\id PSA  
\h Saame 
\toc1 Ko E Tohi ʻoe Ngaahi Saame 
\toc2 Saame 
\toc3 Sme 
\mt2 KO E TOHI  
\mt3 ʻOE NGAAHI  
\mt1 SAAME  
\cl SAAME  
\c 1  
\ms1 TOHI 1  
\mr (Saame 1—41)  
\cd \it 1 Ko e monūʻia ʻoe māʻoniʻoni, 4 Mo e malaʻia ʻoe angakovi.\it*  
\q1
\v 1 ‌ʻOku monūʻia ʻae tangata ʻoku ʻikai ʻeveʻeva ʻi he fakakaukau ʻae angakovi,  
\q2 pe tuʻu ʻi he hala ʻoe kau angahala,  
\q2 pe nofo ʻi he nofoʻa ʻoe manuki.   
\q1
\v 2 Ka ko ʻene fiefia ʻoku ʻi he fono ʻa Sihova;  
\q2 pea ko ʻene fono ʻoku ne fakalaulauloto ai ʻi he ʻaho mo e pō.   
\q1
\v 3 Pea ʻe tatau ia mo e ʻakau kuo tō ki he veʻe vaitafe,  
\q2 ʻaia ʻoku ʻomi hono fua ʻi hono faʻahitaʻu;  
\q2 pea ko hono lau foki ʻe ʻikai mae;  
\q2 pea ko ia kotoa pē ʻoku ne fai ʻe monūʻia.   
\q1
\v 4 ‌ʻOku ʻikai pehē ʻae angakovi:  
\q2 ka ʻoku tatau ia mo e kafukafu ʻaia ʻoku vilingia, ʻi he matangi.   
\q1
\v 5 Ko ia ʻe ʻikai tuʻu ʻae angakovi ʻi he fakamaau,  
\q2 pe ko e angahala ʻi he fakataha ʻoe māʻoniʻoni.   
\q1
\v 6 He ʻoku ʻilo ʻe Sihova ʻae hala ʻoe māʻoniʻoni:  
\q2 ka ko e hala ʻoe angakovi ʻe ʻauha ia.   
\c 2  
\cd \it 1 Ko e puleʻanga ʻo Kalaisi. 10 Ko e enginaki ki he ngaahi tuʻi ke nau maʻu ia.\it*  
\q1
\v 1 Ko e hā ʻoku matalili ai ʻae hiteni?  
\q2 Pea fakalaulauloto ʻae kakai ki he meʻa noa pē?   
\q1
\v 2 ‌ʻOku tuʻu hake fakataha ʻae ngaahi tuʻi ʻo māmani,  
\q2 pea fakakaukau fakataha  
\q2 ʻae kau pule kia Sihova mo ia kuo ne pani, ʻo pehē,   
\q1
\v 3 “Ke tau motuhi ʻena ngaahi haʻi  
\q2 pea liʻaki ʻena ngaahi afo ʻiate kitautolu.”   
\q1
\v 4 Ko ia ʻoku nofo ʻi he ngaahi langi ʻe kata ia:  
\q2 ʻe manuki ʻa Sihova kiate kinautolu.   
\q1
\v 5 Pea te ne toki folofola kiate kinautolu ʻi hono houhau,  
\q2 pea fakamamahiʻi ʻakinautolu ʻi hono tuputāmaki lahi.   
\q1
\v 6 Ka kuo u fakanofo ʻeku tuʻi ki Saione,  
\q2 ko e moʻunga ʻo ʻeku māʻoniʻoni.   
\q1
\v 7 “Te u fakahā ʻae tuʻutuʻuni:”  
\q1 naʻe pehē ʻe Sihova kiate au,  
\q2 “Ko hoku ʻAlo koe kuo u fakatupu koe ʻi he ʻaho ni.   
\q1
\v 8 Ke ke lea kiate au, pea te u foaki ʻae ngaahi hiteni ko ho tofiʻa,  
\q2 mo e ngaahi ngataʻanga kotoa pē ʻo māmani moʻou.   
\q1
\v 9 Te ke maumauʻi ʻakinautolu ʻaki ʻae vaʻa ukamea;  
\q2 pea te ke laiki ke lailai ʻakinautolu ʻo hangē ko e ipu ʻumea.   
\q1
\v 10 Pea ko eni, ke poto ʻakimoutolu ʻae ngaahi tuʻi:  
\q2 pea maʻu ʻae akonaki ʻakimoutolu ʻae kau fakamaau ʻo māmani.   
\q1
\v 11 Tauhi ʻa Sihova ʻi he manavahē,  
\q2 pea fiefia ʻi he tetetete.   
\q1
\v 12 ‌ʻUma ki he ʻAlo, telia naʻa houhau ia, pea te mou ʻauha mei he hala,  
\q2 ʻoka tupu siʻi pe hono houhau.  
\q2 ʻOku monūʻia ʻakinautolu kotoa pē ʻoku falala kiate ia.   
\c 3  
\cd \it 1–8 Ko e hūfanga malu ʻa Sihova.\it*  
\d Ko e Saame ʻa Tevita, ʻi heʻene hola meia ʻApisalomi ko hono foha.  
\q1
\v 1 ‌ʻE Sihova, kuo tupu ʻo tokolahi ʻakinautolu ʻoku fakamamahiʻi au!  
\q2 ʻOku tokolahi ʻakinautolu ʻaia ʻoku tuʻu hake ʻo angatuʻu kiate au.   
\q1
\v 2 ‌ʻOku tokolahi ʻakinautolu ʻaia ʻoku pehē ki hoku laumālie,  
\q2 “ʻOku ʻikai ha tokoni kiate ia ʻi he ʻOtua.” \qs Sila.\qs*   
\q1
\v 3 Ka ko koe, ʻE Sihova, ko e fakaū kiate au;  
\q2 ko hoku nāunau, mo e hiki hake ʻa hoku ʻulu.   
\q1
\v 4 Naʻaku tangi kia Sihova ʻaki hoku leʻo,  
\q2 pea naʻa ne ongoʻi au mei hono moʻunga māʻoniʻoni. \qs Sila.\qs*   
\q1
\v 5 Ne u tokoto hifo ʻo mohe; pea u ʻā hake;  
\q2 he ko Sihova naʻa ne tokoniʻi au.   
\q1
\v 6 ‌ʻE ʻikai te u manavahē ʻi he ngaahi toko mano ʻoe kakai,  
\q2 ʻaia ʻoku angatuʻu ʻo kāpui au.   
\q1
\v 7 Tuʻu hake, ʻE Sihova;  
\q2 fakamoʻui au, ʻE hoku ʻOtua:  
\q1 he kuo ke taaʻi hoku ngaahi fili kotoa pē ʻi honau hui kouʻahe  
\q2 kuo ke fesiʻi ʻae kau nifo ʻoe angakovi.   
\q1
\v 8 ‌ʻOku ʻia Sihova ʻae fakamoʻui:  
\q2 ko hoʻo tāpuaki ʻoku ʻi hoʻo kakai. \qs Sila.\qs*   
\c 4  
\cd \it 1 Ko e lotu ʻa Tevita ke tokanga ʻae ʻEiki kiate ia. 2 ʻOku ne valoki mo enginaki ki hono ngaahi fili. 6 ʻOku ʻi he ʻOtua ʻae monūʻia ʻoe tangata.\it*  
\d Ki he Takimuʻa ʻi he Nekina, ko e Saame ʻa Tevita.  
\q1
\v 1 ‌ʻO kau ka kole, fanongo mai kiate au, ʻE ʻOtua ʻo ʻeku māʻoniʻoni:  
\q2 naʻa ke halahalaʻi au mei he mamahi;  
\q2 ke ke ʻaloʻofa mai kiate au, pea fanongo ki heʻeku lotu.   
\q1
\v 2 ‌ʻAe ngaahi foha ʻoe tangata, ʻe ngata ʻafē hoʻomou liliu hoku nāunau ko e meʻa fakamā?  
\q2 ʻe ngata ʻafē hoʻomou ʻofa ki he meʻa vaʻinga pe, ʻo kumi ki he loi? \qs Sila.\qs*   
\q1
\v 3 Ka mou ʻilo kuo vaheʻi ʻe Sihova maʻana ʻaia ʻoku angalelei:  
\q2 ʻe fanongo ʻe Sihova ʻo kau ka kole kiate ia.   
\q1
\v 4 Mou manavahē, pea ʻoua naʻa fai angahala:  
\q2 fakakaukau mo homou loto ʻi homou mohenga, pea mou fakalongo pe. \qs Sila.\qs*   
\q1
\v 5 Feilaulau ʻaki ʻae ngaahi feilaulau māʻoniʻoni,  
\q2 pea mou falala kia Sihova.   
\q1
\v 6 ‌ʻOku pehē ʻe he tokolahi, “Ko hai te ne fakahā ha lelei kiate kitautolu?”  
\q2 ʻE Sihova, ke ke hiki hake kiate kimautolu ʻae maama ʻo ho fofonga.   
\q1
\v 7 Kuo ke ʻai ki hoku loto ʻae fiefia lahi hake ʻi he fiefia  
\q2 ʻi he kuonga naʻe tupu ʻo lahi ai ʻenau uite mo e uaine.   
\q1
\v 8 Te u tokoto hifo ʻi he fiemālie, ʻo mohe: he ko koe pē,  
\q2 ʻE Sihova, ʻoku ke pule ke u nofo lelei.   
\c 5  
\cd \it 1 ʻOku lotu ʻa Tevita, pea fakahā ʻene fakalaulauloto ʻi he lotu. 4 ʻOku ʻikai fiemālie ʻae ʻOtua ki he kau angahala. 7 ʻOku fakahā ʻe Tevita ʻene tui, pea lotu ki he ʻOtua ke ne tataki ia, 10 Pea fakaʻauha hono ngaahi fili, 11 Mo fakamoʻui ʻae māʻoniʻoni.\it*  
\d Ki he Takimuʻa ʻi he Nekiloti, ko e Saame ʻa Tevita.  
\q1
\v 1 Ke ke fofonga mai ki heʻeku ngaahi lea,  
\q2 ʻE Sihova,  
\q2 tokanga ki heʻeku fakalaulauloto.   
\q1
\v 2 Ke ke fanongo ki he leʻo ʻo ʻeku tangi, ʻE hoku tuʻi, mo hoku ʻOtua:  
\q2 he te u lotu pe kiate koe.   
\q1
\v 3 Ko hoku leʻo te ke ongoʻi ʻE Sihova, ʻi he pongipongi;  
\q2 ʻi he pongipongi te u ʻohake ʻeku lotu kiate koe, pea u hanga hake.   
\q1
\v 4 He ʻoku ʻikai ko e ʻOtua koe ʻoku fiemālie ʻi he angahala:  
\q2 pea ʻe ʻikai nonofo mo koe ʻae kovi.   
\q1
\v 5 ‌ʻE ʻikai tuʻu ʻi ho ʻao ʻae kau vale:  
\q2 ʻoku ke fehiʻa ki he kakai fai kovi kotoa pē.   
\q1
\v 6 Te ke fakaʻauha ʻakinautolu ʻoku lea loi:  
\q2 ʻe fakaliliʻa ʻa Sihova ki he tangata pani toto mo kākā.   
\q1
\v 7 Ka ko au, te u hū ki ho fale ʻi he lahi ʻo hoʻo ʻaloʻofa:  
\q2 pea ʻi he manavahē kiate koe te u hū ʻi he faletapu ʻo hoʻo māʻoniʻoni.   
\q1
\v 8 Tataki au, ʻE Sihova, ʻi hoʻo māʻoniʻoni koeʻuhi ko hoku ngaahi fili;  
\q2 fakatotonu ho hala ʻi hoku mata.   
\q1
\v 9 He ʻoku ʻikai ha moʻoni ʻi honau ngutu;  
\q2 ʻoku mātuʻaki kovi honau loto;  
\q2 ko honau kia ko e fonualoto kuo matangaki;  
\q2 ʻoku nau lapu ʻaki honau ʻelelo.   
\q1
\v 10 Ke ke fakaʻauha ʻakinautolu, ʻE ʻOtua;  
\q2 tuku ke nau hinga ʻi heʻenau ngaahi fakakaukau ʻanautolu;  
\q1 ke ke lī kituʻa ʻakinautolu ʻi he lahi ʻo ʻenau talangataʻa;  
\q2 he kuo nau angatuʻu kiate koe.   
\q1
\v 11 Kae tuku ke fiefia ʻakinautolu kotoa pē ʻaia ʻoku falala kiate koe:  
\q2 ke nau kalanga maʻuaipē ʻi he fiefia, ko e meʻa ʻi hoʻo maluʻi ʻakinautolu:  
\q1 tuku ke fiefia ʻiate koe ʻakinautolu ʻoku ʻofa ki ho huafa.   
\q2
\v 12 He ko koe, ʻE Sihova, te ke tāpuaki ʻae māʻoniʻoni;  
\q1 te ke kāpui ʻaki ia ʻae ʻofa ʻo hangē ko e fakaū.   
\c 6  
\cd \it 1 Ko e tangi ʻa Tevita ʻi hono mahaki. 8 ʻI heʻene tui ʻoku ne fiefia ki hono ngaahi fili.\it*  
\d Ki he Takimuʻa ʻi he Nekina ʻi he Semini, ko e Saame ʻa Tevita.  
\q1
\v 1 ‌ʻE Sihova, ʻoua naʻa ke valokiʻi au ʻi ho houhau,  
\q2 pe tautea au ʻi ho houhau vela.   
\q1
\v 2 ‌ʻAloʻofa mai kiate au, ʻE Sihova; he ʻoku ou vaivai:  
\q2 ʻE Sihova, fakamoʻui au he kuo mamahi hoku ngaahi hui.   
\q1
\v 3 ‌ʻOku mamahi lahi foki mo hoku laumālie:  
\q2 ka ko koe, ʻE Sihova, ʻe fēfē hono fuoloa?   
\q1
\v 4 Tafoki mai, ʻE Sihova, fakahaofi hoku laumālie:  
\q2 ʻoiauē, fakamoʻui au koeʻuhi ko hoʻo ʻaloʻofa.   
\q1
\v 5 He ʻoku ʻikai ha fakamanatu kiate koe ʻi he mate:  
\q2 ko hai te ne fakafetaʻi kiate koe ʻi he faʻitoka?   
\q1
\v 6 Kuo u vaivai ʻi heʻeku faʻa toʻe;  
\q2 ʻoku ou fakatētē hoku mohenga ʻi he pō kotoa;  
\q2 ʻoku ou fakaviviku ʻa hoku mohenga ʻaki hoku loʻimata.   
\q1
\v 7 Kuo tutue hoku mata ko e meʻa ʻi he mamahi;  
\q2 ʻoku fakaʻaʻau ke motuʻa ia koeʻuhi ko hoku ngaahi fili.   
\q1
\v 8 ‌ʻAlu ʻiate au, ʻakimoutolu kotoa pē ʻoku fai kovi;  
\q2 he kuo ongoʻi ʻe Sihova ʻae leʻo ʻo ʻeku tangi.   
\q1
\v 9 Kuo fanongo ʻa Sihova ki heʻeku hū tāumaʻu;  
\q2 pea ʻe maʻu ʻe Sihova ʻa ʻeku lotu.   
\q1
\v 10 Tuku ke mā mo mamahi lahi ʻa hoku ngaahi fili kotoa pē:  
\q2 tuku ke nau foki pea mā fakafokifā pe.   
\c 7  
\cd \it 1 ʻOku lotu ʻa Tevita koeʻuhi ko e meheka ʻo hono ngaahi fili, ʻo fakahā ʻene māʻoniʻoni. 10 ʻOku ne mamata ʻi heʻene tui ki hono hūfanga mo e fakaʻauha ʻo hono ngaahi fili.\it*  
\d Ko e Sikaiona ʻa Tevita, ʻaia naʻa ne hiva ʻaki kia Sihova, ko e meʻa ʻi he ngaahi lea ʻa Kusi mei he faʻahinga ʻo Penisimani.  
\q1
\v 1 ‌ʻE Sihova ko hoku ʻOtua, ʻoku ou falala pe kiate koe:  
\q2 ke ke fakamoʻui au meiate kinautolu kotoa pē ʻoku fakatangaʻi au, mo ke fakahaofi au.   
\q1
\v 2 Telia naʻa ne haehae hoku laumālie ʻo hangē ko e laione,  
\q2 ʻo haehae ia ke fakaikiiki, ʻoka ʻikai ha fakahaofi.   
\q1
\v 3 ‌ʻE Sihova ko hoku ʻOtua, kapau naʻaku fai eni;  
\q2 kapau ʻoku ai ha angahala ʻi hoku nima;   
\q1
\v 4 Kapau ne u totongi kovi kiate ia naʻe nofo ʻi he melino mo au;  
\q2 ʻio, naʻaku fakamoʻui ia ʻaia kuo hoko ko hoku fili taʻehanoʻuhinga:   
\q1
\v 5 Tuku ke tuli hoku laumālie ʻe he fili, pea maʻu ia;  
\q2 ʻio, tuku ke ne molomoloki hifo ʻeku moʻui ʻi he kelekele,  
\q2 pea fakatokoto hoku ongoongolelei ʻi he efu. \qs Sila.\qs*   
\q1
\v 6 Tuʻu hake, ʻE Sihova, ʻi ho houhau,  
\q2 ke ke hiki hake koe, ko e meʻa ʻi he lili ʻo hoku ngaahi fili:  
\q1 pea ke ʻā hake koeʻuhi ko au ki he fakamaau ʻaia naʻa ke fekau.   
\q2
\v 7 Pehē ʻe kāpui koe ʻe he fakataha ʻoe kakai:  
\q2 ko ia ko e meʻa ʻiate kinautolu ke ke hāʻele hake ki ʻolunga.   
\q1
\v 8 ‌ʻE fakamaau ʻe Sihova ʻae kakai:  
\q2 ke ke fakamaau au, ʻE Sihova, ʻo fakatatau ki heʻeku māʻoniʻoni,  
\q2 pea hangē ko ʻeku angatonu ʻoku ʻiate au.   
\q1
\v 9 Tuku ke ngata ʻae kovi ʻoe angakovi,  
\q2 ka ke fakatuʻumaʻu ʻae angatonu:  
\q2 he ʻoku ʻahiʻahiʻi ʻe he ʻOtua māʻoniʻoni ʻae ngaahi loto mo e ngaahi konga loto.   
\q1
\v 10 ‌ʻOku ʻi he ʻOtua ʻa hoku fakaū,  
\q2 ʻaia ʻoku ne fakamoʻui ʻae kakai angatonu ʻi loto.   
\q1
\v 11 ‌ʻOku fakamaau ʻe he ʻOtua ʻae māʻoniʻoni,  
\q2 pea ʻoku houhau ʻae ʻOtua ki he angakovi ʻi he ʻaho kotoa pē.   
\q1
\v 12 Kapau ʻe ʻikai te ne tafoki, te ne fakamata ʻa ʻene heletā;  
\q2 kuo ne teteke ʻene kaufana, ʻo teuteu ia.   
\q1
\v 13 Kuo ne teuteu foki kiate ia ʻae ngaahi meʻa fakapō;  
\q2 ʻoku ne tuʻutuʻuni ʻene ngaahi ngahau ki he kau fakatanga.   
\q1
\v 14 Vakai, ʻoku langā ia ʻi he angakovi,  
\q2 pea kuo ne tuʻituʻia ʻae angapauʻu,  
\q2 pea fanauʻi ʻe ia ʻae kākā.   
\q1
\v 15 Naʻa ne ngaohi ʻae luo, ʻo keli ia,  
\q2 pea kuo tō ia ki he luo naʻa ne ngaohi.   
\q1
\v 16 ‌ʻE foki ki hono ʻulu ʻoʻona ʻa ʻene angapauʻu,  
\q2 pea ʻe tō hifo ki hono tumuʻaki ʻoʻona ʻa ʻene ngāue fakamālohi.   
\q1
\v 17 Te u fakafetaʻi kia Sihova ʻo fakatatau ki heʻene māʻoniʻoni:  
\q2 pea te u hiva ʻaki ʻae fakafetaʻi ki he huafa ʻo Sihova ʻoku māʻolunga taha pe.   
\c 8  
\cd \it 1–9 ʻOku ongoongolelei ai ʻae ʻOtua ʻi heʻene ngaahi ngāue, pea ʻi heʻene ʻofa ki he tangata.\it*  
\d Ki he Takimuʻa ʻi he Kitita, ko e Saame ʻa Tevita.  
\q1
\v 1 ‌ʻE Sihova ko homau ʻEiki, ʻoku lelei lahi ho huafa ʻi māmani kotoa pē!  
\q2 Kuo ke fokotuʻu ho nāunau ʻi ʻolunga ʻi he ngaahi langi.   
\q1
\v 2 Kuo ke tuʻutuʻuni mei he ngutu ʻoe kau valevale mo e kei huhu ʻae mālohi,  
\q2 ko e meʻa ʻi ho ngaahi fili, koeʻuhi ke ke pule ke fakalongo pē ʻae fili mo e fakafāsifasi.   
\q1
\v 3 ‌ʻO kau ka fakakaukau ki ho ngaahi langi, ko e ngāue ʻo ho louhiʻi nima,  
\q2 ko e māhina mo e ngaahi fetuʻu, ʻaia naʻa ke fokotuʻu;   
\q1
\v 4 Ko e hā ʻae tangata ʻoku ke tokanga ai kiate ia?  
\q2 Pe ko e foha ʻae tangata, ʻoku ke ʻaʻahi ai kiate ia?   
\q1
\v 5 He kuo ke ngaohi ia ke māʻulalo siʻi ʻi he ngaahi ʻāngelo,  
\q2 pea kuo ke tatāʻaki ia ʻae nāunau mo e ongoongolelei.   
\q1
\v 6 Naʻa ke fakanofo ia ke ne pule ki he ngaahi ngāue ʻa ho nima;  
\q2 kuo ke tuku ʻae meʻa kotoa pē ki hono lalo vaʻe:   
\q1
\v 7 ‌ʻAe fanga sipi kotoa pē mo e fanga pulu,  
\q2 ʻio, mo e ngaahi manu ʻoe fonua;   
\q1
\v 8 Ko e manupuna ʻoe ʻatā, mo e ika ʻoe tahi,  
\q2 mo e meʻa kotoa pē ʻoku ʻalu ʻi he ngaahi ʻaluʻanga ʻi he tahi.   
\q1
\v 9 ‌ʻE Sihova ko homau ʻEiki,  
\q2 ʻoku lelei lahi ho huafa ʻi māmani kotoa pē!   
\c 9  
\cd \it 1 ʻOku fakafetaʻi ʻa Tevita ki he ʻOtua ʻi heʻene fai ʻae fakamaau. 11 ʻOku ne ueʻi ʻae kakai ke fakafetaʻi kiate ia. 18 ʻOku ne kole ʻae tāpuaki koeʻuhi ke ne fakafetaʻi ai kiate ia.\it*  
\d Ki he Takimuʻa ʻi he Muti-Lapeni, ko e Saame ʻa Tevita.  
\q1
\v 1 Te u fakafetaʻi kiate koe, ʻE Sihova, ʻaki hoku loto kotoa;  
\q2 te u fakahā atu hoʻo ngāue fakaofo kotoa pē.   
\q1
\v 2 Te u fiefia mo nekeneka ʻiate koe:  
\q2 te u hiva fakamālō ki ho huafa, ʻa koe ʻoku ke māʻolunga lahi taha pe.   
\q1
\v 3 Pea ka foki kimui hoku ngaahi fili,  
\q2 te nau hinga ʻo ʻauha ʻi ho fofonga.   
\q1
\v 4 He naʻa ke langomia ʻeku totonu mo ʻeku ngāue;  
\q2 naʻa ke nofo ʻi he nofoʻa, ʻo fakamaau ʻi he māʻoniʻoni.   
\q1
\v 5 Kuo ke valoki ʻae hiteni,  
\q2 kuo ke fakaʻauha ʻae angakovi,  
\q2 kuo ke tāmateʻi honau hingoa ke taʻengata pea taʻengata.   
\q1
\v 6 Kuo hoko ke ngata ʻaupito ʻae ngaahi fakaʻauha ʻoe fili:  
\q2 pea ko honau ngaahi kolo kuo ke fakaʻauha;  
\q2 kuo ʻauha mo kinautolu honau fakamanatu.   
\q1
\v 7 Ka ʻe moʻui maʻuaipē ʻa Sihova:  
\q2 kuo ne teuʻi hono ʻafioʻanga ki he fakamaau.   
\q1
\v 8 Pea te ne fakamaau ʻa māmani ʻi he māʻoniʻoni,  
\q2 ʻe ʻatu ʻe ia ʻae fakamaau ki he kakai ʻi he angatonu.   
\q1
\v 9 Pea ko e hūfanga foki ʻa Sihova ki he mamahi,  
\q2 ko e kalofanga ʻi he ngaahi ʻaho fakamamahi.   
\q1
\v 10 Pea ko kinautolu ʻoku ʻilo ki ho huafa te nau falala kiate koe:  
\q2 he ko koe, ʻE Sihova, naʻe ʻikai te ke siʻaki ʻakinautolu ʻoku kumi kiate koe.   
\q1
\v 11 Hiva fakafetaʻi kia Sihova, ʻaia ʻoku ʻafio ʻi Saione:  
\q2 fakahā ʻi he ʻao ʻoe kakai ʻene ngaahi ngāue.   
\q1
\v 12 ‌ʻOka ne ka ʻeke ki he toto, ʻoku ne manatuʻi ʻakinautolu:  
\q2 ʻoku ʻikai te ne fakangalongaloʻi ʻae tangi ʻae angavaivai.   
\q1
\v 13 Ke ke ʻaloʻofa kiate au, ʻE Sihova;  
\q2 ʻo tokanga ki heʻeku mamahi meiate kinautolu ʻoku fehiʻa kiate au,  
\q1 ʻa koe ʻoku ke hiki au ki ʻolunga mei he ngaahi matapā ʻoe mate:   
\q2
\v 14 Koeʻuhi ke u fakahā ho ongoongolelei kotoa pē.  
\q2 ʻi he ngaahi matapā ʻoe taʻahine ʻo Saione: te u fiefia ʻi hoʻo fakamoʻui.   
\q1
\v 15 Kuo ngalo hifo ʻae hiteni ʻi he luo naʻa nau ngaohi:  
\q2 ʻi he tauhele naʻa nau fakalilo kuo moʻua ai honau vaʻe.   
\q1
\v 16 ‌ʻOku ʻiloʻi ʻa Sihova ʻi he fakamaau ʻoku ne fai:  
\q2 kuo heleʻi ʻae angakovi ʻi he ngāue ʻa hono nima ʻoʻona. \qs Hikaione. Sila.\qs*   
\q1
\v 17 ‌ʻE tekeʻi ʻae angahala ki loto heli,  
\q2 mo e ngaahi puleʻanga kotoa pē ʻoku fakangalongaloʻi ʻae ʻOtua.   
\q1
\v 18 Koeʻuhi ʻe ʻikai ngalo maʻuaipē ʻae masiva:  
\q2 ʻe ʻikai ʻauha ke taʻengata ʻae ʻamanaki ʻae masiva.   
\q1
\v 19 Tuʻu hake, ʻE Sihova; ʻoua naʻa tuku ke mālohi ʻae tangata:  
\q2 tuku ke fakamaau ʻae hiteni ʻi ho ʻao.   
\q1
\v 20 Fakamanavahēʻi ʻakinautolu, ʻE Sihova:  
\q2 koeʻuhi ke ʻilo ʻe he ngaahi puleʻanga ko e tangata pē ʻakinautolu. \qs Sila.\qs*   
\c 10  
\cd \it 1 ʻOku lāunga ʻa Tevita ki he ʻOtua ʻi he angamālohi ʻoe angahala. 12 ʻOku ne kole ʻae tokoni. 16 ʻOku ne fakahā ʻene tui.\it*  
\q1
\v 1 Ko e hā ʻoku ke fakamamaʻo ai, ʻE Sihova?  
\q2 Ko e hā ʻoku ke fakafufū ai koe ʻi he ngaahi ʻaho ʻoe mamahi?   
\q1
\v 2 ‌ʻI he fielahi ʻae angakovi ʻoku ne fakatangaʻi ʻae masiva:  
\q2 tuku ke moʻua ʻakinautolu ʻi he ngaahi filioʻi ʻaia kuo nau fakakaukau ki ai.   
\q1
\v 3 He ʻoku polepole ʻae angahala ʻi he holi ʻa hono loto,  
\q2 ʻo ne fakamālō ki he manumanu ʻaia ʻoku fehiʻa ki ai ʻa Sihova.   
\q1
\v 4 Ko e angahala, ʻi he fielahi ʻa hono mata, ʻe ʻikai te ne kumi \add ki he ʻOtua\add*:  
\q2 ʻoku ʻikai kau ki he ʻOtua ʻene ngaahi mahalo kotoa pē.   
\q1
\v 5 ‌ʻOku fakamamahi maʻuaipē hono ngaahi ʻaluʻanga;  
\q2 ʻoku māʻolunga lahi hake hoʻo ngaahi fakamaau ʻo ʻulia ʻiate ia:  
\q2 pea ʻoku ne ifi atu ki hono ngaahi fili kotoa pē.   
\q1
\v 6 Kuo pehē ʻe ia ʻi hono loto, “ʻE ʻikai te u ngaue:  
\q2 koeʻuhi ʻe ʻikai te u ʻi he mamahi mei he toʻutangata ki he toʻutangata.”   
\q1
\v 7 ‌ʻOku fonu hono ngutu ʻi he kape, mo e kākā, mo e loi:  
\q2 ʻoku ʻi hono lalo ʻelelo ʻae pauʻu, mo e kovi.   
\q1
\v 8 ‌ʻOku nofo ia ʻi he ngaahi toitoiʻanga ʻoe ngaahi potu kakai:  
\q2 ʻoku fakapoongi ʻe ia ʻae māʻoniʻoni ʻi he ngaahi potu fakalilolilo:  
\q1 ʻoku siosio pau hono mata ʻi he fufū ki he masiva.   
\q1
\v 9 ‌ʻOku tokoto tatali pe ia ʻi he potu lilo, ʻo hangē ko e laione ʻi hono ʻana:  
\q2 ʻoku tali tokoto ia ke ne pō ʻae masiva:  
\q2 ʻoku ne pō ʻae masiva, ʻi heʻene fakatauveleʻi ia ki heʻene hele.   
\q1
\v 10 ‌ʻOku ne tulolo ʻo fakavaivai ia,  
\q2 koeʻuhi ke hinga ai  
\q2 ʻae masiva ʻi heʻene mālohi.   
\q1
\v 11 Naʻe pehē ʻe ia ʻi hono loto, “Kuo ngalo ʻi he ʻOtua:  
\q2 ʻoku fufū ʻe ia hono fofonga  
\q2 ʻe ʻikai ʻaupito te ne mamata ki ai.”   
\q1
\v 12 Tuʻu hake, ʻE Sihova;  
\q2 ʻE ʻOtua, hiki hake ho nima:  
\q2 ʻoua naʻa fakangalongaloʻi ʻae angavaivai.   
\q1
\v 13 Ko e hā ʻoku manuki ai ʻe he angakovi ki he ʻOtua?  
\q2 Naʻe pehē ʻe ia ʻi hono loto, “ʻE ʻikai te ke ʻeke ki ai.”   
\q1
\v 14 Kuo ke ʻafioʻi ia; he ʻoku ke ʻafioʻi ʻae pauʻu mo e fakafāsifasi,  
\q2 ke totongi ia ʻaki ho nima:  
\q2 ʻoku tuku ia kiate koe ʻe he masiva;  
\q2 ko koe ko e tokoni ʻoe tamai mate.   
\q1
\v 15 Fesiʻi ʻe koe ʻae nima ʻoe tangata angahala mo angakovi:  
\q2 kumi ʻene ngaahi kovi kotoa pē ke ʻoua ke ʻosi.   
\q1
\v 16 Ko e Tuʻi ʻa Sihova, ʻo taʻengata pea taʻengata:  
\q2 kuo ʻauha ʻae hiteni mei hono fonua.   
\q1
\v 17 ‌ʻE Sihova, kuo ke ongoʻi ʻae holi ʻae angavaivai:  
\q2 pea te ke teuʻi honau loto,  
\q2 te ke ʻange ho fofonga ke ʻafioʻi:   
\q1
\v 18 Ke fakamaau ʻae ngaahi tamai mate mo e kakai kuo taʻomia,  
\q2 koeʻuhi ke ʻoua naʻa toe fakailifiaʻi ʻe he tangata ʻoe fonua.   
\c 11  
\cd \it 1 ʻOku fakafiemālieʻi ʻa Tevita ʻe ia ʻi he ʻOtua koeʻuhi ko hono ngaahi fili, 4 Ko e pule mo e angatonu ʻae ʻOtua.\it*  
\d Ki he Takimuʻa, ko e Saame ʻa Tevita.  
\q1
\v 1 ‌ʻOku ou falala kia Sihova:  
\q2 pea ʻoku fēfē hoʻomou pehē ki hoku laumālie, “Puna ʻo hangē ko e manu ki ho moʻunga?   
\q1
\v 2 He ʻoku teke ʻe he angahala ʻenau kaufana,  
\q2 ʻoku nau ʻai ʻenau ngaahi ngahau ki he uka,  
\q2 koeʻuhi ke nau fana fakafufū pē ki he angatonu ʻi loto.   
\q1
\v 3 Kapau ʻe ʻauha ʻae ngaahi tuʻunga,  
\q2 ko e hā ʻe faʻa fai ʻe he kakai māʻoniʻoni?”   
\q1
\v 4 ‌ʻOku ʻi hono fale māʻoniʻoni ʻa Sihova,  
\q2 ko e ʻafioʻanga ʻa Sihova ʻoku ʻi he langi:  
\q2 ʻoku ʻafioʻi ʻe hono fofonga,  
\q2 ʻoku ʻahiʻahiʻi ʻe hono lauʻifofonga,  
\q2 ʻae ngaahi fānau ʻae tangata.   
\q1
\v 5 ‌ʻOku ʻahiʻahi ʻe Sihova ʻae māʻoniʻoni:  
\q2 ka ko e angakovi mo ia ʻoku manako ki he fakamālohi ʻoku fehiʻa hono laumālie ki ai.   
\q1
\v 6 Te ne fakaʻauha ki he ngaahi angahala ʻae ngaahi tauhele,  
\q2 ko e afi, mo e sulifa, mo e afā fakailifia ʻaupito: ko e ʻinasi ia ʻo ʻenau ipu.   
\q1
\v 7 He ʻoku ʻofa ʻa Sihova ko e māʻoniʻoni ki he māʻoniʻoni;  
\q2 ʻoku ʻafio ʻe hono fofonga ki he angatonu.   
\c 12  
\cd \it 1 ʻOku kole ʻa Tevita ʻae tokoni mei he ʻOtua ʻi heʻene masiva ʻi he fiemālie mei he tangata 3 ʻOku ne fakafiemālieʻi ia ʻi heʻene manatu ki he tautea ʻi he ʻOtua ki he angahala, pea ʻi heʻene tui ki he ngaahi talaʻofa ʻae ʻOtua.\it*  
\d Ki he Takimuʻa ʻi he Semini, ko e Saame ʻa Tevita.  
\q1
\v 1 ‌ʻE Sihova, ke ke fakamoʻui; he kuo ngata ʻae tangata anga fakaʻotua;  
\q2 he ʻoku fakaʻaʻau ʻo tokosiʻi ʻae angatonu ʻi he ngaahi fānau ʻae tangata.   
\q1
\v 2 ‌ʻOku nau taki taha lea loi ki hono kaungāʻapi:  
\q2 ʻoku nau lea ʻi he loungutu lapu mo e kākā.   
\q1
\v 3 ‌ʻE fakaʻauha ʻe Sihova ʻae ngaahi loungutu lapu kotoa pē,  
\q2 pea mo e ʻelelo ʻoku lea ʻaki ʻae ngaahi meʻa fakafielahi:   
\q1
\v 4 ‌ʻAkinautolu naʻe pehē, “Te tau ikuna ʻaki hotau ʻelelo;  
\q2 ʻoku ʻotautolu pe hotau loungutu:  
\q2 ko hai ʻae ʻeiki kiate kitautolu?   
\q1
\v 5 ‌ʻOku pehē ʻe Sihova, “Ko e meʻa ʻi he fakamālohiʻi ʻoe masiva, mo e ngaahi mafulu ʻoe vaivai,  
\q2 te u tuʻu hake;  
\q1 te u fokotuʻu moʻui ia meiate ia ʻaia ʻoku manuki kiate ia.”   
\q1
\v 6 Ko e ngaahi folofola ʻa Sihova ko e folofola maʻa ia:  
\q2 ʻo hangē ko e siliva kuo ʻahiʻahi ʻi he kulo ʻumea, kuo tuʻo fitu hono fakamaʻa.   
\q1
\v 7 ‌ʻE Sihova, te ke tauhi ʻakinautolu,  
\q2 te ke fakamoʻui ʻakinautolu mei he toʻutangata ni ʻo taʻengata.   
\q1
\v 8 ‌ʻOku ʻeveʻeva ʻae angakovi ʻi he potu kotoa pē,  
\q2 ʻoka hakeakiʻi ʻae kau tangata ʻoku mātuʻaki kovi.   
\c 13  
\cd \it 1 ʻOku lāunga ʻa Tevita ʻi he fakatuai ʻoe tokoni. 3 ʻOku ne lotu ke maʻu ʻae ʻofa. 5 ʻOku ne vikiviki ʻi he ʻaloʻofa ʻae ʻOtua.\it*  
\d Ki he Takimuʻa, ko e Saame ʻa Tevita.  
\q1
\v 1 ‌ʻE Sihova, ʻe fēfē hono fuoloa?  
\q2 Mo hoʻo kei fakangalongaloʻi au? Ke taʻengata?  
\q2 ʻE fēfē hono fuoloa ʻo hoʻo fufū ho fofonga ʻiate au?   
\q1
\v 2 ‌ʻE fēfē hono fuoloa mo ʻeku lauloto mo hoku laumālie,  
\q2 ʻo loto mamahi pē ʻi he ʻaho kotoa pē?  
\q2 ʻE fēfē hono fuoloa mo e fielahi kiate au ʻa hoku fili?   
\q1
\v 3 ‌ʻE Sihova ko hoku ʻOtua, ke ke tokanga mai pea ongoʻi au:  
\q2 fakamaama hoku mata, telia naʻaku mohe ʻi he mohe ʻoe mate;   
\q1
\v 4 Telia naʻa pehē ʻe hoku fili, “Kuo u ikuna ia;”  
\q2 pea fiefia ʻakinautolu ʻoku fakamamahiʻi au ʻo kau ka ngaue.   
\q1
\v 5 Ka kuo u falala ki hoʻo ʻaloʻofa;  
\q2 ʻo fiefia hoku loto ʻi hoʻo fakamoʻui.   
\q1
\v 6 Te u hiva kia Sihova,  
\q2 ko e meʻa ʻi heʻene fai lelei lahi ʻaupito kiate au.   
\c 14  
\cd \it 1 ʻOku fakamatala atu ʻe Tevita hono kovi ʻoe tangata fakakakano. 4 ʻOku ne fakaʻilo ʻae kovi ki he angahala ʻaki ʻae maama ʻi honau loto. 7 ʻOku ne vikiviki ʻi he fakamoʻui ʻae ʻOtua.\it*  
\d Ki he Takimuʻa, ko e Saame ʻa Tevita.  
\q1
\v 1 Kuo pehē ʻe he vale ʻi hono loto, “ʻOku ʻikai ha ʻOtua.”  
\q2 Kuo kovi ʻakinautolu,  
\q2 kuo nau fai ʻae ngaahi ngāue fakalielia,  
\q2 ʻoku ʻikai ha tokotaha ʻoku fai lelei.   
\q1
\v 2 Naʻe ʻafio hifo ʻe Sihova mei he langi ki he fānau ʻae tangata,  
\q2 ke ʻafio pē ʻoku ai ha niʻihi ʻoku ʻilo,  
\q2 mo kumi ki he ʻOtua.   
\q1
\v 3 Kuo ʻalu hē kotoa pē,  
\q2 kuo nau hoko ʻo fakalielia kotoa pē:  
\q2 ʻoku ʻikai ha tokotaha ʻoku fai lelei,  
\q2 ʻoku ʻikai ʻaupito ha taha.   
\q1
\v 4 “ʻOku ʻikai ha ʻilo ʻiate kinautolu kotoa pē ʻoku fai kovi?  
\q2 ʻAkinautolu ʻoku kai ʻo ʻosi hoku kakai ʻo hangē ko ʻenau kai mā,  
\q2 pea ʻoku ʻikai te nau ui kia Sihova.”   
\q1
\v 5 Pea naʻa nau manavahē ai ʻi he manavahē lahi:  
\q2 he ʻoku ʻi he toʻutangata ʻoe māʻoniʻoni ʻae ʻOtua.   
\q1
\v 6 Naʻa mou manukiʻi ʻae fakakaukau ʻoe masiva,  
\q2 ka ko hono hūfanga ʻa Sihova.   
\q1
\v 7 Ko hai te ne foaki mei Saione ʻae fakamoʻui ki ʻIsileli?  
\q2 ʻOka toe ʻomi ʻe Sihova hono kakai kuo pōpula,  
\q2 ʻe fiefia ai ʻa Sēkope, pea nekeneka ʻa ʻIsileli.   
\c 15  
\cd \it 1–5 ʻOku fakahā ʻe Tevita ʻae tangata totonu ʻoe kolo ko Saione.\it*  
\d Ko e Saame ʻa Tevita.  
\q1
\v 1 ‌ʻE Sihova, ko hai te ne nofo ʻi ho fale fehikitaki?  
\q2 Ko hai te ne nofomaʻu ʻi ho moʻunga māʻoniʻoni?   
\q1
\v 2 Ko ia ia ʻoku ʻeveʻeva ʻi he angatonu, pea ngāue ʻi he māʻoniʻoni,  
\q2 mo lea ʻaki ʻae moʻoni ʻi hono loto.   
\q1
\v 3 Ko ia ʻoku ʻikai lauʻikovi ʻaki hono ʻelelo,  
\q2 pe fai kovi ki hono kaungāʻapi,  
\q2 pe toʻo hake ʻae lea kovi ki hono kaungāʻapi.   
\q1
\v 4 ‌ʻAia ʻoku kovi ki hono mata ʻae tangata fai kovi;  
\q2 ka ʻoku ne fakaʻapaʻapa kiate kinautolu ʻoku manavahē kia Sihova.  
\q2 ʻOku ne fuakava, pea kovi ai ia, ka ʻe ʻikai liliu ai.   
\q1
\v 5 Ko ia ʻoku ʻikai ʻange ʻene ngaahi paʻanga koeʻuhi ko e totongi,  
\q2 pe toʻo ʻe ia ʻae totongi ke fai kovi ki he māʻoniʻoni.  
\b  
\q1 Ko ia ʻoku ne fai ʻae ngaahi meʻa ni ʻe ʻikai ueʻi ia ʻo taʻengata.   
\c 16  
\cd \it 1 ʻOku hola ʻa Tevita ki he ʻOtua ke ne fakamoʻui ia. 5 ʻOku ne fakahā ʻene ʻamanaki ki he toetuʻu mo e moʻui taʻengata.\it*  
\d Ko e Saame mahuʻinga ʻa Tevita.  
\q1
\v 1 ‌ʻE ʻOtua, ke ke fakamoʻui au: he ʻoku ou falala kiate koe.   
\q1
\v 2 ‌ʻE hoku laumālie, naʻa ke pehē kia Sihova, “Ko hoku ʻEiki koe:  
\q2 ʻoku ʻikai aʻu atu ʻeku angalelei kiate koe;”   
\q1
\v 3 Ka ki he kau māʻoniʻoni ʻoku ʻi māmani,  
\q2 pea ki he angalelei, ʻoku ʻiate kinautolu ʻeku fiefia kotoa pē.   
\q1
\v 4 ‌ʻE ʻāsili ai ʻae mamahi ʻokinautolu ʻoku kumi ʻotua kehe:  
\q2 ko ʻenau ngaahi feilaulau inu ʻoe toto ʻe ʻikai te u ʻatu,  
\q2 pe toʻo hake honau ngaahi hingoa ki hoku loungutu.   
\q1
\v 5 Ko hono lelei ʻo hoku tofiʻa mo ʻeku ipu ʻa Sihova:  
\q2 ʻoku ke tauhi hoku talotalo.   
\q1
\v 6 Kuo falō kiate au ʻae ngaahi afo ʻi he ngaahi potu matamatalelei;  
\q2 ʻio, kuo u maʻu ʻae tofiʻa lelei.   
\q1
\v 7 Te u fakafetaʻi kia Sihova, ʻaia kuo ne akonakiʻi au:  
\q2 ko hoku kofuua foki ʻoku na akonakiʻi au ʻi he ngaahi feituʻu pō.   
\q1
\v 8 Kuo u fokotuʻu maʻuaipē ʻa Sihova ʻi hoku ʻao:  
\q2 ko e meʻa ʻi heʻene ʻi hoku nima toʻomataʻu, ʻe ʻikai ai te u ngaue.   
\q1
\v 9 Ko ia ʻoku fiefia ai hoku loto, pea nekeneka mo hoku ʻelelo:  
\q2 ʻe mālōlō foki ʻa hoku sino ʻi he ʻamanaki lelei.   
\q1
\v 10 Koeʻuhi ʻe ʻikai te ke tuku hoku laumālie ʻi hētesi;  
\q2 pea ʻe ʻikai te ke tuku ho tokotaha māʻoniʻoni ke ne ʻilo ʻae ʻauʻauha.   
\q1
\v 11 Te ke fakahā kiate au ʻae hala ʻoe moʻui:  
\q2 ʻoku fonu ʻae fiefia ʻi ho ʻao;  
\q2 ʻoku ʻi ho nima toʻomataʻu ʻae ngaahi fiemālie ʻo taʻengata.   
\c 17  
\cd \it 1 ʻOku kole ʻa Tevita ʻi heʻene angatonu ki he ʻOtua ke ne maluʻi ia mei hono ngaahi fili. 10 ʻOku ne fakahā ʻenau laukau, mo e kākā, mo e manavakavakava. 13 ʻOku ne kole koeʻuhi ko kinautolu ʻi he ʻamanaki lelei.\it*  
\d Ko e Lotu ʻa Tevita.  
\q1
\v 1 ‌ʻE Sihova, ke ke fanongo ki he meʻa totonu,  
\q2 tokanga ki heʻeku tangi fakafanongo ki heʻeku lotu, ʻaia ʻoku ʻikai mei he loungutu kākā.   
\q1
\v 2 Ke haʻu mei ho ʻao ʻa hoku fakamaau;  
\q2 ke ʻafioʻi ʻe ho fofonga ʻaia ʻoku totonu.   
\q1
\v 3 Naʻa ke ʻahiʻahiʻi hoku loto;  
\q2 naʻa ke ʻaʻahi kiate au ʻi he poʻuli;  
\q2 kuo ke ʻahiʻahiʻi au,  
\q2 ka ʻe ʻikai te ke ʻilo ha meʻa;  
\q2 kuopau pe hoku loto ʻe ʻikai hala hoku ngutu.   
\q1
\v 4 Pea ko e meʻa ʻi he ngaahi ngāue ʻae tangata,  
\q2 ʻi he folofola ʻo ho loungutu kuo u taʻofi ʻaki au mei he ngaahi ʻaluʻanga ʻoe fakaʻauha.   
\q1
\v 5 Ke ke tokoni ʻeku ʻalu atu ʻi ho ngaahi hala,  
\q2 ke ʻoua naʻa hekea hoku vaʻe.   
\q1
\v 6 ‌ʻE ʻOtua naʻaku ui kiate koe, he te ke ongoʻi au:  
\q2 ke ke fakatokangaʻi ho telinga kiate au,  
\q2 pea fanongo ki heʻeku lea.   
\q1
\v 7 Fakahā hoʻo ʻaloʻofa fakamanavahē,  
\q2 ʻa koe ʻoku ke fakamoʻui ʻaki ho nima toʻomataʻu ʻakinautolu ʻoku falala kiate koe meiate kinautolu ʻoku tuʻu hake kiate kinautolu.   
\q1
\v 8 Ke ke tauhi au ʻo hangē ko e tamaʻimata,  
\q2 fakafufū au ʻi he malu ʻo ho kapakau,   
\q1
\v 9 Mei he kau angakovi ʻaia ʻoku nau taʻomia au,  
\q2 mei hoku ngaahi fili fakapō, ʻoku nau kāpui au.   
\q1
\v 10 Kuo ʻāʻi ʻakinautolu ʻaki honau fuʻu sino:  
\q2 ʻoku nau lea fakafielahi ʻaki honau ngutu.   
\q1
\v 11 Ko eni kuo nau kāpui ʻakimautolu ʻi homau ngaahi ʻaluʻanga:  
\q2 kuo nau fakamamaʻu honau mata ʻo sio hifo ki he kelekele;   
\q1
\v 12 ‌ʻO hangē ko e laione ʻoku holi ki he kai,  
\q2 pea hangē ko e laione mui ʻoku toitoi ʻi he ngaahi potu lilo.   
\q1
\v 13 Tuʻu hake, ʻE Sihova, ʻo taʻofi ia,  
\q2 lī ia ki lalo:  
\q2 fakahaofi hoku laumālie mei he tangata angakovi, ʻaia ko hoʻo heletā:   
\q2
\v 14 ‌ʻE Sihova, mei he kau tangata ʻoku ʻi ho nima,  
\q1 mei he kau tangata ʻo māmani, ʻoku nau maʻu honau ʻinasi ʻi he moʻui ni,  
\q1 ʻakinautolu ʻoku ke fakapito honau kete ʻaki hoʻo koloa fufū:  
\q2 ʻoku nau fonu ʻi he ngaahi fānau,  
\q2 pea ʻoku nau tuku hono toe ʻo ʻenau koloa ki heʻenau kau valevale.   
\q1
\v 15 Ka ko au, te u mamata ki ho fofonga ʻi he māʻoniʻoni:  
\q2 te u fiemālie au, ʻo kau ka ʻā hake, ʻi ho tatau.   
\c 18  
\cd \it 1–50 ʻOku fakafetaʻi ʻe Tevita ki he ʻOtua koeʻuhi ko ʻene ngaahi tāpuaki lahi mo fakaofo.\it*  
\d Ki he Takimuʻa ko e Saame ʻa Tevita, ko e tamaioʻeiki ʻa Sihova, ʻaia naʻe lea ʻaki kia Sihova ʻae ngaahi lea ʻoe hiva ni, ʻi he ʻaho ko ia naʻe fakamoʻui ia ʻe Sihova mei he nima ʻo hono ngaahi fili kotoa pē, pea mei he nima ʻo Saula: ʻo pehē,  
\q1
\v 1 Te u ʻofa kiate koe, ʻE Sihova, ko ʻeku mālohi.   
\q1
\v 2 Ko hoku makatuʻu ʻa Sihova, mo ʻeku kolo, mo hoku fakamoʻui;  
\q2 ko hoku ʻOtua, ko hoku mālohi, ʻaia te u falala ki ai;  
\q2 ko hoku fakaū, mo e mālohi ʻo ʻeku moʻui, mo hoku hūfanga māʻolunga.   
\q1
\v 3 Te u ui kia Sihova, ʻaia ʻoku ngali mo ia ʻae fakafetaʻi:  
\q2 ko ia te u moʻui ai mei hoku ngaahi fili.   
\q1
\v 4 Naʻe kāpui au ʻe he ngaahi mamahi ʻoe mate.  
\q2 pea naʻe fakamanavahēʻi au ʻe he lōmaki mai ʻoe kau tangata angakovi.   
\q1
\v 5 Naʻe kāpui au ʻe he ngaahi mamahi ʻo hētesi:  
\q2 naʻe talia au ʻe he ngaahi tauhele ʻoe mate.   
\q1
\v 6 ‌ʻI heʻeku mamahi naʻaku ui kia Sihova,  
\q2 mo tangi ki hoku ʻOtua:  
\q2 pea ne ongoʻi hoku leʻo mei hono faletapu,  
\q2 pea naʻe aʻu atu ʻeku tangi ki hono ʻao, ʻio, ki hono fofonga.   
\q1
\v 7 Naʻe ngalulu ai ʻa māmani ʻo tetetete;  
\q2 naʻe ngaue mo lulululu foki ʻae tuʻunga ʻoe ngaahi moʻunga,  
\q2 koeʻuhi ko ʻene houhau.   
\q1
\v 8 Naʻe ʻalu hake ʻae kohu ʻi hono houhau,  
\q2 pea naʻe keina ʻe he afi mei hono ngutu:  
\q2 naʻe tutuʻaki ia ʻae fefie.   
\q1
\v 9 Naʻa ne ofeʻi hifo foki ʻae ngaahi langi, ʻo hāʻele hifo:  
\q2 pea naʻe ʻi hono lalo vaʻe ʻae poʻuli.   
\q1
\v 10 Naʻe heka ia ki he selupi, pea hāʻele ia:  
\q2 ʻio, naʻe hāʻele ia ʻi he ngaahi kapakau ʻoe matangi.   
\q1
\v 11 Naʻa ne ngaohi ʻae poʻuli ko hono fakalilolilo:  
\q2 ko hono ʻafioʻanga naʻe kāpui ia ʻe he vai fakapoʻuli mo e ngaahi ʻao matolu ʻoe langi.   
\q1
\v 12 ‌ʻI he ulo mei hono ʻao naʻe mole atu ai ʻa ʻene ngaahi ʻao matolu,  
\q2 ʻae ʻuha maka mo e ngaahi malalaʻi afi.   
\q1
\v 13 Naʻe mana foki ʻe Sihova ʻi he ngaahi langi,  
\q2 pea fakahā hono leʻo ʻe he Fungani Māʻolunga;  
\q2 ko e ʻuha maka mo e ngaahi malalaʻi afi.   
\q1
\v 14 ‌ʻIo, naʻa ne fana atu ʻene ngaahi ngahau, pea veteki ʻakinautolu;  
\q2 pea ne fana ʻaki ʻae ngaahi ʻuhila, ʻo veuveuki ʻakinautolu.   
\q1
\v 15 Naʻe toki hā ai ʻae ngaahi tafeʻanga ʻoe vai,  
\q2 pea fakahā ai ʻae ngaahi tuʻunga ʻo māmani ʻi ho houhau, ʻE Sihova,  
\q2 ʻi he matangi ʻoe mānava ʻo ho houhau.   
\q1
\v 16 Naʻa ne fekau mei ʻolunga,  
\q2 naʻa ne toʻo au,  
\q2 naʻa ne toʻo hake au mei he ngaahi vai lahi.   
\q1
\v 17 Naʻa ne fakahaofi au mei hoku fili   
\q1
\v 18 Naʻa nau fakatangaʻi au ʻi he ʻaho ʻo ʻeku tuʻutāmaki:  
\q2 ka ko hoku tokoni ʻa Sihova.   
\q1
\v 19 Naʻa ne ʻomi au ki he potu ʻataʻatā lahi;  
\q2 naʻa ne fakahaofi au, ko e meʻa ʻi heʻene fiemālie ʻiate au.   
\q1
\v 20 Naʻe totongi ʻe Sihova kiate au ʻo fakatatau ki heʻeku māʻoniʻoni;  
\q2 ʻo fakatatau ki he maʻa ʻa hoku nima kuo ne totongi kiate au.   
\q1
\v 21 He naʻaku tauhi ʻae ngaahi hala ʻo Sihova,  
\q2 pea naʻe ʻikai te u ʻalu ʻi he angakovi mei hoku ʻOtua.   
\q1
\v 22 He naʻe ʻi hoku ʻao ʻa ʻene ngaahi fakamaau kotoa pē,  
\q2 pea naʻe ʻikai te u liʻaki ʻene ngaahi fekau ʻiate au.   
\q1
\v 23 Pea naʻaku angatonu foki ʻi hono ʻao,  
\q2 pea ne u taʻofi au mei heʻeku hia.   
\q1
\v 24 Ko ia kuo totongi ai au ʻe Sihova ʻo fakatatau ki heʻeku māʻoniʻoni,  
\q2 pea fakatatau ki he maʻa ʻa hoku nima ʻi hono ʻao.   
\q1
\v 25 ‌ʻI he kakai loto ʻofa te ke fakahā koe ko e ʻaloʻofa;  
\q2 ki he tangata angatonu te ke fakahā koe ko e angatonu;   
\q1
\v 26 Ki he māʻoniʻoni te ke fakahā koe ʻae māʻoniʻoni;  
\q2 pea ki he tangata angatuʻu temo fekuki mo ia.   
\q1
\v 27 He ko koe te ke fakamoʻui ʻae kakai mamahi:  
\q2 ka te ke ʻohifo ki lalo ʻae mata fielahi.   
\q1
\v 28 Pea te ke tutu ʻeku maama:  
\q2 ʻo huluʻaki ʻeku fakapoʻuli ʻe Sihova ko hoku ʻOtua.   
\q1
\v 29 He ko e meʻa ʻiate koe naʻaku halaua ʻae tau ʻo hao;  
\q2 pea ʻi hoku ʻOtua ne u puna kituʻa ʻi he ʻā maka.   
\q1
\v 30 Pea ko e ʻOtua,  
\q2 ʻoku haohaoa hono hala:  
\q2 ʻoku ʻahiʻahiʻi ʻae folofola ʻa Sihova:  
\q2 ko e fakaū ia kiate kinautolu kotoa pē ʻoku falala kiate ia.   
\q1
\v 31 He ko hai ʻoku ʻOtua ka ko Sihova pē?  
\q2 Pe ko hai ʻae makatuʻu ka ko hotau ʻOtua pē?   
\q1
\v 32 Ko e ʻOtua ia ʻoku ne nonoʻo ʻaki au ʻae mālohi, ʻo fakahaohaoa hoku ʻaluʻanga.   
\q1
\v 33 ‌ʻOku ne ngaohi hoku vaʻe ke hangē ko e vaʻe ʻoe hainiti,  
\q2 ʻo ne fokotuʻu au ki hoku ngaahi potu māʻolunga.   
\q1
\v 34 ‌ʻOku ne akonakiʻi hoku nima ke tau,  
\q2 ko ia ʻoku fesiʻi ai ʻe hoku nima ʻae kaufana ukamea.   
\q1
\v 35 Pea kuo ke foaki foki kiate au ʻae fakaū ʻo hoʻo fakamoʻui:  
\q2 pea kuo poupou hake au ʻe ho nima toʻomataʻu,  
\q2 pea ʻi hoʻo angamalū kuo ke hakeakiʻi au.   
\q1
\v 36 Kuo ke fakaʻataʻatā hoku ʻaluʻanga ʻi lalo ʻiate au,  
\q2 ko ia naʻe ʻikai hekea ai hoku vaʻe.   
\q1
\v 37 Naʻaku tuli hoku ngaahi fili ʻo maʻu ʻakinautolu:  
\q2 pea naʻe ʻikai te u toe foki kaeʻoua ke ʻauha ʻakinautolu.   
\q1
\v 38 Kuo nau makafokafo ʻiate au,  
\q2 ko ia naʻe ʻikai ai tenau faʻa tuʻu hake:  
\q2 kuo nau tō ki hoku lalo vaʻe.   
\q1
\v 39 He naʻa ke nonoʻo ʻaki au ʻae mālohi ki he tau:  
\q2 kuo ke fakavaivai ki lalo ʻiate au ʻakinautolu naʻe tuʻu hake kiate au.   
\q1
\v 40 Pea kuo ke foaki foki kiate au ʻae kia ʻo hoku ngaahi fili;  
\q2 koeʻuhi ke u fakaʻauha ʻakinautolu ʻoku fehiʻa kiate au.   
\q1
\v 41 Naʻa nau tangi, ka naʻe ʻikai ha taha ke fakamoʻui:  
\q2 ʻio, kia Sihova, ka naʻe ʻikai te ne talia ʻakinautolu.   
\q1
\v 42 Pea ne u toki tali ʻakinautolu ʻo momosi ʻo hangē ko e efu ʻoku vilingia ʻi he matangi:  
\q2 naʻaku lī ʻakinautolu kituʻa ʻo hangē ko e pelepela ʻi he ngaahi hala.   
\q1
\v 43 Kuo ke fakamoʻui au mei he ngaahi fekeʻikeʻi ʻoe kakai;  
\q2 pea kuo ke ngaohi au ko e ʻulu ki he hiteni:  
\q2 ko e kakai naʻe ʻikai te u ʻiloʻi te nau tauhi au.   
\q1
\v 44 ‌ʻOka nau ka fanongo kiate au,  
\q2 te nau talangofua leva kiate au:  
\q2 ko e kau muli te nau fakavaivai ʻakinautolu kiate au.   
\q1
\v 45 ‌ʻE fakaʻaʻau ʻo ʻosi ʻae ngaahi muli,  
\q2 pea te nau manavahē mei honau ngaahi potu lilo.   
\q1
\v 46 ‌ʻOku moʻui ʻa Sihova; pea fakafetaʻi ki hoku makatuʻu;  
\q2 pea tuku ke hakeakiʻi ʻae ʻOtua ʻo ʻeku moʻui.   
\q1
\v 47 Ko e ʻOtua ia ʻoku langomia au,  
\q2 ʻo ne fakavaivai ʻae kakai kiate au.   
\q1
\v 48 ‌ʻOku ne fakamoʻui au mei hoku ngaahi fili:  
\q2 ʻio, ʻoku ke hiki au ke u māʻolunga ʻiate kinautolu ʻoku angatuʻu kiate au:  
\q2 kuo ke fakamoʻui au mei he tangata angamālohi.   
\q1
\v 49 Ko ia te u fakafetaʻi ai kiate koe, ʻE Sihova, ʻi he ʻao ʻoe hiteni,  
\q2 pea te u hivaʻaki ʻae fakafetaʻi ki ho huafa.   
\q1
\v 50 ‌ʻOku ne tuku ʻae fakamoʻui lahi ki heʻene tuʻi;  
\q2 ʻo ne fakahā ʻae ʻaloʻofa kiate ia kuo ne pani ʻaki ʻae lolo,  
\q2 kia Tevita, mo hono hako ʻo taʻengata.   
\c 19  
\cd \it 1 ʻOku fakahā ʻe he ngaahi ngāue ʻae ʻOtua hono nāunau, 7 Mo ʻene ʻofa ʻi heʻene folofola. 12 ʻOku lotu ʻa Tevita ke ne maʻu ʻae ʻofa.\it*  
\d Ki he Takimuʻa, ko e Saame ʻa Tevita.  
\q1
\v 1 ‌ʻOku fakahā ʻe he ngaahi langi ʻae nāunau ʻoe ʻOtua;  
\q2 pea ʻoku fakahā ʻe he ʻatā ʻae ngāue ʻa hono nima.   
\q1
\v 2 ‌ʻOku lea ʻe he ʻaho ki he ʻaho,  
\q2 pea fakahā ʻe he pō ki he pō ʻae ʻilo.   
\q1
\v 3 ‌ʻOku ʻikai ha leʻo pe ha lea,  
\q2 ʻoku taʻeongoʻi honau leʻo.   
\q1
\v 4 Kuo hoko ʻenau fua ki he fonua kotoa pē,  
\q2 mo ʻenau ngaahi lea ki he ngataʻanga ʻo māmani.  
\q2 Kuo fokotuʻu ʻe ia ʻi ai ʻae nofoʻanga ki he laʻā,   
\q1
\v 5 ‌ʻAia ʻoku hangē ko e tangata taʻane ʻoku haʻu mei hono potu teuteu,  
\q2 pea fiefia ʻo hangē ko e tangata mālohi ke fakapuepue.   
\q1
\v 6 Ko hono hopoʻanga ʻoku mei he ngataʻanga ʻoe langi,  
\q2 mo hono ʻaluʻanga ki hono ngaahi ngataʻanga:  
\q2 pea ʻoku ʻikai ha meʻa ʻe taha ʻe lilo ʻi hono mafana.   
\q1
\v 7 Ko e fono ʻa Sihova ʻoku haohaoa, ʻoku ne liliu ʻae laumālie:  
\q2 ko e fakaʻilo ʻa Sihova ʻoku tuʻumaʻu, ʻoku ne fakapotoʻi ʻae vale.   
\q1
\v 8 Ko e ngaahi tuʻutuʻuni ʻa Sihova ʻoku totonu, ʻoku nau fakafiefiaʻi ʻae loto:  
\q2 ko e fekau ʻa Sihova ʻoku māʻoniʻoni, ʻoku ne fakamaama ki he mata.   
\q1
\v 9 Ko e manavahē kia Sihova ʻoku maʻa, pea tolonga taʻengata:  
\q2 ko e ngaahi fakamaau ʻa Sihova ʻoku moʻoni mo māʻoniʻoni kotoa pē.   
\q1
\v 10 ‌ʻOku totonu ke lahi hake ʻae holi ki ai ʻi he holi ki he koula, ʻio, ʻi he koula lahi mo lelei:  
\q2 ʻoku huʻamelie lahi hake ia ʻi he honi mo hono toʻi ʻae honi.   
\q1
\v 11 Pea kuo valokia ai foki ʻa ho tamaioʻeiki:  
\q2 pea ʻi he tauhi ki ai ʻoku lahi hono totongi.   
\q1
\v 12 Ko hai te ne faʻa ʻilo ʻene ngaahi hē?  
\q2 Ke ke fakamaʻa au mei he ngaahi angahala fufū.   
\b  
\q1
\v 13 Pea ke taʻofi hoʻo tamaioʻeiki foki mei he ngaahi angahala ʻoku fai ʻi he ʻilo;  
\q2 ke ʻoua naʻa nau puleʻi au:  
\q2 ko ia te u angatonu ai,  
\q2 pea te u māʻoniʻoni mei he angahala lahi.   
\q1
\v 14 ‌ʻE Sihova, ko hoku mālohi, mo hoku huhuʻi,  
\q2 tuku ke lelei ʻi ho ʻao,  
\q2 ʻae ngaahi lea ʻa hoku ngutu, mo e fakakaukau ʻa hoku loto.   
\c 20  
\cd \it 1 ʻOku kole ʻae tāpuaki ki he tuʻi ʻi heʻene ngaahi ngāue. 7 Pea ne falala ki he fakamoʻui ʻae ʻOtua.\it*  
\d Ki he Takimuʻa, ko e Saame ʻa Tevita.  
\q1
\v 1 Ke ongoʻi koe ʻe Sihova ʻi he ʻaho ʻoe mamahi; ke maluʻi koe ʻe he huafa ʻoe ʻOtua ʻo Sēkope;   
\q1
\v 2 ‌ʻO fekau hoʻo tokoni mei he faletapu,  
\q2 mo fakamālohi koe mei Saione;   
\q1
\v 3 ‌ʻO manatuʻi hoʻo meʻa foaki kotoa pē,  
\q2 pea finangalo lelei ki hoʻo feilaulau tutu; \qs Sila.\qs*   
\q1
\v 4 Pea foaki kiate koe ʻo hangē ko ho loto,  
\q2 ʻo fakahoko ʻaia ʻoku ke fakakaukau ki ai.   
\q1
\v 5 Te mau fiefia ʻi hoʻo fakamoʻui,  
\q2 pea ʻi he huafa ʻo homau ʻOtua te mau fokotuʻu ʻemau ngaahi fuka:  
\q2 ke tuku kiate koe ʻe Sihova ʻa hoʻo ngaahi kole kotoa pē.   
\q1
\v 6 Pea ko eni, ʻoku ou ʻilo ʻoku fakamoʻui ʻe Sihova ʻa ʻene pani;  
\q2 te ne ongoʻi ia mei hono potu toputapu māʻoniʻoni ʻaki ʻae mālohi fakamoʻui ʻo hono nima toʻomataʻu.   
\q1
\v 7 ‌ʻOku falala ʻae niʻihi ki he ngaahi saliote, mo e niʻihi ki he fanga hoosi:  
\q2 ka te tau manatuʻi ʻae huafa ʻo Sihova ko hotau ʻOtua.   
\q1
\v 8 Kuo lī ki lalo ʻo tō ʻakinautolu:  
\q2 ka kuo tau tuʻuhake, ʻo tuʻu ki ʻolunga.   
\q1
\v 9 ‌ʻE Sihova, ke ke fakamoʻui ʻae tuʻi  
\q2 ke ke ongoʻi ʻakimautolu ʻi heʻemau ui atu.   
\c 21  
\cd \it 1 Ko e fakafetaʻi ʻi he tuku mai ʻae mālohi, 7 Mo e ʻamanaki ki he tokoni ʻamui.\it*  
\d Ki he Takimuʻa, ko e Saame ʻa Tevita.  
\q1
\v 1 ‌ʻE Sihova, ʻe fiefia ʻae tuʻi ʻi ho mālohi;  
\q2 pea ʻe fiefia lahi ʻaupito ia ʻi hoʻo fakamoʻui.   
\q1
\v 2 Kuo ke foaki kiate ia ʻae holi ʻa hono loto,  
\q2 pea naʻe ʻikai te ke taʻofi ʻiate ia ʻae kole ʻa hono loungutu. \qs Sila.\qs*   
\q1
\v 3 He ʻoku ke tokoni ʻaki ia ʻae ngaahi tāpuaki ʻoe lelei:  
\q2 ʻoku ke ʻai ki hono fofonga ʻae tatā fakatuʻi ʻoe koula lelei.   
\q1
\v 4 Naʻa ne kole ʻae moʻui ʻiate koe, pea naʻa ke foaki ia kiate ia,  
\q2 ʻio, ʻae ngaahi ʻaho lōloa ʻo taʻengata pea taʻengata.   
\q1
\v 5 ‌ʻOku lahi ʻene vikiviki ʻi hoʻo fakamoʻui:  
\q2 kuo ke tuku kiate ia ʻae fakaʻapaʻapa mo e nāunau.   
\q1
\v 6 He kuo ke ngaohi ia ke mātuʻaki monūʻia ʻo taʻengata:  
\q2 kuo ke fakafiefia lahi ʻaupito ia ʻaki ho fofonga.   
\q1
\v 7 He ʻoku falala ʻae tuʻi kia Sihova,  
\q2 pea ko e meʻa ʻi he ʻaloʻofa ʻoe Fungani Māʻolunga ʻe ʻikai ueʻi ia.   
\q1
\v 8 ‌ʻE ʻilo ʻe ho nima ʻa ho ngaahi fili kotoa pē:  
\q2 pea ʻe ʻilo ʻe ho nima toʻomataʻu ʻakinautolu ʻoku fehiʻa kiate koe.   
\q1
\v 9 Te ke ngaohi ʻakinautolu ke hangē ko e ngotoʻumu vela ʻi he ʻaho ʻo hoʻo tuputāmaki:  
\q2 ʻe fakaʻauha ʻakinautolu ʻe Sihova ʻi hono houhau,  
\q2 ʻe keina ʻo ʻosi ʻakinautolu ʻe he afi.   
\q1
\v 10 Te ke fakaʻauha honau fua mei he fonua,  
\q2 mo honau hako mei he ngaahi fānau ʻae tangata.   
\q1
\v 11 He naʻa nau tokanga ke fai kovi kiate koe:  
\q2 naʻa nau fakatupu ʻae mahalo kovi, ʻaia naʻe ʻikai te nau faʻa fai.   
\q1
\v 12 Ko ia te ke fai ke fulituʻa ʻakinautolu,  
\q2 ʻoka ke ka ʻai ʻae ngaahi ngahau ki he uka ki he mata ʻokinautolu.   
\q1
\v 13 Ke ke māʻolunga, ʻE Sihova, ʻi he mālohi ʻoʻou:  
\q2 ko ia te mau hiva mo fakamālō ai ki hoʻo māfimafi.   
\c 22  
\cd \it 1 ʻOku lāunga ʻa Tevita ʻi he ngaahi fakavaivai. 9 ʻOku ne lotu ʻi he mamahi lahi. 23 ʻOku ne fakafetaʻi ki he ʻOtua.\it*  
\d Ki he Takimuʻa ʻi he ʻAilete-Sahala, ko e Saame ʻa Tevita.  
\q1
\v 1 ‌ʻE hoku ʻOtua, ʻE hoku ʻOtua, ko e hā kuo ke liʻaki ai au?  
\q2 Ko e hā ʻoku ke mamaʻo ai mei he tokoni kiate au, pea mei he ngaahi lea ʻo ʻeku tangi?   
\q1
\v 2 ‌ʻE hoku ʻOtua, ʻoku ou tangi ʻi he ʻaho, ka ʻoku ʻikai te ke ongoʻi;  
\q2 pea ʻi he pō, ʻoku ʻikai te u longo pē.   
\q1
\v 3 Ka ʻoku ke māʻoniʻoni,  
\q2 ʻa koe ʻoku ke maʻu ʻae ngaahi fakafetaʻi ʻo ʻIsileli.   
\q1
\v 4 Naʻe falala ʻa ʻemau ngaahi tamai kiate koe:  
\q2 naʻa nau falala, pea naʻa ke fakamoʻui ʻakinautolu.   
\q1
\v 5 Naʻa nau tangi kiate koe, pea naʻe fakamoʻui ʻakinautolu:  
\q2 naʻa nau falala kiate koe, pea naʻe ʻikai te nau mā.   
\q1
\v 6 Ka ko e kelemutu au, ka ʻoku ʻikai ko e tangata:  
\q2 ko e manukiʻanga ʻoe tangata, ko e fehiʻanekina ʻe he kakai.   
\q1
\v 7 Ko kinautolu kotoa pē ʻoku mamata kiate au ʻoku nau kata manuki kiate au:  
\q2 ʻoku nau fakalili honau ngutu, mo kalokalo ʻae ʻulu, mo nau pehē,   
\q1
\v 8 “Naʻa ne falala kia Sihova ke ne fakamoʻui ia:  
\q2 tuku ke ne fakamoʻui ia, he naʻa ne fiemālie ʻiate ia.”   
\q1
\v 9 Ka ko koe ia naʻe toʻo au mei he manāva ʻo ʻeku faʻē:  
\q2 naʻa ke fakaʻamanakiʻi au ʻi heʻeku kei ʻi he huhu ʻo ʻeku faʻē.   
\q1
\v 10 Naʻe lī au kiate koe mei he manāva:  
\q2 ko hoku ʻOtua Koe talu ʻeku haʻu mei he manāva ʻo ʻeku faʻē.   
\q1
\v 11 ‌ʻOua naʻa ke mamaʻo ʻiate au: he ʻoku ofi ʻae mamahi;  
\q2 he ʻoku ʻikai ha taha ke tokoni.   
\q1
\v 12 Kuo kāpui au ʻe he fanga pulu tangata lahi:  
\q2 kuo ʻāʻi au ʻe he fanga pulu tangata mālohi mei Pesani.   
\q1
\v 13 Naʻa nau fakamanga honau ngutu kiate au,  
\q2 ʻo hangē ko e laione fekai mo ngungulu.   
\q1
\v 14 Kuo lilingi au ʻo hangē ko e vai,  
\q2 pea kuo homo hoku ngaahi hui kotoa pē:  
\q1 kuo tatau hoku loto mo e pulu:  
\q2 kuo fakamolū ia ʻi hoku loto fatu.   
\q1
\v 15 Kuo mōmoa ʻo ʻosi hoku mālohi ʻo hangē ko e ipu kuo maumau;  
\q2 pea ʻoku piki maʻu hoku ʻelelo ki hoku ʻaoʻi ngutu;  
\q2 pea kuo ke ʻohifo au ki he efu ʻoe mate.   
\q1
\v 16 He kuo kāpui au ʻe he fanga kulī:  
\q2 kuo ʻāʻi au ʻe he fakataha ʻoe ngaahi angakovi:  
\q2 naʻa nau hokaʻi hoku nima mo hoku vaʻe.   
\q1
\v 17 ‌ʻOku ou faʻa lau hoku hui kotoa pē:  
\q2 ʻoku nau mamata mo siosio pau kiate au.   
\q1
\v 18 ‌ʻOku nau tufa hoku ngaahi kofu ʻiate kinautolu,  
\q2 mo fai ʻae talotalo ki hoku pulupulu.   
\q1
\v 19 Kaeʻoua naʻa ke mamaʻo ʻiate au, ʻE Sihova:  
\q2 ʻE hoku mālohi, ke ke fakatoʻotoʻo ke tokoni au.   
\q1
\v 20 Fakamoʻui hoku laumālie mei he heletā;  
\q2 mo ʻeku moʻui mei he mālohi ʻoe kulī.   
\q1
\v 21 Fakamoʻui au mei he ngutu ʻoe laione:  
\q2 he kuo ke ongoʻi au mei he ngaahi nifo ʻoe fanga liimi.   
\q1
\v 22 Te u fakahā ho huafa ki hoku ngaahi kāinga:  
\q2 ʻi he lotolotonga ʻoe fakataha te u fakafetaʻi kiate koe.   
\q1
\v 23 “ʻAkimoutolu ʻoku manavahē kia Sihova, fakafetaʻi kiate ia;  
\q2 fakaʻapaʻapa kiate ia ʻakimoutolu ko e hako ʻo Sēkope; pea manavahē kiate ia,  
\q2 ʻakimoutolu kotoa pē ko e hako ʻo ʻIsileli.   
\q1
\v 24 He naʻe ʻikai te ne manuki pe fehiʻa ki he mamahi ʻoe mamahiʻia;  
\q2 pea naʻe ʻikai te ne fufū hono fofonga ʻiate ia;  
\q2 ka ʻi heʻene tangi kiate ia naʻa ne ongoʻi.”   
\q1
\v 25 ‌ʻE ʻiate koe pe ʻeku fakafetaʻi ʻi he fakataha lahi:  
\q2 te u fakamoʻoni ʻeku ngaahi fuakava ʻi he ʻao ʻokinautolu ʻoku manavahē kiate ia.   
\q1
\v 26 ‌ʻE kai ʻe he angamalū ke mākona;  
\q2 ʻe fakafetaʻi kia Sihova ʻakinautolu ʻoku kumi kiate ia:  
\q2 ʻe moʻui taʻengata homou laumālie.   
\q1
\v 27 ‌ʻE manatu mo tafoki kia Sihova ʻae ngaahi ngataʻanga kotoa pē ʻo māmani:  
\q2 pea ʻe lotu ʻi ho ʻao ʻae ngaahi faʻahinga kotoa pē ʻoe ngaahi puleʻanga.   
\q1
\v 28 He ʻoku ʻo Sihova ʻae puleʻanga;  
\q2 pea ko e pule ia ʻi he ngaahi puleʻanga.   
\q1
\v 29 Ko kinautolu ʻoku sino ʻi māmani te nau kai mo lotu:  
\q2 ʻe punou ʻi hono ʻao ʻakinautolu kotoa pē ʻoku ʻalu hifo ki he efu:  
\q2 pea ʻoku ʻikai ha taha te ne faʻa fakamoʻui hono laumālie ʻoʻona.   
\q1
\v 30 ‌ʻE tauhi ia ʻe ha hako;  
\q2 pea ʻe lau ia ko e toʻutangata kia Sihova,   
\q1
\v 31 Te nau haʻu, ʻo fakahā ʻene māʻoniʻoni ki ha kakai ʻe fanauʻi,  
\q2 “Kuo fai ʻe ia ʻae meʻa ni.”   
\c 23  
\cd \it 1–6 Ko e tui ʻa Tevita ki he ʻaloʻofa ʻae ʻOtua.\it*  
\d Ko e Saame ʻa Tevita.  
\q1
\v 1 Ko hoku tauhi ʻa Sihova;  
\q2 ʻe ʻikai te u masiva.   
\q1
\v 2 ‌ʻOku ne fakatokoto au ʻi he ngaahi ngoue lau maʻuiʻui:  
\q2 ʻoku ne tataki au ki he veʻe vai ʻoku tafetafemālie.   
\q1
\v 3 ‌ʻOku ne fakamoʻui hoku laumālie:  
\q2 ʻoku ne tataki au ʻi he ngaahi hala ʻoe māʻoniʻoni koeʻuhi ko hono huafa.   
\q1
\v 4 ‌ʻIo, neongo ʻeku ʻeveʻeva ʻi he teleʻa ʻoe malumalu ʻoe mate,  
\q2 ʻe ʻikai te u manavahē ki ha kovi:  
\q2 he ʻoku ke ʻiate au; ko hoʻo vaʻa ʻakau mo ho tokotoko ʻoku na fakafiemālieʻi au.   
\q1
\v 5 ‌ʻOku ke teuteu ʻae keinangaʻanga maʻaku ʻi he ʻao ʻo hoku ngaahi fili:  
\q1 ʻoku ke pani ʻaki hoku ʻulu ʻae lolo;  
\q2 ʻoku fonu mahuohua ʻa ʻeku ipu.   
\q1
\v 6 Ko e moʻoni ʻe muimui ʻiate au ʻae lelei mo e ʻaloʻofa ʻi he ʻaho kotoa pē ʻo ʻeku moʻui:  
\q2 pea te u nofo ʻi he fale ʻo Sihova ʻo lauikuonga.   
\c 24  
\cd \it 1 ʻOku ʻEiki ʻae ʻOtua ki māmani. 3 Ko e kaungā kolo ʻi hono puleʻanga fakalaumālie. 7 Ko e enginaki ke maʻu ia.\it*  
\d Ko e Saame ʻa Tevita.  
\q1
\v 1 ‌ʻOku ʻo Sihova ʻae fonua kotoa pē, mo hono mahu ʻo ia;  
\q2 ʻa māmani, mo kinautolu ʻoku nofo ʻi ai.   
\q1
\v 2 He kuo ne fokotuʻu ia ki he ngaahi tahi,  
\q2 mo fakatuʻumaʻu ia ki he ngaahi vai lahi.   
\q1
\v 3 Ko hai ʻe ʻalu hake ki he moʻunga ʻo Sihova?  
\q2 Pe ko hai ʻe tuʻu ʻi hono potu māʻoniʻoni?   
\q1
\v 4 Ko ia ʻoku nima maʻa, mo loto māʻoniʻoni;  
\q2 ʻaia naʻe ʻikai te ne hiki hono laumālie ki he meʻa vaʻinga,  
\q2 pe fuakava ʻi he kākā.   
\q1
\v 5 Te ne maʻu ʻe ia ʻae tāpuaki meia Sihova,  
\q2 mo e māʻoniʻoni mei he ʻOtua ʻo ʻene moʻui.   
\q1
\v 6 Ko e toʻutangata eni ʻokinautolu ʻoku kumi kiate ia,  
\q2 ʻakinautolu ʻoku kumi ki ho fofonga, ʻE ʻOtua ʻo Sēkope. \qs Sila.\qs*   
\q1
\v 7 Hiki hake homou ʻulu, ʻae ngaahi matapā;  
\q2 pea ke hiki ke māʻolunga, ʻakimoutolu ʻae ngaahi matapā taʻengata;  
\q2 pea ʻe hāʻele mai ʻae Tuʻi ʻoe nāunau.   
\q1
\v 8 Ko hai ʻae Tuʻi ni ʻoe nāunau?  
\q2 Ko Sihova ʻoku mālohi mo māfimafi,  
\q2 ko Sihova ʻoku mālohi ʻi he tau.   
\q1
\v 9 Hiki hake homou ʻulu, ʻae ngaahi matapā;  
\q2 ʻio, hiki ki ʻolunga, ʻae ngaahi matapā taʻengata;  
\q2 pea ʻe hāʻele mai ʻae Tuʻi ʻoe nāunau.   
\q1
\v 10 Ko hai ʻae Tuʻi ni ʻoe nāunau?  
\q2 Ko Sihova ʻoe ngaahi kautau,  
\q2 ko ia ia ko e Tuʻi ʻoe nāunau. \qs Sila.\qs*   
\c 25  
\cd \it 1 Ko e tui ʻa Tevita ʻi heʻene lotu. 7 ʻOku ne kole ʻae fakamolemole ʻoe angahala, 16 Pea mo e tokoni ʻi heʻene mamahi.\it*  
\d Ko e Saame ʻa Tevita.  
\q1
\v 1 ‌ʻE Sihova, ʻoku ou hiki hake hoku laumālie kiate koe.   
\q1
\v 2 ‌ʻE hoku ʻOtua, ʻoku ou falala kiate koe:  
\q2 ʻoua naʻa ke tuku au ke u mā,  
\q2 pea ʻoua naʻa fiefia hoku ngaahi fili ʻiate au.   
\q1
\v 3 ‌ʻIo, ke ʻoua naʻa mā ha tokotaha ʻoku tatali kiate koe:  
\q2 tuku ke mā ʻakinautolu ʻoku fai angahala ko e pauʻu pē.   
\q1
\v 4 Fakahā kiate au, ʻE Sihova, ho ngaahi hala;  
\q2 ako kiate au ho ngaahi hāʻeleʻanga.   
\q1
\v 5 Tataki au ʻi hoʻo moʻoni, mo akonakiʻi au:  
\q2 he ko koe ko e ʻOtua ʻo ʻeku moʻui,  
\q2 ʻoku ou tatali kiate koe ʻi he ʻaho kotoa.   
\q1
\v 6 ‌ʻE Sihova, ke ke manatu ki hoʻo ngaahi ʻaloʻofa mo hoʻo ʻofa mataʻatā pe;  
\q2 he ʻoku talu mei muʻa ia.   
\q1
\v 7 ‌ʻOua naʻa ke manatuʻi ʻae ngaahi angahala ʻi heʻeku kei siʻi, mo ʻeku ngaahi talangataʻa:  
\q2 ka ke manatu kiate au,  
\q2 ʻE Sihova, ʻo fakatatau ki hoʻo ʻaloʻofa koeʻuhi ko hoʻo angalelei.   
\q1
\v 8 ‌ʻOku angalelei mo angatonu ʻa Sihova,  
\q2 ko ia te ne akonakiʻi ai ʻae kau angahala ʻi he hala.   
\q1
\v 9 Te ne tataki ʻae angamalū ʻi he fakamaau:  
\q2 te ne ako hono hala ki he angavaivai.   
\q1
\v 10 Ko e ngaahi hala kotoa pē ʻo Sihova ko e ʻaloʻofa mo e moʻoni  
\q2 kiate kinautolu ʻoku tauhi ʻene fuakava mo ʻene ngaahi fakamoʻoni.   
\q1
\v 11 ‌ʻE Sihova, ko e meʻa ʻi ho huafa,  
\q2 ke ke fakamolemole ʻeku hia; he ʻoku lahi ia.   
\q1
\v 12 Ko hai ʻae tangata ʻoku manavahē kia Sihova?  
\q2 Te ne akonakiʻi ia ʻi he hala te ne fili.   
\q1
\v 13 ‌ʻE nofomaʻu hono laumālie ʻi he lelei;  
\q2 pea ʻe maʻu ʻe hono hako ʻae fonua.   
\q1
\v 14 Ko e finangalo fufū ʻo Sihova ʻoku ʻiate kinautolu ʻoku manavahē kiate ia;  
\q2 pea te ne fakahā kiate kinautolu ʻene fuakava.   
\q1
\v 15 ‌ʻOku hanga atu maʻuaipē hoku mata kia Sihova,  
\q2 he ko ia te ne toʻo hoku vaʻe mei he kupenga.   
\q1
\v 16 Ke ke fofonga mai kiate au, mo ke ʻaloʻofa kiate au;  
\q2 he ʻoku ou paea mo mamahi.   
\q1
\v 17 Kuo tupu ʻo lahi ʻae ngaahi mamahi ʻo hoku loto;  
\q2 ke ke ʻomi au mei heʻeku ngaahi mamahi.   
\q1
\v 18 Ke ke ʻafio ki hoku mahaki mo ʻeku mamahi;  
\q2 pea fakamolemole ʻeku angahala kotoa pē.   
\q1
\v 19 ‌ʻAfio ki hoku ngaahi fili; he ʻoku nau tokolahi;  
\q2 pea ʻoku nau fehiʻa kiate au ʻi he fehiʻa lahi.   
\q1
\v 20 Ke ke tauhi hoku laumālie, mo fakamoʻui au:  
\q2 ʻoua naʻa ke tuku au ke u mā; he ʻoku ou falala kiate koe.   
\q1
\v 21 Ke fakamoʻui au ʻe he haohaoa mo e angatonu;  
\q2 he ʻoku ou tatali kiate koe.   
\q1
\v 22 ‌ʻE ʻOtua, ke ke huhuʻi ʻa ʻIsileli  
\q2 mei heʻene ngaahi mamahi kotoa pē.   
\c 26  
\cd \it 1–12 ʻOku hū ʻa Tevita ki he ʻOtua ʻi heʻene ʻilo ʻene angatonu.\it*  
\d Ko e Saame ʻa Tevita.  
\q1
\v 1 Ke ke fakamaau au, ʻE Sihova; he naʻaku ʻeveʻeva ʻi heʻeku angatonu:  
\q2 naʻaku falala foki kia Sihova; ko ia ʻe ʻikai ai te u hekea.   
\q1
\v 2 ‌ʻAhiʻahiʻi au, ʻe Sihova, ʻo ʻiloʻi au;  
\q2 ʻahiʻahiʻi hoku laumālie mo hoku loto.   
\q1
\v 3 He ʻoku ʻi hoku ʻao ʻa hoʻo ʻaloʻofa pea naʻaku ʻeveʻeva ʻi hoʻo moʻoni.   
\q1
\v 4 Naʻe ʻikai te u nofo mo e kau tangata angakovi,  
\q2 pea ʻe ʻikai te u ʻalu ki loto mo e kau mālualoi.   
\q1
\v 5 ‌ʻOku ou fehiʻa ki he fakataha ʻoe kau fai kovi;  
\q2 pea ʻe ʻikai te u nofo mo e kau angahala.   
\q1
\v 6 Te u fanofano hoku nima ʻi he māʻoniʻoni:  
\q2 pea ʻe pehē pe ʻeku kāpui ho ʻesifeilaulau, ʻE Sihova:   
\q1
\v 7 Koeʻuhi ke u fakahā ʻaki ʻae leʻo ʻoe fakafetaʻi,  
\q2 pea fakamatala ki hoʻo ngaahi ngāue fakaofo kotoa pē.   
\q1
\v 8 ‌ʻE Sihova, kuo u ʻofa ki he nofoʻanga ʻo ho fale,  
\q2 mo e potu ʻoku nofo ai ʻa hoʻo ʻafio.   
\q1
\v 9 ‌ʻOua naʻa ke fakataha hoku laumālie mo e kau angahala,  
\q2 pe ko ʻeku moʻui mo e kau tangata pani toto:   
\q1
\v 10 ‌ʻAkinautolu ʻoku ʻi honau nima ʻae pauʻu,  
\q2 pea ʻoku fonu honau nima toʻomataʻu ʻi he ngaahi meʻa fakahē.   
\q1
\v 11 Ka ko au, te u ʻeveʻeva ʻi heʻeku angatonu:  
\q2 ke ke huhuʻi au, mo ke ʻaloʻofa kiate au.   
\q1
\v 12 ‌ʻOku tuʻu hoku vaʻe ʻi he potu tokamālie:  
\q2 ʻi he ngaahi fakataha ʻoe kakai te u fakafetaʻi kia Sihova.   
\c 27  
\cd \it 1 ʻOku tokoni ʻe Tevita ʻene tui ʻaki ʻae mālohi ʻoe ʻOtua, 4 Mo ʻene ʻofa ki he tauhi ki he ʻOtua, 7 Mo ʻene hū.\it*  
\d Ko e Saame ʻa Tevita.  
\q1
\v 1 Ko ʻeku maama mo hoku fakamoʻui ʻa Sihova;  
\q2 te u manavahē kia hai?  
\q2 Ko e mālohi ʻo ʻeku moʻui ʻa Sihova;  
\q2 pea te u manavahē kia hai?   
\q1
\v 2 ‌ʻI he haʻu kiate au ʻae kau angahala, ko hoku ngaahi fili mo e kau fakamamahi kiate au,  
\q2 ke kai ʻo ʻosi hoku kakano, naʻa nau tūkia ʻo hinga.   
\q1
\v 3 Kapau ʻe fakataha ʻae kautau ke tauʻi au,  
\q2 ʻe ʻikai manavahē hoku loto;  
\q2 neongo ʻae tuʻu mai ʻae tau kiate au,  
\q2 te u falala pe ʻi he meʻa ni.   
\q1
\v 4 Ko e meʻa ʻe taha kuo u kole kia Sihova, ʻaia te u kumi ki ai;  
\q2 koeʻuhi ke u nofomaʻu ʻi he fale ʻo Sihova ʻi he ʻaho kotoa pē ʻo ʻeku moʻui,  
\q2 ke mamata ki he lelei ʻo Sihova, mo fehuʻi ʻi hono faletapu.   
\q1
\v 5 He te ne fufū au ʻi he ʻaho ʻoe mamahi ʻi hono ʻafioʻanga:  
\q2 te ne fufū au ʻi he potu lilo ʻo hono fale fehikitaki;  
\q2 te ne fokotuʻu au ki he funga maka.   
\q1
\v 6 Pea ko eni, ʻe hiki ke māʻolunga hake hoku ʻulu ki hoku ngaahi fili ʻoku takatakai au:  
\q2 ko ia te u ʻohake ʻi hono fale fehikitaki ʻae ngaahi feilaulau ʻae fiefia;  
\q2 te u hiva, ʻio, te u hiva ʻaki ʻae fakafetaʻi kia Sihova.   
\q1
\v 7 Ke ke ongoʻi, ʻE Sihova, ʻo kau ka tangi ʻaki hoku leʻo:  
\q2 ke ke ʻaloʻofa mai foki kiate au, ʻo talia au.   
\q1
\v 8  \add ʻI hoʻo folofola pehē\add*, “Mou kumi ki hoku fofonga;  
\q2 naʻe pehē leva ʻe hoku loto kiate koe, Ko ho fofonga, ʻE Sihova, te u kumi.”   
\q1
\v 9 ‌ʻOua naʻa ke fufū ho fofonga ʻiate au;  
\q2 ʻoua naʻa ke tukuange hoʻo tamaioʻeiki ʻi ho houhau:  
\q2 naʻa ke tokoni au;  
\q2 ʻoua naʻa ke tuku au,  
\q2 pe siʻaki au, ʻE ʻOtua ʻo ʻeku moʻui.   
\q1
\v 10 ‌ʻOka liʻaki au ʻe heʻeku tamai mo ʻeku faʻē,  
\q2 ʻe toʻo hake au ʻe Sihova.   
\q1
\v 11 ‌ʻAko kiate au ho hala, ʻE Sihova, mo tataki au ʻi he hala ʻilongofua, koeʻuhi ko hoku ngaahi fili.   
\q1
\v 12 ‌ʻOua naʻa ke tukuange au ki he loto ʻo hoku ngaahi fili:  
\q2 he kuo tuʻu hake ʻo angatuʻu kiate au ʻae kau fakamoʻoni loi,  
\q2 mo ia ʻoku mānava ʻaki ʻae fai kovi.   
\q1
\v 13 Ka ne ʻikai te u tui ke u mamata  
\q2 ki he finangalo ʻofa ʻo Sihova ʻi he fonua ʻoe moʻui, pehē kuo u ilifia.   
\q1
\v 14 ‌ʻAmanaki lelei kia Sihova:  
\q2 pea ke lototoʻa, pea te ne fakamālohi ho loto:  
\q2 ʻoku ou pehē, ʻamanaki lelei kia Sihova.   
\c 28  
\cd \it 1 ʻOku lotu ʻa Tevita telia hono ngaahi fili. 6 ʻOku ne fakafetaʻi ki he ʻOtua. 9 ʻOku ne hūfia ʻae kakai.\it*  
\d Ko e Saame ʻa Tevita.  
\q1
\v 1 Te u tangi kiate koe, ʻE Sihova  
\q2 ko hoku makatuʻu; ʻoua naʻa ke taʻeʻafioʻi au:  
\q2 telia, ʻi hoʻo taʻeʻafioʻi au,  
\q2 te u hoko ʻo tatau mo kinautolu ʻoku ʻalu hifo ki he luo.   
\q1
\v 2 Ke ke ongoʻi ʻae leʻo ʻo ʻeku lotu tāumaʻu, ʻo kau ka tangi kiate koe,  
\q2 ʻo kau ka hiki hake hoku nima ki ho folofolaʻanga māʻoniʻoni.   
\q1
\v 3 ‌ʻOua naʻa ke toho au mo e kau angahala,  
\q2 pea mo kinautolu ʻoku fai kovi,  
\q2 ʻakinautolu ʻoku lea mālie ki honau kaungāʻapi,  
\q2 ka ʻoku ʻi honau loto ʻae kovi.   
\q1
\v 4 Te ke tuku kiate kinautolu ʻo hangē ko ʻenau ngāue, ʻo fakatatau ki he kovi ʻo ʻenau ngaahi faianga:  
\q2 ʻatu kiate kinautolu ʻo hangē ko e ngāue ʻa honau nima; ʻange kiate kinautolu honau ʻinanga.   
\q1
\v 5 Ko e meʻa ʻi heʻenau taʻetokanga ki he ngaahi ngāue ʻa Sihova,  
\q2 mo e ngāue ʻa hono nima,  
\q2 te ne fakaʻauha ʻakinautolu, pea ʻe ʻikai langa hake ʻakinautolu.   
\q1
\v 6 Fakafetaʻi kia Sihova,  
\q2 ko e meʻa ʻi heʻene ongoʻi ʻae leʻo ʻo ʻeku lotu tāumaʻu.   
\q1
\v 7 Ko hoku mālohi mo hoku fakaū ʻa Sihova;  
\q2 naʻe falala kiate ia hoku loto, pea kuo tokoniʻi au:  
\q1 ko ia ʻoku fiefia lahi ai hoku loto;  
\q2 pea ʻi heʻeku hiva te u fakafetaʻi kiate ia.   
\q1
\v 8 Ko e mālohi ʻa Sihova kiate kinautolu,  
\q2 pea ko e mālohi fakamoʻui ia ʻo ʻene pani.   
\q1
\v 9 Ke ke fakamoʻui hoʻo kakai,  
\q2 mo tāpuaki ho tofiʻa:  
\q1 tauhi ʻakinautolu foki,  
\q2 pea hiki hake ʻakinautolu ke taʻengata.   
\c 29  
\cd \it 1 ʻOku enginakiʻi ʻe Tevita ʻae houʻeiki ke nau fakaʻapaʻapa ki he ʻOtua, koeʻuhi ko ʻene māfimafi, 11 Mo ʻene maluʻi hono kakai.\it*  
\d Ko e Saame ʻa Tevita.  
\q1
\v 1 Tuku kia Sihova, ʻekimoutolu ko e ngaahi foha ʻoe mālohi,  
\q2 tuku kia Sihova ʻae nāunau mo e māfimafi.   
\q1
\v 2 Tuku kia Sihova ʻae fakaʻapaʻapa ʻoku taau mo hono huafa;  
\q2 hū kia Sihova ʻi he teunga matamatalelei ʻoe māʻoniʻoni.   
\q1
\v 3 Ko e leʻo ʻo Sihova ʻoku ʻi ʻolunga ʻi he ngaahi vai:  
\q2 ʻoku mana ʻe he ʻOtua ʻoe nāunau: ʻoku ʻi ʻolunga ʻi he ngaahi vai lahi ʻa Sihova.   
\q1
\v 4 Ko e leʻo ʻo Sihova ʻoku fonu ʻi he mālohi;  
\q2 ʻoku fonu ʻae leʻo ʻo Sihova ʻi he nāunau.   
\q1
\v 5 ‌ʻOku fesiʻi ʻe he leʻo ʻo Sihova ʻae ngaahi sita.  
\q2 ʻio, ʻoku fesiʻi ʻe Sihova ʻae ngaahi sita ʻo Lepanoni.   
\q1
\v 6 ‌ʻOku ngaohi ʻe ia ke nau hopohopo ʻo hangē ko e ʻuhikiʻi pulu;  
\q2 ʻa Lepanoni mo Silione ʻo hangē ko e ʻuhikiʻi liimi.   
\q1
\v 7 ‌ʻOku vahevahe ʻe he leʻo ʻo Sihova ʻae ngaahi ulo ʻoe afi.   
\q1
\v 8 ‌ʻOku lulu ʻe he leʻo ʻo Sihova ʻae toafa;  
\q2 ʻoku lulululu ʻe Sihova ʻae toafa ʻo Ketesi.   
\q1
\v 9 ‌ʻOku fakafanauʻi ʻe he leʻo ʻo Sihova ʻae fanga hainiti,  
\q2 pea ne fakahā ʻae ngaahi vao ʻakau:  
\q2 pea ʻi hono faletapu ʻoku lea taki taha kotoa pē ki hono nāunau.   
\q1
\v 10 ‌ʻOku nofo ʻa Sihova ki he vai lahi;  
\q2 ʻio, ʻoku nofo ʻa Sihova ko e Tuʻi ʻo taʻengata.   
\q1
\v 11 ‌ʻE foaki ʻe Sihova ʻae mālohi ki hono kakai;  
\q2 ʻe tāpuaki ʻe Sihova ʻa hono kakai ʻaki ʻae melino.   
\c 30  
\cd \it 1 ʻOku fakafetaʻi ʻe Tevita ki he ʻOtua ʻi heʻene fakamoʻui ia. 4 ʻOku ne enginakiʻi ʻae kakai kenau fakafetaʻi ki he ʻOtua koeʻuhi ko ʻene ngāue kiate ia.\it*  
\d Ko e Saame mo e Hiva ʻi he hūfia ʻae fale ʻo Tevita.  
\q1
\v 1 Te u fakafetaʻi kiate koe, ʻE Sihova; he kuo ke hiki hake au,  
\q2 pea naʻe ʻikai te ke tuku ke fiefia ʻa hoku ngaahi fili kiate au.   
\q1
\v 2 ‌ʻE Sihova ko hoku ʻOtua, naʻaku tangi kiate koe,  
\q1 pea kuo ke fakamoʻui au.   
\q1
\v 3 ‌ʻE Sihova, kuo ke ʻohake hoku laumālie mei hētesi:  
\q2 kuo ke fakatolonga ʻeku moʻui, ke ʻoua naʻaku ʻalu hifo ki he luo.   
\q1
\v 4 Hiva kia Sihova, ʻakimoutolu ko ʻene kakai māʻoniʻoni,  
\q2 pea ʻatu ʻae fakafetaʻi ʻi he manatu ki heʻene māʻoniʻoni.   
\q1
\v 5 He ʻoku hangē ko e kemo ʻoe mata hono houhau;  
\q2 ʻoku ai ʻae moʻui ʻi heʻene ʻofa:  
\q1 kapau ʻe ai ha tangi ʻi he pō,  
\q2 ʻe hoko ʻae fiefia ʻi he pongipongi.   
\q1
\v 6 Pea ʻi heʻeku monūʻia naʻaku pehē,  
\q2 “ʻE ʻikai te u ngaueue ʻo lauikuonga.”   
\q1
\v 7 ‌ʻE Sihova, kuo ke fokotuʻumaʻu ʻi hoʻo ʻofa ʻae mālohi ki hoku moʻunga: naʻa ke fufū ho fofonga, pea ne u mamahi ai.   
\q1
\v 8 Naʻaku tangi kiate koe, ʻE Sihova;  
\q2 pea ne u fai ʻeku kole tāumaʻu kia Sihova.   
\q1
\v 9 “Ko e hā hono ʻaonga ʻo hoku toto, ʻo kau ka ʻalu hifo ki he luo?  
\q2 ʻE fakafetaʻi ʻae efu kiate koe?  
\q2 ʻe fakahā ʻe ia hoʻo moʻoni?   
\q1
\v 10 Fanongo mai, ʻE Sihova, pea ke ʻaloʻofa mai kiate au:  
\q2 ʻE Sihova, ke ke hoko ko e tokoni kiate au.”   
\q1
\v 11 Kuo ke liliu kiate au ʻeku tangi ko e meʻe hopohopo:  
\q2 kuo ke vete hoku tauangaʻa, pea fakavala ʻaki au ʻae fiefia;   
\q1
\v 12 Koeʻuhi ke hiva ʻaki ʻe hoku ʻelelo ʻae fakafetaʻi kiate koe, pea ʻoua naʻa longo pē.  
\q2 ʻE Sihova ko hoku ʻOtua,  
\q1 te u ʻatu ʻae fakafetaʻi kiate koe ʻo taʻengata.   
\c 31  
\cd \it 1 ʻOku fakahā ʻe Tevita ʻene falala ki he ʻOtua, pea ne kole ke ne tokoni ia. 7 ʻOku ne fiefia ʻi heʻene ʻaloʻofa. 9 ʻOku ne lotu ʻi heʻene mamahi. 19 ʻOku ne fakafetaʻi ki he ʻOtua koeʻuhi ko ʻene angalelei.\it*  
\d Ki he Takimuʻa, ko e Saame ʻa Tevita.  
\q1
\v 1 ‌ʻOku ou falala kiate koe, ʻE Sihova;  
\q2 ʻoua naʻa ke tuku au ke u mā:  
\q2 fakamoʻui au ʻi hoʻo māʻoniʻoni.   
\q1
\v 2 Fakatokangaʻi ho telinga kiate au;  
\q2 ke vave hoʻo fakamoʻui au:  
\q1 ke ke ʻiate au ko e maka mālohi,  
\q2 ko e fale hūfanga ke fakamoʻui au.   
\q1
\v 3 He ko koe ko hoku makatuʻu mo ʻeku kolo:  
\q2 ko ia, ko e meʻa ʻi ho huafa ke ke tataki au, ʻo fakahinohino au.   
\q1
\v 4 Toho au mei he kupenga kuo nau ʻaʻau fakafufū kiate au:  
\q2 he ko koe ko hoku mālohi.   
\q1
\v 5 ‌ʻOku ou tuku atu hoku laumālie ki ho nima:  
\q2 kuo ke huhuʻi au,  
\q2 ʻE Sihova ko e ʻOtua ʻoe moʻoni.   
\q1
\v 6 Naʻaku fehiʻa kiate kinautolu ʻoku tokanga ki he ngaahi meʻa vaʻinga loi pē:  
\q2 ka ʻoku ou falala kia Sihova.   
\q1
\v 7 Te u fiefia mo nekeneka ʻi hoʻo ʻaloʻofa:  
\q2 he kuo ke tokanga ki heʻeku mamahi;  
\q2 kuo ke ʻiloʻi hoku laumālie ʻi he ngaahi mamahi;   
\q1
\v 8 Pea naʻe ʻikai te ke tāpuni au ʻi he nima ʻoe fili:  
\q2 kuo ke fokotuʻu hoku vaʻe ʻi he potu ʻataʻatā lahi.   
\q1
\v 9 ‌ʻAloʻofa mai kiate au, ʻE Sihova, he ʻoku ou moʻua ʻi he mamahi:  
\q2 kuo ʻauha hoku mata ʻi he tangi,  
\q2 ʻio, ko hoku laumālie mo hoku kete.   
\q1
\v 10 He kuo ʻosi ʻeku moʻui ʻi he tangi,  
\q2 mo hoku ngaahi taʻu ʻi he mafulu:  
\q1 kuo fakaʻaʻau ke ʻosi hoku mālohi ko e meʻa ʻi heʻeku hia,  
\q2 pea kuo ʻauha hoku ngaahi hui.   
\q1
\v 11 Ko e manukiʻanga au ʻo hoku ngaahi fili kotoa pē, kae ʻāsili pe ki hoku ngaahi kaungāʻapi,  
\q2 pea ko e ilifiaʻanga ʻo hoku kaumeʻa:  
\q2 ko kinautolu naʻe mamata kiate au ʻi tuaʻā naʻa nau hola ʻiate au.   
\q1
\v 12 Kuo fakangalongaloʻi au mei he loto ʻo hangē ko e tangata kuo mate:  
\q2 kuo u tatau mo e ipu kuo maumau.   
\q1
\v 13 He naʻaku fanongo ki he lauʻikovi ʻe he tokolahi: naʻe ʻi he potu kotoa pē ʻae manavahē:  
\q2 lolotonga ʻenau fakakaukau fakataha kiate au,  
\q2 naʻa nau loto ke toʻo ʻeku moʻui.   
\q1
\v 14 Ka naʻaku falala kiate koe, ʻE Sihova:  
\q2 naʻaku pehē, Ko koe ko hoku ʻOtua.   
\q1
\v 15 Ko hoku ngaahi kuonga ʻoku ʻi ho nima:  
\q2 ke ke fakahaofi au mei he nima ʻo hoku ngaahi fili, pea mo kinautolu ʻoku fakatangaʻi au.   
\q1
\v 16 Tuku ke ulo mai ho fofonga ki hoʻo tamaioʻeiki:  
\q2 fakamoʻui au koeʻuhi ko hoʻo ʻaloʻofa.   
\q1
\v 17 ‌ʻOua naʻa ke tuku au ke u mā, ʻe Sihova; he naʻaku ui kiate koe:  
\q2 tuku ke mā ʻae kau angahala,  
\q2 tuku ke nau longo pē ʻi he faʻitoka.   
\q1
\v 18 Tuku ke fakalongo pē ʻae ngaahi loungutu loi;  
\q2 ʻaia ʻoku lea ʻaki ʻae meʻa fakamamahi ki he kau māʻoniʻoni ʻi he fielahi mo e manuki.   
\q1
\v 19 ‌ʻOku fēfē hono lahi ʻo hoʻo angalelei,  
\q2 ʻaia kuo ke hilifaki maʻanautolu ʻoku manavahē kiate koe;  
\q2 ʻaia kuo ke ngaohi maʻanautolu ʻoku falala kiate koe ʻi he ʻao ʻoe ngaahi foha ʻoe tangata!   
\q1
\v 20 Te ke fufū ʻakinautolu ʻi he potu lilo ʻo ho fofonga mei he fielahi ʻae tangata:  
\q2 te ke tauhi fakafufū pe ʻakinautolu ʻi ha ʻafioʻanga mei he fakakikihi ʻoe ngaahi ʻelelo.   
\q1
\v 21 Fakafetaʻi kia Sihova:  
\q2 he kuo ne fakahā kiate au ʻene angalelei fakaofo ʻi he kolo mālohi.   
\q1
\v 22 He naʻaku pehē ʻi heʻeku toʻotoʻo, “kuo motuhi au mei he ʻao ʻo ho fofonga:”  
\q2 ka naʻa ke ongoʻi ʻae leʻo ʻo ʻeku ngaahi lotu tāumaʻu ʻi heʻeku tangi kiate koe.   
\q1
\v 23 Mou ʻofa kia Sihova, ʻakimoutolu ko ʻene kakai māʻoniʻoni kotoa pē:  
\q2 he ʻoku tauhi ʻe Sihova ʻae kau angatonu,  
\q2 pea ʻoku ne totongi lahi ki he kau fai fakafielahi.   
\q1
\v 24 Ke mou lototoʻa, pea te ne fakamālohi homou loto,  
\q2 ʻakimoutolu kotoa pē ʻoku ʻamanaki lelei kia Sihova.   
\c 32  
\cd \it 1 ʻOku tuʻu ʻae monūʻia ʻi he fakamolemole ʻoe angahala. 3 ʻOku tupu ʻae fiemālie ki he loto ʻi he vete ʻae angahala. 8 ʻOku tupu ʻae fiefia ʻi he ngaahi talaʻofa ʻae ʻOtua.\it*  
\d Ko e Saame akonaki ʻa Tevita.  
\q1
\v 1 ‌ʻOku monūʻia ia ʻaia kuo fakamolemole ʻa ʻene talangataʻa, pea kuo ʻufiʻufi ʻene angahala.   
\q1
\v 2 ‌ʻOku monūʻia ʻae tangata ʻaia ʻoku ʻikai lau ki ai ʻe Sihova ha hia,  
\q2 pea ʻoku ʻikai ha kākā ʻi hono laumālie.   
\q1
\v 3 ‌ʻI heʻeku fakalongo pē, naʻe fakaʻaʻau ʻo motuʻa hoku ngaahi hui ʻi heʻeku tangi ʻi he ʻaho kotoa.   
\q1
\v 4 He naʻe mamafa ho nima kiate au ʻi he ʻaho mo e pō:  
\q2 naʻe liliu hoku huhuʻa ko e laʻāina ʻoe faʻahitaʻu mafana. \qs Sila.\qs*   
\q1
\v 5 Naʻaku vete ʻeku angahala kiate koe,  
\q2 pea naʻe ʻikai te u fufū ʻeku hia.  
\q2 Naʻaku pehē, te u vete ʻeku ngaahi talangataʻa kia Sihova:  
\q2 pea naʻa ke fakamolemole ʻae hia ʻo ʻeku angahala. \qs Sila.\qs*   
\q1
\v 6 Ko ia ʻe lotu ai kiate koe ʻaia kotoa pē ʻoku anga fakaʻotua ʻi he kuonga ʻe ʻiloʻi ai koe:  
\q2 ko e moʻoni ʻi he ʻoho mai ʻoe ngaahi vai lahi ʻe ʻikai tenau aʻu ʻo ofi kiate ia.   
\q1
\v 7 Ko koe ko hoku toitoiʻanga;  
\q2 te ke fakamoʻui au mei he mamahi;  
\q2 pea te ke kāpui ʻaki au ʻae ngaahi hiva ʻoe fakamoʻui. \qs Sila.\qs*   
\q1
\v 8 Ko au te u fakapotoʻi koe mo akonakiʻi koe ʻi he hala ʻaia te ke ʻalu ai:  
\q2 te u fakahinohino koe ʻaki hoku mata.   
\q1
\v 9 ‌ʻOua naʻa mou hangē ko e hoosi mo e miuli, ʻoku masiva ʻi he ʻilo:  
\q2 ʻaia ʻoku taʻofi ʻaki honau ngutu ʻae ukamea mo e noʻo, koeʻuhi ke nau haʻu ʻo ofi kiate koe.   
\q1
\v 10 ‌ʻE hoko ʻae ngaahi mamahi lahi ki he kakai angakovi:  
\q2 ka ko ia ʻoku falala kia Sihova, ʻe kāpui ʻaki ia ʻae ʻaloʻofa.   
\q1
\v 11 Mou fiefia ʻia Sihova, pea nekeneka, ʻakimoutolu ʻoku māʻoniʻoni:  
\q2 pea kalanga ʻi he fiefia, ʻakimoutolu kotoa pē ʻoku angatonu ʻi loto.   
\c 33  
\cd \it 1 ʻOku totonu ke fakafetaʻi ki he ʻOtua ʻi heʻene angalelei, 6 Mo ʻene māfimafi, 12 Pea mo ʻene pule. 20 ʻOku totonu ke falala ki he ʻOtua.\it*  
\q1
\v 1 Fiefia ʻia Sihova, ʻakimoutolu ʻoku māʻoniʻoni:  
\q2 he ʻoku taau mo e angatonu ʻae fakafetaʻi.   
\q1
\v 2 Fakafetaʻi kia Sihova ʻaki ʻae haʻape:  
\q2 hiva kiate ia ʻaki ʻae saliteli ʻoku filo ʻe hongofulu.   
\q1
\v 3 Hiva kiate ia ʻi he hiva foʻou;  
\q2 tā ke mālie mo leʻo lahi.   
\q1
\v 4 He ko e folofola ʻa Sihova ʻoku totonu;  
\q2 pea ʻoku fai ʻene ngaahi ngāue kotoa pē ʻi he moʻoni.   
\q1
\v 5 ‌ʻOku ʻofa ia ki he māʻoniʻoni mo e fakamaau:  
\q2 ʻoku fonu ʻa māmani ʻi he ʻaloʻofa ʻa Sihova.   
\q1
\v 6 Naʻe ngaohi ʻe he folofola ʻa Sihova ʻae ngaahi langi;  
\q2 mo honau nāunau kotoa pē ʻe he mānava ʻo hono fofonga.   
\q1
\v 7 ‌ʻOku ne tānaki fakataha ʻae vai ʻoe tahi ʻo hangē ko e tafungofunga:  
\q2 ʻoku ne faʻoaki ʻae moana ʻi he ngaahi feleoko.   
\q1
\v 8 Ke manavahē ʻa māmani kotoa pē kia Sihova:  
\q2 ke maluʻia ʻae kakai kotoa pē ʻo māmani kiate ia.   
\q1
\v 9 He naʻe folofola ia, pea hoko leva;  
\q2 naʻa ne fekau, pea tuʻumaʻu ia.   
\q1
\v 10 ‌ʻOku ikuʻi ʻe Sihova ʻae fakakaukau ʻae hiteni:  
\q2 ʻoku ne fakataʻeʻaongaʻi ʻae ngaahi tuʻutuʻuni ʻae kakai.   
\q1
\v 11 Ko e akonaki ʻa Sihova ʻoku tuʻumaʻu ʻo taʻengata,  
\q2 mo e ngaahi mahalo ʻo hono finangalo ki he toʻutangata kotoa pē.   
\q1
\v 12 ‌ʻOku monūʻia ʻae puleʻanga ko ia ʻoku ʻOtua ʻaki ʻa Sihova;  
\q2 pea mo e kakai kuo ne fili ko e tofiʻa ʻoʻona.   
\q1
\v 13 ‌ʻOku ʻafio ʻa Sihova mei he langi;  
\q2 ʻoku ne vakai ki he ngaahi foha ʻoe tangata.   
\q1
\v 14 Mei he potu ʻo hono ʻafioʻanga ʻoku ne ʻafioʻi ʻae kakai kotoa pē ʻo māmani.   
\q1
\v 15 ‌ʻOku ne ngaohi honau loto kotoa pē;  
\q2 ʻoku ne tokanga ki heʻenau ngāue kotoa pē.   
\q1
\v 16 ‌ʻOku ʻikai ha tuʻi ʻoku moʻui ʻi he fuʻu tokolahi ʻoe kautau:  
\q2 pea ʻoku ʻikai haohaofaki ʻae tangata mālohi ʻe he mālohi lahi.   
\q1
\v 17 Ko e meʻa vaʻinga ʻae hoosi ki he fakamoʻui:  
\q2 pea ʻe ʻikai te ne fakamoʻui ha tokotaha ʻi heʻene mālohi lahi.   
\q1
\v 18 Vakai, ko e fofonga ʻo Sihova ʻoku ʻiate kinautolu ʻoku manavahē kiate ia,  
\q2 ʻio, kiate kinautolu ʻoku manavahē lelei ki heʻene ʻaloʻofa;   
\q1
\v 19 Ke fakahaofi honau laumālie mei he mate,  
\q2 pea ke fakamoʻui ʻakinautolu ʻi he honge.   
\q1
\v 20 ‌ʻOku tatali hotau laumālie kia Sihova:  
\q2 ko hotau tokoni ia mo hotau fakaū.   
\q1
\v 21 Koeʻuhi ʻe fiefia hotau loto ʻiate ia,  
\q2 he ʻoku tau falala ki hono huafa māʻoniʻoni.   
\q1
\v 22 ‌ʻE Sihova, ke ʻiate kimautolu ʻa hoʻo ʻaloʻofa,  
\q2 ʻo hangē ko ʻemau ʻamanaki lelei kiate koe.   
\c 34  
\cd \it 1 ʻOku fakafetaʻi ʻa Tevita ki he ʻOtua, pea ne enginakiʻi ʻae kakai ke fai ia. 8 ʻOku monūʻia ʻakinautolu ʻoku falala ki he ʻOtua. 11 ʻOku ne enginaki ke manavahē ki he ʻOtua. 15 Ko e lelei ʻoku ʻi he māʻoniʻoni.\it*  
\d Ko e Saame ʻa Tevita, ʻi heʻene liliu ʻene tōʻonga ʻi he ʻao ʻo ʻApimeleki; ʻaia naʻa ne kapusi ia, pea ʻalu ia ʻo hao.  
\q1
\v 1 Te u fakafetaʻi kia Sihova ʻi he kuonga kotoa pē:  
\q2 ʻe tuʻumaʻu pe ʻene fakafetaʻi ʻi hoku ngutu.   
\q1
\v 2 ‌ʻE vikiviki hoku laumālie ʻia Sihova:  
\q2 ʻe fanongo ki ai ʻae kakai angavaivai, pea fiefia ai.   
\q1
\v 3 Ketau fai mo au ke hapai hake ʻa Sihova,  
\q2 pea ketau fakaongoongolelei fakataha hono huafa.   
\q1
\v 4 Naʻaku kumi kia Sihova, pea ne ongoʻi au,  
\q2 ʻo ne fakamoʻui au mei heʻeku manavahē kotoa pē.   
\q1
\v 5 Naʻa nau vakai kiate ia, pea māmangia ai:  
\q2 pea naʻe ʻikai mā ai honau mata.   
\q1
\v 6 Naʻe tangi ʻae tangata masiva ni, pea naʻe ongoʻi ia ʻe Sihova,  
\q2 ʻo ne fakamoʻui ia mei heʻene mamahi kotoa pē.   
\q1
\v 7 ‌ʻOku nofo ʻae ʻāngelo ʻa Sihova ʻo takatakai ʻakinautolu ʻoku manavahē kiate ia,  
\q2 ʻo ne fakamoʻui ʻakinautolu.   
\q1
\v 8 Mou kamata ʻo vakai ʻoku lelei ʻa Sihova:  
\q2 ʻoku monūʻia ʻae tangata ko ia ʻoku falala kiate ia.   
\q1
\v 9 Ke manavahē kia Sihova, ʻakimoutolu ko ʻene kau māʻoniʻoni:  
\q2 he ʻoku ʻikai ha masiva kiate kinautolu ʻoku manavahē kiate ia.   
\q1
\v 10 ‌ʻOku masiva ʻae fanga laione mui, mo fiekaia:  
\q2 ka ko kinautolu ʻoku kumi kia Sihova ʻe ʻikai te nau masiva ʻi ha meʻa lelei ʻe taha.   
\q1
\v 11 Haʻu, ʻakimoutolu ko e fānau, ʻo fanongo kiate au:  
\q2 te u ako kiate kimoutolu ʻae manavahē kia Sihova.   
\q1
\v 12 Ko hai ha tangata ʻoku holi ke moʻui,  
\q2 ʻo manako ki he ngaahi ʻaho lahi, koeʻuhi ke ne mamata ai ki he lelei?   
\q1
\v 13 Taʻofi ho ʻelelo mei he kovi,  
\q2 mo ho loungutu mei he lea kākā.   
\q1
\v 14 Afe mei he kovi, mo ke fai lelei;  
\q2 kumi ki he melino, pea tuli ki ai.   
\q1
\v 15 ‌ʻOku ʻafio maʻu ʻae fofonga ʻo Sihova ki he kakai māʻoniʻoni,  
\q2 pea ʻoku ongoʻi ʻe hono telinga ʻenau tangi.   
\q1
\v 16 ‌ʻOku houhau ʻae fofonga ʻo Sihova kiate kinautolu ʻoku fai kovi,  
\q2 ke motuhi honau fakamanatuʻi mei māmani.   
\q1
\v 17 ‌ʻOku tangi ʻae māʻoniʻoni, pea ongoʻi ʻe Sihova,  
\q2 ʻo ne fakamoʻui ʻakinautolu mei heʻenau ngaahi mamahi kotoa pē.   
\q1
\v 18 ‌ʻOku ofi ʻa Sihova kiate kinautolu ʻoku loto mafesi;  
\q2 ʻoku ne fakamoʻui ʻakinautolu ʻoku laumālie mafōfoa.   
\q1
\v 19 ‌ʻOku lahi ʻae ngaahi mamahi ʻoe māʻoniʻoni:  
\q2 ka ʻoku fakamoʻui ia mei ai kotoa pē ʻe Sihova.   
\q1
\v 20 ‌ʻOku ne tauhi hono ngaahi hui kotoa pē:  
\q2 ʻe ʻikai mafesi ha taha.   
\q1
\v 21 ‌ʻE fakapoongi ʻe he kovi ʻae kau angahala:  
\q2 pea ko kinautolu ʻoku fehiʻa ki he kau māʻoniʻoni te nau malaʻia.   
\q1
\v 22 ‌ʻOku huhuʻi ʻe Sihova ʻae laumālie ʻo ʻene kau tamaioʻeiki:  
\q2 pea ʻe ʻikai malaʻia ha tokotaha ʻokinautolu ʻoku falala kiate ia.   
\c 35  
\cd \it 1 ʻOku lotu ʻa Tevita ke moʻui ia, kae maveuveu hono ngaahi fili. 11 ʻOku ne lāunga ki heʻenau fai taʻetotonu. 22 Ko ia ʻoku ne kole ki he ʻOtua koeʻuhi ko kinautolu.\it*  
\d Ko e Saame ʻa Tevita.  
\q1
\v 1 Ke ke langomakiʻi au, ʻE Sihova, telia ʻakinautolu ʻoku fakatangaʻi au:  
\q2 ke ke tauʻi ʻakinautolu ʻoku nau tauʻi au.   
\q1
\v 2 Toʻo ʻae fakaū mo e pā,  
\q2 pea tuʻuhake ko hoku tokoni.   
\q1
\v 3 Unuhi mai foki ʻae tao, ʻo tāpuni ʻae hala kiate kinautolu ʻoku fakatangaʻi au:  
\q2 pea tala ki hoku laumālie, “ko au ko ho fakamoʻui.”   
\q1
\v 4 Tuku ke puputuʻu mo mā ʻakinautolu ʻoku kumi ki hoku laumālie:  
\q2 tuku ke fakafoki ki mui mo ilifia ʻakinautolu ʻoku puleakiʻi au.   
\q1
\v 5 Tuku ke nau hangē ko e kafukafuʻi ʻakau ʻi he ʻao ʻoe matangi:  
\q2 pea tuku ke tuli ʻakinautolu ʻe he ʻāngelo ʻa Sihova.   
\q1
\v 6 Tuku ke fakapoʻuli honau hala pea hekeheke:  
\q2 pea ke fakatanga ʻakinautolu ʻe he ʻāngelo ʻa Sihova.   
\q1
\v 7 He kuo nau ʻaʻau fakafufū ʻi he luo honau kupenga kiate au taʻehanoʻuhinga;  
\q2 kuo nau keli ʻae luo ki hoku laumālie taʻehanoʻuhinga.   
\q1
\v 8 Ke hoko ʻae malaʻia kiate ia fakafokifā pe;  
\q2 pea ko e kupenga ʻoʻona ʻaia kuo ne ʻaʻau fufū tuku ke moʻua ai ia:  
\q2 tuku ia ke tō ki he malaʻia totonu ko ia.   
\b  
\q1
\v 9 Pea ʻe fiefia hoku laumālie ʻia Sihova:  
\q2 ʻe nekeneka ia ʻi heʻene fakamoʻui.   
\q1
\v 10 ‌ʻE pehē ʻe hoku ngaahi hui kotoa pē, “ʻE Sihova, ko hai ʻoku hangē ko koe,  
\q2 ʻa koe ʻoku ke fakahaofi ʻae masiva meiate ia ʻoku mālohi lahi ʻiate ia,  
\q2 ʻio, ʻae masiva mo e paea meiate ia ʻoku ne fakamālohiʻi ia?”   
\q1
\v 11 Naʻe tuʻu hake ʻae kau fakamoʻoni loi;  
\q2 naʻa nau tuku kiate au ʻae ngaahi meʻa naʻe ʻikai te u ʻilo.   
\q1
\v 12 Naʻa nau totongi kovi ki heʻeku lelei ke fakamasivaʻi hoku laumālie.   
\q1
\v 13 Ka ko au, naʻaku kofuʻaki ʻae tauangaʻa, ʻi honau mahaki:  
\q2 naʻaku fakavaivai hoku laumālie ʻi he ʻaukai;  
\q2 pea naʻe foki mai ʻeku lotu ki hoku fatafata.   
\q1
\v 14 Naʻaku fai ʻo hangē ko hoku kāinga ia, pe ko hoku tokoua:  
\q2 naʻaku tulolo hifo fakamamahi pē, ʻo hangē ko e tokotaha ʻoku tangi koeʻuhi ko ʻene faʻē.   
\q1
\v 15 Ka ʻi heʻeku tuʻutāmaki naʻa nau fiefia, ʻonau fakakātoa ʻakinautolu:  
\q2 ʻio, naʻe fakataha ʻakinautolu ʻae kakai faʻa tā ʻo tuʻu kiate au, pea naʻe ʻikai te u ʻiloa;  
\q2 naʻa nau haehae, pea naʻe ʻikai longo pē:   
\q1
\v 16 Naʻa nau fakalili honau nifo kiate au,  
\q2 mo e kau mālualoi ʻoku manuki ʻi he ngaahi kātoanga.   
\q1
\v 17 ‌ʻE Sihova, ʻe fēfē hono fuoloa mo hoʻo ʻafio ki ai?  
\q2 Fakamoʻui hoku laumālie mei heʻenau ngaahi fakamalaʻia,  
\q2 mo ʻeku moʻui mei he fanga laione.   
\q1
\v 18 Te u ʻatu ʻae fakafetaʻi kiate koe ʻi he fakataha lahi:  
\q2 te u fakaongoongolelei koe ʻi he ʻao ʻoe kakai lahi.   
\q1
\v 19 ‌ʻOua naʻa tuku ke fiefia kiate au ʻakinautolu kuo hoko noa pē ko hoku fili:  
\q2 pea ʻoua naʻa tuku ke lalama honau mata ʻakinautolu ʻoku fehiʻa kiate au taʻehanoʻuhinga.   
\q1
\v 20 He ʻoku ʻikai te nau lea lelei:  
\q2 ka ʻoku nau fakatupu ʻae ngaahi meʻa kākā kiate kinautolu ʻoku nofo fiemālie ʻi he fonua.   
\q1
\v 21 ‌ʻIo, kuo nau fakamanga honau ngutu ʻo lahi kiate au,  
\q2 ʻonau pehē, “Ha ha, kuo mamata ki ai homau mata.”   
\q1
\v 22 Kuo ke ʻafioʻi eni, ʻE Sihova: ʻoua naʻa ke fakalongo pē:  
\q2 ʻE Sihova, ʻoua naʻa ke mamaʻo ʻiate au.   
\q1
\v 23 ‌ʻE hoku ʻOtua mo hoku ʻEiki, ke ke tuʻu hake,  
\q2 mo ke ʻā ki hoku fakamaau, ʻio, ki hoku langomakiʻi.   
\q1
\v 24 ‌ʻE Sihova ko hoku ʻOtua, ke ke fakamaau au ʻo hangē ko ʻeku māʻoniʻoni;  
\q2 pea ke ʻoua te nau fiefia kiate au.   
\q1
\v 25 ‌ʻOua naʻa pehē ʻekinautolu ʻi honau loto, “Ha, ko homau loto ia:”  
\q2 ʻoua te nau pehē, “Kuo tau folo hifo ia.”   
\q1
\v 26 Tuku ke mā mo manavahē fakataha ʻakinautolu ʻoku fiefia ʻi hoku lavea:  
\q2 tuku ke kofuʻaki ʻae mā mo e taʻefakaʻapaʻapa ʻakinautolu ʻoku fai fakafiefielahi kiate au.   
\q1
\v 27 Tuku ke kalanga fakafiefia, mo nekeneka, ʻakinautolu ʻoku loto lelei ki heʻeku māʻoniʻoni:  
\q2 ʻio, tuku ke nau lea pehē maʻuaipē, “Ke ongoongolelei ʻa Sihova,  
\q2 ʻaia ʻoku fiemālie ʻi he monūʻia ʻa ʻene tamaioʻeiki.”   
\q1
\v 28 Pea ʻe lea ʻa hoku ʻelelo ki hoʻo māʻoniʻoni mo ho ongoongolelei ʻi he ʻaho kotoa.   
\c 36  
\cd \it 1 Ko e kovi ʻae kakai angahala. 5 Ko hono lelei lahi ʻoe ʻaloʻofa ʻae ʻOtua. 10 ʻOku lotu ʻa Tevita ke maʻu ʻae ʻofa ʻe he fānau ʻae ʻOtua.\it*  
\d Ki he Takimuʻa, ko e Saame ʻa Tevita ko e tamaioʻeiki ʻa Sihova.  
\q1
\v 1 ‌ʻOku lea ʻae talangataʻa ʻae angakovi ki hoku loto,  
\q2 “ʻoku ʻikai ha manavahē ki he ʻOtua ʻi hono ʻao.”   
\q1
\v 2 He ʻoku ne fakaholoholoʻi ʻe ia ia ʻi hono ʻao,  
\q2 ke ʻoua ke hoko ʻo hā mai ʻae kovi ʻo ʻene hia.   
\q1
\v 3 Ko e ngaahi lea ʻa hono ngutu ko e kovi mo e kākā:  
\q2 kuo tuku ʻe ia ʻene poto mo e fai lelei.   
\q1
\v 4 ‌ʻOku ne fifili ki he pauʻu ʻi hono mohenga;  
\q2 ʻoku ne fokotuʻu ʻe ia ia ʻi he hala ʻoku ʻikai lelei;  
\q2 ʻoku ʻikai te ne fehiʻa ki he kovi.   
\q1
\v 5 Ko hoʻo ʻaloʻofa, ʻE Sihova, ʻoku ʻi he ngaahi langi;  
\q2 pea ʻoku aʻu hake hoʻo angatonu ki he ngaahi ʻao.   
\q1
\v 6 Ko hoʻo māʻoniʻoni ʻoku hangē ko e ngaahi moʻunga ʻoe ʻOtua;  
\q2 ko hoʻo ngaahi fakamaau ko e fuʻu moana;  
\q2 ʻE Sihova, ʻoku ke fakamoʻui ʻae tangata mo e manu.   
\q1
\v 7 ‌ʻE ʻOtua, hono ʻikai mahuʻinga fau ʻa hoʻo ʻaloʻofa!  
\q2 Ko ia ʻoku falala ai ʻae fānau ʻae tangata ki he malu ʻo ho kapakau.   
\q1
\v 8 Te nau fonu lahi ʻi he mahu lelei ʻo ho fale;  
\q2 pea te ke fakainu ʻakinautolu ʻi he vaitafe ʻo hoʻo fiemālie.   
\q1
\v 9 He ʻoku ʻiate koe ʻae matavai ʻoe moʻui:  
\q2 temau mamata ʻi hoʻo maama ki he maama.   
\q1
\v 10 Ke tuʻumaʻu pe hoʻo ʻaloʻofa kiate kinautolu ʻoku nau ʻilo koe;  
\q2 mo hoʻo māʻoniʻoni ki he angatonu ʻi loto.   
\q1
\v 11 ‌ʻOua naʻa hoko kiate au ʻae vaʻe ʻoe laukau,  
\q2 pea ʻoua naʻa hiki au ʻe he nima ʻoe angakovi.   
\q1
\v 12 Kuo hinga ʻi ai ʻae kau fai kovi: kuo lī ki lalo ʻakinautolu,  
\q2 pea ʻe ʻikai te nau faʻa tuʻu hake.   
\c 37  
\cd \it 1–40 ʻOku ako ʻe Tevita ki he faʻa kātaki mo e tui ki he ʻOtua, koeʻuhi ko e ngaahi meʻa kehekehe ʻoku ʻi he angatonu mo e angahala.\it*  
\d Ko e Saame ʻa Tevita.  
\q1
\v 1 ‌ʻOua naʻa ke fakamamahiʻi koe koeʻuhi ko e kau fai kovi,  
\q2 pea ʻoua naʻa ke meheka ki he kau ngāue ʻi he angahala.   
\q1
\v 2 Koeʻuhi ʻe vave ʻae tuʻusi hifo ʻakinautolu ʻo hangē ko e mohuku,  
\q2 pea mae ʻo hangē ko e ʻakau mata.   
\q1
\v 3 Falala kia Sihova, pea ke fai lelei;  
\q2 ko ia te ke nofo ai ʻi he fonua, pea ko e moʻoni ʻe fafangaʻi koe.   
\q1
\v 4 Fakafiemālieʻi foki koe ʻia Sihova;  
\q2 pea te ne foaki kiate koe ʻae ngaahi holi ʻo ho loto.   
\q1
\v 5 Tuku ho hala kia Sihova;  
\q2 pea falala foki kiate ia; pea te ne fakahoko ia.   
\q1
\v 6 Pea te ne fakahā atu hoʻo māʻoniʻoni ʻo hangē ko e maama,  
\q2 mo hoʻo fakamaau ʻo hangē ko e hoʻatā ʻoe ʻaho.   
\q1
\v 7 Ke ke fakalongo pē kia Sihova, pea tatali faʻa kātaki pe kiate ia:  
\q2 ʻoua naʻa ke fakamamahiʻi koe koeʻuhi ko ia ʻoku monūʻia ʻi hono hala,  
\q2 koeʻuhi ko e tangata ʻoku fakahoko ʻae ngaahi filioʻi kovi.   
\q1
\v 8 Tukuange ʻae ʻita, pea liʻaki ʻae lili:  
\q2 ʻoua naʻa ke fakamamahiʻi foki koe ʻi ha meʻa ke fai kovi.   
\q1
\v 9 Koeʻuhi ʻe motuhi ʻae ngaahi fai kovi:  
\q2 ka ko kinautolu ʻoku tatali kia Sihova, te nau maʻu ʻae fonua.   
\q1
\v 10 He ʻoku toetoe siʻi pē, pea ʻe ʻikai ʻae angakovi:  
\q2 ʻio, te ke tokanga lahi ki hono potu, ka ʻe ʻikai ʻiloʻi ia.   
\q1
\v 11 Ka ko e angamalū tenau maʻu ʻae fonua;  
\q2 ʻonau fakafiemālieʻi ʻakinautolu ʻi hono lahi ʻoe melino.   
\q1
\v 12 ‌ʻOku fakakaukau kovi ʻe he angahala ki he angatonu,  
\q2 mo ngaiʻi kiate ia ʻaki hono nifo.   
\q1
\v 13 ‌ʻE kata ʻa Sihova kiate ia:  
\q2 he ʻoku ne ʻafioʻi ʻoku haʻu hono ʻaho.   
\q1
\v 14 Kuo unuhi ʻe he kau angakovi ʻae heletā, pea kuo nau teke ʻenau kaufana,  
\q2 ke lī ki lalo ʻae mamahi mo e paea,  
\q2 pea ke tāmateʻi ʻakinautolu ʻoku angatotonu.   
\q1
\v 15 ‌ʻE ʻasi ʻenau heletā ki honau loto ʻonautolu,  
\q2 pea ʻe mafesi ʻenau ngaahi kaufana.   
\q1
\v 16 ‌ʻOku lelei lahi hake ʻae meʻa siʻi ʻoku ʻi he tangata māʻoniʻoni  
\q2 ʻi he koloa ʻoe tokolahi ʻoku angahala.   
\q1
\v 17 Koeʻuhi ʻe fesiʻi ʻae nima ʻoe kau angahala:  
\q2 ka ʻoku poupou ʻe Sihova ʻae māʻoniʻoni.   
\q1
\v 18 ‌ʻOku ʻiloʻi ʻe Sihova ʻae ngaahi ʻaho ʻoe kakai angatonu:  
\q2 pea ko honau tofiʻa ʻe tolonga taʻengata.   
\q1
\v 19 ‌ʻE ʻikai te nau mā ʻi he kuonga kovi,  
\q2 pea ʻi he ngaahi ʻaho ʻoe honge tenau mākona.   
\q1
\v 20 Ka ʻe ʻauha ʻae angakovi,  
\q2 pea ʻe tatau ʻae ngaahi fili ʻo Sihova mo e ngako ʻoe fanga lami:  
\q2 ʻe ʻauha ʻakinautolu;  
\q2 ʻi he kohu tenau mole ʻo ʻosi.   
\q1
\v 21 ‌ʻOku nō ʻae angakovi, pea ʻikai toe totongi:  
\q2 ka ʻoku fakahā ʻae ʻofa ʻe he māʻoniʻoni, ʻo foaki.   
\q1
\v 22 He ko kinautolu kuo tāpuekina ʻiate ia tenau maʻu ʻae fonua;  
\q2 pea ko kinautolu kuo malaʻia ʻiate ia ʻe motuhi.   
\q1
\v 23 ‌ʻOku fakahinohino ʻe Sihova ʻae ngaahi laka ʻae tangata lelei:  
\q2 pea ʻoku fiemālie ia ʻi hono hala.   
\q1
\v 24 Neongo ʻene tō ki lalo, ʻe ʻikai ʻauha ia:  
\q2 he ʻoku poupou hake ia ʻe he nima ʻo Sihova.   
\q1
\v 25 Naʻaku talavou, pea kuo u motuʻa;  
\q2 ka ʻoku teʻeki te u ʻilo ʻae māʻoniʻoni kuo liʻaki,  
\q2 pe ko hono hako ʻoku kole mā.   
\q1
\v 26 ‌ʻOku angaʻofa maʻuaipē ia, pea faʻa ʻatu;  
\q2 pea ʻoku monūʻia hono hako.   
\q1
\v 27 Afe mei he kovi, pea ke fai lelei,  
\q2 pea nofomaʻu pē ʻo taʻengata.   
\q1
\v 28 He ʻoku ʻofa ʻa Sihova ki he fakamaau,  
\q2 pea ʻoku ʻikai te ne liʻaki hono kakai māʻoniʻoni;  
\q2 kuo fakamoʻui maʻuaipē ʻakinautolu:  
\q2 ka ʻe motuhi ʻae hako ʻoe angakovi.   
\q1
\v 29 ‌ʻE maʻu ʻe he māʻoniʻoni ʻa e fonua,  
\q2 pea tenau nofo ai ʻo taʻengata.   
\b  
\q1
\v 30 Ko e ngutu ʻoe māʻoniʻoni ʻoku ne lea ʻaki ʻae poto,  
\q2 pea talanoa ʻaki hono ʻelelo ʻae fakamaau.   
\q1
\v 31 ‌ʻOku ʻi hono loto ʻae fono ʻa hono ʻOtua;  
\q2 ʻe ʻikai hekea ia ʻi haʻane laka ʻe taha.   
\q1
\v 32 ‌ʻOku lamasi ʻe he angakovi ʻae māʻoniʻoni,  
\q2 ʻo kumi ke fakapoongi ia.   
\q1
\v 33 ‌ʻE ʻikai tukuange ia ʻe Sihova ʻi hono nima,  
\q2 pe tukuakiʻi ia ʻi hono fakamaauʻi.   
\q1
\v 34 Tatali kia Sihova, pea tauhi hono hala,  
\q2 pea te ne hakeakiʻi koe ke maʻu ʻae fonua:  
\q2 pea ka ʻosi hono motuhi ʻae kakai angakovi, te ke mamata ki ai.   
\q1
\v 35 Naʻaku mamata ki he angakovi kuo mālohi lahi,  
\q2 pea mafola ia ʻo hangē ko e ʻakau maʻuiʻui ʻoku tupu ʻi hono potu ʻoʻona.   
\q1
\v 36 Ka naʻe mole atu ia, pea vakai, kuo ʻikai ia:  
\q2 ʻio, ne u kumi ia, ka naʻe ʻikai faʻa ʻiloʻi ia.   
\q1
\v 37 Vakai ki he tangata haohaoa, mo tokanga ki he angatonu:  
\q2 he ko e ngataʻanga ʻoe tangata ko ia ko e melino.   
\q1
\v 38 Ka ʻe fakaʻauha fakataha ʻae kau angahala:  
\q2 ko e ikuʻanga ʻoe angakovi ʻe motuhi ia.   
\q1
\v 39 Ka ko hono fakamoʻui ʻoe māʻoniʻoni ʻoku ʻia Sihova:  
\q2 ko honau mālohi ia ʻi he kuonga ʻoe mamahi.   
\q1
\v 40 Pea ʻe tokoni ʻakinautolu ʻe Sihova, mo fakamoʻui ʻakinautolu:  
\q2 te ne fakahaofi ʻakinautolu mei he kakai angakovi, mo fakamoʻui ʻakinautolu,  
\q2 ko e meʻa ʻi heʻenau falala kiate ia.   
\c 38  
\cd \it 1–22 ʻOku lotu ʻa Tevita ki he ʻOtua ke ʻaloʻofa kiate ia ʻi heʻene mamahi lahi.\it*  
\d Ko e Saame ʻa Tevita, ko e fakamanatu.  
\q1
\v 1 ‌ʻE Sihova, ʻoua naʻa ke valokiʻi au ʻi ho houhau:  
\q2 pea ʻoua naʻa ke valokiʻi au ʻi ho houhau vela.   
\q1
\v 2 He ʻoku tau maʻu ʻiate au hoʻo ngaahi ngahau,  
\q2 pea ʻoku taʻomia fakamamahi au ʻe ho nima.   
\q1
\v 3 ‌ʻOku ʻikai ha haohaoa ʻi hoku kakano ko e meʻa ʻi ho houhau;  
\q2 pea ʻoku ʻikai ha fiemālie ʻi hoku hui ko e meʻa ʻi heʻeku angahala.   
\q1
\v 4 He kuo hake ʻa ʻeku ngaahi hia ʻo ʻufiʻufi hoku ʻulu:  
\q2 ʻo hangē ko e kavenga mamafa ʻoku taʻomia ai au.   
\q1
\v 5 ‌ʻOku ʻeho hoku ngaahi lavea ʻo fakalielia koeʻuhi ko ʻeku vale.   
\q1
\v 6 ‌ʻOku ou mamahi; ʻoku ou mapelu ki lalo ʻaupito;  
\q2 ʻoku ou ʻalu mamahi pe ʻi he ʻaho kotoa.   
\q1
\v 7 He ʻoku fonu hoku sino ʻi he mahaki kovi:  
\q2 pea ʻoku ʻikai ha moʻui haohaoa ʻi hoku kakano.   
\q1
\v 8 ‌ʻOku ou vaivai mo mafesi ʻi he mamahi:  
\q2 naʻaku kalanga ko e meʻa ʻi he mamahi ʻo hoku loto.   
\q1
\v 9 ‌ʻE ʻEiki, ʻoku ʻi ho ʻao ʻeku holi kotoa pē;  
\q2 mo ʻeku ngaahi toʻe ʻoku ʻikai fufū ʻiate koe.   
\q1
\v 10 ‌ʻOku tatupe hoku mafu,  
\q2 kuo ʻosi ʻeku mālohi:  
\q2 pea ko e maama ʻo hoku mata kuo mole foki ia ʻiate au.   
\q1
\v 11 Ko hoku kaumeʻa ʻofa mo hoku ngaahi kāinga ʻoku nau tutuʻu ʻi he mamaʻo mei hoku teʻia;  
\q2 mo hoku kaungāʻapi ʻoku nau tutuʻu ʻi he mamaʻo.   
\q1
\v 12 Ko kinautolu foki ʻoku kumi ki heʻeku moʻui ʻoku nau tō ʻae ngaahi tauhele kiate au:  
\q2 ko kinautolu ʻoku kumi ke u kovi ʻoku nau lea ʻaki ʻae ngaahi meʻa kovi,  
\q2 mo nau fakakaukau ki he meʻa kākā ʻi he ʻaho kotoa.   
\q1
\v 13 Ka ko au, hangē ko ha tuli, ʻoku ʻikai te u ongoʻi;  
\q2 pea naʻaku hangē ko e tangata ʻoku noa ʻaia ʻoku ʻikai mafaʻa hono ngutu.   
\q1
\v 14 Pea naʻaku hangē ko e tangata taʻeongoʻi,  
\q2 pea ʻoku ʻikai ha valoki ʻi hono ngutu.   
\q1
\v 15 He ʻoku ou ʻamanaki lelei, ʻE Sihova, kiate koe:  
\q2 te ke ongoʻi, ʻE ʻEiki ko hoku ʻOtua.   
\q1
\v 16 He naʻaku pehē, “Fanongo kiate au, telia naʻa nau fiefia kiate au:  
\q2 ʻi he hekea ʻa hoku vaʻe, ʻoku nau hiki hake ʻakinautolu kiate au.”   
\q1
\v 17 He ʻoku ou meimei nofo,  
\q2 pea ʻoku tuʻumaʻu pe ʻeku mamahi ʻi hoku ʻao.   
\q1
\v 18 He te u fakahā ʻeku hia;  
\q2 pea u mamahi koeʻuhi ko ʻeku angahala.   
\q1
\v 19 Ka ʻoku moʻui hoku ngaahi fili, pea ʻoku nau mālohi:  
\q2 pea ʻoku fakaʻaʻau ʻo tokolahi ʻakinautolu ʻoku fehiʻa taʻetotonu kiate au.   
\q1
\v 20 Pea ko hoku ngaahi fili foki ʻakinautolu ʻoku totongi kovi ki he lelei;  
\q2 koeʻuhi ʻoku ou muimui ki he lelei.   
\q1
\v 21 ‌ʻOua naʻa ke liʻaki au, ʻE Sihova:  
\q2 ʻE hoku ʻOtua, ʻoua naʻa ke mamaʻo ʻiate au.   
\q1
\v 22 Ke ke fakatoʻotoʻo ke tokoni au, ʻE ʻEiki ko hoku fakamoʻui.   
\c 39  
\cd \it 1 Ko e tokanga ʻa Tevita ki heʻene ngaahi mahalo. 4 Ko ʻene manatu ki he fuonouou mo e vaʻinga ʻoe moʻui, 7 Mo e manavahē ki he ngaahi fakamaau ʻae ʻOtua, 10 Mo e lotu, ko e ngaahi meʻa taʻofi ia ki he taʻefaʻakātaki.\it*  
\d Ki he Takimuʻa ko Situtuni, ko e Saame ʻa Tevita.  
\q1
\v 1 Naʻa ku pehē, “Te u vakai ki hoku ngaahi hala, telia naʻaku angahala ʻi hoku ʻelelo:  
\q2 te u ʻai ʻae noʻo ki hoku ngutu, ʻi he kei ʻi hoku ʻao ʻae angakovi.”   
\q1
\v 2 Naʻaku noa, ʻi he fakalongo pē,  
\q2 naʻaku taʻofi au mei he lea,  
\q2 ʻio, mei he lelei;  
\q2 pea naʻe tupu ai ʻeku mamahi.   
\q1
\v 3 Naʻe vela hoku loto ʻiate au,  
\q2 pea lolotonga ʻeku fifili naʻe vela ʻae afi:  
\q2 pea u toki lea ʻaki hoku ʻelelo,   
\q1
\v 4 “ʻE Sihova, ke ke fakaʻilo kiate au hoku ngataʻanga,  
\q2 mo hono fuofua ʻo hoku ngaahi ʻaho, pe ko e hā ia;  
\q2 koeʻuhi ke u ʻilo ki hono lahi ʻo ʻeku vaivai.”   
\q1
\v 5 Vakai, kuo ke ngaohi hoku ngaahi ʻaho ke tatau mo e ʻaofinima pe taha;  
\q2 pea ko ʻeku moʻui ʻoku hangē ko e meʻa noa pē ʻi ho ʻao:  
\q2 ko e moʻoni ko e tangata kotoa pē ʻi heʻene tuʻumaʻu ko e mātuʻaki vaʻinga ia. \qs Sila.\qs*   
\q1
\v 6 Ko e moʻoni ʻoku ʻalu ʻae tangata kotoa pē ʻi he ʻata loi:  
\q2 ko e moʻoni kuo nau mamahi taʻeʻaonga:  
\q2 ʻoku ne tānaki ʻae koloa, pea ʻoku ʻikai te ne ʻilo pe ko hai te ne maʻu ia.   
\q1
\v 7 Pea ko eni, “ʻE Sihova, ko e hā ʻoku ou tatali ai?  
\q2 ʻOku ʻiate koe pē ʻeku ʻamanaki lelei.   
\q1
\v 8 Fakamoʻui au mei heʻeku ngaahi talangataʻa kotoa pē:  
\q2 ʻoua naʻa ke ngaohi au ko e manukiʻanga ʻoe vale.”   
\q1
\v 9 Naʻaku noa, naʻe ʻikai te u mafaʻa hoku ngutu;  
\q2 koeʻuhi ko koe naʻa ke fai ia.   
\q1
\v 10 Toʻo atu hoʻo tā ʻiate au:  
\q2 kuo u ʻauha ʻi he tā ʻaho nima.   
\q1
\v 11 ‌ʻOka ke ka tautea ʻae tangata ʻaki ʻae tākitala ʻi heʻene hia,  
\q2 ʻoku ke pule ke mole atu hono lelei ʻo hangē ko e ane:  
\q2 ko e moʻoni ko e vaʻinga ʻae tangata kotoa pē. \qs Sila.\qs*   
\q1
\v 12 Fanongo mai ki heʻeku lotu, ʻE Sihova, mo ke fakafanongo ki heʻeku tangi;  
\q2 ʻoua naʻa ke fakalongo pē ʻi hoku ngaahi loʻimata:  
\q2 he ko e muli au ʻi ho ʻao,  
\q2 mo e ʻāunofo,  
\q2 ʻo hangē ko ʻeku ngaahi tamai kotoa pē.   
\q1
\v 13 Tuku siʻi ai pe au, koeʻuhi ke u toe maʻu ʻeku mālohi,  
\q2 ʻi he teʻeki ai te u ʻalu ʻi heni, pea te u ʻikai leva.   
\c 40  
\cd \it 1 Ko hono ʻaonga ʻoe falala ki he ʻotua. 6 Ko e feilaulau lelei lahi ʻae talangofua. 11 ʻOku ʻāsili ai ʻae lotu ʻa Tevita ʻi heʻene manatu ki heʻene kovi.\it*  
\d Ki he Takimuʻa, ko e Saame ʻa Tevita.  
\q1
\v 1 Naʻa ku tatali faʻa kātaki pe kia Sihova;  
\q2 pea ne tokanga kiate au, ʻone ongoʻi ʻeku tangi.   
\q1
\v 2 Pea naʻa ne toʻo hake au mei he luo fakailifia,  
\q2 mei he ʻumea pelepela,  
\q2 ʻo ne fokotuʻu hoku vaʻe ki he maka,  
\q2 ʻo fakamaʻu hoku ngaahi ʻaluʻanga.   
\q1
\v 3 Pea kuo ne ʻai ʻae hiva foʻou ki hoku ngutu, ʻio, ʻae fakafetaʻi ki hotau ʻOtua:  
\q2 ʻe mamata ki ai ʻae tokolahi, pea manavahē, pea tenau falala kia Sihova.   
\q1
\v 4 ‌ʻOku monūʻia ʻae tangata ko ia ʻoku falala kia Sihova,  
\q2 pea ʻikai tokanga ia ki he kakai laukau, mo kinautolu ʻoku afe ki he loi.   
\q1
\v 5 ‌ʻE Sihova ko hoku ʻOtua, ʻoku lahi hoʻo ngaahi ngāue fakaofo ʻaia kuo ke fai,  
\q2 mo ho finangalo lelei kiate kimautolu:  
\q2 ʻe ʻikai faʻa lau fakaholo ia kiate koe:  
\q2 kapau te u fie fakahā ʻo lea ki ai, ʻoku lahi ʻaupito ia, ʻe ʻikai faʻa laua.   
\q1
\v 6 Ko e feilaulau mo e meʻa foaki naʻe ʻikai te ke finangalo ki ai;  
\q2 ka ko hoku telinga kuo ke fakaava:  
\q2 ko e feilaulau tutu mo e feilaulau koeʻuhi ko e angahala naʻe ʻikai te ke fekau.   
\q1
\v 7 Pea naʻaku toki pehē, “Vakai, ʻoku ou haʻu:  
\q2 kuo tohi ʻi he tohi tākai ʻiate au,   
\q1
\v 8 ‌ʻE hoku ʻOtua, ʻoku ou fiefia ke fai ho finangalo:  
\q2 ʻio, ʻoku ʻi hoku loto hoʻo fono.”   
\q1
\v 9 Naʻaku malangaʻaki ʻae māʻoniʻoni ʻi he fakataha lahi:  
\q2 vakai, naʻe ʻikai te u taʻofi hoku loungutu, ʻE Sihova, ʻoku ke ʻiloʻi.   
\q1
\v 10 Naʻe ʻikai te u fakafufū hoʻo māʻoniʻoni ʻi hoku loto;  
\q2 naʻaku fakahā hoʻo angatonu mo hoʻo fakamoʻui:  
\q2 naʻe ʻikai te u fakalilolilo ʻa hoʻo ʻaloʻofa mo hoʻo moʻoni mei he fakataha lahi.   
\q1
\v 11 ‌ʻE Sihova, ʻoua naʻa ke taʻofi hoʻo ngaahi ʻaloʻofa ongongofua ʻiate au:  
\q2 tuku ke tauhi maʻuaipē au ʻe hoʻo ʻaloʻofa mo hoʻo moʻoni.   
\q1
\v 12 He kuo kāpui au ʻe he ngaahi kovi taʻefaʻalaua:  
\q2 kuo puke au ʻe heʻeku ngaahi hia, ko ia ʻoku ʻikai ai te u faʻa hanga hake;  
\q2 ʻoku lahi hake ia ʻi he ngaahi tuʻoni louʻulu ʻo hoku ʻulu:  
\q2 ko ia kuo liʻaki au ʻe hoku loto.   
\q1
\v 13 ‌ʻE Sihova, ke ke finangalo lelei ke fakamoʻui au:  
\q2 ʻE Sihova, ke ke fai vave ke tokoniʻi au.   
\q1
\v 14 Tuku ke mā mo puputuʻu fakataha ʻakinautolu kotoa pē ʻoku nau kumi hoku laumālie ke fakaʻauha ia;  
\q2 tuku ke fakafoki kimui mo mā ʻakinautolu ʻoku nau holi ke u kovi.   
\q1
\v 15 Tuku ke paea ʻakinautolu ko e totongi ʻo ʻenau kovi, ʻakinautolu ʻoku pehē kiate au, “Ha ha.”   
\q1
\v 16 Tuku ke fiefia mo nekeneka ʻiate koe ʻakinautolu kotoa pē ʻoku kumi kiate koe:  
\q2 tuku ke lea pehē maʻuaipē ʻakinautolu ʻoku ʻofa ki hoʻo fakamoʻui,  
\q2 “Ke ongoongolelei ʻa Sihova.”   
\q1
\v 17 Ka ko au ʻoku ou masiva mo paea;  
\q2 ka ʻoku finangalo ʻae ʻEiki kiate au:  
\q2 ko koe ko hoku tokoni mo hoku fakamoʻui;  
\q2 ʻoua naʻa ke fakatuai,  
\q2 ʻE hoku ʻOtua.   
\c 41  
\cd \it 1 Ko e tokanga ʻae ʻOtua ki he masiva. 4 ʻOku lāunga ʻa Tevita ʻi he kākā ʻa hono ngaahi fili. 10 ʻOku ne hola ki he ʻOtua ke ne maluʻi ia.\it*  
\d Ki he Takimuʻa, ko e Saame ʻa Tevita.  
\q1
\v 1 ‌ʻOku monūʻia ia ʻaia ʻoku tokanga ki he masiva:  
\q2 ʻe fakamoʻui ia ʻe Sihova he ʻaho ʻoe kovi.   
\q1
\v 2 ‌ʻE tauhi ia ʻe Sihova, mo pule ke moʻui ia;  
\q2 pea te ne monūʻia ʻi māmani:  
\q2 pea ʻe ʻikai te ke tukuange ia ki he loto ʻo hono ngaahi fili.   
\q1
\v 3 ‌ʻE fakamālohi ia ʻe Sihova ʻi he tokotoʻanga fakamamahi:  
\q2 te ke ngaohi hono mohenga kotoa pē ʻi hono mahaki.   
\q1
\v 4 Naʻaku pehē, “ʻE Sihova, ke ke ʻaloʻofa mai kiate au:  
\q2 fakamoʻui hoku laumālie; he kuo u fai angahala kiate koe.”   
\q1
\v 5 ‌ʻOku lauʻikoviʻi au ʻe hoku ngaahi fili:  
\q2 ʻE mate ʻafē ia, pea ʻauha hono hingoa?   
\q1
\v 6 Pea kapau ʻe haʻu ia ke vakai au, ʻoku ne lea loi:  
\q2 ʻoku tānaki ʻe hono loto kiate ia ʻae kovi;  
\q2 ʻoku ʻalu ia kituaʻā, ʻo fakahā ia.   
\q1
\v 7 ‌ʻOku fefanafanahi kiate au ʻakinautolu kotoa pē ʻoku fehiʻa kiate au:  
\q2 ʻoku nau fakakaukau kovi kiate au.   
\q1
\v 8 ‌ʻOku nau pehē, “ʻOku piki maʻu kiate ia ʻae mahaki kovi:  
\q2 pea ko ʻene tokoto ni ʻe ʻikai te ne toetuʻu hake mei ai.”   
\q1
\v 9 ‌ʻIo, ko hoku kaumeʻa moʻoni, ʻaia naʻaku falala ki ai,  
\q2 ʻaia naʻa ne kai ʻi heʻeku mā,  
\q2 kuo hiki hake ʻe ia hono mui vaʻe kiate au.   
\q1
\v 10 Ka ko koe, ʻE Sihova, ke ke ʻaloʻofa kiate au, mo fokotuʻu hake au,  
\q2 pea te u totongi kiate kinautolu.   
\q1
\v 11 ‌ʻOku ou ʻilo ʻi he meʻa ni ʻoku ke finangalo lelei kiate au,  
\q2 koeʻuhi ʻoku ʻikai kalanga ʻi he fiefia ʻa hoku fili kiate au.   
\q1
\v 12 Pea ko au, ʻoku ke poupou hake au ʻi heʻeku angatonu,  
\q2 pea te ke fokotuʻu au ʻi ho ʻao ʻo taʻengata.   
\q1
\v 13 Fakafetaʻi kia Sihova ko e ʻOtua ʻo ʻIsileli,  
\q1 talu mei muʻa, ʻo taʻengata.  
\q1 ʻEmeni mo ʻEmeni.   
\c 42  
\ms1 TOHI 2  
\mr (Saame 42—72)  
\cd \it 1 Ko e holi ʻa Tevita ke tauhi ʻae ʻOtua ʻi hono faletapu. 5 ʻOku ne enginakiʻi hono laumālie ke falala ki he ʻOtua.\it*  
\d Ki he Takimuʻa, ko e akonaki ki he ngaahi foha ʻo Kola.  
\q1
\v 1 ‌ʻOku hangē ko e holi ʻae hainiti ki he ngaahi tafeʻanga vai,  
\q2 ʻoku pehē ʻae holi ʻa hoku laumālie kiate koe, ʻE ʻOtua.   
\q1
\v 2 ‌ʻOku holi hoku laumālie ki he ʻOtua, ki he ʻOtua moʻui:  
\q2 te u hoko ʻafē ʻo fakahā au ʻi he ʻao ʻoe ʻOtua?   
\q1
\v 3 Ko ʻeku meʻakai ʻi he ʻaho mo e pō ʻa hoku ngaahi loʻimata,  
\q2 lolotonga ʻoku nau pehē maʻuaipē kiate au, “Ko e fē ho ʻOtua?”   
\q1
\v 4 ‌ʻI heʻeku manatu ki he ngaahi meʻa ni, ʻoku ou lilingi hoku laumālie ʻiate au:  
\q2 he naʻaku faʻa ʻalu mo e tokolahi, naʻaku ʻalu mo kinautolu ki he fale ʻoe ʻOtua,  
\q2 ʻi he leʻo ʻoe fiefia mo e fakafetaʻi, mo e tokolahi naʻe tauhi ʻae ʻaho tapu.   
\q1
\v 5 Ko e hā ʻoku ke mapelu ai ki lalo, ʻE hoku laumālie?  
\q2 pea ko e hā kuo ke maveuveu ai ʻi loto ʻiate au?  
\q2 Ke ke ʻamanaki lelei ki he ʻOtua?  
\q2 He ko e moʻoni te u fakafetaʻi kiate ia ʻi he ngaahi fakamoʻui ʻo hono fofonga.   
\q1
\v 6 ‌ʻE hoku ʻOtua, ʻoku mapelu ki lalo hoku laumālie ʻi loto ʻiate au:  
\q2 ko ia te u manatu ai kiate koe mei he fonua ʻo Sioatani,  
\q2 pea mo Heamoni, mo e moʻunga siʻi ko Maisa.   
\q1
\v 7 ‌ʻOku ui ʻae loloto ki he loloto ʻi he longoaʻa ʻo hoʻo ngaahi ʻahiohio vai:  
\q2 ʻoku lōmakiʻi au ʻe hoʻo ngaahi peau kotoa pē mo hoʻo ngaahi ngalu.   
\q1
\v 8 Ka ko e moʻoni ʻe fekau mai ʻe Sihova ʻa ʻene ʻaloʻofa ʻi he ʻaho,  
\q2 pea ʻe ʻiate au ʻene hiva ʻi he poʻuli,  
\q2 mo ʻeku lotu ki he ʻOtua ʻo ʻeku moʻui.   
\q1
\v 9 Te u pehē ki he ʻOtua ko hoku makatuʻu, “Ko e hā kuo ke fakangaloʻi ai au?  
\q2 Ko e hā ʻoku ou ʻalu mamahi pē ʻi he taʻomia ʻe he fili?”   
\q1
\v 10 Ko e manuki ʻa hoku ngaahi fili, ʻoku hangē ko e heletā kuo uhu ki hoku ngaahi hui;  
\q2 ʻi heʻenau pehē mai kiate au ʻi he ʻaho kotoa pē, “Ko e fē ho ʻOtua?”   
\q1
\v 11 Ko e hā ʻoku ke mapelu ai ki lalo, ʻE hoku laumālie?  
\q2 Pea ko e hā ʻoku ke maveuveu ai ʻi loto ʻiate au?  
\q1 Ke ke ʻamanaki lelei ki he ʻOtua: he ko e moʻoni te u fakafetaʻi kiate ia,  
\q2 ʻaia ko e fakamoʻui ʻo hoku mata, mo hoku ʻOtua.   
\c 43  
\cd \it 1 ʻOku lotu ʻa Tevita ke toe ʻomi ia ki he falelotu lahi, pea ne fakahā te ne tauhi fiefia ai ʻae ʻOtua. 5 ʻOku ne enginakiʻi hono laumālie ke falala ki he ʻOtua.\it*  
\q1
\v 1 ‌ʻE ʻOtua, ke ke fakamaau au, ʻo langomakiʻi au telia ʻae puleʻanga angakovi:  
\q2 ke ke fakamoʻui au mei he tangata kākā mo taʻeangatonu.   
\q1
\v 2 He ko koe ko e ʻOtua ʻo ʻeku mālohi: ko e hā ʻoku ke liʻaki ai au?  
\q2 Ko e hā ʻoku ou ʻalu mamahi pe ʻi he taʻomia ʻe he fili?   
\q1
\v 3 Ke ke fekau atu hoʻo maama mo hoʻo moʻoni:  
\q2 tuku ke na tataki au;  
\q2 tuku ke na ʻomi au ki ho moʻunga māʻoniʻoni,  
\q2 mo ho ngaahi fale fehikitaki.   
\q1
\v 4 Ko ia te u toki ʻalu atu ki he feilaulauʻanga ʻoe ʻOtua,  
\q2 ki he ʻOtua ko hoku fiefiaʻanga lahi ʻaupito:  
\q2 ʻio, ʻi he haʻape te u fakamālō kiate koe, ʻE ʻOtua ko hoku ʻOtua.   
\q1
\v 5 Ko e hā ʻoku ke mapelu ai ki lalo, ʻE hoku laumālie?  
\q2 pea ko e hā ʻoku ke maveuveu ai ʻi loto ʻiate au?  
\q2 ʻAmanaki lelei ki he ʻOtua:  
\q2 he ko e moʻoni te u fakafetaʻi kiate ia,  
\q2 ʻaia ko e fakamoʻui ʻo hoku mata, mo hoku ʻOtua.   
\c 44  
\cd \it 1 Ko e fakamanatu ʻe he siasi ki heʻene lelei ʻi muʻa. 7 ʻOku lāunga ia ʻi heʻene tuʻutāmaki ni. 17 ʻOku fakahā ʻe ia ʻene angatonu, 24 Pea ne kole fakamātoato ke maluʻi ia.\it*  
\d Ki he Takimuʻa, ko e akonaki ki he ngaahi foha ʻo Kola.  
\q1
\v 1 ‌ʻE ʻOtua, naʻa mau fanongo ʻaki homau telinga,  
\q2 pea kuo tala kiate kimautolu ʻe heʻemau ngaahi tamai,  
\q2 ʻae ngāue naʻa ke fai ʻi honau ngaahi ʻaho,  
\q2 ʻi he ngaahi kuonga ʻi muʻa.   
\q1
\v 2 Naʻa ke kapusi kituʻa ʻae hiteni ʻaki ho nima,  
\q2 mo ke tō ʻakinautolu:  
\q2 naʻa ke tautea ʻae kakai,  
\q2 pea mafola atu ʻakinautolu.   
\q1
\v 3 He naʻe ʻikai te nau maʻu ʻae fonua ʻi he heletā ʻanautolu,  
\q2 pea naʻe ʻikai fakamoʻui ʻakinautolu ʻe honau nima:  
\q2 ka ko ho ʻaofi nima, mo ho nima toʻomataʻu, mo e maama ʻo ho fofonga,  
\q2 koeʻuhi naʻa ke ʻofa kiate kinautolu.   
\q1
\v 4 He ko koe ko hoku Tuʻi,  
\q2 ʻE ʻOtua ke ke fekau ʻae fakamoʻui kia Sēkope.   
\q1
\v 5 Ko e meʻa ʻiate koe temau tulaki homau ngaahi fili:  
\q2 ko e meʻa ʻi ho huafa temau malamalaki ki lalo ʻakinautolu ʻoku tuʻu hake kiate kimautolu.   
\q1
\v 6 Koeʻuhi ʻe ʻikai te u falala ki heʻeku kaufana,  
\q2 pea ʻe ʻikai fakamoʻui au ʻe heʻeku heletā.   
\q1
\v 7 Ka ko koe kuo ke fakamoʻui ʻakimautolu mei homau ngaahi fili,  
\q2 pea kuo ke tuku ke mā ʻakinautolu naʻe fehiʻa kiate kimautolu.   
\q1
\v 8 ‌ʻOku mau vikiviki ʻi he ʻOtua ʻi he ʻaho kotoa,  
\q2 ʻo fakamālō ki ho huafa ʻo taʻengata. \qs Sila.\qs*   
\q1
\v 9 Ka kuo ke liʻaki, pea tuku ke mā ʻakimautolu;  
\q2 pea ʻikai te ke ʻalu atu mo ʻemau ngaahi kongakau.   
\q1
\v 10 ‌ʻOku ke pule ke mau foki mai mei he fili:  
\q2 pea ko kinautolu ʻoku fehiʻa kiate kimautolu ʻoku nau maumau maʻanautolu.   
\q1
\v 11 Kuo ke foaki ʻakimautolu ʻo hangē ko e fanga sipi kuo fili ki he kai;  
\q2 pea kuo ke fakahēʻi ʻakimautolu ki he hiteni.   
\q1
\v 12 ‌ʻOku ke fakatau hoʻo kakai taʻehatotongi,  
\q2 pea ʻoku ʻikai te ke fakalahi hoʻo koloa ʻaki honau totongi.   
\q1
\v 13 ‌ʻOku ke ngaohi ʻakimautolu ko e manukiʻanga ʻo homau ngaahi kaungāʻapi,  
\q2 ko e meʻa manuki mo e taukaeʻanga ʻokinautolu ʻoku nofo takatakai ʻiate kimautolu.   
\q1
\v 14 ‌ʻOku ke ngaohi ʻakimautolu ko e lumaʻanga ʻoe hiteni,  
\q2 ko e kalokaloʻanga ʻoe ʻulu ʻi he ʻao ʻoe kakai.   
\q1
\v 15 ‌ʻOku ʻi hoku ʻao maʻuaipē ʻeku kovi,  
\q2 pea kuo ʻufiʻufi ʻaki au ʻae mā ʻo hoku mata,   
\q1
\v 16 Koeʻuhi ko e leʻo ʻo ia ʻoku ne taukae mo kape;  
\q2 ko e meʻa ʻi he fili mo e fakafāsifasi.   
\q1
\v 17 Kuo hoko ʻae meʻa ni kotoa pē kiate kimautolu;  
\q2 ka naʻe ʻikai te mau fakangalongaloʻi koe,  
\q2 pea naʻe ʻikai te mau fai kākā ʻi hoʻo fuakava.   
\q1
\v 18 ‌ʻOku ʻikai foki kimui homau loto,  
\q2 pe afe mei ho hala homau ʻaluʻanga;   
\q1
\v 19 Kuo ke fesifesi ʻakimautolu ʻi he potu ʻoe fanga talākoni,  
\q2 mo ʻufiʻufi ʻaki ʻakimautolu ʻae ʻata ʻoe mate.   
\q1
\v 20 Kapau kuo mau fakangaloʻi ʻae huafa ʻo homau ʻOtua,  
\q2 pe mafao atu homau nima ki ha ʻotua kehe;   
\q1
\v 21 ‌ʻIkai ʻe ʻeke ia ʻe he ʻOtua?  
\q2 He ʻoku ne ʻiloʻi ʻae ngaahi meʻa fufū ʻoe loto.   
\q1
\v 22 ‌ʻIo, koeʻuhi ko koe ʻoku tāmateʻi ʻakimautolu ʻi he ʻaho kotoa pē;  
\q2 ʻoku lau ʻakimautolu ʻo hangē ko e fanga sipi ke tāmateʻi.   
\q1
\v 23 Ke ke ʻā, ko e hā ʻoku ke mohe ai, ʻE Sihova?  
\q2 Tuʻu hake,  
\q2 ʻoua naʻa ke liʻaki ʻakimautolu ʻo taʻengata.   
\q1
\v 24 Ko e hā ʻoku ke fufū ai ho fofonga,  
\q2 ʻo fakangaloʻi homau tautea mo homau taʻomia?   
\q1
\v 25 He kuo lolohifo homau laumālie ki he efu:  
\q2 kuo hiki homau kete ki he kelekele.   
\q1
\v 26 Tuʻu hake ko homau tokoni,  
\q2 pea huhuʻi ʻakimautolu koeʻuhi ko hoʻo ʻaloʻofa.   
\c 45  
\cd \it 1 Ko e māfimafi mo e ʻofa ʻoe puleʻanga ʻo Kalaisi. 10 Ko e ngāue ʻae siasi mo hono lelei ʻo ia.\it*  
\d Ki he Takimuʻa ʻi he Sosanimi, ko e akonaki ki he ngaahi foha ʻo Kola, ko e Hiva ki he ngaahi ʻofa.  
\q1
\v 1 ‌ʻOku mapuna hake ʻi hoku loto ʻae meʻa lelei:  
\q2 te u lea ki he meʻa kuo u ngaohi ki he tuʻi:  
\q2 ko hoku ʻelelo ko e peni ki he tohi vave.   
\q1
\v 2 ‌ʻOku ke fakaʻofoʻofa lahi ʻi he ngaahi fānau ʻae tangata:  
\q2 kuo lilingi ʻae ʻofa ki ho loungutu:  
\q2 ko ia kuo fakamonūʻia ai koe ʻe he ʻOtua ʻo lauikuonga.   
\q1
\v 3 ‌ʻE Fungani Māfimafi ke ke nonoʻo hoʻo heletā ki ho tuʻatenga,  
\q2 ʻi ho nāunau mo ho mālohi.   
\q1
\v 4 Pea ʻi hoʻo māfimafi ke ke hāʻele monūʻia,  
\q2 ko e meʻa ʻi he moʻoni mo e angavaivai mo e māʻoniʻoni;  
\q2 pea ʻe ako kiate koe ʻe ho nima toʻomataʻu ʻae ngaahi meʻa fakailifia.   
\q1
\v 5 ‌ʻOku māsila hoʻo ngaahi ngahau ʻi he loto ʻoe ngaahi fili ʻoe tuʻi;  
\q2 ʻoku tō ki lalo ʻae kakai ʻiate koe.   
\q1
\v 6 ‌ʻE ʻOtua, ko ho nofoʻanga ʻoku lauikuonga pea taʻengata:  
\q2 ko e tokotoko ʻo ho puleʻanga ko e tokotoko māʻoniʻoni ia.   
\q1
\v 7 ‌ʻOku ke ʻofa ki he māʻoniʻoni, pea fehiʻa ki he angahala:  
\q2 ko ia ko e ʻOtua ko ho ʻOtua, kuo ne tākai ʻaki koe ʻae lolo ʻoe fiefia ʻo lahi hake ʻi ho kāinga.   
\q1
\v 8 ‌ʻOku namu mula, mo ʻalosi, mo kāsia, ʻa ho ngaahi kofu kotoa pē,  
\q2 mei he ngaahi fale lei, ʻaia kuo nau fakafiefiaʻi koe.   
\q1
\v 9 Naʻe ʻi hoʻo kau fefine ongolelei ʻae ngaahi ʻofefine ʻoe ngaahi tuʻi:  
\q2 naʻe tuʻu ʻae tuʻi fefine ʻi ho nima toʻomataʻu ʻi he koula mei Ofeli.   
\q1
\v 10 Fakafanongo, ʻE ʻofefine, pea tokanga, ʻo fakatokangaʻi ho telinga;  
\q2 fakangaloʻi foki hoʻo kakai ʻaʻau, mo e fale ʻo hoʻo tamai;   
\q1
\v 11 Ko ia ʻe manako lahi ai ʻae tuʻi ki ho hoihoifua:  
\q2 he ko ho ʻEiki ia; pea ke hū kiate ia.   
\q1
\v 12 Pea ʻe ʻi ai ʻae ʻofefine ʻo Taia mo e meʻaʻofa;  
\q2 ko e kau koloaʻia ʻi he kakai te nau kumi lahi ki hoʻo ʻofa.   
\q1
\v 13 Ko e ʻofefine ʻoe tuʻi ʻoku lelei lahi ʻi loto;  
\q2 ko hono ngaahi kofu kuo lalanga ʻaki ʻae koula.   
\q1
\v 14 ‌ʻE ʻomi ia ki he tuʻi ʻi he kofu ʻoku matamatalelei hono tuitui:  
\q2 ko e kau tāupoʻou ko hono kaumeʻa ʻaia ʻoku muimui kiate ia ʻe omi ʻakinautolu kiate koe.   
\q1
\v 15 ‌ʻE omi ʻakinautolu ʻi he fiefia mo e nekeneka:  
\q2 te nau hū ki he fale ʻoe tuʻi.   
\q1
\v 16 ‌ʻE fetongi hoʻo ngaahi tamai ʻe hoʻo fānau,  
\q2 ʻaia te ke fakanofo ko e ngaahi ʻeiki ʻi māmani kotoa pē.   
\q1
\v 17 Te u fai ke manatuʻi ʻa ho huafa ʻi he toʻutangata kotoa pē:  
\q2 ko ia ʻe fakafetaʻi ʻae kakai kiate koe ʻo lauikuonga pea taʻengata.   
\c 46  
\cd \it 1 Ko e tui ʻae siasi ki he ʻOtua, 8 Mo e enginaki ke vakai ki ai.\it*  
\d Ki he takimuʻa ʻoe ngaahi foha ʻo Kola, ko e hiva ʻi he ʻAlamoti.  
\q1
\v 1 Ko e ʻOtua ko hotau hūfanga mo e mālohi, ko e tokoni lahi pea ofi ʻi he mamahi.   
\q1
\v 2 Ko ia ʻe ʻikai ai te tau manavahē, ʻo kapau ʻe hiki ʻa māmani,  
\q2 pea kapau ʻe hiki ʻae ngaahi moʻunga ki he loto tahi;   
\q1
\v 3 Kapau ʻe ʻuʻulu pea hou ʻa hono ngaahi vai,  
\q2 pea ngalulu ʻae ngaahi moʻunga ʻi heʻene mahakehake. \qs Sila.\qs*   
\q1
\v 4 ‌ʻOku ai ha vaitafe, ko hono mangaʻivai ʻo ia te ne fakafiefiaʻi ʻae kolo ʻoe ʻOtua,  
\q2 ko e potu māʻoniʻoni ʻoe ngaahi fale fehikitaki ʻoe Fungani Māʻolunga.   
\q1
\v 5 ‌ʻOku ʻi loto ʻiate ia ʻae ʻOtua; ʻe ʻikai ueʻi ia:  
\q2 ʻe tokoni ia ʻe he ʻOtua, ʻi he hoko mai ʻae pongipongi.   
\q1
\v 6 Naʻe matalili ʻae hiteni, naʻe ngaueue ʻae ngaahi puleʻanga:  
\q2 naʻa ne fakaongo atu hono leʻo, pea vela ʻo vai ʻa māmani.   
\q1
\v 7 Ko Sihova ʻoe ngaahi kautau ʻoku ʻiate kitautolu;  
\q2 ko e ʻOtua ʻo Sēkope ko hotau hūfanga. \qs Sila.\qs*   
\q1
\v 8 Haʻu, ʻo vakai ki he ngaahi ngāue ʻa Sihova,  
\q2 ʻae ngaahi fakaʻauha kuo ne fai ʻi māmani.   
\q1
\v 9 ‌ʻOku ne fakaʻosi ʻae ngaahi tau ʻo aʻu ki he ngataʻanga ʻo māmani;  
\q2 ʻoku ne fesiʻi ʻae kaufana, ʻo ne tutuʻu ke motuua ʻae tao;  
\q2 ʻoku ne tutu ʻae saliote ʻi he afi.   
\q1
\v 10 “Mou longo pē, pea ʻilo ko au ko e ʻOtua:  
\q2 te u hakeakiʻi au ʻi he lotolotonga ʻoe hiteni,  
\q2 te u hakeakiʻi au ʻi māmani.”   
\q1
\v 11 Ko Sihova ʻoe ngaahi kautau ʻoku ʻiate kitautolu;  
\q2 ko e ʻOtua ʻo Sēkope ko hotau hūfanga. \qs Sila.\qs*   
\c 47  
\cd \it 1–9 Ko e enginaki ki he ngaahi puleʻanga kenau fiefie maʻu ʻae puleʻanga ʻo Kalaisi.\it*  
\d Ki he Takimuʻa, ko e Saame ki he ngaahi foha ʻo Kola.  
\q1
\v 1 Mou pasipasi homou nima, ʻae kakai kotoa pē;  
\q2 kalanga ki he ʻOtua ʻi he leʻo ʻoe fiefia.   
\q1
\v 2 He ko Sihova fungani māʻolunga ʻoku fakailifia ia;  
\q2 ko e Tuʻi lahi ia ki māmani kotoa pē.   
\q1
\v 3 Te ne fakavaivai ʻae kakai kiate kitautolu,  
\q2 mo e ngaahi puleʻanga ki hotau lalo vaʻe.   
\q1
\v 4 Te ne fili hotau tofiʻa maʻatautolu,  
\q2 ko e lelei ʻo Sēkope ʻaia ʻoku ne ʻofa ki ai. \qs Sila.\qs*   
\q1
\v 5 Kuo hāʻele hake ʻae ʻOtua ʻi he mavava,  
\q2 ko Sihova mo e leʻo ʻoe meʻa lea.   
\q1
\v 6 Hiva fakamālō ki he ʻOtua, hiva fakamālō:  
\q2 hiva fakamālō ki hotau Tuʻi, hiva fakamālō.   
\q1
\v 7 He ko e ʻOtua ko e Tuʻi ia ʻo māmani kotoa pē:  
\q2 mou hiva fakamālō ʻi he poto.   
\q1
\v 8 ‌ʻOku pule ʻae ʻOtua ki he hiteni:  
\q2 ʻoku ʻafio ʻae ʻOtua ʻi he ʻafioʻanga ʻo ʻene māʻoniʻoni.   
\q1
\v 9 Kuo kātoa fakataha ʻae houʻeiki ʻoe kakai,  
\q2 ʻio, ko e kakai ʻae ʻOtua ʻo ʻEpalahame:  
\q2 ʻoku ʻi he ʻOtua ʻae ngaahi fakaū ʻo māmani:  
\q2 ʻoku māʻolunga lahi ʻaupito ia.   
\c 48  
\cd \it 1–14 Ko e teunga mo e lelei ʻoe siasi.\it*  
\d Ko e Hiva mo e Saame ki he ngaahi foha ʻo Kola.  
\q1
\v 1 ‌ʻOku lahi ʻa Sihova, pea ʻoku lelei ke fakamālō lahi kiate ia,  
\q2 ʻi he kolo ʻa hotau ʻOtua, ʻi he moʻunga ʻo ʻene māʻoniʻoni.   
\q1
\v 2 Ko e tuʻunga matamatalelei ʻae moʻunga ko Saione,  
\q2 ko e fiefiaʻanga ʻo māmani kotoa pē,  
\q2 ʻoku ʻi hono potu tokelau ʻae kolo ʻoe Tuʻi lahi.   
\q1
\v 3 ‌ʻOku ʻilo ʻae ʻOtua ko e hūfanga ʻi hono ngaahi fale lahi ʻo ia.   
\q1
\v 4 Pea vakai, naʻe fakataha ʻae ngaahi tuʻi,  
\q2 naʻa nau ʻalu atu fakataha.   
\q1
\v 5 Naʻa nau mamata ai, pea nau ofo;  
\q2 naʻa nau mamahi,  
\q2 pea hola.   
\q1
\v 6 Naʻe tuia ʻakinautolu ʻi ai ʻi he manavahē,  
\q2 mo e mamahi, ʻo hangē ko e fefine ʻoku langā.   
\q1
\v 7 ‌ʻOku ke maumauʻi ʻae ngaahi vaka ʻo Tasisi ʻaki ʻae matangi hahake.   
\q1
\v 8 Hangē ko ia naʻa mau fanongo, kuo pehē ʻemau mamata  
\q2 ʻi he kolo ʻa Sihova ʻoe ngaahi kautau, ʻi he kolo ʻa hotau ʻOtua:  
\q2 ʻe fakatuʻumaʻu ia ʻe he ʻOtua ʻo taʻengata. \qs Sila.\qs*   
\q1
\v 9 Kuo mau manatu ki hoʻo ʻaloʻofa, ʻE ʻOtua,  
\q2 ʻi ho loto faletapu.   
\q1
\v 10 ‌ʻO hangē ko ho huafa, ʻE ʻOtua,  
\q2 ʻoku pehē ho ongoongolelei ki he ngaahi ngataʻanga ʻo māmani;  
\q2 ʻoku pito ho nima toʻomataʻu ʻi he māʻoniʻoni.   
\q1
\v 11 Tuku ke fiefia ʻae moʻunga ko Saione,  
\q2 tuku ke nekeneka ʻae ngaahi ʻofefine ʻo Siuta,  
\q2 ko e meʻa ʻi hoʻo ngaahi fakamaau.   
\q1
\v 12 Mou ʻeveʻeva takatakai ʻi Saione, ʻo ʻalu fakatakamilo ʻiate ia:  
\q2 lau hono ngaahi fale māʻolunga ʻo ia.   
\q1
\v 13 Mou vakai lelei ki hono ngaahi puke,  
\q2 tokanga ki hono ngaahi fale lahi;  
\q2 koeʻuhi ke mou tala ia ki he toʻutangata ʻe hoko.   
\q1
\v 14 “He ko e ʻOtua ni ko hotau ʻOtua ʻo lauikuonga pea taʻengata:  
\q2 te ne tauhi ʻakitautolu ʻo aʻu ki he mate.”   
\c 49  
\cd \it 1 Ko e enginaki ke fokotuʻu ʻae tui ki he toetuʻu ʻi he ʻOtua, kae ʻikai ʻi he mālohi fakamaama. 16 ʻOua naʻa ʻofa ki he monūʻia fakamaama.\it*  
\d Ki he Takimuʻa, ko e Saame ki he ngaahi foha ʻo Kola.  
\q1
\v 1 Mou fanongo ki he meʻa ni, ʻae kakai kotoa pē;  
\q2 fakafanongo, ʻakimoutolu kotoa pē ʻoku nofo ʻi māmani:   
\q1
\v 2 ‌ʻAe māʻulalo mo e māʻolunga,  
\q2 ʻae maʻumeʻa mo e masiva, fakataha.   
\q1
\v 3 ‌ʻE lea hoku ngutu ʻi he poto;  
\q2 pea ʻe kau ki he ʻilo ʻae fakakaukau ʻa hoku loto.   
\q1
\v 4 Te u fakatokangaʻi hoku telinga ki he lea fakatātā:  
\q2 te u fakahā ʻi he haʻape ʻeku lea ʻilongataʻa.   
\q1
\v 5 Ko e hā te u manavahē ai ʻi he ngaahi ʻaho ʻoe kovi,  
\q2 ʻoka takatakai au ʻe he hia ʻo hoku vaʻe?   
\q1
\v 6 Ko kinautolu ʻoku falala ki heʻenau mālohi,  
\q2 ʻo polepole ʻi hono lahi ʻo ʻenau koloa;   
\q1
\v 7 ‌ʻOku ʻikai ʻaupito faʻa fai ʻe hanau tokotaha ke huhuʻi hono tokoua,  
\q2 pe ʻatu ki he ʻOtua hano totongi:   
\q1
\v 8 He ko e huhuʻi ʻo honau laumālie ʻoku mahuʻinga lahi,  
\q2 pea ʻoku tuku ai pe ia ʻo taʻengata:   
\q1
\v 9 Koeʻuhi ke ne kei moʻui maʻuaipē,  
\q2 pea ʻikai ʻilo ʻae ʻauʻauha.   
\q1
\v 10 He ʻoku ne mamata ʻoku mate ʻae kau tangata poto,  
\q2 pea ʻoku ʻauha foki ʻae tangata vale pea mo e taʻeʻilo,  
\q2 ʻonau tuku ʻenau koloa ki he kakai kehe.   
\q1
\v 11 ‌ʻOku mahalo ʻa honau loto, ʻe tuʻumaʻu pē honau fale ʻo taʻengata,  
\q2 mo honau ngaahi nofoʻanga ki he toʻutangata kotoa pē;  
\q2 ʻoku nau fakahingoa honau ʻapi ki honau hingoa ʻonautolu.   
\q1
\v 12 Ka ko e moʻoni ko e tangata ʻoku māʻolunga ʻoku ʻikai tuʻumaʻu ia:  
\q2 ʻoku tatau ia mo e fanga manu ʻoku ʻauha.   
\q1
\v 13 Pea ko honau hala ni ko ʻenau vale ia:  
\q2 ka ʻoku mālieʻia honau hako ʻi heʻenau ngaahi lea. \qs Sila.\qs*   
\q1
\v 14 Kuo tuku ʻakinautolu ki he faʻitoka ʻo hangē ko e fanga sipi;  
\q2 ʻe fafanga ʻaki ʻae mate ʻakinautolu;  
\q1 pea ʻe maʻu ʻae mālohi kiate kinautolu ʻe he kakai angatonu ʻi he pongipongi;  
\q2 pea ʻe ʻauha honau matamatalelei ʻi he faʻitoka mei honau nofoʻanga.   
\q1
\v 15 Ka ʻe huhuʻi hoku laumālie ʻe he ʻOtua mei he mālohi ʻoe faʻitoka:  
\q2 he te ne maʻu au. \qs Sila.\qs*   
\q1
\v 16 ‌ʻOua naʻa ke manavahē koe ʻoka hoko ʻo koloaʻia ha tokotaha,  
\q2 ʻi he tupu pē ʻae nāunau ʻo hono fale;   
\q1
\v 17 He ʻoka mate ia ʻe ʻikai te ne fua ʻo ʻave ha meʻa ʻe taha:  
\q2 ʻe ʻikai muimui hifo ʻiate ia hono nāunau.   
\q1
\v 18 Ka ʻi heʻene moʻui naʻa ne tāpuaki hono laumālie:  
\q2 pea ʻe fakamālō ʻae kakai kiate koe, ʻoka ke ka fai lelei kiate koe.   
\q1
\v 19 ‌ʻE ʻalu ia ki he toʻutangata ʻo ʻene ngaahi tamai;  
\q2 ʻe ʻikai tenau mamata ki he maama.   
\q1
\v 20 Ko e tangata ʻoku māʻolunga, ka ʻoku ʻikai poto,  
\q2 ʻoku tatau ia mo e fanga manu ʻoku ʻauha.   
\c 50  
\cd \it 1 Ko e nāunau ʻoe ʻOtua ʻi he siasi, 5 Mo ʻene fekau ke tānaki ʻae kakai māʻoniʻoni. 7 ʻOku ʻikai fiemālie ʻae ʻOtua ʻi he ngaahi feilaulau, 14 Ka ʻi he moʻoni ʻoe talangofua.\it*  
\d Ko e Saame ʻa ʻAsafi.  
\q1
\v 1 Kuo folofola ʻa Sihova, ko e ʻOtua Māfimafi,  
\q2 ʻo ui ki māmani ki he potu hopoʻanga ʻoe laʻā ʻo aʻu atu ki hono tōʻanga.   
\q1
\v 2 Mei Saione, ko e fungani ʻoe matamatalelei haohaoa,  
\q2 kuo ulo ʻae ʻOtua.   
\q1
\v 3 ‌ʻE hāʻele mai hotau ʻOtua, pea ʻe ʻikai fakalongo pē:  
\q2 ʻe fakaʻauha ʻe he afi ʻi hono ʻao,  
\q2 pea ʻe takatakai ia ʻe he afā lahi.   
\q1
\v 4 Te ne ui ki he ngaahi langi mei ʻolunga,  
\q2 pea ki māmani, koeʻuhi ke ne fakamaau hono kakai.   
\q1
\v 5 “Tānaki fakataha kiate au ʻeku kakai māʻoniʻoni; ʻakinautolu kuo fai ʻae fuakava mo au ʻi he feilaulau.”   
\q1
\v 6 Pea ʻe fakahā ʻe he ngaahi langi ʻene māʻoniʻoni:  
\q2 he ko e ʻOtua pē ko e fakamaau. \qs Sila.\qs*   
\q1
\v 7 “Fanongo mai, ʻE hoku kakai, pea te u lea;  
\q2 pea te u fakapapau kiate koe, ʻE ʻIsileli:  
\q2 ko au ko e ʻOtua, ʻio, ko ho ʻOtua.   
\q1
\v 8 ‌ʻE ʻikai te u valokiʻi koe koeʻuhi ko hoʻo ngaahi feilaulau,  
\q2 pe ko hoʻo ngaahi feilaulau tutu, ke fai maʻu pe ʻi hoku ʻao.   
\q1
\v 9 ‌ʻE ʻikai te u toʻo ha pulu mei ho fale,  
\q2 pe ha kosi tangata mei ho ngaahi lotoʻā.   
\q1
\v 10 He ʻoku ʻaʻaku ʻae manu kotoa pē ʻoe vao,  
\q2 mo e fanga manu ʻi he moʻunga ʻe afe.   
\q1
\v 11 ‌ʻOku ou ʻilo ʻae manupuna kotoa pē ʻoe ngaahi moʻunga:  
\q2 pea ʻoku ʻaʻaku ʻae ngaahi manu kaivao kotoa pē ʻoe ngoue.   
\q1
\v 12 “Kapau te u fiekaia, ʻe ʻikai te u tala kiate koe:  
\q2 he ʻoku ʻaʻaku ʻa māmani, mo hono mahu ʻo ia.   
\q1
\v 13 He te u kai ʻeau ʻae kakano ʻoe fanga pulu tangata,  
\q2 pe inu ʻae toto ʻoe fanga kosi?   
\q1
\v 14 ‌ʻAtu ʻae fakafetaʻi ki he ʻOtua;  
\q2 mo ke fai hoʻo ngaahi fuakava ki he Fungani Māʻolunga:   
\q1
\v 15 Pea ke ui kiate au ʻi he ʻaho ʻoe mamahi:  
\q2 te u fakamoʻui koe, pea te ke fakaongoongoleleiʻi au.”   
\q1
\v 16 Ka ʻoku pehē ʻe he ʻOtua ki he angakovi,  
\q2 “Ko e hā ʻoku ke kau ai koe ke tala ʻeku ngaahi fekau,  
\q2 pea ke ʻai ʻi ho ngutu ʻeku fuakava?   
\q1
\v 17 He ʻoku ke fehiʻa ki he akonaki,  
\q2 mo ke liʻaki ʻeku ngaahi lea ki ho tuʻa.   
\q1
\v 18 ‌ʻI hoʻo mamata ki ha kaihaʻa, naʻa ke loto leva kiate ia,  
\q2 pea naʻa ke kau mo e kau tono fefine.   
\q1
\v 19 “ʻOku ke tuku ho ngutu ki he kovi,  
\q2 pea ʻoku fakatupu ʻe ho ʻelelo ʻae kākā.   
\q1
\v 20 ‌ʻOku ke nofo ʻo lauʻikoviʻi ho tokoua;  
\q2 ʻoku ke fakakoviʻi ʻae tama ʻa hoʻo faʻē ʻaʻau.   
\q1
\v 21 Naʻa ke fai ʻae ngaahi meʻa ni, pea ne u fakalongo pē;  
\q2 naʻa ke mahalo ʻoku ou hangē tofu pe ko koe: ka te u valokiʻi koe, ʻo fokotuʻu ia ʻi ho ʻao.   
\q1
\v 22 Ko eni, mou tokanga ki he meʻa ni, ʻakimoutolu ʻoku fakangalongaloʻi ʻae ʻOtua,  
\q2 telia naʻaku haehae ke fakaikiiki ʻakimoutolu, pea ʻe ʻikai ha taha ke fakamoʻui.   
\q1
\v 23 “Ko ia ʻoku ne ʻatu ʻae fakafetaʻi ʻoku ne fakaongoongoleleiʻi au:  
\q2 pea ko ia ʻoku ne fakatonutonu hono hala te u fakahā kiate ia ʻae fakamoʻui ʻoe ʻOtua.”   
\c 51  
\cd \it 1 ʻOku lotu ʻa Tevita ke ne maʻu ʻae fakamolemole, ʻo ne vete ʻene angahala. 6 ʻOku ne kole ki he māʻoniʻoni. 16 ʻOku ʻikai fiemālie ʻae ʻOtua ʻi he feilaulau, ka ʻi he moʻoni. 18 ʻOku ne hūfia ʻae siasi.\it*  
\d Ki he Takimuʻa, ko e Saame ʻa Tevita, ʻi he haʻu kiate ia ʻae palōfita ko Natani, hili ʻene fai kovi mo Patisepa.  
\q1
\v 1 ‌ʻAloʻofa mai kiate au, ʻE ʻOtua, ʻo fakatatau ki hoʻo manavaʻofa:  
\q2 ke ke tāmateʻi ʻeku ngaahi angahala ʻo fakatatau ki hono lahi ʻo hoʻo ngaahi ʻaloʻofa ongongofua.   
\q1
\v 2 Ke ke fufulu ʻaupito au mei heʻeku hia,  
\q2 mo fakamaʻa au mei heʻeku angahala:   
\q1
\v 3 He ʻoku ou fakamoʻoni ʻeku ngaahi talangataʻa:  
\q2 pea ʻoku tuʻumaʻu aipē ʻi hoku ʻao ʻeku angahala.   
\q1
\v 4 Naʻaku fai angahala kiate koe,  
\q2 ʻio, kiate koe pē kuo u fai ʻae kovi ni ʻi ho ʻao;  
\q1 koeʻuhi ke tonuhia pe ʻa koe ʻoka ke ka folofola,  
\q2 pea māʻoniʻoni ʻoka ke ka fai ʻae fakamaau.   
\q1
\v 5 Vakai, naʻe fanauʻi au ʻi he angakovi pea naʻe tuʻituʻia ʻeku faʻē ʻiate au ko e angahala.   
\q1
\v 6 Vakai, ʻoku ke finangalo ki he moʻoni ʻi loto:  
\q2 pea ʻi he fufū te ke ngaohi ai au ke u ʻilo ʻae poto.   
\q1
\v 7 Ke ke fakamaʻa au ʻaki ʻae ʻisope, pea te u maʻa ai:  
\q2 fufulu au, pea te u hinehina lahi ʻi he ʻuha hinehina.   
\q1
\v 8 Tuku ke u fanongo ki he fiefia mo e nekeneka;  
\q2 ke fiemālie ai ʻae ngaahi hui kuo ke fesiʻi.   
\q1
\v 9 Ke ke fufū ho fofonga mei heʻeku angahala,  
\q2 mo ke tāmateʻi ʻeku ngaahi hia kotoa pē.   
\q1
\v 10 ‌ʻE ʻOtua, ke ke fakatupu ʻiate au ʻae loto maʻa;  
\q2 mo ke fakafoʻou ʻiate au ha laumālie tuʻumaʻu.   
\q1
\v 11 ‌ʻOua naʻa ke liʻaki au mei ho ʻao pea ʻoua naʻa ke toʻo ʻiate au ho laumālie māʻoniʻoni.   
\q1
\v 12 Toe ʻomi kiate au ʻae fiefia ʻo hoʻo fakamoʻui;  
\q2 mo ke poupou ʻaki au ho laumālie tauʻatāina.   
\q1
\v 13 Pea te u akonaki ʻaki ʻae kau talangataʻa ʻa ho ngaahi hala;  
\q2 pea ʻe liliu kiate koe ʻae kau angahala.   
\q1
\v 14 ‌ʻE ʻOtua, ko e ʻOtua ʻo ʻeku moʻui, ke ke fakamoʻui au mei he hia ʻoe toto:  
\q2 pea ʻe hiva kalanga ʻa hoku ʻelelo ʻi hoʻo māʻoniʻoni.   
\q1
\v 15 ‌ʻE ʻEiki ke ke faʻai hoku loungutu,  
\q2 pea ʻe fakahā atu ʻe hoku ngutu ʻa hoʻo fakamālō.   
\q1
\v 16 He ʻoku ʻikai te ke finangalo ki he feilaulau,  
\q2 koeʻuhi ke u ʻatu ia: ʻoku ʻikai te ke fiemālie ʻi he feilaulau tutu.   
\q1
\v 17 Ko e ngaahi feilaulau ʻoe ʻOtua ko e laumālie mafesi:  
\q2 ko e loto mafesi mo māfofoa,  
\q2 ʻE ʻOtua, ʻe ʻikai te ke manukiʻi.   
\q1
\v 18 Fai lelei ʻi ho finangalo lelei ki Saione:  
\q2 ke ke fokotuʻu hake ʻae ngaahi ʻā ʻo Selūsalema.   
\q1
\v 19 Pea te ke fiemālie ʻi he ngaahi feilaulau ʻoe māʻoniʻoni,  
\q2 mo e feilaulau tutu, mo e ngaahi feilaulau tutu kotoa:  
\q2 pea te nau toki ʻatu ʻae fanga pulu ki hoʻo feilaulauʻanga.   
\c 52  
\cd \it 1 ʻOku fakahā ʻe Tevita ʻae meheka ʻa Toeki, ʻo ne kikite ʻe ʻauha ia. 6 ʻE fiefia ai ʻae kakai māʻoniʻoni. 8 ʻOku fakafetaʻi ʻa Tevita ʻi heʻene tui ki he ʻaloʻofa ʻae ʻOtua.\it*  
\d Ki he Takimuʻa, ko e Saame akonaki ʻa Tevita, ʻi he haʻu ʻa Toeki ko e tangata ʻItomi, ʻo tala kia Saula, ʻo ne pehē kiate ia, kuo haʻu ʻa Tevita ki he fale ʻo ʻAhimeleki.  
\q1
\v 1 ‌ʻAe tangata mālohi, ko e hā ʻoku ke polepole ai koe ʻi he fai pauʻu?  
\q2 ʻoku tolonga maʻuaipē ʻae ʻaloʻofa ʻae ʻOtua.   
\q1
\v 2 ‌ʻOku langaʻi ʻe ho ʻelelo ʻae ngaahi meʻa kovi;  
\q2 ʻo ne fai kākā, ʻo hangē ko e tele māsila.   
\q1
\v 3 ‌ʻOku ke ʻofa lahi ki he kovi ʻi he lelei;  
\q2 pea ki he loi ʻi he lea māʻoniʻoni. \qs Sila.\qs*   
\q1
\v 4 ‌ʻAe ʻelelo kākā,  
\q2 ʻoku ke manako ki he ngaahi lea fakaʻauha.   
\q1
\v 5 Pea ʻe fakaʻauha foki koe ʻe he ʻOtua ʻo taʻengata,  
\q2 te ne toʻo ʻo ʻave koe, pea taʻaki koe mei ho nofoʻanga,  
\q2 ʻo taʻaki fuʻu hake koe mei he fonua ʻoe moʻui. \qs Sila.\qs*   
\q1
\v 6 ‌ʻE mamata foki ki ai ʻae kakai māʻoniʻoni, pea manavahē,  
\q2 pea nau kata manuki kiate ia:   
\q1
\v 7 “Vakai, ko eni ʻae tangata naʻe ʻikai maʻu ʻae mālohi mei he ʻOtua;  
\q2 ka naʻe falala ki he lahi ʻo ʻene koloa,  
\q2 ʻo ne fakamālohi ia ʻi heʻene kovi.”   
\q1
\v 8 Ka ʻoku ou tatau mo e ʻolive laumaʻuiʻui ʻi he fale ʻoe ʻOtua:  
\q2 ʻoku ou falala ki he ʻaloʻofa ʻae ʻOtua ʻo taʻengata pea taʻengata.   
\q1
\v 9 Te u fakamālō kiate koe ʻo taʻengata, koeʻuhi kuo ke fai ia ʻe koe:  
\q2 pea te u tatali ki ho huafa;  
\q2 he ʻoku lelei ia ʻi he ʻao ʻo ho kakai māʻoniʻoni.   
\c 53  
\cd \it 1 ʻOku fakahā ʻe Tevita hono kovi ʻae tangata fakakakano. 4 ʻOku ne fakaʻilo ʻae kovi ki he angahala ʻaki ʻae maama ʻi honau loto. 6 ʻOku ne vikiviki ʻi he fakamoʻui ʻae ʻOtua.\it*  
\d Ki he Takimuʻa ʻi he Mahalati, ko e Saame akonaki ʻa Tevita.  
\q1
\v 1 Kuo pehē ʻe he vale ʻi hono loto, “ʻOku ʻikai ha ʻOtua.”  
\q2 Kuo kovi ʻakinautolu, pea kuo nau fai ʻae kovi fakalielia:  
\q2 ʻoku ʻikai ha tokotaha ʻoku fai lelei.   
\q1
\v 2 Naʻe ʻafio hifo ʻae ʻOtua mei he langi ki he fānau ʻae tangata, ke vakai pe ʻoku ai ha niʻihi ʻoku ʻilo,  
\q2 mo kumi ki he ʻOtua.   
\q1
\v 3 Kuo foki kotoa pē kimui ʻakinautolu:  
\q2 kuo nau hoko ʻo fakalielia kotoa pē:  
\q2 ʻoku ʻikai ha tokotaha ʻoku fai lelei, ʻoku ʻikai ʻaupito ha taha.   
\q1
\v 4 “ʻOku ʻikai ha ʻilo ʻiate kinautolu ʻoku fai kovi?  
\q2 ʻAkinautolu ʻoku kai ʻo ʻosi hoku kakai ʻo hangē ko ʻenau kai mā:  
\q2 naʻe ʻikai te nau ui ki he ʻOtua.”   
\q1
\v 5 Pea naʻe manavahē lahi ai ʻakinautolu, ka naʻe ʻikai ha meʻa ke manavahē ai:  
\q2 he kuo laku kehekehe ʻe he ʻOtua ʻae ngaahi hui ʻo ia naʻa ne tauʻi koe:  
\q1 Kuo ke fakamaaʻi ʻakinautolu,  
\q2 he kuo fehiʻa ʻae ʻOtua kiate kinautolu.   
\q1
\v 6 Ko hai te ne foaki mei Saione ʻae fakamoʻui ki ʻIsileli?  
\q2 ʻOka toe ʻomi ʻe he ʻOtua hono kakai kuo pōpula,  
\q2 ʻe fiefia ai ʻa Sēkope,  
\q2 pea nekeneka ʻa ʻIsileli.   
\c 54  
\cd \it 1 ʻOku lāunga ʻa Tevita ʻi he kakai Sifi, ʻoku lotu ia ke moʻui. 5 ʻI heʻene tui ki he tokoni ʻae ʻOtua, ʻoku ne fakahā te ne fai ʻae feilaulau.\it*  
\d Ki he Takimuʻa ʻi he Nekina ko e Saame akonaki ʻa Tevita, ʻi he haʻu ʻae kakai Sifi, ʻonau pehē kia Saula, ʻIkai ʻoku fufū ʻa Tevita ʻiate kimautolu?  
\q1
\v 1 Fakamoʻui au, ʻE ʻOtua, ʻi ho huafa,  
\q2 mo ke fakamaau au ʻi ho mālohi.   
\q1
\v 2 Fanongo mai ki heʻeku lotu,  
\q2 ʻE ʻOtua fakafanongo ki he ngaahi lea ʻa hoku ngutu.   
\q1
\v 3 He kuo tuʻu hake kiate au ʻae kau muli,  
\q2 pea ʻoku kumi hoku laumālie ʻe he kau fakamālohi:  
\q2 ʻoku ʻikai te nau fokotuʻu ʻae ʻOtua ʻi honau ʻao. \qs Sila.\qs*   
\q1
\v 4 Vakai, ko hoku tokoni ʻae ʻOtua:  
\q2 ʻoku ʻiate kinautolu ʻoku poupou hoku laumālie ʻae ʻEiki.   
\q1
\v 5 ‌ʻE totongi ʻe ia ʻaki ʻae kovi ki hoku ngaahi fili:  
\q2 ke ke motuhi ʻakinautolu ʻi ho moʻoni.   
\q1
\v 6 Te u ʻatu fiemālie pē ʻae feilaulau kiate koe:  
\q2 te u fakamālō ki ho huafa, ʻE Sihova he ʻoku lelei ia.   
\q1
\v 7 He kuo ne fakamoʻui au mei he mamahi kotoa pē:  
\q2 pea kuo mamata ʻe hoku mata ki hoku ngaahi fili.   
\c 55  
\cd \it 1 ʻOku hanu ʻa Tevita ʻi heʻene lotu ʻi heʻene tuʻutāmaki lahi. 9 ʻOku lotu ia koeʻuhi ko e kovi mo e kākā ʻa hono ngaahi fili. 16 ʻOku ne fakafiemālieʻi ia ʻi he ʻOtua ʻi heʻene fakamoʻui ia, mo veuveuki hono ngaahi fili.\it*  
\d Ki he Takimuʻa ʻi he Nekina, ko e Saame akonaki ʻa Tevita.  
\q1
\v 1 Fakafanongo ki heʻeku lotu, ʻE ʻotua;  
\q2 pea ʻoua naʻa ke fufū koe mei heʻeku lotu tāumaʻu.   
\q1
\v 2 ‌ʻAfio mai kiate au, mo ke ongoʻi au:  
\q2 ʻoku ou lāunga ʻi heʻeku mamahi, pea tangi kalanga;   
\q1
\v 3 Koeʻuhi ko e leʻo ʻoe fili,  
\q2 koeʻuhi ko e taʻomia ʻe he kau angakovi:  
\q1 he kuo nau tuku ʻae hia kiate au,  
\q2 pea ʻi he ʻita ʻoku nau fehiʻa kiate au.   
\q1
\v 4 ‌ʻOku mamahi lahi hoku loto ʻiate au:  
\q2 pea kuo tō kiate au ʻae ngaahi fakailifia ʻoe mate.   
\q1
\v 5 Kuo hoko kiate au ʻae manavahē mo e tetetete,  
\q2 pea kuo lōmakiʻi au ʻe he lilika.   
\q1
\v 6 Pea naʻaku pehē, Taumaiā ke u maʻu ʻae kapakau ʻo hangē ko e lupe!  
\q2 Koeʻuhi ke u puna atu, pea fiemālie ai.   
\q1
\v 7 Vakai, te u ʻalu ʻo hē ki he mamaʻo, pea u nofo ʻi he toafa. \qs Sila.\qs*   
\q1
\v 8 Te u ʻalu fakatoʻotoʻo,  
\q2 ʻo hao mei he matangi lahi mo e afā.   
\q1
\v 9 Fakaʻauha, ʻE Sihova, pea vahevahe honau ʻelelo:  
\q2 he naʻaku mamata ki he fakamālohi mo e fekeʻikeʻi ʻi he kolo.   
\q1
\v 10 ‌ʻOku nau ʻalu fano ai ʻi he ngaahi ʻā ʻo ia ʻi he ʻaho mo e pō:  
\q2 ʻoku ʻi loto ʻi ai ʻae pauʻu mo e mamahi.   
\q1
\v 11 ‌ʻOku ʻi ai ʻae kovi:  
\q2 ʻoku ʻikai mahuʻi mei hono ngaahi hala ʻae fakamālohi mo e kākā.   
\q1
\v 12 He naʻe ʻikai ko ha fili ʻaia naʻa ne lauʻikoviʻi au;  
\q2 ka ne pehē, te u faʻa kātaki ia:  
\q1 pea naʻe ʻikai ko ia ʻoku ne fehiʻa kiate au ʻaia kuo hiki hake ia kiate au ka ne pehē,  
\q2 te u faʻa fufū au meiate ia.   
\q1
\v 13 Ka ko koe ia, ko e tangata ʻoku ta tatau,  
\q2 ko hoku fakahinohino, mo hoku kaumeʻa.   
\q1
\v 14 Naʻa ta alea lelei mo au,  
\q2 pea ʻalu fakataha ki he fale ʻoe ʻOtua.   
\q1
\v 15 Ke puke ʻakinautolu ʻe he mate,  
\q2 pea tuku ke ʻalu vave hifo ʻakinautolu ki hētesi:  
\q2 he ʻoku ʻi honau ngaahi nofoʻanga, pea ʻiate kinautolu ʻae kovi.   
\q1
\v 16 Ka ko au te u ui ki he ʻOtua;  
\q2 pea ʻe fakamoʻui au ʻe Sihova.   
\q1
\v 17 ‌ʻI he efiafi, mo e pongipongi, mo e hoʻatā, te u lotu, mo tangi leʻo lahi:  
\q2 pea te ne ongoʻi hoku leʻo.   
\q1
\v 18 Kuo ne fakamoʻui hoku laumālie ʻi he melino mei he tau naʻe tuʻu hake kiate au:  
\q2 he naʻe ʻiate au ʻae tokolahi.   
\q1
\v 19 ‌ʻE ongoʻi ʻe he ʻOtua, ʻaia ʻoku ʻafio talu mei muʻa,  
\q2 pea te ne tautea ʻakinautolu. \qs Sila.\qs*  
\q2 Koeʻuhi ʻoku ʻikai te nau feliliuʻaki,  
\q2 ko ia ʻoku ʻikai te nau manavahē ai ki he ʻOtua.   
\q1
\v 20 Naʻa ne mafao atu hono nima kiate kinautolu ʻaia naʻe nonofo ʻi he melino mo ia:  
\q2 kuo maumauʻi ʻe ia ʻene fuakava.   
\q1
\v 21 Ko e ngaahi lea ʻa hono ngutu naʻe molemole lahi hake ʻi he pota,  
\q2 ka naʻe ʻi hono loto ʻae tau:  
\q2 naʻe molū lahi ʻene ngaahi lea ʻi he lolo,  
\q2 ka ko e moʻoni ko e ngaahi heletā ia kuo unuhi.   
\q1
\v 22 Ke ke tuku hoʻo kavenga kia Sihova, pea te ne poupou koe:  
\q2 ʻe ʻikai ʻaupito te ne tuku ke ngaue ʻae kakai māʻoniʻoni.   
\q1
\v 23 Ka ko koe, ʻE ʻOtua te ke ʻohifo ʻakinautolu ki he luo ʻoe fakaʻauha:  
\q2 ko e kau tangata pani toto mo ngāue kākā ʻe ʻikai tenau aʻusia hono vaeuaʻanga ʻo honau ngaahi ʻaho;  
\q2 ka te u falala kiate koe.   
\c 56  
\cd \it 1 ʻOku lotu ʻa Tevita ki he ʻOtua, ʻo tui ki heʻene folofola, pea hanu koeʻuhi ko hono ngaahi fili. 9 ʻOku fakahā ʻene falala ki he folofola ʻae ʻOtua, ʻo ne pehē, te ne fakamālō kiate ia.\it*  
\d Ki he Takimuʻa ʻi he Sonatilemi-Lehokimi, ko e Saame mahuʻinga ʻa Tevita, ʻi he puke ia ʻe he kakai Filisitia ʻi Kata.  
\q1
\v 1 Ke ke ʻaloʻofa kiate au, ʻE ʻOtua: he ʻoku fie folo hifo au ʻe he tangata;  
\q2 ʻoku ne tauʻi au ʻi he ʻaho kotoa, ʻo ne taʻomia au.   
\q1
\v 2 Ko e loto ʻo hoku ngaahi fili ʻi he ʻaho kotoa pē ke folo hifo au:  
\q2 he ʻoku tokolahi ʻakinautolu ʻoku tauʻi au, ʻE Fungani Māʻolunga.   
\q1
\v 3 ‌ʻI he ʻaho ʻoku ou manavahē ai,  
\q2 te u falala kiate koe.   
\q1
\v 4 Te u fakamālō ki he ʻOtua ʻi heʻene folofola;  
\q2 ʻoku ou falala ki he ʻOtua;  
\q2 ʻe ʻikai te u manavahē ki he meʻa ʻe faʻa fai ʻe he kakai kiate au.   
\q1
\v 5 ‌ʻOku nau fakakehe ʻeku ngaahi lea ʻi he ʻaho kotoa pē:  
\q2 ko ʻenau fakakaukau kotoa pē ke u kovi ai au.   
\q1
\v 6 ‌ʻOku nau fakataha ʻakinautolu, ʻoku nau fakafufū ʻakinautolu,  
\q2 ʻoku nau vakai hoku ʻaluʻanga, ʻi heʻenau holi ki heʻeku moʻui.   
\q1
\v 7 Te nau hao koā ʻi heʻenau hia?  
\q2 ʻE ʻOtua, ke ke lī ki lalo ʻae kakai ʻi he houhau.   
\q1
\v 8 ‌ʻOku ke lau ʻa ʻeku ʻalu fano pē:  
\q2 ke ke ʻutu hoku ngaahi loʻimata ki hoʻo hina:  
\q2 ʻikai ʻoku nau tuʻu ʻi hoʻo tohi?   
\q1
\v 9 ‌ʻO kau ka tangi kiate koe, ʻe foki kimui ai ʻa hoku ngaahi fili:  
\q2 ʻoku ou ʻilo ʻae meʻa ni; he ʻoku ʻiate au ʻae ʻOtua.   
\q1
\v 10 Te u fakamālō ki he ʻOtua ʻi heʻene folofola:  
\q2 te u fakamālō kia Sihova ʻi heʻene folofola.   
\q1
\v 11 Kuo u falala ki he ʻOtua:  
\q2 ʻe ʻikai te u manavahē ki ha meʻa ʻe faʻa fai ʻe he tangata kiate au.   
\q1
\v 12 ‌ʻE ʻOtua, ʻoku ʻiate au hoʻo ngaahi fuakava:  
\q2 te u ʻatu ʻae fakamālō kiate koe,   
\q1
\v 13 He kuo ke fakamoʻui hoku laumālie mei he mate:  
\q2 pea ʻikai te ke fakahaofi hoku vaʻe mei he hinga,  
\q2 koeʻuhi ke u ʻeveʻeva ʻi he ʻao ʻoe ʻOtua ʻi he maama ʻoe kakai moʻui?   
\c 57  
\cd \it 1 ʻOku hola ʻa Tevita ki he ʻOtua ʻo lotu, pea hanu ʻi heʻene tuʻutāmaki. 7 ʻOku ne enginakiʻi ia ke falala ki he ʻOtua.\it*  
\d Ki he Takimuʻa, ʻAli-Tasikiti, ko e Saame mahuʻinga ʻa Tevita, ʻi heʻene hola meia Saula ʻi he ʻana.  
\q1
\v 1 Ke ke ʻaloʻofa kiate au, ʻE ʻOtua, ke ke ʻaloʻofa kiate au:  
\q2 he ʻoku falala hoku laumālie kiate koe:  
\q1 ʻio, pea te u hūfanga ʻi he malu ʻo ho kapakau,  
\q2 ke ʻoua ke mole ʻo ngata ʻae ngaahi kovi ni.   
\q1
\v 2 Te u tangi ki he ʻOtua fungani māʻolunga,  
\q2 ki he ʻOtua ʻoku fai ʻae ngaahi meʻa kotoa pē maʻaku.   
\q1
\v 3 Pea te ne fekau mei he langi, ʻo fakamoʻui au,  
\q2 mei he lauʻikovi ʻo ia ʻoku ne fie folo au ke ʻosi. \qs Sila.\qs*  
\q1 ʻE fekau atu ʻe he ʻOtua ʻene ʻaloʻofa mo ʻene moʻoni.   
\q1
\v 4 ‌ʻOku ʻi he lotolotonga ʻoe fanga laione hoku laumālie:  
\q2 pea ʻoku ou tokoto mo kinautolu kuo vela,  
\q2 ʻio, ʻae ngaahi foha ʻoe tangata, ko honau nifo ko e ngaahi tao mo e ngahau,  
\q2 pea ko honau ʻelelo ko e heletā māsila.   
\q1
\v 5 ‌ʻE ʻOtua, ke māʻolunga lahi hake koe ʻi he ngaahi langi;  
\q2 tuku ke māʻolunga hake ho nāunau ʻi māmani kotoa pē.   
\q1
\v 6 Kuo nau teuteu ʻae kupenga ki hoku tuʻunga vaʻe;  
\q2 kuo mapelu ki lalo hoku laumālie:  
\q2 naʻa nau keli ʻae luo ʻi hoku ʻao,  
\q2 pea kuo tō ki ai ʻakinautolu. \qs Sila.\qs*   
\q1
\v 7 ‌ʻOku maʻu hoku loto, ʻE ʻOtua, ʻoku maʻu hoku loto:  
\q2 te u hiva mo ʻatu ʻae fakamālō.   
\q1
\v 8 Ke ʻā hake, ʻa hoku nāunau; ʻā hake, ʻae saliteli mo e haʻape:  
\q2 te u ʻā hengihengi hake pe au.   
\q1
\v 9 ‌ʻE ʻEiki, te u fakamālō kiate koe ʻi he ʻao ʻoe kakai:  
\q2 te u hiva kiate koe ʻi he ngaahi puleʻanga.   
\q1
\v 10 He ʻoku lahi hoʻo ʻaloʻofa ʻo aʻu ki he ngaahi langi,  
\q2 mo hoʻo moʻoni ki he ngaahi ʻao.   
\q1
\v 11 ‌ʻE ʻOtua, ke māʻolunga lahi hake koe ʻi he ngaahi langi:  
\q2 tuku ke māʻolunga hake ho nāunau ʻi māmani kotoa pē.   
\c 58  
\cd \it 1 ʻOku valoki ʻe Tevita ʻae kau fakamaau angakovi. 3 ʻOku ne fakahā ʻae anga ʻoe kakai angahala. 6 ʻOku tuku ʻakinautolu ki he fakamaau ʻae ʻOtua. 10 Ko e fiefia ai ʻae kakai māʻoniʻoni.\it*  
\d Ki he Takimuʻa, ʻAli-Tasikiti, ko e Saame mahuʻinga ʻa Tevita.  
\q1
\v 1 ‌ʻAe fakataha, ʻoku moʻoni ʻa hoʻomou lea māʻoniʻoni ʻakimoutolu?  
\q2 ʻAe ngaahi foha ʻoe tangata, ʻoku mou fakamaau totonu koā?   
\q1
\v 2 ‌ʻIo, ʻoku mou fai kovi ʻi loto;  
\q2 ʻoku mou fakamamafa ʻae kovi ʻo homou nima ʻi māmani.   
\q1
\v 3 Talu ʻae māvae ʻae angakovi mo e manāva mo ʻenau hē:  
\q2 ʻoku nau ʻalu hē leva talu ʻenau fanauʻi, ʻi he lea loi.   
\q1
\v 4 Ko honau kona ʻoku hangē ko e kona ʻoe ngata:  
\q2 ʻoku nau tatau mo e ngata tuli ʻoku ne tāpuni hono telinga;   
\q1
\v 5 ‌ʻAia ʻe ʻikai tokanga ki he leʻo ʻoe kau fakafiemālie,  
\q2 neongo ʻae poto lahi ʻoe tangata faiva.   
\q1
\v 6 ‌ʻE ʻOtua, ke ke sili honau kau nifo ʻi honau ngutu:  
\q2 ʻE Sihova, pakiʻi ʻo toʻo kituʻa ʻae kau nifo lahi ʻoe fanga laione mui.   
\q1
\v 7 Tuku ke vela ʻo vai ʻakinautolu ʻo hangē ko e vai ʻoku tafe maʻuaipē:  
\q2 ʻoka teteke ʻe ia ʻene kau fana ke fana ʻaki ʻene ngaahi ngahau, tuku ke tuʻutuʻu ʻakinautolu.   
\q1
\v 8 Ke mole ʻo ʻosi ʻakinautolu ʻo hangē ko e sineli:  
\q2 tuku ke nau hangē ko e tama taʻehoko ʻae fefine, koeʻuhi ke ʻoua naʻa nau mamata ki he laʻā.   
\q1
\v 9 ‌ʻI he teʻeki vela ki hoʻomou kulo ʻae okooko ʻakau talatala,  
\q2 ʻe ʻosi ʻene ʻave moʻui ʻakinautolu ʻi hono houhau, ʻo hangē ko e ʻahiohio.   
\q1
\v 10 ‌ʻE fiefia ʻae māʻoniʻoni ʻi heʻene mamata ki he totongi:  
\q2 ʻe fufulu ʻe ia hono vaʻe ʻi he toto ʻoe angakovi.   
\q1
\v 11 Ko ia ʻe pehē ai ʻe he tangata, “Ko e moʻoni ʻoku ai ʻae totongi ki he māʻoniʻoni:  
\q2 ko e moʻoni ko e ʻOtua ia ʻoku fakamaau ʻi māmani.”   
\c 59  
\cd \it 1 ʻOku lotu ʻa Tevita ke moʻui ia mei hono ngaahi fili. 6 ʻOku hanu ia ʻi heʻenau fai fakamamahi. 8 ʻOku ne falala ki he ʻOtua. 11 ʻOku lotu ia telia ʻakinautolu, 16 Pea fakamālō ki he ʻOtua.\it*  
\d Ki he Takimuʻa, ʻAli-Tasikiti, ko e Saame mahuʻinga ʻa Tevita, ʻi he fekau ʻa Saula ke nau leʻohi ʻae fale ke tāmateʻi ia.  
\q1
\v 1 ‌ʻE hoku ʻOtua, ke ke fakahaofi au mei hoku ngaahi fili:  
\q2 maluʻi au meiate kinautolu ʻoku tuʻu hake kiate au.   
\q1
\v 2 Ke ke fakahaofi au mei he kau fai kovi mo ke fakamoʻui au mei he kau tangata pani toto.   
\q1
\v 3 Vakai, ʻoku nau tatali ʻo lama ki hoku laumālie:  
\q2 ʻE Sihova, kuo kātoa fakataha ʻae kau mālohi kiate au:  
\q2 ka ʻoku ʻikai ʻi heʻeku talangataʻa, pe ko ʻeku angahala.   
\q1
\v 4 ‌ʻOku nau feleleʻi ʻo teuʻi ʻakinautolu, ka ʻoku ʻikai haʻaku kovi:  
\q2 ke ke ʻā ke tokoni au, pea ke ʻafioʻi.   
\q1
\v 5 Pea ko koe, ʻE Sihova, ko e ʻOtua, ʻoe ngaahi tokolahi, ko e ʻOtua ʻo ʻIsileli,  
\q2 ke ke ʻā hake ʻo ʻahiʻahi ki he hiteni kotoa pē:  
\q2 ʻoua naʻa ke ʻaloʻofa ki he kau angakovi kākā. \qs Sila.\qs*   
\q1
\v 6 ‌ʻOku nau liu mai ʻi he efiafi: ʻoku nau longoaʻa ʻo hangē ko e kulī,  
\q2 pea ʻalu fakatakamilo ʻi he kolo.   
\q1
\v 7 Vakai, ʻoku nau hake ʻi honau ngutu:  
\q2 ʻoku ʻi honau loungutu ʻae ngaahi heletā:  
\q2 he ʻoku nau pehē, “ko hai ʻoku ne fanongo?”   
\q1
\v 8 Ka ko koe, ʻE Sihova, te ke kata kiate kinautolu;  
\q2 te ke manuki ki he hiteni kotoa pē.   
\q1
\v 9 Pea koeʻuhi ko ʻene mālohi ko ia te u tatali ai kiate koe:  
\q2 he ko hoku hūfanga ʻae ʻOtua.   
\q1
\v 10 Ko e ʻOtua ʻoku ʻaloʻofa kiate au te ne tokoni au:  
\q2 ʻe tuku kiate au ʻe he ʻOtua ke u mamata ki heʻeku holi ki hoku ngaahi fili.   
\q1
\v 11 ‌ʻOua naʻa ke tāmateʻi ʻakinautolu, telia naʻa ngalo ʻi hoku kakai;  
\q2 fakahēʻi ʻakinautolu ke mamaʻo ʻi ho mālohi;  
\q2 pea ʻohifo ki lalo ʻakinautolu, ʻE ʻEiki, ko homau fakaū.   
\q1
\v 12 Ko e meʻa ʻi he angahala ʻa honau ngutu, mo e ngaahi lea ʻa honau loungutu,  
\q2 tuku ke moʻua ai ʻakinautolu ʻi heʻenau laukau:  
\q2 koeʻuhi ko e kape mo e loi ʻoku nau lea ʻaki.   
\q1
\v 13 Fakaʻauha ʻakinautolu ʻi he houhau,  
\q2 fakaʻauha ʻakinautolu ke ʻoua naʻa kei ai ʻakinautolu:  
\q1 pea tuku ke ʻilo ʻekinautolu ʻoku pule, ʻae ʻOtua, ʻia Sēkope,  
\q2 ʻo aʻu ki he ngaahi ngataʻanga ʻo māmani. \qs Sila.\qs*   
\q1
\v 14 Pea tuku kenau liu mai ʻi he efiafi;  
\q2 tuku kenau longoaʻa ʻo hangē ko e kulī, ʻo ʻalu fakatakamilo ʻi he kolo.   
\q1
\v 15 Tuku kenau ʻalu ʻo hē fano ai pē ʻo kumi kai,  
\q2 pea lāunga ʻo kapau ʻe ʻikai tenau mākona.   
\q1
\v 16 Ka te u hiva au ki ho mālohi;  
\q2 ʻio, te u hiva mālohi ʻi hoʻo ʻaloʻofa ʻi he pongipongi:  
\q1 he ko hoku ungaʻanga koe,  
\q2 mo e hūfanga kiate au ʻi he ʻaho ʻo ʻeku mamahi.   
\q1
\v 17 ‌ʻE hoku mālohi, te u hiva kiate koe:  
\q2 he ko hoku kalofanga ʻae ʻOtua, ko e ʻOtua ʻoku ʻaloʻofa kiate au.   
\c 60  
\cd \it 1 ʻOku hanu ʻa Tevita ki he ʻOtua ʻi he fakamaau ʻi muʻa. 4 ʻOku ne lotu ke moʻui, pea ʻamanaki lelei ki ai. 6 ʻOku ne fakafiemālieʻi ia ʻi he ngaahi talaʻofa ʻae ʻOtua, ʻaia ʻoku ne falala ki ai.\it*  
\d Ki he Takimuʻa ʻi he Susani-Etuta, ko e Saame mahuʻinga ʻa Tevita, ke ako ʻaki; ʻi heʻene tauʻi ʻa ʻElama-Nahalaimi mo ʻElama-Sopa, pea liu mai ʻa Soape, ʻo ne tāmateʻi ʻi he luo ʻoe māsima ʻae tokotaha mano ma toko ua afe ʻoe kakai ʻItomi.  
\q1
\v 1 ‌ʻE ʻOtua, kuo ke liʻaki ʻakimautolu;  
\q2 kuo ke veteki ʻakimautolu;  
\q2 naʻa ke houhau;  
\q2 ke ke toe tafoki mai kiate kimautolu.   
\q1
\v 2 Kuo ke lulu ʻae fonua ke tetetete;  
\q2 kuo mafahifahi ia:  
\q2 ke ke fakalelei hono ngaahi maumau;  
\q2 he ʻoku ngalulu ia.   
\q1
\v 3 Kuo ke fakahā ʻae ngaahi meʻa faingataʻa ki hoʻo kakai;  
\q2 kuo ke fakainu ʻaki ʻakimautolu ʻae uaine fakaofo.   
\q1
\v 4 Kuo ke foaki ʻae fuka kiate kinautolu naʻe manavahē kiate koe,  
\q2 ke fakahā ia koeʻuhi ko e moʻoni. \qs Sila.\qs*   
\q1
\v 5 Koeʻuhi ke hao ʻaia ʻoku ke ʻofa ai;  
\q2 ke ke fakamoʻui ʻaki ho nima toʻomataʻu,  
\q2 ʻo fanongo kiate au.   
\q1
\v 6 Kuo folofola ʻae ʻOtua ʻi heʻene māʻoniʻoni;  
\q2 “Te u fiefia, te u vaeua ʻa Sikemi,  
\q2 ʻo fuofua ʻae luo ʻo Sukote.   
\q1
\v 7 ‌ʻOku ʻoʻoku ʻa Kiliati, pea ʻoʻoku mo Manase;  
\q2 ko e mālohi foki ʻo hoku ʻulu ʻa ʻIfalemi;  
\q2 ko ʻeku fai fono ʻa Siuta;   
\q1
\v 8 Ko ʻeku ipu kaukauʻanga ʻa Moape;  
\q2 te u lī hoku topuvaʻe ki ʻolunga ki ʻItomi:  
\q2 Filisitia, ke ke vikiviki koe koeʻuhi ko au.”   
\q1
\v 9 Ko hai te ne ʻomi au ki he kolo mālohi?  
\q2 Ko hai te ne aʻutaki au ki ʻItomi?   
\q1
\v 10 ‌ʻE ʻOtua, ʻe ʻikai te ke fai ia, ʻa koe kuo ke liʻaki ʻakimautolu?  
\q2 ʻA koe, ʻE ʻOtua, naʻe ʻikai te ke ʻalu mo ʻemau ngaahi kautau?   
\q1
\v 11 Ke ke tuku kiate kimautolu ʻae tokoni mei he mamahi:  
\q2 he ʻoku taʻeʻaonga ʻae tokoni ʻae tangata.   
\q1
\v 12 Ko e meʻa ʻi he ʻOtua te tau fai mālohi ai:  
\q2 he ko ia ia te ne malaki hifo hotau ngaahi fili.   
\c 61  
\cd \it 1 ʻOku hola ʻa Tevita ki he ʻOtua ʻi heʻene ʻilo ʻene faʻa tokoni kiate ia. 4 ʻOku ne fuakava ke tauhi maʻuaipē kiate ia, koeʻuhi ko ʻene ngaahi talaʻofa.\it*  
\d Ki he Takimuʻa ʻi he Nekina, ko e Saame ʻa Tevita.  
\q1
\v 1 ‌ʻE ʻOtua, ke ke fanongo ki heʻeku tangi;  
\q2 tokanga ki heʻeku lotu.   
\q1
\v 2 Te u tangi kiate koe mei he ngataʻanga ʻo māmani, ʻoka taʻomia hoku loto:  
\q2 ke ke tataki au ki he maka ʻoku māʻolunga hake ʻiate au.   
\q1
\v 3 He naʻa ke hoko ko hoku ungakiʻi,  
\q2 ko e fale māʻolunga pea mālohi ki he fili.   
\q1
\v 4 Te u nofomaʻu ʻi ho fale fehikitaki ʻo taʻengata:  
\q2 te u falala ki he malu ʻo ho kapakau. \qs Sila.\qs*   
\q1
\v 5 He kuo ke fanongo ki heʻeku ngaahi fuakava, ʻE ʻOtua:  
\q2 kuo ke foaki kiate au ʻae tofiʻa ʻokinautolu ʻoku manavahē ki ho huafa.   
\q1
\v 6 Te ke fakatolonga ʻae moʻui ʻae tuʻi,  
\q2 mo hono ngaahi taʻu ʻo hangē mei he toʻutangata ki he toʻutangata.   
\q1
\v 7 ‌ʻE nofomaʻu ia ʻi he ʻao ʻoe ʻOtua taʻengata:  
\q2 ke ke teuteu ʻae ʻaloʻofa mo e moʻoni ʻaia te na fakamoʻui ia.  
\q1 Ko ia te u hiva fakamālō ai ki ho huafa ʻo taʻengata,  
\q2 koeʻuhi ke u fai ki heʻeku ngaahi fuakava ʻi he ʻaho kotoa pē.   
\q1
\v 8 Ko ia te u hiva fakamālō ai ki ho huafa ʻo taʻengata,  
\q2 koeʻuhi ke u fai ki heʻeku ngaahi fuakava ʻi he ʻaho kotoa pē.   
\c 62  
\cd \it 1 ʻOku fakahā ʻe Tevita ʻene falala ki he ʻOtua, pea ne valoki hono ngaahi fili. 5 ʻOku fie tokoni ki he angalelei. 9 ʻOku taʻeʻaonga ke falala ki he ngaahi meʻa fakamaama. 11 ʻOku ʻi he ʻOtua ʻae māfimafi mo e ʻaloʻofa.\it*  
\d Ki he Takimuʻa ko Situtuni, ko e Saame ʻa Tevita.  
\q1
\v 1 Ko e moʻoni ʻoku tatali hoku laumālie ki he ʻOtua:  
\q2 ʻoku meiate ia hoku fakamoʻui.   
\q1
\v 2 Ko ia pē ko hoku makatuʻu mo hoku fakamoʻui; ko hoku hūfanga ia;  
\q2 ʻe ʻikai faʻa ueʻi lahi au.   
\q1
\v 3 ‌ʻE fēfē hono fuoloa mo hoʻomou kei filioʻi kovi ki he tangata?  
\q2 ʻe tāmateʻi ʻakimoutolu kotoa pē:  
\q2 te mou hangē ko e ʻā kuo malele, mo e ʻā ʻoku tuʻu tetetete.   
\q1
\v 4 ‌ʻOku nau fakakaukau ke tulaki hifo ia mei heʻene lelei:  
\q2 ʻoku nau fiemālie pe ʻi he loi:  
\q2 ʻoku nau tāpuaki ʻaki honau ngutu, ka ʻoku nau kape ʻi loto. \qs Sila.\qs*   
\q1
\v 5 ‌ʻE hoku laumālie, ke ke tatali pe ki he ʻOtua;  
\q2 he ʻoku meiate ia ʻeku ʻamanaki lelei.   
\q1
\v 6 Ko ia pe ko hoku makatuʻu mo hoku fakamoʻui: ko hoku hūfanga ia;  
\q2 ʻe ʻikai faʻa ueʻi au.   
\q1
\v 7 ‌ʻOku ʻi he ʻOtua ʻa hoku fakamoʻui mo ʻeku fiefia:  
\q2 ko e makatuʻu ʻo hoku mālohi, mo hoku hūfanga ʻoku ʻi he ʻOtua.   
\q1
\v 8 Falala maʻuaipē kiate ia; ʻakimoutolu ʻae kakai,  
\q2 lilingi homou loto ʻi hono ʻao:  
\q2 ko e hūfanga ʻae ʻOtua kiate kitautolu. \qs Sila.\qs*   
\q1
\v 9 Ko e moʻoni ko e meʻa vaʻinga pe ʻae kau tangata māʻulalo,  
\q2 pea ko e meʻa loi ʻae kau tangata māʻolunga:  
\q2 kapau ʻe ʻai ki he meʻa fakamamafa,  
\q2 ʻoku nau maʻamaʻa lahi hake kotoa pē ʻi he meʻa vaʻinga.   
\q1
\v 10 ‌ʻOua naʻa falala ki he fakamālohi pea ʻoua naʻa viki ʻi he kaihaʻa:  
\q2 kapau ʻoku tupu ʻae koloa,  
\q2 ʻoua naʻa tuku homou loto ki ai.   
\q1
\v 11 Kuo folofola ʻae ʻOtua ʻo tuʻo taha;  
\q2 pea naʻe tuʻo ua ʻa ʻeku fanongo eni;  
\q2 ʻoku ʻi he ʻOtua ʻae mālohi.   
\q1
\v 12 Pea ʻoku ʻiate koe foki, ʻE ʻEiki, ʻae ʻaloʻofa:  
\q2 he ʻoku ke ʻange ki he tangata taki taha kotoa pē ʻo fakatatau ki heʻene ngāue.   
\c 63  
\cd \it 1 Ko e holi ʻa Tevita ki he ʻOtua. 5 Ko e anga ʻo ʻene fakafetaʻi ki he ʻOtua. 9 Ko ʻene ʻamanaki ki he malaʻia ʻa hono ngaahi fili, kae moʻui pe ia.\it*  
\d Ko e Saame ʻa Tevita, ʻi heʻene ʻi he toafa ʻo Siuta.  
\q1
\v 1 ‌ʻE ʻOtua, ko hoku ʻOtua koe;  
\q2 te u kumi vave kiate koe:  
\q2 ʻoku fieinu hoku laumālie kiate koe,  
\q2 ʻoku holi hoku kakano kiate koe ʻi he fonua mōmoa mo fieinua, ʻaia ʻoku ʻikai ha vai ʻi ai;   
\q1
\v 2 Ke mamata ki hoʻo māfimafi mo ho nāunau,  
\q2 ʻo hangē ko ʻeku mamata ai kiate koe ʻi he faletapu.   
\q1
\v 3 ‌ʻOku lelei lahi hake ʻa hoʻo ʻaloʻofa ʻi he moʻui,  
\q2 ko ia ʻe fakafetaʻi ai ʻa hoku loungutu kiate koe.   
\q1
\v 4 Ko ia ʻe pehē pe ʻeku fakafetaʻi kiate koe lolotonga ʻeku moʻui:  
\q2 te u hiki hake hoku nima ʻi ho huafa.   
\q1
\v 5 ‌ʻE mākona lelei hoku laumālie ʻo hangē ko e meʻa ʻi he ngako mo e meʻa momona;  
\q2 pea ʻe fakafetaʻi kiate koe ʻa hoku ngutu ʻi he loungutu fiefia.   
\q1
\v 6 ‌ʻI heʻeku manatu kiate koe ʻi hoku mohenga,  
\q2 ʻo fakalaulauloto kiate koe ʻi he ngaahi lakanga leʻo ʻi he poʻuli.   
\q1
\v 7 Ko e meʻa ʻi hoʻo faʻa tokoni au,  
\q2 ko ia te u fiefia ai ʻi he malu ʻo ho kapakau.   
\q1
\v 8 ‌ʻOku pikitai maʻu pē hoku laumālie kiate koe:  
\q2 ʻoku poupou au ʻe ho nima toʻomataʻu.   
\q1
\v 9 Ka ko kinautolu ʻoku kumi hoku laumālie ke fakaʻauha ia,  
\q2 tenau ʻalu hifo ki he ngaahi potu ʻi lalo ʻi he fonua.   
\q1
\v 10 Tenau tō ʻi he heletā:  
\q2 tenau hoko ko e ʻinasi ʻoe fanga fokisi.   
\q1
\v 11 Ka ʻe fiefia ʻae tuʻi ʻi he ʻOtua;  
\q2 ko ia kotoa pē ʻoku fuakava ʻiate ia ʻe fiefia ia;  
\q2 ka ʻe tāpuni ʻae ngutu ʻokinautolu kotoa pē ʻoku lea loi.   
\c 64  
\cd \it 1 ʻOku lotu ʻa Tevita ke ne moʻui, pea hanu ia koeʻuhi ko hono ngaahi fili. 7 ʻOku ʻamanaki ia ke mamata ki he fakaʻauha ʻo hono ngaahi fili, pea ʻe fiefia ai ʻae māʻoniʻoni.\it*  
\d Ki he Takimuʻa, ko e Saame ʻa Tevita.  
\q1
\v 1 Fanongo ki hoku leʻo, ʻE ʻOtua, ʻi heʻeku lotu:  
\q2 fakahaofi ʻeku moʻui mei he manavahē ki he fili.   
\q1
\v 2 Fakafufū au mei he filioʻi ʻae kau angahala;  
\q2 mei he angatuʻu fakamaveuveu ʻoe kau fai kovi:   
\q1
\v 3 ‌ʻOku nau fakamata honau ʻelelo ʻo hangē ko e heletā,  
\q2 ʻonau teke ʻenau kaufana ke fanaʻi ʻenau ngaahi ngahau, ʻio, ko e ngaahi lea kona.   
\q1
\v 4 Koeʻuhi ke nau fana ʻi he lilo ki he haohaoa:  
\q2 ʻoku nau fana fakafokifā pe kiate ia, ʻo taʻemanavahē.   
\q1
\v 5 ‌ʻOku nau fetokoniʻaki ʻakinautolu ʻi he meʻa kovi:  
\q2 ʻoku nau fakakaukau ke tau ʻae ngaahi tauhele ʻi he lilo;  
\q2 ʻoku nau pehē, “Ko hai te ne mamata kiate kimautolu?”   
\q1
\v 6 ‌ʻOku nau kumi ke ʻilo ʻae ngaahi kovi ʻoku nau faʻa ʻeke ke lahi:  
\q2 ʻoku taumamaʻo ʻae mahalo mo e loto ʻokinautolu kotoa pē.   
\q1
\v 7 Ka ʻe fana ʻe he ʻOtua kiate kinautolu ʻaki ʻae ngahau;  
\q2 te nau lavea fakafokifā pe.   
\q1
\v 8 Ko ia tenau ngaohi honau ʻelelo ke tō kiate kinautolu:  
\q2 ʻe hola ʻakinautolu kotoa pē ʻoku mamata kiate kinautolu.   
\q1
\v 9 Pea ʻe manavahē ʻae tangata kotoa pē,  
\q2 ʻonau fakahā ʻae ngāue ʻae ʻOtua;  
\q2 he tenau fakakaukau poto ki heʻene ngāue.   
\q1
\v 10 ‌ʻE fiefia ʻae māʻoniʻoni ʻi he ʻEiki,  
\q2 pea falala kiate ia;  
\q2 pea vikiviki ai ʻakinautolu kotoa pē ʻoku angatonu ʻi loto.   
\c 65  
\cd \it 1 ʻOku fakamālō ʻa Tevita ki he ʻOtua koeʻuhi ko ʻene ʻofa. 4 Ko e monūʻia ʻakinautolu kuo fili ʻe he ʻOtua koeʻuhi ko e ngaahi foaki.\it*  
\d Ki he Takimuʻa, ko e Saame mo e Hiva ʻa Tevita.  
\q1
\v 1 ‌ʻE ʻOtua, ʻoku tatali ʻae fakamālō kiate koe ʻi Saione:  
\q2 pea ʻe fai kiate koe ʻae fuakava.   
\q1
\v 2 ‌ʻA koe ʻoku ke ongoʻi ʻae lotu,  
\q2 ʻe aʻu atu kiate koe ʻae kakai kotoa pē.   
\q1
\v 3 ‌ʻOku mālohi kiate au ʻae ngaahi hia:  
\q2 pea ko ʻemau ngaahi talangataʻa te ke fakamaʻa ia ke ʻosi.   
\q1
\v 4 ‌ʻOku monūʻia ia ʻaia ʻoku ke fili,  
\q2 mo ke fakaofi ia kiate koe,  
\q2 koeʻuhi ke ne nofo ʻi ho lotoʻā:  
\q2 temau fiemālie ʻi he lelei ʻo ho fale,  
\q2 ʻio, ʻo ho faletapu māʻoniʻoni.   
\q1
\v 5 ‌ʻE ʻOtua ko homau fakamoʻui,  
\q2 te ke talia ʻakimautolu ʻi he ngaahi meʻa fakamanavahē ʻi he māʻoniʻoni;  
\q2 ʻa koe ko e ʻamanaki leleiʻanga ʻoe ngaahi ngataʻanga kotoa pē ʻo māmani,  
\q2 pea mo kinautolu ʻoku mamaʻo atu ʻi he tahi:   
\q1
\v 6 ‌ʻAia ʻoku ne fokotuʻumaʻu ʻae ngaahi moʻunga ʻi hono mālohi;  
\q2 kuo nonoʻo ʻaki ʻae māfimafi:   
\q1
\v 7 ‌ʻAia ʻoku ne lolomi ʻae longoaʻa ʻoe ngaahi tahi,  
\q2 ko e longoaʻa ʻoe ngaahi peau,  
\q2 mo e maveuveu ʻoe kakai.   
\q1
\v 8 Pea ʻoku manavahē ʻi ho ngaahi fakaʻilonga ʻakinautolu ʻoku nofo ʻi he ngaahi potu mamaʻo:  
\q2 ʻoku ke fakafiefiaʻi ʻae ngaahi ʻaluʻanga ʻoe pongipongi mo e efiafi.   
\q1
\v 9 ‌ʻOku ke ʻaʻahi ki he fonua,  
\q2 ʻo fakaviviku ia:  
\q2 ʻoku ke fakakoloa lahi ʻaki ia ʻae vaitafe ʻoe ʻOtua,  
\q2 ʻaia ʻoku pito ʻi he vai:  
\q2 ʻoku ke teuʻi ʻenau meʻakai, hili hoʻo tokonaki pehē ki ai.   
\q1
\v 10 ‌ʻOku ke fakaviviku lahi hono tafungofunga ʻo ia:  
\q2 ʻoku ke pule ke tō ʻae ʻuha ki hono ngaahi keli:  
\q2 ʻoku ke fakamolū ʻaki ia ʻae ʻuha tuʻu mo tō:  
\q2 ʻoku ke tāpuaki hono tupu ʻo ia.   
\q1
\v 11 ‌ʻOku ke tatā ʻaki ʻae taʻu ʻa hoʻo angalelei;  
\q2 pea ʻoku ngangana mei ho ngaahi hala ʻae momona.   
\q1
\v 12 ‌ʻOku ngangana ia ki he ngaahi potu mohuku ʻoe toafa:  
\q2 pea fiefia ʻae ngaahi tafungofunga ʻi he potu kotoa pē.   
\q1
\v 13 Kuo fakakofuʻaki ʻae fanga sipi ʻae ngaahi potu mohuku;  
\q2 pea kuo ʻufiʻufi foki ʻae ngaahi luo ʻaki ʻae uite;  
\q2 ʻoku nau kalanga ʻi he fiefia,  
\q2 ʻoku nau hiva foki.   
\c 66  
\cd \it 1 ʻOku enginakiʻi ʻe Tevita ke fakamālō ki he ʻOtua, 5 Ke tokanga ki heʻene ngaahi ngāue lahi, 8 Ke fakafetaʻi kiate ia ʻi heʻene ngaahi tāpuaki. 12 ʻOku fuakava ia ke ne tauhi ʻae ʻOtua. 16 ʻOku ne fakahā ʻae angalelei ʻae ʻOtua kiate ia.\it*  
\d Ki he Takimuʻa, ko e Hiva pe ko e Saame.  
\q1
\v 1 Mou kalanga fiefia ki he ʻOtua, ʻae fonua kotoa pē:   
\q1
\v 2 Hiva ʻaki ʻae ongoongolelei ʻo hono huafa:  
\q2 fakaongoongolelei ʻae fakamālō kiate ia.   
\q1
\v 3 Mou pehē ki he ʻOtua, “ʻOku ke fakamanavahē koe ʻi hoʻo ngaahi ngāue!  
\q2 Ko e meʻa ʻi hono lahi ʻo hoʻo māfimafi ʻe fakamoʻulaloa ai ʻekinautolu ʻe ho ngaahi fili kiate koe.   
\q1
\v 4 ‌ʻE hū ʻa māmani kotoa pē kiate koe,  
\q2 ʻonau hiva kiate koe;  
\q2 te nau hiva ki ho huafa.” \qs Sila.\qs*   
\q1
\v 5 Haʻu ʻo mamata ki he ngaahi ngāue ʻae ʻOtua:  
\q2 ʻoku fakamanavahē ia ʻi heʻene ngāue ki he ngaahi fānau ʻae tangata.   
\q1
\v 6 Naʻa ne liliu ʻae tahi ko e fonua mōmoa:  
\q2 naʻa nau ʻalu ʻi he fuʻu vaitafe ʻi honau vaʻe:  
\q2 naʻa tau fiefia ʻiate ia ʻi ai.   
\q1
\v 7 ‌ʻOku pule ia ʻi heʻene māfimafi ʻo taʻengata;  
\q2 ʻoku vakai ʻe hono fofonga ki he ngaahi puleʻanga:  
\q2 ʻoua naʻa hiki hake ʻakinautolu ʻe he kau angatuʻu. \qs Sila.\qs*   
\q1
\v 8 ‌ʻAkimoutolu ʻae kakai, mou fakafetaʻi ki hotau ʻOtua,  
\q2 pea fai ke ongo ʻae leʻo ʻoe fakamālō kiate ia:   
\q1
\v 9 ‌ʻAia ʻoku ne poupou hotau laumālie ʻi he moʻui,  
\q2 pea ʻikai tuku hotau vaʻe ke ngaue.   
\q1
\v 10 He kuo ke ʻiloʻi ʻakimautolu, ʻE ʻOtua:  
\q2 kuo ke ʻahiʻahiʻi ʻakimautolu, ʻo hangē ko e ʻahiʻahiʻi ʻoe siliva.   
\q1
\v 11 Naʻa ke ʻomi ʻakimautolu ki he kupenga;  
\q2 naʻa ke ʻai ʻae mahaki ki homau kongaloto.   
\q1
\v 12 Naʻa ke tuku ke laka ʻae kakai ʻi homau ʻulu;  
\q2 naʻa mau ʻalu pe ʻi he afi mo e vai:  
\q2 ka naʻa ke ʻomi ʻakimautolu ki he potu mahu.   
\q1
\v 13 Te u hū ki ho fale mo e ngaahi feilaulau tutu:  
\q2 te u ʻatu kiate koe ʻo hangē ko ʻeku ngaahi fuakava,   
\q1
\v 14 ‌ʻAia kuo ongo atu mei hoku loungutu,  
\q2 pea lea ʻaki ʻe hoku ngutu, ʻi heʻeku ʻi he mamahi.   
\q1
\v 15 Te u ʻatu kiate koe ʻae ngaahi feilaulau tutu ʻae fanga manu sino,  
\q2 mo e meʻa namu kakala ʻoe fanga sipitangata;  
\q2 te u ʻatu ʻae fanga pulu mo e fanga kosi. \qs Sila.\qs*   
\q1
\v 16 Haʻu ʻo fanongo, ʻakimoutolu kotoa pē ʻoku manavahē ki he ʻOtua,  
\q2 pea te u fakahā ʻaia kuo ne fai ki hoku laumālie.   
\q1
\v 17 Naʻaku tangi kiate ia ʻaki hoku ngutu,  
\q2 pea naʻe fakamālō ʻa hoku ʻelelo kiate ia.   
\q1
\v 18 Kapau te u tokanga ki he kovi ʻi hoku loto,  
\q2 ʻe ʻikai fanongo ʻae ʻEiki kiate au:   
\q1
\v 19 Ka ko e moʻoni kuo ongoʻi au ʻe he ʻOtua;  
\q2 naʻe tokanga ia ki he leʻo ʻo ʻeku lotu.   
\q1
\v 20 Fakafetaʻi ki he ʻOtua, ʻaia naʻe ʻikai te ne liʻaki ʻeku lotu,  
\q2 pe ko ʻene ʻaloʻofa ʻiate au.   
\c 67  
\cd \it 1 Ko e lotu ke fakalahi ki he puleʻanga ʻoe ʻOtua. 3 Ke fiefia ai ʻae kakai, 6 Mo hono tupulaki ʻoe tāpuaki ʻae ʻOtua.\it*  
\d Ki he Takimuʻa ʻi he Nekina, ko e Saame pe ko e Hiva.  
\q1
\v 1 Ke ʻaloʻofa ʻae ʻOtua kiate kimautolu,  
\q2 ʻo tāpuaki ʻakimautolu;  
\q2 pea tuku ke ulo mai hono fofonga kiate kimautolu. \qs Sila.\qs*   
\q1
\v 2 Koeʻuhi ke ʻilo ai ho hala ʻi māmani,  
\q2 mo hoʻo fakamoʻui ʻi he ngaahi puleʻanga kotoa pē.   
\q1
\v 3 Tuku ke fakamālō ʻae kakai kiate koe, ʻE ʻOtua;  
\q2 ke fakamālō kiate koe ʻae kakai kotoa pē.   
\q1
\v 4 Tuku ke fiefia ʻae ngaahi puleʻanga, pea hiva ʻi he nekeneka:  
\q2 he te ke fakamaau māʻoniʻoni ʻae kakai,  
\q2 pea tataki ʻae ngaahi puleʻanga ʻi māmani. \qs Sila.\qs*   
\q1
\v 5 Tuku ke fakamālō ʻae kakai kiate koe, ʻE ʻOtua;  
\q2 ke fakamālō kiate koe ʻae kakai kotoa pē.   
\q1
\v 6 Pea ʻe toki tuku mai ʻe he fonua hono tupu;  
\q2 pea ko e ʻOtua, ʻio, ko hotau ʻOtua, te ne tāpuaki ʻakitautolu.   
\q1
\v 7 ‌ʻE tāpuaki ʻakitautolu ʻe he ʻOtua;  
\q2 pea ʻe manavahē kiate ia ʻae ngataʻanga kotoa pē ʻo māmani.   
\c 68  
\cd \it 1 Ko e lotu ʻi he hiki ʻae puha ʻoe fuakava 4 Ko e enginaki ke fakafetaʻi ki he ʻOtua ʻi heʻene ngaahi ʻaloʻofa, 7 ʻI heʻene tokanga ki he siasi, 19 Mo ʻene ngaahi ngāue lahi.\it*  
\d Ki he Takimuʻa, ko e Saame pe ko e Hiva ʻa Tevita.  
\q1
\v 1 Ke tuʻu hake ʻae ʻOtua, tuku ke veteki hono ngaahi fili:  
\q2 tuku ke puna foki mei hono ʻao ʻakinautolu ʻoku fehiʻa kiate ia.   
\q1
\v 2 Hangē ko e vilingia ʻo mole ʻae kohu,  
\q2 ke pehē pe hono vilingia ʻakinautolu:  
\q2 hangē ko e pulu ʻoku vela ʻo vai ʻi he afi,  
\q2 ke ʻauha pehē pe ʻae kau angahala ʻi he ʻao ʻoe ʻOtua.   
\q1
\v 3 Ka ʻe tuku ke fiefia ʻae māʻoniʻoni;  
\q2 ke nekeneka ʻakinautolu ʻi he ʻao ʻoe ʻOtua:  
\q2 ʻIo, ke fiefia lahi ʻaupito ʻakinautolu.   
\q1
\v 4 Hiva ki he ʻOtua, hiva fakamālō ki hono huafa:  
\q2 fakaongoongolelei ia ʻoku hāʻele ʻi he ngaahi toafa  
\q1 ʻi hono huafa ko SIHOVA,  
\q2 pea fiefia ʻi hono ʻao.   
\q1
\v 5 Ko e tamai ʻae ʻOtua ki he tamai mate,  
\q2 mo e fakamaau ia ʻi hono ʻafioʻanga māʻoniʻoni,  
\q2 ki he kau fefine kuo mate honau husepāniti.   
\q1
\v 6 ‌ʻOku ʻai ʻe he ʻOtua ʻae kau paea ʻi he ngaahi fale:  
\q2 ʻoku ne ʻomi kituʻa ʻakinautolu kuo haʻi ʻaki ʻae ukamea fihifihi:  
\q2 ka ʻoku nofo ʻae kau angatuʻu ʻi he fonua mōmoa.   
\q1
\v 7 ‌ʻE ʻOtua, ʻi hoʻo muʻomuʻa atu ki ho kakai,  
\q2 ʻi hoʻo hāʻele ʻi he toafa; \qs Sila.\qs*   
\q1
\v 8 Naʻe ngalulu ʻa māmani, pea ngangana mo e ngaahi langi foki ʻi he ʻao ʻoe ʻOtua:  
\q2 ʻio, naʻe ngaueue ʻa Sainai ʻi he ʻao ʻoe ʻOtua, ko e ʻOtua ʻo ʻIsileli.   
\q1
\v 9 ‌ʻE ʻOtua, naʻa ke tuku hifo ʻae ʻuha lahi,  
\q2 ʻaia naʻa ke fakamālohi ʻaki ho tofiʻa, ʻi heʻene vaivai.   
\q1
\v 10 Naʻe nofo ki ai ʻa ho kakai:  
\q2 ʻE ʻOtua, kuo ke tokonaki ʻi hoʻo angalelei ki he masiva.   
\q1
\v 11 Naʻe foaki mai ʻe he ʻEiki ʻae folofola pea naʻe tokolahi ʻakinautolu naʻe fakahā ia.   
\q1
\v 12 “Naʻe hola vave ʻae ngaahi tuʻi ʻoe kautau:”  
\q2 pea naʻe tufa ʻae vete ʻe he fefine naʻe nofo ʻo leʻo.   
\q1
\v 13 Neongo hoʻomou nofo ʻi he lotolotonga ʻoe ngaahi kulo,  
\q2 ka temou hangē ko e kapakau ʻoe lupe ʻoku ʻufiʻufi ʻaki ʻae siliva, mo hono fulufulu ko e koula melomelo.   
\q1
\v 14 ‌ʻI he veteki ʻi ai ʻe he Māfimafi ʻae ngaahi tuʻi,  
\q2 naʻe hinehina ia ʻo hangē ko e ʻuha hinehina ʻi Salimoni.   
\q1
\v 15 Ko e moʻunga ʻoe ʻOtua ʻoku hangē ko e moʻunga ko Pesani;  
\q2 ko e moʻunga māʻolunga ʻo hangē ko e moʻunga ko Pesani,   
\q1
\v 16 Ko e hā ʻoku mou hopohopo ai, ʻakimoutolu ko e ngaahi moʻunga māʻolunga?  
\q2 Ko e moʻunga eni ʻoku fili ʻe he ʻOtua ke nofo ki ai;  
\q2 ʻio, ʻe nofo ki ai ʻa Sihova ʻo taʻengata.   
\q1
\v 17 Ko e ngaahi saliote ʻae ʻOtua ʻoku ua mano,  
\q2 ʻio, ko e ngaahi toko afe ʻoe ʻāngelo:  
\q2 ʻoku ʻiate kinautolu ʻae ʻEiki,  
\q2 ʻio, ʻo hangē ko ʻene ʻi Sainai,  
\q2 ʻi he potu māʻoniʻoni.   
\q1
\v 18 Kuo ke hāʻele hake ki ʻolunga,  
\q2 kuo u angatuʻu foki,  
\q2 koeʻuhi ke nofo kiate kinautolu ʻa Sihova ko e ʻOtua.   
\q1
\v 19 Fakafetaʻi ki he ʻEiki,  
\q2 ʻaia ʻoku ne hili kiate kitautolu ʻae kavenga ʻoe meʻa lelei ʻi he ʻaho kotoa pē,  
\q2 ʻio, ko e ʻOtua ʻo hotau fakamoʻui. \qs Sila.\qs*   
\q1
\v 20 Ko ia, ko hotau ʻOtua ko e ʻOtua ia ʻoe fakamoʻui;  
\q2 pea ʻoku ʻia Sihova ko e ʻEiki ʻae moʻui mei he mate.   
\q1
\v 21 Ka ʻe taaʻi ʻe he ʻOtua ʻae ʻulu ʻo hono ngaahi fili,  
\q2 mo e tumuʻaki fulufulu ʻo ia ʻoku ʻalu pē ʻi heʻene ngaahi talangataʻa.   
\q1
\v 22 Naʻe pehē ʻe he ʻEiki, “Te u toe ʻomi mei Pesani,  
\q2 te u toe ʻomi hoku kakai mei he loloto ʻo e ngaahi tahi.   
\q1
\v 23 Koeʻuhi ke kulokula ho vaʻe ʻi he toto ʻo ho ngaahi fili,  
\q2 pea mo e ʻelelo ʻo hoʻo fanga kulī ʻi ai.”   
\q1
\v 24 Kuo nau mamata ki ho ngaahi hāʻeleʻanga, ʻE ʻOtua;  
\q2 ʻio, ko e ngaahi hāʻeleʻanga ʻo hoku ʻOtua, mo hoku Tuʻi, ʻi he faletapu.   
\q1
\v 25 ‌ʻOku muʻomuʻa ʻae kau hiva, pea hoko mo e kau pulotu tā mālie ʻoe ngaahi meʻa faiva;  
\q2 pea ʻoku ʻiate kinautolu ʻae kau taʻahine ʻoku tā ʻae lali iiki.   
\q1
\v 26 “Mou fakafetaʻi ki he ʻOtua ʻi he ngaahi fakataha,  
\q2 ʻio, ki he ʻEiki, ʻakimoutolu mei he matavai ʻo ʻIsileli.”   
\q1
\v 27 ‌ʻOku ʻi ai ʻa Penisimani siʻi mo honau pule,  
\q2 ʻae houʻeiki ʻo Siuta mo ʻenau fakataha,  
\q2 mo e houʻeiki ʻo Sepuloni, pea mo e houʻeiki ʻo Nafitali.   
\q1
\v 28 Ko ho ʻOtua kuo ne tuʻutuʻuni ho mālohi:  
\q2 ke ke fakamālohi, ʻE ʻOtua, ʻaia naʻa ke fai kiate kimautolu.   
\q1
\v 29 Ko e meʻa ʻi ho faletapu ʻi Selūsalema,  
\q2 ʻe ʻomi ai ʻe he ngaahi tuʻi ʻae ngaahi meʻaʻofa kiate koe.   
\q1
\v 30 Ke ke tautea ʻae fanga manu ʻoe vao kaho,  
\q2 ʻae fuʻu tokolahi ʻoe fanga pulu tangata, mo e ngaahi ʻuhikiʻi pulu ʻoe kakai,  
\q2 ke ʻoua kenau fakavaivai ʻakinautolu ʻaki ʻae ngaahi konga siliva:  
\q2 ke ke veteki ʻae kakai ʻoku manako ki he tau.   
\q1
\v 31 ‌ʻE haʻu ʻae ngaahi houʻeiki mei ʻIsipite;  
\q2 ʻe mafao vave atu ʻae nima ʻo ʻItiopea ki he ʻOtua.   
\q1
\v 32 ‌ʻAe ngaahi puleʻanga ʻo māmani,  
\q2 mou hiva ki he ʻOtua;  
\q2 hiva ʻaki ʻae fakamālō ki he ʻEiki: \qs Sila.\qs*   
\q1
\v 33 Kiate ia ʻoku heka ki he langi ʻoe ngaahi langi, ʻaia naʻe ʻi muʻa pe;  
\q2 vakai, ʻoku ne fakaongo atu hono leʻo, pea ko e leʻo māfimafi ia.   
\q1
\v 34 Mou tuku ki he ʻOtua ʻae mālohi:  
\q2 ʻoku ʻi ʻolunga ʻi ʻIsileli ʻa hono nāunau,  
\q2 mo ʻene māfimafi ʻoku ʻi he ngaahi langi.   
\q1
\v 35 ‌ʻE ʻOtua, ʻoku fakamanavahē ko e ʻituʻa ʻi ho ngaahi faletapu:  
\q2 ko e ʻOtua ʻo ʻIsileli ko ia ʻoku ne foaki ʻae mālohi mo e faʻa fai ki hono kakai.  
\q2 Fakafetaʻi ki he ʻOtua.   
\c 69  
\cd \it 1 ʻOku hanu ʻa Tevita ʻi heʻene mamahi. 13 ʻOku lotu ia ke moʻui ai. 22 ʻOku tuku ʻe ia hono ngaahi fili kenau malaʻia. 30 ʻOku ne fakamālō ki he ʻOtua ʻi he fakafetaʻi.\it*  
\d Ki he Takimuʻa ʻi he Sosanimi, ko e Saame ʻa Tevita.  
\q1
\v 1 ‌ʻE ʻOtua, ke ke fakamoʻui au;  
\q2 he kuo hū ki loto ʻae ngaahi vai ki hoku laumālie.   
\q1
\v 2 ‌ʻOku ou ngalo hifo ʻi he pela loloto, ʻaia ʻoku ʻikai ha potu ke tuʻu ai:  
\q2 kuo u hoko ki he vai loloto, pea ʻoku lōmakiʻi au ʻe he vai lahi.   
\q1
\v 3 Kuo u vaivai ʻi heʻeku tangi:  
\q2 kuo mōmoa hoku kia:  
\q2 ʻoku fakaʻaʻau ʻo ʻosi hoku mata ʻi heʻeku tatali ki hoku ʻOtua.   
\q1
\v 4 Ko kinautolu ʻoku fehiʻa kiate au taʻehanoʻuhinga ʻoku nau tokolahi hake ʻi he tuʻoni louʻulu ʻo hoku ʻulu:  
\q2 ko kinautolu ʻoku loto ke fakaʻauha au,  
\q2 ʻaia ko hoku ngaahi fili taʻetotonu, ʻoku nau mālohi;  
\q2 pea ne u toki ʻange ʻaia naʻe ʻikai te u ʻave.   
\q1
\v 5 ‌ʻE ʻOtua, ʻoku ke ʻiloʻi ʻeku vale;  
\q2 pea ʻoku ʻikai lilo ʻiate koe ʻeku ngaahi angahala.   
\q1
\v 6 ‌ʻE ʻEiki Sihova ʻoe ngaahi kautau, ʻoua naʻa tuku ke mā ʻakinautolu ʻoku tatali kiate koe koeʻuhi ko au:  
\q2 ʻE ʻOtua ʻo ʻIsileli, ʻoua naʻa puputuʻu ʻakinautolu ʻoku kumi kiate koe koeʻuhi ko au.   
\q1
\v 7 He ko e meʻa ʻiate koe kuo u kātaki ai ʻae lauʻikovi;  
\q2 kuo ʻufiʻufi ʻaki hoku mata ʻae mā.   
\q1
\v 8 Kuo u hoko ko e muli ki hoku ngaahi kāinga,  
\q2 mo e ʻāuhe ki he fānau ʻa ʻeku faʻē.   
\q1
\v 9 He kuo u ʻosiʻosiloto ʻi he fai feinga ki ho fale;  
\q2 pea ko e ngaahi manuki ʻanautolu naʻe manukiʻi koe kuo tō kiate au.   
\q1
\v 10 ‌ʻI heʻeku tangi, ʻo tautea hoku laumālie ʻaki ʻae ʻaukai,  
\q2 naʻe manukiʻi ai au.   
\q1
\v 11 Naʻaku kofuʻaki ʻae tauangaʻa;  
\q2 pea ne u hoko ko honau lumaʻanga.   
\q1
\v 12 ‌ʻOku lauʻikoviʻi au ʻekinautolu ʻoku nofo ʻi he matapā;  
\q2 pea ʻoku hiva ʻaki au ʻe he kau konā ʻi he kava.   
\q1
\v 13 Ka ko au, ʻE Sihova, ʻe aʻu atu kiate koe ʻeku lotu ʻi he ʻaho tuʻumālie:  
\q2 ʻE ʻOtua, ke ke fanongo kiate au ʻi hono lahi fau ʻo hoʻo ʻaloʻofa, ʻi hono moʻoni ʻo hoʻo fakamoʻui.   
\q1
\v 14 Fakamoʻui au mei he pela, pea ʻoua naʻa tuku au ke u ngalo hifo:  
\q2 tuku ke fakamoʻui au meiate kinautolu ʻoku fehiʻa kiate au, pea mei he ngaahi vai loloto.   
\q1
\v 15 ‌ʻOua naʻa tuku ke lōmakiʻi au ʻe he vai lahi,  
\q2 pea ʻoua naʻa folo hifo au ʻe he loloto,  
\q2 pea ʻoua naʻa tāpuni ʻe he luo hono ngutu kiate au.   
\q1
\v 16 Fanongo kiate au, ʻE Sihova, he ʻoku lelei hoʻo manavaʻofa:  
\q2 ke ke tafoki mai kiate au ʻo fakatatau ki hono lahi ʻo hoʻo ʻaloʻofa ongongofua.   
\q1
\v 17 Pea ʻoua naʻa ke fufū ho fofonga mei hoʻo tamaioʻeiki;  
\q2 he ʻoku ou mamahi:  
\q2 fanongo vave kiate au:   
\q1
\v 18 Ke ke ʻunuʻunu mai ke ofi ki hoku laumālie, pea huhuʻi ia:  
\q2 fakamoʻui au koeʻuhi ko hoku ngaahi fili.   
\q1
\v 19 Kuo ke ʻiloʻi hoku lauʻikovi, mo ʻeku mā, mo hoku manukia:  
\q2 ʻoku ʻi ho ʻao ʻa hoku ngaahi fili kotoa pē.   
\q1
\v 20 Kuo fesiʻi hoku loto ʻe he lauʻikovi pea kuo u fonu ʻi he mamahi:  
\q2 pea naʻaku kumi ki ha niʻihi ke ʻofa mai, ka naʻe ʻikai ha tokotaha;  
\q2 mo e kau fakafiemālie, tā naʻe ʻikai te u ʻilo ha taha.   
\q1
\v 21 Naʻa nau foaki foki kiate au ʻae ʻahu ko ʻeku meʻakai;  
\q2 pea ʻi heʻeku fieinu naʻa nau tuku mai ʻae vaimahi ke u inu.   
\q1
\v 22 Ke hoko honau keinangaʻanga ko e hele ʻi honau ʻao:  
\q2 mo ia naʻe totonu kenau lelei ai, ke hoko ia ko e tauhele.   
\q1
\v 23 Ke fakapoʻuli honau mata, ke ʻoua naʻa nau mamata;  
\q2 pea ke tetetete maʻuaipē honau kongaloto.   
\q1
\v 24 Te ke lilingi ho houhau kiate kinautolu,  
\q2 pea puke ʻakinautolu ʻe ho houhau vela.   
\q1
\v 25 Tuku ke lala honau nofoʻanga;  
\q2 ke ʻoua naʻa nofo ha tokotaha ʻi honau fale fehikitaki.   
\q1
\v 26 He ʻoku nau fakatangaʻi ia ʻaia kuo ke taaʻi;  
\q2 pea ʻoku nau talanoa fakamamahi kiate kinautolu kuo ke tautea.   
\q1
\v 27 Fakalahi ʻaki ʻae nunuʻa ʻoe hia ki heʻenau hia:  
\q2 pea ke ʻoua naʻa nau hoko ki hoʻo māʻoniʻoni.   
\q1
\v 28 Tuku ke tāmateʻi mei he tohi ʻoe moʻui,  
\q2 pea ʻoua naʻa tohi fakataha ʻakinautolu mo e kau māʻoniʻoni.   
\q1
\v 29 Ka ko au ʻoku ou masiva mo mamahi:  
\q2 ʻE ʻOtua, tuku ke hiki ki ʻolunga au ʻe hoʻo fakamoʻui.   
\q1
\v 30 Teu fakamālō ki he huafa ʻoe ʻOtua ʻaki ʻae hiva,  
\q2 pea te u hiki hake ia ʻaki ʻae fakafetaʻi.   
\q1
\v 31 Pea ʻe fiemālie lahi hake ai ʻa Sihova ʻi he meʻa ni,  
\q2 ʻi he pulu tangata pe ko e pulu ʻoku ai hono nifo mo e ngeʻesi vaʻe.   
\q1
\v 32 ‌ʻE mamata ki he meʻa ni ʻae angavaivai, pea fiefia ai:  
\q2 pea ʻe moʻui homou loto ʻaia ʻoku kumi ki he ʻOtua.   
\q1
\v 33 He ʻoku ongoʻi ʻe Sihova ʻae masiva,  
\q2 pea ʻoku ʻikai te ne manukiʻi ʻene kau pōpula.   
\q1
\v 34 Tuku ke fakamālō kiate ia ʻae langi mo māmani,  
\q2 ʻae ngaahi tahi, mo e meʻa kotoa pē ʻoku ngaue ʻi ai.   
\q1
\v 35 Koeʻuhi ʻe fakamoʻui ʻe he ʻOtua ʻa Saione,  
\q2 pea langa ʻae ngaahi kolo ʻo Siuta:  
\q2 koeʻuhi ke nau nofo ʻi ai, ʻo maʻu ia ko honau tofiʻa.   
\q1
\v 36 ‌ʻE maʻu foki ia ʻe he hako ʻo ʻene kau tamaioʻeiki:  
\q2 pea ʻe nofo ki ai ʻakinautolu ʻoku ʻofa ki hono huafa.   
\c 70  
\cd \it 1–5 ʻOku kole ʻa Tevita ki he ʻOtua ke ʻauha vave ʻae kau angahala, kae fakahaofi ʻae moʻui ʻae angalelei.\it*  
\d Ki he Takimuʻa, ko e Saame ʻa Tevita, ko e fakamanatu.  
\q1
\v 1 ‌ʻE ʻOtua, ke ke fakamoʻui au;  
\q2 ʻE Sihova, ke ke fai vave ke tokoni au.   
\q1
\v 2 Tuku ke mā mo puputuʻu ʻakinautolu ʻoku kumi hoku laumālie:  
\q2 tuku ke fakafoki kimui, mo fakamaveuveu, ʻakinautolu ʻoku holi ke u kovi.   
\q1
\v 3 Tuku ke foki kimui ʻakinautolu, ko e totongi ʻo ʻenau kovi,  
\q2 ʻakinautolu ʻoku pehē, Ha ha.   
\q1
\v 4 Tuku ke fiefia mo nekeneka ʻiate koe ʻakinautolu kotoa pē ʻoku kumi kiate koe:  
\q2 tuku ke lea pehē maʻuaipē ʻakinautolu ʻoku ʻofa ki hoʻo fakamoʻui,  
\q2 “Ke ongoongolelei ʻae ʻOtua.”   
\q1
\v 5 Ka ko au ʻoku ou masiva mo paea:  
\q2 ʻE ʻOtua, ke ke haʻu vave kiate au:  
\q2 ko koe ko hoku tokoni mo hoku fakamoʻui;  
\q2 ʻE Sihova, ʻoua naʻa ke tatali.   
\c 71  
\cd \it 1 Ko e maʻu lelei ʻe Tevita ʻae tui mo e falala ki he ʻOtua, ʻo ne lotua ia, mo ʻene lotu telia ʻae ngaahi fili ʻo hono laumālie. 14 ʻOku ne fakahā hono loto maʻu. 17 Pea lotu ia ke ne tuʻumaʻu. 19 ʻOku fakamālō ia ki he ʻOtua, pea ne tala te ne fai ia ʻi he fiefia.\it*  
\q1
\v 1 ‌ʻE Sihova, ʻoku ou falala kiate koe ʻoua naʻa tuku au ke u mā ʻo taʻengata.   
\q1
\v 2 Fakamoʻui au ʻi hoʻo māʻoniʻoni, pea tuku ke u hao:  
\q2 fakatokangaʻi ho fofonga kiate au, ʻo fakamoʻui au.   
\q1
\v 3 Ke ke ʻiate au ko e nofoʻanga mālohi ʻaia te u hū maʻuaipē ki ai:  
\q2 kuo ke fekau ke fakamoʻui au;  
\q2 he ko koe ko hoku makatuʻu mo hoku hūfanga.   
\q1
\v 4 ‌ʻE hoku ʻOtua, ke ke fakamoʻui au mei he nima ʻoe kau angahala,  
\q2 mei he nima ʻoe kau tangata taʻemāʻoniʻoni mo angamālohi.   
\q1
\v 5 He ko koe, ʻE ʻEiki Sihova, ko ʻeku ʻamanaki lelei:  
\q2 ko koe ko hoku falalaʻanga talu ʻeku kei siʻi.   
\q1
\v 6 Kuo ke poupou au talu ʻeku \add māvae \add*mei he manāva: ko koe ia naʻe toʻo au mei he fatu ʻo ʻeku faʻē:  
\q2 te u fakafetaʻi maʻuaipē kiate koe.   
\q1
\v 7 ‌ʻOku ou hangē ko e meʻa fakaofo ki he tokolahi:  
\q2 ka ko koe ko hoku hūfanga mālohi.   
\q1
\v 8 Tuku ke pito hoku ngutu ʻaki hoʻo fakamālō mo hoʻo fakaʻapaʻapa ʻi he ʻaho kotoa pē.   
\q1
\v 9 Pea ʻoua naʻa siʻaki au ʻi he ʻaho ʻo ʻeku motuʻa;  
\q2 ʻoua naʻa liʻaki au ʻoka mole ʻiate au ʻeku mālohi.   
\q1
\v 10 He ʻoku lea kovi kiate au ʻa hoku ngaahi fili;  
\q2 pea ko kinautolu ʻoku lamasi hoku laumālie ʻoku nau fakakaukau fakataha,   
\q1
\v 11 ‌ʻO nau pehē, “Kuo liʻaki ia ʻe he ʻOtua:  
\q2 fakatanga ʻo puke ia; he ʻoku ʻikai ha tokotaha ke fakamoʻui ia.”   
\q1
\v 12 ‌ʻE ʻOtua, ʻoua naʻa ke mamaʻo ʻiate au:  
\q2 ʻE hoku ʻOtua, ke ke fai vave ke tokoni au.   
\q1
\v 13 Tuku ke puputuʻu mo ʻauha ʻakinautolu ʻoku nofo ko e fili ki hoku laumālie;  
\q2 ke ʻufiʻufi ʻaki ʻae mā mo e manuki ʻakinautolu ʻoku kumi ke u kovi.   
\q1
\v 14 Ka te u ʻamanaki lelei maʻuaipē,  
\q2 pea ʻe tupulekina pe ʻeku fakamālō kiate koe.   
\q1
\v 15 ‌ʻE fakahā atu ʻe hoku ngutu ʻa hoʻo māʻoniʻoni mo hoʻo fakamoʻui ʻi he ʻaho kotoa pē;  
\q2 he ʻoku ʻikai te u ʻilo ki hono lau ʻo ia.   
\q1
\v 16 Te u ʻalu ʻi he mālohi ʻae ʻEiki ko Sihova:  
\q2 te u fakahā hoʻo māʻoniʻoni, ʻio, ʻoʻou pe.   
\q1
\v 17 ‌ʻE ʻOtua, kuo ke akonakiʻi au talu ʻeku kei siʻi:  
\q2 pea talu mei muʻa mo ʻeku fakahā atu ʻa hoʻo ngaahi ngāue fakaofo.   
\q1
\v 18 Pea ko eni foki, ʻE ʻOtua, ʻi heʻeku motuʻa mo ʻuluhinā, ʻoua naʻa ke liʻaki au;  
\q2 kaeʻoua ke u fakahā ho mālohi ki he toʻutangata ni,  
\q2 mo hoʻo māfimafi kiate kinautolu kotoa pē ʻe haʻu.   
\q1
\v 19 Ko hoʻo māʻoniʻoni foki, ʻE ʻOtua, ʻoku māʻolunga ʻaupito,  
\q2 ʻa koe naʻa ke fai ʻae ngaahi meʻa lahi:  
\q2 ʻE ʻOtua, ko hai ʻoku hangē ko koe!   
\q1
\v 20 ‌ʻA koe, kuo ke fakahā kiate au ʻae ngaahi mamahi ʻoku lahi mo kovi,  
\q2 te ke toe fakaake au,  
\q2 ʻo toe ʻohake au mei he loto kelekele.   
\q1
\v 21 Te ke fakatupulekina hoku nāunauʻia,  
\q2 ʻo fakafiemālieʻi au ʻi he potu kotoa pē.   
\q1
\v 22 ‌ʻE hoku ʻOtua, te u fakamālō foki kiate koe, ʻio, ki hoʻo moʻoni ʻaki ʻae saliteli:  
\q2 te u hiva kiate koe ʻaki ʻae haʻape, ʻa koe koe tokotaha māʻoniʻoni ʻa ʻIsileli.   
\q1
\v 23 ‌ʻE fiefia lahi hoku loungutu ʻo kau ka hiva kiate koe;  
\q2 mo hoku laumālie ʻaia kuo ke huhuʻi.   
\q1
\v 24 ‌ʻE talanoa ʻa hoku ʻelelo foki ki hoʻo māʻoniʻoni ʻi he ʻaho kotoa pē:  
\q2 he kuo puputuʻu, kuo hoko ʻo mā, ʻakinautolu ʻoku kumi ke u kovi.   
\c 72  
\cd \it 1 Ko Tevita ʻi heʻene hūfia ʻa Solomone ʻoku ne fakahā ko ʻene pule ko e fakaʻilonga ʻoe angalelei, mo hono nāunau, mo e moʻoni ʻoe pule ʻa Kalaisi. 18 ʻOku fakafetaʻi ia ki he ʻOtua.\it*  
\d Ko e Saame maʻa Solomone.  
\q1
\v 1 ‌ʻE ʻOtua, tuku ki he tuʻi ʻa hoʻo ngaahi fakamaau,  
\q2 mo hoʻo māʻoniʻoni ki he foha ʻoe tuʻi.   
\q1
\v 2 Te ne fakamaau hoʻo kakai ʻi he māʻoniʻoni,  
\q2 mo hoʻo kau masiva ʻaki ʻae fakamaau.   
\q1
\v 3 ‌ʻE ʻomi ʻe he ngaahi moʻunga ʻae melino ki he kakai,  
\q2 mo e māʻoniʻoni mei he ngaahi tafungofunga.   
\q1
\v 4 ‌ʻE fakamaau ʻe ia ʻae kakai mamahi,  
\q2 te ne fakamoʻui ʻae fānau ʻae masiva,  
\q2 pea te ne fesifesi ʻae fakamālohi.   
\q1
\v 5 Te nau manavahē kiate koe ʻi he lolotonga ʻae kei tuʻu ʻae laʻā,  
\q2 mo e māhina, ʻi he toʻutangata kotoa pē.   
\q1
\v 6 ‌ʻE ʻalu hifo ia ʻo hangē ko e ʻuha ki he mohuku kuo tutuʻu:  
\q2 ʻo hangē ko e ʻuha tuʻu mo tō ʻoku fakaviviku ʻae fonua.   
\q1
\v 7 ‌ʻE tupu pē ʻae kau māʻoniʻoni ʻi hono ngaahi ʻaho;  
\q2 mo e melino lahi ʻaupito ʻi he kei tolonga ʻae māhina.   
\q1
\v 8 ‌ʻE pule ʻe ia foki mei he tahi ki he tahi,  
\q2 pea mei he vaitafe ʻo aʻu ki he ngaahi ngataʻanga ʻo māmani.   
\q1
\v 9 ‌ʻE punou ʻi hono ʻao ʻakinautolu ʻoku nofo ʻi he toafa;  
\q2 pea ʻe ʻemo ʻae efu ʻe hono ngaahi fili.   
\q1
\v 10 ‌ʻE ʻomi ʻae ngaahi meʻaʻofa ʻe he ngaahi tuʻi ʻo Tasisi pea mo e ngaahi motu:  
\q2 ʻe ʻatu ʻae ngaahi meʻa foaki ʻe he ngaahi tuʻi ʻo Sipa mo Sepa.   
\q1
\v 11 ‌ʻIo, ʻe punou ʻi hono ʻao ʻae ngaahi tuʻi kotoa pē:  
\q2 ʻE tauhi ia ʻe he puleʻanga kotoa pē.   
\q1
\v 12 He te ne fakamoʻui ʻae masiva ʻi heʻene tangi;  
\q2 ʻae mamahi foki, mo ia ʻoku ʻikai hano tokoni.   
\q1
\v 13 Te ne fakamoʻui ʻae vaivai mo e masiva,  
\q2 ʻo fakamoʻui ʻae laumālie ʻoe kau masiva.   
\q1
\v 14 ‌ʻE huhuʻi ʻe ia honau laumālie mei he kākā mo e fakamālohi:  
\q2 pea ʻe mahuʻinga honau toto ʻi hono ʻao.   
\q1
\v 15 Pea ʻe moʻui pe ia, pea ʻe foaki kiate ia ʻae koula ʻo Sipa:  
\q2 ʻE fai maʻuaipē ʻae lotu koeʻuhi ko ia;  
\q2 pea ʻe fakamālō kiate ia ʻi he ʻaho kotoa pē,   
\q1
\v 16 Pea ʻe ʻi ai ʻae falukunga ʻoe uite ʻi he fonua ʻi he tumutumu ʻoe ngaahi moʻunga,  
\q2 ʻe ngaueue hono fua ʻo ia ʻo hangē ko Lepanoni:  
\q2 pea ko kinautolu ʻi he kolo ʻe tupu pe ʻo hangē ko e mohuku ʻoe fonua.   
\q1
\v 17 ‌ʻE tuʻumaʻu hono huafa ʻo taʻengata,  
\q2 ʻe tolonga maʻuaipē hono huafa ʻo hangē ko e laʻā:  
\q1 pea ʻe monūʻia ʻae kakai ʻiate ia:  
\q2 ʻe ui ia ko e monūʻia ʻe he puleʻanga kotoa pē.   
\q1
\v 18 Fakafetaʻi kia Sihova ko e ʻOtua, ko e ʻOtua ʻo ʻIsileli,  
\q2 ʻaia tokotaha pe ʻoku fai ʻae ngaahi meʻa fakaofo.   
\q1
\v 19 Pea fakafetaʻi maʻuaipē ki hono huafa ongoongolelei ʻo taʻengata:  
\q2 pea tuku ke pito ʻa māmani kotoa pē ʻi hono nāunau;  
\q2 ʻEmeni, mo ʻEmeni.   
\q1
\v 20 Kuo ngata ʻae ngaahi lotu ʻa Tevita ko e foha ʻo Sese.   
\c 73  
\ms1 TOHI 3  
\mr (Saame 73—89)  
\cd \it 1 Ko e ikuʻi ʻe he palōfita ʻae ʻahiʻahi kovi. 2 ʻOku ne fakahā hono tupuʻanga, ʻaia ko e monūʻia ʻoe kau angakovi, 13 Mo hono lavea, ʻaia ko e taʻetui. 15 ʻOku ne ikuna ʻaki ʻene ʻilo ki he tuʻutuʻuni ʻae ʻOtua, ʻi he fakaʻauha ʻoe kau angahala, mo e fakamoʻui ʻoe māʻoniʻoni.\it*  
\d Ko e Saame ʻa ʻAsafi.  
\q1
\v 1 Ko e moʻoni ʻoku angalelei ʻae ʻOtua ki ʻIsileli,  
\q2 ʻio, kiate kinautolu ʻoku loto maʻa.   
\q1
\v 2 Ka ko au naʻe meimei mole hoku vaʻe:  
\q2 naʻaku meimei hekea ʻi heʻeku ngaahi laka.   
\q1
\v 3 He naʻaku meheka ʻi he kau vale,  
\q2 ʻi heʻeku mamata ki he fiemālie ʻae angakovi.   
\q1
\v 4 He ʻoku ʻikai hanau mamahi ʻi heʻenau mate:  
\q2 ka ʻoku maʻu pe honau mālohi.   
\q1
\v 5 ‌ʻOku ʻikai moʻua ʻi he mamahi ʻakinautolu ʻo hangē ko e kakai kehe;  
\q2 pea ʻoku ʻikai ʻahiʻahiʻi ʻakinautolu ʻo hangē ko e kakai niʻihi.   
\q1
\v 6 Ko ia ʻoku takatakai ai ʻakinautolu ʻe he laukau ʻo hangē ko e ukamea fihifihi;  
\q2 ʻoku ʻufiʻufi ʻakinautolu ʻe he angamālohi ʻo hangē ko e kofu.   
\q1
\v 7 ‌ʻOku hohopo honau mata ʻi heʻenau sino:  
\q2 ʻoku nau maʻu meʻa ʻo lahi hake ʻi he holi ʻoe loto.   
\q1
\v 8 Kuo kovi ʻakinautolu, pea lea kovi ʻi he fakamālohi:  
\q2 ʻoku nau lea fakafiefielahi.   
\q1
\v 9 ‌ʻOku nau hangatonu atu honau ngutu ʻo angatuʻu ki he ngaahi langi,  
\q2 pea ʻoku ʻeveʻeva honau ʻelelo ʻi māmani.   
\q1
\v 10 Ko ia ʻoku liu mai ai ki heni hono kakai: pea ʻoku tatau ʻae vai kiate kinautolu ke pito ʻae ipu.   
\q1
\v 11 Pea ʻoku nau pehē, “ʻOku ʻilo fēfē ʻe he ʻOtua?  
\q2 Pea ʻoku ai ha ʻilo ʻi he Fungani Māʻolunga?”   
\q1
\v 12 Vakai, ko eni ʻae kau angakovi ʻoku fiemālie ʻi he māmani;  
\q2 ʻoku tupu pē ʻenau koloa.   
\q1
\v 13 Ko e moʻoni ʻoku taʻeʻaonga ʻeku fakamaʻa hoku loto,  
\q2 mo ʻeku fanofano hoku nima ʻi he māʻoniʻoni.   
\q1
\v 14 He kuo ʻahiʻahiʻi au ʻi he ʻaho kotoa pē,  
\q2 pea kuo tautea au ʻi he pongipongi kotoa pē,   
\q1
\v 15 Kapau te u tala, te u lea pehē;  
\q2 vakai, ko ʻeku fai hala ki he toʻutangata ʻo hoʻo fānau.   
\q1
\v 16 Pea ʻi heʻeku ʻahiʻahi ke ʻilo ʻae meʻa ni,  
\q2 naʻe faingataʻa ia kiate au;   
\q1
\v 17 Ka ʻi heʻeku hū ki he faletapu ʻoe ʻOtua;  
\q2 naʻaku toki ʻilo ai honau ikuʻanga.   
\q1
\v 18 Ko e moʻoni naʻa ke tuku ʻakinautolu ʻi he ngaahi potu hekeheke:  
\q2 kuo ke laku hifo ʻakinautolu ki he ngaahi fakaʻauha.   
\q1
\v 19 Kuo ʻomi vave ʻakinautolu ki he malaʻia,  
\q2 ʻo hangē ko e kemo pe taha ʻoe mata!  
\q2 Kuo fakaʻauha ʻaupito ʻakinautolu ʻi he ngaahi ilifia.   
\q1
\v 20 Hangē ko e misi ʻoka ʻā hake ha taha;  
\q2 ke pehē pe, ʻE ʻEiki, ʻoka ke ka ʻā hake, te ke manukiʻi honau tatau.   
\q1
\v 21 Naʻe mamahi pehē pe hoku laumālie,  
\q2 pea naʻe mahuhuhuhu ai hoku loto.   
\q1
\v 22 Naʻe pehē ʻeku vale, pea naʻe ʻikai te u ʻilo:  
\q2 naʻaku hangē ko e manu ʻi ho ʻao.   
\q1
\v 23 Ka ko e moʻoni ʻoku ou ʻiate koe maʻuaipē:  
\q2 pea kuo ke puke au ʻi hoku nima toʻomataʻu.   
\q1
\v 24 Te ke tataki au ʻi hoʻo poto,  
\q2 pea hili ia te ke maʻu au ki ho nāunau.   
\q1
\v 25 He ko hai mo koe ʻoku ou maʻu ʻi he loto langi?  
\q2 Pea ʻoku ʻikai ha tokotaha ʻi māmani ʻoku ou holi ki ai, ka ko koe pē.   
\q1
\v 26 ‌ʻOku vaivai hoku kakano mo hoku loto:  
\q2 ka ko e makatuʻu ʻo hoku loto ʻae ʻOtua,  
\q2 mo hoku ʻinasi ʻo taʻengata.   
\q1
\v 27 Vakai, ʻe ʻauha ʻakinautolu ʻoku mamaʻo ʻiate koe:  
\q2 kuo ke fakaʻauha ʻakinautolu kotoa pē ʻoku ʻalu meiate koe ʻo fai kovi.   
\q1
\v 28 Ka ʻoku lelei kiate au ʻeku ʻunuʻunu ke ofi ki he ʻOtua:  
\q2 kuo u falala ki he ʻEiki ko Sihova, koeʻuhi ke u fakahā ai hoʻo ngāue kotoa pē.   
\c 74  
\cd \it 1 ʻOku hanu ʻae palōfita ʻi he maumau ʻoe faletapu. 10 ʻOku ne kole ki he ʻOtua ke ne tokoni koeʻuhi ko hono mālohi lahi, 18 Mo e lauʻikovi ʻa hono ngaahi fili, pea koeʻuhi ko ʻene fānau, mo ʻene fuakava.\it*  
\d Ko e Saame akonaki ʻa ʻAsafi.  
\q1
\v 1 ‌ʻE ʻOtua, ko e hā kuo ke liʻaki ai ʻakimautolu ʻo taʻengata?  
\q2 Ko e hā ʻoku kohu ai ho houhau ki he fanga sipi ʻo hoʻo ngoue?   
\q1
\v 2 Manatu ki he fakataha ʻo hoʻo kakai, ʻaia naʻa ke fakatau ʻi muʻa;  
\q2 ko e faʻahinga ʻo ho tofiʻa, ʻaia kuo ke huhuʻi;  
\q2 ʻae moʻunga ni ko Saione, ʻaia naʻa ke nofo ai.   
\q1
\v 3 Hiki hake ho vaʻe ki hono ngaahi maumau kuo tuʻumaʻu pe;  
\q2 ʻio, ki he meʻa kotoa pē kuo fai ʻi he angakovi ʻe he fili ʻi he faletapu.   
\q1
\v 4 ‌ʻOku ʻioho ʻa ho ngaahi fili ʻi he lotolotonga ʻo hoʻo ngaahi fakataha;  
\q2 ʻoku nau fokotuʻu ʻenau ngaahi fuka ko e ngaahi fakaʻilonga.   
\q1
\v 5 Naʻe ongoongo ʻae tangata ʻo fakatatau mo ʻene faʻa fai  
\q2 ke hiki ki ʻolunga ʻae ngaahi toki ki he ngaahi ʻakau lahi.   
\q1
\v 6 Ka ko eni, kuo nau maumauʻi ʻaki ʻae ngaahi toki mo e hamala ʻae ngaahi meʻa tongitongi kotoa pē.   
\q1
\v 7 Kuo nau lī ʻae afi ki ho faletapu,  
\q2 kuo nau ʻuliʻi ʻae ʻafioʻanga ʻo ho huafa ʻo holoki hifo ia ki he kelekele.   
\q1
\v 8 Naʻa nau pehē ʻi honau loto, “Ketau fakaʻauha fakataha ʻakinautolu:”  
\q2 kuo nau tutu ʻo ʻosi ʻae ngaahi falelotu ʻoe ʻOtua ʻi he fonua.   
\q1
\v 9 ‌ʻOku ʻikai temau kei mamata ki heʻemau ngaahi fakaʻilonga:  
\q2 ʻoku ʻikai ha palōfita ʻe toe:  
\q2 pea ʻoku ʻikai ha tokotaha ʻiate kitautolu ʻoku ne ʻilo pe ʻe fēfē hono fuoloa.   
\q1
\v 10 ‌ʻE ʻOtua, ʻe fēfē hono fuoloa ʻoe lauʻikovi ʻae fili?  
\q2 ʻE kape ki ho huafa ʻe he fili ʻo taʻengata?   
\q1
\v 11 Ko e hā ʻoku ke toʻo atu ai ho nima, ʻio, ho nima toʻomataʻu?  
\q2 Toʻo mai ia mei ho fatafata.   
\q1
\v 12 He ko e ʻOtua ko hoku Tuʻi talu mei muʻa,  
\q2 ʻoku ne fai ʻae fakamoʻui ʻi he lotolotonga ʻo māmani.   
\q1
\v 13 Naʻa ke vaeua ʻae tahi ʻi ho mālohi:  
\q2 naʻa ke foaʻi ʻae ʻulu ʻoe ngaahi talākoni ʻi he ngaahi vai,   
\q1
\v 14 ‌ʻOku ke foaʻi ʻo laiki ʻae ngaahi ʻulu ʻoe levaiatani,  
\q2 ʻo ke ʻange ia ko e meʻakai ki he kakai ʻoku nofo ʻi he toafa.   
\q1
\v 15 Naʻa ke vaeua ʻae matavai mo e vaitafe lahi:  
\q2 naʻa ke fakamōmoa ʻae ngaahi vaitafe lahi.   
\q1
\v 16 ‌ʻOku ʻoʻou ʻae ʻaho, pea ʻoku ʻoʻou foki mo e pō:  
\q2 kuo ke teuteu ʻae maama mo e laʻā.   
\q1
\v 17 Kuo ke ʻai ʻae ngaahi ngataʻanga kotoa pē ʻoe fonua;  
\q2 kuo ke ngaohi ʻae faʻahitaʻu mafana mo e faʻahitaʻu momoko.   
\q1
\v 18 ‌ʻE Sihova, manatu ki he meʻa ni, kuo lauʻikovi ʻe he fili,  
\q2 pea kuo kape ki ho huafa ʻae kakai vale.   
\q1
\v 19 ‌ʻOua naʻa tukuange ʻae laumālie ʻo ho ʻofaʻanga ki he fuʻu tokolahi ʻoe kau angakovi:  
\q2 ʻoua naʻa ngalo ʻiate koe ʻae fakataha ʻo ho kakai masiva ʻo taʻengata.   
\q1
\v 20 Ke ke tokanga ki he fuakava:  
\q2 he ʻoku pito ʻae ngaahi potu fakapoʻuli ʻo māmani ʻi he ngaahi nofoʻanga ʻoe angamālohi.   
\q1
\v 21 ‌ʻOua naʻa ke tuku ke liu mai kuo mā ʻae kakai kuo taʻomia:  
\q2 tuku ke fakamālō ki ho huafa ʻae kau masiva mo e vaivai.   
\q1
\v 22 ‌ʻE ʻOtua, ke ke tuʻu hake, ʻo langomakiʻi hoʻo ngāue ʻaʻau:  
\q2 manatu ki he lauʻikoviʻi koe ʻe he tangata vale ʻi he ʻaho kotoa pē.   
\q1
\v 23 ‌ʻOua naʻa ngalo ʻae leʻo ʻo ho ngaahi fili:  
\q2 ko e maveuveu ʻokinautolu ʻoku tuʻu hake kiate koe ʻoku tupulekina ʻi he ʻaho kotoa pē.   
\c 75  
\cd \it 1 ʻOku fakamālō ʻae palōfita ki he ʻOtua. 2 ʻOku ne pehē, te ne fakamaau māʻoniʻoni. 4 ʻOku ne valoki ʻae laukau ko e meʻa ʻi he pule ʻae ʻOtua. 9 ʻOku ne fakamālō ki he ʻOtua, ʻo tokanga ke fai totonu.\it*  
\d Ki he Takimuʻa, ʻAli-Tasikiti, ko e Saame pe ko e Hiva ʻa ʻAsafi.  
\q1
\v 1 ‌ʻOku mau ʻatu ʻae fakafetaʻi kiate koe,  
\q2 ʻE ʻOtua, ʻoku mau ʻatu ʻae fakafetaʻi kiate koe:  
\q2 he ʻoku fakahā ʻe hoʻo ngaahi ngāue lahi ʻoku ofi ho huafa.   
\q1
\v 2 “ʻO kau ka maʻu ʻae fakataha te u fakamaau māʻoniʻoni.   
\q1
\v 3 Kuo movetevete ʻae fonua mo hono kakai:  
\q2 ʻoku ou poupou hake hono ngaahi pou. \qs Sila.\qs*   
\q1
\v 4 Naʻaku pehē ki he kau vale, ʻoua naʻa mou fai fakavalevale:  
\q2 pea ki he kau angakovi, ʻoua te mou hiki hake ʻae nifo.   
\q1
\v 5 ‌ʻOua naʻa hiki ki ʻolunga homou nifo:  
\q2 ʻoua te mou lea ʻi he kia kekeva.”   
\q1
\v 6 He ʻoku ʻikai haʻu mei he potu hahake, pe mei he potu lulunga,  
\q2 pe mei he potu tonga ʻae hakeakiʻi.   
\q1
\v 7 He ko e fakamaau ʻae ʻOtua:  
\q2 ʻoku ʻohifo ʻe ia ʻae tokotaha, kae fokotuʻu hake ʻae tokotaha.   
\q1
\v 8 He ʻoku ʻi he nima ʻo Sihova ʻae ipu,  
\q2 pea ʻoku kulokula ʻae uaine:  
\q2 kuo pito ia ʻi he meʻa kuo huʻi ki ai;  
\q2 pea ʻoku lilingi ʻe ia mei ai:  
\q2 ka ko hono efe ʻo ia, ʻe tatau ia ʻe he angakovi kotoa pē ʻo māmani, ʻo inu ia.   
\q1
\v 9 Ka ko au te u fakahā ʻo taʻengata;  
\q2 te u hiva ʻaki ʻae fakamālō ki he ʻOtua ʻo Sēkope.   
\q1
\v 10 Te u tutuʻu ke motu ʻae ngaahi nifo ʻoe kau angahala;  
\q2 ka ʻe hakeakiʻi ʻae ngaahi nifo ʻoe kau māʻoniʻoni.   
\c 76  
\cd \it 1 Ko e fakahā ʻae māfimafi ʻoe ʻOtua ʻi he siasi, 11 Mo e enginaki ke tauhi ia ʻi he fakaʻapaʻapa.\it*  
\d Ki he Takimuʻa ʻi he Nekina, ko e Saame pe ko e Hiva ʻa ʻAsafi.  
\q1
\v 1 ‌ʻOku ʻilo ʻae ʻOtua ʻi Siuta:  
\q2 ʻOku lahi hono huafa ʻi ʻIsileli.   
\q1
\v 2 ‌ʻOku ʻi Selemi foki hono fale fehikitaki,  
\q2 mo hono ʻafioʻanga ʻi Saione.   
\b  
\q1
\v 3 Naʻe fesifesi ʻe ia ʻi ai ʻae ngaahi ngahau ʻoe kaufana,  
\q2 ʻae fakaū, mo e heletā, mo e tau. \qs Sila.\qs*   
\q1
\v 4 ‌ʻOku ke nāunauʻia mo lelei lahi hake ʻa koe  
\q2 ʻi he ngaahi moʻunga ʻoe fakamālohi.   
\q1
\v 5 Kuo ikuna ʻae kau loto mālohi,  
\q2 kuo nau mohe ʻi heʻenau mohe:  
\q2 pea ʻoku ʻikai ha tokotaha ʻi he kau tangata mālohi ʻoku ʻilo honau nima.   
\q1
\v 6 ‌ʻE ʻOtua ʻo Sēkope,  
\q2 ʻi hoʻo tautea kuo ke lī fakatouʻosi pē ʻae saliote mo e hoosi ki he mohe ʻoe mate.   
\q1
\v 7 Ko koe, ʻio, ko koe, ko e manavahēʻia:  
\q2 pea ko hai ʻe faʻa tuʻu ʻi ho ʻao ʻoka ke ka houhau?   
\q1
\v 8 Naʻa ke fakaongoʻi ʻae fakamaau mei he langi;  
\q2 naʻe manavahē ai ʻa māmani, ʻo tuʻu taʻengaue,   
\q1
\v 9 ‌ʻI he tuʻu hake ʻae ʻOtua ki he fakamaau,  
\q2 ke fakamoʻui ʻae kau angavaivai kotoa pē ʻo māmani. \qs Sila.\qs*   
\q1
\v 10 Ko e moʻoni ʻe fakaongolelei koe ʻe he ʻita ʻae tangata:  
\q2 pea ko hono toe ʻoe ʻita te ke lolomi.   
\q1
\v 11 Mou fuakava, ʻo fai ia kia Sihova ko homou ʻOtua:  
\q2 tuku ke ʻomi ʻae ngaahi meʻaʻofa kiate ia ʻoku totonu ke manavahē ki ai, ʻakinautolu kotoa pē ʻoku nofo ʻo takatakai ia.   
\q1
\v 12 ‌ʻE motuhi ʻe ia ʻae loto lahi ʻoe houʻeiki:  
\q2 ʻoku fakailifia ia ki he ngaahi tuʻi ʻo māmani.   
\c 77  
\cd \it 1 ʻOku fakahā ʻe he tangata tohi Saame ʻena fekuki mālohi mo e fakataʻetaʻetui. 10 Naʻa ne ikuna ʻi heʻene tokanga ki he ngaahi ngāue lahi mo lelei ʻae ʻOtua.\it*  
\d Ki he Takimuʻa ko Situtuni, ko e Saame ʻa ʻAsafi.  
\q1
\v 1 Naʻa ku tangi ki he ʻOtua ʻaki hoku leʻo;  
\q2 ʻio, ki he ʻOtua ʻaki hoku leʻo pea ne tokanga kiate au.   
\q1
\v 2 ‌ʻI he ʻaho ʻo ʻeku mamahi naʻaku kumi ki he ʻEiki:  
\q2 naʻe aʻu pe ʻeku mamahi ʻi he poʻuli, pea ʻikai tuku:  
\q2 naʻe liʻaki ʻe hoku laumālie ʻae fakafiemālie.   
\q1
\v 3 Naʻaku manatu ki he ʻOtua, pea u mamahi ai:  
\q2 naʻaku fakalaulauloto, pea naʻe lōmekina hoku laumālie. \qs Sila.\qs*   
\q1
\v 4 ‌ʻOku ke pule ke ʻā hoku mata:  
\q2 ʻoku lahi ʻeku mamahi,  
\q2 ko ia ʻoku ʻikai ai te u faʻa lea.   
\q1
\v 5 Naʻaku fakamanatu ki he ngaahi ʻaho ʻi muʻa,  
\q2 ki he ngaahi taʻu ʻi he ngaahi kuonga ʻi muʻa.   
\q1
\v 6 ‌ʻOku ou fakamanatu, ki heʻeku hiva ʻi he poʻuli:  
\q2 ʻoku ou fakakaukau mo hoku loto:  
\q2 pea naʻe ʻeke lahi ʻa hoku laumālie.   
\q1
\v 7 “ʻE liʻaki maʻuaipē ʻe Sihova?  
\q2 Pea ʻe ʻikai te ne toe finangalo ʻofa mai?   
\q1
\v 8 Kuo mole ʻaupito ʻo taʻengata ʻa ʻene ʻaloʻofa?  
\q2 Pe kuo taʻehoko ʻene talaʻofa ki he toʻutangata mo e toʻutangata?   
\q1
\v 9 Kuo ngalo ʻi he ʻOtua ke fai ʻofa?  
\q2 Kuo ne tāpuni ʻi he houhau ʻa ʻene ngaahi ʻaloʻofa ongongofua?” \qs Sila.\qs*   
\q1
\v 10 Pea ne u pehē, “Ko ʻeku vaivai eni ka te u manatu  
\q2 ki he ngaahi taʻu ʻoe nima toʻomataʻu ʻoe Fungani Māʻolunga.”   
\q1
\v 11 Te u manatu ki he ngaahi ngāue ʻa Sihova:  
\q2 ko e moʻoni te u manatu ki hoʻo ngaahi mana ʻi muʻa.   
\q1
\v 12 Te u fakalaulauloto foki ki hoʻo ngāue kotoa pē,  
\q2 ʻo talanoa ki hoʻo ngaahi faianga.   
\q1
\v 13 ‌ʻE ʻOtua, ko ho hala ʻoku ʻi he faletapu:  
\q2 ko hai ha ʻOtua ʻoku lahi ʻo hangē ko hotau ʻOtua!   
\q1
\v 14 Ko koe ko e ʻOtua ʻoku fai ʻae ngaahi meʻa fakaofo:  
\q2 kuo ke fakahā ho mālohi ʻi he lotolotonga ʻoe kakai.   
\q1
\v 15 Naʻa ke huhuʻi ʻaki ho nima ʻa ho kakai,  
\q2 ko e ngaahi foha ʻo Sēkope mo Siosefa. \qs Sila.\qs*   
\q1
\v 16 Naʻe mamata kiate koe ʻae ngaahi vai, ʻE ʻOtua,  
\q2 naʻe mamata kiate koe ʻae ngaahi vai; pea naʻa nau manavahē:  
\q2 naʻe ngaueue foki ʻae ngaahi loloto.   
\q1
\v 17 Naʻe lilingi ʻae vai ʻe he ngaahi ʻao:  
\q2 naʻe fakaʻuʻulu mei he langi ʻae longoaʻa:  
\q2 pea naʻe puna foki hoʻo ngaahi ngahau ki he mamaʻo.   
\q1
\v 18 Naʻe ʻi he langi ʻae leʻo ʻo hoʻo mana:  
\q2 naʻe fakamaama ʻaki ʻa māmani ʻae ngaahi ʻuhila:  
\q2 naʻe tetetete mo ngalulu ʻae fonua.   
\q1
\v 19 Ko ho hala ʻoku ʻi he tahi,  
\q2 mo ho hāʻeleʻanga ʻoku ʻi he vai lahi,  
\q2 pea ʻoku ʻikai ʻilonga ʻa ho ngaahi ʻaluʻanga.   
\q1
\v 20 Naʻa ke tataki atu ho kakai ʻo hangē ko e fanga sipi  
\q2 ʻi he nima ʻo Mōsese mo ʻElone.   
\b  
\c 78  
\cd \it 1 Ko e enginaki ke tokanga ki he fono ʻae ʻOtua, pea malangaʻaki ia. 9 Ko e fakamatala ki he houhau ʻoe ʻOtua ki he taʻetui mo e talangataʻa. 67 Kuo liʻaki ʻe he ʻOtua ʻae kakai ʻIsileli, pea fili ʻe ia ʻa Siuta, mo Saione, mo Tevita.\it*  
\d Ko e Saame akonaki ʻa ʻAsafi.  
\q1
\v 1 Fakafanongo ʻa hoku kakai ki heʻeku akonaki:  
\q2 fakatokangaʻi homou telinga ki he ngaahi lea ʻa hoku ngutu.   
\q1
\v 2 Te u mafaʻa hoku ngutu ʻi he fakatātā:  
\q2 te u fakahā ʻae ngaahi lea fufū mei muʻa:   
\q1
\v 3 ‌ʻAia kuo tau fanongo ki ai pea ʻiloʻi,  
\q2 pea naʻe tala ia kiate kitautolu ʻe heʻetau ngaahi tamai.   
\q1
\v 4 ‌ʻE ʻikai te tau fufū ia mei heʻenau fānau,  
\q2 ka ʻe fakahā ki he toʻutangata ʻe hoko ʻae ongoongolelei ʻo Sihova,  
\q2 mo hono mālohi, mo e ngaahi ngāue mana naʻa ne fai.   
\q1
\v 5 He naʻa ne fokotuʻumaʻu ʻae fono ʻia Sēkope,  
\q2 ʻo ne tuʻutuʻuni ʻae akonaki ʻi ʻIsileli,  
\q2 ʻaia naʻa ne fekauʻi ʻetau ngaahi tamai,  
\q2 koeʻuhi ke nau fakaʻilo ia ki heʻenau fānau:   
\q1
\v 6 Koeʻuhi ke ʻilo ia ʻe he toʻutangata ʻe hoko, ʻio, ʻae fānau ʻe fanauʻi;  
\q2 ʻaia tenau tupu hake ʻo fakahā ia ki heʻenau fānau:   
\q1
\v 7 Koeʻuhi kenau ʻamanaki lelei maʻuaipē ki he ʻOtua,  
\q2 pea ʻoua naʻa fakangalongaloʻi ʻae ngaahi ngāue ʻae ʻOtua,  
\q2 ka e tauhi ʻene ngaahi fekau:   
\q1
\v 8 Kaeʻoua naʻa tatau mo ʻenau ngaahi tamai,  
\q2 ko e toʻutangata paongataʻa mo angatuʻu;  
\q2 ko e toʻutangata naʻe ʻikai tenau teuteu honau loto ke lelei,  
\q2 pea naʻe ʻikai tuʻumaʻu honau laumālie ʻi he ʻOtua.   
\q1
\v 9 Ko e fānau ʻa ʻIfalemi naʻe toʻo mahafutau,  
\q2 mo e ngaahi kaufana,  
\q2 naʻa nau hola ʻi he ʻaho ʻoe tau.   
\q1
\v 10 Naʻe ʻikai tenau fai ki he fuakava ʻae ʻOtua,  
\q2 pea naʻe ʻikai siʻi tenau loto ke ʻaʻeva ʻi heʻene akonaki;   
\q1
\v 11 Pea naʻa nau fakangalongaloʻi ʻene ngaahi ngāue,  
\q2 mo ʻene ngaahi mana naʻa ne fakahā kiate kinautolu.   
\q1
\v 12 Naʻa ne fai ʻae ngaahi meʻa fakaofo ʻi he ʻao ʻo ʻenau ngaahi tamai,  
\q2 ʻi he fonua ko ʻIsipite, ʻi he ngoue ʻo Soani.   
\q1
\v 13 Naʻe vaeua ʻe ia ʻae tahi, pea ne pule kenau ʻalu atu ai;  
\q2 pea ne ngaohi ʻae tahi ke tuʻu fakatafungofunga pē.   
\q1
\v 14 Naʻa ne tataki foki ʻakinautolu ʻi he ʻaho ʻaki ʻae ʻao,  
\q2 pea ʻi he pō ʻaki ʻae maama ʻoe afi.   
\q1
\v 15 Naʻe fahiʻi ʻe ia ʻae ngaahi makatuʻu ʻi he toafa,  
\q2 pea ʻange ʻae inu kiate kinautolu ʻo hangē ʻoku mei he loloto lahi.   
\q1
\v 16 Naʻa ne ʻomi foki kiate kinautolu ʻae ngaahi vaitafe mei he makatuʻu,  
\q2 ʻo ne pule ke tafe hifo ʻae ngaahi vai ʻo hangē ko e ngaahi vaitafe lahi.   
\q1
\v 17 Pea naʻa nau toe fai angahala kiate ia,  
\q2 ʻi heʻenau fakahouhau ki he Fungani Māʻolunga ʻi he toafa.   
\q1
\v 18 Pea naʻa nau ʻahiʻahiʻi ʻae ʻOtua ʻi honau loto,  
\q2 ʻi heʻenau lea ke maʻu ʻae kakano ʻi heʻenau holi kovi.   
\q1
\v 19 ‌ʻIo, naʻa nau lauʻikoviʻi ʻae ʻOtua;  
\q2 naʻa nau pehē, “ʻE faʻa teuteu ʻe he ʻOtua ʻae keinangaʻanga ʻi he toafa?   
\q1
\v 20 Vakai, naʻe taaʻi ʻe ia ʻae makatuʻu, pea puna mei ai ʻae ngaahi vai,  
\q2 pea pito ʻo fetāfeaki ʻae ngaahi vaitafe;  
\q1 te ne faʻa tuku mai foki ʻae mā?  
\q2 ʻE faʻa tokonaki ʻe ia ʻae kakano maʻa hono kakai?”   
\q1
\v 21 Ko ia naʻe fanongo ki ai ʻa Sihova, pea houhau ia:  
\q2 ko ia naʻe tutu ai ʻae afi kia Sēkope,  
\q2 pea naʻe tupu hake foki ʻae tuputāmaki ki ʻIsileli;   
\q1
\v 22 Koeʻuhi naʻe ʻikai tenau tui ki he ʻOtua,  
\q2 pea naʻe ʻikai ha falala ki heʻene fakamoʻui:   
\q1
\v 23 Neongo ʻene fekauʻi ʻae ngaahi ʻao ʻi ʻolunga,  
\q2 mo ʻene toʻo ʻae ngaahi matapā ʻoe langi,   
\q1
\v 24 ‌ʻO ne tuku ke tō hifo ʻae mana kiate kinautolu kenau kai,  
\q2 pea ne foaki kiate kinautolu ʻae uite ʻoe langi.   
\q1
\v 25 Naʻe kai ʻe he tangata ʻae meʻakai ʻae kau ʻāngelo:  
\q2 naʻa ne tuku atu ʻae meʻakai kenau mākona ai.   
\q1
\v 26 Naʻe pule ʻe ia ke maʻili ʻae matangi hahake ʻi he langi:  
\q2 pea ne ʻomi mo e matangi tonga ʻi heʻene māfimafi.   
\q1
\v 27 Naʻe fakatō hifo ʻe ia ʻae kakano kiate kinautolu ʻo tatau mo e efu,  
\q2 mo e fanga manu kapakau ʻo hangē ko e ʻoneʻone ʻoe tahi:   
\q1
\v 28 Pea naʻa ne tuku ke tō ia ʻi he lotolotonga ʻo honau fale fehikitaki,  
\q2 ʻo takatakai ʻi honau ngaahi nofoʻanga.   
\q1
\v 29 Ko ia naʻa nau kai, pea nau mākona:  
\q2 he naʻa ne ʻange kiate kinautolu ʻenau holi.   
\q1
\v 30 Naʻe ʻikai te nau mavahe mei heʻenau holi kovi.  
\q2 Ka ʻi he kei ʻi honau ngutu ʻae maʻanga,   
\q1
\v 31 Naʻe hoko ʻae houhau ʻoe ʻOtua kiate kinautolu,  
\q2 ʻo ne tāmateʻi ʻae fungani kakai sino ʻiate kinautolu,  
\q2 pea ne tā hifo ʻae kau tangata kuo fili ʻi ʻIsileli.   
\q1
\v 32 Naʻe hoko ʻae ngaahi meʻa ni, ka naʻa nau kei fai angahala pē,  
\q2 ʻo ʻikai tui ki heʻene ngaahi ngāue mana.   
\q1
\v 33 Ko ia naʻa ne fakaʻosi ai honau ngaahi ʻaho ʻi he meʻa vaʻinga pē,  
\q2 mo honau ngaahi taʻu ʻi he mamahi.   
\q1
\v 34 Pea ʻi heʻene tāmateʻi ʻakinautolu, naʻa nau toki kumi kiate ia:  
\q2 ʻonau tafoki ʻo fehuʻi fakavave ki he ʻOtua.   
\q1
\v 35 Pea naʻa nau manatu ko honau maka ʻae ʻOtua,  
\q2 pea ko honau huhuʻi ʻae ʻOtua māʻolunga.   
\q1
\v 36 Ka naʻa nau lapu kiate ia ʻi honau ngutu,  
\q2 ʻonau loi kiate ia ʻaki honau ʻelelo.   
\q1
\v 37 He naʻe ʻikai totonu honau loto kiate ia,  
\q2 pea naʻe ʻikai tenau tuʻumaʻu ʻi heʻene fuakava.   
\q1
\v 38 Ka naʻe fonu ia ʻi he ʻaloʻofa, ʻo ne fakamolemole ʻenau hia, pea naʻe ʻikai fakaʻauha ʻakinautolu:  
\q2 ʻIo, naʻe liunga lahi ʻene fakaafe hono houhau,  
\q2 pea naʻe ʻikai te ne ueʻi hake hono houhau kotoa pē.   
\q1
\v 39 He naʻa ne manatu ko e kakano pē ʻakinautolu;  
\q2 ko e matangi ʻoku mole atu, pea ʻikai toe haʻu.   
\q1
\v 40 Naʻe liunga fiha ʻenau fakahouhau kiate ia ʻi he toafa,  
\q2 pea fakamamahiʻi ia ʻi he potu lala!   
\q1
\v 41 ‌ʻIo, naʻa nau foki kimui pea ʻahiʻahiʻi ʻae ʻOtua,  
\q2 ʻonau hūhūmamaʻi ʻae tokotaha māʻoniʻoni ʻo ʻIsileli.   
\q1
\v 42 Naʻe ʻikai tenau manatu ki hono nima,  
\q2 pe ko e ʻaho naʻa ne fakamoʻui ai ʻakinautolu mei he fili.   
\q1
\v 43 Mo ʻene fai ʻene ngaahi fakaʻilonga ʻi ʻIsipite,  
\q2 mo ʻene ngaahi meʻa mana ʻi he ngoue ʻo Soani:   
\q1
\v 44 Naʻa ne liliu honau ngaahi vaitafe ko e toto;  
\q2 mo honau ngaahi vai lahi, naʻe ʻikai tenau faʻa inu ai.   
\q1
\v 45 Naʻe fekau atu ʻe ia kiate kinautolu ʻae ngaahi lango kehekehe, ʻaia naʻe keina ʻakinautolu;  
\q2 mo e fanga poto, ʻaia naʻe fakakoviʻi ʻakinautolu.   
\q1
\v 46 Naʻe tuku foki ʻe ia ʻae fua ʻo ʻenau ngoue ki he ʻunufe,  
\q2 mo ʻenau ngāue ki he fanga heʻe.   
\q1
\v 47 Naʻa ne tāmateʻi ʻenau ngaahi vaine ʻaki ʻae ʻuhamaka,  
\q2 mo ʻenau ʻakau ko e sukamino ʻaki ʻae momoko lahi.   
\q1
\v 48 Naʻe tuku foki ʻe ia ʻenau fanga manu ki he ʻuhamaka,  
\q2 mo ʻenau fanga sipi ki he ngaahi faisisili vela.   
\q1
\v 49 Naʻe lī ʻe ia ʻae kakaha ʻo ʻene ʻita kiate kinautolu,  
\q2 ʻae houhau lahi, mo e tuputāmaki, mo e mamahi,  
\q2 ʻi heʻene fekau atu kiate kinautolu ʻae kau ʻāngelo ʻoe kovi.   
\q1
\v 50 Naʻa ne tofa ʻae hala ki hono houhau;  
\q2 pea naʻe ʻikai te ne fakahaofi ʻenau moʻui mei he mate,  
\q2 ka naʻa ne tukuange ʻenau moʻui ki he mahaki lahi;   
\q1
\v 51 ‌ʻO ne tāʻi ʻae ʻuluaki fānau kotoa pē ʻi ʻIsipite;  
\q2 ko e fungani mālohi ʻi he ngaahi nofoʻanga ʻo Hami.   
\q1
\v 52 Ka naʻa ne pule ke ʻalu atu ʻa hono kakai ʻoʻona ʻo hangē ko e fanga sipi,  
\q2 ʻo ne fakahinohino ʻakinautolu ʻi he toafa ʻo hangē ko e fuʻu fanga sipi.   
\q1
\v 53 Pea naʻe tataki fiemālie atu ʻe ia ʻakinautolu, ko ia naʻe ʻikai ai tenau manavahē:  
\q2 ka naʻe lōmekina ʻe he tahi ʻa honau ngaahi fili.   
\q1
\v 54 Pea naʻe ʻomi ʻe ia ʻakinautolu ʻo ofi ki hono faletapu,  
\q2 ʻio, ki he moʻunga ni ʻaia kuo fakatau ʻe hono nima toʻomataʻu.   
\q1
\v 55 Naʻe kapusi foki ʻe ia ʻae hiteni mei honau ʻao,  
\q2 ʻo ne vaheʻi kiate kinautolu ʻae tofiʻa ʻaki ʻae afo,  
\q2 pea ne pule ke nofo ʻae ngaahi faʻahinga ʻo ʻIsileli ʻi honau ngaahi fale fehikitaki.   
\q1
\v 56 Ka naʻa nau kei ʻahiʻahiʻi mo fakahouhauʻi ʻae ʻOtua fungani māʻolunga,  
\q2 ʻo ʻikai tauhi ʻene ngaahi fekau:   
\q1
\v 57 Ka naʻa nau foki kimui, ʻo fai taʻeangatonu ʻo hangē ko ʻenau ngaahi tamai:  
\q2 naʻe ʻalu kehe ʻakinautolu ʻo hangē ko e kaufana taka kehe.   
\q1
\v 58 Naʻa nau fakahouhau ia ʻaki honau ngaahi potu māʻolunga ʻonau fakafuaʻa ia ʻaki ʻenau ngaahi tamapua kuo tā.   
\q1
\v 59 Pea ʻi he ongoʻi ʻe he ʻOtua ʻae meʻa ni, naʻe houhau ai ia,  
\q2 ʻo fehiʻa lahi ki ʻIsileli:   
\q1
\v 60 Ko ia naʻa ne liʻaki ai ʻae fale fehikitaki ʻo Sailo,  
\q2 ʻae nofoʻanga ko ia naʻe fokotuʻu ʻe ia ʻi he lotolotonga ʻoe kakai;   
\q1
\v 61 ‌ʻO ne tukuange hono mālohi ke pōpula,  
\q2 mo hono nāunau ki he nima ʻoe fili.   
\q1
\v 62 Naʻe fakatukutukuʻi foki ʻe ia hono kakai ki he heletā;  
\q2 pea naʻe houhau ia ki hono tofiʻa.   
\q1
\v 63 Naʻe kai ke ʻosi ʻe he afi honau kau talavou;  
\q2 pea naʻe ʻikai mali ʻenau kau taʻahine.   
\q1
\v 64 Naʻe tō ʻenau kau taulaʻeiki ʻi he heletā;  
\q2 pea naʻe ʻikai fai ha tangi ʻe honau uaifi.   
\q1
\v 65 Pea naʻe toki ʻā ai ʻae ʻEiki ʻo hangē ko ha taha naʻe mohe,  
\q2 pea hangē ko e tangata mālohi ʻoku kalanga ko e meʻa ʻi he uaine.   
\q1
\v 66 Pea naʻe taaʻi ʻe ia hono ngaahi fili ʻi honau potu kimui:  
\q2 naʻa ne tuku ʻakinautolu ke manukia maʻuaipē.   
\q1
\v 67 Pea naʻa ne liʻaki ʻae fale fehikitaki ʻo Siosefa,  
\q2 pea naʻe ʻikai te ne fili ʻae faʻahinga ʻo ʻIfalemi:   
\q1
\v 68 Ka naʻa ne fili ʻae faʻahinga ʻo Siuta,  
\q2 ko e moʻunga ko Saione ʻaia naʻa ne ʻofa ki ai.   
\q1
\v 69 Pea naʻa ne langa hono faletapu ʻo hangē ko e ngaahi fale māʻolunga,  
\q2 ʻo hangē ko e fonua ʻaia kuo fokotuʻumaʻu ke taʻengata.   
\q1
\v 70 Naʻe fili foki ʻe ia ʻa Tevita ko ʻene tamaioʻeiki,  
\q2 ʻo ne toʻo ia mei he ngaahi lotoʻā sipi:   
\q1
\v 71 Naʻa ne ʻomi ia mei heʻene muimui ʻi he fanga sipi fefine naʻe talitali pō,  
\q2 ke ne fafanga ʻa Sēkope ko hono kakai,  
\q2 mo ʻIsileli ko hono tofiʻa.   
\q1
\v 72 Pea naʻa ne fafanga ʻakinautolu ʻo fakatatau ki he angatonu ʻo hono loto;  
\q2 ʻo ne tataki ʻakinautolu ʻi he poto ʻo hono nima.   
\c 79  
\cd \it 1 ʻOku hanu ʻae tangata tohi saame ʻi he maumau ʻo Selūsalema. 8 ʻOku ne lotu kenau moʻui, 13 Mo fakahā te ne ʻatu ʻae fakafetaʻi.\it*  
\d Ko e Saame ʻa ʻAsafi.  
\q1
\v 1 ‌ʻE ʻOtua, kuo hoko ʻae hiteni ki ho tofiʻa;  
\q2 kuo nau fakaʻuliʻi ho faletapu māʻoniʻoni;  
\q2 kuo nau fakalala ʻa Selūsalema ke tafungofunga ia.   
\q1
\v 2 Kuo nau ʻange ʻae sino mate ʻo hoʻo kau tamaioʻeiki ko e meʻakai ki he manupuna ʻoe langi,  
\q2 mo e kakano ʻo hoʻo kakai māʻoniʻoni ki he fanga manu ʻoe fonua.   
\q1
\v 3 Kuo nau lilingi honau toto ʻo hangē ko e vai ʻo takatakai ʻi Selūsalema;  
\q2 pea naʻe ʻikai ha niʻihi ke tanu ʻakinautolu.   
\q1
\v 4 Kuo mau hoko ko e manukiʻanga ʻo homau ngaahi kaungāʻapi,  
\q2 ko e meʻa manuki mo e taukaeʻanga ʻokinautolu ʻoku nofo takatakai ʻiate kimautolu.   
\q1
\v 5 ‌ʻE Sihova, ʻe fēfē hono fuoloa?  
\q2 Te ke houhau ʻo taʻengata?  
\q2 pea vela ho fuaʻa ʻo hangē ko e afi?   
\q1
\v 6 Ke ke lilingi ho houhau ki he hiteni ʻoku teʻeki ai ʻilo koe,  
\q2 pea mo e ngaahi puleʻanga ʻoku teʻeki ai ui ki ho huafa.   
\q1
\v 7 He kuo nau kai ʻo ʻosi ʻa Sēkope,  
\q2 ʻo maumauʻi ke lala hono nofoʻanga.   
\q1
\v 8 ‌ʻoua naʻa ke fakamanatu kiate kimautolu ʻemau ngaahi muʻaki hia:  
\q2 tuku ke tokoni vave ʻakimautolu ʻe hoʻo ʻaloʻofa ongongofua:  
\q2 he kuo ʻohifo ki lalo ʻaupito ʻakimautolu.   
\q1
\v 9 ‌ʻE ʻOtua ko homau fakamoʻui, ke ke tokoni ʻakimautolu, koeʻuhi ko e ongoongolelei ʻo ho huafa:  
\q2 pea fakahaofi ʻakimautolu, ʻo fakamaʻa ke ʻosi ʻemau ngaahi angahala, koeʻuhi ko ho huafa.   
\q1
\v 10 Koeʻumaʻā ʻae lea pehē mai ʻe he hiteni, “Ko e fē honau ʻOtua?”  
\q2 Tuku ke ʻilo ia ʻi he lotolotonga ʻoe hiteni ʻi homau ʻao ʻi he totongi ʻoe toto ʻo hoʻo kau tamaioʻeiki ʻaia kuo huaʻi.   
\q1
\v 11 Tuku ke aʻu ki ho ʻao ʻae ngaahi mafulu ʻae kau nofo pōpula;  
\q2 ke ke fakamoʻui ʻakinautolu kuo tuʻutuʻuni ke mate ʻo fakatatau mo hono lahi ʻo hoʻo māfimafi.   
\q1
\v 12 ‌ʻE ʻEiki, ke ke ʻange ke liunga fitu ki he fatafata ʻo homau kaungāʻapi ʻenau lauʻikovi,  
\q2 ʻaia naʻa nau lauʻikoviʻi ʻaki koe.   
\q1
\v 13 Pea ko kimautolu ko ho kakai mo e fanga sipi ʻo hoʻo ngoue,  
\q2 temau ʻatu ʻae fakafetaʻi kiate koe ʻo taʻengata:  
\q2 temau fakahā atu ho ongoongolelei ki he toʻutangata kotoa pē.   
\c 80  
\cd \it 1 ʻOku hanu ʻae tangata tohi saame ʻi heʻene lotu ʻi he ngaahi mamahi ʻoe siasi. 8 Kuo liliu ʻae meʻaʻofa ʻi muʻa ʻae ʻOtua ko e meʻa fakamamahi. 13 ʻOku lotu ia ke ne moʻui.\it*  
\d Ki he Takimuʻa ʻi he Sosanimi ʻEtuta, ko e Saame ʻa ʻAsafi.  
\q1
\v 1 Fakafanongo ʻae Tauhi ʻo ʻIsileli,  
\q2 ʻa koe ʻoku ke tataki ʻa Siosefa ʻo hangē ko e fanga sipi;  
\q2 ʻa koe ʻoku ke ʻafio ʻi he vahaʻa ʻoe selupimi, ke ke ulo mai.   
\q1
\v 2 ‌ʻI he ʻao ʻo ʻIfalemi mo Penisimani mo Manase ke ke ueʻi hake ho mālohi,  
\q2 pea hāʻele mai ʻo fakamoʻui ʻakimautolu.   
\q1
\v 3 ‌ʻE ʻOtua, ke ke toe fakatafoki ʻakimautolu,  
\q2 pea tuku ke ulo mai ho fofonga;  
\q2 pea te mau moʻui ai.   
\q1
\v 4 ‌ʻE Sihova ko e ʻOtua ʻoe ngaahi kautau,  
\q2 ʻe fēfē hono fuoloa mo hoʻo kei houhau ki he lotu ʻa ho kakai?   
\q1
\v 5 ‌ʻOku ke fafanga ʻaki ʻakinautolu ʻae mā ʻoe loʻimata; pea ʻoku ʻange kiate kinautolu ʻae loʻimata lahi kenau inu.   
\q1
\v 6 ‌ʻOku ke ngaohi ʻakimautolu ko e fekeʻikeʻiʻanga ʻo homau kaungāʻapi:  
\q2 pea ʻoku katakata homau ngaahi fili ʻiate kinautolu.   
\q1
\v 7 ‌ʻE ʻOtua ʻoe ngaahi kautau,  
\q2 ke ke toe fakatafoki ʻakimautolu,  
\q2 pea tuku ke ulo mai ho fofonga;  
\q2 pea te mau moʻui ai.   
\q1
\v 8 Naʻa ke lī kituʻa ʻae hiteni;  
\q2 ka naʻa ke ʻomi ʻae vaine mei ʻIsipite, ʻo tō ia.   
\q1
\v 9 Naʻa ke fakaʻataʻatā \add ʻae potu \add*ʻi hono ʻao,  
\q2 pea naʻa ke fakaaka māʻulalo ia, pea naʻa ne fakapito ʻae fonua.   
\q1
\v 10 Naʻe ʻufiʻufi ʻae ngaahi moʻunga ʻi hono malumalu,  
\q2 pea ko hono ngaahi vaʻa naʻe hangē ko e ngaahi sita ʻae ʻOtua.   
\q1
\v 11 Naʻa ne tuku atu hono ngaahi vaʻa ki he tahi,  
\q2 mo hono ngaahi ʻuluʻulu ki he vaitafe.   
\q1
\v 12 Ko e hā kuo ke hae hifo ai hono ngaahi ʻā,  
\q2 ke toli ia ʻekinautolu kotoa pē ʻoku ʻalu atu ʻi he hala?   
\q1
\v 13 ‌ʻOku maumauʻi ia ʻe he puaka tau mei he vao,  
\q2 ʻoku kai ke ʻosi ia ʻe he fanga manu kaivao.   
\q1
\v 14 ‌ʻE ʻOtua ʻoe ngaahi kautau, ʻoku mau kole kiate koe ke ke foki mai:  
\q2 ʻafio hifo mei he langi, ʻo vakai, mo ʻaʻahi ki he vaine ni;   
\q1
\v 15 Mo e ngoue vaine ʻaia kuo tō ʻe ho nima toʻomataʻu,  
\q2 mo e vaʻa ʻaia naʻa ke ngaohi ke mālohi maʻau.   
\q1
\v 16 Kuo tutu ia ʻaki ʻae afi, kuo tā hifo ia:  
\q2 kuo nau ʻauha ʻi he tautea ʻe ho fofonga.   
\q1
\v 17 Tuku ke hili ho nima ki he tangata ʻo ho nima toʻomataʻu,  
\q2 ki he foha ʻoe tangata ʻaia naʻa ke fakamālohi maʻau.   
\q1
\v 18 Pea ʻe ʻikai ai te mau foki kimui meiate koe:  
\q2 ke ke fakaakeake ʻakimautolu, pea temau ui ki ho huafa.   
\q1
\v 19 ‌ʻE Sihova ko e ʻOtua ʻoe ngaahi kautau, ke ke toe fakatafoki ʻakimautolu,  
\q2 pea tuku ke ulo mai ho fofonga; pea temau moʻui ai.   
\c 81  
\cd \it 1 Ko e enginaki ke fakamālō ki he ʻOtua. 4 ʻOku totonu ke fai ia ki he ʻOtua koeʻuhi ko ʻene ngaahi meʻaʻofa. 8 ʻOku enginakiʻi ʻe he ʻOtua kenau talangofua, ʻo ne fakahā ʻenau talangataʻa, ʻaia ʻoku nau kovi ai.\it*  
\d Ki he Takimuʻa ʻi he Kitita, ko e Saame ʻa ʻAsafi.  
\q1
\v 1 Hiva kalanga ki he ʻOtua ko hotau mālohi,  
\q2 kalanga fakafiefia ki he ʻOtua ʻo Sēkope.   
\q1
\v 2 Toʻo mai ʻae saame, pea ʻomi ʻae kihiʻi lali,  
\q2 mo e haʻape mālie mo e saliteli.   
\q1
\v 3 Ifi mālohi ʻae meʻa lea ʻi he māhina foʻou,  
\q2 ʻi he ʻaho kuo tuʻutuʻuni, ʻi hotau ʻaho kātoanga mamalu.   
\q1
\v 4 He ko e fekau eni ki ʻIsileli,  
\q2 mo e fono ʻae ʻOtua ʻo Sēkope.   
\q1
\v 5 Naʻa ne tuʻutuʻuni eni ʻia Siosefa ko e fakamoʻoni,  
\q2 ʻi heʻene ʻalu atu ʻi he fonua ko ʻIsipite:  
\q2 ʻaia naʻaku fanongo ai ki he lea naʻe ʻikai te u ʻiloa.   
\q1
\v 6 “Naʻaku hiki ʻae kavenga mei hono uma:  
\q2 naʻe hao hono nima mei he ngaahi kato.   
\q1
\v 7 Naʻa ke ui ʻi he mamahi, pea ne u fakamoʻui koe:  
\q2 naʻaku talia koe ʻi he potu lilo ʻoe mana: ne u ʻahiʻahiʻi koe ʻi he vai ʻo Melipa. \qs Sila.\qs*   
\q1
\v 8 Fanongo, ʻE hoku kakai,  
\q2 pea te u fakapapau kiate koe:  
\q2 ʻE ʻIsileli, kapau te ke tokanga mai kiate au;   
\q1
\v 9 ‌ʻOua naʻa fokotuʻu ha ʻotua foʻou kiate koe:  
\q2 pea ʻe ʻikai te ke hū ki ha ʻotua foʻou.   
\q1
\v 10 Ko au Sihova ko ho ʻOtua,  
\q2 naʻaku ʻomi koe mei he fonua ko ʻIsipite:  
\q2 fakamanga ho ngutu ke lahi, pea te u fakafonu ia.   
\q1
\v 11 “Ka naʻe ʻikai fie tokanga ʻa hoku kakai ki hoku leʻo;  
\q2 pea naʻe ʻikai manako ʻa ʻIsileli kiate au.   
\q1
\v 12 Ko ia ne u fakatukutukuʻi ai ʻakinautolu ki he holi kovi ʻa honau loto:  
\q2 pea naʻa nau ʻaʻeva ʻi heʻenau ngaahi filioʻi.   
\q1
\v 13 ‌ʻAmusiaange ʻeau kuo tokanga ʻa hoku kakai kiate au,  
\q2 pea ʻeveʻeva ʻa ʻIsileli ʻi hoku ngaahi hala!   
\q1
\v 14 Pehē, kuo u fakavaivaiʻi leva honau ngaahi fili,  
\q2 ʻo mafao atu hoku nima ki honau kau fakamamahi.   
\q1
\v 15 Pea ko e kau fehiʻa kia Sihova kuo nau fakavaivai ʻakinautolu kiate ia:  
\q2 ka ʻe tolonga ʻo taʻengata honau ngaahi ʻaho.   
\q1
\v 16 Kuo ne fafanga foki ʻakinautolu ʻaki ʻae uite mātuʻaki lelei:  
\q2 pea u fakamākona ʻaki ʻakinautolu ʻae hone mei he maka.”   
\c 82  
\cd \it 1 ʻOku enginakiʻi ʻe he tangata tohi saame ʻae kau fakamaau, 5 Pea ne valoki ʻenau taʻetokanga. 9 ʻOku ne kole ki he ʻOtua ke ne fakamaau.\it*  
\d Ko e Saame ʻa ʻAsafi.  
\q1
\v 1 ‌ʻOku ʻafio ʻae ʻOtua ʻi he fakataha ʻoe kau mālohi;  
\q2 ʻoku ne fakamaau ʻi he lotolotonga ʻoe ngaahi ʻotua.   
\q1
\v 2 “ʻE fēfē hono fuoloa mo hoʻomou fakamaau taʻetotonu,  
\q2 pea filifilimānako ki he kakai angahala?” \qs Sila.\qs*   
\q1
\v 3 “Fakamaau ʻae paea mo e tamai mate:  
\q2 fai angatonu ki he mamahi mo e masiva.   
\q1
\v 4 Fakahaofi ʻae masiva mo e paea:  
\q2 fakamoʻui ʻakinautolu mei he nima ʻoe kau angahala.”   
\q1
\v 5 ‌ʻOku ʻikai te nau ʻilo,  
\q2 pea ʻoku ʻikai te nau fie ʻilo;  
\q2 ʻoku nau ʻalu pē ʻi he poʻuli:  
\q2 kuo ueʻi ʻae ngaahi tuʻunga kotoa pē ʻo māmani.   
\q1
\v 6 Naʻaku pehē, “Ko e ngaahi ʻotua ʻakimoutolu;  
\q2 pea ko e fānau ʻae Fungani Māʻolunga ʻakimoutolu kotoa pē.   
\q1
\v 7 Ka temou mate ʻo hangē ko e kau tangata,  
\q2 pea tō ʻo hangē ko e tokotaha ʻoe houʻeiki.”   
\q1
\v 8 Tuʻu hake, ʻE ʻOtua, fakamaau ʻa māmani:  
\q2 he te ke maʻu ʻae puleʻanga kotoa pē.   
\c 83  
\cd \it 1 Ko e lāunga ki he ʻOtua ʻi he angatuʻu ʻae ngaahi fili. 9 Ko e lotu koeʻuhi ko kinautolu ʻoku taʻomi ʻae siasi.\it*  
\d Ko e Hiva pe ko e Saame ʻa ʻAsafi.  
\q1
\v 1 ‌ʻE ʻOtua, ʻoua naʻa ke fakalongo pē:  
\q2 ʻE ʻOtua, ʻoua naʻa ke taʻeʻafioʻi, pea ʻoua naʻa ke nofo pē.   
\q1
\v 2 Vakai, ʻoku fakatupu maveuveu ʻe ho ngaahi fili:  
\q2 pea ko kinautolu ʻoku fehiʻa kiate koe kuo nau hiki hake honau ʻulu.   
\q1
\v 3 Naʻa nau alea fakalilolilo ki hoʻo kakai,  
\q2 pea nau fakakaukau fakataha ki he kakai ʻoku ke maluʻi.   
\q1
\v 4 Naʻa nau pehē, “Haʻu, ketau fakaʻauha ʻakinautolu ke ʻoua naʻa toe ui ʻakinautolu ko e puleʻanga;  
\q2 ke ʻoua naʻa kei manatu ki he hingoa ʻo ʻIsileli.”   
\q1
\v 5 He kuo nau fakakaukau ʻi he loto taha:  
\q2 ʻoku nau fuakava ʻo angatuʻu kiate koe:   
\q1
\v 6 Ko e ngaahi fale fehikitaki ʻo ʻItomi, mo e kau ʻIsimeʻeli;  
\q2 ʻa Moape, mo e hako ʻo Hekaʻā;   
\q1
\v 7 ‌ʻA Kepale, mo ʻAmoni, mo ʻAmaleki,  
\q2 ko e kau Filisitia mo e kakai ʻo Taia;   
\q1
\v 8 ‌ʻOku fakataha mo kinautolu foki ʻa ʻAsilia:  
\q2 kuo nau tokoni ki he fānau ʻa Lote. \qs Sila.\qs*   
\q1
\v 9 Fai kiate kinautolu ʻo hangē ko hoʻo fai ki he kau Mitiani;  
\q2 ʻo hangē ko Sisela, mo Sapini, ʻi he vaitafe ʻo Kisoni:   
\q1
\v 10 ‌ʻAia naʻe ʻauha ʻi Enitoa:  
\q2 naʻa nau hoko ʻo hangē ko e kinohaʻa ki he kelekele.   
\q1
\v 11 Ngaohi honau ngaahi ʻeiki ke hangē ko Olipi, pea tatau mo Siipi:  
\q2 ʻio, ʻa ʻenau houʻeiki kotoa pē ʻo hangē ko Sipaa, mo Salimuna.   
\q1
\v 12 ‌ʻAia naʻa nau pehē, “Ketau maʻu ʻae ngaahi fale ʻoe ʻOtua moʻotautolu.”   
\q1
\v 13 ‌ʻE hoku ʻOtua, ke ke ngaohi ʻakinautolu ke hangē ko e teka;  
\q2 ke hangē ko e veve ʻoku vilingia ʻi he matangi.   
\q1
\v 14 ‌ʻO hangē ko e vela ʻoe vao ʻakau ʻi he afi,  
\q2 pea hangē kuo tutu ʻae ngaahi moʻunga ʻe he ulo afi.   
\q1
\v 15 Ke fakatanga pehē ʻakinautolu ʻaki hoʻo fuʻu taufa,  
\q2 pea fakamanavahēʻi ʻakinautolu ʻaki hoʻo afā.   
\q1
\v 16 ‌ʻE Sihova, fakafonu honau mata ʻi he mā;  
\q2 koeʻuhi kenau kumi ki ho huafa.   
\q1
\v 17 Tuku kenau puputuʻu mo mamahi ʻo taʻengata;  
\q2 ʻio, tuku ke mā mo ʻauha ʻakinautolu.   
\q1
\v 18 Koeʻuhi ke ʻilo ʻe he kakai ko koe, ko ho huafa ʻoʻou ko Sihova,  
\q2 ko e Fungani Māʻolunga ʻi māmani kotoa pē.   
\c 84  
\cd \it 1 ʻOku holi ʻae palōfita ki he fakataha ʻi he falelotu, 4 Pea ne fakahā ʻae monūʻia ʻokinautolu ʻoku nofo ai. 8 ʻOku lotu ke ne toe kau ai.\it*  
\d Ki he Takimuʻa ʻi he Kitita, ko e Saame ki he ngaahi foha ʻo Kola.  
\q1
\v 1 ‌ʻE Sihova ʻoe ngaahi kautau,  
\q2 ʻoku lelei lahi ho ngaahi fale fehikitaki!   
\q1
\v 2 ‌ʻOku holi hoku laumālie, ʻio, ʻoku ou vaivai ʻi he fie ʻalu ki he ngaahi lotoʻā ʻo Sihova;  
\q2 ʻoku tangi kalanga hoku loto mo hoku kakano ki he ʻOtua moʻui.   
\q1
\v 3 ‌ʻIo, kuo ʻilo ʻe he hikiʻi manupuna ʻae fale,  
\q2 mo e kulukulu ha pununga maʻana, ʻaia te ne tuku ki ai ʻene fānau,  
\q2 ʻio, ko ho ngaahi feilaulauʻanga, ʻE Sihova ʻoe ngaahi kautau, ko hoku Tuʻi, mo hoku ʻOtua.   
\q1
\v 4 ‌ʻOku monūʻia ʻakinautolu ʻoku nofo ʻi ho fale:  
\q2 tenau kei fakafetaʻi pe kiate koe. \qs Sila.\qs*   
\q1
\v 5 ‌ʻOku monūʻia ʻae tangata ʻoku ʻiate koe hono mālohi;  
\q2 ʻoku ʻi hono loto ʻae ngaahi hala.   
\q1
\v 6 Pea ʻi heʻenau ʻalu ʻi he toafa ʻo Peka ʻoku ngaohi ia ko e matavai;  
\q2 ʻoku fakafonu foki ʻe he ʻuha ʻae ngaahi lepa.   
\q1
\v 7 ‌ʻOku nau ʻalu ʻi he mālohi ki he mālohi,  
\q2 ʻo fakahā taki taha kotoa pē ia ʻi he ʻao ʻoe ʻOtua ʻi Saione.   
\q1
\v 8 ‌ʻE Sihova ko e ʻOtua ʻoe ngaahi kautau,  
\q2 ke ke fanongo ki heʻeku lotu:  
\q2 fakafanongo, ʻE ʻOtua ʻo Sēkope. \qs Sila.\qs*   
\q1
\v 9 Vakai, ʻE ʻOtua ko homau fakaū,  
\q2 mo ke ʻafio ki he fofonga ʻo hoʻo pani.   
\q1
\v 10 He ʻoku lelei lahi hake ʻae ʻaho pe taha ʻi ho ngaahi loto ʻā,  
\q2 ʻi he ʻaho ʻe taha afe.  
\q2 ʻOku ou fili muʻa ke u nofo ko e leʻo matapā ʻi he fale ʻo hoku ʻOtua,  
\q2 ʻi heʻeku nofo ʻi he ngaahi nofoʻanga ʻoe kovi.   
\q1
\v 11 He ko Sihova ko e ʻOtua ko e laʻā ia mo e fakaū:  
\q2 ʻe foaki ʻe Sihova ʻae ʻaloʻofa mo e nāunau:  
\q2 ʻe ʻikai te ne taʻofi ha meʻa lelei ʻe taha meiate kinautolu ʻoku ʻaʻeva totonu.   
\q1
\v 12 ‌ʻE Sihova ʻoe ngaahi kautau,  
\q2 ʻoku monūʻia ʻae tangata ʻoku falala kiate koe.   
\c 85  
\cd \it 1 ʻOku ongoʻi ʻe he tangata tohi saame ʻae ʻofa ʻae ʻOtua, pea ʻoku ne kole ke maʻu pe kiate ia. 8 ʻOku ne fuakava te ne tatali ki ai, ʻi he loto falala ki he angalelei ʻae ʻOtua.\it*  
\d Ki he Takimuʻa, ko e Saame ki he ngaahi foha ʻo Kola.  
\q1
\v 1 ‌ʻE Sihova, kuo ke finangalo lelei ki ho fonua:  
\q2 kuo ke toe ʻomi ʻa Sēkope mei he pōpula.   
\q1
\v 2 Kuo ke fakamolemole ʻae hia ʻa hoʻo kakai,  
\q2 kuo ke ʻufiʻufi ʻenau angahala kotoa pē. \qs Sila.\qs*   
\q1
\v 3 Kuo ke toʻo ʻo ʻave ho houhau kotoa pē:  
\q2 kuo ke fakatafoki koe mei he kakaha ʻo ho houhau.   
\q1
\v 4 Fakatafoki ʻakimautolu, ʻE ʻOtua ʻo ʻemau moʻui,  
\q2 pea ke fakangata ho houhau kiate kimautolu.   
\q1
\v 5 Te ke houhau kiate kimautolu ke taʻengata?  
\q2 Te ke toloi atu ho houhau ki he toʻutangata kotoa pē?   
\q1
\v 6 ‌ʻIkai te ke toe fakaakeake ʻakimautolu:  
\q2 koeʻuhi ke fiefia hoʻo kakai ʻiate koe?   
\q1
\v 7 Fakahā kiate kimautolu hoʻo ʻaloʻofa, ʻE Sihova,  
\q2 mo ke tuku kiate kimautolu ʻa hoʻo fakamoʻui.   
\q1
\v 8 Te u fanongo ki he folofola ʻae ʻOtua ko Sihova:  
\q2 he te ne folofolaʻaki ʻae melino ki hono kakai, pea ki heʻene kau māʻoniʻoni:  
\q2 kaeʻoua naʻa nau toe tafoki ki he kovi.   
\q1
\v 9 Ko e moʻoni ʻoku ofi ʻene fakamoʻui kiate kinautolu ʻoku manavahē kiate ia,  
\q2 koeʻuhi ke nofo ʻae monūʻia ʻi hotau fonua.   
\q1
\v 10 Kuo fakafetaulaki ʻae ʻaloʻofa mo e moʻoni;  
\q2 ko e māʻoniʻoni mo e melino kuo na toutou fekita.   
\q1
\v 11 ‌ʻE tupu hake ʻae moʻoni mei he kelekele;  
\q2 pea ʻe sio hifo ʻae māʻoniʻoni mei he langi.   
\q1
\v 12 ‌ʻIo, ʻe foaki ʻe Sihova ʻaia ʻoku lelei;  
\q2 pea ʻe tuku mai hono fua ʻe hotau fonua.   
\q1
\v 13 ‌ʻE muʻomuʻa ʻiate ia ʻae māʻoniʻoni,  
\q2 ʻo ne fokotuʻu hotau vaʻe ʻi hono hala.   
\c 86  
\cd \it 1 Ko e tokoni ʻaki ʻe Tevita ʻene hū ʻi heʻene ʻiloʻi ʻae ʻofa, mo e angalelei, mo e mālohi ʻae ʻOtua. 11 ʻOku ne holi ke ne maʻu pe ʻae hala ʻo ia. 14 ʻOku hanu ia ʻi he kau fielahi, pea ne kole fakaʻilonga ki he angalelei ʻae ʻOtua.\it*  
\d Ko e Lotu ʻa Tevita.  
\q1
\v 1 ‌ʻE Sihova, ke ke fofonga mai, ʻo fanongo kiate au:  
\q2 he ʻoku ou masiva mo mamahi.   
\q1
\v 2 Fakamoʻui hoku laumālie; he ʻoku ou māʻoniʻoni:  
\q2 ʻa koe ko hoku ʻOtua, fakamoʻui hoʻo tamaioʻeiki ʻaia ʻoku falala kiate koe.   
\q1
\v 3 ‌ʻE ʻEiki, ke ke ʻaloʻofa kiate au:  
\q2 he ʻoku ou tangi kiate koe ʻi he ʻaho kotoa pē.   
\q1
\v 4 ‌ʻE ʻEiki, fakafiefiaʻi ʻae laumālie ʻo hoʻo tamaioʻeiki:  
\q2 he ʻoku ou hiki hake hoku laumālie kiate koe.   
\q1
\v 5 He ko koe, ʻE ʻEiki ʻoku ke angalelei, pea faʻa fakamolemole;  
\q2 pea mohu ʻaloʻofa kiate kinautolu kotoa pē ʻoku ui kiate koe.   
\q1
\v 6 Fanongo, ʻE Sihova, ki heʻeku lotu  
\q2 pea tokanga ki he leʻo ʻo ʻeku ngaahi lotu tāumaʻu.   
\q1
\v 7 ‌ʻI he ʻaho ʻo ʻeku mamahi te u ui kiate koe;  
\q2 he te ke talia au.   
\q1
\v 8 ‌ʻE ʻEiki, ʻoku ʻikai ha tokotaha ʻi he ngaahi ʻotua ʻoku tatau mo koe;  
\q2 pea ʻoku ʻikai ha ngāue ʻe hangē ko hoʻo ngaahi ngāue.   
\q1
\v 9 ‌ʻE ʻEiki, ʻe haʻu ʻo hū ʻi ho ʻao ʻae ngaahi puleʻanga kotoa pē naʻa ke ngaohi;  
\q2 pea tenau fakaongoongoleleiʻi ho huafa.   
\q1
\v 10 He ʻoku ke lahi, pea ʻoku ke fai ʻae ngaahi meʻa mana:  
\q2 ko koe pē ko e ʻOtua.   
\q1
\v 11 ‌ʻE Sihova, ako kiate au ho hala;  
\q2 te u ʻeveʻeva ʻi hoʻo moʻoni:  
\q2 ngaohi ke taha pē hoku loto ke manavahē ki ho huafa.   
\q1
\v 12 ‌ʻE ʻEiki ko hoku ʻOtua, te u fakafetaʻi kiate koe ʻaki hoku loto kotoa:  
\q2 pea te u fakaongoongolelei ho huafa ʻo taʻengata.   
\q1
\v 13 He ʻoku lahi hoʻo ʻaloʻofa kiate au:  
\q2 pea kuo ke fakamoʻui hoku laumālie mei he loto heli.   
\q1
\v 14 ‌ʻE ʻOtua, kuo tuʻu hake kiate au ʻae kau fielahi,  
\q2 pea naʻe kumi hoku laumālie ʻe he ngaahi fakataha ʻoe kau fakamālohi;  
\q2 pea ʻoku ʻikai tenau fokotuʻu ʻa hoʻo ʻafio ʻi honau ʻao.   
\q1
\v 15 Ka ko koe, ʻE ʻEiki, ko e ʻOtua ʻoku fonu ʻi he manavaʻofa, mo e angalelei,  
\q2 ʻoku ke kātaki fuoloa, pea mohu ʻaloʻofa mo e moʻoni.   
\q1
\v 16 Ke ke tafoki mai kiate au, pea ʻaloʻofa kiate au;  
\q2 foaki ho mālohi ki hoʻo tamaioʻeiki,  
\q2 pea fakamoʻui ʻae tama ʻa hoʻo kaunanga.   
\q1
\v 17 Fakahā kiate au ʻae fakaʻilonga ʻoe lelei;  
\q2 koeʻuhi ke mamata ki ai ʻakinautolu ʻoku fehiʻa kiate au, pea mā ai:  
\q2 koeʻuhi kuo ke tokoniʻi au, ʻE Sihova, ʻo fakafiemālieʻi au.   
\c 87  
\cd \it 1 Ko e anga mo e nāunau ʻoe siasi. 4 Ko e tupulaki, mo e ongoongolelei, mo e fiemālie ʻoe kau lotu.\it*  
\d Ko e Saame pe ko e Hiva ki he ngaahi foha ʻo Kola.  
\q1
\v 1 Ko hono tuʻunga ʻoku ʻi he ngaahi moʻunga māʻoniʻoni.   
\q1
\v 2 ‌ʻOku ʻofa lahi hake ʻa Sihova ki he ngaahi matapā ʻo Saione,  
\q2 ʻi he ngaahi nofoʻanga kotoa pē ʻo Sēkope.   
\q1
\v 3 ‌ʻA e kolo ʻoe ʻOtua, ʻoku talanoa ʻaki ʻae ngaahi meʻa ongoongolelei ʻiate koe. \qs Sila.\qs*   
\q1
\v 4 “Te u fakahā ʻa Lehapi mo Papilone kiate kinautolu ʻoku ʻiloʻi au:  
\q2 vakai, ko Filisitia, mo Taia, mo ʻItiopea;  
\q2 “naʻe fanauʻi ʻi ai ʻae tangata ni.”   
\q1
\v 5 Pea ʻe lau pehē ki Saione,  
\q2 “Ko e tangata ni mo e tangata na naʻe fanauʻi ʻi ai”:  
\q2 pea ʻe fakatuʻumaʻu ia ʻe he Fungani Māʻolunga.   
\q1
\v 6 ‌ʻE lau ʻe Sihova, ʻi heʻene tohi ʻae kakai,  
\q2 “ko e tangata ni naʻe fanauʻi ʻi ai.” \qs Sila.\qs*   
\q1
\v 7 ‌ʻE ʻi ai fakatouʻosi ʻae kau hiva mo e kau pulotu ʻoe ngaahi meʻa faiva:  
\q2 “ko ʻeku ngaahi matavai kotoa pē ʻoku ʻiate koe.”   
\c 88  
\cd \it 1–8 Ko e lotu ʻi he mamahi lahi.\it*  
\d Ko e Hiva pe ko e Saame ki he ngaahi foha ʻo Kola, ki he Takimuʻa ʻi he Mahalati Leanoti, ko e akonaki ʻa Hemani ʻi he faʻahinga ʻo Esela.  
\q1
\v 1 ‌ʻE Sihova ko e ʻOtua ʻo ʻeku moʻui,  
\q2 naʻaku tangi ʻi he ʻaho mo e pō ʻi ho ʻao:   
\q1
\v 2 Tuku ke aʻu atu ʻeku lotu ki ho ʻao ke ke fofonga mai ki heʻeku tangi;   
\q1
\v 3 He ʻoku fonu hoku laumālie ʻi he mamahi:  
\q2 pea ʻoku fakaʻaʻau ʻeku moʻui ki he faʻitoka.   
\q1
\v 4 ‌ʻOku lau fakataha au mo kinautolu ʻoku ʻalu hifo ki he luo:  
\q2 ʻoku ou hangē ha tangata ʻoku ʻikai hano mālohi:   
\q1
\v 5 ‌ʻO tauʻatāina mo e kakai mate,  
\q2 ʻo hangē ko e kakai kuo tāmateʻi ʻoku tokoto ʻi he faʻitoka,  
\q2 ʻakinautolu ʻoku ʻikai te ke kei manatuʻi:  
\q2 pea kuo motuhi ʻakinautolu ʻe ho nima.   
\q1
\v 6 Kuo ke tuku au ʻi he luo taumamaʻo,  
\q2 ʻi he fakapoʻuli,  
\q2 ʻi he ngaahi loloto.   
\q1
\v 7 ‌ʻOku tataʻo mamafa ho houhau ʻiate au,  
\q2 pea kuo ke fakamamahiʻi au ʻaki hoʻo ngaahi peau kotoa pē. \qs Sila.\qs*   
\q1
\v 8 Kuo ke fakamamaʻo atu hoku ngaahi kaumeʻa;  
\q2 kuo ke ngaohi au ko e meʻa fakalielia kiate kinautolu:  
\q2 kuo ʻākilotoa au, pea ʻoku ʻikai te u faʻa ʻalu atu.   
\q1
\v 9 ‌ʻOku vaivai hoku mata ko e meʻa ʻi he mamahi:  
\q2 ʻE Sihova, ʻoku ou ui kiate koe ʻi he ʻaho kotoa pē,  
\q2 kuo u mafao atu hoku nima kiate koe.   
\q1
\v 10 Te ke fakahā ʻae ngaahi meʻa mana ki he mate?  
\q2 ʻE tuʻu hake ʻae mate ʻo fakafetaʻi kiate koe? \qs Sila.\qs*   
\q1
\v 11 ‌ʻE fakahā atu ʻa hoʻo ʻaloʻofa ʻi he faʻitoka?  
\q2 Pe ko hoʻo moʻoni ʻi he fakaʻauha?   
\q1
\v 12 ‌ʻE ʻiloʻi hoʻo ngaahi ngāue fakaofo ʻi he poʻuli?  
\q2 Mo hoʻo māʻoniʻoni ʻi he fonua ʻoe fakangalo?   
\q1
\v 13 Ka naʻaku tangi kiate koe, ʻE Sihova;  
\q2 pea ʻi he pongipongi ʻe aʻu atu kiate koe ʻeku lotu.   
\q1
\v 14 ‌ʻE Sihova, ko e hā ʻoku ke liʻaki ai ʻa hoku laumālie?  
\q2 Ko e hā ʻoku ke fufū ai ho fofonga ʻiate au?   
\q1
\v 15 ‌ʻOku ou mamahi, pea meimei mate talu ʻeku kei talavou:  
\q2 ʻi heʻeku kātaki hoʻo ngaahi meʻa fakailifia ʻoku ou feinga ai ʻaupito.   
\q1
\v 16 Kuo lōfia au ʻe ho houhau lahi;  
\q2 kuo motuhi au ʻe hoʻo ngaahi fakailifia.   
\q1
\v 17 Naʻa nau kāpui au ʻi he ʻaho kotoa pē ʻo hangē ko e vai;  
\q2 naʻa nau fakataha ʻo takatakai au.   
\q1
\v 18 Ko e kaumeʻaʻofa mo e kāinga kuo ke fakamamaʻo atu ʻiate au,  
\q2 mo hoku kaumeʻa ki he poʻuli.   
\c 89  
\cd \it 1 ʻOku fakamālō ʻe he tangata tohi saame ki he ʻOtua koeʻuhi ko ʻene fuakava, 5 Mo hono mālohi lahi, 15 Mo ʻene tokanga ki hono siasi, 19 Mo ʻene ʻofa ki he puleʻanga ʻo Tevita. 38 ʻOku ne lāunga koeʻuhi ko e ngaahi meʻa kovi. 46 ʻOku ne ʻeke, mo lotu, pea fakafetaʻi ki he ʻOtua.\it*  
\d Ko e Saame akonaki ʻa Itani ʻi he faʻahinga ʻo Esela.  
\q1
\v 1 Te u hiva ʻaki ʻae ngaahi ʻaloʻofa ʻa Sihova ʻo taʻengata:  
\q2 te u fakaʻilo ʻaki hoku ngutu ʻa hoʻo moʻoni ki he toʻutangata kotoa pē.   
\q1
\v 2 He naʻaku pehē, “ʻE fokotuʻumaʻu pē ʻa e ʻaloʻofa ʻo taʻengata:  
\q2 ko hoʻo moʻoni te ke fakatuʻumaʻu ʻi he ngaahi langi.”   
\b  
\q1
\v 3 Kuo u fai ʻae fuakava mo ʻeku fili,  
\q2 kuo u fuakava ki heʻeku tamaioʻeiki ko Tevita.   
\q1
\v 4 “Te u fakatuʻumaʻu ho hako ʻo taʻengata,  
\q2 te u fokotuʻu ho puleʻanga ki he toʻutangata kotoa pē.” \qs Sila.\qs*   
\q1
\v 5 Pea ʻe fakamālō ʻe he ngaahi langi ki hoʻo ngaahi ngāue fakaofo, ʻE Sihova:  
\q2 mo hoʻo moʻoni foki ʻi he fakataha ʻoe kau māʻoniʻoni.   
\q1
\v 6 He ko hai ʻi he langi ʻe fakatatau ia kia Sihova?  
\q2 Ko hai ʻi he ngaahi foha ʻoe mālohi ʻe faʻa fakatatau kia Sihova?   
\q1
\v 7 ‌ʻOku totonu ke manavahē lahi ki he ʻOtua ʻi he fakataha ʻoe kau māʻoniʻoni,  
\q2 pea ke fakaʻapaʻapa ʻakinautolu kotoa pē ʻoku tuʻu takatakai kiate ia.   
\q1
\v 8 ‌ʻE Sihova ko e ʻOtua ʻoe ngaahi kautau, ko hai ʻoku tatau mo koe ko Sihova māfimafi?  
\q2 Pea ko hoʻo moʻoni ʻoku kāpui koe.   
\q1
\v 9 ‌ʻOku ke puleʻi ʻae ngaue mālohi ʻoe tahi:  
\q2 ʻoka hou hono ngaahi peau, ʻoku ke fakatofukī ia.   
\q1
\v 10 Kuo ke fesiʻi ʻa Lehapi ke lailai, ʻo hangē ha taha kuo tāmateʻi;  
\q2 kuo fakahēʻi ho ngaahi fili ʻaki ho nima mālohi.   
\q1
\v 11 ‌ʻOku ʻoʻou ʻae ngaahi langi,  
\q2 pea ʻoku ʻoʻou foki mo e fonua: ko māmani mo hono fonu  
\q2 ʻo ia kuo ke fakatuʻumaʻu ia.   
\q1
\v 12 Kuo ke ngaohi ʻae potu tokelau mo e potu tonga:  
\q2 ko Tepoa mo Heamoni ʻe fiefia ʻi ho huafa.   
\q1
\v 13 ‌ʻOku ʻiate koe ʻae nima māfimafi ʻoku mālohi ho nima,  
\q2 pea māʻolunga ho nima toʻomataʻu.   
\q1
\v 14 Ko e angatonu mo e fakamaau ko e tuʻunga ia ʻo ho ʻafioʻanga:  
\q2 ʻe muʻomuʻa ʻi ho ʻao ʻae ʻaloʻofa mo e moʻoni.   
\q1
\v 15 ‌ʻOku monūʻia ʻae kakai ʻoku nau ʻiloʻi ʻae ongoongo fakafiefia:  
\q2 tenau ʻaʻeva, ʻE Sihova, ʻi he maama ʻo ho fofonga.   
\q1
\v 16 Te nau fiefia ʻi ho huafa ʻi he ʻaho kotoa pē:  
\q2 pea ʻi hoʻo māʻoniʻoni ʻe hakeakiʻi ai ʻakinautolu.   
\q1
\v 17 He ko koe ko e vikivikiʻanga ʻo honau mālohi:  
\q2 pea ʻi hoʻo ʻofa ʻe hiki ai ki ʻolunga honau nifo.   
\q1
\v 18 He ko homau hūfanga ʻa Sihova;  
\q2 pea ko e tokotaha māʻoniʻoni ʻo ʻIsileli ko homau tuʻi.   
\q1
\v 19 Pea naʻa ke toki folofola ʻi he meʻa ha mai ki hoʻo tokotaha māʻoniʻoni,  
\q2 ʻo pehē, “Kuo u hilifaki ʻae tokoni ki ha tokotaha ʻoku mālohi;  
\q2 kuo u fakahikihiki ʻae tokotaha kuo fili mei he kakai.   
\q1
\v 20 Kuo u ʻiloʻi ʻa Tevita ko ʻeku tamaioʻeiki;  
\q2 pea kuo u tākai ʻaki ia ʻa ʻeku lolo māʻoniʻoni:   
\q1
\v 21 ‌ʻE tuʻumaʻu hoku nima mo ia:  
\q2 ko hoku nima foki ʻe fakamālohiʻi ia.   
\q1
\v 22 ‌ʻE ʻikai fai fakamālohi kiate ia ʻe he fili;  
\q2 pe fakamamahiʻi ia ʻe he foha ʻoe angakovi.   
\q1
\v 23 Pea te u taaʻi hifo hono ngaahi fili ʻi hono ʻao,  
\q2 pea tautea ʻakinautolu ʻoku fehiʻa kiate ia.   
\q1
\v 24 Ka ʻe ʻiate ia ʻa ʻeku moʻoni mo ʻeku ʻaloʻofa:  
\q2 pea ʻi hoku huafa ʻe hiki ki ʻolunga ai ʻa hono nifo.   
\q1
\v 25 Te u ʻai foki hono nima ki he tahi,  
\q2 mo hono nima toʻomataʻu ki he ngaahi vaitafe.   
\q1
\v 26 ‌ʻE tangi ia kiate au, ‘Ko koe ko ʻeku Tamai,  
\q2 ko hoku ʻOtua, mo e maka ʻo hoku fakamoʻui.’   
\q1
\v 27 Pea te u ngaohi foki ia ko hoku ʻuluaki foha,  
\q2 ʻe māʻolunga lahi ia ʻi he ngaahi tuʻi ʻo māmani.   
\q1
\v 28 Te u tuku ʻeku ʻaloʻofa maʻana ʻo taʻengata,  
\q2 pea ʻe tuʻumaʻu ʻeku fuakava mo ia.   
\q1
\v 29 Te u ngaohi foki hono hako kenau tolonga ʻo taʻengata,  
\q2 mo hono nofoʻa ʻo hangē ko e ngaahi ʻaho ʻoe langi.   
\q1
\v 30 “Kapau ʻe liʻaki ʻeku akonaki ʻe heʻene fānau,  
\q2 ʻo ʻikai ʻaʻeva ʻi heʻeku ngaahi fakamaau;   
\q1
\v 31 Kapau tenau maumauʻi ʻeku ngaahi tuʻutuʻuni,  
\q2 pea ʻikai tauhi ʻeku ngaahi fekau;   
\q1
\v 32 Pea te u toki ʻaʻahi ʻenau ngaahi talangataʻa ʻaki ʻae meʻa kini,  
\q2 mo ʻenau hia ʻaki ʻae ngaahi tā.   
\q1
\v 33 Ka ʻe ʻikai te u hiki ʻaupito ʻeku manavaʻofa ʻiate ia,  
\q2 pe tuku taʻehoko ʻa ʻeku moʻoni.   
\q1
\v 34 ‌ʻE ʻikai te u liʻaki ʻeku fuakava,  
\q2 pe fakakehe ʻae meʻa kuo ʻalu atu ʻi hoku loungutu.   
\q1
\v 35 “Kuo u fuakava tuʻo taha ʻi heʻeku māʻoniʻoni ʻe ʻikai te u loi kia Tevita.   
\q1
\v 36 ‌ʻE tolonga ʻene fānau ʻo taʻengata,  
\q2 mo hono nofoʻa ʻo hangē ko e laʻā ʻi hoku ʻao.   
\q1
\v 37 ‌ʻE fakatuʻumaʻu ia ke taʻengata ʻo hangē ko e māhina,  
\q2 pea hangē ko e fakamoʻoni ʻi he langi.” \qs Sila.\qs*   
\q1
\v 38 Ka kuo liʻaki mo fākaliliʻa,  
\q2 mo ke houhau kiate ia naʻa ke pani.   
\q1
\v 39 Kuo ke fakataʻeʻaongaʻi ʻae fuakava ʻa hoʻo tamaioʻeiki:  
\q2 kuo ke fakakoviʻi hono tatā ʻi hoʻo lī ia ki he kelekele.   
\q1
\v 40 Kuo ke maumauʻi hifo hono ngaahi ʻā kotoa pē;  
\q2 kuo ke fakaʻauha hono ngaahi potu mālohi.   
\q1
\v 41 Ko kinautolu kotoa pē ʻoku ʻalu ʻi he hala ʻoku nau kaihaʻa ʻiate ia:  
\q2 ko e manukiʻanga ia ʻo hono ngaahi kaungāʻapi.   
\q1
\v 42 Kuo ke hiki hake ʻae nima toʻomataʻu ʻo hono ngaahi fili;  
\q2 kuo ke fakafiefiaʻi ʻa hono ngaahi fili kotoa pē.   
\q1
\v 43 Kuo ke liliu foki ʻae mata ʻo ʻene heletā,  
\q2 pea ʻe ʻikai te ke ngaohi ia ke tuʻu ʻi he tau.   
\q1
\v 44 Kuo ke fakaʻosi hono nāunau,  
\q2 pea lī hono nofoʻa ki he kelekele.   
\q1
\v 45 Kuo ke fakafuonounou ʻae ngaahi ʻaho ʻo ʻene talavou:  
\q2 kuo ke ʻufiʻufi ʻaki ia ʻae mā. \qs Sila.\qs*   
\q1
\v 46 ‌ʻE Sihova, ʻe fēfē hono fuoloa?  
\q2 Te ke fakafufū koe ʻo taʻengata?  
\q2 ʻE vela ho houhau ʻo hangē ko e afi?   
\q1
\v 47 Manatu ki hono fuonounou ʻo ʻeku moʻui:  
\q2 ko e hā kuo ke ngaohi ʻae kakai kotoa pē ke taʻeʻaonga?   
\q1
\v 48 Ko hai ʻae tangata ko ia ʻoku moʻui,  
\q2 pea ʻe ʻikai te ne mamata ki he mate? ʻE fakamoʻui ʻe ia ʻa hono laumālie mei he nima ʻoe faʻitoka? \qs Sila.\qs*   
\q1
\v 49 ‌ʻE ʻEiki, ko e fē hoʻo ngaahi ʻaloʻofa ʻi muʻa,  
\q2 ʻaia naʻa ke fuakava ʻaki kia Tevita ʻi hoʻo moʻoni?   
\q1
\v 50 Manatu, ʻE ʻEiki, ki he manukiʻi ʻo hoʻo kau tamaioʻeiki;  
\q2 mo ʻeku fua ʻi hoku fatafata ʻae manuki ʻae kakai mālohi kotoa pē;   
\q1
\v 51 ‌ʻAia kuo manuki ʻaki ʻe ho ngaahi fili,  
\q2 ʻE Sihova; ʻaia kuo nau manuki ʻaki ʻae ngaahi ʻaluʻanga ʻo ia kuo ke pani.   
\q1
\v 52 Fakafetaʻi kia Sihova ʻo taʻengata.  
\q2 ʻEmeni, mo ʻEmeni.   
\c 90  
\ms1 TOHI 4  
\mr (Saame 90—106)  
\cd \it 1 ʻOku fakahā ʻe Mōsese ʻae pule ʻae ʻOtua, 3 Mo e vaivai ʻoe tangata, 7 Mo e tautea ʻe he ʻOtua, 10 Mo e molengofua ʻoe moʻui. 12 ʻOku ne kole ke ne ʻiloʻi ʻae pule lelei ʻae ʻOtua.\it*  
\d Ko e Lotu ʻa Mōsese ko e tangata ʻoe ʻOtua.  
\q1
\v 1 ‌ʻE Sihova, ko koe ko homau hūfanga ʻi he toʻutangata kotoa pē.   
\q1
\v 2 ‌ʻI he teʻeki ai fakatupu ʻae ngaahi moʻunga,  
\q2 pea teʻeki ai te ke ngaohi ʻae fonua mo māmani,  
\q2 ʻio, talu mei muʻa ʻo aʻu ʻo taʻengata, ko koe pe ko e ʻOtua.   
\q1
\v 3 ‌ʻOku ke liliu ʻae tangata ke ʻauha; pea ke pehē,  
\q2 “Tafoki, ʻakimoutolu ʻae fānau ʻae tangata.”   
\q1
\v 4 He ʻoku tatau ʻi ho ʻao ʻae taʻu ʻe afe mo e ʻaneafi ʻi hono hili ange ia,  
\q2 pea mo e leʻo ʻi he pō.   
\q1
\v 5 ‌ʻOku ke ʻave ʻakinautolu ʻo hangē ko e ʻave ʻe he vaitafe; ʻoku nau hangē ko e mohe:  
\q2 ʻi he pongipongi ʻoku nau tatau mo e mohuku ʻoku tupu hake.   
\q1
\v 6 ‌ʻI he pongipongi ʻoku lau maʻuiʻui ia, pea tupu hake:  
\q2 ʻi he efiafi ʻoku tuʻusi hifo ia, pea mae.   
\q1
\v 7 He ʻoku mau ʻauha ʻi ho houhau,  
\q2 pea ʻoku mau mamahi ʻi ho tuputāmaki.   
\q1
\v 8 Kuo ke tuku ʻemau ngaahi hia ʻi ho ʻao,  
\q2 pea mo ʻemau ngaahi angahala fufū ʻi he maama ʻo ho fofonga.   
\q1
\v 9 He ʻoku ʻosi atu homau ngaahi ʻaho kotoa pē ʻi ho houhau:  
\q2 ʻoku mau fakaʻosi homau ngaahi taʻu ʻo hangē ko e talanoa ʻoku lau.   
\q1
\v 10 Ko e ngaahi ʻaho ʻo homau taʻu ko e taʻu ʻe fitungofulu;  
\q2 pea kapau ʻe hoko ia ʻi hono mālohi ke valungofulu,  
\q2 ko hono mālohi ko e ngāue mo e mamahi;  
\q2 he ʻoku tuʻusi vave ia, pea ʻoku mau puna atu.   
\q1
\v 11 Ko hai ʻoku ne ʻiloʻi ʻae mālohi ʻo ho houhau?  
\q2 ʻO hangē ko ho manavahēʻia, ʻoku pehē ho houhau.   
\q1
\v 12 Ke pehē hoʻo akonakiʻi ʻakimautolu ke mau lau homau ngaahi ʻaho,  
\q2 koeʻuhi ke mau fakatokangaʻi homau loto ki he poto.   
\q1
\v 13 Tafoki, ʻE Sihova,  
\q2 ʻe fēfē hono fuoloa?  
\q2 Pea ke lolou koeʻuhi ko hoʻo kau tamaioʻeiki.   
\q1
\v 14 Ke ke fakamākona vave ʻakimautolu ʻaki hoʻo ʻaloʻofa;  
\q2 koeʻuhi ke mau fiefia mo nekeneka ʻi homau ʻaho fulipē.   
\q1
\v 15 Ke ke fakafiefiaʻi ʻakimautolu ʻo fakatatau ki he ngaahi ʻaho ne ke fakamamahiʻi ai ʻakimautolu,  
\q2 pea mo e ngaahi taʻu kuo mau mamata ai ki he kovi.   
\q1
\v 16 Pea ke tuku ke hā ki hoʻo kau tamaioʻeiki ʻa hoʻo ngāue,  
\q2 pea mo ho nāunau ki heʻenau fānau.   
\q1
\v 17 Pea ke ʻiate kimautolu ʻae lelei ʻo Sihova ko homau ʻOtua:  
\q2 pea ke fokotuʻu ke maʻu ʻae ngāue ʻa homau nima kiate kimautolu;  
\q2 ʻio, ko e ngāue ʻa homau nima ke fakamaau ia.   
\c 91  
\cd \it 1 Ko e fakahā ʻae monūʻia ʻae kakai angafakaʻotua, 3 Mo ʻenau fiemālie, 9 Mo honau nofoʻanga, 11 Mo honau kau tauhi, 14 Mo honau kāinga ʻofa.\it*  
\q1
\v 1 Ko ia ʻoku nofo ʻi he potu lilo ʻi he fungani māʻolunga, ʻe nofomaʻu ia he malumalu ʻoe Māfimafi.   
\q1
\v 2 Te u pehē, “Ko Sihova, ko hoku hūfanga ia mo ʻeku kolo:  
\q2 ko hoku ʻOtua te u falala kiate ia.”   
\q1
\v 3 Ko e moʻoni te ne fakamoʻui koe mei he hele ʻae tangata tauhele,  
\q2 pea mei he mahaki fakaʻauha.   
\q1
\v 4 Te ne ʻōʻōfaki koe ʻaki hono fulufulu,  
\q2 pea te ke falala ki hono lalo kapakau:  
\q2 ko ʻene moʻoni ko ho fakaū mo ho pā ia.   
\q1
\v 5 ‌ʻE ʻikai te ke manavahē koeʻuhi ko e meʻa fakailifia ʻi he pō;  
\q2 pe koeʻuhi ko e ngahau ʻoku puna atu ʻi he ʻaho;   
\q1
\v 6 Pe koeʻuhi ko e mahaki lahi ʻoku ʻeveʻeva ʻi he poʻuli;  
\q2 pe koeʻuhi ko e fakaʻauha ʻoku fakaʻosiʻosi ʻi he hoʻatā.   
\q1
\v 7 ‌ʻE tō ʻae toko afe ʻi ho tafaʻaki,  
\q2 pea ko e toko mano ʻi ho nima toʻomataʻu ka ʻe ʻikai hoko ia ʻo ofi kiate koe.   
\q1
\v 8 Ka te ke vakai ʻo mamata ʻaki ho mata ki he totongi ʻoe angahala.   
\q1
\v 9 Koeʻuhi kuo ke fili ʻa Sihova ʻaia ko hoku hūfanga,  
\q2 ʻio, ko e fungani māʻolunga ko ho nofoʻanga:   
\q1
\v 10 ‌ʻE ʻikai tō ha kovi kiate koe,  
\q2 pea ʻe ʻikai hoko ha mamahi fakaʻauha ke ofi ki ho nofoʻanga.   
\q1
\v 11 He te ne fekau ʻene kau ʻāngelo kenau vakai koe,  
\q2 ke tauhi koe ʻi ho ngaahi hala kotoa pē.   
\q1
\v 12 Tenau hapai hake koe ʻi he nima,  
\q2 telia naʻa tūkia ho vaʻe ki ha maka.   
\q1
\v 13 Te ke molomoloki ʻae laione mo e ngata:  
\q2 ko e laione mui mo e talākoni te ke malaki hifo ia.   
\q1
\v 14 “Koeʻuhi kuo ne tuku ʻene ʻofa kiate au, ko ia te u fakamoʻui ia:  
\q2 te u fokotuʻu ia ke māʻolunga, koeʻuhi kuo ne ʻiloʻi hoku huafa.   
\q1
\v 15 Te ne ui kiate au, pea te u talia ia:  
\q2 te u ʻiate ia ʻi he mamahi;  
\q2 te u fakamoʻui ia, pea hakeakiʻi ia.   
\q1
\v 16 Te u fakafiemālieʻi ʻaki ia ʻae moʻui fuoloa,  
\q2 pea fakahā kiate ia ʻeku fakamoʻui.”   
\c 92  
\cd \it 1 ʻOku enginaki he palōfita ke fakamālō ki he ʻOtua, 4 Koeʻuhi ko ʻene ngāue lahi, 6 mo ʻene tautea ki he angahala, 10 Pea mo ʻene angalelei ki he māʻoniʻoni.\it*  
\d Ko e Saame pe ko e Hiva ki he ʻaho tapu.  
\q1
\v 1 ‌ʻOku lelei ke ʻatu ʻae fakafetaʻi kia Sihova,  
\q2 pea ke hiva fakamālō ki ho huafa, ʻE fungani māʻolunga:   
\q1
\v 2 Ke fakahā atu hoʻo ʻaloʻofa ʻi he pongipongi,  
\q2 mo hoʻo moʻoni ʻi he pō kotoa pē,   
\q1
\v 3 ‌ʻAki ʻae meʻa faiva ʻoku hongofulu hono filo, pea mo e saliteli;  
\q2 ʻaki ʻae leʻo mamafa ʻi he haʻape.   
\q1
\v 4 He kuo ke fakafiefiaʻi au, ʻE Sihova, ʻi hoʻo ngāue:  
\q2 te u vikiviki ʻi he ngaahi ngāue ʻa ho nima.   
\q1
\v 5 ‌ʻE Sihova, ʻoku mātuʻaki lahi hoʻo ngaahi ngāue!  
\q2 pea ʻoku loloto ʻaupito hoʻo ngaahi fakakaukau.   
\q1
\v 6 ‌ʻOku ʻikai ʻiloʻi ʻe he tangata anga fakamanu;  
\q2 pea ʻoku ʻikai ʻilo eni ʻe he vale.   
\q1
\v 7 ‌ʻOka tupu ʻae kau angahala ʻo hangē ko e mohuku,  
\q2 pea ʻoka moʻui lelei ʻae kau fai kovi kotoa pē;  
\q2 ko e meʻa ia ke fakaʻauha ai ʻakinautolu ʻo taʻengata:   
\q1
\v 8 Ka ko koe, ʻE Sihova, ʻoku ke fungani māʻolunga ʻo taʻengata.   
\q1
\v 9 Pea vakai, ko ho ngaahi fili, ʻE Sihova, ko e moʻoni ʻe ʻauha ho ngaahi fili;  
\q2 ʻe fakahēʻi ʻae kau fai kovi kotoa pē.   
\q1
\v 10 Ka te ke hiki hake hoku nifo ʻo hangē ko e nifo ʻoe liimi:  
\q2 ʻe tākai ʻaki au ʻae lolo foʻou.   
\q1
\v 11 Pea ʻe mamata foki ʻa hoku mata ki hoku ngaahi fili,  
\q2 pea ʻe fanongo ʻa hoku telinga, ki he angahala ʻoku tuʻu hake ʻo angatuʻu kiate au.   
\q1
\v 12 ‌ʻE lau maʻuiʻui ʻae angatonu ʻo hangē ko e ʻakau ko e ponga:  
\q2 ʻe tupu ia ʻo hangē ko e sita ʻi Lepanoni.   
\q1
\v 13 Ko kinautolu kuo tō ʻi he fale ʻo Sihova tenau lau maʻuiʻui ʻi he ngaahi lotoʻā ʻo hotau ʻOtua.   
\q1
\v 14 ‌ʻE kei tupu ʻae fua ʻiate kinautolu ʻi heʻenau motuʻa;  
\q2 tenau sino lelei mo lau maʻuiʻui.   
\q1
\v 15 Ke fakahā ʻoku angatonu ʻa Sihova:  
\q2 ko hoku maka ia,  
\q2 pea ʻoku ʻikai ha taʻemāʻoniʻoni ʻiate ia.   
\c 93  
\cd \it 1–5 Ko e lahi, mo e māfimafi mo e māʻoniʻoni ʻoe puleʻanga ʻo Kalaisi.\it*  
\q1
\v 1 ‌ʻOku pule ʻa Sihova, ʻoku kofuʻaki ia ʻae nāunau lahi;  
\q2 ʻoku kofuʻaki ʻa Sihova ʻae māfimafi,  
\q2 ʻaia kuo ne nonoʻo ʻaki ia kuo fokotuʻumaʻu foki ʻa māmani,  
\q2 pea ʻe ʻikai faʻa ueʻi ia.   
\q1
\v 2 KUO fokotuʻumaʻu ho ʻafioʻanga talu mei muʻa:  
\q2 ʻoku talu mei muʻa ʻae ʻafiona.   
\q1
\v 3 ‌ʻE Sihova, kuo hiki hake ʻe he ngaahi vaitafe,  
\q2 kuo hiki hake ʻe he ngaahi vaitafe honau leʻo;  
\q2 ʻoku hiki hake ʻe he ngaahi vaitafe lahi honau ngaahi peau.   
\q1
\v 4 Ko Sihova ʻoku ʻi ʻolunga ʻoku mālohi lahi hake ia ʻi he ʻuʻulu ʻoe ngaahi vai lahi,  
\q2 ʻio, ʻi he ngaahi peau mālohi ʻoe tahi.   
\q1
\v 5 ‌ʻOku moʻoni ʻaupito hoʻo ngaahi fakamoʻoni:  
\q2 ʻE Sihova, ʻoku taau mo ho fale ʻae māʻoniʻoni ʻo lauikuonga.   
\c 94  
\cd \it 1 ʻOku kole ʻe he palōfita ki he ʻEiki ke fie fai ʻae fakamaau, pea ne lāunga koeʻuhi ko e fakamālohi mo e angakovi ʻae kakai. 8 ʻOku ne akonaki ʻaki ʻae pule ʻae ʻOtua. 13 ʻOku ne fakahā hono ʻaonga ʻoe mamahi. 16 Ko e ʻOtua ko e fakamoʻui ʻoe kakai mamahi.\it*  
\q1
\v 1 ‌ʻE Sihova ko e ʻOtua, ʻoku ʻaʻau ʻae totongi;  
\q2 ʻE ʻOtua, ʻoku ʻaʻau ʻae totongi: ke ke ulo mai.   
\q1
\v 2 Ke ke hiki hake koe, ʻa koe ko e fakamaau ʻo māmani;  
\q2 ʻange ʻae totongi ki he laukau.   
\q1
\v 3 ‌ʻE Sihova, ʻe fēfē hono fuoloa ʻoe fielahi ʻae angahala,  
\q2 ʻe fēfē hono fuoloa ʻoe polepole ʻae angahala?   
\q1
\v 4 ‌ʻE fēfē hono fuoloa ʻo ʻenau fakahā mo lea ʻaki ʻae ngaahi meʻa faingataʻa?  
\q2 Pea vikiviki ai ʻae kakai kotoa pē ʻoku fai kovi?   
\q1
\v 5 ‌ʻE Sihova, ʻoku nau fesiʻi ʻo lailaiki ho kakai,  
\q2 mo fakamamahiʻi ho tofiʻa.   
\q1
\v 6 ‌ʻOku nau tāmateʻi ʻae muli mo e fefine kuo mate hono husepāniti,  
\q2 pea fakapoongi ʻae tamai mate.   
\q1
\v 7 Ka ʻoku nau pehē, “ʻE ʻikai ʻafioʻi ʻe Sihova, ʻe ʻikai tokanga ki ai ʻe he ʻOtua ʻo Sēkope.”   
\q1
\v 8 Mou ʻilo ʻekimoutolu ʻoku anga fakamanu ʻi he kakai:  
\q2 pea ko kimoutolu ʻae kau vale, te mou poto ʻafē?   
\q1
\v 9 Ko ia naʻa ne ngaohi ʻae telinga, ʻikai te ne fanongo?  
\q2 Ko ia naʻa ne ngaohi ʻae mata, ʻikai te ne ʻafioʻi?   
\q1
\v 10 Ko ia ʻoku ne tautea ʻae hiteni, ʻikai te ne tautea?  
\q2 Ko ia ʻoku ne akonakiʻi ʻae tangata ke poto, ʻikai te ne ʻiloʻi?   
\q1
\v 11 ‌ʻOku ʻiloʻi ʻe Sihova ʻae ngaahi mahalo ʻae tangata,  
\q2 ʻoku nau vaʻinga pē.   
\q1
\v 12 ‌ʻE Sihova, ʻoku monūʻia ʻae tangata ʻoku ke tautea,  
\q2 mo ke ako kiate ia ʻaki hoʻo fono;   
\q1
\v 13 Koeʻuhi te ke foaki kiate ia ʻae mālōlō mei he ngaahi ʻaho ʻoe mamahi,  
\q2 kaeʻoua ke keli ʻae luo ki he kau angahala.   
\q1
\v 14 Koeʻuhi ʻe ʻikai liʻaki ʻe Sihova hono kakai,  
\q2 pea ʻe ʻikai te ne fakatukutukuʻi hono tofiʻa.   
\q1
\v 15 Ka ʻe foki ʻae fakamaau ki he māʻoniʻoni:  
\q2 pea ʻe angimui ki ai ʻakinautolu kotoa pē ʻoku angatonu ʻi loto.   
\q1
\v 16 Ko hai ʻe tuʻu hake maʻaku ʻo taʻofi ʻae kau fai kovi?  
\q2 Pe ko hai ʻe tuʻu hake maʻaku ʻo taʻofi ʻakinautolu ʻoku ngāue ʻi he angahala?   
\q1
\v 17 Ka ne ʻikai tokoni au ʻe Sihova, pehē,  
\q2 kuo vave ʻae nofo ʻa hoku laumālie ʻi he fakalongo pē.   
\q1
\v 18 ‌ʻI heʻeku pehē, “ʻOku hekea hoku vaʻe;”  
\q2 ko hoʻo ʻaloʻofa, ʻE Sihova, naʻe poupou hake au.   
\q1
\v 19 ‌ʻI hono lahi ʻo ʻeku ngaahi mahalo ʻiate au,  
\q2 ʻoku fakafiefiaʻi au ʻi hoʻo ngaahi meʻa fakafiemālie.   
\q1
\v 20 ‌ʻE feohi koā mo koe ʻae nofoʻa ʻoe angahala,  
\q2 ʻaia ʻoku fakatupu ʻae pauʻu ʻaki ʻae fono?   
\q1
\v 21 ‌ʻOku nau fakataha ʻo angatuʻu ki he laumālie ʻoe angatonu,  
\q2 mo fakahalaia ʻae toto tonuhia.   
\q1
\v 22 Ka ko hoku ungakiʻi ʻa Sihova pea ko hoku ʻOtua ko e maka ia ʻo hoku hūfanga.   
\q1
\v 23 Pea ʻe ʻomi ʻe ia kiate kinautolu ʻa ʻenau hia,  
\q2 pea te ne fakaʻauha ʻakinautolu ʻi heʻenau angahala;  
\q2 ʻio, ko Sihova ko hotau ʻOtua te ne fakaʻauha ʻakinautolu.   
\c 95  
\cd \it 1 Ko e enginaki ke fakamālō ki he ʻOtua, 3 Koeʻuhi ko hono lahi, 6 Mo ʻene angalelei, 8 Pea ʻoua naʻa ʻahiʻahiʻi ia.\it*  
\q1
\v 1 Haʻu, ketau hiva kia Sihova:  
\q2 ketau kalanga ʻi he fiefia ki he maka ʻo ʻetau moʻui.   
\q1
\v 2 Ketau haʻu ki hono ʻao mo e fakafetaʻi,  
\q2 mo kalanga ʻi he fiefia kiate ia ʻaki ʻae ngaahi saame.   
\q1
\v 3 He ko Sihova ko e ʻOtua lahi,  
\q2 pea ko e Tuʻi lahi hake ia ʻi he ngaahi ʻotua kotoa pē.   
\q1
\v 4 ‌ʻOku ʻi hono nima ʻae ngaahi potu māʻulalo ʻo māmani:  
\q2 ko e mālohi ʻoe ngaahi moʻunga ʻoku ʻoʻona foki.   
\q1
\v 5 ‌ʻOku ʻoʻona ʻae tahi, he naʻa ne ngaohi ia:  
\q2 pea naʻe ngaohi ʻe hono nima ʻae fonua mōmoa.   
\q1
\v 6 Haʻu, ketau lotu mo punou:  
\q2 ketau tūʻulutui ʻi he ʻao ʻo Sihova ko hotau tupuʻanga.   
\q1
\v 7 He ko hotau ʻOtua ia;  
\q2 pea ko e kakai ʻakitautolu ʻo ʻene ngoue,  
\q2 mo e fanga sipi ʻa hono nima.  
\q2 Ko e ʻaho ni, ʻo kapau te mou fanongo ki hono leʻo,   
\q1
\v 8 “ʻOua naʻa mou fakafefeka homou loto,  
\q2 ʻo hangē ko ia ʻi he fakahouhau lahi,  
\q2 pea ʻi he ʻaho ʻoe ʻahiʻahi ʻi he toafa:   
\q1
\v 9 ‌ʻAia naʻe ʻahiʻahiʻi au ʻe hoʻomou ngaahi tamai,  
\q2 pea nau ʻahiʻahi kiate au,  
\q2 ʻonau mamata ki heʻeku ngāue.   
\q1
\v 10 Naʻaku fehiʻa ki he toʻutangata ko ia ʻi he taʻu ʻe fāngofulu,  
\q2 pea naʻaku pehē, ‘Ko e kakai eni ʻoku hē ʻi honau loto,  
\q2 pea ʻoku ʻikai te nau ʻilo hoku ngaahi hala:   
\q1
\v 11 Pea ne u fuakava kiate kinautolu ʻi hoku houhau,  
\q2 ‘ʻE ʻikai tenau hū ki hoku mālōlōʻanga.’”   
\c 96  
\cd \it 1 Ko e enginaki ke fakamālō ki he ʻOtua, 4 Koeʻuhi ko ʻene māfimafi, 8 Mo hono puleʻanga, 13 Pea mo ʻene fai ʻae fakamaau.\it*  
\q1
\v 1 Hiva kia Sihova ʻaki ʻae hiva foʻou:  
\q2 hiva kia Sihova ʻa māmani kotoa pē.   
\q1
\v 2 Hiva kia Sihova, fakafetaʻi ki hono huafa;  
\q2 fakahā atu ʻene fakamoʻui mei he ʻaho ki he ʻaho.   
\q1
\v 3 Fakahā hono nāunau ʻi he ʻao ʻoe hiteni,  
\q2 mo ʻene ngaahi ngāue fakaofo ki he kakai kotoa pē.   
\q1
\v 4 He ʻoku lahi ʻa Sihova, pea totonu ke fakamālō lahi kiate ia:  
\q2 ʻoku lelei ke manavahē lahi hake kiate ia ʻi he ngaahi ʻotua kotoa pē.   
\q1
\v 5 He ko e ʻotua kotoa pē ʻoe ngaahi puleʻanga ko e ngaahi tamapua ia:  
\q2 ka ko Sihova naʻe ngaohi ʻe ia ʻae ngaahi langi.   
\q1
\v 6 ‌ʻOku ʻi hono ʻao ʻae fakaʻapaʻapa mo e māfimafi:  
\q2 ʻoku ʻi hono faletapu ʻae mālohi mo e nāunau.   
\q1
\v 7 Tuku kia Sihova, ʻakimoutolu ʻae ngaahi faʻahinga ʻoe kakai,  
\q2 tuku kia Sihova ʻae nāunau mo e māfimafi.   
\q1
\v 8 Tuku kia Sihova ʻae ongoongolelei ʻoku taau mo hono huafa:  
\q2 ʻomi ʻae feilaulau, pea haʻu ki hono ngaahi lotoʻā.   
\q1
\v 9 Lotu kia Sihova ʻi he teunga matamatalelei ʻoe māʻoniʻoni:  
\q2 mou manavahē ʻi hono ʻao, ʻa māmani kotoa pē.   
\q1
\v 10 Mou pehē ʻi he ʻao ʻoe hiteni ʻoku pule ʻa Sihova:  
\q2 “ʻE fokotuʻumaʻu foki ʻa māmani,  
\q2 pea ʻe ʻikai ngaueue ia:  
\q2 te ne fakamaau ʻae kakai ʻi he māʻoniʻoni.”   
\q1
\v 11 Tuku ke fiefia ʻae ngaahi langi,  
\q2 pea nekeneka mo māmani; tuku ke ʻuʻulu ʻae tahi,  
\q2 mo hono fonu ʻo ia.   
\q1
\v 12 Ke fiefia ʻae ngoue,  
\q2 mo e meʻa kotoa pē ʻoku ʻi ai:  
\q2 pea ʻe toki fiefia ʻae ngaahi ʻakau kotoa pē ʻoe vao,   
\q1
\v 13 ‌ʻI he ʻao ʻo Sihova: he ʻoku ne hāʻele mai, he ʻoku hāʻele mai ia ke fakamaau ʻa māmani:  
\q2 te ne fakamaau ʻa māmani ʻi he māʻoniʻoni, mo e kakai ʻi heʻene moʻoni.   
\c 97  
\cd \it 1 Ko e māfimafi ʻoe puleʻanga ʻoe ʻOtua. 7 ʻOku fiefia ʻae siasi ʻi he tautea ʻe he ʻOtua ʻae kau tauhi tamapua. 10 Ko e enginaki ke māʻoniʻoni mo fiefia.\it*  
\q1
\v 1 ‌ʻOku pule ʻa Sihova;  
\q2 tuku ke fiefia ʻa māmani;  
\q2 pea nekeneka ʻae ngaahi ʻotu motu.   
\q1
\v 2 ‌ʻOku takatakai ia ʻe he ngaahi ʻao mo e fakapoʻuli:  
\q2 ko e angatonu mo e fakamaau ko e tuʻunga ia ʻo hono ʻafioʻanga.   
\q1
\v 3 ‌ʻOku muʻomuʻa ʻae afi ʻiate ia,  
\q2 pea vela ke ʻosi hono ngaahi fili ʻoku takatakai.   
\q1
\v 4 Naʻe fakamaama ʻaki ʻa māmani ʻa hono ngaahi ʻuhila:  
\q2 naʻe mamata ʻae fonua, pea tetetete.   
\q1
\v 5 Naʻe vela ʻo vai ʻae ngaahi moʻunga ʻo hangē ko e pulu ʻi he ʻao ʻo Sihova, ʻi he ʻao ʻoe ʻEiki ʻo māmani kotoa pē.   
\q1
\v 6 ‌ʻOku fakahā ʻe he ngaahi langi ʻene māʻoniʻoni,  
\q2 pea mamata ʻae kakai kotoa pē ki hono nāunau.   
\q1
\v 7 Ke puputuʻu ʻakinautolu kotoa pē ʻoku nau tauhi ʻae ngaahi fakatātā kuo tā,  
\q2 mo nau polepole ʻi he ngaahi tamapua:  
\q2 lotu kiate ia, ʻakimoutolu kotoa pē ʻae ngaahi ʻotua.   
\q1
\v 8 Naʻe fanongo ʻa Saione,  
\q2 pea fiefia ai pea naʻe fiefia ʻae ngaahi ʻofefine ʻo Siuta,  
\q2 koeʻuhi ko hoʻo ngaahi fakamaau, ʻE Sihova.   
\q1
\v 9 He ko koe, ʻE Sihova, ʻoku ke māʻolunga hake ki māmani kotoa pē:  
\q2 ʻoku ke māʻolunga lahi ʻaupito ʻi he ngaahi ʻotua kotoa pē.   
\q1
\v 10 ‌ʻAkimoutolu ʻoku ʻofa kia Sihova, mou fehiʻa ki he kovi:  
\q2 ʻoku fakamoʻui ʻe ia ʻae laumālie ʻo ʻene kakai māʻoniʻoni;  
\q2 ʻoku ne fakamoʻui ʻakinautolu mei he nima ʻoe kau angahala.   
\q1
\v 11 Kuo tūtuuʻi ʻae maama maʻae māʻoniʻoni,  
\q2 mo e fiefia maʻae angatonu ʻi loto.   
\q1
\v 12 Mou fiefia ʻia Sihova ʻae kau angatonu;  
\q2 pea fakafetaʻi ʻi he manatu ki heʻene māʻoniʻoni.   
\c 98  
\cd \it 1 ʻOku enginakiʻi ʻe he tangata tohi saame ʻae kakai Siu, 4 Mo e Senitaile, 7 Mo e meʻa kotoa pē kenau fakamālō ki he ʻOtua.\it*  
\d Ko e Saame.  
\q1
\v 1 Hiva kia Sihova ʻaki ʻae hiva foʻou;  
\q2 he kuo fai ʻe ia ʻae ngaahi meʻa fakaofo:  
\q2 kuo ne ikuna ʻaki hono nima toʻomataʻu, mo hono nima māʻoniʻoni.   
\q1
\v 2 Kuo fakahā ʻe Sihova ʻa ʻene fakamoʻui:  
\q2 kuo ne fakahā atu ʻene māʻoniʻoni ʻi he ʻao ʻoe hiteni.   
\q1
\v 3 Kuo ne manatu ki heʻene ʻaloʻofa mo ʻene moʻoni ki he fale ʻo ʻIsileli:  
\q2 kuo mamata ʻe he ngaahi ngataʻanga ʻo māmani ki he fakamoʻui ʻa hotau ʻOtua.   
\q1
\v 4 Kalanga ʻi he fiefia kia Sihova, ʻa māmani kotoa pē:  
\q2 kalanga ʻi he leʻo lahi, mo fiefia, pea hiva fakamālō.   
\q1
\v 5 Hiva kia Sihova ʻaki ʻae haʻape;  
\q2 ʻaki ʻae haʻape, pea mo e leʻo ʻoe saame.   
\q1
\v 6 Mou kalanga fakafiefia ʻaki ʻae ngaahi meʻalea mo e leʻo ʻoe meʻalea,  
\q2 ʻi he ʻao ʻo Sihova ko e Tuʻi.   
\q1
\v 7 Tuku ke ʻuʻulu ʻae tahi, mo hono fonu ʻo ia;  
\q2 ʻa māmani, mo kinautolu ʻoku nofo ai.   
\q1
\v 8 Ke pasipasi ʻe he ngaahi vai ʻa honau nima:  
\q2 tuku ke fiefia fakataha ʻae ngaahi moʻunga,   
\q1
\v 9 ‌ʻI he ʻao ʻo Sihova;  
\q2 he ʻoku hāʻele mai ia ke fakamaau ʻa māmani:  
\q2 te ne fakamaau ʻa māmani ʻi he māʻoniʻoni,  
\q2 pea mo e kakai ʻi he angatonu.   
\c 99  
\cd \it 1 ʻOku fakahā ʻe he palōfita ʻae pule ʻae ʻOtua ʻi Saione, 5 ʻO ne enginaki ki he kakai kotoa pē ke faʻifaʻitaki ki he kau mātuʻa ʻi muʻa, pea lotu ki he ʻOtua ʻi hono moʻunga māʻoniʻoni.\it*  
\q1
\v 1 ‌ʻOku pule ʻa Sihova;  
\q2 tuku ke tetetete ʻae kakai:  
\q2 ʻoku ʻafio ia ʻi he vahaʻa ʻoe ongo selupi;  
\q2 tuku ke ngalulu ʻa māmani.   
\q1
\v 2 ‌ʻOku lahi ʻa Sihova ʻi Saione;  
\q2 pea ʻoku māʻolunga lahi ia ʻi he kakai kotoa pē.   
\q1
\v 3 Tuku kenau fakamālō ki ho huafa lahi mo fakailifia;  
\q2 he ʻoku māʻoniʻoni ia.   
\q1
\v 4 ‌ʻOku ʻofa foki ʻae mālohi ʻoe tuʻi ki he fakamaau;  
\q2 ʻoku ke fokotuʻumaʻu ʻae fai totonu,  
\q2 ʻoku ke fai ʻae fakamaau mo e māʻoniʻoni ʻia Sēkope.   
\q1
\v 5 Mou fakahikihiki ʻa Sihova ko hotau ʻOtua, pea lotu ʻi hono tuʻunga vaʻe;  
\q2 he ʻoku māʻoniʻoni ia.   
\q1
\v 6 Ko Mōsese mo ʻElone ʻi heʻene kau taulaʻeiki,  
\q2 pea mo Samuela ʻiate kinautolu ʻoku ui ki hono huafa;  
\q2 naʻa nau ui kia Sihova, pea ne talia ʻakinautolu.   
\q1
\v 7 Naʻa ne folofola kiate kinautolu ʻi he pou ʻoe ʻao:  
\q2 naʻa nau tauhi ʻene ngaahi fakamoʻoni,  
\q2 mo e tuʻutuʻuni naʻa ne fokotuʻu kiate kinautolu.   
\q1
\v 8 ‌ʻE Sihova ko homau ʻOtua, naʻa ke talia ʻakinautolu:  
\q2 ko koe ko e ʻOtua naʻa ke fakamolemolea ʻakinautolu,  
\q2 neongo hoʻo totongi koeʻuhi ko ʻenau ngaahi fakakaukau.   
\q1
\v 9 Fakahikihiki ʻa Sihova ko hotau ʻOtua, pea lotu ʻi hono moʻunga tapu;  
\q2 he ʻoku māʻoniʻoni ʻa Sihova ko hotau ʻOtua.   
\c 100  
\cd \it 1 Ko e enginaki ke fakamālō ki he ʻOtua ʻi he fiefia, 3 Koeʻuhi ko ʻene māfimafi, 4 Mo ʻene angalelei.\it*  
\d Ko e Saame ʻoe fakafetaʻi.  
\q1
\v 1 Mou mavava ʻi he fiefia kia Sihova, ʻae ngaahi fonua kotoa pē.   
\q1
\v 2 Tauhi ʻa Sihova ʻi he fiefia:  
\q2 haʻu mo e hiva ki hono ʻao.   
\q1
\v 3 Mou ʻilo ko Sihova ko ia pe ko e ʻOtua:  
\q2 ko ia pe naʻa ne ngaohi ʻakitautolu,  
\q2 ka naʻe ʻikai te tau ngaohi ʻakitautolu;  
\q2 ko hono kakai ʻakitautolu,  
\q2 mo e fanga sipi ʻo ʻene ngoue.   
\q1
\v 4 Hū ʻi hono ngaahi matapā mo e fakafetaʻi,  
\q2 pea ki hono ngaahi lotoʻā mo e fakamālō:  
\q2 mou fakafetaʻi kiate ia, pea fakamālō ki hono huafa.   
\q1
\v 5 He ʻoku angalelei ʻa Sihova;  
\q2 ʻoku taʻengata ʻene ʻaloʻofa;  
\q2 pea ʻoku tolonga maʻuaipē ʻene moʻoni mei he toʻutangata ki he toʻutangata.   
\c 101  
\cd \it 1–8 ʻOku fuakava ʻa Tevita mo fakahā te ne fai māʻoniʻoni.\it*  
\d Ko e Saame ʻa Tevita.  
\q1
\v 1 Te u hiva ʻaki ʻae ʻaloʻofa mo e fakamaau:  
\q2 ‌ʻE Sihova, te u hiva kiate koe.   
\q1
\v 2 Te u fai fakapotopoto ʻi he hala haohaoa.  
\q2 Te ke hāʻele mai ʻafē kiate au?  
\q2 Te u ʻeveʻeva ʻi hoku fale ʻi he loto haohaoa.   
\q1
\v 3 ‌ʻE ʻikai te u tuku ha meʻa kovi ʻi hoku ʻao:  
\q2 ʻoku ou fehiʻa ki he ngāue ʻanautolu kuo nau afe;  
\q2 ʻE ʻikai pipiki ia kiate au.   
\q1
\v 4 ‌ʻE ʻalu ʻiate au ʻaia ʻoku loto kovi:  
\q2 ʻE ʻikai te u ʻiloʻi ha taha ʻoku kovi.   
\q1
\v 5 Ko ia ʻoku fakakovi fakafufū hono kaungāʻapi, te u tuʻusi ia:  
\q2 ko ia ʻoku fiematamuʻa mo loto laukau ʻe ʻikai te u kātakiʻi.   
\q1
\v 6 ‌ʻE sio maʻu hoku mata ki he kakai angatonu ʻi he fonua,  
\q2 koeʻuhi ke mau nonofo mo au:  
\q2 ko ia ʻoku ʻeveʻeva ʻi he hala haohaoa,  
\q2 ko ia ia ʻe tauhi au.   
\q1
\v 7 Ko ia ʻoku ne fai kākā ʻe ʻikai nofo ia ʻi hoku fale:  
\q2 ko ia ʻoku faʻa loi ʻe ʻikai te ne nofo ʻi hoku ʻao.   
\q1
\v 8 ‌ʻE vave ʻeku fakaʻauha ʻae kau angahala kotoa pē ʻoe fonua;  
\q2 koeʻuhi ke u tuʻusi ʻae kakai fai kovi kotoa pē mei he kolo ʻa Sihova.   
\c 102  
\cd \it 1 ʻOku fakahā ʻe he palōfita ʻi heʻene lotu ʻa ʻene mamahi lahi. 12 Ka ʻoku ne fiemālie ʻi he taʻengata ʻae ʻOtua mo ʻene ʻaloʻofa. 18 ʻOku lelei ke fakaʻilongaʻi ʻae ngaahi meʻaʻofa ʻae ʻOtua. 23 ʻOku ne poupou ʻaki ʻene vaivai ʻae taʻefaʻaliliu ʻae ʻOtua.\it*  
\d Ko e Lotu ʻae mamahi ʻi hono lōmekina, pea ne lilingi ʻene mamahi ʻi he ʻao ʻo Sihova.  
\q1
\v 1 ‌ʻE Sihova, fanongo ki heʻeku lotu,  
\q2 pea tuku ke aʻu atu ʻeku tangi kiate koe.   
\q1
\v 2 ‌ʻOua naʻa ke fufū ho fofonga ʻiate au ʻi he ʻaho ʻoku ou mamahi ai;  
\q2 fakatokangaʻi ho fofonga kiate au:  
\q2 ʻi he ʻaho ʻoku ou ui ai ke vave hoʻo talia au.   
\q1
\v 3 He kuo fakaʻosi hoku ngaahi ʻaho ʻo hangē ko e kohu,  
\q2 pea kuo vela hoku ngaahi hui ʻo hangē ko e veʻe tofunanga.   
\q1
\v 4 Kuo taaʻi hoku loto, pea kuo mae ʻo hangē ko e mohuku;  
\q2 ko ia kuo ngalo ai ʻiate au ke kai ʻeku mā.   
\q1
\v 5 Koeʻuhi ko e leʻo ʻo ʻeku toʻe,  
\q2 ko ia ʻoku piki ai hoku ngaahi hui ki hoku kili.   
\q1
\v 6 ‌ʻOku ou tatau mo e pelikani ʻoe toafa:  
\q2 ʻoku ou hangē ko e lulu ʻoe potu lala.   
\q1
\v 7 ‌ʻOku ou leʻo, pea u tatau mo e kihiʻi manupuna ʻoku tokotaha pē ʻi he tuʻahivi ʻoe fale.   
\q1
\v 8 ‌ʻOku manuki kiate au ʻa hoku ngaahi fili ʻi he ʻaho kotoa pē;  
\q2 pea ko kinautolu ʻoku mata lili kiate au kuo nau fuakava ke angatuʻu kiate au.   
\q1
\v 9 He kuo u kai ʻae efuefu ʻo hangē ko e mā,  
\q2 mo huʻi ʻaki hoku inu ʻae loʻimata,   
\q1
\v 10 Koeʻuhi ko ho tuputāmaki mo ho houhau:  
\q2 he kuo ke hiki hake au, pea lī au ki lalo.   
\q1
\v 11 ‌ʻOku tatau hoku ngaahi ʻaho mo e ʻata ʻoku mole atu;  
\q2 pea kuo u mae ʻo hangē ko e mohuku.   
\q1
\v 12 Ka ko koe, ʻE Sihova, te ke tolonga ʻo taʻengata;  
\q2 mo hoʻo fakaʻilonga ki he ngaahi toʻutangata kotoa pē.   
\q1
\v 13 Te ke tuʻu hake,  
\q2 mo ke ʻaloʻofa ki Saione:  
\q2 he ko e ʻaho ke tokoni ia,  
\q2 ʻio, ko e ʻaho kuo tuʻutuʻuni kuo hoko mai.   
\q1
\v 14 He ʻoku fiemālie ʻa hoʻo kau tamaioʻeiki ʻi hono ngaahi maka,  
\q2 pea ʻoku nau ʻofa ki hono efu ʻoʻona.   
\q1
\v 15 Ko ia ʻe manavahē ai ʻae hiteni ki he huafa ʻo Sihova,  
\q2 pea ko e ngaahi tuʻi kotoa pē ʻo māmani ki ho nāunau.   
\q1
\v 16 ‌ʻOka toe langa hake ʻe Sihova ʻa Saione,  
\q2 ʻe fakahā ia ʻi hono nāunau.   
\q1
\v 17 Te ne tokanga ki he lotu ʻae masiva,  
\q2 pea ʻe ʻikai manukiʻi ʻenau hū.   
\q1
\v 18 ‌ʻE tohi eni maʻae toʻutangata ʻe haʻu:  
\q2 pea ko e kakai ʻe fakatupu te nau fakamālō kia Sihova.   
\q1
\v 19 He kuo ʻafio hifo ia mei he māʻolunga ʻo hono faletapu;  
\q2 naʻe ʻafio ʻa Sihova mei he langi ki māmani;   
\q1
\v 20 Ke ne fanongo ki he toʻe ʻoe pōpula;  
\q2 ke vete ʻakinautolu kuo tuʻutuʻuni ke mate;   
\q1
\v 21 Ke fakahā ʻae huafa ʻo Sihova ʻi Saione,  
\q2 mo ʻene fakamālō ʻi Selūsalema;   
\q1
\v 22 ‌ʻOka fakataha ʻae kakai,  
\q2 pea mo e ngaahi puleʻanga, ke tauhi ʻa Sihova.   
\q1
\v 23 Naʻa ne fakavaivaiʻi hoku mālohi ʻi he hala;  
\q2 naʻa ne fakanounou hoku ngaahi ʻaho.   
\q1
\v 24 Naʻaku pehē, ʻE hoku ʻOtua, ʻoua naʻa ʻave au ʻi he lotolotonga ʻo hoku ngaahi ʻaho:  
\q2 ko ho ngaahi taʻu ʻoku tolonga ki he toʻutangata kotoa pē.   
\q1
\v 25 Naʻa ke ʻai ʻi he kamataʻanga ʻae tuʻunga ʻo māmani;  
\q2 pea koe ngaahi langi koe ngaue ia ʻa ho nima.   
\q1
\v 26 ‌ʻE ʻauha ia, ka ʻe pehē ai pe ʻa koe,  
\q2 ʻio, ʻe fakaʻaʻau kotoa pē ia ke motuʻa ʻo hangē ko e kofu;  
\q2 pea hangē ko e pulupulu te ke fatufatu ia,  
\q2 pea ʻe fakakehe ia:   
\q1
\v 27 Ka ʻe pehē ai pe ʻa koe,  
\q2 pea ʻe ʻikai hano ngataʻanga ʻo ho ngaahi taʻu.   
\q1
\v 28 ‌ʻE tolonga ʻae fānau ʻa hoʻo kau tamaioʻeiki,  
\q2 pea ʻe fokotuʻumaʻu honau hako ʻi ho ʻao.   
\c 103  
\cd \it 1 Ko e enginaki ke fakamālō ki he ʻOtua koeʻuhi ko ʻene ʻaloʻofa, 15 Pea koeʻuhi ko hono tuʻumaʻu ʻo ia.\it*  
\d Ko e Saame ʻa Tevita.  
\q1
\v 1 Fakafetaʻi kia Sihova ʻa hoku laumālie:  
\q2 pea mo ia kotoa pē ʻoku ʻiate au,  
\q2 fakafetaʻi ki hono huafa māʻoniʻoni.   
\q1
\v 2 Fakafetaʻi kia Sihova, ʻa hoku laumālie,  
\q2 pea ʻoua naʻa ngalo ʻa ʻene ngaahi meʻaʻofa kotoa pē:   
\q1
\v 3 ‌ʻAia ʻoku ne fakamolemole hoʻo ngaahi hia kotoa pē;  
\q2 mo ne fakamoʻui ho ngaahi mahaki kotoa pē;   
\q1
\v 4 ‌ʻAia ʻoku ne huhuʻi hoʻo moʻui mei he fakaʻauha;  
\q2 ʻo ne tatā ʻaki koe ʻae manavaʻofa mo e ʻaloʻofa ongongofua;   
\q1
\v 5 ‌ʻAia ʻoku ne fakamākona ʻaki ho ngutu ʻae ngaahi meʻa lelei;  
\q2 ko ia kuo toe tupulaki ai ho talavou ʻo hangē ko e ʻikale.   
\q1
\v 6 ‌ʻOku fai ʻe Sihova ʻae māʻoniʻoni mo e fakamaau kiate kinautolu kotoa pē kuo fakamālohia.   
\q1
\v 7 Naʻa ne fakahā hono ngaahi hala kia Mōsese,  
\q2 mo ʻene ngaahi ngāue ki he fānau ʻa ʻIsileli.   
\q1
\v 8 ‌ʻOku manavaʻofa mo angalelei ʻa Sihova, ʻoku faʻa kātaki,  
\q2 pea mohu ʻaloʻofa.   
\q1
\v 9 ‌ʻE ʻikai te ne valoki maʻuaipē:  
\q2 pea ʻe ʻikai tuputāmaki ʻo taʻengata.   
\q1
\v 10 Naʻe ʻikai fai ʻe ia kiate kitautolu ʻo fakatatau mo ʻetau ngaahi angahala;  
\q2 pe totongi kiate kitautolu ʻo fakatatau mo ʻetau ngaahi hia.   
\q1
\v 11 Kae hangē ko hono māʻolunga ʻoe langi ki māmani,  
\q2 ʻoku pehē hono lahi ʻo ʻene ʻaloʻofa kiate kinautolu ʻoku nau manavahē kiate ia.   
\q1
\v 12 ‌ʻOku hangē ko hono vā mamaʻo ʻoe potu hahake mei he potu lulunga,  
\q2 ʻoku pehē hono mamaʻo ʻo ʻene ʻave ʻetau ngaahi angahala ʻiate kitautolu.   
\q1
\v 13 Pea hangē ʻoku manavaʻofa ʻae tamai ki heʻene fānau,  
\q2 ʻoku pehē ʻae manavaʻofa ʻa Sihova kiate kinautolu ʻoku nau manavahē kiate ia.   
\q1
\v 14 He ʻoku ne ʻiloʻi hotau anga;  
\q2 ʻoku ne manatu ko e efu pe ʻakitautolu.   
\q1
\v 15 Pea ko e tangata, ʻoku tatau hono ngaahi ʻaho mo e mohuku:  
\q2 pea hangē ko e fisiʻi ʻakau ʻoe ngoue hono lau maʻuiʻui.   
\q1
\v 16 He ʻoku ʻalu atu ki ai ʻae matangi, pea kuo ʻikai ia;  
\q2 pea ʻe ʻikai siʻi toe ʻilo ia ʻi hono potu.   
\q1
\v 17 Ka ko e ʻaloʻofa ʻa Sihova ʻoku talu mei muʻa ʻo aʻu ʻo taʻengata kiate kinautolu ʻoku nau manavahē kiate ia,  
\q2 pea ko ʻene māʻoniʻoni ki he fānau ʻae fānau;   
\q1
\v 18 Kiate kinautolu ʻoku nau tauhi ʻene fuakava,  
\q2 pea mo kinautolu ʻoku nau manatu ki heʻene ngaahi fekau ke fai ki ai.   
\q1
\v 19 Kuo teuteu ʻe Sihova hono ʻafioʻanga ʻi he ngaahi langi;  
\q2 pea ʻoku pule hono puleʻanga ki he meʻa kotoa pē.   
\q1
\v 20 Fakafetaʻi kia Sihova ʻakimoutolu ko ʻene kau ʻāngelo,  
\q2 ʻoku lahi homou mālohi,  
\q2 pea ʻoku mou fai ʻene ngaahi fekau,  
\q2 ʻo fakafanongo ki he leʻo ʻo ʻene folofola.   
\q1
\v 21 Fakafetaʻi kia Sihova, ʻakimoutolu kotoa pē ko ʻene ngaahi kautau;  
\q2 ʻakimoutolu ko ʻene kau faifekau,  
\q2 ʻoku mou fai ki hono finangalo.   
\q1
\v 22 Fakafetaʻi kia Sihova, ʻa ʻene ngaahi ngāue kotoa pē  
\q2 ʻi he potu kotoa pē ʻo hono puleʻanga:  
\q2 fakafetaʻi kia Sihova, ʻa hoku laumālie.   
\c 104  
\cd \it 1 Ko e fakalaulauloto ki he māfimafi ʻoe ʻOtua, 7 Mo ʻene pule fakaofo. 31 ʻOku taʻengata ʻae nāunau ʻoe ʻOtua. 33 ʻOku fuakava ʻae palōfita ke ne fakamālō maʻuaipē ki he ʻOtua.\it*  
\q1
\v 1 Fakafetaʻi kia Sihova, ʻa hoku laumālie.  
\q2 ʻE Sihova ko hoku ʻOtua, ʻoku ke lahi ʻaupito;  
\q2 kuo kofuʻaki koe ʻae fakaʻapaʻapa mo e māfimafi.   
\q1
\v 2 ‌ʻOku ke ʻufiʻufi ʻaki koe ʻae maama ʻo hangē ko e kofu:  
\q2 ʻoku ke fofola atu ʻae ngaahi langi ʻo hangē ko e puipui:   
\q1
\v 3 ‌ʻOku ne ʻai ʻae ngaahi utupoto ʻo hono ngaahi fale ʻi he ngaahi vai:  
\q2 pea ko ʻene saliote ʻae ngaahi ʻao:  
\q2 pea ʻoku hāʻele ia ʻi he ngaahi kapakau ʻoe matangi:   
\q1
\v 4 ‌ʻOku ne ngaohi ʻene kau ʻāngelo ke hangē ko e matangi;  
\q2 mo ʻene kau faifekau ko e afi ʻoku ulo:   
\q1
\v 5 Naʻa ne ʻai ʻae ngaahi tuʻunga ʻo māmani,  
\q2 ke ʻoua naʻa ueʻi ia ʻo lauikuonga.   
\q1
\v 6 ‌ʻOku ke ʻufiʻufi ʻaki ia ʻae loloto ʻo hangē ko e kofu:  
\q2 naʻe tuʻu ʻae ngaahi vai ʻo māʻolunga hake ʻi he ngaahi moʻunga.   
\q1
\v 7 ‌ʻI hoʻo valoki naʻa nau puna;  
\q2 ʻi he leʻo ʻo hoʻo fatulisi naʻa nau hola ai.   
\q1
\v 8 ‌ʻOku nau ʻalu hake ʻi he ngaahi moʻunga,  
\q2 pea nau ʻalu hifo ʻi he ngaahi vahaʻa moʻunga,  
\q2 ki he potu kuo ke teuteu ki ai.   
\q1
\v 9 Kuo ke ʻai hono ngataʻanga ke ʻoua naʻa ʻalu atu ia ʻi ai;  
\q2 koeʻuhi ke ʻoua naʻa toe haʻu ia ke lōfia ʻa māmani.   
\q1
\v 10 ‌ʻOku ne fekau atu ʻae ngaahi matavai ʻi he ngaahi luo,  
\q2 ʻaia ʻoku tafe ʻi he lotolotonga ʻoe ngaahi foʻi moʻunga.   
\q1
\v 11 ‌ʻOku inu mei ai ʻae fanga manu kotoa pē ʻoe vao:  
\q2 pea ʻoku inu ʻo fiu ai ʻae fanga ʻasi hehengi.   
\q1
\v 12 ‌ʻOku maʻu ʻi ai ʻe he manupuna ʻoe ʻatā honau nofoʻanga,  
\q2 ʻoku nau hiva ʻi he ngaahi vaʻa.   
\q1
\v 13 ‌ʻOku ne fakaviviku ʻae ngaahi foʻi moʻunga mei hono fale ʻafioʻanga:  
\q2 ʻoku mākona ʻae kelekele ʻi he fua ʻo hoʻo ngaahi ngāue.   
\q1
\v 14 ‌ʻOku fakatupu ʻe ia ʻae mohuku maʻae fanga manu,  
\q2 mo e ʻakau ke ʻaonga ki he tangata:  
\q2 koeʻuhi ke ne ʻomi ʻae meʻakai mei he kelekele;   
\q1
\v 15 Mo e uaine ʻaia ʻoku fakafiefiaʻi ʻae loto ʻoe tangata,  
\q2 mo e lolo ke fakangingila hono mata,  
\q2 mo e mā ke fakamālohi ʻae loto ʻoe tangata.   
\q1
\v 16 ‌ʻOku fonu ʻi he huhuʻa ʻae ngaahi ʻakau ʻo Sihova;  
\q2 ko e ngaahi sita ʻo Lepanoni, ʻaia kuo ne tō;   
\q1
\v 17 ‌ʻOku ngaohi ʻi ai ʻe he fanga manupuna honau pununga:  
\q2 pea ko e sitoaka,  
\q2 ko hono fale ko e ngaahi ʻakau ko e paini.   
\q1
\v 18 Ko e ngaahi foʻi moʻunga māʻolunga ko e hūfanga ia ʻoe fanga kosi hehengi;  
\q2 pea mo e ngaahi maka ki he fanga koni.   
\q1
\v 19 Naʻa ne tuʻutuʻuni ʻae māhina ki he ngaahi faʻahitaʻu:  
\q2 ʻoku ʻiloʻi ʻe he laʻā hono tōʻanga.   
\q1
\v 20 ‌ʻOku ke ngaohi ʻae poʻuli, pea ko e pō ia:  
\q2 pea ʻoku totolo atu ʻi ai ʻae fanga manu kotoa pē ʻoe vao.   
\q1
\v 21 ‌ʻOku ngungulu ʻae fanga laione mui ke maʻu ʻenau meʻa,  
\q2 pea nau kumi ʻenau meʻakai mei he ʻOtua.   
\q1
\v 22 ‌ʻOku hopo hake ʻae laʻā, pea ʻoku nau fakataha ai,  
\q2 ʻonau tokoto ʻi honau ngaahi ʻana.   
\q1
\v 23 ‌ʻOku ʻalu atu ʻae tangata ki heʻene ngāue,  
\q2 mo ʻene ngoue ʻo aʻu ki he efiafi.   
\q1
\v 24 ‌ʻE Sihova, hono ʻikai lahi ʻa hoʻo ngaahi ngāue!  
\q2 Kuo ke ngaohi kotoa pē ia ʻi he poto:  
\q2 ʻoku fonu ʻa māmani ʻi hoʻo koloa.   
\q1
\v 25 Pea ʻoku pehē ʻae tahi lahi ni mo laulahi, ʻa ia ʻoku ai ʻae ngaahi meʻa totolo taʻefaʻalaua, ʻae fanga ika iiki mo e lalahi.   
\q1
\v 26 ‌ʻOku ʻalu ʻi ai ʻae ngaahi vaka:  
\q2 ʻoku ʻi ai ʻae levaiatani ko ia, ʻaia kuo ke ngaohi ke ne fakavā ai.   
\q1
\v 27 ‌ʻOku tatali ʻakinautolu ni kotoa pē kiate koe:  
\q2 koeʻuhi ke ke foaki kiate kinautolu ʻenau meʻakai ʻi he feituʻulaʻā totonu.   
\q1
\v 28 Ko ia ʻoku ke foaki kiate kinautolu ʻoku nau tānaki:  
\q2 ʻoku ke mafola ho nima, pea ʻoku pito ʻakinautolu ʻi he lelei.   
\q1
\v 29 ‌ʻOku ke fufū ho fofonga, pea nau mamahi ai:  
\q2 ʻoku ke toʻo atu ʻenau mānava, pea nau mate, pea foki ki honau efu.   
\q1
\v 30 ‌ʻOku ke fekau atu ho Laumālie, pea ʻoku fakatupu ai ʻakinautolu:  
\q2 pea ʻoku ke fakafoʻou ʻae funga ʻo māmani.   
\q1
\v 31 ‌ʻE tolonga ʻo taʻengata ʻae nāunau ʻo Sihova:  
\q2 ʻe fiefia ʻa Sihova ʻi heʻene ngaahi ngāue.   
\q1
\v 32 ‌ʻOku ʻafio ia ki māmani, pea tetetete ia:  
\q2 ʻoku ala ia ki he ngaahi foʻi moʻunga,  
\q2 pea ʻoku nau kohu ai.   
\q1
\v 33 Te u hiva kia Sihova ʻi heʻeku kei moʻui:  
\q2 te u hiva fakamālō ki hoku ʻOtua ʻi he lolotonga ʻo ʻeku moʻui.   
\q1
\v 34 ‌ʻE melie ʻa ʻeku fakakaukau kiate ia:  
\q2 te u fiefia ʻia Sihova.   
\q1
\v 35 Tuku ke ʻosiʻosingamālie ʻae kakai angahala mei māmani,  
\q2 pea ʻoua naʻa kei toe ʻae kau angakovi.  
\q2 Fakafetaʻi kia Sihova, ʻa hoku laumālie.  
\q2 Mou fakamālō kia Sihova.   
\c 105  
\cd \it 1 Ko e enginaki ke fakamālō ki he ʻOtua, pea kumi ke ʻilo ʻa ʻene ngāue. 7 Ko e fakamatala ki he pule ʻae ʻOtua kia ʻEpalahame, 16 mo Siosefa, 23 Mo Sēkope ʻi ʻIsipite, 26 Mo Mōsese ʻi heʻene fakamoʻui ʻa ʻIsileli, 37 Pea ki he kakai ʻIsileli kuo ne ʻomi mei ʻIsipite, ʻo fafanga ʻi he toafa, pea nau maʻu ʻa Kēnani.\it*  
\q1
\v 1 Mou ʻatu ʻae fakafetaʻi kia Sihova; ui ki hono huafa:  
\q2 fakahā ʻene ngaahi ngāue ʻi he ʻao ʻoe kakai.   
\q1
\v 2 Hiva kiate ia, hiva ʻaki ʻae ngaahi saame kiate ia:  
\q2 mou talanoa ʻaki ʻene ngaahi ngāue fakaofo kotoa pē.   
\q1
\v 3 Mou vikiviki ʻi hono huafa māʻoniʻoni:  
\q2 tuku ke fiefia ʻae loto ʻokinautolu ʻoku nau kumi kia Sihova.   
\q1
\v 4 Kumi kia Sihova, mo hono mālohi:  
\q2 kumi maʻuaipē ki hono fofonga.   
\q1
\v 5 Manatu ki heʻene ngaahi ngāue fakaofo ʻaia kuo ne fai;  
\q2 ʻa ʻene ngaahi mana, mo e ngaahi fakamaau ʻa hono fofonga;   
\q1
\v 6 ‌ʻAkimoutolu ʻae hako ʻo ʻEpalahame ko ʻene tamaioʻeiki,  
\q2 ʻakimoutolu ʻae fānau ʻa Sēkope ʻaia kuo ne fili.   
\q1
\v 7 Ko ia, ko Sihova ko hotau ʻOtua,  
\q2 ʻoku ʻi māmani kotoa pē ʻa ʻene ngaahi fakamaau.   
\q1
\v 8 Kuo manatu ʻe ia ki heʻene fuakava ʻo lauikuonga,  
\q2 ko e folofola ʻaia naʻa ne fekau ki he toʻutangata ʻe taha afe.   
\q1
\v 9 ‌ʻA e fuakava ʻaia naʻa ne fai mo ʻEpalahame,  
\q2 pea mo ʻene fuakava kia ʻAisake;   
\q1
\v 10 Pea ne fokotuʻumaʻu ia kia Sēkope ko e fono,  
\q2 pea kia ʻIsileli ko e fuakava taʻengata:   
\q1
\v 11 ‌ʻO ne pehē, “Te u foaki kiate koe ʻae fonua ko Kēnani,  
\q2 ko e fuofua ʻo homou tofiʻa:”   
\q1
\v 12 ‌ʻI he lolotonga naʻe tokosiʻi pe honau kau tangata;  
\q2 ʻio, ko e tokosiʻi ʻaupito, mo e kau muli ʻi ai.   
\q1
\v 13 Lolotonga ʻa ʻenau ʻalu mei he faʻahinga ʻe taha ki ha faʻahinga kehe,  
\q2 pea mei he puleʻanga ʻe taha ki he kakai kehe;   
\q1
\v 14 Naʻe ʻikai tuku ʻe ia ke fai kovi ʻe ha tangata ʻe taha kiate kinautolu:  
\q2 ʻio, naʻa ne valoki ʻae ngaahi tuʻi koeʻuhi ko kinautolu;   
\q1
\v 15 ʻO ne pehē, “ʻOua naʻa ala kiate ia kuo u pani,  
\q2 pea ʻoua naʻa fai kovi ki heʻeku kau palōfita.”   
\q1
\v 16 Pea naʻa ne ui foki ke hoko ʻae honge ki he fonua:  
\q2 naʻa ne fesiʻi ʻae tokotoko kotoa pē ʻoe mā,   
\q1
\v 17 Naʻa ne fekau ʻae tangata ke muʻomuʻa ʻiate kinautolu,  
\q2 ʻio, ko Siosefa ʻaia naʻe fakatau ke tamaioʻeiki:   
\q1
\v 18 Pea naʻa nau fakamamahiʻi hono vaʻe ʻaki ʻae ngaahi haʻi:  
\q2 naʻe tuia ia ʻe he ukamea:   
\q1
\v 19 ‌ʻO aʻu ki he ʻaho naʻe hoko ai ʻene lea:  
\q2 naʻe ʻahiʻahiʻi ia ʻe he folofola ʻa Sihova.   
\q1
\v 20 Naʻe fekau ʻe he tuʻi ke vete ia;  
\q2 ʻio, ʻe he pule ʻoe kakai, pea naʻa ne tukuange ia ke tauʻatāina pe.   
\q1
\v 21 Naʻa ne fakanofo ia ko e ʻeiki ʻo hono fale,  
\q2 mo e pule ʻo ʻene koloa kotoa pē:   
\q1
\v 22 Ke haʻisia hono ngaahi ʻeiki ko ʻene faʻiteliha;  
\q2 mo akonakiʻi ʻa ʻene kau mātuʻa ʻi he poto.   
\q1
\v 23 Naʻe haʻu foki ʻa ʻIsileli ki ʻIsipite pea naʻe ʻāunofo ʻa Sēkope ʻi he fonua ʻo Hami.   
\q1
\v 24 Pea naʻa ne fakatupu ʻo tokolahi ʻaupito ʻa hono kakai;  
\q2 pea ne ngaohi ʻakinautolu kenau mālohi hake ʻi honau ngaahi fili.   
\q1
\v 25 Naʻa ne liliu honau loto kenau fehiʻa ki hono kakai,  
\q2 kenau fai kākā ki heʻene kau tamaioʻeiki.   
\q1
\v 26 Naʻa ne fekau atu ʻa Mōsese ko ʻene tamaioʻeiki;  
\q2 mo ʻElone ʻaia naʻa ne fili.   
\q1
\v 27 Naʻa ne fakahā hono ngaahi fakaʻilonga ʻiate kinautolu,  
\q2 mo e ngaahi meʻa mana ʻi he fonua ʻo Hami.   
\q1
\v 28 Naʻe fekau ʻe ia ki he fakapoʻuli, pea ngaohi ia ko e poʻuli;  
\q2 pea naʻe ʻikai angatuʻu ʻakinautolu ki heʻene folofola.   
\q1
\v 29 Naʻa ne liliu honau ngaahi vai ko e toto,  
\q2 mo tāmateʻi ʻenau ika.   
\q1
\v 30 Naʻe tupu ʻi honau fonua ʻae fanga poto ʻo lahi ʻaupito,  
\q2 ʻi he ngaahi loki ʻo honau ngaahi tuʻi.   
\q1
\v 31 Naʻe folofola ia, pea naʻe haʻu ʻae ngaahi lango kehekehe,  
\q2 mo e fanga kutu ʻi honau fonua.   
\q1
\v 32 Naʻa ne ʻomi ʻae ʻuha maka kiate kinautolu ko e fetongi ʻoe ʻuha,  
\q2 mo e afi ʻoku ulo ʻi honau fonua.   
\q1
\v 33 Naʻa ne taaʻi foki ʻenau ngaahi vaine, mo ʻenau ngaahi ʻakau ko e fiki;  
\q2 pea fesiʻi ʻae ngaahi ʻakau ʻo honau fonua.   
\q1
\v 34 Naʻa ne folofola, pea naʻe haʻu ai ʻae fanga heʻe,  
\q2 mo e ngaahi ʻunufe ʻoku taʻefaʻalaua.   
\q1
\v 35 Pea naʻa nau kai ke ʻosi ʻae ngaahi ʻakau kotoa pē ʻi honau fonua,  
\q2 pea nau fakaʻauha ʻae fua ʻo ʻenau ngoue.   
\q1
\v 36 Naʻa ne taaʻi foki ʻae ʻuluaki fānau kotoa pē ʻi honau fonua,  
\q2 ko e fungani ʻo ʻenau mālohi kotoa pē.   
\q1
\v 37 Naʻa ne ʻomi foki ʻakinautolu mo e siliva mo e koula:  
\q2 pea naʻe ʻikai ai ha tokotaha naʻe vaivai ʻi honau ngaahi faʻahinga.   
\q1
\v 38 Naʻe fiefia ʻa ʻIsipite ʻi heʻenau ʻalu hē naʻe tō kiate kinautolu ʻae manavahē koeʻuhi ko kinautolu.   
\q1
\v 39 Naʻa ne fofola ʻae ʻao ko e fakamalu pea mo e afi ke fakamaama ʻi he pō.   
\q1
\v 40 Naʻe kole ʻe he kakai, pea naʻa ne ʻomi ʻae fanga manupuna,  
\q2 mo ne fakamākona ʻaki ʻakinautolu ʻae mā ʻoe langi.   
\q1
\v 41 Naʻa ne fakaava ʻae maka,  
\q2 pea ʻoho mai ʻae ngaahi vai;  
\q2 pea naʻe tafe ia ʻi he ngaahi potu mōmoa ʻo hangē ko e vaitafe.   
\q1
\v 42 He naʻa ne manatu ki heʻene talaʻofa māʻoniʻoni,  
\q2 mo ʻEpalahame ko ʻene tamaioʻeiki.   
\q1
\v 43 Pea ne ʻomi hono kakai ʻi he fiefia,  
\q2 mo kinautolu kuo ne fili ʻi he nekeneka:   
\q1
\v 44 Pea ne foaki kiate kinautolu ʻae ngaahi fonua ʻoe hiteni, pea naʻa nau maʻu ʻae ngāue ʻae kakai   
\q1
\v 45 Koeʻuhi kenau tokanga ki heʻene ngaahi tuʻutuʻuni,  
\q2 mo tauhi ʻene ngaahi fekau.  
\q2 Mou fakamālō kia Sihova.   
\c 106  
\cd \it 1 ʻOku enginaki ʻe he tangata tohi saame ke fakamālō ki he ʻOtua. 4 ʻOku ne kole ʻae fakamolemole ʻoe angahala, ʻo hangē naʻe fai ʻe he ʻOtua ki he ngaahi mātuʻa. 7 Ko e fakamatala ki he angatuʻu ʻae kakai, mo e ʻaloʻofa ʻae ʻOtua. 47 Ko e lotu mo e fakafetaʻi.\it*  
\q1
\v 1 Mou fakamālō kia Sihova.  
\q2 Mou ʻatu ʻae fakafetaʻi kia Sihova; he ʻoku angalelei ia:  
\q2 koeʻuhi ʻoku tolonga ʻo taʻengata ʻa ʻene ʻaloʻofa.   
\q1
\v 2 Ko hai ʻe faʻa fakamatala ki he ngaahi ngāue lahi ʻa Sihova?  
\q2 Ko hai ʻe faʻa fakahā ʻae fakamālō kotoa pē kiate ia?   
\q1
\v 3 ‌ʻOku monūʻia ʻakinautolu ʻoku tokanga ki he fakamaau,  
\q2 mo ia ʻoku fai māʻoniʻoni ʻi he ʻaho kotoa pē.   
\q1
\v 4 ‌ʻE Sihova, ke ke manatuʻi au ʻaki ʻae ʻofa ʻaia ʻoku ke ʻofa ʻaki ki hoʻo kakai: ke ke ʻaʻahi mai kiate au ʻaki hoʻo fakamoʻui;   
\q1
\v 5 Koeʻuhi ke u mamata ki he lelei ʻo ia kuo ke fili,  
\q2 koeʻuhi ke u fiefia ʻi he fiefia ʻo ho puleʻanga,  
\q2 pea u vikiviki ai fakataha mo ho tofiʻa.   
\q1
\v 6 Ko kimautolu mo ʻemau ngaahi tamai kuo mau fai angahala,  
\q2 kuo mau fai ʻae ngaahi hia,  
\q2 kuo mau fai kovi.   
\q1
\v 7 Naʻe ʻikai ʻilo ʻe heʻemau ngaahi tamai hoʻo ngaahi ngāue fakaofo ʻi ʻIsipite;  
\q2 naʻe ʻikai tenau manatu ki hono lahi ʻo hoʻo ngaahi ʻaloʻofa;  
\q2 ka naʻa nau fakahouhau kiate ia ʻi he tahi, ʻio, ʻi he Tahi Kulokula.   
\q1
\v 8 Ka naʻa ne fakamoʻui ʻakinautolu koeʻuhi ko hono huafa,  
\q2 koeʻuhi ke ne fakaʻilo ʻa hono mālohi lahi.   
\q1
\v 9 Naʻe valoki foki ʻe ia ʻae Tahi Kulokula, pea mōmoa ia:  
\q2 ko ia naʻa ne tataki ʻakinautolu ʻi he loloto, ʻo hangē ko e toafa.   
\q1
\v 10 Pea naʻa ne fakamoʻui ʻakinautolu mei he nima ʻo ia naʻe fehiʻa kiate kinautolu,  
\q2 mo ne huhuʻi ʻakinautolu mei he nima ʻoe fili.   
\q1
\v 11 Pea naʻe lōmakiʻi honau ngaahi fili ʻaki ʻae ngaahi vai:  
\q2 pea naʻe ʻikai hao ha tokotaha ʻiate kinautolu.   
\q1
\v 12 Pea naʻa nau toki tui ki heʻene folofola;  
\q2 naʻa nau hiva ʻaki ʻae fakamālō kiate ia.   
\q1
\v 13 Naʻe ngalo leva ʻiate kinautolu ʻene ngaahi ngāue;  
\q2 pea naʻe ʻikai tenau tatali ki heʻene akonaki:   
\q1
\v 14 Ka naʻa nau holi kovi ʻaupito ʻi he toafa,  
\q2 pea ʻahiʻahiʻi ʻae ʻOtua ʻi he potu lala.   
\q1
\v 15 Pea naʻa ne foaki kiate kinautolu ʻaia naʻa nau kole;  
\q2 ka naʻa ne fekau ʻae tutue ki honau laumālie.   
\q1
\v 16 Naʻa nau meheka foki kia Mōsese ʻi he loto ʻapitanga,  
\q2 mo ʻElone ko e tokotaha māʻoniʻoni ʻa Sihova.   
\q1
\v 17 Naʻe mafahi ʻae kelekele pea folo hifo ai ʻa Tatani,  
\q2 mo ʻufiʻufi ai ʻae kakai ʻo ʻEpilami.   
\q1
\v 18 Pea naʻe tutu ai ʻae afi ʻi honau kakai;  
\q2 pea vela ke ʻosi ʻe he ulo afi ʻae kau angahala.   
\q1
\v 19 Naʻa nau ngaohi ʻae fakatātā ʻoe ʻuhikiʻi pulu ʻi Holepi,  
\q2 pea lotu ki he fakatātā koula.   
\q1
\v 20 Naʻe pehē ʻenau liliu honau nāunau,  
\q2 ki he fakatātā ʻoe pulu ʻaia ʻoku kai mohuku.   
\q1
\v 21 Naʻa nau fakangalongaloʻi ʻae ʻOtua ko honau fakamoʻui,  
\q2 ʻaia naʻe fai ʻae ngaahi meʻa lahi ʻi ʻIsipite;   
\q1
\v 22 Ko e ngaahi ngāue fakaofo ʻi he fonua ʻo Hami,  
\q2 mo e ngaahi meʻa fakailifia ʻi he Tahi Kulokula.   
\q1
\v 23 Ko ia naʻa ne pehē te ne fakaʻauha ʻakinautolu,  
\q2 ka ne ʻikai tuʻu ʻi hono ʻao ʻi he vahaʻa ʻa Mōsese ʻaia kuo ne fili,  
\q2 ke fakatafoki hono houhau,  
\q2 telia naʻa fakaʻauha ʻe ia ʻakinautolu.   
\q2
\v 24 ‌ʻIo, naʻa nau fehiʻa ki he fonua lelei,  
\q2 naʻe ʻikai tenau tui ki heʻene folofola:   
\q1
\v 25 Ka naʻa nau lāunga ʻi honau ngaahi fale fehikitaki,  
\q2 ʻo taʻetokanga ki he leʻo ʻo Sihova.   
\q1
\v 26 Ko ia naʻa ne hiki hake ai hono nima kiate kinautolu,  
\q2 ke tulaki ʻakinautolu ʻi he toafa:   
\q1
\v 27 Ke tulaki foki honau hako ʻi he ʻao ʻoe ngaahi puleʻanga,  
\q2 mo fakahēʻi ʻakinautolu ʻi he ngaahi fonua.   
\q1
\v 28 Naʻa nau ului foki kia Peali-Peoli,  
\q2 mo nau kai ʻae ngaahi feilaulau ʻoe mate.   
\q1
\v 29 Ko ia naʻa nau fakahouhauʻi ia ʻaki ʻenau ngaahi filioʻi:  
\q2 pea naʻe ʻoho mai ʻae mahaki fakaʻauha kiate kinautolu.   
\q1
\v 30 Pea naʻe toki tuʻu hake ʻa Finiasi, ʻo fai ʻae fakamaau:  
\q2 pea naʻe lolomi ai ʻae mahaki fakaʻauha.   
\q1
\v 31 Pea naʻe lau ia kiate ia ko e māʻoniʻoni ʻi he ngaahi toʻutangata kotoa pē ʻo lauikuonga.   
\q1
\v 32 Naʻa nau fakahouhau kiate ia foki ʻi he ngaahi vai ʻoe fekeʻikeʻi,  
\q2 pea hoko ʻae kovi kia Mōsese koeʻuhi ko kinautolu:   
\q1
\v 33 Ko e meʻa ʻi heʻenau fakatupu hono loto,  
\q2 ko ia naʻa ne lea ʻaki ʻae lea taʻengali ʻe hono loungutu.   
\q1
\v 34 Naʻe ʻikai tenau fakaʻauha ʻae ngaahi puleʻanga,  
\q2 ʻaia naʻe fekau ʻe Sihova kiate kinautolu:   
\q1
\v 35 Ka naʻa nau nofo fakataha mo e hiteni,  
\q2 pea nau ʻilo ʻenau ngaahi ngāue.   
\q1
\v 36 Pea naʻa nau tauhi honau ngaahi tamapua:  
\q2 ʻaia naʻe hoko ko e tauhele kiate kinautolu.   
\q1
\v 37 ‌ʻIo, naʻa nau feilaulau ʻaki honau ngaahi foha mo honau ngaahi ʻofefine ki he kau tēvolo,   
\q1
\v 38 Mo lilingi ʻae toto māʻoniʻoni,  
\q2 ko e toto ʻo honau ngaahi foha mo honau ngaahi ʻofefine,  
\q2 ʻakinautolu naʻa nau feilaulau ʻaki ki he ngaahi tamapua ʻo ʻi he toto.   
\q1
\v 39 Pea naʻe fakaʻuliʻi pehē ʻakinautolu ʻi heʻenau ngaahi ngāue,  
\q2 pea nau fai feʻauaki ʻi heʻenau ngaahi filioʻi.   
\q1
\v 40 Ko ia naʻe tupu ai ʻae houhau ʻo Sihova ki hono kakai,  
\q2 pea ne fākaliliʻa ai ki hono tofiʻa ʻoʻona.   
\q1
\v 41 Pea naʻa ne tukuange ʻakinautolu ki he nima ʻoe hiteni;  
\q2 pea naʻe pule kiate kinautolu ʻakinautolu naʻe fehiʻa kiate kinautolu.   
\q1
\v 42 Pea naʻe fakamālohiʻi ʻakinautolu ʻe honau ngaahi fili,  
\q2 pea fakamoʻulaloa ʻakinautolu ki honau lalo nima.   
\q1
\v 43 Naʻe liunga lahi ʻene fakamoʻui ʻakinautolu;  
\q2 ka naʻa nau fakahouhauʻi ia ʻi heʻenau fakakaukau,  
\q2 pea naʻe fakavaivaiʻi ʻakinautolu koeʻuhi ko ʻenau hia.   
\q1
\v 44 Ka naʻa ne tokanga ki heʻenau mamahi,  
\q2 ʻi heʻene ongoʻi ʻenau tangi:   
\q1
\v 45 Pea ne manatuʻi ʻa ʻene fuakava mo kinautolu,  
\q2 pea ne fakatomala ʻo fakatatau mo hono lahi ʻo ʻene ʻaloʻofa.   
\q1
\v 46 naʻa ne pule foki ke manavaʻofa kiate kinautolu  
\q2 ʻakinautolu kotoa pē naʻe ʻave pōpula ʻakinautolu.   
\q1
\v 47 Fakamoʻui ʻakimautolu, ʻE Sihova ko homau ʻOtua,  
\q2 pea tānaki ʻakimautolu mei he lotolotonga ʻoe hiteni,  
\q2 ke mau fakafetaʻi ki ho huafa māʻoniʻoni,  
\q2 pea hanuhanu ʻi he fakamālō kiate koe.   
\q1
\v 48 Fakafetaʻi kia Sihova koe ʻOtua ʻo ʻIsileli talu mei muʻa ʻo aʻu ʻo taʻengata;  
\q2 pea tuku ke lea pehē ʻe he kakai kotoa pē ʻEmeni.  
\q2 Mou fakamālō kia Sihova.   
\c 107  
\ms1 TOHI 5  
\mr (Saame 107—150)  
\cd \it 1 ʻOku enginaki ʻe he tangata tohi saame ki he kakai kuo huhuʻi kenau tokanga, ʻi heʻenau fakamālō ki he ʻOtua, ki heʻene pule lelei, 4 Ki he kau fononga, 10 Ki he kau pōpula, 17 Ki he kakai mahaki, 23 Ki he kau toutai, 33 Pea ʻi he ngaahi anga kehekehe ʻoe moʻui.\it*  
\q1
\v 1 “Mou ʻatu ʻae fakafetaʻi kia Sihova, he ʻoku angalelei ia:  
\q2 koeʻuhi ʻoku tolonga ʻo taʻengata ʻa ʻene ʻaloʻofa.”   
\q1
\v 2 Ke lea pehē ʻe he kakai kuo huhuʻi ʻe Sihova, ʻakinautolu kuo ne huhuʻi mei he nima ʻoe fili;   
\q1
\v 3 Pea tānaki ʻakinautolu mei he ngaahi fonua,  
\q2 mei he potu hahake, pea mei he potu lulunga,  
\q2 mei he potu tokelau, pea mei he feituʻu tonga.   
\q1
\v 4 Naʻa nau ʻalu fano pē ʻi he toafa ʻi he hala liʻaki; naʻe ʻikai tenau ʻilo ha kolo ke nofo ai.   
\q1
\v 5 Pea ʻi he fiekaia mo e fieinua,  
\q2 naʻe pongia ai honau laumālie ʻiate kinautolu.   
\q1
\v 6 Pea naʻa nau toki tangi kia Sihova ʻi heʻenau tuʻutāmaki,  
\q2 pea ne ne fakamoʻui ʻakinautolu mei heʻenau ngaahi mamahi.   
\q1
\v 7 Pea naʻa ne tataki atu ʻakinautolu ʻi he hala totonu,  
\q2 koeʻuhi kenau hoko ki he kolo naʻe kakai.   
\q1
\v 8 Taumaiā ke fakamālō ʻae kakai kia Sihova koeʻuhi ko ʻene ʻaloʻofa,  
\q2 pea koeʻuhi ko ʻene ngaahi ngāue fakaofo ki he fānau ʻae tangata!   
\q1
\v 9 He ʻoku ne fakamākona ʻae laumālie ʻoku holi,  
\q2 mo ne fakapito ʻaki ʻae lelei ʻae laumālie ʻoku fiekaia.   
\q1
\v 10 Ko kinautolu ʻoku nofo ʻi he fakapoʻuli pea mo e ʻata ʻae mate,  
\q2 kuo haʻi ʻaki ʻae mamahi mo e ukamea;   
\q1
\v 11 Koeʻuhi naʻa nau angatuʻu ki he ngaahi folofola ʻae ʻOtua,  
\q2 mo nau fehiʻa ki he akonaki ʻae fungani Māʻolunga:   
\q1
\v 12 Ko ia naʻa ne fakavaivaiʻi honau loto ʻi he ngāue;  
\q2 naʻa nau tō ki lalo, pea naʻe ʻikai ha taha ke tokoni.   
\q1
\v 13 Pea naʻa nau toki tangi kia Sihova ʻi heʻenau tuʻutāmaki,  
\q2 pea ne fakamoʻui ʻakinautolu mei heʻenau ngaahi mamahi.   
\q1
\v 14 Naʻa ne ʻomi ʻakinautolu mei he fakapoʻuli mo e ʻata ʻoe mate,  
\q2 ʻo ne motuhi honau ngaahi haʻi.   
\q1
\v 15 Taumaiā ke fakamālō ʻae kakai kia Sihova koeʻuhi ko ʻene ʻaloʻofa,  
\q2 pea koeʻuhi ko ʻene ngaahi ngāue fakaofo ki he fānau ʻae tangata!   
\q1
\v 16 He kuo ne maumauʻi ʻae ngaahi matapā palasa,  
\q2 pea ne tutuʻu ʻae ngaahi ukamea fakamaʻu.   
\q1
\v 17 ‌ʻOku mamahi ʻae kau vale koeʻuhi ko ʻenau talangataʻa,  
\q2 pea mo ʻenau ngaahi hia.   
\q1
\v 18 ‌ʻOku fehiʻa honau laumālie ki he meʻakai kotoa pē;  
\q2 pea ʻoku nau fakaʻaʻau ki he ngaahi matapā ʻoe mate.   
\q1
\v 19 Pea ʻoku nau toki tangi kia Sihova ʻi heʻenau tuʻutāmaki,  
\q2 pea ʻoku ne fakamoʻui ʻakinautolu mei heʻenau ngaahi mamahi.   
\q1
\v 20 Naʻa ne fekau ʻene folofola, pea ne fakamoʻui ʻakinautolu,  
\q2 mo ne fakahaofi ʻakinautolu mei heʻenau ngaahi meʻa fakaʻauha.   
\q1
\v 21 Taumaiā ke fakamālō ʻae kakai kia Sihova koeʻuhi ko ʻene ʻaloʻofa,  
\q2 pea koeʻuhi ko ʻene ngaahi ngāue fakaofo ki he fānau ʻae tangata!   
\q1
\v 22 Pea tuku kenau feilaulau ʻaki ʻae ngaahi feilaulau ʻoe fakafetaʻi,  
\q2 mo fakahā ʻene ngaahi ngāue ʻi he fiefia.   
\q1
\v 23 Ko kinautolu ʻoku ʻalu hifo ki he tahi ʻi he ngaahi vaka,  
\q2 mo fai ʻae ngāue ʻi he ngaahi vai lahi;   
\q1
\v 24 ‌ʻOku nau mamata ki he ngaahi ngāue ʻa Sihova,  
\q2 mo ʻene ngaahi meʻa fakaofo ʻi he moana.   
\q1
\v 25 He ʻoku fekau ʻe ia, pea ʻoku fakatupu ʻae matangi mālohi,  
\q2 ʻaia ʻoku tupu hake ai hono ngaahi peau.   
\q1
\v 26 ‌ʻOku nau ʻalu hake ki he langi, ʻoku nau toe ʻalu hifo ki he ngaahi loloto:  
\q2 kuo vela ʻo vai honau laumālie koeʻuhi ko e mamahi.   
\q1
\v 27 ‌ʻOku nau tasipa, pea luelue ʻo hangē ko e tangata konā,  
\q2 pea kuo mole honau poto kotoa pē.   
\q1
\v 28 ‌ʻOku nau toki tangi kia Sihova ʻi heʻenau tuʻutāmaki,  
\q2 pea ʻoku ne ʻomi ʻakinautolu mei heʻenau ngaahi mamahi.   
\q1
\v 29 ‌ʻOku ne ngaohi ʻae afā ke tofukī,  
\q2 ko ia ʻoku ʻikai ngaue ai hono peau.   
\q1
\v 30 Pea ʻoku nau toki fiefia koeʻuhi ʻoku nau fiemālie ai;  
\q2 pea ʻoku ne ʻomi ʻakinautolu ki he taulanga kuo nau holi ki ai.   
\q1
\v 31 Taumaiā ke fakamālō ʻae kakai kia Sihova koeʻuhi ko ʻene ʻaloʻofa,  
\q2 pea koeʻuhi ko ʻene ngaahi ngāue fakaofo ki he fānau ʻae tangata!   
\q1
\v 32 Tuku kenau fakahikihiki ʻa ʻene ʻafio ʻi he fakataha ʻoe kakai, mo fakamālō   
\q1
\v 33 ‌ʻOku liliu ʻe ia ʻae ngaahi vaitafe ko e toafa,  
\q2 mo e ngaahi matavai ko e kelekele mōmoa;   
\q1
\v 34 Mo e fonua mahu ko e hongea,  
\q2 koeʻuhi ko e angakovi ʻae kakai ʻoku nofo ai.   
\q1
\v 35 ‌ʻOku ne liliu ʻae toafa ko e ano vai,  
\q2 mo e fonua mōmoa ko e ngaahi matavai.   
\q1
\v 36 Pea ʻoku ne pule ke nofo ai ʻae fiekaia,  
\q2 koeʻuhi kenau teuteu ʻae kolo ke nofo ai;   
\q1
\v 37 Mo tūtuuʻi ʻae ngaahi ngoue,  
\q2 pea tō ʻae ngaahi ngoue vaine,  
\q2 ʻaia ʻoku faʻa ʻomi ʻae ngaahi fua kuo tupu.   
\q1
\v 38 ‌ʻOku ne fakamonūʻia foki ʻakinautolu, ko ia kuo nau tupu ʻo tokolahi ʻaupito;  
\q2 pea ʻoku ʻikai te ne tuku ke fakaʻaʻau ke siʻi ʻenau fanga manu.   
\q1
\v 39 Pea ʻoku toe fakaʻaʻau ke tokosiʻi mo vaivai ʻakinautolu  
\q2 ʻi he fakamālohi, mo e mahaki, mo e mamahi.   
\q1
\v 40 ‌ʻOku ne lilingi ʻae manuki ki he ngaahi ʻeiki,  
\q2 pea ʻoku ne pule kenau ʻalu fano ʻi he toafa, ʻaia ʻoku ʻikai ha hala ʻi ai.   
\q1
\v 41 Ka ʻoku ne hiki hake ʻae masiva mei he mamahi,  
\q2 pea ʻoku ne ngaohi maʻana ʻae ngaahi kāinga ʻo hangē ko e fanga sipi.   
\q1
\v 42 ‌ʻE mamata ki ai ʻae angatonu, pea fiefia;  
\q2 pea ʻe tāpuni ʻe he angahala kotoa pē hono ngutu.   
\q1
\v 43 Ko hai ʻoku poto, pea tokanga ki he ngaahi meʻa ni,  
\q2 tenau ʻiloʻi ʻae ʻaloʻofa ongongofua ʻa Sihova.   
\c 108  
\cd \it 1 ʻOku enginakiʻi ʻe Tevita hono loto ke fakamālō ki he ʻOtua. 5 ʻOku ne kole ki he tokoni ʻae ʻOtua ʻo fakatatau mo ʻene talaʻofa. 11 Ko ʻene tui ki he tokoni mei he ʻOtua.\it*  
\d Ko e Hiva pe ko e Saame ʻa Tevita.  
\q1
\v 1 ‌ʻE ʻOtua, kuo maʻu hoku loto;  
\q2 te u hiva mo ʻatu ʻae fakamālō ʻaki hoku nāunau.   
\q1
\v 2 Ke ʻā hake ʻae saliteli mo e haʻape:  
\q2 te u ʻa hengihengi hake pe au.   
\q1
\v 3 ‌ʻE Sihova, te u fakamālō kiate koe ʻi he ʻao ʻoe kakai:  
\q2 pea te u hiva fakamālō kiate koe ʻi he ngaahi puleʻanga.   
\q1
\v 4 He ʻoku lahi hoʻo ʻaloʻofa ʻo māʻolunga hake ʻi he ngaahi langi:  
\q2 mo hoʻo moʻoni ʻoku aʻu atu ki he ngaahi ʻao.   
\q1
\v 5 ‌ʻE ʻOtua, ke māʻolunga lahi hake koe ʻi he ngaahi langi:  
\q2 pea ke māʻolunga hake ho nāunau ʻi māmani kotoa pē;   
\q1
\v 6 Koeʻuhi ke hao ʻaia ʻoku ke ʻofa ai ke ke fakamoʻui  
\q2 ʻaki ho nima toʻomataʻu, ʻo talia au.   
\q1
\v 7 Kuo folofola ʻae ʻOtua ʻi heʻene māʻoniʻoni; te u fiefia,  
\q2 “Te u vaeua ʻa Sikemi, ʻo fuofua ʻae luo ʻo Sukote.   
\q1
\v 8 ‌ʻOku ʻoʻoku ʻa Kiliati; ʻoku ʻoʻoku mo Manase;  
\q2 ko hono mālohi foki ʻo hoku ʻulu ʻa ʻIfalemi;  
\q2 ko ʻeku fai fono ʻa Siuta.   
\q1
\v 9 Ko ʻeku ipu kaukauʻanga ʻa Moape;  
\q2 te u lī hoku topuvaʻe ki ʻolunga ki ʻItomi;  
\q2 te u vikiviki koeʻuhi ko Filisitia.”   
\q1
\v 10 Ko hai te ne ʻomi au ki he kolo mālohi?  
\q2 Ko hai te ne aʻutaki au ki ʻItomi?   
\q1
\v 11 ‌ʻE ʻOtua, ʻe ʻikai, te ke fai ia, ʻa koe kuo ke liʻaki ʻakimautolu?  
\q2 Pea ʻikai te ke ʻalu atu, ʻE ʻOtua, mo ʻemau ngaahi kautau?   
\q1
\v 12 Ke ke tuku kiate kimautolu ʻae tokoni ʻi he mamahi:  
\q2 he ʻoku taʻeʻaonga ʻae tokoni ʻae tangata.   
\q1
\v 13 Ko e meʻa ʻi he ʻOtua te tau fai mālohi ai:  
\q2 he ko ia ia te ne malaki hifo hotau ngaahi fili.   
\c 109  
\cd \it 1 ʻOku lāunga ʻa Tevita ki he lauʻikovi ʻa hono ngaahi fili, ʻoku ne fakatukutukuʻi ʻakinautolu ʻi he tangata ko Siutasi. 16 ʻOku ne fakahā ʻenau hia. 21 ʻOku fakahā ʻene mamahi, ʻo kole ʻae tokoni. 29 ʻOku pehē ʻe ia te ne fakafetaʻi.\it*  
\d Ki he Takimuʻa, ko e Saame ʻa Tevita.  
\q1
\v 1 ‌ʻE ʻOtua ʻo ʻeku fakamālō, ʻoua naʻa ke fakalongo pē;   
\q1
\v 2 He kuo mafaʻa ʻae ngutu ʻoe angahala mo e ngutu ʻoe kākā kiate au:  
\q2 kuo nau lea kovi kiate au ʻaki ʻae ʻelelo loi.   
\q1
\v 3 Naʻa nau kāpui foki au ʻaki ʻae ngaahi lea ʻoe taufehiʻa;  
\q2 mo nau tauʻi au taʻehanoʻuhinga.   
\q1
\v 4 Ko e meʻa ʻi heʻeku ʻofa kuo hoko ʻakinautolu ko hoku ngaahi fili:  
\q2 ka te u hangahanga lotu pe au.   
\q1
\v 5 Pea kuo nau totongi ʻaki kiate au ʻae kovi ki he lelei,  
\q2 mo e fehiʻa ki heʻeku ʻofa.   
\q1
\v 6 Ke ke fakanofo ʻae tangata angakovi ke pule kiate ia:  
\q2 pea tuku ke tuʻu ʻa Sētane ʻi hono nima toʻomataʻu.   
\q1
\v 7 ‌ʻOka fakamaau ia,  
\q2 tuku ke halaia ia pea tuku ke hoko ʻene lotu ko e angahala.   
\q1
\v 8 Tuku ke siʻi pē hono ngaahi ʻaho;  
\q2 pea ke maʻu ʻe ha taha kehe ʻene ngāue.   
\q1
\v 9 Tuku ke tamai mate ʻene fānau,  
\q2 pea hoko ʻa hono uaifi ko e fefine kuo mate hono husepāniti.   
\q1
\v 10 Tuku ke ne maʻuaipē ʻene fānau, mo kole:  
\q2 pea tuku kenau kumi foki ʻenau mā mei honau ngaahi potu ʻoku lala.   
\q1
\v 11 Tuku ke maʻu ʻe he fakamālohi ʻae meʻa kotoa pē ʻoku ʻaʻana;  
\q2 pea maumauʻi ʻe he kau muli ʻene ngāue.   
\q1
\v 12 ‌ʻOua naʻa tuku ha taha ke manavaʻofa kiate ia:  
\q2 pea ʻoua naʻa tuku ha taha ke ʻofa ki heʻene fānau ʻoku tamai mate.   
\q1
\v 13 Tuku ke tuʻusi hono hako;  
\q2 pea ʻi he toʻutangata ʻe haʻu tuku ke tāmateʻi honau hingoa.   
\q1
\v 14 Ke manatuʻi ʻe Sihova ʻae hia ʻa ʻene ngaahi tamai;  
\q2 pea ʻoua naʻa tāmateʻi ʻae angahala ʻa ʻene faʻē.   
\q1
\v 15 Tuku maʻuaipē ia ʻi he ʻao ʻo Sihova, koeʻuhi ke ne tuʻusi honau fakamanatuʻi mei māmani.   
\q1
\v 16 Koeʻuhi naʻe ʻikai manatuʻi ʻe ia ke fakahā ʻae ʻofa,  
\q2 ka naʻa ne fakatanga ʻae tangata masiva mo paea,  
\q2 koeʻuhi ke ne tāmateʻi ʻaia ʻoku mafesi hono loto.   
\q1
\v 17 Ko e meʻa ʻi heʻene ʻofa ki he kapekape, ko ia ke hoko ia kiate ia:  
\q2 ko e meʻa ʻi heʻene taʻefiefia ʻi he tāpuaki, ko ia ke mamaʻo ia ʻiate ia.   
\q1
\v 18 Ko e meʻa ʻi heʻene fakakofuʻaki ia ʻae kape ʻo hangē ko e kofu,  
\q2 ko ia ke hoko ia ki hono kete ʻo hangē ko e vai,  
\q2 pea hangē ko e lolo ki hono ngaahi hui.   
\q1
\v 19 Ke tatau ia kiate ia mo e kofu ʻaia ʻoku ʻufiʻufi ʻaki ia,  
\q2 pea mo e noʻo ʻaia ʻoku nonoʻo ʻaki maʻuaipē ia.   
\q1
\v 20 Tuku eni ko e totongi ki hoku ngaahi fili meia Sihova, pea kiate kinautolu ʻoku nau lea ʻaki ʻae kovi ki hoku laumālie.   
\q1
\v 21 Ka ke fai ʻe koe maʻaku, ʻE Sihova ko e ʻEiki,  
\q2 koeʻuhi ko ho huafa: koeʻuhi ʻoku lelei hoʻo ʻaloʻofa, ke ke fakamoʻui au.   
\q1
\v 22 He ʻoku ou masiva mo paea,  
\q2 pea kuo lavea hoku loto ʻiate au.   
\q1
\v 23 Kuo u mole atu ʻo hangē ko e ʻata ʻoka fakaʻaʻau ke ʻosi ia:  
\q2 kuo feʻaveʻaki au ʻo hangē ko e fanga heʻe.   
\q1
\v 24 ‌ʻOku vaivai hoku tui ʻi he ʻaukai:  
\q2 pea kuo mole ʻae sino ʻo hoku kakano.   
\q1
\v 25 Ne u hoko foki ko e manukiʻanga kiate kinautolu:  
\q2 ʻi heʻenau sio mai kiate au,  
\q2 naʻa nau kalokalo honau ʻulu.   
\q1
\v 26 Tokoniʻi au, ʻE Sihova ko hoku ʻOtua:  
\q2 ke ke fakamoʻui au ʻo hangē ko hoʻo ʻaloʻofa:   
\q1
\v 27 Koeʻuhi ke nau ʻilo ko ho nima eni;  
\q2 pea ko koe, ʻE Sihova, kuo ke fai ia.   
\q1
\v 28 Tuku kenau kape, ka ke fakamonūʻia ʻe koe:  
\q2 ʻoka nau ka tuʻu hake, tuku ke nau mā;  
\q2 kae tuku ke fiefia ʻa hoʻo tamaioʻeiki.   
\q1
\v 29 Tuku ke kofu ʻa hoku ngaahi fili ʻaki ʻae mā,  
\q2 pea tuku kenau ʻufiʻufi ʻaki ʻakinautolu ʻa ʻenau puputuʻu, ʻo hangē ko e pulupulu.   
\q1
\v 30 Te u fakamālō lahi kia Sihova ʻaki hoku ngutu;  
\q2 ʻio, te u fakamālō kiate ia ʻi he lotolotonga ʻoe tokolahi.   
\q1
\v 31 Koeʻuhi ʻe tuʻu ia ʻi he nima toʻomataʻu ʻoe masiva,  
\q2 ke fakamoʻui ia meiate kinautolu ʻoku nau fakahalaia hono laumālie.   
\c 110  
\cd \it 1 Ko e puleʻanga, 4 Mo e ngāue fakataulaʻeiki, 5 Mo e māfimafi, 7 Pea mo e mamahi ʻa Kalaisi.\it*  
\d Ko e Saame ʻa Tevita.  
\q1
\v 1 Naʻe pehē ʻE Sihova ki hoku ʻEiki, “Nofo koe ki hoku nima toʻomataʻu,  
\q2 kaeʻoua ke u ngaohi ho ngaahi fili ko ho tuʻungavaʻe.”   
\q1
\v 2 ‌ʻE fekau ʻe Sihova ʻae tokotoko ʻo ho mālohi mei Saione:  
\q2 “Ke ke pule ʻi he lotolotonga ʻo ho ngaahi fili.”   
\q1
\v 3 ‌ʻE loto matala ʻa hoʻo kakai ʻi he ʻaho ʻo ho mālohi, ʻi he ngaahi teunga matamatalelei ʻoe māʻoniʻoni mei he manāva ʻoe pongipongi:  
\q2 ʻoku ʻiate koe ʻae hahau ʻo hoʻo talavou.   
\q1
\v 4 Kuo fuakava ʻa Sihova, pea ʻe ʻikai liliu ia,  
\q2 “Ko e taulaʻeiki koe ʻo lauikuonga ʻi he lakanga ʻo Melikiseteke.”   
\q1
\v 5 Ko e ʻEiki ʻaia ʻoku ʻi ho nima toʻomataʻu,  
\q2 te ne taaʻi ʻae ngaahi tuʻi ʻi he ʻaho ʻo hono houhau.   
\q1
\v 6 Te ne fakamaau ʻi he ʻao ʻoe hiteni,  
\q2 te ne fakapito ʻae ngaahi potu ʻaki ʻae ngaahi ʻangaʻanga;  
\q2 ʻe lavea ʻiate ia ʻae ʻulu ʻoe ngaahi fonua lahi.   
\q1
\v 7 ‌ʻE inu ia ʻi he vaitafe ʻi he hala: ko ia te ne hiki hake ai ʻae ʻulu.   
\c 111  
\cd \it 1 ʻOku ueʻi ʻe he tangata tohi saame ʻae kakai kenau faʻifaʻitaki kiate ia, pea fakamālō ki he ʻOtua koeʻuhi ko ʻene ngāue ongoongolelei, 5 Mo ʻaloʻofa. 10 ʻOku tupu ʻae poto moʻoni ʻi he manavahē ki he ʻOtua.\it*  
\q1
\v 1 Mou fakamālō kia Sihova.  
\q2 Te u fakamālō kia Sihova ʻaki hoku loto kotoa pē,  
\q2 ʻi he fakataha ʻoe angatonu, pea ʻi he lotolotonga ʻoe kakai.   
\q1
\v 2 ‌ʻOku lahi ʻae ngāue ʻa Sihova, ʻoku kumi ki ai ʻakinautolu kotoa pē ʻoku fiefia ai.   
\q1
\v 3 ‌ʻOku ongoongolelei mo nāunauʻia ʻa ʻene ngāue:  
\q2 pea ʻoku tolonga ʻo taʻengata ʻa ʻene māʻoniʻoni.   
\q1
\v 4 Kuo ne fai ʻene ngaahi ngāue fakaofo ke manatu ia ʻe he kakai:  
\q2 ʻoku manavaʻofa ʻa Sihova, pea fonu ʻi he ʻaloʻofa.   
\q1
\v 5 Kuo foaki ʻe ia ʻae meʻakai kiate kinautolu ʻoku nau manavahē kiate ia:  
\q2 te ne manatuʻi maʻuaipē ʻa ʻene fuakava.   
\q1
\v 6 Kuo ne fakahā ki hono kakai ʻae mālohi ʻo ʻene ngaahi ngāue,  
\q2 koeʻuhi ke ne foaki kiate kinautolu ʻae tofiʻa ʻoe hiteni.   
\q1
\v 7 Ko e ngaahi ngāue ʻa hono nima ko e moʻoni mo e fakamaau:  
\q2 ʻoku moʻoni ʻa ʻene ngaahi fekau kotoa pē.   
\q1
\v 8 ‌ʻOku tuʻumaʻu ia ʻo lauikuonga pea taʻengata,  
\q2 pea kuo fai ia ʻi he moʻoni mo e angatonu.   
\q1
\v 9 Naʻa ne fekau atu ʻae huhuʻi ki hono kakai:  
\q2 kuo ne fokotuʻu ʻene fuakava ʻo lauikuonga:  
\q2 ʻoku māʻoniʻoni mo ngeia ʻa hono huafa.   
\q1
\v 10 Ko e manavahē kia Sihova ko e kamataʻanga ia ʻoe poto:  
\q2 ʻoku poto ʻakinautolu kotoa pē ʻoku fai ki heʻene fekau:  
\q2 ʻoku tolonga ʻo taʻengata ʻae fakamālō kiate ia.   
\c 112  
\cd \it 1 Kuo maʻu ʻe he anga fakaʻotua ʻae talaʻofa ʻae moʻui ni, 4 Pea ʻoe moʻui ʻe hoko. 10 ʻE mamahi ʻae angahala ʻi heʻenau mamata ki he monūʻia ʻoe māʻoniʻoni.\it*  
\q1
\v 1 Mou fakamālō kia Sihova.  
\q2 ʻOku monūʻia ʻae tangata ʻoku ne manavahē kia Sihova,  
\q2 mo ne fiefia lahi ʻi heʻene ngaahi fekau.   
\q1
\v 2 ‌ʻE mālohi hono hako ʻi māmani:  
\q2 ko e toʻutangata ʻoe angatonu tenau monūʻia.   
\q1
\v 3 ‌ʻE ʻi hono fale ʻae koloa mo e nāunau:  
\q2 pea ʻoku tolonga ʻo taʻengata ʻa ʻene angatonu.   
\q1
\v 4 ‌ʻOku tupu ʻae maama ki he angatonu ʻi he poʻuli:  
\q2 ʻoku angaʻofa ia, pea fonu ʻi he manavaʻofa, pea māʻoniʻoni.   
\q1
\v 5 ‌ʻOku fakahā ʻe he tangata angalelei ʻae ʻofa, pea ʻoku faʻa ʻatu:  
\q2 te ne pule ki heʻene meʻa ʻi he poto.   
\q1
\v 6 Ko e moʻoni ʻe ʻikai ueʻi ia ʻo lauikuonga:  
\q2 ʻe taʻengata ʻae fakamanatu ki he kakai māʻoniʻoni.   
\q1
\v 7 ‌ʻE ʻikai te ne manavahē ki he ongoongo kovi:  
\q2 kuo maʻu hono loto ʻi he falala kia Sihova.   
\q1
\v 8 Kuo fokotuʻumaʻu ʻa hono loto:  
\q2 ʻe ʻikai te ne manavahē, ka ʻe mamata ia ki hono ngaahi fili.   
\q1
\v 9 Kuo tufa ʻe ia, kuo ne foaki ki he masiva;  
\q2 ʻoku tolonga ʻo taʻengata ʻa ʻene angatonu;  
\q2 ʻe hiki hake hono nifo ʻi he ongolelei.   
\q1
\v 10 ‌ʻE mamata ki ai ʻae angahala, pea tenau mamahi:  
\q2 ʻe fengaiʻitaki hono nifo, pea ʻe mole atu ia:  
\q2 ʻe ʻauha ʻae holi ʻae angahala.   
\c 113  
\cd \it 1 Ko e enginaki ho fakamālō ki he ʻOtua koeʻuhi ko ʻene lelei, 6 Mo ʻene ʻaloʻofa.\it*  
\q1
\v 1 Mou fakamālō kia Sihova.  
\q2 Fakamālō, ʻakimoutolu ko e kau tamaioʻeiki ʻa Sihova,  
\q2 fakamālō ki he huafa ʻo Sihova.   
\q1
\v 2 Fakafetaʻi ki he huafa ʻo Sihova mei he ʻaho ni ʻo taʻengata.   
\q1
\v 3 Ke fakamālō ki he huafa ʻo Sihova, mei he hopo hake ʻoe laʻā ʻo aʻu ki heʻene tō hifo.   
\q1
\v 4 ‌ʻOku māʻolunga hake ʻa Sihova ʻi he ngaahi puleʻanga kotoa pē, mo hono nāunau ʻoku māʻolunga hake ʻi he ngaahi langi.   
\q1
\v 5 Ko hai ʻoku na tatau mo Sihova ko hotau ʻOtua, ʻaia ʻoku ʻafio ʻi ʻolunga,   
\q1
\v 6 ‌ʻOku ne fakamoʻulaloaʻi ia ke ʻafio ki he ngaahi meʻa ʻoku ʻi he langi, pea mo māmani!   
\q1
\v 7 ‌ʻOku ne fokotuʻu hake ʻae masiva mei he efu,  
\q2 mo ne hiki hake ʻae paea mei he tuʻunga ʻotoʻota;   
\q1
\v 8 Koeʻuhi ke ne fakataha mo e ngaahi ʻeiki,  
\q2 pea ke kautaha mo e houʻeiki ʻo hono kakai.   
\q1
\v 9 ‌ʻOku ne ngaohi ʻae fefine paʻa ke tauhi ʻae fale,  
\q2 pea ke hoko ʻi he fiefia ko e faʻē ʻae fānau.  
\q2 Mou fakamālō kia Sihova.   
\c 114  
\cd \it 1–8 Ko e enginaki ke faʻifaʻitaki ki he ngaahi meʻa kuo ngaohi, pea manavahē ki he ʻOtua ʻi hono siasi.\it*  
\q1
\v 1 ‌ʻI he ʻalu atu ʻa ʻIsileli mei ʻIsipite,  
\q2 ko e fale ʻo Sēkope mei he kakai ʻoe lea kehe;   
\q1
\v 2 Ko hono faletapu ʻa Siuta,  
\q2 mo hono puleʻanga ʻa ʻIsileli.   
\q1
\v 3 Naʻe mamata ki ai ʻae tahi, pea hola ai:  
\q2 naʻe tekeʻi atu ʻo fakaholomui ʻa Sioatani.   
\q1
\v 4 Naʻe hopohopo ʻae ngaahi moʻunga ʻo hangē ko e fanga sipitangata,  
\q2 mo e ngaahi foʻi moʻunga ʻo hangē ko e fanga lami.   
\q1
\v 5 Ko e hā naʻe hoko kiate koe, ʻa koe ko e tahi, koeʻuhi naʻa ke hola ai?  
\q2 ʻA koe Sioatani, koeʻuhi ke tekeʻi atu ʻo fakaholomui koe?   
\q1
\v 6 ‌ʻAe ngaahi moʻunga, koeʻuhi naʻa mou hopohopo ai ʻo hangē ko e fanga sipitangata;  
\q2 mo kimoutolu ʻae ngaahi foʻi moʻunga, ʻo hangē ko e fanga lami?   
\q1
\v 7 ‌ʻA koe ko māmani, ke ke tetetete ʻi he ʻao ʻoe ʻEiki,  
\q2 ʻi he ʻao ʻoe ʻOtua ʻo Sēkope;   
\q1
\v 8 ‌ʻAia naʻa ne liliu ʻae maka ko e anovai,  
\q2 mo e maka afi ko e matavai.   
\c 115  
\cd \it 1 ʻOku ne enginaki ke loto tui ki he ʻOtua, koeʻuhi ʻoku ongoongolelei ʻae ʻOtua, pea ʻoku vaʻinga pe ʻae tamapua. 12 ʻOku totonu ke fakafetaʻi ki he ʻOtua koeʻuhi ko ʻene ngaahi tāpuaki.\it*  
\q1
\v 1 ‌ʻOua naʻa tuku kiate kimautolu,  
\q2 ʻE Sihova, ʻoua naʻa tuku kiate kimautolu,  
\q2 ka ki ho huafa ʻae ongoongolelei, koeʻuhi ko hoʻo ʻaloʻofa, pea mo hoʻo moʻoni.   
\q1
\v 2 Ko e hā ʻe pehē ai ʻe he hiteni,  
\q2 “Ko e fē honau ʻOtua?”   
\q1
\v 3 Ka ko hotau ʻOtua ʻoku ʻi he ngaahi langi:  
\q2 kuo ne fai ʻaia kuo ne finangalo ki ai.   
\q1
\v 4 Ko honau ngaahi tamapua ko e siliva mo e koula,  
\q2 ko e ngāue ʻae nima ʻoe tangata.   
\q1
\v 5 ‌ʻOku ai honau ngutu, ka ʻoku ʻikai tenau lea:  
\q2 ʻoku nau maʻu ʻae mata, ka ʻoku ʻikai tenau mamata:   
\q1
\v 6 ‌ʻOku nau telinga, ka ʻoku ʻikai tenau ongoʻi:  
\q2 ʻoku ai honau ihu, ka ʻoku ʻikai tenau nanamu:   
\q1
\v 7 ‌ʻOku nau maʻu ʻae nima, ka ʻoku ʻikai tenau ala ki ha meʻa:  
\q2 ʻoku ai honau vaʻe, ka ʻoku ʻikai tenau ʻaʻeva:  
\q2 pea ʻoku ʻikai tenau lea ʻaki honau kia.   
\q1
\v 8 Ko kinautolu ʻoku ngaohi ʻakinautolu ʻoku nau tatau mo kinautolu:  
\q2 pea ʻoku pehē pe ʻakinautolu kotoa pē ʻoku falala ki ai.   
\q1
\v 9 ‌ʻE ʻIsileli, ke ke falala kia Sihova ko honau tokoni ia mo honau fakaū.   
\q1
\v 10 ‌ʻE fale ʻo ʻElone, ke ke falala kia Sihova:  
\q2 ko honau tokoni ia mo honau fakaū.   
\q1
\v 11 ‌ʻAkimoutolu ʻoku manavahē kia Sihova, mou falala kia Sihova:  
\q2 ko honau tokoni ia mo honau fakaū.   
\q1
\v 12 Kuo manatuʻi ʻe Sihova ʻakitautolu: te ne tāpuaki ʻakitautolu;  
\q2 te ne tāpuaki ʻae fale ʻo ʻIsileli;  
\q2 te ne tāpuaki ʻae fale ʻo ʻElone.   
\q1
\v 13 Te ne tāpuaki ʻakinautolu ʻoku nau manavahē kia Sihova, ʻae iiki mo e lalahi.   
\q1
\v 14 ‌ʻE fakatokolahi ʻakimoutolu ʻe Sihova, pea te mou tupu pe,  
\q2 ʻakimoutolu mo hoʻomou fānau.   
\q1
\v 15 ‌ʻOku mou monūʻia ʻia Sihova, ʻaia naʻa ne ngaohi ʻae langi mo māmani.   
\q1
\v 16 ‌ʻOku ʻo Sihova ʻae langi, ʻio, ko e ngaahi langi:  
\q2 pea kuo ne foaki ʻa māmani ki he fānau ʻae tangata.   
\q1
\v 17 ‌ʻOku ʻikai fakamālō kia Sihova ʻae mate,  
\q2 pe ha taha ʻoku ʻalu hifo ki he fakalongo pē.   
\q1
\v 18 Ka te tau fakafetaʻi kia Sihova mei he ʻaho ni ʻo taʻengata.  
\q2 Mou fakamālō kia Sihova.   
\c 116  
\cd \it 1 ʻOku fakahā ʻe he tangata tohi saame ʻa ʻene ʻofa mo ʻene talangofua ki he ʻOtua koeʻuhi ko ʻene fakamoʻui ia. 12 ʻOku ne tokanga ke ne fakafetaʻi.\it*  
\q1
\v 1 ‌ʻOku ou ʻofa kia Sihova, koeʻuhi kuo ne ongoʻi hoku leʻo  
\q2 mo ʻeku lotu tāumaʻu.   
\q1
\v 2 Koeʻuhi kuo ne fakatokangaʻi hono fofonga kiate au,  
\q2 ko ia te u ui ai ki heʻene ʻafio ʻi hoku ngaahi ʻaho.   
\q1
\v 3 Naʻe kāpui au ʻe he ngaahi mamahi ʻoe mate,  
\q2 pea naʻe puke au ʻe he ngaahi mamahi ʻo heli:  
\q2 naʻaku ʻilo ai ʻae tuʻutāmaki mo e mamahi.   
\q1
\v 4 Pea naʻaku toki ui ki he huafa ʻo Sihova;  
\q2 “ʻE Sihova, ʻoku ou kole kiate koe, ke ke fakamoʻui hoku laumālie.”   
\q1
\v 5 ‌ʻOku manavaʻofa ʻa Sihova, mo māʻoniʻoni;  
\q2 ʻio, ʻoku ʻaloʻofa ʻa hotau ʻOtua.   
\q1
\v 6 ‌ʻOku fakamoʻui ʻe he ʻOtua ʻae taʻekākā:  
\q2 naʻaku vaivai pea naʻa ne tokoniʻi au.   
\q1
\v 7 ‌ʻE hoku laumālie, ke ke foki ki ho mālōlōʻanga;  
\q2 he kuo lahi ʻae foaki ʻa Sihova kiate koe.   
\q1
\v 8 He kuo ke fakamoʻui hoku laumālie mei he mate,  
\q2 mo hoku mata mei he loʻimata,  
\q2 mo hoku vaʻe ke ʻoua naʻa hinga.   
\q1
\v 9 Te u ʻeveʻeva, ʻi he ʻao ʻo Sihova ʻi he fonua ʻoe moʻui.   
\q1
\v 10 Naʻaku tui, ko ia kuo u lea ai:  
\q2 “Naʻaku mahaki lahi:”   
\q1
\v 11 Naʻaku pehē ʻi heʻeku toʻotoʻo,  
\q2 “ʻOku loi ʻae kakai kotoa pē.”   
\q1
\v 12 Ko e hā te u ʻatu kia Sihova koeʻuhi ko ʻene ngaahi meʻaʻofa kotoa pē kiate au?   
\q1
\v 13 Te u toʻo ʻae ipu ʻoe fakamoʻui,  
\q2 pea te u ui ki he huafa ʻo Sihova.   
\q1
\v 14 Te u fai ni ʻeku ngaahi fuakava kia Sihova ʻi he ʻao ʻo hono kakai kotoa pē.   
\q1
\v 15 ‌ʻOku mahuʻinga ʻi he ʻao ʻo Sihova ʻae pekia ʻo ʻene kakai māʻoniʻoni.   
\q1
\v 16 ‌ʻE Sihova, ko e moʻoni ko hoʻo tamaioʻeiki au;  
\q2 ko hoʻo tamaioʻeiki au, mo e tama ʻa hoʻo kaunanga:  
\q2 kuo ke vete hoku ngaahi haʻi.   
\q1
\v 17 Te u ʻatu kiate koe ʻae feilaulau ʻoe fakafetaʻi,  
\q2 pea ui ki he huafa ʻo Sihova.   
\q1
\v 18 Te u fai ni ʻeku ngaahi fuakava kia Sihova ʻi he ʻao ʻo hono kakai kotoa pē,   
\q1
\v 19 ‌ʻI he ngaahi lotoʻā ʻoe fale ʻo Sihova,  
\q2 ʻi he lotolotonga ʻoʻou, ʻE Selūsalema.  
\q2 Mou fakamālō kia Sihova.   
\c 117  
\cd \it 1–2 Ko e enginaki ke fakamālō ki he ʻotua koeʻuhi ko ʻene ʻaloʻofa mo ʻene moʻoni.\it*  
\q1
\v 1 Mou fakamālō kia Sihova, ʻae ngaahi puleʻanga kotoa pē:  
\q2 fakamālō ki heʻene ʻafio,  
\q2 ʻakimoutolu ʻae kakai kotoa pē.   
\q1
\v 2 He ʻoku lahi ʻa ʻene ʻaloʻofa kiate kitautolu:  
\q2 pea ʻoku tolonga ʻo taʻengata ʻae moʻoni ʻa Sihova.  
\q2 Mou fakamālō kia Sihova.   
\c 118  
\cd \it 1 Ko e enginaki ke fakamālō ki he ʻOtua koeʻuhi ko ʻene ʻaloʻofa. 5 ʻOku fakahā ʻe he tangata tohi saame ko e meʻa lelei ke falala ki he ʻOtua. 19 Pea ʻi he fakatātā kiate ia, ʻoku ne fakahā ʻae hāʻele mai ʻa Kalaisi, pea mo ʻene pule.\it*  
\q1
\v 1 Mou ʻatu ʻae fakafetaʻi kia Sihova he ʻoku angalelei ia:  
\q2 koeʻuhi ʻoku tolonga ʻo taʻengata ʻa ʻene ʻaloʻofa.   
\q1
\v 2 Ke lea ni ʻe ʻIsileli,  
\q2 “ʻOku tolonga ʻo taʻengata ʻa ʻene ʻaloʻofa.”   
\q1
\v 3 Ke lea ni ʻae fale ʻo ʻElone,  
\q2 “ʻOku tolonga ʻo taʻengata ʻa ʻene ʻaloʻofa.”   
\q1
\v 4 Tuku ke lea ni ʻakinautolu ʻoku nau manavahē kia Sihova, ʻoku tolonga ʻo taʻengata ʻa ʻene ʻaloʻofa.   
\q1
\v 5 Naʻaku ui kia Sihova ʻi he mamahi:  
\q2 pea naʻe talia au ʻe Sihova, mo ne tuku au ki he potu ʻataʻatā.   
\q1
\v 6 ‌ʻOku kau maʻaku ʻa Sihova; ʻe ʻikai te u manavahē ko e hā ʻe faʻa fai ʻe he tangata kiate au.   
\q1
\v 7 ‌ʻOku fai maʻaku ʻa Sihova mo kinautolu ʻoku nau tokoni au:  
\q2 ko ia te u mamata ai kiate kinautolu ʻoku nau fehiʻa kiate au.   
\q1
\v 8 ‌ʻOku lelei lahi ʻae falala kia Sihova ʻi he falala ki he tangata.   
\q1
\v 9 ‌ʻOku lelei lahi ʻae falala kia Sihova ʻi he falala ki he ngaahi ʻeiki.   
\q1
\v 10 Naʻe kāpui au ʻe he ngaahi puleʻanga kotoa pē:  
\q2 ka ʻi he huafa ʻo Sihova te u fakaʻauha ʻakinautolu.   
\q1
\v 11 Naʻa nau takatakai au; ʻio, naʻa nau kāpui au:  
\q2 ka ʻi he huafa ʻo Sihova te u fakaʻauha ʻakinautolu.   
\q1
\v 12 Naʻa nau kāpui au ʻo hangē ko e fanga pi;  
\q2 kuo tāmateʻi ʻakinautolu ʻo hangē ko e afi ʻi he ʻakau talatala:  
\q2 he te u fakaʻauha ʻakinautolu ʻi he huafa ʻo Sihova.   
\q1
\v 13 Kuo ke tekeʻi mālohi au koeʻuhi ke u hinga ai:  
\q2 ka naʻe tokoni au ʻe Sihova   
\q1
\v 14 Ko hoku mālohi ʻa Sihova mo ʻeku hiva,  
\q2 pea kuo hoko ia ko hoku fakamoʻui.   
\q1
\v 15 Ko e lea ʻoe fiefia mo e fakamoʻui ʻoku ʻi he ngaahi fale fehikitaki ʻoe angatonu:  
\q2 ʻoku fai mālohi ʻae nima toʻomataʻu ʻo Sihova.   
\q1
\v 16 Kuo hiki hake ʻae nima toʻomataʻu ʻo Sihova:  
\q2 ʻoku fai mālohi ʻae nima toʻomataʻu ʻo Sihova.   
\q1
\v 17 ‌ʻE ʻikai te u mate, kae moʻui,  
\q2 ʻo fakahā ʻae ngaahi ngāue ʻa Sihova.   
\q1
\v 18 Kuo tautea fakamamahiʻi au ʻe Sihova:  
\q2 ka ʻoku teʻeki ai te ne tukuange au ki he mate.   
\q1
\v 19 Toʻo kiate au ʻae ngaahi matapā ʻoe māʻoniʻoni:  
\q2 te u hū ai, pea u fakamālō kia Sihova:   
\q1
\v 20 Ko e matapā eni ʻo Sihova, ʻaia ʻe hū ai ʻae angatonu.   
\q1
\v 21 Te u fakamālō kiate koe: he kuo ke ongoʻi au,  
\q2 pea kuo ke hoko ko hoku fakamoʻui.   
\q1
\v 22 Ko e maka naʻe liʻaki ʻe he kau tufunga kuo hoko ia ko e fungani maka ʻoe tuliki.   
\q1
\v 23 Ko e ngāue eni ʻa Sihova;  
\q2 pea ko e meʻa fakaofo ʻi hotau ʻao.   
\q1
\v 24 Ko e ʻaho eni kuo ngaohi ʻe Sihova;  
\q2 te tau fiefia pea nekeneka ai.   
\q1
\v 25 ‌ʻE Sihova, ʻoku ou kole kiate koe, ke ke fakamoʻui ni:  
\q2 ʻE Sihova, ʻoku ou kole kiate koe, ke ke tuku mai ni ʻae monūʻia.   
\q1
\v 26 Ke monūʻia ia ʻoku haʻu ʻi he huafa ʻo Sihova:  
\q2 kuo mau tāpuekina ʻakimoutolu mei he fale ʻo Sihova.   
\q1
\v 27 Ko e ʻOtua ko Sihova ia, ʻaia kuo ne fakahā ʻae maama kiate kitautolu:  
\q2 mou nonoʻo ʻae feilaulau ʻaki ʻae ngaahi afo ki he ngaahi nifo, ʻoe feilaulauʻanga.   
\q1
\v 28 Ko koe ko hoku ʻOtua, pea te u fakamālō kiate koe:  
\q2 ko koe ko hoku ʻOtua, te u fakahikihikiʻi koe.   
\q1
\v 29 Mou ʻatu ʻae fakafetaʻi kia Sihova he ʻoku angalelei ia:  
\q2 koeʻuhi ʻoku tolonga ʻo taʻengata ʻa ʻene ʻaloʻofa.   
\c 119  
\cd \it 1–176 ʻOku fakahā ʻe he saame ni ʻae ngaahi lotu, mo e ngaahi fakamālō, pea mo e ngaahi fakaʻilonga ʻoe talangofua.\it*  
\qa ʻALIFA  
\q1
\v 1 ‌ʻOku monūʻia ʻae haohaoa ʻi he hala,  
\q2 ʻaia ʻoku ʻeveʻeva ʻi he fono ʻa Sihova.   
\q1
\v 2 ‌ʻOku monūʻia ʻakinautolu ʻoku tauhi ʻene ngaahi fakamoʻoni,  
\q2 pea kumi kiate ia ʻaki honau loto kotoa pē.   
\q1
\v 3 ‌ʻOku ʻikai foki tenau fai ha kovi:  
\q2 ʻoku nau ʻaʻeva ʻi hono ngaahi hala.   
\q1
\v 4 Kuo ke fekau mai ke mau tauhi maʻu hoʻo ngaahi akonaki.   
\q1
\v 5 ‌ʻOku ʻamusiaange ʻeau kuo fakahinohino ki hoku ngaahi hala,  
\q2 ke fai ki hoʻo ngaahi tuʻutuʻuni.   
\q1
\v 6 Pea ʻe ʻikai te u mā,  
\q2 ʻo kau ka tokanga ki hoʻo ngaahi fekau kotoa pē.   
\q1
\v 7 Te u fakamālō kiate koe ʻi he angatonu ʻoe loto,  
\q2 ʻo kau ka ʻilo hoʻo ngaahi fakamaau māʻoniʻoni.   
\q1
\v 8 Te u fai ki hoʻo ngaahi tuʻutuʻuni:  
\q2 ʻoua naʻa ke siʻaki ʻaupito au.   
\b  
\qa PETA  
\q1
\v 9 ‌ʻE fakamaʻa ʻe he tangata talavou hono hala ʻi he hā?  
\q2 ʻI heʻene tokanga ki ai ʻo hangē ko hoʻo folofola.   
\q1
\v 10 Kuo u kumi kiate koe ʻaki hoku loto kotoa pē:  
\q2 ʻoua naʻa tuku au ke u hē mei hoʻo ngaahi fekau.   
\q1
\v 11 Kuo u fufū hoʻo folofola ʻi hoku loto,  
\q2 koeʻuhi ke ʻoua naʻaku angahala kiate koe.   
\q1
\v 12 ‌ʻE Sihova, ʻoku monūʻia ʻa hoʻo ʻafio:  
\q2 ako kiate au hoʻo ngaahi tuʻutuʻuni.   
\q1
\v 13 Kuo u fakahā ʻaki hoku loungutu,  
\q2 ʻae ngaahi fakamaau kotoa pē ʻa ho fofonga.   
\q1
\v 14 Naʻaku fiefia ʻi hono ʻalunga ʻo hoʻo ngaahi fakamoʻoni,  
\q2 ʻo tatau mo e ngaahi koloa kotoa pē.   
\q1
\v 15 Te u fakalaulauloto ki hoʻo ngaahi akonaki,  
\q2 pea te u tokanga ki ho ngaahi hala.   
\q1
\v 16 Te u fakafiefiaʻi au ʻi hoʻo ngaahi tuʻutuʻuni:  
\q2 ʻe ʻikai ngalo ʻiate au hoʻo folofola.   
\b  
\qa KIMELA  
\q1
\v 17 Foaki ke lahi ki hoʻo tamaioʻeiki,  
\q2 koeʻuhi ke u moʻui, pea te u tauhi ki hoʻo folofola.   
\q1
\v 18 Ke ke fakaʻā hoku mata,  
\q2 koeʻuhi ke u mamata ki he ngaahi meʻa fakaofo ʻi hoʻo fono.   
\q1
\v 19 Ko e muli au ʻi māmani:  
\q2 ʻoua naʻa fufū hoʻo ngaahi fekau ʻiate au.   
\q1
\v 20 ‌ʻOku mafesi hoku laumālie koeʻuhi ko ʻene holi ki hoʻo ngaahi fakamaau ʻi he ʻaho kotoa pē.   
\q1
\v 21 Kuo ke valokiʻi ʻae laukau, ʻakinautolu ʻoku malaʻia,  
\q2 ʻaia kuo hē mei hoʻo ngaahi fekau.   
\q1
\v 22 ‌ʻAve ʻiate au ʻae taukaea mo e manukia;  
\q2 he kuo u fai ki hoʻo ngaahi fakamoʻoni.   
\q1
\v 23 Naʻe nofo foki ʻae ngaahi ʻeiki ʻo lauʻikoviʻi au:  
\q2 ka naʻe fakalauloto ʻa hoʻo tamaioʻeiki ki hoʻo ngaahi tuʻutuʻuni.   
\q1
\v 24 Ko hoʻo ngaahi fakamoʻoni foki ko hoku fiefiaʻanga ia,  
\q2 mo hoku ngaahi akonakiʻi.   
\b  
\qa TALETA  
\q1
\v 25 ‌ʻOku pikitai ʻa hoku laumālie ki he efu:  
\q2 ke ke fakamoʻui au ʻo hangē ko hoʻo folofola.   
\q1
\v 26 Kuo u fakahā hoku ngaahi hala, pea naʻa ke ongoʻi au:  
\q2 ako kiate au hoʻo ngaahi tuʻutuʻuni.   
\q1
\v 27 Ngaohi au ke u ʻilo ʻae hala ʻo hoʻo ngaahi akonaki:  
\q2 pea te u lea ki hoʻo ngaahi ngāue fakaofo.   
\q1
\v 28 Kuo vai ʻa hoku laumālie koeʻuhi ko e ongosia:  
\q2 fakamālohiʻi au ʻo hangē ko hoʻo folofola.   
\q1
\v 29 Ke ke hiki ʻiate au ʻae hala ʻoe loi,  
\q2 pea ke tuku mai hoʻo fono kiate au ʻi he ʻofa.   
\q1
\v 30 Kuo u fili ʻae hala ʻoe moʻoni:  
\q2 pea kuo u fokotuʻu hoʻo ngaahi fakamaau ʻi hoku ʻao.   
\q1
\v 31 Kuo u pikitai ki hoʻo ngaahi fakamoʻoni;  
\q2 ʻE Sihova, ʻoua naʻa ke fakamaaʻi au.   
\q1
\v 32 Te u lele ʻi he hala ʻo hoʻo ngaahi fekau,  
\q2 ʻoka ke ka fakaʻataʻatā hoku loto.   
\b  
\qa HE  
\q1
\v 33 ‌ʻE Sihova, ke ke ako kiate au ʻae hala ʻo hoʻo ngaahi tuʻutuʻuni;  
\q2 pea te u fai ki ai ʻo aʻu ki he ngataʻanga.   
\q1
\v 34 Foaki mai kiate au ʻae faʻa ʻilo, pea te u fai ki hoʻo fono;  
\q2 ʻio, te u tokanga ki ai ʻaki hoku loto kotoa pē.   
\q1
\v 35 Ngaohi au ke u ʻalu ʻi he hala ʻo hoʻo ngaahi fekau;  
\q2 he ʻoku ou fiefia ai.   
\q1
\v 36 Fakatokangaʻi hoku loto ki hoʻo ngaahi fakamoʻoni,  
\q2 kae ʻikai ki he manumanu.   
\q1
\v 37 Taʻofi hoku mata mei he vakai ki he meʻa vaʻinga;  
\q2 pea ke fakaakeake au ʻi ho hala.   
\q1
\v 38 Fakamoʻoni hoʻo folofola ki hoʻo tamaioʻeiki,  
\q2 ʻaia ʻoku fakaʻapaʻapa kiate koe.   
\q1
\v 39 Taʻofi atu hoku manukia ʻaia ʻoku ou manavahē ai:  
\q2 he ʻoku lelei hoʻo ngaahi fakamaau.   
\q1
\v 40 Vakai, ʻoku ou holi ki hoʻo ngaahi akonaki:  
\q2 fakamoʻui au ʻi ho māʻoniʻoni.   
\b  
\qa VAU  
\q1
\v 41 ‌ʻE Sihova, tuku ke hoko foki hoʻo ngaahi ʻaloʻofa kiate au,  
\q2 ʻio, ko hoʻo fakamoʻui, ʻo hangē ko hoʻo folofola.   
\q1
\v 42 Pehē te u maʻu ha meʻa ke tali ʻaki kiate ia ʻoku manukiʻi au: he ʻoku ou falala ki hoʻo folofola.   
\q1
\v 43 Pea ʻoua naʻa toʻo ʻaupito ʻae folofola ʻoe moʻoni mei hoku ngutu;  
\q2 he kuo u ʻamanaki lelei ki hoʻo ngaahi fakamaau.   
\q1
\v 44 Pea te u fai maʻuaipē ki hoʻo fono ʻo lauikuonga pea taʻengata.   
\q1
\v 45 Pea te u ʻeveʻeva ʻi he tauʻatāina:  
\q2 he ʻoku ou kumi ki hoʻo ngaahi akonaki.   
\q1
\v 46 Te u lea foki ki hoʻo ngaahi fakamoʻoni ʻi he ʻao ʻoe ngaahi tuʻi,  
\q2 pea ʻe ʻikai te u mā ai.   
\q1
\v 47 Pea te u fakafiefiaʻi au ʻi hoʻo ngaahi fekau,  
\q2 ʻaia kuo u ʻofa ki ai.   
\q1
\v 48 Te u hiki hake foki hoku nima ki hoʻo ngaahi fekau,  
\q2 ʻaia kuo u ʻofa ki ai pea te u fakalaulauloto ki hoʻo ngaahi tuʻutuʻuni.   
\b  
\qa SAINI  
\q1
\v 49 Manatuʻi ʻae folofola ki hoʻo tamaioʻeiki,  
\q2 ʻaia kuo ke fakaʻamanakiʻi au ki ai.   
\q1
\v 50 Ko hoku fiemālieʻanga eni ʻi heʻeku mamahi:  
\q2 he ko hoʻo folofola kuo ne fakamoʻui au.   
\q1
\v 51 Kuo manuki lahi kiate au ʻae laukau:  
\q2 ka naʻe ʻikai te u afe mei hoʻo fono.   
\q1
\v 52 ‌ʻE Sihova, naʻaku manatu ki hoʻo ngaahi fakamaau ʻi muʻa;  
\q2 pea u fakafiemālieʻi au.   
\q1
\v 53 Kuo pukea au ʻe he ilifia koeʻuhi ko e angahala kuo nau siʻaki hoʻo fono.   
\q1
\v 54 Ko hoʻo ngaahi tuʻutuʻuni ko ʻeku hiva ia ʻi he fale ʻo ʻeku ʻāunofo.   
\q1
\v 55 ‌ʻE Sihova, kuo u manatu ki ho huafa ʻi he pō,  
\q2 pea u fai ki hoʻo fono.   
\q1
\v 56 Naʻaku maʻu eni,  
\q2 ko e meʻa ʻi heʻeku fai ki hoʻo ngaahi akonaki.   
\b  
\qa KETA  
\q1
\v 57 ‌ʻE Sihova, ko hoku ʻinasi ʻa koe:  
\q2 naʻaku pehē te u fai ki hoʻo ngaahi folofola.   
\q1
\v 58 Naʻaku kole ki hoʻo ʻofa ʻaki hoku loto kotoa pē:  
\q2 ke ke ʻaloʻofa mai kiate au ʻo hangē ko hoʻo folofola.   
\q1
\v 59 Naʻaku fifili ki hoku ngaahi ʻaluʻanga,  
\q2 pea u fakaafe hoku vaʻe ki hoʻo ngaahi fakamoʻoni.   
\q1
\v 60 Ne u fakatoʻotoʻo, pea ʻikai tuai,  
\q2 ʻeku fai ki hoʻo ngaahi fekau.   
\q1
\v 61 Kuo kaihaʻasia au ʻe he ngaahi kaihaʻakau ʻoe kau angahala:  
\q2 ka naʻe ʻikai ngalo ʻiate au ʻa hoʻo fono.   
\q1
\v 62 Te u tuʻu hake ʻi he tuʻuapō mālie ke fakafetaʻi kiate koe,  
\q2 koeʻuhi ko hoʻo ngaahi fakamaau māʻoniʻoni.   
\q1
\v 63 ‌ʻOku ou kaumeʻa mo kinautolu kotoa pē ʻoku manavahē kiate koe,  
\q2 mo kinautolu ʻoku fai ki hoʻo ngaahi fekau.   
\q1
\v 64 ‌ʻE Sihova, ʻoku fonu ʻa māmani ʻi hoʻo ʻaloʻofa:  
\q2 ke ke ako kiate au ʻa hoʻo ngaahi tuʻutuʻuni.   
\b  
\qa TETA  
\q1
\v 65 ‌ʻE Sihova, kuo ke fie fai lelei ki hoʻo tamaioʻeiki,  
\q2 ʻo hangē ko hoʻo folofola.   
\q1
\v 66 Ke ke ako kiate au ʻae fakamaau lelei mo e faʻa ʻilo:  
\q2 he ʻoku ou tui ki hoʻo ngaahi fekau.   
\q1
\v 67 ‌ʻI he teʻeki ai te u mahaki naʻaku hē:  
\q2 ka ko eni kuo u fai ki hoʻo folofola.   
\q1
\v 68 ‌ʻOku ke angalelei, pea ʻoku ke fai lelei;  
\q2 ke ke ako kiate au ʻa hoʻo ngaahi tuʻutuʻuni.   
\q1
\v 69 Kuo fakatupu ʻe he fielahi ʻae loi kiate au:  
\q2 ka te u fai ki hoʻo ngaahi akonaki ʻaki hoku loto kotoa pē.   
\q1
\v 70 ‌ʻOku tatau honau loto mo e ngako,  
\q2 ka ʻoku ou fiefia ʻi hoʻo fono.   
\q1
\v 71 Kuo ʻaonga kiate au ʻa hoku mahaki;  
\q2 koeʻuhi ke u ʻilo ai hoʻo ngaahi tuʻutuʻuni.   
\b  
\qa IOTA  
\q1
\v 72 ‌ʻOku lelei lahi kiate au ʻae fono ʻaho fofonga ʻi he ngaahi afe ʻoe kuonga koula mo e siliva.   
\q1
\v 73 Ko ho nima naʻa ne ngaohi au mo fakatonutonu: foaki mai ʻae poto,  
\q2 koeʻuhi ke u ʻiloʻi hoʻo ngaahi fekau.   
\q1
\v 74 Ko kinautolu ʻoku manavahē kiate koe tenau fiefia ʻoka nau ka mamata kiate au;  
\q2 koeʻuhi naʻaku ʻamanaki ki hoʻo folofola.   
\q1
\v 75 ‌ʻE Sihova, ʻoku ou ʻilo ʻoku totonu hoʻo ngaahi fakamaau,  
\q2 pea ʻi he angatonu kuo ke fakamamahiʻi au.   
\q1
\v 76 ‌ʻOku ou kole kiate koe, tuku ke fakafiemālieʻi au ʻe hoʻo ʻaloʻofa,  
\q2 ʻo hangē ko hoʻo folofola ki hoʻo tamaioʻeiki.   
\q1
\v 77 Tuku ke hoko kiate au hoʻo ngaahi ʻaloʻofa ongongofua,  
\q2 koeʻuhi ke u moʻui ai:  
\q2 he ko hoʻo fono ko hoku fiefiaʻanga ia.   
\q1
\v 78 Tuku ke mā ʻae fielahi; he naʻa Tuku ke tafoki mai kiate au ʻakinautolu ʻoku manavahē kiate koe,  
\q2 pea mo kinautolu kuo nau ʻiloʻi hoʻo ngaahi fakamoʻoni.   
\q1
\v 79 Tuku ke tafoki mai kiate au ʻakinautolu ʻoku manavahē kiate koe,  
\q2 pea mo kinautolu kuo nau ʻiloʻi hoʻo ngaahi fakamoʻoni.   
\q1
\v 80 Tuku ke haohaoa hoku loto ʻi hoʻo ngaahi tuʻutuʻuni;  
\q2 koeʻuhi ke ʻoua naʻaku mā ai.   
\b  
\qa KAFA  
\q1
\v 81 ‌ʻOku pongia hoku laumālie ʻi he fiemaʻu hoʻo fakamoʻui:  
\q2 ka ʻoku ou ʻamanaki ki hoʻo folofola.   
\q1
\v 82 ‌ʻOku vaivai hoku mata koeʻuhi ko hoʻo folofola,  
\q2 ʻoku ou pehē, “Te ke fakafiemālieʻi au ʻafē?”   
\q1
\v 83 He kuo u hoko ʻo tatau mo e hina ʻi he ʻohuafi;  
\q2 ka ʻoku ʻikai ngalo ʻiate au hoʻo ngaahi tuʻutuʻuni.   
\q1
\v 84 ‌ʻOku fiha ʻae ngaahi ʻaho ʻo hoʻo tamaioʻeiki?  
\q2 Te ke fakamaau ʻafē ʻakinautolu ʻoku fakatangaʻi au?   
\q1
\v 85 Kuo keli ʻe he fielahi ʻae ngaahi luo kiate au ʻaia ʻoku ʻikai tatau mo hoʻo fono.   
\q1
\v 86 ‌ʻOku tuʻumaʻu hoʻo ngaahi fekau kotoa pē:  
\q2 ʻoku taʻetotonu ʻenau fakatangaʻi au; ke ke tokoniʻi au,   
\q1
\v 87 Naʻa nau meimei fakaʻauha au ʻi māmani ka naʻe ʻikai te u siʻaki hoʻo ngaahi akonaki.   
\q1
\v 88 Fakamoʻui au ʻo hangē ko hoʻo ʻaloʻofa;  
\q2 ko ia te u tauhi ai ʻae fakamoʻoni ʻa ho fofonga.   
\b  
\qa LAMETA  
\q1
\v 89 ‌ʻE Sihova, ʻoku tuʻumaʻu hoʻo folofola ʻi he langi ʻo lauikuonga.   
\q1
\v 90 ‌ʻOku aʻu atu hoʻo moʻoni ki he ngaahi toʻutangata kotoa pē:  
\q2 kuo ke fokotuʻu ʻa māmani, pea ʻoku tuʻumaʻu ia.   
\q1
\v 91 ‌ʻOku nau tolonga he ʻaho ni ʻo hangē ko hoʻo ngaahi tuʻutuʻuni:  
\q2 he ko hoʻo kau tamaioʻeiki ʻae meʻa kotoa pē.   
\q1
\v 92 Ka ne ʻikai ko hoku fiefiaʻanga ʻa hoʻo fono,  
\q2 pehē, ne u mate ʻi hoku mahaki.   
\q1
\v 93 ‌ʻE ʻikai siʻi ngalo ʻiate au hoʻo ngaahi akonaki ʻo lauikuonga:  
\q2 he ko ia kuo ke fakamoʻui ai au.   
\q1
\v 94 ‌ʻOku ʻaʻau au,  
\q2 ke ke fakamoʻui au he kuo u kumi ki hoʻo ngaahi akonaki.   
\q1
\v 95 Kuo tatali ʻae angahala kiate au ke tāmateʻi au:  
\q2 ka te u fifili ki hoʻo ngaahi fakamoʻoni.   
\q1
\v 96 Kuo u mamata ki hono ngataʻanga ʻoe haohaoa kotoa pē:  
\q2 ka ʻoku laulahi ʻaupito ʻa hoʻo fekau.   
\b  
\qa MEMA  
\q1
\v 97 ‌ʻOku ou ʻofa lahi ki hoʻo fono:  
\q2 ʻoku ou fakalaulauloto ki ai ʻi he ʻaho kotoa pē.   
\q1
\v 98 Kuo ke ngaohi au ʻi hoʻo ngaahi fekau ke u poto hake ʻi hoku ngaahi fili:  
\q2 he ʻoku ʻiate au maʻuaipē ia.   
\q1
\v 99 ‌ʻOku ou poto lahi hake ʻi heʻeku kau akonaki kotoa pē:  
\q2 he ko hoʻo ngaahi fakamoʻoni ko hoku fakakaukauʻanga ia.   
\q1
\v 100 ‌ʻOku ou ʻilo lahi hake ʻi he kau mātuʻa,  
\q2 koeʻuhi ʻoku ou tauhi hoʻo ngaahi akonaki.   
\q1
\v 101 Naʻaku taʻofi hoku vaʻe mei he hala kovi kotoa pē,  
\q2 koeʻuhi ke u fai ki hoʻo folofola.   
\q1
\v 102 Naʻe ʻikai te u afe mei hoʻo ngaahi fakamaau:  
\q2 he kuo ke akonakiʻi au.   
\q1
\v 103 ‌ʻOku huʻamelie lahi hoʻo ngaahi folofola ki hoku ifo!  
\q2 ʻIo, ʻoku melie lahi ʻi he hone ki hoku ngutu!   
\q1
\v 104 ‌ʻOku ou maʻu ʻae poto ʻi hoʻo ngaahi akonaki:  
\q2 ko ia ʻoku ou fehiʻa ai ki he hala kotoa pē ʻoe loi.   
\b  
\qa NUNA  
\q1
\v 105 Ko hoʻo folofola ko e tūhulu ia ki hoku vaʻe,  
\q2 mo e maama ki hoku hala.   
\q1
\v 106 Kuo u fuakava, pea te u fai ki ai,  
\q2 ke u fai ki hoʻo ngaahi fakamaau māʻoniʻoni.   
\q1
\v 107 ‌ʻOku lahi ʻaupito hoku mahaki:  
\q2 fakamoʻui au, ʻE Sihova, ʻo hangē ko hoʻo folofola.   
\q1
\v 108 ‌ʻE Sihova, ʻoku ou kole kiate koe, ke ke maʻu ʻae ngaahi feilaulau loto lelei ʻa hoku ngutu,  
\q2 pea ke ako kiate au hoʻo ngaahi fakamaau.   
\q1
\v 109 ‌ʻOku ʻi hoku nima maʻuaipē ʻa ʻeku moʻui:  
\q2 ka ʻoku ʻikai ngalo ʻiate au hoʻo fono.   
\q1
\v 110 Kuo ʻai ʻe he angahala ʻae tauhele kiate au:  
\q2 ka naʻe ʻikai te u hē mei hoʻo ngaahi akonaki.   
\q1
\v 111 Kuo u maʻu ʻa hoʻo ngaahi fakamoʻoni ko hoku tofiʻa ʻo lauikuonga:  
\q2 he ko e fiefiaʻanga ia ʻo hoku loto.   
\q1
\v 112 Kuo u fakatokangaʻi hoku loto ke fai maʻuaipē ki hoʻo ngaahi tuʻutuʻuni,  
\q2 ʻo aʻu ki he ngataʻanga.   
\b  
\qa SAMEHA  
\q1
\v 113 ‌ʻOku ou fehiʻa ki he ngaahi mahalo kovi:  
\q2 ka ʻoku ou ʻofa ki hoʻo fono.   
\q1
\v 114 Ko koe ko hoku toitoiʻanga, mo hoku fakaū;  
\q2 ʻoku ou ʻamanaki lelei ʻi hoʻo folofola.   
\q1
\v 115 ‌ʻAlu ʻiate au, ʻakimoutolu ʻoku fai kovi:  
\q2 he te u fai ki he ngaahi fekau ʻa hoku ʻOtua.   
\q1
\v 116 Poupou hake au ʻo hangē ko hoʻo folofola, koeʻuhi ke u moʻui ai.  
\q2 Pea ʻoua naʻa tuku au ke u mā ʻi heʻeku ʻamanaki.   
\q1
\v 117 Ke ke poupou hake au, pea te u hao ai:  
\q2 pea te u tokanga maʻuaipē ki hoʻo ngaahi tuʻutuʻuni.   
\q1
\v 118 Kuo ke malaki hifo ʻakinautolu kotoa pē ʻoku hē mei hoʻo ngaahi tuʻutuʻuni:  
\q2 he ko ʻenau kākā ko e loi ia.   
\q1
\v 119 ‌ʻOku ke siʻaki ʻae kau angahala kotoa pē ʻo māmani ʻo hangē ko e ʻotoʻota:  
\q2 ko ia ʻoku ou ʻofa ai ki hoʻo ngaahi fakamoʻoni.   
\q1
\v 120 ‌ʻOku tetetete hoku kakano ko e meʻa ʻi heʻeku manavahē kiate koe;  
\q2 pea ʻoku ou manavahē ki hoʻo ngaahi fakamaau.   
\b  
\qa OINI  
\q1
\v 121 Kuo u fai ʻae fakamaau mo e angatonu:  
\q2 ʻoua naʻa tukuange au ki he kau fakamālohi kiate au.   
\q1
\v 122 Ke ke hoko ko e ungakiʻi ki hoʻo tamaioʻeiki ke u lelei ai;  
\q2 ʻoua naʻa tuku ke taʻomia au ʻe he fielahi.   
\q1
\v 123 ‌ʻOku vaivai hoku mata koeʻuhi ko hoʻo fakamoʻui,  
\q2 pea mo e folofola ʻo hoʻo māʻoniʻoni.   
\q1
\v 124 Fai ki hoʻo tamaioʻeiki ʻo hangē ko hoʻo ʻaloʻofa,  
\q2 pea ke ako kiate au ʻa hoʻo ngaahi tuʻutuʻuni.   
\q1
\v 125 Ko hoʻo tamaioʻeiki au; foaki mai ʻae poto,  
\q2 koeʻuhi ke u ʻilo ai hoʻo ngaahi fakamoʻoni.   
\q1
\v 126 ‌ʻE Sihova, kuo hoko ʻae kuonga ke ke ngāue ai:  
\q2 he kuo nau fakataʻeʻaongaʻi hoʻo fono.   
\q1
\v 127 Ko ia ʻoku ou ʻofa lahi hake ki hoʻo ngaahi fekau ʻi he koula;  
\q2 ʻio, ʻi he koula lelei.   
\q1
\v 128 Ko ia ʻoku ou pehē ʻoku totonu hoʻo ngaahi akonaki kotoa pē;  
\q2 pea ʻoku ou fehiʻa ki he hala kotoa pē ʻoe loi.   
\b  
\qa PE  
\q1
\v 129 ‌ʻOku fakamanavahē hoʻo ngaahi fakamoʻoni:  
\q2 ko ia ʻoku fai ki ai ʻa hoku laumālie.   
\q1
\v 130 Ko e hū loto ʻa hoʻo ngaahi folofola ʻoku foaki ai ʻae maama;  
\q2 ʻoku ʻomi ʻe ia ʻae poto ki he taʻekākā.   
\q1
\v 131 Ne u mafaʻa hoku ngutu,  
\q2 pea u holi he ʻoku ou feinga ki hoʻo ngaahi fekau.   
\q1
\v 132 Ke ke ʻafio mai kiate au, mo ke ʻaloʻofa kiate au,  
\q2 ʻo hangē ko hoʻo faʻa fai kiate kinautolu ʻoku ʻofa ki ho huafa.   
\q1
\v 133 Tuʻutuʻuni ʻeku ngaahi laka ʻi hoʻo folofola:  
\q2 pea ʻoua naʻa tuku ke pule kiate au ha hia ʻe taha.   
\q1
\v 134 Fakamoʻui au mei he fakamālohi ʻae tangata:  
\q2 pea te u fai ki hoʻo ngaahi akonaki.   
\q1
\v 135 Tuku ke ulo mai ho fofonga ki hoʻo tamaioʻeiki;  
\q2 pea ke ako kiate au hoʻo ngaahi tuʻutuʻuni.   
\q1
\v 136 ‌ʻOku tafe hifo ʻae ngaahi vaitafe ʻi hoku mata,  
\q2 koeʻuhi ʻoku ʻikai tenau tokanga ki hoʻo fono.   
\b  
\qa SATI  
\q1
\v 137 ‌ʻE Sihova, ʻoku ke angatonu,  
\q2 pea ʻoku totonu hoʻo ngaahi fakamaau.   
\q1
\v 138 ‌ʻOku māʻoniʻoni pea ʻoku tuʻumaʻu ʻaupito hoʻo ngaahi fakamoʻoni,  
\q2 ʻaia kuo ke fekau mai.   
\q1
\v 139 Kuo u ʻosiʻosiloto ʻi heʻeku fai feinga,  
\q2 koeʻuhi kuo ngalo ʻi hoku ngaahi fili hoʻo ngaahi folofola.   
\q1
\v 140 ‌ʻOku haohaoa ʻaupito hoʻo folofola:  
\q2 ko ia ʻoku ʻofa ki ai ʻa hoʻo tamaioʻeiki.   
\q1
\v 141 ‌ʻOku ou siʻi au mo manukia:  
\q2 ka ʻoku ʻikai ngalo ʻiate au hoʻo ngaahi akonaki.   
\q1
\v 142 Ko hoʻo māʻoniʻoni ko e māʻoniʻoni taʻengata,  
\q2 pea ko hoʻo fono ko e moʻoni ia.   
\q1
\v 143 Kuo pukea au ʻe he mamahi mo e feinga:  
\q2 ka ko hoʻo ngaahi fekau ko hoku fiefiaʻanga ia.   
\q1
\v 144 ‌ʻOku taʻengata ʻae māʻoniʻoni ʻo hoʻo ngaahi fakamoʻoni:  
\q2 ke ke foaki mai ʻae poto, pea te u moʻui ai.   
\b  
\qa KOFI  
\q1
\v 145 Naʻaku tangi ʻaki hoku loto kotoa;  
\q2 ke ke ongoʻi au, ʻE Sihova:  
\q2 te u fai ki hoʻo ngaahi tuʻutuʻuni.   
\q1
\v 146 Ne u tangi kiate koe; fakamoʻui au,  
\q2 koeʻuhi ke u fai ki hoʻo ngaahi fakamoʻoni.   
\q1
\v 147 Naʻaku muʻomuʻa ʻi he maʻa ʻae ʻaho, pea u tangi:  
\q2 ne u ʻamanaki ʻi hoʻo folofola.   
\q1
\v 148 ‌ʻOku muʻomuʻa ʻa hoku mata ki he ngaahi leʻo ʻoe pō,  
\q2 koeʻuhi ke u fakakaukau ki hoʻo folofola.   
\q1
\v 149 Ke ke fanongo ki hoku leʻo ʻo hangē ko hoʻo ʻaloʻofa:  
\q2 ʻE Sihova, fakamoʻui au ʻo hangē ko hoʻo fakamaau.   
\q1
\v 150 ‌ʻOku ʻunuʻunu mai ʻakinautolu ʻoku nau angimui ki he kovi:  
\q2 ʻoku nau mamaʻo mei hoʻo fono.   
\q1
\v 151 ‌ʻOku ke ofi mai, ʻE Sihova;  
\q2 pea ʻoku moʻoni hoʻo ngaahi fekau kotoa pē.   
\q1
\v 152 Koeʻuhi ko hoʻo ngaahi fakamoʻoni,  
\q2 kuo fuoloa ʻeku ʻilo kuo ke fakamaau ia ʻo lauikuonga.   
\b  
\qa LESA  
\q1
\v 153 Ke ke tokanga ki hoku mahaki, pea ke fakamoʻui au:  
\q2 he ʻoku ʻikai ngalo ʻiate au hoʻo fono.   
\q1
\v 154 Ke ke fakamatala ʻeku meʻa, mo fakahaofi au:  
\q2 fakamoʻui au ʻo hangē ko hoʻo folofola.   
\q1
\v 155 ‌ʻOku mamaʻo ʻae fakamoʻui mei he angahala:  
\q2 he ʻoku ʻikai tenau kumi ki hoʻo ngaahi tuʻutuʻuni.   
\q1
\v 156 ‌ʻOku lahi hoʻo ngaahi ʻaloʻofa ongongofua, ʻE Sihova:  
\q2 fakamoʻui au ʻo hangē ko hoʻo ngaahi fakamaau.   
\q1
\v 157 ‌ʻOku tokolahi hoku kau fakatanga mo hoku ngaahi fili;  
\q2 ka ʻoku ʻikai te u afe mei hoʻo ngaahi fakamoʻoni.   
\q1
\v 158 Naʻaku mamata ki he kau talangataʻa, pea u mamahi ai;  
\q2 koeʻuhi naʻe ʻikai tenau fai ki hoʻo folofola.   
\q1
\v 159 Ke ke ʻafio ki hono anga ʻo ʻeku ʻofa ki hoʻo ngaahi akonaki:  
\q2 fakamoʻui au, ʻE Sihova, ʻo hangē ko hoʻo ʻaloʻofa.   
\q1
\v 160 ‌ʻOku moʻoni hoʻo folofola mei hono kamataʻanga:  
\q2 pea ʻoku tolonga ʻo taʻengata hoʻo ngaahi fakamaau māʻoniʻoni kotoa pē.   
\b  
\qa SINI.  
\q1
\v 161 Kuo fakatanga au taʻehanoʻuhinga ʻe he ngaahi ʻeiki:  
\q2 ka ʻoku fakaʻapaʻapa ʻa hoku loto ki hoʻo folofola.   
\q1
\v 162 ‌ʻOku ou fiefia ʻi hoʻo folofola,  
\q2 ʻo hangē ko e taha ʻoku ne ʻilo ʻae koloa lahi.   
\q1
\v 163 ‌ʻOku ou fehiʻa mo fākaliliʻa ki he loi:  
\q2 ka ʻoku ou ʻofa ki hoʻo fono.   
\q1
\v 164 ‌ʻOku ou fakamālō kiate koe ʻo liunga fitu ʻi he ʻaho,  
\q2 koeʻuhi ko hoʻo ngaahi fakamaau māʻoniʻoni.   
\q1
\v 165 ‌ʻOku maʻu ʻae fiemālie lahi ʻekinautolu ʻoku ʻofa ki hoʻo fono:  
\q2 pea ʻe ʻikai tūkia ʻakinautolu ʻi ha meʻa.   
\q1
\v 166 ‌ʻE Sihova, kuo u ʻamanaki ki hoʻo fakamoʻui,  
\q2 pea kuo u fai ki hoʻo ngaahi fekau.   
\q1
\v 167 Kuo tauhi ʻe hoku laumālie ʻa hoʻo ngaahi fakamoʻoni;  
\q2 pea ʻoku ou ʻofa lahi ʻaupito ki ai.   
\q1
\v 168 Kuo u fai ki hoʻo ngaahi akonaki mo hoʻo ngaahi fakamoʻoni:  
\q2 he ʻoku ʻi ho ʻao hoku ngaahi ʻaluʻanga kotoa pē.   
\b  
\qa TAU  
\q1
\v 169 ‌ʻE Sihova, tuku ke aʻu atu ʻeku tangi ʻo ofi kiate koe:  
\q2 ke ke foaki mai ʻae poto ʻo hangē ko hoʻo folofola.   
\q1
\v 170 Tuku ke aʻu atu ʻeku lotu tāumaʻu ki ho ʻao:  
\q2 fakamoʻui au ʻo hangē ko hoʻo folofola.   
\q1
\v 171 ‌ʻE huaʻaki ʻe hoku loungutu ʻae fakamālō,  
\q2 ʻoka ke ka ako hoʻo ngaahi tuʻutuʻuni kiate au.   
\q1
\v 172 ‌ʻE lea ʻaki ʻe hoku ʻelelo hoʻo folofola:  
\q2 he ʻoku māʻoniʻoni hoʻo ngaahi fekau kotoa pē.   
\q1
\v 173 Ke tokoni au ʻe ho nima;  
\q2 he kuo u fili hoʻo ngaahi akonaki.   
\q1
\v 174 ‌ʻE Sihova, ʻoku ou holi ki hoʻo fakamoʻui;  
\q2 pea ko hoʻo fono ko hoku fiefiaʻanga ia.   
\q1
\v 175 Tuku ke moʻui ʻa hoku laumālie, pea ʻe fakamālō ia kiate koe;  
\q2 pea ke tokoni au ʻe hoʻo ngaahi fakamaau.   
\q1
\v 176 Naʻaku hē ʻo hangē ko e sipi kuo mole;  
\q2 ke ke kumi hoʻo tamaioʻeiki;  
\q2 he ʻoku ʻikai ngalo ʻiate au hoʻo ngaahi fekau.   
\c 120  
\cd \it 1 Ko e lau ʻa Tevita ʻi he fai kovi ʻa Toeki. 3 ʻOku ne valoki ki hono ʻelelo. 5 ʻOku ne mamahi koeʻuhi ko ʻene nonofo mo e angahala.\it*  
\d Ko e Hiva ʻae ʻalu hake.  
\q1
\v 1 Naʻaku tangi kia Sihova ʻi heʻeku mamahi,  
\q2 pea naʻa ne ongoʻi au.   
\q1
\v 2 ‌ʻE Sihova, fakahaofi hoku laumālie mei he loungutu loi,  
\q2 pea mei he ʻelelo kākā.   
\q1
\v 3 Ko e hā ʻe ʻatu kiate koe?  
\q2 He ko e hā ʻe fai kiate koe, ʻa koe ko e ʻelelo kākā?   
\q1
\v 4 ‌ʻAe ngaahi ngahau māsila ʻae tangata mālohi,  
\q2 mo e ngaahi malalaʻi afi ʻoe sunipa.   
\q1
\v 5 ‌ʻOku ou malaʻia, ko e meʻa ʻi heʻeku ʻāunofo ʻi Meseki,  
\q2 koeʻuhi ko ʻeku nofo ʻi he ngaahi fale fehikitaki ʻo Keta!   
\q1
\v 6 Kuo nofo ʻo fuoloa ʻa hoku laumālie  
\q2 fakataha mo ia ʻoku ne fehiʻa ki he melino.   
\q1
\v 7 ‌ʻOku ou loto ki he melino:  
\q2 ka ʻi heʻeku lea ʻoku nau fie tau.   
\c 121  
\cd \it 1–8 Ko e Monūʻia ʻoe kakai angalelei, ʻakinautolu ʻoku falala ki he maluʻi ʻe he ʻOtua.\it*  
\d Ko e Hiva ʻae ʻalu hake.  
\q1
\v 1 Te u hanga hake hoku mata ki he ngaahi moʻunga,  
\q2 ʻaia ʻoku haʻu mei ai hoku tokoni.   
\q1
\v 2 ‌ʻOku haʻu hoku tokoni meia Sihova,  
\q2 ʻaia ne ne ngaohi ʻae langi mo māmani.   
\q1
\v 3 ‌ʻE ʻikai tuku ʻe ia ke hiki ho vaʻe:  
\q2 ko ia ʻoku ne tauhi koe ʻe ʻikai tulemohe ia.   
\q1
\v 4 Vakai, ko ia ʻoku ne tauhi ʻa ʻIsileli  
\q2 ʻe ʻikai te ne tulemohe pe mohe.   
\q1
\v 5 Ko Sihova ko ho tauhi:  
\q2 ko Sihova ko ho fakamalu ia ʻi ho nima toʻomataʻu.   
\q1
\v 6 ‌ʻE ʻikai taaʻi koe ʻe he laʻā ʻi he ʻaho,  
\q2 pe ʻe he māhina ʻi he pō.   
\q1
\v 7 ‌ʻE fakahaofi koe ʻe Sihova mei he kovi kotoa pē:  
\q2 te ne fakamoʻui ho laumālie.   
\q1
\v 8 ‌ʻE tauhi ʻe Sihova hoʻo ʻalu kituʻa mo hoʻo liu  
\q2 mai mei he ʻaho ni, pea taʻengata.   
\c 122  
\cd \it 1 ʻOku fakahā ʻe Tevita ʻene fiefia koeʻuhi ko e siasi, 6 Pea ʻoku ne lotu ke fiemālie ia.\it*  
\d Ko e Hiva ʻa Tevita maʻae ʻalu hake.  
\q1
\v 1 Naʻaku fiefia ʻi heʻenau pehē mai kiate au,  
\q2 “Ke tau ō ki he fale ʻo Sihova.”   
\q1
\v 2 ‌ʻE tuʻu homau vaʻe ki lotoʻā ʻi ho ngaahi matapā,  
\q2 ʻE Selūsalema.   
\q1
\v 3 Kuo langa ʻa Selūsalema ʻo hangē ko e kolo ʻoku māʻopoʻopo:   
\q1
\v 4 ‌ʻAia ʻoku ʻalu hake ki ai ʻae ngaahi faʻahinga,  
\q2 ʻae ngaahi faʻahinga ʻo Sihova, ki he fakamoʻoni ʻa ʻIsileli,  
\q2 ke ʻatu ʻae fakafetaʻi ki he huafa ʻo Sihova.   
\q1
\v 5 He ʻoku fokotuʻu ʻi ai ʻae ngaahi nofoʻa ʻoe fakamaau,  
\q2 ko e ngaahi nofoʻa ʻoe fale ʻo Tevita.   
\q1
\v 6 Mou hūfia ke melino ʻa Selūsalema:  
\q2 “ʻE monūʻia ʻakinautolu ʻoku nau ʻofa kiate koe.   
\q1
\v 7 Ke ʻai ʻae melino ʻi ho ngaahi lotoʻā maka,  
\q2 mo e monūʻia ʻi ho ngaahi fale fakaʻeiʻeiki.”   
\q1
\v 8 Pea koeʻuhi ko hoku ngaahi kāinga mo hoku ngaahi kaumeʻa,  
\q2 te u lea ni, “Ke ʻiate koe ʻae melino.”   
\q1
\v 9 Koeʻuhi ko e fale ʻo Sihova ko hotau ʻOtua,  
\q2 te u kumi ke ke lelei ai.   
\c 123  
\cd \it 1 ʻOku fakahā ʻe he kakai angalelei ʻenau tui ki he ʻOtua, 3 Pea ʻoku nau lotu kenau hao mei he manuki.\it*  
\d Ko e Hiva ʻae ʻalu hake.  
\q1
\v 1 ‌ʻOku ou hanga hake hoku mata ki hoʻo ʻafio,  
\q2 ʻa koe ʻoku ke ʻafio ʻi he ngaahi langi.   
\q1
\v 2 Vakai, ʻoku hangē ko e sio ʻae mata ʻoe kau tamaioʻeiki ki he nima ʻo ʻenau ngaahi ʻeiki,  
\q2 pea hangē ko e mata ʻo ha kaunanga ki he nima ʻo ʻene ʻeiki fefine;  
\q2 ʻoku tatali pehē ʻa homau mata kia Sihova ko homau ʻOtua,  
\q2 kaeʻoua ke ne ʻaloʻofa mai kiate kimautolu.   
\q1
\v 3 ‌ʻE Sihova, ke ke ʻaloʻofa mai kiate kimautolu, ke ke ʻaloʻofa mai kiate kimautolu:  
\q2 he kuo mau fonu ʻaupito ʻi he manukia.   
\q1
\v 4 ‌ʻOku fonu ʻaupito homau laumālie ʻi he manuki ʻanautolu ʻoku anga fakafiemālie,  
\q2 pea mo e fehiʻa ʻae fielahi.   
\c 124  
\cd \it 1–8 ʻOku fakamālō ʻe he siasi ki ke ʻOtua koeʻuhi ko ʻene fakamoʻui lahi.\it*  
\d Ko e Hiva ʻa Tevita maʻae ʻalu hake.  
\q1
\v 1 Kapau naʻe ʻikai kau ʻa Sihova mo kitautolu,  
\q2 ʻoku totonu ke lea ni ʻa ʻIsileli;   
\q1
\v 2 “Kapau naʻe ʻikai kau ʻa Sihova mo kitautolu,  
\q2 ʻi he tuʻu hake ʻae kakai kiate kitautolu:   
\q1
\v 3 Pehē, kuo nau folo hifo leva ʻakitautolu,  
\q2 ʻi he tupu ʻenau ʻita kiate kitautolu;   
\q1
\v 4 Pehē, kuo lōfia ʻakitautolu ʻe he ngaahi vai,  
\q2 kuo tafe ʻae vaitafe ʻi he funga ʻo hotau laumālie:   
\q1
\v 5 Pea ʻalu ʻae ngaahi vai ʻoe laukau ʻi he funga ʻo hotau laumālie.”   
\q1
\v 6 Fakafetaʻi kia Sihova,  
\q2 ʻaia naʻe ʻikai te ne tukuange ʻakitautolu ko e meʻakai ki honau nifo.   
\q1
\v 7 Kuo hao hotau laumālie ʻo hangē ko e manupuna mei he hele ʻae tangata tauhele:  
\q2 kuo maumauʻi ʻae tauhele, pea kuo tau hao ai.   
\q1
\v 8 Ko hotau tokoni ʻoku ʻi he huafa ʻo Sihova, ʻaia naʻa ne ngaohi ʻae langi mo māmani.   
\c 125  
\cd \it 1 Ko e monūʻia ʻakinautolu ʻoku falala ki he ʻOtua. Ko e hūfia maʻae angalelei; kae malaʻia ʻae angahala.\it*  
\d Ko e Hiva ʻae ʻalu hake.  
\q1
\v 1 Ko kinautolu ʻoku falala kia Sihova tenau tatau mo e moʻunga ko Saione,  
\q2 ʻaia ʻoku ʻikai siʻi faʻa hiki, kae tuʻumaʻu pe ʻo taʻengata.   
\q1
\v 2 Hangē ko e takatakai ʻe he ngaahi moʻunga ʻa Selūsalema,  
\q2 ʻoku takatakai pehē ʻe Sihova ʻa hono kakai mei he ʻaho ni ʻo lauikuonga.   
\q1
\v 3 Koeʻuhi ʻe ʻikai tuku maʻu ʻae tokotoko ʻoe angahala ʻi he tofiʻa ʻoe angatonu;  
\q2 telia naʻa mafao atu ʻe he angatonu honau nima ki he angahala.   
\q1
\v 4 ‌ʻE Sihova, ke ke fai lelei kiate kinautolu ʻoku angalelei,  
\q2 pea kiate kinautolu ʻoku angatonu ʻi honau loto.   
\q1
\v 5 Ka ko kinautolu ʻoku nau afe ki honau ngaahi hala pikopiko,  
\q2 ʻe tataki atu ʻakinautolu ʻe Sihova fakataha mo e kakai fai kovi:  
\q2 ka ʻe hoko ʻae melino ki ʻIsileli.   
\c 126  
\cd \it 1 ʻOku fakamanatu ʻe he siasi ʻene toe haʻu mei he pōpula ʻoku hūfia ia, pea kikite ki he lelei ʻe hoko ki ai.\it*  
\d Ko e Hiva ʻae ʻalu hake.  
\q1
\v 1 ‌ʻI he toe liliu ʻe Sihova ʻae pōpula ʻo Saione,  
\q2 naʻa tau tatau mo kinautolu ʻoku misi.   
\q1
\v 2 Pea naʻe toki fakapito ʻaki hotau ngutu ʻae kata,  
\q2 mo hotau ʻelelo ʻi he hiva:  
\q2 pea naʻe toki pehē ʻe he hiteni, “Kuo fai ʻe Sihova ʻae ngaahi meʻa lahi maʻanautolu.”   
\q1
\v 3 Kuo fai ʻe Sihova ʻae ngaahi meʻa lahi maʻatautolu;  
\q2 pea ʻoku tau fiefia ai.   
\q1
\v 4 ‌ʻE Sihova, ke ke toe liliu ʻemau pōpula, ʻo hangē ko e ngaahi vaitafe ʻi he feituʻu tonga.   
\q1
\v 5 Ko kinautolu ʻoku tūtuuʻi ʻi he loʻimata te nau tuʻusi ʻi he fiefia.   
\q1
\v 6 Ko ia ʻoku ne ʻalu atu ʻo tangi, pea ʻave ʻae tenga mahuʻinga,  
\q2 te ne toe haʻu ʻi he fiefia, mo ʻomi ʻene ngaahi ū uite fakataha mo ia.   
\c 127  
\cd \it 1 Ko hono ʻaonga ʻoe tāpuaki ʻae ʻOtua. 3 Ko e fānau ʻae angalelei ko ʻene foaki ia.\it*  
\d Ko e Hiva ʻae ʻalu hake maʻa Solomone.  
\q1
\v 1 Kapau ʻe ʻikai langa ʻe Sihova ʻae fale,  
\q2 ʻoku taʻeʻaonga ʻae ngāue ʻanautolu ʻoku nau langa ia:  
\q2 kapau ʻe ʻikai tauhi ʻe Sihova ʻae kolo,  
\q2 ʻoku taʻeʻaonga ʻae ʻā ʻae tangata leʻo.   
\q1
\v 2 ‌ʻOku taʻeʻaonga hoʻomou tuʻu hake hengihengi pē,  
\q2 mo nofo pē ʻo fuoloa ʻi he pō,  
\q2 ke kai ʻae mā ʻoe mamahi:  
\q2 he ʻoku ne foaki ʻae mohe ki heʻene pele.   
\q1
\v 3 Vakai, ko e fānau ko e tofiʻa meia Sihova:  
\q2 pea ko e fua ʻoe manāva ko ʻene totongi.   
\q1
\v 4 Hangē ko e ngaahi ngahau ʻi he nima ʻoe tangata mālohi;  
\q2 ʻoku pehē ʻae fānau ʻae talavou.   
\q1
\v 5 ‌ʻOku monūʻia ʻae tangata ʻaia ʻoku fonu ʻene hōfangahau ʻiate kinautolu:  
\q2 ʻe ʻikai tenau mā, ka tenau lea ki he ngaahi fili ʻi he matapā.   
\c 128  
\cd \it 1–6 Ko e ngaahi tāpuaki ʻoku muimui ʻiate kinautolu ʻoku manavahē ki he ʻOtua.\it*  
\d Ko e Hiva ʻae ʻalu hake.  
\q1
\v 1 ‌ʻOku monūʻia ʻakinautolu kotoa pē ʻoku manavahē kia Sihova;  
\q2 ʻaia ʻoku ʻaʻeva ʻi hono ngaahi hala.   
\q1
\v 2 He te ke kai ʻae ngāue ʻa ho nima:  
\q2 te ke monūʻia, pea ʻe hoko ʻae lelei kiate koe.   
\q1
\v 3 ‌ʻE tatau ho uaifi mo e vaine ʻoku faʻa fua ʻi ho veʻe fale:  
\q2 ʻe tatau hoʻo fānau mo e ngaahi vaʻa ʻolive ʻoku kāpui hoʻo keinangaʻanga.   
\q1
\v 4 Vakai, ʻe pehē ʻae monūʻia ʻoe tangata ʻaia ʻoku ne manavahē kia Sihova.   
\q1
\v 5 ‌ʻE tāpuaki koe ʻe Sihova mei Saione:  
\q2 pea te ke mamata ki hono lelei ʻo Selūsalema ʻi he ngaahi ʻaho kotoa pē ʻo hoʻo moʻui.   
\q1
\v 6 ‌ʻIo, te ke mamata ki he fānau ʻa hoʻo fānau pea mo e melino ʻi ʻIsileli.   
\c 129  
\cd \it 1 Ko e enginaki ke fakamālō ki he ʻOtua koeʻuhi ko ʻene fakamoʻui ʻa ʻIsileli ʻi heʻenau mamahi lahi. 5 ʻOku malaʻia ʻakinautolu ʻoku fehiʻa ki he siasi.\it*  
\d Ko e Hiva ʻae ʻalu hake.  
\q1
\v 1 ‌ʻOku totonu ke lea ni ʻa ʻIsileli,  
\q2 Kuo liunga lahi ʻenau fakamamahiʻi au talu ʻeku kei talavou:   
\q1
\v 2 “Kuo liunga lahi ʻenau fakamamahiʻi au talu ʻeku talavou:  
\q2 ka naʻe ʻikai tenau mālohi kiate au.   
\q1
\v 3 Naʻe keli ʻae kau tangata keli ʻi hoku tuʻa:  
\q2 naʻa nau ngaohi ke lōloa ʻenau ngaahi keli.   
\q1
\v 4 ‌ʻOku angatonu ʻa Sihova:  
\q2 kuo tuʻusi ʻe ia ʻae ngaahi afo ʻae kakai angahala.”   
\q1
\v 5 Tuku ke puputuʻu pea foki kimui ʻakinautolu kotoa pē ʻoku fehiʻa ki Saione.   
\q1
\v 6 Tuku kenau tatau mo e mohuku ʻi he tatā ʻoe fale,  
\q2 ʻaia ʻoku mae ʻi he teʻeki ai ke lahi ia:   
\q1
\v 7 ‌ʻAia ʻoku ʻikai fakapito ʻaki ʻe he tangata tuʻusi ʻa hono nima;  
\q2 pe ko e fatafata ʻo ia ʻoku ne nonoʻo ʻae ngaahi ʻū mohuku.   
\q1
\v 8 Pea ʻoku ʻikai lea ʻakinautolu ʻoku ʻalu ʻi ai,  
\q2 ʻo pehē, “Ke ʻiate kimoutolu ʻae monūʻia meia Sihova:  
\q2 ʻoku mau tāpuaki ʻakimoutolu ʻi he huafa ʻo Sihova.”   
\c 130  
\cd \it 1–8 ʻOku fakahā ʻe he tangata tohi saame ʻene ʻamanaki ʻi heʻene lotu, 5 Mo ʻene kātaki ʻi heʻene ʻamanaki. 7 ʻOku ne enginakiʻi ʻa ʻIsileli ke nau ʻamanaki lelei ki he ʻOtua.\it*  
\d Ko e Hiva ʻae ʻalu hake.  
\q1
\v 1 ‌ʻE Sihova, naʻaku tangi kiate koe mei he ngaahi moana.   
\q1
\v 2 ‌ʻE ʻEiki, ke ke ongoʻi hoku leʻo:  
\q2 fakatokangaʻi ho fofonga ki he leʻo ʻo ʻeku ngaahi lotu tāumaʻu.   
\q1
\v 3 Kapau te ke fakaʻilonga, ʻE Sihova, ʻae ngaahi hia,  
\q2 ʻE ʻEiki, ko hai ʻe faʻa tuʻu?   
\q1
\v 4 Ka ʻoku ʻiate koe ʻae fakamolemole,  
\q2 koeʻuhi ke manavahē ai kiate koe.   
\q1
\v 5 ‌ʻOku ou tatali kia Sihova,  
\q2 ʻoku tatali ʻa hoku laumālie,  
\q2 pea ʻoku ou ʻamanaki lelei ki heʻene folofola.   
\q1
\v 6 ‌ʻOku tatali ʻa hoku laumālie kia Sihova ʻo lahi hake ʻiate kinautolu ʻoku nau leʻo ki he pongipongi:  
\q2 ʻoku ou pehē, ʻo lahi hake ʻiate kinautolu ʻoku nau leʻo ki he pongipongi.   
\q1
\v 7 Ke ʻamanaki ʻa ʻIsileli kia Sihova:  
\q2 he ʻoku ʻia Sihova ʻae ʻaloʻofa,  
\q2 pea ʻoku ʻiate ia ʻae huhuʻi lahi.   
\q1
\v 8 Pea te ne huhuʻi ʻa ʻIsileli mei heʻene ngaahi hia kotoa pē.   
\c 131  
\cd \it 1 ʻOku fakahā ʻe Tevita ʻene angavaivai, 3 pea ʻoku enginakiʻi ʻa ʻIsileli kenau ʻamanaki lelei ki he ʻOtua.\it*  
\d Ko e Hiva ʻa Tevita maʻae ʻalu hake.  
\q1
\v 1 ‌ʻE Sihova, ʻoku ʻikai fielahi hoku loto, pe fieʻeiki hoku mata:  
\q2 pea ʻoku ʻikai te u kau ʻi he ngaahi meʻa lalahi,  
\q2 pe ʻi he ngaahi meʻa ʻoku māʻolunga hake ʻiate au.   
\q1
\v 2 Ko e moʻoni kuo u fakafiemālieʻi mo fakanaʻanaʻaʻi au,  
\q2 ʻo hangē ko e tamasiʻi kuo fakamāvae mei heʻene faʻē:  
\q2 ʻoku tatau hoku laumālie mo e tamasiʻi kuo fakamāvae.   
\q1
\v 3 Tuku ke ʻamanaki lelei ʻa ʻIsileli kia Sihova,  
\q2 mei he ʻaho ni pea taʻengata.   
\c 132  
\cd \it 1 ʻOku fakahā ʻe Tevita ʻi heʻene lotu ki he ʻOtua ʻa ʻene tokanga lahi ki he puha ʻoe fuakava. 9 Ko ʻene lotu ʻi he hiki ʻae puha ʻoe fuakava, 11 Mo ʻene lea ʻaki ʻae ngaahi talaʻofa ʻae ʻOtua.\it*  
\d Ko e Hiva ʻae ʻalu hake.  
\q1
\v 1 ‌ʻE Sihova, ke ke manatu kia Tevita, mo ʻene mamahi kotoa pē:   
\q1
\v 2 ‌ʻA ʻene fuakava kia Sihova, mo ʻene lea fakapapau ki he ʻOtua mālohi ʻa Sēkope;   
\q1
\v 3 “Ko e moʻoni ʻe ʻikai te u ʻalu ki hoku fale nofoʻanga,  
\q2 pe ʻalu hake ki hoku mohenga;   
\q1
\v 4 ‌ʻE ʻikai te u tuku ʻae mohe ki hoku mata,  
\q2 pe ko e tulemohe ki hoku laumata,   
\q1
\v 5 Kaeʻoua ke u ʻilo ha potu moʻo Sihova, ko e ʻafioʻanga ki he ʻOtua mālohi ʻo Sēkope.”   
\q1
\v 6 Vakai, naʻa tau fanongo ki ai ʻi ʻEfalata:  
\q2 pea naʻa tau ʻilo ia ʻi he ngaahi ngoue ʻoe vao.   
\q1
\v 7 “Te tau hū ki hono ngaahi fale fehikitaki:  
\q2 te tau lotu ʻi hono tuʻunga vaʻe.”   
\q1
\v 8 Tuʻu hake, ʻE Sihova, ki ho mālōlōʻanga;  
\q2 ʻa koe, mo e puha ʻoe fuakava ʻo ho mālohi.   
\q1
\v 9 Ke kofuʻaki ʻe hoʻo kau taulaʻeiki ʻae angatonu;  
\q2 pea ke kalanga ʻi he fiefia ʻa hoʻo kakai māʻoniʻoni.   
\q1
\v 10 Koeʻuhi ko hoʻo tamaioʻeiki ko Tevita,  
\q2 ʻoua naʻa ke fakatafoki ʻae mata ʻo hoʻo pani.   
\q1
\v 11 Kuo fuakava ʻa Sihova ʻi he moʻoni kia Tevita;  
\q2 ʻe ʻikai te ne liliu mei ai;  
\q2 “Te u fokotuʻu ki ho nofoʻa ʻae fua ʻo ho sino.   
\q1
\v 12 Kapau ʻe fai ʻe hoʻo fānau ki heʻeku fuakava  
\q2 mo ʻeku fakamoʻoni ʻaia te u ako kiate kinautolu,  
\q2 ʻe nofo foki ʻenau fānau ʻi ho nofoʻa fakaʻeiʻeiki ʻo lauikuonga.”   
\q1
\v 13 He kuo fili ʻe Sihova ʻa Saione;  
\q2 kuo ne finangalo ki ai ko hono ʻafioʻanga.   
\q1
\v 14 “Ko hoku mālōlōʻanga eni ʻo taʻengata:  
\q2 te u nofo ʻi heni; he naʻaku finangalo ki ai.   
\q1
\v 15 Ko e moʻoni te u tāpuaki lahi hono meʻakai:  
\q2 te u fakamākona ʻa hono kau masiva ʻaki ʻae mā.   
\q1
\v 16 Te u fakakofu foki ʻene kau taulaʻeiki ʻaki ʻae fakamoʻui:  
\q2 pea ko ʻene kau māʻoniʻoni tenau kalanga ʻo leʻo lahi ʻi he fiefia.   
\q1
\v 17 Te u ngaohi ke moto ai ʻae nifo ʻo Tevita:  
\q2 kuo u tuʻutuʻuni ʻae maama ʻa ʻeku pani.   
\q1
\v 18 Te u fakakofuʻaki hono ngaahi fili ʻae mā:  
\q2 ka ʻe maʻuiʻui ʻa hono tatā ʻiate ia.”   
\c 133  
\cd \it 1–3 Ko hono ʻaonga ʻoe feohi ʻoe kakai māʻoniʻoni.\it*  
\d Ko e Hiva ʻa Tevita maʻae ʻalu hake.  
\q1
\v 1 Vakai ki hono lelei pea mo hono fakafiemālie,  
\q2 ʻoe nofo fakataha ʻae kāinga ʻi he feʻofoʻofani!   
\q1
\v 2 ‌ʻOku tatau ia mo e lolo mahuʻinga ki he ʻulu,  
\q2 ʻaia naʻe tafe hifo ki he halakava,  
\q2 ʻio, ko e halakava ʻo ʻElone:  
\q2 pea ʻalu hifo ki he kapa ʻo hono ngaahi kofu;   
\q1
\v 3 ‌ʻOku hangē ko e hahau ʻo Heamoni,  
\q2 pea hangē ko e hahau naʻe tō ki he ngaahi moʻunga ʻo Saione,  
\q2 he naʻe fekau ʻi ai ʻe Sihova ʻae monūʻia,  
\q2 ʻio, ko e moʻui taʻengata.   
\c 134  
\cd \it 1–4 Ko e enginaki ke fakamālō ki he ʻOtua.\it*  
\d Ko e Hiva ʻae ʻalu hake.  
\q1
\v 1 Ko eni, mou fakafetaʻi kia Sihova,  
\q2 ʻakimoutolu kotoa pē ko e kau tamaioʻeiki ʻa Sihova,  
\q2 ʻoku mou tuʻu ʻi he pō ʻi he fale ʻo Sihova.   
\q1
\v 2 Hiki hake homou nima ʻi he faletapu,  
\q2 mou fakafetaʻi kia Sihova.   
\q1
\v 3 Ke tāpuaki koe mei Saione ʻe Sihova;  
\q2 ʻaia naʻa ne ngaohi ʻae langi mo māmani.   
\c 135  
\cd \it 1 Ko e enginaki ke fakamālō ki he ʻOtua koeʻuhi ko ʻene ʻaloʻofa, 5 Mo ʻene māfimafi, 8 pea mo ʻene ngaahi fakamaau. 15 Ko e meʻa vaʻinga pē ʻae ngaahi tamapua. 19 Ko e meʻa enginaki ke fakafetaʻi ki he ʻOtua.\it*  
\q1
\v 1 Mou fakamālō kia Sihova.  
\q2 Mou fakamālō ki he huafa ʻo Sihova;  
\q2 fakamālō kiate ia, ʻakimoutolu ko e kau tamaioʻeiki ʻa Sihova.   
\q1
\v 2 ‌ʻAkimoutolu ʻoku tuʻu ʻi he fale ʻo Sihova, ʻi he ngaahi lotoʻā ʻoe fale ʻo hotau ʻOtua,   
\q1
\v 3 Fakamālō kia Sihova; he ʻoku angalelei ʻa Sihova:  
\q2 hiva fakamālō ki hono huafa; he ʻoku mālie ia.   
\q1
\v 4 He kuo fili ʻe Sihova ʻa Sēkope maʻana,  
\q2 mo ʻIsileli ko hono tofiʻa ʻoʻona.   
\q1
\v 5 He ʻoku ou ʻilo ʻoku lahi ʻa Sihova,  
\q2 pea ʻoku māʻolunga hake hotau ʻEiki ʻi he ngaahi ʻotua kotoa pē.   
\q1
\v 6 Ko e meʻa kotoa pē naʻe finangalo ki ai ʻa Sihova, ko ia naʻa ne fai ʻi he langi,  
\q2 mo māmani, ʻi he ngaahi tahi, mo e ngaahi potu loloto kotoa pē.   
\q1
\v 7 ‌ʻOku pule ʻe ia ke ʻalu hake ʻae kakapu mei he ngaahi ngataʻanga ʻo māmani,  
\q2 ʻoku ne ngaohi ʻae ngaahi ʻuhila mo e ʻuha ʻoku ʻomi,  
\q2 ʻe ia ʻae matangi mei hono ngaahi feleoko.   
\q1
\v 8 Ko ia ia naʻe taaʻi ʻae ʻuluaki fānau ʻo ʻIsipite,  
\q2 ʻae tangata mo e manu.   
\q1
\v 9 Mo ne fekau atu ʻae ngaahi fakaʻilonga,  
\q2 mo e ngaahi meʻa fakaofo ʻi he lotolotonga ʻoʻou,  
\q2 ʻE ʻIsipite, kia Felo, pea mo ʻene kau tamaioʻeiki kotoa pē.   
\q1
\v 10 Ko ia naʻe taaʻi ʻae ngaahi puleʻanga lahi,  
\q2 mo tāmateʻi ʻae ngaahi tuʻi mālohi;   
\q1
\v 11 Ko Sihoni ko e tuʻi ʻoe kau ʻAmoli,  
\q2 mo Oki ko e tuʻi ʻo Pesani,  
\q2 mo e ngaahi puleʻanga kotoa pē ʻo Kēnani:   
\q1
\v 12 Pea naʻe foaki honau fonua ko e tofiʻa,  
\q2 ko e tofiʻa ki ʻIsileli ko hono kakai.   
\q1
\v 13 ‌ʻE Sihova, ʻoku tolonga ʻo taʻengata ho huafa;  
\q2 mo ho fakamanatu,  
\q2 ʻE Sihova, ki he ngaahi toʻutangata kotoa pē.   
\q1
\v 14 Koeʻuhi ʻe fakamaau ʻe Sihova hono kakai,  
\q2 pea ʻe lolou ia koeʻuhi ko ʻene kau tamaioʻeiki.   
\q1
\v 15 Ko e ngaahi tamapua ʻoe hiteni ko e siliva mo e koula,  
\q2 ko e ngāue ʻae nima ʻoe tangata.   
\q1
\v 16 ‌ʻOku ai honau ngutu, ka ʻoku ʻikai tenau lea;  
\q2 ʻoku nau maʻu ʻae mata, ka ʻoku ʻikai tenau mamata;   
\q1
\v 17 ‌ʻOku nau maʻu ʻae telinga,  
\q2 ka ʻoku ʻikai tenau fanongo;  
\q2 pea ʻoku ʻikai ha mānava ʻi honau ngutu.   
\q1
\v 18 Ko kinautolu ʻoku ngaohi ʻakinautolu ʻoku nau tatau mo kinautolu:  
\q2 pea ʻoku pehē pe ʻakinautolu ʻoku falala ki ai.   
\q1
\v 19 ‌ʻE fale ʻo ʻIsileli, ke ke fakafetaʻi kia Sihova:  
\q2 ʻE fale ʻo ʻElone, ke ke fakafetaʻi kia Sihova:   
\q1
\v 20 ‌ʻE fale ʻo Livai, ke ke fakafetaʻi kia Sihova:  
\q2 ʻakimoutolu ʻoku manavahē kia Sihova, mou fakafetaʻi kia Sihova.   
\q1
\v 21 Mou fakafetaʻi kia Sihova mei Saione,  
\q2 ʻaia ʻoku ʻafio ʻi Selūsalema.  
\q2 Mou fakamālō kia Sihova.   
\c 136  
\cd \it 1–26 Ko e enginaki ke ʻalu ʻae fakafetaʻi ki he ʻOtua koeʻuhi ko ʻene ngaahi ʻaloʻofa.\it*  
\q1
\v 1 Mou ʻatu ʻae fakafetaʻi kia Sihova he ʻoku angalelei ia:  
\q2 koeʻuhi ʻoku tolonga ʻo taʻengata ʻa ʻene ʻaloʻofa.   
\q1
\v 2 Mou ʻatu ʻae fakafetaʻi ki he ʻOtua ʻoe ngaahi ʻotua:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 3 Mou ʻatu ʻae fakafetaʻi ki he ʻEiki ʻoe ngaahi ʻeiki:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 4 Kiate ia ʻaia tokotaha pe ʻoku fai ʻae ngaahi meʻa fakaofo lahi:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 5 Kiate ia ʻaia naʻe ngaohi ʻi he poto ʻae ngaahi langi:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 6 Kiate ia ʻaia naʻe folahi ʻa māmani ʻi ʻolunga ʻi he ngaahi vai:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 7 Kiate ia ʻaia naʻe ngaohi ʻae ngaahi maama lahi he ʻoku tolonga,  
\q2 ʻo taʻengata ʻa ʻene ʻaloʻofa   
\q1
\v 8 Ko e laʻā ke pule ʻi he ʻaho:  
\q2 he ʻoku tolonga ʻo taʻengata ʻa ʻene ʻaloʻofa:   
\q1
\v 9 Ko e māhina mo e ngaahi fetuʻu ke pule ʻi he pō:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 10 Kiate ia ʻaia naʻe taaʻi ʻa ʻIsipite ʻi heʻenau ʻuluaki fānau:  
\q2 he ʻoku tolonga ʻo taʻengata ʻa ʻene ʻaloʻofa   
\q1
\v 11 Mo ne ʻomi ʻa ʻIsileli meiate kinautolu:  
\q2 he ʻoku tolonga ʻo taʻengata ʻa ʻene ʻaloʻofa:   
\q1
\v 12 ‌ʻAki ʻae nima mālohi, mo e nima kuo mafao atu:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 13 Kiate ia naʻe vaheʻi ke vaeua ʻae Tahi Kulokula:  
\q2 he ʻoku tolonga ʻo taʻengata ʻa ʻene ʻaloʻofa:   
\q1
\v 14 Pea ne pule ke ʻalu ʻa ʻIsileli ʻi hono vahaʻa:  
\q2 he ʻoku tolonga ʻo taʻengata ʻa ʻene ʻaloʻofa   
\q1
\v 15 Ka naʻe tulaki ʻa Felo mo ʻene kautau ʻi he Tahi Kulokula:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 16 Kiate ia ʻaia naʻe tataki hono kakai ʻi he toafa:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 17 Kiate ia ʻaia naʻe taaʻi ʻae ngaahi tuʻi lahi:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 18 Pea tāmateʻi ʻae ngaahi tuʻi naʻe ongoongo:  
\q2 he ʻoku tolonga ʻo taʻengata ʻa ʻene ʻaloʻofa   
\q1
\v 19 Ko Sihoni ko e tuʻi ʻoe kau ʻAmoli:  
\q2 he ʻoku tolonga ʻo taʻengata ʻa ʻene ʻaloʻofa:   
\q1
\v 20 Mo Oki ko e tuʻi ʻo Pesani:  
\q2 he ʻoku tolonga ʻo taʻengata ʻa ʻene ʻaloʻofa   
\q1
\v 21 Pea ne foaki honau fonua ko e tofiʻa:  
\q2 he ʻoku tolonga ʻo taʻengata ʻa ʻene ʻaloʻofa:   
\q1
\v 22 Ko e tofiʻa kia ʻIsileli ko ʻene tamaioʻeiki:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 23 ‌ʻAia naʻe manatu kiate kitautolu ʻi heʻetau masiva:  
\q2 he ʻoku tolonga ʻo taʻengata ʻa ʻene ʻaloʻofa:   
\q1
\v 24 Pea ne huhuʻi ʻakitautolu mei hotau ngaahi fili:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 25 ‌ʻOku ne foaki ʻae meʻakai ki he kakano kotoa pē:  
\q2 he ʻoku tolonga ʻo taʻengata ʻa ʻene ʻaloʻofa.   
\q1
\v 26 Mou ʻatu ʻae fakafetaʻi ki he ʻOtua ʻoe langi:  
\q2 he ʻoku tolonga ʻo taʻengata ʻa ʻene ʻaloʻofa.   
\c 137  
\cd \it 1 Ko e loto maʻu ʻae kakai Siu ʻi heʻenau pōpula. 7 Ko e fakamalaʻia ʻa ʻItomi mo Papilone ʻe he palōfita.\it*  
\q1
\v 1 Naʻa mau nofo ki lalo ʻi he veʻe vaitafe ʻo Papilone,  
\q2 ʻio, naʻa mau tangi ʻi heʻemau manatu ki Saione.   
\q1
\v 2 Naʻa mau tautau ʻemau ngaahi haʻape,  
\q2 ʻi he ngaahi uilou ʻi he lotolotonga ʻo ia.   
\q1
\v 3 He naʻe fekauʻi ai ʻekinautolu naʻa nau fakapōpulaʻi ʻakimautolu ke mau hiva;  
\q2 pea ko kinautolu naʻe fakaʻosiʻosi ʻakimautolu naʻa nau fekau ke mau fiefia,  
\q2 ʻonau pehē, “Hiva mai kiate kimautolu ʻi he ngaahi hiva ʻo Saione.”   
\q1
\v 4 ‌ʻE fēfē ʻemau hiva ʻaki ʻae hiva ʻa Sihova ʻi he fonua ʻoe muli?   
\q1
\v 5 Kapau te u fakangalongaloʻi koe, ʻE Selūsalema,  
\q2 tuku ke ngalo ʻi hoku nima toʻomataʻu hono faiva.   
\q1
\v 6 Kapau ʻe ʻikai te u manatu kiate koe, tuku ke pikitai ʻa hoku ʻelelo ki hoku ʻaoʻingutu;  
\q2 ʻo kapau ʻe ʻikai te u hiki māʻolunga hake ʻa Selūsalema ʻi hoku fungani fiefiaʻanga.   
\q1
\v 7 Manatu, ʻE Sihova, ki he fānau ʻa ʻItomi,  
\q2 ʻi he ʻaho ʻo Selūsalema;  
\q2 naʻa nau pehē, “Fakaʻauha ia!  
\q2 Fakaʻauha ia, ʻo aʻu ki hono tuʻunga!”   
\q1
\v 8 ‌ʻE ʻofefine ʻo Papilone, ʻe fakaʻauha koe;  
\q2 ʻe monūʻia ia, ʻaia te ne totongi kiate koe,  
\q2 ʻo hangē ko hoʻo fai kiate kimautolu.   
\q1
\v 9 ‌ʻE monūʻia ia,  
\q2 ʻaia te ne toʻo ʻo laiki hoʻo fānau iiki ki he maka.   
\c 138  
\cd \it 1 ʻOku fakafetaʻi ʻe Tevita ki he ʻOtua koeʻuhi ko e moʻoni ʻo ʻene folofola. 4 ʻOku ne kikite ʻo fakamālō ki he ʻOtua ʻae ngaahi tuʻi ʻa māmani. 7 ʻOku fakahā ʻene tui ki he ʻOtua.\it*  
\d Ko e Saame ʻa Tevita.  
\q1
\v 1 Te u fakamālō kiate koe ʻaki hoku loto kotoa pē:  
\q2 ʻi he ʻao ʻoe ngaahi ʻotua te u hiva fakamālō kiate koe.   
\q1
\v 2 Te u lotu ʻo hanga atu ki ho faletapu māʻoniʻoni,  
\q2 mo fakamālō ki ho huafa koeʻuhi ko hoʻo ʻaloʻofa mo hoʻo moʻoni:  
\q2 he kuo ke hiki ke māʻolunga hake hoʻo folofola ʻi ho huafa kotoa pē.   
\q1
\v 3 ‌ʻI he ʻaho ne u tangi ai naʻa ke talia au,  
\q2 mo fakamālohi ʻaki au ʻae mālohi ʻi hoku laumālie.   
\q1
\v 4 ‌ʻE Sihova, ʻe fakamālō kiate koe ʻae ngaahi tuʻi kotoa pē ʻo māmani,  
\q2 ʻoka nau ka fanongo ki he ngaahi folofola ʻo ho fofonga.   
\q1
\v 5 ‌ʻIo, tenau hiva ʻi he ngaahi hala ʻo Sihova:  
\q2 he ʻoku lahi ʻae nāunau ʻo Sihova.   
\q1
\v 6 Ko e moʻoni ʻoku māʻolunga ʻa Sihova, ka ʻoku ʻofa ia ki he angavaivai:  
\q2 ka ʻoku ʻilo ʻe ia ʻae laukau ki he mamaʻo.   
\q1
\v 7 Neongo ʻeku ʻeveʻeva ʻi he lotolotonga ʻoe mamahi, te ke fakaakeake au:  
\q2 te ke mafao atu ho nima ke taʻofi ki he ʻita ʻa hoku ngaahi fili,  
\q2 pea ko ho nima toʻomataʻu te ne fakamoʻui au.   
\q1
\v 8 ‌ʻE fakahaohaoa ʻe Sihova ʻaia ʻoku kau kiate au:  
\q2 ko hoʻo ʻaloʻofa, ʻE Sihova ʻoku tolonga ʻo taʻengata:  
\q2 ʻoua naʻa ke liʻaki ʻae ngaahi ngāue ʻa ho nima ʻoʻou.   
\c 139  
\cd \it 1–24 ʻOku fakamālō ʻa Tevita ki he ʻOtua koeʻuhi ko ʻene ʻafioʻi ʻae meʻa kotoa pē, 17 mo ʻene ngaahi ʻaloʻofa lahi. 19 Ko ʻene fehiʻa ki he angahala. 23 ʻOku ne kole ke ne māʻoniʻoni.\it*  
\d Ki he Takimuʻa, ko e Saame ʻa Tevita.  
\q1
\v 1 ‌ʻE Sihova, naʻa ke ʻahiʻahiʻi au,  
\q2 pea kuo ke ʻiloʻi au.   
\q1
\v 2 ‌ʻOku ke ʻiloʻi ʻeku nofo hifo mo ʻeku tuʻu hake,  
\q2 ʻoku ke ʻiloʻi ʻeku ngaahi mahalo ʻoku kei mamaʻo.   
\q1
\v 3 ‌ʻOku ke ʻāʻi hoku hala mo hoku tokotoʻanga,  
\q2 pea ʻoku ke ʻiloʻi hoku hala kotoa pē.   
\q1
\v 4 He ʻoku ʻikai ha lea ʻi hoku ʻelelo,  
\q2 ka ko koe, ʻE Sihova, ʻoku ke ʻiloʻi kotoa pē.   
\q1
\v 5 Naʻa ke kāpui au ʻi hoku tuʻa mo hoku ʻao,  
\q2 ʻo ke hilifaki ho nima kiate au.   
\q1
\v 6 Ko e ʻilo pehē ʻoku fakaofo lahi kiate au;  
\q2 ʻoku māʻolunga ia,  
\q2 ʻoku ʻikai te u faʻa lavaʻi ia.   
\q1
\v 7 Te u ʻalu ki fē mei ho Laumālie?  
\q2 Pe te u hola ki fē mei ho ʻao?   
\q1
\v 8 Kapau te u ʻalu hake ki he loto langi, ʻoku ke ʻi ai:  
\q2 kapau te u ngaohi hoku mohenga ʻi heli,  
\q2 vakai, ʻoku ke ʻi ai.   
\q1
\v 9 Kapau te u toʻo mai ʻae ngaahi kapakau ʻoe pongipongi,  
\q2 pea nofo ʻi he ngaahi ngataʻanga ʻoe tahi;   
\q1
\v 10 ‌ʻE tataki foki au ʻe ho nima ʻi ai,  
\q2 pea ko ho nima toʻomataʻu te ne puke au.   
\q1
\v 11 Kapau te u pehē, Ko e moʻoni ʻe ʻufiʻufi au ʻe he poʻuli;  
\q2 ʻe hoko ʻae pō foki ko e maama ʻo takatakai ʻiate au.   
\q1
\v 12 ‌ʻIo, ʻoku ʻikai fakafufū meiate koe ʻe he poʻuli,  
\q2 ka ʻoku malama ʻae pō ʻo hangē ko e ʻaho:  
\q2 ko e poʻuli mo e maama ʻoku na tatau pe kiate koe.   
\q1
\v 13 He kuo ke maʻu hoku kongaloto:  
\q2 naʻa ke ʻufiʻufi au ʻi he manāva ʻo ʻeku faʻē.   
\q1
\v 14 Te u fakamālō kiate koe;  
\q2 he ʻoku fakamanavahē mo fakaofo hoku ngaohi:  
\q2 ʻoku fakaofo hoʻo ngaahi ngāue;  
\q2 pea ʻoku ʻilo pau ki ai ʻe hoku laumālie.   
\q1
\v 15 Naʻe ʻikai fufū ʻa hoku sino meiate koe,  
\q2 ʻi he ngaohi au ʻi he lilo,  
\q2 mo teuteu lelei au ʻi he ngaahi potu māʻulalo ʻoe fonua.   
\q1
\v 16 Naʻe ʻafio ho fofonga ki hoku sino ʻoku teʻeki ai fakaʻosi;  
\q2 pea naʻe tohi ʻi hoʻo tohi hoku ngaahi kupuʻi sino kotoa pē,  
\q2 ʻaia naʻe fakatupu fakaholo,  
\q2 ʻi he teʻeki ai ha kupu ʻe taha.   
\q1
\v 17 ‌ʻE ʻOtua, hono ʻikai mahuʻinga ʻa hoʻo ngaahi fakakaukau kiate au!  
\q2 ʻOku fēfē nai hono lahi ʻo ia!   
\q1
\v 18 Kapau te u lau ia, ʻoku lahi hake hono lau ʻi he ʻoneʻone:  
\q2 ʻo kau ka ʻā hake ʻoku ou kei ʻiate koe.   
\q1
\v 19 ‌ʻE ʻOtua, ko e moʻoni te ke tāmateʻi ʻae angahala:  
\q2 ko ia mou ʻalu ʻiate au, ʻakimoutolu ʻae kau tangata pani toto.   
\q1
\v 20 He ʻoku nau lea kovi ʻi he angatuʻu kiate koe,  
\q2 pea ko ho ngaahi fili ʻoku nau takuanoa \add ho huafa\add*.   
\q1
\v 21 ‌ʻE Sihova, ʻikai ʻoku ou fehiʻa kiate kinautolu ʻoku nau fehiʻa kiate koe?  
\q2 Pea ʻikai ʻoku ou mamahi ʻiate kinautolu ʻoku nau tuʻu hake ʻo angatuʻu kiate koe?   
\q1
\v 22 ‌ʻOku ou fehiʻa kiate kinautolu ʻaki ʻae fehiʻa ʻaupito:  
\q2 ʻoku ou lau ʻakinautolu ko hoku ngaahi fili.   
\q1
\v 23 ‌ʻE ʻOtua, ʻafioʻi au, pea ke ʻiloʻi hoku loto:  
\q2 ʻahiʻahiʻi au, mo ke ʻiloʻi ʻeku ngaahi mahalo:   
\q1
\v 24 Pea ke vakai pe ʻoku ai ha hala kovi ʻiate au,  
\q2 pea ke tataki au ʻi he hala taʻengata.   
\c 140  
\cd \it 1 ʻOku lotu ʻa Tevita ke ne hao meia Saula mo Toeki, 8 Pea ke fakahoko ʻe he ʻEiki ʻae totongi ki ai. 12 ʻOku ne fakafiemālieʻi hono loto ʻi heʻene tui ki he ʻOtua.\it*  
\d Ki he Takimuʻa, ko e Saame ʻa Tevita.  
\q1
\v 1 ‌ʻE Sihova, fakamoʻui au mei he tangata angakovi:  
\q2 fakamoʻui au mei he tangata fakamālohi;   
\q1
\v 2 ‌ʻAia ʻoku mahalo kovi ʻi honau loto;  
\q2 ʻoku nau fakataha maʻuaipē ke tau.   
\q1
\v 3 Kuo nau fakamāsila honau ʻelelo ʻo hangē ko e ngata;  
\q2 ʻoku ʻai ʻae kona ʻoe ngata ʻi honau lalo loungutu. \qs Sila.\qs*   
\q1
\v 4 Fakahaofi au, ʻE Sihova, mei he nima ʻoe angahala;  
\q2 fakamoʻui au mei he tangata fakamālohi,  
\q2 ʻaia kuo ne fakakaukau ke tulaki hifo hoku vaʻe.   
\q1
\v 5 Kuo tau fufū ʻe he laukau ʻae tauhele kiate au, mo e ngaahi afo;  
\q2 kuo nau ʻaʻau ʻae kupenga ʻi he veʻe hala;  
\q2 kuo nau teuteu ʻae ngaahi hele kiate au. \qs Sila.\qs*   
\q1
\v 6 Naʻaku pehē kia Sihova, “Ko koe ko hoku ʻOtua:”  
\q2 ʻE Sihova, ke ke ongoʻi ʻae leʻo ʻo ʻeku ngaahi lotu tāumaʻu.   
\q1
\v 7 ‌ʻE Sihova ko e ʻEiki, ko e mālohi ʻo ʻeku fakamoʻui,  
\q2 kuo ke maluʻi hoku ʻulu ʻi he ʻaho ʻoe tau.   
\q1
\v 8 ‌ʻE Sihova, ʻoua naʻa ke fai ki he ngaahi holi ʻae angahala:  
\q2 ʻoua naʻa ke tokoni ʻene fakakaukau kovi, telia naʻa nau hiki hake ʻakinautolu. \qs Sila.\qs*   
\q1
\v 9 Ka ko e ʻulu ʻokinautolu ʻoku nau kāpui au,  
\q2 tuku ke ʻufiʻufi ʻaki ʻakinautolu ʻae kovi ʻo honau loungutu.   
\q1
\v 10 Ke tō kiate kinautolu ʻae malalaʻi afi ʻoku vela: tuku ke lī ʻakinautolu ki he afi;  
\q2 ki he ngaahi luo tau mamaʻo, koeʻuhi ke ʻoua naʻa nau toetuʻu hake.   
\q1
\v 11 ‌ʻOua naʻa tuku ha tangata lea kovi ke tuʻumaʻu ʻi māmani:  
\q2 ʻe tuli ʻe he kovi ʻae tangata fakamālohi ke tulaki ia.   
\q1
\v 12 ‌ʻOku ou ʻilo ʻe fakamaau ʻe Sihova ʻae meʻa ʻae mamahi,  
\q2 mo e ʻinasi totonu ʻoe masiva.   
\q1
\v 13 Ko e moʻoni ʻe ʻatu ʻae fakafetaʻi ʻe he māʻoniʻoni ki ho huafa:  
\q2 ʻe nofo ʻae angatonu ʻi ho ʻao.   
\c 141  
\cd \it 1 Ko e lotu ʻa Tevita ke maʻu ʻene kole ʻe he ʻOtua, 3 Ke māʻoniʻoni hono loto, 7 Pea ke hao ʻa ʻene moʻui mei he ngaahi tauhele.\it*  
\d Ko e Saame ʻa Tevita.  
\q1
\v 1 ‌ʻE Sihova, ʻoku ou tangi kiate koe:  
\q2 ke ke haʻu vave kiate au;  
\q2 fakafanongo ki hoku leʻo, ʻo kau ka tangi kiate koe.   
\q1
\v 2 Ke aʻu atu ʻeku lotu ki ho ʻao ʻo hangē ko e meʻa namu kakala;  
\q2 mo e hiki hake ʻo hoku nima ʻo hangē ko e feilaulau ʻoe efiafi.   
\q1
\v 3 ‌ʻE Sihova, fakanofo ʻae leʻo ki hoku ngutu;  
\q2 tauhi ʻae matapā ʻo hoku loungutu.   
\q1
\v 4 ‌ʻOua naʻa ueʻi hoku loto ki ha meʻa kovi ʻe taha,  
\q2 ke fai ʻae ngaahi ngāue kovi mo e kau tangata ʻoku fai kovi:  
\q2 pea ʻoua naʻa tuku ke u kai ʻi heʻenau ngaahi meʻa lelei.   
\q1
\v 5 Ke taaʻi au ʻe he angatonu; pea ko e ʻofa ia:  
\q2 pea tuku ke ne valokiʻi au; ko e lolo lelei ia, ʻaia ʻe ʻikai foa ai hoku ʻulu:  
\q2 he ko ʻeku lotu foki ʻe fai ia ʻi heʻenau ngaahi mamahi.   
\q1
\v 6 ‌ʻOka hinga ʻenau kau fakamaau ʻi he ngaahi potu tokatāmaki,  
\q2 tenau fanongo ki heʻeku ngaahi lea; he ʻoku melie ia.   
\q1
\v 7 Kuo movetevete hotau ngaahi hui ʻi he ngutu ʻoe faʻitoka,  
\q2 ʻo hangē ko e taaʻi ʻo mafahi ʻe he taha ʻae ʻakau ʻi he funga ʻoe fonua.   
\q1
\v 8 Ka ʻoku hanga hoku mata kiate koe,  
\q2 ʻE Sihova ko e ʻEiki: ʻoku ou falala kiate koe;  
\q2 ʻoua naʻa ke siʻaki hoku laumālie.   
\q1
\v 9 Taʻofi au mei he ngaahi tauhele kuo nau ʻai kiate au,  
\q2 mo e ngaahi meʻa fakauʻu, ʻae kakai fai kovi.   
\q1
\v 10 Tuku ke tō ʻae angahala ki he ngaahi kupenga ʻanautolu,  
\q2 ʻi he lolotonga ʻo ʻeku hao mei ai.   
\c 142  
\cd \it 1–7 ʻOku fakahā ʻe Tevita ʻoku fiemālie ia ʻi heʻene mamahi ʻi heʻene lotu ki he ʻOtua.\it*  
\d Ko e Saame akonaki ʻa Tevita. Ko ʻene Lotu ʻi he ʻana.  
\q1
\v 1 Naʻaku tangi kia Sihova ʻaki hoku leʻo;  
\q2 ne u kole tāumaʻu kia Sihova ʻaki hoku leʻo.   
\q1
\v 2 Naʻaku lilingi ʻeku fakakaukau ʻi hono ʻao;  
\q2 ne u fakahā ʻi hono ʻao ʻeku mamahi.   
\q1
\v 3 ‌ʻI he taʻomia ʻa hoku laumālie,  
\q2 ne ke ʻilo ai hoku ʻaluʻanga.  
\q2 ʻI he hala ne u ʻeveʻeva ai kuo nau ʻai fufū ʻae tauhele kiate au.   
\q1
\v 4 Ne u sio, mo vakai ʻi hoku nima toʻomataʻu,  
\q2 ka naʻe ʻikai ha tangata te ne ʻiloʻi au:  
\q2 naʻe ʻikai haʻaku hūfanga;  
\q2 naʻe ʻikai tokanga ha tangata ki hoku laumālie.   
\q1
\v 5 Naʻaku tangi kiate koe,  
\q2 ʻE Sihova; ne u pehē,  
\q2 Ko koe ko hoku hūfanga,  
\q2 mo hoku ʻinasi ʻi he fonua ʻoe moʻui.   
\q1
\v 6 Ke ke tokanga ki heʻeku tangi;  
\q2 he ʻoku ou vaivai ʻaupito:  
\q2 fakamoʻui au mei hoku kau fakatanga;  
\q2 he ʻoku nau mālohi hake kiate au.   
\q1
\v 7 ‌ʻOmi hoku laumālie mei he fale fakapōpula,  
\q2 koeʻuhi ke u fakamālō ai ki ho huafa:  
\q1 ʻe kāpui au ʻe he angatonu;  
\q2 he te ke fai lelei lahi kiate au.   
\c 143  
\cd \it 1 ʻOku kole ʻa Tevita kia Sihova ke ne fakamaau ia ʻi he ʻofa. 3 ʻOku ne fakahā ʻa ʻene ngaahi mamahi. 5 ʻOku ne fakamālohi ʻene tui ʻi he fakalaulauloto mo e lotu. 7 ʻOku ne kole ke maʻu ʻae ʻofa, 9 Mo e fakamoʻui, 10 Mo e māʻoniʻoni, 12 Pea ke ʻauha ʻa hono ngaahi fili.\it*  
\d Ko e Saame ʻa Tevita.  
\q1
\v 1 ‌ʻE Sihova, fanongo ki heʻeku lotu,  
\q2 fakafanongo ki heʻeku ngaahi lotu tāumaʻu:  
\q2 pea ʻi hoʻo moʻoni mo hoʻo māʻoniʻoni, ke ke talia au.   
\q1
\v 2 Pea ʻoua naʻa ke fakamaauʻi hoʻo tamaioʻeiki:  
\q2 koeʻuhi ʻe ʻikai tonuhia ʻi ho ʻao ha tangata moʻui ʻe tokotaha.   
\q1
\v 3 He kuo fakatanga hoku laumālie ʻe he fili;  
\q2 kuo ne taaʻi hifo ʻeku moʻui ki he kelekele;  
\q2 kuo ne pule ke u nofo ʻi he poʻuli,  
\q2 ʻo hangē ko kinautolu kuo fuoloa ʻenau mate.   
\q1
\v 4 Ko ia kuo taʻomia ai ʻa hoku laumālie;  
\q2 kuo lala hoku loto ʻiate au.   
\q1
\v 5 ‌ʻOku ou manatu ki he ngaahi ʻaho ʻi muʻa;  
\q2 ʻoku ou fakalaulauloto ki hoʻo ngāue kotoa pē;  
\q2 ʻoku ou fifili ki he ngāue ʻa ho nima.   
\q1
\v 6 ‌ʻOku ou mafao atu hoku nima kiate koe:  
\q2 ʻoku holi ʻa hoku laumālie kiate koe,  
\q2 ʻo hangē ko e fonua fieinua. \qs Sila.\qs*   
\q1
\v 7 ‌ʻE Sihova, ʻafio vave kiate au:  
\q2 kuo vaivai ʻa hoku laumālie:  
\q2 ʻoua naʻa fufū ho fofonga ʻiate au,  
\q2 telia naʻaku tatau mo kinautolu ʻoku nau ʻalu hifo ki he luo.   
\q1
\v 8 Ke ke fakatokangaʻi au ke u fanongo ki hoʻo ʻaloʻofa ʻi he pongipongi;  
\q2 he ʻoku ou falala kiate koe:  
\q2 fakaʻilo mai kiate au ʻae hala ʻaia ʻoku totonu ke u ʻalu ai;  
\q2 he ʻoku ou hiki hake hoku laumālie kiate koe.   
\q1
\v 9 Fakamoʻui au, ʻE Sihova, mei hoku ngaahi fili:  
\q2 ʻoku ou hola kiate koe ke fakafufū au,   
\q1
\v 10 Akonakiʻi au ke u fai ki ho finangalo;  
\q2 he ko koe ko hoku ʻOtua;  
\q2 tuku ke tataki au ʻe ho Laumālie lelei,  
\q2 ki he fonua ʻoe angatonu.   
\q1
\v 11 ‌ʻE Sihova, fakamoʻui au koeʻuhi ko ho huafa:  
\q2 koeʻuhi ko hoʻo māʻoniʻoni ke ke ʻomi hoku laumālie mei he mamahi.   
\q1
\v 12 Pea ʻi hoʻo ʻaloʻofa ke ke motuhi hoku ngaahi fili,  
\q2 mo fakaʻauha ʻakinautolu ʻoku nau fakamamahi ki hoku laumālie: he ko hoʻo tamaioʻeiki au.   
\c 144  
\cd \it 1 ʻOku fakafetaʻi ʻe Tevita ki he ʻOtua koeʻuhi ko ʻene ʻaloʻofa kiate ia pea ki he tangata. 5 ʻOku ne hū ke fakamoʻui ia ʻe he ʻOtua mei hono ngaahi fili. 9 ʻOku ne fakahā te ne fakamālō ki he ʻOtua. 11 ʻOku ne lotu ke hoko ʻae monūʻia ki he puleʻanga.\it*  
\d Ko e Saame ʻa Tevita.  
\q1
\v 1 Ke monūʻia pē ʻa Sihova ko hoku makatuʻu,  
\q2 ʻaia ʻoku ne ako ki hoku nima ketau,  
\q2 mo hoku louhiʻi nima ke tau:   
\q1
\v 2 Ko hoku leleiʻanga, mo ʻeku kolo:  
\q2 mo hoku fale māʻolunga, mo hoku fakamoʻui;  
\q2 ko hoku fakaū, pea ko ia ʻoku ou falala ki ai;  
\q2 ʻoku ne fakamoʻulaloaʻi hoku kakai kiate au.   
\q1
\v 3 ‌ʻE Sihova, ko e hā ʻae tangata, ʻoku ke tokanga ai kiate ia!  
\q2 Pe ko e foha ʻoe tangata, koeʻuhi ʻoku ke finangalo kiate ia!   
\q1
\v 4 ‌ʻOku tatau ʻae tangata mo e meʻa vaʻinga:  
\q2 ko hono ngaahi ʻaho ʻoku hangē ko e ʻata ʻoku mole atu.   
\q1
\v 5 Ofeʻi hifo, ʻE Sihova, ho ngaahi langi, pea ke hāʻele hifo:  
\q2 ala ki he ngaahi moʻunga, pea tenau kohu ai.   
\q1
\v 6 Lī atu ʻae ʻuhila, pea fakamovete ʻakinautolu:  
\q2 fanaʻi atu hoʻo ngaahi ngahau, mo fakaʻauha ʻakinautolu.   
\q1
\v 7 Fekau mai ho nima mei ʻolunga;  
\q2 fakamoʻui au, mo fakahaofi au mei he ngaahi vai lahi,  
\q2 mei he nima ʻoe fānau ʻae muli;   
\q1
\v 8 ‌ʻAkinautolu ʻoku lea ʻaki ʻe honau ngutu ʻae vaʻinga,  
\q2 pea ko honau nima toʻomataʻu ko e nima toʻomataʻu ʻoe loi.   
\q1
\v 9 ‌ʻE ʻOtua, te u hiva ʻaki ʻae hiva foʻou kiate koe:  
\q2 te u hiva fakamālō kiate koe ʻaki ʻae saliteli mo e meʻa faiva ʻoku filo ʻe hongofulu.   
\q1
\v 10 Ko ia ia ʻoku ne foaki ʻae fakamoʻui ki he ngaahi tuʻi:  
\q2 ʻoku ne fakamoʻui ʻa Tevita ko ʻene tamaioʻeiki mei he heletā ʻoe kovi.   
\q1
\v 11 Fakamoʻui au,  
\q2 mo fakahaofi au mei he nima ʻoe fānau ʻae muli;  
\q2 ʻakinautolu ʻoku lea ʻaki ʻe honau ngutu ʻae vaʻinga,  
\q2 pea ko honau nima toʻomataʻu ko e nima toʻomataʻu ʻoe loi:   
\q1
\v 12 Koeʻuhi ke tatau homau ngaahi foha mo e ngaahi ʻakau naʻe tupu ʻi heʻenau talavou;  
\q2 ke tatau homau ngaahi ʻofefine mo e ngaahi maka ʻoe tuliki, kuo tā ʻo fakatatau mo e fale fakaʻeiʻeiki:   
\q1
\v 13 Koeʻuhi ke pito ai homau ngaahi feleoko,  
\q2 ʻoku ʻomi mei ai ʻae meʻakai kehekehe kotoa pē:  
\q2 ke fānau ʻemau ngaahi fanga sipi ʻi he lauʻi afe mo e lauʻi mano ʻi homau ngaahi hala:   
\q1
\v 14 Ke mālohi ai ʻemau fanga pulu tangata ke ngāue;  
\q2 ke ʻoua naʻa ai ʻae ʻoho mai, pē ʻae hola kituaʻā;  
\q2 ke ʻoua naʻa ai ha lāunga ʻi homau ngaahi hala.   
\q1
\v 15 ‌ʻOku monūʻia ʻae kakai ko ia, ʻaia ʻoku pehē:  
\q2 ʻio, ʻoku monūʻia ʻae kakai ko ia, ʻoku ʻOtua ʻaki ʻa Sihova.   
\c 145  
\cd \it 1 ʻOku fakamālō ʻa Tevita ki he ʻOtua koeʻuhi ko hono ongoongolelei, 8 Mo ʻene angalelei 11 Mo hono puleʻanga, 14 Mo ʻene pule lelei, 17 Pea mo ʻene ʻaloʻofa fakamoʻui.\it*  
\d Ko e Saame ʻoe fakamālō ʻa Tevita.  
\q1
\v 1 Te u fakahikihiki koe, ko hoku ʻOtua, ko e tuʻi;  
\q2 pea te u fakafetaʻi ki ho huafa ʻo lauikuonga pea taʻengata.   
\q1
\v 2 Te u fakafetaʻi kiate koe ʻi he ʻaho kotoa pē;  
\q2 pea te u fakamālō ki ho huafa ʻo lauikuonga pea taʻengata.   
\q1
\v 3 ‌ʻOku lahi ʻa Sihova, pea ʻoku ngali ke faʻa fakamālō kiate ia;  
\q2 pea ko hono lahi ʻoku taʻefaʻaʻiloʻi.   
\q1
\v 4 ‌ʻE fakamālō ʻae toʻutangata ʻe taha ki hoʻo ngaahi ngāue ʻo aʻu ki he taha,  
\q2 pea tenau fakahā hoʻo ngaahi ngāue lahi.   
\q1
\v 5 Te u lea ki hono ongoongolelei lahi ʻo hoʻo ʻafio,  
\q2 pea mo hoʻo ngaahi ngāue fakaofo.   
\q1
\v 6 Pea ʻe lea \add ʻae \add*kakai ki hono mālohi ʻo hoʻo ngaahi ngāue fakailifia:  
\q2 pea te u fakahā hoʻo māfimafi.   
\q1
\v 7 Tenau faʻa fakahā ʻae fakamanatu ʻo hoʻo ʻulungāanga lelei lahi,  
\q2 pea tenau hiva ʻaki hoʻo māʻoniʻoni.   
\q1
\v 8 ‌ʻOku angalelei ʻa Sihova, pea fonu ʻi he manavaʻofa;  
\q2 ʻoku tōʻohi hono houhau, pea ʻoku lahi ʻa ʻene ʻaloʻofa.   
\q1
\v 9 ‌ʻOku angalelei ʻa Sihova ki he kakai kotoa pē:  
\q2 pea ʻoku kāpui ʻene ngāue kotoa pē ʻe heʻene ngaahi ʻaloʻofa ongongofua.   
\q1
\v 10 ‌ʻE Sihova, ʻe fakamālō kiate koe ʻa hoʻo ngaahi ngāue kotoa pē;  
\q2 pea ʻe fakafetaʻi kiate koe ʻa hoʻo kakai māʻoniʻoni.   
\q1
\v 11 Tenau lea ki he nāunau ʻo ho puleʻanga,  
\q2 pea talanoa ki hoʻo māfimafi;   
\q1
\v 12 Ke fakaʻilo ki he ngaahi foha ʻoe tangata ʻene ngaahi ngāue lahi,  
\q2 pea mo e ongoongolelei lahi ʻo hono puleʻanga.   
\q1
\v 13 Ko ho puleʻanga ko e puleʻanga taʻengata,  
\q2 pea ko hoʻo pule ʻoku tolonga ia ʻi he ngaahi toʻutangata kotoa pē.   
\q1
\v 14 ‌ʻOku poupou hake ʻe Sihova ʻakinautolu kotoa pē kuo hinga,  
\q2 pea ʻoku ne fokotuʻu ʻakinautolu kotoa pē kuo mapelu ki lalo.   
\q1
\v 15 ‌ʻOku hanga ʻae ngaahi mata kotoa pē kiate koe;  
\q2 pea ʻoku ke foaki ʻenau meʻakai ʻi he feituʻulaʻā totonu.   
\q1
\v 16 ‌ʻOku ke mafola ho nima,  
\q2 mo fakamākona ʻae holi ʻae meʻa moʻui kotoa pē.   
\q1
\v 17 ‌ʻOku angatonu ʻa Sihova ʻi hono hala kotoa pē,  
\q2 pea māʻoniʻoni ʻi heʻene ngaahi ngāue kotoa pē.   
\q1
\v 18 ‌ʻOku ofi ʻa Sihova kiate kinautolu kotoa pē kuo ui ki heʻene ʻafio,  
\q2 kiate kinautolu kotoa pē ʻoku nau ui kiate ia ʻi he moʻoni.   
\q1
\v 19 Te ne fai ki he holi ʻanautolu ʻoku manavahē kiate ia:  
\q2 ʻe fanongo foki ia ki heʻenau tangi, pea te ne fakamoʻui ʻakinautolu.   
\q1
\v 20 ‌ʻOku fakamoʻui ʻe Sihova ʻakinautolu kotoa pē ʻoku nau ʻofa kiate ia:  
\q2 ka ko e angakovi kotoa pē te ne fakaʻauha.   
\q1
\v 21 ‌ʻE lea ʻaki ʻe hoku ngutu ʻae fakamālō kia Sihova:  
\q2 pea tuku ke fakafetaʻi ʻae kakano kotoa pē ki hono huafa māʻoniʻoni ʻo lauikuonga pea taʻengata.   
\c 146  
\cd \it 1 ʻOku fuakava ʻae tangata tohi saame te ne fakamālō maʻuaipē ki he ʻOtua. 3 ʻOku ne enginaki ke ʻoua naʻa falala ki he tangata. 5 ʻOku totonu ke falala pe ki he ʻOtua, koeʻuhi ko ʻene māfimafi, mo ʻene angatonu, mo ʻene ʻaloʻofa, pea mo ʻene pule.\it*  
\q1
\v 1 Mou fakamālō kia Sihova.  
\q2 Fakamālō kia Sihova, ʻE hoku laumālie.   
\q1
\v 2 Te u fakamālō kia Sihova ʻi heʻeku kei moʻui:  
\q2 te u hiva fakamālō ki hoku ʻOtua ʻi he lolotonga ʻo ʻeku moʻui.   
\q1
\v 3 ‌ʻOua naʻa mou falala ki he ngaahi ʻeiki,  
\q2 pe ki he foha ʻoe tangata, ʻaia ʻoku ʻikai ha fakamoʻui ʻiate ia.   
\q1
\v 4 ‌ʻOku mole atu ʻene mānava, pea ʻoku foki ia ki he kelekele;  
\q2 ʻoku mole ai ʻi he ʻaho ko ia ʻene ngaahi mahalo.   
\q1
\v 5 ‌ʻOku monūʻia ia ʻaia ʻoku ne maʻu ʻae ʻOtua ʻo Sēkope ko hono tokoni,  
\q2 pea ko ʻene ʻamanaki lelei ʻoku ʻia Sihova ko hono ʻOtua:   
\q1
\v 6 ‌ʻAia naʻa ne ngaohi ʻae langi, mo māmani,  
\q2 ʻae tahi mo e meʻa kotoa pē ʻoku ʻi ai:  
\q2 pea ʻoku ne tauhi ʻae moʻoni ʻo lauikuonga:   
\q1
\v 7 ‌ʻAia ʻoku ne fai ʻae fakamaau koeʻuhi ko e kakai fakamālohia:  
\q2 ʻoku ne foaki ʻae meʻakai ki he fiekaia. ʻOku vete ʻe Sihova ʻae kau pōpula:   
\q1
\v 8 ‌ʻOku fakaʻā ʻe Sihova ʻae kui:  
\q2 ʻoku fokotuʻu ʻe Sihova ʻakinautolu kuo mapelu ki lalo:  
\q2 ʻoku ʻofa ʻa Sihova ki he angatonu:   
\q1
\v 9 ‌ʻOku fakamoʻui ʻe Sihova ʻae kakai muli;  
\q2 ʻoku ne fakafiemālieʻi ʻae tamai mate mo e fefine kuo mate hono husepāniti:  
\q2 ka ko e hala ʻoe angahala ʻoku ne fulihi ia.   
\q1
\v 10 ‌ʻE pule ʻa Sihova ʻo taʻengata,  
\q2 ʻio, ko ho ʻOtua, ʻE Saione,  
\q2 ʻi he ngaahi toʻutangata kotoa pē.  
\q2 Mou fakamālō kia Sihova.   
\c 147  
\cd \it 1 Ko e enginaki ʻae palōfita ke fakamālō ki he ʻOtua koeʻuhi ko ʻene tauhi ki he siasi, 4 Mo ʻene māfimafi, 6 Mo ʻene ʻaloʻofa, 7 Pea mo ʻene pule: 12 Ke fakamālō kiate ia koeʻuhi ko ʻene tāpuaki ʻa ʻIsileli, 15 Mo hono mālohi ʻi he langi, 19 Pea koeʻuhi ko ʻene tuʻutuʻuni ki he siasi.\it*  
\q1
\v 1 Mou fakamālō kia Sihova:  
\q2 he ʻoku lelei ke hiva fakamālō ki hotau ʻOtua;  
\q2 he ʻoku mālie ia; pea ʻoku ngali ʻae fakamālō.   
\q1
\v 2 ‌ʻOku langa hake ʻe Sihova ʻa Selūsalema:  
\q2 ʻoku ne tānaki fakataha ʻae kau ʻIsileli naʻe fakahēʻi   
\q1
\v 3 ‌ʻOku ne fakamoʻui ʻakinautolu ʻoku loto mafesi,  
\q2 ʻo ne nonoʻo honau ngaahi lavea.   
\q1
\v 4 ‌ʻOku ne tala hono lau ʻoe ngaahi fetuʻu;  
\q2 ʻoku ne ui ʻakinautolu kotoa pē ʻi honau ngaahi hingoa.   
\q1
\v 5 Ko hotau ʻEiki ʻoku lahi ia,  
\q2 pea lahi hono mālohi:  
\q2 ko ʻene ʻilo ʻoku taʻengata.   
\q1
\v 6 ‌ʻOku hiki hake ʻe Sihova ʻae angamalū:  
\q2 ʻoku lī ʻe ia ʻae angahala ki he kelekele.   
\q1
\v 7 Hiva kia Sihova ʻaki ʻae fakafetaʻi;  
\q2 hiva fakamālō ʻi he haʻape ki hotau ʻOtua:   
\q1
\v 8 ‌ʻAia ʻoku ne ʻufiʻufi ʻaki ʻae langi ʻae ngaahi ʻao,  
\q2 ʻoku ne teuteu ʻae ʻuha ki he kelekele,  
\q2 mo ne fakatupu ʻae mohuku ʻi he ngaahi moʻunga.   
\q1
\v 9 ‌ʻOku ne foaki ki he manu ʻene meʻakai,  
\q2 pea ki he fanga leveni iiki ʻaia ʻoku tangi.   
\q1
\v 10 ‌ʻOku ʻikai fiefia ia ʻi he mālohi ʻoe hoosi:  
\q2 ʻoku ʻikai fiefia ia ʻi he kau vaʻe ʻoe tangata.   
\q1
\v 11 ‌ʻOku fiefia ʻa Sihova ʻiate kinautolu ʻoku nau manavahē kiate ia,  
\q2 ʻiate kinautolu ʻoku nau ʻamanaki ki heʻene ʻaloʻofa.   
\q1
\v 12 Fakamālō kia Sihova, ʻE Selūsalema;  
\q2 fakamālō ki ho ʻOtua, ʻE Saione.   
\q1
\v 13 He kuo ne fakamālohi ʻae ngaahi songo ʻo ho ngaahi matapā;  
\q2 kuo ne tāpuakiʻi hoʻo fānau ʻi loto ʻiate koe.   
\q1
\v 14 ‌ʻOku fakatupu ʻe ia ʻae melino ʻi ho ngaahi potu,  
\q2 pea ʻoku ne fakamahu ʻaki koe ʻae uite ʻoku fungani lelei.   
\q1
\v 15 ‌ʻOku ne tuku atu ʻene fekau ki māmani:  
\q2 ʻoku vave ʻaupito ʻae lele atu ʻo ʻene folofola,   
\q1
\v 16 ‌ʻOku ne foaki ʻae ʻuha hinehina ʻo hangē ko e fulufuluʻi sipi:  
\q2 ʻoku ne tūtuuʻi ʻae hahau kuo fefeka ʻo hangē ko e efuefu.   
\q1
\v 17 ‌ʻOku ne laku atu ʻae ʻuha maka ʻo hangē ko e ngaahi momoʻi meʻa siʻi:  
\q2 ko hai ʻe faʻa kātaki hono momoko?   
\q1
\v 18 ‌ʻOku ne fekau atu ʻene folofola, pea ʻoku vai ai ia:  
\q2 ʻoku ne pule ke angi ʻene matangi, pea ʻoku tafe atu ʻae ngaahi vai.   
\q1
\v 19 ‌ʻOku ne fakahā ʻene folofola kia Sēkope,  
\q2 ʻa ʻene ngaahi tuʻutuʻuni mo ʻene ngaahi fakamaau ki ʻIsileli.   
\q1
\v 20 Naʻe ʻikai te ne fai pehē ki ha puleʻanga ʻe taha:  
\q2 pea ko ʻene ngaahi fakamaau, naʻe ʻikai tenau ʻilo ki ai.  
\q2 Mou fakamālō kia Sihova.   
\c 148  
\cd \it 1 Ko e enginaki ʻe he tangata taki saame ki he ngaahi meʻa ʻi he langi, 7 Mo māmani, 11 Mo e kakai kenau fakamālō ki he ʻOtua.\it*  
\q1
\v 1 Mou fakamālō kia Sihova. Mou fakamālō kia Sihova mei he ngaahi langi:  
\q2 fakamālō ki heʻene ʻafio ʻi he ngaahi potu māʻolunga.   
\q1
\v 2 Mou fakamālō kiate ia, ʻa ʻene kau ʻāngelo kotoa pē:  
\q2 mou fakamālō kiate ia, ʻa ʻene ngaahi kautau kotoa pē.   
\q1
\v 3 Mo fakamālō kiate ia, ʻae laʻā mo e māhina:  
\q2 mou fakamālō kiate ia, ʻae ngaahi fetuʻu kotoa pē ʻoe maama.   
\q1
\v 4 Mou fakamālō kiate ia, ʻae ngaahi langi ʻoe ngaahi langi,  
\q2 mo e ngaahi vai ʻoku māʻolunga ʻi he ngaahi langi.   
\q1
\v 5 Kenau fakamālō ki he huafa ʻo Sihova:  
\q2 he naʻe fekau ʻe ia, pea naʻe fakatupu ʻakinautolu.   
\q1
\v 6 Pea kuo ne fokotuʻumaʻu ʻakinautolu ʻo lauikuonga pea taʻengata.  
\q2 Kuo ne tuʻutuʻuni pea ʻe ʻikai mole ia.   
\q1
\v 7 Fakamālō kia Sihova mei māmani,  
\q2 ʻae fanga talākoni, mo e ngaahi loloto kotoa pē:   
\q1
\v 8 ‌ʻAe afi, mo e ʻuha maka; ʻae ʻuha hinehina, mo e ngaahi kakapu;  
\q2 ʻae matangi mālohi ʻoku fakamoʻoni ki heʻene folofola:   
\q1
\v 9 ‌ʻAe ngaahi moʻunga, mo e ngaahi foʻi moʻunga kotoa pē;  
\q2 ʻae ngaahi ʻakau fua, mo e ngaahi sita kotoa pē:  
\v 10 ‌ʻAe fanga manu hehengi,  
\q2 mo e manu lalata kotoa pē;  
\q2 ʻae ngaahi meʻa totolo, mo e manupuna:   
\q1
\v 11 ‌ʻAe ngaahi tuʻi ʻo māmani, mo e kakai kotoa pē;  
\q2 ʻae ngaahi ʻeiki, mo e kau fakamaau kotoa pē ʻo māmani:   
\q1
\v 12 ‌ʻAe kau tangata talavou, mo e kau taʻahine;  
\q2 ʻae kau mātuʻa, mo e fānau:   
\q1
\v 13 Ke nau fakamālō ki he huafa ʻo Sihova:  
\q2 he ko hono huafa pē ʻoku māʻolunga;  
\q2 mo hono nāunau ʻoku māʻolunga hake ia ʻi māmani mo e langi.   
\q1
\v 14 ‌ʻOku hiki hake foki ʻe ia ʻae nifo ʻo hono kakai,  
\q2 ko ia ʻoku fakamālō ai ʻa ʻene kakai māʻoniʻoni kotoa pē;  
\q2 ʻio, ʻa hono kakai ko ʻIsileli,  
\q2 ko e kakai ʻoku ofi kiate ia.  
\q2 Mou fakamālō kia Sihova.   
\c 149  
\cd \it 1 Ko e enginaki ʻae palōfita ke fakamālō ki ho ʻOtua koeʻuhi ko ʻene ʻofa ki he siasi, 5 Pea koeʻuhi ko e mālohi kuo ne foaki ki he siasi.\it*  
\q1
\v 1 Mou fakamālō kia Sihova.  
\q2 Hiva kia Sihova ʻaki ʻae hiva foʻou,  
\q2 mo e fakamālō kiate ia ʻi he fakataha ʻoe kakai māʻoniʻoni.   
\q1
\v 2 Ke fiefia ʻa ʻIsileli ʻiate ia naʻa ne ngaohi ia:  
\q2 ke fiefia ʻae fānau ʻa Saione ʻi honau Tuʻi.   
\q1
\v 3 Kenau fakamālō ki hono huafa ʻi he meʻe:  
\q2 kenau hiva fakamālō kiate ia ʻaki ʻae lali iiki mo e haʻape.   
\q1
\v 4 He ʻoku fiefia ʻa Sihova ʻi hono kakai  
\q2 te ne teuteu ʻae angamalū ʻaki ʻae fakamoʻui.   
\q1
\v 5 Ke fiefia ʻae kakai māʻoniʻoni ʻi he nāunau:  
\q2 kenau hiva kalanga,  
\q2 ʻi honau ngaahi mohenga.   
\q1
\v 6 Ke ʻi honau ngutu ʻae fakamālō lahi ki he ʻOtua, pea ʻi honau nima ʻae heletā ʻoku fakatoumata;   
\q1
\v 7 Ke ʻatu ʻae totongi ki he hiteni,  
\q2 mo e ngaahi tautea ki he kakai:   
\q1
\v 8 Ke haʻisia honau ngaahi tuʻi ʻaki ʻae ukamea fihifihi,  
\q2 mo honau houʻeiki ʻaki ʻae ngaahi haʻi ukamea;   
\q1
\v 9 Ke fai kiate kinautolu ʻae fakamaau kuo tohi:  
\q2 kuo pehē ʻae hakeakiʻi ʻo ʻene kakai māʻoniʻoni kotoa pē.  
\q2 Mou fakamālō kia Sihova.   
\c 150  
\cd \it 1 Ko e enginaki ke fakamālō ki he ʻOtua 3 ʻAki ʻae ngaahi meʻa faiva kotoa pē.\it*  
\q1
\v 1 Mou fakamālō kia Sihova.  
\q2 Fakamālō kia Sihova ʻi hono faletapu:  
\q2 fakamālō ki heʻene ʻafio ʻi he ʻatā ʻo hono mālohi.   
\q1
\v 2 Fakamālō kiate ia koeʻuhi ko ʻene ngaahi ngāue lahi:  
\q2 fakamālō kiate ia ʻo fakatatau mo hono lahi ʻo ʻene māfimafi.   
\q1
\v 3 Fakamālō kiate ia ʻaki ʻae leʻo ʻoe meʻa lea:  
\q2 fakamālō kiate ia ʻaki ʻae saliteli mo e haʻape.   
\q1
\v 4 Fakamālō kiate ia ʻaki ʻae lali iiki mo e meʻe:  
\q2 fakamālō kiate ia ʻaki ʻae ngaahi meʻa faiva mo e ngaahi meʻa ifi.   
\q1
\v 5 Fakamālō kiate ia ʻaki ʻae simipale tatangi:  
\q2 fakamālō ki heʻene ʻafio ʻaki ʻae ngaahi simipale ʻoku leʻo lahi.   
\q1
\v 6 Ke fakamālō kia Sihova ʻae meʻa kotoa pē ʻoku mānava.  
\q2 Haleluia.