\id 2CO - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ၂ ကောရိန္သု
\toc1 ကောရိန္သု သင်းတော်ဟှို ပေါလုရဲ့ ဒုတိယပေးစာ
\toc2 ၂ ကောရိန္သု
\toc3 ၂ ကော
\mt1 ၂ ကောရိန္သု
\mt2 ကောရိန္သု သင်းတော်ဟှို ပေါလုရဲ့ ဒုတိယပေးစာ
\imt နိဒါန်း
\im \bk ကောရိန္သုသင်းတော်ဟှို ပေါလုရဲ့ ဒုတိယပေးစာ\bk*ဟှာ ခရစ်တော် မွီးဘီးန ၅၅–၅၆ ခုနှစ်လော့‑က်မာ တမန်တော်ပေါလုဟှ ရေးဟှားလေဟှယ် (\xt ၁.၁\xt*)။ အယ်စာဟှာ ကောရိန့်ဗြို့မာရှိဟှူ သင်းတော်ဟှို ပေါလုရေးဟှားဟှူ ပေးစာနှေ့စောန်ထဲဟှ ဒုတိယပေးစာ ဖြစ်ဟှယ်။ ပေါလုဟှာ ကောရိန္သု သင်းတော်ဟှို ရရာတိုင်း ကြမ်းထန်ဟှူ စာဟှို ရေးဟှားဟှယ် ဆိုဘီး ကျမ်းစာပညာရှင်လေဟှ ယောင်ကြည်လေဟှယ်။ ကျွန်တော်ဟှားလေထဲဟှ \xt ၂.၃–၄\xt* သူရည်ညွန်ဟှားဟှူ အယ်စာရဲ့ မိတ္တူလေဟှာ မှေ့ဟှမ်း။ ကောရိန္သု သင်းတော်ဟှို ပေါလုရဲ့ ဒုတိယပေးစာဟှာ မာကေဒေါနိပြည်မာ ပေါလုရှိနေခီဒူးဟှ ရေးဟှားဇာ ဖြစ်နိုင်ဟှယ် (\xt ၂.၁၃\xt*)။
\ip ကောရိန္သု ဒုတိယပေးစာဟှာ ပေါက်ကိုရေးဆန်ဘီး စိခံစားချစ်န ရေးဟှားဟှူ တခုဒဲဟှူ ပေးစာဖြစ်ဟှယ်။ ပေါလုဟှာ ကောရိန့်ဗြို့ဟှ သင်းတော်ရဲ့ ကောန်းဟှူဒန်းဟှို တိတုနားဟှနေ ကြားရဟှူကြောန့် ဝန်းသာကြောန်းဟှို ဖော်ပြဟှားဟှယ်။ ပေါလုဟှာ ယုဒပြည်ဟှ ယောင်ကြည်သူလေဟှို ကူညီမစဟှို့တွပ် ကပ်လေကော့‑က်ဟှို့ ညွန်ကြားချစ် ပေးဟှားဟှူကြောန့် ဓမ္မသစ်ကျမ်းဟှနေ ပေးကမ်းဇာနဆိုင်ဟှူ ကြောန်းရာဟှို သေးစိသွန်သန်ဟှားဇာဟှို တွိရဟှယ် (၂ ကော ၈—၉)။ အယ်ပေးစာဟှာ ပေါလုဟှို ဆန့်ကျင်ဟှူ သင်းတော်ထဲဟှ လူတချို့ဟှို သင်းတော်ပ္လန်ဟှ တမန်တော်တုယောန်တချို့ဟှ သောင်းခ္လနေဟှယ် ဆိုဘီး ထန်ရဟှယ်။ အယ်လူလေဟှာ ပေါလုရဲ့ ခွမ့်အာဏာဟှို သံသယရှိဂေ့ဟှယ်။ အယ်ကြောန့် ကောရိန္သု ဒုတိယပေးစာရဲ့ ဆောင်းထိအောန် ယေရှုရဲ့ တမန်တော် တပါးဖြစ်ဟှူကြောန်း သူ့ရဲ့ ခွမ့်အာဏာဟှို ခိုင်းခိုင်မားမာဟှား ဖော်ပြဟှားဟှယ်။
\iot ကြောန်းရာ ကျဉ်းချောက်
\io1 ၁။ ပေါလုဟှာ သင်းတော်ဟှို နှောက်ဆစ်ဇာန သူ့ပေးစာဟှို နိဒါန်းပျိုးဟှားဟှူကြောန်း \ior (၁.၁–၇)\ior*
\io1 ၂။ ပေါလုဟှာ သူ့ခရီးစဉ် ပ္လောန်းလိုက်ဟှူ ကြောန်းန သူ့ရဲ့ ပထမပေးစာဟှို သူးနို့ရဲ့ တုံ့ပ္လန်ချစ်ဟှိုလည်း လတ်ခံရရှိဟှယ် ဆိုဘီး ပြောပြဟှားဟှူကြောန်း \ior (၁.၈—၇.၁၆)\ior*
\io1 ၃။ ပေါလုဟှာ ယုဒပြည်ဟှ ယောင်ကြည်သူလေတွပ် ကပ်လေကော့‑က်ဟှို့ ညွန်ကြားချစ် ပေးဟှားဟှူကြောန်း \ior (၈.၁—၉.၁၅)\ior*
\io1 ၄။ ပေါလုဟှာ သူ့ရဲ့ တမန်တော် ရိုက်ရာတွပ် ကာကွယ်ဟှားကြောန်းန သူ့ရဲ့ နော့‑က်ထပ် ခရီးစဉ်ကြောန်းဟှို ဒိပေးဇာန နိဂေါန်းချောက်ဟှားဟှူကြောန်း \ior (၁၀.၁—၁၃.၁၀)\ior*
\ie
\c 1
\po
\v 1 \x - \xo ၁.၁ \xo*\xt တ ၁၈.၁\xt*\x*ဘုရားသခင်ရဲ့ လိုတော်ကြောန့် ယေရှုခရစ်တော်ရဲ့ တမန်တော်ဖြစ်န ခန့်ဟှားခံရဟှူ ပေါလုန နို့ညီ တိမောသေနားဟှနေ၊
\p ကောရိန္သုဗြို့မာရှိဟှူ ဘုရားသခင်ရဲ့ သင်းတော်န သင်းဝမ်ဟှူ လူလေန အခါယပြည်နယ်မာရှိဟှူ ဘုရားသခင်ရဲ့ သန့်ရှင်းဟှူ လူမျိုးတော်လေ အားလောင်းဟှို စာရေးလိုက်ဟှယ်။
\po
\v 2 နို့လေရဲ့ဖ ဖြစ်ဟှူ ဘုရားသခင်န သခင် ယေရှုခရစ်တော်နားဟှနေဘီး ကျေးဇူးတော်န ငြီသတ်ရှင်းဟှာ နန်းနို့ထတ်ဟှို ရော့‑က်လာပါစေ။
\s ဘုရားသခင်ရဲ့ ကျေးဇူးတော်ဟှို ချီးမွမ်းဟှူကြောန်း
\p
\v 3 နှစ်သိမ့်ပေးဟှူ သခင်၊ ကရုဏာတော်လေန ပ္လဲ့ဇောင်ဘီး ကြွယ်ဝဟှူဖ ဖြစ်ဟှူ၊ နို့လေရဲ့ သခင် ယေရှုခရစ်တော်ရဲ့ဖ ဘုရားသခင်ဟှို နို့လေ ချီးမွမ်းဂေ့ဇို့။ 
\v 4 နို့လေဟှာ ဆင်းရဲဒေါက်ခမျိုးမျိုး ခံရဂေ့ဟှူ ခီမာ ကိုယ်တော်ဟှာ နို့လေဟှို နှစ်သိမ့်မှုလေဟှို ပေးဟှယ်။ အယ်ကြောန့် နို့လေဟှလည်း ဘုရားသခင်နားဟှနေ အယ်မျိုးရဟှူ နှစ်သိမ့်မှုလေန ဒေါက်ခခံရဂေ့ဟှူ လူလေဟှို ပ္လန်ဘီးဟှာ အားပေးနိုင်ဟှယ်။ 
\v 5 နို့လေဟှာ ခရစ်တော်ခံစားရဟှူ ရရာတိုင်းများဟှူ ဒေါက်ခဆင်းရဲလေဟှို ခံစားရမျိုးဘဲ့ ခရစ်တော်အားဖြင့် နှစ်သိမ့်မှုလေဟှို ခံရဂေ့ဟှယ်။ 
\v 6 နို့လေဟှာ ဆင်းရဲဒေါက်ခ ခံရဇာဟှာ နန်းနို့တွပ် နှစ်သိမ့်မှုန ကယ်တန်ရှင်း ကျိုးတွပ်ဘဲ့ဖြစ်ဟှယ်။ နို့လေဟှာ နှစ်သိမ့်မှု ခံစားရဂေ့ဟှူ ခီမာ နန်းနို့လေရဲ့ နှစ်သိမ့်ဟှူရှင်း တွပ်ဘဲ့ဖြစ်ဘီး အဲမျိုးနှစ်သိမ့်ဇာဟှာ နို့လေခံရဟှူ ဆင်းရဲဒေါက်ခလေမျိုးမာ နန်းနို့ဟှာ သီးခံနိုင်ဟှူ ခွန်အားဟှို ဖြစ်စေဟှယ်။ 
\v 7 နန်းနို့တွပ် နို့လေရဲ့ မျှော်လင့်ဇာဟှာ ခိုင်မြဲဘီး ရှိနေဟှယ်။ ဖြားဖြစ်ကြောန့်နူးဆိုဟှာ နန်းနို့ဟှာ နို့လေရဲ့ ဆင်းရဲဒေါက်ခလေဟှို မျှဝီခံစားရဟှူမျိုးဘဲ့ နို့လေရဲ့ နှစ်သိမ့်မှုလေဟှိုလည်း မျှဝီခံစားရမယ် ဆိုဇာဟှို နို့လေ သိဂေ့ဟှယ်။
\p
\v 8 \x - \xo ၁.၈ \xo*\xt ၁ ကော ၁၅.၃၂\xt*\x*ညီကို မောန်နှမလေ၊ အာရှိပြည်မာ နို့လေခံရဟှူ ဆင်းရဲဒေါက်ခ ကြောန်းလေဟှို နန်းနို့လေဟှို သိဘဲန နေစေရှင်ဟှ။ နို့လေဟှာ ကိုယ်ရဲ့ ခံနိုင်ဟှူစွမ်းရည်ထတ် ပိုဘီးဟှာ ရရာတိုင်းကီးဟှူ ဆင်းရဲဒေါက်ခဟှို ခံရဟှူကြောန့် သတ်ရှင်ဟှို့တွပ် မျှော်လင့်ချစ် မှေ့ဂေ့ဟှမ်း။ 
\v 9 နို့လေဟှာ သေဒဏ်စီရင်ခံရဟှူ လူလေဖြစ်ဟှယ် ဆိုဘီး ကိုယ့်ဇာကိုယ် ထန်မှတ်ဂေ့ဟှယ်။ အယ်ဘေမဲ့ အယ်မျိုးဖြစ်ပျစ်ဇာဟှာ နို့လေဟှာ ကိုယ့်ဇာကိုယ် အားကိုးဘဲန သေဟှားဟှူ လူလေဟှို ရှင်ပ္လန်ထမြော့‑က်စေဟှူ ဘုရားသခင်ဟှို အားကိုးဂေ့ဟှို့တွပ် ဖြစ်ဟှယ်။ 
\v 10 ကိုယ်တော်ဟှာ အယ်မျိုး ကြော့‑က်ဇာကောန်းဟှူ သေဘေး\f + \fr ၁.၁၀ \fr*\fq ကြော့‑က်ဇာကောန်းဟှူ သေဘေး၊ \fq*\ft တချို့ မူရင်းလတ်ရေးမူလေမာ \ft*\fqa ဆိုးဝါးဟှူ သေဘေး၊ \fqa*\ft ဆိုဘီး ပါရှိဟှယ်။\ft*\f* ဟှနေဘီး နို့လေဟှို ကယ်တန်လိုက်ဟှယ်။ ကိုယ်တော်ဟှာ နို့လေဟှို နော့‑က်တခါလည်း ကယ်တန်မယ် ဆိုဇာဟှို နို့လေဟှာ ကိုယ်တော့်ဟှို မျှော်လင့်ဟှူကြောန့်၊ 
\v 11 ဘုရားသခင်ဟှာ နန်းနို့ တောန်းလျှော့‑က်ဘီး ဆုတောန်းဇာလေဟှို နားထောန်ဘီး နို့လေဟှို ကောန်းကြီးပေးလေ့မယ်။ လူလေဘောင်ဂီးဟှလည်း နို့လေတွပ် ကျေးဇူးတော် ချီးမွမ်းဂေ့လေ့မယ်။
\s ပေါလု စီစဉ်ပ္လောန်းဟှူကြောန်း
\p
\v 12 နို့လေရဲ့ သိစိဟှို ထော့‑က်ခံဘီး ဝါကြွားဇာတခုဟှ အယ်လောကမာ သတ်ရှင်ဟှူ ခီကာလမာ နန်းနို့န ဆစ်ဆံဟှူ ခီမာ လူလေရဲ့ ဇာတိသိပညာလေဟှို မှီပြုဘဲန ဘုရားသခင်ရဲ့ ကျေးဇူးတော် တဂိုးဟှိုဘဲ့ မှီပြုဘီး နို့လေဟှာ ဘုရားသခင်ပေးသနားဟှားဟှူ စိရိုးသဘောရိုးန ပွမ့်ပွမ့်လန်းလန်းဟှား\f + \fr ၁.၁၂ \fr*\fq ပွမ့်ပွမ့်လန်းလန်းဟှား၊ \fq*\ft တချို့ မူရင်းလတ်ရေးမူလေမာ \ft*\fqa သန့်သန့်ရှင်းရှင်းဟှား။\fqa*\f* သတ်သေခံဘီးဟှား သတ်ရှင်ဂေ့ဟှယ်။ 
\v 13 ခု နို့လေရေးပေးလိုက်ဟှူ စာလေဟှာ နန်းနို့လေဖတ်ဘီး နားလည်နိုင်ဟှူ ကြောန်းရာလေဘဲ့ ဖြစ်ဟှယ် ဆိုဇာဟှို နို့လေမျှော်လင့်ဟှယ်။ 
\v 14 နို့လေရဲ့ သခင်ယေရှု ကြွလာဟှူနေ့ရစ်မာ နို့လေဟှာ နန်းနို့တွပ် ဂေါင်ယူဝါကြွားနိုင်ဟှို့မျိုးဘဲ့ နန်းနို့ဟှလည်း နို့လေတွပ် ဂေါင်ယူဘီး ဝါကြွားနိုင်ဟှို့တွပ် နန်းနို့ဟှာခု တစိတဒေသအားဖြင့် သိဘီး နားလည်ဂေ့ဟှူ ကြောန်းရာလေဟှို ပ္လဲ့ဝစောင်လင်ဘီး နားလည်လာဂေ့လေ့မယ် ဆိုဇာဟှို ငါမျှော်လင့်ဟှယ်။
\p
\v 15 အယ်မျိုး စိခ္လကြောန့် နန်းနို့ဟှာ ကျေးဇူးတော်ဟှို နှေ့ထပ်ကွမ်း ခံစားရစေဟှို့တွပ် နန်းနို့နားဟှို ဦးဆောင်လာရှင်ဟှယ်။ 
\v 16 \x - \xo ၁.၁၆ \xo*\xt တ ၁၉.၂၁\xt*\x*အယ်ကြောန့် မာကေဒေါနိပြည်ဟှို သွားဟှူ ခီမာလည်း တခါ၊ အယ်ပြည်ဟှနေဘီး ပ္လန်လာဟှူ ခီမာလည်း တခါ နန်းနို့နားဟှို ဝမ်ဘီးန ယုဒပြည်ဟှို သွားနိုင်ဟှို့တွပ် နန်းနို့နားမာ ကူညီတောန်းဟှို့ ကြံရှိဟှယ်။ 
\v 17 အယ်မျိုး ကြံစည်ဇာဟှာ ငါမာ စိနှေ့ခွရှိနေကြောန့်လော။ ငါဟှာ ကြံစည်ဘီး ဆောင်းဖြတ်ဟှူ ခီမာလည်း တကိုယ်ကောန်း သဘောန ဆောင်းဖြတ်နေလော။ တခီထဲမာဘဲ့ ဟောက်မှန်ဟှယ် ဆိုဇာရော၊ ဟောက်မှန်ဟှ ဆိုဇာရော စကားဟှာ နှေ့ခွဖြစ်နေလော 
\v 18 ဘုရားသခင်ဟှာ သစ်စာန ပ္လဲ့ဇောင်ဟှူမျိုးဘဲ့ နို့လေပြောဟှူ စကားဟှလည်းနှေ့ခွ မှုဟှ။ 
\v 19 \x - \xo ၁.၁၉ \xo*\xt တ ၁၈.၅\xt*\x* သိလွာနု၊ တိမောသေန ငါအားဖြင့် နန်းနို့ထဲမာ ဟောပြောဟှားဟှူ ဘုရားသခင်ရဲ့ သားတော် ယေရှုခရစ်ဟှာ “ဟောက်မှန်ဟှယ်” “ဟောက်မှန်ဟှ” ဆိုဇာဟှာ မှေ့ဟှ။ အယ်ဘေမဲ့ ကိုယ်တော်နှိုက် မြဲဒမ်း “ဟောက်မှန်ဟှယ်” ဆိုဇာဘဲ့ ရှိဟှယ်။ 
\v 20 ဖြားဖြစ်ကြောန့်နူးဆိုဟှာ ဘုရားသခင်ရဲ့ ဂဒိတော်လေ အားလောင်းဟှာ ခရစ်တော်နှိုက် “ဟောက်မှန်ဟှယ်။” အယ်ကြောန့် နန့်နို့လေဟှာ ဘုရားသခင်ရဲ့ ဖောင်းသရေတော်ဟှို ချီးမြှော့‑က်ဟှို့တွပ် ကိုယ်တော်အားဖြင့် “အာမင်” ဆိုဘီး ပြောဂေ့ဟှယ်။ 
\v 21 နန်းနို့န နို့လေဟှို ခရစ်တော်န တလောင်းတဝဒဲ့ ဖြစ်စေဘီး ဘိသိပေးသူဟှာ ဘုရားသခင် ကိုယ်တိုင်ဘဲ့ ဖြစ်ဟှယ်။ 
\v 22 သူ့ရဲ့ လူစုဝမ်လေဟှို တဇိခတ်လိုက်ဘီး၊ လာဟှို့ နာဂတ်ကာလမာ နို့လေတွပ် အာမခံချစ်ဖြစ် ဘုရားသခင်ဟှာ နို့လေရဲ့ စိနှလောင်းထဲမာ သန်းရှင်းဟှူဝိညာဉ်တော်ဟှို ထဲ့ဟှားဟှယ်။
\p
\v 23 ကောရိန္သုဗြို့ဟှို လာဘဲဟှို့တွပ် ဆောင်ဖြတ်ဇာဟှာ နန်းနို့ဟှို ညှာတာဟှူကြောန့် ဖြစ်ဟှယ် ဆိုဇာဟှို ဘုရားသခင်ဟှာ ငါ့ရဲ့ သတ်သေဖြစ်ဟှယ်။ 
\v 24 နန်းနို့ဟှာ ဖြားဇာဟှို ယောင်ကြည်ရမယ်နူး ဆိုဘီး နန်းနို့ဟှို မိန့်ပေးဟှို့တွပ် ငါဟှာ ကြိုးစားနေဇာ မှုဟှ။ နန်းနို့ရဲ့ ယောင်ကြည်ရှင်းဟှာ ခိုင်မာနေဇာဟှို နို့လေ သိဂေ့ဟှယ်။ အယ်ကြောန့် နို့လေဟှာ နန်းနို့လေဟှာ ရွှင်လန်းဘီး ဝန်းသာနေဟှို့တွပ် နန်းနို့လေရဲ့ လောက်ဖော်ဆောန်ဖတ်လေဘဲ့ ဖြစ်ဟှယ်။
\c 2
\nb
\v 1 အယ်ကြောန့် နန်းနို့နားဟှို ငါ နော့‑က်တခါ လာဟှူ ခီမာ နန်းနို့ဟှို ဝန်းနဲစေမယ် ဖြစ်ဟှူကြောန့် ငါလာဘဲဟှို့တွပ် စိဆောင်းဖြတ်လိုက်ဟှယ်။ 
\v 2 ငါဟှာ နန်းနို့ဟှို ဝန်းနဲစေမယ် ဆိုဟှာ ငါ့ဟှို ဝန်းသာစေဟှူသူ ဖယ်မာရှိမယ်နူး။ ငါ့ကြောန့် ဝန်းနဲရဟှူ လူလေဟှလွှဲဘီး ဖယ်သူဟှာ ငါ့ဟှို ဝန်းသာစေဟှို့နူး။ 
\v 3 ငါလာမယ် ဆိုဟှာ ငါ့ဟှို ဝန်းသာစေဟှူ လူလေဟှ ငါ့ဟှို ဝန်းနဲစေမာဟှို စိုးရိမ်ဟှူကြောန့် ရင်ဟှစာဟှို ငါရေးဘီး ပို့ပေးလိုက်ဇာ ဖြစ်ဟှယ်။ ငါဟှ ဝန်းသာမယ် ဆိုဟှာ နန်းနို့လေဟှလည်း ဝန်းသာဂေ့မယ် ဆိုဇာ ငါဟှာ ယောင်ကြည်ဟှယ်။ 
\v 4 ငါဟှာ ရရာတိုင်း စိနှလောင်း ပူပန်သောက ရော့‑က်ဘီး မျစ်ရယ်ဘောင်ဂီး က္လဘီးဟှာ အယ်စာဟှို ရေးလိုက်ဇာဖြစ်ဟှယ်။ အယ်ကြောန့် နန်းနို့ဟှို ဝန်းနဲစေရှင်ကြောန့် မှုဘဲ နန်းနို့ဟှို ငါဟှာ ရရာတိုင်း ရှစ်ကြောန်းဟှို သိစေရှင်ဟှူကြောန့် ရေးလိုက်ဇာ ဖြစ်ဟှယ်။
\s ပြစ်မှားဟှူလူဟှို ပြစ်လွှတ်ဟှူကြောန်း
\p
\v 5 လူတယော့‑က်ဟှ တယော့‑က်ဟှို ဝန်းနဲအောန် လောက်ဟှူ ခီမာ ငါ့ဟှိုဘဲ့မှုဘဲန နန်းနို့အားလောင်း အယ်မျိုးမှုဘဲနေဟှာ နန်းနို့ထဲဟှ တချို့ဟှို ဝန်းနဲစေဟှယ်။ (အယ်လူလေဟှို ကျပ်ကျပ်တဲတဲဟှား စီရင်ရှင်ဘဲကြောန့် အယ်မျိုးပြောဇာ ဖြစ်ဟှယ်။) 
\v 6 နန်းနို့ လူဘောင်ဂီးရဲ့ ဒန်ပေးဇာဟှို ခံရဇာဟှာ အယ်လူတွပ် လောင်လော့‑က်ဟှူ ပြစ်ဒန်ဖြစ်ဟှယ်။ 
\v 7 အယ်ဘေမဲ့ အယ်လူဟှာ ခံနိုင်ဘဲဟှူ ဝန်းနဲမှု ဖြစ်ဘဲအောန် ခု နန်းနို့ဟှ သူ့ဟှို ပြစ်လွှတ်ဘီး အားပေးဂေ့ပါ။ 
\v 8 အယ်ကြောန့် နန်းနို့ဟှာ သူ့ဟှို တကယ်ဘဲ့ မြစ်တာထားဟှယ် ဆိုဇာဟှို သူသိဟှို့တွပ် နန်းနို့ဟှို ငါဟှ တောန်းဗန်ဟှယ်။ 
\v 9 ရင်ဟှ ငါဟှာ စာရေးရဟှူကြောန်းဟှ နန်းနို့ဟှာ စောင်ဇမ်းနှောက်ယှစ်ဇာဟှို ဖယ်မျှလော့‑က် ခံနိုင်ဟှယ် ဆိုဇာရော၊ ငါပြောဟှားဟှူ ဇာလေဟှို လိုက်နာဟှို့တွပ် နာခံမှု ရှိမရှိ ဆိုဇာဟှိုရော သိဟှိုတွပ်ဘဲ့ ဖြစ်ဟှယ်။ 
\v 10 နန်းနို့ဟှာ ယော့‑က်ယော့‑က်ဟှို ပြစ်လွှတ်ဟှူ ခီမာ ငါဟှလည်း တခုခုဟှို ခွမ့်လွှတ်ဟှို့တွပ် လိုမယ် ဆိုဟှာ နန်းနို့ရဲ့ မျစ်နှာဟှို ထော့‑က်ဘီး ခရစ်တော်ရဲ့ရှေ့မာ အယ်လူရဲ့ ပြစ်ဟှို ငါလွှတ်ဟှယ်။ 
\v 11 အယ်မျိုးလောက်မှ စာတန်ဟှ နို့လေဟှို နိုင်ဘဲဟှို့တွပ် တားဟှားနိုင်ဟှယ်။ ဖြားဖြစ်ကြောန့်နူးဆိုဟှာ နို့လေဟှာ စာတန်ရဲ့ ကြံစည်လေဟှို သိဂေ့ကြောန့် ဖြစ်ဟှယ်။
\s တရောဗြို့မာ ပေါလုရဲ့ စိနှလောင်း ပူပန်ရဟှူကြောန်း
\p
\v 12 \x - \xo ၂.၁၂,၁၃ \xo*\xt တ ၂၀.၁\xt*\x*ခရစ်တော်ရဲ့ ဒန်းကောန်းဟှို ဟောပြောဟှို့တွပ် တရောဗြို့ဟှို ငါဟှာ ရော့‑က်ဟှူ ခီမာ မှုတော်ဟှို ထမ်းဆောန်နိုင်ဟှို့တွပ် ခွဗော့‑က်လေဟှို သခင်ဘုရားဟှ ဖွမ့်ပေးဟှားဟှယ်။ 
\v 13 အယ်ဘေမဲ့ နို့လေရဲ့ညီ တိတုဟှို တွိဘဲ့ကြောန့် ငါဟှာ ရရာတိုင်း စိသောက ဖြစ်ဟှယ်။ အယ်ကြောန့် အယ်ဗြို့မာရှိဟှူ လူလေဟှို နှောက်ဆစ်ဘီးဟှာ ငါဟှာ မာကေဒေါနိပြည်ဟှို သွားဟှယ်။
\s ခရစ်တော်ကြောန့် အောန်မြင်ဟှူကြောန်း
\p
\v 14 အယ်ဘေမဲ့ နို့လေဟှို ခရစ်တော်အားဖြင့် မြဲဒမ်းအောန်ပွဲဟှို ခံစေဘီးဟှာ ကိုယ်တော့်ဟှို သိရှင်းရဲ့ မွှီးနံ့ဟှာ နေရာတိုင်းဟှို နို့လေအားဖြင့် ပ္လံ့နှံ့စေဟှူ ဘုရားသခင်ရဲ့ ကျေးဇူးတော်ဟှို ချီးမွမ်းဟှယ်။ 
\v 15 ဖြားဖြစ်ကြောန့်နူးဆိုဟှာ နို့လေဟှာ ဘုရားသခင်ဟှို ခရစ်တော်ပူဇော်ဟှူ ရရာတိုင်မွှီးဟှူ နံသာနံ့ဖြစ်ဟှယ်။ အယ်နံ့ဟှာ ကယ်တန်ရှင်း ခံရခါနီးဟှူ လူလေနားဟှိုရော၊ ပျစ်စီးဆောင်းရှောင်းခါနီးဖြစ်ဟှူ လူလေနားဟှိုရော ပ္လံ့နှံ့ဟှားဟှယ်။ 
\v 16 ပျစ်စီးဆောင်းရှောင်းခါနီးဖြစ်ဟှူ လူလေတွပ် အယ်နံ့ဟှာ သေရှင်းရဲ့ နံ့ဖြစ်ဘီး ကယ်တန်ခံနေရဟှူ လူလေတွပ် သတ်ရှင်ရှင်းရဲ့ နံ့ဖြစ်ဟှယ်။ အယ်ကြောန့် အယ်မျိုးမှုဟှို ဖယ်သူဟှ လောက်နိုင်ဟှို့နူး။ 
\v 17 နို့လေဟှာ တခြားလူဘောင်ဂီးလေမျိုး ဘုရားသခင်ရဲ့ စကားတော်ဟှို ပေါဇားကူပစ်စီးမျိုး ရောန်းဝယ်ဇာလေမျိုး လောက်ဂေ့ဟှ။ အယ်ဘေမဲ့ နို့လေဟှာ ဘုရားသခင် စေလွှတ်ဟှားဟှူ လူလေဖြစ်ဘီး ခရစ်တော်နှိုက် စေခံလေနေန ဘုရားသခင်ရဲ့ ရှေ့မာ စကားတော်ဟှို စိရှင်းရှင်းန ဟောပြောဂေ့ဟှယ်။
\c 3
\s ပဋိညာဉ်တရားသစ်ရဲ့ စေခံလေကြောန်း
\p
\v 1 အယ်မျိုးပြောဇာဟှာ နို့လေဟှာ ဝါကြွားဇာဖြစ်ဟှားလော။ တချို့လူလေမျိုး နို့လေဟှာ ထော့‑က်ခံစာလေဟှို နန်းနို့ဟှို ပေးဟှို့တွပ် လိုဘဲ့လော။ အယ်မျိုးမှုဘဲနေဟှာ နန်းနို့နားမာ နို့လေဟှာ ထော့‑က်ခံစာလေဟှို တောန်းရဟှို့လော။ 
\v 2 နန်းနို့ကိုယ်တိုင်ဘဲ့ နို့လေရဲ့ ထော့‑က်ခံစာလေ ဖြစ်ဂေ့ဟှယ်။ အယ်စာဟှို လူတိုင်းဖတ်နိုင်ဘီး သိနိုင်ဟှို့တွပ် နို့လေရဲ့ နှလောင်းသားထဲမာ ရေးဟှားဟှယ်။ 
\v 3 အယ်စာဟှို ခရစ်တော်ကိုယ်တိုင်ဟှ ရေးဘီး ပေးပို့လိုက်ဇာဟှာ ထန်ရှားဟှယ်။ အယ်စာဟှာ မှန်ရယ်န ရေးဟှားဟှူစာ မှုဟှ။ အယ်ဘေမဲ့ သတ်ရှင်ဟှူဘုရားသခင်ရဲ့ ဝိညာဉ်တော်န ရေးဟှားဟှူစာ ဖြစ်ဟှယ်။ အယ်စာဟှို က္လော့‑က်ပ္လားထတ်မာ ရေးဘဲန လူ့နှလောင်းသား က္လော့‑က်ပ္လားထတ်မာ ရေးဘီး နို့လေပြုစုဟှားဟှူ ခရစ်တော်ဟှို ထန်ရှားစေဟှူ စာဖြစ်ဟှယ်။
\p
\v 4 နို့လေဟှာ ခရစ်တော်ဟှို မှီပြုဘီး ဘုရားသခင်ရဲ့ရှေ့မာ အယ်မျိုး ယောင်ကြည်စိခ္လမှုဟှို ရဂေ့ဟှယ်။ 
\v 5 အယ်ကြောန့် နို့လေဟှာ အယ်မှုဟှို ထမ်းဆောန်နိုင်ဟှယ်ဆိုဇာ ပြောနိုင်ဟှို့တွပ် နို့လေမာ ဖြားစွမ်းရည် သတ်တိလေလည်း မှေ့ဟှ။ နို့လေမာရှိဟှူ စွမ်းရည်ဟှ ဘုရားသခင်နားဟှဘဲ့ ရလာဟှယ်။ 
\v 6 နို့လေဟှာ ပဋိညာဉ်တရားသစ်တွပ် မှုဆောန်နိုင်ဟှို့တွပ် ဘုရားသခင်ဟှာ နို့လေဟှို စွမ်းသတ်တိလေဟှို ပေးဟှားဟှယ်။ အယ်ပဋိညာဉ် တရားသစ်ဟှ အက္ခရာတန်ဟှားဟှူ ပညတ်တရား မှုဟှ။ ဝိညာဉ်တော်တရား ဖြစ်ဟှယ်။ အက္ခရာတန်ဟှားဟှူ ပညတ်ဟှာ သတ်ဟှို သေစေတတ်ဘေမဲ့ ဝိညာဉ်တော်ဟှာ သတ်ရှင်စေဟှယ်။
\p
\v 7 က္လော့‑က်ပ္လားထတ်မာ အက္ခရာတန်ဟှားဟှူ သေတတ်ဟှူ မှုဟှာလည်း ဘုရားသခင်ရဲ့ ဖောင်းသရေတော်န ရော့‑က်လာဟှယ်။ အယ်ကြောန့် မောရှေရဲ့ မျစ်နှာမာ တော့‑က်ပမှုဟှာ ရောန်မှေးလာဘေမဲ့လည်း ဖောင်းသရေတော်ကြောန့် ဣသရေလ လူမျိုးလေဟှာ သူ့ဟှို စေ့စေ့ကေ့နိုင် ဂေ့ဟှ ဆိုဟှာ 
\v 8 ဝိညာဉ်တော်န ဆိုင်ဟှူ မှုဟှာ ပိုဘီးဟှာ ဖောင်းသရေတော်န တော့‑က်ပလေ့မယ် မှုဟှလော။ 
\v 9 ပြစ်ဒန်စီရင်ဇာန ဆိုင်ဟှူ ဇာဟှာ ဖောင်းသရေတော်န ပ္လဲ့ဇောင်ဟှယ် ဆိုဟှာ ဖြောန့်မတ်ရှင်းန ဆိုင်ဟှူ ဇာဟှာ ပိုဘီး ကီးမားဟှူ ဖောင်းသရေတော်န ပ္လဲ့ဇောင်လေ့မယ်။ 
\v 10 ခုခါမာ ရရာတိုင်း မြတ်ဟှူ ဖောင်းသရေတော်ကြောန့် ရင်ဒူးဟှ ရရာတိုင်း တော့‑က်ပဟှူ ဖောင်းသရေတော်ဟှာ ပျော့‑က်ကွယ်ဟှားဟှယ်။ 
\v 11 ရှစ်ဟှားဘဲ့ တည်ဟှူဇာဟှာ ရှိဖူးဟှယ် ဆိုဟှာ ထာဝရတည်ဟှူဇာမာ ဖယ်မျှထိ ပိုဘီးဟှာ ဂေါင်သရေ ရှိလေ့မယ်နူး။
\p
\v 12 နို့လေဟှာ အယ်မျိုး မျှော်လင့်ဇာရှိဟှူကြောန့် ရရာတိုင်း ရဲရင့်ဂေ့ဟှယ်။ 
\v 13 နို့လေဟှ မောရှေမျိုး မှုဟှ။ သူ့မျစ်နှာမာ ရရာတိုင်း တော့‑က်ပဟှူရောန်ဟှ မှေးဟှားဘီး ပျော့‑က်ဟှားဟှူဇာဟှို ဣသရေလလူမျိုးလေဟှ ဗြင်နိုင်ဘဲ့နေအောန် မျစ်နှာဟှို ပဝါန ဖောင်းဟှားရဟှယ်။ 
\v 14 ဣသရေလလူမျိုးလေရဲ့ စိနှလောင်းဟှာ ထိုင်းမှိုင်းဘီးနေဟှယ်။ ခုခီထိဘဲ့ ပဋိညာဉ်တရားဟောန်းဟှို ဖတ်ဟှူခါတိုင်းမာ သူးနို့ စိနှလောင်းဟှာ အယ်ပဝါန ဖောင်းဟှားဘီး ရှိနေဟှယ်။ ခရစ်တော်နှိုက် ပဝါဟှို ဖယ်ပစ်နိုင်ဟှယ်။ 
\v 15 ခုထတ်ထိဘဲ့ မောရှေရဲ့ ပညတ်ကျမ်းဟှို ဖတ်ဂေ့ဟှူ ခီမာလည်း သူးနို့ရဲ့ စိနှလောင်းဟှာ ပဝါန ဖောင်းဟှားမျိုးဘဲ့ ရှိသေးဟှယ်။ 
\v 16 အယ်ဘေမဲ့ သူဟှာ သခင်ဘုရားနားဟှို ပ္လောန်းလဲလာဟှူ ခီမာ သူ့ရဲ့ ဖောင်းဟှားဟှူပဝါဟှာ ဖယ်ရှားခံလိုက်ရဟှယ်။ 
\v 17 အယ်ကြောန့် “သခင်ဘုရား” ဆိုဘီး ခေါ်ဇာဟှာ ဝိညာဉ်တော်ဟှို ခေါ်ဇာဖြစ်ဟှယ်။ သခင်ဘုရားရဲ့ ဝိညာဉ်တော်ရှိဟှူ နေရာမာ လွတ်လပ်မှုရှိဟှယ်။ 
\v 18 အယ်ကြောန့် နို့လေအားလောင်းဟှာ မျစ်နှာဖောင်းမှေ့ဘဲန သခင်ဘုရားရဲ့ ဖောင်းသရေတော်ဟှို ရောန်ပ္လန်ဟပ်ဘီး ရှိဂေ့ဟှယ်။ ဝိညာဉ်တော်တရားဖြစ်ဟှူ သခင်ဘုရားလွှတ်လိုက်ဟှူ ဖောင်းသရေတော်ဟှာ နို့လေဟှို မြဲဒမ်းဖောင်းသရေတော် တိုးပွားစေဘီး ကိုယ်တော်ရဲ့ ပေါင်သဏ္ဌာန်တော်နတူးဒူ ပ္လောန်းလဲခံရဂေ့ဟှယ်။
\c 4
\s မ္လေအိုးထဲဟှ ဝိညာဉ်ဘဏ္ဍာကြောန်း
\p
\v 1 ဘုရားသခင်ဟှာ သူ့ရဲ့ ကရုဏာတော်နညီ နို့လေဟှို အယ်မှုဆောန်လောက်ငန်းဟှို ပေးအပ်ဟှူ ခီမာ နို့လေဟှ စိပျစ်အားရော့‑က်ဇာ မှေ့ဟှ။ 
\v 2 နို့လေဟှာ ယှစ်ဖွယ်ဖြစ်ဟှူ လျှို့ဝှက်ဇာလေဟှို စွန့်ပစ်ဂေ့ဟှယ်။ နို့လေဟှာ ကော့‑က်ကျစ်ဇာလည်း လောက်ဂေ့ဟှ။ ဘုရားသခင်ရဲ့ စကားတော်ဟှို မှောက်လှန်ဘီးလည်း ဟောပြောဟှ။ နို့လေဟှာ ဘုရားသခင်ရဲ့ မျစ်မှောက်တော်မာရော၊ သမ္မာတရားရဲ့ လန်းရောန်မာရော၊ သတ်ရှင်လှောက်ရှာဘီး လူလေရဲ့ သိစိဟှာ ရှင်းရှင်းလန်းလန်းဟှား ဖြစ်ဟှို့တွပ် လောက်ဆောန်ဂေ့ဟှယ်။ 
\v 3 နို့လေ ဟောပြောဟှူ ဒန်းကောန်းဟှာ ဖောင်းအောက်ခံရမယ် ဆိုဟှာ သတ်ဝိညာဉ် ဆောင်းရှောင်းနေဟှူ လူလေတွပ်ဘဲ့ ဖောင်းအောက်ခံရဟှယ်။ 
\v 4 အယ်လောကဟှို စိုးရဟှူ ဘုရားဟှာ အယ်လူလေရဲ့ စိဟှို မှောန်န ဖောင်းအောက်ဟှားဟှူကြောန့် သူးနို့ဟှာ ဒန်းကောန်းဟှို ယောင်ကြည်ဂေ့ဟှ။ အယ်ကြောန့် ဘုရားသခင်ရဲ့ ပေါင်သဏ္ဌာန်ဖြစ်ဟှူ၊ ခရစ်တော်ရဲ့ ဖောင်းသရေတော်ဖြစ်ဟှူ ဒန်းကောန်းဟှနေ ထွပ်ပေါ်လာဘီး သူးနို့ထတ်ဟှို ရော့‑က်လာဟှူ လန်းရောန်ဟှို ဗြင်ရဂေ့ဟှ။ 
\v 5 နို့လေဟှာ ကိုယ့်ကြောန်းလေဟှို ဟောပြောဇာ မှုဟှ။ ယေရှုခရစ်တော်ဟှာ သခင်ဖြစ်ကြောန်း၊ နို့လေဟှာ သခင်ယေရှုတွပ် နန်းနို့ရဲ့ စေခံလေဖြစ်ကြောန်းဟှို ဟောပြောဂေ့ဟှယ်။ 
\v 6 ယေရှုခရစ်တော်ရဲ့ မျစ်နှာတော်ဟှနေဘီး ထွန်းတော့‑က်နေဟှူ ဖောင်းသရေတော်ကြောန်းဟှို သိဘီးဟှာ နားလည်နိုင်ဟှို့တွပ် နို့လေရဲ့ စိနှလောင်းထဲမာ လန်းရောန်ဟှို ထွန်းလန်းစေဟှို့ ဘုရားသခင်ဟှ “မှောန်ထဲဟှနေ လန်းရောန် ပေါ်ထွန်းလေ့မယ်” ဆိုဘီး ပြောဟှားဟှူ ဘုရားသခင်ဖြစ်ဟှယ်။
\p
\v 7 အယ်ကြောန့် နို့လေမာ ချောက်ချာ အာဏာတဂိုး မှေ့ဟှ။ ဘုရားသခင်မာဘဲ့ ရှိကြောန်းဟှို ထန်ရှားစေဟှို့တွပ် ဝိညာဉ်ဘဏ္ဍာဟှို ထီးသီးရဟှူ နို့လေဟှာ မ္လေအိုးလေမျိုး ဖြစ်ဂေ့ဟှယ်။ 
\v 8 နို့လေဟှာ ခဏခဏ ဆင်းရဲဒေါက်ခ ရော့‑က်ဂေ့ဘေမဲ့လည်း ပ္လန်ထူဘဲနိုင်အောန် ဖြစ်ဟှ။ တခါတခါမာ စိရှောက်ထွေးဘေမဲ့လည်း ဖယ်ခါလည်း စိပြစ်ဟှ 
\v 9 နို့လေမာ ရန်သူဘောင်ဂီး ရှိဘေမဲ့လည်း မိဆွေမှေ့ဘဲဟှူသူ မှုဟှ။ လဲက္လအောန် ထိုးခံရဘေမဲ့လည်း သေဂေ့ဟှ။ 
\v 10 သခင်ယေရှုဟှာ နို့လေရဲ့ ကိုယ်ခန္ဓာမာ သတ်ရှင်ကြောန်းဟှို ပေါ်စေဟှို့တွပ် နို့လေရဲ့ သေတတ်ဟှူ ကိုယ်ခန္ဓာမာ သခင်ယေရှုရဲ့ သေခံရဟှူဇာဟှို နို့လေ မြဲဒမ်း ဆောန်ဟှားရဟှယ်။ 
\v 11 နို့လေရဲ့ ပျစ်စီးတတ်ဟှူ ကိုယ်ခန္ဓာမာ သခင်ယေရှု သတ်ရှင်ကြောန်းဟှို ပေါ်လာဟှို့တွပ် နို့လေဟှာ သတ်ရှင်နေဟှူ ခီကာလမာ သခင်ယေရှုတွပ် မြဲဒမ်းသေဘေးန ရင်ဆိုင်နေရဂေ့ဟှယ်။ အယ်ကြောန့် နို့လေမာ သေရှင်းဟှာ လောက်လောက်နေဘေမဲ့ နန်းနို့မာ သတ်ရှင်ရှင်းဟှာ လောက်လောက်နေဟှယ်။
\p
\v 12 အယ်ကြောန့် နို့လေမာ သေရှင်းဟှာ လောက်လောက်နေဘေမဲ့ နန်းနို့မာ သတ်ရှင်ရှင်းဟှာ လောက်လောက်နေဟှယ်။
\p
\v 13 အယ်မျိုး ယောင်ကြည်ရှင်းစိ ရှိဟှူကြောန့် ကျမ်းစာမာ “ငါဟှာ ယောင်ကြည်ဟှူကြောန့် ပြောဟှယ်” ဆိုဘီး ပါလာတိုင်းဘဲ့ နို့လေဟှလည်း အယ်မျိုးယောင်ကြည်ကြောန့် ပြောဂေ့ဟှယ်။ 
\v 14 သခင်ယေရှုဟှို ရှင်ပ္လန်ထမြော့‑က်စေဟှူ ဘုရားသခင်ဟှာ နို့လေဟှိုလည်း သခင်ယေရှုနတူးဒူ ရှင်ပ္လန်ထမြော့‑က်စေဘီးဟှာ နန်းနို့လေနတူးဒူ ရှေ့တော်ဟှို ခေါ်ဆောန်ဟှားဟှူဇာဟှို နို့လေဟှာ သိဂေ့ဟှယ်။ 
\v 15 အယ်မှုရာလေဟှာ နန်းနို့ရဲ့ ကျိုးတွပ်ဘဲ့ ဖြစ်ဂေ့ဘီး ဘုရားသခင်ရဲ့ ကျေးဇူးတော်ဟှို ခံစားရဟှူလူလေဟှ များလာလေလေ ဘုရားသခင်ရဲ့ ဖောင်းသရေတော်တွပ် ချီးမွမ်းဇန ဆုတောန်းဇာဟှာ ပိုများလာလေ့မယ်။
\s ယောင်ကြည်ရှင်းန သတ်ရှင်ဟှူကြောန်း
\p
\v 16 အယ်ကြောန့် နို့လေဟှာ ဖယ်ခါလည်း စိပျစ်ဟှ။ နို့လေရဲ့ ကိုယ်ခန္ဓာဟှာ တဖြေးဖြေးန ပျစ်စီးလာဘေမဲ့ နို့လေရဲ့ ဝိညာဉ်ဟှ နေ့ဘီးနေ့ သစ်ပြုပြင်ဇာဟှို ခံနေရဟှယ်။ 
\v 17 နို့လေဟှာ ရှစ်ဟှားခံရဟှူ၊ ရရာတိုင်း ပေါ့ပါးဟှူ ဆင်းရဲဒေါက်ခဟှာ ရရာတိုင်း ကီးမြတ်ဟှူ ထာဝရဖောင်းသရေတော်ဟှို နို့လေတွပ် ဖြစ်စေမယ်။ 
\v 18 နို့လေဟှာ မျစ်စိန ဗြင်ရဟှူဇာလေဟှို အာရောင်စိုက်ဘဲန မျစ်စိန ဗြင်ရဘဲ့ဟှူ ဇာလေဟှိုဘဲ အာရောင်စိုက်ဂေ့ဟှယ်။ မျစ်စိန ဗြင်ရဟှူဇာလေဟှာ ရှစ်ဟှားဘဲ့တည်ဘီး မျစ်စိန ဗြင်ရဘဲဟှူဇာလေဟှ ထာဝရတည်ဟှယ်။
\c 5
\p
\v 1 နို့လေနေဟှူ မ္လေဂီးအီဖြစ်ဟှူ ကိုယ်ခန္ဓာ ယာယီတဲဟှာ ပျစ်ဟှူ ခီမာ ကောန်းဂန်ဘောင်မာ ဘုရားသခင်ကိုယ်တိုင် ဆော့‑က်ဟှားဟှူ ထာဝရအီ ရှိကြောန်းဟှို နို့လေသိဂေ့ဟှယ်။ 
\v 2 အယ်ယာယီတဲမာ နေဟှူ ခီမာ ကောန်းဂန်ဘောင်မာရှိဟှူ အီဟှို ရရာတိုင်းဘဲ့ တောန်းတဟှူကြောန့် နို့လေဟှာ ညည်းတွားဘီး နေဂေ့ဟှယ်။ 
\v 3 ကောန်းဂန်ဘောင်ဟှ အီဟှို ရော့‑က်ဟှူ ခီမာ နို့လေဟှာ ကိုယ်ခန္ဓာမှေ့ဘဲန ဖြစ်လေ့မယ် မှုဟှ။ 
\v 4 ရောက်ကိုယ်ခန္ဓာတဲမာ နေရဟှူ ခီမာ နို့လေဟှာ ညည်းတွားဂေ့ဟှယ်။ အယ်မျိုး ညည်းတွားဂေ့ဇာဟှာ နို့လေရဲ့ ရောက်ခန္ဓာဟှို ဖယ်ရှားရှင်ကြောန့် မှုဟှ။ သေဘီးဟှာ ပျစ်စီးတတ်ဟှူဇာဟှို ထာဝရသတ်ရှင်ရှင်းဟှို ပ္လောန်းလဲဟှို့တွပ် ကောန်းဂန်ဘောင်ရဲ့ ကိုယ်ခန္ဓာဟှို ရရှင်ကြောန့် ဖြစ်ဟှယ်။ 
\v 5 အယ်မျိုးပ္လောန်းလဲဟှို့တွပ် နို့လေဟှို ပြင်ဆင်ပေးဟှူ သခင်ဟှ ဘုရားသခင်ဘဲ့ ဖြစ်ဟှယ်။ နို့လေခံစားရဟှို့တွပ်န ကိုယ်တော်ရဲ့ ဆုကျေးဇူးတွပ် အာမခံချစ်ဖြစ်န ဝိညာဉ်တော်ဟှို နို့လေဟှို ပေးလေဟှယ်။
\p
\v 6 အယ်ကြောန့် နို့လေဟှာ မြဲဒမ်းဘဲ့ ရဲရင့်ဟှူစိ ရှိဂေ့ဟှယ်။ အယ်ကိုယ်ခန္ဓာ အီမာနေဟှူ ကာလပတ်လောင်း နို့လေဟှာ သခင်ဘုရားရဲ့ အီတော်န ဝီးဘီးဟှာ ရှိနေဂေ့ဟှယ်။ 
\v 7 ဖြားဖြစ်ကြောန့်နူးဆိုဟှာ နို့လေဟှာ ဗြင်အားဖြင့် မှုဘဲ ယောင်ကြည်ရှင်းအားဖြင့် သတ်ရှင်ဟှယ်။ 
\v 8 နို့လေဟှာ ရဲရင့်ဟှူစီရှိဘီး အယ် ကိုယ်ခန္ဓာအီဟှနေဘီး ထွပ်ဟှားဘီးဟှာ သခင်ဘုရားနတူးဒူ နေဟှို့တွပ် ပိုလိုရှင်ဂေ့ဟှယ်။ 
\v 9 နို့လေဟှာ အယ်နေရာမာ ရှိနေပါစေ၊ တခြားနေရာမာ ရှိနေပါစေ၊ နို့လေဟှာ သခင်ဘုရား နှစ်သက်ဟှူသူ ဖြစ်ဟှို့တွပ် ရရာတိုင်း လိုလာဂေ့ဟှယ်။ 
\v 10 \x - \xo ၅.၁၀ \xo*\xt ရော ၁၄.၁၀\xt*\x*ဖြားဖြစ်ကြောန့်နူးဆိုဟှာ နို့လေအားလောင်းဂူဟှာ တရားစီရင်ခံရဟှို့တွပ် ခရစ်တော်ရဲ့ တရားပလ္လင်ရှေ့ဟှို ရော့‑က်ရဂေ့လေ့မယ်။ ကိုယ်ခန္ဓာနေဟှူအီမာ ရှိနေဒူးဟှ ကောန်းမကောန်း ကျင့်လေတွပ် ကျိုးပြစ်ဟှို နို့လေဟှ သီးသီး ခံရဂေ့လေ့မယ်။
\s ခရစ်တော်အားဖြင့် ဘုရားသခင်န မိဖွဲ့ရကြောန်း
\p
\v 11 နို့လေဟှာ ဖြားဖြစ်ကြောန့် သခင်ဘုရားဟှို ကြော့‑က်ရဟှယ် ဆိုဇာဟှို သိဟှူကြောန့် လူလေဟှို စည်းရောင်းဘီး နှိုးဆော်ဟှယ်။ နို့လေရဲ့ ကြောန်းဟှိုလည်း ဘုရားသခင်ဟှ အားလောင်းဂူ သိဟှယ်။ နန်းနို့ရဲ့ သိစိထဲဟှနေ ငါ့ကြောန်းဟှိုလည်း ကောန်းကောန်းသိဂေ့မယ် ဆိုဇာဟှို ငါမျှော်လင့်ဟှယ်။ 
\v 12 အယ်မျိုးပြောဇာဟှာ နို့လေဟှာ နော့‑က်တခါ ကိုယ့်ဇာကိုယ် ဂေါင်ဖော်ရှင်ကြောန့် မှုဟှ။ နို့လေဟှို နန်းနို့ဟှ ဝါကြွားနိုင်ဟှို့ခွမ့်ဟှို ရရှိဂေ့ဟှို့တွပ် ဖြစ်ဟှယ်။ အယ်မျိုးဖြစ်မှဘဲ့ လူလေရဲ့ စိနှလောင်းဟှို ကေ့ဘဲန ပ္လန်ဟှဆင်းသဏ္ဍာန်ဟှိုဘဲ့ ကေ့ဘီး ဝါကြွားတတ်ဟှူ လူလေရဲ့ စကားဟှို နန်းနို့ဟှာ ပ္လန်ဘီးဟှာ ချေပနိုင်မယ်။ 
\v 13 နို့လေဟှာ ရူးဟှာဘီလော။ နို့လေဟှာရူးမယ် ဆိုဟှာ ဘုရားသခင်တွပ်ဘဲ့ ဖြစ်ဟှယ်။ နို့လေဟှာ ရူးဟှ ဆိုဟှာ နန်းနို့တွပ်ဘဲ့ ဖြစ်ဟှယ်။ 
\v 14 ယော့‑က်ယော့‑က်ဟှ လူလေ အားလောင်းဂူတွပ် သေခံကြောန့် လူလေ အားလောင်းဂူဟှာ အယ်လူနတူးဒူ သေခံဂေ့ကြောန်းဟှို နို့လေဟှာ ဆောင်းဖြတ်ဟှူကြောန့် နို့လေဟှို ခရစ်တော်ရဲ့ မြစ်တာတော်ဟှာ အောက်စိုးလိုက်ဟှယ်။ 
\v 15 ကိုယ်တော်ဟှာ လူလေတွပ် သေခံဇာဟှ လူလေဟှာ သတ်ရှင်ဟှူ ခီမာ ကိုယ်ကျိုးတွပ် ဆစ်ဘီးဟှာ သတ်ရှင်ဂေ့ဘဲန သူးနို့တွပ် သတ်စွန့်ဘီးန သေဘီးဟှာ ရှင်ပ္လန်ထမြော့‑က်ဟှူ သခင်တွပ် သတ်ရှင်ဂေ့ဟှို့တွပ် ဖြစ်ဟှယ်။
\p
\v 16 အယ်ကြောန့် နို့လေဟှာ ခုဟှစဘီး ဖယ်သူဟှို့လည်း လူရဲ့သွီးသား ဇာတိသဘောန ဆောင်းဖြတ်ဂေ့ဟှ။ ရင်ဟှ ခရစ်တော်ဟှို လူလေရဲ့သွီးသား ဇာတိသဘောန နို့လေဟှ ဆောင်းဖြတ်လာဂေ့ဘေမဲ့ ခုဟှ အယ်မျိုးလောက်ဟှမ်း။ 
\v 17 ခရစ်တော်နှိုက် တလောင်းတဝဒဲ ရှိဟှူလူဟှာ သတ္တဝါသစ် ဖြစ်ဟှယ်။ သူဟှာ ဘဝဟောန်းဟှို စွန့်ဘီးဟှာ ဘဝသစ်ဟှို ဝမ်စားဟှယ်။ 
\v 18 အယ်မှုလေဟှာ ဘုရားသခင်ရဲ့ တဂိုးကြောန့် ဖြစ်ဟှယ်။ ဘုရားသခင်ဟှာ နို့လေဟှို သူ့ရဲ့ ရန်သူဟှနေဘီးဟှာ ခရစ်တော်အားဖြင့် မိဆွေဖြစ်ဟှို့တွပ် ပ္လောန်းလဲပေးဘီး ကိုယ်တော်န ပ္လန်ဘီးဟှာ သင့်မြတ်စေဟှယ်။ အယ် သင့်မြတ်ဇာနဆိုင်ဟှူ မှုဆောန်ဟှိုတွပ် တာဝန်ဟှို နို့လေဟှို ပေးအပ်လေဟှယ်။ 
\v 19 ဘုရားသခင်ဟှာ ခရစ်တော်အားဖြင့် လောကသား အားလောင်းဟှို သူ့ရဲ့ မိဆွေလေ ဖြစ်စေရှင်းဟှာ နို့လေရဲ့ တရားဖြစ်ဟှယ်။\f + \fr ၅.၁၉ \fr*\fq ဘုရားသခင်ဟှာ ခရစ်တော်အားဖြင့် လောကသား အားလောင်းဟှို သူ့ရဲ့ မိဆွေလေ ဖြစ်စေရှင်းဟှာ နို့လေရဲ့ တရားဖြစ်ဟှယ်၊ \fq*\ft အယ်မျိုးမှုဘဲ့နေဟှာ \ft*\fqa ဘုရားသခင်ဟှာ ခရစ်တော်အားဖြင့် လူလေ အားလောင်းဂူဟှို သူ့ရဲ့ မိဆွေ ဖြစ်စေဟှယ်။\fqa*\f* ကိုယ်တော်ဟှာ လူသားလေရဲ့ ပြစ်လေဟှို မှတ်ဟှားဟှ။ လူသားလေဟှို ကိုယ်တော်နပ္လန်ဘီး သင့်မြတ်စေဟှူ တရားဟှို နို့လေဟှို အပ်ပေးဟှားဟှယ်။
\p
\v 20 အယ်ကြောန့် နို့လေဟှာ ခရစ်တော်ရဲ့ သံတမန်ဖြစ်န နန်းနို့လေဟှို မြစ်တာရပ်ခံဟှယ်။ ဘုရားသခင် ကိုယ်တိုင်ဘဲ့ နို့လေဟှနေဘီးတဆင့် နန်းနို့ဟှို မြစ်တာရပ်ခံမျိုးဘဲ့ မြစ်တာရပ်ခံဟှယ်။ နန်းနို့ဟှာ ဘုရားသခင်ရဲ့ရန်သူ ဖြစ်နေဇာဟှနေဘီး မိဆွေဖြစ်န ပ္လောန်းလဲဂေ့ပါ ဆိုဘီး ခရစ်တော်ရဲ့ ကိုယ်စား နို့လေဟှာ တောန်းဗန်ဟှယ်။ 
\v 21 ဘုရားသခင်ဟှာ ပြစ်မှေ့ဘဲဟှူ သခင်ဟှို နို့လေတွပ်ကြောန့် ပြစ်ရှိဟှူသူ ဖြစ်ဟှားဟှယ်။ ဖြားဖြစ်ကြောန့်နူးဆိုဟှာ နို့လေဟှာ အယ်လူအားဖြင့် ဘုရားသခင်ရှေ့မာ ဖြောန့်မတ်သူ ဖြစ်ဟှို့တွပ် ဖြစ်ဟှယ်။
\c 6
\p
\v 1 နို့လေဟှာ ဘုရားသခင်ရဲ့ လောက်ဖော်ဆောန်ဖတ်လေ ဖြစ်ဂေ့ဟှူကြောန့် နန်းနို့ရဟှားဟှူ ဘုရားသခင်ရဲ့ ကျေးဇူးတော်ဟှို ချည်းနှီးဖြစ်စေဘဲဟှို့တွပ် နန်းနို့ဟှို တောန်းဗန်ပါဟှယ်။ 
\v 2 ဖြားဖြစ်ကြောန့်နူးဆိုဟှာ ဘုရားသခင်ဟှ
\q1 “ငါဟှာ နန်းနို့ဟှို ကျေးဇူးပြုဟှို့တွပ် ခီရော့‑က်လာဟှူ ခီမာ
\q2 နန်းနို့ရဲ့ စကားဟှို ငါ နားထောန်ဟှယ်။
\q1 ကယ်တန်ဟှို့နေ့ရစ် ရော့‑က်လာဟှူ ခီမာ နန်းနို့ဟှို ကူညီဟှယ်”
\m ဆိုဘီး မိန့်တော်မူဟှယ်။ နားထောန်ဂေ့! ဘုရားသခင်ရဲ့ ကျေးဇူးပြုဇာဟှို လတ်ခံဟှို့ခီဟှ ခုဘဲ့ဖြစ်ဟှယ်။ ကယ်တန်ခံရဟှို့ နေ့ဟှာလည်း အယ်နေ့ဘဲ့ဖြစ်ဟှယ်။
\p
\v 3 နို့လေရဲ့ မှုဆောန်လောက်ဟှို ဖယ်သူလည်း ပြစ်ရှာဇာဟှို လိုရှင်ဘဲ့ကြောန့် နို့လေဟှာ တခြားလူလေရဲ့ရှေ့မာ ထိမိဘီးလဲဇာဟှို ခုလည်းလောက်ဟှ။ 
\v 4 အယ်မျိုး လောက်မယ့်စား ဆင်းရဲဒေါက်ခလေ၊ ခတ်ခဲဇာလေန ကျတ်တဲဇာလေဟှို စိရှယ်သီးခံဘီး ကိစအားလောင်းဂူဟှို နို့လေဟှာ ဘုရားသခင်ရဲ့စေခံလေ ဖြစ်ဟှူကြောန်းဟှို ပြဂေ့ဟှယ်။ 
\v 5 \x - \xo ၆.၅ \xo*\xt တ ၁၆.၂၃\xt*\x*နို့လေဟှာ ရိုက်ခံရရှင်းလေ၊ ထောန်ခ္လခံရရှင်းလေ၊ ရောင်းရင်းဆန်ခတ် လောက်ရှင်း ခံရရှင်းလေ၊ လောက်ကြိုးစားရှင်းလေ၊ အိရေးပျစ်ဟှူ ညဉ့်လေန စာငတ်ခံရရှင်းလေ၊ 
\v 6 စင်ကြယ်သန့်ရှင်း၊ ပညာဒိရှိရှင်း၊ သီးခံရှင်းန ကြင်နာသနားရှင်းလေ၊ သန့်ရှင်းဟှူဝိညာဉ်တော်နရော၊ စစ်မှန်ဟှူ မြစ်တာလေနရော၊ 
\v 7 သမ္မာတရားန ဘုရားသခင်ရဲ့ တဂိုးတော်ဟှိုရော၊ ဘယ်လတ်န ညာလတ်ထဲမာရှိဟှူ ဖြောန့်မတ်ရှင်းရဲ့ လတ်နတ်လေဟှိုရော၊ 
\v 8 ချီးမြှော့‑က်ရှင်းန ရှောက်ခ္လရှင်း၊ ကဲ့ရဲ့ရှင်းန ချီးမွမ်းရှင်း၊ လူလီလူညာလေဖြစ် သတ်မှတ်ဂေ့ဘေမဲ့ ဟောက်မှန်ဟှူသူ၊ 
\v 9 လူသိနဲဟှူလူဖြစ် သတ်မှတ်ဘေမဲ့ လူသိများဟှူလူ၊ လူသေမျိုးဖြစ်ဘေမဲ့ နို့လေဟှာ သတ်ရှင်နေဟှူလူ၊ ပြစ်ဒန်ခံရဘေမဲ့ သတ်ခံရဘဲဟှူလူ၊ 
\v 10 ဝန်းနဲဘေမဲ့ မြဲဒမ်းဝန်းသာဟှူသူ၊ ဆင်းရဲသားမျိုး ဖြစ်ဘေမဲ့ လူလေဘောင်ဂီးဟှို ကြွယ်ဝစေဟှူသူ၊ ဖြားလည်းမှေ့ဘဲမျိုး ဖြစ်ဘေမဲ့ အားလောင်းဂူဟှို ပိုင်ဟှူသူလေ ဖြစ်ဂေ့ဟှယ်။
\p
\v 11 ကောရိန္သုဗြို့မာရှိဟှူ မိဆွေလေ၊ နို့လေဟှာ နန်းနို့ဟှို ပွမ့်ပွမ့်လန်းလန်းဟှား ပြောဟှားဟှယ်။ နို့လေရဲ့ စိနှလောင်းဟှို နန်းနို့တွပ် က္လယ်ဂီး ဖွမ့်ဟှားဟှယ်။ 
\v 12 စိနှလောင်းဟှို ပိဟှားဟှူလူဟှာ နို့လေမှုဟှ။ နန်းနို့ဟှဘဲ့ စိနှလောင်းဟှို နို့လေတွပ် ပိဟှားဂေ့ဟှယ်။ ခု ငါဟှာ သနားကြင်နာမှုန ငါ့ရဲ့ သားမီးလေမျိုး ပြောနေဟှယ်။ 
\v 13 နို့လေဟှို ကျေးဇူးဆပ်ဟှူနေန နန်းနို့ရဲ့ စိနှလောင်းလေဟှို က္လယ်ဂီးဖွမ့်ဟှားဂေ့ပါ။
\s ယောင်ကြည်ဘဲဟှူ သူလေန ပတ်သတ်ဘီးဟှာ ဒိပေးကြောန်း
\p
\v 14 ယောင်ကြည်ဘဲဟှူ လူလေန တွဲဘီးဟှား လောက်ဂေ့န။ တွဲဘီးလောက်ဆောန်ဟှို့တွပ်လည်း ဖြစ်နိုင်ဟှ။ တရားဘဲဟှူဇာန ဖြောန့်မတ်ဟှူဇာဟှာ ဖယ်မျိုး မိတ်သဟာယ ဖွဲ့နိုင်ဟှို့နူး။ လန်းရောန်န မှောန်ဟှာ ဖယ်မျိုးတွဲဘီး နေနိုင်ဟှို့နူး။ 
\v 15 ခရစ်တော်ဟှာ စာတန်န ဖယ်မျိုး ဘောတူနိုင်ဟှို့နူး။ ယောင်ကြည်ဟှူလူဟှာ ယောင်ကြည်ဘဲဟှူလူန ဖယ်မျိုး ဘောတူညီဘီး နေနိုင်ဟှို့နူး။ 
\v 16 \x - \xo ၆.၁၆ \xo*\xt ၁ ကော ၃.၁၆; ၆.၁၉\xt*\x*ဘုရားသခင်ရဲ့ ဗိမာန်တော်ဟှာ ရောက်ထုလေန ဖယ်မျိုး ဘောတူညီချစ် ရနိုင်ဟှို့နူး။ နို့လေဟှာ သတ်ရှင်ဟှူ ဘုရားသခင်ရဲ့ ဗိမာန်တော် ဖြစ်ဂေ့ဟှယ်။ ဘုရားသခင်ဟှ၊
\q1 “ငါဟှာ ငါ့ရဲ့ လူစုထဲမာ ကိန်းဝတ်မယ်။ သူးနို့နားမာ နေမယ်။
\q2 ငါဟှာ သူးနို့ရဲ့ ဘုရားသခင်ဖြစ်ဘီး သူးနို့ဟှလည်း ငါ့ရဲ့ လူမျိုးစု ဖြစ်ဂေ့လေ့မယ်၊”
\p
\v 17 အယ်ကြောန့် ဘုရားသခင်ဟှ
\q1 “အယ်လူလေထဲဟှ ထွပ်လာဂေ့။ သူးနို့န ပေါန်းဂေ့န။
\q2 စင်ကြယ်ဘဲဟှူ ဇာလေဟှို လတ်န ထိဂေ့န။ အယ်မျိုးဆိုဟှာ ငါဟှာ နန်းနို့ဟှို လတ်ခံမယ်။
\q1
\v 18 ငါဟှာ နန်းနို့ရဲ့ ဖဖြစ်မယ်။ နန်းနို့ဟှလည်း ငါ့ရဲ့ သားမီးလေ ဖြစ်ဂေ့လေ့မယ် ဆိုဘီး
\q2 အနန္တတဂိုးရှင် ဘုရားသခင်ဟှ မိန့်တော်မူဟှယ်” ဆိုဘီး ပြောလေဟှယ်။
\c 7
\p
\v 1 ရှစ်ရဟှူသူလေ၊ အယ်ဂဒိတော်လေဟှ နို့လေတွပ်ဘဲ့ ဖြစ်ဟှယ်။ အယ်ကြောန့် နို့လေဟှာ ကိုယ့်ရဲ့ ဇာတိညစ်ကြေးန ဝိညာဉ်ညစ်ကြေးရှိမျှန ကင်းစေဟှို့တွပ် ဘုရားသခင်ဟှို ကြော့‑က်ဘီး ရိုသေဇာန ကိုယ့်ဇာကိုယ် လောင်းဝသန့်ရှင်းဂေ့ဇို့။
\s ပေါလု ဝန်းသာကြောန်း
\p
\v 2 နို့လေတွပ် နန်းနို့ဟှာ စိနှလောင်းဟှို ဖွမ့်ဟှားဂေ့ပါ။ နို့လေဟှာ ဖယ်သူဟှိုလည်း ပြစ်မှားဟှ။ ကျိုးနဲအောန်လည်း လောက်ဟှ။ ဖယ်သူ့မာလည်း ခွမ့်ရေးယူဟှ။ 
\v 3 အယ်မျိုးပြောဇာဟှာ နန်းနို့ဟှို ပြစ်ဒန်စီရင်ရှင်ကြောန့် မှုဟှ။ ရင်ဟှဖော်ပြဟှားတိုင်းဘဲ့ နန်းနို့ဟှာ နို့လေရဲ့ စိနှလောင်းထဲမာ သေမယ် ဆိုဟှာ တူးဒူ၊ သတ်ရှင်နေမယ် ဆိုဟှာ ခွဲဘဲရှိနေဂေ့ဟှယ်။ 
\v 4 ငါဟှာ နန်းနို့ဟှို ယောင်ကြည်စိခ္လဟှယ်။ နန်းနို့တွပ် ဂေါင်ယူဘီး ဝါကြွားဟှယ်။ သတ်သာဟှူဇာနလည်း ပ္လဲ့ဇောင်ဟှယ်။ ဆင်းရဲဒေါက်ခမျိုးမျိုး ခံရဘေမဲ့လည်း ငါဟှာ အားတတ်ဘီးဟှာ ရရာတိုင်းဝန်းသာဟှယ်။
\p
\v 5 \x - \xo ၇.၅ \xo*\xt ၂ ကော ၂.၁၃\xt*\x*မာကေဒေါနိပြည်ဟှို ရော့‑က်ဟှားဟှူ ခီမာ နို့လေဟှာ ကိုယ်ခန္ဓာ သတ်သာမှုလေဟှို ရဂေ့ဟှ။ နေရာတိုင်းမာ ခတ်ခဲမှုလေ ရှိဟှယ်။ ငြင်းပွားမှုလေလည်း ရှိဟှယ်။ နို့လေမာလည်း ကြော့‑က်စိရှိဟှယ်။ 
\v 6 အယ်ဘေမဲ့ စိအားငယ်ဟှူ လူလေဟှို အားပေးဟှူ ဘုရားသခင်ဟှာ နို့လေနားဟှို ရော့‑က်လာဟှူ တိတုအားဖြင့် နို့လေဟှို နှစ်သိမ့်ဟှယ်။ တိတု ရော့‑က်လာဟှူ တွပ်ကြောန့်ရော၊ တိတုဟှို နန်းနို့ဟှ အားပေးဂေ့ဟှူ ဒန်းဟှို ကြားရဟှူ တွပ်ကြောန့်ရော နို့လေဟှာ အားတတ်ဟှားဟှယ်။ 
\v 7 တိတု ရော့‑က်လာဟှူကြောန့် နှစ်သိမ့်မှုရဟှားဇာ မှုဟှ။ တိတုခံစားရဟှူ နှစ်သိမ့်မှုအားဖြင့်ကြောန့် နို့လေဟှို နှစ်သိမ့်ပေးဟှယ်။ နန်းနို့ဟှာ ငါဟှို ရရာတိုင်း စိအားကီးဘီး တွိရှင်ဂေ့ဟှူကြောန်းလေ၊ ရရာတိုင်း ဝန်းနဲဘီးဟှာ ရှိနေကြောန်းလေဟှို ပြောပြကြောန့် ငါဟှာ ပိုဘီးဟှာ ဝန်းသာဟှယ်။
\p
\v 8 ငါပေးလိုက်ဟှူ စာဟှာ နန်းနို့ဟှို ဝန်းနဲစေကြောန့် ငါဟှာ ရင်ဒူးဟှ နောန်ဒရှိဘေမဲ့ ခုခီမာ မှေ့ဟှ။ ဖြားဖြစ်ကြောန့်နူးဆိုဟှာ အယ်စာဟှာ နန်းနို့ဟှို ရှစ်ဟှားဘဲ့ ဝန်းနဲစေမယ် ဆိုဇာဟှို ငါဗြင်ဟှယ်။ 
\v 9 ခုဝန်းသာဟှယ်။ နန်းနို့ဟှို စိကောန်းဘဲနေအောန် လောက်ဇာမှုဟှ။ စိကောန်းဘဲနေဟှူ မှုလေဟှ နန်းနို့ဟှို နောန်ဒတရားဟှို ရစေဟှို့တွပ်ကြောန့် ဝန်းသာရဇာဖြစ်ဟှယ်။ ဘုရားသခင်ဟှာ စိကောန်းဘဲဟှူ ဇာလေဟှို သောင်းပြုဟှူကြောန့် နို့လေဟှာ နန်းနို့ဟှို ဖယ်မျိုးလည်း နစ်နာခိုင်းဟှ။ 
\v 10 ဘုရားသခင်သောင်းပြုဟှူ ဝန်းနဲဇာဟှာ ကယ်တန်ဇာဟှို ရစေဟှူ နောန်ဒစိဟှို ဖြစ်ပေါ်စေဟှယ်။ အယ်ကြောန့် ပ္လောန်းလဲနိုင်ဘဲဟှူ နောန်ဒစိဟှို ပြုပြင်တတ်ဟှယ်။ အယ်ဘေမဲ့ လောကဝန်းနဲဇာဟှာ သေဇာဟှိုဘဲ့ ပြုပြင်တတ်ဟှယ်။ 
\v 11 ဘုရားသခင်ဟှာ နန်းနို့လေရဲ့ ဝန်းနဲဇာလေဟှို သောင်းပြုဇာဟှို ကေ့ကေ့ပါ။ နန်းနို့ဟှာ စိအားကီးလာဂေ့ဟှယ်။ ကိုယ်ရဲ့ ပြစ်လေ မှေ့ဘဲကြောန်းဟှို လိုရှင်ဂေ့ဟှယ်။ ဒေါသထွပ်ဂေ့ဟှူဇာ၊ ကြော့‑က်ဂေ့ဟှူဇာ၊ ရရာတိုင်း လိုရှင်ဂေ့ဟှူဇာ၊ စိအားထတ်သန်ဂေ့ဟှယ်။ ပြစ်ရှိနေဟှူလူဟှို ပြစ်ဒန်စီရင်ဟှို့တွပ် လိုရှင်ဂေ့ဟှယ်။ နန်းနို့လေဟှာ အယ်မှုမာ ကိုယ့်ကိုယ်ကိုယ် ပြစ်ကင်းစင်ဟှူ ကြောန်းဟှို ထန်ရှားရှင်ဂေ့ဟှယ်။
\p
\v 12 အယ်ဘေမဲ့ ရင်ဒူးဟှ နန်းနို့နားဟှို ရေးရဟှူစာဟှ ပြစ်မှားဟှူလူလေရဲ့ ကိစကြောန့် မှုဟှ။ ပြစ်မှားဇာဟှို ခံရဟှူ လူလေရဲ့ ကိစကြောန့်လည်း မှုဟှ။ ဘုရားသခင်ရဲ့ ရှေ့မာ နို့လေဟှို နန်းနို့ဟှာ ဖယ်မျှလော့‑က် စိအားထတ်သန်ဘီး ရှစ်ဟှယ် ဆိုဇာဟှို ကောန်းကောန်းဟှား သိစေရှင်ကြောန့် ရေးရဇာ ဖြစ်ဟှယ်။ 
\v 13 အယ်ကြောန်းကြောန့် နို့လေဟှာ နှစ်သိမ့်မှုဟှို ခံစားရဂေ့ဟှယ်။
\p နို့လေဟှာ နှစ်သိမ့်မှု ရဟှူမျှမှုဘဲန ရရာတိုင်းလည်း ဝန်းသာဂေ့ဟှယ်။ ဖြားဖြစ်ကြောန့်နူးဆိုဟှာ နန်းနို့ဟှာ တိတုဟှို ဝန်းသာစေကြောန့် သူ့ရဲ့ စိနှလောင်းဟှာ ရရာတိုင်း ဝန်းသာနေဇာဟှို နို့လေအားလောင်းဟှ တွိရကြောန့် ဖြစ်ဟှယ်။ 
\v 14 ငါဟှာ တိတုဟှို နန်းနို့ကြောန်းဟှို ကြွားဘီးပြောရစ်ဟှယ်။ အယ်မျိုးကြွားဟှားတိုင်းဘဲ့ မှန်ဘဲဖြစ်နေဇာဟှို နန်းနို့ ပြလိုက်ဟှယ်။ နို့လေဟှာ နန်းနို့ဟှို မှန်ဟှူဇာလေဟှိုဘဲ့ မြဲဒမ်းပြောဟှယ်။ တိတုဟှို နို့လေဟှာ ကြွားဘီးပြောဇာလေဟှာ ဟောက်မှန်နေဟှယ်။ 
\v 15 သူ့ရဲ့စကားဟှို နန်းနို့ဟှ လိုက်နာဟှို့တွပ် ဆင်သင့်ရှိနေဇာန ရရာတိုင်း ကြော့‑က်ဘီးဟှာ သူ့ဟှို ကြိုဆိုလတ်ခံဂေ့ဇာဟှို ဒိရဟှူကြောန့် နန်းနို့ဟှို ပိုဘီး ရှစ်ဘီးဟှာ သနားကြင်နာလာဟှယ်။ 
\v 16 ငါဟှာ နန်းနို့ဟှို လောင်းဝ စိခ္လနိုင်ဟှူကြောန့် ရရာတိုင်း ဝန်းသာဟှယ်။
\c 8
\s ခရစ်ယာန်လေရဲ့ ပေးကမ်းရှင်းကြောန်း
\p
\v 1 \x - \xo ၈.၁–၄ \xo*\xt ရော ၁၅.၂၆\xt*\x*ညီကို မောန်နှမလေ မာကေဒေါနိပြည်မာရှိဟှူ သင်းတော်လေဟှို ဘုရားသခင်ပေးဟှားဟှူ ကျေးဇူးတော်ကြောန်းဟှို နန်းနို့လေဟှို ငါပြောပြရှင်ဟှယ်။ 
\v 2 သူးနို့လေဟှာ ဆင်းရဲဒေါက်ခလေဟှို ရရာတိုင်း ခံရဂေ့ဟှယ်။ အယ်ဘေမဲ့ ရရာတိုင်း ဝန်းသာဂေ့ဟှယ်။ သူးနို့ဟှာ ရရာတိုင်း ဆင်းရဲဘေမဲ့လည်း ပေးကမ်းဟှူမှုမာ ရရာတိုင်း ရစ်ရောဘီးပေးဂေ့ဟှယ်။ 
\v 3 သူးနို့လေဟှာ စွမ်းစရှိမျှထတ် ပိုဘီးဟှာ သူ့လိုလို ပေးကမ်းဂေ့ဟှယ် ဆိုဇာဟှို နန်းနို့ဟှို ငါသတ်သေခံနိုင်ဟှယ်။ 
\v 4 သူးနို့ဟှာ ယုဒပြည်မာရှိဟှူ ဘုရားသခင်ရဲ့ သန့်ရှင်းဟှူလူလေဟှို ကူညီမစဟှူ မှုလေမာ စိအားထတ်သန်ဘီး ကူညီထော့‑က်ပံ့ဂေ့ဟှယ်။ အယ်မျိုး ကျေးဇူးပြုရဟှို့တွပ် သူးနို့ဇာ သူးနို့ ငါ့ဟှို တောန်းဗန်ဂေ့ဟှယ်။ 
\v 5 အယ်မျိုးလောက်ဇာဟှာ နို့လေမျှော်လင့်ဟှားဟှူထတ် ပိုဂေ့ဟှယ်။ သူးနို့ဟှာ ဦးဆောင်းပထမ သခင်ဘုရားဟှို သူးနို့ကိုယ်တိုင် ပေးကမ်းဂေ့ဟှယ်။ အယ်ဘီးန ဘုရားသခင်ရဲ့ လိုတော်တိုင်း နို့လေဟှိုလည်း သူးနို့ကိုယ်တိုင် ပေးကမ်းဂေ့ဟှယ်။ 
\v 6 အယ်ကြောန့် စဘီးဟှာ တာဝန်ယူဟှူ တိတုဟှို အယ်ကျေးဇူးပြုဇာဟှို ပီးဟှားအောန် နန်းနို့လေဟှို ကူညီပေးဟှို့တွပ် ငါဟှာ သူ့ဟှို တိုက်တွန်းဟှယ်။ 
\v 7 နန်းနို့ဟှာ ယောင်ကြည်ရှင်း၊ နှောက်သတ်တိ၊ ပညာဉာဏ်၊ ကူညီဟှူစေတနာ၊ နို့လေဟှို ရှစ်ဟှူ မြစ်တာလေန ကြွယ်ဝဂေ့ဟှယ်။\f + \fr ၈.၇ \fr*\fq နို့လေဟှို ရှစ်ဟှူ မြစ်တာလေန ကြွယ်ဝဂေ့ဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa နို့လေရဲ့ ရှစ်မြစ်တာဟှာ နန်းနို့တွပ်၊ \fqa*\ft ဆိုဘီး ပါရှိဟှယ်။\ft*\f* အယ်ကြောန့် နို့လေဟှာ ကျေးဇူးပြုဇာနဆိုင်ဟှူ ပေးကမ်းဇာမာလည်း ရစ်ရောဟှယ် ဆိုဇာဟှို ပြဂေ့ပါ။
\p
\v 8 အယ်မျိုးပြောဇာဟှာ မိန့်ပေးဇာ မှုဟှ။ တခြားသူလေရဲ့ စိအားထတ်သန်ဇာအားဖြင့် နန်းနို့ရဲ့ မြစ်တာဟှာ ဖယ်မျှလော့‑က် စစ်မှန်ဟှယ် ဆိုဇာဟှို သိရှင်ဟှူကြောန့် စစ်ဆေးဇာဖြစ်ဟှယ်။ 
\v 9 နန်းနို့ဟှာ နို့လေရဲ့ သခင်ယေရှုခရစ်တော်ရဲ့ ကျေးဇူးတော်ဟှို သိဂေ့ဟှယ်။ ကိုယ်တော်ဟှာ ကြွယ်ဝဘေမဲ့ နန်းနို့ရဲ့ကျိုးတွပ် ဆင်းရဲခံဟှယ်။ အယ်မျိုး ဆင်းရဲခံရဇာဟှာ နန်းနို့လေဟှ ကြွယ်ဝလာဟှို့တွပ် ဖြစ်ဟှယ်။
\p
\v 10 ရင်နှစ်ဟှ နန်းနို့ စပြုလာဟှူမှုဟှို ခုမှ ဆောင်းသတ်ဂေ့ဟှယ် ဆိုဇာ ငါထန်ဟှယ်။ နန်းနို့ဟှာ စေတနာန ပေးကမ်းဇာဟှို စလောက်ဂေ့ဟှယ်။ 
\v 11 အယ်ကြောန့် အယ်မှုဟှို ဆစ်လောက်ဘီးဟှာ ဆောင်းသတ်ဂေ့ပါ။ နန်းနို့ဟှာ အယ်မှုဟှို ကြံစည်ဂေ့ဟှူ ခီမာ စိအားထတ်သန်မျိုးဘဲ့ လောက်ဟှူ ခီမာလည်း စိအားထတ်သန်ဂေ့ပါ။ နန်းနို့ဟှာ တတ်နိုင်မျှ ပေးကမ်းဂေ့ပါ။ 
\v 12 နန်းနို့ဟှာ ပေးရှင်ဟှူ စေတနာစိရှိမယ် ဆိုဟှာ ဘုရားသခင်ဟှ နန်းနို့တတ်နိုင်ဘဲဟှူ မှုလေဟှို ကေ့ဘဲန တတ်နိုင်ဟှူမှုလေဟှို ထော့‑က်ဘီး နန်းနို့လေရဲ့ မှုဟှို လတ်ခံလေ့မယ်။
\p
\v 13 အယ်မူဇာလေအားဖြင့် တခြားသူလေဟှို သတ်သာစေဘီး နန်းနို့ဟှို ဒေါက်ခရော့‑က်စေဟှို့ မှုဟှ။ ညီတူညီမျှဖြစ်ဟှို့တွပ် ပြောနေဇာ ဖြစ်ဟှယ်။ 
\v 14 ခုလည်း နန်းနို့လေရဲ့ ကြွယ်ဝဇာလေဟှာ အယ်လူလေရဲ့ ဆင်းရဲဇာလေဟှို ဖ္လဲ့ပေးဟှူမျိုးဘဲ့ အယ်လူလေရဲ့ ကြွယ်ဝဇာဟှာ နန်းနို့လေရဲ့ ဆင်းရဲဇာလေဟှို ဖ္လဲ့ပေးနိုင်လေ့မယ်။ 
\v 15 ကျမ်းစာဟှ “များများရဟှူလူဟှ ပိုဟှ၊ နဲနဲရဟှူလူဟှ လိုဟှ” ဆိုဘီး ဖော်ပြဟှားဟှူမျိုးဘဲ့ ဖြစ်ဟှယ်။
\s တိတုန သူ့ရဲ့ပေါန်းဖော်လေကြောန်း
\p
\v 16 နန်းနို့ဟှို ကူညီပေးဟှို့တွပ် နို့လေမာ စိအားထတ်သန်ဇာ ရှိဟှူမျိုးဘဲ့ တိတုမာလည်း ရှိနေဟှူကြောန့် ဘုရားသခင်ဟှို ကျေးဇူးတန်ဟှယ်။ 
\v 17 တိတုဟှာ နို့လေရဲ့ မြစ်တာရပ်ခံချစ်ဟှို လတ်ခံဇာလေမျိုး မှုဘဲန ကူညီဟှို့တွပ် စေတနာစိရှိဟှူကြောန့် နန်းနို့နားဟှို သွားဟှို့တွပ် သူ့ကိုယ်သူ စိဆောင်းဖြတ်လိုက်ဟှယ်။ 
\v 18 နို့လေဟှာ တိတုနတူးဒူ ယောင်ကြည်သူ တယော့‑က်ဟှို လွှတ်လိုက်ဟှယ်။ အယ်လူဟှာ ဒန်းကောန်းဟှို ဟောပြောဟှူ မှုတော်ဆောန်တယော့‑က်နေန သင်းတော်လေရဲ့ လေးစားကြည်ညိုဇာဟှို ခံရဟှူလူ ဖြစ်ဟှယ်။ 
\v 19 သခင်ဘုရားကိုယ်တော်တိုင်ရဲ့ ဖောင်းသရေတော်န နို့လေရဲ့ စေတနာစိလေဟှို ထန်ရှားစေဟှို့တွပ် နို့လေဟှာ ပြုစုနေဟှူကြောန့် အယ်မျိုး ကျေးဇူးပြုဟှူမှုမာ နို့လေနတူးဒူ လိုက်ဟှို့တွပ် သင်းတော်ဟှနေဘီး ခန့်ဟှားခံရဟှူ သူလည်းဖြစ်ဟှယ်။
\p
\v 20 အယ်မျိုး ပေးကမ်းဂေ့ဟှူ လှူငွေလေဟှို ကိုင်ဟှူ ခီမာ နို့လေဟှာ တခြားသူလေ ပြစ်တန်ဇာန လွတ်ဟှို့တွပ် ဒိနလောက်နေရဟှယ်။ 
\v 21 သခင်ဘုရားရဲ့ ရှေ့မာကို မှုဘဲ့န လူလေရဲ့ ရှေ့မာလည်း မှန်ကန်ဟှူ မှုလေဟှိုဘဲ့ လောက်ဟှို့တွပ် ရည်ရွယ်ချစ် ရှိဂေ့ဟှယ်။
\p
\v 22 အယ်ကြောန့် နို့လေဟှာ အယ်လူနှေ့ယော့‑က်နတူးဒူ တခြားညီကိုတယော့‑က်ဟှိုလည်း လွတ်လိုက်ဂေ့ဟှယ်။ အယ်လူဟှို နို့လေဟှာ သေးသေချားချာဟှား ကဲခတ်ဂေ့ဟှူ ခီမာ သူဟှာ မြဲဒမ်းဘဲ ကူညီတတ်ဟှူလူ ဖြစ်ကြောန်းဟှို တွိရဟှယ်။ သူဟှာ နန်းနို့ဟှို ဘောင်းဂီးယောင်ကြည်ကြောန့် သူ့ရဲ့ စိစေတနာဟှာ ပိုဘီးဟှာ ထတ်သန်နေဟှယ်။ 
\v 23 တိတုန ပတ်သတ်ဘီး ပြောရမယ် ဆိုဟှာ သူဟှာ နန်းနို့လေရဲ့ မှုကိစလေမာ ငါနတူးဒူ ဝိုင်းဘီးဟှာကူညီဟှူ ငါ့ရဲ့ လောက်ဖော်ဆောန်ဖတ် ဖြစ်ဟှယ်။ သူ့နတူးဒူ လိုက်ပါလာဂေ့ဟှူ တခြားညီကိုလေဟှ သင်းတော်လေရဲ့ စေတမန်လေ ဖြစ်ဘီး ခရစ်တော်ဟှို ချီးမြှော့‑က်သူ ဖြစ်ဟှယ်။ 
\v 24 အယ်ကြောန့် နန်းနို့ကြောန်းဟှို နို့လေဟှာ ဂေါင်ယူဘီး ကြွားဟှားတိုင်းဘဲ့ မှန်နေကြောန်းဟှို သူးနို့လေန သင်းတော်လေဟှို သိနိုင်ဟှို့တွပ် မြစ်တာပြဂေ့ပါ။
\c 9
\s ခရစ်ယာန်ရှင်းရှင်း ကူညီထော့‑က်ပံ့ကြောန်း
\p
\v 1 ယုဒပြည်မာရှိဟှူ ဘုရားသခင်ရဲ့ သန့်ရှင်းဟှူလူမျိုးတော်လေဟှို ကူညီထော့‑က်ပံ့ဟှူ ကြောန်းဟှို နန်းနို့နားဟှို စာရေးဘီး ဖော်ပြဇာ လိုဟှ။ 
\v 2 နန်းနို့ဟှာ ကူညီထော့‑က်ပံ့ဟှို့တွပ် စိအားထတ်သန်ဂေ့ဟှယ် ဆိုဇာဟှို ငါသိဟှယ်။ အယ်ကြောန့် နန်းနို့ကြောန်းဟှို မာကေဒေါနိပြည်သားလေဟှို ငါဟှာ ကြွားဟှယ်။ “အခါယပြည်မာရှိဟှူ ယောင်ကြည်သူလေဟှာ ရင်နှစ်ဟှဘဲ့ ပေးကမ်းဟှို့တွပ် ဆင်သင့်ရှိနေဂေ့ဟှယ်” ဆိုဘီး သူးနို့ဟှို ငါဟှ ပြောရစ်ဟှယ်။ နန်းနို့ဟှာ စိအားကီးဟှူကြောန့် အယ်လူလေ အားလောင်းဂူလည်း စိအားထတ်သန်လာဂေ့ဟှယ်။ 
\v 3 နန်းနို့ကြောန်းဟှို နို့လေဟှ ကြွားဘီးပြောဟှူစကားဟှာ ချည်းနှီးသတ်သတ်မှုဘဲ မှန်ကန်ဟှူကြောန်းဟှို သိရှင်တွပ်ကြောန့် အယ်ယောင်ကြည်သူလေဟှို နန်းနို့နားဟှို ငါဟှ လွှတ်လိုက်ဟှယ်။ ငါပြောပြဟှားဟှူတိုင်းဘဲ့ နန်းနို့လေရဲ့ လတ်ဆောန်လေဟှို ဆင်သင့်ပြင်ဆင်ဟှားဂေ့။ 
\v 4 အယ်မျိုးမှုဘဲနေဟှာ ငါ့နတူးဒူ မာကေဒေါနိပြည်သား တချို့လေဟှ လိုက်လာကြောန့် နန်းနို့လေဟှာ ဆင်သင့်ပြင်ဆင်ဘဲန ဖြစ်နေဇာဟှို ဗြင်ရဟှူ ခီမာ နန်းနို့လေဘဲ့ ယှစ်ရလေ့မယ် မှုဟှ။ နို့လေဟှလည်း နန်းနို့ဟှို ရရာတိုင်း ယောင်ကြည်ဘီး စိခ္လမိတွပ်ကြောန့် ယှစ်ရဂေ့လေ့မယ်။ 
\v 5 အယ်ကြောန့် နန်းနို့ဟှာ ဂဒိထားဟှားတိုင်းဘဲ့ အယ်လတ်ဆောန်ဟှို ပြင်ဆင်နိုင်ဟှို့တွပ် အယ်ယောင်ကြည်သူလေဟှို နန်းနို့နားဟှို ကြိုဘီးဟှာ လွှတ်ဟှို့တွပ် လိုအပ်ဟှယ် ဆိုဇာ ငါထန်ဟှယ်။ ငါဟှာ ရော့‑က်လာဟှူ ခီမာ လတ်ဆောန်လေဟှာ ဆင်သင့်ထားဟှားဟှူကြောန့် နန်းနို့ဟှ တိုက်တွန်းကြောန့်မှုဘဲ့ စေတနာနပေးဟှယ် ဆိုဇာ ထန်ရှားလေဟှယ်။
\p
\v 6 မျိုးစေ့နဲနဲဟှား ကြဲဟှူလူဟှ နဲနဲဟှားဘဲ့ ရိရလေ့မယ်။ မျိုးစေ့ဟှို ဘောင်ဂီးကြဲဟှူလူဟှ ဘောင်ဂီးဟှို ပ္လန်ဘီးဟှာ ရိရမယ် ဆိုဇာဟှို အောက်မေ့ဂေ့ပါ။ 
\v 7 လူတိုင်း စေတနာစိရှိတိုင်း ပေးကမ်းရဟှယ်။ ရရာဗြောဟှူစိနရော၊ ပေးကမ်းရဟှို့တွပ် ဝတ်တရားရှိဟှယ်ဆိုဟှူစိန ပေးကမ်းဂေ့န။ ဖြားဖြစ်ကြောန့်နူးဆိုဟှာ ဘုရားသခင်ဟှာ စေတနာန ပေးကမ်းတတ်ဟှူလူဟှို နှစ်သက်ဟှယ်။ 
\v 8 နန်းနို့ဟှာ လိုဇာမှန်မျှဟှို မြဲဒမ်းရဂေ့ဘီးဟှာ ကောန်းမှုမျိုးမျိုးလေတွပ် ကူညီဘီး ကျေးဇူးပြုနိုင်ဟှူတွပ်ကြောန့် ဘုရားသခင်ဟှာ နန်းနို့ လိုအပ်ဟှူဇာလေထတ် ပေးဟှို့တတ်နိုင်ဟှယ်။ 
\v 9 ကျမ်းစာထဲမာ
\q1 “သူဟှာ ဆင်းရဲဟှူလူလေဟှို ရစ်ရောဘီး ပေးကမ်းစွန့်ကြဲဟှယ်။
\q2 သူ့ရဲ့ ဖြောန့်မတ်ဟှူဇာဟှာ ထာဝရတည်ဟှယ်”
\m ဆိုဘီး ရေးဟှားဟှယ်။ 
\v 10 မျိုးစေ့ကြဲဟှူလူဟှို မျိုးစေ့န စားဇာလေဟှိုပေးဟှူ ဘုရားသခင်ဟှာ နို့လေ လိုအပ်မျှ မျိုးစေ့ဟှိုလည်း ပေးဘီး ပန်ပေါ့‑က်ဘီးဟှာ ရှင်ခိုင်းလေ့မယ်။ နန်းနို့ရဲ့ ရစ်ရောဇာနဆိုင်ဟှူ သီးပွမ့်လေဟှိုလည်း ဖြစ်စေလေ့မယ်။ 
\v 11 နန်းနို့ဟှာ ခီတိုင်းမာ ရစ်ရောဘီး ပေးကမ်းနိုင်ဂေ့ဟှို့တွပ် ကိုယ်တော်ဟှာ နန်းနို့ဟှို မြဲဒမ်း ကြွယ်ဝ စေလေ့မယ်။ နို့လေဟှနေတဆင့် နန်းနို့ပေးကမ်းဟှူ လတ်ဆောန်လေဟှို ခံရဟှူလူလေဟှာ ဘုရားသခင်ဟှို ကျေးဇူးတန်ဂေ့လေ့မယ်။ 
\v 12 နန်းနို့ဟှာ အယ်ကောန်းမှုလေန ဘုရားသခင်ရဲ့ သန့်ရှင်းဟှူလူစုလေ ဆင်ပြေဘဲဟှူ ခီမာ ကူညီဇာကဘဲန ဘုရားသခင်ဟှို ကျေးဇူးတန်ဇာလေလည်း ရရာတိုင်း တိုးပွားလာစေဟှယ်။ 
\v 13 အယ်ကောန်းမှုဟှို ထော့‑က်ဘီးဟှာ လူဘောင်ဂီးဟှ ခရစ်တော်ရဲ့ ဒန်းကောန်းဟှို သစ်စာရှိရှိ ခံယူဘီးဟှာ ယောင်ကြည်ဂေ့ဟှို့တွပ်န နန်းနို့ဟှာ ရစ်ရစ်ရောရောန တခြားသူလေဟှိုပါ ကူညီထော့‑က်ပံ့ ပေးဟှူကြောန့် ဘုရားသခင်ဟှို ချီးမွမ်းဟှယ်။ 
\v 14 နန်းနို့ဟှာ ထူးခြားဟှူ ဘုရားသခင်ရဲ့ ကျေးဇူးတော်ဟှို ခံစားရဂေ့ဟှူကြောန့် သူးနို့လေဟှာ နန်းနို့ဟှို ရရာတိုင်း လွမ်းဟှူကြောန့် နန်းနို့တွပ် ဆုတောန်းဂေ့လေ့မယ်။ 
\v 15 နို့လေဟှာ တန်းဖိုးဖြတ်နိုင်ဘဲဟှူ ဆုကျေးဇူးတော်တွပ် ဘုရားသခင်ဟှို ကျေးဇူးတန်ဂေ့ဇို့။
\c 10
\s ပေါလု ချေပပြောဆိုကြောန်း
\p
\v 1 ခရစ်တော်ရဲ့ စိနိခ္လဇာန ကြင်နာဟှူ ဇာလေဟှို ထော့‑က်ဘီးဟှာ ငါဟှာ နန်းနို့ဟှို မြစ်တာရပ်ခံဟှယ်။ ငါပေါလုဟှာ နန်းနို့ရှေ့မာ နူးညံ့ဘေမဲ့ နန်းနို့ နော့‑က်ကွယ်မာ သတ်တိရှိဟှူသူ ဖြစ်ဟှယ်။ 
\v 2 နို့လေဟှာ လောကီရဲ့ ကျိုးလေဟှို မျှော်ဘီးဟှာ လောက်ဆောန်လူလေ ဖြစ်ဟှယ် ဆိုဘီး စွပ်စွဲဝေဖန်ဂေ့ဟှူ လူလေဟှို ငါဟှာ ကိုယ်ရဲ့ စွမ်းသတ်တိဟှို ပြနိုင်ဟှယ် ဆိုဇာဟှို သိစေရှင်ဟှယ်။ အယ်ကြောန့် နန်းနို့နားဟှို ငါရော့‑က်လာဟှူ ခီမာ အယ်စွမ်းသတ်တိလေဟှို ပြရဟှူဇာန တွိကြောင်ရစေန။ 
\v 3 နို့လေဟှာ သွီးသားဇာတိန သတ်ရှင်နေဂေ့ဟှယ် ဆိုဇာ မှန်ဘေမဲ့ လောကီကျိုးဟှို မျှော်ဘီးဟှာ တိုက်ပွဲဝမ်နေဂေ့ဇာ မှုဟှ။ 
\v 4 နို့လေ စွဲကိုင်ဟှားဟှူ လတ်နတ်လေဟှာ လူသားလေ စွဲကိုင်ဟှူ ဇာတိလတ်နတ်လေမျိုး မှုဟှ။ ခံတပ်လေဟှို ဖြိုနိုင်ဟှူ ဘုရားသခင်ရဲ့ တဂိုးန ပ္လဲ့ဇောင်ဟှူ လတ်နတ်လေ ဖြစ်ဟှယ်။ နို့လေဟှာ မှန်ဘဲန ဆွေနွေးဘီး ဂြင်းခူဇာလေန၊ 
\v 5 ဘုရားသခင်ဟှို သိကျွမ်းဟှူ ပညာဟှို ဖောင်းဟှာဟှူ မာန်မာန မှန်မျှလေဟှိုရော၊ ဖြိုခ္လဘီး ဖျစ်ဆီးဟှယ်။ နို့လေဟှာ လူလေရဲ့ ကြံစည်ရှိမျှဟှို ဖမ်းချောက်ဘီးဟှာ ခရစ်တော်ဟှို နာခံခိုင်းဟှယ်။ 
\v 6 နန်းနို့ဟှာ နားထောန်းရှင်းန ပ္လဲ့ဇောင်ဟှူ ခီမာ နားထောန်ဘဲဟှူ သူရှိမျှဟှို တရားဟှူနည်းန စီရင်ဟှို့ နို့လေဟှာ ဆင်သင့် ရှိဂေ့ဟှယ်။
\p
\v 7 နန်းနို့ဟှာ ပ္လန်ဟှ လတ်ခဏာလေဟှိုဘဲ့ ကေ့ဂေ့ဟှယ်။ နန်းနို့လေမျှမှုဘဲန တခြားသူလေဟှလည်း ခရစ်တော်ဟှို အားကိုးဟှယ် ဆိုဘီး စိထန်ဟှူလူ ရှိဟှယ် ဆိုဟှာ အယ်လူဟှာ ခရစ်တော်ရဲ့ တဗဲ့ဖြစ်မျိုး နို့လေဟှလည်း ခရစ်တော်ရဲ့ တဗဲ့လေ ဖြစ်ဟှယ် ဆိုဇာဟှို စဉ်းစားသင့်ဟှယ်။ 
\v 8 ငါဟှာ သခင်ဘုရားပေးဟှားဟှူ ခွမ့်အာဏာန ပတ်သတ်ဘီး ရရာတိုင်း ကြွားမိမယ် ဆိုဟှာ ယှစ်ဟှ။ အယ်ခွမ့်အာဏာဟှာ နန်းနို့ဟှို ဖျစ်ဆီးဟှို့တွပ် မှုဟှ။ တည်ဆော့‑က်ပေးဟှို့တွပ်ဘဲ့ ဖြစ်ဟှယ်။ 
\v 9 ငါရေးလိုက်ဟှူ စာလေဟှာ နန်းနို့ဟှို ချီးချော့‑က်နေဟှယ် ဆိုဘီး ထန်ဂေ့န။ 
\v 10 “ပေါလုရဲ့ စာလေဟှာ ပြင်းထန်ဘီးဟှာ လေးနတ်ဟှူ စာလေဖြစ်ဘေမဲ့ လူကိုယ်တိုင် တွီရဟှူ ခီမာ သတ်တိမှေ့ဘဲဟှူလူ၊ ဟောပြောဇာလေဟှ ထန်ကီးဇာ ကောန်းဘဲ့ဟှူလူဖြစ်ဟှယ်” ဆိုဘီး ပြောဟှူလူ ရှိဟှယ်။ 
\v 11 နို့လေဟှာ ဝီးမာရှိနေဟှူ ခီမာ စာရေးဘီးပြောလိုက်ဟှူတိုင်းဘဲ့ လူကိုယ်တိုင် ရော့‑က်လာဟှူ ခီမာ လောက်ဆောန်ကြောန်းဟှို အယ်လူလေဟှို သိပေးလိုက်ဟှယ်။
\p
\v 12 ကိုယ့်ကိုယ်ကိုယ် ချီးမြှော‑က်ဘီးပြောနေဟှူ လူလေထဲမာ နို့လေပါဟှ။ နန်းနို့နလည်း နှိုင်းရှင်ဟှ။ ကိုယ့်ကိုယ်ကိုယ်ဘဲ့ နမူနာထားဘီးဟှာ ဆောင်းဖြတ်ဟှူလူဟှာ ရရာတိုင်း မိုက်ဟှူလူ ဖြစ်ဟှယ်။ 
\v 13 နို့လေဟှ ဝါကြွားရှင်ဟှူ တိုင်းတာထတ် ကျော်ဘီးဟှာ ကြွားဟှို့မှုဟှ။ နန်းနို့မာ နို့လေ လောက်ဟှူလောက်ငန်းဟှို လောက်ဆောန်ဟှို့တွပ် ဘုရားသခင် ကိုယ်တိုင်ဘဲ့ သတ်မှတ်ပေးဟှားဟှူ လောက်ငန်းထဲမာဘဲ့ နို့လေဟှာ ကြွားဂေ့ဟှယ် 
\v 14 နန်းနို့ဟှာ နို့လေတွပ် ဘုရားသခင် သတ်မှတ်ပေးဟှားဟှူ လောက်ငန်းထဲမာ ပါဝမ်ဟှူကြောန့် နို့လေဟှာ ခရစ်တော်ကြောန်းဖြစ်ဟှူ ဒန်းကောန်းဟှို နန်းနို့နားဟှို ယူဆောန်လာရဟှယ်။ 
\v 15 အယ်ကြောန့် နို့လေဟှာ ဘုရားသခင် သတ်မှတ်ပေးဟှာဟှူ လောက်ငန်းဟှနေ လွှဲဘီးဟှာ တခြားသူလေရဲ့ လောက်ဆောန်ဇာန ဂေါင်ယူဘီး ကြွားဟှ။ နန်းနို့လေရဲ့ ယောင်ကြည်ရှင်းပါရမီဟှို ရင်းဘီးဟှာ နို့လေတွပ် ဘုရားသခင်ဟှ သတ်မှတ်ပေးဟှားဟှူ နယ်ပယ်ဖြစ်ဟှူ နန်းနို့နားမာ မှုတော်ဟှို ပိုဘီးဟှာ လောက်နိုင်ဟှို့တွပ် မျှော်လင့်ဟှယ်။ 
\v 16 အယ်ဘီးန နို့လေဟှာ နန်းနို့ရဲ့ ဒေသဟှို ကျော်ဘီးဟှာ တခြားဒေသလေမာ သခင်ယေရှုကြောန်းဖြစ်ဟှူ ဒန်းကောန်းဟှို ဟောပြောကြေညာ နိုင်ဟှူကြောန့် တခြားသူလေရဲ့ နယ်ပယ်ထဲမာ ပီအောန်လောက်ဟှူ ဇာလေတွပ် နို့လေဟှ ဂေါင်ယူဘီး ကြွားဇာလိုဟှမ်း။
\p
\v 17 အယ်ဘေမဲ့ ကျမ်းစာဟှ “ဝါကြားဟှူသူဟှာ ဘုရားသခင်အားဖြင့်ဘဲ့ ဝါကြွားပါစေ” ဆိုဘီး ပြောဟှားဟှယ်။ 
\v 18 ဖြားဖြစ်ကြောန့်နူးဆိုဟှာ သခင်ဘုရား နှစ်သက်ဟှူဇာဟှ ကိုယ့်ဇာကိုယ် ချီးမြှော‑က်လူ မှုဟှ။ ကိုယ်တော်ရဲ့ ချီးမြှော‑က်ခံရဟှူ လူဘဲ့ဖြစ်ဟှယ်။
\c 11
\s ပေါလုန တမန်တော်တုယောန်လေကြောန်း
\p
\v 1 ငါမိုက်မဲဟှူပြစ်ဟှို နန်းနို့ဟှာ သီးခံဂေ့လေ့မယ် ဆိုဇာဟှို ငါဟှာ မျှော်လင့်ဟှယ်။ ကျေးဇူးပြုဘီးဟှာ သီးခံဂေ့ပါ။ 
\v 2 ဘုရားသခင်ဟှာ နန်းနို့ဟှို နာလိုဘဲ့စိ ရှိဟှူမျိုးဘဲ့ ငါဟှလည်း နန်းနို့ဟှို စိုးရိမ်ဟှူစိန၊ နန်းနို့ဟှို ခရစ်တော်တယော့‑က်တည်းန မင်္ဂလာဆောန်ပေးဟှို့တွပ် ငါဟှ ဂဒိပြုဟှားဟှူ၊ သန့်ရှင်းစင်ကြယ်ဟှူ ပျိုကညာန တူဂေ့ဟှယ်။ 
\v 3 ဧဝဟှာ ဗွီရဲ့ကော့‑က်ကျစ်မှုန လှည့်စားခံရဟှူမျိုး နန်းနို့ဟှလည်း စိဖော့‑က်ပ္လန်ဘီးဟှာ ခရစ်တော်ဟှို ကြွင်းမဲ့ချစ်ဘီး စွဲလန်းဟှူစိ ပျော့‑က်ဟှားမာဟှို ငါစိုးရိမ်ဟှယ်။ 
\v 4 လူတယော့‑က်ဟှာ နန်းနို့နားဟှို ရော့‑က်လာဘီး နို့လေပြောဖူးဘဲဟှူ တခြားတပါးဖြစ်ဟှူ ယေရှုရဲ့ကြောန်းဟှို ဟောပြောဟှူ ခီမာ နန်းနို့ဟှာ လတ်ခံဂေ့ဟှယ်။ နန်းနို့ဟှာ နို့လေနားဟှနေ ကြားရဟှူဒန်းကောန်းန လောင်းဝတူဘဲ့ဟှူ ဒန်းကောန်းဟှိုရော၊ ရင်ဒူးဟှ ခံယူဟှားဟှူ ဝိညာဉ်တော်န လောင်းဝတူဘဲ့ဟှူ ဝိညာဉ်တော်ဟှိုရော လတ်ခံဂေ့ဟှယ်။
\p
\v 5 ငါဟှာ နန်းနို့ရဲ့ ကီးဆောင်းဖြစ်ဟှူ တမန်တော်လေထတ် နိက္လဟှ ဆိုဇာဟှို ငါသိဟှယ်။ 
\v 6 ငါဟှာ ဟောပြောဇာ ကောန်းဟှဘေမဲ့ သိပညာမာ ညံ့ဟှ။ နို့လေဟှာ အယ်ချစ်ဟှို ခြေနေမျိုးမျိုးမာ နန်းနို့ဟှို ကောန်းကောန်းဟှား သိစေဟှယ်။
\p
\v 7 ငါဟှာ နန်းနို့ ချီးမြှော့‑က်ခံရဟှို့တွပ် ကိုယ့်ဇာကိုယ် နှိခ္လဘီးဟှာ ဘုရားသခင်ရဲ့ ဒန်းကောန်းဟှို နန်းနို့ဟှို ခမဲ့ဟောပြောဇာဟှာ ပြစ်ရှိလော။ 
\v 8 ငါဟှာ နန်းနို့နားမာ မှုတော်ဆောန်ဟှူခီဒူးဟှ ကူဟှားဟှူစရိလေဟှို တခြားသင်းတော်လေဟှို ကူညီခိုင်းဟှယ်။ နို့လေဟှာ နန်းနို့ဟှို ကူညီနိုင်ဟှို့တွပ် သင်းတော်လေမာ မ္လတိုက်ရဟှူမျိုးဘဲ့ဖြစ်ဟှယ်။ 
\v 9 \x - \xo ၁၁.၉ \xo*\xt ဖိ ၄.၁၅–၁၈\xt*\x*ငါဟှာ နန်းနို့နားမာ ရှိနေဟှူ ခီမာ ကပ်လိုနေဟှူ ခီမာ နန်းနို့ဟှို ငါဟှ ဒေါက်ခပေးဟှ။ မာကေဒေါနိပြည်ဟှနေ လာဂေ့ဟှူ ယောင်ကြည်သူလေဟှ ငါလိုရှင်မျှဟှို ယူလာဂေ့ဟှယ်။ ငါဟှာ ကိုယ့်တွပ်န ဖယ်သူဟှိုလည်း ဝန်လေးခိုင်းဟှ။ နော့‑က်မာလည်း ဝန်လေးခိုင်းဟှ။ 
\v 10 အယ်မျိုး ငါဟှ ကြွားဘီးပြောဇာဟှို အခါယပြည် တရှော့‑က်လောင်းမာ ဖယ်သူလည်း တားဟှို့ရဘဲဟှူကြောန်းဟှို ငါ့မာရှိဟှူ ခရစ်တော်ရဲ့ သမ္မာတရားဟှို မှီပြုဘီးဟှာ ငါပြောဟှယ်။ 
\v 11 ဖြားဖြစ်ကြောန့်နူး။ ငါဟှ နန်းနို့ဟှို ရှစ်ဘဲ့ကြောန့်လော။ ငါရှစ်ကြောန်းဟှို ဘုရားသခင်ဟှ သိဟှယ်။
\p
\v 12 အယ်ဘေမဲ့ နို့လေမျိုး လောက်ဆောန်ဟှယ် ဆိုဘီး ကြွားဘီးပြောဟှူဇာလေဟှို အယ်တမန်တော်လေဟှ ရနိုင်ဂေ့ဘဲတွပ် ငါဟှာ ခုတိုင်းဘဲ ဆစ်ဘီးဟှာ လောက်ဆောန်ဟှားမယ်။ 
\v 13 အယ်လူလေဟှာ တမန်တော်တုယောန်လေဘဲ့ ဖြစ်ဂေ့ဟှယ်။ သူးနို့ကိုယ်သူးနို့ ခရစ်တော်ရဲ့ တမန်တော်လေဖြစ် ယောန်ဆောန်ဘီးဟှာ လှည့်စားဘီး လောက်ဆောန်ဟှူ လူလေဖြစ်ဟှယ်။ 
\v 14 သူးနို့လေဟှာ အယ်မျိုးလောက်ဟှူဇာဟှာ အံ့ဩဇာ မှုဟှ။ စာတန်ကိုယ်တိုင်ဘဲ့ လန်းဟှူ ကောန်းဂန်တမန် ပေါင်ဇံန ယောန်ဆောန်နိုင်ဟှယ်။ 
\v 15 အယ်ကြောန့် သူ့ရဲ့ တဗဲ့လေဟှာ ဖြောန့်မတ်ရှင်းရဲ့ စေခံဖြစ်န ယောန်ဆောန်ဂေ့ဇာဟှာ အံ့ဩဇာ မှေ့ဟှ။ နော့‑က်ဆောင်းမာ သူးနို့ဟှာ သူးနို့ ကျင့်ကြံပြုမူဟှားဟှူတိုင်းဘဲ့ ကျိုးပြစ်လေဟှို ခံစားရဂေ့လေ့မယ်။
\s တမန်တော်နေန ပေါလုခံရဟှူ ဆင်းရဲဒေါက်ခကြောန်း
\p
\v 16 နော့‑က်ထပ် ငါပြောမယ်။ ငါ့ဟှို လူမိုက် ဆိုဘီး ဖယ်သူလည်း ထန်မှတ်စေန။ အယ်ဘေမဲ့ နန်းနို့ဟှာ ထန်မှတ်ဂေ့မယ် ဆိုဟှာလည် လူမိုက်နေနဘဲ့ ငါဟှို လတ်ခံဂေ့ပါ။ အယ်မျိုးဖြစ်မှ ငါ့မာဝါကြွားဇာ နဲနဲဟှားရနိုင်မယ်။ 
\v 17 ခု ငါဟှာ ရဲရင့်ဘီးဟှာ ကြွားဘီးပြောနေဇာဟှာ သခင်ဘုရားရဲ့ လိုတော်ရ မှုဟှ။ လူမိုက်မျိုးဘဲ့ ဝါကြွားနေဇာ ဖြစ်ဟှယ်။ 
\v 18 အယ်ဘေမဲ့ လူလေဟှ လောကရာလေတွပ်ကြောန့် ဝါကြွားတတ်ဂေ့ကြောန့် ငါဟှလည်း ဝါကြွားဟှယ်။ 
\v 19 နန်းနို့ဟှာ ပညာရှိဟှူလူလေ ဖြစ်ဟှူကြောန့် လူမိုက်လေဟှို ဝန်းသာဘီးဟှာ သီးခံဂေ့ဟှယ်။ 
\v 20 တခြားလူလေဟှ နန်းနို့ဟှို ကျွန်ခံခိုင်းဇာ၊ ခွမ့်ရေးယူဇာ၊ မ္လတ်ထုဇာ၊ ထန်သေးဇာ၊ ပါးရိုက်ဟှူဇာလေဟှို သီးခံဂေ့ဟှယ်။ 
\v 21 နို့လေဟှာ အယ်မျိုးမှုလေဟှို နန်းနို့ဟှိုလောက်ဟှို့ သတ်တိမှေ့ဘဲကြောန့် ယှစ်ယှစ်ကြော့‑က်ကြော့‑က်နဘဲ့ ဝန်ခံရဟှယ်။
\p အယ်ဘေမဲ့ လူမိုက်နေန ပြောရမယ် ဆိုဟှာ ယော့‑က်ယော့‑က်ဟှ တခုခုဟှို ဝါကြွားမယ် ဆိုဟှာ ငါဟှလည်း ဝါကြွားနိုင်ဟှယ်။ 
\v 22 သူးနို့ဟှာ ဟေဗြဲလူမျိုး ဖြစ်ဟှယ် ဆိုဟှာ ငါလည်း ဖြစ်ဟှယ်။ သူးနို့ဟှာ ဣသရေလလူမျိုး ဖြစ်ဟှယ် ဆိုဟှာ ငါလည်း ဖြစ်ဟှယ်။ သူးနို့ဟှာ အာဗြဟံမျိုးနွယ် ဖြစ်ဟှယ် ဆိုဟှာ ငါလည်း ဖြစ်ဟှယ်။ 
\v 23 \x - \xo ၁၁.၂၃ \xo*\xt တ ၁၆.၂၃\xt*\x*သူးနို့လေဟှာ ခရစ်တော်ရဲ့ စေခံလေ ဖြစ်ဟှယ် ဆိုဟှာ ငါဟှာ ထူးသဖြင့် ဖြစ်ဟှယ် ဆိုဘီး ရူးတယော့‑က်မျိုး ငါပြောဟှယ်။ ငါဟှာ အယ်လူလေထတ် ပိုဘီးဟှာ ပန်ဗန်းခံဘီးဟှာ မှုတော်ဆောန်ဟှယ်။ သူးနို့ထတ်ပိုဘီးဟှာ ခဏခဏ ထောန်က္လဖူးဟှယ်။ ပိုဘီးဟှာ ကီဒန်ခံရဟှယ်။ သေဘေးလေန ခဏခဏ ရင်ဆိုင်ရဟှယ်။ 
\v 24 ယုဒလူမျိုးလေဟှာ ငါ့ဟှို သောင်းဆယ်ကိုးချစ် ရိုက်ခံရဟှူဇာဟှို ငါးခါတိတိ ခံရဟှယ်။ 
\v 25 \x - \xo ၁၁.၂၅ က \xo*\xt တ ၁၆.၂၂; \xt*\xo ခ \xo*\xt တ ၁၄.၁၉\xt*\x*ရောမလူမျိုးလေနားမာ သောင်းခါတိတိ ကီဒန်ခံရဟှယ်။ က္လော့‑က်ခဲနလည်း တခါပစ်ခံရဟှယ်။ သန်းဖောပျစ်ဇာလည်း သောင်းခါလော့‑က် ဖြစ်ဟှယ်။ ပန်လယ်ပ္လန်မာလည်း တရစ်လောင်းလောင်း နေရဟှယ်။ 
\v 26 \x - \xo ၁၁.၂၆ က \xo*\xt တ ၉.၂၃; \xt*\xo ခ \xo*\xt တ ၁၄.၅\xt*\x*ငါဟှာ ခဏခဏ ခရီးသွားဟှူ ခီမာ ရေကီးဟှူဘေး၊ မ္လတိုက်ခံရဟှူဘေး၊ ငါ့လူမျိုးလေဟှ လောက်ဟှူဘေး၊ လူမျိုးခြားလေဟှ လောက်ဟှူဘေး၊ ဗြို့ဂီးလေမာ တွိရဟှူဘေး၊ တောဝါလေမာ တွိရဟှူဘေး၊ ပန်လယ်ဘေး၊ မိဆွေယောင်ဆောန်ဟှူ ဘေးလေန တွိကြောင်ရဟှယ်။ 
\v 27 လောက်လေဟှို ခတ်ခတ်ခဲခဲ လောက်ရဟှူဇာ၊ မကြာမကြာ အိပျစ်ဇာ၊ စာငတ်ခံရဟှူဇာ၊ ရေလည်းငတ်ဟှူဇာ၊ မကြာမကြာ စားဇာမှေ့ဘဲဟှူဇာ၊ အေးဒန်ခံရဟှူဇာ၊ ဝတ်ဇာမှေ့ဘဲန နေရဇာ၊ အယ်မျိုး ဆင်းရဲဟှူဇာလေဟှို ငါခံရဟှယ်။ 
\v 28 အယ်မျိုး ဆင်းရဲဒေါက်ခရော၊ တခြား ဆင်းရဲဒေါက်ခလေနဟှို မှုဘဲန သင်းတော်တွပ်လည်း နေတိုင်း စိုးရိမ်ပူပန်နေရဟှယ်။ 
\v 29 အားနဲဟှူလူ ရှိဟှူ ခီမာ ငါ့ဟှလည်း အားနဲရဟှယ်။ ယော့‑က်ယော့‑က်ဟှ ပြစ်လောက်ဆိုဟှာလည်း ငါဟှာ ပူပန်ရဟှယ်။
\p
\v 30 ငါဟှာ ကြွားရမယ် ဆိုဟှာ ငါ့ရဲ့အားနဲဟှူ ဇာလေဟှိုဘဲ့ ကြောန်းပြုဘီးဟှာ ကြွားရဟှယ်။ 
\v 31 ငါဟှာ လီညာဘီး ပြောဘဲကြောန်းဟှို သခင်ယေရှုရဲ့ ခမည်းတော် ဘုရားသခင်ဟှ သိဟှယ်။ အယ်သခင်ရဲ့ နာမတော်ဟှာ ထာဝရမင်္ဂလာ ရှိပါစေ။ 
\v 32 \x - \xo ၁၁.၃၂,၃၃ \xo*\xt တ ၉.၂၃–၂၅\xt*\x*ငါဟှာ ဒမာသက်ဗြို့မာ ရှိဟှူ ခီမာ အရေတမန်းဂီးရဲ့ လတ်အော့‑က်ခံဖြစ်ဟှူ လူဟှာ ငါ့ဟှို ဖမ်းဟှို့တွပ် ဗြို့ခွဗော့‑က်လေမာ တပ်သားလေဟှို စောန့်ခိုင်းဟှားဟှယ်။ 
\v 33 တဗဲ့တော်လေဟှာ ငါ့ဟှို ခြင်းတောန်းထဲဟှို ထဲ့ဘီးဟှာ လတ်တန်ဗော့‑က်ဟှနေ တဆင့် ဗြို့ရိုးထတ်ဟှနေ ရှောခ္လဂေ့ကြောန့် ငါဟှာ အယ်လူလေ လတ်ဟှနေဘီး လွတ်ဟှားဟှယ်။
\c 12
\s ပေါလုခံရဟှူ ရူပါရောင်န ဗျာဒိတ်တော်ကြောန်း
\p
\v 1 ကြွားရဟှူဇာဟှာ ကျိုးမှေ့ဘေမဲ့ ငါဟှာ ကြွားအူးမယ်။ သခင်ဘုရားဟှ ငါ့ဟှိုပြဟှူ ရူပါရောင်လေန ဗျာဒိတ်တော်ကြောန်းလေဟှို ပြောပြမယ်။ 
\v 2 ခရစ်တော်နှိုက်ရှိဟှူ တဗဲ့တော် တယော့‑က်ဟှာ ပီးဟှားဟှူ ဆယ်လေးနှစ်လော့‑က်ဒူးဟှ ကောန်းဂန်ဘောင် တတိယထပ်ဟှို ခီဆောန်ခံရဟှယ် ဆိုဇာဟှို ငါသိဟှယ်။ အယ်မျိုး ခီဆောန်ခံရဟှူ ဇာဟှာ ကိုယ်ခန္ဓာပါလား၊ ပါဟှလား ဆိုဇာ ငါသိဟှ။ တကယ်ဘဲ့လား၊ အယ်မျိုးမှုဘဲနေဟှာ ရူပါရောင်ဘဲ့လား ဆိုဇာ ငါသိဟှ။ ဘုရားသခင်ဘဲ့ သိဟှယ်။ 
\v 3 အယ်လူဟှာ ပရဒိသုဘောင်ဟှို ခီဆောန်ခံရဟှယ်။ အယ်မျိုး ခီဆောန်ခံရဟှူ ဇာဟှာ ကိုယ်ခန္ဓာပါဘီး ခီဆောန်ခံရဇာလော အယ်မျိုးမှုဘဲနေဟှာ ကိုယ်ခန္ဓာပါဘဲန ခီဆောန်ခံရဇာလော ငါသိဟှ။ ဘုရားသခင်ဟှဘဲ့ သိဟှယ်။ 
\v 4 အယ်လူဟှာ လူလေပြောခွမ့် မှေ့ဟှ။ ပြောဟှို့လည်း ရနိုင်ဘဲဟှူ စကားလေဟှို ကြားဟှားရဟှယ်။ 
\v 5 အယ်ကြောန့် အယ်လူရဲ့ ကြောန်းဟှို ငါကြွားမယ်။ အယ်ဘေမဲ့ ကိုယ်ရဲ့ အားနဲချစ်လေန တခြားကြောန်းလေဟှို ကြွားဟှ။ 
\v 6 ငါဟှ ကြွားရှင်ဟှယ် ဆိုဟှာ ရူးဖြစ်ဟှို့ မှုဟှ။ ဖြားဖြစ်ကြောန့်နူးဆိုဟှာ မှန်ကန်ဟှူ စကားဟှိုဘဲ့ ပြောဟှူကြောန့် ဖြစ်ဟှယ်။ အယ်ဘေမဲ့ ဖယ်သူလည်း ကိုယ့်ဇာကိုယ် ဗြင်ရကြားရဟှူ ဇာထတ် ပိုဘီး ငါ့ဟှို ထန်ကီးဘဲဟှို့တွပ် ငါဟှာ ဝါကြွားဟှ။
\p
\v 7 ငါဗြင်ရဟှူ အံ့ဩဘွယ် ရူပါရောင်ကြောန့် ကိုယ့်ဇာကိုယ် ထန်ကီးဘဲဟှို့တွပ် ငါ့ရဲ့ ကိုယ်ခန္ဓာမာ နာဟှူဝေဒနာတခုဟှို ခံစားနေရဟှယ်။ အယ်ဝေဒနာဟှာ စာတန်ရဲ့ တမန်မျိုးဖြစ်ဟှူ ငါ့ဟှို ဒန်ခတ်ဘီး ငါ့ရဲ့မာနဟှို နှိခ္လဟှားဟှယ်။ 
\v 8 အယ်ဝေဒနာဟှို ဖယ်ရှားပစ်ပေးဟှို့တွပ် ငါဟှာ သခင်ဘုရားဟှို သောင်းခါတိတိ ဆုတောန်းဘီး သနားခံဟှယ်။ 
\v 9 အယ်ဘေမဲ့ ငါ့ကျေးဇူးဟှာ နန့်တွပ် လောင်လော့‑က်ဟှယ်။ ငါ့တဂိုးဟှာ အားနည်းဟှူ ခီမာ စောင်လင်ဟှယ် ဆိုဘီး ပြောဟှယ်။ အယ်ကြောန့် ခရစ်တော်ရဲ့ တဂိုးဟှာ ငါ့ထတ်မာ ကိန်းဝပ်ဟှို့တွပ် ငါ့ကိုယ်ခန္ဓာမာ အားနဲဟှူဇာဟှနေဘီး ဝန်းသာဟှူစိန ကြွားဟှူဇာဟှိုဘဲ့ ငါလိုရှင်ဟှယ်။ 
\v 10 ငါဟှာ အားနဲနေဟှူ ခီမာ တဂိုးနပ္လဲ့ဇောင်ဘီး ခရစ်တော်တွပ်ကြောန့် အားနဲဇာလေ၊ စော်ကားခံရဇာလေ၊ ဆင်းရဲဇာလေ၊ နှိစစ်ညှင်းဆဲဇာလေ၊ နှောက်ရှစ်ဇာလေဟှို ခံရဟှူ ခီမာ သီးခံနိုင်ဟှယ်။
\s ကောရိန္သုသင်းသားလေတွပ် ပေါလုစိုးရိမ်ကြောန်း
\p
\v 11 ငါဟှာ လူမိုက်မျိုးဖြစ်လော။ အယ်မျိုးမှုဘဲနေဟှာ နန်းနို့ဟှ ငါ့ဟှို လူမိုက်ဖြစ်အောန် လောက်ဂေ့ဟှယ်။ နန်းနို့ဟှာ ငါ့ဟှို ထော့‑က်ခံပေးသင့်ဟှူ လူလေဖြစ်ဟှယ်။ ငါဟှာ ရေရာဘဲဟှူလူ ဖြစ်ဘေမဲ့ နန်းနို့ရဲ့ ထူခြားဟှူ တမန်တော်လေထတ် ဖယ်မျိုးလည်း နိက္လဟှ။ 
\v 12 ငါဟှာ တမန်တော်တပါး ဖြစ်ကြောန်းဟှို နမိတ်လတ်ခဏာလေ၊ အံ့ဩဘွယ်ရာလေန၊ ထူးဆန်ဟှူ တဂိုးလေအားဖြင့် နန်းနို့ဟှို ငါဟှာ စိရှယ်လတ်ရှယ်န သတ်သေပြဟှားဟှယ်။ 
\v 13 နန်းနို့ဟှို ငါဟှာ ငွေကြေးကိစန တာဝန်ပေးဘဲဇာဟှလွှဲဘီး ငါဟှာ နန်းနို့ဟှို တခြားသင်းတော်လေန ဒန်းဒူထားဘီးဟှာ ဆစ်ဆံဟှယ်။ အယ်မျိုးတရားဘဲဟှူဇာ လောက်မိတွပ်လည်း ငါ့ဟှို ခွမ့်လွှတ်ပေးဂေ့ဟှို့တွပ် တောန်းဗန်ဟှယ်။
\p
\v 14 ငါဟှာခု နန်းနို့နားဟှို တတိယခါ ရော့‑က်လာဟှို့တွပ် ဆင်သင့်ရှိနေဟှယ်။ အယ်ဘေမဲ့ ငါ့တွပ် နန်းနို့ဟှို တာဝန်လေးခိုင်းဟှ။ နန်းနို့ရဲ့ ငွေကြေးအောက်စာလေဟှို ငါလိုဟှ။ နန်းနို့ဟှိုဘဲ့ ငါဟှာ လိုရှင်ဟှယ်။ သားမီးလေဟှ မိဖလေတွပ် ထော့‑က်ပံ့ရဇာ မှုဟှ။ မိဖလေဟှဘဲ့ သားမီးလေတွပ် ထော့‑က်ပံ့ဂေ့ရဟှယ်။ 
\v 15 ငါဟှာ နန်းနို့လေဟှို ကူညီဟှို့တွပ် ဝန်းသာဘီး ကိုယ့်ရဲ့အောက်စာန အင်အားလေဟှို သောင်းပြုဟှယ်။ ငါဟှာ နန်းနို့လေဟှို အယ်မျှလော့‑က် ရှစ်ဟှယ် ဆိုဟှာ နန်းနို့ဟှ ငါဟှို နဲနဲဟှားဘဲ့ ရှစ်ဟှို့လော။
\p
\v 16 ငါဟှာ နန်းနို့ဟှို ဝန်လေးစေဟှ ဆိုဇာဟှို နန်းနို့ဟှာ ဝန်ခံဂေ့လေ့မယ်။ အယ်ဘေမဲ့ ငါဟှာ နန်းနို့ဟှို လှည့်ဇားဟှယ် ဆိုဘီး ယော့‑က်ယော့‑က်ဟှ စွပ်စွဲလေ့မယ်။ 
\v 17 ဖယ်မျိုး ငါဟှာ ခွမ့်ရေးယူဟှို့နူး။ နန်းနို့နားဟှို ငါဟှာ လူယော့‑က်ယော့‑က်ဟှို လွှတ်ဘီးဟှာ ခွမ့်ရေးယူဖူးဘဲ့လော။ 
\v 18 ငါဟှာ တိတုဟှို နန်းနို့နားဟှို သွားဟှို့တွပ် တောန်းဗန်ဘီးဟှာ လွှတ်လိုက်ဟှယ်။ တခြားယောင်ကြည်သူ တယော့‑က်ဟှိုလည်း သူ့နတူးဒူ လွှတ်လိုက်ဟှယ်။ တိတုဟှာ နန်းနို့နားဟှ ခွမ့်ရေးယူဟှယ် ဆိုဘီး ပြောဟှို့လော။ သူ့နငါဟှာ စိဘောတူဘီး တလမ်းဒဲ လိုက်ရှော့‑က်ဘီးဟှာ ကျင့်နေဂေ့ဟှူဇာ မှုဟှလော။
\p
\v 19 နို့လေဟှာ တခီလောင်း ကိုယ့်ဇာကိုယ် ကာကွယ်ဘီးဟှာ ပြောနေဟှယ် ဆိုဇာဟှို နန်းနို့လေဟှာ ထန်ဂေ့လေ့မယ်။ နို့လေဟှာ အယ်မျိုးပြောနေဇာ မှုဟှ။ ခရစ်တော်အားဖြင့် ဘုရားသခင်ရှေ့မာ ပြောနေဇာဖြစ်ဟှယ်။ ရှစ်ရဟှူ မိဆွေလေ၊ နို့လေ လောက်ဟှူဇာလေဟှာ နန်းနို့ဟှို တည်ဆော့‑က်ဟှို့တွပ်ဘဲ့ ဖြစ်ဟှယ်။ 
\v 20 နန်းနို့နားဟှို ရော့‑က်လာဟှူ ခီမာ ငါဟှာ နန်းနို့ဟှို တွိရှင်ဇာတိုင်းဟှို တွိရဘဲနေမာဟှို စိုးရိမ်မျိုးဘဲ့ နန်းနို့ဟှလည်း ငါ့ဟှို တွိရှင်ဇာတိုင်းဘဲ့ တွိရဘဲနေမာဟှို ငါလည်း စိုးရိမ်ဟှယ်။ နန်းနို့ဟှာ ရန်တွိရှင်း၊ နာလိုရှင်း၊ ဒေါသထွပ်ရှင်း၊ ဂေါင်ပြိုင်ရှင်း၊ စော်ကားဘီးပြောရှင်း၊ ရှောက်ခ္လရှင်း၊ မော့‑က်မာရှင်း၊ ရောင်းရင်းဆန်ခတ် လောက်ရှင်းလေဟှို ငါဟှာ တွိရမာဟှို စိုးရိမ်ဟှယ်။ 
\v 21 နော့‑က်တခါ နန်းနို့နားဟှို လာဟှူ ခီမာ ငါ့ရဲ့ ဘုရားသခင်ဟှာ ငါ့ဟှို နန်းနို့ရှေ့မာ နှိခ္လဘီးဟှာ ရင်ဟှပြစ်မှားဘီး ကိုယ့်ကိုကိုယ်ကျင့်နေဟှူ ညစ်ညူးရှင်း၊ တရားနညီဘဲဟှူ မေထုန်လောက်ရှင်း ကာမဂေါင်လိုက်စားရှင်းလေဟှို နောန်ဒရသေးဘဲ့ဟှူလူလေ ဘောင်ဂီးရှိဟှူကြောန့် ငါဟှာ ဝန်းနဲဘီး ကြေကွဲရဟှို့တွပ် ငါဟှာ စိုးရိမ်ဟှယ်။
\c 13
\s နော့‑က်ဆောင်း ဒိပေးဘီးဟှာ နှောက်ဆစ်ကြောန်း
\p
\v 1 ခုငါဟှာ တတိယခါ နန်းနို့နားဟှို လာမယ်။ ကျမ်းစာဟှ ဖော်ပြဟှားဟှူမျိုး “မှုကိစမှန်မျှဟှို သတ်သေနှေ့ယော့‑က် သောင်းယော့‑က်ရဲ့ စကားထွပ်ဆိုဇာန ဆောင်းဖြတ်ရဟှယ်။” 
\v 2 ဒုတိယခါမာ ရော့‑က်လာဒူးဟှ “နော့‑က်တခါ နန်းနို့နားဟှို လာမယ် ဆိုဟှာ ငါဟှာ ငဲ့ညှာဟှို့မှုဘီ” ရင်ဒူးဟှ ပြစ်ကျူးလွန်ဟှူလူလေန တခြားလူလေဟှို ငါဟှာ ကြိုတန်ဘီးဟှာ ဒိပေးဟှားဟှယ်။ ခုလည်း အယ်တိုင်းဘဲ့ အဝီးဟှနေဘီးဟှာ ငါထပ်ဘီး ဒိပေးလိုက်ဟှယ်။ 
\v 3 ခရစ်တော်ဟှာ ငါ့အားဖြင့်ပြောဟှူ သတ်သေဟှို နန်းနို့တောန်းဆိုဂေ့တိုင်း ငါလာဟှူ ခီမာ ရစေမယ်။ ခရစ်တော်ဟှာ နန်းနို့န ပေါန်းဟှူ ခီမာ အားနဲတော်မူဘဲ သူ့ရဲ့ တဂိုးတော်ဟှို နန်းနို့ဟှို ပြလေ့မယ်။ 
\v 4 ကိုယ်တော်ဟှာ လတ်ဝါးကပ်တိုင်မာ သတ်ခံရဟှူ ခီမာ စွမ်းအားမှေ့ဘဲဟှူမျိုး ရှိဘေမဲ့ ခုခါမာ ဘုရားသခင်ရဲ့ တဂိုးတော်ကြောန့် သတ်ရှင်ဘီးနေဟှယ်။ နို့လေဟှလည်း ကိုယ်တော်န တလောင်းတဝဒဲရှိကြောန့် စွမ်းအားနဲဂေ့ဟှယ်။ အယ်ဘေမဲ့ နို့လေဟှာ ဘုရားသခင်ရဲ့ တဂိုးတော်ကြောန့် ခရစ်တော်နတူးဒူ သတ်ရှင်ဘီး နန်းနို့န ပေါန်းဖော်ရဟှယ်။
\p
\v 5 နန်းနို့ဟှာ ယောင်ကြည်ရှင်းမာ တည်ဟှယ်၊ တည်ဟှ ဆိုဇာဟှို ကိုယ့်ကိုယ်ကိုယ် စစ်ဆေးဂေ့။ အယ်မျိုး စစ်ဆေးဟှူ ခီမာ အောန်မြင်မယ် ဆိုဟှာ နန်းနို့ဟှာ ကိုယ့်စိနှလောင်းထဲမာ ယေရှုခရစ်တော်ဟှ ရှိနေဟှူကြောန်းဟှို သေးသေချားချာ သိဂေ့ဟှယ်။ အယ်မျိုးမှုဟှ ဆိုဟှာ နန်းနို့လေဟှာ စစ်ဆေးမှုမာ ရှောန်းနိလေ့မယ်။ 
\v 6 နို့လေဟှာ စစ်ဆေးခံရဟှူ ခီမာ အောန်မြင်ဟှူ လူလေဖြစ်ကြောန်းဟှို နန်းနို့ဟှာ သိဂေ့မယ် ဆိုဇာဟှို ငါဟှာ မျှော်လင့်ဟှယ်။ 
\v 7 နန်းနို့ဟှာ ကောန်းဘဲဟှူဇာလေဟှို ရှောန်ဟှို့တွပ် ဘုရားသခင်ဟှို နို့လေဟှာ ဆုတောန်းရဟှယ်။ အယ်မျိုးလောက်ဟှူဇာဟှာ နို့လေဟှာ ကိုယ့်ကိုယ်ကိုယ် အောန်မြင်ဟှူလူလေ ဖြစ်ဇာဟှို ပေါ်ရှင်ကြောန့် လောက်ဇာမှုဟှ။ နို့လေဟှာ အောန်မြင်ဘဲဟှူမျိုးဖြစ်ဘေမဲ့ နန်းနို့ဟှို ကောန်းမြတ်ဟှူမှုလေဟှို လောက်ဟှို့တွပ် ဆုတောန်းရဟှယ်။ 
\v 8 နို့လေဟှာ သမ္မာတရားဟှို ဆန့်ကျင်ဘီးဟှာ ဖယ်မှုဟှိုလည်း လောက်နိုင်ဂေ့ဟှ။ သမ္မာတရားဖတ်မာနေမှဘဲ့ လောက်နိုင်ဂေ့ဟှယ်။ 
\v 9 နို့လေဟှာ အားနဲဘီး နန်းနို့ဟှ အားကီးဟှူ ခီမာ နို့လေဟှ ဝန်းသာဟှယ်။ အယ်ကြောန့် နန်းနို့ဟှာ ပြစ်ပြောဇာ မှေ့ဘဲနေအောန် ဖြစ်လာဟှို့တွပ် နို့လေဟှာ ဆုတောန်းဂေ့ဟှယ်။ 
\v 10 နန်းနို့န ဝီးနေဟှူ နေ့ရစ်လေမာ အယ်စာဟှို ရေးရဇာဟှာ ငါလာဟှူ ခီမာ သခင်ဘုရားဟှ ငါ့ဟှို ပေးဟှားဟှူ ခွမ့်အာဏာဟှို ပြင်းပြင်းထန်းထန်ဟှား သောင်းစေရှင်ဟှ။ အယ်ခွမ့်အာဏာဟှာ နန်းနို့ဟှို တည်ဆော့‑က်ပေးဟှို့တွပ်ဘဲ့ ဖြစ်ဟှယ်။ ဖြိုဖျစ်ဟှို့တွပ် မှုဟှ။
\p
\v 11 ယောင်ကြည်သူလေ၊ ဝန်းသာဂေ့ပါ! ပြစ်ပြောဇာမှေ့ဘဲ့နေအောန် ဆစ်ဘီးဟှာကြိုးစာဂေ့။ ငါရဲ့ မြစ်တာရပ်ခံဇာလေဟှို နာခံဘီးဟှာ ရှင်းရှင်းအားပေးဂေ့ဘီးဟှာ သင့်သင့်မြတ်မြတ်ဟှားနေဂေ့ပါ။ အယ်ဆိုဟှာ မြစ်တာတော်န ငြီသတ်မှုရဲ့သခင် ဘုရားသခင်ဟှာ နန်းနို့နတူးဒူ ရှိလေ့မယ်။
\p
\v 12 နန်းနို့ဟှာ ယော့‑က်နယော့‑က် သန့်ရှင်းဟှူနမ်းန နှောက်ဆစ်ဂေ့ပါ။
\p
\v 13 ဘုရားသခင်ရဲ့ လူလေ အားလောင်းဂူဟှ နန်းနို့ဟှို နှောက်ဆစ်ဂေ့ဟှယ်။
\p
\v 14 သခင်ယေရှုခရစ်တော်ရဲ့ ကျေးဇူးတော်၊ ဘုရားသခင်ရဲ့ မြစ်တာတော်န၊ သန့်ရှင်းဟှူဝိညာဉ်တော်ရဲ့ မိတ်သဟာယလေဟှာ နန်းနို့လေအားလောင်းနတူးဒူ ရှိပါစေ။