\id 1TI - Tucano (Colombia edition) NT+ [tuoC] -Colombia 2015 (DBL 2015) 
\h 1 TIMOTEO 
\toc1 Pablo Timoteore ojamʉꞌtãca pũrĩ niꞌi 
\toc2 1 Timoteo 
\toc3 1Ti 
\mt1 Pablo Timoteore ojamʉꞌtãca pũrĩ niꞌi  
\is1 Aꞌti pũrĩ aꞌtiro weero ojanoꞌpã nise niꞌi  
\ip Timoteo Listra wãmetiri macãpʉ bajuacʉ niwĩ. Cʉ̃ pacʉ griego masʉ̃ nígʉ̃, judío masʉ̃ mejẽta nicʉ niwĩ. Cʉ̃ paco pũrĩcã judío masõ nico niwõ. Cʉ̃ Pablore queti miacoꞌtegʉ nicʉ niwĩ.  
\ip Pablo Éfesopʉ nígʉ̃, Timoteore aꞌti pũrĩrẽ ojacʉ niwĩ. Timoteore cʉ̃ ẽjõpeosere wãcũtutuacã weenemogʉ̃, Jesucristore ẽjõpeori curuacjãrã tiropʉre añurõ nisetidutigʉ ojacʉ niwĩ.  
\ip Aꞌtiro ojacʉ niwĩ. “Õꞌacʉ̃rẽ sẽrĩrã, aꞌtiro weeroʉaꞌa”, ni ojacʉ niwĩ. Tojo nicã mʉsãrẽ sʉꞌori nisetiacãrẽ besesõrõrã, ãꞌrãnojõrẽ sõrõrõʉaꞌa nisere ojacʉ niwĩ. Wapewia numiarẽ coꞌtesere, tojo nicã apeye ojanemocʉ niwĩ. Añurõ wéérã buꞌiri marĩrã nisetisere ojacʉ niwĩ. Queoro buꞌetirãrẽ tʉꞌomasĩdutisere ojacʉ niwĩ.  
\c 1  
\s1 Pablo Timoteore ojaꞌque niꞌi  
\p
\v 1 Yʉꞌʉ Pablo Jesucristo besecṹúꞌcʉ niꞌi. Õꞌacʉ̃ marĩrẽ yʉꞌrʉogʉ nimi. Cʉ̃́ta Jesucristo ye quetire weredutigʉ oꞌówĩ. Jesucristo marĩ wiogʉ quẽꞌrã yʉꞌʉre oꞌówĩ. Cʉ̃rẽta marĩ yucuerã weeꞌe.   
\p
\v 2 Timoteo, mʉꞌʉrẽ ojaꞌa. Mʉꞌʉ Jesucristore ẽjõpeoyucã, yʉꞌʉ macʉ̃ waro weronojõ niꞌi. Õꞌacʉ̃ marĩ pacʉ, tojo nicã Jesucristo marĩ wiogʉ mʉꞌʉrẽ añurõ weeato. Pajañaꞌto. Mʉꞌʉrẽ ejerisãjãcã weeato.   
\s1 Nisoosere cãꞌmotaꞌadutiꞌque niꞌi  
\p
\v 3 Yʉꞌʉ Macedoniapʉ waꞌase dʉporo mʉꞌʉrẽ ti macã Éfesopʉ tojadutiwʉ. Noꞌo mejẽcã buꞌerãrẽ cãꞌmotaꞌadutigʉ tojaqueꞌadutiwʉ. Niꞌcãrõacãrẽ mejãrõta nigʉ̃ti tja.  
\v 4 Tocjãrãrẽ wereturiamaꞌasere, tojo nicã na ñecʉ̃sʉmʉarẽ wãmepeonuꞌcũsere “Wãcũmaꞌaticãꞌña”, niña. Masã tere wãcũrã, mejõ waro aꞌmetuꞌtimaꞌasama. Marĩrẽ Õꞌacʉ̃ weedutiꞌquere añurõ weecã weeweꞌe. Marĩ cʉ̃rẽ ẽjõpeose meꞌrã peꞌe Õꞌacʉ̃ weedutiꞌquere weeꞌe. Tojo weegʉ narẽ mejẽcã buꞌesere cãꞌmotaꞌaya.   
\p
\v 5 Mʉsãrẽ aꞌmerĩ maꞌicã ʉagʉ, tojo dutiꞌi. Ñaꞌase marĩrã, buꞌiri marĩrã tʉꞌoñaꞌrã, diacjʉ̃ Õꞌacʉ̃rẽ ẽjõpeorã, queoro maꞌirãsaꞌa.  
\v 6 Ãpẽrã tere weetima. Noꞌo ʉaro ucũmaꞌama.  
\v 7 Õꞌacʉ̃ ye cjase cʉ̃ dutiꞌquere buꞌesĩꞌrĩmima. Tojo weemirã, na ucũsere tʉꞌomasĩtima. Masĩbutiarã weronojõ buꞌema.   
\p
\v 8 Marĩ masĩꞌi. Õꞌacʉ̃ Moisére dutise cũuꞌquere queoro masĩcãma, añu niꞌi. Te aꞌtiro niꞌi. Masã Õꞌacʉ̃rẽ yʉꞌrʉnʉꞌcãsere masĩdutigʉ cũucʉ niwĩ.  
\v 9 Õꞌacʉ̃ tere cṹúgʉ̃, queoro weerãrẽ cũuticʉ niwĩ. Cʉ̃rẽ yʉꞌrʉnʉꞌcãrãrẽ, cʉ̃ dutiro weetirãrẽ cũucʉ niwĩ. Tojo nicã ñaꞌabutiaro weeri masãrẽ, ñaꞌarõ weenuꞌcũrĩ masãrẽ cũucʉ niwĩ. Õꞌacʉ̃rẽ ẽjõpeotirãrẽ, cʉ̃ ye buꞌese cjasere ʉatirãrẽ cũucʉ niwĩ. Apeyere, noꞌo pacʉre, pacore wẽjẽcõꞌarãrẽ, nipeꞌtirã noꞌo wẽjẽsebʉcʉrãrẽ cũucʉ niwĩ.  
\v 10 Noꞌo ãpẽrãrẽ aꞌmetãrãbajaqueꞌatirãrẽ, noꞌo ʉmʉa seꞌsaro numia meꞌrã weewʉaronojõ weerãnojõrẽ cũucʉ niwĩ. Numia quẽꞌrãrẽ na weronojõ weewʉarãnojõrẽta cũucʉ niwĩ. Tojo nicã masãrẽ ñeꞌe, ãpẽrãpʉre duaturiarãrẽ cũucʉ niwĩ. Nisoosebʉcʉrãrẽ, tojo nicã “Õꞌacʉ̃ meꞌrã diacjʉ̃ta niꞌi” nisoorãnojõrẽ cũucʉ niwĩ. Tojo nicã nipeꞌtise añuse buꞌesere cãꞌmotaꞌarãnojõrẽ Õꞌacʉ̃ cʉ̃ dutisere cũucʉ niwĩ.  
\v 11 Aꞌte buꞌese, añubutiase Õꞌacʉ̃ yʉꞌrʉose queti nírõnojõta niꞌi. Cʉ̃ añuyʉꞌrʉgʉ yʉꞌʉre aꞌte quetire weredutiwĩ.   
\s1 Pablo “Yʉꞌʉ ñaꞌagʉ̃ nimicã, Õꞌacʉ̃ yʉꞌʉre añurõ weewĩ” níꞌque niꞌi  
\p
\v 12 Yʉꞌʉ marĩ wiogʉ Jesucristore eꞌcatise oꞌoꞌo. Cʉ̃ yʉꞌʉre añurõ wãcũgʉ̃, cʉ̃ yarãrẽ yʉꞌʉre weetamudutiwĩ. Tojo weedutigʉ, yʉꞌʉre tutuasere oꞌowĩ.  
\v 13 Todʉporopʉ yʉꞌʉ cʉ̃rẽ ñaꞌarõ ucũwʉ̃. Cʉ̃ yarãrẽ ñaꞌabutiaro weewʉ. Titapʉre yʉꞌʉ Jesucristore ẽjõpeotitjĩagʉ̃, yʉꞌʉ weesere masĩtiwʉ. Tojo weegʉ Õꞌacʉ̃ yʉꞌʉre pajañaꞌwĩ.  
\v 14 Marĩ wiogʉ yʉꞌʉre maꞌígʉ̃, añubutiaro weewĩ. Cʉ̃ yʉꞌʉre Jesucristore añurõ ẽjõpeocã weewĩ. Ãpẽrãrẽ maꞌicã weewĩ.   
\p
\v 15 Aꞌte yʉꞌʉ ucũatje queoro waro niꞌi. Nipeꞌtirã ẽjõpeoroʉaꞌa. Aꞌtiro niꞌi. Jesucristo ñaꞌarõ weerãrẽ yʉꞌrʉosĩꞌrĩgʉ̃ aꞌti nucũcãpʉre aꞌticʉ niwĩ. Yʉꞌʉta nipeꞌtirã yʉꞌrʉoro ñaꞌarõ weeyʉꞌrʉnʉꞌcãꞌcʉ niꞌi.  
\v 16 Tojo nimicã, Õꞌacʉ̃ yʉꞌʉre pajañaꞌwĩ. Cʉ̃ tojo weese meꞌrã Jesucristo ñaꞌarõ weerãrẽ pajañaꞌsere yʉꞌʉre ĩꞌomʉꞌtãwĩ. Cʉ̃ masãrẽ pajañaꞌse ne peꞌtisome. Yʉꞌʉre, ñaꞌarõ weeyʉꞌrʉnʉꞌcãꞌcʉre pajañaꞌcaronojõta nipeꞌtirã cʉ̃rẽ ẽjõpeorãrẽ pajañaꞌgʉ̃sami. Narẽ cʉ̃ meꞌrã catinuꞌcũcã weegʉsami.  
\v 17 Tojo weerã Õꞌacʉ̃rẽ “Añuyʉꞌrʉami”, ninuꞌcũrã. Cʉ̃ wiogʉ ninuꞌcũgʉ̃ nimi. Ne wẽrĩsome. Õꞌacʉ̃ niꞌcʉ̃ta nimi. Cʉ̃ bajutigʉ, masĩyʉꞌrʉgʉ nimi. Tojota nimi.   
\p
\v 18-19 Timoteo, mʉꞌʉ yʉꞌʉ macʉ̃ weronojõ niꞌi. Yʉꞌʉ mʉꞌʉrẽ weedutiꞌquere weeya. Todʉporo marĩ acawererã mʉꞌʉrẽ Õꞌacʉ̃ weredutiꞌquere werepã. Na wereꞌcaronojõta weeya. Tere wéégʉ, tutuaro meꞌrã duꞌucũurõ marĩrõ añurõ weesere weenuꞌcũcãꞌña. Tojo nicã queoro ẽjõpeo, buꞌiri marĩgʉ̃ tʉꞌoñaꞌña. Ãpẽrã Jesucristore ẽjõpeorã queoro weemasĩmirã, weeticãrã niwã. Tere weetirã, Jesucristore ẽjõpeoduꞌucãrã niwã.  
\v 20 Aꞌte tojo waꞌawʉ Himeneorẽ, tojo nicã Alejandrore. Tojo weegʉ ãꞌrã pʉarãrẽ Õꞌacʉ̃rẽ ñaꞌarõ ucũnemoticãꞌto nígʉ̃ Jesucristore ẽjõpeorã meꞌrã ninemodutitiwʉ. Narẽ wãtĩa wiogʉ deꞌro weesĩꞌrĩrõ weeato nígʉ̃ tojo weewʉ.   
\c 2  
\s1 “Õꞌacʉ̃rẽ sẽrĩrã, aꞌtiro weeroʉaꞌa” níꞌque niꞌi  
\p
\v 1 Ne waro Jesucristore ẽjõpeorã aꞌtiro weecã ʉaꞌa. Nipeꞌtirãrẽ sẽrĩbosarã. Õꞌacʉ̃ narẽ weetamuato nírã sẽrĩbosato. Õꞌacʉ̃rẽ sẽrĩrã, “Añuꞌu”, niato.  
\v 2 Wiorãrẽ, nipeꞌtirã dutiri masãrẽ sẽrĩbosato. Marĩ tojo weerã aꞌmequẽse marĩrõ nirãsaꞌa. Nipeꞌtise Õꞌacʉ̃ dutisere queoro weemasĩrãsaꞌa. Masã meꞌrã queoro nisetirãsaꞌa.  
\v 3 Marĩ ãpẽrãrẽ sẽrĩbosarã, añurõ weerã weeꞌe. Õꞌacʉ̃ marĩrẽ yʉꞌrʉogʉ tojo weecã tʉꞌsasami.  
\v 4 Õꞌacʉ̃ nipeꞌtirãrẽ cʉ̃ tiropʉ waꞌacã ʉasami. Nipeꞌtirãrẽ cʉ̃ ye, diacjʉ̃ cjasere masĩcã ʉasami.  
\v 5 Õꞌacʉ̃ niꞌcʉ̃ta nimi. Tojo nicã Jesucristo niꞌcʉ̃ta tja masãrẽ Õꞌacʉ̃ meꞌrã apobosari masʉ̃ nimi. Cʉ̃ masʉ̃ weronojõ upʉtigʉ nicʉ niwĩ.  
\v 6 Jesucristo nipeꞌtirã masãrẽ yʉꞌrʉogʉ wẽrĩbosacʉ niwĩ. Marĩ ñaꞌarõ weeꞌque wapare wapayegʉ tojo weecʉ niwĩ. Aꞌte quetire “Tojo waꞌarosaꞌa” nícatero ejacã, werebajurẽnoꞌcaro niwʉ̃.  
\v 7 Cʉ̃ ye quetire weredutigʉ Cristo yʉꞌʉre sõrõwĩ. Cʉ̃ besecṹúꞌcʉ niato nígʉ̃ judío masã nitirãrẽ cʉ̃ ye, diacjʉ̃ cjasere buꞌedutigʉ sõrõwĩ. Diacjʉ̃ta niꞌi. Nisoogʉ mejẽta weeꞌe.   
\p
\v 8 Tojo weegʉ nipeꞌtirocjãrã ʉmʉarẽ aꞌtiro weecã ʉaꞌa. Na nerẽwʉaropʉ Õꞌacʉ̃rẽ sẽrĩcã ʉaꞌa. Ñúmorõ sẽrĩrã, ñaꞌarõ weese moorã sẽrĩrõʉaꞌa. Uase, aꞌmetuꞌtise moorã sẽrĩrõʉaꞌa.  
\v 9 Numia quẽꞌrã aꞌtiro weecã ʉaꞌa. Na suꞌtire añurõ ĩꞌatʉꞌsaropʉta sãñato. Ejatuaro weemeꞌrĩcãꞌto. Na upʉre ãpẽrã “Añurã nima” nidutirã peje maꞌmasuꞌayʉꞌrʉoticãꞌto.  
\v 10 Aꞌtiro peꞌe weeato. Añurõ bajusĩꞌrĩrã, Õꞌacʉ̃rẽ ẽjõpeorã numia weewʉasenojõrẽ weeato. Bajuyoropʉre añurõ weese meꞌrã “Añurã nima”, ninoꞌato. Ãpẽrãrẽ weetamu, añurõ weeato.  
\v 11 Jesucristore ẽjõpeorã nerẽ, na buꞌeri curare numia diꞌtamarĩrõ tʉꞌoato. Ũrũsãmaꞌa, yeꞌsuticãꞌto.  
\v 12 Ne numiarẽ masã decopʉ werenuꞌcũcã ʉaweꞌe. Tojo nicã ʉmʉarẽ ne dutiticãꞌto. Tojo weronojõ oꞌorã, na numia diꞌtamarĩato.  
\v 13 Aꞌtiro niꞌi. Õꞌacʉ̃ Adã́rẽ weemʉꞌtãcʉ niwĩ. Cʉ̃ beꞌro Evare weecʉ niwĩ.  
\v 14 Apeye quẽꞌrãrẽ, Adã́ wãtĩ nisoonoꞌmʉꞌtãcʉ mejẽta nimi. Numio peꞌe nisoonoꞌmʉꞌtãco niwõ. Tojo weenoꞌco niyugo, Õꞌacʉ̃ dutiꞌquere yʉꞌrʉnʉꞌcãco niwõ.  
\v 15 Tojo nimicã, Õꞌacʉ̃ numiarẽ yʉꞌrʉogʉsami. Na põꞌrãticã, narẽ añurõ yʉꞌrʉweticã weegʉsami. Na cʉ̃rẽ ẽjõpeocã, masãrẽ maꞌicã, tojo weegʉsami. Na queoro wãcũyu, weeseticã, Õꞌacʉ̃ cʉ̃ ʉaro weenuꞌcũcã, yʉꞌrʉweticã weegʉsami.   
\c 3  
\s1 Jesucristore ẽjõpeori curuacjãrã sʉꞌori nirãrẽ sõrõse niꞌi  
\p
\v 1 Masã aꞌtiro ucũwʉase diacjʉ̃ta niꞌi: “Noꞌo Jesucristore ẽjõpeori curuacjãrã sʉꞌori nigʉ̃́, sʉꞌori wejepeogʉ sãjãsĩꞌrĩgʉ̃nojõ añuse daꞌrasere weesĩꞌrĩgʉ̃ weemi.”  
\v 2 Tojo weesĩꞌrĩgʉ̃nojõ aꞌtiro nirõʉaꞌa. Cʉ̃́ta “Ñaꞌarõ weemi” ninoꞌña marĩgʉ̃ nirõʉaꞌa. Niꞌcõta nʉmotigʉ nirõʉaꞌa. Cʉ̃ wiopesase meꞌrã weesetigʉnojõ nirõʉaꞌa. Añurõ wãcũyu weesetigʉnojõ nirõʉaꞌa. Ãpẽrã wiopesase meꞌrã ĩꞌanoꞌgʉ̃nojõ nirõʉaꞌa. Sijari masã cʉ̃ ya wiꞌipʉ waꞌacã, añurõ põtẽrĩgʉ̃nojõ nirõʉaꞌa. Ãpẽrãrẽ añurõ buꞌemeꞌrĩgʉ̃nojõ nirõʉaꞌa.  
\v 3 Tojo nicã queꞌagʉ, cumucabʉcʉ niticãꞌrõʉaꞌa. Tojo weronojõ oꞌogʉ, tuꞌtiro marĩrõ masãrẽ queoro weegʉnojõ nirõʉaꞌa. Aꞌmequẽsere ʉatigʉ, niyerure ʉaripejatigʉnojõ nirõʉaꞌa.  
\v 4 Cʉ̃, cʉ̃ ya wiꞌicjãrãrẽ añurõ dutimasĩgʉ̃ nirõʉaꞌa. Cʉ̃ põꞌrãrẽ añurõ wiopesase meꞌrã yʉꞌtimeꞌrĩcã weegʉ́ nirõʉaꞌa.  
\v 5 Cʉ̃, cʉ̃ ya wiꞌicjãrãrẽ dutimasĩtigʉ, Õꞌacʉ̃rẽ ẽjõpeori curuacjãrã peꞌere totá nemorõ coꞌtetibosami.  
\v 6 Jesucristore ne waropʉ ẽjõpeomʉjãtiꞌcʉre sʉꞌori wejepeogʉ sõrõña. Apetero weegʉ niꞌcʉ̃ ẽjõpeoca beꞌroacã sõrõnoꞌcʉ peꞌe “Yʉꞌʉ ãpẽrã yʉꞌrʉoro añuyʉꞌrʉnʉꞌcãꞌa”, nibosami. Cʉ̃ tojo nígʉ̃, wãtĩ weronojõ wãcũbosami. Tojo weegʉ Õꞌacʉ̃ wãtĩrẽ buꞌiri daꞌreꞌcaro weronojõ cʉ̃rẽ weebosami.  
\v 7 Apeye quẽꞌrãrẽ aꞌtiro ninoꞌgʉ̃rẽ beseya. Jesucristore ẽjõpeotirã “Cʉ̃́ta añurõ weemi” ninoꞌgʉ̃ niato. Tojo weeticãma, ãpẽrã cʉ̃rẽ ñaꞌarõ wãcũbosama. Cʉ̃ ʉaro wéégʉ, bopoyagʉ wãtĩ ʉaro weebosami.   
\s1 “Weetamucoꞌterã aꞌtiro nisetiroʉaꞌa” nise niꞌi  
\p
\v 8 Jesucristore ẽjõpeori curuacjãrã, Õꞌacʉ̃ ye queti wererãrẽ weetamucoꞌterã quẽꞌrã na wiorã weronojõ nirõʉaꞌa. Ãpẽrã ẽjõpeonoꞌrãnojõ nirõʉaꞌa. Na ucũsere queoro weerãnojõ nirõʉaꞌa. Queꞌarã, ñaꞌarõ weese meꞌrã niyeru wapataꞌasĩꞌrĩrãnojõ niticãꞌrõʉaꞌa.  
\v 9 Marĩ ẽjõpeose Jesucristo ye queti Õꞌacʉ̃ ĩꞌoꞌquere ẽjõpeonuꞌcũrã nirõʉaꞌa. Na buꞌiri moorã tʉꞌoñaꞌrã nirõʉaꞌa.  
\v 10 Narẽ sõrõati dʉporo na weesetisere añurõ masĩrõʉaꞌa. Na añurõ weeseticã, buꞌiri marĩcã ĩꞌarã, sõrõrõʉaꞌa.  
\v 11 Numia quẽꞌrã mejãrõta ãpẽrãrẽ ẽjõpeonoꞌrãnojõ nirõʉaꞌa. Ucjasepijarã niticãꞌrõʉaꞌa. Nʉcʉ̃ĩꞌase meꞌrã weesetirã nirõʉaꞌa. Tojo nicã queoro weenuꞌcũrã nirõʉaꞌa.  
\v 12 Ʉmʉ weetamucoꞌtegʉ niꞌcõta nʉmotiroʉaꞌa. Cʉ̃ põꞌrãrẽ, cʉ̃ ya wiꞌicjãrãrẽ añurõ dutimasĩrõʉaꞌa.  
\v 13 Na weetamucoꞌtesere añurõ weecã, narẽ masã “Añurõ weema”, nirãsama. Tojo nicã Jesucristore na ẽjõpeosere uiro marĩrõ añurõ werenemorãsama.   
\s1 Marĩ ẽjõpeose cjase niꞌi  
\p
\v 14-15 “Maata mʉꞌʉ tiropʉ waꞌagʉti”, ni wãcũꞌu. Tojo wãcũmigʉ̃, apetero weegʉ maata waꞌatibosaꞌa. Tojo weegʉ mʉꞌʉrẽ Õꞌacʉ̃ põꞌrã aꞌtiro nisetiroʉaꞌa nisere ojagʉti. Õꞌacʉ̃ catinuꞌcũgʉ̃ nimi. Cʉ̃ põꞌrã Jesucristore ẽjõpeori curuacjãrã nima. Náta Õꞌacʉ̃ ye queti diacjʉ̃ cjasere masãrẽ masĩcã weema.  
\v 16 Diacjʉ̃ta niꞌi. Marĩ ẽjõpeose todʉporo masã masĩtiꞌque niꞌi. Mejõ nise niweꞌe. Añuse waro niꞌi. Aꞌtiro niꞌi:  
\q1 Õꞌacʉ̃ macʉ̃ masʉ̃ weronojõ upʉtigʉ aꞌti nucũcãpʉre bajuacʉ niwĩ.  
\q1 Espíritu Santu cʉ̃rẽ “Añugʉ̃ waro nimi”, ni werebajurẽcʉ niwĩ.  
\q1 Õꞌacʉ̃rẽ werecoꞌterã ʉꞌmʉsepʉ nirã́ cʉ̃rẽ ĩꞌacãrã niwã.  
\q1 Cʉ̃ ye queti aꞌti nucũcãpʉre wereseꞌsanoꞌo.  
\q1 Aꞌti nucũcãpʉre masã cʉ̃rẽ ẽjõpeoma.  
\q1 Beꞌro Õꞌacʉ̃ ʉꞌmʉsepʉ cʉ̃rẽ miacʉ niwĩ.   
\c 4  
\s1 “Diacjʉ̃ cjasere ẽjõpeotirã aꞌtiro weesama” nise niꞌi  
\p
\v 1 Espíritu Santu bajuyoropʉ aꞌtiro nicʉ niwĩ: “Aꞌti ʉmʉco peꞌtiati dʉporo ãpẽrã Jesucristore ẽjõpeomiꞌcãrã ẽjõpeoduꞌurãsama. Wãtĩa nisoose meꞌrã buꞌesere wererãrẽ siruturãsama. Tojo nicã wãtĩa buꞌesere siruturãsama.”  
\v 2 Weetaꞌsari masã nisoose meꞌrã buꞌecã, tʉꞌorãsama. Weetaꞌsari masã te nisoosere masĩmirã, ne buꞌiritirã tʉꞌoñaꞌtima.  
\v 3 Na aꞌtiro weesama. Masãrẽ nʉmotisĩꞌrĩcã, cãꞌmotaꞌasama. Tojo nicã niꞌcãrẽ baꞌasere baꞌadutitisama. Õꞌacʉ̃ peꞌe aꞌte baꞌasere weecʉ niwĩ. Jesucristore ẽjõpeorãrẽ diacjʉ̃ cjase masĩrãrẽ baꞌadutigʉ tojo weecʉ niwĩ. Tere baꞌarã, cʉ̃rẽ eꞌcatise oꞌodutigʉ tojo weecʉ niwĩ.  
\v 4 Nipeꞌtise Õꞌacʉ̃ weeꞌque añuse niꞌi. Marĩ ne yabiticãꞌrõʉaꞌa. Aꞌtiro peꞌe weeroʉaꞌa. Cʉ̃rẽ eꞌcatise oꞌorã, baꞌaroʉaꞌa.  
\v 5 Aꞌtiro niꞌi. Õꞌacʉ̃ tere “Añu niꞌi”, nitojacʉ niwĩ. Tojo weerã marĩ cʉ̃rẽ eꞌcatise oꞌocã, cʉ̃ te baꞌasere añuse waꞌacã weemi.   
\s1 Pablo Timoteore weedutise niꞌi  
\p
\v 6 Mʉꞌʉ Õꞌacʉ̃ ye cjasere marĩ acawererãrẽ buꞌeya. Tere buꞌégʉ, Jesucristore añurõ daꞌracoꞌtegʉ nigʉ̃saꞌa. Siape meꞌrã mʉꞌʉ Õꞌacʉ̃ ye cjasere buꞌégʉ, nemorõ ẽjõpeogʉsaꞌa. Mʉꞌʉ añuse buꞌesere sirutuse meꞌrã nemorõ wãcũtutuagʉ nigʉ̃saꞌa.  
\v 7 Aꞌti turi cjase weremaꞌasere tʉꞌoticãꞌña. Nemorõ Õꞌacʉ̃ ʉaro weenuꞌcũcãꞌña.  
\v 8 Aꞌtiro niꞌi. Marĩ daꞌrarã, nemorõ tutuarã waꞌasaꞌa. Te añu niꞌi. Marĩ Õꞌacʉ̃ ʉaro weecã, totá nemorõ añusaꞌa. Aꞌti ʉmʉcopʉre, beꞌro ʉꞌmʉsepʉre marĩrẽ añurõ waꞌarosaꞌa.  
\v 9 Aꞌte diacjʉ̃ta niꞌi. Nipeꞌtirã aꞌtere ẽjõpeoroʉaꞌa.  
\v 10 Tojo weerã marĩ Jesucristo ye cjasere wererã, piꞌeti, ʉpʉtʉ daꞌraꞌa. Õꞌacʉ̃ marĩrẽ añurõ weeatjere wãcũ, eꞌcatiyutojarã, tojo weeꞌe. Cʉ̃ catinuꞌcũgʉ̃ nipeꞌtirãrẽ yʉꞌrʉogʉ nimi. Cʉ̃rẽ ẽjõpeorã seꞌsarore yʉꞌrʉogʉsami.  
\v 11 Aꞌtere ãpẽrãrẽ dutiya. Narẽ tere buꞌeya.   
\p
\v 12 Mʉꞌʉ maꞌmʉ nise ye buꞌiri ãpẽrã mʉꞌʉ ucũsere ẽjõpeotibosama. Tojo weesere cãꞌmotaꞌaya. Aꞌtiro peꞌe weeya. Jesucristore ẽjõpeorãrẽ añuse queose ĩꞌoña. Mʉꞌʉ ucũwʉase, mʉꞌʉ weesetise meꞌrã ĩꞌoña. Tojo nicã ãpẽrãrẽ maꞌise, mʉꞌʉ Jesucristore ẽjõpeose meꞌrã ĩꞌoña. Apeye quẽꞌrãrẽ añugʉ̃ mʉꞌʉ nise meꞌrã ĩꞌoña.  
\v 13 Yʉꞌʉ topʉ etase dʉporo nerẽrã, Õꞌacʉ̃ ye quetire buꞌeĩꞌonuꞌcũcãꞌña. Marĩ acawererãrẽ wãcũtutuadutigʉ tojo weeya. Narẽ añurõ buꞌeya.  
\v 14 Õꞌacʉ̃ mʉꞌʉrẽ weemasĩse oꞌoꞌquere weenuꞌcũcãꞌña. Sõꞌonícatero Jesucristore ẽjõpeori curuacjãrã sʉꞌori nirã́ mʉꞌʉrẽ ñapeocaterore te weemasĩsere Õꞌacʉ̃ oꞌowĩ.   
\p
\v 15 Õꞌacʉ̃ oꞌoꞌquere wãcũnʉrʉ̃, añurõ weenuꞌcũcãꞌña. Tojo weecã, nipeꞌtirã mʉꞌʉ añurõ weewãꞌcãsere ĩꞌarãsama.  
\v 16 Apeye nigʉ̃ti. Mʉꞌʉ buꞌesere, tojo nicã mʉꞌʉ weesetisere añurõ wãcũña. Nipeꞌtisere queoro weenuꞌcũcãꞌña. Aꞌtere wéégʉ, mʉꞌʉ basu yʉꞌrʉwetigʉ weegʉsaꞌa. Tojo nicã mʉꞌʉ weresere tʉꞌorã quẽꞌrã yʉꞌrʉwetirãsama.   
\c 5  
\s1 Jesucristore ẽjõpeorãrẽ “Aꞌtiro weeya” nise niꞌi  
\p
\v 1 Timoteo, mʉꞌʉrẽ dutigʉti. Bʉcʉrã ʉmʉarẽ tuꞌtiticãꞌña. Mʉꞌʉ, mʉꞌʉ pacʉsʉmʉarẽ ucũgʉ̃ weronojõ narẽ wereya. Maꞌmapjia quẽꞌrãrẽ mʉꞌʉ acabijirãrẽ ucũgʉ̃ weronojõ weeya.  
\v 2 Bʉcʉrã numiarẽ mʉꞌʉ pacosãnumiarẽ ucũgʉ̃ weronojõ narẽ weremeꞌrĩcãꞌña. Nuꞌmiarẽ mʉꞌʉ acabijirãrẽ weronojõ ñaꞌarõ wãcũrõ marĩrõ wereya.   
\p
\v 3 Wapewia numia weetamunoꞌña marĩrãrẽ weetamuña.  
\v 4 Wapewio põꞌrãticãma o pãrãmerãticãma, core na weetamuato. Ne waro na ya wiꞌicjãrã meꞌrã añurõ weewãꞌcõrõʉaꞌa. Tojo weerã põꞌrã, pãrãmerã, na pacʉsʉmʉa, na ñecʉ̃sʉmʉa maꞌiꞌque wapa maꞌi aꞌmerã weesama. Tojo weese añuse niꞌi. Õꞌacʉ̃ tere tʉꞌsasami.  
\v 5 Apego wapewio waro niꞌcõ nigṍ pũrĩcã Õꞌacʉ̃ weetamuatjere yucuesamo. Ʉmʉcorinʉcʉ̃, ñamirĩnʉcʉ̃ tojo sẽrĩnuꞌcũsamo.  
\v 6 Apego wapewio peꞌe co ʉasere weemaꞌacãꞌsamo. Co pecameꞌepʉ waꞌacjo weronojõ nitojasamo.  
\v 7 Aꞌte quẽꞌrãrẽ weedutiya. Tojo weeduticã, “Na buꞌiri marĩrã nima”, ninoꞌrãsama.  
\v 8 Aꞌtiro niꞌi. Niꞌcʉ̃ cʉ̃ acawererãrẽ añurõ weetigʉ, marĩ ẽjõpeosere yabigʉ weronojõ nisami. Cʉ̃ ya wiꞌicjãrã warore añurõ weetigʉ peꞌe, totá nemorõ ñaꞌarõ weesami. Jesucristore ẽjõpeotigʉ nemorõ ñaꞌagʉ̃ nisami.   
\p
\v 9 Wapewia numiarẽ weetamurãtirã na wãmerẽ niꞌcã pũrĩpʉ ojaõꞌoña. Aꞌtiro nirã́ numianojõrẽ ojaya: Bʉcʉo waro sesenta cʉ̃ꞌmarĩ cʉogore, niꞌcʉ̃rẽta marãpʉtiꞌcore ojaya.  
\v 10 “Co añurõ weemo” ninoꞌgõnojõrẽ ojaya. Co põꞌrãrẽ añurõ masõꞌconojõrẽ masã co ya wiꞌipʉ ejacã añurõ ñeꞌegõnojõrẽ ojaya. Tojo nicã mejõ nisere daꞌrago ãpẽrã Jesucristore ẽjõpeorãrẽ weetamugõnojõrẽ ojaõꞌoña. Piꞌetirãrẽ weetamugõnojõrẽ ojaya. Noꞌo añuse apeyenojõ weegore ojaya.   
\p
\v 11 Ãpẽrã wapewia numia nuꞌmiacure nisama. Nanojõrẽ na wãmerẽ ojaticãꞌña. Apetero na ʉmʉa meꞌrã nisĩꞌrĩrã, apaturi marãpʉtibosama tja. Jesucristo peꞌere wãcũduꞌu, marãpʉtise peꞌere wãcũyʉꞌrʉnʉꞌcãbosama.  
\v 12 Na “Jesucristo ye diaꞌcʉ̃rẽ weerãti” níꞌquere weetirã, buꞌiritirã nibosama.  
\v 13 Apeye quẽꞌrãrẽ wiꞌseripʉ diaꞌcʉ̃ sijarã, nijĩsijarã dojobosama. Te diaꞌcʉ̃rẽ weetibosama. Ucjasebʉcʉrã dojobosama. Nipeꞌtise deꞌro waꞌasere ucjarã, na ye nitisere ucũwʉanoꞌña marĩsere ucjabosama.  
\v 14 Tojo weegʉ wapewia numia nuꞌmiacure nirãrẽ marãpʉticã ʉaꞌa. Na põꞌrãtiato. Wiꞌserire coꞌteato. Na tojo weecã, marĩrẽ ĩꞌatuꞌtigʉ “Na ñaꞌarõ weema”, nímasĩtisami.  
\v 15 Aꞌtiro niꞌi. Ãpẽrã wapewia numia Jesucristore ẽjõpeomirã, cʉ̃rẽ ẽjõpeoduꞌuma. Wãtĩa wiogʉre siruturã, tojo weema.   
\p
\v 16 Jesucristore ẽjõpeogʉ o ẽjõpeogo na acawerego wapewiore cʉobosama. Core cʉorã na weetamuato. Jesucristore ẽjõpeori curuacjãrãrẽ coꞌtedutiticãꞌto. Tojo weecã, ãpẽrã wapewia numia coꞌtenoꞌña marĩrã peꞌere coꞌtemasĩrãsama.   
\p
\v 17 Jesucristore ẽjõpeori curuacjãrãrẽ sʉꞌori wejepeorãrẽ, añurõ weerãrẽ aꞌtiro nirõʉaꞌa. “Na añubutiaro dutima”, nirõʉaꞌa. Totá masãrẽ were buꞌerã peꞌere nemorõ nirõʉaꞌa.  
\v 18 Õꞌacʉ̃ ye queti ojáca pũrĩpʉ nírõnojõta aꞌtiro niꞌi: “Wecʉ trigore ãrʉ̃agʉ̃, tuumajãmisʉtʉasami. Cʉ̃ baꞌasĩꞌrĩgʉ̃, baꞌato. Aꞌtiro weeticãꞌto. Trigore baꞌari nírã, cʉ̃ ʉseropʉ tuusãarĩ beꞌtore tuusãaticãꞌto.” Aperopʉre aꞌtiro ojanoꞌwʉ̃: “Daꞌrari masʉ̃ cʉ̃ daꞌrase wapa wapataꞌabaꞌamasĩmi,” ni ojanoꞌwʉ̃. Tojo weerã sʉꞌori nirãrẽ weetamurõʉaꞌa.   
\p
\v 19 Apetero niꞌcʉ̃ mʉꞌʉpʉre aꞌtiro nibosami: “Ʉ̃sãrẽ sʉꞌori wejepeogʉ ñaꞌarõ weeami”, ni weresãbosami. Cʉ̃ tojo nicã, tʉꞌoticãꞌña. Pʉarã o iꞌtiarã ĩꞌaꞌcãrã weresãcãpʉ, tʉꞌoya.  
\v 20 Ñaꞌarõ weenuꞌcũrãrẽ nipeꞌtirã ĩꞌorõpʉ tuꞌtiya. Tojo weecã, ãpẽrã uirã, ñaꞌarõ weesome.  
\v 21 Õꞌacʉ̃ ĩꞌorõpʉre, Jesucristo marĩ wiogʉ ĩꞌorõpʉre mʉꞌʉrẽ aꞌtiro nigʉ̃ti. Tojo nicã Õꞌacʉ̃rẽ werecoꞌterã cʉ̃ beseꞌcãrã ĩꞌorõpʉ quẽꞌrãrẽ mʉꞌʉrẽ nigʉ̃ti: Sʉꞌori wejepeorãrẽ niꞌcãrõnojõ weeya. Mʉꞌʉ tʉꞌsarãnojõ diaꞌcʉ̃rẽ añurõ weeticãꞌña. Nipeꞌtirãrẽ queoro weeya.  
\v 22 Ĩꞌabocurequejo, sʉꞌori wejepeogʉre sõrõticãꞌña. Mʉꞌʉ ñaꞌarõ weerãrẽ besegʉ, na ñaꞌarõ weesere buꞌipejatamubosaꞌa. Nipeꞌtise ñaꞌarõ weesere cãꞌmotaꞌaya.   
\p
\v 23 Mʉꞌʉ paapʉ dutitise ye buꞌiri aco diaꞌcʉ̃ sĩꞌrĩticãꞌña. Cãꞌrõacã vino quẽꞌrãrẽ sĩꞌrĩña.   
\p
\v 24 Niꞌcãrẽrãrẽ na ñaꞌarõ weesere beseatji dʉporo maata na ñaꞌarõ weesere masĩnoꞌtojaꞌa. Ãpẽrã peꞌere na ñaꞌarõ weese beꞌropʉ bajuarosaꞌa.  
\v 25 Mejãrõta tja añurõ weese quẽꞌrã maata masĩnoꞌo. Apeye peꞌe añurõ weese maata bajutise beꞌropʉ bajuarosaꞌa.   
\c 6  
\p
\v 1 Jesucristore ẽjõpeorã daꞌracoꞌteri masã na wiorãrẽ wiopesase meꞌrã ĩꞌarõʉaꞌa. Na tojo weecã, Õꞌacʉ̃rẽ, tojo nicã marĩ buꞌesere ãpẽrã ñaꞌarõ ucũsome.  
\v 2 Na wiorã Jesucristore ẽjõpeorã nicã, aꞌtiro weeticãꞌto. Na ẽjõpeorã nise buꞌiri narẽ wiopesase marĩrõ ĩꞌaticãꞌto. Aꞌtiro peꞌe weeato. Nemorõ añurõ weeato. Na wiorã Jesucristore ẽjõpeorã nima. Tojo weerã na acawererã na mairãrẽ weronojõ añurõ weeato. Aꞌtere were, buꞌeya narẽ.   
\s1 Marĩ ẽjõpeosere queoro weedutise niꞌi  
\p
\v 3 Noꞌo mejẽcã buꞌegʉnojõ aꞌtiro nisami. Marĩ wiogʉ Jesucristo ye buꞌesere “Tojo niweꞌe”, nisami. Tojo nicã marĩ ẽjõpeose quẽꞌrãrẽ “Tojo niweꞌe”, nisami.  
\v 4 Tojo nigʉ̃́ masĩtimigʉ̃, “Ãpẽrã yʉꞌrʉoro masĩyʉꞌrʉnʉꞌcãꞌa”, nisami. Cʉ̃ tojo nigʉ̃́ tʉꞌomasĩtigʉ nimi. Cʉ̃ na ucũsenʉcʉ̃rẽ “Tojo niweꞌe”, nimʉjãsami. Te meꞌrã aꞌmerĩ ʉose, aꞌmetuꞌtise, yabise, aꞌmerĩ ẽjõpeotise wãꞌcãꞌa.  
\v 5 Tojo nicã ãpẽrã mejõ warota aꞌmetuꞌtise wãꞌcãꞌa. Ñaꞌarõ wãcũrã, tojo weesama. Diacjʉ̃ cjasere ne masĩtisama. Tojo weerã́ meꞌrã aꞌmesʉꞌaticãꞌña. Na “Õꞌacʉ̃rẽ ẽjõpeose meꞌrã wapataꞌarãsaꞌa”, ni wãcũsama.  
\v 6 Tojota niꞌi, nírõ. Diacjʉ̃ta marĩ Õꞌacʉ̃rẽ ẽjõpeose meꞌrã peje apeyenojõ cʉorã weronojõ niꞌi. Marĩ cʉoro ejatuaro eꞌcaticãma, tojota niꞌi.  
\v 7 Aꞌtiro niꞌi. Marĩ aꞌti turipʉre bajuarã, ne apeyenojõ meꞌrã bajuatiwʉ. Wẽrĩrãpʉ quẽꞌrã ne apeyenojõ miasome.  
\v 8 Marĩ suꞌti, baꞌase cʉose meꞌrã eꞌcatiroʉaꞌa.  
\v 9 Ãpẽrã peꞌe peje cʉosĩꞌrĩrã ʉaripejarã noꞌo ʉaro weemaꞌasama. Siape meꞌrã nemorõ ʉaripejadojasama. Te meꞌrã na dojo, buꞌiri daꞌrenoꞌrãsama. Pecameꞌepʉ waꞌarãsama.  
\v 10 Aꞌtiro niꞌi. Niyeru ʉaripejase meꞌrã nipeꞌtise ñaꞌase dʉꞌpocã́tiꞌi. Ãpẽrã Jesucristore ẽjõpeomiꞌcãrã aꞌte ʉaripejase meꞌrã na ẽjõpeomiꞌquere duꞌucãꞌsama. Tojo weerã niꞌcãrõacãrẽ na catiri ʉmʉcore peje bʉjawetise bocama.   
\s1 Pablo Timoteore “Queoro weeya” nise niꞌi  
\p
\v 11 Timoteo, mʉꞌʉ pũrĩcã Õꞌacʉ̃ yagʉ ʉaripejasere ne weemaꞌaticãꞌña. Aꞌtiro peꞌe weeya. Añurõ weenuꞌcũcãꞌña. Õꞌacʉ̃rẽ sirutuya. Cʉ̃rẽ ẽjõpeoya. Nipeꞌtirãrẽ maꞌiña. Mejẽcã waꞌacã, wãcũtutuaya. Tuꞌtiro marĩrõ ãpẽrãrẽ añurõ weeya.  
\v 12 Mʉꞌʉ tutuaro põtẽorõ wãcũtutua, ẽjõpeonuꞌcũcãꞌña. Catise ʉꞌmʉsepʉ mʉꞌʉ Õꞌacʉ̃ meꞌrã ninuꞌcũatjere wãcũnuꞌcũcãꞌña. Õꞌacʉ̃ catise peꞌtitisere oꞌosĩꞌrĩgʉ̃ mʉꞌʉrẽ besecʉ niwĩ. Tojo weegʉ tere wãcũyʉꞌrʉnʉꞌcãcã, mʉꞌʉrẽ oꞌogʉsami. Mʉꞌʉ pãjãrã tʉꞌoropʉ Jesucristore ẽjõpeosere queoro werewʉ.  
\v 13-14 Õꞌacʉ̃ nipeꞌtirãrẽ catise oꞌogʉ nimi. Cʉ̃ ĩꞌorõpʉ, tojo nicã Jesucristo ĩꞌorõpʉ quẽꞌrãrẽ mʉꞌʉrẽ weedutiꞌi. Jesucristomarĩcã cʉ̃ catiri ʉmʉcore maꞌitigʉ, aꞌtiro weecʉ niwĩ. Poncio Pilatore cʉ̃ nisetisere añurõ werecʉ niwĩ. Mʉꞌʉ quẽꞌrã yʉꞌʉ dutise nipeꞌtisere dʉcayuro marĩrõ queoro wereya. “Cʉ̃ queoro weetimi”, ninoꞌticãꞌña. Marĩ wiogʉ Jesucristo aꞌtiri curapʉ tojo weeduꞌuya.  
\v 15 Õꞌacʉ̃ “Tojo weegʉti” nícatero ejacã, nipeꞌtise cʉ̃ níꞌquere queoro tuꞌajanʉꞌcõgʉ̃sami. Õꞌacʉ̃ niꞌcʉ̃ta añuyʉꞌrʉgʉ, tutuayʉꞌrʉgʉ nimi. Nipeꞌtirã wiorã wiogʉ nimi.  
\v 16 Cʉ̃ niꞌcʉ̃ta catinuꞌcũmi. Cʉ̃ pũrõ asisteropʉ nimi. Ne niꞌcʉ̃ masʉ̃ cʉ̃ basu Õꞌacʉ̃ nirõpʉ waꞌamasĩtimi. Ne niꞌcʉ̃ cʉ̃rẽ ĩꞌaticʉ niwĩ. Ĩꞌata basioweꞌe. Õꞌacʉ̃ niꞌcʉ̃rẽta añurõ ucũyʉꞌrʉnʉꞌcãrõʉaꞌa. “Cʉ̃ wiogʉ ninuꞌcũato”, nirõʉaꞌa. Tojota niato.   
\p
\v 17 Noꞌo peje cʉorãnojõrẽ aꞌtiro weedutiya. Na “Ãpẽrã yʉꞌrʉoro niyʉꞌrʉnʉꞌcãꞌa”, niticãꞌto. Na cʉose meꞌrã “Añurõ waꞌarosaꞌa”, ni eꞌcatiyuticãꞌto. Te queoro niweꞌe. Peꞌtidija waꞌarosaꞌa. Tojo weronojõ oꞌorã, Õꞌacʉ̃ peꞌere eꞌcatise meꞌrã yucueato. Cʉ̃ catinuꞌcũgʉ̃ marĩrẽ eꞌcaticã ʉagʉ, nipeꞌtise marĩ cʉosere oꞌomi.  
\v 18 Peje cʉorãrẽ añusere weedutiya. Ãpẽrãrẽ añurõ weeato. Na cʉosere oꞌoato.  
\v 19 Na tojo wéérã, ape ʉmʉcopʉre peje cʉorã weronojõ niyutojarãsama. Na catinuꞌcũatjere bocarãsama.   
\s1 Pablo Timoteore “Tojo weeya”, nitʉoꞌque niꞌi  
\p
\v 20 Timoteo, Õꞌacʉ̃ mʉꞌʉrẽ weredutigʉ cũuꞌquere añurõ weeya. Aꞌti nucũcã cjase ucũse mejõ nisere tʉꞌoticãꞌña. Tojo nicã mejẽcã noꞌo ʉaro ucũmaꞌase quẽꞌrãrẽ tʉꞌoticãꞌña. Ãpẽrã “Masĩrã waro niꞌi” nirã́ peje mejẽcã wãcũse cʉoma. Ʉpʉtʉ na ʉaro ucũmaꞌasama. Na masĩse nisoo ucũmaꞌase niꞌi. Tojo weegʉ narẽ tʉꞌoticãꞌña.  
\v 21 Niꞌcãrẽrã aꞌtere weesiruturã, Jesucristore ẽjõpeomiꞌquere duꞌucãꞌcãrã niwã.  
\p Õꞌacʉ̃ mʉꞌʉrẽ añurõ weeato.  
\p Tocãꞌrõta ojaꞌa.  
\p Pablo