\id REV - Southeast Ambrym NT with Ruth and Jonah [tvk] -Vanuatu (DBL 2015) 
\h Revelesen 
\toc1 Revelesen 
\toc2 Rev 
\mt2 Sepinien xa diamu te  
\mt1 Revelesen  
\is1 ?Visi iaxa tetis uvei ak?  
\ip Moletin xa tetis uvei ak, hisen tehe Sion\x + \xo 1:0 \xt Rev 1:1,4,9; 22:8\x* xa tehe eloheoh tei na Iesu Kristo. Xi tehe Sion Sepeti xa tetis “Longeongen hos usil Iesu Kristo xa Sion tetisi,” tetel 1, 2, e 3 Sion mun. E melele nen ak, sangas ni huram 95 AD (huram xil xa tetutou ni poten na Iesu), kavmen te hal Rom teling Sion tete aelan tei xa hokorong xa latekesi ni Patmos. E latehiteni mini xa lihas vini xosxa isak pisi tengan ilesae reling aelan ak.  
\is1 ?Visi iaxa tevuli uvei ak tetiamu?  
\ip Sion tetis uvei ak teha mi Kristin xil te sias lu e he sav (7) xa mahulong te provins te hal Esia (xa lakesi ni Turkey xosali), e teha mi Kristin sav xil mun te rute xil vus. Texoni Sion, Kristin xil di latehisu ni melele te xeih xil e rute xil vus xa suv toto tol (3) te hal Rom di lattelaxati: Nero (54-68 AD), Vespasian (69-79 AD), e Domisian (81-96 AD). Misak ni, Iesu tesa metuveen xil mi Sion tengan vahit mesen ni mi Kristin xil xa melele te xeih savsav xil ti imei, tengan vapet rat nenemien nae xa Iesu Kristo ileli Temat e holesok xil xa misa te ut etan, ma ti lisoh ixeih e vaeen te neketen xa lateti en.  
\is1 ?Sion tetis uvei ak veneh?  
\im \bd Iesu Kristo tesemae ni Sion tengan vatis uvei ak ha vatutou ni neketen na moletin nan xil\bd* - Iesu Kristo testal mi Sion texo metuveen xil e tesemae ni tengan vatis xat holesok xil xa tehit lelen ni mini tengan, ti, isa ni iha mi Kristin xil tengan likila.\x + \xo 1:0 \xt Rev 1:11,19; 22:6\x*  
\ib  
\im \bd Sion ien tehei tengan vasel xat Kristin xil te tan xa mahulong te hal Esia xa neketen nae itin tang ita e namerir ti\bd* - Vengan huram holu mei tetavi, Kristin xil holu neketen nae temerir.\x + \xo 1:0 \xt Rev 2:4,14,20; 3:2,15\x* Tesak ni, Sion tetis selxatien xil ak teha mi sias xil kekes xa lateti e tan xa mahulong te hal Esia tengan neketen nae itin tang ita.\x + \xo 1:0 \xt Rev 2:1–3:22\x*  
\ib  
\im \bd Sion ien tehei tengan Kristin xil lakil kuhi xa Hi be eilep mak mu mili holesok xil\bd* - Kristin xil holu di latelong pangas xil ve melele te xeih xil xa di latehisu ni texo he kavmen, texo he moletin sav xil, e texo Siu e rut Kristin xil mun.\x + \xo 1:0 \xt Rev 2:7,9-10,13,19,26; 3:5,21\x* Tesak ni, Sion tehit lelen ni xa holesok xil vus xa di testal mi xil di tehusil xat naha xa Hi teling xati tetiamu ni melele xa tepeas ni ut etan tengan mei istal.\x + \xo 1:0 \xt Rev 1:8,17; 4:1–22:21\x*  
\ib  
\im \bd Sion ien tehei tengan Kristin xil likil kuhi xa Iesu imei rilomun e ihas tan ni Temat e holesok xil vus xa lasa\bd* - Kristin xil holu di latepusi texoni ngan xa di latetatil mei rilomunen na Iesu huram xil holu ngamu e Kristin xil holu tetel eloheoh xil mun latelel ngamu ve neketen nae.\x + \xo 1:0 \xt Rev 1:9\x* E Sion tepet rat nenemien nae tehit Iesu imei rilomun reitin e ihas tan ni Temat e holesok xil vus xa lasa, e iling pilei holesok xil vus mei ihos.\x + \xo 1:0 \xt Rev 1:10-20; 19:11-21\x*  
\ib  
\im \bd Sion ien tehei tengan vasel xat Kristin xil xa lisoh ixeih e neketen nae tengan linave unoun ti e melele xa Iesu imei rilomun en\bd* - Rut Kristin xil latepusi xa holesok xil xa di latehisu ni texeih tova tang.\x + \xo 1:0 \xt Rev 6:9-11\x* Tesak ni, Sion tesel xat xil tengan tit lisoh ixeih vehakut e neketen nae e linamaen nenesien nae ti e Hi namot.\x + \xo 1:0 \xt Rev 2:7,11,17,26; 3:5,12,21; 7:14; 12:11; 15:2\x* Xi tesel xat xil tengan linapol ni ti neta xil xa nasak ni xil linahe unoun ven e melele xa Iesu imei rilomun e ilepis rin na moletin xil.\x + \xo 1:0 \xt Rev 3:18; 12:11; 16:15\x*  
\ib  
\im \bd Sion ien tehei tengan vapet rat nenemien na Kristin xil usil naha xa istal e melele xa Hi ipol pilei ni ut etan e tilang hat, e isak ni xalu mei lalihe neta hu\bd* - Rut Kristin xil di lanem holu usil holesok xil te ut etan. Ma Sion tesel xat xil tengan nenemien nae iti e Hi kestang e melele xa ipol pilei ni ut etan itel tilang hat mei lalihe neta hu.\x + \xo 1:0 \xt Rev 21:1–22:5\x*  
\is1 Nenemien tei xa eilep te uvei ak de Revelesen 1:10-11, 19  
\ipq E Sande xa be melengien eo na Suv Iesu, Ninin na Hi mei mise xat nou e nalong rae tei nggo petouk xa misel nggeih nggoni amaru tei. Xi biteni minou bit, “Utis rat naha xa ti upusi ihe vanuvei tei, e usa ni iha mi sias xil xa labe lu e he sav (7) te taon xil ak: Efeses, Samerna, Pegamam, Taeatira, Sadis, Piladelvia, e Laodisia …  
\ipq “Utis xat \bdit naha xa otepusi ngamu, naha xa di mistal taxeak,\bdit* itel \bdit naha xa istal e melengien xil xa ti imei itutou.”\bdit*  
\is1 ?Naha iaxa di e sepinien ak?  
\io1 1. \bdit “Naha xa otepusi ngamu …”\bdit* - Tetep iaxa Iesu Kristo tesepin mi Sion texo metuveen tei. (1:1-20)  
\io1 2. \bdit “… naha xa di mistal taxeak …”\bdit* - Selxatien xil teha mi sias lu e he sav (7) xa lateti e tan xa mahulong te hal Esia. (2:1–3:22)  
\io1 3. \bdit “… naha xa istal e melengien xil xa ti imei itutou.”\bdit*  
\io2 a. Holesok xil te ut etan lames Hi. (4:1-11)  
\io2 b. Iesu pisen ni xa xi nggoni sulut sipsip te sanien eo xa pipin tengan vavuli sepinien xa Hi di bit lelen ni. (5:1-14)  
\io2 c. Iesu bul papas siil be tei e he sav (6) xa misak ni longpangasien xil lastal lapangei moletin xil te ut etan. (6:1–7:17)  
\io2 d. Vatixar lu e he sav (7) na masxaxa xil labui amaru nae xa misak ni longpangasien xil lastal lapangei moletin xil te ut etan. (8:1–16:21)  
\io2 e. Hi misa pangasien mi ngan xil te hal Babilon. (17:1–19:5)  
\io2 f. Iesu bemei rilomun tengan vahas tan ni Temat e holesok xil vus xa di langgusili. (19:6-21)  
\io2 g. Iesu del ngan xil xa langgusili lalaxat ut etan duxoh huram taosen tei. (20:1-6)  
\io2 h. Hi miso Temat be Von Upang. (20:7-10)  
\io2 i. Hi dotan e von koten nan e milepis rin na moletin xil vus. (20:11-15)  
\io2 j. Hi misak ni ut etan e tilang hat mei lube neta hu. (21:1–22:5)  
\io1 4. Sepinien kor. (22:6-21)  
\c 1  
\s1 Sepkilaen na Sion usil uvei ak  
\p
\v 1 Ngan ak be naha xa Hi tesa ni mi Iesu Kristo tengan ipisen ni mi eloheoh nan xil usil naha xa mei istal nave nousav ti. E Iesu Kristo tesil \w masxaxa\w* nan temei minou, eloheoh nan tei, tengan vahit mesen sepinien ak minou. Hisok Sion. \x + \xo 1:1 \xt Dan 2:28,29,45; Rev 1:19; 22:6\x*  
\v 2 E holesok xil ngasen xa natepusi e nateteong ni usil naha xa Hi tehit kila, xa Iesu tehit mesen ni minou be reitin. Ngan ak vari iaxa di nadis usili xiak. \x + \xo 1:2 \xt Rev 1:9; 6:9\x*  
\v 3 E tuxolxatien na Hi iti mi moletin xa ti ivuli uvei ak, e tuxolxatien iti mi ngan xil mun xa lalong kil sepinien te kilakilen ak e lalong xat naha xa di en. Vengan xa melele tengan holesok xil ak mei istal ihe reitin di bemei sangas. \x + \xo 1:3 \xt Rev 22:7; 22:10\x*   
\s1 Selxatien xil xa ba mi sias lu e he sav (7) xa ladi e tan xa mahulong te hal Esia  
\p
\v 4 Inou, Sion di nadis sepinien ak bat mi xamim, sias xil xa mube lu e he sav (7) xa mudi e tan xa mahulong te hal Esia.\f + \fr 1:4 \ft Xosali lakes rute ak ni Turkey.\f* \x + \xo 1:4 \xt Eks 3:14; Rev 1:8; 4:8; 11:17; 16:5; Aes 41:4; Rev 3:1; 4:5; 5:6\x*  
\p Hi xa da taxeak, teta tetiamu, e ita tang e melengien xil xa ti imei. E nasis mini tengan eheien hos e tomat nan iti mi xamim. E di misa xalu mi xir nggo Ninin lu e he sav (7) nan xa langgoni laet lu e he sav (7) xa ladi pe meten xa di dotan de von xeihen nan.  
\v 5 Eheien hos e tomat ak lunggo Iesu Kristo mun xa rakila raling nenesien nar en. Xi bit kil reitinen usil naha xa Hi tepisen ni mini. Xi be muimol na ngan xil xa ti limea rilomun ra maten e be vat na suv xil vus te ut etan. \x + \xo 1:5 \xt Rev 3:14; 19:11; Sam 89:27; Kol 1:18; Sam 89:27; Rev 19:16; Sam 130:8; Aes 40:2\x*  
\p Iesu ien bei xir, e ren xa mileh e maten nan misak ni xir rameluv ra pangasien te \w tesaen\w* nar xil.  
\v 6 Xi pol ni xir mei rabe vanut moletin tei xa Hi be suv toto te meulien nar. Reitin, xi pol ni xir mei rabe vanut \w pris\w* xil xa di rapol mi Hi Tamen. Ve rin ak, di rabithiteni xa Iesu Kristo be eilep pupu e xeihen te lelaxatien nan iti vehakut xa vehakut tang. Reitin. \x + \xo 1:6 \xt Eks 19:6; Aes 61:6; 1Pit 2:5,9; Rev 5:10; 20:6\x*   
\p
\v 7 !Muteong kuhi! Xi imei istal ixo momah xil e moletin xil vus lipusi. Reitin, ngan xil mun xa latesal vini tetiamu ti lipusi. Isak ni moletin xil te ut xil vus te ut etan limeun itel ulikanen. Reitin, xi imei istal imak vari. \x + \xo 1:7 \xt Dan 7:13; Mat 24:30; Mak 13:26; Luk 21:27; 1Tes 4:17; Sak 12:10; Sion 19:34,37; Sak 12:10,12,14; Mat 24:30\x*   
\p
\v 8 Hi Suv te xeihen xa da taxeak, teta tetiamu, e ita e melengien xil xa ti imei, xi di biteni bit, “E holesok xil vus xa di, inou nateta ngamu tetiamu ni xil, e nita mun itutou ni xil.” \x + \xo 1:8 \xt Rev 21:6; 22:13; Eks 3:14; Rev 1:4; 4:8; 11:17; 16:5,7,14; Aes 41:4; Amos 3:13; 4:13; Rev 15:3; 19:6,15; 21:22\x*   
\s1 Iesu Kristo bemei visal Sion e pisen holesok xil holu mini  
\p
\v 9 Inou nabe Sion, tua namim ve nenesien nar e Iesu Kristo tei takes. Nggoni xamim, inou mun di nanggur longpangasien te sakpurunien xil del nenemien xa teviei e melele xa di nadatil melengien xa lelaxatien na Hi mei istal en. Lateso nou nabe nim te xeih e tutut aelan te hal Patmos vengan xa di nabithiten naha xa Hi di pisen ni minou e reitinen usil Iesu Kristo mi moletin xil.  
\v 10 E Sande xa be melengien eo na Suv Iesu, \w Ninin\w* na Hi mei mise xat nou e nalong rae tei nggo petouk xa misel nggeih nggoni amaru tei.  
\v 11 Xi biteni minou bit, “Utis rat naha xa ti upusi ihe vanuvei tei, e usa ni iha mi sias xil xa labe lu e he sav (7) te taon xil ak: Efeses, Samerna, Pegamam, Taeatira, Sadis, Piladelvia, e Laodisia.”   
\p
\v 12 Melele xa nabiles tengan napus ti visi iaxa di misepin minou, napus laet lu e he sav (7) xa lasomal ladi e lapol ni pos nen ni gol.  
\v 13 E hilaep te xil, napus ngan xa nggoni Nat Moletin xa tenben nggoni moletin tei xa nggo ut nesao.\f + \fr 1:13 \ft Nat Moletin be ngan xa \xt Dan 7:13\ft  del \xt Dan 10:5\ft  di misepin usili xa imei e isak ni lelaxatien na Hi mei istal.\f* Xi mising nggoni suv toto tei ni eising xa teviei xa ba duxoh len etan. E lasoxolen kaliko tei xa kala nen nggoni gol da xol valhasen. \x + \xo 1:13 \xt Dan 7:13; 10:5; Esek 9:2,11\x*  
\v 14 Hilin mieh xa mieh e meten minehin pupu nggoni upang. \x + \xo 1:14 \xt Dan 10:6; Rev 2:18; 19:12; Dut 7:9\x*  
\v 15 Kaelen minehin nggoni oei te venu\f + \fr 1:15 \ft Sepinien xati teni bit, \ft \+it “bihili nggoni aean brons xa latelingi e upang.”\+it*\f* e raen mirum nggeih nggoni melele xa tahe xa mahulong mei mavul xat vatihat xil. \x + \xo 1:15 \xt Esek 1:24; 43:2; Rev 14:2; 19:6\x*  
\v 16 E hen matu, xi nggur xat hitu lu e he sav (7), e tiei tei xa mikan e rin xalu vus mistal nggo vulongen. E valnaon minehin nggoni eai xa di minggan e piniae. \x + \xo 1:16 \xt Rev 1:20; 2:1; Aes 49:2; Rev 2:12,16; 19:15\x*   
\p
\v 17 Melele xa napusi, namot nabe tan visal len e nasakras napol ni ti neta nggoni ngan xa namat. Di, xi miling hen matu e nou e biteni bit, “!Ulum nakan ti! Inou nateta tetiamu ni holesok xil vus xa ladi, e inou nihe hoxalite teni mun. \x + \xo 1:17 \xt Aes 44:6; 48:12; Rev 2:8; 22:13\x*  
\v 18 Inou nabe ngan xa nameul. Tave ti neta xa natemat, taxeak opusi xa di nameul tang nada, e nitat imak vehakut xa vehakut tang. De heok, naleh xat ki xil te maten e Hedis, rute xa nini moletin xil xa lalel laba ladi en.\f + \fr 1:18 \ft King xil ak be vole tei xa bit Iesu nggur xeihen tengan vasak ni moletin xil lakila lameluv ra xeihen te maten, e Hedis be von maten.\f*  
\v 19 Utis xat naha xa otepusi ngamu, naha xa di mistal taxeak, itel naha xa istal e melengien xil xa ti imei itutou. \x + \xo 1:19 \xt Aes 48:6; Dan 2:28,29,45; Rev 1:1; 22:6\x*  
\v 20 Koute te nenemien xuxus usil hitu lu e he sav (7) xa di opusi ladi e heok matu be vole usil sias lu e he sav (7) te hal Esia. \fig Laet lu e he sav labe vole usil masxaxa lu e he sav xa di laketeh xol sias xil te provins te hal Esia.|alt="Seven golden lampstands lit" src="WA04002b.tif" size="col" copy="Graham Wade, authorized by United Bible Societies, 1989" ref="1:20" \fig* E laet lu e he sav (7) xil ak xa labe gol, xil labe vole usil masxaxa lu e he sav (7) xa di laketeh xol sias xil ak.”\x + \xo 1:20 \xt Rev 1:16; 2:1; 3:1\x*   
\c 2  
\s1 Selxatien ba mi sias te hal Efeses  
\p
\v 1 Iesu biteni minou bit, “Utis sepinien ak iha mi \w masxaxa\w* xa di miketeh xol sias te hal Efeses uhit: \x + \xo 2:1 \xt Rev 1:16,20; 3:1\x*  
\p “Ngan ak be selxatien xa nggo visal ngan xa nggur xat hitu lu e he sav (7) di e hen matu e di mikakao e hilaep te laet lu e he sav (7) xa be gol.  
\v 2 Di napus kil polien te xeih namim e napus kila xa midep iaxa di mubisu ni melele te xeih xil del nenemien xa be teviei. Nakila xa di musin ngan xil xa di langgusil tesaen. E di mulepis rin na ngan xil xa labit labe \w eloheoh\w* navan xil, e mupus kila xa labe moletin te luvosen xil tang. \x + \xo 2:2 \xt Rev 3:1,8,15; 1Sion 4:1\x*  
\v 3 Nakila xa di mubisu ni melele te xeih xil del nenemien xa be teviei, e midep iaxa di munggur longpangasien xil holu ve hisok. E neta sav xa mak, di musokil e neketen namim, e vemim tavuol ti.   
\p
\v 4 “E ngan ak nangguri ba xat rin namim: taxeak, di mustokovein eheien xa mutepisen ni minou e mi moletin sav xil tetiamu.  
\v 5 Ma ihos xa munem xat sexien te eheien xa di mutepisen ni tetiamu, e mupus kila xa mudi sotin ranou xosali. Muhiles ra sexien tesa namim e mupol ni sexien hos xil ixoni ngan xa mutepol ni tetiamu. Xosxa munapol ni ti, ma nimei visal xamim e nihur rat laet namim ihe reling voninen. \x + \xo 2:5 \xt Rev 2:16,22; 3:3,19\x*  
\v 6 E ngan ak napusi xa mupol ni momal: iemim nggat sexien xil na ngan xil xa langgusil pispisien na Nikolai\f + \fr 2:6 \ft Nikolai di tepispisi mi moletin xil xa tenbe moletin e ninin xa da en, lusav. Mak, ma bit tesaen xil vus xa moletin di pol ni del tenben misakras vapurun ninin xa da en.\f* nggoni ngan taxa inou mun ieok di nggati. \x + \xo 2:6 \xt Sam 139:21\x*   
\p
\v 7 “!Xosxa vurangemim di, ma muteong kuhi ni naha xa \w Ninin\w* di biteni ba mi sias xil! E vaeen te neketen, ngan xil xa lasoh nggeih, nimaen xil lia huit vatiei te meulien sal xa di meul e naho na Hi.” \x + \xo 2:7 \xt Sen 2:9; 3:22,24; Rev 22:2,14; Sen 2:8; Esek 28:13; 31:8,9\x*   
\s1 Selxatien ba mi sias te hal Samerna  
\p
\v 8 Di, Iesu bit rilomun ni minou bit, “Utis sepinien ak iha mi masxaxa xa di miketeh xol sias te hal Samerna uhit: \x + \xo 2:8 \xt Aes 44:6; 48:12; Rev 1:17; 22:13\x*  
\p “Ngan ak be selxatien na ngan xa be vatite te holesok xil vus xa ladi, e be hoxalite teni mun; ngan xa temat e temea rilomun ra maten.  
\v 9 Nakila xa di munggur longpangasien xil holu e holesok namim tovuol e ut etan vengan xa di munggusil xat inou. E, e rin te neketen namim, holesok namim be holu. Nakila xa vanut moletin tei xa labit labe \w Siu\w* reitin di laseputut ni xamim. E inou napus xil nggoni ngan xa latave Siu reitin ti. E‑e, xil labe vanut moletin tei na \w Temat\w* tang. \x + \xo 2:9 \xt Tem 2:5; 2Kor 11:14,15; Rev 3:9\x*  
\v 10 Ulimim nakan ni longpangasien xil ti xa sangas ti muhisu ni. !Muteong kuhi! Nave nousav ti, \w Temat\w* isak ni rut xamim muhe nim te xeih tengan muvur sakpisien xil, e mulonge isa melengien ihe he xalu (10). E nenemien namim namot ti. Musoh ixeih venou, tave ti neta xa ti lisak purun xamim ha vuma … rut xamim lilel. Imak, ma inou nisa huit neketen mi xamim xa be meulien sal. \x + \xo 2:10 \xt Dan 1:12,14; Tem 1:12\x*   
\p
\v 11 “!Xosxa vurangemim di, ma muteong kuhi ni naha xa Ninin di biteni ba mi sias xil! E vaeen te neketen, ngan xil xa lasoh nggeih, xil linamat ti e maten xa be lu nen xa be te nousav.” \x + \xo 2:11 \xt Rev 20:14; 21:8\x*   
\s1 Selxatien ba mi sias te hal Pegamam  
\p
\v 12 Di, Iesu bit rilomun ni minou bit, “Utis sepinien ak iha mi masxaxa xa di miketeh xol sias te hal Pegamam uhit: \x + \xo 2:12 \xt Aes 49:2; Hib 4:12; Rev 1:16; 2:16; 19:5\x*  
\p “Ngan ak be selxatien na ngan xa tiei xa mikan e rin xalu vus nggo vulongen.  
\v 13 Nakil rute xa xamim mudi en, e taon xa Temat di pol pupu e meulien na moletin xil en. Tave ti neta xa mak, e xamim di tamu mube reitin minou e mutastokovein neketen namim ti. Reitin, di musomal nggeih e rute xa Temat nggur xeihen en, e melengien xil mun xa latehas vin Antipas xa tehusil xat inou e vehakut tehithiten longeongen hos usil inou mi mosav xil.   
\p
\v 14 “E ngan ak nangguri ba xat rin namim: mumaen rut xamim di langgusil xat hisit pispisien xa nggoni pispisien na provet \w Balam\w* tetiamu. Vengan xa xi tepispisi mi suv toto Balak xa tetep iaxa xi tetel mol‑Isrel xil ba latemot e tesaen texo sexien xa latea anien xa latesa ni tuei teha mi nanao xil e latepol tesa mi atou xil.\x + \xo 2:14 \xt Nam 31:16; 25:1-2; Siud 1:11\x*  
\v 15 E rut xamim mun di langgusil hisit sexien tesa xil ak melele xa di langgusil pispisien xil na Nikolai\x + \xo 2:15 \xt Rev 2:6\x* e pispisien sav xil mun xa langgoni.  
\v 16 !Mak iaxa, taxeak, muhiles ra tesaen namim xil! Xosxa munaviles ti ra pispisien xil ak, ma, nave nousav ti, inou nimei visal xamim e nivae iha xat xamim itel tiei xa mahulong xa di mistal nggo vulongok. \x + \xo 2:16 \xt Rev 3:11; 22:7,12,20; Aes 49:2; Rev 1:16; 2:12; 19:15\x*   
\p
\v 17 “!Xosxa vurangemim di, ma muteong kuhi ni naha xa Ninin di biteni ba mi sias xil! E vaeen te neketen, ngan xil xa lasoh nggeih, nisa ti manna xa di minggus\f + \fr 2:17 \ft Siu xil lanemi labit melele xa Hi isak ni lelaxatien nan mei istal e ut etan, isa manna xa Mosis teling xuxus ni teti valite tei tengan moletin nan xil lia ni.\f* mi xil. E nisa hat tei xa mieh mi xil kekes xa ladis hisexil hu di en, hisexil xa moletin sav xil linakil ti.” \x + \xo 2:17 \xt Sam 78:24; Aes 62:2; 65:15; Rev 3:12\x*   
\s1 Selxatien ba mi sias te hal Taeatira  
\p
\v 18 Di, Iesu bit rilomun ni minou bit, “Utis sepinien ak iha mi masxaxa xa di miketeh xol sias te hal Taeatira uhit: \x + \xo 2:18 \xt Dan 10:6; Rev 1:14-15; 19:12\x*  
\p “Ngan ak be selxatien mi xamim xa nggo Nat Hi xa meten minehin pupu nggoni upang e kaelen minehin nggoni oei te venu.\x + \xo 2:18 \xt Rev 1:14-15\x*  
\v 19 Nakil naha xa xamim di mupol ni. Napus kil eheien namim, neketen namim, polien namim, e midep iaxa di mubisu ni melele te xeih xil del nenemien xa be teviei. E napus kila mun xa, xosali, di mupol holu mak mu mili holesok xil xa mutepol kokot ni e melele xa mutehur kokot ni neketen namim.   
\p
\v 20 “E ngan ak nangguri di xat rin namim: di mumaen atou xa sexien nan nggoni Sesebel tetiamu tengan mei vamos e xamim. Xi di mikes tasen ni xi bit be \w provet\w* tei na Hi. E pispisien nan di miluvos moletin te polien navan xil xa bos tang tengan ti lipol ni sexien te hoeasoen e ti lia anien xa latesa ni tuei teha mi nanao xil. \x + \xo 2:20 \xt 1King 16:31; 2King 9:22; Nam 25:1-2; Rev 2:14\x*  
\v 21 Inou natesa mesal mini tuei tengan vahiles ra tesaen nan xil, e xi ien ti tenavei tengan vahiles ra sexien te hoeasoen nan.  
\v 22 Muxuxou kuhi, vengan xa inou nisa mesien tei xa mahulong mi atou ak xa isak ni ita kat tang e rong man. E xosxa ngan xil xa lapol misa dela linaviles ti ra sexien nae xil, ma xil mun lilonge isa pupu itela.  
\v 23 Reitin, inou nihas vin moletin xil xa di langgusili. Isak ni, moletin xil te sias xil vus likila sung xa inou iaxa nakil naha xa di e nenemien e tin moletin xil vus, e nisak ni moletin xil kekes ti lia huit polien nae. \x + \xo 2:23 \xt Sam 7:9; Pro 24:12; Ser 11:20; 17:10; Sam 62:12; Pro 24:12; Ser 17:10; Rom 2:6; 2Tim 4:14; Rev 18:6; 20:12,13\x*   
\p
\v 24 “E xamim tesav xil te hal Taeatira, mutnahusil pispisien xil ak ti. Xamim mutesin pispisien ak xa mosav xil lakesi ni ‘kilakilen xil xa tellep na Temat.’ Ma, mi xamim, ninaling rae ti mun xa meas nata xat xamim.  
\v 25 Muhur xat rae xil kestang xa mutehuri tuei ituxoh melele xa nimei rilomun en. \x + \xo 2:25 \xt Rev 3:11\x*   
\p
\v 26 “E vaeen te neketen, ngan xil xa lasoh nggeih e tit lipol ni polien navan xil ituxoh melele xa nimei rilomun en, inou nisa xeihen mi xil tengan ti lilaxat kantri xil. \x + \xo 2:26 \xt Sam 2:8,9; Rev 12:5\x*   
\p
\v 27 “Reitin, nisa xeihen te lelaxatien mi xil xa ixoni ngan xa Tata navan tesa ni minou, nggoni sepinien xa biteni bit,  
\q1 \qt ‘Lelaxatien nae ixeih mak mu.\qt*  
\q1 \qt Lihu len ngan xil vus xa ti livae itel xil,\qt*  
\q2 \qt ixoni ngan xa langgu papas valoei xil xa be kilas mei be saxute xil.’\qt* \rq (Sam 2:9)\rq*   
\m
\v 28 E nisa Melan mun mi xil xa be hitu te makoe.\f + \fr 2:28 \ft Hitu xa lakesi ni Melan di pili nggeih e melele xa sangas ut da miluv. Ngan ak be vole tei mi Kristin xil xa lisoh ixeih e maluxoluken te melele te xeih xil vengan xa laet te mei rilomunen na Iesu Kristo di bemei sangas.\f* \x + \xo 2:28 \xt Rev 22:16\x*  
\v 29 !Xosxa vurangemim di, ma muteong kuhi ni naha xa Ninin di biteni ba mi sias xil!”   
\c 3  
\s1 Selxatien ba mi sias te hal Sadis  
\p
\v 1 Iesu bit rilomun ni minou bit: “Utis sepinien ak iha mi \w masxaxa\w* xa di miketeh xol sias te hal Sadis uhit: \x + \xo 3:1 \xt Rev 1:4; 4:5; 5:6; 1:16,20; 2:1; 2:2; 3:8,15\x*  
\p “Ngan ak be selxatien na ngan xa Ninin lu e he sav (7) na Hi di en xa langgoni laet lu e he sav (7) e xa nggur xat hitu lu e he sav (7).\f + \fr 3:1 \xt Rev 1:20 \ft di biteni xa hitu lu e he sav (7) be vole tei usil masxaxa lu e he sav (7).\f* Nakil sen holesok xil xa di mupol ni. Tave ti neta xa moletin xil di lanemi labit neketen namim meul nggeih tang da, e inou nakila xa neketen namim mat.  
\v 2 !Mak, ma mutamea musoh! Musak ni neketen xa munggur xati tamu da mei ixeih pilei mu. Xosxa munapol ni ti namak, ma neketen namim ak imat vuol vari. Di nabiteni mak vengan xa nakameti xa di mupol ni neta tei xa tavos ti pe met Hi.  
\v 3 Mak, ma munem xat pispisien xil xa mutelonge e mutehur xati tuei. Muhiles ra tesaen namim xil e mulong xat pispisien xil ak. Xosxa di tamu mupat del neketen namim, ma nimei rilomun e melengien tei xa xamim munakil ti ixoni moletin te kanen tei e nilepis rin namim. \x + \xo 3:3 \xt Rev 2:5,16,22; 3:19; Mat 24:43-44; Luk 12:39-40; 1Tes 5:2,4; 2Pit 3:10; Rev 16:15\x*   
\p
\v 4 “E xamim vahis te hal Sadis di langguxou kuhi tengan meulien nae nave muis ti nggoni ngan xa lasing ni eising xil xa memese tevi. Ngan xil ak kestang lapin pe met Hi tengan lising ni eising xa mieh e likakao itel nou. \x + \xo 3:4 \xt Siud 1:23\x*  
\v 5 Ngan xil mun xa lasoh nggeih e vaeen te neketen, xil lising ni eising xa mieh ixoni xil tang. Inou ninasu lelen hisexil ti ra Vanuvei te Meulien. E pe met Tata navan e masxaxa nan xil, inou nihit rati xa xil labe navan. \x + \xo 3:5 \xt Rev 3:18; 4:4; 6:11; 7:9,13; 19:14; Eks 32:32,33; Sam 69:28; Rev 17:8; 20:15; Eks 32:32,33; Sam 69:28; Dan 12:1; Plp 4:3; Rev 13:8; 17:8; 20:12,15; 21:27; Mat 10:32; Luk 12:8\x*   
\p
\v 6 “!Xosxa vurangemim di, ma muteong kuhi ni naha xa \w Ninin\w* di biteni ba mi sias xil!”   
\s1 Selxatien ba mi sias te hal Piladelvia  
\p
\v 7 Di, Iesu bit rilomun ni minou bit, “Utis sepinien ak iha mi masxaxa xa di miketeh xol sias te hal Piladelvia uhit:  
\p “Ngan ak be selxatien na ngan xa be eo e be reitin, ngan xa nggur xat ki te lelaxatien na suv toto \w Deved\w* tetiamu. \qt ‘Melele xa xi misah puiteh, moletin tovuol mikila vakoe xole; e melele xa mikoe xole, moletin tovuol mikila vasaha.’\qt* \rq (Aes 22:22)\rq*\x + \xo 3:7 \xt Siob 12:14\x*   
\p
\v 8 “Nakil naha xa di mupol ni. Tave ti neta xa mulonge nggoni ngan xa xeihen xa di e xamim hokorong tang, e di munggusil xat kuh pispisien navan xil e mutamuun xole ti xa mube navan. Ma nasah puiteh tei xa mukila mukital muxo en xa moletin tovuol mikila vakoe xole. \x + \xo 3:8 \xt Rev 2:2; 3:1,15; 1Kor 16:9\x*  
\v 9 !Muteong kuhi! Ngan xil xa di langgusil xat sexien matu na \w Siu\w* xil e labit labe Siu reitin, xil dit langgusil xat nenemien na \w Temat\w* e lamei di laluvos moletin xil holu. Inou nisak ni xil mei litingeiril pe metemim tengan lisa merereen nae mi xamim, e likila sung xa eheien navan di e xamim. \x + \xo 3:9 \xt 2Kor 11:14,15; Rev 2:9; Aes 45:14; 49:23; 60:14; 43:4\x*   
\p
\v 10 “Vengan xa vehakut di mulong xat rae navan xil del nenemien xa teviei e melele xa di mubisu ni melele te xeih xil, inou ti nisikoe xol xamim ra longpangasien xil xa ti imei tengan isak pis moletin xil te ut etan. \x + \xo 3:10 \xt Luk 21:19; 2Tim 2:12; Hib 10:36\x*  
\v 11 Nave nousav ti, inou nimei. Mak iaxa, muhur xat neketen namim ixeih. Imak, ma munamaen moletin ti namei tengan nakan ni huit neketen hos ak ra xamim.\f + \fr 3:11 \ft Rev 2:10 bit huite neketen nar be meulien sal.\f* \x + \xo 3:11 \xt Rev 2:16; 22:7,12,20\x*  
\v 12 Ngan xil xa lasoh nggeih e neketen nae, nisak ni xil mei lihe seteman te \w Nim Eo\w* na Hi navan, e liti en vehakut. Nitis xat his Hi iti e xil itel his taon nan xa be \w Serusalem\w* Hu xa ixo ut nesao imei e tan. E nitis xat his hu navan mun iti e xil. \x + \xo 3:12 \xt Rev 14:1; 22:4; Esek 48:35; Rev 21:2; Aes 62:2; 65:15\x*   
\p
\v 13 “!Xosxa vurangemim di, ma muteong kuhi ni naha xa Ninin di biteni ba mi sias xil!”   
\s1 Selxatien ba mi sias te hal Laodisia  
\p
\v 14 Iesu bit rilomun ni minou bit, “Utis sepinien ak iha mi masxaxa xa di miketeh xol sias te hal Laodisia uhit: \x + \xo 3:14 \xt Rev 1:5; 19:11; Pro 8:22; Sion 1:3; Kol 1:15\x*  
\p “Ngan ak be selxatien na ngan xa be Reitinen, e holesok xil xa di biteni be reitin e moletin xil lakila lake reitin en. Xi be vatite te holesok xil vus xa Hi tepeas ni.  
\v 15 Nakil naha xa di mupol ni. Napus kila xa mutamerir ti e mutatin ti e neketen namim. !Ieok bei mak mu vahit muve tei e xalu! \x + \xo 3:15 \xt Rev 2:2; 3:1,8\x*  
\v 16 E vengan xa mumak tang, mutamerir ti e mutatin ti, inou nikusah rat xamim ra vulongok.  
\v 17 Xamim mubit, ‘Holesok namem holu e madi e hosien, matave tamure ni ti neta.’ !E mutakil ti xa xamim mupin tang tengan moletin sav tei vapus male ni xamim e ien vasae e xamim tang! Pe met Hi mube hoeo, muka hon, e metemim bar. \x + \xo 3:17 \xt Hos 12:8\x*  
\v 18 Mak, ma nasel xat xamim tengan mei muxal gol, eising xa mieh, e meresin te metemim ra nou. Gol xa muxale ra nou memese, isak ni xamim mupolu ni holesok xil te ut nesao. Eising xa mieh te momalen be tengan musing xol tenbemim ni tengan munave unoun ti mun vengan di muka hon. E meresin te metemim, mulingi ite metemim te neketen tengan mukila muketeh kuhi. \x + \xo 3:18 \xt Rev 3:5; 4:4; 6:11; 7:9,13; 19:14; 16:15\x*   
\p
\v 19 “Ngan xil xa eheien navan di e xil, di namal ni xil e nameas pangas xil. Misak ni, mupol ni nenemien namim ixeih tengan muhiles ra tesaen namim xil. \x + \xo 3:19 \xt Pro 3:12; 1Kor 11:32; Hib 12:6; Rev 2:5,16,22; 3:3\x*  
\v 20 !Muteong kuhi! Inou nadatil xamim kekes nggoni ngan xa di nasoh e puiteh e di nakes xamim. Xosxa mulong raeok e musah puiteh te meulien namim minou, ma nimei nim e nianien itel xamim, e xamim mun muanien itel inou. \x + \xo 3:20 \xt Sion 14:23\x*  
\v 21 E vaeen te neketen, ngan xil xa lasoh nggeih, nimaen xil litotan e von xeihen navan itel inou ixoni ngan taxa inou mun nasoh nggeih e vaeen te neketen, e xosali, di nadotan nade ri matu te von xeihen na Tata navan.   
\p
\v 22 “!Xosxa vurangemim di, ma muteong kuhi ni naha xa Ninin di biteni ba mi sias xil!”   
\c 4  
\s1 Holesok xil te ut nesao lasa memesien ba mi Hi  
\p
\v 1 Melele xa nanggur sepinien ak bus, napus kil neta teimun nggo metuveen. Napus puiteh tei e ut nesao xa misaha. E rae xa nateong ni diamu xa misel nggeih nggoni amaru, xi biteni minou bit, “Amei nesao xalei tengan nipisen ni minuk naha xa istal e melengien xil xa ti imei.” \x + \xo 4:1 \xt Eks 19:20,24; Dan 2:28,29,45; Rev 1:1,19\x*  
\v 2 Vatakes, \w Ninin\w* na Hi mise xat nou e napus ngan xa di dotan de von xeihen te ut nesao. \x + \xo 4:2 \xt 1King 22:19; 2Kron 18:18; Sam 47:8; Aes 6:1; Esek 1:26-27; Rev 4:9; 5:1,7,13; 6:16; 7:10,15; 19:4; 21:5\x*  
\v 3 Tenben minehin holu nggoni hat hos xil xa laminehin melele xa laet pili di en xa kala nen nggoni hat xalu xa lakes xalu ni saspa e kanilian. E mikapis xol von xeihen nan, napus hinehin tei xa minehin nggoni hat hos xa lakesi ni emeral. \x + \xo 4:3 \xt Esek 1:26-28\x*  
\v 4 E mikapis xol von xeihen nen ak, napus von totanen sav xil mun xa labe hanutap tei e hat mun (24). E elda hanutap tei e hat mun (24) di ladotan en xa lasing ni eising xa mieh e vat luvoluv te lelaxatien xa lapol ni ni gol di vatixil. \x + \xo 4:4 \xt Aes 24:23; Rev 3:5,18; 6:11; 7:9,13; 19:14\x*  
\v 5 E nggo von xeihen xa eilep, an di milangas e veta di mirum. Pe met ngan xa dotan en, laet lu e he sav (7) na Hi di pili de pos nen xil. Laet xil ak labe Ninin lu e he sav (7) na Hi. \x + \xo 4:5 \xt Eks 19:16; Esek 1:13; Rev 8:5; 11:19; 16:18; Esek 1:13; Sak 4:2; Rev 1:4; 5:6\x*  
\v 6 \x + \xo 4:6 \xt Esek 1:5-10; 10:14\x*E tan xa von xeihen xa eilep da en mahulong pupu e mexal nggoni tas, e napusi di minehin nggoni kilas xa laet di pili da en. \x + \xo 4:6 \xt Esek 1:22\x*  
\p Di, napus neta hat (4) xa lameul ladi e rin hat (4) te von xeihen ak, e metexil ladi xorelis rute xil vus te tenbexil.  
\v 7 Ngan xa diamu ni xil, napusi nggoni laeon. Ngan xa be lu e xil, napusi nggoni bul. Ngan xa be tol e xil, napus valnaon nggoni valnao moletin. E ngan xa be hat e xil, napusi nggoni vevaxum xa di mingga.  
\v 8 E xil kekes, aveouxil tei e he sav (6) di en, e metexil ladi xorelis rute xil vus te tenbexil.\x + \xo 4:8 \xt Aes 6:2; Esek 1:18; 10:12\x* E vongien e melengien xil vus, latangel ni ti sisien ak xa bit,  
\q1 “Eo, eo, eo,  
\q2 be Hi Suv te Xeihen.\x + \xo 4:8 \xt Aes 6:3; Amos 3:13; 4:13; Rev 1:8; 11:17; 15:3; 16:7,14; 19:6,15; 21:22\x*  
\q1 Teta tetiamu, da xosali,  
\q2 e ita e melengien xil xa ti imei.”\x + \xo 4:8 \xt Aes 41:4; Eks 3:14; Rev 1:4,8; 16:5\x*   
\p
\v 9 Neta hat (4) xa xiak xa lameul di lapet rat his ngan xa dotan de von xeihen nan e di lasa merereen e memesien nae mini, mi xi xa da xa da, e nakesae ti vatova. E melele xa lapol ni mak, \x + \xo 4:9 \xt 1King 22:19; 2Kron 18:18; Sam 47:8; Aes 6:1; Esek 1:26-27; Rev 4:2; 5:1,7,13; 6:16; 7:10,15; 19:4; 21:5; Dan 4:34; 6:27; 12:7\x*  
\v 10 elda xil xa labe hanutap tei e hat mun (24) lamot labe tan mi ngan xa dotan de von xeihen xa eilep, ngan xa da vehakut tang. Pe meten, laleh rerat vat luvoluv te lelaxatien nae xil, e lasa ni mini tengan lapisen merereen nae mini. E melele xa di lapol ni, labiteni labit,   
\q1
\v 11 “!O Hi, xouk obe Suv namem!  
\q1 Opin tengan ti masa merereen minuk,  
\q2 e mapus kil minehinen te xeihen nam xa be mahulong pupu,  
\q2 vengan otepeas vuol ni holesok xil vus.  
\q1 Reitin, nggusil nenemien nam,  
\q2 otesak ni holesok xil vus mei lastal e lameul ladi.”   
\c 5  
\s1 Lalang ni tova xa pipin tengan ti ivuli sepinien usil holesok xil xa ti imei  
\p
\v 1 \fig Hi bulun xat uvei tei e bil xati ni siil lu e he sav.|alt="scroll" src="Birney Boyd scroll‑BB.tif" size="col" copy="Birney Boyd" ref="5:1" \fig* Melele xa napus holesok xil ak bus, napus ngan xa dotan de von xeihen nen di nggur xat uvei tei de hen metu xa sepinien di rin xalu vus. Labulun xati e labil xati ni siil lu e he sav (7).\f + \fr 5:1 \ft Tetiamu, melele xa eilep tei tetis uvei tei, xi tevil xat uvei ak ni wax te kandel xa mei be siil nan melele xa xi tetaxat xati ni ring xa hisen da en. Mak, ma moletin xa ihur uvei ak ipus kil his moletin xa tesa ni mini e ipus kila mun xos mosav tei tetal pasi.\f* \x + \xo 5:1 \xt 1King 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:7,13; 6:16; 7:10,15; 19:4; 21:5; Aes 29:11; Esek 2:9-10\x*  
\v 2 Di, napus vat tei na \w masxaxa\w* xil xa mikei be nesao del rae tei xa nggeih bit, “?!Visi tova iaxa pipin tengan vavul papas siil xil ak e vavuli sepinien xa de uvei teni!?”  
\v 3 E latakamet ti moletin tova e ut nesao mu e ut etan mu pe huitan xa vapin tengan vavul papas siil xil e vavuli sepinien xa de uvei ak.  
\v 4 Misak ni, namuis nggeih vengan xa lasakras lakamet moletin tova xa vapin tengan valang rat uvei e vavuli sepinien xa da en.   
\p
\v 5 Di, tei e elda xil bemei e biteni minou bit, “Onamuis ti. Pusi ti mu. Ngan xa lakesi ni laeon te vatimol na Sudah di bemei. Xi be havneli tei na suv toto \w Deved\w* e momal tengan vahur lelaxatien nan. E, e vaeen te neketen, xi tehu len xeihen na Temat tuei. Xi kestang pipin tengan vavul papas siil xil, valang rat uvei ak, e vavuli sepinien xa di en.” \x + \xo 5:5 \xt Sen 49:9-10; Aes 11:1,10; Rev 22:16\x*   
\p
\v 6 Di, napus ngan xa temaen xoteh meulien nan texoni sulut sipsip te sanien eo tei. Xi misomal dat sangas ni von xeihen, e hilaep te elda xil e neta hat (4) xa lameul ladi. Napusi nggoni mun xa latehu vini ngamu, di, mea rilomun e meul tang da. Hon te xeihen nan be lu e he sav (7) e meten mun be lu e he sav (7). Meten lu e he sav xa xiak labe Ninin lu e he sav (7) na Hi xa misil xil ba lakapis xol rute xil vus te ut etan. \x + \xo 5:6 \xt Aes 53:7; Sion 1:29,36; Rev 5:12; 13:8; Sak 4:10; Rev 1:4; 4:5\x*  
\v 7 Ngan xa nggoni sulut sipsip ba be visal ngan xa dotan de von xeihen e nggur uvei ak ra hen matu. \x + \xo 5:7 \xt 1King 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,13; 6:16; 7:10,15; 19:4; 21:5\x*  
\v 8 E melele xa ngguri, neta hat (4) xa lameul ladi del elda hanutap tei e hat mun (24) lamot labe tan mini. Xil kekes langgur xat harp tengan lipilei ni sisien xil mi Hi, e pesin hos tei xa lapol ni ni gol. E pesin xil ak, di ladin vokon hos xil en xa be sisen xil na moletin xil na Hi. \x + \xo 5:8 \xt Sam 141:2; Rev 8:3,4\x*  
\v 9 E melele xa lapol ni mak, di lakikei ni sisien hu tei labit, \x + \xo 5:9 \xt Sam 33:3; 40:3; 96:1; 98:1; 144:9; 149:1; Aes 42:10; Rev 14:3\x*  
\q1 “Xouk opin tengan ovur uvei ak,  
\q2 e ovul papas siil xil teni.  
\q1 Opin vengan xa latehu vinuk, e rem texal rat moletin xil mei labe na Hi.  
\q2 Reitin, otexal rat moletin xil ra vatimol xil ngasen e ra sepinien xil vus,  
\q2 ra kantri xil ngasen e ra tatit moletin savsav xil mun.\x + \xo 5:9 \xt Eks 19:6; Aes 61:6; 1Pit 2:5,9; Rev 1:6; 20:6; 22:5\x*   
\q1
\v 10 Otepol ni xil mei labe vanut moletin xil  
\q2 xa di lamerere ni Hi nggoni suv toto te meulien nae.  
\q1 Xouk otesak ni xil mei lapol mini nggoni \w pris\w* nan xil  
\q2 e mei lilaxat ut ngasen e ut etan.”   
\p
\v 11 Melele xa di naketeh mikapis, nalong rae masxaxa xil xa labe holu xa labe holu pupu, moletin misakras vavuli sen xil. Xil lasoh xorelis von xeihen xa mahulong na Hi del neta hat (4) xa lameul e elda xil mun. \x + \xo 5:11 \xt Dan 7:10; Hib 12:22\x*  
\v 12 E masxaxa xil ak lakikei nggeih be nesao labit,  
\q1 “Di mapet rat his ngan xa latehu vini,  
\q2 ngan xa temat texoni sulut sipsip te sanien eo tei, e di, mea rilomun ra maten.  
\q1 Xi pipin tengan ihur xeihen, metisouen, lelaxatien, e ipolu ni holesok xil,  
\q2 e tengan ihur merereen, hosien, e his xa ihe eilep mak mu.”\x + \xo 5:12 \xt 1Kron 29:11; Aes 53:7; Sion 1:29,36; Rev 5:6; 13:8\x*   
\m
\v 13 Di, nalong rae holesok xil vus xa lameul ladi di lakikei: ngan xil xa ladi ut nesao e ngan xil xa ladi e ut etan; ngan xil xa ladi pe huitan e ngan xil mun xa ladi e huinep te tas.\x + \xo 5:13 \xt 1King 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7; 6:16; 7:10,15; 19:4; 21:5\x* Reitin, nalong xil vus di lakikei labit,  
\q1 “!Mapet rat ngan xa dotan de von xeihen xa mahulong  
\q2 e ngan mun xa nggoni sulut sipsip te sanien eo!  
\q1 !Xalu vus lupin tengan mamerere ni xalu e masa memesien mi xalu  
\q2 e minehinen te xeihen nalu iti vehakut xa vehakut tang!”   
\m
\v 14 Melele xa lasepin mak, neta hat (4) xa lameul ladi labit, “!Reitin li!” E elda xil vus lamot labe tan mi xalu e lapet rat hisealu.   
\c 6  
\s1 Ngan xa nggoni sulut sipsip bul papas siil xil xa misak ni longpangasien xil lastal  
\p
\v 1 Di, napus ngan xa nggoni sulut sipsip bul pas siil tei ra siil lu e he sav (7). Melele xa bul pasi, nalong tei e neta hat (4) xa lameul mikei del rae tei xa nggeih nggoni veta bit, “!Amei!”  
\v 2 Melele xa naketeh ba, napus hos tei xa mieh. E ngan xa dotan en di nggur xat his te vaeen nan e vat luvoluv te lelaxatien de vatin. Kei miloh ba tengan vavae vatel ngan xil xa labe elu nan e vahas tan ni xil. \x + \xo 6:2 \xt Sak 1:8; 6:3,6; Rev 19:11\x*   
\p
\v 3 Di, ngan xa nggoni sulut sipsip bul pas siil xa be lu e xil. Melele xa bul pasi, nalong ngan xa be lu nen e neta hat (4) xa lameul mikei bit, “!Amei!”  
\v 4 E napus hos tei mun xa pipili mei mistal. E ngan xa dotan en, lasa xeihen mini tengan vasak ni vaeen xil mei vastal e rute xil vus te ut etan tengan vasak ni moletin xil ha lihas vin xil mun tang. Misak ni, lasa tiei te vaeen mini xa mahulong pupu. \x + \xo 6:4 \xt Sak 1:8; 6:2\x*   
\p
\v 5 Di, ngan xa nggoni sulut sipsip bul pas siil xa be tol e xil. Melele xa bul pasi, nalong ngan xa be tol (3) nen e neta hat (4) xa lameul mikei bit, “!Amei!” Melele xa naketeh ba, napus hos teimun xa maluxoluk mei mistal. E ngan xa dotan en di po xat sikel tei de hen. \x + \xo 6:5 \xt Sak 6:2,6\x*  
\v 6 Di, rae tei misel e nalonge nggoni ngan xa rae ak nggo hilaep te neta hat (4) xa lameul ladi. Rae ak biteni mi ngan xa de hos bit, “Uha usak ni anien ihe tamure e ut etan xa moletin ipol melengien tevi tei tengan ixal anien ihe hokorong tang. E onapurun urvatiei te \w olip\w* mu grep xil ti xa lapol ni oel e uaen nggo huit xalu.”   
\p
\v 7 Di, ngan xa nggoni sulut sipsip bul pas siil xa be hat (4) e xil. Melele xa bul pasi, nalong ngan xa be hat nen te neta hat (4) xa lameul ladi mikei bit, “!Amei!”  
\v 8 \x + \xo 6:8 \xt Rev 1:18\x*E melele xa naketeh ba, napus hos tei xa kala teni misa nggoni neta xa mat tuei e bo. E ngan xa dotan en, hisen Maten, e teimun xa lakesi ni Hedis di nggusil xati. Nggo moletin xil vus te ut etan, Hi maen rat tatit moletin tei mi xalu tengan lalihas vin xil ixo vaeen, mu mae kekaten, mu mesien, mu vuran xil. E tatit moletin tol (3) kestang lalnatuxol xil ti. \x + \xo 6:8 \xt Ser 14:12; 15:3; Esek 5:12,17; 14:21; 33:27\x*   
\p
\v 9 Di, ngan xa nggoni sulut sipsip bul pas siil xa be lim e xil. Melele xa bul pasi, naketeh ba be pe \w hor te sanien eo\w*, e napus nini moletin xil xa latehas vin xil vengan xa latehithiten sepinien na Hi e ulixil tenakan ti tengan lavit rati xa Iesu be Suv nae.  
\v 10 Xil lakei be nesao ba mi Hi labit “!Hi Suv te xeihen, obe eo e obe reitin! ?Vilieh vari mei ulepis rin na moletin xil te ut etan e usa rilomun ni pangasien mi ngan xil xa latehas vin xamem?” \x + \xo 6:10 \xt Dut 32:43; 2King 9:7; Sam 79:10; Rev 19:2\x*   
\p
\v 11 Misak ni, mi xil kekes, Hi misa eising xa mieh e biteni mi xil bit, “Mungel vuteili mu. Vengan xa pupuluen xa nateling xati ve ngan xil xa limat ixoni xamim tavus ti mu. Nave nousav ti, moletin xil mei lihas vin moletin te polien sav xil navan xa labe tuemim e hinemim xil ve neketen nae.” \x + \xo 6:11 \xt Rev 3:5,18; 4:4; 7:9,13; 19:14\x*   
\p
\v 12 \x + \xo 6:12 \xt Aes 13:10; Esek 32:7,8; Soel 2:10; 3:15; Mat 24:29; Mak 13:24-25; Luk 21:25; Rev 8:12\x*Di, napus ngan xa nggoni sulut sipsip bul pas siil xa be tei e he sav (6) e xil. Melele xa bul pasi, lul tei xa mahulong milil e ut etan. Eai taxan ti mun e ut xil vus mei maluxoluk nggoni eising te maten. Mem te aveti biles mei pili nggoni ra. \x + \xo 6:12 \xt Soel 2:31; Pol 2:20\x*  
\v 13 Hitu xil lakiri lamei e ut etan langgoni huit \w fik\w* xil xa latamen ti mu e votiang te xeih tei mei mulul lelen xil lakiri labe tan. \x + \xo 6:13 \xt Aes 34:4\x*  
\v 14 Napus tilang hat mesel be rin lu, e lukalu ni xalu ba luduxoh hoxalite te xalu. Vathu xil vus e aelan xil vus mun, lamea reling vonexil. \x + \xo 6:14 \xt Rev 16:20; 20:11\x*  
\v 15 Melele xa holesok xil ak mistal mak, moletin xil vus te ut etan lalesae labe vathu xil e langgus e vangihat xil mu seri hat xil xa mahulong: suv toto xil te ut etan del eilep sav xil, vat xil na moletin xil te vaeen del ngan xil mun xa langgur xeihen, ngan xil xa holesok nae holu del moletin votei xil mun, e ngan xil xa labe slev del ngan xil xa vexil mase. \x + \xo 6:15 \xt Aes 2:10,19,21; Ser 4:29\x*  
\v 16 Ve ulikanen nae, xil vus lakei be nesao ba mi vathu xil e mi vatihat xil labit, “!Mukiri mumei musoson xamem tengan ngan xa dotan de von xeihen te ut nesao napus ti mun xamem! !Musoson xamem ra ekaten na ngan xa nggoni sulut sipsip tengan napangei xamem ti! \x + \xo 6:16 \xt Hos 10:8; Luk 23:30; Rev 9:6; 1King 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 7:10,15; 19:4; 21:5\x*  
\v 17 ?Vengan xa melele te ekaten xa mahulong nalu di bemei li, visi vari ikila ihisu ni e imeul? Moletin tovuol.”\x + \xo 6:17 \xt Soel 2:11; Neh 1:6; Mal 3:2\x*   
\c 7  
\s1 Masxaxa xil laling simeleleen tei de rut mol‑Isrel xil  
\p
\v 1 Dutou ni holesok xil ak, napus \w masxaxa\w* hat (4) xa di lasoh ladi e rin hat (4) te ut etan. Xatel di latsikoe xol votiang hat (4) tengan linahui lelen ti holesok xil te ut etan, mu te tas, mu vatiei xil. \x + \xo 7:1 \xt Ser 49:36; Esek 37:9; Dan 7:2; Sak 6:5; Mat 24:31\x*  
\v 2 E napus masxaxa sav teimun xa mea nggo rute xa meteneai di mistal en, e xi nggur xat siil xa his Hi xa meul da en. Xi mikei nggeih ba mi masxaxa hat (4) xa Hi tesa xeihen mi xil tengan lapurun ut etan del tas.  
\v 3 Masxaxa ak biteni bit, “Munapurun ti ut etan, tas mu vatiei xil ituxoh melele xa muling simeleleen e valnao moletin xil na Hi tengan ipisen ni xa labe nan.” \x + \xo 7:3 \xt Esek 9:4; Rev 9:4\x*   
\p
\v 4 E labiteni minou labit pupuluen na ngan xil xa latehur simeleleen na Hi latetuxoh moletin taosen be handred tei hanutap lu e hat mun (144,000). Labosei ngan xil ak langgo vatimol lu e le tei (12) na mol‑Isrel xil. \x + \xo 7:4 \xt Rev 14:1,3\x*  
\v 5-8 Labosei moletin taosen lu e le tei (12,000) xa langgo vatimol xil kekes na mol‑Isrel xil ak: Sudah, Ruben, Kat, Aser, Navtali, Manase,\f + \fr 7:5-8 \ft Manase, hisen sav be Dan (\xt Sen 35:26\ft ).\f* Simeon, \w Livae\w*, Isekar, Sebiulon, Siosep, e \w Bensamin\w*.   
\s1 Moletin xil te rute xil vus te ut etan mei lamot mi Hi e lapet rat hisen  
\p
\v 9 Di, naketeh ba, e napus vanut moletin xil xa labe holu xa labe holu pupu, xa moletin tovuol mikila vavuli sen xil vus. Xil lastal langgo hisit moletin savsav xil vus, langgo vatimol xil vus, langgo kantri xil vus, e langgo sepinien xil vus. Xil vus mei lasoh pe met ngan xa de von xeihen e pe met ngan xa nggoni sulut sipsip. Lasing ni eising xa mieh e laleh xat ut emeil xil di e hexil. \x + \xo 7:9 \xt Rev 3:5,18; 4:4; 6:11; 7:13; 19:14\x*  
\v 10 E lakei be nesao labit, “!Mames Hi namem xa dotan de von xeihen e ngan xa nggoni sulut sipsip, vengan xalu di luteh meulien e xamem!” \x + \xo 7:10 \xt 1King 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 6:16; 7:15; 19:4; 21:5\x*   
\p
\v 11 Melele taxa labiteni mak, masxaxa xil vus xa ladi xorelis von xeihen ak, elda xil, e neta hat (4) xa lameul ladi, xil vus lamot labe tan pe met Hi, valnaoxil ba duxoh tan e lamesi.  
\v 12 E melele xa masxaxa xil ak lamesi, xil vus labiteni labit,  
\q1 “!Reitin li!  
\q1 !Xamem mapet rat hisom,  
\q2 e di masa memesien e merereen namem bat minuk!  
\q1 Xouk obe eilep pupu e metisouen nam mahulong,  
\q2 xeihen de hem e di olaxat kuh holesok xil vus.  
\q1 Obe Hi namem  
\q2 xosali e vehakut tang. !Reitin!”   
\p
\v 13 Di, tei e elda xil ak mei misis nou bit, “?Moletin xil ak xa lasing ni eising xil xa mieh xiak, okila obit langgo xave?” \x + \xo 7:13 \xt Rev 3:5,18; 4:4; 6:11; 7:9; 19:14\x*   
\p
\v 14 E nabit rilomun ni mini, nabit, “Eilep navan, inou natakil ti. E xouk okila.” \x + \xo 7:14 \xt Dan 12:1; Mat 24:21; Mak 13:19\x*  
\p Ma xi biteni minou bit, “Moletin xil ak labe ngan xil xa latesoh texeih e neketen nae teha tetuxoh hoxalite te melele te xeih xil xa mahulong xa temei e ut etan. Xil latekas eising nae ni re ngan xa temat texoni sulut sipsip te sanien eo e eising nae mei temieh.  
\v 15 Ve rin ak, Hi maen xil mei lasoh pe meten. E vongien e melengien ladi e \w Nim Eo\w* nan e di lamot mini. Reitin, di lamot mi ngan xa di dotan de von xeihen nan xa di milaxat kuh xil e di misikoe xol xil. \x + \xo 7:15 \xt 1King 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 6:16; 7:10; 19:4; 21:5\x*  
\v 16 Mae e maruru naxat ti mun xil, eai naxa pangas xil ti mun e upang teni napangei pupu ni xil ti, \x + \xo 7:16 \xt Aes 49:10\x*  
\v 17 vengan xa ngan xa nggoni sulut sipsip xa di misoh de von xeihen ilaxat kuh xil. Itiamu ni xil ixoni ngan xa moletin tei di diamu kuhi ni sipsip san xil, e ipisen suse xa ba be vatit oei te meulien mi xil. E simetexil te longpangasien nae, Hi isihia ra metexil.”\x + \xo 7:17 \xt Sam 23:1; Esek 34:23; Sion 10:11,14; Sam 23:2; Aes 49:10; Ser 2:13; Aes 25:8; Rev 21:4\x*   
\c 8  
\s1 Ngan xa nggoni sulut sipsip bul pas siil xa be lu e he sav (7) e xil  
\p
\v 1 Melele xa ngan xa nggoni sulut sipsip bul pas siil xa be lu e he sav (7) e xil, holesok xil vus xa ladi ut nesao ladit votei vuteili.  
\v 2 Di, napus vatixar lu e he sav (7) na \w masxaxa\w* xil xa, vehakut, di lasomal pe met Hi. E lasa amaru lu e he sav (7) mi xil.   
\p
\v 3 Masxaxa teimun bemei e misoh visal \w hor\w* te vokon eo. Xi nggur xat pesin tei xa lapol ni ni gol xa di ladin vokon eo xil en. Lasa vokon holu mini xa be sisen na moletin xil vus na Hi. Ma masxaxa ak milehi ba milingi di e hor te vokon eo xa lapol ni ni gol xa de sangas ni von xeihen na Hi. \x + \xo 8:3 \xt Sam 141:2; Rev 5:8; 8:4; Eks 30:1-3; Rev 9:13\x*  
\v 4 Xi po xat pesin ak e pisen ni mi Hi, e eas teni be nesao del sisen na moletin xil na Hi. \x + \xo 8:4 \xt Sam 141:2; Rev 5:8; 8:3\x*  
\v 5 Di, masxaxa nggur pesin ak e mise xati ni hatupang xil xa di tamu pili xa milehi ra hor teni. Di, mirang rati be ut etan. Ngan ak misak ni veta mirum, an bilahil, e lul milil nggeih. \x + \xo 8:5 \xt Lev 16:12; Eks 19:16-19; Rev 4:5; 11:19; 16:18\x*   
\s1 Vatixar lu e he sav (7) na masxaxa xil labue xat xil tengan lavui amaru nae xil e vasak ni longpangasien xil mei vastal  
\p
\v 6 Di, vatixar lu e he sav (7) na masxaxa xil labue xat xil tengan lavui amaru nae.   
\p
\v 7 Melele xa vatixar xa be tei e xil bui amaru nan, saxut aes mikiri nggoni us e bemei e ut etan del upang xa ra di en. Nggo vatiei xil vus te ut etan, upang ak ngga tatit vatiei tei teni, e tatit vatiei lu kestang taxa len xil ti. E upang nen ak ngga len munae xil vus xa lameul ladi e ut etan. \x + \xo 8:7 \xt Eks 9:23-25; Esek 38:22\x*   
\p
\v 8 Di, vatixar xa be lu e xil bui amaru nan. Melele xa bui, napus neta tei nggoni vathu tei xa mahulong xa upang di pili en xa laso ni be tas. \x + \xo 8:8 \xt Eks 7:20,21\x*  
\v 9 Nggo holesok xil vus xa lameul ladi tas, tatite tei teni lalel, ma tatite lu teni kestang latalel ti. E nggo tuturil xil xa ladi e tas, tatit tuturil tei teni mei labe saxute xil tang, ma tatit tuturil lu teni kestang mei latave saxute ti.   
\p
\v 10 Di, vatixar xa be tol (3) e xil bui amaru nan. Melele xa bui, hitu tei xa mahulong xa upang di pili en mot nggo tilang hat e bemei posou e tatite tei te oeisal e vangoei xil, ma tatite lu teni kestang tapurun xil ti.  
\v 11 His hitu ak be ‘Mikon’ e misak ni oei nen xil ak biles mei mikon e misa e moletin holu lalel vengan xa lamu oei xa mikon xiak. \x + \xo 8:11 \xt Ser 9:15\x*   
\p
\v 12 Di, vatixar xa be hat (4) e xil bui amaru nan. Melele xa bui, neta tei mei posou e rin tei te meteneai e aveti, del tatit hitu tei mun. Ma rin lu te meteneai e aveti, del tatite lu te hitu xil kestang tapurun xil ti. Misak ni, xil latapili ti mun vaxoni tetiamu. Ma, e melengien xil vus, miehen teni minggan haoa tol e he sav (8) kestang, e haoa hat (4), miehen teni mei maluxoluk. E vongien xil vus mak tang, aveti mem haoa tol e he sav (8) kestang, e haoa hat (4), tamem ti. \x + \xo 8:12 \xt Aes 13:10; Esek 32:7,8; Soel 2:10; 3:15; Mat 24:29; Mak 13:24-25; Luk 21:25; Rev 6:12-13\x*   
\p
\v 13 Di, naketeh be nesao e napus vevaxum tei di ngga e mesavuol. Nalong raen xa mikei nggeih bit, “!Aue li! !Aue li! !O aue li! !Isa xa isa pupu mi ngan xil xa ladi e ut etan e melele xa vatixar xatel xa latdi tamu latihui amaru natel!”   
\c 9  
\p
\v 1 Di, vatixar xa be lim (5) e xil bui amaru nan. Melele xa bui, napus \w masxaxa\w* tesa tei xa mot bemei e ut etan nggoni hitu tei. Lasa ki te Vangavul xa hoxalite teni tovuol mini.\f + \fr 9:1 \ft Vangavul ak be nim te xeih na ninin tesa xil ha ituxoh Melengien te Lepisien.\f* \x + \xo 9:1 \xt Rev 20:1\x*  
\v 2 Xi bemei misah puiteh te Vangavul ak, e eas holu mistal nggo en nggoni eas te upang tei xa mahulong. Eas ak misak ni miehen e tilang hat mei maluxoluk. \x + \xo 9:2 \xt Sen 19:28; Eks 19:18\x*  
\v 3 Di, holesok xil xa langgoni kelmenamen lastal langgo eas ak e lamei e ut etan. Xil langgur poisen de xalexil nggoni skopion xa mikila isa longpangasien xa mahulong mi moletin xil melele xa itil xil ni. \x + \xo 9:3 \xt Eks 10:12,15\x*  
\v 4 Lasemae ni xil tengan linapurun ti husmunae, vatiei mu holesok sav xil mun xa lateh e lameul ladi e ut etan. Hi maen xil tengan lipangei kes ni moletin xil taxa latahur ti simeleleen na Hi vati e valnaoxil. \x + \xo 9:4 \xt Esek 9:4; Rev 7:3\x*  
\v 5 Aveti lim (5) iaxa Hi maen kelmenamen xil ak mei lasa longpangasien holu mi moletin xil, e tamaen xil ti tengan lavas vin xil. Longpangasien ak nggoni ngan xa moletin ngguri melele xa skopion dili.  
\v 6 E melele nen ak, moletin xil lalang ni maten ve longpangasien nae, e lasakras lakameti. Reitin, xil iexil bei mak mu tengan lamat, e maten milesae ra xil. \x + \xo 9:6 \xt Siob 3:21; Ser 8:3; Hos 10:8; Luk 23:30; Rev 6:16\x*   
\p
\v 7 Kelmenamen xil ak, neta tei misikoe xol tenbexil xa misak ni napus xil nggoni hos xil xa lasak mesen xil ve vaeen. E vatixil, napus neta ngan xa nggoni vatluvoluv na suv toto xil xa lapol ni ni gol, e valnaoxil, napusi nggoni valnao moletin. \x + \xo 9:7 \xt Soel 2:4,5\x*  
\v 8 Hilixil tepiei nggoni hil atou xil, e luhexil mikan nggoni luhe laeon. \x + \xo 9:8 \xt Soel 1:6\x*  
\v 9 E valhasexil nggeih nggoni eising te vaeen xa lapol ni ni aean. E melele xa di langga, tangalen te aveouxil nggoni tangalen e melele xa hos xil lalihi kat te vaeen xil holu ba labe von vaeen. \x + \xo 9:9 \xt Soel 2:5\x*  
\v 10 Poisen nae de xalexil nggoni skopion, e melele xa ladil moletin ni, moletin ak milong pangas xi holu xa holu pupu. E xil laba e ladil moletin xil duxoh aveti lim (5).  
\v 11 Masxaxa tesa xa milaxat Vangavul xa hoxalite teni tovuol iaxa be suv toto nae. E sepinien na mol‑Isrel xil, hisen ‘Abadon,’ e, e sepinien na mol‑Kris xil, hisen ‘Apolion,’ xa koute te his xalu ak be ‘ngan xa di nggu lelen holesok xil.’   
\p
\v 12 !Aue li! Ngan ak be hoxalite te melele te longpangasien xa be vatei nen. !E aue, o aue li! Vengan, itutou ni ngan ak, melele te longpangasien lu mun mei lalistal.   
\p
\v 13 Di, vatixar na masxaxa xil xa be tei e he sav (6) e xil bui amaru nan. Melele xa bui, nalong rae tei xa mistal nggo rin hat (4) te \w hor te sanien eo\w* xa lapol ni ni gol xa de pe met Hi. \x + \xo 9:13 \xt Eks 30:1-3; Rev 8:3\x*  
\v 14 Rae nen ak biteni mi vatixar xa be tei e he sav (6) e xil bit, “Uhe visal masxaxa hat (4) xa latevar xat xatel latteti visal Oeisal Upretis, e umaen xatel ha veatel imase.”  
\v 15 Hi teling masxaxa xil ak ladi inggak tengan litatil haoa xati ak te melengien ak te aveti ak te huram ak vari. Reitin, teling xil temak tengan, e melele nen ak vari, xil likila ha vexil imase e ha lihu vin tatite tei te moletin xil vus te ut etan, ma tatite lu (2) teni kestang linahu vin xil ti. \x + \xo 9:15 \xt Rev 8:7-12\x*   
\p
\v 16-17 E metuveen navan, napus kuh moletin te vaeen na masxaxa xil ak. Xil laloh e hos nae xil, e melele xa labuli xil, nalonge xa labe milian handred lu (200,000,000). Eising te vaeen nae pipili nggoni upang, memas nggoni tas, e meang nggoni sulfa.\f + \fr 9:16-17 \ft Sulfa be hat tei xa meang e taxeih ti. E melele xa lalingi de upang, pili nggeih e eas teni bo nggoni rahat.\f* Vat hos xil langgoni vat laeon, e upang, eas, e sulfa di lastal langgo vulongexil.  
\v 18 Nggo longpangasien xatel ak te upang, eas e sulfa xa lastal langgo vulongexil, tatite tei te moletin xil vus te ut etan lamat, ma tatite lu teni kestang lameul tang ladi.  
\v 19 Xeihen na hos xil de vulongexil del xalexil. E xalexil mun mikila vapangei moletin vengan xa hoxalit xalexil, vat xil ladi en xa di ladil moletin xil nggoni tetal tesa xil.   
\p
\v 20 Moletin xil xa latalel ti mu e longpangasien xatel te upang, eas e sulfa, xil lataviles ti ra sexien tesa nae xil. Langgulehi tengan lamot mi ninin tesa xil e nanao xil xa lasakras laketeh, lasakras lataeong ni neta, e lasakras lakakao xa lapol ni xil ni gol, silva, brons, hat e liei xil del hexil tang. \x + \xo 9:20 \xt Dut 32:17; 1Kor 10:19-20; Sam 115:4-7; 135:15-17; Dan 5:23\x*  
\v 21 Reitin, moletin xil ak lataviles ti ra sexien xa di labas vin moletin sav xil, sexien te eimas, sexien te hoeasoen, e sexien te kakanen nae. \x + \xo 9:21 \xt Rev 16:9,11,21\x*   
\c 10  
\s1 Masxaxa tei misa uvei tei mi Sion  
\p
\v 1 Di, napus vatixar teimun na \w masxaxa\w* xil xa nggo ut nesao bemei e ut etan. Momah tei mikutaxole e hinehin tei de nesao ni vatin. Valnaon di minehin nggeih nggoni eai e len xalu lupili lunggoni upang.  
\v 2 E hen, xi nggur xat tutut uvei tei xa milanga da xa latetis sepinien xil en. Napusi miling len matu de tas, e len meil milingi de tan.  
\v 3 Di, mikei nggeih nggoni laeon tei. E melele xa mikei mak, veta lu e he sav (7) mirum nggeih.  
\v 4 Melele xa veta xil ak larum mak, inou nabue xat inou tengan nitisi. E nalong rae tei misepin minou nggo ut nesao bit, “Naha xa veta lu e he sav (7) nen ak labiteni be sepinien xuxus tei, onatis xati ti.” \x + \xo 10:4 \xt Dan 8:26; 12:4,9\x*   
\p
\v 5 Di, napusi xa vatixar na masxaxa xil xa teling len tei tete tas e len teimun tete tan, xi pet rat hen matu e misa ni be nesao \x + \xo 10:5 \xt Dut 32:40; Dan 12:7\x*  
\v 6 e pol ni hitxatien te xeih tei e his Hi, ngan xa meul vehakut, xa tepeas ni ut nesao e ut etan, tas e holesok xil ngasen xa ladi e xatel. Masxaxa biteni bit, “!Nabit xati xa Hi misakras vararu mun! \x + \xo 10:6 \xt Sen 14:19,22; Eks 20:11; Neh 9:6; Sam 146:6\x*  
\v 7 Reitin, melele xa vatixar na masxaxa xil xa be lu e he sav (7) e xil ihui amaru nan, Hi ipol vuol ni lingxatien xuxus nan. Ipol ni ixoni ngan taxa tehit lelen ni tuei mi \w provet\w* xil xa latehe moletin te polien nan xil.” \x + \xo 10:7 \xt Dan 9:6,10; Amos 3:7; Sak 1:6\x*   
\p
\v 8 Di, rae xa nateteong ni tetiamu misepin rilomun minou nggo ut nesao bit, “Uha uhur uvei xa lalanga tuei da xa de he masxaxa xa di misoh de tas e de tan.”   
\p
\v 9 Misak ni, nabe visal masxaxa nen ak e nasisi tengan vasa tutut uvei ak minou. E xi biteni minou bit, “Uhuri ua ni. E vulongom ikas ni ixoni hani, e vangom ikon ni.” \x + \xo 10:9 \xt Esek 2:8; 3:1-3\x*  
\v 10 Misak ni, nanggur rat tutut uvei ak ra hen e nangga ni. E nakameti xa vulongok mikas ni nggoni hani. E melele xa nangga ni bus, nateong ni biles, e vangok mei mikon ni.   
\p
\v 11 Di, xi misepin rilomun minou bit, “Xouk uha uhit lelen sepinien na Hi vatei mun usil naha xa ti ipol ni mi hisit moletin xil holu, mi kantri xil holu, mi sepinien xil holu, e mi suv toto xil holu.”\x + \xo 10:11 \xt Ser 1:10; 25:30; Dan 3:4; 7:14\x*   
\c 11  
\s1 Hi misil moletin nan lu tengan ha lalhithiten sepinien nan  
\p
\v 1 Di, masxaxa tei misa liei tei minou xa nggoni eitingil xa nikila nivuli mita xil ni, e biteni minou bit, “Uha e uvuli mita te \w Nim Eo\w* na Hi e mita te \w hor te sanien eo\w* mun. E uvuli ngan xil xa di lamot mi Hi en. \x + \xo 11:1 \xt Esek 40:3; Sak 2:1-2\x*  
\v 2 E vioh teni, onavuli mita teni ti, vengan Hi tesa ni ngamu mi ngan xil xa latakil ti xi. Xil mei lihes tan ni Taon Eo na Hi aveti ihe hanutap lu e lu mun (42).” \x + \xo 11:2 \xt Sam 79:1; Aes 63:18; Sak 12:3; Luk 21:24; Rev 12:6; 13:5\x*   
\p
\v 3 Di, masxaxa ak biteni mun bit, “E inou nisa xeihen mi provet navan lu xa ha lalihit lelen ni usil reitinen navan melengien taosen tei handred lu e hanutap tol mun (1,260).\f + \fr 11:3 \ft Aveti 42 e melengien 1,260, xalu vus lube huram 3 1/2.\f* Lalising ni eising te tangen e nisil xalu tengan ha lalihit usil sepinien navan mi moletin xil.”  
\v 4 Moletin xalu ak lube vatit \w olip\w* xalu\f + \fr 11:4 \xt Sak 4:11-14 \ft bit usil vatit olip xalu ak xa lube eloheoh lu na Hi.\f* e laet lu xa lusoh pe met Hi Suv xa di milaxat vuol ni holesok xil te ut etan.  
\v 5 E xosxa moletin tova ihit ipurun xalu, upang istal ixo vulongexalu e ia len ngan xil xa di labae del xalu. Ma, ngan xil xa lihit lipurun xalu limat ixo suse ak. \x + \xo 11:5 \xt 2Saml 22:9; 2King 1:10; Sam 97:3; Ser 5:14\x*  
\v 6 Hi isa xeihen mi xalu tengan lalisikoe xol us namus ti ituxoh hoxalite te melengien xil xa ti lalihit lelen sepinien na Hi en. Xalu lalihur xeihen tengan lalikila lalihiles oei xil vus mei ihe ra. E xeihen iti e xalu tengan lalikila lalisa longpangasien savsav xil ha ipurun moletin xil te ut etan e melengien xil vus xa xalu iexalu ihei. \x + \xo 11:6 \xt 1King 17:1; Eks 7:17,19-20; 1Saml 4:8\x*   
\p
\v 7 Melele xa lalihit vuol ni sepinien xa Hi tesa ni mi xalu, vongoro tesa tei imea ra Vangavul xa hoxalite teni tovuol. Xi ivae itel xalu e ihu vin xalu. \x + \xo 11:7 \xt Dan 7:3; Rev 13:1; 17:8; Dan 7:7,21; Rev 12:17; 13:7\x*  
\v 8 Ti, tiei nalu lalipat lalitit e suse te Serusalem, taon xa eilep xa lateti xat Iesu e eivave en, ngan xa be Suv nalu. E melele xa labit usil taon xa eilep xiak, labit lelen ni xa nggoni \w Sodom\w* mu \w Isip\w* tetiamu. \x + \xo 11:8 \xt Luk 13:34; Aes 1:10\x*  
\v 9 Moletin xil te kantri xil vus, vatimol xil vus, sepinien xil vus, e vatit moletin savsav xil vus mei lile mah xat tiei nalu melengien ihe tol e rute mun. Xil linamaen ni ti tengan litihin xalu.  
\v 10 Moletin xil vus te ut etan lisep koai ve maten nalu. Xil lipol ni anien xil xa tellep, e lisa kekes ni sanien mi xil, vengan \w provet\w* xalu ak lusak ni longpangasien holu mei mistal mi moletin xil te ut etan.   
\p
\v 11 Ti, e piniae te melengien hat nen, Hi isa sesehen te meulien mi xalu ma lalimea rilomun lalisoh. E ngan xil xa lipusi, lexil imulul holu ven. \x + \xo 11:11 \xt Esek 37:5,10\x*  
\v 12 Ti, provet xalu ak lalilong rae tei ixo ut nesao ihit, “!Lumei nesao inggak!” Ma, pe met elu nalu xil, xalu lalixo momah tei lalihe ut nesao. \x + \xo 11:12 \xt 2King 2:11\x*   
\p
\v 13 E melele nen tak, lul tei xa eilep ilil. Ngan ak isak ni tatite tei te nim xil te taon xa eilep xiak likiri lel, ma tatit nim hat e he sav (9) kestang teni linakiri ti. E moletin taosen lu e he sav (7000) lilel. Melele xa moletin sav xil lipusi, lexil imulul ni e like reitin sung e xeihen na Hi xa de ut nesao. \x + \xo 11:13 \xt Esek 38:19-20\x*   
\p
\v 14 !Aue li! Ngan ak ihe hoxalite te melele te longpangasien xa be lu (2) nen. !E aue li, o aue li! Vengan, itutou ni ngan ak, melele te longpangasien xa be tol (3) nen mei istal nave nousav ti.   
\s1 Masxaxa bui amaru kor  
\p
\v 15 Di, vatixar na \w masxaxa\w* xil xa be lu e he sav (7) e xil bui amaru nan. Melele xa bui, nalong rae xil xa langgo ut nesao e lakei nggeih labit,  
\q1 “Xosali, xeihen te lelaxatien te ut etan  
\q2 mei di e he Hi Suv nar e ngan xa be Mesaea nan.  
\q1 E lelaxatien nan iti vehakut tang, navus ti.” \x + \xo 11:15 \xt Eks 15:18; Sam 10:16; 22:28; Dan 2:44; 7:14; Oba 21; Sak 14:9\x*   
\p
\v 16 Di, elda xil xa labe hanutap tei e hat mun (24) xa di ladotan e von xeihen nae xil pe met Hi, xil lamot mini, valnaoxil ba duxoh tan e di lapet rat hisen  
\v 17 del kikeien nae xil labit,  
\q1 “!Hi Suv te Xeihen,  
\q2 oda xosali e oteta tetiamu!\x + \xo 11:17 \xt Rev 1:8; 4:8; 15:3; 16:7,14; 19:6,15; 21:22\x*  
\q1 Mamesuk vengan xa di opisen xeihen nam xa mahulong  
\q2 e omei sung tengan olaxat rute xil vus te ut etan.   
\q1
\v 18 Ngan xil xa latakil ti xouk, iexil teat xouk, \x + \xo 11:18 \xt Sam 2:1; 46:6; Dan 9:6,10; Amos 3:7; Sak 1:6; Sam 115:13; Rev 19:5\x*  
\q2 e melengien te ekaten nam di bemei mi xil.  
\q1 Ngan ak be melele xa ulepis  
\q2 rin na moletin xil xa lalel ngamu.  
\q1 Ngan ak be melele mun xa usa huit polien  
\q2 mi provet xil xa labe moletin te polien nam xil,  
\q2 e mi moletin nam xil xa di lamerere ni xouk,  
\q2 ngan xil xa latellep ba duxoh ngan xil xa latereli.  
\q1 E ngan ak be melele mun xa upurun ngan xil xa di lapurun holesok xil te ut etan.”   
\p
\v 19 Di, puiteh te Nim Eo na Hi e ut nesao misaha, e napusi xa \w Bokis te Hitxatien te Xeih\w* da en. E melele xa puiteh misaha mak, an milangas, veta mirum, lul tei milil nggeih, e saxut aes xil holu lakiri nggo tilang hat nggoni us.\x + \xo 11:19 \xt 1King 8:1,6; 2Kron 5:7; Eks 19:16; Esek 1:13; Rev 8:5; 16:18; Eks 9:24; Rev 16:21\x*   
\c 12  
\s1 Dragon\f + \fr 12:0 \ft Dragon, lapusi nggoni iae e mahulong nggoni lerumrum tei.\f* tei misak tengan vaa horamue na atou tei  
\p
\v 1 Di, napus neta tei xa eilep mistal nggo tilang hat xa misak ni nou nanem usil koute teni. Napus atou tei xa mising ni meteneai nggoni eising nan, e aveti de pe kaelen xalu xa pisen ni xa xi be eilep pupu. E vatluvoluv te lelaxatien de vatin xa hitu lu e le tei (12) di en.\f + \fr 12:1 \ft Atou ak be vole tei usil kantri te hal Isrel xa be reitin mi Hi, xa mei be vole usil Sias nan mun. E hitu xil ak labe vole usil vatit vatimol lu e le tei (12) na mol‑Isrel xil.\f*  
\v 2 Atou ak, sangas valing tuvava, e longpangasien xil tengan valing tuvava nggeih pupu e misak ni muis holu. \x + \xo 12:2 \xt Aes 66:7; Maek 4:10\x*   
\p
\v 3 \fig Dragon tei xa eilep mei mistal.|alt="Dragon" src="Birney Boyd Dragon.tif" size="col" copy="Birney Boyd" ref="12:3" \fig* Di, napus neta teimun xa eilep mistal nggo tilang hat. Dragon tei xa eilep e pipili mei mistal. Vatin be lu e he sav (7) e hon xil labe he xalu (10), e vatluvoluv te lelaxatien de vatin lu e he sav (7) xil vus. \x + \xo 12:3 \xt Dan 7:7\x*  
\v 4 Del xalen, xi koves rerat tatit hitu tei labe reling tilang hat e miso xil lamei e ut etan, ma tatite lu teni kestang takoves rerat xil ti. Xi bemei sangas visal atou ak tengan ikila ia tuvava nan melele xa ilingi. \x + \xo 12:4 \xt Dan 8:10\x*  
\v 5 Di, atou miling tuvava tei xa be malohos, ngan xa ilaxat rute xil vus te ut etan itel xeihen nan. E tuvava ak, melele xa milingi, lapo rati e langguri ba visal Hi e ba lalingi dotan e von xeihen nan xa eilep. \x + \xo 12:5 \xt Aes 7:14; 66:7; Sam 2:9; Rev 19:15\x*  
\v 6 Atou ak milesae ba be uruvuol, ba be rute xa Hi misak mesen ni tuei tengan ha ita en. E rute ak, ilaxat kuhi ituxoh melengien taosen tei handred lu e hanutap tol mun (1,260).\f + \fr 12:6 \ft Melengien 1,260 be huram 3 1/2.\f* \x + \xo 12:6 \xt Rev 11:2; 13:5\x*   
\p
\v 7 Di, e ut nesao, vaeen tei mistal. Vatixar Maekel del \w masxaxa\w* nan xil labae del Dragon ak del masxaxa nan xil. \x + \xo 12:7 \xt Dan 10:13,21; 12:1; Siud 1:9\x*  
\v 8 Maekel del nan xil, labas tan ni xeihen na Dragon del masxaxa nan xil, e latamaen xil ti mun tengan lati e ut nesao.  
\v 9 Reitin, Dragon ak xa eilep, ngan xa tehe tetal tetiamu\x + \xo 12:9 \xt Sen 3:1\x* xa latekesi ni \w Temat\w* mu \w Setan\w*, xil laso rati ra ut nesao.\x + \xo 12:9 \xt Sen 3:14-15; Aes 14:12-15; Luk 10:18; Sion 12:31; Rev 20:2\x* Ngan xa di miluvos moletin xil vus te ut etan, vatixar Maekel miso ni be ut etan del masxaxa nan xil vus.   
\p
\v 10 Di, nalong rae nggo ut nesao xa mikei nggeih bit,  
\q1 “!Xosali, Hi miteh meulien e moletin nan xil del xeihen nan!  
\q1 !Xosali, Hi pisen xeihen nan e bemei etan tengan valaxat xil!  
\q1 Xosali, xi miling xeihen xa eilep de he Mesaea xa xi tehosei.  
\q1 Vengan ngan xa misoh pe met Hi nar,  
\q2 ngan xa di misep xar ni his moletin nar xil melengien e vongien, \x + \xo 12:10 \xt Siob 1:9-11; Sak 3:1\x*  
\q2 xosali, laso rati tuei ra ut nesao.   
\q1
\v 11 Moletin nar xil labae lali Temat  
\q2 vengan xa laling neketen nae e ngan xa ren teleh texoni sulut sipsip tei te sanien eo,  
\q2 e latave unoun ti tengan lavit usil reitinen teni mi moletin sav xil.  
\q1 Xil lamaen xoteh meulien nae tengan lakila lisoh ixeih e neketen nae,  
\q2 tave ti neta xa lamat ven.   
\q1
\v 12 !Xamim vus xa mudi e ut nesao,  
\q2 muhesi xamim!  
\q1 E, aue li, isa mi xamim xa mudi e ut etan e tas,  
\q1 vengan Temat be tan visal xamim e ut etan.  
\q1 Xi polu ni ekaten,  
\q2 vengan xa mikila xa melengien nan xil be tamure sutang.”   
\p
\v 13 Melele xa Dragon tepus kila xa lateso rati tehe ut etan, xi minggol atou xa teling tutut tuvava tei.  
\v 14 E atou ak, Hi pol ni aveou vevaxum lu xa mahulong lustal lunggo tenben. Del aveoun xalu, xi ba de rute tei e uruvuol xa lalaxat kuhi huram tol (3) e aveti tei e he sav mun (6). E rute ak xi mikila vaxus ra Dragon ak. \x + \xo 12:14 \xt Dan 7:25; 12:7\x*  
\v 15 Di, Dragon mei miluh rat oei holu xa mei be oeisal tei e mileh nggusil atou ak tengan vahuri vaha.  
\v 16 E tan dutou ni atou ak nggo sexien xa masel be rin lu e mu sen oei xa mistal nggo vulonge Dragon.  
\v 17 Melele xa pusi mak, Dragon ien nggat pupu ni atou ak. Misak ni, ba bit vapol ni vaeen vatel horamue nan xil: ngan xil xa di lalong xat rae na Hi e di labithiten reitinen usil Iesu mi moletin sav xil. \x + \xo 12:17 \xt Dan 7:7,21; Rev 11:7; 13:7\x*  
\v 18 E Dragon ba misoh de suhon te tas.   
\c 13  
\s1 Vongoro tesa lu lustal  
\p
\v 1 Di, napus vongoro tesa tei xa mea ra tas. Vatin be lu e he sav (7) e hon xil be he xalu (10) xa vatluvoluv te lelaxatien xil di e hon he xalu (10) xil vus. E vatin xil vus langgur xat his tellep xil xa latekan ni ra Hi tengan mei vahe nae. \x + \xo 13:1 \xt Dan 7:3; Rev 17:3,7-12\x*  
\v 2 Vongoro tesa nen ak, napus tenben nggoni tenbe lepard, len xil nggoni le \w bear\w*, e vulongen nggoni vulonge laeon. Mi vongoro tesa ak, \w Dragon\w* misa xeihen, von xeihen nan, e maen ni tengan valaxat holesok holu. \x + \xo 13:2 \xt Dan 7:4-6\x*  
\v 3 Vongoro ak, neta tei nggul vatin tei xa lapusi xos imat ven. E melele xa mei meul bos rilomun, moletin xil te rute xil vus e ut etan latemanin ni e langgusil xati. \x + \xo 13:3 \xt Rev 17:8\x*  
\v 4 Ngan xil vus ak, lamot mi Dragon vengan xa xi misa xeihen nan xa nggeih pupu mi vongoro tesa ak. E lamot mi vongoro tesa mun labit, “?Visi iaxa nggur xeihen nggoni? ?Visi iaxa mikila vavae vatela? !Moletin tovuol!”   
\p
\v 5 Hi maen vongoro tesa ak tengan vasep koai vahiteni xa xeihen nan pipin ni xeihen na Hi. Hi maen ni mun tengan vahur xeihen tengan valaxat rute xil vus e ut etan aveti hanutap lu e lu mun (42).\f + \fr 13:5 \ft Aveti 42 be huram 3 1/2.\f* \x + \xo 13:5 \xt Dan 7:8,20,25; 11:36; Rev 11:2; 12:6\x*  
\v 6 Xi misepsisil Hi, misepin misa ba xat hisen e rute xa da en, e misep purun ngan xil mun xa ladi e ut nesao.  
\v 7 E Hi maen ni mun tengan ivae itel moletin nan xil iha vuma … ihas tan ni xil. Reitin, Hi maen vongoro tesa ak tengan vahur xeihen vali vatimol savsav xil vus, vali hisit moletin savsav xil vus, vali sepinien savsav xil vus, e vali kantri savsav xil vus. \x + \xo 13:7 \xt Dan 7:7,21; Rev 11:7; 12:17\x*  
\v 8 Moletin xil vus te ut etan limot mini. E ngan xil kestang xa ladis hisexil de Vanuvei te Meulien na ngan xa temat texoni sulut sipsip tei te sanien eo, xil linamot ti mini. Hisexil, latetisi teti e Vanuvei te Meulien tetiamu nousav, e melele xa Hi tenapeas ni ut etan ti mu. \x + \xo 13:8 \xt Eks 32:32,33; Sam 69:28; Dan 12:1; Plp 4:3; Rev 3:5; 17:8; 20:12,15; 21:27; Aes 53:7; Sion 1:29,36; Rev 5:6,12\x*   
\p
\v 9 !Xosxa vurangemim di, muteong kuhi!  
\v 10 Xosxa Hi miling xati tengan lital xat moletin tei, litela iha e lital xati vari. E xosxa Hi miling xati tengan litil vin moletin tei ni tiei te vaeen, ma litil vini vari. Misak ni, Hi di misis moletin nan xil tengan lixulehi lisoh ixeih e neketen nae. \x + \xo 13:10 \xt Ser 15:2; 43:11\x*   
\p
\v 11 Di, napus vongoro tesa teimun xa mea ra tan. Hon lu nggoni ho sipsip, e sepinien nan nggeih nggoni Dragon.  
\v 12 Vongoro tesa ak milaxat holesok xil e rin na ngan xa diamu. E nggeih xat moletin xil xa ladi e ut etan tengan limot mi vongoro tesa xa diamu, ngan xa neta tei texula e temeul tehos rilomun.  
\v 13 Vongoro xa bemei dutou, xi pol ni merekel xil xa latellep nggoni misak ni upang nggo ut nesao bemei etan tengan moletin xil vus lakila lapusi. \x + \xo 13:13 \xt Mat 24:24; 2Tes 2:9; 1King 18:24-39\x*  
\v 14 Hi maen vongoro ak xa bemei dutou tengan ha ti iluvos moletin xil vus te ut etan ni merekel xil xa pol ni e rin na vongoro xa diamu. E vongoro ak miluvos moletin xil e misak ni xil lapol ni nanao xa lapusi nggoni vongoro xa latesal vini ni tiei te vaeen e temeul rilomun. Di, misis xil tengan lamerere ni. \x + \xo 13:14 \xt Mat 24:24; 2Tes 2:9-10; Rev 19:20; Dut 13:2-4\x*  
\v 15 Hi maen vongoro tesa xa dutou tengan vasak ni nanao na vongoro xa diamu tengan vasehseh e vameul. Misak ni, nanao ak mikila vasepin e vasa lepisien te maten mi ngan xil xa latamot ti mini. \x + \xo 13:15 \xt Dan 3:5-6\x*  
\v 16 Vongoro xa dutou nggeih xat moletin xil vus tengan lihur simeleleen tei iti e hexil metu mu e valnaoxil: ngan xil xa latellep ba duxoh movotei xil tang, ngan xil xa holesok nae holu ba duxoh hoeo xil, ngan xil xa vexil mase ba duxoh slev xil.  
\v 17 Moletin xa tahur ti simeleleen ak, xi misakras vaxal mu vapos ni neta. E simeleleen ak be his vongoro tesa xa diamu e be pupuluen te hisen. \x + \xo 13:17 \xt Rev 14:9,11; 16:2; 19:20; 20:4\x*  
\v 18 Ngan xil xa iexil bei lave metisou linem kil koute te simeleleen ak, vengan ngan xil xa lakilakil kuhi likila lipol rat koute te pupuluen teni xa be vole usil moletin tei. Pupuluen te hisen be tei e he sav, tei e he sav, tei e he sav (666).   
\c 14  
\s1 Ngan xa nggoni sulut sipsip te sanien eo misoh de Vathu Saeon del moletin nan xil  
\p
\v 1 Di, naketeh ba, e napusi xa ngan xa nggoni sulut sipsip di misoh de \w Vathu Saeon\w*. E ngan xil xa di lasoh dela labe taosen handred tei hanutap lu e hat mun (144,000). Ngan xil ak langgur simeleleen de valnaoxil xa latetis his ngan xa nggoni sulut sipsip del his Tamen di en. \x + \xo 14:1 \xt Rev 7:4; 14:3; Esek 9:4; Rev 3:12; 7:3\x*  
\v 2 Di, nalong rae tei nggo ut nesao xa misel nggeih nggoni melele xa tahe xil di lamavul xat hat xil, mu nggoni melele xa veta mirum nggeih. E tangalen teni bos nggoni melele xa moletin xil lapilei ni harp nae xil. \x + \xo 14:2 \xt Esek 1:24; 43:2; Rev 1:15; 19:6\x*  
\v 3 Moletin taosen tei hanutap lu e hat mun (144,000) lamea lasoh pe met ngan xil xa ladi e ut nesao: ngan xa di dotan e von xeihen nan, neta hat (4) xa lameul ladi, del elda xil mun. Melele xa lasoh mak, di lakikei ni sisien hu tei xa be na moletin handred tei hanutap lu e hat mun (144,000) kestang xa Hi teteh meulien e xil ra ut etan. Moletin sav xil lasakras lakikei ni. \x + \xo 14:3 \xt Sam 33:3; 40:3; 96:1; 98:1; 144:9; 149:1; Aes 42:10; Rev 5:9; 7:4; 14:1\x*  
\v 4 Ngan xil ak lamese tevi e latnapat ti vatel atou xil. Reitin, xil lapol ni nenemien nae tengan lihusil xat Hi kestang e linavituei ti natel atou tova. Langgusil xat ngan xa nggoni sulut sipsip te sanien eo e rute xil vus xa xi diamu ni xil en. Hi texal rat xil ra moletin sav xil te ut etan del re Iesu tengan mei lisoh pe met Hi e pe met ngan xa nggoni sulut sipsip tengan mei lixoni sanien eo te anien hu te naho xa iha mi xalu.  
\v 5 E meulien nae, latnaluvos ti moletin e sexien nae xil temese tevi. \x + \xo 14:5 \xt Sam 32:2; Aes 53:9; Sef 3:13\x*   
\s1 Masxaxa tol latsa selxatien ba mi moletin xil te ut etan  
\p
\v 6 Di, napus \w masxaxa\w* tei xa di mingga e tilang hat. Xi nggur longeongen hos xa da vehakut e di bithiteni mi moletin xil vus te ut etan: ngan xil te vatimol xil vus, ngan xil te sepinien xil vus, ngan xil te kantri xil vus, e mi hisit moletin xil vus mun.  
\v 7 Xi di mikei be nesao bit, “!Mumerere ni Hi e mupet rat hisen xa be eilep mak mu! Vengan melengien di bemei tengan xi mei ilepis rin na moletin xil vus. !Ma mumei mumot mi Hi xa tepeas ni ut nesao, ut etan, tas e oeisal xil vus!” \x + \xo 14:7 \xt Eks 20:11; Sam 146:6\x*   
\p
\v 8 Dutou ni ngan ak, masxaxa xa be lu nen mingga e tilang hat e mikei bit, “!Taon xa mahulong xa lakesi ni \w Babilon\w*\f + \fr 14:8 \ft Babilon be sepinien xuxus usil taon xa mahulong te hal Rom xa vatit kavmen xil ladi en.\f* mikiri lel! Hi misa pangasien te ekaten nan mi moletin xil teni vengan lasak ni moletin te kantri xil vus tengan lastokovein sexien hos xil e langgusil sexien tesa xil nggoni sexien na hoeaso tei xa misa uaen mi moletin ngan tengan vapol vasa vatela.” \x + \xo 14:8 \xt Aes 21:9; Ser 51:8; Rev 18:2; Ser 51:7; Rev 17:2; 18:3\x*   
\p
\v 9 Dutou ni ngan ak, masxaxa xa be tol e xatel mingga e tilang hat nggusil ngan xalu xa lutetiamu, e xi mikei be nesao bit, “Xamim xa di mumot mi vongoro tesa xa diamu e mi nanao nan, e munggur simeleleen nan di e valnaomim mu e hemim, \x + \xo 14:9 \xt Rev 13:12-17; 14:11; 16:2; 19:20; 13:17; 20:4; Sam 75:8; Aes 51:17,22; Ser 25:15; Rev 15:7; 16:19; Sen 19:24; Sam 11:6; Esek 38:22; Rev 20:10; 21:18\x*  
\v 10 xamim vari ti muhur pangasien te ekaten na Hi xa ixeih xa ixeih pupu. Hi iso xamim muhe upang te xeih e mulong pangas xamim en pe met masxaxa eo xil e pe met ngan xa nggoni sulut sipsip.  
\v 11 Reitin, xamim xa mumot mi vongoro tesa e nanao nan e munggur simeleleen te hisen, upang itit ni ngan taxa ti ia xamim iha vuma … hoxalite teni ihe tovuol e eas teni mun navus ti vatova.” \x + \xo 14:11 \xt Aes 34:10; Rev 19:3; 13:12-17; 14:9; 16:2; 19:20; 20:4\x*   
\p
\v 12 Mak, ma di nasel xat moletin xil na Hi xa lalong xat rae nan xil e di langgusil xat Iesu, bos xa lixulehi lisoh ixeih e neketen nae.   
\p
\v 13 Di, nalong rae tei nggo ut nesao xa bit, “Utis sepinien ak: Xosali iha, tuxolxatien iti mi ngan xil xa limat ve neketen nae e Suv Iesu.” \x + \xo 14:13 \xt Hib 4:10\x*  
\p \w Ninin\w* bit rilomun ni bit, “Reitin li. Xil lingel kuhi ra polien te xeih nae, e lihur huite xa ihos ve polien hos xil xa latepol ni.”   
\s1 Iesu di milepis rin na moletin xil  
\p
\v 14 Di, naketeh ba, e napus momah tei xa mieh. E moletin tei di dotan en xa napusi nggoni Nat Moletin xa tenben nggoni moletin tei xa nggo ut nesao.\f + \fr 14:14 \ft Nat Moletin be ngan xa \xt Dan 7:13\ft  del \xt Dan 10:5\ft  di misep usili xa isak ni lelaxatien na Hi mei istal.\f* E vatin, vatluvoluv te lelaxatien xa be gol da en, e hen, xi di nggur xat huknaef tei xa mikan. \x + \xo 14:14 \xt Dan 7:13\x*  
\v 15 Di, masxaxa teimun mistal nggo \w Nim Eo\w* e mikei nggeih ba mi ngan xa dotan de momah bit, “Uhur xat huknaef nam e upol itela, vengan xosali be melengien xa holesok xil vus te ut etan men kuhi, e melele ak pipin tengan uleh viton moletin xil teni e ulepis rin nae.” \x + \xo 14:15 \xt Soel 3:13; Mat 13:39-40\x*  
\v 16 Di, ngan xa di dotan de momah mikuvun huknaef nan be ut etan, e mileh viton holesok xil vus xa ladi en.   
\p
\v 17 Di, napus masxaxa teimun mistal nggo Nim Eo te ut nesao, e xi mun nggur xat huknaef tei xa mikan.  
\v 18 Di, masxaxa teimun nggo visal \w hor\w* te vokon eo, ngan xa di milaxat upang teni. Xi mikei nggeih ba mi masxaxa xa nggur xat huknaef xa mikan bit, “Moletin xil te ut etan mei lamen kuhi ve lepisien. Langgoni huite te urvatiei te \w grep\w* melele xa lamen kuhi tengan lata rat xil. Ma uhur xat huknaef nam e uta rat moletin xil ak imak.”  
\v 19 Misak ni, napusi xa masxaxa mikuvun huknaef nan e ut etan, e da rat huit grep xil ra vatite. Di, mileh viton xil e miso xil labe rute xa labekisi tengan sute vahe relingi xa be von pangasien te ekaten na Hi. \x + \xo 14:19 \xt Aes 63:3; Rev 19:15\x*  
\v 20 E huit grep xa be moletin xil ak, labekis xil tengan sute vahe reling xil e hale te taon te hal Serusalem. E ra nae mileh nggoni oeisal xa teviei duxoh kilomita handred tol (300 km) e huinep teni sangas duxoh mita lu (2 m).   
\c 15  
\s1 Masxaxa lu e he sav (7) lapo xat longpangasien kor xil tengan lisa ni ihe ut etan  
\p
\v 1 Di, napus neta teimun xa eilep mistal nggo tilang hat xa misak ni nou di nanem usil koute teni. Napus \w masxaxa\w* lu e he sav (7) xa di lapo xat longpangasien lu e he sav (7). Longpangasien xil ak labe longpangasien kor xil xa ipisen ni xa ekaten na Hi mei duxoh hoxalite teni. \x + \xo 15:1 \xt Lev 26:21; Rev 15:6\x*   
\p
\v 2 Di, e ut nesao, napus rute ak nggoni melele xa tas mieh e mexal nggoni kilas, e di minehin nggoni ngan xa upang da en. Napus ngan xil xa latesoh texeih e latevae teli e vaeen te neketen tetel vongoro tesa xa diamu, tetel nanao nan, e tetel pupuluen te hisen. Xil di lasoh sangas visal rute xa napus tan nen mahulong nggoni tas e mexal nggoni kilas, e lapo xat harp nae xil xa Hi tesa ni mi xil.  
\v 3 Xil lakikei ni sisien xa nggoni ngan xa \w Mosis\w*, eloheoh na Hi, tekikei ni tetiamu. Lakikei mak tengan lapet rat his ngan xa nggoni sulut sipsip labit,  
\q1 “Hi Suv te Xeihen,  
\q2 holesok xil xa di opol ni be tellep e bos pupu. \x + \xo 15:3 \xt Eks 15:1; 15:11; Sam 92:5; 111:2; 139:14; Amos 3:13; 4:13; Rev 1:8; 4:8; 11:17; 16:7,14; 19:6,15; 21:22; Dut 32:4; Sam 145:17; Ser 10:10\x*  
\q1 Obe suv toto te kantri xil vus,  
\q2 e sexien nam xil vus momal e be reitin.   
\q1
\v 4 Moletin xil vus limerere ni xouk.  
\q2 Xil lipet rat hisom ihe nesao,  
\q2 vengan xouk kestang obe eo.\x + \xo 15:4 \xt Ser 10:6-7; Sam 86:9; Mal 1:11\x*  
\q1 Kantri xil vus limei e limot minuk,  
\q2 vengan xa lapus kila xa sexien nam xil momal tevi.”   
\p
\v 5 Dutou ni, naketeh be nesao, e vangit \w Nim Eo\w* na Hi, e napusi xa ladivin rat kaliko xa dakoe xol ut eo te \w Nim Tavolin\w*. \x + \xo 15:5 \xt Eks 38:21; 40:34\x*  
\v 6 Masxaxa lu e he sav (7) lastal langgo en, e xil laleh xat longpangasien lu e he sav (7) tengan lisa ni mi moletin xil te ut etan. Xil lasing ni eising xil xa mieh xa lamese tevi e labos pupu, e lasoxolen kaliko xil da xol valhasexil xa kala nen nggoni gol. \x + \xo 15:6 \xt Lev 26:21; Rev 15:1\x*  
\v 7 Di, tei e neta hat (4) xa meul, misa kekes ni pesin xa bos xa lapol ni ni gol ba mi masxaxa xil vus xa labe lu e he sav (7). Pesin nen xil ak lapolu ni ekaten na Hi xa meul vehakut tang. \x + \xo 15:7 \xt Sam 75:8; Aes 51:17,22; Ser 25:15; Rev 14:10; 16:19\x*  
\v 8 Eas xa nggo minehinen te xeihen na Hi mei mise xat vangit Nim Eo. Misak ni, moletin ti tave vangite ba vuma … longpangasien lu e he sav (7) xa masxaxa lu e he sav (7) laleh xati mei laduxoh hoxalite teni.\x + \xo 15:8 \xt Eks 40:34; 1King 8:10-11; 2Kron 5:13-14; Aes 6:4; Esek 44:4\x*   
\c 16  
\s1 Masxaxa xil lateh rat pesin te longpangasien xil te ekaten na Hi ba xat moletin xil te ut etan  
\p
\v 1 Di, nalong rae tei xa nggeih di misepin nggo \w Nim Eo\w* ba mi \w masxaxa\w* lu e he sav (7) bit, “Muha muteh rat pesin ihe lu e he sav (7) te longpangasien te ekaten na Hi ihe ut etan.” \x + \xo 16:1 \xt Aes 66:6; Rev 16:7; Sam 69:24; Ser 10:25; Esek 22:31; Sef 3:8\x*   
\p
\v 2 Misak ni, masxaxa xa diamu ni xil ba miteh longpangasien xa di e pesin nan be ut etan. Ngan ak misak ni utua tesa xil lastal e ngan xil xa langgur simeleleen na vongoro tesa e lamot mi nanao nan. E xil lalong pangas xil holu xa holu pupu ven. \x + \xo 16:2 \xt Eks 9:10; Dut 28:35; Rev 13:12-17; 14:9,11; 19:20; 20:4\x*   
\p
\v 3 Di, masxaxa xa be lu (2) e xil miteh longpangasien xa di e pesin nan be tas, ma tas mei nggoni hatura na moletin xa mat. Ngan ak misak ni holesok xil vus xa lameul ladi e tas lalel. \x + \xo 16:3 \xt Eks 7:17-21\x*   
\p
\v 4 Di, masxaxa xa be tol (3) e xil miteh longpangasien xa di e pesin nan be oeisal xil e vangoei xil. Misak ni oei xil vus ak biles mei be ra. \x + \xo 16:4 \xt Eks 7:19-24; Sam 78:44\x*  
\v 5 E nalong masxaxa xa di milaxat oei xil te ut etan bit,  
\q1 “Hi xa obe eo,  
\q2 oda xosali e oteta tetiamu,  
\q2 lepisien xil ak xa di opol ni momal tang.\x + \xo 16:5 \xt Sam 119:137; 145:17; Dut 32:4; Eks 3:14; Rev 1:4,8; 11:17\x*   
\q1
\v 6 Moletin xil ak latesak ni re moletin nam xil tetel \w provet\w* xil teleh. \x + \xo 16:6 \xt Sam 79:3; Aes 49:26\x*  
\q2 Ma xouk di osa ra mi xil tengan limu ni.  
\q1 Nggo rin ak, di osa xoles naha xa latepol ni mi xil.”   
\p
\v 7 Di, nalong rae tei nggo \w hor\w* te vokon eo xa bit,  
\q1 “!Hi Suv te Xeihen!\x + \xo 16:7 \xt Amos 3:13; 4:13; Rev 1:8; 4:8; 11:17; 15:3; 16:14; 19:6,15; 21:22; Sam 19:9; 119:137; Rev 19:2\x*  
\q2 !Reitin li, lepisien nam xil be reitin e momal tevi!”   
\p
\v 8 Di, masxaxa xa be hat (4) e xil miteh longpangasien xa di e pesin nan ba xat meteneai. Misak ni, meteneai mei mitin nggeih xa nggeih pupu e ngga purun tenbe moletin xil del upang teni.  
\v 9 Meteneai ngga purun xil del titinen teni xa nggeih pupu. E neta sav xa mak, moletin xil lataviles ti ra tesaen nae xil, e latasa merereen mi Hi ti xa be eilep pupu. E‑e, xil lasepsisil ba xat his ngan xa xeihen te longpangasien xil ak de hen. \x + \xo 16:9 \xt Rev 9:20-21; 16:11,21\x*   
\p
\v 10 Di, masxaxa xa be lim (5) e xil miteh longpangasien xa di e pesin nan ba xat von xeihen na vongoro tesa xa diamu. Misak ni, maluxoluken mei mikutaxol ut xil vus xa xi di milaxati. Moletin xil langas luhexil ve longpangasien xil xa di langguri. \x + \xo 16:10 \xt Eks 10:21; Aes 8:22\x*  
\v 11 Ma lasepsisil ba xat Hi te ut nesao ve longpangasien e utua tesa nae xil. E xil lataviles ti vari ra sexien tesa nae xil. \x + \xo 16:11 \xt Rev 9:20-21; 16:9,21\x*   
\p
\v 12 Di, masxaxa xa be tei e he sav (6) e xil miteh longpangasien xa di e pesin nan be oeisal Upretis xa eilep. Misak ni oeisal nen ak bemei mes e misa suse mi suv toto xil xa ladi e kantri xa ba ni ist tengan moletin te vaeen nae xil lakila lakakao en lava. \x + \xo 16:12 \xt Aes 11:15; 44:27; Ser 50:38; 51:36\x*  
\v 13 Di, napus ninin tesa tol (3) xa lapus xatel latnggoni frog. Xatel kekes, tei mistal nggo vulonge \w Dragon\w*, tei mistal nggo vulonge vongoro tesa, e tei mistal nggo vulonge \w provet\w* te luvosen nan.  
\v 14 Frog xatel ak latbe \w ninin tesa\w* xatel xa di latopol ni merekel xil xa tellep. Ninin tesa xatel ak latbe visal suv toto xil vus te ut etan tengan latileh viton xil lihe rute tei takes. Lamei vituei tengan lisak mesen xil ve vaeen xa eilep xa ite Melengien te Lepisien na Hi te Xeihen. \x + \xo 16:14 \xt Rev 19:19; Amos 3:13; 4:13; Rev 1:8; 4:8; 11:17; 15:3; 16:7; 19:6,15; 21:22\x*  
\v 15-16 Xil limei vituei e rute xa lakesi ni ‘Armagedon’ nggo sepinien Hibru.  
\p Melele xa di napusi, Suv Iesu biteni bit, “!Muteong kuhi! Inou di namei nggoni moletin te kanen tei e melele xa xamim munakil ti. \x + \xo 16:15-16 \xt Mat 24:43-44; Luk 12:39-40; 1Tes 5:2,4; 2Pit 3:10; Rev 3:3\x* E tuxolxatien na Hi iti mi ngan xa tit iketeh e tit isak mesen xi vehakut ve mei rilomunen navan. Xi ixoni moletin xa di miketeh kuhi e mising pipin tengan nave unoun ti xa takavue xol xi ti xosxa itemanin ni neta tei e vongien.”   
\p
\v 17 Di, masxaxa xa be lu e he sav (7) e xil miteh longpangasien xa di e pesin nan be mesavuol. Melele xa pol ni mak, rae te xeih tei mikei nggo von xeihen xa de Nim Eo bit, “!Bus tuei!” \x + \xo 16:17 \xt Aes 66:6; Rev 16:1\x*  
\v 18 E melele nen ak vari, an milangas, veta mirum e posou, e lul xa eilep milil. Lul ak minggeih mili sen lul sav xil xa latestal e melele xa Hi teling moletin xil e ut etan duxoh xosali. \x + \xo 16:18 \xt Eks 19:16-19; Rev 4:5; 8:5; 11:19; Dan 12:1\x*  
\v 19 Misak ni, tan te taon xa eilep te hal \w Babilon\w*\f + \fr 16:19 \ft Babilon be sepinien xuxus usil taon xa mahulong te hal Rom xa vatit kavmen xil ladi en.\f* mesel be rin tol (3), e taon xil xa latellep te kantri xil vus lakiri lel. Hi pol ni mak vengan xa minem xat tesaen xil na ngan xil te taon xa eilep te hal Babilon, e misa pangasien te ekaten nan xa eilep ba xat xil. \x + \xo 16:19 \xt Sam 75:8; Aes 51:17,22; Ser 25:15; Rev 14:10; 15:7\x*  
\v 20 Melele xa lul milil nggeih mak, aelan xil vus lamerir labe huinep te tas e vathu xil vus lakiri lel mei labe tovuol tang. \x + \xo 16:20 \xt Rev 6:14; 20:11\x*  
\v 21 Merut aes xil xa latellep lakiri langgo tilang hat xa kilo te xil kekes duxoh hanutap lu (40). Melele xa aes xil ak lakiri mak, longpangasien teni nggeih xa nggeih pupu, ma moletin xil labiles e di lasepsisil Hi ven. \x + \xo 16:21 \xt Eks 9:24; Rev 11:19; 16:9,11\x*   
\c 17  
\s1 Hi milepis rin na hoeaso Babilon\f + \fr 17:0 \ft Babilon be sepinien xuxus usil taon xa mahulong te hal Rom.\f*  
\p
\v 1 Di, tei e \w masxaxa\w* lu e he sav (7) xa latepo pesin lu e he sav (7) bemei visal nou e bit, “Amei, nipisen ni minuk itep iaxa Hi ilepis rin na hoeaso xa eilep. Xi be taon tei xa eilep xa lakili ni de visal oeisal xil holu. \x + \xo 17:1 \xt Ser 51:13; Rev 17:15\x*  
\v 2 Suv toto xil te ut etan latepol ni sexien tesa tetela, e moletin xil te ut etan mun latehur sexien te hoeasoen nan texoni ngan xa lamu uaen man teha vuma … mei latetalang ni.” \x + \xo 17:2 \xt Aes 23:17; Ser 51:7; Rev 14:8; 18:3\x*   
\p
\v 3 Melele xa misepin minou bus. \w Ninin Eo\w* mei mise xat inou, e masxaxa ak nggur nou nabe uruvuol tei. E rute ak, napus atou tei xa di dotan e vongoro tesa xa diamu. Tenben pipili, e vatin be lu e he sav (7) xa hon xil he xalu (10) ladi e xil. E ladis his tellep xil xa lakan ni ra Hi mei labe nan mikapis xol tenben. \x + \xo 17:3 \xt Rev 13:1; 17:7-12\x*  
\v 4 Atou nen ak mising ni eising na eilep xil xa be pepol e pipili. Misoxolen gol, hat tehos xil xa laminehin kuhi, del valit vatiei xil te tas xa bos. Di hen, xi di nggur xat kap tei xa be gol xa polu ni holesok xil xa mumu e be muis, xa labe huit hoeasoen nan xil. \x + \xo 17:4 \xt Esek 28:13; Rev 18:16; Ser 51:7\x*  
\v 5 E valnaon, ladis his xuxus tei xa koute teni mak, “Ngan ak \w Babilon\w* xa eilep, nine hoeaso xil vus e vatit sexien tesa xil te ut etan.”  
\v 6 Atou nen ak di misak ni moletin sav xil di lamu vin moletin xil na Hi e ngan xil xa di labithiten reitinen usil Iesu. E napusi xa atou ak mitalang ni rexil nggoni ngan xa mitalang ni uaen. E melele xa napusi, natemanin pupu ni. \x + \xo 17:6 \xt Rev 18:24; 19:2\x*   
\p
\v 7 E masxaxa misis nou bit, “?Otemanin veneh? Inou nihit lelen koute te nenemien xuxus usil atou ak itel vongoro ak xa xi di dotan en xa vatin lu e he sav (7) xa hon he xalu (10) da en.  
\v 8 Vongoro xa opusi, xi teta tetiamu, tara ti mun xosali ak, e nave nousav ti, ti imea reling Vangavul xa hoxalite teni tovuol. Ti, litela iha e lihu vini. Moletin xil te ut etan xa hisexil latnatisi ti vati e Vanuvei te Meulien tetiamu e melele xa Hi tepeas ni ut etan, xil litemanin ni vongoro ak. Reitin, xil litemanin melele xa lipusi xa vongoro ak teta tetiamu, tara ti mun xosali, e imei istal mun e melele xa ti imei. \x + \xo 17:8 \xt Dan 7:3; Rev 11:7; 13:1; Eks 32:32,33; Sam 69:28; Dan 12:1; Plp 4:3; Rev 3:5; 13:8; 20:12,15; 21:27\x*   
\p
\v 9 “Koute te metuveen ak mei imese kuhi mi ngan xil xa nenemien te metisouen di e xil. Vatin lu e he sav (7) na vongoro ak be vathu lu e he sav xa atou ak di dotan en.\f + \fr 17:9 \ft Taon te hal Rom, latekili ni tetotan tete vathu lu e he sav (7).\f* Vatin lu e he sav (7) ak, koute teimun be suv toto lu e he sav (7).  
\v 10 Suv toto lim (5) e xil lakesae ngamu, tei di milaxat ut xosali, e ngan xa be kor e xil, xi tamei ti mu. Melele xa imei, Hi imaen ni ilaxat ut nave nousav ti.  
\v 11 E rin te vongoro tesa, ngan xa teta tetiamu e tara ti mun xosali, xi mun be suv toto xa be tol e he sav (8) e xil. E suv toto ak be tei e suv toto lu e he sav (7) tetiamu, e Hi itela iha e ihu vini.   
\p
\v 12 “Hon he xalu (10) xa opusi, xil labe suv toto xil xa latahur ti mu lelaxatien nae. Xil lihur xeihen te lelaxatien nae te haoa tei takes tengan lilaxat ut xil te ut etan itel vongoro tesa. \x + \xo 17:12 \xt Dan 7:24\x*  
\v 13 Suv toto he xalu (10) nen ak, nenemien nae ihe tei takes tengan limaen xeihen te lelaxatien nae mi vongoro tesa.  
\v 14 Xil ha livae itel ngan xa nggoni sulut sipsip te sanien eo itel ngan xil xa mikes xil e bosei xil tengan lihusili vehakut. Xi ihas tan ni vongoro tesa ak itel ngan xil xa di langgusili. Ihas tan ni xil vengan xa xi be Suv Toto xa mili sen suv toto sav xil, e xi be Vat mili sen vat sav xil.” \x + \xo 17:14 \xt Dut 10:17; Dan 2:47; 1Tim 6:15; Rev 19:16\x*   
\p
\v 15 Masxaxa biteni mun minou bit, “Oeisal xil xa opus atou xa be hoeaso di dotan en, xil labe vole usil moletin xil xa langgo hisit moletin savsav xil, langgo vatimol savsav xil, langgo kantri savsav xil, e langgo sepinien savsav xil te ut etan.  
\v 16 Hon he xalu (10) del vongoro xa otepusi, xil mei iexil ti iat hoeaso ak. Xil mei lileh rerat holesok nan xil vus e listokovein ni ika hon tang iha. Reitin, xil lileh rerat sen holesok nan xil e lisa upang ia len ni. \x + \xo 17:16 \xt Lev 21:9; Rev 18:8\x*  
\v 17 Suv toto he xalu (10) nen ak, Hi miling nenemien nan di e xil tengan lisak ni sepinien nan mei istal ihe reitin ixo rin xa limaen xeihen te lelaxatien nae mi vongoro tesa ituxoh melele xa lipol ni imak mi atou ak.  
\v 18 Atou xa otepusi xiak, taxeak xi be taon xa eilep xa nggur xeihen te lelaxatien xa eilep mak mu e suv toto xil vus te ut etan ladi pe hen.”   
\c 18  
\s1 Hi misak ni holesok xa ladi e taon te hal Babilon\f + \fr 18:0 \ft Babilon be sepinien xuxus usil taon xa mahulong te hal Rom xa vatit kavmen xil ladi en.\f* lakiri lel  
\p
\v 1 Dutou ni ngan ak, napus \w masxaxa\w* teimun xa bemei etan nggo ut nesao. Lelaxatien nan mahulong e minehinen te xeihen nan mileluv mikapis e ut xil vus te ut etan.  
\v 2 Xi mikei be nesao bit,  
\q1 “!Hi misak ni taon xa eilep te hal \w Babilon\w* mikiri lel!\x + \xo 18:2 \xt Aes 21:9; Ser 51:8; Rev 14:8; Aes 13:21; 34:11; Ser 50:39\x*  
\q2 !Xi mikiri lel vari!  
\q2 Moletin xil teni lihe tovuol mun.  
\q1 Vontoen xil teni imei ihe von xusen na temat xil e \w ninin tesa\w* xil tang.  
\q2 Tuman tesa xil kestang ha ti lixus en.   
\q1
\v 3 Taon xa eilep xiak bisu ni ekaten na Hi mak vengan xa sexien nan nggoni atou xa be hoeaso,  
\q2 xa milihi nenemien na moletin xil te kantri xil vus tengan mei lipol isa itela.  
\q1 Reitin, taon ak di ihur pangasien vengan xa pol misa del suv toto xil holu te ut etan,  
\q2 e vengan xa nggal holesok holu xa eheien nan di en ra moletin te posen xil holu te ut etan, ma misak ni mani nae be holu ven.”\x + \xo 18:3 \xt Aes 23:17; Ser 51:7; Rev 14:8; 17:2\x*   
\p
\v 4 Di, nalong rae tesav teimun nggo ut nesao bit,  
\q1 “!Moletin navan xil mumea! !Mumea rani!  
\q2 !Munavituei ti natel \w tesaen\w* nan xil!  
\q2 !Muxuxou kuhi tengan munahur ti longpangasien natela!\x + \xo 18:4 \xt Aes 48:20; 52:11; Ser 50:8; 51:6,9,45; 2Kor 6:17\x*   
\q1
\v 5 Vengan tesaen nan xil mitihu ba duxoh ut nesao,  
\q2 e Hi minem xat sexien nan xil xa mikavui.\x + \xo 18:5 \xt Sen 18:20-21; Ser 51:9\x*   
\q1
\v 6 Mupol ni mini ixoni ngan xa xi tepol ni mi xamim.  
\q2 Musa xoles longpangasien mini ihe valu ve naha xa xi tepol ni mi xamim.  
\q1 Kap te longpangasien xa xi tesa ni mi xamim tengan mumu ni,  
\q2 mutah uaen te longpangasien iha en xa xeihen teni ihe valu tengan xi sung imu ni.\x + \xo 18:6 \xt Sam 137:8; Ser 50:15,29; 2Tes 1:6\x*   
\q1
\v 7 Musa longpangasien ihe eilep mini e mupol ni ilonge isa ihe holu.  
\q2 Reitin, mupol ni imak ipin ni his xa eilep xa xi tehuri e holesok xil holu te ut etan xa xi mitihu ni ve xi tasen.  
\q1 Vengan xi misep koai mi xi tasen bit,  
\q2 ‘Inou nabe Kwin xa eilep xa lelaxatien navan mahulong.  
\q2 Natave tunau tei ti e nasakras nalonge vasa.’\x + \xo 18:7 \xt Aes 47:7-9\x*   
\q1
\v 8 Ve sepinien te koaien nan,  
\q2 longpangasien xil mei ipurun ni e ihu vini e melengien tei takes: \x + \xo 18:8 \xt Rev 17:16; Ser 50:34\x*  
\q2 xi ihisu ni mesien, tangen, e mae kekaten.  
\q1 Upang mei ia len ni,  
\q2 vengan xa Hi Suv xa di milepis rin nan,  
\q2 xeihen nan mahulong.”   
\p
\v 9 Suv toto xil latepol ni sexien tesa tetela e latepus hosien tetela ve holesok xil te ut etan xa tehuri. E melele xa xil lipus eas te upang xa di ngga len ni, litesi e simetexil ikiri. \x + \xo 18:9 \xt Esek 26:16; 27:30-35\x*  
\v 10 Xil lisoh sotin vengan xa ulixil ikan tengan linahur ti pangasien natela. Xil lihit, “!Aue li, misa xa misa pupu mi taon xa eilep te hal Babilon! Neta sav xa xeihen nan mahulong, e nggur sen longpangasien te lepisien nan e haoa tei takes.” \x + \xo 18:10 \xt Esek 26:17; Dan 4:30\x*   
\p
\v 11 Moletin te posen xil holu te ut etan, xil mun litesi e simetexil ikiri, vengan moletin ti mun naxal holesok ra xil.  
\v 12 Reitin, moletin ti mun naxal neta xil xa lapol ni ni gol, silva, hat xa minehin, e valit vatiei xil te tas xa bos xa bos. ?Reitin, visi mun ixal eising hos xil xa mieh, pipili, e pepol del eising xa bos xa lakesi ni silk? Ihe tovuol. E moletin ti mun naxal neta xil xa lapol ni ni liei xil xa bos, ni luh vongoro xil, ni aean xa lakesi ni brons, e ni hat xa lakesi ni marbel. \x + \xo 18:12 \xt Esek 27:12,13,22\x*  
\v 13 Neta xil xa di misak ni anien von mikon bos nggoni sinamon, e vokon xil xa nggoni mir e \w forangkansen\w* liti nga tang. Anien xil xa langgoni uaen, oel, pulaoa e \w uit\w*, linapos ni ti mun. Moletin ti mun naxal vongoro sae xil nggoni buluk, sipsip, e hos natel kat teni. Moletin tovuol tengan vaxal rat meulien na moletin xil tengan mei vahe slev nae xil.  
\v 14 Moletin xil xa di lapos ni holesok xil lihiteni iha mini lihit, “Holesok xil xa bos xa iem bei tengan uhuri lakesae relinguk. E holesok xil xa otepolu ni tetiamu tetel holesok xil xa tesak ni xouk di otesep koai ven, xil latetasil ranuk xosali, e onakamet ti mun.”   
\p
\v 15 Ngan xil ak langgur mani holu nggo holesok xil xa xi texale ra xil, melele xa lapus longpangasien na Babilon, lasoh ladi nga sotin vengan ulixil mikan xa linahur ti longpangasien natela. Xil lamuis e ladang labit, \x + \xo 18:15 \xt Esek 27:36\x*   
\q1
\v 16 “!Aue li, ngan ak misa xa misa pupu!  
\q2 Tetiamu, taon xa eilep te hal Babilon tesing ni eising xil xa tehos xa tehos xa temieh, tepili e tehe pepol.  
\q2 Tetiamu, xi tesoxolen gol, hat xil xa minehin, e valit vatiei xil xa tehos xa tehos.\x + \xo 18:16 \xt Esek 28:13; Rev 17:4\x*   
\q1
\v 17 !E mapusi xa holesok nan xil vus lakesae relingi e haoa tei takes!” \x + \xo 18:17 \xt Esek 27:27-29\x*  
\p Melele xa vatihos xil te tuturil, boskru xil, moletin xil xa ladi en, e moletin sav xil xa lakamet meulien nae e tas lapusi, xil lasoh ladi nga sotin.  
\v 18 Melele xa lapus eas te upang xa di ngga len taon ak, lamuis nggeih e labit, “!Aue li, taon sav tovuol mun vaxoni taon xa eilep xiak!” \x + \xo 18:18 \xt Esek 27:32\x*  
\v 19 Ma, xil laso vulmeas be vatixil tengan vapisen ni xa lalonge misa holu, simetexil mikiri e ladesi labit, \x + \xo 18:19 \xt Esek 27:30-34\x*  
\q1 “!Aue li, ngan ak misa xa misa pupu!  
\q2 Tetiamu taon xa eilep te hal Babilon teleh neta holu texo tuturil xil,  
\q2 e moletin xil te tuturil latehur mani holu texo en.  
\q1 !E haoa tei takes, langgu len ni vari!”   
\p
\v 20 Di, nalong rae tei xa bit, \x + \xo 18:20 \xt Dut 32:43; Sam 96:11; Aes 44:23; 49:13; Ser 51:48\x*  
\q1 “!Xamim te ut nesao,  
\q2 muhesi xamim vengan xa langgu len taon xa eilep xiak!  
\q1 Xamim moletin xil na Hi, \w eloheoh\w* xil, e \w provet\w* xil mun, mulonge ihos,  
\q2 vengan xa Hi misa pangasien te lepisien nan mini ve sexien tesa xil xa xi tepol ni mi xamim.”   
\p
\v 21 Di, napus vatixar tei na masxaxa xil bemei e po rat vatihat tei xa meas pupu e miso ni be tas. Melele xa pol ni biteni bit,  
\q1 “Usil rin tak, Hi ipo rat taon xa eilep te hal Babilon  
\q2 e iso ni ihe etan,  
\q2 e linapus ti mun moletin xil en. \x + \xo 18:21 \xt Ser 51:63-64; Esek 26:21\x*   
\q1
\v 22 E taon ak, linalong ti mun  
\q2 rumen te harp, flut, hon mu rae moletin en.  
\q1 Ngan xil xa di labol, mu laseh liei, mu lapen ni neta,  
\q2 linapus ti mun xil en.  
\q1 Tangalen na ngan xil xa di labas utut uit mei be pulaoa, linalong ti mun.\x + \xo 18:22 \xt Aes 24:8; Esek 26:13\x*   
\q1
\v 23 Laet napili ti mun en.  
\q1 E taon ak, rumen te sien e melele xa tiramue miteli del atou tei,  
\q2 linalong ti mun.\x + \xo 18:23 \xt Ser 7:34; 16:9; 25:10; Aes 23:8; 47:9\x*  
\q1 Tetiamu, moletin xil xa di latepos ni holesok xil en,  
\q2 xil mei latehe eilep mak mu e ut xil vus te ut etan.  
\q1 E del sexien te vongou nan,  
\q2 xi miluvos moletin xil vus te ut etan.”   
\p
\v 24 Hi misa pangasien te lepisien nan mi taon te hal Babilon ak vengan xa mikamet re provet xil e re moletin nan xil en. Reitin, xi pusi xa Babilon tehas vin moletin xil holu xa latexo ut xil vus te ut etan. \x + \xo 18:24 \xt Ser 51:49; Esek 24:7; Rev 6:10; 17:6; 19:2\x*   
\c 19  
\s1 Ngan xil te ut nesao lames Hi ve pangasien xa misa ni mi taon te hal Babilon  
\p
\v 1 Dutou ni ngan ak, nalong tangalen tei xa mahulong nggo ut nesao xa nggoni vanut moletin tei xa mahulong xa lakei be nesao labit,  
\q1 “!Memesien ba mi Hi!  
\q2 !Xi kestang di miteh meulien, e minehinen te xeihen nan mahulong pupu!   
\q1
\v 2 Lepisien nan xil be reitin e momal. \x + \xo 19:2 \xt Sam 19:9; 119:137; Rev 16:7\x*  
\q1 Xi misa pangasien ba mi hoeaso  
\q2 xa tepurun ut etan tetel sexien tesa nan xil.  
\q1 Reitin, Hi misa xoles longpangasien mini  
\q2 vengan xa xi tehu vin moletin te polien nan xil.”\x + \xo 19:2 \xt Dut 32:43; 2King 9:7; Sam 79:10; Rev 6:10\x*   
\m
\v 3 Xil lakei be nesao vatei mun labit,  
\q1 “!Memesien ba mi Hi!  
\q1 Vengan xa xi tesak ni eas te upang xa di ngga len taon xa eilep xiak ve sexien tesa nan xil  
\q2 tengan ihe nesao vehakut xa vehakut tang.”\x + \xo 19:3 \xt Aes 34:10\x*   
\p
\v 4 Elda hanutap tei e hat mun (24) e neta hat (4) xa lameul ladi lamot mi Hi xa dotan de von xeihen nan.\x + \xo 19:4 \xt 1King 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 6:16; 7:10,15; 21:5\x* Xil labiteni labit,  
\q1 “!Reitin! !Memesien ba mi Hi!”   
\s1 Moletin xil na Hi labesi xil ve tetelien na ngan xa nggoni sulut sipsip te sanien eo  
\p
\v 5 Di, nalong rae tei xa di misepin nggo visal von xeihen na Hi xa biteni bit,  
\q1 “!Xamim xa di mupol mi Hi nar, mumesi!  
\q1 !Xamim xa mumerere ni,  
\q2 ngan xil xa latellep ba duxol ngan xil xa latereli, mumesi!” \x + \xo 19:5 \xt Sam 22:23; 134:1; 135:1; 115:13; Rev 11:18\x*   
\p
\v 6 Di, nalong tangalen tei xa mahulong nggo ut nesao xa nggoni vanut moletin tei xa mahulong. Xil lakei nggeih nggoni melele xa tahe xa eilep di miti hat xil mu nggoni melele xa veta di posou nggeih.\x + \xo 19:6 \xt Esek 1:24; 43:2; Rev 1:15; 14:2\x* Nalong xil di lakei be nesao labit,  
\q1 “!Memesien ba mi Hi!  
\q1 Vengan Hi nar xa be Hi Suv te Xeihen,  
\q2 xi be suv toto xa di milaxat holesok xil vus.\x + \xo 19:6 \xt Esek 1:24; 43:2; Rev 1:15; 14:2; Eks 15:18; Sam 22:28; 93:1; 97:1; 99:1; Dan 7:14; Sak 14:9; Rev 11:15\x*   
\q1
\v 7 !Ma rihesi xir e ripet rat hisen!  
\q2 Rimes ngan xa minehinen te xeihen nan mahulong.  
\q1 Rimesi vengan xa melengien te tetelien na ngan xa nggoni sulut sipsip di bemei,  
\q2 e atou nan misak mesen xi ven.   
\q1
\v 8 Mi atou nan, lasa eising hos tei xa mieh e minehin vengan memese mak mu.” \x + \xo 19:8 \xt Aes 61:10\x*  
\m (Eising ak be sexien hos xil na moletin xil na Hi.)   
\p
\v 9 Di, masxaxa biteni minou bit, “Utis sepinien ak: Tuxolxatien na Hi iti mi ngan xil xa lasilasil ni xil tengan lave anien te tetelien na ngan xa nggoni sulut sipsip.” E masxaxa bit rilomun ni minou bit, “Ngan ak be sepinien te reitinen na Hi.” \x + \xo 19:9 \xt Mat 22:2-3; Luk 14:15\x*   
\p
\v 10 Melele xa biteni mak inou natingeiril e namot nabe tan visal len. E xi biteni minou bit, “!Onapol ni ti namak! Inou mun nabe ngan xa di napol mi Hi nggoni xouk e nggoni tumali xil xa lake reitin e sepinien usil Iesu. !Umot mi Hi kestang! Vengan reitinen usil Iesu be vatite te sepinien xa provet xil latehit lelen ni texo Ninin na Hi.” \x + \xo 19:10 \xt Pol 10:25-26; Rev 22:8-9\x*   
\s1 Ngan xa miloh e hos xa mieh bemei e bas tan ni moletin tesa xil  
\p
\v 11 Di, napus puiteh te ut nesao misaha, e natemanin xa napus hos tei xa mieh di mistal nggo en. E ngan xa di miloh en be xi xa lakesi ni ‘Reitinen e Vatit Nenesien.’ Del sexien xa momal, xi di milepis rin na moletin xil, e di bae del elu nan xil. \x + \xo 19:11 \xt Esek 1:1; Rev 4:1; Sak 1:8; 6:3,6; Rev 6:2; 1:5; 3:14; Sam 96:13; 11:4\x*  
\v 12 Meten minehin nggoni upang, e vatluvoluv te lelaxatien holu di e vatin. Ladis his tei xa eilep pupu da en xa mosav xil latakil ti, xi kestang mikil koute teni. \x + \xo 19:12 \xt Dan 10:6; Rev 1:14; 2:17-18\x*  
\v 13 E hisen teimun be ‘Vatit Sepinien na Hi.’ E ra ba xat rin xil vus te eising te mieh xa mising ni. \x + \xo 19:13 \xt Aes 63:1-3; Sion 1:1,14\x*  
\v 14 Moletin xil te vaeen te ut nesao langgusili. Xil mun di laloh e hos xil xa lamieh e lasing ni eising xa mieh xa memese kuhi.  
\v 15 Tiei xa mikan mistal nggo vulongen, e di bas tan vuol ni moletin tesa xil e kantri xil dela. Lelaxatien nan ixeih e ileh viton moletin tesa xil tengan ihu lelen xil e ipisen ni xa ekaten na Hi te Xeihen mahulong ba xat xil ve sexien tesa nae xil. Ipol ni mi xil ixoni melele xa labekis huit grep xil tengan sute valeh vaxo en. \x + \xo 19:15 \xt Aes 49:2; Rev 1:16; 2:12,16; Sam 2:9; Rev 12:5; Aes 63:3; Tang 1:15; Soel 3:13; Rev 14:20; Amos 3:13; 4:13; Rev 1:8; 4:8; 11:17; 15:3; 16:7,14; 19:6; 21:22\x*  
\v 16 Latetis his tei tete eising nan xa teviei e tete marlen mun xa tehit, “Ngan ak Suv Toto na suv toto sav xil, e Vat na vat sav xil.” \x + \xo 19:16 \xt Dut 10:17; Dan 2:47; 1Tim 6:15; Rev 17:14\x*   
\p
\v 17 Di, napus \w masxaxa\w* tei xa di misoh de meteneai. Xi mikei nggeih ba ni tuman xil vus xa di langga e tilang hat bit, “!Mumei! !Mumei vituei ve anien xa eilep na Hi! \x + \xo 19:17 \xt Esek 39:17-20\x*  
\v 18 Mumei e mua tiei na suv toto xil, na vat xil te vaeen, na moletin te vaeen nae xil, na hos xil e na moletin xil mun xa di laloh en. Mumei e mua tiei na moletin xil vus ak: ngan xil xa vexil memase ba duxoh ngan xil xa labe slev, ngan xil xa latellep ba duxoh ngan xil xa latereli.”   
\p
\v 19 Di, napus vongoro tesa xa testal ra tas tetiamu, xi bemei vituei del suv toto xil te ut etan, e del moletin te vaeen nae xil mun. Xil lamei vituei tengan lavae vatel Iesu xa di miloh e hos nan e vatel moletin nan xil mun. \x + \xo 19:19 \xt Sam 2:2\x*  
\v 20 Xi dal xat vongoro tesa del \w provet\w* te luvosen nan xa tepol ni merekel xil pe met vongoro ak. Del merekel nae lateluvos ngan xil xa latehur simeleleen na vongoro e ngan xil mun xa latemot mi nanao nan. Iesu miso te meul ni xalu lube upang xa eilep xa di pili vehakut nggoni vulut upang te venu. \x + \xo 19:20 \xt Rev 13:7,12-17; 14:9,11; 16:2; 20:4,10,15; Aes 30:33\x*  
\v 21 Di, Iesu, xa miloh e hos nan, bas vin moletin te vaeen xil vus na vongoro ak del tiei xa mistal nggo vulongen. E tuman xil lamei langga vin xil ni tiei na moletin xil ak.\x + \xo 19:21 \xt Esek 39:17,20\x*   
\c 20  
\s1 Moletin xil na Hi lalaxat ut etan huram taosen tei (1000)  
\p
\v 1 Di, napus \w masxaxa\w* tei bemei nggo ut nesao, e xi nggur xat ki te Vangavul xa hoxalite teni tovuol de hen del sen tei xa meas e eilep pupu.  
\v 2 \x + \xo 20:2 \xt Sen 3:1\x*Xi dal xat \w Dragon\w* xa eilep, tetal tetiamu xa lakesi ni \w Temat\w* mu \w Setan\w*, e bar xati ni sen ak da duxoh huram taosen tei (1000). \x + \xo 20:2 \xt Rev 12:9\x*  
\v 3 Reitin, masxaxa miso ni be vangavul ak, mikoe xol puiteh teni, e milok xole nggeih. Pol ni mak tengan Temat misakras mun valuvos moletin xil te kantri xil ituxoh melele xa huram taosen tei (1000) mei itavi. E itutou ni huram xil ak, Hi imaen ni ha ven imase rilomun ihe vuteili tang. \x + \xo 20:3 \xt 2Pit 2:4; Siud 1:6\x*   
\p
\v 4 Di, napus moletin xil ladotan ladi e von xeihen nae xil e Hi maen xil lalepis rin na moletin xil. Napus ngan xil mun xa, tetiamu, lateta xoteh vatixil vengan xa latehithiten reitinen usil Iesu e sepinien na Hi. Reitin, ngan xil ak latnamot ti mi vongoro tesa mu nanao nan, e latnahur ti simeleleen nan tenati e valnaoxil mu e hexil. Napus ngan xil ak lamea rilomun ra maten e lameul lalaxat ut etan nggoni suv toto xil del Iesu Kristo huram taosen tei (1000). \x + \xo 20:4 \xt Dan 7:9,22,27; Luk 22:30; 1Kor 6:2; Rev 13:17; 14:9,11; 16:2; 19:20\x*  
\v 5 Ngan ak be mea rilomunen xa diamu. Moletin sav xil xa lalel limea rilomun itutou e melele xa huram taosen tei (1000) mei itavi.  
\v 6 \x + \xo 20:6 \xt Rev 20:14; 21:8\x*Tuxolxatien na Hi iti mi ngan xil xa Hi bosei xil tengan limea ra maten e mea rilomunen xa diamu, e xil linamat ti mun e maten xa be lu nen xa be te nousav. Xil lihe \w pris\w* eo xil na Hi e na Iesu Kristo, e lilaxat rute xil vus itel Iesu huram taosen tei (1000). \x + \xo 20:6 \xt Eks 19:6; Aes 61:6; 1Pit 2:5,9; Rev 1:6; 5:10\x*   
\s1 Laso Temat be Von Upang  
\p
\v 7 Melele xa huram taosen tei (1000) mei itavi, Hi imaen Temat ha ven imase ra nim te xeih nan.  
\v 8 E xi iha iluvos moletin xil te kantri xil iha ituxoh rin xil vus te ut etan, e likes xil ixo vole tei lihit langgoni Gog e Magog tetiamu. Temat ileh viton xil limei e rute tei takes tengan livae e rin nan, e xil mei lihe holu xa holu pupu ixoni suvien xil te tas xil vus te ut etan. \x + \xo 20:8 \xt Esek 7:2; 38:2\x*  
\v 9 Xil mei likakao xol ut xil vus e ti likapis xol rute xa moletin xil na Hi di lapol ni horao mae xil en e likapis xol Serusalem, taon xa eheien nan di en. E Hi isak ni upang ixo ut nesao e ia len xil. \x + \xo 20:9 \xt 2King 1:10; Esek 38:22; 39:6\x*  
\v 10 Ti, Temat xa di muluvos xil, Hi isak ni liso ni ihe Upang xa eilep xa nggoni upang te venu, rute xa lateso vongoro e \w provet\w* te luvosen nan luteha en ngamu. E rute ak, upang ia xil melengien e vongien, e lilong pangas xil vehakut xa vehakut tang. \x + \xo 20:10 \xt Aes 30:33; Rev 19:20; 20:15; Sen 19:24; Sam 11:6; Esek 38:22; Rev 21:8\x*   
\s1 Melengien te lepisien bemei  
\p
\v 11 \x + \xo 20:11 \xt Dan 7:9-10; Mat 25:31-46\x*Di, napus von xeihen te mieh tei xa eilep, e napus ngan xa dotan en. Ut etan e tilang hat nesao lulesae relingi, e lube tovuol mun vari. \x + \xo 20:11 \xt Sam 114:3,7\x*  
\v 12 E napus moletin xil vus xa lalel ngamu mei lasoh sangas ni von xeihen ak, ngan xil xa latellep ba duxoh ngan xil xa latereli. Di, napusi xa lalang vanuvei xil xa ladis xat sexien xil vus na moletin xil kekes di en.\x + \xo 20:12 \xt Sam 28:4; 62:12; Pro 24:12; Aes 59:18; Ser 17:10; Rom 2:6; 1Kor 3:8; 2Kor 11:15; 2Tim 4:14; 1Pit 1:17; Rev 2:23; 18:6; 22:12\x* E lalang vanuvei teimun, Vanuvei te Meulien, xa ladis xat his moletin xil en xa lihur meulien sal.\x + \xo 20:12 \xt Eks 32:32,33; Sam 69:28; Dan 12:1; Plp 4:3; Rev 3:5; 13:8; 17:8; 20:15; 21:27\x* Di, Hi milepis rin na ngan xil xa latemat nggusil sexien nae xil xa latetis xati teti en, e misa naha xa momal mi xil kekes.  
\v 13 Tas misa rat ngan xil xa lalel en. E maten e Hedis, xalu mun lusa rat ngan xil xa lalel ladi e xalu. Reitin, ngan xil vus xa lamat, Hi milepis rin nae nggusil naha xa xil latepol ni. \x + \xo 20:13 \xt Rev 1:18\x*  
\v 14 Di, Maten e Hedis, Hi misak ni laso xalu lube Upang xa be maten xa be lu nen xa be te nousav. \x + \xo 20:14 \xt 1Kor 15:26,55\x*  
\v 15 Melele xa labuli Vanuvei te Meulien xa latetis xat his moletin xil xa lihur meulien sal teti en, ngan xil xa latakamet his nae ti vati en, laso xil labe Upang nen ak.\x + \xo 20:15 \xt Aes 30:33; Mat 25:41; Rev 19:20; 20:10; 21:8; Eks 32:32,33; Sam 69:28; Dan 12:1; Plp 4:3; Rev 3:5; 13:8; 17:8; 20:12; 21:27\x*   
\c 21  
\s1 Ut etan e tilang hat mei lube neta hu  
\p
\v 1 Di, napusi xa ut etan e tilang hat mei lube neta hu, e ut etan e tilang hat tetiamu lutekesae, e tas tovuol mun. \x + \xo 21:1 \xt Aes 65:17; 66:22; 2Pit 3:13\x*  
\v 2 E napusi xa taon te hal \w Serusalem\w* mun mei be neta hu. Reitin, taon eo ak mei mistal nggo visal Hi e ut nesao, e bemei etan. Taon ak bos xa bos e napusi nggoni atou xa mising bos pupu ve tetelien nan tengan vaha vapus tiramue nan. \x + \xo 21:2 \xt Aes 52:1; Rev 3:12; Aes 61:10; Hib 11:10,16\x*  
\v 3 Di, nalong rae tei xa nggeih misepin nggo von xeihen na Hi bit,  
\q1 “!Xosali, tim sa Hi  
\q2 de vis moletin xil te ut etan!  
\q1 Xi ite visal xil,  
\q2 e xil lihe moletin nan xil.  
\q1 Hi vari iaxa iti mi xil,  
\q2 e ihe Hi nae.\x + \xo 21:3 \xt Lev 26:11-12; 2Kron 6:18; Esek 37:27; Sak 2:10; 2Kor 6:16\x*   
\q1
\v 4 Xi isihi simetexil ra metexil. \x + \xo 21:4 \xt Aes 25:8; Rev 7:17\x*  
\q2 Maten e tangen ihe tovuol,  
\q2 isien e longpangasien ivus vari.  
\q1 Vengan sexien xil tetiamu te longpangasien e maten,  
\q2 linapus ti mun.”\x + \xo 21:4 \xt Aes 35:10; 65:19\x*   
\p
\v 5 Di, ngan xa dotan de von xeihen xa eilep biteni bit, “Mupusi. Xosali, di napol ni holesok xil mei be neta hu.” Di, xi biteni mun minou bit, “Utis sepinien ak, vengan xa sepinien xil ak be reitin e moletin xil likila liling nenesien nae iti en.” \x + \xo 21:5 \xt 1King 22:19; 2Kron 18:18; Sam 47:8; Aes 6:1; Esek 1:26-27; Rev 4:2,9; 5:1,7,13; 6:16; 7:10,15; 19:4; 2Kor 5:17\x*  
\v 6 E xi biteni bit, “!Bus tuei, napol vuol ni naha xa nateling xati! E holesok xil vus xa di, inou nateta tetiamu ni e ha nita itutou ni. Reitin, inou nabe vatite teni, e nihe hoxalite teni mun. Mi ngan xil xa meruru nggat xil, inou nisa oei ixo vangoei te meulien sal mi xil ixoni sanien tang tengan limu ni. \x + \xo 21:6 \xt Rev 1:8; 22:13; Aes 44:6; 48:12; Rev 1:17; 22:13; Aes 55:1; Sion 7:37; Rev 22:17; Sam 36:9; Ser 2:13\x*  
\v 7 Ngan xil xa latesoh texeih e vaeen te neketen, xil lihur holesok xil ak ra nou tengan ihe nae vehakut. E inou nihe Hi nae e xil lihe horamue navan xil. \x + \xo 21:7 \xt 2Saml 7:14\x*  
\v 8 E rin na ngan xil xa labe vat ulikanen, ngan xil xa labiles ra Iesu, ngan xil xa langgusil sexien xil te ut etan, ngan xil xa labas vin moletin, ngan xil xa lapol ni sexien te hoeasoen xil, ngan xil xa lapol ni eimas, ngan xil xa lamot mi nanao xil, e ngan xil xa labe vat luvosen xil; ngan xil vus ak lihe Upang xa di pili vehakut nggoni upang te venu. Ngan ak be maten xa be lu nen xa ita vehakut tang.” \x + \xo 21:8 \xt Aes 30:33; Mat 25:41; Rev 19:20; 20:10,15; Sen 19:24; Sam 11:6; Esek 38:22; Rev 19:20\x*   
\s1 Serusalem mei be neta hu e bemei e ut etan  
\p
\v 9 Di, napus tei e \w masxaxa\w* lu e he sav (7) xa latepo xat pesin lu e he sav (7) te longpangasien kor xil. Xi bemei e biteni minou bit, “Amei, e nipisen ni minuk atou xa iteli itel ngan xa nggoni sulut sipsip.”  
\v 10 Di, \w Ninin\w* na Hi mei mise xat inou e masxaxa nggur nou mabe nesao e hu tei xa mahulong. E rute ak, xi pisen Serusalem hu minou xa be taon eo na Hi. E napusi xa nggo visal Hi e ut nesao e di bemei e ut etan. \x + \xo 21:10 \xt Esek 40:2\x*  
\v 11 Minehinen te xeihen na Hi di en. Reitin, napus minehinen teni nggoni hat hos tei xa laet di mileluv en, nggoni saspa xa mexal nggoni kilas. \x + \xo 21:11 \xt Aes 60:1,2,19\x*  
\v 12 Vioh te taon eilep pupu e teviei be nesao. Puiteh teni xil labe lu e le tei (12) e masxaxa lu e le tei (12) laketeh xol xil. Nesao e puiteh xil ak ladis his vatimol lu e le tei (12) na mol‑Isrel xil di en. \x + \xo 21:12 \xt Eks 28:21; Esek 48:30-35\x*  
\v 13 Puiteh tol ladi e rin xil vus: tol e rin xa be ist, tol e rin xa be saot, tol e rin xa be not, e tol e rin xa be wes.  
\v 14 Vioh te taon ak, vatite teni be hat xil xa mahulong lu e le tei (12), e ladis his \w eloheoh\w* lu e le tei (12) na ngan xa nggoni sulut sipsip di e xil.   
\p
\v 15 Masxaxa xa misepin minou nggur liei tei xa be gol xa mikila ivuli mita xil ni. Ma napusi xa xi ba e buli mita xil te taon ak, del mita te puiteh e vioh xil mun teni. \x + \xo 21:15 \xt Esek 40:3,5\x*  
\v 16 Taon ak, rin xil vus teni pipin, e pipin mun ni ngan xa teviei be nesao. Melele xa masxaxa buli, mikameti xa teviei teni be stedia\f + \fr 21:16 \ft Stedia tei nggoni teviei te stadium xa eilep te futbol. E 12,000 stedia pipin ni 2,400 kilomita.\f* taosen lu e le tei (12,000). \x + \xo 21:16 \xt Esek 48:16,17\x*  
\v 17 Di, masxaxa buli mita te vioh teni e mikameti xa ien duxoh kiubit\f + \fr 21:17 \ft Kiubit tei nggoni teviei te huhen ba duxoh vakuhen. E 144 kiubit pipin ni 60 mita.\f* handred tei hanutap lu e hat mun (144). Melele xa masxaxa buli mita te holesok nen xil ak, xi di nggusil sexien te pupuluen na moletin xil te ut etan.  
\v 18 Vioh te taon ak, lapol ni ni hat hos xa minehin kuhi, ngan xa lakesi ni saspa. E taon xati, lapol ni ni gol xa memese xa minehin kuhi nggoni kilas e melele xa eai di mileluv en.  
\v 19 Vatit vioh te taon ak, lapol ni ni hisit hat hos xil holu: ngan xa diamu (1) be saspa, ngan xa be lu (2) nen be safaea, e ngan xa be tol (3) e xil be akat. E nesao nen, ngan xa be hat (4) e xil be emeral. \x + \xo 21:19 \xt Aes 54:11-12\x*  
\v 20 Ngan xa be lim (5) e xil be onikis, e ngan xa be tei e he sav (6) e xil be kanilian. Di, ngan xa be lu e he sav (7) e xil be krisolaet, ngan xa be tol he sav (8) e xil be beril, e ngan xa be hat he sav (9) e xil be topas. E nesao nen, ngan xa be he xalu (10) e xil be krisopres, ngan xa tei e le tei (11) e xil be takoes, e ngan xa be lu e le tei (12) e xil be ametis.  
\v 21 Puiteh lu e le tei (12) lapol kekes ni xil ni valit vatiei hos te tas tei, ngan xa mahulong e minehin pupu. E suse xil te taon be gol xa memese kuhi e di minehin kuhi nggoni kilas xa mexal.   
\p
\v 22 E melele xa naketeh mikapis e taon ak, natapus ti \w Nim Eo\w* tova vata en, vengan xa Hi Suv te Xeihen e ngan xa nggoni sulut sipsip ludi e mesal, e moletin xil lakila lamot mi xalu e rute xil vus teni. \x + \xo 21:22 \xt Amos 3:13; 4:13; Rev 1:8; 4:8; 11:17; 15:3; 16:7,14; 19:6,15\x*  
\v 23 Taon ak, minehinen te xeihen na Hi kestang di mileluv en, e ngan xa nggoni sulut sipsip iaxa be miehen teni. Mak, ma moletin xil xa ladi en latanem pupu ni ti meteneai mu aveti. \x + \xo 21:23 \xt Aes 60:19-20; Rev 22:5\x*   
\p
\v 24 Moletin xil te ut etan ti likakao e miehen nalu. E suv toto xil ti lileh holesok hos nae xil liha e taon ak tengan ti lisa ni mi Hi e ngan xa nggoni sulut sipsip. \x + \xo 21:24 \xt Aes 60:3,5\x*  
\v 25 Puiteh xil te taon ak lisaha vehakut. Linakoe xol xil ti vatova, vengan xa vongien ihe tovuol en. \x + \xo 21:25 \xt Aes 60:11; Sak 14:7; Rev 22:5\x*  
\v 26 Moletin xil te ut etan lileh holesok hos nae xil liha en tengan lisa ni mi Hi e mi ngan xa nggoni sulut sipsip. \x + \xo 21:26 \xt Sam 72:10-11\x*  
\v 27 E ngan xil xa lapol misa, laluvos, mu lapol ni holesok xil xa tamal ti mu tamese ti, xil lasakras lava en vengan xa vonexil ihe tovuol en. Vengan taon ak be na ngan xil kestang xa latetis hisexil teti e Vanuvei te Meulien na ngan xa nggoni sulut sipsip. E xil kestang lakila liha en e liti e taon ak. \x + \xo 21:27 \xt Aes 52:1; 1Kor 6:9-10; 2Pit 3:13; Rev 22:15; Eks 32:32,33; Sam 69:28; Dan 12:1; Plp 4:3; Rev 3:5; 13:8; 17:8; 20:12,15\x*   
\c 22  
\s1 Oei te meulien  
\p
\v 1 Di, masxaxa pisen ni minou oeisal xa oei te meulien di mileh en. Napusi xa mexal e minehin nggoni kilas xa eai di mileluv en, e di mileh nggo pe von xeihen xa be na Hi e na ngan xa nggoni sulut sipsip. \x + \xo 22:1 \xt Esek 47:1; Soel 3:18; Sak 14:8\x*  
\v 2 Oeisal ak mileh e hilaep te suse xa mahulong te taon ak. E seri oei xalu vus, vatiei xil lameul en xa huite xil teni di lasa meulien sal. Xil di laso huite e aveti lu e le tei (12) xil vus te huram xil vus. E ute xil mikila vatal rat mesien ra ngan xil xa langgo kantri xil vus. \x + \xo 22:2 \xt Sen 2:9; 3:22; Esek 47:12\x*  
\v 3 E rute ak, halesil te tesaen napangei ti mun holesok xil xa ladi en. \x + \xo 22:3 \xt Sak 14:11\x*  
\p Von xeihen xa be na Hi e na ngan xa nggoni sulut sipsip iti e taon ak, e moletin te polien nan xil limot mini.  
\v 4 Xil lipus valnaon e simeleleen xa hisen da en ite valnaoxil. \x + \xo 22:4 \xt Sam 17:15; 42:2; Mat 5:8; Rev 3:12\x*  
\v 5 Vongien ihe tovuol, e moletin xil linanem ni ti mun usil laet mu eai, vengan xa Hi Suv ihe miehen nae. E ti lilaxat ut xil vus ixoni suv toto xil vehakut xa vehakut tang. \x + \xo 22:5 \xt Sak 14:7; Rev 21:25; Aes 60:19-20; Rev 21:23; Dan 7:18,27; Rev 5:10; 20:6\x*   
\s1 Mei rilomunen na Iesu  
\p
\v 6 Di, \w masxaxa\w* biteni minou bit, “Sepinien xil ak be reitin e moletin xil likila liling nenesien nae iti en. Hi Suv xa misa Ninin nan mi \w provet\w* xil, xi di misil masxaxa nan xil tengan lipisen ni mi moletin te polien nan xil neta xa mei istal navehi ti.” \x + \xo 22:6 \xt Dan 2:28,29,45; Rev 1:1,19\x*   
\p
\v 7 Di, Iesu bit, “!Muteong kuhi! Nave nousav ti, inou nimei. E tuxolxatien na Hi iti mi ngan xil xa lalong xat sepinien xa di nabit lelen ni nggo vanuvei ak usil naha xa mei istal.” \x + \xo 22:7 \xt Rev 2:16; 3:11; 22:12,20\x*   
\p
\v 8 Inou, Sion, iaxa nalonge e napus holesok xil vus ak. E melele xa nalonge e napusi bus, natingeiril e namot pe le masxaxa xa pisen holesok xil ak minou. \x + \xo 22:8 \xt Pol 10:25-26; Rev 19:10\x*  
\v 9 E xi biteni minou bit, “!Onapol ni ti namak! Vengan inou mun nabe ngan te polien na Hi nggoni xouk, nggoni tua namim xil xa labe provet xil, e nggoni ngan xil vus xa di lalong xat sepinien xa di e vanuvei ak. !Momal tengan umot mi Hi kestang!”   
\p
\v 10 Xi biteni mun minou bit, “Onasoson sepinien xil ti xa di e vanuvei ak usil naha xa ti imei vengan melengien bemei sangas tengan holesok xil ak mei istal ihe reitin. \x + \xo 22:10 \xt Dan 12:4; Rev 1:3\x*  
\v 11 Mak, ma ngan xil xa di lapol misa e sexien nae xil mikavui, lakila liti ni ngan taxa ti lipol ni holesok xil xa misa e mikavui. E ngan xil xa di lapol momal e meulien nae be eo, lakila litit ni ngan taxa ti lipol ni holesok xil xa momal e be eo.”   
\p
\v 12 Di, Iesu bit, “!Muteong kuhi! Nave nousav ti inou nimei. E mei nisa xolesi mi moletin xil kekes ihusil naha xa xi tepol ni. \x + \xo 22:12 \xt Rev 2:16; 3:11; 22:7,20; Aes 40:10; 62:11; Sam 28:4; 62:12; Pro 24:12; Aes 59:18; Ser 17:10; Rom 2:6; 1Kor 3:8; 2Kor 11:15; 2Tim 4:14; 1Pit 1:17; Rev 2:23; 18:6; 20:13,14\x*  
\v 13 E holesok xil vus xa di, inou nateta tetiamu ni e ha nita itutou ni. Reitin, inou natehe vatite teni, e nihe hoxalite teni mun.” \x + \xo 22:13 \xt Rev 1:8; 21:6; Aes 44:6; 48:12; Rev 1:17; 2:8; 21:6\x*   
\p
\v 14 Tuxolxatien na Hi iti mi ngan xil xa meulien nae memese tevi nggoni ngan taxa lakas moten eising nae. Hi imaen xil tengan mei lia huit vatiei xa di misa meulien sal. E xi imaen xil limei e vangit taon nan lixo puiteh teni tengan mei liti en vehakut. \x + \xo 22:14 \xt Sen 2:9; 3:22; Esek 47:12; Rev 22:2,19\x*  
\v 15 E hale te taon ak, ngan xil xa di langgusil sexien xil te ut etan lati nga: ngan xil xa di lapol ni eimas, ngan xil xa di lapol ni sexien te hoeasoen, ngan xil xa labas vin moletin, ngan xil xa lamot mi hi sav xil, e ngan xil xa labe vat luvosen. \x + \xo 22:15 \xt 1Kor 6:9-10; Rev 21:8,27\x*   
\p
\v 16 “Inou, Iesu xa nasa masxaxa navan tengan vahit mesen holesok xil ak minuk tengan uhit mesen ni iha mi sias xil vus. Inou iaxa nabe ngan xa provet xil latehit lelen ni latehit nimei nixo vatimol na suv toto \w Deved\w* e nihur xeihen te lelaxatien nan. \x + \xo 22:16 \xt Aes 11:1,10; Rom 1:3; Rev 5:5\x* Inou nabe Melan, hitu te makoe xa latehit lelen ni xa imei.” \x + \xo 22:16 \xt Nam 24:17; Rev 2:28\x*   
\p
\v 17 \w Ninin\w* na Hi e atou na ngan xa nggoni sulut sipsip di lukesi lubit, “!Amei!” \x + \xo 22:17 \xt Aes 55:1; Sion 7:37; Rev 21:6\x*  
\p E xamim vus xa di mulong sepinien xil ak, ti mukesi muhit, “!Amei!”  
\p E mi xamim xa meruru di nggat xamim, xamim mumei. Io, mumei e mumu oei xa isa meulien sal mi xamim, vengan xa be sanien tei mi ngan xil vus xa iexil bei tengan lavuri.   
\s1 Sepinien kor  
\p
\v 18 Inou, Sion, di nasa selxatien tei xa nggeih mi xamim vus xa di mulong sepinien xil xa di vanuvei ak xa bit lelen ni usil naha xa ti imei. Xosxa moletin tova iling xat sepinien tova mun isorin ngan ak, ma Hi iling xat pangasien xil liti en ixoni ngan xa latesep usili e vanuvei ak. \x + \xo 22:18 \xt Dut 4:2; 12:32\x*  
\v 19 E xosxa moletin tova ihur rat sepinien tova ihe reling vanuvei ak, ma Hi ihur rat voninen e ut nesao tengan naxa ti mun huit vatiei xa di misa meulien sal, e nava ti mun Taon Eo na Hi xa latesep usili e vanuvei ak. \x + \xo 22:19 \xt Sen 2:9; 3:22; Esek 47:12; Rev 22:2,14\x*   
\p
\v 20 Ngan xa di bit lelen sepinien ak biteni bit, “!Reitin, nave nousav ti, inou nimei!” \x + \xo 22:20 \xt Rev 2:16; 3:11; 22:7,12\x*  
\p !Io li, amei Suv Iesu!   
\p
\v 21 Nasis tengan eheien hos na Suv Iesu iti mi xamim vus xa mube moletin nan xil. Reitin.