\id 2TH - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ၂ သက်သာလောနိတ်
\toc1 သက်သာလောနိတ် သင်းတော်ဟှို ပေါလုရဲ့ ဒုတိယပေးစာ
\toc2 ၂ သက်သာလောနိတ်
\toc3 ၂ သက်
\mt1 ၂ သက်သာလောနိတ်
\mt2 သက်သာလောနိတ် သင်းတော်ဟှို ပေါလုရဲ့ ဒုတိယပေးစာ
\imt နိဒါန်း
\im \bk သက်သာလောနိတ် သင်းတော်ဟှို ပေါလုရဲ့ ဒုတိယပေးစာ\bk*ဟှို တမန်တော် ပေါလုဟှ ရေးဟှားဟှယ် (\xt ၁.၁\xt*)။ သက်သာလောနိတ် သင်းတော်ဟှို ပေးဟှူ ပထမပေးစာရေးဘီး ကြာခန်မာ သူဟှာ အယ်ပေးစာဟှို ခရစ်တော် မွီးဘီးန ၅၁ ခုနှစ်လော့‑က်ဟှ ရေးဟှားဟှယ်။ သက်သာလောနိကဗြို့မာရှိဟှူ သင်းတော်ဟှို အယ်ပေးစာ ရေးဟှူခီဒူးဟှ ပေါလုဟှာ ကောရိန့်ဗြို့မာ ရှိနေဘီး အယ်သင်းတော်ဟှို သူ့ရဲ့ ဒုတိယသာသနာခရီးမာ တည်ထောန်ဟှားဟှယ် (\xt တ ၁၇.၁–၁၀\xt*)။ အယ်သင်းတော်ဟှို ယုဒလူလေတချို့န လူမျိုးခြားလေ ဘောင်ဂီးန ဖွဲ့စည်းဟှားဟှယ် ဆိုဘီး တမန်တော်လေရဲ့ လောက်ဆောန်ရှင်း ကျမ်းထဲမာ အယ်ကြောန်းဟှို ပြောဟှားဟှယ်။
\ip သက်သာလောနိတ် သင်းတော်ဟှို နော့‑က်ဆောင်းဟှူကာလန ခရစ်တော် ဒုတိယခါကြွလာမယ် ဆိုဇာဟှို ဂဒိပေးဟှားဟှယ်။ ဖြားဖြစ်ကြောန့်နူးဆိုဟှာ ပေါလုဟှာ သက်သာလောနိတ် သင်းသားလေဟှို သူ့ရဲ့ ပေးစာနှေ့စောန်လောင်းမာ အယ်ကြောန်းဟှို ဘောင်းဂီးရေးဟှားလေဟှယ်။ သက်သာလောနိတ် သင်းတော်ဟှို ပေးဟှူဒုတိယပေးစာရဲ့ တဝပ်နီးနီးလော့‑က်ဟှာ နော့‑က်ဆောင်းဟှူ ကာလကြောန်း ဖြစ်လေဟှယ်။ ပေါလုဟှာ ပျင်းရိမှုဟှို တွန်းလှန်ဟှို့လည်း ဒိပေးဟှားဟှယ်။ လူတိုင်းဟှာ စားဟှို့တွပ် လောက်လောက်ရမယ် (\xt ၃.၆–၁၀\xt*)။
\iot ကြောန်းရာ ကျဉ်းချောက်
\io1 ၁။ ပေါလုဟှာ သူ့ကိုယ်သူန သူ့ရဲ့ လောက်ဖော်ဆောန်ဖတ်လေဟှို မိတ်ဆစ်ပေးဇာအားဖြင့် အယ်ပေးစာဟှို စတန်ဟှားဟှူကြောန်း \ior (၁.၁–၂)\ior*
\io1 ၂။ သူဟှာ သက်သာလောနိကဗြို့မာရှိဟှူ သင်းတော်တွပ် ဘုရားသခင်ဟှို ကျေးဇူးတန်ဟှားဘီး သူးနို့လေတွပ် ဆုတောန်းပေးဟှူကြောန်း \ior (၁.၃–၁၂)\ior*
\io1 ၃။ ပေါလုဟှာ နော့‑က်ဆောင်းဟှူ ကာလကြောန်းဟှို ပြောဟှားဟှူကြောန်း \ior (၂.၁–၁၇)\ior*
\io1 ၄။ သူဟှာ ပျင်းရိမှုဟှို ဆန့်ကျင့်ဟှားဘီး လောက်လောက်ဟှို့ လိုအပ်ဟှယ် ဆိုဘီး ပြောဟှားဟှူကြောန်း \ior (၃.၁–၁၅)\ior*
\io1 ၅။ ပေါလုဟှာ သင်းတော်ဟှို နော့‑က်တခါ နှော့‑က်ဆစ်ဇာအားဖြင့် နိဂေါင်းချောက်ဟှားဟှူကြောန်း \ior (၃.၁၆–၁၈)\ior*
\ie
\c 1
\po
\v 1 \x - \xo ၁.၁ \xo*\xt တ ၁၇.၁\xt*\x*ပေါလု၊ သိလွာနု၊ တိမောသေလေဟှာ —
\po နို့လေရဲ့ ဖဘုရားသခင်န သခင်ယေရှုခရစ်တော်ရဲ့ လူစုလေဖြစ်ဂေ့ဟှူ သက်သာလောနိတ်ဗြို့ရဲ့ သင်းတော်ဟှို နှောက်ဆစ်လိုက်ဟှယ်။
\po
\v 2 နို့လေရဲ့ဖဖြစ်ဟှူ ဘုရားသခင်န ယေရှုခရစ်တော်နားဟှ နေဘီးဟှာ ကျေးဇူးတော်န ငြီသတ်ရှင်းလေဟှို နန်းနို့ဟှာ ခံစားရပါစေ။
\s ခရစ်တော်ကြွလာဟှူ ခီမာ တရားစီရင်ဟှူကြောန်း
\p
\v 3 ငါ့ညီကို မောန်နှမလေ၊ နန်းနို့တွပ်ကြောန့် ဘုရားသခင်ရဲ့ ကျေးဇူးတော်ဟှို နို့လေဟှာ နေတိုင်း ချီးမွမ်းနေဂေ့ရဟှယ်။ ဖြားဖြစ်ကြောန့်နူးဆိုဟှာ နန်းနို့လေရဲ့ ယောင်ကြည်ရှင်းဟှာ ရရာတိုင်းတိုးပွားဘီး ရှင်းရှင်း တယော့‑က်ဟှို တယော့‑က် ပိုဘီးဟှာ ရှစ်နေဂေ့ကြောန့် ဖြစ်ဟှယ်။ 
\v 4 အယ်ကြောန့် နို့လေကိုယ်တိုင်ဘဲ့ နန်းနို့ကြောန်းဟှို ဘုရားသခင်ရဲ့ သင်းတော်လေမာ ဂေါင်ယူဘီး ပြောဂေ့ဟှယ်။ နန်းနို့ဟှာ ညှဉ်းဆဲနှိစစ်ဟှူဇာန ဆင်းရဲဒေါက်ခလေဟှို ခံရဘေမဲ့ ခိုင်ခံ့ဘီး၊ ယောင်ကြည်ရှင်းခိုင်မြဲဘီး ရှိနေဇာဟှိုထော့‑က်ဘီး နို့လေဟှာ ဂေါင်ယူဘီးပြောဂေ့ဟှယ်။
\p
\v 5 အယ်ဇာအားလောင်းဟှာ ဘုရားသခင်စီရင်ဇာဟှာ မှန်ကန်ဟှူကြောန်းဟှို ထန်ရှားဟှယ်။ အယ်ကြောန့် နန်းနို့ဟှာ ကိုယ်တော်ရဲ့ နိုင်ငံတော်န ထိုက်တန်ဟှူ လူလေဖြစ်လာဂေ့ဟှို့တွပ် နန်းနို့ဟှာ နိုင်ငံတော်တွပ်ကြောန့် ခုဆင်းရဲဒေါက်ခ ခံနေရဂေ့ဟှယ်။ 
\v 6 ဘုရားသခင်ဟှာ ဖြောန့်မတ်ဟှူ တရားတိုင်းဘဲ့ စီရင်ဟှူ သခင်ဖြစ်မျိုးဘဲ့ နန်းနို့ဟှို ဆင်းရဲဒေါက်ခ ရော့‑က်ခိုင်းဟှူလူဟှို ဆင်းရဲဒေါက်ခ ရော့‑က်ခိုင်းလေ့မယ်။ 
\v 7 ခု ဆင်းရဲဒေါက်ခရော့‑က်နေဟှူ နန်းနို့နတူးဒူ နို့လေဟှိုလည်း စိသတ်သာဇာဟှို ရဂေ့လေ့မယ်။ သခင်ယေရှုဟှာ တဂိုးကီးဟှူ ကောန်းဂန်တမန်လေနတူးဒူ ကောန်းဂန်ဘောင်ဟှနေ ကြွလာဟှူ ခီမာ 
\v 8 ဘုရားသခင်ဟှာ သူ့ဟှို ငြင်းပယ်ဟှူလူလေန နို့လေသခင်ယေရှုရဲ့ ဒန်းကောန်းဟှို နားထောန်ဘဲဟှူ လူလေဟှို မီးန တရားစီရင်လေ့မယ်။ 
\v 9 အယ်သခင်ဟှာ သန့်ရှင်းသူလေန ဖောင်းသရေတော်နရော၊ ယောင်ကြည်ဟှူလူလေရဲ့ ကြည်ညိုလေးစားမှုလေဟှို ခံယူဟှို့တွပ်ရော တရားစီရင်ဟှူ နေ့ရစ်မာ ကြွလာဟှူ ခီမာ အယ်လူလေ ခံရဟှူပြစ်ဒန်ဟှာ ထာဝရပျစ်စီးဘီး ဆောင်းရှောင်းမှုဟှို ခံရမယ်။ 
\v 10 သခင်ဘုရားရှေ့မာရော၊ ကိုယ်တော်ရဲ့ ကီးမြတ်ဟှူ ဖောင်းသရေတော်ရှေ့မာရော ငြင်းပယ်ဇာဟှို ခံရမယ်။ နန်းနို့ဟှာ နို့လေဟောပြောဟှူ သတ်သေခံချစ်ဟှို ယောင်ကြည်ဟှူကြောန့် ကိုယ်တော့်ဟှို ဂေါင်ပြုချီးမွမ်းဟှူ သန့်ရှင်းဟှူ လူမျိုးထဲမာ ပါရလေ့မယ်။
\p
\v 11 အယ်ကြောန့် နို့လေဟှာ နန်းနို့တွပ် မြဲဒမ်း ဆုတောန်းပေးနေဟှယ်။ နန်းနို့ဟှာ ဝီးကော့‑က်ခံရဟှူ ကျေးဇူးတော်နညီ ပြုမူကျင့်ကြံနေနိုင်ဟှို့တွပ် နို့လေရဲ့ ဘုရားသခင်ဟှို တောန်းလျှော့‑က်ဂေ့ဟှယ်။ ကိုယ်တော်ဟှာ တဂိုးတော်န နန်းနို့ရဲ့ ကောန်းမြတ်ဟှူ လိုအင်ဆန္ဒရှိမျှဟှို ပ္လဲ့ဇောင်စေဘီး နန်းနို့ရဲ့ ယောင်ကြည်ရှင်းန လောက်ဟှူမှုလေဟှို ပီးဟှို့တွပ် ခွမ့်ပေးပါစေ။ 
\v 12 အယ်နည်းအားဖြင့် နို့လေ သခင်ယေရှုရဲ့ နာမတော်ဟှာ နန်းနို့အားဖြင့် ဖောင်းသရေတော် ထွန်းတော့‑က်လေ့မယ်။ နို့လေရဲ့ ဘုရားသခင်\f + \fr ၁.၁၂ \fr*\fq နို့လေရဲ့ ဘုရားသခင်၊ \fq*\ft အယ်မျိုးမှုဘဲ့နေဟှာ \ft*\fqa နို့လေရဲ့ ဘုရားသခင် ထာဝရဘုရား ဖြစ်ဟှယ်။\fqa*\f*န သခင်ယေရှုခရစ်တော်ရဲ့ ကျေးဇူးတော်ဟှာ နန်းနို့နတူးဒူး ရှိပါစေ။
\c 2
\s လူယောက်မာဂီး
\p
\v 1 \x - \xo ၂.၁ \xo*\xt ၁ သက် ၄.၁၅–၁၇\xt*\x*ညီကို မောန်နှမလေ၊ နို့လေရဲ့ သခင်ယေရှုခရစ်တော်ဟှာ ကြွလာဘီး ကိုယ်တော်နတူးဒူ ရှိဟှို့တွပ် နို့လေဟှာ စုရောင်းရဂေ့ကြောန်းန ပတ်သတ်ဘီး နန်းနို့ဟှိုငါ တိုက်တွန်းဘီး ပြောရှင်ဟှယ်။ 
\v 2 သခင်ဘုရား ကြွလာဟှို့နေ့ရစ် က္လလာဘီးဖြစ်ကြောန်းဟှို လူလေပြောဇာဟှို ကြားရဂေ့ဟှူ ခီမာ နန်းနို့ဟှာ ရောက်တရစ် စိရှောက်ထွေးဘီး မတည်မငြီဘဲ့ ဖြစ်ဂေ့န။ အယ်မျိုးပြောဇာဟှာ နို့လေဟှာ ပရောဖက်ပြုဘီး ပြောဟှူစကားဘဲ့ဖြစ်စေ၊ နို့လေ တရားဟောဟှူ ခီမာ ပြောဟှူစကားဘဲ့ဖြစ်စေ၊ နို့လေရဲ့ စာမာပါဟှူ စကားဘဲ့ဖြစ်စေ ဖြစ်ကောန်းဖြစ်မယ်။ 
\v 3 အယ်ကြောန်းန ပတ်သတ်ဘီးဟှာ လူလေဟှာ မှားယွင်းဘီး ပြောနေဂေ့ဇာဟှို လောင်းဝယောင်ဂေ့န။ နော့‑က်ဆောင်း ပေါင်ကန်မှုဖြစ်ခန်မာ ငရဲဟှိုသွားရဟှို့ ပျစ်စီးမှုရဲ့သား ဖြစ်ဟှူ အယ်အဓမ္မလူပေါ်ခန် အယ်နေ့ရစ်ဟှာ ရော့‑က်လာဟှို့ မှုဟှ။ 
\v 4 သူဟှာ လူလေကိုးကွယ်ဟှူ ဘုရားမှန်မျှဟှို ရန်ဖတ်ပြုဘီးဟှာ သူဟှာ ဘုရားလေ အားလောင်းဂူထတ် တဂိုးကီးဟှယ် ဆိုဘီး ပြောလေ့မယ်။ သူဟှာ ဘုရားသခင်ဟှို ဝတ်ပြုဟှူ ဗိမာန်တော်ထဲမာ ဝမ်ထိုင်ဘီးဟှာ သူ့ကိုယ်သူ ဘုရားသခင်ဖြစ်ဟှယ် ဆိုဘီး ကြေညာလေ့မယ်။
\p
\v 5 ငါဟှာ နန်းနို့နတူးဒူ ရှိဟှူခါဒူးဟှ အယ်ကြောန်းရာလေဟှို နန်းနို့ဟှို ပြောပြရစ်ဟှယ်။ နန်းနို့ မှတ်မိဂေ့ဟှလော။ 
\v 6 ခုခီမာ အယ်ကြောန်းရာလေ ဖြစ်သေးဘဲဇာဟှာ တားဟှားဟှူဇာ ရှိနေဟှူကြောန့် ဖြစ်ဟှယ်။ အယ်ဇာဟှာ ဖြားဇာဖြစ်နူးဆိုဟှာ နန်းနို့ဟှ သိဂေ့ဟှယ်။ အယ်ကြောန့် လူယောက်မာဂီးဟှာ ခီက္လလာဟှူ ခီမာ ပေါ်လာလေ့မယ်။ 
\v 7 လျှို့ဝှက်ဘီးရှိဟှူ အဓမ္မမှုဟှာ ခုခီမာ လှောက်ရှားဘီး ရှိနေဟှယ်။ အယ်ဘေမဲ့ တားဟှားဟှူ သူဟှို ဖယ်လိုက်ဟှူ ခီမာ ဖြစ်လာရဟှူ ကြောန်းရာလေဟှာ ဖြစ်လာရလေ့မယ်။ 
\v 8 အယ်ခီမာ အယ်အဓမ္မလူဟှာ ပေါ်လာလေ့မယ်။ အယ်ဘေမဲ့ သခင်ယေရှု ကြွလာဟှူ ခီမာ သူ့ရဲ့နှောက်ထွပ် ဝိညာဉ်တော်အားဖြင့် ဖျစ်ဆီးဘီး ဖောင်းတဂိုးတော်န ဖယ်ရှားလေ့မယ်။ 
\v 9 \x - \xo ၂.၉ \xo*\xt မ ၂၄.၂၄\xt*\x*အယ်အဓမ္မလူဟှာ စာတန်ရဲ့ တဂိုးဟှို ယူဘီးဟှာ ရော့‑က်လာဟှူ ခီမာ အံ့ဩဘွယ်ဇာလေန ထူးဆန်းဟှူ နိမိတ်လတ်ခဏာ တုယောန်မျိုးမျိုးဟှို ပြလေ့မယ်။ 
\v 10 အယ်ဘီးန သေကြေပျစ်စီးဂေ့ဟှူ လူလေဟှို တရားဘဲဟှူနည်း မျိုးမျိုးန လှည့်စားလေ့မယ်။ အယ်လူလေဟှာ ကယ်တန်ရှင်းဟှို ရနိုင်ဟှို့တွပ် သမ္မာတရားဟှို ရှစ်ဘီး လတ်ခံဂေ့ဘဲကြောန့် အယ်မျိုးဘဲ့ သေကြေပျစ်စီးရဟှယ်။ 
\v 11 အယ်ကြောန့် ဘုရားသခင်ဟှာ သူးနို့လေဟှို လှည့်စားရှင်းရဲ့ တဂိုးဟှို ခံခိုင်းဘီးဟှာ မှားနေဇာဟှိုမှန်ဟှယ် ဆိုဘီး ယောင်ကြည်စေဟှယ်။ 
\v 12 သမ္မာတရားဟှို ယောင်ကြည်ဘဲန ပြစ်လောက်ဟှို့တွပ် နှစ်သက်ဂေ့ဟှူလူလေဟှာ ပြစ်ဒန်စီရင်ဇာဟှို လောင်းဝခံရမယ်။
\s ကယ်တန်ခံရဟှို့တွပ် နန်းနို့ဟှို ဝီးကော့‑က်ဟှူကြောန်း
\p
\v 13 ညီကို မောန်နှမလေ၊ သခင်ဘုရားရှစ်ဟှူ နန်းနို့ဟှို တိုင်တယ်ဘီး နို့လေဟှာ ဘုရားသခင်ရဲ့ ကျေးဇူးတော်ဟှို မြဲဒမ်း ချီးမွမ်းဂေ့ဟှယ်။ နန်းနို့ဟှာ သမ္မာတရားဟှို ယောင်ကြည်ဂေ့ဟှူကြောန့်၊ ဝိညာဉ်တော်တဂိုးန ကိုယ်တော်ရဲ့သန့်ရှင်းဟှူ လူစုဖွဲ့ဝမ်လေ ဖြစ်လာဂေ့ဟှူကြောန့်၊ ဘုရားသခင်ဟှာ ပထမဦးဆောင်း\f + \fr ၂.၁၃ \fr*\fq ပထမဦးဆောင်း၊ \fq*\ft တချို့ မူရင်းလတ်ရေးမူလေမာ \ft*\fqa စစဂဒဲ့ဟှ၊ \fqa*\ft ပါရှိဟှယ်။\ft*\f* ဝီးကော့‑က်ဘီး ကယ်တန်ဟှားဟှူ လူစုထဲမာ နန်းနို့ ပါဝမ်ဂေ့ဟှူကြောန့် ကျေးဇူးတော်ဟှို ချီးမွမ်းရဟှယ်။ 
\v 14 နန်းနို့ဟှာ အယ်မျိုး ကယ်တန်ဇာဟှို ခံရဘီး နို့လေရဲ့ သခင်ယေရှုခရစ်တော်နတူးဒူ ဖောင်းသရေတော်ဟှို ခံယူနိုင်ဂေ့ဟှို့တွပ် ဘုရားသခင်ဟှာ နို့လေ ဟောပြောကြေညာဟှူ ဒန်းကောန်းအားဖြင့် နန်းနို့ဟှို ဝီးချယ်လိုက်ဟှယ်။ 
\v 15 အယ်ကြောန့် ညီကို မောန်နှမလေ၊ နန်းနို့ဟှာ ခိုင်ခိုင်ခံ့ခံ့ဟှား ရပ်နေဂေ့ပါ။ ဟောပြောဇာနရော၊ စားအာဖြင့်နရော နန်းနို့ဟှို နို့လေသွန်သန်ရစ်ဟှူ သစ်စာတရားဟှို လတ်လွတ်ဂေ့န။
\p
\v 16 နို့လေရဲ့ ယေရှုခရစ်တော်ကိုယ်တိုင် နို့လေဟှို ရှစ်ဘီး ကျေးဇူးတော်အားဖြင့် ထာဝရနှစ်သိမ့်ရှင်းန ကောန်းမြတ်ဟှူ မျှော်လင့်ရှင်းဟှို ပေးသနားဟှူ နို့လေရဲ့ဖ ဘုရားသခင်ဟှာ၊ 
\v 17 နန်းနို့ရဲ့ စိနှလောင်းဟှို သတ်သာစေဘီး ကောန်းမြတ်ဟှူစကားန၊ ကောန်းမြတ်ဟှူ မှုမျိုးမျိုးဟှို မြဲဒမ်းအားပေး ပြောဆိုဘီး ပြုမူနိုင်ဟှို့တွပ် နန်းနို့ဟှို ခိုင်ခံ့မြဲမြံပါစေ။
\c 3
\s နို့လေတွပ် ဆုတောန်းဂေ့
\p
\v 1 ညီကို မောန်နှမလေ၊ နော့‑က်ဆောင်းနေန ပြောရှင်ဟှယ်။ သခင်ဘုရားရဲ့ တရားတော်ဟှာ နန်းနို့နားဟှို ရော့‑က်လာမျိုး နေရာတိုင်းဟှို ဗြန်းဗြန်ဟှားပ္လံ့နှံ့ဘီး ဖောင်းသရေတော်ထန်ရှားနိုင်ဟှို့တွပ် နို့လေတွပ် ဆုတောန်းဂေ့ပါ။ 
\v 2 ဘုရားသခင်ဟှာ နို့လေဟှို လူယောက်မာန ကောန်းဘဲဟှူလူလေရဲ့ အန္တရာယ်ဟှနေ ကယ်တန်နိုင်ဟှို့တွပ်လည်း ဆုတောန်းဂေ့ပါ။ ဖြားဖြစ်ကြောန့်နူးဆိုဟှာ တရားတော်ဟှို လူတိုင်းဟှ ယောင်ကြည်ဘဲကြောန့် ဖြစ်ဟှယ်။
\p
\v 3 သခင်ဘုရားဟှာ သစ်စာရှိဟှူရှင် ဖြစ်ဟှူကြောန့် နန်းနို့လေဟှို ခိုင်ခံ့စေဘီး မာရ်နတ်ရဲ့ဘေးဟှ ကာကွယ်ပေးလေ့မယ်။ 
\v 4 သခင်ဘုရားဟှာ နို့လေဟှို နန်းနို့လေထတ်မာ ယောင်ကြည်စိခ္လစေဟှယ်။ နန်းနို့ဟှာ နို့လေပြောဟှားတိုင်း ခုခီမာ ကျင့်ဂေ့ဟှူမျိုးဘဲ့ နော့‑က်မာလည်း ဆစ်ဘီးဟှာ ကျင့်မယ်ဆိုဇာဟှို နို့လေဟှာ ယောင်ကြည်စိခ္လဟှယ်။
\p
\v 5 သခင်ဘုရားဟှာ နန်းနို့ရဲ့ စိနှလောင်းဟှို ဘုရားသခင်ရဲ့ ရှစ်ရှင်းမြစ်တာတော်န ခရစ်တော်ရဲ့ သီးခံနိုင်ဟှူ မှုထဲဟှို နန်းနို့ဟှို လမ်းပြပါစေ။
\s လူတိုင်းလောက်လောက်ရဟှို့ကြောန်း
\p
\v 6 ညီကို မောန်နှမလေ၊ ရရာတိုင်း ပျင်းဟှူလူလေန နို့လေပေးဟှူ ညွှန်ကြားချစ်လေဟှို လိုက်နာဘဲဟှူ လူလေဟှို ပေါန်းဂေ့ဘဲဟှို့တွပ် သခင်ယေရှုခရစ်တော်ရဲ့ နာမတော်ဟှို မှီပြုဘီးဟှာ နန်းနို့ဟှို ငါပညတ်ဟှယ်။ 
\v 7 နန်းနို့ဟှာ နို့လေလောက်ဟှူ ပေါင်သတ်သေလေဟှို လိုက်ဘီး ကျင့်ရမယ် ဆိုဇာဟှို နန်းနို့ကိုယ်တိုင် ကောန်းကောန်းသိဂေ့ဟှယ်။ နန်းနို့န တူးဒူရှိနေဂဒဲဟှ နို့လေဟှာ လောက်လောက်ဘဲန နေဂေ့ဟှ။ 
\v 8 နို့လေရဲ့ စားဇရိလေဟှို နို့လေဘဲ့ ကူက္လခံဟှယ်။ နန်းနို့ထဲဟှ တယော့‑က်ဟှိုမျှ နို့လေတွပ် တာဝန်ယူခိုင်းဘဲန နို့လေဟှာ လောက်ဟှို ပန်ဗန်းခံဘီးဟှာ နေ့ရောညဉ့်ရော လောက်လောက်ဂေ့ဟှယ်။ 
\v 9 အယ်မျိုးလောက်ဂေ့ဇာဟှာ နို့လေမာ ခွမ့်အာဏာမှေ့ဘဲကြောန့် မှုဟှ။ နို့လေဟှို တုယူနိုင်ဟှို့တွပ် နို့လေကိုယ်တိုင်ဟှ နန်းနို့လေဟှို ပေါင်သတ်သေပြရှင်ဟှူကြောန့် ဖြစ်ဟှယ်။ 
\v 10 နန်းနို့နတူးဒူ ရှိနေဟှူခီဒူးဟှ နို့လေဟှာ နန်းနို့ဟှို “လောက်လောက်ဘဲဟှူလူဟှာ စာလည်းစားန” ဆိုဘီး သွန်သန်ဟှယ်။
\p
\v 11 နန်းနို့ထဲမာ ရရာတိုင်း ပျင်းဘီးဟှာ လောက်လောက်ဘဲန တခြားသူလေရဲ့ကိစလေမာ ဝမ်ဘီးဟှာ ပါနေဟှူလူရှိဟှယ် ဆိုဇာဟှို တွိရဟှယ်။ 
\v 12 အယ်မျိုးလူလေဟှို အေးအေးဆေးဆေးဟှား လောက်ဟှိုလောက်ဘီး သတ်မွီးဟှို့တွပ်၊ သခင်ယေရှုခရစ်တော်ရဲ့ နာမတော်ဟှို မှီပြုဘီး မိန့်ပေးဘီး တိုက်တွန်းဟှယ်။
\p
\v 13 ညီကို မောန်နှမလေ၊ နန်းနို့ဟှာ ဖယ်ခါလည်း စိပျစ်အားရှော့ဘဲန ကောန်းဟှူကျင့်ဟှို ကျင့်ဂေ့ပါ။ 
\v 14 လူတယော့‑က်ဟှာ အယ်စာထဲမာ ပါနေဟှူ ညွှန်ကြားချစ်လေဟှို လိုက်နာဘဲန နေဟှယ် ဆိုဟှာ အယ်လူဟှို ဒိပြုဘီးဟှာ ယှစ်ရဟှို့တွပ် သူ့န ပေါန်းဂေ့န။ 
\v 15 အယ်ဘေမဲ့ သူ့ဟှိုရန်သူမျိုး ဘောထားဘဲန ညီကို မောန်နှမမျိုး ဘောထားဘီး ဒိပေးဂေ့ပါ။
\s နော့‑က်ဆောင်းနှောက်ဆစ်ဟှူစကား
\p
\v 16 ငြီသတ်ရှင်းရဲ့ရှင် သခင်ဘုရားကိုယ်တိုင် နန်းနို့ဟှို ခီတိုင်းမာ နည်းမျိုးမျိုးန ငြီသတ်ရှင်းဟှို ပေးသနားပါစေ၊ သခင်ဘုရားဟှာ နန်းနို့နတူးဒူ ရှိပါစေ။
\p
\v 17 အယ်နှောက်ဆစ်စကားဟှို ငါ့လတ်န ရေးလိုက်ပါဟှယ်။ ငါပေါလုဟှာ နန်းနို့ဟှို နှောက်ဆစ်ဟှယ်။ ငါပို့ပေးဟှူ စာလေမာ အယ်မျိုးဘဲ့ လတ်မှတ်ထိုးဟှားဟှယ်။ အယ်မျိုးဘဲ့ ငါရေးဟှယ်။
\p
\v 18 နို့လေ သခင်ယေရှုခရစ်တော်ရဲ့ ကျေးဇူးတော်ဟှာ နန်းနို့ အားလောင်းနတူးဒူ ရှိပါစေ။