\id TIT - Tucano (Colombia edition) NT+ [tuoC] -Colombia 2015 (DBL 2015) 
\h TITO 
\toc1 Pablo Titore ojáca pũrĩ niꞌi 
\toc2 Tito 
\toc3 Tit 
\mt1 Pablo Titore ojáca pũrĩ niꞌi  
\is1 Aꞌti pũrĩ aꞌtiro weero ojanoꞌpã nise niꞌi  
\ip Pablo Tito wãmetigʉre ojacʉ niwĩ. Tito judío masʉ̃ mejẽta nicʉ niwĩ. Pablo Titoreta Creta nʉcʉ̃rõpʉ Jesucristo ye quetire añurõ buꞌeyapatituꞌajadutigʉ cũucʉ niwĩ. Tojo nicã Jesucristore ẽjõpeori curuacjãrã sãjãcã weedutigʉ cũucʉ niwĩ. Aꞌti pũrĩrẽ cʉ̃rẽ buꞌenemogʉ̃ cʉ̃ daꞌrasere masĩato nígʉ̃ wãcũtutuacã weenemogʉ̃ ojacʉ niwĩ.  
\c 1  
\s1 Pablo Titore ojaꞌque niꞌi  
\p
\v 1 Yʉꞌʉ Pablo Õꞌacʉ̃rẽ daꞌracoꞌtegʉ Jesucristo besecṹúꞌcʉ niꞌi. Cʉ̃, cʉ̃ ye quetire weredutigʉ cũuwĩ. Õꞌacʉ̃ cʉ̃ beseꞌcãrãrẽ añurõ ẽjõpeocã ʉasãgʉ̃ yʉꞌʉre cũuwĩ. Tojo nicã narẽ Õꞌacʉ̃ ye, diacjʉ̃ cjasere masĩdutigʉ cũuwĩ. Queoro Õꞌacʉ̃ ʉaronojõ weedutigʉ tojo cũuwĩ.  
\v 2 Apeyere, narẽ Õꞌacʉ̃ tiropʉ catinuꞌcũatjere eꞌcatiyudutigʉ cũuwĩ. Õꞌacʉ̃ nisootimi. Cʉ̃ aꞌti turi weese dʉporo “Catise peꞌtitiatjere oꞌogʉti”, nitojacʉ niwĩ.  
\v 3 Niꞌcãrõacãrẽ cʉ̃ “Tojo weegʉti” nícatero ejaꞌa. Tojo weegʉ cʉ̃ ye quetire weresijase meꞌrã “Cʉ̃ tojo weegʉti” níꞌquere masãrẽ masĩcã weemi. Õꞌacʉ̃ marĩrẽ yʉꞌrʉogʉ cʉ̃ dutiro meꞌrã yʉꞌʉre te quetire weredutiwĩ.   
\p
\v 4 Tito, mʉꞌʉ yʉꞌʉ macʉ̃ weronojõ niꞌi. Marĩ niꞌcãrõnojõ ẽjõpeose cʉoꞌo. Mʉꞌʉrẽ aꞌti pũrĩrẽ ojaꞌa. Õꞌacʉ̃ marĩ pacʉ, tojo nicã Jesucristo marĩ ñaꞌarõ weeꞌquere yʉꞌrʉogʉ añurõ weeato mʉꞌʉrẽ. Pajañaꞌto. Mʉꞌʉrẽ ejerisãjãcã weeato.   
\s1 Pablo Titore buꞌedutiꞌque niꞌi  
\p
\v 5 Mʉꞌʉrẽ Creta wãmetiri nʉcʉ̃rõpʉ cũuwãꞌcãtiwʉ. Yʉꞌʉ weepeꞌotiꞌquere tuꞌajanʉꞌcõdutigʉ tojo weewʉ. Tojo nicã yʉꞌʉ nírõnojõta topʉ nise macãrĩrẽ, te macãrĩnʉcʉ̃ Jesucristore ẽjõpeori curuacjãrãrẽ sʉꞌori wejepeoajãrẽ sõrõdutiwʉ. Aꞌtiro niwʉ̃:  
\v 6 “Sʉꞌori wejepeorã aꞌtiro nisetirãrẽ sõrõña. ‘Náta ñaꞌarã nima’ ninoꞌña marĩrãnojõrẽ sõrõña. Na niꞌcãrẽrã numiata nʉmotiato. Na põꞌrã quẽꞌrã Jesucristore ẽjõpeorãta niato. ‘Na noꞌo ʉaro ñaꞌarõ weema’ ninoꞌrã niticãꞌto. Tojo nicã yʉꞌrʉnʉꞌcãsepijarã niticãꞌto”, niwʉ̃.  
\v 7 Niꞌcʉ̃ Jesucristore ẽjõpeori curuacjãrãrẽ sʉꞌori wejepeogʉ Õꞌacʉ̃ ye cjasere coꞌtegʉ nimi. Tojo weegʉ “Cʉ̃́ta ñaꞌagʉ̃ nimi” ninoꞌña marĩgʉ̃nojõ niato. Cʉ̃ ʉaro diaꞌcʉ̃ dutigʉnojõ, uamʉñagʉ̃nojõ niticãꞌto. Tojo nicã queꞌagʉ, cumucabʉcʉ noꞌo ñaꞌarõ weese meꞌrã niyeru wapataꞌasĩꞌrĩgʉ̃nojõ niticãꞌto.  
\v 8 Aꞌtiro peꞌe niato. Sijari masã cʉ̃ ya wiꞌipʉ waꞌacã, añurõ põtẽrĩgʉ̃nojõ niato. Añusere weegʉnojõ niato. Tojo nicã añurõ wãcũyu weesetigʉnojõ, ãpẽrãrẽ queoro weegʉnojõ niato. Õꞌacʉ̃ ʉaro diaꞌcʉ̃ weegʉ́ niato. Queoro weesetigʉnojõ niato.  
\v 9 Õꞌacʉ̃ yere, diacjʉ̃ cjase cʉ̃rẽ buꞌeꞌquere weenuꞌcũcãꞌto. Tojo weegʉ ãpẽrã quẽꞌrãrẽ Jesucristo ye queti queoro buꞌese meꞌrã narẽ wãcũtutuacã weemasĩsami. Ãpẽrã peꞌere te buꞌesere mejẽcã ucũrãrẽ queoro wãcũcã weemasĩsami.   
\p
\v 10 Aꞌtiro niꞌi. Pãjãrã Õꞌacʉ̃rẽ yʉꞌrʉnʉꞌcãrã nima. Na noꞌo ʉaro ucũmaꞌa, masãrẽ mejẽcã ẽjõpeocã weema. Judío masãta tojo weeyʉꞌrʉnʉꞌcãma.  
\v 11 Na niyeru wapataꞌamaꞌasĩꞌrĩrã, noꞌo ʉaro buꞌemaꞌacãꞌsama. Na buꞌese meꞌrã pãjãrã niꞌcʉ̃ põꞌrã niꞌcã wiꞌicjãrãrẽ dojorẽpeꞌocãꞌsama. Tojo weerãrẽ na buꞌesere cãꞌmotaꞌaya.   
\p
\v 12 Dʉporopʉ ti nʉcʉ̃rõ Cretacjʉ̃ ojari masʉ̃ ti diꞌtacjãrãrẽ ojagʉ, aꞌtiro ojacʉ niwĩ: “Aꞌto Cretacjãrã nisoosepijarã nima. Waꞌicʉrã weronojõ tʉꞌomasĩtirã nima. Baꞌawãrĩrã, teesepijarã nima.”  
\v 13 Cʉ̃ narẽ diacjʉ̃ta ojacʉ niwĩ. Tojota nima. Tojo weegʉ tocjãrã Jesucristore ẽjõpeorã ñaꞌarõ weesetirãrẽ tuꞌtiya. Narẽ queoro ẽjõpeodutigʉ tojo weeya.  
\v 14 Judío masã noꞌo ʉaro wãcũboca weremaꞌasere tʉꞌoticãꞌto nígʉ̃ añurõ buꞌeya. Tojo nicã noꞌo na dutimaꞌasere tʉꞌoticãꞌto nígʉ̃ tojo weeya. Na Õꞌacʉ̃ yere, diacjʉ̃ cjasere ʉatima.   
\p
\v 15 Judío masã apeye baꞌasere baꞌadutitisama. “Tere baꞌarã, Õꞌacʉ̃ dutiꞌquere yʉꞌrʉnʉꞌcãrã weeꞌe”, nisama. Tojo niweꞌe. Marĩ nipeꞌtirã buꞌiri marĩrã tʉꞌoñaꞌrã baꞌacã, añu niꞌi. Õꞌacʉ̃rẽ yʉꞌrʉnʉꞌcãrã mejẽta weeꞌe. Ãpẽrã Jesucristore ẽjõpeotirã nipeꞌtisere ñaꞌarõ wãcũsama. Aꞌtiro niꞌi. Na wãcũsepʉta, na tʉꞌoñaꞌsepʉta ñaꞌasãjãcãꞌsama. Tojo weerã na ñaꞌarõ weesere ne bʉjawetitisama.  
\v 16 Na “Õꞌacʉ̃rẽ masĩꞌi”, nimima, nírã. Marĩ peꞌe na weesetisere ĩꞌarã, masĩꞌi. “Na cʉ̃rẽ masĩtisama”, ninoꞌo. Na ñaꞌayʉꞌrʉarã, Õꞌacʉ̃ dutisere yʉꞌrʉnʉꞌcãrã, ne cãꞌrõ añurõ weemasĩtisama.   
\c 2  
\s1 Queoro buꞌedutise niꞌi  
\p
\v 1 Mʉꞌʉ buꞌégʉ, Õꞌacʉ̃ ye cjasere diacjʉ̃ nirṍnojõta buꞌeya.  
\v 2 Aꞌtiro buꞌeya. Bʉcʉrã ʉmʉa wiopesase meꞌrã weesetiato. Na wiopesase meꞌrã ĩꞌanoꞌato. Añurõ wãcũyu weesetirãnojõ niato. Apeyere queoro ẽjõpeoato. Aꞌmerĩ maꞌisetiato. Mejẽcã waꞌacã, nʉꞌcãpoato.  
\v 3 Bʉcʉrã numiarẽ mejãrõta buꞌeya. Õꞌacʉ̃rẽ ẽjõpeorã numia weewʉasenojõrẽ weeato. Ãpẽrãrẽ ñaꞌarõ ucjaticãꞌto. Queꞌaticãꞌto. Nipeꞌtise na añuse weesetise meꞌrã ãpẽrãrẽ queose oꞌoato.  
\v 4 Bʉcʉrãnumia ne marãpʉtirãnumiarẽ aꞌtiro weeato. Na marãpʉsʉmʉarẽ, na põꞌrãrẽ maꞌicã weeato.  
\v 5 Tojo nicã narẽ añurõ wãcũyu weeseticã weeato. Ñaꞌase marĩrõ nicã weeato. Bʉcʉrãnumia na añurõ weese meꞌrã ne marãpʉtirãnumiarẽ na ye wiꞌseripʉ añurõ coꞌtemasĩcã weeato. Maꞌise meꞌrã ãpẽrãrẽ añurõ weecã weeato. Na marãpʉsʉmʉarẽ añurõ yʉꞌticã weeato. Na tojo weecã ĩꞌarã, ne niꞌcʉ̃ Õꞌacʉ̃ ye quetire “Tojo niweꞌe”, nímasĩsome.   
\p
\v 6 Maꞌmapjiare mejãrõta wereya. Narẽ añurõ wãcũyu weesetirã niato nígʉ̃ tojo weeya.  
\v 7 Mʉꞌʉ basuta nipeꞌtise mʉꞌʉ weese meꞌrã nipeꞌtirãrẽ añuse queose oꞌoya. Narẽ buꞌégʉ, nipeꞌtisere nisooro marĩrõ wiopesase meꞌrã buꞌeya.  
\v 8 Queoro ucũña. Mʉꞌʉ tojo weecã, ãpẽrã ne “Tojo niweꞌe”, nisome. Noꞌo mʉꞌʉ buꞌesere ʉatigʉnojõ queoro mʉꞌʉ buꞌecã tʉꞌogʉ, bopoyagʉsami. Marĩ buꞌesere ne ñaꞌarõ ucũsome.   
\p
\v 9 Daꞌracoꞌterãrẽ aꞌtiro werecasaya: “Nipeꞌtise mʉsã wiorã dutisere yʉꞌtiya. Narẽ eꞌcaticã weeya. Yeꞌsuticãꞌña”, niña.  
\v 10 “Mʉsã wiorã yere yajaticãꞌña. Tojo weronojõ oꞌorã, añurõ weese meꞌrã peꞌe narẽ ẽjõpeocã weeya”, niña. Tojo weese meꞌrã ãpẽrã Õꞌacʉ̃ marĩrẽ yʉꞌrʉogʉ ye buꞌesere “Añubutiase niꞌi”, ni ĩꞌarãsama.   
\p
\v 11 Aꞌtiro niꞌi. Õꞌacʉ̃ marĩrẽ maꞌígʉ̃, nipeꞌtirã aꞌti nucũcãcjãrã na ñaꞌarõ weesetiꞌquere yʉꞌrʉosĩꞌrĩgʉ̃, Jesucristore oꞌócʉ niwĩ.  
\v 12-13 Jesucristo marĩ wiogʉ tutuayʉꞌrʉgʉ, marĩrẽ yʉꞌrʉogʉ nimi. Beꞌro cʉ̃ añurõ asistese meꞌrã apaturi aꞌtigʉsami. Aꞌtocatero cʉ̃ aꞌtiatjere yucueri curare Õꞌacʉ̃ marĩrẽ ñaꞌasere, ñaꞌarõ ʉaripejasere duꞌudutimi. Apeyenojõrẽ weeati dʉporo wãcũyutojaca beꞌropʉ weedutimi. Tojo nicã queoro weeseti, añurõ ẽjõpeodutimi.  
\v 14 Jesucristo marĩ ñaꞌarõ weesere yʉꞌrʉweticã wéégʉ, wẽrĩbosacʉ niwĩ. Cʉ̃ marĩrẽ cʉ̃ yarã sãjãdutigʉ, ñaꞌase moorã niato nígʉ̃ tojo weecʉ niwĩ. Marĩrẽ eꞌcatise meꞌrã añurõ weeseticã ʉasami. Tojo weegʉ wẽrĩbosacʉ niwĩ.   
\p
\v 15 Aꞌtereta mʉꞌʉ narẽ buꞌeya. Narẽ wãcũtutuanemocã weeya. Na ñaꞌarõ weesetisere narẽ masĩcã weeya. Mʉꞌʉ ãpẽrãrẽ dutigʉ niyugʉ, tojo weeya. Ne niꞌcʉ̃ mʉꞌʉrẽ tojo ĩꞌacõꞌaticãꞌto.   
\c 3  
\s1 Jesucristore ẽjõpeorã weewʉase niꞌi  
\p
\v 1 Tocjãrã Cretacjãrãrẽ aꞌtiro weedutiya. “Wiorã dutisere yʉꞌtiato. Nipeꞌtise añurõ weesenojõrẽ weeato.  
\v 2 Ne ãpẽrãrẽ ñaꞌarõ ucjaticãꞌto. Ãpẽrã meꞌrã ũrũsãtirãta, narẽ añurõ ucũato. Maꞌise meꞌrã nipeꞌtirãrẽ añurõ weeato”, niña narẽ.   
\p
\v 3 Todʉporopʉre marĩ quẽꞌrã tʉꞌomasĩtirã, Õꞌacʉ̃rẽ yʉꞌrʉnʉꞌcãsepijarã niwʉ̃. Marĩ bajudutiꞌcãrã weronojõ niwʉ̃. Noꞌo ʉaro nipeꞌtisere ʉaripejawʉ. Ñaꞌarõ weenuꞌcũwʉ̃. Nipeꞌtirãrẽ ʉowʉ. Ãpẽrã marĩrẽ yabicã, marĩ quẽꞌrã narẽ yabiaꞌmewʉ̃.  
\v 4-5 Marĩ tojo weesetimicã, Õꞌacʉ̃ cʉ̃ añurõ weesere, cʉ̃ maꞌisere ĩꞌogʉ̃, marĩrẽ yʉꞌrʉowĩ. Marĩ añurõ weesere ĩꞌagʉ̃ mejẽta yʉꞌrʉowĩ. Cʉ̃ pajañaꞌgʉ̃, marĩrẽ yʉꞌrʉowĩ. Apaturi marĩrẽ wĩꞌmarã ne bajuarãrẽ weronojõ weewĩ. Cʉ̃ wẽrĩse meꞌrã marĩ ñaꞌarõ weeꞌquere cõꞌagʉ̃ yʉꞌrʉowĩ. Espíritu Santu marĩrẽ añurã waꞌadutigʉ dʉcayuwĩ.  
\v 6 Jesucristo marĩrẽ yʉꞌrʉoꞌcʉ meꞌrã Õꞌacʉ̃ Espíritu Santu tutuasere marĩrẽ oꞌoyʉꞌrʉnʉꞌcãwĩ.  
\v 7 Õꞌacʉ̃ maꞌígʉ̃ cʉ̃ añurõ weese meꞌrã marĩ ñaꞌarã nimiꞌcãrãrẽ añurã waꞌacã weecʉ niwĩ. Tojo weerã marĩ catinuꞌcũatjere eꞌcatise meꞌrã yucuerã, cʉ̃ “Oꞌogʉti” níꞌquere ñeꞌerãsaꞌa.   
\p
\v 8 Te yʉꞌʉ ucũꞌque diacjʉ̃ warota niꞌi. Mʉꞌʉ tere narẽ buꞌenuꞌcũcã, ʉpʉtʉ ʉasãꞌa. Mʉꞌʉ tojo weecã, Õꞌacʉ̃rẽ ẽjõpeorã añuse diaꞌcʉ̃rẽ weerãsama. Tojo weese añuse niꞌi. Nipeꞌtirãrẽ añurõ waꞌacã weese niꞌi.  
\v 9 Apeye, mejõ waro ucũ, aꞌmetuꞌtimaꞌasere cãꞌmotaꞌaya. Judío masã na dʉꞌpocã́timʉjãtiꞌque ucũmaꞌasere cãꞌmotaꞌaya. Tojo nicã Moisé dutiꞌquere aꞌmerĩ “Tojo niweꞌe” ni ũrũsãsere cãꞌmotaꞌaya. Nipeꞌtise te wapamarĩse, na ucũmaꞌase niꞌi.   
\p
\v 10 Jesucristore ẽjõpeori curuacjãrãrẽ dʉcawaticã weegʉnojõrẽ “Tojo weeticãꞌña”, niña. Mʉꞌʉ niꞌcãti o pʉati werecũmí, mʉsã meꞌrã nigʉ̃rẽ cõꞌawĩrõña.  
\v 11 “Ẽjõpeogʉ nimigʉ̃, dojogʉ weesami. Cʉ̃ buꞌiri daꞌrenoꞌacjʉpʉta nisami”, ni masĩtojaꞌa.   
\s1 Pablo ãpẽrãrẽ weetamudutiꞌque niꞌi  
\p
\v 12 Yʉꞌʉ Artemarẽ o Tíquicore mʉꞌʉ tiropʉ oꞌócã, mʉꞌʉ peꞌe yʉꞌʉ tiropʉ dʉcayuwãꞌcãtia. Mʉꞌʉ põtẽorõ aꞌtita basioro yʉꞌʉre ĩꞌagʉ̃ aꞌtia. Yʉꞌʉ Nicópolipʉ nigʉ̃saꞌa. Topʉ “Puꞌecʉ tõꞌogʉ̃ti”, niwʉ̃.  
\v 13 Nipeꞌtise mʉꞌʉ weetamuta basiosere Zenas, masãrẽ ucũbosagʉre weetamuña. Apolo quẽꞌrãrẽ weetamuña. Narẽ dʉꞌsasenojõrẽ oꞌoya. Na mʉꞌʉ tojo weecã, apesepʉ yʉꞌrʉarã, apeyenojõrẽ dʉꞌsanoꞌsome.  
\v 14 Marĩ meꞌrãcjãrã Jesucristore ẽjõpeorã quẽꞌrã añuse diaꞌcʉ̃ weeato. Ãpẽrãrẽ apeyenojõ moocã ĩꞌarã, weetamuato. Tojo weerã na catiri ʉmʉcore mejõ waro nisome.   
\s1 Pablo añudutitʉoꞌque niꞌi  
\p
\v 15 Nipeꞌtirã yʉꞌʉ meꞌrã nirã́ mʉꞌʉrẽ añudutima. Marĩ meꞌrãcjãrã Jesucristore ẽjõpeorã añuato. Õꞌacʉ̃ mʉsã nipeꞌtirãrẽ añurõ weeato.  
\p Tocãꞌrõta ojaꞌa.  
\p Pablo