\id 1CO - Dawei Bible Translation
\usfm 3.0
\ide UTF-8
\ide 65001 - Unicode (UTF8)
\h ၁ ကောရိန္သု
\toc1 ကောရိန္သု သင်းတော်ဟှို ပေါလုရဲ့ ပထမပေးစာ
\toc2 ၁ ကောရိန္သု
\toc3 ၁ ကော
\mt1 ၁ ကောရိန္သု
\mt2 ကောရိန္သု သင်းတော်ဟှို ပေါလုရဲ့ ပထမပေးစာ
\imt နိဒါန်း
\im \bk ကောရိန္သု သင်းတော်ဟှို ပေါလုရဲ့ ပထမပေးစာ\bk*ဟှာ ခရစ်တော် မွီးဘီးန ၅၅ ခုနှစ်လော့‑က်ဟှ တမန်တော် ပေါလုဟှ ရေးဟှားလေဟှယ် (\xt ၁.၁\xt*)။ အယ်စာဟှာ ကောရိန့်ဗြို့မာရှိဟှူ သင်းတော်ဟှို ပေါလုရေးဟှူ ပေးစာနှေ့စောန်ထဲဟှ ပထမစောန် ဖြစ်ဟှယ်။ သူဟှာ မာကေဒေါနိပြည်ဟှို ဖြတ်ဘီး ကောရိန့်ဗြို့ဟှို ရော့‑က်လာခန် ဧဖက်ဗြို့မာ နေနေဒူး အယ်စာဟှို ရေးဟှားဇာ ဖြစ်နိုင်ဟှယ် (\xt ၁၆.၅–၉\xt*)။
\ip အယ်စာဟှာ သင်းတော်ထဲမာ ကွဲပြားမှုလေ၊ တရားဘဲဟှူမေထုန်မှုလေန ကောန်းဘဲဟှူ ကျင့်လေဘောန်းဇောင်ကြောန်းဟှို ရေးဟှားဟှူစာဟှို သင်းဝမ်သူ တချို့နားဟှနေ ပေါလုဟှ လတ်ခံရရှိဟှူကြောန့် ပ္လန်ဘီးဖြေရှင်းဟှားဇာ ဖြစ်လေဟှယ်။ ကောရိန်ဗြို့ဟှာ တရားဘဲဟှူမေထုန်န ပတ်သက်ဘီး နာမယ်ကီးဟှူကြောန့် အယ်သင်းတော်မာ အယ်မူမျိုးပြဿနာန ရင်ဆိုင်နေရဇာဟှာ အံ့ဩဇာမှေ့ဟှ။ ကောရိန္သု သင်းတော်ဟှို ပေါလုရဲ့ ပထမပေးစာမာလည်း မြစ်တာန ပတ်သက်ဘီး ထန်ရှားဟှူ ခန်းလေ ပါဝမ်လေဟှယ် (\xt ၁၃\xt*)။
\iot ကြောန်းရာ ကျဉ်းချောက်
\io1 ၁။ ပေါလုဟှာ ကောရိန္သု သင်းတော်ဟှို နှောက်ဆစ်ဘီးန သူးနို့တွပ် ဘုရားသခင်ဟှို ချီးမွမ်းဟှားဟှူကြောန်း \ior (၁.၁–၉)\ior*
\io1 ၂။ သူဟှာ ကောရိန္သု သင်းတော်ထဲမာ ကွဲပြားမှုလေနပတ်သက်ဟှူ စာဟှို လတ်ခံရရှိဟှူကြောန့် ပ္လန်ဘီးဖြေရှင်းဟှားဟှူကြောန်း \ior (၁.၁၀—၄.၂၁)\ior*
\io1 ၃။ သူဟှာ တရားဘဲဟှူမေထုန်ပြဿနာန တရားစီရင်ဟှို့တွပ် ပ္လန်ဘီးရှင်းပြဟှားဟှူကြောန်း \ior (၅.၁—၆.၂၀)\ior*
\io1 ၄။ အယ်ဘီးမှ သူဟှာ လတ်ထတ်ရှင်းကြောန်း၊ ရောက်ထုဟှို ပူဇော်ပသရှင်းကြောန်း၊ ဝတ်ပြုကိုးကွယ်ရှင်းကြောန်း၊ ဝိညာဉ်ဆုကျေးဇူးန ထမြော့‑က်ရှင်းကြောန်းန ပတ်သက်ဘီး ညွှန်ကြားဟှားဟှူကြောန်း \ior (၇.၁—၁၅.၅၈)\ior*
\io1 ၅။ နော့‑က်ဆောင်းမာ သူဟှာ လူပေါက်ကိုန ဆိုင်ဟှူဇာလေ၊ လတ်တွိ လောက်ဆောင်ရဟှို့ဇာတချို့န နိဂေါင်းချောက်ဟှားဟှူကြောန်း \ior (၁၆.၁–၂၄)\ior*
\ie
\c 1
\po
\v 1 ဘုရားသခင်ရဲ့ လိုတော်တိုင်း ယေရှုခရစ်တော်ရဲ့ တမန်တော်ဖြစ်န ခန့်အပ်ဟှူ ကျေးဇူးဟှို ခံရဟှူ ငါပေါလုန ငါ့ညီသုဿင်ဟှာ —
\po
\v 2 \x - \xo ၁.၂ \xo*\xt တ ၁၈.၁\xt*\x*ကောရိန္သုဗြို့မာရှိဟှူ ဘုရားသခင်ရဲ့ သင်းဝမ်ဟှူ သူလေန နေရာအားလောင်းမာရှိဟှူ နို့လေန သူးနို့လေရဲ့ သခင် ယေရှုခရစ်တော်ရဲ့ နာမတော်ဟှို ကိုးကွယ်ဟှူသူ ယေရှုခရစ်တော်နှိုက် တလောင်းတဝဒဲ ဖြစ်ရှင်းအားဖြင့် ဘုရားသခင်ရဲ့ သန့်ရှင်းဖြောန့်မတ်ဟှူ သူဖြစ် ဝီးချယ်ခံရဟှူ သူလေ အားလောင်းနားဟှို စာရေးလိုက်ပါဟှယ်။
\po
\v 3 နို့လေရဲ့ သခင် ယေရှုခရစ်တော်န နို့လေရဲ့ဖ ဘုရားသခင်နားဟှနေဘီး ကျေးဇူးတော်န ငြီသတ်ရှင်းဟှာ နန်းနို့ အားလောင်းမာ ရှိပါစေ။
\s ဆုကျေးဇူးတော်လေကြောန်း
\p
\v 4 ယေရှုခရစ်တော်အားဖြင့် နန်းနို့လေဟှို ပေးသနားတော်မူဟှူ ဘုရားသခင်ရဲ့ ကျေးဇူးတော်ကြောန့် ငါဟှာ နန်းနို့လေတွပ် နို့လေရဲ့ဘုရားသခင်ကျေးဇူးတော်ဟှို မြဲဒမ်း ချီးမွမ်းပါဟှယ်။ 
\v 5 ဖြားဖြစ်ကြောန့်နူးဆိုဟှာ နန်းနို့လေဟှာ နှောက်သတ္တိ၊ ဉာဏ်သတ္တိန စစရာရာမာ ခရစ်တော်အားဖြင့် ကြွယ်ဝပ္လဲ့ဇောင်ဂေ့ဟှူကြောန့်၊ 
\v 6 ယေရှုခရစ်တော်နဆိုင်ဟှူ သတ်သေခံချစ်ဟှာ နန်းနို့လေမာ တည်ပြုဟှူဇာဟှို ခံရလေဟှယ်။ 
\v 7 အယ်ကြောန့် နို့လေရဲ့သခင် ယေရှုခရစ်တော်ပေါ်ထွန်းလာဟှူဇာဟှို မျှော်လင့်နေဟှူ ခီမာ ဆုကျေးဇူးတဇောင်တခုလည်း လျှော့ဘဲန စောင်လင်ဂေ့ဟှယ်။ 
\v 8 နို့လေရဲ့သခင် ယေရှုခရစ်တော် ပေါ်ထွန်းလာဟှူနေ့ရစ်မာ ပြစ်တန်ခွမ့်န လွတ်ကင်းဟှို့တွပ်၊ ကိုယ်တော်ဟှာ ဆောင်းထိအောန်ဘဲ့ နန်းနို့ဟှို ခိုင်ခံ့စေလေ့မယ်။ 
\v 9 သူ့ရဲ့ သားတော်ဖြစ်ဟှူ နို့လေရဲ့ သခင် ယေရှုခရစ်တော်ရဲ့ မိတ်သဟာယဖွဲ့ရှင်း ထဲဟှို နန်းနို့လေဟှို ခေါ်တော်မူဟှူ ဘုရားသခင်ဟှာ သစ်စာန ပ္လဲ့ဇောင်တော်မူလေဟှယ်။
\s သင်းတော်ထဲမာ စိဝန်းကွဲဟှူကြောန်း
\p
\v 10 ညီကို မောန်နှမလေ၊ နန်းနို့လေရှင်းရှင်း စိဝန်းကွဲရှင်းမှေ့ဘဲန စည်းစည်းလောင်းလောင်း ညီးညီညွတ်ညွတ်နေဘီး စိတူကိုယ်တူဖြစ်ဟှို့တွပ် သခင် ယေရှုခရစ်တော်ရဲ့ နာမတော်ဟှိုမှီပြုဘီးဟှာ နန်းနို့လေဟှို ငါတောန်းဗန်ပါဟှယ်။ 
\v 11 ဖြားဖြစ်ကြောန့်နူးဆိုဟှာ ညီကို မောန်နှမလေ နန်းနို့လေ ရှင်းရှင်း ရန်များဂေ့ဟှယ် ဆိုဇာဟှို ကလောဣ အီသူအီသားလေ ပြောပြဟှူကြောန့် ငါကြားသိရဟှယ်။ 
\v 12 \x - \xo ၁.၁၂ \xo*\xt တ ၁၈.၂၄\xt*\x*နန်းနို့လေဟှာ ရှင်းရှင်း စိဝန်းကွဲဟှူ စကားလေဟှို ပြောဂေ့ဟှယ်။ တယော့‑က်ဟှ “ငါဟှာ ပေါလုရဲ့တဗဲ့၊” တယော့‑က်ဟှလည်း “ငါဟှာ အာပေါလုရဲ့ တဗဲ့၊” နော့‑က်တယော့‑က်ဟှလည်း “ငါဟှာ ကေဖရဲ့တဗဲ့၊” “ငါဟှာ ခရစ်တော်တဗဲ့” ဖြစ်ဟှယ် ဆိုဘီး နန်းနို့ရှင်းရှင်း ပြောနေဂေ့ဟှူကြောန့် ငါပြောရဟှူ ဇာဖြစ်ဟှယ်။ 
\v 13 ခရစ်တော်ဟှာ ကွဲပြားဟှူကြောန့်\f + \fr ၁.၁၃ \fr*\fq ခရစ်တော်ဟှာ ကွဲပြားဟှူကြောန့်၊ \fq*\ft တချို့ မူရင်းလတ်ရေးမူလေမာ \ft*\fqa ခရစ်တော်ဟှာ ကွဲပြားနိုင်ဟှ၊ \fqa*\ft ဆိုဘီး ပါရှိဟှယ်။\ft*\f*လော။ ပေါလုဟှ နန်းနို့လေတွပ် လတ်ဝါးကပ်တိုင်မာ သေခံဟှူဇာလော။ အယ်မျိုးမှုဘဲနေဟှာ ပေါလုရဲ့ နာမန ဗတ္တိဇံခံဂေ့ဟှိကြောန့်လော။
\p
\v 14 \x - \xo ၁.၁၄ က \xo*\xt တ ၁၈.၈; \xt*\xo ခ \xo*\xt တ ၁၉.၂၉; ရော ၁၆.၂၃\xt*\x*ငါဟှာ ကရိပ္ပုန ဂါယုဟှလွဲဘီး နန်းနို့လေထဲဟှ ဖယ်သူဟှိုမှလည်း ဗတ္တိဇံပေးဘဲကြောန့် ဘုရားသခင်ရဲ့ကျေးဇူးတော်ဟှို ချီးမွမ်းပါဟှယ်။ 
\v 15 အယ်ကြောန့် နန်းနို့လေဟှာ ငါ့နာမန ဗတ္တိဇံဟှို ခံဟှယ် ဆိုဘီး ဖယ်သူလည်း ပြောဇာကြောန်း မှေ့ဟှ။ 
\v 16 (\x - \xo ၁.၁၆ \xo*\xt ၁ ကော ၁၆.၁၅\xt*\x*ငါဟှာ သတေဖန်ရဲ့ အီသူအီသားလေဟှို ဗတ္တိဇံပေးဟှယ်။ နော့‑က်ထပ် ဖယ်သူလေဟှို ဗတ္တိဇံပေးဟှယ် ဆိုဇာ ငါမှတ်မိဟှမ်း။) 
\v 17 ခရစ်တော်ဟှာ ဗတ္တိဇံပေးဟှို့တွပ် ငါ့ဟှို စေလွှတ်ဟှူဇာ မှုဟှ။ အယ်ဘေမဲ့လည်း ခရစ်တော်ရဲ့ လတ်ဝါးကပ်တိုင် တရားဟှို ချည်းနှီးသတ်သတ် ဖြစ်ဘဲနေအောန် လူလေရဲ့ ဉာဏ်ပညာန ယှဉ်ဟှူ စကားဟှို သုံးပြုဘဲ ဒန်းကောန်းဟှို ပြောဟှို့တွပ် ငါ့ဟှို စေလွှတ်ဇာဖြစ်ဟှယ်။
\s ဘုရားသခင်ရဲ့ တဂိုးတော်န ဉာဏ်ပညာ ဖြစ်တော်မူဟှူ ခရစ်တော်
\p
\v 18 ဖြားဖြစ်ကြောန့်နူးဆိုဟှာ လတ်ဝါးကပ်တိုင်တော်န ဆိုင်ဟှူ တရားစကားဟှာ ပျစ်စီးရှင်းဟှို ရော့‑က်ဟှူ သူလေတွပ် မိုက်မဲဟှူရာ ဖြစ်ဟှူလည်းဘဲ့ ကယ်တန်ရှင်းခံရဟှူ နို့လေတွပ်ဟှ ဘုရားသခင်ရဲ့ တဂိုးတော်ဖြစ်လေဟှယ်။ 
\v 19 ဖြားဖြစ်ကြောန့်နူးဆိုဟှာ ကျမ်းစာလာဟှူဇာဟှ၊
\q1 “ပညာရှိလေရဲ့ ပညာဟှို ငါဖျစ်ဆီးမယ်။
\q2 ဉာဏ်ကောန်းဟှူသူလေရဲ့ ဉာဏ်ဟှိုလည်း ငါဖယ်ရှားမယ်” ဆိုဘီး လာလေဟှယ်။
\m
\v 20 အယ်မျိုးဖြစ်ဟှယ် ဆိုဟှာ၊ ပညာရှိဟှူသူဟှ ဖယ်မာရှိနူး။ ကျမ်းပြုဆရာဟှ ဖယ်မာရှိနူး။ လောကီရေးရာမာ ကျွမ်းကျင်သူလေဟှာ ဖယ်မာရှိနူး၊ ဘုရားသခင်ဟှာ လောကီပညာလေဟှို မိုက်မဲစေတော်မူဟှယ် မှုဟှလော။
\p
\v 21 ဖြားဖြစ်ကြောန့်နူးဆိုဟှာ ဘုရားသခင်ဟှာ သူ့ရဲ့ ဉာဏ်ပညာတော်အားဖြင့် စီရင်ဟှားဟှူကြောန့်၊ လောကသားလေဟှာ သူးနို့ရဲ့ပညာအားဖြင့် ဘုရားသခင်ဟှို သိဘဲနနေဟှူ ခီမာ ဘုရားသခင်ဟှာ ယောင်ကြည်ဟှူသူလေဟှို မိုက်မဲဟှူဒေသနာ ဟောပြောရှင်းအားဖြင့် ကယ်တန်ဟှို့တွပ် စေတနာတော်ရှိလေဟှယ်။ 
\v 22 ယုဒလူမျိုးလေဟှ နိမိတ်လတ်ခဏာဟှို တောန်းခံတတ်ဂေ့ဟှယ်။ လူမျိုးခြားလေဟှ ဉာဏ်ပညာဟှို ရှာဂေ့လေဟှယ်။ 
\v 23 နို့လေဟှ လတ်ဝါးကပ်တိုင်မာ သေခံတော်မူဟှူ ခရစ်တော်ရဲ့ကြောန်းဟှို ဟောပြောလေဟှယ်။ အယ်မူကြောန်းရာဟှာ ယုဒလူမျိုးလေတွပ် မှားယွင်းဟှူကြောန်းဖြစ်ဘီး၊ လူမျိုးခြားလေတွပ်ဟှ မိုက်မဲဟှူကြောန်း ဖြစ်ဟှယ်။ 
\v 24 အယ်ဘေမဲ့လည်း ယုဒလူမျိုးဘဲ့ဖြစ်ဖြစ်၊ လူမျိုးခြားလေဘဲ့ဖြစ်ဖြစ် ဝီးကော့‑က်ရှင်းဟှို ခံရဟှူသူလေတွပ်ဟှ ဘုရားသခင်ရဲ့တဂိုးတော်န ဘုရားသခင်ရဲ့ ပညာတော်ဖြစ်ဟှူ ခရစ်တော်ရဲ့ တရားဖြစ်လေဟှယ်။ 
\v 25 ဘုရားသခင်ရဲ့ မိုက်မဲဟှူဇာဟှာ လူလေရဲ့ ဉာဏ်ပညာထတ် ပိုဘီး ပညာရှိလေဟှယ်။ ဘုရားသခင်ရဲ့ အားနဲချစ်ဟှာ လူလေရဲ့ စွမ်းထတ် ပိုဘီး စွမ်းအားကီးဟှယ်။
\p
\v 26 ညီကို မောန်နှမလေ၊ နန်းနို့ဟှို ဝီးကော့‑က်ဟှူ ကြောန်းရာဟှို ပ္လန်ဘီး ဆင်ခြင်ကေ့ဂေ့ပါ။ လူ့အဗြင်အားဖြင့် ပြောရမယ် ဆိုဟှာ နန်းနို့လေဟှို ခေါ်ဟှူဇာဟှာ ပညာရှိဟှူသူလေ၊ အသရေရှိဟှူသူလေ၊ မန်းမျိုးမန်းနွယ်လေ လှော့‑က်ဘီးပါဟှ။ 
\v 27 အယ်ဘေမဲ့ ဘုရားသခင်ဟှာ သူ့ရဲ့ ကြံစည် ရည်ရွယ်ချစ်အားဖြင့် ပညာရှိလေဟှို ယှစ်ရစေဟှို့တွပ် လောကမာ မိုက်မဲဟှူသူလေဟှို ဝီးကော့‑က်တော်မူဟှယ်။ စွမ်းသတ္တိရှိဟှူ လူလေဟှို ယှစ်ရစေဟှို့တွပ် လောကမာ အားနဲဟှူ သူလေဟှို ဝီးချယ်တော်မူဟှယ်။ 
\v 28 နော့‑က်ဘီး မြတ်ဟှူသူလေဟှို ဖယ်ရှားဟှို့တွပ် လောကမာ ဆင်းရဲဟှူသူ၊ ရေရာဘဲဟှူသူ၊ ယုတ်ညံ့ဟှူသူလေဟှို ဘုရားသခင် ဝီးကော့‑က်တော်မူဟှယ်။ 
\v 29 အယ်မျိုးဖြစ်ကြောန့် ဘုရားသခင်ရဲ့ ရှေ့တော်မာ ဖယ်လူလည်း ဝါကြွားဟှို့ ကြောန်းမှေ့ဟှ။ 
\v 30 နန်းနို့လေဟှာ ဘုရားသခင်အားဖြင့် ယေရှုခရစ်တော်နှိုက် တည်နေဂေ့ဟှယ်။ အယ်သခင်ဟှာ နို့လေတွပ် ဘုရားသခင်နားဟှလာဟှူ ဉာဏ်ပညာ ဖြစ်တော်မူဘီး ဖြောန့်မတ်ရှင်း၊ သန့်ရှင်းရှင်းန ဝီးနှုကယ်တန်ရှင်း ဖြစ်တော်မူလေဟှယ်။ 
\v 31 အယ်ကြောန့် ကျမ်းစာဟှ “ဝါကြွားဟှူသူဟှာ ဘုရားသခင်အားဖြင့်ဘဲ့ ဝါကြွားပါစေ” ဆိုဘီး ပြောဟှားဟှယ်။
\c 2
\s ခရစ်တော် အသေခံတော်မူဟှူကြောန်းဖြစ်ဟှူ တရားတော်
\p
\v 1 ညီကို မောန်နှမလေ၊ ငါဟှာ နန်းနို့လေနားဟှို ရော့‑က်လာဟှူ ခီမာ ထူးမြတ်ဟှူစကားန ထူးမြတ်ဟှူပညာအားဖြင့် ဘုရားသခင်ရဲ့ နတ်နဲဟှူ သမ္မာတရားဟှို\f + \fr ၂.၁ \fr*\fq ဘုရားသခင်ရဲ့ နတ်နဲဟှူ သမ္မာတရားဟှို၊ \fq*\ft တချို့ မူရင်းလတ်ရေးမူလေမာ \ft*\fqa ဘုရားသခင်ရဲ့ သတ်သေလေ၊ \fqa*\ft ဆိုဘီး ပါရှိဟှယ်။\ft*\f* နန်းနို့လေဟှို ဟောပြောဇာ မှုဟှ။ 
\v 2 ဖြားဖြစ်ကြောန့်နူးဆိုဟှာ ငါဟှာ နန်းနို့လေနတူးဒူ ရှိနေခီဟှ ယေရှုခရစ်တော်ရဲ့ကြောန်း ထူးသဖြင့် လတ်ဝါးကပ်တိုင်မာ သေခံဟှူ ကြောန်းရာဟှလွဲဘီး တခြားဖယ်ဇာလေဟှိုမှ သိမှတ်ဘဲနေဟှို့တွပ် ဆောင်းဖြတ်ဟှားပါဟှယ်။ 
\v 3 \x - \xo ၂.၃ \xo*\xt တ ၁၈.၉\xt*\x*အယ်ကြောန့် နန်းနို့လေန ငါတူးဒူရှိဟှူခီဟှ အားနဲဘီး ကြော့‑က်ရွံ့ တူလှောက်မှုန နေရဟှယ်။ 
\v 4 ငါဟောပြောဟှူ တရားစကားဟှာ လူလေရဲ့ ပညာအားဖြင့် တည်ဘီးပြောဟှူဇာ မှုဟှ။ ဘုရားသခင်ရဲ့ ဝိညာဉ်တော် တဂိုးပါဟှူ စကားလေဟှိုဘဲ့ ငါဟောပြောဟှယ်။ 
\v 5 အယ်ကြောန့် နန်းနို့လေရဲ့ ယောင်ကြည်ရှင်းဟှာ လူလေရဲ့ ဉာဏ်ပညာထတ်မာ တည်ဟှူဇာမှုဘဲန ဘုရားသခင်ရဲ့ တဂိုးထတ်မာဘဲ့ တည်ဟှူဇာဖြစ်ဟှယ်။
\s ဘုရားသခင်ရဲ့ ဉာဏ်ပညာတော်ကြောန်း
\p
\v 6 အယ်ဘေမဲ့လည်း နို့လေဟှာ စောင်လင်ဟှူသူလေထဲမာ ပညာစကားဟှိုပြောဆိုဟှယ်။ အယ်ဘေမဲ့ အယ်ပညာဟှာ လောကီပညာဟှို ပြောရှင်ဇာ မှုဟှ။ ပယ်ဖျစ်ခံရမယ့် လောကီမန်းလေရဲ့ ဉာဏ်ပညာလည်း မှုဟှ။ 
\v 7 အယ်လောက တည်ခန်ကဒဲဟှ နို့လေရဲ့ ဖောင်းသရေတော်ဖြစ်ဟှို့တွပ် ဘုရားသခင်စီရင်ဟှားဟှူပညာ၊ နတ်နဲဟှူရာနှိုက် ဝှတ်ဟှားဟှူ ဘုရားသခင်ရဲ့ပညာဟှို နို့လေပြသဂေ့ဟှယ်။ 
\v 8 အယ်ပညာဟှို လောကီမန်းလေ တယော့‑က်လည်း သိဂေ့ဟှ။ တကယ်ဟှိ သိမယ် ဆိုဟှာ ဖောင်းကီးတော်မူဟှူ အယ်သခင်ဟှို လတ်ဝါးကပ်တိုင်မာ တန်သတ်ဂေ့ဟှို့ မှုဟှ။ 
\v 9 အယ်ဘေမဲ့လည်း ကျမ်းစာလာဟှူတိုင်းဘဲ့
\q1 “ဖယ်သူလည်းဘဲ့ ဗြင်ဖူးဟှ၊
\q2 ဖယ်သူလည်း ကြားဖူးဟှ၊
\q2 ဖယ်သူလည်း စိနှလောင်းထဲဟှ ကြံစည်သေးဘဲဟှူ ရာလေဟှို ဘုရားသခင်ဟှာ သူ့ဟှို ရှစ်ဟှူ သူလေတွပ် ပြင်ဆင်ဟှားလေဟှယ်။”
\m
\v 10 အယ်ဘေမဲ့\f + \fr ၂.၁၀ \fr*\fq အယ်ဘေမဲ့၊ \fq*\ft တချို့ မူရင်းလတ်ရေးမူလေမာ \ft*\fqa တွပ်၊ \fqa*\ft ဆိုဘီး ပါရှိဟှယ်။\ft*\f* ဘုရားသခင်ဟှာ အယ်ရာလေဟှို သူ့ရဲ့ ဝိညာဉ်တော်အားဖြင့် နို့လေဟှို ဖော်ပြပေးတော်မူဟှယ်။ ဝိညာဉ်တော်ဟှလည်း ဘုရားသခင်ရဲ့ နတ်နဲဟှူ ရာလေထိအောန် ရာအားလောင်းဟှို စစ်တော်မူဟှယ်။ 
\v 11 နို့လေရဲ့ ထဲမာရှိဟှူ နတ်နဲဟှူ ကြောန်းရာလေဟှို နို့လေရဲ့ စိဝိညာဉ်ဟှလွဲဘီး ဖယ်သူဟှ သိဟှိကြောန့်နူး။ အယ်မူတိုင်းဘဲ့ ဘုရားသခင်ရဲ့ နတ်နဲဟှူ ကြောန်းရာလေဟှို ဘုရားသခင်ရဲ့ ဝိညာဉ်တော်ဟှလွဲဘီး ဖယ်သူလည်း သိနိုင်ဟှ။ 
\v 12 နို့လေဟှာ အယ်လောကန ဆိုင်ဟှူ ဝိညာဉ်ဟှို ခံယူဂေ့ဟှူဇာ မှုဟှ။ ဘုရားသခင် ပေးတော်မူဟှူ ရာလေဟှို သိဟှို့တွပ် ဘုရားသခင်နားဟှ ကြွလာဟှူ ဝိညာဉ်တော်ဟှို ခံရဂေ့ဇာဖြစ်ဟှယ်။
\p
\v 13 ဘုရားသခင် ပေးတော်မူဟှူ ရာလေဟှို နို့လေဟှာ လူ့ရဲ့ပညာအားဖြင့် ဟောပြောဟှူဇာ မှုဟှ။ အယ်ဘေမဲ့ သန့်ရှင်းဟှူဝိညာဉ်တော်ဟှာ ဝိညာဉ်န စပ်ဆိုင်ဟှူ ရာ\f + \fr ၂.၁၃ \fr*\fq ဝိညာဉ်န စပ်ဆိုင်ဟှူ ရာ၊ \fq*\ft အယ်မျိုးမှုဘဲနေဟှာ \ft*\fqa ဝိညာဉ်တော်ပေးဟှူ စကား။\fqa*\f*ဟှို ဝိညာဉ်စကားအားဖြင့် ဖွမ့်ပြဘီး ပဲ့ပြင်တော်မူဟှူ စကားအားဖြင့် နို့လေဟောပြောဟှယ်။ 
\v 14 ဇာတိလူဟှာ ဘုရားသခင်ရဲ့ ဝိညာဉ်ရေးရာန ဆိုင်ဟှူ ရာလေဟှို ခံယူဟှ။ ဖြားဖြစ်ကြောန့်နူးဆိုဟှာ အယ်မူရာလေဟှာ သူ့တွပ် မိုက်မဲဟှူ ဇာလေဖြစ်ဟှယ် ဆိုဘီး ထန်မှတ်တတ်လေဟှယ်။ အယ်မူရာလေဟှို ဝိညာဉ်တော်အားဖြင့်ဘဲ့ ပိုင်းခြားဘီး နားလည်နိုင်ဟှူကြောန့် ဇာတိလူဟှာ နားလည်ဟှ။ 
\v 15 ဝိညာဉ်လူဟှာ အယ်မူဇာလေ အားလောင်းဂူဟှို ပိုင်းခြားဘီး နားလည်တတ်ဟှယ်။ အယ်ဘေမဲ့ အယ်သူဟှို ဖယ်သူလည်း ပိုင်းခြားဘီး သိနိုင်ဟှ။ 
\v 16 ဖြားဖြစ်ကြောန့်နူးဆိုဟှာ ကျမ်းစာဟှ
\q1 ဘုရားသခင်ရဲ့ စိတော်ဟှို ဖယ်သူသိနူး။
\q2 ဖယ်သူဟှာ ကိုယ်တော့်ဟှို ကြံဉာဏ်ပေးနိုင်နူး
\m ဆိုဘီး ဖော်ပြဟှားလေဟှယ်။ အယ်ဘေမဲ့ နို့လေဟှာ ခရစ်တော်ရဲ့စိဟှို ခံရဂေ့ဟှယ်။
\c 3
\s ဘုရားသခင်ရဲ့ စေခံလေကြောန်း
\p
\v 1 ညီကို မောန်နှမလေ၊ တကယ်ဒမ်းဆိုဟှာ ငါဟှာ နန်းနို့လေဟှို ဝိညာဉ်လူလေဟှို ဟောပြောဟှူမျိုး ပြောဟှိမရဘဲ၊ ဇာတိလူဖြစ်ဟှူ လောကသားလေမျိုး၊ ခရစ်ယာန်သတ်တာမာ ယေရှုခရစ်တော်နှိုက် သာဂန်းဟှားလေမျိုးဘဲ့ နန်းနို့ဟှို ဟောပြောရဟှယ်။ 
\v 2 \x - \xo ၃.၂ \xo*\xt ဟေ ၅.၁၂,၁၃\xt*\x*ခုထတ်ထိ နန်းနို့လေဟှာ မာဟှူစာဟှို မစားနိုင်သေးဘဲကြောန့် ငါဟှာ နို့ဟှိုဘဲ့တိုက်ရဟှယ်။ ခုလည်းဘဲ့ နန်းနို့လေဟှာ မာဟှူစာဟှို စားနိုင်သေးဟှ။ 
\v 3 ခုလည်း နန်းနို့လေဟှာ ဇာတိလူဖြစ်ဂေ့သေးဟှယ်။ ရှင်းရှင်း မနာလိုဟှူဇာလေ၊ ကွဲပြားဟှူဇာလေ၊ ဂေါင်ပြိုင်ဟှူဇာလေ၊ ရန်ဖြစ်ဟှူဇာလေဟှာ ဇာတိလူလေ ဖြစ်ဂေ့သေးဟှယ် မှုဟှလော။ လောကီထောင်းစံတိုင်းဘဲ့ နန်းနို့လေ ကျင့်သောင်းနေဂေ့ဇာ မှုဟှလော။ 
\v 4 \x - \xo ၃.၄ \xo*\xt ၁ ကော ၁.၁၂\xt*\x*ဖြားဖြစ်ကြောန့်နူးဆိုဟှာ တယော့‑က်ဟှ “ငါဟှာ ပေါလုတဗဲ့ ဖြစ်ဟှယ်။” နော့‑က်တယော့‑က်ဟှလည်း “ငါဟှာ အာပေါလုတဗဲ့ ဖြစ်ဟှယ်” ဆိုဘီး နန်းနို့လေ ပြောဆိုနေဂေ့ဇာဟှာ လောကသားလေမျိုးဘဲ့ ပြုမူနေဂေ့ဇာဘဲ့ မှုဟှလော။
\p
\v 5 အာပေါလုဟှ ဖယ်သူနူး။ ပေါလုဟှလည်း ဖယ်သူနူး။ နို့လေဟှာ နန်းနို့ ယောင်ကြည်လာဟှို့တွပ် ဟောပြောသတ်သေခံဟှူ ဓမ္မမှုတော်ဆောန်ဘဲ့ ဖြစ်ဟှယ်။ နို့လေအားလောင်းဟှာ သခင်ဘုရားရဲ့ မှုတော်ဟှို စေခံလောက်ဆောန်ဟှူ သူလေဘဲ့ဖြစ်ဟှယ်။ 
\v 6 \x - \xo ၃.၆ က \xo*\xt တ ၁၈.၄–၁၁; \xt*\xo ခ \xo*\xt တ ၁၈.၂၄–၂၈ \xt*\x*ငါဟှာ စိုက်ပျိုးဟှူ သူဖြစ်ဟှယ်။ အာပေါလုဟှ ရေလောန်းဟှူ သူဖြစ်ဟှယ်။ ပန်ဟှို ပေါ့‑က်စေဘီး ကီးထွားစေသူဟှ ဘုရားသခင်ဘဲ့ ဖြစ်ဟှယ်။ 
\v 7 စိုက်ပျိုးဟှူ သူန ရေလောန်းဟှူ သူဟှ ဖြားဇာလည်းတတ်နိုင်ဟှ။ ပန်ဟှို ကီးထွားစေဟှူ ဘုရားသခင်ဟှဘဲ့ ရာအားလောင်းဟှို တတ်နိုင်တော်မူဟှယ်။ 
\v 8 စိုက်ပျိုးဟှူ သူန ရေလောန်းဟှူ သူဟှာ တလောင်းတဝဒဲ ဖြစ်ဘီး လူတိုင်းဟှာ ကိုယ်ကြိုးစား လောက်ဆောန်တိုင်း ကျိုးဟှို ခံရလေ့မယ်။ 
\v 9 နို့လေဟှာ ဘုရားသခင်နားမာ လောက်လောက်ဟှူ လောက်ဖော်ဆောန်ဖတ်လေ ဖြစ်ဟှယ်။ နန်းနို့လေဟှာ ဘုရားသခင်ရဲ့ ဥယျာဉ်တော် ဖြစ်ဂေ့ဟှယ်။
\p ဘုရားသခင်ရဲ့ က္လောန်းတော်တိုက်လည်း ဖြစ်ဂေ့ဟှယ်။ 
\v 10 ငါ့ဟှို ဘုရားသခင်ပေးအပ်တော်မူဟှူ ကျေးဇူးတော်တိုင်း ပညာရှိဟှူပရံဆရာမျိုး အုပြစ်ဟှိုခ္လဟှားဘီ။ တခြားသူလေဟှာ ထပ်ဆစ်ဘီး တည်ဆော့‑က်လေဟှယ်။ အယ်ဘေမဲ့ ဖယ်မူမျိုးထပ်ဆစ်ဘီး တည်ဆော့‑က်ဟှူဆိုဇာဟှို လူတိုင်းဒိပြုရမယ်။ 
\v 11 ဖြားဖြစ်ကြောန့်နူးဆိုဟှာ ယေရှုခရစ်တော်ဖြစ်ဟှူ ခ္လဟှားဘီးဟှူ အုပြစ်ဟှလွဲဘီး၊ တခြားအုပြစ်ဟှို ဖယ်သူလည်းမခ္လနိုင်ဟှ။ 
\v 12 အယ်မူအုပြစ်ထတ်မာ ရွှေ၊ ငွေ၊ က္လော့‑က်မြတ်ရတနာ၊ သစ်သား၊ ဗြစ်ပန်၊ ကော့‑က်ရိုးလေန ထပ်ဆစ်ဘီး တည်ဆော့‑က်ဟှူသူရှိဟှူမျှ၊ 
\v 13 လူတိုင်းလောက်ဟှူအလောက်ဟှာ ထန်ရှားလေ့မယ်။ ဖြားဖြစ်ကြောန့်နူးဆိုဟှာ ဖော်ပြဟှူနေ့ရစ်ဟှာ မီးအားဖြင့်ထန်ရှားစေလေ့မယ်။ လူတိုင်းလောက်ဟှူအလောက်ဟှာ ဖယ်မူမျိုးအလောက် ဖြစ်ဟှယ်ဆိုဇာဟှို မီးဟှာစစ်ဆေးလေ့မယ်။ 
\v 14 အယ်မူအုပြစ်ထတ်မာ ထပ်ဆစ်ဘီး တည်ဆော့‑က်ဟှူသူရဲ့အလောက်ဟှာ တည်မြဲဟှယ် ဆိုဟှာ၊ အယ်သူဟှာ ကျိုးရလေ့မယ်။ 
\v 15 အယ်ဘေမဲ့ ယော့‑က်ယော့‑က်လောက်ဟှူရာဟှာ မီးလောန်ဟှယ် ဆိုဟှာ ရှောင်းခံရလေ့မယ်။ အယ်ဘေမဲ့လည်း သူကိုယ်တိုင် မီးနလွတ်ဟှူသူမျိုး ကယ်တန်ရှင်းဟှို ခံရလေ့မယ်။
\p
\v 16 \x - \xo ၃.၁၆ \xo*\xt ၁ ကော ၆.၁၉; ၂ ကော ၆.၁၆\xt*\x*နန်းနို့လေဟှာ ဘုရားသခင်ရဲ့ ဗိမာန်တော်ဖြစ်ဟှယ် ဆိုဟှူဇာန ဘုရားသခင်ရဲ့ဝိညာဉ်တော်ဟှာ နန်းနို့လေထဲမာ ကိန်းဝပ်နေဟှယ် ဆိုဇာဟှို နန်းနို့လေ သိဂေ့ဟှလော။ 
\v 17 ဘုရားသခင်ရဲ့ဗိမာန်တော်ဟှို ဖျစ်ဆီးဟှူသူဟှို ဘုရားသခင်ဖျစ်ဆီးလေ့မယ်။ ဘုရားသခင်ရဲ့ ဗိမာန်တော်ဆိုဇာဟှာ သန့်ရှင်းရဟှယ်။ နန်းနို့လေလည်း အယ်ဗိမာန်တော်ဖြစ်ဂေ့ဟှယ်။
\p
\v 18 ဖယ်သူလည်းဘဲ့ ကိုယ့်ကိုယ်ကိုယ် လှည့်စားစေန။ နန်းနို့လေမာ ယော့‑က်ယော့‑က်ဟှ ငါဟှာ အယ်လောကရဲ့ ပညာရှိဖြစ်ဟှယ် ဆိုဘီး ထန်မှတ်ဟှယ် ဆိုဟှာ အယ်လူဟှာ ပညာရှိဖြစ်ဟှို့တွပ် မိုက်မဲဟှူသူဖြစ်ပါစေ။ 
\v 19 ဖြားဖြစ်ကြောန့်နူးဆိုဟှာ အယ်လောကရဲ့ဉာဏ်ပညာဟှာ ဘုရားသခင်ရဲ့မျစ်မှော့‑က်တော်မာ မိုက်မဲဟှူဇာဘဲ့ ဖြစ်ဟှယ်။ ကျမ်းစာဟှ၊ “ဘုရားသခင်ဟှာ ပညာရှိလေဟှို ပရိယာယ်အားဖြင့် ဖမ်းဆီးတော်မူဟှယ်” ဆိုဘီး လာဟှယ်။ 
\v 20 နော့‑က်ထပ် ကျမ်းစာဟှ “ပညာရှိလေရဲ့ ကြံစည်ဟှာ ချည်းနှီးသတ်သတ် ဖြစ်ဟှူကြောန်းဟှို သခင်ဘုရား သိတော်မူဟှယ်” ဆိုဘီး လာဟှယ်။ 
\v 21 အယ်မျိုးဖြစ်ကြောန့် လူလေရဲ့ စွမ်းစနပတ်သတ်ဘီး ဖယ်သူလည်း ဝါကြွားစေန။ ဖြားဖြစ်ကြောန့်နူးဆိုဟှာ ရာအားလောင်းဂူးဟှာ နန်းနို့လေတွပ် ဖြစ်ဟှယ်။ 
\v 22 ပေါလုဘဲ့ဖြစ်ဖြစ်၊ အာပေါလုဘဲ့ဖြစ်ဖြစ်၊ ကေဖဘဲ့ဖြစ်ဖြစ်၊ အယ်လောကဘဲ့ဖြစ်ဖြစ်၊ သတ်ရှင်ရှင်းဘဲ့ဖြစ်ဖြစ်၊ သေရှင်းဘဲ့ဖြစ်ဖြစ်၊ မျစ်မှော့‑က်ရာဘဲ့ဖြစ်ဖြစ်၊ နော့‑က်ဖြစ်လာတတ်ဟှူရာဘဲ့ဖြစ်ဖြစ် — ရာအားလောင်းဂူးဟှာ နန်းနို့လေတွပ် ဖြစ်ဟှယ်။ 
\v 23 နန်းနို့လေလည်း ခရစ်တော်တွပ်ဖြစ်ဟှယ်။ ခရစ်တော်ဟှာလည်း ဘုရားသခင်တွပ် ဖြစ်တော်မူဟှယ်။
\c 4
\s ခရစ်တော်ရဲ့ တမန်တော်လေကြောန်း
\p
\v 1 နို့လေဟှာ ခရစ်တော်ရဲ့ မှုဆောန်ဖြစ်ဟှူဇာန ဘုရားသခင်ရဲ့ နတ်နဲဟှူသမ္မာတရားဟှို စောန့်ရှော့‑က်ဟှူ ဘဏ္ဍာထီးဖြစ်ဟှူဇာဟှို သူများလေ မှတ်ယူပါစေ။ 
\v 2 အယ်ဘဏ္ဍာထီးဟှာ သစ်စာရှိဟှူသူ ဖြစ်ဟှူကြောန်းဟှို သိမှတ်ပြုခံရဟှူသူဖြစ်ရမယ်။ 
\v 3 ငါဟှာ နန်းနို့လေနားမာဘဲ့ဖြစ်ဖြစ်၊ လူလေရဲ့စဉ်လာနဘဲ့ဖြစ်ဖြစ် စစ်ခံရမယ် ဆိုဟှာ ငါမှုထားဟှ။ ငါဟှာ ကိုယ့်ကိုယ်ကိုယ်လည်း စီရင်ဟှ။ 
\v 4 ဖြားဖြစ်ကြောန့်နူးဆိုဟှာ ငါ့ရဲ့ဩတ္တပ္ပစိဟှာ ရှင်းရှင်းလန်းလန်းဘဲ့ရှိဟှယ်။ အယ်ဘေမဲ့ ငါ့မာပြစ်မှေ့ဟှ ဆိုဘီး ဆိုလိုဟှူဇာ မှုဟှ။ ငါ့ဟှို စစ်ကြောစီရင်သူဟှာ သခင်ဘုရားဘဲ့ ဖြစ်ဟှယ်။ 
\v 5 အယ်မျိုးဖြစ်ကြောန့် သခင်ဘုရား ကြွလာခန် ဖယ်ရာဟှိုမှ ခီတန်ဘဲ စီရင်ဂေ့န။ အယ်သခင်ဟှာ မှောန်မိုက်မာ ကွယ်ဝှပ်ဟှားဟှူ ရာလေဟှို လန်းရောန်ထဲဟှို ယူဆောန်လာဘီး စိနှလောင်းကြံစည်လေဟှို ထန်ရှားစေတော်မူလေ့မယ်။ အယ်ခီမာ လူလေဟှာ ဘုရားသခင်နားဟှ ချီးမွမ်းဟှူဇာဟှို ခံရလေ့မယ်။
\p
\v 6 ညီကို မောန်နှမလေ၊ နန်းနို့လေဟှာ ကျမ်းစာဟှို ကျော်လွန်ဘီး သူများလေဟှို ရိုသေအပ်ဘဲဇာဟှို နို့လေဟှို ထော့‑က်ဘီး နားလည်ဂေ့ဟှို့တွပ်န မာနထောန်လွှားဟှူကြောန့် တယော့‑က်ဟှို မှီဘီး တယော့‑က်ဟှို ထီမဲ့မြင်ပြုဘဲနေဟှို့တွပ် ငါပြောဟှူ ချစ်လေအားဖြင့် နန်းနို့ကျိုးဟှို ထော့‑က်ဘီး ငါ့န အာပေါလုဟှို ကြောန်းပြုဘီး ပြောဟှူဇာဖြစ်ဟှယ်။ 
\v 7 ဖယ်သူဟှ နန်းနို့လေဟှို သူများထတ် ထူးကဲစေနူး။ သူတပါးလတ်ဟှခံယူဘဲန လိုလိုရဟှူဇာ တစောင်တခု နန့်မာရှိလော။ သူတပါးလတ်ဟှခံယူဇာမှန်ဟှယ် ဆိုဟှာ ခံယူဘဲဟှူမျိုး ဖြားဖြစ်ကြောန့် ဝါကြွားဟှယ်နူး။
\p
\v 8 နန်းနို့လေဟှာ ရာရာပ္လဲ့ဇောင်ဂေ့ဘီ။ နန်းနို့လေ ကြွယ်ဝဂေ့ဘီ။ နို့လေပါဘဲန မန်းဂီးလေ ဖြစ်ဂေ့ဘီ။ နို့လေလည်း နန်းနို့နတူးဒူ စိုးစံနိုင်ဟှို့တွပ် နန်းနို့လေ တကယ်မန်းဂီးလေ ဖြစ်ဟှို့တွပ် လိုရှင်ပါဟှယ်။ 
\v 9 ဘုရားသခင်ဟှ တမန်တော်လေဖြစ်ဟှူ နို့လေဟှို နော့‑က်ဆောင်းမာထားဘီး သတ်ဟှို့ထားဟှားဟှူသူလေမျိုး ထုပြတော်မူဟှယ် ဆိုဘီး ငါထန်ဟှယ်။ ဖြားဖြစ်ကြောန့်နူးဆိုဟှာ နို့လေဟှာ လောကသားလေန ကောန်းဂန်တမန်လေရှေ့မာ ပွဲဝမ်ဟှူသူလေ ဖြစ်ဂေ့ဟှယ်။ 
\v 10 နို့လေဟှာ ခရစ်တော်တွပ်ကြောန့် လူမိုက်ဖြစ်ဂေ့ဟှယ်။ အယ်ဘေမဲ့ နန်းနို့လေဟှာ ခရစ်တော်နှိုက် ပညာရှိလေ ဖြစ်ဂေ့ဟှယ်! နို့လေဟှာ အားနဲဟှူသူလေဖြစ်ဟှယ်။ အယ်ဘေမဲ့ နန်းနို့လေဟှာ စွမ်းအားရှိသူလေဖြစ်ဟှယ်! နို့လေဟှာ အသရေမှေ့ဘဲသူဖြစ်ဟှယ်။ အယ်ဘေမဲ့ နန်းနို့လေဟှာ အသရေရှိသူလေဖြစ်ဟှယ်! 
\v 11 ခုခီထိ နို့လေဟှာ စာရေဇာငတ်ဘီး နေရဟှယ်။ ဝတ်စုပဲ့န နေရဂေ့ဟှယ်။ ရိုက်ပုတ်ညှင်းဆဲဇာလေဟှို ခံရဂေ့ဟှယ်။ အီမဲ့ရာမဲ့န လှည့်လည်သွားဂေ့ရဘီး၊ 
\v 12 \x - \xo ၄.၁၂ \xo*\xt တ ၁၈.၃\xt*\x*ကိုယ့်လတ်န ပန်ပန်ဗန်းဗန်း လောက်ဆောန်ဂေ့ရဟှယ်။ နို့လေဟှာ ကီဆဲခံရဟှူ ခီမာ ကောန်းကြီးပေးဂေ့ဟှယ်။ ညှင်းဆဲခံရခီမာ သီးခံဂေ့ဟှယ်။ 
\v 13 စော်ကားခံရခီမာ တောန်းဗန်ဂေ့ဟှယ်။ နို့လေဟှာ ခုခီထိ အယ်လောကရဲ့ပယ်ခံလေ၊ လူတကာလေ စွန့်ပစ်ဟှားဟှူ မှိုက်လေ ဖြစ်ဂေ့ဟှယ်!
\p
\v 14 နန်းနို့လေဟှို ယှစ်ခွဲရှင်ဟှူကြောန့် အယ်မျိုး ငါရေးလိုက်ဟှူဇာ မှုဟှ။ ငါရှစ်ရဟှူ သားမီးလေနေန နန်းနို့လေဟှို ဒိပေးရှင်ကြောန့် အယ်မျိုး ငါရေးလိုက်ဇာဖြစ်ဟှယ်။ 
\v 15 နန်းနို့လေမာ ခရစ်တော်ကြောန်းဟှို သွန်သန်ပေးဟှူဆရာလေ ၁၀,၀၀၀ လော့‑က်ရှိဟှူလည်းဘဲ့ ဖတယော့‑က်ဘဲ့ရှိဟှယ်။ ခရစ်တော်ရဲ့ ဒန်းကောန်းအားဖြင့် ငါဟှာ ယေရှုခရစ်တော်နှိုက် နန်းနို့လေဟှို မွီးဖွားပေးဟှူ နန်းနို့လေရဲ့ ဖဖြစ်ဟှယ်။ 
\v 16 \x - \xo ၄.၁၆ \xo*\xt ၁ ကော ၁၁.၁; ဖိ ၃.၁၇\xt*\x*အယ်ကြောန့် ငါနေထိုင်ကျင့်သောင်းမျိုး နန်းနို့လေ နေဂေ့ဟှို့တွပ် ငါတိုက်တွန်းရှင်ပါဟှယ်။ 
\v 17 အယ်ကြောန်းကြောန့် သခင်ဘုရားနှိုက် သစ်စာရှိဟှူ ငါရှစ်ရဟှူသား တိမောသေဟှို နန်းနို့လေနားဟှို ငါလွှတ်လိုက်ပါဟှယ်။ သူဟှာ နေရာတိုင်းမာရှိဟှူ သင်းတော်လေမာ ငါသွန်သန်ဟှူမျိုး ယေရှုခရစ်တော်နှိုက် ငါလိုက်ရှော့‑က်ဟှူ လမ်းလေဟှို နန်းနို့ဟှို ဒိရစေလေ့မယ်။
\p
\v 18 နန်းနို့လေနားဟှို ငါလာဟှို့ မှုဟှ ဆိုဘီး ထန်ဘီးဟှာ နန်းနို့လေထဲဟှ တချို့လူလေဟှာ မာနထောန်နေဂေ့ဟှယ်။ 
\v 19 အယ်ဘေမဲ့ သခင်ဘုရားလိုတော်ရှိဟှယ် ဆိုဟှာ နန်းနို့လေနားဟှို မကြာခန်လာမယ်။ ငါလာဟှူ ခီမာ မာနထောန်ဟှူသူလေရဲ့ စကားဟှိုမှုဘဲန သူးနို့လေရဲ့တဂိုးဟှို သိရလေ့မယ်။ 
\v 20 ဖြားဖြစ်ကြောန့်နူးဆိုဟှာ ဘုရားသခင်ရဲ့ နိုင်ငံတော်ဟှာ စကားအားဖြင့်တည်ဇာ မှုဟှ။ တဂိုးအားဖြင့်ဘဲ့ တည်ဟှူဇာဖြစ်ဟှယ်။ 
\v 21 ငါဟှာ ကီလောင်းဟှိုကိုင်ဘီး နန်းနို့လေနားဟှို လာရဟှို့လော။ အယ်မျိုးမှုဘဲနေဟှာ မြစ်တာနဖြစ်ဖြစ်၊ နူးညံ့သီမွေ့ဟှူစိနဖြစ်ဖြစ် လာရဟှို့လော။ နန်းနို့ ဖြားဇာဟှို လိုရှင်ဂေ့နူး။
\c 5
\s ကိုယ်ကျင့်တရားဖော့‑က်ပ္လန်ဟှူ သင်းသားလေကြောန်း
\p
\v 1 ခု နန်းနို့လေထဲမာ ကိုယ့်ဖမယားငယ်န မှားယွင်းဟှူ တရားဘဲဟှူမေထုန်ပြုဟှူဒန်းဟှာ ပ္လံ့နှံ့နေဟှယ်။ အယ်မူမျိုး တရားနညီဘဲဟှူ မေထုန်ပြုဟှူဇာဟှာ လူမျိုးခြားလေထဲမာဟှိုဘဲ့ မှေ့ဟှ။ 
\v 2 နန်းနို့လေဟှာ ဝန်းနဲဘီး အယ်မျိုးလွန်ကျူးဟှူသူဟှို နန်းနို့လေထဲဟှ ဖယ်ရှားရမယ့်စား မာနထောန်လွှားဘီး နေနေဂေ့ဟှယ်။ 
\v 3 ငါဟှာ ကိုယ်ခန္ဓာအားဖြင့် နန်းနို့နကွာဘီး နေရလည်းဘဲ့ စိဝိညာဉ်အားဖြင့် နန်းနို့လေနတူးဒူ ရှိနေဟှယ်။ အယ်နေရာမာ တူးဒူရှိနေဘီး အယ်နေရာမာ တူးဒူရှိနေမျိုး အယ်မှုဟှို လောက်ဟှူသူဟှို စီရင်ဟှားလေဘီ။ 
\v 4 နို့လေရဲ့ သခင်ယေရှုခရစ်ရဲ့ နာမတော်အားဖြင့် နန်းနို့စုဝီးဟှူ ခီမာ ငါ့ရဲ့ စိဝိညာဉ်ဟှာလည်း နို့လေရဲ့ သခင်ယေရှုရဲ့ တဂိုးတော်အားဖြင့် နန်းနို့နတူးဒူရှိဘီး၊ 
\v 5 အယ်သူရဲ့ဝိညာဉ်ဟှာ သခင်ယေရှုခရစ်ရဲ့ တရားစီရင်ဟှူ နေ့ရစ်မာ ကယ်တန်ရှင်းရအောန် သူ့ရဲ့ကိုယ်ခန္ဓာ ပျစ်စီးဟှို့တွပ် စာတန်လတ်ဟှို အပ်နှံဂေ့ဆိုဘီး ငါစီရင်ဟှယ်။
\p
\v 6 \x - \xo ၅.၆ \xo*\xt ဂလာ ၅.၉\xt*\x*နန်းနို့လေ ဝါကြွားမှုဟှာ ကောန်းဟှူဇာ မှုဟှ။ “တဆေးနဲနဲဟှာ မုညစ်တဗောင်းလောင်းဟှို ဖောန်းပွစေတတ်ဟှယ်” ဆိုဘီး ပြောဟှားဟှူ ဆိုရိုးစကားဟှို နန်းနို့လေသိဂေ့ဟှယ်။ 
\v 7 နန်းနို့လေဟှာ တဆေးမဲ့ဖြစ်ဟှူကြောန့် သစ်ဟှူ မုညစ်ဖြစ်ဟှို့တွပ် ဟောန်းဟှူတဆေးဖြစ်ဟှူ ဒုစရိုက်ပြစ်လေဟှို ဖယ်ရှားပစ်ဂေ့ပါ။ ဖြားဖြစ်ကြောန့်နူးဆိုဟှာ နို့လေရဲ့ သိုးသားဂန်းဟှားဖြစ်ဟှူ ခရစ်တော်ဟှာ ပသခါပွဲတော်တွပ် ယဇ်ပူဇော်ဟှို့ သေသတ်ဟှူဇာဟှို ခံရလေဘီ။ 
\v 8 အယ်ကြောန့် နို့လေဟှာ တဆေးဟောန်းဖြစ်ဟှူ ဆိုးညစ်ဟှူဇာလေ၊ မိုက်မဲဟှူဇာလေရဲ့ တဆေးပါဟှူမုအားဖြင့်မှုဘဲ သန့်ရှင်းစင်ကြယ်မှုန သမ္မာတရားဖြစ်ဟှူ တဆေးပါဘဲဟှူမုန ပသခါပွဲဟှို ကျင်းပဂေ့ဇို့။
\p
\v 9 စဒူးဟှ နန်းနို့လေနားဟှို ငါရေးလိုက်ဟှူစာမာ ကာမဂေါင်လိုက်စားဟှူ သူလေန ပေါန်းဘဲနေဂေ့ဟှို့တွပ် ငါမှာဟှားဟှယ်။ 
\v 10 အယ်မူမျိုးပြောဇာဟှ အယ်လောကမာရှိဟှူ ကာမဂေါင်လိုက်စားဟှူသူလေ၊ လောဖကီးဟှူသူလေ၊ ခိုးတတ်ဟှူသူလေန ရောက်ထုကိုးကွယ်သူလေဟှို ပေါန်းသင်းဟှိရဟှ ဆိုဘီး ဆိုလိုဇာ မှုဟှ။ သူးနို့လေဟှို ရှောန်မယ် ဆိုဟှာ နန်းနို့လေဟှာ အယ်လောကထဲဟှနေ ထွပ်ဟှားရလေ့မယ်ဆိုဘီး ထန်မှတ်စရာရှိဟှယ်။ 
\v 11 ဆိုလိုဟှူဇာဟှ ကိုယ့်ကိုယ်ကိုယ် ညီအစ်ကို ဆိုပြောဘီးဟှာ ကာမဂေါင်လိုက်စားဟှူသူလေ၊ လောဖကီးဟှူသူလေ၊ ရောက်ထုကိုးကွယ်ဟှူသူလေ၊ သူများအသရေဟှို ဖျစ်ဟှူသူလေ၊ မူးယစ်သော့‑က်စားသူလေန ခိုးဟှူသူလေဟှို ပြောရှင်ဇာဖြစ်ဟှယ်။ အယ်မျိုးသူလေန ပေါန်းသင်းလောက်ဂေ့န တူးဒူထိုင်ဘီးလည်း စားသော့‑က်ဂေ့န။
\p
\v 12 ဖြားဖြစ်ကြောန့်နူးဆိုဟှာ ပ္လန်ဟှလူလေဟှို စီရင်ဟှူ ဇာဟှာ ငါ့န ဖြားဇာဆိုင်နူး။ တွမ်းဟှလူလေဟှို နန်းနို့ စီရင်ရမယ် မှုဟှလော။ 
\v 13 ပ္လန်ဟှလူလေဟှို ဘုရားသခင် စီရင်လေ့မယ်။ “အယ်ဆိုးညစ်ဟှူ သူဟှို နန်းနို့လေထဲဟှ နှန်ထုဂေ့ပါ” ဆိုဘီး ကျမ်းစာဟှ ပြောဟှားဟှယ်။
\c 6
\s ညီကိုရှင်းရှင်း တရားစွဲဟှူကြောန်း
\p
\v 1 နန်းနို့လေ ရှင်းရှင်းပြဿနာဖြစ်ဟှူ ခီမာ ဘုရားသခင်ရဲ့ သန့်ရှင်းသူလေနားဟှနေဘီး စီရင်ဆောန်းဖြတ်ပေးဇာဟှို ခံယူဘဲန ယောင်ကြည်ဘဲဟှူသူလေရှေ့မာ ခံရဲဟှူသူ ယော့‑က်ယော့‑က်ရှိလော။ 
\v 2 ဘုရားသခင်ရဲ့ သန့်ရှင်းသူလေဖြစ်ဟှူ နို့လေဟှာ အယ်လောကဟှို တရားစီရင်ရမယ်ဆိုဇာဟှို နန်းနို့လေသိဂေ့ဟှလော။ အယ်လောကဟှို တရားစီရင်ရဟှို့သူလေဟှာ အယ်မူ မှုကိစသေးငယ်ဟှားဟှိုမှ စီရင်ဦးဆောင်းဖြတ်နိုင်ဟှလော။ 
\v 3 နို့လေဟှာ ကောန်းဂန်တမန်လေဟှို တရားစီရင်ဂေ့ရဟှို့ကြောန်းဟှို နန်းနို့သိဂေ့ဟှလော။ အယ်မျိုးဖြစ်ဟှယ် ဆိုဟှာ အယ်လောကီမှုရာလေဟှို ပိုဘီးစီရင်သင့်ဟှယ် မှုဟှလော။ 
\v 4 အယ်ကြောန့် နန်းနို့လေဟှာ လောကီမှုပြဿနာလေဟှို စီရင်ဟှို့တွပ် သင်းတော်ဟှ အသရေနဲဟှူသူလေဟှို တရားသူကြီးနေရာမာ ခန့်ဟှားဂေ့ဟှို့လော။ 
\v 5 နန်းနို့လေဟှို ယှစ်ရအောန် အယ်မျိုး ငါပြောဟှူဇာဖြစ်ဟှယ်။ ခရစ်ယာန်ညီကို မောန်နှမလေရှင်းရှင်း ပြဿနာဖြစ်ဟှူ ခီမာ သင်းတော်မာ စီရင်ဦးဆောင်းဖြတ်ပေးနိုင်ဟှူ ပညာရှိ ယော့‑က်လည်းမှေ့ဟှလော။ 
\v 6 ခုဟှ ညီကိုရှင်းရှင်း တရားစီရင်ဟှူဇာနမကဟှ အယ်မှုဟှို ယောင်ကြည်ဘဲဟှူသူလေရှေ့မာ ပြုမူနေဂေ့ပါလား!
\p
\v 7 အယ်မျိုး ရှင်းရှင်းတရားစွဲဂေ့ဟှူဇာဟှာ နန်းနို့လေတွပ် ရရာတိုင်း ဆောင်းရှောင်းဟှူဇာ ဖြစ်ဟှယ်။ အယ်မျိုး တရားစွဲဂေ့မယ့်စား ညှင်းဆဲဟှူဇာဟှို ဖြားဖြစ်ကြောန့် ခံဟှိရဲဂေ့ဟှနူး။ လီလည်လုယူဟှူဇာဟှို ဖြားဖြစ်ကြောန့် ခံဂေ့ဟှနူး။ 
\v 8 နန်းနို့လေဟှာ အယ်မူမျိုးခံမယ့်စား ညီကိုရှင်းရှင်းဟှို တရားဘဲဇာဟှို လောက်ဘီး လီလည်လုယစ်ဂေ့ဟှယ်! 
\v 9 တရားဘဲဟှူလူလေဟှာ ဘုရားသခင်ရဲ့ နိုင်ငံတော်ဟှို မွီခံရဟှို့ မှုဟှ ဆိုဇာဟှို နန်းနို့သိဂေ့ဟှလော။ တလွဲယူဂေ့န။ ကာမဂေါင်လိုက်စားဟှူသူလေ၊ ရောက်ထုကိုးကွယ်ဟှူသူလေ၊ အီထောန်ရေးဖော့‑က်ပ္လန်ဟှူသူလေ၊ ယော့‑က်ကျားရှင်းရှင်း မေထုန်ပြုဟှူသူလေ၊ အယ်မျိုးဇာဟှိုခံဟှူသူ၊ 
\v 10 ခိုးဟှူသူလေ၊ လောဖကီးဟှူသူလေ၊ သော့‑က်စားမောယစ်ဟှူသူလေ၊ သူများအသရေဖျစ်ဟှူသူလေ၊ လီလည်လုယူသူလေဟှာ ဘုရားသခင်ရဲ့ နိုင်ငံတော်ဟှို မွီခံရဟှို့ မှုဟှ။ 
\v 11 စဒူးဟှ နန်းနို့လေထဲဟှ တချို့လူလေဟှာ အယ်မျိုးသူလေဖြစ်ဂေ့ဟှူလည်းဘဲ့ ခု သခင်ယေရှုခရစ်တော်ရဲ့ နာမတော်န ဘုရားသခင်ရဲ့ ဝိညာဉ်တော်အားဖြင့် ပြစ်ဟှနေ ဆေးကြောရှင်း၊ သန့်ရှင်းရှင်းခံရဘီး ဖြောန့်မတ်ရာဟှို ရော့‑က်ဂေ့ဘီ။
\s ကိုယ်ခန္ဓာဟှာ ဘုရားသခင်ရဲ့ဖောင်းသရေတော်တွပ် ဖြစ်ဟှူကြောန်း
\p
\v 12 \x - \xo ၆.၁၂ \xo*\xt ၁ ကော ၁၀.၂၃\xt*\x*နန်းနို့လေဟှ “ငါဟှာ အားလောင်းဂူဟှို လောက်ခွမ့်ရှိဟှယ်” ဆိုဘီး ပြောဂေ့လေ့မယ်။ နန်းနို့ပြောဟှူတိုင်း မှန်ဟှယ်။ အယ်ဘေမဲ့ ရာအားလောင်းဟှာ နန်းနို့တွပ် ကျိုးရှိဟှူဇာ မှုဟှ။ ငါဟှာ အားလောင်းဂူဟှို လောက်ပိုင်ခွမ့်ရှိဟှယ်။ အယ်ဘေမဲ့ ဖယ်မှုရာလေရဲ့ စိုးမိုးဟှူဇာဟှိုမှ ငါခံဟှ။ 
\v 13 “စားဇာဟှာ ဝန်းတွပ်ဖြစ်ဟှယ်။ ဝန်းဟှလည်း စားဇာတွပ်ဖြစ်ဟှယ်” ဆိုဘီး ပြောလေ့မယ်။ အယ်ဘေမဲ့ ဘုရားသခင်ဟှာ အယ်နှေ့ပါးလောင်းဟှို ဖျစ်ဆီးလေ့မယ်။ ကိုယ်ခန္ဓာဟှာ ကာမဂေါင်ခံစားဟှို့တွပ်မှုဘဲန သခင်ဘုရားတွပ်ဖြစ်ဟှယ်။ သခင်ဘုရားဟှာလည်း ကိုယ်ခန္ဓာတွပ် ဖြစ်တော်မူဟှယ်။ 
\v 14 ဘုရားသခင်ဟှာ တဂိုးတော်အားဖြင့် သခင်ဘုရားဟှို ရှင်ပ္လန်ထမြော့‑က်စေဟှူမျိုး နို့လေဟှိုလည်း တဂိုးတော်အားဖြင့် ထမြော့‑က်စေတော်မူလေ့မယ်။
\p
\v 15 နန်းနို့လေရဲ့ကိုယ်ခန္ဓာဟှာ ခရစ်တော်ရဲ့ ကိုယ်အင်္ဂါလေဖြစ်ဟှယ် ဆိုဇာဟှို သိဂေ့ဟှလော။ အယ်မျိုးဆိုဟှာ ခရစ်တော်ရဲ့ ကိုယ်အင်္ဂါဟှို ယူဘီးဟှာ ပြည်တန်ဆာမရဲ့ ကိုယ်အင်္ဂါဖြစ်စေရဟှို့လော။ လောင်းဝဖြစ်စေဟှ! 
\v 16 ပြည်တန်ဆာမန ပေါန်းဖော်ဟှူလူဟှာ အယ်ပြည်တန်ဆာမန တသားတကိုယ်ဒဲ ဖြစ်ဟှားဟှယ် ဆိုဇာဟှို နန်းနို့သိဂေ့ဟှလော။ ကျမ်းစာဟှ “အယ်သူနှေ့ယော့‑က်ဟှာ တသားတကိုယ်ဒဲ ဖြစ်ရဂေ့လေ့မယ်” ဆိုဘီး လာဟှယ်။ 
\v 17 အယ်ဘေမဲ့ သခင်ဘုရားနှိုက် မှီဝဲသူဟှာ အယ်သခင်န တစိတဝိညာဉ်ဒဲ ဖြစ်ဟှယ်။
\p
\v 18 တရားဘဲဟှူမေထုန် ပြုဟှူဇာဟှို ရှောန်ဂေ့ပါ။ လူပြုတတ်ဟှူ တခြားပြစ်လေဟှာ ကိုယ်ခန္ဓာပ္လန်ဖတ်မာဘဲ့ရှိဟှယ်။ တရားဘဲဟှူမေထုန် ပြုဟှူသူဟှာ ကိုယ့်ရဲ့ကိုယ်ခန္ဓာဟှို ပြစ်မှားဟှူဇာ ဖြစ်ဟှယ်။ 
\v 19 \x - \xo ၆.၁၉ \xo*\xt ၁ ကော ၃.၁၆; ၂ ကော ၆.၁၆\xt*\x*ဖြားဖြစ်ကြောန့်နူးဆိုဟှာ နန်းနို့လေရဲ့ ကိုယ်ခန္ဓာဟှာ ဘုရားသခင်ပေးသနားဟှူ ဝိညာဉ်တော်ဖြစ်ဟှူ နန်းနို့ထဲမာကီးဝပ်ဟှူ သန့်ရှင်းဟှူဝိညာဉ်တော်တော်ရဲ့ ဗိမာန်တော်ဖြစ်ဟှူကြောန်းန နန်းနို့လေဟှာ ကိုယ့်ကိုယ်ကိုယ် ပိုင်ဘဲဟှူကြောန်းဟှို သိဂေ့ဟှလော။ 
\v 20 ကိုယ်တော်ဟှာ နန်းနို့လေဟှို ဖိုးခပေးဘီး ဝယ်ဟှားကြောန့် နန်းနို့လေရဲ့ကိုယ်ခန္ဓာအားဖြင့် ဘုရားသခင်ရဲ့ ဖောင်းသရေတော်ဟှို ထန်ရှားစေဂေ့ပါ။
\c 7
\s အီထောန်ပြုရှင်း ပြဿနာ
\p
\v 1 နန်းနို့ ရေးပေးလိုက်ဟှူ ကြောန်းရာန ပတ်သတ်ဘီး
\p ယော့‑က်ကျားဟှာ အီထောန်ပြုဘဲ နေနိုင်မယ် ဆိုဟှာ ကောန်းဟှယ်။\f + \fr ၇.၁ \fr*\fq ယော့‑က်ကျားဟှာ အီထောန်ပြုဘဲ နေနိုင်မယ် ဆိုဟှာ ကောန်းဟှယ်၊ \fq*\ft အယ်မျိုးမှုဘဲနေဟှာ \ft*\fqa ယော့‑က်ကျားဟှာ အီထောန်ပြုဘဲန နေနိုင်မယ် ဆိုဟှာ ကောန်းဟှယ် ဆိုဘီး နန်ပြောဟှယ်။\fqa*\f* 
\v 2 အယ်ဘေမဲ့ တရားဘဲဟှူ မေထုန်ပြုဟှူ ဇာလေ များနေဟှူကြောန့် ယော့‑က်ကျားတိုင်း ကိုယ့်မယားရှိစေပါ။ မီးမတိုင်း ကိုယ့်လန်ရှိစေပါ။ 
\v 3 လန်ယော့‑က်ကျားဟှာ ကိုယ့်မယားဟှို ပြုသင့်ဟှူ ဝတ်ဟှို ပြုရမယ်။ မယားဟှာလည်း ကိုယ့်လန်ဟှို ပြုသင့်ဟှူ ဝတ်ဟှို ပြုရမယ်။ 
\v 4 မယားဟှာ ကိုယ့်ကိုယ်ခန္ဓာဟှို ပိုင်ဟှ။ လန်ဟှဘဲ့ ပိုင်ဟှယ်။ အယ်မျိုးဘဲ့ လန်ဟှလည်း ကိုယ့်ကိုယ်ခန္ဓာဟှို ပိုင်ဟှ။ မယားဟှဘဲ့ ပိုင်ဟှယ်။ 
\v 5 နန်းနို့ဟှာ ဆုတောန်းဟှို့တွပ် ခီပေးဟှို့ ကြိုတန်‌ဘောတူချစ်ရ ရှစ်ဟှား ဆိုင်းငံ့ဟှားဇာဟှလွဲဘီး နန်းနို့ရဲ့ လန်မယားဝတ်ဟှို ပျစ်ကွပ်စေဂေ့န။ ဆုတောန်းဘီးဟှူ ခီမာ အီထောန်ရဲ့ ဆစ်ဆံရေးဟှို ပေါင်မှန်တိုင်း ပ္လန်နေဂေ့ပါ။ အယ်မျိုးမှဘဲ့ ကိုယ့်စိဟှို ချောက်ထီးနိုင်ဘီး စာတန်ရဲ့ သွီးဆောန်ဇာဟှို ခံနိုင်လေ့မယ်။
\p
\v 6 အယ်မျိုး ငါပြောဇာဟှာ နန်းနို့လေဟှို မိန့်ပေးဇာမှုဘဲန ခွမ့်ပေးဇာဘဲ့ ဖြစ်ဟှယ်။ 
\v 7 တကယ်ဘဲ့ လူတိုင်းဟှို ငါ့ဟှူမျိုးဘဲ့ ဖြစ်စေရှင်ဟှယ်။ အယ်ဘေမဲ့ လူယော့‑က်ချင်းစီတိုင်းဟှာ ဘုရားသခင်ပေးဟှူ ဆုကျေးဇူးတော်ဟှို သီးသီးခံရဂေ့ဟှယ်။
\p
\v 8 အယ်မျိုးဖြစ်ကြောန့် အီထောန်မှေ့ဘဲသူလေန မောက်ဆိုးမလေဟှာ ငါ့ဟှူမျိုး တယော့‑က်ဒဲ ဆစ်ဘီးနေနိုင်ဟှာ ကောန်းဟှယ်။ 
\v 9 အယ်ဘေမဲ့ ကိုယ့်ကိုယ်ကိုယ် ချောက်ထီးနိုင်ဘဲနေဟှာ အီထောန်ပြုဂေ့ပါ။ ကိလေသာစိဟှို ချောက်တီးနိုင်ဘဲနေဟှာ အီထောန်ပြုဟှူဇာဘဲ့ ပိုကောန်းလေ့မယ်။
\p
\v 10 \x - \xo ၇.၁၀,၁၁ \xo*\xt မ ၅.၃၂; ၁၉.၉; မာ ၁၀.၁၁,၁၂; လု ၁၆.၁၈\xt*\x*အီထောန်ရှိဟှူသူလေဟှို ငါပညတ်ဟှူ ဇာလော့‑က်မှုဘဲ သခင်ဘုရား ပညတ်ဇာဟှ မယားဟှာ ကိုယ့်ရဲ့ လန်န ကွာရှင်းစေန။ 
\v 11 အယ်ဘေမဲ့ ကွာရှင်းဟှယ် ဆိုဟှာ နော့‑က်အီထောန်ယူဘဲန နေရမယ်။ အယ်မျိုးမှုဘဲနေဟှာ ကိုယ့်လန်န ပ္လန်ပေါန်းဘီး သင့်သင့်မြတ်မြတ် နေရမယ်။ လန်ဟှလည်းဘဲ့ ကိုယ့်မယားန ကွာစေန။
\p
\v 12 ခြားသူလေဟှို (သခင်ဘုရား ပညတ်ဇာမှုဘဲန) ငါပညတ်ဇာဟှ ယောင်ကြည်သူ ညီကိုတယော့‑က်ဟှာ ယောင်ကြည်သူမှုဘဲဟှူ မယားရှိဟှယ် ဆိုဟှာ အယ်မီးမဟှ သူ့နဆစ်ဘီး ပေါန်းရှင်ဟှယ် ဆိုဟှာ သူ့ဟှို အယ်မီးမန ကွာစေန။ 
\v 13 အယ်မူမျိုးဘဲ့ ယောင်ကြည်သူ မီးမတယော့‑က်ဟှာ မယောင်ကြည်ဘဲဟှူ လန်ရှိဟှယ် ဆိုဟှာ သူ့လန်ဟှ သူ့နဆစ်ဘီးပေါန်းရှင်ဟှယ် ဆိုဟှာ သူ့ဟှိုကွာစေန။ 
\v 14 ဖြားဖြစ်ကြောန့်နူးဆိုဟှာ ယောင်ကြည်သူမှုဘဲဟှူ လန်ယော့‑က်ကျားဟှာ သူ့မယားတွပ် သန့်ရှင်းဟှယ်။ ယောင်ကြည်ဘဲဟှူ မယားဟှလည်း သူ့လန်တွပ် သန့်ရှင်းဟှယ်။ အယ်မျိုးမှုဘဲနေဟှာ နန်းနို့ရဲ့ သားမီးလေဟှာ ညစ်ညူးဂေ့လေ့မယ်။ အယ်ဘေမဲ့ ခု သူးနို့လေဟှာ သန့်ရှင်းဂေ့ဟှယ်။ 
\v 15 အယ်ဘေမဲ့လည်း ယောင်ကြည်ဘဲသူဟှာ ကွာရှင်းရှင်ဟှယ် ဆိုဟှာ ကွာရှင်းစေ။ အယ်မျိုး ကြောန်းရာဟှို ယောင်ကြည်သူ ညီကို မောန်နှမလေဟှာ လွတ်လွတ်လပ်လပ် ဝီးချယ်ခွမ့်ရှိဟှယ်။ ဘုရားသခင်ဟှာ နန်းနို့လေဟှို သင့်သင့်မြတ်မြတ်န ငြီးငြီးချမ်းချမ်းနေဂေ့ဟှို့တွပ် ခေါ်ဟှားဇာဖြစ်ဟှယ်။ 
\v 16 ဝှေ့မီးမ၊ နန်ဟှာ ကိုယ့်လန်ဟှို ကယ်တန်မယ် ကယ်တန်ဟှ ဆိုဇာဟှို ဖယ်မျိုး သိနိုင်နူး။\f + \fr ၇.၁၆ \fr*\fq ဝှေ့မီးမ၊ နန်ဟှာ ကိုယ့်လန်ဟှို ကယ်တန်မယ် ကယ်တန်ဟှ ဆိုဇာဟှို ဖယ်မျိုး သိနိုင်နူး။ \fq*\ft အယ်မျိုးမှုဘဲနေဟှာ \ft*\fqa နန်ဟှာ ကယ်တန်ခံရမယ် ကယ်တန်ခံရဟှ ဆိုဇာဟှို ဖယ်မျိုး သိနိုင်ဟှို့နူး။\fqa*\f* ဝှေ့ယော့‑က်ကျား၊ နန်ဟှာ ကိုယ့်မယားဟှို ကယ်တန်မယ်၊ ကယ်တန်ဟှ ဆိုဇာဟှို ဖယ်မျိုး သိနိုင်ဟှို့နူး။\f + \fr ၇.၁၆ \fr*\fq ဝှေ့ယော့‑က်ကျား၊ နန်ဟှာ ကိုယ့်မယားဟှို ကယ်တန်မယ်၊ ကယ်တန်ဟှ ဆိုဇာဟှို ဖယ်မျိုး သိနိုင်ဟှို့နူး၊ \fq*\ft အယ်မျိုးမှုဘဲနေဟှာ \ft*\fqa နန်ဟှာ ကယ်တန်ခံရမယ် ကယ်တန်ခံရဟှ ဆိုဇာဟှို ဖယ်မျိုး သိနိုင်ဟှို့နူး။\fqa*\f*
\s ဘုရားသခင်ဝီးကော့‑က်ဟှူတိုင်း သတ်ရှင်ပါ
\p
\v 17 လူသီးသီးလေဟှာ ကိုယ့်ဟှို သခင်ဘုရားပေးဟှူ ဆုကျေးဇူးတော်လေန ယော့‑က်တိုင်းဟှို ဘုရားသခင်ခေါ်ဟှူ ခြေနေတိုင်းဘဲ့ သတ်ရှင်ပါစေ။ အယ်ဇာဟှာ သင်းတော်တိုင်းဟှို ငါ့ရဲ့မှာကြားချစ် ဖြစ်ဟှယ်။ 
\v 18 ရေဖျားလှီးရှင်းဟှို ခံဘီးသူဟှာ ဝီးကော့‑က်ရှင်းခံရဟှယ် ဆိုဟှာ ရေဖျားလှီးရှင်းနဆိုင်ဟှူ မှတ်သားဟှို စွန့်ပစ်ဇာလိုဟှ။ ရေဖျားလှီးရှင်းဟှို ခံယူဘဲဟှူသူဟှာ ဝီးကော့‑က်ရှင်းဟှို ခံရဟှယ် ဆိုဟှာ ရေဖျားလှီးရှင်းဟှို ခံယူဇာလိုဟှ။ 
\v 19 ရေဖျားလှီးရှင်းခံဟှူဇာ ခံဘဲဟှူဇာဟှဓိက မှုဟှ။ ဘုရားသခင်ရဲ့ ပညတ်တော်ဟှို စောန့်ထီးဟှူဇာဟှဘဲ့ ဓိကဖြစ်ဟှယ်။ 
\v 20 လူတိုင်း ဘုရားသခင်ရဲ့ ခေါ်ဟှားရှင်းခံရဟှူ ခြေနေမာဘဲ့ ဆစ်ဘီး ရှိနေပါစေ။ 
\v 21 ဝီးကော့‑က်ခံရဟှူ ခီမာ နန်ဟှာ ကျွန်ဖြစ်ဟှယ် ဆိုဟှာ စိနှော့‑က်ယှစ်ဖြစ်စေန။ အယ်ဘေမဲ့ လွတ်မြော့‑က်ခွမ့်ရမယ် ဆိုဟှာ အယ်ခွမ့်ရေးဟှို သောင်းပြုပါ။\f + \fr ၇.၂၁ \fr*\fq အယ်ဘေမဲ့ လွတ်မြော့‑က်ခွမ့်ရမယ် ဆိုဟှာ အယ်ခွမ့်ရေးဟှို သောင်းပြုပါ၊ \fq*\ft အယ်မျိုးမှုဘဲနေဟှာ \ft*\fqa အယ်ဘေမဲ့ နန်ဟှာ လွတ်မြော့‑က်ဟှို့ ခွမ့်ရေးရမယ် ဆိုဟှာ နန့်ရဲ့ ကောန်းဆောင်း ခြေနေဟှို ဝီးချယ်ပါ။\fqa*\f* 
\v 22 ဖြားဖြစ်ကြောန့်နူးဆိုဟှာ ကျွန်ဖြစ်ဟှူ ခီမာ သခင်ဘုရားနှိုက် ဝီးကော့‑က်ခံရဟှူသူဟှာ သခင်ဘုရားအားဖြင့် လွတ်မြော့‑က်ဟှူသူဖြစ်ဟှယ်။ အယ်မျိုးဘဲ့ လူလွတ်ဖြစ်ဟှူသူဟှာ သခင်ဘုရားရဲ့ ဝီးကော့‑က်ရှင်းဟှို ခံရဟှူ ခီမာ ခရစ်တော်ရဲ့ ကျွန်ဖြစ်ဟှယ်။ 
\v 23 နန်းနို့လေဟှို ဘုရားသခင်ဟှာ ဖိုးခပေးဘီး ဝယ်ဟှားကြောန့် လူလေနားမာ ကျွန်ခံဂေ့န။ 
\v 24 ညီကို မောန်နှမလေ၊ နန်းနို့လေ ဝီးကော့‑က်ရှင်းခံရဟှူခီဟှ ခြေနေတိုင်းဘဲ့ ဘုရားသခင်န မိတ်သဟာယဖွဲ့ဘီး ဆစ်နေထိုင်ဂေ့ပါ။
\s အီထောန်ပြုဘဲသူလေန မောက်ဆိုးမပြဿနာကြောန်း
\p
\v 25 အီထောန်ပြုဘဲသူလေန ပတ်သတ်ဘီး ပြောရမယ် ဆိုဟှာ သခင်ဘုရားပညတ်ဟှားဟှူဇာ မှေ့ဘဲဟှူလည်းဘဲ့ သခင်ဘုရားရဲ့ ကရုဏာတော်ကြောန့် ယောင်ကြည်ထိုက်ဟှူ သူတယော့‑က်နေန ငါ့ခံယူချစ်ဟှို ပြောရမယ် ဆိုဟှာ၊
\p
\v 26 ခု တွိကြောင်နေရဟှူ ခေတ်ဆိုးခါဆိုးဟှို ကေ့ဟှူဇာအားဖြင့် ယော့‑က်ကျားတယာ့‑က်ဟှာ အယ်ခြေနေတိုင်း ဆစ်ဘီးနေဟှူဇာဟှာ ပိုကောန်းလေ့မယ်။ 
\v 27 နန်ဟှာ အီထောန်ရှိဟှယ် ဆိုဟှာ ကိုယ့်မယားဟှို ခွာဟှို့ ကြံစည်န။ အီထောန်မှေ့ဘဲနေဟှာလည်း အီထောန်ပြုဟှို့တွပ် စဉ်းစားန။ 
\v 28 အယ်ဘေမဲ့ အီထောန်ပြုဟှယ် ဆိုဟှာလည်း ပြစ်ကျူးလွန်ဟှူဇာ မှုဟှ။ အီထောန်မှေ့ဘဲဟှူမီးမပျိုဟှာ အီထောန်ပြုဟှယ် ဆိုဟှာ ပြစ်ကျူးလွန်ဇာ မှုဟှ။ အယ်ဘေမဲ့ အီထောန်သယ်လေ နေ့တိုင်းတွိကြောင်ရမယ့် ကိုယ်ကာယဆင်းရဲဒေါက်ခလေန နန်းနို့ဟှို လွတ်ကင်းစေရှင်ကြောန့် အယ်မူမျိုး ငါပြောရဇာဖြစ်ဟှယ်။
\p
\v 29 ညီကို မောန်နှမလေ၊ ငါဆိုလိုဇာဟှ ခီကာလ ကူဆောန်းဟှမယ် ဖြစ်ဟှူကြောန့် ခုခီဟှနေစဘီး မယားရှိဟှူသူဟှာ မယားမှေ့ဘဲသူမျိုး၊ 
\v 30 ငိုဟှူသူဟှလည်း ငိုဘဲဟှူမျိုး၊ ဝန်းမြော့‑က်ဟှူသူဟှလည်း ဝန်းမြော့‑က်ဘဲဟှူသူမျိုး၊ ပစ်စီးအောက်စာဝယ်ဟှူသူလည်း ဖယ်အောက်စာဟှိုမှ ပိုင်ဘဲဟှူမျိုး ဖြစ်ရမယ်။ 
\v 31 လောကအောက်စာဘဏ္ဍာဟှို သောင်းပြုဟှူသူလေဟှာ သောင်းဘဲမျိုး ဖြစ်ရမယ်။ ဖြားဖြစ်ကြောန့်နူးဆိုဟှာ ခုလတ်ရှိ ကမ္ဘာဂီးဟှာ တာရှယ်ခံဟှို့ မှုဘဲကြောန့်ဖြစ်ဟှယ်။
\p
\v 32 ငါဟှာ နန်းနို့လေဟှို ပူပန်သောကန ကင်းစေရှင်ဟှယ်။ အီထောန်မှေ့ဘဲဟှူ ယော့‑က်ကျားဟှာ သခင်ဘုရား နှစ်သက်ဟှူမှုဟှို လောက်ရှင်ကြောန့် သခင်ဘုရားရဲ့ မှုတော်ဟှိုဘဲ့ လေးနတ်ထားတတ်ဟှယ်။ 
\v 33 အယ်ဘေမဲ့ အီထောန်ရှိဟှူ ယော့‑က်ကျားဟှာ သူ့မယားရဲ့စိလိုဟှို လိုက်ဘီး လောကီရေးရာဟှိုဘဲ့ လေးနတ်ထားတတ်ဟှယ်။ 
\v 34 အယ်ကြောန့် သူဟှာ စိနှေ့ခွ ဖြစ်ရဟှယ်။ မီးမပျိုဟှာ သခင်ဘုရားဟှို သူ့ရဲ့ကိုယ်ခန္ဓာန စိဝိညာဉ်နှေ့ခုလောင်းဟှို သန့်ရှင်းမှုန ဆစ်ကပ်ရှင်ကြောန့် သခင်ဘုရားရဲ့ မှုတော်ဟှို လေးနတ်ထားတတ်ဟှယ်။ အယ်ဘေမဲ့ အီထောန်ရှင်မီးမဟှာ သူ့လန်နှစ်သက်အောန် စိဆန္ဒရှိကြောန့် လောကီမှုရာဟှိုဘဲ့ လေးနတ်ထားတတ်ဟှယ်။
\p
\v 35 အယ်မျိုး ငါပြောဇာဟှ နန်းနို့လေရဲ့ကျိုးဟှို လိုရှင်ကြောန့် ပြောဇာဖြစ်ဟှယ်။ နန်းနို့လေဟှို ချောက်ချယ်ရှင်ကြောန့် မှုဟှ။ နန်းနို့ဟှို မှန်းမှန်ကန်းကန် ပြုသင့်တိုင်း ပြုကျင့်ဟှို့တွပ်န သခင်ဘုရားရဲ့ မှုတော်ဟှို စိပါလတ်ပါ စေခံနိုင်ဂေ့ဟှို့တွပ် လိုလားကြောန့်ဖြစ်ဟှယ်။
\p
\v 36 စေ့စပ်ဟှားဘီးန အီထောန်ပြုဘဲန နေဟှို့တွပ် ဘောတူဘီး တိုင်တယ်ဟှားဟှူသူ နှေ့ယော့‑က်န ပတ်သတ်ဘီး ပြောရမယ် ဆိုဟှာ ယော့က်ကျားဟှာ မီးမပျိုဟှို သူ့ရဲ့ ပြုမူပေါင်စံ သင့်တော်ဟှ ဆိုဘီး သိဟှူ ခီမာဘဲ့ဖြစ်ဖြစ်၊ ကိုယ့်စိဟှို ထီးချောက်နိုင်ဘဲဟှူ ခီမာဘဲ့ဖြစ်ဖြစ် အီထောန်ပြုရဟှယ်။ အယ်မျိုးပြုမယ် ဆိုဟှာ ပြစ်မှေ့ဟှ။\f + \fr ၇.၃၆ \fr*\fqa စေ့စပ်ဟှားဘီးန ... အယ်မျိုးပြုမယ် ဆိုဟှာ ပြစ်မှေ့ဟှ၊ \fqa*\ft အယ်မျိုးမှုဘဲနေဟှာ \ft*\fqa ယော့‑က်ကျားန လတ်ထပ်ရသေးဘဲဟှူ မီးမပျိုဟှို သူဟှာ ပေါန်းဟှို့ သင့်တော်ဟှ ဆိုဘီး စိပိုင်းဖြတ်ဟှယ်။ အယ်ဘေမဲ့ အယ်မီးမပျိုဟှာ လတ်ထတ်ဟှို့ ရွယ်ရော့‑က်ဟှားဘီ ဆိုဟှာ လတ်ထပ်ပေါန်းသင်းနိုင်ဟှယ်။ \fqa*\f* 
\v 37 အယ်ဘေမဲ့ ကိုယ့်စိနှလောင်း တည်ကြည်မှုရှိဘီး ပြုရှင်တိုင်း ပြုပိုင်ဟှူခွမ့်န ကိုယ်စိလိုဟှို ချောက်တည်းနိုင်ဟှူ ခွမ့်ရှိဟှူကြောန့် အီထောန်ပြုဘဲန နေဟှို့တွပ်\f + \fr ၇.၃၇ \fr*\fq အီထောန်ပြုဘဲန နေဟှို့တွပ်၊ \fq*\ft အယ်မျိုးမှုဘဲနေဟှာ \ft*\fqa သူ့ရဲ့ သမီးဟှို လတ်ထပ်ခွမ့်ပေးဟှ။\fqa*\f* စိနှလေင်းထဲမာ စီရင်ဦးဆောင်းဖြတ်ဟှူသူဟှာ ပိုဘီးကောန်းလေဟှယ်။ သူဟှာ အယ်မီးမပျိုဟှို လတ်ထပ်ဟှို့\f + \fr ၇.၃၇ \fr*\fq အယ်မီးမပျိုဟှို လတ်ထပ်ဟှို့၊ \fq*\ft အယ်မျိုးမှုဘဲနေဟှာ \ft*\fqa သူ့ဟှို လတ်ထပ်ခွမ့် ပြုလိုက်ဟှယ်။\fqa*\f* လောင်းဝဆောင်းဖြတ်ဟန်း။ 
\v 38 အယ်ကြောန့် ကိုယ့်နစေ့စပ်ဟှားဟှူ မီးမပျိုဟှို လတ်ထပ်ဟှူသူ\f + \fr ၇.၃၈ \fr*\fq လတ်ထပ်ဟှူသူ၊ \fq*\ft အယ်မျိုးမှုဘဲနေဟှာ \ft*\fqa သူ့ရဲ့ သမီးဟှို လတ်ထပ်ဘဲန နေဟှူသူ။\fqa*\f* ဟှာ ကောန်းလေဟှယ်။ လတ်ထပ်ဘဲနနေဟှူ သူဟှာလည်း ပိုဘီးကောန်းလေဟှယ်။
\p
\v 39 မီးမဟှာ သူ့ရဲ့လန် သတ်ရှင်နေဟှူ ခီကာလပတ်လောင်း တရားအားဖြင့် ချည်နှောန်မှုရှိနေဟှယ်။ လန်သေဟှားဟှယ် ဆိုဟှာ ကိုယ်လိုရှင်ဟှူတိုင်း သခင်ဘုရားအားဖြင့်ဘဲ့ တခြားသူရဲ့ မယားဖြစ်ဟှို့ ခွမ့်ရှိလေဟှယ်။ 
\v 40 အယ်ဘေမဲ့ သူဟှာ အီထောန်ပြုဘဲနေဇာဟှ ပိုဘီးမင်္ဂလာရှိဟှယ်ဆိုဘီး ငါခံယူဟှယ်။ ငါနှိုက်လည်း ဘုရားသခင်ရဲ့ ဝိညာဉ်တော်ရှိဟှယ်ဆိုဘီး ငါမှတ်ယူဟှယ်။
\c 8
\s ရောက်ထုဟှိုပူဇော်ဟှူ စားဇာပြဿနာကြောန်း
\p
\v 1 ရောက်ထုဟှို ပူဇော်ဟှားဟှူရာလေနပတ်သတ်ဘီး၊
\p နန်းနို့လေ ပြောဟှူတိုင်း “နို့လေအားလောင်းဟှာ သိပညာရှိဟှယ်” ဆိုဇာဟှို နို့လေသိဟှယ်။ အယ်ဘေမဲ့ သိပညာဟှာ လူဟှိုမာနထောန်လွှားစေတတ်ဟှယ်။ ရှစ်ရှင်းမြစ်တာဟှဘဲ့ တည်ဆော့‑က်တတ်ဟှယ်။ 
\v 2 ကိုယ့်ကိုယ်ကိုယ် ပညာရှိဆိုဘီး ထန်မှတ်ဟှူသူဟှာ တကယ်ဘဲ့ အယ်သူဟှာ သိသင့်ဟှူတိုင်း သိသေးဟှ။ 
\v 3 အယ်ဘေမဲ့ ဘုရားသခင်ဟှိုရှစ်ဟှူသူဟှာ ဘုရားသခင်သိမှတ်တော်မူဟှူဇာဟှိုခံရဟှယ်။
\p
\v 4 အယ်ကြောန့် ရောက်ထုဟှို ပူဇော်ဟှားဟှူ ယဇ်ကောန်ဟှို စားဟှူဇာဟှာ ရောက်ထုဟှာ အယ်လောကမာ ချည်းနှီးသတ်သတ် ဖြစ်ဟှယ် ဆိုဟှူဇာန တပါးဒဲရှိဟှူ ဘုရားသခင်ဟှလွဲဘီး ဖယ်ဘုရားသခင်လည်း မှေ့ဟှ ဆိုဇာဟှို နို့လေ သိဂေ့ဟှယ်။ 
\v 5 ဖြားဖြစ်ကြောန့်နူးဆိုဟှာ ကောန်းဂန်န မ္လေဂီးထတ်မာ “ဘုရားလေ” “သခင်လေ” ဆိုဘီး နာမယ်မှတ်ခေါ်ဟှူ ဇာလေ ဘောင်ဂီးရှိဟှူလည်းဘဲ့ 
\v 6 အယ်မူ ဘုရားသခင်ထဲဟှဘဲ့ ရာအားလောင်းဖြစ်လာဘီး၊ အယ်မူ ဘုရားသခင်တွပ်ဘဲ့ နို့လေဖြစ်ဂေ့ဟှယ်။ အယ်မူ ခမည်းတော်ဘုရားသခင်တပါးဒဲဟှဘဲ့ နို့လေမာရှိဟှယ်။ အယ်မူသခင်အားဖြင့် နို့လေဟှနေစဘီး ရာအားလောင်းဖြစ်လာဂေ့ဟှယ်။ အယ်သခင် ယေရှုခရစ်တော်တပါးဒဲဟှဘဲ့ နို့လေမာ ရှိတော်မူဟှယ်။
\p
\v 7 အယ်ဘေမဲ့လည်း လူတိုင်း အယ်မူသိပညာရှိဂေ့ဟှူ ဇာမှုဟှ။ တချို့လူလေဟှာ ခုခီထိ ရောက်ထုရှေ့မာ ပူဇော်ဟှားဟှူစားဇာဟှို စားဟှူ ခီမာ ရောက်ထုဟှို ထော့‑က်ဟှူစိနစားဂေ့ဘီး ကိုယ့်ကိုယ်ကိုယ် သိဟှူ စိအားနဲဟှူကြောန့် ညစ်ညူးစေဟှယ် ဆိုဘီး ထန်ဂေ့လေဟှယ်။ 
\v 8 စားဇာဟှာ ဘုရားသခင်ရဲ့ ရှေ့တော်မာ နို့လေဟှို မျစ်နှာရစေဟှူဇာ မှုဟှ။ စားဘဲနနေဟှူလည်း ရှောင်းမှေ့ဘဲဟှူမျိုး စားဟှယ် ဆိုဟှာလည်း မ္လတ်မရဟှ။
\p
\v 9 အယ်ဘေမဲ့ နန်းနို့လေ အယ်မူမျိုး လွတ်လွတ်လပ်လပ် စားပိုင်ခွမ့်ရှိဟှူလည်းဘဲ့ ယောင်ကြည်မှုအားနဲဟှူသူလေတွပ် ထိမိဘီးလဲဇာ ဖြစ်ဘဲနေအောန် ဒိပြုဂေ့ပါ။ 
\v 10 ဖြားဖြစ်ကြောန့်နူးဆိုဟှာ သိပညာရှိဟှူနန်ဟှာ ရောက်ထုက္လောန်းထဲမာ ထိုင်ဘီး စားသော့‑က်နေဟှူဇာဟှို ယော့‑က်ယော့‑က်ဟှ တွိဟှယ် ဆိုဟှာ အယ်သူရဲ့ အားနဲဟှူ သိစိဟှာ ရောက်ထုဟှို ပူဇော်ဟှားဟှူ ဇာလေဟှို စားဟှိရဲတန်းလာမယ် မှုဟှလော။ 
\v 11 အယ်မျိုးဖြစ်ဟှယ် ဆိုဟှာ အားနဲဟှူ ညီကိုတွပ် ခရစ်တော်ဟှာ သေခံပေးဟှူလည်းဘဲ့ နန့်ရဲ့ “သိပညာ” ကြောန့် အယ်သူဟှာ ပျစ်စီးမှုဟှို ရော့‑က်ရဟှယ်။ 
\v 12 အယ်မူမျိုးဆိုဟှာ နန်းနို့လေဟှာ ညီကို မောန်နှမလေဟှို ပြစ်မှားဘီး သူးနို့လေရဲ့ ကိုယ့်ကိုယ်ကိုယ် သိဟှူ ဩတ္တပ္ပစိဟှို ထိခိုက်စေရှင်းအားဖြင့် ခရစ်တော်ဟှို ပြစ်မှားရာ ရော့‑က်ဟှယ်။ 
\v 13 အယ်ကြောန့် ငါ့ရဲ့ စားသော့‑က်ဟှူမှုဟှာ ညီကို မောန်နှမလေဟှို မှားယွင်းစေဟှယ် ဆိုဟှာ ညီကို မောန်နှမလေဟှို မှားယွင်းစေဘဲနေအောန် မဲသားဟှို စားဘဲန မြဲဒမ်းရှောန်မယ်။
\c 9
\s တမန်တော်ရဲ့ ရပိုင်ခွမ့်န တာဝန်လေကြောန်း
\p
\v 1 ငါဟှာ လွတ်လပ်ဟှူလူဖြစ်ဟှယ် မှုဟှလော။ တမန်တော်တယော့‑က်ဖြစ်ဟှယ် မှုဟှလော။ နို့လေရဲ့ ယေရှုခရစ်ဟှို ဗြင်ရဘီ မှုဟှလော။ နန်းနို့လေဟှာ သခင်ဘုရားရဲ့ မှုတော်ဟှို ငါစေခံလောက်ဆောန်ဇာဟှနေဘီး ရလာဟှူသီးပွမ့်လေ မှုဟှလော။ 
\v 2 ငါဟှာ တခြားသူလေထတ်မာ တမန်တော်ဖြစ်ဘဲနေဟှူလည်းဘဲ့ နန်းနို့လေတွပ် တမန်တော်ဖြစ်ဟှယ်။ ဖြားဖြစ်ကြောန့်နူးဆိုဟှာ ငါဟှာ သခင်ဘုရားရဲ့ တမန်တော်ဖြစ်ဟှယ် ဆိုဇာဟှို နန်းနို့လေဟှာ ဒဗဲ့တော်ဖြစ်ဟှူဇာအားဖြင့် ငါ့ဟှို တံဆိခတ်ဂေ့ဟှယ်။
\p
\v 3 ငါ့ဟှို စစ်ဆေးဝေဖန်ဟှူသူလေဟှို အယ်မူမျိုး ငါဖြေရှင်းပြောဆိုဟှယ်။ 
\v 4 နို့လေရဲ့ လောက်ဆောန်မှုအားဖြင့် နို့လေမာ စားသော့‑က်ပိုင်ခွမ့် မှေ့ဟှလော။ 
\v 5 နို့လေဟှာ ကေဖန သခင်ဘုရားရဲ့ ညီတော်လေ တခြားတမန်တော်လေဟှူမျိုး နို့လေခရီးထွပ်ဟှူ ခီမာ ယောင်ကြည်သူညီမဖြစ်ဟှူ မယားဟှို ခေါ်ဆောန်ပိုင်ခွမ့် မှေ့ဟှလော။ 
\v 6 ငါန ဗာနဗဟှဘဲ့ လောက်မလောက်ဘဲ နေရဟှူခွမ့်မှေ့ဟှ ဆိုဘီး ပြောရလော။ 
\v 7 ဖယ်စစ်သားလေဟှ ကိုယ်စရိနကိုယ် စစ်မှုထမ်းရကြောန့်နူး။ ဖယ်သူဟှ ကိုယ်စိုက်ဟှားဟှူ စဗျစ်ခြံဟှစဗျစ်သီးဟှို မစားဘဲနေနူး။ ဖယ်သိုးထီးမားလေဟှာ ကိုယ်ထီးဟှူ သိုးလေဟှ သိုးနို့ဟှို မသောင်းဆောန်ဘဲနေဂေ့နူး။
\p
\v 8 ငါဟှာ အယ်ကြောန်းရာဟှို လူ့သဘောန ပြောနေဟှူဇာလော။ ပညတ်တရားဟှလည်း အယ်မျိုးပြောဟှားဟှယ် မှုဟှလော။ 
\v 9 \x - \xo ၉.၉ \xo*\xt ၁ တိ ၅.၁၈\xt*\x*မောရှေရဲ့ ပညတ္တိကျမ်းဟှ “ဗားနန်းဟှူ နွားရဲ့ဇပ်ပေါ့‑က်ဟှို ချောက်တီးန” ဆိုဘီး လာဟှယ်။ အယ်မူမျိုး မိန့်တော်မူဟှူဇာဟှ ဘုရားသခင်ဟှာ နွားဟှိုဘဲ့ ပြောရှင်ဇာလော။ 
\v 10 အယ်မျိုးမှုဘဲနေဟှာ နို့လေတွပ်ဘဲ့ မိန့်တော်မူဟှားဇာလော။ တကယ်ဘဲ့ နို့လေတွပ် ရေးဟှားဇာ ဖြစ်ဟှယ်။ ဖြားဖြစ်ကြောန့်နူးဆိုဟှာ လယ်ထွန်မားန ရိသီးမားလေဟှာ ကိုယ့်ရဲ့ ရထိုက်ဟှူ လောက်ခဟှို မျှော်လင့်ဘီးဟှာ လောက်ဆောန်ဂေ့ဇာ ဖြစ်ဟှယ်။ 
\v 11 \x - \xo ၉.၁၁ \xo*\xt ရော ၁၅.၂၇\xt*\x*နို့လေဟှာ ဝိညာဉ်ပိုင်းဆိုင်ရာ မျိုးစေ့အားဖြင့် နန်းနို့ဟှို စိုက်ပျိုးဘီးဟှာ နန်းနို့နားဟှ ရောက်ပိုင်းဆိုင်ရာလေဟှို ရိသီးဟှူဇာဟှာ လွန်ရာက္လလော။ 
\v 12 နန်းနို့လေနားမာ တခြားသူလေ ခံယူပိုင်ခွမ့်ရှိဟှယ် ဆိုဟှာ နို့လေဟှာ ပိုဘီး ခံယူခွမ့်ရှိဟှယ် မှုဟှလော။
\p အယ်ဘေမဲ့လည်း နို့လေဟှာ အယ်မူခွမ့်ရေးဟှို ယူဂေ့ဟှ။ ခရစ်တော်ရဲ့ ဒန်းကောန်းဟှို ဆီးတားဖြစ်ဘဲအောန် တွိကြောင်ရဟှူ ခတ်ခဲလေဟှို ရာရာတိုင်းမာ သီးခံဘီး လောက်ဆောန်ဂေ့ဟှယ်။ 
\v 13 ဗိမာန်တော်ရဲ့ မှုကိစလေဟှို လောက်ဆောန်ဟှူ သူလေဟှာ ဗိမာန်တော်န ဆိုင်ဟှူဇာလေဟှို စားရဂေ့ဘီး၊ ယဇ်ပလ္လင်နှိုက် ထမ်းဆောန်ဟှူ သူလေဟှလည်း ယဇ်ပလ္လင်န ဆိုင်ဟှူဇာလေဟှို မျှဝီခံစားခွမ့် ရှိဟှယ် ဆိုဇာ နန်းနို့လေ သိဂေ့ဟှလော။ 
\v 14 \x - \xo ၉.၁၄ \xo*\xt မ ၁၀.၁၀; လု ၁၀.၇\xt*\x*အယ်မူမျိုးဘဲ့ ဒန်းကောန်းဟှို ဟောပြောသူလေလည်း ဒန်းကောန်းအားဖြင့် သတ်မွီးရမယ် ဆိုဘီး သခင်ဘုရား မိန့်မှာတော်မူဟှယ်။
\p
\v 15 အယ်ဘေမဲ့ နို့လေဟှာ အယ်ခွမ့်ရေးလေဟှို သောင်းဂေ့ဟှ။ အယ်မူမျိုးခွမ့်ဟှို တောန်းဆိုရှင်ကြောန့် အယ်စာဟှို ရေးဟှူဇာ မှုဟှ။ ဖြားဖြစ်ကြောန့်နူးဆိုဟှာ ငါ့ရဲ့ ဝါကြွားဇာကြောန်းဟှို သူများလေဟှ ချည်းနှီးဖြစ်စေရှင်းထတ် သေဟှားဇာဘဲ့ ပိုကောန်းဟှယ်! 
\v 16 ငါဟှာ ဒန်းကောန်းဟှို ဟောပြောရောင်မျှန ဝါကြွားဇာကြောန်း မှေ့သေးဟှ။ ဖြားဖြစ်ကြောန့်နူးဆိုဟှာ ဟောပြောဘဲန နေနိုင်ဟှ။ အယ်ဒန်းကောန်းဟှို ဟောပြောဘဲန နေမယ် ဆိုဟှာ အမင်္ဂလာရှိဟှယ်! 
\v 17 တကယ်ကြောန့် ငါဟှာ အယ်မှုတော်ဟှို ငါ့ရဲ့ ဆန္ဒတိုင်း ဆောန်ဝှပ်မယ် ဆိုဟှာ ငါ့တွပ် ဆုလာဘ် ရှိဟှယ်။ အယ်ဘေမဲ့ ငါ့ရဲ့ ဆန္ဒတိုင်းမှုဘဲ ဆိုဟှာလည်း အယ်စီမံခန့်ခွဲမှုဟှို ငါ့နှိုက် ယောင်ကြည် အပ်နှံဟှားဘီး ဖြစ်ဟှယ်။ 
\v 18 အယ်မျိုးဆိုဟှာ ငါ့တွပ် ဖြားကျိုးရှိနူး။ ငါခံစားရဟှူ ကျိုးဟှ ဒန်းကောန်းဟှို ခယူဘဲ ဟောပြောဟှူ ခွမ့်န အယ်မျိုး ဟောပြောဟှို့တွပ် ရပိုင်ခွမ့်လေဟှို သောင်းပြုဘဲန နေနိုင်ခွမ့်လေဘဲ့ ဖြစ်ဟှယ်။
\p
\v 19 ငါဟှာ ဖယ်သူ့ကျွန်လည်းမှုဘဲ လွတ်လပ်ဟှူသူ တယော့‑က် ဖြစ်ဟှူလည်းဘဲ့ ယောင်ကြည်လာဟှူ သူလေ ဘောင်ဂီးရဟှို့တွပ် လူတိုင်းရဲ့ ကျွန်ဖြစ်ဟှယ်။ 
\v 20 ငါဟှာ ယုဒလူမျိုးလေဟှို ရဟှို့တွပ် ယုဒလူမျိုးလေနားမာ ယုဒလူမျိုးလေမျိုး ဖြစ်ဟှယ်။ ငါကိုယ်တိုင် ပညတ်တရားအော့‑က်မာ မှေ့ဘေမဲ့လည်း ပညတ်တရားအော့‑က်မာ ရှိဟှူသူလေဟှို ရဟှို့တွပ် ပညတ်တရားအော့‑က်မာ ရှိဟှူသူလေတွပ် ပညတ်တရားအော့‑က်မာ ရှိဟှူသူမျိုးဘဲ့ ဖြစ်ဟှယ်။ 
\v 21 ငါဟှာ ဘုရားသခင်ရဲ့ ပညတ်တရားန ကင်းဝီးဟှူသူမှုဘဲ ခရစ်တော်ရဲ့ ပညတ်တရားအော့‑က်မာ ရှိဟှူလည်းဘဲ့ ပညတ်တရားန ကင်းဝီးဟှူ လူမျိုးခြားလေဟှို ရဟှို့တွပ် ပညတ်တရားန ကင်းဝီးဟှူ သူလေထဲမာ ပညတ်တရားန ကင်းဝီးဟှူ သူလေမျိုး ဖြစ်ဟှယ်။ 
\v 22 ငါဟှာ အားနဲဟှူသူဟှို ရဟှို့တွပ် အားနဲဟှူ သူလေထဲမာ အားနဲဟှူသူ ဖြစ်ဟှယ်။ လူတချို့ဟှို တနည်းနည်းန ကယ်တန်နိုင်ဟှို့တွပ် လူဘောန်းဇောင်ထဲမာ လူဘောန်းဇောင်မျိုးဘဲ့ ဖြစ်ဟှယ်။
\p
\v 23 ဒန်းကောန်းရဲ့ ကောန်းကြီးမင်္ဂလာဟှို ဝီမျှနိုင်ဟှို့တွပ် ငါဟှာ ဒန်းကောန်းရဲ့ ကျိုးတွပ် အယ်မူဇာ အားလောင်းဂူဟှို ပြုဟှူဇာ ဖြစ်ဟှယ်။ 
\v 24 ပ္လေးပြိုင်ပွဲမာ လူလေ ဘောင်ဂီး ဝမ်ပြိုင် ဘေမဲ့လည်း တယော့‑က်ဟှားဘဲ့ ဆုဟှို ရဟှယ် ဆိုဇာဟှို နန်းနို့လေ သိဂေ့ဟှလော။ အယ်မျိုးဖြစ်ကြောန့် နန်းနို့လေ ဆုဟှို ရဟှို့တွပ် ပ္လေးဂေ့ပါ။ 
\v 25 ပြိုင်ပွဲဝမ်ဟှို့တွပ် လေ့ကျင့်ဟှူ အားကစားသမားလေဟှာ ရာရာတိုင်းဟှို ချောက်တည်းတတ်ဟှယ်။ အယ်သူလေဟှာ ညှိုးဘီး ပျစ်စီးတတ်ဟှူ ပန်းဦးရစ် သရဖူဟှို ရဟှို့တွပ် အယ်မျိုး ပြုနေဂေ့ဟှယ်။ နို့လေဟှာ ညှိုးဘီး ပျစ်စီးတတ်ဘဲဟှူ ပန်းဦးရစ် သရဖူဟှို ရဟှို့တွပ် အယ်မျိုး ပြုနေဂေ့ဇာ ဖြစ်ဟှယ်။ 
\v 26 အယ်ကြောန့် ငါပ္လေးဟှူ ခီမာ ခေဦးတည့်ရာဟှို ပ္လေးဟှူဇာ မှုဟှ။ ငါဟှာ လတ်ဝှေ့ထိုးဟှူ ခီမာ ထိုးချစ်ဟှို ချည်းနှီးထိုးဘဲဟှူ လတ်ဝှေ့ထိုးမားမျိုး ဖြစ်ဟှယ်။ 
\v 27 သူများလေဟှို သွန်သန်ဘီးမှ ငါကိုယ်တိုင် က္လရှောင်းဟှူသူ ဖြစ်ဘဲနေအောင် ငါဟှာ ကိုယ့်ရဲ့ ကိုယ်ခန္ဓာဟှို နှိစစ်ဘီး ပြင်ဆင်လေဟှယ်။
\c 10
\s ဒိပေးဟှူကြောန်း
\p
\v 1 ညီကို မောန်နှမလေ အယ်မူကြောန်းရာဟှို နန်းနို့လေသိဘဲန နေစေရှင်ဟှ။ နို့ဘိုးဘေးလေဟှာ မိုးတီအော့‑က်မာရှိဘီး ပန်လယ်လယ်မာ ရှော့‑က်သွားရဂေ့ဘီးဟှာ၊ 
\v 2 မိုးတီနပန်လယ်ထဲမာ မောရှေနှိုက် ဗတ္တိဇံဟှို ခံယူဂေ့ဟှယ်။ 
\v 3 သူးနို့လေ အားလောင်းဂူဟှာ ဝိညာဉ်ရေးရာန ဆိုင်ဟှူ စာတမျိုးဒဲဟှိုဘဲ့ စားဂေ့ဘီး၊ 
\v 4 ဝိညာဉ်ရေးရာနဆိုင်ဟှူ ရေဟှို သော့‑က်ရဂေ့ဟှယ်။ သူးနို့လေ အားလောင်းဂူဘဲ့ ကိုယ့်န လိုက်ပါလာဟှူ ဓမ္မက္လော့‑က်ဟှ ရေဟှို သော့‑က်ရဂေ့ဟှယ်။ အယ်က္လော့‑က်ဟှာ ခရစ်တော်ဘဲ့ဖြစ်ဟှယ်။ 
\v 5 အယ်ဘေမဲ့လည်း ဘုရားသခင်ဟှာ သူးနို့လေထဲဟှ လူများစုဟှို နှစ်သက်တော်မူဟှ။ အယ်ကြောန့် သူးနို့လေဟှာ တောကန္တာရထဲမာ သေကျေပျစ်စီးဂေ့ဟှယ်။
\p
\v 6 အယ်သူလေဟှာ ကောန်းဘဲဇာလေဟှို တတ်မတ်ဂေ့ဟှူမျိုး နို့လေ တတ်မတ်ဘဲနနေအောန် အယ်ကြောန်းရာလေဟှာ နို့လေတွပ် ပေါင်သတ်သေဖြစ်ဟှယ်။ 
\v 7 “လူလေဟှာ စားသော့‑က်ဘီး ထိုင်နေဂေ့ဟှယ်။ နော့‑က်တခါ ထဘီး ကခူမြူးတူးဂေ့ဟှယ်” ဆိုဘီး ကျမ်းစာလာဟှူတိုင်း တချို့လူလေဟှာ ရောက်ထုဟှို ပူဇော်ပသဟှူမျိုး နို့လေ ပူဇော်ပသဘဲနေဟှို့တွပ် ဒိပေးဟှူဇာ ဖြစ်ဟှယ်။ 
\v 8 သူးနို့ထဲဟှ တချို့လေဟှာ တရားဘဲဟှူမေထုန်ဟှို ပြုဟှူမျိုး နို့လေပြုဘဲနေဂေ့ဇို့။ သူးနို့လေထဲဟှ လူတချို့ဟှာ တရားဘဲဟှူမေထုန်ဟှို ပြုဟှူကြောန့် တရစ်ဒဲမာဘဲ့ လူ ၂၃,၀၀၀ လဲဘီးသေဟှားဂေ့ဟှယ်။ 
\v 9 အယ်လူလေထဲဟှ တချို့လေဟှာ စောင်ဇမ်းရှင်းဟှို လောက်ဂေ့ဟှူကြောန့် ဗွီအားဖြင့် ပျစ်စီးဟှားဂေ့ဟှူမျိုး နို့လေပြုဘဲန ခရစ်တော်\f + \fr ၁၀.၉ \fr*\fq ခရစ်တော်၊ \fq*\ft တချို့ မူရင်းလတ်ရေးမူလေမာ \ft*\fqa ဘုရားသခင်၊ \fqa*\ft ဆိုဘီး ပါရှိဟှယ်။\ft*\f*ဟှို စောင်ဇမ်းဘဲနေဂေ့ဇို့။ 
\v 10 နန်းနို့လေဟှာ အယ်သူလေထဲဟှ တချို့ ညည်းညူဟှူမျိုး ညည်းညူဂေ့န။ အယ်မျိုး ညည်းညူဟှူ သူလေဟှာ ဖျစ်ဆီးရှင်း တမန်အားဖြင့် ဖျစ်ဆီးခံရဂေ့ဟှယ်။
\p
\v 11 အယ်သူလေ အယ်မျိုး ဖြစ်ရဟှူဇာဟှာ တခြားလူလေ သင်ဂန်းစာရဂေ့ဟှို့တွပ် ဖြစ်ဟှယ်။ နို့လေဟှာ ကပ်ကာလ ကူဆောန်းခါနီးမာ သတ်ရှင်ရဟှူ သူလေဖြစ်ကြောန့် နို့လေဟှို ဒိပေးဟှူနေန အယ်ကြောန်းရာလေဟှို ကျမ်းစာမာ ရေးဟှားဇာ ဖြစ်ဟှယ်။
\p
\v 12 အယ်ကြောန့် ကိုယ့်ကိုယ်ကိုယ် ခိုင်းခိုင်ခန့်ခန့် ရပ်တည်နေဟှယ် ဆိုဘီး ထန်ဟှူသူဟှာ ယိုင်လဲဘဲနေအောန် ဒိပြုပါစေ။ 
\v 13 လူမာ ဖြစ်တတ်ဟှူ စောင်ဇမ်း နှော့‑က်ယှစ်မှုလေဟှိုဘဲ့ နန်းနို့လေ ခံစားရဂေ့ဟှယ်။ ဘုရားသခင်ဟှာ သစ်စာန ပ္လဲ့ဇောင်ဟှူကြောန့် နန်းနို့ခံနိုင်ဘဲဟှူ စောင်ဇမ်း နှော့‑က်ယှစ်မှုလေဟှို နန်းနို့နားဟှို ရော့‑က်ဟှို့တွပ် ခွမ့်ပေးဟှို့ မှုဟှ။ နန်းနို့လေ ခံနိုင်ဟှို့တွပ် စောင်ဇမ်း နှော့‑က်ယှစ်ခံရဟှူ ကြောန်းရာန ထပ်တူ လွတ်မြော့‑က်ဟှူ လမ်းဟှိုလည်း စီရင်ပြုပြင်တော်မူလေ့မယ်။
\p
\v 14 အယ်မျိုးဖြစ်ကြောန့် ငါရှစ်ရဟှူ သူလေ၊ ရောက်ထု ကိုးကွယ်ဇာဟှို ရှောန်ဂေ့ပါ။ 
\v 15 နန်းနို့လေဟှို ပညာရှိဟှူ သူလေနေန ငါပြောရှင်း ဖြစ်ဟှယ်။ ငါ့စကားဟှို ဆင်ခြင်စီရင်ဂေ့ပါ။ 
\v 16 \x - \xo ၁၀.၁၆ \xo*\xt မ ၂၆.၂၆–၂၈; မာ ၁၄.၂၂–၂၄; လု ၂၂.၁၉,၂၀\xt*\x*နို့လေဟှာ ကျေးဇူးတော် ချီးမွမ်းဟှူ မင်္ဂလာခွပ်ဖလားဟှာ၊ ခရစ်တော်ရဲ့ သွီးဟှို ဆစ်ဆံဟှူဇာ ဖြစ်ဟှယ် မှုဟှလော။ နို့လေဖဲ့ဟှူ မုဟှာ။ ခရစ်တော်ရဲ့ ကိုယ်ခန္ဓာတော်ဟှို ဆစ်ဆံဘီး ဝီမျှသောင်းဆောန်ဂေ့ဟှူဇာ မှုဟှလော။ 
\v 17 မုဟှာ တလောင်းဒဲ ဖြစ်ဟှူမျိုး ဘောင်ဂီးဖြစ်ဟှူ နို့လေဟှာလည်း ကိုယ်ခန္ဓာတခုဒဲ ဖြစ်ဟှယ်။ ဖြားဖြစ်ကြောန့်နူးဆိုဟှာ နို့လေ အားလောင်းဂူဟှာ တလောင်းဒဲ ဖြစ်ဟှူမုဟှို ဆစ်ဆံဘီး သောင်းဆောန်ဂေ့ဟှူကြောန့် တလောင်းတကိုယ်ဒဲ ဖြစ်ဂေ့ဟှယ်။
\p
\v 18 ဇာတိအားဖြင့် ဣသရေလ လူမျိုးလေဖြစ်ဟှူ သူလေဟှို ကေ့ဘီး ဆင်ခြင်ဂေ့ပါ။ ယဇ်ပူဇော်ဟှားဟှူ ယဇ်ကောန်လေဟှို စားဟှူ သူးနို့လေဟှာ ယဇ်ပလ္လင်န ဆစ်ဆံဟှူ သူလေ ဖြစ်ဂေ့ဟှယ် မှုဟှလော။ 
\v 19 အယ်မျိုးဆိုဟှာ ရောက်ထုဟှို ပူဇော်ဟှူရာဟှာ ရေးပါဟှူဇာ ဖြစ်ဟှယ်။ အယ်မျိုးမှုဘဲနေဟှာ ရောက်ထုဟှာ ရေးပါဟှူဇာ ဖြစ်ဟှယ် ဆိုဘီး ငါဆိုလိုဟှူဇာလော။ 
\v 20 အယ်မျိုးငါဆိုလိုဇာ မှုဟှ။ သူးနို့ပူဇော်ဟှူ ယဇ်ကောန်ဟှာ ဘုရားသခင်ဟှို ပူဇော်ဇာမှုဘဲန နတ်ဆိုးလေဟှို ပူဇော်ဇာဖြစ်ဟှယ်။ နန်းနို့လေဟှို နတ်ဆိုးလေန ဆစ်ဆံဟှူဇာဟှို ငါမလိုရှင်ဟှ။ 
\v 21 နန်းနို့လေဟှာ သခင်ဘုရားရဲ့ ခွပ်ဖလားဟှ စဗျစ်ရယ်ဟှို သော့‑က်ဘီ၊ နတ်ဆိုးရဲ့ခွပ်ဖလားဟှ စဗျစ်ရယ်ဟှိုလည်း မသော့‑က်နိုင်ဟှ။ သခင်ဘုရားစားဟှူဗွဲဟှစားဘီး နတ်ဆိုးစားဟှူဗွဲဟှလည်း စားနိုင်ဂေ့ဟှ။ 
\v 22 နို့လေဟှာ သခင်ဘုရားဟှို မျစ်ထွပ်အောန် ဆန့်ကျင်ဖတ်ပြုရှင်ဂေ့ကြောန့်လော။ နို့လေဟှာ သခင်ဘုရားထတ် ပိုဘီးတဂိုးကီးဟှူကြောန့်လော။
\p
\v 23 \x - \xo ၁၀.၂၃ \xo*\xt ၁ ကော ၆.၁၂\xt*\x*“နို့လေဟှာ ဖယ်မှုဟှိုမဆို ပြုလောက်ခွမ့်ရှိဟှယ်” ဆိုဘီး ပြောဟှူတိုင်းမှန်ဟှူလည်းဘဲ့ ရာအားလောင်းကျိုးရှိဟှူဇာ မှုဟှ။ “နို့လေဟှာ ဖယ်မှုဟှိုမဆို ပြုခွမ့်ရှိဟှယ်” ဆိုဘီး ပြောဟှူလည်းဘဲ့ ရာအားလောင်းဟှာ နို့လေဟှို ကျိုးပြုပေးဇာ မှုဟှ။ 
\v 24 ဖယ်သူလည်း ကိုယ့်ကျိုးဟှိုမရှာစေန။ သူများကျိုးဟှိုဘဲ့ လူတိုင်းရှာပါစေ။
\p
\v 25 နန့်ရဲ့ ကိုယ့်ကိုယ်ကိုယ် သိဟှူစိဟှို ထော့‑က်ရဟှူကြောန့် ဆေးမာ ရောန်းဇာလေ အားလောင်းဂူဟှို စစ်ဆေးမေးမြန်းဘဲန စားဂေ့ပါ။ 
\v 26 ဖြားဖြစ်ကြောန့်နူးဆိုဟှာ “မ္လေဂီးနတူးဒူ မ္လေဂီးထတ်မာရှိဟှူ ရာအားလောင်းဂူဟှို ဘုရားသခင် ပိုင်တော်မူဟှယ်” ဆိုဘီး ကျမ်းစာဟှပြောဟှယ်။
\p
\v 27 တကယ်ဟှိ ယောင်ကြည်ဘဲသူ တယော့‑က်ဟှာ နန်းနို့လေဟှို ဧည့်ခံဘီး ကျွေးမွေးဟှို့ခေါ်ဟှူ ခီမာ နန်းနို့သွားဂေ့ဘီး သိစိဟှို ထော့‑က်ရဟှူကြောန့် ထဲ့ကျွေးဇာလေ အားလောင်းဂူဟှို စစ်ဆေးမေးမြန်းဘဲန စားဂေ့ပါ။ 
\v 28 အယ်ဘေမဲ့ လူယော့‑က်ယော့‑က်ဟှ “အယ်ဇာဟှာ ရောက်ထုဟှို ပူဇော်ဟှားဟှူ သားဖြစ်ဟှယ်” ဆိုဘီး ပြောဟှာ အယ်မျိုးပြောဟှူ သူန သိစိဟှို ထော့‑က်ဘီးဟှာ အယ်ဇာဟှို စားဂေ့န — 
\v 29 သိစိ ဆိုဘီး ပြောဟှူဇာဟှာ နန်းနို့ရဲ့သိစိဟှို ပြောဟှူဇာ မှုဟှ။ တခြားသူရဲ့ သိစိဟှို ပြောဟှူဇာဖြစ်ဟှယ်။
\p နန်းနို့လေထဲဟှ ယော့‑က်ယော့‑က်ဟှ “ငါ့ရဲ့လွတ်လပ်မှုဟှို ဖြားဖြစ်ကြောန့် သူများရဲ့သိစိဟှ လာဘီးစစ်ကြောစီရင်ရနူး။ 
\v 30 ငါဟှာ ကိုယ်စားဟှူစားသော့‑က်တွပ် ဘုရားသခင်ရဲ့ ကျေးဇူးတော်ဟှို ချီးမွမ်းဟှယ် ဆိုဟှာ အယ်မျိုး ကျေးဇူးတော်ဟှို ချီးမွမ်းဘီး စားဟှူစားဇာန ပတ်သတ်ဘီးဟှာ ငါ့ဟှို ဖြားဖြစ်ကြောန့် ကဲ့ရဲ့ပြစ်တန်ရနူး” ဆိုဘီး မေးလေ့မယ်။
\p
\v 31 နန်းနို့လေဟှာ စားဟှူဇာဘဲ့ဖြစ်ဖြစ်၊ သော့‑က်ဟှူဇာဘဲ့ဖြစ်ဖြစ်၊ ဖယ်မျိုးမှုဟှိုဘဲ့ပြုပြု ဘုရားသခင်ရဲ့ ဖောင်းသရေတော်ဟှို ထော့‑က်ဘီး မှုရာအားလောင်းဟှို ပြုဂေ့ပါ။ 
\v 32 ယုဒလူမျိုးဘဲ့ဖြစ်ဖြစ်၊ လူမျိုးခြားလေဘဲ့ဖြစ်ဖြစ်၊ ဘုရားသခင်ရဲ့ သင်းတော်ဝမ်ဟှူ သူလေဟှိုဘဲ့ဖြစ်ဖြစ် ကဲ့ရဲ့ဇာကြောန်း မှေ့ဘဲနေအောန် နေထိုင်ဂေ့ပါ။ 
\v 33 အယ်မျိုးဘဲ့ ငါလည်း လူလေ ကယ်တန်ရှင်းရဟှို့တွပ် ကိုယ့်ကျိုးဟှို ငဲ့ဘဲန သူများလေရဲ့ကျိုးဟှို ငဲ့ကွပ်ဘီးဟှာ မှုရာအားလောင်းဟှို လူလေနှစ်သက်အောန် ကြိုးစားနေဟှယ်။
\c 11
\nb
\v 1 \x - \xo ၁၁.၁ \xo*\xt ၁ ကော ၄.၁၆; ဖိ ၃.၁၇\xt*\x*အယ်မျိုးဖြစ်ကြောန့် ငါဟှာ ခရစ်တော်ဟှို တုယူဟှူမျိုး နန်းနို့လေလည်း ငါ့ဟှို တုယူဂေ့ပါ။
\s ခေါန်းဟှိုဖောင်းအောက်ဟှူကြောန်း
\p
\v 2 နန်းနို့လေဟှာ ငါ့ဟှို မြဲဒမ်း ဒိရဘီး ငါပေးဟှူ နည်းဥပဒေသလေဟှို လိုက်နာ ကျင့်သောင်းဂေ့ဟှူကြောန့် နန်းနို့လေဟှို ငါချီးကျူးပါဟှယ်။ 
\v 3 အယ်ဘေမဲ့ နန်းနို့လေဟှို သိစေရှင်ဟှူဇာဟှ ခရစ်တော်ဟှာ ယော့‑က်ကျားတိုင်းရဲ့ ခေါန်းဖြစ်ဟှယ်။ မီးမရဲ့ခေါန်းဟှာ ယော့‑က်ကျားဖြစ်ဟှယ်။ ခရစ်တော်ရဲ့ခေါန်းဟှာ ဘုရားသခင်ဖြစ်ဟှယ်။ 
\v 4 အယ်မျိုးဖြစ်ကြောန့် ယော့‑က်ကျားဟှာ ကိုယ့်ခေါန်းဟှို ဖောင်းဘီး ဆုတောန်းဇာဘဲ့ဖြစ်ဖြစ်၊ ပရောဖက်ပြုဇာဘဲ့ဖြစ်ဖြစ် ကိုယ့်ခေါန်းရဲ့ အသရေဟှို ရှောက်ခ္လသူဖြစ်ဟှယ်။ 
\v 5 မီးမဟှာ ကိုယ့်ရဲ့ခေါန်းဟှို ဖောင်းဘဲန ဆုတောန်းဇာဘဲ့ဖြစ်ဖြစ်၊ ပရောဖက်ပြုဇာဘဲဖြစ်ဖြစ် ကိုယ့်ခေါန်းရဲ့ အသရေဟှို ရှောက်ခ္လဟှူဇာဖြစ်ဟှယ်။ အယ်မျိုးပြုဟှူဆိုဟှာ ခေါန်းရိဟှားဟှူသူန တူးဒူဘဲ့ဖြစ်ဟှယ်။ 
\v 6 အယ်ကြောန့် မီးမဟှာ ကိုယ့်ရဲ့ခေါန်းဟှို ဖောင်းဘဲန နေမယ် ဆိုဟှာ ဆားဗန်ဟှို ဖြတ်ပါစေ။ အယ်ဘေမဲ့ ဆားဗန်ဖြတ်ဟှူဇာ၊ ခေါန်းရိဟှူဇာဟှာ မီးမလေတွပ် ယှစ်ဇာဖြစ်မယ် ဆိုဟှာ ခေါန်းဟှို ဖောင်းဟှားပါစေ။ 
\v 7 ယော့‑က်ကျားဟှာ ဘုရားသခင်ရဲ့ ပေါင်သဏ္ဌာန်တော်န ဖောင်းသရေတော်ဖြစ်ဟှူကြောန့် ကိုယ့်ရဲ့ခေါန်းဟှို ဖောင်းသင့်ဟှ။ အယ်ဘေမဲ့ မီးမဟှာ ယော့‑က်ကျားရဲ့ ဖောင်းသရေတော်ဖြစ်ဟှယ်။ 
\v 8 ဖြားဖြစ်ကြောန့်နူးဆိုဟှာ ယော့‑က်ကျားဟှာ မီးမအားဖြင့် ဖြစ်လာဟှူဇာ မှုဟှ။ မီးမဟှဘဲ့ ယော့‑က်ကျားအားဖြင့် ဖြစ်လာဟှူဇာဖြစ်ဟှယ်။ 
\v 9 ယော့‑က်ကျားဟှို မီးမတွပ် ဖန်ဆင်းဟှူဇာ မှုဟှ။ မီးမဟှိုဘဲ့ ယော့‑က်ကျားတွပ် ဖန်ဆင်းဟှားဇာဖြစ်ဟှယ်။ 
\v 10 အယ်မျိုးဖြစ်ကြောန့် ကောန်းဂန်တမန်လေဟှို ထော့‑က်ဘီးဟှာ မီးမဟှာ ကိုယ့်ဟှို ယော့‑က်ကျားအောက်စိုးဟှူဇာဟှို ဖော်ပြဟှူနေန ကိုယ့်ရဲ့ခေါန်းဟှို ဖောင်းသင့်ဟှယ်။ 
\v 11 အယ်ဘေမဲ့ သခင်ဘုရားနှိုက် ယော့‑က်ကျားပါဘဲန မီးမဖြစ်ဟှူဇာ မှုဟှ။ မီးမပါဘဲန ယော့‑က်ကျားဖြစ်ဟှူဇာ မှုဟှ။ 
\v 12 ဖြားဖြစ်ကြောန့်နူးဆိုဟှာ မီးမဟှာ ယော့‑က်ကျားကြောန့်ဖြစ်လာဟှူမျိုး ယော့‑က်ကျားဟှလည်း မီးမအားဖြင့် မွီးလာဟှူဇာဖြစ်ဟှယ်။ အယ်ဘေမဲ့ မှုရာအားလောင်းဂူဟှို ဖန်ဆင်းဟှူသူဟှာ ဘုရားသခင် ဖြစ်ဟှယ်။
\p
\v 13 မီးမဟှာ ခေါန်းဟှို ဖောင်းဘဲန ဘုရားသခင်ဟှို ဆုတောန်းဟှို့ သင့်လား သင့်ဟှလား ဆိုဇာဟှို နန်းနို့ကိုယ်တိုင် ဆင်ခြင်စီရင်ဂေ့ပါ။ 
\v 14 ယော့‑က်ကျားဟှာ ဆားဗန်ရှယ်ထားဟှယ် ဆိုဟှာ သူ့တွပ် ယှစ်ဇာဖြစ်ဟှူကြောန်းဟှို သဘာဝတရားကိုယ်နှိုက်က နန်းနို့ဟှို သွန်သန်ဟှယ် မှုဟှလော။ 
\v 15 မီးမဟှာ ရှယ်ဟှူဆားဗန်ရှိဟှယ် ဆိုဟှာ သူ့တွပ် ဖောင်းသရေတော်ဖြစ်ဟှယ်။ ဖြားဖြစ်ကြောန့်နူးဆိုဟှာ ဆားဗန်ဟှို သူ့တွပ်ခြောင်ထယ်ဖြစ် ပေးဟှားဇာဖြစ်ဟှယ်။ 
\v 16 အယ်ဘေမဲ့လည်း အယ်ကိစန ပတ်သတ်ဘီး ယော့‑က်ယော့‑က်ဟှ ဂြင်းခူလောက်ရှင်ဟှယ် ဆိုဟှာ နို့လေနဘဲ့ဖြစ်ဖြစ် ဘုရားသခင်ရဲ့ သင်းတော်နဘဲ့ဖြစ်ဖြစ် အယ်မျိုး ထောင်းဇံမှေ့ဟှ။
\s သခင်ဘုရားရဲ့ ပွဲတော်မင်္ဂလာကြောန်း
\r (မဿဲ ၂၆.၂၆–၂၉; မာကု ၁၄.၂၂–၂၅; လုကာ ၂၂.၁၄–၂၀)
\p
\v 17 အယ်ဘေမဲ့ အယ်ညွှန်ကြားချစ်လေပေးရာမာ နန်းနို့ဟှို ငါချီးကျူးဟှ။ ဖြားဖြစ်ကြောန့်နူးဆိုဟှာ နန်းနို့လေရဲ့ ဝတ်ပြုဟှူဇာဟှာ ကောန်းကျိုးထတ် ဆိုးကျိုးဟှ ပိုဘီးများဟှူကြောန့် ဖြစ်ဟှယ်။ 
\v 18 ပထမဆောင်းနေန နန်းနို့လေရဲ့ သင်းတော်စည်းဝေးလေမာ စိဝန်းကွဲဇာလေရှိနေကြောန်းဟှို ငါကြားသိရဟှယ်။ ကြာရဟှူတိုင်းဘဲ့ တချို့မှန်မယ်ဆိုဇာ ငါယောင်ကြည်ဟှယ်။ 
\v 19 (နန်းနို့လေ စိဝန်းကွဲဟှူဇာလေ ရှိရမယ်မှန်ဟှယ်။ အယ်မျိုးမှဘဲ့ မှန်တရားဖတ်မာ ရပ်တည်သူလေဟှို သိရမယ်။) 
\v 20 နန်းနို့ တူးဒူစုဝေးဂေ့ဟှူ ခီမာ သခင်ဘုရားရဲ့ ပွဲတော်မင်္ဂလာဝမ်ဟှို့တွပ် စုဝေးဇာ မှုဟှ။ 
\v 21 ဖြားဖြစ်ကြောန့်နူးဆိုဟှာ နန်းနို့လေ စားသော့‑က်ဂေ့ခီမာ လူတိုင်းဟှ သူများလေဟှို စောန့်ဘဲန ကိုယ့်ညဉ့်ခန်းဇာဟှို စားဟှူကြောန့် မောဟှူသူဟှ မောဂေ့ဘီး ဆာဟှူသူဟှ ဆာနေဂေ့ဟှယ်။ 
\v 22 နန်းနို့လေမာ စားသော့‑က်ဟှို့ အီမှေ့ဂေ့ဟှလော။ အယ်မျိုးမှုဘဲနေဟှာ ဘုရားသခင်ရဲ့ သင်းတော်ဟှို ထီမဲ့မြင်ပြုဘီး ဆင်းရဲသားလေဟှို ယှစ်ခွဲရှင်ကြောန့်လော။ နန်းနို့လေဟှို ငါဖယ်မျိုးပြောရဟှို့နူး။ နန်းနို့လေဟှို ငါချီးကျူးရဟှို့လော။ အယ်မှုရာဟှို ဖယ်မျိုးလည်း ချီးကျူးဟှို့ရဟှ!
\p
\v 23 ဖြားဖြစ်ကြောန့်နူးဆိုဟှာ သခင်ဘုရားဆီဟှ ငါခံယူရရှိဟှူဇာဟှို နန်းနို့လေဟှို ငါအပ်ပေးဟှယ်။ အယ်မူဇာဟှ သခင်ယေရှုဟှာ ရန်သူလေလတ်ဟှို အပ်နှံရှင်းဟှို ခံတော်မူဟှူညဉ့်မာ မုဟှိုယူဘီး၊ 
\v 24 ကျေးဇူးတော်ဟှို ချီးမွမ်းဘီးမှ မုဟှိုဖဲ့ဘီးဟှာ “အယ်မုဟှာ နန်းနို့တွပ် ခ္လိုးဖဲ့ဟှူ ငါ့ရဲ့ကိုယ်ခန္ဓာ ဖြစ်ဟှယ်။ ငါ့ဟှို အော့‑က်မေ့ဟှို့တွပ် အယ်မျိုးပြုဂေ့ပါ” ဆိုဘီး မိန့်တော်မူဟှယ်။ 
\v 25 အယ်တိုင်းဘဲ့ ညဉ့်ဇာစားဘီးန ခွပ်ဟှိုလည်း ယူဘီးဟှာ “အယ်ခွပ်ဟှာ ငါ့သွီးနတည်ဟှူ ပဋိညာဉ်တရားသစ် ဖြစ်ဟှယ်။ အယ်ခွပ်ဟှိုသော့‑က်ဟှူခီတိုင်း ငါ့ဟှို အော့‑က်မေ့ဟှို့တွပ် အယ်မျိုးပြုဂေ့ပါ” ဆိုဘီး မိန့်တော်မူဟှယ်။
\p
\v 26 အယ်ကြောန့် နန်းနို့လေဟှာ အယ်မုဟှို စားဘီး အယ်ခွပ်ဟှိုသော့‑က်ဟှူခီတိုင်းမာ သခင်ဘုရားရဲ့ သေခံတော်မူဟှူကြောန်းဟှို ကြွလာဟှူခီထိ ကြေညာဟှူဇာဖြစ်ဟှယ်။ 
\v 27 အယ်မျိုးဖြစ်ကြောန့် သခင်ဘုရားရဲ့ မုနခွပ်ဟှို ထိုက်တန်ဘဲန စားသော့‑က်ဟှူသူဟှာ သခင်ဘုရားရဲ့ ကိုယ်ခန္ဓာတော်န သွီးတော်ဟှို ပြစ်မှားရာရော့‑က်ဟှယ်။ 
\v 28 အယ်ကြောန့် လူတိုင်း ကိုယ့်ကိုယ်ကိုယ် စစ်ဆေးဘီးမှ မုဟှို စားပါစေ။ အယ်တိုင်းဘဲ့ ခွပ်ဟှိုလည်း သော့‑က်ပါစေ။ 
\v 29 ဖြားဖြစ်ကြောန့်နူးဆိုဟှာ သခင်ဘုရားရဲ့ ကိုယ်ခန္ဓာဟှို ပိုင်းခြားဘီး နားလည်ဘဲန စားသော့‑က်ဟှူ သူဟှာ ကိုယ့်ထတ်ဟှို ပြစ်ဒန်ရော့‑က်အောန် စားသော့‑က်ဟှူသူ ဖြစ်ဟှယ်။ 
\v 30 အယ်ကြောန့် နန်းနို့လေထဲဟှ တချို့ဟှာ အားနဲသူလေန ကျန်းမာရေးကောန်းဘဲသူ ဘောင်ဂီးရှိဂေ့ဟှယ်။ သေဟှားဂေ့ဟှူ သူလည်းရှိဟှယ်။ 
\v 31 နို့လေဟှာ ကိုယ့်ကိုယ်ကိုယ် ရင်ဦးဆောင်း စစ်ဆေးမယ် ဆိုဟှာ အယ်မျိုး စီရင်ရှင်းဟှို ခံရဂေ့ဟှို့ မှုဟှ။ 
\v 32 စီရင်ရှင်းခံရဟှယ် ဆိုဟှာလည်း လောကသားလေနတူးဒူ ပြစ်ဒန်စီရင်ဟှူဇာဟှို ခံရဘဲနေဟှို့တွပ် သခင်ဘုရားရဲ့ ဆောင်းမတော်မူဟှူဇာဟှို ခံရဂေ့ဟှယ်။
\p
\v 33 အယ်ကြောန့် ညီကို မောန်နှမလေ၊ သခင်ဘုရားရဲ့ ပွဲတော်မင်္ဂလာဟှို ဝမ်ဟှို့တွပ် စုဝေးဂေ့ခီမာ ယော့‑က်ဟှိုယော့‑က် စောန့်နေဂေ့ပါ။ 
\v 34 ယော့‑က်ယော့‑က်ဟှ ရရာတိုင်း ဗိုက်ဆာနေဟှယ် ဆိုဟှာ ပြစ်ဒန်စီရင်ခံရမယ့် စုဝေးရှင်းမျိုးဖြစ်ဘဲနေအောန် အယ်သူဟှို သူ့အီမာ စားစေပါ။ ကျန်ဟှူကိစလေဟှို ငါလာဟှူခီမှ စီရင်မယ်။
\c 12
\s ဝိညာဉ်ဆုကျေးဇူးလေကြောန်း
\p
\v 1 ညီကို မောန်နှမလေ ဝိညာဉ်ဆုကျေးဇူးလေရဲ့ ကြောန်းရာလေဟှို နန်းနို့သိဘဲနနေဟှို့တွပ် ငါလိုမှေ့ဟှ။ 
\v 2 နန်းနို့လေဟှာ စဒူးဟှ လူမျိုးခြားလေဖြစ်ဟှူကြောန့် သူများသွီးဆောန်ဟှူနော့‑က်ဟှို လိုက်ပါဘီး သတ်မှေ့ဘဲဟှူ ရောက်ထုလေဟှို ကိုးကွယ်ဂေ့ဟှူကြောန်းဟှို နန်းနို့လေ သိဘဲ့ဖြစ်ဟှယ်။ 
\v 3 အယ်ကြောန့် နန်းနို့လေဟှို သိစေရှင်ဇာဟှ ဖယ်သူလေမှလည်း ဘုရားသခင်ရဲ့ ဝိညာဉ်တော်အားဖြင့် “ယေရှုဟှာ ကီရှင်းခံရပါစေ!” ဆိုဘီး ပြောဟှို့မှုဟှ။ အယ်မူမျိုးဘဲ့ သန့်ရှင်းဟှူဝိညာဉ်တော်အားဖြင့် မှုဟှဆိုဟှာ “ယေရှုဟှာ သခင်ဖြစ်တော်မူဟှယ်” ဆိုဘီး ဖယ်သူလည်းဘဲ့ ဝန်ခံနိုင်ဘဲကြောန်းဟှို နန်းနို့ဟှို သိစေရှင်ဟှယ်။
\p
\v 4 \x - \xo ၁၂.၄–၁၁ \xo*\xt ရော ၁၂.၆–၈\xt*\x*ဝိညာဉ်တော်ရဲ့ ဆုကျေးဇူးတော်ဟှာ မျိုးမျိုးရှိဟှူလည်းဘဲ့ ဝိညာဉ်တော်ဟှာ တပါးဒဲဘဲ့ရှိဟှယ်။ 
\v 5 မှုတော်လောက်ငန်း မျိုးမျိုးရှိဟှူလည်းဘဲ့ သခင်ဘုရားဟှာ တပါးဒဲဘဲ့ရှိဟှယ်။ 
\v 6 လောက်ဆောန်ချစ် မျိုးမျိုးရှိဟှူလည်းဘဲ့ လူလေထတ်မာ ခပ်သီးဟှူမှုရာဟှို ပြုတော်မူဟှူ ဘုရားသခင်ဟှာ တပါးဒဲဘဲ့ရှိဟှယ်။ 
\v 7 ကောန်းဟှူကျိုးတွပ် ဝိညာဉ်တော်ဟှို လူသီးသီးဟှို ထန်ရှားအောန် ပေးတော်မူဟှယ်။ 
\v 8 ဖြားဖြစ်ကြောန့်နူးဆိုဟှာ ဝိညာဉ်တော်အားဖြင့် တယော့‑က်ဟှို ပညာတရားဟှို ပေးတော်မူဟှယ်။ အယ်ဝိညာဉ်တော်အားဖြင့် တခြားတယော့‑က်ဟှို ထိုးထွင်းရှင်းပညာဟှို ပေးတော်မူဟှယ်။ 
\v 9 အယ်ဝိညာဉ်တော်ဟှ တယော့‑က်ဟှို ယောင်ကြည်ရှင်း ဆုကျေးဇူးဟှိုဘဲ့ဖြစ်ဖြစ်၊ တခြားတယော့‑က်ဟှို နာရောဂါပျော့‑က်ကင်းစေနိုင်ဟှူ တဂိုးဟှိုဘဲ့ဖြစ်ဖြစ်၊ 
\v 10 တယော့‑က်ဟှို နိမိတ်လတ်ခဏာပြနိုင်ဟှူ တဂိုးဟှိုဘဲ့ဖြစ်ဖြစ်၊ တခြားတယော့‑က်ဟှို ပရောဖက်ပြုခွမ့်ဟှိုဘဲ့ဖြစ်ဖြစ်၊ နော့‑က်တယော့‑က်ဟှို စိဝိညာဉ်ဟှို ပိုင်းခြားဘီး သိနိုင်ဟှူခွမ့်ဟှိုဘဲ့ဖြစ်ဖြစ်၊ နော့‑က်တယော့‑က်ဟှိုလည်း ထူးဆန်းဟှူ ဘာသာစကားမျိုးမျိုးဟှို ပြောနိုင်ဟှူခွမ့်ဟှိုဘဲ့ဖြစ်ဖြစ်၊ နော့‑က်တယော့‑က်ဟှို အယ်ဘာသာစကားရဲ့ နတ်ဓိပါယ်ဟှို ဖော်ပြပေးနိုင်ဟှူခွမ့်ဟှိုဘဲ့ဖြစ်ဖြစ် ပေးတော်မူဟှယ်။ 
\v 11 အယ်ဝိညာဉ်တော် တပါးဒဲဟှဘဲ့ အယ်မှုရာအားလောင်းဟှို လောက်ဆောန်တော်မူဘီး လိုတော်ရှိဟှူတိုင်း အယ်ဆုကျေးဇူးလေဟှို ယော့‑က်စီတိုင်းဟှို သီးသီးခွဲဝီပေးတော်မူဟှယ်။
\s အင်္ဂါစိပိုင်းလေရှိဟှူ ကိုယ်ခန္ဓာကြောန်း
\p
\v 12 \x - \xo ၁၂.၁၂ \xo*\xt ရော ၁၂.၄,၅\xt*\x*ခရစ်တော်ဟှာ အင်္ဂါစိပိုင်းလေဘောင်ဂီးရှိဟှူ ကိုယ်ခန္ဓာနတူဟှယ်။ ကိုယ်ခန္ဓာမာ အင်္ဂါစိပိုင်းလေ ဘောင်ဂီးရှိဟှူလည်းဘဲ့ ကိုယ်တကိုယ်ဒဲဘဲ့ ဖြစ်ဟှယ်။ 
\v 13 ဖြားဖြစ်ကြောန့်နူးဆိုဟှာ ယုဒလူမျိုးဘဲ့ဖြစ်ဖြစ်၊ လူမျိုးခြားဘဲ့ဖြစ်ဖြစ်၊ ကျွန်ဘဲ့ဖြစ်ဖြစ်၊ လူလွတ်ဘဲ့ဖြစ်ဖြစ်၊ နို့လေ အားလောင်းဂူဟှာ ဝိညာဉ်တော် တပါးဒဲအားဖြင့် ကိုယ်ခန္ဓာ တခုဒဲဟှို ဗတ္တိဇံခံယူဂေ့ဟှယ်။ နို့လေရှိဟှူ အားလောင်းဟှာ ဝိညာဉ်တော် တပါးဒဲဟှို သော့‑က်ဂေ့ရဟှယ်။
\p
\v 14 ကိုယ်ခန္ဓာမာ အင်္ဂါစိပိုင်းဟှာ တခုဒဲဘဲ့ရှိဟှူဇာ မှုဟှ။ ဘောင်ဂီးဘဲ့ ရှိဟှယ်။ 
\v 15 ခေဟှ “ငါဟှာ လတ်မှုဘဲကြောန့် ကိုယ်ခန္ဓာန စပ်ဆိုင်ဟှ” ဆိုဘီး ပြောဟှူကြောန့် တကယ်ဘဲ့ ကိုယ်ခန္ဓာန စပ်ဆိုင်ဟန်းဘဲဇာ မှုဟှ။ 
\v 16 နားဟှလည်း “ငါဟှာ မျစ်စိမှုဘဲကြောန့် ကိုယ်ခန္ဓာန စပ်ဆိုင်ဟှ” ဆိုဘီး ပြောဟှယ် ဆိုဟှာလည်း တကယ်ဘဲ့ ကိုယ်ခန္ဓာန စပ်ဆိုင်ဟန်းဘဲဇာ မှုဟှ။ 
\v 17 ကိုယ်ခန္ဓာ တခုလောင်းဟှာ မျစ်စိဘဲ့ဖြစ်နေဟှယ် ဆိုဟှာ ဖယ်မျိုး ကြားနိုင်မယ်နူး။ ကိုယ်ခန္ဓာ တခုလောင်းဟှာ နားဘဲ့ဖြစ်နေဟှယ် ဆိုဟှာလည်း ဖယ်မျိုး နံ့ခံနိုင်ဟှို့နူး။ 
\v 18 အယ်ဘေမဲ့ ဘုရားသခင်ဟှာ ကိုယ်ခန္ဓာမာရှိဟှူ အင်္ဂါစိပိုင်းလေဟှို သူ့လိုတော်ရှိဟှူတိုင်း သူ့နေရာနသူ ရှိစေတော်မူဟှယ်။ 
\v 19 အားလောင်းဟှာ အင်္ဂါတခုဒဲဘဲ့ ဖြစ်ဟှယ် ဆိုဟှာ ကိုယ်ခန္ဓာဟှာ ဖယ်မာရှိဦးမယ်နူး။ 
\v 20 ခုဟှ အင်္ဂါစိပိုင်းလေ ဘောင်ဂီးရှိဟှူလည်းဘဲ့ ကိုယ်ခန္ဓာတခုဒဲဟှဘဲ့ရှိဟှယ်။
\p
\v 21 အယ်ကြောန့် မျစ်စိဟှ “နန့်ဟှို ငါမလိုဟှ” ဆိုဘီး လတ်ဟှိုပြောမရဟှ! ခေါန်းဟှလည်း “နန့်ဟှို ငါမလိုဟှ” ဆိုဘီးလည်း ခေဟှိုပြောမရဟှ! 
\v 22 အယ်လော့‑က်နကဟှ ကိုယ်ခန္ဓာမာ ပိုဘီးအားနဲဟှယ် ဆိုဘီး ထန်ရဟှူ အင်္ဂါစိပိုင်းလေဟှာ ပိုဘီးလိုအပ်ဟှူ အင်္ဂါလေဖြစ်ဟှယ်။ 
\v 23 အသရေမဲ့ဟှယ် ဆိုဘီး ထန်ရဟှူ အင်္ဂါစိပိုင်းလေဟှို ပိုဘီးကီးဟှူ အသရေအားဖြင့် ဆင်ယင်တတ်ဂေ့ဟှယ်။ တင့်တယ်မှုမှေ့ဘဲဟှူ ကိုယ်အင်္ဂါစိပိုင်းလေဟှို ပိုဘီးတင့်တယ်အောန် ဆင်ယင်တတ်ဂေ့ဟှယ်။ 
\v 24 တင့်တယ်ဟှူ ကိုယ်အင်္ဂါစိပိုင်းလေဟှို မွန်းမံဇာလိုအပ်ဟှ။ အယ်ဘေမဲ့ ဘုရားသခင်ဟှာ ဂေါင်ငယ်ဟှူ အင်္ဂါစိပိုင်းလေဟှို ပိုဘီးကီးဟှူ ဂေါင်သရေဟှို ပေးဘီး ကိုယ်ခန္ဓာဟှို ပေါန်းစပ်ဖွဲ့စည်းဟှားတော်မူဟှယ်။ 
\v 25 အယ်ကြောန့် ကိုယ်ခန္ဓာမာ ကွဲပြားမှုမှေ့ဘဲ အင်္ဂါစိပိုင်းလေ ရှင်းရှင်း ဂရုစိုက်ဂေ့ဟှို့တွပ် ဖြစ်ဟှယ်။ 
\v 26 တကယ်ကြောန့် ကိုယ်အင်္ဂါစိပိုင်းတခုဟှ ဝေဒနာခံစားနေရဟှယ် ဆိုဟှာ တခြားအင်္ဂါစိပိုင်းလေဟှာလည်း ဒန်းတူခံစားရဂေ့ဟှယ်။ အင်္ဂါစိပိုင်းတခုဟှ ချီးမြှော့‑က်ရှင်းခံရဟှယ် ဆိုဟှာ တခြားအင်္ဂါစိပိုင်းလေဟှလည်း တူးဒူဘဲ့ဝန်းသာဂေ့ဟှယ်။
\p
\v 27 နန်းနို့အားလောင်းဟှာ ခရစ်တော်ရဲ့ကိုယ်ခန္ဓာတော်ဖြစ်ဂေ့ဟှယ်။ နန်းနို့အသီးသီးဟှာ ကိုယ်ခန္ဓာရဲ့ အင်္ဂါစိပိုင်းလေဖြစ်ဂေ့ဟှယ်။ 
\v 28 \x - \xo ၁၂.၂၈ \xo*\xt ဧ ၄.၁၁\xt*\x*ဘုရားသခင်ဟှာ ပထမအနေန တမန်တော်လေ၊ ဒုတိယအနေန ပရောဖက်လေ၊ တတိယအနေန ဆရာလေ၊ အယ်ဘီးန နိမိတ်လတ်ခဏာတဂိုးပြဟှူသူလေ၊ နာရောဂါပျော့‑က်စေနိုင်ဟှူ ဆုကျေးဇူးဟှိုရဟှူသူလေ၊ ကူညီမစဟှူသူလေ၊ စီမံအောက်ချောက်ဟှူသူလေ၊ ထူးဆန်းဟှူ ဘာသာစကားမျိုးမျိုးလေဟှို ပြောနိုင်သူလေဟှိုဘဲဖြစ်ဖြစ် သင်းတော်မာ ခန့်ဟှားတော်မူဟှယ်။ 
\v 29 အားလောင်းဟှာ တမန်တော်လေဖြစ်ဂေ့ကြောန့်လော။ အားလောင်းဟှာ ပရောဖက်လေ ဖြစ်ဂေ့ကြောန့်လော။ အားလောင်းဟှာ ဆရာလေဖြစ်ဂေ့ကြောန့်လော။ အားလောင်းဟှာ တဂိုးနိမိတ်လတ်ခဏာပြုနိုင်ကြောန့်လော။ 
\v 30 အားလောင်းဟှာ ရောဂါပျော့‑က်စေနိုင်ဟှူဆုကျေးဇူးဟှို ရဟှူသူလေဖြစ်ကြောန့်လော။ အားလောင်းဘဲ့ ထူးဆန်းဟှူဘာသာစကားဟှို ပြောနိုင်ဟှူသူလေဖြစ်ကြောန့်လော။ အားလောင်းဟှာ အယ်မူနတ်ဓိပါယ်ဟှို ဖော်ပြပေးနိုင်ဟှိကြောန့်လော။ 
\v 31 အယ်မျိုးဖြစ်ကြောန့် နန်းနို့လေဟှာ ပိုဘီးမြတ်ဟှူဆုကျေးဇူးလေဟှို ရရာတိုင်းလိုရှင်ဟှူစိရှိဂေ့ပါ။
\p ငါဟှာ နန်းနို့ဟှို ပိုဘီးထူးမြတ်ဟှူလမ်းဟှို ပြအူးမယ်။
\c 13
\s မြစ်တာကြောန်း
\p
\v 1 ငါဟှာ လူ့ဘာသာစကားန ကောန်းဂန်တမန်ဘာသာစကားဟှို ပြောနိုင်ဟှူလည်းဘဲ့ မြစ်တာမှေ့ဘဲနေဟှာ သံက္လယ်က္လယ်ဗြယ်ဘီး ဆူညံနေဟှူ ဗှိုးမုဟှူသံန ချမ်းချမ်းဟှူမျိုးဘဲ့ ဖြစ်လေ့မယ်။ 
\v 2 \x - \xo ၁၃.၂ \xo*\xt မ ၁၇.၂၀; ၂၁.၂၁; မာ ၁၁.၂၃\xt*\x*ငါဟှာ ဗျာဒိတ်တော်အားဖြင့် ဟောပြောနိုင်ဟှူဇာဘဲ့ဖြစ်ဖြစ်၊ နတ်နဲရာလေရှိဟှူမျှန တတ်ပညာမျိုးမျိုးလေဟှို နားလည်တတ်ကျွမ်းဇာဘဲ့ဖြစ်ဖြစ်၊ တောန်ဟှိုရွှေ့နိုင်ဟှူ ယောင်ကြည်ရှင်းရှိဟှူဇာဘဲ့ဖြစ်ဖြစ် မြစ်တာမှေ့ဘဲနေဟှာ ချည်းနှီးသတ်သတ်ဘဲ့ ဖြစ်ဟှယ်။ 
\v 3 သူတပါးဟှို ငါကျွေးမွေးဘီး ငါ့မာရှိဟှူ ပစ်စီးအောက်စာလေ အားလောင်းဂူဟှို စွန့်လွတ်ရုံမျှမက ကိုယ်ခန္ဓာဟှို မီးရှို့ခံဟှို့တွပ်\f + \fr ၁၃.၃ \fr*\fq မီးရှို့ခံဟှို့တွပ်၊ \fq*\ft တချို့ မူရင်းလတ်ရေးမူလေမာ \ft*\fqa ဝါကြွားနိုင်ဟှို့တွပ်၊ \fqa*\ft ဆိုဘီး ပါရှိဟှယ်။\ft*\f* ပေးအပ်ဟှူလည်းဘဲ့ မြစ်တာမှေ့ဘဲနေဟှာ ငါ့မာ ဖြာကျိုးလည်းမှေ့ဟှ။
\p
\v 4 မြစ်တာဟှာ စိရှယ်တတ်ဟှယ်။ သနားကြင်နာတတ်ဟှယ်။ မြစ်တာဟှာ မနာလိုဘဲဟှူဇာမှေ့ဟှ။ ဝါကြွားဟှူဇာမှေ့ဟှ။ မာန်မာန မှေ့ဟှ။ 
\v 5 ယဉ်ကျေးဘဲမှုဟှို ပြုတတ်ဟှ။ ကိုယ်ရဲ့ကျိုးဟှို ရှာတတ်ဟှ။ ဒေါသမျစ်ထွပ်တတ်ဟှ။ သူများရဲ့ပြစ်ဟှို မှတ်တတ်ဟှ။ 
\v 6 တရားဘဲဟှူမှုမာ ဝန်းသာရှင်းမှေ့တတ်ဟှ။ သမ္မာတရားအားဖြင့်ဘဲ့ ဝန်းသာတတ်ဟှယ်။ 
\v 7 ရာအားလောင်းဟှို ဖောင်းအောက်ပေးတတ်ဟှယ်။ ရာအားလောင်းဟှို ယောင်ကြည်တတ်ဟှယ်။ ရာအားလောင်းဟှို မျှော်လင့်တတ်ဟှယ်။ ရာအားလောင်းဟှို သီးခံတတ်ဟှယ်။
\p
\v 8 မြစ်တာဟှာ ဖော့‑က်ပ္လန်တတ်ဟှူသဘောန မြဲကင်းစင်ဟှယ်။ ပရောဖက်ဉာဏ်ဘဲ့ဖြစ်ဖြစ်၊ ထူးဆန်းဟှူဘာသာစကားလေဟှို ပြောနိုင်ဇာဘဲ့ဖြစ်ဖြစ်၊ တီထွမ်ဖန်တီးနိုင်ဟှူ သိပ္ပံတတ်ဘဲ့ဖြစ်ဖြစ် ကွယ်ပျော့‑က်လေ့မယ်။ 
\v 9 ခု နို့လေဟှာ စောင်လင်ဘဲန သိဂေ့ဟှယ်။ ပရောဖက်ဉာဏ်န စောင်လင်ဘဲန ဟောတတ်ဟှယ်။ 
\v 10 အယ်ဘေမဲ့ စောင်လင်မှုရော့‑က်လာခီမာ စောင်လင်ဘဲဇာလေရှိဟှူမျှဟှာ ပျော့‑က်ကွယ်ဟှားလေ့မယ်။
\p
\v 11 ငါဟှာ သားဂန်းဟှားဖြစ်ဟှူ ခီမာ သားဂန်းဟှားမျိုးဘဲ့ စကားပြောဟှယ်။ သားဂန်းဟှားမျိုးဘဲ့ စဉ်းစားဟှယ်။ သားဂန်းဟှားမျိုးဘဲ့ တွေးတောဆင်ခြင်ဟှယ်။ ကီးလာဟှူ ခီမာ သားဂန်းဟှားရဲ့ ကျင့်ဓလေ့လေဟှို ငါဖယ်ရှားဟှယ်။ 
\v 12 ခုခီမာ နို့လေဟှာ မှန်ရှေ့မာမှုံဝါးဝါးပေါ်လာဟှူ ပေါင်သဏ္ဌာန်မျိုးဘဲ့ မထန်ရှားဘဲန တွိဗြင်ရဂေ့ဟှယ်။ အဲမူခီမာဆိုဟှာ မျစ်ဝါးထန်ထန် တွိဗြင်ရလေ့မယ်။ ခုခီမာ ငါဟှာ စောင်းစောင်လင်းလင် သိဗြင်ရသေးဟှ။ အယ်ခီမာဆိုဟှာ ဘုရားသခင်ဟှ ငါ့ဟှို စောင်းစောင်လင်းလင် သိဗြင်တော်မူဟှူမျိုး ငါဟှာ စောင်းစောင်လင်းလင် သိဗြင်ရလေ့မယ်။
\p
\v 13 ခုမာ ပါရမီသောင်းပါးဖြစ်ဟှူ ယောင်ကြည်ရှင်း၊ မျှော်လင့်ရှင်း၊ ရှစ်ရှင်း အယ်သောင်းပါးတည်ဘီးရှိနေဟှယ်။ အယ်သောင်းပါးမာ ရှစ်ရှင်းမြစ်တာဟှာ မြတ်ဆောင်းဖြစ်ဟှယ်။
\c 14
\s ဝိညာဉ်ဆုကျေးဇူးလေကြောန်း
\p
\v 1 အယ်ကြောန့် ရှစ်ရှင်းမြစ်တာဟှို မှီအောန်လိုက်ဂေ့ပါ။ ဝိညာဉ်ဆုကျေးဇူးလေဟှို လိုရှင်တောန်းတရာမာ ပရောဖက်ပြုနိုင်ဟှူ ဆုကျေးဇူးဟှို ရရာတိုင်း လိုရှင်ဟှူစိရှိဂေ့ပါ။ 
\v 2 ဖြားဖြစ်ကြောန့်နူးဆိုဟှာ ထူးဆန်းဟှူ ဘာသာစကားဟှို ပြောဆိုဟှူသူဟှာ လူလေနပြောဟှူဇာမှုဘဲ ဘုရားသခင်န ပြောဟှူဇာဖြစ်ဟှယ်။ သူ့ရဲ့စကားဟှို ဖယ်သူလည်းနားလည်နိုင်ဟှ။ သူဟှာ ဝိညာဉ်တော်တဂိုးအားဖြင့် လျှို့ဝှပ်နတ်နဲဟှူကြောန်းရာလေဟှို ပြောဆိုဇာဖြစ်ဟှယ်။ 
\v 3 ပရောဖက်ပြုသူဟှာ လူလေဟှို တည်ဆော့‑က်ပေးဟှူစကား၊ ခွန်အားပေးဟှူစကားန နှစ်သိမ့်ပေးဟှူစကားလေဟှိုဘဲ့ ပြောဟှယ်။ 
\v 4 ထူးဆန်းဟှူ ဘာသာစကားဟှို ပြောဟှူသူဟှာ ကိုယ့်ကိုယ်ကိုယ်ဘဲ့ တည်ဆော့‑က်ဇာဖြစ်ဟှယ်။ ပရောဖက်ပြုသူဟှာ သင်းတော်ဟှို ပြုစုပေးဇာဖြစ်ဟှယ်။
\p
\v 5 နန်းနို့အားလောင်းဟှာ ထူးဆန်းဟှူဘာသာစကားဟှို ပြောဟှို့တွပ် ငါလိုရှိဟှယ်။ အယ်ဘေမဲ့ ပရောဖက်ပြုဘီး ဟောပြောဟှို့တွပ် ပိုဘီးလိုရှိဟှယ်။ ဖြားဖြစ်ကြောန့်နူးဆိုဟှာ၊ ထူဆန်းဟှူ ဘာသာစကားဟှို ပြောဟှူသူဟှာ သင်းတော်ဟှို တည်ဆော့‑က်ပေးဟှို့တွပ် နတ်ဟှိုဖော်ပြဘဲနေဟှာ၊ သူ့ထတ် ပရောဖက်ပြုဘီး ဟောပြောဟှူသူဟှာ ပိုဘီးမြတ်ဟှယ်။ 
\v 6 အယ်မျိုးဖြစ်ကြောန့် ညီကို မောန်နှမလေ၊ ငါဟှာ နန်းနို့နားဟှို လာဘီး ထူးဆန်းဟှူ ဘာသာစကားမျိုးမျိုးလေန ဟောပြောဟှူလည်းဘဲ့ ငါဟောပြောဟှူ စကားလေဟှာ ဗျာဒိတ်တော်ဟှို ပ္လန်ဟှူဇာလေ၊ ပညာအတတ်ဟှို သင်ဟှူဇာလေ၊ ပရောဖက်ပြုဟှူဇာလေ၊ ဆောန်းမသွန်သန်ဟှူ ဇာလေဟှို တခုလည်း ပြုဘဲန နန်းနို့ဟှို ဟောပြောဟှယ် ဆိုဟှာ ဖြားကျိုးရှိမယ်နူး။
\p
\v 7 အယ်မူမျိုးဘဲ့ သတ်မဲ့ဖြစ်ဟှူ နှဲနစောန်းဟှူမျိုးဘဲ့ အယ်မူတီးမှုဟှူဇာလေဟှာ သံဟှိုပီးပီသသ ထွပ်လာဘဲနေဟှာ စောန်းသံမှန်း နှဲသံမှန်း ဖယ်မျိုးသိနိုင်မယ်နူး။ 
\v 8 ဗှိုးမုသံလည်းဘဲ့ ပီးပီသသန ဗြယ်ဟှ ဆိုဟှာ စစ်ပွဲဝမ်ဟှို့တွပ် ဖယ်မျိုးပြင်ဆင်မယ်နူး။ 
\v 9 အယ်မူမျိုးဘဲ့ ထူးဆန်းဟှူ ဘာသာစကားမျိုးမျိုးလေန နန်းနို့ပြောဟှူစကားဟှာ ဓိပါယ်သိဘဲနေဟှာ ဖယ်သူနားလည်နိုင်မယ်နူး။ နန်းနို့လေဟှာ လေထဲမာ စကားပြောနေဟှူမျိုးဘဲ့ ဖြစ်လေ့မယ်! 
\v 10 ကမ္ဘာမာ ဘာသာစကားလေ ဘောင်ဂီးရှိဟှူလည်းဘဲ့ ဖယ်စကားလည်းဘဲ့ ဓိပါယ်ကင်းမဲ့ဟှူစကားဆိုဇာမှေ့ဟှ။ 
\v 11 အယ်ကြောန့် ဘာသာစကားရဲ့နတ်ဓိပါယ်ဟှို ငါနားလည်ဘဲနေဟှာ အယ်ဘာသာစကားဟှို ပြောဟှူသူဟှာ ငါ့တွပ်လူမျိုးခြား ဖြစ်ဟှယ်။ ငါလည်း သူတွပ်လူမျိုးခြားဖြစ်ဟှယ်။ 
\v 12 အယ်မျိုးဖြစ်ကြောန့် နန်းနို့လေဟှာ ဝိညာဉ်ဆုကျေးဇူးလေဟှို လိုရှင်တောန်းတဂေ့ဟှူတိုင်း သင်းတော်တည်ဆော့‑က်ရာမာ တိုးပွားလာဟှို့တွပ် အယ်ဆုကျေးဇူးအားဖြင့် ကြွယ်ဝပ္လဲ့ဇောင်ဟှို့တွပ် ကြိုးစားအားထုဂေ့ပါ။
\p
\v 13 အယ်ကြောန့် ထူးဆန်းဟှူ ဘာသာစကားပြောဟှူသူဟှာ နတ်ဓိပါယ်ဟှို ဖော်ပြပေးနိုင်ဟှို့တွပ် ဆုတောန်းရမယ်။ 
\v 14 ဖြားဖြစ်ကြောန့်နူးဆိုဟှာ ငါဟှာ ထူးဆန်းဟှူ ဘာသာစကားမျိုးမျိုးန ဆုတောန်းဟှူ ခီမာ ငါ့ရဲ့စိနှလောင်းဟှာ ဆုတောန်းနေဟှူလည်းဘဲ့ ငါ့သိဉာဏ်ဟှ ဖြားကျိုးလည်းပေးဟှ။ 
\v 15 အယ်မျိုးဆိုဟှာ ဖယ်မျိုး ငါပြုရမယ်နူး။ ငါဟှာ စိနှလောင်းအားဖြင့်မှုဘဲန ဉာဏ်အားဖြင့်လည်း ဆုတောန်းမယ်။ စိနှလောင်းအားဖြင့်ဘဲ့ ချင်းဆိုဇာမှုဘဲန ဉာဏ်အားဖြင့်လည်း ချင်းဆိုမယ်။ 
\v 16 အယ်မျိုးမှုဘဲ နန်းနို့လေဟှာ စိနှလောင်းအားဖြင့်ဘဲ့ ဘုရားသခင်ဟှို ချီးမွမ်းဘီး ဆုတောန်းဟှယ် ဆိုဟှာ ပရိသတ်ထဲမာ ဝတ်ပြုနေဟှူ သာမန်လူတယော့‑က်ဟှာ နန်းနို့ပြောဟှူစကားလေဟှို နားလည်ဘဲကြောန့် နန်းနို့လေ ဆုတောန်းဟှူဇာဟှို ဖယ်မူမျိုး “အာမင်” ဆိုဘီး ဝန်ခံနိုင်မယ်နူး။ 
\v 17 ကျေးဇူးတော် ချီးမွမ်းဟှူ နန်းနို့ရဲ့ ဆုတောန်းရှင်းဟှာ ကောန်းနေဟှူလည်းဘဲ့ သူများလေတွပ် ဖယ်မျိုးလည်း ကျိုးမှေ့ဟှ။
\p
\v 18 ငါဟှာ ထူးဆန်းဟှူဘာသာစကားဟှို နန်းနို့လေထတ် ပိုဘီးပြောဆိုနိုင်ကြောန့် ဘုရားသခင်ရဲ့ကျေးဇူးတော်ဟှို ချီးမွမ်းပါဟှယ်။ 
\v 19 အယ်ဘေမဲ့ သင်းတော်ဝတ်ပြုရှင်းမာ ထူးဆန်းဟှူဘာသာစကား ခွန်းပေါန်းထောန်သောန်းထတ်မက ဟောပြောဟှူဇာထတ် နားလည်နိုင်ဟှူစကားငါးခွန်းဟှိုဘဲ့ ပိုဘီးပြောရှင်ပါဟှယ်။
\p
\v 20 ညီကို မောန်နှမလေ၊ နန်းနို့လေရဲ့ စဉ်းစားတွေးခေါ်ဟှူဇာဟှာ သားဂန်းဟှားလေမျိုး ဖြစ်ဂေ့န။ ကောန်းဘဲဟှူဇာလေမာ သားဂန်းဟှားလေမျိုး ဖြစ်ဂေ့ဘီး စဉ်းစားတွေးခေါ်ဟှူဇာမာ စောင်လင်ရင့်ကျတ်ဟှူသူ ဖြစ်ဂေ့ပါ။ 
\v 21 ပညတ္တိကျမ်းစာမာ လာဟှူဇာဟှ
\q1 “ငါ့ရဲ့လူစုဟှို ထူးဆန်းဟှူ ဘာသာစကားအားဖြင့်
\q2 လူမျိုးခြားလေရဲ့နှောက်န ငါပြောမယ်။
\q1 အယ်ဘေမဲ့ ငါ့ရဲ့လူစုတော်ဟှာ
\q2 ငါ့စကားဟှို နားထောန်ဟှို့ မှုဟှ ဆိုဘီး ဘုရားသခင် မိန့်တော်မူဟှယ်” ဆိုဘီး ဖော်ပြဟှားဟှယ်။
\m
\v 22 အယ်ကြောန့် ထူးဆန်းဟှူ ဘာသာစကားဟှို ဟောပြောရှင်းဟှာ ယောင်ကြည်သူလေတွပ် နိမိလတ်ခဏာမှုဘဲန ယောင်ကြည်သူလေတွပ် နိမိလတ်ခဏာသတ်သေ ဖြစ်ဟှယ်။ ပရောဖက်ပြုဘီး ဟောပြောဟှူ ဆုကျေးဇူးဟှာ ယောင်ကြည်ဘဲသူလေတွပ် နိမိလတ်ခဏာမှုဘဲ ယောင်ကြည်သူလေတွပ် နိမိလတ်ခဏာ ဖြစ်ဟှယ်။
\p
\v 23 အယ်ကြောန့် သင်းတော်တခုလောင်း စုဝေးဘီး ထူးဆန်းဟှူ ဘာသာစကား ပြောဆိုနေဟှူ ခီမာ သာမန်လူလေဘဲ့ဖြစ်ဖြစ် ယောင်ကြည်ဘဲသူလေဘဲ့ဖြစ်ဖြစ် ဝမ်လာဟှယ် ဆိုဟှာ နန်းနို့ဟှို ရူးလေ ဆိုဘီး ပြောဂေ့လေ့မယ် မှုဟှလော။ 
\v 24 အယ်မျိုးမှုဘဲနေဟှာ သင်းဝမ်သူအားလောင်းဟှာ ပရောဖက်ပြုနေဟှူ ခီမာ ယောင်ကြည်ဘဲဟှူသူ၊ နားလည်ဘဲသူလေ ဝမ်လာဟှယ် ဆိုဟှာ သင်းဝမ်ဟှူသူ အားလောင်းဟှာ သူ့ပြစ်ဟှို ဖော်ပြဘီး စစ်ဆေးစီရင်ခံရဟှူ ခီမာ 
\v 25 အယ်သူရဲ့ စိနှလောင်းထဲမာ ထန်ရှားဘဲဇာလေဟှာ ထန်ရှားလာဟှူကြောန့် “ဘုရားသခင်ဟှာ နန်းနို့လေနတူးဒူ တကယ်ရှိတော်မူဟှယ်!” ဆိုဘီး ဝန်ခံဘီးဟှာ ဘုရားသခင်ဟှို ပျပ်ဝပ်ကိုးကွယ်လေ့မယ်။
\s ဝတ်ပြုကိုးကွယ်မှုကြောန်း
\p
\v 26 ညီကို မောန်နှမလေ ဖယ်မျိုးပြောရဟှို့နူး။ နန်းနို့စုဝေးဂေ့ဟှူ ခီမာ ဆာလံချင်းဆိုဟှူသူ၊ သွန်သန်ပေးဟှူသူ၊ ဗျာဒိတ်တော်ဟှို ဟောပြောဟှူသူ၊ ထူးဆန်းဟှူ ဘာသာစကားဟှို ပြောဟှူသူ၊ နတ်ဓိပါယ်ဟှို ဖော်ပြပေးဟှူသူ သီးသီးရှိဂေ့ဟှူကြောန့် အယ်မူဇာ အားလောင်းဟှာ သင်းတော် တည်ဆော့‑က်ဟှို့တွပ်ဘဲ့ လောက်ဂေ့ပါ။ 
\v 27 ထူးဆန်းဟှူ ဘာသာစကားဟှို ပြောမယ် ဆိုဟှာ နှေ့ယော့‑က်ဘဲ့ဖြစ်ဖြစ်၊ များဆောင်းသောင်းယော့‑က်ဘဲ့ဖြစ်ဖြစ် ယော့‑က်လှည့်ဇီ ပြောဘီး တယော့‑က်ဟှ နတ်ဓိပါယ်ဟှို ရှင်းပြပေးရမယ်။ 
\v 28 တကယ်ဟှိကြောန့် နတ်ဟှိုဖော်ပြပေးဟှူသူ မှေ့ဟှ ဆိုဟှာ ထူးဆန်းဟှူ ဘာသာစကားပြောဟှူသူဟှာ သင်းတော်မာ တိတိဆိဆိနေဘီး ကိုယ့်ကိုယ်ကိုယ်ဘဲ့ဖြစ်ဖြစ် ဘုရားသခင်ဟှိုဘဲ့ဖြစ်ဖြစ် ပြောပါစေ။ 
\v 29 ပရောဖက် နှေ့ယော့‑က်ဘဲ့ဖြစ်ဖြစ် သောင်းယော့‑က်ဘဲ့ဖြစ်ဖြစ် ဟောပြောဘီး ကျန်ဟှူသူလေဟှ သူးနို့ဟောဟှူကြောန်းရာလေဟှို စီရင်သောင်းသပ်ရမယ်။ 
\v 30 အယ်ဘေမဲ့ ထိုင်နေဟှူတခြားတယော့‑က်ဟှို တခုခုဖွမ့်ပြရှင်းခံရဟှယ် ဆိုဟှာ ပထမလူဟှာ တိတိဆိဆိနေပါစေ။ 
\v 31 ဖြားဖြစ်နူးဆိုဟှာ ရှိဟှူလူတိုင်း သွန်သန်ရှင်းခံရဘီး ရှိဟှူလူတိုင်း တိုက်တွန်းအားပေးခံရဟှို့တွပ်၊ နန်းနို့အားလောင်းဟှာ လှည့်က္လ ပရောဖက်ပြုရဟှူခွမ့်ရှိဟှယ်။ 
\v 32 ပရောဖက်လေလည်း ကိုယ့်စိဝိညာဉ်ဟှိုကိုယ် ချောက်တည်းနိုင်ဂေ့ဟှယ်။ 
\v 33 ဖြားဖြစ်ကြောန့်နူးဆိုဟှာ ဘုရားသခင်ဟှာ ရောန်းရင်းဆန်ခတ်ဖြစ်ဟှူဇာနဆိုင်ဟှူ ဘုရားမှုဘဲ ငြီသတ်ရှင်းနဆိုင်ဟှူ ဘုရားဖြစ်တော်မူဟှယ်။
\p သန့်ရှင်းသူလေရဲ့ သင်းတော်တိုင်းမာ ကျင့်သောင်းဟှူတိုင်း၊
\p
\v 34 မီးမလေဟှာ သင်းတော်စည်းဝေးမာ တိတိဆိဆိနေရမယ်။ သူးနို့လေဟှာ ဟောပြောရဟှူခွမ့်မှေ့ဟှ။ ပညတ်တရားမာ ဖော်ပြဟှားတိုင်း သူးနို့ဟှာ ယော့‑က်ကျားရဲ့အောက်စိုးမှုဟှို ဝန်ခံရဂေ့မယ်။ 
\v 35 သူးနို့ဟှာ တခုခုဟှို သန်ယူရှင်ဟှာ အီမာ သူးနို့လန်ယော့‑က်ကျားဟှို မေးရမယ်။ ဖြားဖြစ်ကြောန့်နူးဆိုဟှာ သင်းတော်မာ မီးမလေ ဟောပြောဟှူဇာဟှာ ယှစ်ဇာကောန်းဟှယ်။
\p
\v 36 ဘုရားသခင်ရဲ့ စကားတော်ဟှာ နန်းနို့လေနားဟှ ထွပ်လာဟှိကြောန့်လော။ အယ်မျိုးမှုဘဲနေဟှာ နန်းနို့လေနားဟှိုဘဲ့ ရော့‑က်လာဟှူကြောန့်လော။ 
\v 37 ငါဟှာ နန်းနို့လေဟှို ရေးဘီးပေးလိုက်ဟှူ စကားလေဟှာ သခင်ဘုရားရဲ့ ပညတ်တော်ဖြစ်ဟှူ ကြောန်းဟှို ပရောဖက်ဖြစ်ဟှူသူန ဝိညာဉ်ဆုကျေးဇူးဟှို ခံရဟှူ သူမှန်ဟှာ သိမှတ်ပါစေ။ 
\v 38 ဖယ်သူဘဲ့ဖြစ်ဖြစ် အယ်ဇာဟှို သိမှတ်ပြုဘဲနေဟှာ အယ်သူဟှိုလည်း သိမှတ်ပြုဂေ့န။
\p
\v 39 အယ်မျိုးဖြစ်ကြောန့် ညီကို မောန်နှမလေ၊ ပရောဖက်ပြုဟောပြောဇာဟှို လိုရှင်တောန်းတဂေ့ပါ။ ထူးဆန်းဟှူ ဘာသာစကားပြောဆိုမှုဟှို တားမြစ်ဂေ့န။ 
\v 40 အားလောင်းဂူဟှို တင့်တယ်လျောက်ပတ်အောန် လောက်ဆောန်ဂေ့ပါ။
\c 15
\s ခရစ်တော်သေရှင်းဟှနေ ထမြော့‑က်ဟှူကြောန်း
\p
\v 1 ညီကို မောန်နှမလေ၊ နန်းနို့လေဟှို ငါဟောပြောဟှူ ဒန်းကောန်းဟှို နန်းနို့လတ်ခံဟှူမျှနမှုဘဲ အယ်ထတ်မာ နန်းနို့ရပ်တည်ဂေ့ဟှယ်။ နော့‑က်ထပ် အယ်ကောန်းမြတ်ဟှူ ဒန်းကောန်းဟှို နန်းနို့ဟှို သိစေရှင်ပါဟှယ်။ 
\v 2 နန်းနို့လေဟှာ အယ်ဒန်းကောန်းဟှို ကျိုးမဲ့ယောင်ကြည်ဘဲန စွဲစွဲမြဲမြဲဆောက်ကိုင်ဟှားဟှယ် ဆိုဟှာ အယ်ဒန်းကောန်းအားဖြင့် ကယ်တန်ရှင်းဟှို ခံရမယ်။
\p
\v 3 ငါဟှာ ကိုယ်တိုင်ခံယူဘီး နန်းနို့လေဟှို ဦးဆောင်းပေးအပ်ဟှူ၊ ရေးကီးဆောင်းဖြစ်ဟှူ ကြောန်းရာဟှ ခရစ်တော်ဟှာ ကျမ်းစာလာဟှူတိုင်း နို့လေပြစ်တွပ် သေခံတော်မူဟှူကြောန်း၊ 
\v 4 \x - \xo ၁၅.၄ \xo*\xt မ ၁၂.၄၀; တ ၂.၂၄–၃၂\xt*\x* သင်္ဂြိုဟ်ခံဘီး ကျမ်းစာလာဟှူတိုင်း သောင်းရစ်မြော့‑က်ဟှူနေ့မာ ရှင်ပ္လန်ထမြော့‑က် တော်မူဟှူကြာန်း၊ 
\v 5 \x - \xo ၁၅.၅ က \xo*\xt လု ၂၄.၃၄; \xt*\xo ခ \xo*\xt မ ၂၈.၁၆,၁၇; မာ ၁၆.၁၄; လု ၂၄.၃၆; ယော ၂၀.၁၉\xt*\x* ကေဖဟှာ ကိုယ်တော့်ဟှို ဗြင်ရဟှူကြောန်းန ဆယ့်နှေ့ပါးဖြစ်ဟှူ တဗဲ့တော်လေ ဗြင်ရဟှူကြောန်းလေဘဲ့ ဖြစ်ဟှယ်။ 
\v 6 အယ်ဘီးန ခရစ်ယာန်ညီကို မောန်နှမ ငါးရာကျော်ဟှ တပြိုင်ဒဲ ဗြင်ရဂေ့ဟှယ်။ အယ်သူလေထဲဟှ တချို့လူလေဟှာ သေဟှားဂေ့ဘီ တော်တော်များများဟှ ခုထိရှိနေသေးဟှယ်။ 
\v 7 အယ်ဘီးန ယာကုပ်ဗြင်ရဟှယ်။ နော့‑က်မှ တမန်တော်လေ အားလောင်းဗြင်ရဟှယ်။
\p
\v 8 \x - \xo ၁၅.၈ \xo*\xt တ ၉.၃–၆\xt*\x*နော့‑က်ဆောင်းမာ ခီတန်ဘဲန မွီးဟှူသူ\f + \fr ၁၅.၈ \fr*\fq ခီတန်ဘဲန မွီးဟှူသူ၊ \fq*\ft အယ်မျိုးမှုဘဲနေဟှာ \ft*\fqa ခီမှားဘီး မွီးဖွားလာသူ။\fqa*\f*မျိုးဖြစ်ဟှူ ငါလည်း ဗြင်ရဟှယ်။ 
\v 9 \x - \xo ၁၅.၉ \xo*\xt တ ၈.၃\xt*\x*ငါဟှာ တမန်တော်လေထဲမာ ညံ့ဆောင်းဖြစ်ဟှယ်။ ဖြားဖြစ်ကြောန့်နူးဆိုဟှာ ဘုရားသခင်ရဲ့ သင်းတော်ဟှို ညှင်းဆဲဟှူသူဖြစ်ဘီး တမန်တော် ဆိုဘီး ခေါ်ဟှူဇာဟှိုမှ ခံထိုက်ဟှ။ 
\v 10 အယ်ဘေမဲ့ ဘုရားသခင်ရဲ့ ကျေးဇူးတော်ကြောန့် ငါဟှာ ခုခြေနေဟှို ရော့‑က်ရဇာဖြစ်ဟှယ်။ ငါခံရဟှူ ကျေးဇူးတော်ဟှိုလည်း ကျိုးမှေ့ဘဲန ခံရဟှူဇာ မှုဟှ။ ငါဟှာ တခြားတမန်တော်လေထတ် ပိုဘီး ကြိုးစားလောက်ဆောန်ဟှယ်။ အယ်မျိုးလောက်ဆောန်နိုင်ဇာလည်း ငါ့ရဲ့စွမ်းစကြောန့်မှုဘဲန ငါ့နတူးဒူလောက်ဆောန်ဟှူ ဘုရားသခင်ရဲ့ ကျေးဇူးတော်ကြောန့် ဖြစ်ဟှယ်။ 
\v 11 အယ်ကြောန့် ငါဘဲ့ဖြစ်ဖြစ်၊ သူးနို့လေဘဲ့ဖြစ်ဖြစ် အယ်တိုင်းဟောပြောဂေ့ဟှယ်။ နန်းနို့လေလည်း အယ်တိုင်းဘဲ့ ယောင်ကြည်ဂေ့ဟှယ်။
\s သေဟှားသူလေ ထမြော့‑က်ဟှူကြောန်း
\p
\v 12 ခရစ်တော်ဟှာ သေရှင်းဟှနေဘီး ရှင်ပ္လန်ထမြော့‑က်ဟှူကြောန်းဟှို နို့လေဟောပြောနေရစ်န ဖြားဖြစ်ကြောန့် နန်းနို့လေထဲဟှ လူတချို့ဟှာ သေဘီးလူလေ ထမြော့‑က်ရှင်းမှေ့ဟှဆိုဘီး ပြောဆိုနေဂေ့နူး။ 
\v 13 သေဟှားသူလေ ထမြော့‑က်ရှင်းမှေ့ဘဲနေဟှာ ခရစ်တော်လည်း ထမြော့‑က်ဟှားဟှို့ မှုဟှ။ 
\v 14 ခရစ်တော်ဟှာ ထမြော့‑က်တော်မူဘဲနေဟှာ နို့လေဟောပြောဇာလည်း ကျိုးမှေ့ဟှ။ နန်းနို့လေယောင်ကြည်ဇာလည်း ကျိုးမှေ့ဟှ။ 
\v 15 အယ်လော့‑က်နမကဟှ နို့လေဟှာ ဘုရားသခင်န ပတ်သတ်ဘီး မမှန်ဘဲဟှူသတ်သေခံလေ ဖြစ်ဟှားဂေ့လေ့မယ်။ ဖြားဖြစ်ကြောန့်နူးဆိုဟှာ သေဟှားသူလေဟှို ထမြော့‑က်စေတော်မူဘဲနေဟှာ ဘုရားသခင်ထမြော့‑က်စေတော်မူဘဲဟှူ ခရစ်တော်ဟှို ဘုရားသခင် ထမြော့‑က်စေတော်မူဘီ ဆိုဘီး နို့လေ သတ်သေခံနေဟှူကြောန့် ဖြစ်ဟှယ်။ 
\v 16 ဖြားဖြစ်ကြောန့်နူးဆိုဟှာ သေဟှားသူလေ ထမြော့‑က်ရှင်းမှေ့ဘဲနေဟှာ ခရစ်တော်လည်း ထမြော့‑က်တော်မူခဲ့မယ် မှုဟှ။ 
\v 17 ခရစ်တော်ဟှာ ထမြော့‑က်ဘဲနေဟှာ နန်းနို့ယောင်ကြည်ရှင်းဟှာ ချည်းနှီးသတ်သတ်ဖြစ်ဘီး နန်းနို့လေဟှာ ပြစ်ဒုစရိုက်အော့‑က်မာဘဲ့ ရှိနေသေးဂေ့ဟှယ်။ 
\v 18 အယ်မျိုးဖြစ်ဟှယ် ဆိုဟှာ ခရစ်တော်နှိုက် အိမွိဟှားသူလေလည်း ဆောင်းရှောင်းမှုဟှို ရော့‑က်ဂေ့ရမယ်။ 
\v 19 ခရစ်တော်နှိုက် နို့လေရဲ့ မျှော်လင့်ရှင်းဟှာ ခုဘဝ ကျိုးတွပ်ဘဲ့ ဖြစ်ဟှယ် ဆိုဟှာ ဖြားလည်းကျိုးထူးဟှ ဆိုဟှာ အယ်လောကမာ နို့လေလော့‑က် သနားဇာကောန်းဟှူလူ ရှိဟှို့မှုဟှ။\f + \fr ၁၅.၁၉ \fr*\fq ခရစ်တော်နှိုက် နို့လေရဲ့ မျှော်လင့်ရှင်းဟှာ ခုဘဝ ကျိုးတွပ်ဘဲ့ ဖြစ်ဟှယ် ဆိုဟှာ ဖြားလည်းကျိုးထူးဟှ ဆိုဟှာ အယ်လောကမာ နို့လေလော့‑က် သနားဇာကောန်းဟှူလူ ရှိဟှို့မှုဟှ၊ \fq*\ft အယ်မျိုးမှုဘဲနေဟှာ \ft*\fqa နို့လေအားလောင်းဟှာ ခုဘဝမာဘဲ့ ခရစ်တော်အားဖြင့် မျှော်လင့်ရှင်းရှိဟှယ်။\fqa*\f*
\p
\v 20 မှန်ဆိုဟှာ ခရစ်တော်ဟှာ သေဟှားသူလေထဲမာ ထမြော့‑က်တော်မူဘီး အိမွိဟှူ သူလေထဲမာ ဦးဆောင်းသီး ဖြစ်တော်မူဟှယ်။ 
\v 21 ဖြားဖြစ်ကြောန့်နူးဆိုဟှာ လူတယော့‑က်အားဖြင့် အယ်လောကထဲမာ သေရှင်းတရားဖြစ်ပေါ်လာဟှူမျိုး လူတယော့‑က်အားဖြင့်ဘဲ့ သေရှင်းဟှ ရှင်ပ္လန်ထမြော့‑က်ရှင်းတရားဟှာလည်း ဖြစ်ပေါ်လာဟှယ်။ 
\v 22 လူလေ အားလောင်းဂူဟှာ အာဒံအားဖြင့် သေဂေ့ရဟှူမျိုး လူလေ အားလောင်းဂူဟှာ ခရစ်တော်အားဖြင့် သတ်ရှင်ရှင်းဟှို ရော့‑က်ရလေ့မယ်။ 
\v 23 အယ်ဘေမဲ့ လူသီးသီးဟှာ လှည့်က္လ ထမြော့‑က်ဂေ့လေ့မယ်။ ခရစ်တော်ဟှာ ရင်ဦးဆောင်း ထမြော့‑က်ဟှူ ဦးဆောင်းသီး ဖြစ်ဟှယ်။ ခရစ်တော် ကြွလာဟှူ ခီမာ တဗဲ့တော်ဖြစ်ဟှူ သူလေဟှာ ထမြော့‑က်ဂေ့လေ့မယ်။ 
\v 24 အယ်ဘီးမှ ကပ်ကမ္ဘာ ကူဆောင်းဟှူခီ ရော့‑က်လေ့မယ်။ အယ်ခီမာ ခရစ်တော်ဟှာ အောက်ချောက်မှုရှိဟှူမျှ၊ တဂိုးန အာဏာစစ်ရှိဟှူမျှ အားလောင်းဂူဟှို ဖျစ်ဆီးဘီးဟှာ နိုင်ငံတော်ဟှို ဖဘုရားသခင် လတ်ထဲဟှို အပ်တော်မူလေ့မယ်။ 
\v 25 ဖြားဖြစ်ကြောန့်နူးဆိုဟှာ ရန်သူလေ အားလောင်းဂူဟှို ခရစ်တော်ရဲ့ ခေဖွားအော့‑က်မာ ခ္လဟှားခန်ခီထိ ခရစ်တော်ဟှာ အောက်စိုးရမယ်။ 
\v 26 ဖျစ်ဆီးခံရမယ့် နော့‑က်ဆောင်းဟှူ ရန်သူဟှာ သေမန်းဘဲ့ ဖြစ်ဟှယ်။ 
\v 27 ကျမ်းစာဟှ “ဘုရားသခင်ဟှာ အားလောင်းဂူဟှို ကိုယ်တော်ရဲ့ ခေဖွားအော့‑က်မာ ခ္လဟှားတော်မူဟှယ်” ဆိုဘီး ဖော်ပြဟှားဟှယ်။ “အားလောင်းဂူ” ထဲမာ ဘုရားသခင် ပါဟှ။ ဖြားဖြစ်ကြောန့်နူးဆိုဟှာ အားလောင်းဂူဟှို ခရစ်တော်ရဲ့ ခေဖွားအော့‑က်ဟှို ရော့‑က်စေဟှူသူဟှ ဘုရားသခင်ဘဲ့ ဖြစ်ဟှယ်။ 
\v 28 အားလောင်းဂူဟှို သားတော်ဟှာ အောက်စိုးတော်မူဟှူ ခီမာ သူ့ရဲ့ ခေဖွားအော့‑က်ဟှို အားလောင်းဂူဟှို ခ္လဟှားတော်မူဟှူ ဘုရားသခင်ရဲ့ အောက်စိုးရှင်းဟှို သားတော် ကိုယ်တိုင် ဝန်ခံလေ့မယ်။ ဖြားဖြစ်ကြောန့်နူးဆိုဟှာ ဘုရားသခင်ဟှာ လောင်းဇောင် ဖြစ်တော်မူဟှယ်။
\p
\v 29 သေဟှားဘီးသူလေ ကိုယ်စား ဗတ္တိဇံခံဟှူ သူလေဟှာ ဖြားကျိုးရှိဟှူကြောန့် အယ်မျိုးလောက်ဂေ့နူး။ သေဟှားဘီး သူလေဟှာ ရှင်ပ္လန်ထမြော့‑က်ရှင်းမှေ့ဟှ ဆိုဟှာ ဖြားဖြစ်ကြောန့် သူးနို့ကိုယ်စား ဗတ္တိဇံခံနေဂေ့နူး။ 
\v 30 ဖြားဖြစ်ကြောန့် နို့လေဟှာ ဘေးအန္တရာယ်န မြဲဒမ်း တွိကြောင်ရဂေ့နူး။ 
\v 31 ညီကို မောန်နှမလေ၊ နို့လေဟှာ သခင် ယေရှုခရစ်တော်နှိုက် နန်းနို့အားဖြင့် ငါရရှိဟှူ ဝါကြွားဝန်းမြော့‑က်ရှင်းဟှို တိုင်တည်ဘီး ငါဟှာ နေ့တိုင်းသေရဟှယ် ဆိုဘီး ငါပြောဟှယ်။ 
\v 32 တကယ်ဟှိ ငါဟှာ လူ့သဘောအားဖြင့် ဧဖက်ဗြို့မာ သားရဲလိဆန်လေန တိုက်ခိုက်ရဟှယ် ဆိုဟှာ ငါ့တွပ် ဖြားကျိုးရှိမယ်နူး။ သေဟှားဘီးသူလေ ရှင်ပ္လန်ထမြော့‑က်ရှင်း မှေ့ဘဲနေဟှာ “နန့်ကီးမိုးလန်းဟှာ သေရဂေ့မယ်ဖြစ်ကြောန့် နို့လေဟှာ စားရင်း၊ သော့‑က်ရင်း၊ ပျော်ပါးရင်းနေဂေ့ဇို့” ဆိုဘီး ဆိုဟှူတိုင်းဘဲ့ နေဂေ့ရအောန်။
\p
\v 33 တလွဲယူဂေ့န။ “ကောန်းဘဲဟှူ သူလေန ပေါန်းသင်းဟှူ ဇာအားဖြင့် ကောန်းဟှူ ကျင့်ဓလေ့ ပျစ်စီးတတ်ဟှယ်။” 
\v 34 ဗြင်မှန်ရဂေ့ပါ။ ပြစ်လောက်ဂေ့န။ ဖြားဖြစ်ကြောန့်နူးဆိုဟှာ တချို့လူလေဟှာ ဘုရားသခင်ဟှို သိဂေ့ဟှ။ နန်းနို့လေ ယှစ်ကြော့‑က်အောန် အယ်မျိုးငါပြောဇာ ဖြစ်ဟှယ်။
\s ရှင်ပ္လန်ထမြော့‑က်ဟှူ ကိုယ်ခန္ဓာကြောန်း
\p
\v 35 အယ်ဘေမဲ့ လူတချို့ဟှ “သေဟှားသူလေဟှာ ဖယ်မူမျိုး ရှင်ပ္လန်ထမြော့‑က်မယ်နူး။ ဖယ်မျိုး ကိုယ်ခန္ဓာန ပေါ်လာမယ်နူး” ဆိုဘီး မေးဂေ့လေ့မယ်။ 
\v 36 ဝှေ့ လူမိုက်! နန်စိုက်ဟှူ မျိုးစေ့ ရင်ဦးဆောင်း ပျစ်ဟှားဘဲနေဟှယ် ဆိုဟှာ ရှင်လာဟှို့ မှုဟှ။ 
\v 37 မျိုးစေ့ဟှို မ္လေမာ စိုက်ဟှူ ခီမာ နော့‑က်မှ ဖြစ်လာဟှူ ကိုယ်ထည်ဟှို စိုက်ဟှူဇာ မှုဟှ။ ဂျောင်စေ့ဘဲ့ဖြစ်ဖြစ်၊ တခြား မျိုးစေ့ဘဲ့ဖြစ်ဖြစ် စေ့ဟှိုဘဲ့ စိုက်ဟှူဇာ ဖြစ်ဟှယ်။ 
\v 38 အယ်ဘေမဲ့ ဘုရားသခင်ဟှာ သူလိုတော်ရှိဟှူတိုင်း မျိုးစေ့ ကိုယ်ထည်ဟှို ပေးတော်မူဟှယ်။ မျိုးစေ့ သီးသီးဟှိုလည်း သူးနို့ရဲ့ မျိုးစားလိုက် ကိုယ်ထည်ဟှို ပေးတော်မူဟှယ်။
\p
\v 39 သတ်ရှိသတ္တဝါလေရဲ့ သားဟှလည်း တမျိုးဒဲရှိဇာ မှုဟှ။ လူလေရဲ့ သားဟှ တမျိုး၊ မဲသားဟှ တမျိုး၊ ငှတ်သားဟှ တမျိုး၊ ငါးသားဟှ တမျိုး ဖြစ်ဟှယ်။
\p
\v 40 ကောန်းဂန်ရဲ့ ကိုယ်ထည်လည်း တမျိုး၊ မ္လေဂီးရဲ့ ကိုယ်ထည်လည်း တမျိုး ရှိဟှယ်။ ကောန်းဂန်ကိုယ်ထည်ရဲ့ ဂေါင်သရေဟှ တမျိုး၊ မ္လေဂီးကိုယ်ထည်ရဲ့ ဂေါင်သရေဟှ တမျိုး ဖြစ်ဟှယ်။ 
\v 41 နေရဲ့ ဂေါင်သရေ၊ လရဲ့ ဂေါင်သရေ၊ ကြယ်ရဲ့ ဂေါင်သရေဟှာ တမျိုးစီ ဖြစ်ဟှယ်။ ကြယ်ဟှာ လောင်းနလောင်းဟှိုဘဲ့ ဂေါင်သရေရှင်း တူဟှ။
\p
\v 42 သေဟှားသူလေရဲ့ ထမြော့‑က်ရှင်းဟှလည်း အယ်တိုင်းဘဲ့ ဖြစ်ဟှယ်။ ကိုယ်ခန္ဓာဟှို သင်္ဂြိုဟ်ဟှူ ခီမာ ပေါက်ပျစ်တတ်ဟှူ သဘောရှိဟှယ်။ ထမြော့‑က်ဟှူ ခီမာ ဆိုဟှာ ပေါက်ပျစ်နိုင်ဘဲဟှူ ဖြစ်နတည်ဟှယ်။ 
\v 43 စိုက်ဟှူ ခီမာ ဂေါင်သရေပျစ်ဘီး ခွန်အားမှေ့ဟှ။ ထမြော့‑က်ဟှူ ခီမာ ဖောင်းသရေတော်ရှိဘီး တဂိုးန ပ္လဲ့ဇောင်လေ့မယ်။ 
\v 44 စိုက်ဟှူ ခီမာ ကိုယ်ကာယခန္ဓာ ဖြစ်ဟှယ်။ ထမြော့‑က်ဟှူ ခီမာ ဝိညာဏကိုယ် ဖြစ်ဟှယ်။ ရောက်ပိုင်းဆိုင်ရာ ခန္ဓာရှိဟှူမျိုး ဝိညာဉ်ပိုင်းဆိုင်ရာ ကိုယ်ခန္ဓာလည်း ရှိရဟှယ်။ 
\v 45 အယ်ကြောန့် ကျမ်းစာလာဟှူဇာဟှ “ပထမ လူအာဒံဟှာ သတ်ရှင်ဟှူ သတ္တဝါ ဖြစ်ဟှယ်” ဆိုဘီး ရေးဟှားဟှယ်။ နော့‑က်ဆောင်းဖြစ်ဟှူ အာဒံဟှာ သတ်ရှင်စေတတ်ဟှူ ဝိညာဉ် ဖြစ်ဟှယ်။ 
\v 46 ဝိညာဉ်ခန္ဓာဟှာ ရင်ဦးဆောင်း ဖြစ်လာဇာ မှုဟှ။ ရောက်ခန္ဓာ ဖြစ်ဘီးမှ ဝိညာဉ်ခန္ဓာ ဖြစ်လာဟှူဇာ ဖြစ်ဟှယ်။ 
\v 47 ပထမအာဒံဟှာ မ္လေဂီးဟှ ဖန်ဆင်းဟှူကြောန့် မ္လေဂီးသား ဖြစ်ဟှယ်။ ဒုတိယ အာဒံဟှာ ကောန်းဂန်ဘောင်ဟှနေ လာဟှူသူ ဖြစ်ဟှယ်။ 
\v 48 မ္လေဂီးသားလေဟှာ အယ်မ္လေဂီးသားမျိုးဘဲ့ ဖြစ်ဂေ့ဟှယ်။ ကောန်းဂန်ဘောင်န ဆိုင်ဟှူ သူလေဟှာ ကောန်းဂန်ဘောင်န ဆိုင်ဟှူသူန တူလေ့မယ်။ 
\v 49 နို့လေဟှာ မ္လေဂီးသားရဲ့ ပေါင်သဏ္ဌာန်ဟှို ဆောန်ဟှူမျိုးဘဲ့ ကောန်းဂန်ဘောင်ဟှ ကြွလာဟှူသူရဲ့ ပေါင်သဏ္ဌာန်ဟှိုလည်း ဆောန်ဂေ့လေ့မယ်။\f + \fr ၁၅.၄၉ \fr*\fq ဆောန်ဂေ့လေ့မယ်၊ \fq*\ft တချို့ မူရင်းလတ်ရေးမူလေမာ \ft*\fqa ဝတ်ခွမ့်ပေးလေ့မယ်၊ \fqa*\ft ဆိုဘီး ပါရှိဟှယ်။\ft*\f*
\p
\v 50 ညီကို မောန်နှမလေ၊ လူ့ရဲ့သွီးသားဟှာ ဘုရားသခင်ရဲ့ နိုင်ငံတော်ဟှို ခံယူနိုင်ဟှ။ ပေါက်ပျစ်တတ်ဟှူဇာဟှာ ပေါက်ပျစ်တတ်ဘဲဟှူဇာဟှို ခံယူနိုင်ဟှ။
\p
\v 51 \x - \xo ၁၅.၅၁–၅၂ \xo*\xt ၁ သက် ၄.၁၅–၁၇\xt*\x*နားထောန်ဂေ့ပါ။ လျှို့ဝှပ်နတ်နဲဟှူ ဇာတခုဟှို ငါပြောအူးမယ်။ နို့လေအားလောင်းဟှာ သေဂေ့ရဟှို့ မှုဟှ။ 
\v 52 အယ်ဘေမဲ့ နော့‑က်ဆောင်းဗှိုးမှုဟှူ ခီမာ မျစ်စိတမှိ ရှစ်ဟှားဒဲန ပ္လောန်းလဲဂေ့လေ့မယ်။ နော့‑က်ဆောင်းဗှိုးမှုဟှူ ခီမာ သေဟှားဘီးသူလေဟှာ ရှင်ပ္လန်ထမြော့‑က်ဘီး သေရှင်းန ထာဝရ ကင်းလွတ်လေ့မယ်။ နို့လေ အားလောင်းလည်း ပ္လောန်းလဲမှုဟှို ရော့‑က်ဂေ့လေ့မယ်။ 
\v 53 ဖြားဖြစ်ကြောန့်နူးဆိုဟှာ ခုပေါက်ပျစ်တတ်ဟှူ ဇာဟှာ ပေါက်ပျစ်တတ်ဘဲဟှူ ဇာဖြစ်ဟှို ပ္လောန်းလဲရမယ်။ သေတတ်ဟှူ ဇာဟှာ သေနိုင်ဘဲဟှူ ဇာဖြစ်ဟှို ပ္လောန်းလဲရမယ်။ 
\v 54 အယ်ကြောန့် အယ်ပေါက်ပျစ်တတ်ဟှူ ဇာဟှာ ပေါက်ပျစ်နိုင်ဘဲဟှူ ဇာဖြစ်န သေတတ်ဟှူ ဇာဟှာ သေနိုင်ဘဲဟှူ ဇာဖြစ်ဟှို ပ္လောန်းလဲဟှူ ခီမာ “သေရှင်းဟှာ အောန်မြင်ရှင်းနှိုက် နှစ်မ္လောက်ဘီ!” ဆိုဘီး ပြောဟှားဟှူ ကျမ်းစကားဟှာ ပ္လဲ့ဇောင်လေ့မယ်။
\q1
\v 55 “အို၊ မရဏနိုင်ငံ၊ နန့်ရဲ့ အောန်မြင်ရှင်းဟှ ဖယ်မာရှိနူး။
\q1 အို၊ သေမန်း၊ နန့်ရဲ့ လတ်နတ်ဟှ ဖယ်မာရှိနူး။”
\m
\v 56 သေမန်းရဲ့ လတ်နတ်တဂိုးဟှာ ပြစ်ဒုစရိုက် ဖြစ်ဟှယ်။ ဒုစရိုက်ပြစ်ရဲ့ တဂိုးဟှာ ပညတ်တရား ဖြစ်ဟှယ်။ 
\v 57 အယ်ဘေမဲ့ နို့လေရဲ့ သခင် ယေရှုခရစ်တော်အားဖြင့် အောန်မြင်မှုဟှို ပေးတော်မူဟှူ ဘုရားသခင်ရဲ့ ကျေးဇူးတော်ဟှာ ကီးမားလှပါဟှယ်!
\p
\v 58 အယ်မျိုးဖြစ်ကြောန့် ငါရှစ်ရဟှူ ညီကို မောန်နှမလေ၊ နန်းနို့လေဟှာ သခင်ဘုရားရဲ့ မှုတော်ဟှို ကြိုးစား လောက်ဆောန်ဟှူဇာဟှာ ချည်းနှီး ဖြစ်ဘဲဟှူကြောန်းဟှို သိမှတ်ဘီးဟှာ တည်ကြည်ဟှူစိန ပ္လဲ့ဇောင်ဘီး ဖော့‑က်ပ္လန်ရှင်း မှေ့ဘဲန သခင်ဘုရားရဲ့ မှုတော်ဟှို မြဲဒမ်း ကြိုးစားဆောန်ရွပ်ဂေ့ပါ။
\c 16
\s လိုအပ်နေဟှူ ယောင်ကြည်သူလေတွပ် လှူငွေကြောန်း
\p
\v 1 \x - \xo ၁၆.၁ \xo*\xt ရော ၁၅.၂၅,၂၆\xt*\x*သန့်ရှင်းဟှူသူလေဟှို ထော့‑က်ပံ့ဟှို့တွပ် လှူငွေနပတ်သတ်ဘီးဟှာ ဂလာတိပြည်မာရှိဟှူ သင်းတော်လေဟှို ငါညွှန်ကြားဟှားတိုင်း နန်းနို့လေ လောက်ဂေ့ပါ။ 
\v 2 ငါရော့က်လာခီမာ လှူငွေကော့‑က်ခံရဘဲနေအောန် နန်းနွေနေ့တိုင်း နန်းနို့ယော့‑က်ချင်းစီတိုင်းရဲ့ ဝမ်ငွေနဲများလိုက် လှူဒန်းဟှို့တွပ် စုဆောန်းဟှားဂေ့ပါ။ 
\v 3 ငါရော့‑က်လာဟှူ ခီမာ စာရေးဘီး နန်းနို့လေ ဝီးချယ်ဟှူသူလေဟှို အပ်ပေးဘီး အယ်လတ်ဆောန်ဟှို ယေရုရှလင်ဗြို့ဟှို ပို့ဆောန်ဟှို့တွပ် ငါလွှတ်မယ်။ 
\v 4 တကယ်ဟှိ ငါကိုယ်တိုင်သွားဟှို့ လိုအပ်ဟှယ် ဆိုဟှာ သူးနို့လေနငါ တူးဒူသွားမယ်။
\s ပေါလုရဲ့ကြံစည်ကြောန်း
\p
\v 5 \x - \xo ၁၆.၅ \xo*\xt တ ၁၉.၂၁\xt*\x*မာကေဒေါနိပြည်လမ်းဟှနေ ငါသွားမယ်ဖြစ်ဟှူကြောန့် မာကေဒေါနိပြည်ဟှို လှည့်လည်ဘီးမှ နန်းနို့နားဟှိုလာမယ်။ 
\v 6 ငါဟှာ နန်းနို့လေနတူးဒူ ဆောန်းကာလပတ်လောင်း နေရှင်ဟှာနေမယ်။ နော့‑က်မှ ငါသွားရှင်ဟှူနေရာဟှို သွားဟှို့တွပ် နန်းနို့ကူညီလေ့မယ် ဆိုဇာဟှို ငါမျှော်လင့်ပါဟှယ်။ 
\v 7 ငါဟှာ နန်းနို့လေနားဟှို ရှစ်ဟှားတည်းခိုမျှဒဲမှုဘဲန သခင်ဘုရားခွမ့်ပြုမယ် ဆိုဟှာ နန်းနို့လေနားမာ ကြားကြာနေဟှို့ မျှော်လင့်ဟှားပါဟှယ်။
\p
\v 8 \x - \xo ၁၆.၈,၉ \xo*\xt တ ၁၉.၈–၁၀\xt*\x*ပင်တေကုတ္တေပွဲနေ့ထိ ဧဖက်ဗြို့မာ ငါနေအူးပါမယ်။ 
\v 9 ဖြားဖြစ်ကြောန့်နူးဆိုဟှာ မှုတော်တွပ် ရရာတိုင်း ကီးဟှူခွဗော့‑က်ဟှာ ငါ့တွပ် ဆင်သင့်ဖွမ့်ဘီး ရှိနေပါဟှယ်။ တားဆီးဟှူသူလည်း ဘောင်ဂီးရှိပါဟှယ်။
\p
\v 10 \x - \xo ၁၆.၁၀ \xo*\xt ၁ ကော ၄.၁၇\xt*\x*နန်းနို့လေနားဟှို တိမောသေဟှာ ရော့‑က်လာဟှယ် ဆိုဟှာ သူဟှာ စိုးရိမ်မှုမှေ့ဘဲ နန်းနို့နတူးဒူနေထိုင်ဟှို့တွပ် ဂရုစိုက်ဂေ့ပါ။ ဖြားဖြစ်ကြောန့်နူးဆိုဟှာ သူဟှာ ငါ့ဟှူမျိုးဘဲ့ သခင်ဘုရားရဲ့မှုတော်ဟှို လောက်ဆောန်ဟှူသူ ဖြစ်ဟှယ်။ 
\v 11 အယ်ကြောန့် သူ့ဟှို ဖယ်သူလည်းဘဲ့ ထီမဲ့မြင်ပြုစေန။ ငါဟှာ ယောင်ကြည်သူ ညီကို မောန်နှမလေနတူးဒူ သူရော့‑က်လာဟှို့ဇာဟှို စောန့်မျှော်နေဟှူကြောန့် သူဟှာ ငါ့နားဟှိုဘေးကင်းဘီး ရော့‑က်လာနိုင်ဟှို့တွပ် ကူညီဂေ့ပါ။
\p
\v 12 ငါ့ညီအာပေါလုန ပတ်သတ်ဘီး ပြောရမယ် ဆိုဟှာ သူဟှာ တခြားခရစ်ယာန် ညီကို မောန်နှမလေနတူးဒူ နန်းနို့လေနားဟှို လာလည်ဟှို့တွပ် သူ့ဟှို ငါအားပေးတိုက်တွန်းဟှယ်။ အယ်ဘေမဲ့ သူဟှာ အယ်ခီဒူးဟှ လာဟှို့ လောင်းဝ ဆန္ဒမှေ့ဟှ။ \f + \fr ၁၆.၁၂ \fr*\fq သူဟှာ အယ်ခီဒူးဟှ လာဟှို့ လောင်းဝ ဆန္ဒမှေ့ဟှ၊ \fq*\ft အယ်မျိုးမှုဘဲနေဟှာ \ft*\fqa ဘုရားသခင်လိုတော် လောင်းဝ မှေ့ဟှ။\fqa*\f* အယ်ဘေမဲ့လည်း ခွမ့်သာဟှူ ခီမာ သူလာလေ့မယ်။
\s နော့‑က်ဆောင်းမှာဟှူစကား
\p
\v 13 နန်းနို့လေ နိုးနိုးကြားကြားနေဂေ့ပါ။ ယောင်ကြည်ရှင်းန ခိုင်းခိုင်မားမာရပ်တည်ဂေ့ပါ။ ရဲစွမ်းသတ္တိရှိဂေ့ပါ။ သန်မာဂေ့ပါ။ 
\v 14 အားလောင်းဂူဟှို မြစ်တာစိနပြုဂေ့ပါ။
\p
\v 15 \x - \xo ၁၆.၁၅ \xo*\xt ၁ ကော ၁.၁၆\xt*\x*ညီကို မောန်နှမလေ၊ သတေဖန်ရဲ့ အီသူအီသားလေဟှာ အခါယပြည်မာ ဦးဆောင်းခရစ်ယာန်လေဖြစ်ဘီး သန့်ရှင်းသူလေရဲ့မှုဟှို ကူညီဆောန်ရွပ်ဟှို့တွပ် သူးနို့လေဟှာ ကိုယ့်ကိုယ်ကိုယ် ဆစ်ကပ်ဟှားဟှူကြောန်းဟှို နန်းနို့လေသိဂေ့ဟှို့တွပ် ငါတိုက်တွန်းဟှယ်။ 
\v 16 အယ်မျိုးသူလေဟှနေစဘီး သူးနို့နတူးဒူ မှုတော်ဟှို လောက်ဆောန်ဂေ့ဟှူ သူလေရဲ့ ဦးဆောန်မှုဟှို နာခံဂေ့ဟှို့တ္ပပ် နန်းနို့လေဟှို မြစ်တာရပ်ခံဟှယ်။
\p
\v 17 သတေဖန်၊ ဖော်တုနက်န အခါယကုဟှားလေ ရော့‑က်လာဟှူကြောန့် ငါဝန်းသာဟှယ်။ သူးနို့လေဟှာ နန်းနို့ကိုယ်စား ငါ့ဟှိုပြုစုဂေ့ဟှယ်။ 
\v 18 သူးနို့လေဟှာ နန်းနို့စိဟှို သတ်သာစေဟှူမျိုး ငါရဲ့စိဟှိုလည်း သတ်သာစေကြဟှယ်။ အယ်မျိုးသူလေဟှို သိမှတ်ပြုဂေ့ပါ။
\p
\v 19 \x - \xo ၁၆.၁၉ \xo*\xt တ ၁၈.၂\xt*\x*အာရှပြည်မာရှိဟှူ သင်းတော်လေဟှာ နန်းနို့လေဟှို နှောက်ဆစ်ဂေ့ဟှယ်။ အာကုလန ပြစ်ကိလဟှနေစဘီး သူးနို့အီမာ ဝတ်ပြုကိုးကွယ်ဂေ့ဟှူ သင်းဝမ်သူလေဟှလည်း သခင်ဘုရားရဲ့ နာမတော်အားဖြင့် နှောက်ဆစ်ဂေ့ဟှယ်။ 
\v 20 ညီကိုအားလောင်းဟှလည်း နန်းနို့ဟှို နှောက်ဆစ်ဂေ့ဟှယ်။
\p နန်းနို့ဟှ ယော့‑က်နယော့‑က် သန့်ရှင်းဟှူနမ်းန နှောက်ဆစ်ဂေ့ပါ။
\p
\v 21 \sig အယ်နှောက်ဆစ်စကားဟှို ငါပေါလုကိုယ်တိုင် ငါ့လတ်န ရေးလိုက်ပါဟှယ်\sig*။
\p
\v 22 သခင်ဘုရားဟှို ရှစ်ဘဲဟှူ ဖယ်သူဘဲ့ဖြစ်ဖြစ် ကီရှင်းဟှို ခံရပါစေ!
\p \tl မာရာနာ သာ\tl* သခင်ဘုရား ကြွလာတော်မူပါ!
\p
\v 23 သခင်ယေရှုခရစ်ရဲ့ ကျေးဇူးတော်ဟှာ နန်းနို့လေမာရှိပါစေ။
\p
\v 24 ယေရှုခရစ်တော်နှိုက် တဗဲ့တော်ဖြစ်ဟှူ နန်းနို့လေမာ ငါရဲ့ရှစ်ရှင်းမြစ်တာရှိဟှယ်။ အာမင်။