\id 1CH - Toma Bible
\ide UTF-8
\h 1 Dɔlɔ Sɛʋɛi
\toc1 Dɔlɔ Sɛʋɛ Mɔungi
\toc2 1 Dɔlɔ Sɛʋɛi
\toc3 1DS
\mt1 Dɔlɔ Sɛʋɛ Mɔungi
\imt Sɛʋɛi lɔɔzeizuʋɛ ma woo mɔungiti
\ip Tɔɔzeizu mɔunpa, Dɔlɔ Sɛʋɛi ma Mɔungi ta Felesiɛi ti ɓɔni su, ti ɠɛ ga sɛʋɛ ɠila kpe nɔ. Sɛpetante zɛʋɛi zu ɠa gaaɠwɛɛni su ná mɔunpa. Sɛpetante zɛʋɛi naa ɠa é ga Minazeɠe Pɔlɔmai, nii tatigai Gɛlɛke wooi zu. Daaseigi é ba Eɓulu wooi zu, naa ɠa ga «folo ɠilagilagi zu vaiti ti leʋesu». Faaɠwɛ nu mɔinmɔin ka kaazu ga Ɛsedalase ɠa é Dɔlɔ Sɛʋɛ felegɔiti sɛʋɛai, naa ʋɛɛ Ɛsedalase Ná-Sɛʋɛi ʋa ta Neɠemi nɔnɔi. Sɛʋɛi ɠɛɛ nui wɛlɛʋɛ sɛʋɛ mɔinmɔin su, nii a kɛ é nɔnɔ ma zɛʋɛiti kɛ, ma un ge daa ma ga Samiyɛle Ná-Sɛʋɛ felegɔiti ta Masagiti Ta-Zɛʋɛ felegɔiti. Faaɠwɛ nu wolai ma mɔinmɔin daaʋɛ da ga sɛʋɛi niiti kɛɛʋɛ kona unnaanigɔ zɔɠɔzuʋɛ ta unnaani puulɔɔlugɔi (400-450), aisa Yesu Kilista ʋa zɔlɔɔ, naa zoloogɛ nɔ kpein Ɛsedalase ná-eteai ma ziɛgi ma.
\ip Dɔlɔ Sɛʋɛi ma Mɔungi ta Felesiɛi lɔɔzeizuʋɛ ɠa nu wɔlɔzaɠagiti daaseigiti dɔlɔsu, é zo Adama ma, é zeeli Abalaame ma, ta Izilayɛle ɠɛɛ vai ga ɓɔɠɔ you naa lɔɔzeizuʋɛ, eyɛsu é zeeli Izilayɛle nuiti gaaɠalema ziɛgi ma, ti ɠula duɔlai zu Ɓaɓilɔne. É zo niina naama ziɛgi ma, Dɔlɔ Sɛʋɛiti ta Izilayɛle ná-wɔlɔwɔlɔ vai zuɠulazu, é zo Sayile ná-masadai ma ziɛgi ma, é zeeli Zeluzalɛme ɠoloɠolo siɛgi ma. Dɔlɔ Sɛʋɛiti su, sɛʋɛi ɠɛɛ nui wola ɠaazulogɛ GALA sei ʋɛlɛi ná-fai ʋa Zeluzalɛme. Davide kɛʋele ɓɛtɛ mɔinmɔin kɛɛni pɛlɛi lo fai zu (\xt 1DS 28:1—29:30\xt*), naa ʋoluma ná-doun zunui Salomɔn ɠa é pɛlɛi loni niina (\xt 2DS 2:1—7:22\xt*). Sɛʋɛi ɠɛɛ nui ɓɔɛʋɛ ɓalaa é lo GALA sei ʋɛlɛi ɠoloɠolo pelei ʋa ta ʋelei bu zɔɔlaiti seɠeai la, ti li ga tiye (\xt 2DS 36:15-21\xt*). Gaaɓelagi ɠa ga Dɔlɔ Sɛʋɛi Velesiɛi puuzu ɠaaɓelagi (\xt 2DS 36:23\xt*) ɠa kulazu kɛlɛma ʋelei GALA sei ʋɛlɛi ʋaazu losu da ʋolu ga niina.
\iot Unsosuʋɛ
\io1 1. Nu wɔlɔzaɠagiti daaseigi ta zɛʋɛʋɛ, é zo Adama ma, é zeeli Izilayɛle nuiti gaaɠalema ziɛgi ma, ti ɠula duɔlai zu (\xt 1:1—9:44\xt*).
\io1 2. Davide ná-eteai ta ná-masa fai Izilayɛle unda (\xt 10:1—29:30\xt*).
\c 1
\s É zo Adama ma, é ʋa Sɛme ʋɔ
\p
\v 1 Adama ɠɛni ga Sɛte kɛɛɠɛ, Sɛte ɠɛ ga Enɔse kɛɛɠɛ, 
\v 2 Enɔse ɠɛ ga Kenan kɛɛɠɛ, Kenan ɠɛ ga Maɠalaleyɛle kɛɛɠɛ, Maɠalaleyɛle ɠɛ ga Yelɛde kɛɛɠɛ, 
\v 3 Yelɛde ɠɛ ga Enɔke kɛɛɠɛ, Enɔke ɠɛ ga Matuzalɛme kɛɛɠɛ, Matuzalɛme ɠɛ ga Lemɛke kɛɛɠɛ, 
\v 4 Lemɛke ɠɛ ga Nowe kɛɛɠɛ, Nowe ɠɛ ga Sɛme, Same ta Zafɛte ti-ɠɛɛ.
\p
\v 5 Zafɛte mavofodaiti ti ɠɛni ga: Gomɛɛl, Magɔge, Madayi, Yavan, Tuɓale, Mesɛke ta Tilase. 
\v 6 Gomɛɛl mavofodaiti ti ɠɛni ga: Asakenaze, Difate, ta Togaalema. 
\v 7 Yavan mavofodaiti ti ɠɛni ga: Elisa, Taalasise, Kitime, ta Lodanime.
\p
\v 8 Same mavofodaiti ti ɠɛni ga: Kuse, Miselayime, Pute, ta Kanaan. 
\v 9 Kuse mavofodaiti ti ɠɛni ga: Seɓa, Ɠavila, Saɓata, Layema, ta Saɓeteka. Layema mavofodaiti ti ɠɛni ga: Saɓa ta Dedan. 
\v 10 Kuse Nimelɔde zɔlɔɔni, naa ɠa é ɠɛɛni ga zɛbɛsu nu wola mɔungi zooi ɠa.
\p
\v 11 Miselayime mavofodaiti ti ɠɛni ga: Lude nuiti, Aname nuiti, Leɠaɓe nuiti, Nafatu nuiti, 
\v 12 Patɔlɔse nuiti, Kasulu nuiti, ta Kafatɔɔl nuiti. (Kasulu nui naati ka Filisiti nuiti kulaai ti zu.)
\p
\v 13 Kanaan ná-doun zunu mɔungi é sɔlɔɔni, naa ɠa é ɠɛni ga Sidɔn, naa ʋolu gelei ɠɛ ga Ɠɛte. 
\v 14 Kanaan mavofodaiti ti ɠɛni ga: Yeɓuse nuiti, Amool nuiti, Giilegase nuiti, 
\v 15 Ɠeve nuiti, Aaleke nuiti, Sine nuiti, 
\v 16 Aalevade nuiti, Semaal nuiti, ta Ɠamate nuiti.
\p
\v 17 Sɛme mavofodaiti ti ɠɛni ga: Elame, Asuul, Aalapakasade, Lude, ta Alame. Alame mavofodaiti ti ɠɛni ga: Use, Ɠule, Getɛɛl ta Mesɛke. 
\v 18 Aalapakasade Sela zɔlɔɔni, ta Sela Eɓɛɛl zɔlɔɔni. 
\v 19 Eɓɛɛl zunu loun felegɔ zɔlɔɔni: Gilagi laaseigi ɠɛni ga Pelɛge, tɔɔzei ná-siɛgi zu ɠa zooi ɠa nuɓusɛiti zeeɠaaɠwɛɛni la, ta kɛɛɠɛloin laaseigi ɠɛni ga Yoketan. 
\v 20 Yoketan mavofodaiti ti ɠɛni ga: Alamodade, Selɛfe, Ɠasaalemavɛte, Yela, 
\v 21 Ɠadolame, Uzale, Dikila, 
\v 22 Eɓale, Aɓimayɛle, Saɓa, 
\v 23 Wofiil, Ɠavila ta Yoɓaɓe. Niima nuiti pɛ ti ɠɛni ga Yoketan mavofodaiti.
\s Ɠɛɛɠɛ wola puugɔiti é zo Sɛme ma,  //  é zeeli Abalaame ma
\p
\v 24 Sɛme ɠa é ɠɛni ga Aalapakasade kɛɛɠɛ, Aalapakasade ɠɛ ga Sela kɛɛɠɛ, 
\v 25 Sela ɠɛ ga Eɓɛɛl kɛɛɠɛ, Eɓɛɛl ɠɛ ga Pelɛge kɛɛɠɛ, Pelɛge ɠɛ ga Leyu kɛɛɠɛ, 
\v 26 Leyu ɠɛ ga Seluge kɛɛɠɛ, Seluge ɠɛ ga Naɠɔɔl kɛɛɠɛ, Naɠɔɔl ɠɛ ga Tela kɛɛɠɛ, 
\v 27 Tela ɠɛ ga Abalame kɛɛɠɛ nii é ga Abalaame.
\s Abalaame ná-dointi ta ti-mavofodaiti
\p
\v 28 Abalaame ná-dointi ti ɠɛni ga: Izaake ta Isemayɛle. 
\v 29 Wɛlɛ ti-mavofodaiti ba: Neɓayɔte, Isemayɛle ná-doun zunu mɔungi, ta Kedaal, Adaɓeyɛle, Miɓisame, 
\v 30 Misema, Duma, Masa, Ɠadade, Tema, 
\v 31 Yetuul, Nafise ta Kedema. Naati ka ti ɠɛni ga Isemayɛle ná-doun zunuiti. 
\v 32 Ketula Abalaame anzai nii é la ɠɛni vuluni ga zɔiti kɛʋele, naa ná-dointi ti ɠɛni ga: Zimelan, Yokesan, Medan, Madiyan, Yisiɓake, ta Suwa. Yokesan ná-dointi ti ɠɛni ga: Saɓa ta Dedan. 
\v 33 Madiyan mavofodaiti ti ɠɛni ga: Efa, Efɛɛl, Enɔke, Aɓida ta Eledaa. Niima nuiti pɛ ti ɠɛni ga Ketula mavofodaiti.
\s Ezawu mavofodaiti
\p
\v 34 Abalaame ná-doun zunui ɠɛni ga Izaake, Izaake ná-doun zunuiti ti ɠɛ ga Ezawu ta Izilayɛle. 
\v 35 Ezawu ná-doun zunuiti ti ɠɛni ga: Elifaze, Leyuwɛle, Yeyuse, Yalame ta Kola. 
\v 36 Elifaze ná-dointi ti ɠɛni ga: Teman, Womaal, Sefi, Gayetame, Kenaze, Timina, ta Amalɛke. 
\v 37 Leyuwɛle ná-doun zunuiti ti ɠɛni ga: Naɠate, Zela, Sama ta Miza. 
\v 38 Seyiil mavofodaiti ti ɠɛni ga: Lotan, Sɔɓale, Siɓeyon, Ana, Dison, Esɛɛl, Disan. 
\v 39 Lotan mavofodaiti ti ɠɛni ga: Woli ta Womame. Lotan baazeelai laaseigi ɠɛni ga: Timina. 
\v 40 Sɔɓale mavofodaiti ti ɠɛni ga: Aliyan, Manaɠate, Eɓale, Sefi, ta Woname. Siɓeyon ná-doun zunuiti ti ɠɛni ga: Aya ta Ana. 
\v 41 Ana ná-doun zunui ɠɛni ga: Dison. Dison ná-doun zunuiti ti ɠɛni ga niiti: Amalan, Eseɓan, Yitilan ta Kelan. 
\v 42 Esɛɛl ná-doun zunuiti ti ɠɛni ga: Ɓiliɠan, Zaavan ta Yaakan. Disan ná-doun zunuiti ti ɠɛni ga: Use ta Alan.
\s Edɔme masagiti
\r (Zenɛze 36:31-43)
\p
\v 43 Masagiti daaseigiti kaa, niiti ti masadai ɠɛɛni Edɔme yooi unda, aisa masa ge ʋa zei Izilayɛle unda: Ɓeyɔɔl ná-doun zunui Ɓela, ná-taai laaseigi ɠɛni ga Dinaɓa. 
\v 44 Ɓela zaai ma, Ɓosela nui Zela ná-doun zunui Yoɓaɓe masadai ɠɛɛni potogi zu. 
\v 45 Yoɓaɓe zaai ma, Teman nuiti ta-you zu nui Ɠusame masadai ɠɛɛni potogi zu. 
\v 46 Ɠusame zaai ma, Ɓedade ná-doun zunui Ɠadade masadai ɠɛɛni potogi zu. Tɔun ka é vɔnini Madiyan nuiti ma Moaɓe yooi zu. Ná-taai laaseigi ɠɛni ga Avite. 
\v 47 Ɠadade zaai ma, Maseleka nui Samala masadai ɠɛɛni potogi zu. 
\v 48 Samala zaai ma, Sayile masadai ɠɛɛni potogi zu. É ɠɛni ga Leɠoɓɔte taa wolai zunu, ziɛ wolai laaʋɛ. 
\v 49 Sayile zaai ma, Akaɓɔɔl ná-doun zunui Ɓaale-Ɠanan masadai ɠɛɛni potogi zu. 
\v 50 Ɓaale-Ɠanan zaai ma, Ɠadade masadai ɠɛɛni potogi zu. Ná-taai laaseigi ɠɛni ga Pau. Matelede ná-doun anzanui ɠa é ɠɛni ga anzai, daaseigi ɠɛni ga Meɠetaɓeyɛle, Mezaɠaɓe ná-dounloin. 
\v 51 Ɠadade zaai ma, pɛlɛyeɠe ɠundiɠii tanigaa ɠa ti ɠɛni Edɔme unda, ti-laaseigiti kaa: Timina, Alava, Yetete, 
\v 52 Woɠoliɓama, Ela, Pinon, 
\v 53 Kenaze, Teman, Miɓisaal, 
\v 54 Magadiyɛle ta Iilame. Edɔme ɠundiɠiiti kana.
\c 2
\s Zakɔɓe ná-doun zunuiti
\p
\v 1 Izilayɛle ná-doun zunuiti ti ɠɛni ga: Luɓɛn, Simiyɔn, Levi, Zuda, Isakaal, Zaɓulɔn, 
\v 2 Dan, Zozɛfe, Ɓɛnzamɛn, Nɛfɛtali, Gade, ta Asɛɛl.
\s Zuda mavofodaiti
\p
\v 3 Doun zunu saʋagɔ ɠa Zuda sɔlɔɔni, anzai ʋa Kanaan nui, Suwa ná-doun anzanui, naama lointi daaseigiti kaa: Ɛɛl, Wonan, Sela. Zuda ná-doun zunu mɔungi Ɛɛl zɔgi ɲɔi Ɠɔoɠɔ GALAGI ɠaazu, tama é paa. 
\v 4 Zuda ná-doun anzai Tamaal, doun zunua zɔlɔɔni Zuda ɓɔɠɔi ʋɛ, naati daaseigiti kaa: Pelɛze ta Zela. Naati pɛ ta ɓɔna su, zunu loun lɔɔlugɔ ɠa Zuda sɔlɔɔni.
\p
\v 5 Pelɛze ná-doun zunuiti ti ɠɛni ga: Ɠɛsɛlon ta Ɠamule. 
\v 6 Zela doun zunu lɔɔlugɔ zɔlɔɔni: Zimili, Etan, Ɠeman, Kalakɔle ta Dala. 
\v 7 Kaalemi ná-doun zunui ɠɛni ga: Akaal. Tɔ ɠa é ɠɛni ga nimizai ma ungi Izilayɛle ʋɛ, siɛgi zu é kɔɔzogani ta makɛni la ɓɔɠɔ ʋɛ, nii makɛga ɠɛni de Ɠɔoɠɔ GALAGI nɔ ʋɛ. 
\v 8 Etan ná-doun zunui ɠɛni ga: Azalia. 
\v 9 Ɠɛsɛlon ná-doun zunuiti ti ɠɛni ga: Yelameyɛle, Lame ta Keluɓayi.
\p
\v 10 Lame Aminadaɓe zɔlɔɔni, Aminadaɓe Naason zɔlɔɔ, nii é ɠɛni ga Zuda ʋɛlɛyeɠei ma lotuɠɔi, 
\v 11 Naason Salema zɔlɔɔ, Salema Ɓoaze zɔlɔɔ, 
\v 12 Ɓoaze Woɓɛde zɔlɔɔ, Woɓɛde Izayi zɔlɔɔ.
\p
\v 13 Izayi ná-doun zunu mɔungi laaseigi ɠɛni ga Eliyaɓe, felesiɛi ɠɛ ga Aɓinadaɓe, saʋasiɛi ɠɛ ga Simeya, 
\v 14 naanisiɛi ɠɛ ga Netaneyɛle, dɔɔlusiɛi ɠɛ ga Ladayi, 
\v 15 dɔzitasiɛi ɠɛ ga Wosɛme, naati pɛ poluma dɔfelasiɛi ɠa é ɠɛni ga Davide. 
\v 16 Ti-ʋaazeelaiti ti ɠɛni ga: Seluya ta Aɓigayile. Doun zunu saʋagɔ ɠa Seluya sɔlɔɔni: Aɓisayi, Zoaɓe ta Azayɛle. 
\v 17 Aɓigayile zunu loun ɠila sɔlɔɔni Yetɛɛl ʋɛ, Isemayɛle nui, ná-doun zunui naa laasei ge ɠɛni ga Amasa.
\p
\v 18 Zunu loun saʋagɔ ɠa Ɠɛsɛlon ná-doun zunui Kalɛɓe sɔlɔɔni anzai Azuɓa ʋa, ta Yeliyɔte, naati ti laaseigiti ti ɠɛni ga: Yesɛɛl, Soɓaɓe ta Aaladon. 
\v 19 Azuɓa zaani, Kalɛɓe zɛba é Efalate zeɠe ga anza, naa doun zunu ɠila sɔlɔɔ bɛ, daaseigi ga Ɠuul. 
\v 20 Ɠuul Uli zɔlɔɔni, Uli Ɓɛsaleyɛle zɔlɔɔ.
\p
\v 21 Naa ʋoluma, Ɠɛsɛlon kona ʋuulɔzitai (60) zɔlɔɔgai ma, é ʋilɛni Galaade kɛɛɠɛ Makiil ná-doun anzanui ʋolu, é fulu ga anza. Naa doun zɔlɔɔ bɛ daaseigi ga Seguɓe. 
\v 22 Seguɓe ná-doun zunui ɠɛni ga Yayiil, nii é taa wola ʋuufelegɔ maazu saʋagɔ (23) ɠɛni zea Galaade yooi zu. 
\v 23 Kɛlɛ Gesuul masagiti ta Alame geleiti ti Yayiil ná-taaiti kulani mavofodaiti zea, naa ʋɛɛ Kenate taa wolai ʋa, ta taa wolai niiti pɛ ti ɠɛni koba, ti pɛ kpɔga ɗa ɠɛ ga taa wola ʋuulɔzita (60). Niiti pɛ ti ɠɛni zeini taai naati su, ti ɠɛni ga Makiil mavofodaiti, nii é ɠɛni ga Galaade kɛɛɠɛ. 
\v 24 Ɠɛsɛlon zaai ma, nii anzai ɠɛni ga Aɓiya, Kalɛɓe ʋilɛni Efelata ʋolu, naa doun zunu zɔlɔɔ bɛ nii daaseigi ɠɛni ga Asuul, nii é Tekoa laaɠulani.
\p
\v 25 Ɠɛsɛlon ná-doun zunu mɔungi Yelameyɛle ná-doun zunuiti ti ɠɛni ga: Lame, ma mɔungi ɠana, naa ʋoluma Ɓuna, Wolɛn, Wosɛme ta Ayiya. 
\v 26 Yelameyɛle anza ɠili sɔlɔɔni, daaseigi ɠɛni ga Atala, naa doun zunu zɔlɔɔ bɛ, nii daaseigi ɠɛni ga Woname. 
\v 27 Yelameyɛle ná-doun zunu mɔungi Lame ná-doun zunuiti ti ɠɛni ga: Maase, Yamin ta Ekɛɛl. 
\v 28 Woname ná-doun zunuiti ti ɠɛni ga: Samayi ta Yada. Samayi ná-doun zunuiti ti ɠɛni ga: Nadaɓe ta Aɓisuul. 
\v 29 Aɓisuul anzai laaseigi ɠɛni ga Aɓiyayile, naa doun zunu felegɔ zɔlɔɔni bɛ: Aaɓan ta Molide. 
\v 30 Nadaɓe ná-doun zunuiti ti ɠɛni ga: Selɛde ta Apayime. Selɛde zaani, é la doun zɔlɔɔni. 
\v 31 Apayime ná-doun zunui ɠɛni ga Yiseyi, Yiseyi Sesan zɔlɔɔ, Sesan Aalayi zɔlɔɔ. 
\v 32 Samayi kɛɛɠɛloin Yada ná-doun zunuiti ti ɠɛni ga: Yetɛɛl ta Zonatan. Yetɛɛl zaani, é la doun zɔlɔɔni. 
\v 33 Zonatan ná-doun zunuiti ti ɠɛni ga: Pelɛte ta Zaza. Yelameyɛle mavofodaiti kana.
\p
\v 34 Sesan la ɠɛni zunu loun zɔlɔɔni, anzanu lointi nɔ ɠa ti ɠɛni zea. Ezipete nu ɠɛni zea ga duɔi, daaseigi ga Yalaɠa. 
\v 35 É ná-doun anzanui gila feeni naa ya ga anza. Naa doun zunu zɔlɔɔni, é daasei pɛɛ ga Atayi. 
\v 36 Atayi Natan zɔlɔɔni, Natan Zaɓade zɔlɔɔ, 
\v 37 Zaɓade Efelale zɔlɔɔ, Efelale Woɓɛde zɔlɔɔ, 
\v 38 Woɓɛde Zewu zɔlɔɔ, Zewu Azalia zɔlɔɔ, 
\v 39 Azalia Ɠelɛse zɔlɔɔ, Ɠelɛse Elasa zɔlɔɔ, 
\v 40 Elasa Sisimayi zɔlɔɔ, Sisimayi Salume zɔlɔɔ, 
\v 41 Salume Yekamia zɔlɔɔ, Yekamia Elisama zɔlɔɔ.
\p
\v 42 Yelameyɛle kɛɛɠɛloin Kalɛɓe nɔnɔ ma lointi ti ɠɛni ga niiti: Ná-doun zunu mɔungi ɠɛni ga Mesa nii é Zife laaɠulani, felesiɛi ɠɛni ga Malesa, naa ɠa é Eɓelɔn laaɠulani. 
\v 43 Eɓelɔn ná-doun zunuiti ti ɠɛni ga: Kola, Tapua, Lekɛme ta Sema. 
\v 44 Sema Laɠame zɔlɔɔni, Laɠame Yolokɛyame zɔlɔɔ. Lekɛme Samayi zɔlɔɔni, 
\v 45 Samayi Maon zɔlɔɔ, Maon Ɓɛte-Suul zɔlɔɔ. 
\v 46 Kalɛɓe anzai nii é la ɠɛni vuluni ga zɔi ɠɛʋele, nii daaseigi ɠɛni ga Efa, naa doun zunua zɔlɔɔni Kalɛɓe ʋɛ: Ɠalan, Mosa ta Gazɛze. Ɠalan Gazɛze zɔlɔɔni. 
\v 47 Yadayi ná-doun zunuiti ti ɠɛni ga: Legeme, Yotame, Gesan, Pelɛte, Efa ta Saafe. 
\v 48 Kalɛɓe anzai nii é la vuluni ga zɔi ɠɛʋele, daaseigi ga Maaka, naa doun zunua zɔlɔɔni bɛ: Seɓɛɛl ta Tilana. 
\v 49 Naa ʋoluma, é Mademana kɛɛɠɛ Saafe zɔlɔɔ, naa ʋɛɛ Makaɓena ta Giɓea ti-ɠɛɛ Seva ʋa. Doun anzanu ɠɛni Kalɛɓe ya ɓalaa, daaseigi ga Akasa. 
\v 50 Kalɛɓe mavofodaiti kana. Kalɛɓe anzai Efelata, nɔnɔ ma loun zunu mɔungi Ɠuul ná-doun zunuiti ti ɠɛni ga: Sɔɓale, nii é Kiliyate-Yeyalime laaɠulani, 
\v 51 Salema, nii é Ɓɛteleyɛme laaɠulani, naa ʋɛɛ Ɠalɛfe ʋa, nii é Ɓɛte-Gadeel laaɠulani. 
\v 52 Sɔɓale nii é Kiliyate-Yeyalime laaɠulani, naa vofodaa zɔlɔɔni: Naati ka ti ga Alowe nuiti ta Menuɠote nuiti gilazuʋɛ. 
\v 53 Kiliyate-Yeyalime ʋɛlɛyeɠeiti ti ɠɛni ga: Yetɛɛl nuiti, Pute nuiti, Sumate nuiti, ta Misala nuiti. Naama ʋɛlɛyeɠeiti ka Sɔla nuiti ta Esetawɔle nuiti ti ɠulaai ti zu. 
\v 54 Salema mavofodaiti ti ɠɛni ga: Ɓɛteleyɛme nuiti, Netofa nuiti, Atalɔte-Ɓɛte-Zoaɓe nuiti, ta Manati nuiti gilazuʋɛ, ta Sɔla nuiti, 
\v 55 naa ʋɛɛ faaɠwɛ nuiti ta ʋɛlɛyeɠeiti ba ti ɠɛni zeini Yaɓese: Tileya nuiti, Simeyate nuiti, ta Sukate nuiti. Naati ka ti ga Ken nuiti, Lekaɓe ʋɛlɛyeɠe lotuɠɔi Ɠamate mavofodaiti.
\c 3
\s Davide mavofodaiti
\p
\v 1 Wɛlɛ Davide ná-doun zunuiti daaseigiti ba, niiti é ti zɔlɔɔni Eɓelɔn: Ma mɔungi laa ɠɛni ga Amenɔn, Zizeleyɛle nui Ayinoame ná-doun zunui. Felesiɛi laa ɠɛni ga Daniyɛle, Kaalamɛle nui Aɓigayile ná-doun zunui. 
\v 2 Saʋasiɛi laa ɠɛni ga Aɓasalɔme, Maaka ná-doun zunui, Gesuul masagi Talamayi ná-doun anzanui. Naanisiɛi laa ɠɛni ga Adoniya, Ɠagite ná-doun zunui. 
\v 3 Dɔɔlusiɛi laa ɠɛni ga Sefatia, Aɓitale ná-doun zunui, ta dɔzitasiɛi laa ɠɛ ga Yitileyame, Egela ná-doun zunui, Egela naa ɓalaa ɠɛni ga Davide anzai ta. 
\v 4 Doun zunu lɔzitai naati ti zɔlɔɔni bɛ Eɓelɔn, ʋɛ é kona dɔfela ta alu dɔzita ɠɛni ná masadai zu. É kɛ ga kona ʋuusaʋa maazu saʋa (33) masadai zu Zeluzalɛme.
\p
\v 5 Niiti é ti zɔlɔɔni Zeluzalɛme, naati kaa: Simeya, Soɓaɓe, Natan, Salomɔn, naati naanigɔ pɛ ti ɠɛni ga Ɓate-Seɓa ná-dointi, Amiyɛle ná-doun anzanui. 
\v 6 Naa ʋoluma doun zunu taaʋuugɔ ɠiligaa ti zɔlɔɔni Davide ʋɛ ʋolu: Yiɓaal, Elisama, Elifelɛte, 
\v 7 Nɔga, Nefɛge, Yafia, 
\v 8 Elisama, Eliada, ta Elifelɛte. Doun zunu taaʋuugɔ ɠiligaa ɠana ti zɔlɔɔni Davide ʋɛ ʋolu. 
\v 9 Davide ná-doun zunuiti pɛ kana, naa pɛ poluma, anzai niiti é la ɠɛni ti vuluni ga zɔiti kɛʋele, naati ɓalaa ti zunu lointi sɔlɔɔni bɛ. Ti pɛ ti-ʋaazeelai ɠɛni ga Tamaal.
\p
\v 10 Salomɔn mavofodaiti kaa, é zo ɠɛɛɠɛiti ma, é li lointi pɔ: Loɓoame, Aɓiya, Aza, Zozafate, 
\v 11 Yolame, Aɠazia, Zoase, 
\v 12 Amasia, Azalia, Yotame, 
\v 13 Aɠaze, Ezekiase, Manasé, 
\v 14 Amon, ta Zoziase. 
\v 15 Zoziase ná-doun zunuiti kaa: Ma mɔungi ɠɛni ga Yoɠanan, felesiɛi Yeɠoyakime, saʋasiɛi Sedesiyase, ta naanisiɛi Salume. 
\v 16 Yeɠoyakime ná-doun zunuiti ti ɠɛni ga: Yekonia ta Sedesiyase. 
\v 17 Yekonia nii ti liini la duɔlai zu, fofodaiti ti ɠɛni ga: Seyalitiyɛle, 
\v 18 naa ʋoluma, Malikilame, Pedaya, Sɛnasaal, Yekamia, Wosama, ta Nedaɓia. 
\v 19 Pedaya ná-doun zunuiti ti ɠɛni ga: Zoloɓaɓɛle ta Simeyi. Zoloɓaɓɛle zunu loun felegɔ zɔlɔɔni: Mesulame ta Ɠanania, Selomite ɠa é ɠɛni ga ta-zeelai, 
\v 20 naa ʋoluma, zunu loun lɔɔlugɔ ɠiligaa ti zɔlɔɔni bɛ: Asuɓa, Woɠɛle, Ɓelekia, Ɠasadia, ta Yusaɓe-Ɠesɛde. 
\v 21 Ɠanania ná-doun zunuiti ti ɠɛni ga: Pelatiya ta Yesaya. Lefaya ná-doun zunuiti ta Aalanane nɔnɔiti, naa ʋɛɛ Aɓediyase nɔnɔiti ba ta Sekania nɔnɔiti ti ɠɛni ga niiti: 
\v 22 Doun zunu lɔzita ɠa Sekania sɔlɔɔni: Semaya, Ɠatuse, Yigeyale, Ɓalia, Nɛyalia, ta Safate. 
\v 23 Doun zunu saʋagɔ ɠa Nɛyalia sɔlɔɔni: Eliyɔyenayi, Ezekiase, ta Azilikame. 
\v 24 Doun zunu lɔfela ɠa Eliyɔyenayi sɔlɔɔni: Wodavia, Eliasiɓe, Pelaya, Akuɓe, Yoɠanan, Delaya, ta Anani.
\c 4
\s Zuda mavofodai taɠiligaa laaseigiti
\p
\v 1 Zuda mavofodaiti kaa: Pelɛze, Ɠɛsɛlon, Kaalemi, Ɠuul, ta Sɔɓale. 
\v 2 Sɔɓale ná-doun zunui Leaya ná-doun zunui ɠɛni ga Yaɠate, Yaɠate Aɠumayi ta Laɠade zɔlɔɔ. Naati ka ti ɠɛni ga Sɔla ʋɛlɛyeɠeiti ti-mɛmɛwolani. 
\v 3 Etame ná-doun zunuiti ti ɠɛni ga: Zizeleyɛle, Yisima, ta Yideɓase, ti-ʋaazeelai ɠɛni ga Aselɛleponi. 
\v 4 Penuwele Gedɔɔl zɔlɔɔni, Ezɛɛl Ɠusa zɔlɔɔ. Ɠuul mavofodaiti kana, nii é ɠɛni ga Efelata ná-doun zunu mɔungi, Ɓɛteleyɛme laaɠula nui.
\p
\v 5 Anza felegɔ ɠa é ɠɛni Tekoa kɛɛɠɛ Asuul ya: Ɠeleya ta Naala. 
\v 6 Naala doun zunua zɔlɔɔni bɛ: Aɠuzame, Ɠefɛɛl, Temeni, ta Aɠasetali. 
\v 7 Ɠeleya ɓalaa doun zunua zɔlɔɔni bɛ: Selete, Soɠaal, ta Etenan. 
\v 8 Kɔse Anuɓe ta Ɠasoɓeɓa zɔlɔɔni, naa ʋɛɛ Aɠaleɠeel ʋɛlɛyeɠeiti ba, nii é ɠɛni ga Ɠalume ná-doun zunui. 
\v 9 Ɠaazu unfegi ɠɛni Yaeɓɛse ʋɛ é leʋe kɛɛɠɛlointi ba. Dee daaseigi ʋɛɛni ga Yaeɓɛse, tɔɔzei é ɠɛni ma: «Gè doin nii zɔlɔɔgɛ soolɛi zu.» 
\v 10 Yaeɓɛse wooɠulani Izilayɛle ná-GALAGI ma, é ɠɛ ma: «Ɗa-luyai loo bɛ̀ ga ɠiteɠite, è nà-zooi zuwɔɔlɔ, ɗa-ɓaa maazu yeei zɛlɛ màazu, maanɔɠɔi ta soolɛi maaɠooza bà!» GALA ma ge naa veeni zea, nii é falini naa ma.
\p
\v 11 Suɠa kɛɛɠɛloin Keluɓe ná-doun zunui ɠɛni ga Meyiil, nii é ɠɛni ga Eseton kɛɛɠɛ. 
\v 12 Eseton ná-doun zunuiti ti ɠɛni ga: Ɓɛte-Lafa, Paseya, ta Teyina, nii é Naɠase taai laaɠulani. Niima nuiti ka ti ɠɛni zeini Leka.
\p
\v 13 Kenaze ná-doun zunuiti ti ɠɛni ga: Woteniyɛle ta Selaya. Woteniyɛle ná-doun zunuiti ti ɠɛni ga: Ɠatate 
\v 14 ta Meyonotayi, nii é Wofela zɔlɔɔni. Selaya Zoaɓe zɔlɔɔni, ɲɛɛliɠi nuiti ti-ɠɛwola, niiti ti ɠɛni zeini ɲɛɛliɠi ɠɛ nuiti ta-ʋɛtugi zu.
\p
\v 15 Yefuné ná-doun zunui Kalɛɓe nɔnɔ ma loun zunuiti daaseigiti kaa: Ilu, Ela, ta Naame. Ela ná-doun zunui ɠɛni ga Kenaze.
\p
\v 16 Yeɠalelɛle ná-doun zunuiti ti ɠɛni ga: Zife, Zifa, Tilia, ta Azaleyɛle. 
\v 17 Ɛsedalase ná-doun zunuiti: Yetɛɛl, Melɛde, Efɛɛl, ta Yalɔn. Melɛde anzai dointi sɔlɔɔni: Miliyame, Samayi, ta Yisiɓa, nii é ɠɛni ga Esetemoa kɛɛɠɛ. 
\v 18 (Anzai nii é ɠɛni ga Zuifui ta, naa ɓalaa dointi sɔlɔɔni: Yelɛde nii é Gedɔɔl laaɠulani, Ɠeɓɛɛl nii é Soko laaɠulani, naa ʋɛɛ Yekutiyɛle ʋa, nii é Zanoa laaɠulani.) Ɓitiya ná-doun zunuiti kana, Falaɠɔn ná-doun anzanui nii Melɛde seɠeni ga anza. 
\v 19 Naɠame baazeelai, nii é ɠɛni ga Wodiya anzai, ná-doun zunuiti kaa: Keyila kɛɛɠɛ Galame nui, ta Esetemoa Maakate nui.
\p
\v 20 Simon ná-doun zunuiti kaa: Amenɔn, Lina, Ɓɛne-Ɠanan, ta Tilɔn. Yiseyi ná-doun zunuiti kaa: Zoɠɛte ta Ɓɛne-Zoɠɛte. 
\v 21 Zuda ná-doun zunui Sela mavofodaiti kaa: Ɛɛl nii é ɠɛni ga Leka kɛɛɠɛ, Layeda nii é ɠɛni ga Malesa kɛɛɠɛ, naa ʋɛɛ pɛlɛyeɠeiti ba niiti ti ɠɛni botii ɠɛɛzu geze ʋagɔi ma ti ɠɛni zeini Ɓɛte-Asaɓea, 
\v 22 Yokime, Kozeɓa nuiti, Zoase, ta Salafe, niiti ti ɠɛni zeini Moaɓe unda, ta Yasuɓi-Leɠɛme. Niima aniiti ta ga faa wɔlɔma. 
\v 23 Ti ɠɛni ga pɔlɔ liɠi lo nuiti niiti ti ɠɛni zeini Netayime ta Gedela masagi ɠoba, ti ɗa boti ɠɛ bɛ.
\s Simiyɔn mavofodaiti
\p
\v 24 Simiyɔn ná-doun zunuiti: Nemuwɛle, Yamin, Yaliɓe, Zela, ta Sayile. 
\v 25 Sayile mavofodaiti kaa, é zo ɠɛɛɠɛi ma, é li lointi pɔ: Salume, Miɓisame, ta Misema. 
\v 26 Misema ná-doun zunuiti ti ɠɛni ga: Ɠamuwɛle, Zakuul, ta Simeyi. 
\v 27 Doun zunu puugɔ maazu lɔzita (16) ta anzanu loun lɔzita ɠa Simeyi sɔlɔɔni. Kɛɛɠɛlointi ti la ɠɛni doun mɔinmɔin sɔlɔɔni. Naa ɠa é kɛɛni Simiyɔn wolodamai ma ʋɛlɛyeɠeiti ti la ɠɛni wola ɓuɠuzu ga Zuda geleiti kɛʋele. 
\v 28 Ti ɠɛni zeini taai wolai niiti su: Ɓeel-Seɓa, Molada, Ɠasaal-Suale, 
\v 29 Ɓiliɠa, Esɛme, Tolade, 
\v 30 Ɓetuwɛle, Ɠɔɔlema, Sikilage, 
\v 31 Ɓɛte-Maalekaɓɔte, Ɠasaal-Susime, Ɓɛte-Ɓileyi, ta Saalayime. Naati ka ti ɠɛni ga ta-laa wolaiti, eyɛsu Davide ɗa masadai zɔlɔɔ. 
\v 32 Ma laa goiti ti ɠɛni ga dɔɔlugɔ: Etame, Ayɛn, Limon, Tokɛn, ta Asan. 
\v 33 Naati ka ti ʋɛɛzu zɔɔma laa goiti ba, niiti ti taa wolai naati maaɠoolii zu, eyɛsu é zeeli Ɓaale. Ti-zeizuʋɛti kana, ta ti-mavofodaiti kana ɓalaa.
\p
\v 34 Mesoɓade, Yamelɛke, Amasia ná-doun zunui Yosa, 
\v 35 Zowɛle, Zewu, Yosiɓia ná-doun zunui, nii kɛɛɠɛ ɠɛni ga Selaya, naa kɛɛɠɛ ɠɛ ga Aziyɛle, 
\v 36 Eliyɔyenayi, Yaakoɓa, Yesoɠaya, Azaya, Adiyɛle, Yesimiyɛle, Ɓenaya, 
\v 37 Ziza, Sifeyi ná-doun zunui, é lati é ɠɛ ga Alon ná-dounloin, naa ɓɔɠɔi mu ge ɠɛni ga Yedaya, ta Simili, naa ʋɛɛ Semaya ʋa ti-mavofodai ta, 
\v 38 zunui niiti ti-laaseigiti bogai, naati ka ti ɠɛni ga ta-ʋɛlɛyeɠe lotuɠɔiti, ta-ʋɛlɛyeɠeiti gola ɠaa yɛni wɔɔlɔzu. 
\v 39 Ti liini ga Gedɔɔl taa lɔa ʋelei, folo ɠulazu ʋelei pɛtugi letemaʋɛ, nii a kɛ ti ta-ʋaalagiti daamiizu zɔlɔɔ. 
\v 40 Ti tufa lɛnu papagi zɔlɔɔni, zooi ta zu ʋɛ ná zuwɔɔlɔai, ná ɠaalɛiɗai ga pagɔ, ziilɛigi ɓalaa ge ná, ʋɛ Same mavofodaiti ti ɠɛni zeini ná wɔlɔwɔlɔi zu. 
\v 41 Siɛgi zu Ezekiase ɠɛni la ga Zuda masagi, pɛlɛ ungi niiti ti laaseigi wogai, naati ti wuzeɠeni, ti li naama yooi zu, ti Same mavofodaiti ta-zeɠe ɠotaiti golo, ti ma nuɓusɛiti paa tɛtɛ, nu la mɔ vɔlɔ naati po kaazu za logi zu. Ti zeini naati ta-yooi ná zu, tɔɔzei ti ta-loganiiti daamiizu ʋagɔ zɔlɔɔni ná. 
\v 42 Simiyɔn mavofodaiti su, nu undɔɔlugɔ (500) liini, ti zei Seyiil ɠize yooi zu, ta-lotuɠɔiti ti ɠɛni Yiseyi ná-doun zunui niiti: Pelatiya, Neyalia, Lefaya, naa ʋɛɛ Uziyɛle ʋa. 
\v 43 Ti Amalɛke ɠɔɔ looɠobai mɔta goiti paani, ti zei miná, naa ɠa dɛ ti ná zaaɠaza.
\c 5
\s Luɓɛn mavofodaiti
\p
\v 1 Luɓɛn ɠa é ɠɛni ga Izilayɛle ná-doun zunu mɔungi, kɛlɛ tɛi é laani kɛɛɠɛ anzai gila koba, nii é la ɠɛni vuluni ga zɔiti kɛʋele, ná-doun mɔun tosuʋɛ ɠulani zea, é ve Izilayɛle ná-doun Zozɛfe ná-doun zunuiti zea. Naa ɠa é kɛɛni Luɓɛn laaseigi la mɔ ɠɛni zɛʋɛni doun mɔun tosuʋɛ. 
\v 2 Zuda ɠɛɛni ga zɛbɛsu nu wola kɛɛɠɛlointi saama, mavofodaiti saama ɠa masa ge zɔlɔɔni ná, kɛlɛ doun mɔun tosuʋɛ veeni Zozɛfe ʋɛ.
\p
\v 3 Izilayɛle ná-doun zunu mɔungi Luɓɛn ná-dointi daaseigiti kaa: Enɔke, Palu, Ɠɛsɛlon ta Kaalemi. 
\v 4 Zowɛle nɔnɔ mavofodaiti kaa, é zo ɠɛɛɠɛiti ma, é li lointi pɔ: Semaya, Gɔge, Simeyi, 
\v 5 Misé, Leaya, Ɓaale, 
\v 6 Ɓeyela. Ɓeyela ɠɛni ga totuɠɔ wola Luɓɛnni mavofodaiti saama. Tɔ ɠa Asiili masagi Tigilate-Pilezɛɛl seɠeni, é lii la duɔlai zu. 
\v 7 Ɓeela kɛɛɠɛlointi pɛtɛ, ti laaseigiti ti zɛʋɛai, eɠɛʋelei ta-wolodamaiti ti la, ta ta-ʋɛlɛyeɠeiti: Ma mɔungi ɠɛni ga Yeiyɛle, naa ʋoluma Zakali, 
\v 8 ti-ɠaaɓelagi ɠɛni ga Zowɛle ná-dounloin Sema nɔnɔ ma lounloin Azaze ná-doun zunui Ɓela. Niima nuiti ti ɠɛni zeini Alowɛɛl ɠoʋii ma ta zooi nii diai é zei Neɓo gizei ʋa ta taai nii zu daa ga Ɓaale-Meyon. 
\v 9 Ti ɠɛni zeini teʋebai laawu folo ɠulazu ʋelei, eyɛsu é zeeli ziɛ wolai Efelate ma, tɔɔzei ta-logani ɓulugiti suwɔɔlɔni Galaade yooi zu. 
\v 10 Sayile ná-siɛgi zu, ti kɔɔi ʋɛɛni Ɠagaal nuiti ba, ti vɔni naati ma, ti naati ta-ʋɛlɛiti seɠe ga ti-ɲiizuʋɛti Galaade yooi zu folo ɠulazu ʋelei.
\s Gade mavofodaiti
\p
\v 11 Gade mavofodaiti ti ɠɛni zeini ti ɠoba lɛkpɛmaʋɛ nu ɠɔʋɛzu ʋelei Ɓasan nɛmɛi zu, eyɛsu ti zei Saleka ʋa. 
\v 12 Naati saama, pɛlɛyeɠe wolai ɠɛni ga Zowɛle nɔnɔi, felesiɛi ɠɛ ga Safame nɔnɔi, naa ʋoluma Yayenayi ta Safate ta-ʋɛlɛyeɠeiti. 
\v 13 Pɛlɛyeɠe lɔfela ɠili ge ɠɛni ti ɠoba, naama ʋɛlɛyeɠe ungiti kaa: Mikayɛle, Mesulame, Seɓa, Yolayi, Yayekan, Ziya, ta Eɓɛɛl. 
\v 14 Naati pɛ ti ɠɛni ga Aɓiyayile ná-doun zunuiti, Aɓiyayile mɛmɛwolani daaseigiti kaa, é zo ɠɛɛɠɛiti ma, é li lointi pɔ: Ɠuli, Yaloa, Galaade, Mikayɛle, Yesisayi, Yado, ta Ɓuze. 
\v 15 Guni ná-doin Aɓidiyɛle ná-doun zunui Ayi ɠa é ɠɛni ga ta-ʋɛlɛyeɠeiti pɛ ma lotuɠɔi. 
\v 16 Ti ɠɛni zeini Galaade yooi zu, ta Ɓasan, naa ʋɛɛ ná maaɠoolii zu yooi pɛ ba, ta togani losuʋɛti kpein ti ɠɛni Salon, eyɛsu ti zeeli kwɛpelemaʋɛ. 
\v 17 Niima nuiti pɛ daaseigi zɛʋɛni daasei sɛʋɛ zɛʋɛ wolai zu, siɛgi zu Yotame ɠɛni la ga Zuda masagi, Zeloɓoame ɠɛ ga Izilayɛle masagi.
\p
\v 18 Luɓɛn ta Gade ti-mavofodaiti, naa ʋɛɛ Manasé ná-bolodai ɠilazuʋɛ ʋa, kɔɔɠuluɓa wolaiti ti ɠɛni naati zea, niiti ti-liegɔi ɠɛni ga nu waaʋuunaani maazu naanigɔ undɔfela puulɔzita (44.760), ti zoogai kɔɔɠɔ zɛpɛgi zosu, naa ʋɛɛ boɠa zɔkpɔi ʋa, ti zoogai ɓalaa mɛɛin ʋilisu, ti ɠɛʋele ɓɛtɛni ga ti li kɔɔɠɔzuʋɛ. 
\v 19 Ti kɔɔi ʋɛɛni Ɠagaal nuiti ba, ti pɛɛ Yetuul ʋa, naa ʋɛɛ Nafise ta Nodaɓe ʋa. 
\v 20 GALA ge ɓɔni ti ʋa, é zobogi ve ti ya, ti vɔni Ɠagaal nuiti ma ta niiti kpein ti kpɔni su, tɔɔzei siɛgi zu ti ɠɛni kɔɔi ɠɔɔzu la, ti wooɠulani GALA ma. GALA ge ti wooɠaaʋoteni, tɔɔzei ti laani da. 
\v 21 Ti naati ta-loganiiti pɛ seɠeni: ɲɔmɛ waaʋuulɔɔlugɔ (50.000), baalagi ta bolii naati ti ɠɛni ga waaunfelegɔ waaʋuulɔɔlugɔ (250.000), soovalegi ɠɛni waafelegɔ (2.000). Ti nu waaungila (100.000) soni ɓalaa ga duɔiti. 
\v 22 Ti zili nui ma mɔinmɔin ge zaani, tɔɔzei GALA ɓɔɠɔgoi ɠa kɔɔi naa ɠɛni zeezu. Ti zeini naati ta-yooi zu, eyɛsu ti lii ziɛgi zeeli duɔlai zu.
\s Manasé mavofodaiti
\p
\v 23 Manasé ná-bolodai ɠilazuʋɛ zeini zooi naa zu, nii sogai Ɓasan ʋa, é zei Ɓaale-Ɠɛɛlɛmɔn ʋa, é zo Seniil ʋa, é zei Ɠɛɛlɛmɔn gizei ʋa. Ta-nuɓusɛiti gola ɠaawɔɔlɔni. 
\v 24 Ta-ʋɛlɛyeɠe lotuɠɔiti daaseigiti kaa: Efɛɛl, Yiseyi, Eliyɛle, Azaliyɛle, Zelemi, Wodavia ta Yadiyɛle. Ta-ʋɛlɛyeɠe lotuɠɔi niiti pɛ ti ɠɛni ga kɔɔɠuluɓaiti, ti ɠɛ ɓalaa ga tɔɠɔɠulagiti.
\p
\v 25 Kɛlɛ bolodamai niiti ti-mavofodai ti gaaɓela kɛɛni ga ti ɠɛ ga wooʋalada nuiti ti-mɛmɛwolani ta-ƓALAGI ʋɛ, ti ɠɛlɛ naa ʋa, ti ɗa zooi naa zu nuɓusɛiti ta-ɠalagi dɛbi, zii ɠiligi niiti GALA ge ti zuɠoloɠoloni ti ʋɛ. 
\v 26 Naa ɠa é kɛɛni, GALA ge Asiili masagi niiti buzeɠeni ti laalɔɠɔma: Pule ta Tigilate-Pilezɛɛl, ga ti li ga bolodamai niiti ma nuɓusɛiti: Luɓɛn ta Gade, naa ʋɛɛ Manasé wolodamai ɠilazuʋɛ, ti ti ʋu taai niiti su: Ɠala, Ɠaɓɔɔl, ta Ɠala, naa ʋɛɛ Gozan ɗɛi maaɠoolii ʋa, zaaɠaza mináti ka ti zeini náti.
\c 6
\s Levi mavofodaiti
\p
\v 1 Levi ná-doun zunuiti: Gɛɛlɛson, Keɠate, ta Melali. 
\v 2 Keɠate ná-doun zunuiti: Amalame, Yiseɠaal, Eɓelɔn, ta Uziyɛle. 
\v 3 Amalame ná-dointi: Aalɔn, Moize, ta Miliyame. Aalɔn ná-doun zunuiti: Nadaɓe, Aɓiyu, Eleazaal, ta Itamaal. 
\v 4 Eleazaal ná-doun zunui ɠɛni ga Fineyase, naa mavofodaiti kaa, é zo ɠɛɛɠɛiti ma, é li lointi pɔ: Aɓisua, 
\v 5 Ɓuki, Uzi, 
\v 6 Zelayia, Melayɔte, 
\v 7 Amalia, Ayituɓe, 
\v 8 Sadɔke, Ayimaase, 
\v 9 Azalia, Yoɠanan, 
\v 10 Azalia, nii é zalaɠa ɠula wotii ɠɛɛni GALA sei ʋɛlɛi wu, nii Salomɔn toni Zeluzalɛme. 
\v 11 Azalia Amalia zɔlɔɔni, Amalia Ayituɓe zɔlɔɔ, 
\v 12 Ayituɓe Sadɔke zɔlɔɔ, Sadɔke Salume zɔlɔɔ, 
\v 13 Salume Yilikiya zɔlɔɔ, Yilikiya Azalia zɔlɔɔ, 
\v 14 Azalia Selaya zɔlɔɔ, Selaya Yewosadake zɔlɔɔ. 
\v 15 Yewosadake liini duɔlai zu, siɛgi zu Ɠɔoɠɔ GALAGI Zuda ta Zeluzalɛme nuɓusɛiti teʋeni da duɔlai zu ga Neɓukadenɛzaal maaʋele.
\p
\v 16 Levi mavofodaiti kaa: Gɛɛlɛson, Keɠate ta Melali. 
\v 17 Gɛɛlɛson ná-dointi kaa: Liɓini ta Simeyi. 
\v 18 Keɠate ná-doun zunuiti kaa: Amalame, Yiseɠaal, Eɓelɔn, ta Uziyɛle. 
\v 19 Melali ná-doun zunuiti kaa: Maali ta Musi. Levi ʋɛlɛyeɠeiti kaa, ti laaseigiti sɛʋɛai ti-ɠɛɛni tɔɠɔiti bu.
\p
\v 20 Gɛɛlɛson mavofodaiti kaa, é zo ɠɛɛɠɛiti ma, é li lointi pɔ: Liɓini, Yaɠate, Zima, 
\v 21 Yoa, Ido, Zela, Yeatalayi.
\p
\v 22 Keɠate mavofodaiti kaa, é zo ɠɛɛɠɛiti ma, é li lointi pɔ: Aminadaɓe, Kolé, Asiil, 
\v 23 Ɛlɛkana, Eɓiyasafe, Asiil, 
\v 24 Taɠate, Uliyɛle, Uziya, Sayile. 
\v 25 Ɛlɛkana ná-doun zunuiti kaa: Amasayi ta Ayimɔte. 
\v 26 Ɛlɛkana mavofodaiti kaa, é zo ɠɛɛɠɛiti ma, é li lointi pɔ: Sofayi, Naɠate, 
\v 27 Eliyaɓe, Yeloɠame, Ɛlɛkana, ta Samiyɛle. 
\v 28 Samiyɛle ná-doun zunuiti kaa: Ma mɔungi ɠɛni ga Zowɛle, felesiɛi ɠɛ ga Aɓiya.
\p
\v 29 Melali mavofodaiti kaa, é zo ɠɛɛɠɛiti ma é li lointi pɔ: Maali, Liɓini, Simeyi, Uza, 
\v 30 Simeya, Ɠagiya, ta Azaya.
\p
\v 31 Levi mavofodaiti daaseigiti pɛtɛ, niiti Davide guye loo vai veeni ti ya Ɠɔoɠɔ GALAGI zei ʋɛlɛi wu, siɛgi zu ti minazeɠe kesui laani la ná. 
\v 32 Ti ɠɛni niina ta-wuye loo wotii ɠɛɛzu seɠe ʋɛlɛ ɲadegai laaʋɛ, nii é ga GALA daaɠomi seɠe ʋɛlɛi, eyɛsu Salomɔn pɛlɛi lo Ɠɔoɠɔ GALAGI ʋɛ Zeluzalɛme. Ti ɠɛni ta-wotii ɠɛɛzu, é zoloo devei naa ma, nii é veeni ti ya. 
\v 33 Pɛtɛ niiti ka ti ɠɛni naama wotii ɠɛɛzu ta ti-loun zunuiti. Keɠate mavofodaiti saama: Ɠeman, nii é ɠɛni ga gɛingɛin gani gɛin nui, fofodaiti kaa, é zo lointi ma, é li ɠɛɛɠɛiti pɔ: Zowɛle, Samiyɛle, 
\v 34 Ɛlɛkana, Yeloɠame, Eliyɛle, Toa, 
\v 35 Sufe, Ɛlɛkana, Maɠate, Amasayi, 
\v 36 Ɛlɛkana, Zowɛle, Azalia, Sofoni, 
\v 37 Taɠate, Asiil, Eɓiyasafe, Kolé, 
\v 38 Yiseɠaal, Keɠate, Levi, Izilayɛle ná-doun zunui.
\p
\v 39 Kɛɛɠɛloin Azafe ɠɛni loni zeezazuʋɛ, ta nii ti ɠɛni ga bolodamai. Naa mavofodaiti kaa, é zo lointi ma, é li ɠɛɛɠɛiti pɔ: Ɓelekia, Simeya, 
\v 40 Mikayɛle, Ɓaazeya, Malikiya, 
\v 41 Eteni, Zela, Adaya, 
\v 42 Etan, Zima, Simeyi, 
\v 43 Yaɠate, Gɛɛlɛson, Levi ná-doun zunui.
\p
\v 44 Etan ɠɛni loni ga kɔʋɛzu ʋelei, Melali mavofodaiti saama, ta niiti ti ɠɛni ga bolodamai. Etan mavofoda ɠitei kaa, é zo lointi ma, é li ɠɛɛɠɛiti pɔ: Kisi, Aɓidi, Maluke, 
\v 45 Ɠasaɓiya, Amasia, Yilikiya, 
\v 46 Amesi, Ɓani, Semɛɛl, 
\v 47 Maali, Musi, Melali, Levi ná-doun zunui. 
\v 48 Levi wolodamai zɔiti kpein ti ɠɛni boti ɠiligiti ma GALA ná-seɠe ʋɛlɛ ɲadegai.
\p
\v 49 Aalɔn ta fofodaiti ti ɠɛni zalaɠaiti kulazu gala zalaɠaiti kulazuʋɛ, ti ɗa ansansegiti gala naama zalaɠa ɠulazuʋɛ. Botii kpein maanɛɛni ga é ɠɛ ada ɲadega wolai, tiya ɠa ti ɠɛni naati kɛɛzu. Tiya nɔ ɠa ɓalaa ti ɠɛni losu Izilayɛle nuiti tuɠɔ, naati ta-ɠotoiti gba vai ma zalaɠa ɠula vaiti su, eɠɛʋelei nɔ GALA ná-botiɠɛ nui Moize deveni la. 
\v 50 Aalɔn mavofodaiti kaa, é zo ɠɛɛɠɛiti ma, é li lointi pɔ: Eleazaal, Fineyase, Aɓisua, 
\v 51 Ɓuki, Uzi, Zelayia, 
\v 52 Melayɔte, Amalia, Ayituɓe, 
\v 53 Sadɔke, ta Ayimaase.
\s Taai niiti ti veeni Levi mavofodaiti zea
\p
\v 54 Pɛtɛ taaiti daaseigiti ba, niiti ti veeni Aalɔn mavofodaiti zea, niiti ti ga Keɠate mavofodaiti saama. Ti taaiti feeni ti ya ga kpakutoomai: 
\v 55 Zuda yooi zu laai Eɓelɔn, ta maaɠoolii. 
\v 56 Kɛlɛ kpalagiti ta taa goiti ti ɠilini ma laai ʋa, ti naati feeni Yefuné ná-doun zunui Kalɛɓe ya.
\p
\v 57 Taa wolai niiti ka ti veeni Aalɔn mavofodaiti zea ga maaʋela laaiti, ta ti-maaɠooliiti, naati ti ɠɛni ga: Eɓelɔn, Liɓina, Yatiil, Esetemoa, 
\v 58 Yilɛn, Deɓiil, 
\v 59 Asan, ta Ɓɛte-Semɛse. 
\v 60 Taai niiti ti ti zɔlɔɔni Ɓɛnzamɛn ná-bolodai ná-zooi zu, ta ti-maaɠooliiti, naati ti ɠɛni ga: Geɓa, Alemɛte, ta Anatɔte. Ti pɛ kpɔga taa puugɔ maazu saʋagɔ (13) ɠa ti sɔlɔɔni, ti gaaɠwɛ ta-ʋɛlɛyeɠeiti ba.
\p
\v 61 Keɠate mavofodai zɔiti ti taa wola puugɔ zɔlɔɔni ga kpakutoomai Efelayime ta Dan ta-wolodaiti ta-yooiti su, naa ʋɛɛ Manasé ná-bolodai ɠilazuʋɛ ná-zooi zu. 
\v 62 Gɛɛlɛson mavofodaiti ti sɔlɔɔni ga taa wola puugɔ maazu saʋagɔ (13), ti naati sɔlɔɔni Isakaal, Asɛɛl, Nɛfɛtalini ti-mavofodaiti ta-yooiti su, ta Manasé mavofodaiti ta-yooi zu Ɓasan. 
\v 63 Melali mavofodaiti ti taa wola puugɔ maazu felegɔ (12) zɔlɔɔni ga kpakutoomai, Luɓɛn, Gade, ta Zaɓulɔnni ta-wolodaiti ta-yooiti su. 
\v 64 Izilayɛle nuiti ti niima laa wolaiti ta ti-maaɠooliiti feeni Levi mavofodaiti bɛ. 
\v 65 Taai niiti ti-laaseigiti bogai maazu ʋelei, ti naati feeni ti ya ɓalaa ga kpakutoomai, Zuda, Simiyɔn, ta Ɓɛnzamɛnni ta-wolodaiti ta-yooiti su.
\p
\v 66 Keɠate mavofodai zɔiti, taai niiti ti ti zɔlɔɔni, Efelayime ná-bolodai ná-zooi zu, ta ti-maaɠooliiti, naati ti ɠɛni ga: 
\v 67 Sikɛme, nii é ɠɛni ga maaʋela laai ta Efelayime ɠize yooi zu, Gezɛɛl, 
\v 68 Yokemeyame, Ɓɛte-Ɠolon, 
\v 69 Ayalon, ta Gate-Limon. 
\v 70 Taai niiti ti ti zɔlɔɔni Manasé ná-bolodai ɠilazuʋɛ ná-zooi zu, ta ti-maaɠooliiti, naati ti ɠɛni ga: Anɛɛl, ta Ɓileame. Mináti ka Keɠate mavofodai zɔiti ti sɔlɔɔni.
\p
\v 71 Gɛɛlɛson mavofodaiti, taai niiti ti ti zɔlɔɔni Manasé ná-bolodai ɠilazuʋɛ ná-zooi zu, ta ti-maaɠooliiti, naati ti ɠɛni ga: Golan, nii é Ɓasan yooi zu, ta Asatalɔte. 
\v 72 Taai niiti ti ti zɔlɔɔni Isakaal ná-bolodai ná-zooi zu, ta ti-maaɠooliiti, naati ti ɠɛni ga: Kedɛse, Daɓelate, 
\v 73 Lamɔte, ta Anɛme. 
\v 74 Taai niiti ti ti zɔlɔɔni Asɛɛl ná-bolodai ná-zooi zu, ta ti-maaɠooliiti, naati ti ɠɛni ga: Masale, ta Aɓedon, 
\v 75 Ɠukɔke, ta Leɠɔɓe. 
\v 76 Taai niiti ti ti zɔlɔɔni Nɛfɛtali ná-bolodai ná-zooi zu, ta ti-maaɠooliiti, naati ti ɠɛni ga: Kedɛse, nii é Galilé yooi zu, Ɠamon, ta Kiliyatayime.
\p
\v 77 Melali mavofodai zɔiti, taai niiti ti ti zɔlɔɔni, Zaɓulɔn ná-bolodamai ná-zooi zu, ta ti-maaɠooliiti, naati ti ɠɛni ga: Limono, ta Taɓɔɔl. 
\v 78 Taai niiti ti ti zɔlɔɔni Zuludɛn ziɛ ʋoluʋelei, Zuludɛn ɠobaʋɛ, folo ɠulazu ʋelei, Zeliko letemaʋɛ, Luɓɛn ná-bolodai ná-zooi zu, ta ti-maaɠooliiti, naati ti ɠɛni ga: Ɓesɛɛl, nii é teʋebai zu, Yasa, 
\v 79 Kedemɔte, ta Mefaate. 
\v 80 Taai niiti ti ti zɔlɔɔni Gade ná-bolodai ná-zooi zu, ta ti-maaɠooliiti, naati ti ɠɛni ga: Lamɔte, nii é Galaade yooi zu, Maɠanayime, 
\v 81 Ɠɛsɛɓon, ta Yazɛɛl.
\c 7
\s Isakaal mavofodaiti
\p
\v 1 Doun zunu naanigɔ ɠa Isakaal sɔlɔɔni: Tola, Pua, Yasuɓe ta Similon. 
\v 2 Tola ná-doun zunuiti daaseigiti kaa: Uzi, Lefaya, Yeliyɛle, Yamayi, Yiɓisame, ta Samiyɛle, naati kpein ti ɠɛni ga pɛlɛyeɠe lotuɠɔiti Tola mavofodaiti su. Ti pɛ ti ɠɛni ga kɔɔɠuluɓa wolaiti ta-ʋɛlɛyeɠeiti bu. Davide ɠɛai ma ga masagi, ti-liegɔi ɠɛni ga nu waaʋuufele maazu felegɔ undɔzita (22.600). 
\v 3 Uzi mavofodaiti kaa: Yizalaya, naa ná-doun zunuiti ti ɠɛni ga niiti: Mikayɛle, Aɓediyase, Zowɛle, Yizalayia. Ti nu lɔɔlugɔ pɛ ti ɠɛni ga pɛlɛyeɠe lotuɠɔiti. 
\v 4 Salaʋusuiti ti ɠɛni ta-ʋɛlɛyeɠeiti zea, naati ti-liegɔi ɠɛni ga nu waaʋuusaʋagɔ maazu lɔzita (36.000), tɔɔzei ti-anzaiti ta ti-lointi mɔin ʋelei ʋa. 
\v 5 Isakaal mavofodaiti ta-nuɓusɛi pɛ kpɔga ɠɛni ga waaʋuulɔsaʋa maazu lɔfela (87.000), ti ga kɔɔɠuluɓaiti niiti ti-laaseigiti sɛʋɛai.
\s Ɓɛnzamɛn mavofodaiti
\p
\v 6 Doun zunu saʋagɔ ɠa Ɓɛnzamɛn sɔlɔɔni: Ɓela, Ɓekɛɛl, ta Yediayɛle. 
\v 7 Ɓela sɔlɔɔni ga zunu loun lɔɔlugɔ: Ɛsɛɓon, Uzi, Uziyɛle, Yelimɔte, ta Ili, naati ka ti ɠɛni ga ta-ʋɛlɛyeɠe lotuɠɔiti, ti ɠɛ ga kɔɔɠuluɓaiti, tɛiti kpein ti laaseigi zɛʋɛni, ti ɠɛni ga zunu waaʋuufele maazu felegɔ puusaʋagɔ maazu naanigɔ (22.034). 
\v 8 Ɓekɛɛl mavofodaiti kaa: Zemila, Yoase, Eliyezɛɛl, Eliyɔyenayi, Womeli, Yelemɔte, Aɓiya, Anatɔte, ta Alemɛte. Ɓekɛɛl mavofodaiti kana. 
\v 9 Ta-ʋɛlɛyeɠeiti daaseigiti sɛʋɛai ma, ti pɛ kpɔga ɠɛni ga zunu waaʋuufelegɔ unfelegɔ (20.200), ti ga ta-ʋɛlɛyeɠe lotuɠɔiti, ti ɠɛ kɔɔɠuluɓaiti. 
\v 10 Yediayɛle mavofodaiti kaa: Ɓiliɠan, nii ná-doun zunuiti ti ɠɛni ga niiti: Yeyuse, Ɓɛnzamɛn, Eɠude, Kenaana, Zetan, Taalasise, Ayisaɠaal. 
\v 11 Yediayɛle mavofodai niiti kpein ti ɠɛni ga ta-ʋɛlɛyeɠeiti ma lotuɠɔiti, niiti zunu waapuugɔ maazu lɔfela unfelegɔ (17.200) ɠɛni ti zaama ga kɔɔɠuluɓaiti, ti ɠɛʋele ɓɛtɛai ga ti li kɔɔɠɔzu. 
\v 12 Supime ta Ɠupime ti ɠɛni ga Iil ná-doun zunuiti, Ɠusime ɠɛ ga Aɠɛɛl ná-doun zunui.
\s Nɛfɛtali mavofodaiti
\p
\v 13 Nɛfɛtali mavofodaiti kaa: Yasiyɛle, Guni, Yesɛɛl ta Salume. Nɛfɛtali dee ɠɛni ga Ɓiliɠa.
\s Manasé mavofodaiti
\p
\v 14 Manasé mavofodaiti kaa: É doun zunu felegɔ zɔlɔɔni Siili anzanui ʋa, nii é la vuluni ga zɔi ɠɛʋele, naama loun mɔungi laaseigi ɠɛni ga Asaliyɛle, felesiɛi laaseigi ɠɛ ga Makiil, naa ɠa é ɠɛni ga Galaade kɛɛɠɛ. 
\v 15 Makiil anza ɠila fuluni Ɠupime ʋɛ, é gila fulu Supime ʋɛ. Baazeelai laaseigi ɠɛni ga Maaka. Doun zunui velesiɛi laaseigi ɠɛni ga Selofeɠade, anzanu letele nɔ ɠa naa sɔlɔɔni. 
\v 16 Makiil anzai Maaka doun zunu ɠili sɔlɔɔni bɛ, é daasei pɛɛ ga Pelɛse, é taɠili sɔlɔɔ, é naa laasei pɛɛ ga Selɛse. Selɛse ná-doun zunuiti ti ɠɛni ga niiti: Ulame, Lekɛme. 
\v 17 Ulame ná-doun zunui ɠɛni ga: Ɓedan. Galaade mavofodaiti kana, Makiil ná-doun zunui, é ga Manasé ná-dounloin. 
\v 18 Galaade baazeelai Yamolekɛte zunu loun zɔlɔɔni: Yisɔde, Aɓiyezɛɛl, ta Maala. 
\v 19 Semida ná-doun zunuiti ti ɠɛni ga niiti: Ayiyan, Sikɛme, Liki, ta Aniame.
\s Efelayime mavofodaiti
\p
\v 20 Efelayime mavofodaiti kaa, é zo ɠɛɛɠɛiti ma, é li lointi pɔ: Sutela, Ɓelɛde, Taɠate, Eleyada, Taɠate, 
\v 21 Zaɓade, Sutela. Ezɛɛl ta Eleyade, Gate nui niiti ti ɠɛni ga zooi naa zu nuiti, ti naati felegɔ ʋaani, tɔɔzei ti ɠɛni ɠɛɛzu ti naati ta-logani ɓulugiti seɠe ga tɔnɔ. 
\v 22 Ti-ɠɛɛ Efelayime folo mɔinmɔin kɛɛni ti zaa wɔlɔi ɠa. Baalobaiti ti ʋaani ga ti gaanɛɛnɛ. 
\v 23 Naa ʋoluma Efelayime laani anzai ɠoba, naa kogi zeɠe, é doun zunu zɔlɔɔ, é daasei pɛɛ ga Ɓelia (nii poluʋɛ ga «kpɔlɔi zu»), tɔɔzei ná-pɛlɛyeɠei ɠɛni kpɔlɔi zu. 
\v 24 Efelayime anzanu loun zɔlɔɔni ɓalaa, nii daaseigi ɠɛni ga Seyela. Tɔ ɠa é Ɓɛte-Ɠolon taai maazu ʋelei ta buu ʋelei loni, naa ʋɛɛ Uzɛn-Seyela ʋa. 
\v 25 Ɓelia mavofodaiti kaa, é zo ɠɛɛɠɛiti ma, é li lointi pɔ: Lefa, Lesɛfe, Tela, Taɠan, 
\v 26 Layedan, Amiyude, Elisama, 
\v 27 Nun, ta ná-doun zunui Zozuwe. 
\v 28 Taai niiti Efelayime nuiti ti ti zɔlɔɔni ga ti zei ná, mináti kaa: Ɓetɛle ta koba laaiti, Naalan ɠa é ɠɛni ga folo ɠulazu ʋelei, folo liizu ʋelei Gezɛɛl ɠa é ɠɛni miná ta koba laaiti: Sikɛme, ta taa wola felegɔi naati koba laa goiti, naa ʋɛɛ Sikɛme ta Aya ti yɔɠɔzu yooi ma laaiti pɛ ba. 
\v 29 Manasé mavofodaiti taa wolai niiti sɔlɔɔni: Ɓɛte-Seyan, Taanake, Megido, Dɔɔl, ta ti ɠoba laa goiti pɛ. Taa wolai naati su ɠa Izilayɛle ná-doun zunui Zozɛfe vofodaiti ti ɠɛni zeini ná.
\s Asɛɛl mavofodaiti
\p
\v 30 Asɛɛl ná-doun zunuiti kaa: Yimina, Yisiva, Yisivi ta Ɓelia, naa ʋɛɛ ti-ʋaazeelai Sela ʋa. 
\v 31 Ɓelia ná-doun zunuiti kaa: Ɠeɓɛɛl, ta Malekiyɛle. Malekiyɛle naa ɠa é Ɓilizavite laaɠulani. 
\v 32 Ɠeɓɛɛl nɔnɔ ma loun zunuiti kaa: Yafilɛte, Somɛɛl, Wotame, ta ti-ʋaazeelai Suwa. 
\v 33 Yafilɛte ná-doun zunuiti kaa: Pasake, Ɓimiɠale, ta Asavate. Yafilɛte ná-doun zunuiti kana. 
\v 34 Semɛɛl ná-doun zunuiti kaa: Ayi, Loyega, Ɠuɓa, ta Alame. 
\v 35 Kɛɛɠɛloin Ɠelɛme ná-doun zunuiti kaa: Sofa, Yimina, Selɛke, ta Amale. 
\v 36 Sofa ná-doun zunuiti kaa: Suwa, Ɠaalenefɛɛl, Suale, Ɓeli, Yimila, 
\v 37 Ɓesɛɛl, Wode, Sama, Silisa, Yitilan, ta Ɓeyela. 
\v 38 Yetɛɛl ná-doun zunuiti kaa: Yefuné, Pisipa, ta Ala. 
\v 39 Ula ná-doun zunuiti kaa: Ala, Ɠaniyɛle, Lisia. 
\v 40 Niima nuiti pɛ ti ɠɛni ga Asɛɛl mavofodaiti, ti ɠɛni ga pɛlɛyeɠe lotuɠɔ ʋagɔiti, ti ɠɛni ga nu ɓiigiti kɔɔɠuluɓaiti, ta totuɠɔ nu wolaiti. Zunui niiti ti-laaseigiti ti zɛʋɛni niiti ta zoo liizu kɔɔɠɔzu, naati ti ɠɛni ga nu waaʋuufele maazu lɔzita (26.000).
\c 8
\s Ɓɛnzamɛn mavofodaiti
\p
\v 1 Ɓɛnzamɛn ná-doun zunuiti ti-laaseigiti kaa: Ɓela ɠa é ɠɛni ga doun mɔungi, Asaɓɛle ɠɛ ga felesiɛi, saʋasiɛi ɠɛ ga Aala, 
\v 2 naanisiɛi ɠɛni ga Noɠa, dɔɔlusiɛi ɠɛ ga Lafa. 
\v 3 Ɓela doun zunuiti sɔlɔɔni: Adaal, Gela, Aɓiyude, 
\v 4 Aɓisua, Naaman, Aɠoa, 
\v 5 Gela, Sefufan, ta Ɠulame.
\p
\v 6 Eɠude ná-doun zunuiti Geɓa nuɓusɛiti ta-ʋɛlɛyeɠe lotuɠɔiti ti ti zeɠeni zeizu, ti naati sei Manaɠate. Ti-laaseigiti kaa: 
\v 7 Naaman, Ayiya, ta Gela, nii é ɠɛni ga Uza ta Ayiyude ti-ɠɛɛ, naa ɠa é loni seɠeseizui luɠɔ. 
\v 8 Saɠalayime anzaiti kpɛɛni, Ɠusime ta Ɓaala, naa ʋoluma é doun zunua zɔlɔɔni Moaɓe nɛmɛi zu. 
\v 9 É anzanu ɠili seini nii daaseigi ɠɛni ga Wodɛse, é doun zunuiti sɔlɔɔ naa ʋa, naati daaseigiti kaa: Yoɓaɓe, Siɓia, Mesa, Malekame, 
\v 10 Yeyuse, Sakia ta Miilima. Saɠalayime ná-doun zunuiti ti-laaseigiti kana, niiti ti ɠɛni ga pɛlɛyeɠe lotuɠɔiti.
\p
\v 11 Mɔunpa dɛ, é Aɓituɓe ta Ɛlɛpaale zɔlɔɔni anzai Ɠusime ʋa. 
\v 12 Ɛlɛpaale ná-doun zunuiti ti-laaseigiti kaa: Eɓɛɛl, Miseyame, ta Semɛde, nii é taa wola felegɔi niiti toni: Wono, ta Lode, é ʋɛɛ ti ɠoba laa goiti ba. 
\v 13 Ɓelia ta Sema, niiti ti ɠɛni ga pɛlɛyeɠe lotuɠɔiti Ayalon nuiti saama, ti Gate nuiti kpɛɛni. 
\v 14 Naa ʋoluma, Ɓelia ná-doun zunuiti ti-laaseigiti kaa: Ayiyo, Sasake, Yelemɔte, 
\v 15 Zeɓadia, Alade, Edɛɛl, 
\v 16 Mikayɛle, Yisifa ta Yoɠa, 
\v 17 Ɛlɛpaale ná-doun zunuiti ti-laaseigiti kaa: Zeɓadia, Mesulame, Yiziki, Ɠeɓɛɛl, 
\v 18 Yisemelayi, Yiziliya ta Yoɓaɓe. 
\v 19 Simeyi ná-doun zunuiti daaseigiti kaa: Yakime, Zikili, Zaɓidi, 
\v 20 Eliyenayi, Siletayi, Eliyɛle, 
\v 21 Adaya, Ɓelaya, ta Similate. 
\v 22 Naa ʋoluma, Sasake ná-doun zunuiti daaseigiti kaa: Yisipan, Eɓɛɛl, Eliyɛle, 
\v 23 Aɓadon, Zikili, Ɠanan, 
\v 24 Ɠanania, Elame, Antotiya, 
\v 25 Yifideya, ta Penuwele. 
\v 26 Yeloɠame ná-doun zunuiti daaseigiti kaa: Sameselai, Seɠalia, Atalia, 
\v 27 Yalesia, Eliya ta Zikili.
\p
\v 28 Naati ka ti ɠɛni ga pɛlɛyeɠe lotuɠɔiti, eɠɛʋelei ti-mavofodaiti ti la. Ti ɠɛni zeini Zeluzalɛme.
\p
\v 29 Gaɓaɠɔn kɛɛɠɛ ɠɛni zeini Gaɓaɠɔn taazuʋɛ, ta anzai nii daaseigi ɠɛni ga Maaka. 
\v 30 Ná-doun zunu mɔungi laaseigi ɠɛni ga Aɓadon, naa ʋolu Suul, Kise, Ɓaale, Nadaɓe, 
\v 31 Gedɔɔl, Ayiyo, ta Zekɛɛl. 
\v 32 Mikelɔte ná-doun zunui ɠɛni ga Simeya. Niima nuiti ɓalaa ti zeini Zeluzalɛme ti-ɠɛɛlointi koba.
\s Sayile vofodaiti
\r (1 Dɔlɔ Sɛʋɛi 9:39-44)
\p
\v 33 Nɛɛl Kise zɔlɔɔni, Kise Sayile zɔlɔɔ. Sayile ná-doun zunuiti ti ɠɛni ga: Zonatan, Malekisua, Aɓinadaɓe, naa ʋɛɛ Eseɓaale ʋa. 
\v 34 Zonatan Meliɓe-Ɓaale zɔlɔɔni, Meliɓe-Ɓaale Misé zɔlɔɔ. 
\v 35 Misé ná-doun zunuiti ti ɠɛni ga: Piton, Melɛke, Taalea ta Aɠaze. 
\v 36 Aɠaze Yewoada zɔlɔɔni, Yewoada ná-doun zunuiti ti ɠɛni ga: Alemɛte, Azamavɛte, ta Zimili. Zimili Mosa zɔlɔɔni, 
\v 37 Mosa Ɓineya zɔlɔɔ, Ɓineya Lafa zɔlɔɔ, Lafa Eleyasa zɔlɔɔ, Eleyasa Asɛle zɔlɔɔ. 
\v 38 Doun zunu lɔzita ɠa Asɛle sɔlɔɔni, ti laaseigiti kaa: Azilikame, Ɓokelu, Isemayɛle, Sealia, Aɓediyase naa ʋɛɛ Ɠanan ʋa. Asɛle ná-doun zunuiti kana. 
\v 39 Asɛle kɛɛɠɛloin ɠɛni ga Esɛke. Esɛke ná-doun zunuiti daaseigiti kaa: Ulame ɠa é ɠɛni ga doun mɔungi, felesiɛi ɠɛ ga Yeyuse, saʋasiɛi ɠɛ ga Elifelɛte. 
\v 40 Ulame ná-doun zunuiti ti ɠɛni kɔɔɠɔ nu wolaiti, ti zoogai mɛɛin ʋilisu. Ti wola ɓuɠuni, ti-lointi ta ti-lounlointi gola mɔinni. Ti pɛ kpɔga ɠɛni ga nu ungila nu ʋuulɔɔlugɔ (150). Niima nuɓusɛiti pɛ ti ɠɛni ga Ɓɛnzamɛn mavofodaiti.
\c 9
\s Zeluzalɛme zei wo nuiti  //  ti ɠulaa ʋoluma duɔlai zu
\p
\v 1 Izilayɛle nuiti pɛ daaseigi zɛʋɛni ga pɛlɛyeɠe ʋelei, daasei sɛʋɛ zɛʋɛ wolai zu, nii é ɠɛni masagiti zea. Zuda nuɓusɛiti ti liini Ɓaɓilɔne duɔlai zu, tɔɔzei ta-wooʋaladai ʋa. 
\v 2 Niiti ti ɠɛni ga nu mɔun ti ɠale ma ʋolu ta-yooiti su, ti zei ta-laaiti su, naati ti ɠɛni ga Izilayɛle nuiti, zalaɠa ɠula nuiti, Levi mavofodaiti, ta niiti ti ɠɛni botii ɠɛɛzu GALA sei ʋɛlɛi wu.
\p
\v 3 Naa ʋoluma, Zuda, Ɓɛnzamɛn, Efelayime ta Manasé wolodamaiti su nuiti ti ʋaani, ti zei Zeluzalɛme.
\p
\v 4 Zuda wolodamaiti su, zɔiti ti ʋaani, naati ti ɠɛni ga: Utayi, nii é ɠɛni ga Amiyude ná-doun zunui, Amiyude naa ɠɛni ga Womeli ná-doun zunui, é ɠɛ ga Imili ná-dounloin, Imili naa ɓalaa kɛɛɠɛ ɠɛni ga Ɓani, nii é ɠɛni ga Pelɛze ná-bolodai zu nui ta. 
\v 5 Silo nuiti su, niiti ti ʋaani, ti zei, ti ɠɛni ga: ná-doun zunu mɔungi Azaya ta ná-doun zunuiti. 
\v 6 Zela mavofodaiti su, zɔi é ʋaani, é zei, naa ɠɛni ga: Yeyuwɛle. Zuda wolodamaiti su nuiti niiti ti zeini Zeluzalɛme ti ɠɛni ga nu undɔzita nu ʋuutaaʋuugɔ (690).
\p
\v 7 Ɓɛnzamɛn wolodai zu niiti ti ʋaani, ti zei, naati ti ɠɛni ga: Salu, Mesulame ná-doun zunui, é ɠɛ ga Wodavia ná-dounloin, é ɓalaa ga Ɠasenua ná-dounloun loin. 
\v 8 Naa ʋolumai ɠɛni ga Yiɓeneya, Yeloɠame ná-doun zunui, Ela, Uzi ná-doun zunui, é ɠɛ ga Mikili ná-dounloin, Mesulame, Sefatia ná-doun zunui, é ɠɛ ga Leyuwɛle ná-dounloin, é ɓalaa ga Yiɓiniya ná-dounloun loin. 
\v 9 Ɓɛnzamɛn wolodai zu niiti ti ʋaani, ti zei, naati ti ɠɛni ga nu untaaʋuugɔ puulɔɔlugɔ maazu lɔzita (956), naama nuiti pɛ ti ɠɛni ga pɛlɛyeɠe lotuɠɔiti.
\p
\v 10 Zɔiti ti ʋaani zalaɠa ɠula nuiti saama, naati kaa, é zo lointi ma, é li ɠɛɛɠɛiti pɔ: Yedaya, Yeɠoyaliɓe, Yakin, 
\v 11 Azalia, Yilikiya, Mesulame, Sadɔke, Melayɔte, Ayituɓe, naa ɠa é ɠɛni ga GALA sei ʋɛlɛi ma lotuɠɔi. 
\v 12 Adaya ɓalaa ge ɠɛni ná, Yeloɠame ná-doun zunui, nii mɛmɛwolani ti ɠɛni ga: Pasuul ta Malikiya. Mayesayi ɓalaa ʋaani, Adiyɛle ná-doun zunui, nii mɛmɛwolani ti ɠɛni ga: Yazela, Mesulame, Mesilemite, naa ʋɛɛ Imɛɛl ʋa. 
\v 13 Naati ti ʋɛɛ zɔɔma zalaɠa ɠula nuiti ba, ti ga pɛlɛyeɠe lotuɠɔiti, ti pɛ kpɔga ɠɛni ga nu waagila undɔfela puulɔzita (1.760), ti ɠɛni ga zɛbɛsu nuiti ta nu ɓiigiti, ti ɗa botii ɠɛ GALA sei ʋɛlɛi wu.
\p
\v 14 Levi mavofodaiti saama, zɔiti ti ʋaani, ti zei, naati kaa é zo lointi ma, é li ɠɛɛɠɛiti pɔ: Semaya, Ɠasuɓe, Azilikame, ta Ɠasaɓiya, niiti ti ɠɛni ga Melali ná-pɛlɛyeɠei wu nuiti. 
\v 15 Ɓakeɓakaal ɓalaa ɠɛni ná, naa ʋɛɛ Ɠelɛse ʋa, ta Galale, naa ʋɛɛ Matania ʋa, nii é ɠɛni ga Misé ná-doun zunui, é ɠɛ ga Zikili ná-dounloin ta Azafe mavofodai. 
\v 16 Aɓediyase ɠɛni ná, Semaya ná-doun zunui, Galale ta Yedutun ti-mavofodai. Ɓelekia ɠɛni ná ɓalaa, Aza ná-doun zunui, é ga Ɛlɛkana ná-dounloin, nii é ɠɛni ɲii wosu Netofa nuiti ta-laaiti su.
\p
\v 17 Siɠida makɛ nuiti ɓalaa ti ɠɛni ná: Salume, Akuɓe, Talamɔn, Ayiman, ta ti-ɠɛɛlointi. Salume ɠa é ɠɛni ga ta-lotuɠɔi. 
\v 18 Zaaɠaza mavofodaiti ka dɛ ti botii ɠɛɛzu GALA sei ʋɛlɛi laaʋɛ folo ɠulazu ʋelei, ʋɛ ná laaseigi ʋɛai ga masagi ná-siɠidaʋɛ. Siɠida makɛ nuiti ka ti ɠɛni Levi mavofodaiti saama. 
\v 19 Salume, Kolé ná-doun zunui, Eɓiyasafe ta Kolé ti-mavofodai, ta Kolé ʋɛlɛyeɠei zɔiti pɛ bu nuiti, ti ɠɛni ga GALA daaɠomi seɠe ʋɛlɛi laaʋɛ makɛ nuiti, eɠɛʋelei ti-mɛmɛwolani ti ɠɛni Ɠɔoɠɔ GALAGI ná-seɠe ʋɛlɛi laaʋɛ makɛsu la. 
\v 20 Mɔungi Eleazaal ná-doun zunui Fineyase ɠa é ɠɛni ga ta-lotuɠɔi, tɔɔzei Ɠɔoɠɔ GALAGI ɠɛni ba. 
\v 21 Meselemia ná-doun zunui Zakali ɓalaa ɠɛni ga GALA daaɠomi seɠe ʋɛlɛi laaʋɛ makɛ nui ta.
\p
\v 22 Niiti kpein ti yeeloni ti ʋa ga ti ɠɛ ga siɠida makɛ nuiti, ti ɠɛni ga nu unfelegɔ nu puu maazu felegɔ (212). Ti-laaseigiti ti zɛʋɛni ga taa ʋelei. Davide ta GALA goo wo nui Samiyɛle ti naama losuʋɛ veeni ti ya eyɛsu ɠɔ. 
\v 23 Tiya-o, ti-mavofodaiti-yo, ta-wotii ɠa ga ti ɗa Ɠɔoɠɔ GALAGI zei ʋɛlɛi laaʋɛ makɛ, seɠe ʋɛlɛi laaʋɛ. 
\v 24 Siɠida makɛ nuiti ti ɠɛni ʋepema naanigɔiti pɛ su: folo ɠulazu ʋelei, folo liizu ʋelei, lɛkpɛmaʋɛ nu ɠɔʋɛzu ʋelei ta lɛkpɛmaʋɛ nu yeezazu ʋelei. 
\v 25 Siɠida makɛ nui zɔi niiti ti ɠɛni ti ɓɔɠɔ laaiti su, naati ti ɓena ʋa, ti ɗa dɔɔɠɔ ɠilagilagi ɠɛ ti ɠoba. 
\v 26 Kɛlɛ siɠida makɛ nu ɓii naanigɔi niiti ti ɠɛni ná nɔ ɠɔ, Levi mavofodaiti ge ɠɛni ga tiye, tiya ɠa ti ɠɛni wɛlɛzu ɲii wosuʋɛti ma, ta GALA sei ʋɛlɛi ma naavolo makɛsuʋɛ ma. 
\v 27 Ti ɠɛni ɲiizu piin GALA sei ʋɛlɛ maaɠoolii zu, tɔɔzei tiya ɠa ti ɠɛni wɛlɛzu ma, naa ʋoluma, kɛni sobu-o-sobu ti ma ʋɛlɛlaʋɛti daalao.
\p
\v 28 Tanigaa ta-wotii ɠɛni ga ti ɗa wɛlɛ GALA sei ʋɛlɛi wu zɔɔlaiti ma, siɛgi zu ta la ɠɛna ɠulaa la ga tiye, ta la ɠɛna ɓalaa ti lɛa pɛlɛi wu, ti ɓena ti ɠaalu. 
\v 29 Taɠiligaa tɔnɔi ɠɛni ga ti ɗa wɛlɛ aniɲakai mɔtaiti ma ta zalaɠa ɠula zɔɔlaiti, naa ʋɛɛ ɓulu vukɔ ʋagɔi, dɔɔi, gulɔi, ansansegi, ta tufa maku nɛɛnɛgiti ba. 
\v 30 Kɛlɛ zalaɠa ɠula nuiti ɓɔɠɔgo ti ɓena tufa maku nɛɛnɛgi naati kpɛtɛ. 
\v 31 Levi nu ɠila ge ɠɛni ná, é ga Kolé mavofodai Salume ná-doun zunu mɔungi, daaseigi ɠɛni ga Matitia, naa ná-botii ɠɛni ga é ɗa ɓului ɓɛtɛ, nii é ɠɛni ɠɛɛzu ga vebɛ zalaɠai. 
\v 32 Levi mavofodai taɠiligaa niiti ti ɠɛni ga Keɠate ʋaalobaiti ta, naati ta-wotii ɠɛni ga ti ɗa ɓului ɓɛtɛ, nii é ɠɛni ɠɛɛzu ga zalaɠai Ɠɔoɠɔ GALAGI ʋɛ dooɠo folo ɠilagila.
\p
\v 33 Levi ʋɛlɛyeɠe lotuɠɔi niiti ti ɠɛni guye loo vai unda, naati ti ɲii ʋɛlɛiti ti ɠɛni ná, ti-ʋɔ ge la ɠɛni zɔɔma wotii tanɔpɛ ba, tɔɔzei kpidi ʋɛɛ folo ʋa botii ɠɛni nɔ ti ya. 
\v 34 Levi ʋɛlɛyeɠe lotuɠɔiti kana, eɠɛʋelei ti-mavofodaiti ti la. Ti ɠɛni zeini Zeluzalɛme.
\s Sayile vofodaiti
\r (1 Dɔlɔ Sɛʋɛi 8:29-38)
\p
\v 35 Gaɓaɠɔn kɛɛɠɛ Yeiyɛle ɠɛni zeini Gaɓaɠɔn taazuʋɛ, ta anzai nii daaseigi ɠɛni ga Maaka. 
\v 36 Ná-doun zunu mɔungi laaseigi ɠɛni ga Aɓadon, naa ʋolu Suul, Kise, Ɓaale, Nɛɛl, Nadaɓe, 
\v 37 Gedɔɔl, Ayiyo, Zakali, ta Mikelɔte. 
\v 38 Mikelɔte ná-doun zunui ɠɛni ga Simeyame. Niima nuiti ɓalaa ti zeini Zeluzalɛme, ti-ɠɛɛlointi koba. 
\v 39 Nɛɛl Kise zɔlɔɔni, Kise Sayile zɔlɔɔ. Sayile ná-doun zunuiti ti ɠɛni ga: Zonatan, Malekisua, Aɓinadaɓe, naa ʋɛɛ Eseɓaale ʋa. 
\v 40 Zonatan Meliɓe-Ɓaale zɔlɔɔni, Meliɓe-Ɓaale Misé zɔlɔɔ. 
\v 41 Misé ná-doun zunuiti ti ɠɛni ga: Piton, Melɛke, ta Taalea. 
\v 42 Aɠaze Yayela zɔlɔɔni, Yayela ná-doun zunuiti ti ɠɛni ga: Alemɛte, Azamavɛte, ta Zimili. Zimili Mosa zɔlɔɔni, 
\v 43 Mosa Ɓineya zɔlɔɔ, Ɓineya Lefaya zɔlɔɔ, Lefaya Eleyasa zɔlɔɔ, Asɛle zɔlɔɔ. 
\v 44 Doun zunu lɔzita ɠa Asɛle sɔlɔɔni, ti laaseigiti kaa: Azilikame, Ɓokelu, Isemayɛle, Sealia, Aɓediyase naa ʋɛɛ Ɠanan ʋa. Asɛle ná-doun zunuiti kana.
\c 10
\s Sayile zaa vai
\r (1 Samiyɛle 31:1-13)
\p
\v 1 Filisiti nuiti ti kɔɔi ʋɛɛni Izilayɛle nuiti ba. Izilayɛle nuiti ti ʋelani ti ʋa, ti-ma mɔinmɔin ge zaani ti zaama, Gileɓoa gizei ma. 
\v 2 Filisiti nuiti ti ɠaaʋoteni ga ɠiteɠite Sayile ma, ta ná-doun zunuiti. Ti ná-doun zunuiti paani: Zonatan, Aɓinadaɓe, naa ʋɛɛ Malekisua ʋa. 
\v 3 Kɔɔi ɠaaʋoteni Sayile nɔ ma niina. Mɛɛn ʋili nuiti ti kaani, é wola lua. 
\v 4 Sayile ɠɛni ná-kɔɔɠɔ zɔɔla zeɠe nui ma: «Ɗa-woɠa zɔkpɔi ɠula ma laɠagi zu, è pàa, nii a kɛ tatipɛlɛʋolulala nui niiti ti mina ʋa pàazu, ti ʋa ɓaaɠula mà.» Kɛlɛ naa la ɠɛni kɛɛni, tɔɔzei é ɠɛni ɓalizu ga dualuagi. Sayile ɓɔɠɔi ɗa ná-boɠa zɔkpɔi zeɠe, é lɔ ga. 
\v 5 Ná-kɔɔɠɔ zɔɔla zeɠe nui kaai ma ga é zaa, tɔ ɓalaa é lɔɔni nɔnɔ ma woɠa zɔkpɔi ɠa, é za. 
\v 6 Ʋele ɠana Sayile ta ná-doun zunu saʋagɔiti pɛ ti zaani la ʋɔɔma, naa ʋɛɛ ná-pɛlɛyeɠei pɛ ba. 
\v 7 Izilayɛle nui niiti pɛ ti ɠɛni pɛtugi zu, ti kaai ma ga Izilayɛle ɠɔɔʋɛbɛi ʋela, ta Sayile naa ʋɛɛ ná-doun zunuiti ba ti za, tiya ɓalaa ti ɠulani ta-laaiti su, ti ʋela. Filisiti nuiti ti ʋaani, ti zei naama laaiti su.
\p
\v 8 Poluma voloi Filisiti nuiti ti ʋaani kɔɔ lɔɓɔi zu, nii a kɛ ti poomaiti kɔligiti seɠe. Ti Sayile ta ná-doun zunuiti ma ʋoomaiti kaani Gileɓoa gizei ma. 
\v 9 Ti Sayile ná-kɔɔɠɔ zɔɔlaiti seɠe, ti nɔungi leʋe ba, ti li ga ná-kɔɔɠɔ zɔɔlaiti ta nɔungi. Naa ʋolu ti ta-vɔnifaamai ma wooi laazeeli Filisiti yooi ná pɛ su, daazeeli nuɓusɛiti ta ta-ɠɔɔɠɔ ganigiti ma. 
\v 10 Ti Sayile ná-kɔɔɠɔ zɔɔlaiti daani ta-ɠalagiti ta-ʋɛlɛi wu, ti Sayile nɔungi zɛlɛ ta-ɠalagi Dagon ná-pɛlɛi wu.
\p
\v 11 Siɛgi zu Galaade yooi zu Yaɓese nuiti ti naa pɛ mɛnini da, nii Filisiti nuiti ti kɛai ga Sayile, 
\v 12 kɔɔɠɔ nu ɠɛzɛɠɛzɛgiti ti ʋilɛni pelei ma, ti Sayile ta ná-doun zunuiti ma ʋoomaiti seɠe, ti ʋa ga tiye Yaɓese. Ti naati ma ɠaeiti maaɠulu, sɛne gului wu Yaɓese, naa ʋoluma ti zugi zoni folo lɔfela laawu.
\p
\v 13 Sayile saai zɔlɔɔni, tɔɔzei kololalai ʋa, nii é kɛɛni ga Ɠɔoɠɔ GALAGI. É la ɠɛni kɛɛni, é ʋa ɠolo Ɠɔoɠɔ GALAGI wooi ʋɛ, naa ʋoluma é liini gɔvɛ laawooleʋe nui ta ʋɔ, é ɠɛ naa gɔvɛi ta ɠaazaɠa bɛ, 
\v 14 aisa tɔun é ʋa Ɠɔoɠɔ GALAGI ɠaazaɠa. Ɠɔoɠɔ GALAGI vaani bu é za, tama é masadai zeɠe, é fe Izayi ná-doun zunui Davide ya.
\c 11
\s Izilayɛle masagi Davide
\r (2 Samiyɛle 5:1-3)
\p
\v 1 Izilayɛle nuiti pɛ ti ʋaani Davide ʋɔ bɛ Eɓelɔn, ti ɠɛ ma: «Ada ga zii ɠila, ta ɲama ɠila. 
\v 2 Kaite Sayile ná-masadai ma ziɛgi zu, ɗa ɠa è ɠɛni losu Izilayɛle ná-kɔɔiti tuɠɔ. Tama ɗa-ƓALAGI, Ɠɔoɠɔ GALAGI minazeɠeni è ʋɛ, é ɠɛ ma: ‹Ɗa ɠa è ɠɛɛzu ga nà-nuɓusɛi Izilayɛle maaɓɛɛ nui, è ɠɛ ga ná-totuɠɔi.› » 
\v 3 Izilayɛle ɠɛwolaiti pɛ ti ʋaani masagi Davide ʋɔ bɛ Eɓelɔn. Miná ɠa ti minazeɠe kɛɛni ná yɔɠɔzu, Ɠɔoɠɔ GALAGI ɠaazu. Ti gulɔi ziɛni ma, kɛɛ vai zu ga Izilayɛle pɛ ma masagi, é zoloo naa ma, nii Ɠɔoɠɔ GALAGI boni, é ɠula Samiyɛle la.
\s Zeluzalɛme zo fai
\r (2 Samiyɛle 5:6-10)
\p
\v 4 Davide ta Izilayɛle nuiti pɛ ti liini Zeluzalɛme laalɔɠɔma, ʋɛ ná laaseigi ga Yeɓuse, naa ɠa Yeɓuse nuiti ti ɠɛni zeini ná, zooi naa zu zei wo nuiti. 
\v 5 Naati ti ɠɛni Davide ma: «È la lɛa taai nii zu pɛ!» Kɛlɛ Davide Siyɔn zoni, taai nii makɛgai ga siɠi gaaɠoozagiti, ti ná laasei pɛɛ ga: «Davide ná-taa wolai».
\p
\v 6 Davide ɠɛni ná-nuiti ma: «Zɔi nɔpɛ a ɠɛ ga nu mɔungi, é vɔni Yeɓuse nuiti ma, nà kɛ ga kɔɔʋɛbɛi ma lotuɠɔi.» Seluya ná-doun zunui Zoaɓe ese ka é lɛɛni ti laalɔɠɔma, tama, é ɠɛ ga kɔɔʋɛbɛi ma lotuɠɔi. 
\v 7 Davide zeini taazuʋɛ, naa ɠa é kɛa ti ná laaseigi ʋɛɛni la ga: «Davide ná-taa wolai». 
\v 8 É ta ɓɔni taai zɛbɛi ʋa ga pɛlɛiti ta siɠigiti, niiti é ti loni pɛtugi maaɠoolii zu nii é daaveni, daa ga Milo. Naama ziɛgi zu, Zoaɓe ɗa taai mɔtai niinɛ. 
\v 9 Davide zɛbɛi ɠɛni liizu ga wɔɔlɔa, tama Ɠɔoɠɔ GALAGI, Fai-Pɛ-Maliɠii ɠɛni ba.
\s Davide ná-kɔɔɠuluɓa wolaiti daaseigiti
\r (2 Samiyɛle 23:8-39)
\p
\v 10 Davide ná-kɔɔɠuluɓaiti daaseigiti pɛtɛ, niiti ta Izilayɛle nuiti pɛ ti yeezeini bu ga zɛbɛi, yeeɠɛɠalai pɛ su é kɛɛni masadai zu, é zoloo naa ma nii Ɠɔoɠɔ GALAGI boni é ʋilɛ Izilayɛle ʋa. 
\v 11 Wɛlɛ Davide ná-kɔɔɠuluɓa wolaiti daaseigiti ba: Ɠakamoni mavofodai Yasoɓeyame, é ɠɛni ga kɔɔɠuluɓaiti ta-lotuɠɔi. Tɔ ɠa é nu unsaʋagɔ (300) ʋaani ga ná-kpɛɛin, é ti pɛ paa ʋɔɔma kɔɔɠɔ laa ɠila su.
\p
\v 12 Tɔun polumai ɠɛni ga Dodo ná-doun zunui Eleazaal, Aɠoa nui. É ɠɛni kɔɔɠuluɓa saʋagɔiti saama. 
\v 13 Tɔ ɠa é Davide maazaani Pa-Damime, ʋɛ Filisiti nuiti ti ɠaalɛɛni ba ná kɔɔɠɔ vai ma. Kpalagi ta ɠɛni miná, sulaavegai kpe ga moloi nii daa ga wɔɔlezegi. Izilayɛle nuiti ti ʋelani Filisiti nuiti ba. 
\v 14 Ti lopele ɓɛtɛni kpalagi zu, ti ná zo ʋolu, ti vɔni Filisiti nuiti ma. Ɠɔoɠɔ GALAGI fɔnifaama wola veeni Izilayɛle ya.
\p
\v 15 Yeeta, kɔɔɠuluɓa ʋuusaʋagɔiti (30) saama, nu saʋagɔ yeini Davide ɠoba fasai ma Adulame ʋugi zu, siɛgi zu Filisiti ɠɔɔɓɔgi gila ge ɠɛni ɠaalɛɛzu la ba Lefayime ʋɛtugi zu. 
\v 16 Davide ɠɛni názu ná-dɔɔɠu wosuʋɛ, siɛgi zu Filisiti ɠɔɔɓɔgi gila ge zeini la Ɓɛteleyɛme. 
\v 17 Ani wɔin ta Davide zoni nɔ sa, é ɠɛ ma: «Ɓɛ ɠa a ʋa bɛ̀ ga Ɓɛteleyɛme taa loaʋɛ ma ziɛyeɠei zu ɗɛi ta pɔ̀, gè kpɔle?» 
\v 18 Kɔɔɠuluɓa saʋagɔiti ti lɔɔni Filisiti ɠɔɔlaaɠai zu, ti ziɛi zaɠa ziɛyeɠei zu, é Ɓɛteleyɛme taa loaʋɛ. Ti ʋaani la, ti fe Davide ya, kɛlɛ é la ɠɛni kɛɛni, é ʋa kpɔle. É feeni Ɠɔoɠɔ GALAGI ʋɛ, é pu ya zooi ma. 
\v 19 É ɠɛni ma: «Nà-GALAGI kìzo nii ɠɛɠala vai ɠɛɛ vai ma! Kulaʋɛ eɠɛ nà ɠɛ naama nuiti ma ɲamai ɓɔlezu, niiti ti ɠikulaai ti-yɛnvuiti su, ti li. Tɔɔzei ti ɠikulaʋɛ ti-yɛnvuiti su pɛ, ti ʋa ʋa ga ziɛi nii.» É ɠɛlɛni kpɔle vai ʋa.
\p Lɔɠɔɠula faa wolai ɠana kɔɔɠuluɓa wola saʋagɔi naati ti kɛɛni.
\p
\v 20 Zoaɓe kɛɛɠɛloin Aɓisayi ɠa é ɠɛni ga nu saʋagɔiti ta-ɠundiɠii. Tɔ ɠa é nu unsaʋagɔ (300) ʋaani ga ná-kpɛɛin. É lɔɠɔ zɔlɔɔni naazu nu saʋagɔiti saama. 
\v 21 Tɔɠɔɠulani ti saʋagɔ zaama, é ɠɛ ga ta-ɠundiɠii, kɛlɛ é la ɠɛni zeelini nu saʋagɔ mɔungiti su.
\p
\v 22 Ɓenaya, Yeɠoyada ná-doun zunui, é ɠɛni ga kɔɔɠuluɓa wolai ta ná-dounloun, nii é ɠɛni ga Kaɓeseyɛle nu, é lɔɠɔɠula faa wolaiti kɛɛni. Ɓenaya naa ɠa é Moaɓe ɠɔɔɠuluɓa wola felegɔ ʋaani. Tɔ ɠa ɓalaa, kɔɔlɛ vukɔi yɛni ʋuuzu foloi ta, é yeini ziɛyeɠei ɓomaʋɛ, é zalai ʋa. 
\v 23 Tɔ ɠa mɔnɔ é Ezipete nui ta ʋaani, nii sɔligɔi ɠɛni ga mɛtɛlɛ felegɔ ta tukpɛ (2,5) kɛɠala, kpɛɛin é ɠɛni zea, é wɔɔlɔni ga seɠe vɛlɛ nui ná-gba gului ɠɛɠala. Tukpɔ nɔ ɠa é ɠɛni zoni Ɓenaya ya, é ʋili Ezipete nui naa ma, é naa ná-kpɛɛin ɠula zea, é paa la. 
\v 24 Lɔɠɔɠula faa wolaiti kana Ɓenaya kɛɛni, Yeɠoyada ná-doun zunui, é lɔɠɔ wola zɔlɔɔni kɔɔɠuluɓa wola saʋagɔ ɠiligi niiti saama. 
\v 25 É lɛbiya wola zɔlɔɔni nu ʋuusaʋagɔiti (30) pɛ ba, kɛlɛ é la ɠɛni zeelini nu saʋagɔ mɔungiti su. Davide seini tɔ ɓɔɠɔi makɛ zalaʋusuiti unda.
\p
\v 26 Kɔɔɠuluɓai taɠiligaa laaseigiti kaa: Zoaɓe kɛɛɠɛloin Azayɛle, Ɓɛteleyɛme nui Dodo ná-doun zunui Ɛlɛɠanan, 
\v 27 Ɠalɔɔl nui Samɔte, Palon nui Ɠelɛse, 
\v 28 Tekoa nui Ikese ná-doun zunui Ila, Anatɔte nui Aɓiyezɛɛl, 
\v 29 Ɠusa nui Siɓekayi, Aɠoa nui Ilayi, 
\v 30 Netofa nui Maɠalayi, Netofa nui Ɓaana ná-doun zunui Ɠelɛde, 
\v 31 Liɓayi ná-doun zunui Itayi, Giɓea nui Ɓɛnzamɛn yooi zu, Pilaton nui Ɓenaya, 
\v 32 Naɠalé-Gaase nui Ɠulayi, Aalaɓa nui Aɓiyɛle, 
\v 33 Ɓaɠalime nui Azamavɛte, Saaleɓon nui Eliaɓa, 
\v 34 Gizon nui Ɓené-Ɠasɛme, Ɠalaal nui Sage ná-doun zunui Zonatan, 
\v 35 Ɠalaal nui Sakaal ná-doun zunui Ayiyame, Uul ná-doun zunui Elifale, 
\v 36 Mekela nui Ɠefɛɛl, Palon nui Ayiya, 
\v 37 Kaalamɛle nui Ɠɛsɛlo, Ezeɓayi ná-doun zunui Naalayi, 
\v 38 Natan kɛɛɠɛloin Zowɛle, Ɠageli ná-doun zunui Miɓaal, 
\v 39 Amɔn nui Selɛke, Ɓeyelɔte nui Naalayi, nii é ɠɛni Seluya ná-doun zunui Zoaɓe ná-kɔɔɠɔ zɔɔlaiti seɠezu, 
\v 40 Ila ta Galɛɓe, Yetɛɛl nu felegɔiti, 
\v 41 Ɠɛte nui Ilii, Aalayi ná-doun zunui Zaɓade, 
\v 42 Siza ná-doun zunui Adina, é ɠɛni ga Luɓɛn wolodamai zu nu, é ɠɛni ga Luɓɛn wolodamai zu nuiti ta-lotuɠɔi, é ɠɛni zeini ɓalaa salaʋusu ʋuusaʋagɔ (30) unda, 
\v 43 Maaka ná-doun zunui Ɠanan, Miteni nui Zozafate, 
\v 44 Asatelɔte nui Uziya, Alowɛɛl nui Wotame ná-doun zunuiti, Sama ta Yeiyɛle, 
\v 45 Simili ná-doun zunui Yediayɛle, kɛɛɠɛloin ɓalaa Yoɠa, Tise nui, 
\v 46 Maɠava nui Eliyɛle, Ɛlɛname ná-doun zunuiti Yeliɓayi ta Yosavia, Moaɓe nui Yitima, 
\v 47 ta Metesoɓaya nuiti Eliyɛle, Woɓɛde, naa ʋɛɛ Yasiyɛle ʋa.
\c 12
\s Kɔɔɠɔ nui niiti ti ɠɛni Davide ʋa
\p
\v 1 Siɛgi zu Davide ɠɛni lɔɔɠuzu la Sikilage, nii a kɛ é maaɠooza Kise ná-doun zunui Sayile ʋa, kɔɔɠɔ nui tanigaa ti ʋaani pɔ bɛ. Naati ti ɠɛni ga kɔɔɠuluɓa wolaiti ti ɠɛni yeeveezu bɛ kɔɔɠɔzuʋɛ. 
\v 2 Mɛɛinti ti ɠɛni ti ya, ti zooni kɔɔi ɠɔɔzu ga ti-yeezaiti ta ti-ɠɔʋɛiti kɔtu ʋili fai zu ɓaa mɛɛn ɠae ʋili fai zu. Ti pɛ ti ɠɛni boloda ɠilagi nɔ zu ta Sayileni, Ɓɛnzamɛn ná-bolodai. 
\v 3 Ti laaseigiti kaa: ta-ɠundiɠii Ayiyezɛɛl ta kɛɛɠɛloin Zoase, Giɓea nui Sema ná-doun zunuiti, Azamavɛte ná-doun zunu felegɔiti, Yeziyɛle ta Pelɛte, Ɓelaka, Anatɔte nui Zewu, 
\v 4 Gaɓaɠɔn nui Yisemaya, naa ɠɛni kɔɔɠɔ nu ʋuusaʋagɔiti (30) saama, tɔ ɠa é ɠɛni ga ta-ɠundiɠii. Zelemi, Yaɠaziyɛle, Yoɠanan, Gedeela nui Yozaɓade, 
\v 5 Eluzayi, Yelimɔte, Ɓealiya, Semalia, Ɠalɔfe nui Sefatia, 
\v 6 Ɛlɛkana, Yisiya, Azalɛle, Yowezɛɛl, Yasoɓeyame, niiti pɛ ti ɠɛni ga Kolé mavofodaiti, 
\v 7 Gedɔɔl nui Yeloɠame ná-doun zunuiti Yowela ta Zeɓadia.
\p
\v 8 Gade wolodamaiti ti ɠɛni zeɠezu Sayile ʋa, ti ɗa ʋilɛ Davide ʋolu teʋebai zu. Ti ɠɛni ga kɔɔɠuluɓa wolaiti, ti ga salaʋusuiti ti ɠalagai ga kɔɔɠɔ vai, ti zoogai ɠɔɔzu ga kɔɔɠɔ zɛpɛgi ta kpɛɛin. Ti maayikini eɠɛ zalai, ti zuvilɛ eɠɛ goegiti ti ɓizɛzu gizei ma. 
\v 9 Ezɛɛl ɠa é ɠɛni ga ta-lotuɠɔi, naa ʋoluma Aɓediyase ɠa é ɠɛni ga felesiɛi, Eliyaɓe ɠɛ ga saʋasiɛi, 
\v 10 Misamana ɠɛ ga naanisiɛi, Zelemi ɠɛ ga dɔɔlusiɛi, 
\v 11 Atayi ɠɛ ga dɔzitasiɛi, Eliyɛle ɠɛ ga dɔfelasiɛi, 
\v 12 Yoɠanan ɠɛ ga dɔsaʋasiɛi, Ɛlɛzaɓade ɠɛ ga taaʋuusiɛi, 
\v 13 Zelemi ɠɛ ga puusiɛi, Makeɓanayi ɠɛ ga puugɔ maazu ɠilasiɛi (11). 
\v 14 Gade wolodamai zu nui naati pɛ ti ɠɛni ga salaʋusu lotuɠɔiti, zɔi zeemaalɔiɗai ti zaama, naa ɠila kpe a la zoo vɔnisu nu ungila (100) ma, zɔi zeeɠaaɓaai ti zaama, naa a la zoo vɔnisu nu waagila (1.000) ma. 
\v 15 Tiya ɠa ti Zuludɛn ɓudɛni konagi ma alu mɔungi ma ziɛve siɛgi zu, ti ziɛɠoba nuiti pɛ kpɛ, niiti ti ɠɛni folo ɠulazu ʋelei ta niiti ti ɠɛni folo liizu ʋelei.
\p
\v 16 Ɓɛnzamɛn wolodamaiti ta Zuda wolodamaiti su nui tanigaa ɓalaa ti liini Davide, ʋɛ naa lɔɔɠuni ná. 
\v 17 Davide ti laaɠomini, é ɠɛ ti ma: «Ni wa ʋaazu pɔ̀ ga ziilɛigi, kisiɛ ʋagɔi zu ga wo ɓɔ bà, naazu ada ɠili ɓɔɠɔ ʋa. Kɛlɛ ni wa ʋaazu ga wo yàava, wo fè sìli nuiti zea, tama gè la faa ɲɔu ɠɛɛni, ade-mɛmɛwolani ta-ƓALAGI ná ɠa é tukpɔɠaaleʋe ade yɔɠɔzu.» 
\v 18 Naama ziɛgi zu GALA Zɛnvui yeini Amasayi ma, nii é ɠɛni ga nu ʋuusaʋagɔiti (30) ta-ɠundiɠii, é ɠɛ ma:
\q «Gá è ʋa, Davide, Izayi ná-doun zunui, gá è ɠoba.
\q Ziilɛigi ɠɛ è ʋɛ, ziilɛigi ɠɛ naati bɛ ti ɓɔsu è ʋa,
\q tɔɔzei GALA ge ɓɔga è ʋa!»
\p Davide yeezeini ti wu, é ti ɠɛ ga ná-kɔɔɓɔgi tanigaa ma ɠundiɠiiti.
\p
\v 19 Manasé wolodai zu nui tanigaa ɓalaa ti ɠilini Davide ʋa, siɛgi zu naa ʋɛɛni la Filisiti nuiti ba, ga ti kɔɔi ɠɔ Sayile laalɔɠɔma. Kɛlɛ de bo ga gaama, Davide ta ná-nuiti ti la ɠɛni kɔɔɠɔni Filisiti nuiti bɛ, tɔɔzei naati ta-ɠundiɠiiti ti Davideni kpɛɛni ʋolu, ti ɠɛni ma: «Davide ta maliɠi wɔlɔmai ta yɔɠɔzuɓɛtɛna, toɠa ade ve naa ya.» 
\v 20 Siɛgi zu niina Davide ɠɛni liizu la Sikilage, názu ɠa Manasé nui niiti ti ʋilɛni la polu, ti laaseigiti kaa: Adana, Yozaɓade, Yediayɛle, Mikayɛle, Yozaɓade, Eliyu ta Siletayi. Ti ɠilagilagi pɛ ti ɠɛni ga salaʋusu waagilagila kundiɠiiti Manasé wolodamaiti saama. 
\v 21 Naa ɠɛni ga kpɔba wola Davide ta ná-nuiti bɛ, tɔɔzei ti pɛ ti ɠɛni ga kɔɔɠuluɓa wolaiti, Davide ti ɠɛɛni ga kundiɠiiti ná-kɔɔʋɛbɛi zu. 
\v 22 Folo-o-folo, nuiti ti ɠɛni ʋaazu, ti ɗa ʋɛɛ Davide ʋa ga ti ɓɔ ba, gaamanɔ ná-kɔɔʋɛbɛi zuwɔɔlɔni, é ɠɛni eɠɛ GALA ná-kɔɔʋɛbɛi.
\s Davide ná-kɔɔʋɛbɛi wɔɔlɔ vai gola
\p
\v 23 Salaʋusuiti tiegɔi ɠaa, niiti ti ʋaani Eɓelɔn ga ti ɓɔ Davide ʋa, ga ti Sayile ná-masadai ve zea, ʋelei Ɠɔoɠɔ GALAGI boni la.
\p
\v 24 Zuda wolodai zu nu waadɔzita nu undɔsaʋa (6.800) kɔɔɠɔ zɛpɛgiti ta kpɛɛinti ti ti ya.
\p
\v 25 Simiyɔn wolodai zu nu waadɔfela nu ungila (7.100), ti ga kɔɔɠuluɓaiti.
\p
\v 26 Levi wolodai zu nu waanaanigɔ nu undɔzita (4.600), 
\v 27 naa ʋɛɛ Yeɠoyada ʋa, nii é ɠɛni ga Aalɔn mavofodaiti ta-ɠundiɠii, nu waasaʋagɔ nu undɔfela (3.700) ɠa é ʋɛɛni naa ʋolu. 
\v 28 Sadɔke ɠɛni ga zunu loungo nii é ɠɛni ga kɔɔɠuluɓa wola, ná-pɛlɛyeɠei wu totuɠɔ ʋuufelegɔ maazu felegɔ (22) ɠa é ɠɛni polu.
\p
\v 29 Ɓɛnzamɛn wolodai zu nuiti, niiti ti ɠɛni ga Sayile kɛɛɠɛlointi, naati ti ɠɛni ga nu waasaʋagɔ (3.000), ti bɔɔlɔzu, ti ɠɛni botii ɠɛɛzu Sayile ná-pɛlɛyeɠei ʋɛ.
\p
\v 30 Nu waaʋuufelegɔ nu undɔsaʋa (20.800) ɠa é zeɠeni Efelayime wolodai zu, ti ga kɔɔɠuluɓaiti, ti pɛ ti ga lɔɠɔba nuiti ta-ʋɛlɛyeɠeiti bu.
\p
\v 31 Manasé wolodai ɠilazuʋɛ zu nu waapuugɔ maazu lɔsaʋa (18.000) ɠa daaseigi zɛʋɛni ga ti li, ti Davide zei ga masagi.
\p
\v 32 Isakaal wolodai zu totuɠɔ unfelegɔ (200) ɠa é ʋaani ta niiti ti ɠɛni ta-levei wu, ti pɛ ti ɠɛni kwɛɛ ʋelei ta yeeɠɛɠalai nii Izilayɛle ɠa faa ɠɛɛzu la.
\p
\v 33 Zaɓulɔn wolodai zu salaʋusu waaʋuulɔɔlugɔ (50.000) ɠa é ʋaani, ti pɛ ti ɠalagai ga kɔɔɠɔi, ti ɠɛʋele ɓɛtɛai ga ti li kɔɔɠɔzuʋɛ, kɔɔɠɔ zɔɔlai ma zii pɛ ge ti ya. Ti zooni ɓalaa kɔɔi ɠɔɔzu gilibalai zu.
\p
\v 34 Nɛfɛtali wolodai zu kɔɔɠuluɓa waagila (1.000) ka é zeɠeni miná, ti ʋaani ga salaʋusu waaʋuusaʋagɔ maazu lɔfela (37.000), kɔɔɠɔ zɛpɛgiti ta kpɛɛinti ti ti ya.
\p
\v 35 Salaʋusu waaʋuufelegɔ maazu lɔsaʋa undɔzita (28.600) ɠa é zeɠeni Dan wolodai zu, ti ɠɛʋele ɓɛtɛai ga ti li kɔɔɠɔzuʋɛ.
\p
\v 36 Salaʋusu waaʋuunaanigɔ (40.000) ɠa é zeɠeni Asɛɛl wolodai zu, ti ɠalagai ga kɔɔɠɔi, ti ɠɛʋele ɓɛtɛai ga ti li kɔɔɠɔzuʋɛ.
\p
\v 37 Bolodai niiti ti ɠɛni zeini Zuludɛn ʋoluʋelei, folo ɠulazu ʋelei, niiti ti ga Luɓɛn, Gade, ta Manasé wolodai ɠilazuʋɛ, naati ti nu waaungila waaʋuufelegɔ (120.000) leʋeni, kɔɔɠɔ zɔɔlai ma zii pɛ ge ti ya.
\p
\v 38 Salaʋusui niiti pɛ ti ʋaani Eɓelɔn, ti ɠɛʋele ɓɛtɛni ga ti kɔɔi ɠɔ, ti pɛ ti zolooni ɠi gila ma ga ti Davide ɠɛ ga masagi Izilayɛle pɛ unda. Izilayɛle nui mɔtai zɔiti pɛ ti zolooni ma ga ti masadai ve Davide ya Izilayɛle nuiti pɛ maazu. 
\v 39 Ti kɛɛni ná Davide ɠoba ga folo saʋagɔ, ti-ɠɔnɔgi ta ti ɓɔɔle ani ɠɛni ga nii ti-ɠɛɛlointi ti ɠɛni feezu ti ya. 
\v 40 Ná ɠoba yooiti su nuiti ɓalaa, eyɛsu é zeeli Isakaal, Zaɓulɔn ta Nɛfɛtali wolodamaiti su nuɓusɛiti ti daamianigiti daani soovalegiti kɔma, ta ɲɔmɛiti, soovale fuuluiti ta nikɛiti kɔma, ti ʋa ga tiye, daamianigi naati ti ɠɛni ga: ɓulu vukɔiti, kooleɠoole fɔɔi ma liʋɛiti, leezɛn vɔɔi, dɔɔi, gulɔi, nikɛiti ta baala mɔinmɔin, tɔɔzei koozunɛɛi wɔɔlɔni Izilayɛle yooi zu.
\c 13
\s Davide lii vai  //  ga minazeɠe kesui Zeluzalɛme
\r (2 Samiyɛle 6:1-11)
\p
\v 1 Davide salaʋusu ɠundiɠiiti pɛ gaalɛɛni ba, niiti ti ɠɛni nu waagilagilagiti ta nu ungilagilagiti unda, naa ʋɛɛ seizumaanɛgi zɔiti ba. 
\v 2 Naa ʋoluma, é ɓɔɛni Izilayɛle ʋɛbɛi pɛ pɔ, é ɠɛ ti ma: «Ni wa kaana ga faa ʋagɔ ʋe, ni toɠa ɓalaa ada-ƓALAGI, Ɠɔoɠɔ GALAGI ná-faazeikpasui zu, ade keelaiti teʋena ade-ɠɛɛlointi pɛ ma, niiti ti yɛgai ʋoluzu Izilayɛle you zɛʋɛi ɠilagilagiti pɛ su, naa ʋɛɛ zalaɠa ɠula nuiti ta Levi mavofodaiti ba ti ta-laaiti su ta ná ɠoba yooi zu, nii a kɛ ti pɛ ti ɠaalɛ ba ade zaama. 
\v 3 Naa ʋoluma, ada ʋa niina ga ada-ƓALAGI ná-minazeɠe kesui ade ɠoba. Tɔɔzei siɛgi zu Sayile ɠɛa la masadai zu ade unda, ade la yiizoolɛni ga ade ʋa li kalama.» 
\v 4 Bɛbɛi pɛ ge zolooni naama ɠigi ma, ti deveni ga ti naa ɠɛ.
\p
\v 5 Davide Izilayɛle nuiti pɛ gaalɛɛni ba, é zo Ezipete ɠɔtuɗɛi ma, é zeeli Leɓo-Ɠamate, nii a kɛ ti GALA ná-minazeɠe kesui zeɠe Kiliyate-Yeyalime, ti ʋaa la Zeluzalɛme. 
\v 6 Davide ta Izilayɛle nuiti pɛ ti liini Ɓaala, nii é Kiliyate-Yeyalime, Zuda yooi zu, ga ti ʋa ga GALA ná-minazeɠe kesui, nii Ɠɔoɠɔ GALAGI laaseigi maalolisu ma, nii é zeini seeluɓɛinti unda. 
\v 7 Ti GALA ná-minazeɠe kesui ɠulani Aɓinadaɓe ná-pɛlɛi wu, ti da wotolo niinɛi zu. Uza ta Ayiyo ɠa ti ɠɛni ziɛzu wotoloi luɠɔ. 
\v 8 Davide ta Izilayɛle nuiti pɛ ti ɠɛni ɠoozunɛɛzu GALA gaazu, ti ɗa guyeiti too ga zɛbɛi pɛ, ti ɗa gɛingɛin ganigiti gɛin: kɔnigiti, papaiti, tamadegiti, kɔtɛgiti, ta puʋugiti.
\p
\v 9 Ti zeeliai ma Kidon ná-molo loɠazuʋɛ, nikɛiti ti ɓunɛni, ti ɠɛni ɠɛɛzu ti minazeɠe kesui loo. Uza yeemaaleni, é so. 
\v 10 Ɠɔoɠɔ GALAGI yiiɠaawanani Uza ma, é doɠa, tɔɔzei é yeevɔɔɠuni minazeɠe kesui ʋa. Uza zaani miná, Ɠɔoɠɔ GALAGI ɠaazu. 
\v 11 Davide yiiɠaawanani, mazɔlɔɔ Ɠɔoɠɔ GALAGI nii ɠɛɠala loɠai woni ga Uza. Ná laasei ge ʋɛɛni ga Pelɛze-Uza (nii poluʋɛ ga «é ɠulaʋɛ Uza ma»), naama laaseigi ɠa dɛ é ba zaaɠaza. 
\v 12 Naama voloi Davide wola luani GALA ba, é ɗa ɓɔɠɔ ɠaazaɠa ga: «Nà zoo ɠale gè lɛ ga GALA ná-minazeɠe kesui pɔ̀ bɛ?» 
\v 13 Davide la ɠɛni liini ga minazeɠe kesui pɔ bɛ, Davide ná-taa wolai zu. Ti liini la Gate nui Woɓɛde-Edɔme ná-pɛlɛi wu. 
\v 14 GALA ná-minazeɠe kesui yɛni ná alu saʋagɔ laawu. Ɠɔoɠɔ GALAGI tuya looni Woɓɛde-Edɔme ʋɛ ta nɔnɔiti pɛ.
\c 14
\s Tiil masagi Yilame ná-keelaiti
\r (2 Samiyɛle 5:11-12)
\p
\v 1 Tiil masagi Yilame keelaiti teʋeni Davide ma, é sɛdele guluiti teʋe ma, ta kɔtu zaɠa nuiti, naa ʋɛɛ pɛlɛ maalɛɛ nuiti ba, nii a kɛ ti masa pɛlɛi lo Davide ʋɛ. 
\v 2 Davide kwɛɛni naazu ga Ɠɔoɠɔ GALAGI tɔun toga ga Izilayɛle masagi, ta é ɠɛni ná-masadai ɠaawɔɔlɔzu, ná-nuɓusɛiti maaʋele ma, Izilayɛle nuiti.
\s Davide ná-doun zunuiti  //  ti zɔlɔɔni Zeluzalɛme
\r (2 Samiyɛle 5:13-16;  //  1 Dɔlɔ Sɛʋɛi 3:5-9)
\p
\v 3 Davide zeiɗai ma Zeluzalɛme, é anza ɠiligaa vuluni, é doun zunuiti ta doun anzanuiti sɔlɔɔni naati ba. 
\v 4 Davide ná-doun zunuiti daaseigiti kaa, niiti ti zɔlɔɔni Zeluzalɛme: Samua, Soɓaɓe, Natan, Salomɔn. 
\v 5 Yiɓaal, Elisua, Ɛlɛpelɛte, 
\v 6 Nɔga, Nefɛge, Yafia 
\v 7 Elisama, Ɓeyeliyada, ta Elifelɛte.
\s Davide ná-fɔnifaamaiti Filisiti nuiti ma
\r (2 Samiyɛle 5:17-25)
\p
\v 8 Siɛgi zu Filisiti nuiti ti mɛnini la ga ti gulɔi ziaa Davide ma ga é ɠɛ ga Izilayɛle masagi, ti lɛɛni gaiziɛ vai ma. Davide ma wooi mɛnini, é liini ti laaɠomisu. 
\v 9 Filisiti nuiti ti ʋaani ga kɔɔi, ti loo Lefayime ʋɛtugi zu nuiti ma. 
\v 10 Davide GALA gaazaɠani, é ɠɛ ma: «Nà zoo nɛi gè li Filisiti nuiti daalɔɠɔma? Ɗa ti lɔ nɛi zèezu ɓaa?» Ɠɔoɠɔ GALAGI gooɠaaʋoteni, é ɠɛ ma: «Li, nà ti lɔɔzu è yeezu.»
\p
\v 11 Filisiti nuiti ti zeelini Ɓaale-Pelasime, Davide vɔni ti ma miná. É ɠɛni ma: «Ɠɔoɠɔ GALAGI zeɠe wɔɔʋɛ sìli nuiti ta-ɠɔɔɓɔgi ʋa ga zèe, eɠɛʋelei ziɛi a ɗa kaaɠai ɠolo la.» Naa ɠa é kɛɛni ti ná laasei pɛɛni ga Ɓaale-Pelasime (nii poluʋɛ ga «Maliɠii nii é zeɠe wɔɔzu»). 
\v 12 Filisiti nuiti ti ta-ɠɔɔɠɔ ganigiti tooni ya miná, Davide devei veeni ná-nuiti zea ga ti naati gala.
\p
\v 13 Filisiti nuiti ti ɠaleni ma ʋolu ga kɔɔi, ti loo pɛtugi zu nuiti ma. 
\v 14 Davide GALA gaazaɠani ʋolu. Naa gooɠaaʋoteni, é ɠɛ ma: «Mina ti laaɠomi. Ɠula ga ti ʋoluʋelei, ɗa zeelizu ti ma guluiti tetemaʋɛ. 
\v 15 Siɛgi zu è nu ɠɔɠɔ lugi mɛnisu da guluiti unsuʋɛ, zuvilɛ, è ʋa, è vala ti ʋa, mazɔlɔɔ názu ɠa gè losu da è luɠɔ, nii a kɛ gè vɔni Filisiti nuiti ma.» 
\v 16 Davide naa ɠɛɛni, nii GALA boni ma. Ná-nuiti ti vɔnini Filisiti nuiti ta-ɠɔɔɓɔgi ma, ti ɗa ti ɓɛ, é zo Gaɓaɠɔn, é zeeli Gezɛɛl. 
\v 17 Naa ɠɛɛni nɛi feya, Davide lɔɠɔi ɠula, ma wooi vazani zooiti pɛ su, Ɠɔoɠɔ GALAGI Davide maayikini zooiti pɛ gaazu.
\c 15
\s Minazeɠe kesui lii vai Zeluzalɛme
\p
\v 1 Davide pɛlɛiti toni ɓɔɠɔ ʋɛ Davide ná-taa wolai zu. É ada ɠɛʋele ɓɛtɛni GALA ná-minazeɠe kesui ʋɛ, é seɠe ʋɛlɛ ɠila to bɛ. 
\v 2 É zɛba é ɠɛ ma: «Levi nuiti gila kpe nɔ ɠa ti GALA ná-minazeɠe kesui zeɠezu, tɔɔzei tiya ɠa Ɠɔoɠɔ GALAGI yiimazeɠeai ga tiye ga ti ɗa naa ɠɛ, ta ti ɗa botii ɠɛ bɛ yeenɔpɛ.»
\p
\v 3 Davide Izilayɛle nuiti pɛ gaalɛɛni ba Zeluzalɛme, Ɠɔoɠɔ GALAGI ná-minazeɠe kesui ʋaa vai zu, ga ti da ʋɛ é ná ɓɛtɛai bɛ. 
\v 4 Davide Aalɔn mavofodaiti ta Levi wolodamaiti pɛ gaalɛɛni ba, Levi nui naati kaa: 
\v 5 Keɠate ʋɛlɛyeɠei wu nuiti tetegi zu, Uliyɛle ɠa é ɠɛni ga ta-lotuɠɔi, ti ɠɛni ga nu ungila nu ʋuufelegɔ (120). 
\v 6 Melali ʋɛlɛyeɠei wu nuiti tetegi zu, Azaya ɠa é ɠɛni ga ta-lotuɠɔi, ti ɠɛni ga nu unfelegɔ puufelegɔ (220). 
\v 7 Gɛɛlɛson ʋɛlɛyeɠei wu nuiti tetegi zu, Zowɛle ɠa é ɠɛni ga ta-lotuɠɔi, ti ɠɛni ga nu ungila nu ʋuusaʋagɔ (130). 
\v 8 Elisafan ʋɛlɛyeɠei wu nuiti tetegi zu, Semaya ɠa é ɠɛni ga ta-lotuɠɔi, ti ɠɛni ga nu unfelegɔ (200). 
\v 9 Eɓelɔn ʋɛlɛyeɠei wu nuiti tetegi zu, Eliyɛle ɠa é ɠɛni ga ta-lotuɠɔi, ti ɠɛni ga nu ʋuulɔsaʋa (80). 
\v 10 Uziyɛle ʋɛlɛyeɠei wu nuiti tetegi zu, Aminadaɓe ɠa é ɠɛni ga ta-lotuɠɔi, ti ɠɛni ga nu ungila nu puu maazu felegɔ (112).
\p
\v 11 Davide zalaɠa ɠula nuiti Sadɔke ta Aɓiataal lolini, naa ʋɛɛ Levi nuiti ba Uliyɛle, Azaya, Zowɛle, Semaya, Eliyɛle ta Aminadaɓe. 
\v 12 É ɠɛni ti ma: «Wa ɠa wo ga Levi ʋɛlɛyeɠeiti ta-lotuɠɔiti, à ɓɔɠɔ ɲadena, wa wo-ɠɛɛlointi, wo lɛ ga Izilayɛle ná-GALAGI, Ɠɔoɠɔ GALAGI ná-minazeɠe kesui, wo da ʋɛ gè ná ɓɛtɛai bɛ. 
\v 13 Tɔɔzei tɛi wo la ɠɛni ná ma mɔungi zu, naa ɠa é kɛɛni Ɠɔoɠɔ GALAGI gá-ƓALAGI gi loɠani la, mazɔlɔɔ gi la ɠɛni gaiziɛni ga ʋelei tɔgi bosu la.»
\p
\v 14 Zalaɠa ɠula nuiti ta Levi nuiti ti ɓɔɠɔ ɲadeni, nii a kɛ ti ʋa ga Izilayɛle ná-GALAGI, nii é ga Ɠɔoɠɔ GALAGI, naa nà-minazeɠe kesui. 
\v 15 Levi nuiti ti kesui zeɠeni ga gulu zɔkpɔiti, ti da ɠɔma, eɠɛʋelei Ɠɔoɠɔ GALAGI ná-devei la, nii Moize feeni.
\s Gɛingɛin gani nuiti ta ada makɛ nuiti
\p
\v 16 Davide ɠɛni Levi nuiti ta-lotuɠɔiti ma, ti guye loo nuiti kɛʋele ɓɛtɛ niiti ti ta-ʋɛlɛyeɠeiti bu, naa ʋɛɛ ta-ɠɛingɛin ganiiti ba: kɔnigiti, papaiti, naa ʋɛɛ kɔtɛgiti ba, nii a kɛ ti ɗa koozunɛ vaiti gaanɛ ga gɛingɛin ganigiti goo wolai. 
\v 17 Levi nuiti ti yeeloni niima nuiti ba naama wotii vaa zu: Zowɛle ná-doun zunui Ɠeman, Ɓelekia ná-doun zunui Azafe, ta nii ti ɠɛni ga pɛlɛyeɠe ɠila bu nu, naa ʋɛɛ Kusaya ná-doun zunui Etan ʋa, Melali ná-pɛlɛyeɠei wu. 
\v 18 Naa ʋolu ti Levi nui taɠiligaa zeɠeni ti ʋɛɛ ti ʋa, naati ti-laaseigiti kaa: Siɠida makɛ nuiti ti ɠɛni ga: Zakali, Ɓɛn, Yaziyɛle, Semilamɔte, Yeiyɛle, Uni, Eliyaɓe, Ɓenaya, Maaseya, Matitia, Elifeleɠu, Mikineya, Woɓɛde-Edɔme naa ʋɛɛ Yeɠiyɛle ʋa. 
\v 19 Gɛingɛin gani gɛin nuiti ti ɠɛni ga: Ɠeman, Azafe ta Etan, naati ka ti ɠɛni kɔlu ɓɔi kɔtɛgi ɠɛinsu. 
\v 20 Zakali, Aziyɛle, Semilamɔte, Yeɠiyɛle, Uni, Eliyaɓe, Maaseya ta Ɓenaya naati ka ti ɠɛni kɔnigi ɠɛinsu ga goo ɠaaɓaingai. 
\v 21 Matitia, Elifeleɠu, Mikineya, Woɓɛde-Edɔme, Yeiyɛle, ta Azazia, naati ka ti ɠɛni kɔnigi ɠɛinsu nii galui ga lɔsaʋa, ti ɗa sei guyei wu. 
\v 22 Levi nuiti ta-lotuɠɔi Kenania ɠa é ɠɛni losu guyei luɠɔ, tɔɔzei é zooni gola naa la. 
\v 23 Ɓelekia ta Ɛlɛkana, naati ka ti ɠɛni wɛlɛzu minazeɠe kesui ma. 
\v 24 Zalaɠa ɠula nuiti Seɓania, Zozafate, Netaneyɛle, Amasayi, Zakali, Ɓenaya, naa ʋɛɛ Eliyezɛɛl ʋa, naati ka ti ɠɛni puʋugi vɛɛzu, ti ɗa ziɛ GALA ná-minazeɠe kesui ɠakala. Woɓɛde-Edɔme ta Yeɠiya, naati ka ti ɠɛni wɛlɛzu minazeɠe kesui ma ɓalaa.
\s Minazeɠe kesui zeeli vai Zeluzalɛme
\r (2 Samiyɛle 6:12-19)
\p
\v 25 Davide ta Izilayɛle nu wolaiti, naa ʋɛɛ salaʋusu ɠundiɠiiti ba, ti liini ga ti Ɠɔoɠɔ GALAGI ná-minazeɠe kesui zeɠe Woɓɛde-Edɔme ná-pɛlɛi wu, ti ʋaa la, koozunɛ wolai zaama. 
\v 26 GALA ná-kpɔbai ɠa é kɛɛni Levi mavofodaiti ti Ɠɔoɠɔ GALAGI ná-minazeɠe kesui zeɠeni la. Nikɛ zinɛ lɔfela ta baala sinɛ lɔfela ɠa ti kulani ga zalaɠai Ɠɔoɠɔ GALAGI ʋɛ. 
\v 27 Davide ɓɔɠɔ maaɠilini ga geze ʋagɔ zeɠe wolai, ga Levi nuiti kɛʋele, niiti ti ɠɛni minazeɠe kesui zeɠezu, naa ʋɛɛ guye loo nuiti ba, ta Kenania, gɛingɛin gani ɠɛin nuiti ta-ɠundiɠii. Naa ʋoluma, Davide seɠewuzeɠei ɓalaa tooni kɔba, nii é ɠɛni ga geze zeɠei, kulaai ga zalaɠa ɠula nuiti ta-zeɠei. 
\v 28 Ʋele ɠana Izilayɛle nuiti pɛ ti liini la ga Ɠɔoɠɔ GALAGI ná-minazeɠe kesui Zeluzalɛme, ga koozunɛ wooiti, ta kooleiti, naa ʋɛɛ puʋugiti ba, ta kɔtɛgiti, ti ɗa kɔnigiti ta papaiti gɛin. 
\v 29 Tɛi Ɠɔoɠɔ GALAGI ná-minazeɠe kesui ɠɛni lɛɛzu Davide ná-taa wolai zu, Sayile ná-doun anzanui Mikale loni, é ɗa wɛlɛ fenɛtɛlɛ laaʋɛ. É masagi Davide ɠaani, é ɗa ʋili, é ɗa kuai wo. É Davide ʋɛlɛʋɛlɛni yiimaʋɛ.
\c 16
\p
\v 1 Ti ʋaani ga GALA ná-minazeɠe kesui, ti da seɠe ɠotai wu, nii Davide toni bɛ. Ti gala zalaɠaiti ta ziilɛi zalaɠaiti kulani GALA bɛ. 
\v 2 Davide ɓegai ma ga zalaɠai naati kula, é tuya looni nuɓusɛiti bɛ Ɠɔoɠɔ GALAGI laaseigi zu. 
\v 3 É zɛba é daamianigi ɠaaɠwɛ Izilayɛle nuiti pɛ ba, zunuiti ta anzanuiti, ɛsɛ gilagilagi ɓulu ɠilagila sɔlɔɔni, ta sua mɔgai, é ʋɛɛ leezɛn vɔɔi ma ɓuun gilagila ba.
\s Ɠɔoɠɔ GALAGI maamusɛ vai  //  Levi nuiti bɛ
\p
\v 4 É Levi nui tanigaa zeɠeni, naati ta-wotii ɠɛni ga ti yɛ Ɠɔoɠɔ GALAGI ná-minazeɠe kesui ɠoba, ti ɗa wooɠula Ɠɔoɠɔ GALAGI ma, Izilayɛle ná-GALAGI, ti ɗa guyeiti too bɛ, ti ɗa maamusɛ. 
\v 5 Naama nuiti ti ɠɛni ga: Azafe naa ɠa é ɠɛni ga ta-ɠundiɠii, ná-seikobai ɠɛ ga Zakali, naa ʋolu geleiti ti ɠɛ ga Yeiyɛle, Semilamɔte, Yeɠiyɛle, Matitia, Eliyaɓe, Ɓenaya, Woɓɛde-Edɔme ta Yeiyɛle. Gɛingɛin ganiiti ti ɠɛni ti ya: papaiti ta kɔnigiti. Azafe ɠɛni kɔtɛgiti gɛinsu. 
\v 6 Zalaɠa ɠula nu felegɔiti, Ɓenaya ta Yaɠaziyɛle, naati ti ɠɛni puʋugi vɛɛzu siɛgi pɛ su Ɠɔoɠɔ GALAGI ná-minazeɠe kesui ɠakalaʋɛ. 
\v 7 Ma mɔun ge ɠɛni ga naa, ga Davide yeelo Azafe ta ná-pɛlɛyeɠei wu nuiti ba, ga ti ɗa maamusɛ wuyei loo Ɠɔoɠɔ GALAGI ʋɛ.
\s Guyei
\r (Guyeiti 105:1-15; 96:1-13; 106:1, 47-48)
\q
\v 8 À Ɠɔoɠɔ GALAGI maamusɛ, wo wooɠula, wo dɛɛ ga toɠa ga GALA,
\q wo kɛɛ vaa wolaiti dɛɛ ziiti saama!
\q
\v 9 À guyei loo tɔun bɛ, wo maamusɛ ga gɛingɛin ganigiti!
\q À kɛɛwoti maayikiaiti kpein dɛɛ!
\q
\v 10 À ɓɔɠɔ maamusɛ ga GALA daasei ɲadegai!
\q Niiti ti Ɠɔoɠɔ GALAGI ɠaiziɛzu, naati ti ɠoozunɛ.
\q
\v 11 À Ɠɔoɠɔ GALAGI ɠaiziɛ ta ná-zɛbɛi,
\q wɔin ɠɛ wo ma ga wo ɠɛ gaazu yeenɔpɛ.
\q
\v 12 À ɠizɛ kɛɛwoti maayikiaiti su, é ti ɠɛɛni,
\q maaɓɛlɛ vaiti, ta ná-tukpɔɠaaleʋeiti,
\q
\v 13 wɔiti wo ga ná-botiɠɛ nui Izilayɛle mavofodaiti,
\q wɔi wo ga Zakɔɓe ná-dointi, wɔi é yiimazeɠeai ga woye!
\q
\v 14 Ada-ƓALAGI ɠa ga Ɠɔoɠɔ GALAGI,
\q toɠa deve eteai pɛ ma.
\q
\v 15 À ɠizɛ ná-minazeɠegi zu yeenɔpɛ,
\q wooi nii é fea yamani waagila (1.000) su nuɓusɛiti zea,
\q
\v 16 minazeɠegi é boni Abalaame ʋɛ,
\q ta ná-kona wooi ɠɛ de Izaake ʋɛ.
\q
\v 17 É kɛ ga devei Zakɔɓe ʋɛ,
\q é ɠɛ ga ɠɔoɠɔ minazeɠegi Izilayɛle ʋɛ.
\q
\v 18 É ɠɛni ma:
\q «Nà Kanaan yooi veezu è ʋɛ,
\q toɠa ɠɛ ga wɔnɔi wo sɔlɔɔsu.»
\q
\v 19 Wo lɔini gola,
\q wo goa nɔ ɠɛni de, wo ga wɛɛinti wo seikɔɠɔmai zu ná,
\q
\v 20 ti ɠɛni leʋeteʋesu, ziiti pɔ bɛti,
\q ta masadaiti pɔ bɛti.
\q
\v 21 Kɛlɛ GALA ge la ɠɛni ti yɛni na, nu nɔpɛ ge ʋa ti maanɔɠɔ,
\q ti makɛ vai ɠa é masagiti doɠani la.
\q
\v 22 É ɠɛni ti ma:
\q «À mina naati sopele ɲɔu, niiti gè yiimazeɠeai ga tiye,
\q à mina faa ɲɔu ɠɛ ga dàawoo laazeeli nuiti.»
\q
\v 23 Eteai zu nuɓusɛiti kpein, à guyei loo Ɠɔoɠɔ GALAGI ʋɛ!
\q Folo-o-folo, à ná-kizo fai ma woo niinɛ ʋagɔi laazeeli!
\q
\v 24 À ná-lɛbiyai ɠula kɛlɛma ziiti saama,
\q ta kɛɛwoti maayikiaiti nuɓusɛiti saama!
\q
\v 25 Mazɔlɔɔ Ɠɔoɠɔ GALAGI wɔɔlɔʋɛ, tɔ ɠa maamusɛi kpein soloogai ma,
\q maayikiʋɛ é leʋe gala kiligiti ba.
\q
\v 26 Mazɔlɔɔ nuɓusɛiti ta-ɠalagiti pɛ ta ga zɛɛ ɠalagiti,
\q kɛlɛ Ɠɔoɠɔ GALAGI ɠa é geeɠɔlɔgi ɓɛtɛni.
\q
\v 27 Toɠa volozu ná-bɔɔlɔi ta ná-maayikii zu,
\q zobogi ta koozunɛɛi ta seizu ɲadegai.
\q
\v 28 Nuɓusɛiti kpein zooi ɠa, à Ɠɔoɠɔ GALAGI maamusɛ,
\q wo ná-lɛbiyai ta ná-zɛbɛi ɠula kɛlɛma.
\q
\v 29 À lɛbiyai ve Ɠɔoɠɔ GALAGI laasei golai ʋɛ!
\q À ʋa ga vebɛaniiti, wo lo kakalaʋɛ!
\q À ʋilɛ ɲiibiɠa, wo nɔkɔ Ɠɔoɠɔ GALAGI wu, ná-ɲadedai ma voloi zu.
\q
\v 30 Eteai zu nuɓusɛiti kpein, à ɓali gaazu.
\q Eteai ɠa loni kpaan, é la ɲiikpiga.
\q
\v 31 Geeɠɔlɔgiti ti ɠoozunɛ, eteai ɠɛ koozunɛ wolai zu,
\q Ti dɛɛ ga zii ɠiligiti pɛ ga Ɠɔoɠɔ GALAGI ɠa masadai ɠɛɛzu.
\q
\v 32 Kpoloɗɛi zikɔ, ta bu aniiti kpein.
\q Dɔɓɔi ɠoozunɛ, ta su aniiti kpein.
\q
\v 33 Dɔɓɔzu wuluiti kpein ti wooɠula ga koozunɛɛi Ɠɔoɠɔ GALAGI ɠaazu.
\q Mazɔlɔɔ toɠa ʋaazu é eteai lukpɔɠaaleʋe.
\q
\v 34 À Ɠɔoɠɔ GALAGI maamusɛ, mazɔlɔɔ pagɛ,
\q mazɔlɔɔ ná-wooɠɛɠiladai ɠa yɛsu ná ɠɔ!
\q
\v 35 À ɠɛ ma: «Ee, GALAGI, gi Ɠizo Nui, gi ɠizo!
\q Gi ɠaalɛ ba, è gi ɠula zii ɠiligiti saama,
\q naa ɠa a kɛ gi è maamusɛ, ɗɛigi è ɲadegai,
\q gá-ɠoozunɛɛi ɠɛ ga gi ɗa è lɛbi!
\q
\v 36 Mamagi ɠa Ɠɔoɠɔ GALAGI ʋɛ,
\q Izilayɛle ná-GALAGI, ɠɔoɠɔ ta ɠɔoɠɔ!»
\m Nuɓusɛiti kpein ti ɠɛni ma: «Amina!» Ti Ɠɔoɠɔ GALAGI maamusɛni.
\p
\v 37 Davide Azafe ta kɛɛɠɛlointi zɛni Ɠɔoɠɔ GALAGI ná-minazeɠe kesui ɠoba, ti ɗa ta-wotii ɠɛ miná yeenɔpɛ, eɠɛʋelei deveai la folo ɠilagilagi vaa ma. 
\v 38 Siɠida makɛ nuiti é yeeloni ti ʋa, naati ti ɠɛni ga niiti: Yedutun ná-doun zunui Woɓɛde-Edɔme, naa ʋɛɛ Woza ʋa, ta ti-ɠɛɛlointi nu ʋuulɔzita maazu lɔsaʋa (68). 
\v 39 É devei veeni zalaɠa ɠula nui Sadɔke ya ta zalaɠa ɠula nui zɔiti, ga ti ɗa ta-wotii ɠɛ Ɠɔoɠɔ GALAGI ná-seɠe ʋɛlɛ ɲadegai ɠakalaʋɛ, nii é zalaɠa ɠula adaʋɛ ma Gaɓaɠɔn, 
\v 40 nii a kɛ ti ɗa gala zalaɠai ɠula folo ʋɛɛ kpɔkɔ ʋa Ɠɔoɠɔ GALAGI ʋɛ zalaɠa ɠulazuʋɛ maazu, eɠɛʋelei sɛʋɛai la Ɠɔoɠɔ GALAGI ná-tɔgi zu, nii é feeni Izilayɛle ya. 
\v 41 Zɔiti ti ɠɛni ti ɠoba, naati ti ɠɛni ga niiti: Ɠeman ta Yedutun, naa ʋɛɛ zɔiti ba, niiti ziimazeɠegi woni ga tiye, ti yeelo ti ʋa ga ti ɗa Ɠɔoɠɔ GALAGI maamusɛ, mazɔlɔɔ ná-wooɠɛɠiladai ɠa yɛsu ná ɠɔ. 
\v 42 Ɠeman ta Yedutun tɔnɔ ma wotii ɠɛni ga ti ɗa puʋugi vɛ, naa ʋɛɛ kɔtɛgi ɠɛin fai ʋa, ta gɛingɛin gani zɔiti niiti ti maanɛɛni ga ti ɗa ɠɛ guyei wu GALA dɛbi vai ma. Yedutun ná-doun zunuiti ta wotii ɠɛni ga ti ɗa wɛlɛ siɠidaʋɛti ma.
\p
\v 43 Naa ʋoluma, nuɓusɛiti pɛ ti ɠaleni ma ta-ɠoizuʋɛti. Davide ɓalaa ge ɠaleni ma ná-koizu ga é tuya loo ná-pɛlɛyeɠei ʋɛ.
\c 17
\s GALA ná-minazeɠegi  //  Davide ta mavofodaiti bɛ
\r (2 Samiyɛle 7:1-17)
\p
\v 1 Tɛi masagi Davide zeini ná-pɛlɛi wu, é ɠɛni GALA goo wo nui Natan ma: «Wɛlɛ! Nà ɲiizu masa pɛlɛi wu, nii togai ga sɛdele gului, Ɠɔoɠɔ GALAGI ná-minazeɠe kesui ma ge ɗa ɲi seɠe ʋɛlɛi wu.» 
\v 2 Natan Davide wooɠaaʋoteni, é ɠɛ ma: «Nii nɔpɛ é è yiima, è kɛ, mazɔlɔɔ GALA ka è ʋa.»
\p
\v 3 Kɛlɛ naama ɓidii, Ɠɔoɠɔ GALAGI ɓɔɛni Natan ʋɔ ɠani: 
\v 4 «Li, è ɠɛ nà-botiɠɛ nui Davide ma: ‹Ɠɔoɠɔ GALAGI wooi ɠaa: Ɗa laade è ʋa ɠɛ pɛlɛ losu bɛ̀, ʋɛ nà zei ná. 
\v 5 É lɔɔzei Izilayɛle nuiti kula yee ma bɛ̀ Ezipete yooi zu, é zeeli za ma, kaipa sèizu la ɠɛni ga pɛlɛ wu. Kɛlɛ gè ɠɛni ti ʋa ʋɛ nɔpɛ ta la ɠɛ ná, tama gè ɠɛni seɠe ʋɛlɛi wu, GALA daaɠomi seɠe ʋɛlɛi wu. 
\v 6 Yeeɠɛɠalai nii pɛ gè kɛɛni Izilayɛle nuiti polu, gè ɠɛni totuɠɔiti seizu ga ti lo ná-nuɓusɛiti Izilayɛle nuiti tuɠɔ, kɛlɛ ti zaama ɓɛ ɠa gè ɠɛni ma: Lee vaa zu wo la pɛlɛ losu bɛ̀ ga sɛdele gului?
\p
\v 7 « ‹Pɛtɛ, nii ɠa è liizu niina, è bo nà-botiɠɛ nui Davide ma: Ɠɔoɠɔ GALAGI, Fai-Pɛ-Maliɠii wooi ɠaa: Nà ɠa gè è zeɠeni baala makɛsuʋɛ tufa lɛnugiti su, gè è ɠɛ ga nà-nuɓusɛiti Izilayɛle nuiti ta-lotuɠɔi. 
\v 8 Nii pɛ è yeeʋua bu, zɛ̀gɛ è ʋa naati pɛ su, gè è zili nuiti pɛ suwuɠaaleʋe. Nà lɛbiya laasei feezu è ya, ga etea nu wolaiti tɔnɔi ɠɛʋele. 
\v 9 Nà seizu veezu nà-nuɓusɛi Izilayɛle nuiti zea, ʋɛ ta zei ná, ti la luaa ani nɔpɛ ba, telebotala nuiti ti la mɔ tɔɔzeiɗa ga ti ʋa ɗa ti zopele ɲɔu ga ma mɔungi zu ɠɛʋele, 
\v 10 eɠɛʋelei tukpɔɠaaleʋe nuiti ta-ziɛgi ɠɛni la, niiti gè ti zeini nà-nuɓusɛi Izilayɛle nuiti unda. Nà è zili nuiti dɔ è yeezu. Naa ʋoluma, nɔ̀un nà, Ɠɔoɠɔ GALAGI, nà dɛɛzu ga ɗe ga ɗa-ʋɛlɛyeɠei ɠa ɠɛɛzu ga masa pɛlɛyeɠei.
\p
\v 11 « ‹Siɛgi zu è lii voloi zeelizu la è-mɛmɛwolani pɔ, nà è-mavofodai ta ɓɔɠɔɓɔɠɔ sei ga è-ʋotogi masadai zu, gè ná-masadai zei. 
\v 12 Tɔ ɠa é ʋaazu pɛlɛ losu bɛ̀, nà ɓaa ná-masa kpɔkpɔgi maazu eyɛsu ɠɔ. 
\v 13 Nà ɓɔɠɔi nà ɠɛ bɛ ga ɠɛɛɠɛi, tɔun ge ɠɛ bɛ̀ ga doun zunu. Kɛlɛ gè la nà-nuɓɔɠɔlai maaɠoozaa ba pɛ, eɠɛʋelei gè maaɠoozani la naama nui ʋa, nii é ɠɛni ná è luɠɔ. 
\v 14 Nà sei nà-pɛlɛyeɠei ta nà-masadai zu eyɛsu ɠɔ, ná-masa kpɔkpɔgi la ɲiikpiga eyɛsu ɠɔ.› »
\p
\v 15 Natan liini, é niima ɓɔɛiti pɛ ta ma ɠulakɛlɛmaiti pɛ daazeeli ga pagɔ Davide ma.
\s Davide ná-maanɛɛnɛi
\r (2 Samiyɛle 7:18-29)
\p
\v 16 Naa ɠɛai ma, Davide liini, é zei Ɠɔoɠɔ GALAGI ɠaazu, é GALA fali ɠani: «Màliɠii, Ɠɔoɠɔ GALAGI, nà ga leeni, nà-pɛlɛyeɠei ɓalaa ka ga leeni, è liizu dàazeelizu ʋɛ gè ná? 
\v 17 È la mɔ naa ɠaani ga faa wola, ee, GALAGI. È minazeɠea ʋolu bɛ̀, nɛ̀i gè ga ɗa-wotiɠɛ nui, ga ʋelela ʋele vaiti ti maaɠoozaai, é ʋilɛ nà-masa pɛlɛyeɠei ʋa. Ɠɔoɠɔ GALAGI, ɗɔun ɗa sòsu eɠɛ nà ɠɛ ga nu ɓii. 
\v 18 Lee ɠili ka nà bo è ma é ʋilɛ niima lɛbiyai ʋa, nii é feezu ɗa-wotiɠɛ nui ʋɛ? Ɗa ɓɔɠɔi è kwɛ̀ɛ, nɛ̀i gè ga ɗa-wotiɠɛ nui. 
\v 19 Ɠɔoɠɔ GALAGI, tɛi ɗa-wotiɠɛ nui nɛai è ʋɛ, ta è devea ga è kɛ ɠani, naa ɠa è niima vaa wolaiti kɛa, è lati, è ti ɠula kɛlɛma.
\p
\v 20 «Ee, Ɠɔoɠɔ GALAGI, nu nɔpɛ ge la ga è ɠɛʋele, gala kili nɔpɛ ge la ná, é ɠula è ʋolu, eɠɛʋelei nɔ gi mɛnigai la ga gi-woiyeɠeiti. 
\v 21 Eteai zu, zii ɓɛgele ɠa é ga ɗa-nuiti Izilayɛle nuiti kɛʋele, nii è liai, è ti unmɔɔ, ti ɠɛ ga ɗa-nuɓusɛiti? È lɔɠɔɠula faa ɠɛa, tɔɔzei faa wolaiti ta faa maayiki golaiti ba, è ti ɠɛai Izilayɛle ʋɛ, è zii ɠiligiti kpɛɛʋɛ ɗa-nuɓusɛiti tuɠɔ, è ti unmɔɔni, è ti ɠula Ezipete yooi ʋa. 
\v 22 È ɗa-nuɓusɛi Izilayɛle nuiti kɛa ga ɗa-nuɓusɛiti eyɛsu ɠɔ. Ɗa ma, Ɠɔoɠɔ GALAGI, è ɠɛa ga ta-ƓALAGI.
\p
\v 23 «Niizu niina, ee, Ɠɔoɠɔ GALAGI, soma kae yeenɔpɛ su, è ɓaa ɗa-minazeɠegi maazu, nii kɛa bɛ̀, nɛ̀i gè ga ɗa-wotiɠɛ nui, ta nà-masa pɛlɛyeɠei ʋɛ. Kɛ eɠɛʋelei è boga la. 
\v 24 Naama minazeɠegi laazeeli kae. Naazu ɗa lɛbiyai zɔlɔɔ eyɛsu ɠɔ, ta nuiti ti ɠɛ ma: ‹Ɠɔoɠɔ GALAGI, Fai-Pɛ-Maliɠii, Izilayɛle ná-GALAGI ɠa ga GALA kiteɠite Izilayɛle ʋɛ!› Nɛ̀i gè ga ɗa-wotiɠɛ nui Davide, nà-masa pɛlɛyeɠei mina ɲiikpi pɛ è ɠaazu. 
\v 25 Mazɔlɔɔ, ee, nà-GALAGI, ɗa ɓɔɠɔi ɠa è dɛa ga ze, nɛ̀i gè ga ɗa-wotiɠɛ nui, ga ɗa masa pɛlɛyeɠei losu bɛ̀, naa ɠa é kɛa gè gaaɓaa zɔlɔɔga, gè niima maanɛɛnɛ wooi laazeeli è ma.
\p
\v 26 «Niizu niina, Ɠɔoɠɔ GALAGI, ɗa ɠa è ga GALA, ɗa ma ka, è minazeɠea bɛ̀ ga undaanɛɛi nii, nɛ̀i gè ga ɗa-wotiɠɛ nui. 
\v 27 Soma mu niina, è tuya loo nà-masa pɛlɛyeɠei ma, nii a kɛ é yɛ ná ɠɔ è ɠaazu. Mazɔlɔɔ, nii nɔpɛ ɗa tuya loo bɛ, ee, Ɠɔoɠɔ GALAGI, tuyai ɠa naa ma eyɛsu ɠɔ.»
\c 18
\s Davide zobo sɔlɔɔ fai  //  zɔɔma ziiti ma, ti maaɠoolii zu
\r (2 Samiyɛle 8:1-14)
\p
\v 1 Naa ʋoluma Davide vɔnini Filisiti nuiti ma, é ti ɠaazu unfe seɠe, é ta-laa wolai Gate ɠula ti ya, naa ʋɛɛ koba laaiti pɛ ba.
\p
\v 2 É vɔnini ɓalaa Moaɓe nuiti ma. Naati ti ɠoloni bɛ, ti ɗa mului zala ma.
\p
\v 3 Naa ʋoluma Davide vɔnini Soɓa masagi Ɠadadezɛɛl ma Ɠamate ʋele, siɛgi zu é ɠɛni liizu la ga ná-masadai zeiɗa ziɛ wolai Efelate maaʋɛ. 
\v 4 Davide kɔɔɠɔ wotolo waagila (1.000) kulani zea, naa ʋɛɛ soo ɓizɛ zalaʋusu waadɔfela (7.000) ʋa, ta siɛ kɔɠɔa zalaʋusu waaʋuufelegɔ (20.000). É wotolo ɓizɛ zoo ungila (100) makɛni. É mɔtaiti kɔɠɔʋolu ɲataiti teʋeni.
\p
\v 5 Siili yooi zu nuiti ti ɠɛni Damase, naati ti ʋaani ɓɔsu Soɓa masagi Ɠadadezɛɛl ʋa. Davide nu waaʋuufelegɔ maazu felegɔ (22.000) ʋaani ti ʋa. 
\v 6 Naa ʋoluma, Davide kundiɠiiti seini Damase yooi zu Siili nuiti saama. Siili nuiti ti ɠoloni Davide ʋɛ, ti ɗa mului zala ma. Ɠɔoɠɔ GALAGI ɠɛni fɔnifaamai veezu Davide ʋɛ, ʋɛ kpein é ɠɛni liizu ná ga kɔɔi. 
\v 7 Davide zanu kɔɔɠɔ zɛpɛgiti seɠeni, niiti ti ɠɛni Ɠadadezɛɛl ná-salaʋusuiti zea, é li ga tiye Zeluzalɛme. 
\v 8 Davide kɔlu ɓɔi mɔinmɔin seɠeni masagi Ɠadadezɛɛl ná-taa wolaiti su Tiɓate, ta Kun. Suɠoozaai ma, naama ɠɔlu ɓɔigiti ka Salomɔn ti zeɠeni, é ziɛ liɠi wolai ɓɛtɛ la ta kɔlu ɓɔi kpɛdɛgiti, naa ʋɛɛ sɔɔlai mɔtaiti pɛ ba, niiti é ti ɓɛtɛni ga kɔlu ɓɔigi.
\p
\v 9 Siɛgi zu Ɠamate masagi Towu mɛnini da ga Davide vɔnigɛ Soɓa masagi Ɠadadezɛɛl ná-kɔɔʋɛbɛiti pɛ ma, 
\v 10 é ná-doun zunui Ɠadolame leʋeni Davide ma ga é tuʋɔ, ta é mama, fala vai zu Ɠadadezɛɛl ʋa, é vɔni ma, tɔɔzei Towu ta Ɠadadezɛɛl ti ɠɛni kɔɔi ɠa nɔ ɠɔ. É sɔɔlai ma zii pɛ teʋeni ɓalaa, niiti ti ɠɛni ga walii, zanugi, ta kɔlu ɓɔigi. 
\v 11 Masagi Davide ti veeni Ɠɔoɠɔ GALAGI ʋɛ, eɠɛʋelei é kɛɛni la niina ga walii ta zanugi nii é kulani zɔɔma zii ɠiligiti zea, naati ka ti ga: Edɔme nuiti, Moaɓe nuiti, Amɔn nuiti, Filisiti nuiti, ta Amalɛke nuiti.
\p
\v 12 Seluya ná-doun zunui Aɓisayi vɔnini Edɔme nu waapuugɔ maazu lɔsaʋai (18.000) ma, Kpolo Ʋɛtugi zu. 
\v 13 Naa ʋoluma, é kundiɠiiti seini Edɔme yooi zu. Edɔme nuiti pɛ ti ɠoloni Davide ʋɛ. Ɠɔoɠɔ GALAGI ɠɛni fɔnifaamai veezu Davide ʋɛ, ʋɛ kpein é ɠɛni liizu ná ga kɔɔi.
\s Davide ná-botiɠɛ nu wolaiti daaseigiti
\r (2 Samiyɛle 8:15-18)
\p
\v 14 Davide masadai ɠɛɛni Izilayɛle pɛ unda, é ɠɛni tukpɔi ɠaaleʋezu ga sɔledai ná-nuɓusɛiti pɛ bɛ. 
\v 15 Seluya ná-doun zunui Zoaɓe ɠa é ɠɛni ná-kɔɔʋɛbɛi unda, Ayilude ná-doun zunui Zozafate ɠɛ ga laavaawogi, 
\v 16 Ayituɓe ná-doun zunui Sadɔke, ta Aɓiataal ná-doun zunui Aɓimelɛke, ti ɠɛ ga zalaɠa ɠula nuiti, Savɔɠa ɠɛ ga sɛʋɛ ɠɛ nui. 
\v 17 Yeɠoyada ná-doun zunui Ɓenaya ɠa é ɠɛni Kelɛte nuiti ta Pelɛte nuiti unda, niiti ti ɠɛni ga masa makɛ nuiti. Davide ná-doun zunuiti ka ti ɠɛni ga ná-seikobaiti.
\c 19
\s Amɔn masagi Davide ná-keelaiti unfe fai
\r (2 Samiyɛle 10:1-5)
\p
\v 1 Naa ʋoluma, Amɔn masagi Naɠase zaani, ná-doun zunui zei potogi zu ga masagi. 
\v 2 Davide ɠɛni ma: «Nà wooɠɛɠilada ɠɛɛzu Ɠanun ʋɛ, eɠɛʋelei kɛɛɠɛ Naɠase wooɠɛɠiladai ɠɛni la bɛ̀.» Davide keelai tanigaa leʋeni ga ti ɓena fe bɛ kɛɛɠɛ zaa vai zu. Siɛgi zu Davide ná-botiɠɛ nuiti ti zeelini la Amɔn yooi zu Ɠanun ʋɔ bɛ ga ti ɓena fe bɛ, 
\v 3 Amɔn ɠundiɠiiti ti ɠɛni Ɠanun ma: «Ɗa kaazu ga è-ɠɛɛ ná-lɛbiya ɠa é kɛɛzu Davide gaanɛɛnɛ nua leʋesu la è ma ɓaa? Zooi ɠwɛɛ fai ta pɛtɛ fai laade ɓaa, nii a kɛ ti ʋa koloɠolo yeeta?»
\p
\v 4 Ɠanun zɛba é Davide ná-keelaiti so, ti ti-ɓɛlɛiti bo, ti ti ɠɔba zeɠeiti teʋe ga ti-ʋunɔgi letemaʋɛ, naa ʋoluma ti ɓe ti ʋa, 
\v 5 ti ɗa li. Davide mɛnini nii kɛai. É keela leʋeni ti luɠɔ, mazɔlɔɔ naati ti wola unfeni. É ɠɛ ti ma: «À yɛ Zeliko eyɛsu wo-ɓɛlɛiti ti lɛ ʋolu, wa ʋa niina.»
\s Davide vɔni fai  //  Amɔn ta Siili nuiti ma
\r (2 Samiyɛle 10:6-19)
\p
\v 6 Amɔn nuiti ti kaani ga ti ɓɔɠɔ wɔinzeɠea Davide ma. Ɠanun ta Amɔn nuiti ti walii kilo waaʋuusaʋagɔ (30.000) teʋeni Siili nuiti ma, niiti ti Mezopotami ʋele, ta Maaka ʋele, naa ʋɛɛ Soɓa ʋele ʋa, nii a kɛ ti soo ɓizɛ zalaʋusuiti seɠe ʋɛ. 
\v 7 Ʋele ɠana ti kɔɔɠɔ wotolo waaʋuusaʋagɔ maazu felegɔ (32.000) zɔlɔɔni da, naa ʋɛɛ Maaka masagi ʋa ta ná-kɔɔʋɛbɛi. Naati ti ʋaa, ti ta-ɠɔɔlaaɠai ʋu Medeɓa ɠobaʋɛ. Amɔn nuiti ma, ti ɠula ta-laa wolaiti su, ti ɠaalɛ ba, ti ʋa kɔɔɠɔ vai ma. 
\v 8 Davide mɛnigai ma, é Zoaɓe leʋeni ti laalɔɠɔma, ta Izilayɛle ɠɔɔʋɛbɛiti pɛ.
\p
\v 9 Amɔn nuiti ti ɠulani, ti lo kɔɔɠɔ vai ma, ta-laa wolai laaʋɛ. Masagi niiti ti ʋaani ɓɔsu ti ʋa, naati ti ɠɛni loni yɛ kɔɔ lɔɓɔi zu. 
\v 10 Zoaɓe kaai ma ga kɔɔɠɔzuʋɛ ɠa fele ʋɔɔma, ʋelelaʋɛ ta ʋoluzu ʋelei, é yeeloni kɔɔɠɔ nu ɠɛzɛɠɛzɛgiti ba, é ti ʋilɛ Siili nuiti daawu kɔɔɠɔ vai ma. 
\v 11 É kɔɔʋɛbɛi mɔtai ma lotuɠɔlai ɠalivaani kɛɛɠɛloin Aɓisayi ma, naati ti lo Amɔn nuiti daawu kɔɔɠɔ vai ma. 
\v 12 Zoaɓe ɠɛni kɛɛɠɛloin Aɓisayi ma: «Ni Siili nuiti zeevi ka mɔinna mà, ɗa ʋa è ɓɔ bà. Ni Amɔn nuiti zeevi ka mɔinna è ma, nà ʋa, gè ɓɔ è ʋa. 
\v 13 Zɛbɛzeɠe, ade kɔɔi ɠɔ, de da-nuɓusɛiti maalobo, ta da-ƓALAGI ná-taaiti. Ɠɔoɠɔ GALAGI naa ɠɛ, nii pagai gaazu!»
\p
\v 14 Zoaɓe ta ná-kɔɔʋɛbɛi ti lopele ɓɛtɛni kɔɔɠɔ vai ma, Siili nuiti daalɔɠɔma, naati ti ʋelani ba. 
\v 15 Amɔn nuiti ti kaai ma ga Siili nuiti ti ʋela, tiya ɓalaa ti ʋelani Zoaɓe kɛɛɠɛloin Aɓisayi ʋa, ti li ta-laazu. Zoaɓe ɠaleni ma Zeluzalɛme.
\p
\v 16 Siili nuiti ti kaai ma ga Izilayɛle nuiti ti vɔniga ti ma, ti keela leʋeni, ga ti Siili nui zɔiti gaalɛ ba, niiti ti ziɛ wolai Efelate ʋoluʋelei. Ɠadadezɛɛl ná-kɔɔɠuluɓai Sofake loni ti luɠɔ.
\p
\v 17 Davide faa ɠwɛɛgai ma su, é Izilayɛle ɠɔɔɠɔ nuiti pɛ gaalɛɛni ba, ti Zuludɛn ɓudɛ, ti li Siili nuiti daalɔɠɔma. Ti ɠɛʋele ɓɛtɛni, ti vala naati ba, naati mɔunpa ka ti kɔɔi lɔɔzeini. 
\v 18 Kɛlɛ ti ʋelani Izilayɛle nuiti ba. Davide kɔɔɠɔ wotolo waadɔfela (7.000) zu zalaʋusuiti paani, ta siɛ kɔɠɔa zalaʋusu waaʋuunaanigɔ (40.000). É ta-ɠɔɔɠuluɓai Sofake ʋaani ɓalaa. 
\v 19 Tɛi masagi niiti kpein ti ɓɔni Ɠadadezɛɛl ʋa, ti kaani ga Izilayɛle ziaa ti wu, ti ziilɛigi ɠaiziɛni Davide ya, ti ɠolo bɛ. Naa ʋoluma Siili nuiti ti la mɔ ɠɛni kɛɛzu, ti ʋa li ɓɔsu Amɔn nuiti ba.
\c 20
\s Laɓa zo fai Zoaɓe ʋɛ
\r (2 Samiyɛle 11:1; 12:26-31)
\p
\v 1 Poluma ɠonagi, yeeɠɛɠalai nii masagiti ta ɗa lii la kɔɔɠɔzuʋɛ, Zoaɓe loni kɔɔʋɛbɛ wolaiti tuɠɔ. Ti Amɔn yooi zuɠoloɠoloni, é ta-laa wolai Laɓa zei kɛlɛ su. Kɛlɛ Davide yɛni Zeluzalɛme. Zoaɓe vɔnini Laɓa ma, é ná ɠoloɠolo. 
\v 2 Davide masa bɔɔlɔgi zeɠeni nii é ɠɛni ta-masagi unma. Bɔɔlɔgi naa ɠɛni ga zanu tetelegi, buɲɛgi ɠɛni ga kilo ʋuusaʋagɔ (30), kɔtu zɔngɔ ɓaagi ɠila ge ɠɛni ba. Ti dɔɔni Davide unma. É ɠulani taai naa zu ga ani mɔinmɔin, niiti é ti zoni kɔɔi zu. 
\v 3 Nuɓusɛi niiti ti ɠɛni zeini ná, é naa tanigaa ɠɛɛni ga sii ziɛ nuiti, kɔtu zaɠa nuiti, gulu ʋɔ nuiti. Ʋele ɠana Davide kɛɛni la ga nuɓusɛiti pɛ niiti ti ɠɛni Amɔn laaiti su. Naa ʋoluma, Davide ta kɔɔʋɛbɛiti pɛ ti ɠaleni ma Zeluzalɛme.
\s Kɔɔi niiti ti ɠɔɔni  //  Filisiti nuiti daalɔɠɔma
\r (2 Samiyɛle 21:18-22)
\p
\v 4 Kɔɔi taɠili su mɔnɔ Filisiti nuiti daalɔɠɔma Gezɛɛl, Ɠusa nui Siɓekayi Sipayi ʋaani, naa ɓalaa ɠɛni ga Lefa mavofodai ta. Filisiti nuiti gaazu unfe ge zeɠeni naazu. 
\v 5 Naa ʋolu kɔɔi taɠili su mɔnɔ Filisiti nuiti daalɔɠɔma, Yayiil ná-doun zunui Ɛlɛɠanan Gate nui Lami ʋaani, Goliate kɛɛɠɛloin, nii ná-kpɛɛin ma wului wɔɔlɔni, eɠɛ seɠe vɛlɛ nui ná-gba gului. 
\v 6 Kɔɔi taɠili su mɔnɔ Gate, zunui ta ɠɛni ná, koozaai, zeeɓeɠaiti ta kɔɠɔɓeɠaiti ti ga dɔzitadɔzita, ti pɛ kpɔga ɠɛ ga puufele maazu naani (24). É ɠɛni ga Lafa mavofodai ta tɔ ɓalaa. 
\v 7 É malimasakɛɛi leʋeni ga Izilayɛle nuiti. Davide kɛɛɠɛloin Simeya ná-doun zunui Zonatan paani. 
\v 8 Lafa mavofodai niiti ti zɔlɔɔni Gate, ti pɛ ti zaani Davide ta ná-kɔɔɠɔ nuiti zeezu.
\c 21
\s Davide Izilayɛle nuiti daaseigiti sɛʋɛ vai
\r (2 Samiyɛle 24:1-25)
\p
\v 1 Yeeta Setana\f + \fr 21:1 \fr*\fk Setana\fk*\ft : Daaseigi nii poluʋɛ ga «maalɔɔ nui».\ft*\f* wuzeɠeni Izilayɛle nuiti daalɔɠɔma, é Davide li Izilayɛle nuiti daaseigiti sɛʋɛ vai ma. 
\v 2 Davide zɛba é ɠɛ Zoaɓe ta kɔɔʋɛbɛi ma ɠundiɠiiti ma: «À Izilayɛle nuɓusɛiti daaseigiti sɛʋɛ, é zo Ɓeel-Seɓa, é li Dan, wo ɠale ma, wo ʋoluvaawo mà, nii a kɛ gè ti-liegɔi ɠwɛɛ.» 
\v 3 Zoaɓe ɠɛni ma: «Ɠɔoɠɔ GALAGI kɛ é ná-nuɓusɛiti mɔin su ga seizu ungila (100) faan! Kɛlɛ, ee, màliɠii masagi, za logi zu ti pɛ ti la ga ɗa-wotiɠɛ nuiti ɓaa? Leeni ʋe mu màliɠii masagi pɔ ga é naa ɠɛɠala vai ɠɛ? Lee vaa zu é liizu Izilayɛle ɠɛɛzu ga sɔba nu?»
\p
\v 4 Kɛlɛ masagi la zeɠeni wooi ʋolu, nii é boni Zoaɓe ma. É liini Izilayɛle yooi zu ná pɛ. Naa ʋoluma, é ɠale ma Zeluzalɛme. 
\v 5 Zoaɓe daasei sɛʋɛi ma ʋoluvaawogi woni Davide ma: Izilayɛle zunuiti ti ɠɛni ga miliyɔn ɠila nu waaungila (1.100.000), niiti ta zoo liizu kɔɔ ma. Zuda geleiti ti ɠɛni ga zunu waaunnaanigɔ nu waaʋuulɔfela (470.000). 
\v 6 Masagi ná-devei naa wana ʋelei ma Zoaɓe ma, é la ɠɛni vɔlɔ Levi ta Ɓɛnzamɛn wolodamaiti daaseigiti sɛʋɛni zɔiti saama.
\p
\v 7 Naama laasei sɛʋɛ vai ɠɛni ga faa ɲɔu GALA gaazu, é ɠaaʋote Izilayɛle laalɔɠɔma. 
\v 8 Davide ɠɛni GALAGI ma: «Gè faaɠaaza gola ɠɛa ga nii ɠɛɛ vai! Naa ɠa é ba, sùvaayɛ ga nà-faa ɲɔi kae, nɛ̀i gè ga ɗa-wotiɠɛ nui, mazɔlɔɔ gè kwɛni ga gè nii ɠɛɛʋɛ eɠɛ ɠimalala nu.»
\p
\v 9 Ɠɔoɠɔ GALAGI ɓɔɛni GALA goo wo nui Gade ʋɔ, nii é ɠɛni Davide ɠoba, é ɠɛ ma: 
\v 10 «Li, è ɠɛ Davide ma: ‹Ɠɔoɠɔ GALAGI wooi ɠaa: Nà faa saʋagɔi niiti gila seizu è ma, yiimazeɠe ga gila, gè sei è ma.› » 
\v 11 Gade liini Davide ʋɔ bɛ, é ɠɛ ma: «Ɠɔoɠɔ GALAGI wooi ɠaa: ‹Yiimazeɠe niima vaa saʋagɔiti su: 
\v 12 Ɗa-yooi kɛ pului zu ga kona saʋagɔ, ɓaa è loo bu alu saʋagɔ laawu, è ɗa ɓizɛ è zili nuiti ba, ti wuzeɠezu è laalɔɠɔma. Ni naa laade, folo saʋagɔ laawu Ɠɔoɠɔ GALAGI ɗa-yooi loɠa ga ɗɔfɔi, naama volo saʋagɔiti daawu Ɠɔoɠɔ GALAGI ná-geezuɠeelai faa zuɠoloɠologi ɠɛ Izilayɛle yooi zu ná pɛ.› Yiimazeɠe, è naa wo mà, nii nà li, gè bo tèʋe nui ma.» 
\v 13 Davide Gade wooɠaaʋoteni, é ɠɛ ma: «Ziiɓɔlɔ wolai ɠa gè su! Ee, ɓɛ ʋɛ gè loo Ɠɔoɠɔ GALAGI yeezu, mazɔlɔɔ ná-gaazumaawɔinɠai zuwɔɔlɔʋɛ, kɛlɛ gè mina loo nuiti zeezu!»
\p
\v 14 Ɠɔoɠɔ GALAGI ɗɔfɔ zeeɓɛi leʋeni Izilayɛle yooi zu, é zunu waaʋuulɔfela (70.000) ʋaa. 
\v 15 Ɠɔoɠɔ GALAGI geezuɠeelai ta leʋeni ga é Zeluzalɛme ɠoloɠolo, kɛlɛ tɛi naa ɠɛni taai ɠoloɠolosu, Ɠɔoɠɔ GALAGI wɛlɛni, naama vaa ɲɔi wɔinzeɠe ma, é zɛ ná. É ɠɛni geezuɠeelai ma, nii é ɠɛni faa zuɠoloɠologi ɠɛɛzu: «Yeei lɛɛna ba, naa kula ɠɛa su.» Geezuɠeelai ɠɛni niina Yeɓuse nui Wɔɔlenan ná-molo loɠazuʋɛ ɠobaʋɛ.
\p
\v 16 Davide Ɠɔoɠɔ GALAGI ná-geezuɠeelai ɠaani, é zɛlɛ zooiti zɔɠɔzuʋɛ ta geeɠɔlɔgi, ná-boɠa zɔkpɔi ɠulaai maalaɠagi zu, maalegai Zeluzalɛme ma. Gaamago Davide ʋɛɛ kundiɠiiti ba, ti ɓɔɠɔ maaɠilini ga saa wɔlɔ wo seɠei, ti laaʋɛ zooi ma. 
\v 17 Davide GALA falini ɠani, é ɠɛ ma: «Nà ɠa gè devei veai ga ti nuiti daaseigiti sɛʋɛ, nà ɠa gè kotoi ɠɛai, nà ɠa gè faaɠaaza golaiti kɛai. Kɛlɛ nuɓusɛi niiti, leeni ɠa ti kɛa? Ee, Ɠɔoɠɔ GALAGI, nà-GALAGI, dòɠa mu, nà ɠila, nà-o, nà-pɛlɛyeɠei-yo, kɛlɛ soma kae ɗɔfɔi nii ɓe yeizu ɗa-nuɓusɛiti ma!»
\p
\v 18 Ɠɔoɠɔ GALAGI ná-geezuɠeelai ɠɛni Gade ma: «Bo Davide ma, é lɛ Yeɓuse nui Wɔɔlenan ná-molo loɠazuʋɛ, é zalaɠa ɠulazuʋɛ ɓɛtɛ ná Ɠɔoɠɔ GALAGI ʋɛ.» 
\v 19 Davide liini ná, eɠɛʋelei Ɠɔoɠɔ GALAGI valini la Gade ma, ga é bo ma. 
\v 20 Wɔɔlenan ɠɛni moloi loɠazu, é latini, é Ɠɔoɠɔ GALAGI ná-geezuɠeelai ɠa. Ná-doun zunu naanigɔiti ti ɠɛni koba, naati ti lɔɔɠuni. 
\v 21 Davide maaɓuɠaai ma ba, Wɔɔlenan ɠaazuwuzeɠeni, é Davide ɠa. É ɠulani molo loɠazuʋɛ, é la Davide ɠɔɠɔwu. 
\v 22 Davide ɠɛ Wɔɔlenan ma: «Molo loɠazuʋɛ tɛi fe zèa, gè geya è ma, gè zalaɠa ɠulazuʋɛ ɓɛtɛ ná Ɠɔoɠɔ GALAGI ʋɛ. Soma kae è ná ve zèa, gè geya ga sɔngɔ ɠiteɠitegi, nii a kɛ ɗɔfɔi nii maaɠooza nuɓusɛiti ba.»
\p
\v 23 Wɔɔlenan ɠɛni Davide ma: «Màliɠii masagi, molo loɠazuʋɛ zeɠe. Nii è pɔ è kɛ, è naa ɠɛ. Nikɛiti ɓalaa kaa, naati ta ɠɛ ga gala zalaɠai, kaʋa loɠa wulu zɛpɛgi ma wuluiti ta ɠɛ ga koʋii, naa ʋoluma moloi ɠa ɠɛ ga vebɛ zalaɠai. Gè ti pɛ fea è ya.»
\p
\v 24 Kɛlɛ masagi Davide ɠɛni Wɔɔlenan ma: «Ɓa-o, nà geyazu è ma ga sɔngɔi ɠiteɠitegi. Gè la ani nɔpɛ fea Ɠɔoɠɔ GALAGI ya nii é ga ɗɔnɔ, gè ʋa kula ga gala zalaɠai bɛ, tama ge la ani nɔpɛ dɔɔni polu.» 
\v 25 Davide zanu kae undɔzita (600) veeni Wɔɔlenan ya ga zou zɔngɔi. 
\v 26 É zalaɠa ɠulazuʋɛ ɓɛtɛni miná Ɠɔoɠɔ GALAGI ʋɛ, é gala zalaɠaiti ta ziilɛi zalaɠaiti kula. É wooɠulani Ɠɔoɠɔ GALAGI ma, naama ge gooɠaaʋote ga abui zeɠe geeɠɔlɔgi zu, é zo zalaɠai ʋa, nii é ɠɛni gala zalaɠaiti kulazuʋɛ. 
\v 27 Naa ʋoluma, Ɠɔoɠɔ GALAGI devei veeni geezuɠeelai ya ga naa ná-boɠa zɔkpɔi lɔ ma laɠagi zu.
\p
\v 28 Naama ziɛgi zu, tɛi Davide kaani ga Ɠɔoɠɔ GALAGI gooɠaaʋoteni Yeɓuse nui Wɔɔlenan ná-molo loɠazuʋɛ, é tɔɔzeini ga é ɗa zalaɠaiti kula miná. 
\v 29 Ɠɔoɠɔ GALAGI ná-seɠe ʋɛlɛ ɲadegai, nii Moize kpɛtɛni teʋebai zu, ta gala zalaɠaiti kulazuʋɛ, naati ti ɠɛni zalaɠa ɠula adaʋɛ ma Gaɓaɠɔn. 
\v 30 Kɛlɛ Davide la ɠɛni zoosu é ʋa li, é ʋa Ɠɔoɠɔ GALAGI ɠaazaɠa, tɔɔzei gola zu luani ga Ɠɔoɠɔ GALAGI ná-geezuɠeelai ná-boɠa zɔkpɔi.
\c 22
\p
\v 1 Davide ɠɛni ma: «Ʋɛ ɠa Ɠɔoɠɔ GALAGI zei ʋɛlɛi losu ná, ʋɛ ɠa ná ɠɛɛzu ga Izilayɛle ná-gala zalaɠaiti kulazuʋɛ.»
\s GALA sei ʋɛlɛi lo fai ma ɠɛʋele ɓɛtɛi
\p
\v 2 É devei veeni ga ti wɛɛinti pɛ gaalɛ ba, niiti ti ɠɛni zeini Izilayɛle yooi zu, é naati kakala laani ga ti kɔtui ɠula, ti saɠa GALA sei ʋɛlɛi lo fai zu. 
\v 3 Davide kɔlu mɔinmɔin kɛʋele ɓɛtɛni ɓalaa kpogiti kpadɔ vai zu, ta kalagiti, é kɔlu ɓɔigi ma mɔinmɔin gaalɛɛni ba ɓalaa, nii nu la ɓena zoo gaalusu, 
\v 4 naa ʋɛɛ sɛdele gulu mɔinmɔingi ʋa, nii Sidɔn nuiti ta Tiil nuiti ti ɠɛni feezu. 
\v 5 É ɠisiɛni, é ɠɛ ma: «Dòun zunui Salomɔn ɠa ga zunu loungo, nii é la dɛ faa mɔinmɔin kwɛɛ. Ɠɔoɠɔ GALAGI zei ʋɛlɛi niima maanɛai ga é lo, kɛni tɔɠɔi ɠula zooi pɛ su, tɔɔzei bɔɔlɔ ʋelei ʋa, ta gola ʋa pelei ʋa. Naa ɠa é ba, nà kɛʋele ɓɛtɛi lɔɔzeizu bɛ.» Ʋele ɠana Davide pɛlɛ lo sɔɔlai ma mɔinmɔin gaalɛɛni la ba, é ʋa ʋɛ zaazu.
\p
\v 6 Naa ʋoluma é ná-doin Salomɔn lolini, é devei ve naa ya ga naa GALA sei ʋɛlɛi lo Ɠɔoɠɔ GALAGI ʋɛ, Izilayɛle ná-GALAGI. 
\v 7 É ɠɛni naa ma: «Dòun zunu, wɔin ɠɛa mà ga nà ɓɔɠɔi gè GALA sei ʋɛlɛi lo nà-GALAGI, Ɠɔoɠɔ GALAGI ʋɛ dɛbi vai ma. 
\v 8 Kɛlɛ Ɠɔoɠɔ GALAGI ɓɔɛni pɔ̀, é ɠɛ mà: ‹È ɲamai wola ʋuuʋɛ, è kɔɔ wolaiti kɔɔʋɛ. Ɲama mɔinmɔingi nii è pua gàazu zooi ma naa maaʋele ma, ɗa laade è ʋa ɠɛ pɛlɛi losu bɛ̀ dɛ̀bi vai ma. 
\v 9 Kɛlɛ doun zunu ɠa zɔlɔɔsu è ʋɛ, nii é ʋaazu ɠɛɛzu ga ziilɛi nu. Nà ziilɛigi ɠɛʋele ɓɛtɛ ti yɔɠɔzu ta sili nuiti pɛ, niiti ti maaɠoolii zu. Daaseigi ɠa ɠɛɛzu ga Salomɔn (nii poluʋɛ ga «ziilɛi nui»). Sii ma voloi pɛ su, nà ziilɛigi ta dooɠogi ve Izilayɛle ʋɛ. 
\v 10 Tɔ ɠa é ʋaazu pɛlɛi losu bɛ̀, toɠa ɠɛ bɛ̀ ga dòun zunui, gè ɠɛ bɛ ga kɛɛɠɛ. Nà ná-masadai makɛ kpaan Izilayɛle unda, é la ɲiikpiga pɛ.› »
\p
\v 11 Davide ɠɛni ma ʋolu: «Dòun zunu, Ɠɔoɠɔ GALAGI yɛ è ʋa, nii a kɛ è zoo è GALA sei ʋɛlɛi lo ɗa-ƓALAGI ʋɛ, nii é ga Ɠɔoɠɔ GALAGI, eɠɛʋelei tɔ ɓɔɠɔi é bogai la é ʋilɛ è ʋa. 
\v 12 Ee, Ɠɔoɠɔ GALAGI soma kae siɛgi zu é è zeizu la Izilayɛle unda, é ɠimalai ta keleɠelegi ve è ʋɛ, nii a kɛ è ɠolo ná-tɔgi ʋɛ, tɛigi é ga ɗa-ƓALAGI. 
\v 13 Ɗa ʋaazu liizu luɠɔ, ni ɗa ɠaaɓaana kele è ɠolo Ɠɔoɠɔ GALA ná-deveiti ta ná-tɔgiti bɛ, niiti é ti veeni Moize ya Izilayɛle ʋɛ. Yiilɔɔ, è zɛbɛzeɠe, mina lua, è zasu mina ɓali pa. 
\v 14 Wɛlɛ, Ɠɔoɠɔ GALAGI zei ʋɛlɛi lo fai zu, gè ɠaaɓaaʋɛ kele gè kilo miliyɔn saʋagɔ (3.000.000) ɠaalɛ ba zanugi zu, naa ʋɛɛ kilo miliyɔn ʋuusaʋagɔ (30.000.000) ʋa walii zu, ta kɔlu ɓɔigi, naa ʋɛɛ kɔlu ɠitei ʋa, niiti nu la zooga ti ɠaalusu. Gè gului ta kɔtui ɓalaa kɛʋele ɓɛtɛʋɛ, ɗa ta ɓɔ niina naati ba ʋolu. 
\v 15 Ɲɛɛliɠi ɠɛ nu mɔinmɔin ka è ɠoba, kɔtu zaɠa nuiti, gului ta kɔtui maaʋɔnɛ nuiti, ta kala nu wolaiti botii pɛ su. 
\v 16 Zanugi, walii, kɔlu ɓɔigi, kɔlu ɠitei, naati ta è ya gaalu ge la ba. Tɔ ɠa é ba botii lɔɔzeina, Ɠɔoɠɔ GALAGI yɛ è ʋa kae!»
\p
\v 17 Naa ʋoluma Davide boni Izilayɛle lotuɠɔiti pɛ ma ga ti yeeve ná-doun zunui Salomɔn ʋɛ. 
\v 18 É ɠɛni ti ma: «Wa-ƓALAGI, Ɠɔoɠɔ GALAGI ɠa wo ʋa. É dooɠogi vea wo ya wa-you ɠwɛmaʋɛti pɛ, mazɔlɔɔ é zooi zu nuɓusɛ wɔlɔmaiti dɔa nà-zobogi wu. Pɛtɛ naati ta niina Ɠɔoɠɔ GALAGI ta ná-nuɓusɛiti ta-zobogi wu. 
\v 19 Naa ɠa é ba, à ɠili Ɠɔoɠɔ GALAGI ʋa ga wo-yii pɛ ta wo-yɛnvui pɛ. À botii lɔɔzeina, wo Ɠɔoɠɔ GALAGI zeizu ɲadegai lo, nii a kɛ wo ʋa ga Ɠɔoɠɔ GALAGI ná-minazeɠe kesui ta ani niiti kpein ti veai Ɠɔoɠɔ GALAGI ʋɛ, wo ti la pɛlɛi naa wu, nii togai Ɠɔoɠɔ GALAGI ʋɛ.»
\c 23
\s Levi nuiti gaalu fai
\p
\v 1 Siɛgi zu Davide wola wɔlɔzaɠani da, sii ma voloi wola mɔinɗai, é ná-doun zunui Salomɔn zeɠeni, é sei Izilayɛle unda ga masagi.
\p
\v 2 É Izilayɛle lotuɠɔiti pɛ gaalɛɛni ba ta zalaɠa ɠula nuiti, naa ʋɛɛ Levi nuiti ba. 
\v 3 Naama ziɛgi zu é Levi nuiti gaaluni, niiti ta-ɠonagi zeeliai na puusaʋagɔ (30) zu, ti ɠɛni ga nu waaʋuusaʋa maazu lɔsaʋa (38.000). 
\v 4 Ti zaama, masagi Davide yeeloni nu waaʋuufele maazu naanigɔ (24.000) ʋa ga ti lo Ɠɔoɠɔ GALAGI zei ʋɛlɛi lo fai ma wotiiti tuɠɔ. É yeelo nu waadɔzita (6.000) ʋa, naati ti ɠɛ ga kundiɠiiti ta tukpɔɠaaleʋe nuiti. 
\v 5 É yeelo nu waanaanigɔ (4.000) ʋa, naati ti ɠɛ ga siɠida makɛ nuiti, é nu waanaanigɔi (4.000) zɔiti kɛ ga guye loo nuiti Ɠɔoɠɔ GALAGI maamusɛ vai zu ga gɛingɛin ganigiti niiti é ti ɓɛtɛni naama vai ma.
\p
\v 6 Davide Levi nuiti gaaɠwɛɛni su ga saʋagɔ, ʋelei ta-ʋɛlɛyeɠeiti seiɗai la kpasu Levi ná-doun saʋagɔiti ba: Gɛɛlɛson, Keɠate, ta Melali.
\p
\v 7 Doun zunu felegɔ ɠa Gɛɛlɛson sɔlɔɔni: Layedan ta Simeyi. 
\v 8 Layedan doun zunu saʋagɔ zɔlɔɔni: Ma mɔungi ɠɛni ga Yeɠiyɛle, naa ʋolu Zetame ta Zowɛle. 
\v 9 Simeyi ɓalaa doun zunu saʋagɔ zɔlɔɔni: Selomite, Ɠaziyɛle ta Ɠalan. Pɛlɛyeɠe lotuɠɔiti kana, niiti ti ɠulaai Layedan vofodai zu. 
\v 10 Simeyi zunu loun naanigɔ ɠiligaa zɔlɔɔni: Yaɠate, Zina, Yeyuse ta Ɓelia. 
\v 11 Yaɠate ɠa é ɠɛni ga doun mɔungi, felesiɛi ɠɛ ga Ziza. Yeyuse ta Ɓelia ti la ɠɛni doun mɔinmɔin sɔlɔɔni, naa ɠa é kɛɛni ti ti felegɔ ɓɔni su, ti kɛ ga pɛlɛyeɠe ɠila gaalu bo siɛgi zu.
\p
\v 12 Doun naanigɔ ɠa Keɠate sɔlɔɔni: Amalame, Yiseɠaal, Eɓelɔn, ta Uziyɛle. 
\v 13 Amalame ná-doun zunuiti kaa: Aalɔn, ta Moize. Zeelogi woni Aalɔn ta mavofodaiti ba ɠɔoɠɔ faa ma ga ti ɗa botii ɠɛ yeenɔpɛ ada ɲadega wolai, nii a kɛ ti ɗa ansansegiti gala Ɠɔoɠɔ GALAGI ʋɛ, ti botii ɠɛ bɛ, ta ti ɗa tuyai loo daaseigi zu ɠɔ.
\p
\v 14 GALA botiɠɛ nui Moize mavofodaiti gaaluni Levi wolodamaiti saama. 
\v 15 Moize ná-doun zunuiti ti ɠɛni ga: Gɛɛlɛsome, ta Eliyezɛɛl. 
\v 16 Gɛɛlɛsome ná-doun zunui ɠɛni ga kundiɠii Seɓuwɛle. 
\v 17 Doun zunu ɠila nɔ ɠa Eliyezɛɛl sɔlɔɔni, kundiɠii nii daaseigi ɠɛni ga Leyaɓia. Kɛlɛ Leyaɓia mavofodaiti ti wola mɔinni. 
\v 18 Yiseɠaal ná-doun zunui ɠɛni ga kundiɠii Selomite. 
\v 19 Eɓelɔn ná-doun zunuiti kaa: Doun mɔungi ɠɛni ga Yeliya, felesiɛi ɠɛ ga Amalia, saʋasiɛi ɠɛ ga Yaɠaziyɛle, naanisiɛi ɠɛ ga Yekameyame. 
\v 20 Uziyɛle ná-doun zunu mɔungi ɠɛni ga Misé, felesiɛi ɠɛ ga Yisiya.
\p
\v 21 Melali ná-doun zunuiti kaa: Maali ta Musi. Maali ná-doun zunuiti ti ɠɛni ga Eleazaal ta Kise. 
\v 22 Eleazaal zaani, é la doun zunu zɔlɔɔni, anzanu lointi nɔ ɠa é ti zɔlɔɔni. Naati ti zeini Kise ná-doun zunuiti bɛ, ta niiti ti ɠɛni ga bolodamaiti. 
\v 23 Zunu loun saʋagɔ ɠa Musi sɔlɔɔni: Maali, Edɛɛl ta Yelemɔte.
\p
\v 24 Levi mavofodaiti kana, ʋelei ti zeiɗai la su kpɛkpɛ ga pɛlɛyeɠe ʋelei, pɛlɛyeɠe lotuɠɔiti ɓalaa kana ti laaseigiti sɛʋɛai ga gilagila daasei sɛʋɛ ziɛgi zu, ti ɠɛni lɔɔzu Ɠɔoɠɔ GALAGI zei ʋɛlɛi wu wotii zu, é zo kona ʋuufelegɔ (20) ma, é lɛ zeemaazu. 
\v 25 Tɔɔzei Davide ɠɛni ma: «Izilayɛle ná-GALAGI, Ɠɔoɠɔ GALAGI dooɠogi vea ná-nuɓusɛiti bɛ, é zeizuʋɛ ɠɛa ga Zeluzalɛme eyɛsu ɠɔ. 
\v 26 Levi nuiti ti la mɔ seɠe ʋɛlɛ ɲadegai zeɠea, ti ʋa ɗa leʋe da, ta bu zɔɔlaiti pɛ.»
\p
\v 27 Davide ná-deve ɠaaɓelagi ɠa é kɛɛni ti Levi nuiti daaseigiti sɛʋɛni gaalu sɛʋɛi zu, é zo kona ʋuufelegɔ (20) ma, é lɛ zeemaazu. 
\v 28 Ta-wotii ɠɛni ga ti ɗa ɓɔ Aalɔn mavofodaiti ba Ɠɔoɠɔ GALAGI zei ʋɛlɛi wu, tiya ɠa ti ɠɛni wɛlɛzu ma ɠoizuʋɛ ma, ta pɛɛ ba ʋɛlɛ goiti, ti ɗa aniiti maaɲade niiti ti veai Ɠɔoɠɔ GALAGI ʋɛ, ta GALA sei ʋɛlɛi wu wotii pɛ. 
\v 29 Ti ɗa ɓuluiti kpɛtɛ, niiti ti veai Ɠɔoɠɔ GALAGI ʋɛ, ti ɓulu vukɔi ɓɛtɛ vebɛ zalaɠaiti kula vai zu, ti ɓulu lɛɛvɛiti kpɛtɛ, nii lɛʋɛ la su, ti vebɛ zalaɠaiti kpɛtɛ niiti ti mɔsu, ta niiti ti ɠaayɔgai ga gulɔi, ta ani ɠɔɠɔ ganii ma zii pɛ. 
\v 30 Naa ʋoluma, tanigaa ti maanɛɛni ga folo-o-folo ti ɗa li sobu ɠilagila ta kpɔkɔ ɠilagila, ti ɗa Ɠɔoɠɔ GALAGI maamusɛ, ti dɛbi. 
\v 31 Ti ɗa gala zalaɠaiti kula Ɠɔoɠɔ GALAGI ʋɛ, dooɠo foloiti, alu toga niinɛi ma vɛtiiti ma, ta gaalɛbaiti su, é zoloo naa liegɔi ma nii ma levei zɛʋɛni, é ve ti ya. 
\v 32 Ti maanɛɛni ga ti ɗa wɛlɛ GALA daaɠomi seɠe ʋɛlɛi ma ta seizu ɲadegai, ti ɓɔ ti-ɠɛɛlointi Aalɔn mavofodaiti ba Ɠɔoɠɔ GALAGI zei ʋɛlɛi wu wotii pɛ su.
\c 24
\s Zalaɠa ɠula nuiti  //  ta-ɓɔgiti gaaɠwɛ ʋeleiti su
\p
\v 1 Aalɔn mavofodaiti gaaɠwɛɛni su ga Aalɔn ná-doun zunuiti tiegɔi: Nadaɓe, Aɓiyu, Eleazaal, ta Itamaal. 
\v 2 Nadaɓe ta Aɓiyu ti zaani ti-ɠɛɛ luɠɔ, ti la doun yɛni ga ʋoluʋelei. Eleazaal ta Itamaal ti zalaɠa ɠula wotii ɠɛɛni. 
\v 3 Suɠoozaai ma, Sadɔke nii é ɠɛni ga Eleazaal ná-dounloin ta, ta Ayimelɛke nii é ɠɛni ga Itamaal ná-dounloin ta, ti ɓɔni Davide ʋa, ti Aalɔn mavofodaiti gaaɠwɛsu kpɔgi gilagilagiti su, é zoloo botiiti ma niiti é veeni ti ya. 
\v 4 É ʋɛtɛni ga totuɠɔi mɔinni Eleazaal mavofodaiti saama, é leʋe Itamaal nɔnɔiti ba. Naa ɠa é kɛɛni Eleazaal mavofodaiti gaaɠwɛɛni su ga pɛlɛyeɠe lotuɠɔ puugɔ maazu lɔzita (16), Itamaal nɔnɔiti gaaɠwɛsu ga pɛlɛyeɠe lotuɠɔ lɔsaʋa. 
\v 5 Ti ɠaaɠwɛɛni su ga kpakutoomai, tɔɔzei seizu ɲadegai ma lotuɠɔi tanigaa ta GALA botii ma lotuɠɔi tanigaa ti ɠɛni Eleazaal mavofodaiti saama, ta ɠɛ Itamaal mavofodaiti saama. 
\v 6 Sɛʋɛ ɠɛ nui Semaya, Netaneyɛle ná-doun zunui, nii é ɠɛni ga Levi mavofodai ta, naa ti-laaseigiti sɛʋɛni masagi ɠaazu, ta totuɠɔiti, naa ʋɛɛ zalaɠa ɠula nui Sadɔke, ta Aɓiataal ná-doun zunui Ayimelɛke ʋa, ta zalaɠa ɠula nui naa ʋɛɛ Levi nuiti ta-ʋɛlɛyeɠe lotuɠɔiti ba. Ti ɠɛni kɛɛzu ga seɠezeɠedai, ta la pɛlɛyeɠe ɠila seɠena Eleazaal nɔnɔiti saama, ti gila seɠe Itamaal nɔnɔiti saama.
\p
\v 7 Pɛlɛyeɠe lotuɠɔiti kaa, niiti zeelobai woni ga tiye ga seɠezeɠedai ga kpakutoomai: Ma mɔungi, Yeɠoyaliɓe. Felesiɛi, Yedaya. 
\v 8 Saʋasiɛi, Ɠalime. Naanisiɛi, Seyolime. 
\v 9 Dɔɔlusiɛi, Malikiya. Dɔzitasiɛi, Miyamine. 
\v 10 Dɔfelasiɛi, Akɔse. Dɔsaʋasiɛi, Aɓiya. 
\v 11 Taaʋuusiɛi, Zozuwe. Puusiɛi, Sekania. 
\v 12 Puugɔ maazu ɠilasiɛi (11), Eliasiɓe. Puugɔ maazu velesiɛi (12), Yakime. 
\v 13 Puugɔ maazu zaʋasiɛi (13), Ɠupa. Puugɔ maazu naanisiɛi (14), Yeseɓeyaɓe. 
\v 14 Puugɔ maazu lɔɔlusiɛi (15), Ɓiliga. Puugɔ maazu lɔzitasiɛi (16), Imɛɛl. 
\v 15 Puugɔ maazu lɔfelasiɛi (17), Eziil. Puugɔ maazu lɔsaʋasiɛi (18), Apisɛse. 
\v 16 Puugɔ maazu taaʋuusiɛi (19), Petayia. Puufelesiɛi (20), Ezekiyɛle. 
\v 17 Puufele maazu ɠilasiɛi (21), Yakin. Puufele maazu velesiɛi (22), Gamule. 
\v 18 Puufele maazu zaʋasiɛi (23), Delaya. Puufele maazu naanisiɛi (24), Maaziya. 
\v 19 Ʋele ɠana ti ɠaaɠwɛɛni la su, ga ti ɗa lɛ Ɠɔoɠɔ GALAGI zei ʋɛlɛi wu, ti ɠɛni ta-wotiiti kɛɛzu, é zoloo devei naa ma nii Izilayɛle ná-GALAGI, Ɠɔoɠɔ GALAGI feeni ti-mɛmɛwola Aalɔn ya, é daazeeli ti ma.
\s Levi mavofodai zɔiti daaseigiti
\p
\v 20 Levi ʋɛlɛyeɠe ɠundiɠii zɔiti daaseigiti kaa: Suɓayɛle, Amalame mavofodaiti saama, Yedeya, Suɓayɛle nɔnɔiti saama, 
\v 21 Kundiɠii Yisiya, Leyaɓia mavofodaiti saama, 
\v 22 Selomɔte, Yiseɠaal mavofodaiti saama, Yaɠate, Selomɔte mavofodaiti saama. 
\v 23 Eɓelɔn ná-doun zunuiti kaa: Ma mɔungi ɠɛni ga Yeliya, felesiɛi ɠɛ ga Amalia, saʋasiɛi ɠɛ ga Yaɠaziyɛle, naanisiɛi ɠa ga Yekameyame. 
\v 24 Samiil, Uziyɛle ná-doun zunui Misé mavofodaiti saama. 
\v 25 Zakali, Misé kɛɛɠɛloin Yisiya mavofodaiti saama. 
\v 26 Melali ná-doun zunuiti kaa: Maali ta Musi, naa ʋɛɛ ná-doun zunui Yaziya nɔnɔ ma lointi ba. 
\v 27 Melali mavofodaiti kaa, ná-doun zunui Yaziya ma ʋele ma: Soɠame ta Zakuul naa ʋɛɛ Iɓili ʋa. 
\v 28 Maali mavofodaiti saama, Eleazaal, nii é la ɠɛni doun zɔlɔɔni. 
\v 29 Kise ná-doun zunui Yelameyɛle. 
\v 30 Musi ná-doun zunuiti ti ɠɛni ga: Maali, Edɛɛl ta Yelimɔte. Levi mavofodaiti kana, ʋelei ta-ʋɛlɛyeɠeiti ti zeini la su kpɛkpɛ. 
\v 31 Tiya ɓalaa ʋelei nɔ ti-ɠɛɛlointi ti kɛɛni la Aalɔn mavofodaiti, ti ta-wotii zeini su ga kpakutoomai, masagi Davide ɠaazu, ta Sadɔke, naa ʋɛɛ Ayimelɛke ʋa, ta zalaɠa ɠula nuiti ta-ʋɛlɛyeɠeiti, ta Levi ʋɛlɛyeɠe ɠundiɠiiti. Ʋelei nɔ ɓakologi ná-pɛlɛyeɠei zosu da, ʋele nɔ ɠana loungoi nɔnɔ ma ʋɛlɛyeɠei zosu la.
\c 25
\s Guye loo nuiti ta-ʋɛlɛyeɠeiti
\p
\v 1 Davide ɓɔga kundiɠiiti niiti ti GALA dɛbi vai unda, ti yeeloni Azafe mavofodai tanigaa ʋa, naa ʋɛɛ Ɠeman mavofodai tanigaa, ta Yedutun mavofodai tanigaa ʋa, niiti ti ɠɛni GALA gooi wosu guyei zu, ti ɗa kɔnigi, papai ta kɔtɛgiti gɛin guyei wu. Nui niiti ti ti ʋilɛni naama wotii laawu, ti-laaseigiti kaa: 
\v 2 Azafe ná-doun zunuiti saama: Zakuul, Zozɛfe, Netania ta Azaleyɛla, naati ta-lotuɠɔi ɠɛni ga ti-ɠɛɛ, nii masagi ɠɛni losu tuɠɔ, é ɗa GALA gooi wo guyeiti su. 
\v 3 Yedutun nɔnɔ ma lointi ti ɠɛni ga nu lɔzita: Gedaliya, Seli, Ezayi, Simeyi, Ɠasaɓiya ta Matitia, ti-ɠɛɛ ɠɛni losu ti luɠɔ, nii é ɠɛni GALA gooi wosu guyeiti su, é ɗa kɔnigi ɠɛin bu Ɠɔoɠɔ GALAGI maamusɛ vai ma. 
\v 4 Ɠeman mavofodaiti su: Ɓukiya, Matania, Uziyɛle, Seɓuwɛle, Yelimɔte, Ɠanania, Ɠanani, Eliyata, Gidalati, Lomameti-Ezɛɛl, Yoseɓekasa, Maloti, Wotiil, Maɠaziɔte. 
\v 5 Niiti pɛ ti ɠɛni ga Ɠeman ná-doun zunuiti, nii é ɠɛni ga masagi ná-GALA goo wo nui, GALA ge ɠɛni ɓɔɛzu pɔ, nii a kɛ é naa maamusɛ ná-zobogi vaa zu. É ɠula doun zunu puugɔ maazu naanigɔiti (14) polu, GALA ge doun anzanu saʋagɔ veeni Ɠeman ʋɛ. 
\v 6 Ti-ɠɛɛni ti ɓena lo ti pɛ ti luɠɔ, ti ɗa guyei loo Ɠɔoɠɔ GALAGI zei ʋɛlɛi wu, ga kɔtɛgi, kɔnigi ta papai, ʋele ɠana ti ɠɛni ta-wotii ɠɛɛzu la GALA sei ʋɛlɛi wu. Azafe ʋe, Yedutun ʋe ta Ɠeman ti ɠɛni masagi ná-devei wu. 
\v 7 Levi nui niiti ti kalagi woni, ti ɠɛ ga kalamɔinti Ɠɔoɠɔ GALAGI lɛbi vai zu ga guyei, ti ɠɛni ga nu unfelegɔ puulɔsaʋa maazu lɔsaʋa (288). 
\v 8 Ta-wotii zeini kpasu ga kpakutoomai, zeelɔzɔɠɔzu la ɠɛni ɠɛɛni ɓolomadɔɠɔiti ta seizumaanɛgiti zɔɠɔzu, ɓaa kalamɔinti ta kaladopoiti zɔɠɔzu.
\p
\v 9 Kpakutooma mɔungi nii é zɔɠɔni Azafe ná-pɛlɛyeɠei ma, naa looni Zozɛfe ma, felesiɛi loo Gedaliya ma ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 10 Saʋasiɛi, Zakuul, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 11 Naanisiɛi, Yiseli, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 12 Dɔɔlusiɛi, Netania, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 13 Dɔzitasiɛi, Ɓukiya, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 14 Dɔfelasiɛi, Yesaleyɛla, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 15 Dɔsaʋasiɛi, Yesaya, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 16 Taaʋuusiɛi, Matania, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 17 Puusiɛi, Simeyi, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 18 Puugɔ maazu ɠilasiɛi (11), Azalɛle, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 19 Puugɔ maazu velesiɛi (12), Ɠasaɓiya, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 20 Puugɔ maazu zaʋasiɛi (13), Suɓayɛle, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 21 Puugɔ maazu naanisiɛi (14), Matitia, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 22 Puugɔ maazu lɔɔlusiɛi (15), Yelemɔte, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 23 Puugɔ maazu lɔzitasiɛi (16), Ɠanania, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 24 Puugɔ maazu lɔfelasiɛi (17), Yoseɓekasa, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 25 Puugɔ maazu lɔsaʋasiɛi (18), Ɠanani, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 26 Puugɔ maazu taaʋuusiɛi (19), Maloti, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 27 Puufelesiɛi (20), Eliyata, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 28 Puufele maazu ɠilasiɛi (21), Wotiil, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 29 Puufele maazu velesiɛi (22), Gidalati, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12). 
\v 30 Puufele maazu zaʋasiɛi (23), Maɠaziɔte, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12) 
\v 31 Puufele maazu naanisiɛi (24), Lomameti-Ezɛɛl, ta ná-doun zunuiti, naa ʋɛɛ kɛɛɠɛlointi ba, ti pɛ kpɔga ɠɛni ga nu puugɔ maazu felegɔ (12).
\c 26
\s Siɠida makɛ nuiti ta-ʋɛlɛyeɠeiti
\p
\v 1 Wɛlɛ ʋele ɠa siɠida makɛ nuiti ti zeini la kpasu. Kolé mavofodaiti saama, niiti ti ɠɛni ná, tiya ɠaa: Kolé ná-doun zunui Meselemiya, Azafe ná-pɛlɛyeɠei wu nu ɠɛni ga naa. 
\v 2 Ná-doun zunuiti ti ɠɛni ga niiti eɠɛʋelei ti zɔlɔɔ pelei la: Zakali, Yediayɛle, Zeɓadia, 
\v 3 Yateniyɛle, Elame, Yoɠanan ta Eliyɔyenayi. 
\v 4 Woɓɛde-Edɔme ná-doun zunuiti ti ɠɛni ga niiti eɠɛʋelei ti zɔlɔɔ pelei la: Semaya, Yeɠozaɓade, Yoa, Sakaal, Netaneyɛle. 
\v 5 Amiyɛle, Isakaal ta Pewuletayi, ti pɛ kpɔga ɠɛni ga nu lɔsaʋa, tɔɔzei GALA ge tuya looni bɛ. 
\v 6 Ná-doun zunui Semaya doun zunua zɔlɔɔni, niiti ti ɠɛni ga zobobɛ nuiti ta-ʋɛlɛyeɠeiti bu, tɔɔzei ti ɠɛni ga sɔɓelama nuiti. 
\v 7 Naama loun zunuiti ti ɠɛni ga: Wɔteni, Lefayɛle, Woɓɛde, Ɛlɛzaɓade, ma un ge daa ma mɛɛ ga ti-ɠɛɛlointi Eliyu ta Samakia niiti ti ɠɛɛni ga soofaala nu ɠiteɠitegiti. 
\v 8 Woɓɛde-Edɔme mavofodaiti kana. Tiya-o, ti-lointi-yo, naa ʋɛɛ ta-wolodamaiti ba, ti ɠɛni ga nu ʋuulɔzita maazu felegɔ (62), ti pɛ ti ga sɔɓelama nuiti, niiti ti ɠɛni ta-wotiiti kɛɛzu ga zɛbɛi.
\p
\v 9 Meselemiya nɔnɔ ma ɓɔgi zu, ná-doun zunuiti ta kɛɛɠɛlointi ka ti ɠɛni su, ti nu puugɔ maazu lɔsaʋa (18), ti ɠɛni ga sɔɓelama nuiti. 
\v 10 Melali mavofodai Woza doun zunuiti sɔlɔɔni. Simili ɠa é ɠɛni ga totuɠɔi, anɛɛ ni tɔ lɛi é ʋa ɠɛni ga doun mɔungi, kɛɛɠɛ seini ga totuɠɔi. 
\v 11 Naa ʋolu, felesiɛi ɠɛni ga Yilikiya, saʋasiɛi Teɓaliya, naanisiɛi Zakali. Woza ná-bolodamai zu nuiti ti ɠɛni ga nu puugɔ maazu saʋagɔ (13).
\p
\v 12 Siɠida makɛ nuiti ta-ɓɔgi naati pɛɛ, naa ʋɛɛ totuɠɔiti ba, ta ti-ɠɛɛlointi pɛ, ti ɠɛni ta-wotii ɠɛɛzu Ɠɔoɠɔ GALAGI zei ʋɛlɛi wu. 
\v 13 Ti kpakutoomai ɠɛɛni ga ti siɠidaʋɛti gaaɠwɛ pɛlɛyeɠe ɓɔgiti ba, zeelɔzɔɠɔzu la ɠɛni ɠɛɛni ɓolomadɔɠɔiti ta seizumaanɛgiti zɔɠɔzu.
\p
\v 14 Kpakutoomai maaʋele ma, Selemiya ɠa é folo ɠulazu ʋele ʋɛlɛlaʋɛ zɔlɔɔni. Ná-doun zunui Zakali, nii é ɠɛni ga tɛnɛbo nu wola ɠigi ma, kpakutoomai maaʋele ma, naa lɛkpɛmaʋɛ nu ɠɔʋɛzu ʋele ʋɛlɛlaʋɛ zɔlɔɔni. 
\v 15 Lɛkpɛmaʋɛ nu yeezazu ʋele ʋɛlɛlaʋɛ veeni Woɓɛde-Edɔme ya, kasɔ ʋuu ʋɛlɛiti ti ve ná-doun zunuiti zea. 
\v 16 Supime ta Woza, naati ka folo liizu ʋele ziɠidaʋɛ veeni ti ya, naa ʋɛɛ siɠidaʋɛ ʋa, ná laaseigi ga Salekɛte, nii daalaosu ga pelei zu ʋele nii é lɛɛzu.
\p Wɛlɛ, ʋele ɠaa botiiti gaaɠwɛɛni la ga ti ɠaaɠooza ʋelei: 
\v 17 Folo ɠulazu ʋele ʋɛlɛlaʋɛ, Levi nu lɔzita foloi ma, lɛkpɛmaʋɛ nu ɠɔʋɛzu ʋelei, nu naanigɔ foloi ma, lɛkpɛmaʋɛ nu yeezazu ʋelei, nu naanigɔ foloi ma, nu velefelegi zeizu felegɔ kasɔ ʋuuzu felegɔiti faa ma. 
\v 18 Pɛɛbai ʋɔ pelei, folo liizu ʋelei, nu naanigɔ ɠa é ɠɛni nu lɛɛzuʋɛ makɛsu, nu felegɔ ɗa pɛɛbaiti makɛ. 
\v 19 Siɠida makɛ nuiti ta-ɓɔgiti kaa, niiti ti laaseigiti ti zɛʋɛni, ti ga Kolé ta Melali ti-mavofodaiti.
\s Levi nuiti ta-woti ɓiigi tanigaa
\p
\v 20 Levi nui tanigaa ʋelei Ayiya la, é ɠɛni ga GALA sei ʋɛlɛ wu naavolo makɛ nui, ta sɔɔlaiti pɛ makɛ nui, niiti ti veai ga GALA nɔnɔ. 
\v 21 Ti ɠɛni ga Layedan mavofodaiti, Gɛɛlɛson ná-pɛlɛyeɠei wu nuiti, ti ɠilagilagi ti ɠɛni ga ta-ʋɛlɛyeɠeiti ma lotuɠɔiti. Ti-laaseigiti kaa: Yeɠiyeli, 
\v 22 ta ná-doun zunuiti Zetame ta kɛɛɠɛloin Zowɛle. Tiya ɠa Ɠɔoɠɔ GALAGI zei ʋɛlɛi wu naavoloi makɛ vai ɠɛni ti ʋa.
\p
\v 23 Amalame, Yiseɠaal, Eɓelɔn ta Uziyɛle ti-mavofodaiti saama, niiti ti zeɠeni, 
\v 24 ti ɠɛni ga: Seɓuwɛle Gɛɛlɛsome mavofodai, Moize ná-doun zunui, nii é ɠɛni ga naavolo makɛ nuiti ta-lotuɠɔ wolai. 
\v 25 Kɛɛɠɛlointi niiti ti ɠɛni ga Eliyezɛɛl mavofodaiti, naati seɠezeɠeʋɛ da ga ti zɔlɔɔ pelei: Leyaɓia, Ezayi, Yolame, Zikili ta Selomite. 
\v 26 Selomite ta kɛɛɠɛlointi ka ti zeini GALA sei ʋɛlɛi wu zɔɔlaiti makɛ vai unda, niiti masagi Davide ti veeni GALA bɛ, ta pɛlɛyeɠe lotuɠɔiti, ta nu waagilagila kundiɠiiti, naa ʋɛɛ nu ungilagila kundiɠiiti ba, ta salaʋusu ɠundiɠii zɔiti. 
\v 27 Naati, ti kɔɔzoganii ɠilazuʋɛ veeni Ɠɔoɠɔ GALAGI zei ʋɛlɛi ɓɛtɛ vai zu. 
\v 28 Selomite ta kɛɛɠɛlointi ka mɔnɔ ti ɠɛni wɛlɛzu GALA sei ʋɛlɛi wu zɔɔlaiti pɛ ma, niiti niima nuiti ti ti veeni GALA bɛ, naa ʋɛɛ ani mɔtaiti pɛ ba niiti ti veai GALA bɛ: GALA goo wo nui Samiyɛle, Kise ná-doun zunui Sayile, Nɛɛl ná-doun zunui Aɓenɛɛl, Seluya ná-doun zunui Zoaɓe.
\p
\v 29 Yiseɠaal mavofodaiti saama, Kenania ta ná-doun zunuiti ka ti ɠɛni ga bɛbɛi ma vaaɠaaɠulaba nuiti Izilayɛle yooi zu, tiya ɠa ti ɠɛni ga kundiɠiiti ta tukpɔɠaaleʋe nuiti. 
\v 30 Eɓelɔn nuiti saama, Ɠasaɓiya ta kaɲɔɠɔiti, sɔɓelama nu waagila undɔfela (1.700), naati ka ti ɠɛni wɛlɛzu Izilayɛle yooi ma, nii é Zuludɛn ɠobaʋɛ folo liizu ʋelei, tiya ɠa ti ɠɛni Ɠɔoɠɔ GALAGI ná-faiti unda, ta ti ɗa nuɓusɛiti zɔɠɔzu vaiti gaaɠula ba. 
\v 31 Pɛlɛyeɠe laasei sɛʋɛiti da wooi ma, Yeliya ɠa é ɠɛni ga Eɓelɔn nuiti ta-lotuɠɔi. Masagi Davide ná-kona ʋuunaanigɔi (40) ma masa fai zu, ti faiti buuʋɛtɛni, ti ka ga kɔɔɠuluɓa wolaiti ta ti zaama ti ga nu ɓiigiti, Yazɛɛl taazuʋɛ Galaade ɠoʋii ma. 
\v 32 Yeliya ta ná-bolodai zu nuiti ti ɠɛni ga nu waafelegɔ undɔfela (2.700), ti ga nu ɓiigiti, ta pɛlɛyeɠe lotuɠɔiti. Tiya ɠa masagi Davide GALA faiti ta nuɓusɛiti zɔɠɔzu vaaɠaaɠulaba vai ɠalivaani ti ma, Luɓɛn mavofodaiti, Gade mavofodaiti, ta Manasé mavofodaiti gilazuʋɛ unda.
\c 27
\s Kɔɔʋɛbɛi zei ʋelei kpasu
\p
\v 1 Izilayɛle ʋɛlɛyeɠe lotuɠɔiti daaseigiti pɛtɛ, niiti ti zeɠeni ga salaʋusu ɠundiɠiiti, nu waagilagilagiti ta nu ungilagilagiti unda, ta faaɠaaɠulaba nuiti niiti ti ɠɛni ɓɔsu masagi ʋa salaʋusu ɠɔɔɓɔgiti faa zu, niiti ti ɠɛni ʋaazu alu-o-alu, ti ɗa ta-wotii ɠɛ. Nu waaʋuufele maazu naanigɔ (24.000) ɠa é ɠɛni kɔɔɓɔgi ɠilagilagi pɛ su.
\p
\v 2 Kɔɔɓɔ mɔungi nii alu mɔungi veeni zea, nu waaʋuufele maazu naanigɔ (24.000) ɠa é ɠɛni su. Zɔi é ɠɛni unda, naa ɠɛni ga Zaɓidiyɛle ná-doun zunui Yasoɓeyame. 
\v 3 É ɠɛni ga Pelɛze mavofodai ta, tɔ ɠa alu mɔungi zu é ɠɛni kɔɔʋɛbɛi ma ɠundiɠiiti pɛ devezu. 
\v 4 Kɔɔɓɔgi velesiɛi nii alugi velesiɛi ɠɛni zea, naati ɓalaa ti ɠɛni ga waaʋuufele maazu naanigɔ (24.000), Aɠoa nui Dodayi ɠa é ɠɛni naa unda, ná-seikobai ɠɛni ga Mikelɔte. 
\v 5 Alugi zaʋasiɛi ma ɠɔɔɓɔgi ma lotuɠɔi ɠɛni ga zalaɠa ɠula ɠundiɠi wolai Yeɠoyada ná-doun zunui Ɓenaya, tiya ɓalaa ti ɠɛni ga nu waaʋuufele maazu naanigɔ (24.000). 
\v 6 Ɓenaya naa ɠɛni kɔɔɠuluɓa ʋuusaʋagɔiti (30) unda, é ná-doun zunui Amizaɓade zeini ná-kɔɔɓɔgi naa unda. 
\v 7 Kɔɔɠuluɓai naanisiɛi nii alugi naanisiɛi ɠɛni zea, naa ɠɛni ga Azayɛle, Zoaɓe kɛɛɠɛloin, ti yɛ liizu la, ná-doun zunui Zeɓadia ʋilɛ potogi zu, tiya ɓalaa ti ɠɛni ga nu waaʋuufele maazu naanigɔ (24.000). 
\v 8 Alugi lɔɔlusiɛi nɔnɔi ɠɛni ga Yizala ná-pɛlɛyeɠei wu nui Samewute. Nu waaʋuufele maazu naanigɔ (24.000) ɠa é ɠɛni ná-kɔɔɓɔgi zu. 
\v 9 Alugi lɔzitasiɛi nɔnɔi ɠɛni ga Ikese ná-doun zunui Ila, Tekoa nu ɠɛni de. Nu waaʋuufele maazu naanigɔ (24.000) ɠa é ɠɛni ná-kɔɔɓɔgi zu. 
\v 10 Alugi lɔfelasiɛi nɔnɔi ɠɛni ga Efelayime mavofodai Ɠelɛse, Palon nu ɠɛni de. Nu waaʋuufele maazu naanigɔ (24.000) ɠa é ɠɛni ná-kɔɔɓɔgi zu. 
\v 11 Alugi lɔsaʋasiɛi nɔnɔi ɠɛni ga Ɠusa nui Siɓekayi, Zela ná-pɛlɛyeɠei wu nu ɠɛni de. Nu waaʋuufele maazu naanigɔ (24.000) ɠa é ɠɛni ná-kɔɔɓɔgi zu. 
\v 12 Alugi laaʋuusiɛi nɔnɔi ɠɛni ga Anatɔte nui Aɓiyezɛɛl, Ɓɛnzamɛn mavofodai ta ɠɛni de. Nu waaʋuufele maazu naanigɔ (24.000) ɠa é ɠɛni ná-kɔɔɓɔgi zu. 
\v 13 Alugi ʋuusiɛi nɔnɔi ɠɛni ga Netofa nui Maɠalayi, Zela ná-pɛlɛyeɠei wu nu ɠɛni de. Nu waaʋuufele maazu naanigɔ (24.000) ɠa é ɠɛni ná-kɔɔɓɔgi zu. 
\v 14 Alugi puugɔ maazu ɠilasiɛi (11) nɔnɔi ɠɛni ga Pilaton nui Ɓenaya, Efelayime mavofodai ta ɠɛni de. Nu waaʋuufele maazu naanigɔ (24.000) ɠa é ɠɛni ná-kɔɔɓɔgi zu. 
\v 15 Alugi puugɔ maazu velesiɛi (12) nɔnɔi ɠɛni ga Netofa nui Ɠɛledayi, Woteniyɛle mavofodai ta ɠɛni de. Nu waaʋuufele maazu naanigɔ (24.000) ɠa é ɠɛni ná-kɔɔɓɔgi zu.
\s Boloda lotuɠɔiti
\p
\v 16 Wɛlɛ totuɠɔi niiti ti-laaseigi ʋɛɛ, naati ka ti ɠɛni bolodaiti unda Izilayɛle yooi zu. Luɓɛn ná-bolodai: Zikili ná-doun zunui Eliyezɛɛl. Simiyɔn ná-bolodai: Maaka ná-doun zunui Sefatia. 
\v 17 Levi ná-bolodai: Kemuwɛle ná-doun zunui Ɠasaɓiya, Aalɔn mavofodaiti tɔnɔi ɠɛni ga: Sadɔke. 
\v 18 Zuda ná-bolodai: Eliyu, Davide kɛɛɠɛloin ta ɠɛni de. Isakaal ná-bolodai: Mikayɛle ná-doun zunui Womeli. 
\v 19 Zaɓulɔn ná-bolodai: Aɓediyase ná-doun zunui Yisemaya. Nɛfɛtali ná-bolodai: Azaliyɛle ná-doun zunui Yelimɔte. 
\v 20 Efelayime ná-bolodai: Azazia ná-doun zunui Wozé. Manasé ná-bolodai ɠilazuʋɛ: Pedaya ná-doun zunui Zowɛle. 
\v 21 Manasé ná-bolodai ɠilazuʋɛ, é ɠɛni zeini Galaade: Zakali ná-doun zunui Yido. Ɓɛnzamɛn ná-bolodai: Aɓenɛɛl ná-doun zunui Yasiyɛle. 
\v 22 Dan ná-bolodai: Yeloɠame ná-doun zunui Azalɛle. Niima nuiti ka ti ɠɛni ga Izilayɛle wolodaiti ma lotuɠɔiti.
\p
\v 23 Davide la ɠɛni kɛɛni, ti ʋa zunu loungoiti daaseigiti sɛʋɛ, niiti ta-ɠonagi ɠɛni ga puufelegɔ (20), é yei bu, tɔɔzei Ɠɔoɠɔ GALAGI minazeɠeni ga toɠa Izilayɛle nuiti gaawɔɔlɔ, ti mɔin eɠɛ somideɠaiti ti geeɠɔlɔgi ɠa. 
\v 24 Seluya ná-doun zunu Zoaɓe daasei sɛʋɛi lɔɔzeini, kɛlɛ é la ɠɛni gaaɓelani, tɔɔzei Ɠɔoɠɔ GALAGI yiiɠaawanani Izilayɛle ma naama laasei sɛʋɛi vaa zu. Naa ɠa é kɛɛni, naama laasei sɛʋɛi é ɠɛɛni, ma ɠaalugiti ti la ʋilɛni Davide ɠɛɛ vaiti ma zɛʋɛiti su.
\s Masagi ná-botiɠɛ nu wolaiti
\p
\v 25 Adiyɛle ná-doun zunui Azamavɛte ɠa é ɠɛni masagi ná-naavolo makɛ vai unda. Niiti ti ti ɠaalɛɛni ba ɓalaɠaiti su, taa wolaiti ta taa goiti su, ta siɠi gaaɠoozagiti su, nui nii é ɠɛni naati unda, naa ɠɛni ga Woziase ná-doun zunui, Zonatan. 
\v 26 Zɔi ma é ɠɛni kpalaga lii ɠɛ nuiti unda, naa ɠɛni ga Keluɓe ná-doun zunui Ezili. 
\v 27 Zɔi é ɠɛni leezɛn ɓele wotiɠɛ nuiti unda, naa ɠɛni ga Simeyi, Lama nu ɠɛni de. Nii é ɠɛni dɔɔ makɛ vai unda kpeleiti su, naa ɠɛni ga Sefame nui Zaɓidi. 
\v 28 Ziɛlaʋɛ ma nɛmɛi zu, zɔi é ɠɛni wolive ɓelei ta sikɔmɔɔl kpeleiti unda, naa ɠɛni ga Ɓaale-Ɠanan, Gedɛɛl nu ɠɛni de. Nui nii é ɠɛni gulɔiti makɛsu, naa ɠɛni ga Yoase. 
\v 29 Togani ɓulugi niiti ta-laamii wosuʋɛ ɠɛni ga Salon nɛmɛi zu, nui nii é ɠɛni naati unda, naa ɠɛni ga Sitilayi, Salon nu ɠɛni de. Togani ɓulugi nii ma é ɠɛni pɛtugiti su, Adalayi ná-doun zunui Safate ɠa é ɠɛni naati unda. 
\v 30 Zɔi é ɠɛni ɲɔmɛiti unda, naa ɠɛni ga Woɓile, Isemayɛle nu ɠɛni ga naa. Nii é ɠɛni soovale saaiti unda, naa ɠɛni ga Melonɔte nui Yedeya. 
\v 31 Zɔi é ɠɛni baala kpulugiti ta boli ɓulugiti unda, naa ɠɛni ga Ɠagaal nui Yazize. Niima nuiti kpein ka ti ɠɛni Davide ɠɔligiti unda.
\s Davide ɓɔɠɔi ná-tɛnɛbo nuiti
\p
\v 32 Davide kɛkɛi Zonatan ɠɛni ga ná-tɛnɛbo nui, é ɠɛni ga faaɠwɛ nu wola, é ɠɛni ga sɛʋɛ ɠɛ nui. Tɔ ʋe, Ɠakamoni ná-doun zunui Yeɠiyɛle ʋe, tiya ɠa ti ɠɛni masagi ná-dointi kalasu. 
\v 33 Ayitofɛle ɠɛni ga masagi ná-tɛnɛbo nui. Aaleke nui Ɠusayi ɠa é ɠɛni ga masagi ná-dɔɔɠuzu vaa makɛ nui. 
\v 34 Ayitofɛle zeɠeai ma ná, Ɓenaya ná-doun zunui Yeɠoyada ʋilɛni potogi zu, ta Aɓiataal. Zoaɓe ɠa é ɠɛni ga kɔɔɠuluɓa wolai masagi ná-kɔɔʋɛbɛiti unda.
\c 28
\s Davide GALA sei ʋɛlɛ lo fai ɠalivaa vai  //  Salomɔn ma
\p
\v 1 Davide Izilayɛle ɠundiɠiiti pɛ gaalɛɛni ba Zeluzalɛme: bolodama ɠundiɠiiti, masagi ɓɔɠɔi ná-salaʋusu ɠundiɠiiti, salaʋusu ɠundiɠiiti niiti ti ɠɛni nu waagilagilagiti ta nu ungilagilagiti unda, masagi ta ná-dointi kɔligiti ta togani ɓulugiti makɛ nuiti, tosuba nu wolaiti masa pɛlɛi wu, kɔɔɠuluɓa wolaiti, ta sɔɓelama nuiti pɛ. 
\v 2 Masagi Davide ɠaalɔni, é zɛba é ɓɔɛ ti ʋɔ ɠani: «Kɛ̀ɛleaiti, naa ʋɛɛ nà-nuɓusɛiti ba, à woilo gòo ma! É ɠɛa nɛɛni bɛ̀ ga gè GALA sei ʋɛlɛi lo, ʋɛ ná a ɠɛ ga Ɠɔoɠɔ GALAGI ná-minazeɠe kesui looɠosuʋɛ, ta ada-ƓALAGI ɠɔɠɔlosuʋɛ. Gè kɛʋele ɓɛtɛi pɛ kɛɛʋɛ pɛlɛi lo fai zu. 
\v 3 Kɛlɛ GALA kɛɛʋɛ mà: ‹Ɗa lɛi è ʋa ɠɛ pɛlɛ losu bɛ̀, ɗa ga kɔɔɠɔ nu, è ɲamai ʋuuʋɛ.› 
\v 4 Ɠɔoɠɔ GALAGI, Izilayɛle ná-GALAGI ɠa é yiimazeɠea ga ze kɛ̀ɛ ʋɛlɛi wu, nii a kɛ é kɛ̀ ga Izilayɛle masagi, ta gè ɠɔoɠɔ masa pɛlɛyeɠei laalao. Mazɔlɔɔ Zuda ná-bolodai ɠa é yiimazeɠei la ga naa lo zɔiti tuɠɔ. Zuda wolodai naa zu, é yiimazeɠe ga kɛ̀ɛ ʋɛlɛi, tama kɛ̀ɛlointi pɛ saama, nà ɠa é yiimazeɠeai ga ze, é sèi masadai zu Izilayɛle unda. 
\v 5 Ɠɔoɠɔ GALAGI doun zunu mɔinmɔin feeʋɛ bɛ̀. Doun zunui naati saama, é yiimazeɠe ga Salomɔn ga naa zei Izilayɛle masa kpɔkpɔgi ɠa ta é masadai ɠɛ Ɠɔoɠɔ GALAGI zaalai zu. 
\v 6 É zɛba é ɠɛ ma: ‹È-loin Salomɔn ɠa é nà-pɛlɛi losu, ta ma ɠoizuʋɛti pɛ. Tɔɔzei gè yiimazeɠea la, ga é ɠɛ ga dòun zunui, nɔ̀un nà ɠɛ bɛ ga kɛɛɠɛ. 
\v 7 Nà ɓaa ná-masa fai maazu eyɛsu ɠɔ, ni a zɛbɛzeɠena, ʋelei é kɛɛzu la za, ga é ɠolo nà-deveiti ta nà-tɔgiti bɛ.› 
\v 8 Naa ɠa é ba, za ɠani, Izilayɛle pɛ gaazu, Ɠɔoɠɔ GALAGI ná-bɛbɛi pɛ gaazu, ta ada-ƓALAGI ɓɔɠɔi ɠaazu, à minazeɠena ga wa ɠolo Ɠɔoɠɔ GALAGI wa-ƓALAGI ná-deveiti pɛ bɛ, wo ɗa kala, nii a kɛ wo kwɛɛ ga gola. Naazu zou ʋagɔi nii ɠa yɛ wo ya, wo fe wo-mavofodaiti zea ga pogani eyɛsu ɠɔ.
\p
\v 9 «Ɗɛi ma è ga dòun zunui Salomɔn, ɠaaɓa kele, è è-ɠɛɛ ná-GALAGI ɠwɛɛ ga pagɔ, lɛbiyai ve bɛ ga è-yii pɛ, ta kisiɛ ʋagɔi zu, tɔɔzei Ɠɔoɠɔ GALAGI ɠa wɛlɛzu nui yiima munu poun, é kisiɛiti pɛ pɛtɛ. Ni ɗa gaiziɛna, toɠa ɓɔɠɔ yɛna è ka, kɛlɛ ni ɗa ʋoluavena ba, toɠa ɠɛlɛ è ʋa eyɛsu ɠɔ. 
\v 10 Kwɛɛ niina ga Ɠɔoɠɔ GALAGI yiimazeɠea ga ɗe, ga è sei ʋɛlɛ lo bɛ, ʋɛ ná ɠɛɛzu ga seizu ɲadegai. Zɛbɛzeɠe, è botii lɔɔzei.»
\s Davide GALA sei ʋɛlɛi ma ɠazaʋigi vee vai  //  Salomɔn ya
\p
\v 11 Davide GALA sei ʋɛlɛi ma lɛɛ wosuʋɛ ma ɠazaʋigi veeni Salomɔn ya, naa ʋɛɛ ma ʋɛlɛiti kazaʋigiti ba, pɛɛbaiti, naavolo makɛsuʋɛti, geezu ʋɛlɛiti, ta pɛlɛ ɠoozu ʋɛlɛiti, naa ʋɛɛ minazeɠe kesui laazuʋɛ ʋa. 
\v 12 Naa ʋoluma, é naa pɛ ma ɠazaʋigiti feeni zea, niiti é deveni ga é ti lo: Ɠɔoɠɔ GALAGI zei ʋɛlɛi ma ɠoizuʋɛ, pɛlɛi niiti ti ɠakusu ma, ʋɛti ti ɠɛɛzu ga GALA sei ʋɛlɛi wu naavolo makɛsuʋɛti ta anii niiti kpein ti veai Ɠɔoɠɔ GALAGI ʋɛ. 
\v 13 Naa ʋolu, masagi Levi nuiti ta zalaɠa ɠula nuiti ta-zeikpasu zɛʋɛiti feeni Salomɔn ya, naa ʋɛɛ botii ma zii pɛ ba niiti ti maanɛai ga ti ɗa ɠɛ Ɠɔoɠɔ GALAGI zei ʋɛlɛi wu, ta sɔɔlaiti pɛ niiti botii ɠɛɛzu ga tiye GALA sei ʋɛlɛi wu. 
\v 14 É zanugi wuɲɛgi liegɔi lɛɛni la, nii maanɛai é lɔ zanu sɔɔlaiti gilagilagi zu, botii ɠilagilagi vaa zu, ʋele nɔ ɠana ɓalaa é kɛɛni la ga walii, sɔɔlai ɠilagilagiti pɛ faa zu ti maanɛai ti lɔ botii ɠilagilagiti su. 
\v 15 É zanu fitina zei aniiti ta ma fitinaiti buɲɛgi liegɔi lɛɛni ti ɠilagilagi pɛ, ʋele nɔ ɠana ɓalaa é kɛɛni la ga walii geleiti ta ma fitinaiti, é zoloo botii ma nii é ɠɛɛzu ga ti ɠilagilagi. 
\v 16 É zanugi liegɔi lɛɛni nii gaawuunsu, é ʋu taɓalii ɠilagilagiti ma, niiti ɓului laazu ti ɠa Ɠɔoɠɔ GALAGI ʋɛ, ta walii wuɲɛgi, walii laɓaliiti faa zu. 
\v 17 É sua zɔɔ mitɛ wolaiti kazaʋigi lɛɛni la, naa ʋɛɛ ɲama vaza aniɲakaiti ba ta zanu gooleiti, ti pɛ ti ga zanu kitei, naa ʋɛɛ ziawɔiti ba ti ga zanugi. É zanugi liegɔi lɛɛni nii maanɛai é ɓɛtɛ ga ziawɔi ɠilagilagi. Ʋele nɔ ɠana é kɛɛni la ga ziawɔi niiti ti ɓɛtɛzu ga walii. 
\v 18 É ansansegiti ma zalaɠa ɠulazuʋɛ ma ɠazaʋigi lɛɛni la, nii zanu gbaai ʋuuzu ma. É zanugi wuɲɛgi liegɔi lɛɛni ɓalaa, naa ʋɛɛ zanu wotoloi ʋa, kpɛtɛai ga seeluɓɛinti niiti ti-ɠoʋegi ɠɛni zɛlɛni Ɠɔoɠɔ GALAGI ná-minazeɠe kesui maazu. 
\v 19 Davide ɠɛni ma: «Ɠɔoɠɔ GALAGI ɓɔɠɔi ɠa é botii nii ma ɠazaʋigi pɛ sɛʋɛa sɛʋɛi zu, nii a kɛ gè ti ɠaaɠa.»
\p
\v 20 Naa ʋoluma, Davide ɠɛni Salomɔn ma: «Dòun zunu, yiilɔɔ, zɛbɛzeɠe, è tɔɔzei ga botii ɠɛa! Mina lua, è maa mina ɓali, mazɔlɔɔ Ɠɔoɠɔ GALAGI nii é ga nà-GALAGI, naa ɠa yɛsu è ʋa, é la è yɛga ná pɛ, é la ɠɛlɛa è ʋa pɛ, eyɛsu è ɓe ga botii naati pɛ kɛ, nii maanɛai ga è kɛ Ɠɔoɠɔ GALAGI zei ʋɛlɛi lo fai zu. 
\v 21 Zalaɠa ɠula nuiti ta Levi nuiti ɓalaa kana, ti zeiʋɛ su kpɛkpɛ ga kpɔgiti, GALA sei ʋɛlɛi wu wotiiti faa ma. Niima wotiiti pɛ su, ɗa kpɔba zɔlɔɔ ɲɛɛliɠi nuiti saama, botii ɠilagilagiti pɛ faa zu, niiti a nɛɛ ti ʋɛ ga ti ɓɔ è ʋa, kundiɠiiti ta nuɓusɛiti pɛ ta è yeema.»
\c 29
\s Vebɛaniiti niiti Davide ti veeni  //  GALA sei ʋɛlɛi lo fai zu
\p
\v 1 Masagi Davide ɠɛni bɛbɛi ma: «Dòun zunui Salomɔn, nii ɠilagi GALA ge yiimazeɠeai la, toɠa ga zunu loungo nɔ, ɠi gola la dɛ zea, botii ma suwɔɔlɔʋɛ, tɔɔzei pɛlɛi nii la ga nuɓusɛ nɔnɔ, Ɠɔoɠɔ GALAGI ɠa nɔnɔ ʋe. 
\v 2 Nɔ̀un nà ɓɔɠɔi gè sòoda vai pɛ kɛɛʋɛ, nii a kɛ gè kɛʋele ɓɛtɛi ɠɛ nà-GALAGI zei ʋɛlɛi nii lo fai zu: zanugi, walii, kɔlu ɓɔigi, kɔlu ɠite, naa ʋɛɛ gului ʋa, gè naati gaalɛɛʋɛ ba, nii a kɛ niiti kpein ti maanɛai ga ti ɓɛtɛ ga sɔɔlai naa ma ziiti, ti ʋa ɓɛtɛ ga tiye. Gè kɔtu ʋapagiti gaalɛɛʋɛ ba ɓalaa: niiti ta zoo ɲɛkpɛzu, niiti ti volozu, ma ʋɔnɛgiti, kɔtu zɔngɔ ɓaagi ma zii pɛ, ta kɔtu ɠolegiti, kɔtui wola mɔinʋɛ. 
\v 3 Naa pɛ poluma, nii gè kɛʋele ɓɛtɛai GALA sei ʋɛlɛi lo fai zu, GALA sei ʋɛlɛi nɛɛ ʋelei ma bɛ̀, gè nà ɓɔɠɔi kɔli papagiti fea, zanugiti, waliiti, niiti ti ga kpɔ̀ɠɔ geleiti, é ɠula niiti polu gè ti ɓɛtɛai GALA pɛlɛ ɲadegai lo fai zu. 
\v 4 Nii makɛgai bɛ̀ naa ɠa ga: kilo waaungila (100.000) zanu kitei zu, nii é zeɠezu Wofiil, naa ɓɔ kilo waaunfelegɔ waaʋuunaanigɔ (240.000) ʋa walii maaɲadegai zu pɛlɛi ɠoozuʋɛ ziɛ vai zu. 
\v 5 Zanugi ta walii niiti ta ná, nii a kɛ sɔɔlai nii nɔpɛ maanɛai ga é ɓɛtɛ ga zanugi ɓaa walii, ti ɓɛtɛ ga niiti, botii pɛ su niiti ɲɛɛliɠi ɠɛ nuiti ta ɠɛ ti kɛ. Niima ziɛgi zu niina, wo zaama, ɓɛ ɠa kɛʋele ɓɛtɛai ga é faaɓɔɠɔ ɠɛ ga ɠoozunɛ ʋele Ɠɔoɠɔ GALAGI ʋɛ?»
\s Vebɛanii niiti nuɓusɛiti ti ti veeni  //  GALA sei ʋɛlɛi lo fai zu
\p
\v 6 Naama ziɛgi zu Izilayɛle ɠundiɠiiti kpein, pɛlɛyeɠe geleiti, boloda geleiti, nu ungilagila ta nu waagilagila kundiɠiiti, naa ʋɛɛ niiti ba ti masagi ná-faiti unda, ti pɛ ti zɛba ti vebɛaniiti fe, ti daai ɠisu. 
\v 7 Nii ti gaalɛɛni ba é ɠɛni ga: zanugi kilo waaungila waaʋuulɔfela (170.000), zanu kae waapuugɔ (10.000), walii leʋeni kilo waaunsaʋagɔ (300.000) ʋa, kɔlu ɓɔigi a la zeeli kilo waaundɔzita (600.000) zu, kɔlu ɠitei a la leʋe kilo miliyɔn saʋagɔ (3.000.000) ʋa. 
\v 8 Zɔiti kɔtu zɔngɔ ɓaagiti ti ɠɛni ti ya, naati ti ɠɛni ʋaazu ga tiye, ti ɗa kaliva Yeɠiyɛle ma, Gɛɛlɛson mavofodai, ga ti ʋa da Ɠɔoɠɔ GALAGI zei ʋɛlɛi wu naavolo makɛsuʋɛ. 
\v 9 Nuɓusɛi wola ɠoozunɛɛni vebɛanii naati fai zu, tɔɔzei ti ɠɛni feezu ga yii pɛ Ɠɔoɠɔ GALAGI ʋɛ. Masagi Davide ɓɔɠɔi ɓalaa gola ɠoozunɛɛni.
\s Davide ná-mama fe ƓALA falii
\p
\v 10 Davide mamagi veeni Ɠɔoɠɔ GALAGI ʋɛ bɛbɛi pɛ gaazu, é ɠɛ ma:
\q «Ee, Ɠɔoɠɔ GALAGI, mamagi ɠa è ʋɛ eyɛsu ɠɔ,
\q gi-mɛmɛwola Izilayɛle ná-GALAGI.
\q
\v 11 Ɠɔoɠɔ GALAGI, ɗa ɠa è-ʋo ge ga
\q bɔɔlɔi, zɛbɛi, pagi, lɛbiyai ta masadai.
\q Mazɔlɔɔ nii kpein é geeɠɔlɔgi zu ta zooi ma ta ga ɗɔnɔ, ee, Ɠɔoɠɔ GALAGI!
\q Ɗa ɠa è-ʋo ge ga masadai,
\q ɗa ɠa zobogi è ya fuluanii pɛ unda.
\q
\v 12 Ɗa ɠa kpɛtɛi ta lɛbiyai zeɠezu è ʋɔ.
\q È leve ɠa anii pɛ ma,
\q gaaɓaai ta zobogi naati ta è yeezaama.
\q Zobogi ɠa è ʋɛ ga zɔi è pɔ ga è unbuzeɠe, è naa wuzeɠe ta è gaaɓaai ve bɛ.
\q
\v 13 Naa ɠa é ba, gá-ƓALAGI, gá è maamusɛzu,
\q gi ɗa-lɛbiyai ɠula kɛlɛma.
\q
\v 14 Mazɔlɔɔ nà ga leeni kae,
\q nà-nuɓusɛiti ɓalaa ta ga leeni kae,
\q gi zoosu gi nii ɠɛɠala vaaɓɔɠɔi ɠɛ è ʋɛ?
\q Nii kpein ka zeɠezu ɗa nɔ è ʋɔ.
\q Nii gi feai è ya, gi naa zɔlɔɔgɛ ɗa ɓɔɠɔi nɔ è ya.
\q
\v 15 Gá nɔ ga wɛɛinti ta seikɔɠɔma nuiti è ɠaazu,
\q ʋelei nɔ gi-mɛmɛwolani ti ɠɛni la.
\q Gi-zii ma voloiti eteai zu, ta nɔ ga eɠɛ niinigi é leʋesu,
\q é leʋesu, kito nɔpɛ ge la bɛ.
\q
\v 16 Ɠɔoɠɔ GALAGI, gá-ƓALAGI, naavoloi nii pɛ ka zɔlɔɔsu ɗa nɔ è ya,
\q nii kpein gi gaalɛai ba ɠani, nii a kɛ gi pɛlɛi lo nii è-laaseigi ɠa ʋɛ ba,
\q ɗɛi è ɲadegai, niiti pɛ ta ga ɗɔnɔ.
\q
\v 17 Ee, nà-GALAGI, gè suɠwɛɛ ga ɗa gi yiizumɔsu,
\q è ɠoozu ɠa ɗa nɛɛ, siɛgi zu nui ta a ziɛna la telebodai zu.
\q Naa ma ka é ba, gè niima vebɛaniiti pɛ feeʋɛ è ya zii zɔledai zu.
\q É ɠɛ bɛ̀ ga koozunɛ, siɛgi zu gè ɗa-nuɓusɛiti pɛtɛga la, ti ɗa ʋa ga vebɛaniiti ga ɠoozunɛ ʋele.
\q
\v 18 Ee, Ɠɔoɠɔ GALAGI, gi-mɛmɛwolani Abalaame, Izaake, ta Izilayɛle ta-ƓALAGI, ɠi pagɔi nii ta kisiɛ ʋagɔi niiti makɛ yeenɔpɛ ɗa-nuɓusɛiti ziimaʋɛ.
\q Ti-yii latigai makɛ kpaankpaan è ʋɔ pelei.
\q
\v 19 Zii ve dòun zunui Salomɔn ya, nii gaa la ɠwɛni su fele,
\q nii a kɛ é ɠolo ɗa-leveiti bɛ, naa ʋɛɛ ɗa-ɠalagiti ta ɗa-lɔgiti ba.
\q É ziɛ ga ti pɛ, ta é GALA sei ʋɛlɛi lo, nii gè ma ɠɛʋele ɓɛtɛi ɠɛai.»
\s Gulɔi ziɛ vaa Salomɔn ma  //  é ʋa ɠɛ ga masagi
\p
\v 20 Naa ʋoluma, Davide ɠɛni bɛbɛi ma: «À Ɠɔoɠɔ GALAGI mama, wa-ƓALAGI!» Bɛbɛi pɛ ge zɛba é mamagi ve Ɠɔoɠɔ GALAGI ʋɛ, ti-mɛmɛwolani ta-ƓALAGI. Ti ʋilɛni ɲiibiɠa, ti la Ɠɔoɠɔ GALAGI ɠɔɠɔwu ta masagi ɠaazu. 
\v 21 Poluma zobui, ti zalaɠaiti ta gala zalaɠaiti kulani, ti fe Ɠɔoɠɔ GALAGI ʋɛ: nikɛ zinɛ waagila (1.000), baala sinɛ waagila (1.000), ta baala ziʋo waagila (1.000), naa ʋɛɛ puya zalaɠaiti ba ga dɔɔi nii a la kula ɠɛ su, naa ʋolu, ti zalaɠa mɔinmɔin kiligaa ɠula Izilayɛle pɛ bɛ. 
\v 22 Naama voloi ti daamii ta kpɔɔlei woni ga koozunɛ wolai Ɠɔoɠɔ GALAGI ɠaazu. Ná zeizu velesiɛi ɠɛni ga nii, ti gulɔi ziɛ Davide ná-doun zunui Salomɔn ma Ɠɔoɠɔ GALAGI laaseigi zu, é ʋa ɠɛ ga ta-masagi. Ti gulɔi ziɛni ɓalaa Sadɔke ma, é ɠɛ ga zalaɠa ɠula nui. 
\v 23 Salomɔn zeini Ɠɔoɠɔ GALAGI ná-masa kpɔkpɔgi ɠa, ga é masadai ɠɛ kɛɛɠɛ Davide ʋotogi zu. É masadai zeɠeni, é ɗa li luɠɔma, Izilayɛle nuiti pɛ ti ɠoloni bɛ. 
\v 24 Kundiɠiiti ta salaʋusuiti, naa ʋɛɛ masagi ná-doun zunuiti pɛ ba, ti ɠoloni bɛ. 
\v 25 Ɠɔoɠɔ GALAGI Salomɔn unbuzeɠeni Izilayɛle nuiti pɛ gaazu, é ná-masadai maawui é leʋe zɔiti pɛ ba, ti masadai ɠɛɛni Izilayɛle unda tɔun tuɠɔ.
\s Davide zaa vai
\r (1 Masagiti 2:10-12)
\p
\v 26 Izayi ná-doun zunui Davide masadai ɠɛɛni Izilayɛle pɛ unda. 
\v 27 É kona ʋuunaanigɔ (40) ɠɛni masadai zu Izilayɛle unda: É kona dɔfelai ɠɛɛni Eɓelɔn, é kona ʋuusaʋagɔ maazu saʋagɔi (33) ɠɛ Zeluzalɛme. 
\v 28 Davide zaani, kɛlɛ pɔlɔzaɠaga ʋoluma kɔɛkɔɛ ziilɛi su, é zii zɔlɔɔni, naa ʋɛɛ naavoloi ta lɛbiyai ʋa. Ná-doun zunui Salomɔn ɠa é masadai ɠɛɛni potogi zu.
\p
\v 29 Masagi Davide ná-kɛɛwotiiti, é zo ma mɔungiti ma, é li ma ɠaaɓelagiti pɔ, naati sɛʋɛʋɛ GALA goo wo nuiti Samiyɛle, Natan ta Gade ta-zɛʋɛiti su. 
\v 30 Ná-masadai, ná-zobogi, naa ʋɛɛ fai pɛ ba é ɠɛɛni ná-yeeɠɛɠalai, Izilayɛle yooi zu, ta zɔɔma masa zooiti su, naa pɛ bogɛ sɛʋɛi naati su.