာ မှုဘဲနေဟှာ အောက်တိုဘာလ စမာ ကျင်းပဟှူပွဲ အယ်မျိုးခီမာ ရာသီဥတုဟှ ရရာတိုင်း ဆိုးဟှူကြောန့် သန်းဖောန ဝှပ်လွပ်ဟှို့တွပ် ခတ်ခဲဟှယ်။\ft*\f*ဟှို လွန်လာဟှယ်။ အယ်ကြောန့် ပန်လယ်ခရီးသွားဟှို့တွပ် ဘေးအန္တရာယ် ရှိလာဟှူကြောန့် ပေါလုဟှ ဒိပေးဘီး 
\v 10 “မိဆွေလေ၊ ခု ပန်လယ်ခရီးသွားမယ် ဆိုဟှာ သန်းဖောန ကူပစ်စီးလေဟှိုဘဲ့ မှုဘဲန ကျွန်တော့်လေ သတ်လည်း ဆောင်းရှောင်းဇာ ရှိဟှူကြောန်းဟှို ငါဗြင်ဟှယ်” ဆိုဘီး ပြောလေဟှယ်။ 
\v 11 အယ်ဘေမဲ့ တပ်မှူးဟှာ ပေါလု စည်းရောင်းဟှူစကားထတ် ပဲ့နန်းန သန်းဖောဇရှင်ရဲ့ စကားဟှို ပိုဘီးဟှာ ယောင်ကြည်ဟှယ်။ 
\v 12 အယ်ဆိကမ်းမာ ဆောန်းဒွမ်းလောင်းလောင်း နားနေဟှို့တွပ် ကောန်းဘဲကြောန့် လူတိုင်းဟှ အယ်ဆိကမ်းဟှနေ ထွပ်ရှင်ဂေ့ဟှယ်။ ဖြစ်နိုင်မယ် ဆိုဟှာ ဖိနိတ်ဗြို့ဟှို ရော့‑က်အောန်သွားဘီး ဆောန်းကာလမာ နားရှင်ဂေ့ဟှယ်။ ဖိနိတ်ဆိကမ်းဟှာ ကရေတေကျွန်းမာရှိဘီး နော့‑က်တောန်ဖတ်န နော့‑က်မြော့‑က်ဖတ်\f + \fr ၂၇.၁၂ \fr*\fq နော့‑က်တောန်ဖတ်န နော့‑က်မြော့‑က်ဖတ်၊ \fq*\ft အယ်မျိုးမှုဘဲနေဟှာ \ft*\fqa ရှေ့မြော့‑က်ဖတ်န ရှေ့တောန်ဖတ်။\fqa*\f*ဟှို မျစ်နှာလှည့်ဟှားဟှယ်။
\s ပန်လယ်မာ လေမှောန်ဒိုင်းက္လကြောန်း
\p
\v 13 တောန်ဖတ်ဟှလေဟှာ စဘီးတိုက်လာဟှူ ခီမာ သန်းဖောသားလေဟှာ သူးနို့ကြံ အောန်လေ့မယ် ထန်ဘီးဟှာ က္လော့‑က်ဆူးဟှိုနှုဘီး သန်းဖောဟှို ကရေတေကမ်းခြေ ဒေါ့‑က်ရှော့‑က် သွားဂေ့ဟှယ်။ 
\v 14 များများကြာဟှ မြော့‑က်ဖတ်ဟှနေဘီး ရှေ့မြော့‑က်ဟှ လေဟုနာမယ်ရှိဟှူ မှောန်ဒိုင်းဟှာ စဘီးဟှာ ပြင်းပြင်းထန်းထန်ဟှား တိုက်လာဟှယ်။ 
\v 15 သန်းဖောဟှာ မှောန်ဒိုင်းတိုက်ခံရဟှူကြောန့် အယ်မှောန်ဒိုင်းဟှို ခံနိုင်ဘဲဖြစ်ဟှားဟှယ်။ အယ်ကြောန့် ကျွန်တော့်လေဟှာ လတ်ရှော့လိုက်ဂေ့ဟှယ်။ လေတိုက်ဟှူ နေရာဟှို ပါလိုက်ဟှားဂေ့ဘီးန၊ 
\v 16 ကလောဒေကျွန်းငယ် တောန်ဖတ်ဟှို ရော့‑က်ဟှားဟှူ ခီမာ လေတိုက်ဟှူ ဒန်ဟှနေ နဲနဲဟှား ကာကွယ်ရဂေ့ဟှယ်။ အယ်နေရာမာ သန်းဖောပဲ့ဖတ်မာ သတ်ကယ်လှေလေဟှို ပျစ်စီးဘဲနေအောန် ခတ်ခတ်ခဲခဲန ပ္လန်ဘီး ထီးသီးနိုင်ဟှားဂေ့ဟှယ်။ 
\v 17 သန်းဖောသားလေဟှာ လှေဟှိုဆွဲဒန်ဘီးဟှာ သန်းဖောဝန်းဟှို ကြိုးနပတ်ဘီး ခိုင်အောန်လောက်ဂေ့ဟှယ်။ သူးနို့ဟှာ သုရတိ သောန်ပ္လန်မာ သန်းဖောတန်နေမယ် ဆိုဘီး စိုးရိမ်ဟှူကြောန့် ဝှပ်လေဟှို ခ္လလိုက်ဘီးန သန်းဖောဟှို လေတိုက်ဟှူတိုင် မျောပါဟှားဂေ့ဟှယ်။ 
\v 18 နော့‑က်တနေ့မာလည်း လေမှောန်ဒိုင်းဟှာ ဆစ်ဘီးတိုက်နေဟှူကြောန့် ကူပစ်စီးတချို့ဟှို သန်းဖောထတ်ဟှနေ ပစ်ခ္လဂေ့ဟှယ်။ 
\v 19 တတိယနေ့မာ သန်းဖောနဆိုင်ဟှူ ကူပစ်စီးတချို့လည်း ပစ်ခ္လဂေ့ဟှယ်။ 
\v 20 ကျွန်တော့်လေဟှာ ရစ်ပေါန်းကြာဂီး နေလေ၊ ကြယ်လေဟှို ဗြင်ရဂေ့ဟှ။ လေဟှာဆစ်ဘီးဟှာ ရှီပြင်းပြင်းဟှား တိုက်ဘီးနေဟှယ်။ နော့‑က်ဆောင်းမာ ကျွန်တော့်လေဟှာ သေဘေးဟှနေလွတ်ဟှို့ မျှော်လင့်ချစ် မှေ့ဟှ ဆိုဘီး စိရှော့လိုက်ဂေ့ဟှယ်။
\p
\v 21 လူလေဟှာ ရစ်ကြာဂီး စားဇာစားဘဲ နေဂေ့ဘီးန ပေါလုဟှာ သူးနို့လယ်မာ ရပ်ဘီးဟှာ “မိဆွေလေ၊ နန်းနို့ဟှာ ငါ့စကားဟှို နားထောန်ဘီး ကရေတေကျွန်းဟှနေ ထွပ်ဘဲန နေသင့်ဟှယ်။ အယ်မျိုးနေမယ် ဆိုဟှာ အယ်မျိုး ပျစ်စီးဆောင်းရှောင်းဇာန ရင်ဆိုင်ရဂေ့ဟှို့ မှုဟှ။ 
\v 22 အယ်ဘေမဲ့ အားငယ်ဂေ့န။ နန်းနို့ထဲမာ ဖယ်သူလဲ သတ်ဆောင်းရှောင်းရဟှို့ မှုဟှ။ သန်းဖောဘဲ့ ဆောင်းရှောင်းရလေ့မယ်။ 
\v 23 ငါ့သခင်၊ ငါကိုးကွယ်ဟှူ ဘုရားသခင်ရဲ့ ကောန်းဂန်တမန်ဟှာ ပီးဟှားဟှူ ညဉ့်ခန်းဒူးဟှ ငါ့နားဟှိုလာဘီး၊ 
\v 24 ‘ပေါလု၊ ကြော့‑က်န။ နန်ဟှာ ကဲသာမန်းဂီး ရှေ့ဟှို ရော့‑က်ရမယ်။ ဘုရားသခင်ဟှာ နန့်ဟှို ထော့‑က်ထားကြောန့် နန့်နတူးဒူ သန်းဖောစီးလာဂေ့ဟှူ လူလေဟှာ သေဘေးဟှနေဘီးဟှာ လွတ်မြော့‑က်လေ့မယ်’ ဆိုဘီး ပြောဟှယ်။ 
\v 25 အယ်ကြောန့် မိဆွေလေ၊ အားငယ်ဂေ့န။ ငါဟှာ ဘုရားသခင်ဟှို ယောင်ကြည်ဟှူသူ ဖြစ်ဟှယ်။ အယ်ကြောန့် ငါ့ဟှို ကောန်းဂန်တမန်ဟှ ဖော်ပြဟှားတိုင်းဘဲ့ ဖြစ်ပျစ်လေ့မယ်။ 
\v 26 အယ်ဘေမဲ့ နို့လေရဲ့ သန်းဖောဟှာ ကျွန်းတခုထတ်မာ သောန်တန်လေ့မယ်” ဆိုဘီး ပြောဟှယ်။
\p
\v 27 ဆယ့်လေးရစ်လော့‑က် ရော့‑က်ဟှားဟှူနေ့ ညဉ့်ခန်းဇာမာ ကျွန်တော့်လေ သန်းဖောဟှာ အာဒြိပန်လယ်မာ လေမှောန်ဒိုင်းတိုက်ဟှူ နေရာထဲဟှို မျောပါဘီးနေဟှယ်။ ညဉ့်နတ်ဟှားခီမာ သန်းဖောသားလေဟှာ ကမ်းတခုခုနားဟှို နီးလာဟှယ် ဆိုဇာဟှို ရိမိဂေ့ဟှယ်။ 
\v 28 သူးနို့ဟှာ ရေဟှို တိုင်းဂေ့ဟှူ ခီမာ ပေတရာ့နှေ့ဆယ်ရှိဟှယ် ဆိုဇာ တွိရဂေ့ဟှယ်။ ရှေ့ဟှိုနဲနဲဟှား သွားဘီးန တခါတိုင်းဂေ့ဟှူ ခီမာ ပေကိုးဆယ်ဘဲ့ရှိဟှယ် ဆိုဇာဟှို တွိရဟှယ်။ 
\v 29 သူးနို့ဟှာ က္လော့‑က်ဆောန်န တိုက်မိဟှို့ဇာဟှို စိုးရိမ်ဟှူကြောန့် သန်းဖောပဲ့ဖတ်ဟှ က္လော့‑က်ဆူးလေးခုဟှို ခ္လဘီးဟှာ “မိုးလန်းပါစေ” ဆိုဘီး ဆုတောန်းဂေ့ဟှယ်။ 
\v 30 သန်းဖောသားလေဟှာ သန်းဖောရဲ့ ဦးဖတ်မာ က္လော့‑က်ဆူးဟှို ခ္လဟှို့ ဟန်ဆောန်ဘီးဟှာ သတ်ကယ်လှေဟှို ရှောခ္လဘီးဟှား ထွပ်ပ္လေးဟှို့တွပ် ကြိုးစားနေဂေ့ဟှူ ခီမာ 
\v 31 ပေါလုဟှာ တပ်မှူးန စစ်သားလေဟှို “အယ်သန်းဖောသားလေဟှာ သန်းဖောထတ်မာ နေဟှဆိုဟှာ နန်းနို့ကိုယ်တိုင် သတ်ဘေးဟှ လွတ်ဟှို့တွပ် မျှော်လင့်ချစ်ရှိဟှို့ မှုဟှ” ဆိုဘီး ပြောဟှယ်။ 
\v 32 အယ်ခီမာ စစ်သားလေဟှာ သတ်ကယ်လှေရဲ့ ကြိုးဟှို ခွတ်ဖြတ်ဘီးဟှာ လှေဟှို အော့‑က်ဟှို ခ္လလိုက်ဟှယ်။
\p
\v 33 မိုးလန်းခါနီးမာ ပေါလုဟှာ အယ်လူလေဟှို စာစားဟှို့တွပ် တိုက်တွန်းရှင်ကြောန့် “နန်းနို့ဟှာ ဖယ်မျိုးဖြစ်မယ် ဆိုဘီး စားငတ်ခံဘီး နေဂေ့ဇာဟှာ ဆယ့်လေးရစ်လော့‑က် ရှိဟှားဘီ။ နန်းနို့ဟှာ ဖြားစာဟှိုလည်း စားဂေ့ဟှ။ 
\v 34 နန်းနို့ဟှာ ဆစ်ဘီးဟှာ သတ်ရှင်ဟှို့တွပ်၊ စားစာဂေ့ဟှို့တွပ် ငါတောန်းဗန်ဟှယ်။ နန်းနို့ရဲ့ ခေါန်းဟှ ဆန်းဗန်တဗန်လည်း ပျစ်စီးရဟှို့ မှုဟှ” ဆိုဘီး ပြောဟှယ်။ 
\v 35 အယ်ဘီးန ပေါလုဟှာ မုဟှို ယူဘီးဟှာ အယ်လူလေ အားလောင်းရှေ့မာ ဘုရားသခင်ရဲ့ ကျေးဇူးတော်ဟှို ချီးမွမ်းဘီးန မုဟှိုဖဲ့ဘီး စားဂေ့ဟှယ်။ 
\v 36 အယ်ခီမာ အယ်လူလေ အားလောင်းဂူဟှာ အားတတ်လာဂေ့ဘီးဟှာ စားဇာဟှို စားဂေ့ဟှယ်။ 
\v 37 သန်းဖောထတ်မာ လူလေ အားလောင်းဂူဟှ ၂၇၆ ယော့‑က်\f + \fr ၂၇.၃၇ \fr*\fq ၂၇၆ ယော့‑က်၊ \fq*\ft တချို့ မူရင်းလတ်ရေးမူလေမာ \ft*\fqa ၂၇၅ ယော့‑က်၊ \fqa*\ft ဆိုဘီး ပါရှိဟှယ်၊ \ft*\ft တခြားကျမ်းလေမာ \ft*\fqa ၇၆ ယော့‑က်လော့‑က် ရှိဟှယ်၊ \fqa*\ft ဆိုဘီး ပါရှိဟှယ်။\ft*\f* လော့‑က်ရှိဟှယ်။ 
\v 38 လူလေဟှာ ဝအောန်စားဂေ့ဘီးန သန်းဖောဟှို ပေါ့စေဟှို့တွပ် ဂျောင်ဆန်ရှိမျှဟှို ပန်လယ်ထဲဟှို ပစ်ခ္လဂေ့ဟှယ်။
\s သန်းဖောပျစ်ဟှူကြောန်း
\p
\v 39 မိုးလန်းဟှူ ခီမာ သန်းဖောသားလေဟှာ သူးနို့ဟှာ ဖယ်နေရာဟှို ရော့‑က်နေမှန်း သိဂေ့ဘဲကြောန့် ပန်လယ်ကွေ့ ကမ်းခြေတခုဟှို ဗြင်ရဂေ့ဟှူ ခီမာ ဖြစ်နိုင်မယ် ဆိုဟှာ အယ်ကမ်းခြေထတ်ဟှို သန်းဖောဟှို ထိုးဒန်ဟှို့တွပ် ဆောင်းဖြတ်ဂေ့ဟှယ်။ 
\v 40 သူးနို့ဟှာ က္လော့‑က်ဆူးကြိုးဟှို ဖြတ်ဘီးဟှာ က္လော့‑က်ဆူးလေဟှို ပန်လယ်ထဲဟှို ခ္လလိုက်ဂေ့ဟှယ်။ တခီဒဲမာဘဲ့ ပဲ့နန်းလေဟှလည်း ကြိုးလေဟှို ဖြေလိုက်ဂေ့ဟှယ်။ အယ်ဘီးန သန်းဖောဦးဟှနေဘီး ဝှပ်လေဟှို တန်ဘီး ကမ်းခြေဖတ်ဟှို သွားလိုက်ဟှယ်။ 
\v 41 အယ်ခီမာ သန်းဖောဟှာ ရေတီဟှူနေရာဟှို ရော့‑က်ဘီးဟှာ သောန်တန်ဘီးနေဟှယ်။ သန်းဖောဦးဟှာ သောန်မာစိုက်ဘီးနေကြောန့် လှောန်ဟှို့မျှဟှမ်း။ သန်းဖောပဲ့ဖတ်ဟှနေဘီး လှိုင်းလောင်းလေရိုက်ကြောန့် က္လိုးဘီးဟှာ ပျစ်စီးလာဟှယ်။
\p
\v 42 အယ်ခီမာ စစ်သားလေဟှာ ကျဉ်းသားလေ ရေကူးဘီး ထွပ်ပ္လေးမာဟှို စိုးရိမ်ဟှူကြောန့် သူးနို့ဟှို သတ်ဟှို့တွပ် ကြံစည်ဂေ့ဟှယ်။ 
\v 43 အယ်ဘေမဲ့ တပ်မှူးဟှာ ပေါလုဟှို ကယ်ရှင်ဟှူကြောန့် စစ်သားလေရဲ့ ကြံစည်တိုင်း လောက်ဘဲဟှို့တွပ် တားဘီးဟှာ ဦးဆောင်းပထမ ရေကူးတတ်ဟှူ လူလေဟှို သန်းဖောဟှနေ ခူခ္လခိုင်းဘီး ကူးခိုင်းလိုက်ဟှယ်။ 
\v 44 အယ်ဘီးန ကျန်နေဟှူ လူလေဟှို သစ်ပ္လားလေနရော၊ သန်းဖောပျစ်ဟှ သစ်ပိုင်းစလေန စီးဘီးဟှာ ကူးဂေ့ဟှို့တွပ် ပြောလိုက်ဟှယ်။ အယ်မျိုးနည်းနဘဲ့ ကျွန်တော့်လေ အားလောင်းဂူဟှာ ဘေးဟှလွှတ်ဘီး ကူးထတ်ဟှို ရော့‑က်ဟှားဂေ့ဟှယ်။
\c 28
\s မေလိတေကျွန်းဟှို ရော့‑က်ဟှားဂေ့ကြောန်း
\p
\v 1 ကျွန်တော့်လေဟှာ ဘေးဟှလွှတ်ဘီးဟှာ ကူးထတ်ဟှို ရော့‑က်ဟှားဂေ့ဟှူ ခီမာ အယ်ကျွန်းဟှို မေလိတေကျွန်း ဆိုဘီး ခေါ်ဇာဟှို သိရဂေ့ဟှယ်။ 
\v 2 ကျွန်းသူကျွန်းသားလေဟှာ ကျွန်တော့်လေဟှို ထူခြားဟှူ ရှစ်ရှင်းမြစ်တာဟှို ပြဂေ့ဟှယ်။ မိုးဝါဟှူကြောန့် အေးလာဟှူ ခီမာ အယ်လူလေဟှာ မီးဖိုလောက်ဘီးဟှာ ကျွန်တော့်လေဟှို ဧည့်ခံဂေ့ဟှယ်။ 
\v 3 ပေါလုဟှာ ထန်းတဇဲဟှို ယူဘီးဟှာ မီးထဲဟှို ထဲ့လိုက်ဟှယ်။ အယ်ခီမာ မီးပူရှီကြောန့် ထန်းဇဲထဲဟှနေ မွီဗွေးတကောန်ဟှ ထွပ်လာဘီးန ပေါလုရဲ့ လတ်မာ ပတ်နေဟှယ်။ 
\v 4 သူ့လတ်ဟှနေ တန်းလန်းက္လနေဟှူ ဗွီဟှို ကျွန်းသူကျွန်းသားလေဟှ ဗြင်ဟှူ ခီမာ “အယ်လူဟှာ လူသတ်မားဖြစ်နိုင်ဟှယ်။ ပန်လယ်ဘေးဟှလွှတ် ဘေမဲ့လည်း တရားမျှတဇာဟှ သူ့ဟှို သတ်ရှင်ခွမ့်ပေးဟှ” ဆိုဘီး ရှင်းရှင်းပြောနေဂေ့ဟှယ်။ 
\v 5 အယ်ဘေမဲ့ ပေါလုဟှာ ဗွီဟှို မီးထဲဟှို ခါခ္လလိုက်ဟှယ်။ အယ်ဘေမဲ့ သူဟှာ ဖြားလည်းဖြစ်ဟှ။ 
\v 6 အယ်လူလေဟှ ပေါလုဟှာ တကိုယ်လောင်း ရောန်လာလေ့မယ်။ အယ်မျိုးမှုဘဲနေဟှာ ခုရှစ်ရှင်းဘဲ့ သေလေ့မယ် ဆိုဘီး စောန့်နေဂေ့ဟှယ်။ အယ်မျိုး ကြာဂီးစောန့်ကေ့ဘေမဲ့ ဖြားလည်း ပေါလုမာ ဖြစ်လာဘဲ့ဇာဟှို ဗြင်ဂေ့ဟှူ ခီမာ သူးနို့ဟှာ စိသဘောလေ ပ္လောန်းလဲဘီးဟှာ “အယ်လူဟှ နတ်ဘုရားဖြစ်ဟှယ်” ဆိုဘီး ပြောဂေ့ဟှယ်။
\p
\v 7 အယ်နေရာမာ ပုဗလိ နာမယ်ရှိဟှူ ကျွန်းလူဂီးပိုင်ဟှူ မ္လေယာလေရှိဟှယ်။ အယ်လူဟှာ နို့လေဟှို လတ်ခံဘီးန သောင်းရစ်လောင်းလောင်း ဧည့်ခံဘီး ကျွေးမွေးဟှယ်။ 
\v 8 ပုဗလိရဲ့ ဖဟှာ ဖျားနေဘီးဟှာ ဝန်းကိုက်ဟှူ ရောဂါဖြစ်ဘီး လဲနေဟှယ်။ ပေါလုဟှာ သူ့ခန်းထဲဟှို ဝမ်ဘီး ဆုတောန်းဘီးန သူ့ကိုယ်ထတ်မာ လတ်တန်ဘီး သူ့ဟှို ကျန်းမာစေဟှယ်။ 
\v 9 အယ်မျိုးဇာလေ ဖြစ်ပျစ်ဟှားဟှူကြောန့် ကျွန်းမာနေဟှူ၊ နေကောန်းဘဲဟှူ လူလေဟှာ ပေါလုနားဟှို လာဂေ့ဟှယ်။ ပေါလုဟှာ သူးနို့ဟှို ကျန်းမာစေဟှယ်။ 
\v 10 သူးနို့ဟှာ ကျွန်တော့်လေဟှို လတ်ဆောန်လေပေးဂေ့ဟှယ်။ ကျွန်တော့်လေဟှ ထွပ်ဟှားဟှို့ လောက်နေဂေ့ခီမာ လိုအပ်ဟှူ စားဇာရိခါလေဟှို သန်းဖောထတ်ဟှို ပို့ပေးဂေ့ဟှယ်။
\s မေလိတေကျွန်းဟှနေ ရောမဗြို့ဟှို ရော့‑က်ဟှားကြောန်း
\p
\v 11 သောင်းလလော့‑က် ကြာဘီးန ကျွန်တော့်လေဟှာ အယ်ကျွန်းမာ ဆောန်းခိုနေဟှူ သန်းဖောန သွားဂေ့ဟှယ်။ အယ်သန်းဖောဟှာ အာလေဇန္ဒြိဗြို့ဟှလာဘီး မွှာဘ္လူးနတ်ရောက်ထုပါဟှူ သန်းဖောဖြစ်ဟှယ်။ 
\v 12 ကျွန်တော့်လေဟှာ သုရကုတ်ဗြို့ဟှို သန်းဖောနရော့‑က်ဟှားဘီး အယ်ဗြို့မာ သောင်းရစ်လော့‑က် နေဂေ့ဟှယ်။ 
\v 13 အယ်ဗြို့ဟှနေ ပ္လန်ဟှားဟှူ ခီမာ ရေဂျုန်ဗြို့ဟှို ရော့‑က်ဟှားဂေ့ဟှယ်။ နော့‑က်တနေ့မာ တောန်လေဟှာ လာဟှူကြောန့် နှေ့ရစ်လော့‑က် ကြာဟှူ ခီမာ ပေါတယောလိဗြို့ဟှို ရော့‑က်ဟှားဂေ့ဟှယ်။ 
\v 14 အယ်ဗြို့မာ ညီကို မောန်နှမလေ တချို့ဟှို တွိဘီး သူးနို့ဟှ ခွန်နစ်ရစ်လော့‑က် သူးနို့န တူးဒူနေဟှို့တွပ် တောန်းဗန်ဘီး ပြောဟှူတိုင်းဘဲ့ နေဘီးဟှာ ရောမဗြို့ဟှို ပ္လန်ဟှားဂေ့ဟှယ်။ 
\v 15 ရောမဗြို့မာရှိဟှူ ညီကို မောန်နှမလေဟှာ ကျွန်တော့်လေ ရော့‑က်လာကြောန်းဟှို ကြားရဂေ့ဟှူ ခီမာ အပ္ပိဆေးနားဟှိုရော၊ တဲခိုရိသာ သောင်းဆောန်နားဟှိုရော၊ ရော့‑က်လာဘီးဟှာ ကြိုဆိုဂေ့ဟှယ်။ ပေါလုဟှာ အယ်လူလေဟှို ဗြင်ဟှူ ခီမာ ဘုရားသခင်ရဲ့ ကျေးဇူးတော်ဟှို ချီးမွမ်းဘီး အားတတ်လာဟှယ်။
\s ရောမဗြို့မာ မှုတော်ဆောန်ကြောန်း
\p
\v 16 ရောမဗြို့ဟှို ရော့‑က်ဟှူ ခီမာ ပေါလုဟှာ သူ့ဟှို စောန့်ပေးနေဟှူ စစ်သားတယော့‑က်နတူးဒူ နေရဟှယ်။
\p
\v 17 နော့‑က်သောင်းရစ် ကြာဟှူ ခီမာ ပေါလုဟှာ ဗြို့မာနေဟှူ ယုဒလူမျိုးခေါန်းဆောန်လေဟှို ဖိခေါ်လိုက်ဟှယ်။ အယ်လူလေဟှာ လာဘီး စုနေဟှူ ခီမာ ပေါလုဟှ “ညီကိုလေ၊ ငါဟှာ ကိုယ့်လူမျိုးဟှိုရော၊ ဘိုးဘေးလေရဲ့ ထောင်းဒန်းစဉ်လာလေဟှိုရော၊ ဆန့်ကျင်ဟှူမှုလေ ခုလည်းလောက်ဟှ။ အယ်ဘေမဲ့ ယုဒလူမျိုးလေဟှာ ယေရုရှလင်ဗြို့မာ ငါ့ဟှို ဖမ်းဘီးဟှာ ရောမလူမျိုးလတ်ထဲဟှို အပ်ဂေ့ဟှယ်။ 
\v 18 အယ်လူလေဟှာ ငါ့ဟှို စစ်ဆေးဘီး ငါ့ရဲ့မှုမာ သေဒန်ပေးထိုက်ဟှူကြောန်း ခုလည်းတွိဘဲကြောန့် ငါ့ဟှို လွှတ်လိုက်ဂေ့ဟှယ်။ 
\v 19 \x - \xo ၂၈.၁၉ \xo*\xt တ ၂၅.၁၁\xt*\x*အယ်ဘေမဲ့ ယုဒလူမျိုးလေဟှာ ကန့်ကွက်ဂေ့ဟှူကြောန့် ငါဟှာ လွှဲရှောန်သာဘဲဟှူကြောန့် ဧကရာဇ်မန်းဂီးနားဟှို ယူခံဝမ်ရဟှယ်။ အယ်မျိုး ပြောရဟှူဇာဟှာ ကိုယ့်လူမျိုးဟှို ပြစ်တန်ဇာ တခုခုရှိကြောန့် ပြောဇာ မှုဟှ။ 
\v 20 အယ်ကြောန့် ခန်ဗျားလေန တွိဆောင်ခွမ့်ဟှို တောန်းရှော့‑က်ဇာ ဖြစ်ဟှယ်။ ငါဟှာ အယ်သံကြိုးန ခယ်ခံရဇာဟှာ ဣသရေလလူလေ မျှော်လင့်ဘီး စောန့်နေဂေ့ဟှူ သခင်တွပ်ကြောန့်ဘဲ့ ဖြစ်ဟှယ်” ဆိုဘီး ပြောဟှယ်။
\p
\v 21 အယ်လူလေဟှ “နို့လေဟှာ နန့်ကြောန်းဟှို ယုဒပြည်ဟှနေ စာတစောန်လည်း ရဂေ့ဟှ။ နို့လေရဲ့ ယုဒလူမျိုးလေထဲဟှနေ ညီကိုလေတယော့‑က်လည်း လာဘီးဟှာ နန့်ရဲ့ ကောန်းဘဲဟှူ ဒန်းဟှိုပြောဟှ။ 
\v 22 အယ်ဘေမဲ့ အယ်ဂိုဏ်းကြောန်းဟှို ဆန့်ကျင်ဘီး နေရာတိုင်းမာ ပြောနေဂေ့ဇာဟှို နို့လေသိရဟှယ်။ အယ်ကြောန့် နန့်ရဲ့ ယူဝါဒဟှို နို့လေဟှ ကြားရှင်ဟှယ်” ဆိုဘီး ပြောဂေ့ဟှယ်။
\p
\v 23 အယ်လူလေဟှာ ရစ်ချီးပေးဂေ့ဟှယ်။ ချီးလိုက်ဟှူနေ့မာ ပေါလုနေဟှူ နေရာဟှို လူဘောင်ဂီးဟှ ရော့‑က်လာဂေ့ဟှယ်။ ပေါလုဟှာ မိုးလန်းဟှနေ နေဒန်ထိ ဘုရားသခင်ရဲ့ နိုင်ငံတော်နဆိုင်ဟှူ တရားတော်ကြောန်းဟှို သွီးဆောန်ဘီးဟှာ ရှင်းလန်းဖော်ပြဟှယ်။ သခင်ယေရှုရဲ့ ကြောန်းလေ မောရှေရဲ့ ပညတ်ကျမ်းန ပရောဖက်ကျမ်းလေဟှို ကော့‑က်နှုဘီးဟှာ အယ်လူလေနားလည် ဘောပေါ့‑က်လာဟှို့တွပ် ကြိုးစားဘီးဟှာ ဟောပြောဟှယ်။ 
\v 24 သူးနို့ထဲဟှ တချို့ဟှာ ပေါလုရဲ့ စည်းရောင်းဟှူစကားလေဟှို ယောင်ကြည်လာဂေ့ ဘေမဲ့လည်း တချို့ဟှ ယောင်ကြည်ဂေ့ဟှ။ 
\v 25 အယ်မျိုး ပေါလုပြောဟှူ ခီမာ ယုဒလူမျိုးလေဟှာ ရှစ်ရှင်းဘဲ့ ပြင်းပြင်းထန်းထန်ဟှား ငြင်းဂေ့ဘီး ထွပ်ဟှားဂေ့ဟှယ်။ ပေါလုဟှ “ပရောဖက်ဟေရှာယဟှ နန်းနို့ ဘိုးဘေးလေဟှို သန့်ရှင်းဟှူဝိညာဉ်တော် ဖော်ပြဟှားဟှူဇာဟှာ မှန်ပါဟှယ်။ ဖော်ပြဟှားဟှူဇာဟှ အယ်မျိုးဖြစ်ဟှယ်။
\q1
\v 26 “ ‘အယ်လူမျိုးလေဟှို ပြောကြားဂေ့ပါ။
\q1 “နန်းနို့ဟှာ ကြိုးစားဘီး နားထောန်ဘေမဲ့လည်း နားလည်လေ့မယ် မှုဟှ။
\q2 ကြိုးစားဘီး ကေ့ဘေမဲ့လည်း ဗြင်ဟှို့ မှုဟှ။” 
\v 27 ဖြားဖြစ်ကြောန့်နူးဆိုဟှာ အယ်လူမျိုးရဲ့ စိနှလောင်းဟှာ ထိုင်းမှိုင်းဘီး၊
\q2 သူးနို့နားလေဟှ လေးနေဘီး သူးနို့ရဲ့ မျစ်စိလေဟှာ ပိနေဂေ့ကြောန့် ဖြစ်ဟှယ်။
\q1 တကယ်ဆိုဟှာ အယ်မျိုးမှုနဘဲ့ သူးနို့ မျစ်စိလေဟှာ ဗြင်ဘီး၊
\q2 နားလေဟှ ကြားနိုင်ဘီး၊ စိနှလောင်းလေဟှာ သိဘီး နားလည်ဂေ့မယ် ဆိုဟှာ
\q1 သူးနို့ စိသဘောလေဟှ ပ္လောန်းလဲလာဂေ့ဘီးဟှာ
\q2 ငါဟှလည်း သူးနို့လေဟှို ကျန်းမာစေမယ်။’ ” ဆိုဘီး ပြောလိုက်ဟှယ်။
\p
\v 28 နော့‑က်ဆောင်းနေန ပေါလုဟှ “အယ်ကြောန့် ဘုရားသခင်ရဲ့ ကယ်တန်ရှင်းတရားဟှို လူမျိုးခြားလေဟှ ကြားရဟှို့တွပ် ဟောပြောဟှို့လူလေဟှို လွှတ်ဘီးဖြစ်ဟှူကြောန့် သူးနို့ဟှာ ကြားရဂေ့လေ့မယ် ဖြစ်ဟှူကြောန်း နန်းနို့ဟှာ သိမှတ်ဟှားဂေ့” ဆိုဘီး ပြောဟှယ်။ 
\v 29 \f + \fr ၂၈.၂၉ \fr*\ft တချို့ မူရင်းလတ်ရေးမူလေမာ ခန်းငယ် ၂၉ ဟှို၊ \ft*\fqa အယ်မျိုး ပေါလုဟှာ ပြောဘီးန ယုဒလူမျိုးလေဟှာ သူးနို့ရှင်းရှင်းထဲမာ ပြင်းပြင်းထန်းထန်ဟှား ငြင်းဂေ့ဘီးဟှာ ထွပ်ဟှားဂေ့ဟှယ်၊ \fqa*\ft ဆိုဘီး ထပ်ပေါန်းထဲ့ဟှားဟှယ်။\ft*\f*
\p
\v 30 ပေါလုဟှာ အယ်ဗြို့မာ နှေ့နှစ်လောင်းလောင်း သူငှားဟှားဟှူ အီမာနေဘီးဟှာ။ သူ့နားဟှို ရော့‑က်လာဂေ့ဟှူ လူလေဟှို ကြိုဆိုဧည့်ခံဘီး၊ 
\v 31 ဘုရားသခင်ရဲ့ နိုင်ငံတော်ကြောန်းဟှို ဟောပြောဘီး သခင်ယေရှုခရစ်တော်ရဲ့ ကြောန်းဟှို ဆီးတားမှေ့ဘဲန ရဲရဲရင့်ရင့်ဟှား ဟောပြောဘီးနေဟှယ်။