\id MIC  
\h Maika 
\toc1 Ko E Tohi ʻae Palōfita Ko Maika 
\toc2 Maika 
\toc3 Maik 
\mt2 KO E TOHI  
\mt3 ʻAE PALŌFITA KO  
\mt1 MAIKA  
\cl KO E VAHE  
\c 1  
\cd \it 1 ʻOku fakahā ʻe Maika ʻae houhau ʻoe ʻOtua kia Sēkope koeʻuhi ko ʻene tauhi tamapua. 10 ʻOku enginaki ke nau fakatomala.\it*  
\p
\v 1 Ko e folofola ʻa Sihova ʻaia naʻe hoko kia Maika, ko e tangata Molesi, ʻi he ngaahi ʻaho ʻo Sotami, mo ʻAhasi, mo Hesekaia, ko e ngaahi tuʻi ʻo Siuta, ʻaia naʻa ne mamata ai naʻe kau ki Samēlia mo Selūsalema.   
\q1
\v 2 Fanongo ʻakimoutolu ʻae kakai kotoa pē;  
\q2 fakafanongo ʻe māmani, mo ia kotoa pē ʻoku ʻi ai:  
\q1 pea tuku ke talatalaakiʻi ʻakimoutolu ʻe he ʻEiki ko e ʻOtua,  
\q2 ko e ʻEiki mei hono fale tapu.   
\q1
\v 3 He vakai, ʻoku hāʻele mai ʻa Sihova mei hono potu,  
\q2 pea te ne hāʻele mai mo tuʻu ʻi he potu māʻolunga ʻo māmani.   
\q1
\v 4 Pea ʻe vela ʻo vai ʻae ngaahi moʻunga ʻi lalo ʻiate ia,  
\q2 pea ʻe mafahi ʻae ngaahi teleʻa,  
\q2 hangē ko e pulu ʻi he ʻao ʻoe afi,  
\q2 pe hangē ko e vai ʻoku lilingi ʻi ha potu tahifohifo.   
\b  
\q1
\v 5 “ʻOku hoko ʻae ngaahi meʻa ni, koeʻuhi ko e angahala ʻa Sēkope,  
\q2 pea koeʻuhi ko e ngaahi hia ʻae fale ʻo ʻIsileli.  
\q1 Ko e hā ʻae angahala ʻa Sēkope?  
\q2 ʻIkai ko Samēlia?  
\q1 Pea ko e hā ʻae ngaahi potu Māʻolunga ʻo Siuta?  
\q2 ʻIkai ko Selūsalema?   
\q1
\v 6 Ko ia te u ngaohi ʻa Samēlia ke hangē ha puke ʻoe ngoue,  
\q2 pea hangē ko e ngaahi vaʻa ʻakau ʻoku tō ʻi he ngoue vaine:  
\q1 pea te u lilingi ʻae ngaahi maka ʻo ia ki he teleʻa,  
\q2 pea te u fakahā ʻa hono ngaahi tuʻunga.   
\q1
\v 7 Pea ko e ngaahi tamapua kuo tongi ʻi ai, ʻe laiki,  
\q2 pea ko e ngaahi totongi kotoa pē ʻo ia, ʻe tutu ʻaki ʻae afi,  
\q2 pea ko e ngaahi tamapua ko ia te u fakalala:  
\q1 he naʻa ne tānaki ia mei he totongi ʻoe muitau,  
\q2 pea ʻe foki ia ki he totongi ʻoe muitau.”   
\b  
\q1
\v 8 Ko ia te u tangilāulau mo ʻioho,  
\q2 te u ʻalu veteki pe mo telefua:  
\q2 te u tangi ʻo hangē ha fanga siakali,  
\q2 pea tangi mamahi ʻo hangē ko e fanga lulu.   
\q1
\v 9 He ko hono lavea ʻoku taʻefaʻafakamoʻui;  
\q2 he kuo hoko ia ʻo aʻu ki Siuta,  
\q1 kuo ne hoko ki he matapā ʻo hoku kakai,  
\q2 ʻio, ki Selūsalema.   
\q1
\v 10 ‌ʻOua naʻa fakahā ia ʻi Kati,  
\q2 ʻoua ʻaupito naʻa mou tangi:  
\q2 ʻi he fale ʻo ʻAfala, ke ke tekefili ʻi he efu.   
\q1
\v 11 Mole atu ʻa koe ʻoku nofo ʻi Safila, mo e mā ʻa ho telefua:  
\q2 naʻe ʻikai ke hū mai ʻae kakai ʻo Senani ʻi he tangi ʻa Petesili;  
\q2 te ne maʻu meiate kimoutolu ʻa hono tuʻunga.   
\q1
\v 12 He naʻe tatali ʻamanaki pe ki he lelei ʻae kau nofo ʻi Maloti:  
\q2 ka naʻe hoko ʻae kovi meia Sihova, ki he matapā ʻo Selūsalema.   
\q1
\v 13 ‌ʻE! ʻA koe ʻoku nofo ʻi Lakisi, noʻotaki ʻae saliote ki he manu veʻe vave:  
\q2 ko e kamataʻanga ia ʻoe angahala ki he ʻofefine ʻa Saione:  
\q2 he ko e ngaahi angahala ʻa ʻIsileli, naʻe ʻilo ʻiate koe.   
\q1
\v 14 Ko ia te ke ange ʻae ngaahi foaki ki Molesiti-Kati:  
\q2 ʻe hoko ʻae ngaahi fale ʻo ʻAkisipi, ko e loi ki he ngaahi tuʻi ʻo ʻIsileli.   
\q1
\v 15 Ka te u ʻomai ha foha hoko kiate koe, ʻa koe ʻoku nofo ʻi Malesa:  
\q2 te ne haʻu ki ʻAtulami, ko e nāunau ʻo ʻIsileli.   
\q1
\v 16 Fakatekefua mo kosi koe,  
\q2 koeʻuhi ko hoʻo fānau fakapelepeleʻi;  
\q1 fakalahi ho tula hangē ko e ʻikale;  
\q2 he kuo nau ʻalu ki he pōpula meiate koe.   
\b  
\c 2  
\cd \it 1 Ki he fakamālohi. 4 Ko e tangilāulau. 7 Ko e valoki ki he taʻetotonu mo e tauhi tamapua. 12 Ko e talaʻofa ki he toe ʻomi ʻo Sēkope.\it*  
\q1
\v 1 Malaʻia kiate kinautolu ʻoku fakatupu hia,  
\q2 mo filioʻi kovi ʻi honau mohenga!  
\q1 ʻOka maama ʻae pongipongi, ʻoku nau fai ia,  
\q2 koeʻuhi ʻoku ʻi he mālohi ʻa honau nima.   
\q1
\v 2 Pea ʻoku nau fakaʻamu ki he ngaahi ngoue, pea faʻao fakamālohi ia;  
\q2 mo e ngaahi fale, pea ʻave ia;  
\q2 ʻoku pehē ʻenau fakamālohi ʻae tangata mo hono fale,  
\q2 ʻio, ʻae tangata mo hono tofiʻa.   
\q1
\v 3 Ko ia ʻoku pehē ʻe Sihova;  
\q1 “Vakai, ʻoku ou fakatupu ha kovi ki he fānau ni,  
\q2 ʻaia ʻe ʻikai hao mei ai homou kia:  
\q2 pea ʻe ʻikai te mou ʻalu mo e fielahi;  
\q2 he ʻoku kovi ʻae kuonga ni.   
\p
\v 4 ¶ ʻI he ʻaho ko ia, ʻe fokotuʻu ʻe ha taha ha lea fakatātā kiate kimoutolu,  
\q2 pea tangi ʻaki ʻae tangi mamahi, pea pehē,  
\q2 ‘Kuo tau maumau ʻaupito:  
\q2 kuo ne fakakehe ʻae tofiʻa ʻo hoku kakai: ʻa ʻene ʻave ia meiate au!  
\q2 ʻI heʻene tafoki atu, kuo ne vahevahe hotau ngaahi ngoue.’”   
\q1
\v 5 Ko ia ʻe ʻikai toe kiate koe ha niʻihi, ke lī ha afo ʻi he talotalo ʻi he fakataha ʻo Sihova.   
\q1
\v 6 ‌ʻOku nau pehē kiate kinautolu ʻoku kikite,  
\q2 “ʻOua naʻa mou kikite:”  
\q1 “ʻE ʻikai te nau kikite kiate kinautolu,  
\q2 pea ʻe ʻikai te nau mā.”   
\q1
\v 7 ‌ʻA koe kuo ui ko e fale ʻo Sēkope,  
\q2 “ʻOku ʻapiʻapi koā ʻae Laumālie ʻo Sihova?  
\q2 Ko e ngaahi meʻa ni, ko ʻene ngāue?  
\q2 ʻIkai ʻoku hoko lelei ʻa ʻeku ngaahi lea kiate ia ʻoku ʻeveʻeva totonu?”   
\q1
\v 8 “ʻIo, kuo tuʻu hake ki mui ni ʻa hoku kakai kiate au, hangē ha fili:  
\q2 ʻoku mou hamusi ʻae kofutuʻa mo e kofu loto meiate kinautolu ʻoku ʻalu atu ʻi he melino, hangē ko e kau tangata taʻepoto ki he tau.   
\q1
\v 9 Kuo mou kapusi ʻae kau fefine ʻo hoku kakai mei honau ngaahi fale lelei;  
\q2 mei heʻenau fānau, kuo mou ʻave hoku nāunau ʻo lauikuonga.   
\q1
\v 10 Mou tuʻu hake ʻo ʻalu;  
\q2 he ʻoku ʻikai ko homou mālōlōʻanga eni;  
\q2 koeʻuhi ʻoku ʻuli ia ʻe fai ʻae fakaʻauha,  
\q2 ʻio, ʻae fakaʻauha lahi.   
\q1
\v 11 Kapau ʻoku ai ha tangata ʻoku ʻeveʻeva ʻi he laumālie mo e loi,  
\q2 pea ne pehē, “Te u kikite kiate koe ki he uaine, mo e kava mālohi;”  
\q2 ko e moʻoni ʻe hoko ia ko e palōfita ki he kakai ni.   
\q1
\v 12 Ko e moʻoni te u tānaki ʻa hoʻo kātoa, ʻe Sēkope;  
\q2 ko e moʻoni te u tānaki ʻae toenga ʻo ʻIsileli;  
\q1 te u fakataha ʻakinautolu, ʻo hangē ko e fanga sipi ʻo Posila,  
\q2 hangē ko e fanga sipi ʻi he lotoʻā sipi:  
\q2 ʻe lahi ʻae patatū ko e meʻa ʻi he \add tokolahi ʻoe \add*kau tangata.”   
\q1
\v 13 Kuo ʻalu hake ʻi honau ʻao ʻaia ʻoku fakaava:  
\q2 kuo nau movete mo laka atu ʻi he matapā, pea kuo nau hū ai kituaʻā:  
\q2 pea ʻe muʻomuʻa ʻa honau tuʻi ʻiate kinautolu,  
\q2 pea mo Sihova ʻi honau ʻao.   
\c 3  
\cd \it 1 Ko e anga fakamamahi ʻae ngaahi houʻeiki. 5 Ko e loi ʻae kau palōfita. 8 Ko ʻena nofo fakafiemālie fakatouʻosi.\it*  
\p
\v 1 Pea ne u pehē,  
\q2 “ʻOku ou kole, fanongo ʻakimoutolu ʻae kau mātuʻa ʻa Sēkope,  
\q2 pea mo kimoutolu ʻae houʻeiki ʻoe fale ʻo ʻIsileli;  
\q2 ʻikai ʻoku ngali mo kimoutolu ke ʻilo ʻae fakamaau?   
\q1
\v 2 ‌ʻAkimoutolu ʻoku fehiʻa ki he lelei,  
\q2 kae manako ki he kovi;  
\q2 ʻaia ʻoku fohi honau kili meiate kinautolu,  
\q2 pea mo honau kakano mei honau ngaahi hui.   
\q1
\v 3 ‌ʻAkimoutolu ʻoku kai ʻae kakano ʻo hoku kakai foki,  
\q2 pea fohi ʻa honau kili meiate kinautolu;  
\q2 pea ʻoku nau fesiʻi honau ngaahi hui,  
\q2 mo tuʻutuʻu fakaikiiki ʻakinautolu, ʻo hangē ka teu ki he kulo,  
\q2 pea hangē ko e kakano ʻi he loto kulo.   
\q1
\v 4 Pea te nau toki tangi kia Sihova,  
\q2 ka ʻe ʻikai te ne tokangaʻi kinautolu:  
\q1 ko e moʻoni ʻe fakafufū ʻe ia ʻa hono fofonga meiate kinautolu ʻi he kuonga ko ia,  
\q2 ʻo hangē ko ʻenau ngāue kovi ʻi heʻenau ngaahi faianga.”   
\p
\v 5 ¶ ʻOku pehē ʻe Sihova ki he kau palōfita, ʻaia ʻoku fakahēʻi ʻa hoku kakai; ʻakinautolu ʻoku uʻu ʻaki honau nifo, pea kalanga, “Fiemālie;” pea ko ia ʻoku ʻikai ke ai ki honau ngutu, ʻio, ʻoku nau te u tau kiate ia:   
\q1
\v 6 “Ko ia ʻe ʻiate kimoutolu ʻae pō, ke ʻoua naʻa mou maʻu ha meʻa hā mai;  
\q2 pea ʻe poʻuli kiate kimoutolu ke ʻoua naʻa mou kikite;  
\q2 pea ʻe tō ʻae laʻā ki he kau palōfita,  
\q2 pea ʻe poʻuli ʻae ʻaho kiate kinautolu.   
\q1
\v 7 Pea ʻe toki mā ʻae kau kikite,  
\q2 pea puputuʻu ʻae kau fakaʻilo meʻa:  
\q1 ʻio, ko e moʻoni, te nau ʻufiʻufi kotoa pē honau loungutu;  
\q2 he ʻoku ʻikai ha tali mei he ʻOtua.   
\q1
\v 8 Ka ko e moʻoni ʻoku ou pito ʻi he mālohi mei he Laumālie ʻo Sihova,  
\q2 pea mo e fakamaau, mo e faʻa fai,  
\q2 ke fakahā kia Sēkope ʻene hia,  
\q2 pea ki ʻIsileli ʻa ʻene angahala.   
\q1
\v 9 ‌ʻOku ou kole, fanongo ki ai, ʻakimoutolu ʻae kau mātuʻa ʻi he fale ʻo Sēkope,  
\q2 mo e houʻeiki ʻoe fale ʻo ʻIsileli,  
\q2 ʻaia ʻoku fehiʻa ki he fakamaau,  
\q2 mo liliu ʻae meʻa totonu kotoa pē.   
\q1
\v 10 ‌ʻOku nau langa ʻa Saione ʻaki ʻae toto,  
\q2 mo Selūsalema ʻi he angahala.   
\q1
\v 11 Ko e kau mātuʻa ʻi ai ʻoku fakamaau ke maʻu ʻae foaki,  
\q2 pea ko e kau taulaʻeiki ʻo ia ʻoku ako ke maʻu totongi,  
\q2 pea ʻoku kikite ʻae kau palōfita ke maʻu paʻanga;  
\q1 ka ʻoku nau falala kia Sihova, mo pehē,  
\q2 “ʻIkai ʻoku ʻiate kitautolu ʻa Sihova?  
\q2 ʻE ʻikai ha kovi ʻe hoko kiate kitautolu.”   
\q1
\v 12 Ko ia, koeʻuhi ko kimoutolu, ʻe keli ʻa Saione ʻo hangē ko e ngoue,  
\q2 pea ʻe hoko ʻa Selūsalema ko e ngaahi tuʻunga,  
\q2 pea mo e moʻunga ʻoe fale, ke hangē ko e ngaahi potu māʻolunga ʻoe vao ʻakau.   
\b  
\c 4  
\cd \it 1 Ko e nāunau, 3 Mo e melino, 8 Mo e pule; 11 Pea mo e ikuna ʻae siasi.\it*  
\q1
\v 1 Ka ʻe hoko ʻo pehē ʻi he ngaahi ʻaho ʻamui,  
\q2 ʻe fokotuʻumaʻu ʻae moʻunga ʻoe fale ʻo Sihova ʻi he tumutumu ʻoe ngaahi moʻunga,  
\q2 pea ʻe hakeakiʻi ia ke māʻolunga ʻi he ngaahi tafungofunga;  
\q2 pea ʻe tafe atu ki ai ʻae kakai.   
\q1
\v 2 Pea ʻe haʻu ʻae kakai tokolahi mo nau pehē,  
\q2 “Haʻu ke tau ʻalu hake ki he moʻunga ʻo Sihova,  
\q2 pea ki he fale ʻoe ʻOtua ʻo Sēkope;  
\q2 pea te ne akonakiʻi ʻakitautolu ʻi hono ngaahi hala,  
\q2 pea te tau ʻeveʻeva ʻi hono ngaahi hala.”  
\q1 He ko e fono ʻe ʻalu atu mei Saione,  
\q2 mo e folofola ʻa Sihova mei Selūsalema.   
\q1
\v 3 Pea te ne fakamaau ʻi he lotolotonga ʻoe ngaahi kakai,  
\q2 mo valokiʻi ʻae ngaahi puleʻanga mālohi ʻoku mamaʻo atu;  
\q2 pea te nau tuki ʻenau ngaahi heletā, ko e ngaahi huo toho,  
\q2 pea mo ʻenau ngaahi tao, ko e ngaahi hele ʻauhani:  
\q1 ʻe ʻikai hiki ʻe ha puleʻanga ʻae heletā ki ha puleʻanga,  
\q2 pea ʻe ʻikai te nau toe ako ki he tau.   
\q1
\v 4 Ka te nau nofo taki taha ʻae tangata ʻi he malumalu ʻo hono vaine, mo e malumalu ʻo hono fiki;  
\q2 pea ʻe ʻikai ha niʻihi ke fakamanavahēʻi ʻakinautolu:  
\q2 he ko e fofonga ʻo Sihova ʻoe ngaahi kautau kuo ne folofola ai.  
\v 5 He ko e kakai kotoa pē ʻe ʻeveʻeva taki taha ʻi he hingoa ʻo hono ʻOtua,  
\q2 pea te mau ʻeveʻeva ʻi he huafa ʻo Sihova ko homau ʻOtua ʻo lauikuonga mo taʻengata.   
\q1
\v 6 ‌ʻOku pehē ʻe Sihova, “ʻI he ʻaho ko ia,  
\q2 te u tānaki ʻaia naʻe lotolotoua,  
\q2 pea te u fakataha ʻaia naʻe kapusi kituʻa,  
\q2 pea mo ia kuo u fakamamahi;   
\q2
\v 7 Pea te u ngaohi ia ko e toenga ʻaia naʻe lotolotoua,  
\q2 pea ko e puleʻanga mālohi ʻaia naʻe siʻaki ki he mamaʻo:  
\q2 pea ʻe pule ʻa Sihova kiate kinautolu ʻi he moʻunga ko Saione, ʻo ngata mei heni, ʻo aʻu ʻo taʻengata.”   
\q1
\v 8 Pea ko koe, ʻe fale leʻo ʻo Iteli, ko e potu mālohi ʻoe ʻofefine ʻo Saione,  
\q2 ʻe hoko kiate koe,  
\q2 ʻio, ʻae ʻuluaki pule:  
\q2 ʻe hoko ʻae puleʻanga ki he ʻofefine ʻo Selūsalema.   
\q1
\v 9 Ko eni, ko e hā ʻoku ke tangi kalanga ai?  
\q2 ʻOku ʻikai ha tuʻi kiate koe?  
\q2 Kuo ʻauha hoʻo tangata ako fono?  
\q2 He ko e mamahi kuo ne maʻu koe, ʻo hangē ha fefine langā.   
\q1
\v 10 ‌ʻIo, te ke mamahi, pea ke feinga ke fāʻeleʻi, ʻe ʻofefine ʻo Saione,  
\q2 ʻo hangē ha fefine ʻoku langā:  
\q2 he ko eni, te ke toki ʻalu atu ʻi he kolo,  
\q2 pea te ke nofo ʻi he ngoue,  
\q2 pea te ke ʻalu, ʻio, ki Papilone;  
\q1 ʻe fakahaofi koe ʻi ai;  
\q2 ʻe huhuʻi koe ʻi ai ʻe Sihova, mei he nima ʻo ho ngaahi fili.   
\q1
\v 11 Kuo fakataha ni foki ʻae ngaahi puleʻanga kiate koe, ʻaia ʻoku nau pehē,  
\q2 “Ke fakaʻuliʻi ia,  
\q2 pea ke sio hotau mata ki Saione.”   
\q1
\v 12 Ka ʻoku ʻikai te nau ʻilo ʻae ngaahi fakakaukau ʻa Sihova,  
\q2 pea ʻoku ʻikai te nau poto ʻi heʻene ngaahi filioʻi:  
\q2 he te ne tānaki ʻakinautolu ʻo hangē ko e ngaahi ū koane ki he feleoko.   
\q1
\v 13 Tuʻu, pea ke haha, ʻe ʻofefine ʻo Saione:  
\q2 he te u ngaohi ho nifo, ko e ukamea,  
\q2 mo ho ngeesivaʻe, ko e palasa;  
\q1 pea te ke laiki ʻae ngaahi kakai tokolahi:  
\q1 pea te u fakatapui ki he ʻOtua, ʻenau koloa tupu,  
\q2 mo ʻenau koloa, kia Sihova ʻo māmani kotoa pē.   
\b  
\c 5  
\cd \it 1 Ko e ʻaloʻi ʻo Kalaisi. 4 Hono puleʻanga. 8 ʻA ʻene ikuna.\it*  
\q1
\v 1 Ko eni, ke ke tānaki fakataha koe ʻi he ngaahi matatau,  
\q2 ʻe ʻofefine ʻoe ngaahi matatau:  
\q1 kuo ne fakanofo mai ʻae tau kiate kitautolu:  
\q2 te nau taaʻi ʻae fakamaau ʻo ʻIsileli, ʻaki ʻae meʻa tā ʻi hono kouʻahe.   
\q1
\v 2 Ka ko koe Petelihema Efalata,  
\q2 neongo ʻoku ke siʻi hifo ʻi he ngaahi toko afe ʻo Siuta,  
\q2 ka ʻe haʻu ia meiate koe kiate au, ʻaia ʻe pule ʻi ʻIsileli,  
\q2 ʻaia kuo talu mei muʻa ʻene hāʻele atu, mei he kamataʻanga.”   
\q1
\v 3 Ko ia te ne tukuange ʻakinautolu, kaeʻoua ke hoko ʻae kuonga ʻe fāʻele ʻaia naʻe langā:  
\q2 pea ʻe toki foki atu ki he fānau ʻa ʻIsileli ʻae toe ʻo hono kāinga.   
\q1
\v 4 Pea te ne tuʻu ʻo kai ʻi he mālohi ʻo Sihova,  
\q2 ʻi he nāunau ʻoe huafa ʻo Sihova ko hono ʻOtua;  
\q2 pea te nau nofomaʻu: koeʻuhi ʻe toki hoko ia ʻo lahi, ʻo aʻu ki he ngaahi ngataʻanga ʻo māmani.   
\q1
\v 5 Pea ko e tangata ni ʻe hoko ko e melino; ʻoka hoko mai ʻae ʻAsilia ki hotau fonua,  
\q2 pea ʻoka ne ka laka ia ʻi hotau ngaahi fale fakaʻeiʻeiki,  
\q2 te tau fokotuʻu kiate ia ʻae kau tauhi sipi ʻe toko fitu,  
\q2 mo e kau tangata tuʻu ki muʻa ʻe toko valu.   
\q1
\v 6 Pea te nau maumau ʻaki ʻae heletā ʻae fonua ʻo ʻAsilia,  
\q2 pea mo e fonua ʻo Nimilote, ʻi hono ngaahi hūʻanga:  
\q1 ʻe pehē ʻene fakahaofi kitautolu mei he ʻAsilia,  
\q2 ʻoka ne ka haʻu ia ki hotau fonua,  
\q2 pea ʻoka ne ka tuʻu ia ʻi hotau ngaahi mata fonua.   
\q1
\v 7 Pea ko e toenga ʻo Sēkope ʻe ʻi he lotolotonga ʻoe ngaahi kakai,  
\q2 hangē ko e hahau meia Sihova,  
\q2 hangē ko e ʻuha ʻi he mohuku,  
\q2 ʻaia ʻoku ʻikai ke tatali ki he tangata,  
\q2 pe tupu koeʻuhi ko e ngaahi foha ʻoe tangata.   
\q1
\v 8 Pea ko e toenga ʻo Sēkope ʻe ʻi he lotolotonga ʻoe kau Senitaile,  
\q2 ʻi he haʻohaʻonga ʻoe ngaahi kakai,  
\q2 ʻo hangē ha laione ʻi he lotolotonga ʻoe fanga manu ʻoe vao ʻakau,  
\q2 hangē ha laione mui ʻi he lotolotonga ʻoe fanga sipi;  
\q2 ʻaia, ka ne ka laka atu ia ʻoku ne malaki hifo mo haehae foki,  
\q2 pea ʻe ʻikai ha taha ʻe fakahaofi.   
\q1
\v 9 ‌ʻE hiki hake ho nima ki ho ngaahi fili,  
\q2 pea ʻe motuhi ho kau fili kotoa pē.   
\q1
\v 10 ‌ʻOku pehē ʻe Sihova, “ʻE hoko ʻo pehē ʻi he ʻaho ko ia,  
\q2 te u motuhi hoʻo fanga hoosi mei ho lotolotonga,  
\q2 pea te u maumauʻi hoʻo ngaahi saliote.   
\q1
\v 11 Pea te u motuhi ʻae ngaahi kolo ʻo ho fonua,  
\q2 mo holoki hifo ho ngaahi potu mālohi kotoa pē:   
\q1
\v 12 Pea te u motuhi mei ho nima ʻae kau fie mana loi,  
\q2 pea ʻe ʻikai te ke kei maʻu ʻae kau kikite loi:   
\q1
\v 13 Pea mo hoʻo ngaahi tamapua kuo tongi foki te u motuhi, mo hoʻo ngaahi tamapua tuʻumaʻu meiate koe;  
\q2 pea ʻe ʻikai te ke toe lotu ki he ngāue ʻa ho nima.   
\q1
\v 14 Pea te u taʻaki mei ho lotolotonga ʻae ngaahi vao tapu:  
\q2 ʻe pehē ʻeku fakaʻauha ho ngaahi kolo.   
\q1
\v 15 Pea te u fai ʻae tautea ʻi he ʻita mo e lili ki he hiteni,  
\q2 ʻi he anga ko ia ʻoku teʻeki ai te nau fanongo ai.”   
\c 6  
\cd \it 1 Ko e fakamaau ʻe he ʻEiki, ko e meʻa ʻi he taʻeʻofa, 6 Mo e taʻeʻilo, 10 Mo e fai taʻetotonu, 16 Pea mo e tauhi tamapua.\it*  
\p
\v 1 Mou fanongo mai ki he meʻa ʻoku folofola ki ai ʻa Sihova;  
\q1 “Tuʻu hake, pea ke fai ʻi he ʻao ʻoe ngaahi moʻunga,  
\q2 pea ke fanongo ʻae ngaahi tafungofunga ki ho leʻo.   
\q1
\v 2 Fanongo ʻakimoutolu ʻae ngaahi moʻunga ki he fakamaau ʻae ʻEiki,  
\q2 mo kimoutolu ʻae ngaahi tuʻunga mālohi ʻo māmani;  
\q2 he ʻoku ai ʻae fakamaau ʻae ʻEiki mo hono kakai,  
\q2 pea te ne fakamatala mo ʻIsileli.   
\q1
\v 3 ‌ʻE hoku kakai, Ko e hā kuo u fai kiate koe?  
\q2 Pea kuo u fakafiuʻi ko e ʻi he hā?  
\q2 Fakamatala mai!   
\q1
\v 4 He ne u ʻomi koe mei he fonua ko ʻIsipite,  
\q2 pea ne u huhuʻi koe mei he fale ʻoe kau tamaioʻeiki,  
\q2 pea ne u fekau ʻa Mōsese, mo ʻElone, mo Miliami ke ʻalu ʻi ho ʻao.   
\q1
\v 5 ‌ʻE hoku kakai, manatu eni ki he meʻa naʻe fakakaukau ki ai ʻe Pelaki, ko e tuʻi ʻo Moape,  
\q2 pea mo ia naʻe tali ʻaki ʻe Pelami ko e foha ʻo Peoli, mei Sitimi, ʻo aʻu ki Kilikali;  
\q2 koeʻuhi ke mou ʻilo ʻae māʻoniʻoni ʻa Sihova.”   
\b  
\q1
\v 6 Te u ʻunuʻunu atu mo e ha kia Sihova,  
\q2 mo fakatōmapeʻe au ʻi he ʻao ʻoe ʻOtua Māʻolunga?  
\q1 Te u ʻalu ki hono ʻao mo e ngaahi feilaulau tutu,  
\q2 mo e fanga ʻuhiki pulu ʻoku taha taʻu?   
\q1
\v 7 ‌ʻE fiemālie ʻa Sihova ʻi he ngaahi toko afe ʻoe sipitangata,  
\q2 pe ʻi he ngaahi vaitafe lolo ʻe taha mano?  
\q1 ʻE ʻatu ʻeku ʻuluaki, koeʻuhi ko ʻeku ngaahi hia;  
\q2 ʻae fua ʻo hoku sino, koeʻuhi ko e angahala ʻa hoku laumālie?   
\q1
\v 8 Kuo ne fakahā kiate koe, ʻe tangata ʻaia ʻoku lelei;  
\q2 pea ko e hā ʻoku ʻamanaki ʻe Sihova ʻiate koe, ka koeʻuhi ke ke fai totonu  
\q2 mo ke loto ki he ʻofa, mo ke ʻaʻeva mo ho ʻOtua ʻi he angavaivai?   
\b  
\q1
\v 9 Ko e leʻo ʻo Sihova ʻoku ui ki he kolo,  
\q2 pea ʻe mamata ki ho huafa \add ʻe he tangata \add*poto:  
\q1 “Fanongo ʻakimoutolu ki he meʻa tā,  
\q2 pea mo ia kuo ne tuʻutuʻuni ia.   
\q1
\v 10 ‌ʻOku kei ʻi he fale ʻoe angahala ʻae koloa ʻoe angahala,  
\q2 mo e meʻa fua nounou ʻaia ʻoku fakalielia?   
\q1
\v 11 Te u lau ʻakinautolu ko e maʻa ka ʻoku ʻi ai ʻae ngaahi meʻa fakamamafa kākā,  
\q2 pea mo e kato meʻa fakamamafa kākā?   
\q1
\v 12 He ʻoku pito ʻi he fakamālohi ʻae kau tangata koloaʻia ʻi ai,  
\q2 pea kuo lea loi ʻae kakai ʻo ia;  
\q2 pea ʻoku kākā ʻa honau ʻelelo ʻi honau ngutu.   
\q1
\v 13 Ko ia foki te u fakamamahiʻi koe ʻi ho faʻa taaʻi,  
\q2 ʻi he ngaohi koe ke lala, koeʻuhi ko hoʻo ngaahi angahala.   
\q1
\v 14 Te ke kai, ka ʻe ʻikai te ke mākona,  
\q2 pea ʻe ʻi ho lotolotonga ʻa hoʻo fakahifo ki lalo;  
\q2 pea te ke puke ka ʻe ʻikai te ke fakahaofi;  
\q2 pea ko ia ʻoku ke fakahaofi, te u tukuange ki he heletā.   
\q1
\v 15 Te ke tūtuuʻi ka ʻe ʻikai te ke tuʻusi;  
\q2 te ke malaki ʻae ʻolive, ka ʻe ʻikai te ke takai koe ʻaki ʻae lolo;  
\q2 pea mo e uaine melie, ka ʻe ʻikai te ke inu uaine.   
\q1
\v 16 He kuo maʻu pe ʻae ngaahi fono ʻa ʻOmili,  
\q2 pea mo e ngaahi ngāue ʻae fale ʻo ʻEhapi,  
\q2 pea ʻoku mou ʻeveʻeva ʻi heʻenau ngaahi fakakaukau;  
\q2 koeʻuhi ke u ngaohi kimoutolu ke lala,  
\q2 pea mo e kakai ʻo ia ko e fakaʻiseʻisa:  
\q2 ko ia te mou fua ai ʻae manuki ʻa hoku kakai.”   
\b  
\c 7  
\cd \it 1 ʻOku lāunga ʻae Siasi ko e meʻa ʻi hono tokosiʻi, 3 Mo hono lahi ʻoe kovi. 5 Ka ʻoku ʻikai te ne falala ki he tangata ka ki he ʻOtua. 8 ʻOku ne ikuna hono ngaahi fili. 14 ʻOku fakafiemālieʻi ia ʻe he ʻOtua, ʻaki ʻae ngaahi talaʻofa, 16 Mo e veuveuki ʻoe ngaahi fili, 18 Pea mo ʻene ʻaloʻofa.\it*  
\q1
\v 1 ‌ʻOiau ʻeku mamahi!  
\q2 He ʻoku ou hangē kuo ʻosi ʻae tānaki ʻoe ngaahi fua ʻoe faʻahitaʻu mafana, hangē ko e toenga kālepi ʻoe toʻukai:  
\q2 ʻoku ʻikai ha fuhinga kālepi ke kai:  
\q2 naʻe holi hoku loto ki he ʻuluaki toʻukai.   
\q1
\v 2 Kuo ʻauha ʻae kau māʻoniʻoni mei māmani:  
\q2 pea ʻoku ʻikai ha kau angatonu ʻi he kakai:  
\q2 ʻoku nau toitoi kotoa pē ki he toto;  
\q2 ʻoku nau taki taha tuli ʻa hono tokoua mo e kupenga.   
\q1
\v 3 Koeʻuhi ke nau fai fakamātoato ʻi he kovi ʻaki ʻae ongo nima ʻosi pe,  
\q2 ʻoku ʻeke ʻe he houʻeiki, pea ʻeke mo e fakamaau ki he meʻa foaki;  
\q2 pea mo e tangata māʻolunga ʻoku ne fakahā hono loto kovi pea pehē,  
\q2 ʻoku nau ʻufiʻufi ia.   
\q1
\v 4 Ko e lelei lahi ʻiate kinautolu ʻoku hangē ko e ʻakau talatala pe:  
\q2 ko ia ʻoku fungani angatonu ʻoku māsila ʻi he ʻa talatala:  
\q1 ʻoku hoko mai ʻae ʻaho ʻo ho kau leʻo,  
\q2 pea mo ho ʻaʻahi;  
\q2 ko eni ʻe hoko ʻenau puputuʻu.   
\q1
\v 5 ‌ʻOua naʻa mou falala ki he kaumeʻa,  
\q2 ʻoua naʻa mou falala ki ha takimuʻa:  
\q2 leʻohi ʻae matapā ʻo ho ngutu,  
\q2 meiate ia ʻoku faʻaki ki ho fatafata.   
\q1
\v 6 He ʻoku fakaongokoviʻi ʻe he foha ʻa ʻene tamai;  
\q2 ʻoku tuʻu hake ʻae taʻahine ki heʻene faʻē,  
\q2 ʻae taʻahine ʻi he fono, ki heʻene faʻē ʻi he fono;  
\q2 ko e ngaahi fili ʻoe tangata, ʻae kau tangata ʻi hono fale.   
\q1
\v 7 Ko ia te u hanga kia Sihova;  
\q2 te u tatali ki he ʻOtua ʻo ʻeku fakamoʻui;  
\q2 ʻe fanongo mai kiate au ʻa hoku ʻOtua.   
\q1
\v 8 ‌ʻOua naʻa ke viki kiate au, ʻe hoku fili:  
\q2 ʻo kau ka hinga te u toetuʻu hake:  
\q2 ʻo kau ka nofo ʻi he poʻuli, ʻe hoko ʻa Sihova ko e maama kiate au.   
\q1
\v 9 Te u kātaki ʻae houhau ʻo Sihova,  
\q2 he kuo u fai angahala kiate ia,  
\q2 ke ʻoua ke ne fakamatala maʻaku, mo fai ʻae fakamaau koeʻuhi ko au;  
\q2 te ne ʻomi au ki he maama,  
\q2 pea te u mamata ki heʻene māʻoniʻoni.   
\q1
\v 10 Pea ʻe toki mamata ai ʻa hoku fili,  
\q2 pea ʻe ʻufiʻufi ʻi he mā ʻaia naʻe pehē mai kiate au,  
\q2 ‘Komaʻā Sihova ko ho ʻOtua?’  
\q1 ʻE sio ʻa hoku mata kiate ia:  
\q2 ko eni, ʻe malaki hifo ia ʻo hangē ko e pelepela ʻi he ngaahi hala.   
\q1
\v 11 ‌ʻI he ʻaho ko ia ʻe langa ho ngaahi ʻā,  
\q2 ʻi he ʻaho ko ia ʻe hiki ke mamaʻo ʻae fono.   
\q1
\v 12 ‌ʻI he ʻaho ko ia ʻe haʻu ia, ʻio, kiate koe mei ʻAsilia, pea mei he ngaahi kolo kuo teu,  
\q2 pea mei he potu mālohi ʻo aʻu ki he vaitafe,  
\q2 pea mei he tahi ki he tahi,  
\q2 pea mei he moʻunga ki he moʻunga.   
\q1
\v 13 Ka neongo ia ʻe lala ʻae fonua koeʻuhi ko kinautolu ʻoku nofo ai,  
\q2 ko e fua ʻo ʻenau faianga.   
\q1
\v 14 Fafangaʻi ʻa hoʻo kakai ʻaki ʻae meʻa tā,  
\q2 ʻae kakai ʻo ho tofiʻa,  
\q2 ʻaia ʻoku nofo ngaongao ʻi he vao ʻakau ʻi he lotolotonga ʻo Kameli:  
\q2 tuku ke nau kai ʻi Pesani mo Kiliati,  
\q2 ʻo hangē ko e ngaahi ʻaho ʻi muʻa.   
\q1
\v 15 “ʻO fakatatau mo e ngaahi ʻaho ʻo hoʻo haʻu mei he fonua ko ʻIsipite, te u fakahā kiate ia,  
\q2 ʻae ngaahi meʻa fakaofo.”   
\q1
\v 16 ‌ʻE mamata ʻe he ngaahi puleʻanga, pea te nau ofo ʻi heʻenau mālohi kotoa pē:  
\q2 te nau ʻai honau nima ki honau ngutu;  
\q2 ʻe tuli ʻa honau telinga.   
\q1
\v 17 Te nau ʻemo ʻae efu, hangē ha ngata,  
\q2 te nau ngaolo mei honau ngaahi luo hangē ko e kelemutu ʻoe fonua:  
\q2 te nau manavahē kia Sihova ko hotau ʻOtua,  
\q2 pea te nau ilifia koeʻuhi ko koe.   
\q1
\v 18 Ko hai ha ʻOtua ʻoku hangē ko koe, ke fakamolemole ʻae hia,  
\q2 pea ke laka atu ʻi he angahala ʻi he toenga ʻo hono tofiʻa?  
\q1 ʻOku ʻikai te ne maʻu ʻa hono houhau ʻo taʻengata,  
\q2 he ʻoku ne fiefia ʻi he ʻaloʻofa.   
\q1
\v 19 ‌ʻE toe foki mai ia, te ne manavaʻofa kiate kitautolu;  
\q2 te ne ikuʻi ʻetau ngaahi hia;  
\q2 pea te ke lī ʻenau ngaahi angahala kotoa pē, ki he loloto ʻoe tahi.   
\q1
\v 20 Te ke fakapapau ʻae moʻoni kia Sēkope,  
\q2 pea mo e ʻaloʻofa kia ʻEpalahame,  
\q2 ʻaia naʻa ke fuakava ki heʻemau ngaahi tamai talu mei he ngaahi ʻaho ʻi muʻa.