\id 1JN - Dawei Bible Translation
\ide UTF-8
\ide 65001 - Unicode (UTF8)
\h ၁ ယောဟန်
\toc1 ယောဟန်ရဲ့ ပထမပေးစာ
\toc2 ၁ ယောဟန်
\toc3 ၁ ယော
\mt1 ၁ ယောဟန်
\mt2 ယောဟန်ရဲ့ ပထမပေးစာ
\imt နိဒါန်း
\im \bk ယောဟန်ရဲ့ ပထမပေးစာ\bk*ဟှို ခရစ်တော် မွီးဘီးန ၅၀ န ၁၀၀ ခုနှစ်ကြားမာ တမန်တော် ယောဟန်ဟှ ရေးဟှားဟှယ်။ ယောဟန်ဟှာ သူ့ကိုယ်သူ စာရေးသူဖြစ် ဖော်ပြဟှားမျိုးဘဲ့ သူဟှာ ယေရှုရဲ့ ရှင်ပ္လန်ထမြောက်ရှင်းန သတ်ရှင်ရှင်းဟှို ဗြင်ရဟှူ သတ်သေ တယော့‑က် ဖြစ်ဟှယ် ဆိုဘီးလည်း ဖော်ပြဟှားဟှယ် (\xt ၁.၁–၃\xt*)။ “ယောဟန်ရဲ့ ပထမပေးစာ” ရဲ့ စာရေးသားပေါင်စံဟှာ “ယောဟန်ရေးဟှားဟှူ ခရစ်တော်ရဲ့ ဒန်းကောန်း” ရဲ့ စာရေးသားပေါင်စံန ရရာတိုင်း ဆင်တူဟှယ်။ ယောဟန်ရေးဟှားဟှူ ခရစ်တော်ရဲ့ ဒန်းကောန်းန ယောဟန်ရဲ့ ပထမ၊ ဒုတိယ၊ တတိယ ပေးစာလေဟှို ဧဖက်ဗြို့မာ နေနေဒူးမာ ယောဟန်ရေးဟှားဟှယ် ဆိုဘီး လတ်ခံဟှားဂေ့ဟှယ်။
\ip သင်းတော်ဟှို “နောစတိ” ဆိုဘီး ခေါ်ဟှူ လူအောက်စုဟှ ရရာတိုင်း ဒေါက်ခပေးနေဟှူ ခီမာ ယောဟန်ဟှာ အယ်ပေးစာဟှို ခရစ်ယာန်လေနားဟှို ရေးဟှားရှင်းဖြစ်ဟှယ်။ အယ်လူလေဟှ ယေရှုဟှာ ဘုရားသခင် ဖြစ်ဟှယ် ဆိုဘီး ယောင်ကြည်ဘေမဲ့လည်း မ္လေဂီးထတ်မာ နေဒူးဟှ လူ့ရဲ့ သွီးသားခန္ဓာန မှုဟှ ဆိုဘီးလည်း ယောင်ကြည်ဂေ့ဟှယ်။ အယ်ကြောန်းလေကြောန့် ယောဟန်ဟှာ ယေရှုရဲ့ သတ်ရှင်ရှင်းဟှို ဗြင်ဟှူသတ်သေ တယော့‑က် ဖြစ်ဟှူကြောန်းန ယေရှုဟှို သူ့ရဲ့ လတ်လေန ထိတွိဟှားကြောန်းဟှိုလည်း ရေးဟှားလေဟှယ် (\xt ၁.၁–၃\xt*)။ အယ်ပေးစာရဲ့ ရည်ရွယ်ချစ်ဟှာ ဝန်းသာမှုဟှို ပ္လဲ့ဝ ခံစားနိုင်ဂေ့ဟှို့တွပ် (\xt ၁.၄\xt*)၊ ယောင်ကြည်သူလေဟှို ပြစ်ဟှနေ တားဆီးဟှို့တွပ် (\xt ၂.၁\xt*)၊ ယောင်ကြည်သူလေဟှို မှားယွင်းဟှူ သွန်သန်ရှင်းလေဟှနေ ကာကွယ်ဟှို့တွပ်န (\xt ၂.၂၆\xt*) ယောင်ကြည်သူလေဟှို ကယ်တန်ခံရပီးဘီ ဆိုဇာဟှို စိခ္လဟှို့တွပ် ဖြစ်ဟှယ် (\xt ၅.၁၃\xt*)။
\iot ကြောန်းရာ ကျဉ်းချောက်
\io1 ၁။ ယောဟန်ဟှာ သူ့ရဲ့ ပေးစာဟှို နိဒါန်းပျိုးဟှားဘီး အယ်ပေးစာတွပ် ရည်ရွယ်ချစ်တခုဟှို ပေးဟှားဟှူကြောန်း \ior (၁.၁–၄)\ior*
\io1 ၂။ ဘုရားသခင်ဟှာ လန်းတော်ဖြစ်ဘီး ယေရှုသတ်ရှင်ဟှူကြောန့် နို့လေလည်း သတ်ရှင်ဟှယ် ဆိုဘီး ရှင်းပြဟှားဟှူကြောန်း \ior (၁.၅—၃.၁၀)\ior*
\io1 ၃။ ရှင်းရှင်းချစ်ဟှို့တွပ် ကျွန်တော်ဟှားလေဟှို ပ္လန်ဒိပေးဟှားဟှူကြောန်း \ior (၃.၁၁—၅.၁၂)\ior*
\io1 ၄။ သူ့ရဲ့ ပေးစာဟှို နိဂေါင်းချောက်ဟှားဟှူကြောန်း \ior (၅.၁၃–၂၁)\ior*
\ie
\c 1
\s သတ်ရှင်ဟှူ စကားတော်
\p
\v 1 \x - \xo ၁.၁ \xo*\xt ယော ၁.၁\xt*\x*သတ်ရှင်ဟှူ စကားတော်ကြောန်းဟှို နို့လေဟှ စာရေးလိုက်ဟှယ်။ အယ်စကားတော်ဟှာ စစဒူးဟှ ရှိနေဟှယ်။ အယ်စကားတော်ဟှို နို့လေဟှာ ကြားရဂေ့ဟှယ်။ နို့လေ ကိုယ်တိုင်ဟှ မျစ်စိန ဗြင်ရဂေ့ဟှယ်။ နို့လေရဲ့လတ်န စမ်းသပ်ဘီး ကေ့ရှုဂေ့ဟှယ်။ 
\v 2 \x - \xo ၁.၂ \xo*\xt ယော ၁.၁၄\xt*\x*အယ်သတ်ဟှာ ပေါ်လာဟှူ ခီမာ နို့လေဗြင်ရဂေ့ဟှယ်။ အယ်ကြောန့် အယ်ကြောန်းဟှို နို့လေဟှ ဟောပြောဂေ့ဟှယ်။ ခမည်းတော်န တူးဒူရှိနေဟှူ သတ်ဟှာ နို့လေမာ ထန်ရှားဟှူကြောန့် နို့လေဟှာ အယ်ထာဝရသတ်ကြောန်းဟှို နန်းနို့ဟှို သတ်သေခံဘီး ကြေညာဂေ့ဟှယ်။ 
\v 3 နို့လေဟှာ ခမည်းတော်နရော၊ သားတော် ယေရှုခရစ်နရော၊ မိတ်သဟာယဖွဲ့ရဂေ့ဟှူကြောန့် နန်းနို့ဟှလည်း နို့လေနတူးဒူ အယ်မိတ်သဟာယမာ ပါဝမ်ခွမ့် ရဂေ့ဟှို့တွပ် နို့လေ ဗြင်ရကြားရဟှူ ဇာလေဟှို နန်းနို့ဟှို ဖော်ပြဟှယ်။ 
\v 4 နို့လေရဲ့\f + \fr ၁.၄ \fr*\fq နို့လေရဲ့၊ \fq*\ft တချို့ မူရင်းလတ်ရေးမူလေမာ \ft*\fqa နန်းနို့ရဲ့၊ \fqa*\ft ဆိုဘီး ပါဟှယ်။\ft*\f* ဝန်းသားရှင်းဟှို ပ္လဲ့ဝ ခံစားနိုင်ဂေ့ဟှို့တွပ် အယ်ကြောန်းရာလေဟှို စာရေးလိုက်ဟှယ်။
\s ဘုရားသခင်ဟှာ လန်းရောန်ဖြစ်ဟှူကြောန်း
\p
\v 5 ဘုရားသခင်ဟှာ လန်းရောန်ဖြစ်ဟှယ်။ ကိုယ်တော်မာ မှောန်လောင်းဝ မှေ့ဟှ ဆိုဘီး တရားစကားဟှို နို့လေဟှာ ကိုယ်တော်ရဲ့ သားတော်နားဟှနေ ကြားရသိရဟှူကြောန့် နန်းနို့ဟှို ကြေညာဟှယ်။ 
\v 6 အယ်ကြောန့် နို့လေဟှာ ကိုယ်တော်န မိတ်သဟာယဖွဲ့ ရဂေ့ဟှယ် ဆိုဘီး မှောန်ထဲမာ ကျင့်လည်နေဂေ့ဇာဟှာ နို့လေဟှာ လီညာပြောဆိုဟှူ သူဖြစ်ဘီး သမ္မာတရားဟှို ကျင့်နေဂေ့ဇာ မှုဟှ။ 
\v 7 ကိုယ်တော်ဟှာ လန်းရောန်ထဲမာ ရှိနေမျိုးဘဲ့ နို့လေဟှာ လန်းရောန်ထဲမာ ကျင့်လည်ဂေ့ဟှူကြောန့် ရှင်းရှင်း ယော့‑က်နယော့‑က် မိတ်သဟာယ ဖွဲ့ဂေ့ဟှယ်။ ဘုရားသခင်ရဲ့ သားတော် သခင်ယေရှုရဲ့ သွီးတော်ဟှာ နို့လေရဲ့ ပြစ်အားလောင်းဂူဟှနေ စင်ကြယ်စေဟှယ်။
\p
\v 8 နို့လေဟှာ ပြစ်သားလေ မှုဟှ ဆိုဘီး ပြောမယ် ဆိုဟှာ နို့လေဟှာ ကိုယ့်ကိုယ်ကိုယ် လှည့်စားဂေ့ဟှယ်။ နို့လေမာ သမ္မာတရားလည်း မှေ့ဟှ။ 
\v 9 ကိုယ်ပြစ်လေဟှို ဝန်ခ္လ တောန်းဗန်မယ် ဆိုဟှာ ဘုရားသခင်ဟှာ ဒိသစ်စာတည်ဘီး ဖြောန့်မတ်ဟှူရှင် ဖြစ်ဟှူကြောန့် နို့လေရဲ့ ပြစ်လေဟှို လွှတ်ပေးဘီး နို့လေဟှို ဒုစရိုက်ညစ်ကြေး အားလောင်းဂူဟှနေ စင်ကြယ်စေဟှယ်။ 
\v 10 နို့လေဟှာ ပြစ်ကျူးလွန်ဟှူလူလေ မှုဟှ ဆိုဘီး ပြောမယ် ဆိုဟှာ ဘုရားသခင်ဟှို မုသားပြစ်တန်ဂေ့ဟှယ်။ ဘုရားစကားဟှလည်း နို့လေမာ မှေ့ဟှ။
\c 2
\s နို့လေဟှို ကူညီဟှူခရစ်တော်
\p
\v 1 ငါ့သားမီးလေ၊ နန်းနို့ဟှို ပြစ်လောက်စေရှင်ဘဲကြောန့် အယ်စာဟှို ငါရေးပေးလိုက်ဟှယ်။ ယော့‑က်ယော့‑က်ဟှာ ပြစ်လောက်မိမယ် ဆိုဟှာ ခမည်းတော်နားမာ နို့လေတွပ် ကူညီဖြေရှင်းပေးဟှူ ဖြောန့်မတ်ဟှူ သခင်ယေရှုခရစ်တော် ရှိနေဟှယ်။ 
\v 2 ကိုယ်တော်ဟှာ နို့လေပြစ်မျှ မကဘဲန ကမ္ဘာသူ ကမ္ဘာသား အားလောင်းဂူရဲ့ ပြစ်ဖြေဇာကြောန်း ပူဇော်ဆစ်ကပ်ဟှားဟှူ သခင်ဖြစ်တော်မူဟှယ်။
\p
\v 3 နို့လေဟှာ ဘုရားသခင်ရဲ့ ပညတ်တော်လေဟှို စောန့်ထီးနိုင်မှဘဲ့ ကိုယ်တော့်ဟှို သိကျွမ်းဟှူ လူလေဖြစ်ဂေ့ကြောန်းဟှို သေးသေချားချာဟှား သိနိုင်ဟှယ်။ 
\v 4 ကိုယ်တော့်ဟှို ငါသိဟှယ် ဆိုဘီး ပညတ်တော်လေဟှို စောန့်ဘဲ့ဟှူလူဟှာ လူလီလူညာဖြစ်ဘီး သူ့မာလည်း သမ္မာတရား မှေ့ဟှ။ 
\v 5 ကိုယ်တော်ရဲ့ စကားတော်ဟှို နားထောန်လူဟှာ တကယ်ဘဲ့ ဘုရားသခင်ရဲ့ ရှစ်ရှင်းမြစ်တာဟှာ အယ်သူမာ မှန်တိုင်းဘဲ့ ပ္လဲ့ဇောင်ဟှယ်။ အယ်မျိုးမှ ကျွန်တော့်လေဟှာ ဘုရားသခင်န တလောင်းတဝဒဲ ဖြစ်ဟှူကြောန်းဟှို သေးသေချားချာဟှား သိဂေ့ဟှယ်။ 
\v 6 ဘုရားသခင်န တလောင်းတဝဒဲ ဖြစ်ဟှူကြောန်းဟှို သေးသေချားချာ သိဟှူလူဟှာ သခင်ယေရှု ကျင့်မျိုး လိုက်ကျင့်ဟှူလူ ဖြစ်ဟှယ်။
\s ပညတ်တော်သစ်ကြောန်း
\p
\v 7 \x - \xo ၂.၇ \xo*\xt ယော ၁၃.၃၄ \xt*\x*ရှစ်ရဟှူသူလေ၊ နန်းနို့နားဟှို ငါရေးလိုက်ဟှူစာလေဟှာ ပညတ်တော်သစ် မှုဟှ။ စစဒူးဟှ နန်းနို့ရဟှားဟှူ ပညတ်ဟောန်းဘဲ့ ဖြစ်ဟှယ်။ အယ်ပညတ်တော်ဟောန်းဟှာ နန်းနို့ကြားရဟှူ တရားတော်ဘဲ့ ဖြစ်ဟှယ်။ 
\v 8 အယ်ဘေမဲ့ ခုနန်းနို့ဟှို ငါရေးပေးလိုက်ဟှူ ပညတ်တော်ဟှာ သစ်ဖြစ်ဟှယ်။ အယ်မျိုး မှန်ဖြစ်ဟှူကြောန်း ခရစ်တော်နရော၊ နန်းနို့နရော၊ သစ်ဖြစ်ဟှယ်။ ဖြားဖြစ်ကြောန့်နူးဆိုဟှာ မှောန်ဟှာရွေ့လျားကွယ်ပျော့‑က်ဟှားဘီး စစ်မှန်ဟှူ လန်းရောန်ဟှ ပေါ်လာကြောန့် ဖြစ်ဟှယ်။
\p
\v 9 လန်းရောန်မာ ကျင်လည်ဟှယ် ပြောဘီး ကိုယ်ရဲ့ ညီကို မောန်နှမဟှို မူးနေဟှူလူဟှာ ခုထိမှောန်မာ ကျင်လည်နေဟှူလူ ဖြစ်ဟှယ်။ 
\v 10 ညီကို မောန်နှမဟှို ရှစ်ဟှူလူဟှာ လန်းရောန်မာ ကျင်လည်ဟှူလူ ဖြစ်ဟှယ်။ သူဟှာ ဖယ်သူ့ဟှိုလည်း\f + \fr ၂.၁၀ \fr*\fq ဖယ်သူ့ဟှိုလည်း၊ \fq*\ft အယ်မျိုးမှုဘဲနေဟှာ \ft*\fqa နို့လေ။\fqa*\f* မှားယွင်းစေဟှို့ မှုဟှ။ 
\v 11 အယ်ဘေမဲ့ ညီကို မောန်နှမဟှို မူးနေဟှူ လူဟှာ မှောန်မာနေဟှူလူ ဖြစ်ဟှယ်။ မှောန်မာနေဟှူကြောန့် သူဟှာ ဖယ်နေရာဟှို သွားဟှယ် ဆိုဇာ သိဟှ။
\p
\v 12 သားမီးလေ၊ နန်းနို့ဟှာ ခရစ်တော်ရဲ့ နာမတော်ကြောန့် ပြစ်လွတ်ဟှားဘီ ဆိုဇာ နန်းနို့နားဟှို ငါစာရေးလိုက်ဟှယ်။ 
\v 13 ဖခင်လေ၊ နန်းနို့လေဟှာ စစဒူးဟှ ရှိနေဟှူသခင်ဟှို သိဟှူလူလေ ဖြစ်ဟှူကြောန့် နန်းနို့လေနားဟှို စာရေးလိုက်ဟှယ်။ ပျိုလူပျိုလေ၊ နန်းနို့ဟှာ မာရ်နတ်ဟှို အောန်နိုင်ဟှူကြောန့် နန်းနို့နားဟှို ငါစာရေးလိုက်ဟှယ်။
\p
\v 14 သားမီးလေ၊ နန်းနို့ဟှာ ခမည်းတော်ဟှို သိဟှူလူလေ ဖြစ်ဟှူကြောန့် နန်းနို့နားဟှို ငါဟှာ စာရေးလိုက်ဟှယ်။ နန်းနို့လေဟှာ စစဒူးဟှ ရှိနေဟှူ သခင်ဟှို သိဟှူလူလေ ဖြစ်ဟှူကြောန့် နန်းနို့နားဟှို ငါစာရေးလိုက်ဟှယ်။ ပျိုလူပျိုလေ၊ နန်းနို့ဟှာ ခွန်အားရှိဘီး ဘုရားသခင်ရဲ့ စကားတော်ဟှို နန်းနို့လေဟှာ မှီဝဲဆည်းကပ်ဘီး၊ မာရ်နတ်ဟှို အောန်ဟှူကြောန့် နန်းနို့နားဟှို ငါစာရေးလိုက်ဟှယ်။
\p
\v 15 နန်းနို့ဟှာ လောကန လောကီမာ ရှိဇာလေဟှို ရှစ်ဂေ့န။ လောကဟှို ရှစ်ဟှူလူဟှာ ခမည်းတော်ဟှို ရှစ်ဟှ။ 
\v 16 ဖြားဖြစ်ကြောန့်နူးဆိုဟှာ လောကီမာ ရှိဟှူဇာလေဖြစ်ဟှူ ကိုယ်ကာယ တတ်မတ်စွဲလန်းရှင်းလေ၊ မျစ်စိနဗြင်ဘီး လိုရှင်တတ်မတ်ရှင်းလေ၊ စည်းဇိမ်အောက်စာ ဝါကြွားရှင်းလေဟှာ ခမည်းတော်န ဆိုင်ဟှ။ လောကနဘဲ့ ဆိုင်ဟှယ်။ 
\v 17 လောကနတူးဒူ လူလေ တတ်မတ်ဟှူဇာလေဟှာ ပျော့‑က်ဟှားလေဟှယ်။ ဘုရားသခင်ရဲ့လိုတော်ဟှို ဆောန်ဟှူလူဟှာ ထာဝရတည်ဟှယ်။
\s ခရစ်တော်ရဲ့ ရန်သူကြောန်း
\p
\v 18 သားမီးလေ၊ နော့‑က်ဆောင်းကာလမာ ခရစ်တော်ရဲ့ ရန်သူ ပေါ်လာဟှူကြောန်းဟှို နန်းနို့ ကြာရဂေ့ဟှယ်။ ခုဘဲ့ ခရစ်တော်ရဲ့ရန်သူ ဘောင်ဂီးပေါ်လာဟှယ်။ အယ်ချစ်ဟှို ကေ့ဟှူ ခီမာ ခုကာလဟှာ နော့‑က်ဆောင်းကာလ ရော့‑က်လာကြောန်းဟှို နို့လေ သိဂေ့ဟှယ်။ 
\v 19 အယ်လူလေဟှာ ဖယ်ခါလည်း နို့လေန မိတ်သဟာယထဲမာ ပါဂေ့ဘဲန နို့လေ နားဟှနေ ထွပ်ဟှားဂေ့ဟှယ်။ တကယ်ဟှိ နို့လေန ဆိုင်မယ် ဆိုဟှာ နို့လေန တူးဒူ ရှိနေဂေ့လေ့မယ်။ သူးနို့ဟှာ မှန်ဘဲ့ နို့လေန ဆိုင်ဘဲဇာဟှို ထန်ရှားဟှို့တွပ် သူးနို့ဟှာ နို့လေနားဟှနေ ထွပ်ဟှားဂေ့ဟှယ်။
\p
\v 20 ခရစ်တော်ဟှာ နန်းနို့ထတ်ဟှို သန့်ရှင်းဟှူဝိညာဉ်တော်ဟှို လောန်းခ္လလိုက်ဟှူကြောန့် နန်းနို့ အားလောင်းဂူဟှာ သမ္မာတရားဟှို သိဂေ့ဟှယ်။ 
\v 21 နန်းနို့နားဟှို ငါစာရေးရဟှူကြောန်းဟှ သမ္မာတရားဟှို နန်းနို့ သိဂေ့ဘဲကြောန့် မှုဟှ။ သမ္မာတရားဟှိုရော၊ မုသားစကားဟှာ သမ္မာတရားန ဖယ်မျိုးလည်း ဆိုင်ဘဲ့ဇာဟှို နန်းနို့ သိဂေ့ဟှူကြောန့် ဖြစ်ဟှယ်။
\p
\v 22 အယ်ကြောန့် ဖယ်သူဟှာ မုသားစကားဟှို ပြောနူး။ သခင်ယေရှုဟှာ ခရစ်တော်မှုဟှ ဆိုဘီး ပြောဟှူလူဟှာ မုသားစကားဟှို ပြောဟှူသူဖြစ်ဟှယ်။ အယ်မျိုးလူဟှာ ခရစ်တော်ရဲ့ရန်သူဖြစ်ဟှယ်။ သူဟှာ ခမည်းတော်န သားတော်ဟှို ငြင်းပယ်ဟှူလူ ဖြစ်ဟှယ်။ 
\v 23 သားတော်ဟှို ငြင်းပယ်လူဟှာ ခမည်းတော်ဟှို သိဟှ။ သားတော်ဟှို ဝန်ခံဟှူလူဘဲ့ ခမည်းတော်ဟှို သိဟှယ်။
\p
\v 24 အယ်ကြောန့် နန်းနို့ဟှာ စစဒူးဟှ ကြားရဟှူ တရားတော်ဟှို စိနှလောင်းထဲမာ ထီးသီးဟှားဂေ့ပါ။ အယ်မျိုးလောက်မယ် ဆိုဟှာ သားတော်နရော၊ ခမည်းတော်နရော၊ တလောင်းတဝဒဲ ရှိဂေ့လေ့မယ်။ 
\v 25 အယ်ဇာဟှ နို့လေဟှို ခရစ်တော်ကိုယ်တိုင် ဒိထားဟှားဟှူ ထာဝရသတ်ဘဲ့ ဖြစ်ဟှယ်။
\p
\v 26 နန်းနို့ဟှို လမ်းမှားအောန် ကြိုးစားနေဂေ့ဟှူ လူလေရဲ့ ကြောန်းနပတ်သတ်ဘီး နန်းနို့နားဟှို ငါစာရေးလိုက်ဟှယ်။ 
\v 27 နန်းနို့ဟှို ခရစ်တော်ဟှ သူ့ရဲ့ ဝိညာဉ်တော်ဟှို နန်းနို့ထတ်ဟှို လောန်းခ္လဟှယ်။ ဝိညာဉ်တော်ဟှာ နန်းနို့စိနှလောင်းထဲမာ ကိန်းဝပ်နေဟှူ ကာလပတ်လောင်း နန်းနို့ဟှို တခြားဖြားဇာလည်း သွန်သန်ပေးဇာ လိုဟှ။ ဖြားဖြစ်ကြောန့်နူးဆိုဟှာ ကိုယ်တော်ရဲ့ ဝိညာဉ်တော်ဟှာ နန်းနို့ဟှို ရာအားလောင်းဂူဟှို သွန်သန်ပေးဟှူကြောန့် ဖြစ်ဟှယ်။ ဝိညာဉ်တော်ရဲ့ သွန်သန်ရှင်းမှန်မျှဟှာ မှန်ကန်ဘီး မှားမှေ့ဟှ။ အယ်ကြောန့် နန်းနို့ဟှာ ဝိညာဉ်တော်ဟှ သွန်သန်ဟှားဟှူတိုင်း လိုက်နားဘီး လောက်ဆောန်ဂေ့ပါ။ ခရစ်တော်န တလောင်းတဝဒဲ ရှိဂေ့ပါ။
\p
\v 28 သားမီးလေ၊ ကိုယ်တော်ကြွလာဟှူနေ့မာ နို့လေဟှာ ရှစ်ကြော့‑က်ရှင်းမှေ့ဘဲ့ ရှေ့တော်မာ ရဲရဲရင့်ရင့်ဖြစ်ဟှို့တွပ် ကိုယ်တော်န တလောင်းတဝဒဲ ရှိနေဂေ့ပါ။ 
\v 29 ဘုရားသခင်ဟှာ ဖြောန့်မတ်ဟှယ် ဆိုဇာဟှို နန်းနို့ သိဂေ့ဟှယ်။ အယ်ကြောန့် ဖြောန့်မတ်ရှင်းတရားဟှို ကျင့်ဟှူလူဟှာ ဘုရားသခင်ရဲ့ သားမီးလေ ဖြစ်ဟှူကြောန်းဟှို နန်းနို့သိဂေ့ဟှယ်။
\c 3
\s ဘုရားသခင်ရဲ့ သားမီးလေကြောန်း
\p
\v 1 \x - \xo ၃.၁ \xo*\xt ယော ၁.၁၂\xt*\x*နို့လေဟှာ ဘုရားသခင်ရဲ့ သားမီးလေ ဆိုဘီး ခေါ်ခံရဟှူခွမ့်ဟှို ရဂေ့ဟှူကြောန့် နို့လေဟှို ခမည်းတော်ဘုရားဟှာ ဖယ်မျှလော့‑က် ရှစ်နူးဆိုဟှာ ဆင်ခြင်ဂေ့ပါ။ နို့လေဟှာ တကယ်ဘဲ့ ဘုရားသခင်ရဲ့ သားမီးလေ ဖြစ်ဂေ့ဟှယ်။ အယ်ကြောန့် အယ်လောကသားလေဟှ နို့လေဟှို သိဟှ။ ခမည်းတော်ဟှိုလည်း သိဟှ။ 
\v 2 ရှစ်ရဟှူသူလေ၊ ခုဟှ နို့လေဟှာ ဘုရားသခင်ရဲ့ သားမီးလေ ဖြစ်ဂေ့ဟှယ်။ နော့‑က်မှ ဖယ်မျိုးဖြစ်မယ် ဆိုဇာ သေးသေချားချာဟှာ သိဟှဘေမဲ့ ခရစ်တော်ကြွလာဟှူ ခီမာ ကိုယ်တော်ဖြစ်နေတိုင်း ဖူးဗြင်ရမယ် ဖြစ်ဟှူကြောန့် နို့လေဟှာ ကိုယ်တော်န တူဂေ့မယ် ဆိုဇာ သိရဂေ့ဟှယ်။ 
\v 3 ခရစ်တော်ဟှို မှီပြုဘီး အယ်မျိုးမျှော်လင့်ဘီး တောန်းတလူဟှာ ခရစ်တော်စင်ကြယ်မျိုးဘဲ ကိုယ့်ကိုယ်ကိုယ် စင်ကြယ်အောန် နေတတ်ဟှယ်။
\p
\v 4 ပြစ်ဒုစရိုက်ဟှို လောက်ရှင်းဟှာ ပညတ်တော်ဟှို ခ္လိုးဖော့‑က်ရှင်း ဖြစ်ဟှူကြောန့် ပြစ်လွန်ကျူလူ မှန်မျှဟှာ ပညတ်တရားဟှို ခ္လိုးဖော့‑က်ဟှူလူ ဖြစ်ဟှယ်။ 
\v 5 ကိုယ်တော်ဟှာ ပြစ်ဟှိုယူဆောန်ဟှားဟှို့တွပ် ပေါ်လာဟှူကြောန်းဟှို နန်းနို့သိဂေ့ဟှယ်။ ကိုယ်တော်နှိုက် ပြစ်မှေ့ဟှ။ 
\v 6 ကိုယ်တော်န တလောင်းတဝဒဲ တည်နေဟှူလူတိုင်းဟှာ ပြစ်လောက်တတ်ဟှ။ ပြစ်လောက်နေဟှူ လူတိုင်းဟှာ ကိုယ်တော့်ဟှို သိဗြင်သေးဟှ။ 
\v 7 သားမီးလေ၊ ဖယ်သူလည်း နန့်နို့ဟှို လှည့်စားစေန။ ခရစ်တော်ဟှာ ဖြောန့်မတ်ဟှူမျိုးဘဲ့ ဖြောန့်မတ်ရှင်းတရားဟှို ကျင့်သောင်းဟှူလူဟှာ ဖြောန့်မတ်ဟှူလူ ဖြစ်ဟှယ်။ 
\v 8 ပြစ်လောက်ဟှူလူဟှာ မာရ်နတ်န ဆိုင်ဟှူလူ ဖြစ်ဟှယ်။ ဖြားဖြစ်ကြောန့်နူးဆိုဟှာ မာရ်နတ်ဟှာ စစဒူးဟှ ပြစ်လွန်ကျူဟှူသူ ဖြစ်ဟှယ်။ ဘုရားသခင်ရဲ့ သားတော်ပေါ်လာရှင်းဟှ မာရ်နတ်လောက်ဟှားဟှူ မှုလေဟှို ဖျစ်ပစ်ဟှို့တွပ် ဖြစ်ဟှယ်။
\p
\v 9 ဘုရားသခင်ဟှနေ မွီးလာဟှူ သားမီးလေဖြစ်ဟှူကြောန့် ပြစ်လောက်တတ်ဟှ။ ဖြားဖြစ်ကြောန့်နူးဆိုဟှာ သူ့မာ ဘုရားသခင်ရဲ့ ဇာတိသဘောလေ ပါနေဟှူကြောန့် ဖြစ်ဟှယ်။ သူဟှာ ဘုရားသခင်ဟှနေ ပေါ့‑က်လာဟှူ သားမီးလေဖြစ်ဟှူကြောန့် ပြစ်ဟှိုလောက်နိုင်ဟှ။ 
\v 10 အယ်မျိုးလတ်ခဏာဟှို ကေ့မယ် ဆိုဟှာ ဘုရားသခင်ရဲ့ သားမီးလေန မာရ်နတ်ရဲ့ သားမီးဟှာ ကွာခြားရှင်းဟှို သိရဟှယ်။ ဖြောန့်မတ်ရှင်းတရားဟှို ကျင့်ဘဲ့ဟှူလူ၊ ကိုယ်ရဲ့ ညီကို မောန်နှမလေဟှို ရှစ်ဘဲ့ဟှူလူဟှာ ဘုရားသခင်ရဲ့ သားမီး မှုဟှ။
\s ရှင်းရှင်းရှစ်ဂေ့ပါ
\p
\v 11 \x - \xo ၃.၁၁ \xo*\xt ယော ၁၃.၃၄\xt*\x*နို့လေဟှာ ရှင်းရှင်းရှစ်ရမယ် ဆိုဟှားဟှူ တရားတော်ဟှို စစဒူးဟှ နန်းနို့ဟှာ ကြားရဟှူ ဒန်းစကားဖြစ်ဟှယ်။ 
\v 12 မာရ်နတ်နဆိုင်ဟှူ သူ့ညီ အားဗေလဟှို သတ်ဟှူ ကာဣနမျိုး ဖြစ်ဂေ့န။ ကာဣနဟှာ သူ့ညီဟှို ဖြားဖြစ်ကြောန့်သတ်နူး။ သူ့ကျင့်ဟှ ကောန်းဘဲဟှူကြောန့် သူ့ညီကျင့်ဟှ ဖြောန့်မတ်ဟှူကြောန့် ဖြစ်ဟှယ်။
\p
\v 13 အယ်ကြောန့် ညီကို မောန်နှမလေ၊ လောကသားလေဟှ နန်းနို့ဟှို မူးဂေ့ဟှူ ခီမာ အံ့ဩဂေ့န။ 
\v 14 \x - \xo ၃.၁၄ \xo*\xt ယော ၅.၂၄\xt*\x*နို့လေဟှာ ကိုယ်ရဲ့ ညီကို မောန်နှမလေဟှို ရှစ်ဂေ့ဟှူကြောန့် သေရှင်းဟှနေ သတ်ရှင်ဟှူနေရာဟှို ကူးရဂေ့ကြောန်းဟှို နို့လေဟှ သိဂေ့ဟှယ်။ ကိုယ့်ရဲ့ ညီကို မောန်နှမလေဟှို ရှစ်ဘဲ့ဟှူလူဟှာ သေနေဟှူ ဘဝမာဘဲ့ ရှိနေသေးဟှယ်။ 
\v 15 ကိုယ့်ရဲ့ ညီကို မောန်နှမဟှို မူးနေဟှူလူဟှာ လူသတ်မားဖြစ်ဟှယ်။ လူသတ်မားဟှာ ထာဝရသတ်ဟှို ရဘဲ့ကြောန်းဟှို သိဂေ့ဟှယ်။ 
\v 16 ခရစ်တော်ဟှာ နို့လေတွပ် သတ်စွန့်ဟှူ မြစ်တာကြောန်းဟှို နို့လေဟှာ သိဂေ့ဟှယ်။ နို့လေဟှလည်း ကိုယ့်ရဲ့ ညီကို မောန်နှမလေတွပ် သတ်ဟှို စွန့်ရဂေ့ဟှယ်။ 
\v 17 လောကီစည်းဇိမ် အောက်စာလေ ကြွယ်ဝဟှူလူဖြစ်ဘီး ကိုယ့်ရဲ့ ညီကို ယော့‑က်ယော့‑က်ဟှ ဆင်းရဲရှင်းဟှို ဗြင်ဟှူ ခီမာ သနားကြင်နာမှု မှေ့ဘဲနေဆိုဟှာ ဖယ်မျိုး ဘုရားသခင်ရဲ့ မြစ်တာတော်ဟှ ရှိနိုင်ဟှို့နူး။ 
\v 18 သားမီးလေ၊ နို့လေရဲ့ မြစ်တာဟှာ နှောက်ဖြားမာဘဲ့ရှိဟှူ ရှစ်ရှင်းမြစ်တာမျိုး ဖြစ်သင့်ဟှ။ လတ်တွိ ဖော်ပြရဟှူ မြစ်တာစစ်မြစ်တာမှန် ဖြစ်ရမယ်။
\s ဘုရားသခင်ရှေ့မာ ရဲရင့်ဟှူခွမ့်
\p
\v 19 အယ်မျိုးနည်းအားဖြင့် နို့လေဟှာ သမ္မာတရားနဆိုင်ဟှူ လူဖြစ်ဟှူကြောန်းဟှို သိနိုင်ဟှယ်။ ဘုရားသခင်ရဲ့ ရှေ့မာလည်း ကိုယ်ရဲ့ စိနှလောင်းဟှ သတ်သာဂေ့လေ့မယ်။ 
\v 20 နန့်စိနှလောင်းဟှ နန့်ဟှို ပြစ်တန်ခံရဟှူ ခီမာ ဘုရားသခင်ဟှာ နို့လေရဲ့ စိနှလောင်းထတ် ကီးမြတ်ကြောန်း၊ ကိုယ်တော်ဟှာ မှုရာအားလောင်းဂူဟှို သိကြောန်းဟှို နို့လေဟှ သိဂေ့ဟှယ်။ 
\v 21 အယ်ကြောန့် ရှစ်ရဟှူသူလေ၊ နို့လေရဲ့ စိနှလောင်းဟှ နို့လေဟှို ပြစ်တန်ဘဲန နေမယ် ဆိုဟှာ နို့လေဟှာ ဘုရားသခင်ရှေ့မာ ရဲရင့်ဟှူခွမ့်ဟှို ရဂေ့ဟှယ်။ 
\v 22 နို့လေဟှာ ကိုယ်တော်ရဲ့ ပညတ်တော်ဟှို စောန့်ဟှူလူလေ၊ ကိုယ်တော် နှစ်သက်ဟှူမှုလေဟှို လောက်ဟှူလူလေ ဖြစ်ဟှူကြောန့် နို့လေ တောန်းရှော့‑က်ရှင်း မှန်မျှဟှာ ဘုရားသခင်နားဟှ ရဂေ့ဟှယ်။ 
\v 23 \x - \xo ၃.၂၃ \xo*\xt ယော ၁၃.၃၄; ၁၅.၁၂,၁၇\xt*\x*ကိုယ်တော်ရဲ့ ပညတ်တော်ဟှ နို့လေဟှာ ဘုရားသခင်ရဲ့ သားတော် ယေရှုခရစ်ရဲ့ နာမတော်ဟှို ယောင်ကြည်ရမယ်။ အယ်သခင် ပြောဟှားဟှူတိုင်းဘဲ့ ရှင်းရှင်း တယော့‑က်ဟှိုယော့‑က် ရှစ်ရမယ် ဆိုဘီး ပြောဟှားဟှယ်။ 
\v 24 ဘုရားသခင်ရဲ့ ပညတ်တော်လေဟှို စောန့်ဟှူလူဟှာ ဘုရားသခင်န တလောင်းတဝဒဲဖြစ်ဘီး ဘုရားသခင်ဟှလည်း အယ်လူန တလောင်းတဝဒဲ ဖြစ်ဟှယ်။ အယ်မျိုး ဖြစ်ဟှူကြောန်းဟှို ကိုယ်တော်ပေးဟှားဟှူ ဝိညာဉ်တော်ကြောန့် နို့လေ သိဂေ့ဟှယ်။
\c 4
\s သမ္မာတရားဝိညာဉ်တော်န မိဆာဝိညာဉ်
\p
\v 1 ရှစ်ရဟှူသူလေ၊ ရရာတိုင်းများဟှူ ပရောဖက်တုယောန်လေဟှာ အယ်လောကမာ ပေါ်လာဂေ့ဘီ ဖြစ်ဟှူကြောန့် ဝိညာဉ်တိုင်းဟှို ယောင်ကြည်ဘဲန အယ်ဝိညာဉ်လေဟှာ ဘုရားသခင်န ဆိုင်လား၊ ဆိုင်ဟှလား ဆိုဇာ စစ်ဆေးဂေ့ပါ။ 
\v 2 ဘုရားသခင်ရဲ့ ဝိညာဉ်တော်ဟောက်လော၊ ဟောက်ဟှလော ဆိုဇာ နန်းနို့ဟှာ အယ်မျိုးနည်းအားဖြင့် သိနိုင်ဟှယ်။ သခင်ယေရှုခရစ်ဟှာ လူဇာတိခံယူဘီးဟှာ ကြွလာဟှယ် ဆိုဇာဟှို ဝန်ခံဟှူလူဟှာ ဘုရားသခင်နားဟှနေ ကြွလာဟှူ ဝိညာဉ်တော်ဟှို ခံရဟှူလူ ဖြစ်ဟှယ်။ 
\v 3 လူဇာတိအားဖြင့် ကြွလာဟှူ ယေရှုခရစ်ဟှို ဝန်ခံဘဲဟှူလူဟှာ ဘုရားသခင်နားဟှ ကြွလာဟှူ ဝိညာဉ်တော်ဟှို ခံရဟှားဟှူလူ မှုဟှ။ အယ်လူထဲမာ ကိန်းဝပ်နေဟှူဝိညာဉ်ဟှာ ခရစ်တော်ရဲ့ ရန်သူဖြစ်ဟှယ်။ ခရစ်တော်ရဲ့ရန်သူ ဝိညာဉ်ဟှာ အယ်လောကဟှို ရော့‑က်လာဟှို့ကြောန်းဟှို နန်းနို့ဟှာ ကြားရခဲ့ဘီး ဖြစ်ဟှူကြောန့် သူဟှာ ခုဘဲ့ ရော့‑က်လာနေဘီ ဖြစ်ဟှယ်။
\p
\v 4 သားမီးလေ၊ နန်းနို့ဟှာ ဘုရားသခင်န ဆိုင်ဂေ့ဟှူကြောန့် အယ်လူလေဟှိုလည်း အောန်ဂေ့ဟှယ်။ ဖြားဖြစ်ကြောန့်နူးဆိုဟှာ နန့်နို့ဖတ်မာ ရှိနေဟှူသူဟှာ လောကဖတ်မာ ရှိနေဟှူလူထတ် ပိုဘီးဟှာ အားကီးဟှယ်။ 
\v 5 အယ်လူလေဟှာ လောကနဆိုင်ဟှူ လူလေဖြစ်ဂေ့ဟှယ်။ အယ်ကြောန့် လောကရဲ့ ကြောန်းရာလေဟှိုဘဲ ပြောဂေ့ဟှယ်။ လောကသားလေဟှလည်း သူးနို့စကားဟှိုဘဲ နားထောန်ဂေ့ဟှယ်။ 
\v 6 နို့လေဟှ ဘုရားသခင်န ဆိုင်ဟှယ်။ ဘုရားသခင်ဟှို သိဟှူလူဟှာ နို့လေရဲ့ စကားဟှို နားထောန်တတ်ဟှယ်။ ဘုရားသခင်န ဆိုင်ဘဲဟှူလူဟှာ နို့လေရဲ့ စကားဟှို နားထောန်တတ်ဟှ။ အယ်ကြောန့် သမ္မာတရားဝိညာဉ်န မိဆာဝိညာဉ်ဟှို ပိုင်းခြားဘီး သိဂေ့ဟှယ်။
\s ဘုရားသခင်ဟှာ ရှစ်ရှင်းမြစ်တာဖြစ်ကြောန်း
\p
\v 7 ရှစ်ရဟှူသူလေ၊ နို့လေဟှာ ရှင်းရှင်းရှစ်ဂေ့ဇို့။ ဖြားဖြစ်ကြောန့်နူးဆိုဟှာ ရှစ်ရှင်းမြစ်တာဟှာ ဘုရားသခင်န ဆိုင်ဟှူကြောန့် ရှစ်တတ်ဟှူလူဟှာ ဘုရားသခင်ဟှနေ ပေါ့‑က်လာဟှူ သားမီးလေဖြစ်ဟှယ်။ ဘုရားသခင်ဟှိုသိဟှူ လူလည်းဖြစ်ဟှယ်။ 
\v 8 ရှစ်ရှင်းမြစ်တာ မှေ့ဘဲဟှူလူဟှာ ဘုရားသခင်ဟှို သိဟှ။ ဖြားဖြစ်ကြောန့်နူးဆိုဟှာ ဘုရားသခင်ဟှာ ရှစ်ရှင်းမြစ်တာဖြစ်တော်မူဟှယ်။ 
\v 9 နို့လေဟှာ သားတော်အားဖြင့် သတ်ရှင်ဟှို့တွပ် ဘုရားသခင်ဟှာ သူ့ရဲ့ တပါးဒဲဖြစ်ဟှူ သားတော်ဟှို အယ်လောကဟှို စေလွှတ်လိုက်ဇာဟှာ နို့လေဟှို ရရာတိုင်းရှစ်ဟှူ မြစ်တာတော်ဟှာ ထန်ရှားနေဟှယ်။ 
\v 10 နို့လေဟှာ ဘုရားသခင်ဟှိုရှစ်ဇာ မှုဟှ။ ဘုရားသခင်ဟှဘဲ့ နို့လေဟှို ရှစ်ဘီးဟှာ နို့လေဟှာ ပြစ်ဖြေလွှတ်ခံရဘီး ပူဇော်ဆစ်ကပ်ဟှူဖြစ်န သူ့ရဲ့ သားတော်ဟှို စေလွှတ်လိုက်ဇာမာ ရှစ်ရှင်းမြစ်တာရှိဟှယ်။
\p
\v 11 ရှစ်ရဟှူသူလေ၊ ဘုရားသခင်ဟှာ နို့လေဟှို အယ်မျှလော့‑က်ရှစ်ဟှယ် ဆိုဇာဟှို မှန်ဟှယ် ဆိုဟှာ နို့လေဟှလည်း ရှင်းရှင်းရှစ်ရမယ်။ 
\v 12 \x - \xo ၄.၁၂ \xo*\xt ယော ၁.၁၈\xt*\x*ဘုရားသခင်ဟှို ဖယ်သူလည်း ဗြင်ရဘေမဲ့ နို့လေဟှာ ရှင်းရှင်းရှစ်မယ် ဆိုဟှာ ဘုရားသခင်ဟှာ နို့လေမာတည်နေဘီး ဘုရားသခင်ရဲ့ ရှစ်ရှင်းမြစ်တာဟှာ နို့လေမာလည်း ပ္လဲ့ဇောင်လေဟှယ်။
\p
\v 13 ဘုရားသခင်ဟှာ သူ့ရဲ့ ဝိညာဉ်တော်ဟှို နို့လေဟှို ပေးဟှူကြောန့် နို့လေဟှာ ဘုရားသခင်မာတည်ဘီး ဘုရားသခင်ဟှလည်း နို့လေမာ တည်နေဟှူကြောန်းဟှို နို့လေ သိဂေ့ဟှယ်။ 
\v 14 ဖဟှာ သားတော်ဟှို လောကရဲ့ ကယ်တန်ရှင်နေန လွှတ်လိုက်ဇာဟှို နို့လေဟှ ဗြင်ဘီး သတ်သေခံဂေ့ဟှယ်။ 
\v 15 ဖယ်သူမဆို ယေရှုဟှာ ဘုရားသခင်ရဲ့ သားတော် ဖြစ်ဟှူကြောန်းဟှို ဝန်ခံမယ် ဆိုဟှာ ဘုရားသခင်ဟှာ အယ်လူမာတည်ဘီး အယ်လူဟှလည်း ဘုရားသခင်မာ တည်နေဟှယ်။ 
\v 16 နို့လေမာ ဘုရားသခင်ထားဟှားဟှူ ရှစ်ရှင်းမြစ်တာဟှိုသိဘီး ယောင်ကြည်ဂေ့ဟှယ်။ ဘုရားသခင်ဟှာ ရှစ်ရှင်းမြစ်တာဖြစ်တော်မူဟှယ်။ ရှစ်ရှင်းမြစ်တာနှိုက် ရှိဟှူလူဟှာ ဘုရားသခင်နှိုက်ရှိဟှယ်။ ဘုရားသခင်ဟှာလည်း အယ်လူနှိုက်ရှိတော်မူဟှယ်။
\p
\v 17 နို့လေမာ ကိုယ်တော်ရဲ့ မြစ်တာဟှာ ပ္လဲ့ဝစောင်လင်ဟှူကြောန့် တရားစီရင်ဟှူနေ့မာ နို့လေဟှာ ရဲရင့်တည်ကြည်ဇာဟှို ရဂေ့လေ့မယ်။ ဖြားဖြစ်ကြောန့်နူးဆိုဟှာ လောကမာ နို့လေဟှာ ခရစ်တော်မျိုးဘဲ့ သတ်ရှင်ဂေ့ကြောန့်ဖြစ်ဟှယ်။ 
\v 18 ရှစ်ရှင်းမြစ်တာမာ ကြော့‑က်စိမှေ့ဟှ။ ပ္လဲ့ဝစောင်လင်ဟှူ မြစ်တာဟှာ ကြော့‑က်စိဟှို ဖယ်ရှားပေးဟှယ်။ ကြော့‑က်စိဟှာ ပြစ်ဒန်ခံရဇာဟှို စောန့်မျှော်တတ်ဟှူကြောန့် ကြော့‑က်စိရှိဟှူသူမာ မြစ်တာနပ္လဲ့ဇောင်ဇာ မှေ့ဟှ။
\p
\v 19 ဘုရားသခင်ဟှာ နို့လေဟှို ရင်ဦးဆောင်း ရှစ်ဟှူကြောန့် နို့လေဟှာ ကိုယ်တော့်ဟှို ရှစ်ဂေ့ဟှယ်။ 
\v 20 ဘုရားသခင်ဟှို ရှစ်ဟှယ် ဆိုဘီး ညီကိုဟှို မူးနေဟှူလူဟှာ လီညာဟှူလူ ဖြစ်ဟှယ်။ ဖြားဖြစ်ကြောန့်နူးဆိုဟှာ မျစ်စိန ဗြင်ရဟှူ ညီကိုဟှို ရှစ်နိုင်ဘဲ့ဟှူလူဟှာ မျစ်စိန ဗြင်ရဘဲ့ဟှူ ဘုရားသခင်ဟှို ဖယ်မျိုးရှစ်နိုင်ဟှို့နူး။ 
\v 21 ဘုရားသခင်ဟှို ရှစ်ဟှူလူဟှာ ကိုယ်ရဲ့ ညီကိုဟှို ရှစ်ရမယ် ဆိုဘီး ပညတ်တော်ဟှို နို့လေဟှာ ခရစ်တော်နားဟှ ခံရဂေ့ဟှယ်။
\c 5
\s လောကဟှို အောန်ဟှူကြောန်း
\p
\v 1 ယေရှုဟှာ ခရစ်တော်ဖြစ်ဟှယ် ဆိုဇာဟှို ယောင်ကြည်ဟှူလူဟှာ ဘုရားသခင်ဟှနေ ပေါ့‑က်လာဟှူ သားမီးလေဘဲ့ ဖြစ်ဟှယ်။ ဖဟှို ရှစ်ဟှူလူဟှာ သားဟှိုလည်း ရှစ်တတ်ဟှယ်။ 
\v 2 နို့လေဟှာ ဘုရားသခင်ဟှို ရှစ်ဘီး ဘုရားသခင်ရဲ့ ပညတ်တော်လေဟှို လိုက်နာဘီးကျင့်မယ် ဆိုဟှာ အယ်မှုရာလေအားဖြင့် နို့လေဟှာ ဘုရားသခင်ရဲ့ သားမီးလေဟှို ရှစ်ကြောန်းဟှို နို့လေ သိဂေ့ဟှယ်။ 
\v 3 \x - \xo ၅.၃ \xo*\xt ယော ၁၄.၁၅\xt*\x*ဘုရားသခင်ဟှို ရှစ်ဟှယ် ဆိုဇာဟှာ ဘုရားသခင်ရဲ့ ပညတ်တော်လေဟှို လိုက်ရှော့‑က်ရှင်းဘဲ့ ဖြစ်ဟှယ်။ ဘုရားသခင်ရဲ့ ပညတ်တော်လေဟှို လိုက်ရှော့‑က်ရှင်းဟှာ ခတ်ခဲဇာ မှုဟှ။ 
\v 4 ဖြားဖြစ်ကြောန့်နူးဆိုဟှာ ဘုရားသခင်ဟှနေ ပေါ့‑က်လာဟှူ သားမီးလေဟှာ လောကဟှို အောန်နိုင်ဂေ့ဟှယ်။ နို့လေရဲ့ ယောင်ကြည်ရှင်းကြောန့် လောကဟှို အောန်ဂေ့ဟှယ်။ 
\v 5 သခင်ယေရှုဟှာ ဘုရားသခင်ရဲ့ သားတော်ဖြစ်ဟှယ် ဆိုဇာဟှို ယောင်ကြည်ဟှူသူမှ တပါး ဖယ်သူဟှ လောကဟှို အောန်နိုင်နူး။
\s သခင်ယေရှုကြောန်း သတ်သေခံကြောန်း
\p
\v 6 ယေရှုခရစ်ဟှာ ရေအားဖြင့် ဗတ္တိဇံဟှိုခံဘီး၊ သွီးတော်ဟှို သွန်းဘီး၊ သေခံဘီး ကြွလာဟှူသခင် ဖြစ်ဟှယ်။ ကိုယ်တော်ဟှာ ရေအားဖြင့်ဘဲ့ ကြွလာရှင်း မှုဟှ။ ရေနရော၊ သွီးနရော ကြွလာဟှယ်။ ဝိညာဉ်တော်ဟှာ သမ္မာတရားဖြစ်ဘီး ကြွလာဟှူကြောန်းဟှို သတ်သေခံဟှယ်။ 
\v 7 သတ်သေခံ သောင်းပါး ရှိလေဟှယ်။ 
\v 8 အယ်သောင်းပါးဟှာ ဝိညာဉ်တော်၊ ရေ၊ သွီးလေဖြစ်ဂေ့ဘီး အယ်သောင်းပါးဟှာ တလောင်းတဝဒဲ ဖြစ်ဂေ့ဟှယ်။ 
\v 9 နို့လေဟှာ လူလေရဲ့ သတ်သေခံဇာဟှို လတ်ခံတတ်ဂေ့ဟှယ်။ ဘုရားသခင်ရဲ့ သတ်သေခံချစ်ဟှာ လူလေရဲ့ သတ်သေခံချစ်ထတ် ပိုဘီးဟှာ ခိုင်လောင်ဟှယ်။ ဘုရားသခင်ဟှလည်း သားတော်ကြောန်းဟှို သတ်သေခံရှင်း ဖြစ်ဟှယ်။ 
\v 10 ဘုရားသခင်ရဲ့ သားတော်ဟှို ယောင်ကြည်လူဟှာ အယ်သတ်သေခံချစ်ဟှို စိနှလောင်းထဲမာ ရဟှားဟှယ်။ ဘုရားသခင်ဟှို ယောင်ကြည်ဘဲ့ဟှူ လူဟှာ ဘုရားသခင်ဟှို မုသားသောင်းဘီး ပြစ်တန်ဟှယ်။ ဖြားဖြစ်ကြောန့်နူးဆိုဟှာ ဘုရားသခင်ဟှာ သူ့ရဲ့ သားတော်န ပတ်သတ်ဘီး သတ်သေခံရှင်းလေဟှို အယ်လူဟှာ ယောင်ကြည်ဘဲကြောန့် ဖြစ်ဟှယ်။ 
\v 11 \x - \xo ၅.၁၁ \xo*\xt ယော ၃.၃၆\xt*\x*အယ်သတ်သေခံချစ်ဟှ ဘုရားသခင်ဟှာ နို့လေဟှို ထာဝရသတ်ဟှိုပေးဘီး အယ်သတ်ဟှာ သားတော်မာပါဟှယ်။ 
\v 12 သားတော်ဟှို ရဟှူလူဟှာ သတ်ဟှိုရဟှယ်။ ဘုရားသခင်ရဲ့ သားတော်ဟှို ရဘဲ့ဟှူလူဟှာ သတ်ဟှိုရဟှ။
\s ထာဝရသတ်ကြောန်း
\p
\v 13 ဘုရားသခင်သားတော်ရဲ့ နာမတော်ဟှို ယောင်ကြည်ဟှူ နန်းနို့ဟှာ ထာဝရသတ်ဟှို ကိုယ်တိုင်ရဟှယ် ဆိုဇာဟှို သိစေဟှို့တွပ် အယ်ဇာလေဟှို နန်းနို့လေဟှို ငါရေးပေးလိုက်ဟှယ်။ 
\v 14 ဘုရားသခင်မာ နို့လေထားဟှားဟှူ ယောင်ကြည်စိခ္လမှုဟှာ နို့လေဟှာ လိုတော်နညီဟှူဇာ တခုခုဟှို တောန်းမယ် ဆိုဟှာ ဘုရားသခင်ဟှာ နားထောန်လေ့မယ်။ 
\v 15 နို့လေ ဆုတောန်းဇာမှန်မျှဟှို နားထောန်ဟှယ် ဆိုဘီး နို့လေသိဟှယ် ဆိုဟှာ ဘုရားသခင်နားဟှ တောန်းလျှော့‑က်ဇာလေဟှို နို့လေရပီးဘီ ဆိုဇာဟှို နို့လေ သိဂေ့ဟှယ်။
\p
\v 16 ညီကိုတယော့‑က်ဟှာ သတ်ဝိညာဉ် ဆောင်းရှောင်းရှင်းဟှလွဲဘီး တခြားပြစ် တခုခုဟှို လွန်ကျူးမယ် ဆိုဟှာ သူ့တွပ်ဘုရားသခင်မာ တောန်းလျှော့‑က်လိုက်။ ကိုယ်တော်ဟှာ သူ့ဟှို သတ်ပေးလေ့မယ်။ အယ်ဘေမဲ့ သတ်ဝိညာဉ်ဆောင်းရှောင်းဟှူ ပြစ်ဆိုဇာရှိဟှယ်။ အယ်ပြစ်မျိုးဟှို လွန်ကျူးဟှူ လူလေတွပ် ဆုတောန်းရမယ် ဆိုဘီး ငါဆိုလိုဟှ။ 
\v 17 ဒုစရိုက်မှန်မျှဟှာ ပြစ်ဖြစ်ဟှယ်။ အယ်ဘေမဲ့ သတ်ဝိညာဉ်ဟှို ဆောင်းရှောင်းနိုင်ဘဲဟှူ ပြစ်လည်းရှိဟှယ်။
\p
\v 18 ဘုရားသခင်ဟှနေ ပေါ့‑က်လာဟှူ သားမီးလေ ဖြစ်ဟှူကြောန့် ပြစ်လောက်တတ်ဘဲဟှူကြောန်းဟှို နို့လေသိဂေ့ဟှယ်။ သူ့ဟှို ဘုရားသခင်ဟှ စောန့်ထီးပေးဟှူကြောန့် မာရ်နတ်ဟှာ အယ်လူဟှို ထိခိုက်နိုင်ဟှ။
\p
\v 19 ကမ္ဘာလောက တခုလောင်းဟှာ မာရ်နတ်ရဲ့တဂိုးလေ လွှမ်းမိုးဟှားကြောန့် နို့လေဟှာ ဘုရားသခင်န ဆိုင်ဟှူကြောန်းဟှို နို့လေဟှ သိဂေ့ဟှယ်။
\p
\v 20 ဘုရားသခင်ရဲ့ သားတော်ဟှာ လောကဟှို ကြွလာဘီးဟှာ နို့လေဟှို ဘုရားစစ်ဘုရားမှန်ဟှို သိနိုင်ဟှူဉာဏ်ဟှို ပေးဟှူကြောန့် နို့လေဟှ သိရဟှယ်။ နို့လေဟှာ ဘုရားသခင်ရဲ့ သားတော် ယေရှုခရစ်နရော၊ ဘုရားစစ် ဘုရားမှန်ဖြစ်ဟှူ ဘုရားသခင်နရော၊ တလောင်းတဝဒဲ ရှိဂေ့ဟှယ်။ ကိုယ်တော်ဟှာ ဘုရားစစ်ဘုရားမှန် ဖြစ်ဟှယ်။ ထာဝရသတ်လည်း ဖြစ်ဟှယ်။
\p
\v 21 သားမီးလေ၊ နန်းနို့ဟှာ ဘုရားတုယောန်လေဟှို ရှောန်ဂေ့ပါ! ယောဟန်ရဲ့ ပေးစာပီးဘီ။