\id JOL  
\h Soeli 
\toc1 Ko E Tohi ʻae Palōfita Ko Soeli 
\toc2 Soeli 
\toc3 Soel 
\mt2 KO E TOHI  
\mt3 ʻAE PALŌFITA KO  
\mt1 SOELI  
\cl KO E VAHE  
\c 1  
\cd \it 1 ʻOku fakahā ʻe Soeli ʻae ngaahi fakamaau kehekehe ʻae ʻOtua, pea ʻoku ne enginaki ke tokanga ki ai; 8 Pea ke tangi. 14 ʻOku ne tuʻutuʻuni ʻae ʻaukai ke tangi ai.\it*  
\p
\v 1 Naʻe hoko ʻae folofola ʻa Sihova kia Soeli ko e foha ʻo Petueli.   
\q1
\v 2 Fanongo ki he meʻa ni, ʻakimoutolu ko e kau mātuʻa,  
\q2 pea tokanga homou telinga, ʻae kakai ʻoe fonua.  
\q2 Kuo ʻai ha meʻa pehē ni ʻi homou ngaahi ʻaho,  
\q2 pe ʻi he ngaahi ʻaho ʻo hoʻomou ngaahi tamai?   
\q1
\v 3 Tala ia ki hoʻomou fānau,  
\q2 pea ke nau tala ki heʻenau fānau,  
\q2 pea mo e fānau ʻanautolu ki he toʻutangata ʻe taha.   
\q1
\v 4 Ko ia naʻe tuku ʻe he heʻe kuo kai ʻe he heʻe maumau;  
\q2 pea ko ia naʻe tuku ʻe he heʻe maumau kuo kai ʻe he ʻunufe fulufulu,  
\q2 pea ko ia naʻe tuku ʻe he ʻunufe fulufulu, kuo kai ʻe he ʻunufe.   
\q1
\v 5 ‌ʻAe kau konā, mou ʻā, pea tangi;  
\q2 pea fakatangiloloa, ʻakimoutolu ʻae kau inu uaine, koeʻuhi ko e uaine foʻou;  
\q2 he kuo motuhi ia mei homou ngutu.   
\q1
\v 6 He kuo ʻalu hake ha puleʻanga ki hoku fonua, ʻoku mālohi pea taʻefaʻalaua,  
\q2 ko hono nifo ko e nifo ʻoe laione,  
\q2 pea ko hono kouʻahe ko e kouʻahe ʻoe laione lahi.   
\q1
\v 7 Kuo ne fakalala ʻeku vaine,  
\q2 pea fohiʻi ʻae kili ʻo ʻeku ʻakau ko e fiki;  
\q2 kuo ne fakamolemole ia ʻo maʻa;  
\q2 kuo fakahinehina hono ngaahi vaʻa.   
\q1
\v 8 Tangi, ʻo hangē ko e taʻahine poloʻi kuo kofuʻaki ʻae tauangaʻa, koeʻuhi ko e husepāniti ʻo ʻene kei siʻi.  
\v 9 Ko e hifo ʻaki ʻae meʻakai, pea mo e hifo ʻaki ʻae meʻainu kuo motuhi ia mei he fale ʻo Sihova;  
\q2 ʻoku tangi ʻae kau taulaʻeiki, ʻae kau faifekau ʻa Sihova.   
\q1
\v 10 ‌ʻOku maumau ʻae ngoue,  
\q2 ʻoku tangi ʻae fonua; he kuo maumauʻi ʻae koane;  
\q2 ʻoku maha ʻae uaine foʻou,  
\q2 ʻoku vaivai ʻae lolo.   
\q1
\v 11 Mou mā, ʻae kau tangata ngoue;  
\q2 fakatangilōloa, ʻe kau tauhi vaine,  
\q2 koeʻuhi ko e uite mo e paʻale;  
\q2 he kuo ʻauha ʻae ututaʻu ʻi he ngoue.   
\q1
\v 12 ‌ʻOku mōmoa ʻae vaine, ʻoku vaivai ʻae ʻakau ko e fiki;  
\q2 ko e ʻakau ko e pomikanite, mo e ʻakau ko e ponga,  
\q2 mo e ʻakau ko e ʻapele foki, ʻio, ko e ʻakau kotoa pē ʻoe ngoue ʻoku mae;  
\q2 koeʻuhi ʻoku mate ʻae fiefia mei he loto ʻoe ngaahi foha ʻoe tangata.   
\q1
\v 13 Noʻotaki homou vala, pea tangi, ʻae kau taulaʻeiki:  
\q2 tangi fakalōloa, ʻae kau faifekau ʻoe feilaulauʻanga;  
\q1 haʻu, ʻo tokoto ʻi he pō kātoa ʻi he tauangaʻa ʻae kau tamaioʻeiki ʻa hoku ʻOtua:  
\q2 he ko e feilaulau meʻakai pea mo e feilaulau inu, kuo taʻofi mei he fale ʻo homou ʻOtua.   
\q1
\v 14 Mou tuʻutuʻuni ʻae ʻaukai,  
\q2 fanongonongo ʻae fakataha mamafa,  
\q2 tānaki ʻae kau mātuʻa,  
\q2 pea mo e kakai kotoa pē ʻoe fonua ki he fale ʻo Sihova ko homou ʻOtua,  
\q2 pea tangi kia Sihova, ʻo pehē,   
\q1
\v 15 ‌ʻOiauē ʻae ʻaho!  
\q2 He kuo ofi ʻae ʻaho ʻo Sihova,  
\q2 pea ʻe hoko mai ia ʻo hangē ko e fakaʻauha mei he Māfimafi.   
\q1
\v 16 ‌ʻIkai kuo motuhi ʻae meʻakai mei hotau mata,  
\q2 ʻio, ko e fiefia mo e nekeneka mei he fale ʻo hotau ʻOtua?   
\q1
\v 17 ‌ʻOku popo ʻae tenga ʻi he loto kelekele,  
\q2 ʻoku lala ʻae ngaahi feleoko,  
\q2 kuo holoki ʻae ngaahi fale koloa; he kuo mae ʻae koane.   
\q1
\v 18 ‌ʻOiauē ʻae toʻe ʻae fanga manu!  
\q2 ʻOku feinga ʻae fanga pulu, koeʻuhi ʻoku ʻikai hanau mohuku;  
\q2 ʻio, ʻoku tuʻutāmaki ʻae fanga sipi.   
\q1
\v 19 ‌ʻE Sihova, te u tangi kiate koe:  
\q2 koeʻuhi kuo kai ʻe he afi ʻae mohuku ʻoe toafa,  
\q2 pea kuo tutu ʻe he ulo afi ʻae ngaahi ʻakau kotoa pē ngoue.   
\q1
\v 20 ‌ʻOku tangi foki kiate koe ʻae fanga manu ʻoe vao:  
\q2 koeʻuhi ʻoku mōmoa ʻae ngaahi tafeʻanga vai,  
\q2 pea kuo kai ʻe he afi ʻae mohuku ʻoe toafa.   
\b  
\c 2  
\cd \it 1 ʻOku ne fakahā ki Saione hono fakailifia ʻoe fakamaau ʻae ʻOtua. 12 ʻOku ne enginaki ki he fakatomala, 15 Pea tuʻutuʻuni ʻae ʻaukai, 18 Mo ne fakahā ʻae tāpuaki ki ai. 21 ʻOku ne fakafiemālieʻi ʻa Saione ʻi he ngaahi tāpuaki ni, 28 Pea mo ia ʻe hoko mai.\it*  
\q1
\v 1 Ifi ʻae meʻalea ʻi Saione,  
\q2 pea fanongonongo ʻae ilifia ʻi hoku moʻunga tapu:  
\q1 ke tetetete ʻae kakai kotoa pē ʻoe fonua,  
\q2 koeʻuhi ʻoku hoko ʻae ʻaho ʻo Sihova, he ʻoku ofi ia;   
\q1
\v 2 Ko e ʻaho ʻoe fakapoʻuli, pea mo e fakapoʻupoʻuli,  
\q2 ko e ʻaho ʻaoʻaofia, pea mo e poʻuli matolu:  
\q1 hangē ko e pongipongi kuo mafola ʻi he funga moʻunga,  
\q2 ʻoku \add hau \add*pehē ʻae kakai lahi mo mālohi;  
\q2 naʻe ʻikai pehē ʻi muʻa, pea ʻe ʻikai toe hangē ko ia ʻamui,  
\q2 ʻo aʻu ki he ngaahi taʻu ʻoe ngaahi toʻutangata lahi.   
\q1
\v 3 ‌ʻOku kai ʻe he afi ʻi honau ʻao;  
\q2 pea ʻoku vela ʻae ulo afi ʻi honau tuʻa:  
\q1 ko e fonua ʻoku hangē ko e ngoue ko Iteni ʻi honau ʻao,  
\q2 pea ki mui ʻiate kinautolu ʻoku hangē ko e toafa kuo lala;  
\q1 ʻio, pea ʻe ʻikai hao ha meʻa meiate kinautolu.   
\q1
\v 4 ‌ʻOku nau hā mai hangē ko e hā mai ʻae fanga hoosi;  
\q2 pea hangē ko e kau tangata heka hoosi, ʻe pehē ʻenau lele.   
\q1
\v 5 Hangē ko e ʻaulolongo ʻoe ngaahi saliote ʻi he funga moʻunga,  
\q2 ʻe pehē ʻenau hopohopo, ʻo hangē ko e mumuhu ʻoe ulo afi ʻi heʻene kai ʻae mohuku mōmoa,  
\q2 ʻo hangē ko e kakai mālohi kuo fakataha ki he tau.   
\q1
\v 6 ‌ʻE mamahi lahi ʻae kakai ʻi honau ʻao:  
\q2 ʻe peko ʻae mata kotoa pē.   
\q1
\v 7 Te nau lele hangē ko e kau tangata mālohi;  
\q2 te nau kaka ʻi he ʻā, hangē ko e kau tangata tau;  
\q2 pea te nau laka taki taha ʻi hono hala, ka ʻe ʻikai ha taha te ne veuki ʻae fakaʻotu:   
\q1
\v 8 Pea ʻe ʻikai te nau feteketekeʻi ʻae taha ki he taha;  
\q2 ka te nau taki taha ʻalu ʻi hono hala:  
\q2 pea ka nau ka tō ki he heletā,  
\q2 ʻe ʻikai te nau lavea.   
\q1
\v 9 Te nau lele fano pe ʻi he kolo;  
\q2 te nau lele ʻi he fukahi ʻā,  
\q2 te nau kaka ki he tuʻa fale;  
\q2 te nau hū ʻi he ngaahi matapā sioʻata, hangē ko e kaihaʻa.   
\q1
\v 10 ‌ʻE tetetete ʻae fonua ʻi honau ʻao;  
\q2 pea ʻe ngalulululu ʻae langi:  
\q2 ʻe poʻuli ʻae laʻā mo e māhina,  
\q2 pea ʻe taʻofi ʻenau ulo ʻe he ngaahi fetuʻu:   
\q1
\v 11 Pea ʻe fakaongo hono leʻo ʻe Sihova ki heʻene kautau:  
\q2 he ʻoku lahi ʻae fakataha ʻo ʻene kautau:  
\q2 pea ʻoku mālohi ia ʻoku fai ki heʻene folofola:  
\q2 koeʻuhi ko e ʻaho ʻo Sihova ʻoku lahi mo fakamanavahē;  
\q2 pea ko hai te ne faʻa tuʻu ai?   
\q1
\v 12 ‌ʻOku pehē ʻe Sihova, “Pea ko eni foki, mou tafoki kiate au ʻaki homou loto kotoa,  
\q2 pea ʻi he ʻaukai, pea ʻi he tangi, mo e tangilāulau:”   
\q1
\v 13 Pea mou haehae homou loto, kae ʻikai ko homou kofu pe,  
\q2 pea tafoki kia Sihova, ko homou ʻOtua:  
\q2 he ʻoku ne angalelei mo ʻaloʻofa,  
\q2 ʻo tuotuai ki he houhau, pea ʻoku ne angaʻofa lahi,  
\q2 pea ʻoku ne fakatomala ʻi he kovi.   
\q1
\v 14 ‌ʻE ʻilo ʻe hai? Pe te ne tafoki mo fakatomala,  
\q2 pea tuku mai ki mui ha tāpuaki ʻiate ia;  
\q2 ʻio, ha feilaulau meʻakai, pea mo e feilaulau meʻainu kia Sihova ko homou ʻOtua?   
\q1
\v 15 Ifi ʻae meʻalea ʻi Saione,  
\q2 tuʻutuʻuni ha ʻaukai,  
\q2 ui ʻae fakataha mamafa:   
\q1
\v 16 Tānaki ʻae kakai,  
\q2 fakatapui ʻae fakataha,  
\q2 fakakātoa mai ʻae kau mātuʻa,  
\q2 tānaki ʻae fānau, pea mo kinautolu ʻoku kei huhu:  
\q1 ke ʻalu ʻae tangata taʻane mei hono fale teuteu,  
\q2 pea mo e taʻahine mei hono loki.   
\q1
\v 17 Tuku ke tangi ʻae kau taulaʻeiki, ʻae kau faifekau ʻa Sihova, ʻi he vahaʻa ʻoe fale hala mo e feilaulauʻanga,  
\q2 pea ke nau lea pehē, “ʻE Sihova, fakamoʻui hoʻo kakai,  
\q2 pea ʻoua naʻa ke tuku ho tofiʻa ki he manuki,  
\q2 ke puleʻi ʻakinautolu ʻe he hiteni:  
\q1 koeʻumaʻā ʻenau pehē ʻi he lotolotonga ʻo hoʻo kakai,  
\q2 ‘ʻOku ʻi fē honau ʻOtua?’”   
\q1
\v 18 Pea ʻe toki fuaʻa ʻa Sihova ki hono fonua,  
\q2 pea ʻofa mamahi ki hono kakai.   
\q1
\v 19 ‌ʻIo, ko Sihova te ne tali, pea pehē ki hono kakai,  
\q2 “Vakai, te u ʻatu kiate kimoutolu ʻae koane, mo e uaine, mo e lolo,  
\q2 pea te mou mākona ai:  
\q2 pea ʻe ʻikai te u toe tuku ʻakimoutolu ke manukiʻi ʻe he hiteni:   
\q1
\v 20 Ka te u ʻave ke mamaʻo ʻiate kimoutolu ʻae tau mei he tokelau,  
\q2 pea te u kapusi ʻakinautolu ki ha fonua kākā mo lala,  
\q2 ʻoku hanga hono mata ki he tahi hahake,  
\q2 pea mo hono tuʻa ki he tahi mamaʻo atu ʻaupito,  
\q2 pea ʻe ʻalu hake hono namukū,  
\q2 pea ʻe ʻalu hake hono ʻeho ʻo ia,”  
\q1 Koeʻuhi kuo ne fai ʻae ngaahi meʻa lahi.   
\q1
\v 21 “ʻE fonua, ʻoua naʻa manavahē;  
\q2 fiefia pea nekeneka: koeʻuhi ʻe fai ʻe Sihova ʻae meʻa lahi.   
\q1
\v 22 ‌ʻOua naʻa manavahē, ʻe fanga manu ʻoe vao!  
\q2 He ʻoku tupu ʻae mohuku ʻi he toafa,  
\q2 pea ʻoku fua ʻae ʻakau,  
\q2 ko e ʻakau ko e fiki mo e vaine, ʻoku tuku mai hona mālohi.   
\b  
\q1
\v 23 “Pea mou fiemālie, ʻe fānau ʻa Saione,  
\q2 pea fiefia ʻia Sihova, ko homou ʻOtua:  
\q2 koeʻuhi kuo ne foaki kiate kimoutolu fakalelelelei ʻae ʻuha muʻa,  
\q2 pea te ne tuku ke tō kiate kimoutolu ʻae ʻuha,  
\q2 ko e ʻuha muʻa, mo e ʻuha mui,  
\q2 ʻi he ʻuluaki māhina.   
\q1
\v 24 Pea ʻe fonu ʻi he uite ʻae ngaahi hahaʻanga,  
\q2 pea ʻe pito mahuohua ʻae ngaahi tataʻoʻanga ʻi he uaine mo e lolo.   
\q1
\v 25 Pea te u toe ʻomi kiate kimoutolu ʻae ngaahi taʻu ne kai  
\q2 ʻe he heʻe mo e ʻunufe maumau, mo e ʻunufe, mo e ʻunufe fulufulu,  
\q2 ko ʻeku kau tau lahi naʻaku fekau kiate kimoutolu.   
\q1
\v 26 Pea te mou kai ʻi he mahu, pea te mou mākona ai,  
\q2 pea fakamālō ki he huafa ʻo Sihova ko homou ʻOtua,  
\q2 ʻaia kuo ne fai fakaofo kiate kimoutolu:  
\q2 pea ʻe ʻikai toe mā ʻa hoku kakai ʻo lauikuonga.   
\q1
\v 27 Pea te mou ʻilo ʻoku ou ʻi he haʻohaʻonga ʻo ʻIsileli,  
\q2 pea ko Sihova au ko homou ʻOtua, kae ʻikai ha taha kehe:  
\q2 pea ʻe ʻikai toe mā ʻa hoku kakai ʻo lauikuonga.   
\b  
\q1
\v 28 “Pea ʻe hoko ʻamui, te u huaʻi hoku Laumālie ki he kakai kotoa pē;  
\q2 pea ʻe kikite homou ngaahi foha mo homou ngaahi ʻofefine,  
\q2 pea ʻe misi ʻe hoʻo kau mātuʻa ʻae ngaahi misi,  
\q2 pea ʻe mamata ʻae ngaahi meʻa hā mai ʻe hoʻo kau talavou:   
\q1
\v 29 Pea ki he kau tamaioʻeiki mo e kau kaunanga,  
\q2 te u huaʻi foki hoku Laumālie ʻi he ngaahi ʻaho ko ia.   
\q1
\v 30 Pea te u fakahā ʻae ngaahi meʻa fakaofo ʻi he langi, pea ʻi māmani,  
\q2 ko e toto, mo e afi, mo e ʻahu ʻoe afi.   
\q1
\v 31 Pea ʻe liliu ʻae laʻā ʻo poʻuli,  
\q2 mo e māhina ke toto ʻi he teʻeki hoko ʻae ʻaho lahi,  
\q2 pea fakamanavahē ʻo Sihova.   
\q1
\v 32 Pea ʻe pehē, ko ia ʻe ui ki he huafa ʻo Sihova ʻe fakamoʻui ia:  
\q2 koeʻuhi ʻe ai ʻae fakamoʻui ʻi he moʻunga ko Saione, pea ʻi Selūsalema,  
\q2 ʻo hangē ko e folofola ʻa Sihova,  
\q2 pea ʻi he toenga ʻe uiuiʻi ʻe Sihova.”   
\b  
\c 3  
\cd \it 1 Ko e fakamaau ʻae ʻOtua ki he ngaahi fili ʻo hono kakai. 9 ʻE ʻiloʻi ʻae ʻOtua ʻi heʻene fakamaau. 18 Ko ʻene tāpuaki ki he siasi.\it*  
\q1
\v 1 “Vakai, koeʻuhi ʻi he ngaahi ʻaho ko ia,  
\q2 pea ʻi he kuonga ko ia,  
\q2 ʻaia te u toe ʻomi ai ʻae pōpula ʻo Siuta mo Selūsalema,   
\q1
\v 2 Te u tānaki foki ʻae ngaahi puleʻanga kotoa pē,  
\q2 pea te u ʻomi ki lalo ʻakinautolu ki he teleʻa ʻo Sihosafate,  
\q2 pea te u fakamaauʻi ʻakinautolu koeʻuhi ko hoku kakai,  
\q2 pea mo hoku tofiʻa ko ʻIsileli, ʻaia kuo nau fakamovetevete ki he ngaahi puleʻanga,  
\q2 pea vaheʻi hoku fonua.   
\q1
\v 3 Pea kuo nau talotalo ki hoku kakai:  
\q2 pea kuo nau foaki ha tamasiʻi ke maʻu ʻaki ha fefine feʻauaki,  
\q2 pea nau fakatau ʻae taʻahine maʻa e uaine, koeʻuhi ke nau inu.   
\q1
\v 4 “ʻIo, pea ko e hā ʻamoutolu ke mo fai mo au, ʻe Taia mo Saitone,  
\q2 pea mo e matātahi kotoa pē ʻo Palesitaine?  
\q1 Te mou totongi kiate au?  
\q2 Pea kapau te mou totongi mai,  
\q2 ʻe mātuʻaki vave mo toʻotoʻo ʻeku toe ʻatu hoʻomou totongi ki homou tumuʻaki;   
\q1
\v 5 Koeʻuhi kuo mou ʻave ʻeku siliva mo ʻeku koula,  
\q2 pea kuo mou ʻave ki homou ngaahi fale fakaʻeiki ʻa ʻeku ngaahi meʻa matamatalelei mo ʻaonga:   
\q1
\v 6 Ko e fānau foki ʻa Siuta, pea mo e fānau ʻa Selūsalema kuo mou fakatau ki he kakai Kalisi,  
\q2 koeʻuhi ke mou fakahē mamaʻo ʻakinautolu mei honau mata fonua.   
\q1
\v 7 Vakai, te u hiki ʻakinautolu mei he potu ne mou fakatau ʻakinautolu ki ai,  
\q2 pea te u toe ʻatu hoʻomou totongi ki homou tumuʻaki:   
\q1
\v 8 Pea te u fakatau homou ngaahi foha mo homou ngaahi ʻofefine ki he nima ʻoe fānau ʻa Siuta,  
\q2 pea te nau fakatau ʻakinautolu ki he kakai Sapea,  
\q2 ki ha kakai mamaʻo atu:  
\q2 he kuo pehē ʻe Sihova.”   
\b  
\q1
\v 9 “Fanongonongo eni ki he ngaahi Senitaile,  
\q2 “Teuteu ʻae tau,  
\q2 fakaʻā ʻae kau tangata mālohi,  
\q1 tuku ke unu mai ʻae kau tangata tau kotoa pē;  
\q2 ke nau ʻalu hake:  
\v 10 Tuki ʻaki hoʻomou huo toho ʻae ngaahi heletā,  
\q2 pea mo hoʻomou ngaahi hele ʻauhani ʻae ngaahi tao:  
\q2 ke pehē ʻe he vaivai, ‘ʻoku ou mālohi;’   
\q1
\v 11 Fakataha ʻakimoutolu, pea haʻu ʻakimoutolu ko e kau hiteni,  
\q2 pea tānaki takatakai ʻakimoutolu:”  
\q1 ʻE Sihova, ke hifo ʻi hena hoʻo kau mālohi:   
\q1
\v 12 “Ke ʻā ʻae hiteni, pea ʻalu hake ki he teleʻa ʻo Sihosafate:  
\q2 he te u nofo ʻi ai ke fakamaauʻi ʻae hiteni ʻoku nofo takatakai.   
\q1
\v 13 ‌ʻAi ʻae hele tuʻusi,  
\q2 he kuo motuʻa ʻae taʻu:  
\q2 haʻu, pea ʻalu hifo;  
\q2 he kuo pito ʻae tataʻoʻanga,  
\q2 ʻoku mahuohua ʻae ngaahi puha fakatali; koeʻuhi ʻoku lahi ʻenau angahala.”   
\q1
\v 14 Ko e fuʻu tokolahi, ko e fuʻu tokolahi ʻi he teleʻa ʻoe fakamaau:  
\q2 he ʻoku ofi ʻae ʻaho ʻo Sihova ʻi he teleʻa ʻoe fakamaau.   
\q1
\v 15 ‌ʻE fakapoʻuli ʻae laʻā mo e māhina,  
\q2 pea ʻe ʻikai ulo ʻae ngaahi fetuʻu.   
\q1
\v 16 ‌ʻE ʻuʻulu ʻa Sihova mei Saione,  
\q2 pea ʻe fakaongo hono leʻo mei Selūsalema;  
\q2 pea ʻe lulululu ʻae langi mo māmani:  
\q2 ka ko Sihova ko e ʻamanaki leleiʻanga ia ʻo hono kakai,  
\q2 pea ko e mālohiʻanga ʻoe fānau ʻa ʻIsileli.   
\q1
\v 17 “Pea te mou ʻilo ai ko au ko Sihova,  
\q2 ko homou ʻOtua ʻoku ʻafio ʻi Saione, ko hoku moʻunga tapu:  
\q1 pea ʻe toki māʻoniʻoni ʻa Selūsalema,  
\q2 pea ʻe ʻikai toe ʻalu ʻiate ia ha muli.   
\q1
\v 18 “Pea ʻe pehē ʻi he ʻaho ko ia,  
\q2 ko e ngaahi moʻunga te nau toʻiʻi ʻae uaine foʻou,  
\q2 pea ʻe tafe ʻae huhuʻa ʻi he ngaahi tafungofunga,  
\q2 pea ko e ngaahi vaitafe kotoa pē ʻo Siuta ʻe tafe ai ʻae vai,  
\q2 pea ko e matavai ʻe pa mai mei he fale ʻo Sihova,  
\q2 pea fakavai ʻae teleʻa ʻo Sitimi.   
\q1
\v 19 ‌ʻE lala ʻa ʻIsipite,  
\q2 pea ʻe hoko ʻa ʻItomi ko e toafa kuo lala,  
\q2 koeʻuhi ko e fakamālohi ki he fānau ʻa Siuta,  
\q2 he kuo nau lilingi ʻae toto taʻehalaia ʻi honau fonua.   
\q1
\v 20 Ka ʻe nofo ʻa Siuta ʻo taʻengata,  
\q2 pea mo Selūsalema mei he toʻutangata ki he toʻutangata.   
\q1
\v 21 Koeʻuhi te u fakamaʻa ʻae toto  
\q2 ʻi ai ʻoku teʻeki ai te u fakamaʻa:  
\q2 he ʻoku ʻafio ʻa Sihova ʻi Saione.”