\id HAB  
\h Hapakuki 
\toc1 Ko E Tohi ʻae Palōfita Ko Hapakuki 
\toc2 Hapakuki 
\toc3 Hap 
\mt2 KO E TOHI  
\mt3 ʻAE PALŌFITA KO  
\mt1 HAPAKUKI  
\cl KO E VAHE  
\c 1  
\cd \it 1 ʻI he lāunga ʻa Hapakuki ʻi he angahala ʻoe fonua 5 ʻOku fakahā kiate ia ʻae tautea fakamanavahē ʻe he kakai Kalitia. 12 ʻOku liunga ʻe ia ʻi he fakahoko ʻae tautea ʻiate kinautolu ʻoku kovi lahi hake.\it*  
\p
\v 1 Ko e tala mamafa ʻaia naʻe mamata ki ai ʻae palōfita ko Hapakuki.  
\v 2 ‌ʻE Sihova, ʻe fēfē hono fuoloa ʻo ʻeku tangi, kae ʻikai te ke fanongo! ʻIo, ʻa ʻeku tangi kalanga kiate koe, koeʻuhi ko e fakamālohi, kae ʻikai te ke fakamoʻui!  
\v 3 Ko e hā ʻoku ke fakahā ai kiate au ʻae angahala, pea pule ke u mamata ki he mamahi? He ʻoku ʻi hoku ʻao ʻae maumau mo e fakamālohi: pea ʻoku ai ʻaia ʻoku fakatupu ʻae fekeʻikeʻi, mo e fakakikihi.  
\v 4 Ko ia ʻoku vaivai ai ʻae fono, pea ʻoku ʻikai ʻaupito ke ʻalu atu ʻae fakamaau: he kuo kāpui ʻae māʻoniʻoni ʻe he angahala; ko ia kuo ʻalu atu ai ʻae fakamaau taʻetotonu.   
\p
\v 5 ¶ “Vakai, ʻakimoutolu ʻi he ngaahi hiteni, pea tokanga, mo ofo lahi: he te u fai ha ngāue ʻi homou ngaahi ʻaho, ʻe ʻikai te mou tui ki ai, ʻo kapau ʻe tala ia kiate kimoutolu.  
\v 6 He vakai, ʻoku ou fokotuʻu hake ʻae kakai Kalitia, ko e puleʻanga fakaʻita mo fakatoʻotoʻo, ʻaia ʻe ʻalu atu ki he māukupu ʻoe fonua, ke maʻu ʻae ngaahi potu nofoʻanga ʻoku ʻikai ʻonautolu.  
\v 7 ‌ʻOku fakailifia mo fakamanavahē ʻakinautolu: ko ʻenau fakamaau mo e nāunau ʻe ʻalu atu ʻiate kinautolu.  
\v 8 ‌ʻOku veʻe vave foki ʻa ʻenau fanga hoosi ʻi he fanga lēpati, pea ʻoku fekai ʻi he fanga ulofi ʻoe efiafi: pea ko honau kau tangata heka hoosi, ʻe mafola ʻakinautolu, pea ʻe haʻu ʻakinautolu mei he mamaʻo: te nau puna ʻo hangē ko e ʻikale ʻoku fakavave ke kai.  
\v 9 ‌ʻE haʻu ʻakinautolu kotoa pē ko e fakamālohi: ʻe kokomo hake ʻe honau mata, ʻo hangē ko e matangi hahake, pea te nau tānaki ʻae pōpula, ʻo hangē ko e ʻoneʻone.  
\v 10 Pea te nau manuki ki he ngaahi tuʻi, pea ʻe hoko ʻae houʻeiki ko e manukiʻanga kiate kinautolu: te nau taukaea ʻae ngaahi potu mālohi kotoa pē; he te nau fokotuʻu hake ʻae kelekele, ʻo maʻu ia.  
\v 11 Pea ʻe toki liliu ai hono loto, pea te ne ʻalu atu, mo fai talangataʻa, ʻo tuki hono mālohi ni ki hono ʻotua.”   
\p
\v 12 ¶ ʻIkai ʻoku ke talu mei muʻa koe, ʻE Sihova, ko hoku ʻOtua, ko ʻeku tokotaha māʻoniʻoni? ʻE ʻikai te mau mate. ʻE Sihova, kuo ke tuʻutuʻuni ʻakinautolu maʻa e fakamaau; pea kuo ke fokotuʻu ʻakinautolu maʻa e tautea, ʻE ʻOtua māfimafi.  
\v 13 ‌ʻOku ke fofonga māʻoniʻoni fau ʻā koe, pea ʻikai ai te ke faʻa ʻafio ki he kovi, pea ʻoku ʻikai te ke faʻa sio ki he angahala: ko e hā ʻoku ke ʻafio ai kiate kinautolu ʻoku fai kākā, pea ke longo pe, ka ʻoku fakaʻauha ʻe he angahala ʻaia ʻoku māʻoniʻoni hake ʻiate ia?  
\v 14 Pea ʻoku ngaohi ʻae kakai ʻo hangē ko e ngaahi ika ʻoe tahi, mo tatau mo e ngaahi meʻa totolo, ʻoku ʻikai ha pule kiate kinautolu?  
\v 15 ‌ʻOku nau toʻo hake ʻakinautolu kotoa pē ʻi he mātaʻu, ʻoku nau moʻua ʻakinautolu ʻi honau kupenga, mo tānaki ʻakinautolu ʻi honau kupenga toho, ko ia ʻoku nau fiefia mo nekeneka ai.  
\v 16 Ko ia ʻoku nau feilaulau ki honau kupenga, mo feilaulau tutu ki honau kupenga toho; koeʻuhi ko e meʻa ʻiate kinautolu ʻoku momona ai honau ʻinasi, pea lahi ʻa ʻenau meʻakai.  
\v 17 Ko ia, ʻe ʻaʻau koā honau kupenga, pea ʻikai ʻaupito ha taʻofi ki he fakaʻauha ʻoe ngaahi puleʻanga?   
\c 2  
\cd \it 1 ʻOku fakahā kia Hapakuki, ʻi heʻene tatali ki ha tala, ke ne tatali ʻi he tui. 5 Ko e tautea ki he kakai Kalitia, koeʻuhi ko ʻenau taʻefiu, 9 Mo e manumanu, 12 Mo e taʻeʻofa, 15 Mo e kona, 18 Pea mo e tauhi tamapua.\it*  
\p
\v 1 Te u tuʻu ʻi heʻeku leʻo, pea u nofo ʻi hoku fale leʻo, pea te u leʻo ke ʻilo pe ko e hā te ne folofola mai kiate au, pea ko e hā te u tali ʻaki ʻoka valokiʻi au.  
\v 2 Pea naʻe folofola ʻa Sihova kiate au, ʻo pehē, “Tohi ʻae meʻa hā mai, pea fai ke ʻilongofua ia ʻi he ngaahi palepale, koeʻuhi ke faʻa lele ʻe ia ʻoku ne lau ia.  
\v 3 He ʻoku tuku ʻae meʻa hā mai ki ha kuonga kuo kotofa, pea ʻe lea ia ʻi he ngataʻanga, ka ʻe ʻikai loi: kapau ʻoku tuai ia, tatali ki ai, koeʻuhi ʻe hoko moʻoni ia, ʻe ʻikai tuai ia.  
\v 4 Vakai, ko ia ʻoku hiki hake ʻa hono laumālie, ʻoku ʻikai angatonu ia ʻiate ia ka ko e tonuhia ʻe moʻui ʻi heʻene tui.”   
\p
\v 5 ¶ Ko e moʻoni, hangē ko e tangata ʻoku angahala ʻi he uaine, ʻoku fielahi ia, pea ʻoku ʻikai nofomaʻu ʻi hono ʻapi: ʻoku ne fakalahi ʻene holi ʻo hangē ko e faʻitoka, pea tatau mo e mate, pea ʻoku ʻikai ke mākona, ka ʻoku tānaki kiate ia ʻae ngaahi puleʻanga kotoa pē, pea ʻoku fokotuʻu ki ai ʻae kakai kotoa pē:  
\v 6 ‌ʻE ʻikai toʻo hake ʻekinautolu ni kotoa pē ʻae lea fakatātā kiate ia, pea mo e lea taukae kiate ia, ʻo pehē, ‘Ke malaʻia kiate ia ʻoku fakalahi ʻaki ʻaia ʻoku ʻikai ʻaʻana! ʻE fēfē hono fuoloa? Pea kiate ia ʻoku fakamamafa ʻaki ʻe ia ʻae ʻumea matolu!’  
\v 7 ‌ʻIkai ʻe tuʻu hake fakafokifā ʻakinautolu ʻo ʻuusi koe, pea ʻā ʻaia ʻe fakaʻitaʻi koe, pea ʻe hoko koe ko e vetea kiate kinautolu?  
\v 8 Koeʻuhi kuo ke fakamālohi ki he ngaahi puleʻanga lahi, ʻe fakamālohiʻi koe ʻe he toenga kotoa pē ʻoe kakai; koeʻuhi ko e toto ʻoe kakai, mo e fakamālohi ki he fonua, mo e kolo, mo kinautolu kotoa pē ʻoku nofo ai.  
\v 9 Ke malaʻia kiate ia ʻoku manumanu ki he koloa kovi ki hono fale, koeʻuhi ke ne ngaohi hono pununga ʻi he māʻolunga, koeʻuhi ke fakahaofi ia mei he mālohi ʻoe kovi!  
\v 10 Kuo ke filioʻi ʻae fakamā ki ho fale ʻi he tuʻusi ʻoe kakai tokolahi, pea kuo ke angahala ki ho laumālie.  
\v 11 ‌ʻE tangi ʻae maka mei he ʻā, pea ʻe tali ia ʻe he ʻakau alanga fale.   
\p
\v 12 ¶ Ke malaʻia kiate ia ʻoku langa ʻae kolo ʻaki ʻae toto, pea fokotuʻu ʻae kolo ʻi he angahala!  
\v 13 Vakai, ʻikai ʻoku meia Sihova ʻoe ngaahi kautau, ʻae kakai maʻa e afi pe, pea mo e fakamamahiʻi ʻae kakai ʻekinautolu ʻi he vaʻinga moʻoni?  
\v 14 Koeʻuhi ʻe fakafonu ʻa māmani ʻi he ʻilo ki he nāunau ʻo Sihova, ʻo hangē ʻoku ʻufiʻufi ʻae kilisi tahi ʻe he ngaahi vai.   
\p
\v 15 ¶ “Ke malaʻia kiate ia ʻoku ne ʻatu ʻae inu kona ki hono kaungāʻapi, ʻa koe ʻoku tuku hoʻo hina kiate ia, pea ke fakakona foki ia, koeʻuhi ke ke sio ki heʻenau telefua!  
\v 16 Kuo fakapito ʻaki koe ʻae fakamā ko ho nāunau: ke ke inu foki, pea ʻe puke koe ʻi he tetetete mo e ofo lahi: ʻe ʻatu kiate koe ʻae ipu mei he nima toʻomataʻu ʻo Sihova, pea ʻe fakalieliaʻi ho nāunau.  
\v 17 Koeʻuhi ʻe ʻufiʻufi koe ʻe he mālohi ʻo Lepanoni, mo e fakamālohiʻi ʻoe fanga manu, ʻaia naʻe fakamanavahēʻi ʻakinautolu; koeʻuhi ko e toto ʻoe kakai, pea koeʻuhi ko e fakamālohi ʻi he fonua, mo e kolo, mo kinautolu kotoa pē ʻoku nofo ai.   
\p
\v 18 ¶ “Ko e hā hono ʻaonga ʻoe fakatātā kuo tā, koeʻuhi ke tā ia ʻe he tufunga ʻo ia; pe ko e fakatātā haka, mo e akonaki loi, koeʻuhi ʻoku falala ʻae tufunga ki heʻene ngāue, ke ne ngaohi ʻae ngaahi tamapua noa?  
\v 19 Ke malaʻia kiate ia ʻoku pehē ki he ʻakau, ‘Ke ʻā;’ pe ki he maka noa, ‘Tuʻu hake; ʻe akonaki ia!’ Vakai, ʻoku ʻufiʻufi ʻaki ia ʻae koula, mo e siliva, pea ʻoku ʻikai ʻaupito ha mānava ʻi loto ʻiate ia.  
\v 20 Ka ʻoku ʻi hono ʻafioʻanga tapu ʻa Sihova: tuku ke longo pe ʻa māmani kotoa pē ʻi hono ʻao.   
\c 3  
\cd \it 1 ʻOku tetetete ʻa Hapakuki ʻi heʻene lotu koeʻuhi ko e māfimafi ʻoe ʻOtua 17 Ko e mālohi ʻo ʻene tui\it*  
\p
\v 1 Ko e lotu ʻa Hapakuki ko e palōfita ʻi he Sikaiona.   
\q1
\v 2 ‌ʻE Sihova, kuo u fanongo ki hoʻo folofola,  
\q2 pea ne u manavahē: ʻE Sihova,  
\q1 fakaakeake hoʻo ngāue ʻi he lotolotonga ʻoe ngaahi taʻu,  
\q2 fakahā ia ʻi he lotolotonga ʻoe ngaahi taʻu;  
\q2 ʻi he houhau, manatu ki he ʻaloʻofa.   
\q1
\v 3 Naʻe hāʻele mai ʻae ʻOtua mei Timani,  
\q2 mo e tokotaha māʻoniʻoni mei he moʻunga ko Palani. \qs Sila.\qs*  
\b  
\q1 Naʻe ʻufiʻufi ʻae ngaahi langi ʻe hono nāunau,  
\q2 pea naʻe fonu ʻa māmani ʻi hono fakamālō.   
\q1
\v 4 Pea naʻe malama ia ʻo hangē ko e maama;  
\q2 naʻe ʻalu atu ʻae maama ulo mei hono nima: pea naʻe ʻi ai ʻae fakafufū ʻo ʻene māfimafi.   
\q1
\v 5 Naʻe ʻalu atu ʻi hono ʻao ʻae mahaki fakaʻauha,  
\q2 pea naʻe ʻalu atu ʻi hono vaʻe ʻae maka fefie ʻoku vela.   
\q1
\v 6 Naʻe tuʻu ia, ʻo fuofua ʻae fonua:  
\q2 naʻa ne ʻafioʻi, mo fakamovetevete ʻae ngaahi puleʻanga;  
\q2 naʻe fakamovetevete ʻae ngaahi moʻunga taʻengata,  
\q2 naʻe ofeʻi hifo ʻae ngaahi tafungofunga tuʻumaʻu:  
\q2 ʻoku taʻengata ʻa hono ngaahi ʻaluʻanga.   
\q1
\v 7 Naʻaku mamata ʻoku ʻi he mamahi ʻae ngaahi fale fehikitaki ʻo Kusani:  
\q2 pea naʻe tetetete ʻae ngaahi puipui ʻoe fonua ko Mitiane.   
\q1
\v 8 Naʻe mamahi ʻa Sihova ki he ngaahi vaitafe?  
\q2 Naʻa ke houhau ki he ngaahi vaitafe?  
\q2 Naʻe ʻi he tahi ʻa ho tuputāmaki,  
\q2 koeʻuhi naʻa ke heka ai ʻi hoʻo fanga hoosi,  
\q2 mo hoʻo ngaahi saliote ʻoe fakamoʻui?   
\q1
\v 9 Naʻe toʻo ʻo teke ʻa hoʻo kaufana,  
\q2 ʻo fakatatau mo e ngaahi fuakava ki he ngaahi faʻahinga, ʻio, ko hoʻo folofola. \qs Sila.\qs*  
\q1 Naʻa ke fahifahi ʻaki ʻae fonua ʻae ngaahi vaitafe.   
\q1
\v 10 Naʻe mamata kiate koe ʻae ngaahi moʻunga, pea nau tetetete ai:  
\q2 naʻe ʻalu atu ʻae fetafeaki ʻoe vai:  
\q2 naʻe fakahā ʻe he moana ʻa hono leʻo, pea hiki hake hono nima ki ʻolunga.   
\q1
\v 11 Naʻe tuʻumaʻu ʻae laʻā, mo e māhina ʻi hona nofoʻanga:  
\q2 naʻe ʻalu atu hoʻo ngaahi ngahau ʻi hona maama,  
\q2 pea ʻi he ulo ho tao ngingila.   
\q1
\v 12 Naʻa ke hāʻele atu ʻi he fonua, ʻi he tuputāmaki,  
\q2 naʻa ke haha ʻae hiteni ʻi ho houhau.   
\q1
\v 13 Naʻa ke meʻa atu koeʻuhi ko e fakamoʻui ʻo hoʻo kakai,  
\q2 ʻio, koeʻuhi ko e fakamoʻui ʻo hoʻo kau pani:  
\q1 naʻa ke taaʻi ʻae ʻulu ʻi he fale ʻoe angakovi,  
\q2 naʻa ke fakaʻauha hono tuʻunga, ʻo aʻu ki he maka. \qs Sila.\qs*   
\b  
\q1
\v 14 Naʻa ke hokaʻi ʻae ʻulu ʻo ʻene kautau, mei hono ngaahi faʻahinga:  
\q2 naʻe haʻu ʻakinautolu ʻo hangē ko e ʻahiohio ke fakamovete au:  
\q2 ko ʻenau fiefiaʻanga ia, ke keina ʻae masiva ʻi he fufū.   
\q1
\v 15 Naʻa ke hāʻele atu mo hoʻo fanga hoosi ʻi he tahi,  
\q2 ʻi he fokotuʻunga ʻoe ngaahi vai lahi.   
\q1
\v 16 ‌ʻI heʻeku fanongo ki ho leʻo, naʻe ngalulu hoku fatu;  
\q2 naʻe tetetete hoku ngutu ʻi ho leʻo:  
\q1 naʻe hū ʻae popo ki hoku ngaahi hui, pea u tetetete ʻiate au;  
\q2 ka te u mālōlō ʻi he ʻaho ʻoe mamahi: ʻoka hoko hake ia ki he kakai,  
\q2 te ne hoko mo ʻene ngaahi kautau, kiate kinautolu.   
\q1
\v 17 Neongo ʻene ʻikai fisi ʻae ʻakau ko e fiki,  
\q2 pea ʻe ʻikai ha fua ʻi he ngaahi vaine;  
\q2 pea kovi ʻae tupu ʻoe ʻolive,  
\q2 pea ʻe ʻikai ʻi he ngaahi ngoue ha meʻakai;  
\q2 pea ʻe motuhi ʻae fanga sipi mei he lotoʻā,  
\q2 pea ʻe ʻikai ha fanga manu ʻi he ngaahi tuʻunga:   
\q1
\v 18 Ka neongo ia te u fiefia ʻia Sihova,  
\q2 pea u nekeneka ʻi he ʻOtua ʻo hoku fakamoʻui.   
\q1
\v 19 Ko ʻeku mālohi ʻa Sihova ko e ʻOtua,  
\q2 pea te ne ngaohi hoku vaʻe ke hangē ko e vaʻe ʻoe hainite,  
\q2 pea te ne pule ke u ʻeveʻeva ʻi hoku ngaahi potu māʻolunga.  
\p Ki heʻeku takimuʻa ʻoe fasi hiva ʻi he Nekina.