\id 1TH - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ၁ သက်သာလောနိတ်
\toc1 သက်သာလောနိတ် သင်းတော်ဟှို ပေါလုရဲ့ ပထမပေးစာ
\toc2 ၁ သက်သာလောနိတ်
\toc3 ၁ သက်
\mt1 ၁ သက်သာလောနိတ်
\mt2 သက်သာလောနိတ် သင်းတော်ဟှို ပေါလုရဲ့ ပထမပေးစာ
\imt နိဒါန်း
\im \bk သက်သာလောနိတ် သင်းတော်ဟှို ပေါလုရဲ့ ပထမပေးစာ\bk*ဟှို တမန်တော်ပေါလုဟှ ရေးဟှားဟှယ် (\xt ၁.၁\xt*)။ ကျမ်းစာရဲ့ တစိတပိုင်းဖြစ်လာဟှူ အယ်စာဟှာ ပေါလုရေးဟှားဟှူ ပထမပေးစာဖြစ်ဘီး အယ်ပေးစာဟှာ ခရစ်တော် မွီးဘီးန ၅၁ ခုနှစ်လော့‑က်ဟှ ရေးဟှားလေဟှယ်။ သက်သာလောနိကဗြို့မာရှိဟှူ သင်းတော်ဟှို အယ်ပေးစာရေးဟှူ ခီဒူးဟှ ပေါလုဟှာ ကောရိန့်ဗြို့မာ ရှိနေဘီး အယ်သင်းတော်ဟှို သူ့ရဲ့ ဒုတိယသာသနာ ခရီးမာ တည်ထောန်ဟှားဟှယ် (\xt တ ၁၇.၁–၁၀\xt*)။ အယ်သင်းတော်ဟှို ယုဒလူလေတချို့န လူမျိုးခြားလေ ဘောင်ဂီးန ဖွဲ့စည်းဟှားဟှယ် ဆိုဘီး တမန်တော်လေရဲ့ လောက်ဆောန်ရှင်း ကျမ်းထဲမာ အယ်မူကြောန်းဟှို ပြောဟှားဟှယ်။
\ip အယ်သင်းတော်ဟှို တည်ထောန်ဘီးန ပေါလုဟှာ သက်သာလောနိကဗြို့မာ ခီကြာဂီး နေနိုင်ဘဲဟှူကြောန့် သူဟှာ အယ်နေရာမာရှိဟှူ ယောင်ကြည်သူလေဟှို အားပေးဟှို့တွပ် အယ်ပေးစာဟှို ပို့ပေးလေဟှယ်။ အယ်ပေးစာမာ ကြောန်းရာလေ ဘောင်ဂီးပါဝမ်ဘီး ခရစ်ယာန်လေဟှာ ဖယ်မျိုးသတ်ရှင်ရမယ် ဆိုဇာနဆိုင်ဟှူ ညွှန်ကြားချစ်လေ ဘောင်ဂီးပါဟှယ်။ ပေါလုဟှ ခရစ်တော်ရဲ့ ဒုတိယခါ ကြွလာမယ် ဆိုဇာဟှို လေးထားဘီး ရေးဟှားဟှယ်။ သက်သာလောနိတ် သင်းတော်မာရှိဟှူ ယောင်ကြည်သူလေဟှာ အယ်ကြောန်းရာဟှို ရရာတိုင်း စိဝမ်ဇားဟှူကြောန့် ဖြစ်နိုင်ဟှယ်။ ဘုရားသခင်နှစ်သက်ဟှူ သတ်ရှင်မှုန သတ်ရှင်ဟှို့တွပ် နှိုးဆော်ရှင်ဟှူကြောန့် ပေါလုဟှ ခရစ်တော်ရဲ့ ဒုတိယခါ ကြွလာဟှို့ကြောန်းဟှို သောင်းပြုဟှားဟှယ် (\xt ၅.၆–၈\xt*)။
\iot ကြောန်းရာ ကျဉ်းချောက်
\io1 ၁။ ပေါလုဟှာ သင်းတော်ဟှို နှော့‑က်ဆစ်ရှင်းန သူးနို့တွပ် ဘုရားသခင်ဟှို ကျေးဇူးတန်ရှင်းအားဖြင့် အယ်ပေးစာဟှို စပြုဟှားဟှူကြောန်း \ior (၁.၁–၁၀)\ior*
\io1 ၂။ သူ့ရဲ့ လောက်ဆောန်မှုန တိမောသေဟှို ခေါ်ဆောန်လာဟှူဒန်းဟှို ရှင်းပြဟှားဟှူကြောန်း \ior (၂.၁—၃.၁၃)\ior*
\io1 ၃။ ပေါလုဟှာ ယေရှုဒုတိယခါ ကြွလာရှင်းရဲ့ လန်းရောန်ထဲမာ ခရစ်ယာန်လေဟှာ ဖယ်မျိုးသတ်ရှင်ရမယ် ဆိုဘီး ညွှန်ကြားချစ်လေ ပေးဟှားဟှူကြောန်း \ior (၄.၁—၅.၁၅)\ior*
\io1 ၄။ ပေါလုဟှာ သင်းတော်ဟှို ထပ်နှော့‑က်ဆစ်ဘီးဟှာ အယ်ပေးစာဟှို သင်းတော်ထဲမာရှိဟှူ လူတိုင်း သေးသေချားချာဟှား ဖတ်ဟှို့တွပ် သူးနို့ဟှို ပြောကြားဘီး နိဂေါင်းချောက်ဟှားဟှူကြောန်း \ior (၅.၁၆–၂၈)\ior*
\ie
\c 1
\po
\v 1 \x - \xo ၁.၁ \xo*\xt တ ၁၇.၁\xt*\x*ပေါလု၊ သိလွာနုန တိမောသေလေဟှနေဘီး —
\po သက်သာလောနိတ်ဗြို့ သင်းတော်ဟှ သင်းဝမ်ဟှူသူလေဟှို နှော့‑က်ဆစ်လိုက်ပါဟှယ်။ သခင်ယေရှုခရစ်န နို့လေရဲ့ဖ ဖြစ်ဟှူ ဘုရားသခင်နားဟှနေ
\po ကျေးဇူးတော်န ငြီသတ်ရှင်းဟှာ နန်းနို့လေမာ ရှိပါစေ။
\s သတ်သာလောနိတ်သင်းတော်ရဲ့ ယောင်ကြည်ရှင်းကြောန်း
\p
\v 2 နို့လေဟှာ နန်းနို့အားလောင်းတွပ် ဘုရားသခင်ရဲ့ ကျေးဇူးတော်ဟှို မြဲဒမ်း ချီးမွမ်းဘီး နို့လေဆုတောန်းဟှူခီတိုင်းမာ ဒိရဘီးဟှာ၊ 
\v 3 နန်းနို့လေရဲ့ ယောင်ကြည်ရှင်းနဆိုင်ဟှူ လောက်ဆောန်မှုလေ၊ မြစ်တာန ကြိုးစားအားထုရှင်းလေန နို့လေရဲ့သခင် ယေရှုခရစ်တော်ဟှို မျှော်လင့်ရှင်းအားဖြင့် ဖြစ်ပေါ်လာဟှူ သီးခံမှုလေဟှို နို့လေရဲ့ဖ ဘုရားသခင်ရှေ့တော်မာ မြဲဒမ်း ဒိရအော့‑က်မေ့ဂေ့ပါဟှယ်။ 
\v 4 ညီကို မောန်နှမလေ၊ ဘုရားသခင်ဟှ နန်းနို့ဟှိုရှစ်ဟှူကြောန့် ဝီးကော့‑က်ဟှားဟှယ် ဆိုဇာဟှို နို့လေသိဂေ့ဟှယ်။ 
\v 5 ဖြားဖြစ်ကြောန့်နူးဆိုဟှာ နို့လေဟောပြောဟှူ ကောန်းမြတ်ဟှူဒန်းကောန်းဟှာ စကားအားဖြင့်မှုဘဲန တဂိုးတော်အားဖြင့်ဘဲ့ဖြစ်ဖြစ်၊ သန့်ရှင်းဟှူဝိညာဉ်တော်အားဖြင့်ဘဲ့ဖြစ်ဖြစ် ပ္လဲ့ဝဟှူစိခ္လမှုအားဖြင့် နန်းနို့လေနားဟှို ရော့‑က်လာရှင်းဖြစ်ဟှယ်။ နို့လေဟှာ နန်းနို့လေနတူးဒူ ရှိဟှူခီဒူးဟှ နန်းနို့လေတွပ် ဖယ်မျိုးဟှူသူလေ ဖြစ်ဟှယ် ဆိုဇာဟှို နန်းနို့သိဂေ့ပါဟှယ်။ 
\v 6 \x - \xo ၁.၆ \xo*\xt တ ၁၇.၅–၉\xt*\x*နန်းနို့လေဟှာ ရရာတိုင်း ကီးမားဟှူ ဆင်းရဲမှုလေဟှို ခံရဟှူလည်းဘဲ့ သန့်ရှင်းဟှူဝိညာဉ်တော်နဆိုင်ဟှူ ဝန်းမြော့‑က်ရှင်းလေနတူးဒူ စကားတော်ဟှို ခံယူဘီး နို့လေဟှူမျိုးသူ၊ သခင်ဘုရားမျိုးဟှူ သူလေဖြစ်ဂေ့ဟှယ်။ 
\v 7 အယ်ကြောန့် နန်းနို့လေဟှာ မာကေဒေါနိပြည်၊ အခါယပြည်မာရှိဟှူ ယောင်ကြည်ဟှူသူ အားလောင်းတွပ် ပေါင်သတ်သေပေးဟှူသူလေ ဖြစ်ဂေ့ဟှယ်။ 
\v 8 ဖြားဖြစ်ကြောန့်နူးဆိုဟှာ ဘုရားသခင်ရဲ့ စကားတော်ဟှာ နန်းနို့နားဟှနေ မာကေဒေါနိပြည်န အခါယပြည်ထိ ကျော်ကြားဟှူမျှနမှုဘဲ ဘုရားသခင်ဟှို နန်းနို့ရဲ့ယောင်ကြည်ရှင်းဒန်းဟှာ နေရာတိုင်းမာ ပ္လံ့နှံ့နေရှင်းဖြစ်ကြောန့် နို့လေဟှာ ဖြားကြောန်းလေဟှိုလည်း ပြောဇာမှေ့ဟှ။ 
\v 9 ဖြားဖြစ်ကြောန့်နူးဆိုဟှာ နန်းနို့လေဟှာ နို့လေဟှို ဖယ်မူမျိုး လတ်ခံဂေ့ဟှူဆိုဇာန သတ်ရှင်တော်မူဘီး စစ်မှန်ဟှူဘုရားသခင်ဟှို စေခံဟှို့တွပ် 
\v 10 က္လရော့‑က်လာမယ့် ဘေးဒန်ဟှ နို့လေဟှိုကယ်နှုပေးဟှူ ယေရှု တနည်းအားဖြင့် သေရှင်းဟှနေ ဘုရားသခင်ထမြော့‑က်စေတော်မူဟှူ သားတော်ဟှာ ကောန်းဂန်ဘောင်ဟှ ကြွလာတော်မူမယ့်ရာဟှို စောန့်မျှော်နိုင်ဟှို့တွပ် ရောက်တုလေဟှို ဖယ်ရှားဘီး ဘုရားသခင်နားဟှို ပ္လောန်းလဲဂေ့ဟှူ ကြောန်းရာလေဟှိုလည်း သူးနို့ကိုယ်တိုင် ပြောပြဂေ့ပါဟှယ်။
\c 2
\s သက်သာလောနိတ်ဗြို့မာ ပေါလုမှုတော်ဆောန်ဟှူကြောန်း
\p
\v 1 ညီကို မောန်နှမလေ နို့လေ နန်းနို့နားဟှိုလာဟှူဇာဟှာ ချည်းနှီးသတ်သတ် မဖြစ်ဟှ ဆိုဇာဟှို နန်းနို့လေ ကိုယ်တိုင်သိဂေ့ပါဟှယ်။ 
\v 2 \x - \xo ၂.၂ က \xo*\xt တ ၁၆.၁၉–၂၄; \xt*\xo ခ \xo*\xt တ ၁၇.၁–၉\xt*\x* နို့လေဟှာ နန်းနို့နားဟှို ရော့‑က်လာခန်မာ ဖိလိပ္ပိဗြို့မာ ဆင်းရဲဒေါက်ခမျိုးဇောင်န ညှင်းဆဲခံရဟှူလည်းဘဲ့ ရရာတိုင်းကီးဟှူ ဆန့်ကျင်တိုက်ခိုက်မှုထဲမာ ဘုရားသခင်ရဲ့ ကောန်းမြတ်ဟှူဒန်းကောန်းဟှို နို့လေရဲ့ဘုရားသခင်အားဖြင့် နန်းနို့လေဟှို ရဲရဲရင့်ရင့်န ဟောပြောဂေ့ပါဟှယ်။ 
\v 3 နို့လေဟှာ မှားယွင်းဟှူဇာလေ၊ ညစ်ညူးဟှူဇာလေ၊ လှည့်ဖြားဟှူဇာလေအားဖြင့် နန်းနို့လေဟှို ဟောပြောတိုက်တွန်းဂေ့ဇာ မှုဟှ။ 
\v 4 ဘုရားသခင်ဟှာ နို့လေဟှို သိမှတ်ပြုဘီး ကောန်းမြတ်ဟှူဒန်းကောန်းဟှို ယောင်းယောင်ကြည်ကြည်န အပ်ဟှားဟှူတိုင်း နို့လေဟှာ လူလေနှစ်သက်စေဟှို့တွပ်မှုဘဲန နို့လေရဲ့စိနှလောင်းဟှို စစ်ဆေးတော်မူဟှူ ဘုရားသခင်ဟှို နှစ်သက်စေဟှို့တွပ် ဟောပြောဂေ့ဟှယ်။ 
\v 5 ဖြားဖြစ်ကြောန့်နူးဆိုဟှာ နန်းနို့လေသိဂေ့ဟှူတိုင်းဘဲ့ နို့လေဟှာ ချော့မော့မြော့က်ပင့်ဟှူစကားဟှို တခါလည်းဘဲ့မသောင်း ဖောင်းကွယ်ဟှားဟှူ လောဖစိလည်း လောင်းဝမှေ့ဘဲကြောန်းဟှို ဘုရားသခင်ဟှာ နို့လေရဲ့ သတ်သေဖြစ်ပါဟှယ်။ 
\v 6 နို့လေဟှာ ခရစ်တော်ရဲ့ တမန်တော်အနေန ခွမ့်အာဏာဟှို သောင်းပိုင်ဟှူလည်းဘဲ့ နန်းနို့ဆီဟှဘဲ့ဖြစ်ဖြစ်၊ တခြားလူလေဆီဟှဘဲ့ဖြစ်ဖြစ်၊ ဂေါင်ပြုချီးမွမ်းဇာဟှို ခံရဟှို့တွပ် လောက်ဆောန်ဇာမှုဘဲ၊ 
\v 7 ခရစ်တော်ရဲ့ တမန်တော်ဖြစ်ဟှူလည်းဘဲ့ နန်းနို့လေဟှို ရှစ်ဟှူကြောန့် နို့တိုက်ဟှူ မိခင်ဟှာ သူ့သားမီးလေဟှို ကြင်နာဟှူမျိုးဘဲ့ နန်းနို့လေထတ်မာ နူးညံ့သီမွေ့ဟှူ သူလေ ဖြစ်ဂေ့ဟှယ်။\f + \fr ၂.၇ \fr*\fq နို့တိုက်ဟှူ မိခင်ဟှာ သူ့သားမီးလေဟှို ကြင်နာဟှူမျိုးဘဲ့ နန်းနို့လေထတ်မာ နူးညံ့သီမွေ့ဟှူ သူလေ ဖြစ်ဂေ့ဟှယ်၊ \fq*\ft တချို့ မူရင်းလတ်ရေးမူလေမာ \ft*\fqa နန်းနို့နတူးဒူ ရှိနေဟှူ ခီမာ နို့လေဟှာ သူငယ်မျိုး ဖြစ်ဘီး မိခင်လေမျိုးလည်း ဖြစ်ဟှယ်၊ \fqa*\ft ဆိုဘီး ပါရှိဟှယ်။\ft*\f* 
\v 8 နို့လေဟှာ နန်းနို့လေဟှို ဗြောစောင်မတ်ဘီး ရရာတိုင်း ရှစ်ရဟှူကြောန့် ဘုရားသခင်ရဲ့ ဒန်းကောန်းတရားတော် လော့‑က်နမကဘဲ ကိုယ့်သတ်ဟှိုဘဲ့ ပေးရှင်ဟှူ စေတနာစိ ရှိဂေ့ပါဟှယ်။ 
\v 9 ညီကို မောန်နှမလေ နို့လေဟှာ ပန်ပန်ဘန်းဘန်း လောက်ဆောန်ဘီး ကြိုးစားအားထုဟှူ ကြောန်းဟှို နန်းနို့လေ မှတ်မိဂေ့ပါဟှယ်။ နို့လေဟှာ နန်းနို့လေဟှို တယော့‑က်မှလည်း ဝန်ထောက်ဝန်ဘိုး ဖြစ်ဘဲနေအောန် နေ့ရောညဉ့်ရော လောက်လောက်ဘီးဟှာ ဘုရားသခင်ရဲ့ ဒန်းကောန်းဟှို နန်းနို့လေဟှို ဟောပြောဂေ့ပါဟှယ်။
\p
\v 10 နို့လေဟှာ ယောင်ကြည်သူဖြစ်ဟှူ နန်းနို့လေဟှို ဖယ်မူမျိုး ဖ္လူစင်သန့်ရှင်းမှုန ဖြောန့်မတ်မှန်ကန်အောန် ပြုမူဘီးဟှာ ပြစ်တန်ဇာမှေ့ဘဲ နေအောန် နေထိုင်ဂေ့ဟှူဇာဟှို နန်းနို့လေသတ်သေ ဖြစ်ဟှယ်။ ဘုရားသခင်ဟှာလည်း နို့လေရဲ့ သတ်သေ ဖြစ်တော်မူဟှယ်။ 
\v 11 မိဖဟှာ သူ့သားမီးလေဟှို ပြုမူဆစ်ဆံဟှူမျိုး နို့လေဟှာ နန်းနို့လေရှိဟှူမျှန ဖယ်မူမျိုး ပြုမူဆစ်ဆံဟှူ ကြောန်းဟှို နန်းနို့သိဂေ့ပါဟှယ်။ 
\v 12 နန်းနို့လေဟှို သူ့ရဲ့ နိုင်ငံတော်န ဖောင်းသရေတော်ထဲဟှို ခေါ်တော်မူဟှူ ဘုရားသခင်န ထိုက်ထိုက်တန်တန် သတ်ရှင်ဘီး ကျင့်ကြံ နေထိုင်ဂေ့ဟှို့တွပ် နန်းနို့ယော့‑က်ချင်းစီတိုင်းဟှို တိုက်တောန်း နှိုးဆော်ဘီး နှစ်သိမ့်အားပေးရင်းန ဒိပေးဂေ့ပါဟှယ်။
\p
\v 13 နို့လေဟောပြောဟှူ ဘုရားသခင်ရဲ့ တရားဟှို နန်းနို့လေခံယူခီမာ လူ့ရဲ့ စကားဟှို ခံယူဟှူ ဇာမှုဘဲန ဘုရားသခင်ရဲ့ စကားစစ်မှန်ဖြစ်ဟှူတိုင်း ယောင်ကြည်ဟှူ နန်းနို့ထဲမာ ပြုပြင်ပေးဟှူ ဘုရားသခင်ရဲ့ တရား ဖြစ်ဟှယ် ဆိုဘီး ခံယူဂေ့ဟှူကြောန့် နို့လေဟှာ ခီတိုင်းမာ ဘုရားသခင်ရဲ့ ကျေးဇူးတော်ဟှို ချီးမွမ်းဂေ့ပါဟှယ်။ 
\v 14 \x - \xo ၂.၁၄ \xo*\xt တ ၁၇.၅\xt*\x*ညီကို မောန်နှမလေ နန်းနို့တွိကြောင်ရဟှူ ဇာဟှ ယုဒပြည်ဟှ ယေရှုခရစ်တော်ရဲ့ ဘာသာဝမ်လေဖြစ်ဟှူ ဘုရားသခင်ရဲ့ သင်းတော်ဟှ သင်းဝမ်ဟှူသူလေ တွိကြောင်ရဟှူ တွိကြောင်န တူပါဟှယ်။ အယ်သူလေဟှာ ယုဒလူမျိုးရဲ့ လတ်မာ ဆင်းရဲဒေါက်ခ ရော့‑က်ဂေ့ဟှူမျိုး နန်းနို့လေလည်း ကိုယ့်လူမျိုးလေရဲ့ လတ်ထဲမာ ဆင်းရဲဒေါက်ခ ရော့‑က်ဂေ့ရပါဟှယ်။ 
\v 15 \x - \xo ၂.၁၅ \xo*\xt တ ၉.၂၃,၂၉; ၁၃.၄၅,၅၀; ၁၄.၂,၅,၁၉; ၁၇.၅,၁၃; ၁၈.၁၂\xt*\x*ယုဒလူမျိုးလေဟှာ သခင်ယေရှုန ပရောဖက်လေဟှို သတ်ဂေ့ဘီး နို့လေဟှိုလည်း ညှင်းဆဲဂေ့ဟှယ်။ ဘုရားသခင်ရဲ့ လိုတော်ဟှို လိုက်ဘဲန လူလေရဲ့ ရန်သူလေ ဖြစ်ဂေ့ဟှယ်! 
\v 16 လူမျိုးခြားလေ ကယ်တန်ရှင်းရဟှို့တွပ် နို့လေ ဟောပြောဂေ့ဟှူဇာဟှို ဆီးတားဘီး ကိုယ့်ကိုယ်ကိုယ် ပြစ်ကီးလေးအောန် လောက်ဂေ့ဟှယ်။ အယ်ကြောန့် မျစ်တော်ဟှာ သူးနို့ထတ်ဟှို ကူစင်အောန် က္လရော့‑က်လေဟှယ်။
\s သက်သာလောနိတ်ဟှို နော့‑က်ထပ်ပ္လန်လာရှင်ဟှူကြောန်း
\p
\v 17 ညီကို မောန်နှမလေ နို့လေဟှာ နန်းနို့လေန စိနှလောင်းအားဖြင့်မှုဘဲ၊ ကိုယ်ခန္ဓာအားဖြင့် ရှစ်ဟှားခွဲခွာဘီး နေရဟှူလည်းဘဲ့ နန်းနို့လေဟှို ဖယ်ခီလည်းမေ့ဟှ၊ နို့လေဟှာ နန်းနို့လေဟှို ရရာတိုင်းအော့‑က်မေ့ဟှူကြောန့် နန်းနို့လေဟှို နော့‑က်တခါ ပ္လန်ဘီးတွိနိုင်ဟှို့တွပ် ကြိုးစားနေဂေ့ပါဟှယ်။ 
\v 18 နို့လေဟှာ နန်းနို့လေနားဟှို နော့‑က်တခေါ့‑က် လာရှင်ပါဟှယ်။ ငါ ပေါလုကိုယ်တိုင်လည်း နန်းနို့လေနားဟှို လာဟှို့တွပ် နှေ့ခါကြိုးစားဟှူလည်းဘဲ့ စာတန်ဟှာ ငါ့ဟှို တာဆီးလေဟှယ်။ 
\v 19 နို့လေရဲ့ သခင်ယေရှု ကြွလာတော်မူဟှူ ခီမာ ကိုယ်တော်ရဲ့ရှေ့တော်မာ နို့လေရဲ့ မျှော်လင့်ရဟှူကြောန်း ဝမ်းမြော့‑က်ရဟှူကြောန်းန ဝါကြွားရဟှူ သရဖူဖြစ်ဟှူသူလေဟှာ ဖယ်သူနူး။ နန်းနို့လေဘဲ့ မှုဟှလော။ 
\v 20 တကယ်ဘဲ့ နန်းနို့လေဟှာ နို့လေရဲ့ဖောင်းသရေတော်န၊ နို့လေရဲ့ဝန်းမြော့‑က်ရှင်းဖြစ်လေဟှယ်။
\c 3
\p
\v 1 \x - \xo ၃.၁ \xo*\xt တ ၁၇.၁၅\xt*\x*အယ်ကြောန့် နို့လေဟှာ အော့‑က်ဘီးနေနိုင်ဘဲဟှူကြောန့် အာသင်ဗြို့မာ နေရစ်ဟှို့တွပ် ဆောင်းဖြတ်ဘီးဟှာ၊ 
\v 2 ခရစ်တော်ရဲ့ ကောန်းမြတ်ဟှူဒန်းကောန်းနှိုက် နို့လေရဲ့လောက်ဖော်ဆောန်ဖတ်ဖြစ်ဟှူ ဘုရားသခင်ရဲ့မှုတော်ဟှို စေခံလောက်ဆောန်ဟှူ နို့လေရဲ့ညီ တိမောသေဟှို နန်းနို့လေနားဟှို လွှတ်လိုက်ပါဟှယ်။ သူ့ဟှို လွှတ်ရဟှူကြောန်းရာဟှ နန်းနို့ရဲ့ ယောင်ကြည်မှုဟှို ခိုင်မြဲဟှို့န ခွန်အားပေးဟှို့တွပ်၊ 
\v 3 အယ်မူဆင်းရဲဒေါက်ခအားဖြင့် ဖယ်သူလည်း ယီးယိုင်သွားဘဲန နေဟှို့တွပ်ဖြစ်ဟှယ်။ ဖြားဖြစ်ကြောန့်နူးဆိုဟှာ အယ်မူဆင်းရဲဒေါက်ခဟှို ခံရဟှူဇာဟှာ ဘုရားသခင်ရဲ့ လိုတော်ဖြစ်ဟှူကြောန်းဟှို နန်းနို့သိဂေ့ပါဟှယ်။ 
\v 4 ဖြားဖြစ်ကြောန့်နူးဆိုဟှာ နန်းနို့လေနတူးဒူ ရှိနေဟှူခီဟှ ညှင်းဆဲနှိစစ်မှုလေဟှို ခံရမယ် ဆိုဇာဟှို နို့လေ ဒိပေးဟှားပီးဘီဖြစ်ပါဟှယ်။ နို့လေဒိပေးဟှူတိုင်းဘဲ့ ခုဖြစ်နေဇာဟှို နန်းနို့သိဂေ့ပါဟှယ်။ 
\v 5 အယ်ကြောန့် စောင်ဇမ်းသွီးဆောန်တတ်ဟှူသူဟှာ နန်းနို့ဟှို ဖြားယောင်းသွီးဆောန်ဟှူကြောန့် နို့လေ ပန်ပန်ဗန်းဗန်းလောက်ဆောန်ဟှူဇာဟှာ ချည်းနှီးသတ်သတ် ဖြစ်ဟှားမယ်ဆိုဇာဟှို စိပူဘီး နေနိုင်ဘဲခီမာ နန်းနို့လေရဲ့ယောင်ကြည်မှုဟှို သိနိုင်ဟှို့တွပ် သူ့ဟှို ငါလွှတ်လိုက်ပါဟှယ်။
\p
\v 6 \x - \xo ၃.၆ \xo*\xt တ ၁၈.၅\xt*\x*အယ်ဘေမဲ့ ခုခီမာ တိမောသေဟှာ နန်းနို့လေနားဟှ ပ္လန်ရော့‑က်လာဘီး၊ သူဟှာ နန်းနို့လေရဲ့မြစ်တာန ယောင်ကြည်ရှင်းကြောန်း ဒန်းကောန်းဟှို နို့လေဟှို ပြောပြပါဟှယ်။ နန်းနို့လေဟှာ နို့လေဟှို မြဲဒန်းဒိရဟှူကြောန်း၊ နန်းနို့လေဟှို နို့လေတွိရှင်ဟှူမျိုး နန်းနို့လေလည်း နို့လေဟှို တွိရှင်ဟှူကြောန်းလေဟှို တိမောသေဟှ ပြောပြပါဟှယ်။ 
\v 7 အယ်ကြောန့် ညီကို မောန်နှမလေ နို့လေဟှာ ရာရာမာ ခတ်ခဲမျိုးဇောင်န ဆင်းရဲဒေါက်ခလေ ခံရဟှူလည်းဘဲ့ နန်းနို့လေရဲ့ ယောင်ကြည်မှုအားဖြင့် နို့လေဟှာ သတ်သာမှုဟှို ခံစားရဂေ့ပါဟှယ်။ 
\v 8 နန်းနို့လေဟှာ သခင်ဘုရားန တလောင်းတဝဒဲဖြစ်ဟှူရာမာ ကြံ့ကြံ့ခိုင်ခိုင် ရပ်တည်နိုင်ဂေ့ဟှူကြောန့် နို့လေ သတ်ရှင်ဟှို့တွပ် အားရှိဂေ့ပါဟှယ်။ 
\v 9 နို့လေဟှာ ဘုရားသခင်ရဲ့ ရှေ့တော်မာ နန်းနို့လေအားဖြင့် ခံစားရဟှူ အယ်မူဝန်းမြော့‑က်ရှင်း အားလောင်းဟှို ထော့‑က်ဘီး နန်းနို့တွပ် ဘုရားသခင်ဟှို ဖယ်မူမျိုး ကျေးဇူးတုံ့ပ္လန်နိုင်မယ်နူး။ 
\v 10 နို့လေဟှာ နန်းနို့လေန တွိဆောင်ဘီး နန်းနို့လေရဲ့ ယောင်ကြည်မှုမာ လိုအပ်ချစ်ရှိဟှူ ရာလေဟှို ဖ္လဲ့ဆည်းပေးနိုင်ဟှို့တွပ် နေ့ရောညဉ့်ပါ စိအားထတ်သန်ဘီး ဆုတောန်းနေဂေ့ပါဟှယ်။
\p
\v 11 နို့လေရဲ့ဖ ဘုရားသခင်န နို့လေရဲ့ သခင်ယေရှုဟှာ နန်းနို့လေနားဟှို နို့လေရော့‑က်လာနိုင်ဟှို့တွပ် လမ်းဖွမ့်ပေးတော်မူပါစေ။ 
\v 12 နို့လေဟှာ နန်းနို့ဟှို ရှစ်ဟှူမျိုး နန်းနို့လည်း ရှင်းရှင်းရှစ်ဟှူ မြစ်တာနဖြစ်ဖြစ်၊ လူလေ အားလောင်းဂူဟှို ရှစ်ဟှူ မြစ်တာနဖြစ်ဖြစ် တိုးပွားဘီး ကြွယ်ဝဟှို့တွပ် နန်းနို့လေဟှို သခင်ဘုရား ပြုတော်မူပါစေ။ 
\v 13 အယ်သခင်ယေရှုဟှာ သူ့ရဲ့သန့်ရှင်းသူ အားလောင်းနတူးဒူ\f + \fr ၃.၁၃ \fr*\fq သူ့ရဲ့သန့်ရှင်းသူ အားလောင်းနတူးဒူ၊ \fq*\ft အယ်မျိုးမှုဘဲနေဟှာ \ft*\fqa သူ့ရဲ့ ကောန်းဂန်တမန်လေနတူးဒူ။\fqa*\f* ကြွလာဟှူ ခီမာ နို့လေရဲ့ဖ ဘုရားသခင်ရှေ့တော်မာ နန်းနို့လေရဲ့ စိနှလောင်းဟှို ပြစ်တန်ခွမ့်န လွတ်ကင်းဘီး သန့်ရှင်းရှင်းန ခိုင်မြဲပါစေ။
\c 4
\s ဘုရားသခင်နှစ်သက်ဟှူ သတ်တာကြောန်း
\p
\v 1 နော့‑က်ဆောင်းပြောရှင်ဟှူဇာဟှ ညီကို မောန်နှမလေ နန်းနို့လေဟှာ ဘုရားသခင်နှစ်သက်စေဟှို့တွပ် ဖယ်မူမျိုး ပြုမူကျင့်ကြံရမယ် ဆိုဇာဟှို နို့လေသွန်သန်ဟှူတိုင်း နန်းနို့ ပြုကျင့်ဂေ့ဟှူမျိုး အယ်ထတ်ပိုဘီး ကြိုးစားအားထုဂေ့ဟှို့တွပ် သခင်ယေရှုနာမဟှို မှီပြုဘီး နို့လေတိုက်တွန်းနှိုးဆော်ဘီးဟှာ တောန်းဗန်ပါဟှယ်။ 
\v 2 ဖြားဖြစ်ကြောန့်နူးဆိုဟှာ နို့လေဟှာ သခင်ယေရှုအားဖြင့် နန်းနို့လေဟှို ဖယ်မူမျိုး ညွှန်ကြားဟှားဟှူဇာလေဟှို နန်းနို့သိဂေ့ဟှယ်။ 
\v 3 ဘုရားသခင်ရဲ့လိုတော်ဟှ နန်းနိုလေဟှို တရားဘဲဟှူမေထုန်ဟှို ရှောန်ဘီး သန့်ရှင်းစေဟှို့တွပ်န၊ 
\v 4 နန်းနို့ယော့‑က်ရှင်းစီဟှာ သန့်ရှင်းရှင်း၊ ဂေါင်သရေရှိရှင်းလေန ကိုယ့်ရဲ့ ကိုယ်ခန္ဓာဟှို ဖယ်မျိုး ထီးသီးရမယ် ဆိုဇာဟှို သိဘီးဟှာ\f + \fr ၄.၄ \fr*\fq ကိုယ့်ရဲ့ ကိုယ်ခန္ဓာဟှို ဖယ်မျိုး ထီးသီးရမယ် ဆိုဇာဟှို သိဘီးဟှာ၊ \fq*\ft အယ်မျိုးမှုဘဲနေဟှာ \ft*\fqa ကိုယ့်မယားန ဖယ်မျိုး နေထိုင်ရမယ် ဆိုဇာဟှို သိဟှယ်။\fqa*\f* 
\v 5 ဘုရားသခင်ဟှို သိဘဲဟှူ လူမျိုးခြားလေ ကိလေသာစိ တတ်မတ်ဟှူမျိုး တတ်မတ်ဘဲနေဟှို့တွပ်န၊ 
\v 6 အယ်မူမျိုးဇာလေဟှို လွန်ကျူးဘီး ကိုယ့်ညီကို မောန်နှမလေဟှို ပရိယာယ်အားဖြင့် ပြစ်မှားဘဲနေဟှို့တွပ် လိုတော်ရှိပါဟှယ်။ ဖြားဖြစ်ကြောန့်နူးဆိုဟှာ နို့လေဟှာ စစဒူးဟှ ဟောပြောဘီး ဒိပေးဟှားတိုင်း သခင်ဘုရားဟှာ အယ်မူမျိုးပြစ်မှားဇာဟှို ခံဟှူသူလေဟှို တရားစီရင်လေ့မယ်။ 
\v 7 ဖြားဖြစ်ကြောန့်နူးဆိုဟှာ ဘုရားသခင်ဟှာ ညစ်ညူးစေဟှို့တွပ် နို့လေဟှို ခေါ်ဟှားဇာ မှုဟှ။ သန့်ရှင်းစေဟှို့တွပ် ခေါ်ဟှားဇာဖြစ်ဟှယ်။ 
\v 8 အယ်ကြောန့် နို့လေဟှို ငြင်းပယ်ဟှူသူဟှာ လူဟှိုမျှဘဲ့ ငြင်းပယ်ရှင်းမှုဘဲန သူ့ရဲ့ သန့်ရှင်းဟှူဝိညာဉ်တော်ဟှို နို့လေဟှိုပေးတော်မူဟှူ ဘုရားသခင်ဟှိုလည်း ငြင်းပယ်လိုက်ရှင်း ဖြစ်ဟှယ်။
\p
\v 9 ညီကိုမောင်နှမလေရှင်းရှင်းဟှာ ရှစ်ရှစ်ခင်ခင်နေဟှို့ကြောန်းနပတ်သတ်ဘီး နန်းနို့လေဟှို စာရေးဘီး ပေးလိုက်ဟှို့ကြောန်းမှေ့ဟှ။ ဖြားဖြစ်ကြောန့်နူးဆိုဟှာ နန်းနို့လေဟှာ ရှင်းရှင်း ရှစ်ရှစ်ခင်ခင်နေဟှို့တွပ် ဘုရားသခင်နားဟှ သွန်သန်ခံဟှားရဟှူသူလေ ဖြစ်ဂေ့ဟှူကြောန့် ဖြစ်ဟှယ်။ 
\v 10 အယ်လော့‑က်နမကဟှ နန်းနို့လေဟှာ မာကေဒေါနိပြည် တပြည်လောင်းမာရှိဟှူ ခရစ်ယာန်ညီကိုလေဟှို မြစ်တာပြဂေ့ပါဟှယ်။ အယ်ဘေမဲ့ ညီကိုမောင်နှမလေ နန်းနို့လေဟှာ အယ်ထတ်မက ပိုဘီးရှစ်ရှင်းမြစ်တာပြဟှို့တွပ် ငါတိုက်တွန်းပါဟှယ်။ 
\v 11 နန်းနို့လေဟှို ရင်ဒူးဟှ နို့လေမှာဟှားဟှူတိုင်း ငြီးငြီဝပ်ဝပ်န နေထိုင်နိုင်ဟှို့တွပ် ကိုယ့်မှုကိစဟှို အာရောင်စိုက်ဘီး ကိုယ့်လတ်န ကြိုးစားလောက်ကိုင်ဂေ့ဟှို့တွပ် နို့လေတိုက်တွန်းနှိုးဆော် ပါဟှယ်။ 
\v 12 အယ်မူနည်းအားဖြင့် နန်းနို့လေဟှာ ယောင်ကြည်ဘဲဟှူ သူလေရဲ့ ကြည်ညိုလေးစားမှုဟှို ခံရဂေ့လေ့မယ်။ ဖယ်သူ့ဟှိုမှလည်း မှီခိုဇာလိုဟှို့ မှုဟှ။
\s သခင်ဘုရား ကြွလာတော်မူဟှူကြောန်း
\p
\v 13 ညီကို မောန်နှမလေ သေဟှားဘီးန မျှော်လင့်ရှင်းမှေ့ဘဲဟှူ သူလေမျိုး နန်းနို့လေ ကြေကွဲဝန်းနဲရှင်း ဖြစ်ဘဲဟှို့တွပ် နို့လေဟှာ သေဟှားဘီးသူလေနဆိုင်ဟှူ မှန်တရားဟှို နန်းနို့လေသိစေရှင်ပါဟှယ်။ 
\v 14 ဖြားဖြစ်ကြောန့်နူးဆိုဟှာ ယေရှုဟှာ သေခံတော်မူဘီးန ရှင်ပ္လန်ထမြော့‑က်ရှင်းဟှို နို့လေယောင်ကြည်ဟှယ် ဆိုဟှာ ဘုရားသခင်ဟှ ယေရှုဟှို ယောင်ကြည်ဘီး သေဟှားသူလေဟှိုလည်း အယ်သခင်နတူးဒူ ပို့ဆောန်တော်မူလေ့မယ်။
\p
\v 15 \x - \xo ၄.၁၅ \xo*\xt ၁ ကော ၁၅.၅၁,၅၂\xt*\x*သခင်ဘုရားရဲ့ ဗျာဒိတ်တော်အားဖြင့် နော့‑က်ထပ်ငါပြောဟှူဇာဟှ သခင်ဘုရားကြွလာဟှူ ခီမာ သတ်ရှင်ဘီး ရှိနေဟှူနို့လေဟှာ သေဟှားဘီးသူလေထတ် ရင်ဦးဆောန်း နေရာက္လလေ့မယ်မှုဟှ။ 
\v 16 ဖြားဖြစ်ကြောန့်နူးဆိုဟှာ ကြွေးကြော်ဟှူသံ၊ ကောန်းဂန်တမန်မန်းရဲ့သံ၊ ဘုရားသခင်ရဲ့ တံပိုးမှုဟှူသံလေနတူးဒူ သခင်ဘုရားကိုယ်တိုင် ကောင်းဂန်ဘောင်ဟှ ဆင်းကြွလာဘီး ခရစ်တော်နှိုက် သေဟှားဘီးသူလေဟှာ ရင်ဦးဆောင်း ထမြော့‑က်ဂေ့လေ့မယ်။ 
\v 17 အယ်ခီမာ သတ်ရှင်ဘီး ကျန်နေဟှူနို့လေဟှာ အာကာသကောန်းဂန်ထတ်မာ သခင်ဘုရားန တွိဆောင်ဟှို့တွပ် အယ်သူလေနတူးဒူ မိုးတီထတ်ဟှို ခီဆောန်ခံရဘီး သခင်ဘုရားနတူးဒူ မြဲဒမ်းနေရဂေ့လေ့မယ်။ 
\v 18 အယ်ကြောန့် အယ်မူစကားအားဖြင့် ယော့‑က်နယော့‑က် တိုက်တွန်းအားပေးဂေ့ပါ။
\c 5
\s သခင်ဘုရားကြွလာဟှို့တွပ် ဆင်သင့်ရှိနေဟှို့ကြောန်း
\p
\v 1 ညီကို မောန်နှမလေ အယ်မူမှုရာလေ ဖြစ်ပျစ်လာမယ့် ခီကာလကြောန်းဟှို နန်းနို့လေဟှို ရေးဘီးပေးလိုက်ဇာကြောန်းမှေ့ဟှ။ 
\v 2 \x - \xo ၅.၂ \xo*\xt မ ၂၄.၄၂; လု ၁၂.၃၉; ၂ ပေ ၃.၁၀\xt*\x*ဖြားဖြစ်ကြောန့်နူးဆိုဟှာ ခိုးဟှာ ညဉ့်ဖတ်ဟှို လာတတ်ဟှူမျိုး သခင်ဘုရားရဲ့ နေ့ရစ်ဟှာ လာလေ့မယ် ဆိုဇာဟှို နန်းနို့ ကောန်းကောန်းသိဂေ့ဟှယ်။ 
\v 3 လူလေဟှာ “ငြီးချမ်းဟှားဘီ၊ လောင်ခြောင်ဟှားဘီ” ဆိုဘီး ပြောနေဟှူ ခီမာဘဲ့ ဗိုက်ပိုက်နေဟှူမီးမမာ သားမွီးဟှူဝေဒနာ က္လရော့‑က်လာဟှူမျိုး သူးနို့ထတ်မာ ရရာတိုင်း ဗြန်ဟှူပျစ်စီးမှုဟှာ ရောက်တရစ် က္လရော့‑က်လာဟှူကြောန့် သူးနို့လေဟှာ လောင်းဝလွတ်နိုင်ဟှို့ မှုဟှ။ 
\v 4 အယ်ဘေမဲ့ ညီကို မောန်နှမလေ နန်းနို့လေဟှာ မှောန်မိုက်ထဲမာရှိနေဇာမှုဘဲကြောန့် အယ်နေ့ရစ်ဟှာ ခိုးလာဟှူမျိုး နန်းနို့နားဟှို ရော့‑က်လာဟှို့ကြောန်းမှေ့ဟှ။ 
\v 5 ဖြားဖြစ်ကြောန့်နူးဆိုဟှာ နန်းနို့အားလောင်းဟှာ လန်းရောန်ရဲ့ သားလေ၊ နေ့ရဲ့ သားလေဖြစ်ဂေ့ဟှယ်။ ညဉ့်ရဲ့ သားလေ၊ မှောန်မိုက်ရဲ့ သားလေ မှုဟှ။ 
\v 6 အယ်ကြောန့် တခြားသူလေ အိမွိနေဂေ့ဟှူမျိုး နို့လေအိမွိဘဲ နိုးနိုးကြားကြားန သမ္မာဒိရှိရှိ စောန့်နေဂေ့ဇို့။ 
\v 7 ဖြားဖြစ်ကြောန့်နူးဆိုဟှာ အိမွိဟှူ သူလေဟှာ ညဉ့်ဖတ်မာဘဲ့ အိမွိတတ်ဂေ့ဟှယ်။ မူးယစ် သော့‑က်စားသူလေလည်း ညဉ့်ဖတ်မာဘဲ့ မူးယစ်တတ်ဂေ့ဟှယ်။ 
\v 8 \x - \xo ၅.၈ \xo*\xt ဧ ၆.၁၃–၁၇\xt*\x* အယ်ကြောန့် နို့လေဟှာ နေ့ရဲ့ သားလေဖြစ်ဟှူကြောန့် ယောင်ကြည်မှုန ရှစ်ရှင်းမြစ်တာဖြစ်ဟှူ ရင်ဖတ်ကာဟှို ဝတ်ဆင်ဘီးဟှာ ကယ်တန်ရှင်းဟှို ရော့‑က်ဟှို့တွပ် မျှော်လင့်ရှင်းဖြစ်ဟှူ သံခမှော့‑က်လောင်းဟှို ဝတ်ဆင်ဘီး သမ္မာဒိရှိရှိနနေဂေ့ဇို့။ 
\v 9 ဖြားဖြစ်ကြောန့်နူးဆိုဟှာ မျစ်တော်ဟှို ခံရဟှို့တွပ် ဘုရားသခင်ဟှာ နို့လေဟှို ဝီးကော့‑က်ဟှားဇာ မှုဟှ။ နို့လေဟှာ သခင်ယေရှုခရစ်တော်အားဖြင့် ကယ်တန်ရှင်းဟှို ပိုင်ရဟှို့တွပ် ဝီးကော့‑က်ခံရဇာဖြစ်ဟှယ်။ 
\v 10 နို့လေဟှာ နိုးနေဟှူခီဖြစ်ဖြစ်၊ အိမွိနေဟှူခီဘဲဖြစ်ဖြစ် ကိုယ်တော်နတူးဒူ သတ်ရှင်ဟှို့တွပ် ကိုယ်တော်ဟှာ နို့လေတွပ် သေခံတော်မူဘီ။ 
\v 11 အယ်မျိုးဖြစ်ကြောန့် နန်းနို့လေဟှာ ခုပြုနေဟှူမျိုး ယော့‑က်နယော့‑က် တိုက်တွန်းဘီး အားပေးတည်ဆော့‑က်ဂေ့ပါ။
\s နော့‑က်ဆောင်းညွှန်ကြားချစ်လေန နှောက်ဆစ်ဟှူကြောန်း
\p
\v 12 ညီကို မောန်နှမလေ နန်းနို့လေထဲမာ မှုတော်ဟှိုလောက်ဆောန်ဘီး လမ်းပြသွန်သန်ဟှို့တွပ် သခင်ဘုရားခန့်ဟှားဟှူသူလေဟှို ကြည်ညိုလေစားဂေ့ဟှို့တွပ်န၊ 
\v 13 သူးနို့ပြုဟှူမှုဟှိုထော့‑က်ဘီး သူးနို့လေဟှို မြစ်တာစိန ရှစ်ခင်ရိုသေဂေ့ဟှို့တွပ် နို့လေတောန်းဗန်ပါဟှယ်။ နန်းနို့လေရှင်းရှင်း သင့်သင့်မြတ်မြတ်နေဂေ့ပါ။
\p
\v 14 ညီကို မောန်နှမလေ နန်းနို့လေဟှို ငါတိုက်တွန်းနှိုးဆော်ရှင်ဟှူဇာဟှ တရားဘဲလောက်ဟှူလူလေဟှို ဒိပေးဆောင်းမဂေ့ပါ။ စိအားငယ်သူလေဟှို အားပေးဂေ့ပါ။ အားနဲဟှူသူလေဟှို ထော့‑က်မပေးဂေ့ပါ။ လူလေ အားလောင်းဂူဟှို စိရှယ်သီးခံဂေ့ပါ။ 
\v 15 ဖယ်သူလေဟှိုမှလည်း ဆိုးဟှိုဆိုးန တုံ့ပ္လန်ဘဲနေဟှို့တွပ် ဒိထားဂေ့ပါ။ ရှင်းရှင်းလေန လူလေ အားလောင်းဂူဟှို ကောန်းကျိုးပြုဟှို့တွပ် ခီတိုင်းကြိုးစားအားထုဂေ့ပါ။
\p
\v 16 မြဲဒမ်း ဝန်းမြော့‑က်ရွှင်လန်းဂေ့ပါ။ 
\v 17 ခီတိုင်းမာ ဆုတောန်းဂေ့ပါ။ 
\v 18 ရာရာမာ ကျေးဇူးတော်ဟှို ချီးမွမ်းဂေ့ပါ။ ဖြားဖြစ်ကြောန့်နူးဆိုဟှာ နန်းနို့လေဟှာ အယ်မူမျိုးကျင့်ဂေ့ဟှို့တွပ် ယေရှုခရစ်နှိုက် ဘုရားသခင်လိုတော်ရှိဟှယ်။
\p
\v 19 ဝိညာဉ်တော်ရဲ့ရှီဟှို ငြီးဟှားစေဂေ့န။ 
\v 20 ပရောဖက်ပြုဇာဟှို ထီမဲ့မြင်ပြုဂေ့န။ 
\v 21 အယ်ဘေမဲ့ ရာအားလောင်းဂူဟှို စစ်ကြောစောင်ဇမ်းဘီး ကောင်းဟှူဇာလေဟှို မြဲဒမ်းခံယူကိုင်စွဲဂေ့ပါ။ 
\v 22 ကောန်းဘဲဟှူဇာ မျိုးမျိုးလေဟှို ရှောန်ဂေ့ပါ။
\p
\v 23 ငြီသတ်ရှင်းရဲ့ရှင် ဘုရားသခင်ကိုယ်တိုင် နန်းနို့လေဟှို ကူစင်အောန် သန့်ရှင်းစေတော်မူပါစေ။ နို့လေရဲ့ သခင်ယေရှုခရစ် ကြွလာဟှူ ခီမာ နန်းနို့လေရဲ့ ဝိညာဉ်၊ စိ၊ ကိုယ်ခန္ဓာဟှို ပြစ်တန်ခွမ့်နလွတ်ကင်းအောန် စောန့်မတော်မူပါစေ။ 
\v 24 နန်းနို့လေဟှို ခေါ်တော်မူဟှူသူဟှာ သစ်စာန ပ္လဲ့ဇောင်တော်မူဟှူကြောန့် အယ်မူမျိုး ပြုတော်မူလေ့မယ်။
\p
\v 25 ညီကို မောန်နှမလေ၊ နို့လေတွပ်လည်း ဆုတောန်းပေးဂေ့ပါ။
\p
\v 26 ညီကို မောန်နှမလေ အားလောင်းဟှို သန့်ရှင်းဟှူနမ်းန နှောက်ဆစ်ဂေ့ပါ။
\p
\v 27 အယ်မူစာဟှို သန့်ရှင်းဟှူ ညီကိုမောန်နှလေ အားလောင်းဟှို ဖတ်စေဟှို့တွပ် သခင်ဘုရားဟှို တိုင်တည်ဘီးဟှာ နန်းနို့လေဟှို လေးလေးနတ်နတ်ဟှား တိုက်တွန်းရှင်ပါဟှယ်။
\p
\v 28 နို့လေသခင်ယေရှုခရစ်တော်ရဲ့ ကျေးဇူးတော်ဟှာ နန်းနို့လေနတူးဒူ ရှိပါစေ။