\id JAS  
\h Santiago 
\toc1 Hua Uma Carta Hua̠ntu̠ Titzokli Santiago 
\toc2 Santiago 
\toc3 Stg. 
\mt1 Hua Uma Carta Hua̠ntu̠ Titzokli 
\mt1 Santiago 
\ip Caj xpa̠­la­cata cumu u̠má carta li̠chu­hui̠­nama túcuya̠ ta­scújut xli̠t­la­huatcán hua̠nti̠ tali̠­pa̠­huán Dios, lhu̠hua hua̠nti̠ talac­pu­huán pi̠ San­tiago caj xma̠n lacas­quín cata­ma̠­sí­yulh xtas­cu­jutcán cris­tianos. Xli̠­ca̠na xlá pi̠ San­tiago laca­tancs huan hua̠nti̠ li̠pa̠­huán Dios mákat tuncán xli̠­ta­síyut xta­scújut, porque chiné huan pi̠ “amá cris­tiano hua̠nti̠ huan pi̠ li̠pa̠­huán Dios y ni̠para tzinú li̠ma̠­siyuy xta­scújut, xli̠­hua̠k hua̠ntu̠ huan ca̠najlay ni̠ti̠ li̠macuaniy” (2.20). San­tiago xma̠n huá luu aka­tiyuj li̠lay xla­cata pi̠ xli̠­hua̠k hua̠nti̠ tali̠­pa̠­huán Dios xli̠­hua̠k xcha̠­liyá̠n xla­ta­ma̠tcán catat­lá­hualh hua̠ntu̠ lacuán ta­scújut, y ni̠ caj xma̠n cata­li̠­taaklhú̠­hui̠lh para tancs o ni̠ tancs hua̠ntu̠ ca̠li̠­ma̠­kalh­chu­hui̠­ní̠­calh xta­chu­huí̠n Dios osuchí para aktum tas­tac­ya̠hu ni̠ tama̠t­lá̠n­ti̠lh; mejor cata­ma̠­sí­yulh nac xla­ta­ma̠tcán pi̠ xli̠­ca̠na taca̠­naj­laniy Dios. 
\ip Xlá laca­tancs quin­ca̠­hua­niyá̠n pi̠ cuentaj cat­la­huáhu y ni̠ti̠ tili̠­kalh­pa­la­chu­hui̠­na­ná̠hu qui­si̠­ma­ka̠tcán (3.1-12), na̠ ni̠para tícu caquic­lhca­tza­níhu, ni̠ti̠ calak­ca­tzáhu y ni̠ cala­ka­ti̠­la­cá̠hu naka­lhi̠­yá̠hu xma̠n huá hua̠ntu̠ anán nac ca̠quilh­ta­macú (3.13; 4.10). Ni̠ti̠ cali̠­ya̠­huáhu para túcu quin­ta̠­cris­tianoscán (4.11-12). Xa̠huachí acxni̠ para túcu tla­hua­pu­tu­ná̠hu ní huá li̠la­ca­ta̠­qui̠­na­ná̠hu y maktum tuncán cama̠­ca̠­naj­lí̠hu para chuná nat­la­hua­yá̠hu, porque “xma̠n huá Dios catzi̠y hua̠ntu̠ quin­ca̠ak­spu­la­ni̠tán nahuán li̠cha̠lí quilh­ta­macú xka­ka­ma̠chá” (4.13-16). 
\ip Xli̠akas­putni u̠má carta ca̠li̠­ma̠­kalh­chu­hui̠­ni̠cán xli̠­hua̠k hua̠nti̠ tali̠­pa̠­huán Cristo pi̠ ni̠ tlakaj catá­lalh, huata li̠pa̠­xúhu cata­kalh­ta­hua­ká­nilh Dios xla­cata pi̠ hua̠ntu̠ tla̠n cata­la­tá­ma̠lh y ni̠ti̠ caca̠ak­spú­lalh xli̠­hua̠k cris­tianos (5.7-20). 
\c 1  
\p  
\v 1 Aquit San­tiago xta­sa̠cua Dios xa̠hua xlac­scujni Quim­pu̠­chi­nacán Jesu­cristo, luu ca̠na li̠pa̠­xúhu cca̠­xa­kat­li̠­la­ca̠­ma̠­chá̠n xli̠­hua̠k hui­xinín judíos hua̠nti̠ mak­li̠­ta­pu̠lh­ca̠­yá̠tit pu̠lac­cu̠tiy lactzu̠ pu̠la­tama̠n hua̠nti̠ xamaká̠n quilh­ta­macú xca̠­ma̠­la­ca­tzu­qui̠­ni̠­tanchá ko̠lu­tzí̠n Israel y la̠nchú aka­huanij lapá̠tit nac xli̠­ca̠­lanca ca̠quilh­ta­macú. 
\s1 Dios ma̠sta̠y lanca li̠skalala para li̠pa̠huaná̠hu 
\p  
\v 2 Nata̠lán, acxni̠ hui­xinín catu̠huá ca̠li̠­tzak­sa­ca­ná̠tit y ca̠ma̠­pa̠­ti̠­ni̠­ca­ná̠tit ni̠para tzinú ca̠mi­ni̠­niyá̠n nali̠­si̠­tzi̠­yá̠tit huata caj cali̠­pa̠­xu­huátit.  
\v 3 Porque acxni̠ ca̠li̠­tzak­sa­ca­ná̠tit la̠tachá túcuya̠ taaklhú̠­hui̠t xli̠­ca̠na pi̠ acxni̠ chuná qui̠­taxtuy hui­xinín kalhi̠­yá̠tit li̠t­li­hueke la̠qui̠ nata̠­ya­ni­yá̠tit ma̠squi caca̠­lak­chín la̠tachá túcuya̠ tasa­ka̠lí̠n.  
\v 4 Pero luu cuentaj cat­la­huátit xla­cata pi̠ tamá li̠t­li­hueke naca̠­ma̠ak­sti̠­tu­mi̠­li̠yá̠n, la̠qui aka­tzi­yanca nala­ta­pa̠­yá̠tit y ni̠ti̠ cati­ca̠­tzan­ka̠nín. 
\p  
\v 5 Para tícu la̠ hui­xinín ni̠ kalhi̠y li̠s­ka­lala hua̠ntu̠ xli̠­ká­lhi̠t, xli̠­ca̠na pi̠ xma̠n huá Dios cas­quí­nilh la̠qui̠ nama̠x­qui̠y porque xli̠­ca̠na pi̠ nama̠x­qui̠y; Dios acxtum quin­ca̠­ma̠x­qui̠yá̠n li̠s­ka­lala para quin­ca̠­tzan­ka̠­niyá̠n pero ni̠ti̠ quin­ca̠­li̠­hua­niyá̠n aca­li̠stá̠n.  
\v 6 Acxni̠ aquinín squi­ni­yá̠hu xta­la­ca­pa̠s­tacni quin­ca̠­mi­ni̠­niyá̠n xli̠­hua̠k qui­na­cujcán nali̠­pa̠­hua­ná̠hu pi̠ naquin­ca̠­ma̠x­qui̠yá̠n. Huá chuná cca̠­li̠­hua­niyá̠n porque a̠má cris­tianos hua̠nti̠ aka­tiyuj lay ni̠ luu li̠huana̠ talu­loka para namak­lhti̠nán hua̠ntu̠ squi­nima Dios, tamá cris­tiano luu xta̠­chuná li̠taxtuy cumu la̠ ta̠ke­ya̠­huaná xalac pupunú hua̠ntu̠ lacatum lacatum qui̠­ma̠­ko­suma uú̠n.  
\v 7 Hua̠nti̠ chuná li̠lay xta­ca̠­nájlat, ¿a poco lac­pu­huán chú pi̠ Dios nama̠x­qui̠y hua̠ntu̠ squi­nima?  
\v 8 Porque tamá cris­tiano ni̠ aksti̠tum hui­li̠ni̠t xta­la­ca­pa̠s­tacni, luu li̠pe̠cua aka­tiyuj lay, la̠nchú tunu hua̠ntu̠ nala­ca­pa̠s­taca y cha̠lí tunu hua̠ntu̠ nat­la­huay, ni̠ aksti̠tum ca̠najlay hua̠ntu̠ tla­hua­putún. 
\p  
\v 9 Amá cris­tiano hua̠nti̠ luu li̠ma̠xken pero cumu li̠pa̠­huán Dios xli̠­ca̠na pi̠ luu xli̠­pa̠­xú­huat porque xlá luu tali̠­pa̠hu li̠ma̠x­tuni̠t Dios nac xla­catí̠n.  
\v 10 Na̠chu­na­li̠túm a̠má chixcú hua̠nti̠ ma̠squi luu lanca rico pero cumu na̠ li̠pa̠­huán Dios xlá na̠ mini̠niy napa̠­xu­huay xla­cata cumu catzi̠y pi̠ Dios ni̠ti̠ liucxilhma xtumi̠n huata nac xla­catí̠n li̠ma̠x­tuni̠t cumu la̠ cati̠­huaj chixcú. Chuná cuan porque a̠ma̠ko̠lh lac­rrico luu xta̠­chuná tali̠­taxtuy cumu la̠ xaxánat catu̠­huaj li̠cúxtut hua̠ntu̠ ni̠para maka̠s latama̠y.  
\v 11 Acxni̠ pulhachá chi­chiní tzucuy tata̠lh­ma̠ni̠y y li̠pe̠cua talactay lhca̠cná, a̠má li̠cúxtut tzucuy xneka, aca­li̠stá̠n sca̠ca y yuj­ta­makán xaxánat, xli̠­ca̠na pi̠ antiyá lak­sputko̠y xli̠­hua̠k xli̠­li̠­la­káti̠t hua̠ntu̠ xka­lhi̠y. Na̠chuná qui̠­tax­tuniy xla­táma̠t cha̠tum rico porque cumu lhu̠hua kalhi̠y xta­scújut xa̠hua xtumi̠n ni̠para xali̠­ta­ca­tzí̠n li̠lak­tzan­ka̠­ta̠yay. 
\s1 Ca̠na li̠pa̠xúhu a̠má hua̠nti̠ nata̠yaniy y napa̠ti̠y la̠ta túcuya̠ tapa̠tí̠n 
\p  
\v 12 Luu ca̠na li̠pa̠­xúhu a̠má cris­tiano hua̠nti̠ ta̠yaniy y pa̠ti̠y la̠tachá túcuya̠ tatzaksá̠n, porque acxni̠ nati̠­tax­tuko̠y xta­pa̠tí̠n xli̠­ca̠na pi̠ ámaj mak­lhti̠nán a̠má li̠pa̠­xúhu latáma̠t hua̠ntu̠ ne̠c­xnicú lak­sputa, xta̠­chuná cumu la̠ aktum corona nata̠i̠cán hua̠ntu̠ Dios tica̠­ma̠­lac­nú̠­nilh naca̠­ma̠x­qui̠y xli̠­hua̠k a̠ma̠ko̠lh cris­tianos hua̠nti̠ xli̠­ca̠na tapa̠x­qui̠y y tali̠­pa̠­huán.  
\v 13 Acxni̠ cha̠tum cris­tiano maklh­ca­tzi̠y nac xla­táma̠t pi̠ tzak­sa­má̠­calh xla­cata nat­la­huay hua̠ntu̠ ni̠tlá̠n, ne̠c­xnicú calac­púhua pi̠ huá Dios tla­ka­hua­cama xla­cata chuná cat­lá­hualh, porque Dios ne̠c­xnicú maklh­ca­tzi̠y para túcu xtlá­hualh hua̠ntu̠ ni̠tlá̠n, y ni̠para cha̠tum tícu ma̠kos­ta­hua­qui̠y xla­cata cat­lá­hualh o para natzak­saniy xta­ca̠­nájlat.  
\v 14 Caca­tzí̠tit pi̠ acxni̠ chuná maklh­ca­tzi̠­yá̠hu huá quin­ca̠­sa­ka̠­li̠yá̠n xali̠xcáj­nit quin­ta­la­ca­pa̠s­tac­nicán hua̠ntu̠ xli̠anka­lhi̠ná quin­ca̠­lac­tla­hua­ya̠­hua­pu­tuná̠n.  
\v 15 Caj xpa̠­la­cata xali̠xcáj­nit tala­ca­pa̠s­tacni li̠tzucuy tala̠­ka­lhí̠n nac qui­la­ta­ma̠tcán, y acxni̠ tala̠­ka­lhí̠n aya li̠pe̠cua la̠ta aclhu̠­huan­ta­hui­lani̠t entonces quin­ca̠­ma̠­lak­tzan­ke̠­ya̠­huayá̠n nac ca̠li̠ní̠n. 
\p  
\v 16 Koxu­taní̠n hui­xinín qui­na­ta̠lán, ne̠c­xnicú cataak­ska­hui­ta­pá̠tit,  
\v 17 porque xli̠­hua̠k hua̠ntu̠ tla̠n y aksti̠tum maka­mak­lhti̠­na­ni̠­táhu xli̠­ca̠na pi̠ nac akapú̠n maca­mi­ma̠chá Quin­tla̠­ticán Dios hua̠nti̠ ca̠ma̠­la­ca­tzu­qui̠ni̠t xli̠­hua̠k stacu hua̠ntu̠ tahui­lá̠­nalh nac akapú̠n. Xlianka­lhi̠ná quilh­ta­macú Dios kalhi̠y tla̠n xta­la­ca­pa̠s­tacni, xlá ne̠c­xnicú ámaj lak­pali̠y la̠ta tla̠n catzi̠y y ni̠ti̠ amá̠n quin­ca̠­mak­xteká̠n nac xala­ka­ca̠­pucsua latáma̠t.  
\v 18 Cumu xlá chuná lacás­quilh, caj xpa̠­la­cata xta­lu­lóktat a̠má li̠pa̠­xúhu xta­ma̠­ca­tzi̠ní̠n hua̠ntu̠ ma̠sta̠y lak­táxtut xlá quin­ca̠­ma̠x­quí̠n túnu xasa̠sti qui­la­ta­ma̠tcán la̠qui̠ aquinín nali̠­tax­tu­yá̠hu xca­maná̠n hua̠nti̠ pu̠lh ca̠ma̠x­qui̠ni̠t a̠má xasa̠sti latáma̠t hua̠ntu̠ xlá ca̠ma̠x­qui̠y xli̠­hua̠k hua̠nti̠ xca­maná̠n tali̠­taxtuy. 
\s1 Lácu quili̠ma̠kantaxti̠tcán xtachuhuí̠n Dios nac quilatama̠tcán 
\p  
\v 19 Nata̠lán, luu cuentaj cat­la­huátit hua̠ntu̠ camá̠n ca̠hua­niyá̠n: acxni̠ hui­xinín tamac­xtu­pi̠­yá̠tit tancs caaka­tá̠k­stit hua̠ntu̠ li̠chu­hui̠­nancán, pero ni̠ pu̠lh hui­xinín cachu­hui̠­nam­pu­tútit huata na̠ cata­chu­hui̠­nan­ke̠lh xa̠maka­pi­tzí̠n cris­tianos, y ni̠para calak­si̠­tzí̠tit para ni̠ chu­hui̠­nántit.  
\v 20 Porque a̠má cris­tiano hua̠nti̠ ni̠para lhu̠hua hua̠ntu̠ lak­si̠­tzi̠y xli̠­ca̠na pi̠ ni̠ tla­huay nac xla­táma̠t hua̠ntu̠ Dios lakati̠y.  
\v 21 Cli̠­ma̠­ka­tzan­ke̠yá̠n pi̠ maktum tu̠ calak­ma­kántit xli̠­hua̠k hua̠ntu̠ ni̠tlá̠n y li̠xcáj­nit tala̠­ka­lhí̠n hua̠ntu̠ chu­nacú tla­hua­yá̠tit y huata cama̠x­quí̠tit tala­ca­squín calak­pá­li̠lh mila­ta­ma̠tcán a̠má xasa̠sti xta­ma̠­ca­tzi̠ní̠n Dios hua̠ntu̠ aya ca̠cha­ni­ca­ni̠­tátit nac mina­cujcán; porque xli̠­cána pi̠ huá tamá xasa̠sti xta­ma̠­ca­tzi̠ní̠n Dios kalhi̠y lanca li̠t­li­hueke la̠qui̠ naca̠­lak­ma̠x­tuyá̠n. 
\p  
\v 22 Pero ni̠ tala­cas­quín caj xma̠n nakax­ma­tá̠hu xta­chu­huí̠n Dios, sinoque a̠tzinú xla­ca­squinca pi̠ nalak­tzak­sa­yá̠hu nac qui­la­ta­ma̠tcán, porque para hua­tiyá pi̠ xkax­páttit y ni̠ xlak­tzak­sátit nama̠­kan­tax­ti̠­yá̠tit hua̠ntu̠ huan xli̠­ca̠na pi̠ me̠c­stucán xtaak­ska­hui­ta­pá̠tit para xlac­pu­huántit pi̠ chuná ma̠kan­tax­ti̠­pá̠tit ma̠squi ni̠ lak­tzak­sa­pá̠tit.  
\v 23 Xli̠­hua̠k hua̠nti̠ kax­mata xta­chu­huí̠n Dios pero ni̠ juerza tla­huaniy xla­cata aksti̠tum nali̠­la­tama̠y hua̠ntu̠ antá li̠ma̠­pek­si̠nán, tamá cris­tiano luu xta̠­chuná qui̠­tax­tuniy cumu la̠ a̠má chixcú hua̠nti̠ li̠huana̠ lacaucxilhcán lácu luu tasiyuy nac aktum espejo,  
\v 24 xlá ma̠squi nac espejo li̠huana̠ catzi̠y lácu luu tala­ca­siyuy pero acxni̠ take̠­nu̠niy espejo tuncán pa̠tzan­ka̠ko̠y lácu luu tala­ca­siyuy.  
\v 25 Pero capa̠­xú­hualh a̠má cris­tiano hua̠nti̠ ni̠ pa̠tzanka̠y hua̠ntu̠ kax­mata xta­chu­huí̠n Dios sinoque tzucuy lak­tzaksay nac xla­táma̠t hua̠ntu̠ antá li̠ma̠­pek­si̠nán, porque xli̠­ca̠na pi̠ huá tamá li̠ma̠­peksí̠n hua̠ntu̠ quin­ca̠­ma̠x­qui̠yá̠n lak­táxtut, y hua̠nti̠ nama̠­kan­taxti̠y nac xla­táma̠t hua̠ntu̠ li̠ma̠­pek­si̠nán, xli̠­hua̠k hua̠ntu̠ nat­la­huay xli̠­ca̠na pi̠ luu li̠pa̠­xúhu naqui̠­tax­tuniy. 
\p  
\v 26 Para tícuya̠ cris­tiano lac­pu­huán pi̠ luu li̠pa̠­huán Dios y luu tla̠n xre­li­gión anta­nícu mak­ta­mac­xtumi̠y, pero ni̠ huayuj chipay csi̠­máka̠t catu̠huá hua̠ntu̠ kalh­pa­la­chu­hui̠nán, xli̠­ca̠na pi̠ tamá chixcú sacstu taak­ska­hui­ta­ma̠ma, y a̠má xre­li­gión hua̠ntu̠ huan pi̠ luu tla̠n xli̠­ca̠na pi̠ ni̠ti̠ li̠ma­cuán.  
\v 27 Porque a̠ma̠ko̠lh cris­tianos hua̠nti̠ xli̠­ca̠na taka­lhi̠y tla̠n relig­ión y aksti̠tum tali̠­la­ka­chix­cu­hui̠y xla­ta­ma̠tcán Dios, hua­tuní̠n hua̠nti̠ anka­lhi̠ná tamak­ta̠­ya­má̠­nalh hua̠nti̠ lac­pobre hua̠nti̠ lak­li̠­ma̠x­kení̠n xa̠hua pu̠ni̠­naní̠n lac­pus­ca̠tní̠n hua̠nti̠ para túcu tali̠­pa̠­ti̠­má̠­nalh o para túcu ca̠ak­spu­lama, pero talak­tzak­sa­má̠­nalh ni̠ti̠ nata­li̠x­ca­jua̠lay hua̠ntu̠ li̠xcáj­nit anán uú nac ca̠quilh­ta­macú. 
\c 2  
\s1 Ni̠ huá caca̠li̠lacá̠hu para tícu pobre y tícu rico, acxtum caca̠li̠ma̠xtúhu 
\p  
\v 1 Nata̠lán, xli̠­hua̠k hui­xinín hua̠nti̠ li̠pa̠­hua­ná̠tit a̠má lanca tali̠­pa̠hu Quim­pu̠­chi­nacán Jesu­cristo, cca̠­hua­niyá̠n xla­cata pi̠ ne̠c­xnicú caj nalac­sac­pa̠x­qui̠­na­ná̠tit para maka­pi­tzí̠n tlak naca̠­pa̠x­qui̠­yá̠tit y xa̠maka­pi­tzí̠n caj nalak­ma­ka­ná̠tit.  
\v 2 Caj la̠ta nali̠­chu­hui̠­na­ná̠hu, para xamaktum acxni̠ hui­xinín mac­xtum hui­látit nahuán la̠qui̠ nala­ka­chix­cu­hui̠­yá̠tit y antá naca̠­lak­cha̠ná̠n cha̠tum chixcú hua̠nti̠ lanca rico, y para xlá makanu̠y xata­pa­ra̠xlá ani̠lu xla oro y li̠ta­ca̠x­ta̠­yani̠t xala­cuán y lac­ta­pa­ra̠xlá lháka̠t, cumu naucxi­lhá̠tit pi̠ luu tali̠­pa̠hu la̠n­túcu nali̠­la­ka­pu­tza­yá̠tit, hasta chiné nahua­ni­yá̠tit: “Cala­ca­pala, uú cata­huila, huí aktum tla̠n pu̠tá­hui̠lh.”  
\v 3 Y para na̠ acxni­tiyá naca̠­lak­ta­nu̠­ya̠­chá̠n cha̠tum li̠la­ka­lha­mánat li̠ma̠xken hua̠nti̠ li̠lha­ka̠­nani̠t hua̠k xala­kuán y xata­lak­tza­pa­tamá̠n lháka̠t, huata xlá chiné nahua­ni­yá̠tit: “Anú nac tan­ke̠nú huix cata̠­yápi, osuchí tanú casim­pij­ta­huila nac tíyat.”  
\v 4 Para hui­xinín chuná xtla­huátit xli̠­ca̠na pi̠ aya lac­sac­pa̠x­qui̠­nam­pá̠tit, xa̠huachí caj xma̠nhuá ucxilh­la­ca­chi­pim­pá̠tit tumi̠n y ni̠ huá min­ta̠­cris­tianoscán luu pa̠x­qui̠­pá̠tit. 
\p  
\v 5 Koxu­taní̠n hui­xinín nata̠lán, cakax­páttit hua̠ntu̠ camá̠n ca̠hua­niyá̠n: ¿lácu ni̠ catzi̠­yá̠tit pi̠ Dios ca̠lac­sacni̠t hua̠nti̠ lak­li̠­ma̠x­kení̠n hua̠nti̠ ni̠ti̠ taka­lhi̠y hua̠ntu̠ xta­palh tumi̠n uú nac ca̠quilh­ta­macú la̠qui̠ xlacán a̠tzinú aksti̠tum nata­li̠­pa̠­huán y luu lac­rrico nata­li̠­taxtuy xta­ca̠­naj­latcán, y la̠qui̠ hua­tuní̠n nata­mak­lhti̠nán a̠má li̠pa̠­xúhu latáma̠t nac xta­péksi̠t hua̠ntu̠ ca̠ma̠­lac­nu̠­nini̠t naca̠­ma̠x­qui̠y xli̠­hua̠k hua̠nti̠ tapa̠x­qui̠y y tali̠­pa̠­huán?  
\v 6 Pero hui­xinín hua̠nti̠ hua­ná̠tit pi̠ li̠pa̠­hua­ná̠tit Dios ni̠ cajcu maktum lak­ma­ka­ná̠tit hua̠nti̠ lak­li̠­ma̠x­kení̠n. Li̠huana̠ cala­ca­pa̠s­tactit, ¿pi̠ ni̠ hua­tuní̠n lac­rrico hua̠nti̠ anka­lhi̠ná catu̠huá hua̠ntu̠ ca̠li̠­ke̠­li̠­lamá̠n, na̠ hua­tuní̠n tama̠­ko̠lh lac­rrico hua̠nti̠ ca̠ma̠­xuata­le̠­ni̠­naná̠n nac xla­ca­ti̠ncán ma̠pek­si̠­naní̠n la̠qui̠ naca̠­ma̠­xo­ko̠­ni̠yá̠n hasta ma̠squi hua̠ntu̠ niaj laka­hui­la­nítit?  
\v 7 ¿Pi̠ ni̠ catzi̠­yá̠tit pi̠ xlacán ni̠ xma­ka̠sni cala̠huá y li̠xcáj­nit tali̠­kalh­chu­hui̠nán xta­cu­huiní Cristo hua̠nti̠ hui­xinín maka­mak­lhti̠­nántit acxni̠ huacu li̠pa̠­huántit? 
\p  
\v 8 Para hui­xinín li̠huana̠ nama̠­kan­tax­ti̠­yá̠tit a̠má lanca xli̠­ma̠­peksí̠n Dios hua̠ntu̠ a̠tzinú luu qui­li̠­ma̠­kan­tax­ti̠tcán hua̠ntu̠ chiné tatzok­ta­hui­lani̠t nac li̠kalh­ta­huaka: “Caca̠­pa̠xqui xli̠­hua̠k min­ta̠­cris­tianos chuná cumu la̠ me̠cstu pa̠x­qui̠­cana.” Para chuná tla­hua­pá̠tit xli̠­ca̠na pi̠ tla̠n hua̠ntu̠ ma̠kan­tax­ti̠­pá̠tit.  
\v 9 Pero para hui­xinín caj lac­sac­pa̠x­qui̠­na­ná̠tit para hui̠ntí a̠tzinú ca̠la­ka­lha­ma­ná̠tit, xa̠maka­pi­tzí̠n ca̠lak­ma­ka­ná̠tit, xli̠­ca̠na pi̠ tla­hua­pá̠tit lanca tala̠­ka­lhí̠n y mini̠niy naca̠­ma̠­pa̠­ti̠­ni̠­ca­ná̠tit chuná cumu la̠ li̠ma̠­pek­si̠nán lanca xli̠­ma̠­peksí̠n Dios.  
\v 10 Porque para cha̠tum cris­tiano lak­tzak­sama li̠huana̠ nama̠­kan­taxti̠y xli̠­hua̠k hua̠ntu̠ huí xli̠­ma̠­peksí̠n Dios pero para xamaktum nat­la­huay pu̠lactum hua̠ntu̠ huan a̠má li̠ma̠­peksí̠n pi̠ ni̠ xli̠t­lá­huat, xli̠­ca̠na min qui̠­taxtuy cumu la̠ a̠ caka­lha­kax­mat­makan­ko̠lh xli̠­hua̠k hua̠ntu̠ huí xli̠­ma̠­peksí̠n Dios y napa̠­ti̠nán.  
\v 11 Porque Dios hua̠nti̠ li̠ma̠­pek­sí̠­nalh: “Ni̠ti̠ tixa­kat­li̠ya túnuj pusca̠t para huí mimpusca̠t”, pus hua­tiyá tamá quiDioscán hua̠nti̠ li̠ma̠­pek­si̠­nampá: “Ni̠tú timak­ni̠ya min­ta̠­cris­tiano.” Pus para cha̠tum cris­tiano ni̠ti̠ xakatli̠y túnuj pusca̠t porque kalhi̠y xpusca̠t, pero para namakni̠y xta̠­cris­tiano xli̠­ca̠na pi̠ juerza xli̠­pa̠­tí̠nat porque kalha­kax­makani̠t hua̠ntu̠ huán xli̠­ma̠­peksí̠n Dios.  
\v 12 Pero hua̠ntu̠ mila­ca­tacán, aksti̠tum cakalh­chu­hui̠­nántit y aksti̠tum cala­ta­pá̠tit cumu la̠ ti̠ sta­lanca catzi̠y pi̠ ni̠ caj juerza ma̠t­la­hui̠­má̠­calh sinoque luu xta­pa̠­xu­huá̠n ma̠kan­tax­ti̠­putún a̠má xasa̠sti xli̠­ma̠­peksí̠n Cristo hua̠ntu̠ quin­ca̠­li̠­mi­niyá̠n lak­táxtut, porque chuná tla̠n nali̠­maka­pa̠­xu­hua­yá̠hu.  
\v 13 Porque acxni̠ nalak­chá̠n a̠má quilh­ta­macú acxni̠ xli̠­hua̠k cris­tianos naca̠­ma̠­ka­lha­pa­li̠cán y naca̠­ma̠­pa̠­ti̠­ni̠cán nac xla­catí̠n Dios, a̠ma̠ko̠lh hua̠nti̠ ni̠ tzinú tala­ka­lha­mani̠t xa̠maka­pi­tzí̠n cris­tianos nac xla­ta­ma̠tcán na̠ ni̠para tzinú cati­ca̠­la­ka­lha­mán­calh; pero hua̠nti̠ ca̠lacchú quilh­ta­macú tala­ka­lhamán xta̠­cris­tianoscán, acxni̠ chú Dios naca̠­ma̠­xo­ko̠ni̠y xli̠­hua̠k cris­tianos xlacán luu li̠pa̠­xúhu naca̠­qui̠­tax­tuniy porque na̠ naca̠­la­ka­lha­mancán y nata­ta̠­yaniy. 
\s1 Para tícu xli̠ca̠na li̠pa̠huán Dios cali̠ma̠síyulh xlatáma̠t 
\p  
\v 14 Nata̠lán, ¿túcu li̠ma­cuaniy cha̠tum cris­tiano para nahuán pi̠ xli̠­ca̠na li̠pa̠­huán Dios pero ni̠para tzinú li̠ma̠­si­yuma xla­táma̠t? ¿Apoco hui­xinín lac­pu­hua­ná̠tit pi̠ tla̠n nalak­ma̠xtuy caj xta­ca̠­nájlat hua̠ntu̠ kalhi̠y?  
\v 15 Caj cala­ca­pa̠s­táctit: para cha̠tum cris­tiano tzan­ka̠­nima clháka̠t hua̠ntu̠ nali̠­lha­ka̠nán xa̠hua xtahuá hua̠ntu̠ nali̠­hua̠yán u̠má quilh­ta­macú,  
\v 16 y para cha̠tum la̠ hui­xinín hua̠nti̠ luu li̠pa̠­hua­ná̠tit Dios catzi̠y hua̠ntu̠ mac­la­cas­quima y caj chiné nahua­nicán: “Laka­siyuj pina, Dios capu̠­laní̠n. Hua̠ntu̠ tla̠n calha­ka̠­nántit y la̠n cahua̠­yampi hasta nakasa”, pero para ni̠ ma̠x­qui̠ma hua̠ntu̠ mac­la­cas­quima nac xmacni xa̠hua hua̠ntu̠ nali̠­hua̠yán, ¿túcu li̠ma­cuaniy ma̠squi lacuán tachu­huí̠n hua̠ntu̠ huá­nilh?  
\v 17 Pus luu xta̠­chuná qui̠­taxtuy quin­ta­ca̠­naj­latcán para caj xma̠n hua­ná̠hu pi̠ li̠pa̠­hua­ná̠hu Cristo y ni̠para tzinú li̠ma̠­si­yu­yá̠hu qui­la­ta­ma̠tcán, qui̠­taxtuy cumu lá̠m­para ni̠ li̠pa̠­hua­ná̠hu.  
\v 18 Xamaktum para huí ti̠ chuná nalac­pu­huán: “Huix huana pi̠ li̠pa̠­huana Cristo, y aquit nac qui­la­táma̠t ctla­huama hua̠ntu̠ lacuán ta­scújut.” Pus caqui­ma̠­si­yuni lácu li̠pa̠­huana Cristo ma̠squi ni̠ti̠ li̠ma̠­si­yúpa̠t xata­scújut, y aquit nac­ma̠­si­yu­niyá̠n la̠tachá túcuya̠ ta­scújut tla̠n cli̠t­la­huay quin­ta­ca̠­nájlat.  
\v 19 Para huix ca̠naj­laya pi̠ xma̠n cha̠tum lanca tali̠­pa̠hu Dios huí nac akapú̠n, xli̠­ca̠na pi̠ luu tla̠n la̠ta ca̠naj­laya; pero mili̠­cá­tzi̠t pi̠ hasta akska­huiní̠ na̠ taca̠­najlay xma̠n cha̠tum Dios anán y acxni̠ tala­ca­pa̠s­taca pi̠ chuná caj la̠ta xta­pe̠­cuacán tzucuy talh­pi­pixni̠y.  
\v 20 Huá xpa̠­la­cata cli̠­hua­niyá̠n, ni̠ tontoj cacatzi huata caaká­ta̠ksti y cali̠­ca­tzi̠­ta­huila pi̠ para li̠pa̠­huana Dios pero ni̠ lak­tzak­sápa̠t nac mila­táma̠t a̠má xata­scújut hua̠ntu̠ xlá lakati̠y, xli̠­ca̠na pi̠ min­ta­ca̠­nájlat ni̠ti̠ li̠ma­cuán.  
\v 21 Ma̠squi xli̠­ca̠na pi̠ xamaká̠n quilh­ta­macú Dios li̠má̠x­tulh Abraham cumu la̠ cha̠tum tali̠­pa̠hu chixcú caj xpa̠­la­cata cumu laká­ti̠lh la̠ta aya xámaj ma̠kan­taxti̠y hua̠ntu̠ huá­nilh cali̠­la­ka­chix­cú­hui̠lh camák­ni̠lh nac altar xka­huasa hua̠nti̠ xuanicán Isaac.  
\v 22 La̠ta Abraham xli̠­pa̠­huán Dios sta­lanca xli̠­ma̠­si­yuma xta­scújut, caj xpa̠­la­cata cumu aksti̠tum xli̠­scujma nac xla­táma̠t a̠má xta­ca̠­nájlat tancs ma̠ak­sti̠­tu­mí̠­li̠lh.  
\v 23 Y nac xla­táma̠t li̠huana̠ li̠kan­táx­tulh hua̠ntu̠ tatzok­ta­hui­lani̠t nac li̠kalh­ta­huaka anta­nícu chiné huan: “Abraham aksti̠tum li̠pá̠hua Dios huá xpa̠­la­cata Dios laka­lhá­malh y li̠má̠x­tulh cumu la̠ ni̠ti̠ xka­lhi̠y xta­la̠­ka­lhí̠n wa̠ntu̠ naxo­ko̠nún.” Y huá xpa̠­la­cata acxni̠ Dios li̠chu­hui̠nán Abraham hasta na̠ li̠ma̠xtuy cumu la̠ cha̠tum xa̠migo hua̠nti̠ luu xpa̠x­qui̠y. 
\p  
\v 24 Antá luu cuentaj cat­la­huátit pi̠ u̠má chixcú Dios li̠má̠x­tulh cumu la̠ cha̠tum tla̠n chixcú hua̠nti̠ ni̠ xka­lhi̠y xta­la̠­ka­lhí̠n, ni̠ caj xma̠n cumu xli̠­pa̠­huán pero na̠ xpa̠­la­cata lacuán xta­scújut hua̠ntu̠ xma̠­siyuy nac xla­táma̠t.  
\v 25 Na̠chuna li̠túm qui̠­tax­tú­nilh a̠má laka­huiti pusca̠t hua̠nti̠ caj xma̠n chuná xacuan­tla̠­huán xuanicán Rahab, Dios ma̠tzan­ke̠­ná­nilh y li̠má̠x­tulh cumu lá̠m­para ni̠ti̠ xtit­la­huani̠t xta­la̠­ka­lhí̠n caj xpa̠­la­cata cumu xlá ca̠má̠­tze̠kli nac xchic y ca̠ma̠­si­yú­nilh túnuj tiji la̠qui̠ nata­tza̠lay a̠ma̠ko̠lh judíos hua̠nti̠ xtaani̠t taucxi­lhuili̠nán nac xca̠­chi­quí̠n.  
\v 26 Xla­cata li̠huana̠ naaka­ta̠k­sá̠tit hua̠ntu̠ cca̠­hua­nimá̠n, para xmacni cha̠tum chixcú ni̠ kalhi̠y xli̠s­tacni xta̠­chuná qui̠­taxtuy la̠ a̠ cala­tá­ma̠lh xaní̠n, na̠ luu xta̠­chuná li̠taxtuy la̠ta hua­ná̠hu pi̠ li̠pa̠­hua­ná̠hu Cristo pero para ni̠ti̠ li̠ma̠­si­yu­ma̠­náhu nac qui­la­ta­ma̠tcán quin­tas­cu­jutcán xli̠­ca̠na qui̠­taxtuy pi̠ ni̠ xli̠­ca̠na li̠pa̠­hua­ná̠hu. 
\c 3  
\s1 Luu cuentaj quili̠tlahuatcán quisi̠maka̠tcán 
\p  
\v 1 Nata̠lán, ni̠ luu cha̠­lhu̠hua nali̠­tax­tu­pu­tu­ná̠tit cumu la̠ lac­ta­li̠­pa̠hu ma̠kalh­ta­hua­ke̠­naní̠n, porque hui­xinín sta­lanca catzi̠­yá̠tit pi̠ aquinín hua̠nti̠ ma̠si­yu­yá̠hu xta­chu­huí̠n Dios cuentaj qui­li̠t­la­huatcán hua̠ntu̠ ma̠si­yu­yá̠hu, porque aquinín a̠tzinú luu li̠pe̠cua naquin­ca̠­ma̠­pa̠­ti̠­ni̠­caná̠n nac xla­catí̠n Dios para ni̠ xta­lu­lóktat hua̠ntu̠ nahua­ná̠hu ni̠ xachuná xa̠maka­pi­tzí̠n cris­tianos.  
\v 2 Xli̠­ca̠na pi̠ xli̠­hua̠k aquinín lhu̠hua hua̠ntu̠ liaktzan­ka̠­ta̠­ya­yá̠hu y tla­hua­yá̠hu hua̠ntu̠ ni̠tlá̠n, pero para cha̠tum cris­tiano ne̠c­xnicú aktzanka̠y hua̠ntu̠ li̠kalh­chu­hui̠nán xli̠­ca̠na pi̠ tamá chixcú makaac­chá̠n tala­ca­pa̠s­tacni y catzi̠y cuentaj tla­huay xli̠­hua̠k xla­táma̠t.  
\v 3 Cumu la̠ catzi̠­yá̠tit, acxni̠ tantum cahua̠yu ma̠kalh­nu̠­yá̠hu xfreno xli̠­ca̠na pi̠ tla̠n ma̠lak­spi­tá̠hu y le̠ná̠hu la̠tachá nícu aquinín lac­pu­hua­ná̠hu.  
\v 4 Na̠chu­na­li̠túm a̠ma̠ko̠lh lac­lanca barco xalac pupunú ma̠squi xli̠­ca̠na pi̠ luu lak­li̠­la­ka­putza y ma̠squi tli­hueke uú̠n tahua­ca­ni­ya̠chi hua̠ntu̠ sakalé̠n, pero a̠ma̠ko̠lh hua̠nti̠ tama̠t­la̠­hua­ni̠­má̠­nalh xli̠­ca̠na pi̠ caj actzu̠ timón kalhi̠y hua̠ntu̠ xli̠­ma̠t­la̠­hua­ni̠cán huá tla̠n tali̠lé̠n nícu xlacán tale̠m­putún.  
\v 5 Na̠ luu xta̠­chuná qui̠­taxtuy qui­si̠­ma­ka̠tcán, ma̠squi xli̠­ca̠na pi̠ la̠ta qui­li̠­tan­tu­mi̠­ni­cacán huá a̠tzinú ni̠ti̠cu xkásat porque luu actzú, pero xli̠­ca̠na pi̠ lhu̠hua hua̠ntu̠ xlá xutla̠n tla­huay. ¡Xta̠­chuná qui̠­taxtuy cumu la̠ actzu̠ lhcúya̠t hua̠ntu̠ tla̠n pu̠x­ko­yu­huili̠y aktum lanca ca̠qui­huí̠n!  
\v 6 Y tamá si̠máka̠t tla̠n li̠taxtuy cumu la̠ lhcúya̠t. Qui­si̠­ma­ka̠tcán hui­li̠­cani̠t nac qui­mac­nicán hua̠ntu̠ nquin­ca̠­ma̠­hua­niyá̠n hasta ma̠squi hua̠ntu̠ li̠xcáj­nit, ma̠squi caj pu̠lactum y ni̠ xli̠­ca̠na hua̠ntu̠ quin­ca̠­ma̠­hua­ni̠yá̠n, pero qui­li̠­lan­cacán quin­ca̠­ma̠x­ca­jua̠li̠yá̠n. Umá qui­si̠­ma­ka̠tcán huá ma̠n tali̠­ma̠­pa­si̠ni̠t clhcu­ya̠tcán akska­huiní la̠qui̠ na̠ xli̠­hua̠k qui­la­ta­ma̠tcán nama̠x­ca­jua̠li̠­yá̠hu ma̠squi hua̠ntu̠ ni̠ li̠xcáj­nit xuani̠t la̠qui̠ nalak­tzan­ka̠­yá̠hu.  
\v 7 Cris­tianos tla̠n tama̠­ma̠n­tzujli̠y la̠tachá túcuya̠ taka­lhí̠n, cumu la̠ tu̠ takosa nac ca̠u̠ní̠n xa̠hua lhu̠hua hua̠ntu̠ tata­sa­kaán nac ca̠ti­yatni, na̠chuná hua̠ntu̠ tala­má̠­nalh nac pupunú, y xli̠­ca̠na pi̠ ca̠ma̠­ma̠n­tzujli̠y;  
\v 8 pero tamá si̠máka̠t ni̠para cha̠tum cris­tiano a̠ makat­lajay, xlá ni̠ tama̠sta̠y namaka­tla­jacán, xa̠huachí porque lhu̠hua li̠xcáj­nit xve­neno kalhi̠y hua̠ntu̠ ma̠lak­tzan­ke̠­ya̠­huanán.  
\v 9 Xli̠­ca̠na pi̠ huá qui­si̠­ma­ka̠tcán li̠la­ka­chix­cu­hui̠­yá̠hu Quin­tla̠­ticán Dios acxni̠ quilh­tli̠­ni­yá̠hu y kalh­ta­hua­ka­ni­yá̠hu, na̠ hua li̠túm qui­si̠­ma­ka̠tcán li̠hua­ná̠hu pi̠ catu̠huá xca̠ak­spú­lalh a̠ma̠ko̠lh cris­tianos hua̠nti̠ ca̠si̠­tzi̠­ni­yá̠hu ma̠squi xli̠­ca̠na pi̠ huá Dios na̠ ca̠ma̠­la­ca­tzu­qui̠ni̠t, huá ca̠t­la­huani̠t la̠qui̠ nata­ka­lhi̠y hua̠ntu̠ lacuán tala­ca­pa̠s­tacni cumu la̠ xlá kalhi̠y.  
\v 10 Laca­tumá quin­quilh­nicán anta­nícu tax­tu­ya̠chi a̠má lacuán tachu­huí̠n hua̠ntu̠ li̠kalh­ta­hua­ka­ni­yá̠hu Dios nac quiora­cioncán, xa̠hua a̠má lac­li̠xcáj­nit tachu­huí̠n hua̠ntu̠ cala̠huá ca̠liak­tla­ka­xa­kat­li̠­yá̠hu hua̠nti̠ ca̠si̠­tzi̠­ni­yá̠hu. Nata̠lán, aquit tancs cca̠­hua­niyá̠n pi̠ ni̠chuná xlí̠lat.  
\v 11 Caj luu li̠huana̠ cala­ca­pa̠s­táctit: nac aktum musni, ¿pi̠ tla̠n tax­tu­ya̠chi xaseksi chú­chut, y na̠ anti­ya­li̠túm natax­tu­ya̠chi xú̠n chú­chut?  
\v 12 Porque chuná cumu la̠ akatum skatán ni̠lay lá̠xux nahuán xta­huácat, na̠ ni̠para akatum a̠síhui̠t xta­huácat nahuán uvas, huá xpa̠­la­cata cca̠­li̠­hua­niyá̠n pi̠ aktum musni anta­nícu tax­tu­ya̠chi ska­huihui y squija chú­chut, ni̠lay pi̠ anti­ya­li̠túm tax­tu­ya̠chi skoko chú­chut. 
\s1 Para tícu maklhcatzi̠y pi̠ luu skalala, cali̠ma̠síyulh xlatáma̠t 
\p  
\v 13 Para nac milak­sti̠­pa̠ncán lama cha̠tum cris­tiano hua̠nti̠ maklh­ca­tzi̠cán pi̠ luu ska­lala, pus tancs cali̠­ma̠­sí­yulh xla­táma̠t la̠ta tu̠ tla̠n tla­huay la̠qui̠ xli̠­hua̠k cris­tianos nataucxilha pi̠ ca̠na ska­lala, tla̠n xca̠­li̠­ca­tzi̠­naní̠t xta̠­cris­tianos chuná cumu la̠ ma̠aka­ta̠k­sni̠y xli̠s­ka­lala.  
\v 14 Pero para ma̠s­ta̠­yá̠tit quilh­ta­macú xla­cata naca̠­maka­tla­jayá̠n nac mina­cujcán taquic­lhcatza xa̠hua tasi̠tzi, y la̠tachá túcuya̠ ta­scújut tla­hua­yá̠tit, huá chuná li̠t­la­hua­yá̠tit porque caj hui̠ntí ta̠la̠­maka­tla­ja­pá̠tit, pero tancs cca̠­hua­niyá̠n pi̠ ni̠para tzinú ca̠mi­ni̠­niyá̠n tlancaj naca̠­li̠­maklh­ca­tzi̠­ca­ná̠tit porque ni̠ aksti̠tum ma̠kan­tax­ti̠­pá̠tit cumu la̠ lacas­quín Dios nama̠­kan­tax­ti̠­yá̠tit xta­scújut.  
\v 15 Y para tícu chuná li̠la­ca­ta̠­qui̠nán xta­scújut hua̠ntu̠ tla­huama xa̠hua xli̠s­ka­lala, ni̠ xli̠­ca̠na huá ma̠x­qui̠ni̠t xli̠s­ka­lala a̠má lanca tali̠­pa̠hu Dios hua̠nti̠ hui­lachá nac akapú̠n, sinoque antá uú nac ca̠quilh­ta­macú catzi̠­nini̠t tamá tala­ca­pa̠s­tacni, huá xli̠s­ka­la­lacán cris­tianos y hasta na̠ pek­ta­nu̠ni̠t akska­huiní.  
\v 16 Porque xli̠­hua̠k anta­nícu huí taquic­lhcatza xa̠hua tasi̠tzi, ne̠c­xnicú tasiyuy hua̠ntu̠ tla̠n ta­scújut sinoque caj xma̠n huá tasiyuy hua̠ntu̠ li̠xcáj­nit xa̠hua hua̠ntu̠ ni̠ti̠ li̠ma­cuán.  
\v 17 Pero xli̠­hua̠k a̠ma̠ko̠lh cris­tianos hua̠nti̠ xli̠­ca̠na taka­lhi̠y xta­la­ca­pa̠s­tacni xa̠hua xli̠s­ka­lala hua̠ntu̠ Dios ma̠sta̠y, xlacán luu aksti̠tum tale̠­má̠­nalh xla­ta­ma̠tcán, taka­lhi̠y tla̠n tapu­huá̠n, tla̠n taca­tzi̠y, la̠tachá tícuya̠ cris­tianos hua̠k tala­ka­lhamán, acxni̠ para túcu ca̠hua­nicán o para ca̠ma̠­pek­si̠cán xlacán li̠pa̠­xúhu taka­lha­kax­mat­ni̠nán, para túcu ni̠tlá̠n ca̠t­la­hua­nicán tapa̠x­catlé̠n y tama̠­tzan­ke̠­na­ni̠nán; acxni̠ takalh­chu­hui̠nán tahuán hua̠ntu̠ xta­lu­lóktat y xlianka­lhi̠ná tat­la­huay hua̠ntu̠ lacuán ta­scújut.  
\v 18 Xli̠­hua̠k cris­tianos hua̠nti̠ tali̠­la­ka­pu­tza­má̠­nalh xla­cata pi̠ li̠pa̠­xúhu y aka­tzi­yanca cata­la­tá­ma̠lh xa̠maka­pi­tzí̠n cris­tianos, luu xta̠­chuná ca̠qui̠­tax­tuniy cumu lá̠m­para tacha­má̠­nalh hua̠ntu̠ tla̠n latáma̠t, y acxni̠ nalak­chá̠n quilh­ta­macú la̠ta nata­ma­kalay hua̠ntu̠ tachani̠t nac xla­ta­ma̠tcán cris­tianos xli̠­ca̠na pi̠ nata­siyuy hua̠ntu̠ li̠pa̠­xúhu y aksti̠tum latáma̠t hua̠ntu̠ na̠ nata­ka­lhi̠y. 
\c 4  
\s1 Lácu luu quili̠latama̠tcán nac xlaksti̠pa̠ncán cristianos 
\p  
\v 1 Luu li̠huana̠ cala­ca­pa̠s­táctit: la̠ta nac milak­sti̠­pa̠ncán, ¿nícu mina̠chá tasi̠tzi xa̠hua taquic­lhcatza acxni̠ tzu­cu­yá̠tit la̠ma­ka­si̠­tzi̠­yá̠tit? Xli̠­ca̠na pi̠ ni̠ní laca­tunu sinoque mismo nac mila­ta­ma̠tcán porque antá anka­lhi̠ná ca̠sa­ka̠­li̠má̠n xali̠xcáj­nit min­ta­la­ca­pa̠s­tac­nicán.  
\v 2 Chuná qui̠­taxtuy porque acxni̠ para túcu hui­xinín laka­ti̠­yá̠tit y ni̠lay kalhi̠­yá̠tit, pus la̠lak­ca­tza­la­ca­pi­ni­yá̠tit, la̠la­ca­ta̠­qui̠­yá̠tit, xata­si̠tzi tla­hua­yá̠tit, y hasta la̠li̠­mak­ni̠­yá̠tit caj xpa̠­la­cata hua̠ntu̠ lac­pu­hua­ná̠tit pi̠ xka­lhí̠tit. Xli̠­cána pi̠ ni̠lay kalhi̠­yá̠tit hua̠ntu̠ lac­pu­hua­ná̠tit porque ni̠ huá squi­ni­yá̠tit Dios.  
\v 3 Xa̠huachí ma̠squi lac­pu­hua­ná̠tit pi̠ squi­ni­yá̠tit Dios ne̠c­xnicú ca̠ma̠x­qui̠yá̠n cumu ni̠ tancs squi­ni­yá̠tit, porque xli̠­hua̠k hua̠ntu̠ hui­xinín lac­pu­hua­ná̠tit xka­lhí̠tit li̠la­ca­pa̠s­ta­cá̠tit lácu nali̠­pa̠­xu­hua­yá̠tit xalac mimac­nicán, huá xpa̠­la­cata Dios ni̠ti̠ ca̠li̠­ma̠x­qui̠yá̠n.  
\v 4 ¡Pa̠x­ca­tacu tihua­ná̠tit hui­xinín cris­tianos hua̠nti̠ caj xma̠n li̠ka­ma̠­nam­pu­tu­ná̠tit Dios! ¿Lácu pi̠ ni̠ catzi̠­yá̠tit? Xli̠­hua̠k hua̠nti̠ laka­ti̠­lacá̠n y xma̠n li̠pa̠­xu­hua­putún hua̠ntu̠ li̠xcáj­nit anán nac ca̠quilh­ta­macú xli̠­ca̠na qui̠­taxtuy pi̠ ta̠la̠­ma­ka­si̠­tzi̠y Dios. Xli̠­hua̠k a̠má cris­tiano hua̠nti̠ aktum catzi̠y pi̠ a̠tzinú ma̠t­la̠nti̠y y lakati̠y xli̠­hua̠k hua̠ntu̠ lac­li̠xcáj­nit anán nac ca̠quilh­ta­macú pus na̠ luu maktum li̠ta̠­yama pi̠ ta̠la̠­si̠­tzi̠niy Dios.  
\v 5 Huá xpa̠­la­cata Dios li̠ma̠­tzok­ní̠­nalh nac li̠kalh­ta­huaka anta­nícu chiné huan: “Amá xEspíritu Dios hua̠ntu̠ hui­li̠ni̠t nac qui­la­ta­ma̠tcán huá quin­ca̠­li̠­mak­ta­kalhmá̠n, xlá quin­ca̠­lak­ca­tzaná̠n y lacas­quín pi̠ xma̠n huá nata­pek­si̠­ni­yá̠hu.”  
\v 6 Cumu Dios quin­ca̠­pa̠x­qui̠yá̠n xlianka­lhi̠ná quin­ca̠­mak­ta̠­yamá̠n la̠qui̠ acxni̠ naquin­ca̠­tzak­sa­pu­tuná̠n hua̠ntu̠ uú xala ca̠quilh­ta­macú tla̠n nata̠­ya­ni­yá̠hu, chuná talu­lo­ká̠hu porque nac li̠kalh­ta­huaka chiné huan: “Dios ni̠para tzinú ma̠t­la̠nti̠y xta̠­yatcán hua̠nti̠ tala­ca­ta̠­qui̠nán y luu lac­ta­li̠­pa̠hu ca̠maklh­ca­tzi̠cán, pero huata luu ca̠la­ka­lhamán hua̠nti̠ ca̠maklh­ca­tzi̠cán pi̠ ni̠ti̠cu xka­satcán nac ca̠quilh­ta­macú.”  
\v 7 Huá xpa̠­la­cata cca̠­li̠­hua­niyá̠n, mejor maktum cata­ma­ca­ma̠s­ta̠­nítit Dios la̠qui̠ xlá tla̠n nat­la­huay xta­scújut nac mila­ta­ma̠tcán; acxni̠ chuná hui­xinín nat­la­hua­yá̠tit xli̠­ca̠na pi̠ tamá akska­huiní naca̠­tza̠­la­makaná̠n.  
\v 8 Li̠pa̠­xúhu calak­ta­la­ca­tzu­huí̠tit Dios la̠qui̠ xlá na̠ naca̠­ma̠­la­ca­tzu­hui̠yá̠n y naca̠­kax­mat­niyá̠n xli̠­hua̠k hua̠ntu̠ nahua­ni­yá̠tit. ¡Xli̠­hua̠k hui­xinín hua̠nti̠ xtla­hua­ni̠­tátit tala̠­ka­lhí̠n maktum caca̠­che­ke̠­ma­ka­ni­cántit! Na̠chuná hui­xinín hua̠nti̠ lac­pu­hua­ná̠tit pi̠ li̠pa̠­hua­ná̠tit Dios pero laka­ti̠­yá̠tit li̠pa̠­xu­hua­yá̠tit xli̠­hua̠k hua̠ntu̠ li̠xcáj­nit anán nac ca̠quilh­ta­macú, aquit cca̠­hua­niyá̠n pi̠ calak­pa­lí̠tit xta­la­ca­pa̠s­tacni mina­cujcán.  
\v 9 Li̠huana̠ cali̠­li̠­pu­huántit hua̠ntu̠ ni̠tlá̠n tla­hua­ni̠­tátit nac mila­ta­ma̠tcán y la̠n cali̠­ta­sátit xli̠­hua̠k min­ta­la̠­ka­lhi̠ncán, para xli̠­tzi­yam­pá̠tit cumu tla̠n lapá̠tit mejor cata­sátit, y para lhu̠hua hua̠ntu̠ xli̠­pa̠­xu­hua­pá̠tit huata chú cali̠­pu­huántit; tamá tapa̠­xu­huá̠n xa̠hua tali̠tzi hua̠ntu̠ xka­lhi̠­yá̠tit cali̠­lak­pa­lí̠tit la̠qui̠ huata naka­lhi̠­yá̠tit u̠má tali̠­pu­huá̠n.  
\v 10 Caca̠­maklh­ca­tzi̠­cántit pi̠ ni̠ti̠ min­ka­satcán nac xla­catí̠n Quim­pu̠­chi­nacán la̠qui̠ xlá luu lac­ta­li̠­pa̠hu naca̠­li̠­ma̠x­tuyá̠n. 
\s1 Ni̠tícu cala̠huá cali̠kalhchuhuí̠nalh xta̠cristiano 
\p  
\v 11 Nata̠lán, ne̠c­xnicú cala̠huá cali̠­kalh­chu­hui̠­nántit min­ta̠­cris­tianoscán, porque a̠má cris­tiano hua̠nti̠ cala̠huá li̠kalh­chu­hui̠nán cha̠tum xta̠­cris­tiano, o para putza̠­naniy xta­la̠­ka­lhí̠n hua̠ntu̠ tit­la­huay la̠qui̠ tla̠n nali̠­huaniy, tamá cris­tiano li̠taxtuy pi̠ li̠hua­nima xli̠­ma̠­peksí̠n Dios pi̠ ni̠tlá̠n hua̠ntu̠ li̠ma̠­pek­si̠nán porque antá hua̠n pi̠ qui­la̠­li̠­pa̠x­qui̠tcán. Para huix li̠hua­niya Dios pi̠ ni̠tlá̠n xli̠­ma̠­peksí̠n xli̠­ca̠na pi̠ niaj ma̠kan­tax­tí̠pa̠t hua̠ntu̠ li̠ma̠­pek­si̠nán sinoque li̠tax­tuya cumu la̠ cha̠tum juez hua̠nti̠ ma̠ka­lha­pa­li̠nán.  
\v 12 Pero mili̠­cá­tzi̠t pi̠ xma̠n cha̠tum Dios hua̠nti̠ ma̠s­ta̠ni̠t xli̠­ma̠­peksí̠n y xma̠n huá sacstu li̠taxtuy lanca tali̠­pa̠hu juez; xli̠­ca̠na pi̠ xma̠n huá tla̠n naca̠­pu­tza̠­naniy osuchí naca̠­ma̠­pa̠­ti̠ni̠y cris­tianos para xlá chuná nala­cas­quín, o naca̠­ma̠x­qui̠y lak­táxtut. Pero chi̠nchú huix, ¿túcu min­kásat la̠qui̠ tla̠n naca̠­pu­tza̠­na­niya o naca̠­li̠­hua­niya hua̠ntu̠ tat­la­hua­má̠­nalh xa̠maka­pi­tzí̠n cris­tianos? 
\s1 Ni̠tícu luu cama̠ca̠nájli̠lh para huí tu̠ ámaj tlahuay li̠cha̠lí 
\p  
\v 13 Cuentaj cat­la­huátit hui­xinín hua̠nti̠ laca­tancs ma̠lu­lo­ká̠tit acxni̠ chiné hua­ná̠tit: “Para la̠nchú osuchí cha̠lí naaná̠hu nac a̠má ca̠chi­quí̠n, antá nala­ta­ma̠­ya̠­chá̠hu ca̠na̠caj aktum ca̠ta, catu̠huá nali̠s­cu­já̠hu la̠qui̠ nat­la­ja­yá̠hu lhu̠hua tumi̠n.”  
\v 14 ¡Pero ni̠para tzinú catzi̠­yá̠tit hua̠ntu̠ ca̠ak­spu­la­ni̠tán nahuán nac mila­ta­ma̠tcán li̠cha̠lí quilh­ta­macú hua̠ntu̠ xka­ka­ma̠chá! Porque mila­ta­ma̠tcán xta̠­chuná li̠taxtuy cumu la̠ jíntat hua̠ntu̠ caj puntzú tasiyuy acxni̠ tama­ca­ta­ta­huilay y ni̠para xali̠­ta­ca­tzí̠n lácu lak­sput­pa­rako̠y.  
\v 15 Huata acxni̠ nakalh­chu­hui̠­na­ná̠tit chiné mili̠­hua­natcán: “Para Dios lacas­quín nala­ta­ma̠­yá̠hu cha̠lí quilh­ta­macú, naaná̠hu nac a̠má ca̠chi­quí̠n, aver para túcu antá nali̠s­cu­ja̠­chá̠hu.”  
\v 16 Pero cumu li̠s­ma­ni̠­ni̠­tátit acxni̠ para túcu li̠kalh­chu­hui̠­na­ná̠tit maktum tuncán ma̠ca̠­naj­li̠­yá̠tit pi̠ chuná naqui̠­taxtuy, y hasta li̠la­ca­ta̠­qui̠­na­ná̠tit porque luu lac­ta­li̠­pa̠hu ca̠maklh­ca­tzi̠­ca­ná̠tit ma̠squi xli̠­ca̠na pi̠ ni̠tlá̠n tlancaj namaklh­ca­tzi̠­cana.  
\v 17 Xa̠huachí na̠ mili̠­ca­tzi̠tcán pi̠ a̠má cris­tiano hua̠nti̠ sta­lanca catzi̠y pi̠ xli̠t­lá­huat nac xla­táma̠t hua̠ntu̠ lacuán ta­scújut, y cumu para ni̠ tla­huama hua̠ntu̠ xli̠t­lá­huat xli̠­ca̠na pi̠ kalhi̠y lanca tala̠­ka­lhí̠n nac xla­catí̠n Dios. 
\c 5  
\s1 Lacrrico hua̠nti̠ takalhi̠y lhu̠hua tumi̠n na̠ catali̠li̠púhualh 
\p  
\v 1 Hui­xinín lac­rrico hua̠nti̠ kalhi̠­yá̠tit lhu̠hua tumi̠n, ¡cakax­páttit hua̠ntu̠ camá̠n ca̠hua­niyá̠n! ¡Ca̠mi­ni̠­niyá̠n cata­sátit y cali̠­pu­huántit caj xpa̠­la­cata a̠má lanca tapa̠tí̠n hua̠ntu̠ amá̠n ca̠lak­cha̠ná̠n!  
\v 2 Porque namín quilh­ta­macú acxni̠ tamá min­tu­mi̠ncán hua̠ntu̠ la̠nchú la̠n kalhi̠­yá̠tit lá̠m­para xamasni naqui̠­taxtuy, na̠chuná xala­cuán mili̠­ta­ca̠x­ta̠ycán aya pasani̠t nahuán kox­ká­lu̠hua.  
\v 3 Tamá oro xa̠hua plata hua̠ntu̠ hui­xinín la̠n ma̠ak­sto­kuili̠­ni̠­tátit aya la̠n tzu­lu­tuanani̠t nahuán, huá tamá xatzu­lu­tuanán min­tu­mi̠ncán naca̠­ma̠­lak­tzan­ke̠­ya̠­huayá̠n cumu la̠ lhcúya̠t porque huá min­tu­mi̠ncán naca̠­ma̠­la­ca­pu̠yá̠n nac xla­catí̠n Dios y xatzu­lu­tuanán nata­li̠­taxtuy cumu la̠ tes­tigo hua̠nti̠ nata­ma̠­lu­loka pi̠ xli̠­ca̠na lhu̠hua hua̠ntu̠ ni̠tlá̠n tili̠t­la­hua­ni̠­tátit.  
\v 4 Hua­tuní̠n a̠ma̠ko̠lh lac­pobre cris­tianos hua̠nti̠ ca̠ti­ta̠s­cuj­ni̠tán nac min­ca̠­tu­hua̠ncán pero hui­xinín ni̠ acchá̠n ca̠ti­ma̠s­ka­hui̠­ni̠­tátit, huá ca̠li̠­ya̠­huamá̠n hua̠ntu̠ ca̠tit­la­hua­ni­ni̠­tátit, y Quim­pu̠­chi­nacán hua̠nti̠ lanca xla­ca­tzúcut aya ca̠kax­mat­nini̠t hua̠ntu̠ a̠ma̠ko̠lh cris­tianos tali̠­ma̠aka­tzan­ke̠­má̠­nalh.  
\v 5 La̠ta lapá̠tit nac ca̠quilh­ta­macú hui­xinín pa̠xu­hua­pá̠tit porque ni̠ti̠ ca̠tzan­ka̠­niyá̠n, acchá̠n hua̠­yam­pá̠tit, hasta la̠n­túcu kom­pá̠tit cumu la̠ taka­lhí̠n hua̠ntu̠ ca̠ma­ka­koncán, ¡pero chú aya lak­cha̠ma quilh­ta­macú acxni̠ hui­xinín cumu la̠ taka­lhí̠n naca̠­mak­ni̠­ca­ná̠tit!  
\v 6 Chuná ca̠lak­cha̠ná̠n porque lhu̠hua lak­li̠­ma̠x­kení̠n xa̠hua lac­pobre cris­tianos hui­xinín la̠n ca̠ti­ma̠­pa̠­ti̠­ni̠­ni̠­tátit, maka­pi­tzí̠n hasta ca̠mak­ni̠­ni̠­tátit ni̠para tzinú ca̠ta̠­la­ka­pu­tzátit ma̠squi sta­lanca xca­tzi̠­yá̠tit pi̠ xlacán ni̠ti̠ xca̠t­la­hua­nimá̠n. 
\s1 San­tiago ca̠huaniy pi̠ ankalhi̠ná catakalhtahuakánilh Dios y pa̠xuhua̠na̠ catapá̠ti̠lh xli̠hua̠k hua̠ntu̠ ca̠akspulay 
\p  
\v 7 Nata̠lán, hua̠ntu̠ mila­ca­tacán li̠pa̠­xúhu cakalh­ka­lhi̠­ta­hui­látit nalak­chá̠n quilh­ta­macú acxni̠ namim­paray xli̠­maktiy Quim­pu̠­chi­nacán, chuná cumu la̠ cha̠tum cha­na̠ná hua̠nti̠ cha­na̠nán nac xca̠­tu­huá̠n xlá li̠pa̠­huani̠t pi̠ nama­kalay hua̠ntu̠ chani̠t porque nali̠­ma­cuaniy, pero li̠huán nama­kalay hua̠ntu̠ chani̠t xlá pa̠xu­hua̠na̠ ucxilha la̠ta ti̠taxtuy quilh­ta­macú acxni̠ luu lay lanca sí̠n porque xlá huí tu̠ ucxilh­la­ca­cha̠ni̠t.  
\v 8 Pus na̠chuná chú hui­xinín hua̠nti̠ li̠pa̠­hua­ná̠tit Cristo ni̠ calac­látit nac min­ta­ca̠­naj­latcán, huata li̠pa̠­xúhu cakalh­ka­lhi̠­ta­hui­látit porque niaj maka̠s quilh­ta­macú ámaj chin Quim­pu̠­chi­nacán. 
\p  
\v 9 Nata̠lán, ni̠tícu capu­tza̠­na­nítit para túcu ni̠tlá̠n tat­la­huani̠t min­ta̠­cris­tianoscán la̠qui̠ tla̠n nali̠­hua­ni­yá̠tit o cala̠huá nali̠­kalh­chu­hui̠­na­ná̠tit, xla­cata Dios hua̠nti̠ li̠taxtuy li̠pe̠­cuánit juez hua̠nti̠ aya laca­nu̠ya nac má̠lacchi na̠ ni̠chuná naca̠­pu­tza̠­na­ni­ko̠yá̠n xli̠­hua̠k hua̠ntu̠ tit­la­hua­ni̠­tátit min­ta­la̠­ka­lhí̠n y chuná chú naca̠­ma̠­xo­ko̠­ni̠yá̠n.  
\v 10 Nata̠lán, huá caca̠­maca­sta̠­látit la̠ta lácu tati­la­tá­ma̠lh xalak­maká̠n pro­fetas acxni̠ xta­li̠­chu­hui̠­na­má̠­nalh xta­la­ca­pa̠s­tacni Dios, xlacán pa̠xu­hua̠na̠ tapá̠­ti̠lh hua̠ntu̠ ca̠ak­spú­lalh y xta­kalh­ka­lhi̠­má̠­nalh hua̠ntu̠ Dios xca̠­ma̠­lac­nu̠­nini̠t.  
\v 11 Aquinín luu lac­ta­li̠­pa̠hu cca̠­li̠­ma̠x­tu­yá̠hu hua̠nti̠ ya̠ tapa̠­xu­huá̠n tapa̠ti̠y la̠tachá túcuya̠ tapa̠tí̠n hua̠ntu̠ ca̠lak­chín nac xla­ta­ma̠tcán, xa̠huachí aya ca̠li̠­ta̠­kalh­chu­hui̠­nan­ca­ni̠­tátit la̠ta lácu tipa̠­ti̠ni̠t a̠má maká̠n ko̠lu­tzí̠n xuanicán Job, na̠ catzi̠­ya̠­tittá pi̠ aca­li̠stá̠n Dios laka­lhá­malh cumu xlá pa̠xu­hua̠na̠ pá̠ti̠lh xli̠­hua̠k hua̠ntu̠ akspú­lalh; huá li̠la­ka­lhá­malh porque Dios xli̠­ca̠na luu tla̠n xta­pu­huá̠n y ca̠la­ka­lhamán xli̠­hua̠k hua̠nti̠ tali̠­pa̠­huán. 
\p  
\v 12 Nata̠lán, acxni̠ para túcu li̠chu­hui̠­na­ná̠tit y lacas­qui­ná̠tit pi̠ cris­tianos xta­ca̠­náj­lalh hua̠ntu̠ chu­hui̠­nántit, ni̠ cali̠­quilh­pítit nali̠­ma̠­lu­lo­ká̠tit akapú̠n, ca̠quilh­ta­macú, osuchí para túcu la̠ta tu̠ anán, huata caj xma̠n cahuántit acxni̠ kalh­chu­hui̠­na­ná̠tit “Xli̠ca̠na”, para ca̠na, para ni̠ ca̠na pus “Ni̠ xli̠ca̠na”, chuná mili̠­kalh­chu­hui̠­natcán la̠qui̠ ni̠ti̠ naca̠­li̠­ma̠­pa̠­ti̠­ni̠­ca­ná̠tit caj xpa̠­la­cata hua̠ntu̠ tili̠­kalh­chu­hui̠­na­ni̠­tátit. 
\s1 Para tícu ta̠tatlay xli̠hua̠k xtaca̠najlatcán catakalhtahuakánilh Dios 
\p  
\v 13 Para tícu maklh­ca­tzi̠y tali̠­pu­huá̠n nac xla­táma̠t, mini̠niy pi̠ cakalh­ta­hua­ká­nilh Dios; y para tícu maklh­ca­tzi̠y tapa̠­xu­huá̠n nac xla­táma̠t, caquilh­tlí̠­nilh Quim­pu̠­chi­nacán.  
\v 14 Para cha̠tum cris­tiano ta̠tatlay, caca̠­ta­sá­nilh hua̠nti̠ tapux­cuni̠t nac pu̠si­culan hua̠nti̠ tali̠­pa̠­huán Dios la̠qui̠ xlacán nata­kalh­ta­hua­kaniy Dios y nac xta­cu­huiní Quim­pu̠­chi­nacán nata­li̠­qui­lhán, xlacán nata­li̠t­la­huay xata­si­cu­la­na̠t­la­huán aceite.  
\v 15 Y cumu xli̠­hua̠k xli̠t­li­hueke xta­ca̠­naj­latcán nata­kalh­ta­hua­kaniy Dios a̠má ta̠tatlá natat­la̠nti̠y porque huá Quim­pu̠­chi­nacán nama̠t­la̠nti̠y; y para huá xli̠­pa̠­ti̠ma caj xpa̠­la­cata xta­la̠­ka­lhí̠n hua̠ntu̠ xtit­la­huani̠t, xli̠­ca̠na pi̠ Dios hua̠k nama̠­tzan­ke̠­naniy.  
\v 16 Huá xpa̠­la­cata cca̠­li̠­hua­niyá̠n pi̠ anka­lhi̠ná cala̠­ka­lha­pa­la­nítit min­ta­la̠­ka­lhi̠ncán, na̠ anka­lhi̠na cala̠­li̠­kalh­ta­hua­kátit cha̠tum a̠cha̠tum nac xla­catí̠n Dios la̠qui̠ ma̠squi túcu xla­ni­yá̠tit natat­la̠n­ti̠­yá̠tit porque a̠má cris­tianos hua̠nti̠ tla̠n xta­pu­huá̠n y anka­lhi̠ná kalh­ta­hua­kaniy Dios xli̠­ca̠na pi̠ xora­ción kalhi̠y lanca li̠t­li­hueke y Dios kax­matniy hua̠ntu̠ squiniy.  
\v 17 Xa̠huachí caj cala­ca­pa̠s­táctit xamaká̠n quilh­ta­macú a̠má pro­feta Elías na̠ caj cati̠hua̠ chixcú xuani̠t cumu la̠ aquinín, pero acxni̠ xli̠­hua̠k xnacú tzú­culh kalh­ta­hua­kaniy Dios xla­cata pi̠ niaj camilh sií̠n xli̠­ca̠na pi̠ aktutu ca̠ta a̠íta̠t ni̠ milh sií̠n.  
\v 18 Acxni̠ kalh­ta­hua­ka­nipá Dios xla­cata pi̠ cama­ca­milhá sí̠n Dios kax­mát­nilh xora­ción y macá­milh sí̠n, la̠ta túcu chán­calh nac ca̠ti­yatni xli̠­ca̠na pi̠ la̠n laná̠­nalh. 
\p  
\v 19 Nata̠lán, para tícuya̠ cris­tiano aksti̠­tumá xli̠­pa̠­huán Quim­pu̠­chi­nacán pero xamaktum min quilh­ta­macú tla­huay tala̠­ka­lhí̠n y akxtek­makán hua̠ntu̠ aya xli̠­pa̠­huán, y para cha̠­tum­li̠túm cris­tiano hua̠nti̠ na̠ li̠pa̠­huán Cristo namak­ta̠yay xla­cata cali̠­pa̠­huampá Quim­pu̠­chi­nacán,  
\v 20 luu mili̠­ca­tzi̠tcán para tícuya̠ cris­tiano mak­ta̠yay cha̠­tum­li̠túm cris­tiano hua̠nti̠ xma̠­lak­tzan­ke̠ma xla­táma̠t xpa̠­la­cata xta­la̠­ka­lhí̠n, para ma̠aka­ta̠k­sni̠y pi̠ cali̠­pa̠­huampá Dios y calak­má­kalh xta­la̠­ka­lhí̠n xli̠­ca̠na pi̠ lak­ma̠x­tuniy xli̠s­tacni nac ca̠li̠ní̠n y Dios ma̠tzan­ke̠­naniy xli̠­hua̠k hua̠ntu̠ xtit­la­huani̠t xta­la̠­ka­lhí̠n.