\id REV  
\h Apocalipsis 
\toc1 Hua Ee Hua̠ntu̠ Dios Líma̠lacahua̠ní̠lh San Juan 
\toc2 Apocalipsis 
\toc3 Ap. 
\mt1 Hua Ee Hua̠ntu̠ Dios Líma̠lacahua̠ní̠lh 
\mt1 San Juan 
\ip Umá libro li̠ma̠­pa̠­cu­hui̠cán Apo­ca­lipsis porque a̠má tachu­huí̠n apo­ca­lipsis nac xata­chu­huí̠n griego hua­ni­putún “hua̠ntu̠ xaa̠huatá nalay”, y antá uú li̠chu­hui̠nán hua̠ntu̠ li̠ma̠­la­ca­hua̠­ní̠­calh San Juan. Titzokca a̠má quilh­ta­macú acxni̠ a̠ma̠ko̠lh tropa xalac Roma li̠pe̠cua la̠ta xta­pu­tza­sta̠­la­má̠­nalh cris­tianos hua̠nti̠ xta­li̠­pa̠­huán Cristo pero ni̠para tzinú xta­ta̠­la­ka­pu­tzay huata xta­lac­tla­hua­ya̠­hua­putún. Huá xpa̠­la­cata nac u̠má li̠kalh­ta­huaka lhu̠hua hua̠ntu̠ ta̠ma̠­la­cas­tuccán hua̠ntu̠ luu xuani­putún hua̠ntu̠ xma̠­si­yuma nac xta­kalh­chu­huí̠n, poreso laca­lhu̠hua o pu̠lac­lhu̠hua li̠kalh­ta­hua­ka­yá̠hu hua̠ntu̠ luu ni̠para lay aka­ta̠k­sa̠hu hua̠ntu̠ hua­ni­putún. Pero hua̠nti̠ xca̠­lak­ma­ca­cha̠­má̠­calh u̠má li̠kalh­ta­huaka juerza sta­lanca xtaaka­ta̠ksa hua̠ntu̠ xca̠­li̠­ma̠­kalh­chu­hui̠­ni̠­pu­tuncán. Ma̠squi xli̠­ca̠na pi̠ lhu̠hua hua̠nti̠ xta­li̠­taaklhu̠­hui̠y caj xpa̠­la­cata ni̠ laca­tancs xta­ca­tzi̠y hua̠ntu̠ xca̠­hua­ni­pu­tuncán, pero xca̠­li̠­ma̠­kalh­chu­hui̠­ni̠­má̠­calh cris­tianos xla­cata pi̠ xlianka­lhi̠ná cata­li̠­pá̠­hualh Dios y ni̠para tzinú cata­li̠­lak­lhpé̠­cualh hua̠ntu̠ nata­li̠­pa̠­ti̠nán hasta nac xca̠­li̠­ni̠ncán, y sta­lanca cata­cá­tzi̠lh pi̠ xlia̠huatá xli̠­ca̠na pi̠ huá ámaj ta̠yaniy Dios xa̠hua Cristo Quim­pu̠­chi­nacán (19.6). 
\ip Umá tama̠­lacnú̠n xla­cata li̠pa̠­xúhu nakalh­ka­lhi̠­yá̠hu hua̠ntu̠ namak­lhti̠­na­ná̠hu ma̠squi caquin­ca̠­pu­tza­sta̠­lacán y caquin­ca̠­mak­ni̠cán, chuná tla̠n sta­lanca liucxilh­la­ca­cha̠­ná̠hu a̠má xaca̠­li̠­pa̠­xúhu “xasa̠sti Jeru­salén xalac akapú̠n”, anta­nícu ma̠n huij nahuán Dios y ca̠ta̠­lámaj nahuán xca­maná̠n, y antá niaj tu̠ catiánalh li̠ní̠n, niaj tu̠ catíhua tali̠­pu­huá̠n xa̠hua tapa̠tí̠n ni̠para tatasa. 
\ip Umá libro li̠chu­hui̠nán hua̠ntu̠ xaa̠huatá nalay nac ca̠quilh­ta­macú, xa̠hua xli̠­hua̠k Xasa̠sti Tala­ca̠xlán, li̠akas­puta anta­nícu chu­na­tiyá ma̠lacnu̠y pi̠ ni̠para maka̠s quilh­ta­macú ámaj min xli̠­maktiy Quim­pu̠­chi­nacán Jesu­cristo xreycán hua̠nti̠ tama̠­pek­si̠nán, y xpu̠­chi­nacán hua̠nti̠ pú̠chi­naní̠n, huá Qui­ma̠aka­pu̠­tax­ti̠­nacán. 
\c 1  
\s1 Jesús ma̠catzi̠ni̠y xtalacapa̠stacni San Juan 
\p  
\v 1 Huá u̠má libro anta­nícu laca­tancs li̠chu­hui̠nán la̠ta lácu Dios ma̠ca­tzí̠­ni̠lh xta­la­ca­pa̠s­tacni Jesúc­risto hua̠nti̠ xKahuasa, la̠qui̠ chuná xlá na̠ naca̠­ma̠­ca­tzi̠ni̠y xli̠­hua̠k xlac­scujní̠n la̠qui̠ nata­li̠­ca­tzi̠­ta­huilay hua̠ntu̠ ni̠para maka̠s quilh­ta­macú nakan­taxtuy. Jesu­cristo lacás­quilh pi̠ aquit Juan hua̠nti̠ xlá qui­li̠­ma̠x­tuni̠t xlac­scujni, naqui­ma̠­ca­tzi̠­ni̠cán u̠má tachu­huí̠n y huá xpa̠­la­cata qui­lak­ma­cá­milh xángel la̠qui̠ xlá naqui­li̠­ma̠­la­ca­hua̠ni̠y hua̠ntu̠ nacuc­xilha.  
\v 2 Aquit xma̠n huá cma̠­lu­loka hua̠ntu̠ cuc­xilhni̠t nac a̠má tala­ca­huá̠n, porque qui­li̠­ma̠x­tu­cani̠t cumu la̠ cha̠tum tes­tigo hua̠nti̠ nama̠­lu­loka xta­chu­huí̠n Dios hua̠ntu̠ na̠ aya ma̠lu­lokni̠t Jesu­cristo.  
\v 3 Ca̠na li̠pa̠­xúhu a̠ma̠ko̠lh cris­tianos hua̠nti̠ nata­li̠­kalh­ta­huakay u̠má libro, xa̠hua hua̠nti̠ cacs takax­mata xta­chu­huí̠n Dios hua̠ntu̠ uú tatzok­ta­hui­lani̠t, y nata­lak­tzaksay li̠huana̠ nata­ma̠­kan­taxti̠y hua̠ntu̠ li̠ma̠­pek­si̠nán, porque xli̠­ca̠na pi̠ aya tala­ca­tzu­hui̠ma quilh­ta­macú la̠ta nakan­taxtuy xli̠­hua̠k hua̠ntu̠ uú huan. 
\s1 Juan ca̠tzoknuniy pu̠lactujún pu̠latama̠n 
\p  
\v 4 Aquit Juan cca̠­tzok­nu­nimá̠n hui­xinín cris­tianos hua̠nti̠ li̠pa̠­hua­ná̠tit Cristo y hui­látit nac pu̠lac­tujún lactzu̠ ca̠chi­quí̠n hua̠ntu̠ ma̠peksi̠y Asia. Cla­cas­quín camak­lhti̠­nántit li̠pa̠­xúhu latáma̠t nac xla­catí̠n lanca tali̠­pa̠hu Dios hua̠nti̠ hasta maká̠n, la̠ ca̠lacchú y cane̠c­xni­cahuá quilh­ta­macú chu­na­tiyá tila­ta­ma̠ni̠t y lamajcú nahuán, na̠chuná cla­cas­quín caca̠­la­ka­lhamán a̠ma̠ko̠lh kalha­tujún espí­ritus o ángeles hua̠nti̠ tayá̠­nalh nac lacatzú xpu̠­ma̠­peksí̠n,  
\v 5 y camak­lhti̠­nántit xta­pá̠x­qui̠t Jesu­cristo hua̠nti̠ aksti̠tum qui̠­ma̠­lu­lókchi xta­chu­huí̠n Dios, hua̠nti̠ pu̠lh lacas­ta­cuánalh nac ca̠li̠ní̠n, xlá kalhi̠y la̠nchú lanca li̠t­li­hueke y ca̠maka­tla­jako̠y xli̠­hua̠k hua̠nti̠ taka­lhi̠y li̠t­li­hueke xa̠hua li̠ma̠­peksí̠n uú nac ca̠quilh­ta­macú. Cristo quin­ca̠­pa̠x­qui̠yá̠n porque acxni̠ mak­ní̠­calh y staj­má­kalh xkalhni caj quim­pa̠­la­ca­tacán, chuná quin­ca̠­lac­xa­ca­nikó̠n xli̠­hua̠k quin­ta­la̠­ka­lhi̠ncán.  
\v 6 Y caj xpa̠­la­cata xta­la­ka­lha­maní̠n quin­ca̠­mak­lhti̠­na­ni̠tán nac xta­péksi̠t la̠qui̠ nali̠­tax­tu­yá̠hu cumu la̠ cura nac xla­catí̠n Quin­tla̠­ticán Dios hua̠nti̠ xma̠n huá nali̠s­cu­já̠hu. ¡Xma̠n huá mini̠niy xlianka­lhí̠n naka­lhíy lanca xli̠t­li­hueke y nama̠x­qui̠cán cá̠cni̠t cane̠c­xni­cahuá quilh­ta­macú! Chuná calalh, amén. 
\q1  
\v 7 ¡Caca­tzí̠tit pi̠ Cristo mímaj nahuán nac xlacni puc­lhni! 
\q1 Y acxni̠ namín xli̠­hua̠k cris­tianos nataucxilha, 
\q1 hasta na̠ nataucxilha a̠ma̠ko̠lh hua̠nti̠ tamak­ni̠ni̠t y tata̠­pa̠lh­tú­culh; 
\q1 y xli̠­hua̠k cris­tianos xalac xli̠­ca̠­lanca ca̠quilh­ta­macú 
\q1 nata­li̠­pu­huaxni̠y y nata­lak­tasay acxni̠ nataucxilha pi̠ mima caj xpa̠­la­cata ni̠tlán hua̠ntu̠ xtat­la­hua­má̠­nalh. 
\q1 Xli̠­ca̠na pi̠ chuná ámaj qui̠­taxtuy. 
\p  
\v 8 “Aquit xlianka­lhi̠ná quilh­ta­macú clama, hasta la̠ta xquilh­tzúcut, xa̠hua xliakas­putni.” Chuná huán Quim­pu̠­chi­nacán Dios hua̠nti̠ lanca xla­ca­tzúcut y xlianka­lhi̠ná quilh­ta­macú tila­ta­ma̠ni̠t, chuná la̠ ca̠lacchú lamajcú y amajcú tila­tama̠y cane̠c­xni­cahuá quilh­ta­macú. 
\s1 Juan li̠ma̠lacahua̠ni̠cán lanca tali̠pa̠hu Cristo 
\p  
\v 9 Aquit min­ta̠­lacán Juan hua̠nti̠ ctzokma u̠má carta, y cumu cta̠­ta­la­cas­tucni̠t Cristo lac­xtum cca̠­ta̠­ta­pek­si̠yá̠n y lac­xtum namak­lhti̠­na­ná̠hu a̠má xatlá̠n xpu̠­ta­hui̠lh hua̠ntu̠ xlá ma̠lac­nu̠ni̠t naquin­ca̠­ma̠x­qui̠yá̠n, porque aquit na̠ lhu̠hua hua̠ntu̠ cli̠­pa̠­ti̠­nama xpa̠­la­cata Cristo chuná cumu la̠ hui­xinín, pero huá anka­lhi̠ná quin­ca̠­ma̠x­qui̠yá̠n li̠ca­mama la̠qui̠ tla̠n nati̠­tax­tu­ni­ko̠­yá̠hu. Ucca̠­hua­niyá̠n hua̠ntu̠ cak­spú­lalh nac a̠má isla hua­nicán Patmos acxni̠ xac­ta­nu̠ma nac pu̠la̠­chi̠n caj xpa̠­la­cata xta­chu­huí̠n Dios hua̠ntu̠ quin­ca̠­qui̠­li̠­ma̠­kalh­chu­hui̠­ni̠­chín Cristo.  
\v 10 Maktum quilh­ta­macú domingo acxni̠ aquit xac­la­ka­chix­cu­hui̠ma Quim­pu̠­chi­nacán, ni̠para xali̠­ta­ca­tzí̠n lácu Espíri­tu Santo quiakchi­pa­ni­ko̠lh quin­ta­la­ca­pa̠s­tacni, y nac quin­cha̠ké̠n ckáx­matli pi̠ qui­xa­kát­li̠lh cha̠tum hua̠nti̠ xli̠t­li­hueke xaka­pixni xta̠­chuná cumu la̠ sa̠nán aktum trom­peta  
\v 11 chiné qui­huá­nilh: 
\p —Aquit cla­cas­quín pi̠ catzokti nac mactum libro xli̠­hua̠k hua̠ntu̠ nacuaniyá̠n xa̠hua hua̠ntu̠ nac­li̠­ma̠­la­ca­hua̠­ni̠yá̠n, y caca̠­ma­ca­pini cris­tianos hua̠nti̠ tali̠­pa̠­huán Cristo y tahui­lá̠­nalh nac a̠ma̠ko̠lh laca­tujún ca̠chi­qui̠ní̠n hua̠ntu̠ ca̠ma̠­peksi̠y Asia, a̠ma̠ko̠lh ca̠chi­qui̠ní̠n hua­nicán: Efeso, Esmirna, Pér­gamo, Tiatira, Sardis, Fila­delfia xa̠hua Laodicea. 
\p  
\v 12 Aquit huitek cta­la­kás­pitli xla­cata nacuc­xilha tícu a̠má xqui­xa­kat­li̠ma; pero huata caj xma̠n cúc­xilhli kan­tujún can­de­leros hua̠k xla oro,  
\v 13 y nac xlak­sti̠­pa̠ncán kan­tujún can­de­leros antá cúc­xilhli pi̠ xyá cha̠tum hua̠nti̠ xta̠­chuná xta­siyuy cumu la̠ cha̠tum chixcú, xlá xli̠­lha­ka̠­nani̠t pu̠lhmá̠n clháka̠t hua̠ntu̠ xcha̠niy hasta xtu̠­pixni, y xtam­pu̠­lakui kantum pi̠lanca cin­turón xla oro, hasta nac xcuxmú̠n xcha̠niy.  
\v 14 Li̠la­káti̠t xta­siyuy xchíxit cumu la̠ panáma̠c osuchí la̠ sna­papa seda, y li̠pe̠cua xlak­skoy xla­kas­tapu cumu la̠ lhcúya̠t.  
\v 15 Xtantú̠n li̠pe̠cua xlak­skoy cumu la̠ bronce hua̠ntu̠ li̠huana̠ xma̠s­ta­lan­qui̠­cani̠t y li̠la­káti̠t xca̠x­tla­hua­cani̠t; y xta­chu­huí̠n li̠pe̠cua xma­caacsa̠nán cumu la̠ xuástat aktum chú­chut, o lanca kalh­tu̠­choko.  
\v 16 Nac xpe­kes­tácat xchi­pani̠t aktujún stacu, y nac xquilhni xtax­tu­ni̠­tanchi aktum quin­cas­la­jaja espada hua̠ntu̠ laka­pu̠­tiyú̠ xta­xa­cani̠t. Xta̠­chuná xlak­skoy xlacán cumu la̠ acxni̠ li̠pe̠cua ma̠la­ka­chi­xi̠nán chi­chiní. 
\p  
\v 17 Acxni̠ cúc­xilhli tuncán cla­ka­ta­tzo­kós­talh, lhkén cta­ma̠chá nac ca̠ti­yatni cumu la̠ xaní̠n. Pero qui­li̠­pe­ke­chí­palh xmaca­stácat y chiné qui­huá­nilh: 
\p —Ni̠ capé̠­cuanti, aquit hua̠nti̠ cane̠c­xni­cahuá quilh­ta­macú cti­la­ta­ma̠ni̠t, hasta la̠ta xquilh­tzúcut, xa̠hua xliakas­putni, y cane̠c­xni­cahuá clamaj nahuán.  
\v 18 Aquit chu­nacú clama ma̠squi xli̠­ca̠na pi̠ quin­ti­mak­ní̠­calh, pero la̠nchú cka­lhi̠y latáma̠t cane̠c­xni­cahuá quilh­ta­macú y cka­lhi̠y xal­lave ca̠li̠ní̠n.  
\v 19 Xli̠­hua̠k hua̠ntu̠ la̠nchú naucxilha hua̠k catzokti, sampi nac­li̠­ma̠­la­ca­hua̠­ni̠yá̠n lama ca̠lacchú quilh­ta­macú xa̠hua hua̠ntu̠ nac­li̠­ma̠­la­ca­hua̠­ni̠yá̠n amajcú timín.  
\v 20 La̠nchú nac­ma̠­ca­tzi̠­ni̠yá̠n hua̠ntu̠ ni̠ catzi̠ya xpa̠­la­cata amá aktujún stacu hua̠ntu̠ huix ucxilh­ni̠ta pi̠ cchi­pani̠t xa̠hua kan­tujún can­de­lero xla oro, huá u̠má hua­ni­putún: aktujún stacu li̠taxtuy a̠ma̠ko̠lh xlac­scujní̠n Dios hua̠nti̠ tapux­culé̠n quin­ca̠­naj­laní̠n nac aktujún ca̠chi­qui̠ní̠n, y kan­tujún can­de­leros huá li̠taxtuy a̠má pu̠tunu cris­tianos hua̠nti̠ lac­xtum quin­ta­la­ka­chix­cu­hui̠y nac aka­tunu a̠ma̠ko̠lh ca̠chi­qui̠ní̠n. 
\c 2  
\s1 Hua̠ntu̠ ma̠catzi̠ni̠cán xalac Efeso 
\p  
\v 1 ’Chú catzok­nuni a̠má xpu̠­la­le̠­nacán hua̠nti̠ tali̠­pa̠­huán Cristo nac xaca̠­chi­quí̠n Efeso, y chiné cahuani: “Chiné huan hua̠nti̠ chi­pani̠t nac xpe­kes­tácat aktujún stacu y talak­cho­ko­pu̠lay nac xlak­sti̠pá̠n kan­tujún can­de­lero xla oro:  
\v 2 Aquit hua̠k cca­tzi̠y hua̠ntu̠ tla­huápa̠t; cca­tzi̠y pi̠ tuhua la̠ta qui­lac­scuj­nípa̠t, pero ni̠para huá li̠ta­cho­ko­ta̠­yápa̠t; xa̠huachí luu tuhua qui̠­tax­tu­nimá̠n la̠ta ca̠ta̠­pa̠­tí̠pa̠t cris­tianos hua̠nti̠ li̠xcáj­nit tali̠­ca­tzi̠y. Na̠ cca­tzi̠y pi̠ aya ca̠ca­tzi̠ni xta̠­yatcán hua̠nti̠ tahuán pi̠ tali̠­taxtuy após­toles pero caj taaksa­ni̠nán.  
\v 3 Xlianka­lhi̠ná qui­li̠s­cújpa̠t ma̠squi lhu̠hua hua̠ntu̠ li̠pa̠­tí̠pa̠t pero ni̠para tzinú li̠t­la­kuámpa̠t quin­ta­scújut.  
\v 4 Pero ma̠squi chuná tasiyuy pi̠ la̠n scújpa̠t, hui̠ntú cli̠­hua­ni­pu­tuná̠n, hui­xinín niaj li̠pa̠­xúhu qui­la̠­li̠s­cu­já̠hu cumu la̠ ti̠ xli̠­ca̠na quim­pa̠x­qui̠y y cumu la̠ xqui­la̠­li̠s­cuj­ma̠­náhu xapu̠lh.  
\v 5 Huá xpa̠­la­cata cca̠­li̠­hua­niyá̠n cala­ca­pa̠s­táctit pi̠ tamo­kos­ta̠­ya­ni̠­tátit, catu̠x­ca̠­ní̠tit y chuná caqui­la̠­li̠s­cuj­pa­ráhu chuná cumu la̠ xli̠­hua̠k mina­cujcán xqui­la̠­li̠s­cu­já̠tit acxni̠ a̠cú luu tzu­cútit quin­ti­la̠­li̠­pa̠­hua­ná̠hu, porque para ni̠chuná nat­la­hua­yá̠tit aquit ni̠para maka̠s quilh­ta­macú nac­ca̠­la­ka­na̠­chá̠n y nac­ma̠­ta­pa̠nu̠y a̠má min­can­de­le­rocán nac xpu̠­tá­hui̠lh, pero ni̠chuná cati­qui̠­táx­tulh para taak­sti̠­tu­mi̠­li̠­pa­ra­yá̠tit.  
\v 6 Pero cla­cas­quín naca­tzi̠­yá̠tit pi̠ hui̠ntú tla­hua­yá̠tit hua̠ntu̠ aquit cla­kati̠y, hui­xinín ni̠ ma̠t­la̠n­ti­yá̠tit hua̠ntu̠ lac­li̠xcáj­nit tat­la­huay tama̠­ko̠lh nico­laitas, pus na̠chuná aquit ni̠ cma̠t­la̠nti̠y y ni̠ cuc­xilh­putún hua̠ntu̠ xlacán tat­la­huay.” 
\p  
\v 7 ’¡Xli̠­hua̠k hua̠nti̠ kalhi̠­yá̠tit min­ta­ke̠ncán cakax­páttit y caaka­tá̠k­stit hua̠ntu̠ Espíri­tu ca̠ma̠­ca­tzi̠­ni̠ma hua̠nti̠ quin­ta­li̠­pa̠­huán nac a̠ma̠ko̠lh aktujún ca̠chi­quí̠n! Xli̠­hua̠k hua̠nti̠ nata­ta̠­yaniy y nata­maka­tlajay hua̠ntu̠ ma̠lak­tzan­ke̠nán nac ca̠quilh­ta­macú aquit nac­ma̠x­qui̠y quilh­ta­macú nahuay xta­huácat a̠má quihui hua̠ntu̠ ma̠sta̠y xax­li̠­ca̠na latáma̠t. 
\s1 Hua̠ntu̠ ca̠ma̠catzi̠ni̠cán xalac Esmirna 
\p  
\v 8 Xlá qui­hua­nipá: 
\p —Na̠ catzok­nuni a̠má xpu̠­la­le̠­nacán hua̠nti̠ tali̠­pa̠­huán Cristo nac xaca̠­chi­quí̠n Esmirna, y chiné cahuani: “Chiné huan hua̠nti̠ xla̠ta xlama hasta la̠ta xli̠­quilh­tzúcut y lámaj nahuán hasta xliakas­putni, hua̠nti̠ tíni̠lh pero la̠nchú kalhi̠­pa­rani̠t xla­táma̠t:  
\v 9 Aquit cca­tzi̠y xli̠­hua̠k hua̠ntu̠ pa̠tí̠­pá̠tit xa̠hua lácu luu lak­li̠­ma̠x­kení̠n hui­xinín y ni̠tu̠ kalhi̠­yá̠tit hua̠ntu̠ mac­la­cas­qui­ná̠tit, pero cca̠­hua­niyá̠n pi̠ hui­xinín luu lac­rrico li̠tax­tu­pá̠tit nac xla­catí̠n Dios. Aquit hua̠k cca­tzi̠y la̠ta li̠xcáj­nit tali̠­kalh­chu­hui̠­naná̠n tama̠­ko̠lh hua̠nti̠ tahuán pi̠ judíos, ma̠squi ni̠ xli̠­ca̠na judíos sinoque tali̠­taxtuy xli̠­ta­la­ka­pasni akska­huiní.  
\v 10 Ni̠para tzinú cali̠­lak­lhpe̠­cuántit hua̠ntu̠ nali̠­pa̠­ti̠­na­ná̠tit, huá chuná cca̠­li̠­hua­nimá̠n porque akska­huiní naca̠­ma̠­ta­mac­nu̠­ni̠­naná̠n nac pu̠la̠­chi̠n xla­cata naca̠­tzak­sa­niyá̠n min­ta­ca̠­naj­latcán para maktum qui­la̠­li̠­pa̠­hua­ná̠hu; juerza aklhu̠hua quilh­ta­macú naca̠­ma̠­pa̠­ti̠­ni̠­ca­ná̠tit, pero chu­na­tiyá aksti̠tum cali̠­pa̠­huántit Dios y aquit nac­ca̠­li̠­ma̠s­ka­hui̠yá̠n a̠má latáma̠t hua̠ntu̠ ne̠c­xnicú lak­sputa.” 
\p  
\v 11 ’¡Xli̠­hua̠k hua̠nti̠ kalhi̠­yá̠tit min­ta­ke̠ncán cakax­pátit y caaka­tá̠k­stit hua̠ntu̠ Espíri­tu ca̠ma̠­ca­tzi̠­ni̠ma hua̠nti̠ quin­ta­li̠­pa̠­huán nac a̠ma̠ko̠lh aktujún ca̠chi­quí̠n! Xli̠­hua̠k hua̠nti̠ aksti̠tum nata­la­tama̠y y nata­maka­tlajay hua̠ntu̠ ma̠lak­tzan­ke̠nán nac ca̠quilh­ta­macú, acxni̠ natani̠y xli̠­ca̠na pi̠ ni̠ tzinú cati­ta­mak­lhcá­tzi̠lh a̠má xli̠­maktiy li̠ní̠n hua̠ntu̠ xli̠­pa̠­ti̠tcán nahuán xli̠­hua̠k cris­tianos hua̠nti̠ ni̠ quin­ta­li̠­pa̠­huán. 
\s1 Hua̠ntu̠ ca̠ma̠catzi̠ni̠cán xalac Pérgamo 
\p  
\v 12 Quim­pu̠­chi­nacán qui­hua­nipá: 
\p —Na̠ catzok­nuni a̠má xpu̠­la­le̠­nacán hua̠nti̠ tali̠­pa̠­huán Cristo nac xaca̠­chi­quí̠n Pér­gamo, y chiné cahuani: “Chiné huan hua̠nti̠ kalhi̠y a̠má quin­cas­la­jaja espada hua̠ntu̠ laka­pu̠­tiyú̠ taxa­cani̠t:  
\v 13 Aquit cca­tzi̠y pi̠ antá lapá̠tit anta­nícu pux­cuhui y ma̠pek­si̠nán akska­huiní; pero hui­xinín chu­na­tiyá aksti̠tum qui­la̠­li̠­pa̠­hua­ná̠hu, ni̠para tzinú aka­tiyuj li̠látit min­ta­ca̠­naj­latcán o para niaj quin­ti­la̠­li̠­pa̠­huáhu a̠má quilh­ta­macú acxni̠ nac mila­ca­ti̠ncán mak­ní̠­calh Antipas hua̠nti̠ luu aksti̠tum xliakchu­hui̠nán quin­ta­chu­huí̠n; chuná tat­lá­hualh tama̠­ko̠lh cris­tianos hua̠nti̠ li̠xcáj­nit tali̠­ca­tzi̠y porque hua̠k huá taka­lha­kax­mat­má̠­nalh hua̠ntu̠ ca̠li̠­ma̠­pek­si̠ma akska­huiní, porque antá tzu­cuni̠t ma̠pek­si̠nán nac min­ca̠­chi­qui̠ncán.  
\v 14 Ma̠squi lac­pu­hua­ná̠tit pi̠ aksti̠tum lapá̠tit, huí actzú hua̠ntu̠ aquit cli̠s­tac­ya̠­hua­pu­tuná̠n: nac milak­sti̠­pa̠ncán tala­má̠­nalh hua̠nti̠ tahuán quin­ta­li̠­pa̠­huán pero ni̠ tamak­xtek­ya̠­hua­putún xta­la­ca­pa̠s­tacni xamaká̠n Balaam, hua̠nti̠ ti­stac­yá̠­hualh Balac xla­cata pi̠ caca̠­ma̠t­lá­hui̠lh tala̠­ka­lhí̠n israel­itas, xlá ca̠ma̠uxcá̠­ni̠lh xla­cata pi̠ cata­li̠­huá̠­yalh a̠má tahuá hua̠ntu̠ xca̠­li̠­la­ka­chix­cu­hui̠­cani̠t tzincun, xa̠huachí na̠ ca̠huá­nilh pi̠ tla̠n ma̠squi cata­xa­kát­li̠lh túnuj lac­pus­ca̠tní̠n y cata­maka­pa̠­xú­hualh xmac­nicán.  
\v 15 Hua̠ntu̠ na̠ ni̠ cma̠t­la̠nti̠y pi̠ tala­má̠­nalh nac milak­sti̠­pa̠ncán hua̠nti̠ tahuán quin­ta­li̠­pa̠­huán pero na̠ ni̠para huá luu talak­makam­putún xta­la­ca­pa̠s­tac­nicán nico­laitas.  
\v 16 Huá xpa̠­la­cata cca̠­li̠­ma̠­ca­tzi̠­ni̠má̠n, cama̠­la­ca­tzu­hui̠­pa­rátit Dios xla­cata xma̠n huá nali̠­pa̠­hua­ná̠tit, porque para chu­na­tiyá lapá̠tit nahuán chuná cumu la̠ ca̠ma̠­si­yu­nimá̠n a̠ma̠ko̠lh lac­li̠xcáj­nit cris­tianos ni̠para maka̠s quilh­ta­macú nac­ca̠­lak­tax­tu­ya̠­chá̠n y a̠má espada hua̠ntu̠ tax­tu­ni̠­tanchi nac quin­quilhni nac­ca̠­li̠­la­ca­ta̠­qui̠y a̠ma̠ko̠lh cris­tianos hua̠nti̠ ca̠ma̠­lak­tzan­ke̠má̠n.” 
\p  
\v 17 ’¡Xli̠­hua̠k hua̠nti̠ kalhi̠­yá̠tit min­ta­ke̠ncán cakax­páttit y caaka­tá̠k­stit hua̠ntu̠ Espíri­tu ca̠ma̠­ca­tzi̠­ni̠ma hua̠nti̠ quin­ta­li̠­pa̠­huán nac a̠ma̠ko̠lh aktujún ca̠chi­quí̠n! Xli̠­hua̠k hua̠nti̠ nata­ta̠­yaniy y nata­maka­tlajay hua̠ntu̠ ma̠lak­tza̠n­ke̠nán, aquit nac­ca̠­li̠­ma̠­hui̠y a̠má xatlá̠n tahuá hua̠ntu̠ hua­nicán maná hua̠ntu̠ tze̠k huí nac akapú̠n. Xa̠huachí nac­ca̠­ma̠x­qui̠y aktum sna­papa chí­huix anta­nícu tatzok­ta­hui­lani̠t nahuán aktum xasa̠sti tacu­huiní hua̠ntu̠ ni̠para cha̠tum tícu laka­pasa caj xma̠n huá nala­ka­pasa hua̠nti̠ namak­lhti̠nán. 
\s1 Hua̠ntu̠ ca̠ma̠catzi̠ni̠cán xalac Tiatira 
\p  
\v 18 Ckáx­matli y chiné qui­hua­nipá: 
\p —Na̠ catzok­nuni xpu̠­la­le̠­nacán hua̠nti̠ tali̠­pa̠­huán Cristo nac xaca̠­chi­quí̠n Tiatira, y chiné cahuani: “Chiné huan Xka­huasa Dios hua̠nti̠ li̠pe̠cua lak­skoy xla­kas­tapu cumu la̠ lhcúya̠t, y na̠chuná li̠la­káti̠t tasiyuy xtantú̠n cumu la̠ tla̠n bronce:  
\v 19 Aquit hua̠k cca­tzi̠y hua̠ntu̠ tla­hua­pá̠tit; cla­ka­pasa min­ta­pa̠x­qui̠tcán hua̠ntu̠ qui­la̠­ka­lhi̠­ni­yá̠hu xa̠hua min­ta­ca̠­naj­latcán, la̠ta qui­la̠­li̠s­cuj­má̠hu y ne̠c­xnicú mak­xtek­ta̠­ya­pá̠tit hua̠ntu̠ li̠pa̠­hua­ná̠tit, xa̠huachí cca­tzi̠y pi̠ la̠nchú tlak tli­hueke scuj­pá̠tit ni̠ xachuná acxni̠ a̠cú tzu­cútit qui­la̠­li̠­pa̠­hua­ná̠hu.  
\v 20 Pero ma̠squi hui­xinín lac­pu­hua­ná̠tit pi̠ xli̠­ca̠na aksti̠tum qui­la̠­li̠s­cuj­má̠hu juerza huí hua̠ntu̠ camá̠n ca̠li̠­quilh­ni̠yá̠n: hui­xinín ma̠t­la̠n­ti̠­yá̠tit y ma̠x­qui̠­yá̠tit quilh­ta­macú xla­cata pi̠ tamá li̠xcáj­nit pusca̠t hua­nicán Jezabel, hua̠nti̠ huan pi̠ na̠ huá xta­chu­huí̠n Dios li̠chu­hui̠nán ma̠squi xli̠­ca̠na pi̠ caj aksa­ni̠nán, porque a̠má xtas­tac­yá̠hu hua̠ntu̠ xlá ma̠siyuy, ca̠li̠­lac­tla­hua­ya̠­huay cris­tianos hua̠nti̠ quin­ta­li̠s­cuja, xlá ca̠ma̠t­la­hui̠y li̠xcáj­nit tala̠­ka­lhí̠n xla­cata catu̠huá cata­li̠­maka­pa̠­xú­hualh xmac­nicán y cata­li̠­huá̠­yalh tahuá hua̠ntu̠ ca̠li̠­la­ka­chix­cu­hui̠­cani̠t tzincun.  
\v 21 Aquit cmá̠x­qui̠lh quilh­ta­macú tamá pusca̠t xla­cata pi̠ cali̠­li̠­púhua hua̠ntu̠ tla­huama, y calak­má­kalh xali̠xcáj­nit xta­pu­huá̠n y xma̠n Dios cali̠­pa̠hua, pero xlá ni̠para tzinú lac­pu­huán para nataak­sti̠­tu­mi̠li̠y huata chu­na­tiyá tla­huama li̠xcáj­nit tala̠­ka­lhí̠n y catu̠huá hua̠ntu̠ li̠xcáj­nit ca̠ma̠­si­yu­nima cris­tianos lácu nata­li̠­maka­pa̠­xu­huay xmac­nicán.  
\v 22-23 Huá xpa̠­la­cata aquit nac­li̠­ma­ca­miniy tajátat hua̠ntu̠ nama̠­ke̠ti̠y nac xtícat y napa̠­ti̠nán; na̠chuná nac­ca̠­ma̠­pa̠­ti̠ni̠y xli̠­hua̠k hua̠nti̠ tamaca­sta̠lay hasta nac­ca̠­ma̠­lak­sputuy; y na̠chuná nac­ca̠t­la­huaniy xli̠­hua̠k lac­chix­cu­huí̠n hua̠nti̠ xta̠­la̠­pa̠x­quí̠n tat­la­huani̠t para ni̠ tali̠­pu­huán xpa̠­la­cata xta­la̠­ka­lhi̠ncán, na̠chuná li̠pe̠cua nac­ca̠­ma̠­pa̠­ti̠ni̠y. Chuná nac­tla­huay la̠qui̠ xli̠­hua̠k hua̠nti̠ quin­ta­li̠­pa̠­huán nac aka­tunu pu̠la­tama̠n nata­ca­tzi̠y pi̠ aquit hua̠k cca­tzi̠y y cla­ka­pasa hua̠ntu̠ huí nac xna­cujcán xa̠hua nac xta­la­ca­pa̠s­tac­nicán. Na̠ mili̠­ca­tzi̠tcán pi̠ la̠ta cha̠­tunu hui­xinín aquit chuná nac­ca̠­ma̠x­qui̠yá̠n hua̠ntu̠ ca̠lak­cha̠ná̠n xpa̠­la­cata xli̠­hua̠k hua̠ntu̠ tit­la­hua­ni̠­tátit nahuán nac mila­ta­ma̠tcán.  
\v 24 Y hui­xinín hua̠nti̠ na̠ antá hui­látit nac Tiatira pero ni̠chuná mak­tla­hua­pá̠tit tamá xta­la­ca­pa̠s­tacni akska­huiní, na̠ ni̠para lac­pu­hua­ná̠tit para pi̠ na̠chuná xla­ka­pástit hua̠ntu̠ huancán pi̠ lanca xta­la­ca­pa̠s­tacni akska­huiní, aquit niaj tu̠ tunu hua̠ntu̠ cti­ca̠­ma̠t­la­hui̠­pu­tuná̠n tla̠­na­tiyá la̠ta aksti̠tum lapá̠tit nac xla­catí̠n Dios.  
\v 25 Pero cla­cas­quín pi̠ chu­na­tiyá aksti̠tum cali̠­la­ta­pá̠tit hua̠ntu̠ aquit cti­ca̠­ma̠­kalh­chu­hui̠ní̠n hasta acxni̠ nalak­chá̠n quilh­ta­macú nac­ca̠­lak­mim­pa­rayá̠n.  
\v 26 Xli̠­hua̠k a̠ma̠ko̠lh hua̠nti̠ nata­ta̠­yaniy y nata­maka­tlajay hua̠ntu̠ ma̠lak­tzan­ke̠nán uú nac ca̠quilh­ta­macú, y chu­na­tiyá tat­la­hua­má̠­nalh nahuán hua̠ntu̠ aquit cla­cas­quín natat­la­huay hasta acxni̠ nas­puta xla­ta­ma̠tcán, tama̠­ko̠lh aquit nac­ca̠­ma̠x­qui̠y li̠ma̠­peksí̠n la̠qui̠ naquin­ta­ta̠­ma̠­pek­si̠nán nac ca̠quilh­ta­macú.  
\v 27-28 Chuná cumu la̠ qui­ma̠x­qui̠ni̠t Dios quin­tla̠t li̠ma̠­peksí̠n, na̠chuná xlacán nata­ma̠­pek­si̠nán nac lac­lanca ca̠chi­qui̠ní̠n cumu la̠ lac­lanca napuxcún hua̠nti̠ taka­lhi̠y lanca li̠ma̠­peksí̠n, y nata­ka­lha­kax­matá̠n hua̠nti̠ antá tahui­lá̠­nalh, xa̠huachí a̠ma̠ko̠lh hua̠nti̠ ni̠ nata­ka­lha­kax­mat­pu­tuná̠n huixín maktum naca̠­ma̠­lak­spu­tuya cumu la̠ a̠ cali̠­ca̠s­nokpi pa̠tum tlá­manclh xla li̠lh­támat. Pero na̠ nac­ca̠­ma̠x­qui̠yá̠n a̠má lanca ma̠tun­cu­huiní stacu hua̠ntu̠ naca̠­mak­sko­le̠ná̠n.” 
\p  
\v 29 ’¡Xli̠­hua̠k hua̠nti̠ kalhi̠­yá̠tit min­ta­ke̠ncán cakax­páttit y caaka­tá̠ks­tit hua̠ntu̠ Espíri­tu ca̠ma̠­ca­tzi̠­ni̠ma hua̠nti̠ quin­ta­li̠­pa̠­huán nac a̠ma̠ko̠lh aktujún ca̠chi­quí̠n! 
\c 3  
\s1 Hua̠ntu̠ ca̠ma̠catzi̠ni̠cán xalac Sardis 
\p  
\v 1 Aca­li̠stá̠n qui­hua­nipá: 
\p —Na̠ catzok­nuni xpu̠­la­le̠­nacán hua̠nti̠ quin­ta­li̠­pa̠­huán nac xaca̠­chi­quí̠n Sardis, y chiné cahuani: “Chiné huan hua̠nti̠ kalhi̠y pu̠lac­tujún xEspíritu Dios xa̠hua aktujún stacu: Aquit hua̠k cca­tzi̠y hua̠ntu̠ tla­hua­pá̠tit y na̠ cca­tzi̠y pi̠ niaj tu̠ li̠ma­cuaná̠tit porque lapá̠tit xaní̠n, ma̠squi lhu̠hua ti̠ ca̠li̠­chu­hui̠­naná̠n pi̠ luu tla̠n la̠ta lapá̠tit xas­tacná.  
\v 2 Catu̠x­ca̠­ní̠tit, cala­ka­huántit, y caca̠­ma̠uxca̠­ní̠tit hua̠ntu̠ tamak­xtek­ni̠tcú xla­cata ni̠ maktum nalac­tla­hua­ya̠­hua­yá̠tit, porque para ni̠ chuná nat­la­hua­yá̠tit hua̠k nama­ka­tzan­ka̠­yá̠tit hua̠ntu̠ aksti̠tum xtla­hua­yá̠tit min­tas­cu­jutcán, porque aquit sta­lanca cuc­xilhma pi̠ lhu̠hua hua̠ntu̠ tla­hua­yá̠tit ni̠para tzinú ma̠t­la̠nti̠y Dios porque hua̠k ni̠tlá̠n min­tas­cu­jutcán.  
\v 3 Cca̠­ma̠­la­ca­pa̠s­tac­ni̠yá̠n pi̠ huá cuentaj cat­la­huátit a̠má tla̠n tas­tac­ya̠hu hua̠ntu̠ pu̠lh tica̠­li̠­ma̠­kalh­chu­hui̠­ni̠­cántit, xma̠n huá cali̠­la­ta­pá̠tit li̠huana̠ cama̠­kan­tax­tí̠tit y caak­xtek­ma­kántit li̠xcáj­nit min­ta­la­ca­pa̠s­tac­nicán la̠qui̠ xma̠n Dios nali̠­pa̠­hua­ná̠tit. Para ni̠ ska­lalh lata­pa̠­yá̠tit xla­cata aksti̠tum naqui­la̠­li̠­pa̠­hua­ná̠hu, ni̠para xali̠­ta­ca­tzí̠n acxni̠ nac­lak­tax­tu­ya̠­chá̠n xta̠­chuná cumu la̠ li̠ca­tzi̠y cha̠tum kalha̠ná, acxni̠ ni̠ li̠a̠ca­tzi̠­hui­látit naca̠­lak­tax­tu­ya̠­chá̠n.  
\v 4 Pero nac tamá min­ca̠­chi­qui̠ncán Sardis tala­má̠­nalh maka­pi­tzí̠n hua̠nti̠ xli̠­ca̠na quin­ta­li̠­pa̠­huán, xlacán ni̠tu̠ a̠ tali̠­ma̠x­ca­jua̠li̠y xli̠s­tac­nicán xa̠hua xla­ta­ma̠tcán, hua­tuní̠n tama̠­ko̠lh xlianka­lhí̠n naquin­ta­ta̠­la­tama̠y y chu­na­tiyá nata­li̠­lha­ka̠nán xas­na­papa clha­ka̠tcán porque chuná ca̠lak­chá̠n tla̠n nata­la­tama̠y.  
\v 5 Xli̠­hua̠k hua̠nti̠ aksti̠tum nata­la­tama̠y y nata­maka­tlajay hua̠ntu̠ ma̠lak­tzan­ke̠nán nac ca̠quilh­ta­macú, chuná naca̠­li̠­ma̠­lha­ke̠cán xas­na­papa clha­ka̠tcán, y ne̠c­xnicú cac­ti­ca̠­lac­xa­cá­nilh xta­cu­hui­nicán nac xlibro Dios antaní tatzok­ta­hui­lani̠t, huata xlacán ca̠lak­chá̠n a̠má latáma̠t hua̠ntu̠ Dios ma̠sta̠y porque aquit nac­ma̠­lu­loka nac xla­catí̠n Dios xa̠hua nac xla­ca­ti̠ncán ángeles pi̠ aksti̠tum quin­ta­li̠­pá̠hua.” 
\p  
\v 6 ’¡Xli̠­hua̠k hua̠nti̠ kalhi̠­yá̠tit min­ta­ke̠ncán cakax­páttit y caaka­tá̠k­stit hua̠ntu̠ Espíri­tu ca̠ma̠­ca­tzi̠­ni̠ma hua̠nti̠ quin­ta­li̠­pa̠­huán nac a̠ma̠ko̠lh aktujún ca̠chi­quí̠n! 
\s1 Hua̠ntu̠ ca̠ma̠catzi̠ni̠cán hua̠nti̠ xalac Filadelfia 
\p  
\v 7 Quim­pu̠­chi­nacán qui­hua­nipá: 
\p —Na̠ catzok­nuni tamá xpu̠­la­le̠­nacán hua̠nti̠ quin­ta­li̠­pa̠­huán nac xaca̠­chi­quí̠n Fila­delfia, y chiné cahuani: “Chiné huan hua̠nti̠ xax­li̠­ca̠na xta­lac­sacni Dios y siculán lama, hua̠nti̠ ma̠qui̠ni̠t xllave rey David: Acxni̠ aquit cma̠­la­qui̠y ni̠para cha̠tum tícu tla̠n nama̠­lac­chu­huay, y na̠chuna li̠túm acxni̠ cma̠­lac­chu­huay ni̠para cha̠tum tícu tla̠n nama̠­la­qui̠y.  
\v 8 Aquit cuili̠ni̠t nac min­ti­jicán aktum má̠lacchi hua̠ntu̠ cma̠­la­qui̠ni̠t la̠qui̠ antá nalac­ta­nu̠­yá̠tit, y ni̠para cha̠tum tícu cati­ma̠­lac­chú­hualh. Ma̠squi xli̠­ca̠na pi̠ nac mila­ta­ma̠tcán ni̠ kalhi̠­yá̠tit li̠t­li­hueke, ni̠para tzinú ta­xlaj­uani̠­ni̠­tátit huata chu­na­tiyá li̠pa̠­hua­ni̠­tátit quin­ta­chu­huí̠n y ne̠c­xnicú qui­la̠­li̠­ma̠­xa­na­ni̠­táhu.  
\v 9 Aquit nac­ca̠­ma̠­ma̠­xani̠y tama̠­ko̠lh hua̠nti̠ nac min­ca̠­chi­qui̠ncán tahuán pi̠ judíos ma̠squi caj taliaksa­ni̠nán, huata xlacán tata­pek­si̠niy akska­huiní, porque nac­ca̠­li̠­ma̠­peksi̠y cata­la­kan­chá̠n y cata­la­ka­ta­tzo­kostán y chuná nac­ca̠­li̠­ma̠­si­yuniy lácu xli̠­ca̠na aquit cca̠­la­ka­lha­ma­ni̠tán.  
\v 10 Hui­xinín ma̠kan­tax­ti̠­ni̠­tátit qui­li̠­ma̠­peksí̠n xla­cata pi̠ ne̠c­xnicú mak­xtek­ta̠­yátit quin­ta­scújut, huá xpa̠­la­cata cca̠­li̠­ma̠­ca­tzi̠­ni̠yá̠n pi̠ aquit nac­ca̠­mak­ta­ka­lhá̠n acxni̠ nalak­chá̠n quilh­ta­macú acxni̠ xli̠­hua̠k cris­tianos xalac ca̠quilh­ta­macú lhu̠hua hua̠ntu̠ naca̠­lak­chí̠n tasa­ka̠lí̠n.  
\v 11 Ni̠para maka̠s quilh­ta­macú cámaj min, pero li̠huán nia̠ cchin cuentaj cat­lahua hua̠ntu̠ kalhi̠ya min­ta­ca̠­naj­latcán la̠qui̠ ni̠ti̠ naca̠­mak­lhti̠yá̠n hua̠ntu̠ ca̠lak­cha̠ná̠n min­tas­kahucán nac xla­catí̠n Dios.  
\v 12 Xli̠­hua̠k hua̠nti̠ nata­ta̠­yaniy y nata­maka­tlajay hua̠ntu̠ ma̠lak­tzan­ke̠nán, aquit nac­ca̠­li̠­ma̠xtuy cumu la̠ lac­cha̠­lanca xata­la­yá̠hu xpu̠­si­culan lanca tali̠­pa̠hu Dios, y niaj ne̠c­xnicú cati­ta­táx­tulh antá, xa̠huachí antá nac xna­cujcán aquit nac­tzoka xta­cu­huiní Dios xa̠hua xta­cu­huiní xca̠­chi­quí̠n Dios hua̠ntu̠ xlá lac­sacni̠t xasa̠sti Jeru­salén hua̠ntu̠ nami­na̠chá nac akapú̠n nac xpa̠xtú̠n Dios, na̠ antiyá nac xna­cujcán ma̠n nac­tzo­kuili̠y xasa̠sti quin­ta­cu­huiní.” 
\p  
\v 13 ’¡Xli̠­hua̠k hua̠nti̠ kalhi̠­yá̠tit min­ta­ke̠ncán cakax­páttit y caaka­tá̠ks­tit hua̠ntu̠ Espíri­tu ca̠ma̠­ca­tzi̠­ni̠ma hua̠nti̠ quin­ta­li̠­pa̠­huán nac a̠ma̠ko̠lh aktujún ca̠chi­qui̠ní̠n! 
\s1 Hua̠ntu̠ ma̠catzi̠ni̠cán xalac Laodicea 
\p  
\v 14 Quim­pu̠­chi­nacán qui­hua­nipá: 
\p —Chú na̠ catzok­nuni a̠má xpu̠­la­le̠­nacán hua̠nti̠ quin­ta­li̠­pa̠­huán nac xaca̠­chi­quí̠n Laodicea, y chiné cahuani: “Chiné huan hua̠nti̠ xli̠­ca̠na ma̠sta̠y xta­lu­lóktat Dios hua̠nti̠ ne̠c­xnicú huani̠t taaksaní̠n, hua̠nti̠ mak­tla­huani̠t xli̠­hua̠k hua̠ntu̠ Dios ma̠la­ca­tzú­qui̠lh acxni̠ ni̠najtu̠ xanán:  
\v 15 Aquit hua̠k cca­tzi̠y hua̠ntu̠ tla­hua­pá̠tit, y cca­tzi̠y pi̠ hui­xinín ni̠ kahuihui ni̠para chichi. ¡Tla̠n xuá para maktum luu kahuihui osuchí luu chichi xuántit!  
\v 16 Pero cumu ni̠ kahuihui ni̠para chichi hui­xinín li̠tax­tu­yá̠tit caj skon­tzitzi, huá xpa̠­la­cata cca̠­li̠­hua­niyá̠n pi̠ maktum nac­ca̠­quilh­tax­tuyá̠n.  
\v 17 Xlianka­lhi̠ná lac­ta­li̠­pa̠hu ca̠maklh­ca­tzi̠­ca­ná̠tit, y hasta hua­ná̠tit pi̠ luu lac­rrico hui­xinín, acchá̠n kalhi̠­yá̠tit hua̠ntu̠ mac­la­cas­qui­ná̠tit y ni̠tu̠ ca̠tzan­ka̠­niyá̠n. Xli̠­ca̠na pi̠ mákat la̠ta aktzan­ka̠­ta̠­ya­yá̠tit porque ni̠ catzi̠­yá̠tit pi̠ ni̠para tzinú túcu li̠ma­cuán hua̠ntu̠ kalhi̠­yá̠tit, xta̠­chuná li̠tax­tu­yá̠tit cumu la̠ laka­xo̠ko, cumu la̠ lak­li̠­ma̠x­kení̠n hua̠nti̠ ni̠tu̠ kalhi̠­yá̠tit mimac­la­cas­qui­nitcán, y hasta xalu̠ntu lapá̠tit.  
\v 18 Huá xpa̠­la­cata cca̠­ma̠­lac­nu̠­niyá̠n quioro la̠qui̠ milacán nat­la­hua­yá̠tit. Quioro luu xatlá̠n porque xlakstu oro, antá ma̠chi­chi̠­cani̠t nac lhcúya̠t, ma̠s­ta­lan­qui̠­cani̠t y ma̠x­tu­ní­calh xli̠­hua̠k hua̠ntu̠ ni̠tlá̠n xka­lhi̠y. Milacán cali̠t­la­huátit la̠qui̠ xli̠­ca̠na lac­rrico nahua­ná̠tit. Xa̠huachí cca̠­hua­niyá̠n pi̠ aquit caqui­mak­lhtí̠tit xas­na­papa milha­ka̠tcán hua̠ntu̠ nali̠­lha­ka̠­na­ná̠tit porque qui̠­taxtuy xalh­tan­tala lapá̠tit, y na̠ caqui­la̠­mak­lhtí̠hu qui­li̠­cuchu hua̠ntu̠ aquit cma̠sta̠y la̠qui̠ naca̠­la­ca­ma̠­nu̠­ca­ná̠tit nac mila­kas­ta­pucán y nala­ca­ca̠x­la­yá̠tit porque xla­ka­xo̠­ko̠­ni̠­tátit, y nala­ca­hua̠­na­ná̠tit.  
\v 19 Tancs caca­tzí̠tit pi̠ áquit cca̠akas­tac­ya̠­huay y cca̠­li̠­huaníy hua̠ntu̠ ni̠tlá̠n tat­la­huay hua̠nti̠ cca̠­lac­sacni̠t porque cca̠­pa̠x­qui̠y y cca̠­ma̠ak­sti̠­tu­mi̠­li̠­putún; huá xpa̠­la­cata cca̠­li̠­hua­niyá̠n maktum calak­pa­lí̠tit xali̠xcáj­nit min­ta­la­ca­pa̠s­tac­nicán y cama̠­la­ca­tzu­hui̠­pa­rátit Dios la̠qui̠ xma̠n huá nali̠­pa̠­hua­ná̠tit.  
\v 20 Cuentaj cat­lahua porque aquit cla­kat­lakma cxa­ma̠­lacchi mina­cujcán, hua̠nti̠ nakax­mata pi̠ cxa­kat­li̠ma y nama̠­la­qui̠y xmá̠­lacchi, aquit nac­tanu̠y nac xchic y lac­xtum nac­ta̠­hua̠yán.  
\v 21 Xli̠­hua̠k a̠ma̠ko̠lh hua̠nti̠ nata­ta̠­yaniy y nata­maka­tlajay xli̠­hua̠k hua̠ntu̠ ma̠lak­tzan­ke̠nán nac ca̠quilh­ta­macú chuná cumu la̠ aquit cmaka­tla­jani̠t, pus nac­ma̠x­qui̠y aktum xpu̠­tá­hui̠lh nac quim­pa̠xtú̠n chuná cumu la̠ quin­tla̠t Dios qui­ma̠x­qui̠­ni̠­tanchá quim­pu̠­tá­hui̠lh nac xpa̠xtú̠n laqui̠ nac­ta̠­ma̠­pek­si̠nán.” 
\p  
\v 22 ’¡Xli̠­hua̠k hua̠nti̠ kalhi̠­yá̠tit min­ta­ke̠ncán cakax­pátit y caaka­tá̠k­stit hua̠ntu̠ Espíri­tu ca̠ma̠­ca­tzi̠­ni̠ma xli̠­hua̠k hua̠nti̠ quin­ta­li̠­pa̠­huán nac a̠ma̠ko̠lh aktujún ca̠chi­quí̠n! 
\c 4  
\s1 Li̠ma̠lacahua̠ni̠cán Juan la̠ta lácu lakachixcuhui̠cán Dios nac akapú̠n 
\p  
\v 1 Acxni̠ qui­hua­ni­kó̠­calh lácu nac­ca̠­tzok­nuniy pu̠lac­tujún ca̠chi­quí̠n, aca­li̠stá̠n chú clá­ca̠lh y cúc­xilhli pi̠ xla­qui̠y aktum má̠lacchi nac akapú̠n, y hua­tiyá ti̠ qui­xa­kát­li̠lh hua̠nti̠ kalhi̠y xaka­pixni y chu­hui̠nán xli̠­palha cumu la̠ trom­peta, chiné qui­hua­nipá: 
\p —Uú catat anta­nícu aquit cyá la̠qui̠ nac­li̠­ma̠­la­ca­hua̠­ni̠yá̠n hua̠ntu̠ ámaj kan­taxtuy aca­li̠stá̠n la̠ta naán quilh­ta­macú. 
\p  
\v 2 Acxni̠ chuná qui­hua­ni­ko̠lh, Espíri­tu quiakchi­pa­ni­ko̠lh quin­ta­la­ca­pa̠s­tacni y tzu­cú­calh qui­ma̠­la­ca­hua̠­ni̠cán; entonces cúc­xilhli nac akapú̠n pi̠ xuí aktum pu̠ma̠­peksí̠n y nac aktum lanca lac­tá­hui̠lh cúc­xilhli xuí cumu la̠ cha̠tum ma̠pek­si̠ná.  
\v 3 Hua̠nti̠ xlacui a̠má lac­tá­hui̠lh xalac pu̠ma̠­peksí̠n, luu xta̠­chuná xlak­skoy cumu la̠ li̠la­káti̠t chí­huix hua̠ntu̠ hua­nicán jaspe, osuchí la̠ cor­na­lina chí­huix, y nac xli̠­kalh­lanca xli̠­mak­stiliy li̠la­káti̠t cha̠­mac­xcúlit hua̠ntu̠ luu tla̠n xta­siyuy kam­pa̠­katzi colores tlayaj xma̠­lak­xka­ke̠­nani̠t cumu la̠ lak­slipua chí­huix hua̠ntu̠ hua­nicán esmer­alda.  
\v 4 Pero cúc­xilhli pi̠ xta­li̠­ta­mak­sti­lini̠t a̠má lanca pu̠ma̠­peksí̠n puxa­ma­ta̠ti lac­tá­hui̠lh anta­nícu xta­hui­lá̠­nalh puxa­ma­ta̠ti lak­ko̠lún, u̠ma̠ko̠lh lak­ko̠lún hua̠k xta­li̠­lha­ka̠­nani̠t lak­sna­papa clha­ka̠tcán y xtaacuilá̠­nalh nac xak­xa̠­kacán aka­tunu corona xla oro.  
\v 5 Antaní xuí a̠má ma̠pek­si̠ná nac lanca xpu̠­ma̠­peksí̠n cúc­xilhli y ckáx­matli pi̠ li̠pe̠cua la̠ta xji­lima y xmak­lipma; y nac xla­catí̠n a̠má pu̠ma̠­peksí̠n xta­yá̠­nalh kan­tujún can­de­lero hua̠k xta­pa­sa­má̠­nalh, huá u̠ma̠ko̠lh can­de­leros tali̠­taxtuy pu̠lac­tujún xEspíritu Dios.  
\v 6 Antiyá lacatzú nac xla­catí̠n pu̠ma̠­peksí̠n cúc­xilhli la̠ aktum pupunú pero xachú­chut luu sta­lanca xuani̠t xta̠­chuná cumu la̠ espejo. 
\p Anta­nícu xlacui xpu̠­ma̠­peksí̠n a̠má lanca ma̠pek­si̠ná kalha­ta̠ti ángeles lac­ta̠tij xta­yá̠­nalh la̠ta xtas­ti­lini̠t, a̠ma̠ko̠lh ángeles xta̠­chuná xta­ta­siyuy cumu la̠ qui­tzis­tancán, y xli̠­lan­cacán hua̠k lakas­tapu xta­ka­lhi̠y chuná nac xla­catí̠n xa̠hua nac xcha̠­ke̠ncán.  
\v 7 Hua̠nti̠ lacán xya̠chi xta̠­chuná xta­siyuy cumu la̠ tantum león, xli̠­cha̠tiy xta­siyuy cumu la̠ huá̠cax, xli̠­ka­lha­tutu xta̠­chuná xta­siyuy cumu la̠ cha̠tum cris­tiano, y xli̠­ka­lha­ta̠ti xta̠­chuná xta­siyuy cumu la̠ picha̠hua hua̠ntu̠ kosma nac ca̠u̠ní̠n.  
\v 8 La̠ta cha̠­tunu a̠ma̠ko̠lh ángeles hua̠ntu̠ xta̠­chuná tata­siyuy cumu la̠ taka­lhí̠n, xlacán xta­ka­lhi̠y peke­cha̠xán xpe­kecán, y xli̠­lanca xpe­kecán hua̠k lakas­tapu xuani̠t. Y chuná la̠ ca̠tzi̠sní xa̠hua ca̠cu­huiní xlianka­lhí̠n quilh­ta­macú tala­ka­chix­cu­hui̠­má̠­nalh Dios y chiné tahuán: 
\q1 ¡Xli̠­ca̠na pi̠ caj xma̠n me̠cstu lápa̠t siculán porque kalhi̠ya tla̠n min­ta­la­ca­pa̠s­tacni; 
\q1 Quim­pu̠­chi­nacán Dios xli̠­ca̠na pi̠ lanca mila­ca­tzúcut; 
\q1 huix chu­na­tiyá xlápa̠t hasta la̠ta nia̠ xma̠­la­ca­tzu­qui̠ya ca̠quilh­ta­macú, 
\q1 chu­nacú lápa̠t la̠nchú y cane̠c­xni­cahuá quilh­ta­macú lápa̠t nahuán! 
\p  
\v 9 Ama̠­ko̠lh kalha­ta̠ti ángeles hua̠nti̠ xta­ta­siyuy cumu la̠ taka­lhín, la̠ta maka­tunu taca̠c­ni̠­naniy, tala­ka­chix­cu­hui̠y y tapa̠x­cat­ca­tzi̠niy Dios hua̠nti̠ lanca xla­ca­tzúcut huí nac xpu̠­ma̠­peksí̠n y xlianka­lhi̠ná lámaj,  
\v 10 na̠chuná a̠ma̠ko̠lh puxa­ma­ta̠ti lak­ko̠lún na̠ pu̠tum tala­ka­ta­tzo­kostay nac xla­catí̠n y hua̠k tala­ka­chix­cu­hui̠y, pu̠tum tata̠k­xtuy xco­ro­najcán, tamacá̠n nac xla­catí̠n xpu̠­ma̠­peksí̠n Dios y chiné tahuaniy: 
\q1  
\v 11 Xma̠n huix mini̠­niyá̠n nac­ca̠­ca̠c­ni̠­na­niyá̠n, 
\q1 nac­ca̠­la­ka­chix­cu­hui̠yá̠n y nac­ca̠­pa̠x­cat­ca­tzi̠­niyá̠n, 
\q1 porque kalhi̠ya lanca mili̠t­li­hueke y ca̠ma̠­la­ca­tzu­qui̠­ni̠ta xli̠­hua̠k hua̠ntu̠ anán; 
\q1 cumu huix chuná lacás­quinti ca̠ma̠­la­ca­tzuqui y hasta ca̠lacchú quilh­ta­macú chu­nacú taanán. 
\c 5  
\s1 Xma̠n huá Cristo mini̠niy tla̠n ke̠xcuta hua̠ntu̠ tasmilini̠t libro 
\p  
\v 1 Aca­li̠stá̠n cúc­xilhli pi̠ hua̠nti̠ xuí nac a̠má lanca pu̠ma̠­peksí̠n xpe­kes­tácat xli̠­chi­pani̠t ke̠tum xatas­milin cáp­snat xta̠­chuná cumu la̠ libro; u̠má cáp­snat laka­pu̠­tiyú̠ xta­tzokni̠t y hasta laca­tujún xli̠­ke̠s­la­macani̠t sello.  
\v 2 Caj xamaktum cúc­xilhli cha̠tum lanca tali̠­pa̠hu ángel hua̠nti̠ xli̠­pix­cha̠­lanca xka­lhas­qui­ni̠­nama: 
\p —¿Tícu cahuá namac­la­yá̠hu hua̠nti̠ mini̠niy nax­ti̠­tac­ti̠niy hua̠ntu̠ li̠sel­lar­tla­hua­cani̠t u̠má libro la̠qui̠ tla̠n nama̠­la­ka­pi­tziy? 
\p  
\v 3 Pero ni̠ mac­lá­calh nac akapú̠n, ni̠para nac ca̠ti­yatni, y ni̠para nac xtampú̠n tíyat hua̠nti̠ xli̠­ca̠na aksti̠tum xti­la­ta­ma̠ni̠t xla­cata nami­ni̠niy nama̠­la­ka­pi­tziy a̠má libro y naucxilha hua̠ntu̠ antá xta­tzok­ta­hui­lani̠t.  
\v 4 Y aquit li̠pe̠cua xac­ta­sax­ni̠ma caj xpa̠­la­cata ccá­tzi̠lh pi̠ ni̠para cha̠tum mac­lá­calh hua̠nti̠ xmi­ni̠niy nake̠x­cuta y nama̠­la­kake̠y a̠má libro y naucxilha hua̠ntu̠ xta­tzokni̠t.  
\v 5 Pero cha̠tum ko̠lu­tzí̠n qui­huá­nilh: 
\p —Niaj picuta catasa, porque a̠má lanca tali̠­pa̠hu lak­ma̠x­tuná xalac Judá hua̠nti̠ xta̠­chuná li̠taxtuy cumu la̠ tantum tli­hueke león, a̠má tali̠­pa̠hu chixcú hua̠nti̠ xli̠­ta­la­ka­pasni ko̠lu­tzí̠n rey David, xlá hua̠k makat­la­jani̠t hua̠ntu̠ ma̠lak­tzan­ke̠nán, y xma̠n huá mini̠niy nax­ti̠­tac­ti̠niy xasello hua̠ntu̠ li̠ke̠s­la­macani̠t y nama̠­la­kake̠y a̠má libro. 
\p  
\v 6 Y nac xla­catí̠n a̠má lanca pu̠ma̠­peksí̠n y nac xlak­sti̠­pa̠ncán a̠ma̠ko̠lh kalha­ta̠ti ángeles hua̠nti̠ xta­ta­siyuy cumu la̠ taka­lhí̠n, xa̠hua nac xlaks­ti̠­pa̠ncán a̠ma̠ko̠lh puxa­ma­ta̠ti lak­ko̠lún, cúc­xilhli pi̠ antá xyá Quim­pu̠­chi­nacán Cristo hua̠nti̠ li̠taxtuy xbor­rego Dios hua̠nti̠ xokó̠­nulh xpa̠­la­cata quin­ta­la̠­ka­lhi̠ncán, y sta­lanca xta­siyuy nac xmacni pi̠ xmak­ni̠­cani̠t. Xlá xka­lhi̠y kan­tujún xaka­lókot y aktujún xla­kas­tapu hua̠ntu̠ tali̠­taxtuy pu̠lac­tujún xEspíritu Dios hua̠ntu̠ xca̠­ma̠­la­ka­cha̠ni̠t nac xli̠­ca̠­lanca ca̠quilh­ta­macú.  
\v 7 Xlá lak­ta­la­ca­tzú­hui̠lh hua̠nti̠ xuí nac a̠má lanca pu̠ma̠­peksí̠n y mák­lhti̠lh a̠má libro hua̠ntu̠ xli̠­chi­pani̠t xmaca­stácat.  
\v 8 Y acxni̠ xlá chí­palh a̠má libro, a̠ma̠ko̠lh kalha­ta̠ti ángeles hua̠nti̠ xta­siyuy cumu la̠ taka­lhí̠n, xa̠hua puxa­ma­ta̠ti lak­ko̠lún tala­ka­ta­tzo­kós­talh a̠má Cristo hua̠nti̠ li̠taxtuy xbor­rego Dios, hua̠k xta­chi­pani̠t xli̠t­lak­nicán hua̠ntu̠ hua­nicán arpa y pa̠tunu copa xla oro antá xta­ju̠ma mu̠csun ciensus, hua̠ntu̠ li̠taxtuy xta­kalh­ta­hua­kacán hua̠nti̠ xli̠­ca̠na tali̠­pa̠­huán y tata­pek­si̠niy Dios.  
\v 9 Y mac­xtum xta­li̠­quilh­tli̠­má̠­nalh u̠má xasa̠sti taquilh­tlí̠n: 
\q1 Xli̠­ca̠na pi̠ caj xma̠n huix mini̠­niyá̠n namak­lhti̠­nana tamá xatas­milin libro y nax­ti̠­tac­ti̠­niya hua̠ntu̠ li̠ke̠s­la­macani̠t, 
\q1 porque huix hua̠k má̠t­la̠nti hasta tama̠sta mak­ní̠­canti, 
\q1 la̠qui̠ caj xpa̠­la­cata min­kalhni hua̠ntu̠ staj­má­kanti chuná tla̠n ca̠lak­ma̠xtu 
\q1 la̠tachá tícuya̠ cris­tiano la̠tachá nícu xalaní̠n xli̠­ca̠­lanca ca̠quilh­ta­macú y ma̠squi ti̠pa̠­katzi xta­chu­hui̠ncán hua̠ntu̠ tali̠­chu­hui̠nán, 
\q1 la̠qui̠ xma̠n huá Dios nata­ta­pek­si̠niy. 
\q1  
\v 10 Huix ca̠li̠­lác­sacti xla­cata nata­li̠­taxtuy xcura Dios 
\q1 hua̠nti̠ xlianka­lhí̠n quilh­ta­macú natas­cujniy, 
\q1 y ca̠li̠­ma̠x­tu­ni̠ta cumu la̠ lac­ta­li̠­pa̠hu reyes 
\q1 hua̠nti̠ nata­ma̠­pek­si̠nán nac xli̠­ca̠­lanca ca̠quilh­ta­macú. 
\p  
\v 11 Aca­li̠stá̠n cúc­xilhli y ckáx­matli pi̠ xta­quilh­tli̠­má̠­nalh lhu̠hua ángeles, xta­li̠­ta­mak­sti­lini̠t xlac­tá­hui̠lh a̠má lanca tali̠­pa̠hu ma̠pek­si̠ná, xa̠hua xaka­lha­ta̠ti ángeles hua̠nti̠ xta­ta­siyuy cumu la̠ taka­lhí̠n, y puxa­ma­ta̠ti lak­ko̠lún, aklhu̠hua mi̠lh ángeles xta­huani̠t hasta ni̠lay xca̠­pu̠­tle­ke­ko̠cán.  
\v 12 Xli̠­pix­cha̠­lan­cacán chiné xta­quilh­tli̠­má̠­nalh: 
\q1 Huá u̠má xbor­rego Dios hua̠nti̠ mak­ní̠­calh y chuná xokó̠­nulh xpa̠­la­cata tala̠­ka­lhí̠n, 
\q1 xma̠n huá sacstu mini̠niy namak­lhti̠nán xli̠­hua̠k li̠ma̠­peksí̠n, li̠s­ka­lala, 
\q1 li̠t­li­hueke xa̠hua li̠cá̠cni̠t. 
\q1 Xlianka­lhi̠ná caca̠c­ni̠­na­níhu, capa̠x­cat­ca­tzi̠­níhu y cala­ka­chix­cu­huí̠hu. 
\p  
\v 13 Na̠ acxni­tiyá ckáx­matli pi̠ xli̠­hua̠k hua̠ntu̠ Dios xca̠­ma̠­la­ca­tzu­qui̠ni̠t, chuná xalac akapú̠n, ca̠ti­yatni chu nac xtampú̠n tíyat, xa̠hua nac pupunú, xlacán acxtum chiné xta­huán: 
\q1 Tamá tali̠­pa̠hu Dios hua̠nti̠ huí nac xpu̠­ma̠­peksí̠n xa̠hua Cristo hua̠nti̠ li̠tax­tuni̠t xbor­rego Dios, 
\q1 xma̠n huá ca̠mi­ni̠niy naca̠c­ni̠­na­nicán, nala­ka­chix­cu­hui̠cán y napa̠x­cat­ca­tzi̠­nicán. 
\q1 Xma̠n huá cata­ká­lhi̠lh lanca li̠t­li­hueke y li̠ma̠­peksí̠n cane̠c­xni­cahuá quilh­ta­macú. 
\p  
\v 14 Ama̠­ko̠lh kalha­ta̠ti ángeles hua̠nti̠ xta­ta­siyuy cumu la̠ taka­lhí̠n, takalh­tí̠­nalh: 
\p —¡Chuná calalh, amén! 
\p Y a̠ma̠ko̠lh puxa­ma­ta̠ti lak­ko̠lún pu̠tum tala­ka­ta­tzo­kós­talh y tzú­culh ca̠la­ka­chix­cu­hui̠y. 
\c 6  
\s1 Pu̠lacatunu ma̠cti̠nicán hua̠ntu̠ xli̠ke̠slamacani̠t a̠má libro xatasmilin 
\p  
\v 1 Cumu laca­tujún xka­lhi̠y sello hua̠ntu̠ xli̠­ke̠s­la­macani̠t a̠má xata­ke̠s­milin libro, cúc­xilhli la̠ta a̠má hua̠nti̠ li̠taxtuy xBorrego Dios ma̠c­tí­nilh pu̠lactum, y ckáx­matli pi̠ cha̠tum ángel hua̠nti̠ xta­ta­siyuy cumu la̠ taka­lhí̠n xli̠­pix­cha̠­lanca chu­huí̠­nalh cumu la̠ jili y chiné qui­huá­nilh: 
\p —¡Uú catat y caúcxilhti! 
\p  
\v 2 Aquit clá­ca̠lh y cúc­xilhli tantum sna­papa cahua̠yu, y hua̠nti̠ xuilá­nilh a̠má cahua̠yu xchi­pani̠t aktum pu̠tipni, y ma̠x­quí̠­calh aktum corona cumu la̠ lak­chá̠n ti̠ xqui̠­ta̠­ya­nini̠t nac guerra y xtax­tu­ma̠pá la̠quí chu­na­tiyá ta̠ya­nimaj nahuán. 
\p  
\v 3 Acxni̠ hua̠nti̠ li̠taxtuy xBorrego Dios ma̠c­tí̠­nilh xli̠­pu̠­lactiy sello hua̠ntu̠ xli̠­ke̠s­la­macani̠t a̠má xatas­milin libro ckáx­matli pi̠ chu­huí̠­nalh xli̠­cha̠tiy ángel hua̠nti̠ xta­siyuy cumu la̠ taka­lhí̠n y chiné qui­huá­nilh: 
\p —¡Catat y caúcxilhti! 
\p  
\v 4 Y cúc­xilhli pi̠ tax­tupá xli̠­tantiy cahua̠yu, xlá tzu­tzoko xuani̠t y hua̠nti̠ xuilá­nilh a̠má cahua̠yu ma̠x­quí̠­calh li̠t­li­hueke xa̠hua aktum lanca espada la̠qui̠ nama̠­la­ca­tzu­qui̠y tasi̠tzi nac ca̠quilh­ta­macú, y sac­stucán lac­chix­cu­huí̠n ma̠n nata­tzucuy tala̠­makni̠y. 
\p  
\v 5 Acxni̠ tamá hua̠nti̠ li̠taxtuy xBorrego Dios ma̠c­tí̠­nilh xli̠­pu̠­lac­tutu sello hua̠ntu̠ li̠ke̠s­la­macani̠t a̠má xatas­milin libro, ckáx­matli pi̠ chu­huí̠­nalh xli̠­ka­lha­tutu ángel hua̠nti̠ xta­siyuy cumu la̠ taka­lhí̠n y chiné qui­huá­nilh: 
\p —¡Uú catat y caúcxilhti! 
\p Aquit cúc­xilhli pi̠ tax­tupá tantum tzi­tzeke cahua̠yu, y hua̠nti̠ xuilá­nilh u̠má xli̠­tan­tutu cahua̠yu xchi­pani̠t aktum pu̠pu̠lhcá̠n.  
\v 6 Nac xlak­sti̠­pa̠ncán a̠ma̠ko̠lh kalha­ta̠ti ángeles ckáx­matli pi̠ chiné huán­calh: 
\p —Caj xma̠n aktum kilo trigo nali̠­tanu̠y tas­káhu xala tan­tacú ta­scújut, y aktutu kilo cebada nali̠­tanu̠y tas­káhu la̠ta aktum quilh­ta­macú ta­scújut. Pero ni̠ caj pá̠xcat cat­lahua aceite ni̠para xatlá̠n cuchu. ¡Porque snu̠n tapa­ra̠xlá! 
\p  
\v 7 Acxni̠ hua̠nti̠ li̠taxtuy xBorrego Dios ma̠c­tí̠­nilh xli̠­pu̠­lac­ta̠ti sello a̠má libro, ckáx­matli pi̠ xli̠­ka­lha­ta̠ti ángel hua̠nti̠ xta­siyuy cumu la̠ taka­lhí̠n chiné huá: 
\p —¡Uú catat y caúcxilhti! 
\p  
\v 8 Aquit cúc­xilhli pi̠ tax­tuchi tantum caj smu­cucu li̠lay cahua̠yu, y hua̠nti̠ xuilá­nilh a̠má xli̠­tan­ta̠ti cahua̠yu xuanicán Li̠ní̠n, y lacatzú csta̠­la­ni­ti̠­lhay hua̠nti̠ xli̠­ta­pu̠lh­ca̠ni̠t Xpu̠­chiná Ca̠li̠ní̠n; hua­tuní̠n u̠ma̠ko̠lh ca̠ma̠x­quí̠­calh quilh­ta­macú xla­cata cata­ma̠­lak­tzan­ké̠­nalh pu̠lac­ta̠ti xla­cata la̠ta hui­lá­calh nac ca̠quilh­ta­macú, ma̠x­quí̠­calh li̠t­li­hueke naca̠­li̠­ma̠­lak­tzanke̠y cris­tianos guerras, tatzin­csni, lac­li̠xcáj­nit tajátat, xa̠hua lac­lanca hua­naní̠n qui­tzis­tancán. 
\p  
\v 9 Acxni̠ hua̠nti̠ li̠taxtuy xBorrego Dios ma̠c­tí̠­nilh xli̠­pu̠­lac­qui­tzis sello hua̠ntu̠ xli̠­ke̠s­la­macani̠t libro, cúc­xilhli nac xtampí̠n altar anta­nícu laka­chix­cu­hui̠cán Dios pi̠ xta­hui­lá̠­nalh hua̠nti̠ xca̠­mak­ni̠­cani̠t nac ca̠quilh­ta­macú caj xpa̠­la­cata cumu xta­liakchu­hui̠­nani̠t xta­lu­lóktat Dios.  
\v 10 Xlacán luu palha la̠ta chiné xta­qui­lhuamá̠­nalh: 
\p —Lanca tali̠­pa̠hu Quim­pu̠­chi­nacán hua̠nti̠ lanca mila­ca­tzúcut, ¿nícua xaniacxni̠ luu naca̠­ma̠­ka­lha­pa­li̠ya cris­tianos hua̠nti̠ tahui­lá̠­nalh nac ca̠quilh­ta­macú y naca̠­ma̠­pa̠­ti̠­ni̠ya caj xpa̠­la­cata cumu quin­ca̠­mak­ni̠­can­chá̠n antá? 
\p  
\v 11 Huata xlacán ca̠li̠­ma̠­lha­ké̠­calh lak­sna­papa clha­ka̠tcán y ca̠hua­ní­calh pi̠ cata­ma­ka­ká­lhi̠lh caj a̠tzinú quilh­ta­macú, hasta nati­ta­ka­tzi̠y la̠ta ca̠li̠­pu̠lh­ca̠­cani̠t hua̠nti̠ chuná naca̠­ma̠ak­spu­li̠cán, y nata­chá̠n xa̠maka­pi­tzí̠n xta̠­lac­scujní̠n hua̠nti̠ na̠ naca̠­mak­ni̠cán caj xpa̠­la­cata Cristo, chuná cumu la̠ xlacán tica̠­mak­ní̠­calh. 
\p  
\v 12 Acxni̠ hua̠nti̠ li̠taxtuy xBorrego Dios ma̠c­tí̠­nilh xli̠­pu̠­lac­cha̠xán sello hua̠ntu̠ xli̠­ke̠s­la­macani̠t a̠má libro, aquit cúc­xilhli pi̠ li̠pe̠cua la̠ta tzú­culh tapon­kanán y pu̠tzan­ka̠nán nac ca̠quilh­ta­macú. Niaj para tzinú tasí­yulh chi­chiní huata laka­ca̠­puc­suanko̠lh, na̠chuná papá tzu­tzo­koxní̠n huan­ko̠lh cumu la̠ kalhni.  
\v 13 Y a̠ma̠ko̠lh stacu hua̠ntu̠ xta­hui­lá̠­nalh nac akapú̠n tzú­culh tata­mo­kosa y tata­ma̠chá nac ca̠ti­yatni, xta̠­chuná xta­ta­mo­kos­má̠­nalh cumu la̠ ke̠yuj­ta̠yay skatán acxni̠ min li̠pe̠cua u̠n.  
\v 14 Xalán cúc­xilhli pi̠ lák­sputli akapú̠n xta̠­chuná cumu la̠ a̠ cake̠s­mi­lí­calh cáp­snat, y maktum lák­sputli, y xli̠­hua̠k lac­lanca ca̠ke̠s­ti̠ní̠n xalac ca̠quilh­ta­macú xa̠hua islas hua̠ntu̠ xta­hui­lá̠­nalh nac pupunú pu̠tum ca̠ma̠­lac­xíj­calh anta­nícu xta­hui­lá̠­nalh.  
\v 15 Y a̠ma̠ko̠lh lac­lanca ma̠pek­si̠­naní̠n xalac ca̠quilh­ta­macú xa̠hua lac­ta­li̠­pa̠hu tropa, chu hua̠nti̠ luu lac­rrico xta­la­má̠­nalh, xa̠hua hua̠nti̠ luu lac­ta­li̠­pa̠hu xca̠­maklh­ca­tzi̠cán, y hasta na̠chuná hua̠nti̠ xca̠­ma̠s­cu­ju­má̠­calh cumu la̠ tachí̠n, xa̠hua hua̠nti̠ ni̠ tachí̠n huata ca̠la­kuá̠n xta­la­má̠­nalh, pu̠tum táalh tata­tze̠ka nac lac­lanca lhucu hua̠ntu̠ xta­yá̠­nalh nac xla­caní̠n tíyat, xa̠hua nac xlak­sti̠­pa̠ní̠n lac­lanca chí­huix.  
\v 16 Chiné xta­huaniy a̠ma̠ko̠lh lac­lanca ca̠ke̠s­ti̠ní̠n xa̠hua lac­lanca chí­huix: 
\p —¡Cat­la­huátit li̠tlá̠n caqui­la̠akpon­ka­nú̠hu, y li̠huana̠ caqui­la̠­ma̠­tze̠kui, porque ni̠ cla­cas­qui­ná̠hu naquin­ca̠ucxi­lhá̠n a̠má lanca tali̠­pa̠hu ma̠pek­si̠ná hua̠nti̠ tasiyuy nac akapú̠n huí nac lanca xpu̠­ma̠­peksí̠n, xa̠huachí ni̠ cla­cas­qui­ná̠hu naquin­ca̠­ma̠­pa̠­ti̠­ni̠yá̠n y nac­maklh­ca­tzi̠­yá̠hu xta­si̠tzi hua̠nti̠ li̠taxtuy xBorrego Dios hua̠nti̠ aya tzu­cuni̠t ca̠ta̠t­la­huay taxokó̠n xli̠­hua̠k cris­tianos!  
\v 17 Porque la̠nchú aya lak­cha̠ni̠t quilh­ta­macú la̠ta xlá naca̠­ma̠­xo­ko̠ni̠y xli̠­hua̠k hua̠ntu̠ tatit­la­huani̠t cha̠­tunu cris­tianos xala ca̠quilh­ta­macú, ¿tícu cahuá nata̠­yaniy xla­cata napa̠ti̠y hua̠ntu̠ nalak­chá̠n? 
\c 7  
\s1 Hua̠nti̠ Dios ca̠lacsacni̠t hua̠k ca̠lhca̠nicán nac xmu̠xti̠ncán 
\p  
\v 1 Aca­li̠stá̠n cuc­xilhpá pi̠ lac­ta̠tij xta­yá̠­nalh kalha­ta̠ti ángeles nac xca̠­tan­ke̠­nu̠ní̠n ca̠quilh­ta­macú, xlacán huá xta­ma̠­cho­ko­má̠­nalh u̠n la̠qui̠ ni̠ nau̠nún nac xok­spú̠n ca̠ti­yatni, ni̠para nac xok­spú̠n pupunú, y ni̠para akatum quihui nata­sa­ka̠li̠y.  
\v 2 Aca­li̠stá̠n cuc­xilhpá cha̠tum ángel xmi­ma̠chá anta­nícu pulha̠chá chi­chiní, xchi­pani̠t csello lanca tali̠­pa̠hu Dios hua̠nti̠ lama xas­tacná. Xli̠­hua̠k xliaka­pix­tli­hueke chiné ca̠qui­lhá­nilh a̠ma̠ko̠lh kalha­ta̠ti ángeles hua̠nti̠ xca̠­ma̠x­qui̠­cani̠t li̠ma̠­peksí̠n xa̠hua li̠t­li­hueke la̠qui̠ nata­ma̠s­pu­tu̠nún nac ca̠quilh­ta­macú xa̠hua nac pupunú: 
\p  
\v 3 —¡Caka­lhí̠tit tzinú, ni̠najtu̠ caca̠t­la­hua­nítit xli̠­hua̠k hua̠ntu̠ huí nac ca̠ti­yatni, ni̠para nac pupunú, ni̠para qui­huí̠n hua̠ntu̠ tayá̠­nalh nac ca̠ti­yatni, porque hasta pu̠lh nac­ti­ca̠­mu̠lh­ca̠­hui­li̠­yá̠hu csello Dios xli̠­hua̠k a̠ma̠ko̠lh hua̠nti̠ xli̠­ca̠na tali̠­pa̠­huán y tama­ca­ma̠x­qui̠ni̠t xla­ta­ma̠tcán! 
\p  
\v 4 Caj li̠puntzú ckáx­matli acxni̠ huán­calh nícu kalhali̠t hua̠nti̠ ca̠mu̠x­ti̠­sel­lar­tla­huá­calh: aktum cientu a̠ti̠pu­xa­ma­ta̠ti mi̠lh cris­tianos la̠ta nac xli̠­ca̠­lanca cxa­pu̠­la­tama̠n Israel.  
\v 5 Ca̠pu̠t­le­ké­calh akcu̠tiy mi̠lh cris­tianos xli̠­ta­la­ka­pasni Judá, akcu̠tiy mi̠lh xli̠­ta­la­ka­pasni Rubén, akcu̠tiy mi̠lh xli̠­ta­la­ka­pasni Gad,  
\v 6 akcu̠tiy mi̠lh xli̠­ta­la­ka­pasni Aser, akcu̠tiy mi̠lh xli̠­ta­la­ka­pasni Nef­talí, akcu̠tiy mi̠lh xli̠­ta­la­ka­pasni Manasés,  
\v 7 akcu̠tiy mi̠lh xli̠­ta­la­ka­pasni Simeón, akcu̠tiy mi̠lh xli̠­ta­la­ka­pasni Leví, akcu̠tiy mi̠lh xli̠­ta­la­ka­pasni Isacar,  
\v 8 akcu̠tiy mi̠lh xli̠­ta­la­ka­pasni Zabulón, akcu̠tiy mi̠lh xli̠­ta­la­ka­pasni José, y akcu̠tiy mi̠lh xli̠­ta­la­ka­pasni Ben­jamín. 
\s1 Lhu̠hua cristianos hua̠nti̠ tali̠lhaka̠nani̠t snapapa lháka̠t 
\p  
\v 9 Acxni̠ ckax­mat­ko̠lh nícu kalhali̠t hua̠nti̠ ca̠mu̠x­ti̠­sel­lar­tla­huá­calh, caj li̠puntzú cúc­xilhli pi̠ pu̠tum xta­yá̠­nalh lhu̠hua cris­tianos hasta ni̠lay xca̠­pu̠t­le­ke­ko̠cán la̠ta xli̠­lhu̠hua xuani̠t, xli̠­ca̠­lanca ca̠quilh­ta­macú xta­mi­ni̠­tanchá, y ti̠pa̠­katzi xta­chu­hui̠ncán la̠ta anán nac ca̠quilh­ta­macú, xlacán antá pu̠tum xta­yá̠­nalh nac xla­catí̠n a̠má lanca xlac­tá­hui̠lh ma̠pek­si̠ná anta­nícu xuí Dios y nac xla­catí̠n xBorrego, pu̠tum u̠ma̠ko̠lh cris­tianos hua̠k xta­li̠­lha­ka̠­nani̠t xalak­sna­papa clha­ka̠tcán y xta­chi­pani̠t nac xmacancán xapalhma mó̠ko̠t.  
\v 10 Xli̠­hua̠k xliaka­pix­tli­hue­kecán chiné xta­qui­lhuamá̠­nalh: 
\q1 ¡Xli̠­ca̠na pi̠ caj xma̠n huá tamá lanca tali̠­pa̠hu quiDioscán quin­ca̠­lak­ma̠x­tu­ni̠tán 
\q1 hua̠nti̠ huí nac lanca xama̠­pek­si̠ná lac­tá­hui̠lh, 
\q1 xa̠hua xbor­rego hua̠nti̠ xokó̠­nulh xpa̠­la­cata quin­ta­la̠­ka­lhi̠ncán! 
\m  
\v 11 Xli̠­hua̠k a̠ma̠ko̠lh ángeles hua̠nti̠ xtas­ti­lini̠t a̠má lanca lac­tá­hui̠lh, xa̠hua pu̠xa­ma­ta̠ti lak­ko̠lún, chu a̠ma̠ko̠lh kalha­ta̠ti ángeles hua̠nti̠ xta­ta­siyuy cumu la̠ taka­lhí̠n, pu̠tum talá­ca̠lh anta­nícu xuí a̠má lanca xlac­tá­hui̠lh ma̠pek­si̠ná, tata­tzo­kós­talh, tala­ka­ta­quilh­pú̠­talh, y hasta taqui̠­ta­la­cá­talh nac tíyat la̠ta tala­ka­chix­cú­hui̠lh Dios.  
\v 12 Y pu̠tum chiné xta­huán: 
\q1 ¡Xma̠n me̠cstu mini̠­niyá̠n nac­ma̠­lan­qui̠­yá̠hu min­ta­cu­huiní y nac­ca̠­ca̠c­ni̠­na­niyá̠n 
\q1 caj xpa̠­la­cata lanca mili̠s­ka­lala, mili̠­ma̠­peksí̠n y mili̠t­li­hueke; 
\q1 na̠chuná xma̠n huix mini̠­niyá̠n nac­ca̠­pa̠x­cat­ca­tzi̠­niyá̠n y nac­la­ka­chix­cu­hui̠yá̠n cane̠c­xni­cahuá quilh­ta­macú! 
\q1 ¡Chuná calalh, amén! 
\p  
\v 13 Cha̠tum ko̠lu­tzí̠n qui­lak­ta­la­ca­tzú­hui̠lh y chiné quin­ka­lhás­quilh: 
\p —¿Pi̠ catzi̠ya huix tícu tama̠­ko̠lh cris­tianos hua̠nti̠ tali̠­lha­ka̠­nani̠t hua̠k xalak­sna­papán clha­ka̠tcán, y nícu tami­ni̠­tanchá? 
\p  
\v 14 Aquit chiné ckálh­ti̠lh: 
\p —Aquit ni̠ cca­tzi̠y, xma̠n huix catzi̠ya. 
\p Xlá chiné qui­hua­nipá: 
\p —Hua­tuní̠n u̠ma̠ko̠lh hua̠nti̠ la̠n tati­pa̠­tí̠­nalh caj xpa̠­la­cata xta­chu­huí̠n Dios, pero tata̠­yá­nilh porque hua­tuní̠n u̠ma̠ko̠lh hua̠nti̠ tali̠­ché­ke̠lh clha­ka̠tcán y tali̠­ma̠s­na­pa­puáni̠lh a̠má xkalhni hua̠ntu̠ staj­má­kalh xBorrego Dios. 
\q1  
\v 15 Huá xpa̠­la­cata tali̠­yá̠­nalh nac xla­catí̠n lanca xlac­tá­hui̠lh Dios, 
\q1 xlianka­lhi̠na quilh­ta­macú ca̠tzi̠sní xa̠hua ca̠cu­huiní tali̠s­cuj­má̠­nalh nac lanca xpu̠­si­culan y tala­ka­chix­cu­hui̠­má̠­nalh. 
\q1 Y Quim­pu̠­chi­nacán hua̠nti̠ huí nac a̠má lanca xlac­tá­hui̠lh 
\q1 xlianka­lhi̠ná ca̠mak­ta­kalhmaj nahuán. 
\q1  
\v 16 Xli̠­hua̠k u̠ma̠ko̠lh cris­tianos niaj cati­ta­pá̠­ti̠lh tatzin­csni y takalh­pu̠ti, 
\q1 y niajpara chi­chiní cati­ca̠­ma̠akchí­chi̠lh, 
\q1 niajpara cati­ta­pá̠­ti̠lh lhca̠cná. 
\q1  
\v 17 Porque tamá xBorrego hua̠nti̠ yá nac xpa̠xtú̠n a̠má lanca xlac­tá­hui̠lh Dios, 
\q1 xlá naca̠­mak­ta­kalha xta̠­chuná cumu la̠ tla­huay cha̠tum xmak­ta­kalhná bor­regos, 
\q1 naca̠­pu̠­lalé̠n nac musni anta­nícu tax­tu­ma̠chi chú­chut hua̠ntu̠ ma̠sta̠y xax­li̠­ca̠na latáma̠t la̠qui̠ la̠n nata­kotnún, 
\q1 y ma̠squi lhu̠hua hua̠ntu̠ xta­li̠­li̠­pu­hua­má̠­nalh, Dios naca̠­ma̠­ko­xu­mixiy y naca̠­la­ca­xacay la̠ta xta­la­kax­taj­má̠­nalh xpa̠­la­cata hua̠ntu̠ xta­li̠­ta­sa­má̠­nalh. 
\c 8  
\s1 Xliaktujún sello y pu̠ma̠jiní̠n xla oro 
\p  
\v 1 Acxni̠ xBorrego Dios ma̠c­tí̠­nilh xli̠­pu̠­lac­tujún sello hua̠ntu̠ xli̠­ke̠s­la­macani̠t a̠má hua̠ntu̠ caj xta­ke̠s­mi­lini̠t libro, ca̠tzi­yanca huan­ko̠lh íta̠t hora nac akapú̠n.  
\v 2 Aca­li̠stá̠n cca̠ucxilhli kalha­tujún ángeles hua̠nti̠ xta­yá̠­nalh lacatzú nac a̠má lanca xlac­tá­hui̠lh Dios, cha̠­tunu ángeles ca̠ma̠x­quí̠­calh aka­tunu trom­peta.  
\v 3 Aca­li̠stá̠n mimpá cha̠tum ángel hua̠nti̠ xchi­pani̠t aktum pu̠ma̠­jiní̠n xla oro y antá tá̠yalh nac xla­catí̠n altar anta­nícu laka­chix­cu­hui̠cán Dios, lhu̠hua sien­sus ma̠x­quí̠­calh hua̠ntu̠ nali̠­la­ka­chix­cu­hui̠nán nac a̠má pu̠santu xla oro hua̠ntu̠ xyá nac xla­catí̠n lanca xlac­tá­hui̠lh Dios, la̠qui̠ na̠ lac­xtum nali̠­la­ka­ta̠­ya­ni̠nán xta­kalh­ta­hua­kacán xli̠­hua̠k cris­tianos hua̠nti̠ xma̠n Dios tata­pek­si̠niy.  
\v 4 Xajini a̠má sien­sus hua̠ntu̠ tzú­culh lhcuyuy ángel lac­xtum tzú­culh ta̠ta­ta̠lh­ma̠ni̠y xta­kalh­ta­hua­kacán a̠ma̠ko̠lh cris­tianos hua̠nti̠ xma̠n Dios tata­pek­si̠niy hasta cha̠lh nac xla­catí̠n anta­nícu xlá huí.  
\v 5 Amá ángel tiyapá pu̠ma̠­jiní̠n y majú̠­nilh jalánat hua̠ntu̠ xuí nac xaltar Dios anta­nícu xlá laka­chix­cu­hui̠cán. Aca­li̠stá̠n lhkén ma̠kó­sulh hasta nac ca̠ti­yatni. Acxni̠ antá tama̠chá li̠pe̠cua la̠ta tzu̠­culh macaacsa̠nán, tzú­culh jiliy y mak­lipa, hasta lacatum pu̠tzan­ká̠­nalh lacatum nac ca̠ti­yatni. 
\s1 Cha̠tunu ángeles tzucuy tama̠sa̠ni̠y xtrompetajcán 
\p  
\v 6 Ama̠­ko̠lh kalha­tujún ángeles hua̠nti̠ cha̠­tunu xta­ka­lhi̠y aka­tunu trom­petas tzú­culh taca̠x­chipay xla­cata nata­ma̠­sa̠ni̠y. 
\p  
\v 7 Amá ángelh hua̠nti̠ lacán xyá pu̠lh ma̠sá̠­ni̠lh xtrom­peta, y tuncán tahui­lachi si̠n, chéje̠t, hui­lhaj xta̠­lani̠t lhcúya̠t xa̠hua kalhni. La̠ta xli̠­lanca ca̠quilh­ta­macú pu̠lac­tutu xla­cata lhcu­ta­hui­la­kó̠­calh, niajpara akastum quihui xa̠hua li̠cúxtut hua̠ntu̠ xas­taka aka­tá̠x­tulh. 
\p  
\v 8 Acxni̠ xli̠­cha̠tiy ángel ma̠sá̠­ni̠lh xtrom­peta, aquit cúc­xilhli pi̠ macá̠n­calh nac pupunú aktum mac­lanca lhcúya̠t xta̠­chuná cumu aktum lanca ke̠stí̠n, y la̠ta xli̠­lanca pupunú hua̠ntu̠ huí nac ca̠quilh­ta­macú pu̠lac­tutu xla­cata kalhni huan­ko̠lh.  
\v 9 Xli̠­hua̠k hua̠ntu̠ xlama xas­tacná nac pupunú, pu̠lac­tutu xla­cata la̠ta ni̠ko̠lh y na̠chuná barco hua̠ntu̠ xta­la­hua­cá­nalh nac xkalhni pupunú na̠ pu̠lac­tutu xla­cata hua̠ntu̠ talak­tzán­ka̠lh nac chú­chut. 
\p  
\v 10 Acxni̠ xli̠­ka­lha­tutu ángel ma̠sá̠­ni̠lh xtrom­peta, tamo­koschá aktum lanca stacu nac akapú̠n y li̠pe̠cua clhcu­ti̠­lhay hasta taju̠chi nac pu̠lac­tutu xla­cata la̠ta anán musni xa̠hua kalh­tu̠­choko xala ca̠quilh­ta­macú.  
\v 11 Ama̠ stacu xuanicán Xu̠na̠s­tacu, y pu̠lac­tutu xla­cata anta­nícu taju̠chi stacu hua̠ntu̠ tamó­kosli, xu̠n huan­ko̠lh chú­chut, y caj xpa̠­la­cata a̠má xu̠n chú­chut lhu̠hua cris­tianos ni̠lh. 
\p  
\v 12 Aca­li̠stá̠n xli̠­ka­lha­ta̠ti ángel ma̠sá̠­ni̠lh xtrom­peta, cúc­xilhli pi̠ la̠ta xli̠­lanca chi­chiní pu̠lac­tutu xla­cata laka­pok­lhuánalh, na̠chuná papá xa̠hua stacu, y niaj chuná tamaca­xka­ké̠­nalh cumu la̠ xta­maca­xka­ke̠nán, y na̠chuná ca̠tzi̠sní xa̠huá ca̠cu­huiní mak­tutu xla­cata ma̠actzu­huí̠­calh xtax­káke̠t. 
\p  
\v 13 Aca­li̠stá̠n chú cúc­xilhli tantum lanca picha̠hua hua̠ntu̠ xkos­pu̠lay nac ca̠u̠ní̠n y ckáx­matli la̠ta xli̠­pix­cha̠­lanca xchu­hui̠­nama y chiné huá: 
\p —¡Koxu­tacú tita­huán a̠ma̠ko̠lh cris­tianos hua̠nti̠ tala­má̠­nalh nac ca̠quilh­ta­macú! Porque la̠n ámaj min tapa̠tí̠n acxni̠ nata­ma̠­sa̠ni̠y xtrom­pe­tajcán a̠ma̠ko̠lh kalha­tutu ángeles hua̠nti̠ tatzanka̠y nia̠ tama̠­sa̠ni̠y trom­peta. 
\c 9  
\p  
\v 1 Acxni̠ chú ma̠sá̠­ni̠lh xtrom­peta xli̠­ka­lha­qui­tzis ángel, cúc­xilhli pi̠ tamó­kosli nac akapú̠n hasta nac ca̠ti­yatni cha̠tum chixcú hua̠nti̠ xta̠­chuná xta­siyuy cumu la̠ lanca stacu. Umá hua̠nti̠ cumu la̠ stacu ma̠x­quí̠­calh xal­lave hua̠ntu̠ tla̠n nali̠­ma̠­kalhke̠y a̠má pu̠lhmá̠n pu̠la̠­chi̠n xta̠­chuná cumu la̠ aktum lanca poso hua̠ntu̠ ni̠tu̠ kalhi̠y xtampú̠n hua̠k ca̠u̠ní̠n.  
\v 2 Amá stacu ma̠kálh­ke̠lh a̠má pu̠lhmá̠n pu̠la̠­chi̠n y antá ta̠c­xtuchi lhu̠hua jini cumu la̠ aktum xla lanca horno, huá a̠má jini tu̠ tacutchi nac pu̠lhmá̠n poso ma̠la­ka­ca̠­puc­suani̠­ko̠lh chi­chiní y take̠­ta­ko̠lh nac ca̠u̠ní̠n.  
\v 3 Antiyá nac xlacni jini tax­tuchi lhu̠hua xtuqui, tzú­culh takosa y tala­ka­pun­tú­mi̠lh xli̠­ca̠­lanca nac ca̠quilh­ta­macú, u̠ma̠ko̠lh xtuqui ca̠ma̠x­quí̠­calh li̠t­li­hueke xta̠­chuná cumu la̠ taka­lhi̠y sta̠­cúlut.  
\v 4 Ca̠li̠­ma̠­pek­sí̠­calh xla­cata pí ni̠tu̠ cata­ma̠­ta­ká̠­hui̠lh qui­huí̠n, ni̠para li̠cúxtut hua̠ntu̠ stakni̠t má nac ca̠ti­yatni, caj xma̠n huá cata­ma̠­ta­ká̠­hui̠lh hua̠nti̠ ni̠tu̠ tamu̠x­ti̠­hui­lá̠­nalh cxmu̠x­ti̠ncán csello Dios.  
\v 5 Pero ma̠squi chuná xlacán ni̠ ca̠li̠­ma̠­pek­sí̠­calh nata­makni̠y cris­tianos, huata caj xma̠n nata­ma̠­ka̠­hui̠y, y nata­ma̠­pa̠­ti̠ni̠y hasta akqui­tzis papá, y wa̠nti̠ naxcáy namaklh­ca­tzí̠y cumu la̠ cax­cálh tantum sta̠­cúlut. 
\p  
\v 6 Amá quilh­ta­macú acxni̠ luu tax­ca­nan­tla̠­huán nahuán xtuqui lhu̠hua cris­tianos nata­lac­pu­tzay lácu natani̠y, pero ni̠ cati­ta­ma̠t­lá̠n­ti̠lh, caj u̠cú nata­ni̠­putún pero xpu̠­chiná ca̠li̠ní̠n mákat tza̠­lani̠t nahuán. 
\p  
\v 7 Ama̠­ko̠lh xtuqui xta̠­chuná xta­li̠­taxtuy cumu la̠ cahua̠yu hua̠ntu̠ ca̠ma̠­ca̠x­cani̠t la̠qui̠ naca̠­le̠ncán nac guerra; nac xak­xa̠­kacán xtaacuilá̠­nalh xta̠­chuná cumu la̠ aktum corona xla oro, y nac xlacán xta̠­chuná xta­la­ca­huán cumu la̠ cha̠tum cris­tiano.  
\v 8 Cúc­xilhli pi̠ luu lac­lhmá̠n xka­lhi̠y xchíxit cumu la̠ xla pusca̠t, y xta­tzán xta̠­chuná xka­lhi̠y cumu la̠ xla tantum huaná hua­nicán león.  
\v 9 Xli̠­hua̠k xli̠­lanca a̠ma̠ko̠lh xtuqui hua̠k mac­li̠cá̠n xta­huani̠t, y acxni̠ xta­kosa li̠pe̠cua xma­ca­sa̠nán xpe­kecán xta̠­chuná cumu la̠ tama­ca­sa̠nán lhu̠hua car­reta hua̠ntu̠ talh­tan­ca̠lé̠n cahua̠yu acxni̠ lama guerra.  
\v 10 Chi̠nchú csta­jancán luu quin­ca­tza­maman xta­ka­lhi̠y xta̠­chuná cumu la̠ xla sta̠­lúcut, acxni̠ chú xta­li̠xcay cris­tianos li̠pe̠cua xca̠­ca­tzaniy y xca̠­ma̠­pa̠­ti̠ni̠y hasta akqui­tzis papá.  
\v 11 Xuí cha̠tum hua̠nti̠ xca̠­pux­cuniy u̠ma̠ko̠lh xtuqui na̠ hua­tiyá ti̠ xpu̠­chiná xuani̠t a̠má lanca pu̠lhmá̠n pu̠la̠­chi̠n hua̠ntu̠ ni̠ kalhi̠y xtampú̠n, cxta­chu­huí̠n hebreo xuanicán Abadón y nac xata­chu­huí̠n griego xuanicán Apo­lión. 
\p  
\v 12 Pus ti̠tax­tu­ko̠lh u̠má tapa̠tí̠n xa̠hua tali̠­pu­huá̠n, pero titzan­ka̠ycú natimín a̠pu̠lactiy. 
\p  
\v 13 Acxni̠ xli̠­ka­lha­cha̠xán ángel ma̠sá̠­ni̠lh xtrom­peta, ckáx­matli pi̠ tax­tuchi tachu­huí̠n nac cha̠s­tu̠­ta̠ti la̠ta xcha̠s­tu̠ní̠n a̠má altar hua̠ntu̠ xla oro anta­nícu xlá laka­chix­cu­hui̠cán Dios hua̠ntu̠ huí nac xla­catí̠n.  
\v 14 Y a̠má hua̠nti̠ chu­huí̠­nalh chiné li̠ma̠­pék­si̠lh a̠má xli̠­ka­lha­cha̠xán ángel hua̠nti̠ xchi­pani̠t xtrom­peta: 
\p —Cat­lahua li̠tlá̠n cacá̠x­cutti tama̠­ko̠lh kalha­ta̠ti ángeles hua̠nti̠ ca̠chi̠­hui­li̠­cani̠t nac xquilhtú̠n kalh­tu̠­choko hua­nicán Eufrates. 
\p  
\v 15 Ca̠mak­xték­calh a̠ma̠ko̠lh kalha­ta̠ti ángeles xla­cata nata­makni̠y pu̠lac­tutu xla­cata la̠ta hui­lá­calh nac ca̠quilh­ta­macú, porque huá xca̠­li̠­ma­ka­ka­lhi̠­má̠­calh, y caj huá xpa̠­la­cata xca̠­li̠­ma̠x­tu­cani̠t la̠qui̠ naca̠­mak­xtekcán acxni̠ nalak­chá̠n ca̠ta, papá xa̠hua quilh­ta­macú y túcuya̠ hora luu chuná xli̠­kan­táxtut xuani̠t.  
\v 16 Y ckáx­matli nícu kalhali̠t xtro­pajcán xta­li̠mín a̠ma̠ko̠lh kalha­ta̠ti ángeles, aktiy ciento mi̠lh la̠ta hua̠nti̠ xta­pu̠mín xca­hua̠­yujcán. 
\p  
\v 17 Chuná qui­li̠­ma̠­la­ca­hua̠­ní̠­calh a̠ma̠ko̠lh lhu̠hua cahua̠yu y a̠ma̠ko̠lh tropa hua̠nti̠ xta­pu̠­hui­lá̠­nalh cahua̠yu, hua̠k li̠cá̠n xta­ka­lhi̠y nac xcux­mu̠ncán la̠qui̠ ni̠tu̠ naca̠­ma̠­ta­ka­hui̠y hua̠ntu̠ naca̠­li̠­ta­lacán li̠cá̠n, pero kam­pa̠­katzi colores xka­lhi̠y, maka­pitzi spu­pucu y maka­pitzi smu­cucu cumu la̠ azufre. Y a̠ma̠ko̠lh cahua̠yu xta­ka­lhi̠y xak­xa̠­kacán cumu la̠ xla tantum león, y nac xquilhni xtax­tu­ma̠chi lhcúya̠t, jini xa̠hua azufre hua̠ntu̠ clhcuma.  
\v 18 La̠ta xli̠­lhu̠hua hui­lá­calh nac ca̠quilh­ta­macú pu̠lac­tutu xla­cata ca̠mák­ni̠lh cris­tianos a̠má pu̠lac­tutu hua̠ntu̠ tax­tuchi nac xquilh­nicán a̠ma̠ko̠lh cahua̠yu: lhcúya̠t, jini, xa̠hua azufre hua̠ntu̠ clhcuma.  
\v 19 Porque xli̠­hua̠k xli̠t­li­hue­kecán a̠ma̠ko̠lh cahua̠yu antá xta­ka­lhi̠y nac xquilh­nicán xa̠hua nac csta­jancán; porque csta­jancán luu xta̠­chuná xta­li̠­taxtuy cumu la̠ lu̠hua, y xta­ka­lhi̠y xak­xa̠­kacán hua̠nchú tu̠ xca̠­li̠­ma̠­ta­ka̠­hui̠y cris­tianos.  
\v 20 Pero a̠ma̠ko̠lh cris­tianos hua̠nti̠ ni̠tu̠ ca̠t­la­huá­nilh a̠ma̠ko̠lh hua̠ntu̠ xta­ma̠s­pu­tu̠­na­má̠­nalh, pus ni̠para chuná talak­pá­li̠lh xali̠xcáj­nit xta­la­ca­pa̠s­tac­nicán, chu­nacú xtat­la­hua­má̠­nalh xli̠­hua̠k hua̠ntu̠ li̠xcáj­nit xta­la­kati̠y tat­la­huay, xlacán chu­na­tiyá xta­la­ka­chix­cu­hui̠y akska­hui­niní̠n xa̠hua tzincun xla oro hua̠ntu̠ ma̠n xtat­la­huani̠t, xla plata, xa̠hua xla bronce y xla quihui, chu­nacú xta­la­ka­chix­cu­hui̠y cumu la̠ xdioscán ma̠squi xlacán ni̠ tala­ca­hua̠nán y ni̠lay tat­la̠­huán, ni̠ takax­mata.  
\v 21 Y ni̠para chuná tamák­xtekli la̠ta tala̠­makni̠y, la̠ta tala̠s­cu­huay, taxa­katli̠y tunuj lac­pus­ca̠tní̠n ma̠squi huí xpus­ca̠tcán y chu­na­tiyá taka­lha̠nán. 
\c 10  
\s1 Cha̠tum ángel hua̠nti̠ xchipani̠t actzu̠ xatasmilin libro 
\p  
\v 1 Aca­li̠stá̠n chú cuc­xilhpá cha̠tum lanca tali̠­pa̠hu ángel hua̠nti̠ xta̠c­ta­ma̠chi nac akapú̠n hasta nac ca̠ti­yatni, xmima nac xlacni puc­lhni; nac xak­xa̠ka xuilá­nilh kantum li̠la­káti̠t cha̠­mac­xcúlit y xlacán luu li̠la­káti̠t xlak­skoy cumu la̠ chi­chiní, y xak­lhtantú̠n xta̠­chuná xta­siyuy cumu la̠ acxni̠ li̠pe̠cua take̠­ya̠­huay lhu̠hua lhcúya̠t.  
\v 2 Amá ángel xchi­pani̠t nac xmacán mactum actzu̠ xatas­milin libro pero xma̠­la­ka­ke̠­cani̠t. Acxni̠ chilh nac ca̠ti­yatni xtan­tu̠s­tácat li̠ta­tú̠­talh nac pupunú y xtan­tu̠­xuqui li̠ta­tú̠­talh nac ca̠ti­yatni.  
\v 3 Caj xamaktum xli̠­hua̠k xliaka­pix­cha̠­lanca ca̠tá­salh xta̠­chuná cumu la̠ tasay tantum lanca león; acxni̠ ca̠tá­salh ckáx­matli la̠ta pu̠lac­tujún jili takalh­ti̠­nanchá.  
\v 4 Acxni̠ a̠ma̠ko̠lh pu̠lac­tujún jili takalh­ti̠­nan­ko̠lh, aquit xacámaj tzok­uili̠y hua̠ntu̠ ckáx­matli; pero ckáx­matli pi̠ minchá tachu­huí̠n nac akapú̠n hua̠ntu̠ chiné qui­huá­nilh: 
\p —¡Caj xma̠n me̠cstu cali̠­catzi hua̠ntu̠ tahua tama̠­ko̠lh pu̠lac­tujún jili, pero ni̠ catzo­kuili nac mili̠­kalh­ta­huaka! 
\p  
\v 5 Amá ángel hua̠nti̠ tan­tu̠tu xli̠­tu̠tay xtantú̠n nac xkalhni pupunú y tan­tu̠tu nac xok­spú̠n tíyat, li̠ta­pe­ke­yá̠­hualh xpe­kes­tácat nac akapú̠n  
\v 6 y nac xta­cu­huiní li̠quí­lhalh a̠má hua̠nti̠ cane̠c­xni­cahuá quilh­ta­macú lama, hua̠nti̠ ca̠ma̠­la­ca­tzu­qui̠ni̠t akapú̠n, ca̠ti­yatni, pupunú xa̠hua xli̠­hua̠k hua̠ntu̠ antá taanán, ángel huá: 
\p —Xli̠­ca̠na pi̠ niaj picuta timaka­pa­lama quilh­ta­macú;  
\v 7 porque acxni̠ nalak­chá̠n quilh­ta­macú la̠ta a̠má xli̠­ka­lha­tujún ángel nama̠­sa̠ni̠y hua̠ntu̠ chi­pani̠t xtrom­peta xli̠­ca̠na pi̠ acxni­tiyá hua̠k kan­tax­tu­ko̠ni̠t nahuán xli̠­hua̠k hua̠ntu̠ Dios tze̠k xlac­lhca̠­hui­li̠ni̠t, chuná cumu la̠ tica̠­li̠­ma̠­ca­tzí̠­ni̠lh a̠ma̠ko̠lh xlac­scujní̠n hua̠nti̠ xca̠­hua­nicán pro­fetas. 
\p  
\v 8 Amá tachu­huí̠n hua̠ntu̠ aya xqui­xa­kat­li̠­pa­rani̠t hua̠ntu̠ minchá nac akapú̠n, xlá qui­xa­kat­li̠pá y chiné qui­huá­nilh: 
\p —La̠li̠­huán caquí̠­maklhti a̠má xata­ke̠s­milin libro hua̠ntu̠ chi­pani̠t a̠má ángel hua̠nti̠ tu̠tay nac pupunú xa̠hua nac ca̠ti­yatni. 
\p  
\v 9 Aquit calh anta­nícu xya̠chá a̠má ángel, csquí­nilh xla­cata pi̠ caqui­má̠x­qui̠lh a̠má xata­ke̠s­milin libro, huata xlá chiné quin­kálh­ti̠lh: 
\p —Mej, pero cahuat. Acxni̠ nahuaya luu seksi naka­lhua̠nana, pero acxni̠ aya hua­ko̠­ni̠ta nahuán, nac mim­poko luu xu̠n nahua­na̠chá. 
\p  
\v 10 Aquit cmák­lhti̠lh a̠má ángel xata­ke̠s­milin libro y cualh; aquit cka­lhuá̠nalh nac quin­quilhni pi̠ luu seksi xta̠­chuná cumu táxca̠t, pero acxni̠ aya xacuako̠ni̠t xu̠n huan­ko̠lh nac quim­poko.  
\v 11 Caj xamaktum ckáx­matli pi̠ chiné qui­hua­ní­calh: 
\p —Huix juerza nali̠­chu­hui̠­nam­pa­raya hua̠ntu̠ Dios ca̠ma̠­ca­tzi̠­ni̠­putún pi̠ taamá̠­nalh taok­spulay cris­tianos xala ca̠quilh­ta­macú la̠tachá túcuya̠ lac­lanca pu̠la­tama̠n, xa̠hua ca̠chi­qui̠ní̠n, xa̠hua ma̠pek­si̠­naní̠n, ma̠squi la̠tachá túcuya̠ xta­chu­hui̠ncán xlacán tali̠­chu­hui̠nán. 
\c 11  
\s1 Dios ca̠macamín cha̠tiy xakchuhui̠naní̠n hua̠nti̠ tama̠catzi̠ni̠nán xtalulóktat 
\p  
\v 1 Aca­li̠stá̠n qui­ma̠x­quí̠­calh kantum lhma̠n li̠lhca̠n xta̠­chuná cumu la̠ kantum lí̠x­toko, y chiné qui­hua­ní­calh: 
\p —La̠li̠­huán capit lhca̠ya xpu̠­si­culan Dios xa̠hua xaltar, na̠ caca̠­pu̠t­leke nícu kalhali̠t antá tala­ka­chix­cu­hui̠nán.  
\v 2 Pero ni̠ nalh­ca̠ya lácu xliactzuná kalhi̠y xatan­quilhtí̠n, porque tamá xatan­quilhtí̠n aya ca̠ma­ca­ma̠x­qui̠­cani̠t hua̠nti̠ ni̠ tali̠­pa̠­huán Dios, xlacán la̠n nata­li̠­ka­ma̠nán y nata­lac­ta̠­yami̠y cxa­ca̠­chi­quí̠n Jeru­salén hua̠ntu̠ Dios ma̠n xlac­sacni̠t y xca̠­chi­quí̠n xli̠­ma̠xtúy, chuná nata­li̠­ka­ma̠nán ti̠pu­xa­matiy papá.  
\v 3 Y aca­li̠stá̠n aquit nac­ca̠­ma­camín cha̠tiy quiakchu­hui̠­nanín hua̠nti̠ nata­li̠­lha­ka̠nán hua­chichi lháka̠t xla­cata xlacán nata­liakchu­hui̠nán quin­ta­lu­lóktat, aktum mi̠lh aktiy cientu a̠tutum­puxam quilh­ta­macú tali̠­chu­hui̠­na­má̠­nalh nahuán. 
\p  
\v 4 Uma̠­kó̠lh cha̠tiy akchu­hui̠­naní̠n hua­tuní̠n tali̠­taxtuy akatiy xaquihui olivo xa̠hua aktiy can­de­lero hua̠ntu̠ tayá̠­nalh nac xla­catí̠n lanca tali̠­pa̠hu xDioscán hua̠nti̠ xpu̠­chiná ca̠quilh­ta­macú.  
\v 5 Para tícu natax­tu­ya̠chá hua̠nti̠ para naca̠­mak­ni̠­putún, xlacán nata­quilh­taxtuy lhcúya̠t y maktum naca̠lh­cu­yuko̠y hua̠nti̠ tasi̠­tzi̠niy nahuán, y chuná natani̠y a̠ma̠ko̠lh hua̠nti̠ ni̠ nataucxilh­putún.  
\v 6 Uma̠­kó̠lh xlac­scujni Dios hua̠nti̠ nata­ma̠­ca­tzi̠­ni̠nán xta­lu­lóktat, xlacán taka­lhi̠y nahuán li̠t­li­hueke xla­cata nata­ma̠­lac­chu­huay nac akapú̠n la̠qui̠ ni̠ namín si̠n li̠huán xlacán antá tala­ma̠­nanchá nahuán nac ca̠quilh­ta­macú xla­cata nata­liakchu­hui̠nán xta­chu­huí̠n Dios, pero na̠ taka­lhi̠y nahuán li̠t­li­hueke xla­cata chú­chut hua̠ntu̠ huí nac ca̠quilh­ta­macú tla̠n kalhni natat­la­huay, y na̠chuná nata­li̠­ma̠­pa̠­ti̠ni̠y la̠tachá túcuya̠ tali̠­pu­huá̠n hua̠nti̠ tahui­lá̠­nalh nahuán nac ca̠quilh­ta­macú, la̠tachá nícu makli̠t xlacán chuná natat­la­hua­putún. 
\p  
\v 7 Pero acxni̠ nalak­chá̠n quilh­ta­macú la̠ta xlacán tancs tama̠­lu­lokni̠t nahuán xta­chu­huí̠n Dios, a̠má lanca qui­tzis­tancán hua̠ntu̠ chi̠­hui­li̠­cani̠t nac lanca pu̠lhmá̠n pu̠la̠­chi̠n hua̠ntu̠ ni̠ kalhi̠y xtampú̠n nata̠c­xtu­ya̠chi antá y xlá naca̠­kos­pasay, naca̠­maka­tlajay y naca̠­makni̠y.  
\v 8 Xti­yat­li̠­huacán u̠ma̠ko̠lh xlac­scujni Dios antá íta̠t naca̠­ta­ra­mi̠cán nac xaca̠­ti­ji̠ní̠n a̠má lanca ca̠chi­quí̠n Jeru­salén anta­nícu ma̠pa̠­ti̠­ní̠­calh y mak­ní̠­calh nac cruz Quim­pu̠­chi­nacán. Pero u̠má ca̠chi­quí̠n na̠ tla̠n ca̠ta̠­ma̠­la­cas­tu­cá̠hu Sodoma xa̠hua Egipto.  
\v 9 Y aktutu quilh­ta­macú a̠íta̠t maj nahuán xti­yat­li̠­huacán nac tiji, y cris­tianos cani̠­huaj xalaní̠n y ti̠pa̠­katzi tachu­huí̠n hua̠ntu̠ tali̠­chu­hui̠nán natamín taucxilha, y ni̠ cati­ta­má̠s­ta̠lh quilh­ta­macú naca̠­ma̠c­nu̠cán nac tíyat.  
\v 10 Cris­tianos hua̠nti̠ tahui­lá̠­nalh nac ca̠quilh­ta­macú la̠n nata­li̠­pa̠­xu­huay pi̠ ca̠mak­ní̠­calh nahuán, luu li̠pe̠cua tapa̠­xu­hua­má̠­nalh nahuán hasta catu̠huá hua̠ntu̠ nata­tzucuy la̠ta̠i̠y hua̠ntu̠ xta­palh tumi̠n, porque a̠ma̠ko̠lh cha̠tiy xak­chu­hui̠­naní̠n Dios luu lhu̠hua hua̠ntu̠ xca̠­li̠­ma̠­pa̠­ti̠­ní̠maj nahuán cris­tianos hua̠nti̠ tahui­lá̠­nalh nac ca̠quilh­ta­macú.  
\v 11 Pero acxni̠ ti̠tax­tu­ko̠lh a̠má aktutu quilh­ta­macú a̠íta̠t, Dios ca̠ma̠­la­cas­ta­cuáni̠lh a̠ma̠ko̠lh cha̠tiy xak­chu­hui̠­naní̠n, xlacán tatá̠­qui̠lh y tatá̠­yalh, y xli̠­hua̠k cris­tianos hua̠nti̠ taúcxilhli la̠n tape̠­cuáxni̠lh.  
\v 12 Pero a̠ma̠ko̠lh cha̠tiy xlac­scujni Dios takáx­matli aktum tachu­huí̠n hua̠ntu̠ luu palha chiné ca̠huá­nilh: 
\p —¡La̠li̠­huán cata­la­ca̠c­xtu­chi­tátit uú nac akapú̠n! 
\p Xlacán tzú­culh tata­la­ca̠c­xtuy nac xlacni puc­lhni hasta nac akapú̠n, y xli̠­hua̠k hua̠nti̠ xta­si̠­tzi̠niy sta­lanca taúcxilhli.  
\v 13 Na̠ acxni­tiyá chú tzú­culh pu̠tzan­ka̠nán nac ca̠ti­yatni y caj xpa̠­la­cata la̠ta xta­chi­quima tíyat, la̠ta xli̠­lanca a̠má ca̠chi­quí̠n pu̠lac­cá̠hu xla­cata chiqui la̠ta talak­pon­ka­ko̠lh y talác­tilhli, y aktujún mi̠lh cris­tianos táni̠lh; pero hua̠nti̠ ni̠ táni̠lh y chu­nacú tata­mák­xtekli xas­tacná nac ca̠quilh­ta­macú, caj xpa̠­la­cata xta­pe̠­cuacán xlacán tzú­culh tala­ka­chix­cu­hui̠y Dios hua̠nti̠ hui­lachá nac akapú̠n. 
\p  
\v 14 Chuná u̠má ti̠tax­tu­ko̠lh xli̠­pu̠­lactiy lanca tapa̠tí̠n, pero timi­majcú xli̠­pu̠­lac­tutu. 
\s1 Xli̠kalhatujún ángel ma̠sa̠ni̠y xtrompeta 
\p  
\v 15 Acxni̠ lák­cha̠lh la̠ta xli̠­ka­lha­tujún ángel nama̠­sa̠ni̠y xtrom­peta, xlá ma̠sá̠­ni̠lh y takáx­matli pi̠ li̠lhu̠hua chiné palha xqui­lhuamá̠­calh nac akapú̠n: 
\q1 ¡Xli̠­ca̠na pi̠ caj xma̠n huá sacstu mini̠niy lanca tali̠­pa̠hu Quim­pu̠­chi­nacán Dios, na̠chuná Cristo hua̠nti̠ xta­lac­sacni 
\q1 nata­ma̠­pek­si̠nán nac ca̠quilh­ta­macú! 
\q1 Y chuná nalay porque xlacán cane̠c­xni­cahuá quilh­ta­macú xma̠n huá tama̠­pek­si̠­na­má̠­nalh nahuán. 
\m  
\v 16 Ama̠­ko̠lh puxa­ma­ta̠ti lak­ko̠­lu­tzi̠nni hua̠nti̠ na̠ tahui­lá̠­nalh nac xpu̠­ma̠­pek­si̠ncán nac xla­catí̠n Dios, pu̠tum tala­ka­ta­quilh­pú̠­talh, talí̠­cha̠lh xla­cancán hasta nac ca̠ti­yatni y tzú­culh tala­ka­chix­cu­hui̠y Dios,  
\v 17 y chiné xta­qui­lhuamá̠­nalh: 
\q1 Ca̠na cca̠­pa̠x­cat­ca­tzi̠­niyá̠n huix lanca tali̠­pa̠hu y lanca mila­ca­tzúcut quiDioscán, 
\q1 porque huix hua̠nti̠ chu­na­tiyá xlápa̠t y la̠ ca̠lacchú quilh­ta­macú chu­nacú lápa̠t, 
\q1 y la̠nchú aya tzu­cu­ni̠ta ma̠pek­si̠­nana chuná cumu la̠ mini̠­niyá̠n. 
\q1  
\v 18 Xli̠­hua̠k lac­lanca ma̠pek­si̠­naní̠n xalac lac­lanca ca̠chi­qui̠ní̠n li̠pe̠cua taquic­lhca­tza­má̠­nalh 
\q1 porque lak­cha̠ni̠t quilh­ta­macú la̠ta nama̠­si­yuya min­ta­si̠tzi, 
\q1 y naca̠­ma̠­pa̠­ti̠­ni̠ya hua̠nti̠ aya tani̠ni̠t; 
\q1 y naca̠­ma̠x­qui̠ya hua̠ntu̠ tica̠­ma̠­lac­nu̠ni a̠ma̠ko̠lh miakchu­hui̠­naní̠n hua̠nti̠ xta­lac­scuj­nimá̠n mim­pro­fetas, 
\q1 na̠chuná a̠ma̠ko̠lh hua̠nti̠ huix tata­pek­si̠­niyá̠n min­ca­maná̠n 
\q1 hua̠nti̠ taca̠c­ni̠­naniy min­ta­cu­huiní, 
\q1 chuná hua̠nti̠ lac­ta­li̠­pa̠hu xa̠hua hua̠nti̠ tata­siyuy pi̠ ni̠tu̠ xka­satcán; 
\q1 pero maktum naca̠­lac­tla­hua­ya̠­hua­ko̠ya hua̠nti̠ xta­ma̠­lak­tzan­ke̠­na­má̠­nalh nac ca̠quilh­ta­macú. 
\p  
\v 19 Caj xamaktum talá­qui̠lh xpu̠­si­culan Dios hua̠ntu̠ hui­lachá nac akapú̠n y nac xpu̠­lacni pu̠si­culan xta­siyuy pi̠ xta­nu̠­ma̠chá aktum ca̠xa xla oro y nac a̠má ca̠xa xta­ju̠ma a̠má xta­la­ca̠xlán Dios hua̠ntu̠ luu pu̠lh tica̠­ta̠t­lá­hualh cris­tianos xalac ca̠quilh­ta­macú. Acxni̠ chuná cuc­xilh­ko̠lh li̠pe̠cua tzú­culh mak­lipa y tzú­culh jiliy, li̠pe̠cua tzú­culh maca­sa̠nán la̠ta xta­chi­quima tíyat, na̠chuná tzú­culh min lanca si̠n xa̠hua lhu̠hua lac­lanca chéje̠t. 
\c 12  
\s1 Cha̠tum pusca̠t hua̠nti̠ ta̠la̠makasi̠tzi̠y tantum lanca tzutzoko dragón lu̠hua 
\p  
\v 1 Caj li̠puntzú cuc­xilhpá aktum lanca li̠cá̠cni̠t li̠la­ca­huá̠n nac akapú̠n: cha̠tum pusca̠t akmilij xli̠­lani̠t xtax­káket chi­chiní xta̠­chuná cumu lá̠m­para huá xli̠­lha­ka̠­nani̠t; nac xtantú̠n xlacya papá y nac xak­xa̠ka xacuí aktum corona hua̠ntu̠ xka­lhi̠y akcu̠tiy stacu.  
\v 2 Umá pusca̠t niaj sacstu xlama huata xlá xámaj ma̠la­ka­tun­cu­hui̠y cha̠tum actzu̠ cskata. Acxni̠ mak­lhcá­tzi̠lh pi̠ aya lak­cha̠ma quilh­ta­macú li̠pe̠cua tzú­culh tasaxni̠y caj la̠ta xca­tza­na­juama porque ni̠lay xuc­xilha quilh­ta­macú.  
\v 3 Na̠ acxni­tiyá cuc­xilhpá aktum­li̠túm lanca li̠cá̠cni̠t li̠la­ca­huá̠n, cúc­xilhli tantum qui­tzis­tancán cumu la̠ lanca tzu­tzoko lu̠hua hua̠ntu̠ hua­nicán dragón, aktujún xak­xa̠ka xka­lhi̠y y kan­cá̠hu xaka­lókot, y nac aka­tunu xak­xa̠ka xacuí aka­tunu corona.  
\v 4 Cstaján a̠má lanca tzu­tzoko dragón xuataácti̠lh pu̠lac­tutu xla­cata la̠ta tahui­lá̠­nalh stacu nac akapú̠n y antá pu̠tum ca̠ma­cá­chilh nac ca̠ti­yatni. Amá lanca tzu­tzoko lu̠hua tachó­kolh xma̠­la­ka­tancs antaní xmá a̠má pusca̠t hua̠nti̠ xma̠­la­ka­tun­cu­hui̠ma cskata, la̠qui̠ tuncán nala­ka­huay acxni̠ nala­ca­chín cskata.  
\v 5 Amá pusca̠t ma̠la­ka­tun­cú­hui̠lh cha̠tum actzu̠ kahuasa hua̠nti̠ nama̠­pek­si̠nán nac xli̠­ca̠­lanca ca̠quilh­ta­macú la̠tachá túcuya̠ lac­lanca ca̠chi­qui̠ní̠n tahui­lá̠­nalh, pero xlá tli­hueklh nahuili̠y xli̠­ma̠­peksí̠n cumu la̠ hua̠nti̠ xli̠­ca̠na ma̠pek­si̠ná. Pero a̠má pusca̠t mak­lhtí̠­calh xka­huasa y lé̠n­calh nac xla­catí̠n Dios antaní hui­lachá nac lanca xpu̠­ma̠­peksí̠n nac akapú̠n.  
\v 6 Huata pusca̠t xlá tzá­lalh nac desierto anta­nícu ni̠tícu anán, cha̠lh lacatum anta­nícu Dios chuná xca̠­xuili̠­nini̠t la̠qui̠ antá nama̠­hui̠cán hasta nati̠­taxtuy aktum mi̠lh aktiy cientu a̠tutum­puxam quilh­ta­macú. 
\p  
\v 7 Aca­li̠stá̠n cúc­xilhli pi̠ tzú­culh guerra nac akapú̠n, a̠má xapuxcu ángel Miguel xa̠hua xán­geles tzú­culh tata̠­ra̠t­la­huay a̠má lanca tzu­tzoko dragón lu̠hua xa̠hua xli̠­hua̠k hua̠nti̠ tata̠s­cuja, xlacán na̠ tzú­culh tata̠­la̠­la­ca­ta̠­qui̠y.  
\v 8 Pero ni̠lay tamaka­tlá­jalh a̠má xapuxcu ángel Miguel, huata xlá ta̠yá­nilh y maktum tla­kax­tu­canchá nac akapú̠n.  
\v 9 Amá lanca tzu­tzoko lu̠hua hua̠ntu̠ hua­nicán dragón, hua­tiyá a̠má akska­huiná lu̠hua hua̠ntu̠ maká̠n lama hua̠ntu̠ hua­nicán Diablo xa̠hua Akska­huiní, hua̠nti̠ xca̠ak­ska­huiy xli̠­hua̠k cris­tianos hua̠nti̠ tala­má̠­nalh nac ca̠quilh­ta­macú, pus xlá y xli̠­hua̠k xalak­tzanká̠n ángeles hua̠nti̠ xta­mak­ta̠yay, xlacán hua̠k antá ca̠ma­ca­chín­calh nac ca̠ti­yatni. 
\p  
\v 10 Na̠ acxni­tiyá ckáx­matli aktum tachu­huí̠n hua̠ntu̠ minchá nac akapú̠n: 
\q1 La̠nchú aya lak­cha̠ni̠t quilh­ta­macú la̠ta naka­lhi̠­yá̠hu xlak­táxtut lanca tali̠­pa̠hu quiDioscán, 
\q1 sta­lanca ma̠si­yuni̠t pi̠ xma̠n huá xlá hua̠nti̠ kalhi̠y lanca xla­ca­tzúcut y nama̠­pek­si̠nán, 
\q1 na̠ nata̠­ma̠­pek­si̠nán a̠má Cristo hua̠nti̠ xta­lac­sacni. 
\q1 Porque chú aya maktum tu̠ tla­kax­tu­cani̠t a̠má akska­huiní 
\q1 hua̠nti̠ xlianka­lhi̠ná quilh­ta­macú catu̠huá xca̠­li̠­ma̠­lak­si­yuma qui­na­ta̠­lancán. 
\q1 Tamá akska­huiní ne̠c­xnicú xli̠­jaxma ca̠tzi̠sní y ca̠cu­huiní catu̠hua xca̠­li̠­ya̠­huama nac xla­catí̠n Dios. 
\q1  
\v 11 Pero tama̠­ko̠lh qui­na­ta̠­lancán hua̠nti̠ aksti̠tum tati­la­tá­ma̠lh, xlacán huá tali̠­maka­tlá­jalh, 
\q1 porque xlacán huá xta­li̠­cha­kani̠t xkalhni Quim­pu̠­chi­nacán hua̠ntu̠ xlá staj­má­kalh nac cruz, 
\q1 y caj xpa̠­la­cata a̠má xta­chu­huí̠n Dios hua̠ntu̠ xlacán xta­liakchu­hui̠­nam­pu̠lay. 
\q1 Ni̠para tzinú tali̠­lak­lhpé̠­cualh para naca̠­mak­ni̠cán caj huá xpa̠­la­cata, 
\q1 huata aktum tacá­tzi̠lh ma̠squi huá caca̠­li̠­mak­ní̠­calh. 
\q1  
\v 12 ¡Pus ca̠mi­ni̠­niyá̠n capa̠­xu­huátit xli̠­hua̠k hui­xinín ángeles 
\q1 xa̠hua hua̠k hua̠nti̠ tahui­lá̠­nalh nac akapú̠n! 
\q1 ¡Pero pa̠x­ca­tacu tihua­ná̠tit hui­xinín cris­tianos hua̠nti̠ hui­látit nac ca̠ti­yatni, xa̠hua nac pupunú, 
\q1 porque cumu tamá akska­huiní catzi̠y pi̠ niaj maka̠s quilh­ta­macú la̠ta tila­majcú, 
\q1 pus luu li̠pe̠cua si̠tzi̠ni̠t ma̠squi ta̠c­ta­ni̠­tanchi nac ca̠ti­yatni! 
\p  
\v 13 Acxni̠ a̠má lanca tzu­tzoko lu̠hua hua̠ntu̠ hua­nicán dragón maklh­cá­tzi̠lh pi̠ xmaka­tla­ja­ca­ni̠­tanchá nac akapú̠n y xta­ma­ca̠c­ti̠­cani̠t hasta nac ca̠ti­yatni, nac ca̠ti­yatni tuncán tzú­culh putzas­ta̠lay a̠má pusca̠t hua̠nti̠ xma̠­la­ka­tun­cu­hui̠ni̠t actzu̠ cskata.  
\v 14 Pero a̠má pusca̠t kálhi̠lh lanca xpeke cumu la̠ xla picha̠hua la̠qui̠ tla̠n nakosa nac ca̠u̠ní̠n y naán tatze̠ka nac desierto anta­nícu xca̠x­tla­hua­nini̠t Dios y nama̠­hui̠cán y namak­ta­kalhcán aktutu ca̠ta a̠íta̠t, anta­nícu ni̠lay namaclay a̠má lanca tzu­tzoko dragón lu̠hua.  
\v 15 Xta­si̠tzi a̠má lanca tzu­tzoko lu̠hua quilh­táx­tulh lhu̠hua chú­chut la̠qui̠ nat­la­huay kantum kalh­tu̠­choko hua̠ntu̠ nama̠­mu̠xti̠y a̠má pusca̠t hua̠nti̠ xpu­tza­sta̠­lama.  
\v 16 Pero ca̠ti­yatni na̠ mak­tá̠­yalh a̠má pusca̠t porque xlá maktum takalh­pí­tzilh tíyat y antá lak­tzan­ka̠­ko̠lh a̠má chú­chut hua̠ntu̠ xquilh­tax­tuni̠t a̠má lanca dragón.  
\v 17 Caj xpa̠­la­cata hua̠ntu̠ qui̠­táx­tulh a̠má lanca dragón li̠huaca si̠tzí̠­nilh a̠má pusca̠t, huata alh ca̠la­ca­ta̠­qui̠y xli̠­hua̠k hua̠nti̠ xli̠­ta­la­ka­pasni, xli̠­hua̠k a̠ma̠ko̠lh cris­tianos hua̠nti̠ taca̠c­ni̠­naniy y taka­lha­kax­mata xli̠­ma̠­peksí̠n Dios, y aksti̠tum tali̠­la­má̠­nalh a̠má xta­chu­huí̠n Dios hua̠ntu̠ tiqui̠­li̠­chu­hui̠­nanchi Jesu­cristo.  
\v 18 Aca­li̠stá̠n a̠má lanca tzu­tzoko dragón lu̠hua antá ta̠yachá nac xquilhtú̠n pupunú. 
\c 13  
\s1 Tantiy laclanca li̠lakaputza quitzistancán 
\p  
\v 1 Aca­li̠stá̠n cuc­xilhpá pi̠ xta­cut­ma̠chi nac pupunú tantum li̠pe̠­cuánit qui­tzis­tancán, xka­lhi̠y aktujún xak­xa̠ka y kan­cá̠hu xaka­lókot. Nac kana­tunu xaka­lókot xka­lhi̠y aktum corona, y nac aka­tunu xak­xa̠ka xta­tzok­ta­hui­lani̠t lac­li̠xcáj­nit tachu­huí̠n hua̠ntu̠ xli̠­la­ca­ta̠­qui̠­má̠­calh y cala̠huá xquilh­cha̠­ni­má̠­calh Dios.  
\v 2 Umá lanca li̠la­ka­putza qui­tzis­tancán hua̠ntu̠ aquit cúc­xilhli, luu xta̠­chuná xta­siyuy cumu la̠ tantum lanca la̠páni̠t, pero xtan­tu̠ní̠n xta̠­chuná xta­siyuy cumu la̠ xla oso, y xquilhni xta­siyuy cumu la̠ xla león. Amá lanca tzu­tzoko dragón lu̠hua má̠x­qui̠lh xli̠t­li­hueke xa̠hua xli̠­ma̠­peksí̠n la̠qui̠ nama̠­pek­si̠nán.  
\v 3 Aktum xak­xa̠ka a̠má lanca qui­tzis­tancán xta­siyuy pi̠ li̠pe̠cua la̠ta xta­ka̠­hui̠ni̠t a̠huayu xámaj lakni̠y, pero caj xamaktum pác­snilh xta­ka̠­huí̠n y cris­tianos xalac ca̠quilh­ta­macú cacs tali̠­la­cáhua acxni̠ taúcxilhli pi̠ tat­lá̠n­ti̠lh, hasta lhu̠hua cris­tianos tzú­culh tali̠­pa̠­huán a̠má lanca li̠xcáj­nit qui­tzis­tancán.  
\v 4 Lhu̠hua hua̠nti̠ tala­ka­chix­cú­hui̠lh a̠má lanca tzu­tzoko lu̠hua porque huá má̠x­qui̠lh li̠t­li­hueke xa̠hua li̠ma̠­peksí̠n a̠má lanca qui­tzis­tancán; na̠chuná tala­ka­chix­cú­hui̠lh a̠má lanca qui­tzis­tancán, y chiné xta­huán: 
\p —Xli̠­ca̠na pi̠ ni̠ti̠ anán a̠tunu xli̠t­li­hueke cumu la̠ eé lanca qui­tzis­tancán, xa̠huachí ¿tícu cahuá tla̠n nala­ca­ta̠­qui̠y? 
\p  
\v 5 Na̠ ma̠x­quí̠­calh quilh­ta­macú xa̠hua li̠t­li­hueke a̠má lanca qui­tzis­tancán xla­cata pi̠ tla̠n li̠xcáj­nit cali̠­kalh­chu­huí̠­nalh y cata̠­la̠­la­ca­tá̠­qui̠lh Dios, y la̠qui̠ na̠ tla̠n cama̠­pek­sí̠­nalh hasta ti̠pu­xa­matiy papá.  
\v 6 Cumu ma̠x­quí̠­calh li̠ma̠­peksí̠n xli̠­ca̠na pi̠ chuná li̠xcáj­nit y cala̠huá li̠kalh­chu­huí̠­nalh Dios, cala̠huá y catu̠huá hua̠ntu̠ li̠la­ca­tá̠­qui̠lh, na̠chuná li̠­xcájnit la̠ta ca̠li̠­kalh­chu­huí̠­nalh xpu̠­sa̠ntu xa̠hua a̠ma̠ko̠lh cris­tianos hua̠nti̠ tahui­la̠­nanchá nac akapú̠n.  
\v 7 Na̠ ma̠x­quí̠­calh quilh­ta­macú xla­cata pi̠ caca̠t­lá­hualh guerra a̠ma̠ko̠lh cris­tianos hua̠nti̠ tali̠­pa̠­huán Dios y caca̠­maka­tlá­jalh, xa̠huachí na̠ ma̠x­quí̠­calh quilh­ta­macú caca̠akchí­palh xli̠­hua̠k cris­tianos xalac ca̠quilh­ta­macú la̠tachá nícu xalaní̠n, y túcuya̠ tachu­huí̠n tali̠­chu­hui̠nán.  
\v 8 Ma̠squi xli̠­hua̠k cris­tianos xala ca̠quilh­ta­macú tzú­culh tali̠­pa̠­huán y tala­ka­chix­cu­hui̠y a̠má lanca li̠­xcájnit qui­tzis­tancán, pero ni̠chuná tat­lá­hualh hua̠nti̠ xta­li̠­pa̠­huán Dios, hua̠nti̠ hasta la̠ta ni̠a̠ xma̠­la­ca­tzu­qui̠cán ca̠quilh­ta­macú xta­tzok­ta­hui­la­ni̠ttá xta­cu­hui­nicán nac a̠má xala­táma̠t libro hua̠ntu̠ kalhi̠y xBorrego Dios hua̠nti̠ xokó̠­nulh quin­ta­la̠­ka­lhí̠ncán. 
\p  
\v 9 Hui­xinín hua̠nti̠ kalhi̠­yá̠tit min­ta­ke̠ncán, caaka­tá̠k­stit hua̠ntu̠ cca̠­hua­nimá̠n: 
\q1  
\v 10 Hua̠nti̠ antiyá lak­chá̠n pi̠ naca̠­chi̠­le̠ncán, 
\q1 xli̠­ca̠na pi̠ naca̠­chi̠­le̠ncán; 
\q1 y hua̠nti̠ antiyá lak­chá̠n pi̠ naca̠­mak­ni̠cán, 
\q1 xli̠­ca̠na pi̠ naca̠­mak­ni̠cán. 
\m Pero hua̠nti̠ xli̠­ca̠na tata­pek­si̠niy Dios y tali̠­pa̠­huán, tala­cas­quín pi̠ nata­ka­lhi̠y li̠ca­mama ni̠tu̠ nata­ta­xlaj­uani̠y y chu­na­tiyá nata­li̠­pa̠­huán Quim­pu̠­chi­nacán. 
\p  
\v 11 Aca­li̠stá̠n cuc­xilhpá tantum túnuj qui­tzis­tancán hua̠ntu̠ xta̠c­xtu­ma̠chi nac tíyat, u̠má li̠xcáj­nit qui­tzis­tancán xka­lhi̠y kantiy xaka­lókot hua̠ntu̠ xta̠­chuná xta­siyuy cumu la̠ xla bor­rego, pero acxni̠ chu­hui̠nán xta̠­chuná xli̠­pix­cha̠­lanca xchu­hui̠nán cumu la̠ xchu­hui̠nán a̠má lanca li̠xcáj­nit dragón lu̠hua.  
\v 12 Xa̠huachí cumu na̠ xta̠­chuná xka­lhi̠y xli̠t­li­hueke xa̠hua xli̠­ma̠­peksí̠n cumu la̠ hua̠ntu̠ xka­lhi̠y a̠má xapu̠lh qui­tzis­tancán, huá xpa̠­la­cata tla̠n juerzaj ca̠ma̠­lac­pu­huá̠­ni̠lh cris­tianos hua̠nti̠ tala­má̠­nalh nac ca̠quilh­ta­macú xla­cata pi̠ cata­la­ka­chix­cú­hui̠lh a̠má xapu̠lh lanca qui­tzis­tancán hua̠nti̠ pác­snilh a̠má lanca xta­ka̠­huí̠n hua̠ntu̠ xámaj lakni̠y.  
\v 13 Xa̠huachí xca̠t­la­huay lac­lanca li̠cá̠cni̠t ta­scújut hua̠ntu̠ xca̠­li̠­ma̠­la­ca­hua̠ni̠y cris­tianos, xlá tla̠n xta­ma­cac­ti̠­ya̠chi lhcúya̠t nac akapú̠n hasta nac ca̠ti­yatni nac xla­ca­ti̠ncán.  
\v 14 Caj huá xpa̠­la­cata u̠má lac­lanca li̠cá̠cni̠t ta­scújut hua̠ntu̠ xlá xma̠x­qui̠­cani̠t li̠t­li­hueke nat­la­huay chuná la̠n ca̠liak­ska­huí­mi̠lh cris­tianos xalac ca̠quilh­ta­macú, hasta ca̠ma̠t­lá­hui̠lh aktum lanca tzincun hua̠ntu̠ xta̠­chuná xta­siyuy cumu la̠ a̠má xapu̠lh li̠xcáj­nit qui­tzis­tancán hua̠nti̠ xli̠­ma̠­ta­ka̠­hui̠­cani̠t espada y ma̠squi xli̠­lákni̠t xuani̠t pero xlá chu­nacú xlama xas­tacná.  
\v 15 Umá xli̠­tantiy qui­tzis­tancán ma̠x­quí̠­calh li̠t­li­hueke la̠qui̠ nama̠s­ta­cuani̠y y naka­lhi̠y latáma̠t a̠má lanca xtzincun a̠má xapu̠lh li̠xcáj­nit qui­tzis­tancán, la̠qui̠ xlá ma̠n nachu­hui̠nán y nali̠­ma̠­pek­si̠nán pi̠ caca̠­mak­ní̠­calh xli̠­hua̠k a̠ma̠ko̠lh cris­tianos hua̠nti̠ ni̠ nata­la­ka­chix­cu­hui̠y.  
\v 16 Xa̠huachí li̠ma̠­pek­sí̠­nalh pi̠ xli̠­hua̠k cris­tianos hua̠nti̠ lac­ta­li̠­pa̠hu xa̠hua hua̠nti̠ ni̠tu̠ xka­satcán, hua̠nti̠ lac­rrico xa̠hua hua̠nti̠ lac­pobre, hua̠nti̠ cumu la̠ tachí̠n ca̠ma̠s­cu­ju­má̠­calh o hua̠nti̠ ca̠la­kuá̠n tala­má̠­nalh, hua̠k caca̠­hui­li̠­ní­calh nac xmac­xpa̠ncán osuchí nac xmu̠x­ti̠ncán aktum sello hua̠ntu̠ naca̠­li̠­la­ka­pascán.  
\v 17 Y ni̠para cha̠tum tícu tla̠n nata­ma̠­huanán o nas­ta̠nán para ni̠ li̠mar­car­tla­hua­cani̠t nac xmu̠xtí̠n xta­cu­huiní osuchí xanú­mero a̠má lanca li̠xcáj­nit qui­tzis­tancán. 
\p  
\v 18 Para xla­cata tla̠n naaka­ta̠k­sá̠tit hua̠ntu̠ cca̠­hua­nimá̠n tala­cas­quín li̠s­ka­lala, pus hua̠nti̠ lac­pu­huán pi̠ aka­ta̠ksma u̠má tachu­huí̠n caucxilh­la­cás­tucli la̠cu qui̠­taxtuy xanú­mero a̠má li̠xcáj­nit qui­tzis­tancán, porque xata­pu̠t­lekén tax­tu­ya̠chá xta­cu­huiní cha̠tum chixcú. Huá u̠má número hua̠ntu̠ tax­tu­ya̠chá: akcha̠xán cientu a̠tutum­pu­xa­ma­cha̠xán. 
\c 14  
\s1 Xtaquilhtli̠ncán 144,000 cristianos 
\p  
\v 1 Aca­li̠stá̠n cuc­xilhpá a̠má hua̠nti̠ li̠taxtuy xBorrego Dios, antá xlá xyá nac a̠má ke̠stí̠n hua̠ntu̠ hua­nicán Sión. Antá lac­xtum xta­ta̠­yá̠­nalh aktum cientu a̠ti̠pu­xa­ma­ta̠ti mi̠lh cris­tianos hua̠nti̠ nac xmu̠x­ti̠ncán xca̠­tzo­kuili̠­ni­cani̠t xta­cu­huiní a̠má xBorrego Dios xa̠hua xta­cu­huiní xtla̠t.  
\v 2 Aca­li̠stá̠n xta­kax­mata cumu la̠ maca­sa̠nán anta­nícu xuástat tamo­kosa lhu̠hua chú­chut, osuchí cumu la̠ takax­mata acxni̠ li̠pe̠cua tzucuy jiliy; na̠chuná xta­kax­mata cumu lá̠m­para lhu̠hua tlak­naní̠n hua̠nti̠ xtat­lak­má̠­nalh xli̠t­lak­nicán hua̠ntu̠ hua­nicán arpa.  
\v 3 Nac xla­catí̠n Dios anta­nícu xlá xuí nac lanca xlac­tá­hui̠lh xa̠hua nac xla­ca­ti̠ncán a̠ma̠ko̠lh kalha­ta̠ti ángeles hua̠nti̠ la̠ taka­lhí̠n xta­siyuy, xa̠hua nac xla­ca­ti̠ncán a̠ma̠ko̠lh puxa­ma­ta̠ti lak­ko̠­lu­tzí̠n, xlacán xta­li̠­quilh­tli̠­má̠­nalh aktum xasa̠sti taquilh­tlí̠n, pero ni̠para cha̠tum tícu tla̠n xta­ca­tzi̠niy a̠má taquilh­tlí̠n caj xma̠n a̠ma̠ko̠lh aktum cientu a̠ti̠pu­xa­ma­ta̠ti mi̠lh xata­lac­sacni cris­tianos tla̠n xta­li̠­quilh­tli̠y hua̠nti̠ xca̠­lak­ma̠x­tu­cani̠t nac ca̠quilh­ta­macú.  
\v 4 Hua­tuní̠n u̠ma̠ko̠lh cris­tianos hua̠nti̠ ne̠c­xnicú tata̠­ta­lak­xtu­mi̠ni̠t ni̠para cha̠tum pusca̠t, huata caj xma̠n huá aksti̠tum xta­li̠­pa̠­huán Cristo, huá xpa̠­la­cata ca̠li̠­mi­ni̠niy nata­sta̠­laniy la̠tachá nícu xlá naán. Hua­tuní̠n u̠ma̠ko̠lh cris­tianos hua̠nti̠ pu̠lh ca̠lak­ma̠x­tu­cani̠t ca̠lac­sac­xtu­cani̠t nac xlak­sti̠­pa̠ncán cris­tianos xalac ca̠quilh­ta­macú xpa̠­la­cata pi̠ nali̠­la­ka­chix­cu­hui̠cán Dios xa̠hua xBorrego.  
\v 5 Uma̠­kó̠lh cris­tianos ne̠c­xnicú ca̠mac­la­ní­calh para xta­li̠­chu­huí̠­nalh xquilh­nicán taaksaní̠n, porque xli̠­ca̠na pi̠ luu xma̠n aksti̠tum xta­la­má̠­nalh. 
\s1 Xtachuhui̠ncán kalhatutu ángeles 
\p  
\v 6 Aca­li̠stá̠n cuc­xilhpá cha̠tum ángel hua̠nti̠ xkosma ta̠lhmá̠n nac ca̠u̠ní̠n, xlá xle̠ma aktum xatlá̠n xta­chu­huí̠n Dios hua̠ntu̠ ma̠sta̠y latáma̠t cane̠c­xni­cahuá quilh­ta­macú, xla­cata naca̠­li̠­ma̠­kalh­chu­hui̠ni̠y xli̠­hua̠k cris­tianos hua̠nti̠ tahui­lá̠­nalh nac xli̠­ca̠­lanca ca̠quilh­ta­macú, la̠tachá túcuya̠ tachu­huí̠n tali̠­chu­hui̠nán y la̠tachá túcu ca̠chi­quí̠n.  
\v 7 Y xli̠­hua̠k xliaka­pix­tli­hueke chiné xqui­lhuama: 
\p —Caca̠c­ni̠­na­nítit y cala­ka­chix­cu­huí̠tit Dios hua̠nti̠ lanca xla­ca­tzúcut, porque chú aya lak­cha̠ni̠t quilh­ta­macú la̠ta naca̠­ma̠­xo­ko̠ni̠y xli̠­hua̠k cris­tianos. Xma̠n huá cala­ka­chix­cu­huí̠tit la̠nca tali̠­pa̠hu Dios hua̠nti̠ ma̠la­ca­tzu­qui̠ni̠t ca̠quilh­ta­macú, akapú̠n, pupunú y xli̠­hua̠k lactzu̠ musni hua̠ntu̠ anán. 
\p  
\v 8 Aca­li̠stá̠n cuc­xilhpá pi̠ csta̠­la­ni­ti̠­lhay cha̠­tum­li̠túm ángel hua̠nti̠ chiné xqui­lhuama: 
\p —¡Aya lac­la­tá̠­yalh, xli̠­ca̠na pi̠ aya lak­tzan­ka̠­ta̠­ya­ko̠lh tamá lanca ca̠chi­quí̠n hua­nicán Babi­lonia, a̠má ca̠chi­quí̠n hua̠ntu̠ li̠táx­tulh cumu la̠ cha̠tum laka­huiti pusca̠t hua̠nti̠ ca̠li̠ak­ska­huí­mi̠lh cris­tianos xalac ca̠quilh­ta­macú pi̠ hua̠k chuná catat­lá­hualh li̠xcáj­nit tala̠­ka­lhí̠n chuná cumu la̠ antá tla­huacán hua̠ntu̠ ma̠lak­tzan­ke̠nán! 
\p  
\v 9 Aca­li̠stá̠n cuc­xilhpá xli̠­ka­lha­tutu ángel hua̠nti̠ na̠ xli̠­hua̠k xliaka­pix­tli­hueke chiné xqui­lhuama: 
\p —Para tícuya̠ cris­tianos huata huá nala­ka­chix­cu­hui̠y a̠má li̠xcáj­nit qui­tzis­tancán, osuchí xtzincun hua̠ntu̠ tla­hua­ní­calh, o para nata­ma̠sta̠y namu̠x­ti̠lh­ca̠­hui­li̠cán xta­cu­huiní tamá qui­tzis­tancán osuchí nac xmac­xpá̠n.  
\v 10 Juerza namaklh­ca­tzi̠y xli̠­hua̠k xta­si̠tzi Dios hua̠ntu̠ xlá naca̠­li̠­ma̠­pa̠­ti̠ni̠y xli̠­hua̠k hua̠nti̠ tama­ka­si̠­tzi̠y, hua̠nti̠ chuná naca̠­lak­chá̠n naca̠­li̠­ma̠­pa̠­ti̠­ni̠cán lhcúya̠t xa̠hua azufre hua̠ntu̠ lhcuma, nac xla­ca­ti̠ncán a̠ma̠ko̠lh xata­lac­sacni xán­geles Dios xa̠hua Cristo hua̠nti̠ li̠taxtuy xBorrego.  
\v 11 Amá lhcúya̠t hua̠ntu̠ naca̠­li̠­ma̠­pa̠­ti̠­ni̠cán ne̠c­xnicú lak­mixa chu­na­tiyá pasámaj nahuán cane̠c­xni­cahuá quilh­ta­macú, y hua̠nti̠ naca̠­ma̠­pa̠­ti̠­ni̠cán cane̠c­xni­cahuá quilh­ta­macú tapa̠­ti̠­na­má̠­nalh nahuán, porque xta­la­ka­chix­cu­hui̠y xtzincun osuchí xas­tacná a̠má li̠xcáj­nit qui­tzis­tancán, xlacán ne̠c­xnicú cati­ca̠­ma̠­ja­xá­calh chu­na­tiyá ca̠ma̠­pa̠­ti̠­ni̠­má̠­calh nahuán, xa̠hua a̠ma̠ko̠lh hua̠nti̠ nata­ta­ma̠sta̠y caca̠­mu̠x­ti̠lh­ca̠­hui­lí̠­calh nac xmu̠x­ti̠ncán osuchí nac xmac­xpa̠ncán xtu­cu­huiní a̠má li̠xcáj­nit qui­tzis­tancán. 
\p  
\v 12 Huá xpa̠­la­cata xli̠­hua̠k hua̠nti̠ aktum taca­tzi̠y pi̠ xma̠n huá Dios nata­ta­pek­si̠niy y nata­ma̠­kan­taxti̠y xta­pu­huá̠n, xa̠hua aksti̠tum nata­li̠­pa̠­huán Jesús, xlacán tamac­la­cas­qui­má̠­nalh lanca li̠ca­mama xa̠hua li̠t­li­hueke. 
\p  
\v 13 Na̠ acxni­tiyá ckáx­matli aktum tachu­huí̠n hua̠ntu̠ minchá nac akapú̠n, chiné qui­huá­nilh: 
\p —Hua̠k catzokti u̠má tachu­huí̠n hua̠ntu̠ nakax­pata: “Ca̠na li̠pa̠­xúhu naqui̠­tax­tuniy a̠má cris­tiano hua̠nti̠ acxni̠ nani̠y la̠tiyá li̠pa̠­huama nahuán Quim­pu̠­chi­nacán.” 
\p —Xli̠­ca̠na pi̠ chuná —huan xEspíritu Dios—, porque xlacán mak­tumá tu̠ nata­jaxa y niaj tu̠ cati­ca̠­li̠­ma̠s­cu­jú­calh, porque xlianka­lhi̠ná ca̠pa̠­la­ca­chu­hui̠­nama nahuán hua̠ntu̠ lacuán xtas­cu­jutcán tatit­la­huani̠t nahuán. 
\s1 Lácu naqui̠taxtuy acxni̠ Dios naca̠ma̠xoko̠ni̠y cristianos 
\p  
\v 14 Acxni̠ cta­la­ca­yá̠­hualh, cúc­xilhli pi̠ xla­huaca sna­papa puc­lhni, y nac xlacni puc­lhni xuí cha̠tum hua̠nti̠ xta̠­chuná xta­siyuy cumu la̠ cris­tiano. Nac xak­xa̠ka xacuí aktum corona xla oro, y xchi­pani̠t aktum sta­ca­caxní̠n xli̠­chu­cucán séket hua̠ntu̠ xta̠­chuná cumu la̠ ma̠chi̠ta hua­nicán hoz.  
\v 15 Cuc­xilhpá pi̠ tax­tuchá nac xpu̠­si­culan Dios cha̠­tum­li̠túm ángel hua̠nti̠ xliaka­pix­tli­hueke chiné xqui­lha­nima a̠má hua̠nti̠ xuí nac xlacni puc­lhni: 
\p —Catu̠x­ca̠ni, cama̠s­cuju mili̠s­cujni, porque chú aya lak­cha̠ni̠t quilh­ta­macú la̠ta natzu­cuya chu­cuya xacatla tachaná̠n, aya lak­cha̠ni̠t la̠ta natzu­cu­yá̠hu xka̠­na­ná̠hu. 
\p  
\v 16 Amá hua̠nti̠ xuilachá nac xlacni puc­lhni, xlá tzú­culh ma̠s­cujuy xli̠s­cujni nac ca̠ti­yatni y tzú­culh ma̠mac­xtumi̠y hua̠ntu̠ aya xla­na̠­nani̠t nac ca̠quilh­ta­macú. 
\p  
\v 17 Aca­li̠stá̠n cuc­xilhpá pi̠ tax­tupá cha̠tum ángel nac xpu̠­si­culan Dios hua̠ntu̠ hui­lachá nac akapú̠n, xlá na̠chuná xchi­pa­ti̠­lhay aktum li̠s­cujni cumu la̠ sta­ca­caxní̠n xma̠­chi̠ta.  
\v 18 Y antiyá nac xpu̠­si­culan Dios tax­tuchi cha̠­tum­li̠túm ángel hua̠nti̠ kalhi̠y lanca li̠ma̠­peksí̠n y li̠ma̠­lak­tzan­ke̠nán lhcúya̠t, y xliaka­pix­tli­hueke chiné huá­nilh hua̠nti̠ xchi­pani̠t xas­ta­ca­caxní̠n xma̠­chi̠ta: 
\p —La̠li̠­huán cama̠s­cuju mima̠­chi̠ta y cacá̠­ca̠cti mus­lhu̠hua tama­kalán xla uva xala ca̠quilh­ta­macú, porque chú aya lak­cha̠ni̠t quilh­ta­macú la̠ta naca̠­ca̠­yá̠hu porque la̠n tacha̠­ni̠ttá. 
\p  
\v 19 Ama̠ ángel tzú­culh ma̠s­cujuy xma̠­chi̠ta nac xok­spú̠n ca̠ti­yatni, y xli̠­hua̠k anta­nícu xlac­cha̠­ta̠­yama uvas xlá cá̠ca̠lh xamu­sa­tunu, y mac­xtum ca̠huí­li̠lh anta­nícu huí lanca pu̠chitni la̠qui̠ mac­xtum nalak­chitcán. Huá u̠má laca­tancs li̠ma̠­si­yu­putún lácu Dios naca̠­ma̠­pa̠­ti̠ni̠y xli̠­hua̠k cris­tianos xalac ca̠quilh­ta­macú.  
\v 20 Ama̠­ko̠lh uvas hua̠ntu̠ ca̠ma̠­mac­xtu­mí̠­calh, mákat la̠ta nac xaqui­lhapá̠n ca̠chi­quí̠n antá tzu­cú­calh ca̠lak­chitcán; y nac pu̠chitni tzú­culh taxtuy lhu̠hua kalhni, y la̠ta xli̠­pu̠lhmá̠n xqui̠­tax­tuma ma̠x xcha̠n nac xkalh­tzán tantum cahua̠yu, y la̠ta xli̠­kalh­lanca anta­nícu chuná tamá­kalh kalhni ma̠x cumu aktutu cientu kiló­metro. 
\c 15  
\s1 Kalhatujún ángeles hua̠nti̠ xtali̠mimá̠nalh a̠huatá pu̠lactujún tapa̠tí̠n 
\p  
\v 1 Aca­li̠stá̠n cuc­xilhpá aktum lanca li̠cá̠cni̠t li̠la­ca­huá̠n nac akapú̠n: cca̠úcxilhli kalha­tujún ángeles hua̠nti̠ xta­li̠­mi­má̠­nalh pu̠lac­tujún a̠huatá ti̠pa̠­katzi tapa̠tí̠n hua̠ntu̠ xámaj li̠akas­puta xta­si̠tzi Dios. 
\p  
\v 2 Na̠ cuc­xilhpá li̠la­káti̠t sta­lanca pupunú xta̠­chuná cumu la̠ espejo, a̠má chú­chut xalac pupunú hui­lhaj xta̠­lani̠t lhcúya̠t. Nac xquilhtú̠n a̠má lanca pupunú antá pu̠tum xta­yá̠­nalh a̠ma̠ko̠lh cris­tianos hua̠nti̠ xta­maka­tla­jani̠t xta­la­ca­pa̠s­tacni a̠má li̠xcáj­nit qui­tzis­tancán y ni̠ tala­ka­chix­cú­hui̠lh xtzincun, u̠ma̠ko̠lh cris­tianos xta­chi­pani̠t aka­tunu xli̠t­lak­nicán hua̠ntu̠ Dios xca̠­ma̠x­qui̠ni̠t.  
\v 3 Xta­li̠­quilh­tli̠­má̠­nalh xta­quilh­tlí̠n Moisés hua̠nti̠ li̠táx­tulh lanca xlac­scujni Dios, xa̠hua xta­quilh­tlí̠n Cristo hua̠nti̠ li̠taxtuy xBorrego. Chiné xta­qui­lhuamá̠­nalh: 
\q1 Xli̠­ca̠na pi̠ luu lanca li̠cá̠cni̠t xli̠­hua̠k hua̠ntu̠ tla­hua­ni̠ta, 
\q1 porque huix a̠má lanca tali̠­pa̠hu Dios hua̠nti̠ lanca xla­ca­tzúcut. 
\q1 Xli̠­hua̠k min­ta­la­ca­pa̠s­tacni hua̠k aksti̠tum y hua̠ntu̠ huana hua̠k xta­lu­lóktat, 
\q1 xli̠­ca̠na pi̠ huix a̠má lanca tali̠­pa̠hu quiReycán y ni̠ti̠ anán a̠cha̠tum rey hua̠nti̠ tla̠n ta̠ta­la­cas­tucá̠n. 
\q1  
\v 4 Ni̠para cha̠tum tícu anán para ni̠ laca­pe̠­cuaniyá̠n porque huix Quim­pu̠­chi­nacán hua̠nti̠ qui­li̠­la­ka­chix­cu­hui̠tcán. 
\q1 Xma̠n huix me̠cstu lápa̠t hua̠nti̠ xli̠­ca̠na siculan y aksti̠tum min­ta­la­ca­pa̠s­tacni. 
\q1 Xli̠­hua̠k lac­lanca ca̠chi­qui̠ní̠n nata­miná̠n tala­ka­chix­cu­hui̠yá̠n, 
\q1 porque xli̠­hua̠k cris­tianos taucxilhní̠t lacu aksti̠tum kalhi̠ya min­tas­tac­yá̠hu xa̠hua mili̠­ma̠­peksí̠n. 
\p  
\v 5 Aca­li̠stá̠n cuc­xilhpá nac akapú̠n y antá tasí­yulh lácu talá­qui̠lh xpu̠­si­culan Dios anta­nícu ca̠ma̠­qui̠­cani̠t a̠má xamaká̠n tala­ca̠xlán hua̠ntu̠ Dios xca̠­ta̠t­la­huani̠t cris­tianos.  
\v 6 Antá nac xpu̠­si­culan Dios tatax­tuchi a̠ma̠ko̠lh kalha­tujún ángeles hua̠nti̠ xta­li̠­mi­má̠­nalh pu̠lac­tujún tapa̠tí̠n. Uma̠­kó̠lh ángeles xta­li̠­lha­ka̠­nani̠t lak­li̠­la­káti̠t y lak­sna­papán lháka̠t hua̠k xla xatlá̠n lino y xta­tam­pu̠­la­kuilá̠­nalh cin­turón xla oro hua̠ntu̠ hasta nac xcux­mu̠ncán xca̠­cha̠niy.  
\v 7 Ama̠­ko̠lh kalha­ta̠ti ángeles hua̠nti̠ tata­siyuy cumu la̠ taka­lhí̠n, cha̠tum tax­tuchá hua̠nti̠ ca̠má̠x­qui̠lh a̠ma̠ko̠lh kalha­tujún ángeles pa̠tunu copa xla oro, antá stap xta­ju̠ma xli̠­hua̠k xta­si̠tzi lanca tali̠­pa̠hu Dios hua̠nti̠ cane̠c­xni­cahuá quilh­ta­macú lama.  
\v 8 Y nac xpu̠­si­culan Dios akmilij tánu̠lh lhu̠hua jini hua̠ntu̠ sta­lanca li̠ta­siyuy pi̠ lanca xla­ca­tzúcut Dios, y ni̠para cha̠tum tícu antá tla̠n xtanu̠y sinoque hasta acxni̠ aya ti̠tax­tu­ko̠ni̠t nahuán a̠má lac­lanca tapa̠tí̠n hua̠ntu̠ xta­li̠mín a̠ma̠ko̠lh kalha­tujún ángeles. 
\c 16  
\s1 Pa̠tujún copa anta nícu xtataju̠má̠nalh pu̠lactujún ti̠pa̠katzi tapa̠tí̠n 
\p  
\v 1 Caj li̠punchú ckáx­matli pi̠ tax­tuchi aktum palha tachu­huí̠n nac xpu̠­si­culan Dios y chiné xca̠­hua­nima a̠ma̠ko̠lh kalha­tujún ángeles: 
\p —La̠li̠­huán capim­pítit nac ca̠quilh­ta­macú y antá nac ca̠ti­yatni caqui̠ak­xte­ke­ma­kántit tamá lac­lanca tapa̠tí̠n hua̠ntu̠ tata­ju̠­má̠­nalh nac pa̠tunu copas hua̠ntu̠ Dios ca̠lak­ma­ca̠ma cris­tianos. 
\p  
\v 2 Pú̠lalh cha̠tum ángel y antá nac ca̠ti­yatni qui̠ak­xte­ke­má­kalh hua̠ntu̠ xta­ju̠ma nac xcopa; y xli̠­hua̠k a̠ma̠ko̠lh cris­tianos hua̠nti̠ xta­ta­ma̠s­ta̠ni̠t caca̠lh­ca̠­hui­li̠­ní­calh xta­cu­huiní a̠má lanca li̠xcáj­nit qui­tzis­tancán osuchí hua̠nti̠ xta­la­ka­chix­cu­hui̠y xtzincun, ca̠tax­tu­níchi aktum li̠xcáj­nit tzitzi pero li̠pe̠cua xca­tzán. 
\p  
\v 3 Mim­pa­rachá xli̠­cha̠tiy ángel xlá na̠chuná akxte­ke­má­kalh hua̠ntu̠ xta­ju̠ma nac xcopa nac pupunú, xli̠­hua̠k chú­chut xalac pupunú kalhni huan­ko̠lh, xta̠­chuná xta­siyuy cumu la̠ xkalhni cha̠tum chixcú hua̠nti̠ mak­ni̠cán, y hua̠k ni̠lh hua̠ntu̠ xanán nac pupunú. 
\p  
\v 4 Xli̠­ka­lha­tutu ángel akxte­ke­má­ju̠lh hua̠ntu̠ xta­ju̠ma nac xcopa nac xli̠­hua̠k kalh­tu̠­choko xa̠hua nac musni, y xli̠­hua̠k chú­chut xalac kalh­tu̠­choko y xalac musni hua̠k kalhni huan­ko̠lh.  
\v 5 Na̠ acxni­tiyá ckáx­matli pi̠ a̠má ángel hua̠nti̠ ca̠mak­ta­kalha xli̠­hua̠k chú­chut chiné huá: 
\q1 Quim­pu̠­chi­nacán, xma̠n huix me̠cstu lápa̠t hua̠nti̠ xli̠­ca̠na siculan y aksti̠tum min­ta­la­ca­pa̠s­tacni, 
\q1 xli̠­ca̠na pi̠ hua̠ntu̠ aksti̠tum ca̠ma̠­ka­lha­pa­li̠ya hua̠nti̠ hui̠ntú talac­le̠­niyá̠n, 
\q1 hasta la̠ta xamaká̠n quilh­ta­macú huix chu­na­tiyá xlápa̠t y chu­na­tiyá lápa̠t la̠ ca̠lacchú quilh­ta­macú. 
\q1  
\v 6 Chuná ca̠mi­ni̠niy la̠ta ca̠ma̠­pa̠­ti̠­ní̠pa̠t cumu xlacán na̠chuná tamaka­pa̠­tí̠­nalh y hasta tamak­ni̠­nan­kolh 
\q1 a̠ma̠ko̠lh cris­tianos hua̠nti̠ huix xca̠­lac­sac­ni̠ta la̠qui̠ nata­li̠­pa̠­huaná̠n, 
\q1 na̠chuná tat­la­huá­nilh a̠ma̠ko̠lh pro­fetas hua̠nti̠ xta­liakchu­hui̠­naná̠n. 
\q1 La̠nchú huix na̠chuná ca̠li̠­ma̠­pa̠­ti̠­ní̠pa̠t y ca̠ma̠ucxilh­ní̠pa̠t lhu̠hua kalhni. 
\q1 ¡Xli̠­ca̠na pi̠ luu chuná ca̠mi­ni̠niy! 
\p  
\v 7 Na̠ ckáx­matli pi̠ minchá tachu­huí̠n nac xaltar Dios, chiné xquilh­uamá̠­calh: 
\p —Xli̠­cána pi̠ huix Dios hua̠nti̠ lanca mila­ca­tzúcut y xpu̠­chiná hua̠k la̠ta túcu anán, xli̠­ca̠na pi̠ aksti̠tum ca̠ma̠­xo­ko̠­ni̠ya hua̠nti̠ tama­ka­li̠­pu­hua­ni̠tán. 
\p  
\v 8 Mim­pa­rachá xli̠­ka­lha­ta̠ti ángel y nac xlacán chi­chiní akxte­ke­má­kalh hua̠ntu̠ xta­ju̠ma nac xcopa, a̠má chi­chiní kálhi̠lh li̠t­li­hueke xla­cata naca̠­ma̠­chi­chi̠y y hasta naca̠lh­cuyuy cris­tianos xalac ca̠ti­yatni.  
\v 9 Xli̠­hua̠k cris­tianos li̠xcáj­nit tata­sí­yulh la̠ta tachí­chilh, pero ma̠squi chuná ca̠ak­spú­lalh, xlacán ni̠para tzinú xta­li̠­púhua y ni̠para tala­ka­chix­cú­hui̠lh Dios huata caj cala̠huá y lac­li̠xcáj­nit tachu­huí̠n tzú­culh tali̠­la­ca­ta̠­qui̠y Dios hua̠nti̠ tla̠n ca̠ma̠­peksi̠y u̠ma̠ko̠lh tapa̠tí̠n hua̠ntu̠ mima. 
\p  
\v 10 Xli̠­ka­lha­qui­tzis ángel akxte­ke­má­kalh hua̠ntu̠ xta­ju̠ma nac xcopa anta­nícu xuí xpu̠­ma̠­peksí̠n a̠má lanca li̠xcáj­nit qui­tzis­tancán, y xli̠­hua̠k anta­nícu xlá xma̠­pek­si̠nán laka­ca̠­puc­suanan­ko̠lh. Cris­tianos hua̠nti̠ antá xta­mak­ta­peksi̠y hasta tzú­culh talac­xcay csi̠­ma­ka̠tcán caj la̠ta li̠pe̠cua xta­pa̠­ti̠­na­má̠­nalh.  
\v 11 Pero ni̠para huá tali̠­mák­xtekli xla­cata niaj natat­la­huay hua̠ntu̠ li̠xcáj­nit, huata caj xpa̠­la­cata xta­pa̠­ti̠ncán hua̠ntu̠ xta­maklh­ca­tzi̠­má̠­nalh li̠xcáj­nit tzú­culh tala­ca­ta̠­qui̠y Dios hua̠nti̠ hui­lachá nac akapú̠n. 
\p  
\v 12 Aca­li̠stá̠n acxni̠ xli̠­ka­lha­cha̠xán ángel akxte­ke­má­ju̠lh hua̠ntu̠ xta­ju̠ma nac xcopa nac xakalh­tu̠­choko hua̠ntu̠ hua­nicán Eufrates; a̠má chú­chut xalac kalh­tu̠­choko sca̠c­ko̠lh xla­cata tla̠n nata­lac­tla̠­huán a̠ma̠ko̠lh lac­lanca napuxcún hua̠nti̠ xta­mi­ma̠­nanchá nac pekán anta­nícu pulha̠chá chi­chiní. 
\p  
\v 13 Aca­li̠stá̠n cúc­xilhli pi̠ nac xquilhni a̠má lanca tzu­tzoko lu̠hua hua̠ntu̠ hua­nicán dragón, xa̠hua nac xquilhni a̠má li̠xcáj­nit qui­tzis­tancán, chu nac xquilhni a̠má aksa­ni̠ná pro­feta tatax­tuchi pu̠lac­tutu lac­li̠xcáj­nit espí­ritu hua̠ntu̠ xta­ta­siyuy cumu la̠ chí­cheklh.  
\v 14 Uma̠­kó̠lh lac­li̠xcáj­nit espí­ritus hua̠k huá xta­ta­pek­si̠niy akska­huiní, y xlá ca̠má̠x­qui̠lh li̠t­li­hueke la̠qui̠ natat­la­huay lac­lanca li̠cá̠cni̠t ta­scújut hua̠ntu̠ nata­li̠­ma̠­la­ca­hua̠ni̠y a̠ma̠ko̠lh lac­lanca lac­ta­li̠­pa̠hu reyes xalac ca̠quilh­ta­macú, la̠qui̠ hua̠k nata­ma̠­mac­xtumi̠y y lac­xtum nata­ta̠­la̠­la­ca­ta̠­qui̠y Dios acxni̠ xlá nama̠­lak­cha̠ni̠y quilh­ta­macú la̠ta naca̠­ma̠­xo­ko̠ni̠y cris­tianos. 
\p  
\v 15 “Pero cuentaj cat­la­huátit, porque aquit camá̠n ca̠lak­miná̠n acxni̠ ni̠ lia̠ca­tzi̠­hui­látit nahuán, xta­chuná cumu la̠ cha̠tum kalha̠ná. Luu ca̠na li̠pa̠­xúhu a̠má hua̠nti̠ chu­na­tiyá aksti̠tum qui­li̠­pa̠­huán y quin­kalh­ka­lhi̠ma, y ská­lalh mak­ta­kalhma clháka̠t xla­cata pi̠ ni̠ xalh­tan­tala lámaj nahuán y nali̠­ma̠­xanán xla­táma̠t.” 
\p  
\v 16 Ama̠­ko̠lh lac­li̠xcáj­nit espí­ritus tama̠­mac­xtú­mi̠lh xli̠­hua̠k lac­lanca ma̠pek­si̠­naní̠n xalac ca̠quilh­ta­macú lacatum anta­nícu hua­nicán nac xta­chu­huí̠n hebreo Armag­edón. 
\p  
\v 17 Xli̠­ka­lha­tujún ángel akxte­ke­má­kalh xcopa nac ca̠u̠ní̠n, y nac xpu̠­sa̠ntu Dios hua̠ntu̠ hui­lachá nac akapú̠n tax­tuchá aktum palha tachu­huí̠n hua̠ntu̠ chiné xqui­lhuama: 
\p —¡Chú aya hua̠k kan­tax­tu­ko̠lh hua̠ntu̠ xtalh­ca̠­ta­hui­lani̠t! 
\p  
\v 18 Acxni­tiyá li̠pe̠cua tzú­culh mak­lipa, tzú­culh maca­sa̠nán y li̠pe̠cua tzú­culh jiliy, y xli̠­ca̠­lanca ca̠quilh­ta­macú tachí­quilh caj xpa̠­la­cata la̠ta li̠pe̠cua pu̠tzan­ká̠­nalh, ne̠c­xnicú a̠ xpu̠­tzan­ka̠nán xli̠­lanca chuná cumu la̠ pu̠tzan­ká̠­nalh hasta la̠ta hui­lá­calh nac ca̠quilh­ta­macú.  
\v 19 Amá lanca ca̠chi­quí̠n pu̠lac­tutu la̠ta tapí­tzilh, y lac­lanca ca̠chi­qui̠ní̠n hua̠ntu̠ tahui­lá̠­nalh nac xli̠­ca̠­lanca ca̠quilh­ta­macú talak­pon­ka­ko̠lh. Acxnicú laca­pá̠s­tacli Dios xta­la̠­ka­lhí̠n a̠má lanca ca̠chi­quí̠n hua­nicán Babi­lonia xla­cata naca̠­ma­ca­miniy tapa̠tí̠n hua̠ntu̠ xca̠­lak­chá̠n hua̠nti̠ antá xta­hui­lá̠­nalh caj xpa̠­la­cata pi̠ li̠pe̠cua xta­ma­ka­si̠­tzi̠ni̠t.  
\v 20 Xli̠­hua̠k islas hua̠ntu̠ xta­hui­lá̠­nalh nac xla­quíta̠t pupunú talak­tzan­ka̠­ko̠lh, na̠chuná ca̠ke̠s­ti̠ní̠n,  
\v 21 y tzú­culh ta̠c­ta­ya̠chi nac akapú̠n lac­lan­caxní̠n chéje̠t hua̠ntu̠ xtzincán ti̠puxam kilo aka­tunu, pero cris­tianos xalac ca̠quilh­ta­macú ni̠para chuná tali̠­li̠­púhua xta­la̠­ka­lhi̠ncán, huata caj li̠huaca tasí̠­tzi̠lh y lac­li̠xcáj­nit tachu­huí̠n tzú­culh tali̠­la­ca­ta̠­qui̠y Dios xpa̠­la­cata la̠ta li̠pe̠cua xta­li̠­pa̠­ti̠­na­má̠­nalh a̠má chéje̠t. 
\c 17  
\s1 Ca̠chiquí̠n Babilonia xta̠chuná li̠taxtuy cumu la̠ cha̠tum lakahuiti pusca̠t 
\p  
\v 1 La̠ta xli̠­ka­lha­tu­juncán ángel hua̠nti̠ xta­chi­pani̠t pa̠tunu copas, qui­lák­milh cha̠tum y chiné qui­huá­nilh: 
\p —La̠li̠­huán cala­ca­pala catát uú la̠qui̠ nac­ma̠­si­yu­niyá̠n a̠má lanca tapa̠tí̠n hua̠ntu̠ ámaj lak­chá̠n a̠má ca̠chi­quí̠n hua̠nti̠ li̠taxtuy cumu la̠ cha̠tum laka­huiti pusca̠t hua̠nti̠ huí nac xlacni chú­chut.  
\v 2 Xli̠­hua̠k lac­lanca ma̠pek­si̠­naní̠n xalac ca̠quilh­ta­macú hua̠k tata̠t­la­huani̠t tala̠­ka­lhí̠n y xli̠­hua̠k cris­tianos xalac ca̠quilh­ta­macú tamaca­sta̠­la­má̠­nalh hua̠ntu̠ xlá li̠xcáj­nit tla­huay, xa̠huachí tali̠­kot­má̠­nalh xcuchu hua̠ntu̠ xlá ma̠sta̠y hasta la̠n tali̠­ka­chi̠­ta­ma­ka­má̠­nalh. 
\p  
\v 3 Y la̠ta xEspíritu Dios xqui­ma̠­la­ca­hua̠­ni̠ma, a̠má ángel quí­le̠lh hasta nac desierto, antá cúc­xilhli cha̠tum pusca̠t hua̠nti̠ xke̠hui tantum lanca tzu­tzoko qui­tzis­tancá, u̠má li̠xcáj­nit qui­tzis­tancá xka­lhi̠y aktujún xak­xa̠ka y kan­cá̠hu xaka­lókot, y nac xli̠­lanca xmacni xta­tzok­ta­hui­lani̠t lac­li̠xcáj­nit tachu­huí̠n hua̠ntu̠ xli̠­la­ca­ta̠­qui̠­má̠­calh Dios.  
\v 4 Amá pusca̠t hua̠nti̠ xuilá­nilh li̠xcáj­nit qui­tzis­tancán xli̠­lha­ka̠­nani̠t lacuán y lak­li̠­la­káti̠t lháka̠t xapu̠s­ta­pu̠hua xa̠hua xatzu­tzoko, lhu̠hua xka­lhi̠y xli̠­ta­ca̠xta̠y hua̠ntu̠ xla oro, xla perlas y lak­li̠­la­káti̠t lak­slipua chí­huix. Xchi­pani̠t pa̠tum copa xla oro anta­nícu xta­ju̠ma xli̠­hua̠k hua̠ntu̠ lac­li̠xcáj­nit y ni̠ liucxilh­putu, y xli̠­hua̠k hua̠ntu̠ li̠xcáj­nit tala̠­ka­lhí̠n hua̠ntu̠ li̠maka­pa̠­xu­huay xmacni.  
\v 5 Y nac xmu̠xtí̠n xta­tzok­ta­hui­lani̠t pu̠lactum tachu­huí̠n hua̠ntu̠ pu̠lac­tiyu̠ xuamputún: “Babi­lonia, u̠má lanca pu̠la­tama̠n li̠taxtuy xtzicán xli̠­hua̠k a̠ma̠ko̠lh hua̠nti̠ tali̠­taxtuy cumu la̠ laka­huiti lac­pus­ca̠tní̠n, y xli̠­hua̠k hua̠ntu̠ li̠xcáj­nit anán nac ca̠quilh­ta­macú.”  
\v 6 Pero aca­li̠stá̠n ccá­tzi̠lh pi̠ a̠má pusca̠t xka­chi̠y, huá xli̠­ka­chi̠ni̠t xkalh­nicán xli̠­hua̠k cris­tianos hua̠nti̠ xca­maná̠n Dios xca̠­li̠­ma̠x­tuni̠t, xa̠hua xkalh­nicán a̠ma̠ko̠lh hua̠nti̠ xca̠­mak­ni̠­cani̠t caj xpa̠­la­cata cumu laca­tancs tama̠­lú­lokli pi̠ xlac­scujní̠n xta­huani̠t Jesús. 
\p Acxni̠ cuc­xilh­ko̠lh aquit luu cacs cli̠­la­cáhua a̠má pusca̠t hua̠ntu̠ xacuc­xilhma porque ni̠para tzinú xaca­ka­ta̠ksma hua̠ntu̠ xuani­putún a̠má tala­ca­huá̠n.  
\v 7 Pero ángel qui­huá­nilh: 
\p —Ni̠ luu aka­tiyuj cali̠la hua̠ntu̠ úcxilhti, porque aquit camá̠n ma̠la­ca­pu̠­tun­cu­hui̠­niyá̠n hua̠ntu̠ hua­ni­putún tamá pusca̠t hua̠nti̠ úcxilhti xa̠hua a̠má lanca li̠xcáj­nit qui­tzis­tancá hua̠ntu̠ kalhi̠y aktujún xak­xa̠ka y kan­cá̠hu xaka­lókot hua̠ntu̠ ke̠hui pusca̠t.  
\v 8 Amá lanca qui­tzis­tancá hua̠ntu̠ huix ucxilh­ni̠ta, huá li̠taxtuy cha̠tum hua̠nti̠ xlama xapu̠lh pero la̠nchú niaj ti̠ lama porque aya ni̠ni̠t y antá chú tachí̠n taju̠ma nac a̠má pu̠lhmá̠n pu̠la̠­chi̠n hua̠ntu̠ ni̠ kalhi̠y xtampú̠n, pero namín quilh­ta­macú acxni̠ xas­tacná nata­cu­ta̠chá la̠qui̠ nachá̠n anta­nícu luu maktum nama̠­lak­spu­tucán. Xli̠­hua̠k cris­tianos hua̠nti̠ tala­má̠­nalh nahuán nac ca̠quilh­ta­macú hua̠nti̠ ni̠tu̠ tatzok­ta­hui­lani̠t xta­cu­hui­nicán nac a̠má xala­táma̠t libro hua̠ntu̠ xka­lhi̠y Dios hasta la̠ta tila­ca­tzú­culh ca̠quilh­ta­macú, xlacán luu cacs nata­li̠­la­ca­huán y nata­ca̠c­ni̠­nani̠y acxni̠ nataucxilha pi̠ lama̠­pajá a̠má lanca li̠x­ca̠jnit qui­tzis­tancán hua̠ntu̠ xni̠ni̠t pero chú lacas­ta­cuanani̠t nac ca̠li̠ní̠n. 
\p  
\v 9 ’Luu cuentaj cat­lahua porque tala­cas­quín li̠s­ka­lala xla­cata naaka­ta̠k­sá̠tit hua̠ntu̠ cámaj ma̠la­ca­pu̠­tun­cu­hui̠y: Amá aktujún xak­xa̠ka lanca qui­tzis­tancán, huá li̠taxtuy aktujún ke̠s­ti̠ní̠n anta­nícu huí a̠má pusca̠t; xa̠huachí na̠ tla̠n ta̠ma̠­la­cas­tu­cá̠hu a̠má aktujún akxa̠ka, kalha­tujún reyes.  
\v 10 Xli̠­hua̠k u̠ma̠ko̠lh kalha­tujún reyes, kalha­qui­tzis aya tani̠­ni̠ttá, cha̠tum ma̠pek­si̠­na­majcú ca̠lacchú quilh­ta­macú, y xli̠­ka­lha­tujún nia̠ tasiyuy tuncán. Pero acxni̠ namín xli̠­ka­lha­tujún tamá ni̠ maka̠s quilh­ta­macú cati­ma̠­pek­sí̠­nalh.  
\v 11 Amá lanca li̠xcáj­nit qui­tzis­tancán hua̠ntu̠ xapu̠lh xlama pero hua̠ntu̠ aya ni̠ni̠t, huá hua­ni­putún xli̠­ka­lha­tzayán reyes, ma̠squi na̠ huá ca̠ta̠­ta­peksi̠y xa̠ka­lha­tujún, xlá aca­li̠stá̠n ámaj taca̠xa xla­cata namim­paray, pero maktum tu̠ amá̠­calh ma̠lak­spu­tucán cani̠c­xni­cahuá quilh­ta­macú. 
\p  
\v 12 ’Amá kan­cá̠hu aka­lókot hua̠ntu̠ huix úcxilhti, huá tali̠­taxtuy kalha­cá̠hu reyes hua̠nti̠ nia̠ tatzucuy tama̠­pek­si̠nán nac ca̠quilh­ta­macú; pero caj xma̠n aktum hora cumu la̠ a̠má lanca li̠xcáj­nit qui­tzis­tancán nata­ka­lhi̠y li̠ma̠­peksí̠n y nata­ma̠­pek­si̠nán cumu la̠ reyes.  
\v 13 Uma̠­kó̠lh kalha­ká̠hu reyes luu lac­xtum tali̠­ca­tzi̠y pi̠ nata­ma̠x­qui̠y xli̠­hua̠k xli̠t­li­hue­kecán xa̠hua xli̠­ma̠­pek­si̠ncán a̠má lanca li̠xcáj­nit qui­tzis­tancán la̠qui̠ huata huá nama̠­pek­si̠nán.  
\v 14 Xlacán nata­tzucuy tala­ca­ta̠­qui̠y a̠má hua̠nti̠ li̠taxtuy xBorrego Dios; pero xlá naca̠­maka­tlajay xa̠hua xli̠­hua̠k a̠ma̠ko̠lh cris­tianos hua̠nti̠ Dios ca̠lac­sacni̠t y aksti̠tum tati­la­ta­ma̠ni̠t nac xla­catí̠n, porque tamá xBorrego Dios ni̠ti̠ cati­maka­tlá­jalh, porque xlá huá xpu̠­chi­nacán xli̠­hua̠k hua̠nti̠ na̠ pu̠chi­naní̠n tali̠­taxtuy nac ca̠quilh­ta­macú, y huá lanca xreycán hua̠nti̠ na̠ tahuán pi̠ reyes nac ca̠quilh­ta­macú. 
\p  
\v 15 Angel qui­hua­nipá: 
\p —Amá chú­chut hua̠ntu̠ huix úcxilhti anta­nícu okspu̠hui a̠má laka­huiti pusca̠t, huá li̠taxtuy xli̠­hua̠k cris­tianos xala ca̠quilh­ta­macú la̠tachá nícu xalaní̠n y túcuya̠ tachu­huí̠n hua̠ntu̠ tali̠­chu­hui̠nán, o tícuya̠ lac­lanca ma̠pek­si̠­naní̠n ca̠ma̠­peksi̠y, o la̠tachá túcuya̠ xta­hui­latcán.  
\v 16 Amá kan­ká̠hu aka­lókot hua̠ntu̠ úcxilhti nac xak­xa̠ka li̠xcáj­nit qui­tzis­tancán taamá̠­nalh tasi̠­tzi̠­makán a̠má laka­huiti pusca̠t caj la̠ta xta­si̠­tzicán, nata­ma̠­lak­xtuko̠y xli̠­ta­ca̠xta̠y y xalh­tan­tala nata­mak­xteka, aca­li̠stá̠n nata­tzucuy talac­put­xhuay xli̠hua, y hua̠ntu̠ ni̠ nata­huako̠y nata­tzucuy talac­lhcu­yu­huili̠y.  
\v 17 Dios naca̠­ma̠­lac­pu­hua̠ni̠y nac xna­cujcán xla­cata nata­ma­ca­ma̠sta̠y xli̠­ma̠­peksí̠n nac xla­catí̠n a̠má lanca li̠xcáj­nit qui­tzis­tancán la̠qui̠ huata huá nama̠­pek­si̠nán cumu la̠ lanca tali̠­pa̠hu rey hasta acxni̠ nalak­chá̠n quilh­ta­macú la̠ta lácu laclh­ca̠­hui­li̠ni̠t Dios.  
\v 18 Amá pusca̠t hua̠nti̠ huix úcxilhti, huá li̠taxtuy a̠má lanca ca̠chi­quí̠n anta­nícu tata­peksi̠y xli̠­hua̠k lac­lanca napuxcún xalac ca̠quilh­ta­macú. 
\c 18  
\s1 Lácu nalaktzanka̠y lanca pu̠latama̠n Babilonia 
\p  
\v 1 Aca­li̠stá̠n cuc­xilhpá cha̠tum ángel hua̠nti̠ xta̠c­ta­ma̠chi nac akapú̠n hasta nac ca̠ti­yatni; u̠má ángel xka­lhi̠y lanca li̠t­li­hueke xa̠hua li̠ma̠­peksí̠n, y chilh xli̠­ca̠­lanca ca̠quilh­ta­macú macax­ka­ke­ko̠lh acxni̠.  
\v 2 Y xli̠­hua̠k xliaka­pix­tli­hueke chiné xqui­lhuama: 
\q1 ¡Aya lak­tzán­ka̠lh! ¡Chú maktum tu̠ lak­tzán­ka̠lh a̠má lanca ca̠chi­quí̠n Babi­lonia! 
\q1 ¡Huata xma̠n li̠tax­tuni̠t xpu̠­ta­hui̠lhcán akska­hui­niní̠n, 
\q1 xpu̠­ta­tze̠k­nicán la̠tachá túcuya̠ lac­li̠xcáj­nit espí­ritus, 
\q1 xma̠­se­kecán spun lac­li̠xcáj­nit qui­tzis­tancán hua̠ntu̠ ni̠ liucxilh­putu! 
\q1  
\v 3 Porque xli̠­hua̠k ca̠chi­qui̠ní̠n hua̠ntu̠ tahui­lá̠­nalh nac xli̠­ca̠­lanca ca̠quilh­ta­macú 
\q1 tali̠­ka­chi̠­ta­makani̠t xli̠­hua̠k hua̠ntu̠ xlá catzi̠y y kalhi̠y lac­li̠xcáj­nit xta­la̠­ka­lhí̠n; 
\q1 xli̠­hua̠k ma̠pek­si̠­naní̠n xalac ca̠quilh­ta­macú lac­xtum tata̠t­lá­hualh tala̠­ka­lhí̠n, 
\q1 ca̠ma̠­lac­pu­huá̠­ni̠lh hua̠ntu̠ xlá tla­huay; 
\q1 y xli̠­hua̠k sta̠­naní̠n xalac ca̠quilh­ta­macú caj u̠cú lac­rrico tali̠­táx­tulh 
\q1 caj xpa̠­la­cata hua̠ntu̠ xlá xlac­tla­hua­mi̠ma hua̠ntu̠ xka­lhi̠y. 
\p  
\v 4 Aca­li̠stá̠n ckax­matpá aktum tachu­huí̠n hua̠ntu̠ minchá nac akapú̠n y chiné huá: 
\q1 La̠li̠­huán catax­tútit nac tamá ca̠chi­quí̠n xli̠­hua̠k hui­xinín hua̠nti̠ cca̠­li̠­ma̠x­tu­ni̠tán quin­ca­maná̠n, 
\q1 la̠qui̠ hui­xinín ni̠ chuná namak­tla­hua­yá̠tit xli̠­hua̠k lac­li̠xcáj­nit tala̠­ka­lhí̠n hua̠ntu̠ antá tla­hua­má̠­calh, 
\q1 y ni̠ namak­stum­pa̠­ti̠­yá̠tit hua̠ntu̠ xlacán taamá̠­nalh taak­spulay. 
\q1  
\v 5 Porque li̠pe̠cua la̠ta aclhu̠­huan­ta­hui­lani̠t xta­la̠­ka­lhi̠ncán hasta cha̠ni̠t nac akapú̠n, 
\q1 y Dios hua̠k cuentaj tla­huama xli̠­hua̠k hua̠ntu̠ xli̠­li̠xcáj­nit hua̠ntu̠ tat­la­hua­má̠­nalh. 
\q1  
\v 6 Tamá ca̠chi­quí̠n mini̠niy na̠ huá cama̠x­quí̠tit hua̠ntu̠ xlá ca̠ma̠x­qui̠ni̠t xa̠maka­pi­tzí̠n, 
\q1 maktiy xla­cata cali̠­ma̠­pa̠­ti̠­ní̠tit hua̠ntu̠ xlá ca̠li̠­ma̠­pa̠­tí̠­ni̠lh xa̠maka­pi­tzí̠n. 
\q1  
\v 7 Chuná mini̠niy nama̠­pa̠­ti̠­ni̠­yá̠tit cumu la̠ tita­ma­ca­má̠s­ta̠lh nac xca̠­ta­pa̠­xu­huá̠n lhu̠hua hua̠ntu̠ xlac­tla­hua­mi̠ma y xli̠­maka­pa̠­xu­huama xla­táma̠t. 
\q1 Porque nac xnacú chiné xla­ca­pa̠s­tacnán: 
\q1 “Aquit cuí uú nac xapu̠­tá­hui̠lh quim­pu̠­ma̠­peksí̠n xta̠­chuná cumu la̠ cha̠tum reina. 
\q1 Aquit ni̠ quiak­xtek­makan­cani̠t cumu la̠ cha̠tum pu̠ni̠ná pusca̠t, ti̠ li̠wamaj ne̠c­xnicú cámaj pa̠ti̠nán.” 
\q1  
\v 8 Huá xpa̠­la­cata caj xta­kalh­pa­la­chu­huí̠n aktumá quilh­ta­macú pu̠tum nata­hui­la­ni­ya̠chi xli̠­hua̠k xta­pa̠tí̠n hua̠ntu̠ lak­chá̠n napa̠­ti̠nán: 
\q1 pu̠lh nalak­chín tatzin­csni, la̠n napa̠­ti̠nán, aca­li̠stá̠n nani̠y, y nalh­cu­yucán nac lhcúya̠t. 
\q1 Porque lanca xla­ca­tzúcut a̠má tali̠­pa̠hu Dios hua̠nti̠ li̠lh­ca̠ni̠t pi̠ chuná napa̠­ti̠nán. 
\p  
\v 9 Ama̠­ko̠lh reyes xalac ca̠quilh­ta­macú hua̠nti̠ lac­xtum tata̠t­la­huani̠t lac­li̠xcáj­nit tala̠­ka­lhí̠n, y lac­xtum tali̠­pa̠­xu­huani̠t hua̠ntu̠ taka­lhi̠y, xlacán nata­lak­li̠­pu­huán y nata­lak­tasay acxni̠ nataucxilha pi̠ aya ta̠ya­ma̠chá xajini la̠ta lac­lhcu­yu­hui­li̠­má̠­calh nahuán.  
\v 10 Caj la̠ta xta­pe̠­cuacán ni̠para tzinú cati­ta­ma̠­la­ca­tzu­hui̠­pú­tulh, caj xma̠n mákat nata­ta̠­ya­ya̠chá y chiné nata­huán: 
\q1 ¡Koxutá huix lanca tali̠­pa̠hu ca̠chi­quí̠n Babi­lonia, 
\q1 xli̠­ca̠na pi̠ luu lhu̠hua hua̠ntu̠ xta­palh tumi̠n xka­lhi̠ya! 
\q1 Pero caj puntzú chilh lanca tapa̠tí̠n hua̠ntu̠ maktum ma̠lak­spu­tukó̠n. 
\p  
\v 11 Na̠chuná sta̠­naní̠n xalac xli̠­ca̠­lanca ca̠quilh­ta­macú na̠ nata­lak­tasay a̠má lanca tali̠­pa̠hu ca̠chi­quí̠n caj xpa̠­la­cata pi̠ niaj ti̠ cati­mak­ta­má̠­hualh xli̠s­ta̠tcán hua̠ntu̠ xlacán taka­lhi̠y.  
\v 12 Kam­pa̠­katzi xli̠s­ta̠tcán hua̠ntu̠ xtalé̠n nac u̠má lanca ca̠chi­quí̠n, cumu la̠ oro, plata, lac­slipua chí­huix xa̠hua perlas, chuná lak­li̠­la­káti̠t y lac­ta­pa­ra̠xlá lháka̠t xla lino y xla seda, kam­pa̠­katzi colores xatzu­tzoko xa̠hua xapu̠s­ta­pu̠hua, na̠chuná kam­pa̠­katzi xata­cu­chí̠n lac­mu̠csu quihui; na̠chuná lhu̠hua lactzu lak­li̠­la­káti̠t lí̠sta̠t hua̠ntu̠ ca̠li̠t­la­hua­cani̠t xala­cuán pák­lha̠t, marfil, bronce, hierro, xa̠hua mármol.  
\v 13 Na̠chuná xli̠­cha̠ncán lhu̠hua xalí̠sta̠t canela, xa̠hua xli̠­hua̠k hua̠ntu̠ lac­mu̠csu lí̠sta̠t, ciensus, per­fumes hua̠ntu̠ hua­nicán mirra; xala­cuán cuchu, aceite, xatlá̠n harina xlakstu xla trigo, xa̠hua xca̠­le̠ncán xalí̠sta̠t taka­lhí̠n cumu la̠ cahua̠yu, bor­regos, xa̠hua carros, y hasta na̠ xancán ca̠s­ta̠cán cris­tianos cumu la̠ tachí̠n, ma̠squi xlacán ni̠ huá xataucxilh­la­ca­chá̠n.  
\v 14 Caj xta­li̠­pu­hua̠ncán chiné nata­huaniy a̠má lanca ca̠chi­quí̠n: 
\q1 ¡Koxutá huix lanca y li̠la­káti̠t ca̠chi­quí̠n, 
\q1 chú niaj kalhi̠ya a̠má lak­kama y lak­seksi xta­huácat quihui hua̠ntu̠ huix luu xla­ka­ti̠ya! 
\q1 Xli̠­cána pi̠ maktum tu̠ ma̠lak­tzan­ke̠­ni­ca­ni̠ta xli̠­hua̠k hua̠ntu̠ xka­lhi̠ya mili̠­li̠­la­káti̠t. 
\p  
\v 15 Xli̠­hua̠k hua̠nti̠ luu tla̠n xta­li̠t­la­ja­má̠­nalh u̠má lí̠sta̠t hua̠ntu̠ ca̠huacán, porque lhu̠hua la̠ta xta­qui̠s­ta̠­má̠­nalh nac u̠má ca̠chi­quí̠n, chu caj la̠ta xta­pe̠­cuacán mákat nata­la­ca­min­ta̠­ya­ya̠chá porque talac­pu­huán pi̠ na̠ naca̠­lak­chá̠n u̠má lanca tapa̠tí̠n,  
\v 16 huata chiné nata­huán: 
\q1 ¡Koxutá tamá lanca tali̠­pa̠hu ca̠chi­quí̠n! 
\q1 Luu xta̠­chuná xta­siyuy cumu la̠ cha̠tum li̠la­káti̠t pusca̠t hua̠nti̠ li̠huana̠ xli̠­ta­ca̠x­ta̠­yani̠t lacuán y lak­li̠­la­káti̠t xalino lháka̠t. 
\q1 y lak­li̠­la­káti̠t color xapu̠s­ta­pu̠hua xa̠hua xatzu­tzoko, 
\q1 y na̠ xli̠­ta­ca̠x­ta̠­yani̠t xalac­ta­pa­ra̠xlá xli̠­ta­ca̠xta̠y cumu la̠ oro, perlas, xa̠hua lak­li̠­la­káti̠t lac­slipua chí­huix. 
\q1  
\v 17 ¡Pero caj laca­puntzú lak­tzan­ka̠­ko̠ni̠t xli̠­hua̠k hua̠ntu̠ xta­palh tumi̠n y hua̠ntu̠ lak­li̠­la­káti̠t xka­lhi̠ya! 
\p Xli̠­hua̠k capi­tanes hua̠nti̠ xca̠­pux­cuniy xma̠t­la̠­hua­ni̠­naní̠n barcos, xa̠hua hua̠nti̠ caj xta­pa­xia̠lhna­má̠­nalh nac pupunú, na̠chuná hua̠nti̠ luu antá xtas­cuj­má̠­nalh, caj laka­mákat taúcxilhli hua̠ntu̠ xak­spu­lama a̠má lanca ca̠chi­quí̠n,  
\v 18 y acxni̠ taúcxilhli pi̠ xta̠­ya­ma̠chá xajini la̠ta clhcu­ta­hui­lama a̠má ca̠chi­quí̠n xta­li̠­pu­hua̠ncán talak­tá­salh y xli̠­hua̠k xliaka­pix­tli­hue­kecán chiné tzú­culh tahuán: 
\p —Pá̠xcat huan­ko̠lh u̠má lanca ca̠chi­quí̠n, ¿nícu nata̠k­sa̠hu aktum­li̠túm ca̠chi­quí̠n hua̠ntu̠ xta̠­chuná xali̠­la­káti̠t cumu la̠ u̠má xuani̠t? 
\p  
\v 19 Y la̠ta xta­lak­li̠­pu­hua­má̠­nalh tzú­culh taacta­huacay tíyat y xli̠­pix­tli­hue­kecán chiné xta­huán: 
\q1 ¡Pa̠xcat huan­ko̠lh u̠má lanca tali̠­pa̠hu ca̠chi­quí̠n! 
\q1 Porque caj huá xpa̠­la­cata ma̠squi luu lac­rrico tatáx­tulh 
\q1 xli̠­hua̠k a̠ma̠ko̠lh xpu̠­chi­naní̠n barcos hua̠nti̠ tas­cuj­má̠­nalh nac pupunú. 
\q1 ¡Pero chú tamá ca̠chi­quí̠n caj laca­puntzú lak­tzan­ka̠­ko̠lh! 
\q1  
\v 20 Pero xli̠­hua̠k hui­xinín hua̠nti̠ lapá̠tit nac akapú̠n, ca̠mi­ni̠­niyá̠n nali̠­pa̠­xu­hua­yá̠tit 
\q1 hua̠ntu̠ akspú­lalh u̠má ca̠chi­quí̠n; 
\q1 na̠chuná hui­xinín hua̠nti̠ li̠pa̠­hua­ná̠tit Dios, 
\q1 xa̠hua xli̠­hua̠k hui­xinín pro­fetas chu após­toles hua̠nti̠ li̠s­cu­já̠tit, na̠ lac­xtum caca̠­ta̠­pa̠­xu­huátit, 
\q1 porque acxni̠ ma̠lak­tzán­ke̠lh u̠má ca̠chi­quí̠n 
\q1 huá ca̠li̠­ma̠­pa̠­tí̠­ni̠lh caj xpa̠­la­cata xli̠­hua̠k hua̠ntu̠ xlá li̠xcáj­nit xca̠t­la­hua­ni­ni̠tán. 
\p  
\v 21 Na̠ acxni­tiyá cúc­xilhli pi̠ cha̠tum tli­hue­kexní̠n ángel chex­tlá­hualh aktum lan­caxní̠n chí­huix xta̠­chuná cumu la̠ xachí­huix lanca molino, y lhkén máca̠lh nac pupunú, y chiné huá: 
\q1 Xta̠­chuná cumu la̠ lak­tzan­ka̠lh eé chí­huix na̠chuná pímpa̠t lak­tzan­ka̠ya huix lanca tali̠­pa̠hu ca̠chi­quí̠n Babi­lonia, y niaj ne̠c­xnicú catiucxilh­pa­rá­canti. 
\q1  
\v 22 Ni̠aj para maktum cati­ta­káx­matli nac min­ca̠­ti­ji̠ní̠n 
\q1 para naca̠­ma̠­sa̠­ni̠cán la̠tachá túcuya̠ li̠t­lakni cumu la̠ arpa, lí̠spek xa̠hua trom­peta, 
\q1 y xli̠­hua̠k a̠ma̠ko̠lh tasa̠­cuá̠n xa̠hua scujní̠n hua̠nti̠ antá li̠pa̠­xúhu xta­ta­siyuy pi̠ xta­la­ta̠yay niaj ne̠c­xnicú cati­ta­ta­sí­yulh, 
\q1 na̠ ni̠para cati­ta­káx­matli para nama­ca­sa̠nán xachí­huix molino, 
\q1 huata caj luu ca̠tza­yanca nahuanko̠y. 
\q1  
\v 23 Xa̠huachí niaj ne̠c­xnicú catiucxílh­calh xtax­káket para napasay li̠maksko, 
\q1 na̠ ni̠para maktum cati­ta­káx­matli para acchilij nala­ta­ma̠cán chuná cumu la̠ xta­kax­mata acxni̠ xta­huilay tapa̠­xu­huá̠n nac aktum pu̠ta­maka­xtokni, 
\q1 ma̠squi xli̠­ca̠na pi̠ xli̠­hua̠k sta̠­naní̠n hua̠nti̠ antá xta­hui­lá̠­nalh nac u̠má ca̠chi­quí̠n luu lac­rrico y lac­ta­li̠­pa̠hua lac­chix­cu­huí̠n xta­huani̠t, 
\q1 pero huix lhu̠hua hua̠ntu̠ li̠xcáj­nit xtla­huaya, ca̠liak­ska­huipi xli̠­hua̠k xa̠maka­pi­tzí̠n pu̠la­tama̠n xalac ca̠quilh­ta­macú xla­cata na̠chuná nata­maca­sta̠­layá̠n y lac­xtum nalak­tzan­ka̠­yá̠tit. 
\p  
\v 24 Huá chuná li̠ma̠­pa̠­ti̠­ní̠­calh porque u̠má ca̠chi­quí̠n hua̠nti̠ lac­xtum ca̠ta̠lé̠n cuentaj hua̠nti̠ ca̠s­taj­makani̠t xkalh­nicán lhu̠hua a̠ma̠ko̠lh pro­fetas, xa̠hua cris­tianos hua̠nti̠ xta­li̠­pa̠­huán Dios, xa̠hua xli̠­hua̠k xca̠­naj­laní̠n hua̠nti̠ ca̠mak­ni̠­cani̠t la̠ta xli̠­ca̠­lanca ca̠quilh­ta­macú. 
\c 19  
\p  
\v 1 Aca­li̠stá̠n ckáx­matli nac akapú̠n pi̠ lhu̠hua cris­tianos xli̠­hua̠k xliaka­pix­tli­huekén chiné xta­qui­lhuamá̠­nalh: 
\q1 ¡Cane̠c­xni­cahuá quilh­ta­macú cala­ka­chix­cu­huí̠­calh Quim­pu̠­chi­nacán Dios! 
\q1 Porque xma̠n huá sacstu mini̠niy nama̠x­qui̠cán cá̠cni̠t, 
\q1 xma̠n huá xli̠­ká­lhi̠t lanca li̠t­li­hueke hua̠ntu̠ aya kalhi̠y, 
\q1 y porque xma̠n huá tamá lanca tali̠­pa̠hu Dios hua̠nti̠ ma̠sta̠y lak­táxtut. 
\q1  
\v 2 Xa̠huachí Dios hua̠ntu̠ laca­ti̠tum ca̠li̠­ma̠­pa̠­ti̠ni̠y xli̠­hua̠k hua̠nti̠ li̠xcáj­nit tala­má̠­nalh, 
\q1 chuná cumu la̠ ma̠pa̠­tí̠­ni̠lh a̠má lanca ca̠chi­quí̠n Babi­lonia hua̠ntu̠ xta̠­chuná xli̠­taxtuy cumu la̠ cha̠tum laka­huiti pusca̠t, 
\q1 xlá ca̠ma̠t­lá­hui̠lh tala̠­ka­lhí̠n xa̠maka­pi­tzí̠n y chuná ca̠ma̠­lak­tzán­ke̠lh; 
\q1 pero acxni̠ Dios ma̠pa̠­tí̠­ni̠lh chuná li̠ma̠­xo­kó̠­ni̠lh xli̠­hua̠k hua̠ntu̠ ca̠tit­la­hua­nini̠t hua̠nti̠ xta­li̠s­cuj­má̠­nalh Dios. 
\p  
\v 3 Aca­li̠stá̠n a̠ma̠ko̠lh lhu̠hua cris­tianos chiné tahuampá: 
\q1 ¡Cane̠c­xni­cahuá quilh­ta­macú cala­ka­chix­cu­huí̠­calh Dios! 
\q1 Porque xajini la̠ta lac­lhcu­tahui tamá ca̠chi­quí̠n xlianka­lhí̠n quilh­ta­macú tata̠lh­ma̠­ní̠maj nahuán nac akapú̠n. 
\p  
\v 4 Ama̠­ko̠lh puxa­ma­ta̠ti lak­ko̠lún xa̠hua kalha­ta̠ti ángeles hua̠nti̠ xta̠­chuná xta­ta­siyuy cumu la̠ taka­lhí̠n, pu̠tum tala­ka­ta­tzo­kós­talh la̠ta tala­ka­chix­cú­hui̠lh Dios hua̠nti̠ xlacui lanca xama̠­pek­si̠ná pu̠tá­hui̠lh. Y pu̠tum chiné xta­qui­lhuamá̠­nalh: 
\p —¡Cane̠c­xni­cahuá quilh­ta­macú cala­ka­chix­cu­huí̠­calh lanca tali̠­pa̠hu Quim­pu̠­chi­nacán Dios! ¡Chuná calalh, amén! 
\p  
\v 5 Na̠ minchá aktum tachu­huí̠n anta­nícu xuí a̠má lanca xama̠­pek­si̠ná lac­tá­hui̠lh, y chiné huá: 
\q1 ¡Cane̠c­xni­cahuá quilh­ta­macú cala­ka­chix­cu­huí̠tit qui­Dioscán, 
\q1 la̠tachá tícuya̠ cris­tianos ma̠squi hua̠nti̠ lactzú y lac­lanca, 
\q1 xli̠­hua̠k hui­xinín hua̠nti̠ ca̠c­ni̠­na­ni­yá̠tit y scuj­ni­pá̠tit nac mila­ta­ma̠tcán! 
\s1 Cxapu̠pa̠xcua xpu̠tamakaxtokni xBorrego Dios 
\p  
\v 6 Caj li̠puntzú ckáx­matli cumu lá̠m­para lhu̠hua cris­tianos xta­chu­hui̠­na­má̠­nalh, xta̠­chuná xta­kax­mata cumu la̠ maca­sa̠nán lhu̠hua chú­chut acxni̠ ta̠c­ta­ya̠chi anta­nícu xuástat, osuchí cumu la̠ a̠ li̠pe̠cua caji­lichá, y chiné xta­huán: 
\q1 ¡Capa̠x­cat­ca­tzi̠­níhu Quim­pu̠­chi­nacán! 
\q1 Porque chú aya tzu­cuni̠t ma̠pek­si̠nán lanca tali̠­pa̠hu Quim­pu̠­chi­nacán Dios 
\q1 hua̠nti̠ lanca xla­ca­tzúcut. 
\q1  
\v 7 Aquinín xli̠­hua̠k qui­na­cujcán quin­ca̠­mi­ni̠­niyá̠n napa̠­xu­hua­yá̠hu 
\q1 y napa̠x­ca­tzi̠­ni­yá̠hu, 
\q1 porque chú aya lak­cha̠ni̠t quilh­ta­macú 
\q1 la̠ta a̠má xBorrego Dios hua̠nti̠ xokó̠­nulh xpa̠­la­cata quin­ta­la̠­ka­lhi̠ncán nata­maka­xtoka, 
\q1 y xtas­quín li̠la­káti̠t la̠ta li̠ta­ca̠x­ta̠­yani̠t clháka̠t. 
\q1  
\v 8 Ma̠x­qui̠­cani̠t hua̠k xas­na­papa y xala­cuán lino lháka̠t, 
\q1 porque tamá sna­papa lino lháka̠t huá li̠taxtuy hua̠ntu̠ aksti̠tum latáma̠t 
\q1 la̠ta tati­la­ta­ma̠ni̠t xli̠­hua̠k hua̠nti̠ Dios ca̠li̠­ma̠x­tuni̠t xca­maná̠n. 
\p  
\v 9 Aca­li̠stá̠n ángel qui­huá­nilh: 
\p —Catzokti hua̠ntu̠ nakax­pata: “Luu ca̠na li̠pa̠­xuhu a̠ma̠ko̠lh cris­tianos hua̠nti̠ ca̠li̠­lac­sac­cani̠t pi̠ nataán tamak­pa̠x­cuajnán y nata­mak­pa̠­xu­huay nac xpu̠­ta­maka­xtokni Cristo hua̠nti̠ li̠taxtuy xBorrego Dios.” 
\p Xlá qui­hua­nipá: 
\p —Umá huá xax­li̠­ca̠na xta­chu­huí̠n Dios. 
\p  
\v 10 Aquit cla­ka­ta­tzo­kós­talh nac xtantú̠n ángel xla­cata nac­la­ka­chix­cu­hui̠y, pero xlá chiné qui­huá­nilh: 
\p —Ni̠ cla­cas­quín naqui­la­ka­chix­cu­hui̠ya porque aquit ni̠ Dios, aquit caj cati̠huá xlac­scujni Dios chuná cumu la̠ huix xa̠hua xa̠maka­pi­tzí̠n hua̠nti̠ tali̠­pa̠­huán Dios y aksti̠tum taca̠­naj­la­nini̠t xta­chu­huí̠n Jesús. Huata caj xma̠n huá cala­ka­chix­cuhui Dios. Porque huá xta­chu­huí̠n Dios hua̠ntu̠ ma̠lu­lokni̠t Jesús huá ca̠ma̠­la­ca­pa̠s­tac­ni̠ni̠t xli̠­hua̠k pro­fetas. 
\s1 Cha̠tum tali̠pa̠hu ma̠cahua̠yujnú xuilánilh snapapa cahua̠yu 
\p  
\v 11 Aca­li̠stá̠n cúc­xilhli pi̠ xla­qui̠y akapú̠n, y cúc­xilhli pi̠ antá tax­tuchi tantum sna­papa cahua̠yu, y hua̠nti̠ xuilá­nilh a̠má cahua̠yu xuanicán Tali̠­pa̠hu y Talu­lóktat, porque xlá hua̠ntu̠ aksti̠tum xuili̠ni̠t xli̠­ma̠­peksí̠n y na̠chuná acxni̠ xca̠­ta̠t­la­huay guerra xli̠­hua̠k hua̠nti̠ xta­si̠­tzi̠niy.  
\v 12 Umá chixcú li̠pe̠cua xla­kaskoy xla­kas­tapu xta̠­chuná cumu la̠ lhcúya̠t, y nac xak­xa̠ka xacuí aklhu̠hua corona y antá xtalh­ca̠ni̠t aktum tacu­huiní hua̠ntu̠ ni̠para cha̠tum tícu xla­ka­pasa caj xma̠n huá sacstu xca­tzi̠y túcu hua­ni­putún.  
\v 13 Chu̠ na̠ lhu̠hua kalhni xpa­sani̠t xlháka̠t tu̠ xlha­ka̠ni̠t; chi̠nchú pacs huá̠ xli̠­ma̠­pa̠­cu­hui̠cán pi̠ hua̠ Xta­chu­huí̠n Dios.  
\v 14 Hua̠k huá xta­sta̠­la­ni­ti̠­lhay lhu̠hua ángeles xalac akapú̠n, hua̠k huá xta­li̠­lha­ka̠­nani̠t xas­na­papa li̠no lháka̠t, y hua̠k xalak­sna­papán cahua̠yu xta­pu̠­hui­lá̠­nalh.  
\v 15 Nac xquilhni xtax­tu­ni­ni̠­tanchi aktum xas­ta­ca­caxní̠n espada hua̠ntu̠ naca̠­li̠­ma̠­ta­ka̠­hui̠cán xli̠­hua̠k lac­lanca ca̠chi­qui̠ní̠n xalac ca̠quilh­ta­macú. Umá ma̠pek­si̠ná tli­hueke nahuili̠y xli̠­ma̠­peksí̠n, acxni̠ xlá naca̠­ma̠­ka­lha­pali̠y xpa̠­la­cata xcuentajcán hua̠ntu̠ tatit­la­huani̠t, xta̠­chuná naca̠t­la­huay cumu la̠ tla­huay cha̠tum chixcú acxni̠ tzucuy li̠lak­chita xtantu̠n xachá̠n uva la̠qui̠ natax­tuniy xata­chitni xchú­chut, y xlá naca̠­ma̠­kotni̠y a̠má li̠pe̠cua tapa̠tí̠n hua̠ntu̠ maca­mima lanca tali̠­pa̠hu Dios caj xpa̠­la­cata pi̠ tama­ka­si̠­tzi̠ni̠t.  
\v 16 Amá hua̠nti̠ xuilá­nilh xas­na­papa cahua̠yu nac clháka̠t hua̠ntu̠ xli̠­lha­ka̠­nani̠t xa̠hua nac xak­lhtantú̠n xta­tzok­ta­hui­lani̠t xta­cu­huiní hua̠ntu̠ chiné xuan: “Huá u̠má lanca xapuxcu rey ni̠ xachuná xa̠maka­pi­tzí̠n reyes hua̠nti̠ tama̠­pek­si̠nán nac ca̠quilh­ta­macú, y xpu̠­chi­nacán hua̠nti̠ talac­pu­huán pi̠ na̠ pu̠chi­naní̠n nac ca̠quilh­ta­macú.” 
\p  
\v 17 Caj li̠puntzú cúc­xilhli cha̠tum ángel hua̠nti̠ xok­spu̠ya chi­chiní, y xliaka­pix­tli­hueke chiné xca̠­qui­lha­nima xli̠­hua̠k a̠ma̠ko̠lh lac­li̠xcáj­nit xuananí̠n pucsnú cumu la̠ chu̠n xa̠hua maka­pi­tzí̠n hua̠ntu̠ takosa nac ca̠u̠ní̠n, y chiné xca̠­hua­nima: 
\p —¡La̠li̠­huán mac­xtum catátit, cata­la­ca­tzu­huí̠tit xla­cata hua̠k nama­kuayá̠tit a̠má tahuá hua̠ntu̠ Dios ca̠li̠­ka­lhi̠má̠n u̠má quilh­ta­macú,  
\v 18 la̠qui̠ nali̠­hua̠­ya­ná̠tit xti­yat­li̠­huacán a̠ma̠ko̠lh lac­lanca ma̠pek­si̠­naní̠n xala ca̠quilh­ta­macú xa̠hua xana­puxcún tropa y lac­ta­li̠­pa̠hu lac­lu̠cu lac­chix­cu­huí̠n, na̠chuná xali̠hua cahua̠yu xa̠hua xpu̠­chi­naní̠n, ti̠pa̠­katzi tiyat­li̠hua nali̠­hua̠­ya­ná̠tit ma̠squi hua̠nti̠ tachí̠n li̠la­má̠­calh, cumu la̠ hua̠nti̠ ca̠la­kuá̠n lama, chuná hua̠nti̠ lactzú y lac­lanca! 
\p  
\v 19 Aca­li̠stá̠n cúc­xilhli a̠má lanca li̠xcáj­nit qui­tzis­tancán, xa̠hua xli̠­hua̠k reyes hua̠nti̠ tama̠­pek­si̠nán nac ca̠quilh­ta­macú, mac­xtum xta­li̠­mini̠t xtro­pajcán la̠qui̠ pu̠tum nata­ta̠­la̠­la­ca­ta̠­qui̠y y nata­ta̠­ra̠t­la­huay a̠má hua̠nti̠ xuilá­nilh sna­papa cahua̠yu xa̠hua hua̠nti̠ tali̠­pa̠­huán y mac­xtum xta­sta̠­la­ni­má̠­nalh.  
\v 20 Pero a̠má lanca li̠xcáj­nit qui­tzis­tancán chi­pá­calh xa̠hua a̠má aksa­ni̠na pro­feta hua̠nti̠ xca̠t­la­huani̠t lac­lanca li̠cá̠cni̠t ta­scújut nac xla­catí̠n a̠má li̠xcáj­nit qui­tzis­tancán, caj huá xpa̠­la­cata a̠má lac­lanca li̠cá̠cni̠t ta­scújut hua̠ntu̠ tla̠n xtla­huay a̠má aksa­ni̠ná pro­feta huá tla̠n ca̠liak­ska­huí­mi̠lh a̠ma̠ko̠lh cris­tianos hua̠nti̠ tata­má̠s­ta̠lh caca̠lh­ca̠­hui­li̠­ní­calh nac xmu̠x­ti̠ncán xta­cu­huiní a̠má li̠xcáj­nit qui­tzis­tancán, y tala­ka­chix­cú­hui̠lh xtzincun hua̠ntu̠ xtla­hua­ni­cani̠t. Acxni­tiyá a̠má lanca li̠xcáj­nit qui­tzis­tancán xa̠hua a̠má aksa­ni̠ná pro­feta ca̠ta­mac­pú̠­calh xas­tacná nac a̠má lanca lhcúya̠t anta­nícu pasama azufre.  
\v 21 Y xa̠maka­pi­tzí̠n cris­tianos hua̠nti̠ huá xta­la­ka­chix­cu­hui̠y xlacán huá ca̠li̠­mak­ní̠­calh espada hua̠ntu̠ xtax­tu­ni̠­tanchi nac xquilhni a̠má ti̠ xuilá­nilh sna­papa cahua̠yu, y xli̠­hua̠k a̠mako̠lh taka­lhí̠n hua̠ntu̠ tali̠­hua̠yán pucsnú la̠n talí̠­lalh y talí̠­kasli xti­yat­li̠­huacán xli̠­hua̠k hua̠nti̠ táni̠lh. 
\c 20  
\s1 Xli̠hua̠k aktum mi̠lh ca̠ta akskahuiní lakachi̠nu̠cán la̠qui̠ niaj naakskahuinín 
\p  
\v 1 Aca­li̠stá̠n cúc­xilhli cha̠tum ángel pi̠ xta̠c­ta­ma̠chi nac akapú̠n, xlá xli̠­mima xal­lave a̠má pu̠lhmá̠n pu̠la̠­chi̠n cumu la̠ poso hua̠ntu̠ ni̠ kalhi̠y xtampú̠n, y makatu xmacán xli̠­chi­pa­ti̠­lhay kantum cha̠­lanca cadena.  
\v 2 Umá ángel chí­palh a̠má lanca tzu­tzoko dragón lu̠hua hua̠nti̠ maká̠n quilh­ta­macú lama hua­tiyá a̠má hua̠nti̠ hua­nicán Akska­huiní, y li̠huana̠ li̠chi̠­huí­li̠lh cadena, chuná lí̠lh­ca̠lh pi̠ nata­chi̠­ta­huilay aktum mi̠lh ca̠ta.  
\v 3 Aca­li̠stá̠n lhkén máca̠lh nac a̠má pu̠lhmá̠n pu̠la̠­chi̠n hua̠ntu̠ ni̠ kalhi̠y xtampú̠n, antá chí̠­ju̠lh y nac xamá̠­lacchi a̠má pu̠lhmá̠n pu̠la̠­chi̠n ca̠x­ma̠­lac­chu­huá­nilh xla­cata ni̠ti̠ nama̠­la­qui̠y y ni̠ nataxtuy la̠qui̠ niaj tu̠ naca̠ak­ska­huimi̠y cris­tianos xala ca̠quilh­ta­macú hasta nati̠­tax­tuko̠y aktum mi̠lh ca̠ta hua̠ntu̠ xlac­lhca̠­hui­li̠­cani̠t. Acxni̠ nati̠­tax­tuko̠y u̠má quilh­ta­macú hua̠ntu̠ lac­lhca̠­hui­li̠­cani̠t, entonces nama̠x­qui̠cán tala­cas­quín xla­cata pi̠ catax­tupá ca̠la­kuá̠n a̠má akska­huiní pero ni̠ luu maka̠s quilh­ta­macú. 
\p  
\v 4 Aca­li̠stá̠n cúc­xilhli aklhu̠hua lacuán xpu̠­ta­huilhcán ma̠pek­si̠­naní̠n, antá xta­hui­lá̠­nalh lhu̠hua a̠ma̠ko̠lh hua̠nti̠ xca̠­ma̠x­qui̠­cani̠t li̠ma̠­peksí̠n xla­cata nata­ma̠­pek­si̠nán y nata­ma̠­ka­lha­pa­li̠nán cumu la̠ jueces. Na̠ cúc­xilhli xli̠s­tac­nicán a̠ma̠ko̠lh hua̠nti̠ xca̠­pix­chu­cuacti̠­cani̠t xak­xa̠­kacán y ca̠mak­ní̠­calh caj xpa̠­la­cata cumu aksti̠tum xta­li̠­chu­huí̠nán y xta­ma̠­kan­tax­ti̠­má̠­nalh hua̠ntu̠ tiqui̠­ma̠­lu­lokchi Jesús y xta­ma̠akpun­tu­mi̠­má̠­nalh xta­chu­huí̠n Dios. Uma̠­kó̠lh cris­tianos xlacán ne̠c­xnicú tati­la­ka­chíx­cu­hui̠lh a̠má lanca li̠xcáj­nit qui­tzis­tancán, y ni̠para tala­ka­ta­quilh­pu̠­tani̠t xtzincun hua̠ntu̠ xtla­hua­ni­cani̠t, xa̠huachí xlacán ni̠ tata­má̠s­ta̠lh naca̠­mu̠x­ti̠lh­ca̠­hui­li̠cán xta­cu­huiní a̠má li̠xcáj­nit qui­tzis­tancán. Aquit cúc­xilhli pi̠ xli̠s­tac­nicán u̠ma̠ko̠lh cris­tianos tala­cas­ta­cuánalh y chu­na­tiyá tas­tac­nampá cumu la̠ xapu̠lh, y aktum mi̠lh ca̠ta tata̠­ma̠­pek­sí̠­nalh Cristo.  
\v 5 Pero xa̠maka­pi­tzí̠n cris­tianos hua̠nti̠ na̠ aya xta­ni̠ni̠t xlacán ni̠ tala­cas­ta­cuánalh a̠má quilh­ta­macú, sino hasta acxni̠ ti̠tax­tu­ko̠lh a̠má aktum mi̠lh ca̠ta. Huá u̠má hua̠nti̠ luu pu̠lh tala­cas­ta­cuánalh cris­tianos.  
\v 6 ¡Luu ca̠na li̠pa̠­xúhu ca̠qui̠­tax­tuniy a̠ma̠ko̠lh cris­tianos hua̠nti̠ ca̠li̠­lac­sac­cani̠t pi̠ huá xca­maná̠n Dios tali̠­taxtuy! Y xlacán niaj cati­ta­mak­lhcá­tzi̠lh a̠má tapa̠tí̠n hua̠ntu̠ nata­maklh­ca­tzi̠y xli̠­hua̠k hua̠nti̠ naca̠­ma̠­pa̠­ti̠­ni̠cán nac pu̠pa̠tí̠n hua̠ntu̠ hua­nicán xli̠­maktiy li̠ní̠n, huata xlacán nata­li̠­taxtuy cumu la̠ cura hua̠nti̠ xma̠n huá Dios nata­li̠s­cuja xa̠hua Cristo, y xlacán lac­xtum nata­ta̠­ma̠­pek­si̠nán a̠má aktum mi̠lh ca̠ta hua̠ntu̠ xlá lac­lhca̠­hui­li̠ni̠t. 
\s1 Makatlajacán akskahuiní y maca̠ncán nac pu̠pa̠tí̠n 
\p  
\v 7 Acxni̠ chú aya ti̠tax­tu­ko̠ni̠t nahuán a̠má aktum mi̠lh ca̠ta hua̠ntu̠ lac­lhca̠­hui­li̠­cani̠t, a̠má akska­huiní nama̠x­qui̠cán quilh­ta­macú catáx­tulh nac a̠má xpu̠­la̠­chi̠n anta­nícu xchi̠­hui­li̠­cani̠t.  
\v 8 Acxni̠ xlá nataxtuy natzu­cu­paray ca̠ak­ska­huimi̠y cris­tianos hua̠nti̠ tala­má̠­nalh nac ca̠quilh­ta­macú la̠tachá nícu xalaní̠n. Hasta antá naán ca̠ak­ska­huimi̠y cris­tianos hua̠nti̠ tala­má̠­nalh nac a̠ma̠ko̠lh ca̠chi­qui̠ní̠n hua̠ntu̠ ca̠hua­nicán Gog chu Magog. Xlacán nata­ma̠­ke̠s­toka xli̠­hua̠k xtro­pajcán hasta niajlay xca̠­pu̠t­le­ke­ko̠cán lácu xli̠­lhu̠­huacán xta̠­chuná cumu la̠ mun­tzaya xalac xquilhtú̠n pupunú la̠ta xli̠­lhu̠­huacán, chuná ca̠ma̠­ké̠s­tokli la̠qui̠ nata­ta̠­la̠­la­ca­ta̠­qui̠y Dios. 
\p  
\v 9 Xlacán taakchi­pá̠­nalh nac xli̠­ca̠­lanca a̠má pu̠la­tama̠n y tas­ti­li­huí­li̠lh anta­nícu na̠ xta­ke̠s­tokni̠t xli̠­hua̠k cris­tianos hua̠nti̠ tali̠­pa̠­huán Dios, na̠chuná tat­lá­hualh a̠má ca̠chi­quí̠n hua̠ntu̠ Dios luu xli̠­ca̠na pa̠x­qui̠y. Pero Dios ne̠c­xnicú ca̠ak­xtek­má­kalh, huata minchá lhcúya̠t nac akapú̠n y pu̠tum a̠ma̠ko̠lh tropa ca̠lh­cu­yu­hui­lí̠­calh.  
\v 10 Y a̠má akska­huiní hua̠nti̠ xca̠­ma̠uxca̠­ni̠ni̠t porque huá xca̠ak­ska­huini̠t, xlá antá macá̠n­calh nac a̠má lanca lhcúya̠t anta­nícu xlianka­lhi̠ná pasama azufre, na̠ antiyá a̠má nícu ca̠ma­ju̠­cani̠t a̠má lanca li̠xcáj­nit qui­tzis­tancán xa̠hua aksa­ni̠ná pro­feta. Tan­tacú y tan­tas­caca antá ca̠ma̠­pa̠­ti̠­ni̠­má̠­calh nahuán hasta cane̠c­xni­cahuá quilh­ta­macú. 
\s1 Xli̠a̠huatá la̠ta ca̠ta̠tlahuacán taxokó̠n cristianos 
\p  
\v 11 Aca­li̠stá̠n cúc­xilhli aktum lanca sna­papa xlac­tá­hui̠lh ma̠pek­si̠ná, na̠ cúc­xilhli hua̠nti̠ xlacui. Y la̠ta xac­la­ca̠ma antaní xlá xuí cúc­xilhli pi̠ caj xamaktum lak­sput­ko̠lh tíyat xa̠hua akapú̠n y niaj tu̠ tasí­yulh, lá̠m­para ni̠tu̠ xanán nac xla­catí̠n.  
\v 12 Huata caj xma̠n cca̠úcxilhli xli̠­hua̠k a̠ma̠ko̠lh hua̠nti̠ aya xta­ni̠ni̠t lactzú y lac­lanca, antá pu̠tum xta­yá̠­nalh nac xla­catí̠n a̠má lanca xlac­tá­hui̠lh ma̠pek­si̠ná. Na̠ acxni­tiyá ca̠ma̠­la­ka­ké̠­calh libros, xa̠hua mac­tum­li̠túm libro anta­nícu huan hua̠nti̠ nata­ka­lhi̠y cane̠c­xni­cahuá latáma̠t. Xli̠­hua̠k ni̠n cha̠­tunu cha̠­tunu ca̠ma̠­ka­lha­pa­lí̠­calh y ca̠ma̠­xo­ko̠­ní̠­calh xli̠­hua̠k hua̠ntu̠ xta­tit­la­huani̠t para tla̠n o ni̠tlá̠n, chuná cumu la̠ xtalh­ca̠­ta­hui­lani̠t nac a̠ma̠ko̠lh libros.  
\v 13 Amá lanca pupunú pu̠tum ca̠ma­ca­má̠s­ta̠lh xli̠­hua̠k hua̠nti̠ antá xta­ni̠ni̠t na̠chuná ca̠ti­yatni pu̠tum ca̠ma­ca­má̠s­ta̠lh hua̠nti̠ antá xta­ni̠ni̠t y cha̠­tunu cha̠­tunu ca̠ma̠­ka­lha­pa­lí̠­calh ca̠ma̠­xo­ko̠­ní̠­calh chuná cumu la̠ xca̠­mi­ni̠niy y hua̠ntu̠ xta­tit­la­huani̠t.  
\v 14 Aca­li̠stá̠n acxni̠ xpu̠­chiná ca̠li̠ní̠n mak­lhti̠­kó̠­calh hua̠ntu̠ xka­lhi̠y, antá lhkén macá̠n­calh nac lanca lhcúya̠t. Huá u̠má lanca lhcúya̠t anta nícu ca̠ma­cá̠n­calh ni̠n hua̠nti̠ xli̠­pa̠­ti̠­natcán hua­tiyá tu̠ hua­nicán xli̠­maktiy li̠ní̠n.  
\v 15 Y antá pu̠tum ca̠ma­cá̠n­calh a̠ma̠ko̠lh cris­tianos hua̠nti̠ ni̠tu̠ xta­tzok­ta­hui­lani̠t xta­cu­hui­nicán a̠má mactum xala­táma̠t libro hua̠ntu̠ huí nac akapú̠n. 
\c 21  
\s1 Xasa̠sti akapú̠n y xasa̠sti tíyat 
\p  
\v 1 Acxni̠ chuná ti̠tax­tu­ko̠lh, aca­li̠stá̠n cúc­xilhli aktum xasa̠sti akapú̠n y xasa̠sti tíyat; porque a̠má xapu̠lh hua̠ntu̠ xuí akapú̠n xa̠hua tíyat aya xlak­sputni̠t, na̠chuná pupunú.  
\v 2 Na̠ acxni­tiyá cúc­xilhli a̠má ca̠chi­quí̠n hua̠ntu̠ Dios luu xli̠­ca̠na xpa̠x­qui̠y y csi­cu­la­na̠t­la­huani̠t, huá a̠má xasa̠sti Jeru­salén hua̠ntu̠ xta̠c­ta­ma̠chi nac akapú̠n anta­nícu huí Dios. Umá xasa̠sti ca̠chi­quí̠n li̠huana̠ xta­ca̠x­ta̠­yani̠t cumu la̠ cha̠tum tzuma̠t hua̠nti̠ ámaj tamaka­xtoka la̠qui̠ luu li̠la­káti̠t naucxilha xlí̠i̠t.  
\v 3 Xamaktum ckáx­matli aktum tachu­huí̠n hua̠ntu̠ tax­tuchi nac a̠má lanca xlac­tá­hui̠lh ma̠pek­si̠ná, hua̠ntu̠ chiné huá: 
\p —Xli̠­ca̠na pi̠ la̠ta naán quilh­ta­macú Dios lamaj nahuán nac xlak­sti̠­pa̠ncán cris­tianos. Xlianka­lhi̠ná ca̠ta̠­lámaj nahuán porque xca­maná̠n naca̠­li̠­ma̠xtuy hua̠nti̠ luu ca̠pa̠x­qui̠y, y Dios ma̠n lac­xtum ca̠ta̠­lámaj nahuán porque huá luu xax­li̠­ca̠na xDioscán.  
\v 4 Xlá naca̠­la­ca­xacay la̠ta xta­la­kax­taj­má̠­nalh xpa̠­la­cata hua̠ntu̠ xta­li̠­ta­sa­má̠­nalh y niaj ne̠c­xnicú cati­tá­ni̠lh, ni̠para tícu cati­ta­tá­salh, niaj tu̠ cati­ta­li̠­pa̠­tí̠­nalh, para taca­tza­ná­juat, porque hua̠ntu̠ xapu̠lh xta­ka­lhi̠y xla­ta­ma̠tcán y xanán aya hua̠k lak­tzan­ka̠­ko̠ni̠t, y niaj tu̠ anán la̠nchú. 
\p  
\v 5 Amá hua̠nti̠ xuí nac lanca xlac­tá­hui̠lh ma̠pek­si̠ná chiné huá: 
\p —¡Aquit cma̠­sa̠sti̠y xli̠­hua̠k hua̠ntu̠ la̠nchú anán! 
\p Y chiné huampá: 
\p —Hua̠k catzokti hua̠ntu̠ nakax­pata porque huá u̠má quin­ta­chu­huí̠n hua̠ntu̠ kalhi̠y xta­lu­lóktat, y tla̠n ca̠naj­lacán. 
\p  
\v 6 Aca­li̠stá̠n chiné qui­huá­nilh: 
\p —Chú aya hua̠k kan­tax­tu­ko̠ni̠t hua̠ntu̠ xac­lac­lhca̠­hui­li̠ni̠t. Aquit a̠má hua̠nti̠ hua­nicán Alfa xa̠hua Omega, hua̠nti̠ cane̠c­xni­cahuá quilh­ta­macú clama, chuná cumu la̠ xquilh­tzúcut xa̠hua xliakas­putni. Hua̠nti̠ kalh­pu̠­ti̠ma camilh la̠qui̠ aquit nac­li̠­ma̠­kotni̠y a̠má chú­chut hua̠ntu̠ tajúma nac musnu hua̠ntu̠ ma̠sta̠y xax­li̠­ca̠na latáma̠t, pero caj chu­natá ni̠tu̠ cati­xó­kolh.  
\v 7 Xli̠­hua̠k hua̠nti̠ nata­ta̠­yaniy y chu­na­tiyá aksti̠tum naquin­ta­li̠­pa̠­huán, pu̠tum u̠má ámaj mak­lhti̠nán hua̠ntu̠ lak­chá̠n, xa̠huachí aquit xDios nacuán y quin­camán nac­ca̠­li̠­ma̠xtuy hua̠nti̠ luu nac­ca̠­pa̠x­qui̠y.  
\v 8 Pero a̠ma̠ko̠lh hua̠nti̠ caj talak­lhpe̠­cuán ni̠ luu quin­ta­li̠­pa̠­huán, hua̠nti̠ xaquic­lhcatza, xa̠hua mak­ni̠­naní̠n, hua̠nti̠ tala­kati̠y taxa­katli̠y tunuj lac­pus­ca̠tní̠n ma̠squi tahui­lá̠­nalh xpus­ca̠tcán, xa̠hua hua̠nti̠ tala­kati̠y tas­cu­huán, na̠chuná hua̠nti̠ tala­ka­chix­cu­hui̠y tzincun xa̠hua pu̠tum hua̠nti̠ tala­kati̠y taaksa­ni̠nán, pu̠tum u̠ma̠ko̠lh naca̠­ma­ca̠ncán nac a̠má lanca lhcúya̠t antá nícu xlianka­lhi̠ná lak­pa­sama nahuán azufre, porque antá ca̠mi­ni̠niy xla­cata nata­pa̠ti̠y xli̠­maktiy li̠ní̠n. 
\s1 Aktum xasa̠sti Jerusalén 
\p  
\v 9 Aca­li̠stá̠n cca̠úcxilhli a̠ma̠ko̠lh kalha­tujún ángeles hua̠nti̠ xta­chi­pani̠t pa̠tunu copas anta­nícu xta­ta­ju̠­má̠­nalh a̠huatá a̠má pu̠lac­tujún li̠pe̠cua tapa̠tí̠n, y qui­lák­milh cha̠tum y chiné qui­huá­nilh: 
\p —La̠li̠­huán cala­ca­pala catát uú la̠qui̠ nac­ma̠­si­yu­niyá̠n a̠má li̠la­káti̠t tzuma̠t hua̠nti̠ xpusca̠t ámaj tla­huay xbor­rego Dios. 
\p  
\v 10 Y la̠ta xqui­ma̠­la­ca­hua̠­ni̠ma a̠má xEspíritu Dios, ccá­tzi̠lh pi̠ a̠má ángel quí­le̠lh mákat nac aktum lanca ke̠stí̠n, y antá qui­ma̠­si­yú­nilh xata­si­cu­la­na̠t­láhu y xasa̠sti lanca ca̠chi­quí̠n Jeru­salén hua̠ntu̠ xta̠c­ta­ma̠chi nac akapú̠n anta­nícu huí Dios.  
\v 11 Amá lanca ca̠chi­quí̠n li̠pe̠cua xlak­skoy cumu la̠ li̠la­káti̠t slipua chí­huix, osuchí cumu la̠ a̠má li̠la­káti̠t chí­huix hua̠ntu̠ hua­nicán jaspe, y tla­yajua xuani̠t cumu la̠ vidrio.  
\v 12 Nac xli̠­kalh­lanca a̠má ca̠chi­quí̠n li̠huana̠ xli̠s­ti­li­hui­li̠­cani̠t lanca y ta̠lhmá̠n pá̠tzaps, pero xka­lhi̠y akcu̠tiy xamá̠­lacchi, y la̠ta nac aka­tunu má̠lacchi xmak­ta­kalh­nama cha̠tum ángel, xa̠huachí nac u̠ma̠ko̠lh akcu̠tiy má̠lacchi antá xta­tzok­ta­hui­lani̠t xta­cu­hui­nicán akcu̠tiy lactzú pu̠la­tama̠n hua̠ntu̠ xca̠­ma̠­la­ca­tzu­qui̠ni̠t y xta­pek­si̠niy Israel.  
\v 13 Aktutu má̠lacchi xyá pekán anta­nícu pu̠lha̠chá chi­chiní, na̠ aktutu má̠lacchi xyá anta­nícu tzan­ka̠­ya̠chá chi­chiní, pekán nac sur na̠ aktutu má̠lacchi xka­lhíy y na̠chuná aktutu má̠lacchi pekán nac norte.  
\v 14 Umá lanca y ta̠lhmá̠n pá̠tzaps hua̠ntu̠ xli̠s­ti­li­hui­li̠­cani̠t ca̠chi­quí̠n xka­lhi̠y kan­cu̠tiy lac­lanca xata­la­yá̠hu hua̠ntu̠ li̠huana̠ xlak­chi­pa­ya̠­huani̠t u̠má pá̠tzaps, nac kana­tunu xata­la­yá̠hu antá xta­tzokni̠t xta­cu­hui­nicán a̠ma̠ko̠lh kalha­cu̠tiy xapós­toles Cristo. 
\p  
\v 15 Amá ángel hua̠nti̠ xquin­ta̠­chu­hui̠­nama xchi­pa­ti̠­lhay kantum lhma̠n lasasa cumu la̠ li̠lhca̠n pero hua̠k xla oro, la̠qui̠ huá nali̠lhca̠y lácu xli̠­lanca kalhi̠y a̠má ca̠chi­quí̠n xa̠hua xamá̠­lacchi, y na̠chuná xli̠­kalh­lanca xapa̠­tzaps hua̠ntu̠ li̠s­ti­li­hui­li̠­cani̠t.  
\v 16 Amá ca̠chi­quí̠n caj sta̠­tijua xuani̠t; chuná la̠ xli̠lhmá̠n na̠chuná xka­lhi̠y xli̠­pi̠­lanca. Angel tzú­culh lhca̠y a̠má ca̠chi­quí̠n y chiné tax­tuchá xtalhcá̠n: aktiy mi̠lh aktiy cientu kiló­metros; na̠ hua̠k chuná xli̠­pi̠­lanca, xli̠lhmá̠n, xa̠hua xli̠­ta̠lhmá̠n, acxtum chuná xka­lhi̠y.  
\v 17 Aca­li̠stá̠n tzú­culh lhca̠y a̠má lanca xapá̠­tzaps hua̠ntu̠ xli̠s­ti­li­hui­li̠­cani̠t; y chiné tax­tuchá xtalhcá̠n: tutum­pu­xa­ma­qui­tzis metro, chuná cumu la̠ talh­ca̠nán cris­tianos xalac ca̠quilh­ta­macú. 
\p  
\v 18 Xapá̠­tzaps hua̠ntu̠ xli̠s­ti­li­hui­li̠­cani̠t a̠má lanca ca̠chi­quí̠n, huá xli̠t­la­hua­cani̠t lak­li̠­la­káti̠t lac­slipua chí­huix hua̠ntu̠ hua­nicán jaspe, y xli̠­lanca a̠má ca̠chi­quí̠n hua̠k xatlá̠n oro xli̠t­la­hua­cani̠t, xta̠­chuná cumu la̠ la̠n xata­xaca vidrio.  
\v 19 Xata­la­yá̠hu a̠má lanca pá̠tzaps la̠ta kana­tunu xca̠­li̠­ca̠x­ya̠­hua­cani̠t lak­li̠­la­káti̠t lac­slipua chí­huix, xapu̠lh xka­lhi̠y li̠la­káti̠t chí­huix hua̠ntu̠ hua­nicán jaspe, xli̠­kantiy hua̠ntu̠ hua­nicán chí­huix zafiro, xli̠­kan­tutu a̠má chí­huix hua̠ntu̠ hua­nicán agata, xli̠­kan­ta̠ti xka­lhíy esmer­alda;  
\v 20 xli̠­kan­qui­tzis xka­lhi̠y hua̠ntu̠ hua­nicán ónice; xli̠­kan­cha̠xán cor­na­lina; xli̠­kan­tujún cri­só­lito; xli̠­kan­tzayán berilo; xli̠­kan­na­ja̠tza topacio; xli̠­kan­cá̠hu cri­sop­rasa; xli̠­kan­ca̠­huitu jacinto y xli̠­kan­cu̠tiy xka­lhi̠y a̠má chí­huix hua̠ntu̠ hua­nicán ama­tista.  
\v 21 Amá akcu̠tiy má̠lacchi xli̠­lani̠t amá chí­huix la̠ xoke hua­nicán perla, aka­tunu xma̠n aktum perla xli̠lh­pit­cani̠t. Y amá lanca tlan­ca̠­tiji hua̠ntu̠ xka­lhi̠y a̠má ca̠chi­quí̠n hua̠k xatlá̠n oro xli̠t­la­hua­cani̠t slip cskoy cumu la̠ vidrio. 
\p  
\v 22 Nac a̠má lanca li̠la­káti̠t ca̠chi­quí̠n ni̠ cúc­xilhli para huí xpu̠­si­culán Dios osuchí anta­nícu nala­ka­chix­cu­hui̠cán, porque a̠má Dios hua̠nti̠ lanca xla­ca­tzúcut, xa̠hua xBorrego hua̠nti̠ xokó̠­nulh quim­pa̠­la­ca­tacán lacaxtum nac a̠má lanca ca̠chi­quí̠n li̠taxtuy cumu la̠ xpu̠­si­culán anta­nícu tla̠n laka­chix­cu­hui̠cán.  
\v 23 Amá lanca ca̠chi­quí̠n ni̠ mac­la­cas­quima para catax­tulhá chi­chiní ca̠cu­huiní, osuchí papá ca̠tzi̠sní xla­cata nama̠x­ka­ke̠nán, porque Dios li̠maca­xka­ke̠­nama lanca xtax­káket hua̠ntu̠ kalhi̠y, y huá xli̠­maksko hua̠ntu̠ mac­la­cas­quín huá li̠taxtuy xBorrego Dios.  
\v 24 Xli̠­hua̠k cris­tianos hua̠nti̠ tahui­lá̠­nalh xli̠­ca̠­lanca ca̠quilh­ta­macú tla̠n nata­li̠t­la̠­huán xtax­káke̠t a̠má lanca ca̠chi­quí̠n, y xli̠­hua̠k a̠ma̠ko̠lh lac­lanca ma̠pek­si̠­naní̠n reyes xalac ca̠quilh­ta­macú nata­ma­ca­ma̠x­qui̠y xli̠­hua̠k hua̠ntu̠ taka­lhi̠y xta­palh tumi̠n.  
\v 25 Xamá̠­lacchi a̠má lanca ca̠chi­quí̠n ne̠cxni cati­ta­lac­chú­hualh ca̠cu­huiní xa̠huachí antá ne̠c­xnicú cati­tzí̠­sualh.  
\v 26 Hua̠k huá nama­ca­ma̠x­qui̠­ko̠cán xli̠­hua̠k hua̠ntu̠ xta­palh tumi̠n xa̠hua xli̠­hua̠k hua̠ntu̠ xli̠­li̠­la­káti̠t kalhi̠y ca̠quilh­ta­macú.  
\v 27 Pero antá ne̠c­xnicú cati­ta­nu̠chá hua̠ntu̠ li̠xcáj­nit, na̠ ni̠para cris­tianos hua̠nti̠ tat­la­huay xli̠­hua̠k hua̠ntu̠ ni̠ liucxilh­putu o hua̠nti̠ caj taliaksa­ni̠nán. Caj xma̠n hua­tuní̠n nata­ta­nu̠­ya̠chá a̠ma̠ko̠lh cris­tianos hua̠nti̠ tatzok­ta­hui­la­ko̠ni̠t xta­cu­hui­nicán nac a̠má xala­táma̠t libro hua̠ntu̠ kalhi̠y xBorrego Dios. 
\c 22  
\p  
\v 1 Amá ángel qui­ma̠­si­yú­nilh kantum kalh­tu̠­choko anta­nícu xama pero sta­lanca chú­chut hua̠ntu̠ ma̠sta̠y latáma̠t. Luu sta­lanca xuani̠t cumu la̠ vidrio, y antá xtax­tu­ma̠chi nac lanca xlac­tá­hui̠lh ma̠pek­si̠ná anta­nícu xuí Dios xa̠hua xBorrego hua̠nti̠ xokó̠­nulh quim­pa̠­la­ca­tacán.  
\v 2 Nac xquilh­tu̠ní̠n kalh­tu̠­choko xa̠hua nac tlan­ca̠­tiji hua̠ntu̠ íta̠t xti­lac­pun­taxtuy a̠má ca̠chi­quí̠n, antá cstacma a̠má quihui hua̠ntu̠ hua­nicán quihui hua̠ntu̠ ma̠sta̠y latáma̠t, u̠má quihui ma̠sta̠y xta­huácat aka­tunu papa, osuchí mak­cu̠tiy aktum ca̠ta; y xapalhma u̠ma quihui li̠ma­cuán la̠qui̠ naca̠­li̠­cu­chi̠cán xli̠s­tac­nicán xli̠­hua̠k cris­tianos hua̠nti̠ tala­má̠­nalh nac xli̠­ca̠­lanca ca̠quilh­ta­macú.  
\v 3 Nac u̠má xasa̠sti pu̠la­tama̠n niaj tu̠ catiánalh hua̠ntu̠ ma̠lak­tzan­ke̠nán porque nac u̠má ca̠chi­quí̠n huij nahuán a̠má lanca xlac­tá­hui̠lh ma̠pek­si̠ná chuná xlá Dios cumu la̠ xla xBorrego, y xli̠­hua̠k hua̠nti̠ xta­li̠s­cuj­má̠­nalh hua̠k nata­la­ka­chix­cu­hui̠y.  
\v 4 Xli̠­hua̠k hua̠nti̠ tali̠­pa̠­huán chú ma̠n nata­la­ca­niucxilha, xa̠huachí ca̠lh­ca̠­hui­li̠­ni­cani̠t nahuán nac xmu̠x­ti̠ncán xta­cu­huiní Dios.  
\v 5 Antá niaj ne̠c­xnicú cati­tzí̠­sualh, y xli̠­hua̠k hua̠nti̠ antá tahui­lá̠­nalh niaj tamac­la­cas­quín li̠maksko xla­cata nata­li̠­mak­skoy, na̠ niajpara chi­chiní cati­ta­mac­la­cás­quilh, porque a̠má lanca tali̠­pa̠hu Dios hua̠nti̠ Quim­pu̠­chi­nacán naca̠­ma̠x­qui̠y xtax­káket, xa̠huachí lac­xtum nata­mak­ma̠­pek­si̠nán cane̠c­xni­cahuá quilh­ta­macú. 
\s1 Aya talacatzuhui̠ma quilhtamacú la̠ta namimparay Jesucristo 
\p  
\v 6 Amá ángel chiné qui­hua̠­nilh: 
\p —Xli̠­hua̠k u̠má tachu­huí̠n hua̠ntu̠ kax­pátpa̠t, mini̠niy naca̠­naj­lacán porque xli̠­ca̠na huá xta­lu­lóktat. Porque Quim­pu̠­chi­nacán hua̠nti̠ luu xax­li̠­ca̠na quiDioscán, hua̠nti̠ ca̠ma̠x­qui̠y tala­ca­pa̠s­tacni xli̠­hua̠k pro­fetas la̠qui̠ nata­li̠­chu­hui̠nán, xlá ma̠n maca­mini̠t xángel la̠qui̠ laca­tancs naca̠­ma̠­ca­tzi̠ni̠y xli̠­hua̠k hua̠nti̠ tali̠­pa̠­huán y tali̠s­cuj­má̠­nalh hua̠ntu̠ ni̠para maka̠s quilh­ta­macú ámaj kan­taxtuy. 
\p  
\v 7 —¡Niaj maka̠s quilh­ta­macú cámaj min! ¡Luu ca̠na li̠pa̠­xúhu naqui̠­tax­tuniy a̠má hua̠nti̠ ca̠najlay y cuentaj tla­huay hua̠ntu̠ Dios ma̠ca­tzi̠­ni̠­nama, y xli̠­hua̠k hua̠ntu̠ tatzok­ta­hui­lani̠t nac u̠má libro! 
\p  
\v 8 Aquit Juan ma̠n cúc­xilhli y ckáx­matli xli̠­hua̠k hua̠ntu̠ cli̠­chu­hui̠­nama. Y aca­li̠stá̠n acxni̠ chuná cuc­xilh­ko̠lh y ckax­mat­ko̠lh, cla­ka­ta­tzo­kós­talh nac xtantú̠n a̠má ángel hua̠nti̠ chuná xqui­li̠­ma̠­la­ca­hua̠­ni̠ni̠t xla­cata nac­la­ka­chix­cu­hui̠y.  
\v 9 Pero huata xlá chiné qui­huá­nilh: 
\p —Ni̠ cla­cas­quín naqui­la­ka­chix­cu­hui̠ya, porque aquit ni̠ Dios, aquit na̠ caj xlac­scujni Dios chuná cumu la̠ huix xa̠hua maka­pi­tzí̠n mina­ta̠lán pro­fetas, y xli̠­hua̠k hua̠nti̠ talak­tzaksay hua̠ntu̠ huan nac u̠má li̠kalh­ta­huaka. Huá xpa̠­la­cata cli̠­hua­niyá̠n pi̠ xma̠n huá Dios hua̠nti̠ mili̠­la­ka­chix­cú­hui̠t. 
\p  
\v 10 Chiné qui­hua­nipá: 
\p —Ni̠ caj tze̠k cali̠­catzi xli̠­hua̠k hua̠ntu̠ mili̠­tzo­kuíli̠t xta­chu­huí̠n Dios nac milibro, porque aya tala­ca­tzu­hui̠ma quilh­ta­macú la̠ta nakan­taxtuy xli̠­hua̠k la̠ta túcu natzoka.  
\v 11 Huix ni̠ aka­tiyuj calat, hua̠nti̠ tla­huama hua̠ntu̠ li̠xcáj­nit tala̠­ka­lhí̠n, cat­la­hua­ke̠lh; hua̠nti̠ catu̠huá li̠x­ca­jua̠lama, tlak cati­ma̠x­ca­juá̠li̠lh xla­táma̠t; pero hua̠nti̠ tla̠n catzi̠y, chu­na­tiyá tla̠n cacá­tzi̠lh; y xli̠­hua̠k hua̠nti̠ maktum tama­ca­ma̠x­qui̠ni̠t xla­ta­ma̠tcán Dios, xlá chu­na­tiyá aksti̠tum cali̠­pá̠hua. 
\p  
\v 12 —Xli̠­ca̠na pi̠ ni̠ maka̠s quilh­ta­macú cámaj min —huan Jesús—, y nac­li̠mín hua̠ntu̠ cámaj ca̠li̠­ma̠s­ka­hui̠y cha̠­tunu cris­tianos, chuná la̠ta ca̠mi­ni̠niy, para aksti̠tum tati­la­ta­ma̠ni̠t o para li̠xcáj­nit xta­la­má̠­nalh nac xla­ta­ma̠tcán.  
\v 13 Aquit a̠má hua̠nti̠ hua­nicán Alfa y Omega, hua̠nti̠ cane̠c­xni­cahuá quilh­ta­macú clama, chuná la̠ xquilh­tzúcut xa̠huá xliakas­putni. 
\p  
\v 14 Ca̠na li̠pa̠­xúhu ca̠qui̠­tax­tuniy a̠ma̠ko̠lh hua̠nti̠ tacheke̠y y tama̠­kalh­taxti̠y clha­ka̠tcán la̠qui̠ na̠ tla̠n nata­mak­taxtuy xta­huácat a̠má quihui hua̠ntu̠ ma̠sta̠y latáma̠t y nata­lac­tanu̠y nac xamá̠­lacchi a̠má lanca xca̠­chi­quí̠n Dios.  
\v 15 Pero ne̠cxni cati­ta­lac­tá­nu̠lh nac xamá̠­lacchi a̠má ca̠chi­quí̠n xli̠­hua̠k a̠ma̠ko̠lh hua̠nti̠ xma̠n huá talak­tzaksay lácu tla̠n nata­lac­scu­huay xta̠­cris­tianos, lácu tla̠n nata­xa­katli̠y a̠tunuj lac­pus­ca̠tní̠n ma̠squi taka­lhi̠y xpus­ca̠tcán, xa̠hua mak­ni̠­naní̠n, na̠chuná hua̠nti̠ tala­ka­chix­cu­hui̠y tzincun, chu xli̠­hua̠k hua̠nti̠ tala­kati̠y taaksa­ni̠nán. 
\p  
\v 16 —Aquit Jesús, ma̠n cma­ca̠­ni̠­tanchá quiángel xla­cata laca­tancs naca̠­ma̠­lu­lokniy u̠má xta­chu­huí̠n Dios xli̠­hua̠k hua̠nti̠ quin­ta­li̠­pa̠­huán nac a̠ma̠ko̠lh aktujún ca̠chi­quí̠n. Aquit a̠má xli̠­ta­la­ka­pasni ko̠lu­tzí̠n rey David. Aquit a̠má lanca ma̠tun­cu­huiní stacu hua̠ntu̠ tasiyuy laca­tzi̠sa. 
\p  
\v 17 Espíri­tu Santo xa̠hua xli̠­hua̠k cris­tianos hua̠nti̠ tali̠­taxtuy cumu la̠ a̠má xtas­quín Cristo hua̠nti̠ nata̠­ta­maka­xtoka, acxtum tahuán: 
\p —¡La̠li̠­huán catat! 
\p Xli̠­hua̠k hua̠nti̠ takax­mat­má̠­nalh úmá tachu­huí̠n na̠ catáhua: 
\p —¡La̠li̠­huán catat! 
\p Xli̠­hua̠k hua̠nti̠ kalh­pu̠­ti̠ma y mim­putún, la̠li̠­huán camilh li̠kotnún a̠má chú­chut hua̠ntu̠ ma̠sta̠y latáma̠t, pero caj chu­natá ni̠tu̠ cati­xó­kolh. 
\p  
\v 18 Xli̠­hua̠k hua̠nti̠ takax­mata o nata­li̠­kalh­ta­huakay xta­chu­huí̠n Dios hua̠ntu̠ tatzok­ta­hui­lani̠t nac u̠má libro a̠li̠sok cca̠­ma̠­ca­tzi̠­ni̠yá̠n: Para tícu nama̠­li̠­hua­qui̠y hua̠ntu̠ niaj chuná huán, xli̠­ca̠na pi̠ Dios na̠chuná nama̠­li̠­hua­qui̠niy xta­pa̠tí̠n cumu la̠ li̠chu­hui̠nán nac eé li̠kalh­ta­huaka.  
\v 19 Y na̠chuná para tícu nali̠­ma̠cti̠y y ni̠ acchá̠n nahuán hua̠ntu̠ li̠chu­hui̠nán eé libro, na̠chuná namak­lhti̠cán xta­pa̠­xu­huá̠n la̠ta lácu xlak­chá̠n napa̠­xu­huay nac a̠má xasa̠sti xata­si­cu­la­na̠t­láhu ca̠chi­quí̠n y lácu nahuay a̠má xta­huácat quihui hua̠ntu̠ ma̠sta̠y xax­li̠­ca̠na latáma̠t hua̠ntu̠ cli̠­chu­hui̠nán nac u̠má li̠kalh­ta­huaka. 
\p  
\v 20 Amá hua̠nti̠ ma̠lu­loka u̠má tachu­huí̠n, chiné huán: 
\p —¡Xli̠­ca̠na pi̠ ni̠ maka̠s quilh­ta­macú cámaj min! 
\p ¡Chuná calalh! ¡Xi̠ca̠na pi̠ pála catat, Quim­pu̠­chi­nacán Jesús! 
\p  
\v 21 Cla­cas­quín pi̠ Quim­pu̠­chi­nacán Jesús lán caca̠­la­ka­lhamán, y caca̠­si­cu­la­na̠t­la­huán xli̠­hua̠k hui­xinín.