\id HOS  
\h Hosea 
\toc1 Ko E Tohi ʻae Palōfita Ko Hosea 
\toc2 Hosea 
\toc3 Hos 
\mt2 KO E TOHI  
\mt3 ʻAE PALŌFITA KO  
\mt1 HOSEA  
\cl KO E VAHE  
\c 1  
\cd \it 1 Ke fakahā ʻae fakamaau ʻe he ʻOtua ʻae feʻauaki fakalaumālie, ʻoku ʻave ʻe Hosea ʻa Komela, 4 ʻO ne maʻu ai ʻa Sesilili, 6 Mo Loluhama, 8 Mo Loami. 10 Ko e fakamoʻui ʻa Siuta mo ʻIsileli.\it*  
\p
\v 1 Naʻe hoko ʻae folofola ʻa Sihova kia Hosea, ko e foha ʻo Peli, ʻi he ngaahi ʻaho ʻo ʻUsia, mo Sotame, mo ʻAhasi, mo Hesekaia, ko e ngaahi tuʻi ʻo Siuta, pea ʻi he ngaahi ʻaho ʻo Selopoami ko e foha ʻo Soasi, ko e tuʻi ʻo ʻIsileli.  
\v 2 Ko hono kamataʻanga ʻoe folofola ʻa Sihova ia Hosea. Pea naʻe pehē ʻe Sihova kia Hosea, “ʻAlu, ʻo ʻomi kiate koe ha uaifi mei he feʻauaki mo e fānau ʻae feʻauaki: he kuo fai ʻe he fonua ʻae feʻauaki lahi, ʻonau mahuʻi meia Sihova.”  
\v 3 Pea naʻe ʻalu ia ʻo ne ʻomi ʻa Komela, ko e ʻofefine ʻo Tipilemi; pea naʻe tuituʻia ia mo fanauʻi ha tama tangata kiate ia.  
\v 4 Pea naʻe pehē ʻe Sihova kiate ia, “Ke ke ui hono hingoa ko Sesilili; he ʻoku toetoe siʻi, pea te u totongi ʻae toto ʻo Sesilili ki he fale ʻo Sehu, pea te u fakangata ʻae puleʻanga ʻoe fale ʻo ʻIsileli.  
\v 5 Pea ʻe hoko ʻi he ʻaho ko ia te u fesiʻi ʻae kaufana ʻa ʻIsileli, ʻi he teleʻa ʻo Sesilili.”   
\p
\v 6 ¶ Pea naʻe toe tuituʻia ia, pea fanauʻi ha tama fefine. Pea naʻe pehē \add ʻe he ʻOtua \add*kiate ia, “Ke ke ui hono hingoa ko Loluhama: koeʻuhi ʻe ʻikai te u toe ʻaloʻofa ki he fale ʻo ʻIsileli, ka te u mātuʻaki ʻave ʻakinautolu.  
\v 7 Ka te u ʻaloʻofa ki he fale ʻo Siuta, pea te u fakamoʻui kinautolu ʻia Sihova ko e ʻOtua, ka ʻe ʻikai te u fakamoʻui ʻaki kinautolu ʻae kaufana, pe ko e heletā, pe ko e tau, pe ko e fanga hoosi, pe ko e kau tangata heka hoosi.”   
\p
\v 8 ¶ Pea hili ʻene fakamāvae ʻa Loluhama, naʻa ne tuituʻia pea fāʻeleʻi ha tama tangata.  
\v 9 Pea naʻe toki pehē \add ʻe he ʻOtua\add*, “Ke ke ui hono hingoa ko Loami: he ‘ʻoku ʻikai ko hoku kakai’ ʻakimoutolu, pea ʻoku ʻikai ko homou ʻOtua au.   
\p
\v 10 ¶ Ka ko hono tokolahi ʻoe fānau ʻa ʻIsileli, ʻe hangē ko e ʻoneʻone ʻoe tahi ʻaia ʻe ʻikai faʻa fua pe lau; pea ʻe hoko ʻi he potu naʻe pehē kiate kinautolu, ‘ʻOku ʻikai ko hoku kakai ʻakimoutolu,’ ʻe pehē ʻi ai kiate kinautolu, ‘Ko e ngaahi foha ʻakimoutolu ʻoe ʻOtua moʻui.’  
\v 11 Pea ʻe toki tānaki fakataha ʻae fānau ʻa Siuta mo e fānau ʻa ʻIsileli, pea ʻe tuʻutuʻuni ha ʻulu pe taha moʻonautolu, pea te nau haʻu mei he fonua: koeʻuhi ʻe lahi ʻae ʻaho ʻo Sesilili.   
\c 2  
\cd \it 1 Ko e tauhi tamapua ʻae kakai. 6 Ko e fakamaau ʻae ʻOtua kiate kinautolu. 14 Ko ʻene ngaahi talaʻofa ʻoe fakalelei mo kinautolu.\it*  
\p
\v 1 “Ke ke pehē ki ho ngaahi tokoua, ‘Ko ʻAmi,’  
\q2 pea ki ho ngaahi tuofefine, ‘ko Luhama.’   
\q1
\v 2 Kole ki hoʻo faʻē,  
\q2 kole, he ʻoku ʻikai ko hoku uaifi ia,  
\q2 pea ʻoku ʻikai ko hono husepāniti au:  
\q1 pea koeʻuhi ko ia, tuku ke ne ʻave ʻene feʻauaki mei hono ʻao,  
\q2 pea mo ʻene tono tangata mei he vahaʻa ʻo hono huhu;   
\q1
\v 3 Telia naʻaku fakatelefua ia,  
\q2 pea tuku ia ke hangē ko e ʻaho ʻo hono fanauʻi,  
\q1 pea ngaohi ia ke hangē ko e toafa,  
\q2 pea tuku ia ke tatau mo e fonua mōmoa,  
\q2 pea tāmateʻi ia ʻi he fieinu.   
\q1
\v 4 Pea ʻe ʻikai te u ʻaloʻofa ki heʻene fānau;  
\q2 he ko e fānau ʻae feʻauaki ʻakinautolu.   
\q1
\v 5 He kuo fai ʻe heʻenau faʻē ʻae feʻauaki:  
\q2 pea ko ia ia naʻe tuituʻia ʻakinautolu kuo ne fai fakalielia:  
\q1 he naʻa ne pehē, ‘Te u ʻalu atu ki heʻeku kau mamana,  
\q2 ʻaia ʻoku foaki mai ʻeku mā mo ʻeku vai,  
\q2 ʻa ʻeku fulufuluʻi sipi mo ʻeku filo,  
\q2 ʻa ʻeku lolo mo ʻeku inu.’   
\q1
\v 6 Ko ia, vakai, te u feleʻi hono hala ʻaki ʻae ʻakau talatala,  
\q2 pea ngaohi ha ʻā,  
\q2 ke ʻoua naʻa ne ʻilo hono ngaahi hala.   
\q1
\v 7 Pea te ne muimui ki heʻene kau mamana,  
\q2 ka ʻe ʻikai te ne maʻu ʻakinautolu;  
\q2 te ne kumi ʻakinautolu ka ʻe ʻikai ʻilo:  
\q1 pea te ne toki pehē, ‘Te u ʻalu, pea tafoki ki hoku ʻuluaki husepāniti;  
\q2 he naʻe lelei lahi ai ia kiate au.’   
\q1
\v 8 He naʻe ʻikai te ne ʻilo naʻaku foaki kiate ia ʻae koane, mo e uaine, mo e lolo,  
\q2 pea ne u fakalahi kiate ia ʻae siliva, mo e koula, naʻa nau teu maʻa Peali.   
\q1
\v 9 Ko ia te u tafoki, pea ʻave ʻeku koane hono kuonga,  
\q2 pea mo ʻeku uaine ʻi hono faʻahitaʻu,  
\q2 pea te u toe maʻu ʻeku fulufuluʻi sipi mo ʻeku filo naʻe ʻufiʻufi ʻaki ʻene telefua.   
\q1
\v 10 Pea te u fakahā ni ʻa ʻene ʻuli ʻi he ʻao ʻo ʻene kau mamana,  
\q2 pea ʻe ʻikai ha taha te ne fakahaofi ia mei hoku nima.   
\q1
\v 11 Pea te u fakangata ʻene fiefia, mo hono ngaahi ʻaho kātoanga,  
\q2 mo hono ngaahi māhina foʻou, mo hono ngaahi ʻaho tapu, pea mo ʻene ngaahi kātoanga mamafa kotoa pē.   
\q1
\v 12 Pea te u fakaʻauha ʻene ngaahi vaine, pea mo ʻene ngaahi ʻakau ko e fiki,  
\q2 ʻaia naʻa ne pehē ai, ‘Ko eni ʻae totongi naʻe foaki mai ʻe heʻeku kau mamana:  
\q2 pea te u ngaohi ia ko e vao ʻakau,’  
\q2 pea ʻe kai ia ʻe he fanga manu ʻoe vao.   
\q1
\v 13 Pea te u totongi kiate ia ʻae ngaahi ʻaho ʻo Pealimi,  
\q2 ʻaia naʻa ne tutu ai kiate kinautolu ʻae ʻakau namu lelei,  
\q1 pea ne teuteu ʻaki ʻe ia ʻae mama ʻi hono telinga mo ʻene ngaahi teunga,  
\q2 pea ne ʻalu atu ki heʻene kau mamana,  
\q2 ʻo ne fakangaloʻi au,” ʻoku pehē ʻe Sihova.   
\q1
\v 14 “Ko ia, vakai, te u tauheleʻi ia,  
\q2 pea ʻomi ia ki he toafa,  
\q2 pea lea fakafiemālie kiate ia.   
\q1
\v 15 Pea te u foaki kiate ia ʻa ʻene ngoue vaine mei ai,  
\q2 pea mo e teleʻa ʻo ʻAkoli ko e matapā ʻoe ʻamanaki lelei;  
\q1 pea te ne hiva ʻi ai,  
\q2 ʻo hangē ko e ngaahi ʻaho ʻo ʻene kei siʻi,  
\q2 pea hangē ko e ʻaho naʻa ne ʻalu hake ai mei he fonua ko ʻIsipite.   
\q1
\v 16 “Pea ʻe hoko ʻi he ʻaho ko ia,” ʻoku pehē ʻe Sihova,  
\q2 “Te ke ui au ‘Ko ʻIsi’  
\q2 ka ʻe ʻikai toe ui au, ‘Ko Peali.’   
\q1
\v 17 He te u toʻo mei hono ngutu ʻae ngaahi hingoa ʻo Pealimi,  
\q2 pea ʻe ʻikai toe manatuʻi ʻakinautolu ʻi honau hingoa.   
\q1
\v 18 Pea ʻi he ʻaho ko ia te u fai ʻae fuakava ki he fanga manu ʻoe ngoue maʻanautolu,  
\q2 pea ki he fanga manupuna ʻoe ʻatā,  
\q2 pea ki he fanga manu totolo ʻoe kelekele,  
\q1 pea te u fesiʻi ʻae kaufana mo e heletā mo e tau mei he fonua,  
\q2 pea te u pule ke nau tokoto hifo ʻi he fiemālie.   
\q1
\v 19 Pea te u fakamaʻu koe kiate au ʻo lauikuonga;  
\q2 ʻio, te u fakamaʻu koe kiate au ʻi he māʻoniʻoni, pea mo e angatonu, pea ʻi he angaʻofa, pea ʻi he ngaahi ʻaloʻofa.   
\q1
\v 20 Te u fakamaʻu koe kiate au ʻi he moʻoni:  
\q2 pea te ke ʻilo ʻa Sihova.   
\q1
\v 21 Pea ʻe hoko ʻi he ʻaho ko ia, te u fanongo,” ʻoku pehē ʻe Sihova, “Te u fanongo, ki he ngaahi langi,  
\q2 pea te nau fakafanongo ki māmani:   
\q1
\v 22 Pea ʻe fanongo ʻae māmani ki he koane, pea mo e uaine, pea mo e lolo,  
\q2 pea te nau fanongo kia Sesilili.   
\q1
\v 23 Pea te u tūtuuʻi ia kiate au ʻi he fonua;  
\q2 pea te u ʻaloʻofa kiate ia naʻe ʻikai ke maʻu ha ʻaloʻofa;  
\q2 pea te u pehē kiate kinautolu naʻe ʻikai ko hoku kakai, ‘Ko hoku kakai’ ʻakimoutolu,  
\q2 pea te nau pehē, ‘Ko homau ʻOtua koe.’”   
\c 3  
\cd \it 1 ʻI he totongi ʻae fefine feʻauaki, 4 ʻOku fakahā ʻae liʻaki ʻo ʻIsileli ʻi he teʻeki ke toe ʻomi ʻakinautolu.\it*  
\p
\v 1 Hili ia naʻe pehē ʻe Sihova kiate au, “Toe ʻalu, pea ke ʻofa ki ha fefine ʻoku ʻofeina ʻi hono kāinga, ka ko e fefine feʻauaki, ʻo tatau pe mo e ʻofa ʻa Sihova ki he fānau ʻa ʻIsileli, ʻakinautolu ʻoku sio ki he ngaahi ʻotua kehe, pea ʻoku manako ki he ngaahi ipu uaine.”   
\p
\v 2 Ko ia naʻaku fakatau ia kiate au ʻaki ʻae konga siliva ʻe hongofulu ma nima, mo e homa paʻale, pea mo hono vaeua ʻoe homa paʻale:  
\v 3 Pea naʻaku pehē kiate ia, “Te ke nofomaʻu kiate au ʻo ʻaho lahi; ka ʻe ʻikai te ke fai ʻae feʻauaki, pea ʻe ʻikai te ke ʻi ha tangata kehe; pea te u ʻiate koe pe au.”   
\p
\v 4 Koeʻuhi ʻe lahi ʻae ʻaho ʻoe fānau ʻa ʻIsileli taʻehanautuʻi, pea taʻehaʻeiki, pea taʻehafeilaulau, pea taʻehafeilaulauʻanga, pea taʻehaʻefoti, pe ha telafimi.  
\v 5 Hili ia ʻe tafoki ʻae fānau ʻa ʻIsileli, pea te nau kumi kia Sihova ko honau ʻOtua, pea kia Tevita ko honau tuʻi; pea \add te nau \add*manavahē kia Sihova mo ʻene angalelei ʻi he ngaahi ʻaho ki mui.   
\c 4  
\cd \it 1 Ko e fakamaau ʻae ʻOtua ki he angahala ʻae kakai, 6 Pea mo e kau taulaʻeiki, 12 Pea ki heʻenau tauhi tamapua. 15 ʻOku enginaki mo valokiʻi ʻa Siuta ʻi he tuʻutāmaki ʻa ʻIsileli.\it*  
\p
\v 1 Fanongo ki he folofola ʻa Sihova ʻe fānau ʻa ʻIsileli:  
\q2 He ʻoku ai ʻae fakakikihi ʻa Sihova mo e kakai ʻoe fonua ni,  
\q1 “Koeʻuhi ʻoku ʻikai ha moʻoni,  
\q2 pe ha ʻaloʻofa,  
\q2 pe ha ʻilo ki he ʻOtua ʻi he fonua.   
\q1
\v 2 Ko e kape, mo e loi, mo e fakapō, mo e feʻauaki,  
\q2 ʻoku hā mai mei ai, pea ʻoku ala ʻae toto ki he toto.   
\q1
\v 3 Ko ia, ʻe tangi ʻae fonua,  
\q2 pea ko ia taki taha ʻoku nofo ai ʻe feinga,  
\q1 fakataha mo e fanga manu ʻoe vao,  
\q2 pea mo e fanga manupuna ʻoe ata;  
\q2 ʻio, naʻa mo e ika ʻoe tahi ʻe ʻave mei ai.   
\b  
\q1
\v 4 “Kae ʻoua naʻa fakakikihi mo valoki ʻe ha tangata ha taha kehe: he ko hoʻo kakai ʻoku hangē ko kinautolu ʻoku fakakikihi mo e taulaʻeiki.   
\q1
\v 5 Ko ia te ke hinga ʻi he \add kei \add*ʻaho;  
\q2 pea mo e palōfita, te ne tō foki mo koe ʻi he pō,  
\q2 pea te u fakaʻauha hoʻo faʻē.   
\q1
\v 6 ‌ʻOku ʻauha hoku kakai ʻi he masiva ʻilo:  
\q2 koeʻuhi kuo ke liʻaki ʻae ʻilo, te u liʻaki foki koe,  
\q2 ke ʻoua naʻa ke taulaʻeiki kiate au;  
\q1 ko e meʻa ʻi hoʻo fakangaloʻi ʻae fono ʻa ho ʻOtua,  
\q2 te u fakangaloʻi foki hoʻo fānau.   
\q1
\v 7 ‌ʻI henau tupu naʻa nau fai angahala kiate au:  
\q2 ko ia te u liliu ʻenau ongoongolelei ko e mā.   
\q1
\v 8 ‌ʻOku nau kai hake ʻae angahala ʻa hoku kakai,  
\q2 pea ʻoku nau tukupau honau loto ki heʻenau angakovi.   
\q1
\v 9 Pea ʻe pehē ʻi ai, hangē ko e kakai, ʻe pehē ʻae taulaʻeiki:  
\q2 pea te u tautea ʻakinautolu koeʻuhi ko honau ngaahi hala,  
\q2 pea totongi kiate kinautolu ʻenau ngaahi faianga.   
\q1
\v 10 He te nau kai ka ʻe ʻikai mākona,  
\q2 te nau feʻauaki ka ʻe ʻikai tupu:  
\q2 koeʻuhi kuo nau tuku ʻenau tokanga kia Sihova.   
\q1
\v 11 Ko e feʻauaki mo e uaine mo e uaine foʻou, ʻoku kavea ʻae loto.   
\q2
\v 12 “ʻOku fehuʻi ʻe hoku kakai ki heʻenau fuʻu ʻakau,  
\q2 pea ko honau tokotoko ʻoku fakahā ia kiate kinautolu:  
\q1 he ko e laumālie ʻoe feʻauaki kuo ne fakahēʻi ʻakinautolu,  
\q2 pea kuo nau ʻalu ʻo feʻauaki mei honau ʻOtua.   
\q1
\v 13 ‌ʻOku nau feilaulau ʻi he funga ʻoe ngaahi moʻunga,  
\q2 pea tutu ʻae ʻakau namu lelei ʻi he ngaahi māʻolunga, ʻi he lalo ʻoke mo e popila mo e elemi,  
\q2 koeʻuhi ʻoku lelei hono malu ʻo ia:  
\q1 ko ia ʻe feʻauaki ho ngaahi ʻofefine,  
\q2 pea ʻe tono tangata homou ngaahi uaifi.   
\q1
\v 14 ‌ʻIkai te u tautea homou ngaahi ʻofefine ʻi heʻenau feʻauaki,  
\q2 mo homou ngaahi uaifi ʻi heʻenau tono tangata?  
\q1 He ʻoku nau kau taha mo e kau fefine feʻauaki,  
\q2 pea ʻoku nau feilaulau mo e kau feʻauaki:  
\q2 ko ia, ʻE hinga ki lalo ʻae kakai ʻoku ʻikai ʻi ai ha poto.   
\b  
\q1
\v 15 “Neongo ʻe ʻIsileli ʻa hoʻo fai ʻae feʻauaki,  
\q2 kaeʻoua naʻa hala ai mo Siuta;  
\q2 pea ʻoua naʻa ke haʻu ki Kilikali,  
\q2 pe ʻalu hake ki Peteaveni,  
\q2 pe fuakava, ʻo pehē, ‘ʻOku moʻui ʻa Sihova.’   
\q1
\v 16 He ʻoku fakaholomui ʻa ʻIsileli, ʻo hangē ko e pulu mui ʻoku fakaholomui:  
\q2 ko eni, ʻe fafanga ʻakinautolu ʻe Sihova, ʻo hangē ko e lami ʻi he potu ʻataʻatā.   
\q1
\v 17 Kuo pikitai ʻa ʻIfalemi ki heʻene ngaahi tamapua:  
\q2 tuku ai pe ia.   
\q1
\v 18 Kuo nau muimui ki he inu kona:  
\q2 kuo nau fai maʻuaipē ʻae feʻauaki:  
\q2 ko honau kau pule ʻoku manako ki he fakamā.   
\q1
\v 19 Kuo tākai hake ia ʻe he matangi ʻi hono kapakau,  
\q2 pea te nau mā ʻi heʻenau ngaahi feilaulau.   
\b  
\c 5  
\cd \it 1 Ko e fakamaau ʻae ʻOtua ki he kau taulaʻeiki, mo e kakai, pea mo e houʻeiki ʻa ʻIsileli, koeʻuhi ko ʻenau ngaahi angahala lahi, 15 Kaeʻoua ke nau fakatomala.\it*  
\p
\v 1 “Fanongo eni, ʻae kau taulaʻeiki;  
\q2 pea fakafanongo, ʻe fale ʻo ʻIsileli;  
\q2 pea tokanga mai ho telinga, ʻe fale ʻoe tuʻi;  
\q1 he ʻoku fai kiate kimoutolu ʻae fakamaau,  
\q2 koeʻuhi ko e tauhele ʻakimoutolu ki Misipa,  
\q2 pea ko e kupenga naʻe fola ʻi Tepea.   
\q1
\v 2 Pea ko e kau angatuʻu ʻoku loto ke fai ʻae fakapō,  
\q2 neongo ko au naʻaku valokiʻi ʻakinautolu kotoa pē.   
\q1
\v 3 ‌ʻOku ou ʻilo ʻa ʻIfalemi,  
\q2 pea ʻoku ʻikai puli ʻa ʻIsileli meiate au:  
\q1 he ko eni, ʻe ʻIfalemi, ʻoku ke fai feʻauaki,  
\q2 pea kuo ʻuliʻi ʻa ʻIsileli.   
\q1
\v 4 ‌ʻE ʻikai te nau ngaohi ʻenau anga ke liliu ki honau ʻOtua:  
\q2 he ko e laumālie ʻoe feʻauaki ʻoku ʻi loto ʻiate kinautolu,  
\q2 pea ʻoku ʻikai te nau ʻilo ʻa Sihova.   
\q1
\v 5 Pea ko e fielahi ʻa ʻIsileli ʻe fakatōhifo ai hono mata:  
\q2 ko ia ʻe tō ki lalo ʻa ʻIsileli, mo ʻIfalemi ʻi heʻenau angahala;  
\q2 ʻe tō foki ʻa Siuta mo kinautolu.   
\q1
\v 6 Te nau ʻalu mo ʻenau fanga sipi mo ʻenau fanga manu ke kumi ʻa Sihova;  
\q2 ka ʻe ʻikai te nau ʻilo ia;  
\q2 kuo ne mahuʻi meiate kinautolu.   
\q1
\v 7 Kuo nau fai kākā kia Sihova:  
\q2 he kuo nau fakatupu ʻae fānau kehe:  
\q2 ko eni, ko e māhina pe taha, pea ʻe folo ʻakinautolu mo honau ngaahi tofiʻa.   
\b  
\q1
\v 8 “Ifi ʻae meʻa ifi ʻi Kipea,  
\q2 pea mo e meʻalea ʻi Lama:  
\q2 kalanga lahi ki Peteaveni, sio ki mui koe, ʻe Penisimani.   
\q1
\v 9 ‌ʻE lala ʻa ʻIfalemi ʻi he ʻaho ʻoe valoki  
\q2 ʻi he lotolotonga ʻoe ngaahi faʻahinga ʻo ʻIsileli, kuo u fakahā ʻaia ʻe hoko moʻoni.   
\q1
\v 10 Ko e houʻeiki ʻo Siuta naʻe hangē ko kinautolu ʻoku hiki ʻae fakaʻilonga:  
\q2 ko ia te u lilingi hoku houhau kiate kinautolu, ʻo hangē ko e vai.   
\b  
\q1
\v 11 “Kuo fakamālohi mo fesiʻi ʻa ʻIfalemi ʻi he fakamaau,  
\q2 koeʻuhi naʻa ne loto ke muimui ki he vaʻinga.   
\q1
\v 12 Ko ia te u hangē ko e ane kia ʻIfalemi,  
\q2 pea hangē ko e popo ki he fale ʻo Siuta.   
\b  
\q1
\v 13 “ʻI he mamata ʻe ʻIfalemi ki hono mahaki,  
\q2 pea mo Siuta ki hono lavea,  
\q2 naʻa ne toki ʻalu ʻa ʻIfalemi ki he ʻAsilia,  
\q2 pea ne fekau ki he tuʻi ko Salepi:  
\q1 ka naʻe ʻikai te ne faʻa fakamoʻui koe,  
\q2 ke moʻui ai ho lavea.   
\q1
\v 14 He te u hangē ko e laione ki ʻIfalemi,  
\q2 pea hangē ko e laione mui ki he fale ʻo Siuta:  
\q1 Ko au, ʻio, ko au, te u haeʻi,  
\q2 pea toe ʻalu; te u ʻave pea ʻe ʻikai ha tokotaha te ne fakahaofi.   
\b  
\q1
\v 15 “Te u tafoki ʻo ʻalu ki hoku potu,  
\q2 kaeʻoua ke nau vete ʻenau hia,  
\q2 pea kumi ki hoku fofonga:  
\q2 ʻi heʻenau ngaahi mamahi, te nau kumi fakavave kiate au.”   
\b  
\c 6  
\cd \it 1 Ko e enginaki ki he fakatomala. 4 Ko e valoki ʻo ʻenau angafefeka mo angahia.\it*  
\p
\v 1 “Haʻu, pea tuku ke tau tafoki kia Sihova:  
\q2 he kuo ne haeʻi,  
\q2 pea te ne fakamoʻui ʻakitautolu;  
\q1 kuo ne taaʻi,  
\q2 pea te ne toe fakamaʻopoʻopo.   
\q1
\v 2 Hili ʻae ʻaho ʻe ua te ne toe fakamoʻui ʻakitautolu:  
\q2 ʻi hono tolu ʻoe ʻaho te ne toe fokotuʻu ʻakitautolu,  
\q2 pea te tau moʻui ʻi hono ʻao.   
\q1
\v 3 Pea te tau toki ʻilo ʻoka tau ka muimui atu ke ʻilo ʻa Sihova:  
\q2 ko ʻene ʻalu atu ʻoku teuteu ʻo hangē ko e pongipongi;  
\q1 pea te ne hoko kiate kitautolu ʻo hangē ko e ʻuha,  
\q2 ko e ʻuha mui mo e ʻuha muʻa ki he kelekele.   
\b  
\q1
\v 4 “ʻE ʻIfalemi, Ko e hā te u fai kiate koe?  
\q2 ʻE Siuta, ko e hā te u fai kiate koe?  
\q2 He ko hoʻo lelei ʻoku hangē ko e ʻao ʻoe pongipongi,  
\q2 pea hangē ko e hahau ʻoe hengihengi ʻoku mole atu.   
\q1
\v 5 Ko ia kuo u taaʻi ʻakinautolu ʻi he kau palōfita;  
\q2 kuo u tāmateʻi ʻakinautolu ʻi he ngaahi lea ʻa hoku ngutu:  
\q2 pea ko hoʻo ngaahi fakamaau ʻoku hangē ko e maama ʻoku ulo atu.   
\q1
\v 6 He kuo u holi ki he ʻaloʻofa, kae ʻikai ki he feilaulau;  
\q2 pea ko e ʻilo ki he ʻOtua ʻo lahi hake ʻi he feilaulau.   
\q1
\v 7 Kae hangē ko e tangata kuo nau maumauʻi ʻae fuakava:  
\q2 kuo nau fai kākā ʻi ai kiate au.   
\q1
\v 8 Ko e kolo ʻokinautolu ʻoku fai kovi ʻa Kiliati,  
\q2 pea ʻoku ʻuli ʻi he toto.   
\q1
\v 9 Hangē ʻoku tatali ʻe he fakataha ʻoe kau kaihaʻa ki ha tangata,  
\q2 ʻoku pehē ʻae fai fakapō ʻi he hala ʻe he fakataha ʻoe kau taulaʻeiki ʻo loto tatau pe:  
\q2 he ʻoku nau fai angaʻuli.   
\q1
\v 10 Kuo u mamata ki ha meʻa fakailifia ʻi he fale ʻo ʻIsileli:  
\q2 ʻoku ʻi ai ʻae feʻauaki ʻa ʻIfalemi,  
\q2 kuo ʻuliʻi ʻa ʻIsileli.   
\b  
\q1
\v 11 “Kuo tuʻutuʻuni foki, ʻe Siuta, ha ututaʻu kiate koe,  
\q2 ʻi heʻene liliu ʻae pōpula ʻa hoku kakai.   
\c 7  
\cd \it 1 Ko e ngaohi ki he angahala kehekehe. 11 Ko e houhau ʻoe ʻOtua kiate kinautolu koeʻuhi ko ʻenau mālualoi.\it*  
\p
\v 1 ‌ʻI he ʻeku tokanga ke fakamoʻui ʻa ʻIsileli,  
\q2 naʻe toki hā ʻae angahala ʻa ʻIfalemi,  
\q2 pea mo e angakovi ʻa Samēlia:  
\q2 he ʻoku nau fai kākā;  
\q2 pea ʻoku hū ki loto ʻae kaihaʻa,  
\q2 pea ʻoku maumau ʻituʻa ʻe he fakataha ʻoe kau kaihaʻa.   
\q1
\v 2 Pea ʻoku ʻikai te nau tokanga ʻi honau loto, ʻoku ou manatu ki heʻenau angakovi kotoa pē:  
\q2 ko eni, ʻoku kāpui ʻakinautolu ʻe heʻenau faianga ʻanautolu;  
\q2 ʻoku ʻi hoku ʻao ia.   
\q1
\v 3 ‌ʻOku nau fakafiefiaʻi ʻae tuʻi ʻi heʻenau angakovi,  
\q2 pea mo e houʻeiki ʻi heʻenau ngaahi loi.   
\q1
\v 4 Ko e kau feʻauaki ʻakinautolu kotoa pē:  
\q2 ʻo hangē ko e ngotoʻumu kuo fakaʻafu ʻe he tangata taʻo mā,  
\q2 ʻoku ne tuku ia hili ʻene natu ʻae mā, kaeʻoua ke tupu.   
\q1
\v 5 ‌ʻI he ʻaho ʻo hotau tuʻi kuo fakakona ia ʻe he houʻeiki ʻaki ʻae ngaahi hina uaine;  
\q2 naʻa ne mafao hono nima mo e kau manuki.   
\q1
\v 6 Kuo nau teuteu honau loto hangē ko e ngotoʻumu,  
\q2 ʻi heʻenau kei lama:  
\q2 ʻoku mohe ʻi he pō kotoa ʻenau tangata taʻo mā;  
\q2 ʻi he pongipongi ʻoku vela ia hangē ko e afi ulo.   
\q1
\v 7 ‌ʻOku nau vela kotoa pē hangē ko e ngotoʻumu;  
\q2 kuo nau kai ʻo ʻosi ʻenau kau fakamaau;  
\q1 kuo hinga honau ngaahi tuʻi kotoa pē:  
\q2 ʻoku ʻikai ha tokotaha ʻiate kinautolu ʻoku ui kiate au.   
\q1
\v 8 Kuo fakataha ia mo e kakai ʻa ʻIfalemi;  
\q2 ko e foʻi mā taʻefokihi ʻa ʻIfalemi.   
\q1
\v 9 Kuo kai hono mālohi ʻe he kau muli,  
\q2 ka ʻoku ʻikai te ne ʻilo;  
\q1 ʻio, ko e louʻulu hinehina ʻoku ʻiate ia ʻi heni mo ʻena,  
\q2 ka ʻoku ʻikai te ne ʻilo ia.   
\q1
\v 10 Pea ko e fielahi ʻa ʻIsileli, ʻoku fakatōhifo ia ʻi hono ʻao:  
\q2 pea ʻoku ʻikai te nau tafoki kia Sihova ko honau ʻOtua,  
\q2 pe kumi kiate ia ʻi he ngaahi meʻa ni kotoa pē.   
\b  
\q1
\v 11 “ʻOku hangē foki ʻa ʻIfalemi ko e lupe vale ʻoku ʻikai hano loto:  
\q2 ʻoku nau ui ki ʻIsipite,  
\q2 pea nau ʻalu ki ʻAsilia.   
\q1
\v 12 ‌ʻOka nau ka ʻalu te u fola hoku kupenga kiate kinautolu;  
\q2 te u ʻomi ʻakinautolu ki lalo ʻo hangē ko e fanga manupuna ʻoe langi:  
\q2 te u tautea ʻakinautolu, ʻo fakatatau mo e fanongo ʻa ʻenau fakataha.   
\q1
\v 13 Malaʻia kiate kinautolu!  
\q2 He kuo nau hola meiate au:  
\q1 fakaʻauha ʻakinautolu!  
\q2 Koeʻuhi kuo nau talangataʻa kiate au:  
\q1 neongo ʻa ʻeku huhuʻi ʻakinautolu,  
\q2 kuo nau lea loi kiate au.   
\q1
\v 14 Pea ʻoku ʻikai te nau tangi kiate au,  
\q2 ʻaki honau loto ʻi heʻenau kaila ʻi honau mohenga:  
\q1 ʻoku nau fakataha ʻakinautolu ki he koane mo e uaine,  
\q2 pea ʻoku nau angatuʻu kiate au.   
\q1
\v 15 Neongo ʻeku nonoʻo mo fakamālohi honau nima,  
\q2 ka ʻoku nau filioʻi kovi kiate au.   
\q1
\v 16 ‌ʻOku nau tafoki, kae ʻikai ki he Fungani Māʻolunga:  
\q2 ʻoku nau hangē ko e kaufana kākā:  
\q2 ʻe tō ʻi he heletā honau houʻeiki, ko e meʻa ʻi he ʻita ʻa honau ʻelelo;  
\q2 ko honau manuki eni ʻi he fonua ko ʻIsipite.   
\b  
\c 8  
\cd \it 1, 12 ʻOku fakahā ʻae fakaʻauha koeʻuhi ko ʻenau ongokovi, 5 Mo e tauhi tamapua.\it*  
\p
\v 1 “ʻAi ʻae meʻalea ki ho ngutu.  
\q2 Te ne haʻu ʻo hangē ko e ʻikale ki he fale ʻo Sihova,  
\q2 koeʻuhi kuo nau maumauʻi ʻeku fuakava,  
\q2 pea fai talangataʻa ki heʻeku fono.   
\q1
\v 2 ‌ʻE tangi ʻa ʻIsileli kiate au, ʻo pehē, ‘ʻE hoku ʻOtua, ʻoku mau ʻilo koe.’   
\q2
\v 3 Kuo liʻaki ʻe ʻIsileli ʻae meʻa ʻoku lelei:  
\q2 ʻe tuli ia ʻe he fili.   
\q1
\v 4 Kuo nau fakanofo ʻae ngaahi tuʻi, kae ʻikai ʻiate au:  
\q2 kuo nau tuʻutuʻuni ʻae ngaahi ʻeiki, pea naʻe ʻikai te u ʻilo:  
\q2 kuo nau ngaohi ʻaki ʻa ʻenau siliva mo ʻenau koula ʻae tamapua,  
\q2 koeʻuhi ka nau ʻauha.   
\q1
\v 5 Ko hoʻo ʻuhiki pulu, ʻE Samēlia, kuo ne liʻaki koe;  
\q2 kuo tupu ʻeku ʻita kiate kinautolu:  
\q2 ʻe fēfē hono fuoloa, ka nau hoko ʻo taʻehalaia?   
\q1
\v 6 He naʻe meia ʻIsileli foki ia:  
\q2 ko e tufunga naʻa ne ngaohi ia; ko ia ʻoku ʻikai ko e ʻOtua ia:  
\q2 ka ko e pulu siʻi ʻa Samēlia, ʻe maumauʻi ia ke fakaikiiki.   
\q1
\v 7 He kuo nau tūtuuʻi ʻae matangi,  
\q2 pea te nau utu ʻae ʻahiohio:  
\q1 ʻoku ʻikai hano muka:  
\q2 ʻe ʻikai maʻu ha mahoaʻa mei hono fua:  
\q2 ka ai ha fua, ʻe kai ia ʻo ʻosi ʻe he kau muli.   
\q1
\v 8 Kuo fōngia hifo ʻa ʻIsileli:  
\q2 te nau hoko ni ʻi he lotolotonga ʻoe Senitaile, ʻo hangē ko e ipu ʻoku ʻikai ʻi ai ha fiemālie.   
\q1
\v 9 He kuo nau ʻalu hake ki ʻAsilia,  
\q2 ha ʻasi kai vao tokotaha pe:  
\q2 kuo unga ʻe ʻIfalemi ʻae kau mamana.   
\q1
\v 10 ‌ʻIo, neongo kuo nau unga ʻi he ngaahi puleʻanga,  
\q2 te u tānaki ni ʻakinautolu,  
\q2 pea te nau mamahi siʻi, koeʻuhi ko e kavenga ʻae tuʻi ʻoe ngaahi ʻeiki.   
\q1
\v 11 Koeʻuhi kuo ngaohi ʻe ʻIfalemi ʻae ngaahi feilaulauʻanga lahi ke angahala,  
\q2 ʻe ai ʻae ngaahi feilaulauʻanga ke angahala ai.   
\q1
\v 12 Kuo u tohi kiate ia ʻae ngaahi meʻa lahi ʻa ʻeku fono,  
\q2 ka naʻe lau ia hangē ha meʻa kehe.   
\q1
\v 13 ‌ʻOku nau feilaulau ʻaki ʻae kakano,  
\q2 ko e ngaahi feilaulau ʻo ʻeku ngaahi hifo, pea kai;  
\q2 ka ʻoku ʻikai ke maʻu ia ʻe Sihova,  
\q1 he te ne manatu ni ʻenau hia,  
\q2 pea totongi ki heʻenau ngaahi angahala:  
\q2 te nau liliu atu ki ʻIsipite.   
\q1
\v 14 He kuo fakangaloʻi ʻe ʻIsileli ʻa hono Tupuʻanga, pea ʻoku ne langa ʻae ngaahi fale fakaʻeiki;  
\q2 pea kuo fakalahi ʻe Siuta ʻae ngaahi kolo kuo ʻāʻi:  
\q2 ka te u fekau ʻae afi ki hono ngaahi kolo,  
\q2 pea te ne kai ʻae ngaahi fale fakaʻeiʻeiki ʻi ai.”   
\b  
\c 9  
\cd \it 1–17 Ko e mamahi, mo e pōpula ʻa ʻIsileli, koeʻuhi ko ʻenau ngaahi angahala, moʻo tauhi tamapua.\it*  
\p
\v 1 ‌ʻOua naʻa ke nekeneka, ʻe ʻIsileli, ʻi he fiefia, hangē ko e kakai kehe:  
\q2 he kuo ke ʻalu ʻo feʻauaki mei ho ʻOtua,  
\q2 kuo ke manako ʻae totongi ʻi he hahaʻanga koane kotoa pē.   
\q1
\v 2 Ko e hahaʻanga, mo e tataʻoʻanga uaine ʻe ʻikai fafanga ai ʻakinautolu,  
\q2 pea ʻe ʻikai ʻiate ia ʻae uaine foʻou.   
\q1
\v 3 ‌ʻE ʻikai te nau nofo ʻi he fonua ʻo Sihova;  
\q2 ka ʻe tafoki ʻa ʻIfalemi ki ʻIsipite,  
\q2 pea te nau kai ʻae meʻa taʻemaʻa ʻi ʻAsilia.   
\q1
\v 4 ‌ʻE ʻikai te nau feilaulau ʻaki ʻae uaine kia Sihova,  
\q2 pea ʻe ʻikai te ne fiemālie ai:  
\q2 ko ʻenau ngaahi feilaulau ʻe hangē ko e mā ʻae kau tangilāulau kiate kinautolu;  
\q2 ko kinautolu kotoa pē ʻoku kai ai te nau ʻuli ai:  
\q2 he ko e mā maʻa honau laumālie,  
\q2 ʻe ʻikai hoko ia ki he fale ʻo Sihova.   
\q1
\v 5 Ko e hā te mou fai ʻi he ʻaho mamafa,  
\q2 pea ʻi he ʻaho ʻoe kātoanga ʻa Sihova?   
\q1
\v 6 He, vakai, kuo nau ʻalu koeʻuhi ko e fakaʻauha:  
\q2 ʻe tānaki ʻakinautolu ʻe ʻIsipite,  
\q2 ʻe tanu ʻakinautolu ʻe Memifisi:  
\q2 ko e ngaahi potu lelei ki heʻenau siliva, ʻe maʻu ia ʻe he hongohongo:  
\q2 ʻe ʻi honau ngaahi fale fehikitaki ʻae ʻakau talatala.   
\q1
\v 7 Ko e ngaahi ʻaho ʻoe ʻaʻahi kuo hoko,  
\q2 ko e ngaahi ʻaho ʻoe totongi kuo hoko;  
\q1 ʻe ʻilo ia ʻe ʻIsileli, ‘Ko e palōfita ko e vale ia,’  
\q2 ʻoku faha ʻae tangata fakalaumālie,  
\q2 ko e meʻa ʻi he lahi ʻo hoʻo hia,  
\q2 mo e fehiʻa lahi.   
\q1
\v 8 Ko e tangata leʻo ʻo ʻIfalemi naʻe ʻi hoku ʻOtua:  
\q2 ka ko e palōfita ko e tauhele ʻae tangata tauhele manu ʻi hono hala kotoa pē,  
\q2 mo e fehiʻanekina ʻi he fale ʻo hono ʻOtua.   
\q1
\v 9 Kuo nau fakaʻuliʻi lahi ʻakinautolu  
\q2 ʻo hangē ko e ngaahi ʻaho ʻo Kipea:  
\q2 ko ia te ne manatu ʻenau hia,  
\q2 te ne ʻaʻahi ki heʻenau angahala.   
\q1
\v 10 Ne u ʻilo ʻa ʻIsileli hangē ko e kālepi ʻi he toafa;  
\q2 ne u mamata ki hoʻo ngaahi tamai, hangē ko e tomuʻa momoho ʻi he ʻakau ko e fiki ʻi hono ʻuluaki toʻukai:  
\q2 ka ne nau ʻalu ki Peali-Peoli, pea mavahe ʻakinautolu ke nau mā;  
\q2 pea ko ʻenau ngaahi fakalielia naʻe tatau mo ʻenau manako.   
\q1
\v 11 Ka ko ʻIfalemi, ʻe puna atu hono nāunau hangē ko e manupuna,  
\q2 mei he fāʻele, mo e manāva, pea mei he tuituʻia.   
\q1
\v 12 Neongo ʻoku nau tauhi ʻenau fānau,  
\q2 ka te u fakamasiva ʻakinautolu, ke ʻoua naʻa toe ha tangata:  
\q2 ʻio, malaʻia foki kiate kinautolu ʻo kau ka mahuʻi meiate kinautolu!   
\q1
\v 13 ‌ʻOku tō ʻa ʻIfalemi ʻi he potu lelei, hangē naʻaku mamata ki Taia;  
\q2 ka ʻe fanauʻi ʻe ʻIfalemi ʻa ʻene fānau ki he fakapō.   
\q1
\v 14 Foaki kiate kinautolu, ʻe Sihova: ko e hā te ke foaki?  
\q2 Foaki kiate kinautolu ʻae manāva tōtama mo e huhu maha.   
\b  
\q1
\v 15 “Ko ʻenau angakovi kotoa pē ʻoku ʻi Kilikali:  
\q2 he naʻe ʻi ai ʻeku fehiʻa kiate kinautolu:  
\q2 koeʻuhi ko e kovi ʻo ʻenau faianga, te u kapusi ʻakinautolu mei hoku fale,  
\q2 ʻe ʻikai te u toe ʻofa kiate kinautolu:  
\q2 ko e kau angatuʻu ʻa honau houʻeiki kotoa pē.   
\q1
\v 16 Kuo taaʻi ʻa ʻIfalemi,  
\q2 kuo mōmoa honau aka,  
\q2 ʻe ʻikai te nau fua:  
\q2 ʻio, neongo ʻoku nau fānau, ka te u tāmateʻi ʻae ʻofeina ʻa honau manāva.”   
\b  
\q1
\v 17 Ko hoku ʻOtua te ne liʻaki ʻakinautolu, koeʻuhi naʻe ʻikai te nau fanongo kiate ia:  
\q2 pea te nau hoko ko e kau ʻāuhē ʻi he ngaahi puleʻanga.   
\c 10  
\cd \it 1–15 ʻOku valoki mo naʻinaʻi ʻa ʻIsileli koeʻuhi ko ʻenau angakovi mo e tauhi tamapua.\it*  
\p
\v 1 Ko e vaine mōmoa ʻa ʻIsileli, ʻoku ne fua mai kiate ia pe:  
\q2 ʻo fakatatau ki he lahi ʻo hono fua kuo ne fakalahi ʻae ngaahi feilaulauʻanga;  
\q2 ʻo fakatatau ki he lelei ʻo hono fonua kuo nau ngaohi ʻae ngaahi tamapua masani.   
\q1
\v 2 Kuo mavahevahe honau loto;  
\q2 ko eni, ʻe ʻilo kuo nau hala:  
\q2 te ne lī hifo honau ngaahi feilaulauʻanga,  
\q2 pea maumauʻi ʻenau ngaahi tamapua.   
\q1
\v 3 He te nau pehē ni, “ʻOku ʻikai hamau tuʻi, koeʻuhi naʻe ʻikai te mau manavahē kia Sihova;  
\q2 pea ko e hā ʻe fai maʻamautolu ʻe ha tuʻi?”   
\q1
\v 4 Kuo nau lea ʻaki ʻae ngaahi lea, ʻo tuki loi ʻi he fai ʻae fuakava:  
\q2 ko ia kuo tupu ʻae fakamaau ʻo hangē ko e hemiloki ʻi he luoluo ʻoe ngoue.   
\q1
\v 5 ‌ʻE manavahē ʻae kakai ʻo Samēlia, koeʻuhi ko e ngaahi pulu siʻi ʻa Pete-ʻAveni:  
\q2 ʻe tangilāulau ai ʻae kakai ʻo ia,  
\q2 mo e kau taulaʻeiki ʻaia naʻe fiefia ai,  
\q2 koeʻuhi ko hono nāunau, ko e meʻa ʻi heʻene mahuʻi mei ai.   
\q1
\v 6 ‌ʻE ʻave ia foki ki ʻAsilia ko e meʻaʻofa ki he tuʻi ko Salepi:  
\q2 ʻe hoko ʻae mā kia ʻIfalemi,  
\q2 pea ʻe mā ʻa ʻIsileli ʻi heʻene fakakaukau ʻaʻana.   
\q1
\v 7 Ka ko Samēlia, ʻe tapipi hono tuʻi,  
\q2 ʻo hangē ko e koā mei he fukahi vai.   
\q1
\v 8 ‌ʻE ʻauha foki ʻae ngaahi potu māʻolunga ʻo ʻAveni, ko e angahala ʻa ʻIsileli:  
\q2 ko e ʻakau talatala mo e tiseli ʻe tupu hake ʻi honau ngaahi feilaulauʻanga;  
\q2 pea te nau lea ki he ngaahi moʻunga, ʻo pehē, “ʻUfiʻufi kimautolu;” pea ki he ngaahi tafungofunga, ʻo pehē, “Taʻomia kimautolu.”   
\b  
\q1
\v 9 “ʻE ʻIsileli, kuo ke angahala talu mei he ngaahi ʻaho ʻo Kipea:  
\q2 naʻa nau tuʻu ʻi ai:  
\q2 ko e tau ʻi Kipea ki he fānau ʻae angahia naʻe ʻikai te ne fakamoʻua ʻakinautolu.   
\q1
\v 10 ‌ʻOku ʻi heʻeku holi ke tautea ʻakinautolu;  
\q2 pea ʻe fakataha ʻae kakai kiate kinautolu,  
\q2 ʻoka nau ka haʻisia ʻakinautolu ʻi heʻena ongo luo.   
\q1
\v 11 Ko ʻIfalemi ko e pulu mui kuo akonekina, ʻoku manako ke malaki \add ʻae koane\add*:  
\q2 ka naʻaku laka ʻi hono kia matamatalelei:  
\q2 te u ngaohi ʻa ʻIfalemi ke heka;  
\q2 ʻe toho huo ʻa Siuta,  
\q2 pea momosi hono kelekele fefeka ʻe Sēkope.   
\q1
\v 12 Tūtuuʻi kiate kimoutolu ʻi he angatonu,  
\q2 utu ʻi he ʻaloʻofa,  
\q1 fakamolū ʻae kelekele;  
\q2 ʻoku tuku vaoa he ko e kuonga eni ke kumi kia Sihova,  
\q2 kaeʻoua ke ne hāʻele mai, pea fakaʻuha ʻae māʻoniʻoni kiate kimoutolu.   
\q1
\v 13 Kuo mou keli ʻaki ʻae huo toho ʻi he angakovi,  
\q2 kuo mou utu ʻi he angahia;  
\q2 kuo mou kai ʻae fua ʻoe loi:  
\q2 koeʻuhi kuo ke falala ki ho hala, mo hono tokolahi ʻo hoʻo kau tangata mālohi.   
\q1
\v 14 Ko ia ʻe tupu ʻae maveuveu ʻi he lotolotonga ʻoe kakai,  
\q2 pea ʻe maumauʻi ho ngaahi kolo tau,  
\q2 hangē naʻe maumauʻi ʻe Salimani ʻa Peteapeli ʻi he ʻaho ʻoe tau:  
\q2 naʻe lailai ʻae faʻē mo feleteni mo ʻene fānau.   
\q1
\v 15 ‌ʻE pehē ʻae fai ʻe Peteli kiate kimoutolu, koeʻuhi ko hoʻomou ngaahi angakovi lahi:  
\q2 ʻi ha pongipongi pe ʻe mātuʻaki tuʻusi ʻae tuʻi ʻo ʻIsileli.   
\b  
\c 11  
\cd \it 1 Ko e taʻefaʻafakafetaʻi ʻa ʻIsileli ki he ʻOtua ʻi heʻene ngaahi lelei. 5 Ko hono fakamaauʻi. 8 Ko e ʻaloʻofa ʻae ʻOtua kiate kinautolu.\it*  
\p
\v 1 “ʻI he kei tamasiʻi ʻa ʻIsileli, ne u ʻofa ki ai,  
\q2 pea ne u ui hoku foha mei ʻIsipite.   
\q1
\v 2 ‌ʻI heʻenau ui kiate kinautolu, pehē ne nau ʻalu meiate kinautolu:  
\q2 naʻa nau feilaulau kia Pealimi,  
\q2 pea nau tutu ʻae ʻakau namu kakala ki he ngaahi tamapua kuo tongitongi.   
\q1
\v 3 Naʻaku akoʻi foki ʻa ʻIfalemi ke ʻalu,  
\q2 ʻi he puke ʻaki honau nima;  
\q2 ka naʻe ʻikai te nau ʻilo ko au naʻe fakamoʻui ʻakinautolu.   
\q1
\v 4 Naʻaku toho ʻakinautolu ʻaki ʻae afo ʻae tangata, ʻaki ʻae noʻo ʻoe ʻofa:  
\q2 pea naʻaku hangē ko ia ʻoku toʻo ʻae nonoʻo mei honau ngutu,  
\q2 pea ne u tuku ʻae meʻakai ʻi honau ʻao.   
\b  
\q1
\v 5 “ʻE ʻikai te ne toe liliu ki he fonua ʻo ʻIsipite,  
\q2 ka ʻe hoko ʻae ʻAsilia ko hono tuʻi,  
\q2 koeʻuhi naʻe ʻikai te nau loto ke liliu.   
\q1
\v 6 Pea ʻe nofomaʻu ki hono ngaahi kolo ʻae heletā,  
\q2 pea te ne fakaʻosi hono ngaahi vaʻa, pea kai ia,  
\q2 koeʻuhi ko ʻenau fakakaukau ʻanautolu pe.   
\q1
\v 7 Pea kuo pau pe hoku kakai ke fakaholomui meiate au:  
\q2 neongo ʻenau ui ʻakinautolu ki he Fungani Māʻolunga,  
\q2 naʻe ʻikai ha tokotaha te ne hakeakiʻi ia.   
\b  
\q1
\v 8 “ʻE fēfeeʻi ʻa ʻeku fakatukutukuʻi koe, ʻe ʻIfalemi?  
\q2 Te u fakahaofi fēfeeʻi koe, ʻe ʻIsileli?  
\q2 ʻE fēfeeʻi ʻeku ngaohi ko e ke hangē ko ʻAtima?  
\q2 Te u tuku koe fēfeeʻi ke hangē ko Sipoimi?  
\q1 Kuo liliu hoku loto ʻiate au,  
\q2 kuo tupu fakataha ʻa ʻeku fakatomala.   
\q1
\v 9 ‌ʻE ʻikai te u fai ki hono kakaha ʻo hoku houhau,  
\q2 ʻe ʻikai te u tafoki ke fakaʻauha ʻa ʻIfalemi:  
\q2 pe ko e ʻOtua au, ka ʻoku ʻikai ko e tangata;  
\q2 ko e tokotaha māʻoniʻoni ʻoku ʻi homou lotolotonga:  
\q2 pea ʻe ʻikai teu hū ki he loto kolo.   
\q1
\v 10 Te nau muimui kia Sihova:  
\q2 te ne ngungulu hangē ko e laione;  
\q2 ʻi heʻene ngungulu ʻe tetetete ʻae fānau mei he lulunga.   
\q1
\v 11 Te nau tetetete hangē ko e manupuna mei ʻIsipite,  
\q2 pea hangē ko e lupe mei he fonua ʻo ʻAsilia:  
\q1 pea te u tuku ʻakinautolu ʻi honau ngaahi fale,” ʻoku pehē ʻe Sihova.   
\b  
\q1
\v 12 ‌ʻOku takatakai ʻaki au ʻe ʻIfalemi ʻae loi,  
\q2 pea mo e fale ʻo ʻIsileli ʻaki ʻae kākā:  
\q2 ka ʻoku kei pule ʻa Siuta mo e ʻOtua,  
\q2 pea ʻoku ne angatonu mo e ngaahi kakai māʻoniʻoni.   
\c 12  
\cd \it 1 Ko e valoki ʻo ʻIfalemi, mo Siuta, pea mo Sēkope. 3 ʻOku ne enginaki ʻaki ʻae ngaahi lelei ʻi muʻa ki he fakatomala. 7 ʻOku fakatupu houhau ki he ʻOtua ʻe he ngaahi angahala ʻa ʻIfalemi.\it*  
\p
\v 1 ‌ʻOku kai ʻe ʻIfalemi ʻae matangi,  
\q2 pea ʻoku muimui ki he matangi hahake:  
\q2 ʻoku ne fakalahi ʻi he ʻaho kotoa pē ʻae loi mo e fakaʻauha,  
\q2 pea ʻoku nau fai ʻae fuakava mo e kau ʻAsilia,  
\q2 pea ʻoku ʻave ʻae lolo ki ʻIsipite.   
\q1
\v 2 ‌ʻOku ai foki ʻae fakakikihi ʻa Sihova mo Siuta,  
\q2 pea te ne tautea ʻa Sēkope ʻo fakatatau ki hono ngaahi hala;  
\q2 ʻo fakatatau ki heʻene ngaahi faianga, te ne totongi kiate ia.   
\q1
\v 3 Naʻa ne kuku ʻae muivaʻe ʻo hono taʻokete ʻi he manāva,  
\q2 pea ʻi hono mālohi naʻa ne lavaʻi ʻae ʻOtua:   
\q1
\v 4 ‌ʻIo, naʻa ne mālohi ki he ʻāngelo, pea ne lavaʻi:  
\q2 naʻa ne tangi, pea ne lotu tāumaʻu kiate ia:  
\q2 naʻa ne ʻilo ia ʻi Peteli, pea naʻa ne folofola kiate kitautolu ʻi ai.   
\q1
\v 5 ‌ʻIo, ko Sihova, ko e ʻOtua ʻoe ngaahi tokolahi;  
\q2 ko Sihova ko hono fakamanatu ia.   
\q1
\v 6 Ko ia, tafoki koe ki ho ʻOtua:  
\q2 fai ki he ʻaloʻofa mo e fakamaau,  
\q2 pea tatali ki ho ʻOtua maʻuaipē.   
\b  
\q1
\v 7 Ko e tangata fakatau ia,  
\q2 ʻoku ʻi hono nima ʻae meʻa fua tautau ʻoe kākā:  
\q2 ʻoku ne manako ke fakamālohiʻi.   
\q1
\v 8 Pea naʻe pehē ʻe ʻIfalemi, “Kuo hoko au ʻo koloaʻia,  
\q2 kuo u ʻilo maʻaku ʻae meʻa lahi:  
\q2 ʻi heʻeku ngaahi ngāue kotoa pē ʻe ʻikai te nau ʻilo ai ha hia ʻiate au ke angahala.”   
\b  
\q1
\v 9 “Pea ko au, ko Sihova, ko ho ʻOtua, mei he fonua ʻo ʻIsipite,  
\q2 te u toe ngaohi koe ke nofo ʻi he ngaahi fale fehikitaki,  
\q2 ʻo hangē ko e ngaahi ʻaho ʻoe kātoanga mamafa.   
\q1
\v 10 Kuo u lea foki ʻi he kau palōfita,  
\q2 pea kuo u fakalahi ʻae ngaahi meʻa hā mai,  
\q2 pea kuo u lea ʻaki ʻae fakatātā,  
\q2 ʻi he ngāue ʻae kau palōfita.   
\q1
\v 11 ‌ʻOku ai ʻae hia ʻi Kiliati?  
\q2 Ta ko e moʻoni ko e vaʻinga ʻakinautolu:  
\q1 ʻoku nau feilaulau ʻaki ʻae fanga pulu ʻi Kilikali;  
\q2 ʻio, ko honau ngaahi feilaulauʻanga ʻoku hangē ko e fokotuʻunga ʻi he ngaahi luo ʻoe ngoue.   
\q1
\v 12 Pea naʻe hola ʻa Sēkope ki he fonua ʻo Silia,  
\q2 pea naʻe tauhi ʻe ʻIsileli ke maʻu ha uaifi,  
\q2 pea ke maʻu ha uaifi naʻa ne tauhi sipi.   
\q1
\v 13 Pea naʻe ʻomi ʻe Sihova ʻa ʻIsileli mei ʻIsipite ʻi ha palōfita,  
\q2 pea ʻi ha palōfita naʻe fakamoʻui ia.   
\q1
\v 14 Naʻe fakatupu ʻiate ia ʻae houhau fakamamahi ʻe ʻIfalemi:  
\q2 ko ia te ne tuku hono toto ʻiate ia,  
\q2 pea ko hono manuki ʻe toe liliu kiate ia ʻe hono ʻEiki.   
\c 13  
\cd \it 1 ʻOku mole atu ʻae nāunau ʻo ʻIfalemi koeʻuhi ko e tauhi tamapua. 5 Ko e houhau ʻoe ʻOtua koeʻuhi ko ʻenau taʻeʻofa. 9 Ko e talaʻofa ki he ʻaloʻofa ʻae ʻOtua. 15 Ko e fakamaauʻi ʻae angatuʻu.\it*  
\p
\v 1 ‌ʻI he lea tetetete ʻa ʻIfalemi,  
\q2 naʻa ne hakeakiʻi ia ʻe ia ʻi ʻIsileli;  
\q2 ka ʻi heʻene talangataʻa ia Peali, ne mate ia.   
\q1
\v 2 Pea ʻoku nau angahala ni ʻo lahi hake,  
\q2 pea kuo nau ngaohi ʻae ngaahi fakatātā ʻaki ʻa ʻenau siliva kuo haka,  
\q2 pea mo e ngaahi tamapua ʻo fakatatau mo ʻenau ʻilo,  
\q2 ko e ngāue kotoa pē ia ʻae kau tufunga:  
\q2 ʻoku nau pehē ki ai, ‘Tuku ʻae kau tangata ʻoku feilaulau ke ʻuma ki he fanga pulu siʻi.’   
\q1
\v 3 Ko ia te nau hangē ko e ʻao ʻoe pongipongi,  
\q2 pea hangē ko e hahau ʻoe hengihengi ʻoku mole atu,  
\q2 hangē ko e kafukafu kuo tafi ʻe he ʻahiohio mei he hahaʻanga,  
\q2 pea hangē ko e ʻahu mei he ngotoʻumu.   
\b  
\q1
\v 4 “Ka ko Sihova au, ko ho ʻOtua, mei he fonua ʻo ʻIsipite,  
\q2 pea ʻikai te ke ʻilo ha ʻotua kehe ka ko au pe:  
\q2 he ʻoku ʻikai mo ha fakamoʻui ka ko au pe.   
\q1
\v 5 “Naʻaku ʻilo koe ʻi he toafa,  
\q2 ʻi he fonua ʻoe laʻāina lahi.   
\q1
\v 6 ‌ʻO fakatatau ki heʻenau mohuku, naʻa nau mākona;  
\q2 naʻa nau mākona, pea naʻe hiki hake honau loto;  
\q2 ko ia kuo nau fakangaloʻi au.   
\q1
\v 7 Ko ia te u hangē ko e laione kiate kinautolu:  
\q2 hangē ko e lēpati ʻi he hala te u lamasi ʻakinautolu:   
\q1
\v 8 Te u fakafetaulaki mo kinautolu hangē ko e pea, kuo fakamasiva ʻi he ʻave ʻene fānau,  
\q2 pea te u haeʻi ʻae kofu ʻo honau mafu,  
\q2 pea te u folo ʻakinautolu ʻi ai ʻo hangē ko e laione;  
\q2 ʻe haehae ʻakinautolu ʻe he fanga manu ʻoe vao.   
\q1
\v 9 “ʻE ʻIsileli, kuo ke fakaʻauha koe ʻe koe:  
\q2 ka ʻoku ʻiate au hoʻo tokoni.   
\q1
\v 10 Te u hoko ko ho tuʻi: kofaʻā ia ha taha kehe te ne fakamoʻui koe ʻi ho ngaahi kolo kotoa pē?  
\q2 Pea mo hoʻo kau fakamaau ʻaia naʻa mou pehē ai, ‘Foaki mai ha tuʻi mo e houʻeiki?’   
\q1
\v 11 Naʻaku foaki ha tuʻi kiate koe ʻi hoku houhau,  
\q2 pea naʻaku toʻo ia ʻi heʻeku tuputāmaki.   
\q1
\v 12 Kuo tākai ʻae hia ʻa ʻIfalemi;  
\q2 kuo fufū ʻene angahala.   
\q1
\v 13 Ko e ngaahi mamahi ʻae fefine ʻoku langā ʻe hoko kiate ia:  
\q2 ko e foha vale ia;  
\q2 ʻe ʻikai lelei ʻene nofo fuoloa ʻi he potu ʻoku hao ai ʻae fānau.   
\q1
\v 14 Te u huhuʻi ʻakinautolu mei he mālohi ʻoe faʻitoka;  
\q2 te u huhuʻi ʻakinautolu mei he mate!  
\q2 ʻE mate, te u hoko ko ho maumauʻi?  
\q2 ʻE faʻitoka, te u hoko ko ho fakaʻauha?  
\b  
\q1 “ʻE puli ʻae fakatomala mei hoku mata.   
\q2
\v 15 Neongo ʻoku faʻa fua ia ʻi he lotolotonga ʻo hono kāinga, ʻe hoko ha matangi hahake,  
\q2 ʻe haʻu ʻae matangi ʻa Sihova mei he toafa,  
\q2 pea ʻe maha ʻa ʻene matavai,  
\q2 pea ʻe matuʻu ʻe ʻene vai mapunopuna;  
\q2 te ne maumau ʻae koloa ʻoe ngaahi ipu lelei kotoa pē.   
\q1
\v 16 ‌ʻE hoko ʻo lala ʻa Samēlia;  
\q2 he kuo ne angatuʻu ki hono ʻOtua:  
\q2 te nau tō ʻi he heletā:  
\q2 ʻe lailai ke iiki ʻa ʻenau fānau kei huhu,  
\q2 pea ko honau kau fefine ʻoku feitama ʻe haehae.”   
\b  
\c 14  
\cd \it 1 Ko e enginaki ki he fakatomala. 4 Ko e talaʻofa ʻoe tāpuaki ʻoe ʻOtua.\it*  
\q1
\v 1 ‌ʻE ʻIsileli, tafoki kia Sihova ko ho ʻOtua;  
\q2 he kuo ke tō ki lalo ʻi hoʻo hia.   
\q1
\v 2 Toʻo kiate kimoutolu ʻae lea, pea tafoki kia Sihova:  
\q2 lea pehē kiate ia, “Toʻo atu ʻae hia kotoa pē,  
\q2 pea maʻu fakafiemālie ʻakimautolu:  
\q2 ko ia te mau ʻatu ai kiate koe ʻae ngaahi fua ʻo homau loungutu.   
\q1
\v 3 ‌ʻE ʻikai fakamoʻui ʻakimautolu ʻe ʻAsilia,  
\q2 ʻe ʻikai te mau heka ʻi he hoosi:  
\q2 pea ʻe ʻikai te mau toe pehē ki he ngāue ʻa homau nima, ‘Ko homau ʻotua ʻakimoutolu:’  
\q2 he ʻoku ʻilo ʻe he tamai mate ʻae ʻaloʻofa ʻiate koe.”   
\b  
\q1
\v 4 “Te u fakamoʻui ʻenau fakaholomui,  
\q2 te u ʻofa mataʻataʻatā kiate kinautolu:  
\q2 he kuo afe meiate ia ʻa hoku houhau.   
\q1
\v 5 Te u hangē ko e hahau ki ʻIsileli:  
\q2 te ne tupu ʻo hangē ko e lile,  
\q2 pea totolo hono aka ʻo hangē ko Lepanoni.   
\q1
\v 6 ‌ʻE hoko ʻo lau lahi hono ngaahi vaʻa,  
\q2 pea ko hono lelei ʻe hangē ko e ʻakau ko e ʻolive,  
\q2 pea ko hono nanamu ʻe hangē ko Lepanoni.   
\q1
\v 7 Ko kinautolu ʻoku nofo ʻi he malu ʻo ia, te nau toe haʻu;  
\q2 te nau toe moʻui hangē ko e koane,  
\q2 pea tupu ʻo hangē ko e vaine:  
\q2 ko hono nanamu, ʻe hangē ko e uaine ʻo Lepanoni.   
\q1
\v 8 ‌ʻE pehē ʻe ʻIfalemi, Ko e hā te u toe kau ai mo e ngaahi tamapua?  
\q2 Kuo u fanongo, pea mamata kiate ia:  
\q2 ʻoku ou hangē ko e ʻakau mata ko e fea.  
\q2 ʻOku maʻu meiate au hoʻo fua.”   
\b  
\q1
\v 9 Ko hai ʻae poto, pea te ne ʻilo ʻae ngaahi meʻa ni?  
\q2 ʻAe fakapotopoto, pea te ne ʻiloʻi ia?  
\q2 He ko e ngaahi hala ʻo Sihova ʻoku totonu,  
\q2 pea ʻe ʻaʻeva ai ʻae angatonu:  
\q2 ka ʻe hinga hifo ai ʻae kau talangataʻa.