\id LAM  
\h Tangilāulau 
\toc1 Ko E Ngaahi Tangilāulau ʻa Selemaia 
\toc2 Tangilāulau 
\toc3 TngL 
\mt2 KO E TOHI  
\mt3 ʻOE NGAAHI TANGILĀULAU ʻA  
\mt1 SELEMAIA  
\cl KO E VAHE  
\c 1  
\cd \it 1 ʻAe kovi ʻo Selūsalema ko e meʻa ʻi heʻene angahala. 12 ʻOku ne tangi koeʻuhi ko ʻene mamahi, 18 Pea ʻoku fakahā ʻoku māʻoniʻoni ʻae ngaahi fakamaau ʻae ʻOtua.\it*  
\p
\v 1 ‌ʻOiau! ʻAe nofo lala pe ʻae kolo  
\q2 ʻaia naʻe pito ʻi he kakai!  
\q1 Kuo ne hoko ʻo hangē ko e fefine kuo mate hono ʻunoho!  
\q1 Ko ia, ʻaia naʻe lahi ʻi he ngaahi puleʻanga,  
\q1 pea hangē ko e ʻeiki fefine ki he ngaahi potu puleʻanga,  
\q2 kuo hoko ia ko e fai tukuhau!   
\b  
\q1
\v 2 ‌ʻOku ne tangi mamahi ʻi he pō,  
\q2 pea ʻoku ʻi hono kouʻahe ʻa hono loʻimata;  
\q1 ʻi heʻene ngaahi kaumeʻa kotoa pē,  
\q2 ʻoku ʻikai ha taha ke fakafiemālie ia:  
\q1 kuo fai kākā ʻa ʻene ngaahi kaumeʻa kotoa pē kiate ia,  
\q2 kuo nau hoko ko hono ngaahi fili.   
\b  
\q1
\v 3 Kuo ʻalu ʻa Siuta ki he pōpula, koeʻuhi ko e mamahi pea koeʻuhi ko e ngāue lahi:  
\q1 ʻoku ne nofo mo e hiteni,  
\q2 ʻoku ʻikai te ne ʻilo ha fiemālie:  
\q2 naʻe maʻu ia ʻe he kau fakatanga kotoa pē ʻi he ngaahi potu lausiʻi.   
\b  
\q1
\v 4 ‌ʻOku tangi ʻae ngaahi hala ʻo Saione,  
\q2 koeʻuhi ʻoku ʻikai ha niʻihi ke haʻu ki he ngaahi kātoanga mamafa:  
\q1 ʻoku lala hono ngaahi matapā kotoa pē:  
\q2 ʻoku mafulu ʻene kau taulaʻeiki,  
\q1 ʻoku mamahiʻia ʻene kau tāupoʻou,  
\q2 pea ʻoku ne ʻi he kona.   
\b  
\q1
\v 5 ‌ʻOku māʻolunga ʻa hono ngaahi fili,  
\q2 ʻoku tupu lelei hono ngaahi fili;  
\q1 he kuo fakamamahiʻi ia ʻe Sihova koeʻuhi ko e lahi ʻo ʻene ngaahi angahala:  
\q2 kuo ʻalu ʻene fānau ki he pōpula ʻi he ʻao ʻoe fili.   
\b  
\q1
\v 6 Pea kuo mole ʻae hoihoifua kotoa pē mei he ʻofefine ʻo Saione:  
\q2 kuo hoko ʻa ʻene ngaahi houʻeiki ʻo hangē ko e fanga haʻate ʻoku ʻikai ke ʻilo ha potu ke kai,  
\q2 pea kuo nau hola taʻehamālohi ʻi he ʻao ʻo ia ʻoku tuli.   
\b  
\q1
\v 7 Naʻe manatu ʻe Selūsalema ʻi he ngaahi ʻaho ʻo ʻene mahaki mo ʻene ngaahi mamahi,  
\q2 ʻa ʻene meʻa mālie kotoa pē ʻaia naʻa ne maʻu ʻi he ngaahi ʻaho ʻi muʻa,  
\q1 ʻaia naʻe tō ʻa ʻene kakai ki he nima ʻoe fili,  
\q2 pea naʻe ʻikai ha tokoni kiate ia:  
\q2 naʻe mamata ʻae kau fili kiate ia pea nau taukae ki hono ngaahi ʻaho tapu.   
\q1
\v 8 Kuo fai kovi lahi ʻe Selūsalema ko ia kuo fetukutuku ai ia:  
\q2 ko kinautolu kotoa pē naʻe fakaʻapaʻapa kiate ia ʻoku nau manuki ki ai,  
\q1 koeʻuhi kuo nau mamata ki heʻene telefua:  
\q2 ʻio, ʻoku ne mafulu pea foki ki mui.   
\q1
\v 9 ‌ʻOku ʻi hono kapaʻi kofu ʻā ʻene ʻuli;  
\q2 ʻoku ʻikai ha manatu ʻiate ia ki hono ngataʻanga;  
\q1 ko ia naʻa ne tō hifo fakamanavahē:  
\q1 naʻe ʻikai ʻiate ia ha taha ke fakafiemālie.  
\q2 ʻE Sihova ke ke ʻafio ki heʻeku mamahi:  
\q2 he kuo fakahikihiki ʻe ia ia, ʻe he fili.   
\q1
\v 10 Kuo mafao ʻae fili ʻa hono nima ki heʻene ngaahi meʻa lelei kotoa pē:  
\q2 he kuo ne mamata naʻe hū ʻae hiteni ki hono potu tapu,  
\q2 ʻaia naʻa ke fekau, ke ʻoua naʻa nau hoko atu ki hoʻo kakai.   
\q1
\v 11 ‌ʻOku mafulu ʻa ʻene kakai kotoa pē, ʻoku nau kumi mā,  
\q2 kuo nau foaki ʻenau ngaahi meʻa lelei ko e meʻakai, ke tokoni ʻae laumālie:  
\q1 “ʻE Sihova ke ke ʻafio pea vakai;  
\q2 he kuo u hoko ʻo fakalielia.”   
\q1
\v 12 “Ko ha meʻa noa pe eni kiate kimoutolu, ʻakimoutolu kotoa pē ʻoku ʻalu ange?  
\q2 Vakai, pea mamata, pe ʻoku ai ha mamahi ʻo hangē ko ʻeku mamahi,  
\q2 ʻaia ʻoku fai kiate au,  
\q2 ʻaia kuo fakamamahi ʻaki au ʻe Sihova ʻi he ʻaho ʻo hono houhau lahi.   
\q1
\v 13 “Kuo ne fakahifo mei ʻolunga ʻae afi ki hoku ngaahi hui,  
\q2 pea ʻoku ne mālohi ki ai:  
\q1 kuo ne fola ha kupenga ki hoku vaʻe; kuo ne fakatafokiʻi au ki mui:  
\q2 kuo ne ngaohi au ko e liʻaki mo e vaivai ʻi he ʻaho kotoa pē.   
\q1
\v 14 “Ko e noʻo ʻo ʻeku ngaahi angahala, kuo haʻi ʻaki hono nima:  
\q2 ʻoku nau fihi,  
\q2 pea ʻoku aʻu hake ki hoku kia: kuo ne pule ke hinga ʻa ʻeku mālohi,  
\q1 kuo tukuange au ʻe Sihova ki honau nima,  
\q2 pea ʻoku ʻikai te u mafai ke tuʻu hake.   
\b  
\q1
\v 15 “Kuo malaki hifo ʻe Sihova ʻa ʻeku kau tangata mālohi kotoa pē,  
\q2 ʻi hoku haoʻanga: kuo ne ui ha fakataha kiate au ke taʻomia ʻeku kau talavou:  
\q2 kuo molomoloki ʻe Sihova ʻae tāupoʻou, ko e ʻofefine ʻo Siuta, ʻo hangē ʻi ha tataʻoʻanga uaine.   
\b  
\q1
\v 16 “Koeʻuhi ko e ngaahi meʻa ni ʻoku ou tangi;  
\q2 ko hoku mata, ko hoku mata ʻoku tafe hifo ʻi he vai,  
\q1 koeʻuhi ʻoku mamaʻo meiate au ʻae fakafiemālie naʻe totonu ke tokoni hoku laumālie:  
\q1 ʻoku liʻaki pe ʻeku fānau,  
\q2 koeʻuhi naʻe mālohi mai ʻae fili.”   
\b  
\q1
\v 17 “ʻOku mafao atu ʻe Saione ʻa hono nima,  
\q2 pea ʻoku ʻikai ha niʻihi ke fakafiemālie kiate ia:  
\q1 kuo fekau ʻe Sihova kia Sēkope,  
\q2 ke takatakai ia ʻe hono ngaahi fili:  
\q2 ʻoku hangē ha fefine mahaki ʻa Selūsalema ʻiate kinautolu.   
\b  
\q1
\v 18 “ʻOku māʻoniʻoni ʻa Sihova;  
\q2 he kuo u fai talangataʻa ki heʻene fekau;  
\q1 ʻoku ou kole kiate kimoutolu ʻae kakai kotoa pē fanongo,  
\q2 pea mou vakai ki heʻeku mamahi:  
\q1 kuo ʻalu ʻeku kau tāupoʻou mo ʻeku kau talavou ki he pōpula.   
\b  
\q1
\v 19 “Ne u ui ki heʻeku kau mamana,  
\q2 ka naʻa nau kākaaʻi au:  
\q1 ko ʻeku kau taulaʻeiki mo ʻeku kau mātuʻa naʻa nau tukuange ʻa honau laumālie ʻi he kolo,  
\q2 ʻi heʻenau kei kumi meʻakai ke fakafiemālie honau laumālie.   
\q1
\v 20 “ʻAfio mai ʻe Sihova, he ʻoku ou mamahi:  
\q2 ʻoku ngaue mamahi hoku fatu;  
\q1 kuo liliu hoku loto ʻiate au;  
\q2 he kuo u fai talangataʻa ʻaupito;  
\q1 ʻituʻa a ʻoku fakamasiva ʻe he heletā,  
\q2 pea ʻoku ʻi he loto fale ʻae mate.   
\b  
\q1
\v 21 “Kuo nau fanongo ʻoku ou mafulu:  
\q2 ʻoku ʻikai ha taha ke fakafiemālie kiate au,  
\q1 kuo fanongo ʻa hoku ngaahi fili kotoa pē ki heʻeku mamahi;  
\q2 ʻoku nau fiefia koeʻuhi kuo ke fai ia:  
\q1 he te ke fakahokosia ʻae ʻaho kuo ke tuʻutuʻuni,  
\q2 pea te nau hoko pe ʻo hangē ko au.   
\b  
\q1
\v 22 “Tuku ke hoko ki ho ʻao ʻa ʻenau ngaahi angahala kotoa pē;  
\q2 pea ke fai kiate kinautolu, ʻo hangē ko ia kuo ke fai kiate au,  
\q1 koeʻuhi ko ʻeku ngaahi angahala kotoa pē:  
\q1 he ʻoku lahi ʻeku mafulu,  
\q2 pea ʻoku vaivai hoku loto.”   
\c 2  
\cd \it 1 ʻOku tangi ʻa Selemaia ʻi he mamahi ʻo Selūsalema. 20 ʻOku ne fakahā ia ki he ʻOtua.\it*  
\p
\v 1 Hono ʻikai ʻufiʻufi ʻe Sihova ʻae ʻofefine ʻo Saione ʻaki ʻae ʻao ʻi hono houhau!  
\q2 Pea fakahifo mei he langi ki māmani ʻae nāunau ʻo ʻIsileli,  
\q2 pea taʻemanatu ki hono tuʻunga vaʻe ʻi he ʻaho ʻo hono houhau!   
\b  
\q1
\v 2 Kuo folo hifo ʻe Sihova ʻae ngaahi nofoʻanga ʻo Sēkope,  
\q2 pea naʻe ʻikai te ne manavaʻofa;  
\q1 kuo ne holoki hifo ʻi hono houhau ʻae ngaahi potu mālohi ʻoe ʻofefine ʻo Siuta;  
\q2 kuo ne hifo ʻakinautolu ki he kelekele:  
\q2 kuo ne fakaʻuliʻi ʻae puleʻanga mo e ngaahi houʻeiki ʻo ia.   
\b  
\q1
\v 3 Kuo ne tutuʻu ʻi hono houhau lahi ʻae nifo kotoa pē ʻo ʻIsileli:  
\q2 kuo ne toʻo ʻa hono nima toʻomataʻu mei he ʻao ʻoe fili,  
\q1 pea ne vela kia Sēkope ʻo hangē ko e afi kakaha,  
\q2 ʻaia ʻoku fakaʻauha takatakai.   
\q1
\v 4 Kuo ne teke ʻa ʻene kaufana ʻo hangē ha fili:  
\q2 naʻa ne tuʻu mai mo hono nima toʻomataʻu ʻo hangē ha fili,  
\q1 pea ne tāmateʻi ʻakinautolu kotoa pē naʻe hoihoifua  
\q2 ʻi he fale fehikitaki ʻoe ʻofefine ʻo Saione: naʻa ne lilingi hono houhau ʻo hangē ko e afi.   
\b  
\q1
\v 5 Naʻe hoko ʻa Sihova ke tatau mo e fili:  
\q2 kuo ne folo hifo ʻa ʻIsileli,  
\q1 kuo ne folo hifo ʻa hono ngaahi fale lelei kotoa pē:  
\q2 kuo ne maumauʻi ʻa hono ngaahi potu mālohi,  
\q2 pea kuo ne fakatupu ki he ʻofefine ʻo Saione ʻae mamahi mo e tangi.   
\b  
\q1
\v 6 Pea kuo ne ʻave fakamālohi ʻa hono fale fehikitaki,  
\q2 ʻo hangē ko ha meʻa ʻoe ngoue:  
\q1 kuo ne fakaʻauha ʻae ngaahi potu ʻoe fakataha:  
\q2 kuo ngaohi ʻe Sihova ke ngalo ʻae ngaahi kātoanga mamafa mo e ngaahi ʻaho tapu ʻi Saione,  
\q2 pea kuo ne manuki ʻi hono houhau lahi ʻae tuʻi mo e taulaʻeiki.   
\b  
\q1
\v 7 Kuo liʻaki ʻe Sihova ʻa hono feilaulauʻanga,  
\q2 kuo ne fehiʻa ki hono potu tapu,  
\q1 kuo ne tukuange ki he nima ʻoe fili ʻae ngaahi holisi ʻo hono ngaahi fale lelei;  
\q2 kuo nau mavava ʻi he fale ʻo Sihova,  
\q2 ʻo hangē ʻi he ʻaho ʻoe kātoanga mamafa.   
\b  
\q1
\v 8 Kuo finangalo ʻa Sihova ke maumau ʻae ʻā ʻoe ʻofefine ʻo Saione:  
\q2 kuo ne falō ha afo,  
\q2 naʻe ʻikai te ne taʻofi hono nima mei he fakaʻauha:  
\q1 ko ia naʻa ne ngaohi ʻae tanu mo e ʻā ke tangi;  
\q2 naʻa nau fakaʻaʻau ki mui fakataha.   
\b  
\q1
\v 9 Kuo ngalo hifo ʻi he kelekele ʻa hono ngaahi matapā:  
\q2 kuo ne fesiʻi mo maumauʻi hono ngaahi ʻakau songo;  
\q1 ʻoku ʻi he kakai Senitaile ʻa hono tuʻi mo hono houʻeiki: ʻoku ʻikai ha fono:  
\q1 ko ʻene kau palōfita foki ʻoku ʻikai ke kei ʻilo ha meʻa hā mai meia Sihova.   
\b  
\q1
\v 10 ‌ʻOku nofo hifo ʻi he kelekele  
\q2 pea ʻoku longo pe ʻae kau mātuʻa ʻoe ʻofefine ʻo Saione:  
\q1 kuo nau pani efu ʻa honau ʻulu;  
\q2 kuo nau fakavala ʻaki ʻakinautolu ʻae tauangaʻa:  
\q2 ko e kau tāupoʻou ʻo Selūsalema ʻoku nau fakatōmapeʻe honau ʻulu ʻo aʻu ki he kelekele.   
\b  
\q1
\v 11 ‌ʻOku vaivai ʻi he loʻimata ʻa hoku mata,  
\q2 ʻoku ngaue hoku fatu,  
\q1 ʻoku lilingi hoku ʻate ki he kelekele,  
\q2 ko e meʻa ʻi he fakaʻauha ʻae ʻofefine ʻo hoku kakai;  
\q2 koeʻuhi ʻoku pongia ʻae tamaiki mo e kau valevale ʻi he ngaahi hala ʻoe kolo.   
\q1
\v 12 ‌ʻOku nau pehē ki heʻenau ngaahi faʻē,  
\q2 “Kofaʻā ʻae koane mo e uaine?”  
\q2 ʻI heʻenau pongia ʻo hangē ko e kau kafo ʻi he hala ʻoe kolo,  
\q2 ʻi he ʻaho ko ia, ʻaia naʻe lilingi ai ʻa honau laumālie ki he fatafata ʻo ʻenau ngaahi faʻē.   
\b  
\q1
\v 13 Ko e hā te u ʻatu ke fakamoʻoni kiate koe?  
\q2 Ko e hā te u fakatātā ʻaki kiate koe ʻe ʻofefine ʻo Selūsalema?  
\q1 Ko e hā te u fakatatau mo koe,  
\q2 koeʻuhi ke u fakafiemālieʻi koe ʻe ʻofefine ʻo Saione?  
\q1 He ko hoʻo maumau ʻoku lahi ʻo hangē ko e lahi:  
\q2 ko hai ʻe fakamoʻui koe?   
\b  
\q1
\v 14 Kuo ʻilo ʻe hoʻo kau palōfita ʻae ngaahi meʻa vaʻinga mo vale koeʻuhi ko koe:  
\q2 pea naʻe ʻikai te nau fakahā hoʻo kovi  
\q2 koeʻuhi ke fakaʻafeʻi hoʻo pōpula;  
\q2 ka kuo nau ʻilo koeʻuhi ko koe ʻae ngaahi kikite loi, mo ngaahi meʻa fakahē.   
\b  
\q1
\v 15 ‌ʻOku pasi kiate koe ʻakinautolu kotoa pē ʻoku ʻalu ange;  
\q2 ʻoku nau ʻisa mo kalokalo honau ʻulu ki he ʻofefine ʻo Selusalema,  
\q1 ʻo nau pehē, “Ko eni koā ʻae kolo ʻaia ʻoku ui ʻe he kakai ko e toulekeleka haohaoa,  
\q2 ko e fiefiaʻanga ʻo māmani kotoa pē?”   
\q1
\v 16 Kuo fakamanga honau ngutu kiate koe ʻe ho kau fili kotoa pē:  
\q2 ʻoku nau ʻisa pea fengaiʻitaki ʻae nifo:  
\q2 ʻonau pehē, “Kuo tau folo hifo ia:  
\q1 ko e moʻoni ko eni ʻae ʻaho naʻa tau ʻamanaki ki ai kuo tau ʻilo,  
\q2 kuo tau mamata ai.”   
\b  
\q1
\v 17 Kuo fai ʻe Sihova ʻaia naʻa ne filioʻi;  
\q2 kuo ne fakamoʻoni ki heʻene folofola ʻaia naʻa ne fekau ʻi he ngaahi ʻaho ʻi muʻa:  
\q1 kuo ne holoki hifo,  
\q2 pea naʻe ʻikai te ne manavaʻofa;  
\q1 pea kuo ne pule ke fiefia ho fili kiate koe,  
\q2 kuo ne fokotuʻu ki ʻolunga ʻae nifo ʻo ho kau fili.   
\b  
\q1
\v 18 Naʻe tangi honau loto kia Sihova,  
\q1 ʻE ʻā ʻoe ʻofefine ʻo Saione,  
\q2 tuku ke tafe hifo ʻae ngaahi loʻimata ʻi he ʻaho mo e pō, ʻo hangē ha vaitafe:  
\q1 ʻoua naʻa ke malolō; ke ʻoua naʻa tuku ʻe ho kanoʻi mata.   
\b  
\q1
\v 19 Tuʻu hake, pea ke kalanga ʻi he pō,  
\q2 ʻi he kamataʻanga ʻoe ngaahi leʻo,  
\q1 huaʻi ho loto ʻo hangē ko e vai ʻi he ʻao ʻoe fofonga ʻoe ʻEiki:  
\q2 hiki hake ho nima kiate ia koeʻuhi ke moʻui ʻa hoʻo tamaiki iiki,  
\q2 ʻaia ʻoku mate fiekaia, ʻi he muʻa hala kotoa pē.   
\b  
\q1
\v 20 “ʻE ʻEiki ke ke vakai pea tokanga kiate kinautolu kuo ke fai pehē ki ai.  
\q2 ʻE kai ʻe he kau fefine ʻa honau fua,  
\q2 mo e tamaiki, ʻoku hanga pe taha ʻa honau lōloa?  
\q2 ʻE mate tāmateʻi, ʻae taulaʻeiki mo e palōfita ʻi he fale tapu ʻo Sihova?   
\b  
\q1
\v 21 “ʻAe kakai talavou mo e mātuʻa ʻoku nau tokoto ʻi he kelekele ʻi he ngaahi hala:  
\q2 kuo tō ʻi he heletā ʻeku kau tāupoʻou mo ʻeku kau talavou:  
\q1 kuo ke tāmateʻi ʻakinautolu ʻi he ʻaho ʻo ho houhau;  
\q2 kuo ke tāmateʻi pea ʻikai manavaʻofa.   
\b  
\q1
\v 22 Kuo ke uiuiʻi ʻae ngaahi fakamanavahē ke kāpui au, ʻo hangē ʻi ha ʻaho mamafa,  
\q2 ko ia naʻe ʻikai siʻi ke hao pe toe ha niʻihi ʻi he ʻaho ʻoe houhau ʻo Sihova:  
\q2 ʻakinautolu naʻe fakakofuʻi mo tauhiʻi ʻeau kuo fakaʻauha ʻe he fili.   
\c 3  
\cd \it 1 ʻOku tangi ʻae kau fai totonu koeʻuhi ko ʻenau ngaahi mamahi. 22 Ko e meʻa ʻi he ʻaloʻofa ʻae ʻEiki ʻoku tuʻumaʻu ʻenau ʻamanaki. 37 ʻOku nau fakahā ʻae angatonu ʻae ʻOtua. 55 ʻOku nau kole ʻae fakahaofi, 64 Mo e tautea ki honau kau fili.\it*  
\q1
\v 1 Ko au ko e tangata kuo mamata ki he mamahi  
\q2 ʻi he meʻa tā ʻa hono houhau.   
\q1
\v 2 Kuo ne tataki au mo ʻomi au ki he poʻuli,  
\q2 kae ʻikai ki he maama.   
\q1
\v 3 Ko e moʻoni kuo ne liliu kiate au,  
\q2 ʻoku ne liliu hono nima kiate au ʻi he ʻaho kotoa.   
\q1
\v 4 Ko hoku kili mo hoku kakano kuo ne ngaohi ke motuʻa;  
\q2 kuo ne fesiʻi hoku ngaahi hui.   
\q1
\v 5 Kuo ne langaʻi meʻa kiate au,  
\q2 pea kuo ne takatakai au ʻaki ʻae kona mo e mamahi.   
\q1
\v 6 Kuo ne fokotuʻu au ʻi he ngaahi potu fakapoʻuli,  
\q2 ʻo hangē ko kinautolu naʻe pekia ʻi muʻa.   
\b  
\q1
\v 7 Kuo ne ʻāʻi takatakai au pea ʻoku ʻikai te u faʻa hao kituʻa:  
\q2 kuo ne fakamamafa ʻa ʻeku haʻi ukamea.   
\q1
\v 8 ‌ʻO kau ka tangi foki mo kalanga,  
\q2 ʻoku ne taʻetokangaʻi ʻeku kole.   
\q1
\v 9 Kuo ne ʻāʻi hoku ngaahi hala ʻaki ʻae ngaahi maka kuo tā,  
\q2 kuo ne fakapikoʻi hoku ngaahi hala.   
\q1
\v 10 Naʻa ne hangē ha pea ʻoku toitoi kiate au,  
\q2 pea hangē ha laione ʻi he ngaahi potu lilo.   
\q1
\v 11 Kuo ne mimioʻi hoku ngaahi ʻaluʻanga,  
\q2 pea kuo ne haehae au fakaikiiki:  
\q2 kuo ne ngaohi au ke lala pe.   
\q1
\v 12 Kuo ne teke ʻa ʻene kaufana,  
\q2 pea kuo ne fokotuʻu au ko e fakaʻilonga ki he ngahau.   
\b  
\q1
\v 13 Kuo ne pule ki he ngaahi ngahau ʻo ʻene tangai ke ʻasi ki hoku ngaahi kongaloto.   
\q1
\v 14 Ko e manukiʻanga au ki hoku kakai;  
\q2 pea ko ʻenau tāʻanga ʻi he ʻaho kotoa pē.   
\q1
\v 15 Kuo ne fakafonu au ʻaki ʻae kona,  
\q2 kuo ne fakakonaʻi au ʻaki ʻae konaʻiʻī.   
\b  
\q1
\v 16 Kuo ne fesiʻi foki hoku kau nifo ʻaki ʻae kilikili,  
\q2 kuo ne pani au ʻaki ʻae efu.   
\q1
\v 17 Pea kuo ke hiki hoku laumālie ke mamaʻo mei he melino:  
\q2 naʻe ngalo ʻiate au ʻae monūʻia.   
\q1
\v 18 Pea ne u pehē, “Ko ʻeku mālohi  
\q2 mo ʻeku ʻamanaki kuo ʻauha meia Sihova;”   
\b  
\q1
\v 19 ‌ʻI heʻeku manatu ki hoku mahaki pea mo ʻeku mamahi, ʻae kona pea mo e ʻahu.   
\q1
\v 20 ‌ʻOku kei manatu ki ai hoku laumālie, pea ʻoku angavaivai ia ʻiate au.   
\b  
\q1
\v 21 Ko ia ʻoku ou fakamanatu ki hoku loto,  
\q2 pea ko ia ʻoku ou kei maʻu ai ʻae ʻamanaki.   
\q1
\v 22 Ko e meʻa ʻi he ʻaloʻofa ʻa Sihova ʻoku ʻikai te tau ʻauha,  
\q2 koeʻuhi ʻoku ʻikai ke ngata ʻene manavaʻofa.   
\q1
\v 23 ‌ʻOku foʻou ia ʻi he pongipongi kotoa pē,  
\q2 ʻoku lahi hoʻo angatonu.   
\q1
\v 24 ‌ʻOku pehē ʻe hoku laumālie, “Ko hoku tofiʻa ʻa Sihova:  
\q2 ko ia te u ʻamanaki lelei ʻiate ia.”   
\q1
\v 25 ‌ʻOku lelei ʻa Sihova kiate kinautolu ʻoku tatali kiate ia,  
\q2 ki he laumālie ʻoku kumi kiate ia.   
\q1
\v 26 ‌ʻOku lelei ki he tangata ke ne ʻamanaki,  
\q2 pea ne tatali fakatatoka foki ki he fakamoʻui meia Sihova.   
\q1
\v 27 ‌ʻOku lelei ki he tangata ke ne fua ʻae haʻamo ʻi heʻene kei talavou.   
\b  
\q1
\v 28 ‌ʻOku ne nofo tokotaha pe, pea ʻoku longo pe,  
\q2 koeʻuhi kuo ne fua ia ʻe ia pe.   
\q1
\v 29 ‌ʻOku ne ʻai hono ngutu ʻi he efu,  
\q2 ko e meʻa naʻa ʻoku kei ai ha ʻamanaki.   
\q1
\v 30 ‌ʻOku ne tuku hono kouʻahe kiate ia ʻoku ne taaʻi ia:  
\q2 ʻoku ne pito ʻaupito ʻi he lauʻi kovi.   
\b  
\q1
\v 31 He koeʻuhi ʻe ʻikai liʻaki ke lauikuonga ʻe Sihova:   
\q2
\v 32 He kapau te ne fakamamahi,  
\q2 ka te ne manavaʻofa foki ʻo fakatatau ki hono lahi ʻo ʻene ngaahi ʻaloʻofa.   
\q1
\v 33 He ʻoku ʻikai te ne fie tautea,  
\q2 pe fakamamahi ʻae fānau ʻae tangata.   
\b  
\q1
\v 34 Ke laiki ʻi hono lalo vaʻe ʻae ngaahi pōpula kotoa pē ʻo māmani,   
\q2
\v 35 Ke fakatafe ʻae totonu ʻoe tangata ʻi he ʻao ʻoe fofonga ʻoe Fungani Māʻoniʻoni,   
\q2
\v 36 Ke kākaaʻi ʻae tangata ʻi hono fakamaauʻi ʻoku ʻikai lelei ai ʻa Sihova.   
\b  
\q1
\v 37 Ko hai ia ʻoku fakahā, pea ʻoku hoko ia,  
\q2 ʻo kapau ʻoku ʻikai ke fekau ʻe Sihova?   
\q1
\v 38 ‌ʻOku ʻikai ke ʻalu mei he fofonga ʻoe Fungani Māʻolunga ʻae lelei mo e kovi.   
\q2
\v 39 Ko e hā ʻoku lāunga ai ʻae tangata moʻui,  
\q2 ʻae tangata koeʻuhi ko e tautea ʻo ʻene ngaahi angahala?   
\b  
\q1
\v 40 Ke tau kumi mo ʻahiʻahiʻi hotau ngaahi ʻaluʻanga,  
\q2 pea toe tafoki kia Sihova.   
\q1
\v 41 Ke tau hiki hake hotau loto mo hotau nima ki he ʻOtua ʻi he ngaahi langi.   
\q2
\v 42 “Kuo mau fai talangataʻa, pea kuo mau angatuʻu:  
\q2 ʻoku teʻeki ai te ke fakamolemole.   
\b  
\q1
\v 43 “Kuo ke ʻuʻufi ʻaki ʻae houhau,  
\q2 pea fakatangaʻi ʻakimautolu:  
\q2 kuo ke tāmateʻi pea naʻe ʻikai te ke manavaʻofa.   
\q1
\v 44 Kuo ke ʻufiʻufi koe ʻaki ʻae ʻao,  
\q2 ke ʻoua naʻa ʻasi atu ʻa ʻemau kole.   
\q1
\v 45 Kuo ke ngaohi ʻakimautolu ko e efe mo e ʻotoʻota ʻi he lotolotonga ʻoe kakai.   
\b  
\q1
\v 46 “Kuo mafaʻa ʻae ngutu ʻa homau kau fili kotoa pē kiate kimautolu.   
\q2
\v 47 Kuo hoko mai ʻae manavahē mo e tauhele kiate kimautolu,  
\q2 ʻae lala mo e ʻauha.”   
\b  
\q1
\v 48 ‌ʻOku tafe hifo hoku mata, hangē ko e ngaahi vaitafe,  
\q2 koeʻuhi ko e ʻauha ʻae ʻofefine ʻo hoku kakai.   
\q1
\v 49 “ʻOku tafe hifo ʻa hoku mata,  
\q2 pea ʻikai ʻosi,  
\q2 ʻoku ʻikai siʻi ke tuku.   
\q1
\v 50 Ke ʻoua ke ʻafio mai ʻa Sihova,  
\q2 pea vakai mei he langi.   
\q1
\v 51 Ko hoku mata ʻoku ne ueʻi hoku loto,  
\q2 koeʻuhi ko e ngaahi ʻofefine kotoa pē ʻo ʻeku kolo.   
\b  
\q1
\v 52 “Naʻe tuli fakamamahi au ʻe hoku kau fili hangē ha manupuna,  
\q2 taʻehanoʻuhinga.   
\q1
\v 53 Kuo nau motuhi ʻeku moʻui ʻi he fale fakapōpula,  
\q2 pea kuo lī ha maka kiate au.   
\q1
\v 54 naʻe melemo hoku ʻulu ʻi he ngaahi vai;  
\q2 pea ne u toki pehē, ‘Kuo motuhi au.’   
\b  
\q1
\v 55 “ʻE Sihova ne u ui ki ho huafa  
\q2 mei he fale fakapōpula taumamaʻo.   
\q1
\v 56 Kuo ke fanongo ki hoku leʻo;  
\q2 ʻoua naʻa ke fufū ho fofonga ki heʻeku mānava,  
\q2 ki heʻeku tangi.   
\b  
\q1
\v 57 Naʻa ke ʻunuʻunu mai ʻo ofi ʻi he ʻaho ko ia ne u ui kiate koe:  
\q2 naʻa ke pehē, “ʻOua naʻa manavahē.”   
\b  
\q1
\v 58 “ʻE Sihova kuo ke langomakiʻi hoku laumālie;  
\q2 kuo ke huhuʻi ʻeku moʻui.   
\q1
\v 59 ‌ʻE Sihova kuo ke ʻafioʻi ki he kovi kuo fai kiate au,  
\q2 fakamaau ʻe koe ʻeku meʻa.   
\q1
\v 60 Kuo ke ʻafio ki heʻenau lili kotoa pē,  
\q2 mo ʻenau ngaahi filioʻi kiate au.   
\q1
\v 61 “ʻE ʻEiki kuo ke fanongo ki heʻenau taukae,  
\q2 pea mo ʻenau ngaahi filioʻi kiate au;   
\q1
\v 62 ‌ʻae loungutu ʻonautolu naʻe tuʻu hake kiate au,  
\q2 pea mo ʻenau fakatupu meʻa kiate au ʻi he ʻaho kotoa pē.   
\q1
\v 63 Vakai ki heʻenau nofo hifo mo ʻenau tuʻu hake;  
\q2 ko au ko ʻenau taʻanga.   
\b  
\q1
\v 64 “ʻE ʻEiki ke ke tuku kiate kinautolu ha totongi,  
\q2 ʻo fakatatau ki he ngāue ʻa honau nima.   
\q1
\v 65 Tuku kiate kinautolu ʻae mamahi ʻoe loto,  
\q2 ʻa hoʻo malaʻia kiate kinautolu.   
\q1
\v 66 Fakatanga mo fakaʻauha ʻakinautolu ʻi he houhau  
\q2 mei he lalo langi ʻa Sihova.   
\c 4  
\cd \it 1 ʻOku tangilāulau ʻa Saione koeʻuhi ko hono tofiʻa kovi. 12 ʻOku ne fakahā ʻene ngaahi angahala. 21 ʻOku fakamana ʻa ʻItomi. 22 ʻOku fakafiemālie ʻa Saione.\it*  
\p
\v 1 Hono ʻikai kuo hoko ʻo nenefu ʻae koula!  
\q2 Hono ʻikai liliu ʻae fungani koula!  
\q1 ʻAe ngaahi maka ʻoe potu tapu kuo lilingi  
\q2 ʻi he muʻa hala kotoa pē.   
\b  
\q1
\v 2 ‌ʻAe ngaahi foha mahuʻinga ʻo Saione,  
\q2 ʻaia ʻoku tatau mo e fungani koula,  
\q1 ʻoku fēfē ʻae lau ʻakinautolu ʻo hangē ko e ngaahi ipu kelekele,  
\q2 ʻae ngāue ʻae tufunga ngaohi ipu!   
\b  
\q1
\v 3 ‌ʻIo, naʻa mo e ngaahi ika lalahi ʻoe tahi  
\q2 ʻoku nau ʻatu ʻae huhu ʻonau fakahuhu honau ʻuhiki:  
\q1 ka kuo hoko ʻo taʻeʻofa ʻae ʻofefine ʻo hoku kakai,  
\q2 ʻo hangē ko e fanga ʻositalesi ʻi he toafa.   
\b  
\q1
\v 4 Ko e ʻelelo ʻoe tamasiʻi huhu ʻoku piki ki hono ʻaoʻingutu ʻi he fieinu;  
\q2 ʻoku kole mā ʻe he tamaiki iiki,  
\q2 pea ʻoku ʻikai ke tofi ʻe ha tangata kiate kinautolu.   
\b  
\q1
\v 5 ‌ʻAkinautolu naʻe faʻa kai lelei ʻoku nau paea ʻi he ngaahi hala:  
\q2 ʻakinautolu naʻe kofu kulokula ʻi heʻenau tupu hake, ʻoku fāʻufua ʻae tuʻunga ʻotoʻota.   
\b  
\q1
\v 6 He ʻoku lahi ʻae tautea ki he angahala ʻae ʻofefine ʻo hoku kakai ʻi he tautea ʻoe angahala ʻa Sotoma,  
\q2 ʻaia naʻe fulihi ʻo hangē ʻi ha kemo pe taha  
\q2 pea naʻe ʻikai faʻa ala ʻae nima ki ai.   
\b  
\q1
\v 7 Naʻe maʻa lahi hake ʻa hono houʻeiki ʻi he ʻuha hinehina,  
\q2 nau nau hinehina lahi ʻi he huʻahuhu,  
\q1 ko honau sino naʻe kula lahi ʻi he ngaahi lupi,  
\q2 ko honau ngingila naʻe hangē ko e safaia.   
\b  
\q1
\v 8 ‌ʻOku ʻuliʻuli honau mata ʻi he maka fefie;  
\q2 ʻoku ʻikai ke kei ʻiloʻi ʻakinautolu ʻi he ngaahi hala:  
\q1 ʻoku piki ʻa honau kili ki honau ngaahi hui,  
\q2 ʻoku feʻufeʻu ia,  
\q2 kuo hoko ia ʻo hangē ha vaʻa ʻakau.   
\b  
\q1
\v 9 ‌ʻOku lelei ʻakinautolu ʻoku mate ʻo tāmateʻi ʻaki ʻae heletā, ʻiate kinautolu ʻoku mate ʻi he honge;  
\q2 he ʻoku fakaʻauʻausino ʻakinautolu ni,  
\q2 kuo tāmateʻi ʻi heʻenau masiva ʻi he ngaahi fua ʻoe ngoue.   
\b  
\q1
\v 10 Kuo taʻo ʻe he nima ʻoe kau fefine angaʻofa ʻenau fānau ʻanautolu:  
\q2 ko ʻenau meʻakai ʻakinautolu ʻi he fakaʻauha ʻoe ʻofefine ʻo hoku kakai.   
\q1
\v 11 Kuo fai ʻe he ʻEiki ʻa hono houhau;  
\q2 kuo ne huaʻi hono houhau vela,  
\q1 pea kuo ne tutu ha afi ʻi Saione,  
\q2 pea kuo fakaʻauha ai ʻa hono ngaahi tuʻunga.   
\q1
\v 12 Naʻe ʻikai ke meimei tui ʻae ngaahi tuʻi,  
\q2 mo e ngaahi kakai ʻo māmani,  
\q2 ʻe faʻa hū ʻae kau fili ʻi he ngaahi matapā ʻo Selūsalema.   
\q1
\v 13 Ko e meʻa ʻi he angahala ʻo ʻene kau palōfita,  
\q2 pea mo e ngaahi hia ʻo ʻene kau taulaʻeiki,  
\q2 ʻaia kuo lilingi ʻae toto ʻoe kau māʻoniʻoni ʻi hono lotolotonga,   
\b  
\q1
\v 14 Ko ia kuo nau he ʻo hangē ko e kau tangata kui ʻi he ngaahi hala,  
\q2 kuo nau fakaʻuliʻi ʻakinautolu ʻaki ʻae toto,  
\q1 ko ia naʻe ʻikai faʻa ala ʻae kakai ki honau ngaahi kofu.   
\b  
\q1
\v 15 Naʻa nau kalanga kiate kinautolu,  
\q2 “Mou ō!; ʻoku ʻuli ia!; ʻAlu pe, ʻAlu pe, ʻoua naʻa ala!:”  
\q1 ʻi heʻenau hola, mo ʻenau ʻalu hēhē, naʻa nau pehē ʻi he kakai hiteni,  
\q2 “ʻE ʻikai te nau kei nofo ai.”   
\b  
\q1
\v 16 Kuo fakamavahevahe ʻakinautolu ʻe he houhau ʻa Sihova;  
\q2 ʻe ʻikai te ne kei tokangaʻi ʻakinautolu:  
\q1 naʻe ʻikai te nau fakaʻapaʻapaʻi ʻae kau taulaʻeiki,  
\q2 naʻe ʻikai te nau tokoni ki he kau mātuʻa.   
\b  
\q1
\v 17 Ka koeʻuhi ko kitautolu, naʻe vaivai hotau mata  
\q2 ko e meʻa ʻi heʻetau tokoni vaʻinga:  
\q1 ʻi heʻetau leʻo kuo tau leʻo ki ha puleʻanga, ʻaia naʻe ʻikai ke faʻa lava ke fakamoʻui ʻakitautolu.   
\b  
\q1
\v 18 ‌ʻOku nau tuli ʻi heʻetau lakaʻanga,  
\q2 pea ʻoku ʻikai te tau faʻa ʻalu ʻi he ngaahi hala:  
\q1 ʻoku ofi hotau ngataʻanga,  
\q2 kuo kakato hotau ngaahi ʻaho;  
\q2 he kuo hoko hotau ngataʻanga.   
\q1
\v 19 ‌ʻOku veʻe vave hotau kau fakatanga ʻi he fanga ʻikale ʻoe langi:  
\q2 naʻa nau tuli kitautolu ʻi he ngaahi moʻunga;  
\q2 naʻa nau malumu kiate kitautolu ʻi he toafa.   
\b  
\q1
\v 20 Ko e mānava ʻa hotau avaʻi ihu,  
\q2 ko e pani ʻo Sihova,  
\q2 naʻe moʻua ʻi heʻenau ngaahi luo,  
\q1 ʻaia naʻa tau pehē ki ai,  
\q2 “ʻI heʻene maluʻi te tau moʻui ʻi he lotolotonga ʻoe hiteni.”   
\b  
\q1
\v 21 Ke ke fiefia mo nekeneka,  
\q2 ʻi he fonua ko Usa;  
\q1 ʻe aʻu atu kiate koe foki ʻae ipu:  
\q2 he te ke konā koe,  
\q2 pea te ke fakatelefua koe.   
\b  
\q1
\v 22 Kuo kakato ʻae tautea ʻa hoʻo hia, ʻe ʻofefine ʻo Saione;  
\q2 ʻe ʻikai te ne toe ʻave koe ki he pōpula:  
\q1 ka te ne ʻaʻahi ʻa hoʻo hia, ʻe ʻofefine ʻo ʻItomi,  
\q2 pea te ne fakaʻilo hoʻo ngaahi angahala.   
\c 5  
\cd \it 1–22 Ko e tangi mamahi ʻa Saione, ʻi he lotu ki he ʻOtua.\it*  
\q1
\v 1 ‌ʻE Sihova, ke ke manatu ki he meʻa kuo hoko kiate kimautolu:  
\q2 tokanga pea ke ʻafio ki homau taukae.   
\q1
\v 2 Kuo liliu homau tofiʻa ki he kau muli,  
\q2 ʻa homau ngaahi fale ki he ʻāuhē.   
\q1
\v 3 Ko e kau faʻē mate mo tamai mate ʻakimautolu,  
\q2 ko ʻemau ngaahi faʻē kuo hangē kuo mate ʻa honau ngaahi husepāniti.   
\q1
\v 4 Kuo mau inu vai ʻi he totongi paʻanga,  
\q2 ko ʻemau fefie ʻoku fakatau kiate kimautolu.   
\q1
\v 5 ‌ʻOku māʻulalo ʻa homau kia ki he fakatanga:  
\q2 ʻoku mau ngāue pea ʻoku ʻikai ha mālōlō.   
\q1
\v 6 Kuo mau fekuku nima mo e kau ʻIsipite,  
\q2 pea mo e kau ʻAsilia, ke mau mākona ʻi he mā.   
\q1
\v 7 Naʻe fai angahala ʻa ʻemau ngaahi tamai, pea ʻoku ʻikai,  
\q2 pea kuo mau fua ʻenau ngaahi hia.   
\q1
\v 8 Kuo pule ʻae kau tamaioʻeiki kiate kimautolu,  
\q2 ʻoku ʻikai ha niʻihi ʻoku fakahaofi ʻakimautolu mei honau nima.   
\q1
\v 9 Naʻa mau maʻu meʻakai ʻi he tuʻutāmaki ʻo ʻemau moʻui,  
\q2 koeʻuhi ko e heletā ʻi he toafa.   
\q1
\v 10 Naʻe ʻuliʻuli ʻa homau kili ʻo hangē ko e ngotoʻumu,  
\q2 ko e meʻa ʻi he honge fakamanavahē.   
\q1
\v 11 Naʻa nau tohotoho ʻae kau fefine ʻi Saione,  
\q2 ʻae kau tāupoʻou ʻi he ngaahi kolo ʻo Siuta.   
\q1
\v 12 ‌ʻOku tautau ʻae ngaahi houʻeiki mei honau nima,  
\q2 naʻe ʻikai ke fakaʻapaʻapaʻi ʻae mata ʻoe kau mātuʻa.   
\q1
\v 13 Naʻa nau ʻave ʻae kau talavou ke momosi,  
\q2 pea naʻe tō hifo ʻae tamaiki ʻi he lalo ʻakau.   
\q1
\v 14 Kuo ʻosi ʻae kau mātuʻa mei he matapā,  
\q2 ʻae kau talavou mei he fasi hiva.   
\q1
\v 15 Kuo ʻosi ʻae fiefia ʻa homau loto;  
\q2 kuo liliu ʻa ʻemau meʻe ko e mamahi.   
\q1
\v 16 Kuo tō ʻae tatā fakatuʻi mei homau ʻulu.  
\q2 ʻOiauē ʻakimautolu! He kuo mau fai angahala.   
\q1
\v 17 Koeʻuhi ko e meʻa ni ʻoku vaivai homau loto;  
\q2 koeʻuhi ko e ngaahi meʻa ni ʻoku nenefu homau mata.   
\q1
\v 18 Koeʻuhi ko e moʻunga ʻo Saione, ʻaia ʻoku lala pē,  
\q2 ʻoku ʻaʻeva ai ʻae fanga fokisi.   
\b  
\q1
\v 19 ‌ʻE Sihova, ʻoku ke ʻafioʻi ʻo taʻengata,  
\q2 ko ho ʻafioʻanga ʻoku mei he toʻutangata ki he toʻutangata.   
\q1
\v 20 Ko e hā ʻoku ke fakangaloʻi ʻakimautolu ʻo taʻengata,  
\q2 pea mahuʻi meiate kimautolu ʻo fuoloa?   
\q1
\v 21 Fakatafokiʻi ʻakimautolu kiate koe, ʻE Sihova, pea te mau liliu moʻoni;  
\q2 fakafoʻou homau ngaahi ʻaho ʻo hangē ko ia ʻi muʻa.   
\q1
\v 22 Ka kuo ke mātuʻaki liʻaki ʻakimautolu;  
\q2 ʻoku ke houhau ʻaupito kiate kimautolu.