\id AMO  
\h ʻAmosi 
\toc1 Ko E Tohi ʻae Palōfita Ko ʻAmosi 
\toc2 ʻAmosi 
\toc3 ʻAm 
\mt2 KO E TOHI  
\mt3 ʻAE PALŌFITA KO  
\mt1 ʻAMOSI  
\cl KO E VAHE  
\c 1  
\cd \it 1 ʻOku fakahā ʻe ʻAmosi ʻae fakamaau ʻae ʻOtua ki Silia, 6 Pea ki he Filisitaine, 9 Pea ki Taia, 11 Pea ki ʻItomi, 13 Pea ki ʻAmoni.\it*  
\p
\v 1 Ko e ngaahi lea ʻa ʻAmosi, ʻaia naʻe ʻi he kau tauhimanu ʻo Tikoa, ko e meʻa naʻa ne mamata ai ʻoku kau ki ʻIsileli ʻi he ngaahi ʻaho ʻo ʻUsaia ko e tuʻi ʻo Siuta, pea ʻi he ngaahi ʻaho ʻo Selopoami ko e foha ʻo Soasi ko e tuʻi ʻo ʻIsileli, ʻi hono ua taʻu naʻe muʻomuʻa ʻi he mofuike.  
\v 2 Pea naʻa ne pehē,  
\q1 “ʻE ʻuʻulu ʻa Sihova mei Saione,  
\q2 pea ʻe fakaongo hono leʻo mei Selūsalema;  
\q1 pea ko e ngaahi fale ʻoe kau tauhimanu ʻe tangi,  
\q2 pea ʻe mōmoa ʻae tumutumu ʻo Kameli.”   
\p
\v 3 ‌ʻOku pehē ʻe Sihova;  
\q1 “Koeʻuhi ko e talangataʻa ʻe tolu ʻa Tamasikusi, pea mo hono fā,  
\q2 ʻe ʻikai te u fakaafe ʻae tautea mei ai;  
\q2 he kuo nau haha ʻa Kiliati ʻaki ʻae ngaahi meʻa haha ukamea:   
\q1
\v 4 Pea te u fekau ʻae afi ki he fale ʻo Hasaeli,  
\q2 ʻaia te ne kai ʻo ʻosi ʻae ngaahi fale fakaʻeiʻeiki ʻo Penihatati.   
\q1
\v 5 Te u fesiʻi foki ʻae vaʻa ʻo Tamasikusi,  
\q2 pea te u motuhi ʻae kakai mei he toafa ko ʻAveni,  
\q2 pea mo ia ʻoku maʻu ʻae tokotoko mei he fale ʻo ʻIteni:  
\q2 pea ʻe ʻalu pōpula ʻae kakai Silia ki Kili,”  
\p he ʻoku pehē ʻe Sihova.   
\p
\v 6 ¶ ʻOku pehē ʻe Sihova;  
\q1 “Koeʻuhi ko e talangataʻa ʻe tolu ʻa Kesa, pea mo hono fā,  
\q2 ʻe ʻikai te u fakaafe \add ʻae tautea \add*mei ai;  
\q2 he naʻa nau ʻave pōpula ʻae kau pōpula kotoa pē,  
\q2 koeʻuhi ke nau tuku ʻakinautolu ki ʻItomi:   
\q1
\v 7 Ka te u fekau ʻae afi ki he ʻā ʻo Kesa,  
\q2 ʻaia te ne kai ʻo ʻosi ʻae ngaahi fale fakaʻeiʻeiki ʻi ai:   
\q1
\v 8 Pea te u motuhi ʻae kakai mei ʻAsitoti,  
\q2 pea mo ia ʻoku maʻu ʻae tokotoko mei ʻAsikeloni,  
\q1 pea te u hiki hoku nima ki ʻEkiloni:  
\q2 pea ko e toenga ʻoe kau Filisitia ʻe ʻauha,”  
\p he ʻoku pehē ʻe Sihova.   
\p
\v 9 ¶ ʻOku pehē ʻe Sihova;  
\q1 “Koeʻuhi ko e talangataʻa ʻe tolu ʻa Taia, pea mo hono fā,  
\q2 ʻe ʻikai te u fakaafe \add hono tautea \add*ʻo ia;  
\q2 he naʻa nau tuku ʻae kau pōpula kotoa pē ki ʻItomi,  
\q2 pea naʻe ʻikai te nau manatuʻi ʻae fuakava fakakāinga:   
\q1
\v 10 Ka te u fekau ʻae afi ki he ʻā ʻo Taia,  
\q2 ʻaia te ne kai ʻo ʻosi ʻae ngaahi fale fakaʻeiʻeiki ʻi ai.”   
\p
\v 11 ¶ ʻOku pehē ʻe Sihova;  
\q1 “Koeʻuhi ko e talangataʻa ʻe tolu ʻa ʻItomi, pea mo hono fā,  
\q2 ʻe ʻikai te u fakaafe \add hono tautea \add*ʻo ia;  
\q2 he naʻa ne tuli hono tokoua ʻaki ʻae heletā,  
\q2 pea naʻe liʻaki ʻae manavaʻofa,  
\q2 pea naʻe haeʻi ʻe ia ʻi heʻene ʻita maʻuaipē,  
\q2 pea naʻa ne fakatolonga ʻene lili ʻo taʻengata:   
\q1
\v 12 Ka te u fekau ʻae afi ki Timani,  
\q2 ʻaia ʻe kai ʻo ʻosi ʻae ngaahi fale fakaʻeiʻeiki ʻo Posila.”   
\p
\v 13 ¶ ʻOku pehē ʻe Sihova;  
\q1 “Koeʻuhi ko e talangataʻa ʻe tolu ʻae fānau ʻa ʻAmoni, pea mo hono fā,  
\q2 ʻe ʻikai te u fakaafe \add honau tautea\add*;  
\q2 he naʻa nau haeʻi ʻae kau fefine feitama ʻi Kiliati,  
\q2 koeʻuhi ke nau totolo mai honau mata fonua:   
\q1
\v 14 Ka te u tutu ʻae afi ʻi he ʻā ʻo Lapa,  
\q2 pea te ne kai ʻae ngaahi fale fakaʻeiʻeiki ʻo ia,  
\q2 ʻi he kaila ʻi he ʻaho ʻoe tau,  
\q2 mo e afā ʻi he ʻaho ʻoe ʻahiohio:   
\q1
\v 15 Pea ʻe ʻalu honau tuʻi ki he pōpula,  
\q2 ʻaia mo hono ngaahi houʻeiki fakataha,”  
\p ʻoku pehē ʻe Sihova.   
\c 2  
\cd \it 1 Ko e houhau ʻae ʻOtua ki Moape; 4 Mo Siuta, 6 Pea mo ʻIsileli. 9 ʻOku lāunga ʻae ʻOtua ʻi heʻenau taʻefaʻafakafetaʻi.\it*  
\p
\v 1 ‌ʻOku pehē ʻe Sihova,  
\q1 “Koeʻuhi ko e talangataʻa ʻe tolu ʻa Moape, mo hono fā,  
\q2 ʻe ʻikai te u fakaafe \add hono tautea ʻo ia\add*;  
\q2 he naʻa ne taʻo ʻae ngaahi hui ʻae tuʻi ʻo ʻItomi ke lahe:   
\q1
\v 2 Ka te u fekau ʻae afi ki Moape,  
\q2 pea te ne kai ʻo ʻosi ʻae ngaahi fale fakaʻeiʻeiki ʻo Kiliote:  
\q2 pea ʻe mate ʻa Moape ʻi he maveuveu, mo e kaila, pea mo e ongo ʻoe meʻalea:   
\q1
\v 3 Pea te u motuhi ʻae fakamaau mei honau haʻohaʻonga,  
\q2 pea tāmateʻi ʻae houʻeiki kotoa pē mo ia:”  
\p ʻoku pehē ʻe Sihova.”   
\p
\v 4 ¶ ʻOku pehē ʻe Sihova;  
\q1 “Koeʻuhi ko e talangataʻa ʻe tolu ʻa Siuta, pea mo hono fā,  
\q2 ʻe ʻikai te u fakaafe hono \add tautea ʻo ia\add*;  
\q2 he kuo nau vaʻinga ʻaki ʻae fono ʻa Sihova,  
\q2 pea naʻe ʻikai te nau tauhi ʻene ngaahi fekau,  
\q2 pea naʻa nau hē ko e meʻa ʻi heʻenau loi,  
\q2 ʻaia naʻe muimui ki ai ʻenau ngaahi tamai:   
\q1
\v 5 Ka te u fekau ʻae afi ki Siuta,  
\q2 pea te ne kai ʻo ʻosi ʻae ngaahi fale fakaʻeiʻeiki ʻo Selūsalema.”   
\p
\v 6 ¶ ʻOku pehē ʻe Sihova;  
\q1 “Koeʻuhi ko e talangataʻa ʻe tolu ʻa ʻIsileli, pea mo hono fā,  
\q2 ʻe ʻikai te u fakaafe \add hono tautea ʻo ia\add*;  
\q2 he kuo nau fakatau ʻae kakai māʻoniʻoni ki he siliva,  
\q2 pea mo e kakai masiva ʻaki ha topuvaʻe;   
\q2
\v 7 ‌ʻAia ʻoku feinga ke ʻai ʻae efu ʻoe kelekele ʻi he ʻulu ʻoe kakai masiva,  
\q2 pea ʻoku fakahēʻi ʻae hala ʻoe angamalū:  
\q2 pea ko e tangata mo ʻene tamai ʻoku na mohe ki he fefine pe taha,  
\q2 ke fakaongokovi hoku huafa tāpuhā:   
\q2
\v 8 Pea ʻoku nau tokoto ʻi he ngaahi kofu ʻoku tuku ko e fakamoʻoni ki he totongi ʻi he veʻe feilaulauʻanga kotoa pē,  
\q2 pea ʻoku nau inu ʻae uaine ʻoe halaia ʻi he fale ʻo ʻenau tamapua.   
\q1
\v 9 Ka naʻaku fakaʻauha ʻae kakai ʻAmoli ʻi honau ʻao,  
\q2 ʻaia naʻe māʻolunga hangē ko e sita,  
\q2 pea naʻe mālohi hangē ko e oke;  
\q2 ka naʻaku fakaʻauha hono fua mei ʻolunga,  
\q2 pea mo hono aka ʻi lalo.   
\q1
\v 10 Pea naʻaku ʻomi foki ʻakimoutolu mei he fonua ko ʻIsipite,  
\q2 pea naʻaku tataki ʻakimoutolu ʻi he toafa ʻi he taʻu ʻe fāngofulu,  
\q2 ke maʻu ʻae fonua ʻoe kakai ʻAmoli.   
\q1
\v 11 Pea naʻaku tuʻutuʻuni mei ho ngaahi foha ʻae kau palōfita,  
\q2 pea mei hoʻo kau talavou ʻae kakai naʻe fakamavahe.  
\q1 ʻIkai ʻoku pehē pe,  
\q2 ʻe fānau ʻa ʻIsileli?” ʻoku pehē ʻe Sihova.   
\q1
\v 12 “Ka naʻa mou ʻatu ʻae uaine ke inu ʻe he kau Fakamavahe;  
\q2 pea ne mou fekau ʻae kau palōfita, ʻo pehē, ‘ʻOua naʻa kikite.’   
\q1
\v 13 Vakai, ʻoku ou taʻomia ʻiate kimoutolu,  
\q2 hangē ko e saliote ʻi he ngaahi ʻū koane.   
\q1
\v 14 Ko ia ʻe mole ʻae faʻa lele mei he veʻe vave,  
\q2 pea ko e mālohi ʻe ʻikai te ne fakamālohiʻi ʻe ia ia;  
\q2 pea ʻe ʻikai fakahaofi ʻae mālohi ʻe ia ia:   
\q2
\v 15 Pea ʻe ʻikai tuʻu ia ʻoku ne teke ʻae kaufana;  
\q2 pea ʻe ʻikai fakahaofi ʻae veʻe vave ʻe ia ia:  
\q2 pea ko ia ʻoku heka hoosi ʻe ʻikai fakahaofi ʻe ia ia.   
\q1
\v 16 Pea ko ia ʻoku lototoʻa ʻi he kau mālohi te ne hola telefua ʻi he ʻaho ko ia,”  
\p ʻoku pehē ʻe Sihova.   
\c 3  
\cd \it 1 Hono ʻaonga ʻoe fakamaau ʻae ʻOtua ki ʻIsileli. 9 Ko hono fakahā ʻo ia, mo hono tupuʻanga.\it*  
\p
\v 1 Fanongo ki he folofola ni ʻa Sihova ʻaia kuo ne folofolaʻaki kiate kimoutolu, ʻe fānau ʻa ʻIsileli, ki he kau nofoʻanga kotoa pē naʻaku ʻomi mei he fonua ko ʻIsipite, ʻo pehē,   
\q1
\v 2 “Ko kimoutolu pe kuo u ʻilo ʻi he ngaahi faʻahinga kotoa pē ʻo māmani:  
\q2 ko ia te u tautea ʻakimoutolu koeʻuhi ko hoʻomou angahia kotoa pē.”   
\q1
\v 3 ‌ʻE faʻa ʻaʻeva ha toko ua,  
\q2 ka ʻoku ʻikai te na feʻofoʻofani pe?   
\q1
\v 4 ‌ʻE ngungulu ha laione ʻi he vao ʻakau,  
\q2 ʻoka ʻikai ha meʻakai?  
\q1 ʻE tangi ha laione mui ʻi hono ʻana,  
\q2 ʻi he ʻikai te ne moʻua ha meʻa?   
\q1
\v 5 ‌ʻE moʻua ha manupuna ʻi he fonua  
\q2 ʻoka ʻikai tauheleʻi?  
\q1 ʻE toʻo ʻae tauhele mei he fonua,  
\q2 ʻoku teʻeki ke tō ki ai ha meʻa siʻi ʻe taha?   
\q1
\v 6 ‌ʻE ifi ʻae meʻalea ʻi he kolo,  
\q2 ka ʻe ʻikai manavahē ʻae kakai?  
\q1 ʻE hoko ha kovi ki he kolo,  
\q2 ka kuo ʻikai fai ia ʻe Sihova?   
\q1
\v 7 Ko e moʻoni ʻe ʻikai fai ha meʻa ʻe Sihova ko e ʻOtua,  
\q2 kae taʻefakahā ia ki heʻene kau tamaioʻeiki ko e kau palōfita.   
\q1
\v 8 Kuo ngungulu ʻae laione,  
\q2 ko hai ʻe ʻikai manavahē?  
\q1 Kuo folofola ʻa Sihova ko e ʻOtua,  
\q2 ko hai ʻe ʻikai kikite?   
\q1
\v 9 Fanongonongo ʻi he ngaahi fale fakaʻeiʻeiki ʻo ʻAsitoti,  
\q2 pea ʻi he ngaahi fale fakaʻeiʻeiki ʻo ʻIsipite,  
\q1 ʻo pehē, “Fakataha ʻakimoutolu ki he ngaahi moʻunga ʻo Samēlia,  
\q2 pea vakai ʻae ngaahi maveuveu lahi ʻi ai,  
\q2 pea mo e fakamālohia ʻi he lotolotonga ʻo ia.”   
\q1
\v 10 ‌ʻOku pehē ʻe Sihova, “ʻOku ʻikai te nau ʻilo ke fai totonu,  
\q2 ʻoku fokotuʻu ʻae fakamālohi mo e kaihaʻa ʻi honau fale fakaʻeiʻeiki.”   
\p
\v 11 Ko ia ʻoku pehē ʻe Sihova ko e ʻOtua,  
\q1 “ʻE ai ha fili te ne takatakai ʻae fonua;  
\q2 pea te ne holoki hoʻo mālohi meiate koe,  
\q2 pea ʻe maumauʻi ho ngaahi fale fakaʻeiʻeiki.”   
\p
\v 12 ‌ʻOku pehē ʻe Sihova,  
\q1 “Hangē ʻoku toʻo ʻe he tangata tauhimanu ʻae alanga ʻe ua,  
\q2 pe ko e konga ʻoe telinga mei he ngutu ʻoe laione;  
\q2 ʻe pehē ʻae toʻo ʻae fānau ʻa ʻIsileli, ʻoku nofo ʻi he tuliki ʻoe moheʻanga ʻi Samēlia,  
\q2 pea ʻi he tokotoʻanga ʻi Tamasikusi.”   
\q1
\v 13 “Mou fanongo, pea fakahā ʻi he fale ʻo Sēkope,” ʻoku pehē ʻe Sihova ko e ʻOtua, ko e ʻOtua ʻoe ngaahi kautau.   
\q1
\v 14 “Koeʻuhi ʻi he ʻaho ko ia, te u ʻaʻahi ki he ngaahi talangataʻa ʻa ʻIsileli ʻiate ia,  
\q2 te u ʻaʻahi foki ki he ngaahi feilaulauʻanga ʻo Peteli:  
\q2 pea ʻe tutuʻu ʻae ngaahi nifo ʻoe feilaulauʻanga,  
\q2 pea te nau tō ki he kelekele.   
\q1
\v 15 Pea te u taaʻi ʻae fale ʻoe faʻahitaʻu momoko fakataha mo e fale ʻoe faʻahitaʻu mafana;  
\q2 pea mo e ngaahi fale lei ʻe ʻauha,  
\q2 pea ʻe ʻosi ʻae ngaahi fale lahi,”  
\p he ʻoku pehē ʻe Sihova.   
\c 4  
\cd \it 1 ʻOku ne valokiʻi ʻa ʻIsileli koeʻuhi ko e fakamālohi, 4 Mo e tauhi tamapua, 6 Pea mo ʻenau angafefeka.\it*  
\p
\v 1 Fanongo ki he lea, ʻakimoutolu ko e fanga pulu ʻa Pesani, ʻoku ʻi he ngaahi moʻunga ʻo Samēlia, ʻakimoutolu ʻoku fakamālohiʻi ʻae masiva, pea ʻoku taʻomia ai ʻae paea, ʻakimoutolu ʻoku mou pehē ki honau ngaahi ʻeiki, “ʻOmi, ka mau inu.”   
\q1
\v 2 Kuo fuakava ki heʻene māʻoniʻoni ʻe Sihova ko e ʻOtua, ʻo pehē,  
\q2 “Vakai, ʻe hoko ʻae ngaahi ʻaho kiate kimoutolu ʻaia ʻe ʻave kimoutolu ʻaki ʻae ngaahi mātaʻu,  
\q2 pea mo homou hako ʻaki ʻae mātaʻu ika.   
\q1
\v 3 Pea te mou ʻalu kituʻa ʻi he ngaahi ava,  
\q2 ʻae fanga pulu kotoa pē ki he meʻa ʻoku ʻi hono ʻao,  
\q2 pea te mou lī ʻakinautolu ki he fale fakaʻeiʻeiki,” ʻoku pehē ʻe Sihova.   
\q1
\v 4 “Haʻu ki Peteli, pea fai hala;  
\q2 ki Kilikali, pea fakalahi ʻae talangataʻa;  
\q1 pea ʻomi hoʻomou ngaahi feilaulau ʻi he pongipongi kotoa pē,  
\q2 mo hoʻomou fatongia lotu hili ʻae taʻu ʻe tolu;   
\q1
\v 5 Pea hifo ʻaki ʻae feilaulau fakafetaʻi mo e meʻa fakatapu,  
\q2 pea malangaʻaki mo fakahā ʻae ngaahi hifo mataʻataʻatā:  
\q2 he ʻoku mou manako ai, ʻe fānau ʻa ʻIsileli,” ʻoku pehē ʻe Sihova ko e ʻOtua.   
\q1
\v 6 “Pea naʻaku tuku ʻae nifo maʻa kiate kimoutolu ʻi homou ngaahi kolo kotoa pē,  
\q2 pea mo e masiva mā ʻi homou ngaahi potu kotoa pē:  
\q2 ka naʻe ʻikai te mou tafoki kiate au,” ʻoku pehē ʻe Sihova.   
\q1
\v 7 “Pea naʻaku taʻofi foki ʻae ʻuha meiate kimoutolu,  
\q2 ʻi he kei toe ʻae māhina ʻe tolu ki he ututaʻu:  
\q2 pea naʻaku pehē ke ʻuha ki he kolo ʻe taha,  
\q2 kae ʻikai ke ʻuha ki he kolo ʻe taha:  
\q1 naʻe ʻuha ki he potu ʻe taha,  
\q2 pea ko e potu naʻe ʻikai ke ʻuha ki ai ne mae ia.   
\q1
\v 8 Pea naʻe fononga ʻae kolo ʻe ua pe tolu ki he kolo ʻe taha, ke inu vai;  
\q2 ka naʻe ʻikai te nau fiu:  
\q2 ka naʻe ʻikai te mou tafoki kiate au,” ʻoku pehē ʻe Sihova.   
\q1
\v 9 “Kuo taaʻi ʻakimoutolu ʻaki ʻae mae mo e mahunu: ʻi he tupu ʻa hoʻomou ngoue, mo e ngoue vaine,  
\q2 mo e ʻakau ko e fiki mo e ʻolive, naʻe kai ia ʻe he ʻunufe maumau:  
\q2 ka naʻe ʻikai te mou tafoki kiate au,” ʻoku pehē ʻe Sihova.   
\q1
\v 10 “Kuo fekau kiate kimoutolu ʻae mahaki lahi ʻo hangē ko ʻIsipite:  
\q2 kuo tāmateʻi hoʻomou kau talavou ʻaki ʻae heletā,  
\q2 pea kuo ʻave hoʻomou fanga hoosi:  
\q2 pea kuo u ngaohi ke hoko ʻae namukū ʻoe nofoʻanga ʻo homou kau tau ki homou avaʻi ihu:  
\q2 ka naʻe ʻikai te mou tafoki kiate au,” ʻoku pehē ʻe Sihova.   
\q1
\v 11 “Kuo u fulihi hoʻomou niʻihi,  
\q2 hangē naʻe fulihi ʻe he ʻOtua ʻa Sotoma mo Komola,  
\q2 pea naʻa mou hangē ko e potupotuʻi afi kuo hamusi mei he vela:  
\q2 ka naʻe ʻikai te mou tafoki kiate au,” ʻoku pehē ʻe Sihova.   
\q1
\v 12 “Ko ia, ʻe pehē pe ʻa ʻeku fai kiate koe, ʻe ʻIsileli:  
\q2 pea koeʻuhi te u fai eni kiate koe,  
\q2 teuteu ke feʻiloaki mo ho ʻOtua, ʻe ʻIsileli.   
\q1
\v 13 Koeʻuhi, vakai, ko ia ia naʻe ngaohi ʻae ngaahi moʻunga,  
\q2 pea ne fakatupu ʻae matangi,  
\q2 pea ʻoku ne fakahā ki he tangata pe ko e hā ʻene mahalo,  
\q2 ʻoku ne ngaohi ʻae pongipongi ko e poʻuli,  
\q2 pea ʻoku ne malaki ʻae ngaahi potu māʻolunga ʻo māmani,  
\q2 Ko Sihova, ko e ʻOtua ʻoe ngaahi kautau ʻa hono huafa.”   
\c 5  
\cd \it 1 Ko e tangilāulau koeʻuhi ko ʻIsileli, 4 Ko e enginaki ki he fakatomala. 21 ʻOku liʻaki ʻe he ʻOtua ʻa ʻenau ngāue fakamālualoi.\it*  
\p
\v 1 Fanongo ki he lea ni, ʻoku ou ʻai kiate kimoutolu, ʻi he tangilāulau, ʻe fale ʻo ʻIsileli.   
\q1
\v 2 “Kuo hinga ʻae taʻahine ʻa ʻIsileli,  
\q2 ʻe ʻikai te ne toetuʻu;  
\q1 kuo liʻaki ia ʻi hono fonua;  
\q2 ʻoku ʻikai ha taha ke toe fokotuʻu ia.”   
\q1
\v 3 He ʻoku pehē ʻe Sihova, ko e ʻOtua;  
\q1 “Ko e kolo naʻe ʻalu ai ʻae toko taha afe, ʻe toe pe ʻae toko teau,  
\q2 pea ko ia naʻe ʻalu ai ʻae toko teau, ʻe toe pe ʻae toko hongofulu, ki he fale ʻo ʻIsileli.   
\p
\v 4 ¶ Pea ʻoku pehē ʻe Sihova ki he fale ʻo ʻIsileli,  
\q2 “Kumi kiate au, pea te mou moʻui:   
\q1
\v 5 Kaeʻoua naʻa kumi ʻa Peteli,  
\q2 pe hū ki Kilikali,  
\q2 pea ʻoua naʻa laka ki Peasipa:  
\q1 koeʻuhi ʻe ʻalu moʻoni ʻa Kilikali ke pōpula,  
\q2 pea ʻe hoko ʻa Peteli ko e meʻa noa pē.   
\q1
\v 6 Kumi kia Sihova, pea te mou moʻui telia naʻa hā mai ia,  
\q2 hangē ko e afi ʻi he fale ʻo Siosefa,  
\q2 pea ne keina ia, kae ʻikai ha taha ʻi Peteli ke fuʻifuʻi ia.   
\q1
\v 7 Ko kimoutolu ʻoku liliu ʻae fakamaau ko e ʻakau kona,  
\q2 pea mou tuku ʻae angatonu ʻi he fonua,   
\q1
\v 8  \add Kumi ia \add*naʻa ne ngaohi ʻae fetuʻu ʻe fitu mo ʻOlioni,  
\q2 pea ʻoku ne liliu ʻae ʻata ʻoe mate ko e pongipongi,  
\q2 pea ne ngaohi ʻae ʻaho ke poʻuli ʻi he pō:  
\q2 pea ʻoku ne ui ʻae ngaahi vai ʻoe tahi,  
\q2 pea ne lilingi ia ki he funga ʻoe fonua: ko Sihova hono huafa:   
\q1
\v 9 ‌ʻOku ne fakamālohi ʻae vetekina ki he mālohi,  
\q2 koeʻuhi ke tauʻi ʻe he vetekina ʻae kolo.   
\q1
\v 10 ‌ʻOku nau fehiʻa kiate ia ʻoku fai ʻae valoki ʻi he matapā,  
\q2 pea ʻoku nau fākaliliʻa kiate ia ʻoku lea ʻi he angatonu.   
\q1
\v 11 Koeʻuhi ko e meʻa ʻi hoʻomou malakiʻi ʻae kakai masiva,  
\q2 pea ʻoku mou toʻo meiate ia ʻae ngaahi kavenga uite:  
\q2 kuo mou langa ʻae ngaahi fale ʻaki ʻae maka kuo tā,  
\q2 ka ʻe ʻikai te mou nofo ai;  
\q1 kuo mou tō ʻae ngaahi ngoue vaine matamatalelei,  
\q2 ka ʻe ʻikai te mou inu uaine mei ai.   
\q1
\v 12 He ʻoku ou ʻilo hoʻomou ngaahi talangataʻa lahi,  
\q2 pea mo hoʻomou fungani angahala:  
\q2 ʻoku nau fakamamahiʻi ʻae angatonu,  
\q2 ʻoku nau maʻu tukungoue,  
\q2 pea ʻoku nau fakateketeke atu ʻae kakai masiva ʻi he matapā.   
\q1
\v 13 Ko ia ʻe longo ai ʻae fakapotopoto ʻi he kuonga ko ia;  
\q2 he ko e kuonga kovi.   
\q1
\v 14 Kumi ʻae lelei, kae ʻikai ko e kovi,  
\q2 koeʻuhi ke mou moʻui:  
\q2 ko ia, ko Sihova ko e ʻOtua ʻoe ngaahi tokolahi, te ne ʻiate kimoutolu,  
\q2 ʻo hangē ko hoʻomou lea.   
\q1
\v 15 Fehiʻa ki he kovi, pea ʻofa ki he lelei,  
\q2 pea fokotuʻumaʻu ʻae fakamaau ʻi he matapā;  
\q2 heiʻilo pe ʻe ʻaloʻofa ʻa Sihova, ko e ʻOtua ʻoe ngaahi kautau, ki he toenga ʻo Siosefa.”   
\p
\v 16 Ko ia ko Sihova ko e ʻOtua ʻoe ngaahi kautau, ko e ʻEiki, ʻoku pehē,  
\q1 “ʻE ʻi ai ʻae tangi ʻi he ngaahi hala kotoa pē;  
\q2 pea te nau pehē ʻi he ngaahi hala motuʻa kotoa pē, ‘ʻOiauē! ʻOiauē!’  
\q2 Pea te nau ui ʻae tangata ngoue ki he tangi,  
\q2 pea mo kinautolu ʻoku poto ʻi he tangilāulau ke fai ʻae tangi.   
\q1
\v 17 Pea ʻe ʻi ai ʻae tangi ʻi he ngoue vaine kotoa pē:  
\q2 he te u laka mai ʻiate koe,” ʻoku pehē ʻe Sihova.   
\q1
\v 18 “Malaʻia kiate kimoutolu ʻoku holi ki he ʻaho ʻo Sihova!  
\q2 He koeʻumaʻā ia kiate kimoutolu?  
\q1 Ko e ʻaho ʻo Sihova kuo poʻuli,  
\q2 kae ʻikai maama.   
\q1
\v 19 Hangē ko e tangata ʻoku hola mei he laione,  
\q2 pea ʻoku ne fakafetaulaki mo ha pea;  
\q1 pe ko ha taha ne hū ki fale, pea ne faʻaki hono nima ki he holisi,  
\q2 ka naʻe ʻuusi ia ʻe ha ngata.   
\q1
\v 20 ‌ʻIkai ʻe poʻuli ʻae ʻaho ʻo Sihova, pea ʻikai maama?  
\q2 ʻIo, ko e poʻuli ʻaupito, ka ʻe ʻikai ʻi ai ha maama siʻi ke ulo?   
\q1
\v 21 “ʻOku ou fehiʻa, ʻoku ou fakaliliʻa ki homou ngaahi ʻaho kātoanga,  
\q2 pea ʻe ʻikai te u nanamu ki hoʻomou ngaahi fakataha mamafa.   
\q1
\v 22 Neongo ʻoku mou hifo ʻaki ʻae ngaahi feilaulau tutu mo e ngaahi feilaulau meʻakai,  
\q2 ʻe ʻikai te u maʻu ia:  
\q2 pea ʻe ʻikai te u tokangaʻi ʻae ngaahi feilaulau fakalelei ʻo hoʻomou fanga manu sino.   
\q1
\v 23 Hiki ke mamaʻo ʻiate au ʻae longoaʻa ʻo hoʻomou hiva;  
\q2 he ʻe ʻikai te u fanongo ki he mālie ʻo hoʻomou ngaahi meʻa faiva.   
\q1
\v 24 Ka ʻe tuku ʻae fakamaau ke tafe hangē ko e vai,  
\q2 pea mo e angatonu hangē ko e vaitafe mālohi.   
\p
\v 25 “Kuo mou hifo ʻaki ʻae ngaahi feilaulau mo e ngaahi hifo kiate au, ʻi he taʻu ʻe fāngofulu ʻi he toafa, ʻe fale ʻo ʻIsileli?  
\v 26 Ka kuo mou fua ʻae fale fehikitaki ʻo homou Moloke mo Kiuni, ko hoʻomou ongo tamapua, ko e fetuʻu ʻo homou ʻotua, ʻaia naʻa mou ngaohi moʻomoutolu.  
\v 27 Ko ia te u pule ke mou ʻalu pōpula kituʻa Tamasikusi:” ʻoku pehē ʻa Sihova, ʻaia ko hono huafa, ko e ʻOtua ʻoe ngaahi kautau.   
\c 6  
\cd \it 1 Ko e angafakalusa ʻa ʻIsileli. 7 ʻE tautea ʻaki ʻae fakalala. 12 Ko ʻenau angafefeka.\it*  
\p
\v 1 Malaʻia kiate kinautolu ʻoku fakafiemālie kovi ʻi Saione,  
\q2 pea ʻoku falala ki he moʻunga ʻo Samēlia,  
\q2 ʻoku ui ko e tuʻu ki muʻa ʻi he ngaahi puleʻanga,  
\q2 ʻaia naʻe haʻu ki ai ʻae fale ʻo ʻIsileli!   
\q1
\v 2 Laka koe ki Kaline, pea vakai:  
\q2 pea ʻalu mei ai ki Hamati lahi:  
\q2 pea toki ʻalu hifo ki Kati ʻoe kakai Filisitia:  
\q1 ʻoku nau lelei lahi koā ʻi he ngaahi puleʻanga ni?  
\q2 Pe ʻoku lahi hake honau mata fonua, ʻi homou mata fonua?   
\q1
\v 3 Ko kimoutolu ʻoku tuku mamaʻo atu ʻae ʻaho kovi,  
\q2 pea ʻoku pule ke ʻunuʻunu mai ʻae nofoʻa ʻoe fakamālohi;   
\q1
\v 4 Pea ʻoku tokoto ʻi he ngaahi mohenga lei,  
\q2 pea ʻoku fakatokoto ʻekinautolu ʻi he ngaahi tokotoʻanga,  
\q2 pea ʻoku kai ʻae fanga lami mei he fanga manu,  
\q2 pea mo e ʻuhiki pulu mei he fale manu;   
\q2
\v 5 Pea ʻoku hivehiva ki he leʻo ʻoe meʻa faiva,  
\q2 pea ʻoku filioʻi ke ngaohi maʻanautolu ʻae ngaahi meʻa faiva ke hiva ʻaki, hangē ko Tevita;   
\q2
\v 6 Pea ʻoku inu uaine mei he ngaahi ipu,  
\q2 pea ʻoku tākai ʻakinautolu ʻaki ʻae lolo mahuʻinga:  
\q2 ka ʻoku ʻikai te nau mamahi ʻi he tuʻutāmaki ʻa Siosefa.   
\q1
\v 7 Ko ia te nau ʻalu ke pōpula mo e kakai ʻoku tomuʻa ʻalu ki he pōpula,  
\q2 pea ko e kātoanga kai ʻanautolu naʻe fakatokoto ʻe fetuku.   
\q1
\v 8 “Kuo fuakava ʻa Sihova ʻi heʻene ʻafio,” ʻoku pehē ʻe Sihova, ko e ʻOtua ʻoe ngaahi kautau,  
\q2 “ʻoku ou fehiʻa ki he lelei ʻo Sēkope,  
\q2 pea fākaliliʻa ki hono ngaahi fale fakaʻeiki;  
\q2 ko ia te u tukuange ʻae kolo mo ia kotoa pē ʻoku ʻi ai.   
\q1
\v 9 Pea ʻe pehē, ka ai ha kau tangata ʻe toko hongofulu kuo tuku ʻi he fale ʻe taha,  
\q2 te nau mate.   
\p
\v 10 “ʻE toʻo ʻae tangata ʻe heʻene tuʻasina, pea mo ia ne tutu ia, ke ʻomi ʻae ngaahi hui mei he fale, pea te ne pehē kiate ia ʻoku ʻi he veʻe fale, ‘ʻOku ai ha taha mo koe?’ Pea te ne pehē, ‘ʻIkai.’ Pea te ne toki pehē, ‘ʻOua te ke lea: he ʻoku tapu ke takua ʻae huafa ʻo Sihova.’   
\b  
\q1
\v 11 “Koeʻuhi, vakai, ʻoku fekau ʻe Sihova, pea te ne taaʻi ʻae fale lahi ke avaava,  
\q2 pea mo e fale siʻi ke mafahifahi.   
\q1
\v 12 ‌ʻE lele koā ʻae fanga hoosi ʻi he funga maka?  
\q2 ʻE ai ha taha te ne toho huo ai ʻaki ʻae fanga pulu?  
\q1 He kuo mou liliu ʻae fakamaau ko e ʻahu,  
\q2 pea ko e fua ʻoe angatonu ko e hemiloki:   
\q1
\v 13 ‌ʻAkimoutolu ʻoku fiefia ʻi he meʻa noa pe, pea lea pehē,  
\q2 ‘ʻIkai kuo tau maʻu ʻae nifo, ʻi hotau mālohi pe?’”   
\q1
\v 14 Ka ʻoku pehē ʻe Sihova, ko e ʻOtua ʻoe ngaahi kautau,  
\q2 “Vakai; te u fokotuʻu kiate kimoutolu ha puleʻanga, ʻe fale ʻo ʻIsileli;  
\q2 pea te nau fakamamahi ʻakimoutolu mei he hūʻanga ki Hamati ʻo aʻu ki he vaitafe ʻoe toafa.”   
\c 7  
\cd \it 1 Ko e tautea ʻae fanga heʻe, 4 Pea mo e afi, ʻoku fakaafe ʻi he lotu ʻa ʻAmosi. 7 ʻI he ʻā naʻe ngaohi ki he afo fuofua ʻoku hā ai hono liʻaki ʻo ʻIsileli. 10 ʻOku lāunga ʻa ʻAmasia kia ʻAmosi. 14 ʻOku fakahā ʻe ʻAmosi hono uiuiʻi. 16 Pea mo e fakamaau ʻo ʻAmasia.\it*  
\p
\v 1 ‌ʻOku pehē hono fakahā mai kiate au ʻe he ʻEiki ko e ʻOtua; pea vakai, naʻa ne ngaohi ʻae ngaahi heʻe ʻi he kamataʻanga ʻoe tupu hake ʻae taʻu tokamui; pea vakai, ko e tokamui ia hili ʻae tuʻusi maʻa e tuʻi.  
\v 2 Pea naʻe hoko, hili ʻenau kai ʻo ʻosi ʻae mohuku ʻoe fonua, pea ne u pehē, “ʻE Sihova ko e ʻOtua, ʻoku ou kole kiate koe, ke ke fakamolemole: ʻe toetuʻu ʻa Sēkope ia hai? He ʻoku siʻi ia.”   
\p
\v 3 Naʻe fakatomala ʻa Sihova ʻi he meʻa ni: ʻoku pehē ʻe Sihova, “ʻE ʻikai hoko ia.”   
\p
\v 4 ‌ʻOku pehē hono fakahā mai kiate au ʻe he ʻEiki ko e ʻOtua; pea vakai, naʻe ui ʻe he ʻEiki ko e ʻOtua ke tau ʻaki ʻae afi, pea naʻa ne kai ʻae moana lahi, pea ne folo ʻae vahe ʻe taha?  
\v 5 Pea naʻaku toki pehē, ʻE Sihova ko e ʻOtua, “ʻOku ou kole kiate koe ke tuku ʻā: ʻe toetuʻu ʻa Sēkope ʻia hai? He ʻoku siʻi ia.”  
\v 6 Naʻe fakatomala ʻa Sihova ʻi he meʻa ni: ʻoku pehē ʻe he ʻEiki ko e ʻOtua, “ʻE ʻikai hoko eni foki.”   
\p
\v 7 ¶ Naʻe pehē ʻene fakahā mai ia kiate au: pea vakai, naʻe tuʻu ʻae ʻEiki ʻi he fukahi ʻā naʻe ngaohi ki he afo fuofua, pea naʻe ʻai ʻae afo fuofua ʻi hono nima.  
\v 8 Pea naʻe pehē ʻe Sihova kiate au, “ʻAmosi, ko e hā ʻoku ke mamata ai?” Pea naʻaku pehē, “Ko e afo fuofua.” Pea ne pehē ʻe he ʻEiki, “Vakai, te u ʻai ʻae afo fuofua ki he lotolotonga ʻo hoku kakai ko ʻIsileli: ʻikai te u toe laka ʻiate kinautolu:  
\v 9 Pea ʻe lala ʻae ngaahi potu māʻolunga ʻo ʻAisake, pea ʻe ngaongao ʻae ngaahi falelotu ʻo ʻIsileli; pea te u tuʻu hake mo e heletā ki he fale ʻo Selopoami.”   
\p
\v 10 ¶ Pea ne toki fekau ʻe ʻAmasia ko e taulaʻeiki ʻi Peteli, kia Selopoami ko e tuʻi ʻo ʻIsileli, ʻo pehē, “Kuo angatuʻu ʻa ʻAmosi kiate koe ʻi he lotolotonga ʻoe fale ʻo ʻIsileli: ʻe ʻikai faʻa kātaki ʻe he fonua ʻa ʻene ngaahi lea kotoa pē.  
\v 11 Koeʻuhi ʻoku pehē ʻe ʻAmosi, ‘ʻE mate ʻa Selopoami ʻi he heletā, pea ko e moʻoni ʻe taki pōpula ʻa ʻIsileli mei honau fonua ʻonautolu.’”  
\v 12 Pea ne pehē foki ʻe ʻAmasia kia ʻAmosi, “ʻA koe ʻoku mamata meʻa, ʻalu, puna atu ki he fonua ʻo Siuta, pea kai ai ʻae mā, mo kikite ai:  
\v 13 Kae ʻoua naʻa toe kikite ʻi Peteli he ko e falelotu ia ʻoe tuʻi, pea ko e nofoʻanga ʻoe tuʻi.”   
\p
\v 14 ¶ Pea naʻe tali ʻe ʻAmosi, ʻo ne pehē kia ʻAmasia, “Naʻe ʻikai ko e palōfita au, pe ko e foha ʻo ha palōfita; ko e tangata tauhimanu au, pea ko e tānaki \add au \add*ʻoe fua ʻoe sukamino:  
\v 15 Pea naʻe ʻave au ʻe Sihova ʻi heʻeku muimui ki he fanga manu, pea naʻe pehē ʻe Sihova kiate au, ‘ʻAlu, ʻo kikite ki hoku kakai ko ʻIsileli.’   
\p
\v 16 ¶ Pea ko eni, fanongo koe ki he folofola ʻa Sihova: ʻoku ke pehē, ‘ʻOua naʻa kikite ki ʻIsileli, pea ʻoua naʻa tō \add hoʻo lea \add*ki he fale ʻo ʻAisake.’  
\v 17 Ko ia ʻoku pehē ʻe Sihova; ‘ʻE hoko ho uaifi ko e fefine feʻauaki ʻi he kolo, pea ko ho ngaahi foha mo ho ngaahi ʻofefine, ʻe tō ʻi he heletā, pea ʻe vahevahe ho fonua ʻaki ʻae afo; pea te ke mate ʻi ha fonua pani ʻuli: pea ʻe ʻalu moʻoni ʻa ʻIsileli mei hono fonua ki he pōpula.’”   
\c 8  
\cd \it 1 ʻI he kato fuaʻi ʻakau ʻoe faʻahitaʻu mafana ʻoku fakahā ʻoku ofi ʻae ngataʻanga ʻo ʻIsileli. 4 ʻOku valokiʻi ʻae fakamālohi. 11 ʻOku fakaʻilo ʻae honge folofola.\it*  
\p
\v 1 ‌ʻOku pehē hono fakahā mai kiate au ʻe he ʻEiki ko e ʻOtua: pea vakai, ko e kato fuaʻi ʻakau ʻoe faʻahitaʻu mafana.   
\p
\v 2 Pea naʻa ne pehē, “ʻAmosi, Ko e hā ʻoku ke mamata ai?”  
\p Pea u pehē, “Ko e kato fuaʻi ʻakau ʻoe faʻahitaʻu mafana.”  
\p Pea naʻe pehē ʻe Sihova kiate au,  
\q1 “Kuo hoko hono ngataʻanga ki hoku kakai ko ʻIsileli;  
\q2 ʻe ʻikai te u toe laka ʻiate kinautolu.”   
\q1
\v 3 ‌ʻOku pehē ʻe Sihova ko e ʻOtua, “ʻE hoko ʻae ngaahi hiva ʻoe fale tapu, ko e tangi fakalōloa ʻi he ʻaho ko ia:  
\q2 ʻe lahi ʻae ʻangaʻanga ʻi he potu kotoa pē; ʻe lī ʻakinautolu kituʻa ʻi he fakalongo pē.   
\q1
\v 4 Fanongo eni, ʻakimoutolu ʻoku folo hifo ʻae paea,  
\q2 ʻio, ke fakaʻosi ʻae kakai masiva mei he fonua,   
\q2
\v 5 ‌ʻO pehē, ‘ʻE ʻosi ʻafē ʻae māhina foʻou, ka tau fakatau koane?  
\q2 Pea mo e ʻaho tapu, ka tau vakili ʻae uite,  
\q2 ʻo fakasiʻisiʻi ʻae efa, pea fakalahi ʻae sikeli,  
\q2 pea fakakehe ʻae meʻa fua tautau ʻi he kākā?   
\q1
\v 6 Pea ke tau fakatau ʻae kakai masiva ʻaki ʻae siliva,  
\q2 pea mo e paea ʻaki ha topuvaʻe:  
\q2 pea ke fakatau ʻae uite kovi?’”   
\q1
\v 7 Kuo fuakava ʻaki ʻe Sihova ʻae lelei ʻo Sēkope,  
\q2 “Ko e moʻoni ʻe ʻikai ngalo ʻiate au ʻenau ngaahi ngāue ʻo lauikuonga.   
\q1
\v 8 ‌ʻIkai ʻe tetetete ʻae fonua koeʻuhi ko eni,  
\q2 pea taki taha tangi ʻaia ʻoku nofo ʻi ai?  
\q1 Pea ʻe tupu kātoa ia ʻo hangē ko e lōmaki;  
\q2 pea ʻe lī ia kituʻa ʻo melemo, hangē ko e malofa ʻi ʻIsipite.   
\q1
\v 9 ‌ʻOku pehē ʻe Sihova ko e ʻOtua, “ʻe hoko ʻi he ʻaho ko ia,  
\q2 te u pule ke tō ʻae laʻā ʻi he hoʻatāmālie,  
\q2 pea te u fakapoʻuliʻi ʻa māmani ʻi he kei ʻaho ʻaupito:   
\q1
\v 10 Pea te u liliu hoʻomou ngaahi kātoanga ko e tangi,  
\q2 pea mo hoʻomou hiva kotoa pē ki he tangilāulau;  
\q1 pea te u ʻomi ʻae tauangaʻa ki homou kongaloto kotoa pē,  
\q2 pea ʻe tekefua ʻae ʻulu kotoa pē;  
\q1 pea te u ngaohi ia ke hangē ko e tangi koeʻuhi ko e pele pe taha,  
\q2 pea ko hono ngataʻanga ke hangē ko e ʻaho ʻoe mamahi kona.   
\q1
\v 11 Vakai, ʻoku hoko ʻae ngaahi ʻaho,” ʻoku pehē ʻe Sihova ko e ʻOtua,  
\q2 “ʻAia te u fekau ʻae honge ki he fonua,  
\q2 kae ʻikai ko e honge mā,  
\q2 pe ko e fieinu vai,  
\q2 ka ko e fanongo ki he ngaahi folofola ʻa Sihova:   
\q1
\v 12 Pea te nau ʻāuhē mei he tahi ki he tahi,  
\q2 pea mei he tokelau ki hahake,  
\q2 te nau lele fano pe ke kumi ʻae folofola ʻa Sihova,  
\q2 ka ʻe ʻikai te nau ʻilo ia.   
\q1
\v 13 ‌ʻI he ʻaho ko ia ʻe pongia ʻae kau taʻahine hoihoifua,  
\q2 mo e kau talavou ʻi he fieinu.   
\q1
\v 14 Ko kinautolu ʻoku fuakava ki he angahala ʻa Samēlia,  
\q2 pea lea pehē, ‘ʻOku moʻui ho ʻotua, ʻe Tani;’  
\q2 pea ‘Ko e anga ʻo Peasipa ʻoku moʻui;’  
\q2 te nau tō, pea ʻe ʻikai te nau toetuʻu ʻo lauikuonga.”   
\c 9  
\cd \it 1 Ko hono moʻoni ʻoe fakalala. 11 Ko e fakafoʻou ʻoe fale fehikitaki ʻo Tevita.\it*  
\p
\v 1 Naʻa ku mamata kia Sihova naʻe ʻafio mei he feilaulauʻanga: pea naʻa ne pehē, “Taaʻi ʻae ʻakau fakalava ʻoe matapā, kae lulululu hono pou; pea taaʻi ʻakinautolu kotoa pē ʻi honau ʻulu; pea te u tāmateʻi ʻae tomui ʻokinautolu ʻaki ʻae heletā: ko ia ʻoku hola ʻe ʻikai te ne hao, pea ko ia ʻoku hao ʻe ʻikai fakamoʻui ia.  
\v 2 Neongo ʻoku nau keli hifo ki heli, ʻe maʻu ʻakinautolu mei ai ʻe hoku nima; neongo ʻoku nau kaka hake ki he langi, te u ʻomi ʻakinautolu ki lalo:  
\v 3 Neongo ʻoku nau fufū ʻakinautolu ʻi he funga ʻo Kameli, te u kumi pea ʻave ʻakinautolu mei ai; pea neongo ʻoku nau fufū mei hoku ʻao ʻi he kilisi tahi, te u fekau mei ai ʻae ngata, pea te ne ʻuusi ʻakinautolu:  
\v 4 Pea neongo ʻoku nau ʻalu pōpula ʻi he ʻao ʻo honau ngaahi fili, te u fekau mei ai ʻae heletā, pea te ne tāmateʻi ʻakinautolu: pea te u hanga hoku fofonga kiate kinautolu ke kovi, pea ʻikai ke lelei.”  
\v 5 Pea ko e ʻEiki, ko e ʻOtua ʻoe ngaahi kautau, ko ia ia ʻoku ala ki he fonua, pea ʻe vai ia, pea ko kinautolu ʻoku nofo ai te nau tangi; pea ʻe tupu ia hangē ha lōmaki: pea ʻe melemo hifo, hangē ko e malofa ʻi ʻIsipite.  
\v 6 Ko ia ia ʻoku langa hono ngaahi fale fata ʻi he langi, pea kuo tānaki ʻene kautau ʻi māmani; ʻaia ʻoku ne ui ʻae ngaahi vai ʻoe tahi, pea ne huaʻi ia ʻi he funga ʻoe fonua: ko Sihova hono huafa.  
\v 7 ‌ʻOku pehē ʻe Sihova, “ʻIkai ʻoku mou hangē ko e fānau ʻae kakai ʻItiopea kiate au, ʻE fānau ʻa ʻIsileli? ʻIkai naʻaku ʻomi ʻa ʻIsileli mei he fonua ko ʻIsipite? Pea mo e Filisitia mei Kafitoli, pea mo e kau Silia mei Kili?  
\v 8 Vakai, ko e fofonga ʻoe ʻEiki ko e ʻOtua, ʻoku ʻi he puleʻanga angahala, pea te u fakaʻauha ia mei he funga fonua; ka ʻe ʻikai ʻauha ʻaupito ʻae fale ʻo Sēkope, ʻoku pehē ʻe Sihova.  
\v 9 Koeʻuhi, vakai, te u fakatanga ʻae fale ʻo ʻIsileli ʻi he ngaahi puleʻanga, hangē ʻoku fakatanga ʻae koane ʻi he meʻa fakatanga, ka ʻe ʻikai tō ha foʻi tenga ki he kelekele.  
\v 10 ‌ʻE mate ʻi he heletā ʻae kau angahala kotoa pē ʻa hoku kakai, ʻoku lea pehē, ‘ʻE ʻikai moʻua pe taʻofi ʻakitautolu ʻe he kovi.’  
\v 11 ‌ʻI he ʻaho ko ia te u toe langa ʻae fale fehikitaki ʻo Tevita ʻaia kuo hinga, pea tāpuni ʻae ngaahi ava ʻo ia; pea te u toe fokotuʻu ʻae ngaahi meʻa kuo holoki, pea te u langaʻi ia ʻo hangē ko e ngaahi ʻaho ʻi muʻa:  
\v 12 Koeʻuhi ke nau maʻu ʻae toenga ʻo ʻItomi, pea mo e hiteni kotoa pē, ʻoku ui ʻaki hoku huafa:” ʻoku pehē ʻe Sihova, ʻaia ʻoku fai eni:   
\q1
\v 13 “Vakai,” ʻoku pehē ʻe Sihova,  
\q2 “ʻOku hoko ʻae ngaahi ʻaho, ʻe maʻu atu ʻe he tangata tauhi huo toho ʻae tangata tuʻusi,  
\q2 pea ko ia ʻoku malaki ʻae kālepi, ʻaia ʻoku tūtuuʻi ʻae tenga;  
\q2 pea ʻe toʻiʻi ʻae uaine melie ʻe he ngaahi moʻunga,  
\q2 pea ʻe vai ʻae ngaahi tafungofunga kotoa pē:   
\q1
\v 14 Pea te u toe ʻomi ʻae pōpula ʻo hoku kakai ko ʻIsileli,  
\q2 pea te nau toe langa ʻae kolo naʻe lala, pea nofo ai;  
\q2 pea te nau tō ngoue vaine, pea inu ʻae uaine ʻo ia;  
\q1 te nau ngoue foki,  
\q2 pea kai hono fua.   
\q1
\v 15 Pea te u tō ʻakinautolu ʻi honau fonua,  
\q2 pea ʻe ʻikai toe taʻaki ʻakinautolu mei he fonua, ʻaia kuo u foaki kiate kinautolu,”  
\q2 ʻoku pehē ʻe Sihova ko ho ʻOtua.