\id 1TI - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ၁ တိမောသေ
\toc1 တိမောသေဟှို ပေါလုရဲ့ ပထမပေးစာ
\toc2 ၁ တိမောသေ
\toc3 ၁ တိ
\mt1 ၁ တိမောသေ
\mt2 တိမောသေဟှို ပေါလုရဲ့ ပထမပေးစာ
\is နိဒါန်း
\im \bk တိမောသေဟှို ပေါလုရဲ့ ပထမပေးစာ\bk*ဟှာ တမန်တော် ပေါလုဟှနေ သူ့တဗဲ့ တိမောသေဟှို ရေးဟှားဟှူ ပေးစာဖြစ်ဟှယ်။ တိမောသေဟှနေ ပထမပေးစာဟှာ ခရစ်တော် မွီးဘီးန ၆၂-၆၄ ခုနှစ်လော့‑က်ဟှ ရေးဟှားဇာ ဖြစ်နိုင်ဟှယ်။ အယ်ပေးစာဟှာ ပေါလုရဲ့ ဘဝနိဂေါင်းချောက် ခါနီးမာ ရေးဟှားလေဟှယ်။ ပေါလုဟှာ တိမောသေန ရင်းနှီးဟှူ ပေါန်းသင်းဆစ်ဆံမှုရှိဘီး သူ့ဟှိုလည်း သားတယော့‑က်ဖြစ် ခဏခဏ ရည်ညွှန်းဟှားလေဟှယ် (\xt ဖိ ၂.၂၂; ၁ တိ ၁.၂; ၁.၁၈\xt*)။
\ip အယ်ပေးစာဟှာ သင်းတော်ဟှို လိစာတပ်ဘဲန လူပေါက်ကိုဟှို လိစာတပ်ဟှားဘီး ပေါလုဟှနေ ပေးဟှားဟှူ ပေးစာလေးစောန်ထဲဟှ တစောန်ဖြစ်ဟှယ်။ တခြားပေးစာ သောင်းစောန်ဟှ ၂ တိမောသေ၊ တိတုန ဖိလေမုန်ဖြစ်ဟှယ်။ ၁ တိမောသေဟှာ သင်းတော်ထဲမာ ကိုးကွယ်ဟှူဇာန ဆိုင်ဟှူ ညွှန်ကြားချစ်လေ (\xt ၂.၁–၁၅\xt*)၊ သင်းတော်ခေါန်းဆောန်လေတွပ် ရည်ချင်းလေ (\xt ၃.၁–၁၃\xt*) အယ်ဘီးဟှာ မှားယွင်းဟှူ ဆရာလေဟှို ဆန့်ကျင်ဟှို့တွပ် ဒိပေးဟှားဇာလေ (\xt ၁.၃–၁၁; ၄.၁–၅; ၆.၂–၅\xt*) ဘောင်ဂီး ပါဝမ်လေဟှယ်။ အယ်မူဇာဟှ သင်းတော်လေ ကြားထဲမာ ခေါန်းဆောန် တယော့‑က် ဖြစ်လာဟှို့တွပ် ပေါလုဟှာ တိမောသေဟှို ဖယ်မျိုး လေ့ကျင့်ပေးဟှားဟှယ် ဆိုဇာဟှာ ထန်ရှားနေလေဟှယ်။ တိမောသေဟှနေ ပထမပေးစာဟှာ ကျွန်တော်ဟှားလေ ခေတ်မာရှိဟှူ ဒေသခံသင်းတော်ရဲ့ သာသနာလောက်ငန်းဟှို စီမံခန့်ခွဲဟှို့တွပ် သင်းတော် ခေါန်းဆောန်လေဟှို ကူညီနိုင်ဟှို့ ဆိုဘီး စည်းမျဉ်းဘောင်ဂီး ပါဝမ်လေဟှယ်။
\iot ကြောန်းရာ ကျဉ်းချောက်
\io1 ၁။ ပေါလုဟှာ တိမောသေဟှို နှော့‑က်ဆစ်ဟှူဇာအားဖြင့် စပြုဟှားဟှူကြောန်း \ior (၁.၁–၂)\ior*
\io1 ၂။ သူဟှာ တိမောသေဟှို မှားယွင်းဟှူ ဆရာလေဟှို ဆန့်ကျင်ဟှို့တွပ် ဒိပေးဟှားဟှူကြောန်း \ior (၁.၃–၁၁)\ior*
\io1 ၃။ ယေရှုခရစ်ကြောန့် သူရှိနေရဇာတွပ် ရရာတိုင်း ကျေးဇူးတန်ဟှယ် ဆိုဘီး ရှင်းပြဇာအားဖြင့် ပေါလုဟှ ဆစ်ဘီးရေးဟှားဟှူကြောန်း \ior (၁.၁၂–၁၉)\ior*
\io1 ၄။ နော့‑က်ဘီးန သူဟှာ ကိုးကွယ်ဟှူဇာန သင်းတော် ခေါန်းဆောန်လေန ပတ်သတ်ဘီး ညွှန်ကြားဟှားဟှယ် \ior (၂.၁—၃.၁၆)\ior*
\io1 ၅။ ပေါလုဟှာ တိမောသေဟှို နော့‑က်ဆောင်း ညွှန်ကြားချစ်လေအားဖြင့် သူ့ရဲ့ ပေးစာဟှို နိဂေါင်းချောက်ဟှားဟှူကြောန်း \ior (၄.၁—၆.၂၁)\ior*
\ie
\c 1
\po
\v 1 နို့လေရဲ့ ကယ်တန်ရှင် ဘုရားသခင်န နို့လေရဲ့ မျှော်လင့်ရာဖြစ်တော်မူဟှူ ယေရှုခရစ်တော်ရဲ့ တမန်တော် ငါပေါလုဟှာ —
\po
\v 2 \x - \xo ၁.၂ \xo*\xt တ ၁၆.၁\xt*\x*ယောင်ကြည်ရှင်းအားဖြင့် ငါ့သားစစ်စစ်ဖြစ်ဟှူ တိမောသေနားဟှို စာရေးလိုက်ပါဟှယ်။
\po နို့လေရဲ့ဖဖြစ်ဟှူ ဘုရားသခင်န သခင်ယေရှုခရစ်တော်နားဟှ ကျေးဇူးတော်၊ ကရုဏာတော်န ငြီသတ်ရှင်းဟှာ နန့်မာ ရှိပါစေ။
\s ဆရာတုယောန်လေတွပ် ဒိပေးဟှူကြောန်း
\p
\v 3 မာကေဒေါနိပြည်ဟှို နို့လေသွားဟှူခီဟှ နန့်ဟှို ငါတိုက်တွန်းနှိုးဆော်ဟှူတိုင်း ဧဖက်ဗြို့မာ နေရစ်ဘီး လူတချို့ဟှို လွဲမှားဟှူယူဝါဒလေဟှို ဟောပြောသွန်သန်ဘဲနေဟှို့တွပ်န 
\v 4 ပီးဆောင်းနိုင်ဘဲဟှူ ဒဏ္ဍာရီလေ ဆွေစဉ်မျိုးဆစ်စာရင်းလေဟှို အာရောင်စိုက်ဘဲ နေဂေ့ဟှို့တွပ် ညွှန်ကြားပါ။ အယ်မူမှုရာလေဟှာ ယောင်ကြည်ဇာနဆိုင်ဟှူ ဘုရားသခင်ရဲ့ စီမံခန့်ခွဲမှုထတ် ဂြင်းခူဟှူဇာလေဟှိုဘဲ့ ဖြစ်စေတတ်ဟှယ်။ 
\v 5 အယ်မူမျိုး ပညတ်ရဟှူကြောန်းဟှ စင်ကြယ်ကောန်းမြတ်ဟှူ စိနှလောင်း၊ ကြည်လင်ဟှူသိစိန မှန်ဟှူယောင်ကြည်ရှင်းဟှနေဘီး ဖြစ်ပေါ်လာဟှူ ရှစ်ရှင်းမြစ်တာ ဖြစ်လေဟှယ်။ 
\v 6 တချို့လူလေဟှာ အယ်မူဇာလေဟှနေ လွဲချော်ဟှားဘီး ကျိုးမှေ့ဘဲဟှူ စကားပြောဆိုရှင်းအားဖြင့် လွဲဟှားဂေ့ဘီ။ 
\v 7 အယ်သူလေဟှာ သူးနို့ပြောဆိုဟှူဇာလေန သူးနို့ ခိုင်းခိုင်မားမာ ခံယူရပ်တည်ဟှူဇာလေဟှို နားလည်ဘဲန ကျမ်းတတ်ဆရာလေ ဖြစ်ရှင်ဂေ့သေးဟှယ်။
\p
\v 8 ပညတ်တရားဟှို စည်းမျဉ်းတိုင်း သောင်းပြုမယ် ဆိုဟှာ ပညတ်တရားဟှာ ကောန်းမြတ်ဟှယ် ဆိုဇာဟှို နို့လေသိဂေ့ဟှယ်။ 
\v 9 ပညတ်တရားဟှာ လူကောန်းလေတွပ်မှုဘဲန တရားဘဲဟှူသူလေ၊ နာခံမှုမှေ့ဘဲဟှူသူလေ၊ ဘုရားတရားမှေ့ဘဲသူလေ၊ ပြစ်ကျူးလွန်သူလေ၊ ဘာသာတရားကိုင်းရှိုင်းမှုမှေ့ဘဲသူလေ၊ မိဖဟှို သတ်ဟှူသူန လူသတ်သမားလေ၊ 
\v 10 ကျင့်စာရိတ္တပျစ်ဟှူသူလေ၊ ယော့‑က်ကျားရှင်းရှင်း၊ မီးမရှင်းရှင်း မေထုန်ပြုဟှူသူလေ၊ လူကုန်ကူးဟှူသူလေ၊ လီလည်ပြောဟှူသူလေ၊ မှန်ဘဲဟှူသတ်သေဟှို ခံဟှူသူလေန မှန်ဟှူယူဝါဒန ဆန့်ကျင်တတ်ဟှူသူလေတွပ်ဘဲ့ ပညတ်ဟှားဟှူကြောန်းဟှို နို့လေသိဂေ့ပါဟှယ်။ 
\v 11 အယ်မူသွန်သန်ချစ်ဟှာ ဖောင်းသရေတော်နပ္လဲ့ဝဘီး မင်္ဂလာရှိတော်မူဟှူ ဘုရားသခင်နားဟှလာဟှူ ဒန်းကောန်းတိုင်းဘဲ့ ဖြစ်ပါဟှယ်။ အယ်မူဒန်းကောန်းဟှို ကြေညာဟှို့တွပ် ငါ့ဟှို ယောင်ကြည်အပ်ပေးတော်မူဘီ။
\s ပေါလုရဲ့ ကျေးဇူးတော် ချီးမွမ်းဟှူကြောန်း
\p
\v 12 ငါ့ဟှို ခွန်အားန ပ္လဲ့ဇောင်စေတော်မူဟှူ နို့လေရဲ့သခင် ယေရှုခရစ်တော်ရဲ့ ကျေးဇူးတော်ဟှို ငါချီးမွမ်းဟှယ်။ ဖြားဖြစ်ကြောန့်နူးဆိုဟှာ ကိုယ်တော်ဟှာ ငါ့ဟှို မှုတော်လောက်ငန်းတွပ် ခွဲခန့်ဟှားဘီး သစ်စာရှိဟှူသူဖြစ်န မှတ်ယူတော်မူဟှူကြောန့်ဖြစ်ဟှယ်။ 
\v 13 \x - \xo ၁.၁၃ \xo*\xt တ ၈.၃; ၉.၄,၅\xt*\x*စဟှ ငါဟှာ စော်ကားပြောဆိုဟှူသူ၊ ကဲ့ရဲ့ဟှူသူ၊ ညှင်းဆဲကြမ်းကြုတ်ဟှူသူ၊ မိုက်ရိုင်းဟှူသူတယော့‑က် ဖြစ်ဟှူလည်းဘဲ့ ယောင်ကြည်ဘဲဟှူခီဒူးဟှ သိနားလည်ဘဲန ပြုမိဟှူကြောန့် ကရုဏာတော်ဟှို ခံစားရဟှူဇာဖြစ်ဟှယ်။ 
\v 14 နို့လေသခင်ဘုရားရဲ့ ကျေးဇူးတော်ဟှာလည်း ယေရှုခရစ်တော်နှိုက်ရှိဟှူ ယောင်ကြည်ဇာလေ ရှစ်ရှင်းမြစ်တာလေဟှာ ရရာတိုင်း များပြားလေဟှယ်။ 
\v 15 ယေရှုခရစ်တော်ဟှာ ပြစ်ရှိဟှူသူလေဟှို ကယ်တန်ဟှို့တွပ် အယ်လောကဟှို ကြွလာဟှယ် ဆိုဟှူစကားဟှာ သစ်စာစကားဖြစ်ဟှယ်။ ကြွင်းမဲ့ ယောင်ကြည်အပ်ဟှူ စကားလည်းဖြစ်ဟှယ်။ ပြစ်ရှိဟှူသူလေထဲမာ ငါဟှာ ဆိုးဆောင်းဖြစ်ဟှယ်။ 
\v 16 အယ်ဘေမဲ့ ထာဝရသတ်ရဟှို့ ယောင်ကြည်လာမယ့် သူလေရှေ့မာ ပေါင်သတ်သေဖြစ်ဟှို့တွပ် ရရာတိုင်း ပြစ်ကီးဟှူငါ့ဟှို ယေရှုခရစ်တော်ဟှာ သီးခံတော်မူဇာဟှို ပြဟှို့တွပ် ငါ့ဟှို သနားတော်မူလေဟှယ်။ 
\v 17 ထာဝရမန်းဂီး ဖြစ်တော်မူဟှူ၊ ဖော့‑က်ပ္လန်ဇာနကင်းဟှူ၊ လူ့မျစ်စိန ဗြင်နိုင်ဘဲ တပါးဒဲရှိဟှူ ဘုရားသခင်ဟှာ ကမ္ဘာဆစ်ဆစ် ဖောင်းကီးတော်မူပါစေ! အာမင်။
\p
\v 18 ငါ့သား တိမောသေ၊ နန့်န ပတ်သတ်ဘီး စဟှ ပရောဖက်ပြုဟှားဟှူ ရာလေနထပ်တူ အယ်မူညွှန်ကြားဟှားဟှူ ဇာလေဟှို နန့်ဟှို ငါအပ်ပေးပါဟှယ်။ အယ်မူဇာဟှ နန်ဟှာ ယောင်ကြည်မှုန ကြည်လင်ဟှူသိစိဟှို ဆောက်ကိုင်ဘီးဟှာ အယ်မူ ပရောဖက်ပြု ဟောပြောဟှားဟှူ ဇာလေအားဖြင့် ကောန်းဟှူ တိုက်ပွဲဟှို တိုက်ခိုက်နိုင်ဟှို့တွပ်၊ 
\v 19 တချို့လေဟှာ အယ်မူ ကောန်းမြတ်ဟှူ ကိုယ့်ကိုယ်ကိုယ် သိဟှူစိဟှို ပစ်ပယ်ဟှူကြောန့် ယောင်ကြည်ရှင်း သန်းဖော ပျစ်စီးဆောင်းရှောင်းဇာဟှို ခံရဂေ့လေဟှယ်။ 
\v 20 အယ်သူလေထဲမာ ဟုမေနဲန အာလေဇန္ဒြုလေလည်း ပါဂေ့ဟှယ်။ သူးနို့လေဟှာ ဘုရားသခင်ဟှို ပြစ်မှားဘီး ကဲ့ရဲ့ပြောဆိုဟှူဇာ ပြုဘဲနေအောန် သင်ခန်းစာရဟှို့တွပ် သူးနို့လေဟှို စာတန်လတ်ထဲ ငါအပ်လိုက်ဘီ။
\c 2
\s သင်းတော်မာ ဝတ်ပြုကိုးကွယ်ဟှူကြောန်း
\p
\v 1 အယ်ကြောန့် လူလေ အားလောင်းဂူတွပ် သနားခံဟှူမှု၊ ဆုတောန်းဟှူမှု၊ ကြားခံ တောန်းလျှော့‑က်ပေးဟှူမှုန ကျေးဇူးတော်ဟှို ချီးမွမ်းရှင်းလေဟှို ပြုဟှို့တွပ် ပထမ ဦးဆောင်း ငါတိုက်တွန်း နှိုးဆော်ရှင်ပါဟှယ်။ 
\v 2 နို့လေဟှာ ဖျားဝတ်န မွေ့လျော်ဘီး ငြီးငြီးချမ်းချမ်း နေနိုင်ဟှို့တွပ်လည်း မန်းဂီးလေန အာဏာရှိဟှူ သူလေအားလောင်းတွပ် ဆုတောန်းပေးဂေ့ပါ။ 
\v 3 အယ်မူမျိုးပြုဟှူဇာဟှာ ရရာတိုင်း ကောန်းဟှူ မှုဖြစ်ဘီး နို့လေရဲ့ ကယ်တန်ရှင်ဖြစ်ဟှူ ဘုရားသခင် ရှေ့တော်မာ နှစ်သက်ဇာကောန်းဟှူ မှုလည်းဖြစ်ဟှယ်။ 
\v 4 လူလေဂူးလောင်းဟှာ ကယ်တန်ရှင်းဟှို ရော့‑က်ဘီး သမ္မာတရားဟှို သိဟှို့တွပ် ဘုရားသခင် လိုတော်ရှိဟှယ်။ 
\v 5 ဖြားဖြစ်ကြောန့်နူးဆိုဟှာ ဘုရားသခင်ဟှာ တပါးဒဲဘဲ့ ရှိတော်မူဘီး ဘုရားသခင်န လူလေကြားမာ အာမခံဖြစ်ဟှူ ယေရှုခရစ် တပါးဒဲဘဲ့ ရှိတော်မူဟှယ်။ အယ်သခင်ဟှာ လူဖြစ်ဟှူ ယေရှုခရစ်တော်ဘဲ့ ဖြစ်လေဟှယ်။ 
\v 6 အယ်မူအာမခံဟှာ လူလေ အားလောင်းဂူဟှို ဝီးနှုဟှို့တွပ် ဖိုးခနေန ကိုယ့်ကိုယ်ကိုယ် စွန့်တော်မူဟှယ်။ အယ်မူကြောန်းရာဟှာ ခီတန်လာဟှူ ခီမာ ပေးတော်မူဟှူ သတ်သေဖြစ်ဟှယ်။ 
\v 7 \x - \xo ၂.၇ \xo*\xt ၂ တိ ၁.၁၁\xt*\x*ငါဟှာ အယ်မူကြောန်းရာဟှို သတ်သေခံ ဝီငှဟှို့တွပ် တမန်တော်ရာန ယောင်ကြည်ရှင်းန သမ္မာတရားဟှို လူမျိုးခြားလေဟှို ဟောပြော သွန်သန်ဟှူ ဆရာဖြစ်န ခန့်ဟှားသူဖြစ်ဟှယ် ဆိုဇာဟှာ မုသားစကားဟှို ပြောဟှူဇာမှုဘဲ မှန်ဟှူ စကားဟှို ပြောဟှူ ဇာဖြစ်ဟှယ်။
\p
\v 8 အယ်မျိုးဖြစ်ကြောန့် နေရာတိုင်းမာ ယော့‑က်ကျားလေဟှာ စိဆိုးဟှူဇာ၊ ဂြင်းခူဟှူ ဇာမှေ့ဘဲ သန့်ရှင်းဟှူ လတ်ဟှို ချီဘီးဟှာ ဆုတောန်းဂေ့ဟှို့တွပ် ငါလိုရှင်ပါဟှယ်။ 
\v 9 \x - \xo ၂.၉ \xo*\xt ၁ ပေ ၃.၃\xt*\x*အယ်မူမျိုးဘဲ့ မီးမလေလည်း ဆန်းဗန်ဟှို လှဆင်ဟှူ ဇာလေ၊ ရွှေတန်ဆာလေ၊ က္လော့‑က်မြတ်ပုလဲလေ၊ တန်ဖိုးကီးဟှူ ဝတ်စားလေန ကိုယ့်ကိုယ်ကိုယ် ဆင်ဘဲန ယှစ်ကြော့‑က်ရှင်း၊ ဣန္ဒြေစောန့်ရှင်းအားဖြင့် တင့်တယ်ဟှူ ဝတ်န 
\v 10 ဘုရားသခင်ဟှို ရိုသေကြည်ညိုမှု ရှိမယ် ဆိုဘီး ဝန်ခံ ဂဒိပြုဟှူ မီးမလေ ဆင်သင့်ဟှူတိုင်း ကောန်းဟှူ ကျင့်အားဖြင့် ကိုယ့်ကိုယ်ကိုယ် တန်ဆာဆင်ဟှို့တွပ် ငါလိုရှိပါဟှယ်။ 
\v 11 မီးမလေဟှာ ရာရာမာ နာခံမှုရှိဘီး တိတိဆိဆိဟှား သန်ယူပါစေ။ 
\v 12 မီးမလေဟှာ သွန်သန်ပေးဟှူဇာန ယော့‑က်ကျားလေဟှို စိုးတရပြုဟှူ ခွမ့်ဟှို ငါပေးဟှ။ မီးမလေဟှာ တိတိဆိဆိ နေရမယ်။ 
\v 13 ဖြားဖြစ်ကြောန့်နူးဆိုဟှာ အာဒံဟှို ပထမဆောင်း ဖန်ဆင်းဘီးန ဧဝဟှို ဖန်ဆင်းတော်မူဟှယ်။ 
\v 14 နော့‑က်ဘီး အာဒံဟှာ လှည့်ဖြားဇာဟှို ခံဟှ။ မီးမလေဟှဘဲ့ လှည့်ဖြားဇာဟှို ခံဘီး ဘုရားသခင်ရဲ့ ပညတ်တော်ဟှို ခ္လိုးဖော့‑က်ဟှယ်။ 
\v 15 အယ်ဘေမဲ့လည်း မီးမလေဟှာ ဣန္ဒြေစောန့်ရှင်း၊ ယောင်ကြည်ရှင်း၊ ရှစ်ရှင်း၊ သန့်ရှင်းရှင်းန ဆစ်ဘီးဟှာ ရှိနေမယ်\f + \fr ၂.၁၅ \fr*\fq ဆစ်ဘီးဟှာ ရှိနေမယ်၊ \fq*\ft အယ်မျိုးမှုဘဲနေဟှာ \ft*\fqa သားမွီးဟှူ မှုအားဖြင့် ကယ်တန်ရှင်း ခံရလေ့မယ်။\fqa*\f* ဆိုဟှာ သားမီးလေ ရှိရှင်းအားဖြင့် ကယ်တန်ရှင်း ခံရလေ့မယ်။\f + \fr ၂.၁၅ \fr*\fq သားမီးလေ ရှိရှင်းအားဖြင့် ကယ်တန်ရှင်း ခံရလေ့မယ်၊ \fq*\ft အယ်မျိုးမှုဘဲနေဟှာ \ft*\fqa သားမွီးဟှူ မှုအားဖြင့် ကယ်တန်ရှင်း ခံရလေ့မယ်။\fqa*\f*
\c 3
\s သင်းထော့‑က်လေကြောန်း
\p
\v 1 သင်းအောက်ရာဟှို မျှော်လင့်ဟှူသူဟှာ ကောန်းဟှူမှုရာဟှို လိုလားတောန်းတဟှူသူဖြစ်ဟှယ် ဆိုဟှူစကားဟှာ မှန်ဟှူသစ်စာစကားဖြစ်ဟှယ်။ 
\v 2 \x - \xo ၃.၂–၇ \xo*\xt တိ ၁.၆–၉\xt*\x*အယ်ကြောန့် သင်းအောက်ဟှာ ပြစ်တန်ခွမ့်န လွတ်ကင်းရမယ်။ သူဟှာ မယားတယော့‑က်ဘဲ့ ရှိရမယ်။\f + \fr ၃.၂ \fr*\fq မယားတယော့‑က်ဘဲ့ ရှိရမယ်၊ \fq*\ft အယ်မျိုးမှုဘဲနေဟှာ \ft*\fqa တခါဘဲ့ လတ်ထပ်ရမယ်။\fqa*\f* သမ္မာဒိရှိသူ၊ ဣန္ဒြေစောန့်သူ၊ လျောက်ပတ်အောန် နေထိုင်ကျင့်ကြံသူ၊ ဧည့်ဝတ်ကျေသူ၊ ဆောင်းမဩဝါဒပေးနိုင်သူ ဖြစ်ရမယ်။ 
\v 3 သော့‑က်တတ်စားတတ်ဟှူသူ၊ သူများဟှို ကိုယ်ထိလတ်ရော့‑က် စော်ကားဟှူသူ၊ စင်ကြယ်ဘဲဟှူစီးပွားဟှို တတ်မတ်ဟှူသူမှုဘဲ၊ နူးညံ့သိမ်မွေ့ဘီး ရန်လိုဘဲန ကပ်ဟှိုတတ်မတ်ရှင်းမှေ့ဘဲဟှူသူ၊ 
\v 4 ကိုယ့်ရဲ့အီထောန်မိသားစုဟှို ကောန်းကောန်းမွန်မွန် အောက်ချောက်ဘီး သမ္မာဒိရှိရှိန ကိုယ့်သားမီးလေဟှို ဆောင်းမနိုင်ဟှူသူ ဖြစ်ရမယ်။ 
\v 5 ကိုယ့်ရဲ့အီထောန်ဟှို ကောန်းကောန်းမွန်မွန် အောက်ချောက်နိုင်ဘဲသူဟှာ ဘုရားသခင်ရဲ့သင်းတော်ဟှို ဖယ်မူမျိုး ပြုစုဘီး အောက်ချောက်နိုင်မယ်နူး။ 
\v 6 သူဟှာ ယောင်ကြည်ခါစ လူသစ်ဖြစ်ရဟှ။ အယ်မျိုးမှုဘဲနေဟှာ ကိုယ့်ကိုယ်ကိုယ် ဘဝင်မြင့်ဘီး မာရ်နတ်နတူးဒူ ပြစ်ဒန်စီရင်မှုထဲဟှို က္လခံရဟှို့တွပ် စိုးရိမ်ဇာရှိဟှယ်။ 
\v 7 ကဲ့ရဲ့ပြစ်တန်ခံရဘီး မာရ်နတ်ရဲ့ ထောန်ချော့‑က်ထဲဟှို က္လရော့‑က်ဘဲနေဟှို့တွပ် သင်းတော်ပ္လန်ရဲ့ သိုင်းဝိုင်းမာလည်း အသရေရှိဟှူ သူဖြစ်န သိမှတ်ပြုခံရဟှူ သူဖြစ်ရမယ်။
\s သင်းထော့‑က်လူဂီးလေကြောန်း
\p
\v 8 အယ်မူမျိုးဘဲ့ သင်းထော့‑က်လေလည်း တည်းတည်ကြည်းကြည်န နေဟှူသူဖြစ်ရမယ်။ လျှာနှေ့ခွရှိဟှူသူ၊ သော့‑က်စား မောယစ်တတ်ဟှူသူ၊ ကပ်မတ်မားလေမှုဘဲန 
\v 9 ကိုယ့်ကိုယ်ကိုယ် သိဟှူစိ ကြည်လင်ဘီးဟှာ ယောင်ကြည်ရှင်းရဲ့ လျှို့ဝှပ်နတ်နဲဟှူ ရာလေဟှို စိစွဲလမ်းဟှူသူ ဖြစ်ရမယ်။ 
\v 10 သူးနို့လေဟှာ ရင်ဦးဆောင်း စစ်ဆေးခံဘီးမှ ပြစ်တန်ခွမ့်နလွတ်ဟှာ သင်းထော့‑က်မှုဟှို လောက်ဆောန်ပါစေ။ 
\v 11 သူးနို့လေရဲ့ မယားလေဟှာ\f + \fr ၃.၁၁ \fr*\fq သူးနို့လေရဲ့ မယားလေဟှာ၊ \fq*\ft အယ်မျိုးမှုဘဲနေဟှာ \ft*\fqa ကူညီမစဟှူ မီးမလေ။\fqa*\f* တည်းတည်ကြည်းကြည် နေဟှူသူ ဖြစ်ရမယ်။ ဂူးတိုက် ရန်တိုက်လောက်ဟှူသူ သူများချင်းပြောဟှူ သူဖြစ်ဘဲန ရာအားလောင်းမာ သစ်စာရှိဟှူ သူဖြစ်ရမယ်။ 
\v 12 သင်းထော့‑က်လူဂီးလေဟှာ မယား တယော့‑က်ဘဲ့ ရှိရမယ်။\f + \fr ၃.၁၂ \fr*\fq မယား တယော့‑က်ဘဲ့ ရှိရမယ်၊ \fq*\ft အယ်မျိုးမှုဘဲနေဟှာ \ft*\fqa တခါဘဲ့ လတ်ထပ်ဟှားဟှယ်။\fqa*\f* ကိုယ့်သားမီးလေန အီထောန်ဟှို ကောန်းကောန်း စီမံအောက်ချောက်နိုင်ဟှူသူ ဖြစ်ရမယ်။ 
\v 13 ဖြားဖြစ်ကြောန့်နူးဆိုဟှာ သင်းထော့‑က်လောက်ဟှို ကောန်းကောန်း လောက်ဆောန်ဟှူသူဟှာ ကိုယ့်တွပ် ကောန်းဟှူ ဂေါင်သရေဟှို ရဘီးဟှာ ယေရှုခရစ်တော်ဟှို ယောင်ကြည်ဟှူ ရာမာလည်း ရဲရင့်ရှင်းဟှို ရလေဟှယ်။
\s နတ်နဲဟှူဇာလေကြောန်း
\p
\v 14 ငါ အယ်စာဟှို ရေးရဟှူဇာဟှ နန့်ဆီဟှို ဗြန်းဗြန်လာဟှို့တွပ် မျှော်လင့်ဟှူလည်းဘဲ့ 
\v 15 နော့‑က်က္လနေမယ် ဆိုဟှာ နန်ဟှာ ဘုရားသခင်ရဲ့ အီတော်မာ ဖယ်မူမျိုး ကျင့်ကြံလောက်ဆောန်ရမယ် ဆိုဇာဟှို သိရဟှို့တွပ် အယ်စာဟှို ငါရေးဘီး ပေးလိုက်ဟှူဇာဖြစ်ဟှယ်။ အယ်အီတော်ဟှ သတ်ရှင်တော်မူဟှူ ဘုရားသခင်ရဲ့ သင်းတော်ဖြစ်ပါဟှယ်။ အယ်သင်းတော်ဟှ သမ္မာတရားရဲ့ မှီတကဲဖြစ်ဟှူမျိုး သမ္မာတရားရဲ့ မဏ္ဍိုင်လည်းဖြစ်ပါဟှယ်။ 
\v 16 မှန်ဟှူကိုးကွယ်မှုရဲ့ နတ်နဲဟှူရာဟှာ ရရာတိုင်းကီးမြတ်ဟှယ် ဆိုဇာဟှို ဂြင်းခူလောက်ဇာကြောန်းမှေ့ဟှ။
\q1 ကိုယ်တော်ဟှာ လူကိုယ်ခန္ဓာအားဖြင့် ထန်ရှားတော်မူဘီ။
\q2 မှန်ကန်ဟှယ် ဆိုဇာဟှို ဝိညာဉ်တော်အားဖြင့် ထန်ရှားစေတော်မူဘီ။\f + \fr ၃.၁၆ \fr*\fq မှန်ကန်ဟှယ် ဆိုဇာဟှို ဝိညာဉ်တော်အားဖြင့် ထန်ရှားစေတော်မူဘီ၊ \fq*\ft အယ်မျိုးမှုဘဲနေဟှာ \ft*\fqa ဝိညာဉ်ပေါင်ဇံထဲမာ မှန်ကန်ဟှယ် ဆိုဇာဟှို ထန်ရှားစေတော်မူဟှယ်။\fqa*\f*
\q2 ကောန်းဂန်တမန်လေဟှာ ကိုယ်တော့်ဟှို ရှုဗြင်ရဂေ့ဘီ။
\q1 လူမျိုးခြားလေဟှာ ဒန်းကောန်းကြေညာဇာဟှို ကြားဂေ့ရဘီ။
\q2 လောကသားလေဟှာ ကိုယ်တော့်ဟှို ယောင်ကြည်ဂေ့ဘီ။
\q2 ကိုယ်တော်ဟှာ ဖောင်းသရေတော်နတူးဒူ ကောန်းဂန်ဘောင်ဟှို ဆောန်ယူဟှူဇာဟှို ခံတော်မူဘီ။
\c 4
\s ဆရာတုယောန်လေကြောန်း
\p
\v 1 နော့‑က်လာမယ့် ခီကာလလေမာ လူတချို့ဟှာ လှည့်ဖြားတတ်ဟှူ ဝိညာဉ်လေန နတ်ဆိုးလေရဲ့ သွန်သန်ချစ်လေဟှို အာရောင်စိုက်ဘီး ယောင်ကြည်မှုဟှို စွန့်ခွာဂေ့လေ့မယ် ဆိုဇာဟှို ဝိညာဉ်တော်ဟှာ ရှင်းရှင်းလန်းလန်း ဖော်ပြဟှားပါဟှယ်။ 
\v 2 ကိုယ့်ကိုယ်ကိုယ် သိဟှူစိဟှို သံပူန ခတ်ခံရဟှူမျိုး ဩတ္တပ္ပစိကင်းမဲ့ဟှူ လီလည်လှည့်ဖြားတတ်ဟှူ သူလေရဲ့ လျှို့ဝှပ်ရှင်းအားဖြင့် အယ်မူဩဝါဒလေဟှို အားပေးဂေ့ဟှယ်။ 
\v 3 သူးနို့လေဟှာ အီထောန်ပြုဟှူဇာဟှို တားမြစ်ဘီးဟှာ ယောင်ကြည်ဘီး သမ္မာတရားဟှို သိဟှူသူလေဟှာ ကျေးဇူးတော်ဟှို ချီးမွမ်းဘီး စားသောင်းဟှို့တွပ် ဘုရားသခင် ဖန်ဆင်းဟှားဟှူရာလေဟှို ရှောန်ရမယ် ဆိုဘီး ပညတ်ဟှားလေ့မယ်။ 
\v 4 ဘုရားသခင် ဖန်ဆင်းဟှားဟှူ ဇာလေရှိဟှူမျှဟှာ ကောန်းဟှူကြောန့် ကျေးဇူးတော်ဟှို ချီးမွမ်းဘီး ခံယူမယ် ဆိုဟှာ ဖယ်ဇာဟှိုလည်း ပစ်ပယ်ဇာလိုဟှ။ 
\v 5 ဖြားဖြစ်ကြောန့်နူးဆိုဟှာ ဘုရားသခင်ရဲ့ စကားအားဖြင့်ရော၊ ဆုတောန်းရှင်း အားဖြင့်ရော အယ်မူဇာလေဟှာ သန့်ရှင်းစင်ကြယ်ဟှားကြောန့် ဖြစ်လေဟှယ်။
\s ယေရှုခရစ်တော်ရဲ့ စေခံကောန်းကြောန်း
\p
\v 6 အယ်ကြောန်းရာလေဟှို ညီကို မောန်နှမလေဟှို ကြားပြောမယ် ဆိုဟှာ နန်ဟှာ ကိုယ်လိုက်နာဟှူ ယောင်ကြည်ရှင်းန မှန်ကန်ဟှူ ယူဝါဒရဲ့ ပြုစုပျိုးထောန်ဇာခံရဟှူ ယေရှုခရစ်တော်ရဲ့ စေခံကောန်းတယော့‑က်ဖြစ်လေ့မယ်။ 
\v 7 မီးမအိုပြောတတ်ဟှူ တရားမဲ့ဟှူဒဏ္ဍာရီစကားလေဟှို ရှောန်ရှားဘီး ဘုရားဝတ်မာ ပျော်မွေ့ရှင်းအားဖြင့် ကိုယ့်ကိုယ်ကိုယ် လေ့ကျင့်ပေးပါ။ 
\v 8 ကိုယ်ကာယနဆိုင်ဟှူ လေ့ကျင့်မှုဟှာ ကျိုးနဲနဲဟှားဘဲ့ ရဟှူလည်းဘဲ့ ဘုရားဝတ်န မွေ့လျော်ရှင်းဟှ ခုဘဝ၊ နော့‑က်ဘဝန စပ်ဆိုင်ဇာဟှူ ဂဒိတော်ဟှို ခံစားရဟှယ်။ 
\v 9 အယ်မူစကားဟှာ သစ်စာစကားဖြစ်ဘီး ကြွင်းမဲ့ယောင်ကြည်ထိုက်ဟှူ စကားလည်းဖြစ်ဟှယ်။ 
\v 10 အယ်ကြောန့် နို့လေဟှာ အယ်မူကျိုးဟှို မျှော်လင့်ဟှူကြောန့် ကြိုးစားအားထုဘီး\f + \fr ၄.၁၀ \fr*\fq ကြိုးစားအားထုဘီး၊ \fq*\ft တချို့ မူရင်းလတ်ရေးမူလေမာ \ft*\fqa ပုတ်ခတ်ပြောဆိုဂေ့ဟှယ်၊ \fqa*\ft ဆိုဘီး ပါရှိဟှယ်။\ft*\f* လောက်ဆောန်ဂေ့ဟှယ်။ ဖြားဖြစ်ကြောန့်နူးဆိုဟှာ လူလေ အားလောင်းဂူရဲ့ ကယ်တန်ရှင် ထူးသဖြင့် ယောင်ကြည်သူလေရဲ့ ကယ်တန်ရှင်ဖြစ်ဟှူ၊ သတ်ရှင်တော်မူဟှူ ဘုရားသခင်ဟှို နို့လေ ကိုးစားဟှူကြောန့် ဖြစ်ဟှယ်။
\p
\v 11 အယ်မူဇာလေဟှို ညွှန်ကြားဘီး ဆောန်းမဩဝါဒပေးပါ။ 
\v 12 နန့်ရဲ့ သတ်ရွယ်နုပျိုဟှူ ဇာဟှို ဖယ်သူဟှလည်း ထီမဲ့မြင်ပြုစေန။ စကားပြောဆိုဟှူဇာ၊ ကျင့်ကြံနေထိုင်ဟှူဇာ၊ သူတပါးဟှို ရှစ်ဟှူဇာ၊ ဝိညာဉ်သဘောရှိဟှူဇာ၊ သစ်စာစောန့်ဟှူ ဇာလေန သန့်ရှင်းဟှူ ဇာလေဟှို ယောင်ကြည်သူလေရှေ့မာ ပေါင်သတ်သေဖြစ်စေပါ။ 
\v 13 ငါလာဟှူ ခီထိ ကျမ်းစာဖတ်ရှင်း၊ တိုက်တွန်း သွီးဆောန်ရှင်း၊ ဆောန်းမ ဩဝါဒပေးရှင်းလေဟှို ကြိုးစားဘီး လောက်ဆောန်ပါ။ 
\v 14 သင်းတော်ကြီးကဲလေဟှ လတ်တန်မင်္ဂလာပေးဘီး ပရောဖက်ပြု ဟောပြောဟှူဇာအားဖြင့် နန့်ဟှို ပေးအပ်ဟှားဟှူ ဆုကျေးဇူးလေဟှို လျစ်လျှူရှုန။ 
\v 15 နန့်ရဲ့ တိုးတတ်မှုဟှာ လူလေရှေ့မာ ထန်ရှားဟှို့တွပ် အယ်မူ မှုရာလေဟှို စိစွဲလန်းဘီး ကြိုးစားအားထုပါ။ 
\v 16 ကိုယ်ရဲ့ ဆောန်းမဩဝါဒန ကိုယ့်ကိုယ်ကိုယ် ဒိပြုဘီး မြဲတည်အောန်နေပါ။ အယ်မျိုးပြုဟှယ် ဆိုဟှာ နန့်ကိုယ်နန်လည်း ကယ်တန်ဘီး နားထောန်ဟှူ သူလေဟှိုလည်း ကယ်တန်လေ့မယ်။
\c 5
\s ယောင်ကြည်သူလေဟှို စောန့်ရှော့‑က်ဟှို့တာဝန်လေကြောန်း
\p
\v 1 သတ်ကီးဟှူသူဟှို ပြစ်တန်ဘီး ဆောန်းမရှင်းဟှို ပြုဘဲန ကိုယ့်ရဲ့ဖဟှူမျိုး သဘောထားဘီး တောန်းဗန်ပါ။ ကိုယ့်ထတ်သတ်ငယ်သူဟှို ညီတယော့‑က်ဟှူမျိုး၊ 
\v 2 ကိုယ့်ထတ်သတ်ကီးဟှူ မီးမလေဟှို ကိုယ့်မိဟှူမျိုး၊ ကိုယ့်ထတ်သတ်ငယ်ဟှူ မီးမလေဟှို ဖ္လူစင်သန့်ရှင်းဟှူစိန ကိုယ့်ညီမဟှူမျိုး သဘောထားဘီး နှိုးဆော်ပါ။
\p
\v 3 မောက်ဆိုးမ တကယ်ဖြစ်ဟှူ မောက်ဆိုးမလေဟှို ရိုသေဂေ့ပါ။ 
\v 4 အယ်ဘေမဲ့ မောက်ဆိုးမ ယော့‑က်ယော့‑က်မာ သားမ္လေးရှိဟှယ် ဆိုဟှာ အယ်မူ သားမ္လေးလေဟှာ ဘာသာရေး ဝတ်တရားဖြစ်ဟှူ ကိုယ့်ရဲ့ မိသားစုဟှို ပြုစုဟှူဇာန မိဖဖိုးဖွားလေဟှို ကျေးဇူးဆပ်ဟှို့တွပ် ရင်ဦးဆောင်း သန်ယူပါစေ။ အယ်မူမျိုး လောက်ဟှူမှုဟှာ ဘုရားသခင် ရှေ့တော်မာ နှစ်သက်တော်မူဟှူ မှုဖြစ်ဟှယ်။ 
\v 5 မောက်ဆိုးမ တကယ်ဖြစ်ဘီး တယော့‑က်ဒဲ ကျန်ရစ်ဟှူ မီးမဟှာ ဘုရားသခင်ဟှို မျှော်လင့်ကိုးစားဘီး နေ့ညဉ့်မပြတ် ဆုတောန်းရှင်းအားဖြင့် တည်နေတတ်ဟှယ်။ 
\v 6 ပျော်ပါးလိုက်စားဟှူ မောက်ဆိုးမဟှာ သတ်ရှင်ရဲ့န သေနေဟှူ မျိုးဘဲ့ဖြစ်ဟှယ်။ 
\v 7 အယ်ကြောန့် အယ်သူလေ ပြစ်တန်ခွမ့်န လွတ်ကင်းဟှို့တွပ် အယ်ရာလေဟှို ညွှန်ကြားပါ။ 
\v 8 ကိုယ့်ဆွေမျိုးလေဟှို ပြုစုဘဲသူဟှူ ထူးသဖြင့် ကိုယ့်ရဲ့ အီသူအီသားလေဟှို ပြုစုဘဲသူဟှာ ယောင်ကြည်ရှင်း တရားဟှို ငြင်းပယ်သူ ဖြစ်ဟှူကြောန့် ယောင်ကြည်ဘဲဟှူ သူလေထတ် ပိုဘီး ဆိုးယုတ်လေဟှယ်။
\p
\v 9 မောက်ဆိုးမ တယော့‑က်ဟှာ သတ်ခြော့‑က်ဆယ် ပ္လဲ့သေးဟှ ဆိုဟှာ မောက်ဆိုးမ စာရင်းဝမ်စေန။ အယ်မီမဟှာ တခါဘဲ့ လတ်ထပ်ဟှားဘီး၊\f + \fr ၅.၉ \fr*\fq တခါဘဲ့ လတ်ထပ်ဟှားဘီး၊ \fq*\ft အယ်မျိုးမှုဘဲနေဟှာ \ft*\fqa လန်ထတ်မာ သစ်စာရှိဟှူ မီးမ။\fqa*\f* 
\v 10 ကောန်းဟှူကျင့်ဟှို ကျင့်ဟှူသူ၊ အသရေရှိဟှူသူ၊ သားဂန်းဟှားလေဟှို ကျွေးမွေးဟှူသူ၊ ဧည့်သယ်ဝတ်ဟှို ပြုဟှူသူ၊ သန့်ရှင်းသူလေဟှို ကူညီမစဟှူသူ၊ ဆင်းရဲသားလေဟှို လောက်ကျွေးဟှူသူ၊ ကောန်းဟှူ မှုရှိဟှူမျှလေမာ ကြိုးစားလောက်ဆောန်မှုဟှို ပြုဖူးဟှူသူ ဖြစ်ဟှယ် ဆိုဟှာ မောက်ဆိုးမ စာရင်းဝမ်စေ။
\p
\v 11 သတ်ငယ်ဟှူ မောက်ဆိုးမလေဟှို စာရင်းသွမ်းန။ ဖြားဖြစ်ကြောန့်နူးဆိုဟှာ သူးနို့လေဟှာ ကိုယ့်ရဲ့ လိုဆန္ဒဟှို ထီးနိုင်ဘဲဟှူ ခီမာ အီထောန်ပြုရှင်ဟှူစိ ရှိလာဟှူကြောန့် ခရစ်တော်ဟှို ဥပေက္ခာပြုဘီး၊ 
\v 12 ရင်ဒူးဟှ ပြုဟှားဟှူ သစ်စာဟှို ဖျစ်ဟှူကြောန့် ပြစ်စီရင်ရှင်းဟှို ခံရလေ့မယ်။ 
\v 13 နော့‑က်ဘီး အီနအီ လည်ဘီးဟှာ ပျင်းကိုးဟှူစိ ရှိလာတတ်ဟှယ်။ အယ်မူမျိုး ပျင်းကိုးဟှူနမကဘဲ သူများချင်းပြောဘီး ကိုယ့်န ဆိုင်ဘဲဟှူ သူတပါး ကိစလေမာ ဝမ်ရောနှောတတ်ဟှယ်။ 
\v 14 အယ်ကြောန့် သတ်ငယ်ဟှူ မောက်ဆိုးမလေဟှာ အီထောန်ပြုသားမွီးဘီး အီမှုကိစဟှို စီမံကွပ်ကဲဘီး ရန်သူဟှို ကဲ့ရဲ့ပြစ်တန်ဟှူခွမ့် ပေးဘဲနေဟှို့တွပ် ငါလိုရှင်ပါဟှယ်။ 
\v 15 ဖြားဖြစ်ကြောန့်နူးဆိုဟှာ တချို့ မောက်ဆိုးမလေဟှာ လမ်းလွဲဘီး စာတန်နော့‑က်ဟှို လိုက်ဟှားဂေ့ဟှူကြောန့် ဖြစ်ဟှယ်။ 
\v 16 ယောင်ကြည်ဟှူမီးမ တယော့‑က်ယော့‑က်မာ ဆွေမျိုးတော်စပ်ဟှူ မောက်ဆိုးမလေ ရှိဟှယ် ဆိုဟှာ သင်းတော်တွပ် ဝန်ထောက်ဝန်ဘိုးလေ ဖြစ်ဘဲနေအောန် သူကိုယ်တိုင် ကူညီစော့‑က်ရှော့‑က်ပေး ရမယ်။ အယ်မူမျိုးဆိုဟှာ အားကိုးရာမဲ့ဟှူ မောက်ဆိုးမလေဟှို သင်းတော်ဟှ ပြုစုကျွေးမွေးနိုင်လေ့မယ်။
\p
\v 17 ကောန်းကောန်းမွန်မွန်ဟှား အောက်ချောက်ဟှူ သင်းအောက်လေ ထူးသဖြင့် တရားဟောရှင်း၊ ဆောန်းမ သွန်သန်ရှင်းဟှို ကြိုးစားဘီး လောက်ဆောန်ဟှူ သူလေဟှာ လှူနှေ့ဆဟှို ခံထိုက်ဟှယ် ဆိုဘီး မှတ်ယူအပ်ဟှယ်။ 
\v 18 \x - \xo ၅.၁၈ \xo*\xt မ ၁၀.၁၀; လု ၁၀.၇\xt*\x*ဖြားဖြစ်ကြောန့်နူးဆိုဟှာ ကျမ်းစာဟှ “ဗားနန်းဟှူ နွားရဲ့ ဇပ်ပေါ့‑က်ဟှို ချောက်တီးန” ဆိုဟှူဇာန “လောက်လောက်ဟှူ သူဟှာ လောက်ခဟှို ရထိုက်ဟှယ်” ဆိုဘီး ဖော်ပြဟှားကြောန့် ဖြစ်ဟှယ်။ 
\v 19 သတ်သေခံ နှေ့ယော့‑က်၊ သောင်းယော့‑က် မှေ့ဘဲနေဟှာ သင်းအောက်ဟှို ပြစ်တန်စွပ်စွဲရှင်းဟှို လတ်ခံန။ 
\v 20 ကျန်ဟှူ သူလေလည်း ကြော့‑က်ရွံ့မှုရှိဟှို့တွပ် ပြစ်လောက်ဟှူ သူလေဟှို လူလေရှေ့မာ ဆောင်းမပါ။
\p
\v 21 နန်ဟှာ အယ်မူဇာလေဟှို ခွဲခြားရှင်းမှေ့ဘဲ စောန့်ရှော့‑က်ဘီးဟှာ ဖြားဇာဟှိုမှ ဘက်လိုက်ဘဲန လောက်ဟှို့တွပ် ဘုရားသခင်န ယေရှုခရစ်တော် ရှေ့မာရော၊ ဝီးကော့‑က်ခံရဟှူ ကောန်းဂန်တမန်လေ ရှေ့မာရော ငါနန့်ဟှို လေးလေးနတ်နတ်ဟှား တိုက်တွန်းပါဟှယ်။ 
\v 22 ဖယ်သူလေရဲ့ ထတ်မာဘဲ့ဖြစ်ဖြစ် လတ်ဟှို ဗြန်းဗြန်တန်န။ တခြားသူလေရဲ့ ပြစ်နှိုက် ဆစ်ဆံန။ ကိုယ့်ကိုယ်ကိုယ် သန့်ရှင်းစင်ကြယ်အောန် စောန့်ရှော့‑က်ပါ။
\p
\v 23 နန့်ရဲ့ စာအီန ခဏခဏ ဖြစ်တတ်ဟှူ ဖျားနာမှုလေကြောန့် ရေဟှို လော့‑က်ဘဲ့ သော့‑က်ဘဲန ဝိုင်နဲနဲဟှိုလည်း သောင်းဆောန်ပါ။
\p
\v 24 တချို့လူလေရဲ့ ပြစ်လေဟှာ တရားစီရင်ခန်ဟှ သိသာထန်ရှားတတ်ဟှယ်။ တချို့လူလေရဲ့ ပြစ်လေဟှာလည်း နော့‑က်မှဘဲ့ ထန်ရှားတတ်လေဟှယ်။ 
\v 25 အယ်မူမျိုးဘဲ့ တချို့သူလေရဲ့ သုစရိုက်ဟှာ သိသာထန်ရှားတတ်ဟှယ်။ ထန်ရှားသေးဘဲဟှူ သုစရိုက်ဟှိုလည်း ဖောင်းကွယ်ဘီး ထားနိုင်ဟှ။
\c 6
\p
\v 1 ဘုရားသခင်ရဲ့ နာမတော်န တရားတော်ဟှို ကဲ့ရဲ့ခံရဘဲနေအောန် စေခံဟှူ ကျွန်ထမ်းဘိုးအော့‑က်မာ ရှိဟှူသူလေဟှာ ကိုယ့်ရဲ့သခင်လေဟှို ပ္လဲ့ပ္လဲ့ဝဝ ရိုသေထိုက်ဟှူသူဖြစ်ဟှယ် ဆိုဘီး မှတ်ယူဂေ့ပါ။ 
\v 2 ကိုယ့်ရဲ့သခင်ဟှာ ယောင်ကြည်သူဖြစ်ဟှယ် ဆိုဟှာ သူးနို့လေဟှာ ညီကို မောန်နှမလေဘဲ့ဖြစ်ဟှယ် ဆိုဘီး ထီမဲ့မြင်လောက်ဘဲန ပိုကောန်းအောန် စေခံဂေ့ပါ။ ဖြားဖြစ်ကြောန့်နူးဆိုဟှာ ကောန်းကောန်းစေခံရှင်းရဲ့ကျိုးဟှို ခံစားရဟှူသူဟှာ ကိုယ်ရှစ်ရဟှူ ယောင်ကြည်သူလေဖြစ်ဟှူကြောန့်ဖြစ်ဟှယ်။ နန်ဟှာ အယ်မူဇာလေဟှို သွန်သန်ဘီး တိုက်တွန်းနှိုးဆော်ပါ။
\s ဆရာတုယောန်လေန စစ်မှန်ဟှူစည်းဇိမ်ကြွယ်ဝရှင်းကြောန်း
\p
\v 3 ခြားနားဟှူ ယူဝါဒဟှို သန်ပေးဘီး နို့လေရဲ့ သခင်ယေရှုခရစ်ရဲ့ မှန်ကန်ပ္လဲ့ဇောင်ဟှူ တရားစကားန ဘုရားဝတ်မာ မွေ့လျော်ခြင်းန ဆိုင်ဟှူ သွန်သန်ရှင်းလေဟှို လိုက်နာဘဲနေဟှူသူဟှာ 
\v 4 ဘဝင်မြင့်ဘီး ဖယ်ဇာဟှိုလည်း နားလည်ဘဲ ဂြင်းခူလော့‑က်ဟှူဇာန စကားလောင်း သောင်းနှုံးထတ်မာဘဲ့ အာရောင်စိုက်ဘီး ဂြင်းခူလောက်ဟှို့တွပ်ဘဲ့ စွဲလမ်းနေသူ ဖြစ်ဟှယ်။ အယ်ပြုမူကြောန့် နာလိုမူးထားဟှူ ဇာလေ၊ ငြင်းပွားတတ်ဟှူ ဇာလေ၊ စော်ကားတတ်ဟှူ ဇာလေ၊ ဆိုးဝါးဟှူ သံသယစိဖြစ်ဟှူ ဇာလေဟှိုဘဲ့ ဖြစ်စေတတ်ဟှယ်။ 
\v 5 အယ်မူမျိုး စိနှလောင်းယိုယွင်းဘီး သမ္မာတရားဟှိုသိဘဲ ဖျားဝတ်မာ မွေ့လျော်ဟှူဇာဟှ ရရာတိုင် ကီးဟှူ ကျိုးစီးပွားဘဲ့ ဖြစ်ဟှယ် ဆိုဘီး ထန်တတ်ဟှူ လူလေကြားမာ ပီးဆောင်းနိုင်ဘဲဟှူ ဂြင်းခူမှုလေဟှို ဖြစ်စေတတ်ဟှယ်။
\p
\v 6 ရောင့်ရဲဟှူစိ ရှိမယ် ဆိုဟှာ ဘုရားဝတ်မာ မွေ့လျော်ရှင်းဟှ ကီးမားဟှူ ကျိုးစီးပွားဘဲ့ ဖြစ်ဟှယ်။ 
\v 7 ဖြားဖြစ်ကြောန့်နူးဆိုဟှာ နို့လေဟှာ အယ်လောကထဲဟှို ဖယ်ဇာဟှိုလည်း ယူလာဟှို့ရဘဲဟှူမျိုး ထွပ်ဟှူ ခီမာလည်း ဖယ်ဇာဟှိုလည်း ယူဟှားနိုင်ဂေ့ဟှ။ 
\v 8 အယ်မျိုးဖြစ်ကြောန့် နို့လေဟှာ စားဇာန ဝတ်ဇာရှိဟှယ် ဆိုဟှာ ရှိဟှို့မျှန ကျေနပ်ရောင့်ရဲဂေ့ဇို့။ 
\v 9 ကြွယ်ဝရှင်ဟှူ သူလေဟှာ ပြစ်သွီးဆောန်ရှင်းဟှို ခံရဘီး မိုက်မဲဖျစ်ဆီးတတ်ဟှူ တတ်မတ်မှုလေရဲ့ ထောန်ချော့‑က်ထဲဟှို က္လရော့‑က်တတ်ဂေ့ဟှယ်။ အယ်မူမျိုးအားဖြင့် လူလေဟှာ ကျိုးနဲရှင်းလေ၊ ပျစ်စီးရှင်းလေနဘဲ့ နစ်မွန်းတတ်ဂေ့ဟှယ်။ 
\v 10 ဖြားဖြစ်ကြောန့်နူးဆိုဟှာ ကပ်မတ်ရှင်းဟှာ ကောန်းဘဲဇာလေ အားလောင်းရဲ့ ရင်းမြစ်ဖြစ်ဟှယ်။ လူတချို့ဟှာ ကပ်ဟှို မတ်ဂေ့ဟှူကြောန့် ယောင်ကြည်ရှင်း လမ်းဟှနေ လွဲဟှားဘီး ပူပန်ရှင်း ဝေဒနာလေန ကိုယ့်ကိုယ်ကိုယ် ထိုးဖော့‑က်ဘီး နာကျင်စေဂေ့ဘီ။
\s ကိုယ်ရေးကိုယ်တာ ညွှန်ကြားချစ်လေကြောန်း
\p
\v 11 အယ်မျိုးဖြစ်ဟှူကြောန့် အို၊ ဘုရားသခင်ရဲ့လူ၊ နန်ဟှာ အယ်မူဇာ အားလောင်းဟှို ရှောန်ကြဉ်ဘီး ဖြောန့်မတ်ရှင်း၊ ဘုရားဝတ်မာ မွေ့လျော်ရှင်း၊ ယောင်ကြည်ရှင်း၊ ရှစ်ရှင်း၊ သီးခံရှင်း၊ နူးညံ့သိမ်မွေ့ရှင်းလေဟှို မှီအောန်လိုက်ပါ။ 
\v 12 ယောင်ကြည်ရှင်းန ဆိုင်ဟှူ ကောန်းဟှူ တိုက်ပွဲဟှို တိုက်ဘီး ထာဝရသတ်ဟှို ရယူပါ။ နန်ဟှာ အယ်မူသတ်တွပ် ဘုရားသခင် ခေါ်ယူတော်မူရှင်းဟှို ခံရဘီး ရရာတိုင်း များဟှူ သတ်သေလေရှေ့မာ နန့်ရဲ့ ယောင်ကြည်ရှင်းဟှို ဝန်ခံလေဘီ။ 
\v 13 \x - \xo ၆.၁၃ \xo*\xt ယော ၁၈.၃၇\xt*\x*ရာအားလောင်းတွပ် သတ်ပေးတော်မူဟှူ ဘုရားသခင် ရှေ့တော်မာရော၊ ပုန္တိပိလတ်ရဲ့ ရှေ့မာ သတ်သေခံဟှူ ခီမာ ကောန်းဟှူ ဝန်ခံချစ်ဟှို ပေးတော်မူဟှူ ယေရှုခရစ် ရှေ့တော်မာရော နန့်ဟှို ညွှန်ကြားဟှူဇာဟှ 
\v 14 နန်ဟှာ နို့လေရဲ့ သခင်ယေရှုခရစ် ပေါ်ထွန်းလာဟှူ ခီထိ အယ်ပညတ်လေဟှို စွန်းထင်းကင်းဘီး ပြစ်တန်ဇာ မှေ့ဘဲနေအောင် စောန့်ထီးပါ။ 
\v 15 မင်္ဂလာရှိတော်မူဟှူ တပါးဒဲဟှူသခင်၊ မန်းဂီးတကာလေရဲ့ မန်းဂီး၊ သခင်တကာလေရဲ့ သခင် ဖြစ်တော်မူဟှူ ဘုရားသခင်ဟှာ ခီကာလရော့‑က်ဟှူ ခီမာ ကိုယ်တော့်ဟှို ထန်ရှားပေါ်ထွန်း စေတော်မူလေ့မယ်။ 
\v 16 ဘုရားသခင် တပါးဒဲဘဲ့ သေရှင်းန ကင်းတော်မူဟှယ်။ ကိုယ်တော်ဟှာ ဖယ်သူလည်း ချဉ်းကပ်နိုင်ဘဲဟှူ လန်းရောန်ထဲမာ ကိန်းဝပ်တော်မူဟှယ်။ ကိုယ်တော့်ဟှို ဖယ်သူလည်း ဗြင်ဖူးဘဲဟှူမျိုး ဗြင်လည်းဗြင်နိုင်ဟှ။ ကိုယ်တော်ဟှာ ဂေါင်တော်န ထာဝရ ဖောင်းသရေတော် ရှိတော်မူပါစေ။ အာမင်။
\p
\v 17 အယ်လောကမာ ကပ်ပေါဟှူ သူလေဟှာ မာန်မာနစိန ကင်းလွတ်ဘီး မြဲဘဲဟှူ စည်းဇိမ် အောက်စာလေဟှို ကိုးစားဘဲန နို့လေခံစားဟှို့တွပ် ရာအားလောင်းဂူဟှို ကြွယ်ကြွယ်ဝဝ ပေးသနားတော်မူဟှူ သတ်ရှင်တော်မူဟှူ ဘုရားသခင်ဟှို မျှော်လင့်ကိုးစားရဟှို့ ကြောန်းန၊ 
\v 18 သူတပါးဟှို ကောန်းဟှူမှုဟှို ပြုဘီး ကောန်းဟှူ ကျင့်လေဟှို ကျင့်ခြင်းအားဖြင့် ကြွယ်ကြွယ်ဝဝ ရစ်ရစ်ရောရော ဝီငှပေးကမ်းတတ်ဟှို့တွပ် သူးနို့လေဟှို ဆောန်းမသွန်သန်ပါ။ 
\v 19 အယ်နည်းအားဖြင့် သူးနို့လေဟှာ နော့‑က်ဘဝတွပ် ခိုင်ခံ့ဟှူ အုပြစ်ဖြစ်ဟှူ ဘဏ္ဍာဟှို စုဆောန်းရာ ရော့‑က်ဘီး စစ်မှန်ဟှူ သတ်ဟှို ရလေ့မယ်။
\p
\v 20 အို၊ တိမောသေ၊ နန့်မာ ငါအပ်ပေးဟှားဟှူ ရာဟှို စောန့်ရှော့‑က်ပါ။ ဘုရားတရားန ဆိုင်ဘဲဟှူ ကျိုးမဲ့ဟှူ စကားလေန သိပညာဆိုဘီး မှားယွင်းဘီးခေါ်ဟှူ ကွဲလွဲဆန့်ကျင်ဟှူ ရာလေဟှို ရှောန်ရှားပါ။ 
\v 21 တချို့လူလေဟှာ သိပညာဟှို ဝန်ခံ ပြုစုရှင်းအားဖြင့် ယောင်ကြည်ရှင်း တရားလမ်းဟှနေ လွဲဟှားဂေ့ဘီ။
\p ဘုရားသခင်ရဲ့ ကျေးဇူးတော်ဟှာ နန်းနို့အားလောင်းနတူးဒူး ရှိဂေ့ပါစေ။