\id 2PE –Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ၂ ပေတရု
\toc1 ပေတရုဟှနေ ဒုတိယပေးစာ
\toc2 ၂ ပေတရု
\toc3 ၂ ပေ
\mt1 ၂ ပေတရု
\mt2 ပေတရုဟှနေ ဒုတိယပေးစာ
\is နိဒါန်း
\im \bk ပေတရုဟှနေ ဒုတိယပေးစာ\bk*ဟှာ တမန်တော် ပေတရု ရေးဟှားဟှယ် ဆိုဘီး ဖော်ပြဟှားဘေမဲ့ အယ်နေ့ခေတ် ကျမ်းစာပညာရှင်လေဟှာ လတ်ခံဂေ့ဟှ။ အယ်ပေးစာဟှို တခြားတယော့‑က်ဟှနေ ပေတရုကိုယ်စား ရေးပေးဟှားဇာ ဖြစ်နိုင်ဟှယ်။ စာရေးသူဟှ ယေရှုရဲ့ သတ်ရှင်ရှင်းန ပေါင်သဏ္ဌာန် ပ္လောန်းလဲရှင်းဟှို ဗြင်ရဟှူ သတ်သေဖြစ်ဟှယ် ဆိုဘီး ပြောဟှားဟှယ် (\xt ၁.၁၇–၁၈\xt*)။ ပေတရုဟှာ အယ်ပေးစာဟှို ရေးဟှားမယ် ဆိုဟှာ ခရစ်တော် မွီးဘီးန ၆၅–၆၉ ခုနှစ်ကြား သူသေခန် ရောမဗြို့မာ ရေးဟှားဇာ ဖြစ်နိုင်ဟှယ်။ ပထမပေးစာရေးဘီးန ဒုတိယပေးစာဟှို ရေးဟှယ် ဆိုဘီး ဖော်ပြဟှားဟှယ် (\xt ၃.၁\xt*)။ သူဟှာ အယ်ပေးစာဟှို ခရစ်ယာန်လေ အားလောင်းနားဟှို လိစာတပ်ဟှားဟှယ်။
\ip ပေတရုဟှာ အယ်ပေးစာထဲမာ ယောင်ကြည်သူလေဟှို ကောန်းဟှူ ပေါင်သတ်သေန သတ်ရှင်ဟှို့တွပ် အားပေးဟှားဘီး ဆရာတုယောန်လေရဲ့ နော့က်ဟှို လိုက်ဘဲနေအောန် ဒိပေးဟှားဟှယ် (\xt ၂\xt*)။ ယေရှုပ္လန်ကြွလာဟှို့တွပ် ရရာတိုင်း ခီကြာဟှယ် ဆိုဘီး ပြောနေဂေ့ဟှူ လူလေဟှို လျစ်လျူရှုဟှို့လည်း အားပေးဟှားဟှယ်။ လူတိုင်း ကယ်တန်ခံရဟှို့တွပ် ဘုရားသခင်ဟှာ ခီဆွဲနေရှင်း ဖြစ်ဟှယ် ဆိုဘီး ထော့‑က်ပြဟှားဟှယ် (\xt ၃.၈–၉\xt*)။ အယ်ကြောန်းကြောန့် ကောန်းဟှူ ပေါင်သတ်သေန သတ်ရှင်ဟှို့ ဖြစ်ဟှယ် (\xt ၃.၁၄\xt*)။
\iot ကြောန်းရာ ကျဉ်းချောက်
\io1 ၁။ ပေတရုဟှာ သူ့ကိုယ်သူ မိတ်ဆစ်ဟှားဘီး သူ့ရဲ့ စာဖတ်မားနားဟှို ရေးဟှားဟှူကြောန်း \ior (၁.၁–၂)\ior*
\io1 ၂။ ဘုရားသခင်ဟှာ တတ်နိုင်တော်မူဟှူကြောန့် ကောန်းဟှူ ပေါင်သတ်သေန သတ်ရှင်ဟှို့ ဒိပေးဟှားဟှူကြောန်း \ior (၁.၃–၂၁)\ior*
\io1 ၃။ ဆရာတုယောန်လေရဲ့ နော့‑က်ဟှို လိုက်ဘဲနေအောန် ဒိပေးဟှားဘီး ဆရာတုယောန်လေဟှို နော့‑က်ဆောင်းမာ ဖြားမျိုးဖြစ်လေ့မယ် ဆိုဘီး ပြောဟှားဟှူကြောန်း \ior (၂.၁–၂၂)\ior*
\io1 ၄။ ပေတရုဟှာ ယေရှုဒုတိယခါ ပ္လန်ကြွလာမယ် ဖြစ်ဟှူကြောန့် ကောန်းဟှူ ပေါင်သတ်သေန သတ်ရှင်ဘီး ပြင်ဆင်ဟှို့ ယောင်ကြည်သူလေဟှို အားပေးရှင်းအားဖြင့် နိဂေါင်းချောက်ဟှားဟှူကြောန်း \ior (၃.၁–၁၇)\ior*
\c 1
\po
\v 1 ယေရှုခရစ်တော်ရဲ့ စေခံန တမန်တော်ဖြစ်ဟှူ ငါ ရှိမုန်ပေတရုဟှာ —
\po နို့လေရဲ့ ဘုရားသခင်န ကယ်တန်ရှင် ဖြစ်တော်မူဟှူ ယေရှုခရစ်ရဲ့ ဖြောန့်မတ်ရှင်း တရားဟှို နို့လေယောင်ကြည်ဟှူမျိုး ဖိုးကီးဟှူ ယောင်ကြည်ရှင်းဟှို ရရှိဂေ့ဟှူ သူလေနားဟှို စာရေးလိုက်ပါဟှယ်။
\po
\v 2 နို့လေရဲ့ဖ ဖြစ်ဟှူ ဘုရားသခင်န သခင်ယေရှုဟှို သိဟှူဉာဏ်အားဖြင့် ကျေးဇူးတော်န ငြီသတ်ရှင်းဟှာ နန်းနို့လေမာ တိုးပွားဂေ့ပါစေ။
\s ဘုရားသခင်ဟှ ဝီးချယ်တော်မူဟှူကြောန်း
\p
\v 3 နို့လေဟှို သူ့ရဲ့ ဖောင်းသရေတော်န ကောန်းမြတ်ရှင်းထဲဟှို ခေါ်ယူတော်မူဟှူ သခင်ဟှို နို့လေ သိရှင်းအားဖြင့် သတ်ရှင်မှုနတူးဒူ ဘုရားဝတ်န မွေ့လျော်ရှင်းအားဖြင့် စပ်ဆိုင်ဟှူ ရာလေအားလောင်းဟှို ကိုယ်တော်နှိုက်ရှိဟှူ ဘုရားရဲ့ ဖောင်းတဂိုးတော်အားဖြင့် ပေးသနားတော်မူဘီ။\f + \fr ၁.၃ \fr*\fq ဖောင်းတဂိုးတော်အားဖြင့် ပေးသနားတော်မူဘီ၊ \fq*\ft တချို့ မူရင်းလတ်ရေးမူလေမာ \ft*\fqa သူ့အားဖြင့်၊ \fqa*\ft ဆိုဘီး ရှိဟှယ်။\ft*\f* 
\v 4 အယ်မျိုးအားဖြင့် ရရာတိုင်း ကောန်းမြတ်ဘီး ဖိုးကီးဟှူ ဂဒိတော်လေဟှို နို့လေဟှို အပ်ပေးတော်မူဘီ။ ဖြားဖြစ်ကြောန့်နူးဆိုဟှာ အယ်ဂဒိတော်လေဟှို မှီပြုဘီး နန်းနို့လေဟှာ လောကီတပ်မတ်မှုလေ၊ ညစ်ကြေးလေန လွတ်ကင်းဘီးဟှာ ဘုရားပကတိဟှို ဆစ်ဆံရဟှူသူလေ ဖြစ်ဂေ့ဟှို့တွပ် ဖြစ်ဟှယ်။ 
\v 5 အယ်ကြောန်းကြောန့် နန်းနို့လေဟှာ ယောင်ကြည်ရှင်းနှိုက် ကောန်းမြတ်ရှင်းဟှို၊ ကောန်းမြတ်ရှင်းနှိုက် ပညာဟှို၊ 
\v 6 ပညာနှိုက် ကာမဂေါင် ချောက်တည်းရှင်းဟှို၊ ကာမဂေါင် ချောက်တီးရှင်းနှိုက် သီးခံရှင်းဟှို၊ သီးခံရှင်းနှိုက် ဘုရားဝတ်နှိုက်လမွေ့လျော်ရှင်းဟှို၊ 
\v 7 ဘုရားဝတ်နှိုက်မွေ့လျော်ရှင်းနှိုက် ညီကိုစောင်မတ်ရှင်းဟှို၊ ညီကိုစောင်မတ်ရှင်းနှိုက် ရှစ်ရှင်းမြစ်တာလေဟှို စွမ်းကူကြိုးစားဘီး ထပ်ဆစ်ဂေ့ပါ။ 
\v 8 ဖြားဖြစ်ကြောန့်နူးဆိုဟှာ အယ်ပါရမီလေဟှာ နန်းနို့လေမာရှိဘီး တိုးပွားနေဟှယ် ဆိုဟှာ နန်းနို့လေဟှာ နို့လေရဲ့ သခင် ယေရှုခရစ်ဟှို သိကျွမ်းမှုမာ ပျင်းဘဲနေဟှို့တွပ်န ကျိုးမဲ့ဖြစ်ဘဲနေအောန် ပြုပြင်ဘီး တားဆီးပေးလေ့မယ်။ 
\v 9 အယ်ပါရမီ မှေ့ဘဲဟှူ သူလေဟှာ မျစ်စိကန်းဟှူသူ၊ မျစ်စိမှုန်ဟှူသူ ဖြစ်ဟှယ်။ ကိုယ့်ပြစ်ဟောန်း ဆေးကြောခံရကြောန်းဟှို မေ့နေဂေ့ဟှယ်။
\p
\v 10 အယ်ကြောန့် ညီကို မောန်နှမလေ နန်းနို့ခံရဟှူ ခေါ်တော်မူရှင်းန ဝီးကော့‑က်တော်မူရှင်းဟှို တည်မြဲစေဟှို့တွပ် ပိုဘီး ကြိုးစားအားထုဂေ့ပါ။ အယ်မျိုးပြုနေမယ် ဆိုဟှာ ထိမိဘီးလဲဇာန မြဲဒမ်း ကင်းလွတ်လေ့မယ်။\f + \fr ၁.၁၀ \fr*\fq ထိမိဘီးလဲဇာန မြဲဒမ်း ကင်းလွတ်လေ့မယ်၊ \fq*\ft အယ်မျိုးမှုဘဲနေဟှာ \ft*\fqa ပြစ်ထဲဟှို က္လရော့‑က်လေ့မယ်။\fqa*\f* 
\v 11 နော့‑က်ဘီး နို့လေဟှို ကယ်တန်တော်မူဟှူ သခင်ယေရှုခရစ်ရဲ့ ထာဝရ နိုင်ငံတော်ထဲဟှို ဝမ်စားဟှူခွမ့်ဟှို နန်းနို့လေဟှို ကြွယ်ဝအောန် ပေးသနားတော် မူလေ့မယ်။
\p
\v 12 အယ်ကြောန့် ခုဟောပြောဟှူ သမ္မာတရားဟှို နန်းနို့လေ နားလည်ဘီး တည်ကြည်မှု ရှိဂေ့ဟှူလည်းဘဲ့ အယ်မျိုးစကားလေန နန်းနို့လေဟှို မြဲဒမ်း ဒိပေးနှိုးဆော်ဟှို့တွပ် ငါမေ့လျော့ဟှ။ 
\v 13 အယ်ခန္ဓာတဲမာ ငါရှိနေဟှူမျှ ကာလပတ်လောင်း အယ်ကြောန်းရာလေဟှို နန်းနို့ဟှို ဒိပေးနှိုးဆော်သင့်ဟှယ် ဆိုဘီး ငါမှန်ဘဲ့ မှတ်ယူဟှားပါဟှယ်။ 
\v 14 ဖြားဖြစ်ကြောန့်နူးဆိုဟှာ နို့လေရဲ့ သခင် ယေရှုခရစ်တော်ဟှာ ငါ့ဟှို ဖော်ပြတော်မူဟှူတိုင်း ငါ့ရဲ့ ခန္ဓာတဲဟှို ကြာခန်မာ စွန့်ပယ်ရမယ် ဆိုဇာဟှို ငါသိဟှယ်။ 
\v 15 အယ်မျိုးဖြစ်ကြောန့် ငါဟှာ အယ်လောကဟှနေ ထွပ်ဟှားဘီးန နန်းနို့လေဟှာ အယ်ကြောန်းရာလေဟှို မြဲဒမ်း မှတ်မိနေဟှို့တွပ် ငါကြိုးစားမယ်။
\s ခရစ်တော်ရဲ့ ဖောင်းသရေတော်ဟှို ကိုယ်တိုင်ဗြင်ဖူးဟှူ သူလေကြောန်း
\p
\v 16 နို့လေရဲ့သခင် ယေရှုခရစ် တဂိုးတော်န ကြွလာတော်မူမယ် ဆိုဇာဟှို နန်းနို့ဟှို ဖော်ပြရာမာ နို့လေဟှာ ပရိယာယ်န တီထွင်ဟှားဟှူ ဒဏ္ဍာရီ ပေါင်ပြင်လေဟှို ပြောနေဂေ့ရှင်း မှုဟှ။ နို့လေဟှာ ကိုယ်တော်ရဲ့ ဖောင်းသရေတော်ဟှို ကိုယ်တိုင် ဗြင်ဖူးဟှူသူလေ ဖြစ်ဂေ့ဟှယ်။ 
\v 17 \x - \xo ၁.၁၇,၁၈ \xo*\xt မ ၁၇.၁–၅; မာ ၉.၂–၇; လု ၉.၂၈–၃၅\xt*\x*ဖြားဖြစ်ကြောန့်နူးဆိုဟှာ “အယ်သူဟှာ ငါမြတ်နိုးဟှူ ငါ့ရဲ့ ရှစ်သား ဖြစ်ဟှယ်” ဆိုဟှူ သံတော်ဟှာ ထူးမြတ်ဟှူ ရောန်တော်ထဲဟှ အယ်သခင်နားဟှို ရော့‑က်လာဟှူ ခီမာ ခမည်းတော် ဘုရားသခင်နားဟှ ဂေါင်တော်န ဖောင်းသရေတော်ဟှို ကိုယ်တော်ဟှာ ခံရတော်မူဟှယ်။ 
\v 18 အယ်ခီမာ နို့လေ ကိုယ်တိုင်ဘဲ့ သန့်ရှင်းဟှူ တောန်ထတ်မာ ကိုယ်တော်နတူးဒူ ရှိနေဟှူခီ ကောန်းဂန်ဟှနေ ရော့‑က်လာဟှူ အယ်သံတော်ဟှို ကြားရဂေ့ဟှယ်။
\p
\v 19 နော့‑က်ဘီး ပိုဘီး ခိုင်လောင်ဟှူ ပရောဖက်လေရဲ့ စကားဟှာ နို့လေမာရှိဟှယ်။ နန်းနို့လေရဲ့ စိနှလောင်းထဲမာ အာရောင်တတ်ဘီး ကြယ်နီပေါ်ထွပ်ဟှူ ကာလထိအောန် အယ်စကားတော်ဟှို မှောန်မိုက်ဟှူ နေရာမာ ထွန်းလန်းဟှူ ဆီမီးဟှူမျိုး ထန်မှတ်ဘီး မှီပြုသင့်ပါဟှယ်။ 
\v 20 ကျမ်းစာမာပါဟှူ ပရောဖတ်ပြု ဟောပြောချစ်လေဟှာ ကိုယ့်ဖာသာ နတ်ဓိပါယ်ပေါ်ဘဲဟှူ ကြောန်းဟှို ရင်ဦးဆောင်း သိမှတ်ဂေ့ပါ။ 
\v 21 ဖြားဖြစ်ကြောန့်နူးဆိုဟှာ ပရောဖတ်ပြု ဟောပြောချစ်လေဟှာ ဖယ်ခါမှ လူ့ရဲ့ လိုဆန္ဒအားဖြင့် ဖြစ်ပေါ်လာရှင်း မှုဟှ။ ဘုရားသခင်ရဲ့ သန့်ရှင်းဟှူ သူလေဟှာ သန့်ရှင်းဟှူဝိညာဉ်တော်ရဲ့ တိုက်တွန်းတော်မူရှင်းဟှို ခံရဟှူကြောန့် ဟောပြောဂေ့ရှင်း ဖြစ်ဟှယ်။
\c 2
\s ဆရာတုယောန်လေကြောန်း
\p
\v 1 အယ်ဘေမဲ့ ပရောဖက် တုယောန်လေဟှာ ယုဒလူမျိုးလေထဲမာ ပေါ်လာဂေ့ဟှူမျိုး နန်းနို့လေထဲမာလည်း ပရောဖက် တုယောန်လေ ပေါ်လာဂေ့လေ့မယ်။ အယ်သူလေဟှာ ပျစ်စီးရှင်းဟှိုရော့‑က်စေမယ့် မှားယွင်းဟှူ ယူဝါဒလေဟှို ခိုးခိုးဝှပ်ဝှပ်န ယူဆောန်လာဂေ့ဘီး ကိုယ့်ဟှို ဖိုးခန ဝီးဝယ်တော်မူဟှူ သခင်ဟှို ပစ်ပယ်ဘီး ကိုယ့်ထတ်ဟှို ရရာတိုင်း ဗြန်ဟှူ ပျစ်စီးမှုဟှို ရော့‑က်စေဟှူ ပရောဖက် တုယောန်လေဟှာ နန်းနို့လေမာ ရှိဂေ့လေ့မယ်။ 
\v 2 ရရာတိုင်းများဟှူ လူလေလည်း သူးနို့လေရဲ့ ညစ်ညူးဟှူ ကောန်းဘဲဟှူ ကျင့်ဓလေ့နော့‑က်ဟှို လိုက်ပါရှင်းအားဖြင့် သမ္မာတရားလမ်း အသရေဟှာ ပျစ်စီးလေ့မယ်။ 
\v 3 သူးနို့လေဟှာ လောဘစိန ချော့မော့ဟှူ စကားလေဟှို ပြောဘီး နန်းနို့လေဟှို မ္လတ်ထုလေ့မယ်။ ရှေးကာလဟှနေဘီး သူးနို့ဟှို ပြစ်ဒဏ်စီရင်မယ့် သခင်ဟှာ ဆင်သင့်ရှိနေတော်မူဟှယ်။ သူးနို့ဟှို သုတ်သင်ဖျစ်ဆီးမယ့် သခင်ဟှာ အိငိုက်တော်မူဟှ။
\p
\v 4 ဖြားဖြစ်ကြောန့်နူးဆိုဟှာ ဘုရားသခင်ဟှာ ပြစ်မှားဟှူ ကောန်းဂန်တမန်လေဟှို ဗြောဘဲန ငရဲထဲမာ ထီးသီးဟှားဘီး တရားစီရင်ဟှို့တွပ် မှောန်မိုက်ထဲမာ သံကြိုးန ခယ်ဟှားတော်မူလေဟှယ်။\f + \fr ၂.၄ \fr*\fq မှောန်မိုက်ထဲမာ သံကြိုးန ခယ်ဟှားတော်မူလေဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa မှောန်မိုက်တွမ်းလေထဲမာ၊ \fqa*\ft ဆိုဘီး ရှိဟှယ်။\ft*\f* 
\v 5 ရှေးလောကဓာတ်ဟှိုလည်း ဗြောတော်မူဟှ။ ဖြောန့်မတ်ရှင်းတရားဟှို ဟောဟှူ နောဧန လူခွန်နစ်ယော့‑က်ဟှို ကယ်တန်တော်မူဘီး ဘုရားဟှို ကိုးကွယ်ဘဲဟှူ လောကီသား အားလောင်းဂူဟှို ရေလွှမ်းမိုးစေတော်မူဟှယ်။ 
\v 6 သောဒုံန ဂေါမောရဗြို့ဟှို ပြစ်ဒဏ်စီရင်တော်မူဘီး မီးလောန်စေရှင်းအားဖြင့် နော့‑က်တခီမာ တရားဘဲဟှူကျင့်ဟှို ကျင့်ဟှူသူလေတွပ် ပေါင်သတ်သေဟှို ထားတော်မူလေဟှယ်။ 
\v 7 အယ်ခီမာ တရားဘဲဟှူ သူလေရဲ့ ညစ်ညူးဟှူ ကျင့်အားဖြင့် စိနှော့‑က်ယှစ်ခံရဟှူသူ ဖြောန့်မတ်ဟှူ လောတဟှို ကယ်နှုတော်မူဟှယ်။ 
\v 8 အယ်ဖြောန့်မတ်ဟှူသူဟှာ တရားဘဲဟှူ သူလေနတူးဒူ နေရဟှူ ခီမာ သူးနို့လေရဲ့ အဓမ္မမှုရာလေဟှို ဗြင်ရကြားရဟှူကြောန့် သူ့ရဲ့ ဖြောန့်မတ်ဟှူ စိဝိညာဉ်မာ ရရာတိုင်း ညှင်းဆဲခံရလေဟှယ်။ 
\v 9 အယ်ကြောန့် ဘုရားဝတ်မာ မွေ့လျော်ဟှူသူလေဟှို စောင်ဇမ်း နှော့‑က်ယှစ်မှုထဲဟှ ကယ်နှုဟှို့တွပ်န တရားဘဲဟှူ သူလေဟှို တရားစီရင်ဟှူ နေ့ရစ်မာ ပြစ်ဒန်ခံစေဟှို့ ချောက်နှောင်ဟှားဟှို့တွပ် ဘုရားသခင် တတ်နိုင်တော်မူလေဟှယ်။ 
\v 10 ထူးသဖြင့် ညစ်ညူးဟှူ တတ်မတ်မှုအားဖြင့် သွီးသားဇာတိ နော့‑က်ဟှို လိုက်ဘီး အာဏာစစ်ဟှို ထီမဲ့မြင်ပြုဟှူ သူလေဟှို အယ်မျိူး ချောက်ဟှားတော်မူလေ့မယ်။
\p အယ်သူလေဟှာ တင့်ရဲဟှူသူ မာန်မာနထောန်လွှားဟှူ သူလေဖြစ်ဘီး ကြော့‑က်ရွံ့မှုမှေ့ဘဲ ဖောင်းတဂိုးကီးဟှူ သူလေဟှို ကဲ့ရဲ့စော်ကားတတ်လေဟှယ်။ 
\v 11 ကောန်းဂန်တမန်လေဟှာ သူးနို့လေထတ် ခွန်အား တဂိုးကီးဟှူလည်းဘဲ့ ဘုရားသခင် ရှေ့တော်မာ သူးနို့လေဟှို ကဲ့ရဲ့ပြစ်တန်ဘီး စီရင်ရှင်းဟှို ပြုဂေ့ဟှ။ 
\v 12 သူးနို့လေဟှာ ဖမ်းဆီးဖျစ်ဆီးဟှို့တွပ် ပေါ့‑က်ဖွားလာဟှူ၊ သိပညာမဲ့ဘီး ဆင်ခြင်တုံတရား ကင်းမဲ့ဟှူ လိဆန်လေမျိုး ဖြစ်ဂေ့ဘီး ကိုယ်နားလည်ဘဲဟှူ ဇာလေဟှို ကဲ့ရဲ့ဘီး ပြောဆိုတတ်ဂေ့ဟှယ်။ သူးနို့လေဟှာ သိဉာဏ်မှေ့ဘဲဟှူ လိဆန်လေ ပျစ်စီးဟှူမျိုး ပျစ်စီးရဂေ့လေ့မယ်။ 
\v 13 တရားဘဲဟှူဇာရဲ့ ဖိုးခနေန တရားဘဲဟှူ ပြုရှင်းဟှို ခံရဂေ့လေ့မယ်။ သူးနို့လေဟှာ နေ့ဖတ်မာ သော့‑က်စားမူးယဇ်ရှင်းလေဟှို ပျော်ရွှင်ရှင်း ဖြစ်ဟှယ် ဆိုဘီး ထန်မှတ်ဂေ့တတ်ဟှယ်။ နန်းနို့နတူးဒူစားသော့‑က်ဟှူ ခီမာ ကိုယ့်ရဲ့ မှားယွင်းဟှူ သဘောန မွေ့လျော်ဂေ့ဘီး နန်းနို့လေမာ ညစ်ကြေးစွန်းကွက်ဟှူမျိုး ဖြစ်ဂေ့ဟှယ်။ 
\v 14 သူးနို့ဟှာ ဖော့‑က်ပ္လန်ဟှူ ကိလေသာန ပ္လဲ့ဝဟှူ မျစ်စိကြောန့် ဒုစရိုက်ဟှို ပြုဘဲနေနိုင်ဂေ့ဟှ။ သူးနို့လေဟှာ တည်ကြည်မှု စိနှလောင်းမှေ့ဘဲဟှူ သူလေဟှို ပြစ်ထဲဟှို သွီးဆောန်တတ်ဂေ့ဟှယ်။ လောဘလွန်ကြူးမှုမာ ကျင်လည်ဘီး ကီရှင်းခံရဟှူ သားမီးလေဖြစ်ဂေ့ဟှယ်။ 
\v 15 သူးနို့လေဟှာ ဖြောန့်မတ်ဟှူလမ်းဟှ ထွပ်ဟှူကြောန့် လမ်းလွဲဟှားဘီး တရားဘဲဟှူ နည်းလမ်းအားဖြင့် ရဟှားဟှူ ဖိုးခဟှို နှစ်သက်ဟှူ ဗောသော်ရဲ့သား ဗာလမ်ရဲ့ လမ်းစဉ်ဟှို လိုက်ဂေ့ဟှယ်။ 
\v 16 အယ်ဘေမဲ့ ဗာလမ်ဟှာ တရားဘဲနရဟှူအခဟှို တတ်မတ်ဟှူကြောန့် ကိုယ်ပြုဟှူ ဒုစရိုက်အားဖြင့် ဆောင်းမရှင်းဟှို ခံရဟှယ်။ ဖြားဖြစ်ကြောန့်နူးဆိုဟှာ မြည်းဟှာ လူ့ဘာသာအားဖြင့် စကားပြောဘီး အယ်ပရောဖက်ရဲ့ မိုက်မဲမှုဟှို တားမြစ်လေဟှယ်။
\p
\v 17 အယ်သူလေဟှာ ရေမှေ့ဘဲဟှူ ရေတွမ်းမျိုး၊ လေတိုက်ဟှူကြောန့် လွမ့်ပါဟှားဟှူ မိုးတီမျိုး ဖြစ်ဂေ့ဟှယ်။ သူးနို့လေတွပ် ထာဝရမှောန်မိုက်ဟှို သိုဟှားလေဟှယ်။ 
\v 18 ဖြားဖြစ်ကြောန့်နူးဆိုဟှာ သူးနို့လေဟှာ မှားယွင်းမှုထဲမာ ကျင်လည်ဂေ့ဟှူ သူလေထဲဟှ လွတ်မြော့‑က်ခါဇရှိဟှူ သူလေဟှို ဝါကြွားဟှူ ချည်းနှီးစကားလေဟှို သောင်းဘီး သွီးသားဇာတိတတ်မတ်ရှင်း၊ ကာမဂေါင် လိုက်စားရှင်းအားဖြင့် ပြစ်ထဲဟှို သွီးဆောန်တတ်ဂေ့ဟှယ်။ 
\v 19 သူးနို့လေဟှာ လွှတ်ရှင်းခွမ့်ရှိဟှယ် ဆိုဘီး ဝန်ခံရဲ့န ကိုယ်ကိုတိုင် ပျစ်စီးမှုရဲ့ ကျေးကျွန်လေ ဖြစ်ဂေ့ဟှယ်။ ဖြားဖြစ်ကြောန့်နူးဆိုဟှာ လူဟှိုနိုင်ဟှူဇာဟှာ လူ့ရဲ့သခင်ဖြစ်ဟှယ်။ 
\v 20 နို့လေရဲ့သခင်န ကယ်တန်ရှင်ဖြစ်ဟှူ ယေရှုခရစ်ဟှို သိကျွမ်းရှင်းအားဖြင့် လောကီညစ်ညူးမှုန လွတ်ကင်းဘီးမှ နော့‑က်ထပ်တခါ ထောန်ချော့‑က်မိဘီး ရှောင်းဟှယ် ဆိုဟှာ နော့‑က်ဖြစ်ဟှူဇာဟှာ ရှေ့ဖြစ်ဟှူ ဇာထတ် ပိုဘီးဆိုးလေဟှယ်။ 
\v 21 ဖြားဖြစ်ကြောန့်နူးဆိုဟှာ ဖြောန့်မတ်ဟှူ လမ်းဟှို သိရဲ့န ကိုယ့်ဟှို ပေးအပ်ဟှားဟှူ သန့်ရှင်းဟှူ ပညတ်တော်ဟှို စွန့်ပစ်ဟှူဇာထတ် အယ်မူတရားလမ်းဟှို သိဘဲနနေရဟှူဇာဟှ ပိုဘီးကောန်းဟှယ်။ 
\v 22 “ခွီးဟှာ ကိုယ့်ရဲ့ အန်ဖတ်ဟှို ပ္လန်စားတတ်ဟှယ်။ ရေချိုးပေးဟှားဟှူ ဝပ်ဟှာလည်း ဇီးဗ္လစ်အိုင်မာ ပ္လန်ဘီး လူးတတ်ဟှယ်” ဆိုဘီး ပြောဟှူ မှန်ဟှူ စကားပေါင်ဟှာ အယ်သူလေအားဖြင့် ပ္လဲ့ဇောင်လေဟှယ်။
\c 3
\s သခင်ဘုရားကြွလာတော်မူမယ့် ဂဒိတော်ကြောန်း
\p
\v 1 ရှစ်ရဟှူသူလေ ခု အယ်စာဟှို ဒုတိယကြီ ငါရေးဘီးပေးလိုက်ပါဟှယ်။ ငါဟှာ အယ်စာနှေ့စောန်လောင်းမာ နန်းနို့လေရဲ့ဖ္လူစင်ဟှူ စိဝိညာဉ်လေဟှို ဒိပေးနှိုးဆော်ဟှားပါဟှယ်။ 
\v 2 သန့်ရှင်းဟှူ ပရောဖက်လေဟှာ ကြိုတန်ဘီး ပြောဟှားဟှူ စကားလေန နန်းနို့ရဲ့ တမန်တော်လေဟှနေတဆင့် ပေးအပ်ဟှားဟှူ ကယ်တန်ရှင် သခင်ဘုရားရဲ့ ပညတ်တော်လေဟှို နန်းနို့လေ ပ္လန်ဘီး ဒိရစေဟှို့တွပ် ဖြစ်ဟှယ်။ 
\v 3 \x - \xo ၃.၃ \xo*\xt ယု ၁၈\xt*\x*နန်းနို့လေ ရင်ဦးဆောင်း သိဟှားရဟှို့ချစ်မာ နော့‑က်ဆောင်းဟှူကာလမာ ပြစ်ရယ်ပြုတတ်ဟှူ လူလေဟှာ ကိုယ့်ရဲ့တတ်မတ်မှုတိုင်း ကျင့်နေဘီး၊ 
\v 4 “သခင်ဘုရား ကြွလာမယ်ဆိုဟှူ ဂဒိတော်ဟှာ ဖယ်မာရှိဟှိကြောန့်နူး။ နို့ဘိုးဘေးလေ သေဟှားဘီးဟှူ ခီဟှနေစဘီး ရာအားလောင်းဂူဟှာ ဖန်းဆင်းစဟှတိုင်းဘဲ့ ဆစ်ဘီးရှိနေဟှယ်” ဆိုဘီး ပြောဆိုဂေ့လေ့မယ်။ 
\v 5 ဖြားဖြစ်ကြောန့်နူးဆိုဟှာ ဘုရားသခင်ဟှာ ရှေးကာလမာ မိုးကောန်းဂန်န ရေထဲဟှထွပ်ဘီး ရေအားဖြင့်တည်ဟှူ မ္လေဂီးဟှို စကားတော်အားဖြင့် ဖန်ဆင်းဟှူကြောန်းန၊ 
\v 6 ရှေးကမ္ဘာမ္လေဂီးဟှာ ရေလွှမ်းမိုးခံရဘီး ရေအားဖြင့် ဖျစ်ဆီးခံရဟှူကြောန်းဟှို သူးနို့လေဟှာ တမင်သတ်သတ်မေ့ဟှားဂေ့ဟှယ်။ 
\v 7 ခုရှိနေဟှူ မိုးကောန်းဂန်န မ္လေဂီးဟှာ အဓမ္မလူလေဟှို တရားစီရင်ဘီး ဖျစ်ဆီးဟှူနေ့ရစ်ထိ အယ် စကားတော်အားဖြင့် သိုဟှားဘီး မီးရှို့ဟှို့တွပ် ထီးသီးဟှားလေဟှယ်။
\p
\v 8 အယ်ဘေမဲ့ ရှစ်ရဟှူသူလေ၊ ဘုရားသခင်တွပ် နေ့ရစ်တရစ်ဟှာ နှစ်တထောန်ဖြစ်ဟှူမျိုး နှစ်တထောန်ဟှာ နေ့ရစ်တရစ်ဟှူမျိုး ဖြစ်ဟှယ် ဆိုဇာဟှို မေ့ဂေ့န။ 
\v 9 နှေးဟှယ် ဆိုဘီး တချို့လူလေ ထန်မှတ်နေဘေမဲ့ ဘုရားသခင်ဟှာ ဂဒိတော်ရာမာ နှေးတော်မူဟှ။ ဖယ်သူလည်း ပျစ်စီးဘဲန လူတိုင်းနောန်ဒရဟှို့တွပ် လိုတော်ရှိဟှူကြောန့် နန်းနို့လေဟှို သီးခံတော်မူလေဟှယ်။
\p
\v 10 \x - \xo ၃.၁၀ \xo*\xt မ ၂၄.၄၃; လု ၁၂.၃၉; ၁ သက် ၅.၂; ဗျာ ၁၆.၁၅\xt*\x*ခိုးဟှာ ညဉ့်ဖတ်မာလာတတ်ဟှူမျိုး သခင်ဘုရားရဲ့ နေ့ရစ်ဟှာ လာလေ့မယ်။ အယ်နေ့ရစ်မာ မိုးကောန်းဂန်ဟှာ ရရာတိုင်း က္လယ်ဟှူသံနတူးဒူ ပျော့‑က်ဟှားလေ့မယ်။\f + \fr ၃.၁၀ \fr*\fq ပျော့‑က်ဟှားလေ့မယ်၊ \fq*\ft တချို့ မူရင်းလတ်ရေးမူလေမာ \ft*\fqa ပါရှိဟှယ်၊ \fqa*\ft တချို့လေမာလည်း \ft*\fqa မီးရှို့ခံရဟှယ်၊ \fqa*\ft မူရင်းလတ်ရေးမူတခုမာ \ft*\fqa ဖျစ်ဆီးခံရဟှယ် ဆိုဘီး တွိရှိရဟှယ်၊ \fqa*\ft ဆိုဘီး ပါရှိဟှယ်။ \ft*\f* လောကဓာတ်လေဟှာ ရရာတိုင်းပူအာကီးဟှူကြောန့် ပျစ်စီးဟှားလေ့မယ်။ မ္လေဂီးဟှနေစဘီး မ္လေဂီးထတ်မာရှိဟှူဇာလေ အားလောင်းဟှာ လောန်ကျွမ်းကူလေ့မယ်။ 
\v 11 အယ်ဇာလေ အားလောင်းဟှာ အယ်မျိုး ပျစ်စီးဟှားမယ်မှန်ဟှူကြောန့် နန်းနို့လေဟှာ ဖယ်မူမျိုးဟှူသူလေ ဖြစ်ဟှို့သင့်ဟှယ်နူး။ နန်းနို့လေဟှာ သန့်ရှင်းဟှူကျင့်ဟှိုကျင့်ဘီး ဘုရားဝတ်န မွေ့လျော်ရှင်းအားဖြင့် 
\v 12 ဘုရားသခင်ရဲ့နေ့ရစ်ဟှို စောန့်မျှော်ဘီး အယ်နေ့ရစ် ဗြန်းဗြန်းရော့‑က်လာဟှို့ မျှော်လင့်သင့်ဟှယ်။ အယ်နေ့မာ မိုးကောန်းဂန်ဟှာ မီးလောန်ကျွမ်းဘီး ပျစ်စီးဟှားလေ့မယ်။ လောကဓာတ်လေလည်း ရရာတိုင်းပြင်းထန်ဟှူ ပူရှီအားဖြင့် ရယ်ပျော်ဟှားဂေ့လေ့မယ်။ 
\v 13 \x - \xo ၃.၁၃ \xo*\xt ဗျာ ၂၁.၁\xt*\x*အယ်ဘေမဲ့ နို့လေဟှာ ဘုရားသခင်ဂဒိထားတော်မူဟှူ ဖြောန့်မတ်ရှင်းတရားရဲ့ တည်ဟှူနေရာ မိုးကောန်းဂန်သစ်န မ္လေဂီးသစ်ဟှို စောန့်မျှော်နေဂေ့ဟှယ်။
\p
\v 14 အယ်မျိုးဖြစ်ကြောန့် ရှစ်ရဟှူသူလေ၊ အယ်နေ့ရစ်ဟှို စောန့်မျှော်နေဂေ့ဟှူကြောန့် ပြစ်ကင်းဘီး ဖြားစွန်းထင်းလည်းမှေ့ဘဲဟှူ သူဖြစ်န ကိုယ်တော်ရဲ့ ရှေ့တော်ဟှို ငြီးငြီဝပ်ဝပ် ရော့‑က်နိုင်ဟှို့တွပ် ကြိုးစားအားထုဂေ့ပါ။ 
\v 15 နို့လေရှစ်ရဟှူ ညီကိုပေါလုဟှာ ဘုရားသခင်ပေးဟှူ ဉာဏ်ပညာအားဖြင့် နန်းနို့လေဟှို ရေးဘီးပေးလိုက်ဟှူတိုင်း နို့လေရဲ့ သခင်ဘုရား သီးခံတော်မူရှင်းဟှာ နန်းနို့လေ ကယ်တန်ရှင်းခံရဟှို့တွပ် ခွမ့်ရေးပေးရှင်း ဖြစ်ဟှယ် ဆိုဇာဟှို မှတ်ယူဂေ့ပါ။ 
\v 16 သူဟှာ အယ်ကြောန်းရာလေနပတ်သတ်ဘီး စီရင်ရေးဟှားဟှူ စာစောန်လေမာ နားလည်ရခတ်ခဲမှုလေရှိဟှယ်။ သိပညာမဲ့ဘီး တည်ကြည်မှုမှေ့ဘဲဟှူ သူလေဟှာ အယ်စာစောန်ဟှနေစဘီး ကျန်ဟှူ ကျမ်းစာလေရဲ့ နတ်ဓိပါယ်ဟှို မှော့‑က်လှန်ဘီး ကိုယ့်ကိုယ်ကိုယ် ဖျစ်ဆီးတတ်ဂေ့ဟှယ်။
\p
\v 17 အယ်ကြောန့် ရှစ်ရဟှူသူလေ အယ်ကြောန်းရာလေဟှို နန်းနို့သိဟှားပီးဘီ ဖြစ်ဟှူကြောန့် တရားဘဲဟှူသူလေရဲ့ ပရိယာယ်အားဖြင့် သွီးဆောန်ဟှူနော့‑က်ဟှို လိုက်ပါဟှားဘီး နန်းနို့လေရဲ့တည်ကြည်မှုဟှို ဆောင်းရှောန်းဘဲ နေဟှို့တွပ် ကိုယ့်ကိုယ်ကိုယ် စောန့်ရှော့က်ဂေ့ပါ။ 
\v 18 နို့လေရဲ့သခင်န ကယ်တန်ရှင်ဖြစ်တော်မူဟှူ ယေရှုခရစ်တော်ရဲ့ ကျေးဇူးတော်နရော၊ ကိုယ်တော့်ဟှို သိကျွမ်းဟှူပညာနရော ကီးထွားဂေ့ပါ။ အယ်သခင်ဟှာ ခုဟှနေစဘီး ထာဝရကာလပတ်လောင်း ဖောင်းသရေတော်ရှိပါစေ! အာမင်။