\id 1PE - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ၁ ပေတရု
\toc1 ပေတရုဟှနေ ပထမပေးစာ
\toc2 ၁ ပေတရု
\toc3 ၁ ပေ
\mt1 ၁ ပေတရု
\mt2 ပေတရုဟှနေ ပထမပေးစာ
\imt နိဒါန်း
\im \bk ပေတရုဟှနေ ပထမပေးစာ\bk*ဟှို တမန်တော် ပေတရုဟှ ရေးဟှားဟှယ်။ သူဟှာ ဖယ်လူဖြစ်ဘီး ဖယ်လူနားဟှို ရေးဟှားဟှယ် ဆိုဘီး သူ့ရဲ့ ပေးစာဟှို စပြုဟှားဟှယ်။ အယ်စာဟှို “ဇီးလူလေ” ဆိုဘီး ခေါ်ရှင်းခံရဟှူ ခရစ်ယာန်လေ အားလောင်းနားဟှို လိစာတတ်ဟှားလေဟှယ် (\xt ၁.၁; ၁.၁၇; ၂.၁၁\xt*)။ သူ့ရဲ့ စာဖတ်မားလေဟှာ နိုင်ငံလေ ဘောင်ဂီးဟှို ဖ္လဲဖ္လဲစင်ဖြစ်ဟှားဟှူကြောန့် ခဏခဏ အယ်မူစကားဟှို ပြောဟှားဟှယ်။ အယ်ပေးစာဟှာ ဧဖက် သင်းတော်ဟှို ပေါလုရဲ့ ပေးစာန နဲနဲဆင်တူနေဟှူကြောန့် ခရစ်တော် မွီးဘီးန ၆၅ ခုနှစ်လော့‑က်မာ ရေးဟှားဟှယ် ဆိုဘီး လတ်ခံဂေ့ဟှယ်။ ပေတရုဟှာ အယ်ပေးစာဟှို ဗာဗုလုန်ဗြို့ ဆိုဘီး ခေါ်ဟှူရောမဗြို့ဟှနေ ရေးဟှားဟှယ် (\xt ၅.၁၃\xt*)။
\ip ပေတရုဟှာ “ငါဟှာ နန်းနို့လေဟှို တိုက်တွန်းနှိုးဆော်ဘီး နန်းနို့ မှီပြုဟှူ အယ်မူဇာလေဟှာ ဘုရားသခင်ရဲ့ စစ်မှန်ဟှူ ကျေးဇူးတော်ဖြစ်ဟှယ် ဆိုဇာဟှို သတ်သေခံဟှယ်” ဆိုဘီး အယ်ပေးစာရဲ့ ရည်ရွယ်ချစ်ဟှို ဖော်ပြဟှားဟှယ် (\xt ၅.၁၂\xt*)။ အယ်ပေးစာဟှာ \xt ၁ ပေ ၂.၁၁—၃.၇; ဧ ၅.၁၈—၆.၉; ကော ၃.၁၈—၄.၆\xt* လေန တူညီဇာလေ ဘောင်ဂီး ရှိလေဟှယ်။ ပိုင်းသောင်းပိုင်းလောင်းမာ အာဏာပိုင်လေဟှို နာခံဟှို့န မိသားစုဆစ်ဆံရေးန ဆိုင်ဟှူဇာလေဟှို ညွန်ကြားချစ် ပေးဟှားဟှယ်။ ဆောင်းသတ်ခီ နီးလာဟှူကြောန့် ဒေါက်ခလေခံရဟှူ ခီမာ သီးခံဟှို့ ခရစ်ယာန်လေဟှို အားပေးဟှားဟှယ် (\xt ၄.၁\xt*)။
\iot ကြောန်းရာ ကျဉ်းချောက်
\io1 ၁။ ပေတရုဟှာ သူ့ကိုယ်သူ မိတ်ဆစ်ဟှားဘီး သူ့ရဲ့ စာဖတ်မားနားဟှို ရေးဟှားဟှူကြောန်း \ior (၁.၁–၂)\ior*
\io1 ၂။ ကယ်တန်ရှင်းန သတ်ရှင်ရှင်းတွပ် ဘုရားသခင်ဟှို ချီးမွမ်းဟှားဟှူကြောန်း \ior (၁.၃—၂.၁၀)\ior*
\io1 ၃။ ယောင်ကြည်သူလေဟှို လောကမာ ဖယ်မျိုး ကောန်းဆောင်း သတ်ရှင်ရမယ် ဆိုဘီး ညွန်ကြားဟှားဟှယ်။ လန်န မယားကြား၊ ကျွန်န သခင်ကြား ဖယ်မျိုး ဆစ်ဆံရမယ် ဆိုဘီးလည်း ရေးဟှားဟှူကြောန်း \ior (၂.၁၁—၄.၁၁)\ior*
\io1 ၄။ ပေတရုဟှာ ဒေါက်ခခံရဟှူ ခီမာ သီးခံဟှို့ သူးနို့ဟှို အားပေးဟှားဟှူကြောန်း \ior (၄.၁၂—၅.၁၁)\ior*
\io1 ၅။ နော့‑က်ဆောင်းမာ သူ့ရဲ့ ပေးစာဟှို နိဂေါင်းချောက်းဟှားဟှူကြောန်း \ior (၅.၁၂–၁၄)\ior*
\ie
\c 1
\po
\v 1 ယေရှုခရစ်တော်ရဲ့ တမန်တော် ငါပေတရုဟှာ
\po ပုန္တုပြည်၊ ဂလာတိပြည်၊ ကပ္ပဒေါကိပြည်၊ အာရှိပြည်န ဗိသုနိပြည်လေမာ ဧည့်သည်ဖြစ် ပ္လံ့နှံ့နေထိုင်ဂေ့ဟှူသူလေ တနည်းအားဖြင့် 
\v 2 ယေရှုခရစ်တော်ရဲ့ စကားတော်ဟှို နားထောန်ဟှို့တွပ်န ကိုယ်တော်ရဲ့ သွီးတော်န ဖျန်းရှင်းကျေးဇူးဟှို ခံရဟှို့တွပ် ဝိညာဉ်တော်အားဖြင့် သန့်ရှင်းစေရှင်းဟှို ခံရဘီး နို့လေရဲ့ဖဖြစ်ဟှူ ဘုရားသခင်ရဲ့ ကြိုတန်သိဗြင်ဟှူ ဉာဏ်တော်တိုင်း ဝီးကော့‑က်ခံရဟှူ သူလေနားဟှို စာရေးလိုက်ပါဟှယ်။
\po ကျေးဇူးတော်န ငြီသတ်ရှင်းဟှာ နန်းနို့မာ တိုးပွားပါစေ။
\s သတ်ရှင်ဟှူ မျှော်လင့်ရှင်းကြောန်း
\p
\v 3 နို့လေ သခင်ယေရှုခရစ်ရဲ့ ခမည်းတော် ဘုရားသခင်ဟှာ မင်္ဂလာရှိပါစေ။ ကိုယ်တော်ဟှာ သူ့ရဲ့ ကီးမြတ်ဟှူ ကရုဏာတော်န ယေရှုခရစ်တော်ဟှို သေရှင်းဟှနေ ရှင်ပ္လန်ထမြော့‑က် စေရှင်းအားဖြင့် နို့လေဟှို သတ်ရှင်ဟှူ မျှော်လင့်ရှင်းန 
\v 4 နန်းနို့လေတွပ် ကောန်းဂန်ဘောင်မာ ထီးသီးဟှားဟှူ ယိုယွင်းပျစ်စီးမှုလေ၊ ညစ်ညူးမှုလေန မှေးမှိန်မှုလေ မှေ့ဘဲဟှူ မွီတော်ထဲဟှို ပ္လန်ဘီး သစ်မွီးဖွား စေတော်မူဟှယ်။ 
\v 5 နန်းနို့လေဟှာ နော့‑က်ဆောင်းကာလမာ ဖော်ပြဟှို့တွပ် ဆင်သင့်ပြင်ဆင်ဟှားဟှူ ကယ်တန်ရှင်းတွပ် ဘုရားသခင်ရဲ့ တဂိုးတော်နှိုက် ယောင်ကြည်မှုအားဖြင့် စောန့်ရှော့‑က်ရှင်းဟှို ခံရဂေ့ဟှယ်။
\p
\v 6 နန်းနို့လေဟှာ ခုခီမာ စောင်ဇမ်းနှော့‑က်ယှစ်ရှင်း မျိုးမျိုးလေကြောန့် ရှစ်ဟှား ဝန်းနဲရဟှူလည်းဘဲ့ စဟှပြောဟှားဟှူ ကြောန်းရာလေအားဖြင့် ရွှင်လန်းဟှူစိ ရှိဂေ့ပါ။ 
\v 7 ရယ်ကျိုဘီး စောင်ဇမ်းရှင်းဟှို ခံနိုင်ဟှူလည်းဘဲ့ ပျစ်စီးတတ်ဟှူ ရွှေထတ် ရရာတိုင်း ဖိုးကီးဟှူ နန်းနို့လေရဲ့ ယောင်ကြည်ရှင်းဟှို စစ်ကြောစောင်ဇမ်းရှင်းဟှာ ယေရှုခရစ်တော် ပေါ်ထွန်းတော်မူဟှူ ခီမာ ချီးမွမ်းရှင်း၊ ဖောင်းသရေတော်န ဂေါင်သရေဖြစ်ဟှို ရော့‑က်ဟှို့တွပ် ဖြစ်ဟှယ်။ 
\v 8 နန်းနို့လေဟှာ အယ်သခင်ဟှို ဗြင်ဖူးဘဲနေဟှူလည်းဘဲ့ ရှစ်ဂေ့ဟှယ်။ ခုလည်း ဗြင်ဘဲန ယောင်ကြည်ရှင်းအားဖြင့် ဖောင်းသရေတော်န စပ်ဆိုင်ဟှူ ပြောဟှို့မှီနိုင်ဘဲဟှူ ရွှင်လန်းရှင်းန ဝန်းသာဂေ့ဟှယ်။ 
\v 9 အယ်ဇာဟှ စိဝိညာဉ်ဟှို ကယ်တန်ရှင်းဖြစ်ဟှူ ယောင်ကြည်ရှင်းရဲ့ ကျိုးဟှို ခံစားရရှင်း ဖြစ်ဟှယ်။
\p
\v 10 အယ်ကယ်တန်ဟှူ ကြောန်းရာဟှို ပရောဖက်လေဟှာ သေးသေချားချာ စောင်ဇမ်းရှာဖွေဘီး နန်းနို့ခံစားရမယ့် ကျေးဇူးတော်ကြောန်းဟှို ဟောပြောဂေ့ဟှယ်။ 
\v 11 ခရစ်တော်ခံရမယ့် ဆင်းရဲရှင်းန ဆင်းရဲခံဘီးမှ ဝမ်စားရမယ့် ဖောင်းစည်းဇိမ်ကြောန်းဟှို သူးနို့ထဲမာရှိဟှူ ခရစ်တော်ရဲ့ ဝိညာဉ်တော်ဟှာ သက်သေခံဟှူ ခီမာ ဖယ်သူဖယ်ဝါ ဖယ်ခီကာလဟှို ဆိုလိုဟှူကြောန်း\f + \fr ၁.၁၁ \fr*\fq ဖယ်ခီကာလဟှို ဆိုလိုဟှူကြောန်း၊ \fq*\ft အယ်မျိုးမှုဘဲနေဟှာ \ft*\fqa ဖယ်သူဖယ်ဝါဟှို ဆိုလိုဟှူကြောန်း။\fqa*\f*ဟှို မေးမြန်းရှာဖွေဂေ့ဟှယ်။ 
\v 12 ကိုယ်ဟောပြော ပြုစုရှင်းလေဟှာ သူးနို့လေတွပ်မှုဘဲန နန်းနို့လေတွပ် ဖြစ်ဟှယ် ဆိုဇာဟှို အယ်သူလေဟှို ဖွမ့်ပြတော်မူဟှယ်။ ကောန်းဂန်ဘောင်ဟှနေ စေလွှတ်တော်မူဟှူ သန့်ရှင်းဟှူဝိညာဉ်တော်အားဖြင့် ကောန်းမြတ်ဟှူ ဒန်းကောန်းဟှို ဟောပြောဟှူ သူလေဟှာ အယ်ရာလေဟှို ခု နန်းနို့လေဟှို ဟောပြောဂေ့ဘီ။ ကောန်းဂန်တမန်လေဟှဘဲ့ အယ်ရာလေဟှို ရရာတိုင်း ကေ့ရှင်ဂေ့ဟှယ်။
\s သန့်သန့်ရှင်းရှင်းန သတ်ရှင်ဟှို့ နှိုးဆော်ဟှူကြောန်း
\p
\v 13 အယ်မျိုးဖြစ်ကြောန့် နန်းနို့ရဲ့ စိနှလောင်းဟှို သစ်ပြင်ဆင်ဘီးဟှာ သမ္မာဒိရှိဂေ့ပါ။ ယေရှုခရစ် ကြွလာဟှူ ခီမာ နန်းနို့နားဟှို ရော့‑က်လာမယ့် ကျေးဇူးတော်ဟှို ဆောင်းထိမျှော်လင့်ပါ။ 
\v 14 စဟှ နန်းနို့လေ နားလည်ဘဲဟှူ ခီဒူးဟှ တတ်မတ်မှု နော့‑က်ဟှို လိုက်ဟှားမျိုး ခုလိုက်ဂေ့ဘဲန နာခံမှုရှိဟှူ သားမီးလေမျိုး၊ 
\v 15 နန်းနို့ဟှို ခေါ်တော်မူဟှူ သခင်ဟှာ သန့်ရှင်းတော်မူဟှူမျိုး နန်းနို့လေလည်း ပြုမူကျင့်ကြံရှင်းလေမာ သန့်ရှင်းမှုရှိဂေ့ပါ။ 
\v 16 ဖြားဖြစ်ကြောန့်နူးဆိုဟှာ “ငါဟှာ သန့်ရှင်းတော်မူဟှူကြောန့် နန်းနို့လေဟှာ သန့်ရှင်းရှင်း ရှိဂေ့ရမယ်” ဆိုဘီး ရေးဟှားလေဟှယ်။
\p
\v 17 နန်းနို့လေဟှာ လူ့မျစ်နှာဟှို ထော့‑က်ဘဲန လူလေ အားလောင်းဂူရဲ့ ကျင့်တိုင်း စီရင်တော်မူဟှူ ခမည်းတော်ဟှို နန်းနို့ဆုတောန်း ကိုးကွယ်ဟှယ် ဆိုဟှာ ဧည့်သည်ဖြစ်ဟှူ ကာလပတ်လောင်းမာ ကြော့‑က်ရွံ့ရိုသေဟှူ စိန နေထိုင်ဂေ့ပါ။ 
\v 18 ဖြားဖြစ်ကြောန့်နူးဆိုဟှာ နန်းနို့လေဟှာ မိစဉ်ဖဆစ် ကျင်လည်ဟှူ ချည်းနှီးကျင့်ကြံ ပြုမူရှင်းဟှနေဘီး ရွှေလေ၊ ငွေလေ ဖော့‑က်ပ္လန် ပျစ်စီးတတ်ဟှူ အောက်စာလေန နန်းနို့လေဟှို ဝီးနှုဘီး လွတ်မြော့‑က်လာရှင်းမှုဘဲ 
\v 19 ဖြားပြစ်လည်းမှေ့ဘဲ ညှစ်ကြေးလေန ကင်းစင်ဟှူ သိုးသားဂန်းဟှားဟှူမျိုး ခရစ်တော်ရဲ့ သွီးတော်မြတ်န ဝီးတော်မူဟှူ ကြောန်းဟှို နန်းနို့လေ သိဂေ့ပါဟှယ်။ 
\v 20 အယ်ခရစ်တော်ဟှာ အယ်ကမ္ဘာလောက မှေ့ခန်ဂဒဲဟှ ဘုရားသခင် သတ်မှတ် ဝီးချယ်ရှင်းဟှို ခံရဘီး အယ်နော့‑က်ဆောင်း ကာလမာ နန်းနို့လေရဲ့ ကျိုးတွပ် ပေါ်ထွန်းတော်မူဘီ။ 
\v 21 ကိုယ်တော့်ဟှို သေဟှားသူလေထဲဟှနေ ထမြော့‑က်စေဘီး ဖောင်းသရေတော်ပေးတော်မူဟှူ ဘုရားသခင်ဟှို အယ်သခင်အားဖြင့် နန်းနို့ယောင်ကြည်ဂေ့ဟှယ်။ အယ်မျိုးဖြစ်ကြောန့် နန်းနို့လေဟှာ ဘုရားသခင်ဟှို မှီပြုဘီး ယောင်ကြည်မျှော်လင့်ရှင်း ရှိဂေ့ဟှယ်။
\p
\v 22 နန်းနို့လေဟှာ သမ္မာတရားဟှို လိုက်လျှော့‑က် ကျင့်သောင်းရှင်းအားဖြင့် နန်းနို့လေရဲ့ စိဝိညာဉ်ဟှို သန့်ရှင်း စင်ကြယ်စေဂေ့ဘီး ဟန်ဆောန်မှုကင်းဟှူ ညီကိုရှင်း ရှစ်ဟှူ မြစ်တာဟှို ရဟှူကြောန့် ဖ္လူစင်ဟှူစိနှလောင်းအားဖြင့်\f + \fr ၁.၂၂ \fr*\fq စိနှလောင်းအားဖြင့်၊ \fq*\ft တချို့ မူရင်းလတ်ရေးမူလေမာ \ft*\fqa ဖ္လူစင်ဟှူ စိနှလောင်းအားဖြင့်၊ \fqa*\ft ဆိုဘီး ပါရှိဟှယ်။\ft*\f* ရှင်းရှင်း ခိုင်းခိုင်မြဲမြဲ ရှစ်ဂေ့ပါ။ 
\v 23 နန်းနို့လေဟှာ ဖော့‑က်ပ္လန် ပျစ်စီးတတ်ဟှူ မျိုးစေ့အားဖြင့် မှုဘဲန ဖော့‑က်ပ္လန် ပျစ်စီးမှုန ကင်းဟှူ မျိုးစေ့ဖြစ်ဟှူ သတ်ရှင်ဘီး မြဲတည်ဟှူ ဘုရားသခင်ရဲ့ စကားတော်အားဖြင့် ဒုတိယခါ ပ္လန်မွီးရှင်းဟှို ခံရဂေ့ဘီ။ 
\v 24 ဖြားဖြစ်ကြောန့်နူးဆိုဟှာ
\q1 “လူလေ အားလောင်းဂူဟှာ ဗြစ်ပန်ဟှူ မျိုးဖြစ်ဘီး
\q2 သူးနို့လေရဲ့ ဖောင်းသရေတော်ဟှာ ဗြစ်ပွမ့်ဟှူမျိုး ဖြစ်ဟှယ်။
\q1 ဗြစ်ပန်ဟှာ ညှိုးနွမ်းဘီး သွိခြော့‑က်ဟှားတတ်ဟှယ်။
\q2 ဗြစ်ပွမ့်လေလည်း ကွီတတ်လေဟှယ်။ 
\v 25 ဘုရားသခင်ရဲ့ စကားတော်ဟှာ ကာလစဉ်ဆစ် တည်ဟှယ်။”
\m အယ်စကားတော်ဟှာ နန်းနို့လေဟှို ဟောပြောဟှူ ဒန်းကောန်းဘဲ့ဖြစ်ပါဟှယ်။
\c 2
\s သတ်ရှင်က္လော့‑က်န သန့်ရှင်းလူမျိုးကြောန်း
\p
\v 1 အယ်ကြောန့် နန်းနို့လေဟှာ ကောန်းဘဲဟှူမှု မျိုးမျိုးလေနတူးဒူ လှည့်ဖြားမှု၊ ဟန်ဆောန်မှု၊ နာလိုမှုန ပေါက်ခတ်ပြောဆိုဟှူမှု မျိုးမျိုးလေဟှို ဖယ်ရှားဂေ့ပါ။ 
\v 2 သန့်ရှင်းဟှူ၊ ဝိညာဉ်ရေးရာနဆိုင်ဟှူ မှန်ဟှူ နို့စစ်အားဖြင့် ကယ်တန်ရှင်းနှိုက် ကီးထွားလာဟှို့တွပ် မွီးခါဇ သားဂန်းဟှားမျိုး အယ် တရားနို့ရယ်ဟှို မြဲဒမ်း လိုရှင်တောန်းတဂေ့ပါ။ 
\v 3 ဘုရားသခင်ရဲ့ ကောန်းမြတ်ဟှူကြောန်းဟှို နန်းနို့လေ ဗြဲစမ်းကေ့ပီးဘီ ဖြစ်ဟှယ်။
\p
\v 4 လူလေရဲ့ ငြင်းပယ်ရှင်းဟှို ခံရဟှူလည်းဘဲ့ ဘုရားသခင် ဝီးကော့‑က်တော်မူဟှူ တန်ဖိုးကီးဟှူ၊ သတ်ရှင်ဟှူက္လော့‑က် ဖြစ်တော်မူဟှူ အယ်သခင်နားဟှို လာဘီး၊ 
\v 5 နန်းနို့လေလည်း သတ်ရှင်က္လော့‑က်မျိုး ဝိညာဉ်ရေးရာ အီတော်ဖြစ် တည်ဆော့‑က်ရှင်းဟှို ခံယူဂေ့ပါ။ အယ်ဇာဟှ နန်းနို့လေဟှာ သန့်ရှင်းဟှူ ယဇ်ပုရောဟိတ်မျိုးဖြစ်ဘီး ဘုရားသခင် နှစ်သက်လတ်ခံတော်မူဟှူ ဓမ္မယဇ်လေဟှို ယေရှုခရစ်တော်အားဖြင့် ပူဇော်နိုင်ဟှို့တွပ် ဖြစ်ဟှယ်။ 
\v 6 ဖြားဖြစ်ကြောန့်နူးဆိုဟှာ ကျမ်းစာတော်ဟှ
\q1 “ကေ့ရှုဂေ့ ဝီးချယ်ဟှားဟှူ၊ တန်ဖိုးရှိဟှူ တိုက်ထော့‑က်ဗြစ်က္လော့‑က်ဟှို
\q2 ဇိအုန်တောန်ထတ်မာ ငါခ္လဟှားဟှယ်။
\q2 အယ်က္လော့‑က်ဟှို ယောင်ကြည်ဟှူသူဟှာ ယှစ်ကြော့‑က်မှုမှေ့ဟှ” ဆိုဘီး လာလေဟှယ်။
\m
\v 7 အယ်ကြောန့် အယ်က္လော့‑က်ဟှာ ယောင်ကြည်ဟှူ နန်းနို့တွပ်ဟှ ဖောင်းသရေတော်ရှိဟှယ်။ ယောင်ကြည်ဘဲဟှူ သူလေတွပ်ဟှ
\q1 “တိုက်ဆော့‑က်ဟှူသူလေ ဖယ်ဟှားဟှူက္လော့‑က်ဟှာ
\q2 တိုက်ထော့‑က် ထိဖျားဟှို ရော့‑က်လာဟှူ ရေးကီးဟှူက္လော့‑က်” ဖြစ်ဘီး၊
\m
\v 8 စကားတော်ဟှို ယောင်ကြည်ဘဲကြောန့် ထိမိဘီး လဲဂေ့ဟှယ်။
\q1 “ထိမိဘီး လဲဟှူက္လော့‑က်
\q2 မှားယွင်းစေဟှူက္လော့‑က် ဖြစ်ဟှယ်။”
\m အယ်မျိုးဖြစ်ဟှို့တွပ် သူးနို့ဟှို သတ်မှတ်ဟှားဇာလည်း ဖြစ်ဟှယ်။
\p
\v 9 \x - \xo ၂.၉ \xo*\xt တိ ၂.၁၄\xt*\x*နန်းနို့လေဟှာ မှောန်မိုက်ထဲဟှနေဘီး အံ့ဖွယ်ဖြစ်ဟှူ လန်းရောန်ထဲဟှို ခေါ်သွမ်းပေးတော်မူဟှူ သူရဲ့ ဂေါင်ကျေးဇူးလေဟှို ဖော်ပြဟှို့တွပ် ဝီးချယ်တော်မူဟှူ မျိုးဖြစ်ဂေ့ဟှယ်။ မန်းစည်းဇိမ်ရှိဟှူ ယဇ်ပုရောဟိတ်မျိုး၊ သန့်ရှင်းဟှူလူမျိုး၊ ပိုင်ထိုက်ဟှူ လူမျိုးတော် ဖြစ်ဂေ့ဟှယ်။ 
\v 10 နန်းနို့လေဟှာ စစဒူးဟှ ဘုရားသခင်ရဲ့ လူမျိုးတော်မှုဘဲန ခုခီမာ ဘုရားသခင်ရဲ့ လူမျိုးတော် ဖြစ်ဂေ့ဘီ။ စစဒူးဟှ ကရုဏာတော်ဟှို ခံစားရဘဲန ခုခီမာ ကရုဏာတော်ဟှို ခံစားရဂေ့ဘီ။
\s ဘုရားသခင်ရဲ့ စေခံကျွန်လေကြောန်း
\p
\v 11 ရှစ်ရဟှူသူလေ နန်းနို့လေဟှာ ဧည့်သည်လေဖြစ်ဟှူကြောန့် စိဝိညာဉ်ဟှို ဆန့်ကျင်တိုက်ခိုက်ဟှူ ကိုယ်ကာယရဲ့ တတ်မတ်မှုလေဟှို ရှောန်ကြဉ်ဂေ့ဟှို့တွပ် ငါတိုက်တွန်း နှိုးဆော်ပါဟှယ်။ 
\v 12 ယောင်ကြည်ဘဲဟှူ လူမျိုးခြားလေဟှာ နန်းနို့လေဟှို ကောန်းဘဲဟှူမှုလေဟှို လောက်ဟှူသူလေ ဆိုဘီး ပြစ်တန်စွန့်စွဲဘီး နေဟှူလည်းဘဲ့ ဘုရားသခင်စီရင်တော်မူဟှူ နေ့ရစ်မာ နန်းနို့လေရဲ့ ကောန်းဟှူကျင့်ဟှို ဗြင်ဟှူကြောန့် ဘုရားသခင်ဟှို ချီးမွမ်းဂေ့ဟှို့တွပ် သူးနို့ရှေ့မာ တင့်တယ်သင့်မြတ်အောန် ကျင့်နေဂေ့ပါ။
\p
\v 13 သခင်ဘုရားရဲ့ မျစ်နှာတော်ဟှို ထော့‑က်ဘီး အာဏာပိုင်လေရဲ့ အောက်စိုးမှုဟှို ဝန်ခံဂေ့ပါ။ မန်းဂီးရဲ့ ချောက်ခြာအာဏာဟှိုဘဲ့ ဖြစ်ဖြစ်၊ 
\v 14 ဒုစရိုက်လောက်ဟှူသူလေဟှို ပြစ်ဒန်ပေးဘီး ကောန်းဟှူကျင့်ဟှို ကျင့်ဟှူ လူကောန်းလေဟှို ချီးမွမ်းဂေါင်ပြုဟှို့တွပ် မန်းဂီးခန့်ဟှားဟှူ ဝန်ဂီးလေဟှို နာခံဂေ့ပါ။ 
\v 15 ဖြားဖြစ်ကြောန့်နူးဆိုဟှာ ကောန်းဟှူကျင့်ဟှို ကျင့်ရှင်းအားဖြင့် မိုက်မဲသူလေရဲ့ သိဉာဏ်ကင်းမဲ့မှုဟှို ချေပဟှို့တွပ် ဘုရားသခင် လိုတော်ရှိဟှယ်။ 
\v 16 လွတ်လပ်ဟှူသူလေဖြစ် သတ်ရှင်နေထိုင်ဂေ့ပါ။ အယ်ဘေမဲ့ အယ်လွတ်လပ်မှုဟှို ကောန်းဘဲဇာလေဟှို ဖောင်းကွယ်ရှင်းဖြစ် သောင်းခ္လဂေ့ဘဲန ဘုရားသခင်ရဲ့ ကျွန်လေအားဖြင့် ပြုမူနေထိုင်ဂေ့ပါ။ 
\v 17 လူလေ အားလောင်းဂူဟှို ရိုသေဂေ့ပါ။ ညီကို မောန်နှမလေဟှို ရှစ်ဂေ့ပါ။ ဘုရားသခင်ဟှို ကြော့‑က်ရွံ့ဘီး မန်းဂီးလေဟှို ရိုသေဂေ့ပါ။
\s ခရစ်တော်ဒေါက်ခခံရှင်းရဲ့ စံနမူနာကြောန်း
\p
\v 18 စေခံဟှူသူလေ ကြော့‑က်ရွံ့ရိုသေဟှူစိ ပ္လဲ့ပ္လဲ့ဝဝန နန်းနို့ရဲ့ သခင်လေအောက်စိုးမှုဟှို ဝန်ခံဂေ့ပါ။ သခင်ဟှာ စိသဘောကောန်းဘီး ညင်သာရှင်းဘဲ့ဖြစ်ဖြစ် ကြမ်းတမ်းဟှူ သဘောရှိရှင်းဘဲ့ဖြစ်ဖြစ် ဝန်ခံဂေ့ပါ။ 
\v 19 ဖြားဖြစ်ကြောန့်နူးဆိုဟှာ ဘုရားသခင်ဟှို ထော့‑က်ထားဘီး မတရားညှင်းဆဲရှင်းလေဟှို သီးခံဟှယ် ဆိုဟှာ ကျေးဇူးရှိပါဟှယ်။ 
\v 20 နန်းနို့လေဟှာ ကိုယ်ပြစ်ကြောန့် ဒဏ်ခံရဟှူ ခီမာ သီးခံဟှယ် ဆိုဟှာ ဖယ်မူမျိုး ချီးမွမ်းရအူးမယ်နူး။ အယ်ဘေမဲ့ ကောန်းဟှူမှုဟှိုပြုဘီး ဆင်းရဲခံရဟှူ ခီမာ သီးခံဟှယ် ဆိုဟှာ ဘုရားသခင်ရှေ့တော်မာ ကျေးဇူးရှိဟှယ်။ 
\v 21 အယ်မျိုး ပြုမူဟှို့တွပ် နန်းနို့လေဟှို ဝီးကော့‑က်တော်မူဘီ။ ခရစ်တော်ကိုယ်တိုင်ဘဲ့ နန်းနို့တွပ် ဒေါက်ခဝေဒနာလေဟှို ခံတော်မူဟှူကြောန့် ခေတော်ရာဟှို လိုက်ရှော့‑က်ဟှို့တွပ် ပေါင်သတ်သေဟှို ထားတော်မူဘီ။ 
\v 22 ကိုယ်တော်ဟှာ လောင်းဝ ပြစ်ဟှို လောက်ဟှ။ ဖယ်လူလည်း လောင်းဝ လီငြာဟှ။ 
\v 23 ပေါက်ခတ်ပြောဆို ခံရဟှူ ခီမာ ပ္လန်ဘီး ပေါက်ခတ်ပြောဆိုတော်မူဟှ။ ဒေါက်ခဝေဒနာ ခံဟှူ ခီမာ ချီးခြော့‑က်တော်မူဘဲန တရားသဖြင့် စီရင်တော်မူဟှူသူနှိုက် ကိုယ့်ကိုယ်ကိုယ် အပ်နှံ့တော်မူလေဟှယ်။ 
\v 24 နို့လေဟှာ ပြစ်နဆိုင်ဟှူဇာမာ သေဖြစ်ဘီး ဖြောန့်မတ်ရှင်းနဆိုင်ဟှူဇာမာ သတ်ရှင်ဟှို့တွပ် နို့ရဲ့ ပြစ်လေဟှို ကိုယ်တော်ကိုယ်တိုင် လတ်ဝါးကပ်တိုင်မာ ဝေဒနာခံတော်မူဘီ။ နို့လေဟှာ ကိုယ်တော်ရဲ့ ဒဏ်ချက်တော်လေအားဖြင့် နာရောဂါ ပျော့‑က်ဂေ့လေဟှယ်။ 
\v 25 စစဒူးဟှ နန်းနို့လေဟှာ လမ်းလွဲဘီး ပျော့‑က်ဟှားဟှူ သိုးလေမျိုး ဖြစ်ဂေ့ဟှယ်။ ခုဟှ သိုးထီးဖြစ်တော်မူဟှူ နန်းနို့ရဲ့ စိဝိညာဉ်ဟှို ထီးသီးစောန့်ရှော့‑က်ဟှူ သခင်နားဟှို ပ္လန်ရော့‑က်ဂေ့ဘီ။
\c 3
\s လန်န မယားကြောန်း
\p
\v 1 \x - \xo ၃.၁ \xo*\xt ဧ ၅.၂၂; ကော ၃.၁၈\xt*\x*အယ်မျိုးဘဲ့ မယားဖြစ်ဟှူသူလေ ကိုယ့်လန်ရဲ့ အောက်စိုးမှုဟှို ဝန်ခံဂေ့ပါ။ အယ်နည်းအားဖြင့် နန်းနို့လေမာ ဘုရားသခင်ရဲ့ စကားတော်ဟှို ယောင်ကြည်ဘဲဟှူ လန်လေရှိဟှယ် ဆိုဟှာ နန်းနို့လေရဲ့ ရိုသေကြော့‑က်ရွံ့မှုန သန့်ရှင်းစင်ကြယ်ဟှူ သတ်တာအားဖြင့် ယောင်ကြည်လာဂေ့လေ့မယ်။ 
\v 2 ဖြားဖြစ်ကြောန့်နူးဆိုဟှာ နန်းနို့လေ သန့်ရှင်းစင်ကြယ်ဘီး ဖယ်လော့‑က် စိထားဖ္လူစင်ရှင်းန ဘုရားတရားဟှို ကြော့‑က်ရွံ့ရိုသေရှင်းဟှို သူးနို့လေ ဗြင်တွိရဟှူကြောန့် ဖြစ်ဟှယ်။ 
\v 3 \x - \xo ၃.၃ \xo*\xt ၁ တိ ၂.၉\xt*\x*နန်းနို့လေရဲ့ လှပပြင်ဆင်ရှင်းဟှာ ဆားဗန်ကျစ်ရှင်း၊ ရွှေတန်ဆာဆင်ရှင်း၊ ဝတ်စားဆင်ရှင်းလေဖြစ်ဟှူ ပ္လန်ပန်းဆင်ရင်မှုလေ ဖြစ်စေဘဲန၊ 
\v 4 နူးညံ့သီမွေ့ဘီး တည်ငြိမ်ဟှူ စိသဘောဖြစ်ဟှူ ဖော့‑က်ပ္လန်ပျစ်စီးရှင်းန ကင်းဟှူ၊ စိနှလောင်းနဆိုင်ဟှူ ထဲဟှဝိညာဉ်လူရဲ့ တန်ဆာဆင်ရှင်း ဖြစ်စေဂေ့ပါ။ အယ်မျိုးဇာဟှ ဘုရားသခင်ရဲ့ ရှေ့တော်မာ ရရာတိုင်း တန်ဖိုးရှိဇာ ဖြစ်ဟှယ်။ 
\v 5 ဘုရားသခင်ဟှို မျှော်လင့်ကိုးစားဟှူ ရှေးကာလဟှ သန့်ရှင်းဟှူ မီးမလေလည်း အယ်မျိုးဘဲ့ ကိုယ့်ကိုယ်ကိုယ် တန်ဆာဆင်ဘီး စာရာဟှာ အာဗြဟံဟှို သခင် ဆိုဘီး ခေါ်ဘီး နာခံဟှူမျိုး ကိုယ့်ရဲ့ လန်လေဟှို နာခံဂေ့ပါ။ 
\v 6 နန်းနို့လေဟှာ ဖယ်မျိုးမှုရာလေဟှိုမှ ကြော့‑က်ရွံ့ဘဲန ကောန်းဟှူ ကျင့်ဟှို ကျင့်မယ် ဆိုဟှာ စာရာရဲ့ သားမီးလေ ဖြစ်ဂေ့လေ့မယ်။
\p
\v 7 \x - \xo ၃.၇ \xo*\xt ဧ ၅.၂၅; ကော ၃.၁၉\xt*\x*လန်လေ နန်းနို့လေဟှာ ကိုယ့်မယားဟှ အားနွဲ့ဟှူသူ ဖြစ်ဇာဟှို စာနာထော့‑က်ထားဘီး သတ်နဆိုင်ဟှူ ကျေးဇူးတော်ဟှို တူးဒူ မွီဆစ်ခံဟှူသူဖြစ် တန်ဖိုးထားဘီး တူးဒူ ပေါန်းသင်းနေထိုင်ဂေ့ပါ။ အယ်မျိုးမှ နန်းနို့ ဆုတောန်းဟှူ ခီမာ တားဆီးဖြစ်ဘဲန နေလေ့မယ်။
\s သုစရိုက်ဟှို ပြုဟှူကြောန့် ဆင်းရဲခံဟှူကြောန်း
\p
\v 8 နော့‑က်ဆောင်း ခြောင်ငုံဘီး ပြောရမယ် ဆိုဟှာ နန်းနို့ အားလောင်းဟှာ တစိတဝန်းဒဲရှိဂေ့ပါ။ ကြင်နာတတ်ဟှူသဘော၊ ညီကိုရှင်းရှင်း ရှစ်တတ်ဟှူသဘော၊ သနားစောင်မတ်တတ်ဟှူသဘောန နှိခ္လဟှူသဘော ရှိဂေ့ပါ။ 
\v 9 နန်းနို့လေဟှာ ကောန်းကြီးမင်္ဂလာဟှို မွီဆစ်ခံရဟှို့တွပ် ခေါ်တော်မူရှင်းဟှို ခံရဂေ့ဟှူကြောန့် ဆိုးဟှို ဆိုးန ကဲ့ရဲ့ပြစ်တန်ရှင်းဟှို ကဲ့ရဲ့ပြစ်တန်ရှင်းန တုံ့ပ္လန်ဘဲ ကောန်းကြီးဟှိုဘဲ့ ပေးဂေ့ပါ။ 
\v 10 ဖြားဖြစ်ကြောန့်နူးဆိုဟှာ ကျမ်းစာလာဟှူဇာဟှ
\q1 “သတ်ရှင်ဇာဟှို နှစ်သက်ဘီး
\q2 ကောန်းဟှူနေ့ရစ်ဟှို ဗြင်တွိရှင်ဟှူ သူဟှာ
\q2 ကိုယ့်ရဲ့လျှာဟှို ချောက်တီးရမယ်။
\q2 ကိုယ့်ရဲ့နှောက်ဟှိုလည်း ချောက်တီးဘီး မုသားဟှို ပြောဇေန။
\q1
\v 11 ကောန်းဘဲဟှူ ဒုစရိုက်ဟှိုရှောန်ဘီး ကောန်းဟှူ သုစရိုက်ဟှို ပြုရမယ်။
\q2 သင့်သင့်တင့်တင့် နေထိုင်ဘီး ငြီးချမ်းမှုတွပ် ကြိုးစားရမယ်။
\q1
\v 12 ဖြားဖြစ်ကြောန့်နူးဆိုဟှာ ဘုရားသခင်ဟှာ ဖြောန့်မတ်ဟှူသူဟှို ကေ့ရှု စောန့်ရှော့‑က်တော်မူဘီး
\q2 သူးနို့လေရဲ့ ဆုတောန်းသံဟှို နားညောန်းတော်မူဟှယ်။
\q2 အယ်ဘေမဲ့ ဒုစရိုက်ပြုဟှူ သူလေဆီဟှ ဘုရားသခင်ဟှာ မျစ်နှာလွှဲတော်မူဟှယ်။”
\p
\v 13 နန်းနို့လေဟှာ ကောန်းဟှူမှုလေမာ စိအားထတ်သန်ဟှူသူ ဖြစ်ဟှယ် ဆိုဟှာ ဖယ်သူ ညှင်းဆဲမယ်နူး။ 
\v 14 \x - \xo ၃.၁၄ \xo*\xt မ ၅.၁၀\xt*\x*အယ်ဘေမဲ့ ဖြောန့်မတ်ဟှူတရားကြောန့် ဆင်းရဲဒေါက်ခ ခံရဟှယ် ဆိုဟှာ နန်းနို့လေဟှာ မင်္ဂလာရှိလေဟှယ်။ ဖယ်သူ့ဟှိုလည်း ကြော့‑က်ဂေ့န။ 
\v 15 နန်းနို့ စိနှလောင်းထဲမာ ခရစ်တော်ဟှို ရှင်သခင်ဖြစ် ရိုသေဂေ့ပါ။ နန်းနို့မျှော်လင့်ရှင်းရဲ့ ကြောန်းရာဟှို မေးဂေ့ဟှူသူ ရှိဟှူမျှဟှို လေးလေးစားစားန ဖြေရှင်းပြောဆို ပေးနိုင်ဟှို့တွပ် မြဲဒမ်း ဆင်သင့်ဖြစ်နေဂေ့ပါ။ 
\v 16 အယ်ဘေမဲ့ နူးညံ့သီမွေ့ဟှူစိ ကြော့‑က်ရွံ့ ရိုသေဟှူစိန ကြည်လင်ဟှူ စိနှလောင်းအားဖြင့် ဖြေရှင်းပြောဆိုဂေ့ပါ။ အယ်မျိုးဆိုဟှာ ခရစ်တော်နှိုက်ရှိဟှူ နန်းနို့လေရဲ့ ကောန်းဟှူ သတ်ရှင်နေထိုင်မှုဟှို ကဲ့ရဲ့ ရှုတ်ခ္လဟှူသူလေဟှာ နန်းနို့ဟှို ပေါက်ခတ် ပြောဆိုဟှူတွပ်ကြောန့် ယှစ်ရဂေ့လေ့မယ်။ 
\v 17 ဖြားဖြစ်ကြောန်နူးဆိုဟှာ ကောန်းဟှူသုစရိုက်ဟှို လောက်ဟှူကြောန့် ဆင်းရဲဒေါက်ခရော့‑က်ရှင်းဟှာ ဘုရားသခင်ရဲ့ လိုတော်ရ ဖြစ်ဟှယ် ဆိုဟှာ ကောန်းဘဲဟှူဇာဟှို လောက်ဘီး ခံရရှင်ထတ် ပိုဘီး ကောန်းပါဟှယ်။ 
\v 18 ဖြားဖြစ်ကြောန့်နူးဆိုဟှာ ခရစ်တော်ဟှာ ကိုယ်ခန္ဓာတော်အားဖြင့် သေဟှားဘီး\f + \fr ၃.၁၈ \fr*\fq သေဟှားဘီး၊ \fq*\ft မူရင်းလတ်ရေးမူလေ ဘောင်ဂီးထဲမာ \ft*\fqa ဝေဒနာခံဟှယ်၊ \fqa*\ft ဆိုဘီး ပါရှိဟှယ်။\ft*\f*၊ ဝိညာဉ်တော်အားဖြင့် သတ်ရှင်ဇာဟှို ရော့‑က်တော်မူဟှူကြောန့် နို့လေဟှို ဘုရားသခင်ထံတော်ဟှို ပို့ဆောန်ဟှို့တွပ် ဖြောန့်မတ်တော်မူဟှူသူဟှာ ဖြောန့်မတ်ဘဲဟှူသူလေတွပ် ဒုစရိုက်ပြစ်လေကြောန့် တခါဒဲ ခံတော်မူဟှယ်။ 
\v 19 အယ် ဝိညာဉ်တော်အားဖြင့်လည်း ကြွဟှားတော်မူဘီး ခုထောန်ထဲမာ ချောက်ဟှားဟှူ ဝိညာဉ်လေဟှို တရားဟောလေဟှယ်။ 
\v 20 အယ် ဝိညာဉ်လေဟှာ ရှေးကာလဟှ နောဧလတ်ထတ်မာ လူနဲစုဖြစ်ဟှူ လူရှစ်ယော့‑က်ဟှို ရေအားဖြင့် ကယ်ဆယ်ဟှူ သန်းဖောဟှို ဆော့‑က်လောက်ဟှူ ခီမာ ဘုရားသခင်ဟှာ စိရှယ်ရှယ်န စောန့်ဟှူလည်းဘဲ့ နားထောန်ဘဲဟှူ ဝိညာဉ်လေ ဖြစ်ဟှယ်။ 
\v 21 အယ်မျိုး ဥပမာတိုင်းဘဲ့ ခုခီမာ ဗတ္တိဇံဟှာ ယေရှုခရစ် ထမြော့‑က်တော်မူရှင်းအားဖြင့် နို့လေဟှို ကယ်တန်လေဟှယ်။ ဗတ္တိဇံဆိုဟှူဇာဟှာ ကိုယ်ကာယရဲ့ ညစ်ကြေးဆေးရှင်းဟှို ဆိုလိုဇာမှုဟှ။ ကိုယ့်ကိုယ်ကိုယ် သိဟှူစိ ကောန်းကောန်းကြည်လင်ဘီး ဘုရားသခင်ရှေ့မာ ဝန်ခံရှင်းဟှို ဆိုလိုဇာဖြစ်ဟှယ်။ 
\v 22 အယ်သခင်ဟှာ ကောန်းဂန်ဘောင်ဟှို ကြွဝမ်တော်မူဘီး ကောန်းဂန်တမန်လေ အာဏာစစ်တဂိုးလေဟှို အောက်စိုးဘီး ဘုရားသခင်ရဲ့ ညာဖတ်မာ ရှိနေတော်မူလေဟှယ်။
\c 4
\s ပ္လောန်းလည်းဟှူ ဘဝကြောန်း
\p
\v 1 ခရစ်တော်ဟှာ ကိုယ်ခန္ဓာတော်နှိုက် နို့လေတွပ် ခံတော်မူဟှူကြောန့် နန်းနို့လေလည်း အယ်မျိုးသဘောဟှို လတ်နတ်ဖြစ် သောင်းစွဲဂေ့ပါ။ ဖြားဖြစ်ကြောန့်နူးဆိုဟှာ ကိုယ်ခန္ဓာနှိုက် ဝေဒနာခံဟှူသူဟှာ ပြစ်နပြတ်စဲဟှားဘီ ဖြစ်ဟှယ်။ 
\v 2 အယ်ဇာဟှ ကိုယ်ခန္ဓာနှိုက် သတ်ရှင်ရမယ့် ကျန်နေဟှူ ခီကာလဟှို လူလေရဲ့ တပ်မတ်ရှင်းအားဖြင့် မှုဘဲန ဘုရားသခင်ရဲ့ လိုတော်အားဖြင့် သတ်ရှင်နိုင်ဟှို့တွပ် ဖြစ်ဟှယ်။ 
\v 3 လူမျိုးခြားလေရဲ့ လိုဟှိုလိုက်ဘီး ညစ်ညူးဟှူ ကာမလိုက်စားရှင်းလေ၊ တတ်မတ်ရှင်းလေ၊ မူးယစ်ရှင်းလေ၊ ပျော်လွန်ကျူရှင်းလေ၊ သော့‑က်စားကြူးရှင်းလေ၊ အဓမ္မရောက်ထုဟှို ကိုးကွယ်ရှင်းလေဟှို ကျင်လည်ဘီးဟှူ ပီးဟှားဟှူ ခီကာလဟှာ နန်းနို့လေတွပ် တော်လောက်ပါဟှယ်။ 
\v 4 ခုခီမာ နန်းနို့လေဟှာ သူးနို့လေနတူးဒူ ဆစ်ဆံဘဲန၊ ကာမဂေါင်မာ လွန်ကြူးညစ်ညူးမှု ပြုဘဲန နေဇာဟှို သူးနို့လေဟှာ အံ့သြဘီး ကဲ့ရဲ့တတ်ဂေ့ဟှယ်။ 
\v 5 အယ်မျိုးလောက်ဟှူကြောန့် သူးနို့လေဟှာ သတ်ရှင်ဟှူ သူလေန သေဟှူသူလေဟှို တရားစီရင်ဟှို့တွပ် သင့်ရှိတော်မူဟှူ ဘုရားသခင်နားမာ စစ်ဆေးစီရင်ရှင်းဟှို ခံရဂေ့လေ့မယ်။ 
\v 6 အယ်ကြောန်းကြောန့် အယ်သူလေဟှာ ကိုယ်ခန္ဓာန စပ်လျဉ်းဘီး လူ့စံနှုံးတိုင်း တရားစီရင်ရှင်းဟှို ခံရဟှူလည်းဘဲ့ ဘုရားသခင်ရဲ့ ရှေ့တော်မာ စိဝိညာဉ်အားဖြင့် သတ်ရှင်ရဟှို့တွပ်၊ သေဟှားဟှူသူလေဟှာ ဒန်းကောန်းဟှို ကြားရဂေ့ဟှယ်။
\s ဘုရားသခင်ရဲ့ ဆုကျေးဇူးလေဟှို ထီးသီးစောန့်ရှော့‑က်ဟှူ သူလေကြောန်း
\p
\v 7 ရာအားလောင်းဟှာ ဆောင်းဟှို ရော့‑က်ခါနီးဘီ ဖြစ်ဟှူကြောန့် ဆုတောန်းရှင်းမှုဟှို ပြုနိုင်ဟှို့တွပ် တည်ငြီမှန်ကန်ဟှူစိန သမ္မာဒိ ရှိဂေ့ပါ။ 
\v 8 ရှစ်ရှင်းမြစ်တာဟှာ ရရာတိုင်းများဟှူ ပြစ်လေဟှို ဖောင်းအောက်ပေးတတ်ဟှူကြောန့် ရာအားလောင်းထတ် ရှင်းရှင်းကြားမာ ခိုင်မြဲဟှူ ရှစ်ရှင်းမြစ်တာန ရှစ်ဂေ့ပါ။ 
\v 9 ညည်းညူမှု မှေ့ဘဲန ရှင်းရှင်း ဧည့်သည်ဝတ်ဟှို ပြုဂေ့ပါ။ 
\v 10 နန်းနို့ ယော့‑က်စီတိုင်းဟှာ ကိုယ်ခံစားရရှိဟှူ ဆုကျေးဇူးရှိဟှူတိုင်း ဘုရားသခင်ရဲ့ မျိုးမျိုးရှိဟှူ ကျေးဇူးတော်နဆိုင်ဟှူ ကောင်းဟှူဘဏ္ဍာထီးမျိုး အယ်ဆုကျေးဇူးအားဖြင့် ရှင်းရှင်း ကူညီဝီငှပေးဂေ့ပါ။ 
\v 11 ဟောပြောမားဟှာ ဘုရားသခင်ရဲ့ စကားတော်တိုင်း ဟောပြောစေ။ စေခံဟှူသူဟှာ ဘုရားသခင်ပေးတော်မူဟှူစွမ်းသတ်တိတိုင်း လောက်ဆောန်စေ။ အယ်ဆိုဟှာ လောက်ဆောန်ဇာလေဟှာ ယေရှုခရစ်အားဖြင့် ဘုရားသခင်ရဲ့ ဖောင်းသရေတော် ထွန်းလန်းလေ့မယ်။ သခင်ယေရှုခရစ်ဟှာ ကမ္ဘာဆစ်ဆစ် ဖောင်းကီးတော်မူပါစေ။ အာမင်။
\s ခရစ်ယာန်လေခံစားရဟှူ ဒေါက်ခဝေဒနာလေကြောန်း
\p
\v 12 ရှစ်ရဟှူသူလေ၊ နန်းနို့လေရဲ့ ယောင်ကြည်ရှင်းဟှို စစ်ဆေးဟှို့တွပ် နန်းနို့ ခုခံရဟှူ ပြင်းပြဟှူ စောင်ဇမ်းနှော့‑က်ယှစ်ရှင်းလေ ခံနေရဇာဟှို အံ့သြစရာဖြစ်ဟှယ် ဆိုဘီး ထန်မှတ်ဟှူ အယ် မှုရာလေဟှို အံ့သြဂေ့န။ 
\v 13 နန်းနို့လေဟှာ ခရစ်တော်ရဲ့ ဒေါက်ခဝေဒနာလေဟှို ဆစ်ဆံခွမ့် ရဟှူကြောန့် ဝန်းမြော့‑က်ဂေ့ပါ။ အယ်ဇာဟှာ ဖောင်းသရေတော် ထန်ရှားပေါ်ထွန်းဟှူ ခီမာ နန်းနို့လေဟှာ ရရာတိုင်း ဝန်းမြော့‑က်ရဟှို့ကြောန်း ဖြစ်ဟှယ်။ 
\v 14 နန်းနို့လေဟှာ ခရစ်တော်ရဲ့ နာမကြောန့် ကဲ့ရဲ့ပြစ်တန်ဇာဟှို ခံရဟှယ် ဆိုဟှာ မင်္ဂလာရှိပါဟှယ်။ ဖြားဖြစ်ကြောန့်နူးဆိုဟှာ ဖောင်းသရေတော်န ပ္လဲ့ဇောင်တော်မူဟှူ ဘုရားသခင်ရဲ့ ဝိညာဉ်တော်ဟှာ နန်းနို့ပေါ်မာ ကိန်းဝပ်တော်မူဟှူကြောန့် ဖြစ်ဟှယ်။ 
\v 15 နန်းနို့လေဟှာ လူသတ်ဟှူမှု၊ ခိုးဟှူမှု၊ ရာဇဝတ်မှု၊ သူများကိစ္စလေမာ ဝမ်စွက်ဖက်ဟှူမှုအားဖြင့် ယော့‑က်လည်း ပြစ်ဒဏ်ခံရစေန။ 
\v 16 အယ်ဘေမဲ့ ခရစ်ယာန်ဖြစ်ဟှူကြောန့် ခံရဟှယ် ဆိုဟှာ ယှစ်ကြော့‑က်ရှင်း ရှိဂေ့န။ ခရစ်တော်ရဲ့ နာမကြောန့် ခံရဟှယ် ဆိုဟှာ ဘုရားသခင်ရဲ့ နာမတော်ဟှို ချီးမွမ်းပါစေ။
\p
\v 17 ဘုရားသခင်ရဲ့ အီတော်သားလေဟှို ရင်ဦးဆောင်း စစ်ကြောစီရင်ရဟှူခီ ရှိဘီး နို့လေဟှို ရင်ဦးဆောင်း စစ်ကြောစီရင်ဟှယ် ဆိုဟှာ ဘုရားသခင်ရဲ့ ဒန်းကောန်းတရားစကားဟှို နားထောန်ဘဲဟှူ သူလေရဲ့မှုဟှာ ဖယ်မူမျိုး ပီးလေ့မယ်နူး။ 
\v 18 အယ်မျိုးဘဲ့
\q1 ဖြောန့်မတ်ဟှူသူဟှာ ခဲခဲယဉ်းယဉ်းန ကယ်တန်ရှင်းခံရဟှယ် ဆိုဟှာ
\q2 ဘုရားသခင်ဟှို ကိုးကွယ်ဘဲဟှူသူန ပြစ်ကျူးလွန်ဟှူ သူလေဟှာ ဖယ်မျိုးဖြစ်လေ့မယ်နူး။
\m
\v 19 အယ်ကြောန့် ဘုရားသခင်ရဲ့ လိုတော်တိုင်း ဆင်းရဲဒေါက်ခခံရဟှူ သူလေဟှာ ကောန်းဟှူကျင့်ဟှို ကျင့်ဘီး ကိုယ့်ဟှို ဖန်ဆင်းတော်မူဟှူရှင်၊ သစ်စာတည်တော်မူဟှူ ရှင်ရဲ့ လတ်တော်ဟှို ကိုယ့်စိဝိညာဉ်ဟှို အပ်နှံဂေ့စေ။
\c 5
\s ဘုရားသခင်ရဲ့ သိုးစုကြောန်း
\p
\v 1 သင်းတော်ကြီးကဲတယော့‑က်ဖြစ်ဘီး ခရစ်တော်ရဲ့ ဆင်းရဲဒေါက်ခ ဝေဒနာလေဟှို တွိဗြင်ရဟှူ သတ်သေခံဟှူသူန ထန်ရှားလာမယ့် ဖောင်းသရေတော်ဟှို မျှဝီခံစားဟှူသူဖြစ်ဟှူ ငါပေတရုဟှာ နန်းနို့မာရှိဟှူ လောက်ဖော်ဆောန်ဖတ်လေဖြစ်ဟှူ သင်းတော်ကြီးကဲလေဟှို တိုက်တောန်းနှိုးဆော်ပါဟှယ်။ 
\v 2 \x - \xo ၅.၂ \xo*\xt ယော ၂၁.၁၅–၁၇\xt*\x*နန်းနို့မာရှိဟှူ ဘုရားသခင်ရဲ့ သိုးစုလေဟှို အောက်ထီးဟှူမှုမာ တာဝန်ရမှုဘဲ ဘုရားသခင်ရဲ့ လိုတော်တိုင်း စိအားထတ်သန်ဘီး ဝန်းမြော့‑က်ရှင်းအားဖြင့် စောန့်ထီးဂေ့ပါ။ စင်ကြယ်ဘဲဟှူ ကျိုးစီးပွားဟှို တတ်မတ်ဟှူကြောန့်မှုဘဲ စေတနာစိအားဖြင့် ကေ့ရှုအောက်ထီးဂေ့ပါ။ 
\v 3 နန်းနို့ သီးသီးအောက်ချောက်ဟှူ သင်းတော်လေဟှို အာဏာသောင်းဘီး စိုးတရပြုရှင်းမှုဘဲ၊ သိုးစုလေရှေ့မာ ပေါင်သတ်သေကောန်းဟှူသူ ဖြစ်စေဂေ့ပါ။ 
\v 4 အယ်မျိုးဆိုဟှာ သိုးထီးကီး ပေါ်ထွန်းလာဟှူ ခီမာ နန်းနို့လေဟှာ ညှိုးနွမ်းတတ်ဘဲဟှူ၊ ဖောင်းကီးဟှူ ပန်းဦးရစ်သရဖူဟှို ရဂေ့လေ့မယ်။
\p
\v 5 အယ်မျိုးဘဲ သတ်ငယ်ဟှူသူလေ၊ လူဂီးလေရဲ့ စကားဟှို နားထောန်ဂေ့ပါ။ နန်းနို့ရှင်းရှင်း တယော့‑က်အော့‑က်ယော့‑က် စိနှိခ္လရှင်းတန်ဆာဟှို ဆင်ယင်ဂေ့ပါ။ ဖြားဖြစ်ကြောန့်နူးဆိုဟှာ “မာနထောန်လွှားဟှူ သူလေဟှို ဘုရားသခင်ဟှာ ဆီးတားဘီး စိနှိခ္လဟှူသူလေဟှို ကျေးဇူးပြုတော်မူဟှယ်။” 
\v 6 \x - \xo ၅.၆ \xo*\xt မ ၂၃.၁၂; လု ၁၄.၁၁; ၁၈.၁၄\xt*\x*အယ်ကြောန့် ခီတန်ဟှယ် ဆိုဟှာ နန်းနို့လေဟှို ချီးမြော့‑က်ဟှို့တွပ် ဘုရားသခင်ရဲ့ ဖောင်းကီးဟှူ လတ်တော်အော့‑က်မာ ကိုယ့်ကိုယ်ကိုယ် နှိခ္လဂေ့ပါ။ 
\v 7 ဘုရားသခင်ဟှာ နန်းနို့လေဟှို စောန့်ရှော့‑က်တော်မူဟှူကြောန့် နန်းနို့လေရဲ့ စိုးရိမ်ပူပန်မှုလေ ရှိဟှူမျှဟှို ကိုယ်တော်နှိုက် အပ်နှံဂေ့ပါ။
\p
\v 8 သမ္မာဒိရှိရှိန အိဘဲန စောန့်နေဂေ့ပါ။ နန်းနို့လေရဲ့ ရန်သူဖြစ်ဟှူ မာရ်နတ်ဟှာ ဟောက်ဟှူ ခြင်္သေ့ဟှူမျိုး ဖယ်သူ့ဟှို မျိုရမယ်နူးဆိုဘီး လှည့်လည်ဘီး လိုက်ရှာနေဟှယ်။ 
\v 9 အယ်ကြောန့် ယောင်ကြည်ရှင်းမာ ခိုင်းခိုင်ခန့်ခန့် ရပ်တည်ဘီး မာရ်နတ်ဟှို ဆီးတားဂေ့ပါ။ တကမ္ဘာ လောင်းမာရှိဟှူ နန်းနို့လေရဲ့ ညီကို မောန်နှမလေလည်း အယ်မျိုး ဆင်းရဲဒေါက်ခလေန ရင်ဆိုင်ကျော်လွှား နေရဟှူကြောန်းဟှို သိမှတ်ဂေ့ပါ။ 
\v 10 ယေရှုခရစ်တော်အားဖြင့် နို့လေဟှို ထာဝရ ဖောင်းသရေတော်ထဲဟှို ခေါ်တော်မူဟှူကျေးဇူး အားလောင်းဂူဟှို ပြုတော်မူဟှူ ဘုရားသခင်ဟှာ ဆင်းရဲဒေါက်ခလေဟှို ရှစ်ဟှားခံစားရဟှူ နန်းနို့လေဟှို စောင်လင်စေဘီး တည်ကြည်ခိုင်ခံ့ မြဲမြံ့စေတော်မူလေ့မယ်။ 
\v 11 ဘုရားသခင်ဟှာ ကမ္ဘာဆစ်ဆစ် ဖောင်းကီးတော်မူပါစေ။ အာမင်။
\s နော့‑က်ဆောင်းနှောက်ဆစ်စကား
\p
\v 12 \x - \xo ၅.၁၂ \xo*\xt တ ၁၅.၂၂,၄၀\xt*\x*ငါဟှာ နန်းနို့လေဟှို တိုက်တွန်းနှိုးဆော်ဘီး နန်းနို့ မှီပြုဟှူ အယ်ဇာလေဟှာ ဘုရားသခင်ရဲ့ စစ်မှန်ဟှူ ကျေးဇူးတော်ဖြစ်ဟှယ် ဆိုဇာဟှို သတ်သေခံဘီး အယ်စာဟှို ရေးဘီးမှ ငါစိထန်ဟှူတိုင်း နန်းနို့မှုမာ သစ်စာရှိဟှူညီကို သိလွာနုလတ်န ခုပေးလိုက်ပါဟှယ်။
\p
\v 13 \x - \xo ၅.၁၃ \xo*\xt တ ၁၂.၁၂,၂၅; ၁၃.၁၃; ၁၅.၃၇–၃၉; ကော ၄.၁၀; ဖိလေ ၂၄\xt*\x*ငါ့သား မာကုဟှနေစဘီး ဗာဗုလုန်ဗြို့\f + \fr ၅.၁၃ \fr*\fk ဗာဗုလုန်ဗြို့၊ \fk*\ft ဗျာဒိတ်ကျမ်းထဲမာ ဆိုဟှာ အယ်ဇာဟှာ ရောမဗြို့ဟှို ရည်ညွှန်းဟှားဟှယ်။\ft*\f*မာရှိဟှူ နန်းနို့နတူးဒူ ဝီးချယ်ခံရဟှူသင်းတော်ဟှာ နန်းနို့လေဟှို နှောက်ဆစ်ဂေ့ပါဟှယ်။ 
\v 14 ယော့‑က်နယော့‑က် မြစ်တာနမ်းန နှောက်ဆစ်ဂေ့ပါ။
\p ခရစ်တော်နှိုက်ရှိဂေ့ဟှူ နန်းနို့အားလောင်းမာ ငြီသတ်ရှင်းရှိဂေ့ပါစေ။