\id 2TI - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ၂ တိမောသေ
\toc1 တိမောသေဟှို ပေါလုရဲ့ ဒုတိယပေးစာ
\toc2 ၂ တိမောသေ
\toc3 ၂ တိ
\mt1 ၂ တိမောသေ
\mt2 တိမောသေဟှို ပေါလုရဲ့ ဒုတိယပေးစာ
\imt နိဒါန်း
\im \bk တိမောသေဟှို ပေါလုရဲ့ ဒုတိယပေးစာ\bk*ဟှာ တမန်တော် ပေါလုဟှနေ သူ့တဗဲ့ တိမောသေဟှို ရေးဟှားဟှူ ဒုတိယပေးစာ ဖြစ်ဟှယ်။ အယ်ပေးစာဟှာ ပေါလုရဲ့ ဘဝနိဂေါင်းချောက် ခါနီးမာ ရေးဟှားလေဟှယ်။ သူဟှာ အယ်ခီဒူးဟှ ရောမဗြို့မာ ထောန်က္လနေလေဟှယ် (\xt ၁.၁၆\xt*)။ ပေါလုဟှာ တိမောသေန ရင်းနှီးဟှူ ပေါန်းသင်းဆစ်ဆံမှုရှိဘီး သူ့ဟှိုလည်း သားတယော့‑က်ဖြစ် ခဏခဏ ရည်ညွှန်းဟှားလေဟှယ် (\xt ဖိ ၂.၂၂; ၁ တိ ၁.၂; ၁.၁၈\xt*)။
\ip အယ်ပေးစာဟှာ သင်းတော်ဟှို လိစာတပ်ဘဲန လူပေါက်ကိုဟှို လိစာတပ်ဟှားဘီး ပေါလုဟှနေပေးဟှားဟှူ ပေးစာလေးစောန်ထဲဟှ တစောန်ဖြစ်ဟှယ်။ တခြားပေးစာ သောင်းစောန်ဟှ ၁ တိမောသေ၊ တိတုန ဖိလေမုန်ဖြစ်ဟှယ်။ တိမောသေ ဒုတိယပေးစာဟှို ရေးဟှူခီဟှာ ရောမအင်ပါယာထဲမာရှိဟှူ ခရစ်ယာန်လေဟှို ညှင်းဆဲနေဟှူ ခီဖြစ်လေဟှယ်။ အယ်ပေးစာဟှ ပေါလုဟှာ ထောန်က္လနေဘီး ခတ်ခဲမှုဟှို သီးခံဟှို့တွပ် တိမောသေဟှို ညွှန်ကြားနေဟှယ် ဆိုဘီး ယူဆနိုင်လေဟှယ်။ တိမောသေ ပထမပေးစာမာမျိုးဘဲ့ ပေါလုဟှာ ဆရာတုယောန်လေန ပတ်သတ်ဘီး တိမောသေဟှို ဘောင်ဂီးဒိပေးဟှားလေဟှယ် (\xt ၁ တိ ၁.၁၆–၁၈\xt*)။ သူဟှာ တိမောသေဟှို ဆစ်ဘီးလည်း ခတ်ခဲဟှူ ကာလဟှာ ဖြစ်လာအူးမယ် ဆိုဘီး ပြောဟှားလေဟှယ် (\xt ၃.၁\xt*)။
\iot ကြောန်းရာ ကျဉ်းချောက်
\io1 ၁။ ပေါလုဟှာ တိမောသေဟှို နှော့‑က်ဆစ်ဟှားဘီးန \ior (၁.၁–၂)\ior* သူ့ဟှို အားပေးရှင်းအားဖြင့် စပြုဟှားဟှူကြောန်း \ior (၁.၃–၁၈)\ior*
\io1 ၂။ သူဟှာ တိမောသေဟှို သီးခံဟှို့တွပ် ညွန်ကြားဟှားဟှူကြောန်း \ior (၂.၁–၁၃)\ior*
\io1 ၃။ သူဟှာ တိမောသေဟှို ထွေထွေ ညွှန်ကြားချစ်တချို့ဟှို ပေးဟှားဟှူကြောန်း \ior (၂.၁၄–၂၆)\ior*
\io1 သူဟှာ နာဂတ်မာ ဖြစ်ပျစ်လာဟှို့ဇာန ပတ်သတ်ဘီး မှန်ဟှူနည်းလမ်းန ခုခံနိုင်ဟှို့တွပ် သူ့ဟှို ဒိပေးဟှားဟှူကြောန်း \ior (၃.၁—၄.၈)\ior*
\io1 ၄။ ပေါလုဟှာ တိမောသေတွပ် ပေါက်ကိုရေးန ဆိုင်ဟှူ မှတ်ချစ်တချို့န နိဂေါင်းချောက်ဟှားဟှူကြောန်း \ior (၄.၉–၂၂)\ior*
\c 1
\po
\v 1 ယေရှုခရစ်တော်နှိုက်ရှိဟှူ သတ်နဆိုင်ဟှူ ဂဒိတော်တိုင်း ဘုရားသခင်ရဲ့ လိုတော်အားဖြင့် ယေရှုခရစ်ရဲ့ တမန်တော်ဖြစ်ဟှူ ငါပေါလုဟှာ —
\po
\v 2 \x - \xo ၁.၂ \xo*\xt တ ၁၆.၁\xt*\x*ငါရှစ်ရဟှူသား တိမောသေနားဟှို စာရေးလိုက်ပါဟှယ်။
\po နို့လေရဲ့ ဖဖြစ်ဟှူ ဘုရားသခင်န သခင်ယေရှုခရစ်တော်နားဟှ ကရုဏာတော်၊ ကျေးဇူးတော်န ငြီသတ်ရှင်းဟှာ နန့်မာ ရှိပါစေ။
\s ကျေးဇူးတော် ချီးမွမ်းရှင်းန အားပေးစကားကြောန်း
\p
\v 3 ငါဟှာ နေ့ရောညဉ့်ရော ဆုတောန်းဟှူ ခီမာ နန့်ဟှို မြဲဒမ်းဒိရဘီး ဘုရားသခင်ရဲ့ ကျေးဇူးတော်ဟှို ချီးမွမ်းပါဟှယ်။ ငါဟှာ ငါ့ရဲ့ဘိုးဘေးလေမျိုး ကိုယ်တော်ရဲ့မှုတော်ဟှို ကြည်လင်ဟှူသိစိန လောက်ဆောန်ဟှူသူဖြစ်ဟှယ်။ 
\v 4 ငါဟှာ နန်မျစ်ရယ်က္လဟှူဇာဟှို အော့‑က်မေ့ဒိရဟှူကြောန့် ဝန်းမြော့‑က်ဇာန ပ္လဲ့ဝဟှို့တွပ် နန့်နတွိနိုင်ဟှို့ တောန်းတနေပါဟှယ်။ 
\v 5 \x - \xo ၁.၅ \xo*\xt တ ၁၆.၁\xt*\x*နန်ဟှာ နန့်ရဲ့ဖွား လောဣန မိဖြစ်ဟှူ ဥနိတ်လေမျိုးဘဲ့ ဟန်ဆောန်မှုကင်းဟှူစိန ယောင်ကြည်ကြောန်းဟှို ငါဒိရပါဟှယ်။ သူးနို့လေရဲ့ ယောင်ကြည်မှုမျိုးဟှာ နန့်မာလည်းရှိဟှယ် ဆိုဘီး ငါစိခ္လပါဟှယ်။ 
\v 6 အယ်ကြောန့် ငါလတ်တန်ဟှူဇာအားဖြင့် နန့်မာရှိဟှူ ဘုရားသခင်ရဲ့ဆုကျေးဇူးတော်ဟှို ပ္လန်ဘီးလှုံ့ဆော်ဟှို့တွပ် နန့်ဟှို ငါဒိပေးပါဟှယ်။ 
\v 7 ဖြားဖြစ်ကြောန့်နူးဆိုဟှာ ဘုရားသခင်ရဲ့ဝိညာဉ်တော်ဟှာ နို့လေဟှို ကြော့‑က်တတ်ဟှူစိဟှို ပေးဘဲန တဂိုးပါဟှူစိ၊ ရှစ်တတ်ဟှူစိ၊ ရှင်းလင်းဟှူစိဟှို ပေးတော်မူဟှယ်။
\p
\v 8 အယ်ကြောန့် နို့လေရဲ့သခင်ဘုရားကြောန်းဟှို သတ်သေခံဟှူဇာဘဲ့ဖြစ်ဖြစ်၊ ခရစ်တော်တွပ် ကျဉ်းသားဖြစ်ဟှူသူ နို့လေတွပ်ဘဲ့ဖြစ်ဖြစ် ယှစ်ကြော့‑က်ဘဲန ဘုရားသခင်ပေးတော်မူဟှူ တဂိုးတော်ဟှို ရဟှူတိုင်း ကောန်းမြတ်ဟှူဒန်းကောန်းတွပ် ငါ့နတူးဒူ ဆင်းရဲဒေါက်ခဟှိုခံပါ။ 
\v 9 ဘုရားသခင်ဟှာ နို့လေကျင့်ဟှူ ကျင့်ဟှို ထော့‑က်ထားတော် မှုဘဲန ရှေးကာလရော့‑က်ခန်ဂဒဲဟှ ယေရှုခရစ်အားဖြင့် နို့လေတွပ် ကိုယ်တော်တိုင်ဘဲ့ ကြံစည်တော်မူဟှူ ကျေးဇူးတော်တိုင်း နို့လေဟှို ကယ်တန်ဘီး သန့်ရှင်းဟှူသူရာမာ ခေါ်ဟှားတော်မူဟှယ်။ 
\v 10 အယ်ကျေးဇူးတော်ဟှာ နို့လေရဲ့ကယ်တန်ရှင် ယေရှုခရစ်တော် ပေါ်ထွန်းတော်မူဟှူဇာအားဖြင့် ခု ထန်ရှားနေဟှယ်။ အယ်သခင်ဟှာ သေရှင်းဟှို ဖယ်ရှားဘီး သတ်နတူးဒူ ဖော့‑က်ပ္လန်ဇာမှေ့ဘဲဟှူ ဒန်းကောန်းအားဖြင့် ထန်ရှားစေတော်မူဘီ။
\p
\v 11 \x - \xo ၁.၁၁ \xo*\xt ၁ တိ ၂.၇\xt*\x*ငါဟှာ အယ်ဒန်းကောန်းဟှို ဟောပြောဟှူ ဆရာနေနဘဲ့ဖြစ်ဖြစ်၊ တမန်တော်နေနဘဲ့ဖြစ်ဖြစ် ခန့်အပ်ဟှားဇာဟှို ခံရဟှယ်။ 
\v 12 အယ်ကြောန်းကြောန့် ငါဟှာ ဆင်းရဲဒေါက်ခဟှို ခံရပါဟှယ်။ အယ်ဘေမဲ့ ယှစ်ကြော့‑က်မှုမှေ့ဟှ။ ဖယ်သူ့ဟှို ငါယောင်ကြည်ဟှယ် ဆိုဇာ ငါသိဟှယ်။ ကိုယ်တော်ထံတော်မာ ငါအပ်ဟှားဟှူ ရာဟှိုလည်း\f + \fr ၁.၁၂ \fr*\fq ငါအပ်ဟှားဟှူ ရာဟှိုလည်း၊ \fq*\ft အယ်မျိုးမှုဘဲနေဟှာ \ft*\fqa သူ့ဟှို အပ်ပေးဟှားဟှူရာ။\fqa*\f* အယ်နေ့ရစ်ထိအောန် စောန့်ထီးပေးနိုင်တော်မူဟှယ် ဆိုဘီး ငါယောင်ကြည်စိခ္လဟှယ်။ 
\v 13 နန်ဟှာ ယေရှုခရစ်တော်ထတ်မာရှိဟှူ ယောင်ကြည်မှုန ရှစ်ရှင်းမြစ်တာလေအားဖြင့် ငါ့နားဟှ ကြားနာရဟှူ မှန်ကန်ပ္လဲ့ဇောင်ဟှူ တရားစကားလေဟှို စံနမူနာဖြစ် ကိုင်ဆွဲဟှားပါ။ 
\v 14 နန့်မာအပ်ဟှားဟှူ ကောန်းမြတ်ဟှူ ဇာလေဟှို နို့လေထဲမာ ကိန်းဝပ်တော်မူဟှူ သန့်ရှင်းဟှူဝိညာဉ်တော် တဂိုးအားဖြင့် စောန့်ရှော့‑က်ပါ။
\p
\v 15 နန်သိဟှူတိုင်းဘဲ့ အာရှိပြည်မာရှိဟှူ သူလေအားလောင်းဟှာ ငါ့ဟှို စွန့်ပယ်ဂေ့ဘီ။ အယ်သူလေထဲမာ ဖုဂေလုန ဟေရမောဂင်လေလည်း ပါဟှယ်။ 
\v 16 သခင်ဘုရားရဲ့ ကရုဏာတော်ဟှာ သြနေသိဖော်ရဲ့ အီမာ သက်ရော့‑က်ပါစေ။ ဖြားဖြစ်ကြောန့်နူးဆိုဟှာ သူဟှာ ငါ့ဟှို ကြီကြီသတ်သာစေပါဟှယ်။ ငါဟှာ သံကြိုးနခယ်ဘီး ဖမ်းဟှူဇာဟှို ခံရဟှူလည်းဘဲ့ သူဟှာ ယှစ်ကြော့‑က်မှုမှေ့ဘဲန 
\v 17 ရောမဗြို့ဟှို ရော့‑က်လာဟှူ ခီမာ ငါ့ဟှို တွိတွိအောန် ကြိုးစားရှာဘီး လာတွိပါဟှယ်။ 
\v 18 အယ်နေ့ရစ်ဟှ သူပြုဟှူဇာလေဟှို ဘုရားသခင်ဟှာ သခင်ဘုရားလတ်တော်ဟှနေ ကရုဏာတော်ဟှို ပေးသနားတော်မူပါစေ။ သူဟှာ ဧဖက်ဗြို့မာရှိဟှူ ခီဒူးဟှလည်း ငါ့ဟှို ဖယ်မျှလော့‑က် ပြုစုလောက်ကျွေးဟှယ် ဆိုဇာ နန်းနို့ ကောန်းကောန်းသိပါဟှယ်။
\c 2
\s ယေရှုခရစ်တော်ရဲ့ သစ်စာရှိဟှူ စစ်သည်တော်ကြောန်း
\p
\v 1 ငါ့သား၊ နန်ဟှာ ယေရှုခရစ်တော်၌ ရှိဟှူ ကျေးဇူးတော်အားဖြင့် ခိုင်ခံ့မှုရှိပါ။ 
\v 2 သတ်သေလေရှေ့မာ ငါ့ဆီဟှ ကြားနာရဟှူရာလေဟှို သစ်စာရှိဘီး သူများလေဟှို ပ္လန်သွန်သန်ပေးနိုင်ဟှူ သူလေဟှို အပ်ပေးပါ။
\p
\v 3 နန်ဟှာ ယေရှုခရစ်တော်ရဲ့ စစ်သားကောန်းတယော့‑က်ဖြစ်န ငါ့နတူးဒူ ဆင်းရဲဒေါက်ခဟှို သီးခံပါ။ 
\v 4 စစ်မှုထမ်းဟှူသူဟှာ ကိုယ့်ဟှို စစ်သားရာမာခန့်ဟှားသူ နှစ်သက်အောန်ဆိုဘီး လောကီရေးရာန ရောနှောရှောက်ထွေးဘီး နေတတ်ဟှ။ 
\v 5 ဖယ်သူဘဲ့ဖြစ်ဖြစ် အားကစားပြိုင်ပွဲမာ ယှဉ်ပြိုင်မယ် ဆိုဟှာ စည်းမျဉ်းစည်းကမ်းတိုင်း ပြိုင်ဘဲနေဟှာ ဆုဟှို ရဟှို့ မှုဟှ။ 
\v 6 လယ်လောက်ဟှူ သူဟှလည်း ကြိုးစားဘီး ရင်လောက်ဆောန်ဘီးမှ သီးနှံဟှိုရဟှယ်။ 
\v 7 ငါ့စကားဟှို ဆင်ခြင်ပါ။ သခင်ဘုရားဟှာ ရာအားလောင်းဂူဟှို နားလည်ဟှူ ဉာဏ်ပညာ နန့်ဟှို ပေးသနားတော်မူလေ့မယ်။
\p
\v 8 ဒါဝိဒ်မျိုးနွယ်ဖြစ်ဟှူ ယေရှုခရစ်တော်ဟှာ ငါဟောပြောဟှူဒန်းကောန်းတိုင်း သေခြင်းဟှနေ ထမြော့‑က်တော်မူဟှယ် ဆိုဇာဟှို ဒိရပါ။ 
\v 9 ငါဟှာ အယ်မူဒန်းကောန်းတရားကြောန့် လူဆိုးတယော့‑က်ဟှူမျိုး တောက်နှောန်ခံရလော့‑က်ထိ ဆင်းရဲဒေါက်ခဟှို ခံရဟှယ်။ အယ်ပေမဲ့ ဘုရားသခင်ရဲ့ စကားတော်ဟှာ တောက်နှောန်ရှင်းခံရဇာ မှုဟှ။ 
\v 10 အယ်ကြောန့် ဝီးကော့‑က်ခံရဟှူသူလေဟှာ ယေရှုခရစ်တော်နှိုက် ရှိဟှူ ကယ်တန်ရှင်းဟှို ထာဝရဖောင်းသရေတော်နတူးဒူ ရရှိနိုင်ဟှို့တွပ် ငါဟှာ သူးနို့လေတွပ် ရာရာမာ သီးခံပါဟှယ်။ 
\v 11 အယ်စကားလေဟှာ သစ်စာစကား ဖြစ်ဟှယ်။
\q1 နို့လေဟှာ ကိုယ်တော်နတူးဒူ သေဟှယ် ဆိုဟှာ
\q2 ကိုယ်တော်နတူးဒူ သတ်ရှင်လေ့မယ်။
\q1
\v 12 \x - \xo ၂.၁၂ \xo*\xt မ ၁၀.၃၃; လု ၁၂.၉\xt*\x*နို့လေ သီးခံမယ် ဆိုဟှာ
\q2 ကိုယ်တော်နတူးဒူ စိုးစံရဂေ့လေ့မယ်။
\q1 နို့လေဟှာ ကိုယ်တော့်ဟှို ငြင်းပယ်မယ် ဆိုဟှာ
\q2 ကိုယ်တော်လည်း နို့လေဟှို ငြင်းပယ်လေ့မယ်။
\q1
\v 13 နို့လေ ဟှာ သစ်စာမှေ့ဘဲနေဟှူလည်းဘဲ့
\q2 ကိုယ်တော်ရဲ့ သစ်စာတော်ဟှာ တည်တော်မူဟှယ်။
\q2 ဖြားဖြစ်ကြောန့်နူးဆိုဟှာ ကိုယ်တော်ဟှာ သူ့ရဲ့ သစ်စာတော်ဟှို ဖယ်မျိုးလည်း ပယ်ဖျစ်နိုင်ဘဲကြောန့် ဖြစ်ဟှယ်။
\s ဘုရားသခင် နှစ်သက်တော်မူဟှူ ကောန်းဟှူလောက်သမားကြောန်း
\p
\v 14 အယ်မူကြောန်းရာလေအားဖြင့် သူးနို့လေဟှို ဒိပေးနှိုးဆော်ပါ။ ဖယ်မျိုး လည်းကျိုးမှေ့ဘဲန ကြားနာဟှူသူလေဟှို ပျစ်စီးစေတတ်ဟှူ စကားလောင်း သောင်းနှုံးလေအားဖြင့် ငြင်းခူမှုလေ လောက်ဂေ့ဘဲန နေဟှို့တွပ် ဘုရားသခင်ရှေ့မာ သူးနို့လေဟှို လေးလေးနတ်နတ် တိုက်တွန်းပါ။ 
\v 15 နန်ဟှာ ဘုရားသခင် ရှေ့တော်မာ ယောင်ကြည် စိခ္လရဟှူသူ၊ နှစ်သက်ဖွယ်ကောန်းဟှူသူ တယော့‑က်နေနဖြစ်ဖြစ်၊ သမ္မာတရားဟှို ပိုင်းခြားတတ်ဟှူ သူတယော့‑က်နေနဖြစ်ဖြစ် ယှစ်ကြော့‑က်မှုမှေ့ဘဲဟှူ လောက်သမား တယော့‑က်မျိုး ကိုယ့်ကိုယ်ကိုယ် ဆစ်သနိုင်ဟှို့တွပ် ကြိုးစားအားထုပါ။ 
\v 16 အယ်ဘေမဲ့ တရားမဲ့ဟှူ ချည်းနှီးစကားလေဟှို ရှောန်ဂေ့ပါ။ ဖြားဖြစ်ကြောန့်နူးဆိုဟှာ အယ်မူစကားလေအားဖြင့် ဘုရားတရားန ပိုဘီး ဝီးကွာဟှားစေတတ်ဟှယ်။ 
\v 17 သူးနို့လေရဲ့ စကားဟှာ သားဟှိုစားဘီး ပွားတတ်ဟှူ ခူနာနတူဟှယ်။ အယ်သူလေထဲမာ ဟုမေနဲန ဖိလက်လည်းပါဟှယ်။ 
\v 18 သူးနို့ဟှ သေဘီးသူလေဟှာ ထမြော့‑က်ဟှားဂေ့ဘီ ဆိုဇာ ပြောဘီးဟှာ သမ္မာတရားလမ်းဟှ လွဲချော်ဟှားဂေ့ဘီး တချို့သူလေရဲ့ ယောင်ကြည်မှုဟှို မှော့‑က်လှန်တတ်ဂေ့ဟှယ်။ 
\v 19 အယ်ပေမဲ့ ဘုရားသခင်ရဲ့ ခိုင်မာဟှူ အုပြစ်ဟှာ အယ်မူကမ္ပည်းစာအားဖြင့် တံဆိပ်ခပ်ဟှားပါဟှယ်။ အယ်မူအုပြစ်ထတ်မာ “ဘုရားသခင်ဟှာ သူ့ရဲ့ လူလေဟှို သိတော်မူဟှယ်” ဆိုဟှူဇာန “သခင်ဘုရားရဲ့ နာမတော်ဟှို ဝန်ခံရဟှူ သူလေဟှာ ဒုစရိုက်တရားဟှနေ လွှဲရှောန်ရမယ်” ဆိုဘီး ဖြစ်ဟှယ်။
\p
\v 20 ရရာတိုင်း ကီးဟှူ အီမာ ရွှေနလောက်ဟှူ တန်ဆာ၊ ငွေနလောက်ဟှူ တန်ဆာလေဘဲ့ ရှိဟှူဇာ မှုဟှ။ သစ်သားနလောက်ဟှူ တန်ဆာ၊ မ္လေနလောက်ဟှူ တန်ဆာလည်းရှိဟှယ်။ အသရေရှိဟှူ တန်ဆာ၊ အသရေမှေ့ဘဲဟှူ တန်ဆာလည်းရှိဟှယ်။ 
\v 21 အယ်မျိုးဖြစ်ကြောန့် ခုဖော်ပြဟှူ ကောန်းဘဲကျင့်လေဟှို ဖယ်ရှားဘီး ကိုယ့်ကိုယ်ကိုယ် စင်ကြယ်စေဟှူ သူဟှာ အသရေရှိဟှူတန်ဆာ၊ သန့်ရှင်းဘီး အီရှင်သောင်းဟှို့ကောန်းဟှူတန်ဆာ၊ ကောန်းဟှူ ဇာလေတွပ် ပြင်ဆင်ဟှူ တန်ဆာဖြစ်လေ့မယ်။ 
\v 22 အယ်ကြောန့် လူငယ်လေရဲ့ တတ်မတ်မှုလေဟှို ရှောန်ဘီး ဖြောန့်မတ်ရှင်း၊ ယောင်ကြည်ရှင်း၊ ရှစ်ရှင်း၊ ငြီသတ်ရှင်းန စင်ကြယ်ဟှူ စိရှိဘီး သခင်ဘုရားဟှို ဆုတောန်းဟှူ သူလေနတူးဒူ သင့်တင့်အောန်နေဟှူ ဇာဟှို မှီအောန်လိုက်ဂေ့ပါ။ 
\v 23 မိုက်မဲဘီး ပညာမဲ့ဟှူ ပုစ္ဆာမေးလေဟှာ ငြင်းပွားဘီး ရန်များတတ်ဟှူ ဇာဖြစ်ဟှယ် ဆိုဇာဟှို သိမှတ်ဘီး ရှောန်ရှားဂေ့ပါ။ 
\v 24 သခင်ဘုရားရဲ့ စေခံဟှာ ရန်ဖြစ်ဟှိရဟှ။ သူဟှာ လူလေ အားလောင်းဂူထတ်မာ ဖြေးညှင်းဟှူ သဘောရှိဘီး ဆောင်းမ သွန်သန်ပေးနိုင်သူ၊ တရားဘဲဟှူ ခံရဇာဟှို သီးခံတတ်ဟှူသူ ဖြစ်ရမယ်။ 
\v 25 ဆန့်ကျင်ဟှူ သူလေဟှို နူးညံ့သီမွီဟှူစိန ဆောင်းမ သွန်သန်ရမယ်။ အယ်မျိုးပြုဟှယ် ဆိုဟှာ ဘုရားသခင်ဟှာ သူးနို့လေဟှို နောန်ဒရဟှူခွမ့်ဟှို ပေးတော်မူဟှူကြောန့် သူးနို့လေဟှာ သမ္မာတရားဟှို သိလာဘီး 
\v 26 မာရ်နတ်ဟှ သူ့လိုတိုင်းပြုဟှို့တွပ် သူးနို့ဟှို ဖမ်းဟှားဟှူလည်းဘဲ့ သူးနို့ဟှာ မာရ်နတ်ရဲ့ ထောန်ချော့‑က်ထဲဟှ လွတ်မြော့‑က်ဘီး ဗြင်မှန်ရကောန်းရလေ့မယ်။
\c 3
\s နော့‑က်ဆောင်းနေ့ရစ်ကာလကြောန်း
\p
\v 1 နော့‑က်ဆောင်းကာလဟှာ ခတ်ခဲဟှူကာလဖြစ်မယ် ဆိုဇာဟှို သိမှတ်ပါ။ 
\v 2 ဖြားဖြစ်ကြောန့်နူးဆိုဟှာ လူလေဟှာ ကိုယ့်ကိုယ်ကိုယ် ရှစ်ဟှူသူ၊ ကပ်ဟှို တတ်မတ်ဟှူသူ၊ ဝါကြွားဟှူသူ၊ မာနထောန်လွှားဟှူသူ စော်ကားပြောဆိုဟှူသူ၊ မိဖစကားဟှို နားထောန်ဘဲဟှူသူ၊ ကျေးဇူးသိတတ်ဘဲဟှူသူ၊ သန့်ရှင်းမှုမှေ့ဘဲဟှူသူ၊ 
\v 3 ကြင်နာစိမှေ့ဘဲဟှူသူ၊ ရန်ငြိုးထားဟှူသူ၊ သူများအသရေဖျစ်ဟှူသူ၊ ကိုယ့်စိဟှိုကိုယ် ချောက်တည်းနိုင်ဘဲသူ၊ ကြမ်းတမ်းဟှူသူ၊ ကောန်းဟှူမှုဟှို မူးဟှူသူ၊ 
\v 4 သစ်စာဖော့‑က်ဟှူသူ၊ မဆင်မခြင်ပြုဟှူသူ၊ မောက်မာဟှူသူ၊ ဘုရားသခင်ဟှို နှစ်သက်ဟှူဇာထတ် ကာမဂေါင်ခံစားဟှူဇာဟှို ပိုဘီးနှစ်သက်ဟှူသူ၊ 
\v 5 ဘုရားဝတ်မာ မွေ့လျော်ဟန်ရှိဟှူလည်းဘဲ့ ဘုရားဝတ်မာ မွေ့လျော်မှုတဂိုးဟှို ငြင်းပယ်ဟှူသူလေ ဖြစ်ဂေ့လေ့မယ်။ အယ်မူမျိုးလူလေဟှို ရှောန်ပါ။ 
\v 6 ဖြားဖြစ်ကြောန့်နူးဆိုဟှာ သူးနို့ထဲဟှ တချို့လေဟှာ အီလေဟှို မသိမသာဝမ်ဘီး တပ်မတ်မှုမျိုးမျိုးရဲ့ သွီးဆောန်မှုနော့‑က်ဟှို လိုက်ဘီး ပြစ်ဟှို ခဏခဏ လောက်ဟှူ မီးမလေဟှို သွီးဆောန်တတ်ဂေ့ဟှယ်။ 
\v 7 အယ်မီးမလေဟှာ မြဲဒမ်း သန်ယူနေဟှူလည်းဘဲ့ သမ္မာတရားဟှို ဖယ်ခါလည်း နားလည်နိုင်စွမ်းမှေ့ဘဲဟှူ သူလေ ဖြစ်ဂေ့ဟှယ်။ 
\v 8 ယန္နေန ယံဗြေဟှာ မောရှေဟှို ဆန့်ကျင်ဟှူမျိုး အယ်သူလေလည်း သမ္မာတရားဟှို ဆန့်ကျင်ဂေ့ဟှယ်။ အယ်သူလေဟှာ စိနှလောင်း ပျစ်စီးယိုယွင်းဘီး ယောင်ကြည်မှုရာမာ က္လရှောင်းဟှူ သူလေ ဖြစ်ဂေ့ဟှယ်။ 
\v 9 အယ်သူလေဟှာ နော့‑က်ထပ် တိုးတတ်ဘီး တတ်လှမ်းနိုင်ဂေ့ဟှို့ မှုဟှ။ ဖြားဖြစ်ကြောန့်နူးဆိုဟှာ သူးနို့လေရဲ့ မိုက်မဲမှုဟှာ အယ်သူနှေ့ယော့‑က်ရဲ့ မိုက်မဲမှုဟှူမျိုး လူလေရှေ့မာ ထန်ရှားလာလေ့ဟှူကြောန့် ဖြစ်ဟှယ်။
\s နော့‑က်ဆောင်းညွှန်ကြားချစ်ကြောန်း
\p
\v 10 အယ်ပေမဲ့ နန်ဟှာ ငါ့ရဲ့ဆောန်းမသွန်သန်မှုလေ၊ ကျင့်ကြံနေထိုင်မှုလေ၊ ကြံစည်မှုလေ၊ ယောင်ကြည်မှုလေ၊ စိရှယ်မှုလေ၊ ရှစ်ရှင်းန သီးခံဟှူဇာလေဟှိုဖြစ်ဖြစ်၊ 
\v 11 \x - \xo ၃.၁၁ က \xo*\xt တ ၁၃.၁၄–၅၂; \xt*\xo ခ \xo*\xt တ ၁၄.၁–၇; \xt*\xo ဂ \xo*\xt တ ၁၄.၈–၂၀\xt*\x*အန္တိအုတ်ဗြို့၊ ဣကောနိဗြို့၊ လုတ္တရဗြို့လေမာ ငါခံရဟှူ ညှင်းဆဲခြင်းန ဒေါက်ခလေဟှိုဘဲ့ဖြစ်ဖြစ် နန်ဗြင်တွိခဲ့ပါဟှယ်။ အယ်မူမျိုးညှင်းဆဲမှုလေဟှို ငါခံရဟှူလည်းဘဲ့ သခင်ဘုရားဟှာ အယ်မူအားလောင်းထဲဟှ ငါ့ဟှို ကယ်နှုတော်မူဟှယ်။ 
\v 12 ယေရှုခရစ်ရဲ့ တရားတော်တိုင်း ဘုရားဝတ်မာမွေ့လျော်ဘီး သတ်ရှင်လိုဟှူသူလေဟှာ ညှင်းဆဲမှုလေဟှို ခံရလေ့မယ်။ 
\v 13 ဆိုးညစ်ဟှူသူလေန လှည့်ဖြားဟှူသူလေဟှာ သူများဟှိုလည်း လှည့်ဖြားဘီး၊ သူးနို့ကိုယ်တိုင်းလည်း လှည့်ဖြားခံရဘီး ဆိုးညစ်မှုထဲဟှို က္လဆင်းဟှားဂေ့လေ့မယ်။ 
\v 14 နန်ဟှာ ကိုယ်တိုင်သန်ယူဘီး ခိုင်းခိုင်မားမာ ယောင်ကြည်ဟှူဇာထတ်မာ တည်နေပါ။ ဖြားဖြစ်ကြောန့်နူးဆိုဟှာ နန်ဟှာ ဖယ်သူ့နားမာ သန်ယူဇာန၊ 
\v 15 ယေရှုခရစ်တော်ဟှို ယောင်ကြည်ရှင်းအားဖြင့် ကယ်တန်ရှင်းဟှို ရော့‑က်စေဟှူပညာဟှို ပေးနိုင်ဟှူ သမ္မာကျမ်းစာဟှို ငယ်ငယ်ဂဒဲဟှနေ ရင်းနှီးလာခဲ့ဟှူဇာဟှို နန်သိပါဟှယ်။ 
\v 16 အယ်မူကျမ်းစာထဲမာ ရှိဟှူဇာလေ အားလောင်းဟှာ ဘုရားသခင် မှုသွမ်းတော်မူရှင်းအားဖြင့် ဖြစ်ဘီး\f + \fr ၃.၁၆ \fr*\fq အယ်မူကျမ်းစာထဲမာ ရှိဟှူဇာလေ အားလောင်းဟှာ ဘုရားသခင် မှုသွမ်းတော်မူရှင်းအားဖြင့် ဖြစ်ဘီး၊ \fq*\ft အယ်မျိုးမှုဘဲနေဟှာ \ft*\fqa ဘုရားသခင် မှုသွမ်းတော်မူဟှူ ကျမ်းစာရှိဟှူမျှဟှာ သောင်းဝမ်ဟှယ်။\fqa*\f* သြဝါဒပေးဟှို့တွပ်ရော၊ ပြစ်ဟှို ဖော်ပြဟှို့တွပ်ရော၊ မှားပြုပြင်ဟှို့တွပ်ရော၊ ဖြောန့်မတ်ရှင်းနှိုက် ဆောင်းမပဲ့ပြင်ဟှို့တွပ်ရော ကျိုးကျေးဇူးရှိလေဟှယ်။ 
\v 17 အယ်ဇာဟှ ဘုရားသခင်ရဲ့လူဟှာ ကောန်းဟှူမှုလေ ဘောန်းဇောင်တွပ် ပြင်ဆင်ရှင်းဟှို ခံရဘီး ပ္လဲ့ဝစောင်လင်ဟှူသူ ဖြစ်ဟှို့တွပ်ဖြစ်ဟှယ်။
\c 4
\p
\v 1 ကိုယ်တော်ဟှာ ပေါ်ထွန်းလာဘီး နိုင်ငံတော်ထန်ရှားဟှူကာလ၊ သေဟှူသူ၊ သတ်ရှင်ဟှူသူလေဟှို တရားစီရင်တော်မူဟှူ ယေရှုခရစ်တော်ရှေ့မာဘဲ့ဖြစ်ဖြစ်၊ ဘုရားသခင်ရှေ့တော်မာဘဲ့ဖြစ်ဖြစ် ငါဟှာ နန့်ဟှို သစ်စာပေးဟှူဇာဟှ၊ 
\v 2 တရားတော်ဟှို ဟောပြောပါ။ ခီရှိဟှူဇာဘဲ့ဖြစ်ဖြစ်၊ ခီမှေ့ဘဲဟှူဇာဘဲ့ဖြစ်ဖြစ် ကြိုးစားအားထုပါ။ စိရှယ်ရှယ်နသွန်သန်ဘီး ပြစ်ဟှိုဖော်ပြဟှူဇာလေ၊ ဒိပေးဟှူဇာလေ၊ တိုက်တွန်းအားပေးဟှူဇာလေဟှို ပြုပါ။ 
\v 3 ဖြားဖြစ်ကြောန့်နူးဆိုဟှာ နော့‑က်လာမယ့်ကာလမာ လူလေဟှာ မှန်ကန်ဟှူသြဝါဒဟှို နားထောန်ဘဲန သူးနို့ကြားကောန်းဟှူစကားဟှို ပြောဆိုဟှူသူလေနော့‑က်ဟှိုလိုက်ဘီး သူးနို့တတ်မတ်မှုတိုင်း ရရာတိုင်းများဟှူ ဆရာလေနော့‑က်ဟှို လိုက်ဂေ့လေ့မယ်။ 
\v 4 သမ္မာတရားဟှို နားထောန်ဘဲန ဒဏ္ဍာရီစကားဟှို နားထောန်ဘီးဟှာ လွဲဟှားဂေ့လေ့မယ်။ 
\v 5 နန်ဟှာ ရာရာမာ သမ္မာသတိရှိပါစေ။ ဆင်းရဲဒေါက်ခဟှို သီးခံဘီး သာသနာပြုဆရာတယော့‑က်နေန လောက်ဆောန်ရမယ့် မှုဟှို လောက်ဆောန်ပါ။ ဘုရားသခင်ရဲ့ စေခံတယော့‑က်နေန နန့်ရဲ့တာဝန်ရှိဟှူမျှ အားလောင်းဟှို ပ္လဲ့ပ္လဲ့ဝဝလောက်ဆောန်ပါ။
\p
\v 6 ငါဟှာ သွန်းလောင်းပူဇော်ရမယ့်ခီကာလ က္လရော့‑က်လာဘီ။ အယ်လောကဟှ ထွပ်ခွာရဟှို့ခီ နီးကပ်လာဘီ။ 
\v 7 ကောန်းဟှူတိုက်ပွဲဟှို ငါတိုက်ပီးဘီ။ ပ္လေးရမယ့်လမ်းဟှို ဆောင်းထိပ္လေးပီးဘီ။ ယောင်ကြည်ရှင်းဟှို စောန့်ထီးပီးဘီ\f + \fr ၄.၇ \fr*\fq ယောင်ကြည်ရှင်းဟှို စောန့်ထီးပီးဘီ၊ \fq*\ft အယ်မျိုးမှုဘဲနေဟှာ \ft*\fqa ငါ့ရဲ့ ဂဒိတော်ဟှို သစ်စာစောန့်ပါ။\fqa*\f*။ 
\v 8 ခုဟှနေစဘီး ဖြောန့်မတ်ရှင်းသရဖူဟှာ ငါ့တွပ် ဆင်သင့်ရှိနေဘီ။ အယ်မူနေ့ရစ်မာ ဖြောန့်မတ်ဟှူ တရားစီရင်သူဖြစ်တော်မူဟှူ သခင်ဘုရားဟှာ အယ်မူသရဖူဟှို ငါ့ဟှို ပေးအပ်တော်မူလေ့မယ်။ ငါ့ဟှိုမျှဘဲ့မှုဘဲန ကိုယ်တော် ပေါ်ထွန်းတော်မူဟှူဇာဟှို မျှော်လင့်တောန့်တဟှူ သူလေအားလောင်းဟှိုလည်း ပေးတော်မူလေ့မယ်။
\s ကိုယ်ရေးကိုယ်တာဆိုင်ရာ မှာဟှူစကားလေကြောန်း
\p
\v 9 ငါ့နားဟှို ဗြန်းဗြန်လာဟှို့တွပ် ကြိုးစားပါ။ 
\v 10 \x - \xo ၄.၁၀ က \xo*\xt ကော ၄.၁၄; ဖိလေ ၂၄; \xt*\xo ခ \xo*\xt ၂ ကော ၈.၂၃; ဂလာ ၂.၃; တိ ၁.၄\xt*\x*ဖြားဖြစ်ကြောန့်နူးဆိုဟှာ ဒေမဟှာ ခုဘဝဟှို နှစ်သက်ဟှူစိရှိဟှူကြောန့် ငါ့ဟှိုစွန့်ပစ်ဘီး သက်သာလောနိတ်ဗြို့ဟှိုသွားဘီ။ ကရက္ကေဟှ ဂလာတိပြည်ဟှို သွားဘီး တိတုဟှ ဒါလမာတိပြည်ဟှို သွားဂေ့ဘီ။ 
\v 11 \x - \xo ၄.၁၁ က \xo*\xt ကော ၄.၁၄; ဖိလေ ၂၄; \xt*\xo ခ \xo*\xt တ ၁၂.၁၂,၂၅; ၁၃.၁၃; ၁၅.၃၇–၃၉; ကော ၄.၁၀; ဖိလေ ၂၄\xt*\x*လုကာတယာ့‑က်ဟှားဘဲ့ ငါ့နတူးဒူရှိဟှယ်။ မာကုဟှို နန့်နတူးဒူခေါ်လာပါ။ သူဟှာ ငါ့တွပ် မှုတော်လောက်ငန်းမာ ကူညီပေးနိုင်ဟှူသူဖြစ်ဟှယ်။ 
\v 12 \x - \xo ၄.၁၂ \xo*\xt တ ၂၀.၄; ဧ ၆.၂၁,၂၂; ကော ၄.၇,၈\xt*\x*ငါဟှာ တုခိတ်ဟှို ဧဖက်ဗြို့ဟှို စေလွှတ်လိုက်ပါဟှယ်။ 
\v 13 \x - \xo ၄.၁၃ \xo*\xt တ ၂၀.၆\xt*\x*နန်လာဟှူ ခီမာ တရောဗြို့ဟှ ကာပုဆီမာ ငါအပ်ဟှားဟှူ ဝတ်လောင်န စာလိလေ၊ ထူးသဖြင့် သားရေစာစောန်လေဟှို ယူလာပေးပါ။
\p
\v 14 ကြေးပန်းတိမ်ဆရာ အာလေဇန္ဒြုဟှာ ငါ့ဟှို ရရာတိုင်းဒေါက်ခပေးဟှယ်။ သူလောက်ဟှူ မှုတိုင်း သခင်ဘုရား ဆပ်ပေးတော်မူလေ့မယ်။ 
\v 15 နန်လည်း သူ့ဟှို ဒိထားပါ။ ဖြားဖြစ်ကြောန့်နူးဆိုဟှာ သူဟှာ နို့လေရဲ့စကားဟှို ရရာတိုင်း ဆန့်ကျင်ဟှယ်။
\p
\v 16 ငါ့ရဲ့မှုဟှို ပထမခီ စစ်ဆေးဒူးဟှ ဖယ်သူလည်း ငါ့ဖတ်မာနေဘဲန အားလောင်းဟှာ ငါ့ဟှို စွန့်ပစ်ဂေ့ဟှယ်။ အယ်မှုရာကြောန့် သူးနို့ရဲ့ပြစ်ဟှို မှတ်တော်မူပါစေန။ 
\v 17 အယ်ဘေမဲ့ လူမျိုးခြားအားလောင်းဂူဟှို တရားတော်ဟှို ကူစင်အောန်ဟောပြောဟှို့တွပ် သခင်ဘုရားဟှာ ငါ့ဖတ်မာနေဘီး ငါ့ဟှို ခွန်အားန ပ္လဲ့ဇောင်စေဟှယ်။ အယ်မူမျိုးအားဖြင့် ခြင်္သေ့ဇတ်ပေါ့‑က်ထဲဟှနေ ကယ်နှုရှင်းချမ်းသာဟှို ငါခံဟှယ်။ 
\v 18 အယ်မျှလော့‑က်နမကဟှ သခင်ဘုရားဟှာ ကောန်းဘဲဟှူဇာ အားလောင်းဂူဟှနေ ငါ့ဟှို ကယ်နှုတော်မူဘီး ထတ်ကောန်းဂန်အရပ်မာရှိဟှူ သူ့ရဲ့နိုင်ငံတော်ထဲဟှို လောင်ခြောင်မှုပ္လဲ့ဝန ပို့ဆောန်တော်မူလေ့မယ်။ အယ်သခင်ဟှာ ကမ္ဘာဆစ်ဆစ် ဖောင်းကီးတော်မူပါစေ။ အာမင်။
\s နော့‑က်ဆောင်းနှောက်ဆစ်ဟှူ စကားလေကြောန်း
\p
\v 19 ပြစ်ကိလန အာကုလဟှနေစဘီး သြနေသိဖော်ရဲ့ အီသူအီသားလေဟှို နှောက်ဆစ်ပါ။ 
\v 20 ဧရက္ကုဟှာ ကောရိန္သုဗြို့မာ နေရစ်ဟှယ်။ တရောဖိမ်ဟှာ နေကောန်းဘဲဖြစ်နေဟှူကြောန့် မိလက်ဗြို့မာ ငါထားရစ်ဟှယ်။ 
\v 21 ဆောင်းကာလရော့‑က်ခန် လာနိုင်အောန်ကြိုးစားပါ။
\p ဥဗုလု၊ ပုဒေ၊ လိနု၊ ကလောဒိဟှားလေဟှနေစဘီး ညီကို မောန်နှမလေအားလောင်းဂူဟှာ နန့်ဟှို နှောက်ဆစ်ဂေ့ဟှယ်။
\p
\v 22 သခင်ဘုရားဟှာ နန့်ရဲ့စိဝိညာဉ်နတူးဒူ ရှိပါစေ။
\p ကျေးဇူးတော်ဟှာ နန့်နတူးဒူရှိပါစေ။