\id 1JN - Tucano (Colombia edition) NT+ [tuoC] -Colombia 2015 (DBL 2015) 
\h 1 JUAN 
\toc1 Juã ojamʉꞌtãca pũrĩ niꞌi 
\toc2 1 Juan 
\toc3 1Jn 
\mt1 Juã ojamʉꞌtãca pũrĩ niꞌi  
\is1 Aꞌti pũrĩ aꞌtiro weero ojanoꞌpã nise niꞌi  
\ip Ãꞌrĩ judío masʉ̃ Zebedeo macʉ̃ Santiago acabiji nicʉ niwĩ.  
\ip Aꞌtere ojacʉ niwĩ. Jesucristore ẽjõpeorãrẽ nisoose meꞌrã buꞌerãrẽ tʉꞌomasĩdutigʉ ojacʉ niwĩ. Tojo nicã Jesucristore ẽjõpeonuꞌcũdutigʉ, queoro weenuꞌcũdutigʉ ojacʉ niwĩ. Maꞌise peꞌere apeye yʉꞌrʉoro weenuꞌcũdutigʉ ojacʉ niwĩ.  
\ip Cʉ̃́ta ape pũrĩ Jesucristo catiri ʉmʉco cjasere ojacʉ niwĩ.  
\c 1  
\s1 Jesucristo ye queti niꞌi  
\p
\v 1-2 Yʉꞌʉ mʉsãrẽ Jesucristo ye cjasere, cʉ̃ nisetisere ojagʉ weeꞌe. Aꞌtiro niꞌi. Aꞌti turi weese dʉporo cʉ̃, cʉ̃ pacʉ meꞌrã nitojacʉ niwĩ. Beꞌro aꞌti turipʉre bajuacʉ niwĩ. Cʉ̃ catinuꞌcũgʉ̃ marĩrẽ catinuꞌcũcã weegʉ́ nimi. Ʉ̃sã cʉ̃rẽ ĩꞌawʉ̃. Cʉ̃ ucũsere tʉꞌowʉ. Ʉ̃sã basu warota cʉ̃rẽ ĩꞌabutiawʉ. Cʉ̃rẽ añurõ masĩwʉ̃. Tojo weerã cʉ̃rẽ ĩꞌaꞌquere mʉsãrẽ wereꞌe.  
\v 3 Ʉ̃sã marĩ pacʉ Õꞌacʉ̃ meꞌrã, tojo nicã cʉ̃ macʉ̃ Jesucristo meꞌrã añurõ nicãꞌa. Mʉsã quẽꞌrãrẽ tojota ʉasãsaꞌa. Tojo weerã ʉ̃sã ĩꞌaꞌquere, tʉꞌoꞌquere mʉsãrẽ wereꞌe.  
\v 4 Mʉsãrẽ añurõ eꞌcatiato nígʉ̃ aꞌti pũrĩrẽ ojaꞌa.   
\s1 Õꞌacʉ̃ añugʉ̃ nimi nise queti niꞌi  
\p
\v 5 Jesucristo ʉ̃sãrẽ buꞌeꞌquere mʉsãrẽ wereturiaꞌa. Cʉ̃ aꞌtiro niwĩ: “Õꞌacʉ̃ añugʉ̃ nimi. Cʉ̃pʉre ne ñaꞌase marĩꞌi. Cʉ̃ sĩꞌose weronojõ nimi. Naꞌitĩꞌase weronojõ nitimi”, niwĩ.  
\v 6 Marĩ aꞌtiro nibosaꞌa: “Õꞌacʉ̃ meꞌrã añurõ nicãꞌa”, nibosaꞌa. Tojo nimirã ñaꞌarõ wéérã, nisoorã weesaꞌa. Marĩ weesetise, marĩ ye ucũse ʉseri meꞌrã tojo weesaꞌa.  
\v 7 Õꞌacʉ̃ añurõ weemi. Marĩ Õꞌacʉ̃ weronojõ añurõ wéérã pũrĩcã, ãpẽrã meꞌrã añurõ nisetimasĩꞌi. Cʉ̃ macʉ̃ Jesucristo wẽrĩse meꞌrã nipeꞌtise marĩ ñaꞌarõ nisetisere dʉcayunuꞌcũmi.   
\p
\v 8 Marĩ ñaꞌase cʉomirã ñaꞌase mooꞌo nírã, marĩ basuta nisoorã weeꞌe. Marĩ wãcũse diacjʉ̃ niweꞌe.  
\v 9 Õꞌacʉ̃ queoro weenuꞌcũgʉ̃ marĩ ñaꞌarõ weeꞌquere diacjʉ̃ wereyʉꞌrʉcã, queorota marĩrẽ acobojogʉsami. Nipeꞌtise marĩ ñaꞌarõ weesetiꞌquere coepeꞌocʉ̃sami.  
\v 10 Õꞌacʉ̃ aꞌtiro nicʉ niwĩ: “Masã nipeꞌtirã ñaꞌarã nima”, nicʉ niwĩ. “Marĩ ñaꞌarõ weeweꞌe” nírã, “Õꞌacʉ̃ nisoosepijagʉ nimi”, nirã weebosaꞌa. Cʉ̃ ucũsere ẽjõpeotirã weronojõ nibosaꞌa.   
\c 2  
\s1 Õꞌacʉ̃ meꞌrã nírã aꞌtiro weeya nise niꞌi  
\p
\v 1 Mʉsã yʉꞌʉ põꞌrã weronojõ niꞌi. Ñaꞌase weeticãꞌto nígʉ̃, mʉsãrẽ aꞌtere ojaꞌa. Marĩ ñaꞌarõ weecãma, Jesucristo cʉ̃ pacʉpʉre marĩrẽ ucũbosasami. “Narẽ acobojoya”, nisami. Jesucristo ñaꞌase moogʉ̃ nimi. Tojo weegʉ cʉ̃ marĩrẽ sẽrĩbosamasĩsami.  
\v 2 Jesucristo wẽrĩse meꞌrã marĩ ñaꞌarõ weeꞌquere acobojose bocacãrã niwʉ̃. Marĩ diaꞌcʉ̃ acobojose bocamasĩtisaꞌa. Nipeꞌtirã aꞌti turicjãrã acobojose bocamasĩsama.   
\p
\v 3 Marĩ masĩꞌi, Õꞌacʉ̃ dutisere wéérã, cʉ̃rẽ ĩꞌawãꞌnoꞌsaꞌa.  
\v 4 Marĩ aꞌtiro nibosaꞌa: “Õꞌacʉ̃rẽ masĩꞌi.” Tojo nimirã cʉ̃ dutisere weetirã, nisoosepijarã nibosaꞌa.  
\v 5 Cʉ̃ dutiro wéérã, Õꞌacʉ̃rẽ queorota ẽjõpeosaꞌa. Tojo weerã marĩ Õꞌacʉ̃ meꞌrã niꞌi nisere masĩꞌi.  
\v 6 “Marĩ Õꞌacʉ̃ meꞌrã niꞌi” nírã, Jesucristo weesetiꞌcaronojõta weesiruturoʉaꞌa.   
\s1 Aꞌmerĩ maꞌiña nise queti niꞌi  
\p
\v 7 Acawererã, yʉꞌʉ mʉsãrẽ ojase apeye maꞌma dutise mejẽta niꞌi. Todʉporopʉ mʉsã dutise cʉoꞌquereta ojaꞌa. Aꞌte mʉsã tʉꞌoꞌquepʉ niꞌi.  
\v 8 Tojo nimirõ, yʉꞌʉ mʉsãrẽ ojase maꞌma dutise weronojõ waꞌaꞌa. Aꞌmerĩ maꞌisere wãmepeogʉ weeꞌe. Todʉporopʉ marĩ aꞌmerĩ maꞌitirã, ñaꞌarã niwʉ̃. Naꞌitĩꞌarõpʉ nirã́ weronojõ niwʉ̃. Niꞌcãrõacãrẽ aꞌte duꞌunoꞌrõ weeꞌe. Aꞌtocaterore marĩ aꞌmerĩ maꞌírã, boꞌreyuropʉ nirã́ weronojõ niꞌi. Te aꞌmerĩ maꞌisere Jesucristo meꞌrã masĩnoꞌo. Tojo nicã mʉsã meꞌrã masĩnoꞌo.   
\p
\v 9 Marĩ aꞌtiro nibosaꞌa: “Yʉꞌʉ pũrĩcã añurõ Õꞌacʉ̃ dutiro weenuꞌcũcãꞌa.” Tojo nimigʉ̃ ãpẽrãrẽ maꞌitigʉ, todʉporopʉ naꞌitĩꞌarõpʉ níꞌcaro weronojõta nicãꞌsaꞌa tja.  
\v 10 Ãpẽrãrẽ maꞌígʉ̃, boꞌreyuropʉ nigʉ̃́ weronojõ nimi. Ne cʉ̃rẽ cãꞌrõacã ñaꞌarõ weese marĩꞌi.  
\v 11 Marĩ ãpẽrãrẽ maꞌitirã, naꞌitĩꞌarõpʉ nirã́ weronojõ nisetisaꞌa. Marĩ ñaꞌarõ weese buꞌiri caperi bajunoꞌtirã weronojõ nisaꞌa. Tojo weerã “Aꞌtiro peꞌe ʉaꞌa”, nímasĩtisaꞌa.   
\p
\v 12-14 Yʉꞌʉ mʉsã nipeꞌtirãrẽ ojagʉti. Jesucristo cʉ̃ wẽrĩse wapa Õꞌacʉ̃ mʉsã ñaꞌarõ weeꞌquere acobojocʉ niwĩ. Mʉsã Õꞌacʉ̃rẽ masĩꞌi. Bʉcʉrã, mʉsãrẽ ojaꞌa. Jesucristore ne waropʉ dʉꞌpocã́tiꞌcʉre ẽjõpeoyucã, ojaꞌa. Maꞌmapjia, mʉsã wãcũtutuarã niꞌi. Õꞌacʉ̃ ye ucũsere tʉꞌo ẽjõpeoꞌo. Wãtĩrẽ docaqueꞌacã weecãrã niwʉ̃. Tojo weegʉ mʉsãrẽ ojaꞌa.   
\p
\v 15-16 Aꞌti ʉmʉco cjase Õꞌacʉ̃ ye mejẽta niꞌi. Aꞌtere wãcũnʉrʉ̃ticãꞌña. Ñaꞌarõ wãcũse, aꞌmetãrãsĩꞌrĩse, ʉaripejase, ãpẽrã yʉꞌrʉoro nicãꞌgʉ̃ nisĩꞌrĩse ñaꞌa niꞌi. Aꞌte nipeꞌtise aꞌti ʉmʉco cjase niꞌi. “Tere weerãti”, niticãꞌña. Noꞌo aꞌtere weesĩꞌrĩgʉ̃nojõ marĩ pacʉ Õꞌacʉ̃rẽ maꞌitisami.  
\v 17 Aꞌti turi peꞌtiwãꞌcãrõ weeꞌe. Nipeꞌtise ñaꞌarõ weesĩꞌrĩ ʉaripejase quẽꞌrã peꞌtia waꞌarosaꞌa. Õꞌacʉ̃ dutiro weerã́ pũrĩcã ne peꞌtitirãsama. Cʉ̃ tiropʉ ninuꞌcũcãꞌrãsama.   
\s1 Nisoorã ye queti niꞌi  
\p
\v 18 Nisoori masã ye quetire weregʉti. Aꞌti ʉmʉco peꞌtiro weeꞌe. Aꞌti turi peꞌtise dʉporo niꞌcʉ̃ Jesucristore ĩꞌatuꞌtigʉ aꞌtigʉsami. Mʉsã aꞌtere tʉꞌotojacãrã niwʉ̃. Pãjãrã cʉ̃ weronojõ nirã́ nitojama. Tojo weerã marĩ aꞌti turi maata peꞌtiatjere masĩꞌi.  
\v 19 Na cʉ̃rẽ ĩꞌatuꞌtirã marĩ meꞌrãcjãrãta nicãꞌmiwã. Beꞌro, na Jesucristo ye quetire ẽjõpeotirã, marĩrẽ dʉcawatia waꞌawã. Na marĩ meꞌrãcjãrã waro mejẽta níꞌcãrã niwã. Marĩ meꞌrãcjãrã nírã pũrĩcã, marĩ meꞌrãta nibosama. Na tojo dʉcawaticã ĩꞌarã, marĩ narẽ ĩꞌamasĩꞌi. Marĩ meꞌrãcjãrã mejẽta nicãrã niwã.   
\p
\v 20 Jesucristo mʉsãrẽ Espíritu Santure oꞌócʉ niwĩ. Tojo weerã mʉsã diacjʉ̃ cjase, Jesucristo ye quetire masĩpeꞌticãꞌsaꞌa.  
\v 21 Cʉ̃ ye quetire masĩtirãrẽ ojagʉ weeweꞌe. Mʉsã Jesucristo yere queoro masĩsaꞌa. Tojo weegʉ mʉsãrẽ ojaꞌa. Mʉsã masĩꞌi, cʉ̃ ye queti nisoose mejẽta niꞌi.   
\p
\v 22 Nisoosepijagʉ aꞌtiro nisami: “Jesú Õꞌacʉ̃ beseꞌcʉ mejẽta nimi”, nisami. Tojo bʉsʉgʉ cʉ̃rẽ ĩꞌatuꞌtiri masʉ̃ nimi. Marĩ pacʉ Õꞌacʉ̃rẽ, cʉ̃ macʉ̃ Jesucristore teesami.  
\v 23 Noꞌo cʉ̃ macʉ̃ Jesucristore ʉatirã, cʉ̃ pacʉ quẽꞌrãrẽ moosama. Marĩ Jesucristore Õꞌacʉ̃ beseꞌcʉ nimi nírã, Õꞌacʉ̃ põꞌrã niꞌi.  
\v 24 Tojo weerã mʉsã ne waro tʉꞌoꞌque Jesucristo ye quetire wãcũnʉrʉ̃ña. Mʉsã cʉ̃ ye quetire ẽjõpeonuꞌcũrã, Õꞌacʉ̃ meꞌrã, cʉ̃ macʉ̃ Jesucristo meꞌrã añurõ nicãꞌrãsaꞌa.  
\v 25 Jesucristo marĩrẽ aꞌtiro nicʉ niwĩ: “Catinuꞌcũatjere oꞌogʉti”, nicʉ niwĩ.   
\p
\v 26 Mʉsãrẽ nisoori masã ye quetire ojatojapʉ.  
\v 27 Mʉsã Espíritu Santu Jesucristo oꞌóꞌcʉre cʉotojaꞌa. Cʉ̃ basu nipeꞌtisere nisooro marĩrõ mʉsãrẽ buꞌemi. “Ʉ̃sãrẽ ãpẽrã buꞌeato”, nitisaꞌa. Cʉ̃ buꞌeronojõta Jesucristo meꞌrã añurõ nicãꞌña.   
\p
\v 28 Niꞌcãrõacã quẽꞌrãrẽ cʉ̃ meꞌrã ninuꞌcũcãꞌña. Marĩ tojo wéérã, cʉ̃ aꞌti nucũcãpʉ aꞌticã, cʉ̃rẽ põtẽrĩrã ĩꞌaʉcʉasome. Bopoyasome.  
\v 29 Mʉsã Jesucristo añurõ weesere masĩtojaꞌa. Tojo weerã nipeꞌtirã añurõ weerã́ Õꞌacʉ̃ põꞌrã nima nisere masĩnoꞌo.   
\c 3  
\s1 Õꞌacʉ̃ põꞌrã weesetise niꞌi  
\p
\v 1 Ĩꞌarẽ mʉsã Õꞌacʉ̃ marĩ pacʉ marĩrẽ maꞌisere. Marĩrẽ maꞌígʉ̃, “Yʉꞌʉ põꞌrã” ni ẽjõpeosami. Tojo nírõnojõta marĩ cʉ̃ põꞌrã niꞌi. Ãpẽrã aꞌti turicjãrã Õꞌacʉ̃rẽ masĩtitjĩarã, marĩ cʉ̃rẽ ẽjõpeorã weesetisere masĩtisama.  
\v 2 Acawererã, marĩ Õꞌacʉ̃ põꞌrã nitojaꞌa. Cʉ̃ põꞌrã nimirã, beꞌropʉ marĩ deꞌro waꞌatjere añurõ masĩnoꞌña marĩꞌi yujupʉ. Aꞌte diaꞌcʉ̃rẽ masĩꞌi. Marĩ Jesucristo aꞌticã, cʉ̃ bajusere ĩꞌarãsaꞌa. Cʉ̃rẽ ĩꞌarã, cʉ̃ weronojõ waꞌarãsaꞌa.  
\v 3 Jesucristore ne ñaꞌase marĩꞌi. Marĩ quẽꞌrã cʉ̃ weronojõ añurã waꞌarãsaꞌa niatjere wãcũꞌu. Tojo weerã marĩ ñaꞌarõ weesetiꞌquere dʉcayuwãꞌcãrã weeꞌe.   
\p
\v 4 Ñaꞌarõ weesetise Õꞌacʉ̃ dutiꞌquere yʉꞌrʉnʉꞌcãse niꞌi. Nipeꞌtirã ñaꞌarõ weerã́ Õꞌacʉ̃rẽ yʉꞌrʉnʉꞌcãrã weema.  
\v 5 Mʉsã masĩtojaꞌa, marĩ ñaꞌarõ weeꞌquere cõꞌagʉ̃ Jesucristo aꞌti nucũcãpʉre aꞌticʉ niwĩ. Ne cʉ̃rẽ cãꞌrõacã ñaꞌase marĩꞌi.  
\v 6 Tojo weerã nipeꞌtirã cʉ̃ meꞌrã ninuꞌcũrã ñaꞌarõ weesetitisama. Ñaꞌarõ weerã́ peꞌe Jesucristore masĩtisama.  
\v 7 Mʉsã tʉꞌomasĩña. Ãpẽrã mʉsãrẽ maasoocã, ẽjõpeoticãꞌña. Jesucristo añugʉ̃ nimi. Tojo weerã cʉ̃ weronojõ nirã́ masã añurã nima.  
\v 8 Wãtĩ ne waropʉta ñaꞌagʉ̃ nimʉjãtiꞌcʉ nimi. Tojo weerã ñaꞌarõ weesetirã cʉ̃ yarã nima. Jesucristo Õꞌacʉ̃ macʉ̃ wãtĩ ñaꞌarõ weesere cõꞌagʉ̃ aꞌtigʉ aꞌti turipʉre aꞌticʉ niwĩ.   
\p
\v 9 Õꞌacʉ̃ cʉ̃ põꞌrãrẽ cʉ̃ weronojõ niseticã weecʉ niwĩ. Tojo weerã Õꞌacʉ̃ põꞌrã ñaꞌasere weenuꞌcũtima.  
\v 10 Marĩ Õꞌacʉ̃ põꞌrãrẽ, wãtĩ yarãrẽ aꞌtiro ĩꞌadʉcawaamasĩꞌi. Noꞌo ãpẽrãrẽ maꞌitirã, ñaꞌarõ weesetirãrẽ “Wãtĩ yarã nima”, niꞌi. Ãpẽrãrẽ maꞌírã añurõ weesetirã peꞌere “Õꞌacʉ̃ põꞌrã nima”, niꞌi.   
\s1 Aꞌmerĩ maꞌidutise niꞌi  
\p
\v 11 Aꞌmerĩ maꞌirõʉaꞌa nise queti mʉsã ne waro maata tʉꞌoꞌque niꞌi.  
\v 12 Dʉporocjʉ̃pʉ Caĩ́ wãmetigʉ weronojõ niticãꞌrã. Cʉ̃ wãtĩ yagʉ nígʉ̃, cʉ̃ acabiji Abere wẽjẽcʉ niwĩ. ¿Deꞌro weegʉ cʉ̃rẽ wẽjẽpari? Caĩ́ cʉ̃ weesetise ñaꞌase nicaro niwʉ̃. Cʉ̃ acabiji weese peꞌe añuse nicaro niwʉ̃. Te buꞌiri cʉ̃rẽ ʉogʉ, wẽjẽcʉ niwĩ.  
\v 13 Ãpẽrã mʉsã añurõ weesetisere ĩꞌáʉorã, ĩꞌatuꞌtibosama. Na Caĩ́ cʉ̃ acabijire ʉoꞌcaro weronojõ weerã weesama. Na mʉsãrẽ ĩꞌatuꞌticã, ʉcʉaticãꞌña.   
\p
\v 14 Marĩ ãpẽrãrẽ maꞌírã, Õꞌacʉ̃ põꞌrã niꞌi nisere masĩꞌi. Todʉporopʉre Jesucristore masĩtitjĩarã, ãpẽrãrẽ maꞌitiwʉ. Niꞌcãrõacãrẽ cʉ̃rẽ ẽjõpeoyurã, aꞌmerĩ maꞌiꞌi. Ãpẽrãrẽ maꞌitirã pũrĩcã, marĩ todʉporopʉ níꞌcaronojõta nicãꞌbosaꞌa. Catinuꞌcũsere moobosaꞌa.  
\v 15 Noꞌo ãpẽrãrẽ ĩꞌatuꞌtigʉnojõ masãrẽ wẽjẽcõꞌarĩ masʉ̃ weronojõ nimi. Mʉsã masĩꞌi, ne niꞌcʉ̃ masãrẽ wẽjẽcõꞌarĩ masʉ̃ catinuꞌcũsere moosami. Mʉsã cʉ̃ weronojõ niticãꞌña.  
\v 16 Jesucristo marĩ ye niatjere wẽrĩcʉ niwĩ. Tojo weerã marĩ aꞌmerĩ maꞌisere masĩꞌi. Noꞌo ãpẽrãrẽ maꞌírã, marĩ ya catiri ʉmʉcore wãcũnʉrʉ̃tisaꞌa. Narẽ weetamurã, marĩ quẽꞌrã wẽrĩmasĩꞌi.  
\v 17 Marĩ apeyenojõ cʉomirã, pajasecʉorãrẽ oꞌotirã, ¿deꞌro wee “Õꞌacʉ̃rẽ maꞌiꞌi”, nibosaʉ?  
\v 18 Buꞌi, marĩ ye ucũse ʉseri meꞌrã diaꞌcʉ̃ “Narẽ maꞌiꞌi”, niticãꞌrõʉaꞌa. Narẽ añurõ weetamurõʉaꞌa. Te meꞌrã marĩ narẽ maꞌisere ĩꞌomasĩꞌi.   
\s1 Õꞌacʉ̃rẽ ẽjõpeorã uiro marĩrõ nímasĩꞌi nise niꞌi  
\p
\v 19-20 Apetero marĩ aꞌtiro wãcũsaꞌa: “Yʉꞌʉ ñaꞌayʉꞌrʉagʉ nisaꞌa.” Tojo wãcũmirã, marĩ ãpẽrãrẽ maꞌírã, Õꞌacʉ̃ meꞌrã uiro marĩrõ nímasĩꞌi. Marĩ cʉ̃ põꞌrã niꞌi. Cʉ̃ marĩ wãcũsere masĩpeꞌocãꞌsami. Cʉ̃ marĩ ñaꞌarõ weeꞌquere acobojosami.  
\v 21-22 Marĩ ne buꞌiri moosaꞌa ni tʉꞌoñaꞌrã, uise marĩrõ Õꞌacʉ̃rẽ sẽrĩmasĩꞌi. Cʉ̃ dutisere, cʉ̃ ʉasere weecã, Õꞌacʉ̃ nipeꞌtise marĩ sẽrĩsere yʉꞌtigʉsami.  
\v 23 Cʉ̃ dutiꞌque aꞌte niꞌi. Cʉ̃ macʉ̃ Jesucristore ẽjõpeodutimi. Tojo nicã cʉ̃ dutiꞌcaronojõta marĩrẽ aꞌmerĩ maꞌidutimi.  
\v 24 Marĩ cʉ̃ dutiꞌquere wéérã, cʉ̃ meꞌrã añurõ nicãꞌa. Cʉ̃ quẽꞌrã marĩ meꞌrã añurõ nicãꞌmi. Marĩrẽ Espíritu Santure oꞌocʉ niwĩ. Tojo weerã cʉ̃ marĩ meꞌrã nisere masĩꞌi.   
\c 4  
\s1 Ãpẽrã weresere ĩꞌabesetojarãpʉ weedutise niꞌi  
\p
\v 1 Acawererã, Õꞌacʉ̃ yere wereri masã mʉsã tiropʉ buꞌerã etacã, na weresere “¿Diacjʉ̃ta Õꞌacʉ̃ ye nimitito?” ni ĩꞌaña. Ãpẽrã Õꞌacʉ̃ oꞌóꞌcãrã nitima. Nipeꞌtirãpʉre ẽjõpeoticãꞌña. Na Espíritu Santure moomirã, tojo nimaꞌacãꞌbosama. Aꞌti ʉmʉcopʉre noꞌo ʉaro nisoori masã nibiꞌacãꞌma. “Õꞌacʉ̃ yere wererã weeꞌe”, ni bʉsʉsijama.  
\v 2 Mʉsã na diacjʉ̃ wererãrẽ aꞌtiro ĩꞌabeseya. Na “Jesucristo aꞌti upʉ meꞌrã bajuacʉ nimi”, nisama. Tojo ẽjõpeorã, Espíritu Santure cʉorã nima. Narẽ ẽjõpeoya.  
\v 3 Ãpẽrã tojo ẽjõpeotirã, Espíritu Santure mooma. Mejõ cʉ̃rẽ peꞌsutima. Mʉsã Jesucristore ĩꞌatuꞌtigʉ cʉ̃ aꞌtiatjere tʉꞌotojapã. Na cʉ̃ weronojõ nirã́ aꞌti diꞌtapʉre nitojama.   
\p
\v 4 Nisoori masã wãtĩ yarã nima. Õꞌacʉ̃ wãtĩ nemorõ tutuami. Mʉsã Õꞌacʉ̃ yarã niꞌi. Tojo weerã mʉsã na ucũsere ẽjõpeoticãrã niwʉ̃.  
\v 5 Nisoori masã aꞌti turicjãrã aꞌti ʉmʉco cjase diaꞌcʉ̃rẽ buꞌesama. Na weronojõ nirã́ta na buꞌesere tʉꞌosama.  
\v 6 Marĩ pũrĩcã Õꞌacʉ̃ põꞌrã niꞌi. Cʉ̃ põꞌrã nirã́ marĩ buꞌesere tʉꞌosama. Cʉ̃ põꞌrã nitirã tʉꞌotisama. Tojo weerã marĩ diacjʉ̃ cjase ẽjõpeorãrẽ, diacjʉ̃ nitisere ẽjõpeorãrẽ ĩꞌabesemasĩꞌi. “Ãꞌrãta nima diacjʉ̃ cjasere ẽjõpeorã”, nímasĩꞌi. “Na nima diacjʉ̃ cjasere ẽjõpeotirã”, ni ĩꞌadʉcawaamasĩꞌi.   
\s1 Marĩrẽ aꞌmerĩ maꞌidutise niꞌi  
\p
\v 7-8 Acawererã, Õꞌacʉ̃ masãrẽ maꞌimi. Tojo weerã marĩ quẽꞌrã aꞌmerĩ maꞌirõʉaꞌa. Aꞌmerĩ mairãnojõ Õꞌacʉ̃ põꞌrã nima. Na Õꞌacʉ̃rẽ masĩma. Noꞌo maꞌise moorãnojõ Õꞌacʉ̃rẽ ne masĩtima.  
\v 9 Cʉ̃ marĩrẽ maꞌisere ĩꞌogʉ̃, cʉ̃ macʉ̃ niꞌcʉ̃ nigʉ̃rẽ aꞌti turipʉre oꞌócʉ niwĩ. Marĩ catinuꞌcũatjere wéégʉ tojo weecʉ niwĩ.  
\v 10 Yʉꞌʉ maꞌisere ucũgʉ̃, marĩ Õꞌacʉ̃rẽ maꞌisere ucũgʉ̃ mejẽta weeꞌe. Cʉ̃ peꞌe marĩrẽ maꞌisere ucũgʉ̃ weeꞌe. Cʉ̃ marĩrẽ maꞌígʉ̃, marĩ ñaꞌarõ weeꞌquere acobojodutigʉ cʉ̃ macʉ̃rẽ oꞌócʉ niwĩ. Cʉ̃ meꞌrã marĩ acobojose bocaꞌa.   
\p
\v 11 Acawererã, Õꞌacʉ̃ marĩrẽ maꞌiꞌcaronojõta marĩ quẽꞌrã ãpẽrãrẽ maꞌirõʉaꞌa.  
\v 12 Aꞌti ʉmʉcopʉre ne niꞌcʉ̃ Õꞌacʉ̃rẽ ĩꞌaꞌcʉ marĩmi. Marĩ cʉ̃rẽ ĩꞌatiꞌcãrã nimirã, ãpẽrãrẽ maꞌírã, cʉ̃ marĩpʉre nisere masĩꞌi. Cʉ̃ marĩrẽ maꞌiꞌque ye buꞌiri ãpẽrãrẽ queoro maꞌita basioꞌo.  
\v 13 Õꞌacʉ̃ marĩrẽ Espíritu Santure oꞌocʉ niwĩ. Tojo weerã marĩ Õꞌacʉ̃ marĩpʉre nisere masĩꞌi. Marĩ quẽꞌrã cʉ̃pʉreta niꞌi.  
\v 14 Õꞌacʉ̃ macʉ̃rẽ ʉ̃sã basuta ĩꞌawʉ̃. Cʉ̃rẽ aꞌti turipʉre marĩ ñaꞌarõ wee nisetimiꞌcãrãrẽ yʉꞌrʉweticã weedutigʉ oꞌócʉ niwĩ. Tojo weerã mʉsãrẽ aꞌtere wereꞌe.  
\v 15 Noꞌo nipeꞌtirã “Jesú Õꞌacʉ̃ macʉ̃ nimi” nirãnojõ Õꞌacʉ̃ meꞌrã nima. Cʉ̃ quẽꞌrã napʉre nimi.   
\p
\v 16 Õꞌacʉ̃ marĩrẽ maꞌisere masĩꞌi. Cʉ̃ nipeꞌtirãrẽ maꞌimi. Noꞌo ãpẽrãrẽ maigʉ̃nojõ añurõ Õꞌacʉ̃ meꞌrã nimi. Õꞌacʉ̃ quẽꞌrã cʉ̃ meꞌrã nimi.  
\v 17 Marĩ Õꞌacʉ̃ meꞌrã nírã, queoro maꞌimasĩꞌi. Jesucristo aꞌti turipʉ nicã, cʉ̃ pacʉ quẽꞌrã cʉ̃ meꞌrã nicʉ niwĩ. Cʉ̃ meꞌrã níꞌcaronojõta marĩ meꞌrã quẽꞌrãrẽ Õꞌacʉ̃ nimi. Tojo weerã marĩ aꞌti turicjãrãrẽ beseatji nʉmʉ nicã, cʉ̃rẽ ne uisome.  
\v 18 Aꞌmerĩ mairã tirore uise marĩꞌi. Uise cʉorã tiro peꞌere ne aꞌmerĩ maꞌise marĩꞌi. Marĩ uise meꞌrã buꞌiritirã weronojõ tʉꞌoñaꞌa. Noꞌo uigʉnojõ aꞌmerĩ maꞌimasĩtimi.   
\p
\v 19 Õꞌacʉ̃ marĩrẽ maꞌimʉꞌtãcʉ niwĩ. Tojo weerã marĩ cʉ̃rẽ maꞌiꞌi.  
\v 20 Marĩ Õꞌacʉ̃rẽ maꞌimirã, ãpẽrãrẽ ĩꞌatuꞌtirã, nisoosebʉcʉrã niꞌi. Masã marĩ ĩꞌarã waromarĩcãrẽ maꞌitirã, nemorõ Õꞌacʉ̃ bajutigʉ pũrĩcãrẽ maꞌita basiotisaꞌa.  
\v 21 Jesucristo marĩrẽ aꞌtiro dutiwĩ: “Õꞌacʉ̃rẽ maꞌírã, ãpẽrã quẽꞌrãrẽ maꞌirõʉaꞌa”, niwĩ.   
\c 5  
\s1 Õꞌacʉ̃ põꞌrã nírã, ñaꞌasere weeticãꞌrõʉaꞌa nise niꞌi  
\p
\v 1 Nipeꞌtirã “Jesú Õꞌacʉ̃ beseꞌcʉ nimi” ni ẽjõpeorãnojõ Õꞌacʉ̃ põꞌrã nima. Ãpẽrãrẽ maꞌírã, na põꞌrã quẽꞌrãrẽ maꞌirõʉaꞌa.  
\v 2 Marĩ Õꞌacʉ̃rẽ maꞌi, cʉ̃ dutiꞌquere wéérã, marĩ cʉ̃ põꞌrãrẽ maꞌiꞌi nisere masĩnoꞌo.  
\v 3 Õꞌacʉ̃rẽ maꞌírã, cʉ̃ dutiꞌquere weerã weeꞌe. Cʉ̃ dutise diasaweꞌe, weeta basiopũrĩcãꞌsaꞌa.  
\v 4 Marĩ Õꞌacʉ̃ põꞌrã aꞌti turi cjase ñaꞌasere weeweꞌe. Jesucristore ẽjõpeose meꞌrã añurõ weeta basioꞌo.  
\v 5 Marĩ Jesucristore “Õꞌacʉ̃ macʉ̃ nimi”, ni ẽjõpeoꞌo. Te meꞌrã diaꞌcʉ̃ aꞌti ʉmʉco cjase ñaꞌasere cãꞌmotaꞌamasĩsaꞌa.   
\s1 Jesucristore “Õꞌacʉ̃ macʉ̃ nimi” nise niꞌi  
\p
\v 6 Jesucristo Õꞌacʉ̃ macʉ̃ nimi. Cʉ̃ aꞌti turipʉ nicã, Juã wãmeyeri masʉ̃ cʉ̃rẽ wãmeyewĩ. Cʉ̃rẽ wãmeyegʉ, aco meꞌrã wãmeyewĩ. Beꞌro cʉ̃ curusapʉ wẽrĩwĩ. Aꞌtiro weese meꞌrã cʉ̃ Õꞌacʉ̃ macʉ̃ nisere ĩꞌowĩ. Cʉ̃rẽ wãmeyeꞌque meꞌrã diaꞌcʉ̃ ĩꞌotiwĩ. Cʉ̃ wẽrĩse meꞌrã quẽꞌrãrẽ ĩꞌowĩ. Espíritu Santu Jesucristo Õꞌacʉ̃ macʉ̃ nisere ĩꞌomi. Cʉ̃́ta diacjʉ̃ cjasere weregʉ nimi.  
\v 7 Aꞌte quetire na basuta ĩꞌoma. Na iꞌtiarã ʉꞌmʉsepʉ nima: pacʉ, macʉ̃, tojo nicã Espíritu Santu. Ãꞌrã iꞌtiarãpʉ dʉcawatimirã, niꞌcʉ̃ta nimi.  
\v 8 Aꞌti nucũcãpʉre Espíritu Santu werese meꞌrã Jesú Õꞌacʉ̃ macʉ̃ nimi nisere masĩꞌi. Tojo nicã Jesú cʉ̃ Õꞌacʉ̃ macʉ̃ nisere cʉ̃ wãmeyenoꞌque meꞌrã, cʉ̃ wẽrĩꞌque meꞌrã ĩꞌocʉ niwĩ.  
\v 9 Masã na ĩꞌaꞌquere werecãmarĩcãrẽ, marĩ ẽjõpeoꞌo. Õꞌacʉ̃ cʉ̃ macʉ̃ yere werecã pũrĩcãrẽ, nemorõ ẽjõpeoroʉaꞌa. Cʉ̃ masã ucũse nemorõ queoro weremi.  
\v 10-12 Õꞌacʉ̃ marĩrẽ cʉ̃ macʉ̃ meꞌrã catinuꞌcũsere oꞌocʉ niwĩ. Tojo weerã cʉ̃ macʉ̃rẽ ẽjõpeorã cʉ̃ meꞌrã catinuꞌcũrãsama. Cʉ̃ macʉ̃rẽ ẽjõpeotirã ne cʉ̃ meꞌrã catinuꞌcũsome. Marĩ Jesucristo ye quetire diacjʉ̃ta niꞌi nírã, cʉ̃rẽ ẽjõpeorã weeꞌe. Ãpẽrã aꞌtere ẽjõpeotirãnojõ “Õꞌacʉ̃ nisoogʉ nimi”, nirã weema.   
\s1 Juã werecasaꞌque niꞌi  
\p
\v 13 Mʉsã Õꞌacʉ̃ macʉ̃rẽ ẽjõpeorãrẽ tere ojapʉ. Mʉsã catinuꞌcũrãsaꞌa nisere masĩato nígʉ̃ tojo ojapʉ.   
\p
\v 14 Marĩ masĩꞌi, Õꞌacʉ̃ cʉ̃ ʉaronojõ marĩ sẽrĩcã, marĩ sẽrĩsere tʉꞌosami. “Marĩ sẽrĩsere tʉꞌosami” ni masĩrã, cʉ̃rẽ uise marĩrõ sẽrĩmasĩꞌi.  
\v 15 “Õꞌacʉ̃ marĩ sẽrĩsere tʉꞌosami” ni masĩrõnojõta “Cʉ̃ marĩ sẽrĩꞌque quẽꞌrãrẽ oꞌotojami”, ninoꞌo.   
\p
\v 16 Apetero Jesucristore ẽjõpeogʉ ñaꞌarõ weesami. Cʉ̃ tojo weecã ĩꞌarã, Õꞌacʉ̃rẽ sẽrĩbosaya. Marĩ sẽrĩbosacã, Õꞌacʉ̃ yʉꞌtigʉsami. Cʉ̃rẽ dʉcayugʉsami tja. Apeye pũrĩcã ñaꞌabutiaro weese niꞌi. Téma “Sẽrĩbosaya” niña marĩꞌi. Tere weerã́ Õꞌacʉ̃ tiropʉ waꞌasome.  
\v 17 Nipeꞌtise ñaꞌase Õꞌacʉ̃rẽ yʉꞌrʉnʉꞌcãse niꞌi. Yʉꞌʉ nírõnojõta apeye ñaꞌarõ weesere Õꞌacʉ̃ acobojogʉsami. Apeye ñaꞌabutiaro weesere acobojosome.   
\p
\v 18 Marĩ masĩꞌi, Õꞌacʉ̃ põꞌrãrẽ Jesucristo añurõ coꞌtenuꞌcũcãꞌmi. Tojo weerã na ñaꞌarõ weenuꞌcũtisama. Wãtĩ quẽꞌrã Jesucristo coꞌteyucã, narẽ ñaꞌarõ weemasĩtisami.   
\p
\v 19 Marĩ Õꞌacʉ̃ põꞌrã nisere, tojo nicã wãtĩ nipeꞌtiro aꞌti turicjãrã wiogʉ nimi nisere masĩꞌi.   
\p
\v 20 Apeye quẽꞌrãrẽ, Õꞌacʉ̃ macʉ̃ cʉ̃ aꞌtiꞌquere masĩꞌi. Cʉ̃ marĩrẽ Õꞌacʉ̃ diacjʉ̃ nigʉ̃rẽ masĩdutigʉ tʉꞌomasĩse oꞌocʉ niwĩ. Marĩ Jesucristo meꞌrã nírã, cʉ̃ pacʉ Õꞌacʉ̃pʉreta niꞌi. Jesucristo Õꞌacʉ̃ nimi. Cʉ̃́ta catinuꞌcũgʉ̃ marĩ catinuꞌcũatjere oꞌomi.  
\v 21 Apeye, masã na queose yee ẽjõpeoꞌquenojõrẽ ẽjõpeoticãꞌña. Õꞌacʉ̃ seꞌsarore ẽjõpeoya. Nipeꞌtise apeyenojõ yʉꞌrʉoro Õꞌacʉ̃rẽ maꞌiña.  
\p Tojota weeroʉasaꞌa.  
\p Tocãꞌrõta ojaꞌa.  
\p Juã